Skip links

قصة : الوحش وذات القزحتين الجزء 2 ( عشق جبابرة) ج 21

 38,005 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 244🍫

 

سماح كاتشووف فيهم مخنزرة وغوتات ) إوااااا سركككم دكشي ليتايديرو فيكم رااه تستاااهلووه نييت لاهيلا ومن بعد اجيو تشكاو لمجمعتكم نتووما نيت فالبيت ودوشت ليكم بالقرطاس

 

زليخة لي مجبدة وسطهم مغمظة عينيها نطقات ببرود )سليم يا سميحة حدو دارك فبالو والله ماتحلمي يخليك واخا يقتلك ويقتل راسو ماغايخليكش ومن الأحسن ليك تولفي على غيرتو المرضية حيت ماعندكش حل آخر فا بلا ماتهضري مع عمو عدنان أو تفكري تلغي الخطبة غاتجبدي على راسك غير صداع وغاتحلي على نفسك أبواب جهنم مع سليم …حيت هو آه كايبغيك لكن لارفضتيه غايبغيك بزز منك وبطريقة ماشي غير غاتخنقك غاتدفنك فالحياة حيت غايبقا دااائما يفكر أنك مكاتبغييهش فا غايبقا يبزز علييك كل شيء … فا بلاصت ماتقصحي راسك معاه كسبيه راه حنين بزاف بحال عمو جاسم ولكن خاسك تعرفيليه وتخليه ميت فييك ديك الساع غايعيشك كالأميرة …(شافت فأميرة ) ونتي يا برانسيس مالِك ماشي من نوع الرجال لي غايفرض نفسو على امرأة هو عكس سليم كليا نهار عرف أنك ما اختاريتيهش هو …و واخا هاذشي بسبب تمثيلية خليل …هو تقبل الهزيمة وانساحب حتى على حساب قلبو ونفسو وروحو.. ومدامو دابا عرف انه غير تضحك عليه غايحاول يتقرب منك تاني وتالث ورابع وعاشر …ولكن إيلا نتي أصريتي في رفضه…فا بلا ماتعولي أنه يبزز نفسو عليك ..ببساطة غاينساحب أي غاتخسريه نهااائيا غاتخسري رجل نبيل مستحيل فحياتك تلقاي بحالو (شافت فسماح ) ونتي راه للصبر حدود ووسيم غايجي نهار لي هو غايمل… وبسبب قصوحية راسك وهاذ كبريائك المتعالي غاتخسريه نهائيا بحاالي تمااما يا سماح فا ديري عقلك وماتوقعيش فنفس غلطي حيت (عينيها دمعو ) تيقني الدقة لي غاتاخدي ملي غاتخسريه قااصحة بزاف وكانظمن ليك أنك بشخصيتك ماغاتقدريش تتحملي (شافت فهاندا ) باختصار غانقوليك خليل ماشي شخص مامزيانش لكنو مكايبغيكش يا هاندا هو شخص دمو بااااااااارد وغير مباالي بمرررة ماااامسوقش ….فا إذا كان عندك هاانية تكوني مع شخص مكايبغيكش فا تحملي مسؤولية اختيارك ومن بعد يوقع لي وقع كاتبقاي نتي لي اختاريتي هاذشي فا صبري … (شافت فجمانة ) فارس بالضبط آه مكايغوتش عليك وآه هااازليك فوق الخاطر ودايرك كالتاج فوق راسو… ولكني غانصحك بشيء واحد يا جمانة عمرك تفكري تكدبي عليه حيت ديك الساعة غاتشوفي فارس آخر بربي تاغايصدمك حيت كايتقلب 360 درجة فاش كايكعا …فا واخا ديري لييي درتيه قوليهالو بصراحة وفوجهو وإلا غاتندمي طول حياتك (شافت فساندرا وابتاسمات باستهزاء ) ونتي بالضضضضبط غاتشدي كل هاذ الهضرة وتضربيها فعشرة غاتعطيك جبار (ورجعات تكات مغمظة عينيها … خلات لبنات كلهن مخرجااات عينيهم وصفرات ولحظت صممممت كلهن كايضورو هضرتها فراسهم… )

 

هاندا لي حانية راسها بحزن وعينيها عامرين دموع …سرطلت ريقها وشافت فساندرا ) أحم ساندرا ماعاودتيش لينا عليك !

 

(ساندرا لي حالة فمها فزليخة وكلامها كايتعاود فبالها عدت مرات …) أ آه

 

جمانة : ب بصح عاوديليا عليك هواياتك لونك المفظل أكلتك المفظلة….

 

سميحة : آه حنا عاودناليك كل شيء

 

سماح : فا عاوديلينا باش نعرفوك اكتر

 

أميرة : وقوليلي عناوين كل الكتب لي قريتي

 

هاندا : والبلدان لي زرتي

 

جمانة : واشنو وقع بينك وبين جبار فالجزيرة ؟

 

(ساندرا ابتاسمات وبدأت تحكي لهن كل شيء عنها ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 245🍫

 

🍀🍀🍀🍀

في غابة كثيفة في ضواحي المدينة …خليل ومالك كايجريو بسرعة وفي اتجاه واحد وجنبهم عشر متحولين …حتى وقفو كايلهثو …

 

مالك كولو عرقان شاف فالمتحولين وغوت ) سيرو نتوما من هاذ الجهة ونتوما من الجهة الأخرى…(المتحولين نفذو ومشاو كايجريو)

 

خليل : مابقيتش حاس بطاقتهم السحرية نهائيا ولاد لحرام عرفو يهربو عندهم تكنيك قتالي محترف

 

مالك غوت ) فااااك مايمكنش يهربووو خاسنا نشدوهم بجوج أو عالأقل واحد منهم (شاف فخليل) تبعنييي (ومشا كايجري..حتى وقف حيت حس بلي كايجري بوحدو …استدار بان ليه خليل لي بقا واقف مكانو كايشوف حواليه )

 

مالك تمشا تاوقف جنبو ) واا لعمالة واقلت ليك تبعني لاش واقف كاتضيع فالوقت

 

خليل نطق ببرود ) أولا انتابه لنبرة صوتك ثانيا أنا مكاناخدش الأوامر منك …

 

مالك حرك راسو بواخا ) خلينا نيت ناخدو استراحة ساعاتان وحنا كانجريو وكنقلبو فهاذ الغابة وأجي نيت نهضرو فموضوعنا

 

خليل : سكت خليني نركز فاستشعار الطاقة … شحال فيك دالهضرة

 

(مالك طار شنق عليه شدو من كول لفيست كايدي فيه ويجيب ) أشنوووو واااقع علالاش أمييرة صرفقاااتني وقالت هكااك كييفاش خدعتيني هضرررر…

 

خليل : واا لفيسط أصاحبي غالية …

 

مالك مفقووص من برودو ) وااا هضر …

 

خليل نطق ببرود ) آه خدعتك حييت نتااا كااانبوو أنا وأميرة مامخطوبيينش انا وهمتك بهذا باش تبعد منها حيت من لخر هي ديااالي ولكني اضطريت نقول هاذشي دابا حيت غاندير خطوة لي…(وسكت بسبب لكمة قوية عطاهاليه مالك حتى جا خليل منشور فالأرض شاد فكو لي كلاها)

 

 

خليل دفل الدم ونطق ببرود ) قاليك سليم فوتلي لوجه ألق… وضرب راه وجهي مهم

 

(مالك تحنا لعندو ويالاه غايعطيه بونية أخرى حتى تفاداها خليل ودفعو جا هو فوقو ونزل عليه بلكمة قوية)

 

خليل : ماااشي ذنبي لاكنتي نتااا غبي

 

مالك دفعو وجا هو فوقو ونزل عليه ببونية للعين ) بررربي لابقاات فييييك (زادو بونية للعين الأخرى ) أميييرة طوول هاذ الوقت وأنا كانتجاااهل مكالماتها بسبااابك جرحتهااا بزاااف وماوفيييتش بوعدي ورجعت عندهاااا نتااا رااك مامستوعبش أشنوو درتيييي

 

خليل شاد عينيه كايتلوا ) أححح عيني أزامل وجهي …

 

(مالك يالاه غايزل عليه تاني للوجه حتى بسرعة جمدو خليل و بقا مالك مكوفر كالصنم ..وخليل دفعو تاحيدو من فوقو وتكعد بسرعة جبد تيليفونو خدم كاميرة السيلفي كايشوف فوجهو ونطق ببرود)

 

خليل : ههخ على بونيات عندك خخه كتبوني بحال لبنات كاعما غايزراقو ليا ماشي بحال جبار داك نهار زراقت فلبلاصة (ووقف نقر حوايجو وتحنى قفازي أمام مالك لي كايحرك غير عينيه ونطق ) غانفك ليك التجميد وغاتزيد قدامي بسكات حركة وحدة ماهياش غانعاود نجمد والديك ونزيد مع الطريق ونخليك فهمتي …إيلا كنتي موافق سد عينيك وحلها !

 

مالك فلبلاصة سد عينيه وحلهم ..وخليل مد يدو حطها على كتف مالك فكليه تجميدو …وبسرعة طار عليه مالك شد ليه راسو بين يديه وركز ليه فعينيه وفعل قوتو التنويم الميغناطيسي ونطق )

 

مالك : ممنوع تستعمل قوتك حتى نأمرك بالعكس وغاتنووض تخليني نسلخك بحال الرجال وبدون اتسعمال قوى

 

(خليل مبنننج حركليه راسو بواخا وهو مخدر ومنوم ميغناطيسيا … و مالك لي وقف وحتى خليل وقف وبداو بونية منك بونية مني كايطيح واحد ويهز لاخر يعطيه فالبونيات …ولاو كلهم تراب ودم وسخفو …)

 

مالك شادو من شعرو وجمع معاه بتصرفيقة حتى دفل الدم ) من اليوم نعااود نشووفك قرييب منها غاندبحك يااا خليل ..ومستحييل نتيق فيك مرة أخرى ونخليك تفلى علياااا….

 

خليل شد حنكو ونطق ببرود ) وجهي ألق… وجهي لي كايحماقو عليه لبناات شرشمتيه لياااا لاماندمتكش عليه اليوم متسمينيش(وعطاه بونة لكرشو حتى تحنى مالك كايكحب ..ويالاه هز راسو طار عليه شدو بقجة …حتى حبسو وسكتو بجوج مخرجين عينيهم )

 

مالك لي قاج نطق بهمس ) حسيتي

 

خليل لي مقجوج ومخرج عينيه نطق بزز ) حسييت 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 246🍫

(مالك طلقو واستدار بقاو كايشووفو بجوج أمامهم فالأشجار ..ثواني حتى خرج شخص كولو عرقان وصفر بالخلعة ..وكايلهث ..وغير لقاهم قدامو سرط ريقو ورجع باللور )

 

مالك ابتاسم بشر وهو كايمسح الدم من جنب فمو ) وجييتي برجليك ياا ساحر..

 

خليل كايمسح الدم فنيفو ) وااا فك ليا التنويم ازبل باش نقدر نستعمل قوتي…

 

مالك : آه نسيتك (وفرقع أصابعو فوجه خليل لي تفك ليه التنويم الميغناطيسي وبقا كايرمش عينيه ماعاقل على والو )

 

خليل : أشنو درتي ليا نومتيني؟؟ ويااك واافقتي على أني نفك التجمييد وتخلينا هانيين وتزيد بسكااات

 

مالك : ومنك تعلمت لقواالب ودابا خلي نكملو من الساحر ونهضو…

 

خليل معصب ويالاه غايهضر حتى دفعو مالك بسرعة تجنبا لهجوم قوي من الساحر بالنار …وبسرعة ناض مالك كايجري فاتجاه الساحر وجه ليه ضربة قوة برجلو حتى تدفع الساحر بقوة وعاود ألقى على مالك تعويذة النار وانطلقت من يديه نار قوية كانت غاتضرب مالك لولا تدخل خليل لي هز صخرة دائرية بحجم كف يدو …ولاحها بالجهد على يدي الساحر …..خليل ضرب للساحر يديه حتى تحول مسار النار وضربات فالشجرة لي جنب مالك ..و بسرعة جاء قدام الساحر وحط يديه بجوج على كتافو ..والساحر جمد مكانو …

 

مالك مخرج عينيه فالشجرة المشتعلة جنبو ) عتقتيني !

 

خليل كايشووف فالساحر ) رديت ليك غير ديني نتا عتقتيني فالمرة الأولى

 

مالك خنزر فيه ) ولكن راه مانسيييتش لييك التلاعب لي تلاعبتييه بياااا وبسببك أمييرة هدداتني مانقربش منها…

 

خليل نطق ببرود ) :إوا ماتقربش منها (واستدار شاف فيه ) حتى نسالي بلاني مع هاندا وغانخطبها…

 

(مالك ضحك بالفقصة …وطار عليه قاجو وحتى خليل قجو وطاحو بجوج على الأرض كايتمرمدو فالتراب ….بقاو كايدابزو فالأرض لنصف ساعة …والساحر المجمد بقوة خليل جنبهم مشل عن الحركة كايحرك غير عينيه وهو كايتفرج فيهم ….حتى بدأ هاتف مالك كايصوني )

 

مالك لي شادو خليل بقجة ) طلق طلق نجاوب

 

خليل : شكون كايصوني

 

مالك جبد الهاتف وخرج عينو ) أععع جبار طلق طلق

 

خليل طلقو وطاح فاشل جنبو ممرحين فالأرض كايتفرجو فالسماء …ومالك شد الخط )

 

مالك : ألو

 

جبار : آش درتو ؟؟

 

مالك بزز كايهضر سخفان) : كون هاني شدينا واحد

 

جبار : مزيان وعلاش تعطلتو ؟ومالك كاتلهث !!

 

مالك شاف فخليل) والو هاحنا غانجيو

 

جبار : دوزو لمحكمة المتحولين جيبو سجلات العشائر المئة والأربعة …وربع ساعة تكونو عندي فالشركة (وقطع)

 

مالك تكعد ورسل رسائل لمتحولي فرقة العدالة ) : نوض نوض خاس نمشيو لمحكمة المتحولين وبعدها للشركة …

 

خليل : خليل آل ستارك المودل الشهير يمشي لشركة فخمة كشركة فلايستارك بهاذ الحالة (شاف فيه ) حلم

 

مالك وقف كاينقر حوايجو ) دبر لمخك مع جبار أنا غادي …

 

(خليل يالاه تكعد جالس حتى شاف الساحر كايتحرك …خرج عينيه ووقف بسرعة)

 

خليل : مالك

 

(مالك شاف فيه وشاف فاشنو كايشوف بانليهم الساحر …بانليهم الساحر تحرك مخننزر فيهم ويتمتم بكلمات تعويذة)

 

خليل : فاااك كيفاش حتى قدر يفك تجميدي هاذشي راه مستحيل

 

مالك مخنزر فالساحر ) ماتنسااش هو ساحر ماشي متحول وحنا مزال مكنعرفوش عليهم بزااف

 

الساحر حرك يديه بسرعة فاتجاه صخوور كبييرة الحجم تقلعات من مكانها ويالاه غايوجهها لخليل ومالك …حتى…🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 247🍫

الساحر حرك يديه بسرعة فاتجاه صخوور كبييرة الحجم تقلعات من مكانها ويالاه غايوجهها لخليل ومالك …حتى تهز جسدو الذي صعق بقوووة بصعقة كهربااائية قوية ..وهو كااايغوت وكل جسدو كايتضرب بالضوء ….ثواني حتى حبس الهجوم الكهربائي و طاح مغيب ..وبانت واقفة خلفو مادة يديها لي كايتطايرو بشرارات كهربائية وهي كاتنهج )

 

خليل : مرال !

 

مرال تنفسات بعمق وتحركات حتى وقفات جنبهم ) الساحر الآخر هرب مقدرناش نشدوه عالأقل شدينا هذا

 

مالك لي تحنا عندو قلب نبضو وتكعد شاف فيها مخنزر ) حاالتو خطيرة نبضو ضعيف هجومك كان قوي يا مراال

 

مارال خرجات عينيها فالساحر) : كانعتاذر راه غير هجمت بسرعة ملي شفتو هاجم عليكم …

 

(وقفو جنبهم عدت أعضاء من فرقة العدالة )

 

مالك : بسرعة ديوه ياخد الاسعافات وماتنساوش سدوليه فمو وعينيه

 

(المتحولين هزوه ومارال شافت فخليل ومالك وخصوصا خليل لي وجهو واكل الدق )

 

مارال :احم غانتسناكم فالديبو لي فيه الساحر دريكور

 

مالك : علاش !

 

مارال : ماعرفتش عصمان سيفطلي رسالة قالي نتسناه تما حتى يجي معاكم !!

 

//مرال 23 سنة متحولة من عشيرة آل توركانوس هي بنت عم أب عصمان وهاندا وقوتها الكهرباء كزليخة//

 

مالك : أوك

 

خليل قرب منها ) شوفي أحم مارال واش وجهي كايبان خاسر بزاف

 

مرال ابتلسمات ونطقات بحماس ) واخا هكاك جمالك وااضح نتا زوين بزااف أوسم شخص شفتو و … (جمعات الضحكة مخرجة عينيها وحطات يديها على فمها ) كنعتادر لورد….

 

خليل مبتااسم بفرح ) خوودي راحتك عارف راسي زوين

 

مالك كايضور عينيه بملل ) أمنين جاه الزيين واش عواريتي شوفي وجهو رديتوليه كي شفنجة (شاف فخليل ) قولي نتا أشمن سحر كاتلوحو على لبنات حتى كايتعماو بيك

 

خليل : ماشي سحر وإنما جمال رباني تولدت بهاذ الجمال الخلاب خاسك ترجع لكرش مك والسيدة سلمى (أم مالك ) تتوحم عليا وتبقا تشوف فيا طول اليوم لمدة تسع شهور وتعاود تولدك وشوف تشوف واش تخرجك بحالي …

 

مالك : أسيدي ماباغيش نكون بحالك غير بعد مني أنا وأميرة (مسح على وجهو وتحرك يخرج من الغابة في اتحاه سيارتو )

 

خليل : حلم لاخليتها ليك (تنهد وشاف فمارال لقاها سااهية فيه ) تبغي توقيعي !

 

مارال ضحكات وحركاتلو راسها بآه ) وسيلفي معاك …

 

خليل : السيلفي لا تايبرا وجهي ودابا سيري للديبو تانلحقو عليك وتما نعطيك توقيعي انا خاسني نمشي لمحكمة المتحولين عمك جوكار كايتسناني من أجل موضوع مهم ….يالاه باي (وتحرك تابع مالك …)

 

🍀🍀🍀🍀

نرجعو للقصر عند البنات لي بقاو طوول الصباح كايهضرو وويضحكو بيناتهم وزوزو ناعسة وسطهم مكتهضر او تتدخل فالنقاش حتى كايجبدو ليها لبنات واحد من عشرانها بالخايب… كاتكعد راسها تدافع عليه وترجع تنعس ..عاودو لساندرا كل شيء عليهن ..وهي كذلك ارتاااحت لهن .. هضراتليهم على راسها بزاف وكاتهضر معاهم بدون خجل وبعفوية وعجباتها شخصية كل وحدة منهم المتميزة ..ولكنها غير كاتشوف فزليخة كاتخنزر …أما هن كايهضرو معاها وكايتعاملو معاها كأنهم أخوات …بقاو مجمعات حتى وقفو عليهن الخادمات بأمر من جبار جارين طاولة الأكل بها غذاء ساندرا …وهزو لبنات الصحون حطوهم على الأرض لوسط وجلسو يتغداو مجموعات حتى زليخة تكعدات كلات معهن ورجعات نعسات …وبعد الغداء آمرو الخدمات جابو لهن كيك وشاي وسقاطة ..وجلسو تاني كايتعاودو لعشية كلها ….🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 248🍫

🍀🍀🍀🍀

 

فسونطر كازا وبالضبط في وحدة من غرف الاجتماعات في الشركة JAFLYSTARCK …جالسين بخمسة على الكراسي جنب بعض …وسيم تكسل ونطق بملل)

 

وسيم : بففف بازليكم أنا عاد جيت وحضرت معاكم غير لاجتماعين وعييت ونتوما لي من صباح اجتماع مور اجتماع

 

جبار عينيه على حاسوبو وكايحرك أصابعو بخفة على لكلافيي ونطق)

 

جبار : عصمان فارس سليم… المشروعين كبار بزاف غانركز على واحد انا وعصمان ..والتاني غانخليه عليك يا سليم أنت وفارس

 

سليم : كون هاني غانكملو أنا وفارس فأسبوع..

 

جبار : فارس ماتنساش لوراق راه سنيتهم ديهم لقسم المحاسبة ووقف عليهم

 

فارس : علم

 

جبار : عصمان الشركاء الألمان لي تبناو اختراعي الأخير طلبو مجموعة محركات أخرى فوقت قصير۔۔۔ وبانتلي الخدمة معطلة رغم أنني تأكدت أن كل الآلات خدامة مزيان والمواد متوفرة فا دوز للمصنع أكد على مديرو والعمال يطلقو راسهم ولي مابغاش يخدم يقود عليا راه لامشيت ليهم أنا غانجري على لحزاق كامل …

 

عصمان : غدا صباحا نصبح عليهم على غفلة نشوف اش كايصنعو …

 

سليم : خليل ومالك تعطلوو ..!!

 

((جبار يالاه غايهضر حتى تحل عليهم الباب دالغرفة …ودخلو متتابعين …وبلا هضرة بلا جوج جلسو قدامهم …وفارس وسليم ووسيم وعصمان مخرجيين فيهم عينيهم وجبار هز حاجبو من شكلهم …كلهم تراب ومشعككين ووجهم زراق بكترت ضربهم لبعض )

 

خليل كايشوف فيهم ببرود ) مالكم ؟

 

وسيم : هههههخ مالكم نتووما ههههخ تاتبانو بحالا خارجين من شي قبر هههخ خليل وييع مشا الجماال ههههخ بدوك العينين لمزرقين تحولتي من لهاندسوم برانس للباندا خخخه

 

خليل : وواخا هكاك مزاالني زويين لي دزت من حداها كاتحل فمها

 

(وسيم شد كرشو كايموت بالضحك ..ومالك حشم من الشباب)

 

مالك : أحم هاهوما سجلات العشائر (وحط لوراق أمام جبار)

 

جبار : تقدرو تشرحووليا اش هاذ الحالة !؟

 

مالك : أحم والو أمر شخصي…

 

جبار : آه وهااذ الأمر الشخصي اسمو أميرة ياك !؟

 

خليل ومالك خرجو فيه عينيهم)

 

جبار : إوا سمعووني مزيان نتا ونتا غانشوف شيواحد منكم مقرب منهااا ولو خطوة غانزوقو مزياان…

 

سليم نطق ببرود ) قلتهااليهم ..

 

مالك نطق بسرعة وقلبو غايسكت ) لا راه ماشي كيما فهمتي راه خاسني ضروري نهضر معاها نشرح ليها شيء مهم ..

 

جبار غوت ) تااواحد منكم ماغاايقرب منها حتى أنا نهضر معااها…

 

مالك نطق بزز ) أمرك…

 

(خليل كايشوف فيه بنظرات باردة وجبار خنزر فيه)

 

جبار : نتااا بالضبط غاتبعد منها عنداك يحسابليك ناعسليك على ودني …راني عارف كل شيء على نهار عنفتيها من بعد جاء مالك و تقاتلتو عليها فالمسبح المغطى فالقصر…

 

خليل سرط ريقو ) كنت معصب و..

 

جبار خبط الطبلة بقوة حتى سكتو ونطق ) تحداني وقرب منها يا خليل وغاتشوف أش غاندير فيك…

 

خليل تنهد وهز يديه ) مامقربش غير كون هاني حيت أصلا (شاف فعصمان ) غانبعد منها حيت قررت شيء آخر …

 

جبار مديق فيه عينيه ) آش؟

 

خليل : غدا تعرفو …

 

جبار: فين الساحر ؟ وعلاش تعطلتو ؟

 

مالك : وقع شيء فالغابة (عاود ليهم عن هجوم الساحر عليه هو وخليل وإنقاد مارال الموقف ) الصعقة كانت قوية راه كايعالجوه مزال ما وصلني والو عن حالتو …🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 249🍫

 

مالك : وقع شيء فالغابة (عاود ليهم عن هجوم الساحر عليه هو وخليل وإنقاد مارال الموقف ) الصعقة كانت قوية راه كايعالجوه مزال ما وصلني والو عن حالتو …

 

فارس : خاس نمشيو لعند هذاك لي فديبو بعدا نشوفو شي حل مع التعويذة لي أحاط بها نفسو …

 

جبار : هاحنا غانمشيو أخيرا غانزورو ..ثواني ونمشيو (وحل حاسوبو على كاميرات جناحو يشوفها اشنو كادير ..مابانتش ليه فالجناح خنزر ..وحول لكمرات دريسينغ مالقاهاش ..وتسيييف حتى رجع لكمرات الجناح لي شادين الباب وهو يخرج عينيه ونطق )

 

جبار : أوااه

 

الشباب كلهم شافو فيه …وسليم وفارس لي فجانبيه طلو فلبيسي وحلو فامهم ..ووسيم وعصمان ناضو وقفو خلف جبار ولحقو عليهم مالك وخليل وكلهم كايشووفو فالحاسووب …باين ظهر ساندرا لي جاالسة وأمامها لبنات … جبار حول لكاميرة الكولوار لي فوق البنات وشاداهن كلهن بوضوح …وسليم مد يدو ضغط على زر تطلق الصوت ….

وفهاذ اللحظة عند البنات

🍀🍀

ساندرا جالسة على وسادة طاوية رجلها وفحجرها جالس القرد معنقاه عندها ..شاداه بحيث مغطي صدرها وبطنها … …وكتاكل من الفوشار هي وياه ..وجالسين أمامها البنات كلهن مربعات رجليهم كل وحدة اش كتاكل ..وزليخة منشورة وسطهن ناعسة )

🍀🍀

الشباب كايشوفو فيهن عبر الحاسوب باستغراب)

 

فارس : أمالهن جالسين فالكولوار وعلى الأرض !!

 

سليم ابتاسم ) من الطريقة باش جالسات كانظن جبار منع مراتو تخرج من الجناح ولبنات كاتعرفهن كايخافو منو بزاف مستحيل يدخلو لجناحو بدون اذن فا باش يتجمعو …هي جالسة ومافاتتش عتبة الباب باش ماتتسماش خرجات وهن جالسات فالباب باش مايتسماوش دخلو …

 

وسيم كايصفق ) برااافو واو عالذكاء (شاف فجبار ) ازمطووك فهاذي اخاي

 

فارس : ههه فكرة خبيثة مانعرف شكون مولاتها

 

(جبار لي ساهي فالحاسوب كايشوف غير فساندرا وضحكتها لدرجة ماواعيش بخوتو جنبو واش كايقولو …

🍀🍀🍀

سميحة شادة صحن فراولة كتاكل وكتهضر لهن عن سليم ) وولا فشكل معايا ولا خانقني وأنا مرة كنحملو مرة مكنحملووش

 

(سليم خرج عينيه)

 

زليخة هزات راسها شافت فيها مبوقة بنعاس ) واراه نتي لي فشكل كلك هشيشة نسوط عليك طيري أما سليم بربي لالقيتي بحالو واخا طيري

🍀🍀

سليم طلقها بضحك وهو فرحاان )

🍀🍀

سماح لي هي الاخرى كتاكل فلفريز خنزرات فسميحة ) زليخة عندها الصح لقيتي لي يبغيك بحال سليم …شوفي غير داك لحول …وخووه ياحسرا ومدا منو والو لمجلج لاخر…

 

🍀🍀

الشباب كلهم من غير جبار وعصمان …شافو فوسيم لي مخررج عينيه وطلقوها بضحكة ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 250🍫

 

🍀🍀

 

الشباب كلهم من غير جبار وعصمان …شافو فوسيم لي مخررج عينيه وطلقوها بضحكة )

🍀🍀

 

زليخة كعدات راسها تاني مخنزر فسماح) هذاك سميتو وسييم ألبغلة وسييم وعويناتو لي كاتقوولي عليهم حولين حيت عندو كل عين فولن هي ظاهرة كاتسما تَغَايُرُ تَلَوُّنِ القُزَحِيَّتين Heterochromia Iridum في علم التّشريح… وباش نشرحلك أكتر نغذي غبائك مصطلح Heterochromia مشتقّ من اللغة اليونانيّة من الكلمتين ‘heteros’ لي كاتعني مختلف و ‘chroma’ كاتعني اللون…بالمختصر يعني تباين أو اختلاف لون القُزَحِيَّتين دالعينين ، وتنتج هذه الحالة عن نقص أو زيادة في صبغة الميلانين عند البشر . ولا تقدر تكون هذه الحالة وراثيّة بحال وسيم حيت هجين ورث عويناتو من أمو عمتي شوشو حيت حتى هي هجينة…ويلا مافهمتيش نقدر نشرحلك بلغات أخرى… فا نعاود نسمعك قلتي عليه حول غانضرب ختي نفورماطي ليها الدماغ… ووسيم ماشي مجلج راه نتي لي عندك شي ثقب في الدماغ (ورجعات تكات مغمضة عينيها )

 

سماح حالة فيها فمها ) ناري غاجيتيني كبر مني وكانحتارمك يا زليخة

 

أميرة : وا سماح وراه زليخة عندها الصح اللهم وسيم عالأقل هو صادق ومرح غير الشوفة فوجهو تخليك تبتاسمي و مافيهش لفعايل وماكايهربش ماشي بحال المتكبر دخليل ..والغبي دمالك ….

🍀🍀🍀

 

وسيم : أحح عليك يا زوزو ديالي بردتيلي قلبي فيها (عصمان شاف فيه مخنزر ورجع شاف فزليخة وعينيه على كتافها ووجهها ولكن لابسة بودي طالع )

 

(بعد كلام أميرة خليل جلس فاشل وهو كايضحك على مالك لي مزنك ومعصب

🍀🍀🍀

 

زليخة زفراات بعصبية وتكعدات هاذ المرة جلسات مربعة رجليها وخنزرات فأميرة)

 

زليخة : صادق ومافيهش لفعايل وماكايهربش …. إوا جمعي هاذ الصفات وغايعطيوك مالك ونزيدك آخر وااااحد تقولي عليه غبي هو ماالك حيت فرق مابين أن الشخص يكون نية وصااادق ومابين يكون غبييي…ويلا ماقادراش تميزي الفرق بيناتهم رااك نتي لي غبييية

 

أميرة : نتي غالطة هو راه..

 

زليخة غوتاااات ) هواااا تخددع أفيقي ازبل حلي عينيك راه هو الضحية فهاذشي كتر منك

 

(أميرة حنات راسها بحزن )

 

هاندرا : مايبقاش فيك الحال يا أميرة كولو من خليل خاسو يعتاذر منك

 

أميرة : أصلا ماغانعاودش نهضر معاه بمرة على هاذ الفعلة لي داار غانشوفو نعاودليه التصرفيق

🍀🍀

مالك تنهد براحة و ابتاسم وهو كايشوف فزليخة بامتنان ..وخليل وقف مخرج عينيه وشد حنكو )

 

خليل : ياااك أزوزو شريتيها ليا ياااك وااا راني خوك زعما…

 

سليم : أجي نتا أشنو درتي لأميرة بالضبط

 

خليل كايضور فعينيه) : أمن بعد ونقوليكم …

🍀🍀

عند البنات : 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 251🍫

 

خليل كايضور فعينيه) : أمن بعد ونقوليكم …

🍀🍀

عند البنات :

 

ساندرا شافت فجمانة ) إوا كل وحدة من لبنات هازة فخاطرها من الشخص لي كاتبغي ونتي واش فارس مزيان معاك ؟

 

جمانة لي شادة قرعة دنوتيلا كتاكل فيها بالملعقة ) أنا بييخير وسووبر كوول وفارسي تتلاقا السماء مع الأرض مكاينش راجل بحااالو شفتي بيني وبينك فطاسيلتي كااااملها مكاينش حسن من بابا وفارسي وجدو زيدان ووسيمي أتباقي غير عجولة خصوصا جبار وسليم ….

 

🍀🍀

عند الشباب :

 

سليم : قييدي عندك ألبعلووكة (شاف فجبار ) واش سمعتيها أش قالت عليك وقدام مرتك

 

(جبار لارد سااهي فساندرا وضحكتها )

 

فارس لي كايشوف فجمانة بحب ) سليم غاتبعد ليا من خطيبتي ولا نقلبوها بونية

 

سليم : آه غااانبعد ولكن حتى نوكلها التبن نوريها شكون لي عجل

🍀🍀

عند البنات :

 

ساندرا : ههه وعلاش قلتي على جبار وسليم هكاك أشنو دارو ليك !

 

جمانة : حييت كايحكرووو عليا شابعين فيا بعيج وكايخلعووني …وباغييني نقرأ بزز و شوفيني كيضعيفة هكا راه غيييير بسبابهم

 

زليخة كاتشووف فيها ) وا راك ضعيفة بزاف نيت يا جمانة (هزات طبسيل دالفريت حطاتو أمامها ) أكوولي مزيان أزغبية تزيدي فالوزن شويا قبل ماتزوجي بفارس عالأقل تقدي عليه شوية راني كانخمم ليك !!

 

لبنات كلهن تزنكوووو و جمانة شافت فيها بعدم فهم وهي كاتاكل وفمها كولو مجلخ بالشكلاط )

جمانة : علاياش خاسني نقد بالضبط !؟

🍀🍀🍀

الشباب من غير جبار وفارس وعصمان ….جهلو بالضحك …وفارس مززنك ومخرج عينيه فشاشة الحاسوب وفداخلو كايدعي زليخة تسكت )

🍀🍀🍀

 

زليخة هازة فيها حاجبها ) واكنت نستغرب نيت كون فهمتيني

 

(جمانة حطات القرعة دشكلاط ودارت يديها فجنابها مخننزرة فزليخة )

 

جمانة : بعيدا عن الفلسفة نتاعك هضري بوضوح مالو فارسي؟

 

زليخة قلبات عينيها بملل) مامالو والو فارسك غير تهدني ..

 

جمانة : واا لا شرحي ليا باش نفهم ؟

 

سميحة مزننكة ) أجمانة الله يهديك اش بغيتيها تشرحليك

 

جمانة : أتشرح ليااا كيفاش ناكل باش نقد عليه (خنزرات فزليخة ) أماالي غالعب معاه كورة ولا شنو

 

زليخة كاتصفق لها ) برااافو هانتي فهمتي 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 252🍫

 

زليخة كاتصفق لها ) برااافو هانتي فهمتي

 

(لبنات مخرجين عينيهم …والشباب ليكايتفرجو فيهم جهلو بالضحك …أما فارس ماكرهش الأرض تتشق وتبلعو حلقو نشف ونزل على كل كيسان الماء لي على الطاولة )

 

جمانة : لا أختي أنا مكنحملش كورة بغا يلعبها يلعبها بووووحدو

 

أميرة لي عراقت )وااا جمانة سكتي راه غاتفرتكي المجمع

 

جمانة : وا أشنوو قلت دابا وا كورة لا ياه نلعبها بزز غانشبع غير غبرة

 

زليخة : حسن عوانك يافارس …

 

(لبنات سكتو مزنكاات …حتى قاطعاتهم ساندرا لي تزلعات بالضحك …كاضحك بالدمووع وهي كاتشوف فجمانة …ولبنات كايشوفو فيها )

 

هاندا مبتاسمة ) هه ضحكتها زوينة

 

جمانة : ههه واخا مافهمتش علاش كل هاذ الضحك ولكنها ضحكاتني…

 

ساندرا عنقات جمانة وهي كاضحك ) هههه ياختي شحال نتي حلوة

 

جمانة : هه ياك بعدا تا فارسي كايقولها ليا

 

🍀🍀🍀

عند الشباب لي فشلو بالضحك ..وجبار مبتااسم وهو كايشووف فساندرا و مستمتع بسماع صوت ضحكتها …أما فارس حط يدو على خدو وجلس يتفرج

🍀🍀

 

هاندا ابتاسمات ) ونتي يا ساندرا كاعمة تشكيتي من جبار واش عمرو قلقك !

 

ساندرا خرجات فيها عينيها ولبنات ضارو بيها )

 

سماح : واييه وا كلنا تشكينا من جماعة لمجاعير من غيرك

 

أميرة : عاوديلينا خوية جبار كيفاش كايتعامل معاك !

 

ساندرا : أ ك كي كي (سكتات كاتفكر ولبنات مخرجين عينيهم كايتسناو الاجابة …والشباب مركزييين كايتسناو الاجابة أما جبار مخرج عينيه حتى نطقات )

 

ساندرا : كيالأصدقاء (وابتاسمات )

 

جمانة : كيفاش زعمة

 

سميحة : أصدقاء وراكم مزوجين !

 

ساندرا نطقات بتوتر ) آه يعني علاقتنا زوينة حنا أزواج وأصدقاء

 

زليخة مبتاسمة وكاتشووف فيها ونطقات ) جبار ماعندوش فقاموسو شيء اسمو الصداقة بين رجل وامرأة…. وعمرو كانو عندو صديقات بنات عندو أخوات لاغير وهن لي قدامك فقط … فاراه مستحيل يعاملك كصديقة …

 

(ساندرا خنزرات فيها ..وكاتتذكر قبلتها هي وجبار …وتذكرات نهار قالت لها زليخة أنها عارفة بزواجها بجبار العلى ورق وأن جبار بنفسو قالها ليها ….حسات بالنار شاعلة فصدرها و زيرات على يدها ونطقات مخنزرة )

 

ساندرا : صدييقتو ومراااتو وباعترافو هو ..بغيتي ولا كرهتي

 

زليخة ابتاسمات باستهزاء ) وعلاش غانكره ! السبب الوحيد لي خلاني كرهتك وماحملتكش فالأول هو سبب فطري وهو كونك ساحرة… ولكن من بعد عرفت حسن نيتك تجاوزت كونك ساحرة والسبب التاني لي مخليني حتى لدابا ماحاملاكش هو حيت نتي جبانة وخوافة وكاتفضلي الهرب على المواجهة ونهار تتبدلي عن هذا ممكن نتقبلك ونبغيك (وابتاسمات)

 

ساندرا سرطات ريقها مخنزرة ) متأكدة مكاينش شي سبب آخر مخلينني واحلا ليك فالحلق غير شوفي أو كان ؟

 

(لبنات والشباب حالين فامهم فيهما …وعصمان مزيير على يديه مخنزر فزليخة …أما جبار مديق عينيه فساندرا)

 

زليخة : سبب آخر (ربعات يديها ) بحالاش مثلا ..؟

 

ساندرا مخننزرة فيها ونطقات فنفسها ) أشنو كاندير أشنو غانقوليها دابا ؟؟ أن السبب هو جبار… وأنا سووقي واخا تكون بيناتهم علاقة أنا مالي يااك فالأخيير غانمشي بحالي )

 

زليخة مديقة عينيها فيها ومخنزرة ) هيهو سندرلا

 

(ساندرا شافت فيها وواضح عليها التوتر..)

 

زليخة : أشنو قصدتي بسبب آخر !

 

ساندرا : والو ..وديري فبالك ماكايهمنيش تبغيني أو لا …

 

زليخة نطقات بغرور) : ولكن أنا كايهمني حيت راه ولينا عائلة وفصف واحد …فا خاسكي تسعاي تكسبي ثقتي وحبي وصداقتي …

 

ساندرا ابتاسمات ونطقات ) فحياتي كلها عمرني سعيت نرضي توقع أي شخص من غير جداتي ..وعمرني سعيت ننال حب او صداقة حتى وااااحد من غير جدااتي عرفتي علاش ؟ حيت هي دارت على قبلي بزااااف و تستااهل …فا فكري فيا كيما بغيتي نتي حرة… ونهار تباني ليا أنك نتي كاتستااهلي… ديك الساعة أنا غانشووف واش نتيق فيك أو لا وواش نقبل بصداقتك أو لا …🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

🍪�الجزء 252🍪

🍀🍀

ساندرا ابتاسمات ونطقات ) فحياتي كلها عمرني سعيت نرضي توقع أي شخص من غير جداتي ..وعمرني سعيت ننال حب او صداقة حتى وااااحد من غير جدااتي عرفتي علاش ؟ حيت هي دارت على قبلي بزااااف و تستااهل …فا فكري فيا كيما بغيتي نتي حرة… ونهار تباني ليا أنك نتي كاتستااهلي… ديك الساعة أنا غانشووف واش نتيق فيك أو لا وواش نقبل بصداقتك أو لا …

 

(زليخة هزات فيها حاجبها بدون رد ….وساندرا مخنننزرة فيها

أما لبنات كل مرة كايشوفو فوحدة باستغراب…والشباب كذلك من غير جبار لي مدييق عينو فساندرا ومبتاسم )

 

جمانة : أناري كان كايحسابلي غير أنا لي كانعطي بيلانتيات لزوزو صدقتي يا ساندرا كاتشبهيلي تا فهاذي

 

زليخة : جوجو كاتعرفي للبيلانتيات ومكتعرفيش لكورة !

 

(جمانة شافت فيها مخنزرة ويالاه غاتهضر حتى طارت عليها أميرة سدات ليها فمها )

 

أميرة : سكتي لعاار راه غاتقولي شيكلمة تفرتك لينا المجمع

 

هاندا كاتشووف فزليخة وساندرا لي قربو يطيرو على بعض ..وهي تجبد هاتفها بسرعة طلقات الأغنية الحماسية الراقصة المشهورة للمغني psy

بعنوان : gangnam style…وجهداااات الصوت للحد..وغير تطلقات وقفات مع بداية الأغنية وبدأت ترقص بنفس الحركات الشهيرة للرقصة وهي تهز خصرها بطريقة مثيرة …ولبنات كلهن ابتاسمو والتوأم سموحات بسرعة وقفو جنبها كايشطحو حتى هما بنفس حركات الرقصة وكايغنيو مع الأغنية بحماس …وساندرا كاضحك وكاتحرك راسها مع الأغنية وهي كاتفرج فيهن…وبسرعة ناضت جمانة وأميرة حتى هما واخا ماحافضاتش الحركات كايرتاجلو …أما زليخة مربعة يديها وكاتفرج فيهم …أما الشباب ليكايتفرجو عبر شاشة الحاسوب مخرجيين عينيهم وحالين فامهم ….

خليل حال فمو فمؤخرة هاندا وكيفاش كاتحركها …أما فارس تعصب حيت الشباب كايتفرجو ولكن فنفس الوقت عجبو رقص جمانته وهي لابسة الفستان لي هذاها … جبد هاتفو ودار فيديو كايصور فجمانة وهو كايضحك …وسليم عض على شفايفو بعصبية وهو كايشوف سميحتو كاترقص بطريقة مثيرة وبسرعة ناض سد عينين مالك لي حداه ..هاذ الاخير لي كايتقاتل يحيد يدين سليم من على عينيه يشوف أميرتو الراقصة …وسليم كايعاير ويتحلف على سميحة حتى شاف خليل حال فمو كايتفرج ..طلق مالك وطار عليه سدليه عينو . ….أما وسيم كايتفرج فسماح وهو كايموت عليها بالضحك …في حين عصمان وجبار سااهيين غير فساندرا وزليخة ….حتى وقع شيء غايقربل لحزاق كامل …)

🍀🍀

عند البنات ..جمانة هاندا أميرة سماح سميحة …كايرقصو بحركات رقصة الأغنية …وساندرا جالسة كاتفرج فيهم …حتى طارت عليها جمانة شداتها من يدها وجراتها وقفاتها …وطار القرد من حظنها ..القرد لونا لي كان مغطي بطنها وصدرها العاري …وقفات ومباشرة بدات ترقص فعتبة الباب وصدرها كايتهز ..وكاتحرك خصرها ودور حول نفسها بطريقة مثيرة بنفس حركات الرقصة …ولبنات كذلك…

🍀🍀🍀

اترك تعليقا