Skip links

قصــــة : المشاغبة و الأستاذ 3

 5,429 عدد مشاهداات

🍾المشاغبة و الاستاذ🍾
تأليف:🍭شمس بناني🍭 ..
الجزء:الواحد و الخمسون …
جوهرة كانت فالبيت مضلمة و مافيها حتى سدااري غير الارض گالسة و كتموت بالبرد و جرحها مزال جديد و محلولة و البرد غادي يفرعها شافت شي حد جاي كان واحد من حراس مد ليها بطانية باش تغطى:خودي جابها ليك باك
جوهرة خداتها و ضوراتها على جسدها و تركنات تتبكي…حتى نعساات
عمر بقا ليل كامل بايت فالكوميسارية غذا غيطلعوها لمحكة ..
قلبو كيضربك كيتمنى بنتو ميوقع ليها والو…و تخرج من هد العقيبة على خير..
اما جواد بقا فلوطو ديالو نااعس فيها ..
#فبلاصة_خرى
كانت فغرفة بيضاء بدات تتحس بشي حركة فجنابها عضامها كاملين مهلوكين تتردد شي سمية ولكن ممفهوماش هضرتها
حلات عينيها بشوية ورجعات سداتهم و غيباات…
#اصبحناا_واصبح_الملك_لله…
فاقت و تحتها كيحرقها سمعات صوت فتح زنزانة
ناضت و الخلعة غادي تقتلها خرجات و نيشاان طلعوها فصطافيت غير ان باباها كان واقف مقربش جيهتها كيشوف من بعيد وصافي..
اما هو كان فلوطو مراقبها و الكلابشات فيديها و هو مبتاسم وصحافة كيصورو و هي تتبكي و بوليس جارينها..
داز الوقت وهي واقفة قدام القاضي : جوهرة العلاوي عندك ماضيفي؟
سكتات مجاوباتش
تنهد القااضي وشاف فالمحاميين بجوج و وقف و كولشي وقف هذا دليل على صدرو الحكم بشأن المتهمة: بما ان جميع الادلة ضد المتهمة فالمحكة تحكم عليها بسنتين و نظرا لاتخاد المحامي الاستئناف فالمحكة تخفف الحكم ونحكم عليها : بسنة
طاااحت على رجليها و هي فااشلة مقادرااش تستوعب هدشي
شكون قال بلي سخونية راس غادي تجيبها حتى لحبس..
شافت فباباها لي كيبكي و بدات تتقلب على صحبتها بعينيها و رجعات هبطاتهم
جاو البوليس هزوها لسجن لي غادي تلتاحق ليه…
طلعوها ثاني فسطافيت و هو مزال فسياارتو فضل ميحضرش الحكم ..
نطالقات سطافيت الى سجن الدار البيضااء…
ساعات كانو امام سجن هبطوها ودخلات
غير حطات رجليها بدات تتسمع صوت الغوات و الزديح و المرايشاات سجن عاالم اخر عالم كلو مووسخ وجهنمة فوق الارض لي هلا يجلع شي مسلم يحط فيه رجلو..
دفعوها لاحد الاجنحة ديال ساجينات لي فيه ازيد من 20 سجينة بحال الخيرية…
طاحت و ناضت وقفات تتشوف فيهم كل وحدة فشكل و كل وحدة و حالتها و شي عيالات كبااار شارفات مسحات دموعها
بان ليها سرير فواحد زاوية مشات تگلس و هي توقف قدامها حطا يد على خصرها و تطرطق السمكة كي شيخة

🍾المشاغبة و الاستاذ🍾
تأليف:🍭شمس بناني🍭 ..
الجزء:الثاني والخمسون …
بان ليها سرير فواحد زاوية مشات تگلس ووهي توقف قدامها حطا يد على خصرها وتطرطق المسكة كي الشيخة ضفارها مصبغاهم بالغوز و لبسة كي شيخاات مع احترامي ليهم خخخ
هزات جوهرة راسها وشافت فيها: ختي واخا تحيدي من قدامي
طلقاتها بوااحدددد ضحكة : ههااهااااهههااااهااا اوى سمعو البنات قالت ليكم الانسة جديدة نحيد من قدامها (هزات صبعها سبابة كتلعب بيه قدام عينيها) زولييييييييييخة سمعتي زليخة و اجرك عالله شوفي الغزالة محدك غادي تبقااا فهاد الخربة على متخرجي غادي تخدمي لبغيتي تاكلي سمعتي؟
جوهرة عياااات متصبر ليها و دير انها ممسوقاش باش متجبدش عليها صداع سااعة هي مولاتو ناضت و خنزرات فيها : وعرفتي شكون انا ؟
زليخة ضارت تتضحك ووتشوف فالبنات لي فااسجن معاهم: ههههه سمعو سمعو القطيوطا تسرح ليها لساان و بدات كدوي و يلاه دخلتي مزال حتى مسخنتي بلاصتك
جوهرة دفعاتها و گلسات فداك سرير ، شافت فيها زليخة و مرضاتش قدام السجينات اللخرين مشات طايرة ليها شداتها من شعرها وبدات تعطيها لحناكها حتى حسات بوجها مبقاش منها
زليخة مربياا الفورما على جوهرة بأضعاف و زائد من بين السجينات اكثر شغب و محكوم عليها بمؤبد يعني طول حياتها غادي تقضيها فداك سجن…
طاحت جوهرة و شوية دم هابط ليها مع نيفها و فمها وكولهم كيشوفو فيها واقفات بستثناء وحدة فيهم ناعسة على ضهرها و كتصبغ فدفارها معاطياش الامر اهمية او بالاحرى ممسوقاش
يلاه بغات جوهرة تنوض بعدما لتاقطات انفاسها حتى تتشوفها جاية جيهتها و هازة تيو دياال البوطة داك الغليض
جوهرة شافتها و حضنات راسها باش تحمي راسها من ديك ضربة و مزيرة على عينيها

سمعااات صقييييل حلات عينيها بانت ليها ديك البنت واقفة قدام زليخة و شادة ليها التيوو و حاطة ليها خنجر صغير على عنقها و خاشية فيها طرف الحاد ديال خنجر حتى بدا كيسيل شوية دم
‎زليخة كلها تترعد تتشوف الموس شوية و يثقب ليها عنقهاا: فااطططمة شكاديري اهاد الحمقة شكدييررييي
‎فاطمة بتاسمات و حيدات ليها داك تيو و بدات تتلعب بداك الخنجر على حنجرتها : زليخة شحال من مرة غادي نعاود ليك هدرتي شحال قدي نهددك و ندوي شوفي في احبيبة ديري عقلك حسن ليك
‎زليخة بلعات ريقها وبدات تتنفس بشوية: فااطمة ماشي سوقك ياك عاطياك تيقااار علاش غادي دافعي على هادي شنو علاقتك بيهاا
‎بعدات عليها فاطمة بخطوات ثابتة و هي تتلعب بداك الخنجر: سمعوووووو مزيااان و كلامي غادي يكووون حلقة فودنيكم سمعتو؟ اي وحدة تعاود تهدر مع وحدة خرى ولا طبق عليها سلطة ديالها غتلقاني قدامها و انا لها بالمرصاااد و ماشي فاطمة لي تتهدر و مطبقش مزيااان؟
‎ضارت و شافت فجوهرة لي طايحة : عطيو البنت متلبس و تاكل و شي كاشة

🍾المشاغبة و الاستاذ🍾
تأليف:🍭شمس بناني🍭 ..
الجزء: الثالث و الخمسون …
البنت متلبس وتاكل وشي كاشة تغطا بيها
تمشات بشوية و نعسات ثاني فسرسريها بينما زليخة مشات لسريرها و تلمو حولها شي ساجينات من مجموعتها : فاطمة من نهار دخلات لهاد سجن فقدت سلطتي هد فاطمة خاصنا نتهنااو منها بزربااا مبقيتش قادرة نتحملها شبان ليكم البنات؟
نقزات وحدة فيهم و حتى هي ماشي قل من زليخة حباسة من طيرااز رفيع: شبان ليك نوصيو على شي سم هانتي زهرة لي كطيب غادي دير ليها سم فالماكلا ديالها شبان ليك؟
زليخة بدات كضحك: مممزززيااان مزززيااان هكدا كتعجبيني عندي واحد سيد غنوصيه يجيب لي سم و نتهناااو منها هههخهخ
بداو كيضحكو ابوحديتهم…
جوهرة ناضت و گلسات على داك سرير حطات ليها وحدة من البنات شي حوايج و شوية ديال العدس و طريف ديال الخبز و كاس د الماء
شافت فيهم جوهرة و تفكرات كيفاش كانت عايشة فدارهم و كيفاش كانت كيدللها باباها
ندمات بززاف ندمات على قرايتها لي مكانتش كديها فيها ندمات على سخونية راس لي خرجات عليها ندمات على اي لحظة ضيعاتها و مستغلاتهاش فحياتها
كحزات داكشي و تكمشاات بلاصتها تتنخصص و تبكي على حياتها و هد ربعة ديال حيوط لي گالسة فيهم و على هد الحالة لي ولات فيها
شافت فيها فاطمة و تنهدات وكملات كتصبغ ضفارها..
فاطمة سجينة مظلومة وتحكم عليها ب 17 سنة و السبب راجلها خدعها و دخلها لحبس بتهمة القتل و هي مدارت والو تعرضات لخيانة من طرف حب حياتها لي خلا قلبها يجمد و خلاها تولي هكا
نهار لول لي دخلات فاطمة تعرضات لاسوء من هدشي لي تعرضات ليه جوهرة تعرضات لضربة و هي بنت صغيرة دوزات شباباها كامل فبين هد 4 ديال الحيطان دوزات حياتها كاملا محرومة من حريتها بينما المدنب الحقيقي برات سجن كيتمتع بحريتو..
فاش شافت جوهرة وكيفاش حگرو عليها مقداتش تصبر و ناضت دافعات عليها..
فبلاصة_خرى
بعيد على جدران السجن في هواء الطلق و فالطرااس ديال بيتو لي كيطل على الجهة اليمنى ديال الفيلا و لي فيها لبيسين
كيشوف مو و اكرام گالسين كيتبرونزاو و باه كيقرا الجريدة عثمان كيصفح شي ملفات..
تنهد برياحة واخا خدا ثأرو منها و دخلها لحبس محسش بطعم اللدة و طعم الانتصاار
تفكر كيفاش خرجوها البوليس و حالة باباها وعام ديال الحبس 12 شهر 360 نهار 8640 ساعة
غادي دوزهم بين 4 حيطان و عام غيضيع ليها …

🍾المشاغبة و الاستاذ🍾
تأليف:🍭شمس بناني🍭 ..
الجزء:الرابع و الخمسون …
تنهد و هبط فاش شاف اكرام كتعيط ليه..
فالكلينيك..
بدات تتسترجع وعيهاا
حسات بشي الم تحتها طاحت دمعة من عينيها فاش تفكرات كيفاش غتاصبها بالوحشية و ضربهاا و كيفاش سبها ونعتها بالقحبة فاش عرفها ماشي بنت اكيد الا عرف عمر مبقاش غيضوور بسااحتها و الم غريب تتحس بيها جيهت كرشهاا
شافت الممرضة جات عندها: مدموزيل على سلامتك واش عااقلة على سميتك و كيفاش جيتي لهنا وشنو وقع ليك البوليس برا كيتسناو افادتك
نادية كتافات تهز راسها بلا
فضلات تسكت حيت فعلا لعب مع هادو ماشي سااهل وشافت نتائج فاش بقات متبعة صحبتها وشنو وقع ليها..
بدات تتنخصص وتبكي فصمت بلا صوت بحال شي مقطع من شي فيلم وكتحيد ليه صوت..هكدا كانت
دخلات دكتورة وشافت فيها : بنتي على سلامتك انا دويت مع البوليس شرحت ليهم انك مزاال مقادراش تعطي افادتك لحسن حظك قدرنا نقدوك فالوقت المناسب اما كنا غنضيعوك نتي و ….(سكتات )
نادية حسات بشي حاجة حيدات التنفس الاصطناعي على فمها ودوات بشوية: دكتورة عفاك شنو كاين
الطبيبة تأسفات لحالتها و بنت صغيرة فهاد العمر تعرض لهادشي كاامل : صرحة البيبي مقدرناش نعتقوه طاح حيت تعرضتي اغتصاب حاد و ضرر كبير على مستوى رحم و بالاضافة ضرب لي تعرضتي ليه خلاك ديري اجهاض و …
سكتات مكملاتش هدرتها..
نادية حسات بالعافية تتاكل فيها لحمها تبورش كيفاش ولدها طرف منها مقدراتش تحميه و تقتل مزال حتى مشاف دنيااا كيفاش هد ظلم
زيرات على يدها وضورات وجها تتبكي
الطبيبة:بنتي الا كان ممكن تعطيني رقم ماماك باباك و لا راجلك باش نعيطو ليهم و يجيو يشووفوك فش جيتي ملقينا حتى وثيقة او هوية ليك
ضورات نادية وجها: عيطو لراجلي
طبيبة بتاسمات:رقم ديالو
عطاتها رقم عمر..
لي كان فالبيرو وجنبو المحامي كيناقش معاه قضية جوهرة و كيفاش غادي يخففو الحكم وواش يمكن يدفع كفالة باش تخرج او غرامة ماليا مهم بنتو تخرج من بعد يعاقبها بطريقتوو
ولكن لا فائدة ولا شيء حتى حاجة مكتصدق ليه
حتى كيسمع صوت تيليفونو جبدو شاف رقم غير معروف رضو لجيبو و حيد صوت ممساليش دابا خاصو يلقا حل لبنتو و يخرجهاا

🍾المشاغبة و الاستاذ🍾
تأليف:🍭شمس بناني🍭 ..
الجزء: الخمسة و الخمسون …
طبيبة تنهدات وشافت فيها : مكيجاوبش ابنتي
نادية حسات بقلبها بررررد بزافف: صافي بلا متعاودي تاصلي بيه عفاك وقتاش غادي نخرج
طبيبة: مبقاش بزاف ابنتي الحمد لله تعافيتي صرحة توقعت تكوني داخلة فغيبوبة ولكن الحمد لله ربي شاف من جيهتك و راك رجعتي بصحيحتك ابنتي شوفي لقدام هد الحياة مكدومش لينا ليوم نتي عايشة غذا غادي تموتي شكون عرف يمكن فهاد دقيقة لي كندوي معاك نخرج و يقولو ليك ماتت نتي مزال صغيرة ابنتي شوفي حياتك و حقي ذاتك الولد محدو متزادش فإذن ربي دار ليك فيها خير اي حاجة تتجي من عندو الا و فيها حكمة لبني آذم
نادية حسات بشعور اخر مختالف تماما على اي شعور اخر بتاسمات وحسات براحة فشكل: شكرا ليك
دوزات ليها على شعرها : كانت عندي بنت بحالك و سميتها روح كانت روحي و اي حاجة فحياتي فقدر الله ومشاء فعله و ماتت فكسيدة وهي بنت 19 سنة كانت يلاه شدات الباك مشات مع باباها يتقيدو فمدرسة الهندسة لي كانت تتحلم دخل ليها و لكن بجوجهم مرجعوش كنت كنوجد العشا و گاطو لبنتي نحتافلو بقبولها فالمدرسة و كنت لبسا مزيان مزال كنتفكر داك نهار كيفاش كنت فرحانة و طالقة اغنية اليس من هيامك مهرب ياااا حبيبي موش عارفة اعمي ايييه (بدات تتغني و دموعها هابطين) ههه سمحي لي (مسحاتهم بطرق يدها) عرفت بلي ماتو و متصوريش الحالة لي دخلت ليها وصدمة لي تصدمت ولكن شنو غادي ندير البكا مغاديش يرضهم لي معرفتش كنت ضااايعة حتى واحد نهار مشيت نزورهم فقبرهم و انا كنشوفها بحال بنتي روح شعرها بحالو نفس ضحتها تصورتها روح بعد سنوات كانت بنت صغيرة تتقطف الورد من القبورة عزات علي عيط ليها وسولتها فيناهوما واليديك هنا عرفت بلي البنت يتيمة و مربياها خالتها و شفت يدييااتها صغيورين وكيفاش كانو محروقين معرفتش وقتاش شديتها من يدها وقصدت دار خالتها معرفتش كيفاش كنت كنفكر و لكن كان خاص نقدهاا (بتاسمات) عرفتي بشحال باعتها لي خالتهاا؟ بثمن قليل بحالا كتبيع نعجة هنا ابنتي غادي تفهمي بلي هد دنياا ماشي عادلة شنو دنب هد البنيتاا باش تعاقب هكاا ولكن هد البنت كانت سبب لي خلاني نرجع الحياة و نوصلها (شافت فساعتهاا) وبتاسمات فاش شافت الباب تحل ودخلات بنووتا صغيوراا و هازة شكيكيرتها :ماااماااا
شافت فيها وهزاتها عنقاتها:بنتي جيتي شكون جابك خالتك ليلى يااك ممم
بتاسماات ودورات البنيتاا وجها لجيهت نادية :ماما مالها واش مريضة
بتاسمات: هادي بنتي روح
نادية فعلا حسات بتغيير فداخلها و هي تتشوفها بتاسمات ليها و قرباتها حتى بااستها وودعاتها طبيبة وخرجاات

🍾المشاغبة و الاستاذ🍾
تأليف:🍭شمس بناني🍭 ..
الجزء: السادس والخمسون …
حسات بشي صدااع حلات عينيها بانو ليها مجموعات لعبين الكارطاا ناضت و شافت فيهم شافتهم هزو داك البلاطو هزات الحوايج و مشات لحمام لبساتهم كانت بيجامة سخونة شوية ورجعات گلسات بلاصتها هزات راسها وبانت ليها زليخة كدير فيها شي شووفات كون كانو قرطاس كون قتلوها..
حنات راسها وشافت جيهت فاطمة لي كانت تتكتب فشي دفتار و خاشية فيه راسها و البنات لخرين مجموعات لعبين الكارطاا و وحدة كطيب
تكمشاات فبلاصتها و هي تتشوف فيهم كيفاش كيتهاتفو على الكارطا و ريحت الگاارو مجهدة كانت واحد المرا كبيرة فالعمر و شاارفة گالسة فأحد القناتي و كتكيف جوهرة اول مرة تشوف شي حاجة بحال هكا
حسات بيها ناضت وسدات ديك المذكرة و خشات فيها ستيلو و خشاتها تحت المخدة وجوهرة مراقباها شافت فيها وبتاسمات ناضت وجات قرباات جنبها و گلسات حداها
فاطمة: صافا عليك شنو سميتك؟
جوهرة شافت فيها رتاحت ليها شوية : جوهرة
بتاسمات مرة خرة : فاطمة
جوهرة: متشرفين
فاطمة:علاش دخلتي لهنا؟ شنو درتي نتي مزال صغيرة على الحبس
جوهرة حنات راسها و طاحو دموعها
فاطمة: غير عاودي لي تيقي في
جوهرة بدات تتعاود ليها
فاطمة ضحكات حتى شبعات ضحك لدرجة كلهم ضاارو كيشوفو فيهاا: ناااري والله حتى ضحكتيني كملي كملي شنو دار فش عرفك نتي لي درتي ليه هكاك
جوهرة: غتاصبني و دخلني لحبس
فاطمة ختافات ديك الابتاسمة و غوبشاات: هكدا هوما رجال كلاب و حمير الموت هي احسن عقاب ليهم (كتهدر و شرارة العافية خارجة من عينيهاا)
وجوهرة مراقبة طريقة هدرتها:ونتي علاش هناا .
فاطمة: تقدري تقولي سبابي راجل حتى انا صرحة ماشي راجل تقدري تقولي كلب من الكلاب
جوهرة:واش حتى نتي غتاصبك
فاطمة بتاسمات ودوزات يدها على شعرها:نتي مزال صغيرة مكانش خاصك دخلي هنا ماشي بلاصتك هادي و لكن متخافيش عام دغياا غادي يدوز كوني اكيدة هادي لي قدامك دوزات 10 سنين ديال الحبس و مزاال لي 7 سنين خراا
جوهرة تصدمات:علاش واش قتلتي شي واحد!؟
فاطمة:كون قتلت ميبقاش فيةالحال دخلت هنا ضلماا
جوهرة حدرات راسها مبغاتش تزيد تسول : وشنو قصتها هادي
فاطمة هزات راسها و شافت فزليخة و ميقاتها: هادي مجرد كلبة و صافي فاش تتشوف الفلوس كتهز الديل ديالها بحال شي كلبة
جوهرة: علاش تشدات شحال بقا ليها ؟؟

🍾المشاغبة و الاستاذ🍾
تأليف:🍭شمس بناني🍭 ..
الجزء: السابع و الخمسون …
جوهرة: علاش تشدات شحال بقا ليها؟
فاطمة: ههه تهدني الغزالة متخافيش انا هنا غادي نحميك منها ولكن انا مدايماش ليك احبيبة خااصك دربي و تقوي راسك براسك باش تواجهي اي واحد يخرج فطريقك فش دخلت نهار لول كنت بحالك تماما حتى انا حسيت بديك الاهانة و الدل و لكن معمرك ضعف غادي ينفعك تعلمي تكوني قوية وداكشي لي عاودتي لي رااك شيطانة خخخخ وقوية تبارك الله عليك
جوهرة بتاسمات
ناضت فاطمة:غادي نقول ليهم يعطيوك تعشاااي و غذا فيقي بكري كاينة فسحة ماشي ديما كيعطيوها لينا (وقفات وضارت عندها) و اه قلتي عندك الباك؟
جوهرة هزات راسها بأه
فاطمة: يمكن ليك تقراي هنا
جوهرة:واش بصح؟
فاطمة:طبعا غذا ندوي ليك مع الحارسة و دخلي كملي قرايتك
جوهرة بتاسمات:شكرا ليك
مشات فاطمة لبلاصتها …
جوهرة يلاه بغات تقاد فبلاصتها شافت الباب تحل ودخلات الحارسة: جووووهرة العلاوي عندك زياارة
ناضت قافزة و خرجات كطير.
سولات الحارسة:شكون جا عندي واش بابا؟
الحارسة مجاوباتهاش…
حلو ليها الباب ودخلات عاطيها بظهر قربات وهي تشوفو غير شافتو كحلات بالعمااا: نت شنو كدير هنااا علاش جاااي؟
جواد ناض و الابتساامة على شفايفو: جيت نشوفك فالحبس جااات معاك صرحة هذا هو مستواك
جوهرة خنزرات فيه وتمشات غادية ترجع حتى كيشدها من يدها و مزير عليها: باغيك عقلتي على اخر نهار ليك معايا مممم حلوتك فشكل
جوهرة دفعاتو حتى كان ايطيح: بسسسسسسسع مني متبقااااش تشوف جيهتي عطيني تسااااع الله ياخد فيك الحق الله ياخد فيك الحق الحقييير
تمشات كدق الباب جات الحارسة و حلات ليها ومشات تتبكي
تنهد و مسح على راااسو جا لهنا غير باش يتشفا فيها ولكن بالعكس كيحس براسو هو لي مسجون هنا ماشي هي هو لي كيتوجع ماشي هي
سحاب ليه شوفتها فسجن غادي تخليه يفرح لا بالعكس عاد زادت عصبااتو
خرج وردخ بداك الباب…
#جوهرة
تلاحت فبلاصتها وبدات تتبكي فصمت اخر مطافها كيتشفاا فيها
شافت البنت جابت ليها العشاا كلات شوية و رجعات حطات الماعن و نعساات
#عند_نادية
حسات براسها شوية بيخير و ناضت تمشي لحمام كانت مزيرة بزز باش گلسات قدما كتبول تتحس بتحتها كيحرقها بحال المرا الوالدة ..
خرجات تتعرج حتى شافت شي خيال گالس جنب سريرها قربات وضوء طافي :شكون هنااا شكون
ناض و خاشي يدو فجيبو و غادي جيهتها حتى ظهر وجهو تحت ضوء الابجورة الخفيف : هذا انا
شافتو وبقات تترجع بلور :ششنووو بغيتي مني بعد مني متقيسنيش نت قتلتي لي ولدي نت قتاااااال مجرم الله ياخد فيك الحق
هو كيقرب و هي كضرب ليه فصدرو بجهههددد

🍾المشاغبة و الاستاذ🍾
تأليف:🍭شمس بناني🍭 ..
الجزء:الثامن و الخمسون …
شد ليها يديها بجوج و باسهم: ششششش تهذني عارف قالوها لي تيقيني والله مكنت فوعياا جواد وصاني غير نضرب و نخوفك شوية انا معرفتش كيفاش حتى قدرت نقيسك كنحلف ليك كنت سكرااان كنحلف ليك ا نادية مكنتش فوعيييي والله مكنت فوعيي
شافت فيه و دموعها هابطين كيف شي شلال مقادراش تحكم فيهم بلا ارادتها كيهبطوو..: قتلتي لي ولدي قتلتي لي طرف مني الله ياخد فيك الحق خرج خرج علي عطيني تيسسساااععع عطيني تيسسساااععععع
شافها كيف تترعد و معصبة فهم بلي فعلا واصلة بيها لطوب بلا ميزيد عليها مشاا وخرج وسد الباب
جرات رجليها تا وصلات سريرها وطاحت ناعسة..
خرج وهو كيسووط ويمسح فوجهو وصل جنب الراجل لي مكلفو يراقبها و يخبرو بكولشي مد ليه شي فلوس وضرب ليه على كتفو و زاد
فعلا مكانش فوعيوو فاش مشاا داها لاحد الشقق ديالو و دخلها عطاها جوج تصرفيقات و بقا كيخلع فيهاا اما هي غير كتنخصص و تبكي.
قطع ليها حوايجها وبدا كيحط ليها النمل على لحمها
داك النمل لي كيعض وفاش كيعضك كيضرككك ساااس ليها علبة منهم فصدرها و هي تتغوت خلاها هكاك وخرج..
مشا خرج مع صحابو سهرو و سرف فشرب لدرجة نسااها گاع واش كاينة حتى رجع فليل لقاها كيف ناعسة على كرسي و تتبكي و صدرها عريااان و حوايجها مقطعين محس براسو حتى نقض عليها بحال شي وحش..
حسات بلحمها كيتجبد و يتقطع منها بسنانو وكيفاش كيمصو خلاها كيف ولداتها مها وبدا كيغتاصبها بوحشيةة…
حتى غيبات فش ناض فصباح وشافها هكاك تصدم و داها لكلينيك ومشاا…
فبلاصة_خرى
كان گالس كيشوف فصور بنتو وهي صغيرة و كيفاش كان كيهتم بيها و هو ام واب فنفس الوقت
كيفاش تعلم يبدل ليها و هي بنت سنة وحدة كانت غير لحيمة صغيرة مقادرش يفكر فشي حاجة من غير بنتو مقادرش يمشي يزورها ويشوفها بين ربعة لحيوط مقادرش يمشي و يشوف توسلها لي فعينيه باش ينقدها وهو ما باليد حيلة مقادر يدير والو باش يعتق بنتووو

🍾المشاغبة و الاستاذ🍾
تأليف:🍭شمس بناني🍭 ..
الجزء:التاسع و الخمسون …
اصبحنا واصبح الملك لله💘
فاقت على صوت فاطمة:نووضي نوووضي جوهرة
نضات زعفانة وبلا خاطر مشات و غسلات وجهاا شوية و خرجات مع فاطمة شافت الساحة فيها شي كراسا و شي طابلات وشمس سخوونة اليوم هزات راسها وشافت فشمس
فاطمة هزات راسها وتتنفس الهواء و تتدخلو لرئاتين ديالها بحالا كتنثر من شي سيجاارة : تنفسي مزيان و ستغلي هد الوقيت وشبعي الشمس حيت قليل فاش غادي تولي تشوفي هد المنظر
جوهرة شافت فيها وكلامها بحالا شي سم على قلبها حسات بلي الوقت غادي يكون ثقيل بزااااف بين هد 4 لحيووط فعلا خاصها صبر كبير و تحلا بالقوة
فاطمة: اجي هاهي الحارسة كنعرفها من 10 سنين و هي لي عاوناتني باش ندخل نتريني غندوي معاها باش دخلك تريني و تقراي بلاتي تسنايني هنا
خلاتها ومشات كطير عند رئيسة الحراس…
بينما زليخة مراقباهم و كتخنزر فيهم
نقزات وحدة من بنات: الملعمة شدرتي مزال فداك سم
زليخة: دويت لبارح مع داك راجل قال لي غيجيبها لي بعد شهر حيت حاليا ميقدرش كيقلبو عليه البوليس (شافت فافاطمة) غير صبري بعد شهر غادي تودعي الحياة ههههههههههه (دارت صبعها على شكل مسدس و كدير بحالا غتيري فافاطمة ) بوم بوم (نفخاف فصباعها) و كش ملللك و ماتت البطلة ديالنا خخخخخخخخ
بداو كضحكو: المعلمة ديك البنت جديدة شنو غنديرو معاها
زليخة: مممم ديك الصغيرة غادي تكون جفافنا و حنى مهمتنا نمسحو بيها رجلينا خخخخ
بداو ثاني كيضحوووو كيشوفو جيهت جوهرة
لي كتفادا تشوف فيهم حت هادو ماشي البنات لي كيقراو معاها هادو عصابة او مجرمات و ممعاهمش اللعب
شافت فاطمة جايا: فرحي غادي تقراي ومن غذا غتبداي تريني و لكن
جوهرة:هههه شكون لي ولكن؟
فاطمة:غادي تخدمي وعندك خياارت اما خياطة و لا صناعة الفخار و لا طيبي لسجناء الرجال
سكتات جوهرة شوية كضورها فراسها: الخياطة حسن ومنها نتعلم شي حاجة حيت كيعجبني تصميم و الخياطة
فاطمة ضربات ليها كتفها:عظظظيم اصحبتي اذن بداي و ربي غادي يعاونك
جوهرة بتاسمات ليها و عنقااتها..: شكرا ليك حيت عاونتيني شكراا
بداو كيهضرو و كيضورو فديك ساحة و كيستنشقو الهواء عندهم ساعة ديال الفسحة.
فبلاصة_خرى
كان يلاه فاق حس براسو فشكل عظامو كيضرووه شاف راسو ناعس فوق كنابي ظهرو تقسم ناض و راسو تقيل عليه
دخل دوش و شاف فوجهو فالمراية كيبان شااحب رش وجهو بنقطيتات الماء و كيشوف فالماء وهو داير دوامة حولة القرقارة هكدا هو بحال هد الماء
تنهد و دخل يدوش يصحصح شوية…

🍾المشاغبة و الاستاذ🍾
تأليف:🍭شمس بناني🍭 ..
الجزء:💘الستوون💘…
جا نهار جديد نهار حااافل بالمفاجأة …
فاقت بكري و دقات جات الحارسة حلات ليها مشات نادي ديال رياضة مع دخلا تتلقا اجهزة متنوعة خاصة برييااضة و الحديد و راجل واقف باينة هو لي كيدربهم كاينين غير بنات قراب ليها فسن تمشات وسلمات عليه و عرفات على راسها وبداو كيترينيو و هي فرحانة بدات تتعلم حركات لي طيح بيهم خصمها وكيفاش خاصها تستعمل يديها و بدا معاها و مع بنات خرين دخلوو جداد…
داز نهارها ثقيل بزااف خصوصا فرياضة سالات بعد 5 ساعات و حتى الحوايج لي لبساا لصقين معاها حيت مزيرين عليها شوية خداتهم ليها فاطمة عند وحدة من سجينات
خرجات من تماك بعدما دوشات وبدلات و دخلات لقيسم اخر ديال القراية سلمات على الاستاذ لي كان غادي يقريهم وگلسات فأول طاولة باش تفهم عندها عزيمة و ارادة قوية…
سلاو الحصص و خرجات رجعات لزنزانة لقاتهم طيبو البنات الغذاء.
گلسات تتاكل و جنبها فاطمة لي تتهدر بلا متوقف و تتوريها كيفاش دير باش تربي البنية دياال جسدها وماشي صعيبة بزاف..
بينما جوهرة تتاكل و تتسمع ليها حتى تروعات خاطرها: شنوو كاين فهاد العدس واش فيه ثومة؟
دارت ليها فاطمة اه وناضت تتجري لحمام تترد حتى تتحس بمصارنها غادي تردهم..
طارت فاطمة تبعاتها و شاداها من كتافها: حبيبة مالكي علاش تتردي مال وجهك هكاا
جوهرة يلاه اتهدر حساات بدوخة خفيفة و هي طيح على وقفتهاا…
شافتها فاطمة و تصدمات مشات تتجري تتغوت لحراس حتى حلو الباب و دخلو شي بنات هزوهاا
داوها لغرفة الطبيب فسجن و فحصااتها
جوهرة بدات تتسترجع وعيها: شنوو وقع لي؟ واش كليت شي تسمم؟
طبيبة: لا ابنتي نتي صحتك مزيانة غير هو واحد الحاجة
جوهرة:شنو هي ؟
طبيبة:بنتي نتي حاملة
جوهرة شافت فيه وهي مصدومة و كلمة نتي حاملة كتردد فودنيهاا…

🍾المشاغبة و الاستاذ🍾
تأليف:🍭شمس بناني🍭 ..
الجزء:الواحد و ستون 💘..
جوهرة شافت فيها وهي مصدومة وكلمة نتي حاملة كتردد فودنيها : كيفااش انا حاملة؟
طبيب: وي عندك اسبوع و الجنين فصحة جيدة خاصك غير ترتاحي و حاولي متهزيش الاتقال واخا رياضة مزيانة لبيبي
جوهرة غير كتسمع وساكت وطبيبة تتشرح ليها كيفاش تعتاني بالبيبي و كتبتاسم ليها و توريها شي تصاور اطفال صغار و كتاب ديال دراري صغار..حتى قاطعات صمتها بكلام خارج منها كيف سم: بغيت نطيحو
شافت فيها طبيبة مصدومة: علاش ابنتي
جوهرة طاحو دموعها باش ترجع بيها ذاكرتها لداك نهار كيفاش غتاصبها وفش قرع ليها لحد الان معارفاش شكل وجها معمرها حاولات تشوف فالمراية و لا حيدات طربوش من على راسها : بغيت نزولو مبغيتوش
طبيبة مبغاتش تحكر عليها:واخا ابنتي ولكن هنا فسجن ممتوفرش لي معداة بش ندير ليك اجهاض و لبغيتي اذن باش تخرجي لكلينيك على برا كياخد شحال من شهر و فهاد شهورة جنين كيكبر ويمكن فش تبغي ديري كورطاج غادي تكون خطورة على حياتك
شافت فيها جوهرة وتتحس بالبيبان تسدو فوجها مرة اخرى
الحياة مرة اخرى كتهرسهاا و تخليها طيح
تنفساات بعمق و رجعات حنات راسها تتبكي وتشوف فكرشها واش كان ناقصها الهم باش يتزاد عليها دابا هد الهم لي فكرشها شنو غادي تقول لباباها وكيفاش غتعيش و هي حاملة فسجن كي غتكون حياتها بين ربعة ديال الحيطان مستحيل مستحيل تقبل تولدو و هو طرف منها و منو اه منو هو لي حتى سميتو كتكرهااا كتكررره ريحتو و لا لي يجبد سميتو على لسانو كتكره تشوفو قدامها باقا غير تهز ولدو فكشرها هذا اقبح كوابيسهاا💔…
بدات تتبكي بلا متوقف ناضت و خرجات و طبيبة غير كتشوف فيها حتى خرجات: الله يهديكم ابنات اليوم محدكم مقادرينش تولدو و تربيو اش داكوم لشي حبالة حادگات غير فكورطاج
تنهدات حيت من نهار خدمات فهاد سجن لي جات و عرفات راسها حاملة تبغي طيحو
عند_جوهرة
دخلات زلزانة و مشات لبلاصتها شافتها زليخة و رباعتها بداو يتغامزو عليها ناضت عندها فاطمة: مالكي احبيبة واش مريضة؟
شافت فيها جوهرة و عينيها مدمعين: انا حاملة افاطمة حاملة بولدوووز افاطمة بولدووو هو منو هوو لي ضمر لي حياتي و حطني هنا لي خدا مني حريتي و حبسني هنا وقطع لي جناحي لي مزق لي روحي و كبريائي

🍾المشاغبة و الاستاذ🍾
تأليف:🍭شمس بناني🍭 ..
الجزء: اثنين و ستون..
شافت فيها فاطمة و تأسفات لحالتها هي عارفاها مزيان وعارفة كيفاش غتكون دابا حالتها وعارفة مزيان بلي ماشي سااهل بنسبة ليها هذ الوضع خاايب تحط فيه..
ناضت فاطمة و جابت ليها كاس د الماء مداتو ليها وبدات كتشرب
فاطمة: راه جابت ليك الحارسة باليزة ديالك فيها حوايجك سيفطهم ليك باباك
جوهرة هزات راسها و شافت باليزتها قدامها: وقتاش؟
فاطمة:فش مشيتي عند طبيبة
ناضت جوهرة و هزات ديك الباليزة فرحات بعدا ولا عندها حوايجها..: شكرا ليك اختي
فاطمة: ماشي مشكل
رجعات نعساات وهي كتفكر شنو دير فحالتها..
فجيهة_خرى….
كان ساااهي و هو كيلعب بواحد كورة صغيرة من زجاج بين صباعو وكيفكر فيها ونهار داوها لحبس نهار زارها وكيفاش دوات معاه تنهددد تنهيدة خارجة من قلب
مسح على راسو و رجع نفخر بستهزاء: والله الا هي دير لي المشاكل و تحشمني مع العالم بأكمله و مزال تتهدر و تهز خنافرها
ناض و لكن هدشي غير كيبرد بيه راسو اما هو من داخل قلبو كان حزين عليها و لكن امام عطفه و حنانه كبرياء ديالو و رجولتي لي تهاانو ولي رافض يسمح ليها..
شد كاس ديال ويسكي فيدو كيجغم منو هبط مع دروج بنات ليه اكرام قدامو كتختار كارط ديال العرس و ماماه جنبها كتختار انواع و اصناف الاطباق لي غادي يحطو فالعرس..
هزات راسها وشافت فيه و بتاسمات: اجي اولدي ترتاح و شوف هدشي لي درنا واش عجبك
جواد بتاسم ليها و مشا بخطواتو ثابتين و حط الكاس من يدو وگلس شد ديك اللاليست وبدا كيشوف الاطباق لي ختارت مو طبعا كانت اطباق راقية و الماكلا الغالية حيت الناس لي غيجيو ماشي اي نااس غير طبقات برجوزية خاص كولشي يكون على حقو وطريقو.

🍾المشاغبة و الاستاذ🍾
تأليف:🍭شمس بناني🍭 ..
الجزء:ثلاثة و ستون. …
خاص كولشي يكون على حقو و طريقو …
شافتو كيغير ملامحو : سوشي ؟ من وقتاش كيقدمو سوشي فالعراسات؟
ضحكات ماماه حتى بانو سنيناتها البيضين واخا كبيرة فالعمر ولكن مزال محافضة على جمالها كيف كيقول المثل الا مشا زين كيخلي حروفو 💘..: واخا اولدي شنو بغيتي نقدمو لناس؟
جواد قرب ليها وشد يدها: عارفك اماما مراة وقادة وتاايق فيك غير ضاحك عطيهم لي بغيتي المهم عندي بغيتك توجدي لي شي طجين ديال لحم بالبرقوق لي بوحدي
بقات كضحك عارفة ولدها من صغرو مكيقاومش طاجين اللحم بالبرقوق خخخ
هزات راسها بواخا وبداو ثاني كيدويو على القاعة ديال العرس و كيفاش غادي يزينوها…
اما نادية فكانت خرجات من كلينيك وجنبها كيضرها
مع الخرجة كيضربها هواء خفيف
و كيطير ليها شعرها من على جناب وجها و خدودها الحمرين ونيفها الاحمر بقوة البكا ليل كامل تتبكي..
يلاه بغاات تخطو خطوتها وهي تشوفو هابط من سيارتو و لبس كوستيم فالابيض كيشوف فيها وكيبتاسم
نادية: ياربي هاهوا جااي خاصني نهرب
دارت راسها مشافتوش و قلبات الدورة باش تهرب ليه حتى كتسمعو كيغوت عليه :ناااادية نااادية…
وقفات فش سمعات سميتها وصوتو كيقرب ليهاا قلبها كيضرب فالمئة كطلب الله غير يعاونها و يخرجها من هدشي
حسات بيدو على ذراعها تنفسات مزيان و ضارت : شنو بغيتي
عثمان مسح على راسو ودوى عارف راسها قاصح : بغيتي نوصلك؟
نادية:مبغيتش شكرا
عثمان: لا غادي تمشي معايا و غادي نوصلك
نادية بدات تترجف اكيد مغاديش ترجع لدارهم شنو غتقول ليهم كثر من اسبوع و هي غايبة عليهم و اكيد غادي يشكو : مغنمشيش لدارنا
عثمان هز حاجبو بمعنى كيفاش
شافت فيه و غوبشات: بلا متشوف في هكا راني معارفاش فين غنمشي ولكن ارض الله واسعة واكيد غادي نأسس حياتي من جديد واخا نتعدب ربي غادي يعاوني
عثمان شاف فيها مزال صغيرة و زوينة و باينة غير نية اي واحد يديرها بيها و يديها و تقدر تخرج لطريق محس براسو غير كيشدها من دراعها و جرها وهي غير كتحنزز فيه: فين غادي بي نت؟؟ بلاتي متجرنيشششش
عثمان ممسوقش ليها دخلها لسيارتو و كسيراا ..

🍾المشاغبة و الاستاذ🍾
تأليف:🍭شمس بناني🍭 ..
الجزء:اربعة و سيتوون…
كسيراا تا وصل احد الفيلات صغاار على جنب البحر : نزلي غتمشي لديك الفيلا غادي دقي غتحل ليك مرة كبيرة قولي ليها عثمان لي سيفطني غندوي معاها غادي تبقاي معاها
نادية:كيفاش وشكون هد المرا ياكما خطيرة
عثمان فهمها خخخ : متخافيش (شافت فعويناتو بااينة صاادق فهدرتو)
نادية:واخاا
هبطات و تمشات بشوية مزال كيضرها تحتها
غير هبطات
عثمان صونا ليهاا: الو ماما ها واحد البنت جاايا عندك انا سيفطها خليها معاك على منجي اووف ماما ماشي وقت الاسئلة من بعد نشرح ليك يلاه بسلامة
قطع و كسيراا ثاني لخدمتو
عثمان عندو استديو ديال تسجيل الاغاني مشهوور…
حس براسو على الاقل كيخفف من داكشي لي دار ليها مبغاهاش ضيعع…
وصلات نادية لفيلا و دقات شوية حلات ليها مرا زوينة لبسا كسيوا فالازرق المخملي و مشيطا سااامبل جاتها كيووت و كحول لعويناتها : مرحبا ابنتي دخلي عثمان دوا معايا مرحبا بيك دار دارك
هزات نادية راسها بآه و دخلات تتشوف فالفيلا هي زوينة من براا ولكن من داخل خلاتها بلا عقل كتحمققق😍💘…
شافت فديك المرا : سمحي لي سميتي نادية
بتاسمات ليها: مرحبا نادية انا نورهان مامات عثماان
نادية تصدمات او هادي كااملة ولدات داك خلقة ربي خخخخ
بتاسمات ليها و گلسات تتسولها اش بينها وبين عثمان ووقتاش غيتزوجو خخخخ سيدة مشا بالها لبعيد …

‎بين_جدران_السجن_…
‎جوهرة فاقت بعد نوم طويل الحمل كيدير ليها النعاس والكسل شافت فاطمة كتكتب فمدكرتها ثاااني
‎هزات راسها بانت ليها كتشوف فيها دغياا سداتها و جات عندها: حبيبة صافا ؟
‎جوهرة بتاسمات ليها: حمد لله ولكن (بداو دموع كيتغرغرو ليها فجفون عويناتها) بغيت نطيحو افاطمة بغيت نطيحو منقدرش على مسؤوليتو و زايدون فين غادي نربيه فهاد سجن (بتاسمات بسخرية) بين هد ربعة ديال الحيووط شنوو غادي ندير مستحيل افاطمة نخليه عايش و كيتعدب معاايا مستحيل افاطمة
‎فاطمة بقات فيها عارفاها ماشي قد هدشي الدراري صغار مسؤولية كبيرة و خاص لي يعاونها عليهم و هي يلاه قاصر مقادرها حتى على راسها : واخا ولكن نتي المسؤولة
‎جوهرة شدات ليها فيدها: واخا غير عتقيني
‎فاطمة تنهدات: ياااربي تسمح لي غنعطيك شي عشوب و نشاء الله يطيح
‎جوهرة هزات راسها بواخا
‎ناضت فاطمة مشات تتطبخ ليها دوك العشوب وجوهرة حاضيااها و حاطة يديها على كرشها و كتشوف فيها: سمح لي اولدي سمح لماما مافيدهااش اولدي
‎ملاحضااتش دوك النظرات لي مراقبينها
‎زوليخة:شووفي لي هد الهبيلة كدوي مع كرشها اييييه والله الا تحلفو عليها البنات هاربة من بوياا عوومار خخخخخخخخ
‎گاعععع رباعتها بداو كيضحكو
‎جوهرة ممسوقاش ليهم غير
‎جات فاطمة و مدات ليها الكااس :خودي شربي
‎هزات فيدها و تترعد متقدرش تشربو غادي تقتلو ولكن …غمضات عينيها و شربات داك الكاس
‎شوية بدات تتحس بمصارنها كيتقطعو وفاطمة جنبها شدات ليها فيدها وبدات تتزير: فاطمة كنمووت كنمووووت ااااااايييييي كرشششي ولدددي كيموووووت افاطمة وانا كنموون معاه
‎فاطمة تخلعات ناضت تتجري تظرب الباب:فيييينكم اجيو اجيو

🍾المشاغبة و الاستاذ🍾
تأليف:🍭شمس بناني🍭 ..
الجزء:خمسة و السيتوون
الباب: فييينكمممم اجيو اجيو البنت كتموووت عتقووهاا عفااكم البنت كتمووت
فاطمة كدوي و تهرس فدوك البيبان محاسااش براسها ولكن مخلوعة بزااف خايفة تكون هي سباب فموتهاا مباغاش تحمل ذنب روح على عاتقهاا..
تحلات الزنزانة و دخلو الحارسات بانت ليهم جوهرة طايحة و غارقة فدمها و حتى وحدة من سجينات مقربو ليهاا كلهم غير كيتفرجو تقولو حيوان لي طايحة قدامهم ماشي بنادم..
هزوها الحارسات و خرجو بغات تمشي معاهم فاطمة مخلاوهاش طاحت الارض تتبكي : انا سباب انااا اووف ياااربي تحميها يااربي البنت مزال صغيرة حراام يوقع ليهاا هدشي حراام ….
طاحت فاطمة كتبكي داخلة فهستيرية ديال البكاا..
اما جوهرة فمبقاتش كتحل عينيهاا شافوها الحارسات و تخلعو : عيطو على شي واحد من عائلتهاا
مشات تتجري وحدة فيهم كتصوني لاحد افراد عائلتها لقات رقم عمر بوحديتو عيطو ليه : الو مسيو علاوي
عمر:وي شكون!؟
حارسة: مسيو بنتك عندها نزيف خطير مزال معرفنااش سبب ديالو ولكن غادين بيها دابا لسبيطار من الاحسن تجي تشوفها حالتها ماشي هي هاادي
عمر غير سمع هد الهدرة فشلو عليه ركاابيه ناض كيجري هبط و ركب فلوطو ديالو و طااير لسجن..
جوهرة دخلوها لغرفة غير شافتها طبيبة و دم فهمات بلي حاولات طيح البيبي لي فكرشهاا : دغيااا عطيوني ديك الابرة
بداو كيعاونوها حتى وقفات ليها نزيف و دگات ليها الابرة باش ترد وفعلا دازت دقائق و بدات جوهرة كترد داكشي كيف الربيع الاخضر
شافت فيها طبيبة وعرفاتها خدات شي عشبة
رجعات جوهرة تكات على خديتها و كتلطاقت انفاسها قلبها غادي يوقف من قوة الرداان تتحس بمصارنها كيتقطعوو
و تحتها كيضرها ضورات راسها وشافت فطبيبة : واش طاح؟
مجاوباتهاش ضورات راسها كتشوف فدوك تحاليل لي دارت ليها ..
شوية خرجات لقات حارسة واقفة حدا الباب : سيلفوبلي واش باباها قرب يجي ؟
حارسة: اه عيط ليه
طبيبة بتاسمات :مزيان غادي نتسنااه فالادارة عندي معاه شي هضرة..
تمشات و گلسات فواحد الكرسي كتسنااه
عمر كان مرفوع دخل كيجري غير دخل الادارة يلاه بغا يدوز عند مدير سجن تا وقفات قدامو: مسيو علاوي
شاف فيها : وي سمحي لي مزروب بنتي فخطر
دخل فيها وزاد : بلاتي امسيو بغيت ندوي معاك على حالت بنتك
دغياا وقف و ضار عندها : مالها؟
طبيبة: گلس بغيت ندوي معاك عليها..باش تعرف مالها
هز راسو بواخا و گلس جنبها
طبيية مدات ليه تحاليل: بنتك حاملة
عمر تصدم هز راسو كيشوف فيها بعدم فهم: بلاتي بلاتي غادي تكوني غالطة انا اب جوهرة

العلاوي
‎طبيبة : وانا كندوي على جوهرة بنتك
‎عمر تكوانساا:كيفاش حاملة.
‎طبيبة: معرفتش سولتها و لكن ملقيتش الجواب للاسف الاهم مسيو علاوي بنتك ليوم حققات معجزة ..حيت كانت على ثانية غادي تمشي من بين يدينااا بكل بساااطة عرفتي خدات عشبة مفعولها قوي و خطير على الام قبل الجنين الام كضرر قبل ولدها هد العشبة بزاف ديال البنات ماتو بسبابها والخطأ الاكبر هو انها حاولات تصحح خطأ بخطأ اكبر منو مسيو علاوي منكدبوش على بعضنا من بين ملايين دياانات تولدنا مسلمين وعارفني واجباتنا عند لي خلقها و عارف العواقب ديال قتل روح بريءة ربي عطاها ليك انا متفهمة مزيااان علاش جوهرة دارت هكا حيت مزال فمقدم العمر ومعارفاااش بزاااف ديال الحوايح معاارفاش شنو كتعني كلمة طفل معارفاش كيفاش تربيه و هي براسها مزال خاصها تربية و من الفوق فسجن انا نكون بلاصتها غندير نفس شيء و لكن نت كأب شنو دورك امسيو؟ شنو دورك من غير توفر ليها فلوس لباس حياة مزياانة لااا ماشي غير هدشي خاصك تواصل مع بنتك وعفاك فهاد المحنة خااصك تكون فجنبها كنترجااك نفسيتها مضمممرة بزااف كاين احتمال كبير فهاد الفترة تفكر فالانتحاار خاصك تقوم بالواجب ديالك
‎عمر غير سااكت معارفش شنو يقول كلامها صحيح الف بالمية

🍾المشاغبة و الاستاذ🍾
تأليف:🍭شمس بناني🍭 ..
الجزء:سادس.. و السيتوون
صحيح الف بالمية..
ناض بلا حتى شي كلمة و توجه لغرفة فين كاينة مع دخلا كيشوفها ناعسة و راسها قرع يلاه كينوضو شي زغيباات خفاف
شاف فبنتو كي كانت و كي ولات فرق كبير لحد الان مفاهمش اش واقعع مفاهم والو حتى لي راافع دعوة وداير هد الحالة ممبينش سميتوو وغير المحامي لي كيشوف بقا كيتمعن فيها نظر تفكر ماماها فاش كانت ميتة نفس ديك نعسة و نفس الملامح نفس اللون لي كان فوجها كون معتقوهاش فالوقت المناسب شنو كان غادي يوقع؟ اكيد كانت ماتت واش كان غادي يتحمل موتها اكيد غيموت بعدها ميقدرش يتحمل موت بنتو لي شحال من سنة عاايش على قبلها هي الوحيدة لي كانت سبب باش يصبر و يزيد للقداام هي الوحيدة💔…
شافها كتفيق بتاسم و قرب ليها: بنتي فقتي
شافت فيه جوهرة و ضورات وجها : بابا سمح لي عفاك سمح لي ابابا انا مقادرااش نشوف فوجهك كحلت ليك وجهك وسط ناس دخلت الحبس و من فوق حاملة بولد الحراام ابابا سمح لي هئ هئ هئ سمح لي ابابا سمح لي (بدات تتبكي و تشهق مقادراش توقف كتحس بدنياا كحالت فعينيهاا) ضور ليها وجها بصبااعو ومع ذلك مهبطا عينيها للارض: جوهرة هزي راسك و شوفي فباباك
بقات على نفس وضعيتها بالعكس يلاه سدات عينيها و زيرات عليهم وشفارها كيتلصقو بالبكاا: جوهرة حلي عينيك وشوفي في علاش غادي تحشمي مني؟ واش انا غريب انا باباك ابنتي انا راه كبرتك و نتي طريف ديال اللحم عرفتي شحال كنت فرحان نهار شديت بين يديها بصح بكيت و حزنت على ماماك ولكن فش كنتي بين يدياا كنت كنحس بالسعادة كنت كنشوف ماماك فيك عقلتي نهاار اللول فش دخلتك روض و ضربتي مع داك شنوو كانت سميتو فش سرقتي ليه مكلتو
جوهرة بلا متحس جواباتو: بوكريشا ولد نعيمة
بتاسم عمر: خخخخ اه هذاك ، و عقلتي فش حطيتي الحريگا فسروال سي براهيم لي سااكن فوقنا يلاه صبناتو مرتو درتي ليه الحريگا فش لبسو سيد سيمانة كيمشي عوج خخخخخ
جوهرة: وهو لي حيد لي كورتي
عمر: عقلتي فش دابز معاك استاذ رياضة فالكوليج و فشيتي ليه الكراة ديال اللعب مخليتي ليه باش يلعب دراري
جوهرة: هههه هو مخلانيش لعب مع دراري
عمر: فش سقطتي فالباك عمين و كنت

كنتحلف عليك بلي غنزوجك بموحماد مول حانوت الا منجحتيش؟
‎جوهرة ضحكات: كنت كنقوليك منعطيكش بالكريدي الواليد خخخ
‎عمر: ههه عقلتي فش اول مرة بلغتي و بقيتي كتقولي لي غنموت ابابا راه كيخرج لي دم من تحتي
‎جوهرة حشمات: بابا حرام عليك كنت صغيرة
‎عمر بتاسم: ودبا مغاديش تحلي عينيك؟
‎بقات شوية وحلاتهم شافتو و بدات تتبكي كان باين عليه العياا وصهير : سمح لي اباباا
‎عمر: ششش صافي بنتي واش منيك علاش تتبكي
‎جوهرة:(حطات يدها على كرشها) باباا انا …
‎عمر فهمها شبغات تقول : بنتي الولد انا غادي نتكلف بيه واش كرهت نعاود نربي طرف من بنتي؟
‎جوهرة حنات راسها: بابا معرفتش كيفاش غادي نشكرك معرفتش..
‎عمر:شششش وصرحة راني صغير على جدي ولكن نصبرو معاك
‎جوهرة تفرشخات بضحك: حرام عليك
‎بتاسم ليها و باسها على راسها: بغيت نشوفك ديما ضاااحكة بنتي عام دغياا غادي يدوز تحملي و غادي تخرجي انشاء الله و غادي تنسااي كولشي

🍾المشاغبة و الاستاذ🍾
تأليف:🍭شمس بناني🍭 ..
الجزء:سابع و السيتوون
وغادي تنسااي كولشي
بتاسمات ليه و باست يدو: شكرا حيت نت بجنبي ابابا شكراا..
عنقها و هو كيدوز يدو على ظهرهاا…
فبلاصة_خرى
كانت يلاه فاقت سمعات شي صوت ديال شي عصافير
ناضت و حلات الشرفة بانو ليها فراشات و عصافير فألوان و اشكال كيوووت خخخ بقات تتبتاسم و تحاول تشد شي فراشة بلا فائدة
دخلات دوش دوشات شافت راسها معندهاش حتى الحوايج شنو تلبس ..سمعات الباب : شكون؟
ردات عليها: غير انا احبيبة
نادية:دخلي اخالتي
دخلات و فيديها شي سااشياات: خودي ابنتي باش تبدلي على منهبطو نديرو شوبينك بيني و بينك ديما كنحلم ندير شوبينغ مع بنتي (تبدلو ملامحها للحزن) ولكن ربي عندو حكمتو
نادية:علاش فيناهي بنتك اخالتي؟
ماما عثمان: ماتت ابنتي فكسيداا قبل متوصل عندي لدار ولكن مزال لي ولدي عثمان لي معمر لي حيااتي مهم خودي واش غيعجبوك كنت خديتهم لبنتي من شحال هادي ولكن مكتابش قيسيهم
هزات راسها بواخا كانت نيت محتاجااهم شدات ساشية و دخلات لحمام تتقيسهم..
شوية خرجات لبسا كسيوا فالاحمر جااتها كيووت : تبارك الله جاتك زوينة ابنتي
نادية:شكرا اخالتي
مامات عثمان: واخا تعيطي لي ماما
نادية : واخا ا ماما
بتاسمات: خارجة من فمك.كي العسل يلاه نهبطو
هبطو و هي مبتاسمة و كيدويو
شوية شافتو گالس و كيفطر : صباح الخير
نادية و مو فنفس الوقت: صباح نور
عثمان:جيتي زوينة
نادية غرقات فحوايجها خخخخ
بينما هو و ماماه كيضحكو عثمان ضااسر على مو وكيعاود ليها اي حاجة هدشي عاادي ولكن نادية حشمات
عثمان: شوفي اماما حناكها غادي يطرطقو خخخخ كالم توا راه عادي الهبيلة
بتاسمات وبدات تتاكل و هوما كيموتو عليها بضحك…

‎فبلاصة_ثانيةة..
‎كان ناعس ليل كامل بايت سهران قدامو شي ملفات من نهار دخلها لحبس مبقاش رجع يقري خوا ديك المدرسة وتفرغ لشركة ديال باباه و والا شااغل راسو بالخدمة لا علا و عسى غير ينسااها شي شوية بعدما ستوحدات على كامل تفكيرو هز راسو فش سمع الباب تحل : حبيبي واش بات هنا شفتك بحوايج الباارح
‎شاف فيها ورجع خشا راسو فدوك الوراق: وي
‎اكرام گلسات و حطات رجل فوق رجل: لبارح دويت مع ماماك و حجزات لينا القاعة و قادو حتى الطابلات و دوموندينا على الماكلا و سيفطنا دعوات لمدعوين دابا ناقصين غير كسوة العرس خخخ تخيل معايا هي لي خاص نصبقها نسيتها
‎جواد بقا حاني راسو فداك الميلف: ماشي مشكل سيري مع الواليدة وخوديها
‎اكرام وقفات: اه نيت درت معاها من دابا سااعة شغندير خاصني نمشي تهلا فراسك احياتي
‎جواد كتافا يدير ليها براسو اه و خرجات
‎غير خرجات و تنفس و لاح داك ستيلو وبدا كيشوف فالهاوية كيفكر راسو غادي ينفاجر بقا لعرسو شهر
‎طبعا كان غيديروه قبل ولكن تحجج بالخدمة وبلي خاصو يسافر برات البلاد غير باش يعطلو

🍾المشاغبة و الاستاذ🍾
تأليف:🍭شمس بناني🍭 ..
الجزء:ثامن و السيتوون…
جوهرة رجعات لزنزانة لقات فاطمة غادي تحمااق بتفكير شافتها ومشات تتجري عندها: حبيبة كي بقيتي واش لباس عليك
بتاسمات ليها جوهرة:انا لبااس والله
فاطمة نزلات عينيها لكرشها
جوهرة فهمات شنو بغات تقول هزات يدها و حطاتها على كريشتها: ولدي مزال حي ولدي قوي بحال ماماه و متشبت بالحياة
فاطمة:واش متأكدة من قراراك؟
جوهرة: فش غادي نولدو نشاء الله بابا غادي يربيه على منخرج
فاطمة تنهدات: انشاء الله احبيبة..
بينما هوما كيدويو كانو عينين كي المسدس مراقبينهم: شوفو هد جوج حشرات بداو يعصبوني
زليخة: شششش غير صبري بعد شهر غيوصل سم غادي نخليهم يدفعو ثمن غير تموت ديك الصلگوطة ديال فاطمة غنجبدو ديك الغزالة بنت بابا و ماما
ضحكات بشر …
#بعد________________شهر..
#دازو_يام_واسابيع…
وابطالنا على نفس سيستمهم جوهرة كتقرا ودير ريااضة حيت مزال فشهرها الاول الطبيبة منعات عليها رياضة فشهر 5
جواد ساافر لاوروربا على قبل شي خدمة و ليوم غيرجع
نادية بقات مع عثمان ومو وكل نهار كتكتاشف فيه حاجة جديدة لدرجة ولاو مقربين من بعضهم و اصبحو اصدقااء…
عمر كيزور جوهرة بنتظام و مكمل فخدمتو و وجد بيت لبيبي جديد و جاب لجوهرة صور تشوفهم قاادو باللون اصفر فاااتح حيت مزال معرفوش جنس الجنين…
#جاا___نهار____جديد.💥
كانو مجموعات على طابلة كثر من 22 وحدة كيفطرو و جوهرة معاهم كتزرب فالفطور حيت مزال تابعها الرياضة و القراية و الخدمة

من فوق
‎فاطمة:كولي مزياان
‎جوهرة:متخافيش كناكل
‎فاطمة:(هازة طريف ديال جبن) صرحة باباك كيعرف يعزل جبن منين كيجيبو
‎جوهرة:يمكن من شي فيرما حيت فش عرفني كنتوحم عليه جابو لي طبيعي.
‎فاطمة:مممم بنين.
‎جوهرة: بصحتك احبيبة
‎شافت فيهم و خنزراات:انا مندوقش جبن ديال باك
‎جوهرة خنزرات فيها ومجوباتهاش
‎فاطمة: جبن ديال طبونك المعفون المغبون المزغب لي غادي دوقي لمبعتيش من البنت
‎كولشي تفرشخ بضحك اما زوليخة صعرات يلاه بغات تنوض و هي توقف فاطمة و ضربات طبلة بجهد و هزات موس كانت كتقطع بيه الجبن: لمگلستيش هذا غادي نخشيه فزكك و نردك لعقلك
‎زوليخة عارفاها ديرها و تفوتها نساحبات بشوية و رجعات لبلاصتها كتغدد عليها ناضو جماعتها و مشاو تخشاو فيها: واش غادي تسكتي ليها؟
‎زوليخة: غير خليوها حيت ليوم غادي يجيبو لي سم و ليوم اخر نهار فحياتها ههااههههاااههههه
‎كضحك و كتقهقه كي القحبة
‎ضارت جوهرة وشافت فيها : اويلي مال هادي
‎فاطمة : مديش عليها راها مفروحة غير كولي نتي متخافيش منها غادي نداافع عليك و مغنخلي حتى وحدة تقرب ليك و لا لولدك
‎جوهرة بتاسمات وبااستها:شكرا ليك
‎بتاسمات ليها : على الرحب..
‎ناضت جوهرة زرباانة خرجات
‎كلهم رجعو لبلايصهم شوية دخلات الحاارسة: زولييييخة عندك زياارة
‎ناضت و شافت فرباعتها: هاهوا العسل وصل لي غنسكتو بيه الجيعانة
‎كلهم ضحكو حيت فهمو المعنى

🍾المشاغبة و الاستاذ🍾
تأليف:🍭شمس بناني🍭 ..
الجزء:تاسع و السيتوون
كلهم ضحكو حيت فهمو المعنى ديال هضرتهاا
فاطمة بقات حااضياها كي كتشوف فيها غير خرجات و هي تنهد: هد الخرية غتبقاا تقلب علي حتى تلقااني
ناضت فاطمة تتصايب العصير لجوهرة لي ولات فالفترة الوحم و كتشها غير العواصر و جبن خخ وكل نهار خاص عمر مسكين يجيب ليها ..
#عند_______جوهرة
دخلات حصة الريااضة و بدات كتريني مع المدرب : تبارك الله عليك اجوهرة فشهر تقنتي عدة حركات و لحقتي على البنات
جوهرة : شكرا ليك
بداو كيكملو تدريباات ولكن مكتهزش الحديد على حق الجنين غير كتريني عاادي جرى و حركات عاديين وكيفاش دافع على نفسها..
بينماا سالات خرجات و كلها تتقطر بالعرق هزات فوطة ومشات لدوش ديال الصالة الرياضية دخلات ويلاه بغات طلق الماء سمعات شي صوت ماشي غريب عليهاا
جوهرة: زعما هذا صوت زوليخة و لا كدبت (قالتها بشك)
حلفات حتى تأكد خرجات من دوش بان ليها واحد الكرسي كيحطو عليه الفوطات مشات هزات و دخلاتو دوش توقف عليه باش طل من النافدة لي كانت صغيرة و لصقة مع سقط فين يدخل الضوء للحمام
شافتهم گالسين وكتسمع هدتهم بحالا گالسة معاهم
زوليخة: اوى جبتي لي داكشي
شاف فيها و غمزها: المقابل الغزالة
زوليخة خنزرات فيه: ييخخخخ كي المنشااار طالع واكل هابط واكل تفو (بتاسمات بشر ) ولكن باش نتهناا من ديك الموصيبة ندير كولشي ههاااهااهااااهه
خشات يدها فصدرها و جبدات شي فلوس : خود
مداتهم ليه و حسبهم و خرج قريعة صغيرة و مدها ليها : تفضلي
شداتها و هي كضحك و الضرسة ديال العقل تتبان
جوهرة حاضية ديك القريعة صغيورة و فيها شي سائل باللون الاحمر ناض داك خيناا و خرج..
زوليخة شادة ديك القريعة: ممم اوى الالة فاطمة سااعتك سالات غير ودعي دنيا هههه شكون بحالك غنهنيك من 7 سنين ديال الحبس و غتمشي لنعيييييم و غادي تنعسي نعسة ابدية مغتبقااايش تحسي بديك السداري القاصحة غتحسي بحالا نااعسة فبرج خليفة هههههه
كدوي و تضحك
جوهرة خرجات عينيها على جهدهم ممتيقاااش راسها شكتسمع ميمكنش دغياا

نزلات و خرجات تعلم فاطمة..
‎ناضت زوليخة و خرجات مشات لزنزاانة ودخلات بانت ليها فاطمة خدامة تتقاد العصير دارت اشارة لوحدة من رباعتها وفهمااتها
‎ناضت الخرى ومشات جنب فاطمة و دفعتاها بلعاني ضارت فاطمة وبدات تتسب فيها فهاد الاثناء زوليخة جاات من موراها و خوات ديك القرعة فالعصير و بدات كضحك..ورجعات لبلاصتها
‎ضارت فاطمة و هي صااعرة شدات داك العصير و خواتو فقرعة : اووف يااربي عنداك غير نكون نسيت السكر
‎خوات كاس من عصير و هزاتو تحت انظاار زوليخة و رباعتها
‎هزات داك الكاس و رشفات منو شوية بدات تتجغم جغمات كباار حتى تتحس بالكااس طار من يدها و طاح تهرس و داك العصير البلايص لي تكب فيهم كيطلع منو دخاان
‎شافت فيها و جوهرة و كلها عرقانة و دموع فعينيهاا تتشوف فيها فاطمة بعدم فهم
‎جوهرة: ششرربتتتيييههه؟؟؟
‎تتدوي و كترجف
‎فاطمة : اه كان ناقصو سكر
‎جوهرة يلاه غادي دوي حسات بيها تتكحب و تتكحب دم شوية هزات فاطمة راسها تتشوف فجوهرة : شنووو كااان فالعصييير شنو كان فيه
‎جوهرة طاحت جنبها تتحركها و حاطا راسها على فخاضها: فاااطمة عفاااك متخلينيش عفاااك عفااك متمشيش ووتخليني يااااا الله عفاك عاوني فاااطمة حلي عينيك حلي
‎فاطمة بزز باش كتحل عينيها : شكوون شكوون
‎جوهرة : هي دارت ليك سم سم هئ هئ هئ
‎فاطمة شافت فزوليخة لي كانت كضحك : خوااافة نتي غذااارة كضربي من اللور حيت معمرك غتكوني شجااعة و تواجهيني
‎زوليخة مرضاتش ناضت عندها و كتمختر فمشيتها هزات گارو و كتكميه وصلات حداه و هي تهز رجليها و عطاتها ليها لكرشهاا
‎جوهرة متحملاتش ناضت و دفعاتها: بعددددددددي منهاااااا بعددددددي منهااا القتالة نتي لي باغا تقتليها القتااالة
‎زوليخة جمعات مع جوهرة بواحد صقلة حتى طااحت
‎فاطمة تتحبو و دم كيخرج من فمها و كتهدر بشوية و بزز باش كتخرج الهدرة السم قوي: بعدي عليها القحبة متقيسيهاااش
‎فاطمة على محطة الموت و كتقرب ليها باغا تشد ليها يدها لجوهرة لي كانت طايحة و كرشها كضرهاا
‎فاطمة: ششششش متبكيش تفكري بلي نتي قوية اجوهرة قوة مني كضني متبكيشش
‎جوهرة غير تتبكي قلبها غادي يتقطع عليها و هي تتشوفها تتموت قدامها …
‎ناضو البنات كيتجاراو كيضربو فالباب و كيغوتو على الحراسات حتى جاو هزوها و جوهرة باغا تبعها وهي كتحبو هزوها الحارسات و خرجوها هي و فاطمة..

🍾المشاغبة و الاستاذ🍾
تأليف:🍭شمس بناني🍭 ..
الجزء:السبعون
طلعو فاطمة لطابق ثاني من سجن فين متوفر الطاقم طبي الخاص بالسجن و جوهرة داوها لبيت خرا يشوفو حالة بيبي و يعطيوها مهدئ…
#فغرفة_______بيضاااء
وصوت اجهزة المستشفى لي كيتسمع الاطبااء مجموعين عليها بعدما دارو ليها غسيل المعدة ولكن سم مزال منتااشر فجسمها …
جوهرة بدات كتفيق لقات ممرضة جنبها شافت فيها و رجعات تكات على البياااص : ختي واش صحبتي لباس عليها
الممرضة شافت فيها بعدم فهم: معرفتش اختي يلاه دخلت قبل بساعة حيت كنخدم فالعشية معرفتش شكون جاا فصبااح
جوهرة تنهداات : واخا تسولي لي اختي ؟
ممرضة : واخا اختي شنو سميتها؟
جوهرة:فاطمة بوبكر.
ممرضة : واخا غادي نسول و نرض عليك
خرجات ممرضة و جوهرة على اعصابها كتاكل ضفارها من قوة توترر..
شوية تحل الباب كانت ممرضة : البنت لي قلتي راها مزال فالغرفة العمليااات و سم منتااشر فكافة جسمها ولكن الاطباء كيديرو خدمتهم انشاء الله يكون خير
جوهرة بدات تتبكي و تخنصص خصوصاا راها فالفترة الحمل و حساااسة بزاااف بدات تتمسح دموعها و حطات يديها على كرشها: سمح لي معرفتش مالي وليت هكاا ماماك اولدي ولات حساسة بزااف اناا خايفة على فاطمة حيت عزيزة عليااا بزاف ولكن صافي غتكون بيخير انشاء الله هي قوية وماشي السم لي غيقتلها انشاء الله ربي غيكون معاها فهاد المعركة و غادي تربح و ترجع لينا بصحة و سلامة..
بدات كدعي فنفسهاا ناضت بخطوات ثابتة

لحمام توضات و جات طلبات من ممرضة صلاية جابتها ليها و گلسات تتصلي و دعي لفاطمة ربي يحفضها و تكون بيخير
‎هي عانات بزاف بحالها و كثر منها يمكن ميمكنش تموت بهاد الطريقة بحال شي شريرة ميمكنش تكون الحياة قاااسية لهاد درجة عليها
‎جوهرة تتصلي و تتبكي و طلب الله يعاونها..
‎داز شوية ديال الوقت و جات الحارسة ترجعها زنزانة بعدما كانت كملات سيروم و حد الان مكاين حتى خباار على فاطمة…
‎وصلات قدام زنزانة حلات ليها الحارسة و دخلات شافتهوم كلهم مجموعات على طابلة
‎شافوها و بداو يتغامزو بيناتهم و يوشوشو دازت جوهرة بلا تاشي كلمة و مشات گلسات فسريرها و تكمشاات و جبدات عليها الغطا بلا تاشي كلمة و نعساات تتحس بعضاامها ضاارينها كل نقطة فجسمها كضرهاا..
‎طلقات لعنان لاحلامها ونعساات
‎بينما كانو هوما مزالات مجموعات على طاابلة
‎زوليخة: الاميرة نائمة نعساات غير بلاتي غادي تخلصي القديم و جديد دابا غنشوفو شكون غيدافع عليك
‎نقزات وحدة من صحاباتها: شنو غديري ليها ازوليخة
‎زوليخة شدات گارو و شعلاتو: زهرة نوضي قادي لينا شي براد اتاي نقادو المجاج بش نفكر باش غادي نطيب دجاجتي الروميااا
‎ههاااااههااااااههه
‎بداو كيضحكوو و هي تتكمي و تسوط فالهواء و تتشوف فجوهرة لي مكمشاا و ناعسة بحال شي ملاك معنقها كريشتها
‎قالتها فنفسها: غير بلاتي المدلالة غادي نوريك الحبس شناهوا و التبعكيك ديالك مغاديش يمشي ليك هنااا

🍾المشاغبة و الاستاذ🍾
تأليف:🍭شمس بناني🍭 ..
الجزء:الواحد و السبعون
اصبحنا واصبح الملك لله 🌷
#فبلاصة_______خرى
و بضبط فالفيلا ديال سي عثمان خخخ كانت لالة نادية تتعوم فالبيسين و تتضحك و تتلعب بالماء فلبيسين حتى هزات راسها و هي تصدم كان عثمان مع صاحبو داخلين باغيين زعما يگلسو يدويو على شي خدمة و هوما يخرجو عينيهم فيها لبساا بيكيني فالاسود مع لحمها الابيض و مع غير تتاكل و تنعس والراحة ربات طرف كثر مني كان عندها و لطاي ديالها عااد مزياانت شافتهم مبلقين عينيها و هي تخشا فالماء حتى مبقات كتبان منها والو عاااد دراري فاقو من سهوتهم و عاد عثمان رد البال علاش تخشات فالماء و تفكر صاحبو لي مبلقااا عينيه فيها خنزر فيها و دوى بنبرة امر : حم حم يلاه ندخلو لداخل
دخلو و گلسوو وهاهي مامات عثمان جايا والخدامة من موراها هازة طبلة ديال الحلوى و اتاي حطاتها
مامات عثمان: ولدي نسيم متبقاش تغبر عليناا شحال هادي مجيتي عندنا و حتى ماماك مني مشات امريكا معمرها عاد ولات و لا سولات
نسيم: لا اخالتي غير مع جمعية و القراية ديال سمر مبقاش ليها الوقت
بتاسمات ليه : الله يعاونها يلاه نخليكم نمشي نشوف بنتي نادية تتعوم برا غيكون جاها البرد عييت معاها دخل مبغات دخل
دازت من حداهم و دخلات
نسيم ضورها فراسوو ووكيدوي فنفسو: اذن ديك البنت خت عثمان و بنت لالة فاهيمة ولكن معمري ضنيت عثمان عندو ختو يمكن كانت تتقرا فأمريكا…
كيفيقو من سهوتو صوت عثمان: واااه فين مشيتي اصاحبي شد شد كاس اتاي
نسيم خداه ورشف منو : توحشت اتاي ديال المغرب زمااان مشربتو اصااحبي

‎عثمان:مرحبا بيك دار دارك حشومة اصاحبي تجي لمغرب و تبغي تنزل فالاوطيل و ضااري علاش تصلاح (ضرب ليه على ركبتو) مرحبا بيك دار دااارك
‎بداو كيدويو حتى سمع صوت شي خطوات وصوت شي خلخااال كيدير صوت موسيقي
‎ضور راسو بانت ليه لالة فاضيلة (مامات عثمان) و نادية لابسة بينوار فالغوز بيبي و فخيضااتها عرياانين و بيضيييين تشوف فيهم وجهك
‎لالة فاهيمة:ولدي نسيم نعرفك هادي نادية (شافت فنادية) بنتي هذا نسيم صديق عثمان عزيز علي ولد نااس
‎نادية سلمات عليه : متشرفين سمحو لي نخليكم جاني البرد غنمشي لبس حوايجي
‎دازت و خلاتهم خخخخ محسااتش بلي دات معاها قلب سي نسيم لي بقاا ساااهي فيها بحال شي لوحة فنية متكاملة
‎عثمان معجبوش تجي هكاك قدام صااحبو ولكن برد راااسو
‎بقاااو داويين كيهدرو و..
‎بين____جدران______السجن

‎____:وااااعععععععععع
‎فاقت مخلوعة تتحس بالماء بااارد سااارد مع جسدها : ششششنووو واااقعععع
‎زوليخة طلقاتها بواحد ضحكة : ههههه نوووضي الالة محدك هنا غادي تخدمي بحالك بحال غيرك نوضي يلاه تهزي وجدي لينا الفطور…
‎جوهرة تنهدات وفيها الوجع ورضاان و الدوخة و من فوق مشطوونة على فاطمة من لبارح وهي تتحلم بيها فكوابيسهاا…
‎تتمشا و جاارا رجليها بزز مشات لديك الخزانة ماشي كوزينة خخخ بدات تتوجد ليهم الفطور كثر من 22 وحدة و هي حاملة ربي لي عالم بيها
‎قدات ليهم الفطور و حطاتو و لبسات حوايجها وغوتات لحارسة تجي تحل ليها تمشي رياضة و من بعد لقارية و الخيااطة. ومني تسالي دوز تشوف صحبتهاا

🍾المشاغبة و الاستاذ🍾
تأليف:🍭شمس بناني🍭 ..
الجزء:اثنين و سبعون
#فالفيلا…
كانت كضور بكسوتها البيضة غادي طير بالفرحة اخيرا داز هد شهر لي كان بحال قرن بنسبة ليها : خالتي كي جاات معايا الكسوة اوووف شوفي كي كنباان يااك ممرخوفاش ياااك مواتييااني و لا نعيط الخيااطة تعاود تقادها؟؟
بتاسمات ليها : هههه بنتي اكرام راه شي عشرة ديال المرات باش كنعيطو على الخيااطة باش تقادها ليك متخافيش جاتك زوينة بزاف و زيدي عليها راه اخر موووضيل ابنتي تبارك الله وصافي و حتى مشطة زوينة و مكيااجك زوين
اكرام تنهدات: خاااص كولشي يكون مزيان فينااهي ماما و بابا وعمي ؟؟
هزات ليها بوكي دو فلوغ و مداتو ليها : غير تهندي متخافيش كلهم برا كيستقبلو الضيااف راك عرافة
اكرام: اه نسيت و جواد فيناهو ؟؟
هزات تيليفون ديال دار: غنشوف يمكن راه فبيتو كيلبس كوستيم
اكرام هزات البوكي خااارجة و مامات جواد تابعاها من الخلف…

‎نرجعو___لجدراان____السجن.
‎خرجات من الخيااطة
‎صباااع رجليها وصبااع يديهاا ضرووهاا من الخيااطة بدات تتكسل فيها جوع ولكن غتشوف صحبتها و تسول عليها وتشمي لنزنانة
‎بعدما طلبات الحارسة خلاتها طلع تزور صحبتها
‎وصلة الغرفة فين كياانة
‎ممنوع دخل عندها تتشوفها غير من خلف الزاج محسات غير بدموعها كيخونوها ثاااني وهي تتشوفها كلها سلوكة و شعرها مليوح على الوساادة و تحت عينيها ززززرق و جناب فمها بنفسجي غادي لسواد
‎وبشرتها شاااحفة هادي ماشي فاطمة لي كتعرف السم دار المفعول ديالو قلبها كيضرها على صحبتها و ربما هي سباب فهادشي كون مكانتش كدافع عليها مكانتش غادي تعرض لهادشي و تولي بين الحياة و الموت
‎شافت طبيب خرج من عندها مشات تتجري عندو: عفاك ممكن تقول لي شي حاجة على حالتها
‎طبيب تنهد: دخلات لغيبوبة و صرحة معرفناااش وقتاش غادي تفيق و لكن دقات قلبها منتاظمة و حتى اترفاع دم دقات القلب كولشي طبيعي السم أثر ليها غير على المعدة و لكن فش درنا ليها غسيل المعدة في الوقت مناسبة نقدانها لي علينا درناه المباقي على الله
‎جوهرة هزات راسها بواخاا
‎ورجعات لزنزااانة….
‎تحل الباب و دخلات و هي تتشوف سريرها مقطع و القطن ملحيوون فگاع الارض ضورات عينيها بانت ليها زوليخة لبساا كسوا من كساويها و كل وحدة من رباعتها لبسة قطعة من ملابسها
‎بانو ليها حوايج بيبي صغير لي كانت مخيطااهم لولدها او بنتها مليوحين فالارض ومقطعين
‎جن جنونها و تعصباات شافت فيها و غواااات بجهد: زوووووولييييييخة (تتورك على الحروف )
‎مشات كطير الكوزينة خدات جنوية كيفما كانت كدير فاطمة و مشات ليهااا
‎زوليخة بدات كضحك و دارت اشارة لبنات باش يشدوهاا جوهرة محسات غير بيهم كيشدوها من يدها و حاكمينها قربات ليها زوليخة و حيدات ليها الموس من يدها و تتلعب بيه : اووووبس هدشي كبير عليك الصغيرة كبير عليك …
‎هبطات عينيها لكرش جوهرة : ممم قالو لي راكي حاملة وكنتي حاولتي تجهضي اوى شبان ليه نعاونك و لحقك على صحبتك
‎هزاات زوليخة ديك سكينة على حر جهدها و رضات يدها على شكل هجوم و الهدف كرش جوهرة لي غوتااات بكلمة وحدة :وووووولددددددددددي

🍾المشاغبة و الاستاذ🍾
تأليف:🍭شمس بناني🍭 ..
الجزء:ثلاثة و السبعون
والهدف كرش جوهرة لي غوتاااات بكلمة وحدة :ولددددددددي
وسدات عويناتها كتسنا داك الموس يتخشا فأحشائهاا…محسات بوالو حلات عينيهااا بانو ليها كيضحكوو
زوليخة: هااااهههههااا ههههه شوفو معايا البنات المشيشة كي خاافت يلاه طلقوها لتبول لينا فسروالها ههههه
طلقوها البنات و طاحة الخلعة غادي تقتلها شدات فكرشها و تتحسسها كأنها تتأكد واش ولدها بيخير قلبها كيضرب بجهد كتحس بيه غادي يخرج من بلاصتو و لا روحها غادي تزهق و تموت واحد الخوف فشكل
لهاد درجة كانت خايفة على ولدها لي غير قبل بشهر كانت غادي تقتلو بلا متحن فيها بمجرد متفكر بلي ولد جواد كانت كتبغي تحماق ولكن بسرعة كترجع تخاف عليه حيت بكل بسااطة ماشي غير ولد جواد هذا جزء منها و منو هذا جزء من روحها هي و طرف منها كثر ميكون طرف منو حيت هي لي فكرشها و هي لي غادي يعرفها و هي لي غادي تسمع كلمة ماما و هي لي غادي داوي ليه جروحو و تمسح ليه دموعو واخا غادي تكون صعيبة عليها تجاوب نفس الجواب لي كيجاوبوه اغلبية الامهات العازبات لولادهم باباك مات
بطبع غادي خصها تكون قوية على قبل ولدها و تنساا الماضي ديالها …
ناضت تتحبو گلسات و مصاارنها كيتقطعو بالجوووع و فمها غاارق بالريق ديالها و تتشم ريحت الماكلا دايرين ليبات بالشعاا تتسنا غير وقتاش يحطو باش تاكل و تعتق روحها و روح لي فكرشهاا عينيها بحال شي قناص مراقب فريستو..
اخيرا جاء العفو الملكي خخ و حطو ليهم داك العشاا
وتجمعو گاع دوك سجينات على طابلة يلاه ناضت جوها جيهت طابلة تاكل حتى تتوقف قدامها: اييييييه فين غاديااا
جوهرة : بغيت نتعشاا ازوليخة ميمكنش نبقا بلا ماكلة من صباح انا حاملة وخاصني ناكل
زوليخة ضرباتها بواحد ضحكة ديال القحاب و ضارت عند البنات كتقلدها فهضرتها و كيفاش كدوي : انا انا حححممملة هههههه وتكوني حتى نافسة نتي الالة محرومة من العشاا باش تعلمي تهزي الموس على لاليااتك يلاه سيري تكمشي فوق داك الحديد اما السداري شوفت عينك راه رديناه ليك قطن فين تولدي كي الكلبة
بداو كيضحكو و كيشوفو فيهاا شي كيتشفااا و شي بقات فيه
طبعا ماشي كلهم مع زوليخة ولكن مافيدهومش مغلوب على امرهم حتى هوما بحالها
مشات جوهرة گلسات فوق دوك حدادات و تكمشات معنقاا رجيلاتها لعندها تتحاول تسخن راسها حتى سداري فاش كانت تتنعس قطعوه ليها دابا حسات بالحگرة و صهد لي كانت كطاكي عليها فاطمة و كدافع عليها و مأمنة ليها بلاصتها و حوايجها و مكلتها…
بلا متحس خانوها دموعها و بدات تتبكي تتحس

بهاد 11 شهر لي بقا ليها بحال شي قرن باش تهنا من هد العذااب و تخرج من هد سجن ولكن مبقا قدما فات خاصها تاخد الباك بعدا باش الا خرجات تكون ممشاش هد العام على والو….
‎محسات غير بعنيها تسدو ونعسات بسيف عليها راه نهار كامل كضل خدامة فيه ….داز شوية ديال الوقت…🌷
‎فاقت على ريحت ليباط سخون تحت نيفها تتشمشم فيه حلات عينها و كرشها كاغرغر شافت طبسيل قدامها سخون كيخرج منو الدخان خخخ بسرعة حلات عينيها وشداتو بانت ليها مي زهرة (المرى لي كطيب): خودي ابنتي كولي على حق ولدك و حتى نتي راه ممكن يهرب ليك الحليب
‎خداتو جوهرة والسعادة باينة فعويناتها:شكرا بزاف الله يرحم ليك الواليدين شكرا ليك اخالتي
‎زهرة دوزات يديها على كتافها: اييييه ابنتي عاودات لي فاطمة قصتك ميبقاش فيك الحال ربي يمهل و لا يهمل و غادي تاخدي حقك انشاء الله
‎جوهرة حسات بنغزة فقلبها 💔: امين اخالتي امين يااربي
‎زهرة: عفاك ابنتي كولي بزربة قبل متفيق ديك الحمقة و تنوض علينا القياامة
‎جوهرة دارت ليها براسها واخا و بقات تتاكل بزربة و اصلا هي ميتة بجوع كتاكل و تبردها فكرشها واخا حرقاتها فالفمها مهم تاكل
‎مدات ليها زهرة كاس ديال الحليب شرباتو و عطاتها غطا تغطات بيه و بقات مقردة فوق ديك الحديدات …
‎🌷صبح صبااح جديد🌷…
‎فاقت قبل منهم كاملات و مشات تتسلت لفين كيطيبو لقات زهرة فايقة تتسخن الماء ديال لوضوء ديالها عطاتها طريف د الخبز و كاس د الماء سخون
‎حيت مفيد لحوامل فصباح
‎كلات
‎جوهرة:خالتي الله يرحم ليك الواليدين (مدات ليها شي حويجات صغاار ديال بيبي صغير ) هاد الحوايج خيطتهم لولدي ولا بنتي لي غنولد وبغيتك تخبيهم لي عندك
‎زهرة:واخا ابنتي
‎شكراتها وخرجات بعدما حلات ليها الحراسة الباب

🍾المشاغبة و الاستاذ🍾
تأليف:🍭شمس بناني🍭 ..
الجزء:اربعة و السبعون
#فبلاصة______خرى
فاقت و هي تتحس بشي حاجة تحتها تتمشا ليها على فخاضها تخلعات دغياا ناضت تتسوس فليزار حتى طاحت منو حشرة صغيرة خخخخ تتكون فشجر تنهدات بشوية كانت خايفة تكون شي حاجة خراا ..
مشات دوشات وملاحضاتش الباب لي كان محلول شوية
لاحت الفوطة و بقات صولوو طلعات سترنغ و شعرها الاشقر مور ضهرها عاطيا بظهر لباب
كان دايز من عادتو مني و هو فأمريكا كيفيق بكري يدير ريااضة فصباح هز راسو و هي كتبان ليه عريانة و عاطياه بظهر تجمد فبلاصتو اول مرة يشوف شي جسد بحال هكا جسد متكاامل و مؤخرتها مجموعةة و مضورة و بيضة و سترينغ فالاحمر شافها تترجع شعرها لقدام و تتلبس سوتيانات فنفس ديكور ديال سترنغ و نفس اللون شوية تحنات و كوزااات ليه باش تهز كسيوا فالاسود مخمليا حد الفخااض و مزيرة من صدر لبساتها و خدات سيشوار تتنشف شعرها
مني خدمات سيشوار عاد فاق من سهوتو و عاق على رااسو : اعوذ بالله من شيطان الرجيم تتبقا خت صاحبي مخاصنيش ندير هكا من الاحسن ندوي مع خالتي فهيمة و نحدد شي وقيت و نقولها لواليدة و نخطبها و تولي ديالي سعتها ارا منشوف فيهاا…
بتاسم و كمل طريقو
نادية كملات سيشوار و مشات كتقاد مكياجها فالمراية قدات عكر فالاحمر و ايلينر مسكارة و خرجات تتلوز بمؤخرتها غادة لبيتو من عادتها تصبح عليه خخخ
بلا مدق فالباب تلاحت و دخلات لقاتو ناعس و صدرو عرياان بقات شحال سااهية فيه متنكرش و متكدبش على راسها حسات بأحاسيس مختالفة و هي معاه تلاحت جنبو و باستو على عنقو …
تعنكش شوية و قلب وجهو شوية هز الغطا و غطا نص وجهو
بتاسمات بشر و حيدات داك الغطا : وفييييق
حل عين و هو سااد وحدة : مالكي مصبحة عليا على صباح؟
نادية:معرفتيش اسيدي راه الوقت الفطور هذا نووض تگعد يلاه نمشيو نفطرو نوووض
عثمان ضار لجيهة لخراا: ليوم الاحد واش مسطية ولا مالكي خليني نعس…

‎ضارت و طلعات فوقو:نوووووووض
‎سيدة گالسة فوقو و كتحك طرمتها مع حجرو بلا متحس ماشي دايراها بلعاني خخخخ و كيف كتعرفو دراري عندهم انتصاب صباحي غير عادي داكشي عندهم كيفيق قبل منهم خخخ سيد حس بصهد و بحرارة طالعة معاه حيد ليزار على وجهو
‎محسات غير خاشي صباعو فشعرها و جابدها عندو : علاياش تتقلبي على صباح اهد جنية؟
‎نادية بدات كضور فعينيهاا: انا انااا غير بغيت نفيقك نفطرو مجموعين والله.
‎قربها كثر و خشا وجهو فعنقها: مممم باش نفطرو مجموعين ياك؟
‎نادية:اه
‎عثمان: واخا تسنايني سيري گلسي لهيه ندوش و نخرجو
‎نادية:فين
‎عثمان:ياك باغا نفطرو مجموعين؟
‎نادية خصرات صيفتها: وي فدار
‎عثمان:علاش ممليتيش من فطور دار شنو فيها لكسرنا هد روتين
‎كيدوي و كيهمس ليها فودنيها بطريقة كتبورشها تحتها شااعل عليها كيعرف كيفاش يلعب عليها بلا ميدير والو غير بالهدرة و طريقة بش كيهمس ليها و كيدوز شفايفو عى طراف ودنيها و لحيتو لي كيهرها فعنقها خخخ
‎تنهدات تنهيدة طويلة: بغيت
‎عثمان قربها كثر حتى تحط صدرها فوق صدرو و حس تا هو برطوبية صدرها على صدرو مبقادش قاادر يتحكم كثر فراسو فأي لحظ غادي يقلبها و يصدق كاويها خخخ تنهد بجهد كولشي فوقتو زوين مزال غادي يديرها ولكن ماشي وقتها
‎بعدها بشوية و هو كيتلمس فيها:سيري خليني ندوش
‎ناضت من فوقو و كلها حمرا خخخخ تتحس بقلبها غادي يخرج
‎مشات گلسات مقابلة معاه كتسناه ينوض
‎يلاه بغا ينوض شاف المعلم داير الخيمة و داگ الوتاد خخخ شاف فيها و بتاسم : واخا ضوري وجهك على منوض؟
‎نادية:علاش مالك؟ ياكما تتبول فسروالك؟
‎عثمان صغر عويناتو: لا كنعس عريان لبغيتي تشوفيه ماشي مشكل
‎نادية حمارو حناكها و ضورات وجها بزربة خخخخ
‎بتاسم من براءتها وناض لحمام…

🍾المشاغبة و الاستاذ🍾
تأليف:🍭شمس بناني🍭 ..
الجزء:خمسة و السبعون
🥀فبلاصة_____خرى🥀
كانت گالسة و خاشية راسها بين رجليها كتبكي و تشهق و قدامها كسوا ديال عرسها مقطعة كاااملة و سرير عليه الورد احمر كولو خربقاتو و قطعات و هرساات كولشي بدات تتبكي وتشهق و تتحس بقلبها غادي يخرج
تتسمع الباب : بعدوووووو مني خليووووني عليييييكم خلييييوني بعدووووو مني كلكمممم كدااابين كدبتوووو علياا علاش علاش كدبتوو محدو مباغينش علاش وهمني بزواج علاااااش علااااش خلاني نتعلق بيه و نبني احلام مكايناااش علاااااش
بدات تتبكي ثاني و داكشي لي وقع لبارح مقادرش يمشي ليها من باااالها كتحس بداتها سخونة و دموعها منشفوش من ليلة الباارح كتحس بلي كولشي تشفا فيها و ضحكو عليها و هضرتهم مبغاتش تحيد من ودنيها: ويلي اكرام سفيااني خلاها جواد ليلة عرسها هههههه
*ويلي اكرام تخلا عليها اصلا سمعت بلي هو ماشي راجل و بلي مخنت
*اويلي اصحبتي راه اصلا مافيها ميتعحب بسيف يخليها
*لا اصاحبتي سمعت بلي مكانش كيبغيها غير بززو عليه وصافي…
كتخيلو ليها بزاف دناس كيضحكو عليها و هد الهدرة كتعاود فراسها بحال شي اغنية : علاش علاش اجواد مشيتي و خليتيني محدك مباغينيش علاش ضحكتي علياا كولشي علاااش علااش …
رجعات وقفات ومشات خدات صورة لي كانو دارو نهار خطوبتهم و هرساتها شافت فالبيت كيف كانو مزوقينها ليهم و سرير عاامر بالورد الاحمر و ريحت الورد مجهدددة
والبيت كولو مزوق شافت الزاج فكل بلاصة هرساااات كولشي
ولنفيطاسيو ديال عرسهم فوق السرسر خداتها وبدات كتقرا فيها و هي تقطعها: مبقاش العرس..
بتاسمات بتحسر وحلات الباب بانت ليها مها و باباها قدامها وحتى بابات و ماما جواد
شافت فواليديها: يلاه نمشيو مبقاش عندنا منديرو هنا
خرجات و واليديها تابعينها..
هزات راسها وشافت فراجلها:الحاج شفتك مدويتيش الولد من البارح مبان ومختافي و حتى تيليفونو مكيصونيش ياكما وقعات ليه شي حاجة ؟
الحاج زفر بغضب : لي بغا يوقع ليه يوقع مبقاش ولدي سود لي وجهي مع صاحبي وضحك فينا المغريب كامل شوفي الجرائد الالة دابا غنوليو سيرة على جميه السنت الناس ..
داز و خلاها واقفة وشادة فقلبها :الحاج متقصصحش قلبك ولدنا الوحيد هذااك….
مشا ممعبرهاش…. گلسات تتبكي و تنخصص مسكينة تتبقا ام و محروفة كبدتها على ولدهاا
عيطات لخدامات يجمعو داك البيت و هبطات لصالون شافت الجرائد كاااملين داويين على نفس سووجي…

‎🌷عند_جوهرة🌷…
‎خرجات من قاعة الرياضة يمكن غتحبسها ولات تتعيا بزاف و هازة تقل فكريشتها
‎بدات تتضحك فش تفكرات اخر مرة دخلات عند طبيبة ديالها و بلي اليوم غادي تعرف جنس البيبي ديالها و تولي تخيط ليه حوايج ليه …
‎خرجات و دخلات ثاني لقسم تتقرا و مركزة من البروف خدات شي كتوبة غادي يعاونوها باش تبريباري لوطني …
‎من بعد مشات لقيسم الخياطة وبدات تتخدم ثااني وتزرب باش تكمل خدمتها ..سالات و خرجات..
‎طلعات لقيسم الاطباء و دخلات عند طبيبتها شافتها وسلمات عليها
‎طلعات فوق البيااص و نعسات هزات ليها كسيوا على كريشتها و دهنات ليها واحد ساائل و بدات كدوز ديك الالة على كريشتها وتتشوف فتلفازة : شوفس لهيه
‎جوهرة هزات راسها تتشوف فديك نقيطة اخر مرة شافتها كانت صغيرة دابا كبرات شوية :اه واش ولدي هذااك
‎طبيبة ببتسامة:بنتك هاديك
‎جوهرة ضحكات : واش عندي بنت؟؟
‎طبيبة :اه ابنتي بنت دابا عندها شهر و جوج اسابيع
‎جوهرة بدات كضحك ابوحدها وتتهمس بشوية :بنتي بنتي حبيبتي…
‎مسحات ليها على كريشتها و ناضت كتحط يديها عليها :واش بصح بنت اذن عندي بنت هههه
‎بدات كضحك بحال شي حمقة
‎طبيبة:خودي
‎شداتهم بين يديها كانو تصاور الايكو ديال بنتهاا: هانتي هادي بنتك
‎خداتهم جوهرة وبدات كضحك قلبها كيفرفررر بالسعادة تتحس بلي گاااع دنيا كضحك ليهااا
‎خرجات و فيديها تصاور الايكو و تتهمس بشوية :الماس اه اه الماستي نتي الماستي
‎تتهمس بيها و غادية محسات غير برجليها جابوها لقدام بيت فاطمة كانت شوية رجع لونها كي كان فالاول : فاطمة حبيبتي ليوم عرفت بلي عندي بنت و قررت نسميها الماس حيت بصح هادي الماستي و غادي تكون احسن حاجة تتوقع لي فهاد الحيااة (حطات يديها على كرشها) عفاااك فيقي افاطمة فيقي متخلينيش نحس بلي انا سبابك فهادشي فيقي عفااك افاطمة فيقي الله يخليك…

Leave a comment