Skip links

قصــــة : المشاغبة و الأستاذ 4 و الأخير

 5,765 عدد مشاهداات

🍾المشاغبة و الاستاذ🍾
تأليف:🍭شمس بناني🍭 ..
الجزء:سادس…والسبعون
كتقيص زاج بصبيعااتها : توحشتك بزااف افاطمة توحشتك..فيقي الله يخليك..
هبطات راسها للارض و تنهدات بجهد ورجعات تتكمل طريقها لزنزانة…
ملاحضاتش صبيعاتها لي كانو كيتحركو مع كل ترجي منها و دقات قلبها لي تجهدو و هي كطلبها متخليهاش
دخل طبيب بزرباا وبدا كيقيص ليها ضغط القلب وكيشوف فيديها كتركهم : حمد لله المريضة بدات كتستااجب
الممرضة:واش غادي تفيق ادكتور
طبيب : محدها كدير هد الحركات اذن مبقاش قدما فات و غادي تفيق انشااء الله ..
جوهرة رجعات زنزانة و فيديها تصاور الايكو دخلات و هي تلقا ديك رباعة مجموعة تيلعبو الكارطا و لي محگورات مساكن كيشقااو
وهي عياات بجهد هزات راسها بانت ليها سداري فبلاصة و هي ضحك
شافت فخالتي زهرة وبتاسمات مشات لعندها :خالتي شكون جابها
زهرة: طلبت الحارسة و قلت ليها البنت حاملة كتبات غير مقردة مسكينة و مشات جابتها من السطوك
جوهرة: شكرا اخالتي الله يرحم ليك الواليدين
مشات جوهرة و گلسات وزوليخة مراقباها و كتخنززز و تتشوف فيها غير من تحت لتحت
نعسات جوهرة تتحس بعضامها هالكينها جبدات تصاور الايكو ثاني كتشوف فيهم وضحك غير بوحدها تتحس بلي مبقاتش ضعيفة دابا بنتها معاها اكيد غادي تعوضها على اي حاجة تتفكر غير وقتاش غادي تشدها بين يديهاا…🍁
محسات غير كيطيرو ليها التصاور من بين يديها ناضت بزربا وشاافت فيها : زوليخة رضي لي تصاور الايكور ازوليخة
زوليخة هزاتها وبدات تتشوف فيهم : ممممم هي عرفتي جنس البعلوك اوى بزعتر ة انا نقول علاش فرحانة قولي عرفتي ولدك الحرام اشمن موصيبة غيطلع واش قحبة بحال ماماها تجيب الكرش من زناقي ولا زلال يعطي زكو لسوااعدة خخخخخ
يااكو البنات ههههههههههه
بداو كاملين كيضحكو عليها وهي ديك ولد الحرام كتنهش ليها فقلبها محسات غير براسها كتلاح على زوليخة و تخشي ليها ضفارها فالقرجووطة ديالها و كتجبدهااا ليهاااا: سمععييي ازوليخة بعدي مني ووقريني سمعي
بعدات و خدات ليها تصاور الايكو من يدها وخشاتهم تحت وساادتها
زوليخة بدات تتكحب حتى بدات كدفل غير الدم
حيت خشات ليها جوهرة ضفارها فحلقها هزات راسها بانو ليها گاع دوك القحاب لي معاها مخشيات فبعضهم و كيشوفو فيها
مررضاااتش خصوصا جوهرة حاگراها مشات ليها و جمعاتها معاها بواحد صقلة حتى طاحت جوهرة و بدات تتضرب فيها و جوهرة مغطيا غير كرشهاا
شوية شدات ليها رجليها حتى طاحت زوليخة للارض ناضت جوهرة وشداتها من شعرها و بدات كتعطيها فتصرفيقات و هي تتفكر كيفاش تعدات عليها و كيفاش حاگراها والاهم

‎ كيفاش شربات سم لفاطمة و ناضو كاملين قالو بلي زوليخة معندها تا علاقة بداكشي وكدبو جوهرة
‎جوهرة تعصباات وولات غير كتنهج: الغذاااارة الجبااانة غذرتي فااطمة و حااولتي تتسميها و دابا كتحاولي تقتلي لي ولدددددي الغذااارة
‎شافت فوق الكوزينة و ناضت من فوقها و مشاات نفس طريقة ديال فاطمة و هزات الخنجر صغيور ديالها
‎زوليخة شافتها و تخلعات ناضت بزرببااا باغا تهرب حتى شداتها جوهرة من لور ورجعاتها و خشات ليها داك الخنجر فعنقها حتى بدا كيتخوا شوية ديال دم و زوليخة غير كتغوت
‎سدات ليها فمها بيدها و بدات تتخشيه وتتلعب بيه فعنقها: قسما بالله ازوليخة و تقربي لي ولا تحاولي انك تأذي لي بنتي حتى ندبحك و ندوز عليك عمري كااامل فهاد سجججن كنحلف ليك بنتي لي بقات لي من هادشي كاامل سمعتي
‎زوليخة بدات تتهز راسها بواخا
‎شافت فيهم جوهرة وفدوك رباعة لي معاها: نتومااا غادي تمشيو تعتارفو بلي هد المجرمة هي لي سسماات فاطمة داابا ولا والله حتى نقتلكم كااملات يلاه تحركككووووو
‎مشاو كيتجاراو اصلا غير خوافات دافعين صنطيحة
‎شداتها جوهرة و ربطاتها مع الكرسي و عرات ليها قزيبتها و حطاتها واحد المغرفة
‎وشافت فالعيلات لي معاها فسجن : يلاه العيالات لي كانت دايرة ليها شي حاجة تاخد حقها
‎وتوخرات لور
‎شدو العيالات صف كل وحدة وكلاتها العصى على طرمتها خخخخ كل وحدة خدات حقها منها و كلهم بداو كيضحكوو
‎جوهرة تنهداات كان خاصها دير هكا من الاول حسات براسها جوهرة بنت 18 سنة لي كانت فليسي وديما دايرة المقالب و مشاكل مع الاساتذة
‎حطات يدها على كرشها :بنتي نتي لي عطيتيني القوة شكرا ابنتي

🍾المشاغبة و الاستاذ🍾
تأليف:🍭شمس بناني🍭 ..
الجزء:سابع و السبعون
شوية دخلات الحارسة :فيناهي زوليخة
شافت فيها زهرة:هاهي ابنتي
مشات نيشاان عندها كانو لبسوها سروالها ورخرجووهاا : زيدي محدك نتي لي حاولتي تسممي فاطمة اذن عقوبتها غتولي هي تقضي بقية حياتك فسجن الانفراادي حتى تموتي ازوليخة..
زوليخة بدات تتبكي و تغوت وتقوول ليهمم لاااا مبغيتش لااا
العيالات لي فسجن فرحوو بزااف و بداو كيعنقو فجوهرة : كان خاصكم توقفوها عند حدها فاش بدات تتقوة عليكم
نقزات وحدة من سجينات: صرحة كناا بحال شي عبيد عندها نهار جات ختي فاطمة ولينا نعسو فوق هد السدادر لي شفتي و ناكلو كي ناس اما فالاول كنا نعسو غير فالارض وناكلو شيااطة ونهار خطاتنا ختي فاطمة ربي خرجك فطريقنا كي رحمة الله يكثر خيرك اختي و يسهل عليك و الله يفك وحايلك على خير..
شكراتهم جوهرة و عذراتهم مساكن ماشي فيدهم شافت فرباعة ديال زوليخة غير مخشيات فبلايصهم كيشوفو فيهم
جوهرة غلضات صوتها شافت فمي زهرة:حم حم شفت شي ناس غير ناعسين زعما مغيديرو والو امي زهرة
زهرة فهماتها مشات قاصداهم:اييييه نوضو صبنو وسخكم وعاونونا فطيااب ونوبا على التخمال و الماااعن يلاه
خخخخ
كلهم ناضو تابعين مي زهرة جات معاها تحكم خخخ غمزات جوهرة

‎رجعات تكات شوية شافت بلاصة ديال فاطمة خوات عليها و توحشااتها
‎يلاه بغات تنعس جات عندها وحدة من سجينات: ختي جوهرة سمعت بلي عند بنت الله يفك وحاايك على خير خودي هادي (مدات ليها مذكرة غووزية و فيها فراشات و تصاور ديال بيبي صغار وستيلو مخشي فيها)
‎جوهرة:شنو هادي احبيبة؟
‎بتاسمات: هادي مذكرة كانت جابت لي ختي جوج فش كنت حاملة و كتبت فيها كل نهار فش كنت حاملة بولدي و ولدتو قبل منبدا فهادي و حتافظت بيها خوديها ليك ذوني فيها يومياتك و نتي فسجن وحاملة بنتك كي كنت كندير
‎جوهرة:وفيناهوا ولدك؟
‎البنت حنات راسها: انا محكوم علي ب 6 سنين اختي دابا غيكون عندو 5 سنين هو مع باباه و مرات باباه
‎جوهرة حنات راسها بتأسف:شكرا ليك.
‎البنت دارت ليها براسها ماشي مشكل ورجعات لبلاصتها
‎خداتها جوهرة و هي مبتاسمة حلاتها لقات فكل صفحة كاينة بلاصة ديال فين تخشي تصويرة
‎خشات تصويرة ديال الايكو و بدات تتكتب …
‎🌺فبلاصة____خرى🌺
‎كانت غرفة بيضاااء
‎خارج منها اطباء كينااقشو حالة هد المريض لي معارفين عليه والو ولا شنو وقع ليه
‎الطبيب 1 : حالتو معقدة بزاف عندو ضرر كبير على مستوا دمااغ
‎طبيب 2: ممم متافق معاك متنااس الاجهزة طوراات و غادي يلقاو علاج الا داوها لامريكا ولا اوروبا ولا ايطالياا
‎طبيب 1: ممكن ولكن مشكل حنى معارفينش حتى شكون عائلتو ولا منين جاا
‎طبيب 2: من الاحسن نشرو صورتو على شي جريدة
‎طبيب1: مزيان نيت خو مراتي صحفي غادي نطلب منو يحط صورتو على الجريدة ويشرح شنو وقع ليه و رق لكلينيك…

🍾المشاغبة و الاستاذ🍾
تأليف: 🍭شمس بناني 🍭
الجزء: 🌷ثامن و السبعون🌷
طبيب1: مزيان نيت خو مراتي صحفي و غادي نطلب منو يحط صورتو على الجريدة ويشرح شنو وقع ليه و رقم الكلينيك منها يشوفوه عائلتو ..
طبيب2: فكرة مزيانة اصاحبي نديو غير الاجر بعداا
طبيب1 : (ضار كيشوف فيه بشفقة) اودي يسكرو حتى يعيااو و يسوگو فالاخير كيزبلوها على راسهم و ديورهم
طبيب2: كان سكران؟
طبيب1 : (شد راسو كيذكر ) كان سكران و بااينة شي حاجة لي خلاتو يوصل ديك الحالة كيهمس بشي حاجة ولكن معرفتش مسمعتوش مزيان فاش بدينا العملية مبقاش كيدوي …
كملو هدرتهم غاديين لكافي..

🌷فجيهة اخرى 🌷…
كانت كيف عادتها فهاد الليام كاملين غير مقابلة ديك المذكرة و كدون فيها اي حاجة كتخص بنتها…
كل نهار تتزور فاطمة لي بدات تتدير علامات استجابة للعلاج…
اكرام قررات تساافر و تبدل الجو على مينسسااو ناس هد الفضيحة ديالها..
بينمااا فجيهة اخرى كانت فرحانة و كل نهار تتقرب ليه و تكسب حبو وبداية علاقة حب جديدة فحياتها
عثمان: عطيني داك الميلف
نادية كانت گالسة فجبنو على المكتب و نافخة زنافرها كان خاصهم يخرجو يفطرو على برة ولكن خرجات ليه شي خدمة على جنب ..
تحنات على البيرو ديالو وشقة ديال صدرها ضاهرة شوية : شبان ليك نقطع شعري ؟
قالتها بمياعة تتحلون عليه
تعجب من تصرفها ياك غير قبيلات تتسب فيه و تعايرو ولكن محدها رطابت و جات تتحلون تا هو ليها بمرصااد: مممم عنداك ديريها كي بغيتيني نركب على العود بلا لجام
نادية قوسات حجبانها مفهماتش شنو قصد : شنو كتعني
عثمان ضحك : خخخخ سطاج طالع عليك شوية
نادية:ممم داك جامع لي قريتي فيه انا لي بنيتووو
وصغرات عويناتها ..
عياات و حسات بالملال بين هد الوراق : غنهبط لتحت
عثمان: واخا سيري كاين نسيم و ماما
نادية:اه غنمشي ندوي مع خالتي شوية
تمشات و خرجات سدات الباب مورها…
وهابطة فدروج بان ليها نسيم كيلعب الشطرنج مع فهيمة وهي تنقز مشات تتطير عندهم خخخخ
:سللااممممم
فهيمة:شششش راني مركزة ابنتي هد عفيريت حااصرني و مبقيت عارفة منين ندوز ليه
نادية صغرات عويناتها و هي مركزة فاللعبة : خالتي خليني نشوف عفاك
فهيمة: هانتي لعرفتي گلسي
گلسات نادية و هزات عويناتها شافت فالنسيم لي ضاااخ مسكين و غمزاتو: كششش ملك
تصدم ورجع عينيه للعبة و هو مصدوم كي دارت ليها الله و اعلم ناضت و ضربات على كتفو: لا تتحدى الملوك ههههه
بدات كضحك بطريقة مثيرة
فهيمة:الله الله على بنيتي كي درتي ليها
نادية بتسامات و هي تتفكر فاش كانت كتلعب مع عمر ، عمرها كانت تنساا ديك اللياام …

🍾المشاغبة و الاستااذ🍾
تأليف:🍭شمس بناني🍭
الجزء: 🌷تاسع و سبعون🌷…
#بعد_مرور___تسعة__اشهر
كانت فبيتها ناعسة و يدها على كرشها لي كبرات و تنفخااات كملات 9 اشهر ديالها و اخر مرة مشات عند طبيبة خبراتها بلي مبقاش ليها بزاف باش تولد ..
حسات بوجع خفيف لي فيقها من عز نعاسها : اي ياااربي كرشي
شوية حسات بشوية ديال الماء هابط من تحتها الوجع بدا كيزيد..
فجيهة_______خرى..
بدا كيحرك يديه بشوية 9 اشهر و هو نااعس و حالتو غير مستقرة بدا كيصدر الجهاز صوت مجهد دليل على ضربات القلب القوية…
جوهرة بدا الوجع كيزياااد و يزياااد غوتاات على حر جهدها فاش حسات بالوجع زاد كثر من الاول : ززززززهههههررررررةةةةة
(كتورك على الحروف و تغوت)
ناضو سجينات كاملين مخلوعات غير شافتها مي زهرة عرفاتها غادي تولد مبقاش الوقت فين يديوها لشي سبيطاار…
مشات كطير عندها حلات ليها رجليها على شكل V
ونصلات ليها سروال لي كانت لبسا و بان ليها دم فالسليب حيداتو ليها و شافت فوحدة من سجينات: ديرووو الماء يسخن و جيبو مقص و خيط بززززربة البنات
البنات كلهم تخلعو شي كيدخل فشي مخلوعاات دارو الماء و جابو ليها داكشي
غلا الماء و حطوه ليها و جوهرة مكسرة دنياا بغواتها وتتحس بحالا هازين الموس و كيشرگو ليها تحتها و الالم كيزداد..و هي غير مكتزيد تغوت و طلب الله يعاونها
مي زهرة: زيدي ابنتي غير صبري زيدي دفعيييييييي تنفسي مزيااان ابنتي تنفسيييي و دفعييييي
بدات كدفع و تجهد
..فالكلينيك بدا كيحرك عينيه
جوهرة مقادراش تحمل داك الالم بدات تتنفس جهدددد تنهدااات فاش سمعات صوت بكا بيبي صغير مكسر دنياا
جواد حل عينيه و شاف فالسقق ديال الكلينيك
…جوهرة بتاسمات و هي كتشد بينتها بين يديها : الماس ..
جوااد حرك يديه بشوية و حيد التنفس على نيفو ودى بشوية : جووهرةة
دخلات الممرضة و مشات كطير تقولها لطبيب : دكتور الممرض رقم 16 فااق
طبيب بدا كيضحك: حمد لله اخيرا واليديه غادي يفرحو صوني ليهم يجيو مساكن 9 شهور كيتسنااو يفيق…
مشات الممرضة كطير تصوني ليهم
دخل الطبيب و شاف فيه : على سلامتك اولدي
جواد دار ليه براسو شكرا
طبيب:عاقل على سميتك ياك؟
جواد: جواد بالمقدم
طبيب:تماما تبارك الله عليك صرحة كنت خايف تفقد الذاكرة و صافي ولكن الحمد لله محدك فايق مزياان على سلامتك فش كنتي ناعس درت خطوا وهي انني نشرت خبر و صورة مرفقة باش نقلبو ليك على عائلتك الحمد لله كانت الخطوة ممتازة و عائلتك توصلو بالخبر و جاو دابا غيكونو جايين فطريق يشوفوك
جواد دار ليه براسو اه : ممكن تعاوني نوض
طبيب: غير رتاح حتى غذا ويمكن ليك تنوض
جواد:واخا

🍾المشاغبة و الاستااذ🍾
تأليف:🍭شمس بناني🍭
الجزء: 🌷ثمنون 🌷..
جوهرة حسات بالامومة وبينها بين يديها خدات مي زهرة و غسلات ليها من دم و لبساتها حويجاتها و حطاتها حدا ماماها لي غير كتبوس فيها غادي طير بالفرحة خخخ
عونوها البنات حتى ناضت و بدلو ليها حوايجها و دارت فوطة صحية و رجعات تكات حدا بنتها
مي زهرة مشات كدير ليها رفيسة حيت قبل باباها جاب ليها تقدية ديال الرفيسة باش الا ولدات تاكل ..
شدات بينتها كتعطيه ترضع و فنفس الوقت تتبوس فيها بلهفة بحالا خايفاها تمشي من بين يديها او شي حد غادي ياخدها ليها تتشوف فيديااتها صغيييورين وعويناتها مسدودين خخخ
تحنات باستها و هي كدوي : عرفتي ابنتي انا فرحانة بزاف نشاء الله غادي نتفاقو غير شي شهرين ابنتي و غادي نخرج و انشاء الله غادي لقاك ولا عندك شهرين فعمرك و غادي تجي ماميك و سعتها غنبداو حياتنا بعيد على اي صدااع فقط انا و نتي و جدك و غتكون حياتنا زوينة فش تكبري غادي ندير ليك مشيطات زوينين ياك ماشي بحالي مكانتش عندي ماما لي ديرهم لي ولكن نتي عندك ماماك لي ديرهم ليك و غادي نديك المدرسة و نجيبك غادي تخرجي غتلقاي ماماك كتسناك ماشي بحال كنت كنخرج كلقا الباص دياال الايكول ماشي بحال البنات لي كانو كيقراو معايا كيديوهم مواتهم و غادي نخرجو بجوج و نشريو لي بغينا ياك ابنتي ياااك القلب ديال ماماك و غادي نشري ليك بزاف ديال المونيكات و نشري ليك حويجات فالغووز و غتكووني زوينة بزااف ياك ابنتي غادي تكون سميتك المااس حيت نتي المااستي 🔥و نتي قلبي و عقلي و كل حياتي
غادي ندير اي حاجة على قبلك نتي غنساا كولشي الماضي كولو غادي لوحو مور ظهري ماماك على قبلك ابنتي غادي تبدل و دير ليك لي مدرتوش لرااسي مغاديش تغلطي اغلاطي نتي مغتكونيش بحال ماماك نتي غتكوني حسسسن مني احبيبتي نتي القوة ديالي و نتي مصدر سعادتي ابنوتي نتي مصدر الحب ديالي …
عنقاتها و مقادراش تبعدها عليها
كتفكر غير كيفاش غادي تقدر تخليها شهرين و هي بعيدة عليها
🌿عند_____جواد🌿
حس بشي واحد دخل عندو هز راسو باانت ليه مو وبااه : الله ياااولدي الله كيفاش قدرتي تخلينا و من وقتاش وليتي مستهثر الله ياولدي…
بدات تتنگر عليه و تبكي جواد اصلا راسو غادي يتفرگع شاف فباباه: بابا عفاك
باباه فهو شد ليها فيدها: وهد المرى وصاافي متقلبيهاش گنازة الولد مزيان و نشاء الله تزوجيه وتشوفي ولااااد ولادو صافي يلاه سيري گلسي خليني نشوف ولدي ومني جينا و نتي تتبكي و تندبي..
هزات راسها باه: غير تخرج اولدي غادي نمشي ندوي مع اكرام و نشرح ليها شنو وقع ليك نشاء الله غادي تصاالحو و تصاوب الخواطر اولدي

🍾المشاغبة و الاستااذ🍾
تأليف:🍭شمس بناني🍭
الجزء: 🌷واحد و ثمانون🌷
جواد:مبااغيش الواليدة مباااغيش تيقيني والله مباغي صافي مزيان خليني غير نترخا و نولي مزيان نشوف شنو ندير و عروستك غادي نجيبها ليك حتى دارك
هزات راسو بواخا: غير كون على خاطرك اولدي غنمشي نجيب ليك شي حوايج متلبس راه خليناهم غير فطوموبيل
هز راسو بواخا و خرجات هز راسو فباباه لي كان حاني راسو : ولدي سمح لي حيت كنت كنبزز عليك بزاف ديال الحوايج كنتي كدير لي الخاطر سمح لي اولدي
جواد: بابا لي فات مات اكرام ماشي لي و انا ماشي ليها
هز باباه راسو فيه:واش كاينة شي وحدة فبالك؟
جواد: درت غلاط كبير ابابا درت غلاط كبير خليت كبرياائي وروجولتي يعميو لي عينيا و ندير اكبر خطأ فحياتي
بابا قوس حجبانو:شنو وقع اولدي شنو كاين؟
جواد: معرفتش شنو نقوليك غادي نعاود ليك
بدا كيعاود ليه جواد على جوهرة و شنو دارت ليه من نهار تلاقاو حتى نهار دخلها لحبس
باباه قوس حجبانو: زتي فيه و بزاف واش مكاينش لي يربيك عندك زهر اولدي راك مريض و فالفراش كون زدت ثقبت ليك راسك بهاد العكازز
خخخخ بدا كيضحك جواد بزز منو : و دابا شوف ابابا الله يرضي عليك
باه خرج فيه عينيه:اشهذااا الله يرضي علي ؟ شكون ولا كيعطي رضى دابا الولاد و لا الواليدين؟
خخخخ
جواد: وبابا كي كتشوف ولدك طريح فالفراش سير سول على البنت ودير الاجراءات نسمح ليها تخرج
باباه هز راسو بواخا: هاهوا غادي غذا نرجع عندك نشاء الله
جواد:مزيان صافي ابابا
🍁فجيهة_____خرى🍁
شافت فبنتها لي بين يديها و تترضعها ملبسا دوك الحويجات لي خيطات ليها بيديها جمعات ليها حوايجها و حتى مذكرة دارتها فحوايجها و مداتهم لباباها: بابا تهلا لي فبنتي

‎ بقات لي شهراين وغادي نخرج
‎عمر محس براسو حتى بدا كيبكي : بنتي صبري ربي معاك
‎جوهرة بتاسمات مبقاتش تيقضي فيها البكا: بابا هد شهراين غادي يدوز كي دازو هد تسع اشهر يااك ابابا؟ و شوووف خديت البااك و انا فرحانة عرفتي كولشي كان كيشوف فيا وحدة حاملة كرشها لفمها كدوز الباك ههههه
‎جوهرة: بابا عفاك بغيتك تهلا لي فبنتي و عطيها حليب بجودة عالية واخاا
‎عمر:لا غادي نعطيها حليب القردة
‎بداو كيضحكو شوية ناضت تتجري خرجاات
‎عمر فهمها عرفها مبغاتش تبقا حيت فش غادي تنتاهي زياارة مغتقدرش تفارق بنتها …
‎ناض و هز الماس فيدو و صاكها فيد و غادي خاارج..
‎🌾فالكلينيك____🌾
‎كان كيلبس حوايجو ليوم غادي يخرج بتاسم وهو كيتفكر ليوم فصباح وقع وراق تنازل ديالو و غادي تخرج ليووم غيمشي هو براسو يتلقااا ليها..
‎لبس قاميجتو و خرج وفيدو كونطاكت ديال لوطوو ..
‎🌷عند _____جوهرة🌷
‎رجعات لزنزانة تتبكي و تشهق طاحت للارض مخبيا وجها بين يديهاا: بنتي هئ هئ هئ بنتي امي زهرة بنتي مغااادي نشووفها حتى دووز شهههرييييننن
‎بدات تتبكي ثاني و تشهق
‎شافت باب زنزانة تحل
‎والحارسة داخلة شافت فيها : جوهرة العلاوي مبروك غادي تخرجي اليووم
‎جوهرة شافت فيها مصدومة:شنووو
‎الحارسة:اه اليوم شخص لي كان رافع عليك دعوة تنازل و غادي تخرجي مهم من دابا شوية غادي نرجع باش نخرجك
‎ناضت جوهرة ممصدقااش حتى بداو كيعنقوها البنات و يباركو ليها ويطلبو منها متنسااهمش خخخ
‎بدات كضحك بهستيرية طارت جمعات حوايجها و مشات تشوف فاطمة قبل متخرج..: حبيبة انا اليوم غادي نخرج وعد مني غادي نرجع باش ندير لي فجهدي باش نخرجك وعد …
‎رجعات خرجات و برفقة الحارسة..تحلا البوابة و هي كضحك حتى ختافات ديك الابتاسمة و هي تتشوفو قدامها متكي على سيارتو
‎شافها و هو يوقف….

🍾المشاغبة و الاستااذ🍾
تأليف:🍭شمس بناني🍭
الجزء: 🌷اثنين و ثمنون🌷
هي كضحك و حتى ختافات ديك الابتسامة وهي تتشوفو قدامها متكي على سيارتو
..هو الاخر لي شافها و هو يوقف
قاد الوقفة ديالو و بتاسم ديك الابتساامة ديالو لي تقدر تفرز من بين الف وحدة تلقائيا بلا متحس بدات تترجع لور تترجع لسجن تتفضل سجن على تشوفو
شداتها الحارسة من يدها: بنتي هاا الباب منين تخرجي
جوهرة تتشوفو جاي عندها وتتهز راسها بلا لالالالا ممستعداش تشوفو و تواجهو دابا خاصها تقوى بعدا من بعد تشوف واش تواجهو قررات فداتها و بين نفسها تخرج تبدا حياة جديدة على الماضي هي وبنتها المااس ولكن علاش دابا كيخرج قدامها
بدات تتمشا بشوية و رجليها كيترعدو عليها
وهو كيقرب ليها و ديك ضحيكة مختافاتش على وجهو كيتمشاا بشوية و كيحاول يزرب فخطواتو باش يوصل ليها حيت مزال مقصح من العملية
تبدلات بزااف وحتى ملامحها المشاكسة تبدلو ولات تتبان جريءة ة بعقلها
دازو دوك لحظات تأمل باش تولي قدامو مكيفصلو بينها وبينو غير سنتمترات يلاه بغات دوي حتى حسات بيه عنقها و خاشي راسو فعنقها: توحشتك
جوهرة تبنجااات و لكن داك الكره رجع كيحى فقلبها
دفعاتو حتى كان غيطيح حيت مزال مقادر يحافظ على توازن ديالو هد 9 شهور لي قضاها غير فالفرااش و فالكومة نقصاات ليه من قوتو البدنية بزااف…
شااف فيها وعينيها كيف كانو متبدلوش ونفس الشوفة لي شافت فيه نهار داوها نفس الشرارة لي خارجة من عينيها نفس الحقد نقس الغضب نفس اللوم مكانش سااهل داكشي لي عاشتو فالسجن ولي دوزات عليها زوليخة و داكشي لي وقع لفاطمة بسبتهااا…
جوهرة : علاش جاي ؟
قالتها بكل هدوء عكس البركان لي كان غادي يتفرگ فقلبها و بالاخص ديك العاصفة لي فصدرها و على وشك تجمع حب وتبن ..
جواد طبعا فهم شنو سر برودة هد الاعصااب وعرف ماشي بساهل غادي تسمح ليه ماشي بسااهل غادي يدوزوها و يخليها تعطيه فرصة ماشي بساااهل💔

‎جواد: جوهرة خليني نشرح ليك مديريش الخطأ لي داروه بزاف خليني نشرح ليك موقف ديالي و شنو لي كنحس بيه…
‎جوهرة بتاسمات ليه: خود وقتك شرح لي
‎جواد بتاسم وبدا كيعاود ليها فش كان جاي باش يخرجها قبل 9 اشهر وقع ليه حادث و بلي كان فاقد الوعي و يلاه فاق منها
‎جوهرة: شكرا الله يكثر خيرك من خرجتيني دابا ممكن دابا نمشي؟
‎جواد ستغرب من هد اللطافة او راه مدخلها الحبس و قرع ليها و زيد غتاصبها رغم ان دلك مات و مر وحتى شعرها طوال ورجع كي كان و لكن داك الجرح لي فقلبها واش غادي يبرى ويرجع كي كان ؟؟؟
‎هذا كان سؤال حاسم بنسبة ليه حيت بكل بساطة داكشي مكيتنساااش
‎جواد تنهد بجهد: كنبغيك
‎جوهرة متبدل فيها والو نفس تعابير الوجه نفس صرامة
‎جواد: كنبغيك معرفتش والله معرفت علاش ولا كيفاش ولا وقتاش نهار كنت غنتزوج الحاجة الوحيدة لي تفكرت هي نتي و بلي نتي جزء لا ماهية مني نتي لي و انا ليك اجوهرة تيقني غادي نسيك فكولشي غادي نخليك تنسااي اي حاجة عشتيها بسبابي
‎واي الم حسيتي بيه و اي ظلم تعرضتي ليه
‎غادي نبداو حياة جديدة و غادي تنساااي داك الماضي جوهرة عطيني فرصة !…
‎جوهرة: عندك قرعة الماء؟
‎جواد: تشربي؟
‎جوهرة هزات راسها باه
‎مشا لوطو و جبدها و تمشا راجع عندها مد ليها القرعة و حلاتها
‎و هزاتها خواتها عليه من راسو : بصحتك تدويشة ..
‎لحت القرعة و خلاتو مورااها : هه قاليك عطيني فرصة قاليك الله يعطيك الموت و الله لا حلمتي بيها اولد الحرام..

🍾المشاغبة و الاستااذ🍾
تأليف:🍭شمس بناني🍭
الجزء: 🌷ثلاثة و ثمنون🌷
بيها اولد الحرام ..
كملات طريقها مخليااه موراها
لسحن حظها لقات طاكسي و شداتها لعمارة فين سااكنة و قلبها غادي يوقف بالفرحة
كانت كضن غتبقا بعيدة على بنتها شهراين على قدهم ربي شاف من جيهتها و رجعها عند بنتها كانت خايفة تشرب حليب و هي مزال رضيعة مزال خاصها حليب الام
بينما جواد كان مصدوم من تصرفها شوية بدا كيضحك بحال شي حمق : ههههههههههه جوهرتي مزال كي كنتي مشاغبة ولكن هدشي لي كنبغي فيك كنت عارف ماشي بهاد سهولة غترجع ليااا..
بدا كيضحك و كيمسح وجهو لحسن حظو قدام السجن خخخ مكاين لا صحافة لهم يحزنون…
رجع طلع فلوطو و مسح وجهو بالفوطا و كسيرا لفيلا و هو كيفكر كي غادي يدير باش ترجع ليه وتنساا الماضي..
🌷عند_______جوهرة🌷
وصلات لدارهم بتاسمات فاش سمعات صوت بكا بنتها اكيد حسات بماماها قريبة منها ضحكات و هي كترن الجرس
شوية حل عمر وهو مصدوم :جوووهرة
جوهرة عنقااتو: هانا جيت
رجعات شدات بنتها ودخلات
عمر جر باليزتها ودخل تابعها وهي هازة بنتها يلاه تفارقات معاها بشي ساعة وهاهي بين يديها ثاني خخخ ربي كبير والله على كل شيء قدير
هادي كانت معجزة بنسبة ليها
حطات بنتها فحجرها كتلعبها و تبوسها ودوي معاهاا..
عمر:بنتي جوهرة وااش صافي مغاديش تعاودي ترجعي
جوهرة تنهدات وهي هازة بنتها بااستها و شافت فباباها:عمري غادي نرجع ابابا عمري
بتاسم باباها وعنقها:فرحت ليك ابنتي
جوهرة عنقاتو: بغيت حياة جديدة ابابا بعيدة على كولشي غير انا و بنتي و نت
باباها بتاسم و عنقها: انشاء الله ابنتي غادي تكوني فرحانة فحياتك نتي و بنتك
جوهرة:بابا خاصني نسجلها بسميتي ياك؟
عمر:ضروري ابنتي
جوهرة: الماس العلاوي
عمر:بنت جوهرة العلاوي خخخ
بداو كيضحكو
شوية ناضت : غنمشيو نعسو انا و بنتي عييت ابابا
عمر:سيري رتاحي ابنتي انا غادي نوجد ليكم شي حاجة متاكلو
هزات راسها بواخا عيانة بزاف
طلعات لبيتها لي كان مخلط خخخ بيتها هي و بنتها
عمر بدل ليه ديكور و حتى اللون عجبها بزاف
حيدات ديك الكسوا و لبسات شورط من حوايجها مزال على نفس مقاصها مزيرين على مؤخرتها و اردافها وصدرها شوية خخخ بما انو كترضع فصدرا كبر على الاول ولا فايض محلابات خخخ
نعات و حطات بنتها حداها لي كانت حتى هي ناااعسة و فنوم عميق
محسات براسها غير كتنعس …
🍾فبلاصة _____خرى🍾
كانو مجموعين حتى كيشوفوه داخل و فيدو بوكي دو فلوغ

🍾المشاغبة و الاستااذ🍾
تأليف:🍭شمس بناني🍭
الجزء: 🌷اربعة و ثمنون🌷
فيديه بوكي دو فلوغ و مو موراه
ناضت فهيمة كطير تسلم عليها:ناااري مرريم شحال توحشتك ياااختي
مريم (مامات نسيم) : حبيبتي تانا توحشششتكككك
فهيمة:اييييه داكشي علاش تتسولي
مريم:اوى حبيبة اول مدوا معايا نسيم جيت كنطير
فهيمة:علاش شكاين خبار الخير
مريم: صرحة ولدي ناوي يكمل دينو
فهيمة:الله ياااربي ولدي نسيم انا فرحت ليك من قلبي صرحة سعداات هادي لي غادي ديهاا ولد بحالك متخلق و مربي الله يسعدكم اولدي..
نسيم بتاسم : خالتي هد البنت هي نااادية
فهيمة شافت فيه مصدومة اما واحد ثور لي كان داخل و على جنبو شادة فيه و معنقها من كتفها..
عثمان:شنووووو
ضار نسيم و بتاسم وهو كيشوف فيها:هاهي العروسة جات
مريم ضارت و شافت فنادية: صرحة افهيمة حرام عليك عندك عزبة و مقلتيهاش لي بصح فش مشيت لاوروباا خليت عندك غير عثمان مسحابليش زتي بنت ولكن فيها خير هاحنى غادي نتناااسبو ياالالة طبعا الا قبلتو..
فهيمة غير سااكت اش تقول ليهم معرفاتش خانوها الكليمات خخخ
اما عثمان تعصب على الاخر..: نسيم نت صاحبي باش نبقااو مزيان من الاحسن تمشي..
نسيم تصدم فيه: كضحك معايا؟
عثمان شد يد نادية:هادي ماشي ختي هادي راه حبيبتي و قريبا غتكون مراااتي سمعتي؟
نسيم تصدم و فنفس الوقت غير كيشوف طول الوقت كان كيسحابليه ختو ولكن صدقات معندها حتى صلة بهاد العائلة : ولكن فيناهوما واليديها؟
نادية تقرصات خصوصا هي معندهاش باباها غير ماماها و عايشة مع المحامية ماماها و جداتها و لي مني جات لدار عثمان مسولات فيهم : حم حم دارنا وقع لي معاهم مشكل و صافي
نسيم تنهد احلامو فدقايق تبخرو : يلاه اماما
مريم حنات راسها و تبعات ولدها خرجو اوى هدشي لي عطا الله معندهم ميديرو خخ
اما عثمان جاتو فرصة و مناسبة : الواليدة بغيت ندوي معاك
فهيمة: واقيلا وصلني الموضوع و انا من جيهتي موافقة احبيبي الله يكمل عليكم بخير
عثمان بتاسم عارف مو غير على سبة و باغاه يتزوج اوى سيد فرح : نادية خاصنا نصلحو علاقتك مع واليديك
نادية حنات راسها: انا ممزياناش اعثمان ممزياناش
عثمان: وباغي نعرف بزاف ديال الحوايج مجابتهمش الفرصة ندويو عليهم بغيت نهدرو عليهم
نادية : نخرجو جريدة؟
عثمان: يلاه
شد ليها يدها و خرجو..
گلسو و عينيه فعينيها: نادية بغيت الحقيقة وصدق زواج مكيتبناش على الكدوب
هزات راسها باه : نت عارفني ماشي بنت و فش مارستي معايا عرفتيني ماشي بنت
عثمان:مكيهمنيش داكشي قبل منعرفك وحتى انا راه ماشي بريء

🍾المشاغبة و الاستااذ🍾
تأليف:🍭شمس بناني🍭
الجزء: 🌷خمسة و ثمنون🌷
بتاسمات ليه و بدات تتعاود ليه على حياتها و على ماماها و كيفاش طلقو و خلاهم….
🌼فبلاصة ثانية🌼
عند بطلتنا لي غااطسة
فنوم عميق خخخ و الماس غير تتضحك و تشوف فسقف شوية ترجع تشد شعر ماماها وتجر فيه و تضحك و تخبش ليها ثاني وجها بظفيراتها و تبدا تبوس فيها ثااني حتى فاقت جوهرة بلا متحس خخخ : اوووه اميرتي فاااقت و كتفيق ماماها جاك جوع ابنتي ياك؟
شافت فيها الماس و هي كضحك غير كضحك و جوهرة كدوي معاها بحال شي وحدة كبيرة و كتفهم اش تتقول ليها خخ فش تتكون الام هبيلة و البنت كثر منها
ناضت فش سمعات صوت باباها وريحة ديال الماكلا واصلة لبتها ناضت دغيا لبسات كسيوا خفيفة شوية حد ركبة و محلولة من فوق و خلات شعرها مطلوق و دارت بوندو وهزات بنتها هابطة
لقات طاابلة عامرة
بأشهى المأكولا گلسو كياكلو و بنتها فحضنها
عمر:كون خليتيها فبلاصتها بلا متهبطيها على متاكلي ابنتي
جوهرة: مقدرتش ابابا مكنقدرش نفارقها
عمر بتاسم: حياني الله حتى شفت بنتي المشاغبة و الهبيلة ام و غادي دفع عمرها على قبل بنتها
جوهرة بتاسمات: بابا حرام عليك راني كبرت
عمر:عام ديال الحبس دار ليك عقلك خخخخ
بداو كيضحكو و حتى الماس كضحك خخخخ متقولوش مزيودة فالحبس يسحاب ليكم غير مزيودة فعرس خخخ
بدات كضحك جوهرة على بنتها لي غير كتفرنس…

‎داز الوقت و تعشااو هز عمر
‎الماعن و جاب لبنتو كاس د الحليب و بيسكوي
‎مفيد ليها باش ترضع بنتها
‎شربات الحليب و كوكيز و فيد هازة بنتها
‎كلات و هي تحط بنتها ودارت ليها المخاد باش مطيحش..
‎ووهبطات الماعن لكوزينا هزات البيسي وخدمات الويفي تتقلب على شي متجر للكراء خاصها تبدا داكشي لي فراسها و تبدا مشروعها …
‎هازة لبيسي و بنتها قدامها تتضحك و تلعب بصباعها ويديااتها و مرة مرة جوهرة ضحك ليها و تهرها فكريشتها
‎مخلياها على راحتها تبكي شوية و ترجع ضحك
‎وجوهرة مركز مع بيسي تتقلب غير قريب من دار
‎لقات واحد عجبها وحتى البلاصة زوينة و غادي تنجح ليها الفكرة …
‎رجعات دخلات كتشوف شي جامعة دفع ليها :مممم هاهي لقيتها جامعة الاقتصااد
‎دخلات و تسجلات على اساس الغد ليه تمشي دوز المبارياات
‎سمعو صوت الباب
‎جوهرة: بابا ناعس مسكين صابح خدام نمشي نحل الباب..
‎كانت حيدات عليها ديك الكسوا و خلات غير شورط و ميني ديالو و شعرها طايح على كتافها و هازة بنتها فيدها مشات كتمايل
‎حلات الباب بلا مطل من العين السحرية
‎كان كيسحااب ليها مول زبل لي كيجمع زبل فالعشية من العمارة
‎:انا نجيب ليك زبل اعمي
‎هزات راسها وهي تشوفو قدامها مصدوووومة غير كتشوف
‎اما هو نزل عينيه لبيبي لي فيدها و كيشوف فيها و هي عينيها عليه شافتو فين كيشوف و هي تصعقق ..

🍾المشاغبة و الاستااذ🍾
تأليف:🍭شمس بناني🍭
الجزء: 🌷ستة و ثمنون🌷
اما هو نزل عينيه لبيبي لي فيدها و كيشوف وهي تصعق و رضات البال لشوفاتو دغيا سدات الباب و هي شادة بنتها بجوج يدين و كتبوسها: ششش مامي صافي متخافيش انا معاك عمرو غادي يعرفك بنتو غير تهذني ابنتي
بدات تتبكي و هي معنقا بنتها
اما جواد كان مور الباب كيدق بحال شي حمق: جوهرة عطيني فرصة ندوي معاك غادي نسيك فكولشي هذا وعد مني جوهرة مديريش هكداا جوهرة راني عيييت جهدي تسالا مبقيتش قااادر اجوهرة مبقيتش قاادر على بعادك (كيردد نفس الهدرة حتى طاح للارض)…
تحل الباب وهو يضور تحنات عليه و جراتو من يدو مبعداه من باباهم : ششوووفف اهد المريض نفسي عطيني تيسااااع فهمتي؟ واش سحاب ليك غادي نساا كولشي و نجي كنجري عندك؟ عرفتي شحال تعذبت فالحبس عرفتي شحال تقاسيت ليالي بتهم بلا ماكلا ليالي شبعت بكا و داكشي كااااامل بسبااابك و بن…(سكتات)
شاف فيه:كملي اجوهرة قولي شنو عندك متبقاايش سااكت
جوهرة زفرات بجهد: لي عندي قلتو كيفما نت جهدك تسالا انا تسااالييييييييت (قالتها بطريقة حزينة بحالا غادي تبكي دموعها للمرة الالف كيخونوهااا)
ضارت بزربة قبل ميشوفها و جرها لعندو: بكي بكي اجوهرة متحجبيش على دموعك عطيني فرصة و خليناا نعوضو بعضياتنا على اي حاجة اجوهرة اي حاجة غير متخلينيش اجوهرة منقدرش هد القلب (كيأشر لقلبو) كينبض بسميتك اجوهرة نتي خليتيني نعرف بلي الحب شي حاجة لي غادي تخليك تحماااق و انا قريب غادي نحمااق و انا كنفكر فيك جوهرة متحرمينيش منك اجوهرة مديريش هكااا مدييريش هكااا اجوهرة مبقيتش قااادر مبقييتتتشششش
مع اخر حرف طااح للارض
جوهرة تصدمات لدرجة بقات غير كتشوف فيه عاد رجعات لوعيها و تحنات تتحرك فيه: فيق جواد لالالالا ياااربي فيق جوااااد جواااد فيق مديرش لي هكا جواد حل عينيك جووااادددد
بقات تتغوت و تبكي على راسو و هو فاااقد الوعي معقلاتش على راسها دخلات خدات كابيتشو لحتو عليها و شافت فبنتها كانت مسكينة نعساات مشات كطير طلعاتها لبلاصتها و غطاتها تحنات باستها: بنتي باباك مريض شوية نديه غير سبيطاار و نجي اعمري
(باست ليها يديااتها) كنحماااق عليك ابنتي
خرجات جوهرة كطير و بصعووبة باش جراتو حتى الاسنسور هبطو لتحت شافت الحارس : عمي سعيد عفاااك عاوني
جا سعيد.كيجري عاونها تهزو و تحطو فلوطو ديالو وركبات بدات تترعد بينها و بين شي صوگان عام تنهدات و بدات كدوي مع راسها
: يلاه اجوهرة غادي ديريها غير صوگي فايت دايراها غير متخافيش

🍾المشاغبة و الاستااذ🍾
تأليف:🍭شمس بناني🍭
الجزء: 🌷سبعة و ثمنون🌷
بركات على الفران بعدما خدمات المفاتيح و بدات تتصوگ من حسن حظها كان طريق خاوية حيت ليل..وصلات لكلينيك و هبطات كتجري شافت وحدة من فرملياات: عفاك اختي عندي حالة طارئة
الفرملية دغيا عيطات لطبيب و خرجو هزوه
فرملية: شنو تتجيه نتي اختي؟
جوهرة : اناا…
الفرملية جاها اتصال
ومشات بعدات شوية على جوهرة لي كانت عياات و رجليها فشلو عليها خايفة عليه بزااف
مشات گلسات جنب واحد المرأة
المرأة: واش عندو شي مرض؟
جوهرة هزات راسها بعدم فهم: عفوا؟
المرى ضحكات :بغيت نقول ابنتي واش راجلك مريض بشي مرض
جوهرة قوسات حجبانها: ممريضش صرحة معرفتش مالو
جوهرة مدات مجابت فديك رااجلك شافت طبيب خرج مشات كطير عندو تسولو…
فرملية رجعات تتقلب على جوهرة و هي تلقاها مع طبيب : اووف بغيت نسولها غير شنو تتجي لهاد راجل..
__:مراتو ابنتي
ضارت الفرملية وشافت فديك المرى لي نفسها كانت گالسة جوهرة جنبها
الفرملية:صرحة كنت متوقعاها غير دابا تأكدت شكرا اخالتي
مشات الفرملية عمرات ديك الورقة وطلبات البطاقة الوطنية ديال جوهرة
طبيب خبرها بلي هدشي طبيعي يوقع ليه فالاشهر الاولى بعدما كيفيق من شي غيبوبة
جوهرة تصدمات كيفاش غيبوبة ولكن مبينااتش حتى يفيق وتفهم منو..
داز شوية ديال الوقت و هي مراقبها من نافدة و فهاد الوقت رغم انها كانت سااكت ولكن دماغها خداام كتفكر فهادشي لي دوزو و هد القدر الغريب لي جمعها معاه
وكيفاش دازو من كااافة دوك المشاكيل و شكون قال بلي استاذها لي كانت كي المش مع الفار معاه تولي عندها بنت منو بلا خبارو
طاحت فبالها بنتها شنو غتقول ليها من هنا لقدام فش غتسولها ماما فيناهو بابا؟
والا عرف هو بلي عندو بنت شنو غتكون ردة فعلو تنهداااات بجهد: ههه اكيد مغاديش يتيقني اكيد غادي يسحاب ليه جبتها من زنقة و لصقتو ليه
نفرات بجهد وهي كترد شعرها للخلف: اصلا متكبر و مغاديش يرضى يتزوج بي وغادي يخاف على مكانتو فالمجتمع
تفكرات فاش دارت ليه داك المقلب شحال كان الثمن غااالي لي خلصاتو و شحال تعدباات فحياتها و هي داخل داك سجن
غير تتفكرو تتبورش 💔..

🍾المشاغبة و الاستااذ🍾
تأليف:🍭شمس بناني🍭
الجزء: 🌷ثمانيةو ثمنون🌷
شافتو كيتحرك و مشات حلات الباب و دخلات و هي مربعة يديها: على سلامتك
جواد هز راسو وشاف فيها: قربي
جوهرة تمشات بشوية و قربات حداه حسات بيدو على يدها
شد ليها يدها وباااسها : سمحي لي
جوهرة بعدات يدها بشوية: كلمة سمحي لي مغاديش تنسيني فداك العذااب اجواد مغادي تنسيني فوالو
جواد ناض بشوية و تكا على البيااص و رجع شد ليها يدها: غادي نتزوجو و نبعدو من هنا ولبغيتي نخويو المغرب حتى هو معنديش مشكل مهم نكونو بجوج بيناا انا ونتي
جوهرة ضحكات بشوية : منيتك؟ كضحك علي ؟
جواد قوس حجباانو: كيفاش كنضحك عليك ؟
جوهرة بقات سااكت شوية و شافت فيه بنظارات حادة: انا مستااعدة نسمح ليك و نبدا معاك حياتي من الاول ولكن عندي 3 شروط
جواد بتاااسم و ضحكة واصلة ليه لودنو: موافق على اي حاجة و على اي شرط
جوهرة ضحكات ليه و قربات منو: غادي تخرج واحد جوج بنات من سجن انا عارفة عندك معارف بزاف كيفما غرقتيني انا فالحبس تقدر تخرج وحدين خرين
جواد:سااهلة شرط ثاني غادي دير لي عررررس كبير و بغيت كولشي يحضر فيه و صحافة و كووولشي
جواد بتاسم: موافق هذاك هو نهار الكبير
جوهرة بتاسمات : اخر شرط
جواد: طلبي و انا نفد.
جوهرة: غادي توقع لي على ورقة بيضااء
جواد بعدم فهم: وشنو غادي تستافدي منها
جوهرة قرباات حداه : ضمان لدواير زمان وصاافي
جواد قربها وبااسها على خدها: محدك سمحتي لي اي حاجة طلبتيها غادي تنفد
جوهرة بتاسمات ليه و باادلاتو العناق : اجي بعدا شنو قضية الغيبوبة اه و شنو درتي مع خطيبتك اكرام
جواد:منين كتعرفيها؟
جوهرة: مواقع التواصل الاجتماعي
جواد: فش مجيتش لعرس مشات سافرات معرفتش يمكن بدات حياتها فبلاصة خراا
بتاسمات ليه جوهرة : الله يسهل على الجميع زواج قسمة و نصيب
جواد شد ليها يدها: انا قصمتك و نتي نصيبي
جوهرة:انشاء الله مكملتيش لي على الغيبوبة
جواد بدا كيعاود ليها فش كان جااي باش يخرجها من سجن و دار اكسيدون و بلي 9 شهور و هو ناعس فالغيبوبة
دارت ليه براسها اه و بتاسمات : غادي نخليك غنمشي مقلتش لبابا بلي خارجة
ناضت يلاه غتمشي جرها : بلاتي
جوهرة:شنو
جواد: شنو هد لباس ؟
هبطات عينيها شافت راسها لبسا غير شورط بيجااما بسيف طبيب كان مخرج فيها عينيه
جوهرة عضات على قنوفتها التحتانية: ديزولي فش شفتك طايح مرضيتش البال
جواد جرها وحط راسو على كرشها: مزال ممتيق بلي غتولي لي هذا وعد مني اجوهرة غادي نخليق اسعد مرى على وجه الارض و غادي ندير ليك عرس و غادي نسيك فكولشي
جوهرة كتافات تهز راسها بأه : غذا فصباح

غندوز عندك
هز راسو باه: يمكن نخرج دابا
جوهرة:مزال عياان
جواد: كتخافي عليا؟
جوهرة: غتكون راجلي عادي نخاف عليك
بتاسم و جرها : سعداتي بيك
جوهرة:خليني نمشي اجواد راك شادني بالهدرة
ضحك و طلقها خخخ تمشي
هبطات و هي تتمسح حناكها من اثار بوسااتو ..
ركبات و بدات تتفكر فهادشي لي دارت واش صحيح كانت واعدات راسها تنساا كولشي على قبل بنتها و لكن هو لي مبغاش يبعد عليها هو لي راسو قااصح
تنهدااات و خدات تيليفونها : الو صافا حمد لله عفاك واش غذا غادي تحولو فاطمة لزنزاانة اه شكرا ليك
بتاسمات و قطعات
أثناء انتظارها لجواد فقاعة الانتظارات وصلها مساج من طبيب بلي فاقت حيت ديجا وصاتو فش شافتها اخر مرة قبل متخرج الا وقعو شي مستجدات فقضيتها و لا فاقت يعلمها
رجعات شعرها للخلف واصل حد كتافها واخا هكاك مديغوونجيها
حلات نافدة ديال اللوطو باش يدخل شوية ديال البرد و بدات تتنفس : تيقيني افاطمة هد الهواء فمدة قصيرة غادي تنفسيه معايا و غادي تخرجي من داك سجن
مسحات دموعها لي خانوها ثاني و بدات تتنفس بجهد: غادي تخرجي و غادي نرض ليك الجميل لي درتي معايا وانا فداك سجن و كيف رجعتيني قوية
بقات صايگة حتى كيبانو ليها شي جوج شمكارة لي كيگريسيو كيوقفو ليها قدام لوطو ديالها و ليل هذا و دنيا خاوية
يلاه بغات ترجع باش تهرب منهم وقفو ليها قدام لوطو
تنهدات ووقفاتها شافت موراها بانت ليها دنياا خاوية
تنفسات بعمق و هبطات : شكاين؟
شافو فيها وبداو كيشوفو فبعضياتهم: طلعي لي عندك و اراي سوارت لوطو
بتاسمات و هي تتشوف فيهم حلات داك كابيتشو لي لبسا و لاحتها فلوطو بقات غير بالميني و مزير و صدرها فايض و شورط ديالو
شافوها و تعجبو شكادير
تمشات بشوية وحلات الكوفر
هي عارفة باباها كيحط فيه داكشي باش كيقاد العجلات ديال لوطو الا تفشو حلات ديك العلبة و لقات مفاتيح بزاف خدات طورنوبيس و خشاتها فالشورط و هبطات الكوفر و دوك جوج غير مراقبينها : ايييييه الالة غنتسناوك هنا شحال اري شنو عندك و سوراات يلاه

🍾المشاغبة و الاستااذ🍾
تأليف:🍭شمس بناني🍭
الجزء: 🌷تااسع و ثمنون🌷
شافت فيه و رجعات تتمشا بطريقة مثيرة تجااهو : واخا
قربات حتى حداه و دارت راسها بحالا غادي تعنقو وهو ممتيقش راسو محس غير بداك الطورنوبيس مخشي فعنقو : يلاه البوگوص قول لصاحبك يحيد لي دوك الخوزاعبيلات من طريقي
(حيت كانو دايرين شي لعيبات بحال شوك باش تفش ليها رويضا لبغات تهرب )…
شاف فيها يلاه بغا يضربها و هي تعطيه واحد ضربة لرجلو: ششششش متكونش غبي لي قدامك دوزات عام فالحبس و تعلمت منو بزااف ديال الحوايج لي قدامك قااارية ماشي قراية عادية قريت قوالب ولاد الحرام بحالك يلاه بلا متخليني نثقب ليك هد العنيق و نخصر ليك اللحية و ميبقاوش القاصرات يطيحو فيك ولا نشرط ليك وجهك زوين
الشمكار ولا كيقفق خخخ هو لي ولا خايف ماشي جوهرة اما صاحبو شداتو البولة
شاف فصاحبو : حيد داك زبل اهاد زامل راه غثقب لي عنقي
شاف فيه صاحبو ومشا كيطير حيدهم
رجعات جوهرة لخلف و مزال جارة معاه داك خينا غير قربات جنب لوطو ديالها دفعاتو و طلعات بزربا كسيراات مخلياا غير العجاج موراها و هادوك جوج ولاو غير كيضورو عينيهم خخخخ.
بقات جوهرة كتموووت بضحك: نااااري كون كانت معايا نادية كون كانت خاايفة بزاف
تنهدات و حسات بقلبها تنفخ فاش تفكرات نادية واخر مرة شنو وقع ليها بسباابها
معرفاتها واش حية و لا ميتااا
على كل الا كان مكتاب يتلاقاو غادي يتلاقاو
جهدات الموسيقى ديال امينوكس “جهدي تسالا”

و بدات تتغني معاه و تتغوت بحال شي مرااهقة وصلات لعمارة و طلعات …
حلات الباب بشوية بااش متفيقش بنتها شافتها ناعسة بحال شي ملاك بااستها و رجعات تخشات هي فبلاصتها نعساات و هي كضور هدشي فراسها واش غادي ينجح ليها ولا غير شي كعوة جديدة…
🌷اصبحنا و اصبح الملك لله
فاقت جوهرة على صوت بنتها لي كضحك غير بوحدها خخخ
ناضت وبدات تتهر فيها شوية شمات شي حاجة: اوووف درتيها ثااني يااكي الشريرة ديال ماماها ماشي مشكل نبدل لبنتي و ندوش ليها و تولي ريحتها كي المسك هخخخ
مشات حيدات ليها ليكوشاا و داتها لحمام حطاتها فبانيو صغير و خوات شوية ديال الماء درجة حرارته معتدلة مناسبة لبنووتا فعمرها
و دارت ليها صاابون ديالها و شامبوان غسلات ليها و خرجات ملوية فالفوطة
مسحات ليها ولبسااتها حويجاتها : اووووه تتحمقي المااستي يلاه اجي ترضعي
جبدات بزولتها و عطاتها تترضع و هي شادة تيليفون تتأكد داك اللقاء ليوم خاصها طرطق المسماار
رضعاتو الماس و هبطات وهي هازاها
حطاتها و سلمات مع باباها: بابا ليوم عندي بزاااف ميدار وراك عارف داك المشروع ليوم غنبداه نشاء الله عفاك ممكن تقابل لي بنتي عفاااك
عمر بتاسم و هز الماس: ليوم اصلا معنديش الخدمة بزاف فالمكتب نقابل حفيدتي علاش لا
بدا كيضحك وهو هازها : شكوون حبيبت جدوووو
كيهرها وهي تتضحك
سلمات عليهم جوهرة وخرجات
ركباات و هي تشوفو كيصوني بتاسمات: الو صباح نور ممم خرجتي واخاا ابب نتلاقاو ممم من دابا سااعتين واخا
قطعات وضحكات
وصلات لاحد المقااهي و لقات واحد راجل كيسااينها
گلسو بداو كيتافقو على الثمن : شوف اشريف غادي تصبر علي شوية حيت مزال متباعت الارض لي ورثتها ولكن بابا دارها للبيع غالبا سيمانة غنكون بعتها و نشري هد المحل
راجل شاف فيه و بتاسم:واخا ابنتي انا نيت ممزروبش
سلمات عليه و خرجات
جوهرة:الو وي فينك ممم معرفتيش فين جات هد البلاصة نديرها فجي بي اس ونجي
قطعات و تنهدات
مسافة طويلة عاد وصلات
هبطات بانت ليها دنيا خااوية
والورد على الارض بقات تابعة دوك الوريدات تا وصلات لوحد صخرة مكتوب عليها حلي العلبة
هزات البواطا و حلاتها و هي تلقااا خااتم و تلقائيا طلقات اغنية i love u
هزات راسها بانت ليها طيارة دايزة من فوقها و معلقة لفتة عليها هل تتزوجينني ؟…

🍾المشاغبة و الاستااذ🍾
تأليف:🍭شمس بناني🍭
الجزء: 🌷تسعوون🌷
معلقة لفتة عليها هل تتزوجينني؟
تصدمات هدشي كتشوفو غير فالافلام عمرها تخيلات راسها غادي يتعرض عليها زواج هكا حسات بشي يد على كتفها ضارت و هي تشوفو مبتااسم
جواد خدا منهاا الخاتم و ركبو ليها : بغيت العرس فأقرب وقت
جوهرة بتاسمات و هي كدوز يدها قدام وجهو والخاتم بين عينيه : وشرووطي ثلاثة؟
جواد بتاسم و جبد من جيبو ورقة بيضاء:خودي هاهي الورقة لي بغيتيها و سجينات بجوج ليوم نمشيو نشوفوهم و المحامي غادي يدير اجراءات و غادي يخرجو بعد سمانة على الاغلب
جوهرة بتاسمات:يلاه
خدات ديك الورقة و دارتها فصاكها و رجعو فديك طريق لي عامرة بالورد..وهو معنقها
طلعها لوطو ديالوو و كسيرا لجيهت السجن لي كانت فيه..
دازو شي ساعات و وصلو قدام سجن تبورشات و فنفس الوقت خافت تفكرات دوك الليام لي دوزاتهم هنا ولكن قوات راسها و هي تتفكر بلي خاصها تخرج فاطمة و ديك البنت لي عطاتها مذكرة حاسة بيها عندها ولد مشافتوش 6 سنين هادي كيف غتكون حالتها
هي مجربة و عااارفة مزيان بحقد الكبدة و شافت راسها غير فش سحاب ليها غتبقا بعيدة على الماس شهرين ..
تنهدات و حلات الباب و هبطات دخلو و هو شاد ليها فيدها طلعات عينيها وشافت فيه و دوات فنفسهاا..: قسما بالله حتى غادي نخليك دفع ثمن غالي و غادي نفكرك فنهار لي دخليني الحبس اجواد غادي تعرف جوهرة بلي ماشي ضعيفة ووماشي بسااهل غادي ضحك عليا ماااشي بسااهل ..

دخلو وهو شاد ليها فيدها گلسو و دواو مع المدير ديال سجن طبعا كون كانت جوهرة بووحدها مكانش غادي يتسوق ليها ولكن حيت جواد بالمقدم لي معاها كان سااهل عليها تشوفو ..
بداو كيدويو معاه بخصوص السجينات بجوج
جوهرة ستأذنات و خرجاات تشوف فاطمة
بعد خمس دقايق جات غير شافتها فاطمة بدات تتبكي عنقاتها جوهرة:حبيبتي توحشك
فاطمة:يتوحشك الخير احبيبة صرحة فش عرفتك خرجتي قلت عمرك ترجعي مزال لهنا
جوهرة بتاسمات و عاوناتها تگلس:مستحيل نخليك موراايا انا غادي ندير المستحيل بش نخرجك من هنا …
فاطمة بتاسمات : ماشي مشكل و ماشي ضروري راك عارفة محكوم علي بمأبد معندك كي ديري بلا متعدبي راسك احبيبتي
جوهرة : مغاديش نعدب راسي ، هو لي غادي يعدب راسو
فاطمة هزات حاجبها زعما كيفاش
جوهرة: لي دخلني الحبس هو لي خرجني و هو لي غادي يخرجك و يخرج حتى فطوم
فاطمة: فطوم؟
جوهرة: ديك المرا ست سنين و هي بعيدة على ولدهاا تخيلي معايا اختي فاطمة ست سنين مشاافت ولدها غادي يكون كبر و بدا كيمشي لمدرسة و هي معارفاش حتى وجهو كي داير انا مجربة الكبدة افاطمة مجربة انك تكون بعيد على كبدتك ..
بلا متحس بدات تتبكي
_____:مالكي تتبكي
جوهرة تشوكات ضارت بشوية وبان ليها واقف
بزربة مسحات دموعها: لا والو غير ختي فاطمة بسبابي شربوها سم و بغيت نرض ليها المعروف وصافي
جواد بتاسم و قرب حداها : شكرا ليك
فاطمة دارت ليه براسها ماشي مشكل
جواد: بغيت نبشرك الا طولو الاجراءات نشاء الله نهاية الاسبوع غادي تكوني حرة
فاطمة تسعقااات: واااش بصح؟ غادي نخرج
جواد:اه المحامي غادي يدفع و غادي تخرجي نشاء الله
ضحكات فاطمة من قلبها:شكراا ليك بزااف
قرباات جوهرة و عنقااتها و همسات ليها فودنيها: غادي تولي حرة

🍾المشاغبة و الاستااذ🍾
تأليف:🍭شمس بناني🍭
الجزء: 🌷واحد و تسعون🌷
شافت فيه فاطمة : بفضلك احبيبة
باستها جوهرة وودعاتها و خرجو و جواد شاد فيدها فرحان و غير كيشوف فيها: دابا شرطين الاخيران هاهوما تنفدو ودابا وقتاش غادي نجي نخطبكك؟
جوهرة: صبر بعدا نقولها لبابا
جواد صغر عويناتو: علاش هو معارف والو؟
جوهرة:لا خاصني نعاود ليه و من بعد اجي خطبني
جواد بتاسم و باسها:غادي نوصلك لدار
جوهرة دارت براسها اه : بلاتي شيفور ديالك دا ليا طوموبيلتي لداري!؟
جواد: اه طبعا
وصلو لقدام دار و هبطات جوهرة ودارت ليه باي باي بيدها
ودارت راسها طالعة مع دروج غير شافها طلعات رجع كسيراا مخلي العجاج موراه..
جوهرة سمعات صوت لوطو عرفاتو مشاا و هبطات كطير ركبات فلوطو ديالها و مشات لاقرب كاتب عمومي .
دخلات و شدات صف وصلات نوبتها ودخلات…
دازو خمس دقايق
وخرجات و فيدها الورقة ومكتوبة و توقعيها و توقيع جواد حتى هو كااين : ودابا ها مسمار لول طرطقتوو
بتاسمات بنتصااار : مبقااا والو اجواد مبقاا والو و غادي نخليك تبكي دم …
رجعات خرجات و رجعات لدارهاا
طلعات و حلات الباب لحقااش عندها سوارت
دخلات بان ليها عمر مركب الماس خخخخخخ وكيطيب بدات كتموووت بضحك: بابا شكدير
عمر: كي كتشوفي خارجة ليك مبغاتش تسكت لياا و مباغتنيش نحطها و هدشي لي لقيت قدامي
بدات كضحك: ارا ارا ابابا غير الله يسمح لي منك معذبااك معايا
كون كان شي اب كون لحني انا و بنتي لزنقة
عمر قااطعها:شششش منسمعش منك هد الهدرة اللحم الا خناز غير ماليه لي كيهزوه
جوهرة بتاسمات وبااستو:بابا خاصك تعرف شي حوايح..
عمر:مووور الغذا اجوهرة سيري رضعي بنتك راه فيها جووع من صباح كتاكل يديهاا

جوهرة: اجي اهاد البرهوشة ديال ماماك
مدها ليها عمر و تمات غادية طالعا لبيتها:نهبط ابابا غادي ندويو
عمر:غادي ندويو..
بتاسم و كمل توجاد الغذاء.
طلعات جوهرة و گلسات رضعات بنتها وبااستها نعسات جنبها حتى نعساات و حطاتها فالكونة ديالها و غطاتها و خرجات شافت تيليفونها مشعول
هزاتو لقات ميسااج
شكون من غيرو
كان فيه
“توحشتك”
ضحكات : غادي توحشني غير بلاتي
حطات تيليفون وهبطات لقات باباها حاط الغذاا
عمر:نعسات الماس؟
جوهرة: اه ابابا
عمر:اه راه صونا لي خالك الارض تباعت و حيت فبلاصة زوينة جابت ليك ضعف ديال داك ثمن لي طلبتي و خالك غادي يسيفطهم ليك فالبنك غذا يمكن ليك تمشي تجيبيهم
دارت ليه براسها اه :واخاا
عمر:شنو درتي مع مول المحال؟
جوهرة:دويت معاه وعطاني مدة باش نخلصو و مزيان نيت غذا نمشي نخلصو نشوف شحال غادي يبقا لي نديرو فالبنك لبنتي و مستقبلها خاصني من دابا نفكر ليها
عمر غير كيشوف فيها سااهي
جوهرة: هييييهوووو فين مشيتي ابابا (كتلوح ليه بيدهاا)
عمر: دنياا غريبة تبدلتي بزاف
جوهرة:بابا السجن مدرسة و ماشي اي مدرسة عادية و منو تعلمت بلي خاصني نبقاا قوية فوق القياااس و بما انني وليت ام خاصني نفكر لبنتي

🍾المشاغبة و الاستااذ🍾
تأليف:🍭شمس بناني🍭
الجزء: 🌷اثنين و تسعون🌷
عمر: مزيان ابنتي هدشي لي متوقع منك
جوهرة:مهم بابا هدا ماشي موضوعناا
عمر:دوي كنسمعك
جوهرة: بابا عمرك سولتيني على بابات الماس
عمر مسح فمو بكلينيكس : لي غتاصبك ياك؟
جوهرة: وعرفتي شكون غتاصبني؟
عمر : جوهرة هدشي من الماضي و خاصك ديها غير فبنتك و حياتك
جوهرة:هههه بابا قلبي كيتحرق
عمر: جوهرة مديريش نفس الخطأ
جوهرة:بابا عارفة راسي انا بديت حرب مكنتش قدها و انا لي خرجت لحد الان خااسرة و انا لي دوزت 9 شهور فالحبس و فهاد 9 شهور عشت الجحيم ابابا الجحيييييم ابابا عرفتي شناهوا الجحيم
عمر: السجن مكانش سااهل و انا كنت عارف هدشي
جوهرة:بابا انا دخلت ضلما بصح درت خطأ معاه و لكن حتى هو دار خطأ كبر من ديالي هو غتاصبني و دابا عندي بنت نتيجة اغتصااب و هد البنت انا مكلووومهاش بالعكس هد البنت هي النور لي نور حياتي هد البنت هي بصيص الامل لي متعلقا بيه و مخليني حاليا قوية و باغا نرض اعتبار راسي و نخليه يجرب الضلم لي جربت
عمر: شكون هذا؟
جوهرة:الاستاذ
عمر تصدم بقا غير كيشوف فيها مصدوم:كيفاش جواد؟
جوهرة: اه داك قليل الحياا الحقير المهم هدشي مكيهمش ابابا هو دابا باغي يخطبني
عمر:كيفاش يخطبك اش كتخربقي ؟
جوهرة ناضت و قربات ليه و شدات ليه يدو : بابا كثيق في ياك؟
عمر:كنتيق فيك
جوهرة: مستااعد تعاوني ؟ ناخد حقي
عمر: المطلوب مني؟
جوهرة: فقط غادي تمثل بلي نت فرحان و باغي هد زواج
عمر:ونتي بصح باغا هد زواج؟
جوهرة ناضت و هي كضحك:ههههه بابا انا كنفضلل ندوز حياتي كاملا فسجن ولا نتزوج بيه
عمر: واخا
جوهرة: شكرا ابابا
عمر:ماشي مشكل ابنتي
داز الوقت …وحلا المساء
جوهرة بقات كتلعب مع بنتها فوق سرير و حاطاها على كريشتها:شكوون حبيبت الماما؟شكوون اميرتي 💙💙وشكوون المااستي و شكوون قلب الماماا ممم
بدات كضحك الماس وجوهرة مسمتعة و هي تتلعب هي وبنتهااا
شوية شافت تيليفونها كيصوني بتاسمات فاش شاافتو : ممم الو وي
جواد:توحشتك بغيت نشوفك
جوهرة:ليل هذاا
جواد سمع صوت الماس فتيليفون:فينك نتي شكون حدااك
جوهرة : فبيتي غير بنت جيران و صافي
جواد:اه صاافي
جوهرة:اوك يلاه تصبح على خير
جواد:مزال مسخيتش بيك
جوهرة:ممم بصح
جواد: طبعا
جوهرة:ولكن انا عياانة و باغا نعس بونوي..
قطعات عليه و تنهدات:مكنتحملش هد تعنااب الخااوي (هزات الماس حطاتها جنبها) يااك ابنتي تا نتي بحاال ماماك مكتحمليش هد تعنااب ياك
شوية حكماتها الماس من شعرها خخخخ و بدات تجبد ليها شعرها و جوهرة كطلب سلاك منها : اي اي اي طلقي طلقي

🍾المشاغبة و الاستااذ🍾
تأليف:🍭شمس بناني🍭
الجزء: 🌷ثلاثة و تسعون🌷
اي اي طلقي طلقي المااستي يااكي تتريشي ماميك
بدات تتلعب معاها تا نعسوو بجوج..
اصبحنا و اصبح الملك لله..
🌸فبلاصة______ثانية🌸
فاقت و هي تتحس براسهاا ثقيل عليها : اوووف نوض نوض عثمان
عثمان كان ناعس بالمقلوب خخخخ : اي ااااي عضاامي متقوليش لي نعسناا فالجردة
نادية:بحال داكشي شباان ليك
عثمان:تشردنا اصگعاا نوضي نوضي قبل متشووفنا الواليدة غادي غير تفهمها مقلوبة خخخخ
بداو كيضحكو ناضت غادة لبيتها
بدات كضحك فش تفكرات بلي اخيرا مبقاا والو لعرسهم..
و لبارح حددو موعد كتاب القران💖..
دخلات دوشات وبدلات حوايجها تهبط تفطر و تمشي تاخد كسوة العرس هي و فهيمة…
اما جوهرة فاقت بكري
وفطرات و خرجات تقدي شغالها دازت لبنك خدات الفلوس و شكرات خالها لي عاونها ووقف ليها على ايجراءات البيع…
مشات دارت مع مول المحل و شراتو من عندو و هي غادي طير بالفرحة…
خرجات واقفة قدامو جا فبلاصة استراتيجية و غادي يكون مشروعها نااجح اكيد
شاطو ليها الفلوس بااش تبدا المشروع اولا خاصها تشري ماكينات و خاصها شي بنات يخدمو معاها..
جوهرة:وااعععع مفكرتش فشي سمية
بدات تتفكر شوية هي ضحك: الماس اباريل للازياااء اهههههه هي هاديك احححح علي ذكية ههههه
بدات كضحك و هي تتخيل المحل كي غادي يطلع اكيد غادي يجي زوين
فش كانت جوهرة فالحبس تعلمات الخياطة وتصميم الملابس و قررات فش تخرج دير مشروع خاص بيهاا
تاصلات بأحد المگازات لي غتاخد منهم الماكينات و الاقمشةة
خدات تيليفونها و سيفطات ليه مسااج
“نهاية الاسبوع اجي تخطبني ابب ”
ضحكات بستهزاء

وخرجات و هي تتخطط و تخيل المحل كي غيكون و كيفاش غادي تزينو و بعد اسبوع غادي يجي جواد باش يخطبها و كتخطط لجحيم لي غادي تخليه يعيشو صدمة موور صدمة وهدشي كامل كيدوز قدام عينيها بحال شي شريط: تيقني اجواد كاينة شي حاجة سميتها العدالة الالهية و غادي نخليك تشوفها بعينيك…
رجعات شعرها للخلف و طلعات فلوطو ….
مرة ايام و لياتي و ساعات و لحظات…
🌷بعد_______اسبوع🌷..
كان گالس على اعصابو و كلو مثوتر.
اما هو لبسا قفيطين اخضر ملكي و مبتاسمة شافت فباباها و ضحكات ليه مدات القهوى لجواد ثم باباه و ماماه
لي گلسو كيدويو مع عمر و كيهدرو على تفاصيل العرس و جواد غير كيشوف فجوهرة لي كتفادا شوفاتو
تنهدات و عتاذرات نايضة اصلا ملات من هد ثمتيلية ديال جوج دريال
مشات سخنات البيبغون لبنتها و طلعات تعطيها ليها ..
كتعاون بيها فالرضاعة..
لقاتها مزالة ناعسة باستها و مشات لحمام
جواد عيا ميتسناها ترجع و تحجج بالحمام و ناض كيقلب عليها
طلع مع دروج بان ليها بابا بيتها محلول :مممم اذن جوهرتي هنا
دخل و هو يتصدم البيت كامل تبدل على اخر مرة و كونة ديال بيبي صغير و نص الغرفة مزوقة بداكشي ديال راري صغار صمع صوت الموسيقاا لي كتسااعد دراري صغار ينعسو
تمشا بشوية حتى جنب كوناا و حط يدو على بيبغون سخونة شاف فألماس ناعسة و مهامهاش شاف فيها مصدوم حس بشي نغزة فقلبو مفهم والو
ضارت شاف موراها لقاها خارجة من حمام و لوية عليها فوطة
شافت فيه مصدومة:جوااد
جواد: شكون هد البنت ؟

🍾المشاغبة و الاستااذ🍾
تأليف:🍭شمس بناني🍭
الجزء: 🌷خمسة و تسعون🌷
شافت فيه مصدومة : جوواااد
جواد :شكون هد البنت ا جوهرة ؟
بقاات سااكت و كتحس بداتها كلها تترجف خدات نفس عمييق :هاديك ب….
____:بنت خويا
ضاارو كاملين تجاه صوت كان صوت باباها عمر
جوهرة تنهدات كانت على شوية غادي تقول ليه بنتي مزيان فاش جا باباها و عتقها فأخر لحظرة ..
جواد رجع كيشوف ف ألماس بغا يتحنى يهزها وهي توقفو جوهرة:غير خليها ناعسة
جواد دار ليها واخا برااسو و رجع لور : بنت خوك شكدير عندك؟
عمر : خويا ماتت ليه مراتو و عندو شي ظروف خلا عندي بنتو و وقتها جوهرة كانت فالحبس و قاديت ليها بيتها مشترك مع جوهرة سيتو
جواد دار ليه براسو اه وضار عند جوهرة لي رجعات لحمام حيت كانت لبسا غير فوطة :ديك المرة شفتها مع جوهرة زعما كترتاح ليها؟
عمر بتاسم:اه جوهرة عزاز عليها دراري صغار ممناعتش نهائيا تشارك بيتها مع هد البنيتااا
جواد بتاسم و رجع جيهت الماس كيشوف فيها مسااخيش معرفش علاش ولكن حمقااتو: زوينة تبارك الله شنو سميتها؟
عمر تمشاا بشوية و قرب ليه تحنى هزها و هي ناعسة : الماس
جواد:سميتها زوينة و قريبة لجوهرة جوهرة الماس ههههه
عمر بتاسم: حتى جوهرة عجباتها سمية
جواد :اه بصح حتى انا عجباتني نشاء الله فش نولدو انا و ياها شي بنيتاا نسميوها لؤلؤة هههه
بداو كيضحكو هو و عمر
اما جوهرة كانت تتبكي مور الباب و هي كتسمع لهدرتهم: ييااااريييت ولكن مستحيل عمري غادي نخليك تقيسني ولا تحاول تجي جيهتي ولا جيهت بنتي حيت نت بكل بسااطة خربتي لي حياتي و عيشتيني الجحيم فوق الارض..
وقفات و كلها تترجف تتحس بلحمها تبورش عليها و فنفس الوقت شي حاجة فداخل دياالها
حرب نايضة بين قلبها و عقلها حرب مخليا كيانها كلو كيتحرق
حساات بيهم خرجو و خرجات من حمام دوزات عينيها على البيت و شافتها فوق سريرها بااينة عمر لي حطها فوق سرير باش تحرك على خاطرها
قربات و هي تتشوف فيها ناعسة على ظهرها و تتلوح بيديااتها ناعمين و تتضحك غير بوحدها تتشوف فسقف مزوق بالاضواء الوان و اشكال تتشوف فيهم و كضحك
مشات هزات كسيوا فالابيض حد الركبة و مفتوحة على شكل V
و خلات شعرها مبلول و مسحات وجها بكريم مرطب و فيه ريحت الفريز..
تحنات هزاتها و خرجات بزولتها تترضعها ..
🌷فالغرفة ____تحت🌷
اخيرا تافقو على كولشي و العرس مور شهر و حتى والدين جواد فرحانين طبعا غادي يفرحو محد ولدهم فرحان
بداو كيسولو عمر على جوهرة فين مشات بغاو يودعوها قبل ميمشيو
عمر :اه غتكون غير الفوق انا غنمشي نعيط ليها
وقف جواد:مكاين لاش غادي نطلع انا نعيط

ليها
وقف و تم غادي طالع مع ردوج حل الباب بانت ليه عاطيااه بظهر ..
جوهرة كانت كترضع بنتها حتى حسات بالباب تحل دغيا خشات بزولتها و قادات كسيوا و دارت راسها كتبوس فألماس
جواد تمشا بخطوات ثابتين حتى وصل موراها:حبيبتي شكديري
جوهرة:غير بغيت نعطيها بيبغون ديالها واخا تمدها لي
جواد هز راسو بواخا و مدها ليها
شداتها و دارتها ليه ففمها و هازاها..
جواد: جات معاك الامومة هههه
جوهرة نقزات و هي تتشوف فيه حسات بحالا عارف بلي هادي بنتو ولكن دغيا مسحات داك الاحتمال من راسها:ههه عزيزة علياا
جواد: فش نتزوجو غادي نولدو حتى حنى بنيتاا بحالها نشاء الله ياكي؟
جوهرة بتاسمات ليه :نشاء الله
جواد: الا عطيتيها تاكل هبطي حيت غنمشيو و بغاو والدييا يسلمو عليك
جوهرة:واخا غير هبط انا تابعاك
هبط جواد مخليها موراه كلها كترجف مخرج من الباب حتى كانت غادي تبدا تبكي
شافت فبنتها كملات بيبغون بااستها و حطات الرضاعة على الطابلة : بصحتك المااستي
رضاتها لبلاصتها حيت عرفاتها غادي تنعس و هادي وقيت ديال نعاسها..
هبطات بعدما رتاحت شوية لقاتهم كيسلمو على عمر
تمشات بشوية وسلمات عليهم و تمو خارجين
عمر رجع گلس و جوهرة مشات تسد الباب موراهم
جواد: بابا ماما غير هبطو انا تابعكم
بدات تتضحك ماماه: ولدي ولا عاشق ولهان هههه
جوهرة بتاسمات على ظرافتها
شد ليها يدها و بااسها: كنحماااق عليك
جوهرة بتاسمات ليه: حتى انا
جواد:ممتيقش باغي غير وقتاش نتزوجو غادي نعوضك على اي حاجة
قرب و بغا يبوسها و هي ترجع لور :ماشي وقتها
جواد :واخا الالة غنشوف قداش غادي تبقااي تهربي
كتافا يبوس ليها غير يدها و تم غادي ..
وهي مراقبااه و كتشوف فيه حطات يدها على قلبها و تنهدات: علاش مباغيش تفهم بلي هدشي لي صحيح علاش ديما كتفضحني و تبدا دق بجهد فش كيقرب لي علاااشش…
سدات عويناتها و هي تتحس بدمعات سخان واصلين لدقنها

🍾المشاغبة و الاستااذ🍾
تأليف:🍭شمس بناني🍭
الجزء: 🌷ستة و تسعون🌷
واصلين لذقنها..
جوهرة : شششش اجوهرة مكاين علاش نبكي هو غادي يخلص القديم و جديد اي حاجة دارها في غادي يدفع ثمنهاا..
سدات الباب و دخلات غادة طالعة لبيتها حتى وقفها صوتو : بلاتي اجوهرة
تنهداات و ضارت عندو:عارفة شنو غادي تقول ابابا عارفة بلي ماشي كل مرة غادي يحاالفني الحظ و تعتقني منو عارفة بلي غادي يجي نهار لي غادي يعرفها فيه بنتو و عارفة بلي غادي يكرهني و انا مطالبااش منو يبغيني العذاب كامل لي عشتو هو موراه و غادي نخليه يدوق نفس العذاب لي دقت ابابا…
عمر تنهدد و شاف فيهاا واخا يدوي مغادي يستافد والو واخا يحاول يخليها تغير قراراها عارف راسو مغاديش تستااجب لهدرتو و لا دير بنصيحتو : لي باان ليك اجوهرة طول عمري كنت فجنبك ولكن منقدرش نوقف فجنبك و انا عارف دايرة الخطأ واش تقدري تخلي بنتك بلا اب واش تقدري تحرمي بنتك من باباها و تعيش نفس داكشي لي عشتيه نتي مني تحرمتي من ماماك؟ واش عندك جواب لبنتك فاش غتسولك علاش معنديش بابا؟
عقلتي فاش ديتك اول مرة لمدرسة شنو قلتي لي ؟ مزال لحد الان مذكر هدرتك قلتي بكل وضوح بابا علاش معنديش ماما لي تجيبني من المدرسة
سعتها معرفتش شنو نجاوبك و بقيت سااكت ودابا حتى نتي غادي تبقااي ساكت فاش غادي تسولك الماس ماما فيناهو بابا علاش مكيجيش يديني بحال البنات لخرين و سااعتها غادي تخلي بنتك تعيش نفس شيء لي عشتيه نتي ا جوهرة نفس شيء التاريخ يعيد و يكرر نفسه لا اقل و لا اكثر ابنتي …
داز فيها و طلع لبيتو
مخليها موراه بزز باش واقفة و بزز باش كتلطاقت انفاسها على من كتكدب على راسها؟ كلام باباها صحيح و هي عارفة مزيان بلي غادي يجي نهار لي غادي توقف قدام هدشي و غادي تعيش ديك اللحظة و متأكدة غادي تحس بداكشي و غادي تفادى تشوف فعوينات بنتها و هي كتكدب عليها..
تمشات بزز و طلعات لبيتها و تخشات بلاصتها ناعسة مخليا هد المشااكل كاملين على جنب ..
🌷اصبحنا واصبح الملك لله
انا لست فتاة كباقي الفتيات انا لست شهرزاد الخائفة وبثينة العاشقة وليلى الهادئة انا لست طفلة ابصرت للتو ولا مراهقة تحاول اثبات نفسها ولا صبية مثلت دور الكبار انا لست مثل أمي ولا اشبه صفات اختي ولم ارت الطبع من جدتي انا لست كباقي النساء انا بداخلي رووح مختلفة وقلبي لا شبيه اي قلب …انا فتاة عنواني الا اركع الا

لخالقي..”جوهرة “….
تمر الليالي و الايام لارااكي ياا بنتي تكبري ولي تفتحين ذراعيك قائلة : امي ارجوكي تعالي….
فاقت من نعااسها على صوت بكا بنتها
مشات كطير هزاتها:ششش الماستي مالكي احبيبتي مالكي صااافي اماما متبكيش ششششش بنتي مالكي احبيبتي
هزاتها و شماتها و هي تقوس حجبانها و ضحكة غالبة عليها: ممممم قولي خسرتي حوايجك احححح عليك الحريميااا
حطاتها و حيدات ليها ليكووشاا ودارت ليها وحدة خرى و بدلات ليها حوايجها و لبساتها طاكياا و تريكو سخون :ليوم ابنتي الصغيرة غتمشي مع ماماك باش نشريو الاثات و ديكور لمحلا ديال ماماك و ندوزو عند مول لفتات يقاد لي شي كوفر لمحل يكون بسميتك فاشن الماس اباريل هههه شتي على سمية شحال زوينة بحاااال بنوتي
بااستها و خلاتها فوق سرير
ودخلات لحمام قضات حاجتها و غسلات وجها وخرجات لبسات حوايجها وقادات ضفيرات جاوها زوينين على شعرها بتاسمات و كتوضع اخر لماسات من الماكيااج
هزات بنتها و هبطات
لقات باباها وجد الفطور و لبس حوايجو يمشي لخدمتو:صبااااح نووور
عمر:كي صبحتي
جوهرة: بيخير ابابا ليوم انمشي انا و بنتوني نديرو تشوبينغ لمحل جديد ياااك ا المااستي
بدا كيضحك عليهم خخخخ لبسين نفس اللون هبيلا هازة هبيلا خخخخ
بدات جوهرة كضحك
فطرو و ناضت :بابا نقدر نجي معطلا
عمر:خودي طوموبيل الا بغيتي
جوهرة: لا بلاش غادي ناخد طاكسي
عمر: لي بغيتي ة خااصك ديري البيرمي ديالك باش تاخدي سيارة ليك
جوهرة ضحكات بلا متحس : ههههه و يييه نيت فركتيني فنهار خرجت انا و نادية وشدونا لبوليس حمد لله خدا مني رشوة
عمر سمع سميت نادية و غوبش
جوهرة: بابا معارفش شي حاجة على نادية
عمر حنى راسو على طبسيلو:لا
جوهرة: كان ذنبها انها كانت صحبتي سببت ليها فبزاف ديال مشاكيل اوووف
عمر: سيري تعطلتي
جوهرة: بسلامة ابابا هانا غادا المااستي قولي لجدو بسلامة ههه
عمر بتاسم:بسلامة حبيبت جدو

🍾المشاغبة و الاستااذ🍾
تأليف:🍭شمس بناني🍭
الجزء: 🌷سبعة و تسعون🌷
عمر بتاسم : بسلامة حبيبت جدو..
خرجات جوهرة ..
عمر تنهدد بجهد و ناض هز كاس ديال قهوة كحلا قاااصحة و جبد گارو من جيبو كيكمي بسر على بنتو حيت عارفها مغاديش يعجبها الحال لشاافتو كيكمي قداامها
كيتفكر نهار شافها فحضن واحد اخر تأكد مزيان بلي عمرها كانت حب بنسبة ليه اي راجل كان فداك الحين غادي يتغر بجسد بنت صغيرة و زوينة خصوصا هو كان مزال فعز وساامتو و رجولتو
اي واحد كان بلاصتو غادي يستسلم و يدير نفس شيء لي دارو
نثر نثرة طويلة دار خطأ كبير لا يغتفر الا عرفات بنتو كي غيكون شكلو قداامها حشومة حتى لتعاويداا ندم بزاف على نهار لي قرب ليها فيه ،ندم بزاااف
وحس براسو مكانش خاصو يدير لي داار
على كل كنبقاو بني ادم و كنغلطو ممعصومينش من الخطأ
الغلاط الكبير هو مندموش على خطأنا…
كمل الگارو و لاحو : خاصني نقطع هد زبل..
اصلا هو مكيكميش ديما غير فش كيتعصب ..
خدا جاكيط ديالو و خرج لخدمتو…
🌷فبلاصة____خرى🌷
كانت وصلات لمركز التجااري خدات شي تقدية لبنتها ليكوش و منادل المبلالة باش تمسح ليها
خرجات و الساشيات فيدها و الماس مركبااها تنهدات بجهد:رااسي شحال قاصح كون غير خديت طوموبيل كون ديرت فيها هد سااشيات بلا منهزهم
كملات طريقها و بان ليها واحد البوتيك ديال حوايج دراري صغار مشات كطير دخلات ليه وبدات تتشوف حوايج البنات صغاار حمقوووها بلا قياس خدات لبنتها انواع و اصناف الملابس شتوية و صيفية
و خدات ليها رويحاات و زيوت و شمبوانات و باندوشات ديال دراري صغار..

الحصول و مافيه خخخخ لالة جوهرة تقدات سووق كامل و سااشيات بزاف
يلاه بغات تشد طاكسي طاحو ليها سااشيات و هي وتبدا تغبن :الله على زهر مكوز ابنتي اوف اوف
كتبغي تحنا تهزهم ولكن الماس مركباها لقدام معندها كي دير
شوية بان ليها كيجمع سااشياات : علاش معلمتينيش بلي غادي تخرجي
جوهرة تصمرات بلاصتها: غير بغيت نبدل الجو
جواد جمع دوك سااشيات و دارهم فالكوفر ديال لووطو ديالو
كان غادي زربان حيت عندو جتماع و لكن فش شاف جوهرة وقف لوطو و هبط: فين غادة دابا؟
جوهرة:صرحة تقديت داكشي لي خاصني كنت باغا نمشي لدار مي دابا بغيت نمشي بارك تشوف الماس دراري صغار كيلعبو
جواد تحنى و باس الماس تيحس براابطة قوية بيناتهم: صباح نور الماس سمحي لي نسيت مقلتهاش ليك ولكن شنو نديرو بنت عمك متلفااني
جوهرة شداتها ضحكة من ديك بنت عمك خخخخخخ
جواد خنزر فيها:مالكي كضحكي؟
جوهرة عاد عاقت على رااسها:ههه والو غير ضحكتيني كدوي معاها بحالا غادي تفهمك
جواد صغر عويناتو و قرب ليها
وهي تجمع ضحكة خخخخ
جواد:ماشي ضروري تفهمني غير الاحاسيس و لغة العيون كافية
رجع بعد شوية و شاف فالماس: يااكي الزوينة
بدات الماس كضحك و تلوح بيديها خخخخخ
جواد:شتي شنو قلت ليك
ضحكات على عفويتو و هزات راسها باه
طلعات فلوطو لور باش تشد الماس
وجواد كيصوگ : اوى شيفور ديالكم كيسولكم اشمن اغنية تسمعو؟
جوهرة ضحكات منيتها هههه: مممم دير لي اغنية انا عايشة
جواد بتاسم و برونشا تيليفونو مع اللوطو وطلق الاغنية على جهد
والماس و جوهرة كيضحكو
و جواد مراقبهم من المراية خخخخ

🍾المشاغبة و الاستااذ🍾
تأليف:🍭شمس بناني🍭
الجزء: 🌷ثمانية و تسعون🌷
وصلو لبارك و مشات جوهرة كتلعب الماس فالالعاب و هي شااداها
و جواد مراقبهم
عيات جوهرة ورجعات گلسات
جواد:شنو تشربي
جوهرة:باناشي
جواد:اوكي
طلب ليها العصير لي بغات و هو قهوى
بدات جوهرة كتشرب الباناشي مفيد ليها حيت من سوائل و سوائل كيديرو الحليب..
داز الوقت بزرباا و نهار كامل وجواد مع جوهرة و الماس مخلاو تاا بلاصة ممشاو ليها
مسكين جود لغا گاع اجتماعاتو و مواعد لي عندو خخخ
مقابل هد الحمقة لي عطاه ربي
🌷فبلاصة_____ثانية🌷..
لبساا كسيوا فالابيض ديال العرااسات جاتها سوووو كيوت كتحمق تنهداات بجهد :متوترة بزاف اخالتي
فهيمة كتقاد ليها الورد فوق راسها:شششش متخافيش احبيبة كولشي غيدوز مزياان
نادية:نشاء الله فيناهوا عثمان
تحل البااب
فهيمة: هاهواا ابنتي
ضارت نادية و هي تشوفو جاا كيحمق مع البدلة سوداء
تمشا بخطوات واثقين جيهتها
باس ليها راسها: جيتي زوينة بزااف
نادية حشمات: شكرا احياتي
خخخخ بدا كيضحك عليها
شد ليها يدها و تمو خارجين…
لقاو الجريدة عامرة بناس غير الاصدقاء ديال العائلة لا غير
و العدول
تمشات بشوية و گلسو على طاولتهم
العدول: عثمان عفاف واش تقبل بناادية سراوي زوجة ليك؟
عثمان بقا ساااكت شحاال و هو ينطق : لاااا

🌷فبلاص____ثانية🌷
رجعهم لدار
وهي هابطة و هازة الماس بين يديها حيت عياات ونعسات
جواد حل ليهم الباب و هو هاز دوك العرارم ديال سااشيات
حطهم و گلس كيتسناها تهبط
جوهرة طلعات حطات بنتها تنعس و حيدات حوايجها و لبسات كسيوا فالاسود قصيرة بزااف و خلات شعرها مطلوق
ظنا منها راه مشاا حيت سمعات الباب تسد..
هبطات تاخد غير كاس د ماء و طلع تنعس حدا بنتها
حتى كتلقاه گالس وكيبقشش فتيليفونو
غير سمع صوت خطواتها و هو يهز راسو كيشوف فيها محس براسو حتى قرب جنبها و هي واقفة كتشوف فيه معرفات شنو تصبق ولا توخر…
قرب جنبها و حط يدو على خصرها كذكر اخر ليلة فاش غتاصبها
و هي تبعد شوية
حس بيها و بتاسم:ششششش متخافيش مني
قربها ليه كثر و بااسها على راسها : معمري غادي نأذيك
و هبط بشوية باس ليها عويناتها بجوج: هد العوينات هوما لي كيخليوني ندووخ
هبط بشوية و بااسها على خدودها: ريحتك تتهبلني
وهبط شوية وبااسها على شفايفها: كنبغيك اجوهرتي
محسات براسها حتى حطات يديها على ظهرو و هي مزيرة عليه فااقدة احاسيسهاا
بدا هابط بشوية حتى وصل لعنقها و خاشي راسو يكبوس فيهاا هابط مع صدرها
ويديه كيتسااراو فجسمهاا
جوهرة فقدات السيطرة على راسها حتى سمعو الباب تحل و هي دفعو و تتشوف باباها قدامهاا
جوهرة: بابا انا…

🍾المشاغبة و الاستااذ🍾
تأليف:🍭شمس بناني🍭
الجزء: 🌷تسعة وتسعون🌷
جوهرة: بابا انا ..
قاطعها جواد: كانت خارجة هي و بنت خوك و وصلتها هاني غادي بسلامة
سلم عليها و خرج خخخ عارف راسو مقودها مع نسيبو قبل الوقت
جوهرة غرقات فحوايجها بدات تترعد : بابا غير سمعني شتي هو كان …(قاطعها)
عمر:مقلت والو نتي كبرتي مبقيتيش صغيرة باش نصحك راكي ام..
لاح ليها هد جوج كلمات و خلاها واقفة مبلوكياا غير كتشوف ..
طلعات لبيتها سااخطة
لبسات حوايج نعاس عبارة على بيجااما فالاسود مخملي و خلات شعرها مطلوق
شافت تيليفونها كيصوني و رقم فشكل جاوبات فبلاصة:الو وي
تحلو عينيهاا على جهدهم خخخ و الفرحة بااينة فعويناتها العسليين :وااااش بصح احبيبة اوووف فرحة بزاااف غذا انجي نجيبك لالالالا مبغيت نسمع والو نتي كثر من ختي كبيرة غادي تعيشي معايا اصلا دارنا كبيرة و غادي يعجبك الحال نتي عزيزة علي افاطمة خيرك علي كثير ممم موااح اكبيدة فرحت بزاف يلاه تصبحي على خير تهلاي فراسك…
قطعات ونعسات وهي كضحك اخيرا غادي تخرج فاطمة و تعيش حياتها
شوية بدات تتلعب بصبيعاتها بتوتر: دابا جواد لي خرجها نقوليه شكرا ولا بلاش اصلا كان شرط من شروطي بلاش
هزات كتافها بإهمال..
داز شوية ديال الوقت و هي تغفى ونعساات…
وجنبها بنتها ناعسة بنفس طريقتها خخخ من اين دلك الشبل من داك الاسد خخخ هي هادي ديال جوهرة.
فبلاصة خراا كان جواد وصل لفيلا وقف لوطو كيفكر و ديما تتجي صورة ديال الماس بين عينيه و فش تتكون هازاها جوهرة و سؤال كيطرح فراسو كيفاش بنت خوه و ساكنة معاه و ديك الليلة فش مشا عند جوهرة كانت هازاها
اي واحد غيجيه هدشي طبيعي و لكن شي حاجة فداخل ديالو تتقوليه كاين شي خلال ..
تنهد بجهددد
جبد تيليفونو من جيبو وبدا كيبقشش تا جبد تصاور وبدا كيشوفهم
فاش كانت جوهرة كتلعب الماس بقا كيدير ليهم فيديو بلا ميحسو و تصاور
عجبوه بزااف بدا كيشوف فيهم و يعاود مسخااش يبقا غير يشوف فيهم خخخخ جاتو على الگانة و هو كيدوز صور و نسا راسو فاللوطو…

🌷عند العرساان ديالنا🌷
عثمان بقااا ساكت شحال و هو ينطق : لااااا..(شوية بدا كيضحك) اناااا رااااه موااااافق ههههه
كولشي بدا كيضحكو عليه خخخخ سيد تصطا و نادية بقات غير تتشوف فيه
العدول: بنتي نادية واش تقبلي تزوجي بعثمان …
نادية :موافقة
بدا كولشي كيصفق مد ليهم العدول الكتاب يوقعو عليه
حتى تتشوفها داخلا بقفيطين فاللون كاصي
ناادية شهقاات:ماامااا
وصلات جنبها و قربات:ماماك يلاه تفكرتي ماماك حتى و نتي غتزوجي متفكرتيش ماماك؟
نادية:حنات راسها
و هي تهز ليها مها راسها: ششششش متبكيش اتخصري مكيااجك
هزات راسها بآه و بتااسمات..
وقعو و كملو العرس على ما يتم…
🍁فلندن🍁
كان كيشوف تصاور ديال عرس عثمان و نادية و تنهد:ممكتاباش لي
هز داك الكاس و جغم منو
شوية سمع ديديجي مخدم اغنية مغربية تعجب ديسكو فلندن دايرين اغنية مغربية كي دارو ليها خخخخ
ضار كيشوف بنت زعرة و لطاي مااانكة مزعراا شعر و نايضة وسط الحلبة تتشطح على اغنية c’est la vie
ديال شااب خالد
و كولشي محيح معاها
بقا مراقبها تا سالات الاغنية و هبطات كتماايل ..
يلاه هبطات دوروها شي براهش بغاو يتبسلو عليها
محس براسو تا ناض كيفرشخ فيهم و هي غير كتمايل و تصفق:تبااارك الله على بطاالي هييه هييييه عطيهم هههههه
بدات كضحك و هي سكرانة
ناض و شاف فيها:يلاه زيدي نوصلك
قوسات حجبانها:ياااااحليلي نت مغربي احوبي
نسيم : نسيم
شافت فيه و مدات ليه يدها: اكرام
شاف فيها و صغر عويناتو: يلاه ا اكرام نوصلك
خخخخ و هي طيح عليه و هزها

🌷تتمة الجزء🌷
فاقت جوهرة بكري و مشات لسجن
تتسناها تخرج و فعلا بعد مرور دقائق هاهي خرجات فاطمة
مشات كطييييير عندها خخخ
: حبيبة ديالي اوووف توحشتك

تعانقو و مقدوش تا يطلقو بعضهم خخخ الوحش الوحش يااا سادة
طلعو فلوطو و جوهرة مسكتاتش حيت مكانش عندها الوقت فين تعاود ليها على زوليخة و شدارت ليها
تتعاود بحال شي بنيتاا صغيرة تتعاود لماماها على شي انجاز كبير داارتو خخخخ
فاطمة :اوووف اصحبتي راه عاودو لي البنات فالزنزانة تباارك الله عليك
جوهرة:هااااء و خاصك تسمعي الخبر من المصدر صحيح مهم الله يبارك فيك راه اصلا كان خاصني ندير هكاك من الاول على كل عاودي لي كي بقيتي
فاطمة حطات يدها على جنبها: سم سبب لي ضعف على مستوى الجهاز العضمي ولكن مع الوقت غادي نبراا نشاء الله
بتاسمات ليها جوهرة:نشاء الله حبيبة …
فاطمة: فين وصلتي فداكشي
جوهرة عرفاتها علايااش داويا: غادي ندير لي فراسي
فاطمة تنهدات: قبل مديري لي فراسك فكري فألماس
جوهرة كتافات دير اه براسها و عينيها على طريق
داز الوقت ووصلو لدار
هبطات جوهرة و جرات باليزة ديال فاطمة طالعين فالاسنسوور
:مرحبا بيك حسبي دار دارك بابا ضريف ميقوليك والو ..
فاطمة كدير ليها براسها غير اه
جوهرة: اه واش طلقوها حتى هي؟
فاطمة:اه خرجات قبل مني يمكن تفاوتو غير فالطريق ختها جات ليها و قالت لي غتخدم و تمشي ترفع دعوة باش تاخد ولدها..
جوهرة: الله يسهل عليهاا كبدتها هاديك من حقها
تحل الاسنسور و دخلو و هي تخرج جوهرة عينيها و هي تتشوفو واقف و هاز الماس كيلعب معاها و هي كضحك و كيهمس ليها فودنيها و مرة مرة كيبوسها و يهرها
حسات بشعور غريب وهي تتشوفو هاز بنتهم بين يديه و هو معارفش بلي هاديك بنتوو تنهداات بجهد حتى سمع صوتها وهو يضور:حبيبة جيتي لقيت الماس تتبكي و باباك معرفتش يمكن مشا يتسخر

جوهرة هزات راسها بأه :دخلي افاطمة
دخلات فاطمة و عينيها على جواد و الماس وتتشوف فجوهرة لي باين عليها انها تبورشات من هد المشهد و فهماتها
سلماات عليه و گلسات مد ليها الماس تتبوس فيها و تلعب معاها
جوهرة تتوجد الفطور فالكوزينة.. حتى تتحس بيدين محاوطين خصرها حتى تبورشاات و انفااسو سخوونا على عنقهاا: جواد ماشي وقتو راه شفتي لبارح شنو وقع
جواد:مكيهمنيش بااغيك فهاد اللحظة و فهاد الوقت (مطلع يديه حتى صدرها و بدا كيلعب ليها على الوثر خخخ و كيلعب ليها بصدرها لي مدفق خخخ بسيف راه الحليب تماك )
جوهرة مبقاتش قادراا تحكم فراسها ضاارت و شدات راسو بين يديها خشات فمها فالفمو و تتبوس و تمص لساانو حتى تتحس براسها غادي تاكلو و حتى هو هاايج على الاخير
بعدو شوية على ميلطاقتو انفاسهم
جواد : اووف باغيك بااغيك (كيجبدها لعندو حتى كيضرب صدرها فصدرو و المعلم مقابل مع الطوطو خخخخخ)
جوهرة عااد وعات على راسها الله الله هادي هي لي غادي دفعو ثمن غالي خخخ
تنهدات و تملصات من بين يديه: مبقا والو سير لصالون حشومة مخليين المرا بوحدها
جواد بتاسم : مبقاا والو (قرب وبااسها) كنتسنااك براا
هزات راسها بواخاا ….
وجدات الفطور و حطاتو على الطابلة تحت انظارو لي غادي ياكلوهاا و الماس بين يديه
وجدات جوهرة بيبغون ليها و مداتها ليه:خليها على متبرد و عاد عطيه ليهاا
جواد: واخاا
خلاه شوية عاد بدا كيعطيهاا ترضع خخخ و مرة مرة كتجبد تمشي عند جوهرة باش ترضع من صدرها
وجوهرة غير كضور فعينيها وكدوي فخاطرها: الله يااا بنتي تهدني متفضحينيش…
جوهرة: حياتي مد لي الماس نبدل ليها
هز راسو بواخا
غير شداتها و هي تبدا تقيص ليها فصدرها جاب الله مرضش جواد البال
جوهرة باستها و هي كضحك:ناااري بحالك بحال باباك تتموتو على هد البلاصة
بدات كضحك بوحدها و طالعة لفوق..

🍾المشاغبة و الاستااذ🍾
تأليف:🍭شمس بناني🍭
الجزء: 🌷المئة و الاخير.🌷
🌸بعد مرور شهر 🌸..
داز شهر فلمح البصر…
وصل نهار لي غادي تزوج جوهرة و جواد
كانت فبيت اللبااس
لبسا كسيوا فالابيض و تاج من الورد على راسها شافت فبنتها لي مزال كيحسبها بنت عمها تنهداات و بااستها: بنتي بنوووتي حبيبتي (بدات تتبوس فيها)
حسات بالباب تحل داخل بهيبتو ووسامتو و جاذبيتو كيحمقها كيصطيهاا و كيهبلها واخا تعيااا متنكر جاامي تقدر تبغي واحد اخر من غيروو
تنهدات و هي تتشوف فيه زوين بزااف قرب بخطواتو حتى لعندها : جيتي زوينة
بتاسمات و هي تتحس بصبيعاتو كيجروها حتى ضربات فيه: حتى انا غادي نتوحشك…
عنقها و هو هابط مع عنقها
اما هي تتبكي فصمت تتحس بروحها غادي تخرج
بعد شوية و هو كيدوز يدو على شعرها: حبيبة متعطليش العدول براا وعرفتي شكون جاا؟
جوهرة هزات راسها بشكون؟
جواد: هههه اكرام
غير سمعات سميتها و هي تقندش :شكدير هنا
جواد خنزر فيها: تهدني المغياارة ديالي راه هي و راجلها سميتو نسيم قصتهم كضحك تزوجو و هوما سكرانين كانو عوالين يطلقو صدقو كيبغيو بعضيااتهم راها حاملة يمكن عندها اسبوع
بتاسمات و رتاحت :الله يفك وحايلها على خير..
ضحك : مممم غير قبيلات كنتي غادي تفرسيني اححح عليكم العيالات
ضحكات و هي تتفكر فهدشي لي جااي…
جوهرة: غير سير انا تابعاك
هز راسو بواخا و خرج..
شافت فبنتها و هزاتها : يلاه ابنتي
جبدات رسالة من صااكها و حطاتها بجنب الابجورة و فوقها الخاتم ديال زواجها لي عطاها
ضورات عينيها فالبيت تبدال كان من المفروض يكون بيت نعاسهم بجوج
تحل الباب و دخل باباها و معاه فاطمة شادة ليه فيدو
فاطمة و عمر ولات بيناتهم علاقة جدية خخخخ وشوفو لي سي عمر طاح فلالة فاطمة (هانا درت ليكم خاطركم البنات خخخخ) ..
عمر: بنتي متأكدة من قراراك؟
جوهرة هزات راسها باه و عينيها مدمعين: متأكدة ابابا
مد ليها تيكيت ديال طيارة و باسبورات ديالها وديال بنتها
جوهرة خداتهم و كتشوف فيهم: بابا المحل بين يديك ختي فاطمة عارفاك كتعرفي تصممي و تخيطي المحل خليتو ليك خدمي فيه
فاطمة بدات تتبكي متحكماتش فراسها خرجات تتجري
و عمر تا هو ماشي حسن منها بلا ميحس شد الماس كيبوس فيها و معنق جوهرة:اليوم غادي نفقد قلبي و عقلي
جوهرة: فش تهدن الامور اجي عندي نت و فاطمة
عمر: مممم واخا ابنتي تهلاي فبنتك و راه دويت مع شي صحابي فالنمساا و غادي يقادو ليك امورك تماك لبسي بنتك مزيان حيت البرد و ردي بالك
جوهرة تتهز راسها باه
لبسات المونطو فوق كسوات العرس هخخ مافيها لي يبدل

واصلا مجابتش حوايجها
عمر:باليزتك نتي و الماس فسياارتي غادي تلقايهم تماك
جوهرة هزات راسها بواخا و خرجات من الباب الخلفي وبنتها فيدها
تتبكي و كلها تترجف مباغاش تشوف لخلف ..
🌸فالجريدة 🌸
كانت دنيا عامرة طبعا راه جواد بالمقدم لي غادي يتزوج ماشي اي واحد..
العدول بداو كيسولو على العروسة و جواد تزير ناض و ستأذن:غنمشي نجيبها..
ناض و طلع مع دروج وصل لبيت حلها و بانت ليه خاوية ستغرب :فين مشات
يلاه غادي يضور وهي طير الرسالة من جنب الابجورة على الارض ضار كيشوف فالورقة و الخاتم مليوح على الارض
تحناا و هز الورقة و الخاتم كيشوف فيه
حل الورقة و بدا كيقرا : جواد فش غادي تكون تتقرا هد الرسالة غادي نكون فالمطار و بنتي معايا باش نخويو المغرب ،اه بنتي الماس ماشي بنت عمي الماس بنتي انا و يااك عرفتي شحال صعيب علي نكتب هد بنتي انا وياك حيت بكل بسااطة مكتستاهلش تكون اب حيت خليتيني فالسجن و انا حاملة ببنتناا و شحاال تعدبت تماك
عتابر هد نهار هو نهار العدالة الالهية عتابر الشوهة ديالك قدام ضيافك و عروستك خلاتك جزء بسيط ولكن الجزء الاكبر هو ان الماس بنتك ا جواد بنتك و معندكش الحق طالب بيها حيت بكل بسااطة نت وقعتي على التنازل على حضانتها خليت ليك نسخة عند المحامي غادي تشوفها ….
طاحت الورقة من يدو و كلو كيترعد و عينيه كيدمعو:جوهرة جوهرة لالالالالالالالالا ميمكنننننننششششش الماس بنتي بنتي كنت حااااااس
بدا كيشخشخ لي لقاا قدامو
هبط كيجري كيضرب فلي خرج قدامو فبالو حاجة وحدة خاصو يوصل للمطار قبل متمشي…
هبط ومشاا كيطير ركب فلوطو و هو كيزدح الفلون بااش يحل ليه الحارس بزربااا
خرج و هو يتصدم فلي قدامو نزل و هو كيفووور و عينيه غير عليها و هي تتضحك و كتجبد باش تجي عندو محس براسو تا كان قريب منها و كيشوف فبنتو:علاش اجوهرة
جوهرة بدات تتبكي و كلها تترجف:بغيت نمشي و نخليك تعيش داكشي لي عشت و لكن مقدررتش مقدددرتش
شاف فيها و بلا ميحس هز يدو و مسح ليها دموعها:سمحي لي
جوهرة كتافات تهز راسها باه و عنقاااتو و هو هاز الماس كيبوس فيها و معقن جوهرة:كنبغيك كون

🍾المشاغبة و الاستااذ🍾
تأليف:🍭شمس بناني🍭
الجزء: 🌷المئة و الاخير.🌷
🌸تتمة🌸
شاف فيها و بلا ميحس هز يدو و مسح ليها دموعها:سمحي لي
جوهرة كتافات تهز راسها باه و عنقاااتو و هو هاز الماس كيبوس فيها و معقن جوهرة:كنبغيك كون مشيتي و خليتيني كنت غادي نموت اجوهرة غادي نموت
يلاه بغات دوي وهوما يسمعوها :بببااببااببب
شاف فيها و مخرج عينيه: ششششنووووو قاااالت؟
جوهرة بدات كضحك و مخلطة باابكاا: هههه بابا
جواد تصدم : عااوديها احبيبة عااوديهاا..
الماس بدات كضحك : بببببببب
خخخخ وهوما كيضحكوو…
جوهرة: كانت بقات 6 دقايق باش نسافرو ولكن الحاجة لي خلاتني منمشيش هي هد الكلمة بابا انا تحرمت من ماما و مبغيتش بنتي ترحم من باباها مبغيتش تعيش نفس لي عشتووو
باس ليها راسها وعنقها
سمعو صوت التصفيقااات كولشي كيصفق عليهم خخخخ ضياف كاملين خرجو لبرا و صحافة كتصور…
سمعات صوتها من بعيد : جووووهررررتتتتتييييي
ضارت و كتشوف فيها شادة فيد عثمان : حبيبتي
مشات كطير عندها تتعنقها: توحشتك توحشتك
بداو كيتعانقو خخخخ اخيرا تلاقاو
جوهرة:توحشتك احبيبة
نادية:تانا هادي بنتك اوووف كيووت
بداو كيضحكو خخخ
عثمان باارك لجواد و دخلو كملو عرسهم…
🌷بعد عام 🌷
فاطمة تزوجات هي و عمر وكملو حياتهم عادي
عثمان و نادية ولدو ولد وسمااو مهند خخخ حيت عويناتو طلعو زورق
اكرام هي و نسيم ستقرو فلندن و عاشو حياتهم …
🌸بلاصة ثانية…
كانت ناعسة و كرشها باارزة خخخ سيدة مدار العام حتى حملات اصلا جوادكان حالف فيها خخخخ.
تتحس بالهرة حلات عويناتها بشوية:المااااااس ههههه لالالالا جواد جوواااددد
بداو كيهرو فيها خخخخ و هي غادي طير بالفرحة بنتها و راجلها جبنها و ولدها لي فكرشها…
نهااااية

Leave a comment