Skip links

قصة : الوحش وذات القزحتين الجزء 2 ( عشق جبابرة) ج31

 43,357 عدد مشاهداات

■تتمة الجزء 340■
فارس : تييعنداك جييتي خايب بحال عرفتي بحاالاش جيتي بحال دوك المخيات المتحركة دلباراهيش …. (خلا واقف وزاد ركب )

خليل هاز حاجب ومنزل الآخر ) مدام جيت وااااعر اذن هاندا علاش ماشافتش فيا كيديما

(حك راسو وزاد ركب فسياتو ….وجبار حط ساندرا جنب سيارتو يالاه غايحل لها الباب حتى شاف زليخة غاتركب فسارتها بوحدها …منبعد حول نظرو لعصمان لي ركب مارال جنبو …خنزر وشاف فزليخة و عيط لها بصوت مرتفع ….)

جبار : زيليي…

(كلهم شافو فيه وجبار أشار لها بيدو تجي عندو..وهي شافت فعصمان لي كايشوف فيها ابتاسمات وتحركات بخطواتها المثيرة حتى وقفات جنب جبار وساندرا….)

(جبار مشابك أصابع يدو اليمنى مع ساندرا..مد يدو اليسرى شد يد زليخة باسها ونطق)

جبار : الأميرة ماكاتسوقش بوحدها وهي غاديا لحفل ركبي معايا…(وحل لها الباب الخلفي)

(زليخة موسعة ابتسامتها …شافت فعصمان لي كايشوف فيها وبسرعة استدار ركب سيارتو جنب مارال وخبط الباب بقوة …وزليخة تنهدات وركبات مع جبار…هاذ الأخير لي سد بعدها الباب وشاف فساندرا لقاها مخنزرة ..ابتاسم وقرب منها خشا راسو فعنقها ونطق بهمس ….

جبار : مال الحب؟

ساندرا مخنزرة ) مامالييش ..

جبار ضحك وباسها ففمها ) كنمووت فيك و بوووحدك ألمغيارة …

ساندرا خرجات فيه عينيها ) أناااا…

(جبار كايضحك بدموع …حل لها الباب ركبات وركب جنبها وكسيرة وعينيه غير عليها وكلما شاف نظراتها الغاضبة للمراية لي قدامها والمنعكسة عليها زليخة لي خلفهم….كايبتاسم … وهو كايسوق بسرعة ..وخلفو كل خوتو …و الوجهة محكمة المتحولين…..
🌿🌿🌿🌿
في محكمة المتحولين
…ووسط قاعة المحاكمة …لي هي أكبر قاعة فكل البناية …القاعة التي تحولت من محكمة لمكان خلالاب سقفه البنفسجي مضاء ومزين بعدت ثريات دهبية اللون نازلات من السقف محيطين بثرية وحدة كبييييييرة خلابة بنفسجية اللون…وأرض القاعة التي من الرخام الأسود الفاخر مزوق بالذهبي…وفالجوانب موزعين طاولات المدعووين أكتر من 200 طاولة ضايرين بالقاعة ولوسط خاوي ..كل عشيرة او دولة بطاولتها …

وأمام الطاولات جالس فكرسيو الذهبي مخنزر كعادتو وعينيه كايتنقلو على كل الحاضرين لي كووولهم وصلو فالوقت المحدد… من الرجال رؤساء عشائره واولادهم اي الرئيس المستقبلي لكل عشيرة …..ولي كلهم نفذو ماجاهم في الدعوة بحيث كلهم متأنقين بأطقم رسمية ونسائهم بديغوب سواري راقية ومجوهرات فاخرة كل سيدة عشيرة جات لابسة أحسن ما عندها وحاطة أغلى مجوهراتها كنوع من التفاخر والبدخ والاستعراض ….

جاسم فقط ساكت عينيه عليهم وكايسمع لوشاويشهم بحيث كلهم كايطرحو تساؤلات لي أغلبها كاتختم بسؤال واحد وهو ^ واش هذا اجتماع رسمي لتحديد مصير الساحرة ولا حفل مخملي عادي ^ …؟

وجنب كرسي جاسم أربع كراسي للعظماء الأربع…جنبو الأيمن جالس إيفان آل رومانيا(اب زليخة) لي هو الآخر مخننزر فيهم …وجنب إيفان جالس رئيس العشيرة الباكستانية آرجون آل ناميكخ (هو أخ أمير باين مالك ..أي آرجون هو عم مالك ….وأحد أبطال الجزء الأول) …وفي جانب جاسم الأيسر جالس رئيس العشيرة التركية بابتسامتو المعهودة جوكار آلتوركانوس أب عصمان…وجنب جوكار جالس هارون آل روجو الرئيس الحالي للعشيرة الهندية آل روجو ..وهارون هو عم أيار أم خليل ..// …وفي الجوانب دالكراسي الذهبية الخمس واقفين القائدين الحاليين دفرقة العدالة فيليكس أب اميرة ….وأمير أب مالك …..
وأمام الكراسي الخمس .. ديال جاسم رئيس كل العشائر وعظمائه الأربع …كاتتواجد طاولة طوييييلة جالسين عليها باقي أفراد العشيرة الحاكمة آل ستارك …شيماء لي هي الأخرى عينيها على سيدات باقي العشائر وكاتشوف فيهن بنظرة قوية كاتخليهم ينزلو عينيهم … و أيضا كل سيدات لستارك وديما زوجة جوكار …وجنبهن دياب اب فارس / وعدنان اب السموحات …وغسان أب خليل …..وباقي الكراسي الفارغة العلى الطاولة ..خاصة بالعرسان لي مزال ماوصلو …..🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء341🌞
مع موسيقى غربية هادية مطلووقة فالقاعة… وأطباق ومشروبات وحلويات فاخرة موزعة على كل طاولات الحضوور …مرت نصف ساعة على بداية هاذ الأجتماع أو الحفل !… وكلهم ساكتين كايتسناو جاسم يهضر ..وكايتسناو أيضا ولي عهدهم يبان واكتر شيء كايتسناوه كل المتحولين المدعوين هو ظهور ساندرا …..

مرت ربع ساعة أخرى بدون حدوث أي شيء..فا كسر هاذ الهدوء أحد الرؤساء لي ناض من كرسيو …رئيس دوحدة من أغنى وأقوى وأكبر العشائر …عشيرة ^شينهاي^ الصينية ..شاف فجاسم وحنى راسو احتراما له من بعد هزو ونطق بالانجليزية ….(كل الحوارات دكل الرؤساء وكل لستاركس بالانجليزية )

رئيس عشيرة شينهاي ): لورد جاسم آلستارك أولا بغيت نشكرك على هاذ الدعوة لي لا أنا ..لا باقي الرؤساء… كنا كانظنوها دعوة لإجتماع رسمي مستعجل ..ولي فيه غاتبرر لنا لورد خبر زواج ولي العهد أحم اللورد جبار بساحرة ! …حتى كلنا كانتفاجؤو بقاعة المحكمة تحولت هاذ التحول وبدل الإجتماع الرسمي ..نحن في حفل ؟؟؟؟؟؟

(جاسم فقط كايشوف فيه …حتى شاف باقي الرؤساء..لي كلهم بدون استثناء وقفو من مكانهم … كتأييد لكلام رئيس عشيرة شينهاي … وكلهم كايشوفو فجاسم ومنتظرين جواب ….جاسم ابتاسم ابتاسمة خلاتهم كلهم خرجو عينيهم حييت عارفين عليك نادراً فاش كايبتاسم…ونطق بصوتو الخشن)

جاسم : هاهوا وصل ويجاوبكم بنفسو …!

(الرؤساء وباقي الحضور كلهم سرطو ريقهم وضورو وجههم ناحية الباب ملي حسو بطاقتو الهائلة …طاقة أقوى متحول فالوجود لي غير حسو بها كلهم تسارعت دقات قلبهم طاقة تمانين قوة …فاكيفاش ملي يكمل المئة ….كلهم سكتووو مركزين فباب القاعة الكبير حتى حلوه متحولين من فرقة العدالة …ودخل أولا الصنديد فارس مخنزر بجسدو الضخم حيت مفعل قوتو دالجسد الفولاذي …وجنبو الهجينة الجميلة جمانة بفستانها السمائي اللامع لي مبتاسمة وهو شاد يدها وغير شافت جاسم من بعيد كايشوف فيها ضحكات برقة وأشارت ليه بعفوية وافتخار وهو ابتاسم لها بحب ….. وتقدمو دخلو في اتجاه طاولتهم..وفارس كايبان ضخخم البنية مقارنة بها او بأي شخص آخر من الحضور من غير المتحولين لي بنفس نوع قوتو …

وبعد فارس …دخل سليم مخنزر بعيونو الزرق الحادة وجنبه سميحة التي بفستانها الزهري اللامع جات فعلا كباربي مبتسمة وعيونها حتى هي على عدنان باها ..

ودخلو بعدهم وسيم الوسيم ضاااحك وهو شاد فيد سماح لي مخنزرة وبفستانها اللامع لكروونة الغامق لي عكس بياض بشرتها كاتبان مثيرة ما ابتاسمات حتى شافت فباها عاد ضحكات ليه …

دخلو بعدهم هاندا الجميلة ليكاتمشا بطريقة مثيرة مع فستانها القصير وخاشية يديها فدراع خليل لي نظراتو باردة وهو الآخر عيونو على كل الحضور ….

وبعدهم دخل عصمان حتى هو مخنزر وفجنبو بنت عم باه مارال شادة فدراعو …

وبعدهم دخلات أميرة الأميرة حتى هي موسعة ابتسامتها ..وخاشية يدها فدراع مالك ليهو الاخر مبتاسم …والحضور كلهم ساكتين كاشيوفو فشباب لستارك لي دخلو كلهم متتابعين وتبعوهم بعينيهم حتى جلسو فكراسيهم جنب باقي العائلة …عاد عاودو دورو راسهم للباب كايتسناوه يبانليهم …وطاقته دالمتحول لي كايحسو بها هي الطاقة الطاغية فالمكان …
🌿🌿🌿

أمام باب القاعة بماسفة .. وبعدما قال لكل خوتو يدخلو يسبقوه …بقا واقف وجنبو ساندرا لي كلها كاترجف وجنبهم زليخة…وهو مفعلق قوة الدرع باش تصد عليهم أي محاولة تنصت لمتحولي قوة التنصت المتواجدين في القاعة )

جبار : ساندراا ■تتمة الجزء 341■
جبار : ساندراا

(ساندرا كاتنفس بسرعة كأنها كاتخنق ومخخرجة عينيها وهو شاد يدها لي كايترعدو ونطق بحدة )

جبار : سااااندرا

زليخة خنزرات فيه ) بشوية يااه راه ماشي سهل عليها .. ماتنساش هي ساحرة والطاقة ديال أكتر من تلات مئة متحول ليكاتحس بيها دابا مرعبة… بالنسبة لها كساحرة كيما طاقتها كاتستافز المتحولين طاقتنا كاترعب السحرة حيت كانبقاو أعداء بالفطرة (شافت فساندرا) تهدني وتنفسي مزيان حيت نتي دابا كاتمري بنوبة هلع غير تنفسي مزيان وتهدني وغاتولي بيخير …

جبار خنزر فزليخة ) هاااذشي عارفوو (شاف فساندرا) تسناي هنا غانلغي هاذ الاجتماع ونرجع لك …

(ساندرا زيراتليه على يدو وحركات راسها بلا وهي مرعوبة من حجم طاقات عدد المتحولين لي كاتحس بيهم قراب منها …شافت فيه وسرطات ريقها )

ساندرا : ز زليخة عندها الصح ر راه ط طبيعي طاقة هاذ العدد من المتحولين تخليني م متوترة هكا و ولكني ماخايفاش ونتا معايا و أنا ماخايفاش….

جبار: ماخايفاش ؟(ساندرا حركاتليه راسها بلا وهو شاف فيدو لي غارسة فيها ظفرانها بيدها لي كاترجف..)

زليخة : ساندرا ماشي غاهوا لي معاك بل كووولنا كل لستاركس… والتوركانوس … والروجو …والناميكخ… والسيدريك…وآل اوزاويا ..واكتر من خمسين عشيرة عندهم علاقة قوية بعشيرتنا معاااك …ديري هاذشي فبالك…

((ساندرا حركاتليها راسها بواخا وهي كلها كاترجف وفمها بياض بسبب نوبة الهلع لي شداتها …. وجبار مزييير على يديه بزز كاتم غضبو وقلبو كايتعصر بسبب حالتها ..بسرعة شد وجهها بين يديه وحط فمو على فمها وهي تبلوكات …وزليخة قلبات عينيها وعطاتهم بالظهر …

زليخة : أغير علمنا اصاحبي ياه ..

(جبار كايبوسها بحنية حتى حسها مابقاتش كاترعدليه فيديه بل تهدنات وكاتتجاوب معاه ..عاد فصل القبلة ..وشاف فيها لقاها مزززنكة …)

جبار : أنا معاك

(ساندرا ابتاسمات ..وزليخة استدارت شافت فيهم وجبدات من حقيبها عكر مداتو لساندرا )

زليخة : عكري باش ندخلو

جبار خنزر فيها ) داك لعكر كوليه( وخشا يد ساندرا فدراعو وزاد ..)

زليخة : يااااك أجبارو واخاا اتسناو (جمعات عكرها وتبعاتهم كتجري حتى لحقات عليهم …ودخلو للقاعة وبقاو واقفين بتلاثة في الباب …..
كل المتحولين الحضور لي غير شافوها وقفو كلهم حالين فااامهم خصووصا ملي شافو فستانها الأبيض الملكي دالعروس لي مجرور موراها ..وملي حسو بطاقتها السحرية لي واخا ضعيفة ولكنها كاتبقا طاقة ساحرة مستفزة لأي متحول ….أما جبار مبتاسم ابتسامة مستفزة …وجنبو زليخة مخننزرة فيهم وخصلات القصة دشعرها كل شويا يتطايرو بشرارات كهربائية كتنبيه منها لأي شخصي قاليه دماغو يقرب …..

أما ساندرا لي كاضور عينيها عليهم وهي شادة فدراع جبار بيديها ومزييرة عليه وبالأخرى معنقة عندها كتابها..وللحظة تصمكو ليها لودنين مابقات كتسمع والو فقط مخرجة عينيها وهي كاتشوف فنظراتهم الغريبة لها حتى بدأ فمها كايترعد ..والصورة كاتضبب لها وهي كاتشوف فالوجوه الغريبة عليها حتى استقرو عيونها على وجه شيماء لي كاتشووف فيها …وابتاسمات ليها من بعد خنزرات …
وساندرا فهمات نظرات شيماء ليكايقولوليها تتشجع وتكون قوية …وهي تبتاسم فوجهها وباش تطرد خوفها وتوترها بقات كاتشوف غيير فشيماء بوحدها …

أما جبار فا بابتسامتو المستفزة تقدم وهو شاد فيد ساندرا وجنبهم زليخة …دازو من وسط صفين دالمتحولين لي حالين فامهم حتى وصلو لطاولة لستاركس…وزليخة جلسات مكانها جنب أمها …وجبار وساندرا بقاو واقفين أمام كل المتحولين ….وجبار كايشوووف فيهم ونطق بحدة ….

جبار :…Welcome …ladies and gentlemen .. please take ur seats we’ll start the ceremony
^^مرحبا بكم سيداتي سادتي …عافاكم جلسو فمقاعدكم باش نبداااو الحفلة ^^ (وابتاسم…..
المتحولين كلهم حولو نظرهم منو لجاسم لي حرك ليهم راسو يجلسو …وجلسو كل الحضور من غييير رؤساء العشائر ….

رئيس عشيرة شينهاي الصينية ) لورد جاسم اذن هاذاشي حقيقي واللورد جبار تزوج فعلا بالساحرة ..؟؟؟

رئيس عشيرة ^كانبرالو^ الأسترالية نطق بحدة ) إذن هذا ماشي اجتماع رسمي بل حفل زفاف لولي عهد عرش المتحولين ..وبالساحرة ؟؟؟

رئيس عشيرة ^آل براغلند ^ من دولة دومينيكا ) لوورد جاسم بغيينا تفسيير لهذا ؟

رئيس عشيرو ^آل أوتاويا ^الكندية ) لورد جاسم حنا مستحيل نتقبلو رئيسنا المستقبلي متزوج بأنثى من غير صنفنها (شاف فساندرا لي حانية راسها ) او نتقبلو أن الليدي الأولى المستقبلية عليينا تكون ساااحرة…

(وتعالات وشاويش فكل القاعة …وجاسم والعظماء الأربع فقط ساكتين …وجبار تحولت ابتسامته لتخنزيرة ودور راسو شاف فجاسم لي هو الآخر شاف فيه ….وجبار من عيون باه أخذ الموافقة ورجع شاف فالرؤساء ونطق….)
//كملاحظة : جاسم هو الرئيس ديال لستارك وديال كل هااذ العشاائر … مااااشي جبار…جبار هو فقط ولي عهد …ف صلاحياتو محدووودة مامنحقوش حتى يهضر بدون إذن جاسم ///

جبار شاف فرئيس العشيرة الصينية ونطق بنوع من الصراخ ) سيد ^لي جون سميث^ آه تزوووجت بهااا (شاف فرئيس العشيرة الأسترالية ) و سيد ^خوصي ديماريا^ … هذا فعلا ماشي مجرد اجتماع عادي بل هو حفل زفافي (وغوت وهز يدها أمامهم ) بساااندرا جبار آل ستارك..أميرة معاشر آل بيثروفا السبع للسحر الخير ..وفنفس الوقت هو حفل زواج كل من اللوردات سليم وسيم وفارس آل ستارك وخطبة للسيد مالك آل نامكيخ …(وشاف فرئيس العشيرة الكندية مخنننزر ) شكون عندو شي أسئلة أخرى ؟ 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء342🌞
الرؤساء شافو فبعض وحولو نظرهم لجاسم…ليمازالو ساكت …. وتعابيرهم غااضبة وتعالات تاني وشاويش فكل القاعة وصراخ بعض الرؤساء لي راافضين الوضع ….حتى سكتو كلهم ملي وقف إيفان وتقدم حتى وقف جنب جبار ونطق وعينيه على باقي الرؤساء ….

إيفان : قبل بِضع أشهر جات ساندرا لقصر لستارك …جات عندناااا طالبة للمساعة … جاات لاجأه ليينا كمتحولين ..وهي هاربة من بني صنفها …. من السحرة دآل جوفر لي كووولنا كنا مستنفرين هاذ الأشهر كانقلبو عليهم …..أكيد كلكم سمعتو بالنبوءة لي كاتقول أن جبار المئة قوة والساحرة المختارة هما معا فقط لي غايدمرو هاذ الكتاب (أشار للكتاب لي فيد ساندرا ) هااذ لكتاب ليهاز داخلة تعويذة وحدة اذا طاحت فيد كونتات آل جوفرلا غانمشيو فيها كاااملين أنا ونتا ونتي ونتوما والبشر ….كوولنا …أكيذ كلكم سمعتو بها …بتعويذة الخلود…؟؟؟

(المتحولين شافو فبعض …ونطق رئيس عشيرة ^ساتيا^اليابانية )

الرئيس : نبيل إيفان مادام الساحرة لجأت لنا أي هي فيدينا …ومادام تعويذة الخلوذ باش تتطبق تاتحتاج الكتاب والساحرة معًا ….فا بدل مايتزوجها اللورد جبار كان ممكن (شاف فساندرا ) نحيدو لها الكتااب و نتقتلوها ون…

(وسكت مخررج عينيه فجبار لي فعل قوة الجسد الفولاذي حتى تضخم كل جسدو بسررعة كبيرة وتقطعات عليه القاميجة والفيست أصبح عاري الصدر ..وطلق من ساندرا وبعدها بيديه حيت أصبح كل جسدو الفولادي كاتتطاير منو شرارات كهربائية قاتلة …أي أنه مفعل قوتان فوقت واحد شيء لي هو بوحدو هجين الاستنساخ كايقدر يديرو …دمج القوى… لي حتى جاسم ماكايقدرش يدمج وحتى سليم ووسيم ….كل الحضور سرطو ريقهم وهو عينيه على رئيس العشيرة اليابانية حتى نطق جاسم …

جاسم بحدة ) : جبااار

( جبار لي مزالو مخنننزر فالرئيس..و كاينهج بزز ضابط أعصابو ناضو كل خوتو وقفو خلفو هو وساندرا مخنزرين …وساندرا مرة تشوف فيه مرة فالرؤساء وبسرعة تدخلت ونطقات ….)

ساندرا : حتى ولو …(وسكتات فاش كلهم شافو فيها …لدرجة صفارت ويالاه غاتحني راسها حتى سمعات اسمها)

شيماء : ساندرا

(ساندرا شافت فيها )

(شيماء لي وقفات مبتاسمة وتمشات حتى لجنب جاسم وجلسات فكرسي إيفان الفارغ ودارت رجل على رجل ونطقات )

شيماء : كملي كلامك حيت أنا وبااقي السادة الكرام والليديز… بغينا نسمعوك (وشافت فالرؤساء لي حناو لها روسهم ) كملي يا ساندرا قلتي حتى ولو …؟؟؟

(ساندرا ابتاسمات وشافت فجبار لي بطل قوة الكهرباء وشابك أصابعو معاها ..وهي تنفسات بعمق وهزات راسها شافت فالحضور ونطقات…) ■تتمة الجزء 342■

ساندرا : حتى ولو أنا مت قبل ما ندمر كتاب التعاويذ …غاتجي بدالي مختارة أخرى بنبوءة أخرى و بشروط أخرى …واخا تتولد من بعد خمسين سنة او أكتر…حدو الكتاب ماتدمرش غايبقا الخطر قائم وأيضا حتى لو أنا مت و خبعتو الكتاب فمركز الأرض … راه أضعف ساحر بتعويذة صغيرة وحدة غايعرف مكانو وغايديرو كل مافجهدهم ياخدوه ويتخباااو في انتظار ولادة المختارة الأخرى …ومكاينش أبرع من السحرة في الاختفاء والتظليل وإخفاء الموقع والطاقة…. أي عمركم غاتلقاوهم …وهم كنقصد معشر آل جوفر عندهم هدف واحد فحياتهم وحياتهم ولادهم وولاد ولادهم … هدف كايتوارثوه جيل بعد جيل هاذي ألاف السنين …وهو تعويذة الخلوذ ..فا بالنسبة لهم عادي يتسناو ولادة مختارة أخرى حتى ألف سنة أخرى المهم هو الكتاب مايتدمرش ويكون فيديهم وتتطبق عليهم تعويذة الخلود باش يوليو الصنف الذي لا يموت هاذيك الساعة عاد غايبانو للعن …. .

(وسكتات ….ولحظة صمت …السيدات لونهم مخطوف …والرؤساء كايشوفو فبعض ….)

رئيس عشيرة ^ أسلواد^ من دولة سلوفينيا ..كايشوف فالكتاب بين يديها ونطق ) سمعت أن الكتاب غير قابل للمس ؟

(ساندرا شافت فيه..ويالاه غاتهضر حتى حيد ليها جبار الكتاب شدو بيد وحدة لثواني شعلات عافية قوية فيدو وبسرعة طيرات ليه ساندرا الكتاب وهو هز يدو لي ولات حمرااا أمام كل الرؤساء ونطق )

جبار : ونار الساحر قاتلة للمتحولين أي أنا بقوة النار ماعنديش مناعة ضدد نار الساحر …

ساندرا: الكتاب قوي بزاف جامع كل تعاويذ السحرة فالعالم أقوى وأضعف التعاويذ … وأخطرها تعويذة الخلود … فا من غيري حتى ساحر فالعالم مايقدر يقرأ لغته السحرية وهكذا ماغايقدر حتى ساحر آخر غيري يطبق أخطر تعويذتان فالكتاب تعويذة الخلوذ والتعويذة التانية ..وحتى شخص سواء ساحر او متحول أو هجين أو بشري مايقدر يقيصو …

جاسم نطق بحدة ) ليدي سااندرا

(كلهم شافو فيه)

جاسم : أنا ورؤساء عشائري بغينا نسمعو قصة التعويذة التانية….

(جبار ابتاسم …وساندرا حركات راسها لجاسم بواخا وشافت فباقي الرؤساء….)

ساندرا: هاذ الكتاب السحري عمرو ألف سنة تقريبا كان ديال وحدة من جداتي القداما وهي الساحرة المبتكرة للتعاويذ السحرية ..الساحرة لي كتبات هاذ لكتاب بتعاويذو وابتاكرات أقوى تعويذتان فالوجود التعويذة الأولى لي هي الخلوذ تعويذة كاتطبق فقط على السحرة …ولي باش تغطي على فضاعتها وتمنع تحققها ..هي ابتاكرات تعويذة تانية ولي باش طبقاتها كلفاتها روحها …وهي تعويذة تحويل بشري عادي لمتحول بقوة خارقة للطبيعة (المتحولين فالقاعة خرجوو عينيهم ) آه وهاذ الساحرة هي ألكساندرا آل بيثؤوفا الساحرة المذكورة عندكم فالكتب القديمة على انها مجرد خرافة او إشاعة ….

(تعالات وشوشات فكل القاعة ..من متعجب لغير مصدق لمصدوم…حتى غوت جوكار)

جوكار : هدوووء خليوها تكمل… ■تتمة ٢ للجزء 342■
جوكار : هدوووء خليوها تكمل…

(ساندرا …بدأت كاتعاودليهم القصة من الأول … القصة لي خافظاها عن ظهر قلب ولي كانت ميبهار كاتحكيليها كل ليلة …..عن قبل ألفي سنة اي القرن الأول بعد الميلاد مليكانو البشر والسحرة الخيرين متعايشين …
ومع مرور الوقت دازو سنين وسنين وبالضبط ألف سنة … بدأ السحرة فتطوير سحرهم.. مهاراتهم وكذى تعاويذهم حتى اكتشفو ما يسمى بالسحر الأسود…

ساندرا كاتعاود وهي كاتشوف فكل الرؤساء) وهاذ التطور فالسحر ..واكتشاف السحر الأسود كان بدأ قبل ألف سنة أي في القرن 11 بعد الميلاد بحيث فهاذ القرن السحرة طغاااو وطمعهم فالقوة والتحكم بدأ كايزيد فكل مرة ..اكتاشفو تعاويذ لي هي جد صعبة التطبيق و خطيرة وتضحية بحيوان ماغاتكونش كافية باش الساحر يكون قوي كفاية يطبقها ولي طبقها وهو ظعيف من السحرة مباشرة كايموت ..فا هاذشي علاش جربو وضحاو بروح انسان بشري ..وأول ساحر قتل إنسان وأهرق دمو كتضحية باش يطبق تعويذة لي هي عبارة عن تعويذة شفاء من وباء …. قوتو تضااعفاات ومن تما بداو السحرة كايضحيو بالبشر ..قرى قتل كل سكانها .. ومذابح جماعية للبشر .. فوقت لي كان الساحر رمز للهدوء والسلام والقوة والخير..و فوقت ليكان السحر مسخر لخدمة البشر ..ولا الساحر رمز للرعب للهلع والقتل وسفك الدماء ..وولا السحر نهاية للبشر لي لاو مجرد أدات أو أضاحي مسخرة لخدمة السحر الأسود … انتشرت الفوضى والدمار والرعب ..حاولو البشر يتخلصو من السحرة أي شخص على جبينه رمز ثنين….(وغمظات عينيها لثواني كاتمتم بكلمات التعويذة لي خافية الرمز لي على جبهتها..حتى حلاتهم وترسم الرمز دالتنين فجبهتها الشيء لي خلاهم كلهم حلو فامهم ) فهذاك الوقت أي شخص عندو هاذ الرمز …كايحاولو البشر يقتلوه ولكن ….السحرة أقوى بكثير وبشر عاديين ماقدروش عليهم ..ولكن والشيء الجيد فكل هذا أنه ماشي كل السحرة غرقو فبحر السحر الأسود بل كانو أفراد من السحرة رفظو يبيعو نفسهم للسحر الأسود سحرة عمرعم ضحاو بروح إنسان فظلو يبقاو ضعاف ويبعدو على أن يقتلو فالبشر والسحرة ليكانو متحدين واحد الوقت تفرقووو ..وهنا تشكلو مايسمى بمعاشر السحرة …أي مجموعات من السحرة ..وكل معشر او مجموعة ترأسها رئيس وابتعدو كليا عن المناطق لي بيها معشر السحر الأسود …حاولو يمنعوهم ولكن ماقدرووش حيت الساحر لي كايضحي بحيوان فسحرو ماشي بقوة ساحر مضحي ببنادم ..فا هربو ..وهكذا عاشو منعزلين وبعاذ ..وكل معاشر السحر الخير واخا كل معشر برئيسو إلا أنهم وقبل ألف سنة كانو كلهم تابعين لأقوى معشر ولأقوى ساحر لي كان اسمو #كلارك آل بيثروفا…معشر كلارك من السحرة معرووفين فالتاريخ بأنهم أقوى معشر سحرة للسحر الخير….وقوتهم كانت فأن معشر آل بيثروفا كان بعضهم سحرة مخترعيين كايكتبو التعاويذ وأقواهم هو كلارك حيت أقوى التعاويذ فهذاك الوقت من ابتكارو هو .. حيت ماشي أي ساحر ممكن يصايب تعويذة بل أغلب السحرة كاتكون قدرتهم فقط هي تنفيذ وتطبيق التعاويد المتداولة ماشي يصايبو ويختارعو تعاويذ جديدة … تعاويذ كلارك لي كان كايكتب أغلبها ماكانوش كايقدرو معشر آل بيثروفا يطبقوها حيت هي تعاويد كاتبغي تضحية كبيرة باش تنجح هي محتاجة لساحر عندو طاقة سحرية كبيرة و جد قوي ينفذها .. ولهذا سحرة السحر الأسود لي بسبب تضحيتهم بالبشر عنهم هاذ القوة .. فكل مرة كانو كايهجمو على معشر آل بيثروفا وكايسرقو التعاويذ لي كايكتب كلارك ..وبسهولة بتضحية بإنسان كايطبقوها لصالحهم ..وهاذشي علاش كلارك امتنع عن مزاولة السحر كليا ….كلارك تولدات عندو بنت وهي ألكساندرا …(كملات ليهم الحكاية دألكساندرا كساحرة مخترعة أو مبتكرة للسحر …لي كانت أقوى من باها وبدأت تكتب فالتعاويذ القوية والخطيرة فسن صغير ..وكانت كاتطبق تعاويذ قوية بلا ماتحتاج تضحيات …ونهار حصلها باها منعها عن مزاولة السحر …واخا دكشس بقات كاتزاولو بسرية وبقوتها صايبات الكتاب السحري لي ماكاتباش فيه فقط تعاويذها لي ابتاكرات بل جامعة فيه كل تعاااويذ السحرة دكل المعااشر ..حتى تعاويذ السحر الأسود..وحتى التعاويذ لي تنساات مع الوقت ..كتاب شامل وبه أخطر وأقوى التعاويذ لي ممكن تدمر العاالم…وكيفاش كلارك عاق بيها وحاول يحرق الكتاب وهي باذ تحميه ألقت عليه تعاويذ رداتو غير قابل للتدمير او اللمس…)

ساندرا : من بعد حاولو سحرة السحر الأسود بكل الطرق ياخدو لكتاب طامعين فتعاويذو وفطريق حماية بنتو كلارك مات وزوج ألكساندرا كذلك ..وبزاف دالسحرة من معشر آل بيثروفا كذلك … ألكساندرا عاشت الويلات و..ومعظم أفراد معشرها مااتو مقتولين منطرف سحرة السحر الأسود … وكولو فطريق حمايتها هي… وباش مايطيحش فأيادي معاشر السحر الأسود حيت لكتاب هي بووحدها ليتقدر تقيصو ولي تقدر تقرأ محتواه وبووحدها لي تقدر تنفذ التعاويذ لي فيه فبدونها الكتاب ماعندو قيمة …..ورغم كل هذا عمرها فكرات تتخلص منو أو تكبح جماح سحرها… بل بالعكس حقدها على معاشر السحر الأسود لي قتلو باها واحد من ولادها وراجلها وعدة أفراد من معشرها ولي غير كاايقتلو فبنادم كايضحيو بالبشر… حقدهااا عاد مزااد ومستحيل كانت تقدر عليهم بووحدها حيت عددهم كان كبيير بزااف مقارنة بسحرة السحر الخير… فا كرساات كل سحرها وكل سنين حيااتها باش تلقا الحل …🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء343🌞
(ساندرا سكتات شويا وكملات ) الحل لي هو #تعويذتان ..وأخطر تعوييذتااان عرفهم جنس السحرة ..تعويذتان لي نهار تكتبووو وبسبب خطورتهم وحجمهم نهار كتبااتهم ألكساندرا فكتابها حس بقوتهم كل ساحر وساحرة فالوجوود .. أقوى تعويذتين لي خلاو كل السحرة طمعوو فيهم ..ولكن للأسف ألكساندرااا باش تطبق هااذ التعويذتان خاسها شي تضحية عظييمة تقتل قرية كااملة من البشر أو تقتل سحرة او تقتل راسها وياالاه تكفيها باش تقدر تطبق تعويذة وحدة منهم .مقدرااااتش تطبقهم وعرفاات أن سحرة السحر الأسود مستحيييل يفلتو الكتاب وهو يتضمن هاذ التعويذتان …والآن وقبل أي وقت غايديرو المستحييل يحصلو على التعويذتان وخصوصا تعوذة الخلود …فا ألكساندرا .. هربات بالكتاب هربات لأيام وسنين وهي مستعينة بسحرها وخافية موقعها حتى لليوم لي انتشر فيه مرض الطاعوون لي قتل آلاف النااااس ..ألكساندرا كانت فكوخ خشبي حتى تدق عليها الباب وملي حلات لقات عائلة صغيرة متكونة من رجلين وامرأة وبنت شابة.. بشريين ..وفنفس الوقت عرفات السحرة دالسحر الأسود جايين ليها هي ولكتاب وشحاال قدها تهرب منهم …شافت فالرجلين والمرأة والبنت حل أو ربما خلاص وقررات تجرب وحدة من التعويذتان ديالها …وهنا هي ضحات بروحها باش تحول بشر لمتحولين
وفلحظات احتضارها نبهاتهم من ضرورة المحافظة على نسلهم كمتحولين وعدم الإختلاط أو التزاوج مع البشر …حيت #لكل #تعويذة #ساحر #ثغرة … والثغرة هنا هي أن دم الهجييين المولود من أبوين واحد بشري وآخر متحول .. إيلا دخل لجسد متحول كامل كايرجع المتحول مجرد بشري عادي أي كايبطل التعوييذة دم الهجين يحول المتحول لبشري ..وايضا (شافت فيهم ) دم المتحول إيلا اختارق جسد هجين كايرجع الهجين بشري عاادي

(أغلب الحضور شهقو حيت المتحولين كانو عارفين أن دم الهجين خطير على المتحولين كايخسرهم قواهم ..وهاذشي علاش كان الحاكم السابق لعرش المتحولين ^نيكولاي آل رومانوف ^ كايقتل كل هجين ظهر ..حتى فضحو جاسم //الجزء الاول//…ولكن حتى واحد من المتحولين مكان عارف أن الهجين أيضا يقدر يخسر قوتو إيلا دخل لجسمو دم متحول كامل….تعالات وشوشات فالقاعة…)

جاسم : هدووووء

(كلهم سكتو وساندرا كملات كلامها)

ساندرا: .. ألكساندرا في آخر لحظااتها في الحياة لوات الكتاب فثوب خاص محصن بتعويذة باش يقدر غيرها يهزو …عطاتو للزوج المتحول وطلبت منو يحمي الكتاب بروحو ويعطيه لمعشر آل بيثروفا لولادها ليخلات موراها..ويطلب منهم يحافظو عليه جيل بعد جيل حتى تتولد المختارة حامية الكتاب… وطلبات منهم يتعاونو مع سحرة سحر الخير يكونو يد وحدة يقضيو على كل سحرة السحر الأسود كلهم ومايطيحش لكتاب فيديهم …وهنا غاتنتاهي قصة ألكساندرا..التي ماتت وسط أول عائلة متحولين فتاريخ البشرية….وبعدها عاد بانت النبوءة ديال المختارة لي غااتولد بعد عقم عشرين سنة وغااتولد فنفس نهار والساعة والثانية دولادة الهجينة أخت الجبار…(شافت فجبار ) والمختارة وجبار غايدمرو الكتاب معا (هزات الكتاب قدامهم ) الكتاب غير مؤخرا وبعد زواجي بجبار بين ليا تعويذة الخلود اش كاتحتاج باش تتطبق (سرطات ريقها ) ..أي باش التعويذة تبان كان زواجي بجبار شرط ….ولكنه للأسف مزال مابين ليا كيفاش غا يتدمر …

(كل الرؤساء ساكتين كايشوفو فيها … حتى تقدم أحد رؤساء أقوى العشائر رئيس عشيرة آل فاتيكانا ^ من دولة الفاتيكان ..وقف امام جاسم وتحنى على ركبته….)

رئيس عشيرة الفاتيكان كايهضر وهو حاني راسو ) لورد جاسم شخصيا فهمت أنه الحل هنا ماشي فقتل المختارة أو إخفاء الكتاب عن السحرة …الحل هو فأننا نعاونوها تدمر الكتاب كليا وإلا خطرو غايبقا قائم …ولكن لورد نحن المعاشر ولائنا خالص لبعض لصنفنا وحمايتنا للبشر من أولوياتنا (هز راسو شاف فجاسم ) فا كيفاش غاتحكمنا ساحرة ! أشنو كان الداعي من زواج ولي العهد بها ؟ ممكن نعاونوها بدون هاذ الزواج …واي شيء امرتو بيه لورد غايتنفذ … وولي عهدنا ياخد متحولة من صنفنا او هجينة …ولكن ماشي ساحرة؟■تتمة الجزء 343■

جبار شاف فيه وغوت) زوااااجي بيييها ماااشي بااش نعاونها تدمر الكتاااب أو باااش نخليها معانا هي والكتاااب (شاف فيهم وابتاسم ) ببساااطة تزوجت بها حيت باغيها ساحرة…(هز يديه بجوج أمامهم ) فااااا هذا هو ولي عهد عرشكم يااا متحولييين بغيتو مرحبااااا مابغيتووش تاهيااا مرحبااااا

(تعالات وشوشات غاضبة فكل القاعة تاني …)

إيفان خنزر فجبار ونغزو ونطق بهمس) واسكت ونتا كاتزيد تشعلهم …

جبار : تت ألخال مزال ماشعلو الشعلة لي بغيت…(وسكت كايسمع لوشوشاتهم الغاضبة )

نطق رئيس عشيرة دولة زامبيا ) لورد جاسم حنا قابلين نعاونو المختارة في تدميرها لهذاك الكتاب لي كايهدد حياتنا واستقرار العالم ولكن مستحيل نتقبلو أنها تكون الليدي علينا

نطق جوكار ) سيد ^مارك^ هضر على نفسك فقط بالنسبالي ولعشيرتي آل توركانوس مرحبين بالليدي ساندرا وقابلين أنها الليدي المستقبلية للمتحولين

هارون/أحد العظماء الأربع/ : أنا وعشيرتي الهندية آل روجو كذلك

نطق ماريو /عقلتو عليه / ابن خال فارس ورئيس عشيرة آل سيدريك الأمريكية) أنا ولائي للورد جاسم خاالص (شاف فجبار وابتاسم) وولائي لصديقي وولي عهد عرش المتحولين جبار أخلص وأنا معاك وتايق فيك وفحكمتك واختياراتك لورد جبار …(وحناليه راسو )

(وسيم ميق فيه..وجبار ابتاسم ليه )

رئيس عشيرة دولة النمسا ) أنا كنطالب بتغيير الولاية من اللورد جبار للورد سليم…

(وتعالات وشوشات فالقاعة ما بين رافضين لساندرا ولجبار… لمؤيدين لهم.. للي بغا سليم فالحكم …حتى سكت كولشي ملي شافو سبعين متحول من بينهم مارال تحركووو حتى وقفو أمام جبار العاري الصدر ..ولي جنبو ساندرا ….السبعين متحول وقفو فتلاث صفوف منظمة تنضيم عسكري متقون وتحناو على ركبهم أمام جبار وساندرا ..ونطق الشخص الضخم لي فالصف الأول ولي محني على ركبته مباشرة أمام جبار …)

آدم : لورد جبار أنا آدم آل دونجوا …ولي عهد عشيرة دولة سينغافورة وأحد قياد كتائب فرقة العدالة …..أنا وكل أعضاء فرقة العدالة ولائنا لك خالص لورد وثقتنا بيك كبيرة …وأنا وكل أعضاء فرقة العدالة موافقين على الليدي ساندرا ….

(سكت فالوقت لي تقدمو كل الرؤساء الموافقين على ساندرا حتى هم تحناو أمام جبار …فحين بقاو واقفين الرؤساء الآخرين لي ضدد أن ولي عهدهم يتزوج بساحرة …ولسوء الحظ كانو أكتر من لي محنيين أي أكتر من نصف الرؤساء واخا موافقين يعاونوها تدمر الكتاب لي إيلا بقا غايدمرهم كاملين…ولكنهم مع ذلك رافضين أن الليدي عليهم تكون ساااحرة ..

اترك تعليقا