Skip links

مونــــــــــــيكا بين الإلحــــاد والإســــلام ♡ 5

 1,879 عدد مشاهداات

بــــــــــــارت 5 :
داز الوقت تمات داخلة مع الباب بنت فبداية العشرينات صابغة شعرها ببزاف ديال الالوان ستيلها مشرمل ومن ملامحها باينا ماشي مغربية دايرة بيرسينغ فودنيها وشفايفها وفبوطها لي مبيناه شوميز لي لابسة وحتى وحتى كاطو لاحضاتو مونيكا كاين فصدرها على شكل فراشة…. تعجبات بيها حيت شحال مشافتها وزيد عليها حتى ستيلها حمقها مكرهاتش تكون بحالها… بتاسمات ليها جيلين لي كانت كدور عينيها فأنحاء الفيلة ملي بانت ليها واقفة فالزاوية مشات عندها وعنقاتها (الحوار بالروسية)
جيلين: توحشتك بزاف (هاد جوج كلمات كالتهم بالدريجة بحكم اخر مرة شافت مونيكا كانت كتحاول تعلمها لهجة المغريبة وعقلات على جوج كلمات)
مونيكا: حتى انا و بزااااف
جيلين: فراسك مكنت باغا نجي فهاد الوقيتة بالضبط
مونيكا: علاش؟؟! ياك نتي لي كنتي قنطانة بوحدك فالدار
جيلين: وي بصح ولكن كاينا رحلة منظمينها مي زامي غدا وانا مواعدهم نمشي وخايفة ماما متبغيش تخليني

مونيكا: رحلة عفاااك عفااااك واخا تخليني نمشي معاك
جيلين: بالطبيعة الحال اتمشي معايا اصلا ايعجبك الحال حيت تم عالم اخر غير هدا لي عايشة فيه
مونيكا: امممم كيفاش داير واش صحابك (قاصت ليها شعرها) كاملين بحالك
جيلين:(بالابتسامة) عجبك شعري
مونيكا:( بغباء) عجبني ستيل ديالك كامل (عوجات شفايفها) كون غير كان كمال يخليني ندير بحالك
جيلين: ديري بحالي بلاما يعرف ساهلة
مونيكا:اه اه بصح نيت هو مكيتسوق ليا گاع هاد الرحلة شحال فيها من نهار
جيلين:اسبوع فقط انمشيو لمدينة سياحية معروفة بواحد البحر واعر بما انو نتي من دار المدرسة فأكيد مغاديش تعرفي فين
مونيكا: انا نهار كنبغي نتبحر كنعوم فلابيسين
جيلين:هههههه ح…

يالله اتكمل كلامها قاطعاتها….
كالورينا: مرحبا مرحبا ببنتي جات ومبغات تشوفني
جيلين:مامي توحشتك
كالورينا:(عنقاتها) متكوني فحالي
جيلين:مامي مجتاجينك فطلب انمشي مع صحابي رحلة نصيفو سيمانة ونرجعو وبغيت ندي معايا مونيكا
كالورينا:ميمكنش مسيو كمال مستحيل يسمح ليها تمشي
مونيكا:(بإنفعال) شكون هو باش يتحكم فيا 17 عام وهو ناسيني عاد بغا يلعب معايا دور الاب لي كيخاف على بنتو هاد الرحلة غدا انمشي ليها سوى بالخاطر سوى بالزز سيري گوليها ليه

گالت هاد الهضرة وضربات فيهم مشات لبيتها تجمع شانطة ديالها

….
كالورينا: بنتي ونعرفها راسها قاصح مدام گالت هاد الكلام الا وغادي تمشي
جيلين:متخافيش امامي مونيكا راه بحال ختي اكيد انرد ليها البال مهم انطلع نشوفها اكيد تقلقات
كالورينا: شوفيها مسكينة كتبقا فيا هي وسط ناسها وكتحس براسها غريبة ياربي غير تفوج فهاد الرحلة
جيلين: اكيد اتفرح بزاف

صباح صباح جديد

ولي گالت مونيكا هو لي كان والرحلة فعلا مشات ليها هاهي الان فأحد اشهر البحار فروسيا مع اشخاص يمكن اول مرة تشوفهم كانو اشكالهم عجيبين يمكن فتاة فعمرها اول مرة يبانو ليها كلا واحد راسم فنفسو شي عجب الاغلبية موسخين لحمهم بالطاطواج والبرسينغگ وكلا واحد تشويكة فشكل السروال طايح اما البنات لا حرج كاملات تحسينة وحدة وهي “كوب گاغسو” بحال گاع المرهقات شافت نمط عيش مختالف وجو مغاير على لي كبرات وسطو تحمسات تشوف راسها بحالهم اول حاجة قطعات شعرها لي كان عند خصرها تاني حاجة لحمها لي وسخاتو وشام تالت حاجة ستيل لي بدلات رابع حاجة او يمكن اخطر حاجة هو لادغوگ لي ولات شبه مدمنة عليها
فظرف اسبوع فقط الفتاة البريئة لي كانت تحت اسم مونيكا اصبحت مدمنة مخدرات وزيد عليها صدقتها لي طورات مع “مــــلحـــــد” لدرجة شحال من مرة حولات تعاشرو غير جيلين لي كتحاول تخليها بعيدة عليه بحكم عارفا انو دينها مكيسمح بولا وحدة من الامور لي عملاتهم حتى من ادمانها باقا معرفات بيه لأنو كتدروگا بالتخبية

……
اليوم السابع اليوم لي راجعة فيه مونيكا لمدينتها بعد متبادلات تيليفون مع “جوناس” كان هدا هو اسم الملحد لي عندها علاقة معاه كان هدا هو الشخص نقدرو نگولو انو عندو دور مهم فتغيير حياتها لحد ساعة لا نزال جاهلين هل للاحسن؟؟ ام للأسوء؟؟ كل هده التساؤلات يبدو ان لاجواب لها بعد
وقفات اوطو ديال جيلين امام المنزل نزلات مونيكا كتجري باغا تشوف كالورينا ومريم كتحس براسها توحشات العيشة فالفيلا بعد الشيء الى انو اسبوعها كان مثل الخيال كتمنى من اعماقها يتعاود متجاهلا ردة فعل البعض كي دخلات من باب الدار بدات كتغوت بإسم مربيتها بالجهد بدورها كالورينا تمت خارجة من المطبخ لطريقها عندها وقفات مصدومة من شكلها لدرجة شكات فعينيها وگالت انو يمكن مشافتش مزيان ولكن من بعد مركزات فملامحها شهقات اكتر خصوصا وانها كتشوف كريم من لور مونيكا

ملامح مونيكا بداو كيتبدلو من بعد مدورات وجهها لأب ديالها حايرة وسط نظراتو ونظرات كالورينا ويمكن انو حسات بحجم الغلط لي دارت او لي رتاكبات فحق برائتها ويمكن فحق امها لي دنبها انها تمنات بنتها تطلع كتشبه ليها فالاخلاق والقيم ماشي فالملامح فقط

#بنات الناس القصة بدينها بحناس كبير بنعاسكم هدا انمسحوها او لا تعاليق لا اشهرات بزاف مزال معارفينش حتى واش بدات الى بقيتو هكدا انظطرو نمسحوها حيت الجاي احلا هدا غير شونتيومونــــــــــــيكا بين الإلحــــاد والإســــلام ♡

Leave a comment