Skip links

قصة : الوحش ذات القزحتين2(عشق الجبابرة) ج 9

 45,088 عدد مشاهداات

🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 81🔮

جبار : آه حيت من بعد هاذ تصرفيقة غاتعييشي فنظرك؟

ساندرا حركات راسها بلا ) هى ماتقدرش تقتلنييي تعويذة الربط يا غبي هئ

جبار خرج فيها عينيه مصرفقاه وكاتبكي وترعد وزادتو بمعيورة الغبي ) : وراه نقدر ندير بزاااف دلحواايج بلا القتل يااا ذكية (وغمزها)

ساندرا : هئ هئ وماقاصدتش نصرفقك هئ هانت كانعتااادر دببصح كنعتااذر

جبار : ماكاافيش

ساندرا: وأشنوو بغيتيني نديير هئ

جبار : قولي جباار

ساندرا: هئ جباار

جبار : لا بصوت مرتفع وعدت مرات يالاه قوولي جباار

ساندرا: هئ جباار جبااار جباار جباار جبار جبار …

جبار غمظ عيونو وهو مستمتع برنت صوتها وهي تنطق باسمه ..حلهم وشاف فيها )

جبار : ماكافييش

ساندرا: هئ حراام علييك والله ماقصدت خليني نمشيي

جبار : هاء وياك خلييتك تمشي ألحب نتي لي عيطتيلي وملي جيت صرفقتيني ودابا خليني نرد ليك تصرفيقة باش نمشي فحالي

ساندرا سكتات من البكاء مخررجة فيه عينيها ) غا غا غاتردهالي

جبار هز يدو أمام وجهها وكايشووف فيدو الكبيرة ) آه أنا مكنخليش دقتي كنردها وبترييبل

ساندرا: ع عرفتي لاضربتيني غانقدر نتضر ويلا وقعاتلي شيحاجة حتى جمانة غات..

جبار قاطعها ) بلا مادوخي عليااا ألحب لاتجرحتي هي تتجرح لاغير… وكوني هانية غانحاول نخفف يدي باش تصرفيقتي ماتسببلكش جرح (وابتاسم وهي مخررجة فيه عينيها)

ساندرا: هئ ويعطيك خاطرك ديرها هئ

جبار : كيما عطاك خاطرك ألحب وصرفقتي هاذ الوسامة كلها (شاف فخدها لمزززنك ونطق ) نقدر تانا نديرها

ساندرا مسحات دموعها وخنزرات فيه ..ودورات وجهها وغمضات عيونها )

ساندرا: يالاه صرفق خلاص

جبار ابتاسم ..وهي كاترعد ومزييرة على عينيها …مد يدو لخصلة من شعرها لبوكلي لواها حول أصبعو ..وعينيه كايتساراو على وجهها …وهي فقط مغممضة عينيها كل شوي كاتقول هاهي التصرفيقة غاتجيها …جبار قرب منها كالا بيدو على الشجرة وغمظ عيونو وقرب شفتيه من خدها حتى مابقا فاصلو والو باش يطبع قبلة على خدها …حتى حل عينيه وتراجع ..بعد منها واستدار ونطق …

جبار : غيرت رأيي أحم يدي قااصحة يا سمراء واخا نعيا نخفف أخف ضربة مني لك تغيبك وخفت على جوجو

ساندرا حلات عينيها وتنهدات برااحة وهي شادة قلبها ..حتى صدمها بكلامو)

جبار : ولكن هاذشي مكايعنيش بلي ماغانعاقبكش (واستدار شاف فيها )

ساندرا: ش شنو

جبار : العقاب لامفر منه ألحب ماشي جبار لي يتصرفق (واستدار غادي …وهي خرجات عينيها فيه وتبعاتو كاتجري وكاتهضر وكاتبكي بقوة )

ساندرا: هئ ومااتخلينيش هنااا هئ حراام عليك هئ هئ هئ واا والله ماقصدت غاتسنا نشرح ليك

جبار وقف واستدار شاف فيها ) واش البكاء عندك هوااية وهاانا قداامك فين مشيت

ساندرا مسحات دموعها وشافت فيه) كايحسابلي غاتخليني هنا …اذن شنو هو العقاب

جبار : هانتي غاتشوفي (وقرب منها وهي بسرعة غطات وجهها بيديها ظناتو غايضربها ..حتى حسات بيدو على ظهرها ..حيدات يدها من على وججها وجاو عينيها مباشرة فعينيه ..واختفى بها..ظهرو وسط الكوخ بالضبط جنب السرير .. وطلقها وهي كتشوف فيه بنص عين وخاايفة منووو..

جبار : ندوزو للعقاب

ساندرا كتشوف فيه وتشوف فالسرير ) : ش شوف هئ راه تقرب ليا نقتل راسي

جبار : مال عقلك منحرف ولكن لاكنتي طالبة عليها مرحبا (وحيد بوديه)

ساندرا خرجات فيه عينيها وغوتات ) واا لالا لالا لالالا لالا مابغييتش

جبار غووت) : صمكتيينيي مااابقايش تغوتيي أماامي

ساندرا نطقات بهمس ) منعاودش🖤تتمة الجزء 81 🖤
جبار غووت) : صمكتيينيي مااابقايش تغوتيي أماامي

ساندرا نطقات بهمس ) منعاودش

جبار : غاندوش وملي نكمل و نخرج (اشار ليها للمطبخ ليكان حاط فيه كلماعطاوه الصيادين) نبغي نلقى غداء زويين بداك لحوت طيبيه بطريقة زوينة

ساندرا مخررجة فيه عينيها )

جبار : ماتنسايش العصيير

ساندرا :دب دبا هذا هو العقاب

جبار : آه ألحب وطوول ماحنا هنا الطياب عليك والتنظيف غانعاونك فييه حتى يرطابليك راسك وتبطلي الربط باش نمشيو

ساندرا: مغنبطلووش

جبار : إذن غاتكملي حيااتك ونتي كاتشووفي فوساامتي.. وكاطيبي لياااااا ألحب (واتاجه للدوش الزجاجي ..وهي شافتو غادي يدوش ومشات بسرعة فاتجاه لبالكون حتى قفزها بغواتو)

جبار : أفييين بسلامة

ساندرا : واش واش غاادوش قداامي هااني براا حتى تكممل

جبار خنززر فيها ونطق بعصبية ) قلت نخرج من دووش نلقاء لغذااء محطوووط فا لاديتيها فطيااب كااعمة غاتسالي حتى تشووفي فيااا (وأشار ليها للمطخ)

ساندرا سرطات ريقها ..وتحركات فاتجاه المطبخ وهي حانية راسها …وقفات وغسلات يديها وهزات السمك بدات تنقيه …غير سمعات صوت الشرشار وهي تزنننك وشيطان تايوسوس ليها كايقوليها ضووري ضووري تي طلي طلي غاشوييية شووفيه غاكيداير …خرجات عينيها من أفكارها .. وبسرعة غسلات وجهها لمززنك بماء بارد …وانشاغلات بطياب …لاحت لحوت فلفران ..وقادات سالاد وعصير وكل هذا وما ضاارتش كااع …حتى سمعات شرشار حبس

جبار خرج لاوي عليه فوطة ووقف جنبها وهي دورات راسها مزنننكة باش ماتشوفش فيه …وهو هز قطع لخيار تياكل وكايشووف فيها كيفاش مدورة وجهها وكلها لونها أحمر ومتووترة )

جبار : زعمة عمرك شفتي رجل عاري

ساندرا: عمري

جبار ضحك باستهزاء ) هه آه (هز تفاحة عض منها وشاف فيها هاز حاجب) كتهضري بصح؟

ساندرا: أحم ماعندي علاش نكدب م مكن ملي ت تلبس زعمة لا بغيتي تخ تخرج غ غير خمس دقائق ن ندوش حتى أنا نحيد ملح البحر

جبار : لا فيا جوع

ساندرا: أصلا مزال مطاب السمك عافاك خ خرج غير خمس دقائق

جبار وهو كايشووف فيها عاطياه بجنب مكتشووفش فيه كاع …استدار وهو كياكل فتفاحتو ..وقف أمام دريسينغ لبس شورط وسوفيطمة ..وخرج للجلسة لي فلبالكون وغوت )

جبار : مليي يطييب جيبيهلي لهنااا نتغداو فلبالكوون

ساندرا نطقات بهمس ) واش هذا كايحسابليه خدامة عندوو

جبار : وااا قوة التنصت يااا غبية وطلقيي راسك راه غاانبدل رأيي ونجي نردليك تصرفيقتك

ساندرا خرجات عينيها ومشات كتجري للحمام الزجاجي دوش …

جبار جالس فالجلسة لي فالبالكون ابتاسم وفعل قوة #الرؤية #خلف #الجدار / وحدة من القوى النادرة ..ليقرات معايا الجزء الأول #وحش_ذات_القزحيتين هاذ القوة كانت عند سميحة أم تارا لي ماتت وهي كتولدها …قوة تسمح للمتحول صاحبها أنه يشوف كل شيء خلف أي جداار سور باب …/ جبار غير فعلها بدأ كايشوف ماخلف حائط الكوخ كايشوف … فساندرا لي دخلات للدوش وهي عاطياه بالضهر …جمعات شعرها الطوييل اسفنجة لفوق …وحيدات لكسوة لاحتها وحلات خيوط الستيانات …ومدات يدها خلف ظهرها حيداتهم لاحتهم جنب …بقا كايتأمل ظهرها العاري وانحنائات جسدها المنحوت ..
سمار ولمعان بشرتها …كايتأملها وهو ساااهي مكايرمشش وكايسرط فرييقو…هزات يدها فكات شعرها لي تطلق وغطا كل ظهرها حتى لخصرها..وطلقات شرشار بدأ الماء كاينزل مع جسدها ومع شعرها فزگ زات تمدد حتى غطى مؤخرتها ومزال عاطياه بالظهر ..ويالاه مدات يدها تنزل سليب حتى استدار بسرعة ووقف كاينهج.. وهو كايشوف فالغابة …نزل عينيه لحجرو وهو يتنهد …)

جبار : دابا ماشي الظلم هذا (تكى على سور لبالكون) شحال قدي نصبر علييها (ومسح على وجهو وهو كايحس نفسو غااايطرطق …بقا واقف هكاك لربع ساعة حتى استنشق عطرها لي بالخزامة …وسمع صوتها …)

ساندرا: نحط لغذاء دابا🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 82🔮
ساندرا: نحط لغذاء دابا

جبار استدار وشاف فيها لكن بسرعة بعد نظرو وسرط ريقو وبسرعة عطاها بظهر كاينهج وشكلها مزال أمام عينيه..كانت لابسة فستان لاسق على لحمها بالباج والأبيض ومن لفوق بحال الستيانات مشبكين ..وصدرها خارج…رغم أن الفستان طويل لكنو عاري …نطق )

جبار : دخلي لبسي أولا

ساندرا شافت ففستانها ورجعات شافت فيه) راني لبست

جبار مسح على وجهو ونطق بالداريجة ) نعل ديلمي أنا ليشاريليك ثياب بحال هكاك (غوت بالانجليزية حتى صوتو تردد صداه فالغابة ) واااااا دخلييي لبسي شيء آآآخر

ساندرا مع سمعات كلامو بالداريجة فهماتو وتزنكااات ..دخلات كاتجري قلبات كل الثياب لي عندها…ولي كلهم هو لي اشتراهم لها فطريقو ملي كان جايبها للجزيرة .. كلهم فساتين عارية وشورطات وسوفيطمات …ورجعات عندو مزننكة لقاتو واقف كيما خلاتو ونطقات)

ساندرا: أحم ملقيتش شيء يعني مستور

جبار مسح على وجهو ونطق ) لبسي شي بودي من ديالي

ساندرا رجعات دخلات وقفات أمام ثيابو وبشووية جبدات بودي أسود لبساتو فوق الكسوة ورجعات وقفات أمامو …

ساندرا: ودابا ؟

جبار استدار شاف فيها … واقفة أمامو كاترمش فعويناتها ..ووجها نقي وصاافي من أي مكياج ..والنمش مزين أنفها ..نزل نظرو لشفتيها وهو يتنهد بعصبيية من الأفكار لي فبالو مسح على وجهو وداز من جنبها دخل …وهي تبعاتو ..

ساندرا: واش نحط

جبار جلس فصالامونجي )حطي وأري معاك قرعة ماء باردة

ساندرا سرطات ريقها ونطقات وهي كاترعد ) ه ه ها ث ثلاجة ح حداك ن نوض ليها راسك

جبار ابتاسم وضرب فيها واااحد تخنزييرة خلاتهما مشات كتجري حلات ثلاجة جبداتلو قرعة حطاتها قدامو ..وهو شدها ونزل عليها شربها فدقة وحدة …أما ساندرا جبدات السمك من الفرن وقاداتو فصحن دورات بيه سالاد وحطاتو وسط الطبلة ..هزات صحنين فارغين حطات واحد أمام جبار و واحد أمامها …والعصير لي قاظات حطاتليه كاسو وليها كاسها ..ووقفات هزات صحنو عمراتولي بلحوت والسالات بطريقة منظمة وزوينة وحطاتو أمامو ..وصحنها حتى هو وجلسات هزات فورشيط وبدات تاكل …وكل هذاااا وجبار سااهي فيها مارمشش بمرة …شاف فصحنو وهز شوي من لحوت داق وابتاسم …
🍀🍀🍀🍀
المغرب كازا …وبالضبط فمقر محكمة المتحولين …

جالسة فكرسي على طاولة رؤساء العشائر …طاولة ضخخخمة وكبييرة تظم أكتر من 204 كرسي وكل كرسي منقوش عليه اسم رئيس عشيرة دولة معينية أو جزيرة معينة … حاطة رجل على رجل ..وأمامها بعض الأوراق كاتقراهم …حتى جلس جنبها …

عصمان : زليخة🖤تتمة الجزء 82🖤

المغرب كازا …وبالضبط فمقر محكمة المتحولين …

جالسة فكرسي على طاولة رؤساء العشائر …طاولة ضخخخمة وكبييرة تظم أكتر من 204 كرسي وكل كرسي منقوش عليه اسم رئيس عشيرة دولة معينية أو جزيرة معينة … حاطة رجل على رجل ..وأمامها بعض الأوراق كاتقراهم …حتى جلس جنبها …

عصمان : زليخة

زليخة لارد فقط كاتقرأ هاذوك الأوراق)

عصمان : زليخة واش مزال مقلقة مني اعتاذرت ألف مرة وسيفطتليك أكتر من مئة رساالة وفينما صونيت كاتقطعي عليا علاش كل هذا

زليخة: حيت زوزو طلبت منك شيء ونتا مدرتيهش(شافت فيه) قلت بغيت غير معلومات عن هاذ آل جوفر نت ضرتي فيااا وزايدها كداافع على تلك الساحرة فوجهي

عصمان : زليخة واش ماشي زدتي فيه

زليخة نطقات بعصبية ) بغييت نزييد فييه نت ماالك والمعلوومات لي مابغيتيش تعطيني (وراتو الأوراق ) هاااهوووما بابا طلبتو مررة وحدااا جابني معااه لهنا وأمرهم يعطييوني كل ماا أطلب فا أنا مامحتاجاكش

عصمان أخد يدها باسها ) كنعتااذر للمرة الألف ونتي عارفة مكانتك عندي يا زليخة

زليخة شافت فيه) وشنو هي مكانتي عندك يا عصمان

عصمان وهو ساهي فعيونها الزرق ) نتي أهم شخص فحيااتي

زليخة ابتاسمات وقربات وجهها منو وهي كتشوف فيه بنظرات كايتوجهو كالرصاص على قلبوو)

زليخة : مزياان وأصلا هاذه هي المكاانة لي زييلي خاس تكون عندها لا بالنسبة لك والا لكل عشرااني

عصمان سرط ريقو ) وقت الغذاء يالاه غانعرض عليك

زليخة : لا مامسالياش كنبحث فسجلات سكان واحد الجزيرة لي نسبة الوفايات فيها مرتفعة أي فالشك انها تضم معشر لسحرة السحر الأسود كايضحيو ببشر الجزيرة ..

عصمان : زليخة هاذ السجلات بالضبط فايتلي درستهم فايالاه نتغداو ومن بعد نديك فينما بغيتي

زليخة خنزرات فيه ونطقات بحدة ) وااش مكاتفهمش قلت ليك لا

عصمان يالاه غايهضر تاوقفات عليهم بنت )

الفتاة : آنسة زليخة النبيل إيفان طلب مني نخبرك أنه مشا للشركة على امر مستعجل وراه أمرهم يجيبوليك سيارتك ترجعي فيها لقصر لستارك حيت مشا بسيارتو ..

زليخة بدون ماتشوف فلبنت ) أووك

عصمان هز راسو فلبنت وابتاسم ) مارال

مارال شافت فيه ) آغا عصمان

عصمان وقف كايضحك ولبنت سلمات عليه من الوجه)

عصمان : أشنو كاديري فالمغرب؟

مارال : وليت عضوة من فرقة العدالة بالضبط الفرقة لي قائدها السيد أمير وجيت معاه ومع الفرقة كلها بأمر من رئيس كل العشائر

عصمان خربق لها شعرها ) هه ماراال الصغيرة ولات عضوة من فرقة العدالة

مارال : آغااا مابقيتش صغيرة باش تقولي هكا ههه ونت عارف شحال أنا قوية

زليخة لي معصصبة وهي كاتشوف فيهم نطقات بالداريجة مع عصمان )

زليخة : عصمااان أشنوو واقع هنااا

عصمان : آه زليخة هاذي مارال هي بنت عم لواليد ووحدة من عشيرتي فتركيا وعندها نفس قوتك التحكم بعنصر الكهرباء

مارال مدات يدها لزليخة ) تشرفت بمعرفتك آنسة زليخة

زليخة كطلعها وتهبطها ومخنننزرة قلبات عينيها ورجعات كتشوف فالأوراق )

عصمان تنهد وشاف فمارال ) تغذيتي؟

مارال ابتاسمات له …أما زليخة خرجاات فيه عينيها )

مارال: هه مزال

عصمان : إذن عارض عليك ويلا ماعندك حتى مهام من بعد نساريك كازا شوية

مارال خشات يدها فدراعو ) أكيييد ولا نشكيك لعني الآغا جوكاار

عصمان : ههه يالاه (شاف فزليخة ) يالاه أزليخة

زليخة مخننزرة فيه وقفات وهزات صاكها ونطقات بالداريجة ) لابغيتي نمشي معاك فا بوووحدنا وكل اهتمامك وانتبااهك يكون ليا أناا ماشي لغيري (وخنزرات فمارال)

عصمان زير على يديه ونطق بهمس وبالداريجة ) زليخة الله يهديك لبنت عررضت عليها حشوومة أشنو غانقوليها دابا ..وهي وحدة من عشيرتي يا زليخة

زليخة : شغغلك هذاااك غاتجري علييها وداابا وقداامي

مارال لي كتعرف غير التركية والانجليزية كاتشوف فيهم ) واش واقع شي مشكل …

زليخة وعصمان نطقو فنفس الوقت )

عصمان : لا
زليخة : آه

زليخة غوتات ) : عصماان

عصمان : زليخة غير تهذني مافيها واالو نتغذاو مجموعين

زليخة : وااخا أعصماان عقل عليها مزيااان (وضربات كتفو بكتفها وزادت صاااعرة )

مارال : أحم سير تبعها امكن جبدتليك شي مشكل معاها

عصمان تنهد وشاف فيها ) يالاه نتغذاو ..🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 83🔮

وفي قصر آل ستارك …بالضبط فجناح فارس …هاذ الأخير لي متكي على جنبو فوق سريرو وهو مبتاااسم وكايشوف فيها …متكية على ظهرها وكاتشوف فسقف الجناح ومبتااسمة …

فارس لي ملي هز جمانة …دخلها لجناحو وتكاو بجوج على السرير مبعدين عن بعض…وبقاو ساكتين مدة هي مززنكة وهو مبتااسم …حتى استدار جنب وبقا كاايشوف فيها )

فارس : جمانة

جمانة دورات راسها شافت فيه ) أمم

فارس : كنبغيك

جمانة ابتاسماات وحاسة بقلبها غايسكت )

فارس : كنبغيك هي كلمة قلييلة وبزااف على كل ماكانحسو من نايحتك

جمانة لي مبتااسمة فقط كتشووف فيه بعويناتها القزحيتين)

فارس: هاذ الشووفة هاذي بالضبط…هاذ لعويينات لي من نهاار شفتي فيا بيهم ونتي بيبي قد كف يدي ..وأنا طفل الخمس سنوات ..سرقتي قلبي وروحي …ومن نهار كانت عندي 14 سنة بالضبط فنهار عيد ميلادك 9 ملي عطيتك هذيتك وبستيني على خدي ونتي فتاة صغيورة ورطبة وحلوة وغير ضاحكة ..من هذاك اليوم أقسمت أنك ليا وأني ليك وبوحدة ..(وابتاسم) ومشيت عند عمي جاسم ههه كان جالس معاه لواليد وكل عمامي وجدي فهذاك الوقت ووقفت قدامو مخنزر قلتليه زوجني جماانة دابا …هذاك نهار حتى من عمي جاسم ضحك عليا..وكانعقل شدني من كتفي فهذاك اليوم واعدني قالي وهو كايشوف فيك كنتي كتلعبي مع البنات …قال كون راسك ولي راجل قوي وخدم على نفسك وشخصيتك وقوتك وأجي هابنتي غاتكون غير لك..من تلك اللحظة قررت أني غاندير كل مافجهدي باش نكون الرجل لي يستاهلك

جمانة هو كايهضر وهي كاتفرنس )ههههخ

فارس ضحك لضحكتها ) ههه وملي درت 18 سنة كان خاسني نبعد على القصر على حساب دراستي وباش نتدرب على قوتي … مشيت للدانمارك وطول السنين ليكنت بعيد فيهم عمرك بعدتي عن تفكيري ولو لثااانية … عمرني فكرت نشوف فغيرك حتى ضحك …عمرني تمنيت شي أنثى غييرك …وفاش كنت كانجي فالعطل مكاتكونيش فالقصر وحتى إيلا كنتي أنا مكنبقاش بزاف … وباش نهضر معاك ونقول لك كل هذا وأني مجنوون بك ونتي فسن صغيرة ماتجرأتش … شوقي لك كايزيد فكل مرة اضطريت نبعد كل تلك السنين من القصر وشحال من عيد ميلادك ماحضرتش ليه كنت كنبات سهران محتافل غير بوحدي…و كنشوف فصورك ليكاتسيفطلي لواليدة …كل سنة كتكبري كل سنة كاتزيدي جمالا عن جمالك وكل سنة كاتزيدي تتغلغلي فقلبي أكثر …نهار جيت أنا وحبار والشباب (ابتاسم) وغير دخلنا كنتي واقفة فأعلى الدرج وجيتي كاتجري اختارقتي جبار ليكان فاتح ليك ذراعيه وعنقتي وسيم (سكت شوية وهو ساهي فعيونها ) وياااه شحال حسدت وسيم فتلك اللحظة لدرجة توقف بية الزمن و أنا كنتخيل نفسي أنا لي حظيت بذلك الحظن …شفتك أمامي كلك جمال وأنوثة وعفوية ..وباش نزيد نصبر سنة أخرى مستحيل أخذت قراري باش نهضر مع عمي جاسم فأقرب وقت (تفكر ملي كان دخل عندها لقاها كتفرج فصور سفيان وخنزر) أحم صباح ليلة عيد ميلادك ملي عطيتك هذيتك عقلتي

جمانة شافت فخاتمو فأصبعها وحركاتلو راسها بآه)

فارس : من بعد ماخرجت من عندك مشيت لمكتب عمي جاسم وبرسالة سيفطتها لجبار هو الآخر إلتاحق بنا..وتما طلبت يدك رسميا منهم..(جمانة خرجات فيه عينيها)

فارس : عمي جاسم أكيد وافق ولكن جبار..

جمانة قاطعاتو بأنها تكعدات مخرجة عينيها وغوتات ) رفففض ياااك جباار النسونجي العتروووس لاخر هىء هىء رفض يااك أصلا كنت عااارفة هو دييما كايشد معايا الضد هئ هىء

فارس هو الآخر تكعد كايضحك ) ههه لالا مارفضنيش (مد يدو كايمسحلها دموع ) غير نزل عليا بالشروووط

جمانة : بحالاش🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 84🔮

جمانة : بحالاش

فارس : جبار أكد عليا ناخد موافاقتك أولا واخا عمي جاسم قال له أنك غاتوافقي وأنك ملي كنتي صغيورة هو عطاك ليا …ولكن جبار كان مصر ناخد رأيك وموافقتك أولا ..وبدأ يهدد فيا

جمانة مخررجة فيه عينيها ) تفوو عليه لحكاار لاخر علاش يهددك علاش

فارس : هه لا ماشي حكار وإنما خوك كايبغيك بزاف أكتر من أخ كايبغيك كأب ..هددني بضرورة حمايتك وعمرني نآذيك او نبكيك او نقرب منك حدك ماشي حلالي ..وبزااف (شاف فعويناتها ) أشياء لي مستحيل أنا نديرهم أصلا ..لجوهرة بحالك

جمانة تزنكات وهي مبتاسمة )

فارس : فا واش نتي موافقة عليا ،؟

جمانة سكتات مدة كاتشوف فيه عاد نطقات )

جمانة : نت فعلا كاتشبه لبابا فبزاف دلحواييج وأنا كنمووت على بابا وقصة عشقو لماما وكل شيء كان دارو على قبلها .. مكنملش من سماعها …لدرجة كنت كنتمنى كل ليلة قبل مانعس أن نصيبي يكون راجل كبابا فكل شيء (حطات يدها على خدو ) وأمنيتي تحققت شفتي حتى بابا متأكد كليا منك وإلا مكانش يعطيني ليك بلا مايسولني أو بلا مايشرط عليك والو حيت عارفك آش كتسوا فا أنا موافقة وبزاف ولكن

فارس مبتااسم وهو سااهي فيها وغير حطات يدها على خدو غمظ عيونو وتنهد براحة ونطق ) والكن آش؟

جمانة : واش نت متأكد يعني نتا عارف أنا ماشي ذكية كماما وماشي فجمالها (وحنات عينيها شافت فصدرها ) ونقولك واحد لحاجة

فارس لي حل عيونو شاف فيها ) قولي

جمانة تزنكات ) أحم دب باش مانقولبكش معايا كيشفتي أحم(وبدات ضور عينيها ) معنديش صدر

فارس نزل عينو لصدرها ورجع شاف فيها وتزلع بالضحك ..كايضحك بدموع لدجة تكا على السرير وكايضحك)

جمانة خنزرات ) ماضحكليش على صدري راه كندهن ليه زيت لحلبة دب يكبر ويعجبك

فاسر عاد مزاد فالضحك وجرها من يدها حتى جات متكية جنبو ..وأخد يدها لفمو باسها ونطق )

فارس :هههه كنبغيك ألحمقاء ههه كنمووت فيك وكما أنت مابغيتكش على صدرك او جسدك بغيتك على عيونك والنظرة لي فيهم .. وقلبك وعفويتك وبرائتك والطفولة لي فوجهك وبزااف دلحوايج… وهذاك صدر لي معاجبكش أنا محمقني

جمانة : دب لاتزوجنا غاتولي نتا مسؤول عليا ياك ولي طلبتها ديرها

فارس : طلبي عيوني نجبدهم لك

جمانة تكعدات فرحانة ) مابغيت والووو بغيت غير نفخ صدري

فارس الضحكة تحولات لتخنزيرة وتكعد ونطق بصراخ )

فارس : أشنووو

جمانة قفزات ) أناري ماالك

فارس شاف فصدرها ) بغيتيه غير يكبر واخا نكبرو لحبيبتي ولكن بطريقة أخرى

جمانة تزنكات من كلمة حبيبتي وعضات شفايفها ) :وأ شنوو هي هاذ الطريقة

فارس : حتى نتزوجو وتعرفيها

جمانة خرجات فيه عينيها ) : وإييمتا نتزوجوو

فارس : ههه خلي يرجع خوك فالأول نفكو حريرة الساحرة

جمانة نطقات فدماغها = دب انا نبقا بلا بووسة تاااترشقلو لعترووس دجبار يرجع / شافت ففارس )

جمانة : لالا هضر مع بابا قوليه أنا موافقة ونديرو خطبة وحتى ترشقلو جبار يجي ونديرو عرس المهم نكونو مخطوبين

فارس : مستحيل ندير شيء بدون حضور خووية جبار (مد يدو ردلها الشعر خلف أذنها ) صبرت كل هاذ السنين ونزيد نصبر

جمانة : واخا لي بغيتي

فارس باس يدها ) ماتصورييش شحال كنت خايف من رفضك ليا لدرجة كنت هاذ الأيام مكنعسش بالتفكير حيت فكل مرة قربت منك كتقوليلي خووية

جمانة كضور فعينيها) :غير كنت فاهمة اهتمامك بيا غلط أحم ومالي حمقة نرفضك

فارس : ههه لا أنا ليحمق بيك وعليك

جمانة عيات تصبر مقدراتش وهي طير عليه بتعنيقة …حتى هو كان طالب عليها وخشا راسو فعنقها كايستنشق عطرها ومزيير عليها فحظنو ونطق)

فارس : كنوااعدك عمرك غاتندمي على موافقتك نفدييك برووحي

جمانة خشات راسها فعنقو وشفايفها قاصو لحمو حتى تبورش ونطقات ) : عارفة

فارس سرط ريقو وبعدها من حظنو بسرعة وهو مزننك ) نوضي سيري لجناحك شوي وغايحطو الغذاء

جمانة : وغاتهضر مع بابا

فارس : عمي جاسم ماعندو حتى مشكل بمرة بالعكس هو من زماان واعدني بيك ونهار طلبتك قالي أنه متأكد من أنك نتي غاتوافقي عليا…

جمانة : حيت بابا عارفني كنمووت فيه فا كييفاش ماغانبغيش نسخة منو ….أنا غانهضر معاه ونقوليه موافقة

فارس لي كايسرط فريقو ..ابتاسم وطبع قبلة على جبينها ) يالاه نوضي سيري

جمانة ابتاسمات ويالاه غاتنوض حتى شافت فحجرو …كان سروال منفووووووخ ..خرجاات عينيها وناضت مزننكة )

جمانة : أحم غان غانمشي

فارس حرك ليها راسو بواخا ..وهي مشات كتجري اختارقات الباب وخرجات مزننكة وشادة قلبها )

جمانة : ناري نااري ناااري نااري دكشي قدااش نااري ناري مشيت فييها ناري ناري ناري ناري لالالا (ومشات كتجري مزنننكة فاتجاه جناحها )🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 85🔮
🍀🍀🍀
وأنا الذي كنتُ أسخر من قصص الحُب وحكايات العاشِقين”
حتى إبتليت بعشقٍ فأصبحتُ بِحال العاشِقين رحِيمًا.! S♡S

عند سليم لي يالاه وصل للقصر …دخل فرحان ..وايالا غايركب المصعد حتى شافها جالسة على الصالة مونجي بوحدها ..والخدم كايحطو فالأطباق الغذاء على مايتجمعو العائلة ..ابتاسم ومشا وقف موراها وغمظ عيونها بيدو )

سميحة :ههه

سليم : ههه واش نتي غير كضحكي

سميحة حيداتلو يدو ووقفات واستدارت عندو ) حييت عرفتااك نتا هذا

سليم : وبااش عرفتيي

سميحة نطقات بهمس ) عطرك

سليم : توحشتك

سميحة : تانا

سليم : اجي نهضرو شوي

سميحة : واخا بلاتي نهز تيليفوني (استدارت تهزو من على الطبلة وطاح ليها ..وسليم تحنى هزو ويالاه غايمدوليها حتى خنزر ..ملي شاف صورتها على انستغرام …بقا كاقلب فهاتفها دخل لفيسبوك ولقا عرااام دالشباب كايكومونطيو ليها ولقلوبة غير مزلعين ..ابتاسم وشاف فيها )

سليم : أشنو هذشي

سميحة مبتاسمة ) آشنو

سليم قسم الهاتف على جوج ورجع قسمو على ربعة )

سميحة مبتاسمة ) يااه هرستييه

سليم : آه أسموحتي وغانجيبليك واحد جديد حلي فيسبووك وأنستغراام ولي عجبك ولكن نلقا عندك صديق واحد ذكر (خنززر فيها ونطق بنبرة تهدييد) يدك لي غاتهرس هاذ المرة

سميحة لي صفارت وهي مخرجة عينيها فشكلو لي تسيف ونطقات وهي مبتاسمة ) : ك كاتضحك ولا ب بصح

سليم غوت ) : سمييحة قلت نتي دياالي قلت غاتولي مرااتي فا احتارمي هاذشي أصدقاء ذكوور حتى فمواقع التواصل ممنووع فهمتي باش نبق دييما زوين معاك

سميحة ابتاسمات ) واخا صاف غير غير تهدن

سليم باسها جنب فمها ) غانغير ثيابي ونرجع على مايتجمعو العائلة للغذاء ..وهاتف جديد فليل نجيبوليك لكن بربي نلقا فيه مرة أخرى شيء مايعجبنييش حتى نتي ماغايعجبكش اش غاندير ليك (وشاف حواليه حتى تأكد مكاينة حتى خادمة ..واختفى بقوة التنقل )

سميحة جلسات شادة قلبها ..وتهديدو كايتعاود فبالها و فعلا خلعها )
🍀🍀🍀
فجناح التوأم …تارا جالسة جنب سماح لي متكية….سماح من بعد ماخرجات من جناح وسيم مشات كتجري لجناحها هي وختها ..وبسرعة دخلات للدوش وطرقاتو عليها من الداخل …وتخشات فلبانيو دلعومان وبقات جالسة كتبقي وتبكي بقوة …قلبها تقسم على جوج ..والأحلام لي بنات والآمال والتوقعات ليكانو عندها كل شيء تردم فوق راسها فثواني… أول حب وأصدق حب فحياتها صدق من طرف واحد وعمرو يكون من طرفين …فهمات أن وسيم مكايبغيهاش وماغايبغيهاش …كانت كظن لاباستو او بيناتلو أنها باغياه بصح ولسقاتو غايغير رأيو ..ولكنها كانت غالطة واستعوبات أنه الحب ماشي إجباري الحب كايتعطى ماكايتطلبش … جلسات ساعة وهي كتبكي ومابرداتش طلقات ماء بااااارد بدأ كايعمر البانيو حتى ولا كايتزلع …وهي داخلو كاترجف حيت ماء باارد …بقات فيه لمدة حتى تهدنات …وناضت كتقطر خرجات للدريسينغ لبسات عليها وتخشات ففراشها كترجف ..وبقات ساااهية لمدة حتى دخلات عليها ماماها تعلمها انهم غايحطو الغذاء….تارا جلسات جنبها وعياات معاها لكن سماح مبغاتش تنوض )

تارا : واش نعيط لباباك

سماح : علاش غاتعيطيليه راه غير ضربني لبرد

تارا : حرارتك مرتافعة ياك عاد صباح كنتي بيخير أشنو وقعليك حتى مرضتي هكا

سماح ابتاسمات ) ماوقعلي والو وراه خديت دواء أماما غير سيري تتغذاي ..

تارا : ونتي

سماح : غانعس شوي نفيق وناكل

تارا : واخا أحبيبتي (باستها ووقفات خرجات …

سماح لي سااهية حتى غمظات عيونها …وكل تفكيرها وسيم ..نذمات عالنهار لي بغاتو فيه…..//🖤تتمة الجزء 85 🖤

عند أميرة لي كانت خارجة من جناحها تنزل تتغذا ..وهي ساهية فالخاتم الأزرق بين يديها الخاتم لي أهذاها مالك ..حتى تساطحات مع شخص وغير هزات راسها لقاتو أمامها …

أميرة : خليل

خليل : علاش كاتهربي مني أجي معايا خاس نهضرو (ومد يدو يشد يدها لكنها بعدات منو مخنزرة)

أميرة : مابغيتش نهضر أخليل قلت ليك بلي موقع والو نسى الأمر

خليل بزز شد يدها مخنززر فيها ونطق ) غاانهضروو يا أميرة سمعتي وغير يرجع عمي فيليكس غانطلبك منو

أميرة ضارها فيدها ) طلق منيي أخليل .. وهضر مع بابا ولا دير لييي عجبك أنا مابغيتكش وماغانتزجش بيك وبابا عمروو يبزز علياا شيحاجة بالعكس لاعرفك كاتعامل معايا هكا بربيي ماغاايعقل علييك أخليل وراك كاتعرف فيليكس آل ستارك أش كايسوا

خليل سرط ريقو وطلق يدها ونطق بنبرة تهديد ) واااخا يا أميرة ولكن برربي ماغااتكوني لهذااك مالك سمعتي مدام مبغيتينيش حتى هو غاترفضيييه وإلا غانوضهااا معاه وماتنساايش أنا ليي دمي دم ستاارك العشييرة الحاكمة سمعتيي أناا لي عميي رئيس كل العشاائر ماشي هوااا… والعشييرة غاتوقف معايا أنا فااا بربيي تانقلبها عليه وعلى كل عشيرتو باتهاام واحد مني أنو كايتحرش بيك أو أنو هددني بالقتل (وابتاسم) لقليلة فحقو هو وعشيرتو النفي

أميرة صفارت) وااش حماقيتي أخليل واش جهلتي هاا

خليل : ليي عندييي قلتووو رفضتيني غاترفضييه إييلا قبلتي بشيواحد غايكوون هو أنااا

أميرة : حللم أخليل فأحلامك سمعتي واتااهمو نشووف حيت عمي جاسم غبي قداامك غايجي ويتيقك هااا وماالك راه تربى وسطنااا وكلهم عاارفيينو مستحييل يدير هااذشيي ..ولا فنظرك أنا غانوض ونقولهم اه تحرش بيا كااتحلم سمعتي ومااتنسااش نتا لي هجمتي علييه أولا بقواك وواخا هكاك هو ماردش علييك بقواه .. وأنا وماما شااهدتين فااا حاول تتاهموو ونشووفو ديك الساع شكوون غايتنفى وإييلا يحسابلييك عمي جاسم غايوقف فصفك حيت نتا ستاارك راك غاالط حيت فالحكم ماكاين ما أعدل من عمي .. وبلاصت ماتبقا تابعني غيير حيت شاد مع مالك الضدد ومكتحملوووش وأنا متأكدة أنك مكااتبغينييش كوولوو غير ضدد فييك وغروور منك … حل عيينيك ياا خليل وغاتبانليك لبنت ليي فعلا كاتبغييك من أعمااقها أولد عمتي ويلا ضيعتيها عمرك تلقا حب بحاالها وديك الساع سير عند لمونيكات لي سميتهم معجبااتك قولهم ينفعوك (وزادت خلاتو واقف جامد مكانو )🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 86🔮
🍀🍀🍀
#جبار : قد تبلغ المحبة بين شخصين حتى يتألم أحدهما بتألم الـآخر …ويَسقَم بسقمِه وهو لـا يشعر…
#ساندرا: عجباً كيف قرّبتُكَ من نفسي وأنا التي أبني الحواجز و أُشيّد الأسوار …أنا التي عزلت نفسي عن كلٍ الرجاال…
و كنت أريد أن أقول لك الكثير …ليخرج هذا الكثير في كلمة مغزاها … : أنا ضعيفة
جبار :م-ا حاجتُتك للقوة وأنا قوتك ؟
♡♡♡♡♡♡♡♡♡♡●

الساعة العاشرة ليلا …على الجزيرة الخضراء ..في الكوخ عند جبار وساندرا …

ساندرا لي مفرشة بلاصتها فالأرض وجالسة كاتقرأ فكتاب التعاويذ …وجبار لي كان خارج ..نصف ساعة حتى بان قدامها بقوة التنقل وهي قفزات شادة قلبها)

ساندرا: مابقاش دير بحال هاكا

جبار : اش درت

ساندرا: بنتي قدامي هكا فكل مرة كاتستعمل هاذ القوة كاتخلعني

جبار : أعتذر سمو السندرِلا مرة أخرى غانشاااورك قبل مانستعمل قواي (وخننزر فيها)

ساندرا : أحم ماقصدتش هذشي

جبار : وقفي راه عندنا ضياف

ساندرا وقفات ) شكون ؟

جبار لي مشا حل باب الكوخ وابتاسم ) دخلو دخلو مرحباااا

وثواني حتى دخلو عشرااات الأفااعي الساامة والكوبراا …ساندرا اللون هرب من وجهها وغوتاات وطلعات فوق السرير كاترعد)

ساندرا: واااااع لالا بعدهوووم وااااع هئ حرااام علييييك

الثعابين ضارو بالسرير وهي ولات تنققز مكانها وكااتغوت…جبار مربع يديه وكايتفرج )

جبار : أودييي ياااودييي على الساحرة قالك (مسح على وجهو ..وبقوة التحكم بعقول الحيوانات أمر الثعابين لي بعدات وقرب هو من ساندرا لي كاتبكي)

جبار : قلتي أنك ضعييفة فا هاهم كلهم تحت تصرفك ضحي بيهم

ساندرا : هىء هىء لالا مابغييتش هئ (جلسات راكعة على السرير كتبكي) ماابغيتش هااذشي منقدرش نقتلهم أنا مامولفااش هذشي جديد علييااا هئ منقدرش منقدرش هئ

جبار جلس قريب منها ) واش غاتبقاي ضعيفة ؟

ساندرا شافت فيه)

جبار : بغيتي القوة بغيتي تقوي سحرك (مد لها يدو ) أنا معاك وغانعاونك فقط تيقي فيا كل تلك الثعابين أنا متحكم بيهم ماغايآذيوكش حتى أنهم ماغايتحركوش غايبقاو أمامك كالجماد ماعليك غير تقتليهم

ساندرا كتشوف فيدو وسرطات ريقها …) ولكن ولكن مغنقدرش نشد لموس ونقتلهم هئ

جبار : غانعاونك

ساندرا : و واخا (وحطات يدها فيدو لي ماد ليها ..وهو ابتاسم ووقفها وهو شاد يدها …ركز نظرو فالمطبخ ..بقوة التحريك الذهني خنجر كبير الحجم تهز من مكانو وطار حتى تحط فيد جبار …من بعد ركز نظرو فالثعابين لي مباشرة تبعوه هو وساندرا لي غادة ومزييرة ليه على يديه بالخوف ..وكتشوف خلفها فالثعابين الكثيرة لي تابعينهم …خرجو حتى لخارج الكوخ ..وشاف فيها ومد ليها السكين

ساندرا : هئ مغانقدرش

جبار شدها من كتفيها ..جلسها على العشب وجلس جنبها ونطق )

جبار : غاتقدري نتي أقوى من هكا

ساندرا شافت فيه) هئ لا لا نتا غالط بزاف أنا ماقوياش بمررة حتى شويي من صغري كانت جداتي هي قوتي كنت دييما مخبية عندها ..وهي كانت دييما كتبعدني عن الناس كتمنعني نكون صداقات ولا نختالط بالناس ..هئ عشت حياتي غيير أنا وهي وكنت متكلة عليها فكل شيء .. حتى بين ليلة ونهار لقيت راسي بووحدي وسط عالم كااارهة أني جزء منوو (شافت فعينيه) أنا بغيت نرجع حياتي هئ بغيت نرجع نعيش حياتي الطبيعية (شافت فالثعابين ) مابغيتش هاذشي كوولو هئ مابغيتوش أنا ماعندي لا القوة لا الجرأة والا الشجاعة باش باش نواجه كل هذا أنا ماشي قد هاذشي هئ ماغانصبرش ماغانقدرش

جبار : عندك أنا#جبار : قد تبلغ المحبة بين شخصين حتى يتألم أحدهما بتألم الـآخر …ويَسقَم بسقمِه وهو لـا يشعر…
#ساندرا: عجباً كيف قرّبتُكَ من نفسي وأنا التي أبني الحواجز و أُشيّد الأسوار …أنا التي عزلت نفسي عن كلٍ الرجاال…
و كنت أريد أن أقول لك الكثير …ليخرج هذا الكثير في كلمة مغزاها … : أنا ضعيفة
جبار :ما حاجتُتك للقوة وأنا قوتك ؟🖤تتمة الجزء 🔮الجزء 86🔮

جبار : عندك أنا

ساندرا سكتات من البكاء وشافت فيه وبالضبط فعيونو الزرق )

جبار : نتي الآن مجبرة تتعايشي مع كل هذا هاذي حقيقتك ومهمتك وواقعك فا أحسن إيلا تقبلتيه بسرعة و واجهتي كل خوفك ..وماشي ضروري تكوني قوية بزاف أو تعيشي كل هذا بوحدك ماتنسايش نتي لجأتي ليا …أحم قصدي لينا فا اعتابرينا قوة مضافة لك

ساندرا شافت فالثعابين) ولكن الساحر منلي كايدير خمس سنوات فعمرو كايعطيوه يدير اول تضحية له كايبداو له بقتل الحيوانات الصغيرة ومراا مرااا …وكلما كبر كلما كايعطيوه حيوانات أخطر وأكتر (شافت فيه) أنا عندي 19 سنة يا جبار …ساحر فعمري راه يكون مووولف وضحى وعااود ولكن أنا مستحييل نولف هئ صعييب عمرني قتلت حتى حشرة هئ

جبار ابتاسم حيت خاطباتو باسمو ) : غانعاونك فاخليني نعاونك

ساندرا: ك كيفاش

جبار ركز نظرو فثعبان لي قرب منهما وساندرا لي غوتات )

ساندرا: لالالا

جبار : شششت ماتخاافيش قلت لك متحكم بهم كليااا (نطق بهدووء) تييقي فياا

ساندرا بدات كترعد وكتحاول تبعد منو ) : هئ هئ لا لا راه راه لاقرصاتني غا غانموت وجم جمانة ..

جبار قاطعها وغوت ) علالالاش صعيب عليك تيقي فيا لهاذ الدرجة هاااا !! مافهمتش لهاذ الدرجة كانبانليك مانستاهلش الثقة

ساندرا سكتات وشافت فيه) : عشت حياتي بوحدي (تفكرات ثيون وسرطات ريقها ) الثقة عندي شيء صعب نعطيه مرة أخرى

جبار فهم مزيان قصدها ^بمرة أخرى^ حبيبها واخا مزال ماعارفش اشووقع لها معاه زيير على يديه محالا يحافظ على هدوؤو ونطق )

جبار : غير حاولي

ساندرا شافت فيه ): واخا

جبار عطاها السكين وهي شداتو وكااترعد والثعبان قرب منها ..

جبار : قطعي رأس الأفعى هي ماغاتحرك ماغادير حتى ردت فعل حيت كيف قلت لك أنا متحكم بها كلياا

ساندرا لي يدها كاتررعد شافت فيه ) : خ خفت

جبار حط يدو على يدها باش شادة السكين ) إذن خليني أنا نحرك يدك وغاندير كل شيء ماعليك غير تيقي فيا ورخي يدك

ساندرا : واخا

جبار وهو شاد يدها باش هي شادة السكين وبحرك سريعة ضرب راس الأفعى حتى طار ..وساندا غوتات واضورات راسها تخشات فحظنو ..🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 87🔮

جبار وهو شاد يدها باش هي شادة السكين وبحرك سريعة ضرب راس الأفعى حتى طار ..وساندا غوتات و ضورات راسها تخشات فحظنو ..وهو زير عليها عدو بيدو الأخرى …ومركز فالأفاعي لي كايتقدمو وحدة بوحدة ..وهو شاد يدها باش شادة الخنجر وكايقتل فيهم وحدة بوحدة …وساندا مخشية فحظنو وهي كاتحس بكل أفعى ماتت …بقاو هكاك حتى قتل مايزيد عن عشرين أفعى …جبار شاف فيها كاكاترعد فحظنو )

جبار : صدقتي خوافة بزاف

ساندرا لي مزالها مغمضة عينيها ): س ساليتي

جبار ابتاسم : آه

ساندرا ومزالها خاشية راسها فحظنو )أربعة و عشرين ياك

جبار شاف فالأفاعي ) امكن ماحسبتش

ساندرا : حسيت بيهم سحري تغذا بروح أربعة وعشرين أفعى سامة من أخطر الأفاعي

جبار : إذن دابا وليتي قوية

ساندرا كعدات راسها من حظنو وغير شافت منظر الأفاعي وشافت فيدها لي مزال شادة الخنجر ويد جبار مزال شادها …يدها ويدو كلهم دم .. شهقاات و بزربة سدات عينيها كتبكي)

ساندرا: هئ هئ كييغانديير نصبر ونولف هذشي ماابغييتوش هئ هئ مابفييتش هئ دم دم

جبار : ششت تهدني نتي مامضطراش ديري هاذشي داائما خلي تكون عندك القوة غير حتى يتدمر ذلك الكتاب من بعد اعتزلي السحر ياك قلتي أن الساحر ممكن يعتازل السحر

ساندرا حركاتليه راسها باه )

جبار : إذن صاف صبري غير مدة

ساندرا كترعد ): يديي فيها الدم هئ

جبار: غانغسلوها (وطلق يدها ووقف جايوقفها لكنها فاشلة ليه ومغممظة عينيها باش متشوفش مجزرة الأفاعي ..فا هزها عندو بخفة واختفى …ظهر وسط الكوخ وتمشى بيها حتى لافابو غسل يدو وغسل لها يدها … وحطها على كرسي الصالة مونجي ..وهي كتشوف فيدها ومزال دموع كايطيحوليها وكترعد )

جبار : دابا باش غاتتأكدي أنك أصبحتي أقوى

ساندرا : حيت حسيت بسحري تقوى ونقدر دابا نطبق شحال من تعويذة

جبار : متأكدة
ساندرا : آه (ووقفات تمشات حتى لببالكون ..المطل على فين كانو جالسين وبقات وااقفة كاتشوف فالأفاعي ..وجبار وقف جنبها)

جبار : أشنو غاديري

ساندرا ركزات نظرها فجثث الأفاعي ونطقات …)

ساندرا : فاير فاير فلاير فاهاريست
فاير فاير فلاير فاهاريست
فاير فاير فلاير فاهاريست..(وسكتات ثواني حتى شعلات ناار قوييية فجثث الأفاعي …)

جبار : تعويذة النار

ساندرا : آه وماخدات مني حتى جهد هاذ المرة (شافت فيه ) شكرا

جبار ابتاسم ) مكافيش

ساندرا تنهدات ): أشنو بغيتي تاني

جبار : فيا جوع

ساندرا : اشنو نطيب ليك

جبار : لي طيبتي ألحب

(وتمشاو داخلين للكوخ وكايهضرو)

ساندرا: أصلا عندك غير ليباط

جبار : مشهي كيك بشكلاط بحال ليكدير لواليدة

ساندرا: معندكش مقادير الكيك عندك غير لخضرة وليباط

جبار : وغير ديري لي درتي ألحب

ساندرا: عيطلي سااندرا

جبار : تت سمراء مثيرة

ساندرا:، باز

جبار : وليتي تردي لهضرة

سانردا: اه وراه نشوطك فجوج دقايق

جبار : هاي هاي ..هاذي هي علمناكم ووحلنا فيكم ^ واجييبليها نتااا لفااعي وعاونها تگزرهم تقوي سحرها باش تشوطك يا جبار

ساندرا: واغير ضحكت

جبار : وااطيبي راه فيا جوع قبل منوريك ضحك

….بعد مرور أسبووعين كااملين …ويتبع 😎🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 88🔮

بعد مرور أسبوعين كاملين على أبطالنا … أسبوعين لي مرو بسرعة ولكن بأحداث متعددة…
فا في #المغرب_قصر_آلستاركس..

لبنات مخرجوش بمرة طيلت هاذ الاسبوعين فقط فالقصر ..كايقراو ..وكايدوزو نهارهم فمرافقو من بيسين لصالة الرياضة والألعاب الالكترونية ..وقاعة السينيما …كايدوزو الوقت …وفهاذ الاسبوعين جمانة القزحية الصغيرة وفارس ليماكايخوييش القصر ..علاقتهم تطورات بسرعة كبيرة … جمانة هضرات مع جاسم وشيماء وقالت لهما أنها موافقة على فارس …وكذلك سليم لي هضر مع جاسم وعمو عدنان وتقدم لخطبة سميحة وأكيد كلهم وافقو … وباصرار من جمانة لي مبغاتش تسنى داروليها كل العائلة حفل صغير بيناتهم كحفل خطبة ركبليها فارس خاتم وسليم أيضا ركب لسميحة خاتمها….

وولات هي وفارس مخطوبين مكايتفارقوش طول الوقت مع بعض وهي متحمسة وهو فرحان …أما سليم فشيباتو سميحة الباربي المبتسمة.. فهاذ الاسبوعين هرس ليها أربع هواتف …كايلقا عندها غير صديق واحد ذكر فمواقع التواصل كايصعر يبقا يغوت تاحلقو كايبغي يخرج وهي كتبقا غير مبتاسمة ……

أما أميرة الأميرة ليطول هاذ الاسبوعين وهي كاتتفادا خليل لي عياا فيها يقنعها توافق عليه لكنها رافضة بمرة الفكرة وكل مرة كاتمعنيليه يهتم بهاندا …حيت كل تفكيرها عير في مالك وولات تفكر جديا فموضوع زواجها منو ..لدرجة اتخذت قرارها وكتسناه غير يرجع باش تهضر معاه….

هاندا الهادئة الجميلة لي بدأت عملها كطبيبة متدربة فمستشفى لستاركس..كاتمشي وتجي مع عميها عدنان وغسان …انشغلت وتلفات نفسها فالعمل ..لكنها مزالها مصرة على أنها تخلي خليل يحس بحبها له ..ودايرة كل جهدها فهذا لكن كاتلقا منو الصد …وبالنسبة لأمها ديما فارجعات لتركيا ..علامايرجع هدفها لي مخليها فالغرب وهو جبار…

بالنسبة لسماح …لي تغيراات كليا من الباربي الجريئة النشيطة المرحة …لبنت باااردة وجامدة ..فقط كاظل ساكتة ..ومابقاتش مسوقة بمرة لوسيم مامعبراهش ..مكاتشوفش فيه أصلا …وسيم ليحس بتغيرها ككل لبنات والسيدات ..لكنها ماقالت لهن والو حدها قالت للبنات بلي هي مكتبغيش وسيم بل غير كانت كاضحك ..وكولو باش مايبقاوش يسولوها …فا فعلا تناساات أمرو كليا …
أما وسيم لي فكر مرة وألف مرة … فموضوعها ..ولا تفكيرو كولو منحصر عليها وكايتذكر كل المواقف ليجمعاتو بيها ..حاول يهضر معاها يرجع يحسن علاقتو بيها ويعتاذر لكنها بمرة مكتخليش له الفرصة …ومازالو كايحاول يهضر معاها…

أما زوزو قنبلة الجمال ..لي قلبات على عصمان قلبة عالمية …أي مابقاتش بمرة كتعطيه وقت أو كتهضر معاه..وخصوصا أنها ولات مداومة على الذهاب لمحكمة المتحولين يوميا كاتبحث هي وباها إيفان عن معشر آل جوفر..وفكل مرة كتشوف عصمان مع بنت عم باه مارال …كاتزيد تصعر عليه وتكرهو …هاذ الأخير ليماخلا حتى طريقة باش يصالحها عيا بالتحزار حتى مبقاش كايحزر …
🍀🍀🍀
من جهة أخرى وعند آلبرث آل جوفر ..كونط ورئيس معاشر السحر الأسود …أمر كل السحرة لي سيفط للمغرب من اجل القبض على ساندرا ..بإخلاء مدينة كازا من بعد ماتأكد أنها ماكايناش فالمغرب ككل لا هي لا جبار ..وحيت فردين من معشرو لي تمردو عليه ..ناتاشا ودريكور هاربين منو ..وهاربين من المتحولين ..حصلو فكازا لي محاصرة كليا من طرف المتحولين …فا آلبرت خاف يشدوهوم حيين وبالتعديب غايقولو كل شيء عن موقع المعشر لي فجبل كي 2 المتواجد في الحدود بين الصين والباكستان ..فا آلبرت أمرهم بإخلاء كل المعشر… أكتر من مئة ساحر منتمين لمعاشر سحر أسود..ولي كل هاذ المعاشر تحت …حكم آلجوفر …تحولو لجزيرة تسمى الجزيرة المنسية…وأحرقو كل منازلهم لي فأدغال جبل كي 2 …باش مايخليو حتى أثر ورائهم يخلي المتحولين يعرفو هوية أفراد المعشر ….وآلبرث لحد الان ماقام بحتى حركة فقط جالس فمدينة سبتة ..شمال المغرب…حاضي الطابليت كايتسنى امتا ساندرا تفتح هاتفها …أما ثيون فاحاول بعدت تعاويذ يحدد موقعها ..لكن القلادة ليحول رقبتها كاتصدو …فا جمع عدت سحرة وحاول يدخل للمغرب يخطف جمانة باش عن طريقها ..يهددهم يعطيوه ساندرا…ولكن وقفليه توأمو فطريقو …آلبرت لي منعو من القيام بهاذ المهمة الإنتحارية …حيت غير غايحطو رجلهم فكازا ريوسهم يطيرو …كيف لا وجاسم وزع متحوليه كالجراد على كل المغرب …وحش المتحولين لي استدعى قياد العشائر 204 فاجتماع مغلق …أمرهم بالاستنفار والبحث فدولهم عن أي طاقة غريبة والقبض على كل ساحر حي …..فاكل العشائر خلاو أعمالهم شركاتهم ومشاريعهم وأصبح شغلهم الشااغل هو البحث عن السحرة والقبض عليهم …
أما فرقة العدالة فا مزال كل أفرادها فالمغرب …كايقلبوه قرية بقرية…🖤تتمة الجزء 88🖤
🍀🍀🍀🍀

عند #جبار_ساندرا.. في #الجزيرة_الخضراء

دوزو هاذ الأسبوعين أكيد مع بعض ..كايفيقو وينعسو على بعض..ساندرا ليمن بعد آخر تضحية كبيرة قامت بها بمساعدت جبار ..سحرها تقوى شيئا ما وولات تقدر تطبق شحال من تعويذة بسهولة …جابليها جبار مجموعة أفاعي أخرى لكنها رفضات حاليا تقوم بأي تضحية أخرى وقالت له أن القوة ليعندها حاليا كافياها …فا واخا سحرها تقوى عمرها حاولات تهرب منو حيت هي عارفة معندها فين تمشي الجزيرة فيها غير هما معا …و باش تهرب خاسها مروحية أو عالأقل قاارب باش تخرج من الجزيرة … فا ماعياتش نفسها بمحاولة هرب لي غاتكون فاشلة ..كما أنه مكايخليهاش بوحدها لاخرج كاع كايغبر ربع ساعة ويبان قدامها من العدم …قهرها غير بطياب كاطيب تاتعيا وتاياكل مكايشبع ويجلس يتشهى عليها …
دوزات هاذ الاسبوعين غير فقرائت كتاب التعاويذ لي كل نهار كايبين لها بعض الأوراق منو ..تعاويذ بعضها خطيرة وشريرة وبعضها نافعة ومفيدة …جربات بعضها ..والبعض الآخر خافت من تجريبها …وأيضا دوزات هاذ الأسبوعين فالبحر بحيث كل صباح كايفيقو كايديها للبحر مرة يركبو الأمواج بجوج مرة غير كايعومو ومرة غير كايجلسو جنبو …واخا دوزات مدة لا بأس بها مع جبار …إلا أنها عمرها انفاتحات معاه أو عاوداتليه أش فداخلها ومخاوفها أو عن حياتها …رغم أنه كايحاول يخليها تيق فيه إلا أنه صعييب عليها ..حيت حتى كتقول أنه ماغايآذيهاش وكاتختار تيق فيه حتى كايجبدلها موضوع تعويذة الربط ويقوليها تبطلها باش يرجعو للقصر..وكايضرب لها كل محاولتو لكسب ثقتها فالصفر…حيت هي كتظن أنها فاللحظة ليغاتبطل فيها تعويذة الربط غايقتلها …. فا رغم أنه كايعاملها مزيان ومعاونها تقوي سحرها وكايشجعها ..وعمرو عاود قاصها أو حط صبع عليها… يعني بلا كلامو وتحرشو اللفظي ملي كايقولها ^ سمراء مثيرة…^ غير هذا وطيلت هاذ الاسبوعين ماعمرو حتى حاول يتحرش بها …ورغم كل هذا هي مقادرااش تيق فيه وتأمن حياتها له ….
أما بالنسبة #لجبار فا هو حاول كل جهدو فهاذ الاسبوعين يخليها تيق فيه … حتى من تخنزيرات وصوت مرتفع نقص منهم ..لكن والو عيا يحاول يجبد منها لهضرة عن حياتها واشنو وقع يوم عيد ميلادها بدون فائدة …اكتر فتاة خجولة كتومة خوافة صادفها فحياتو …بزز ولات كتهضر معاه بلا ماتزنك او تحني راسها او ترعد …وأيضا عيا فمحاولاتو لإقناعها تبطل تعويذة الربط بدوون فائدة … ولكنو ماشي من نوع الرجال لي كاييأس او يستسلم بالعكس عنادها عاد مكايزيدو حماااس…
وأيضا رغم تواجدو بالجزيرة إلا أن كل مايقع في القصر كايوصلو صوتا وصوورة … وكايتواصل مع خوتو وأولاد أعمامو وصحابو كايوجههم بأشنو يديرو ..هو من جهة وجاسم من جهة …وبتتبع إرشادات وتعليمات جبار …قدر عصمان ومالك وسليم يوصلو لمكان الساحر دريكور..والساحرة ناتاشا….
🍀🍀🍀
الساعة العاشرة صباحا ..فالمغرب…وبالضبط نواحي الدار البيضاء …فواحد لبيست خاوية وسط غابة بعيدة عن الدار البيضاء بساعتين….واقف متكي على سيارتو …داير يديه فجيابو ومغمظ عيونو مرككز …ثواني حتى وقفو جنبو سيارتان …خرج من الأولى سليم ..ومن الثانية عصمان ووقفو أمامو…

سليم : فينهم أشنو وقع؟

مالك حل عيونو ونطق ) بتتبعي تعليمات جبار أسبوع كامل وأنا وبعض المتحولين كنقلبو فكل البنايات المهجورة ..كيما أمرنا جبار ..أخيرا توصلنا لشيء

عصمان شاف فسليم وابتاسمو )

عصمان : فين ؟

مالك : تبعوني

(تبعوه ..وبقاو زايدين على رجليهم داخلين للغابة …

عصمان : أنا مزال كندرس كل المعلومات لي كايوصلونا من طرف مختلف عشائر الدول ..ومكاين حتى معلومة صغيرة عن هاذ آل جوفر

سليم مسح على وجهو ) وأنا جبار ولواليد حمقوني وسطهم جبار كايعطيني مهام ولواليد مهام وسبحان الله تايعطيوني نفس الأوامر ونفس المهام بحالا كايفكرو بعقل واحد

مالك : ههه عرفتو ويعيق بينا عمي جاسم كايتواصل معانا حبار قوادت

سليم : هه علاش زعمة راه ماعارفش كتفلت ليه شيحاجة وحش المتحولين..هو من نهار حصل خالي كايتواصل معاه … وقف بحثو على جبار هاذي أسبوعين مابقاش كايقلب على مكانو من تما تأكدت ان لواليد عارف جبار كايتواصل معانا …

عصمان : وأنا وليت كنحشم نبان قدام عمي جاسم خفت لايسولني على جبار منقدرش نكدب عليه داكشي باش غبرت على لقصر أغلب وقتي هاذ الاسبوعين كان فمحكمة المتحولين

(وقفو مكانهم وسكتو ملي حسو بطاقة متحولة ..شافو كلهم خلفهم ..ثواني حتى خرجات من وسط الأشجار ومعععصبة وقفات أمامهم ونطقات )

زليخة : فااااك شحاال دالحشراات فهاذ لخلا (جبدات من جيبها بخاخ حشرات ساطتو على نفسها وشافت فيهم ) hey booys🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 89🔮

زليخة : فااااك شحاال دالحشراات فهاذ لخلا (جبدات من جيبها بخاخ حشرات ساطتو على نفسها وشافت فيهم ) hey booys

سليم مالك وعصمان حالين فامهم فيها)

سليم : أشنووو كديري هنا

مالك : باش عرفتينا هنا ؟

زليخة قربات تاوقفات وسطهم ونطقات ) عندنا مهمة ياك (وطرطقات أصابع يدها ) فا زييدو تحركو

عصمان : زليخة بااش عرفتينا هنا

زليخة مداتهاش فيه وشافت فمالك ) أشنو كاتسناو ها حتى يهربو لينا ؟

مالك : أ أحم زوزو كنعتاذر ولكن المهمة ماكاتشملكش

سليم : زيلي رجعي فحالك وحالاً

عصمان : زليخة الأمر يقدر يكون خطير

زليخة ابتاسمات ومن بعد خنزرات فيهم ونطقات بصراخ)

زليخة : تاااحد منكم بتلالاثة مااسوقو فياا سمعتوو بلا ما تأمروو وتنهييو فيااا.. بابا لي كايتحكم فيا وعاطيني حريتي كنديير لي بغييت وقتما بغيت وكيفما بغيت ونزيدكم (خنزرات فسليم) خالي جاسم عارفني مشاركة فالبحث وماقالي والو من غير ماتعرضيش نفسك للخطر لو بغا يمنعني كان أمرني نجلس فالقصر كالبنات لكنو مدارهاش فا أنا معاكم فهاذ المهمة وبزز منكم (وجات تزيد حتى شدها عصمان من يدها)

عصمان : زليخة كاين أنا ومالك وسليم وست متحولين آخرين من فرقة العدالة فا ماتحتاجيش تكرفصي نفسك او… ( سكت حيت زليخة تنترات منو مخننزرة فيه ونطقات)

زليخة : عندي بابا وخالي وولي العهد لي هو جبار من غيرهم مزال متزاد هذا لي يقولي أش ندير وأشنو مندييرهش أو يأمرني فا أحسن إيلا دخلتيها لراسك أعصمان (شافت فمالك) فينهم ؟

مالك تنهد وشاف فسليم لي حركلو راسو بآه عاد نطق)

مالك : جبار أمرني نقلب فكل البنايات المهجورة وملي كنت كنقلب لقيت بناية قريبة من هنا ..كانت عبارة عن مدرسة ابتدائية ولكن ملي طاحو بعد أقسامها تهجرات ..فالأول أرسلت فقط متحولين يراقبوها ..وعلموني أنهما يحِسان بطاقة غريبة عن طاقة المتحولين ومباشرة جيت مع أربع متحولين من فرقة العدالة دلواليد .. وبنفسي تحسست الطاقة الغريبة فعلا كانت كالطاقة ديال الساحرة ساندرا وعيطت لعصمان وسليم

زليخة : فين هاذ المدرسة

مالك : تبعوني من هنا (وتحركو كلهم) خليت المتحولين الست محيطين بها من كل الجوانب

زليخة بداو شرارات كهربائية كايضربو من يدها ) أخييرا

سليم : زلييخة عنديي أوامر وااضحة من لواليد نشدوووهم حيين سمعتي

عصمان : وأنا جبار قالي بغا راسهم

مالك : من الأحسن يتشدو حيين باش يعطيونا معلومات عن معاشرهم

زيلخة بنظرة شريرة) أنا فرأي جباار أصلا غانوصلو لمعاشرهم عاااجلا أو آجلا والإبادة ليماكملوهاش جدودنا هاذي ألف سنة غانكملوها حنا

سليم وقف و نطق بحدة ) جباار مزال ما أخذ العرش فا رئيس كل العشاائر الحالي هو لوالييد وهو قاال يتشدو حيين إذن حيين فهمتو ولا نعاود ؟

كلهم حركو راسهم بواخا..وزادو تابعين مالك ..وعصمان عيونو غير على زليخة ..طلعو فواحد الطلعة عامرة حجر ..وثواني حتى وقفو مدرقين ببعض الاشجار كايطلو على بناية صغيرة ..ومهجورة وكايهضرو بهمس..

سليم : حسيت بهم

مالك : حتى أنا

عصمان : وأنا أيضا

زليخة :، أحح لحمااس خلاها حبيبي إيفان

عصمان شاف فيها ) زليخة عافاك بقاي هنا

زليخة : من نيتك خاف على راسك ماشي عليا يا عصمان

عصمان زير على يديه ونطق ) أشنو هاذ الطريقة لي وليتي كاتهضري معايا بيها

زليخة : عجباتك معجباتكش سووقك هذاك سير عند ماراالتك(مارال) تهضر معاك بطريقة لي تعجبك( وغير كملات كلامها وقفات جنبهم مرال وشافت فيهم)

زليخة : هاه هاهي عمرها طويل

مرال : أحم سيد مالك لورد سليم وآغا عصمان المتحولين الخمس محيطين بكل جوانب البناية وكايتسناو أوامركم

زليخة : شكراا على المعلومة و وتلاحي

سليم : زووزو ماشي وقت هاذشي دابا

زليخة شعلات يدها بطاقة كهربائية قوية ) فعلا حيت هذا وقت صيد السحرة ..(وتمشات ناحية البناية والشباب أحاطو بها هي ومارال …مالك وعصمان وسليم لي أشعل يديه بالنار ..مع المتحولين الخمس … كلهم خرجو من الغابة وغادين بخطوات سريعة فاتجاه البناية …🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 90🔮
🍀🍀🍀

داخل البناية أو المدرسة المهجورة …واقفين ومعالم الرعب و التوتر بادية عليهم ..هي كاتمشي وتجي شادة راسها..وهو كايطل من النافدة وكايسرط فريقو …

دريكور : شفتييي خطتك الغبييية فيين وصلاتنا

ناتاشا غوتات ) أنااا ولا نتاا شكون اختاار يتمرد على الكونط آلبرت هااا شفتيي هاهو سحب كل سحرة المعشر من المغرب وخلالاناا هنااا

دريكور : على أساااس كون مشينا معاهم كاان غايخليينا حيين

ناتاشا : آه وعلى أساس دااابا غايخلييونا المتحولين حيين يااك

دريكور كايطل من النافذة وشافهم خرجو من الغابة وجايين) : فاااك معاهم واحد من اولاد وحش المتحولين لي بقوة استنسااخ خمسين قوة

ناتاشا ضحكات باستهزاء) هههه غلبنا لي عندهم قوة وحدة بقا غالي عندو خمسين( سكتات شوي ونطقات ) شحال بيهم ؟ أنا كنحس بطاقة خمسة بلاتي بل سبعة (وشدات راسها )

دريكور : هم بعشررة (شاف فيها ) أشنو غانديرو دابا

ناتاشا طلات من النافذة بانليها ..سليم ومالك وعصان ..وزليخة ومارال جايين …)

ناتاشا : مستحيل نقددرو نهربو بلا مواجهة

دريكور خرج فيها عينيه) نتي عارفة ماغانقدروش نوقفو قدامهم حتى ربع ساعة!

ناتاشا شافت فيه ولونها صفر) غير سمع مني نتا ضحيتي هاذ ليام ببزاف دالبشر سحرك قوي ومعزز ومتنساش نار الساحر مستحيل يفلت منها متحول ..

دريكور حرك ليها راسو بواخا ..وتوجهو هو وياها للباب الخشبي ..حلوه وخرجو وبقاو واقفين كايشوفو فالمتحولين …

مالك عصمان سليم وزليخة ومارال ..غير شافو لباب تحل وخرج رجل أسمر ضخم وامرأة ..وحبسو ..

سليم لي يديه شاعلين بنار قوية نطق بصراخ ) مرحبااا بالساحرين فمنطقة المتحولين شرفتونا …

دريكور غوت ) مابغييناش المشااكل حنا جيينا ناخدو ساحرة من معشرنا هربات عندكم

سليم : قصدك سااندرا الساحرة المختارة حامية الكتاب للأسف مابقاتش فالمغرب وحتى لو كانت معانا مستحيل تاخدوها فا تسلمو نفسكم بالطريقة السهلة او الصعبة لي بغيتو

زليخة : وبلييز اختارو الصعبة (وغمزاتهم ويديها تتطاير منهم شرارات كهربائية قوية )

دريكور شاف فناتاشا وبجوجهم شافو خلفهم خمس متحولين آخرين بقوى متعددة دورووهم…. ونطقو فوقت واحد …

دريكور وناتاشا : فاير فاير فلاير فاهاريست..فاير فاير فلاير فاهاريست..فاير فاير فلاير فاهاريست
//تعويذة النار//
(وفجأة تشعلات نار قوية أحاطت بدريكور وناتاشا فدائرة وهما لوسط …وعطاو لبعضياتهم بالضهر ..دريكور وجه نار قوية لجهة سليم مالك عصمان زليخة ومارال ….أما ناتاشا لي خلفو وجهات نار قوية للمتحولين الخمس لي ففرقة مالك …

عصمان بسرعة شد زليخة من خصرها حضنها عندو ..وشد مارال من يدها واختفى بهما بقوة التنقل ..وسليم لي مبتاسم باستهزاء شد مالك من كتفو وفعل قوة التنقل هو الآخر اختفى من مكانو بمالك ..والنار ضربات فالفراغ ….
عصمان ظهر بمرال وزليخة جنب البناية وغوت )

عصمان :، بقااو هنااا (واختفى)

زليخة : لبعااابع (ومشات كاتجري)

سليم ظهر بمالك وسط الاشجار ونطق) مالك قواك كتحتاج هجوم مباشر عن قرب باش تقدر تنوم الشخص ميغناطيسيا فا أحسن خليك هنا وخلي دلك الضخم البشع عليا

مالك : وااخا ولكن ماتنسااش يا سليم درعك فعال ضد قوى المتحولين ماشي سحر السحرة ونار الساحر ممكن لها تحرق متحول فارد بالك

(سليم ابتاسم له واختفى )🖤تتمة الجزء 90 🖤

(سليم ابتاسم له واختفى )

وسط دائرة النار …ناتاشا كاتلهث وهي كاضرب بكرات نار المتحولين الخمس ..لي تلاثة منهم كايتصداولها بقوتهم التحكم بعنصر الماء بحيث كايقابلو نارها بماء ….وآخر كايختافي بتنقلو يتفادا هجومها ..وآخر بقوة التحريك الذهني كايحرك حجارة ضخمة ذهنيا و كايلوحها فاتجاهيهما ولكم دريكور بتعويذة جعل الاشياء تطفو ..كايغير مسار تلك الحجارة ..وعينو حول المكان كايقلب على سليم وعصمان ….حتى فجأة ظهر بقوة التنقل سليم وسط دائرة النار وبسرعة حول يدو لفولاذ وضرب دريكور بلكمة قوية حتى تهز من مكانو وطاح خارج الذائرة …وسليم اختفى وظهر واقف فوق راسو وظهر جنبو عصمان …

ناتاشا لي بقات بوحدها وسط دائرة النار شهقات ومابقاتش قادرة تصد كل الهجوم ليكاتعرض ليه من طرف المتحولين الخمس بوحدها شافت فسليم عاطيها بالظهر وباتاسمات بمكر ويالاه غاتهجم عليه بالنار ..حتى وقفات أمامها زليخة وهزات يديها حتى للسماء ضرب الرعد بقووة فالسماء وحركات يديها فاتجاه ناتاشا ونزلات صاعقة قوية من السماء ضربات ناتاشا لي تهز جسدها وهو يسعق بالرعد حتى طاحت جثة مشوطة …والدائرة النارية انطفأت …
دريكور يالاه تكعد بانليه ماوقع لناتاشا ..خررج عينيه ويالاه غايبدأ يتمتم بتعويذة حتى عطاه سليم ركلة قووية لوجهو ..حتى طاح دريكور مغيب…

زليخة مخنننزرة وكاتلهث وعينيها على جثة ناتاشا …سليم بعد ماضرب دريكور غيبو اختفى من مكانو ظهر أمامها وغووت)

سليم : أشنوووو قلت أنااا

زليخة غوتات ) مااااتغوتش فوووجهيي

سليم شدها من دراعها وغوت ) قلت حييين هاااا قلتهااا ولا لا

زليخة لي كاتلهث ومخننزرة فيه حتى ظهر جنبهم عصمان بتنقلو ودفعو عليها)

عصمان : تهدن (شاف فزليخة ) حماقيني هجوم كهذاك باش تستنزفي الطاقة الكهربائية من الرعد وتوجههيها للأرض هجوم خطير وكايحتاج قوة ضخنة واش باغيا تخرجي على صحتك!

زليخة مخننزرة فيهم ) وااش بنتلييك ضعييفة هااا هاذ الهجووم تدربت علييه مع جبار عشرات المراات وكمتحولة بقوة التحكم بالكهرباء سهل عليا نطبقو ماشي كباقي المتحولين لي بنفس نوع قوتي (وخنزرات فمارال …وبعدها شافت فسليم) كانت الساحرة غاتهجم عليكم بالناار غاضربك فالظهر فا اضطريت نقتلها (وأشارت لدريكور ) هو كافي غايعطينا كل المعلومات ليمحتاجين…. (وزادت تمشي فحالها …وخلاتهم تابعينها بعينيهم)

سليم : عصمان طاقتها دالمتحول استنزفت لحدها هي غير عنييدة غاطيح سخفانة فأي لحظة تبعها

عصمان نتف شعرو ) بربي تاغاتحمقني عييت

مالك وقف جنبو ) صبر

عصمان تنهد واختفى من مكانو بقوة التنقل تبعها )

سليم شاف فالمتحولين ) ديو عليا هاذ المسخ لمقر محكمة المتحولين ربطوه مزيان وأهم شيء سدوليه فمو وعينيه وتاحد مايقرب له

المتحولين الست تحناو له على ركبهم وبعدها وقفو ..توجه متحول لي بقوة التنقل لعند دريكول تنقل به ..والآخرين تبعوه فسياراتهم …

سليم شاف فمالك) خاس نمشي عند لواليد نعلمو ونت تكلف بإعلام جبار

مالك : أوك

Leave a comment