Skip links

قصة : الوحش ذات القزحتين2(عشق الجبابرة) ج 3

 45,007 عدد مشاهداات

🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 21🔮
جمانة شدات راسها ) ناري راسي ناري دخت ….

أميرة سدات كتابها وشافت فجمانة ) هاانت غابشوية عليك لأن عقلك الصغير لا يتحمل ..هانت سماااااح لي بالألف ..كاتبغي خوك وسييم لي قزحي وعينيه كل وحدة فلون

سماح نقزات ) آه آه وبصراحة ملي كنا صغار كايحمقوني عويناتو ..ودابا ملي كبرنا زعمة ملي كنجي نجمع صفات فارس أحلامي كايخرجلي فالأخير غير وسيمي الوسيم والله تا كنبغيه دبصح إمكن …وهاذي تلاث سنوات باش مشا لأمريكا وكايجي غير فالعطل ودابا عام مشفتوش وكنقول غير امتا يجي غير نشوفو هذا هو الحب ياكو؟

أميرة شافت فجمانة ) : وسميييحة بالياء كاتبغي خوك سليم الغير قزحي ولي عندو عظلات والوشم فهمتي ولا نجيب ورقة وستيلو نرسم لك خطاطة مفصلة

سميحة : آه آه وتانا ملي كونا صغار وكايعجبني سليم بصراحة كونما جبار كان قاصح كان يعجبني هوا ولكن كاايخلعني البنات واخا ضحوكي لكن ديك تخنزيرة عندو كتسكت لقلب … فا قلبي هرب منو ياكو وتعلق فسليم ونهار تعلق فيه ماطلقو ناري ألبنات شحال كايحمقني الوشم نتاعو كنسهى فيه ..أو يالاه كان فالمغرب بات ماصبح هادي يوماين سولت عمتي شيماء قاتلي مشا لعند جبار توحشتو واخا نشوفو غير من بعيد

جمانة كتشوف فوحدة وترجع تشوف فالأخرى ) دابا لي جامعة شعرها سماح ولا سميحة

التوأم وأميرة مسحو على وجههم بفقصة )

جمانة : صاف بلا متجاوبوني (طارت بتعنيقة على السموحات ) هاااح عيالات خوتي صحاباتي وبنات عمي سعداتي أححح بقالي غير داك جبوور تاهو غانلسقليه شي صاحبتي ونتهنا منهم بتلاثة ونعيش الحياة بحرية (شافت فأميرة ) خووديلك تانتي جبار والله تاولد ناس غايقتلك غير بلفقصة والخيانة النسونجي لاخر

أميرة كتشووف فيها تنهدات وحلات كتابها كتقرأ )

سماح : ناري وسيم قرب يجيي

سميحة : وسلوومتي احح زعيعري

جمانة خرجات عينيها : ناري يوماين وغايجيولي تاني هئ تالعكر لابغيت نعكر خاسني نتخبا منهم هئ العذااب (غوتااات تاقفزاتهن ) واااا علالالاش أسييدييي ربييي خلقتيني بلالا صدر هئ بااش غاانطيح سفياان لكراااش أنا دااابااا بااااش هئ واااعلالاش أماما وبابا مااولدتوونيش بوووحدي و والدين جوج دلعجوولة كايحكرووني علالاش هئ واااا لعذاب…

(جلسات تبكي عليهم وتغبن مدة ..والسموحات كايسكتو فيها ..وأميرة كتنهد وهي خاشية راسها فكتابها ممسوقاش …حتى دخلو لهن الخادمات فطور وغذاء وكل شيء وجلسو ياكلو من بعد كل وحدة مشات لجناحها يدوشو ويوجدو نفسهم للجامعة ..تأنقو كيدائما كلهن سالاو إلا جمانة ليمعطلاهم كيديما تجمعو كلهن فدريسينغ روم نتاعها كايتسناوها وهي كاتعمر فصدرها بلقطن تانفخاتو ..وهبطو كلهن …//

~~تعريف بسيط لبطلاتنا~~
هضرنا على جمانة من قبل ..فا غانهضر على أميرة والتوأم ..
سماح وسميحة ..: هما توأم متطابق متحولتان كاملتان بقوة التحكم بعنصر الرياح ..رغم أن قوتهما ضعييفة بزاف حيت توائم المتحولين وخصوصا التوأم المتطابق كاتكون عندهم نفس القوة وطاقة وحدة كاتقسم عليهم بجوج ..طاقة متحول واحد تقسمات على متحولين …هذا هو حال كل التوائم المتطابقين عند المتحولين // عكس التوأم المختلف كباهم عدنان مثلا هو وغسان توأم مختلف غير متشابه ..فا اكتاسبو قوى متضاضة النار والجليد وكل واحد وطاقتو …/
سماح وسميحة عندهم حتى هما 19سنة …مستحيل تقدر تميز بيناتهم متطابقتان حتى في الصوت الوزن والطول والذوق والرأي والشخصية حتى من لمكياج تايديروه بحال بحال… لدرجت تارا أمهم وكايتغالطوليها ..وعدنان باهم وبزز كايميز بيناتهم …
حنينات ورهيفات ودغيا يبكيو .. زوينات كالباربي …تخصصهم الدراسي فنفس جامعة جمانة وأميرة غير هما تايقراو الموسيقى والعزف على الآلات الموسيقية وخصوصا الكمان والبيانو …كايعشقو الموسيقى وجمانة الرسم وأميرة التصميم …علاقتهم بشباب لستاركس عادية مازاعمينش عليهم بمرة ..تتمة الجزء 21 ♠️
=أميرة 19 سنة: هي بنت أليشا الهندية وفيليكس ..بقوة التحريك الذهني كقوة الجد زيدان : هي من أقوى قوى المتحولين ولي عندو طاقة كبيرة يقدر غير بذهنو وبتركيزو فشيء يهزو بدون لمس بل ذهنيا …الجد زيدان فياماتو كان أقوى متحول بهاذ القوة بحيث يقدر يهز جزيرة كبيرة من مكانها ذهنيا …أما أميرة فطاقتها ضعيفة ..ومكاتقدرش تستعمل قوتها بزاف دالمرات فاليوم او لمدة طويلة تبقا مثلا متحكمة بشيء ذهنيا ولمدة طويلة كاتسخف أو راسها كايضرها ..هي قوة صعبة بزاف على أن تكون عند بنت =
أميرة شخصيتها عاقلة مرزنة وهااادئة قليلة الكلام وحتى صوتها رقيق وخفيف …وكاتعشق المطالعة ..فسنها الصغير وقارية بزااااف دالكتب ..ذكية ومجتهدة وزوينة خذات زرقة عيون باها وشعر وملامح أمها الهندية …
سماح سميحة جمانة وأميرة كلهن تولدو فنفس السن وكلهن كالأخوات وقراب لبعض بزاف … أميرة تدرس تصميم الأزياء //

لبنات هبطو كلهن للطابق الأول ..لقاو واليديهم وكل أعمامهم وعماتهم مجمعين فصالة مع الجدين زيدان ورجاء … سلمو على أعمامهم ..إيفان دياب عدنان غسان جاسم ليكانو مسافرين .. من بعد كل وحدة طارت تخشات فباها ..جمانة جلسات جنب جاسم لي أحاطها بيدو وشيماء ابتاسمات ليهم …والسموحات تخشاو فعدنان باهم ..أما أميرة لي باها فيليكس وأمها أليشا مكاينينش ..بقاو فجزيرة كارولاين (لي عليها سجن المتحولين) عنقها غسان وجلسات جنبو هو وأيار ..

جمانة باست جاسم فيدو وبعدها ناضت تخشات فخالها )

إيفان وهو معنقها ) تيتييزة خالها

جمانة : خالي إيمتا غاتجي زوزو

إيفان : قالت غاتجي بعد غد

تارا : أخيرا غايتجمعو وهم كل واحد شد بلاد وأنا توحشت ولدي وسيم

شيماء : أنا توحشتهم كلهم جبار شهراين مشفتوش توحشتو بزاف و أي… (سكتات حيت جاسم ضغط على فخضها بقوة ..تحنا تالأذنها وهمس ) شيماء توحشي ولدك بسكات ويلا بغيتي تتوحشي شيواحد بلغوات غايكون غير أنا فقط

شيماء جاوباتو بهمس ) مغياار

جاسم : وكنحماق عليك

غسان شاف فالبنات ): معاياش قاريات

السموحات نطقو فدقة ) جووج

عدنان ابتاسم وباسهم ) أحح على الفوطوكوبي نتاعي

سماح : بابا قولي أنا سماح ولا سميحة

كلهم خرجو عينيهم وعدنان توتر )

عدنان : أ أحم بلاتي نتأكد (قرب منهما وجهو كايشوووف فيهما ووااالو عيا يقشع …ابتاسم ونطق )

عدنان : نتي هي حبيبتي سمااح

سماح فرحات) آه آه أنا سمااح

سميحة عنقاتو ) أحح أحسن أب كنت متأكدة أننا مكانتغالطوش ليك

عدنان ضحك ) ههه أكيد كانفرق بيناتكم وراكم مكاتشابهوش راه الفرق باين

أيار : نوضو راه غايمشي عليكم لحال

إيفان وقف ) غانوصلكن يا تيتيزات ونيت خاس ندوز للشركة

جاسم : بدلت فرقة ليكارد ليمكلفة بحراستكن غاتلقاو ست كارد كور غايوصلوكن ويبقاو أمام الجامعة يرجعوكن

جمانة : واخا أبابا
(وقفو لبنات ودعوهم وخرجو مع إيفان)

تارا شافت فعدنان ) لعاار تقوولي كيفاش تاكاتميز سماح من سميحة

عدنان : ههه والله تاغير كنقمر وديما كانجيبها صحيحة

تارا حلات فيه فمها والآخرين كايضحكو ) أنا دائما مقلقات مني حيت كايتغالطولي تاوليت نعيطليهم سموحات وتهنيت

الجد زيدان شاف جاسم ونطق ) ولدي لمسخوط شكون هاذ ناس واش ضيافك

جاسم : جديي واش ماشربتيش دواك تاني

الجد : ألمسخووط راني انا جدك لاش كاتغوت عليا

باربرة وقفات وتمشات جلسات حداه ) تهدن أجدي هاذو حنا حفايدك

الجد زيدان بدا يفرنس ) سعدي سعدي بزعورية ولعوينات زورق ..علاش أبنيتي كتقوليلي حفايدك واش أنا مزوج بعدا راه يالاه ناوي

جاكلين لي هي الأخرى جالسة جنبو ): ههه جدي غانوض نجيبليك دواك

الجد شاف فيها ): سعدي سعدي علعوينات وشعير الأسود سواد ليل تانتي على مزيناتك أجي نقولك

جاكلين قربات منو خدات يدو باستها ) نعام أجدي

الجد : تزوجي بيا راني ولد ناااس نتهلا فك

دياب وقف وغوت ) وااااجدي وارااها مرااتي أنااا وأنا حفيييدك

السيدات كايضحكو بدمووع )

الجد خنزر فدياب ) شووو قدك قدااش لمشحم لاخر وتكون خفييدي مالي أنا حمق نولد ديناصور قدك…و مالك حاسديني مالكم (شاف فشيماء ) نوارتي عويناتي أجي نقولك ألحبيبة قربي قربي (شاف فأيار وتارا) قربو تاتوما واخا معرفتكمش .. تجمعو عليا ألقوقات أحور العين تجمعو خليوني نمتع عيوني ياعيوني

شيماء لي كضحك بدموع ..يالاه وقفات تمشي عندو حتى زرب عليها جاسم وهزها وبقوة التنقل اختفى هو وياها )

الجد حال فمو شاف فباقي حفايدو لقا كل واحد شانق على مرتو حداه ..وهو تنهد بملل ) مساااخيط كلكم ..

/تذكير/
جاكلين ودياب : والدي فاارس
غسان أيار : والدي خليل
إيفان وباربرة : زوزو زليخة
عدنان تارا : السموحات
فيليكس أليشا : أميرة
جاسم شوشو: جبار سليم وسسم
وجوجو🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 22🔮

🍀🍀🍀🍀
6 مسائا وفي أرقى جاامعة خااصة فكل كازا ..كايقراو فيها غييير الشبعانين اولاد برلمانيين ووزراء وسفراء .. وأغنياء المغرب … إيفان وصل لبنات لي دخلو يقراو وهو مشا ..التوأم مشاو لدروس الموسيقى خاصتهم ..وجمانة مشات تحضر مع اميرة محاضراتها باش تراقب الشاب لي كايعجبها حيت حتى هو يدرس التصميم مع أميرة …حتى وصلات الرابعة مسائا عاد مشات جمانة لدرووس رسمها ..
☘☘
في باحة أو حديقة الجامعة واقفتان التوأم سموحات ..حتى شوية وقفو جنبهم جوج بنات )

سماح :جبتيهم ؟

سناء : وجبتيهم نتي ؟

سماح تنهدات وحلات ساكادو نتاعها جبدات جوج بوديات رجاليين وقارورة بارفان رجالي فاااخر عطاتهم لسناء لي طارت عليهم هي وصاحبتها )

سميحة نغزات سماح ونطقات بهمس ) شداكشي

سماح جاوبتها بهمس ) سكتي بلاتي

سناء شافت فالتوأم وعينيها كايبريو وهي كاتشم فلبودي ) أححح أميي غانحمااق أححح على ريحة اححح ريحتو تهبل

سماح: إوا شديتي أش بغيتي إذن آري

سناء : بلالاتي جبتي غير هاذشي ناااري قليييل ..او واش هاذي هي ريحة لي كايدير نيت (حلات لبودي ) أحح فايت شفتو امكن لابسووو فصورة على أنستغرام … نااري خليلي كايحمقني نااري ماي كراااش

سميحة خرجات عينيها ويالاه غاتغوت تاطارت سماح سداتلها فمها )

سماح خنزرات فسناء ): ياك بغيتي أغراض خليل ولد عمي وجبتهومليك وا أري المعلومات هذا كان اتفااقنا!

سناء مدات ليها ورقة ) هاكي كولشي علييه كتبتووليك هنا

سماح شداتها ): يالاه تلاحي

سناء : بلاتي ماتعرضيش عليا لقصركم نشووف خلييل عااافااك

صديقتها نطقات ) تانا تانا بغيت جباار وشوفي راني مجهدة فلماط نقلكم فالأمتحان وجيبيلو شي بودي ولا سوفيطمة نتاع جبااار

سماح شافت فيها ومدات يدها صافحاتها ) صااف مشاات سيمانا جاية يكونو عندك

سناء : تانا تانا نقلكم فلفيزيك وعرضي عليا لقصركم نشوف خلييل

سماح : لالا قصرنا مكايدخلوش ليه البشر من غير الخدم (وجرات سميحة ومشاو خلاو سناء والبنت الأخرى حالات فامهم )

سماح وسميحة وقفو بوحدهم وسماح حلات الورقة كاتقرأ ..

سميحة غوتات ) واااش حمااقيتي نااري أشنوو درتي زغبيااا دخلتي تااني لجناح خليل فالقصر وهزيتي ليك تريكواتو ورييحتو عطيتيهم لبناات نااري راه كل أجنحة الشباب عامرين كامييرات أشنو غاتقووليلو ملي يسولك

سماح : ومالي حمقة ندخل لجناحو راني عاارفة فيه الكميرات

سميحة : هاء إوا كيدرتي خديتيليه تريكواتو وريحتو ودييك المرة نتي وجمانة فرقتو على لبنات كراصنو.. باش نقلونا فالإمتحاانات داللغة

سماح شافت فيها ) وشكوون قالك دوك تريكوات والريحة ولي بوكسور نتاوع خليل

سميحة خرجاات فيها عينيها وصفارت ) نااري ونتاعمن نااري أكما جبار نااري صاف الله يرحمنا نااري بربي تايدبحناا وهو كايضحك ناري

سماح : ألا يااتا مالي هبيلة حتى أني ندوز من قدام جناح جبار بقا غير ندخل ليه هو لي كاايكره لي يقيصلو أغراضو …ستيلو لحطو خاسو يجي يلقاه بلاصتو

سميحة : أويلي وتااعمن دااكشي

سماح :هانت لگراصن ليفرقت على بنات لونفي ديك المرة نتاع جدي زيدان والريحة هزيتها لعمي إيفان حيت كايدير بارفانات من نفس ماركة شركة خليل.. وتريكوات شي نتاع بابا وشي نتاع عمي غسان ..

سميحة تنهدات براحة ) هااح عليك ذكية لاهيلا نافعانا شهرة خليل كل بنات الجامعة مكراشيين عليه هو وفارس وجبار

سماح : وحتى سليم

سميحة تسيفات : أوييليي شكوون هاذي ليقالتلك كاايعجبها سليم وريهالي نريشهااا نااري سليم حوباي لا

سماح طوات الورقة ودارتها فجيبها ) بزااف دلبنات أنا لي مهنية حيت وسيمي مكايبانش بزاف فالمجلات
☘☘☘
وفقنت آخر من حديقة الجامعة واقفة جنب حيط وكاطل عليه ..هو لي واقف مع صحابو عاطيها بالظهر…

جمانة وهي كاطل ) أحح زوييون ناري ضحييكة زين زين مووح مووح

أميرة بعصبية ) :وااا يالاه نمشييو تعطلنااا راه 6 وربع

جمانة : سكنتييي الخرية وصبري شويي خليني نتأملووو هاااتح ادووب

☘☘
وفي المجمع واقفين فيه أربع شباب ولبنت لي دازت من جنبهم كايضسرو عليها ..واقف وأمامو صحابو وكايهضرو )

الشاب الاول / راها كاتختل وحاضياك تاني خخخخ لسقة

سفيان : بفف غير سكت أسبوع وهي غير تابعاني فينما مشييت وتامن المحاضرات كاتحضر معايا وماشي تخصصها

الشاب التالث / وراها متييتزة وباينة طايحة فيك كون منك منفلتهاش دوقها ولوح

الشاب الرابع / منصحكش أسفيان عائلتها معروفة ماشي غير فالمغرب بل عالميا وعندها خوت كتار

سفيان : معروفة أشمن عائلة !

الشاب الرابع / كنظن كنيتم ستارك

الشاب الأول / آل ستارك واش سمعتو بشركات ستارك القابضة للطريان دخوتها وللسيارات دباها ومستشفى لستاركس وامكن شي شركة أمن

سفيان : ومن بعد هي ليغير تابعاني وطايحة فيا ماشي انا ..وعرفتو شنو درتها فراسي مغانفلتهاش غاندووقها ونلووح

الشاب الأول : خخخ هي غاتعرض عليها لعيد ميلادك♠️التتمة 1 للجزء 22♠️
( سفيان ابتاسم بخبث واستدار شاف فجمانة لي كاطل عليه وهو يبتاسم وغمزها )
☘☘☘

عند جمانة لي مزال واقفة جنب الحيط كاطل على سفيان ..وأميرة واقفة خلفها و معصبة وكتأفأف..حتى استدار سفيان شاف فجمانة وغمزها وهي شهقات ورجعات بلور تخبع مع الحيط حتى ضربات أميرة لي مورها وجاو بجوج طايحات على طرمتهم )

أميرة : أييي أمي أي وااا مالك ناري فقصتيينيي واناري تعصبت

جمانة حالة فمها ) وااااو كايبغيني

أميرة شافت فيها ) شنوو

جمانة وقفات وبسرعة شدات أميرة من يدها وقفاتها وجرااتها موراها كايجريو ودازو على السموحات.. لي تبعوهم تاهم كايجريو تالبرات لافاك عاد وقفو أمام السيارة دليكارد نتاعهم )

جمانة وهي كاتلهث) كاايبغيني ألبنات

سميحة : شكوون هو

جمانة : سفياان

أميرة : واش نتي حمقة ولا شنو كيفاش كايبغيك تاني

سماح: باش عرفتيه كايبغيك

جمانة : حيت شاف فيا و و و و غمزنييي والله تاغمزني (شداا قلبها ) هاااح

وقف عليهم كارد ) آنسات ستارك تعطلتو بربع ساعة .. خاسكم تركبو (شاف فجمانة ) اللورد عيط ليا
شخصيا سولني عليك

جمانة : آه بابا حبيبي.. هاحنا نركبو

الكارد: لا يا آنسة اللورد جبار أسد لي سولني عليك (وشاف فباقي البنات ) وعليكن آنساتي

لبنات خرجوو عينيهم وطلعو للسيارة كايجريو )

♠️♠️♠️♠️♠️
السادسة مسائا وهاذ المرة في جزيرة ساو ميغل عند ساندرا …لي من بعد ماطاحليها الكأس وبطريقة ما وقف فالفراغ حتى قاصتو بأصبعها عاد تحرك …من مور هاذشي وهي مرفووعة ..مصدوومة ..بزز كملات ساعات عملها وهي غير ساهية ..لبسات ثيابها وخرجات من المقهى غادية على رجليها مع الشارع وهي سااااهية كاتفكر فكل ماوقع معاها اليوم ..من هروب ثيون بشكل غريب وكلامو عن تعويذة الخضوع لي تحفراات فدماغها …للقائها بخليل والإحساس الغير طبيعي لي حسات به ناحيتو وكنيتو آلستارك ..وكلامو عن معنى اسمها وأنه ماهو إلا اختصار لأسم ألكساندرا ومعناه لغويا هو الحامية …لحادث الكأس لي زاادها صدمة ..نطقات وهي كضحك بصدمة )

ساندرا : هه لا لا غير صدفة امكن عييت وتخيلت لكاس واقف فالهواء آه

(تنفسات بعمق وجات تقطع الشارع حتى تجرات من يدها بقووة …وبعدها دازت سيارة فالشارع بسرعة …ساندرا مخخخرجة عينيها فالسيارة شافت أمامها كان ثيون الذي.. لولاه وكون ماجرهاش كانت السيارة غاضربها

ثيون مععععصب وغووت ) وااش عوراا ولا مالك هاا

ساندرا قفزاو مخخخرجة عينيها فيه عمرها شافتوو معصب ) ب ب أنا م مرديتش لبال

ثيون تنفس بعمق ) واخا مالك غاديا بلا عقل عيييت نعيط ليك وماكااتجاوبيش وغاديا قاطعة شانطي وني حانية راسك واش باغية تموتي !! (شافها كترعد وهدن نفسو ونطق )بغيت نهضر معاك يالاه نمشيو للبحر

ساندرا: ل لا تعطلت خاس نمشي للدار

ثيون : سااندرا عطيني نصف ساعة وغانوصلك حتى لداركم

ساندرا كضور فعينيها ..ثيون تنهد وشدها من يدها وجرها موراه ..قطعو الشارع وهبطو مع درج حتى وصلو لرمال البحر ..ووقفو

ثيون : أحم اولا كنعتاذر على قبيلة فصباح خليتك بتلك الطريقة وخرجت كنجري… تفكرت موعد مهم موعد عمل كنت معطل عليه

ساندرا حركات راسها بواخا

ثيون : واش داز عملك مزيان ؟

ساندرا : أ آه

ثيون سكت مدة وهو ساهي فيها مد يدو حطها على خدها وهي حانية راسها ) بعد غدا عيد ميلادك خاسني نقوليك شيء مهم

ساندرا شافت فيه وهي تسرط ريقها وتفكيرها مشا لأنه غايقوليها ينعس معاها ويلا رفضات يتفارق معاها)

ساندرا: أ أنا تعطلت

ثيون حرك راسو بواخا ) غدا ماغانكونش نهار كولو وحتى نتي عطلة مغاتخدميش غدا وبعد غدا فا بغيتك تبقاي فدار ومتخرجيييش فهمتي

ساندرا شافت فيه باستغراب ) أماندا ومايكل موجدينلي شي حفل بسيط فلبحر حدا المقهى فين خدامة

ثيون : عرفت الحفل تالبعد غد فالليل..ماشي غداا فابغييتك غدا تجلسي فدار وبعد غد أنا غانجي تالداار نديك للحفل ومنها نيت نقوليك شيء مهم فهمتي !؟

ساندرا : واخا صاف

(ثيون ابتاسم ونزل عيونو لشفتيها ..قرب منها بشوية وهي تزنكاات وتبلوكات وهي كتشوفو كايقرب لها ..يالاه غايحط شفايفو على شفايفها …وحتى مابقا كايفصلهم والو جاها إحساس غريب وبسرعة دورات راسها وبعدات..وهو جمد )

ساندرا وهي مدورة راسها) : ب بغيت نمشي ج جدة تعطلت كنستأذن (ومشات كاتجري خلاتو موراها واقف جامد ..تبعها بعينيه حتى طلعات الدرج للشارع وغبرات..)
ثيون : بقاليك يوم وغاتعرفي كل شيء عن شكون وشنو نتي… يوم واحد وغادخلي لعالم لي مستحيل تخرجي منو (تنهد بحزن) قلبك نقي وبريء ماتستاهليش لكنو قدرك ….
♠️♠️♠️♠️

ألمانيا برلين وبالضبط فأفخم ديسكو بالمدينة …جالسين فطاولة محجوزة خاصة لهم …فارس عيونو على هاتفو وهو مبتاسم ..كايتفرج فصورها … وجبار عيونو على زعراواتو كايختار لي غايدوز معاها الليلة وهن حالين فمهم فيه كايتسناو لي غايغمزها هي المختارة …

فارس : جبار

جبار وعيونو على لبنات ) أمم

فارس شاف فيه لقاه كيشوف فلبنات ) ماتقووليش لبنات تاهاذ ليلة

جبار : ديها فراسك (شاف فيه ) نختارليك♠️التتمة 2للجزء 22 ♠️
فارس : لا (شاف فلبنات ) ربي أشنو كايعجبك فهاذ الأشكال وعلاش بالضبط شقراوات

جبار وعيونو كالنسر على البنات ) حيت أغلب الشقراوات من هاذ النوع غير طبيعيات يعني صدر وأرداف وفم غير طبيعين حتى من شعرهن نصو ملسق

فارس : نفهم انه كايعجبك دكشي منفووخ وغير طبيعي وملسق

جبار : لا بالعكس (شاف فيه ) مايعطينيش خاطري نح… بنت طبيعية أي زينها طبيعي مايستاهلوش (أشار براسو للزعرات) هاذوك لي يستاهلو تح..ها وتزيد

فارس حرك راسو بلاحولا حتى جلس جنبهم شخص تالث )

: لعشران

جبار شاف فيه ) تانت هربتي من لواليد وجاي لعندي

سليم : ومالي حمق نبقا فالمغرب من بعد ماصفيتيها لهاذوك خارجي القانون (شاف ففارس وعنقو ) والله تا توحشتك أخوية

فارس بادلو العناق ) واييه طولت لغبرة هاذ المرة

سليم شاف هو الآخر فلبنات وحركاتهن ورقصهن المثير كايحاولو يلفتو انتباهو هو و جبار وفارس)

سليم : تفو على أشكال غير نتاع لح..

جبار : نختارليك

سليم : لا ماراشقاليش عليهم (شاف فجبار ) لواليد فالمغرب

جبار : فرااسي

سليم : وعمامي كلهم تجمعو من غير عمي فيليكس بقا فالكارولاين (الجزيرة) أساط قودناها

جبار عينو غير على لبنات ) : فرااسي

سليم : معاياش غانمشيو غدا

جبار : تايجيو الآخرين على الأغلب فليل

سليم : وخديتو هذايا لبنات

فارس ابتاسم ) أنا خديت

سليم شاف فيه ) ومالك تفرنس

فارس جمع الضحكة ) والو

سليم : أشنو خديتي ؟

فارس : أحم تاج لأميرة

سليم : وجوجو

فارس نطف بتوتر ) : ت تاهي أحم

سليم شاف فجبار لي مزاال عينو على لبنات ) ونتا أجبار

جبار : أميرة غانعطيها طقم… وجوج عضيمات (شاف فيهم مبتاسم ) خديتليها مونيكة

فارس تعصب ) واا صااحبي واش بعقلك..!! لبنت كبرات

جبار شاف فيه ) بالنسبالك أما بالنسبالي مزالها ديك لبعلوكة لي عندها خمس سنين وغي نشوف فيها مزال تاماهضرت تاتبدأ تبكي خخخه وتهرب تخبا مني عند لواليد

سليم : ههه وأنا كنت نعيط ليها كنبغي غير نبوسها كاتهرب وهي كاتبكي

فارس : حرام عليكم قاطعينها فيها

جبار وقف ) نخلييكم دابا تابعاني ليلة دلح…
(ومشى حتى للبارمان خدا كاس شربو فدقة وشاف فوحدة من الشقراوات غمزها وجات كتجري عندو لابسة كسوة قصيرة كل صدرها لمنفووخ خارج وطرمتها قربات تبان … شدها من خصرها حط يدو أولا على صدرها بعج ولبنت عجبهاا الأمر ..بعدها داز لمأخرتها تاهي بعجها بيدو .. وابتاسم باستهزاء …وشدها من دراعها وجرها معاه …)

فارس وسليم حاضينو )

فارس :ههخ لقاها كلها مصاوبة

سليم : خليه هو ليكايعبر عليهن ..

♠️♠️♠️

نرجعو لجزيرة ساو ميغل وعند ساندرا ليخلات ثيون وهربات كتجري تالدارهم ..هزات الساروت من تحت لفاز وحلات لباب دخلات لقات جداها كاطيب العشاء …عاوناتها وجلسو تعشاو وميبهار كيديما دارت لساندرا الإستنطااق ..وساندرا واخا كتجاوبها غير أن دماغها مرفوووع …كملو أكلهم وبعدها …ساندرا جمعات الطبلة ومشات مباشرة لبيتها ..دخلات وتنهدات بملل )

ساندرا : أووف نسيت هاذ البولة (مصباح) تحرقات لبارح مبدلتهاش (تنهظات وهي تمد يدها لنگاصة د الضوء بركات وهي تشعل البولة ..ساندرا حلات فمها باستغراب ) ويلي (خرجات من بيتها وطلات على جداها )

ساندرا: جدة بدلتيلي البولة دبيتي ؟

ميبهار : لا مدخلتش بيتك بمرة

ساندرا بقات واقفة جاامدة ..ثواني رجعات لبيتها دخلات وسدات على نفسها لباب ..وجلسات على السرير وعينيها على البولة )

ساندرا : ل لبارح طفات راسها أنا متأكدة (سرطات ريقها وبقات مرررركزة نظرها على لبوولة..مدة ..لكن ماوقع والو ) ههه صاف حماقيت كنتسناها طفى ..(وقفات وجبدات ثياب النوم بدلات عليها ثيابها ومشطات شعرها جمعاتو ..خدات رواية وجلسات على سريرها يالاه حلات كتابها تقرأ حتى طفات البولة …ساندرا خرجات عينيها ووقفات بسرعة رجعات شعلاتها وبعدات ..بقات كتشووف فيها مدة خمس دقائق وهي تطفى مرة أخرى …)

ساندرا وهي فظلام ) ش شنو هاذ شي شنو (رجعات شعلاتها وبعدات نظرها عليها وهي كاتنفس بجهد ..شافت فكتابها فوق السرير وهزاتو كان رواية صغيرة الحجم ..شداتو بيدها وقلبها كايضرب بسرعة… هزاتو تالسماء علاتو ونطقات )

ساندرا : امكن حماقيت لكني إييلا ماجربتش غانحماق دبصح (ولاحت الرواية وبقات مركزة نظرها علييها وقبل ماطيح فالأرض حبسات فالفراغ تماما كالكأس فالمقهى …ساندرا وعينيها على الرواية التي تطفو فالفراغ حركات راسها بلا وصفاارت استدارت بسرعة حلات باب بيتها ومشات كااتجري هاربة دخلات لبيت جداها وهي كاترعد ..لقات بلي جداها نعسات …مقدراتش تفيقها ..وفنفس الوقت مقدراتش ترجع لبيتها .ألاف الأفكار كضور فراسها …تخشات جنب جداتها وفحظنها كأنها هاربة من الحقيقة التي بدأت تكشف نفسها أمامها … الحقيقة التي عقلها وقلبها في صراع بين تصديقها وإنكارها ..وفالأخير غمضات عيونها ونعسات….يتبع🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 23🔮

صباح اليوم الموالي …العاشرة صباحا ..وعند ساندرا لي جالسة على مائدة الفطور ساااهية وميبهار كاتحط فلفطور وكاتشوف فيها …/

ميبهار :أمالك

ساندرا : والو

ميبهار حطات ما فيدها وجلسات جنبها ) مالكي هضري

ساندرا شافت فيها وعينيها عمرو دموع ونطقات بصوت مخنوق ) جدة عرفتي مؤخرا كايوقعو معايا شيحوايج فشكل أجدة دكشي غريب وأنا خايفة بزاف …

ميبهار شافت فقلادة ساندرا ونطقات بهمس ) إذن القلادة مابقاتش كاتقدر تكبح سحرك

ساندرا : نعام ماسمعتكش

ميبهار شدات يدها ) سمعيني نتي بيثرووفا سمعتي بييثرووفا فااا ماعندكش من آش تخااافي

ساندرا كاترمش فعينيها ) مافهمتش أجدة اشنو كاتقصدي وراه كايوقعولي أشياء فشكل و..

ميبهار قاطعاتها بأنها وقفات ) عرفت وعرفت مزياااان أشنو كايوقع معاك ..سمعيني ممنوع تخرجي اليوم من دار حتى نرجع

ساندرا خرجان عينيها ) علاش غاتخرجي ياك نتي ماكاتخرجيش بمرة من دار

ميبهار : الآن خاسني نخرج نجيب شيء

ساندرا وقفات ) غير قوليلي سخرة وأنا نخرج نجيبها

ميبهار : لا جلسي فدار ممنوع تخرجي سمعتي ممنوع حتى نرجع

ساندرا : واخا ولكن كاعمة عاودت ليك أشنو وقعلي لبارح فالمقهى وفبيتي و..

ميبهار قاطعاتها ) غيير تهدني وماعندك منآش تخافي أنا غانمشي نجيبليك شيء وملي غانعطيهليك غاتفهمي كل شيء (واستدارت هزات كاب بالقب لاحتو عليها ودارت القب على راسها وخرجات بخطوات سريعة ….ساندرا بقات واقفة تاخرجات جداها وهي تنهد..هزات هاتفها طلات مالقات لا أبيل لا ميساج من ثيون )

ساندرا: قالي ماغايكونش مسالي اليوم (حنات راسها ) من لبارح ماسيفطلي والو …أكيد غايكون تقلق مني حيت بعدت ومابستوش وبحال والو نكون خسرتو وقرر أنو يتفارق معايا(جلسات على كرسي )علاش أنا حاسة بإحساس خايب بزاف …
🍀🍀🍀🍀🍀
على نفس الجزيرة /ساو ميغل/
واقف على جرف عالي شوية أمام البحر كايتفرج فأمواجو الهائجة ..تنهد وزيير على يدو حيت حس بمجيئهم ..حتى وقفو بجوجهم جنبو ونطق …

ثيون : تاواحد منكما ماغاايدير تاحاجة بدون أمر مني

….. : الأوامر كانتلقاوها من رئيس معشرنا آلبرت ماشي نتا

ثيون شاف فيه مخنننزر وغوت : #دريييكووور إمكن نسيييتي أنني وآلبرت توأم وأنييي رئيس بحاالو

دريكور / رجل أسمر فأواخر العشرين ..شكلو مخيف ضخم البنية واشم صدرو ويديه ورجليه /

دريكور : غانعاود نقووليك أني كناخد أوامري من آلبرت

…. : تهدنوو ثيون عندنا أوامر صارمة بقتل كبيرة البيثروفا العجوز ميبهار ..وإحضار المختارة حامية الكتاب وهي سالمة وبكتاابها

ثيون شاف فيها وغوت ) #نااتااشااا ساااندرااا أنا لي غاندييها لمعشر آل جوفر بربي ويبان قدامها واحد مننكم تانحييه

دريكور : هاذ الهضرة قولها لآلبرت سمعتي

ناتاشا : الشارفة غدا غاتعطي للبنت الكتاب حيت غدا غاتكمل 19 سنة والقلادة ليكابحة سحرها ماغايبقاش عندها مفعول لبنت غاتعرف طبيعتها فا غدا بالكتير ماكانتش البنت معاك أثيوون غانتدخلو أنا ودريكور أما ميبهار فمعشرنا آل جوفر طالبين رااسها …

ثيون زيير على يديه ) بقاو بعاد سمعتووو (وضرب فيهم وزاد خلاهم بوحدهم )🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 24🔮
ثيون زيير على يديه ) بقاو بعاد سمعتووو (وضرب فيهم وزاد خلاهم بوحدهم )

دريكور : متكببر ومتعجرف كون قدرت كون صفيييتها ليه لاهوا لا خووه

ناتاشا : شفتي من دييما كانقووليك التوأم آلبرت وثيون مايستاحقوش حكم معشرنا

دريكور : سمعي المختارة ماغانخليهاش لثيوون يديها للمعشر هو وخووه ويربح استحسانهم ويبانو وااعرين… أنا لي غانحصل على المختارة وبنفسي غانجبرها تنفذ التعويذة علياااا (ابتاسم بشر ) وبعدها تاحد مايقدر يوقف فطريقي لا بشري هه لامتحولين لا سااحر

ناتاشا : شفتك كاتهضر بالفرد نسيتيني ولا شنوو ؟ أول شيء خاسنا ندييروه يا دريكور هو نتحكمو بالمعشر ونطيحو برئاسة آلبرت وثيون له وباش نديرو هادشي خاسنا المختارة ولكتاب يكونو فيدنااا

دريكور شاف فيها ) إذن يالاه

ناتاشا : ميبهار الشارفة مخبية لكتاب خاسها تاتجبدو تعطيه للبنت (شافت فيه ) والمنزل لي ساكنين به محصن بتعويذة جد قوية مستحيل ساحر من غير دم آلبيثروفا يقدر يعتب بااابووو او يدخل له فامنقدروش ندخلو خاسها هي تخرج عندنا وهي هاازة لكتاب

دريكور : إذن خليها تاخد لكتاب وتخرج تحضر لحفل عيد ميلادها ههه وتما ناخدوها

ناتاشا: غايكون معاها ثيون يا غبي كيغانديرو ناخدوها منو

دريكور : إيلا اعتاارض طريقي غانصفيهاليه
♠️♠️♠️♠️

في المغرب وهاذ المرة فالجناح الأزرق …جناح أميرة ..مجمعات البنات بأربعة …أميرة جالسة فلي فوطوي نتاعها لي بالأزرق الملكي وكيديما مصبحة على المطالعة … ناشرة قدامها عدت كتب كاتقرأ …والسموحتان مع جمانة جالسين ليها ب بيجاماتهم فوق سريرها كايهضرو …

سماح شادة الورقة وكاتقرأ / سفيان العلوي تاهوا بحالنا 19 سنة

جمانة نقزات مقاطعاها ): أححح حبيبي قدي فلاج

سميحة : ودغيا رديتيه حبيبك هاذشي وغير غمزك أما كون جا هضر معاك كون قلتي عليه راجلي

جمانة خنزرات فيها ) سمااح واش نتي معايا ولا ضدي

سميحة قلبات عينيها ) أنا سمييحة

سماح : واش نكمل ليك المعلومات

جمانة شافت فيها ) إذن نتي سماح آه آه كملي

سماح: المهم سفيان العلوي هو ولد وزير من وزراء المغرب

جمانة : أححح يعنيي عائلتو غنية بحالنا زيدي كملي

سماح : كايقرأ التصميم بحال أميرة وهو وكليكتو معروفين فلافاك نتاعنا (شافت فيها ) ومعروف عليه زهواني وكايبغي لبنات

جمانة خنزرات ) كدووب أكتر من جوج سيمانات وأنا حاضياه ومكرااشيا عليه صحابو كنشوفهم كايضسرو على لبنات وهو لا

سميحة :حييت هن كايضسروو عليه راه كراش لشحال من وحدة غيرك علاش غايعدب راسو يصيد وهو ديما مصيد

جمانة ضربتها للراس) متقوووليش عليك هك

سميحة : أحح

جمانة شافت فسماح ) كملي كملي

سماح : ساكن فأرقى حي وسط كازا ف فيلة كبيرة

سميحة : هه وقاتلك عائلتو غنية بحالنا… أنوضي جمعي كرك حنا أغنى بدرجاات راك عايشة فقصر أزين وكاتلبسي ألماس ودياموند وعند آخر سيارة خرجات فالسوق .. أما هم تلقاو فيلتهم قد دريسينغ روم نتاعي أنا وسماح ولا قد الحمام لي فجناح عمتي شوشو ..

جمانة : أ سمييحة غانريشك وزاايدوون مكايهمنييش المهم هو عائلتو معروفة وباه وزير يعني ماشي شخص عادي

أميرة سدات كتابها وخبطاتو حتى شافو فيها بتلاثة ..تكعدات مخنزرة فجمانة ونطقات )

أميرة : شفتك كاتهضري على العائلتاان والمستوى الإجتماعي علاش بالسلامة نتي شنووو ناوية هاا ؟

جمانة : ببسااطة سفيان هو ليغايكون راجلي

سماح وسميحة وأميرة خرجو فيها عينيهم ..أميرة جات كاتجري وجلسات أمامها ونطقات )

أميرة : جماانة واش حماقيتي هااا أشنو كاتخربقي راااهواا مجرد بشري بشري يا جماانة ونتي هجيينة وعائلتك كلها متحوليين وباااك هو رئيس كل العشاائر

جمانة : هاانت قلتييها رئيس كل العشاائر وبابا ماكايرفضلي حتى طلب♠️تتمة الجزء 24♠️
جمانة : هاانت قلتييها رئيس كل العشاائر وبابا ماكايرفضلي حتى طلب

أميرة : أهاااه وشنوو ناوية تقووليلوو ؟ أجماانة عمي جاسم هو الدستور الأول وواضع القانون فمجتمعنا العشاائري وفقاانونو لي حط هاذي 25 سنة ..القاانون الوحيد فالحالة نتااعك لي هو المتحول لي بغااا بشري خاسو يقدم طلب بهاذشي لمحكمة المتحوليين كايوافق عليه عمي والعظماء الأربع من بعد كايتحقن المتحول بدم الهجيين كايخسر قواه يولي بشري عادي وبعدها يمشي يتزوج من البشر أجمااانة وماعمروو يرجع لعشييرتوو أو يعرف زوجو البشري على عائلتو من المتحولين ..أي كايبعد نهااائيا عن المتحولين ..وليومنااا هذا عمر شي متحول داارهاااا لخمسة وعشرييين سنة وعمي حط هذااك القاانون وعمر شي متحول تقدم للمحكمة بطلب يخسر قواه على قبل بشرييي… أساااسنا الولاء ومكااينش شي متحول يخلي كل عشييرتو من أجل بشري والطااامة الكبرى أ جمااانة ونقوووولو عمي جاسم وعمتي شيماء وحتى جبااار وسلييم واافقووو لك على سفياان راه مستحيييل فحاالتك تخسري قواااك راك هجييينة ماشي متحولة كاملة والهجين واخا يتحقن بدم الهجين كايبقااا هجييين بقواااه … الهجين مستحييل يخسر قوااه يعني هااذ القاانون ماكايطبقش فحاالتك فااا خدمي عقلك راه مستحييل عمي يقبل لييك سمعتي مستحييل

جمانة عينيها عمرو دموع ونطقات بصوت مخنوق ) ولكني كنبغييه

أميرة غوتات ) أفييين عرفتييه بااش تبغييه هاا أشنوو كتعرفي عليه رااه غير زلال كايظل من بنت لبنت وولد موو وبااه ..

جمانة حركات راسها بلا ) كنبغيه

أميرة وقفات ) عرفتي شنوو غاتمشي تاتجيبي شييمووصيبة على رااسك سمعتي عشتي تالدابا وسط رجال دبصح رجال بمعنى الكلمة غير بااك لمخييرة فالمتحولات لي فجيلك ماكرهااتش يكون بااهااا .. عمي جاسم وخوتك وعمامك بابا وخاالك ووولاد عمامك و جدك وعمام باواتنا … كل هاذو بشخصيااتهم بتعااملهم وبرجوولتهم يخلييوك تميزي مابين الراااجل والزاامل وعمرها تداار بيك ولكن نتي عورااا تايباليك داك سفيان رااجل إوا راك غالطة غير من كمارتو باين فيه أكبر زامل هاذشي بلا تصرفااتووو وداابا توقفي على هضرتي ..

جمانة وقفات معصبة ) ماشي سوقك سمعتي أنا كنبغيه وغانعتارف ليه وييلا كنت حتى أنا كنعجبوو غانهضر مع بابا وهو يقوولي رأيو ومااتنسايش بابا هو الدستوور كيما قلتيي وكييما هو بدل كل القواانين على قبل ماامااا واحد نهاار فا راه غايدييرها على قبلي .. وبابا عندي بالدنيا وكل مافيها إييلا هو قالي لا ديك السااعة غانبعد على سفيان ولكن وااخاا نبعد عمرني نبغي غييرو (وزادت بعصبية اختارقات جسد أميرة كالشبح ومشات حتى للباب اختارقاتو وخرجاات)

أميرة واقفة معصصبة شاف فالتوأم ) ماتقوولووليش مواافقينها على هاذ الأفكار نتاعها تانتووما

سميحة : لا انا متافقة معاك كنشوف دك سفيان ديما فلافاك راه مكايسواش حااس برااسو وكايظل يفتاخر بخرشاشتو وكايعمرها بنات ويزيد

سماح : مالكم كاتحكمو على بنادم مكتعرفووهش خليوها تعتارف له ويلا بغاها ديك الساع الأمر غايولي فيد عمي جاسم

أميرة شدات راسها ) لالا أنا مبقييتش نتدخل ونهار تطيح فيدين جبار يخلطكم معااها ماتجبدوونيش سمعتو (وضربات فيهم دخلات لحمامها )

سماح شافت فسميحة ) هاذي مالها

سميحة : رأي من رأيها أ سماح هذاك سفيان باااين ولد لفشووش وكايعرف غير يتفلا وراه بربي ويعرف جبار وسليم ياحتى يصفيوها ليه ويتبعولو جمانة ويزيدونو تاحنا …

سماح تنهدات : نوضي نمشيو لجناحنا خاس ندوشو باش نزلو نفطرو مع العائلة …
🍀🍀🍀

ألمانيا برلين …فجناحو لي فالأوطيل فاق عاري كيف ديما … بدأ يتكسل شافها عارية جنبو وهو يخنزر ونطق /

جبار : نووضي ساالينا يالاه لباب

ناضت الفتاة وهي تبتاسم له ويالاه جات تعنقو ودفعها .. وغير شافت تخنزيييرتو وهي توقف كاترعد لبسات ثيابها وهزات الشيك لي عطاها وخرجات كتجري …/

جبار : يخ لواحد هو لي يح… بليل ويندم فصبااح .. قربت نعتازل الزعرات (وقف صوولو داز لحمامو دوش بسرعة وخرج لبس عليه نشف شعرو ورش بارفانو وهز هاتفو رسل رسالة دقائق حتى تدق عليه باب الجناح ومباشرة تفتح دخلو أربع كارد ضخااام البنية ومسلحين /

جبار شاف فيهم ) غانرجع اليوم للمغرب طائرتي الخااصة نبغييها تكون جاهزة منهنا لساعتان ..(شاف فالجناح ) كل أغراااضي بغيييتها تتهز من هنا وتتحط فجناحي فالمغرب بنفس الكييفية

الكارد : أمرك لورد

جبار : سليم وفارس ؟

الكار : اللورد فارس كايتسناك فريسطو الفندق واللورد سليم دوز ليلتو فقصر اللورد جاسم لي فالخرجة دبرلين

جبار : تقدرو تمشيو

ليكارد حناو راسهم و خرجو ..وجبار جبد هاتفو وهو مبتسم… أرسل لها الرسالة الصباحية كيديما …جمع حاسوبو الخاص وبعض الأجهزة فحقيبتو وخرج لعند فارس
الصورة: جمانة🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 25🔮
ليكارد حناو راسهم و خرجو ..وجبار جبد هاتفو وهو مبتسم… أرسل لها الرسالة الصباحية كيديما …جمع حاسوبو الخاص وبعض الأجهزة فحقيبتو وخرج لعند فارس

🍀🍀🍀
في نفس الوقت ولكن هاذ المرة في المغرب وعند شيماء فجناحها … كانت فدريسينغ روم كاتلبس وجاسم جالس على سريرو خدام على حاسوبو حتى رن هاتفها جنبو وهو يتنهد بعصبية حيت عااارف الرسالة من من / طل بانتليه الرسالة من 💌جباري عشقي💌..زيير على يديه وهز هاتفها قبل مايدخل للرسالة يقراها دخل لريبيرطوار وغيرلها الإسم لي هي دايرة لجبار بدل ^ جباري عشقي دارليها جبار …لقاها كاتبة لسليم روحي ..ردو سليم …ووسيم عيوني ..ردو وسيم ..دخل لرقمو هو لقاها كاتبة ليه جسومتي وزاد حداها عشقي روحي وعيوني …/ولات جسومتي عشقي روحي وعيوني /ابتاسم وغير دخل لرسالة جبار قراها وهو يجمع الإبتسامة حتى طار الهاتف من يديه)

شيماء خداتلو الهاتف وجلسات جنبو ) رسالة حبيبي جباري تعطل عليا اليوم ملي فقت وأنا نتسناها كيديما

جاسم مخننزر نطق ) واش ماكفااتكش القصيدة لي قلت ليك أناا أول مافقتي هااا غاتقرااي رساالتوو دااباا

شيماء كاتقرأ الرسالة وهي مكوونسوونطرية ومبتسمة حتى بدات تقراها بصوت مرتفع )

شيماء ‏: دائما هناك قلوبٌ خُلقت لتُسعدنا ‏وتخبرنا أنَّ الحياة جميلة… وقلبك سيدتٍي هو السعَادة وما بعدها.. أنْتِ الرُوح والقلب والحظنُ الدافئ..أنتِ لي أكتر من أُم ..أنتِ عِشقي الأوّلُ يا ذاتَ القُزحِيَّتينِ …فاللهم قلبٌ كقلبِك..‏لأَعشقَهُ كعِشْقِ الجاسِمِ لَكِ صباح الخير‬ يا عشقي…

جاسم لعروق لي فجبهتو تنفخو بالأعصاب ..وشيماء لي مبتااسمة وعينيها دمعو من الرسالة شافت فيه مزنننك وقرب يطرطق ومخنننزر فيها .. لاحت الهاتف بسرعة وشدات يدو باستها ونطقات )

شيماء : جباار نسخة عنك أجاسم تييقني هو نسخة طبق الأصل عنك .. هو فعلا من بنت لبنت وأنا عاارفة هاذشي وأغلب الوقت ضاحك وكايباان مامسوقش ومستهتر ودمو باارد ..لكن كل هذا ماشي بصح … غير وعاء خارجي لشخصيتو ولحقيقتو لي خذاهم منك (شافت فالهاتق ) اللهم قلب كقلبك .. لأعشقه كعشق الجاسم لك ….جبار يوميا فأشعاارو لي كايكتب لياا يوميااا كايقولي اللهم قلب كقلبك ..هو لو لقا البنت لي يحس بنقاء روحها البنت لي يبغي قلبها قبل مايبغي وجهها ..عمرو كان يشوف فأخرى وهاذ البنت غاتبدلو كليا (شافت فجاسم) بحالك ..حتى من شعرو أجاسم كايكتب بحاالك تصرفاتو بحالك

جاسم : إييمتا غايلقاا هاذ لبنت باش يعطيك تييييقار رااه بزز كااانصبر ومابقييتش مراقبليك هاتفك حييت عرووق رااسي غايطرطقوو لياا بسببووو ..ولدك برسااائلوو لك ماعرفتو ولدي ولا عدووويا ومااعرفتوو ولدك ولا صاحبك

شيماء بزز حابسة ضحكتها باستو ففمو بحنية ) ولدي وحبيبي وحتى سليم ووسيم ولكنك يا جسوومتي الأصل والله

جاسم : هاهوماا غايجيو بربيي أشيمااء وتنساايني أو تهمليني تااانسيفطهم بتلاثة للتلث الخااالي يتشمشووو أصلا يستااهلوها ونستااهل أنا نيت لي واالد رجال

شيماء مخرجة فيه عينيها ) لالا أحبيبي ويلي على نساك (باستو ففمو تاني ) نموت ومانساكش اونهملك (وباستو فخدو ) هوما غير ولادي ولكن نتا راك روووحي

جاسم غوت تاقفزها ) سلييييم لي روووحك سليييم وجباار عشق ووسييم عيوونك هااا ولالا كدببببت أشنوو خليتي ليا أنا أشنوووو

شيماء مخرجة فيه عينيها ) جاسم تهدن أحبيبي تهدن نتا راك هاذشي كوولوو

جاسم : رااه كوونما كاانو ولادي كوون..

شيماء قاطعاتو ) فهمت فهاامت ألمغيار تاعي غير تهدن نوض نفطرو

جاسم : وملي يجيو ماتبقايش تخليهم يهزووك

شيماء : واااخاا

جاسم : هااهوما جايين وغانشوف هاذ واخا نتاعك …

هبطو للأسفل لقاو كل العائلة مجموعين كايفطرو مجموعين حتى البنات وجمانة وأميرة مخنزرات فبعض …جلسو فطرو من بعد دياب وجاكلين .. عدنان وغسان وإيفان كل واحد مشا لخدمتو …وجاسم كذلك ولكنو وصل البنات للجامعة أولا …

شيماء جلسات فصالون راااقي ..هي وأيار وتارا وباربرة ..كايهضرو حول تجهيزات لحفل عيد ميلاد جمانة وأميرة ..حتى دخلات عليهم أليشا وفيليكس لي رجعو من جزيرة كارولاين مستحيل يفلتو حفل عيد ميلاد بنتهم الوحيدة .. سلمو عليهم وأليشا جلسات مع السيدات وفيليكس خرج لعملو …

أليشا : خديت لهن بزااف دالهدايا حتى زوزو والسموحات خديت لهن كلهمن

تارا : وحتى أنا

باربرة : زوزو ذوقها صعب غير جناجها داير بحال جناح الفضائيين مكايعجبوهاش هذاياي فاخليت إيفان يتكلف وأنا خديت لباقي البنات أحذية من تصميم ألماني بجلد التمساح

أيار : أنا وصيت خليل قالي غايتكلف وجاكلين هي ودياب خداو لهن للتوأم كمان جديد للوحدة مصنوع من عود فاخر ..وأميرة مجموعة كتب جديدة للكتاب لي كايعجبوها ..وجمانة مجموعة رسم جديدة

شافو فشيماء )

شيماء ابتاسمات ) هذيتي أنا سبيشل أكتر هذية غايكرهوها (شافت فإحدى الخادمات ) ممكن تعيطيلي لفاضمة

الخادمة حنات راسها بالموافقة ومشات دقائق حتى وقفات فاضمة )

فاضمة : أمرك ماي ليدي

شيماء : جلسي أفاضمة♠️تتمة الجزء 25♠️
شيماء : جلسي أفاضمة

فاضمة جلسات مع السيدات )

شيماء : علميهم فمكتب التوظيف فالقصر بغيت أستاذة خاصة للغات

فاضمة : أحم أمرك مدام

شيماء : بغيتها فهاذ اليومان تكون متمكنة من اللغات الإنجليزية الفرنسية الإسبانية والبرتغالية وخصووصا الإنجليزية وبغيتها تبقااا فالقصر مع البنات حتى يضبطو اللغات ويتمكنو منهم …غايكون عندها راتب جيد وغرفة جيدة فالقصر غاتجلس كظيفة معززة مكرمة المهم لبنات بغيتهم يتعلمو لهاذ اللغات

فاضمة(ليشادة طابليط كاتكتب ) : يعنيي أستاذة مقيمة

شيماء : تماما

فاضمة : أجنبية او مغربية وشحال نحدد العمر

شيماء : بحال بحال المهم تقدر تصبر على البنات وتقريهم بالخاطر هاذ السنة بغيتهم يطيرو فاللغات

تارا : لعار يضبطو غير الإنجليزية

فاضمة وقفات )واش تبغي تشوفي كل من سيتقدمن للوظيفة ماي ليدي my lady

شيماء : لا غير تكلفي نتي كنتيق فيك فا اختاري ولي اختاريتيها ديك الساعة نتلاقاها وبنفسي نديها نعرفها للبنات

فاضو : فالهاذ اليوماين تكون عندك أحسن أستاذة ماي ليدي كانستأذن (ومشات)

باربرة : ههه لاهيلا أحسن هذية

شيماء : هاذا جهدي عليهم حيت غايجي جبار يلقاهم مزال ضعافات فاللغات غايصعر تاني ويشدهم هو وسليم يقريوهم بزز وهن كايخافو منو غايبقاو تاني يبكيو عليا اللهم تكون أستاذة مرافقاهم عالأقل يبانو كايقراو قدامو ..

🍀🍀🍀
ألمانيا برلين ..وبالضبط في ساحة المطار الدولي الواسعة ..دخلو سيارتان باللون الأبيض ..وقفو جنب طائرة خاصة …خرج أولا جبار بثياب كاجوال….وبعدها فارس بثيابو الرياضية …ووقفو متكيين على سيارتيهما ..

فارس : ظنيت أننا حنا لي معطلين صدقو هم لي تعطلو تعطلو

جبار لي حس بكمياات طاقة متحولين هائلة ..ابتاسم ..وثواني حتى وقفات جنب سيارتيهما أربع سيارات أخرى …خرج أولا سليم من سيارتو …بعدو خرج وسيم من سيارتو …وبعدو خرج خليل من سيارتو ..وبعدو عصمان ..

تسالمو كلهم وعصمان ووسيم وخليل عنقو فارس حيت هو لي مدة طويلة باش ماشافوهش وبقاو واقفين بستة بيهم جنب سياراتهم …

جبار شاف فوسيم ) فينها

وسيم : وصلنا أنا وياها فوقت واحد من أمريكا وقالتلي نسبقها

عصمان ابتاسم ) الشوبينغ

خليل : تت ماشي ستايل قنبلة الجمال تتأخر على مواعيدها من أجل الشووبينغ

عصمان شاف فيه) كانعرفها كتر من رااسها وقلت الشوبينغ لي عطلها
(وابتاسم …وماهي إلا ثواني حتى سمعووو صوت مووطور مجههد ..استدارو كلهم بانتليهم سايقة موطوور متطور من النوع الكبير ..أسود …وبسرعة قصوى وعلى رأسها خوذة ولباسها أسود…وصلات لعندهم واستدارت حولهم بدورة كاملة بموطورها نوضان عليهم لعجاجة …عاذ وقفات أمامهم ..حيدات الخوذة من على راسها وهي سادة عيونها ..ولعبات بشعرها الذهبي فالسماء عاذ حلات عيونها الزرق اللامعتان فيهم وابتاسمات ابتسامتها المثيرة .. وهبطات من الموطور حلات لفيسط حتى صدرها خرج … وشافت فيهم واحد واحد واقفين مستفين أمامها وكلهم كايشوفو فيها ونطقات

زليخة : heey booys

كلهم ابتسمو أما هي تمشات بسرعة وطارت عليه بقوة بتعنيقة …جبار بادلها العناق ونطق )

جبار : لعشيرة تعطلتي

زليخة فحظنو غمظات عيونها لثواني تنهدات براحة عاد حلاتهم وبعدات شافت فيه ) نجي من أمرييكا لألمانيا ونمشي بلاما ناخد غوج (وجبدات من جيبها أحمر شفاه بينك حلاتو وضرباتها بتعكيرة من بعد تعلات باستو فخذو ونطقات ) مستحيييل (وغمزاتو )

عصمان لي كايشووف فيها وملي باست جبار زير على يديه ..بزز ابتاسم ونطق ) كنت متأكد أن الشوبينغ ليعطلك

زليخة شافت فيه وعنقاتو هو الآخر ) توحشتكم بزاف

عصمان زير عليها فحظنو واستنشق عطرها ..وهي بعدات منو وشافت ففارس جنبو ) غانعنقك ولكن وبربي وتزير عليا كيديما طرطقلي عظامي حتى تجيك سعقة كهبائية من حيت لا تدري

فارس ضحك وجرها عندو عنقها تابدات تفركل عاد طلقها كايضحك ..ومن بعد عنقات سليم )

زليخة وهي معنقة سليم ) أحح عالتيتيز

سليم : ماكاينة شي تيتيزة قدك أساطة

زليخة غمزاتو ودازت لخليل ) لحب

خليل عنقها ) زوزو

وسيم : تعطلتي

زليخة شافت فيه ) راه صعيب نلقا اللون لي بغيت (ورجعات وقفات أمام جبار ) مشينا

جبار : لابغيتي

زليخة عطاتو بونية لصدرو ) هااح والله تاتوحشتك ألحب🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 26🔮
زليخة عطاتو بونية لصدرو ) هااح والله تاتوحشتك ألحب

جبار كايضحك لاح يدو عليها معنقها عندو وزادو وتبعوهم باقي الشباب ..طلعو للطائرة الخاصة لي كانت راااقية من الداخل ..جلس جبار فكرسي السائق هو وسليم اكيد طائرتو الخاصة كايسوقها بنفسو او سليم .. وباقي الشباب جلسو فمقاعدهم …وأقلع جبار في رحلة متجهة للمغرب ..استقرت الطائرة في السماء وشغل الطيار الآلي الجد متطور وخلى سليم فكابينة القيادة وناض خرج جلس جنب خوتو وأولاد أعمامو …

زليخة لي جالس جنبها عصمان )

عصمان : وشحال بقاليك باش تكملي

زليخة : ماشي بزاف بقالي مشروع تخرجي لي مصاوب فقط غانسيفطو لاللدكتور المكلف

عصمان ابتاسم وهو ساهي فعيونها الزرق ) إذن الدوكتراه الثانية غاتاخديها بدرجة امتياز

زليخة : آه

عصمان : وشنو غاتخدمي ؟ أو شنو مخططة ديري

زليخة شاف فيه ) أكيد غانخدم معاك ومع جبار وسليم وفارس فشركتكم هاذشي علاش قريت إدارة الأعمال واخا تخصصي الآخر فيزياء

عصمان ابتاسم وهو ساهي فيها وهي فاهمة نظراتو لي وااااضحيين كلهم حب وإعجااب وعااجبها الأمر قلبات عيونها شافت جبار لي دخل عندهم وجلس جنب فارس ..ومباشرة ناضت خلات عصمان وجلسات فالكرسي الفارغ جنب جبار ..لي شاف فيها وابتاسم …عصمان تنهد وهز كتاب حلو كايقراه ..وكلما هز عيونو شاف فيها كايلقاها كاتموت بالضحك هي وجبار وفارس ..ومخشية فجبار … سرط ريقو ووقف خلاهم ودخل لكابينة القيادة جلس جنب سليم…..
// زليخة آل رومانيا / حيت إيفان وبإعلان من جاسم فالجزء الأول رجع له كنيتو الأصلية كنية أبوه آل رومانيا من عشيرة المتحولين لي فروما ..بدل آل رومانوف كنية جدو نيكولاي وأمو إيميليا ….لكنها وحدة من لستااركس ..فا كنيوها بالكنيات التلاث ..: زليخة آل رومانيا رومانوف ستااارك …. 23 سنة وسيم أكبر منها بشهراين …هي هجينة ناابغة كجبار وسليم // باربرة أمها فالجزء الأول تخلصت من قواها باستعمال دم الهجينة شيماء ..فاولات بشرية عادية ..وإيفان متحول // زليخة هجينة ..بقوة التحكم بعنصر الكهرباء …أي يمكنلها تطلق شرارات كهربائية قاتلة من يدها وجسدها كايولي كالحقل الكهربائي … ملقبة بقنبلة الجمال الصاعقة .. ماشي غير وسط لستاركس بل عالميا فالمجلات وأيضا بين باقي العشاائر ..جمال فاتن خذات زرقة عيون أمها وشعرها الذهبي ..جسد متفجر بالأنوثة وشخصية قوية وذكية … مثيرة حد الجنون ..مغرورة بجمالها ومخنتة بزاااف مددلة إيفان .. الشيء لي خلاها جد مغرورة وأي شيء بغاتوو ديالها بزز ولا بالخاطر …كبرات وسط شباب لستارك لي حاسبينها عشيرتهم جبار فارس سليم وسيم عصمان خليل ..كايعتابروها صاحبهم معاملتهم لها خااصة غير باقي البنات .. وحتى هي كاتحماق عليهم كاملين ولكن جبار أكتر …كاتصرف بحرية مطلقة فلبسها دراستها كل شيء ..إيفان مخليي لها كل الحرية كدير ليبغاات بدون قيود …

🍀🍀🍀
الخامسة مسائا ..فجزيرة ساو ميغل ..ساندرا جالسة بتوتر أمام نافذة وهي كاتسنى جداها لي ملي خرجات صباح مارجعاتش … كاطل على الشارع من النافذة

ساندرا : لالا غانخرج نقلب عليها ركابيها كايضروها عنداك تكون طاحت فشي قنت (ناضت بسرعة لبسات سبرديلة حلات باب المنزل وغير حطات رجلها برى صونا الهاتف فيدها وقفات شافت شكون لقات ثيون ومباشرة شدات الخط يالاه غاتقول ألو تااغوت

ثيون : علالاش خرجتيييي

ساندرا خرجات عينيها )

ثيون : داااابااا دخلي لدااركم دااااباااا يالاه

ساندرا شافت أمامها بانليها واقف بعيد فراس الشارع ..ومزالو كايغوت عليها تدخل استدارت بسرعة دخلات وسدات لباب)

ساندرا وهي كاتلهث ): أشنو واقع أنا خاس نخرج نقلب على جدة و..

ثيون قاطعها ) : ساندرا جداتك غاتجي فقط تسنايها وماتخرجييش

ساندرا : ولكن علالاش؟ ها علالاش

ثيون : غدا وغانشرح لك خاس نقطع (وقطع

ساندرا حيدات الهاتف من يديها وتنهدات وجلسات كاتسنى جداتها وهي حاسة بأن الأمور غادة وكاتزيد غرابة ….

🍀🍀🍀

وفقصر آل ستارك كانو البنات جالسات فجلسة فالحديقة الأمامية للقصر ..أميرة شادة كتابها …جمانة مخنزرة وسماح وسميحة كايضحكو )

سماح : ههه واش دابا غاتبقاي هكا مخسرة وجهك

جمانة : بعدو مني

سميحة : هاء ومالنا حنا اش درنا ليك راه لكراش نتاعك لي مجاش اليوم للجامة ههه تلقايه بايت قصار وصابح ناعس

جمانة : سماح غانريشك

سميحة قلبات عينيها ) أنا سميحة

جمانة تنهدات ) مشفتوش اليوم حاسة أنه ناقصاني شييحااجة

أميرة نطقات وعينيها على كتابها ) : ناقصك عقل وإدراك واستيعاب وذكاء وتمييز (شافت فيها ) وأهم شيء ناقصليك الشووف

جمانة عطاتها الصبع ) 🖕 هاهوا

أميرة : جلسي عليه

جمانة : خرية

أميرة : طليها♠️تتمة الجزء 26 ♠️

أميرة : طليها

سماح وسميحة ) أهنييونا

سميحة : نوضو نديرو شي جلست مساج وحمام بلدي

سماح : آه نترخاو شوي ونديرو ماسكات لوجهنا وخاسنا نقادو أظافرنا أحح غدا الحفل ومزال ما اختاريت أش نلبس

سميحة : شووفي سليم غايجي فا مابقايش تلبسي بحالي باش مانتغالطوش ليهم

جمانة : اوالله واخا تكتبو سمياتكم فالجبهة تاتبقاو تغالطو ليهم

(ناضو لبنات بربعة دخلو لقصر ويالاه طلعو مع الدرج لي مقابل مع الباب حتى سمعو احتكاك قوي لعجلات السيارات فاوقفو مكانهم فالدرج ..سماح وسميحة وسعو ابتسامتهم ..أما جمانة خسرات ملامحها … وأميرة ابتاسمات

وأمام باب القصر وقفو سيارات الشباب ..خرج جبار و زوزو لي أكيد ركبات معاه من سيارتو ..وخرجو باقي الشباب كل واحد من سيارتو …

جبار شاف فالقصر وابتاسم ): هااح أخيرا غانشوف إمبراطورتي

سليم : قصدك نتاعنا

وسيم : توحشتها بزااف

فارس : خخخ ززييدو نفكو حريرتنا مع وحش المتحولين أولا عاد نشوفو سيداتنا

خليل : أنا مامعاكمش نمشي عند هنديتي (امو أيار)

عصمان : وتانا مامعاكمش

جبار : خخهه أماتخافوش راه لواليد عشيري هذاك

خليل : زيد نشوفو عشيرك

(دخلو كلهم وغير حلو ليهم الخدم الباب بانوليهم البنات بأربعة فالدرج )

جمانة غوتات شافتهم ) أححح حبيييبيييي ويييع

(وهبطات كاااتجري مع الدرج ..جبار ابتاسم وحل ليها يديه باش تتلاح فحظنو ..ولكنها اختارقات جسدو وطارت معنقة وسيم لي خلفو ..خلاتهم كلهم تزلعو بالضحك وجبار خنزر واستدار شاف فيها ونطق )

جبار : واااينعل زامل ب..(يالاه غايكملها تابانليه جاسم واقف مربع يديه ومخننزر وجنبو شيماء كضحك..وباقي أعمامو وزوجاتهم ..ووخا هكاك كملها وبدلها ) خوووووك

جمانة فحظن وسيم لي كايبوس فحنيكاتها وهو كايضحك..شافت فجبار وحركاتليه حاجبها كتفقصو )

جبار قرب منها وتحنى باسها فخدودها وهو كايشوف فعويناتها ونطق )عقلي عليها ألمكلخة نتاعي (وغمزها)

سليم طيرها لوسيم وعنقها هو الآخر .. من بعد سلمات على باقي الشباب من بعيد وعنقات زليخة …ولبنات كذلك هبطو سلمو عليهم كاملين وتجمعو عند زليخة معنقاهن … السموحات حالين عينيهم وفامهم فوسيم وسليم ..أما واحد فارس حال فمو فجمانة نسا راسو فين هو وشكون هو … عصمان كذلك سلم على كل البنات من بعيد . …جبار باس يد كل البنات أميرة والسموحات وعماماتو هو وباقي الشباب ..وشاف فأمو وحل يديه ..وحتى هي تحركات بخطوات سريعة تلاحت فحظنو عنقاتو حط راسو على كتفها وتنهد برااحة )

جباار: أحح عاد حسيت بمعنى الحياة والله

شيماء : ههه تانا توحشتك حبيبي

ضارو بيها سليم و وسيم كذلك بتلاتاهم كايتغزلو فيها وكل شوي يعنقها واحد ويبوسها ويطرهاليه لاخر …حتى جات تارا كتجري وعنقها وسيم وبدات تبكي عليه وتقوليه توحشتك وهو كايبوس فيدياتها ..كما ذكرت كاتعتابرو ولدها لي مولداتش ..وكاتعاملو على هاذ الأساس أحسن حتى من معاملتها لبناتها …. كدلك أيار عنقات خليل وكاتتغزل فوسامتو وهو كايضحك…وفارس هز جاكلين بيد وحدة حطها جالسة على كتفو كايضور بيها وهي كاضحك عااجبها الأمر ..وباربرة وإيفان عنقو زوزو …..

جاسم لي واقف وجنبو كل خوتو كايشوفو فيهم غوت): جباار

كلهم شافو فيه )

جاسم خنزر فيه هو وسليم وفارس ونطق ) للمكتب (واختفى ..وتبعو فيليكس اختفى (قوة التنقل السريع) وتبعوهم دياب..و إيفان … والتوأم المختلف عدنان وغسان )

شيماء حطات يدها على خد جبار ) أشنو درتي هاذ المرة

جبار باس يدها ) والو يا جميلتي تيقيني

شيماء شافت فسليم ) ومال باباكم معصب

سليم باس خدها ) مامعصبش أحبيبتي غير توحشنا هاحنا نمشيو عندو

وسيم عنقها فحظنو بيد والأخرى شد بها يد تارا ) : أجيو أحبيباتي خاس نعاودليكم على مغامراتي فأمريكا (غمز جبار وجرهم معاه …)

أيار شافت فخليل ) حتى أنت باباك معصب منك

جاكلين شافت فدياب ) أشنو درتو ؟

جبار : واالو أتيتيزات واالو (شاف فخوتو وولاد عمو ..) يالاه نشوفو لواليد (ومشا وتبعوه فارس خليل عصمان وسليم )
🍀🍀
فمكتب جاسم الكبير… جالسم فكرسي مكتبو .. وواقفين جنبو كل خوتو وإيفان ..حتى اختارق جبار أولا الباب ودخل وبعدو اختارقو سليم ووقف جنبو..وظهر جنيهما عصمان بقوتو التنقل السريع ..عاد تحل لباب ودخلو فارس وخليل ..ووقفو جنبهم

// جبار قوة استنساخ 100 قوة وسليم 50 والإختراق هي إحدى قواهم..عصمان التنقل …فارس الجسد الفولاذي …خليل قوة التجميد //

جاسم كايشوف فجبار مباشرة فعينيه. … وجبار هو الآخر كايشوف فيه )

جاسم نطق بحدة ): أوامري كانت وااااااضحة القبض على المتحولين حيين… وأمر القبض عليهم كان عند فيليكس وإيفاان فقط (شاف في فارس لي مباشرة حنى راسو ) ماااعطيييتكش أمر تبلغ جبااار عنهم (شاف فسليم لي هو الآخر حنى راسو ) ونتاااا بأي حق تهاااكي نظاام الإستخباارات الألمااني (شاف فجبار ) وعلالاش خالفتي أوامري وقتلتييهم؟؟؟

جبار تنهد وتقدم حتى وقف مباشرة أمام مكتب أبوه ونطق )

جبار : لواليد كان خاسني نقتلهم

جاسم مخننزر فيه ) واش قلتهاالك ؟🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 27🔮

جاسم مخننزر فيه ) واش قلتهاالك ؟

جبار : المتحولان^ إلييونور ^وألاريك^ كانو كايتميزو بقوة الدخان السام .. وفي 5 أكتوبر قرية بكااملها ماتو كل سكانها البشريين في ريف روسيا .. وفي 5 دجنبر كذلك قرية كلها لقاو سكانها البشريين ميتين كذلك فريف رووسيااا..وفالتحاليل لسبب موت كل هاذوك البشريين بينو أن كل هاذ السكان ماتو نتيجة اختناق بالدخان وكل مقتنياتهم كاتسرق … عاينت القريتين بنفسي والضحايا كذلك موتهم مكانش طبيعي تخنقو بدخان سام دالمتحولين ..(شاف فجاسم بحدة )..كانوو كايستهدفو القرى يقتلو سكاانها وينهبووهااا.. فاراه قبل حتى مايوصلو معلوماتهم لفرقة العدالة كنت كانقلب علييهم ألواليد … وأنا لي شفت فظاعت أش داارو فالقرويين دالقريتين جثث اطفال شيوخ ونسااء فكل مكاان ..رووسيا كلها استنفرت بسببهم.. سياسيين روسيا ظنووها قنابل سامة ترسلات للقريتين أي شكو فحرب نووية

جاسم وقف وخبط المكتب وغوت ) وهااااذشي علالاش كاان خاس موتهم يكون أمام كل رؤسااء العشاائر واش يحسااابليك كنت غانعفو عليهم ولا شنووووو؟؟؟

جبار : تهدن ألواليد راه أصلا موتهم شهدو عليه كل رؤساء العشائر

دياب : كيفاش ؟

جبار جبد كلي يوسبي من جيبو ولاحو لعمو دياب لي شدو ) أنا قتلتهم فشارع كبير فبرلين عمدا كل كاميرات الشارع صوروني ..

سليم نطق ) مسحت كل سجلات كاميرات الشارع ورسلت نسخة من الفيديو لي جبار قتلهم فيه لكل قياد العشائر المئتين والأربعة 204..

فارس : وقبل مانمشي لألمانيا تأكدت من أن كل رؤساء عشائر الجزر النائية وصلهم الفيديو وشاافوه

عصمان : وبنفسي هضرت مع كل قياد العشائر نيابة عن جبار كيما طلب وجهتليهم تنبيه مباشر بضبط متحولي عشائرهم

خليل شافهم كلهم كايشوفو فيه باه وجاسم وكل عمامو بمعنى ونت أش درتي ونطق ) أحم أنا شاهد على كل هذا

جبار شاف فجاسم بحدة ) كنعتادر حيت خالفت أوامرك ولكن مانقدرش نصبر حتى يتجمعو كل الرؤساااء ويتحدد موعد المحااكمة عاد يتعاقبو هاذوك لكلاب ..حيت هاذشي كان غايدي شهر عالأقل وهم ماكانوش يستااهلو حتى ثانية زايدة فهاذ الحياة..الغرض تقضا لكلاب ماتو موتة دلكلاب . ورؤساء العشائر كلهم وصلهم فيديو لي غايبق مرسخ فذهنهم كتهديد مباشر مني يضبطوو متحولي عشائرهم

جاسم قرب وجهو من وجه جبار ونطق بحدة ) آخر مرة أجبار تتدخل فعمل ماكلفتكش به

جبار جاوبو بنفس الحدة وعينيه تظلموو ) ماانواعدكش ألواليد أنا ماشي هو نتا… أنا ماكااانعطيش فرص ثاانية .. ومااكاانرحمش …وبعض الأشخاص مايستاحقووش حتى تعطيهم فرصة يهضروو قاانونك ألوااليد هو قانوني وماعااش لي يطغى على البشر ..و يخاالف قانون المتحولين …ماحد لستاركس فالحكم

جاسم فقط كايشووف فيه ..مدة وهما مقابلين مخنزرين فبعض … حتى جبار تنهد وابتاسم وعنقو)

جبار :كنعتاذر مرة أخرى ماكانتش نيتي نعصبك

جاسم : عارف أن ثقتي فيك (شاف فباقي الشباب ) فيكم كبيرة فا مانبغيش أخطااء

جبار : خهه والله تاتوحشتك أصاحبي

جاسم اكتفى بأنو ابتاسم )

(وجبار مشا عنق عمامو واحد بواحد .. وشاف فباه ونطق )

جبار : أحم سالينا نقاشناا إذن نخليكم ألعشران حبيبتي كاتسناني نخليكم دابا (غمز جاسم واختفى )

جاسم خرج فيه عينيه و بسرعة اختفى تبعو )🖤التتمة 2 للجزء 27 🖤
🍀🍀🍀🍀

عند جمانة وأميرة لي جالسات فجناح زليخة ..الجناح الزهري الضوئي ..جد فااخر وعصري كوولوو أضواء (الصور) … حتى تحل الباب ودخلو التوأم مصدووومات جلسو جنبهم بسكات …وزليخة لي غيرات ثيابها وكاتجبد لهن هداياهن ليجابت …أما واحد جمانة حاالة فمها فصدر زليخة …

زليخة : إختاريت لكن كل شيء بنفسي

أميرة : جبتيلي الكتب لي وصيتك عليهم

زليخة هزات ساشية عطاتها لها )

جمانة : زوزو

زليخة شافت فيها )

جمانة : زدتي نفختييهم والله تازدتي نفختيهم

زليخة : هذاك شغلي

جمانة : ومالك غاسولناك بزعطا

زليخة ابتاسمات وهي.كتشوف فصدر فجمانة ) كنصحك تديها فدياولك

جمانة وقفات ) كاتعايري

زليخة : بعلوكة

جمانة : منفوخة

زليخة خنزرات فيها وجمانة استدارت بعصبية خرجات من جناح زليخة ..ومباشرة مشات لجناحها دخلات …)

جمانة : داابااا يتنفخولي ونعجبك لمفرعنة لوخرى غايوليو كبر من نتااعك (وقفات جنب طاولة هزات زين الحلبة وحيدات لبودي وستيانات وجلسات تطلي وتعاود وهي كاتماصي لدقائق ..كملات ورجعات لبسات ستياناتها وبوديها ..وخرجات بريحتها …غادة وكاتهضر وهي حانية راسها )

جمانة : وااخااا أماما وااخاا خليتي بنت خوك تشفى لي فصدري يااك وفيينك أجدة إيميليا كون كنتي كون قنعتييها تخليني نفخهم (وقفات حيت شافت رجلين أمامها ..هزات راسها وبقات هازاه هازاه هازاه حتى استقرو عينيها فعينيه )

جمانة : فارس

فارس مبتاسهم وهو كايشوف فيها …كايبانو كاللنملة والفيل طويييل وعريييض عليها )

فارس : جمانة

جمانة ابتسمت ) أش خبارك

فارس سااهي فعيونها مد يدو حيدلها النظارات الطبية باش يتأملهم مزيان ) نظاراتك عليهم غبار

جمانة ابتسمت وخداتهم ) صاف غانمسحهم

فارس : واش نتي لباس

جمانة : لباس ونت

فارس : عاد وليت

جمانة : ها ؟

فارس يالاه قرب منها خطوة تاضرباتو ريحت الحلبة وخسر ملامح وجهو )

جمانة : مالك ؟

فارس :كنشم رائحة غريبة

جمانة تزنكات وطلعات معاها سخونية ) أحم ن نخليك دابا باي (ومشات كاتجري ..خلاتو تابعها بعيونو وهو مبتسم ….)

🍀🍀🍀
نخليوهم ونمشيو لجزيرة ساو ميغيل …ساندرا لي بقات كتسنا فجداتها حتى ظلام الحال عاد رجعات ميبهار…دخلات وساندرا طارت عيها بتعنيقة )

ساندرا: أفين تعطلتي قلبي كان غايسكت

ميبهار : هاني جيت

ساندرا شافت حالتها كلهاا تراب وهازة كموسة فيدها )

ساندرا: أ أشنو داكشي ومالك كلك تراب

ميبهار : درتي شي عشاء(وزادت خلاتها )

ساندرا تبعاتها )واا جدة قوليلي أشنو واقع ياه فين مشيتي

ميبهار دخلات لبيتها وحطات اش هازة فيدها وحيدات لكاب لاحتو ) مشيت جبت هذية عيد ميلادك 19

ساندرا شافت فلكموسة ) بصح شنو هي

ميبهار : غدا تاخديها وغاتعرفي

ساندرا : و واخا

ميبهار ابتاسمات بحزن ) حطي العشاء علامانبدل

ساندرا خرجات خلاتها بوحدها تبدل ومشات حطات العشاء …تعشاو فجو هادئ ميبهار غير كاتخمم وباين على وجهها الحزن الشيء لي لاحظاتو ساندرا …كملو عشائهم وساندرا جمعات الطبلة ويالاه غاتمشي لبيتها تاعيطات لها ميبهار

ميبهار : نعسي جنبي اليوم تاني

ساندرا ابتاسمات ومشات تخشات جنبها ففراشها )

ساندرا : أنا حاسة بشيء غريب أجدة

ميبهار : عارفة..سمعيني بغيتيك ديري كلامي حلقة فأذنك : عمرك تخاافي نتي بيثروفا نتي راك كل شيء حياتك قيمة بزاف كلهم غايسعاو للحصول عليك كلا الصنفين (متحولين وسحرة ) ولكن عمرك تنساي أنك نتي المتحكمة بقدرك واختياراتك عمرك تكوني عبدة أساندرا عمرك تسمحي لشخص يعيشك تحت سبااطو ورحمتو ..أنت تستحقين العيش كأميرة فا اختاري لي غايردك أميرة جنبو على صنفو…. ماشي لي غايرد شعبو وصنفو أمراء عليك

ساندرا : مافهمتش أجدة

ميبهار : نعسي وارتاحي غدا غاتفهمي كل شيء
🍀🍀🍀🍀

فالمغرب كل لستاركس تجمعو على ولييمة عشاء فاخر الشباب والبنات وآبائهم …في سعادة كلهم ضاحكين ..جو مليئ بنظرات مختلفة ..حب …اشتياق…سعي..وتمني…من بعد العشاء كل واحد توجه لجناحو .. يرتاح ..تابعهم فيوم الغذ يوم طوييل 😈…يتبع🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 28🔮

صباح اليوم الموالي … الساعة 10 صباحا ..عند ساندرا لي نااعسة بهدوء فبيت جداتها …نعاسها منتظم .. وشعرها المموج الطويل الكثيف مزلع فوق السرير ..بدات تفتح عيونها وهي كاتسمع تخرشيش تكعدات كاتكسل ..وقفات وخرجات من بيت جداتها لقات ميبهار فالمطبخ وحاطة مجموعة من الأغراض فوق الطاولة ..إناء به تراب ..وعدت أنواع من أعشاب مجففة وكثيرة ورائحتها قوية ..وبعض الأحجار لي شكلها غريب …ساندرا كتشوف فداكشي باستغراب …

ساندرا : جدة أشنو هاذشي

ميبهار شافت فيها ) فقتي دوشي وأجي تقادي فطورك ماساليتش نصايبوليك

ساندرا مدات يدها هزات حجر غريب الشكل ) شنو هاذشي؟

ميبهار حيداتو ليها ) والو فطري وسيري لبيتك

ساندرا يالاه غاتهضر حتى سمعات هاتفها كايصوني ..دخلات لبيت هزاتو لقاتو ثيون وهي تسد باب بيتها عاد جاوبات )

ساندرا : ألو

ثيون : فينك

ساندرا: فدار

ثيون : مزيان واش أحم بيخير يعني نتي بيخير؟

ساندرا: أ آه بيخير عاد فقت !!!

ثيون : سمعي عنداك تخرجي غانجي ناخدك بنفسي الحفل لي نضماتليك صاحبتك فالشاطئ لي قدام المقهى فاياش خدامة غانكونو غير حنى بربعة أنا نتي ومايكل وصاحبتك أماندا فا غانجي نديك..

ساندرا: واخا معاياش !

ثيون : السابعة مسائا تكوني واجدة غانجي تالقدام باب دار نديك

ساندرا خرجات عينيها ) ألا تسناني غير فراس الشارع

ثيون : واخا عنداك تخرجي قبل مانعلمك

ساندرا: واخا (وقطعات وخرجات طلات على جداتها لقاتها كاتهز كل تلك الأشياء من فوق الطاولة وكاتدخلهم لبيتها )

ساندرا: جدة أشنو كاديري ؟

ميبهار شافت فيها وشافت فالقلادة حول رقبتها ومدات يدها ) عطيني سنسلتك

ساندرا شافت فيها باستغراب وحطات يدها على سنسلتها ) شنو علاش ! ياك ديما كاتوصيني مانحيدهاش!!

ميبهار : كملتي اليوم 19 فامابقاا عندها حتى دور أو أهمية وأنا محتاجاها غانرد منها وعاء خافي للموقع طول ماهي معاك مستحيل يتعقبوك بالسحر

ساندرا كل تعابير وجهها مستغربة ) شنو ؟

ميبهار غوتات تاقفزاتها ): وااا أريي ملي غانكمل دييك ساعة نجلسووو وغانعاودليك كل شيء ونعطيك أمانتك…

ساندرا حيداتها عطاتها لجداتها ) أشنو لي غاتكملي؟ أجدة أشنو هاذشي راني مافهمت واالو ؟

ميبهار شدات القلادة ) والو سمعي غاندخل لبييتي وإصحك تقاااطعيني أو تدخلي عندي سمعتي جلسي فبيتك قراي او نعسي..حتى نجي عندك وعنداااك تخرجيي بمرة..

ساندرا : أجدة كييفاش مانخرجش أماندا بغات تحتافل معايا فالشاطئ السبعة دلعشيا خاس نخرج

ميبهار خرجات فيها عينيها وغوتات ) واااش حمااااقييتييي سمعي ممنوووووع تخطي خطوة وحدة برااات الدار سمعتي

ساندرا : علاش كاتغوتي تهدني اجدة

ميبهار غوتات ) سااااندرااا مكاانضحكش والأمر مااشي لعب غاااتفهمي كووولشي غير تسنااي خاسني أولا نخفي موقعك باش تقدري تمشي بدون مايعرفو وجهتك فاااا جلسي فبييتك تانكمل التعويذة خاسها وقت طوييل باش تنجح فاماتقااطعينييش سمعتي وبييتك … راه تعتبي لباااب نتفاهم معااك (ودخلات خبطبات الباب دبيتها وطرقاتو …خلات ساندرا مخرجة عينيها وحالة فمها )

ساندرا ضحكات ديك الضحكة دالصدمة ) هه تعويذة قاتلك هه لالا خاسني نشوف شي طبيب لجدة (حطات يدها على راسها ) أشنو غاندير دابا مستحيل مانخرجش ..ثيون هاذ المرة يتفارق معايا مافيهاش ..لالا غانخرج أووف أجدة أووف رااني مابقييتش بنت صغييرة (وتحركات لبيتها دخلات وجبدات كل ثيابها تختار ماتلبس …..تتمة الجزء 28
🍀🍀🍀🍀
فنفس الوقت لكن فالمغرب كازا ..قصر آل ستارك …فجناح جمانة لي ناااعسة فوسط السرير حتى تلاحو جنبها على السرير ومع ضخامتهم ووزنهم الكبير ووزنها هي الصغير … تهزات وتخبطات مع السرير وناضت قافزة كااااتغوت مخرجة عينيها )

جمانة : واااع شواقع وااع لحرب لحرب وعوك عوك زلزال واسفياااان عتق عتق عتق..(سكتات مخرجة عينيها فيهما مجبدين جنبها فليمن جبار وليسر سليم كايشووفوو فييها.. وهي لوسط بشعكاكتها لابسة سوفيطمة زرقاء بشورطها دنعاس… ولحظة صمت رهيييب هي مخرجة عينيها فيهما ..وهما مجبدين جنبها وهي لوسط وكايشووفوو فيها)

جبار شاف فسليم ) سفياان

سليم شاف فجبار ) : سفياان

جمانة : م م مالكم (خنزرات فيهم ) مالكم هاجمين علييا ص ص ص صباح هذا

جبار تكععد شدها من لقرفادة وهي صفارت مخرررجة فيه عينيها وهو نطق مخنننزر) شكوون سفياان؟

جمانة جاوبات بسرعة ) : ماكنعرفووش

سليم غوت تاقفزها ) : جوووجوو

جمانة تنترات من جبار ) أمالكم ماالكم واش أحلامي غايبقاو يتشاورو معايا عاد نحلمهم ياه وا سفيان المخلوفي هو هو هو مغني كيشفتو بت نتمزك ليه لبارح ليل كولو ونعست حلمت بيه ماتيقتونيش قلبو عليه فيوتيب

جبار شاف فسليم) : تقتلو ولا نقتلو أسليم

سليم : خليه ليا بلا ماتوسخ يديك بمغني ماجاتش أعشيري

جمانة مخرجة عينيها كاتشوف كل مرة فواحد غوتات ) أوااش باغيين تسطيوني (هزات راسها للسماء ) ياااربي أش درت فحياتي تامسلط عليا هاد جوج هئ هئ ياربي على حكرة هئ هئ هئ (وبدات تبكي من نيتها ولخناين … وجبار وسليم كايضحكو )

جبار تكعد وعنقها ) ههه ششت سكتي غير ضاحكين (مسحليها دموع وباسها فخدها ) happy birth day sis

جمانة ابتسمت له وعنقاتو ) هااح عليك راك كاتخلعني (بعدات وشافت فيه) أرا لكادو

جبار أشار لها لساشية فوق كوافوز نتاعها ) تاتنوضي وحليها غاااتعجبك (وغمزها )

سليم عنقها هو الآخر من الخلف) العقبة للمئة

جمانة حطات يديها على يدو) : لاواه الف تشا أرا لكادو

سليم كايضحك وحل علبة جبد منها حذاء أسود مرصع بالألماس وخذا رجيلاتها لبسو ليها وهي حااالة فمها )

جمانة : ياااوااا

سليم : ههههخ يااوا هي عجبك

جمانة : كااايحمق اكييد عجبني هه وبابا هذاني عقذ دياموند قالي تصميم خااص

جبار لي وصلاتو رسالة من فارس فهاتفو هزو قراها وشاف فجمانة باس خدها ووقف ) هذيتي أحسن نوضي حليها وماترجعيش تنعسي ودوشي راه فيك ريحة الحلبة غانفطر وندخل لسيت جامعتك نتمعن فنقطك مزيااان (غمزها ) خاسنا ناقشو هم (واختفى)

سليم هو الآخر باس خدها ووقف) ماتنسايش أهم شيء هو دوووشي الحلبة الحلبة ألخوينزة (وسد نيفو كايضحك واختفى بقوة التنقل )

جمانة حالة فمها غير مشاو وهي تشهق وشدات قلبها ) ناري ناري ناري ناري غايسكتلي لقلب ناري لمساخيط غانموت غير بلخلعة ناري وكنت غانفرش راسي وسفيان ناري ناري أنقدت نفسي فآخر لحظة (شدات راسها ) مزيان ملي تفكرت اسم هذاك المغني هكا مايشكوش فيا (شافت فرجيلاتها ) هاااح عالحب (شافت فساشية فوق كوافوزتها وناضت وهي متلهفة حلاتها خشات يدها وهي تجبد مونيكة ) يااااعلا حااامض هئ هئ حكاار جايبلي مونيكة هىء هىء واراني كبرت هئ (قابلات لمونيكة مع وجهها ) ولكنها كيووت (تنهدات وعنقاتها طلات فساشية بانتليها علبة أخرى حطات الدمية جنب وهزات العلبة حلاتها وجبدات منها فستان كوولو مرصع بالألماس )

جمانة : يااحلييلي متافقين الفستان والحذاء متناسقين ههه أحح عالحب

…. : أهااه وياكما نسيتيني انا !!

استدارت بانليها وسيم ..لي ظهر خلفها بقوة التنقل وحطات دكشي ومشات كتجري عنقاتو )

//وسيم قوة استنساخ 20قوة وهو بوحدو فخوتو لي مكمل قواه أي حدو عشرين ومستنسخ عشرين قوة اما جبار مزاال ماكمل مئة و سليم مزال ماكمل الخمسين قوة //

جمانة معنقاه ) أحح عرفتي نت أحسن واحد فيهم والله

وسيم ضحك وباسها فجبينها وقابل عيونو القزحيتين مع عيونها القزحيتين ونطق ) سنة حلوة ياحلوتي كنتمنى لك كل السعادة والخير وماتنسايش بلي عندك الجبار والجاسم وسليم ووسيم فظهرك و دائما جنبك

جمانة ابتاسمات ..ووسيم حل علبة جبد منها تاج مرصع بالألماس ركبو لها ونطق )

وسيم : لواليد العقذ وجبار الفستان وسليم الحذاء وأنا التاج وهاهي ذي جمانتنا كلها مرصعة بالألماس والدياموند ..هاذي قيمتك عندنا جوهرة لاتقدر بتمن

جمانة عنقاتو ) هاااح سعداتي
🍀🍀🍀
عند جاسم ليكان فجناحو فدريسينغ روم كايلبس هو وشيماء ..

جاسم : وخليهم يهزوك تاني

شيماء : كوون هاني (هزات العقذ الدياموندي لي هداها جبار والخاتم الألماسي لي هداها سليم دارتهم ..تاوقف عليها حيدهم ليها ودارليها وحدين آخرين منو هو )

جاسم مخنزر فيها ): ومايبووسووكش

شيماء :كوون هااني

جاسم شاف فيها ) كطنزي عليا🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 29🔮
جاسم شاف فيها ) كطنزي عليا

شيماء خرجات فيه عينيها ) ألا هاه كلاك نطنز كانهضر بلمعقووول

جاسم : عرفتي شنو غاناخد إجازة من كل أعمالي وغانبق مع مراتي حبيبتي (تحنى تاتقابل وجهو مع وجهها ) كظلك مرافقا لك ولي سميتو راجل فدوك زوعر دولادك يقرب (وغمزها)

شيماء كتشووف فيه ) والله يهديك راه ولادك

جاسم : مااسوقييش ولادي على راسي لكنك مراتي ديالي بووحدي

شيماء شدات يدو ) وراك عارف جبار وسليم ووسيم..أو واش غاتبقا حاضيني نهار كولوو مايقربوليش كااع مايمكنش أحبيبي

جاسم :آه (رن هاتفو بمسج وصلو من فارس قراه وشاف فيها ) بقاي هنا نصف ساعة بالكتير غانرجع ونهبطو بجوج أنا فالمكتب (واختفى )

شيماء غير اختفى ..وخرجات كااتجري تشبع من ولادها وتعنق وتبوس قبل مايرجع ليها )

🍀🍀🍀🍀

عند فارس لي غادي فلكولوار دالطابق العلوي من القصر وعينيه على هاتفو رسل رسالتان..وزاد حتى لمكتب عمو جاسم ..حل لباب لقاه هو وجبار كايتسناوه ودخل …..صبح عليهم وهو مبتاسم ..وجلس فالجلسة جنب جبار ..الجلسة لي امام مكتب جاسم …شاف فعمو وفولد عمو أو خووه ونطق …

فارس: الموضوع مهم بزااف ….

🍀🍀🍀
نمشيو عند أميرة الأميرة لي فاقت فرحاانة كيف لا واليوم عيد…ميلادها .. هو ماشي عيد ميلادها فعليا حيت تولدات بأسبوع بعد ولادة جمانة لكنهم ولفو كايحتافلو به معا فيوم واحد … دوشات بالخف ونشفات شعرها وقاداتو لبسات فستان اسود به ورود زرقاء قادات ميك أب خفيف مع عطرها ..ويالاه تحنات كتلبس حذاء بكعب..حتا تدق باب جناحها ..مشاد حافية حلات وهي تبتاسم)

أميرة : خليل

خليل هو الآخر مبتسم ) صباح الخير

أميرة : صباح النور

خليل: ممكن ندخل

أميرة : اكيد (خواتليه وهو دخل هاز علبة فيدو ..تأمل جناحها وهو مبتسم )الأميرة بلو blue

اميرة : ههه كايحمقني الأزرق

خليل شاف فيها ) كلك كاتحمقي

أميرة جمعات الضحكة وخرجات فيه عينيها ..وهو ابتاسم وقرب منها وهو هاز العلبة حلها وجبد منها تاج رااقي مرصع بأحجار الكهرمان الأزرق ..وحبات ألماس …

أميرة : وااو

خليل قادو على راسها وتحنا باسها فخدها ) happy birth day my blue gir

أميرة : هه شكرا زوين بزاف

خليل شافها حافية ) نخليك تكملي لبسك

أميرة حركاتليه راسها بواخا وهو خرج ….

خليل خرج مبتسم ويالاه تحرك مع لكولوار يمشي لجناحو ..حتى خنزر وهو كايشوف فيه جاي ..وقفو مقابلين مع بعض )

خليل : الناااميكخ

مالك ابتاسم ) ستارك

خليل زير على يديه ) مرحبا بك ولكن أجنحة الظيوف فالطابق لي تحت هذا اما هاذ الطابق خاص بأجمحة لستاركس فقط

مالك ابتاسم باستهزاء ) مكانعتابرش نفسي ضيف وسط صحابي كانقصد جبار فارس عصمان وسليم و وسيم خووتي على العموم شكرا لترحيبك (وزاد يتخطاه تاوقف خليل أمامو ومخننزرين فبعض )

خليل : لفيين !!

مالك : حيد من طريقي

خليل : بلا ماتحلم سمعتي ماعندناش الرجاال لي يدخلو أجنحة نسائنا أو بناتنا

مالك : لعجب عاد شفتك خارج من عندها

خليل غوت ) أنااا ولد عمهاااا

مالك :إذن بحال خوها

خليل : أحسنلك تنزل سمعتي وإلتازم بقوانين القصر

مالك خنزر فيه ) القصر معتابرو بيتي التاني و لا عندك شي اعترااض ؟ تجري عليا مثلا ؟

… : أشنو واقع

شافو كلهم فأميرة لي خرجات من جناحها وكاتشوف فيهم باستغراب ..شافت مالك ووسعات ابتسامتها وجرات وقفات أمامو )

أميرة : جييتي

مالك ابتاسم وهو يتأمل عيونها الزرق) ككل سنة مستحييل نفلت هاذ اليوم (وخذا يدها باسها ) يا أميرة

خليل سرط ريقو ووااضح عليه مععصب نطق بحدة ) أميرة نزلي نتي

أميرة شافت فيه ورجعات شافت فمالك لي هاز باقة ورد أزرق )علاش ننزل أخليل ! (شافت فمالك) مالك واش الورد ليا ؟

مالك مد لها الباقة ) أكيد

أميرة خداتها ) أحح كايحمقووو هاذ النوع من الورد غانحطهم فمزهرية فبيتي أجي تشوف كيغايجيو أمالك هه (واستدارت كاتجري دخلات لجناحها وخلات له الباب محلول يتبعها…مالك شاف ف خليل لي قرب يطرطق وهو يبتاسم باستهزاء وزاد تبعها ودخل لقاها كاتنسق فالورد فمزهرية …

مالك : عجبوك؟

أميرة : حمقووني

مالك : مزالا هذية أخرى ( ابتاسم وقرب منها جبد بواطة من جيبو حلها وهز منها خاتم هو الآخر عليه دياموندة زرقاء وشكلو كالتاج ) كانتمنى تقبليه مني

أميرة : وااو (شافت فيه ) أحم ولكن خ خاتم يعني يعني احم ماجاتش خ خاتم و و..

مالك زرب عليها وخذا يدها ركبو ليها وباسها ) إختاريتوليك بعد تفكير طويل ..كانتمنى ماتحرجينيش وتقبليه (شاف فيدها ) وجاك مناسب تماما

إميرة تالفة ومتوترة فكرة يجيبليها خاتم وتراتها وعاذ نظراتو لها تنهدات وشافت فيه ) أحم واخا شكرا زوينين

مالك ابتاسم ) يالاه نزلو بجوج

أميرة : هه يالاه
🍀🍀🍀

عند جمانة لي دوشات أربع مرات عاد تحيداتلها ريحة الحلبة ..عيطات على الخادمات بدلو ليها السرير بواحد جديد اما نتاعها لسقاتو ريحة الحلبة ..لبسات عليها جينز فالبينك وبودي مخطط بينك وكري مع سبرديلة ..طلقات شعرها وحطات مكياج خفيف حيت جبار وسليم مكايحملوهاش مزوقة …طلقات شعرها ورشات عطرها المعتاد وخرجات من دريسنغها لقات الخدم كملو وحطولها سرير جديد ..)

جمانة : تقدرو تخرجو( وجلسات هزات هاتفها دخلات لأستغرام لكراش نتاعها كاتفرج فصورو سفيان )

…: أحم جمانة !♠️تتمة الجزء 29 ♠️
…: أحم جمانة !

جمانة استدارت لقات فارس خلفها مباشرة ..هاز باقت ورد حمراء )

فارس لي غير حلو الخادمات لباب باش يخرجو.. دخل وتمشا تاوقف موراها عاطياه بالضهر وماحساتش بوجودو ..طل على أش كدير فالهاتف .. بانتليه كاتفرج فصور شاب غريب وكل صورة دازت عليها كاتزوومي مزيان ودير ليها جيم عاد تدوز للأخرى …وهو يخنزر )

جمانة حطات هاتفها ووقفات كاتشوف فيه) فارس

فارس تنهد كاتم لغضبو وشاف فيها وابتاسم ومدليها باقت الورد ) happy birth day beauty queen

جمانة ضحكات وشدات الورد كاتشمو ) ههه بيوتي كوين كااع هه واش مكاتشوفش شحال أنا ضعيفة منين جاني الجمال

فارس قرب منها ومد يدو حيد لها النظارات كايتأمل عيونها ) زوينة أجمانة زوينة بزااف كاتحمقي

جمانة حطات الورد وخدات نظاراتها من يدو ) موسخين تاني (شافت فيه مبتسمة ) شكرا هه نتا بوحدك لي كاتقولي زوينة وماما وبابا و وسيم اكيد جبار كايقولي جوج عضيمات وسليم كايقولي جوج عواد

فارس ابتاسم وحرك راسو بلا ) غير كايضحكو ..نتي راك زوينة وبزاف

جمانة كاتفرنس رفع لها المعنويات )

فارس سها فيها لثواني عاد تدارك نفسو) أحم عندي لك هذية أخرى

جمانة شافت فيه وهو جبد علبة صغيرة بينك حلها أمامها …جمانة حلات فمها وهي كتشوف خاتم عليه دياموندة كبيرة على شكل قلب ) وااااااو

فارس ابتاسم وخدا يدها لبسوليها من بعد تحنا قبل يدها وهو مغمظ عيونو )

جمانة شدات يدها كتشووف فالخاتم وعينيها كايبريو معاه ) يااوا واااعر عرفتي ماما عندها بحالو كان هداه ليها بابا هه بل نتاعي أحسن واااو

فارس مبتااسم ) فرحت حيت عجبك ماتحيديهش من يدك

جمانة شافت فيه ) مالي حمقة أنا نحيدوو وااحمقني ههه (وطارت عليه بتعنيقة وهو دور يدو عليها وخشا راسو فعنقها غمض عيونو واستنشق عطرها بإدمان ..هي بعدات وباستو فخذو بالجهد خلاتو ضحك فرحان ) شكرا يااا أحسن أخ

فارس تحولت ابتسامتو وضحكتو لتخنزيرة وزيير على يدو ) من الأحسن نمشي

جمانة حركاتلو راسها بواخا وعيونها غير على الخاتم حمقها ..أما فارس خرج من جناحها صاااعر دخل لجناحو وأول كوافوز أمامو هزها بيد وحدة لسقها مع الحيط ..وبقا واقف مدة كاينهج ..جبد هاتفو ودوز الخط …

فارس : جماانة بغيتكم تردوليها لبااال خصوصا فالجامعة …وحدة من ليكارد النساء تتنكر وتبقا تدخل للجامعة تحرسها من الداخل أي جنس ذكر قرب منها تعلمووني فلبلاصة ..(وقطع)

🍀🍀🍀

عند سماح وسميحة فجناحهما..لي هو أكبر اجنحة البنات حيت مشاركين نفس الجناح كل وحدة بسريرها ودريسينغ كبيير كل وحدة بجهتها … جالسة سماح على سريرها كاتبكي وسميحة واقفة عليها )

سميحة : انووضي نزلو نفطرووو

سماح : لا هىء هئ هئ فرشتينيي قداام جباار هئ غايكوون قاالها لوسييم هئ هئ بأشمن وجه غانشووف فييه انا دابا هئ

سميحة : واراه فرشت تاراسي غانووضي نحن في الهوى سوى

سماح طارت عليها شداتها من شعرها ناتفاها ) هئ اطحبة علاش قلتيها لييه هئ علاش هئ

سميحة هي الأخرى شدات سماح من شعر ) ونتييي حصلك كاطلي على وسييم وملي سولناااا …قلتييلو أني أناااا سمااح ونتي سميحة ألكدااابة

وجلسو يتناتفو تادخلات مهم تارا م
كاتجري فكاتهم )

تارا غوتات ) أسبوووبحااان الله من نهاار تولدتو عمرنيي شتكم كاااداابزوو متافقاات على كوولشي فااا مالكم داابة

سميحة : هي

سماح : هي لي بداات فرشااتني قدام جباار

سميحة : وااعوك عوك راني فرشت تارااسي

تارا كاتشووف فيهم مديقة عينيها ) : أشنو فرشتو بالضبط؟؟

سماح يالاه غاتهضر تعتق الموقف تاسبقاتها سميحة )

سميحة : اني أنا كنبغي سليم وسماح وسيم ..(سكتات ملي شافت تارا مخررجة فيها عينيها ) هاااء ويلي (وسدات فمها بيديها )

سماح مسحات على وجهها بفقصة ووقفات كفضات كمامها وغوتات ) اليوووم ياااكلوو عليك كسكسووو (وطارت عليها كاتقمش وتارا كاتفك او واالو واش تفكوليها ريشووها وسطهم تادخلات جاكلين وأيار عاونوها فارقاتهم …جلسات كل وحدة فسريرها وغوتات )

تارا : مااانعااودش نشووفكم كادابزووو نزلووو تفطروو ..وموضوع سليم و وسيم نهضرو فييه من بعد سمعتووو

جاكلين : مالهم

تارا : طاحو

أيار : فين

تارا :فالحب زيدو خليهم يبدلو تالمن بعد وغانهضر معاهم

تارا أيار وجاكلين خرجو وسميحة خنزرات فسماح وناضو للدريسينغ)
🍀🍀🍀

ندوزو عند زليخة لي خرجات من جناحها الضوئي ..بفستان أسود قصير صدرها دييما خارج..حرة فلباسها … ووقفات أمام باب الجناح المقابل مع جناجها وهو جناح جبار ..ويالاه غادق حيت الباب كايتحل غير ببصمته فقط …حتى وقف عليها عصمان

عصمان : زليخة صباح الخير

زليخة قلبات عينيها بملل وشافات فيه مخنزرة ) عصماان ألف مرة كنقوليك بق تعيطلي زوزو أو زيلي كباقي الشباب علاش زليخة… الله يسمحلك أجدو زيدان على هاذ الإسم

عصمان ابتاسم ) علاش اسم زوين وقيم وبالنسبالي زليخة وغاتبقاي زليخة

زليخة مخنزرة ) عصمان زوزو عيط ليا زوزو

عصمان حركلها راسو بلا )

زليخة تنهدات بملل) : whatever (ومدات يدها دق الباب تاني حتى قاطعها )

عصمان : ماكاينش (زليخة شاف فيه ) هاذي نصف ساعة باش شفتو دخل لجناح جمانة

زليخة : إذن نمشي عند فارس (وتحركات تمشي حتى قاطعها )

عصمان : هو الآخر مكاينش فجناحو شفتو دخل لمكتب عمي جاسم..وسليم هو الآخر مكاينش فجناحو .. وحتى خليل (تمشا تاوقف جنبها) يالاه نزلو غايتجمعو كلهم فالفطور

زليخة تنهدات وزادت معاه يهبطو …🍀الجزء الثاني من قصة #وحش_ذات_القزحيتين 🍀
والذي بعنوان : 👇
🕯 قصة : #عشق_الجبابرة ^🕯
♠ ️#أَحمِـلُ قَلبكَ مَعــيِ : متحولينVsسحرة ♠️
📜الكاتبة : chaymae ouaj 📜
🔮الجزء 30🔮

🍀🍀🍀
نمشيو لساو ميغيل عند ساندرا لي جلسات ساعتان وهي كاتختار ماتلبس …. من بعد طيبات غداها وجلسات تغذا وهي كتشوف فباب بيت جداها ليملي دخلات سداتو عليها ماعاودات خرجات ..جمعات الطبلة ..من بعد رجعات لبيتها..دوشات ونشفات شعرها ليكايديلها وقت بحكم كثافتو مكاينشف غا بزز… وجبدات كل ماكياجها القليل وجلسات طلي وتمسح حيت مكتعرفلوش تقادو أو منين تبداه ….. بقات هكاك لساعات تاتعصبات وناضت غسلات وجهها ..ورجعات جلسات و هزات مرآة ونتاف دلحجبات وجلسات تشوف فحجبانها )

ساندرا:اووف عمرني نتفتهم عنداك غير نخسرهم (شافت فالنمش لي فوق نيفها وتحت عيونها وتنهدات ) والنمش خاس نغطيه اوووف (لاحت كل مكياجها ) مالي على حالتي لي بغاني يبغيني طبيعية ماغانتف ماغانطلي ماغانخبيي (هزات عكر عكرات ودارت ريسيل ووقفات )أهااه وبييخير ( شافت فالساعة لقاتها السادسة مسائا وهي تشهق وهزات الفستان لي اختارت بسرعة لبساتو ..كان فستان أحمر لاسق مع جسدها ..وقصير ..طلقات شعرها البوكلي ولبسات كعب أسود ..ورشات عطرها المعتاد لي كاتصاوبو هي وجداتها برائحة الخزامة … وهزات حقيبة صغيرة دارت فيها هاتفها ..وخرجات كااتختل دازت بالحس على بيت جداتها … تاتمشي خطرة وتحبس تافاتت باب بيت الجدة حلات باب المنزل وخرجات وسداتو بشووية عاد تتنهدات )

ساندرا: أوف جدة غاتعصب لكني مستحيل نفلت حفل عيد ميلادي هه (صونا هاتفها ولقاتو ثيون )

ساندرا : ألو

ثيون : ربع ساعة تلقايني عندك

ساندرا : أغير بلا متعدب راسك تجي تالهنا أنا غانجي عندكم راه أصلا خر..

ثيون قاطعها بصراخ ) لالا قلت لك ربع ساعة غانجي ماتخرجيش تسنايني (وقطع)

ساندراشافت فالهاتف ) لاعاودت دخلت غاتحصلني جدة ومستحيل تخليني نخرج أووف (تنهدات وزادت غادية مع الشارع ..خرجات من الحي ويالاه غاتقطع الشانطي حتى وقف عليها شخص ضخم البنية وأسمر وشكلو مخيف كوولو وشم ..وحسات نايحتو بشيء غريب خلعها )

…. : آنسة ساندرا

ساندرا كتشوف فيه باستغراب) ن نعام ماعرفتكش ؟

الشخص شاف فيها وفحقيبها لي صغيرة مستحيل تهز كتاب ونطق ) خاسك تجي معانا وفين الكتاب !!

ساندرا : شنو أشمن كتاب ؟

الشخص يالاه غاتهضر تاوقفات جنبهم بنت ) حبيبي دريكور تعطلنا أجي (وشداتو من دراعو جراتو مشاو …أما ساندرا بقات تابعاهم بعينيها )

ساندرا : هاء شكون هاذو اووف لحمي تبورش عليا بحالا وقف عليا حاصد الأرواح (تنهدات ويالاه غاتقطع الشارع حتى بدأ هاتفها كايرن كان ثيون ..وجاوباتو)

ثيون: خرجي انا جنب داركم

ساندرا : أحم ث ثيون راني خرجت من قبييلة هاني فالشارع قربت للمقهى

ثيون غوت ) ساااندراا فووك فووووك علاش ماكاااتسمعتيش مني علالاش تسناي تمااا هاني جاي( وقطع)

ساندرا : مالو اووف أكيد بغااا يقولي نتفارقو اوووف

(بقات واقفة مكانها مدة تاوقف عليها ثيون بموطورو ..ونزل )

ثيون وقف جنبها ) بيخيير! هااا

ساندرا مزنكة ) أ آه

ثيون : واش جداك أحم قصدي جداتك عطاتك هذية عيد ميلادك

ساندرا: أ لا مزال تانرجع فليل تعطيهالي

ثيون : واخا يالاه..(عطاها حقيبتة ظهرو شداتها له باش قادلها الخوذة وركبات معاه وكسييرا…

وبعيدا عليهما بمسافة واقفين ناتاشا ودريكور لي معصصب)

دريكور غوت ) علالاش ماخليتينش نااخدها وجريتيني هاااا

ناتاشا : غبي وااحيت ماكاانش عندها لكتاااب أشنووو غاانديرو بيها بلا كتااب هااا ؟

دريكور فهاذ اللحظة شاف ثيون عطاها حقيبة ظهر ) شووووفي أكييد الحقيبة بها الكتاب السحري

ناتاشا : فووك إذن كانت مخلياه عند ثيوون لعبووها علينا

دريكور تحرك غادي بسرعة وناتاشا جنبو ) ماغااانخلييهااش له غاااندييها أناا

ناتاشا : سربي خاس نتبعووهم وماتنسااش ثيون ساحر أقوى مننا بالإضافة لقوتو فتنفيذ التعاويذ هو وخووه آلبرت عندهم قدرة امتصاص طاقة ساحر غيرهم ..وهاذشي علاش ترأسو معشرناا فا ماتكوونش همجي وخدم عقلك دابا لبنت معااه خاسنا شي خطة باش نااخدوها بدوون مايعييق

(وصلو لسيارتهم وركبو وتبعو ثيون)♠️تتمة الجزء 30 ♠️
🍀🍀🍀🍀
السابعة مسائا …

في المغرب قصر آل ستارك …جمانة أميرة والسموحتان مجمعات فجناح التوأم ..وكلهن لابسات فساتين راقية وجميلة …جمانة فستان أحمر لامع ورفعات شعرها كوتشوفال مع ميك أب خفيف وكعب …السموحتان لبسو فساتين بتصميم حورية بحر ..سماح فستان بينك مع مكياج خفيف وشعرها مسرح ..وسميحة نفس الفستان لكنو أسود .. ودارت شعرها بوكلي ….واميرة فستان طويل أخضر ملكي …وجالسات كايفتحو هذاياهم فرحانات ..هذايا من واليديهم وأخرى مرسلة من جدودهم وأخرى من أصدقاء أبائهم …

سميحة : هااح زوينة أنه فأي عيد ميلاد ديالكم (جمانة وأميرة ) أو نتاعنا (سميحة وسماح ) كوولنا كاناخدوو هذايا

جمانة حالة فمها فخاتمها ) هاااح أحسن هذية هي خاتمي

سماح : واييه ذوق فارس زوين أنا جابلي حذاء بينك كيوووت

سميحة شدات يد جمانة شافت الخاتم ) أنا جاني بحال خاتم دزواج

جمانة جرات يدها ) لواه طلاق

أميرة سااهية فالخاتم لي فيديها وألاف الأفكار كايضورو فراسها ) خاس نهبطو راه الحفل فالحديقة وكلهم كايتسناونا ..

تطرق الباب ودخلات عندهم زليخة هي الأخرى متأنقة في فستان أحمر مثير ..وشعرها كوتشوفال ومكياج خفيف)

زليخة : بنات كايتسناوكم فالأسف

🍀🍀🍀

عند ساندرا وثيون لي وصلو حبس ثيون موطورو أمام المقهى لي خدامة بها ساندرا ..ونزلو للشاطئ المقابل مع المقهى …لقاو اماندا وحبيبها مايكل مقادين طاولة وسط رمال البحر .. مزوقة بشموع عليها مشروبات وكيك . ساندرا فرحات وعنقات أماندا ومايكل لي فرحانين لها ..أما ثيون غير كايضور عيونو فأنحاء المكان و واااضح عليه التوتر وكل شوي كايشوف فساعتو . ..أماندا ومايكل عطاو لساندرا هذية وهي فرحاانة شداتها…وكاتشوف فثيون لي ماعطاها والو حتى أنو مامدحش إطلالتها او حتى تأملها …تنهدات وحسات بلي غايقوليها يتفارقو ..وطلقو أغاني وجلسو كايرقصو .يضحكو … جو الغروب والريح خفيفة… ودنيا خااوية كاينين غير هم ..بقاو لمدة ساعة ..من بعد طفات ساندرا الشموع وقسمو الكيك…أماندا شافت فساندرا..)

أماندا : غانمشي لداخل المهقى نزيد مشوربات تقاداو وسهرتنا مزال طويلة ههه

ساندرا : ألا خاس نمشي ظازت ساعة ونصف جدة غاتصعر عليا لازدت تعطلت

اماندا : وامزاال لخاال أصلا كل هذا درناه على قبلك زيدي غير ساعة أخرى

ساندرا : واخا

أماندا : غانمشي للمقهى نزيد مشروبات هه الشارف خلالي سوارت ندير مابغيت

ساندرا : واخا غانجي معاك (يالاه تحركات حتى شد ثيون يدها وشاف فأماندا ) مايكل يمشي معاك خاس نقول شيء مهم لساندرا

أماندا حركاتلو راسها بواخا ومشات هي ومايكل)

ثيون شاف فساندرا ) يالاه خاس نرجعك لدار خاس جداتك تعطيك هذيتك من بعد غاناخدك ونمشيو

ساندرا كاتشوف فيه باستغراب ) شنو كيفاش

ثيون : ساندرا سمعي خاس نقولك شيء مهم بزاااف متعلق بطبيعتك وطبيعتي أحم هانت أنا بحالك وبحال جداتك حنا سحرة كاننتاميو لمعاشر سح.. (يالاه غايكمل هضرتو تاسمعو صرااخ قوي نتاع أماندا ..ساندرا لي حالة فمها فثيون قفزات من صراخ صاحبتها ومشات كااتجري فاتجاه المقهى وثيون تبعها وغير دخلو له شهقو وساندرا غوتات وهي مخررجة عينيها من فظاعة المنظر …كان مايكل لي لاسق فالحيط عن طريق سكاكين كثيرة … أكتر من تلاثين سكين لي مخشيين فكل جسدو وعن طريقها ملسق فالحيط ودمو فكل مكان وهو حال عينيه ميت …)

ساندرا ولات صفراء ولهضرة وحلات ليها فحلقها ) ش ش شنو ه ه ه هذشي

ثيون زيير على يديه وغوت ) دريييكوووور

خرج دريكور من مطبخ المقهى وهو مبتسم وشاف فيهم ) ثيوون عطييني لبنت والكتاب السحري وإلا …

ثيون غوت ) وإلا شنوووو؟ هااا بأشمن حق تتدخل ؟

دريكور : فيسماتوس أنتوباس بيفليس..فيسماتوس أنتوباس بيفليس ..فيسماتوس أنتوباس بيفيليس
(سكت ونطق ) خرجيي ألقطييطة

ومباشرة خرجات أماندا من مطبخ المقهى وهي حاطة خنجر كبير على عنقها وكاتبكي )

أماندا: هئ هئ س سا ساندرا هئ

ساندرا حالة عينيها مصدوومة )

ثيون : درييكوور حبس هذااا أمر

دريكور : هه وشكوون نتاا باش تأمرني (شاف فساندرا ) غاتمشي معاايا ألقطيوطة جبدي لكتاب نشووفوو وإلا صاحبك غادبح رااسها و قدامك

ساندرا : ش ش شنو

ثيون غوت ) درييكوور ميبهار مزاال مااعطاتها الكتااب

دريكور : كدووب لكتاب عندها (شاف فساندرا ) جبديييه أحسن لك (غوت ) جبدييييه

ساندرا فقط كاترعد ومرة تشوف فمايكل لي لاسق فالحيط ومرة فأماندا لي واقفة جنب دريكور وهي حاطة السكين على رقبتها )

دريكور : مابغييتيييش(شاف فأماندا ) ألقيت علييها تعويذة الخضووع وأي شيء قلتووليها غااديرو ..(شاف فساندرا ) لكتاب

أماندا كاتشوف فساندرا وهي كاتبكي) هى هئ عتقيني هئ ماعرفتش مالي مكنتحكمش بجسدي هئ هئ هيء ماكانتحكمش بيدي هئ

Leave a comment