Skip links

قصـة : أحلام العمر ج1

 7,012 عدد مشاهداات

قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت: 1 💐💙
_فجلسة قدام باب دار كتلعب كأي طفلة فعمرها…لبسا كسيوة قصيورة فلابيض…وقدامها تراب اولا طين…تسمعات اسمها…
…. : وجدان …
_هزات راسها وشافته قدامه غير شافته ناضت تجري وتلاحت عنقاته ….رغم يديتها لي عامرين بطين وتراب لي كانت كتلعب بيهوم…
وجدان : بابا….
لاب (مبتاسم) : شنو كاديري الباسلة ياك قتليك مبقيتيش تلعبي فتراب توسخي حوايجك…
وجدان(بحزن) : ماما لي قاتليا خرجي عليا من دار…
لأب(باسف) : هفف غير تكون بغات تخمل ابنتي دكشي باش(بتاسم) كليتي شي حاجة بعدا مم…
وجدان(بنفي) : لا ابابا مكليت والوا وفيا جوووع(كتعبر بيديها) قد هكة…
_لأب(موسى) : تنهد من هاد لمعاملة لي ولا يشوفها ديما…رجع نظاره ل وجدان…
موسى : مم صافي أنا غاندي بنتي لحانوت نشريليها لي بغات…
وجدان(بفرح) : ونجيبو تالخويا أشرف وختي نادية صافي ابابا…
موسى(تنهد بينه وبين نفسه) : نتي تفكري فيه وهوا ميعبركش ابنتي(بصوت مسموع) وخا ابنتي يالله…
_شد فيديها وتحرك هوا وياها مشا لحانوت خداليها لي بغات وخدا لخوتها أيضا…رجعو لدار… دار لي كانت غير سفلي يعني ناس على قد لحال…من أسرة فيها لأب(موسى) ولأم(مباركة)و أشرف ونادية…نادية لكبيرة بعمر 16 لعام واشرف 14 لعام…ووجدان أخر لعنقود بعمر 5 سنين…دخل لدار وحطها جلسات فلمراح ودخل لكوزينة معاجبه حال…
موسى : علاش خرجتيها برى…
مباركة(ببرود) : بغيت…
موسى : واش كتسطاي عليا نتي راه لبنت صغيرة وبرى شمس وخرجاها مخفتيش تمرض…
مباركة(شافت فيه) : شوووف ليرحمليك لواليدين بلاما تفقسني تاني على صباح را ه بحالها بحا ل خوتها ديما كانو برى عمر وقعليهوم شي حاجة…
موسى(خنزر فيها) : لاحولاة ولاقوة الى بالله موحال واش عندك شي كبدة ولا شي قلب نتي(وخرج فحاله)…
_غير خرج مباركة جبدات تيليفون من طبليتها لي كان يصوني…
مباركة : الوا ختي(سكتت شوية) وييه غدا نشاء الله نشدو طريق…يالله بسلامة …
_قطعات عليها وخرجات غير شافتها خنزرات فيها هيا لي تكمشات عند ختها نادية من شوفتها فيها….ونظرتها لي كتخلع خصوصا بلكحل لي ديرا لعينيها وحجبانها مطراسين بشكل يخلع….
(مممم شنو باليكوم فاول بارت علاش معملات مها ديرا هكة رئيك فلبداية بب متهربييش …. ❤🍒)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت: 2 💐💙
_داز نهار على أتم وجه…أكيد بمعاملة نقصا لي كتلقها وجدان من امها عكس باها لي حنين لدرجة كبيرة لافيها ولا فخوتها…صباح صباح جديد…كانت ساعة7دصباح…فاق موسى هوا لول توجه لكوزينة لقاها كتجمع لحلوى…
موسى: لاش كتجمعي دكشي تاني…
مباركة(خرجات فيه عينيها) : غانديهوم لمي وختي مالك…
موسى(خنزر فيها) : اي حاجة لقيتيها جمعي حب وتبن وديها فلخر قولي ملقيتو اش تاكلو…
مباركة(رفعات صوتها) : وصببااحاتو لله سيررر ليرحم باك فيق ولادك وبدل ساعة بخرى لاتعصبنيش…
موسى: شنو غانقوليك لاحولاة ولاقوة الى بالله معااك لاحولاة….
_دخلات نادية وعينيها معمشين مخنزرا فيهوم…
نادية : هلكتوونا بصدااع كل صبااااح كاع جيران فيقتهوم…
موسى(بحزن) : سم….
مباركة(قطعاته) : لاا اجي ضربيني حسسسن سيري ولا غانكمل لوالديك على لبارح غبري قدامي…
موسى : لاتغوتيشش على لبنت راه عندهااا صح…
_مباركة دكشي لي كاان فيديها زدحاته معا لارض…
مباركة: وخرجوووو ق*دو علييا واااش غانبقا نعودهاااا…
موسى(بنفاد صبر) : حسبي الله ونعم لوكيل فيك وفلهضر لي راكي تقولي حسبي الله ونعم لوكيل…
_قرب لعند نادية لي كتشوف فمها بشوفات خايبين بزايد وخرجو هوا وياها…مشا فيق وجدان واشرف…وكل واحد جمع دكشي لي يحتاج على قبل يسفرو فليل…داز نهار وصل ليل ساعة كتشير ل8 وقفين قدام لباب كيتسناو مباركة تجيب طاكسي…
وجدان بابا(شافيها موسى وبتاسم) : فراسك انا كنبغيك بزاف…
موسى(بتاسم بحزن) : تانا ابنتي نبغييك ليحفضاك ويخاليك ديما لفوق ويحميك من أي حد يبغي يأديك…
وجدان : اميين ابابا شكرا…
_لأب شاف فنادية بحزن وشاف فاشرف بدوره…قرب من نادية ونطق فودنيها بهمس…
موسى : بنتي نادية عينك على ختك صافي خاليك فجنبها ديما ليرضي عليك…
_يالله غاتجوبو بستغراب من طلبه لغرييب وقفات طاكسي ومباركة ركبا لقدام…ضربا عكر حمر وحجبانها لي مقدا بسراج ماشي لقلم على شكلهوم…ركبو كاملين وتحركو لمحطة لكران…كان لكار فين قطعو يالله وصل كل واحد ركب فمكانه…وتحرك لكار غادي…بعد مدة بدات شتا طيح خيط من سماء…ورعد ولبرق…لدرجة لارض ولات عمرا ماء سبحان الله….فوقت وجييز شيفور فقد سيطرا على لكار…تخرج خارج طريق وتقلب بلي فيه…قدر الله ومشاء فعل…
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت:3 💐💙
_نعسا كيف لملاك فلأرض فقط مفرشين فراش على حساب ضس لبارد…تتشعل ضو ودخلات لعندها مبتسما…قربات كتفيقها…
نادية : وجدان فيقي حبيبتي ليمشي ليك لحال…
_وجدان حلات عوينتها كتشوف نادية…وبانت بتساما مزينا شفايفها صغيورين…
وجدان : صباح لخير اختي كيصبحتي مزيان…
نادية(تنهدات) : امتا ولا فين عمرنا فقنا مزيان ليخد لحق وصافي…
وجدان(بتفائل) : متقوليش هك اختي خاص منين نفيقو يكو ن تفائل باش يدوز نهار بيخير…
نادية(بتسمات ليها بحزن) : نفس هضرتو(هبطات راسها باسف) ليرحمه ياربي…
وجدان(بتسمات) : مخاصش نتقلقو حيت هوا مشا غير عند ربي ماشي شي حد غريب هوا غادي يكون معاه تنهار تنلاقاو كاملين اختي (سكتات شوية) و وخا تعونيني اختي…
نادية(تنهدات وبتسمات ليها) وخا اختي…
_وقفات نادية وشدات فيديها وودورا يديها على خصرها…وجدان لي مكاليا بيها…هزاتها تجلساتها فوق كرسي كان قريب ليهوم…لي كان كرسي متحرك…
وجدان(حدرات راسها) : ختي انا نقد نحول نمشي برجل لحمام ماشي ضروري نمشي بهاد لكرسي …
نادية(بتسمات) : علاش مال لكرسي اختي راك بصعوبة باش كتمشاي وغايمشي ليك لحال اختي انا نعونك عرفاك تقدي تحولي وخا كتعدبي رجل وحدا متهزكش اختي(شافت فرجلها تانيا وقستها بيديها) س سمحيلينا اختي(بدموع فعينيها) مكانوش مصاريف دكشي باش ظطريتي تعيشي هك مكنش بيدي اختي…
وجدان(بتسمات) : انا مقلتش هادشي اختي باش نخاليك تحزني لا عافاك مكيعجبنيش نشوفك هكة صافي يالله ديني نتي وعونيني غايمشي عليا لحال…
_نادية وقفات بدون تنطق اي كلمة دفعات بوجدان لكرسي وخرجات بيها لبرى مكان توحد قدامهوم….داتها لحمام…بصعوبة لي تعودات عليها عونتها قدات حجتها…وطرفات حالتها وخرجو…غير خرجو لقاوها قدامهوم بحال مالك لموت…
وجدان(بحنية) : صباح لخير ماما…
مباركة(خنزرات فيها) : لغما نشاء الله تنقولك مبقيتيش تقوليلي مك…
_نادية كانت اتهضر تشدات ليها وجدان فيديها بمعنى سكتي وهيا تسكت…يالله غايزيدو تسمع صوته…
أشرف : لفييين تاني معا صباح…
_وجدان حدرات راسها بحكم عارف شغايقول تاني…لكن نادية خنزرات فيه…
نادية : سبحان الله اشريف وليتي حاس يعظيماتك وغبر عليا وجهك تاني فهاد صباح كدير بحال معرفهاش فين غادي اولا فين غادين…
أشرف(كرز على يديه) : منعرررف شنو غادير بهاد لقراااية(شافيها وعينيه يخرجو منهوم شرر) وحدا بلا رجلييين شكون يقبلها ….
_كل كلمة كيقولها كتجرحها فقلبها…علاش ضروري خاص يفكروها ديما …ييه هيا عرفا بلي معاقة لكن واش ضروري يفكروها…تنهدات بحزن وهزات عينيها فنادية لي كون نطرتها نار كون حرقو اشرف…
(ممم شنو باليييكوم فلوضع لي عايشة فييه وجداان وفتصرف لام ديالها وخوها أشرف خلي رئيك حبيبتي وشي إشهار زعمي بنت أخلاة تقرا تاهيا…. ❤🍒)

قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت:4 💐💙
وجدان(بهمس) : خ ختي بلا مانشي صافي نبقا فدار حسن اصلان معنديش حصص مهمة…
نادية(بصوت عالي) : راااه كنقسسسم برب لكعبة وباقي تعودي هاد لهضرة تغانوريييك وجه أخر(شافت فأشرف) واااش سحبك حيييت نتا مزلوووط كيصرفو عليك وليااات ونتا جلس دير رجل فوق رجل لا قرية لخدمة كيف ناس خاص كولشي يولي بحالك ءاا…
أشرف(خنزر فيها) : كنحترمك حيت كبيرة علياا ادن خاليني محترمك…
نادية(قربات لعندو) : لا ضربني ضربني اولد با ضربني نشووف تقادو لكتاف ولاهيلا …
_وجدان لي حبسا دموعها بزز وهيا تشوف مشكيل نايض بسبابها…قربات لعندها مباركة لي غير تفرج وقرصتها قرصة حاارة لي كلمة حارة قليلة فحقها….
مباركة (بفحيح وكلام جارح) : شتي المعاقة دب بسباابك خوتك يدبزو مكفكش لي وقع ول لبارح تاني ليييوم (زادت زيرات عليها) كون جلستي لأرض وهنيتيناا وكان ميوقعوش هاد لمشاكيل كاملة….(طلقات منها منين شافت نادية تخنزر فيها)…
_قربات نادية كتشوف وجه وجدان لي ولا حمر حمر وصدرها لي يطلع وينزل بطريقة غريبة بحال كتما دموع…قربات بدون متنطق ودفعتها لبيت…بكرسيها خاليا موراها اشرف عيونه حمرا…بلأعصاب دار فحاله وخرج…اما نادية غير دخلات سدات الباب وهيا كتجبد ليها متلبس…
نادية(بصرامة) : نتي غاتقراي سمعتي غاتقراي(كتمشي وتجي) غاتقراي وتوصلي توصلي ضدد فيهوم ورغم هضتهوم لي ماليها تمعنا سمعتي(بصو ت منغنغ) هوا كان باغيك تقراي هوا كان باغي يشوفك لفوق ونتي خاص تحققي ليه هادشي باش يكون راضي عليك وراضي علياا (وقفات قدامها خرجا فيها عينيه لي ملينهوم دموع) سمعتي متخاليش هادشي يحطمك يكفي انه ربي معاااك هادشي يكفي سمعتي ماشي ضروري يكونو ديما معانا واليدينا ماشي مهم يكون خونا وقف ضددنا اولا اقرب ناس لينا لي مهم هوا نتي عندك إرادا توصلي بغا من قلبك وربي معاك يكمل ليك كل كلمة قالوها جرحوك بيها غايندمو عليها وأنا كنوعدك بهادشي متديها فتحد…فتحد أختي…
_غير نطقات بهاد لكلمات قربات ليها وضمتها معنقها…رغم وجدان بغات تبكي لكن مقدرتش…كتبغي تخالي كولشي لقلبها مكنتش باغية لوضع يوصل لهنا لكن ماشي فيديها ماشي فيديها…بعدات علهيا نادية مبتسما…
نادية : صافي نساي هادشي(شافت فساعة) مبقاش بزاف لتمنيا …
_قربات عندها وحيدات ليها حوايجها ولبسات ليها حوايج اخرين…مشطات ليها شعرها…وقدات ليها فولارها…ممكن نقولو انه نادية هيا اعز وحدا واقرب ليها من بعد موت موسى…نادية لي لقاتها وقفا معاها ديما ملي كانو صغار تال هاد
نهار…ديما تلقاها جنبها وقف فوجه لي تسما بمها وخوها لي حاشا واش يكون أخ ليها…من بعد مسلات ليها لبسات تاهيا وجات خرجا…كانت مباكرة جلس فلمراح شدا تفاح ديرا رجل فوق رجل…
مباركة : أخيران تخويو عليا قهرتوني …
نادية(شافت فيها) : قرييب نيت نخليوهالك هيا ولي فيها قرييب…
_خرجات نادية ووجدان بحكم ليسي فين تقرا مابعيدش بزاف…دكشي باش دغيا وصلو قبل مدخل…وقفا نادية قدامها وشافت فيها ببتساما…
نادية : ختي وجدان نتي هاد لعام عندك لباك سمعتي خاص تنجحي بنقطة عالية لي تخاليك تكملي على شنو بغيتي متفكريش فشي حاجة أخرا من غير تقرا وتفهمي كيف ديما صافي…
(ممم شنو باليكوم فوقفت نادية معا ختها…وشنو سبب لي يخالي مباركة تعامل معاها هكة …خلي رئيك بب وعونوني بأشهارات بليييز ازينات…. ❤🍒)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت:5 💐💙
وجدان (بتسمات ليها) : وخا اختي صافي…
_نادية قربات قبلاتها فراسها وبقات وقفا تشفتها دخلات بحكم كتساعد راسها منين تكون دخلة …وحيت توصل قدام الباب كيعونها لعساس تيدخل لقسمها…لي غير دخلات شافو فيها كيف ديما بحال عمرهوم شافوها…بتسمات ليها لأستادة وعونتها توقفات فمكانها وهي فكرسيها طبعا كتحط بحال بلانشة على رجليها فين تقدر تكتب…كانت ملهية معا درس…
تلميدة(بهمس لصحبتها) : ياختي هاد لمعويقة متقدش تجلس فدرهوم…
_وجدان سرطات ريقها مبغاتش تسمع كلامهوم لكن كيوصلها صوت…
تلميدة(لي جنبها) : وراه قراية ياختي لكن كون أنا بلاصتها معويقة كعما نجي…
_تنهدات من قلبها ودمعة على طرف عوينتها لي يبريو من كترت مكتماهوم…هك دازت لحصة مرا مرا تسمع شي كلمة جارحة ليها لي تخالي قلبها يزيد على مابيه…أخيران بعض ممرو 4 دسوايع كاملة خرجات…خرجا معا لباب غير بشوية عليها بحكم شوية قصحا تجر ك لكرسي بوحدها…تكان ديز واحد تور دخل فيها وطاحت لأرض على وجها…دموعها على وشك لإنفجار…هزات عوينتها كتشوف فيهوم يدوزو وميعبروهاش لي داز يلوح ليها كلمة مسمومة ويدوز…تنهدات وحركات رجلها لي ممضروراش رغم صعوبتها…قربات من لكرسي كتجر توصلات لعنده…تنهدات يالله غاتحول تنوض تحطات يد على كتفها غير هزات عوينتها لقاتها هيا وشكون من غيرها لي كانت تسناها برى غير شافت شنو وقع من بوبا دخلات لعندها…
نادية(بحزن) : انا نعونك اختي…
_وجدان غير حركات راسها بدون متنطق…عونتها نادية تجلساتها فوق لكرسي معا هيا جلسات خرجو بعض لأساسيدا…
لاستاد1(بستغراب لحالتها) : وجدان بنتي شنو وقع ابنتي يا ك لباس…
وجدان(بتسمات ليه) : لا غ غير طحت وصافي…
لاستادة(-شافت فنادية) : يكون خير ختك بغا تقرا وعندها لقدرة رغم لعيب لي عندها وغاتوفق…
_وزادو غادين عند بالهوم را ه قالو شي حاجة لي تنفعها وهوما غير زادو طين بلا ملي قالت(عيب)…كيفاش عيب علاش هادشي عيب فنظرهوم…شيء ختره الله عيب…أغلبية كيفكرو انه عيب لكن هوا ماشي عيب بلعكس تميز عن أخارين…بحكم بنادم حيت إرضا بقدر الله ربي يكرمه ويعطيه اكتر من دكشي لي ناقصه فقط خاص تكون قناعة لكن كين فئة…معندهومش كلمة(عيب …لا حشومة…غانجرحها بهضرتي…خاص نحس بيها…) لا هاد لمصطلاحات مكينش عند بنادم وخصوصا نسبة لأكبر متيفكروش فلهضر كيف غاتكون بنبسبة لشخص لي متلقيها…تحركو غادين بدوم متنطق توحدا دخلو لدار…لي كانت خاوية كيف عادتها…فهاد لوقت…نادية دخلات
تقاد لوجدان لغدا بحكم قارية اما وجدان…دخلات لغرفة فين كتنعس هيا ونادية وسدات عليها لباب…عاد قدرات تنفس…معا تنهيدا لي خرجات من قلبها تبعهوم دمووع…يتجرو على خدها بحال مسابقين…
وجدان(بتسمات وسط دموعها) : غير بشوية عليكوم غاتهبطو كاملين(وحدرات راسها كتبكي فصمت)….
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت:6 💐💙
_وجدان هادا هوا حالها ديما كضرها هضرتهوم لكن كتحول تكتم…مكتبغيش تبين وخا تكون وصلى فيها لعظم…هيا كتقبل هضرت واحد غريب لكن من اقرب ناس لييك صعيبة عليها…تحل الباب ودورات وجها كتمسح عينيها…دخلات لعندها نادية..
نادية : وجدان خرجي باش نتغداو اختي قبل ميجيو يحرمو علينا تاني(قربات لعندها) مالك قالب وجهك…
وجدان(من بعد مسحات دموعها شافت فيها مبتسما) : لا اختي والوا …
نادية(رغم عرفات كتبكي) : وخا يالله زيدي نتغداو كيف قتليك…
_جرتها بكرسيها تخرجات لبرى…كانت نادية حطا لغدا فقط لبيض وأتاي..
نادية : سمحيليا اختي مقديتش شي غدا شوية خاصني نخرج نشوف خدمتي مبغيتش نخليك بلاش…
وجدان(بتسمات) : لا عادي اختي حمد الله فيه لخير لمهم هيا عندنا منكلو…
نادية(بتسمات ليها) : علاش نتي هكة علاش كتعملي معا كولشي زوين رغم ميستهلوش..
.
وجدان(وسعات بتسامتها) : كنتعامل اختي بشنو فقلبي ميهمنيش شخص أخر كيفاش نوعه مهم أنا عرف راسي هكة وغانبقا هك…
نادية(قربات باستها فحنكها) : وربي يخاليك هك اختي و يوقف ممعاك نشاء الله….
_بتسمات ليها وبشرو فلأكل بحكم دكشي قليل…وجدان كتحول تكل وتعطل فمكلتها باش اختها تشبع…وهادشي مردتش ليه الباب نادية …م ن بعد مسلاو وقفات نادية كتقاد فولارها…
نادية : أنا غانخرج أختي توصل زوج غانحول نجي قبل باش نوصلك…
وجدان(بنفي) : لا غانمشي بوحدي(بغات تنطق وقطعاتها) لا أختي عافاك ديري خاطري غانقد نمشي بوحدي…
نادية(تنهدات) : وخا أختي غير حيت قريب لينا ليسي(قربات عندها) حضي مزيان أختي متديها فهضرة توحد صافي حبيبتي…
وجدان(بتسمات) : وخا صافي كوني هنيا…
_من بعد مودعتها خرجات نادية و سدات موراها الباب…وجدان تنهدات وتحركات بكرسيها بصعوبية شوية بحكم زليج زالق كيجيها صعيب باش تحرك بلكرسي بوحدها…وصلات لغرفة…قربات مور لماريو وجبدات حجر…حجر مدور…تيمات بيه…بحكم معندهاش حل أخور…وقدات فولارها وغطات رجليها…وبشرات فصلاتها…رغم جلس فكرسي كتصلي…رغم صعوبتها كتصلي وفضلات تبقا قريبة من رب لعالمين….بحكم وحده لي يحس بيها بوحدو لي غايعونها فاش مغتلقا توحد فجنبها…سلات صلاتها معا هيا سلات تحل الباب بجهد…شافت فيه…
أشرف : فييين مشات ختك…
وجدان (حدرات راسها بتوتر) : خ خرجات عندها لخدمة…
أشرف : ومك…
وجدان : م منعرف جينا ومكنتش فدار…
أشرف : وشغانكل أنا…
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت7💐💙
أشرف و : شغانكل أنا…
وجدان(هزات فيه راسها) : أنا غانطيبليك اخ خويا…
_خنزر فيها وخرج تجبد فوق فوتوي…اما وجدان شافت بلي مغيبقاش ليها لوقت الى تعطلات…لكن قررت تحول تصوبليه شي حاجة دغيا رغم غاتلقا صعوبة لمرى أخرى…خرجات دازت من حداه وهوا كعما مسوق لحالتها ابدا دخلات لكوزينة…قربات من تلاجة فتحتها لقات فيها فقط بيضا وحدا ولما …تنهدا ت على حالهوم وجبدات هاديك لبيضة …قربات من بوطا وشعلاتها بحكم لبوطاجي قصير ملقاتش صعوبة فيه…قدتهاليه وحطتهاليه فطبسيل وحطاتليه تأتاي لي بقا …وخرجاتهومليه حطاتهوم فوق طبلة…
وجدان : ه هاهوا اخويا بصحة…
أشرف(هز راسه شاف فدكشي لي قدات ) : واااش مكينش من غيررر هاد زمر …
_وجدان حدرات راسها صمت…أما هوا شد دغمة ودوز فلبيض غير دره فمه دفلو تااني…
اشرف : تفووو نعل ديلمك شهاااد زبل جيباليا…
وجدان(حسات بدموع فطرف عينيها) : م مالو ا اخويا…
أشرف (غوت تقفزها) : مزال كتقووولي مالو(هز طبسيل ضربو معا لأرض ) واااش مكتعرفيييش طيبييي بيضااا وكلسي فدررركوم تعلمي هادشي لي ينفعك اما ديييك لقرييية مغتنفععك بوالوا…(جلس بنفس جلستو فلول) ودب سيري جيبيلي منكل ولا مغيعجبك حال …
وجدان(بصوت منخافض) : ل لكن أ اخويا م مكين والوا…
_أشرف وقف مغدد قرب لها …
أشرف : ك كيفاااش مكين والوا…
وجدان : (عضات على شفايفها كتما شهقتها )…
أشرف(شدها من فولارها زير على شعرها) : هضرري ازبببل هضري…
وجدان(بصوت مرعود) : ص صافي أانا نخ خرج نجيبليك ش شنو تاكل اخويا سمحليا…
_طلق منها ورجع لبلاصته …
أشرف : يالله تحركي من قدامي وغاتعطلي غاتكون هضرة أخرى…
_سرطات ريقها وتحركات…دخلات لغرفة فين كتنعس هيا وختها…قربات من ماريو ديالها تحت حويجها جبدات شي صريف…شافت فيه كانت عندها فقط عشرا دراهم خبياها…لكن فضلات تخسرها على خوها…مسحات دموعها وقدات فولارها…وخرجات معدبا معا لكرسي كدفع راسها…دازت من حدا ه بدون ميهز فيها راس خرجات لبرى…غير خرجات ستنشقات لهوا وتحركات غادية لحانوت…منين كتكون برى مكتعدبش بحال لداخل فدفيع كتجيها ساهلة وبحكم ولفات عليها…غير وصلات لحانوت لقاته عامر …عضات على شفايفها وقلبها بدا يضرب بسرعة…فكرة أنها تعطل تاني خلات قلبها يخاف …وفضلات تحرك لحانوت أخر مهم ترجع فلوقت ومتطلش على خوها ماشي على ليسي لي مبقاش ليها بزاف باش دخل….
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت8💐💙
_غادية وكتقلب بعينيها على شي حانوت قريب منها…هيا غادية وكتشوف معا ساعة لتعطل عليه…تبنليها حانوت فطرف لأخر لكن خاص تقطع شانطي عاد توصل ليه….ترددات بزاف قبل متقطع لكن فقط لفكرة أن ه يتقلل منها خلاتها تقطع…بدون تفكر…غادية وكتحول تزرب لتقرب ليها شي طموبيل ولا تقيسها…لكن بحمد الله وصلات لطرف لاخر…موصلات تقلبها كان غايسكت ولعرقق يتصبب منها رغم أنه وقت لبرد…غاتزيد ووقف عليها شي واحد …
شخص : واش ممكن نعونك
_وجدان هزات عينيها فيه وحنحنات…
وجدان(بتسمات ليه) : ماشي مشكيل انا غانمشي بوحدي شكرا
شخص : واش غادية لحانوت ممكن نعونك غير قوليلي شنو خاصك
_اول مرا شي واحد يحول يعونها…متنكرش انه رغم هادشي حاجة صغير لكن فرحتها…جبدات فلوس من جيبها ومدتهومليه…
وجدان : وخا شكرا ليك بزاف كانت بغيت نجيب من لحانوت لخبز وطون
شخص(بتاسم بمكر) : وخا اختي انا غانجيبهومليك تسنايني هنا
وجدان : وخا ليجازيك اخويا
_شخص داز من موراها وهيا بقات فمكنها ولبتساما على شفايفها…تسنات شوية ولقاتو تعطل عليها…شافت فساعة وتزاد معاها زايد ملي شافت انه تعطلات عليه…تقلبات باش تشوف لاش تعطل وهوا يبانليها لحانوت خاوي مافيه توحد…عضا ت على شفايفها ملي فهمات شنو وقع…دموع عمرو عوينتها لبونيتيين …وجها ولا حمر حممر بمجرد لفكرة فشنو غايدير ليها خوها…
وجدان(تنهدات بحزن) : ماشي مشكيل انا مسمحاليه اربي ممكن يكونو ليه ظروف سمحتليه اربي …
_يالله غادور تقطع حسات بشي واحد حط ليها شي حاجة فوق يديها…شافت فراجل لي داز وشافت فيديها لقات 10 دراهم…بتسمات بفرح رغم انه شخص عتبرها متسولة…لكن لاهم فهادشي فكرت بإجاب أنه من بعد مرضات بقدر الله ربي عوضها ورزقها بنفس لمبلغ بشكل مفكرتش فيه ابدا…رجعات ادرجها لحانوت …
وجدان : احم عافاك عطيني خبزة و بوطا دطوف
مول لحانوت(بتاسم) : وخا ابنتي هيا لولة
_جبدليها لي قتليه وخلصته وردليها صرف…حطاته فجنبها و تحركات غادية هيا كتقرب من شنطي واحساس مرودها نتاع لخووف كتخاف بزا ف من شناطي خصوصا وهيا بوحدها…سمات الله وقطعات هيا غادية كتزرب وطموبيل جايا من موراها بسرعة …معا سمعات صوتها درت شافتها وقفات شدا على قلبها ومغمضا عينيها مستعدا لشنو غايوقع…يتابع
(ممم شنو غايوقع متلان راه ماشي لبطال والله ماهوا حيت هاد لحدت فيت كاين فقصة اخرى وانا مابغيتش ندير تشاابه وكنحول نديررر اختلااف فلقصصصة هههه مهم خليولي رئيكوم وكيف قلت اشهارات حبيبات
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت9💐💙
_غادية كتزرب وطموبيل جايا من موراها بسرعة …معا سمعات صوتها درت شافتها وقفات شدا على قلبها ومغمضا عينيها مستعدا لشنو غايوقع…سدا عوينتها وقلبها غايسكت كدكر لحاديت لي وقع قبل 12 لعام …لي بسبابه مبقاتش قدرا تمشي مرا اخرى بحالها فحال اي واحد…عينيها هبطو بدموع …وصوت غادي وكيقرب…حسات بلي وصلات ودب غاضربها غمضات عينيها وتكمشات فبلاصتها…وهيا توقف طموبيل لي مابينها وبين لكرسي دوجدان الى بعض سنتيميترات…تحل الباب دطموبيل وهبطات كتجري مني شافتها فهاد لوضع عينيها بدورها عامرين بدموع من شنو كان غايوقع كون متحكماتش فلفران وقفات لوطو قبل متوصل عندها…
…. : ختي ختي نتي بيخير هضري اختي واش نتي بيخير…
_وجدان غير سمعت صوت لبنت لي كتنادي عليها حلات عوينتها لحمرين …اول حاجة شافت ناس ل ي كيشوفو من بعيد وهزات عينيها شافت فلبنت لي وقفا عليها…
…(بعينين مغرغرين) : و واش نتي بيخير اختي عافاك هضري قلبي غايسكت بلخلعة…
وجدان(تنهدات بلحمد الله وبتسمات ليها) : أه بيخير حمد الله موقع والوا…
…(تنهدات برتياح وبتسمات) : سمحيليا بزاف اختي فقدت سيطرا من بعد لخبار لي سمعت مكنتش متحكما فيها لكن حمد الله ملي موقع والوا ….
وجدان(حركات راسها بلاجاب ولخلعى بانت فوجها) : ص صافي موقع والوا (بغات تحرك) عافاك انا غانمشي صافي انا سمحتليك اختي …
…(شدتها بستغراب) : مالكي مخلوعة هكة واش وقع ليك شي حاجة(شافت فكرسي فين جلسة وسرطات ريقها) و وشنو خرجك بوحدك فهاد لوقت وشانطي صعيب شوية عليك هكة…
وجدان(مقدرتش تحبس دموعها) : لا لا اهئ والوا انا غانمشي غانمشي غايتقلق مني عافاك طلقيني اختي…
…(زيرات عليها اكتر ) : لا منخليكش تمشي فهاد لحالة لا اجي ركبي انا نوصلك فين غاتمشي…
وجدان(بكلمات متقاطعة كدخل وتخرج فلهضرا) : ه هوا غيضربني تاني وميخلينيش نقرا الى تعطلت اختي غايغوت عليا حيت تعطلت عليه ه هوا مخاصش يتقلق مم ني لا ….
_لبنت شدات فلكرسي ودفعتها بحكم لكل كيتفرج فيهوم لجنب توصلو لكلوار …قرمزات شداليها فوجها…
… : ششش تهدني تهدني مغيوقع والوا شكو ن هدا كيفاش غايضربك وميخليكش تقراي واش باباك…
وجدان(زادت فوتيرة لبكا) : كون باقي هوا معايا مغايوقع ليا والوا لكن هوا مشا وخلاني مشا عند ر ربي اهئ اهئ…
_لبنت ودموعها على خدها قربات وعنقتها شي لي خلا وجدان تزيد فوتيرة بكاها بحا ل حسا ت بلامان وهيا قريبة من هاد لبنت لي خرجات فيها بصدفة…لدرجة
دموعها يزيدو يخرجو برتياح عكس مني تكو قدام شخص اخر ومتبغيش تبين دموعها…
(شنو باليكوم فهاد لبنت وشكون اتكون متلاااان وعلاش مني شافت لكرسي درت ردت فعل هكك خليو ئرئكوووم البناات… ❤🍒)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت10💐💙
_بعدات عليها كتمسح دموعها..
… : ششش بليز بلا بكا احبيبتي انا حاسا بيك وممكن نكون عرف وحاسا اكتر من اي واحد …
وجدان(كتمسح دموعها) : س سمحيليا ش شديتك انا غانمشي راه تعطلت بزاف على خويا غايتقلق …
… : لا منخليكش تمشي بوحدك انا غانمشي معاك تنوصلك(كانت غاتنطق وقطعاتها) نو منبغيكش ترفضي صبري عليا غير شوية نحيد لوطو من طريق …
_وجدان فقط كتفات بصمت سارة مشات وكحزات لوطو ديالها لبلاصة فين كيبلاصيوهوم وهزات صكها وسورتها وقربات من وجدان غادين فطريق من بعد مرشدتها فين كاين درهوم…
سارة : شنو لي خلاك تخرجي بوحدك وتقولي هاديك لهضر قبيلة…
وجدان : ل لا والوا غير كانت كنخربق وصافي…
سارة(تنهدات) : تانا مريت بنفس معيشتك دب…
وجدان : (رغم انه مكرهتش تفهم شنو كتقصد بهاد لهضرة الى انه فضلات تسكت)…
سارة : علاش سكتي…
وجدان (غير شافته قدامها سرطات ريقها) : ص صافي غير سيري انا غانكمل اختي غ غير سيري(عينيها عمرو بدموع)…
_قبل متنطق سارة شافت شخص لي جاي جيهتهوم وكرز على يديه …وباين بلي قصدهوم نشان…قبل ميوصل قدام وجدان لي غمضات عينيها كتسنا ضربة تجيها فشي قنت وقفات قدامه سارة…
سارة(مخنزرا فيها) : سبحان الله اشريف شكو ن نتا لي جاي قصدها نشان ياك لباس…
أشرف(بعصبية) : ديها ف*رك حيدي من قدااامي حيييدي نوررري زا***ل يوها كيفاش هاد لوقت كامل وهيا فزننقة …
سارة(غوتات) : اييييه حتارم راااسك وعرف شكتخرج من فففمك وشكوون نتا لي تحسبهاااا ….
وجدان(من موراها بخوف) : غ غير حيدي ه هوا خويا خ خويا…
سارة(بستهزاء) : خوووك(ضحكات) لااا واش منيتك قلتي خووك (خنزرات فيه) دب نتا كتحسب راسك راجل لي جاي قاصد اختك وهي فهاد لوضعية لي خاصك تكون جنبها وبهاد لالفاض لي كتبين موستوك وكتعتاقد انك راجل…
(ممم شن وباليييكوم فهضرة ساارة وشنو ممكن يدير اشرف لوجدااان زعما ممكن تمنعو بليز عونوني باشهارات مشفت تاشهاار حشومة علييكوم ممم هههه… ❤🍒.)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت11💐💙
_اشرف كرز على يديه وعلى شفايفه من لداخل من هاد لموقف لي تحط فيه قدام جيران وهاد ختنا لي جلس تقوليه هاد لهضرة وبصوت عالي لي اكيد سمعوها ناس…عينيه ولاو ضلام فضلام …دفع سارة من قدام وجدان تطحت فلأرض…وقرب جرها من كرسيها…بطريقة همجيية تكانت اتطيح منه…غادي جرها لدار وسارة كتحول توقف تبعهوم…لكن لقات رجليها عودتليها نفس لمشكيل لي كيوقع ليها منقبل…
ساارة (كتشوف فبنادم لي وقف) : شنوو كتشووفووو سيروو عونووها غيدير ليييها شييي حاااااجة(بدموع) واااش مفقلبكووومش رحمممة …اهئ اهئ تانتتي ملقيتي امتااا ديري هك تاني(كضرب فرجليييها) يااربي ياااربي نقد نوقف بيييها نعوونهاا ياربي….
_اما وجدان قربات تسخف بلخلعة…خصووصا على سارة لي دفعها اشرف بديك طريقة…وصل لدار لي كان بابها محلوول ودفعها بكرسيها تطاحت منه…مباركة لي كانت بدورها فدار…جلس ديرا رجل فوق رجل وكتشوف ببرود…
مباركة : اهياااا نتاا عندك دير شي موصيبة تصدق قاتلها هننا…
أشرف(شدها من شعرها) : شنووو نتتي ضحككي فيييا جيرااا ن ولاد درررب ءاااا شنوو قلت ملكك انا شنوو قتليييك(ضربها بصفعة لوجها) شنوو قتليييك قتليك متعطليييش ونتي مشيتي وعلم الله فييين تكووني مشيتيي (زادها صفعة اخرى) ..
مباركة(وقفات كتولول) : ويييليي وييليي يكما ديرااا صاحب وييلييي وييلي على خيرر يااامي تشوهني وحداا بحاالك اويليي فين نحط كمرتتيي….
_اشرف بحال عطته سبا اولا رماتليه ميقول…
أشرف(ضربها لجنبها برجليها ) : بصصصصح هادشي لييي تتتقووول شكووون هاااد زا****ل ءااا هضرري الق***بة شكوون هداااا هضرري ولا نقتتتل مكك هضررري….
_فيناهيا لي اتهضر من اول ضربا ضربها لكرشها فقدات وعيها بحكم ضربة قصحا ولبس صندالته …غير شافها متحركتش قرب شدها من شعرها…
أشرف : مالك سكتتتي هضرري(شاف عينيها لمسدودين وبلع رييقو) هضرري بلاا تبووهييل شكوون هادا(بدا ينقص صوته) و جدان وجدان …
مباركة(قربات كتجري وضرب ففخدها) : صااافي قتلتيييها المسخوووط تهنيتيي المسسسخووط قتلتيييه اصاافي تهنييتييي …
أشرف (بعد عليها) : لا لا مدرت والوا مدرت والوا (خرج كيجري )..
_خرج كيجري هارب بدون ميعرف فين ايمشي…معا كان خارج هارب تساطح معا سارة لي عنيهيا حمرين وكتجر فرجليها بزز …غير شافته هكك قلبها مشا وجا وزربات فمشيتها…وصلات قدام الباب وهيا تشوفها فديك الحالة ودم خارج م ن فمها ومرا كبيرة وقفاا فوق راسها كتضرب ففخدها تغوت بكلمة وحدا(قتلهااااا)…..
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت12💐💙
_وصلات قدام الباب وهيا تشوفها فديك الحالة ودم خارج م ن فمها ومرا كبيرة وقفاا فوق راسها كتضرب ففخدها تغوت بكلمة وحدا(قتلهااااا)…..تكونسات بلاصتها فلمنظر لي كتشوف…مفيقها من صدمتها غير مباركة كتغوت…
مباركة : وجداااان (كتحرك فيها) وجداااان نوضي ليرحمبااك نووضي لاتموتيششش نوضي …
_سارة عينيها عمرو بدموع وهيا كتشوف كيفاش كتحرك فيها بديك جهالة ومبينش فيها درة لخوف عليها…بحال غير مبغاتهاش تموت وسط دار وتصدق فمشاكيل فقط…
سارة(بصوت باح) : الااالة بشوييية علييها(قربات لعندها شدات فيديها بصوت خافت) وجداان وجداان فيقي احبيبتي فيقي…
مباركة : واااش ماات ابنتي ماات…
سارة(خنزرات فيها) : وااااش عرفااا شكتقووولي نتتتتي باااش تعيطيي لمبيلاونس كتقووولي هاد لهضررررة لي ماليها تمعنننى..
_كانت غاتجوبها تسمعات صرخة عالية …
نادية : وجداااااااااان …
_لكل تلفت شافيها ومباركة لي عضات على شفايفها حيت عرفا نادية شكتسوا خصووصا لعرفات شنو وقع…انا نادية عينيها ديزين بدموع قربات لندها…
ناديية : ختتي وجدااان وجداان(شافت فسارة) ش شنو وقع كيفاش مالها مالهاا اختي شنو وقع اهئ اهئ وجداان ختي…
سارة(بدموع) : ك كنا جاين انا وياها وجا شي دري قتليا خوها ودخلها لدار اهئ اهئ ودفعني وجرها لدار قدام ناس ومعرفتش شنو وقع من بعد تاجيت ولقيتها هكة…
نادية(هزات عينيها حمرين فمباركة) : عييييفففففة رجالل لي درهاا داك شمااااتاا والله لبقات فيييه قسم بالله تغانورييه وجهي لاخور (شافت فسارة) لامبيلونص م معيطوش ليها …
مباركة(حدرا عينيها) : ر راه عيطت ليها ابنتي…
نادية(شافت فوجدان كدوز يديها على راسها) : سمحيليا سمحيليا ساعة ونص غبت عليك شنو داروفيك ربي ياخد فيهوم لحق اهئ اهئ ربي ياخد فيهوم لحق…
نادية(بلغوات) : فييينهوومااا زمممر امتااا غيوصلللو تتوقع ليها شييي حااااجة …
(ممم نادية هيا لي قطعاها فيييهوم بزوج لمباركة لاشرفف لكن علاش مكتعطيش رئييييط ازين حشومة عليييك ممم خليلي رئييك كيف قالت نادية فقط غبرات عليها ديك لوقت شنو وقع ليها …
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت13💐💙
سارة : واش نجييب طموبيل ديالي نديوها حسن منتسنااو…
نادية(بدموع) : اه اختتي سيري ليرحمليك لواليديين سيري…
_خرجات سارة من بعد محسات بلي رجليها ولات بيخير…مشات كتجر ي توصل دغيا لفين خلاتها باش ترجع فلوقت لمناسب…اما نادية وقفات قربات لعن مباركة لي غير شافتها وقفات تفافات من بلاصتها…
نادية(بعيني حمرين) : فيييين مشااا فيييين غير يجي قدااام وجههي كنقسملييك دكشي لي غانديررر فشماتاا ميعودوليييه حد…
مباركة (تحت سنانها) : ليعطيييها موصيبة نتهناو…
_نادية خنزرات فيها ورجعات لعند وجدان …حطات راسها على رجليها ودموعها على خدها …وقلبها كيتحسر على ختها…الى مشات تخطتها شي نهار…لقليل فقط وصلات سارة قبل ميوصلو لاسعاف لي باقين معطلين… هزوها بزوج بيهوم …وركبوها وطلعات معاها وتحركو سارة غادية كتزرب فطريق…نادية قاست ليها نبض من يديها..
نادية : سربي اختي سربي (كتمسح دموعها) ياربي ميوقع والوا ياربي…
_لقليل فقط وقفات طموبيل ديال سارة قدام كلينيك لي غير شافته نادية…
نادية : لا اختي لا مكينش فلوسوو سيري لصبيطار ليجازييكك اختي سرربي…
سارة(حلات الباب وهبطات حلاتو من جيهتها) : زيدي اختي مكينش مشكيل من هاد ناحية …
نادية(باسرار) : لا اخت ي ليرحمليك لواليدين راه مكينش فلوسو ختي كضيع مني طلعي وصلينا صبيطار…
سارة(تنهدات بحزن وعوينتها لحمريين ) : مكنتش بغيت نقول هادشي لكن لكلينيك كيخصني و وجدان ميمكنش نديها صبيطار عادي اختي غايكون عامر وغانصدقو معطلين اكتر(سارة رفعات صوتها ملي شافتهوم خارجي ن بسرير) سربيييو سربييو..
_قربو هبطوها من لوطو ونادية غير كتشوف باقي مفهما والوا من هادشي وكيفاش تطلاقات وجدان بهاد لبنت وكيفاش لكلينيك ديالها…دخلو وهيا تبعاهوم وعقلها مرفوع دخلوها شومبر…مدة وهيا حطا راسها على لحيط كتسناهوم يخرجو…تجات عندها سارة…
سارة : علاش وقفا اجي جلسي شوية رتاحي اختي..
نادية (بنفي) : لا تنشوفها بيخير…
سارة(بتسمات) : هيا راه بيخير حمد الله غير شوية غايخرجو يديوها غرفة عادية نشاء الله وغاتولي بيخير …
نادية : ب بصح هيا ولات بيخير…
(ممم …دب وجدان ولات بيخير…لكن شنو باليكوم من بعد لهضرة لي قالت سارة انه لكلينيك ديالها شنو لفكرة لي عندكوم عليها من خلال هادشي… ❤🍒)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت14💐💙
سارة(بلإجاب) : اه ولات بيخير مكنتش شي حاجة خاطيرة غير ارهاق نفسي اتر عليها اكتر…
نادية (بحزن) : هيا محملا بزاف وكتخبي فقلبها(هبطو دموعها) كنخاف شي نهار توقعليا شي حاجة ومتلقاش ل ي يوقف جنبها…
سارة(أترت فيها عنقتها بجنب) : شش متبكيش نتي غاتبقاي معاها وتكوني فجنبها…
نادية(بتسمات ليها وشدات فيديها) : شوفي خاليك معاها عافاك انا خاص نقضي شي حاجة ونجي …
سارة : وخا انا غانبقا معاها كوني هنيا…
نادية(بحزن) : ممكن نطل عليها…
_يالله هيا قلتها خرجو ومعاهوم وجدان باقي ماتر عليها لبنج…قربات عندها نادية وباست على يديها مبتسما بحزن…
نادية : ربي يوفقك ويعونك اختي(قربات باست على راسها)صافي هاني غانمشي…
_متليها سارة براسها كملو بوجدان لغرفة عادية ومعاها سارة اما نادية خرجات شدات طاكسي نشان لدار…مدزش بزاف كانت وصلات قدام دار…هبطات معولا انه غاتلقاه فدار…دقات فالباب وتحل ليها من طرفه نييت…
نادية(كرزات على يديها) : عندك لووجه لي يجي باااقي لهننااا…
أشرف(رجع بلور ولخوف فعينيه) : هيا راسها طاحت مدر ت والوا أنا…
_نادية دخلات بحكم شافت عيني بنادم عليهوم وسدات الباب بجهد تتقفزات مباركة…قربات ليه شداته من تريكوه…
نادية : تفووو(دفلات عليه فوجهه) هاااديي ليييك اشماااتااا هاادشي علااش قدييتيييي كووون وقعات ليها شي حااااجة(عطاته صفعة لوجهه) هضرررر كوووون وقعااات شييي حاااجة كااانت غانقققتلللك سمعتتتي والله تنقتللللك (هزات رجليها وضربته تطاح فلارض)…
أشرف(بعصبية شد فجنبه) : رااانييي محتررمك مبغيتش نمد يدييي…
نادية (وقفات غادية جاية ) : مفهمتتتش انا كيفااش نتا حسبب راسسسك خوووهاا…وااش معندككش لقلببب واش عمررهاا اداااتك فشي حاااجة(رجعات ليه شنقا عليه) دووووي واش عمررها درتلييييك شي حاااجة…
اشرف(شدليها فيديها كيحيدها على تييشورط دياله) : طلللقي اناااديةو هضرري بفففمك طللقي…
_أشرف بكترت معصباته حول يبعد يديها عليه بلفعل طلقات منه نادية…وقف كيبان طويل عليها رغم هيا قصيرة الى انه قاصحة وزمان ورليها شحال من حاجة لي خلاها تولي هكة…
نادية : شنوو دب ناويي ضربببني تاناااا تمد يدييييك دب هادي هيا رجلللة اعييفت رجاال اشماتااا تفووو منك ومن متااالك …كلمة شماتاا قليييلة فحقققك كلب وحاشا واش تكوون كللب اشماتااا…
_اشرف عروقه برزوو عينيه حمرييين بلصااب…قرب منها بدون وعي منهاا شنق علييها من عنقها…
ضغط علييها وهيا عينيها خاررجييين فيييه مباركة كتغوت لكن مكينش موجيب مكيتسمعليه والوا فقط لهضرة لي قالت عليييه…
مباركة : لا لل لا اولدي طلقها غاتقتلها ليرضي علييط طلقهاا(شدا فيديه كتحول تحيدها) ل لااا اولديي ليرضي علييك مديهاش فهضررتها طلللقها غاااتموووت بييين يديييك (غوتااات بصوت عالي )ا شررررررف
_غير غوتات بحال رجع لوعيه…طلق منها ييديه كيترعدو..غير طلقها طاحت لارض…هبط عينيها فيها عينيها عمرين بدموع…كيشوف وجها لي ولاا زرق قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت15💐💙
_جلسة فكرسيها وعوينتها عامرين بدموع…كتحول تكتمهوم لكن بدون جدوى …دخلات سارة لي كانت برى شومبر…غير شافتها تاني على هاد لحال من بعد مدازو يوماين قربات جلسات قريب منها…
سارة :وجدان شنو قلنا…
وجدان(حدرات راسها) :م مقدرتش اسارة…
سارة(هزات ليها راسها) : أول راسك منبغيكش تهبطيه يوقع لي وقع…وتانيا بركة من هاد لحزن حيت مغيبدل تحاجا…
وجدان(تنهدات) : كيفاش نقدر نتعود على فرقها…
سارة : واش هيا مات…
وجدان(حركات راسها بنفي) : لا…
سارة : وعلاش هاد لهضرة هيا فقط فغيبوبة يعني أمال كبير تفيق فوقت قصير لكن هادشي مخاصش يأتر عليك حبيبتي…
وجدان(بتسمات بأمل) : بصح هيا ممكن تفيق دغيا…
سارة(بتسمات بدورها) : وي هادشي لاش نبغيك ديما تخالي امال كبير (قلبات وجها) لكن انا مقلق منك…
وجدان : سمحيليا الى قلقتك لكن غاكون مكنتش قاصدا احم شنو درت …
سارة(بتسمات) : احح ياختي شحال حنييينة مالكي هك مالكي كون عندي خويا والله منزكلك…
وجدان(بتسمات بحزن) : شكون يقبل عليا هك(قبل متنطق سارة) : لكن لحياة ماشي هيا راجل اولا نتزوج عندي اشياء أهم من هادشي…
سارة(صفقات ليها) : اوو بهرتيني بهضررتك ياختي عجبني تفكيررك لكن نتي كيفاش بغيتي توصلي لهادشي(خرجات فيها عينيها) ونت ي يوماين ونتي هنا وممشيتيش تقرااي…
وجدان : مقدرتش نخاليها بوحدها…
سارة : مهم غدا غادي تمشي صافي وختك كيف قتليك من قبل فاقرب وقت ممكن تفيق عونيه بدعاء وربي لمستعان…انا انخرج نشوف طبيبة واش جات ونجي…
_وماتليها وجدان براسها وخرجات سارة من تما…مشات لمكتب طبيبة لي عيطات ليها باش تكلف خصاص بحالة نادية…دقات عاد دخلات بطبيعة الحال…
(كونو هانييين موقع لناديية والوا …ووو سارة معندهااش خووها اوكي معندهااااش هههه ….وكيف قالت وجدان لحياة ماشي هيا راجل وزواج هيا حاجة أخرى هاد لقصة هيا عكس لجزاء صبري اولا ههه فرق بين وجدان واسراء….خلي رئييييك بب…. راني غلللطت ديزوووولي هههه ❤🍒)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت16💐💙
_من بعد مدقات سارة دخلات…غير شافتها طبيبة وقفات سلمات عليها…
طبيبة : مدموزيل سارة جلسي كانت كنتسناك…
سارة : سمحيلي ايسرى كانت معا أخت لمريضة نيت…
يسرى : نو ماشي مشكيل تأنا يالله وصلت شي ساعتين دب…مل ي دكرتيها ممكن تقوليليا كيفاش توقع هادشي..
سارة(تنهدات) : شنو غانقوليك أختي قبل ميوقع هادشي كانت عندنا هنا لاخت ديالها…هيا منين سمعتها ولات مزيان قتليا غاتخرج وفعلان خرجات مشات لدار ديالهوم…من بد مشناها تعطلات وكانت لاخت ديالها فاقت بغات تشوفها…صونينا ليها لكن مكنش موجيب…تكانت غانطر نمشي من بعد مقلنا نصونيو اخر مرا جاوبات امها وقالت بلي دوها لصبيطار…وفلبلاصة كلفت دراري يجيبوها لهنا احسن ومنين جات كانت حالتها غادية وكضهور بحكم ضرب جاتها فراس وكان عندها ضيق فتنفس…دارو جهدهوم لكن للاسف دخلات فغيبوبة…
يسرى(باسف) : صراحا للاسف دب خاصني ندرس ملفها مزيان باش نعرف نتصرف…لكن شنو كان سبب ضربة لي جات فراسها معرفتوش…
*فلاش_باك*
_من بعد متلاقات كل من وجدان وسارة لخبار بانه نادية فصبيطار…صيفطات سارة طاقم خاص بلاسعاف باش ينقلوها لكلينيك…وقفين بزوج رغم وجدان باقيا عيانا…تشافو كل من مباركة وأشرف بدوره دخلين معا نادية لي مستلقيا فوق سرير…وعلى فمها جهاز تنفس…دوزوها من قدامهو بسرعة لبرق بحكم حالتها لخطيرة…نشان لمستعجلات…أشرف لي كان باين فيه توتر ولخلعة…مباركة لي سبقاته وقفات عند راس وجدان وعنقتها…
مباركة(بصطناع) : اااه يابنتي كااانت ختتك غاتمشي من بين يدينا وهيا باقيية صغييرة مسكييينة باقي تمفرحنا بيييها يابنيتيي كان قلبي علين يسكت عليها بلخلعة(بشبه دموع) اهئ اهئ مني شفتها فديك لحالة وربي شاهد عليا قلت لوقعات ليها شي حاجة نتبعها منزيدش دقيقة موراها…
وجدان(بدموع كطبطب عليها) : ش شنو وق ع اماما كيفاش هادشي…
مباركة(بعدات عليها كتمسح دموعها) : شغانقوليك ابنتي كانت بغات توجليك متكلي وطلعات فوق لكرسي يابنيتي تجبد لكسرونا من فوق بوطاجي لكبير… وزلق بيها وطاحت على راسها…وطيحتلي قلبي معاها يابنتي(شافت فاشرف لي تيضور عينيه ورجعات عنقتها بجهالة) ك كون ماخوك أشرف لي عتقها دغيا صونا لمبيلونص كون مشات علينا لحنينة…
سارة(قربات ليهوم وعينيها على اشرف ومباركة لي اكيد باي ن بلي هادشي غير من فراغ من تعابير وجاهوم) : الالة راه غاتولي بيخير بلا بكا نشاء الله غير هوا تقلك على وجدان ماشي لصاليحها يالله خرجات منها (شافت فاشرف)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت17💐💙
*نهاية_فلاش _باك*
_فاقت سارة من شرودها وشافت فيها…
سارة : غير طاحت هادشي لي قالت لينا امها لي كانت معاها فهاداك لوقت…
يسرى : خا صافي انا غاندير لي فجهدي باش تفيق فاقرب وقت بحول الله…
سارة(وقفات) : اوكي ختي شكرا ليك بزاف صراحا ملقيتش احسن منك وانا عولا عليك…
يسرى(بدورها وقفات) : تانا غانكون قد تيقتك فيا نشاء الله…
_شكرتها سارة وخرجات لعند وجدان لي لقتها كتقاد فولارها بغات تمشي لشي بلاصة…
سارة : فين غادية…
وجدان(بتسمات) : ليوم عندي موعيد معا صحابي ضروري نمشي عمري تغيب عليهوم…
سارة(بستغراب) : صحابك(بتسمات)…
وجدان(حركات راسها) : وي صحابي صغارين خاص نمشي لعندهوم احم وخا توصليني لمكنتش انتقل عليك(بحزن) كانت مولفا كتمشي معايا ختي (بتسمات) لكن مبغيتش نفقد لامال هيا غاتولي بيخير…
سارة : هك بغيك حبيبتي وخا يالله دب نيت نرجعو قبل باش نتغداو راك مكليتي والوا من لبارح…
_لبساتليها صبدرين ديالها وقدات ليه ا حويجها…وتحركو هيا وسارة…سارة بنت فنيونة بشرتها سمراء وعوينتها لقويين…ستيل ديالها قريب من وجدان فقط هيا مكديرش لفولار لراسها…خرجو بزوج من لكلينيك من لغرفة لي كانت كتجلس فيها وجدان فهاد يوماين لي دازو عليها صعابين بزاف بلا ختها نادية لي كانت ليها درع لحامي وهاد ليوماين مجات لمباركة لاشرف يطلو عليها…ركبو فلوطو وتحركو لمكان لي بغات تمشي ليه وجدان مدزش بزاف…كانو قدام دار اولا جمعيية كبيرة…ظاهر انه مولاها لباس عليه اولا ناس لي ديرينها غير من حجمها لكبير …هبطو بزوج وسارة مبتسما بحكم كتعرف تهاد لبلاصة…قدتها فكرسيها…وتحركو دخلين لداخل ديالها…
سارة : صراحا أحسن مكان ممكن يرتاح فيه شخص…
وجدان(بتسمات ) : وي بصح كنرتاح هنا بزاف خصوصا ملي كنشوف بزاف وليدات صغار بحالي فهاد لوضع…
_دخلو لصالون كبير فيه مجموعة دلاطفال لي من داوي لحتياجات لخاصة لمتخالا عندهوم…غير شافوها قربو عندها كاملين مجموعين عليها…وسارة وقفا بعيد شوية كتشوف فيهوم وكتشوف فوجدان لي ضحك ديالها باين نابع من لقلب…لي ماشي بوحدها لي كتشوف فيها واحد شخص كان موراها بدوره كيشوف فووجدان بعينيه سودوتيين وحجبانه لكتيفة…كان فقط غير دايز تلمحها من بعيد مجموعين عليها دراري صغاري وضحكتها لي تاهيا كانت من لعوامل لي خلاته يوقف ويشوفيها..
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت18💐💙
_ سارة وقفا بعيد شوية كتشوف فيهوم وكتشوف فوجدان لي ضحك ديالها باين نابع من لقلب…لي ماشي بوحدها لي كتشوف فيها واحد شخص كان موراها بدوره كيشوف فووجدان بعينيه سودوتيين وحجبانه لكتيفة…كان فقط غير دايز تلمحها من بعيد مجموعين عليها دراري صغاري وضحكتها لي تاهيا كانت من لعوامل لي خلاته يوقف ويشوفيها….
وجدان(بتسمات) : أحمد علاش قلقتي بتيسام حشومة شنو قتليك لمر لفيتا…
أحمد(حدر راسه) : ل لكن ه هيا للي ك كتجبدني…
وجدان(شافت فبتسام) : عرفاك نتي باسلة وكتجبديه أما هوا ظريف ميديرليك والوا…
بتسام(بتسمات) : أنا مدرت ليه والوا اوجدان هوا لي كيسرقليا لملونات نتاعي…وتانا سرقتليه ستيلوه…
وجدان(ضحكات) : ههههه يعني بجوجكوم درتو لغالط سرقة ممزيناش وربي مكيبغيش هادشي يالله كل واحد إعتادر من لوخر…
أحمد : سمحيليا ابتسام…
بتسام(ببتسما معا سنينتها طيحين) : تنتا سمحليا ا احمد…
_وجدان قربات قبلاتهوم بزوج بيهوم…وهزات راسها تشوف سارة فين هيا تجات عينيها عليه..لي معا هزاتهوم فيه بعدا ت عينيها عليه…وشافت فسارة…اما هوا عاد فاق على راسه وخرج مكمل طريقه…
وجدان(بتسمات) : ساارة أجي قربي لهنايا…
سارة(تحركات وقفات حداهوم ) : هاني جييت غير شفتكوم ملهيين ونسيتوني وأنا نبقا بعيدة…
_واحد لبنت لي كانت بعيدة عليهوم جلس بوحدها…تكون عندها 10 سنين تاهيا جلس فكرسي متحرك غير شافت سارة بتسمات…بتساما لي نقولو من مدة مضهرت على شفايفها…
… (نطقات بلإنجليزية) : My beautiful angel (ملاكي الجميلة)…
_سارة لي كانت عاطياها بظهرها غير سمعات هاد لأسم وصوت لي أكيد عرفات نتاعمن…عينيها بدو يبريو بدموع…وجدان لي بتسمات رغم ستغربها …سارة تلفتات عند لبنت لي ندات ليها وشافتها كيف كبرات على أخر مرا شافتها فيها…قربات لعندها بخطوات سريعة توصلات قدامها وضمتها ليها بطبيعة لحال وهيا فوق لكرسي لخاص بيها…
سارة(بدموع) : ندى توحششتك توحشتك بزااف…
ندى (بتسمات) : تأنا توحششتك ملاكي وقت طويل مجيتيش لعندي شنو وقع ليك واش أمورك كولها مزيان…
_وجدان لي بطبيعة الحال كتوصلها لهضرة…تصدمات من هضرت هاد لبنت صغيرة كيف كتهضر بطريقة موزونة وتقيلة…لي سمع كيفاش نطقات هاد لجملة ميقولش بنت صغيرة…
سارة(بعدات عليها كتمسح عوينتها) : نوو فقط تلاهيت معا تطور لكلينيك وكانت مجبرة أني نغبر مدة نتاع عامين …باش نكمل فطريق فاش بديت ونوصل لدكشي لي كنتسنا نوصل ليه…
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت19💐💙
ندى(بتسمات ليها) : وي نشاء الله خاص غير تركزي على هدفك وتكون عندك طموحات كبيرة ليه وغاتوصلي وخا تعطلي مهم هوا تصبري وغاتوصلي بمشيئت الله…
_وجدان عقلها وقف…من كلام هاد لبنت صغير…قربات لعند سارة ولبنت لي معاها…سارة لتفتات عندها وبتسمات…
سارة : وجدان هادي ندى ندى هادي وجدان …
ندى(بتسمات) : مشرفين
وجدان(بتسمات) : ليا ش شرف…
ندى(مدة وهيا كتشوف فيها تشكات فراسها وجدان) : من ديما كانت كنشوفك كتجي نتي وشي بنت معاك كنظن اختك كتشبهليك شوية …
وجدا ن : احم ا اه كنجي ديما نهار تلات كنشوف دراري لي هنا لكن معمرني شفك هنايا…
سارة(بتسمات) : ندى معروف عليها مكتبانش بزاف قليل فقط…
وجدان(حركات راسها) : اه دكشي باش جامي شفتها…
ندى مم نتيا بنتيليا بلي عندك شي حاجة بغياها لكن كضني أنه ميمكنش توصلي ليها نبغيك تحيدي هاد لفكر من راسك لنك نتي قدرة توصلي وغاتوصلي لشي حاجة عمرها جات فبالك وبأضعاف علا شنو بغيتي خاصك صبر وليقين فربك…
_وجدان هرب ليها لسان لي غاينطق…ميمكنش عقلها يستوعب هادشي كيفاش بنت تقريبان 10 سنين تقول هاد لهضرة…سارة شافت كيفاش باين علامات صدمة فوجها…
سارة : نشاء الله لكن دب غاتسمحيلينا غانمشيو كنوعدك غارجع نشوف ك فاقرب وقت ممكن…
ندى(بتسمات) : اوكي ملاكي أنا غانتسناك ومتنسايش تجي معاك تهاد لبنت…
_ومتليها سارة براسها وقربات دفعات وجدان لي من بعد مسلمات على دراري صغار اولا صحابها كيف سماتهوم خرجو بزوج…
سارة : بانليا بلي تصدمتي من هضرتها…
وجدان : وي بزاف مشاء الله صغيرة وكيفا ش كتهضر صراحا ستغربت بزاف…
سارة(بتسمات) : تأنا اول مرا شفتها ستغربت وتصدمت فيها وفهظرتها وفهاداك لوقت كانت باقي صغيرة على هكة…كانت كتناقش معايا فبزاف دلأمور لي كبيرة على سنها لكن مشاء الله ربي لي عطاها هاد لفكر لي زايد على لوزوم…
وجدان(بتسمات) : وي مشاء الله ربي حيت كيعطي كيعطي وكيدهش…
(ويييي ربي منين كيعطي كيددهض عقلك مكيتثبلش بسهولة بسبب معجزاته ربانييية لكن ضرووري صبر نتمنا هادشي يفيد وحدا منكووم…خليوليي رئيكووم البنااات … ❤🍒.)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت20💐💙
سارة : ونعم بالله مم دب غانمشيو لكلينيك نطلو على نادية ونطمو على حالتها نتغداو باش فلعشية نديك معايا لدار غدا خاص تمشي ليسي…
وجدان : سارة…
سارة(بتسغراب) : مم شنو…
وجدان : باقي مقلتيليا عليك والوا ديما كتقولي كلمة وحدا لي غمضا ومتكمليش…
سارة(بتسمات) : منين يجي لوقت لمناسب غانقوليك كولشي حبيبتي…
_وصلو قدام لوطو وركبو بزوج بيهوم من بعد مساعدة سارة لوجدان وتحركو لكلينيك…
*فدار*
_وقفة مباركة كتمشي وكتجي لبسة جلابتها ودير فولار رهييف كيبين شعرها لي نصه فلون صفر …تتحل الباب ودخل…
مباركة : تعطلتي اوليدي شنو قتليك أنا…
اشرف : متصدعينيش الواليدة مكنتش مسالي يالله ساليت دبة…
مباركة : ايييه اوليدي انا نخمم كيفاش نخرجو منها ونتا تعطل وغوت عليا من لفوق…
أشرف : شووفي لكنتي غتبقاااي معصبا ديلمي كل نهار انا نمشي نسلم راسي ومرضنا معندو باس…
مباركة : صافي اوليدي مديش عليا صافي دب سير لبس عليك زيد نطلو على ختك…
اشرف : واااش ضرروري ياك مشينا نهار وقع لي وقع خاص ضروري نمشييو اصلان غاتكون قريب تخرج…
مباركة (بعصبيية) : اوا لاواااه اولدي لواااه انا ندوي معاك مقاد ونتا عوج فلهضررة سير تلبس وزييد قدايمي درتلييك لخاطر فووق جهد…
اشرف(عوج فيها) : صبرر صبرر معاكوم تفوو…
مباركة(تحت سنانها) : اييه اولد كرشي هادشي لي نستاهل من عندك…
_اشرف دخل وسد الباب موراه تتأكد بلي سدو مزيان…توجه لمريو صغير فجنب جبد تيليفون صغير…غير شعلو لقا تصال لي كيتسنا…بتاسم وصونا فلبلاصة…لقليل فقط جوب لي تاصل بيه..
اشرف(تنهد) : تخلعت ملي صونيت لبارح ومكان لي يجوب…
(مهم هادو بارت دليوم كانت عولا نحط خمسا لكن تال غدا وغانبدا نحط خمسا نشاء الله لكن فرحوني تنتوما باشهارات يزعمو بنات اوخريين وخلي رئيك بب متخسري والوا…وباش نكونو مفهميين راه اشرف مكيديوش معا صاحبتو ولا خاطيبتووو ههههه…. ❤🍒)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت21💐💙
_اشرف دخل وسد الباب موراه تتأكد بلي سدو مزيان…توجه لمريو صغير فجنب جبد تيليفون صغير…غير شعلو لقا تصال لي كيتسنا…بتاسم وصونا فلبلاصة…لقليل فقط جوب لي تاصل بيه..
اشرف(تنهد) : تخلعت ملي صونيت لبارح ومكان لي يجوب…
…. : مكانش عندي لوقت عاد ساليت سمحليا…
اشرف(بتاسم) : لا غير تشوشت عليك بحكم لي قلتيلي من قبل قلت ممكن تكون وقعات شي حاجة..
…(بصوت روجولي بتاسم) : لا مكين والوا لأمور كولها بيخير…
_تسمع صوتها من برى..
مباركة : أشررف سربي اولدي ليرضي عليك…
أشرف(تنهد بعصبية) : غانقطع من بعد تهلا فراسك وكون حاضي ماشي بساهل…
_قطع على لي صونا ليه ولبس تجاكيط فوق حوايج لي كان بيهوم وخبا تيليفون لي جبد وخرج عندها…خرج سابقها ستقلو طاكسي نشان لكلينيك لي ماشي بزاف كانو قدامه…هوما دخلين وهي كتوصيه…
مباركة : سمع اولدي ليرضي عليك رد لبال لهضرتك تصرف مزيان باش ميشكو فوالوا…
أشرف(تنهد) : لبقيتي تعوديها كل شوية وي بصح غادي يعرفو كولشي…
مباركة(شافت فيه وخنزرات) : اشووف اوليدي وسمع ماشي تعاملت معاك شوية طلعلي فوق راسي …
اشرف : بداي تاني فلكاسيط لي مولفا بييه …
_كانت غاتجوبه لكن بنتليها سارة …رسمات بتسامة صفرا على شفايفها…وتنكرات ملاميح لحزن على وجها…
مباركة : اهلان ابنتي ليرضي عليك فين نلقا نادية واش ولات بيخير شوية …
سارة(قربات ليهوم بشوفات غريبة) : فين كنتو فلمدة ديوماين لي دازت…
_اشرف كيخنزر فيها غير سمع شقالت كان غايجوب كون مشدات فيه مباركة بمعنى سكت ونطقات هيا…
مباركة(بصطناع) : شغانقوليك ابنتي هاد يوماين ونا طيحا فلفراش بحرا باش قدرت نوض من شنو وقع لبنتي ناديية وربي شاهد عليا يابنتي….
سارة(بستهزاء ) : اوو اوا ليشافييك اخالتي باين فيك نيت حالة لمرض دزت عليك هاد يوماين….
(ممم يتررى شكوون هااد شخصصص وخا تعياو ميطيحش فبالكوووم اشهادشيي ولاهييلاا هههه خلي رئيييك بب لتهربيش
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت22💐💙
_مباركة كرزت على يد أشرف لي شداه…
مباركة(بتسمات ليها) : ربي يخاليك ابنتي قوليلي فين بناتي بزوج …
سارة : كون نيت كتهمك كون عرفتي بلي نادية راها فكومة دب وممحددش لوقت لي ممكن تنوض فيه…وسيفطتي(شافت فأشرف) هادا يعرف فين غبرات وجدان هاد يوماين…
مباركة(شافت فيمنيها وشمالها وقربات ليها عقد حوجبها) : سمعي ابنتي دب غير غتوريني فين نلقا دوك جوج ولا ميعجبك حال شتك تماديتي ولقيتيني سكت ليك غير راحنا فكلينيك…
سارة(ضحكات) : وجهك بان الحاجة حشمي غير على كبر سنك …
أشرف (خنزر فيها) : حترمي راسك وعرفي معامن كتهضري…
سارة(شافت فيه) : معامن كنهضر متلان…تديرو علاش يحترمكوم بنادم ودكساع على راس ولعين…
_مباركة حسات بلي زادت فيه قربات ليها شدات فيها من حويجها…
مباركة : كتقلبي ابنتي على شي تشطيبة لهاد لكلينيك…
سارة(ببرود) : منديش عليك اخالتي غايكون هادشي لي وقع لبنتك اتر عليك(بتسمات ليها كتزيد على مابيها)…
_مباركة غاتمد يديها وسمعات صوتها…
وجدان(من موراهوم) : سارة ماما شنو كاين مالكوم…
سارة(ضرت لعندها معنقا مباركة بجنب) : لا والوا غير كانت كتسلم عليا مسكينة ماماك ظريفة بزاف …
مباركة(طبطبات على كتف سارة) : اييه ابنتي منين عرفتي هاد لبنت ونعما لبنت تبرك الله…
_وجدان فوجها علامات ستغراب من معاملة باش عملاتها وكلمة بنت ي لي خرجات من فمها …هزات عينيها فأشرف لي غير كيخنزر فيها بلعات ريقها ورجعات نظرها لسارة…
وجدان(بحزن) : قلتيليهوم شنو وقع لختي…
مباركة(بجوج دمعات قربات ليها) : ايييه ابنتي قتلي وشوتلي قلبي يومااين ونا طيييح معلم بيا غير الله وزدت بهاد لخبار لي ضرتني فقلبي يابنتي …
(اوا هيا سارة عبررات علييهوم ولاهيللا بردات لي قلببي لكن باقي مشتو والوا مهم خلي رئييييك بب …. ❤🍒)
قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت23💐💙
_سارة وقف بجنب وعوجا وجها فهادي لي كتصطنع هاد لكلام…كتسال كيفاش وجدان مردتش لباب بأنه فقط كتكدب…
وجدان(بحنية) : متبكيش امي هيا غاتولي بيخير هادشي لي قتليا ختي سارة …
مباركة(كتمسح عينيها ) : نشاء الله ابنتي نشاء الله (رجعات تبكي) كوون غيرر تجي فيا وتفوتها هياا اهه ابنتي وشحال ضرني هادشي شكون يعمر عليا دارر …
_سارة عصبتها بهاد لصطناع قربا تلعندهوم…
سارة : هيا غاتولي بيخيير الالة غير بلا بكا راه كلينيك هدا وناس مراضين…
_وجدان شافت فسارة بستغراب من نبرة صوتها…
وجدان : سارة واش كاين شي مشكيل…
_قبل تجوب ستغلات مباركة لفرصة…
مباركة : انا معرفتش ابنتي مال هاد لبنت قبيلة حيت دخلت قتلي هضرة مزويناش ابنتي وخا هكك قلت عليها بنت ناس لتكون وخدا مني موقيف نحلوه دب غير متعملنيش هك…
_سارة كرزات على يديها وبتسمات بزز…
سارة : لا اخالتي شنو كتقولي بلعكس نتي عزييزة عليا غير شفتك دخلتي لخاطري …
وجدان(بتسمات) : شتي اما غير فهمتي غالط سارة بنت مزيانة…
مباركة (شافت فيها) : اوا هادشي لي بغينا ابنتي …أشرف ولدي اجي نطلو على ختك نادية (شافت فيها) من لبارح وهوا هاز لهم ليها كان كيتسنا غير نولي بيخير نجي انا وياه مسكين…
سارة : اوو مسكيين باين فيه عزاز علييه خوتو …
مباركة(كون صابت تقج عليها) : اييه عزازيين علييه غير هوا مرا مرا كيتعصب ويتصرف غالط…
سارة : اوا ليدومها محبة…
وجدان(شافت فاشرف) : اميين يالله طلو عليها غير من باب ميمكنش يدخل لعندها شي واحد…
_سارة شدات فوجدان ودفعاتها تحركو غادين لفين كاين نادية واشرف ومباركة موراهوم تبعينهوم معجبهوم حال…
( حدتهاليهوم وحقربي لعبرات عللييهووم ااح اقلبي وتعرففو شكيسوااو باقي تكرهوهووم اكتتر مممم لكن معا لوققت غاتشوفو شي حاجةة ويلييي منقوليكوومش اخوتي اجي شوقتكوم ولا لااا ههههه خلي رئيك بب يسهل على زيينا… ❤🍒)

قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت : 24 💐💙
مباركة : شكون هاادي تااني كون صبت نبرد فيها غديدي…
أشرف : منعرف منين عرفتها ديك لبرهوشة…تهنينا من وحدا تخرج لوخرى فجنب…
مباركة : خاص تبعد عليها غادي غير تزيد تعمرليها راسها…
اشرف : هيا لشديتيها وتبعتيها مورك لدارهوم هاديك فكومة علم الله امتا تنوض ادن معندها مدير معا هاد ختنا…
مباركة(بهمس) : بالي غالقاو معاها مشاكييل …
_قبل ينطق كانو وصلو شافت فيهوم سارة…
سارة : قربو لهنا باش تبنليكوم…
_قربات كل من أشرف ومباركة…كيشوفو فيها …مباركة لي بغات تبكي لكن حسات بدموع مبغاوش يخرجو كيف لي فات…
مباركة(بنبرة حزينة) : مسكينة بنيتي وامتا تفيق هيا…
سارة : باقي يتوحد معرف امتا ممكن تفيق…
مباركة(قلبات وجها لباب وبانت على شفايفها بتسامة شر) : ربي يشافيها(رجعات نظرها لوجدان) خاص نمشيو ابنتي يالله …
وجدان(بلعات ريقها) : وو خا نمشيو امي…
_قربا تبغات تدفعها …
سارة : احم بلاتي بغيت ندوي معاها قبل متمشي…
مباركة(خنزرات فيها بحكم مكتشوفش فيها وجدان) : فاش دوي معاها ابنتي…
سارة شي خاجة بينتنا وصافي(قربات جرات لعندها وجدان وبعدو شوية عليهوم) : سمعي نقولييك وييك تفكري قريتك تغيبي عليها (جبدات من جيبها تيليفون وحطاتو فحجرها) خلي عندك هادا فحالة حتجيتيني منبغيش نسمع عتراض متردديتش انا كل نهار غادي نجي عندك…
وجدان(ودموع فعينيها) : احم وو خا صافي غايبقا عندي لكن لشافوه غايحيدوه ليا…
سارة : خ بيه اوجداان اي مشكيل اي حاجة صوني ليا غاتلقيني عندك فلبلاصة بليز متردديتش انا قلبي مطمنيش من هاد لمشية ديالك…
_من بعد موصتها ووجدان حاسا بانه غاتوقع شي حاجة ماشي هيا هاديك رغم انه تعملات معاها مباركة مزيانة لكن هيا عرف معملتها لهيا لخوها مبغاتش تبين لسارة انها قبيحة معاها بزاف رغم انه ممكن تكون بينا ليها…ودعتها سارة غير بزز تاهيا قلبها ممهنيهاش…وخرجو كل من مباركة وأشرف جنبها وجدان دفعاها مباركة لبرى…
مباركة(بين نفسها) : هادي همزة مزيانة(بتسمات بشر)….

قصة: أحلام العمر(أصبح المستحيل حقيقة) 👑💎
بأنمالي : وئام لإدريسي ✨💙
لبارت : 25 💐💙
_من بعد موصتها ووجدان حاسا بانه غاتوقع شي حاجة ماشي هيا هاديك رغم انه تعملات معاها مباركة مزيانة لكن هيا عرف معملتها لهيا لخوها مبغاتش تبين لسارة انها قبيحة معاها بزاف رغم انه ممكن تكون بينا ليها…ودعتها سارة غير بزز تاهيا قلبها ممهنيهاش…وخرجو كل من مباركة وأشرف جنبها وجدان دفعاها مباركة لبرى…
مباركة(بين نفسها) : هادي همزة مزيانة(بتسمات بشر)….
_تحركو غادين وشدو طاكسي نشان لدار…لقليل فقط كانو قدامها…هبطات كل من مباركة وأشرف بدون ميضورو عندها يعونوها تهبط…شافيها مول طاكسي…
مول طاكسي : بنتي مأتهبطيش…
وجدان(حسات بإحراج) : ا احم و وخا هانا نهبط …
_حولت تحرك رجليها لي كتقدر تحركها لكن وخا تحول تهبط ميمكنش معندهاش كيفاش دير بحكم لكرسي كاين فلكوفر ومعرفتش كيفاش دير…حسات بدموع فعينيها من هاد تصرف لي دارو ليها…علاش ولات هك ياك يالله دب كانت مزيان علاش تقلبات فلبلاصة …مول طاكسي لي كان حاضيها وتحصر على حالتها وعلى لمرا ودري لي كانو معاها وهبطو بدون ميعيروها هتمام…هبط جبدليها كرسيها وقدوليها قدام طاكسي وعونها تهبطات وجلسات فوقه…
وجدان(شافت فيه ) : شكرا بزاف سمحليا عدبتك معايا ربي يجازيك…
مول طاكسي(لحض دمو ع لي كيبريو فعينيها) : مكينش مشكيل ابنتي ميبقاش فيك الحال قرييب غايفرج عليك ربي غير خليك صبرى مزال ربي يعاونك…
_وجدان دموع لي كانت حبسا هبطو…بتسم ليها شيفور طاكسي وطلع مشا من تما اما هيا…مسحات دموعها ودورات عينيها على لمكان لي كان شبه عامر بحكم باقي لعشية باقي مطح ضلام…تحركات دخلة تدخلات وسط دار دخلة وحاسا بلخوف من صبها صغير…هيا عرف او متاكدة انه غايوقع بزااف وختها ممعهاش…مكينش لي يحامي عليها ويوقف فوجهوم وخصوصا …يالله زادت خطوة بكرسيها سمعات صوتها…
مباركة(كتحيد حويجها) : اسمعي نتي هاااه دخلي وجديلنا منجدغو راه قتلنا جووع…
وجدان(حدرت راسها) : ل لكن …
مباركة(قطعاته خرج فيها عينيها) : اششنوو كيفااش لكن واااش بغا تقوليلي لااا مبغاش دخلي طيبييي كيف قتلييك ولا شنوو ….
ودان(بتسمات بجزن) : لا لا أنا غاندخل صافي غير متعصبيش…
_مباركة طلعتها وهبطتها بشوفات ناقصين ورجعات جلسات فوق صداري…اما وجدان تحركات تدخلات لكوزينة معرفتش كيفاش غادير …وكلات امرها لرحمان..قربات بوطاجي غسلات يديها لحاجة لي مزيانة هيا انه بوطاجي قصيير ولكرسي طويل يعني كتوصل.

Leave a comment