Skip links

قصة : الوحش ذات القزحتين2(عشق الجبابرة) ج 6

 42,650 عدد مشاهداات

🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 51🔮
🍀🍀🍀🍀
فالجناح الضوئي لبينك … خرجات زليخة من الدوش لاوية عليها فوطة قصيرة ولقات باربرة أمها جالسة فسريرها ..باربرة وقفات )

باربرة : حبيبتي

زليخة : هانا أماما وبيخير غير تهدني

باربرة :، كيفاش بيخير وكيبغيتيني نتهدن و ليل كولو وأنا نتسناك ترجعي وباباك قالي راه عصمان معاك واخا هكاك خفت عليك ملي تعطلتي

زليخة قربات وعنقاتها وتنهدات براحة فحظنها ) ماعندك منآش تخافي واش مكتعرفينيش وزايدون عصمان راه مرافقني كظلي فينما مشيت كلقاه قدامي

باربرة : عندي غير نتي فا إيلا ماخفتش عليك علامن نخاف …و ماتقوليش هكا عصمان رجل مزيان بصراحة كنشك واش هو فعلا ولد ديما

زليخة : هه مكايشبهلهاش شبه لعمي جوكار فكل شيء

باربرة : راه صاحبتك جات واش شفتيها

زليخة : هاندا ! مزال غير نلبس ونخرج نطل عليها ..فينو بابا

باربرة : فمحكمة المتحولين

زليخة : اكما تقلق مني حيت تعطلت فالأمس

باربرة : لا كان عصمان كل شوية كايسيفطليه مساج كايطمنو عليك

باربرة : سرطات ريقها (واخا)

باربرة : غانخرج نخليك تلبسي وشوفي ..سلمي على ديما باحترام بلا مابقاي تاني نتي وياها فشد ليا نقطع ليك

زليخة : ههه شووفو شكون كااتهضر ذهبية الشعر بذااتها كاتقول هاذشي

باربرة : هه ولا عرفتي شنو أعطييها نتي لي كاتعبري عليها غير ماشي قدام عصمان حيت كايبقا فيه لحال

زليخة : ماعرفتيش فينو عصمان دابا؟

باربرة : شفتو فصالة سبور ..وهو ليقالي راك فجناحك وكان معصب مسكين باينة من مو تاني …يالاه نمشي نخليك تلبسي ..(باستها زليخة فخدها وباربرة خرجات )

زليخة تنهدات ومشات لدريسينغ نتاعها لبسات بسرعة ..نشفات شعرها وخرجات فاتجاه صالة سبور ..دخلات بانليها عصمان كايتريني فآلة الجري وكولو عرقان ..و وقفات أمامو وهو شافها واستمر فالجري ..

زليخة : عصمان

عصمان : نسيتي شيء آخر ماقلتيهش ؟

زليخة تنهدات وقربات منو وضغطات على زر إنقاص السرعة حتى ولا عصمان غير كايتمشى وببطئ وهي طلعات فالآلة أمامو ولات مقابلة معاه هي كاتمشي بلور وهو لقدام …وعيونها الزرق فعيونو السود ونظرتها كلها إثارة خلاتو كايسرط فريقو )

زليخة : من إيمتا وليتي تقلق مني نتا عارفني عصبية أعصمان عارفني دغيا كانشعل ..

عصمان : مادرت والو يعصبك أزليخة

زليخة تنهدات ) لا واالو نيت جاوبني غير على هاذ السؤال علاش مكااتبغيش تعيطلي زوزو ولا زيلي علاش واش كايعجبك تعصبني

عصمان حرك لها راسو بلا ) ماشي هكاا زليخة اسمك وكايحمقني علاش غانحرفو لزوزو ولا منعرف آش بالنسبالي زليخة وغاتبقاي زليخة

زليخة : جباري وفارسي وسليمي وحتى خليلي كايعيطولي زيلي وزوزو علاش نتا لا ..؟

عصمان مد يدو وقف الآلة ..ووقفو ..وتحنى حتى تقابل وجهو مع وجهها ونطق )

عصمان : حيت أنا عصماان أزليخة ..عصمااان (واستدار يمشي ولكن بسرعة شدات يدو وجات قدامو ورمشات عيونها بطريقة مثييرة خلاتو جامد)

زليخة : دب غاتبق مقلق (وقربات منو ووقفات على أصابع قدمها تعلات حتى تخالطو أنفاسو مع أنفاسها ومدات أصبعها لخدو خدات نقطة من عرقو..) أنا زليخة أعصمان عمرك تعطيني بظهرك وتزيد مقلق…. أعصمااان لانتااا لاواحد من عشراني… كلكم ديالي ..وكنعتاذر تعصبت عليك قبيلة (وطبعات قبلة بطريقة مثيرة على خدو ..شافت فيه وغمزاتو وزادت خارجة ..مخلياه مبلوووكي …)

زليخة خرجات من صالة سبور مبتاسمة ..ومشات فاتجاه جناح هاندا ولكن غير استدارت مع لكولوار وهي توقف جااامدة من آش كتشوف أمامها …

🍀🍀🍀🍀

عند ساندرا لي خرجات من دوش حيدات عليها ملح البحر..نشفات شعرها ولبسات اللبسة ليجات بيها حيت مبقاوش عندها ثياب..جينز أسود وسوفيطمة ميني بوط سوداء وسبرديلتها ..لبسات ومع مدارتش ستيانات بان صدرها منتفخ أكتر ..رشات عطرها .. وهزات فاصمة صغيرة دارتها على يدها كتمويه ..حيت جبار شاف جرحها ..فا إييلا لقاه اختفى من يدها تما غايتأكد من أن ساندرا مااشي بشرية عادية …وقفات وكلها متوترة)

ساندرا: خاسني نهضر مع اللورد اليوم قبل غدا ..🖤 تتمة الجزء 51🖤
ساندرا: خاسني نهضر مع اللورد اليوم قبل غدا …غانتيق فجدة وكلامها عن أنو شخص نبيل ورحيم وغايسمعني قبل مايحكم ماشي كولدو ليبانلي متسرع وكايسبق لكمتو (خدات نفس عميق وخرجات تقلب على مكتب جاسم ..ركبات المصعد ..حتى للطابق الثاني ..وبقات واقفة فلكولوار متوترة كاتشوف فالأبواب الكثيييرة )

ساندرا : اشمن باب هو مكتبو… امكن ماشي هنا (رجعات للمصعد وركباتو طلعها للطابق التالث وخرجات … وهي عارفة غير باب جناح التوأم ..ولي جنبو جناح جمانة وجنبهم جناح أميرة …تنهدات وزادت مع لكولوار وهي كاتشوف فالأبواب ..حتى بانليها باب أسود كبير وعليه تمثال صغير لأسد ذهبي ومن التمثال قالت غايكون هو باب مكتب جاسم..

ساندرا : إمكن هذا (شافت فالباب ماعندوش بوانيي بل توجد لوحة إلكترونية صغيرة جنبو فهمات أنو كايتفتح بالبصمة ..وهي تسرط ريقها وبدات دق مرة وجوج وتلاثة بدون مجيب ..تنهدات وحنات راسها ونطقات بالبرتغالية )

ساندرا: خاسني نهضر معاه اليوم قبل غدا

….: وها أنا ذا يا آنسة سمراء

ساندرا خرجااات عينيها واستدارت لقات جبار خلفها مباشرة وهي تصفار ورجعات للخلف حتى تكات على الباب..)

جبار شاف كيفاش ترعبات منو..وأشنوو لابسة صدرها كووولو خارج كبير ونصو باين وكرشها كلها باينة وخنزر) صباح رديتي عليا الهضرة ودابا تاني شفتيني بديتي ترعدي غير بوحدك كأنك شفتي الشيطان.. ردات فعلك كاتبدل وغير بوحدك يا سمراء

ساندرا سرطات ريقها ونطقات وهي حاانية راسها ) أ أ أنا غير غ غير ب بغيت ا اللورد (واستدارت كادق فالباب بجهالة وعينيها عمرو دموع بالخلعة ..كدق وتعاود وتاتخبط فالباب )

جبار خلفها مباشرة كايشوف فيها باستغراب وشاف فباب جناحو ورجع شاف فيها وغوت ) واهاني قداامك

ساندرا قفزات شادة قلبها ونطقات وهي عاطياه بالضهر ومزال كدق فالباب ) م م ماشي ن نتا ب بغيت ب ب باك اللورد ج ج جاسم

جبار : وراه باب جناحي هذاك

ساندرا خرجات عينيها واستدارت شافت فيه وبسرعة حنات عينيها وتزنكات حيت قريب منها بزاف…جبار تحنى حتى تقابل وجهو مع وجهها ونطق )

جبار : أشنو بغيتي لواليد

ساندرا سرطات ريقها ) و والو (وجات دوز جنب باش تهرب لكنو شدها من يدها ودورها عندو وجرها حتى تساطحات مع صدرو وحط يدو على خصرها العاري حتى قفزات وعينو فعينيها ونطق)

جبار : فأشنوو بغيتي لواليد

ساندرا سرطات ريقها ) و والو

جبار حنى عينيه شاف فصدرها ونطق بالداريجة ) عاجبينك بزازلك ؟

ساندرا كاتنفس بسرعة وبدات تنتر منو وزييير على يدها حتى تأوهات ..عاد هز عيونو من على صدرها شاف فيدها ليمزييرليها ..عليها فاصمة تفكر الجرح وهو يرخف على يدها ..وتحنى حتى قرب فمو من أذنها ونطق بالإنجليزية )

جبار : قلت لك واش عاجبك صدرك ؟ غير غاديا ومعرياه علاياش كاتلقبي بالضبط ؟

ساندرا سرطات ريقها ونطقات بزز) م م ماشي س سوقك

جبار ضغط على خصرها بقوة حتى تأوهات مرة أخرى وغمظات عيونها بألم ..أما هو عجبو قربو منها وغمظ عيونو وأخد نفس عميق من عطرها ويدو كايحركها على خصرها العاري باستمتاع…وفهاذ اللحظة وقفات عليهم زليخة لي جمدات مكانها وهي كاتشوف فجبار كيفاش خاشيها فحظنو ومزير عليها عندو ومغمظ عيونو مخشع …زليخة زيرات على يديها وغوتات )

زليخة : أشنوو واقع هنااا

جبار حل عينيه وبعد على ساندرا ليي مزنككة ..وزليخة تمشات حتى وقفات عليهم وشافت فساندرا مخننزرة )

زليخة : أشنوو كاديري نتي هنا ؟

ساندرا وهي حانية راسها ) أ أنا غير غير بغيت ن…

زليخة غوتات ) وأشنوو هااذشيي لابسة وااش ماقاالوش لك الخدم قواانين القصر هاا ممنووع خداامة بحالك طلع للطابق التاااني أو التتاالث دوون إذن أو تلبس هكدا

جبار : زليخة من الأحسن ماتدخليش والآنسة سمراء أستاذة ماشي خادمة

زليخة شافت فيه مخرجة عينيها ) جباار واش حماقيتي (شدات ساندرا من يدها بعنف ودفعاتها حتى بعداتها على جبار ) تحركييي ومانعاودش نشووفك فالقصر نتي مطروودة براا

جبار غوت ) زلييخة باراكا (شاف فساندرا وحل باب جناحو ببصمتو ونطق ) دخلي مزال بغيت نهضر معاك

زليخة مخرجة فيه عينيها ) جباار من إييمتا كدخل غربااء لجناحك أناا ومكتخلينيش ندخل أو نقيصلك أغراضك

جبار خنززر فيها ): زليخة ماتخلينيش نغوت عليك

ساندرا لي كلها كاترجف ) ع عندي حصة مع لبنات كنستأذن (ومشات كاتجري ركبات المصعد ..وجبار تابعها بعينيه)

زليخة : جباار شرحليا دابا أشنوو واقع واش كنتي معنقها ولا شنووو ..(هي كتشوف فيه كتسنى منو رد ولكنو هو سااهي فطيف ساندرا ..

زليخة غوتاات ) جباااار

(جبار تنهد وشاف فيها وابتاسم ونطق)

جبار : زوزو من إيمتا كااترفعي صوتك فوجهي ؟ ومن إييمتا كاتدخلي فيا فشكوون نعنق أو نخلي ها!

زليخة : أ أنا غ غير..

جبار سد باب جناحو ونطق ) ماتعاوديش هكذا تصرف معاها يا زوزو (واختفى خلاها واقفة جاامدة مكانها …

زليخة : واخا أجباار هاحنا غانشوفو واش ديك لمونيكة غاتبق فهاذ القصر … ومشات بعصبية وغير استدارت تاني مع لكولوار وهي توقف جامدة مكانها للمرة الثانية …وهي كاتشوف سليم واقف هو وسميحة وشاد يدها وقراب من بعض …🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 52🔮
🍀🍀

نرجعو دقائق لور …وعند التوأم فجناحهم لي ملي رجعهم سليم للقصر وهن ميتين بلخلعة بزز هدناتهم تارا أمهم وأيار عمتهم …. دوشو ولبسو فساتين متشابهة..وتسريحة شعر متشابهة .كوتشوفال ..وجلسو ..

سماح : خاسنا نطلو على جمانة

سميحة : قاتلينا ماما معاها وسيم وهي نعسات فاحتى لعشية أصلا عندنا حصة مع ساندرا فغانتجمعو

سماح : شفتي ساندرا كيفاش هدنات جبار ناري كان غايسكتلي القلب قلت غايصفيها لسفيان وغايخلطنا معاها

سميحة : اه حتى أميرة وصلات للقصر سخفانة بالخلعة ناري كانو غايقتلوه كونما ساندرا

سماح : نوضي طلي على أميرة

سميحة : وراه معاها عمتي أليشا

سماح (وقفات ) واغير يالاه طلي نتي على اميرة وأنا نمشي عند جمانة نشوف واش فاقت

سميحة : هه قولي تشوفي حبيب القلب وسيم ..هاااح عرفتي فاش شفت سليم كايسلخ دك جوج عضيمات دسفيان ناري قلبي فرفر

سماح : باز انا حبيبي وسيمي ماعنيفش بالعكس مرح وحنين

سميحة وقفات ) أنا كنمووت فالعنيف غير هو ماشي معايا يجندخ بنادم إلا أنا

سماح : ههه كنتخايل سليم عطاك تسرفيقة وحدة من هذوك لي عطى لسيفان هههه بربي تايعوجل ليك لوجه تولي جيها هابطة وجيها طالعية يحيرو فيك أطباء التجميل مايعرفو منين يبداوك هههه

سميحة : ميقات فيها ) حبيبي ماايسخااش بيا

سماح : أيه دغيا رديتيه حبيبك باز

(خرجو بجوجات كايتناكرو … وسماح دقات فجناح جمانة عاد دخلات ..وسميحة يالاه غادق فجناح أميرة حتى تشدات من يدها وترجات ..شهقات وشاف شكون ..لقات سليم..لي جرها حتى لجنب جناحو ووقفو وهو مخننزر)

سليم : غاانسول مرة وحدة ونبغي جواب وااضح

سميحة قاطعاتو ) أنا سميحة والله حتى سميحة ماشي سماح

سليم مسح على وجهو ) عرفتك سميحة.. ومااشي هاذشي ليكنت غانسول

سميحة : و وأشنو؟

سليم تنهد كاتم غضبو ونطق ) هذاك الزا…(سكت مابغاش يعاير قدامها ) هذاك سفيان واش عمرو تبسل عليك أو شيحد فتلك الجامعة كايتبسل عليك!

سميحة ليحالة فمها فيه ابتاسمات بفرح ) هه لا

سليم ابتسامتها خلاتو ابتاسم):وعلاش كاضحكي

سميحة : أحم غير والو …

سليم قرب منها ) قولي الصراحة واش كايدايقك شيحد فتلك الجامعة أو سماح أو أميرة وجمانة

سميحة : لالا بمرة كل واحد داخل سوق راسو راه غير دك سفيان وكليكتو ليكايضسرو على لبنات فالجامعة لكن عمرهم قربو ناحيتي لا أنا لاختي لا اميرة والا جمانة حتى لهاذ الصباح ليوقف علينا هذاك سفيان بغا يهضر مع جمانة

سليم : واخا نبغيك أي شيء وقع معاك او زعجك فتلك الجامعة تقوليها ليا فلبلاصة سيفطيلي غير رسالة فالهاتف تلقايني أمامك فهمتي ؟

سميحة : هه واخا

سليم : (خدا يدها باسها ) كنعتاذر لاخلعتك فصباح

سميحة حنيكاتها تزكو ) هه لا ولكن بغيت نسولك

سليم وهو مزالو شاد يدها ومد يدو الأخرى كايلعب بشعرها الطويل ) مرحبا سولي

سميحة : باش عرفتيني سميحة ؟ يعني ماشي سماح وكيفاش كاتميزني بسهولة وعمرك حتى خلطتي بيناتنا ؟

سليم قرب منها ) راه بزااف دالإختلافات بينك وبين سماح

سميحة وهي مبتاسمة ): بحالاش

سليم : ابتسامتك نتي دائما مبتسمة فكل حالاتك مبتسة وسماح لا ..وعطرك برائحة الورد وسماح كدير عطر برائحة الخوخ وأنفك مختلف أصغر بشوي عن أنفها وعيونك لمعتهم خاصة..وشعرك عطرو خاص (شاف فيدها بين يديه) ويدك أصابعك أنحف ..وأهم شيء (مد يدو ولمس بأصبعو أذنها ) عندك شامة صغيرة خلف أذنك هي معندهاش..

سميحة مبتااسمة ) هه ياوا هاذشي كولو إذن بسهولة كاتميزني

سليم : عمركم أصلا تخالطتو ليا..حتى ملي كنتو صغيورات (وضرب أنفها بأصبعو وهو مبتاسم ..وهي أيضا كتشوف فعيونو الزرق ومبتاسمة وقلبها داخلها كايشطح بالفرحة )

سليم :من اليوم غانبق نوصلك للجامعة بنفسي

سميحة : هه واخا

وهنا وقفات عليهم زليخة : أشنوو واقع تاني هنا

سميحة قفزات وجات تجر يدها من سليم لكنو زير على يدها ومطلقهاش …زليخة مخننزرة فسماح وكاتشوف فيديهم شادين فبعض)

سليم : زوزو صافا

زليخة : مالك شاد فيدها ونتي اشنو هاذشي؟

سميحة : أ انا م مدرت والو (وكتحاول تجر يدها من يدو )

سليم شاف فيها وأخد يدها لفو باسها ونطق ) كنتي غاديا عند أميرة سيري شوفيها وماتنسايش كلامي (وغمزها )

سميحة تزنكات وهي مبتاسمة ومشات كتجري حلات باب جناح أميرة ودخلات …

زليخة خنزرات فسليم : أماالكم فينما ضرت نلقا واحد مقنت وحدااا

سليم : ماعرفتش علامن هضرتي لكني غانقوليك سر (ابتاسم) ..سميحة كنبغيها وقريب غانطلب يدها من عمي عدنان

زليخة خرجات فيه عينيها ) واش واش تسطيتي

سليم خنزر فيها ) كيفاش تاني علاش لي كايبغي مسطي

زليخة مسحات على وجهها )

سليم عنقها بيد ) عشيرتي وتقت فيك قلت ليك فاخلي الأمر بيني وبينك حاليا مابغيت تاحد يعرف خصوصا لواليدة وعمتي تارا

زليخة حيداتلو يدو بعصبية وزادت مخلياه …)

سليم : هاذي مالها (هز كتافو بلا مبالاة واختفى من مكانو )🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 53🔮
🍀🍀
زليخة حلات باب جناح هاندها بعصبية ودخلات مخنزرة ..هاندا كانت تفرغ حقائبها فدريسينغ وشادة مجلة كاتتفرج فصورو وهي مبتااسمة … حتى دخلات عندها زليخة ..وناضت فرحانة عنقاتها ..

هاندا : توحشتك

زليخة : حتى أنا أش خبارك دكتورة هاندا

هاندا : هه بيخير

زليخة شافت حقائبها الكثيرة ) أهااه جبتي كل ثيابك

هاندا تنهدات ) غانطول هاذ المرة ماما أصرت عليا نبدأ فمستشفى لستاركس كطبيبة متدربة وبابا هضر مع عمو غسان فالأمر ووافق

زليخة قلبات عينيها بملل ) هي ديك موكة دمك غاتبقا تاهيا هنا (شافت هاندا خنزرات فيها ) ماتديش عليا راني معصبة وراك عارفة ماماك شحال كانحمااق عليها

هاندا : تاهي كاتموت عليك

زليخة : عااارفة

هاندا سرطات ريقها ونطقات ) واش كل الشباب كاينين

زليخة : اه

هاندا ابتاسمات ) ونتي مالك معصبة

زليخة : غير واحد زمرة قالك أستاذة ببف كنشوفها كنتعصب

هاندا : قصدك ساندرا شفتها صباح زوينة وباينة ضريفة

زليخة : لعااار واش تاانتي وااامنين جاها زيين

هاندا : ويلي مالك

زليخة : والو لبسي شيحاجة نخرجو غانطرطق

هاندا ابتاسمات ) نخرجو مع الشباب

زليخة ابتاسمات ) أكيد جبار وسليم وفارس وعصمان وخليل وحتى مالك يالاه لبسي شيء مثير نسهرو هاذ ليلة برا

هاندا عينيها كايبريو وقفات فرحانة ) هه واخا

زليخة جبدات هاتفها ورسلات لهم رسالة بأنها بغاتهم يخرجوها ليلة ..جاوبها خليل بالرفض..وجبار كذلك تحجج بلي مراشقالوش..وفارس قالها مستحيل يخلي جمانة وهي عيانة ..وسليم كذلك ..ومالك تحجج بالعمل…وعصمان بوحدو أجابها بالموافقة ..

هاندا جبدات فستانين ) هذا او هذا فيلي نلبس (شافت فيها لقاتها مزززنكة بالأعصاب وشرارات كهرباائية كاضرب من يدها وهي تخرج فيها عينيها)

هاندا : ويلي مالك

زليخة يالاه غاتهضر حتى دخلات ديما ..

ديما أم هاندا ) هاندا مالك معطلة و..(سكتات وهي كتشوف فزليخة وابتاسمات فوق خاطرها ونطقات ..

ديما : زليخة(وكاضغغغط على حرف الخاء) أش خبارك

زليخة وقفات مععصبة وابتاسمات ) خاالتو دييما اللئيمة هانية ونتي

ديما : أهااذ لبنت مالك قليلة الحياء راني كبر منك احتارميني

زليخة : وهاني محتارمااك مالي أش قلت

ديما : بف على تربية

زليخة : تربيتي أحسن من تربيتك يا خالتو عالأقل أنا ماشي فالخمسينات وعقلي مزال واحل فالعشرينات

ديما : نتي لفعة

زليخة : ونتي موكة (وشافت فهاندا ) مابقيتش خارجة تالمن بعد تشاو (وخرجات خلاتهم )

ديما كاترعد بالأعصاب ) تفو علبرهوشة عااجبها راسها (شافت فهاندا ) طلقيي راسك شفت جباار فالحديقة (هزات فستان قصير ومثير عطاتوليها ) لبسي هذا دغيا وهبطي عندو

هاندا : ماما عافاك

ديما غوتات ) لبسييي وسمعييني نتي ليغااتكووني مرااتو سمعتيي نتيي ليغاتولي السيدة الأوولى لكل العشاائر ملي هوا غايشد الحكم بلاصت باااه ..نتيي هااندا آل توركانوس غاتولي الليدي الأولى ورئيسة كل العشاائر سمعتيي وداابا لبسيي(وبدات تلبسها بسرعة ..قاداتلها شعرها ورشات عليها قرعة دالريحة ووقفاتها ) ماتنسايش أش وصييتك حاولي تغريه سمعتي ديري كل جهدك باش طيحييه فشباكك سمعتيي قوليلو يخرجك هاذ الليلة ديري كل جهدك تخليه يبغيك

هاندا سرطلت ريقها )

ديما غوتات ) واااش سمعتيي

هاندا قفزات ) اه اه

ديما : يالاه تحركي ..

هاندا خرجات وهي حابسة لبكية ..🖤تتمة الجزء 53🖤
🍀🍀🍀
عند سماح لي دخلات لجناح جمانة لقاتها ناعسة ومعاها وسيم فجناحها ..وجلسات جنبو فالجلسة وكايهضرو بهمس …

سماح : وصاف قاليها نهضر معاك وبعدو منا غير شوية وبقاو كايهضرو شويا وقفو سيارات جبار وفارس وسليم وخرجو معصبيين وسلخووه نيت سنانو طارو (عاوداتليه كولشي)

وسيم : يستاهل أي واحد يقرب من بنات لستارك خاسو سلخة

سماح ابتاسمات وهي سااهية فعيونو القزحيتين اما هو كايوتروه شوفاتها )

وسيم : أكما خلعوكم جبار وسليم ولا غوتو عليكم ؟

سماح : اه خفناا لدرجة أميرة ملي وصلنا سليم للقصر خافت يغوتو عليها وسخفات بالخلعة ولكن جبار اعتادر منا أنا وختي وأميرة حتى هي ..وانا متأكدة غايعتادر حتى من جمانة ويتصالحو حيت راها والله مدارت شيحاجة

وسيم شاف فجمانة لي ناعسة) عارف هي فعلا مكاتستوعبش الأمور بسرعة ولكنها مربية ومستحيل دير شيء خاطئ

سماح ابتاسمات وتذكرات كلام شيماء ملي قالت لها هي وسميحة خاس يقربو ويزعمو ..وهي تقرب من وسيم جات جالسة ملاسقة معاه وهو شاف فيها باستغراب )

وسيم : هه سميحة يالاه نمشيو جوجو مزال ماتفيق

سماح ابتسامتها اختفت وعينيها دمعو ..ووسيم شاف دموع بداو يطيحوليها وخرج عينيه ..)

وسيم : سميحة مالك

سماح وقفات وغوتات ) هئ واا سمااح هئ أناا سمااح (ومشات كاتجري خارجة )

وسيم وقف ) شيييت

🍀🍀🍀🍀

عند جبار لي واقف فالحديقة وأمامو ليكارد…

الكارد : ماقدمو حتى شكوى لورد بالعكس باه السيد معتز العلوي عضو فالحكومة المغربية ملي عرف بالأمر اعتاذر نيابة عن ابنو وطلب يلتقي باللورد جاسم شخصيا يهضر معاه يحلو سوء الفهم

جبار : واش لواليد شافو ؟

الكارد : لا اللورد جاسم رفض يشوفو وهددو يشد ولدو ..

جبار ابتاسم ) واش جبتو المعلومات لي طلبت عن ساندرا بيثروفا

الكارد : أرسلنا مخبرين لجزيرة ساو ميغيل كايجمعو المعلومات غدا بالكثير تكون عندك كل معلوماتها لورد …

جبار : وعرفولي فين جداتها

الكارد : أمرك لورد

جبار: مزيان سير لخدمتك

(الكارد انساحب ..وجبار يالاه استدار يخرج حتى لقا هاندا موراه ..ليكاتسرط ريقها وهي كاتشوف فديما واقفة فلبالكون كاطل عليهم ..جبار هز فيها حاجبو ..وشاف فأشنو كاتشوف لقا ديما كاتغمز فيها وابتاسم باستهزاء

جبار : هاندا

هاندا قفزات وشاف فيه ) أ نعام

جبار : اش خبار كيداز سفرك

هاندا : بيخير ونت اش خبارك أخوية

جبار ابتاسم ) بيخير واش محتاجة لشيء؟

هاندا :أ لا والو غير..(وسكتات مخررجة عينيها ..كاتشوف فالسيارة لي وقفات خلف جبار ..وخرج منها بوسامتو وابتسامتو ..هاندا حلات فمها وسهات فيه..جبار استدار يشوف فيمن تبلوكات لقاه خليل وعيط له..

جبار : خليل

خليل شافو ابتاسم وتمشى حتى وقف عليهم وتسالمو سلام رجولي )

خليل : أش درتي للبنات كانو غايموتو بلخلعة

جبار : لي دار الذنب يستاهل العقوبة

خليل ابتاسم وشاف فهاندا ) هاندا على سلامة اش خبارك

هاندا حاالة فيه فمها ) ب بيخير ونتا

جبار :أحم نخليكم عندي مايدار (وتحرك يدخل للقصر وخلاهم واقفين ..وديما كاتفرج من البالكون ..تغددات ودخلات كاتحلف فهاندا ..

خليل كايهضر معاها ويسولها وهي حالة فمها فيه سااهية مكتجاوبوش)

خليل : واا هاندا ههه

هاندا عاد فاقت ) أ هاني هه

خليل : يالاه ندخلو خاس نشوف اميرة وجمانة

هاندا : و واخا

خليل ابتاسم ودخل هو وياها وهي عينيها غيير عليه ..وهو ملاحظ الأمر)🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 54🔮
🍀🍀🍀🍀
في المساء… وفجناح التوأم ..ليجالستان و معاهم جمانة وأميرة وكل وحدة ساهية … وساندرا كذلك

سميحة وهي فرحانة ) والله حتى تأكدت من حبوو ههه غار علياا وكان وااضح عاد ملي جات زوزو والله ماطلق يدي بالعكس باسها ليا وقداامها ههه وقالي هو غايبق يوصلني من اليوم وأي شخص قرب مني نعلمو ههه أحح شحال كنبغييه

سماح كاتنخصص ) هئ ماكايبغينيش هئ باينة هئ حتى حتى هئ حتى أنوو كايهضر معايا وضان أني سميحة هئ مكايفرقش بيني وبين سميحة هئ هلاش سليم كايميز بيناتنا بسهولة هئ

أميرة عنقاتها ) شووت تهدني

جمانة سااهية وكل شوي تنهد ..وكلام شيماء مزال كايتعاود فبالها ..ومقلقة بزاف حيت جبار وسليم ماعاودوش هضرو معاها …

وأمامهم واقفة ساندرا لي عندها قلم وكاتكتب ليهم درس على السبورة ..ولكنها سااهية وكضرها معدتها بالخلعة … منلي خلات جبار وزليخة بوحدهم ..وهبطات لبيتها بقات جالسة كاتقرأ فكتابها السحري ..كل شوي طل وتسول الخدم واش رجع جاسم وهي كتقول غير امتا تهضر معاه وتفرقع الرمانة …تنهدات وشافت فالبنات ..سماح كتبكي وجمانة حزينة وأميرة وسميحة كايهدنوهم ..مشات وجلسات جنبهم ونطقات بالإنجليزية )

ساندرا : بنات نساو كل هاذا واجيو نقراو شوية خاسني نشرح لكن الدرس

جمانة شافت فيها وعنقاتها ) شكرا بزاف شفت صباح كيفاش هدنتي جبار ومنعتيهم يزيدو يضربو فهذاك سفيان وحتى فجناحي جيتي عندي حاميتي عليا من جبار فا شكرا بزاف (شافت فيها ) من اليوم حنا صحابات لاقبلتي

ساندرا ابتاسمات لها ) ماعندك لاش تشكريني درت غير واجبي ونتي عندك خوتك بزاف وقاصحين فاحاولي مبقايش تعصبيهم وأكيد شرف ليا نكون صديقتك

جمانة تنهدات ) أنا غلطت تعميت بداك زبل دسفيان

أميرة والتوأم خرجو فيها عينيهم)

أميرة طارت حطات يدها على جبين جمانة ) مافيهاش سخانة

سماح كاتمسح خناينها ) واش طحتي على راسك

جمانة تنهدات) لا غير فقت (شافت فيهم ) غلطت ومغانعاودش يحسابلي كنبغيه ولكن لا عرفتو فاش حط يدو على حنكي حسيت بالقرف لو كنت كنبغيه منحسش هكا ملي قاصني

أميرة وقفات وبدات تشطح وتلوز )اخييرا أخييرا درتي عقلك أخييرا ياو ها شاليلي يا بابا جمانا دارت عقلها ياااو

سميحة ناضت هي الأخرى كاتشطح ) وستك ستك دارت عقلها ياوالله تادارت عقلها

جمانة ناضت تاهي تحزمات وجلسات تشطح وتلوي ) وأخيرا فقت وا ياوا فقت هااو ستك شتك درت عقلي واه هاو قفت هاو ..

سماح ناضت كاتجدب بشعرها الطويل وهي كاتبكي ) ياوماعني زهر وهابوه هابوه هاوينعل بوه هاوا هابوه أبوه

ساندرا كاتشوف فيهم مخرجة عينيها مافهمات والو)

ساندرا : وا الدرس ألبنات

جمانة وقفاتها شادة يديها وكاتشطح بيها ) أتي نوضي كلاد درس يالاه لويلي ديك الطغمة هز ياوز هز ياوز هز ياوز

ساندرا ابتاسمات وبدات تلوز معاهم كاتحرك فخصرها وصدرها ..وجمانة كاتشطح وهي كاتشوف فصدرها )

جمانة : وااستك ستك عالبزول ياوعطيوني بزوول ياو ستك ستك

تحل عليهم الباب ودخلو الشباب💙تتمة الجزء 54💙
تحل عليهم الباب ودخلو الشباب ..وبقاو جامدين مكانهم ..جبار ومالك وسليم و وسيم وفارس …ولبنات مردوش ليهم البال… سميحة كتلوز وأمامها سماح كاتجدب بشعرها الطويل وتبكي ..وجنبهم أميرة كاتسفق بيديها وهي كتموت بالضحك ..وجمانة وساندرا مقابلين مع بعض وكايحركو خضرهم برقص متقون … وكايغنيو

…جبار كايشووف فساندرا كيفات كاتهز صدرها لي نصو خارج ومؤخرتها باتقان …ومالك مبتسم وهو كايشوف فضحكة اميرة..وسليم جبد هاتفو وبدأ كايصور رقصة سميحة ..أما وسيم كايشوف فسميحة وسماح وكايضارب يقشع شكون منهما سماح …أما فارس حال فمو فمؤخرة جمانة … لدرجة طاحليه شكلاط من يديه ..ومع أصدر صوت ارتطام ..لبنات حبسو وشافو فمصدر الصوت وخرجوو عينيهم ..

ساندرا تزنكاات كلها …وجبار ابتاسم لخجلها.. بسرعة كاتولي كمطيشة ..تمشا تاوقف أمامها وبدأ يسفق

جبار : برااافوو براافوو ..مايحسابليش كاتعلمييهن حتى الرقص ..(غوووت ) هاذي هي لقراااية هااا وشنوو قلت لك صبااح على هاذ اللبس (وهز ليزار من فوق السرير لاحوعليها بعنف وهي قفزات وشداتو )

ساندرا سرطات ريقها ويالاه غاتهضر حتى رداتها جمانة خلفها ونطقات )

جمانة : أنا لي بديت رقص ونوضتها بزز ترقص (أشارت له للسبورة) راه الدرس فين كتباتو حنا لي ماراشقاليناش على لقراية …

جبار تنهد وأخد يدها باسها ) جمانتي مزال مقلقة

جمانة : نت لي واش مقلق مني والله مدرت شيحاجة

جبار : مابقيتش ولكن أول وآخر مرة تكدبي عليا أجمانة نتي عارفاني مزيان مكانعطييش فرص ثانية ولكنك روحي فاماتخلينيش نكون خايب معاك إلا لكدووب

هو كايهضر وساندرا كاتسرط فريقها )

جمانة عنقاتو ) والله منعاود غير متبقاش مقلق

جبار بادلها العناق..وتقدم سليم هو الاخر اعتاذر منها وعنقها …

مالك وقف جنب أميرة لي كاضور فعينيها وأخد يدها باسها )

مالك : كيبقيتي أميرتي

أميرة خرجاات فيه عينيها وتزنكات ودورات راسها كتشوف فخوتها لقات جبار وسليم مشغولين بجمانة و وسيم واقف كايهضر مع ساندرا ..وجرات يدها منو ونطقات بهمس)

أميرة : مالك واش حماقيتي عيطلي أميرة

مالك : واخا أميرتي وراني مزال كنتسنا جوابك

أميرة سرطات ريقها ) ع عطيني وقت

مالك وسع ابتسامتو ) عالأقل مرفضتيش وهاذشي فرحني ..

أميرة قلبها كايضرب بسرعة بعدات منو ووقفات جنب التوأم )

عند وسيم لي كايشوف فالتوأم تاداخ ماقدرش يميز سماح بغ غير يعتاذر منها وخاف يزيد الطين بلة ويصدق كايهضر مع سميحة .
….دار بناقص وانساحب وقف جنب ساندرا وابتاسم..

وسيم : آنسة ساندرا

ساندرا ابتاسمات له)

وسيم شاف فالسبورة ) خطك زوين بزاف وحتى الطريقة باش شارحة الدرس

ساندرا : شكرا سيد

وسيم مد لها يدو ) وسيم

ساندرا يالاه مدات يدها تصافحو حتى شدهالها جبار وجرها وقفها جنب البنات ونطق بحدة )

جبار : قريييهم هااذشي علاش نتي فهااذ القصر فهمتيي ماشي باش تشطحيي ولا تتعاارفي

ساندرا حانية راسها ) و واخا كنعتاذر يا سيد

جبار خنزر فوسيم وتحرك خرج..وتبعو سليم بعدما غمز سميحة ..وتبعهم وسيم ومالك …

فارس وقف أمام جمانة لي كاتشوف فيه وهي كاتسرط فريقها وقلبها كايضرب بقوة ..ومد لها علبة شوكولا)

فارس : جبتها قبيلة ولكن لقيتك ناعسة

جمانة شداتها ) ش شكرا فارس

فارس ابتاسم لها وخدا يدها ليعليها خاتمو وباسها .. وخرج تبع خوتو …)

جمانة جلسات فاشلة على السرير ) لبنات قلبي قلبي كنحسو غايسكت🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 55🔮

جمانة جلسات فاشلة على السرير ) لبنات قلبي قلبي كنحسو غايسكت

أميرة هي الأخرى جلسات شادة قلبها ) حتى أنا يالبنات قلبي كايضرب بسرعة عرفتو وليت غير كنشوف مالك كنتوتر

سميحة : أحح غمزنيي نااري غاايسكتلي لقللب مابقييتش قاادرة نصبر عرفتوو شنو غانعتارف له ولي لييها لييها

سماح جلسات كتبكي ) هئ هئ ماكلفش راسو حتى يعتاذر مني هئ لمكلخ لاخر غانقولها لعمتي شوشو هئ

ساندرا جلسات كاترعد ومزيرة على ليزار فيديها شافت فجمانة )

ساندرا: جمانة معاياش كايجي باباك أحم خاسني نهضر معاه

جمانة شافت فيها ) ماعرفتش كل مرة ومعاياش مالك واش عندك شي مشكل

أميرة : جبار غوت عليها على اللبس

ساندرا وقفات ) اه ..آحم غان غانشرح لكم هاذ الدرس ونخرج نشري ثياب أخرى

لبنات جروها جلسوها وسطهم)

سميحة : تي اش غانديرو بشي درس غير خلينا نهضرو

جمانة : اه ولا يالاه لجناحي للدريسينغ نتاعي وختاري لي عجبك لبسيه

ساندرا وقفات مخنزرة ) لبناات ولينا صحابات أييه ولكن هذا وقت لقراية يالاه (عطاتهم اوراق وستيلوات ) غانبدأ نشرح ولي مافهماتش شيحاجة توقفني…
(لبنات تنهدو بملل ..وساندرا جلسات ساعتاين وهي تشرح لهم فدرس واحد و بزز فهموه ..عطاتهم فيه عدت تمارين وخلاتهم كايخدموهم ..وجلسات جنب أميرة كاتعلمها قراءة الرموز المصرية القديمة … بقاو كايقراو حتى لوقت العشاء ..عاد كملات معاهم .. ومشات مع جمانة لجناحها عطاتها بدلات ثيابها …وهبطات لبيتها لقات عشاها محطوط ..جلسات تعشات وهزات كتاب السحر كاتقرأ فيه وكاتطبق بعض التعاويذ السهلة ليولاو كاينجحو لها من المرة الأولى وهذشي مفرحها … وصلات الحادية عشرة ليلا ..وخرجات من جناحها سولات الخادمات على جاسم قالوليها فجناحو مع مراتو ..تنهدات وكلها مرعووبة ورجعات لبيتها قالت غاتفيق بكري تلحق عليه قبل مايخرج لعملو تهضر معاه …

أما لستاركس مع مالك وهاندا وعصمان وديما …تعشاو مجموعين بعدها كل واحد مشا لجناحو ….
🍀🍀🍀

صباح اليوم الموالي 9 صباحا .تتمة الجزء 55💙
صباح اليوم الموالي 9 صباحا …وفجناح جبار لي كان جالس مفطح على سريرو الأسود عاري الصدر وخدام على حاسوبو حتى رن هاتفو ..هزو وشد الخط..)

جبار : انضرا

الكارد : المخبرين جاو لورد وهم كايتسناوك لتحت عندهم بزاف دالمعلومات الخطيرة

جبار تكعد مخننزر ) بعد ربع ساعة سيفطهم لمكتب لواليد (وقطع..وسيفط رسائل لباه وكل عمامو وخالو وكل خوتو وولاد عمامو وصحابو مالك وعصمان يتجمعو حالا فمكتب جاسم .. و وقف واختفى من مكانو ظهر فدريسينغ لبس وبقا واقف طرطق عظام رقبتو ونطق)

جبار :كاانتمنا ماتكوونش شكووكي صحيحة حولك يا أيتها سمراااء المثيرة وإلا نهايتك غاتكون على يدي
(واختفى من مكانو ظهر فمكتب باه لقاهم كلهم كايتسناوه )

جاسم : جبار أشنو واقع

فيليكس : قلتي الأمر مستعجل ؟

جبار : سيفط مخبرين لجزيرة ساو ميغيل يتحراو حول خلفية ساندرا بيثروفا

خليل تنهد بملل ) واش من نيتك مزال حاط على لبنت

جبار غوت ) خليييل دييك لبنت كاانحس بطاقة غرييبة ناااحيتهااا هي راه مستحيييل تكون بشرية عااادية وأنا متأكد

مالك : قصدك تكون هجينة ويعني عندها الدرع كالعمة شيماء ودرعها خافي طاقتها

جبار : مالك أنا ولواليد وسليم مستنسخين قوة رادار استشعار القوى لو كانت متحولة او هجينة بالدرع كنا غاانشووفو هاذشي والطااقة ليكانحس بها ناحيتها رغم انها قلييلة حتى لمنعدمة لكني حااس بها وهي مااشي كطاقة المتحولين

جاسم وقف كاينهج ) بغيتي تقوول أنها..

جبار قاطعو ) اليووم غانتأكد ألواليد (وتمشى حتا للباب وحلو كانو رجلين ..دخلهم وسد لباب )

جبار : هاذو المخبرين ..؟

دياب : هضروو أشمن معلومات جبتو عليها ؟

الرجل الأول ) ساندرا بيثروفا 19 سنة يتيمة الأم والأب عاشت حياتها فالترحال هي وجداتها من دولة لأخرى ..وقبل خمس سنوات استقرو فجزيرة ساو ميغيل ..درسات فيها وأخدت باكالوريا بامتياز… ماكانوش عندها أصدقاء دراسة بمرة كل لي سولتهم كايأكدو أنها كانت فتاة منعزلة

الرجل الثاني ) صديقتها الوحيدة كان اسمها أماندا يارفيش^ كانو خدامات بجوجات فمقهى على الجزيرة ..ولكن وقبل أيام (شاف فجبار ) وبالضبط نهار عيد ميلادها لي نفسو هو يوم عيد ميلاد الآنسة جمانة تقتلات صديقتها بطريقة بشعة (كلهم خرجو عينيهم ) وأيضا حبيب صديقتها اسمو مايكل ..تقتلو فالمقهى لي خدامين فيه لقاو حبيب المدعوة أماندا معلق بعشرات السكاكين مع حائط المقهى وأماندا مدبوحة ببشاعة ..ملي سولت اكتر عرفت أنهم كانو مجموعين فهذاك اليوم كايحتافلو معاها بعيد ميلادها فالشاطئ أمام المقهى ليخدامين فيه..كانو أربعة الآنسة ساندرا وأماندا وحبيبها مايكل لي تقتلو وشخص اسمو ثيون وهو حبيب ساندرا

جبار مزيير على يديه وكاينهج ) كمل

الرجل الثاني ) : الشرطة مالقاوش أثر للمدعو ثيون وا لا لساندرا وملي توجهو لدارها لقاو ماهو أفظع (شاف فجبار ) لقاو جداتها لي كان اسمها ميبهار مقتولة بطريقة وحشية بحيث طاير راسها ..والشرطة قلبو على ساندرا بدون نتيجة

الرجل الأول ) والشرطة مزال كايقلبو عليها تفقدنا كل سجلات المطارات والموانئ واسمها ماكاينش ظمن المسافرين

سليم لي مزيير على يديه ) أي دخلات للمغرب بطريقة سرية وغير قانونية

الرجل الأول ) آه لورد

جبار لي كايمشي ويجي ) وهاذ هاذ حبيبها ولا مانعرف فيينو وعطييوني معلوماتو

الرجل الثاني ) عرفنا غير اسمو لورد لي هو ثيون ..ماقدرنا نجيبو عليه حتى معلومات بمرة ماعندوش بطاقة وطنية أو سجل دراسي ..سولنا المدنيين تاحد ماعارف عليه والو من غير اسمو هو شخص غامض وغريب

جاسم : وهاذ جداتها ؟

الرجل الأول ) ميبهار وهي عجزو فأواخر الثمانينات سولنا الجيران قالو أنها كانت سيدة طيبة وماكاتخرجش تقريبا بمرة من منزلها ساندرا ليكانت كاتخرج كاتخدم وتدرس …

جبار : خرجوو

المخبرين خرجو وسدو لباب )

جبار : كنت متأكد

خليل : بغيتي تقول أنها هي لي قتلات جداتها وصاحبتها ؟

فارس : هاذشي ماشي طبيعي كيفاش زعمة هي وجمانة مزيودين فنفس نهار ونهار عيد ميلادهم وقع لها كل هذا ولغدليه جات عندنا

جبار لي كل عروقو تنفخو بالأعصاب …) ماشي غيير هااذشي (شافو فيه كلهم ) تسناوني غانرجع (واختفى ثواني حتى ظهر وهو هاز حاسوبو ..وحطو أمام باه وكلهم تجمعو عليه كايشوفو ..حتى فتحو على كاميرة حاطها لجمانة فجناحها )

فارس خرج فيه عينيه ) داااير لجمانة كااميراا فجناحها

إيفان : شييطان

جبار :ورااها ختيي وغير حاطها مكانراقبهاش منها ..لبارح ملي كنت كنغوت عليها تجرحات وأنا حتى ماقصتهاش ملي ضرت نشوف ساندرا لقيتها تاهي مجروحة وأنا متأكد شي إن تما تفكرت هاذ صباح الكاميرا وملي جيت نشوفها لقيتها بيها عطب ..ورسلتها لشركة الهاكرز صايبوها عاد سيفطولي التسجيل وهانا غانشوف أشنو وقع ( خدم تسجيل الأمس وبقا كايدوز حتى للقطة ليوقفات ساندرا أمامو محاولة تهدنو ودفعها حتى تلوات رجلها وطاحت ..والتسجيل مبين بوضوح كيفاش تجرحات ..وفنفس اللحظة قفزات جمانة شادة يدها كاتبكي …)

فارس : أشنوو هاذشي

جاسم مسح على وجهو وشاف فجبار ) أنا مابقيتش شاك وليت متأكد

وسيم : مافهمت والو كيفاش ساندرا طاحت وتجرحات وجمانة تاهي تجرحات !؟

جبار : هي بنفسهاااا غاتجاوبنها (شاف فيهم ) الآنسة الغامضة سمراء جات لعندنا على شيء معيين فا اليوم نعرفووه…يتبع🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 56🔮

🖤🖤
يَكادُ يَلتَهم من يُحبُّ بنظراتهِ لهاَ .. وإذا قال أحدهم لهُ : أنت َ لعاشقٌ ، أقامَ زوبعة من الإنكار …#جبار
🖤🖤

الساعة 9:36 صباحا …فغرفة ساندرا لي يالاه بدات تفيق ..حلات عينيها شافة فالساعة المحطوطة على لكوافوز ..ورجعات سداتهم ميتة بنعااس ليل كولو وهي سهرانة كاتقرأ فالتعاويذ …حلات عينيها عالجهد وناضت قافزة …

ساندرا : ناري ويلي ويلي تعطلت فلفياق ناري اللورد غايكون خرج خاسني نهضر معاه اليووم اووف (ناضت كاتجري دخلات لحمامها غسلات وجهها حكات سنانها بسرعة ..ولبسات فستان أحمر منلي عطاتها جمانة وسبرديلتها ..ووقفات هزات حقيبة صغيرة دارت فيها كتاب التعاويذ السحري باش تهزو معاها توريه لجاسم …ووقفات كاتسرط فريقها ..

ساندرا : غانقول كل الحقيقة واللورد جاسم غايتيقني وغايعاوني..و تحت حمايتهم ماغايقدروش آل جوفر يوصلو ليا ونقدر ندمر الكتاب وأنا مأمنة .. خاسني منخافش منخافش هو جدة قالت انه هو شخص حكيم وعادل غايسمعني ياربي غير مانتلقاش بهذاك ولدو تاني…(سرطات ريقها وخرجا وهي كلها متوترة …لدرجة نسات مهزات الكتاب…تمشات وهي كاتشوف فغرف باقي الخادمات ..كل الغرف مسدودين على غير العادة … وهاذ الطابق الأرضي طاغي عليه سكات ..على غير العادة ..سرطات ريقها وطلعات مع الدرج حتى للقصر وبقات واقفة كاتشوف حواليها باتسغراب…ماكااينش حس الخدم نهاائيا..عادة فهاذ الوقت كاطلع كاتلقا الخادمات كاينزلو الفطور وكل وحدة كاتقوم بأعمالها فالتنظيف … ساندرا بقات واقفة جامدة كتشوف حواليها وسكاااااات…

ساندرا : أكيد الخادمات غايكونو فالمطبخ ..(تنهدات ويالاه جات تمشي للمطبخ تسولهن على مكتب جاسم ..حتى وقفات مكانها) ويلي نسيت كتاب التعاويد ..(استدارت راجعة لبيتها بخطوات سريعة …هبطات مع الدرج وتمشات حتى لغرفتها ..حلات الباب وغير هزات راسها وهي تخررج عينيها وبقات جامدة مكانها كتشوف فجبار …كان مزلع كل أغراضها ليجابت معاها فالحقيبة ليعطاتها جداها ..ثيابها عطرها اوراقها فلوسها ليمزالين عندها..هاتفها لي مزالو طافي… قلب كل شيء …وكل أغراضها مبعثرين على السرير ..وكان واقف وهاز الحقيبة الصغيرة لي عطاتها كبيرة الخدم ولي بها الكتاب و يالاه غايحلها حتى دخلات عليه ساندرا …

(جبار شاف فيها مخنننزر ونطق )
🖤🖤🖤🖤
عِنْدما أَكُون عَلى يَقين بِأَنَك لَستُ بِمُخطئةٍ
فَليس هُنالك قَوة على وجه الأَرض تَجبُرني عَلى الَتبرير لماذَا اختَرتكِ يَا سَمرائِي J♡S
🖤🖤🖤🖤

جبار : صباح النور يا سمراء …

ساندرا سرطات ريقها ) أ أشنو ك ك كدير

جبار : مزال مدرت والو عاد ناوي (وابتاسم بشر وحل الحقيبة ..وساندرا غوتات )

ساندرا : لالا حطها لا عنداك تقيييصوو عنداك..

جبار شاف فيها مخننزر وقسم الحقيبة قطعها على جوج حتى طاح الكتاب على السرير وبسرعة تحنى يهزو وغير حط يدو عليه الكتاب شعلات فيه العافية نااار قوية.. وجبار غوت وجر يدو و أصابعو حمريين )

جبار : اااع فوووك

((ساندرا ولات صفرااء بالخلعة مشات كتجري هزات لكتاب عنقاتو فحظنها وخرجات كااترجي وركابيها فاشلين عليها بالخلعة لدرجة طاحت فلكولوار …وهي كاترعد وشافت موراها بانليها خرج من الغرفة تابعها مخننننزر … غوتات برعب وناضت تاني كااتجري بأقصى سرعتها والكتاب فحظنها ..طلعات مع الدرج ومشات كاتجري …حتى لباب القصر بغات تحلو تهرب لكن لقاتو مقفل وبقات كضرب فيه أو والو … وقفات مكانها كاتترعد ..وفهمات انهم عرفو بحقيقتها وعلى هاذا خرجو كل الخدم البشرين وسدو القصر وهي داخلو ..شافت خلفها بانليها جبار جاي ناحيتها بخطوات عادية وهو مبتسم بشر ..وهي تشهق بقوة ومشات كاتجلي للمصعد لقاتو معطلينو ..ويالاه غادور تطلع مع الدرج حتى لقات فارس واقف ليها فيهم مربع يديه ومخننزر ..حركات راسها بلا وفمها كايترعد ..واستدرات بانليها جبار خلفها بمسافة وجاي ناحيتها وهي تهرب كاتجري فاتجاه الصالات دالقصر ..ولكن وقفات مكانها مخررجة عينيها فيهم …كانو كلهم واقفين أمامها ..جاسم وجنبو دياب وفيليكس وعدنان وغسان وإيفان ..وجنبهم كل زوجاتهم شيماء باربرة تارا أيار جاكلين وأليشا ..وأيضا ديما …ولبنات مجمعات فقنت بوحدهم …زليخة وهاندا ..وجمانة والتوأم وأميرة لي كايشوفو فيها باستغراب …ساندرا سرطات ريقها مخررجة عينيها فيهم ..شافت خلفها بانليها جبار واقف مخننزر فيها وجنبو فارس ..وظهر بقوة التنقل سليم و وسيم وعصمان فجانبها الأيسر ..ومالك وخليل خرجو من الصالة ووقفو فجنبها الأيمن …وسكات كايتسمع فقط صوت تنفس ساندرا السريع لي قلبها غايسكت بالخلعة وشهقاتها ..حتى كسر هاذ السكوت صوتو الخشن)

جبار : آنسة سمراء ..(ساندرا شافت فيه ) كنت كنتساائل إمتا غاتباانو خلاص🖤تتمة الجزء 56🖤
جبار : آنسة سمراء ..(ساندرا شافت فيه ) كنت كنتساائل إمتا غاتباانو خلاص

شيماء شافت فجاسم ) جاسم أشنو واقع

جاسم: تهدني وغاتفهمي كل شيء

جبار هز يدو كايشوف فصبعانو لي حمريين بسبب نار الكتاب ونطق ) هاذ النار ماشي عاادية ..جسدي مستنسخ قوة النار وبهذا منيع ضددها ومستحيل نتحرق بقوة بنار المتحول (شاف فساندرا) إذن ناار الساحر مختلفة أو ماذا يا ساحرة سمراء!

ساندرا خرجات فيه عينيها وركابيها فشلو عليها لدرجة جلسات راكعة وسطهم وبدات تبكي بقوة وهي كاتشوف فجاسم ..)

ساندرا : هئ كنت جاية نقوليك كل شيء لورد هئ لبارح شحال تسنيتك نقوليك كل شيء هئ

شيماء مخرجة عينيها فساندرا) : بلاتي أشمن ساحرة ك كيفاش ؟

باربرة: شرحولينا أشنو واقع هنا ؟

سليم : لواليدة عمتي هاذ لبنت ماشي بشرية هي ساحرة

// ملاحظة …بالنسبة للجزء الأول المتحولين كانو عارفين بأن السحرة كاانو موجودين فعلا ولكن مند مئاااااات السنيين .. ومقولة ان سبب ظهور المتحولين هو تعويذة ساااحرة ..بالنسبة للمتحولين هاذي مجرد خرااافة ومامتيقينهاش …. وكانو كايظنوهم انقاااارضووو مكاينينش حاليا ..حتى للنهار لي ميبهار بينات نفسها أمام جاااسم فالجزء الاول باش عاوناتو بتعويذة تحديد الموقع يعرف مكان شيماء بالضبط ونقدها فالوقت المناسب …وتما قالت له ميبهار أن شيماء حامل بصبي جبار عندو قدرة استنساخ مئة قوة ..وقالت له نصف النبوءة لي كاتقول أن جبار هو ليغايوحد بين المتحولين والسحرة دالخير وغاينقد ماتبقى من السحرة من الإنقرااض الفعلي…تما عاااااد جاسم عرف بلي السحرة مزاااااال كاينين ما انقااارضوووش … وعاود كل شيء لخوتوو لاعقلتو فالجزء الأول من بعد ولادت جبار جاسم وصلوه هذايا غريبة ومنها الأحجار الحامية من السحر عن بعد ولي سيفطاتهم له ميبهار وبعض رؤساء معاشر سحر الخير ….وبحكم جاسم هو رئيس كل العشائر علم كل رئيس عشييرة وكل المتحولين فالعالم بهاذشي وبأن السحرة مزاال عايشيين… وأمرهم يزيدو فالنسل دالمتحولين أي يولدووو بزاف باش حتى إييلا قامت شيحرب يكونو المتحولين أكتر وأقوى ومتحدين…ويحضيو حدوودهم … جاسم جمع كل الكتب ليمذكورين فيها السحرة ..قراهم ودرسهم هو وكل خوتو وكل قياد العشائر بدووون نتيجة …مالقا واالووو… المعلومات لي عند المتحولين عن السحرة قليييلة .. أي أن عدوهم مجهوووول بالنسبة لهم …وطول هاذ السنين وهو كايقلب عليهم ومتأهب لهم بدوون نتيجة … وشيء مهم هو جاسم ملي دار جبار 18 سنة عاودليه كل شيء …وماشي غير هو بل لكل العشيرة حتى شيماء والسيدات ..عاودليهم كل شيء عن الساحرة ليعاوناتو فهذاك اليوم ..وعن النبوءة ليقالت له …ولزم جبار يبقا داير ذلك السوار لي عليه قطعة من الحجر السحري الحامي من السحر عن بعد …وجبار سليم وسيم فارس خليل عصمان مالك ..كلهم دايرين سوار بحالو ..حتى لبنات كل واحد منهم عندو سوار عليه قطعة من الحجر…..//

ساندرا : هئ كنت جاية نقوليك كل شيء لورد هئ لبارح شحال تسنيتك نقوليك كل شيء هئ

شيماء مخرجة عينيها فساندرا : بلاتي أشمن ساحرة ك كيفاش ؟ يعني يعني هي

باربرة: شرحولينا أشنو واقع هنا ؟

سليم : لواليدة عمتي هاذ لبنت ماشي بشرية هي ساحرة..

لبنات كلهن والسيدات خرجو عينيهم فساندرا لي لونها صفر بالخلعة وغير جالسة راكعة وكاتبكيي بقوة ومعنقا كتابها )

جبار تمشى حتى وقف عليها وتحنى قفازي كايشوف فيها وهي حانية راسها كاتبكي)

جبار : كنت كنقووول إمتاا غاتبااانو يااا معشر السحرة

ساندرا سرطات ريقها وشافت فيه ونطقات بصوت باكي ) وهااني بنت يا جبار المئة قوة

جبار ابتاسم وشعل يدو بالنار أمامها وهي قفزات ونطق ) غانسول وغاتجاوبي(ويدو تحولت من نار لجليد بروودته وصلات عندها ) وبخاطرك أو بزز ولي بغيتي تاني (وغمزها)

ساندرا سرطات ريقها وبزز وقفات ورجليها كايترعدو ونطقات ) م م م ماغانهضرش معاك نتا أنا أصلا ج جيت ل لهنا ن نهضر م مع اللورد (شافت فجاسم وقربات منو حتى وقفات أمامو وعينيها كايطيحو بدموع ونطقات ) جدة اسمها ميبهار و من نهار عقلت راسي وهي كاتعاودلي عليك هئ فكل ليلة قبل مانعس كاتعاودلي قصة المتحولين والسحرة هئ قصة ليعشت هاذ 19 سنة وأنا كنظنها قصة خيالية كاتعاودهالي جدة قبل مانعس هئ حتى لنهار عيد ميلادي لي هو نفسو يوم ميلاد جمانة عاد اكتاشفت أن كل مكانت جدة كتعاودلي عليه حقيقة ووقع بصح وأني أنا ساحرة.. أنا مكنتش عارفة ..حتى لهاذ الأيام

جبار وقف خلفها وجرها بععنف من دراعها تاشهقات ودورها عندو ونطق )

جبار : بلا درااامااا وهضريي شنوو بغييتي وفيين باااقي السحرة يالاه ازوينة باش نساليو هاذشي بسرعة

ساندرا : طلق يدي كاضرني هئ

جبار زاد زير على يدها حتى غوتات بقوة من الألم )

جاسم غوت ) جبااار طلققها

جبار طلقها وهو مخننزر فيها ..وساندرا تنهدات ومسحات دموعها وشافت فجاسم لي مخننزر فجبار ونطقات )🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 57🔮

جبار طلقها وهو مخننزر فيها ..وساندرا تنهدات ومسحات دموعها وشافت فجاسم لي مخننزر فجبار ونطقات )

ساندرا : جدة قالتلي نفكرك بها ..السيدة ليعاوناتك هاذي 25 سنة باش لقيتي الليدي شيماء فجزيرة فينو (شافت فشيماء ) جدة استعملات خاتمك فتعويذة لتحديد الموقع باش لقاتك (شافت فجاسم ) هاذيك المرأة هي جدة ميبهار ..وهي لي نهار تولد (شافت فجبار وهي كاتشهق ) ج جبار سيفطاتليكم الأحجار الحامية من السحر عن بعد أحجار لي كانت حامية بهم معشرها معشر آل بيثروفا من سحرة السحر الأسود ..(شافت فجاسم ) سيفطاتهم لك باش تحمي ولدك من التأثر بسحرهم عن بعد .. هاذيك جدة ميبهاار وهي ليقالت لك عن النبوءة لي مذكور فيها ولدك ولكن لورد جدة مقالتش لك كل النبوءة قالت لك غير نصها لي كنتي محتاج تسمعو فهذاك الوقت

جاسم كايشووف فيها وهي كاتهضر وهو كايحلل تعابير وجهها باش يشوف واش كتكذب أو كاتقول الحقيقة ) وأشنو هي تتمة النبوءة؟؟

ساندرا ابتاسمات له حيت حساتو متيقها وحركات راسها بواخا ) غانقوليك كل شيء ولكن قبل غانعاودليكم الحكاية ليكانت جداتي كاتعاودلي ملي كنت صغيرة هي حكاية صاحبة هاذ لكتاب لي عندي (وهزات لكتاب وراتو ليهم )

جبار : قصدك كتاابك الغريب ليحرقني يا سمراء

ساندرا شافت فيه ) : راه غوت وقلت لك ماتقيصوش نتا لي قصتيه هاذ الكتاب تاحد من غيري مايقدر يقيصو وإلا غاتحرق يدو

زليخة : اشنوو كاتخربقي نتي (شافت فجاسم) عميي هاذي راها ساحرة وخاسنا نقتلووها لا وداااخلة لوسطنااا من نيتك ألغبية

إيفان غوت ): زووووزوو ماتدخليش (وخنزر فيها)

زليخة سكتات مخنننزرة فساندرا)

ساندرا شافت فجاسم ) أكيد كاتعرفو أن السحرة كانو متواجدين من زماان راهم كانو مند ألفين سنة أما المتحولين بانو غير قبل الف سنة

دياب : بغيتي تقولي أن السحرة هم الصنف الأول وأقدم من المتحولين

ساندرا كتمسح دموعها وحركاتلو راسها بآه ) كانو صنفين فقط السحرة والبشر قبل ألفي سنة وكان عدد السحرة كبير بزاف وعايشين فسلام مع البشر حتى بداو السحرة يبيعو نفسهم للسحر الأسود ويضحيو بالبشر كانو كايقتلو البشر بزاف على حساب ماحكاتلي جداتي وماشي كل السحرة باعو نفسهم وولاو تابعين السحر الأسود ..بل بقاو سحرة السحر الخيير وبعدو من معاشر السحر الأسود ورئيس هاذ المعاشر دالسحر الخير كان اسمو كلارك بيثروفا (شافت فيهم ) هو واحد من جدودي القُدامة ..هاذ كلارك تزادت عندو بنت (شافت فخليل وابتاسمات وسط دموعها ) ألكساندرا

خليل : قصدك ألكساندرا الساحرة لي حكيتليك عنها فالمقهى..

ساندرا حركاتلو راسها بآه ) نهار تلاقيتك فالمقهى ماكنتش عارفة هاذ الحقائق وملي قلتيلي أنك ستارك وانا كنعرف لستاركس غير من قصة جداتي ليكنت كنظنها خيالية وعاذ ملي حسيت بطاقتك كمتحول تما بديت كنكتاشف هاذشي

خليل : عندنا بعض الكتب القديمة ذاكرين فيها ألكساندرا غير باسمها كانت أقوى ساحرة

غسان : فعلا هاذشي ليمذكور فالكتب ليعندنا فقط

ساندرا كاتحرك راسها بآه ) مكانتش ساحرة عادية (هزات الكتاب ) هي ليصاوبات هاذ لكتاب هي كانت مبتكرة تعاويذ أي كتختارع تعاويذ كأبوها كلارك كانت تقدر تنفذ بعض التعاويذ القوية بدون الحاجة لتضحية حيت السحرة على حساب مقالت ليا جداتي بعض التعاويذ القوية خاسهم باش ينفدوها يعززو طاقتهم السحرية عن طريق التضحية وهذا هو الفرق بين سحرة السحر الخير والأسود لولين كايضحيو بالحيوانات والتانيين بالبشر والساحر لي كايضحي بالبشر كاتولي تضحيتو بالحيوانات مرة أخرى غير مقبولة… هاذشي قريتو فهاذ الكتاب ..لي ضحى بالبشر مرة ماكايقدرش يحبس خاسو يبقا ديما يضحي بالبشر من غير لاقرر يعتازل السحر …سحرة السحر الأسود كانو فينما كتب كلارك شي تعويذة جديدة كايهجمو على معشر آل بيثروفا يسرقوها ..حتى اضطر كلارك يعتازل السحر ولكن بنتو كان عندها رأي آخر ألكساندرا بدات تكتب تعاويذ وتبتاكرهم تعاويذ قوية بزاف ..قالت ليا جداتي أن كلارك عاق بيها وكان خايف عليها من معاشر السحر الأسود يجيو ليها فا منعها من ممارسة السحر وهي مقدراتش فابقات كاتزالو سرا وفهاذ لكتاب كاتكتب كل تعاويذها القوية والنادرة وماشي غير تعاويذها بل هي كاتبة هنا كل تعاويذ باها وتعاويذ السحرة حتى التعاويذ الشريرة والخطيرة ونهار كلارك لقا عندها لكتاب حاول هو حاول يحرقو لكنها تدخلات وحمات كتابها بأنها ألقت عليه تعويذة مستحيل شخص آخر يقدر يقيص لكتاب أو يقرأ لغتو ومستحيل شي ساحر آخر يقدر يطبق تعاويذو من غير المختارة لي هي بنت من سالالة ودم ألكساندرا بيثروفا ولي غاتتولد بعد عقم عشرين سنة وغاتتولد بالضبط (شافت فجمانة ) فنفس نهار فنفس الساعة والدقيقة والثانية لولادة الهجينة أخت جبار

كلهم خرجو فيها عينيهم وجمانة حلات فمها وشيماء تقدمات خطوة وهي كتشوف فساندرا باستغراب )

شيماء : شنوو؟ ج جمانة أشنو علاقتها بهاذشي🖤تتمة الجزء 57🖤
شيماء : شنوو؟ ج جمانة أشنو علاقتها بهاذشي

ساندرا مسحات دموعها وكاتهضر وهي كااترعد ) سيدة شيماء ألكساندرا الساحرة الاولى وصاحبة هاذ لكتاب هي لي بنات جنسكم هاذ لكتاب لي فيدي به تعويذتان جد قويتان وحدة منهم تطبقاات وهي تعويذة تحويل البشري لمتحول بقوى ..نهار ألكساندرا ابتاكرات هاذ التعويذة والتعويذة التانية… كل السحرة حسوو بقوة وحجم هاذ التعويدتان وهجمو على معاشر سحر الخير بغاو لكتاب ..ألكساندرا هرباات بلكتاب وفطريق حمايتها مات كلارك باها ومات راجلها وواحد فولادها تاهوا وبزااف من المعشر ..جدة قالت ليا أن ألكساندرا بقات سنين وهي هاربة بالكتاب وكل ساحر سحر أسود فالعالم تابعها عليه… وفي هروبها تصادفات مع عائلة من البشر كانو مراض بالطاعون فهذاك الوقت ..وهي عتقاتهم … بالتعويذة الأولى حولاتهم لمتحولين تعويذة لي باش تنفذها كان خاسها تضحية كببييرة لكنها كانت مستحيل تقتل او ضحي بالبشر فا ضحات براسها ..حيت التضحية بسااحر وخصوصا قوي كألكساندرا أحسن من التضحية بعشرات البشريين فاهي قتلات راسها باش نجحاتلها التعويذة ..هي بيدها صنعات جنسكم قالت جدة بلي كانت عائلة بشريين زوج وزوجة ومعاهم شاب وشابة الشاب عطاتو قوة الإستنساخ (وشافت فجاسم ) والشابة عطاتها قوة الدرع (وشافت فشيماء ) والزوج والزوجة لي كانت حامل بأرع توائم عطاتهم قوى مختلفة التحكم بعناصر الطبيعة والتنقل السريع هاذو القوى الأصلية للمتحولين …وقبل ألكساندرا ماتموت شرحاتليهم على طبيعتهم الجديدة ومنعاتهم من خلط جنسهم بالبشر حيت لكل تعويذة ثغرة والثغرة هنا هي أن دم الهجين عندو قدرة إبطال التعويذة ويرجع المتحول لسابق عهدو أي يرجعو بشري

تارا (أم التوأم) ولكن الهجناء مايمكنش يوليو بشر مرة أخرى فا فين الثغرة هنا!

فيليكس : فعلا بحثنا بزاف وجربنا حقن هجين بدم هجين ومانفعش الهجناء مستحيل يوليو بشر عاديين

ساندرا شافت فيهم وابتاسمات ) لا راه الهجين حتى هو ممكن يولي بشري عادي (هزات لكتاب دألكساندرا أمامهم وحلاتو على صفحة ووراتو ليهم ) لبارح وصلت فلكتاب لهاذ الصفحة لي بها تعويذة تحويل بشري لمتحول (كلهم شافو فلكتاب بانليهم فقط اوراق فارغة )

إيفان : لكتاب خاوي

ساندرا : لا عامر بوحدي لي نقدر نشوف كتابتو و لغتو وكلما قريت صفحة كاتعمر الصفحة لي بعدها بالكتابة …وقريت التعويذة كلها …ليحولات جنسكم لمتحولين (حطات صبعها على مكان فالصفحة )هنا مكتوب أن المتحول إذا حقن بدم هجين كايولي بشري عادي …والهجين إذا حقن بدم متحول كامل كايولي بشري عادي…

كلهم مخرجين عينيهم فيها و الصدمة بادية على وجوههم)

جاسم : إذن حتى الهجين ممكن له يولي بشري

ساندرا: آه و ألكساندرا قبل موتها طلبات المساعدة من عائلة المتحولين ليحولات طلباتهم يتعهدو لها بحماية لكتاب ويوصلوه لمعشر آل بيثروفا وأيضا طلبات منهم يتعاونو مع معاشر سحرة الخير يكونو يد وحدة يقضيو على معاشر السحر الأسود لي قربو يتسببو فانقراض البشر من كترة ماكانو يضحيو بيهم ..ولكن المتحولين ماوفاوش بهاذ العهد هم قتلو أي شخص متحول ..أي شخص على جبينو رمز ثنين نحاوه ماميزو لابين معاشر السحر الخير لابين معاشر السحر الأسود قتلو كل السحرة

جاسم : فينو الوشم مكنشوفوش فجبهتك

ساندرا سرطات ريقاو ) لقاو طريقة باش يخفيوه بتعويذة بسيطة أنا غانبطبها واخا ماعرفتش واش غاتصدق حيت يالاه كنتعلم ..(مسحات دموعها وتنهدات وغمظات عيوننها ونطقات)

ساندرا : فيسلافوريس دراكاريس فيسلافوريس دراكاريس ..(وسكتات مغمظة عيونها حتى بدأ كايترسم فجبينها تاتو لتنين ..وكلهم كايشووفوو فيها ومع طبقات تعويذة بسيطة وقدامهم…فا لي عندو منهم أقوى طاقة متحول حس بطاقتها الضعيفة كساحرة …فاحس بها اكيد جبار …سليم..وسيم..وفارس..ومالك…وعصمان وخليل …وجاسم ..دياب..إيفان ..وشيماء ..وجاكلين ..وتارا..وزليخة .. باعتبارهم أقوى متحولي العشيرة)

جمانة : وااو زويين

ساندرا حلات عينيها كاتنهج وشافت فجاسم ) ه هاذ الوشم أي واحد كان عندو هاذي ألف سنة مات بدوون تمييز المتحولين… قتلو بزااف دالسحرة والمشكل مشاو سحرة السحر الخير ضحية ولي نجا….🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 58🔮

ساندرا حلات عينيها كاتنهج وشافت فجاسم ) ه هاذ الوشم أي واحد كان عندو هاذي ألف سنة مات بدوون تمييز… المتحولين قتلو بزااف دالسحرة والمشكل مشاو سحرة السحر الخير ضحية غير حيت متميزين بهاذ الوشم …ولي نجا منهم عدد قليل هربو واختفاو واكتاشفو هاذ التعويذة باش قدرو يخبيو هاذ الوشم ويعيشو لكن عاشو فظلام وهكذا بقا الوضع حتى لزمننا هذا …جدة قالت ليا أن وحدة من سحرة معشر فكوريا شافت رؤية (شافت فشيماء ) شافت وحش المتحولين غايتزوج بهجينة ويولدو جبار ليغايكون هو الخلاص لسحرة السحر الخير.. ولكن كان مستحيل هاذشي يتحقق حيت كيما قالت ليا جدة كانو عشيرة الرومانوف فالحكم كايقتلو كل الهجناء وماشي غير هم …كانو حتى سحرة السحر الأسود فالخفاء كايقتلو الهجناء باش عمر هاذشي يتحقق (شافت فجاسم) جدة قالت ليا حاولو يقتلوك حتى نت ملي كنتي طفل… ولكن عمامك وجدك كانو أقوياء وماقدروش يوصلو لك فابداو يقتلو فالهجناء باش عمر هاذ النبوءة تتحقق..حيت إيلا تحققات وحسب النبوءة جبار غايوحد الصنفين وغايعيشو السحرة تحت قانون المتحولين وهو شيء لي مستحيل يقبلو به معاشر السحر الأسود مستحييل يقبلو يركعو للمتحولين لييكم ويعيشو تحت شروطكم … حيت كنظن أسمى قانون عندكم هو عدم أذية البشر بقواكم … وأهم ركن فالسحر الأسود هو قتل البشر واستعمال دمهم كتضحية فتعاويذ السحر الأسود…وهاذشي علاش أي هجين تولد كانو كايشوفوه فرؤى ويلا ماقتلوهش الرومانوف كايقتلوه السحرة ..(شافت فشيماء ) ولكن ولادتك شافتها ساحرة من معشر الخير وباش يحميوك سيفطو لك ساحرة رضيعة تربات معاك فالميتم وكرسات كل حياتها خصوصا فحمايتك

شيماء حالة فمها ) ق قصدك ج ج

ساندرا: اه جمانة الساحرة حسب ماعاوداتلي جداتي كانت صديقة طفولتك هي كانت من سحرة المعشر الكوري سحرة الخير.. و بفظلها ماوصلوش لك سحرة السحر الأسود كانت خافية موقعك عليهم لأكتر من 15 سنة ودرعك راه مستحيل كان يبقا داائما مفعل ونتي مكتحكميش به هي بسحرها كانت كاتعزز طاقة درعك يبقا ديما مفعل ومهمتها كانت هي توصلك للورد /شيماء قوة الدرع /

شيماء جلسات فاشلة على كرسي )

ساندرا : وجدة ميبهار وجداة الساحرة جمانة كانو حامينكم عن بعد حيت الخطر مكانش عليك غير من السحرة بل حتى من بني جنسك فهداك الوقت ..

إيفان : بلاتي قلتي بلي النبوءة ماكانتش كاملة أشنو علاقتك نتي وجمانة بها

ساندرا شافت فجاسم وسرطات ريقها ) ألكساندرا بنات جنس المتحولين لخدمة غاية وهذف محدد وهاذ الغاية ماتحققااتش لورد… المتحولين ماوفاوش بالعهد ..ولحد الآن عاايشين السحرة دالسحر الأسود ومزال كايضحيو بالبشر لكن فالخفاء وسحرة سحر الخير عايشين فكهووف مخبيين عليهم خطر من المتحولين ومن معاشر السحر الأسود فا الغاية خاس تتحقق ولهذا التعويذة لعبات دورها بحيث ربطات ( شافت فجمانة وهي كاتسرط ريقها ) رب ربط ربطات ساحرة بهجينة فتعويذة

جبار خنزر فيها ووقف قدامها وغووت) كيييييفاش تاني شرحي شرحي أزويينة هاذ الأبرااا كدابرا نتااعك

ساندرا شهقات وبعدات منو ووقفات تاني أمام جاسم ولكن جبار رجع وقف امامها ومخنننزر وهي نظراتو غايسكتولها القلب )

ساندرا : الرؤية ليعاودات ليك جداتي لورد غير كاملة ..(شافت فجبار ) جبار هو ليغايبرم السلام بين معاشري وبين عشائركم ولكن ماشي بوحدو (سرطات ريقها ) كان خاس ولادة جبار اه..وأيضا ولادتي حتى أنا… أنا حفيذة لألكساندرا و بوحدي لينقدر نقيص لكتاب ونقراه وكساحرة بوحدي لينقدر ننفذ مافيه من تعاويذ .. أنا المختارة… مدام هم فشلو فمنع زواجك بالسيدة شيماء وفشلو فأذية ولدك ..وتولد (شافت فجبار) أحم ..وأيضا فشلو فمنع ولادتي حتى أنا …إذن مابقاش عندهم شيطريقة باش يمنعو النبوءة من التحقق من غيري من غير التعويذة التانية ليهاز لكتاب .. وباش أنني نتولد كان ضروري تتولد جمانة باش يتفعل الربط ملي أنا نحل لكتاب

جاسم مسح على وجهو.. ودفع جبار حتى بعدو عنها ولا هو واقف أمام ساندرا ونطق ) بغيتي تقوولي أن جمانة عندها علاقة بالسحر

ساندرا حركات راسها بلا وبدات تبكي) هئ هئ لا ماشي هاذشي دابا لكتاب هاز جوج تعاويذ قوية بزااف أقوى تعويذتان فتاريخ السحرة والأولى تفعلالات وهي لي تطبقات تابنات صنف متحولين هئ ولكن التانية مزال وهي الأقوى والأفضع والأبشع هئ وهي ليباغيين سحرة السحر الأسود هئ هئ .. هي لي كايتسناوها طول هاذ السنين ..وهي لي غاتخلي ساحر واحد يقدر يدمر عشائر …
وييلا شدوني غايجبروني نطبقها ويلا طبقتها تيقني لورد ستارك كلكم غاتمووتو ماغايبقا لا بشر لا متحولين غايولي العالم فكفة يد سحرة السحر الأسود غاتعيشو تحت رحمتهم هاذشي لاخلاوكم تعيشو (شافت فجبار ) حتى أنت بكل قوااك المئة ماغاتقدرش توقف فوجه ساحر واحد منهم

جبار مخخنزر شدها من دراعها تاشهقات وجرها عنو تاتساطحات معاه ) أشنووو هي هاذ التعويذة هااا وشنوو علاقة جمانة بك

جاسم زيير على يديه ) جباار طلقها🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 59🔮

جاسم زيير على يديه ) جباار طلقها

ساندرا كتشوف فعينيه وهي كاتبكي بجهالة وكاترجف ) إيلا قلتهاليكم غاتقتلوني هئ هئ حيت بووحدي لينقدر نفدها هئ لكتاب بلا بيا ماسااوي والو هئ

جبار غوت ) غااالطة أزوييينة غااالطة حييت فكل الأحوال غااانقتلك يااا ساااحرة فاااهضريي

ساندرا غوتات ) : مااغاتقدرش هئ ماغاتقدرش تقتلني ( و تنترات منو حتى طلقها خنزرات فيه وشافت فجاسم )

ساندرا : ألكساندرا مكانتش غبية هي بنات جنس متحولين لييقتلو كل بني جنسها …ولكنها دارت شيء خطير هي راه راه ربطات حياتي بحياة جمانة

كلهم خرجو فيها عينيهم وشيماء وقفات مصدومة)

فارس : شنوو

شيماء : كيفاش ربطات حياتكم ببعض هانتي سكتي من البكاء تهدني وهضري (خنزرات فجبار ليكايمشي ويجي جنب ساندرا ويديه بجوج كايترعدو بالأعصاب والنار كاتشعل فيهم وتطفى غير بوحدها ) ونتاا اجبار تهدن شوية مابقاش تغوت عالبنت تهدن

جبار غوت) هااااهوا مهدن (شاف فساندرا وابتاسم ) هضريي يا آنسة سمراااء ساحرة

ساندرا شافت فجمانة وكلها كاترعد ) فالنبوءة كان خاس يتولد جبار وكان ضروري الهجينة أم جبار تولد بنت أي أخت جبار… باش ملي تتولد جمانة غانتولد أنا… لي غاتعطاني مهمة انني ندمر هاذ الكتاب ليهاز التعويذة لي غاتدمركم قبل ماطيح فيدين آل جوفر (تشجعات ونطقات) التعويذة إيلا عرفتووها فلبلاصة غاتقتلووني ولكن قبل كونو أكيدين أبسط جرح تعرضتليه ولو خدش غايبان فجمانة .. ويلا أنا مت هي غاتموت .. حيت بمجررد ما أنا شديت لكتاب نهار عيد ميلادي المشؤوم وبمجرد ماوصلت للمغرب وحليتو وقريت اول كلمة فيه تفعلات تعويذة الربط لي ربطات بين حيااتي وحياة بنتكم وكل هاذا من صنع ألكساندرا وبهاكذا غاتكونو مضطرين تحميو حياتي (شافت فجاسم ) وهاذ المرة بزز تعاونوني ندمر هاذ لكتاب ونخرج شعبي للنور.. قبل مايدمرونا آل جوفر كاملين

سليم ..وفارس..وجباار…قربو منها مخنزرين بوحشية .. ويالاه غايشدوها حتى غوت جاسم)

جاسم : بعدووو منهااا بربي يحط عليها واحد منكم صبع غانقطعو له..🖤تتمة الجزء 59🖤
( سليم وقف جنب جبار ليكايرجف بالأعصاب وعيونو غير على ساندرا …وفارس جنبهم هو الأخر كل جسدو تضاعف حجمو بالأعصاب وكاينهج …وجاسم وقف أمام ساندرا ليكلها كاترعد ومخرجة عينيها فيهم غاتمووت بالرعب..)

جاسم : أشنو هي التعويذة الثانية

ساندرا شافت فيه وعينيها طاحو دبموع ونطقات )

ساندرا : # تعويذة #الخلود هي أقوى تعويذة هاز لكتاب…وهي تعويذة تطبق فقط على السحرة وغاتخلي أي ساحر تلقات عليه مستحييل يموت واخا يتقطع طراف يعاود يتجمع لحموو .. الخلوووذ لورد ستارك أي غايعيشوو للأبد ومستحييل يموتو واخا تقتلوهم حتى ألف مرة …التعويذة الوحيدة التي لا ثغرة لها التعويذة الوحيدة لي مستحيل ساحر آخر يقدر يطبقها من غيري أنا كمختارة وحاملة للكتاب وبيثروفا ..التعويذة لي إييلا شدوني معشر آل جوفر وهو المعشر الحاكم لمعاشر السحر الأسود.. غايبززو عليا نطبقها عليهم وتيقني لورد غير غايوليو خالذين أول شيء غايديروه هو يجيو ليكم ومستحييل تقدرو عليهم مستحيل تغلب عدو مكايمووتش ..وهم للآن مابانوش أمامكم حيت ضعااف وقلال مقارنة بكم …ولكن لاطحت أنا ولكتاب فيديهم هاذ الضعف غايتحول لقوة لا تقهر .. سيد جاسم نيتي ماشي خايبة هئ ماعرفت كل هاذشي حتى لهاذ الأيام هئ وتعويذة الربط بيني وبين جمانة غير باش الساحرة ألكساندرا تحميني هئ أنا نهار عيد ميلادي بانو قدامي ساحرين من معشر آل جوفر (تفكرات ثيون ونطقات ) بل تلاثة وفلت منهم بأعجوبة وجدة هي هي ليسيفطاتني عندك هئ ضحات بنفسها باش تهربني وطلباتني نجي عندك هئ واش عقلتي عليها

جاسم حرك لها راسو بآه وعينيه فعينيها …)

ساندرا : تيقني هئ أنا جيت لهنا طلبا للمساعدة والحماية راه إيلا ولاو آل جوفر خالدين تيقني غايجيو عند عشيرتك هي لولا من بعد غايدوزو لما تبقى من البيثروفا ومعاشر الخير هئ مستحيل يقبلو يتحناو لكم هئ وجدة حتى لآخر حوار دار بيني وبينها وهي كاتوصيني مانتيقش فمعاشر السحر الأسود هئ

السيدات صفارو بالخلعة وجلسو بالصدمة ..أما لبنات مصدومات ..

ساندرا كتشوف فجاسم : لورد أنا كيف قلت لك جدة ميبهار هي لي سيفطاتني عندك وقالت ليا ن..(سكتات ملي جرها جبار بعنف حتى تساطحات معاه وغوت )

جبار : أووول شيء غااادييريه أزويييينة هو غاااتبطلي هاذ الربط لي بيينك وبيين ختي ودااابا… ديك الساااعة نهضرو

ساندرا كاتحاول تتنتر منو لكنو مزيير على دراعها بعنف دورات وجها وشاف فجاسم وهي كاتبكي )

ساندرا : هئ مانقدرش هئ هاذ الربط هو الشيء الوحيد لي ضامن حياتي وسطكم هئ تيقني لورد أنا معندي علاقة بكل هذا أنا كنت عايشة حياتي عادي هىء هىء حتى لنهار عيد ميلادي كنلقا سحرة من السحر الأسود قدامي قتلولي صاحبتي قدامي هئ والله أنا ماعندي علاقة جدة لي هرباتني وبهاذ القلادة لي فعنقي خفات موقعي عنهم حتى ماشدونيش فالطريق وأنا جاية عندكم

جاكلين : ولكنك دخلتي عندنا كأستاذة علاش ؟

ساندرا لي كاتلوا من الألم حيت جبار ضااغط على دراعها بقووة ) هئ كنت خايفة هئ ومكنتش متأكذة أن تعويذة الربط تفعلات هى خفت نقوليكم أني ساحرة وتقتلوني والله ماعندي نية نآذي شيحد منكم هئ

جبار غوت ) قلت ليييك غااتبطليي تعوييذة الربط وداااباا

جاسم غووت ): جبااار طلق منهااا

جبار دفعها بقوة حتى جات طايحة أمام رجلين جاسم وهي كاتبكي بصراخ )

جاسم : غانعطيك وعد أني نساعدك ولكن أولا غاتخرجي بنتي من كل هاذا غاتبطلي تعويذة الربط🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكٍَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 60🔮

جاسم : غانعطيك وعد أني نساعدك ولكن أولا غاتخرجي بنتي من كل هاذا غاتبطلي تعويذة الربط

ساندرا هزات راسها شافت فيه بعينيها ليولاو حمريين من كترت مابكات والقوة باش توقف مبقاتش عندها رجليها فاشلين ) جدة قالت ليا أنك شخص رحيم وعادل وقالت ليا نقوليك ساندرا أمانة عندك ماتفرطش فيها يا رئيس المتحولين هئ أنا مادرت والو وماعندي نية نآذي تاحد هئ إيلا بطلتها غاتقتلوني أنا متأكدة هئ حيت إيلا شدوني لخرين نتوما لي غاتموتو هئ فا أنا أكبر خطر مهدد وجودكم هئ

شيماء ليدموعها كايطيحو قربات وتحنات عندها وبدات تمسحلها دموع ) تاحد ماغايقتلك تيقي فيا أنا ماتخافيش منهم تاحد ماغايقرب لك ونتي تحت حمايتي وحماية جاسم (شافت فجبار مخننزرة ) مزياان أجبار هكذا ربيتك تعامل المرأة

جبار غوت ) جماااانة ألواالييدة خط أحمر ختيييي أمي وعشييرتي كلهااا خط أحمر فااااا يااا تببطل هااذ الربط (شاف فساندرا ) أو غاانقتلك

ساندرا لي كاتشوف غير فشيماء ) شفتك فأحلامي شحال من مرة شفتك ملي كنتي مخطوفة فهذاك الكوخ وكنتي حامل شفت أشنو داز عليك

شيماء حركاتلها راسها بآه وهي كاتمسحلها الدموع ) وفواحد الوقت كنت بحالك دابا..وفهذا اللحظة … و تانا كنت عايشة حياتي وأنا كانظن أني بشرية عادية حتى اكتاشفت أني هجينة ولقيت نفسي وسط متحولين … يعني هاذشي لي كتعيشيه دزت منو وحتى خوفك دابا منا حسيت به حتى أنا فواحد الوقت وكنأكدليك ماعندك مناش تخافي ونتي وسطنا وشفتي جمانة ماولدتها حتى تعذبت ومرضت وشحال تسنيت ولادتها … فا عافاك بطلي هاذ الربط بعظيها على هاذشي.. مايمكنش تبقى حياتكم مرتبطة ببعض و كانوااعدك بحيااتي تاحد ماغايحط عليك صبع وااحد لا ساحر لا متحول ..وكلنا غانعاونوك كلنا حتى تدمري هذاك لكتاب

ساندرا : سمحيليا سيدة شيماء هئ مانقدرش أنا عدوتكم بالفطرة وهازة فيدي الشيء لي غايدمركم كلكم وكل عشائركم إيلا حيدت الحصانة عليا مستحيل ترحموني (وشافت فجبار) وخصوصا هو هئ

جبار تحرك فاتجاهها صاعر وشدها من دراعها وقفها ونطق ) صبرييي نفد سمعتي نفذ .. غاانعاود نقوولييك بهدووء وباجترااام ولآخر مرة …غااتبطلي الربط ؟

ساندرا خنزرات فيه ) نت من المفروض تعاوني ندمر هاذ لكتاب والتعويذة لي فيه.. راها مهمتي أناا وياك.. ومن المفرووض تعاوني نعاون شعبي ماشي العكس

جبار : غااانقتلك سمعتييي تاالختي ولا سمعتييي بغييتي نعاااونك بعديي من عشييرتي فاااا غاااتبطلي هاذ الربط دااابااا وإلا غاااانقتلك وهاذ لكتاااب غاندفنوو فمرركز الأرض جن لكحل مااايطيحش عليه

ساندرا غوتات ) قتللللني نشوووف ياالاه🖤تتمة الجزء 60🖤
جاسم غوت ) جباااار طلقهاااا وآخر مرررة تقرب منهاااا أو تغوت فوجههااا

ساندرا شافت فجاسم وغوتات) أصلا قلتها لجدة هئ هئ قلت لييها إييلا كنتي نتا رحيم وعادل أشنوو ضمنلي أنا أن ولدك غايكون بحالك هئ (شافت فجبار مخنزرة فقدات كل أعصابها وبدات تغوت ) متعجرف أناني مغرووور متسرع ونرجسي (غوتات) نتااا لييغاتبرم السلام هاا نتاا لي غاتزيد بصنفك للقدام وتحمي عشاائرك هااا نتااا ليغااتحكم بعد باااك مستحييل…مستحييل نرجسي بحاالك يكون عاادل أو يصلاح للحكم وتعويذة الربط مغانبطلهاش سمعتييي ماغانبطلهااش يالاه قتلني نشووف…

فارس ليكايشوف فنظرات جبار لها لي كلهم شر وهي كاتغوت فوجهو كاتعايرو نطق )

فارس : جباار تهدن متنساااش أي شيء وقعلها غايوقع لجمانة

ساندرا شافت فجمانة وهي كاتحاول تتنتر من جبار ) سمحي ليا والله ماقصدي نآذيك ولا نضرك بسببي والله ماقصدت والله وماغانخليش شيء يآذيك هى راه أنا ونتي توأم روحي هئ أصلا كونما تولدتي عمرني نتولد وكنواعدك مايوقعلك والو

جمانة لي كاتبكي وهي كاتشوف فيها وقلبها مقبوط شافت فجبار ) طلقها أجبار هئ طلقها حشومة عليك هئ راك ضارها فيدها

جاسم : جباار لآخر مرة غانهضر طلقها وهذا أمر (شاف فساندرا ) هي من اليوم تحت حمايتي وغانعاونها تدمر ذلك لكتاب إيلا ماتقتيش بوعدي يا ساندرا فاخلي تعويذة الربط سارية ماكاينش لي غايحط عليك اصبع واحد كنواعدك وماحدك آمنة حتى بنتي غاتكون آمنة حتى يتدمر ذلك الكتاب ..

ساندرا ابتاسمات براحة وهي معنقة كتابها بيد وحدة …حتى قفزها جبار لي مزال شاادها من دراع يدها الأخرى)

جبار غوووت ) : لا ..تحدااتني ألوااليد (شاف فساندرا لي ملسقها معاه وابتاسم بشر ) قلتي نقتلك لاقدرت يااااااك ياااسمراء والربط ماغاتبطليييهش يااك يا سااحرة هااااحنا غاانشوووفووو إذن تحملي مسؤووليتك ..(شاف فسليم وفارس ونطق ) لبنات كلهن وخصوصا جمانة ماتخطيش خطوة وحدة خارج القصر حتى نأمر أنااا بالعكس ( شاف فجاسم بنظرة غريبة واختفى وهو شاد فساندرا ..وبقوة التنقل تنقل هو وساندرا ….. )

جاسم غووت ) جباااااار….

اترك تعليقا