Skip links

مونــــــــــــيكا بين الإلحــــاد والإســــلام ♡ 6

 1,872 عدد مشاهداات

بــــــــــــارت 6 :
كريم:(بصدمة) اشنو هاد الحالة دايرا فراسك كانو عينيه فيختارقو جسدها الصغير بتمعن وكل مرة كيحول نظرو من منطقة لمنطقة صدمتو كتكبر عقلو مقادرش يستوعب هادشي وحتى شوفا فيها عيفاتو… فين هي برائة مونيكا لي المفروض كان خاص يكون اسمها مونية ولي بسباب خطأ بسيط وقع لزوجتو شلل كلي بسبب الضغط لي كانت عايشة فيه هادي سنين والسبب الاول عقمها لي طول كتر من خمس السنوات بعد ذلك الله سبحانه وتعالى رزقها بنعمة طول حياتها تمناتها زيد عليها هوسها الشديد بقطعة منها على انها ضيع كل هادشي شكل عقد نفسية تيجاهها ولي خلا خبر بسيط ممكن فظرف قليل يتبدل اسم الطفلة يرجع لمونيكا ولكن كيف كنگولو كان خاص غير نقطة باش يفيض الكاس والمسكينة مريم تعاني ازيد من 17 سنة فالعجز والضعف والمرض ولكن نساو انو الجانب النفسي كيلعب دور فتجاوب المريض مع الدواء وهي طول هاد الفترة…
….
محس براسو الى ومحيد السمطة من سروالو ونازل على المسكينة بضربة قوية خلات صرختها تعاود فالمنزل اكتر من مرة ويمكن تكون وصلات لأمها لي معندها لا القدرة او الاستطاعة فعمل ولو حركة بسيطة… بعد مفش تعصيبو فضربها ولو انو متمني يقتلها فهاد اللحظة الا انو مشاعرو كأب مستحيل تخليه يقتل طرف منو رما داك السمطة من ايديه وتم غادي لبيت محبوبتو كي دخل گلس جنب سريرها حط راسو على صدرها وباشر فبكائو لي الى سمعتيه يقطع ليك فقلبك… كي حسات بيه مريم معدباتش نفسها تحبس دموعها لا خلاتهم نازلين مع خدودها متمنية من اعماق قلبها تحضنو لعندها كيف ايام زمان حولات وحولات تحرك ايديها بس بدون جدوى مرة ومرتين وتلاتة وربعة…. يمكن تكون عشرين بعد هاد المحاولات الكتيرة انها تحرك فقط اصبعها مع ذلك مفقداتش الامل لأنو ارادتها هاد المرة اكبر بكتير توأم روحها ونصفها تاني زوجها وسندها ضعيف قدامها لأول مرة بعد سنين…. فضرف محاولاتها وهي كتسمع شهيقو لي كل متزاد دموعها كيزيدو ينزلو وارادتها كتقوى باش تحرك عضو من اعضائها… كل متمناتو هو تحضنو لدخلها بإديها كيف ايامهم توقفات من المحاولة فاش سمعاتو نطق…
كريم:انا ماشي مزيان معرفت نربي بنتنا امريم معرفتش عائلتنا الصغيرة لي حلمنا بيها مغاديش تكمل وبنتنا مطلعاتش بالشكل لي تمنيتي… هز عينو لعندها لي كانو حومر بالدموع والعروق مرسومين ليه فيهم منكروش انو شخص وسيم وملاميحو الشرقية طاغية على وجههو زائد عاطياه هيبة فشكل حتى مع بعض خصلات لي فيهم قليل من الشيب زايدو جمال على جمال بالرغم من قهر الزمن والعمل المتواصل كل هاد الاشياء ممحات والو من جاذبيتو محسات الى بإيدها تهزات وتحطات على خدو كتمسح ليه بحنان وحزن كبير على حالتو…. نطقات بحروف متقطعة ممفهوماش الا مركزتيش مستحيل تفهم اش گالت
مريم: ح حت حتى ح حح ا جة م ممممم تس تاهل تب كي ع ليها
(حتى حاجة متستاهل تبكي عليها) كانت هادي هي الجملة لي نطقات بعد صعوبة كبيرة بدورو هو باقي مواعي بأن زوجتو رجعات ليه بعد هاد العمر عقلو خارج نطاق الاوعي ناسي انها مصابة بالشلل وانها لا يمكن تحرك ولا عضو فجسمها حتى من لسانها فظرف سماعو لكلامها دفن وجههو فصدرها مكمل على بكائو بصمت وهي بدورها رجعات رخات ايديها ومبقات قادرة تحركها مرة اخرى بس اصابعها كيتركو حسات بيه ترخى ونعس حتى هي نعسات بعدو مباشرة مرتاحة راحة غريبة شحال مزارت قلبها جاهلة على اشنو واقع فالخارج وشنو حال المسكينة لي كلات قتلة متمناهاش لعدوك وبصالح العبارة قتلة ديال الكلاب 😂

#بونوي
ارائكم اشهراتكم دعم لينا 100=4اجزاء
150=5 اجزاء
تشالنج ليوم هو هدا شجعو البنات يقراو وكل ماطلع عدد تفاعل كترو الاجزاء

Leave a comment