Skip links

قصة : الوحش وذات القزحتين الجزء 2 ( عشق جبابرة) ج 20

 38,650 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 234🍫

 

هاندا : أنا هانا جيت

 

جمانة : واش جيتو كلكم تشوفو ساندرا …

 

(كلهن حركوليها راسهم بآه )

 

هاندرا : خاسنا نتعرفو عليها وتتعرف علينا أكتر …

 

جمانة :أحححح شحاال متشوووقة نتجمع معاها أنا ندق…

 

سميحة : دقي ونقولوليها تجي معانا لجناحي أنا وسماح ونجلسو (تنهدات ) ياك مخارجينش من القصر اليوم فمكاين مايدار اللهم نتوانسو

 

جمانة: صاف واخا ( ومدات يدها كادق وتعاود )

⚘⚘⚘

داخل الجناح ساندرا جالسة فوق السرير وكاتسمع فالدقان ..قالت غاتكون شيماء وناضت كاتجري حلات الباب حتى لقاتهن بخمسة قدام لباب …ساندرا كاترمش عينيها فيهم ولحظة صمت شوف فيا نشوف فيك …حتى كسرات جمانة هاذ الصمت بصرختها …

 

جمانة: واااااا تويميتي

 

(وطارت عنقات ساندرا لي مخررجة عينيها وكتشوف فرجليها أكما تخطات عتبة الباب وهي شادة فحاشياتو باش ماتجرهاش جمانة ) …

 

جمانة بعدات من حظنها وهي مبتاسمة ) أخييرا غانجلس معاك شوية

 

ساندرا ابتاسمات وشافت فلبنات وحيدات ليهم من الطريق ) دخلو !

 

(لبنات كلهم خرجو عينيهم وشافو فبعض )

 

سميحة : فين ندخلو !!

 

سماح شدات يد ساندرا ) أجي معانا نتي لجناحي أنا وختي هو أكبر جناح فكل القصر ونجلسو على راحتنا نهار كولو

 

(ساندرا خرجاات عينيها وجرات يدها من يد سماح ورجعات خطوت للخلف داخل الجناح ونطقات بتوتر)

 

ساندرا : ألا منقدرش غير دخلو نتوما …

 

أميرة : أنا مستحيل نحط رجلي لداخل

 

هاندا هزات يديها ) واخا يقطعوني مندخلش

 

سماح : تانا راه بحالا كاتعرضي علينا لوكر الشيطان راه غير نحطو رجلنا لداخل تشدنا لكاميرة مشييينا فيها

 

سميحة : تانا مستحيل ندخل

 

جمانة : وا ساندي ويالاه معانا نتي..حيت راه داك لمجعور دخوية كااايكره لي كايدخليه لجناحو ماكايعقلش عليه ..راه شفتي أنا كونما قوة اختراقي كوراه كلاو عليا كسكس شحاال هذا بسببو

 

ساندرا سرطات ريقها ) ت تانا مانقدرش نخرج هو نبهني وعاود منفوتش عتبة الباب وراه كايخلعني منقدرش نخرج بلا اذنو …

 

(لبنات شافو فبعض )

 

جمانة : أغير زعمي راه معندو مايدير ليك لمجعور لاخر

 

ساندرا حركات راسها بلا ) كانخااف منو أختي

 

أميرة : إوا آش غانديرو دابا !

 

سماح : وامشكيلة هاذي مع هاذ المصاعير…

 

سميحة : وراه ماغايجيو تااليل قالهالي سليم يعني يا ساندرا غاتبقاي نهار كولو بوحدك هنا تامن عمتي شيماء وماواتنا مكايناتش ..فاغير يالاه جلسي معانا نتوانسو ونتعرفو أكتر ..

 

أميرة : تييعندااك قالك متخرجييش فا ماانصحكش تخرجي جبار راه قاصح كايكره لي يكسر كلمتو أنا و تايخلعنيي

 

هاندا : بصح مدام قالك متخرجيش ماخسكش تخرجي …

 

ساندرا حنات راسها وتنهدات بحزن ) صاف غير سيرو تجمعو مع بعضياتكم أنا أصلا مولفة نجلس بوحدي ..

 

جمانة جاتها البكية وطارت عليها بتعنيقة ) تي آش تبقاي بوحدك والله بييلاه لاكانت ليهم ومنخليكش بوحدك نتي دائما فاش مايكونش لمجعور غاتبقاي تجلسي معانا (طلقات من ساندررا وشافت فلبنات مخنزرة ) خليوني نفكر فحل ..

 

(لبنات خرجو فيها عينيهم)

 

أميرة : عاافاك إييلا غير حلولك لا بلاش منهم

 

سميحة : إيلا غير أفكارك كحاالت

 

سماح : أخليوها تفكر راه غبائها ذكي

 

(جمانة كاتشووف فيهم وتشوف فالجناح وتشوف فالأرض ونقزات فرقعات أصابعها وطقات )

 

جمامة ) ألقااايتها (شافت فيهم ) كل وحدة تمشي لجناحها تجيب عراااام دالوسادات

 

هاندا : أش غانديرو بيهم ؟؟

 

جمانة ابتاسمات ) غاااانفرشوو فالأرض فلباب دالجناااح ونجلسوووو هي تجلس لداخل متفوتش لعتبة تخرج… وحنا نفرشو ونجلسو برا منفوتوهاش ندخلووو (وابتاسمات بشر ) وقول لجبار ديك ساع يهضر…

 

(لبنات وساندرا حااالين فامهم فيها …حتى شافو لبنات فبعض بفرح وطاارو تايجريو كل وحدة لجناحها ….جمانة استدارت شافت فساندرا)

 

جمانة : توأم الروح

 

ساندرا حالة فمها فيها ) أ نعام!!

 

جمانة : دخلي جيبي وسيداتك فرشيهم فلباب ..

 

ساندرا : أ أييه واخا ….🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 235🍫

 

🍀🍀🍀🍀

نرجعو للمكتب عند جاسم والأعمام ..وجبار والشباب…

 

وسيم : أحم وحتى أنا مادرت والو غير كنت معاهم ملي كانو يصاوبو فديك السماعة ولكن ماتعطلوش فيها أغير ساعة صايبها جبار.. أما سليم غير نصف ساعة اختارق فيها خط الإتصال..(شاف فجاسم ) أما جبار ألواليد كايهضر بحاالك عندكم نفس نبرة الصوت لدرجة زمطهم وكل القياد اكدو حضورهم ..وا أنا وشهموني …

 

(باواتهم مخرجيين فيهم عينيهم بعدم فهم )

 

أمير أب مالك ..شاف فدياب أب فارس ) علاياش كايهضرو هاذو؟

 

دياب : ومانعرف!

 

عدنان أب السموحات ) : تانا مافهمت والو !

 

إيفان أب زوزو ) : أشمن سماعة يا وسيم !؟

 

فيليكس أب أميرة ) : وكيفاش جبار كايهضر بحال جاسم مافهمتش ؟؟

 

وسيم : أحم وهوا راه جبار…..

 

جبار قاطعو كايهضر وعينيه غير على جاسم )…. : بدون ختمك درئيس كل العشائر ألواليد قلت القياد ماغايتيقونيش بمجرد إيميل عادي أو ماغاياخدوهش بجدية بدون خَتْمَك (الختم) …وحيت جهاز سماعة الأذن الخاصة… باش كاتتواصل ألواليد مع كل قياد العشائر رسميا وباش كاتصدر كل أوامرك الرسمية لهم… ولي كل رئيس عندو جهاز بحالو … السماعة عندك غير نتا باعتبارك رئيس لستارك وكل العشائر …..فا أحم أنا وسليم صاوبنا وحدة بحالها واختارقنا خط الإتصال ديالك لي بينك وبين باقي القياد ..وعن طريق السماعة وباسمي أكدت ليهم الخبر رسميا و أحم … وحيت أنا ماعنديش الصلاحيات فا باسمك ألواليد أحم استدعيتهم لإجتماع مستعجل من بعد تلاث أيام في قاعة محكمة المتحولين وباسمك عطيتهم إذن الدخول للمغرب ….

 

جاسم هاز حاجب ومنزل الآخر… أما باقي الأعمام مخرجييين عينيهم بصدمة )

 

إيفان حال فمو ) : بلاتي نستوعب دابا نتوما اختارقتو خط اتصال جاسم بباقي الرؤساء

 

دياب حال فمو ومخررج عينيه قاطعو ونطق بصدمة ) خط الإتصال المؤكد والمحمي والمحصن من طرف أمهر خمسين هاكر من أهم لي هاكر لي عندنا فالشركة (غووت) اختاارقتووووووه …

 

وسيم قاطعو ) سليم أعمي وغير فنصف ساعة اختارقو ونزيدك راه اختارقو وهو كايموت بالضحك على ليهاكر نتاعك وقاليك عليهم كراكيز ….

 

(دياب جلس فاشل مخررج عينيه أما سليم شاف فوسيم بنظرة معناها واخا على موك تنخرجو )

 

إيفان كايهضر بصراخ ) …. لا والزوينة هي أكدتو ليهم خبر زواج جبار وزدتو شعلتوهم.. لا ولمخيرة كاع هي نظمتو اجتماع لكل قياد العشائر بلا علم رئيس المحكمة ورئيس كل العشائر حتى …واااا لا العضماء الأربع …وفاش فرعتو الطرح وتقنتووها نيت هي ملي عطيتوهم إذن الدخوول للمغرب باسم جاسم (بدأ كايصفق بفقصة ) برااافو تحياتي شياطيني عمل جيد

 

خليل شاف فيه ببرود ) وعلاش هضرتي بالجمع أخالي وجمعتيني معاهم واا أنا مادرت والو فهاذشي غاكانت فراسي وصاف ووسامتي ماتستاهلش لقب الشيطان أخالي …🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 236🍫

 

خليل شاف فيه ببرود ) وعلاش هضرتي بالجمع أخالي وجمعتيني معاهم واا أنا مادرت والو فهاذشي غاكانت فراسي وصاف ووسامتي ماتستاهلش لقب الشيطان أخالي …

 

وسيم هز يدو مبتاسم ) وتانا غير كنت معاهم كانتفرج هوما لي دارو …

 

جوكار شاف فجاسم ) هذا يعتبر تجاوز خطير للسلطة والتعالي على قرارات رئيس المحكمة العليا لكل العشائر حيت دعوت كل رؤساء العشائر لإجتماع هو من صلاحياتك بوحدك كرئيس كل عشائر المتحولين يا جاسم كالدستور الأول وواضع القانون …لاغير … فاحتى متحول آخر شكون مكان يكوون مامنحقو يستدعي قياد العشائر لإجتماع رسمي وعاجل…بالإضافة لانتحال صفة رئيس عشيرة …ومنح إذن الدخول للمغرب بدون إذنك…فا هذا خرق خطير للقانون…

 

جبار نطق ببرود ) وتايدوز الإجتماع وعاقبوني كيما بغيتو …

 

أمير /أب مالك/ ) جباار بااش أنك تتاخد قرارات مااشي من الصلاحيات دياالك وتدعو كل الرؤسااء لإجتماع وتحليهم الحدود يدخلو كيما بغاو !!… راه الأمر مساهلش …

 

(جبار مبتااسم شاف فجاسم لي ساكت ومخننزر فيه ونطق ببرود)

 

جبار : الدعوة للإجتماااع مكانتش باسمي دعييتهم باسمك أصاحبي باسمك نتاااا (وشاف فجوكار مخنزر ) وأنا ما انتااحلتش صفة لوااليد كرئييس العشييرة وماتنساش أعمي بصفتي ولي العهد فاراه عندي عدت صلاحياات : ومنها مخاطبة باقي الرؤسااء وإصدار أوامر لهم … (وحول نظرو لباه) عاااجلا أو آجلا كنتي غاتستدعيهم… ..وحتى لو خبر زواااجي ماتسربش كنت أنااا غاندير هاذ الخطوة حيت كلهم خاس يتعرفو على ساندرا كساحرتي فأقرب وقت قبل مايبين هذاك الكتاب الملعون طريقة تدميرو حيت كمتحولين خاس نكونو يد وحدة إلى جانب ساندرا … ..فا خليو حتى لبعد الإجتماع ديك ساع عاقبووني حسب القانون على هاذ التطاول..

 

إيفان لي معصصب ومخننزر قرب من جبار ونطق ) :جباااار هضر بجدية حيييت هاذشي ماشي ضحك..

 

غسان :والرؤساء ماغايواقفوش و..

 

جبار قاطعو وغوت مخنززززر ) غااايواافقووو …

 

(إيفان مسح على وجهو وخبط الطبلة بيديه ونطق بصراخ فوجه جبار )

 

إيفان : جبااااار الفوووضى لي تسببها غير انتشار الخبر رااها كبيييرة وخطييرة …بعض الرؤسااء بلا حتى مايهضروو أو يناقشووو أو يفهموووووو… سيفطو طلبات رسمية ومختوومة بأختامهم … لباابااك كايطالبووه فييها في حالة ماتخلصش ولي عهدهم من الساحرة …يا إما يتم إقصائه من ولاية عهد عرش المتحوليين وتحويلها لسيلم .. ..أو خاااس لستااركس يتناازلو عن الحكم كوولووو لعشيرة أخرى …

 

جبار ابتاسم باستهزاء ) حكم المتحولين عمرو ماغايكون لعشيرة أخرى من غير لستاركس أخااالي …

 

سليم لي هو الآخر مبتاسم باستهزاء نطق ) وعرش المتحولين بعد لواليد ما غايكونش لشخص آخر من غير جبار ومهما كانت الظرووف أنا مستحيييل و عمرني غانجلس بلاصتو على كرسي الرئاسة …

 

فيليكس : وأشنوو المعموول دابا !

 

جبار :المعمول ألعميك هو أنه من هنا لتلاث أيام ومع 6 مسائا نتوما كلكم معروضين للإجتماع فقاعة المتحولين …الدعوة خاصة فقط برئيس العشيرة وحرمه وولي عهده أي ابنو أو ليغايشد الحكم بعدو … وغايكونو أيضا السبعين متحول من أعضاء فرقة العدالة (شاف فكل أعمامو وباه ) فا تأنقو مزيااان حيت غانتجمعو فحفل بورجوازي مخملي من الطرااز الرفيع

 

جاسم نطق ببرود ) كان بإمكانك تجي تطلب مني دعوتهم ..بلا كل هذا…..

 

جبار نطق هو الآخر ببرود ) وكنتي غاتستدعيهم !

 

جاسم : ماشي قبل مانرسم خطة لآش غايوقع ! 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 237🍫

 

جاسم : ماشي قبل مانرسم خطة لآش غايوقع !

 

جبار :وباش ترسم خطة وتاخد احتياطات خاسك وقت كنتي غاتستدعيهم بعد شهر عالأقل …وأنا ماعنديش هاذ الوقت كولو لي غانضيعو في إقناع بني صنفي ألواليد… حيت المشكلة هنا ماااشي المتحولين …بل السحرة وبالضبط آل جوفر وهذاك الكتاب الملعون… لي كلما شفتو فيدين ساندرا كانحس بدمي كايييغلي كأنني كانشوفها هازة قنبلة بين يديها وماقادر ندير والو وأنا متأكد أن تدميرو ماغايكون سهل …لهذااا خاسني نساالي من المتحولين بسرعة ألوااليد باش نركز على الهدف الأساسي لي هو السحرة وهذاك الكتاب وساااندرا ….أما المتحوليين …كل العشاااائر من أكبرها لأصغرها ومن أقواها لأضعفها …عااارفين أنه مكااينش لي غايحكمهم بعدل وإنصااف وبقانون مثالي كلستااركس …وماكاينش ليغايقد على حكم 204 عشيرة من أقوى المتحولييين… لي ترخي ليهم لحبل غير شويا كايبانو خارجي قانون باغيين يتحكمو بالعالم ..ماكااينش لي غايقدر عليهم من غير وحش بقوة الإستنسااخ …فاراه حتى عشييرة ماغاتبغي رئيس ضعييف يحكمها أو شخص آخر يجي يغير القانوون من جديد ويبدأ فالاستبداد و الظلم والقمع …(شاف فإيفان ) كنيكووولاي …

 

// نيكولاي آل رومانوف هو جد إيفان وشيماء وكان رئيس عشيرة آل رومانوف ورئيس كل العشائر لي جا بلاصتو جاسم فالمنصب وقتلو بسبب جرائمو …بطل من الجزء الأول ///

 

إيفان مسح على وجهو ونطق وهو معصصب وكولو عرقان ) ماااتستااهنش بغضب قياد العشائر يا جباار ..هم لي فواحد نهار… كلهم أو أغلبيتهم وبمجرد ماترشح باك يشد بلاصت نيكولاي ..صوتو عليه بسرعة وبعينيهم مغمظيين تحناو لييه وعطاوه الولاء و أمر التصرف فحياتهم ولادهم ومستقبلهم ….وهذا من ثقتهم بيييه وبقراراتو وحكمتو ….بلا مايفكرو جوج مرات تحنااو للهجينة ماماك عطاوها ولائهم وتقبلو الهجائن وسطهم وحتى الآن كايطبقو القاانون الخاص بمنع قتل الهجائن … هاذشي كولو علالاش؟؟ حييت كانو عياااو من حكم نيكولاي المستبد الطاغية ..وحيييت سمعة باك وشعبيتو وقوتو وحكمتو وعدلو وسط المتحولين كانت ساابقااه … ..لدرجة كلهم كانو كايتسناوه غير يترشح ونهار تعلن على افتتاح الترشح لمنصب رئيس كل العشائر ….حتى رئيس عشييرة آخر ماتجرأ يترشح فمواجهة باك من غير نيكووولاي لي ماااصوت عليه حد …فااا هاذ الرؤسااء داابا في نظرك غااايسمحوو بأن الحكم يتحول من باك المتحول وقانونو وعدلوو ومن أمك الهجيينة … ليك نتااا وفجنبك الساحرة …!

 

فارس نطق بحدة وهو مخنزر فخالو ) ماتنسااش أخالي جبار طول هاذ السنين هو ليكان مترأس فرقة العدالة للقبض على خارجي القاانون وبيديه شد أخطر المتحولين المجرمين لي طغاو … ولي كنتي نتا وعمي وفيليكس وعمي أمير كاتقلبو عليهم لسنوات هو كايشدهم فأيام …لدرجة كل العشائر كايهضرو على قوتو سرعتو وذكاىه ..وكلهم كايخافو منو كانظن حتى أكتر من خوفهم من عمي جاسم

 

سليم هو الآخر مخننزر ) هااذشي بلا عدد العشاائر الضعييفة لي عندهم قوى ضعيفة شكون درب لييييهم أولادهم حتى ولاو أقوى …. فالوقت ليكنا كانتدربو فيه على التحكم بقوانا فالجبال والجزر أنا وجبار ووسيم وخليل وعصمان ومالك وزليخة وفارس …كان جبار فكل مرة كايجيب معاه مراهقي وأطفال العشائر الضعيفة لي كلهم تدربو على يديه وراهم دابا من أقوى المتحولين ونصهم انضمو لفرقة العداالة كامتنان منهم لجبار وكاينفدو كل مايقوله بالحرف كايعتابروه كمدربهم …..

 

عصمان : هاذشي بلا عدد المشاكل سواء المادية او القانونية ليحلها لعدد كبير من العشااائر اخالي

 

خليل نطق بملل ) عقلتو على ماريو داك سمر لمفورمي القبيح رئيس عشيرة آل سيدريك الأمريكية شكون هزليه شركتو من الإفلاس …راه كونما جبار لي قادليه مشروع ناجح طلع بيه شركتو كون ضيع كل ثروة عشيرتو بغباؤو

 

وسيم مخررج عينيه فخليل ) شناااهوا لمفلس لاخر (شاف فجبار ) علالاش عاااونتيييه علالاش كوون خليتي بووه يغرق فديوونوو نورييه …

 

فارس خنزر فوسيم ) أعلاش أشنو دارليك ماريو راه ولد خالي زعما وهو شخص مزيان ..

 

وسيم : ولد خالتك وبالزعط علاش يشوفليا ف سمامممم(وسكت حيت طار عليه سليم سدليه فمو )

 

سليم نطق بهمس ) وا النم واش جهلتي ولا مالك وا قلناليك تخيل نتا حولتي التخيل لحقيقة لا وتيقتيها ملفوق …🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 238🍫

 

سليم نطق بهمس ) وا النم واش جهلتي ولا مالك وا قلناليك تخيل نتا حولتي التخيل لحقيقة لا وتيقتيها ملفوق …

 

مالك شاف فإيفان ونطق بجدية )خال إيفان لي بغينا نقولو من كل هذا هو أن جبار عندو شعبية كبيرة كالعم جاسم محبوب عند بزاف دالعشائر والرؤساء وكلهم عارفين قوتو وذكاؤو وأنه مكاينش ليغايقد على المنصب غيرو …بالإظافة لكل خارجي القانون كايخافو منو ومن نهار بدأ هو فالقبض عليهم وف أحم فقتلهم زعمة حيت هو كايقتلهم فلبلاصة أحم … نسبة الجريمة حاليا عند عشائر المتحولين قليلة حتى لمنعدمة حيت مكاينش ليكايتجرأ يخالف القانون فولاية جبار …

 

(أبائهم وجاسم وإيفان غير كايشوفو فيهم ….)

 

جاسم نطق وهو كايلعب بستيلو فيدو ) : في حالة رفضهم أشنو غادير ؟ (وشاف فجبار ) حتى لو مارفضوكش نتا وأصرو على أنك تبقا نتا هو ولي عهدهم …خاسك تتوقع أنه 80 فالمئة من العشائر غايرفضو رئيستهم المستقبلية والليدي الأولى تكون ساحرة… ماغايوافقوليكش عليها غير العشائر المتصلة بعشيرتنا ..كعشيرة جاكلين زوجة عمك دياب أمريكا آل سيدريك ..عشيرة جداتك سوزي آل روجو الهندية …عشيرة عمك جوكار آل توركانوس التركية وعشيرة عمك أمير الباكيستانية آل نامكيخ..وآل محمود المصرية ..وعشيرة أوزاويا الروسية …وآل رومانوف الألمانية …وباقي العشائر القليلة لي غايتيقو فيك يا جبار ثقة كبييرة لدرجة يتحناو لساندرا… … فا قولي فحالة رفضهم أشنو غادير…!؟

 

إيفان : على علم ساندرا يا جباار ماشي هي شيماء فا ماغايوقعش ماوقع …منذ 26 سنة وكل العشائر تقبلوها وتحناوليها ..حيت هي كاتبقا هجينة دم أمها المتحولة كايجري فعروقها…أما ساندرا يا جبار ساحرة عدوة بالفطرة لي غير غاتحط رجلها فقاعة الاجتماع طاقتها كساحرة غاتستافزهم كمتحولين ….فاااا كيغادير تخلي المتحولين يتقبلو أن تحكمهم ساحرة …ويتحناو لشخص ماشي من صنفهم !

 

جبار عينيه فعيون جاسم ونطق )في كل الأحوال ساندرا ماغاديش نتخلا عليها ألواليد مستحييييل نخليها أو نضور عليها ظهري … فا غاندير كل ما فجهدي باش نقنعهم وفي حالة فشلت…(سكت شويا ونطق ) تيق فيا ألواليد الحكم غايبقا للستاركس مستحيل يتنقل لعشيرة أخرى مستحيل نخلي مصير عشائر المتحولين فيد شماتة يلعب بالعرش أو يطغى على البشر ويستاغلهم …الحكم غايبقا للستاركس (وشاف فوسيم ..وبعدها وقف …ووقفو كل الشباب جنبو )

 

دياب مخنزر فولدو فارس ونطق بصراخ) فااارس جلس وداابا وكلكم جلسووو مزال ماساليناااش

 

(فارس لارد بقا واقف جنب جبار وهو مخنزر )

 

غسان أب خليل ) خلييييل جلس…

 

خليل شاف فجبار ورجع شاف فباه ونطق ببرود ) يجلس جبار ألواليد نجلس…

 

أمير مخنزر فمالك ولدو ) ماالك!!

 

مالك : تهدن ألواليد كل شيء تحت تصرفنا وسيطرتنا…

 

جوكار شاف فولدو وغوت ) عصماااان؟؟

 

عصمان شاف فيه ) لواليد 204 عشيرة ماغاتغلبنااش.. ولغير جبار ماغانتحناوش …

 

فيليكس : وسييم سلييم جباار جلسو …

 

سليم حط ليهم السماعة لي اختارع هو وجبار على الطبلة ) أنا بنفسي حاضي حدود المغرب مستحيل متحول يحط رجليه فالأراضي المغربية مانقلعووش ومن لبارح لليوم منذ عطاهم حبار إذن الدخول …الرؤساء مزال مابداو يوصلو ….فاخليو كل شيء علينا و آه (شاف فعمو دياب ونطق وهو مبتاسم باستهزاء ) غاندوز للشركة ديالك أعمو نعلم هاذوك الكراكيز لي اسمهم هاكرز هههخ كيفاش يحميو خط الإتصال من الإختراق …

 

دياب حال فمو )

 

إيفان : جباار جلس مزال خاسنا نهضرووو خاسنا شي خطة وندرسو الوضع و..

 

جبار قاطعو ): خليو كل شيء عليا أخالي ماديرو وااااالو خليوني نتصرف ودابا كانستأذن (وتحرك خرج وتبعوه الشباب واحد مور واحد ….

 

خليل شاف فجوكار ونطق ) عم جوكار بعد ساعتان هكاك غانجي عندك لمحكمة المتحولين خاسني نهضر معاك فشيء مهم (وشاف فغسان ) وحتى نتا ألواليد وأكيد عمي جاسم …. (وخرج بسرعة تابع خوتو وسد الباب )

 

إيفان مسح على وجهو وشاف فجاسم ) أشنو غانديرو دابا؟؟

 

((جاسم سااهي فالباب …وكايتذكر كلام جبار لي كملو بنظرة لوسيم …ابتاسم حيت فهم خطة جبار البديلة ..جبار لي مستحيل يتخلا عن ساندرا وجاسم عارف هذا … وإذا ما اقتانعوش بها العشائر وطالبوه يطلقها ولا يقتلها حيت هي خطر عليهم هي وكتابها وتعويذة الخلوذ … فا مستحيل يتقبلوها …فا غايبززو عليه يا يقتلها أو يتنازل عن ولاية العهد … وجبار غايختارها هي …غايخلي كل صنفو على قبلها …ومستحيل سليم يقبل يشد بلاصتو فا جبار غايعطيها لوسيم …..جاسم نطق بهدوء )

 

جاسم : جبار غبي …هو فكر فكل شيء ولكن نسا أهم شيء وهو أن القانون ممكن يتبدل ….

 

كلهم شافو فبعض بعدم فهم )

 

فيليكس : آش كاتقصد !

 

جاسم وقف وشاف فإيفان وجوكار ونطق ) جمدو القانون العشائري …..🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 239🍫

 

🛑 توضيح للي ماقراوش الجزء الأول 🛑

فرقة العدالة : أو النخبة سابقا …هي فرقة كاتكون من عدد من المتحولين الشباب أقوى المتحولين من مختلف العشائر …متدربين تدريب خاص ومهمتهم كالشرطة …كايتبعو أي متحول خالف القانون : قتل بشر ..أو هجم بقواه …أو قتل متحول او هجين …..او بين قواه للبشر ….إلخ …كايتبعوه أعضاء فرقة العدالة كايشدوه وكايديوه لمحكمة المتحولين …كايتعرض لمحاكمة لي فيها جاسم هو القاضي باعتبارو رئيس كل العشائر …

وهاذ الفرقة أيضا عندها مهمة حراسة سجن المتحولين …ليكايتسجنو فيه مخالفي القانون بعدما كاتتحيد ليهم قواهم عن طريق حقنهم بدم الهجناء …..

🛑 موضوع الحدود ….كل عشيرة =عائلة متحولين : كاتعيش فدولة …مستحييل يتواجدو عشيرتين فنفس الدولة …وممنووع على متحول دولة يدخل لدولة أخرى دون إذن رئيس العشيرة الساكن فتلك الدولة …وهذا لتجنب الفوضى فأي متحول بغا يمشي لشي دولة خاسو إذن العشيرة لي كلتتواجد بها …وعلى كل رئيس عشيرة مهمة حراسة حدود دولتو ….

🛑🛑

🍀🍀🍀🍀

عند الشباب لي خرجو من المكتب مباشرة لخارج القصر حتى لأمام سياراتهم ووقفو …

 

جبار : أنا وفارس وعصمان غانمشيو للشركة jaflystarck عندنا أربع اجتماعات مهمة سليم غاتمشي لمحكمة المتحولين عاد تلحق عليا للإجتماعات ..

 

سليم : علم كون هاني كل شيء غايكون واجد فالوقت في محكمة المتحولين

 

وسيم : بلاتي ماشي غير سليم وفارس راه حتى أنا ماتنساونيش هاه…

 

جبار حط يدو على كتفو ) ماناسيكش بغيتك تتكلف بالأوراق غدا يكونو عندي…

 

وسيم ابتاسم) كوون هاااني غدا نضربو الرمادي فلبيض..وبعد تلاث أيام نضربو لحمر فلبيض

 

(فارس وسليم مسحو على وجههم بفقصة حيت فهمو قصدو أما جبار ضحك وشاف فخليل ومالك )

 

جبار) فرقة العدالة غانخليها عليكم وجههوهم … بغيت الساحرين لي كايضورو ليا حول القصر يتشدو هاااذ اللييلة وحيين ويتحطو فالديبو جنب هذاك درييكوور حيت فالليل غانمشيو نشوفووه

 

خليل نطق ببرود ): خليها عليا وعطي لهاذ خونا مهمة أخرى مايبقاش لاسق فيا

 

مالك ابتاسم بشر ولاح يدو على كتاف خليل معنقو ونطق ) لا يا جبار فرقة العدالة متكونة من سبعين متحول وكازا كبيرة خليل ماغايعرفش يوجههم بوحدو غانعاونو

 

خليل حيد ليه يدو ونقر ثيابو ونطق ببرود ) يااك أسي…

 

مالك مخنزر فيه ومبتاسم ) آه أسي…

 

جبار : نتووما بجووج بغييت السااحرين …وديك الساعة تقاتلو بيناتكم… وشيء آخر أمييرة غاتبعدو منها

 

مالك : مانواعدكش

 

خليل : وتانا

 

جبار خنزر فييهم وابتاسم ): حتى نسالي ليكم وديك الساعة نتفاهموو (وركب سيارتو كسيرا وتبعو عصمان وفارس )

 

سليم : مالِك حاول ليه على وجهو راه هو ليكايكساب خخه (وركب سيارتو كسيرا )

 

وسيم : بقيتي فيا أخليل

 

خليل :أمالكم حاگريني…!

 

وسيم :أ ركزو عالمهمة (وركب سيارتو كسييرا)

 

(خليل ومالك بقاو واقفين مخنزرين فبعض)

 

مالك : الجهة الشرقية لكازا هو آخر مكان بانو فيه السحرة

 

خليل : قصدك الغابات

 

مالك ابتاسم ) آه تما نيت نصفيو حسابنا

 

خليل نطق ببرود ) إذن زيد تبعني ( وتخطاه فاتجاه سيارتو …حتى شدو مالك من يدو جرو حتى وقفو جنبو )

 

مالك : نتاااا لي غاتبعني (ويالاه زاد حتى شدو خليل موقفو )

 

خليل ) بل نتا (وعلق كايجري في اتجاه سيارتو وتبعو مالك كايجري …ركب خليل وكسيرا ومالك تابعو وكايتسابقو فالطريق شكون يكون فالمقدمة ….

🍀🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 240🍫

 

نرجعو لداخل القصر …وأمام باب جناح جبار …لبنات تجمعو وحطو بزاف دلوسايد أمام باب الجناح وجلسو …وساندرا حطات عدت وسادات فالعتبة دالباب وهزات كتابها السحري والقرد وجلسات أمام لبنات ….

 

(ساندرا وهي معنقة القرد فحظنها كاتشوف فيهم بخمسة وحدة بوحدة ..وهن عينيهم على القرد …)

 

جمانة : سماح داك القرد دبصح ولا مونيكة ؟

 

سماح : وراه كايشوف فينا بحاالا بصح!

 

سميحة : أويلي راه غامونيكة كيوت(شافت فساندرا) واش كايعجبوك ننوسات ؟

 

هاندا : اويلي عليكم راه القرد دبصاح

 

ساندرا ابتاسمات ) آه راه دبصح وسميتو لونا تلاقيتو فالجزيرة ليكان خطفني ليها جبار ومن تما ولينا صحاب …

 

جمانة : يااا حليلي (وطارت عالقرد حطاتو لوسط وضارت بيه هي ولبنات وهو كايرمش فيهن عينيه)

 

سميحة : ويتك ويتك علعوينات

 

سماح : أنا كاعمة عجبني

 

أميرة : زويين فنكوووش

 

جمانة : كايشبه لك

 

(السموحات تزلعو بالضحك وأميرة تزنكات بالأعصاب )

 

أميرة : عاودييها

 

جمانة نطقات وهي كاتهز حجبانها ) لقرد لونا كااايشبه ليك…

 

أميرة : إوا أجي لهنا

 

( وطارت عليها تشقلبو فوق لوسايد وجلسو يتباعجو ..والتوأم كايضحكو ..وهاندا هزات القرد كاتجبد ليه فحناكو وهو كايقحقح عاجبو لحال …وساندرا مبتاسمة وهي سااهية فيهن …حتى نقز عندها القرد هارب من هاندا لي طيباتليه حناكو …

 

هاندا فكات جمانة من أميرة ) أتهدنووو ( وشافت فساندرا ومدات لها يدها ) خلينا نتعارفو بطريقة زوينة… أنا هاندا آل توركانوس 23 سنة طالعة ف 24 وحاليا طبيبة متدربة فمستشفى لستاركس ..أنا متحولة كاملة بقوة التحكم بعنصر..

 

ساندرا قاطعاتها ) الماء (ابتاسمات) أنا كانحس بطاقة كل وحدة منكم وبنوع قوتها…

 

سماح : واش غير نتي او كل السحرة ..حيت نحن المتحولين كانحسو بطاقات بعض ولكن مستحيل نعرفو نوع قوة بعض غير من الطاقة… ولكن كاينة قوة اسمها رادار استشعار القوى هي قوة كاتخلي صاحبها يشوف نوع وحدت قوة باقي المتحولين …

 

ساندرا: كل ساحر وساحرة سحرهم مفعل …غير بنظرة فمتحول كايعرفو نوع قوتو وحدتها

 

سماح : واو

 

هاندا ابتاسمات ) آه ولكن أنا ما قوياش بزاف يا ساندرا تقدري تقوولي أنني أضعف وحدة فعشيرتي عشيرة آل توركانوس ..وعصمان هو خوية وبابا جوكار أحد العظماء أعضاء المحكمة الأربع …وماما هي ديما

 

ساندرا صافحاتها ) تشرفت بك هاندا

 

هاندا : بغيت نكونو صحابات

 

ساندرا : أكيد 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 241🍫

 

ساندرا : أكيد

 

أميرة مدات لها يديها ) وأنا أميرة آل ستارك 19 سنة وكاندرس فجامعة خاصة شعبة تصميم الأزياء بابا هو فيليكس آل ستارك أحد قياد فرقة العدالة إلى جانب عمو أمير وماما هي أليشا آل روجو من العشيرة الهندية آل روجو …أنا كانموووت فاللون الأزرق وهوايتي هي قرائة الكتب …و قوتي هي التحريك الذهني قوة ورثتها من جدي حبيبي زيدان

 

ساندرا قاطعاتها ) طاقتك متوسطة وغير مستقرة ..

 

أميرة :آه قوة التحريك الذهني قوة كاتخليني بعقلي نحرك أي شيء مهما كان وزنو هي قوة ذهنية غير مباشرة كاتحتاج مني التركيز التام (وركزات نظرها فالقرد لونا وذهنيا هزاتو من حظن ساندرا و ولا يطفو فالهواء وهو كايغوت وهي تابعاه بعينيها متحكمة به ذهنيا كاتلعب بيه بسهولة فالهواء كايتهز ويتحط وكاتهضر وعينيها على القرد ) هي قوة مجهدة بزاف فالأول لقيت مشكل معاها فالتحكم بيها ولكن بمساعدة وتدريب عمي جاسم وليت كانحرك أي شيء بذهني ولكني كنت ضعيفة ومكنقدرش نحرك أشياء ثقيلة والطريقة التي اعتمدت باش نقوي طاقتي هي الكتب ..وخوية جبار هو لي قالهالي قال ليا أنه باش نولي أقوى ونهز ذهنيا أثقل الأشياء خاس نقوي تركيزي ونصحني بالكتب لي من بعد ولاو شغفي وعشقي…. فا كلما قويت تركيزي كلما زادت طاقة قوتي هاذشي علاش طاقتي مامستاقراش حيت فكل مرة كانولي أقوى(وحطات لونا فحظن ساندرا )

 

ساندرا عنقاتو ) : وغاتولي أقوى (وصافحاتها ) تشرفت بك أميرة

 

سماح وسميحة مدو يديهم فدقة )

 

سماح : غير جري يدك أنا لي سبقت

 

سميحة : ياك أخطي إوا ماجاراش

 

سماح : أجري حسن لك

 

سميحة : أماجاراش اسميتك

 

أميرة : هاهما غايبداو تاني

 

ساندرا ابتاسمات ومدات يديها بجوج شدات يديهم فنفس الوقت)

 

سميحة : أنا سميحة وباش تميزيني عن سماح هي دايرة وشم باسمها فيدها

 

سماح : أتيعنداك ماتعولييش عالوشم باش تميزي بيناتنا حيت قرييبا غانحيدو هانتي ساندرا ميزي بيناتنا بخاتم سميحة دالزواج لي هي دايرة…و أنا لا (وراتها يديها ) سيييليباطير وبيخير وغاانبقااا سيليبااطير

 

ساندرا : أ ب بالخاتم سميحة وبلا خاسم سماح صاف واخا

 

سميحة : أنا وسماح كبر منك نتي واميرة وجمانة غير بأشهر قلال حنا كلنا مولودين فنفس السنة أي عندنا 19 وقوتنا أنا وسماح هي التحكم بعنصر الرياح …

 

سماح : وآه أنا وسميحة أضعف أعضاء عشيرة لستااركس حيت التوأم المتطابق عند المتحولين كايتولدو بطاقة متحول واحد كاتقسم عليهم بجوج فا واخا ضعافات ولكننا متحكمات بقوتنا بسهولة بفظل تدريب عمي فيليكس وعمي جاسم …(وشافت فتوأمها سماح …وبجوجهم حركو يدهم بنعومة فوجه ساندرا وانطلقت رياح قوية نوعا ما فوجهها طيرات شعرها للأعلى ..)

 

ساندرا كاتشوف فشعرها كايطير ) :ههه وااو

 

سماح : أنا وسميحة بنات الدكتور عدنان آل ستارك وتارا آل ستارك وكانقراو فنفس جامعة أميرة وجمانة فشعبة العزف على الكمان وهوايتنا الرقص الحديث …

 

سميحة : وأنا خطيبة أخ راجلك وجمانة …خطيبة سليم (تنهدات بحزن ) واخا مااابقات باينالي فهاذ الخطبة

 

جمانة : ساندرتي ماتديهاش عليها غير السخانة راه هاذ لبنات كايسخنو مرة مرة دب ركزي معايا راه أنا ونتي توأم الروح

 

ساندرا ابتاسمات لها ) تولدنا فنفس الثانية

 

جمانة نطقات بحماس ) آه وكانحسك قريبة مني بزاف داكشي باش غانعاودليك كولشي عليا هانتي جمانة 19 سنة أخت الدحش دراجلك وعندي قوة الاختراق و..

 

أميرة قاطعاتها ) وراها عاارفة هاذشي علييك

 

جمانة : آه عندك الصح أنعاودليك دكشي ليماعارفاش عليا أنا كنقرأ الفنون الجميلة الرسم بالسباغة وكاانعشق الرسم وعرفتي آخر لوحة كنرسم غير نكملها نورييهالك وغانعطيهاليك هذية…و آه أنا مخطوبة لولد عمي فارس لي كانمووت فيه طبيبيز تاعي (وقربات لحداها وشدات يد ساندرا كاتشووف فخاتم زواجها ..قلب الأبدية ..وهي تحط يدها لي عليها خاتم فارس جنب يد ساندرا ) هاااء شووفي حتى من خواتمنا بحال بحال على شكل قلب غير قلبك⁰ غوز وقلبي أبيض شفتي ذوق جبار وفارس راه تقريبا بحال بحال 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 242🍫

 

(ساندرا مبتاسمة وهي كاتشوف فالخواتم وفداخلها كاتفكر فالنهار ليغاترد فيه الخاتم لجبار وتمشي بدون رجعة …لدرجة اختفت ابتسامتها وبدأ فمها كايترعد وعينيها عمرو دموع وطاحو …خلات لبنات كايشوفو فيها باستغراب )

 

جمانة :أ أمالك

 

أميرة : علاش كاتبكي ؟

 

ساندرا ابتاسمات ومسحات دموعها وشافت فجمانة ) والو عاودي ليا على فارس!

 

جمانة ضحكات وبدأت تعاود ليها بحماس) فالأول كنت فاهمة حبو واهتمامو غلط كان مهتم بيا بزاااف وكنقول غير كأخ حيت كابرين مع بعض وأكيد أي الشخص شكون مكان يكون فاش كاتشوفيه مهتم بكل تفاصيلك ومهتم بسعادتك وغير نظراتو ليك مختلفة ومتميزة… وكايحميك دائما وواخا ديري لي درتيه مكايخليكش أنا فارس حتى مكايغوتش عليا وحنييين …فا هاذ الشخص راه كايعشقك…. وبلا خاااطرك كايدير مكانة خاصة فقلبك …هاذشي لي وقعلي مع فارس كان كايعاملني بحب كبير … أنا فالأول فهمتو غلط تقدري تقولي كنت معمية بواحد نعيوا …ولكن بفظل ماما حليت عيني وماااتصوريش فرحتي ملي اعتارف ليا أني حب طفولتو وأول وآخر امرأة بغااا وغايبغي وعرفتي هو وفي ونبيل وعندو قلب من ذهب و….(…جمانة كاتعاود وساندرا سااااهي وهي تتخيل جبار …..اهتمامو معاملتو حمايته لها ..غيرتو …….قلبها بدأ كايضرب بسرعة وهي كاتسرط فريقها وكاتتذكر بعض المواقف لي جمعاتهم تقربو منها وكلامو لها فصباح قبل مايخرج ….الشيء لي خلاها طرحت تساؤلا فنفسها …زعمة يكون كايبغيني ؟…وعلاش قلبي كايضرب بهاذ السرعة فكل مرة فكرت فيها أنه ممكن يكون فعلا كايبغيني ؟ …..فاقت من حوارها الداخلي ….ملي هزات راسها وبانت ليها واقفة عليهم مخنزرة وعينيها دابلين ….

 

(جمانة سكتات وهزات راسها شافت فيها هي وكل البنات )

 

هاندا وقفات ) زوزو واش بيخير

 

((زليخة واقفة عليهم كاتشووف فيهم وحدة بوحدة وشافت كيفاش مفرشات فالأرض أمام جناح جبار ..وساندرا فالعتبة… وفهمات السبب ..وهي تلاح متكية جنبهن على الوسادات وغمظات عينيها ونطقات)

 

زليخة : جمانة كان ممكن ببساطة تصوني لخوك وطلبي اذنو تدخلو عندها للجناح …

 

جمانة : وفنظرك غايخلينا ندخلو !

 

زليخة : لا

 

أميرة : إوا هاذشي علاش فرشنا …

 

(زليخة حلات عينيها وشافت فساندرا لقاتها مخنزرة فيها ..وقابلاتها بتخنزيرة … وكايهضرو وهما مخننزرات فبعض)

 

زليخة : هي كون طلباتو تخرج لعندكن مكانش غايرفض ليها طلب!!

 

ساندرا : قالي ماتخرجيش ..!!

 

زليخة : قوليلو لا بغيت نخرج كان غايقوليك واخا..!

 

ساندرا: وباش عرفتيه غايقوليا واخا !

 

زليخة : حيت عشييري منهار حليت عيني وعارفة عليه كل شيء حتى من ردات فعلو كانقدر نتوقعهم …

 

ساندرا ابتاسمات ) وكنتي متوقعة أن عشييرك غايجي واحد نهار ويتزوج بسااحرة !

 

زليخة تنهدات وتكات مغمظة عينيها ) كملو حواركم ديروني مكاينااش

 

سميحة طارت جلسات جنب ساندرا ) نعاودليك على سليم 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj 📜

 

🍫الجزء 243🍫

 

سميحة طارت جلسات جنب ساندرا ) نعاودليك على سليم

 

((ساندرا عينيها على زليخة وكاتذكر بوستها لجبار وهي كاتحس بالعافية شاعلة فييها …ساهية فيها وفدماغها أفكار سوداء عن أن هناك علاقة بينو وبين زليخة…لدرجة ماسمعاتش نصف كلام سميحة ليعاوداتليها على سليم وحبو التملكي المتسلط لي خانقها …وبعدها سماح عاوداتليهم كل شيء عن وسيم وحبو لي بالگانة وتجاهلها له وبلان أمريكا وماريو … ..وبعدها هاندا لي عاودات ليهم على حبها من طرف واحد لخليل …وأميرة لي عاوداتليهم كل شيء عن مالك وعن خداع خليل له الشيء لي صدمهم كلهم وخصوووصا هاندا …)

 

زليخة لي مغمظة عينيها وسمعات كل الحديث نطقات ) : بلحيماري لاخر استغلني فالصووور نهار الخطبة إواااا لابقات فييك يااا خليل راني ماشي زووزووو

 

أميرة : أنا غسلت يدي منهم بجوج غير واحد أناني ومتكبر ولاخر جدي فوووق لقياس ومتسرع بكلمة وصورة خلاني بلا مايسول ومشافش موراه…

 

ساندرا : كنظن أن مالك هنا هو المظلوم يا أميرة راه تخدع فا خاسك تعطيه فرصة أخرى…

 

أميرة حركات راسها بلا وعينيها عامرين دموع ) لا أنا زعفانة منو وبزاااف حيت الطريقة باش عبر ليا فيها عن حبو وكم الحب لي بين ليا كبيييير بزاااااااف… وأنه مستعد يتخلى عن عشييرتو على قبلي ويولي واحد من لستارك حيت أنا كنت قلت ليه ماغانخليش عشيرتي ونتنسب لعشيرة أخرى ..ولكن هو فلخر وبسهوولة تيق هضرة مكايناش وحتى ماكلفش راسو يسولنس كنت كانصونيليه ألف مرة فنهار كايقطع عليا …

 

سميحة : وأنا سليم ولا كايخلعني والله وليت كنخاف منو غير شيمرة يضربني ولا شيحاجة كنفكر نهضر مع بابا نساليو هاذ الخطبة …

 

سماح : أكووولهووم بحاال بحاال سااهلة يبغيو وغدا يصبحو ماباغيينش تاعت لي يجمعهم فبيت واااحد كلهم من جبار لكبير لوسيم الصغير ويهز جويجة دجدو زيدان ويبدأ من الطرف … باق باق بربلاق باق… قرطاسة لواحد يهنيونا من صداعهم …

 

(لبنات مخرجيين فيها عينيهم )

 

ساندرا : أويلي جبار لا…

 

جمانة : فاارسي بجسدو الفولاذي مايكرش فيه القرطاس والله واخا ضربيه بصاروخ يتضرب فصدرو يعواج…

 

سميحة : وااسليم قلت كايخلعني ماشي قلت بغيتو يموت اويلي أسماح

 

أميرة : ومالك أشنو دارليك ازبلة تاتمناي ليه القرطاس تف تف ماحنا على فالك

 

هاندا : وخليل ماشي خسارة كل هذاك الجمال يموت مقرطس الله يحفضووو

 

سماح كاتشووف فيهم مخنزرة وغوتات ) إوااااا سركككم دكشي ليتايديرو فيكم رااه تستاااهلووه نييت لاهيلا ومن بعد اجيو تشكاو لامجمعتكم نتووما نيت فالبيت ودوشت ليكم بالقرطاس

اترك تعليقا