Skip links

قصة : نور الياسين ج 9

 30,190 عدد مشاهداات

🦋🐺نور_الياسين (141)sana mina🐺🦋

البنت فاش كتكون معمرها كحلات عينيها وخا تزينهم بماسكارا او ايلاينر او قلم لكن فاش كتكحل اول مرة الكحل العربي عندو ميزة خاااصة لعين عندو لمسة وحدها ميميزها تاحاجة من باقي مستحضرات التجميل …الكحل العربي اذا زين بيه العين عطاها جمال خاص عربي وخاصة اذا كان لونها غير حتى العين سوداء كيميزها ويعطيها جمال خاص ….ف كيف لوحدة اول مرة ديرو وعينيها لونهم عسلي …قيل ….اذا تكحلت

البيضاء جاورت القمر …

مشات وخدودها حمرا وشفافيها كتعض فيه بتوثر …

‎عيناكِ سيدتي رمزُ البراءةِ

‎عيناكِ سيدتي رمزُ البراءةِ والعفويه

‎عيناكِ.؟ نعم!! انتي يا صاحبة العيونِ العسليه

‎يا من بجمالها لم أرى اي فتاةٍ ولا صبيه

‎يا من تملُكينَ خدوداً بنفحاتٍ ورديه

‎يا من يغارُ الورد منكِ ومن انفاسُكِ. الزكيه

‎انتي وعيناكِ وجهكِ وشفتاكِ النديه

‎صورةٌ من صور الجمال الابديه

‎يا ساحرةٓ القلوبِ يا زهرةً مخمليه

‎كتبتُ فيكي شعري ونظمتُ قصيدةً غزليه ،،

‎عنوانها انتي يا صاحبة العيونِ العسليه(مقتبس)

مع الدخلة لقاو العيالات كل الي كتعرف شي وحدة جلسات حداها فالطبلة هالي دايرة شال على لكرسي تسوليها تقوليك عامر وهي راه شاداه لولدها عندو شهرين …كانت بنية

مصاوبة قدام دار العرس مزوقة والطوابل مفرقين بكراسا ملبسينهم ومزوقينهم …كل طابلة هي اصلا كتهز تمنة تال عشرة ناس لكن كانو فيها ازيد من عشرين وحدة كل وحدة جايبة معاها جوج ثلاثة ناهيك على البراهش …جوج بنيات يلاه قدو …وبعيد بشوي كاين بنية فيها رجال وفيها الجوق المكون من فرقة فيها الي كيغني بكامنجة ديالو ووراه دراري كل عندو الة موسيقية ….مع الدخلة

لفتو الانضار بدخولهم بستة مقادين وباينة فيهم الاناقة والرقي وحتى الاحترام والوقار …حتى تلقات ليهم جدة العروسة وامها …

فاطنة “لابسة قفطان بيض وشال بيض ودايرة طابلية الي عطاتها شي زرورة تشدها تخزنها تم هههه ” : مرحباااا بلالة يامنة مرحبا بال الحاج رمسيس …زيدو مرحبا طابلتكم موجودة …

يامنة : الله يكبر بيك اللا فاطنة …

وصلاتهم حتى لطابلتهم جات معزولة شوي وجلسو كل فكرسيها وحداهم شي عيالات وحدة حاملة كرشها لفمها ووحدة هازا ولدها فايدها عندو عامين حاطاه فوق طابلة ….

مينة : كل الي عندها احسن قفطان لبساتو هههه

سارة : وماشتيش الي عندها عصير الصابون جبداتو و سنسلة المصحف قد سخط …

نوار : اشناهو عصير الصابون ههههه …

نجوى : هو واحد دمليج عريض هااز الوزن كيقولو ليه عصير صابون هنا يا كيديروه يتباهاو بيه فالعرس يا خازنين فلوسهم فيه يعني لا تحزو كيبيعوه …

يسرى : هادشي ماشي غي فالعروبية حتى فالمدينة الناس كتخزن فلوسها فالذهب ولكن دابا ولات البنكة خبي فيها فلوسك ونتي مرتاحة …

مينة : وايه ولكن ضروري متشري ذهب …

يسرى : نوار درتي سنسلتك الي واخذ ليك باباك ؟

نوار : مكنحيدهاش اماما ديما فعنقي درت حلقاتي وگورميطي وخاتمي حتى يسالي العرس ونحيدهم معنديش مع هادشي كيثقلني …”هي كتهضر حتى نتفها داك الوليد من شعرها ” اااي …”ضارت لعندو لقاتو كيضحك في حنكو غمازات محفورين وجوج سنات لفوق وجوج لتحت …شهيب ….” وييينووو

دابا اشنو درتي ؟

هو : اغغ هههههههه و وينة …

نوار : اشنو ؟

ماماه : قاليك زوينة هههه تبارك الله …نتناسبو ؟

سارة : صااافي الي بداوه لاخرين كملو ا علي ولد المصدي ….”ولد المصدي عندهم فدوار كيعرفوه ومكنينها عليه بضحك حيث شمش رجعات لونو قهوي مصدي وهو اصلا سمر كمل والوليد شابه ل🦋🐺نور_الياسين (142)sana mina🐺🦋

وكيف عادة كل دار وكل عرس وعلى حسب المستطاع وحسب مالين العرس اش كيديرو وكل وتقاليد البلاد ومالين العرس ….بدا الجوق كيسخن ويبدا شوي بشوي ها اغنية مطلوقة حتى يتجمعو ناس …دخلو بنات العرس هما الي كيسربيو ….هالي بغات الما هالي بغات كاس زايد ….العيالات هالي بقفطان عاد مخيطاه هالي مزال عروسة جديدة جالسة بقفطان ولا تكشيطة من دهازها وحدا عدوزتها ولويساتها …هالي ب كسوة عاد مخيطاها ودايرة شال ضهرها عريان زعما بنيتات صغار فرحانين دارهم دايرين ليهم الخرقة حيث بدات تعطي لعين وتكبر وكاينة الي مدايراهش وعادي…

يسرى”جبدات من صاكها نشاشة فرداتها وبدات تنش ” : اووو مزموط هنا ياختي …

يامنة “تاهي جبدات نشاشتها ” : واييه صهد شهر سبعة هذا عولي على الحرارة …

مينة : الدار باردة …يمكن حيث الكليما …

نجود : مانبغيها طلقوها كتمرض الله يهدي ياسين طالقها ديما …

يامنة : مااشي هو راه دراري الي طالقينها ونيت فاش تبرد دار دبان ميدخلش …

نوار “تكات على كتف امها ” : نشي مامي نشي عليا معاك …

يسرى : اويلي شفتك بديتي ذوبي …

نوار : غا نشي نشي …امتا دخل كوثر بغيت نشوفها كيف ولات ….

ما هي الا ساعة حتى بدا الجوق كيغني اول الاغاني باش يبدا طرح يحمى …حتى ناضو شي وحدينات مع اول نغمة نقزو وبداو هاك بلاك وتبعوهم البنات كل كتباهى بشطحتها هالي تركز هالي بدات تلوز فديك المؤخرة …وشي شطيح كيديرو هالي تبرد الغدايد هالي كتشطح بالعقل باش تعجب فلانة لولدها هالي متبتة خلاص باش يقولو متبتة هادي الي نبغي لولدي …حتى تمات جايا فنيدة هي وبنتها مريم تاهما لابسين وفرحانين يسلمو عالعيالات هالي تبارك ليها سلامة ولدها الي جا حتى قشعات يامنة وهي تم جايا ….

فنيدة : مرحبااا ب زينين العيالات …

يامنة ؛ اهلا فنيدة …مريم بنتي لباس عليك …

مريم : الحمد لله اخالتي …

فنيدة “شافت فيسرى ومينة ويسرى اكثرية تتشبه ليها نوار شوي مهم شبه واضح ” : مرت لوسك هادي ولا …

يامنة : هي هادي …وهاديك مينة بنتها الكبيرة …

فنيدة : مرحبااا …ضويتو الدوار

يسرى : منور بماليه الله يكبر بيك اختي …

فنيدة : نتي هي ام الزين نوار …

يسرى : هههه الله يزين ايامك هي انا …

فنيدة : مرحباااا …زينة والدة الزين تبارك الله …بنتك دخلات ليا لخاطري …كنت ناوياها لولدي ساعاك مبغاتش …وولدي فحم لعينين مبغاش …

يسرى “شافت فنوار ويامنة ” : وايلي هههه ايوى مكتاب بنتي مزال مخاصها زواج دابا تكمل قرايتها وكلشي بالمكتاب والنصيب …

فنيدة : و ما كرهنا ماكرهنا ويني كلشي بالمكتاب …الله يجبر ابنتي الله يجبر “على رجلها ”

يسرى : اميين امين …

مشات فنيدة حدا العيالات حتى جرتها واحد الوحدة فحال بركات على البوطونة حتى مشات الوسط وبدات تشطح وتشتف وكثيييير شي من ذكرو عبد الغني فالغنا ….وهي تشدها دقة وحدة ماسلات حتى خلات كلشي ميت بالضحك …

فنيدة : واا تبارك الله على ولدي وتبارك الله على دار رمسيس من طرف تال طرف ….هاااادي فخاطر العروسة وامها ….ماتنساااااش اسي الجوق تغني لينا على ولاد دوار وشبان دوار من كبيرهم لصغيرهم ….غني ليا حتى على فحم العينين …”مفراسها را عطا ل ولدها لعين ههه ”

الجوق “فالميكرو ” : سي ياسين زين دوار …

نجوى : هههههه دري فحما الله …

نوار “متكية على كتف مها وهي تبتاسم ” ….

سارة : شكون ميعرف ياسين فالدوار ههههه

نجوى : تبارك الله ….

فاطنة : والعقبة العرس جاي يكون عرسو …

يامنة : هههههه خالتي فاطنة مسكينة …ان شاء الله ياربي …

الجوق : هادي فخاطر فحم العينين ياسين زين رجال …”ضار عند الدراري وعطاهم الاغنية ” …واااااا بغيني واااااا بغيييييني ياااا كحل العيووون بغييينييييي وااااا زين الرجال بغييييين وااااا بغييييني نبغييييييييك ا فحم العينين ياسين بغييييني نبغييييييييييييك “جر جرة فالكامنحا وهما يبدار دراري يضربو ويسر الاغنية بصوته ….

بغييني نبغيييك يالي عمري هديتو ليييك بغييني نبغيك يالي عمري هذيتو لييييك …والعااار عليك ماتخلييني مانخليك والعار عليييك متخلييني منخلييك …وحقي فييك ثمن عيوني شاريييك وحقي فييك ثمن عيوني شاريك …وابغيني نبغيييك يا حبيبي ونولي لييييييك…انا يالييين طبيب نداوي الجرااح ونا يا ليييت طبيب نداوي الجراااح وابغيني نبغيييك وخلي قليبي يرتااااح

مع الغنا دخلات العروسة بالصلاة والسلام ونگافات وراها مغطين وجهها بالفوال واللبسة بيضا باش داخلة …شدات ام داك الوليد فايد نوار …العقبة ليك ابنتي …”شافت ف مينة ” العقبة ليكم بما حسن منكم …🦋🐺نور_الياسين (143)sana mina🐺🦋

داز الوقت ودازو ثلاثة لبسات …ووصلات الوقيتة الي يتحط فيها العشا كانت الساعة تقريبا تسعود الليل …تعشاو بالدجاج محمر وتبعوه السفة والديسير …والموناضة فكل طابلة ثلاثة القراعي …قامو بالعرس والمعروضين كما يجب وخا بنادم كثيييير وطبعا كل واش جايبة معاها …جمعو الطوابل ….

يسرى “شافت واحد المراة جالسة فنفس طبلة ومقابلة معاها …وجهها مبدل باقي صغيرة فعمرها ” : بنتي كتحسي بوجع ؟

هي : شوية …

يسرى : شهرك هذا “شافت كرشها ” كرشك هابطة مقبل ليك قربتي …

هي “العرق بدا يكب منها ” : واه قربت مرة مرة كيزاورني الوجع من دخلت فسابع …

يسرى : عادي هادشي “ناضت عندها قاست ليها كرشها من تحت وبركات …” …خاصك تمشي فحالك فاي لحضة يجيك وجع لولادة وماعرفتي تجيك زحمة …

يامنة : راها طبيبة ديال لعيالات “قالتها بهضرتهم باش تعرفها ” …نوضي سيري وجهك كيبان ليا مجيف …

يسرى : فين غاتولدي ؟

هي : غاتولدني دادا قابلة …

يسرى : هادشي راه خطر ابنتي شحال فعمرك ؟

هي : عندي سطاش لعام …

يسرى : اويلي حي وتولدك داداك واش هبلتي اول ولدة ليك هادي باينة من كرشك وجهك …ابنتي ولدي فسبيطار …

هي : وراجلي مكاينش ف طاليان وانا جيت مع خالتي “حداها عگوزتها ” …

عگوزتها : تولدها جداها راجلها مايبغيها تولد عند طبيب موصي من لهيه …

يسرى : اوييييلي حي اخالتي واش هبلتو باقي صغيرة وتولدها وحدة معندها مقارياش هادشي ؟ اااايه كاع ناس زمان ولدو غا فديور ولكن راها عاد ولدتها لولة وباقي صغيرة ووجهها مكبشر بالخير ونتي عارفاها فاي لحضة تولد جايباها لعرس ؟ هادشي راه خطير …

عگوزتها : مكاين الي يديها لفيلاج …

يسرى : انا نديها انا وراجلي “شافت فالبنت ” اسميتك …

هي : اسميتي نورة …

نوار ؛ قريبة لسميتي ههه …

يسرى : نورة بنتي الى حسيتي بزحمة يعني تجاهد عليك الوجع وشي حاجة مزيراك من تحت قوليها ليا نديك وانا نولدك عار الله متولدكش جداك راكي بكرة فالولادة وباقي صغيرة …الله ياخالتي هاهي “شافت فيامنة ” ولدات ياسين وهي بنت سطاش كانت غاتموت هي وياه كون ما عتقتها …وغير شافيهم الله …

يامنة : جا الله من جيهتي ورسل ليا بنت الناس …راها باقي صغيرة على تولدها قابلة …

العگوزة : الله يكتر خيركم ابنتي ولدي واعر هو الي مبغاش طبيب يولدها هذا الله معاه …ملي نتي طبيبة جابك الله الله يرضي عليك …

جلسات يسرى وهي كتشوف فديك البنت باقي طفلة وكرشها لفمها كتحسر على هادشي مزال عاد قايلة بسم الله ربطوها براجل فين قرايتها فين طموحها …حاضياها كيفاش كتغمض عينيها مرة مرة ومزيويناتها باقي بريئة …حتى قاطع سهوتها صوت النگافة وضارت شافت لوسط لقاتهم حاطين طبگ فيه جوج قوالب سكار وبدات …

النگافة : نبداو بسم الله فالغرامة …هااادي “فايدها خمسين درهم ” الف ريال زرورة كرت الحوسين …وهااادي ميات درهم من عند سمحمد ولد تاغر ….هادي الالة العروسة وامها …عشرالاف ريال من عند ولد بومحمدي …هادو باكية ديال كيسان ب كاسهم الكبير تاع العصير الااااااالة كوثر “العروسة ” من عند فاطنة بنت المهدي …هااادي مانطا باييير مضوبلة ديال شمااال من الفنيدق من عند كريمة بنت المحجوب …وهاادي الف درهم ف جوا الالة العروسة وسي سامي من عند لالة سعاد …زيييد مرحبا

هي كل منطقة واش كدير لكن فهاد المنطقة فهاد دوار عندهم الغرامة كتجي نكافة تدير داكشي الي ذكرت والي جاب شي حاجة كتقولها باش العروسة تعرف شكون الي جاب ومقامها قداش عندهم …

نگافة : الالة فراش صالون ديال دارك كلو هااا فلوسو فجوا ابنتي من عند لالة يامنة بنت الحاج رمسيس …وهادي سنسلة ذهب عيار ربعة وعشرين من عند يسرى مرت ولد رمسيس سيي يوسف و الف درهم من بنتهم مينة “حيث خدامة زررات من عندها اما نوار دخلات مع مها وباها حيث مزال كتقرا ” …ذكرات سارة ونجوى اما الدراري ياسين وباه هادوك ورجال كانو بينهم وبين العريس رجال م🦋🐺نور_الياسين (144)sana mina🐺🦋

سالاو الغرامة وبدا الجوق يغني وصلات وقيتة الحلوة واتاي …الحلوة كانت مشكلة عادية فقط الي زايدة عليها هي انهم دارو البريوات باللوز …اما الباقي كلشي دواز اتاي ومنهم غريبة السميدة وحتى واحد الغريبة كدار بالحمرة وهو دقيق الحمر …(صحية هاد غريبة لناس الي عندهم المعدة ) …وبدا الجوق ثاني ….فهاد اللحضة كانو الدراري خارجين قراب الخزانة شوي كيسمعو لجوق …كانو سكايرية تما ممقربينش ليهم جيهة فيرما ياسين مكيعنب حد قاطعها فيهم هههههه ….

واقف يوسف وصهيب و ايساف والحبيب واشرف كيسمعو لجوق …

صهيب : الله تا ناضي هاد الجوق من داكشي …

يوسف : نوض فيا الهواش وانا بشيبي …اييييه ايام عرسي اش دوزنا …

شافهم الله بات العريييييس جاي فطريق بجلابته حتى بانو ليه واقفين …ومع كيعرف الحبيب حيث خو ياسين و صهيب نسيب دار سارة ….

مبارك : وتا سي صهيب هذا والحبيب …ومالكم واقفين هنا دخلو لخزانة(البنية ديال لعرس ) …

صهيب : مبارك لباس عليك …ماعليش غا خلينا هنا …

مبارك : تا عليا بطلاق لا بقيتو هنا دخلو بركو طابلتكم ديالكم راها خاوية …بغيتي نتقلق ا صهيب …

يوسف : لا تحلف شاااي الحاج …نتا مول الخير …

مبارك : تا على رقبتي تا دخلو ،..وايلي عارضين عليكم وتدروها فوجهي دخلو راني حلفت …

صهيب : حلفتي بطلاق مافيا الي يوقف معاك فشي محاكم منردوهاش فوجهك …مشاو وراه واشرف غادي وعينيه فيهم القلوبة كتابفو كيفيبرييو …خصوصا الجوق جاهم مقود من داااكشي صارع طرح بالبيان ….دخلو لقاو طابلة ديالهم خاوية ورجال نص واقف يشطح وشي سكران راه كيموت محاس بدنيا راسو كيضور مع الاغنية معيط لاص ….ملي جلسو وهما شي

يضرب بايدو وشي ينقر بصباعو …

ايساف : والله تاع الي يوقف يتحير هنا تا يخرج مني زيت المزيت …اررررر اصحبي الراگد خلاتها ديك حلوة انيس …”على فنيدة ” …

الحبيب : وخفت نوضو يصدقو مضورينا سكايرية …

اشرف “نقز ” : ابلييييمييييين تا كيصرعو طرح …

ايساف : تا تكمش راك كتشطح من قبيلة ومارااد البال …

اشرف “شير بايدو ” : ويييلي راه الهوايش اخويا الهوااااايش ….

بدات الكامنجا بشويييي شويييي …وبدا يغني ويقول …تحية ليك اسعييد بوحماااام ومروان وسليم وسييييييييي علال …ااااااه …ومانساش ناس كازا فاس ودكالة وتحية لناس عبدة وسراااغنة وتحية كبييييرة لناس الشلوووح من طنجة تا لگويرة ….ومااانساوش تحية كبيرة لمجموعة بااار 36

بدا يحرك فالكامانجا وحادر راسو …بدا اشرف يفيبري بكتافو وحدر راسو ….حتى بدا …

وااااالغاادي العلوة تعالى نوصيك بعدا …وتحية لعائلة رمسييييييس من هنا تال لازرو …وتحية لالة سعاد بنت الادريسي ولالة سهيلة ولالة ليلى ولالة صفااااء اااااااااه …

واواواواوووواوا ….وااااا مجدوب انايااا وحالي بوهااليييييو وبلالة عيشة بنت سيدي عيني….

اشرف “بدا يحرك كتافو كان حداه يوسف و صهيب وايساف كيشوفو …حتى طلقها بتهرنيطة ” : اووهااااااهاااااااااعع …ايييييييييييييي….ريييييييط اسيدي رييييييط

يااا محسو يااا خوتي حتى طار من حداهم مع بدات العلوة …دار ايديه وراه وحدر راسو وبدا يجذب وعينيه مسدودين تخشا وسط السكايرية ضارو بيه وبدا …

يوسف : وناااري على الكلب فين تخشا …

صهيب : معندك مادير ليه خليييه تا يبرد غدايدو ويبردو عليه عضامو ونسخنوهم …

ايساف : هههههههههههههههههه وناري على مسخوط ….

اشرف “كيضور راسو كي لكورة ترفع عالعالم : نياااععععععههععع …وااااااااواواااااااو عيطة داودية ….سييييييييييير …

يوسف : كتر من هك …تا جر ليهودي هههههه …

م.الحبيب “دار صباعو على جبهته كيضور راسو يمين شمال ” : تهههههه لا حول ولا قوة الا بالله …

ايساف : المعنى الحقيقي تاع توحشنا شي عراسية هي تاع اشرف ….

فييييينهو اشرف غا سالاو جابو جفنة وطلع ليها برك يشتف يشتف مااا كمل تا عروقاتو تكب وتريكوه لصق عليه …

اشرف : من عندييي الله يعطيك صحيحتك اوالله الى ترمة النيبا متجي قدام ترمتي فتلواز …”مع ضار لقاهم كيشوفو فيه …جاب الله مسمعوهش ..”

صهيب : تعالي الشيخة تسونامي شربي ليك ال🦋🐺نور_الياسين (145)sana mina🐺🦋

تقريبا المنتصف ديال ليل …هو اغلب عراس الدوار كيديرو بنهار لكن الاغلبية ساحقة كيبغيو ليل خصوووصا الى كانو شياخ او الجوق …العيالات بداو يتفرقو بكرييييي باش يخليو ساحة لرجال مع الجوق وصحاب العريس …فطابلتهم جات ام العروسة …

ام العروسة : يامنة متنساوش غذا فالعشية غاتكون الهدية باش نديو فطور كوثر لدار ختي الي فجيهة الواد …

يامنة : ضروري زعما هههه

ام العروس : وضروري جيتي كملي معانا تدير الحزام …

يامنة : هههه ومن هنا لحزام منعرف واش نبقى هنا يكون خير …”شافت فيسرى ” تبغي تمشي معانا لفطور ؟

يسرى : نمشيييو علاش لا جينا غانفوجو …

يامنة : ان شاء الله يصبح ويفتح …

نوار “صونا ليها تيليفون شافت لقاتو رقم صاحبتها وصال كتعيط فالواتس حيث نوار لاحت صورة فسطوري لابسة تكشيطة ” : الو …

وصال : الووو نوار …كتسمعيني …

نوار”قطعات ورسلات ليها ميساج ” : تت تسناي نبعد ونهضر معاك …ماما انا نوض وصال عيطات ليا …

يسرى : ابنتي من بعد وهضرو هضري معاها كتبة …شوفي الزرابي كي فيهم الحجر ودنيا مخلطة راه رجلك مريضة …

نوار : تت وغاا خليني ….بغيت نشم شوي البرد راه صهد هنا …”مسمعاتش ليها وناضت هزات جلايلها ودارت عكازها وتمات غاديا حتى شداتها سامية عاوناتها تا مشات شوي حدا باب الخزانة وهزات تيليفونها هضرات مع وصال …

وصال : النتائج قالو الاثنين جاي اصحبتي …

نوار : بصح ؟ ماعرفتي والو على نقط ؟ بغيت تكون نقطة اللولة …

وصال : معرفتش غييي بابا قالها ليه صاحبو فالقهوة …

نوار : ااه صافي دابا نقول لبابا يسول ليا …”قطعات معاها جات ضور حتى حبسات على صوت هضرة شي عيالات ..

وراها بنت عم ياسين عمو يوسف الي ف ازرو …ايييه هي صغيرة خطباتها فنيدة لولدها ومبغاوش درية ضهر ليا مزال كتقرا …

جاي فطريق فداك الليل من مراكش كان مع فؤاد حتى تعشاو وجلسو بجوج راس فراس عطاه اخر اخبار اسامة واخباره هو نيت فاخر لقاء ليه مع مدير البنك …بقاو شوية مورا العشا حتى طلع فؤاد ينعس وياسين فضل يرجع …جاي

وطالق الموسيقى فطوموبيل حتى وصلات اغنية شهلة العياني …جات بين عينيه عينيها المكحلين كيف بينو زينهم وشمس الغروب كيف سنات فيهم عطاتهم رونق خاص …دوز بايدو على قرفادته مرورا بلحيتو حتى دوز بصبعو على شفايفو …ساهيبافكاره الي كتخبط وتمشي وتجي حتى لقا راسو كيدوز على صدره …بحركة لا اراديا …طلق

سينيال وضار لبيست الي كتدي لدوار ودخل من جيهة لاخرا باش ميتصادفش كع العرس وجا الباب لفيرما لور دخل سيارة وضرب دورة حتى ركنها لقدام ونزل منها …جاي ويحل فصدافي القميجة الي لابس مع صهد برا حتى دخل كيحل فصدافي الكمايم ….حتى جاه ميساج …جبدو من جيبو وشعلو لقاه من نمرة جديدة ….

سي ياسين رمسيس نتمنى نتلاقاو فضروف غير نتمنى تدير وقت وتلاقا بيا باش نشرح ليك بالي معارف والو على خوك ميمكنش نديرها ب عشير دراسة وخا معمرنا تفاهمنا …بلا شك عرفتيني عيسى المنصوري وحيث عارفك مكتجاوبش على نماري الي مكتعرفش …

ياسين “كزز سنانو كل مكيسمع سميته كيبغي ينطح راسو من كترة مكيعصبو وخصوصا هو سباب فالي وصل ليه خوه …يلاه بغا يبدا يعرعر حتى سمع صوت انين وبكا خفيف …زاد عقد غوباشتو وتم تابع صوت حتى لقاها فواحد القنيتة فدروج جالسة وجامعة رجليها عندها ودايرة ايدها على خدها ..🦋🐺نور_الياسين (146)sana mina🐺🦋

دايرة ايدها على خدها ودموعها دايزين …جالسة بتكشيطتها الذهبية وضهرها من لور كيتنخصص مع بكيتها …كتبكي بالحس حتى مشا لعندها مخلوع عليها معارفش مالها واش بيها وعلاش كتبكي هاكاك …حط ايدو على كتفها وضار شاف فيها لقا كحل عينيها هابط مع دموع ….

ياسين : نوار ؟ اش واقع ؟ مالك كتبكي ؟

نوار : اهى اهى ….م مالي واااالو …غييير خليييني عافاك اهى …

ياسين : كيفاش نخليك ؟ اجي لهنا بعدا …نوضي وقفي هاديك رجل ماشي ديال تجلسي بيها هاكاك …

نوار : غاااا خليني مااشي رجلي الي كضرنيييي …غاا خليني ماعليش اسمح ليا بلا متشطن هادشي مولفاه مولفااااه “بصوت حنين باكي …

ياسين : نوار بلا متقلقيني عليك وتعصبيني …كلنا عندنا هم ومادام عندنا لمن نشكيو منتعطلوش على مصلاحة صحتنا ونفسيتنا …خاطرك شحال عندو باش يهز دقتك …شنو بيك واش ضرك ؟

نوار “حطات راسها على الحايط ودموعها هوادين …هزات ايدها كترعد وحطاتها على قلبها ضربات تما بشوي ضربات متتالية …وقالت ” : ضرني هنااااا هناااااا هنااااا …

ياسين : وشنو ضرك فيه ….

نوار “شحااال وهي كتجمع فالكلمات باش تقول عاد نطقات بكلام متقطع ” : الي سمعو من صغره وهو كيعاني من كاااع جوايه …وزاد كملها بالي سمع دابا “هزات كتافها ” اصلا هادشي الي كاين اهى وخاصني نتقبلو ….

ياسين “تنهد عليها عزات عليه وماشي معاها بالخاطر باش تقوليه وتفرغ ” : وشنو سمعتي “حط ايدو على شعرها دوز عليه بشوي ” …

نوار “باقي حاطا راسها على الحايط رجعات بيها الذاكرة لفين سمعات دوك العيالات ” …

-وتي راه خطبتها فانيدة لولدها درية مبغاوش دارهم ومبغاتش تتقرا وممولفاش على عيشة العروبية …

-وتي لا “نقزات واحد البنت اسمها عزيزة ” …وراه البنت كنعرفها بنت لوس يامنة ام ياسين …راه ماشي غير مهرسة ورا درية عرجة رجلها ناقصة قالتها ليا سامية قالتها ديك المرة فالحنة …تي تعرفها فنيدة عرجة والله لا دخلت عليها هاديك راه تبغي بنت كاملة مكمولة قاليك …وشكون يبغي عروسة ناقصة من شي قنت …

ياسين “كزز على سنانو كون لقا منيني يدوز لخرا كامل يشعل فيه العافية كمش على ايدو حتى برزو عروق ايديه …غمض عينيه وضور وجهو لجيهة لاخرى حتى كان غايطرطق عنقو جمع نفس وطلقها فحال زفييير …ورجع رخا ايديه وتحنى عندها غير ملامح ديالو لبشاشة وتقبل معاها …خذا وجهها بين ايديه مهبطة عينيها …وشفاهها تحتية مرخية وبين حجبانها داير خطوط حزينة ….” : ششش

نوار سمعي شنو غانقوليك ….غانعاودها ليك ماعليش …مشكيل رجليك هي ميزة وهبة عطاها ليك الله سبحانه باش تميزي عليهم …تواحد فينا مكامل والدليل انا الي كنشوف فيك هاني عندي كلشي كلشي درتو بعرق كتافي لكن ربي عاطيني ضيق الخاطر كنتعصب ونضرب …وهادي ماشي ميزة هادي سوء طبع فيا شي مرات كتنفع وشي مرات خايبة وكتجرح ….

الهضرة الي سمعتي دليل على غيرتهم انك تختاريتي من بين بنات الدوار كاملين وبغاتك لولدها درتي الي هما كاملان وعقلهم ناقص بالتفكير العوج … ماشي عيب نتي عطيتيها جوابك وعزيتي راسك جا منك الرفض شحال من مرة ومجاش منهم الرفض عطيتي لراسك قيمة ومعطاهاش ليك حد …رجلك عندها حل عملية بسيطة وترجعي تمشاي عادي

مغاديش نقوليك كي ناس حيث ماشي كلشي كامل كاين الي عندو عيب مقادر حتى ينوض من فراشو كاين الي ربي عطاه اعاقة العقل تا الهضرة ميعرف يهضرها …اما نتي عندك ميزات الي نتي مشايفاهمش وكتخرجيهم بطبعك وعفويتك والكيوتنيس الي فيك امفششة البنات فعيني ….

نوار “هزات فيه عينيها مجلخين بالكحل وحمرين بدموع …”

ياسين : مادامك بنت يوسف رمسيس ومن عائلة رمسيس عمر ولد ادم مينعت فيك بالخايب ومادامك بنت عم ياسين راكي ورا ضهر يحميك وميخلي شعرة تقاس فيك وديما شانك مرفوع والعز مقامك والدل مقام الي قلل منك …وخا ؟

نوار جاوباتو براسها وهي تمسح دموعها بطرف كمايمها …

ياسين “ممنعش راسو انه يقرب ويحط شفايفو على جبهتها بقبلة حنينة حست بيها داافية خلات ذاتها تقشعر …وقلبها يضرب لكن ماشي كثر من قلبه هو …”🦋🐺نور_الياسين (147)sana mina🐺🦋

كيف ما قال هو صعيب علينا نكونو كاملين فالكمال لله وحده …تاواحد فينا ماكامل ضروري نقص فاي حاجة كانت …نوار عندها نقص فاعاقة فرجليها وعندها نقص انها دغيا كيبقا فيها الحال …فحالتها هي عندها عملية ومتابعة وترجع تمشى عادي جدا لكن شنو الي مخليها الان مدارتش هاد العملية وهي دارهم ميسورين ماديا ومعنويا كيدعمو بعضياتهم فالشدة والحلوة …شنو الان الي مخليها حتى لدابا مدارتهاش ….

نوار كيف قال ياسين دارت الي بنات الدوار كاملات وزينات مداروهش لكنهم ناقصات فكريا البعض منهم لا للتعميم …وهادشي خاصها ترد ليه البال وتلاحض الصفات زوينة الي خلاوها تغلب لا اراديا على اعاقتها البسيطة …

ياسين : اجي حيدي من هنا …

نوار “شافت فيه بمعنى خليني ” …

ياسين : شنو هضرت ؟ يلاه نوضي اجي بعدا من هنا …دخلي دابا يجيو يشوفوك بهاد المنضر تجيبيها فالوالدين بهمك كتر من راسك عليك …حسن ميشوفوكش خاطرهم يمرض كتر منك

نوضها من ديك البلاصة شدها من دراعها وتم غادي بيها بشوي حتى وصلها لصالون وجلسها جاب ليها مخدة حطيها حط ليها رجلها المهرسة فوق منها حتى تقادت ….وناض مشا لطواليط الي تما حل بلاكار الي فيه الاسعافات وخذا منها باكية دوليبران ومشا لكوزينة جاب قرعة وكاس ومشا جلس حداها وهادشي كلو وهي حادرة راسها وساهية في الهضرة الي قال والبوسة الي باسها رجعات فيقات شوي من احاسيسها بقربو ليها ولكن مزال كتكذب ودارة احتياط انه مكاين والى من جهتها باش متصدمش …

ياسين “دار دوليبران فالكاس فيه الما وتسنى حتى تشتش وكمل عاد هزو ومدو ليها ” : شربي هذا …وهاد رجل تبقى هاكا متبقايش تحركي من هنا سمعتيني …

نوار “شربات الكاس وحطاتو ” : شكرا بزااف …

ياسين : علاش ؟

نوار : على الهضرة الي قلتي ليا …

ياسين : هاديك الهضرة كتخرج من فمي لناس الي كتهمني …

نوار “هزات فيه عينيها يلاه بغات تنطق حتى تمات داخلة يسرى ويامنة جايين مخلوعين ومعاهم يوسف ودراري يحساب ليهم توضرات حتى لقاوها معاه فالصالون …”

يسرى “مشات تجري لعندها مخلوعة ” : نوار ؟!! فين مشيتي خليتينا نتسناو حتى تخلعنا عليك ملقيناكش وعيطنا لباباك …مال عينيك علاش كتبكي …

نوار : م انا …

ياسين : رجليك “بغا يضمص الهضرة متقوليهم والو ” …بقيتي كتفورصي عليها حتى جبتي لراسك صداعها …مابيها والو …باش ترجع عندكم مقدراتش لقيتها فطريق وجبتها لهنا …نوار ماشي صغيرة تشطني عليها هي فحمايتي فهاد البلاد مكاين الي يوصلها …

يامنة : لا لا من ناحية توضر قلتها ليها ميخافوش هنا …

يوسف : ودابا شوية بنتي ؟

نوار : احم اه شوية عطاني دوليبران شربتو غادي نبدل ونرتاح …شكرا ي ياسين “جمعات فمها بخجل كتحاول متشوفش فيه …

ياسين : دوينا لا ؟

يسرى : لهلا يخطيك ولدي …تبدلي حوايجك ؟

ياسين “ناض ساس سروالو وشاف فيهم ” : كل يطلع خليوها تبدل ليها …

ايساف “تم مقرب ليها ” : الكريمة شطنتي عليك قبيلة ابنت الخال …

نوار : ههههه غزيت فيك …

ايساف”دوز على لحيتو كيتحلف ” : الى بقات فيييك ابنتي …

نوار “خرجات ليه لسانها وكحلها باقي مجلخ ”

ايساف : مسحي ديك العجب الي دلح فعينيك نهار كحلت لالة مولاتي ساحو القناتي …

ياسين”نطق بصوت مجهد تا قفزت نوار ” : ااشريف طلع هضرنا لا. ؟

ايساف : ها ؟ اه هاني لا حنا مزال خارجين شوي …”تحنى باش يبوس راسها حتى شدو ياسين من دراعو زير عليه ” احح تا بشوي اناري مالك اصحبي اي صباعك حفرتي ليا دراعي …”خرج فيه عينيه وهو يقلب دورة وزاد لحق على لاخرين حتى يوسف خرج باش تبدل عاد ي🦋🐺نور_الياسين (148)sana mina🐺🦋

وشحال قد الواحد يكابر ويحارب فالاحاسيس فالاخير هي الي كتغلب عليه كيما كانت وكتخرج شحال قدك يا ياسين تعافر فالاخير مبقيتيش كتشوف غيرها هي فبالك وتفكيرك سيطرات عليه حتى وليتي تنطق بكلام هي سبابو …نوار مفششة البنات فعينيه هو …ياسين قليل تعبير عن ما بداخله لكن كثير الافعال باش يبين الاحساس ديالو لداك شخصي الي اجتاح كيانه …

شمس جديدة فالدوار من بعد ليلة العرس سالا بكري بالنسبة لعيالات وكل مشات فحالها ناشطة وهالي تعيب فالعرس والعروسة وامها وهالي تعيب فالتنضيم والي تشكر وعجباتها العروسة هادي هي حال الاعراس المغربية …حلات عينيها على لمسات من صبيعات ام حنون ام غير امها وشكون من غير محنة يامنة عليها من بعد يسرى …

يامنة : بنتي فيقي ….

نوار “شحال حتى توضحات ليها الشوفة ونطقات بصوت باح بنعاس ” : صباح الخير خالتو …

يامنة : صباح النوور حنينة …يلاه نوضي تمشي معانا …

نوار “ناضت بشوي حتى تقادت كتحك فعينيها ” : فين ؟ معامن …

يامنة : غييير انا ونتي وياسين صاافي …

نوار “باستغراب ” : كيفاش ؟ علاش فين ماما ومينة وبابا ولاخرين …

يامنة : يسرى مشات لسبيطار مع ديك البنت جاها لوجع وعيطو ليها مشا معاها باباك ودراري مشات معاهم مينة لداك الكوري ومشاو لواحد الكوري اخور بعييد بطوموبيل فين كاين بيبي و بلاصة كرموص النصارى (الهندية ) تشهاوها دراري حيث مبقاتش كلها تضربات بقات غي فديك الارض داهم بّا ومشات معاهم مينة …مبغيتيش تنوضي ورجليك متيمحش لديك البلاصة مخلاهمش ياسين يديوك

ايوى وياسين بغا يديني لمراكش لشي غراض وقاليا تمشي معانا منها نيت تفوجي فمراكش ونشوفو فين غايديني …

نوار”بفرحة من القلب ” : مرااكش واخا انا نغسل ولبس …

يامنة : قولي شنو بغيتي نجبد ليك بينما غسلتي تلقايهم محطوطين ونعاونك انا واجدة ابنتي لابسة هو مشا يوصي شي خدامة ويجي نتحركو …

ابتاسمات ليها وهي تنوض بشوي مشات تغسل وجدات ليها شنو وراتها كسيوة بوردو فيها وريدات فالابيض نص كم طويلة وسبرديلا بيضة رجعات من دوش لبساتهم (طبعا غير فردة سبرديلا وحدة ) ومشطات شعرها ضفراتو ليها …رطبات فمها ودارت احمر شفايف بارد لونو رشات بارفانها الفاني المفضل عندها والي عزيز عليها حيث هدية من باباها فاول ما ولات كتستحق هدايا الصبايا (يعني فاش كبرات وولات تقدر دير ريحة ديال بنات كبار وبلغات اول هدية خذاها ليها من تم عجباتها وهي الي كدير وهي الي كياخذها ليها ديما هو )…

لقات يامنة عند الباب كتهضر فالتيليفون مع فؤاد …

يامنة : شوي يجي ياسين دابا ونخرجو …

فؤاد : قضيو الغراض الى ساليت نشوفكم ماسهلش الله تغرب الشمس ملقانا …

يامنة : وخا ان شاء الله ..شربتي دوا ديالك ياك …

فؤاد : الي عندو يامنة ينسى !!

يامنة : الا ههههه

فؤاد : تهلاي ليا فراسك …

قطع معاها وهي ضور عند نوار الي كانت حداها غير وقفات سمعو صوت السيارة جايا كان هو جاي خرج ايدو من شرجم شير ليهم داير نضاضرو ووقف خرج من سيارة بحطة جديدة هاد المرة قميجة كحلة نص كم مبينة وشامو الي فدراعو …وسروال فصالة كحل مقاد كيف ديما شعر الكثيف لور راجع بجيل ..مشا حل باب السيارة لور حتى تمات جايا شادا فيها يامنة خذا من عندها العكاز ودخلو لداخل جنبها …

ياسين : صباح الخير …

نوار “بخجل مبتاسمة ” : ص صباح الخير …

ياسين : شوية ليوم ؟

نوار : اممم اه شوية الحمد لله …

ياسين : هادشي الي بغيت …

دخلات بغات تغرق فحوايجها مصدومة من طريقة هضرتو الي غاديا وكتبدل وغادي وكيزين كلامو معاها بشكل غير طبيعي …ركبات يامنة وركب هو وانطالقو فاتجاه مراكش الحمراء الي ماهي الا نصف ساعة حتى لقاتهم فيها ….

خذا طريق اخرى ومشا واحد المسافة حتى وقف قدام centre d’addictologie اي مصحة الادمان لعلاج الادمان ب مراكش السملالية …ووقف …هز الفرانامان وحل سانتيغ ضار شاف فيامنة …

ياسين : نزلي …

يامنة : فين ؟ “هزات راسها قرات البلاكة غرغرو عينيها …” لااااا ميمكنش …بصح ؟

ياسين : شنو قلت ليك ؟

يامنة : منبكيش منبكيش والله ،..

ياسين : غيير هضرت مع طبيب تشوفيه شوي وخرجي متعطليش ماشي فصالح ديالو وخا صحتو تقريبا مزيانة …

يامنة : منتعطلش غييير شوفة فيه نهضر معاه منقول والو غير نشم ريحته ونخرج عند وعدي اولدي كون هاني …

ياسين “قبط ايدها وباس كفوفها ” : غير فوجي ليا فنفسك ميخصني خير …نزلي …”ضار شاف فنوار ” …بقاي هنا ندخلها ونجي عندك ..

نوار “بابتسامة خفيفة ” : اوووك …

نزلات يامنة وضارت شدات ليه فدراعو متأبطاهم حتى دخلها عيط لطبيب فتيليفون وخبرو فين كاين بطلب منو خصصو واحد طبلة فجردة تما حتى دخلو شوي وجلسات فالكرسي …خلاها وصا عليها ومشا بقا مع نوار متبقاش وحدها …

يامنة “بقات جالسة على اعصابها كضرب بصباعها فوق طبلة بتوثر حتى تحطات ايد على كتفها هزات راسها وهي تنوض على وقفتها دارت ايدها على فمها …ضعاااف على كي مشا شعرو طوال على تحسينة الي دار ليه ولحية الهي ناضت لابس سورفيت نص كم فالبيض والكحل …” : يااا ولدي حنيني “تلاح عليها عنقها حتى زيرات على دراعو وكمششششااات فيهم …”

اسامة”بصوت ب🦋🐺نور_الياسين (149)sana mina🐺🦋

عنقاته وعنقها عناق شي خمسة دقايق ولا اكثر وهما معانقييين هو كيحيد شوقه لمو وهي كتحيد شوقها بشوفة ولدها ….تقريبا شهر وهو بعيد عليها …الايام دازت وهي كل ليلة تبات تبكي بالحس ودعي يسر امره ويتشافا ويرجع ليها بيخير …الكبدة صعيبة والى تضررات اصعب وميعرف بهادشي غير الواليدين والي غايجرب الكبدة وحرها …

يامنة “طلقات منو وشدات وجهو بين ايديها ” : ضعافيتي اولدي …

اسامة “ابتاسم وسط دمعتو مسحها بالخف ” : هههه ضروري راني مكناكلش ماكلة الحنانة الي كتغلضني ..

يامنة : هههه ترجع ان شاء الله وتاكل تا تعيا …

اسامة “قبط ايديها وخشا وجهو فيهم كيشم ريحتهم ويغمض عينيه ” : من هاد اليدين عمري نشبع عمري ..”قطرات دمعة من عينو عليهم حسات بيها يامنة …”

يامنة : اساامة عاافا ولدي متقهرنيش …خوك كيوصي ويعاود الى بكيت مغانبقاش نشوفك …عافاك سكت اولدي انا راضية عليك دير الي دير غير شد همتك ورجع ليا…

اسامة : كوني هانية غانرجع حسن من الي بغيتي …سمحي ليا والله مكان لخاطري مبغيييتهاش لراسي والي عطا الله عطاه …باش نقولها حفت ومرضيتش …ولد فؤاد يتبلى خايبة فحق بويا خاايبة ..

يامنة : شش الي فات مات …ياك دابا مزيان احنينة …

خلاها كتسنى فيه وخرج كيزرب لعند نوار فالسيارة دخل لقاها شادة تيليفونها وكتسمع بالكيت …غير حل الباب ودخل وهي تشوف فيه ابتاسمت وحدرات راسها مقدرات تهزو فيه …

ياسين “حاضيها من مراية السيارة كيفاش حادرة راسها وصباعها كيفاش كيتحركو ببصمة الهاتف …وشفايفها كيفاش كتعضهم بتوتر باش ميبقاوش يترعدو والحركات العفوية الي كدير من خجلها …حتى ضار وحط ايدو على معصمها باش تشوف فيه حبسات الاغنية وشافت فيه دغيا وخطفات نضرها لهيه ” : شنو التاريخ باش تحيدي الباندة ؟

نوار : اخر السيمانة الماجية …

ياسين : مزيان …عجباتك الفيرما …

نوار : بزاااف كلشي فيها زوين مكتملش منها …

ياسين : تقدري تعيشي فيها حياتك كلها الى بغيتي …

نوار “هزات كتافها ” : نقدر لكن قرايتي الى غانزيد نتبع شي حاجة اخرى كلشي عندي ففاس …اما نقدر اي حاجة مع الوقت كتولفها…

ياسين : نوار علاش مدرتيش عملية لرجلك ؟

نوار “حدرات عينيها بحزن ” : حيث كنخاف …

ياسين “كمش حجبانو ” : من اش ؟

نوار : من العملية عندي فوبيا جوج مرات حاولت نديرها فاش كيجيو يديرو ليا البنج كيطلع ليا طونسيو بالخلعة …حيث العملية عرفتها كيفاش كتكون خفت منها مقدرتش حاولت جوج مرات وكان خطر عليا حتى مبقيتش درتها …

ياسين : وعلاش مدرتيهاش ملي كنتي صغيرة …

نوار : فاش عرفو نوع العملية هي كيهرسو ليا العضم ويديرو حلقات فركبتي وهاد تقنية هي الي خاصاني كيقولو ليها اليزاروف كيدخلو سلوكة فاش كيهرس طبيب العضم ومن بعد عشر ايام العصم كيبدا يتجبر وياخذ طول الي بغاو حتى كيوصل لطول رجلي لاخرا وتقاد … بابا مقدرش خاف ديك الوقت وكنت كنبكي بزاف يعني ثلاثة المرات …

ياسين : فهمت …المشكيل الي عندك هو نفسك ممتصالحاش معايها معندكش الثقة لا فراسك لا فالله سبحانه وتعالى …ماعليش مشكيلتك عادية ماشي شي اعاقة الي تخليك تفقدي الامل خاصك غير العزيمة ويكون الخير …

نوار “هزات كتافها بحزن ” : عاادي ولفت …”حكات شفايفها ”

ياسين “هاد الحركة كتخليه سارح فيها كتصرف بحال وليدات صغار وخا هضرتها زوينة وكتشرح من نيتها وعندها الخاطر لناس لكن لراسها معندهاش مسكينة …محسش براسو حتى هز صبعو ودوزو على عينيها مسحهم ليها من دمعة الي كانت على الطرف …وحط كفو على حنكها ” : عينيك خاصهم لمعة الفرحة ماشي لمعة القرحة انوارة البنات …

نوار “خرجات عينيها من بلاثتهم بسرعة ورجعتهم حناكها حس بيهم طابو وسط كف ايدو …حتى تفافات وبضربات قلبها زادو ضاعفو حس بيهم من صبعو صغير الي تحط على وريدها …” : احم اه وخا صافي …

ياسين “قوس حجبانو وعض شفايفو ..كتسالي معاه بهاد الحركات” : الصبر الصب🦋🐺نور_الياسين (150)sana mina🐺🦋

سالات يامنة مع اسامة حتى عيط ليها ياسين باش تخرج معطلاتوش سلمات عليه ورضات عليه وهي تخرج لقاتو واقف قدام سيارة متكي كيكمي فالگارو شافها ولاحو عسف عليه طفاه وضار حل ليها ودخلو ديمارا سيارة ومشاو نيشان … خرج بيهم شوي على مراكش وطلع بيهم لاوريكا باس يتغذاو تما ويبدلو الجو …دخلو لواحد القهوة جنب الواد مبردة تما …صونا تيليفونو …

ياسين “خلاهم جالسين فطبلة كيشوفو فمناضر الرحمن الطبيعية ..” : يوسف

يوسف : تا مشيتو لمراكش …

ياسين : اش بان ليك …

يوسف : شافتو ؟

ياسين : شافتو …حنا فاوريكا دابا

يوسف : اارسول الله …”ضار شاف فيسرى ” وتي راهم فاوريكا …

يسرى “بقلق ” : وايلي نوار …

ياسين “سمعها وعرف قلقها ” : مزيانة معندك مناش تهزي الهم …عطيها ليا …”مد ليه يسرى تهضر معاه ” …الهم معندك مناش تهزيه عارف راسي اش كندير وعارف فين حاط رجلي وفين غادي بخطاويا …

يسرى : تهلى اياسين. راك عارف …

ياسين : هي عينيك وعينينا تاحنا متهزيش لهم لراجل عارف صواريه وحافضهم وهاز لهم لكبيرة وصغيرة قبل من راسو راكي معاشراني ومخرجاني لدنيا على ايديك …

يسرى “حسات براحة من كلامه ” : لهلا يخطيك …

يوسف “عطاتو تيليفون ” : وتا رد ليا البال لاخر عنقودي …

ياسين : هنيتي عليها …”قطع معاه وضار لعندهم …”شنو تغذاو ؟

يامنة : الي بغيتي …نوار …

نوار : الي بغيتو …

ياسين” عارف شنو بغات حيث اخر مرة فاش خرجات هي ويوسف وهو عرفها عزيز عليها شوا فحالو تاهو …خلاهم ومشا طلب ليهم الغذا ورجع مشا بعد شوي جبد الكارو وتقابل مع الطبيعة كيكمي وشوف وفنفس الوقت تفكيرو ساهي ويخمم وبالو مااا هاني …حتى كمل ورجع حداهم جلس شد تيليفونو كيشوف فيه …”

يامنة : فؤاد قاليك تانشوفوه فالعشية لهيه …

ياسين : عندو ميقضي حسن ليه يتدها صباح كان كيجري شحال ما جرا …

يامنة : غير نرجعو ويرجع لاصال ثاني الي فالدار ولامارش لكن مشكيل عندو مشية لموسكو خاصني نمشي معاه …

ياسين “هز فيها عينيه ” : وايلي …

يامنة : والله …عندو شي خدمة ..

ياسين : متعطلوش فالرجعة …

يامنة : ونشوفو على حسب خدمته …

ياسين : حاولو وصافي …”شوي حتى جابو ليهم الغذا مشكيل مشاوي وكفتة كطليط جوج صواني كبار عامرين بشلايض ماركان وسلاد الخضرة مصلوقة والروز وطون ومايونيز وصينيك اتاي مشحر كيف طلبو …وموناضة كبيرة لنوار ديال كوكا …

نوار “نسات راسها حتى نطقات ” : ااحح الله وكاان …”بصدمة خطفات شوفة فياسين لقاتو عوج فمو وضور راسو لجيهة لاخرا كيحك لحيته …” اههههه تحمست هههه

يامنة : ههههههه بصحتك بصحتك …احم انا نوض نغسل ايدي اولدي ونجي …

ياسين : نوضي ميمتي …”ناضت مشات تغسل ايديها وحدر راسو فتيليفون …ونطق ” …هذاك الحماس ديال دابا ماشي وقتو عندو وقاتو وبلاصتو ا بنت الجواد …(على اح …وقولو ثاني مفهمتوش)….

نوار : هاا …كيفاش …

ياسين : كولي🦋🐺نور_الياسين (151)sana mina🐺🦋

غسلات يامنة ايديها وتمات جايا جلسات حداهم سماو الله وبداو ياكلو فجو حميمي بين الام وولدها وجو خجول بين نوار وياسين ويامنة وجو دافي جو مخلط ومتوتر ايضا …تغذاو حتى شبعو وناض ياسين غسل ايديه عاد ناضت يامنة ونوار يغسلو ايديهم …

في هاد الوقيتة كانت مينة مع الدراري خارجين فين بغاو يشوفو …حتى دخلو لواحد الفيرما فين كاين كرموص النصارى او ما يعرف بالهندية …

مينة : وابراكة الهبيل من ماكلة الكرموص …

صهيب : راك غادي تعصم اهيا داك …

اشرف : حق ربي تا توحشتو شحال مكليتو ..

محمد الحبيب : راك مليتي ثلاثين وحدة راه فيه العضام غادي يضرك …

اشرف : اخليني عافاك …

ايساف : ونجيك صراحة والله تا عسل …

مينة : ولكن الى كتر منو راه غايعصمو …غايدير ليه القبط …

صهيب : بليمييييين وتعصمتي تنخرجك لزنقة فك راسك ولا نعيط لي كيسرحو الواد الحار ….

ايساف : هههههه

والو والله ما تصنط ليهم …بقا وحدة تابعة لاخرى حتى ضرب النص فالصندوق ومزال باغي المزيد حتى عيا هداك الي كيحل ليه الكرموص ههههه

كملو غذاهم وارتاحو تا شربو ليهم اتاي وطول هاد الجلسة وهو حاضيها كيفاش تعابير وجهها تبدلو …حس بيها مرتاحة فهاد الخرجة نفسيتها فوجت شوي من كلام البارح الي سمعات عالاقل نعشات دماغها وريحاتو من الهم …كيفاش كتصور مع يامنة وكيفاش كضحك معاها وعينيها يتغمضو كيتفكر الكحل كيفاش جاها وتكشيطة كيفاش جاتها وعينيها …حتى نطق بلا ميحس …بشوي …

ياسين : عينيها طيحو الي ما يطيح …

ناضو بثلاثة تمشا معاهم وهما غادين كيشوفو فطبيعة والواد ودنيا زوينة تريح القلب …

يامنة : صورتي متوري لصحاباتك هههه

نوار : ههه كنلوح فسطوري كيشوفوهم تاهما باغين يشوفو مراكش …

يامنة : بلادنا زينة كلشي فيها زوين من طرف تال الطرف …

نوار : زويين هنا بزاف …انا نصور هاديك البلاصة عجباتني …

ياسين : ردي البال لرجليك …

نوار”ضارت ابتاسمت ليه ” : وخا وخااا …

يامنة “قربات لياسين حتى عنقها حاضين نوار غاديا بشوي كتعكز حتى وقات كتصور …وتضحك فاوديو فواتساب مع البنات الي كيقراو معاها وخا هي ماشي صحبة معاهم معندهاش شي صديقة قريبة من غير ختها مينة ولا امها …

يامنة : ياسين خاصنا شوي ونمشيو دايرين مع ام العروسة على قبل الفطور غايديوه فالعشية مورا العصر …

ياسين “شاف ساعته وهز عينيه كيسوف بعيد …” : وخا هي دابا نتحركو …

يامنة : مالك ساهي ،..

ياسين : ساهي وما ساهي كنفكر اميمتي من نهار حطيت رجلي هنا فبلادي هاد المرة تغيرت حياتي والي وقع وكيوقع وشلااا اميمتي …

“شاف فيها ورجع شاف بعييد ” : وتادي خاصهم يتبتو …

يامنة : المعنى …

ياسين “باس راسها ونطق ” : تحركو فيا حاجات الى درتهم غاتكون فالحرام لاقرب الناس ليا الي مخاصش يدارو ليهم …”زعما بداو فيه شي تصرفات ديال فينما يقرب كيحس براسو باغي اكثر من بوسة كا مثال باش نوصل المعنى ” هادشي علاش نفكر…ونتصرف …الحلال الي مصدعاني بيه قرب وجدي راسك …

يامنة “بغات تضحك ومزال ممستوعباش ” : فهمني الله يرضي عليك …

ياسين “تنهد ” : مبغيناش ندخلو فالحرام بغينا نديرو الحلال …نويت الزواج على سنة الله الحنانة …هذا الجهد واقيلة …

 

#تصبحن_على_خير….المعنى واضح ال🦋🐺نور_الياسين (151)sana mina🐺🦋

طبعا كلام مفاجئ صدر منو هو شخصيا الي عاد مكاملش شهر باش قال مزال بعيد شوي على زواج …لكن كيف كنقولو حنا غييير كنقول والنصيب كيدير خدمته هي ديالو …شكون قال تبدل فكرته ؟ طبعا هو ماشي من النوع الي كيقول معندي مندير بزواج …لااا هو شخص نقولو اكثر ميول للبلدي …نهار يحس براسو باغي زواج مكيترددش مدام نطقها الا ودرس وفكر ومزال كيدرس غي الحاجة الي فيه مكيعطيكش راس الخيط حتى كيقوليك شنو كاين ….شخص فحال عندو وعاطيه ربي دراع وقاري وصل فين بغا ومزال كيطور فراسو شنو الي يمنعو ميفكرش فالزواج …شنو تحت راسك ااا ياسين رمسيس…

يامنة “فاجئها لا بل صدمها بقات كتشوف فيه بلا مترمش بدوك العينين الخضرين عندها ” : ياسييين !!…

ياسين : شنوو !!!….

يامنة : واش بصح كتهضر اولدي ولا كتفلى ؟؟

ياسين “جمع حجبانو ” : هاد المواضيع الجدية الحنانة فيهم تفلية ؟ …

يامنة : عاد كنتي كتقول زواجك بعيد اش تغير …

ياسين : هاديك وقت وهادي وقت نتي عارفاني مكنقول الحاجة حتى كنعرفها ونتاكد منها …

يامنة : وشنو الي خلاك تحس انك غاطيح فالحرام وبغيتي زواج …شي علاقة هادي ؟

ياسين : دوزنا ودزنا من هادشي معمري طمعت شي وحدة ولا عطيتها وعد من ديما انا عقلي شرقي باغي الحلال نيشان حتى نكون عارف راسي قاد بمرتي الي غانتزوج بيها ونتيسر وهاني قلت ليك نويت لا بغا الله …شنو المشكيل …

يامنة “حطات ايدها على حنكو فرحانة ماقداها فرحة ” : ياااا ولدي الحبيب وشحال تسنيت هاد نهار حتى شكيت عمرك متزوج من ديما ماجل ولا رافض ولا ساد الموضوع احسن خبر خذيت فحياتي من بعد نا بشرني ربي بولادتك ورجوع صحة فؤاد …

ياسين : على هاد الفرحة ندير الي يدار باش نشوفها فعينيك …

يامنة : ههههه الله يرضي عليك ايوى شكون سعيدة الحظ …

ياسين “يلاه ضور وجهو بغا يقوليها شكون حتى عيطات نوار ليامنة …”

يامنة : بنتي مالك …

نوار : مغانمشيوش باش نمشيو نحضرو لهدية الي قلتي ليا …

ياسين : مابقاش عاجبك هنا …

نوار “بخجل عفوي “: اههنه لا لا بالعكس واعر هنا عجبني بزاف بعدا غيرت الجو وفوجت لهلا يخطيك …غير بغيت نشوف داك الجو قبل منرجعو فحالنا …

يامنة : افين ترجعي فحالك …

ياسين : فين ترجعي ،

نوار “لولبات عينيها فيهم ” : هاا قبل منرجع فحالي لازرو …

ياسين : حتى الفيرما فحالك “حك لحيتو قبل مينطقو كان سبق هو ” …يلاه تحركو نمشيو …

خلص الغذا ورجعو لطوموبيل ركبو وانطالق بيهم لدوار …مسافة الطريق حتى كانو مع اذن العصر بمدة …لقاو الكل كاين حتى من يسرى كاينة كانت واقفة هي ويوسف كيهضرو ويشوفو تما وصهيب معاهم هو وسارة وولدهم اما نجوى مشات لدارهم …

يوسف “نزلات نوار وجات لعندو عنقاتو بجنب ” : اخر المصران وليتي شتك تسافري دوري بلا بيا اش تما ناوية الغدر …

نوار : اوو فلتي عليك واحد جوج صينيات تاع شوا كطليط وكفتة من داااكشي فاوريكا …

يوسف : زيدي صدميني اش تاني بلا بيا …

ياسين “تم جاي ونطق ” : هاد المرة انا معاها بلا بيك …

يوسف : ايوى الله يكبر بيك احفي🦋🐺نور_الياسين (152)sana mina🐺🦋

دخلو لدار جماعة لقاو دراري لداخل الا جوج فيهم واقفين كيهضرو …حتى وقفو عليهم فالصالون دخلاني …

يوسف : مالكم …

م.الحبيب : كيبان ليا نتحركو انا وايساف نطلعو لازرو صباح خاص نكونو فالخدمة واحد الزبون جاي من فرنسا ميمكنش نخليو الياس وحدو عليه الدق تما …

يوسف : واش العمراني !! هذاك مزال مجايش حتى لشي يومين على الموعد الي عطانا …

ياسين : معندكم فين غادين هاد ساعة دوز يومين ورجعو …نتا ايساف يخرجو العيالات واجي معانا نتحركو لفوق فالصالون عند الوليد نهضرو …

ايساف ؛ ضروري ؟…

ياسين “خرج فيه عينيه ” : لامتا فنضرك ؟

ايساف “حدر راسو وعاود هزو فيه ” : واخا وخا اخويا …

يوسف : من بعد وهضر مع ايلاف باش يرجع لمغريب …

ايساف : الوليدة بقات وحدها تما هو جاي ليوم فالليل …

ياسين “شاف فساعته” : مزيان حسن …

فالبيت المجاور كانو جالسين كل من يامنة ويسرى وسارة ونجود الي كيبدلو اما يامنة فضلت تبقا بهادوك الي جات بيهم حتى صونا ليها فؤاد باش طلع عندو لفوق بحكم جا وطلع نيشان …

يامنة : انا نطلع عند فؤاد ونهبط بينما كملتو توجادكم …طلعات هي عند فؤاد تشوفو وهما بقاو يوجدو راسهم باش يحضرو لهدية ويمشيو معاها وخا فالعشية كانت معطلة كيسميوها فطور العروسة …قدام الباب فديك الجليسة …فاش بغات تدخل لقاتو واقف هو ومبنة ومضور وجهو عليها ….

نوار : العزي تاعي مالك …

اشرف : الصمت …

نوار “شافت فمينة ” : مالو ؟

مينة : هههه مقلق منك مخاصم معاك …

نوار : وعلاااش اخويا اش درت ليك …

اشرف : الصمت …

نوار : غاتبقا طلع ليا ف vu قول مالك اش كاين …

اشرف هز راسو لسما وضورو لهيه كيمص فالحامض ويرمش فعينيه وهي ما فهمت والو كتشوف فاختها الي شرعت ليها ايديها وشيرت ليها ليه زعما منك ليه ودخلات تاهي لحقات عليهم باش تبدل حوايجها …ومشات هي جلسات حداه …

نوار : شريفو خويا مالك اش درت ليك …وغااا قول مالك نعرف غا اش درت …ونصلحوه …عااايشك مكنحملكش فاش كتنخلني …

اشرف : اختييي مامنخلكش انما الواحد مزيان يعرف قدر نفسه ويجمع راسو …مادرتي والو …

نوار : اش تتقول يا… كيفاش الواحد يعرف راسه …واهضر ازمر …

اشرف : قاليييييك واحد المثل …من عاشر قوما اربعين ليلة صار منهم …

نوار : انا جلست غا سيمانة هاد ساعة باقي ليا ربعة سيمانات تقريبا ونقفل ربعين ونولي منهم 🙄

اشرف”ضار خنزر فيها بدوك العينين البيضين ” : ايوى الله يمسخك نتي راه غا يومين وليتي منهم عارفة البقرة امتا تولد وحتى منين كتولد “كيعد ليها بصباعو ” وحتى كيفاش تا حملت …

نوار “تزنگت ” : غااااا يسمعك ياسين ولا بابا ولا شي حد فعمامي يا مك تاتاكلها فجلدك …الله يمسخك …

اشرف : علاش سبقتي ياسين هو اللول عليهم مالك ما قلتي فؤاد الوليد …

نوار : مافهمتش …حيث هو مول شي هنا …

اشرف “خبط ليها كتفها تا غوتت ” : ابليميييييين تا وليتي من هاد المكان عاجبك وعجباتك سكنى وعاجبك تعامل ياسين معاك الغذاااااااااااارة الغذارة …وليتي تمشي تسافري لاوريكا بلا بيا ؟ نزيد يومين تبلوكيني من واتساب وفيس وجيهة الي فيها انا تخويها “ربع ايديه ” كانت عندي عشيرتي هاهي غاا سافرت تبدلت اما الى تزوجت تبلوكيييني …

نوار “قربات ليه وحطات راسها على كتفو ” : والله منصيب نفوت خويا والله الى غير فقت لقيت خالتو عند راسي قالت ليا خرجتو ويلاه معانا ما فخباري واالو والله …

اشرف : تعيطي فتيليفون ….قولي لداك فحم العينين يتسناني ولا لا راه خويا الكبير هذاك …اش نقول قاليك المثل الحبيب حبيب والديب ديب و القهوة تبدل كي يتزاد عليها الحليب و اللي فيه مرض الغدر مااا يداويييه طبيب…

نوار”هزات فيه راسها ” : المعنى “صغرات فيه عينيها ”

اشرف : غديديييرة ماشي بعيد تزوجي فرمشة عيني وقولي اه🦋🐺نور_الياسين (153)sana mina🐺🦋

نضحكو ونفوجو ونساو همنا بمجرد منبدلو المدينة ولا نسافرو فينما كان غير نبدلو الحيوط الي كيفكرونا فالي داز علينا والي مزال غايدوز علينا والمشاكيل الي خليناها ورانا وجينا نساوها ولو غير شوي هاحنا قد ما جلسنا وبعدنا مرحوعنا لنقطة فين حبسنا وضمصنا مشكيلتنا مؤقتا حتى نرفهو على نفسنا ونخويو فين يعمر ثاني لانه الى بقينا هم على هم كيحمل الواد ويفيض وديك ساعة ماحنا عرفين شنو غايجرا وشنو غايوقع …لهذا ايساف خذا ليه عطلة بفكرة من الياس وخوالو لاخرين باش ينفس على راسو من هاد المشكيلة الي طاح فيها حتى هو فلحضة طيش…واش مخبية ليك الايام يا مول الدم الشامي الفلسطيني والعرق المغربي الي كينبض فيك ….

فؤاد “من بعد ما هبطات يامنة ومشاو طلعو هما لفوق عندو …داير ايدو على لحيتو وجالس ديك الجلسة رجولية بهيبتها …كيشوف ويسمع شنو عرف …ماهضرش ” …

ايساف “حادر راسو …”

يوسف : دابا المشكيل اخويا هو انها قالت احم “حشم ” هي مقاوماتوش غلبت عليها سخفة ومهم راك عارف …

فؤاد : بحثو على اصلها …

يوسف : طبعا وهاني عاد غانقولو ليكم هي بنت مراكش …عائلتها مافحالهمش عندهم غير هي وماتو بقات غير هي لاوحتها ليام حتى جات لفاس سولت على البلاصة فين كتكون قالو ليا كتبغي غير متاكل وتلبس معمرها طلبت كتر …كانت باغا تخدم تاحد مبغا يخدمها …

فؤاد : ونتا اش بان ليك …

ايساف : انا ناوي الحلال مع بنت الناس هي معندي مندير ليها خاصني نصارح ديك بنت الناس وهي نعطيها لفلوس …”

محسش براسو حتى جاتو تصرفيقة الضو بان ليه ضرب جوج مرات ماحتال يهز راسو جاتو تاني وتالتة لاخرين مقدروش يتحركو …بقا يعطيه فؤاد يعطيه وهو متحركش حتى طوش ليه دم من منخرو وكون ما ياسين تدخل وجرو كون بقا يعطيه تايبان ليه مقامو فين كاين ….

ياسين : الوليد تهدن …

فؤاد “كزز على سنانو ” : وهاديك بنت الحرااام ؟؟؟

ايساف “عطاه يوسف يمسح دمو اما صهيب دار ايدو على جبهتو وحدر راسو ” …

يوسف ؛ تهدن اخويا صحتك …

فؤاد “هز صبعو ” : الى هي ممزياناش حنا مزيانين عندنا بناتنا تاحنا يقدرو يغلطو يحفضنا الله …لا ربي يبغي هادشي لا عبدو …منبغيوش لبناتنا منبغيوش لبنات الناس تاهي دم ولحم …

صهيب : احم ولكن اخويا هي كتقول كلشي برضاها تاهي بغات …يعني قانونيا متعداش عليها الى مبغاش يصلح غلطو من حقو …الغلط انه شرب هاهو كيتحمل نتيجة …

ايساف “الصمت” …

فؤاد “طلق من ياسين ومشا لايساف عطاه جوج طرشات اخرين وايساف مااهضرررش مهزش فيه العين كمش على ايديه على شكل بونية تا خرجو عروقو ووجهو تزنگ …محمد الحبيب وقف من شاف المنضر حاضي غير باه لا يتعصب ويمرض ..” : هادي لفمك الي تحل لحرام …تربية واليديك مشات خلا …شنوو ذنب داك السيد الي ولدك ”

كيضرب على صدرو ” حياااتو معرضها لخطر على قبلك نتا وخوك …مك شافت الويل عليكم هي وياه باش توصل بيك لهاد قلة ترابي …غلطتي صحح غلطك تزوج هاديك بنت الناس وسترها من بعد وطلقها ولا شوف اش دير …ماتخليهاش عيب وميسوف فيها حد …حتى هي بنت تسع

شهور ومها شافت الهم وولداتها كي ولداتك مك وخا تكون تاهي غالطة …

ايساف “هز فيه عينيه ” : كيفاش !!!

ياسين : الوليد عندو الصح هي غالطة ونتا غالط وخا برضاها كتبقى فمجتمعنا بنت ولومة كتمشي عليها هي …الى عطيتيها لفلوس غاتبغي الي يسترها وبيني وبينك قليل الي يبغي بنت ماشي بنوت منك ومني وجبد الى جابتها ضروف والمكاتيب ديك ساعة الله واعلم …هي وزهرها ….الى هي

ممزياناش ربي فاتح باب توبة تقدر توب على غلطها لكن شكون غايقبل عليها من بعد ؟ تاحد …صحح غلطك تزوج بيها من بعد مدة عطيها براتها وعاونها تشوف حياتها ..الى تعاونا مع بنات الناس ربي غايجيب الي يشوف من حال بناتنا …كما تدين تدان …

فؤاد “صدرو كيطلع ويهبط …هز صبعو وشير ليه ” : السيمانة جايا جيبو البنت تعقد عليها وقبل من هادشي تفاهم مع الي نويتي معاها الحلال قبل وهضر معاها …”ناض خلا ايساف صدرو تنفخ باغي🦋🐺نور_الياسين (154)sana mina🐺🦋

فالعادة عند كل عائلة وكل بلاد وكل قبيلة …العروسة فاش كتروح عند راجلها الغد ليه كيجيبو ليها واليها يعني اهلها هدية كاين الهدية الي كتجي من العريس هاديك اسمها الدفوع كيجيبو فيه دهاز العروسة الي شارين ليها اهل العريس والعريس فيه كل ماتحتاجو من حوايج واستعمالات في حياتها زوجية دخل بيها جديدة …وحتى البهيمة يعني حولي باقي حي …وكاين الفطور الي كتجيبو ام العروسة الي فيه كادويات او هدايا العروسة الي منهم شرات ليها امها والي جابو ليها الناس ( هاكا عندنا وماعرفت كل واش كيدير ) وفيه حتى الطياب …طنجرة الروز بالحليب والقرفة وطنجرة عامرة بدغميرة الدجاج وطنجرة فيها دجاج محمر مفروق على دغميرة وطنجرة اللحم بالبرقوق كبااار حاطينهم فكروسة سايقها العود وكروسة لاخرا فيها الكشتريات او الهدايا …جايين بالضرب والغنا عيالات بيناتهم حتى وصلو لدار العريس فين رايحة العروسة واستقبلوهم بزغاريت والمريشات فيهم ماء زهر وروايح ها ريفدور ها ريحة الخاريج …

نوار “جالسين فصالون العيالات كانو غيي قلال ماشي كتار حتى قشعات صينية فيها قالب تاع سكر وفوق منو زيف فيه قطيرات دم ” : ما ماما اش هذاك …

يسرى : فين ؟

نوار “نعتات ليها ” : راااهو …

يسرى : هههه هذاك ابنتي غا قلة العقل هنا وصافي …شوهة بنيتي شوهة …

نوار “ضارت عند مينة ” : فهمتي شي حاجة ؟

مينة : ههههه هذاك صباح ديال العروسة …

نوار : اا صباح !! واش داك الي كت …

مينة : هههه اه هذاك …

نوار : اويلي ماما شوهوها اويلي علاش هذاك دم كيخرج بزاااف “وجهها هرب منو الدم ” …

يامنة : ههههه هذاك راه مسخ عندنا فهاد دوار …داكشي ضروري يخرج ابنتي ماشي حيث توعتي ( انتي ايامنة ا سكتي لا نفكر مك فداك سطل الي نزل منك سيدي فؤاد ) …

يسرى : كيختالف كاين البكارات انواع ايامنة على حسب كاين البكرة الي ماكينزل منها حتى دم …

يامنة : هاداك المشكيل عندنا كيشكو فبناتهم شحال من بنت قتلها باها غير بسوء الفهم والجهل …

جات العروسة بزغاريت لابسة قفطان بيض بلا حزام طالقة شعرها ولابسة بليغة بيضة ورجيلاتها منقوشين سلمات بايدها مدخلينها بزغاريت وصلاة وسلام وبداو يغنيو ويضربو بيناتهم …شوي حتى هزات ام العروس الي صغر من يامنة …

الصينية فوق راسها وبدات تشطح بيه مع الاسف فبعض المناطق ماازال هادشي رغم انه هادشي كيبقى بين الراجل ومراتو لكن هما عادتهم باش كيحسو ان بنتهم رفعات راسهم وبقات محافضة على شرفها …

اصباح صباح ماليه …الملحة والسر عليه …صباح صباح ماليه …الملحة والسر عليه …هاهو فوق راااسي لا تقولو ديال لفرماااسي …هاهو فوق الثلاجة لا تقولو ديال دجاجة …

نوار : اويلي شوهوها اماما …”باقي مخلوعة من داك دم الي تتشوف ” …اننن بزاااف …وزعما …

مينة : مالك تخلعتي …

نوار “بغات تهضر وهي تجي كوثر العروسة جلسات حداها …” : اههه كوثر …

كوثر : العقبة ليك احبيبتي …

نوار : اهاكا لا مبغيتش اختي شكرا …

كوثر : ههههه هاني قدامك عادي موقع والو معندك مناش تخافي ماشي غير تشوفي دم يحساب ليك قتلني ولا ضرني بالعكس حيث باغيني ودار بحساب الدم الي بيناتنا …

مينة : ولد خالتك ياك .

كوثر : هههه اه ولد خالتي …مزيان جيتي انوار. حيث غذا فالصباح يقدر نمشيو لكازا مبغاش نبقاو عندو الخدمة …

نوار : بصح …ايوى الله يديكم على خير ومبروك عليك …

كوثر : ديري وعطيني نمرتك نبقا نهضر معاك متقطعيش والله الى دخلي لقلب حسيتك ختي …

نوار : هههه ربي يخليك …نعطيها ليك دابا نيت …

اييوى عطاتها النمرة وداز الفطور بالضحك ونشاط والغنا ونوار دور دورة وطل على داك القالب الي فوقو سروال ويزيد اللون يهرب من وجهها وكتقول انا الي باغا زواج وهان🦋🐺نور_الياسين (155)sana mina🐺🦋

مع اذان المغرب خرج فؤاد يصلي ومن تم طلع لمراكش تاني يبعد على تما بينما تهدن لان فعلة ايساف لا تغتفر انه رجع يشرب وارتاكب غلط حس بحال الى ولدو هو الي غلط …هضرتو على صواب ومكينطقها حتى كيعرف ان الله حق وهو ديما مع الحق ولو على حسابو …وكيف كيقول منتعداوش على الناس بلا موجب شرع ميجيش الي يتعذا علينا …من تما خرج يبرد على راسو ويتهدن قالها ليامنة حتى رجعات من الفطور وعاود ليها ولكن هي ماجادلاتو ماقالت والو تكتمات على الامر حتى يرجع وتفهم ويقادو الامور …

اما فهاد اللحضة واااحد العزي الهبيل عاد شداتو وجعة فكرشو ويضور ويلالي …

اشرف : واربااااااي ….غانمووووت …

نجود : نوض شرب ليك معيلقة زيت رومي ينفسك …

اشرف “ضار لعندها ” : هههه الوليدة بلاش شوهة حنا وسط العباد …

يامنة : اشمن عباد راه واليديك حنا نوض شرب دوا الي صايبت ليك …

يسرى : مكاين تا صيدلية قريبة نكتب ليه دوا …

اشرف “هز ايديه فوق راسو ” : صااااافي كلشي غايعرفني تعصمت …

نوار : ههههههه هههههه “جمعت فمها حابسة ضحك عيات تحبس ” …

اشرف “ضار عندها مشربن ” : تهجريه تهجريييه نتي دابا تجي نوبتك وتعصمي ..

نوار : الله يحفضني الحمااار …

مينة : هادشي دارو ليك “قربات حداه وعطاتو لراس ” قلة العقل وراس القاصح مكتسمعش اولدي ضربتي صندوق ديال الهندية وااا شد “صونا تيليفونها ” نمشي نجاوب على خدمتي عاله وعسا رجع لقاك تنفستي …

اشرف : واربييييي وكنحس بصاروخ بغا يخرج مني وشادينو فالحدود …اش ندييييير …

نجود “غوتات تا طار ونزل ” : نوووووض ا ليهودي شرب معلقة زيت لا نوض ليك …وسير خرج ضرب دورة لور تايدور ليك زيت فكرشك…

اشرف : هنن صافي صافي تغوتيش امي هاني …

يامنة : سارة متجيش دابا وصهيب مكاين لا هو لا يوسف كلهم طلعو لمراكش اما سارة ترسليا لباربة من دار تقادات كنديرها لفؤاد عصبر ولا شلاضة هي الي طلقو …

خرج اشرف من الكوزينة شارب معيلقة زيت كاع وجهو مخسر …وخرج مشا مورا لفيرما المصيبة نسا التيليفون باش يضوي ومعرفش منين يشعل ديجانكتور الي تما غادي ويتسلت …ما زغبو الله بقا غادي تا عسف على ديل الكلبة باقي صغيرة ويااا ميمتي غا عسف عليها وهي دير واحد صوت بالخلعة وقف يابس …

اشرف : يااربي تكون غا خريتي الي غوتت …يااربي …”طلق وذنيه حتى سمع صوت غرررر خعععععع …” حتى طلقاتها الام بنبحة ما حس براسو تا طار لربي الي خلقو ونقز واحد تنقيزا وطلقها بغوتة …

واااعوووووو ولااااا عتقققق وعتاااااااااااااااق واااااااااامااااي يايايايايايايايييييييييي ا ييييااااااا مااااااي عنعنعن ولااااا مبغيت والو مبقيتش بغيت نخراااااااااااا واااا عتقناااااااي وااعنعت “وجهو مبقاش كيتفسر فمو تل مبقا بغا يتسد وعينيه

تشرعو واحد تشريعة ولات كتبان ليه الحياة قدامو والموت وراه غادي وينقز فداك الضلام وينطح فهادي ويتعكل فهادي والكلبة تابعها حتى سمع صوتها ودارت اننن اوووو …غي شافت ياسين شير ليها وضربات ضورة مشات فحالها …ما وقفو غير صدر ياسين الي خرج فيه وباش ميبقاش مخلوع عنقو وخشو فيه ….

ياسين : ششش صافي راه مشات اش قربك ليها نتا كاع …

اشرف : اخويا راني بغيت نطير كنقلب على ضو لقيت الموت …

ياسين : زيد زيد …هاد قلة العقل الي فيك ماغتحيبها ليك فين راها مشات غا رجع …

مشا يساين سبقو وهو شد كرشو الي بذات كتحرك باش يمشي لطواليط حيث زيت فاش كتشربيه خاصك تمشي وتجي باش يضور وتمشي لطواليط يسرحك من القبط حتى تشربي شي حاجة الي طلق ليك كرشك وترطبها …

اشرف “داز من حداها كيخنزر بانت ليه جلست وحدرات راسها حيث شير ليها ياسين ” : شفتي الكلبة بنت الكلب طاولي على سيادك اش تيوقع ليك ؟ “ضرب بدراعو ايدو فحال شكل هاهو غا هو بزق ليها (قلز ليها ) ” …شديييي ها متسواي هاكي الفق#تتمة_البارت_155_نور_الياسين….

مشات يامنة لكوزينة هي ويسرى منها يطيبو منها مجمعين عيالات بيناتهم خلاو نجود دخلات تصلي العشا ومينة دخلات تكمل شي خدمة بزربة مع الفريق ديالها وتشوف ايمايلاتها …اما نوار بقات مع اشرف الي كل مرة داخل لطواليط ندم مسكين على النهار الي كال فيه الهندية والخلعة تاع الكلبة باقي شادة فيه مسكين …اما هي شدات تيليفونها ودخلات لانسطا كتشوف وتهضر مع البنات …حتى خرجات مينة وهي تجلس معاها …

نوار : باقي هذاك السروال الي شفت قبيةل بين عينيا …

مينة : الجهل وصافي …

نوار : وااويلي شوهوها …ههههه قالت ليك حيث كيبغيها ما قصحهاش تعامل معاها مزياان ههه ضريفة كوثر بزاف …

مينة : واييه تاهي تستاهل …ونتي ومعامن لاقاك الله …

نوار : ولد خالتها…”حدرات راسها ” وكيبغيها من صغر ههه “ابتاسمت بحرقة باقي منساتش مسكينة مع المدة غادا وكتعايش ” …من دمها …”تفكرات ديك بعد من دمك لا يطليك ” هههه

مينة : هههه “مبغاتش تزيد تهضر حيث عارفاها خذات قرارها “….ابتي الله يجيب لينا تاحنا الي يتهلا فينا وميفورصيش علينا ويبغينا…واحد اشرف شفتو سمط …

نوار “ناضت ” : اح انا نشوفو ياكما خرج برا تاني بحرا تنفس من خلعة الكلبة ههههههه قتلني بالضحك …بغيت نسرح وجلي من صباح وانا حطاها هاكا …اجي نجلسو فجليسة الي برا مهوية …اجي نوريك تصاور اوريكا …

مينة : اييه فكرتيني …انا نشوف الباطرون باش جاوبني نسق معاه ونتبعك …

نوار : اوكاااي …

مشات مينة لبيت ونوار هزات عكازها ومشات حتى قربات توصل الباب ديال برا حتى لقاتو واقف فطوالة فضلام عاد هابط ولا كان هابط وسمعها اش قالت ولا الله اعلم …

نوار: ياسين احم انا غانخرج قدام الباب …

ياسين : مزيان …”تمشات وتمشا هو حتى قرب لعندها وشد فكتفها بايدو ” …تسناي …

نوار “وقفات على نيتها ” : شنو …

ياسين “هز خصلة من شعرها رجعها لور دوز بصبعو على حنكها بشوييي حتى هزات كتافها بتبوريشة خلات قلبها كيزدح …هبط لوذنيها ونطق بصوت خفييييف وخا هكاك غليض وخشن فحال فحيح مجهد …” : دقة دقة كيدخل صعيب شوي وخروجه حنيييين …لا كان غاا معاك الله يطلينا بدمنا من راس حتى لجذر …

“حنحن ومشا فحال مكاين والو وما خاصو تا خير هههه خلاها وراه بالدعقة بغات تمشي صدقت راجعة هههه ”

#ت🦋🐺نور_الياسين (156)sana mina🐺🦋

#فلاش_باك

فالوقيتة الي كانت نوار كتهضر مع مينة على عراضة فطور العروسة واالسرواال الي شافت كان هبط من االفوق كي عادته عاد غاسل من تمارة النهار ….جاي باش يخرج يتاصل بدراري يعرف فينهما حتى وقفو كلامها مع اختها مع صالو جا فطوالة الي كتدي لدروج ….ووقف كان جاي اشرف ….

اشرف : واااكو…

ياسين”ضور وجهو مخنزر فيه حط صبعو على فمو ” : ششش “شير ليه براسو باش يرجع فين كان …

اشرف : هااا …”ضار مشا ” اي اصلا ضرتني كرشي

ياسين بقا طالق وذنيه حتى سمعها شنو قالت وكيفاش نطقات كلمة “من دمها” رجعات بيه الداكرة لسخانة الي شدتها كيفاش نطقات ديك الكلمة هذا يعني انها سمعاته فاش قال بعد من دمك لا يطليك الي قالها بدون ميقصد كلمة او جملة عابرة دازت من فمو بشكل عام يعني تفادي المشاكيل العائلية لا غير …والجملة ديال خوفها من ليلة الدخلة …

#الرجوع …

قاليها فوذنيها بصوت فحييح الي بورشها …ديك الجملة والمعنى انه يصلح غلطو ديال نطقه بجملة بعد من دمك ومنعا يوصل احساسو الي بصح كيحس بيه بدون لا شفقة ولا غيرها احساسه الي شحال وهو مقاتل معاه بين الحقيقة والكذب …حتى حس بيه صادق …والمقصود من كلامه دقة دقة كيكون صعيب وخروجه حنين اي المعنى ليلة الدخلة الي خافت منها يعني هو ترجم ليها الهضرة الي سمعت ولكن واش فهمت شي ولا لا هي غير الحركة الي دار زعزعاتها والهضرة الي قال بقات ضور ليها فوذنها مافهماتش معناها بالضبط شنو قصد بيها …

مشا هو لكوزينة لقا عليهم سلام ورجع خرج لبرا …

نوار “حتى دخلات على مينة وجلسات حداها كتحك فراسها حناكها بغاو طرطقو ” …

مينة “كتهضر فالفون وتشوف فيها ” : واخا شوفي نوال واحد سيد عيط ليا فاش كنت شادة طريق غانعطيك المعلومات الي عطاني عاافاك نسقي معاه بعد غذا يدوز عندنا …اووكي شكرااا …قطعات وشافت فنوار …امالك …

نوار “ماهياش هنا باقي تحت تاثير تخدير هههه ” …

مينة “ناضت لعندها ودار ايديها على وجهها ” : ششش بنتي …واااهيا …

نوار : هاااا …مالك …

مينة : مالك نتي فين سارحة ؟

نوار : واحد دابا كنت غادي نشوف اشرف حتى تلقا ليا فطريق …

مينة : شكون الي تلقا ليك …

نوار : ااا ما احم والو والو غا تلفت ملقيتش اشرف وصافي …احم يلاه تخرجي قدام دار …

مينة : نوااار …اش واقع …شوفي وجهك كي حمر اصحبتي اش شفتي واش سمعتي راني عارفاك زهرك كيطيح غا سميع الكوارث كيما كانو …

نوار : ماسمعت والو واااالو كون سمعت كون قلت ليك براكة من الاسئلة …فففف بغيتي تخرجي يلاه …

مينة “بقات شحال مربعة ايديها كتشوف فيها ” : تت الي بغيتي زيدي نيت تنفسي وجهك بغا يطرطق تقولي شفتي جن …

مع ردات هي ويسرى العشا يطيب جلسات حداها فصال امونجي قدامها صينية اتاي حتى لحقات عليهم نجود وحلسات تكب ليهم اتاي …

يامنة : ميمة كبي كاس اتاي نديه لياسين كاين فجردة لور…

كبات ليها كاس ديالو هزاتو دارتو فصينية مع كاس ديالها وحطات طبيسيل فيه فاكية مشكلة …هزاتهم وخرجات ضارت من لور لقاتو جالس فواحد طبلة تاع الخشب مع الفيرما كتكون كلها توجيهات وكلها ضايرة بيها ارض كبيرة … هو مستغلها وزارع فيها ….

يامنة : بكري …

ياسين : حنانتي …

يامنة “مدات ليه كاس اتاي حتى شرب منو شوي وحطو دار صبعو على حنكو ورجل فوق رجل كيهزهز فيها ساارح بخيالو …” : الي بغيتي تزوج بيها هي نوار ياك اولدي …”حبس برجليه 🦋🐺نور_الياسين (157)sana mina🐺🦋

حبس الحركة ديال رجليه “هاد الحركة كيديروها ديال تبقاي تهزهزي فرجليك في حالة توتر الشديد ” …ونطق وهو باقي كيشوف قدامو …

ياسين : …شنو الي خلاك عرفتيها هي …

يامنة : تصرفاتك معاها اولدي كلشي عندك سواسية حتى ليها هي مميزة عندك بشكل كبييير التصرفات الاخيرة تاحد ميقيصها تا حد ميقلقها تا حد فرجال ميشوف فيها …هادشي شفتو فعينين باك معايا …الغيرة اولدي الغيرة خلاتني نتاكد من قرارك بالزواج وخا مكنتيش رافضو بالمرة لكن كنتي ماجلو بايام اولدي فكرتك ولات من التاجيل للتقريب …

ياسين “حرك ايدو ” : هانتي قلتي اش كاين …شنو نزيد ….الهضرة الي قلت زيدي عليها هادشي الي لاحضتي ومزال الخير …

يامنة : ياكما شفقة !!

ياسين “عقد غوباشتو حتى تحرك الفك ديالو ” : اش هاد الهضرة ؟

يامنة : حيث على احم على رجليها …

ياسين : على شنو بيها رجلها ؟؟ رجلها عادية ماشي اعاقة هاديك الحاجة الي عندها الحل ماشي اعاقة …فنضرك شخصيتي مكتعرفيهاش ؟ مكتعرفيش انه مدام كانوي الحاجة الا وهي الي بغيت ….نوار وليت كنشوف فيها معايا كا امراة ماشي كا بنت عمي ….

كنشوفها هي الي غاتماشا مع طبعي هي الي خلقت ليا جو فحياتي فضرف وجيز بطيبتها عفويتها ضحكتها عينيها بكاها خوفها احترامها اخلاقها …مكنشوفهاش ختي وبنت عمي …

يامنة : قلتي بعد من دمك لا يطليك والبنت سمعاتك وعرفتي مشاعرها …

ياسين : هاني عرفتهم …كاين واحد المرحلة اسمها اعادة النظر واحد الوقت كتعزل فيها راسك ممكن تتلاشا الافكار وتولي غير هضرة تسمعت …ممكن تفيقك على شي حاجات كنتي غافل عليهم والاوصاف الي بغيتي تلقاهم فداك الشخص الي فيقك ….

يامنة : شنو زعما بغيتيها من اول ما شفتيها …

ياسين : من اول ماشفتها كانت غير مميزة …فالدار لفتات انتباهي بميزتها كا بنت عمي مختالفة علسهم لا غير …بعد من دمك لا يطليك “هز ايدو ” غير جملة دايزة قلتها “شاف فيها ” شكون هذا الي باغي المشاكيل مع العائلة من غير مسخوط الواليدين ….

يامنة : نوار لدابا باقي معارفاش واش سمعتيها وباقي عند بالها مشكيل ناديا …

ياسين : من احسن ماتعرفش انني سمعتها البنت عازة نفسها بنفسها عندها عزة نفس لدرجة خلاتني نرد ليها البال من الاول انا حاس بيها عندها معايا شي حاجة …عزة نفسها مخلاتهاش ماشي دلات راسها ليا …الى عرفت شنو قالت فاش كانت مريضة نضرتها لراسها غادي تهرس اميمتي …مشكيلة ناديا سوا فهمت غلط او لا معندهاش علاش تحاسبني ديك ساعة مابيني وبينها والو نوار …

يامنة “ابتاسمت ” : نوار حركات فيك الي ميتحرك وخلاتك تبقى هنا بلهلا يطريه ليك …

ياسين “حط ايدو على ايدها ” : نوار شهلة العينين فعينيا انا وفشوشها العفوي خلاني نرد ليها البال …وخا مفششة صبارة وخا متصبرش كدرب راسها باش تصبر عندها عزيمة …نوار الي معمري كنت فبالي نديرو وليت كنديرو معاها ….كنشوف فيها لدرجة نتزوج بيها باش نديرها فعيني لالة البنات ….

يامنة : هو فرحتيني وفنفس الوقت خايفة ميبغيوش يوسف ويسرى عرفتي شنو نوار تولي مرت ولدي البكر ههههه بلا متعصب ولكن وعودي ليها بالضحك غايصدقو …

ياسين : هاد الوعود اميمتي قتلو بنات الناس وصدمو بنات الناس ماشي كلشي وعد ووفى كاين الي وعد وخلف وتسبب فالي ميبغيه لا ربي لا عبدو …الى بغيت نوار راه غير ربي كتب وكنتو سباب …”جمع حجبانو ” …علاش ميبغيوش يوسف والخالة …

يامنة : ههههه حيث يوسف عينيه هي نوار ديما كيقوليا ولدك فزعي بزاف باز لهادي الي غاتكون مرتو …

ياسين “تكا على لكرسي تسرح حك شفايفو بسنانو ” : نوار فعيني امراة ماشي بنت عمي ولا ختي …من ورا زواج غايتجمع فيها كلشي …نوار هي الي نعول عليها فحياتي حيث عكس شخصيتي …يوسف يحصل ليه ويحصل ليا شرف نتناسبو …خليه عليا …

يامنة : ايوى هنية عليك الله الي قلتو هو الي صدق هههههههههه

ياسين : الحنانة …

يامنة : صافي هاني هاني …وطلقني هضر معاه خليني نفرح بيك دغيا …

ياسين : قبل ميمشي يديها فراسو يفكر بخاطرو …قبل من هادشي مولات الراي وشوار هي اللولة خاصها تعرف هي الي عندها الحق هي الي غاتزوج ماشي يوسف …

يامنة : اش نقول يوسف ميلقاش ماحسن منك يسرى من اولك عزيز عليها هي الي جابتك لدنيا اشمن نسيب حسن من🦋🐺نور_الياسين (158)sana mina🐺🦋

مع صوت الديك حلات عينيها بنت الدوار القديمة كنة رمسيس اللولة لاالة يامنة مرات سيد رجال فعينيها وام فحم العينين …مع صبح الحال صلات صلاتها وقرات شوي من الذكر الحكيم ونزلات كيف العادة لقات نجود فالكوزينة هي وفؤاد وباها مصطفى كيشربو قهوة كحلة وفؤاد شاد الايباد كيقرا فيها وفنفس الوقت كيهضر مع ايلاف …

يامنة “باست ايد باها ” : با صباح الخير …صباح الخير عليكم …”شافت ف فؤاد الي غمزها بخفة بلا ميشوفوه ” …ههههه…عاد جيتي

فؤاد : ماشي بزاف …

مصطفى : نتي تعطلتي ابنتي …

يامنة : غا بقيت سهرانة مع ياسين من بعد ما تعشينا بقيت كنهضر معاه حتى داز عليا وقت النعاس ..انا نوجد الفطور …

مشات توجد الفطور حتى استاذن فؤاد باش يخرج يكمي …ناضو البقية قبل ناضت يسرى ويوسف هما لولين عاد ناضو لاخرين الا ايساف والحبيب الي خرجو مشاو لازرو فالصباح بكريييي …

يوسف “عند الفطور ” : فين ياسين ؟

فؤاد : عندو ميقضي …

يامنة : طليت عليه فبيتو صبااح ملقيتوش …

مصطفى : وا ضهر ليا راه مشا عند مالين الحركة …

نوار : شنو هي الحركة ….

مصطفى : بنتي هي تبوريدة كيضربو بجويجة

يوسف : الي كيركبو فوق العود ويضربو بالمكحلة الموسم الي دينك ليه …

نوار : حلف بالله فين كاين …

مصطفى : عاد اليوم البدية ابنتي …

يامنة : ياكما غايركب معاهم فالعود …

مصطفى : لا ماشي ليوم تالغذا راه عاد جابو رحيل من ولاد شرقي (ولاد شرقي كانو كيفوزو بالمراتب الاولى ف التبوريدة كاين دكالة كاين بزاف القبايل هاد ولاد شرقي ف اقليم قلعة سراغنة …معروفييين بالتبوريدة عندهم بنات كيتبوردو تاهما ) ….راه جايين تا البنات غايسبقوهم هما لولين ….

نوار : بنات !!! سعداتهم عااافاك بغيت نمشي انا ومينة …

مينة : الا ياااا اسيري كيضرني فراسي داك ضرب ديال ديك مكحلة ….

ياسين “دخل عليهم ” : صباح الخير …

فؤاد “هز فيه عينيه ” : عاد دابا …

ياسين : شفت دوك الخيالة راك عارف…

يامنة : جلس تفطر …

ياسين : مرحبا ….نغسل ايدي بعدا …

جلس كبات ليه كاس ديالو ومد ايديه لماكلة من بعد ما سما الله …حتى حنحنات نوار …

نوار : امم ي احم …

يوسف “متكي نصو شاد الفون هز فيها عينيه” : طلقيها بنتي طلقيها …

ياسين “شاف فيها ” : شنو تم …

يسرى : واش بغيتيه راه غاتعمري تراب ورجلك ضاراك مهرسة فين غاتمشي فين …

نوار : عاااافاك غذا غادين فحالنا مبغيتش نفلتو …

يوسف : غانبقاو نهار خور على ودك صبري تقاد دنيا …

مصطفى : ههههه بغات تمشي ؟ اليوم عاد البدية كاينين البنات دنيا مصايبة ومخفة ماشي فحال حركة رجالة …

نوار : سمعتي وكاينين البنات عااافاك بغيت نشوف الخير عاااافاك …

مينة : عزيز عليك تعنفيج والخطر …

ياسين : غا خليها بصحتها …”هز فيه فؤاد عينيه صغرهم فيه يامنة جاتها ضحكة حيث عارفة …يسرى تاهي شاكة ابتاسمت لصواب وصافي …اييييوى نوار وجهها ماعرفات فين تديه وهي ضور عند باباها باستو بالدعقة …”

يوسف : ماشي انا الي قلت بصحتها …هانتي اش بغيتي الخيال بنفسو غايديك …

ياسين : فطري ويلاه نديك …

يوسف : نمشي معاكم تانا نشوف …

ياسين : نتا وجد راسك بغيت نهضر معاك من بعد فشي هضرة بيني وبينك …

يوسف : اش درتي امسخوط مكنعرفك بغيتيني غا لشي كارثة …

ياسين “غمض عينيه بشبح ابتسامة ” : مكاين غالخير …

يوسف “شير بصبعو بنفي مغمض عينيه وضحك ” : ههههه🦋🐺نور_الياسين (159)sana mina🐺🦋

بالفرحة مخلطة بالخجل فطرات وما فطرات …كتفطر وتضحك مع باها باش ميشوفش فيها ياسين ويبدا يسهى ثاني فيها وهو راه كاع مكيشوف فجيهتها محتارم الجلسة مرة مرة باه كيطلع فيه عينيه ويحضي تفاصيلو الي تبدلت… شك بل تاكد وعرف وخا مازال ما فاتحو تقريبا لكن بكلامو معاه والهضرة بيناتهم هو وياسين دغيا كيعرفو اش كاين …الميزة الي في فؤاد مع ولادو هي فاش كيكبرو كيخليهم على راحتهم هما وقرارهم الى كان معقول لكن الى كان ماشي فمصلاحتهم كيتدخل …اما ياسين خلاص معمرو دخل فيه من نهار عزل راسو ودار ذارو وحدو وعزل عليهم …

فطرات وناض هو سبقها خرج برا يكمي وبعد حتى لحق عليه فؤاد …وهو يلوح الكارو عسف عليه …

فؤاد : غا كمي كمي …الساعة الله …

ياسين : لا مكاين والو عادي …

فؤاد : القلب الي ماشي عادي الدماغ ممسالي والهم كاين كاين وخا فيه الفرحة وخا فيه القرحة …صفيتي خاطرك وعرفتي طريقك فين ؟…

ياسين : هذا الجهد الوليد …

فؤاد : حسبتي حسابك باش مضيعش راسك ومعاك بنت ناس …خاصك تعرف انا معنديش مشكيل بالفرحات عليا تاخذ من دمك وخا نتا حر فالي بغا خاطرك معاك فاش مكان …غا هو ماشي كلشي فحال يامنة صدقات صبارة وعارفة بحق الدم …نتا شنو يضمن ليك تبقى هاني مع يوسف …”هز ايديه ” بنتو هاديك الى تقلقت من حقو يخاف عليها …

ياسين : واايلي الوليد فحال معارفنيش …الهضرة الي قلت الوليدة …حاجتي الوليد فعينيا ومدام دخلتها فعينيا كاين شي حد كيادي عينيه ؟…انا بعقلي بخدمتي ودراعي المشاكيل بين الراجل والمراة ولابد منها …يوسف خاص يعرف بناتو اخرتهم زواج …مينة فواحد الوقت لو ما ولد لحرام الي دار ليها هداكشي كانت غاتكون فدارها وبولادها …كيقوليك

الدار الي فيها البنات خاوية مصيرهم زواج ..يوسف غايهنى عليها كتر من اقرب الناس ليها وحداه ماشي لواحد براني وغريب عليه …

فؤاد : مدام قررتي ونويتي الحلال الله يكمل عليك… بعقلك وراجل بدراعك نتا تعرف حياتك ومعامن غاتعيش “هز صبعو ” …الى كتب الله وكنتو لبعضياتكم نسمعها طيحت دمعة من ورا زواج بسبابك انا غانوقف فوجهك …البنت حنينة ودرويشة تاع التهلية ما ديال العذاب …

ياسين : ديك ساعة يكون خير… براكة عليها غا الدموع الي طيحات فلول ….

طل على الباب حيث بعدو شوي باش ميسعهم حد بانت ليه واقفة لابسة حوايجها وشادا فدراع ماماها كتهضر معاها وتبوس فيها باينة كطلبها وتراضي فيها حتى عيط بصوته وشير ليها تجي لطوموبيل باش يركبو …خلاه فؤاد ودخل

ومشا هو لسيارة ركب حداها حدر زاج من جهة نوار وشاف فيسرى …

ياسين : الخالة… فعيني غاهناي عليها …

يسرى “غمزاته باش يفهم ” : عارفة عارفة راك عارف رجلها وهي راسها قاصح والو وتشوف …

ياسين : ماعليش تشوف الي مشافتش انا معاها راني عضو معاهم فالحرْكة ديال هنا غا شحال هادي مبقيت حركت …

يسرى : واخا ولدي تهلى …

دخلات وكسيرا هو حتى وصل لنص فالطريق وهو يضور لقاها حاطا راسها على زاج كتشوف ومدايراش سانتيغ …

ياسين : ديري سمطة غانخرجو لطريق عاد ندخلو لبيست ديال دوار لاخور …

نوار : اه واخا …دارتها وتاني نفس المشكيل مع توتر مبغاتش دخل ليها تاني ههههه …حط ايدو على ايدها وخشاها قادها بغات تحيد ايدها وهو يشد فيها وزيييررر عليها قبل ميدوز عليها بحركة خفيفة ومدوز بصبعى على صبع الابهام ديالها …

نوار “باش تشوفيه الساكتة جاتها بقات كتشوف لتحت وفمها محلول باش تهضر الله غالب …هاد الحركات جداد الي ولا كيدير معاها ناهيك على تعامل ديالو معاها من لول كل مكتبغي تنساه بتصرفاتو كيزيد يغرقها فيه ….” …

ياسين “حط ليها ايدها على فخدها ونطق باش ميزيدش يكمل عليها لا تصدق ميتة ليه تم ” : حتى نحيدو من البراج وحيديها الى خنقاتك “على سانتيغ ” …ورك على بوطونة الراديو حتى طلقت اغنية مسلم …حارو الشعرا اشعارهم ولاو فقراء ملي سمعو قصايدي عليك ماي لايدي …حتى جيتيني من بعيد حييتيني من جديد وليت انا معاك واحد ثاني ….you are my lady my only lady oh señorita anti🦋🐺نور_الياسين (160)sana mina🐺🦋

فاش كيدخل الصيف كيكترو المواسم ديال تبوريدة بشكل خاص كيكونو رحل كيدورو على اغلب مدن المغرب فين كيديرو الحركة كيبقاو اسبوع او اقل على حسب كيكونو الخزاين البلدية فيها الخيالة من مختلف الاعمار وحتى البنات وكيكون حتى سوق الاسبوعي عامر …كيجيو الرجال وشيوخ والقياد كيحضرو كل عشية او يوم الافتتاح وحتى الناس من جميع الجهات او اغلبها وحتى مختلف الطبقات ….

فواحد الخزانة فيها الخيول كيسرجو فيهم ويلبسوهم لباس الي كيكون فحالو فاللون وزواقك لابسو الخيال …خيول جيدة منها البيضة البنية وحتى من اغلى الانواع والاصيلة الي هي السوداء الداكنة …وقفات حدا واحد الخيل نيت نفسو الاسود وهو وراها …

نوار “كتشوف فيه ” : شحال غزااال …”ضارت عندو ” …واش كتركب فحالهم ؟

ياسين : كنت دابا المدة الاخيرة الي غبت فيها فاتوني …

نوار : باقي تتركب عليه …

ياسين : مزال الحرفة القديمة مكتنساش …

نوار : وشنو الي خلاك تبغيهم كان عندك الوقت …

ياسين : من الصغر هادشي خاصك تكون فيه …تربيت هنا ودخلت معاهم …عجبك …

نوار : زوين بزااف فشكل لونه …كحل بزاف …

ياسين : اغلى الانواع …العود العربي البربري هو الي كيخدمو بيه بزاف …عندهم سميات ميفهموهم غير الفرسان …وبيناتهم لغة عندها همة وشان هنا بيناتهم …الى قلت ليك مغاديش تفهمي …هما انواع باش كنعرفوهم حنا فحال البرْكي خارجْ منْ تحتْ مو الأزرقْ حتى يجمعْ فمو لادْهمْ ما ترْفد همو ….كاين لادهم وكاين لبرگي وكاين زرق …دهمْ مغلوقْ ازرقْ مشْقوقْ برْكي محْروق وكاين الكمري هو البيض …

فاش كيكبر ويتقدم فالسن كيولي لونه زرق مغلوق و فيه شي نقيطات بيضين …شوفي تما هو هذاك هذاك كبر …ودوك نقيطات كنقولو ليهم فلغة الخيالة حط ريال …

نوار “كتسمع كيعجبها تكتاشف اي حاجة جديدة ” : هادشي فشكل هههه ايه …

ياسين : وكاين الصنابي هو الصفر الي مايل لذهبي هذاك الي تما …وهذا الي قدامك هو لادهم الكحل الي عجبك …

نوار : واااعر بزاف …

ياسين : اللي بْغا يرْكبْ يرْكبْ عودْ أدهمْ و شري لادْهمْ ما تندمْ …معندي ميتسالك مشيتي الخيل الي عندو شان على هادو …

نوار : هههههه …وهذاك الي قهوي كيلمع …

ياسين : هذاك هو البرگي المحروق والي ماكيلمعش هو البركي عادي …وقاليك لْعودْ البْركي في الغابةْ يجْري كونْ شافو حبيبي هو يْسرجو…

نوار : باقي عاقل …

ياسين “سرح ايديه ” : حاجة صغر هي لاباز باش كتعلم كنت كنضرب هنا وهنا وكنقرا فنفس الوقت …داكشي علاش كتشوفيني مكنحطش راسي بزاف ففراشي …

نوار : دايرين ليه هادشي خضر …

ياسين : هذاك اسمو السرج كيتسرج بالخضر ولا البيض …والي تما فيه الحجر كيبري هذاك خاص غير بالخيل الي اسمو حجر الواد …الي كيلبس الادهم فحالو كيلبسو الصنابي والزرق …

نوار : وااو …

ياسين : مرة جايا فاش تجي ولا العام جاي لا بقينا فالحياة نعاود نعلمك كتر …”تم جاي واحد الخيال كبير فالسن كيعرفو اسمو عياد ” …

عياد : وتا زين الرجال الخيالة فحم العينين …

ياسين : الحاج عياااد عاش من شافك …”تسالم معاه وباس ليه على راسو ” …

عياد : شتك صباح بغيت نعيط ليك شدني القايد بالهضرة …ناوي تحرك معانا …

ياسين : موحااال الحاج ليا سنين هادي …

عياد : الي عندو الموهبة من صغر ماضيع ماتنسى والي كسبها كسبها حتى يدي مول الامانة امانتو …

ياسين : لا كنتي توجد ليا هاد لادهم محدو مسرج بغيت ندير بيها دورة هنا فجناب م#تتمة_البارت_160_نور_الياسين…

عياد : الخيل ديالك اولدي سرج وهز الي بغيتي …ياك حازمين ليه سرج مزيان …

ياسين “طل عليه ” : لا هو هذاك …

ابتاسم ليه وهو يمشي ياسين دار واحد الحركة معرفاتوش امتا نقز طلع فوق الخيل حتى دار صوت صهيل ديالو …

نوار “بعدات خافت ” …

ياسين : ششش متخافيش “مد ايدو ليها” اجي عندي …

نوار : هااا الا لا بلاش انصورو غا من بعيد …

ياسين : عطيني ايدك نوار …

نوار : هنن عااافااك …”ماقاليها والو حدو شاف فيها بواحد نضرة وهي تمد ايدها كترعد حتى هبط راسو وهوووپ هزها بزربة قاد ليها رجليها وجابها قدامو …” ب ب بب بشوية عافاك عنداك يتهز ويقلبنا …

ياسين : عنداك غانتي تفافاي وتقلبيني انا …ششش زگااااااي …”نغز برجلو وهو يتحرك العود بيهم غاديا وغمضة عينيها حتى شدات ليه فايدو الي ضايرة على كرشها وعضات شفايفها …حتى خرج بيها فداك الخلا دنيا مزال خاوية كيوجدو لعشية ورجال مشاو يشربو اتاي وخبز مريح بزبدة وكاين بزيت لعود والحلاوي مهيم فطور الحداش ….” ..

ياسين “بعد بيها عاد شوي بشوي حلات عينيها وترخاات ” : شفتي موقع والو …

نوار : ههههه زويين …زوينة ركبة فوقو…

ياسين : تا ركبة الخيل لاخور زوينة …

نوار : مفهمتش باقي شي خيل اخور …

ياسين “تنهد …حط راسو على كتفها مقرب لودنها ثاني …حتى غمضااات عينيها …” : خيل حسن من هذا انوار حسن منو معاك فشدة والفرح …

نوار : احم “بغات تصرط ريقها وحل هههه ” …اا نسولك …

ياسين”خافض صوته ” : سولي ..

نوار: علاش كتعامل معايا هاكا مزيان …كدير ليا فحال بابا …

ياسين : حيث مقامك كبير عندي عليهم كاملين انوار …”شاف فجنابو ” لاحضتي وشفتي وشكيتي فتعاملي معاك ياك “جاوبات براسها” …عرفتي علاش ؟ حيث نتي وحدك فعيني مقامك وحدو عالي …نتي هي الي صورتها عندي كبيرة وفشكل …باش بلا مندور ليك بالهضرة…ونزوق…

“حك ليها كرشها حتى دخلت وخرجت بهاد الحركة حست بالفراشات توزعو فيها لدرجة غمضت عينيها …” …جابك الله هنا فهاد البلاصة بلاصة الخيل والناس المزيانة والعز وشان …وبلاصة المكان العالي بلاصة الخير الي هي الخيل …باش نهضر معاك …نوار بغيتك معايا فالشدة والفرح وتنوري داري وتكوني مولاتها الالة البنات …نكون ضهرك …وسندك وحاميك …ولداري مولات شي …تبغي تكوني مرتي وام ولادي الى بغا الله وبغيتي نتي …ا شهلة العياني فعيني وقلبي …”باس تحت وذنيها ” …

نوار “تكوانسات قلبها بغا يخرج من بلاصته حتى زيرات ليه على ايدو الي فوق كرشها ..بالصدمة لشنو سمعات …حتى وقفت بيها الوقت وحست بدنيا مشات وجات وبدات ضور والرؤية تضببات حتى سخفت ليه بين ايديه ..”…

#تصبحن_على_خير….حد دنيا خاوية …

#يتبع…. my lady…

#يتبع….ه مش مطمن مش مطااامن يابني …

#يتبع…ك ليها …هههه

#يتبع…الحركة …” …

#يتبع….صبحن_على_خير ….يرة تمُك ……

#يتبع…ي اش تيتسناني ….

#يتبع… يطرطق ” …

#يتبع… حقا كلشي جا على غفلة …

#يتبع…د بويا الكبير …

#يتبع…سيد عندو نيشان ماكيلفش ويدور … كولي بصحتك وكان …

#يتبع….ر مفتاح الفرج …

#يتبع…غا يبكي ” : حناانتيييي …

#يتبع…دخل يشوفها …

#يتبع….

#تصبحن_على_خير …..” : نوار ؟

#يتبع…ما رتاحي تعالي …

#يتبع….ع بعضياتهم …

#يتبع….

يسرى : امييين لهلا يخطيك …

#يتبع…مو شهبة ….” صافي ….

#يتبع….

Leave a comment