Skip links

قصة : الوحش ذات القزحتين2(عشق الجبابرة) ج 14

 45,722 عدد مشاهداات

🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🦁الجزء 159🦁
🍀🍀
في مكان آخر ..بالضبط فواحد من أرقى الأحياء لي كاتتواجد فسونطر كازا… و في فيلة كبيرة….وشكلها راقي.. داخل واحد من أجنحتها لي طاغي عليه اللون البني… ببالكون كبير كايطل على جردة نتاع الفيلا.. متكي على سريرو الكبير .. فاصمة ملوية على نيفو لي تهرس …وجبهتو ويدو فيها بعض الجروح دايرلهم فاصمة..و ليطراس وعلامات الضرب باقين معلمين على وجهو بلون أزرق مايل للأسود … عامر بمخلفات السلخة لي عطاه جبار و سليم.. سفيان لي باين عليه معععصب …وصحابو جالسين ضايرين بيه و كايهضرو بيناتهم…..

سفيان شد نيفو لي عاطيه الحريق بيدو وكايهضر بالثاء حيت نص سنانو طايرين ) أحح ثهاد زبل

شاب 1 صاحب سفيان) ياك كنت حذرتك ونبهتك منلي شفتي لبنت مراقباك ونتا حطيتيها فبالك ماقلتش ليك بعد منها قلب ليك على شي وحدة اخرى راه عندها بزاف دخوتها اوا هانتا جبتيها فعظامك نعسوك أسبوعين فلوبيطال وسنانك مشاو..

سفيان خنززر فيه ): هانثا قلثيها حثيثها فبالي ومغانحيدهاث من ثماغي(د) ثاندير فيها لي ناويه وبربي ثاااااندمهم

شاب 1 ) واش مكفاتكش الحالة لي وصلوك ليها فين باغي تزيد مزال…؟

قاطعو الشاب 2 وشاف فيه) نتا باغي ليه الذل ولا كيفاش؟! (شاف ف سفيان) تيعندااك أسفيان نتا خاصك تنتاقم لهاد الحالة لي نتا فيها دبا شكون هوما باش يضربوك و قدام الناس وكل الطلبة ولاو دايرينك ضحكة فين عمرك خليتي عندك دقتك و مارجعتيهاش ؟ ديك لق**بة دختهم هي سباب ..

سفيان تفكر الضريب لي ضربوه جبار وسليم وهو يصعر وغوت على صاحبو) مااثي ثفيان العلوي لي يثضرب و يسكث عليها …با لي با وعمرو هث(ز) عليا يدو باش دبا يجيو ثوامل يديروها لا و يثحاماو عليا (دار ضحكتو المعهودة) ههه ولكن كل داكثي غاثخلصو الاميرة ثمانة ثالث ومثلث …

شاب1 ) سفيان نتا غي غاتزيد تغرق راسك معااهم كثر …واش ماشفتيش خوتها قدااش أصاحبي ضعيف فيهم فيه خمسة منك ..سمع مني اصاحبي وبعد من هادشي الوضع تهدن بيناتكم دبا وباك تدخل وفكها سلميا مع اللورد ستارك ونتا بغيتي ترجع تشعلهم هاذ المرة يدفنوك

شاب2 شاف فيه ) بغيتي نتا تردو مذلول ونعييوة راه خاسو يرد دقتوو ويرد كارامتو قدام الطلبة ولافاك (حول نظرو لسفيان) نتا عارف انه عندك شعبية كبيرة فلافاك كل لبنات لي كانو كايموتو عليك غير تهضر معاهم دابا كايضحكو علييك … فا إييلا مانتاقمتيش غاتسمى جبان خواااف فنظرهم وعمرك ترجع الشعبية لي كانت عندك

شاب1 ) سفيان سمع مني انا وبعد من الصداع نتا عارف دوك ناس مامعاهمش اللعب اصااحبي واصلا باك نبهك وهددك تبعد عليهم مغاديش يعجبو تدير عكس هضرتو

سفيان شاف فيه)بيني و بين با نثا اث دخلك انا عارف للواليد.. أثلا(ص) مغاديش يعرف بالشيء لي غاندير..(ابتاسم بمكر) وبما أن عيد ميلادي مابقا ليه والو فا أنا غانثاقم من ثمانة ال سثارك نهاار عيد ميلادي

شاب2 كايضحك عاجبو الحال) خخخه و دبا دويتي ألعشير هكا يعرفو سفيان العلوي اش كايسوا

شاب1) شوف ا سفيان ابلاااا ماتحاول دير والو حيت على ماسمعت البنت تخطبات من ولد عمها غاخوي بالك منها مستحيل تكون مزالها معجبة بك ماديرهاش باقي فراسك

سفيان: قلث ليك غانثاقم هي غانثاقم وهادشي نهار عيد ميلادي و غادي ثجي ثالعندي وبرجلييها غاندمها لا هي لا خوثها غاندمهم كلهم لماشوهثهاش فكل مواقع الثواصل الإجثماعي مانتسماش ثفيان العلوي … باش نوريهم مع من غلطووو

شاب2 ) هذا هو سفيان لي كانعرف

(بقاو كايهضرو حتى تدفع باب الجناح ودخل معتز العلوي أب سفيان ..دخل عليهم صاعر حيت سمع كلامهم وسمع اش ناوي ولدو يدير وبقا كايغوط عليهم)

السيد معتز: اش واقع هناا و نتوما (شاف فصحاب ولدو و غوت فوجههم) خرجو علياااا من داااري خرجووو مانبقااش نشووفكم عندي هناااا ولا مع ولدي خرجووو عليااا يلاه كمارتكم مانشوفهااش مرة اخرى …

(سفيان شاف فيهم غمزهم بمعنى سيرو تانتلقاو مرة اخرى داك صاحبو لي مؤيدو ابتاسم ليه و رد عليه الغمزة وناض غادي خارج وصاحبو لي كايحاول معاه يبعد من صداع شاف فيه ونطق ) سفيان فكر اصاح.. (باقي ماكملش كلامو تا قاطعو سي معتز بانو غوط عليه)

السيد معتز : واخرجوووو مانشووفكمش مرة أخرى هناااا

صاحب سفيان شاف فيه ومشا فحالاتو وسد عليهم الباب)

السيد معتز كايغوت) يااااااك قلت ليك بعد من دوك ناااااس ها.. قلتليك راهم ناس كباااار ماغااانقدروش عليهم شحال من مرة نبهتك عليهم

سفيان مبرد مواخدش هضرتو بجدية) دبا مالك الواليد نثا خرج هاد الثوق وخليه عليا خدمثي وانا عارف لها

معتز صعر عليه نيت) نتااااااا ليغاتخرج سوووقهم وبنتهم قيلها عليك نتا مغاديرلها والو سمعتيني ديما مصائبك انا لي كانفكك منهم شحاال من وحدة تفليتي عليها واغتاصبتيييها وكنت ديما كانحل الموضوع بالفلوس .. ولكن يااا سفيان بنت هاد الناس ماشي كغيرها من البنات لي ضحكتي علييهن هادي لاتفليتي عليها مغاديش يعتقوك الفلوس لا نتااا لا أناااا حيت داكشي ليغاندفعو انا يدفعو هوما اضعااف مضاعفة نتاعو سمعتيني هاااذشي بلا ليي يقدروو يديييروه ونتا باغي تخرج على راسك وتخرج عليا وعلى خدمتي معاك

سفيان غي كايشوف فيه)
ماثكونث خواف ثانثا هادي راه اكثر مكلخة عرفثها كانث غاحالة فمها فيااا و ثااايحة (ط) فياااا🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🦁الجزء 160🦁
معتز ضرب كاس فوق الكوافوز وطيحو للارض تاتهرس بقوة ماصعر عليه) وااااااااش نتا عندك شي عقل علاااش مابغيتيش تفهم هاااا كانقوليك البنت إيييلل قربتي ساحتها غانوقعو فمصائب كارثية وغاتحل علينا ابواب جهنم مع ديك العائلة.. مشيت نعتاذر من اللورد بات البنت ومابغاش حتى يشووووووفني وعرفتي اش وصلني من الكارد نتاعو تهدييييد سمعتي هددني…. فلآخر مرة غانقوليك نسا عليك بنتهم واصحك ديرلها شي حاجة… ماشي خدمة سنين لي ضربت عليها تمارة باش نكون فهاد المكانة فالبرلمان و كانحاول نحافظ عليها تجي نتا فاخر لحظة وبطيشك تضربلي كلشي فالزيرو .. عليك بتيقار البنت راا والله وتفكر ولو مجرد تفكير تفلى عليها تا داكشي لي غانديرو ليك محال كاع واش يديروه ليك عائلتها…..بربي تاانكرك ..وداابااا تكعد سيير عند طبيب الأسناان اليوم عندك موعد.معااه يركب ليك سنااانك

(و مشا خرج من الجناح صااعر وخلى سفيان بوحدو )

سفيان : اوف اوف اوف ها علاش مكانحملش الوزراء والحكومة ثحال فيهم د الثفلثيف شاطرين غي ف بلا بلا بلا.. لكنثي نثا اسي معتز خايف انا ماثي هو نثا ودقثي غانرجعها وكانواعدك اثمانة هادشي لي دارو فيا خوثك نثي لي غاثخلصيه المكلخة لينا لقاء قريب يا أميرتهم ههه (بقا كايضحك مع راسو و هو كايفكر فخطتو وكايتوعد لجمانة بالشر )…
🍀🍀🍀
على الجرف المقابل لشاطئ البحر …وقفات سيارة جبار أولا …خرج منها صاعر …وتبعاتو ساندرا خرجات معنقة كتابها وكاتحاول تقوي نفسها …أحاسيسها مختلطة …بين الخوف من النهاية و المصير المجهول …وبين الراحة… أنها ممكن أخيرا ترتاح من كل شيء فهاذ اللحظة…واقفة وعينيها على البحر الأزرق أمامها حتى وقف أمامها ..بتعابير وجهو لي مقدراتش تفسرهم ….

جبار كايشوف فيها باين علييها الخوف …وهو وباغي يهضر باغي يقوليها بزاااااااف دالأشياء… وكل تلك الأشياء خرجات فكلمة )

جبار : أنا معاك..

ساندرا شافت فيه ) عاوني غير فالنمر …

(جبار سكت كايشوف فيها ..وقرب منها شد يدها يالاه غايهضر حتى وقفات جنبهم سيارة فارس وجمانة …وبعدهم سيارة جاسم وشيماء ..وباقي سيارات الشباب …لي خرجو كلهم كايشوفو فجبار وساندرا ….

جاسم : يوصل النمر والأغراض لي طلبتي ونبداو

ساندرا حركاتليه راسها بواخا وحسات بيدها مبعوجة فيد جبار ..شافت فيه هو لي مخننزر فجاسم ومزيير على يدها )

ساندرا: ج جبار

جبار شاف فيها)

ساندرا: يدي ضريتيني فيدي

جبار طلق يدها ونطق ) بقاي هنا ( وتمشى حتى وقف أمام باه ومو ..ووقفو جنبهم كل من وسيم خليل فارس ومالك …
أما لبنات كلهن تجمعو على ساندرا وزليخة وقفات جنبهن …🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🦁الجزء 161🦁

لبنات كلهن تجمعو على ساندرا وزليخة وقفات جنبهن ….

جمانة شدات يد ساندرا ) شوفي ماتخافيش بابا معانا وكاين جبار وفارس وسليم ووسيم ..كوولهم معانا عرفتي أنا شحال درت فزبايل تاشبعت لكن عمرني خفت من شيء ما …حيت فظهري رجال عارفاهم معايا دائما

أميرة : أييه راه جمانة كاتخاف غير من جبار ..

سميحة : شوفو شكون كتهضر نتي لي غير تايخنزر فيك تاطلقيها فسليبك

أميرة : ومالك راه كولنا كانخافو منو ملي كايتعصب…

سماح : هضري على راسك أنا مكانخافش منو

شافو فيها كلهن بمعنى من نيتك)

سماح : شوية وصاف

ساندرا ابتاسمات ) المهم هو نتي ماتخافيش يا جمانة ماغايوقع ليك والو ..

زليخة : أحسن لك ( قربات منها مخننزرة) بربي وتتآذى شعرة وحدة منها فهاذشي نتااعك حتى نلوحك من هذاك الجرف

ساندرا مبتاسمة ) ماغايوقع ليها والو

جمانة خنزرات فزليخة ) أمالك غير معصبة افكي تغوبيشة شويا واه

زليخة مخننزرة فساندرا ) : اعتابريه تهديد يا ساندرلا عرفتي وتوقع شيحاجة لجمانة كووولنا غانهشووك سمعتي خالي جاسم هو لخر ماغايرحمكش وجباار لي كاتحاماي بيه …حتى لجمانة بربي ماغايعقل عليك

هاندا : زيلي تهدني

أميرة : وا زوزو هكا راك غير كاتخلعيها و..

ساندرا قاطعاتها ) لا هي عندها الصح (شافت فزليخة) عاارفة جمانة منكم وفيكم أما أنا شكون نكون ..مجرد ساحرة متطفلة عدوة لصنفكم … فا كوني هانية يا آنسة زليخة جمانة ماغايوقع لها والو كنواعدك ( وتحركات غاديا فاتجاه الجرف خلاتهن )

جمانة مخننزرة فزليخة) علاش قلتي ليها هكاك!!

زليخة خنزرات فيها ) واش نتي ماخايفاش على راسك ! ليشافك يقول مولفة بالسحر

جمانة : لا والله ماخايفة على راسي بالعكس خايفة عليها هي ( وتحركات تابعة ساندرا )

زليخة تنهدات بعصبية وشافت فلبنات لي ساكتات وكايشوفو فيها )

🍀🍀

جبار وقف جنب جاسم ويديه كايترعدو و وباين فييه معععصب )

جبار : لواليد

جاسم : تهدن غادوز الامور بخير ..هي غاتقوي سحرها بتايغر

جبار : هضرات معاك على تتمة فك التعويذة ياك ! اشنو قالت !!

جاسم كايشوف فيه ) ماعندك من آش تخاف (أشار له للبحر ) البحر وتايغر أساس طاقتها فا هي غاتقدر تفك التعويذة

جبار : لوالييد

جاسم ابتاسم ) تهدن درت كل احتياطاتي

جبار : ك كيفاش أشمن احتياطات !!

شيماء شدات يدو ) حبيبي تهدن وتيق فباباك

وسيم : جبار كلنا هنا معاك

فارس : وتاحاجا ماغاتوقع لهما

جبار شاف فيهم وهز يديه ) هااهوا مهدن.. ( وشاف ناحية ساندرا لي جالسة فالجرف وجنبها جالسة جمانة وكايهضرو …وفعل قوة التنصت ..شيء لي دارو حتى جاسم ووسيم)
🍀🍀

ساندرا جالسة على الجرف …وعينيها على البحر وكاتنفس بعمق وهي مبتااسمة …وجمانة كاتشووووووف فيها ومدات يدها قاست شعرها )

جمانة : شعرك زويين وكتير ملي نرجعو للقصر وعطيني نسرحوليك غايطواال أكتر

ساندرا شافت فيها وعينيها دمعو ) وحتى نتي زوينة بزاف وقلبك أجمل

جمانة ابتاسمات ) واش غاتخلينا نوليو صحابات ياك بغيت نوليو خواتات

ساندرا : أصلا حنا أكتر من صحابات أو خواتات (شافت فلكتاب بين يديها) فلكتاب أنا ونتي مذكورتين فهاذ التعويذة كروح وحدة (شافت فيها ) روح وحدة فا سمحي ليا ماشي بيدي هاذ التعويذة تفعلات عمرني فكرت أو قصدت نآذيك

جمانة : وراني عاارفة و شفتي أنا والله حتى فرحت بهاذ تعويذة الربط وإييلا جات عليا غيير خليها ماعنديش مشكل

ساندرا ابتاسمات ) لا هي خطر عليك حيت حياتي أنا مهددة ولاوقعاتلي شيحاجة غاتتآذاي بحالي فا ضروري خاسنا نفكوها

جمانة : أشنو غايوقع ليك ونتي ولا عندك جيش من المتحولين ! وراه قلت ليك أنا عمرني خفت من شيحاجة حتى الموت حيت عندي بابا وفارس وعمامي ودوك لعرام دلخوت ..فا حتى نتي ماخاسكش تبقاي تخافي حيت وليتي وحدة مننا وعندك جبار وكولنا…

ساندرا ابتاسمات باستهزاء ملي تذكرات زواجها الكادب ونطقات ) أنا ماعندي والو يا جمانة (شافت فيها ) ولكن حتى أنا كان عندي كل شيء… نهار كانت عندي جدة كان عندي كل شيء (ابتاسمات وطاحو دموعها ) ماكنت محتاجة لا لأب لا لأخ لا لزوج وعمرني تشكيت من هاذ النااحية ..كانت عندي هي كل شيء ومعوضاني عن كل شيء …وعرفتي هذاك الإحساس أنه عندك كل شيء ..مزالني عاقلة عليه كان زوين بزاف ..ولكن فلحظة وحدة لقيت راسي بوحدي وماعندي والو…وهازة فيدي تذكرة موتي (وشافت فكتابها)
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🦁الجزء 162🦁
جمانة شافت فيها باستغراب وكاترمش عيونها ) كيفاش ماعندك تاحد مافهمتش ..هاء إوا وجبار فين خليتيه !؟ راه راجلك !؟ وحنا ولينا عائلتك !!!!

ساندرا شافت فيها ومسحات دموعها ) نساي هاذشي
🍀🍀🍀

جبار لي سمع كل كلامها مزيير على يديه ومخننزر عروق جبهتو مطراسيين …حس نفسو مخنوق وحل صدفات الاولى من لفيست نتاعو ..شاف فباه وخوه لي كايشوفو فيه…

جاسم تنهد وحط يدو على كتف ولدو ) تهدن ضبط أعصابك كل شيء غايتحل مع الوقت

جبار : لو كنتي بلاصتي كنتي غاتتهدن وتصبر

جاسم :لا كنت غاندير كل مافجهدي وفوق جهدي باش نخليها تبدل كل رأيها وبدل ماتقول ماعندي والو ..تقول عندي كل شيء ..حيت عندي جبار

((جبار سرط ريقو وعينيه غير عليها …حتى سمعو صوت قدوم سيارة …التفو كلهم ..كايشوفو فسيارة عصمان وقفات خلف سياراتهم ..وجنبها وقفات شاحنة كبيرة الحجم …نزل منها سليم ….
ساندرا و جمانة ناضو وتمشاو حتى وقفو جنب العشيرة ….عصمان خرج من سيارتو هاز ساشية كبيرة ..وهاز طاولة صغيرة مصنوعة من الخشب …. وسليم خرج من الشاحنة واستدار حل مقطورتها ..وخرج النمر الأبيض العجوز تايغر لي بزز كايتحرك …وبزز تمشى ..حتى لجنبهم وجلس متكي على الأرض تحنى عندو فارس كايدوز يدو على راسو برفق وبعينين دامعين كايشوف فيه …

جاسم شاف فساندرا لي كااتشووف فالنمر وترجع تشوف فارس لي ماقدرش يخبي دموعو …سرطات ريقها وشافت فجاسم)

ساندرا : خاسني نقاد المكان أولا

جاسم حرك لها راسو بواخا … وهي تحركات بعض الخطوات وقفات أمام الجرف …وهم كلهم خلفها … شافت فالبحر وبعدها حلات كتابها قرات التعويذة فنفسها ..سداتو وتقدمات حتى وقفات أمام جاسم مدات يدها ..وهو جبد قطعة الثوب من جيبو عطاهاليها …وكلهم كايشوفو فيهما باستغراب …ساندرا لوات لكتاب فالزيف وعقداتو عليه وعطاتو لجاسم

شيماء نطقات بسرعة ) لا ماتقيسوش غايحرقك

جاسم : ششت تهدني ( ومد يدو شد الكتاب تحت ذهولهم وتعجبهم …)

جبار مخننزر فباه وفساندرا نطق ) أهاااه مزياان (شاف فساندرا ) أشنو مزال آخر !؟

جاسم: جباار تهدن

(ساندرا سرطات ريقها وشافت فجاسم كأنها هضرات معاه بعيونها …وهو نطق)

جاسم : كوني هانية

(ساندرا هزات الساشية لي جاب عصمان والطاولة الخشبية الصغيرة …و استدارت وتمشات حتى وقفات أمامهم …حطات الطاولة جنبها … وحلات الساشية جبدات منها قرعة عامرة بالرمل الأبيض … هزات كمشة منو فيديها ورسمات على الأرض دائرة كبيرة .وهي وسطها .. سدات لقرعة ورداتها للساشية …قادات الطبلة او الطاولة الخشبية حطاتها فمركز الدائرة المرسومة بالرمل الأبيض …جبدات من الساشية إناء (زلافة ) من نحاس حطاتها على الطاولة …وشافت فيهم …)

ساندرا : خ خاسني د دب ن نقتل النمر

شافو كلهم فتايغر لي متكي على الأرض..وبزز حال عينيه …شيماء وجمانة ولبنات تحناو عندو كايهضرو معاه بعيون دامعة …وكايدوزو يديهم على راسو ..وشيماء عنقاتو وهي كتبكي وباستو فراسو … ولثواني وهي كاتهضر معاه هي ولبنات عاد وقفو و بعدو …وفارس هو الآخر تحنى عندو بعينين دامعيين مبتاسم فوجهو وبكلماتو ودع نمر أمو المفظل وصديق طفولتو لي دوز معاه بزاف من لحظات متميزة فصغرو لا هو لا باقي الشباب … تنهد بحزن و وقف وبعد مدور راسو ماقدرش يشوف فيه … وجبار شاف فتايغر تحكم بدماغو …بقوة التحكم في دماغ الحيوانات … وتحرك فاتجاه ساندرا الواقفة وسط الدائرة …وتايغر بزز ناض وبزز كايتمشا تبع جبار …
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🦁الجزء 163🦁
جبار وقف وسط الدائرة أمام ساندرا ..لي لونها صفر وعينيها غير على النمر المتجه ناحيتها …

جبار : ساندرا

ساندرا شافت فيه وهي كاتنفس بسرعة ) أ أ

جبار : تهدني (شاف فتايغر لي وقف جنبو وجلس على الأرض ) أشنو خاسك ديري دابا

ساندرا: د دمو خاس دمو يتهرق وسط الدائرة

جبار كايشوف فالدائرة ) أشنو الغرض من هاذ الدائرة لي رسمتي بالرمل الأبيض…؟

ساندرا: محيط التعويذة أهم التعاويذ تنفذ في محيط مغلق ماشي مفتوح والمحيط يغلق في تعاويذ السحرة بالرمل الابيض لاغير

(جبار حرك لها راسو بواخا وهز الساشية من على الطبلة جبد منها خنجر كبير الحجم …وشاف فساندرا)

جبار : كيما درنا للأفاعلي فالجزيرة

(ساندرا بدات تبكي بقوة وهي كاتشوف فالنمر )

ساندرا : هئ غايموت بسبابي هئ هئ هئ

فارس سرط الغصة نطق ) سااندرا ماتبكيش أصلا هو مريض ماغايعيشش لآخر الشهر

شيماء كتمسح فدموعها وابتاسمات ) ساندرا ماغايموتش بسبابك بل من أجلك

جبار شد يدها ) ماتخافيش

ساندرا سرطات ريقها واليد باش شدها هي زيراات عليه غارسة ظفرانها فيه… وهو حطليها الخنجر فيدها وشدها زير عليها عندو …)

جبار : الأمر غايتم بسرعة …وهو ماغايتحركش بمرة فا ماتخافيش منو

(ساندرا مزيييرة على فمها وعينيها كايطيحو بدموع وهي كتشوف فتايغر …جبار تحنى على ركبة وحدة ..وهي على ركبتيها …جنب تايغر لي متكي كايشوف فالسماء بعيونو الزرق … حتى للحظة شاف فيها وهي مزيرة على فمها كاتشهق )

جبار يالاه هز يدو ليشاد بها يد ساندها لي شادة الخنجر للسماء حتى غوتات )

ساندرا : بلالاتي

(جبار حبس وشاف فيها وهي حيدات يدها من يدو ولاحت الخنجر وقربات من تايغر كاترعد وحطات يدها على راسو وغمظات عينيها ..كاتمتم بشيء… كلمات بلغة السحر …ثواني حتى حلات عينيها وشافت ففارس )

ساندرا: هو مريض آه لكنو ممكن يتعالج ويقدر يعيش حتى لست أشهر أخرى خاسو غير العناية ( وقفات ) خودو ماغانقتلوش ردو لماماك

جبار وقف…وكلهم كايشوفو فيها باستغراب)

جاسم قرب منها مخنزر : ساندرا

جبار : كيفاش والتعويذة

ساندرا خدات الخنجر من على الأرض ونطقات) غانفكها بدون تضحية

جاسم : ماغاتقدريش

ساندرا شافت فيه) غانقدر

جاسم نطق بصراخ ) قلت لالالالا

جبار كايشوف فيها وفباه باستغراب )

ساندرا: لورد تيق فيا غانقدر غانفكها كنواعدك (أشارت للبحر) خديت كل الطاقة الكافياني لذلك … من مصدر سحري هو البحر

جاسم قرب منها وباين فيه معصب وواخا هكاك كايهضر معاها بهدوء ونطق ) ساندرا غاتحتاجي طاقة النمر ضروري فا بلا ماتجازفي

ساندرا: تيق فيا لورد عارفة أشنو كاندير
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🦁الجزء 164🦁
ساندرا: تيق فيا لورد عارفة أشنو كاندير

جبار غوت ) بااارااكا (شاف فيها وفباه) داابااا شرحووليا أشنووو غايوقع وأشمن مجاازفة!!

جاسم عينيه غير عليها وهي كذلك …تنهد ونطق )

جاسم : فارس رد تايغر للمقطورة (شاف فمالك) ديه للطبيب البيطري المختص يعاودليه فحوصات

مالك : أمرك لورد

فارس لي ابتاسم تحنى عند تايغر وهزو داه وهو فرحان…)

جبار : ماغااتهضرووش

ساندرا شافت فيه ) خرج من الدائرة خاس نبدأ

جبار شدها من دراعها ) ماغانخررجش حتى تشرحيي لياااا كييفاش غاااتنفذي هاااذ التعويذة بدوون تضحية !!

ساندرا شافت فجاسم …وهو تنهد وشد جبار من دراع يدو باش شاد ساندرا)

جاسم : طلقها وخرج من الدائرة

جبار يالاه غاايغوت حتى تدخللات)

شيماء : جباار (جات بسرعة شدات يدو ) تهدن أحبيبي و تيق فباباك وفساندرا حتى هي… يالاه أجي (وجراتو بزز وهو مزيير على يدو وعينيه غير على ساندرا …خرجاتو من وسط الدائرة …وخرج حتى جاسم …بقات فقط ساندرا لي هازة الخنجر …تنفسات بعمق وشاف فجمانة وابتاسمات )

ساندرا : أجي

جمانة مبتاسمة يالاه تحركات ناحيتها حتى شد فارس يدها )

فارس مزير على يد جمانة وعينيه على ساندرا) هي غاتكون بيخير ياك

ساندرا مبتاسمة ) آه كنواعدك (ابتاسمات) ماتخافوش عليها

(جبار لي كايمسح على وجهو ويديه كايترعدو بغا يهضر بغا يغوت ويقوليها ونتييييييي!!!! ولكن لهضرة وحلاتليه فالحلق …استدار عطاها بالضهر كايتنفس بسرعة …..)

فارس طلق يد جمانة لي تقدمات دخلات للدائرة ..وشدات فيد ساندرا لي مادة ليها يديها …وبجوج بيهم وقفو وسط الدائرة متقابلات مع بعض …والطاولة الخشبية بيناتهم …)

ساندرا زيرات على يد جمانة ) يوقع لي وقع ماتخافيش واش صافي!؟

(جمانة لي كاتحس بيد ساندرا باش شادة يدها كاترجف بقووة ونطقات) راه أنا ماخايفات نتي ليكاترجفي واش نتي بيخير!؟

(جبار مع كلام جمانة استدار بسرعة كايشوف فساندرا)

ساندرا : بيخير (شافت فجاسم وبعدها استقرو عينيها على جبار …تنفسات بعمق وطلقات يد جمانة وشدات الخنجر) جمانة غاندير غير هدش صغير باش مانضركش حيت محتاجة غير لبعض القطرات من دمك

جمانة : واخا

ساندرا : مدي يديك فوق الإيناء النحاسي ..

(جمانة مدات يدها لفوق الإيناء …وساندرا شدات الخنجر بيدها لي كاترجف …جرحات شوية راحة يدها والجرح نفسو بان على يد جمانة..وبسرعة مدات يدها للإيناء دمها ودم جمانة كايسيل داخلو )

جمانة: أحح

ساندرا كاترجف ) س سمحيليا و صبري غير شوية

(فارس وجبار تقدمو وساندرا غوتات)

ساندرا: حبسو ماتختارقوش الدائرة..

جبار وفارس وقفو على حدود الرمل الأبيض المرسومة به الدائرة ..ولبنات وسطها كايشوفو فيهم )

فارس : جمانة

جمانة : أنا بيخير

ساندرا كاتنفس بسرعة وكاتسرط ريقها شدات بيدها المجروحة يد جمانة المجروحة ونطقات ) : جمانة غاندأ دابا …فا ماطلقيش يدي يوقع لي وقع ما طلقيش يدي بمرة ضروري تبقاي شادة يدي باش الألم يدوز ليا أنا… فا ماطلقيش … حتى ندفعك أنا نخرجك من الدائرة

جمانة حالة فمها : أ أ أ

جبار ديق عينيه خنزززر وغوت ) كيييفاااش(ويالاه لاح رجليه يتخطى الرمل الأبيض حتى تبلووكا كأن جدار أو حاجز زجاجي تبنا أمامو مانعو يخطي خطوة داخل الدائرة ….وهذا بسبب ساندرا لي غمضات عينيها وبدأت تتمتم بكلمات التعويذة بصوت مسموع ….)

جبار كاايغوت ) حبسييي وقفييييي
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🦁الجزء 165🦁
❤❤❤
جبار كاايغوت ) حبسييي وقفييييي

شيماء شافت فجاسم مخرجة عينيها) أش أش واقع؟

جاسم مزير على يديه كايحرك راسو بلا ) هاذشي ماشي صحيح كان خاسها تضحي بتايغر …

(سليم وفارس بسرعة شدو جبار لي كايحاول يختارق الدائرة ولكنو كايتدفع للخلف بسبب التعويذة…كايضرب بلكمات قوية فالدائرة وكايتدفع للخلف … ومزالو كايحااول وهو صاعر كايغوت عليها تحبس بدون جدوى لا هي حبسات …والا هو قدر يختارق الدائرة )

وسط الدائرة …ساندرا مغمضة عينيها وشادة يد جمانة مزييييرة عليها وكاتنطق بنوع من الصراخ)

ساندرا : فلارماتيراسبوهالينك كاتلينك فلارماتيراسبوهالينك.. كاتلينك فلارماتيراسبوهالينك كاتلينك …فلارماتيراسبوهالينك كاتلينك …

جبار كاينهج وهو كايحاول يختارق الدائرة ولكنو كايتدفع ) سااااندراااا حبسييي حبسيييييي

سليم شدو ) جباار تهدن

جبار تنتر منو ودفعو ورجع كايضرب فالدائرة )

فارس عينيه على جمانة لي راصية وكاتشوف غير فساندرا غوت ) جمااانة

جمانة شافت فيه )

فارس : واش بيخير

جمانة : آه ب بيخير

ساندرا مغمظة عيونها ): فلارماتيراسبوهالينك كاتلينك فلارماتيراسبوهالينك.. كاتلينك فلارماتيراسبوهالينك كاتلينك …فلارماتيراسبوهالينك كاتلينك ..

جبار كايضرب فالدائرة ) : ساااااندراااا

جاسم وقف جنبو وهو الآخر عينيه على ساندرا غوت ) ساااندرا حبسييي إييلا ماشي تايغر غيير حبسيي غانجيبليك حيوان آخر ماتكملييش

(ساندرا مزالها مغمظة عينيها ومزييرة بيدها المجروحة على يد جمانة المجروحة وقطرات دمهم كايطيحو فالإناء وهي تردد ): فلارماتيراسبوهالينك كاتلينك فلارماتيراسبوهالينك.. كاتلينك فلارماتيراسبوهالينك كاتلينك …فلارماتيراسبوهالينك كا…

(سكتات شوية وهي مزالها مغمظة عينيها وشادة يد جمانة …وكلهوم مخرجين عينيهم فيها … حتى كحبات وبدأ الدم كايهبط من أنفها …جمانة شهقات مخررجة عينيها وهي كاتشوف فيها …وجبار غووووت وهو كايحاول بكل قوتو يختارق الدائرة )

جبار : جماااانة طلقييي يدهااا طلقيييهااااا ساااندرااا

(جمانة شافت فيه مخررجة عينيها ورجعات شافت فساندرا ليحلات عيونها فجمانة ونطقات والدم كايهبط من أنفها بقوة )

ساندرا : إيلا طلقتي يدي فطور فك الربط أنا ونتي غانتآذاو ووحدة مننا غاتموت وماغانقدرش نضمن أن لي غاتموت فينا غاتكون هي أنا ..(كحبات الدم بقوة وكملات كلامها ) أما إيلا طلقتي يدي بعد نهاية التعويذة غانكون ضامنة أنها أنا م ماشي نتي …
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🦁الجزء 166🦁

ساندرا : إيلا طلقتي يدي فطور فك الربط أنا ونتي غانتآذاو ووحدة مننا غاتموت وماغانقدرش نضمن أن لي غاتموت فينا غاتكون هي أنا ..(كحبات الدم بقوة وكملات كلامها ) أما إيلا طلقتي يدي بعد نهاية التعويذة غانكون ضامنة أنها أنا م ماشي نتي …

ولحظة صمت …كلهم مخرجيين عينيهم ..وجمانة صفارت كاتشوف فيها ..وساندرا كاتكحب الدم بقوة ..شهقات وسرطات ريقها وكملات إلقاء التعويذة وبزز كاتخرج الحروف …)

جبار وجاسم غوتو باسمها وجاسم أشعل يديه بالنار وجهها للدائرة ..ولكن النار ترتد عليه …وجبار ولا كالأحمق وهو كايحاول بقوة يختارق الدائرة يديه تحولو لفولاذ وكايضرب بقوة ..وسليم وسيم وفارس خليل كذلك كايضربو فالدائرة وكايتدفعو للخلف ويرجعو يضربووو محاولين يكسرو الحاجز …لبنات كايشوفو فساندرا بصدمة ..وشيماء شادة راسها وكاتبكي بالجهد …
🍀🍀
وسط الدائرة :
جمانة كاتشوف فساندرا بصدمة و كمية الدم ليكاتنزل من أنفها كبيرة …)

جمانة : هئ هئ ساندرا غير حبسي صاف حبسي عافاك مابغيتش نفكو غير خليه حبسي

(ساندرا لارد فقط مغمضة عينيها وكاتمتم بكلمات التعويذة …بدأت ريح قوية تهب في المكان …وفجأة جمانة شدات بطلها بيدها الأخرى بألم وغوتات بقوة …الشيء ليخلاهم كلهم شافو فيها ..وساندرا سكتات من النطق بكلمات التعويذة وحلات عينيها شافت فيها والريح قوية فالمكان )

جمانة : أيييي هئ هئ أععع

فارس غووت برعب ) جماااانة

جاسم غوت ) ساااندرااا

ساندرا بسرعة شدات يد جمانة الأخرى ونطقات) جمانة شوفي فيا (جمانة شافت فيها وهي كاتبكي بألم) تهدني تنفسي مزياان وتهدني

(جمانة تنهدات ودارت شهيق زفير …حتى بدأ الألم كايختافي من جسدها …فالوقت لي كايدوز لجسد ساندرا لي شهقات بألم …وزيراات على عينيها وغوتات بألم )

ساندرا: آآآآ

جمانة كاترعد ) هئ هئ اش واقع

(ساندرا كحبات الدم بقووة وطلقات يد جمانة ومزالها شادة يدها الأخرى المجروحة …وشدات أسفل بطنها بألم حتى بدأ الدم كاينزل منها بغزارة من بين رجليها خلاهم كلهم مبلوكيين…
جبار واقف مكانو جامد و كاينهج وعينيه على الدم كاينزل منها فستانها الباج من الأسفل ولا حمر بالدم …وأيضا من جهة الصدر كولو دم ليكاينزل من أنفها …وكلهم مخرجين عينيهم فيها ..والشباب وجاسم وشيماء شافو فجبار…

شيماء لونها صفر مخرجة عينيها فجبار ) واش و و واش ه هي ح حا حاملة

جبار جامد كايشوف فيها … وهي كاتغوت بألم …

ساندرا سرطات ريقها وهي محنيية شادة أسفل بطنها بيد كاتغوت شافت ..فجمانة وغوتات )

ساندرا غوتاااات ) فلالاللارماااا تيراااا سبوهاااااالينك كااااااتلينك

(وغير كملاتها الريييح تجهداااات والإناء النحاسي العامر بدمهم تقسم على جوج بقوووة كل طرف منو طاح فجهة والدم المختلط ديال جمانة ساندرا تزلع فوق الطاولة الخشبية ..وتفرق ….دم جمانة تحرك ناحيتها ..ودم ساندرا تحرك ناحيتها ..والطاولة الخشبية تقسمات بيناتهم على جوج …وغير تقسمات ساندرا بسسرعة طلقات يد جمانة وشافت في فااارس وغوتاات )

ساندرا : فااااارس

فارس شاف فيها ..وهي بسرعة شافت فجمانة وخنزرااات فيها ونطقاات بصراخ)

ساندرا : فيسمانوس لوبوريس أنيبيلوس فيسمانوس لوبوريس أنيبيلوس (تعويذة تجعل اأي شيء يطفو والساحر يتحكم به..)

(جمانة مخررج عينيها فساندرا حتى تهزااات حتى للسماء كااتغوت وتدفعااا بقوووة ناحية فارس خرجاات من الدائرة وفارسة تعرض ليها شدها فحظنو قبل ماطيح على الأرض ….. الريح القوية حبسات و ساندرا لي بداو يطيحو ليها دموع من الدم …سكتات كاتشووف فيها بين يدين فارس … شافت فجاسم وبزز نطقات )

ساندرا : ع ع عنداك ل ل لكتاب ي ي يطيح ف ف فيد أ أ آل ج جوفر

(وتقيات الدم وطاحت على ركبتيها وهي شادة بطنها و غوتاااات صرخة واحدة تسمعااات فكل المكااان وبعدها طاحت مغيبة ….خلاتهم كلهم جامدين كايشوفو فيها ….يتبع
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
💔الجزء 166 💔

لحظة سمعت صرختها التي أدمت قلبي …لحظة رأيت دمها …هي لحظة صدمة وجمود وألم…..لحظة امتلكني فيها الضعف لأسقط سقوطا سحيقا يصل قاع الروح، #صرختها نهشت فؤاذي دمرتني في ثوان معدودات مع صدمة وقوعها أمامي دامية المظهر ، صدمة اختل فيها توازني وشعوري وفقدت فيها قدرتي على الصمود، لأتوه بين ابتسامتي الكاذبة الغير مصدقة وعيني الدامعة…. محاولةٌ فاشلةٌ مني لمقاومة الإنفطار، مستنجدا كل ما بداخلي لأتحلى بالقوة…. القوة من أجل الركض مسرعا نحوها …ليقف كبريائي على الجنب متفرجاً.. وليطأطئ رأسه مختفيا كقطرة ماء تبخرت نادمة أصلا على تواجدها ،……وفقط في تلك اللحظة التي أمسكها فيها بين يداي .. يتسارع خفقان قلبي ، يحمر الأنف شيئا فشيئا، تتغرغر العين دمعاً، ويرتجف باقي الجسد، تنهمر المدامع عند أول نُطقٍ باسمها “ساندرا!”، ترتطم اليد على الفم مخرسة تلك الشهقة التي تكاد تنسلّ الروح أثناءها،…. كأن قلبي يحترق، يموت، يتمزق..ويعود للحياة ليحترق ، وليموت ، وليتمزق …ويعود للحياة مجددا معيد الكَرّة ثم الكَرّة … وبعد ذلك تخرج تلك الشهقة المحبوسة لألفظ معها قلبي من شدة مرارتها،…. لينتهي بي المطاف جامدا منكسراً و محاولا إقناع نفسي أن للحزن الذي اكتسحني نهاية… ولا بد لي من الوقوف لأجلك ومن أجلك ….. كنت أنت أول و آخر آمالي، أنا جبار الذي لم أكن أعلم أنني وضعت كل فؤاذي ونبضي وقلبي و آمالي وكياني ورجولتي بين يدكِ …يدُ مِقَصِّ، ..إذا وقع لك مكروه… ستقطع آخر عرق ينبض في قلبي……فا ها أنا ذا الجبار الذي سينتهي بانتهائك … أو سيعيش ببقائك … ولا ثانية له في الحياة بعدك …

( وسط الدائرة السحرية المرسومة بالرمل الأبيض … ساندرا الواقفة وعلامات الألم بل شدة الألم بادية على كل ملامحها وتعابير جسدها …كاتغوت بألم شادة بطنها والدم يضخ خارجا من جسدها بقوة…. من أذنيها …ومن فرجها….وجوانب فمها …كاتنزف بقوة كأن جسدها يبتغي إخراج كل مافيه من دم …حتى من عينيها بداو كايطيحو بدموع من دم … ومع صوت صراخها الدال على شدة تألمها ….شافت فجاسم وبزز نطقات بآخر كلماتها أو آخر وصية لها قبل الإنهيار الفعلي )

ساندرا: ع ع عنداك ل ل لكتاب ي ي يطيح ف ف فيد أ أ آل ج جوفر

(ومباشرة تقيات الدم وطاحت على ركبتيها وهي شادة بطنها و غوتاااات #صرخة_واحدة و أخيرة تسمعااات فكل المكااان …صرخة هزات كل قلوب الأشخاص المحيطين بيها ….صرخة دمرت ذلك الذي هي تحمل قلبهُ معهَا ….. صرخة كانت كفيلة بإدخاله لعالم اللاوعي والنكراان …
وبعدها طاحت منهارة ومغيبة والدم مزالة يضخ خارجا من جسدها .. منظر خلاهم كلهم جامدين كايشوفو فيها…وهذا المكان الذي كان قبل قليل كايتسمع فيه صرخاتها المتألمة وصوت الريح القوية التي اختفت كأنها لم تكن …بعد انهيار ساندرا …هذا المكان اكتسحته لحظة صمت وهدوء مرررعب …. ولا كايتسمع فقط صوت ارتطام أمواج البحر بالصخور …. والجو برد برود قاتل….جاسم و شيماء…زليخة وعصمان…سميحة وسليم…سماح ووسيم …أميرة وخليل وهاندا …فارس وجمانة ….وجبار ….كلهم واقفين محيطين بيها … على حدود الدائرة البيضاء … جامدين بتعابير وجه مصدومة …كايشوفو فيها…فقط كايشوفو فيها و كأن جسدهم شلّ … حتى كسرت هاذ الهذوء والجمود…شيماء لي لاحت رجليها وخطات اول خطوة داخل الدائرة.. التي انكسرة حاجزها بعد سقوط ساندرا …وبعدها تحركات كاااتجري ناحيت ساندرا…و تبعاتها هاندا لي هازة حقيبتها العملية …عاد تبعوهم كل الآخرين كايجريو … ضارو بيها وتحناو عندها كلهم… وهاندا كاتغوت فوجههم مايحركوهاش ويبعدو يخليوها تعاين حالتها … لبنات وشيماء باستثناء زليخة كايبكيو بصراخ وجمانة كاتغوت برعب وهي كاتشوف فساندرا لي مغيبة لكن الدم مزالو كايخرج من جسدها…كاتغووت بحرقة ورعب حتى دورها فارس عندو وعنقها خشاليها راسها فحظنو باش ماتشوفش منظر ساندرا المرعب …وجاسم كايغوت عليهم يبعدو منها يخليو هاندا تشوفها …كلهم باين عليهم الخوف والتوتر …و كلهم ضايرين بها وهاندا حلات حقيبتها وهي كاترعد …ككللللهههم …من غيرو …جبار لي باقي واقف مكانو …في حدود الدائرة … كايشووف فيها ومكايرمشش عينيه … فقط كايشوف صورة بدون صوت …مكايسمع وااااالو …كأن الزمن وقف بيه …واقف جامد وساااهي وداخلو يتردد صوتو بكلمات مفادها ^^ ياريت نفيق من هاذ الكابوس ^ ….واقف جامد مشلول الجسد والروح …فقط كايشوف فيها وهو كايحس بالفرااغ قاتل داخلو …حتى أخذ أقوى صفعة فحيااتو …صفعة من العيار الثقيل على قلبو …صفعة لي فيقااتو من حالة هذا الجمود والنكران واللاوعي …صفعة عطاتهاليه هاندا بكلامها ملي غوتاااااات بأعلى صوتها وبكلمات لي قتلوه ألف مرة فالثانية..ملي قالت : …^ قلبها وقف ^
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
💔الجزء 166 💔

هاندا : قلبها وقف ^
مع كلماتها جبار عاد رمش عينيه عاد فاق على الواقع ….عاد استوعب وتيق أنه فعلا قلبه يحتضر أمامه …ورمى اول خطوة داخل الدائرة ..ومشا كايجري دفع لي قدامو بدون اكتراث و طاح على ركابيه أمامها وغوت فوجه هاندا)

جبار: كييييفااااش

هاندا لي كاترعد وكتبكي وهي حاطة يديها بجوج على قلب ساندرا كاتضعط بقوة وتعاود ) هئ قلبهااا وقف النزييف حاد بزاف هئ عمرني فحياتي الطبية شفت نزيف مرعب كهذاا دمها سخون كايتضخ بقوة خارج جسدها (كاتهضر وهي كاتضغط بقوة على قلب ساندرا) هئ هئ

جبار مززززنك وعروقو خارجين..وبالأعصاب كل عظلاتو تضخمت حتى تمزقت فوقو لفيست ….بسرعة كبيرة زلع حقيبة هاندا الطبية أمامو …كايقلب بهستيريا بين الأغراض الطبية بيديه لي كايترعدو بقوة …هز حقنة غير شافها وقرأ اسمها مباشرة حلها ودفع لهاندا يديها ..وهز يديه حتى للسماء وخشى الحقنة فصدر ساندرا جهت القلب فرغها وهو كاينهج وعينيه غير عليها … حتى تفرغات الحقنة ..لاحها وبسرعة حط أصبعين على رقبت ساندرا..كايتحسس النبض…وكولو كايترعد وصوت تنفسو عالي كايتسمع فالمكان كشهقات …كأنه كايتخنق بزز كايطلع النفس …كأنه هو الذي يحتضر …حاط أصبعين على رقبة ساندرا وعينيه العامرين دموع كايشوفو غير فوجهها بنظرة كأنه كايترجاها تفيق …فحين كل العائلة ماشي أقل منو خوفا عليها ساكتين مخرجين عينيهم فيه وفيها كايتسناو…فجأة وبسرعة تدفعات يد جبار من على رقبة ساندرا بسببها …
زليخة لي بسرعة جلسات على ركبتها جنبو ودفعات يدو بالجهد ..وحطات يديها هي بجوج يد فوق يد على قلب ساندرا …وهي كاتنهج زيراات على عينيها متحكمة بطاقتها وبعدها من يديها طلقات سعقة كهربائية وحدة تههههز جسد ساندرا بسببها ..وعاود تحط …وبسرعة جبار بعد يدي زليخة من عليها ..ورجع فحص بأصبعيه نبض ساندرها … ولكن واالو غووت بفاااك وحط هاذ المرة يديه هو بجوج يد فوق يد على قلبها تنهههد مزييير على أسنانو وسعقها بالكهرباء …سعقة أقوى ضعف سعقة زليخة حتى تهزااات كلها وتحطات ..وبسرعة هاندا شدات يدها فحصات نبضها وهي تبتاسم مخررجة عيينيها)

هاندا: رجع النبض رجع ر رجع

(جبار بسرعة هزها عندو …وخدم قوة الجري السريعة خرج من وسطهم بسرعة الضوء فرمشة عين وقف جنب سيارتو …حلها وحطها فالخلف …شافيهم جايين كايجريو لسياراتهم…من غير زليخة وعصمان لي بقاو واقفين وسط الدائرة ..وغووت )

جبار : هاااااندا

(هاندا ليجمعات حقيبها الطبية وتبعاتو كااتجري …ركبات الخلف جنب ساندرا وهو ركب الأمام فجهة السائق وكسيييرا…بأقصى سرعة…..ماشي أقل من خوتو وباه وأمو لي تااابعينو فسياراتهم بسسسرعة..)
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
💔الجزء 167💔

جبار كايسوق بسررعة وصدرو كايطلع ويهبط بزز كايطلع النفس …وعين على الطريق وعين على ساندرا من المرآة نطق )

جبار : نبضها ؟؟!؟!

هاندا : كاين لكن ضعييف والفظيع فالأمر هي مزالها كاتنزف من الأسفل(شافت فيه كتبكي ) واش كانت حامل أو شنو هئ حيت النزيف ماشي طبيعي بمرة هئ

جبار زيير على يديه ونطق بصراخ ) عطيها حقنة الإيبوبروفين وجرعتين من حمض الترانيكساميك حاالا

(هاندا شافت فيه باستغراب …وعاد فهمات أن سبب نزيف ساندرا من الأسفل هو الدورة الشهرية لأن الإيبوبروفين وحمض الترانيكساميك لي طلب منها جبار تحقن ساندرا بيهما .. يساعدان على تقليل فقدان الدم في حالة النزيف الحيضي القوي … ومضادة للالتهابات الناتجعة عن حدة النزيف و كفائدةً إضافيةً، هي تخفيف تقلصات الطمث المؤلمة أو لوجع أثناء النزيف…= معلومات أكيدة )

هاندرا بسرعة حلات حقيبها ..وجبدات الحقنتين ليقاليها جبار … وحقنات ساندرا )

جبار غوت ) : النببض ! مااتحيدييش يديك عن نبضهاااا !!

هاندرا : هئ ماحيدتش راني كانفحصو و مزالو ضعيف (شافت بين رجلين ساندرا ورجعات شافت فجبار )هئ الأمر خطير النزيف قوي بزاف لابقات كتنزف هكا لربع ساعة أخرى غات..(سكتات وسرطات ريقها ) غايخسها تعويض الدم وبسرعة و بمجرد وصولنا للمستشفى واش عارف اشنو هي زمرة دمها !!!

جبار زيير على يديه مجاوبهاش وزااد كسيييرة بسرعة جنونية حتى سبق سيارات خوتو وباه لي خلفو
🍀🍀🍀

نرجعو للجرف..ووسط الدائرة… واقفة بجمود وكاتشوف فيديها بجوج العامرين بدم ساندرا…الدم لسق فيديها ملي كانت تسعف ساندرا …عصمان واقف أمامها كايهضر معاها ويهضر لكنها مكاتسمعوش مبلووكية و فقط كاتشوف فالدم فيديها …حتى شد عصمان يديها وغوت )

عصمان : زليييييخة

(زليخة عاد فاقت من سهوتها وشافت فيه)

عصمان : ماالك ..؟؟؟ تهدني وراه خاسنا نمشيو نتبعووهم راه مشاو

زليخة نطقات بهدووء ): شفتي اش وقع (سرطات ريقها ) ك كان ممكن ديك الحالة لي وقعات لها توقع لجمانة…

عصمان : ولكن ماوقعاتش ساندرا ضحات باش تنقدها وجمانة بيخير وحتى ساندرا غاتكون بيخير يالاه نمشيو خاس نتبعوهم مانخليوش جبار بوحدو …

زليخة ابتاسمات باستهزاء وهي ساااهية ونطقات ) غالط يا عصمان هي ماشي ضحات (شافت فيه ) راها انتاحرات… هي كانت عاارفة أنها ماغاتقدرش تنفذ تلك التعويذة … هي كاانت عارفة أنها ماعندهاش الطاقة الكاافية لتعويذة قوية كتلك حتى لو ضحات بتاايغر …هي راها كانت عارفة أنها غاتموت فكل الأحوال … والدليل هي مابغاتش تضحي بتايغر حيت كاانت عارفة انها ميتة ميتة فا علاش تقتلو معاها !! والدليل أيضا هي عطات لكتاب لخالي .. ورغم أنه غوت عليها مرة وجوج …تحبس تايجيبليها حيوانات اخرى هي ماحبساتش..كان ممكن تحبس ويجيبوليها حتى عشر حيوانات تقوي سحرها لكنها ماحبسااتش … هي عمدا كملات عرفتي علاش حيت هي خوااافة وفظلات تهرب من مسؤوليااتها ومن كل هذا هي راااها انتاحراات

(عصمان مخرج عينيه فيها وكايحلل كلامها )

زليخة شافت فيه بعينين دامعين مخنزرة وكاتهضر بصراخ وهي كاتبكي )
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
💔الجزء 168💔

زليخة شافت فيه بعينين دامعين مخنزرة وكاتهضر بصراخ وهي كاتبكي ) آه أنااا كنت غالطة فيها وقسيت علييها حييت خفت على عائلتي منها ظنييتها متآمرة مع هاذ آلجوفر وآه للحظات فكرت نوصليهم أنا قبل منكم ونعاونهم يدييوها علينا بدون لكتاب ترجع لصنفها بلا لكتااب ماغايقدروش يطبقو تعويذة الخلوود ..آه أنااا فكرت فهااذشي ..ولكني شفت كيفاش جبار وخالي تايقين فيها وخصوصا جباار لي مستحيل يتيق فيمن كان…للحظات لمت رااسي قلت أنا لي غالطة فحقها وكنهضر معاها قاصح غير من خوفي على جمانة وجبار… (حركات راسها بلا ) ولكني فالأخير صدقت عندي الحق (شافت فيه وهي كتبكي ) عرفتي علاش أنااااا حاولت نعتقها ؟ حيت شفت حالة جباار.. هي راه ماعندهااش الحق دير فيه هكااااك هئ ماشي من حقهااا علالاش دير فييه هكاك علاش ..أنا عمرني شفتو راكع هئ أو شفت دموع فعينيه هئ أو شفتو مصدوم هئ حياتي كولها عمرني شفتووو كيما شفتو اليييوم شحال غوت بحرقة باش هي تحبس هيء كايغوت ويغوت ويضرب هئ كان كايترجاها بصراخو غير تحبس هئ هئ و هي حتى مشافتش فييييه هئ أو حسات بألمو وعبراتوو أصلا هئ فكرات غير فراسها خواافة وضعييفة فظلات تنتااحر على تواجه (مسحات دموعها بيديها لي كايترعدو زمخنزرة) هاذشي علاش حاولت نعتقها ماشي على قبلها هي بل على قبلو هو .. وغير خلييها دابا تفيق وترجع صحتها وديك السااعة تتفرج هئ قسما بالله مانخليييه ليها …حيبت هي ماتستااهلووش ماتستااهلش قلب كقلبووو …ماتستاااهلش شخص قوي بحالو … وحدة أنانية وخواافة و ضعييفة الشخصية وسااخية برووحهاا سااهل عندها تخلي كل شيء وتنتاحر وتهرب و وتموت بسهوولة غير باش ماتتحملش مسؤوليتهااا .. هي ماتستاااهلش شيطان المتحولين …. كان خااسها تتقاتل تبقا حيية عالأقل على قبلووو و على قبل ترجييه… فلهذا هي ماتستااهلوووش وأنا غانحيدووليها مستحييل نخليه بين يدين وحدة بحاالها جبار خاسو وحدة قوية وعندها العزيمة وباغية تعيش ماشي وحدة عندها الموت أول وأسهل حل .. (واستدارت مخننزرة غادية بخطوات سريعة فاتجاه سيارتها …خلاتو موراها جاامد كليا ..وكايحاول يستوعب كلامها لي كايتعاود فراسو ألف مرة ..سرط ريقو وهو ساهي فنقطة وحدة حتى ضحك بعدم تصديق لما سمعه منها ……مافاق من سهوو حتى شافها كسيرات بسيارتها … مسح على وجهو وهو كايتنفس بسرعة وغايحمااق بالتفكير … وهم نفسو أنه فهم كلامها وقصدها غلط أقنع نفسو بهذا …. واختفى من مكانو بقوة تنقلو ظهر وسط سيارتو المركونة أمامو …وكسييرا تابعها ))

🍀🍀🍀

بعد مرور عشر دقائق وقفات سيارة جبار أسد أمام مستشفى لستاركس …المستشفى الخاص بعميه عدنان وغسان/قوة النار والجليد.. وهما بطلين من الجزء الأول/ … جبار خرج من سيارتو لقا عمو عدنان مع ممرضات جاهزين كايتسناوه فالباب بناقلة …وبسرعة خرج ساندرا من السيارة وحطها بشوووية على الناقلة وزاد دافعها مع عمو عدنان وهاندا والممرضات )

عدنان مخرج عينيه فكمية الدم لي على ساندرا شاف فجبار ونطق) زمرة دمها !؟

جبار شاف فيه مخنزر وغووت ) واااااا ماااعرفتش …

(وصلوها أمام باب غرفة العمليات …دخلات هاندا والممرضات لي جارات الناقلة لي عليها ساندرا …وعدنان وقّف جبار فالباب مانعو يدخل)

جبار كايتنتر منو يدخل ) طلق واا طلق أعميييي

عدنان غوت) : تههدن جباار تهدن باك علمني من قبل وجهزت كل شيء الغرفة مجهزة بأحدث التقنيات وفي الداخل كاين فريق طبي كامل من أهم أطباء المغرب النس…..

(جبار قاطعو بأنو غوووووت بأعلى صوتو وهو كايحاول يدوز يحل باب الغرفة يدخل لكن عمو عدنان واقف أمامو مانعو )

جبار : لاكاااااان شي زااامل لدااخل يخرررج عليااااااا قبل مااااااندخل نقتل الزااامل بووووه لالاحط فيييهااا شيي زااامل يدييييه غاااانطحنووووو واااخرجو قودووو عليااا أزواامل غاااانعااينها الراااسيي…..(ودفع عمو عدنان حتى طاح مشقلب فالأرض..ويالاه غايدخل ..حتى بسرعة شدو فارس وسليم لي عاد وصلو …شدوه مانعينو يدخل وهو غير كايغوت ويهدد وكايحوال يتنتر منهم ..وجاسم نوض عدنان من الأرض …هاذ الأخير لي بسرعة وقف أمام جبار وغوت)
🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
💔الجزء 169💔

جبار : لاكاااااان شي زااامل لدااخل يخرررج عليااااااا قبل مااااااندخل نقتل الزااامل بووووه لالاحط فيييهااا شيي زااامل يدييييه غاااانطحنووووو واااخرجو قودووو عليااا أزواامل غاااانعااينها الراااسيي…..(ودفع عمو عدنان حتى طاح مشقلب فالأرض..ويالاه غايدخل ..حتى بسرعة شدو فارس وسليم لي عاد وصلو …شدوه مانعينو يدخل وهو غير كايغوت ويهدد وكايحوال يتنتر منهم ..وجاسم نوض عدنان من الأرض …هاذ الأخير لي بسرعة وقف أمام جبار وغوت)

عدنان : وااا تهدن مكااين حتى شي رجل واحد لدااخل… كانقسم لييك الفريق الطبي كاملو من النساء ممرضات وأربع طبيبات من أربع اختصاصات مختلفة ومعن هاندا …وأنا عارف عندك دوكتوراه فالطب فااااإييلا بغيتي تدخل تشرف على وضعها بنفسك خاسك تكوون مهدن ومكااالمي… أو خليهن يديرو خدمتهن تييق بيااا مكاين حتى رجل واحد لداخل أنا ماشي حمق نحط رجل وأنا عارفك بحالك بحال باك …

(جاسم خنزر فيه)

(جبار عاد تهدن وتنتر من فارس وسليم خنزر فيهم وبعد عليهم كلهم وقف بوحدو فآخر لكولوار كاينهج…وكايتنفس بصعوبة حتى وقفات أمامو شيماء كاتبكي وشدات يديه بجوج )

شيماء : هي غاتكون بيخير هئ تهدن أحبيبي عافاك

جبار ماجاوبهاش مخننزر وكايعض فشفايفو ..حتى وقف أمامو جاسم ونطق )

جاسم : قبل مانخرجو من القصر هي أكداتليا أنها بالتضحية بتايغر غاتقدر تنفذ التعويذة… وقالت أنها غاتتعرض لنزيف خفيف وألم طفيف كأثر جانبي للتعويذة… لهذا أنا طلبت من هاندا تحضر مستعدة طبيا لهكذا حالة وطلبت من عدنان يوجد كل شيء هنا..أنا ماتصورتش أنه غايكون نزيف بهاذ القوة..امكن حييت ماضحاتش وآه أنا غلطت ملي سمعت كلامها وسمحت لها تقوم بالتعويذة بدون التضحية بتايغر (سرط ريقو ) الغلط كولو ديالي يا جبار …

(جبار مجاوبوش حتى أنه ماشافش فييه .. كايتسمع غير صوت تنفسو لي كأنه يختنق ….وساهي ودماغو خدااام يفكر ويحلل كل ماوقع ……
وشيماء لي كتشوف فجاسم وتشوف فجبار بحرقة وعينيها كايطيحو بدموع …)

شيماء : جبار عافاك أولدي

(وقفات جنبهم زليخة كاتنهج حيت كانت جاية كاتجري وبعدها وقف عصمان جنب الشباب …و جمانة لي فحظن فارس و غتموت بالبكاء تنترات منو ووقفات أمام جبار وشدات يدو الأخرى)

جمانة كتهضر وهي كتبكي ) كووولو غلطي أنا الغلط ماشي ديال بابا اجبار ماتلوموش هو لومني أنا حيت أنا سبااب أنا حيت هي ضحات براسها على قبلي أنا …وفكات تلك التعويذة على قبلي أنااا هئ أنا ليكنت داخل تلك الدائرة أنا لي حسييت بقوة تلك التعويذة وفظاعة طاقتها هئ هئ واش فنظركم ألكساندرا لي ابتاكرات تعويذة البرط بهاذ القوة باش تحمي ساندرا من المتحولين غاتكون خلات أمر فكها يكون سهل هئ أو هي ابتاكرات التعويذة لحماية ساندرا وباش ملي تفكها ساندرا تموت بسبب فكها (غوتات) وااراااه أنا ليكان خاس يوقعليي هكاااك هئ راه ألكساندراا حطات أنه فالتعويذة إيلا تفكات أنا ليغانتضرر مااشي ساندرا أنااا لي غاننزف حتى المووت وهاذشي حسييت بيه ملي بداني الألم هئ لكن ساندرا حولات الألم لي من المفروض نتعرض له أنا لييها هي… هئ هئ هيااا راها عكسات مفعول التعويييذة علييها هي بدااالي (غوتات وهي كاتبكي بقوة ) وكان من المفروض نبقااو مرتبطتين حتى يتدمر لكتاااب وغايتفك الربط بوووحدوو هئ وهاذشي كحماية من ألكساندرا لسااندرا هئ الربط غير باش تحميها مننا هئ مكانش خاسو يتفك حتى يتدمر هذاك لكتاب هئ وهي فنهاية التعويذة كان خاسها تطلق يدي وتخرج من الدائرة هئ وأنا ليغايوقعلي ماوقع لها هئ لكنها دارت شيحاجة وعكسات الأمر لها هي خرجاتني أنا من الدائرة وبقات هي.. هئ هئهئ ضحات على قبلي ضحات بنفسها هئ

زليخة نطقات باستهزاء ) ضحات هههه قولي انتاحراات (كلهم شافو فيها وهي مخننزرة ) هي راه كانت عااارفة أنها مستحييل تنفذ تلك التعويذة وتبقاااا حية حتى لو ضحاات بألف من تايغر (شافت فجاسم) خالي تلك التعويذة ماتدارتش باش تتبطل و كما قالت جمانة التعويذة كانت غاتتبطل نهاار يتدمر دلك الكتااب لا غير.. وإييلا تبطلات قبل جمانة غاتمووت … حيت ألكساندرا ماشي غبية تخلي مختارتها وكتاب التعاويذ وسط صنف المتحولين بدون حمااية او تربط مختارتها بهجينة المتحولين في تعويذة غاتأذي لقتل المختارة ..ولكن سااندرا واخا هي عاارفة هذشي سكتات و طبقااتها… وقلباتها تأثيرها باش هي يوقعلها ما كان من المفروض يوقع لجمانة… أي هي ببساطة اختارت الهرب و انتاااحرات… (شافت فجبار مخننزرة ) فااا هذا ماشي خطأ جماانة أو خطأ خاالي جاسم .. حيت هي كذبات علييه وقالت ليه غير بتضحية بتايغر غاتقدر تنفذها وهي كانت متأكدة أنه مستحيييل تفك تعوييذة بهاذ القوة بدوون موت جمانة انتاحرات وقبل عطات هذاك لكتاب لخالي هي راها كانت عارفة رااسها غاتموت فيها ..

Leave a comment