Skip links

لوسيفر و الملاك …ج4

 2,798 عدد مشاهداات

.

رامز ..❣️

 

الجزء 76من قصة 🍷🍷🍷🍸🔥 لوسيفر والملاك 🍷🍷🍷🍸🔥

…على قبل ولدو يدير أي حاجة، سند راسو على الكرسي لي متكي عليه وغمض عنيه فصمت دازت نصف ساعة تقريبا ورجعات عندهم الدكتورة: كنظن آمسيو رامز الامر واضح وضع الجنين ممستقرش ومعرض للاجهاض فأقل تصرف معقلانيش سواءا سوء التغذية والصحة الجسدية ولا الحالة النفسية المهم نصيحتي ليك انها تتبع الادوية لي فالورقة لي عطيتك وتبعد على الأشياء لي كتقلقها ومتنساش كل مرة فالسيمانة ترجع باش نتابعو الحالة ديالها(رامز معجبوش الحال وخايف على الجنين توقع ليه شيحاجة بسباب ديك الحمقة،تحكم فالأعصاب ديالو وهضر)_رامز:كنظن الامر مفهوم ياك(شاف فنجلاء بغضب)_نجلاء بصوت منخافظ:آه فهمت_رامز:مزيان، ودابا يمكن لينا نمشيو ولا باقة عندك شي هضرة باغة تقوليها_(بتاسمات الدكتورة):هه لا كنظن تقدو تمشيو ..(شد من يد نجلاء برفق وهضر)_رامز:ياله تحركي نمشيو(هو غيضطر يغير المعاملة ديالو معاها حتى تجاوز مرحلة الخطر وهادشي كلو على قبل ولدو، نجلاء استغربات من هاد التصرف ديالو راها بخير وتقدر تمشى بوحدها)_نجلاء بصوت منخافض:غير خليني انا نقدر نتمشى بوحدي_رامز بغضب:لا باينة تقدري تمشاي علاه نتي خليتي رجلك تكون بخير ولا باغة طحي عوتاني وتقتلي ولدي_نجلاء بنرفزة:هذاك ولدي و ماشي ولدك، هو ولدي بوحدي وعمرو يكون ولدك(ورك على يدها بقوة حتى تألمات وغوتات)_نجلاء:آآآي اهئ 😭طلق مني_رامز: هو ولدي أنا ومتحلميش أنني نخليه لوحدة عديمة المسؤولية بحالك فهمتي هو ولدي بز منك سواء بغيتي ولا كرهتي(شدد على يدها كثر ثم سرعان ما تدارك الموقف وتفكر هضرت الطبيبة)_رامز:ودابا ياله تحركي(مشات معاه فصمت وهو شاد ليها من يدها بهدوء تا خرحو من المستشفى وركبو فالسيارة ديالو متوجهين للقصر)#فجهة أخرى آردوغان ضرباتو الفيقة الاعتيادية فالليل وتوجه للثلاجة لي عندو فالبيت خذا منها مشروب وبدا كيشرب، حتى جاه اتصال وجاوب..بعدما سالة المكالمة قال: طبعا غيكون عرف فين كانت هه ولكن منضمنش واش هاد الولد غيتزاد ولا لا ههه 😈(بتاسم بشر وكمل المشروب ديالو)..$$فاليوم التالي$$فقصر آل الحاسبي كان رجحان فقمة الغضب ديالو بعدما ملقا تا خبار على ريتاج وآخر حاجة عرفها أنها دارت شي حادثة ومشات مع شي حد،_رجحان كيهضر فتليفون:شوفو بداو البحث فالنواحي بغيت نعرف هوية داك الشخص فأقرب وقت وإلا غندمكم …#فجهة أخرى كانت ريتاج عاد.

الجزء 77من قصة 🍷🍸🍷🍷🎲🔥 لوسيفر والملاك 🍷🍸🍷🍷🎲🔥

..عاد فاقت من نعاس وكتحس بألم كبير فذراعها لي غيكون الجرح لي فيه تعفن..المخزن كان خاوية وأسد مكانش تما مشى وسد عليها تما..ريتاج بغضب:الق** لاخر غير بلاتي تا نخرج من هنا غندمو على نهار تزاد فيه منتسماش ريتاج إلى مخليتوش يتمنى الموت 🤬(بقات كتشوف حداها على الله تلقى كيفاش تفك راسها من هاد الوحلة شوية بان ليها شي قطع ديال زاج فالأرض ولكن بعاد عليها قررات طيح للأرض وفعلا داكشي لي دارت طاحت مع الكرسي وبقات كدفع برجليها لي مربوطين حتى وصلات لداك زاج هزات شقفة بصباع يدها لي مربوطة وكتحاول تقطع اللصقة بقات هاكاك كتحاول شحال تا فكات يدها ودازت لرجليها واخيرااا تحررات وناضت وقفات وذراعها عاطيها الحريق على جهد قطعات طرف صغير من تريكو لي كان لابسة وربطات بيه ذراعها وبدات كتقلب منين تخرج حتى ملقات تا بلاصة والباب كان مسورت بشحال من قفل من برا قررات تبقى حتى يجي بانت ليها واحد الخشبة صحيحة وخذاتها..#فقصر آل الحديدي#كانت نجلاء ناعسة في أمان وهدوء وأشعة الشمس مضيئة الجنب الآخر من الغرفة وشعرها مسبسب حداها كانت لابسة لي فالتعليق..شوية حسات بشي يد تحطات على كرشها وبدون شعور حطات يدها فوق يدو كان رامز، شعرو كان مبلل وصدرو معري لاف عليه فوطة على نصو لتحتاني_نجلاء بخوف وهي باقة حاطة يدها فوق يدو وكتشوف فعنيه بتساؤل: أنت شنو كدير؟!_رامز ببرود: شنو بان لك كندير، كنتفقد حال ولدي_نجلاء وهي كتبعد يدو على كرشها وكتقاد فبلاصتها: لا هذا ولدي بوحدي أنت متستحقش تكون باباه_ رامز بغضب شدها من شعرها وقربها ليه كثر: هو ولدي، وولدي بز منك وفآخر المطاف غناخذو منك وديري هادشي فبالك باش متولفيهش_نجلاء بصدمة والدموع فعنيها:لا، لا انت غير كضحك ياك 😢هو راه ولدي أنا ومستعدة نموت على قبلو ومنخليهش يتربى بين يديك(طلق من شعرها وكيحاول يهدن راسو دموعها كيأثرو فيه وكيحاول دائما يتجنبهم)رامز بهدوء: ما علينا من هادشي كلو نوضي وجدي راسك باش نزلو نفطرو(نجلاء نزلات من فوق الناموسية وتوجهات للحمام وهي باقة كتعرج فمشيتها،وهو دخل الغرفة الملابس وبدل حوايجو لبس لي فالتعليق بعد دقائق خرجات نجلاء من الحمام وتوجهات الغرفة لي فيها حوايجها بدلات ولبسات لي فالتعليق، وملي خرجات رامز شاف فيها بنظرة تقييم لشنو لابسة بعدها دخل للغرفة وخذا بوليرا دافية ورطيطبة لبسها ليها

 

الجزء 78من قصة 🍷🍷🔋🍷🍷🔥 لوسيفر و الملاك 🍷🍷🍷🔋🔥🔥🍷🍒🎲…#لبسها ليها وهي كتشوف فيه باستغراب بعد شوية وشد ليها من يدها.._رامز بهدوء:ياله نفطرو(تحرك وحتى هي بدات كتمشى معاه وباقة غارقة فأفكارها،شهاد المحبة لي نزلات عليه..نزلو من المصعد بجكم أن رجلها باقة كضرها، دخلو للصالون ديال القصر كيما العادة كلشي مجموع فوق الطبلة دالفطور واخا تاواحد محامل حد ولكن العادة ديالهم هي هذي توجهات ليهم گاع الأنظار لي حاضرة إسكندر شاف فيهم بزوج والطريقة باش رامز شاد ليها فيدها و من بعد دار براسو بحالا مشاف والو وكمل الفطور ديالو روان شاف فيهم بعدم مبالاة ورجع كيداعب العاهرات ديالو وليزا كتفات غير ببتسامة فوجه نجلاء أما شهاب غتموت بالفقة وبقات كتورك بيدها على الفوغشيط🍴🍽، رامز جر الكرسي وگلس فحين نجلاء بقات واقفة حتى دار ليها إشارة باش تگلس حداه، فعلا گلسات حداه بصمت والخادمات كيسربيهم حتى هضر روان بمكر_روان: كنظن أرامز فخبارك خبر المصرف الكبير والمشهور لي تعرض للسرقة_رامز بنفس البرود:آه فخباري وفخباري حتى شكون سرقو(كمل شريب القهوة ديالو ☕)نجلاء كتفات يديها بعدما شربات الكاس ديال الحليب لي بزز عليها رامز تكملو_رامز قرب حدا وذنها وهمس: شهاد الفطور الناقص بربي ومتكملي فطورك حتى نشوهك قدامهم تحركي كملي ماكلتك(تنهدات بتعب وكملات فطورها وهي كتنقب شوية من كل حاجة ومعندها نفس باغة غير تبقا ناعسة، سالاو الفطور وكل واحد فين زاد ورامز هو كينبه نجلاء أن أي تصرف غالط منها غيعرضها للخطر هي والجنين_رامز: سمعيني نتي مزيان برا القصر متحلميش توصلي ليه ولا رجليك نقطعهم لك راه القصر لداخل كبير وكافي باش تغيري فيه الجو المهم إلى سقت لخبار أنك درجتي برا غندمك(شاف فيها بنظرات تهديد وهي بادلاتو نظرات لا مبالية)_نجلاء: الى ساليتي غنطلع نرتاح_رامز: لا باقي مساليتش ونزيدك أي حاجة بغيتيها مهما كانت طلبيها من خادمات ومتديري تا حاجة تجهدي بيها راسك(شدها من ذراعها وهضر)_رامز:شوفي قسما بربي وتوقع شيحاجة لولدي بسبابك منرحمك أنجلاء فهمتي(طلقها وبقا مراقبها حتى طلعات فلسانسور عاد خرج من القصر متوجه لإحدى الشركات ديالو)#فجهة أخرى آردوغان لابس بزة عسكرية وداخل للواحد تيران كبير مسقف وقف قدام واحد الفرقة فيها شي شباب قويين البنية وأجسادهم رياضية لابسين زي رسمي كيشبه للزي لي لابس هو.._آردوغان: هاه واخيرا وصلت.

 

الجزء 79 من قصة 🍷🍷🍷🎲🎲 لوسيفر ة الملاك 🍷🍷🍷🎲🎲🎲…

أخيرا وصلت واليوم بغيت نسمع الهتاف ديالكم بقوة..(الكل فنفس واحد وبصوت موحد يحيا آردوغان يحيا آردوغان)_آردوغان وهو كيدير قطعة ديال المسكة ففمو: هه واااع أحسنتم يا كلابي الوفية 😈 كنظن كتعرفو العدو ديالنا مزيان وعارفين شغلكم ههه تحركوا حطمو ليا أقرب شركة فطريقنا وااع انطلقوو 😈(عطاهم إشارة وانطلقو وكلهم حاملين أسلحة فالأحزمة ديالهم، اما آردوغان كيطرطق في المسكة وكيبتاسم بانتصار 😈..#أسد فتح الباب ديال المخرن ودخل ولكن سرعان ما حس بضربة قوية على راسو ثم بعدها فقد الوعي ديالو ودمايات كتقطر من البلاصة لي تضرب فيها، حركاتو ريتاج بالعصى لي هازة فيدها لي ممجروحاش فيها وأخيرا فادها التجنيد والتدريبات ديالو فشيحاجة، كان مكيتحركش ولكن باقي كيتنفس دفعات الباب ديال المخرن برجها وتحل)_ريتاج: إلى ما ندمتكش على نهار شفتيني فأنا مغنكونش ريتاج..كملات طريقها خارجة من المخزن وركبات فلوطو ديالو ومشات لأقرب مستشفى عالجات الجرح ديالها وهضرلت مع رجال ديالها باش يتكلفو بأسد حتى تسالي ليه ..#فقصر آل الحديدي#نجلاء خامرة بالنعاس فوق ناموسية رامز وبعض الأحيان كتجيها التقيا وكتنوض بزربة للحمام ثم كتعاود ترجع تكمل نعاسها، شوية ناضت وهي مشهية بيتزا بالكفتة والو حالفة اليوم حتى تاكلها، نزلات من فوق الناموسية وتوجهات خارج الغرفة ركبات فالمصعد تا وصلها لتحت وبقات غادا فرواق القصر كتقلب فين جات الكوزينة، عيات متقلب وكتلقا غير غرف ديال الالعاب والمكتبات والمكتب ثم وصلات للبلاصة لي فيها مسبح داخلي كبير عجبها المنظر ووقفات شوية كتشوف فيه_نجلاء بتعب: اووف فين غتكون هاد الموزينة يا ربي قلبت عليها حتى عييت واش هذا قصر ولا متاهة(رجعات أدراجها وهي تلاقا فطريقها أحد الخادامت لي طلبات منها توريها المطبخ وفعلا الخادمة هادشي لي دارت وملي وصلات نجلاء للمطبخ حلفات على الخادمة حتى هي لي تصيب البيتزا حيث كان علمها ليها باباها بواحد طريقة كتسطيها بيها ولكن فنهاية المطاف تحرقات فذراعها_نجلاء بدموع:هاااححح آي اهئ 😭😭 يدي كتحرقني(الخادمة كدير ليها الثلج باش تخفف الألم ديالها)…

 

الجزء 80 من قصة 📛📛🔋🍷🔥 لوسيفر و الملاك 📛📛🔋🍷🔥..

عالجاتها الخادمة ودارت ليها ضماضة ونجلاء باقة كدمع، الخادمة كملات طبخ البيتزا وهي خايفة من ردت فعل رامز ملي يعرف أكيد غيجري عليها..نجلاء گلست فطاولة لي كانت مقابلة مع الفران حاضيا البيتزا إمتى توجد..#في إحدى شركات رامز لي كان غادي نازل من المكتب ديالو الفخم وهو غادي وكيراجع شي ملفات فيديه حتى كيتفاجأ بطلقات نارية برا الشركة والزاج تهرس لاح دوك الملفات وتاجه عند الحارس لي لداخل كدا من عند و السلاح ببرود وخرج برا ومباشرة ملي شافهم بدا كيتيري فأي واحد جا قدامو هوما كانو دايرين أقنعة على وجههم ومسلحين ستمرات الطلقات وتجنب الطلقات وتدخلو حراس رامز وفالأخير سالات المعركة وبقا واحد من دوك المقنعين شدوه رجال رامز وجابوه قدام رامز لي بدورو ضربو حتى جا راكع على ركابيه وشد من شعرو بجهد وحيد ليه القناع وجه مكيعرفوش_رامز: بطبيعة الحال هادو فعايل داك الفاشل ديال آردوغان مزال أسلوبو قديم هه ما فيها باس نعلموه أسلوب جديد ومنها نختارعو لك قناع آخر هااا(شاف فيه بشر وجبد من جيب السترة ديالو موس وبدا كيخطط فوجه داك المقنع وهاد الأخير كيغوت ويطلب منو الرحمة ولكن والو سالا وخلا وجه هذاك كولو دمايات بعدها نتاقل للذراع ديالو لي حفر فيه سميت*لوسيفار*😈..رامز: ودابا يمكن لك ترجع عندو وتعلمو أن هذا آخر إنذار ليه وإلا غندمرو(هضر مع رجال ديالو بأمر) تحركو حيدو عليا هاد الق** من هنا(شاف فيه بنظرة اشمئزاز ودخل بحالو للشركة وتوجه لقاعة الاجتماعات بحالا ماوقع والو والموظفين مكلفين بخدمتهم عادي ورجال التنظيف والصيانة كيعاودو ينظفو ويقادو لي خسر،رجال رامز فرقة تكلفات يحيدو الجثث لي على برا وفرقة خرى خذاو داك المقنع لمقر آردوغان..).

 

 

الجزء 81 من قصة 🍷🍷🍓🎲🔥 لوسيفر و الملاك 🍷🍷🍓🎲🔥..

روميساء:ما علينا شغلها هداك أصلا أنا مدخلاتش لخاطري من نهار لول والمشكل مزويناش زينها على قد الحال معرفتوش شنو عجبو فيها_&&: ودابا خلينا منهم نتي واش كتعرفي هذاك لي غتزوجي بيه_روميساء:هه كنعرف النم، لا والو كنعرف غا سميتو وكنيتو والباقي الله يجيب 🤣_&&: هه على قردة كيدايرة شوفي الحمقة عطيني غا سميتو وكنيتو أنا نجيب ليك معلوماتو تال عندك_روميساء بدون اهتمام:سميتو مراد بناني على ما أظن شي شخصية معروفة ولكن مكنعرفوش مزيان_&&: ههه واايلي حلفي بالله معرفتيه هه وراك فدار غفلون نيت🤣 أصاحبتي باباه رجل أعمال معروف وعندو شركات فالمغرب وخارج المغرب وعندو غير زوج ولاد بنت سميتها سحر وولد لي هو مراد شاب عشريني غزال ومستقل فالأعمال ديالو محتارم وكيحمق صراحة كنت درت ليه متابعة فأنستغرام ديالو كيووت 😍_روميساء بغضب:ايوا زمي فمك شوية ألالة راك كتهضري على راجلي واقيلة_&&: امم عاد ضرباتك عليه النفس وولا راجلك هه برب وتفلتيه عليك حتى نعرفك حمقة د بصح_روميساء:نو أحبيبتي هو ديالي وغيكون ليا غير أنا،ودابا هنينا من الهضرة الخاوية ودوزي عندي للقصر راه كنتسناك (سلاو هضرتهم وقطعات معاها الاتصال)**#فقصر آل الحديدي#نجلاء گالسة فالمطبخ دالقصر كتاكل البيتزا ديالها بشهية وهي فرحانة.._نجلاء:همم 😋شحال بنينة هااح فعلا كتستحق هاد الألم لي حسيت بيه قبيلة ملي تحرقت هه🤣، ناااري داك زمر الى جا وشافني محروقة غيقتلني😰 ولكن بلاتي أنا غن..(جرات لكمام ديال القبية لي لابسة وغطات ذراعها لي محروقة حتى مبقا كيبان والو، بعدات شعرها على وجهها وكملات البيتزا ديالها حتى حسات بشيواحد حداها، كانت شهاب جرات كرسي وگلسات حداها وخذات قطعة من البيتزا كتاكل وتهضر)_شهاب:هه نتي هنا وانا كنقلب عليك_نجلاء باستغراب وهي باقة كتمضغ: وعلاش بسلامة كتقلبي عليا_شهاب:هه بغيت شي حد يونسني علاش كاين شي مشكيل_نجلاء ببتسامة بريئة:هه لا مكاينش أنتي شنو سميتك_شهاب ببتسامة: انا شهاب وانتي أكيد نجلاء _نجلاء:تشرفت هه باش عرفتي سميتي _شهاب بملل:هذاك رامز عطاني محاضرة عليك عاد خرج بحالاتو_نجلاء باستغراب:هه وعلاش زعمة _شهاب:معرفتش نسولك نتي_نجلاء بتوتر:أنا، حتى أنا بحالك(سرعان ما حسو بشيحد حداهم تلفتو كان رامز لي كيشوف فنجلاء بنظرات نارية)_رامز: نتي شنو كديري هنا نوضي تق** للبيت(جرها وقفه

 

الجزء 82 من قصة 🍷🍷🍷🔥🍓🎲📛 لوسيفر و الملاك 🍷🍷🔥…

جرها وقفها من ذراعها لي تحرقات فيه وهي طلقاتها بوااحد الغوتة وضربات يدو بعداتها عليها(طلق منها وهو كيشوف فيها كيفاش خباتها ورا ظهرها وتوثرات وهي كتشوف فيه بنظرات رعب)_راامز بغضب عارم: آآري يدك نشووف، طلقيي علاش مخبية يدك(قرب حداها وجر يدها وهز لكم ديال القبية كتبان ليه الفاصمة وجلد ذراعها حمر عرفها تحرقات)_رامز بغضب ونظرات نارية شدها من ذراعها وحيد ديك الضماضة وتوجه للثلاجة خذا منها قطع ثلج ودارهم وبدا كيمررهم على ذراعها بلطف ونجلاء كدمع وكتمسح دموعها بيدها لاخرة وهضرات: أنا اهئ 😭 والله مقصدت أنا كان فيا جووع أو.._رامز بغضب:او شنووو وشنوو..صباح گلت لك فطري وگلستي كتعوجي ومكليتي والو ودابا حرقتي ذراعك هادشي لي باغة غير بلاتي الق** غندمك على گاع هاد الفعايل ديالك🤬_نجلاء:سمح…(باقي مكملاتش هضرتها سكتها بصوتو العالي لي تسمع فالقصر كولو)_رامز:سكتييييييي حسك منسمعوووش وإلا غنقتل موك هنا🤬🤬(سكتات وهي كتبكي وكاتشوف كيفاش كيمرر قطع الثلج على ذراعها شوية غوت على الخدامة جابت ليه واحد لبومادة دالحريق ذهنها ليها وعاد دار ليها ضماضة وهو كيخنزر فيها، شهاب غير كتشوف فيهم وساكتة أول مرة كتشوفو فيها معصب حتال هاد الدرجة من نهار شافت معاه نجلاء وهو هاكاك هو عادة مكيتسوق لحد وعمرو هتم بشي حد ولو مات قدامو إذن شنو السر وراء هاد الاهتمام بقات كتشوف فيهم بتفكير وشك وفنفس الوقت الغيرة والحسد كتقتلها كيفاش كيهتم بيها هي وأنا لا..أسئلة كثار فراسها ملقاتش ليهم جواب، قاطع تفكيرها صراخ رامز على الخادمات ديال القصر لي جمعهم حتى عرف شكون كانت مع نجلاء وقف قدام ديك الخادمة وشاف فيها بنظرات كلها غضب جرها من ذراعها بقوة وشعل الفورنو على درجة حرارة عالية وحط يدها عليه بقوة وهي كتغوت وكطلب منو يرحمها وان نجلاء لي مخلاتهاش تعاونها وفنفس الوقت نجلاء كتبكي وكتحاول تبعد يد رامز على يد الخادمة لي كتحرق ودمايات خارجين منها..حتى حس بشي حد عنقو من الخلف كانت نجلاء لي عنقاتو ويديها بزوج على صدرو ووجهها لي فازگ بالدموع لي مسند على ظهرو وهي كتهضر بصوت باح..)_نجلاء:اهئ أنا اهئ انا سباب عاقبني أنا اهئ عافاك 😭😭 خليها بحالها معندها تا ذنب فلي وقع اهئ انا سباب(..ملي عنقاتو حس بواحد شعور غريب عمر شي وحدة خلاها تتمادة وتقرب منو بحال هاكة مباشرة طلق.

 

الجزء 83 قصة 🍷🍓🎲🔥📛 لوسيفر و الملاك 🍷🍓🎲🔥📛..

طلق من يد الخادمة لي كلها محروقة وكتنزف وهضر بغضب وهو كيشوف فعنيها_رامز: منعاودش نشوف كمارتك هنا وإلا غنقتلك ونمحيك من هاد الدنيا(الخادمة خرجات كتجري والدمايات كيتساقطو فالارض من يدها، نجلاء باقة فنفس الوضع مزال معنقاه ومزيرة عليه وهي كتبكي عرفها دخلات فنوبة العاطفية عوتاني بعد يدها على صدرو وقلبها لعندو لقدام وعنقها بقوة_رامز بهمس فوذن نجلاء:هشش تهدني راه موقع ليها والو شش(نجلاء بادلاتو العناق بلا متشعر وهي مزيرة عليه وباقة كتبكي، رامز ملي طولات فالبكى هزها بين يديه وتوجه خارج من المطبخ تحت ذهول شهاب لي حلات فمها من الصدمة 🤯 وعقلها بغا يخرج من بلاصتو..)_شهاب بصدمة:ولكن ولكن كفاش،انا ..انا مبقيت فاهمة والو كيفاش تبدل لهاد الدرجة وولا كيتعامل بهاد الانسانية كاملة وكيفاش غير معاها وانا لا غير بلاتي ألالة نجلاء قريب نعرف شنو السر لي مخبين..(رامز كان وصل للغرفة ونزع لنجلاء ديك البوليرا وحطها فوق ناموسية وغطاها وهي باقة مصدومة مع حطها مع تكورات على راسها وسدات عنيها بصمت، هو توجه للحمام بلا حتى كلمة، دوش وبدل حوايجو لبس تيشورت وسروال خفيف دنعاس ووتلاح نعس حداها وهو محاوط خصرها وهي عاطياه بالظهر، نجلاء محسات براسها إمتى نعسات كانت باغة غير إمتى تخلص من هاد الكابوس لي عاشتو اليوم..).

 

تتمة جزء83

# إسكندر فالبيت ديالو بعدما رجع من شركتو الخاصة خذا التيلي ديالو ودخل للواتس سيفط رسالة لواحد الرقم..**فجهة أخرى كانت سحر عاد دوشات وبدلات حوايجها وتاجهات للسرير ديالها باش تنعس ولكن سمعات ميساج جاها، خذات تيلي ولقات الميساج لي كان مكتوب فيه بب آجوتيني..تعجبات وكانت غتبلوكي الرقم حتى عيط عليها وجاوبات بهدوء.._إسكندر: فين ابب تواحاشتك_سحر:سمح ليا ولكن ما..(قبل متكمل كلامها جاوبها بغضب): معرفتينيش حيث كتعرفي غير صوتو هو يااك 🤬_سحر بعدما عرفاتو شكون: انت منين جبتي نمرتي_إسكندر:شوف انا فاش كنهضر ونتي فاش كتهضري🤬 سمعيني مزيان نبغي فينما نعيط عليك جاوبيني ويا ويلك يگول لك راسك تبدلي نمرة ولا شي حاجة نمرتك فالبلاصة تكون عندي مكتطلبش مني وقت ولكن العقاب ديالك لي غيتزاد فهمتي انتي راك ديالي ومتنسايش الهضرة لي گلت ليك(سحر بقات غير كتمزك ليه ومفهمات والو فشنو كيحاول يدير ولاش باغي يوصل..)#فجهة أخرى آردوغان رجال ديالو جابو لعندو داك المقنع لي كلو دم

 

الجزء84 من قصة 🍷🍷🍷🔥🔥📛 لوسيفر و الملاك 🍷🍷🍷🔥📛

….دمايات والجسد ديالو مكتوب فيه سميت لووسيفاار، شاف فيه آردوغاان ببرود وتوجه خذا واحد سلاح ديالو كان فوق طاولة زجاجية وبسرعة تيرا فيه وجات رصاصة فراسو.._آردووغان: لووسيفاار غير بلاتي باقة عاد غتبدى الحرب وهذي غير البداية ههه بووووووم 💣💥💣(هضر بنبرة صارمة)حيدو عليا هاد قيل نفع من هنا وديرو الجثة ديالو فالمجمد كيما العادة متعرفوو نوجدو شي عشى مميز ههه فهاد الليلة 😈..#فجهة أخرى ريتاج فواحد المصنع واقفة قدام واحد المكعب زجاجي كبير عامر بالماء وفوق منو واحد الآلة حديدية مربوط فيها أسد من يديه بزوج ورجليه وكان باقة فغيبوبة باقي مفاقش، ريتاج كانت لابسة كلشي كحل ودايرة نظاظر كحلين وجامعة شعرها الفوق على شكل ذيل حصان وأنظارها متوجهة لأسد وخلي رجال ديالها لي كاينين فالمصنع قربات وگلسات فوق واحد الكرسي مقابل مع داك المكعب وهضرات بصرامة: فيقووه(واحد من رجال تقدم ناحية أسد وهو هاز صاعق كهربائي وفلحظة وحدة غرسو فالجسد ديال أسد وبدات الصعقات الكهربائية كتعطي المفعول ديالها فعلا فاق وجسمو كلو هتز على إثر الصعقات المتتالية لي مخلاوش ليه المجال فين يدافع على راسو.._ريتااج: حبااااس(وفعلا حيد الجهاز)_ريتاج بعجرفة:هاااي أسد علمدار كي بقيتي _أسد بغضب:هادي نتي الق** كنت متوقع أنك دابا مرمية فشي مستشفى ولكن على ما اظن عندك سبعة درواح_ريتاج باسهزاء:هه لا متخافش عليا خاف على روحك لي منضمنش ليك واش تبقى كثر من هاكة، وفنفس الوقت غنعلمك الأساليب لي كنتعامل بيهم مع الحشرات لي بحالك(وبإشارة منها واحد من رجالها خدم ديك الآلة لي تحركات وبسرعة غرقات أسد كلو فالماء ديال داك المكعب، وهو كيحاول يفك راسو ولكن بدون جدوى وبإشارة منها عوتاني الآلة خرجاتو من تما_ريتاج:ثيق بيا غتمنى لو أنك عمرك تلاقيتي بيا ولا عرفتيني 😈😈.

.تتمة الجزء 84

.#فجهة أخرى نجلاء فاقت ولقات راسها بوحدها فالغرفة ناضت بكسل وتوجهات للحمام وهي كتحس بلعيا غسلات وجهها وقضات حاجتها وخرجات طلات على الساعة الإلكترونية لي كانت على احد جدران الغرفة كانت ساعة 4:00 تعجبات أنها نعسات هاد الوقت كلو، بعدها بان ليها لباب ديال الشرفة محلول توجهات لتمى وكيما العادة بان ليها القصر كلو والمناظر ديالو الخلابة وحديقة الحيوانات لي فجنب القصر والمزرعة حتى هي خلي المسبح الكبير لي وسط ساحة القصر كان كلشي منظم.

 

الجزء 85من قصة 🍷🔥🔥📛💥💣 لوسيفر و الملاك🍷🔥🔥📛💥

..تما بان ليها رامز لي كان حدا المسبح گالس فأحد الكراسي تما ودايرين عليه دوك زوج كلاب ديالو لي مكيفرقهمش كان كيكمي وفجهة أخرى من المسبح كانت شهاب كتستعرض الجسد ديالها الفاتن وكتلاح تعوم أما إسكندر كان متكي على واحد الكرسي وكيضحك مع ليزا لاحظات عدم وجود روان داك الشخص قليل فاش كتشوفو فالقصر وقليل فاش كتسمع حسو بحال إلى ماشي الأب ديالهم وعلى ما يبدو بارد القلب حبسات التفكير ديالها الساذج_نجلاء: طبعا غيكون نسخة طبق أصل ولدو شخص بارد ومفقلبوش الرحمة،علاش كلهم مجموعين تما وعايشين الحياة وانا لا والله لكانت ليهم حتى أنا غنزل ونعوم هه وخا مكنعرفش المهم نحس بالما على الجسد ديالي هه(توجهات لغرفة الملابس وبدلات حوايجها لبسات واحد اللبسة لافتة للأنظار وقصيرة جاتها سيكسي بحكم الجسد ديالها المتناسق وجمعات شعرها الطويل على شكل ذيل حصان وخلات بعض خصولاتو طايحين على وجهها دارت شوية دالعكر خفيف وردي ممعيقش بزاف ولبسات صندالة بنفس الشكل ديال اللبسة_نجلاءوهي كتشوف راسها برضى فالمرايا:هااااه وأخيرا ساليت هاااحح جيت كيووت 😍😍 ودابا نمشي نفقص دوك الحثالة ههه حثالة أثرو عليا المسلسلات(خرجات وهي كتهدر مع راسها بحال شي حمقة وكضحك مرة مرة قربات حدا المسبح وشعرات بالخوف والقلق)_نجلاء: وإلى قمعني وجرا عليا لا لا محال، هاااح نخاف غير يضربني قدامهم، امشي يق** علاش سوقو حتى انا بغيت نبدل الجو(تقدمات بثقة وهي معرفاش فين تمشي ولا حدا من تگلس..، رامز كان ملاهي مع مداعبة الكلاب ديالو حتى بانت ليه جايا وخصوصا اللبس ديالها عصبو علاشنو كتقلب هادي فهاد نهار الواحد غير يقتلها ويتهنا منها ومن الفوق تايقة فراسها وكتعوج، حاول يتحكم فالأعصاب ديالو ومينوضش يمرمدها تما حتى كتبان ليه جايا لجيهتو..،_نجلاء:يخخ محسيت براسي حتى وليت غاذة لجيهتو دابا شنو غندير كنت ناوية نمشي عند إسكندر على الأقل هو معرفة قديمة ولكن تفكرت ملي مدافعش عليا ومعاونيش داك نهار أصلا هو تبدل بزاف مبقاش إسكندر لي كنت كنعرف يامات الجامعة، وحتى ديك البنت لي حداه مكنعرفهاش ولكن كتبان ظريفة وقليل فاش كنسمعها كتهضر(بقات غادة وبزاف ديال الأفكار كيطيحو عليها، ثم فالجهة الأخرى من المسبح نتابه ليها إسكندر وليزا..)_ليزا: واش هادي هي نجلاء لي كنتي عاودتي ليا عليها_إسكندر ببتسامة وهو باقي كيشوف

 

الجزء 86من قصة 😍🍷🔥🎲 لوسيفر و الملاك 😍😴🔥🎲😍😍🎲🎲

..(كيشوف فيها شوية وشاف فليزا)إسكندر: آه هي نيت مفهمتش نوع العلاقة لي كتجمعها برامز ولكن على ما يبدو علاقة متوترة_ ليزا بإعجاب:شوف شحال غزالة وشعرها وشعرها طويل تبارك الله ..(فجهة أخرى نجلاء تقدمات بكل جرأة وفاتت رامز وهي متجاهلاه گلسات فواحد الكرسي قريب ليه هو بقا كيشوف فيها بنظرات نارية وزير على القبضة ديالو 👊 ونجلاء باقة متجاهلاه وعيطات على أحد الخادمات طلبات عصير وضغيا جابتو ليها الخدامة وهي مرتاعبة من نظرات رامز..)_رامز بغضب وهو نايض لعندها:هاد الق** هادي مكتفهمش بهضرة وحدة(نجلاء شافتو جاي عندها وهي تسرط ريقها وتوترات، وبسرعة ناضت من بلاصتها وهي هازة لكاس دالعصير فيدها لي متحرقاتش فيها، وتوجهات ناحية إسكندر وهي خايفة من ردت الفعل ديالو، ولكن محسات براسها إمتى شدها رامز من ذراعها لي تحرقات فيها بقوة وهي بدورها تأوهات وطاح ليها الكاس بقات كتشوف فيه بنظرات توسل باش ميحرجهاش قدامهم،رامز مهتمش لنظراتها)_رامز بغضب: شنو لي جابك لهنا 😠ياك قلت لزا** بوك متهبطيش من بيتك هاا_نجلاء بصوت هادئ: وعلاش لي منهبطش حتى انا بغيت نبدل الجو واصلا عيت من ديك البيت لمظلمة بحال شي حبس_رامز: كلمة وحدة قو** رجعي بحالك_نجلاء بعناد: لا مغاداش انا غنبقى هنا وزيدون ماشي شغلك ندير لي بغيت_رامز بغضب: غير كتحلمي زيدي قدامي 🤬(جرها من ذراعها بقوة وهي كتقاوم، حتى غوتات بقوة وهضرات)_نجلاء: طلااااق مني راه قلت لك مغااداش 🤬(رامز عصباتو وعيا مبقى يتجاهلها، رفع راسو بغضب كان غينزل عليها بتصرفيقة للوجه ولكن تفكر الجنين بآخر لحظة وبعد يدو،كانت هي سادة عنيها كتسنى الدقة ولكن ملي حلات عنيها لقاتو شد ليها من يدها برفق وغادي بيها جيهت المسبح هي كانت مخلوعة وتفكرات آخر مرة كانت غتغرق فالبيسين)_نجلاء بخوف:عافاك أنا مبقيتش غنعاود أنا_رامز بهدوء: سكتي وتحركي(وصلو للمسبح وحيد تيشورت ديالو وشد من يد نجلاء ونزلو من درجات لي كانو فالبيسين ونجلاء خايفة ..شهاب بكره كانت كتشوف فيهم وهي كتعوم حتى وصلات لجيهتهم وهضرات بنبرة مازحة)_شهاب: امم عصافير الحب هنا(غير سمعها رامز وتلفت لعندها وشاف فيها ببرود)_رامز: سيري تق** نتي لي بقيتي ليا(نزل نجلاء كثر وهي شادة منو وحاطة يدها لي تحرقات فيها على صدرو العاري..)_نجلاء بخوف: رااامزز صافي بلاش أنا مبقيتش باغة كنت جايا ..

 

.الجزء 87من قصة 🔥🔥🎲🍷🍷لوسيفر و الملاك 🔥🔥🎲🍷🍷…

..باغة كنت جايا غير نبدل الجو_رامز ببرود: وها حنا ابب كنبدلو الجو(هو متأكد أنه قال هادشي غير باش يفقص شيهاب وتبعد منهم)_شهاب بصدمة:أنا ..أنا غنخليكم(توجهات خرجات من المسبح وهي باقة تحت تأثير الصدمة إذن هادي هي العشيقة ديالو وانا كان كيعتابرني غير مجرد عاهرة ولكن غندمها كيفاش تجي وتاخذو ليا من بين يدي وهي متستحقوش، بقات غادة فالطريق لجيهت الكرسي ديالها وهي كتفكر وكتوعد نجلاء بالانتقام..)_إسكندر: ههه تعالي نتلاحو نعومو تا حنايا هه شفتي رامز كي ولا مطيع فجأة كان يحساب ليا غينوضو شي معركة بيناتهم ساعة موقع والو(قبل متجاوبو ليزا جاه ميساج فيه شي تصاور فتحهم وكانو تصاور سحر مع واحد الواحد بوگوص وباينة عليه شابع فلوس وهي كانت كضحك وشادة من ذراعو، إسكندر تعصب وورك على تليفون ديالو بجهد وناض بلا ميگول تا كلمة..ليزا تعجبات كيفاش تبدل هاكة ياك عاد كان فرحان، ولكن سرعان ما ابتاسمات ملي شافت رامز كيفاش كان كيعلم نجلاء تعوم.._نجلاء وهي كتكحب: كح كح لا صافي الما دخل ليا لنيفي وكنت غنتخنق_رامز بغضب: واش نتي حمقة ولا مالك ياك گلت ليك حبسي أنفاسك مفهمتش منين كتسمعي_نجلاء: راه مكنتش فاهمة كيفاش صافي دابا انا فيا البرد(كانت كترعد)_رامز: اووف معاك طلعي جففي شعرك حتى نسالي(قال هادشي وتلاح كيعوم بمهارة وهي بقات غير كتشوف فيه نسات شگال ليها..)

 

تتمة الجزء 87

#فجهة أخرى#ريتاج واقفة حدا واحد طاولة حديدية مربوط فيها أسد بسناسل من يديه ورجليه وصدرو عريان، كانت هازة سكين 🔪 وكتلعب بيه بين يديها.._ريتاج: اللعبة اللولة كانت زوينة هه ولكن هاد اللعبة حسن بزااف😈_أسد جاوب ببرود: مكنتش عارف بلي نتي مريضة نفسيا ولكن غناخذ هاد الامر بجدية ملي تجي بين يديا غندمك 🤬_ريتاج: الأحلام آسي أسد مكيبدلو والو من الواقع يعني غير خلي الذهن ديالك مرتاح ههه ودابا خلينا نبداو(شدات الموس وبدات كترسم شي أحرف بالإنجليزية على صدرو وكتحفرهم فلحمو ودمايات دايزين، أما أسد مدار تا ردت فعل ومعتارضش حيث إلى مشات تا جات بين يديه غيقتلها ومغيرحمهاش، سالات الكتبة وكانت عبارة عن إسمها بأحرف كبيرة وواضحة_ريتاج:اممم هاكة حسن باش تفكرني وتفكر الحقارة ديال وكم أنك عاجز ومجرد حثالة ندير فيك ما بغيت وقتما بغيت ومنها نيت تحتارم لي علا منك مرتبة 😈_أسد بغضب عارم :عااااا غنقتلك الق** غندم زا** بوك على هاد ستونات كلهم وغنخليك عبرة لأي كلبة تتجرأ توقف فوجهي غير بلاتي(شوية قاطع كلامهم الباب ديال المصنع لي تفتح بطلقات رصاص ودخول رجال رجحان ولي تزعمهم وهو غضبان وهاز فيدو ليمنى سلام)

 

 

❌❌❌❌❌❌❌❌❌❌❌❌❌

#تسريب❌❌❌

 

..#في الساعة 00:00 من الليل وبالضبط في العاصمة الأمريكية واشنطن في أحد السجون المرموقة وأحد أخطر السجون فالعالم كان مقر كبير فأسفل الأرض خاص بالمساجيين الأكثر شراسة وعندو حماية كبير وبالإضافة إلى وسائل التعذيب والتخويف لي كانت كتحاصر كل سجين وكتمنعو من ولو مجرد التفكير فالهرب خلي كامرات المراقبة الحديثة لي كانت على كل جدار وكل بلاصة حتى فالحمامات وزد على ذلك الليزر الذري لي كان كيشددو بيه الحراسة فالليل على گاع الأبواب والمخارج، وما تجيو تگولو ليا غيقدرو يهربو من فتحات التهوية ههه ومكاين لا تهوية لا والو ههه تحت الأرض والأكسجين كاينين مجرد أنابيب صغاار قد الإبهام فسقف كل رقعة فالسجن كانت كتدخل الكمية لي كافياهم من الأوكسجين كل نهار..، بعض المساجين مكيقدروش يتحملو الوحدة ديالهم والعزلة ديالهم وكيتسطاو فبالتالي كيعيشو غير بالأدوية والمهدئات ومكاين لي يرحمهم كل واحد من المساجين عندو غرفة ديالو عبارة عن سجن بالزجاج الغير قابل للكسر وشفاف كيبين أي حركة كتصدر منهم وإلى شكو حراس الامن لي دايما على بال فأي حركة غريبة من سجين سواء كانت دقات خفيفة ولا حركة ولا صوت كيقتاحمو الغرفة ديالو وكيفتشوها كاملة ومكيخليو تابلاصة ممقلبينهاش بعدها كيعاقبو السجين أشد عقاب وخا ميكونش قاصد..، قوانين السجن صارمة كيما العادة والأكل والشرب والحمام الصغير كل هاد الأشياء داخل الغرفة ديال كل سجين باش ميخليوش ليه الفرصة فين يخرج ولا يهرب أبدا ..فهاد السجن كان البطل ديالنا ولي هو أخطر سجين عندهم وأكبر متوحش بهيئتو الرجالية الضخمة وبنية متناسقة وجسد مليء بالعضلات والموشوم بجميع الرموز الغريبة وشعر كثيف دال على عدم المبالات كلشي كيخاف منو فداك المكان گاع السجون عارفين الماضي الخبيث ديالو من ديور الدعارة في مختلف البلدان وجرائم القتل متسلسلة وغسل الأموال وسرقة البنوك وعمليات تهريب مختلف المخدرات بالإضافة إلى عدة مافيات كان السبب وراء انتشار كل وحدة منها… عند و جرائم متعدد من الكثرة ديالها مقدروش يحسبوها شحال بزز باش تم القبض عليه حيث كان كل مرة كيزور الهوية ديالو وكيظهر بشكل جديد وهوية جديد حتى ولا معروف بسمية الحرباء كلشي ضارب ليه ألف حسااب..ايوا بلاما نطول عليكم سميت هاد السجين الحقيقية هي *شهين سيزر بن نصر الدين أشهر القتلة*فالعالم ولا مكيقدر يتحكم فيه حتى حد وغير قابل للترويض أو التعديل

 

❌❌❌❌❌❌❌❌❌❌❌❌❌

كلشي كيتسال شكون هدا و لا لاحظتو كنيتو هيا بن ناصر دين لي هيا كنيت نجلاء اذن شنو علاقة لي اتربطها بهد قتال محترف هادشي كامل انتعرفوا عليه ف لي بارت قادمة❤️❤️💣

 

نهاية التسريب

 

 

الجزء88 من قصة 😍🔥🥃🍷🍾 لوسيفر و الملاك 🔥🥃🍷🍾🎲🔥🔥

..حيدو عليا من هنا(هضر مع رجال ديالو وأسد شاف فيهم باحتقار)_أسد: منكونش أنا علمدار أسد إلى مندمتكمش وخصوصا نتي غنخليك تمناي الموت ومتلقايهاش(رجحان تصدم ملي سمع النسب ديال أسد، دابا هذا لي مكتف هنا هو أسد علمدار ولد عصام علمدار أشهر رجل مافيا والعصابات هذا ولدو وهاد الحمقة ديال بنتو كتلعب مع الشخص الغلط وأكيد غتوقع فمصيبة كبيرة..تدخل رجحان بتوتو)_رجحان(تقدم عند أسد وبدا كيفك فالسلاسل هو رجال لي معاه حتى حرروه):شوف اولدي أكيد بنتي معرفاتكش من لول هذا علاش تصرفات بتهور وريتاج بنتي الوحيدة والعناد ديالها ديما خارج عليها كنعتذر منك بلاصتها أو..(أسد مخلاهش يكمل كلامو ورفع السبابة فوجهو وهو كيشوف فريتاج بتهديد)_أسد: شش عتذارك خليه عندك معندي مندير بيه وديك بنتك الحقيرة غندمها وحسابها معايا كبير غنخليها تعرف أسد علمدار على حقيقتو، وهاد الاعتذار ديالك كان هي لي خاصها تكولو من لول وتهنينا من هادشي_ريتاج ببرود وهي كتشوف فيه بتحدي:اولا أهاد القو** صبع يدك ميترفعش فوجه سيادك مرة خرى ولا بربي تنقطعو لك راك باقي مكتعرفش ريتاج علاش قادة، والتهديدات ديالك الخاوية ديرهم فك**(رجحان مسكين كيحمار ويصفار ومقدرش يحبسها من الهضرة لي كتگول فيها وهي ماعلا بالهاش،أسد غادي لجيهتها وبسرعة نقض على العنق ديالها بقوة وهي كتكحب ورجحان تخلع من المنظر وآمر رجال ديالو باش يبعدو أسد عليها ولكن بدون فائدة مزال كيخنق فيها كثر وعينيه حمرين اما هي وجهها تلون بالحمر وكتحاول تفك من القبضة ديالو)_رجحان بخوف: أسد صااافي أنا مستعد ندير لي بغيتي غير على قبل تبعد منها وتنسى هاد التصرف الصبياني لي دارت بلا متقصد_(أسد ملي سمع هاد الإقتراح لي كان كيتسنا فيه طلق من ريتاح ودفعها حتى طاحت للأرض)_أسد: هه اقتراح زوين ولكن فنظرك كيفاش نقدر نرد الاعتبار لي تحطم بسباب هاد بنتك الحمقة هاا_رجحان: انا معرفتش ولكن كنواعدك وعد شرف أنني مستعد ندير أي حاجة طلبتيها فسبيل تنسى هاد العداوة(رجحان عارف مزيان عائلة علمدار كيف دايرين وشحال عصبين وانهم قادرين يديرو أي حاجة غير فسبيل بردو عتبار لنفوسهم ويرضيو الغرور ديالهم)_أسد بتفكير:اوك إذا الشرط هو تزوجني هاد بنتك باش نعاود نربيها من لول حيث بانت ليا خارجة على السيطرة(لحظة صمت وصدمة عمت المكان رجحان غير مخرج عنيه وريتاج جامدة…

 

الجزء 89 من قصة 🔥🥃🍷🍾🎲لوسيفر و الملاك 🔥🥃🍷🍾🎲

..بقات جامدة بلاصتها وعنيها فعنين أسد لكلهم شر(شوية أسد حول نظراتو لرجحان وهضر بصرامة)_أسد: ولا ياكما غدي تتراجع فقرارك وتنسى شرفك همم 😈_رجحان بتوتر:انا، انا مكنتش متوقع بحال هاد الطلب أو…(قاطعو أسد بغضب)_أسد:حتى انا مكنتش كنتوقع السفالة ديال بنتك والحقارة ديالها وحتى انا مكنتش كنتوقع انني نقترح عليك هاد العرض لي مكيعني ليا والو ولكن كل شي بسبابها(رجحان سكت كيفكر ثم فجاة نطق بالكلمة لي خلات ريتاج فقمة الغضب ديالها)_رججان: مادام انني عطيت كلمتي قبل فأنا غنوفي بيها، اوك موافق أسيدي(سكت شوية وكمل) ولكن عندي شرط(شاف فيه أسد بانتصار 😈)_أسد:شنو هاد الشرط_رجحان:بنتي الى تقاست منها شعرة وحدة منضمنش لك شغيوقع_أسد: وانا بدوري موافق على شرط(هه وافق غير فهاد اللحظة مغيآذيهاش ولكن فاللحظات جاية مستحيل يخليها فحالها)_ريتاج بغضب: واش نتوما مراض ولا مالكم وانت آسي رجحان وصلات بيك الدرجة تبيع بنتك لهاد الق**، ولكن متحلموش بهادشي هو نهايتو أكيد غتكون على يدي سمعتي آسي علمدار غندمك(بقات كتسب وتعايرو ومخلات مگالت ليه حتى صرفقها رجحان 😱، أسد كان باغيها فيها حيث لسانها طويل وممأدباش، كان صمت وصدمة فنفس الوقت بالنسبة لريتاج لي سدات عنيها،كيفاش يهينها ويضربها قدام هاد الحثالة وقدام رجال غراب غتندمهم، جبدات سلاح من السمطة لي كان فيها وبغضب تيرات بسرعة فأسد وبعدها تيرات فگاع رجال ديالها وديال باباها حيث شافوها ملي تصرفقات وهادي حاجة مكتشرفهاش ومكترضاش تهان قدام شي حد، وجهات سلاحها قدام باباها وقالت)_ريتاج والغضب مسيطر عليها: وحيت نت بابا هذا علاش باقي عايش، راك كتعرفني مزيان كيف دايرة ورغم ذلك رفعتي عليا يدك قدامهم كنكرهكم 😠😠😡(رجحان بقا مصدوم بنتو فعلا خرجات على السيطرة و شعور التحكم والسيطرة لي فيها مكتخليهاش تكون طبيعية هي فعلا رجعات كيف كانت ولا واقيلة هي أصلا عمرها تشافات وغير مكانش راد معاها لبال 🤯)_رجحان:نتي شنو درتي كيفاش تجرأتي ديري هادشي وترفعي السلاح فوجهي، ريتاااج قسما بربي تا ندفعك ثمن هاد التهور ديالك كولو الى وقعات شيحاجة لأسد(توجه مباشرة لأسد لي كان قد أغمي عليه من الرصاصة لي قتاحمات جيهة قلبو 😱، رجحان بصوت آمر)_رجحان:تحري عاونيني ناخذوه للمستشفى وطلبي الله ميوقع ليه والو وإلا غندمرك(فعلا عاوناتو وخرجوه من.

 

الجزء 90 من قصة 🍾🍾🥃🍷 لوسيفر و الملاك 🍺🍾🍾🥃..

#فقصر آل الحديدي# نجلاء كانت غادة طالعة للجناح ديال رامز وصادفات فطريقها روان لي كان غادي مزروب وفيديه شي ملفات وهو مكانش منتابه ليها جا فيها وطاحت هي للأرض وطاحو عليها الملفات، روان شاف فيها بنظرات نارية ثم جمع الملفات ديالو وهو كيشوف فيها_روان فنفسو(هاد الحثالة هي لي بقات ليا..وجهها مألوف انا متأكد أنني فايت شفت هاد الملامح ميخفاوش عليا ولكن فيين فين شفتهم، ملي روان كان كيشوف فيها وهو ساهي كيفكر ناضت هي وقفات بهدوء وخنزرات فيه)_نجلاء فنفسها:ايوا صافي كملات هاهو ساهي بحال شي حمق أنا متاكدة ان هاد العائلة كلها مريضة وخصوصا بمرض التعجرف والتكبر، عائلة الحديدي بطبيعة الحال شغتوقع منهم(قاطع تفكيرها روان لي كيشوف فعنيها وكيهضر)_روان وعلامات الجدية والشك فوجهو: شكون نتي، أنا متأكد أن هاد الملامح مغرابش عليا_نجلاء باشمئزاز:كفاش شكون أنا علاش اول مرة نشوفني هنا، ولكن مافيها باس نفكرك انا لي كنت سبيتك داك نهار فالفطور 😁_روان بجدية: مكنتفلاش معاك نتي شنو سميتك_نجلاء بملل: بفف أنا نجلاء_روان بقلة صبر:لكنية _نجلاء: سميتي نجلاء بن ناصر الدين علاش ياكما غتعاود تصيب ليا البطاقة الوطنية(روان مع نطقات الكنية زاد تأكد من الشكوك ديالو وشاف فيها بغضب وبحال إلى الشياطين دالجحيم كلها قدامو)_روان بغضب وهو شاد من ذراعها بعنف: لا لا هادشي ميمكنش لا مستحيل تكوني نتي …لا ميمكنش(وقبل ميكمل هضرتو قاطعو رامز وهو كيبعد يدو لي قسحات نجلاء فذراعها)_رامز بغضب: واقيلة مكتفهمش بهضرة وحدة، الحوايج ديالي عمرك تحط عليهم يديك😡😡_روان بادلو نظرات نارية وهو كيحاول يفهم لبلان واش رامز عارفها شكون هي حيث إلى كان عارفها شكون بصح كون راها ميتة دابا؟؟_روان: واش هادي هي لي** (قاطعو رامز بصراخ)_رامز بصوت مرتفع: سكااات 😡 انت مشغلكش شكون هي فهمتي انا لي غنتصرف فهاد الموضوع وياويلك تتدخل😡_روان: لا ميمكنش ميمكنش هادشي وصلات بيك الدرجة تدخل الأعداء ديالنا وتعيشهم بيناتنا واقيلة نسيتي شنو كان وقع هااا نسييييتيييي 🤬😠(رامز جر نجلاء من ذراعها بقوة باش ميخليهاش تسمع شنو غيگول روان)_رامز يغضب:تحاااااركيي 🤬😠(وصل قدام لسانسوغ وطلعها بوحدها ورجع هو يكمل الهضرة مع روان، اما هي باقة مصدومة وكتحاول تفهم شيحاجة ملي وقع،هي شنو دارت؟ وشنو وقع فالماضي؟ وشنو قصد بالأعداء وهي وباباها عمرو مكانت عندو شي عداوة مع شي حد؟ علاش بمجرد م ذكرات ليه كنيتها تعصب وبدا كيغوت؟ أسئلة كثيرة فبالها والفضول قتلها ولكن فرحات حيث رامز وقف معاها_نجلاء فنفسها: مفهمتش كيفاش داك الوحش دافع عليا من بابا(سكتات شوية ثم كملات)لا حيدر هاد الأفكار من راسك مستحيل يكون هادشي بصح أصلا هادشي غير على قبل صحة الجنين(بقات حايرة فافكارها حتى وصلات قدام الغرفة ودخلات..)#عند روان لي معصب لأقصى درجة وعروق يدو بارزين، ورامز واقف كيشوف فيه ببرودو المعتاد_روان:كفاش تسمح لنفسك تدخلها لوسط داري ومن الفوق هي هي بنتو** لا ميمكنش مجرد التفكير فهادشي كيخليني نرجع للماضي ونتفكر أنني بيدي ذبحتها وقطعت لحمها طراف طراف إذن كيفااااااش هي هنا ميمكاااانش (بدا كيغوت بغضب ورامز هادي وكيشوف فيه)_رامز: لي وقع آسي روان ومتنساش هاد القصر ديالي تا انا تماما كيما هو ديالك وزيدون انا عارف شنو كندير و عارف القصة من الاول وجيت من روسيا للمغرب غير على قبل هاد الموضوع ومغنخسروش هاد المرة هي بنتو آه ولكن على مكنظن انك آسي روان ديك ليلة مقتلتيش نرجين لي هي نجلاء ههه قتلتي التوءم ديالها ههه انت لهاد الدرجة كنتي عمى ودابا تحمل نتائج أفعالك_روان بغضب: لا مستحييييل كيفاش غلطت انا بيدي تأكدت من هم بزوجات وحدة قتلها برصاص ولاخرة ذبحتها كفاااش نت دابا كتگول هاد الهضرة اه متاكد أنني قتلتهم بزوج_رامز: كون قتلتيهم كيما كتقول گاع منلقاوها قدامنا بعد كل هاد السنين آسي روان راجع خطواتك مزيان وعموما هاد القضية ولات ديالي ومنسمعش انك تدخلتي فيها وإلا حسابي معاك غيكون عسير_راون بغضب: راامز متحلمش أنني نخليها عايشة بعدما عرفت انها رجعات ثاني شهين بن ناصر الدين باقي عايش وأكيد غيرجع شي نهار وديك ساعة منضمنش لك شنو غيوقع🤬😠…_رامز: ههه ديك ساعة غتكون فعداد الموتى _روان بجدية: متنساش راسك حتى انت راك جزء من هاد الموضوع 🤬_رامز:انا عارف شكندير وغنتصرف فأقرب وقت ولكن خاصني نبعدها اولا ونغبرها من هنا _روان بجحود: انت راك مرييض 🤬 إلى مشى حتى عرف أنها باقة عايشة غنكونو جنينا على راسنا ومعرفتش منين ورثي هاد الغباء ولكن باينة ماماك الخائنة حيث كون كنت بلاصتك كون قتلتها شحال هذا ونبدا فالخطة_رامز بغضب: سمعني مزيااان الق** انا مامساليش لهاد الخرا ديالك سمعتيني وراه انا لي غنتصرف وبلا ميگول لك كرك تقرب ليها _روان: بغيت نعرف شنو السبب لي خلاك تخليها باقة عايشة هاد المدة كلها وتخبيها عليا ومن لفوق كتحميها انت بليد بزاف _رامز: سبب مكيعنيكش آسي روان سير فكر كيفاش تعتق روحك أولا قبل ميرجع شهين سيميز بن ناصر دين حيث الى مشى تا رجع مغيبقاش ليك الوقت فين توجد القبر ديالك ههه بقيتي فيا_روان ببتسامة شريرة:حتى انت بقيتي فيا واعتبر الكفن ديالك على حسابي_رامز: سير قو** عليا مامساليش ليك الخطة جيم غتبدا من اليوم آسي روان 😈😈😈☠️💀

 

#يتبع#🍺🍾🍾🥃🍷🍺🍾

 

 

توقعاتكم كيهمونا ❣️

Leave a comment