Skip links

قصة : نعمة مهووس ج2

 9,160 عدد مشاهداات

🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 26
خرجات رقية متوجهة للمستودع دازو شي دقائق و وصلات نزلات من الطوموبيل بكل ثقة تقول ما هادي رقية لي كتعامل نعمة بديك الطريقة حيت فالخدمة كتقصح رااسها و قلبها و كلشي فيها كيقصاح كتفكر غا داك الصغر لي عاشتو باش متحن فحتى وااحد
نزلات لقات زوج رجال واقفين برا لقاو عليها التحية و دخلات للمستودع لقات رجالها اخرين زوج مع اونطونيو يدها اليمنى كيف كنقولو لقاو عليها التحية بادلاتهم التحية غير انها تكفي تحرك راسها
حطات ساكها على الطابلة و سوارت طوموبيلتها و هزات راسها فيهم بكل ثقة نطقات
رقية؛ كيف غادة الخدمة
اونطونيو جامع يديه و كيشوف فيها معلي راسو ؛ مدام رقية كلشي هو هداك لحد الساعة ولكن شهر مسيفطي حتى شي سلعة ل روبن تقلق كل مرة كنعطيه عذر اخر أجل غدا و غادي يقلب على شي حد اخر يخدم معاه
رقية بامتناع؛ لا الليلة قوليه توصلك السلعة
اونطونيو؛ و ولكن كيفاش الليلة و ا مدام
رقية؛ صوني ليه دابا قوليه الليلة توصلك و فحسابي توصلني 15 مليون (بافتخار) 15 مليون كاملة
اونطونيو؛ واخا مدام
شد التيليفون من جيبو و دوز الخط ل روبن حتى جاوبو (اكيد ماشي بلغتنا البنات كيدويو باللغة الاسترالية كيف ما قلت قبل)
روبن؛ هاي
اونطونيو؛ موسيو روبن (بلا مقدمات) الليلة السلعة توصلك و الفلوس 15 مليون تكون ف حساب مدام رقية (شاف فيها)
روبن ضحك؛ هاه اك توصلني السلعة توصلك الامانة
اونطونيو؛ اك باي
خشا التيليفون ف جيبو و شاف ف رقية؛ ها مدام دابا منين انجيب البناات
رقية سهات لوهلة و نطقات كتشوف فيه؛ تبعوني
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 27
معليهم الا يتبعوها و يشوفو اش باغا تصنع هزات ساكها و سوارت طوموبيل و خرجات برات المستودع و هوما وراها حلات طوموبيلتها حطات ساكها و شافت فيهم
رقية؛ اتركبو ف طوموبيل الكبيرة و تبعوني
الرجال؛ امرك
ركبو فالسيارة الكبيرة لي كيخطفو فيها البنات و هي ركبات سيارتها و كسيرات خلات غا العجاج موراها و حتى هوما بقاو غاديين فوسط دوك الشجار حتى وصلو للطريق و قللو السرعة بقات غادية و هوما موراها دازت تقريبا شي نصف ساعة و بلاصات الطوموبيل حدا وااحد الجامعة و هوما بلاصاو طوموبيل بعيد عليها نقولو فبلاصة خااوية ولكن كيراقبوها هزات التيليفون و دوزات الخط ل اونطونيو حتى جاوب
رقية؛ هادي جامعة بلا منقوليك اش دير اي بنت تحس بيها تجيب ليا الربح خودها خود 4 بنات براكة و وحدة اناخدها انا
اونطونيو؛ اك مدام ولكن كيف غندير
رقية: واش انا انورييك اش غدير دير داك الشي لي خاصو يدار الله يعاونك
قطعات معاه و بقات جالسة فالطوموبيل و مراقبة رجالها غا فالمراية و رجالها فديك البلاصة الخاوية نزل واحد من رجالها بقا واقف تما يتسنا لي دوز زويينة ايخطفها بقا واقف حتى بانت ليه وحدة كدوي فالتيليفون زعرة و لابسة لباس فاضح شاف هاك و هاك و مشا وقف عليها
الرجل؛ سلام ممكن نسولك
البنت لسوء حظها قطعات التيليفون و شافت فيه؛ اه سول
الرجل شير ليها باش دور؛ هاداك المحل واش اليوم ميحلش (غاا دارت شد زيف من جيبو دار فيه برودوي بالخف غاا دارت عندو باش تنطق حسات بالزيف على نيفها بقات كتنتر حتى سخفات شافها سخفات شاف هاك و هاك و طلعها فالطوموبيل)
بقا هكاك لي دوز زوينة و جايبة راسها يقلب ليها على شي حيلة و يسخفها و يطلعها حتى وصل 4 د البنات ركب لقا الرجال لاخرين ربطوهم و قلعو للمستودع من بعد ما عطاتهم رقية الاذن
اما هي بقات فطوموبيل كتفكر حتى حد ما عارف اش تحت راسها شافت من بعيد وااحد البنت دايزة من تماا زويينة بزاف و بريئة فالدقيقة التسعين نزلات من طوموبيل كتبكي و شادة على كرشها
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 28
نزلات كتبكي و شادة على كرشها
رقية بدموع تماسيح؛ اهئ اااه عاونوني كرشي
ديك البنت كانت دايزة لمحات رقية قبل متوصل مشات عندها كتخف شدات فيها
البنت؛ خالتي مالكي شواقع ليك
رقية كتبكي؛ احح كرشي ابنتي كرشي كضرني بزااف انموت
البنت؛ فف صبري نصوني ليك للومبيلونص
رقية؛ احح لا لا الى بغيتي ابنتي الله يخلييك وصليني لداري بالطوموبيل واش كتعرفي تسوقي
البنت؛ ا اه كنعرف اخالتي واش كتسكني بعييد
رقية؛ ل لا غا نصف ساعة و نوصلو عفاك تما عندي الدواء ديالي
البنت؛ فف واخاا اخالتي ركبي
ركبات رقية القدام و البنت ركبات كتسوق شدات الطريق رقية كتوريها فاشمن اتجاه لي هو اتجاه المستودع طريق كلها رقية كدير راسها توجع و البنت كزيد فالسرعة حتى شافت راسها وصلو الغابة وسط الشجار
البنت كتسوق بشوية؛ واش كتسكني هناا (بتعجب)
رقية؛ اه هنا بعييد على البشار
البنت لمحات مستودع و قدامو طوموبيل كحلة كبيرة بدا يدخلها الشك؛ واش هنا اخالتي ولا شنو
رقية؛ وقفي هنا حدا هاد طوموبيل
البنت وقفات حدا الطوموبيل و قلبها كيضرب بجهد نزلات رقية صحيحة بحال الى كانت تكذب اصلا هي كانت كتكذب ديك البنت تصدمات هنا عرفات القضية حامضة نزلات و هازة ساكها عندها
البنت؛ خالتي نتي بخير علاش كنتي كتكذبي
رقية مداتهاش فهضرتها عيطات على واحد من رجالها ديك البنت غا شافت الراجل قد السخط خارج من المستودع عطات رجليها للريح كتجري ولكن معامن هي كان اسرع منها فدقيقة شدها من شعرها و هزها على كتافو خلاها كضرب ليه فظهرو و تبكي ولكن والو دخلها للمستودع غاا شافت دوك البنات مربوطين تماا سخفاات بالخلعة رقية هزات ساك ديك البنت رماتو تما فوق الطبلة
رقية؛ ربطها معاهم
ربطها معااهم حتى هي
رقية؛ خليوهم هنا (شافت فساعتها) الليل 9h ديوهم ليه
اونطونيو؛ امرك مدام
رقية خارجة؛ انمشي عندي شي شغل
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 29
خرجات رقية ركبات فسيارتها و كسيرات لوجهتها متشوقة امتى تشوف نعمة حيت بزاف مشافتها حسات بحال الى توحشاتها ولكن قبل ما توصل لعند نعمة دازت لمحل (باتيسري) خدات حليوات مدغمرين بالشكلاط و عاد كملات طريقها مدازش بزاف د الوقت و وصلات لدار سمى
نزلات شادة ساكها و بواط الحليوات فيديها رنات فالباب حلات ليها سمى وسعاا عنيها ب فرحة و سلمات عليها
سمى؛ مرحباا مرحباا دخلي
رقية دخلات؛ ربي يخلييك هه (سمى شدات البواط من بعد ما شكراتها و دخلو للصالون جلسو)
سمى؛ كيف امورك بخير
رقية كدور فعينها؛ الحمد لله فين نعمة
سمى ؛ هه (عيطاات) نعمة نعمة (شافت ف رقية) شريت ليها تيليفون و خليتها تفرج فبيتي
رقية؛ اهااه هه مزيان باش متقنطش
من بعد ما سمعات نعمة عياط سمى نزلات كتخف شعرها كيديه الريح و الفرحة على وجها فهاد الشهر تبدلات شوية رجعات نقية و انيقة كتلبس غير الفن و زادت فالوزن بالماكل لي كتاكل حيت سمى مهلية فيها بزااف بحكم معندهاش شي حد لي تعاملو هاكا و تحس بحال الى عندها شي بنية
نعمة عاجبها هاد العيشة لي تغيرات ١٨٠ درجة ف دقيقة وحدة ولكن يا ترى واش غدوم هاد الفرحة 🥺💘
نعمة نازلة فالدروج لمحات رقية جالسة و حتى رقية شافتها وقفات تقدمات شوية عندهاا حتى تعاانقو
نعمة؛ ماما رقية (معنقاها) توحشتك بزاااف فين كنتي
رقية؛ بنتي نعمة (باستها فشعرها)
نعمة شافت فيها؛ واش مبقيتيش باغياني اماما رقية
رقية عبسات؛ ششش شكون ميبغيش هاد الزين (دوزات على شعرها) غا كانت عندي الخدمة ا حبيبتي و دابا رجعت لييك ناخدك معايا
نعمة بفرحة؛ واخاا اماما رقية عرفتي خالتي سمى (شافت فيها بعنيها الزرقين بحنية) عاملاتني مزياان و ظريفة و حنينة بزااف
رقية شافت ف سمى بحب؛ هادي هي سمى حنيينة بزاااف ابنتي فرحت حيت تفاهمتو
سمى مبتاسمة؛ راها بحال بنتي لي معنديش
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 30
بقاو هكاك داويين و فرحانين تقول ما هادي هي رقية لي كتبيع و تشري فالبنات بلا رحمة بلا شفقة
و هوما داويين ناضت سمى صيبات عصير و دوك الحليوات فبلاطو و جابتو حطاتو كبات ليهم عصير و بداو كيشربو و ياكلو و يتبادلو اطراف الحديث و البسمة مالية وجوهم
داز هكاك النهار عند سمى و نعمة و رقية دوزوه مع بعضهم تغداو مع بعضهم و الكوتي حتى هو مع بعضهم فرحانين و ناشطين خصوصا نعمة كتحس بلي و اخيرا الدنيا ضحكات ليها و مغتعاودش تقاسي مرة خراا ولكن منعرف سبحان مبدل الاحوال
غربات الدنيا 🦋🦋🦋🦋 من بعد ما دوزو النهار مع بعضهم مشات نعمة جمعات حوايجها لي جابت و حتى الحوايج لي شرات ليها سمى ف باليزة هزات تيليفونها و نزلات مع الدروج شافت ديريكت ف سمى مشات عنقاتها
نعمة؛ شكرا بزاف طاطا سمى على لي درتي معايا
سمى عنقاتها؛ واجب راك بنتي
فصلات العناق و توادعو مع بعضياتهم اكييد اترجع عندها من بعد خرجات حطات باليزتها فالسيارة اللور و ركباات حدا رقية و شدو وجهتهم للدار مدازش بزاف د الوقت غير وصلو نزلات رقية ونعمة متبسمين رقية هزات باليزة نعمة و حلات باب الدار و دخلو لقاو الدار خاوية حيت الخادمة مكيناش نعمة نطقات
نعمة؛ جيبي اماما رقية نطلع الباليزة
رقية بامتناع؛ لا انا ناخدها علييك
طلعات الباليزة الفوق لبيت نعمة و حتى نعمة طلعات معاها حلات باليزتها و جبدات الملابس رتباتهم فالبلاكار سالات و شافت فرقية لي هازا تيليفون نعمة و كتشوف و تبسم مشات نعمة جلسات حداها لقاتها كتشوف فالصور
نعمة؛ هه كنت ديما كنتصور انا و طاطا سمى
رقية؛ اه هه و تعلمتي ليه
نعمة بحزن؛ صراحة لا مكنعرفش نخرب فيه غير التصاور و كنعرف داك لي كيتفرجو فيه كندخل تما هدا معلمتني طاطا سمى
رقية حطات التيليفون؛ مع الوقت نعلمك انا ا حبيبة (بغات تطلف الجو) ممم فيك الجوع
نعمة؛ هه شوية و صافي (متبسمة)
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 31
نعمة؛ شوية و صافي
رقية بلا متحس بغات غا تشوف نعمة فرحانة؛ واخاا الليلة نخرجو ناكلو على برا
نعمة: بصااااح
رقية: اه ياله نوضي لبسي شي حاجة و نمشيو دابا
نعمة ناضت كتخف للبلاكار؛ واخاا اماما رقية ههه اخيرا انخرج
رقية تكاكات مع مخها كيفاش حتى نسات بلي خطر انها تخرج نعمة برا حيت ممكن يشوفها انجيلوس ولا شي حد من معارف لي كتخدم معاهم قالت ماعليش الليل هدا ممكن حتى حد ميشوفها و هي كتفكر كانت نعمة لبسات تيشورت غوز مع سروال ابيض و سبرديلة جات كتحمق خلات شعرها مطلوق
نعمة؛ ساليت هه
رقية وقفات؛ واخا ياله
هبطو لتحت هزات رقية سوارت و خرجو من الدار ركبو سيارتها و توجهو للمطعم لي اياكلو فييه مدازش بزاف د الوقت و وصلو نزلات رقية و نعمة لي غاا حالة فمهاا فالمطعم جنب البحر منظر كيحمق شدات فيد رقية و نطقات
نعمة؛ وااو وااعر اماما رقية
رقية؛ فرحت ملي عجبك
شدات فيديها و هوما غاديين دخلو للريسطو شدو طابلة بحدهم نعمة غا حالة فمها و رقية ملاحظة الفرحة على وجه نعمة نسات كلشي بقات غا ساهية فيها مدة عاد وعات فاش جا السرباي طلبات زوج اطباق استرالية ليها و ل نعمة
مشا السرباي و بقات نعمة كضحك: ماما رقية فنة هاد البلاصة
رقية: اه كنت كنجي هنا انا و ولدي عاصم
نعمة شافت فيها؛ ولدك عاصم واش كبير ولا صغير
رقية؛ كبير كي السبع ههه عيونو كي الصقر
نعمة؛ مغنشوفوش ا ماما رقية
رقية تمحات الابتسامة على وجها؛ لا غتشوفيه من بعد
نعمة ببراءة؛ ماما رقية عرفيني بيك كتر بحال شنو كتخدمي و ..
رقية قاطعاتها؛ نعمة هادو امور الكبار
نعمة؛ س سمحيلي
جاب السرباي الاكل حطو و حط معاه مشروبات غازية نعمة بدات كتاكل ف صمت و حتى رقية نفس الشي حتى سالاو اطباقهم نطقات رقية
رقية حسات بلي قصات شوية عليها؛ بنتي نعمة متديش عليا عيانة و صافي
نعمة؛ ماعليش ماما رقية
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 32
رقية؛ نجلسو شوية ناكلو كلاص و نمشيو واخا
نعمة؛ واخاا هه
طلبات رقية زوج كلاص باش تفرح نعمة ف زوج دقايق جاهم الطلب بقاو كياكلو و متبسمين فحين رقية وصلها ميساج شافت فالتيليفون و تبسمات ابتسامة ف شكل
ميساج(( مدام رقية تمت المهمة وفحسابك وصلاتك الامانة))
حطات التليفون و كملات كلاصها هي و نعمة حتى سالاو ناضت رقية خلصات و رجعات عند نعمة شداتها من يديها و خرجو من الريسطو ركبو سيارة رقية و هوما ايركبو لمحاتهم واااحد العيون و كتشوف فييي رقية بكل حقد ولكن الرؤية لنعمة كانت فشكل كانت نظرة شهوة و نظرة غريبة بحال الى كيعرفها من زمان
ركبو السيارة و توجهو للفيلا مدازش بزاف دالوقت و وصلو كان الحال تعطل غا وصلو دخلو للدار طلعات رقية و نعمة للبيت بدلو ملابسهم و تخشاو حدا بعضهم نعمة شكراات رقية على الخرجة حيت فرحات و شافت الدنيا من بعد ما سالاو هضرتهم استسلمو للنعاس
فالخارج د فيلا رقية كان فالطوموبيل واقف بعيد شوية و حاط يديه على ذقنو
انجيلوس؛ مممم هاكا ا رقية خازنة عندك هاد الجمال انا نورييك اش كيديرو بييه
شد التيليفون من جيبو ودوز الخط لشخص من رجالو
انجيلوس؛ الو مارتن ايمتا ديك العصابة بغات السلعة
مارتن؛ بغاتها من هنا ل يومين
انجيلوس: ممم واخا انسيفطو ليهم السلعة و قوليهم من موراها انبعت ليه هدية من عندي مميزة
مارتن؛ امرك سيدي ولكن مفهمتش
انجيلوس: ها انا جاي و نفهمك
بعد الوقت✔✔ وصل انجيلوس لدارو لقا مارتن على برا نزل من طوموبيل و توجه عندو مارتن لي لقا عليه التحية
انجيلوس؛ ياله ندخلو و ندويو
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 33
دخلو لداخل جلسو على طاولة المشروبااات مارتن كب كاس ل انجيلوس و حتى هو كب ليه كاس
انجيلوس رشف من كاسو و حطو؛ ممم ديك العصابة من هنا ليومين اتسيفطو لييها البناات لي قتلييكم و من بعد قوليه اتوصلو حاجة مميزة من عند انجيلوس
مارتن؛ شمن حاجة مميزة
انجيلوس؛ رقية عندها واحد الجوهرة و انا اناخدها منها ندير فيها مبغيت و ناخدها لييه يبيعها هههه (ضحكة شيطانية)
مارتن تبسم؛ هاه واخاا اموسيو
انجيلوس شرب كاسو كامل و طلع لبيتو ف حين مارتن خرج برات الفيلا
انجيلوس حيد ملابسو و لبس سروال بيجامة و بينوار مبين صدرو المشعر هز تيليفونو و قرر يصوني ل رقية باش يبين ليها بلي هو قادر يدير كلشي ولكن مصوناش مشا للمجر جبد لاكارط د تيليفون اخرى حتى حد معارفها مغير رجالو ركبها فالتيليفون و دخل نمرتها و دوز الخط
رقية كانت ناعسة حتى سمعات تيليفون كيصوني ناضت دغيا جاوبات بلا متشوف النمرة باش نعمة متفيقش
رقية بصوت ناعس؛ الو
انجيلوس حاول يبدل صوتو؛ اووو لالة رقية
رقية معرفاتوش؛ شكون معايا
انجيلوس؛ حتى حد بغيت نقول ليك الجوهرة لي فملكك قريب اتولي فملكي
رقية؛ اا ( تيت تيت قطع عليها حطات تيليفون بشوية فوق الكوافوزة و بقات مصدومة) فففف شنو كيقصد هداا
دارت بغاا تنعس و هي تلمح نعمة عاااد تكاكات بلي كان عليهااا شدات فقلبها بالخلعة
رقية؛ لاا ميمكنش كيفاش حتى مفهمتوووش فف انا سبااااب انا خرجتها انااا داباا اش غندير (وقفات كتمشي و تجي) ولكن شكون ايكوووون (حطات يديها ففمها مصدومة) انجيييلوووووس شكون من غيروووو هووو
جلسات تاني مصدومة؛فف اش غندير داباا (نعسات حدا نعمة و كدوز على شعرها و فنفس الوقت كتفكر شنو اديير و كيغادير تخرج نعمة من هاد المأزق بقاا كتفكر حتى استسلمات للنعاس)

🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 34
اشرقت الشمس بنورها 💙💙💙 فاقت رقية هي اللولة باست نعمة فراسها لي عااد ناعسة كيف شي ملاك
مشات للدوش قضات حاجتها شللات راسها و خرجات نشفات جسمها و شعرها و لبسات ملابسها و مشات لكوافوزة صيباات مايكاب خفيف ظريف سالات تلفتات ل نعمة لقاتها حالة فمها تبسمات بخفة و قربات عندها
رقية؛ مغنخلي حتى شي حد يآذيك
هزاات ساكها و نزلات لتحت لقات الخادمة وجداات الفطور جلسات فطراات بشوية عليها و وقفات هزات سوارت طوموبيل و مشات للكوزينة عند الخادمة
رقية؛ فاش تفيق نعمة قولي ليها عندي شي شغل مغنتعطلش
الخادمة؛ اك مدام
مشات رقية خرجاات ركبات سيارتها و توجهات للمستودع مدازش بزاف د الوقت و وصلات كيف ديما لقات رجالها تماا نزلاات دخلااات للمستودع لقات اونطونيو تماا جالس كيرشف من كاس القهوة شافها وقف هز ليها راسو كتحية
رقية حطات ساكها و نطقات؛ اونطونيو دابااا بغيتك تعرف لياا هاد النمرة (جبدات تيليفونها و ورات ليه النمرة) ديالمن و اينا بلاصة
اونطونيو شد من يديها التيليفون؛ دابا امداام
مشا اونطونيو للبيسي لي محطوط بقا كيخربق فييه حتى ظهر ليه الرقم لينا بلاصة تلفت عندها
اونطونيو؛ مدام رقية البلاصة .*****
رقية مصدومة؛ كنت عارفااه بلي هووو
اونطونيو؛ كيفاش
رقية شافت فيه؛ راقب لياا رقم انجيلوس داباااا ا اونطونيو دابااا و عرف لياا اش ناوي يدير دابااا و اي حاجة كانت تاصل بيااا على الفور
اونطونيو مفاهم والو ؛ امرك
هزات ساكها و خرجات لبرا ركبات سيارتها و توجهات لصاحبتها سمى لي ممكن تعاونها او وتعطيها شي حل …
عند نعمة فااقت كتكسل حلات عويناتها ملقاتش رقية هزات كتافها و دخلات للدوش قضات حاجتهاا و غسلات وجها و خرجات ملبسات والو بقات ب بيجامتها صايبات الناموسية و نزلات لتحت لقات الفطور وااجد جلسات كتاكل بشوية عليهاا حتى سالات و وقفات مشات للجردة لعلى و عسى تلقا رقية ولكن ملقات والو استغربات و دخلات عند الخادمة لي كانت كتجمع الطابلة
نعمة؛ ختي فينها ماما رقية
الخادمة متبسمة؛ اتقضي شي شغل و ترجع
نعمة؛ هاا واخاا اختي
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 35
✔✔عند سمى و رقية
جالسين و كيرشفو من القهوة لي وجدات سمى
سمى؛ داباا اش غاديري ا رقية ها نتي ورطتي البنت
رقية؛ فف متزيدينش ا سمى راه ميمكنش نخليه يمسها الشارف الهارف يخخ ندمت لي خدمت معاه
سمى؛ دابا فكري اش غديري
رقية؛ عطيت ل اونطونيو يراقبلي مكالماتو
سمى: ويلا راقب مكالماتو اش غيتبدل
رقية بلا مقدمات؛ انشكي بيه
سمى حطات كاس دالقهوة؛ رقية اش كتقووولي
رقية؛ مكان حتى حل انشكي بيييه انشوف اش ناوي يدير و انشكي بيه باش يغبر من قدامي
سمى: ماشي حل راه ممكن يوصي رجالو يقتلو البنت ولا شي حاجة متغامريش
رقية؛ لاا لاا منضنش مهم هو يغبر من قدامي و يخلي عليه البنت
سمى: و نتي مناوياش تخلي هاد الهم و تعيشي حياتك عادي ولا غا باغا تزيدي تورطي راسك رقية عفاك فكري ف ولدك عاصم
رقية وقفات؛ فف ا سمى سكتيني دابا انمشي باش نعمة متحس بوالو
سمى: واخا الالة اي حاجة جديدة علميني
رقية هزات حوايجها و خرجات؛ واخاا
ركبات سيارتها و توجهات لدارها دازو شي دقائق و وصلات للدار نزلات من طوموبيل و دخلات للدار حطات سوارت و طلعات للبيت حلات الباب بشوية لقات نعمة مفسحة كتصور
رقية ضحكات عليها؛ ههه اش سايرة ديري
نعمة تفافات؛ ا ماما رقية س سمحيلي
رقية مشات جلسات حداها؛ لا ماعليش هه (شافتها باقا ب بيجاما) علاش مبدلتيش
نعمة بحرج؛ غا نسيت
رقية: ماعليش هه (شافتها حطات راسها) واش قنطي
نعمة بخجل: ل لا
رقية؛ واخاا هبطي نعومو ف لابيسين اصلا الجو سخون
نعمة شافت فيها بفرحة؛ واش بصاااح انعومو واخاا منعرفش ولكن نعوم معاك
رقية؛ يااله نلبسو لي مايو و نزلو
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 36
عند اونطونيو من بعد مدة طويلة و هو مراقب اتصالات ديال انجيلوس و اخيرا قرر يشدو من يدو لي كضرو كيف ما كنقولو تم تما هز التيليفون دوز الخط لرقية لي كانت فلابيسين كتعوم هي و نعمة (ماشي غارق ساهل انها تعوم فيه واخا متعرفش) تيليفون رقية كان محطوط فوق الطابلة مع العصير و داك ااشي سمعاتو كيصوني خرجات من لابيسين لوات فوطة على خصرها و هزاتو
رقية؛ امضرا
اونطويو؛ مدام رقية غدا دار الهضرة مع شي شاري و ايدي ليه السلعة للبلاصة ***** (سكت شوية و نطق) و ناوي ياخد ليه شي حاجة مميزة لي معرفتهاش اش هي مهم انه واثق من كلامو و قال بلي ثمينة
رقية مغززة؛ الكلب تفوو مهم اونطونيو شكرا زيد راقب مزياان مكالماتو و اي حاجة قالها مامفهوماش تاصل بيا صافي و غدا شوف الوقت لي ايمشي فييه و علمني باش نوجد ليه مفاجأة
اونطونيو: امرك مدااام
قطعاات معاه و جلسات على الطاولة كتشوف فنعمة واقفة فلابيسين متبسمة الماء واصل ليها لصدرها تلفتاات شافت ف رقية و تبسمات الاخيرة بادلاتها الابتسامة
🖤🖤🖤عند الصقر ديالنا عاصم جالس بهيبتو فالمكتب ديالو و فالكرسي الاخر جالس رجل اخر
عاصم بثقة؛ ميمكنش ليا نعقد شراكة معاكم و نتوما شركتكم كتعرض للافلاس
الرجل؛ كنواعدك انصلحو المشاكل د البنك و متبقاش مهددة بالافلاس
عاصم سد الملف؛ خرج
الرجل؛ عطيني فرصة
عاصم مد ليه الملف؛ ها الباب قدامك و ملي تخرج سدها
الرجل وقف شد الملف و خرج بلا ميزيد فالهضرة
عاصم بقا جالس حتى جات فبالو رقية قرر ايتاصل يسول فيها شد تيليفون و تاصل بيها
رقية كانت جالسة حتى شافت تيليفون كيصوني شافت بانه عاصم قلبها دق بسرعة اول حاجة هي شافت ف نعمة لقاتها كتلعب فالما جاوباات و عنيها على نعمة
رقية؛ ولدي حبيبي
عاصم؛ الوالدة لباس عليك
رقية؛ الحمد لله ولدي نتا بخير كيف ماشي مع الخدمة
عاصم؛ الحمد لله الوالدة امورك بخير مخصك والو
رقية وقفاات كتمشى؛ بخيير اولدي مخصني والو من غير سلامتك
عاصم؛ لهلا يخطيك الوالدة
رقية جات تهضر و هي تسمع نعمة كتعيط
نعمة؛ ماما رقية اجيي معايااا (رقية سرطات ريقها)
عاصم سمع صوت البنت؛ الوالدة معاك شي حد
رقية حاولات متبينش ولكن قلبها كيدق 180؛ اه اولدي هادي واحد البنت كتسكن حدايا و جات عندي هه (ضحكة متصنعة)
عاصم بشك حيت سمعها قالت ماما رقية ولكن حاول ميعطيش اهمية للموضوع؛ اهاه مزيان مهم انقطع من بعد نهضرو
رقية؛ اه ولدي الله يعاونك (قطعات الخط و شدات على قلبها) ففف
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 37
رجعات رقية حطات تيليفون و توجهات عند نعمة
رقية؛ نعمة براكة عليك يضربك البرد خرجي رتاحي
نعمة و هي طالعة من لابيسين؛ واخاا اماما رقية
رقية جابت فوطة حطاتها على خصر نعمة و تبسمات ليها جلسو على ديك الطاولة لي تما كيشربو فالعصير و ياكلو المكسرات لي محطوطة فطباسل
داز وقت و هوما هكاك حتى جا وقت الغذاء مشاو دخلو للدار طلعو للدوش دوشات نعمة هي اللولة و خرجات لبسات ملابسها لي وجدات ليها رقية دوبياس و لباس بيض حد الركبة و فيه وريدات غوز خلاتها فالبيت كتنشف شعرها و مشات حتى هي دوشات دغيا و خرجات لبسات حوايجها دوبياس و سروال عريض مورد مع شوميز كحلة نشفاات شعرها و هبطو لتحت لقاو الغدا موجود جلسو يتغدااو ❤
تسريع الاحداث ….. داز يوم وااحد علييهم نعمة فرحاانة و كتحاول تستمتع بكل لحظة كدوز اما رقية كدير ليها الخاطر واخاا بالها مامهنيهاش من انجيلوس ولكن كتحاول دير شي حاجة لي تخلييه يبعد عليهاا و على نعمة عارفة الى مشا حتى شدها ايتكرفص عليها و يبيعها كيف كيدير لبعض الضحايا للاسف
اليوم الموالي 🌑🌑🌑🌑🌑 غربات الدنياا رقية جالسة فطوموبيلتها هي و اونطونيو قرب دار انجيلوس متخبعين باش ميعقلهاش ولا يعقل طوموبيلتهاا
رقية؛ ايمتا قال عندو هاد العملية
اونطونيو جا يتكلم و هو يلمح انجيلوس خارج؛ ها هو خارج
رقية تلفتات؛ هاا الحقير (شافت ف اونطونيو) عطيني تيليفون و تبعو فين غيمشي
انجيلوس خارج ضاحك مع راجل من رجالو ركبو السيارة و قلعو تبعوهم رقية و انطونيو كيسوق و يحاول ميبانوش
بقاو غاديين مدة وصل لوااحد الغابة خالية اونطونيو بقا من بعيد كيشوفو بلي انجيلوس خرج توجه عند واحد الطوموبيل كحلة كبيييرة كيدل على ان البنات كاينين تماا
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 38
رقية؛ ها الحقير فين مخبع سلعتو انا نورييك تهددني الكلب
خرج انحيلوس لديك الطوموبيل حلها و هو متبسم ابتسامة انتصار منين شاف دوك البنات دار اشارة لرجالو يتبعوه لفين غادي داك الشي لي وقع مشا ركب سيارتو و كسيرا و رجالو تابعينو و من موراهم رقية و اونطونيو كيحاولو ميبينوش راسهم باش خطتها تنجح 💯
مدازش بزااف دالوقت حتى شافت الطوموبيلات وقفو حدا واحد الفيلاا كبيييرة معمرة اضوااء و بنات داخلين بنات خارجين كيدل على انها دار الدعارة آمرات اونطونيو يوقف وقف من بعييد كيشوفو
رقية؛ ممم اذن هنا باغي تجيب ليا بنتي انا نوريك
شدات التيليفون و دوزات الخط للبوليس دغيا جاوبوها
رقية؛ السلام عليكم بغيت نقدم شكاية ضد واحد العصابة خطفو شي بنات و جابوهم لواحد الدار
الشرطي؛ فين هاد الدار و نتي كيدرتي عرفتيها
رقية؛ حيت هاد الدار انا ساكنة حداهم و الدار ف ****** اجيو دغياا اسيدي قبل مياخدوهم لشي بلاص بعييدة
قطعات معااه دغيا و عضات على شفايفها؛ فف يا ربي يجيو يا ربي
اونطونيو؛ كنضن ف 10 دقائق يقدرو يجيو لهنا
رقية؛ ها حنا جالسين نشوفو
دازت مدة ١٥ دقيقة حتى فقدات رقية الامل ان الشرطة مغتجيش حتى سمعات صوت الطوموبيلات د الشرطة جايين تخبعات هي و اونطونيو فالطوموبيل حتى دازو و طلعو ريسانهم
رقية؛ هاا اللعب كيف كيكون ههههه
اونطونيو؛ ههه دابا نمشيو
رقية: لاا خلي حتى نشوف الهارف مخرجينو
دازت مدة و هي مراقبة الشرطة من بعييد مقتاحمين الفيلا و مخرجين كل البنات لي كانو تماا و الرجال حتى هوماا تبسمات ابتسامة انتصار حتى بان ليهاا انجيلوس بالمينوط خشاوه فالطوموبيل ضحكااات ضحكة استهزاء حيت هو لي قرر يلعب معاها و رقية ماشي من النوع لي يسمح ف حقو من الصغر و هي كتنتاقم ماشي صعيب عليها هاد الشارف طيحو حتى هو
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 39
من بعد ما تهنات رقية بلي انجيلوس تشد و متأكدة بأن أقل عقوبة ليه حيت عندو الفلوس هي عاام واخا مكرهاتش يتشد حياتو كاملة باش تهنا منو
شدو الطريق رااجعة للفيلا دياالها مدازش وقت طويل حتى وصلو نزلو من الطوموبيل هي دخلات لدارها و اونطونيو مشا للمأوى ديالو
دخلات رقية لقات السقيل بحكم الليل و الخادمة مكينااش استغربات عيطات بسمية نعمة ولكن والو حتى سمعاات صوت رااجل فقلب دارها كيعيط
الرجل كيتمشى الفوق و يحل فالبيوت؛ اجي القطيطة فيين تخبيتي اجييي
رقية قلبها ايسكت بالخلعة بالها مشا ديريكت لرجال انجيلوس غمضات عنيها بالاعصاب و حلاتهم حيدات سباطها بشوية مشات باتجاه الكوزينة حاولات مديرش الحس و فنفس الوقت تزرب لا توقع شي حاجة لنعمة مشات للكوزينة هزات موس كبيير و و طلعات الفوق بشوية لقات الراجل ايحل باب الحمام لي حدا الغرف كان عاطي بالظهر زرباات علييه و ضربااتو فظهروو
طاح الرجل على رجلييه؛ ااااععع
رقية مغززة؛ الحماااارررر سيفطك الز$$$$$مل ديال انجيلوس انوريييك
بقات كتخشي لييه ديك الموس فكرشووو بلا متحس بقااات غااا كتغرسهاا فيييه مخلات فييه حتى بلاصة صحيحة حتى ولات حالتها دم و شعرها تعنكش و حال الارض دم
رقية مسحات راسها بالزعفة؛ هاكا لازم يوقع هاكااا (تلفتاات بهستيرية) نعمة نعمة فييينك انا ماماك رقية نعمة فيينك ابنتي (قرباات تبكي) نعمة ( مشات تقلب فالبيوت ملقات والو) نعمة
عند نعمة مسكينة الليل و البرد و هي مخشية فلابيسين حيت من بعد فاش سمعات الحس د شي حد ايدخل للدار حساب ليها رقية ولكن فاش لمحاتو بلي راجل غريب عليها هربات بالخف بلا ميشوفها و تخشات فلابيسين
بقات تما مخشية كتبكي فصمت حتى عنيها ولاو منفوخين و فمها زرق بالبرد و شعرها فاازك واخاا واصل ليها نص ولكن كتحاول تزييد تحنا باش متبانش لوهلة سمعاات صوت رقية كتعيط عليهاا خرجات كتجري من لابيسين دخلات للدار و هي كتقطر بالما بقات كتشوف هاك و هاك حتى لمحات رقية ملطخة بالدم
نعمة كترجع باللور و غوتات؛ ااااعععع ماما رقية
رقية شافتها مشات عندها كتخف عنقااتها حتى لصق ف نعمة الدم؛ ااااه انعمة ااه فين كنتي (فصلات العناق كتشوف فيها و تقلبها) شنو داار لييك داك الحقير مسك دار ليك شي حاجة
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 40
نعمة كتبكي؛ ل لا مدار لياا والو فاش دخل انا هربت لابيسين تخبيت
رقية؛ ففف خفت علييك
نعمة؛ اهى مالكي ف حوايجك ماما رقية
رقية بالزعاف بلا متحس؛ قتلتو قتلت داك الي كان ايآذيك ابنتي دابا نتي فأمان
نعمة؛ ك كيفاش قتلتيه اماما رقية اهئ
رقية دوزات على شعرها؛ ششش اجي معاياا للصالون (داتها للصالون) جلسي نجيب لييك فوطة (مشات للبيت جابت ليها فوطة) هااكي ديريها علييك
نعمة شداتها لوات عليها الفوطة؛ ع علاش قتليته اهئ
رقية بحزن متصنع؛ كان ايقتلني ابنتي و دافعت على راسي واش بغيتي نموت
نعمة بنفي؛ اهئ لا لا اماما رقية لاا متموتيش صافي
رقية جلسات حداها عنقاتها؛ متخافي من والو و هاد الشي نسايه حبيبتي
نعمة؛ واخا ماما رقية
##اتسولوني كيف دار داك الراجل دخل لدار رقية اك فاش انجيلوس قبل ما يخرج من دارو و يمشي باش يوصل السلعة خلا واحد من رجالو فالدار و وصاه يمشي يجيب لييه نعمة و يقتل رقية ولكن لسوء الحظ رقية مكانتش تماا و فاش بغا ياخد نعمة راكو شفتو اش وقع لييه##
بعد مدة ناضت رقية خداات نعمة للحمام لي لتحت حيت الى طلعات الفوق اتشوف ديك الملحمة خداتها للدوش طلقات ليها الماء سخون و خلاتها دوش مشات الفوق جابت ليها ملابسها غاا سالات خرجات من الدوش لبسات ليها و خداتها للصالون غطاتها و دارت ليها حليب سخون عطاتها تشربو
اما هي جابت ملابسها و هبطات حتى هي دوشاات و غسلات حالتها ببرود بحال مدارت والو كتقول مع راسها اصلا هاد الشي لي خاصو يكون سالات نشفات راسها و لبسات ملابسها و خرجات مشات حدا نعمة لقاتها غفااات و الدموع فعنيها دليل على انها كانت كتبكي
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 41
رقية؛ يا ربي اش غندير
وقفاات قلبات على تيليفونها حتى لقاتو و دوزات الخط ل اونطونيو لي جاوبها غا تم تما
اونطونيو؛ مدام رقية
رقية؛ دابا تجي عندي للدار نتا و شي زوج رجال
قطعات الخط و جلسات حاطة يديها على راسها؛ فف خاصني نمشي من هنااا يقدر يكون باقي شي راجل من رجالو فف
دازت ١٠ دقايق كان اونطونيو و زوج رجاال وصلو دق الجرس مشات رقية تحل غا حلات الباب عطاتهم ريحت الدم من الفوق
اونطونيو دخل هو و الرجال؛ مدام رقية اش واقع
رقية؛ اطلعو الفوق ديك الجثة منبغيش الاثار ديالها مزال و نقيو تما الدنيا الله يخليكم
اونطونيو دار اشارة للرجال لي طلعو باش يشوفو اش يديرو و هو بقا معاها كيحاول يستفسر شنو واقع
اونطونيو: مدام رقية شنو جاب هاد الراجل و اش واقع ليه
رقية؛ فف رجل انجيلوس سيفطو يخطف البنت لي معايا و انا قتلتو
اونطونيو؛ و لاش مخلياها معاك
رقية؛ ميهمكش ا اونطونيو مهم هو انها اتبقى معايا خاصها حماية كتر داك الشي لاش اتقلب لياا على شي داار بعيدة شوية على هنا باش ميعرف حتى حد فين انا داك الحقير يقدر يخلي شي راجل باقي و يقلب عليا و لا على البنت
اونطونيو؛ امرك غداا فالصباح نقلب ليك على شي دار
مشا هو و رقية مع الرجال لي كانو الفوق كيقلبو فين يحطو جثة الرجل مشات رقية عطات ليهم ليزار من بيتها لواوه فييه و راجل واحد خرجو على براا باش يدفنو آمراتو رقية يمشي للغابة و يدفنو و ميخلي حتى أثار داك الشي لي دار حطو فالكوفر و خداه للغابة باش يدفنو
اما اونطونيو و راجل لاخر بقاو ينقيو تماا الدار و رقية معاوناهم باش ميخليو حتى آثاار عقمو البلاصة و نقاوها و رشات ليباغفا باش متخليش شي ريحة خايبة
سالاو التنقية و الراجل لي مشا يدفن الجثة رجع و طمنهم بلي مخلى حتى دليل رقية رتاحت نوعا ما و آمرات رجالها يمشيو و داك الشي لي وقع مشاو فحالهم و رقية بقاات فجنب نعمة لي نااعسة بقات جالسة حداها حتى غفااات و يديها على شعر نعمة
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 42
اصبحنا و اصبح الملك لله
فااقت نعمة هي اللولة مخسرة ملامحها حيت تعذبات فالنعاس و بلي نعسات متحركات متململات حتى للصباح جلسات شادة فعنقها و مغمضة عنيها بألم حتى فتحاتهم لقات رقية جالسة و ميلة راسها دليل على انها نعسات جالسة
نعمة بحنان دوزات يديها على يدين رقية؛ ماما رقية فيقي
رقية حلات عنيها؛ ها نعمة صباح ااخير بنتي
نعمة؛ صباح الخير ماما رقية علاش نعستي معذبة
رقية دايرة يديها على عنقها؛ مبغيتش نخليك بحدك هنا ابنتي
نعمة جات فبالها حالة رقية البارح و الراجل لي دخل عليها؛ م ماما رقية مبقاش ايرجع مزال شي حد
رقية طمناتها بعنيها؛ ابداا
نعمة؛ و علاش بغا يآذيني اماما رقية (بحزن)
رقية بغات تقلب الموضوع؛ ممم صبحت فيك الهضرة واش مجاكش الجوع (تلفتات لقات الطابلة د الفطور واجدة) هاا كلشي وااجداتو ماري ياله نفطرو
نعمة؛ واخا نغسل وجهي و نجي
رقية؛ واخاا حبيبة
مشات نعمة غسلات وجها و قضات حاجتها و رجعات و حتى رقية نفس الشي جلسو يفطرو على خاطرهم حتى سالاو طلعو للبيت الفوق خلاو الخدامة لي مجيبا للدنيا خبار جمعات الطبلة
الفوق🌑🌑
رقية؛ بنتي نعمة اتجيبي باليزة و تجمعي كلشي الملابس ديااالك و اي حاجة ديالك جمعيها واخاا
نعمة بصوت منغنغ؛ علاش اماما رقية
رقية: واش مبغيتيش تمشي معايا ندوزو عطلة زويينة انا وياك
نعمة تحولات ملامحها لابتسامة؛ هاا واخاا صافي انجمعهم داباا
ناضت نعمة من بعد ما جبدات ليها رقية باليزة خلاتها تجمع حوايجها و متبسمة مسكينة اما رقية هبطات لتحت هزات تيليفونها دوزات الخط ل اونطونيو
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 43
دوزات الخط ل اونطونيو لي جاوبها دغيا
اونطونيو؛ صباح الخير مدام رقية
رقية؛ اونطونيو صباح النور قلبت ليا الدار
اونطونيو؛ قلبت عليها اليوم الصباح بكري و لقيتها و عقدت معاه و خديتها لييك مدام
رقية؛ ففف شكرا فاينا بلاص بعدا
اونطونيو؛ جنب البحر مدام رقية و بلاصة هادية مافيهاش الناس بزاف
رقية؛ مزيااان داباا ديكوريهالي الله يخلييك و شري لياا اي حاجة ممكن نحتاجها تماا و ضرب الحساب حتى ل نعمة حيت من هنا منااخد والو انخليها فحالات ولدي عاصم رجع
اونطونيو؛ واخا مدام رقية من هنا للعشية تلقايها وااجدة
رقية؛ واخاا صافي
قطعات معاه و مشات عند نعمة لقاتها باقي كتجمع ف حوايجها عاوناتها و جمعات معاها حتى سالات محلات حتى حاجة كدل بلي معاها شي وحدة صغيرة
اما رقية هزات شي حاجة قليلة غاا لي تحتاج و رزمو حوايجهم و طلبات المساعدة من الخادمة جات عاوناتهم و مفاهمة والو حتى هبطاات معاهم الحوايج و داروهم فالكوفر
ماري؛ م مدام رقية فين اتمشي
رقية كتكذب ؛ ندوز عطلة
ماري حطات راسها؛ و وانا
رقية تبسمات؛ اتمشي معانا انعطيك العنوان و غدا الصباح تبدي الخدمة معايا بيلاما رجعنا لهنا
ماري؛ واخاا امدام شكرا هه
رقية؛ واجب دبا انمشي عند صاحبتي انسيفط ليك العنوان ف ميساج و غدا الصباح اجي دابا غير كملي شغالك و سدي من موراك الباب مزيان و عاد سيري
ماري؛ واخا امدام
خرجات نعمة و رقية برات الدار طلعو ف طوموبيل و توجهات لدار سمى مدازش بزاف د الوقت و وصلو نزلو من طوموبيل و دقات رقية الجرس حتى جات سمى حلات ليهيم غا شافتهم فرحات
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 44
حلات ليهم سمى غا شافتهم فرحاات بزااف متوقعاتش يجيو عندها
سمى سلمات على رقية؛ مرحباا بييكم
رقية؛ ربي يخليك
سمى باست نعمة؛ مرحبا القطيطة دخلوو
دخلو للصالون مجموعيين
سمى؛ فرحتوني منين جيتو تونسوني هه
رقية؛ للاسف هدا اخر نهار لينا هنا
سمى ببلاهة؛ هاا
رقية شافت ف نعمة؛ روحي حبيبتي للجردة تلعبي ب الزعلولة
نعمة ناضت مشات؛ واخا ماما رقية
سمى شافت ف رقية من بعد ما مشات نعمة تلعب؛ شنو واقع
رقية؛ غاا سكتي غاا سكتيي (عاودات ليها اش وقع البارح)
سمى حطات يديها على فمها؛ فففف ها لي نقول لييك ا رقية هاا نتي عرضتي حياة البنت للخطر دابا كون يكون مخلي شي رجل من ورااه و من الحبس يوصيه ينحر البنت و لا نتي نيت تما اش غديري
رقية؛ فف مخلا حتى حد غنقول ل ا نطونيو يتأكد
سمى؛ نتمنى و نتمنى متزيديش تورطي راسك كتر ا رقية حيت هاكا راه اتشكلي خطر على البنت
رقية؛ مهم انرحل بيلاما تحسنات الامور راك كلفت اونطونيو قلب ليا على دار و تما انغبر انا وياهااا شي مدة عاد رجعو
سمى؛ و دارك
رقية؛ خليتها فحال الى جا عاصم و نتي حبيبتي اجي الوقت لي بغيتي عندي الدار دااارك
سمى؛ عارفة ربي يخلييك مهم نوض نصايب شي غديوة فاعلة تاركة نتغداو مجموعيين عاد سيرو
رقية تبسمات؛ واخاا نوض نعاونك بعداا
سمى؛ ايهاي ههه من فوقاش مدخلتي للكوزينة
رقية؛ توحشتها صراحة ههه
مشاو للكوزينة كيضحكو باش يشوفو اش يطبخو للغداا اما نعمة راها فالجردة كتلعب مع راسها و دندن
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 45
وصل وقت الغداء كانت رقية و سمى وجدو شمن منك يا غذاا دارو لي باط بالكفتة و الفروماج و دارو قطع دجاج مشوية مع عصير صايبوه هوماا و زيد الشلاضات داك الشي يشهي وجدو كلشي على حقو و طريقو فوق الطبلة و عيطو لنعمة لي كانت باقي فالجردة كتلعب غاا بحدها فداك الزعلولة و تغني
رقية؛ نعمة اجيي ا حبيبة تغداي
نعمة؛ ها انا جاياا
دخلات نعمة للدار غسلات يديها و جلسات على الطبلة متبسمة
نعمة؛ واو هاد الشي كيشهي
سمى؛ كولي حتى تشبعي احبيبة كلشي على قبلك
نعمة؛ ربي يخليكم لياا (سكتات شوية و نطقات بصوت باكي) صرااحى معرفتش شنو درت ف حياتي حتى ربي رزقني ام كيف ماما رقية و طاطا كيفك ا طاطا سمى كون ما نتوما كون راه باقي فالزنقة كنقلب على اش ناكل و فين نعس و خايفة (طاحت دمعة حارة من عنيها) كنشكركم حيت درتوني فرد من عائلتكم و بغيتوني ف مدة قصيرة كنحس بحال الى من زمان كنعرفكم و كتعرفوني اهئ
رقية ناضت عنقاتها و حتى سمى نفس الشي ناضو عنقوها بزوج حيت بقات فييهم نطقات رقية؛ شششش متبكيش نتي راك بحال بنتنا و اتبقاي ديما معانا عمرنا نخليوك و لا نخلييو شي حاجة بسيطة تقيسك (شافت ف سمى) يااك اسمى
سمى؛ طبعااا راك بنتنا عمرنا نخليوك بوحدك
نعمة مسحات دموعها؛ شكرااا لييكم
مشاو جلسو فمكانهم و بداو كيحطو فطباسل باش يبديو ياكلو
سمى: احح حسيت بالجوع و انا كنوجد الماكلة داباا مقديتش نصبر
رقية؛ والله حتى انا ههه
حطو ف طباسل و بداو كياكلو و فنفس الوقت يدويو بيناتهم غا فأمور الموضة و داك الشي باش ميخليوش نعمة تمل اما هي راه اصلا ملات حيت معندهاش علم بهاد الشي نهائيا
بقاو كياكلو حتى شبعو و سالاو اكلهم كاع داك الشي لي فوق الطبلة دازو فييه بكثرة مكانو جيعانين ناضت سمى و رقية جمعو الطبلة و غسلو ميعنات فحين نعمة بقاات فالصالون كتفرج حتى سالاو رقية و سمى و جاو جلسو حداهاا
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 46
جلسو حداها شافتهم قادات الجلسة متبسمة فوجوهم
نعمة؛ ها ساليتو
رقية؛ اه سالينا
سمى بحزن؛ صرااحة مبغيتكمش تبعدو من هناا
رقية؛ اصاحبتي الدار دارك كل مرة اجي عندناا مرحباا بييك
سمى؛ عارفة انبقا كل مرة مصدعاكم ههه
نعمة نطقات بخجل ؛متصدعينا ما والو بالعكس
سمى؛ ربي يخلييكم
رقية شافت فساعتها؛ مهم سمى حنا خاصنا نمشيو داباا من بعد ان شاء الله دوزي عندنا
سمى؛ واخاا حبيبة
وقفو كلهم مشاو لحد الباب رقية و نعمة ودعو سمى و شكروها على الغدا و الوقت الزويين لي دوزو معاها
خرجو ركبو السيارة و توجهات رقية للدار جديدة من بعد ما تاصلات ب اونطونيو و صرد ليها لوكاليزاسيو بقات غادة مع الطريق كلها شجاار من الجناب مدازش بزاف د الوقت و وصلاات لمحات الدار من بعيد شوية مع الرملة ميمكنش تدخل بالطوموبيل بلاصات طوموبيل بعيد و نزلات هي و نعمة غاديين حتى وصلو لحداها كانت فيلا متوسطة ف جنب البحر عالية
نعمة حالة فمها؛وااو فنة اماما رقية
رقية دوزات على شعرها و دخلات لداخل هي وياها حيت كانت الباب محلولة دليل على ان اونطونيو و رجالها باقي كيقادو الدار لمحوهاا عطاوها تحية و كملو عملهم اما اونطونيو شاف ف نعمة هي اللولة مدة طويلة حيت اول مرة يشوفها مقادة و متولة و زينها ظاهر حتى فيقاتو رقية من سهوتو
رقية؛ ا سيي فين سهيتي
اونطونيو حول النظر ل رقية ؛ ها سمحيلي مدام رقية 5 دقايق كلشي يكون وااجد البيوت و الديكور و كلشي
رقية؛ مزيان (سكتات شوية و نطقات) واش كاين شي محلات من هنا ولا والو
اونطونيو؛ قلبت مدام غاا تزيدي ديريكت مع الطريق متكملش 10 دقايق كتوصلي لشي مكازات و ريسطورو و داك الشي
رقية؛ هاا مزيان هاكا كنشكرك
اونطونيو؛ ولو مدام رقية
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 47
خلاتو رقية و مشات تستكشف دارها الجديدة لتحت متكونة من كوزينة متولة و كلشي فيها موجود و صالون مفرش و مقاد و الدوش و طواليط اكييد عجبها ديكور مشات الفوق لقات البيوت يحمقو ديكور ديالهم و كيطلو على البحر مع بالكو و لي طواليط و دوش عحبااتها بزاف نزلات لتحت من بعد ما كملات التمنظير لقاات نعمة واقفة متبسمة غا كدور ف عنيها مزعماتش حتى هي تشوف و تطلع و تمشى على راحتهاا اما وااحد عنين اونطونيو باقي مخلاو نعمة فراحتها غاا متبع ليها العين حتى نزلات رقية و لمحاتو توجهات عندو نطقات بهمس
رقية: بلا متحاول
اونطونيو بلا ميحس؛ احم زويينة بزاف
رقية؛ نعااام
اونطونيو تكاكا مع راسو؛ الدار مدام الدار زويينة بزاف بصحتك
رقية؛ هاا شكراا ليك الى سالاو الدراري يمكن لييهم يمشيو متنساش تعطيهم الخلاص
اونطونيو؛ واخاا مدام
مشا اونطونيو عند رجال لقااهم سالاو خدمتهم و قاادو كلشي على حقو و طريقو ميخليو ل رقية فين تهضر حيت قادو كلشي بحال الى ديجا ساكنة فيهاا
اونطونيو خلصهم و خلاهم يمشيو فحالهم بقا هو توجه عند رقية و نطق
اونطونيو؛ مدام رقية تحتاجيني فشي حاجة
رقية شافت فنعمة لقاتها لاهية كتشوف الصالون و تلمس فيه حولات النظر ليه؛ اتشوف ليا داك الشارف شحال ايبقا فالحبس
اونطونيو؛ واخاا مدام العشية تكون عندك الخبار
رقية؛ واخاا و روبن الى بغا شي سلعة علمني
اونطونيو شاف فنعمة؛ اتبيعيها لييه
رقية حمرات فيه شوف د القتيلة؛ انبيعك نتا مزياانة ! الا هي متبااعش ا اونطونيو بنتي متباعش
اونطونيو؛ بنتك !!!!!!!!!!
رقية؛ ولات فيك الهضرة بزااف سير دابا و فالعشية سيفط ليا خبار انجيلوس ايمتا يخرج
اونطونيو و هي خارج؛ اك مدام رقية
خرج اونطونيو بقات رقية كتشوف ف نعمة متبسمة حتى نطقات؛؛ سيري طلعي الفوق و شوفي الدار كيف جاتك
نعمة؛ واخاا ماما رقية
طلعات نعمة الفوق بقات كتشوف فالبيوت و الدوشات و البالكون لي كيطل على البحر كلشي حمقهاا قلبها كيرفرف بالفرحة مكرهاتش هاد الفرحة و هاد الشعور عمرو يسالي
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 48
سالاات نعمة التمنظير فالدار حتى هي حمقااتها و سطاتها ببساطتها و جو البحر حتى فرحة مقدتهاا نزلات لتحت كتجري مشات عند رقية شدات فيديها بطلب
نعمة؛ ماما رقية بلييز الجو كيحمق ممكن نزلو للبحر نعومو
رقية بابتسامة؛ اه حبيبة سيري لبسي مايو و ياله نهبطو
نعمة؛ شكرااا ماما رقية
رقية دوزات على شعرها؛ اخر مرة نسمع منك شكراا راك بنتي احم مهم سيري انا نوجد شي حاجة ناخدوها معانا
نعمة؛ واخا ماما رقية (وقفات لوهلة) ها ياك خلينا لي الحوايج فالطوموبيل
رقية؛ فاش كنتي كتشوفي الدار نزلتهم و رتبت كلشي فبلاصتو غا حداك واش مشفتينيش
نعمة بحرج؛ بالفرحة مبقا كيبان ليا والو
رقية؛ مم ههه ماعلينا سيري بدلي
مشات نعمة طلعات فرحانة للبيت لي وجدو ليها باش تبدل عليها
اما رقية دخلات للكوزينة فتحات الثلاجة لقاتها عامرة كيف وصاا اونطونيو تبسمات و جبداات منها لي تحتاج و صايبات ساندويتشات و قادااهم فصاك مع زوج قراعي عصير و الماء حطاتهم و طلعاات حتى هي للبيت ديالها لبساات مايو دوبياس و لوات على حصرها شال خرجات لقات نعمة واقفة و كتشوف فراسها متبسمة لابسة شورط قصير غوز مع سيفيطمة قصيرة بيضة جات فنة
رقية؛ مالك هه
نعمة؛ جاني زويين
رقية: اي جاااجة تجييك فنة
نعمة؛ شكرا ماما رقية
رقية؛ شنو قلنا على هاد شكرا هه مهم ياله نهبطو
نعمة؛ واخاا ماما رقية
هبطو لتحت هزات رقية الماكلة فيديها و نعمة هزات الحسيرة (علامن ايجلسو فالرملة) و خرجو متوجهين للبحر غاا 2 دقايق كانو وصلو لييه سرحات نعمة الحسيرة و رقية حطات فوقها صاك الاكل و جلساات
رقية؛ سيري احبيبة عومي غا هنا قدامي انا شوية و نلحق علييك باش دغيا نمشيو ايبرد الحال يضربك البرد
نعمة؛ واخاا ماما رقية
مشات نعمة دخلات للبحر فالاول جاها بارد ولكن من بعد ولفات بحكم انها متعرفش تعوم ولكن زادت شوية فين واصل ليها ل خصرها بقات واقفة خافت تغطس شافتها رقية تبسمات و تبعاتها دخلات بالدخلة غطسات كتعوم باحتارافية حتى وقفاات حدا نعمة
رقية؛ غطسي متخافيش
نعمة تبسمات سدات نيفها و عنيها غاا هبطاات غطسات روحها و طلعات
رقية؛ ههه رخي رااسك نعومك متخافيش
نعمة اي حاجة كتقولها رقية كتسمع ليها رخات راسها فالبحر و رقية شاداها من ظهرها كتعومهاا حتى شبعو خرجو نشفو راسهم و كلاو كاسكروط لي جابو معااهم و جلسو متكيين حدا بعضهم كيشربو العصير
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 49
جلسو كيشربو فالعصير ديالهم و يتمنظرو فالناس لي كيعومو واخاا ماشي بزاف البشار ولكن الجو كيحمق و زويين حسات رقية بلي الدنيا غراابت علمات نعمة و ناضو جمعو حوايجهم و توجهو للدار
غا وصلو طلعات نعمة للبيت من بعد ما ستأذنات من رقية وجدات ملابسها و دخلات للدوش دوش
اما رقية رجعات كل حاجة لبلاصتها عاد طلعات لبيتها فاش جات تحل البلاكار شافت تيليفون كيصوني ليهاا كان اونطونيو
رقية جاوباات؛ نعاام خبار الخير
اونطونيو؛ مدام رقية بحثت فقضية انجيلوس اقل عقوبة هي عاام ممكن يدوزها هو و رجالو تماا
رقية؛ هاه ملييح لييه و خلا شي حد من موراه
اونطويو؛ كنضن انه ضروري ميخلي شي حد من رجالو باش يقابل ليه املاكو و باش يبقا يخدم فبلاصتو
رقية؛ مم مشكلة مهم انه هو تهنيت منو و متخلي حتى حد يعرف بلي انا هنا و سيفط ليل زوج رجال يقابلو الدار هنا
اونطونيو؛ اك مدام رقية (قطع معاها)
رقية مشات للبلاكار جبداات ملابسها وجداتهم فوق السرير و دخلات للدوش دوشاات 5 دقايق خرجاات نشفات جسمها و لبسات حوايجها خرجات من بيتها دخلات لبيت نعمة لقاتها كتشوف ف تيليفونها و كضحك
رقية؛ ها نتي هنا كتفرجي
نعمة قادات الجلسة؛ اها ماما رقية كنتفرج شي حاجة كضحك
رقية لمحات بيتها خالية من الديكورات و لا شي حاجة انثوية؛ ممم انخرجو نتقداو ديكورات لبيتك اش بان لييك
نعمة؛ و واش بصااح اتولي بيتي فيها ديكروات زوينين
رقية؛ ااايه ياله نوضي لبسي صندالتك و يااله
نعمة؛ واخاا ماما رقية
مشات رقية للبيت هزات ساكها و حوايج لي تحتاج خرجات لقات نعمة بصندالتها شدات فيديها و هبطو بزوج خرجو سدو باب الدار و توجهو للسيارة دغيا وصلو ركبو و كسيراو للمحلات كيف قاليها اونطونيو 10 دقايق وصلاات
🔞نعمة مهووس🔞
🖊بقلمي؛ ليلى رحماني👑
♣️الفصل الأول؛ بريئة في أرض لا تليق بها♣️
جزء 🥂؛ 50
10 دقايق كانو وصلو للمحلات لي فجنب الطريق نزلو هي و نعمة شادين فيدين بعضياتهم تقولي غا ام و بنتهاا و متفاهميين بزاااف دخلو للمحل الاول كاان متوجد فييه كلشي نعمة غا حالة فمها عمرها حلمات انها غا توصل لييهم شي مرا
رقية شافت فيها؛ سيري ختاري اي حااجة عجبااتك
نعمة بخجل؛ ختاري معاياا ماما رقية
رقية: هه واخا الالة
بقاو كيتساراو فداك المحل لمحات نعمة لصقات كيلصقوهم فالحيط فييهم دوك الاخوات لي فيلم (آنا و إليزا) رقية شافتهم حتى هي عجبوها هزات وحدة نعمة شافتها هزتها فرحاات بزااف بقاو كيتساراو تاني لمحو ديكورات على شكل صنيديقاات فنين هزات بيهم زوج بقاو غاا كيهزو فالديكورات و حتى الملابس اي حاجة كتحس رقية بلي عجبات نعمة كتهزها و منساتش دبدوب كبير فالبيض لنعمة حمقهااا هزاتو حنر هو حتى سالات مشات لاكيس مدات ليه كارط كيشي خلص كلشي و عطاها ليها و عطاها داك الشي لي تقدات ف الكيس (شكارات)
خرجات هازاهم هي و نعمة خشاوهم فالكوفر و توجهو للدار دياالهم غا وصلو نزلاات رقية و نعمة و نزلو معاهم الحوايج لي شراو دخلوهم طلعو ديريكت للبيت نعمة حطوهم و نزلو سدو الباب
رقية؛ نوجدو شي عشيوة انا وياك عاد نطلعو نقادوهم
نعمة؛ واخاا ماما رقية
دخلو للكوزينة بزووج رقية كتوجد كلشي نعمة غا كتمد ليها الحوايج لي تحتاج
وجدو عشا عبارة على لحم معطر مقلي شرائح مع بيض مقلي مع شرائح كاشير قادو كلشي و حطو الاكل فوق الطبلة مع عواصير و جلسو كياكلو فصمت و نعمة خجلانة من رقية ولكن رقية كتحاول متديهاش فيها باش تخليها على راحتها
سالاو اكلهم و ناضت رقية جمعات الطبلة هي و نعمة و غسلو ميعناات و طلعو لبيت نعمة قاادو االديركورات لي شراو لي لصقوه فالحيط لصقوه لي يتحط على الكوافوزات حطوه الدبدوب حدا سرير نعمة و الكسيوات قادوهم فالبلاكار حتى سالاو و مشاو لبيت رقية لي حتى هي منساتش رااسها و شرات ليها شي حويجااات قادو كلشي حتى سالاو و جلسو على سرير رقية
نعمة؛ كنشكرك ماما رقية على الحوايج حمقوني
رقية متبسمة؛ وااجب بنتي دابا سيري لبيتك بدلي عليك و غسلي سنيناتك و نعسي واخا
نعمة؛ واخاا ماما رقية تصبحي على خير
رقية باسها فراسها؛ تصبحي على خير حبيبة
مشات نعمة لبيتها و رقية بقات فبيتها دخلات للدوش حطات سنانها و خرجات لبسات بيجامتها و تكات تخرب فتيليفونها و تستكشف الى كان شي خبار جديد حتى سالات و حطات تيليفونها و نعسات

Leave a comment