Skip links

قصة : حشومة كاملة

 4,147 عدد مشاهداات

حــــــشــــــومــة🚫

بقلم Noura Mouaddine ⛓️

البارت 1

امرأة بألف راجل!!

من بعد رحلة طويلة دخلات و هيا جارة فاليزة متوصطة الحجم فيديها شافت الدرب من وصط نضاضرها دشمس …تمات داخلة من بعدما شافت الورقة لي فيديها و دخلات

….:واحد سلام عليكم الاخوات

…(شافو فيها و تبسمو) سلام

……جديدة (بتاسمات وكملات هضرتها ) مرحبا بيك

ناضت وحدة منهم دايرة نضاضر دشوف ملامحها مايلة لجمال البدوي لابسة بيجامة طويلة و دايرة ضفرة للقدام

…انا سميتي مريم

(شيرات للاخرة لي كانت جالسة و شادة تيلي )

….و هاديك حياة

(شافت فيهم بزوجات و تبسمات)

……. و انا سميتي خديجة

مريم:متشرفين …تفضلي الدار دارك

دخلات كضور فعينيها على جوانب الدار لي كان تصميمها بصيط و راشي شوية …دخلات حطات فاليزتها على السرير لي كان من اصل تلاتة اسرة … تكات على نموسية و هيا مزال لابسة حوايجها لي كانو عبارة عن سروال بويفراند مقطع من ركابي و جاكيت واسعة فالخزي معا كاصكيطة كحلة و سبادري بيضة

…شافت فسما للحضات و تنهدات ….

عاد ناضت و حلات فاليزتها لبسات بيل واسع معا سروال تاع دراري واسع و خلاتو واسع لبسات سندالة و حيدات الكاصكيطة من شعرها لي كان ب كوب كاغصون … مسحات على وجهها و خرجات لقات غير مريم جالسة كتقرا فواحد الكتاب

خديجة :فيناهيا لي كانت معاك؟

مريم(هزات عينيها فيها و تبسمات) مشات تجيب ولدها

خديجة(جلسات حداها مقربة ليها) ايه معانا شي حد اخر؟

مريم:لا غير حنا بتلاتة و صافي

خديجة:(مزادت تاكلمة فوق هدشي مشات تجيب تيليفونها لي كان كلو مهرس و مدكدك …شافت للحضات و تنهدات …سدات عيونها و عاود فتحاتهم و دوزات ابيل …حطات تيلي على ودينها للحضات كتسنا فشكون يجاوبها … بعد لحضات و هيا كتسنا مجاوبها حد …ناضت بصخط و دوات معا مريم

خديجة:غنخرج دابا باي

مريم(شافت فيها و تبسمات رجعات راسها على الكتاب)حــــــشــــــومــة🚫

بقلم Noura Mouaddine ⛓️

البارت 2

خرجات خديجة دايرا يديها فجيبها و كتمشى فحال شي راجل من .ون انوتة او تمختر …لمحات واحد الحانوت صغير وقفات لعندو

خديجة:لحاج واحد باكية ماركيز لحفضك

…(شاف فيها مطلع و منزل…… غا شوفة فيها تحيرك من واش درية ولا دري )

خديجة (كتدوي بيديها) وا صاط وااا العميم و الحاج طلقنا بزربة

مول لحانوت شاف فيها بلا حول ولا قوة الا بالله ..عطا ليها البكية

خديجة:و لبريكة

..مدها ليها بسخط

خديجة :و مالك كتنفخ راه غنخلصك (جبدات من جيبها لفلوس لاحتهم ليه و مشات )

وقفات فراس درب توسدات على الحيط و دارت الكارو ففمها شعلاتو و جلسات تكمي و تنشوا عليه …

فجأة دازت مرأة كبيرة هازت تقدية من حداها و غادية معا بنت صغيرة شاداها فيديها شافت فخديجة و خنزرات فيها نطقات:

اش هاد المنكر استغفر الله مبقاو احشمو ولاد هاد لجيل ولا يحتارمو
خديجة (دوات بصوت مرتافع من بعدما سمعاتها) وا حشمي غا نتي و حدري عينيك اخالتي راه الموت كدور

خديجة (تبسمات بأستهزاء نترات من سجارتها ودوات بسخرية)هههه كاتليك حشومة
……………….
وصل ليل و تمات داخلة خديجة معا الباب كانت 10 تاع الليل …
لمحات البنات جالسين فصالون دخلات غسلات يديها و جلسات حداهم لقاتهم حاطين صينية اتاي

خديجة :(كدوي معا مريم) كبي كبي واحد كاس د اتاي

مريم(مع ابتسامة) هيا لي متعاودش

من بعدما كبات ليها الكاس و مداتو ليها شافت ف حياة لي كانت هازة بين يديه دري و باينة عندو تقادة تاع تلات سنين وشي حاجة )

خديجة:شنو سباب تا جيتو لهنا ..واش معندكمش واليديكم؟

مريم:لا عندي ولاكن؟

خديجة:شنو؟

مريم:قصة طويلة!!

خديجة:عاوديحــــــشــــــومــة🚫

بقلم Noura Mouaddine ⛓️

البارت 3

مريم(تقادات فالجلسة و ربعات رجليها حدرات راسها للحضات و دوات)

…..انا بنت البادية لي عيب و حشومة لبنت تكمل قرايتها و توصل اش بغات

انا من بعدما خديت الباك بمونسيون حيت كنت كنقرا مزيان و باغا نوصل ….واخا هكاك كملت داك العام بزز و بطليب و رغيب حيت كانت لمدرسة قريبة لينا و….

فلاش باك

مريم(كتبكي و ضرب ففخادها) وا با راني مزال صغيرة وابا راه بغيت نكمل قرايتي ا با

المعطي:(هز تا هز يديه و صلاها تا وجهها دار)

عليا بليمين لا كملتي ديك لقراية

مريم:(شافت فمها لي كانت جالسة لارض و حادرة راسها مشات بركات عند ركابيها و شافت فيها بعيون دامعة)

مي ها العار لاما دوي معاه راه ميمكنش نبرك بلا قراية

هنية:(دوات بصوت خافت) حشومة تخالفي كلام باك

المعطي:وجدي راسك سيمانة جاية جاينك لخطاب

مريم(جاتها هاد الكلمة كيف العاصفة …كيفاش بغاو ابركوها من لقراية و فيساع يزوجوها !!)

شافت فيه و الغصة فقلبها خلاها و مشا و خرجات تا هنية و خلاوها فالبيت بحدها

مريم:كلسات و شدات عندها رجليها و طلقات لعنان لدموعها

…والله لا كانت ليهم (جمعت الوقفة) …ربي حفيض يا ربحة يا دبحة …(توجهات لصندوقة فين جامعين حوايجهم هزات رزمتها و شي فلوس قلال كانو عندها و خباتهم التحت)

غير تناص ليل نضت تسلت بشوية و خرجة من الخيمة …ضورت راسي يمين و شمال و تميت مجري موقفت تا لعند طريق شحال و انا نتسنا عاد جا الكار ركبت …تعدببت فطريق و شحال تكرفصت و تشوا قلبي حيت اول مرة نبعد على واليديا

و من بعد ساعات تاع سفر وصلت لكازا

اول مرة نشوفها فحياتي ..نشوف ضواوها و ناسها ..جاني المنضر فشكال و هضرت ناس فشكل مقدرتش نتأقلم كلهم كانو كيضحكو عليا و يسميوني “بنت العروبية عاد حاطها الكار”…نزلت و بقيت نضور و شحال تبسلو عليا فطريق تعرضت للتحرش و السبان و المعيور ..بركت فدار طلبة و البنات تحماو عليا و سلخوني مكمل لعام تا هلكت صحتي …وصلت للسيزيام و خدمة فواحد سوبير مارشي هوا باش جيت كريت فهاد دار تا ناخد الباك و نشوف يحن اللهحــــــشــــــومــة🚫

بقلم Noura Mouaddine ⛓️

البارت 4

خديجة:(تنهدات) ناوية ترجعي لداركم ؟

مريم(هودات راسها بزعل)

منضنش يسمحو ليا حيت حنا عندنا عيب و حشومة تخرج البنت من دار باها و تمشي لقنت اخر و حشومة متزوجش و انا متأكدة با عمرو يسمح ليا
(عودات هزات راسها و تبسمات وصط عينيها الدامعين)
ولاكن الدوار عمرني نساه !!!نهار نخدم و نجمع الفلوس انبدا فالاصلاحات تاعو

خديحة:اوا الله يسر ليك اختي

مريم :امين

خديجة(ضارت شافت فحياة لي كانت جالسة تراري بولدها)
ونتي؟

حياة(دارت بصبعها على فمها و حبساتهم باش ميدويوش ..ناضت دات ولدها للبيت و تطمننات عليه حيت ناعس …عاد سدات عليه الباب و مشات جلسات معاهم )

حياة(تنهدات ) منعس تا شيبني

مريم:هادو هما دراري صغار

حياة::واييه اختي

خديجة؛(شربات من كاسها ورجعات لور) مجوبتينيش؟

حياة :اش اختي اش اتعرفي و انا قصتي مفيها ميتعرف

خديجة:عاودي نتي اش خاسرة

حياة:(قربات ليهم و نطقات)

عمري 34 سنة ام لولد سميتو عمران مطلقة …سميتي حياة و بلا حياة
خديجة(ضحكات باستهزاء) ام مطلقة ههه ؟ حياة بلا حياة؟ ناضية عندك هادي اشعيبية

حياة(تنهدات) احياني و لو تعرفي شداز عليا تفهمي علاش داوية
خديجة:خوي لمزويدة خويحــــــشــــــومــة🚫

بقلم Noura Mouaddine ⛓️

البارت :5

حياة:نبداو بقبل من عامين ليا

كنت مزوجة بحال بحل يا ايها الناس عايشة انا وراجلي فنعيم من بعد قصة حب دامت لست سنوات حن علينا ربي و تزوجنا …لاكن الاعوام الاخيرة فزواجنا سيد ولا يرجع لدار معطل يجي سكران غيه ريحت العيالات ولا يمد عليا يديه …كان ديما الضرب و العصى …و فواحد النهار …..

فلاش باك:

(واقفة قدام للمراية كتشوف فوجها لي كانو حدا عيونها زرقية و حدا فمها مجروح …تبسمات وصط دوك الجروح لي فوجهها ..شافت فكرشها و عاود شافت فالمراية)

مني غيعرف بلي انا حاملة غيرجع الحب لي بيناتنا و كلشي غيتبدل
(تبسمات و صط دموعها دارت عكر و قادات مكياج درقات بيه دوك ضراب لي فوجهها لبسات كسوة بيضا و طلقات شعرها ..جلسات و فيديها وراق تبوت الحمل …)

كلسات كتسنا لساعات و ساعات كتسنا فيه يجي لاكن بدون فائدة …تا وصلات 11دليل عاد سمعات دقان على لباب قلبها بدا يفرفر
ناضت فرجانة غطير ..قبل ماتحل الباب سمعات صوت الغنا و ضحك ..استغربات و حلات الباب بشوية وياريت محلاتو
كان راجلها سكران و جايب معاه قح=بة فيديه

حياة( طاحو من يديها الوراق تاع تحاليل و عينيها عمرو بدموع رجعات بعد خطوات للور و بقات كتشوف فيهم بصدمة)

سعد(كيتمايل و كيغني بصوت سكران) ليلة ليلة يا ليلى ليلة ليلة يا ليلى …(ضار شاف فالق=حبة لي معاه) ليلى شي ماتش احوبي ليلة؟

….(ضحكات بصوت مقح_بن و كدالك دوات بصوت سكران) مسميتيش ليلى سميتي سندس

سعد:انيواي ازيدي دخلي تحو=اي

سندس(ضحكات بجهد) ههههه ارا برع(ضارت شافت فحياة لي وجها صفار و بديها بداو يرجفو ) شكون نتي

سعد(شاف فيها بدورو ..طلق من سندس و تم غادي عند حياة كيتمايل شدها من يديها) هادي خدامتي (ضار شاف فيها …و تبسم جمع تاجمع يديه صرفقها تا طاحت ) سيري جيبي لينا مناكلو

حياة(رمقاتو بنضرات كيعبرو عن خيبة الامل لي لقاتها من عندو …لهد درجة وصلات بيه الحقارة يدخل قح=بة على مرتو )….(جمعات قوتها و ناضت كتشوف فيه ) الله ياخد فيك الحق الله ينتاقم منك بغيت ليك العداب كيفما عدبتيني بغيت ربي يبي يشوي ليك كبدتك كيفما شويتيني و كرفصتيني .. ضحكتي عليا بحبك و وهمتيني بأحلام وردية عامرة سعادة …(طلعاتو و نزلاتو) تفو عليك الكل=ب ا شماتة يا عيفت رجال …بيناتنا المحكمةحــــــشــــــومــة🚫

بقلم Noura Mouaddine ⛓️

البارت 6

سعد(شدها من يديها) فين غادا القح==بة تء تء تء ماشي بهاد سهولة …. متخرجي ولا ونتي على كنازتك (جرها من شعرها للبيت )
جر معاه سوسن و رد الباب …شاف فحياة و دفل عليها …عاد ضار عند سوسن لاحها فوق نموسية و طلع فوقها

حياة(بقوة الصدمة رجليها تقالو عليها ولا غا كتبكي ..محسات براسها تاتمات خارجة تجري للزنقة) نازلة و ضلام نازل غير شماكرية لي كاينين …وقفات عند حافة طريق بزز باش داز طاكسي …ركبات و نعتات ليه عنوان وجهتها

بعد لحضات كانت فواحد الحي شعبي و باين على ناسو من طبقة المتوصطة …وقفات قدام واحد الباب تنهدات و بدات كدق ….لحضات عاد تحل الباب…

حياة(تلاحت عليها عنقاتها كتبكي) ماما !!!!

راضية:بنيتي اش جابك فهاد ليل)شافت على برا(فيناهوا سعد؟

حياة:دخلي امي راه جيران كيطلو

راضية(فسحات ليها المجال فين تدخل ..معا بعضهم

جلسو فالصالون و تقابلات راضية معا حياة

راضية:شواقع ابنيتي؟

حياة(شادة راسها بيديها و عينيها كيدرفو الدموع ..كتحاول تستوعب شوقع بعد مدة و هيا ساكتة عاد نطقات) مي انا وسعد غنطلقو

راضية(ضربات ففخادها) اويلي حي على تطلقو …اويلي على شوهتي
حياة:مي راه دخل عليا قح=بة على فراشي

راضية(جمعات لوقفة و بدات تشالي) نتيييي لي حمارة خرجني و خليتهم يديرو ما بغاو …لالياتك راه يشدو فراجل بسنانهم …..حنا معندناش المرا لي تطلق حشوووومة تخرجي من داااار راجلك و تبقاي دالعة فزناقي …المرا بلاصتها هيا دار راجلها (جلسات فوق صداري حاطة يديها على ركابيها) اويلي اويلي اميمتي غتشوهني معا صحاباتي كيندير اربي كيندير مني يعرفوها تطلقات غتحشم بيا اسيدي ربي اشتحشم بيا

حياة(نزلو دموعها و حسات بقلبها كيتخشاو فيه الماس من هضرت مها) مي !!! انا مجياش نسعات عارفاني راني بداري و بخدمتي وقادة نهز راسي ..انا جيت عندك نتي ديري ليا لعز ولقيمة

راضية(دوات بصوت مرتافع)وا معنديييييش المرا لي تجلس مطللللقة فدار بوهاااااا

حياة(جمعات الوقفة و سالو من عيونها جوج دمعات …دوات بحرقة و الم) مانتي ما انا بنتك
خرجات و زدحات وراها الباب …عاود خدات طاكسي وصلها لواحد الحي شعبي دخلات …كانت دار عادية بفراش بصيط على قد الحال …بدلات عليها بدوك الحوايج لي كانو فالماريو و جلسات تبكي فصمت
*نهاية فلاش باك*حــــــشــــــومــة🚫

بقلم Noura Mouaddine ⛓️

البارت 7

هنا سالات معاناتي و بعد اشهر ترفعات ورقة طلاقي واخا جرجرني فالمحاكم و مبغاش اطلقني لاكن تفكيت منو ولله الحمد انا دابا دايرا مشروعي و مقابلة صالون الحلاقة و هاد (شافت فزواياها) عتابروها داركم عمركم تقولو بلي نتوما كتريين عندي ولا برانيين عليا …..اما ولدي مرة مرة تنخليه فالحضانة عند المربية واخا منسخاش بيه لاكن مكاينش لي يقابلو ليا …..لقيت انتقادات كبيرة فحياتي حيت متطلقة لاكن انا دابا منعازلة على عائلتي تفاديا لكلمة *حشومة تطلقي من راجلك و تسكني بوحدك كي زوفري*

مريم(طبطبات على كتافها) الله يعوضك خير احبيبتي …تستاهلي حسن منو

حياة:شكرا اختي ربي يخليك

مريم:عتابريني ختك و لي تقالة عليك خفافة عليا !!!

حياة:الله يكبر بيك

مريم:بقيتي نتي اخديجة ….يلاه بغات تكمل تا سمعو غوات ولد حياة من البيات

ناضت حياة تجري لعندو خايفة يكون طاح ولا تخنق ….جلسات تكات حداه عاد تبعوها البنات خديجة(بتمعن) شواقع)؟

حياة:كان فيه غا نعاس

مريم :اه اوا دوزي نعسيه

دازت حياة ترضع ولدها و تنعسو اما مريم مشات رجعات كتراجع كتوبتها فصالون تا وقفات عند راسها خديجة مربعا يديها:

خديجة:شنو هاداك؟
مريم(بابتسامة) هادا واحد العرض كخاص نقدمو غدا فالكلية شفهيا حول بعض الضواهر الاجتماعية لي كتمس المجتمع المغربي ….بصراحة راسي تبلوكا

خديجة:اه اوا بون كوغاج ..دوزي تنعسي

مريم:ايه نيت لقيتيني عاد ناوية نمشي
خديجة(مشات للبيت لي فيه حيات ..حيدات لكاصكيطة لي على راسها و تلاحت كتشوف فصقف
دخلات مريم بهدوء و صفات ضو
لبيت ولا مضلم و فقط ضوء القمر لي منورو …كان صمت بزاف …داك صمت لي كيخليك تسترجع دكرياتك ضمت لي كيخليك تفكر فسلبيات الحياة و يمرو امام عينيك
صوت تنهيدتها دل على التقل لي هازة فقلبها!!!
تكعدات شوية و نطقات
سولتوني اش جابني هنا؟
مريم(:بصوت نعسان):اه نتي لي مزال معاودتي لينا!!
خديجة:تعالو تسمعو حكايتي
ناضت مريم و حياة من بعدما قادات ولدها فنعاس ..و ضارو عند خديجة
حياة و مريم:سرسبي شعندك تمحــــــشــــــومــة🚫

بقلم Noura Mouaddine ⛓️

البارت 8

بنت 10 سنين تعرضات للاغتصاب من اقرب ناس ليها

(هاد الكلمة خلات كل من مريم و خديجة يركزو معاها)

من صغري تعودت على كلمة حشومة …خديجة حشومة تدوي …خديجة حشومة ترفعي صوتك …خديجة حشومة تقولي شي حاجة قدام ناس !!!

كبرت بمدأ حشومة … شيء لي خلاني نكون ضعيفة …تعرضت للتحر`ش بزاف دالمرات ..تعرضت الاغت_صاب ماشي مرة ولا زوج تعرضت للقمع ديما !!معانات ست سنوات من الاغتصا_ب و التح_رش الجن=سي

(دمعو عينيها من هاد الكلام)

لاكن المشكل ماشي هنا المشكل فلي كان سباب (مسحات دموع لي نزلو من عيونها) لي من لحمو و دمو لي كبرني و رعاني و حسيتو مصدر امان و حماية كان اكبر مصدر للخطر ليا ..غصبني فطفولتي و شبابي …كرهت جسدي ك أنتى …كرهت وجودي فهاد الحياة
ستغل برائتي و رجع طفولتي جحيم استغلني و استغل غياب ماما باش يتحرش بيا و يدير فيا ما بغا ..بلحق كلشي كان ماما لي كنمرك نعيط ليها بهاد الاسم …قصات ليا جناوحي و حرماتني من لدة الحياة …خلاتني روح معدبة فوق الارض كنتسنا فوقت الهلاك !!!
من نهار قررت نستجمع قوتي من بعد تهديدات لي لقيتهم من هداك لي مسمي راسو بابا عاودت ليها كلشي …لاكن باش بادراتني …

قاتلي سكتي!!!! سكتي !! غيسمعوك لا حشومة تقولي على باك هكا يا المارجة (دارت يدها على فمها و بدات كتبكي ) كاتليا سكتي البنات !!!!من بعدما كنت كنتسنا واليديا يكونو سند وقوة و امان ليا هما لي تكرفصو عليا و دمروني

من ليلة عرفت انهم بزاف عليهم يكون عندهم لقب اب و ام من ليلة كنت منتاضرة يكون ليا سند نتكا عليه و يرشدني نحو طريق صحيح فحياتي و فتالي دمرها ليا

من نهار عرفت انه ماما لي كخاص تكون صحبتي و توقف بصف بنتها سكتاتني بكلمة(حشومة هداك باباك )

تبدلت تبدلت الف درجة …حوايجي لي تبدلو ستيل تاع دراري و ولاو كلهم واسعين …(حطات يديها على شعرها) وشعري لي كان كيقيصو بيديه لمسحين و يلعب ليا بيه قبل منعس معاه قطعتو !!!!
اما جسمي (حطات يديها على جسمها) هاد الجسم لي فيه بصماتو و طبايعو توسخ !!!…
(بدات كتبكي بهستيرية تا جات حياة و مريم بدورهم كيبكيو عنقوها )

(شافت فيهم بعيون دامعة و نطقات)
حااسة بدنب معندي تادخل بيه حاسة بروحي مسخة حاسة بحياتي ضايعة حاسة بلي الحياة ضلمة فوجهي ….
لاكن مني تغضرت هاكا حطيت حجرة على قلبي و خرجت قلبت على راسي ..خدمت فالمارشي بصفة دري و لقيت عشران ولا احلى …لقيت لخير فدراري و ملقيتهم فبنات واخا تبليت !!
عشت بحال شي زوفري مجلوق فزنقة تا نهار سمعت بلي داك لي سميتو با مات …متخايلوش شحال فرررحت البنات مني سمعتو مات حسيت بفرحة كبيرة وفبلاصة منحزن لموتو بت مقصرة معا دراري فعين دياب
انا امرأة مكتخافش من كلمة حشومة حيت داكشي علاش نحشم خسرتو تفكيت من قيود المجتمع المزيفة و الكادبةحــــــشــــــومــة🚫

بقلم Noura Mouaddine ⛓️

البارت:9

طبطبات مريم على كتف خديجة و نطقات …الله يعوضك خير على مخسرتي احبيبتي مديريش فبالك

خديجة:كلشي فات انا دابا هدف واحد لي دايراه فبالي هوا نلقا خدمة و ربي كريم

حياة:انا غنوقف معاك احبيبتي تا توصلي لي بغيتيه

مريم:وانا نشوف من معارفي و نقلب ليك فتيلي على شي خدمة

خديجة(شدات فيديهم) لهلا يخطيكم اخوتاتي شكرا بزاااف ليكم

مريم و خديجة:لا شكر على واجب اختي خديجة

جلسو للحضات تا شافت مريم فتيلي تاعها

مريم:ايي هادي 3:30 تاع ليل …يلاه يلاه نعسو البنات

دازو البنات ينعسو …لاكن فين هوا نعاس كل واحد الف و الف مطرقة عند راسو مقادينش ينعسو و بالهم مشغووول بتفكير

صبح صباح …

ناضت كل من مريم و حياة يبدلو و يفطرو كيف عادتهم يمشيو كل وحدة مشاغلها لي غادا لقرايتها ولا لي غادة لخدمتها
اما خديجة فمزال جابدة عليها بنعسة و بسيف و هيا منعسات تال اينا وقت
مشات حياة دات ولدها للحضانة و دازت تحل محالها
اما مريم فهزات ملفو
ات و كتوبة فشكارتها لبسات قميجة و سروال فالبيض والكحل دارت نضاراتها و سرحات شعرها و خرجات
بعد لحضات كانت قدام امام كلية الاداب و العلوم الانسانية بالدار البيضاء …دخلات للكلاص لقات بعد طلاب جالسين اما لبروف مزال معطل …جلسات كتراجع فورقتها كتحاول تدكر لاكن عقلها مشوش و مقاداش تركز هدشي لي خلق ليها توتر كبيرحــــــشــــــومــة🚫

بقلم Noura Mouaddine ⛓️

البارت 10

بعد لحضات ..تم داخل لبروف حط شنطة صغيورة تاعو و جلس فمكتبو
لبروف :ادن كيف قلنا ليوم عندنا المحاضرات لي طلبت منكم انكم توجدوهم …. و كيف العادة غنطلبو من التلميدة المتفوقة و النابغة مريم نجمي تشرفو تفتاتح لينا الحصة
مريم(وقفات و توتر بان على وجهها طلبات فخاطرها كلشي ادوز بلخير هزات لوراق و تاجهات للتحت فين تلقي المحاضرة تاعها ..)
وقفات للحضات كتشوف فالطلاب لي كيتسناوها تدوي …ضارت عند لبروف لي كاين كيرمقها بنضرات انتضار …شافت فالورقة و الكلمات كاع تلفو ليها …سدات عيونها ..شهيق زفير …رسمات شبح الابتسامة و فتحيات عيونها …تقدمات للميكرو بكل تقة)
اليوم مغنقراش ليكم اش كتبت لاكن ليوم غنكول ليكم اش تعلمت!!
الحاجة لي عندنا فالمجتمع المغربي و شكلات لينا حاجز كبير فحياتنا و هيا الكلمة الشهييييرة (حشومة)…هاد كلمة دمراتنا و خلاتنا متخلفين …فمجتمعنا كلمة حشومة صيطرات على مجتمعنا …لدرجة ولات حشومة تدوي على حقك حشومة تعطي رئيك حشومة تدافعي على راسك …بهدف الحفاض على التقاليد و مكانة الاشخاص فمجتمعنا …لدرجة ولات كلمة حشومة مانعة زوجة من طلب طلاق …من رفع نفقة …من معارضة زوجها …من دفاع عن نفسها عند تعني÷فها …رجعات الاغتصاب لومة على الضحية بهدف انه الضحية لي كتجدب المغتصب … ضحية لي تقد تكون صغيرة و نفيها تاشي جانب متير لشهوة الانسان لاكن كيقوم بالاعتداء عليها …ونهار كدوي الضحية كلشيييي كينوض ليها بهدف حشومة تدوي …حشمي على عرضك كون كنتي بنت ناس كعما يوقع ليك هكا !!
(سكتات للحضات )

المجتمع بنفسو كسر كيان الانتى بالخصوص كسر طموحاتها احلامها و ولا كيشوف فيها كجسد مجرد من الحياة…فقط لتلبية شهوات فقط لقيام بالاعمال المنزلية ..و ادا تم الرفض ..كتقمع هاد الانسانة بكلمة ” حشومة “….لامن علاش بضبط فقط الانات لي متعرضين للقمع علاش تمي_ز علاش هاد كمية العن. ص ر ي ة كاملة فهاد المجتمع ..علاش القمع علاش كتقولو حشومة على اشياء من حقنا ..علاش كتحشمو من ليغيكل علاش كتحشمو تبرزو مواهبكم علاش كتحشمو من ضهور صوتكم للعالمية علاش كتحشمو من الحقيقة ؟……هاد حشومة تاعكم زادتنا الا دمار حيت حشومة تاع بصح هيا مني بنت تخون تقت واليظيها ليها و هيا ملين كتمشي تفسد و لا دير شي حاجة حرام هيا منين كتاخد مال ليتامى و المحتاجين و الفقراء هيا ملين كتضحك على بنات ناس هيا ملين كتستقوى على الاضعف منك …هادا هوا حشومة تاع بصح

( سكتات و غمضات عينيها عضات على شفايفها و عاد بدات توعى شقالت..عاود شافت فطلاب كانو كلهم كانو مصدومين من المقال لي طرحات..)

تابدات كتعالى صوت التصفيقات و الهتفات خلات كلشي مبهور و مسحور بكلامها و اكيد وصلات ليهم مساج …

#النهاااااية✨

Leave a comment