Skip links

قصــــة : المشاغبة و الأستاذ 1

 9,142 عدد مشاهداات

🍾المشاغبة و الاستاذ🍾
تأليف:🍭شمس بناني🍭 ..
الجزء:الاول
حلات عينيها على صوت المنبه ⏰حركات يدها بشوية حتى طفاتو و هي تغوبش يلاه 6 ديال صباح اشهاد العداب اسيدي ربي فيق مع 6 باش تمشي تقرا فمدرسة اصلا العالم ممعتارفش بيها و الدولة في المراتب الاخيرة فتعليم هدشي بحد ذاتو كيشجعك ترجع تنعس خخخخ
تنهدات و شافت فالمراية لي قدامها هذا هو عامها اللخر ناااري و متجيبش الباك باها غادي يذبحها 3 سنين و هي كتعاود كل عام دوزو بضحك و تسقط و هذا عامها الاخير الا مطفراتوش غادي ينحرها نحير جمل (بصوت لالة ماما خخخخخ)…
دخلات لحمام ودوشات وغسلات حالتها شافت فراسها طاي حوتة العيون عسليين و شعرها قصير حد كتافها و بني عوينات كبار و شفار كثاف شفايفها صغار و غوز ضحكات بشر فش تفكرات الاستاذ جراو عليه لبارح بسبابها خخخخ
رجعات لبسات حوايجها و سمعات صوت باباها كيعيط ليها : جوهرررة جوهرة هبطي تفطري
شافت فالمراية و رجعات كضحك خخخخ : هانا ابابا هابطة
هبطات بجرا لقات باباها حاط الفطور باستو و گلسات تتخشي فوجها
باباها حط قهوتو وشاد جريدة فيدو كيقراها و كيشوف فجوهرة بنص عين: لبارح صونا لي المدير ديال مدراستك
غير سمعات سيرة ديال المدير خرجات ليها القهوى من نيفها : كح كح كح مدير مدير اش بغا
باباها خنزر و صغر عويناتو بشك: قال لي الاستاذ ديالك خرجوه استاذ ماذة svt
شافت فيه و بتاسمات ببراءة : اه عارفة
باباها زاد صغر عويناتو:وعلاش مقلتيهاش لي
جوهرة:شنو غنقوليك ابابا راه صدق ولد الحرام شي فاعل خير فضحو و بارطاجا فيديواتو ف وضعيات مخلة(قالتها بشوية ) وخادشة للحياء ابابا

🍾المشاغبة و الاستاذ🍾
تأليف:🍭شمس بناني🍭 ..
الجزء:الثاني
تنهد و حط قهوتو: مممم مزيان المدير قال لي ليوم غيجي استاذ جديد
جوهرة شهقات و هي مخرجة عينيها:اويلي استاذ جديد بهاد سرعة
بتاسم ليها و ضحكة غالبة عليه عارف بنتو كسولة و مصطلة خخخ سطل محطوط ومكتحملش اس في تي خخخ و كتعتابرها عدوها حيت فكل عام هي المادة الوحيدة لي كتسقطها خخخ تحنا لعندها وباسها: تهلاي فراسك طرونسبور من دابا شوية غيجي وجدي راسك و سدي الباب انا غادي لخدمة
جوهرة هزات راسها بآه و تنهدات بقلة حيلة شوية رجعات بتاسمات بشر : نيهاااهااهاا هانية هانية اجوهرة كي خرجتي داك شارف و جراو عليه غادي تخرجي حتى هذا
ناضت و هي تتسمع صوت كلاكصون ديال طرونسبور تتقرا فالباك و مزال تتمشي فطرونسبور خخخخخ الفلوس كتهدر ابناتي
طلعات و شافتها مقنتة فاللور من نهار عرفاتها وهي تابعاها فهبالها خخخ حتى صدقات ساقطة 3 سنين قربو يديرو شهادة سكنة فداك الليسي
گلسات حداها وشافت فيها:فراسك غيجيبو واحد جديد بلاصت داك بوطرمة لي مشا لبارح
شهقات و هي تتولول:ويلي ويلي ويلي على واحد جديد كي دارو ليها ياك غير البارح جراو على داك البيدوزة
جوهرة:اصحيبتي هدشي لي عطا الله
تنهدات و تكات على زاج : يخخخخ ساعتين ثاني ديال التوالد عند البرمائيات هئ هئ هئ هئ هئ 😭😭😭
جوهرة : غا صبري على منفكر فشي طريقة نكركبو هد خينا تا هو 😈
دارت ليها براسها اه
دازو دقائق ووصلو ليسي..

🍾المشاغبة و الاستاذ🍾
تأليف:🍭شمس بناني🍭 ..
الجزء:الثالث.
هبطو من باص و دخلو ليسي بانو ليهم الاساتذة مجموعين فواحد ركنة خرجات عينيها تتشوف واش تلقا الاستاذ جديد ولكن مبان ليها والو كلهم غير بوكريشات و الشارفات لي عارفاهم و عارفينها خخخ ولاو يشوفوها كثر من ولادهم
ضارت و هي تتقلب على صحبتها:ناااادية نااادية اويلي فين مشات هادي
ضربات عليها من بعيد بانت ليها واقفة مع شي بنات دارت يديها فجيبها و مشات جنب القيسم تشوف هد الاستاذ جديد 😕و تتفكر فشي حيلة تكركبو تا هو خخ
دازو دقائق وكولشي تجمع و جميع التلاميذ دخلو الاقسام الا هوما منشورين جنب الباب شافهم المدير عن بعد و جا حداهم: غير دخلو الاستاذ قريب يجي
عيط على الحارس و حل ليهم الباب ودخلو گلسو و الفوضة فالقيسم لالة جوهرة رجعت لخلف گااااع و دارت القب على راسها و تكات على الحيط خخخ الاحترام نعام اس كولشي عارفها اش كتسوا راها الشارفة ديال ليسي 20 سنة و مزال تتقرا فالباك ناس وصلو لفاك و لا منعرف شنو وهي مزال واحلة فالباك..
القيسم كيتهز و يتحط بالصداع و الغوات هي مزال فيها نعاس تكات على الحيط گالسة بوحدها نادية متتقراش معاها كتبادل معاها..

🍾المشاغبة و الاستاذ🍾
تأليف:🍭شمس بناني🍭 ..
الجزء:الرابع..
داتها عينيها و هي ناعسة
حتى تضربها الفيقة و تتسمع صقيل و سكات هزات القب على راسها وهي يبانو ليها كلهم متكيين كيكتبو و شي واحد عاطيها بظهر كيملي عليهم و كيكتب فالصبورة
شافت ساعة فيدها دازت ساعة و هي ناعسة و الاستاذ مفيقهاش ولا مرضش ليها البال جاتها غريبة هزات كتافها بلا مبالاة تتشوف فظهرو من الخلف لبس قاميجة فالاسود وسروال جينز و شعرو شهب وجهو مزال مشافتو
بقات مراقباه يضور و هو مزال كيكتب و عاطيها بظهر
جبدات يديها تتكسل و تفوه محسات غير بطرف ديال طباشير داخل لفمها نيش عليها من حدا الصبورة و هو عاطيها بضهر ونقط بصوتو لي زعزعها : لي بغا ينعس يبقا فظارهم لي بغا يتفوه يبقا فدارهم انا معنديش اوطيل باش تنعسو عندي كلامي مفهوم
سمع ديك ناااااعم بحال ديال الدراري صغار لي فروض خخخ
جوهرة حلات عينيها على جهدهم صدمها كيفاش نيش عليها و هو عاطيها بظهر و بهضرتو لي كان قاصدها و المساج ليها خخخ
بكثرة الفقصة سدات الكتابة و رجعات القب و رجعات تكات تنعس حتى تصوني ساعة
يلاه بدات ديها و حاسة بواحد نعاس يااااسلام
حتى تتحس بالماء داخل لوذنيها خخخ
حلات عينها و ناضت مخلوعة
تتشوف قدامها القيسم خاوي و هو فوق راسها شافت فيه ووجها مبلول بالماء و فيدو القرعة ديال الماء مبتاسم حروفو شهبين و عيونو مايلين لخضورية و شفايف غوز و لحيتو خفيفة وشهبة حط ديك القرعة وربع يديه : جوهرة العلاوي 20 سنة و مكرر الباكالوريا 3 سنين ممم و نعاس عاطياه قتلة و كسولة اووبس صوري بلا منقول كسولة حيت غنكون كنهين الكسولين الا نسبتك ليهم نقدر نقانك بسطل ولكن حشومة سطل كيدير مهمتو و خدمتو وكنعمرو بيه الماء نتي شنو ؟ واش جاية تنعسي ؟ (هز طرف طباشير و شير بيه لصبورة) نوضي ش

🍾المشاغبة و الاستاذ🍾
تأليف:🍭شمس بناني🍭 ..
الجزء:الخامس
شافت فيه و الدموع على طراف جفونها : ماشي سوقك سواء كنت مكررة ولا مكنتابهش ولا كنعس قيدني فغياب ولا نقص نقاطي مهم متخويش علي الماء..
قاطعها بحدة : شششش سكتي متعليش علي صوتك البعلوكة اشمن نقاط عندك باش نقصهم نقص من ناقصات ديالك عمرك خدمتي شي خزعبلة باش تاخدي عليها نقاط
عطاها بظهر و هو كيلعب بالفيتر فيدو : غذا جيبي ولي آمرك
جوهرة عينيها حوالو الله الله وتجيب باباها صاافي كحاالت عليها..
بدات تتبكي و تخنصص مشات عندو وهي كتبكي :سمح لي والله منبقا نعاود نعس
هز فيها عينيه وشاف فعويناتها العسليين الكبار وبراءتها تنهد بقلة حيلة: اخر مرة
هزات راسها بآه:اخر مرة والله
دار ليها بيدو خرجي و خرجات و داير شكارتها على جنب خخخ
مسحات دموعها و هي خارجة : حقير ولد القحبة شسحاب ليه راسو باش يهيني الحقير لخر غادي نخليك دفع ثمن غالي الحقير
حسات بنادية شدات ليها فيدها وضارت تتشوف فيها : فين كنتي نتي ؟
نادية قوسات حجبانها : كنت غير مع البنات وصافي مالكي مغوبشة
جوهرة هزات كتافها : الاستاذ جديد دابا دخلي عندو و هانتي غادي تشوفي
نادية: اه جا ساعتين لي بقاو غادي ندخل عندو ونتي شنو عندك؟
جوهرة هزات القب على راسها و شعرها خارج مز القب بتاسمات وشافت فيها: غنخرج الغزالا مالي حماقيت 4 سوايع فليسي بركة غير 2 سوايع مهم مني تخرجي غادي تلقايني عاصرة جنب الليسي
نادية : واخا (شافتهم كيدخلو) يلاه بسلامة ..
مشات و خرجات جوهرة و هي تتفكر فشي خطة لهاد الاستاذ جديد: ناااري ولد الحرام شرشمني على صبااح ولكن انا له بالمرصااد غا بلاتي عليه ..ولكن ولد الحرام زوين (بتاسمات شوية رجعات غوبشات و ضربات راسها ضربة خفيفة )حقير غادي يدفع ثمن ديال ديك حشياان الهضرة ..

🍾المشاغبة و الاستاذ🍾
تأليف:🍭شمس بناني🍭 ..
الجزء:السادس..
دازو ساعتين و جوهرة گالسة جنب الباب كتسنا نادية شافتها خرجات ومشات جنب الطرونسبور ..: على سلامتك فين تعطلتي
نادية تيخرجو القلوبة من عينيها خخخ : نااااري ياااختي شحال زوين اوووف قلبي كيفرفر عرفتي على صوت وعلى هدرتو شحال خلوة اووف و شتي كيفاش كيشرح ناااري شفايفو و لحية وعويناتو الزورق 😍😍اوووف كيذوووب ايييييي
محسات غير بواحد القرصة هزاتها جوهرة حتى حسات بلحمها غادي يتحيد : واش انا كنفكر كي نديرو نخرجوه من هد ليسي و نتي كتغزلي لي فيه و تحرش بيه واش تسطيتي ..
نادية غوبشات : وصافي اصحبتي غير قلت ليك و صافي..
جوهرة رجعات صغرات عويناتها : مهم شوفي غادي نتحول عندك لقيسمك باش نتحماو عليه شبان ليك؟
نادية كتنقزز:احسن حاجة والله 😍
جوهرة:صافي فالعشية غندوي مع بابا نتحول لعندك
نادية: اوك حبيبة يلاه نطلعو دابا

#فبلاصة اخرى
كان فالبيرو ديالو گالس و قدامو مجموعة من اوراق متحانات قدام ديال استاذ لي مشا لقاهم كلهم مصحين خخخ والنقاط مكاين غير الله يعطيك صحيحتك غير ستاوات و ربعوات خخخخ يا حصرة ثانية باك خخخ علوم حياة و الارض
مسكين ركابيه خواو عليه تصدم من مستواهم ويااحصرة ايكول بريفي
شد راسو وبدا كيخمم: اوى شد اسي جواد شبع التدريس كون غير درت تجارة و دخلت مع بابا فشاريكة وجاي كنحرق سعرات الحرارية مع هد القوم
تنهد و جبد تيليفونو شاف عرارم ديال المكالمات الفائتة و المساجات كلهم منها تنهد بصوت مجهد و دوز يدو على شعرو شافها ثاني تتصوني دوز ابيل و حط التيليفون على وذنو و هو يسمعو صوتها غادي تخرج من تيليفون: جواد فينك شحاال وانا كنصوني ليك عرفتي اسي جواد راه ليوم الخطوبة و نت غادي لي تقري و مخليني انا هنا كنتقاتل مع الكسوى ديكور الحفلة ليزانفيتاصيون و نتي فين ..طيط طيط طيط..
تقطع الاتصال تنهد و حط تيليفون: ممساليش ليك ا إكرام ممساليش
ناض و شاف فساعة ليوم الخطبة ديالو من إكرام بنت صاحب باباه

🍾المشاغبة و الاستاذ🍾
تأليف:🍭شمس بناني🍭 ..
الجزء:السابع..
خرج و ركب فلوطو ديالو و مشا لفيلا ديال عائلة المرزوقي
نعرفكم على البطل ديالنا جواد المرزوقي الابن البكر ديال الحاج المرزوقي و عندو ختو وحدة صغيرة مزال تتقرا فالاعدادي والام ديالو لالة نزهة خخخ مهم البطل ديالنا طيطز يطيح صرصور من فوق صور ولكن ديما كيبغي يدير لي فراسو من صغرو يعشق تدريس و من صغرو كيبغي او كيعشق شي حاجة عندها علاقة بالطبيعة و الحيوانات والخ… و لذلك قرر يولي استاذ ديال svt
بينما الاب ديالو معحبوش الحال و مبغاش باغي ولدو يشد بلاصتو فشركة و يخدم بلاصة باباه ..
دخل لقا الفيلا مرونا كولشي كيجري و شي كيهبط و يطلع ولالة نزهة موسطاهم تتعطيهم تعليمات الديكور والورد و اي حاجة هادي الخطبة ديال ولدها البكر سي جواد مرزوقي ماشي حي الله خخخخ
دخل وباس ليها راسها: غير عذبتي راسك كنتي ديري شي حاجة خفيفة
نزهة باستوو و شدات ليه يدو:عندي ولد واحد و مبغيتينيش نفرح بيه مستحيل😍
بتاسم وباس راسها : نتي هي ست الكل و عمارة الدار
حتى كيقاطعهم صوت من الخلف: وانا ميتفكرني حد
بتاسم ومشا لعندو باسو على راسو و عنقو : نت بابا و بلاصتك بوحدها
درب ليه على كتافو: كبرتي و غادي تولي راجل اولدي و نشاء الله نشوفو ولادكم قبل منموت
جواد هز راسو بآه و باس ليه يديه:الله يطول لينا فعمرك
شافوها داخلا و المعري كثر من المغطي خخخ و كي عود ند زعرا و عويناتها مايلين الزروقياا : عمي قولها ليه بان لي غير انا لي متحمسة اما هو ممسوقش و زيد مبغاش يدخل الادارة دياال شركة بابي قال لي غادي يرد كولشي بسميتنا ولكن هو رافض دوي معاك اعمي

🍾المشاغبة و الاستاذ🍾
تأليف:🍭شمس بناني🍭 ..
الجزء:الثامن
خنزر فيها جواد : هذاك تعب بابا و بااباك ميمكنش لي نجي ونديها باردة الا بغيت نطور غادي نطور بطريقتي و غادي نخدم على راسي حتى نأسس راسي ا إكرام نتي عارفاني ماشي من …
قبل ميكمل هدرتو قاطعو باباه: هذاك حقك وانا دمرت وخدمت ماشي باش تمشي تدمر حتى نت و ضيع صحتك و عمرك
درت هدشي باش تجي نت و تلقاه هكا وتزيد تعطي فيه اولدي ماشي باش تعاود كولشي من زيرو
جواد: بابا
حط يدو على كتافو: لكنتي ولدي و عزيز عليك باباك وافق و خود بلاصتي
جودا بقا ساكت شحال : ولكن بشرط
باباه قوس حجبانو : شناهو هد شرط؟
جواد: نبقا فخدمتي كأستاذ
غوبش الحاج المرزوقي:ولكن مغاديش تعياا وترهق راسك
جواد: مغادي نتعب والو بالعكس غنكون فرحان متخيلش قداش دوك الولاد محتاجين استاذ لي يخدم معاهم و يزيد يعطيهم و …
بتاسم باباه : صافي لي بان ليك الله يرضي عليك اولدي
إكرام ضحكات : اوى نمشي نوجد راسي للخطوبة خخ
ضحكو كاملين و هي خرجات غادي طير بالفرحة غتزوج بجواد لي طول عمرها كتمناه راجل ليها و من صغرها تتبغيه
عنـــــــد_جـــــــوهـــرة
وصلات لدارهم طلعات بلادت حوايجها و قدات متاكل و جمعات دار غسلات الماعن شافت الباب تحل عرفاتو باباها ..
شافتو ومشات تتجري لعندو عنقاتو على غير عادتها : بابا توحشتك
عنقها وعرافها باغا شي حاجة حيت غير فش تتكون باغا حاجتها كتمسكن خخ وشكون منا مكيتمسكنش باش ياخد لي بغا : مممم شنو كاين
جوهرة غوبشات :وااه ابابا نعنقك غير لبغيت حاجتي
صغر فيها عويناتو: وعمري عقلت عليك تتعنقيني بلا متبغي شي حاجة

🍾المشاغبة و الاستاذ🍾
تأليف:🍭شمس بناني🍭 ..
الجزء:التاسع
جوهرة: الله يسمح ليك ابابا كضلمني
ميل راسو وشاف الطبلة عامرة بالماكلا:هدشي لي ؟
جوهرة هزات راسها ببراءة: ليك ابابا
گلسو وتغداو و جمعات جوهرة الماعن : اوى ابابا لباس عليك
خدا كاس دالماء و شرب منو: شحال ديال الفلوس بغيتي ؟
جوهرة ضحكات حيت عرفها باغا حاجتها: صرحة ابابا مبغيتش الفلوس بغيت حاجة خرى
شاف فيها بمعنى شنو ؟!…: ياك المدير صاحبك بغيتك دوي لي معاه باش يحولني القيسم اخر
شاف فيها و هو مفاهم والو: وعلاش باغا قيسم اخر علاش مال هذا؟ واش كيتبسل عليك شي واحد؟
جوهرة :لالالا ابابا غير توقيت ديالو خايب بغيت نتحول قيسم الثاني
دار ليها براسو واخا :واخا غندوي مع عبد الله (المدير) غذا سيري للقيسم الثاني
ناضت تتنقز و مشات باستو:شكرا ابابا
عنقها وهو كيشم ريحتها تماما بحال ريحت المرحومة ماماها ريحتهم نفسها كي المسك بتاسم و طبطب على ظهرها: هانية ابنتي
طلعات جوهرة تتنقز فالدروج و دخلات لبيتها
اما باباه دخل بيتو يرتاح وهو يشوف صور ليهم فش يلاه تزوجو و صورتو مع بنتو و هي صغيرة : كبرات بنتنا جوهرة و هي بحالك تماما ماشي كتشبه ليك غير فالوجه و سميتها لا حتى فتفكيرها و حتى فتصرفاتها توحشتك بزاف اجوهرة توحشتك..
قالها ورجع تكا و هو كيتفرج فالشريط ديال عرسهم..
جوهرة فش تولادت ماتت ماماها داكشي علاش سماها باباها على سميت ماماها وفعلا طلعات نسخة عليها..😍

🍾المشاغبة و الاستاذ🍾
تأليف:🍭شمس بناني🍭 ..
الجزء:العاشر..
صبح صباح جديد..
ناضت و لبسات ليوم غادي تقرا هي و صحبتها فرحانة فوق القيااص خدات صاكها فيه كتاب واحد خخخ دليل على الاجتهاد و المواظبة طلعات فطرونسبور لقات صحبتها فبلاصتها باستها و گلسات حداها: اوى الالة ليوم نقراو بجوج
نادية:بصح؟
جوهرة:والله يا ختي.
نادية: يااااحليلي
بداو يضحكو و يقهقهو و فرحانات خخخخخ
دخلو لقيسم عند طيابة( استاذة ديال تربية اسلامية) الالة
وليوم عندهم امتحان ولالة نادية و جوهرة مقاشعات والو
نادية: شنو غنديرو اصحبتي
جوهرة: عندي فكرة مزيانة
نادية: شنو هي
جوهرة بتاسمات وهزات يديها: استاذ ممكن نمشي الحمام
الطيابة صغرات فيها عينيها حيت عارفاها مشاغبة من درجة يهودية و شيطان طالب يدير عندها سوايع خخخ: سيري
بتاسمات بشر و خشات مطبوع مور ظهرها..مشات لحمام
دازو دقايق و الاستاذة يلاه كتفرق الوراق و هي دخل جوهرة وگلسات
نادية:فين مشيتي اساطة
جوهرة : شششش شدي خشيه فشكارة
شدات مطبوع خشاتو فشكارة لي معرفينوش هد الاستاذة تموتي و متنقليش عندها عينيها بحال شي كاميرا و دايرة بحال البيتبول خخخ تتشم نقيلة عند بعد كيلوميترات
جوهرة جبدات كول الميني بوط لي لابس و هي تشهق : دايرة نقيلة فصدرك ابنت العبد
جوهرة ضحكات بشر :شششش وشنو ياكما بغيتينا نسكنو فهاد ليسي و لا عجبك نقراو مع وليداتنا كنبانو كي مواتهم سكتي سكتي
نادية:ناااااري و تحصلنا اصگعة غادي تخورنا
جوهرة:شش غير سكتي اساطة متخافيش
بدا الامتحان و كولشي حاني على ورقتو والاستاذة تتدور بين صفوفة حرم واش دوز نقيلة واخا تعواجي خخخ
نادية حانية على الورقة و جوهرة حاضية الاستاذة ضور
غير كضور و هي تجبد تشوف فصدرها و تبدا تكتب و نادية تتنقل و تغطي عليهاا
جوهرة يلاه بغات ثاني تشوف و هي تقشعها خخخخ طيابة
وهي تجي تتجري : اشنو داكشي تماك اديك سليعفانة
جوهرة:والو
طيبانة:هااااي هااااي والو حيدي نشوف
جرات ليها كول و هي تشوف صدرها عااامر بالوراق قطعاتهم من المطبوع

🍾المشاغبة و الاستاذ🍾
تأليف:🍭شمس بناني🍭 ..
الجزء:الحادي عشر…
طيابة بدات تتصفق بيديها 👏🏻: مزيان مزيان الالة نتي لي جات معاك نقلي نقلي
شافت فمنظيظرات (المكلفة فالقيسم مكنيين عليها نظيظرات خخخ حيت من داك نوع لي داير نظاظر و قراي وزقرام و قواد الاستاذ ): سيري ابنتي جيبي الحارس العام
مشات كطير حتى هي عيطات لو و لالة جوهرة تتشوف فنادية لي ولات ترعد و دير ليها بعينيها غير سكتي و كالمي..
شوية دخل الثور (مكنيينها على الحارس العام حيت غليض خخخ): هاي هاي هاي على جوهرة العلاوي دايرة لي ثاني النقيلة باغا تنجحي بالغش ادوي
جوهرة وقفات و تمات غادة لعندو : اوى قال المثل من نقل انتقل و من اعتمد على نفسه بقيا في مكانه اسي الحارس
الحارس عارف لسانها سليط و كترض الهدرة : ياك الكسولة
جوهرة:ايييييه حدك تما راه كنحتارمك غير على شيب لي فراسك اداك ثور
كووولشي بدا كيضحك و يخراو بضحك و ثور مرضاش : زيدي قدامي
هبطها الادارة و دخلها عند المدير : سي المدير شوف هد خيتي معاونة هي وصدرها فالنقيل
المدير خرج فيه عينيه و الضحكة غالبة عليه خخخخخ معاونة هي وصدرها فنقيل اعباد الله
جوهرة دموع هبطو ليها بضحك شوية جمعات ضحكة فش دخل باباها وهوما يتقلشو ودنيها..
سلم على المدير عبد الله : گلس امسيو العلاوي كي شتي بنتك راه بالاضافة الى انها تتغش تعايرات مع الحارس و ….
بدا كيعاود ليه على تصرفاتها لي باباها حافظهم خخخخ تنهد وشاف فيها وهي حانية راسها شوية تم داخل داك كحل العفطة شافتو وهي تكحل بالعماا
سلم مع المدير و باباها و حارس و گلس كيشوف فيها
مدير: بنتي جوهرة ديري عقلك

‎جوهرة مرضاتش قدام سي جواد هزات راسها بواخا و خرجات خلات باباها مع المدير و مشات لقيسمها فش صونات ساعة الثانية …
‎دخلو و رجعات للخلف كي العادة لقات نادية تتسناها: شنو وقع؟
‎جوهرة تنهدات وعاودات ليها
‎نادية: خخخخخخ معاونة نتي و صدرك فالنقيل الصگعة خخخخ هربني هد الثور واللهوالا ..
‎شوية شافوه داخل و عاقد غوباشتو
‎جواد گلس فالبيرو و شاف فيهم
‎هز صبعو و أشر ليها : هيييه نتي اجي لهنا
‎جوهرة شافت فيه وهي مصدومة وتتشوف فجنابها : انا؟
‎جواد: لا خيالك اه نتي و هاديك لي حداك بجوج بيكم اجيو هنا
‎ناضو زعفانات جوهرة مبغاتش دوي حيت يلاه كانت فالادارة مافيها لي ترجع ليه ناضت زعفانة و گلسو فالطاولة الاولى شيفورات خخخ
‎گلسو و بدا هو كيشرح ليهم
‎جوهرة فيها واحد العادة خايبة فش تتگلس تتهز رجليها لقيماطاا جواد ضار و شاف فيها هازة رجليها للقماطة ونطق بحدة:
‎نزلي رجليك للارض
‎جوهرة: مكنرتاحش ا استاذ الا نزلتهم
‎جواد: اه قولي مولفا ديما تهزي رجليك داكشي لاش
‎اوى يا المشاهدين سكتني ولد القحبة القيسم كامل تفرشخ علي بضحك 😑

🍾المشاغبة و الاستاذ🍾
تأليف:🍭شمس بناني🍭 ..
الجزء:الثاني عشر..
دازت ديك الحصة كي جهنم على قلبها و هي كدعي فيه..
خرجات و هي ساكت شافت باباها متكي على طوموبيلتو وكيتسناها و هو مغوبش
بغات طلع فالطرونسبور وتتمتم بشوية : ياربي ميشوفنيش ياربي
و هو يعيط ليها : جوووهرة
جوهرة وقفات و هي تتشوف فالارض : اوووف شافني
رجعات هزات راسها و شافت فنادية ديك شوفة ديال غير ترحمي علي مشيت فيها خخخخ
مشات لعندو و حل ليها الباب و طلعو فلوطو مكسيري مخلي غير العجاجة موراه..
طول طريق وهو ساكت وحتى هي معندهاش الوجه باش دوي خخخ
شافتو ضوبل طريق ديال دارهم اذن مغاديش بيها لدار
بدات تتدعي فنفسها ميكونش غادي بيها لمقبرة يقتلها و يدفنها فأرضها خخخ..
وصلو جنب ماكدو و نزل و حل ليها الباب و علامات الاستغراب على وجها علاش جايبها ماكدو
هبطات فش حل ليها : يلاه نتغداو
جوهرة تتشوف فيه مبتاسم و مفاهمة والو عادة كيغوت عليها و يحرمها من مصروفها ودابا فرحان و كيعرض عليها للغذاء
هزات راسها بواخا و تبعاتو
گلسو و طلب بيتزا و همبرغر و فريت ليها و كوما و مايونيز حيت كيعجبها بزاف
بدات كتاكل و تخشي فالفريت و تشرب فكوكا و هو كيشوف فيها شوية حسات بالكرسي لي جنبها تجر هزات راسها وهي تشوفو خرجات ليها المونادا من نيفها خخخخ وحلات ليها الدغمة خخخ
هز الماء و مدو ليها: بشوية عليك
جوهرة خرجات عينيها فيه: شكادير هنا (حولات نظرها لجيهت باباها ) بابا هذا شكيدير هنا؟
جواد: انا هنا نتغدا معاكم
جوهرة : مبغيتكش تغذا معانا عطا الله طابلات سير گلس فشي وحدة …قاطعها باباها بحدة: جوهرة حتارمي راسك
جوهرة سكتات
جودا:ماشي مشكيل مسيو علاوي عارفها قليلة اذب
باباها غوبش و جغم من كاس د الماء حشماتو مع سيد : سمح لينا مسيو جواد هي دايرة هكا
شاف فيها و نطق بحدة: مسيو جواد غادي يدير ليك سوايع زايدة فدار ابتداء من ليوم على الله واش طفريها هد العام الخطية
جوهرة شهقات و هي تتفكر جواد غادي يجي عندهم لدار و من فوق يقريها مكافياش تشوفو غير فالمدرسة غتولي تشوفو تا فدارهم خخخخ هذا راه كابوس فأبشع احلامها تتمنى ميوقعش هدشي

🍾المشاغبة و الاستاذ🍾
تأليف:🍭شمس بناني🍭 ..
الجزء:الثالث عشر…
دوزاتها بديك الموناضا و هو عارفها محاملاش الوضع خخخ تغداو و جواد و باباها كيهدرو و هي غير ساكت و كتاكل فصمت حريرتها حريرة سمعات صوت شي مساج وصلها هزاتو و شافتها نادية مسيفطا ليها مساج فيه شنو وقع كتبات ليها مساج فيه غذا نعاود ليك ..
وحطات تيليفون ناض باباها مشا لحمام
جواد هز عينيه وشاف فيها تتلعب بالفريت فالمايونيز: شبعتي؟
جوهرة هزات راسها و شافت فيه و خشات ديك الفريت فالفمها: شبعت الحمد لله ونت شبعتي؟
جواد هز داك همبرغر و عض فيه: مزال مشبعت
جوهرة دارت ليه ديك الابتاسمة ديال بزز وهمسات بشوية: تاكل فيه سم يا راس البرقوقة
جواد : ونتي راس القلم
جوهرة:سمعتيني
جواد جبد ليها و دنيها: راني ماشي صمك
شافت فيه و خنزرات
شوية جا باباها و سلم عليه بعدما خلص…
و خرجات هي و ياه وصلو لدار طلعات و دوشات
اما جواد خدا كوستيم ديالو من المصبنة و لبسو غير فسيارتو خخخ دخل لفيلا عامرة بالضياف و هو يشوفها قدامو: فين تعطلتي اولدي
جواد:الخدمة الواليدة
ماماه تتقاد ليه الكرافاط: ولدي سيد رجال ماشي كيف رجال
خخخخ اوى جواد تفرگع بضحك : ياك الواليدة
إكرام: راه عندها الحق راجلي سيد رجال
حطات يدها على صدرو و تتلمس فيه
شوية شافو باباه هاز معلقة كيدق بيها بشوية على كاس باش ينتابهو ليه الضياف : حم حم سيداتي سادتي مرحباا بيكم ليوم تجمعنا فالخطبة ديال ولدي جواد و بنتي إكرام الله يسعدهم و يكمل عليهم ياربي ..و اليوم ولدي جواد غادي يتسلم تسيير شركة ديالي هو و بنتي اكرام
وغادي نشربو نخب خطبتهم بصحتكم
هزو الكاس و شربو شوية تمشات اكرام و يدها فيد جواد لمنصة خشا يدو فجيبو و جبد خاتم و لبسو ليها و حتى هي و بداو الناس كيصفقو و كولشي فرحان بستثناء جواد لي غير مبتاسم مبايناش عليه علامات السعادة

🍾المشاغبة و الاستاذ🍾
تأليف:🍭شمس بناني🍭 ..
الجزء:الرابع عشر
مبيناش عليه علمات سعادة عكس اكرام لي غادي طير و تفرفر بالفرحة خخخ
شد كاسو و گلس مراقف هد الحفل و كيتسناه على احر من الجمر غير يتسالا و يكمل باش يطلع رتاح عياا…بحالا ربي ستاجب لدعواتو بدات الجوقة تفرتك و ناس كيمشيو و الام دياال جواد و اكرام و باباه مكلفين بتوديع الضيوف..
مشاو و رجع طلع حتى كيوقفو صوتها: حبيبي مغاديش توصلني
تنهد تنهيدة طويلة و رجع ضار بكامل جسمو لعندها: شوفي شيفور يديك عييت ا إكرام باغي غير نرتاح..
طلع بلا ميتسناا منها رد حيت فعلا جسمو نهار باغي غير يرتاح كيحس بالعياا
دخل تلاح على سريرو بكامل جسمو لدرجة محيدش حتى حوايجو بقا هكا…
طلعات و شافت ضوء فبيتو دخلات لقاتو ناعس بصباطو و بالكوستيم ديالو و مزيرة عليه كرفاط تنهدات و بتاسمات مهم كبر مزال كيدير هد تصرفات دراري صغار تحنات حيدات ليه صباطو و رخفات ليه كرفاط و حيداتها ليه و كوستيم و قداتو فنعاسو يلاه بغات طفي ضوء وشد ليها يدها و باسها وهو مغمض عيينيه كيحس بيها وبلمساتها وبيديها وعارف هي الوحيدة لي غادي تغطيه
رجعات باستو على راسو و طفات ضوء …
عند_جوهرة
بقات تتفرج حتى عييات معرفات وقتاش داتها عينيها و نعسات
دخل باباها وشافها ناعسة على الاريكة فصالون بتاسم و هو كيضحك على بنتو صغيرة المشاغبة هزها و طلعها لبيتها و هبط طفا ضوء و طلع ينعس…
اصبح_الملك_لله💘…
فاقت على ريحت القهوى شماتها من تحت الكاشا

🍾المشاغبة و الاستاذ🍾
تأليف:🍭شمس بناني🍭 ..
الجزء:الخامس عشر..
فاقت على ريحت القهوى شماتها من تحت الكاشا خخخ
بتاسمات فش شافت ساعة 12 ديال نهار ليوم السبت مكتقراش كيخليها باباها تفيق وقتما بغات هبطات من سريرها و مشات كطير
هبطات لقاتو حاط البيض و القهوى و الكومير فطورها
گلسات تتاكل و هي لبسا غير شورط و بودي ديالو
شافت الورقة معلقا فثلاجة بلي غادي يجيب شي تقدية خاصة لدار من سوبير و غادي يرجع
بدات تتنقب و تاكل شوية سمعات صونيت ديال الباب
ناضت تتنقزز : بابا بابا انا جايا
حلات الباب و تلاحت عليه عنقاتو خخخخ شويا رجعات بعدات تتشوف فيه و عينها خارجين مصدومة :نتاااااا
بتاسم : صباح الخير باينة يلاه فايقة
جوهرة خنزرات فيه : علاش جيتي لدارنا
جواد حيدها من قدامو ودخل و هي تابعاه تتغوت : اسي لاش جاي ليوم سبت واش يلاه كنتهنا من كمارتك فليسي تجي تبعني لهنا؟
جواد ضار وشاف فيها : اه تتهناي غير من كمارتي اما صحابك متتهنايش من كمارتهم
سكتات و بلعات لسانها تفكرات ديك المرة شافها عاصرة حدا الباب مع واحد الدري حتى هو مضوبل كثر من مرة
گلس و هز قهوتها شرب منها:ممممم بنيناا
جوهرة بدات تتقلدو : ممم بنيني سير الله يوكلك الجغديد تتحرم علي حتى عطلتي
مشات گلسات تتشوف فيه بنص عين شافها و خنزر فيها:كوليني
جوهرة صغرات عينيها : مضاقك كي الفار مشوي مكيعجبنيش
شاف فيها و حبس ضحكة:عجبني راسي
ناضت و مشات تجاهو وهو كيشوف فيهاا وحاضي حركاتها تحنات عندو زعما تبين صدرها و هو ينطق: والله معندك بلا متحاولي تبينيه

🍾المشاغبة و الاستاذ🍾
تأليف:🍭شمس بناني🍭 ..
الجزء:السادس عشر..
جوهرة ضغيا جمعات راسها ووقفات مستاقمة طلات على صدرها و غوتات و طلعات تتجري فدروج مخليا جواد كيخرا بضحك …
طلعات لبيتها شافت فصدرها فالمراية : تفو شو كيدايرة كي الوصلة هد الهرمونات مايعرفو يكبرو لا الصدر ولا الكر
تيعرفو غير يجهلو الزغب تفو..
بدات تنتف فشوية دالزغب فيديها …
و مشات دوش بينما هو تحت گالس
جبد شي خطاطات دياال المهبل و العضو الذكري باش تخدمهم جوهرة
حطهم ليها و مشا لكوزينة خدا كاس ديال اللبن و شربو
…دازت ساعة وهاهي ست الحسن هبطات لبسا سروال فضفاض و كيطما
هو بقا فكوزينة كيشرب اللبن عجبو خخخ شافها هابطة : خدمي المخطط ديال المهبل
جوهرة شافت فالمخطاطات ولات حممممرة قالت فنفسها: حقير مكيحشمش الماسخ..
گلسات و خدات مخطط كتخدمو
جواد شرب اخر كاس فديك القرعة و جا لعندها: انشوف كملتيه
خدا و هو يلقاها خادمة المخطط ديال العضو الذكري و عاطياه سمية الفشلوق خخخخ ضرب بديك الورقة و شاف فيها: وااش زامل بوك معارفاش حتى قزيبتك كي دايرة ادوي اوجه الكانون متعرفي تختاري متعرفي تقراي

🍾المشاغبة و الاستاذ🍾
تأليف:🍭شمس بناني🍭 ..
الجزء:السابع عشر…
تنهد و گلس و هو غادي يطرطق عمرو شاف بحال هد الكلاخ جوهرة قاطعة الحس تنهد و جبد شي معادلات يخدمهم معاها :قربي جنبي
قربات حداه و بدا كيشرح ليها حتى شحف
جواد:فهمتي؟
جوهرة : لا
جواد تنهد وساااط بجهددد: اشدي هد القلاوي وتزيديه على هد الخرى وداك الحزاق كامل لي ايخرج دربوه فهاد الطبون فهمتتتتيييي؟؟؟(ورك عليها بجهد)..
جوهرة من قوة الصدمة هزات راسها بآه خخخخخ
ناض وشاف فيها : اعار ربي قولي لي واش عندك عقل ولا خميرة ديال العجين ؟
عرفاتو معصب حنات راسها مجاوباتوش و بدات كضحك
جواد: ضحكي ضحكي راه شايط على باباك زين
خخخخ لالالا هربني والله الا…
تحنى عليها و هو كيشوف فشفايفها قرب حتى جنبها شوية سمعو صوت الباب تنهد و سااط ومشا حل الباب كان مسيو العلاوي (اب جوهرة ) وموراه نادية خخخ
شافتها جوهرة وبدات تفرنس : دخلي ابنتي زيدي
دخلات نادية و شافت فصحبتها مشات عندها عنقاتها
جوهرة:شكديري هنا
نادية : غير جيت عندك
شافت فجواد و راجعات شافت فيها: شكيدير هذا هنا؟
جوهرة : اجي اجي
طلعو لبيتها وعاودات ليها كولشي ونادية تتموت بضحك..
شوية شافوه داخل حط ليهم كراسا : گلسو هنا
ناضو گلسو وحط ليهم شي تمارين : خدموهم نشوف
گلسو كيخدموهم
نادية هزات راسها وهي تنطق: شوفي المعلم قداش و زايدو مادو علينا
اوى يا المشاهدين لالة جوهرة طول الله فعمرها هزات البيت و حطاتو بضحك
جواد: جمعي فمك ونتي نهار كامل تفرقي فالابتسامات
جوهرة تجمعات اما نادية مشات تتجري لحمام
تحنى عليها و عينيه فعينيها..

🍾المشاغبة و الاستاذ🍾
تأليف:🍭شمس بناني🍭 ..
الجزء:الثامن عشر
جوهرة تجمعات اما نادية مشات تتجري لحمام خخخ هربانة منو..
اما جواد تحنى لمستوى جوهرة وشافت فعويناتها العسليين و المشفرين وهي حابسة ضحكة بزز كتشوف فوجهو و ضحكة غالبة عليها اما هو معصب و طالع ليه زعف دوى و هو عاض على سنانو : والله يا يماك و متبتي معايا حتى نشلضك
جوهرة : تشلضنب ماشي دجاجة
جواد: بنسبة لي حشرة الكسولة لي حطاتك
جوهرة خرجات فيه عيينيها على جهدهم وقفات و عينيها فعينيه: الكسولة هي مك متسبش لي مي و والله حتى نوريك نت دابا ماشي فقيسم ا سي جواد نت فداري و فحوزي و ملكي و بربي تا نوريك وجهي الثاني
جواد ربع يديه : وريه لي بغيت نشوفو
جوهرة : متأكد
جواد: كلا التأكيد
جوهرة: نت لي بغيتي
هزات رجليها الى ما لا نهاية و جمعاتها معاه بواحد الركلة فحجرو خخخخخ بغات تقتل ليه ولادو مسكين شدو و تحنا طايح شافت فيه و عينيها خارجة فيهم شرارة: شد فيه اسي جواد هدشي لي تستااهل و وجد راسك نت لي بديتي الحرب و غادي تشوف شر ديالي
جواد ناض بغا يجمعها معاها بصقلة وهي تخوي ليه ولوات ليه يدو : جمع يديك الا كانو شايطين عليك
دفعاتو على سريرها : نت كتجي باش دير لي سوايع ماشي باش تهز عليا خنشوشك و يديك اهاد راس البوطة
خخخخخ لالا جوهرة ولات بانظام كحل العضام..
خرجات و الابتسامة تعلو محياها خخخ بسيف سيدة شرشماتو
بلا متصدمو راه جوهرة كي زوفري سيدة راه عندها صمطة الكحل فالكاراطي خخخ

🍾المشاغبة و الاستاذ🍾
تأليف:🍭شمس بناني🍭 ..
الجزء:التاسع عشر…
هبطات و لقات نادية گالسة فصالون هي و باباها كانو كيهدرو غير شافوها وسكتو..
شافت فباباها وشادة فكرشها: بابا فيا جوع
ناض وهو مبتاسم خخخ اووبس نسيت موصفتش ليكم باباها زوين و بگوص عندو 45 سنة خخخ و لكن من امثال الرجال الوسيمين الاربعنيين اوى يا لالة و ياسيدي ناض على سعدو ووعدو كيحط الغداء للعزبة ديالو شاف فيهم و علامات الاستغراب على وجهو: فيناهو جواد؟!!
جوهرة بدات كتكحكح نساتو بلي عطباتو محيلتو لتبو مسكين كلا دق و يدو لي لواتها ليه : معرفتش ابابا خليتو كيوجد لي شي تمارين
باباها شاف فيها ونطق:واخا
يلاه ايبداو ياكلو وهوما يسمعو صوت صباطو هابط مع دروج : بديتو تغداو بلا بيااا
بتاسم باباها و ناض : والله حتى يلاه سولت عليك تفضل
گلس جواد و شاف فيها ديك شوفة ديال غير صبري طيحي بين يديا و بداو كياكلو فصمت حتى بدا كيدوي بابات جوهرة و كيعاود ليهم على طفولتها و شحال تتكره ضفادع و فش كانو كيخلعوها بيه فصغرها و شحال تتخاف من البحر و المسبح عندها فوبيا من البحر و لبيسين و طبعا جوهرة تتحاول تخليه يسكت و هو عاد مكيزيد يعاود ليهم خخخخ
تغداو و ناضو
جواد موجه هدرتو لبابات جوهرة: ممكن ناخد جوهرة ليوم لحديقة الحيوانات؟؟
بابات جوهرة بستغراب: علاش
جواد: غير حيت بغيت نشرح ليها شي حوايج فضلت تكون فطبيعية غادي يتحطو ليهم فالباك و منها تغير الجو شبان ليك
شاف فيها و هي تتهز راسها بلا :واخا ممكن ولكن متعطلوش
جواد بتاسم: كون هاني هي أمانة عندي
جوهرة نقزات و شافت فصحبتها غادية غادية لجهنامة اللهما ديها معاها: نادية حبيبة تمشي معايا
نادية شافت فجواد لي باينة مخطط لشي حاجة و شافت فصحبتها: لا احبيبة غير سيري غنمشي لدار غتكون ماما تتسايني
خخخخ خرجات كي شعرة من العجينة سيدة خايفة على راسها جوهرة خرجات فيها عينيها بمعنى واخا على زاملبوك حتى نشدك خخخخ

🍾المشاغبة و الاستاذ🍾
تأليف:🍭شمس بناني🍭 ..
الجزء:العشرون
اب جوهرة: هانا غنمشي نغسل هد الماعن و نتي ابنتي طلعي لبسي حوايجك
هزات راسها بواخا…
جوهرة شافت باباها مشا لكوزينة و نادية مشات لحمام و بقات غير هي وجواد لي كيبتاسم بشر جميع المؤشرات كدل على انه ناوي يفديها فزامل بوها خخخخ
جوهرة خنزرات فيه: شوف اداك تامل والله ودير لي شي حاجة و لا يقول ليك داك العقل الملوث ديالك شي فكرة غبية باش ديرها لي تا نقسمك على ربعة (وتتهدرو بصبعها السبابة خخخ) ورااه عندي الصصصمطة الكحا فالكارطي
جواد خنزر فيها : قلتي زامل ياك؟
جوهرة و بكل ثقة : وي ماشي راجل
جواد بتاسم و غمزها: مني نمشيو الحديقة نثبت ليك رجولتي و واش زامل ولا لا😉
خخخخ مشات تتجري
طلعات و هي تتلعن حضها و تفكر شنو ممكن يكون موجد ليها حيت الهضرة ديال يشرح ليها فطبيعة غير كلام و صافي باش يقدر يديها معاه بدات تتفكر ياكما غادي يغتاصبها تماك بدات تجبد فحناكها و تضرب راسها اش داها ضربو گااع و شداها تسبو و تقلل من رجولتو صايي غير تودع العزوبة حسن ليها 😭😭 ناري هادي هي نهايتها: ياربي شنو غادي ندير شنووو..ولكن والله يا باباك و تحاول تقيسني والله حتى نجبد عينيك و لعب بيهم اللبي ولكن بلاتي خاصني نمشي مسلحة
مشات تتجري دخلات البيت الحوايج خدات 4 سراول و بلا منحسبو شورط و كيلوط بدات تلبسهم كاااملين حتى ولات كي الكرة : يلاه دابا ارا متحيد لي فسراول ولكن بلاتي
مشات تتجري خدات بخاخ الفلفل :غير تمد يدك ترش عليك هد الفلفل و لوحك لشي سبع تماك ستغدا بيك خخخخ
بدات كضحك كي المسطية
وجدات المعدات و سروال الصوف لي لبسا كيقرصها فلحمها غادة و تحك بين رجليها

🍾المشاغبة و الاستاذ🍾
تأليف:🍭شمس بناني🍭 ..
الجزء: الواحد والعشرون
هبطات و هو يشوفها و دار ديك الابتسامة الشريرة خخخ
سبقها لوطو و هي ركبات معاه شافت سيارتو زوينة بزاف باباها و معندوش و هو غير استاذ كي دار ليها دوراتها فراسها و هي تفكر يمكن سيد خدام مع اسرائيل و كيتخبى فتعليم ولا كيدير التجارة فالاعضاء الداخلية شوية شهقات ياكما خاطفها باش يدبحها و يبيع كلوتها و قلبها شوية فكرات ياكما كيخطف دريات ويبيعهم يمكن بداو افكارها يديوها و يجيبوها و هي مخدمة دماغها خخخ
شوية شافتهم وصلو لحديقة و هي ترتاح نسبيا دنيا هانية دابا كاينين بزاف ديال ناس هنا
هبطات و بدات تتحك ثاني
ضار جواد وشاف فيها: مالكي تتحكي شادك بوتفتاف؟
شافت فيه و خنزرات:شاداني العروسة تفو
بتاسم و عطاها بظهر: غير هدري غنشوف واش مزال غادي تقدري دوي
دوز ابيل و بعد عليها وبدا كيهدر مع شي واحد و هي كتشوف فيه
شوية رجع عندها: يلاه نشوفو ديك جيهة
شافت فااجهة الاخرى خاوية مفيهاش ناس بزاف ضوراتها فدماغها ياكما باغي يكويها تماك الله ياربي الله اخر يماتها تهز رجليها جنب الزرفات و القرودة خخخ
خايبة حتى لتعاويداا اول كوية فحديقة الحيوانات خخخ
وكلات على الله و بخاخ الفلفل فيدها مخبيا بين صباعها لي كيرعدو خايفة منو شوية ثاني بدات تفكر تتشوف شي بيت تماك ياكما غادي يدخلها لبيت وصلو و هو مبتاسم : اجي لهنا
قربها لواحد البركة مووووسخة و فيها شي اعشاب بحال المستنقع وقفات تتشوف فيه اش جاو يديرو هنا يلاه غضور دوي معاه و هي تزلق او بالاحرى هو لي دفعها لديك البركة غي طاحت وزعزعات الماء و بداو الضفادع ينقزو فوق راسها خخخخخ و هي تتغوت و تشبط فالماء : وااكواااك عتقوووني راني غادي نموت واااعععع ضفادع تتنقز فوقي تتكويني فماء ياربي
بدات مسكينة تبكي و تغوت تتكره ضفادع و الماء و هو واقف كيضحك و داير ليها فيديو خخخخ

🍾المشاغبة و الاستاذ🍾
تأليف:🍭شمس بناني🍭 ..
الجزء: الثاني و العشرون
بدات مسكينة تبكي و تغوت وتتكره ضفادع و الماء و هو واقف كيضحك و داير ليها فيديو
شافها بدات تغطس فداك الوحل وقف الفيديو و الضحكة واصلة لودنو و خشا تيليفونو فجيبو..
ومد ليها يدو شداتها و جرها خرجها من المستنقع كلها وحل حسات بشي حاجة تتمشا فيها و قريبة لطوطو ديالها خخخ و بدات تنصل فدوك سروال وتقول منصلات لبسة ماريو د سراول
جواد: ويلي ويلي واش زملتي طلعي سروالك ماشي واش سخن عليك الحال..
وهي ممسوقاش ليه كيتحيد دوك شانطة دسروال حتى بقات غير بسليب و هو يطيح منها شرغوف صغير (ابن الضفدع و تيكون بحال شي خنونة خخخ فماء و كيتحول بمراحل باش يولي ضفدوووع)…
شافت فيه وبدات تنقز و تمسح فلحمها و دموعها شلال على خدها قلبها غادي يسكت تتكره ضفادع شافت فيه و دموعها محجرين تتشوفو كيضحك عليها بينما هي قلبها كيغلي كرهاتو
حيد جاكيطو قرب ليها بغا يلبسو ليها
دفعاتو تا كان ايطيح و بدات تتمسح دموعها و خرجات تتجري من الحديقة
طالقة رجليها لريح وصلات جنب واحد الاستراحة ديال المازوط و گلسات تتبكي و تشهق و تهرنن و تنخصص ابوحدها فهاد نصاصات الخلا ودنيا خاوية تتبكي و تمسح خناينها بطرف كمامها: قالتها جداتي هئ هئ واخا الكاس يولي كسكاس عمر ولد القحبة ما يولي ولد ناس الكلب لي حطو الله ياخد فيه الحق الحقير لخر 😭😭😭😭
ناضت و شافت فحالتها تقسم عليها حمقة و هاربة من بويا عمر
كملات طريق على رجليها و فيما تسمع شي صوت توقف و تبدا تشوف فجنابها..
بدات تتبكي ثاني شافت واحد الكاميو جاي و مشات تتجري وقفات فوسط الطريق حتى وقف مشات تتجري عندو:عفاك اسيدي و صلني غير وسط المدينة
شاف فيها و فحالتها خاف على راسو جوهرة لحظة تردد ديالو: شوف اسيدي انا ما شفارة ما لوح عليك الباطل غير تعرضت لسرقة و صافي ومعندي باش نمشي عفاك اخويا عاوني عفاك
هز راسو بواخا :طلعي
بتاسمات و مشات تتجري طلعات فمؤخرة الكاميو تتشوف راسها لبسا غير شورط تحتاني و تريكو من فوق و كلها عامرة بالغيس و الماء و ريحتها تعطعط..
عند_جواد
خرج من حديقة كيقلب عليها بعينيه وتقول واش لقا ليها الاثار تقول الارض تحلات و بلعاتها
جواد:فين غتكون مشات هدي وحلة صافي شنو غنقول لباها لسولني.
بدا كيخمم شنو يدير و كيفكر…
فبلاصة_اخرى…
كان ناعس فوق سرير عريان و هي جنبو حاطا راسها على صدرو لي فيه شوية زغب..

🍾المشاغبة و الاستاذ🍾
تأليف:🍭شمس بناني🍭 ..
الجزء: الثالث والعشرون
راسها على صدرو لي فيه شوية زغب مخلط بين الاسود و البيض ..باس ليها راسها عارفة هدشي مغاديش يكون ساهل لعرفات عارف بلي دار خطأ كبير فاش طاح فشباكها و فاش بغاها و الفارق الكبير ديال سن بيناتهم
شاف فيها و هي ناعسة على صدرو علاقتهم كثر من 3 سنوات وهي قائمة و بسر بعيدة على انظر الناس بعيدة على اي واحد علاقتهم لي ممكن يطلق عليها العشق الممنوع 💔…شافها بدات تفيق بتاسم وباسها على راسها: فقتي احبيبة
بتاسمات فوجهو: كنبغيك
باسها و ناض لبس غير بوكسور لبس عليه سروال نايكا و قاميجاا ضور وجهو لقاها مزال ناعسة شافها كيف متكيا على سرير و جسدها المغري و صدرها الفايض ليهونش ديالها و مؤخرتها وبتسامتها عويناتها لي كيبريو شفايفها لي العسل كيتقطر منهم:نااادية
نادية : حبيبي عمر
عمر (الاب ديال جوهرة ): نتي فرحانة هكاا؟
نادية فهمات قصدو ناضت و هي ملبسا والو تمشات لعندو و تعلات على طراف صباع رجيلاتها: انا مرتاحة وفوق القياااص كنبغيك لا ماشي غير كنبغيك انا راني هااايمة فحبك انا رااني نموت بلا بيك عارفة بلي مزال برهوشة ولكن راني نموت الا بعدتي علي اعمر نموت
بتاسم و هو كيقربها ليه
نادية بادلتو العناق و مزال عندها واحد شك صغير كان صعيب بزاااف عليها توصل ليه كان من ساابع المستحيلات تخليه يشوف فيها بينما كانت عارفة حبو لكبير لمرتو الساابقة و وجود جوهرة فحياتو كيخليه يتفكرها بينما هي مراهقة ف 18 من عمرها كان صعيب عليها تخلي راجل فالاربعينيات يشوف فيها صحيح الراجل كيبغي صغر و البنت الصغيرة و لي تخليه عايش شبابو واخا كبر ولكن هو ماشي اي راجل هو داك الشخص لي نااضج و اب من فوق و حاط بنتو فالمرتبة الاولى ولكن رغم ذلك كان ديك البنت المراهقة الجامحة لي دير على قبل شخص لي باغا المستحيل كانت ديما تتشوفو كيجي يدي جوهرة من ليسي فالاول سحاب ليها خوها ولكن فش تعرفات على جوهرة عرفات بلي باباها فقدات الامل للحظة ولكن فرحات فش عرفات بلي مراتو مية ستغلات صحبتها و بدات تتجي عندها لدار و بدات تقرب منو شوية بشوية بدا يطيح فشباكها حتى جا نهار دارت جوهرة حفلة عيد ميلادها..و تستاغلت تأخر الوقت وطلب منو يوصلها وهي عرافة مزيان دارهم خاوية ستغلات انوثها صغرها وطيشها ورجولتو اشتياقو لأنثى بين احضانو

🍾المشاغبة و الاستاذ🍾
تأليف:🍭شمس بناني🍭 ..
الجزء:الرابع و العشرون
رجعات للواقع بعدات شوية و باستو ثاني فعنقو: حياتي غندوش قبل متجي جوهرة
عمر دار ليها براسو واخا و طلقها مشات لحمام دوش و هو بقا ناعس على سريرو…
عند_جوهرة
وصلات الحي ديالهم شافت البناية فين ساكنة قريبة شكرات مول الكاميو و هبطات تتخبا بين الطوموبيلات و تتسلت بشوية باش توصل بلا ميشوفها حد مافيها لي يتشوه ولكن حالفاها فيه ترضها ليه ترضها ليه :واخا اسي جواد خلاوها خوتنا المصريين انا وراك وزمن طويل و غادي ندمك الحقير ابلاتي …
#عند_جواد
عيا مسكين ميقلب عليها ركب لوطو ديالو ومشا يتأكد واش رجعات لدارهم مافيه ميتصادع مع باها..
ركب فلوطو و كسيراا …
نادية خرجات من حمام و لبسات حوايجها هبطات والمنشفة فشعرها تتنشفوو مشات لكوزينة خدات الكاس دالعصير تترشف منو :نادية شنو كدير هنا
طلقاات الكاس من يدها ..ضارت وشافت فيها و التوتر بااين على وجها وقلبها كيضرب بجهد معارفاش باش تجاوبها شافت فحالتها و هي تلف ليها الموضوع: جوهرة انا كنت ..بلاتي نتي مالكي فهاد الحالة شكون دار ليك هكا اصاحبتي
جوهرة تنهدات و مشات تتغسل وجها من الغيس..: اصاحبتي بزاف بلاتي ندوش و نهبط نعاود ليك
نادية دارت ليها واخا براسها ،طلعات جوهرة لبيتها ومشات دوش
نادية نشفات شعرها بزربة و تتفكر فشي كدبة بينما عمر رجع نعس…
بقات غادة جايا تتفكر فشي كدبة تتفكر وتعاود تفكر حتى شافتها نازلة لبسا كسوا حد الركبة خفيفة ديال دار فيها نونوس فوسط و شعرها طالقاه وفازگ هبطات بزربة ودازت كوزينة خدات تفاحة و مشات گلسات جنبها
نادية:عاودي لي مالكي كنتي فديك الحالة
جوهرة عضات من ديك تفاحة تتخوي فيها سمها : بلاتي بعدا نتي شنو مزاال گالسة تديري فدار ياك قلتي لي غتمشي ماماك غتكون تتسناك؟
نادية : لا راه مشيت و فطريق واحد الحقير مول طوموبيل رش علي الما الموسخ و وسخ لي حوايجي و كولي ورجعت لقيت باباك وحل لي الله يكثر خيرو طلعت دوشت و صافي وخلي حوايجي ينشفو و لبستهم وصافي و نتي
جوهرة:اه تفو الله يلگيها لاي ولد القحبة فهاد المغرب تفو تفو
نادية:مالكي اصاحبتي عاودي لي

🍾المشاغبة و الاستاذ🍾
تأليف:🍭شمس بناني🍭 ..
الجزء: الخاامس و العشرون
جوهرة يلاه ادوي سمعات صوت الباب :بلاتي نشوف شكون
ناضت طافجة حلات الباب وهو يبان ليها الحقير واقف :نت اش جاي مزال دير هنا ياكما جايب لي شي سطل ديال ضفادع نعوم فيه ادوي
جواد بتاسم : هذاك كان جزء صغير باش تعلمي تهزي عليا و تبيني ليا مهاراتك فكراطي تفكري هذ درس الغزالة (غمزها) مهم جيت نتأكد واش جيتي لداركم يلاه تشاااو و متنسايش غذا غنجي ثاني من الافضل لقاك خادمة تمارينك
مشا و لاح ليها بيزو فالهواء..
ضربات بالباب حتى كان ايتحيد من بلاصتو ورجعات گلسات جنب نادية
نادية:شكون ؟
جوهرة: لي حواك
نادية بتسائل فخاطرها:ياكما عمر
جوهرة:شنو من غيرو زامل ديال الاستاذ
نادية :مالو شدار ثاني؟
جوهرة:قولي شنو لي مدارش
نادية: ياكما صگعة
جوهرة:ولا اساطة ….(عاودات ليها من الاول للاخر )
نادية تفرشخاااات بضحك تتضحك و تعيط على لي يضحك معاها
جوهرة خنزرات فيها : ضحكي ضحكي شايط على مك زين نوضي قودي لداركم راه قرب الحال يضلام
نادية عاد عاقت على راسها:اه بصح نااري كرشي ضراتني تا هد جواد صدق مساهلش ولكن شنو غديري ليه؟
جوهرة بتاسمات: الا دوزتها ليه مغتكونش سميتي جوهرة العلاوي بربي تا غادي نخليه يندم على نهار لي دفعني جنب دوك ضفادع ابلاتي
تسالمات معاها و ودعاتها..
رجعات طلعات لبيتها يلاه بغات تنعس طاحت عليها واحد الفكرة
جوهرة:ممممم
ناضت و هزات البيسي ديالها وطلقات الويفي دخلات الفيس و بدات تتقلب عليه كتبات سميو فالفيس ووطلعو ليها بزاف ديال الكونطات بدات تتقلب حتى طاحت عليه ..بتاسمات بشرر:مممم هاااهواا
دخلات و لقاتو اخر طوف حطها من شهر سيد گاع مكيشوف فالفيس ولا يدخل ليه بدات تتقلب فتصاور محاطش تصاور بزاف يلاه بغات تخرج وهي تشوف واحد طوف دخلات كطير ليها بانت ليها طوف فاش كان مزال كيقرا و الحبوب فوجهو كان فمرحلة يلاه كيبلغ بدات كضحك خداتها و بتاسمات بشر: سي الاستاذ كون واجد لهاد صدمة …

Leave a comment