Skip links

 8,127 عدد مشاهداات

هاااي جيتكم و جبت معايا قصة جديد بعد نجاح أول كتاباتي 😂👑هنية في المريكان👑😂لضحكتو فيها بدموع ونالت إعجابكم نتمني حتى هاذي تكون بحالها و لا كتر منها
العنوان:🍯مولات البغرير🍯
بمقلات و قلم :🍳أم جود🍳
قصة اكيد كوميديا و قصييييرة كتبتها على قبلكم حيت شحال من وحدة بغاتني نكتب و نجي بالجديد عليها زربت بهدي نتمنى تعجبكم و تحمر وجهي 🙈.
بس: 🚫لااا احلل نشهر بذون اخذ اذني مع الاحتفاظ بنفس طوف و البوسطط🚫
بس: كيف ديماا خخخ عين ميكة على الاخطاء ومافيها باس جيم مع كومنطير لرفع المورااال و تشجيع .
بس:كول نهااار اجزاء طوال راكم ديجا متبعيني و عارفيني الكلمة هيا كولشي .
بس: احم و صااااافي كنحبكم و شكرا الحبوبتي Mouna Amrani 😍و Sara Haro 😘😘😘😘لمخلاوش من جهدهم معانا و سلام وعليكم

🍯مولات البغرير⁦🍯
البارت:1 🍳بقلم أم جود⁦🍳
طاوة كبير فوق رأس و كرسي مطوي تحت الباط جايا كتمخطر بجلابتها البيج لطبعت زيت و زيفها الكحل مغطيا وجها على شمس البلاصة المخيرا ستات ..
حطت كورسيها وعليه طاوة تنهدت براحة و دورات راسها تشوف مكاين لينفسها البلاصة ليها بوحدها لكتب الله تدي رزق صحيح حنحنت جوج مرات توجد القرجوطة الاشهار و بدااات…
……: (بالغوات) ياالله يالله قربو و زيدو سخون زويتا و عسيلا تكلو بنين و هاااااااا البغرير و هااااا البغرير
العساس:😠وااااا بنادم واااا البشااار و تي حيدي علياا من هنا واش تسطيتي.
…..:🙄وعليكم سلام مقروهاش ليك سير خلينا نترزقو .
العساس: واش كاين لترزق حدا المخزن و تي حيدي راه لجاو إجمعوك نتي و سلعتك.
…..:(دفلات فصدرها) تف تف محنا على فالك قلع من حدايا خلينا نصورو غ نهارنا .
العساس:مبغيتش ياك واااخا ….وزاد مخليها
…..:(كتشير بديها) ويالله يالله زيدو هااا الخير و الخمير و نااس العاقة و الفلوس تعالو تعالو بس بس و زينا تي خودي المول دار
زينا:(بغات تهز وحدة بصبيعتها)ممم بلاتي نشوف
….:(ضربتها لديها)،😠ااااايوااا جمعي صباعك ممنوع اللمس.
زين:(كتحك بلاصت ضربة) اححح اووو ميكود إلا فوو ملاد.
…..:ونتي لتفوووو و بعدي من خليقتي لتصدق معسلاك تي لازين لفصالة .
زين:سوفاااح…رماتها فوجها وزادت كتعوج المشية
……:الكنس ناقص شعرف بوك بالبغرير (كترشو بزيت لفقرعة صغيرة)و دباا مزيان يالله نااااس هااا البغرير زين و خفيف على المعدة ساهل إدوز فالمسارن

كانت الطناش ديال نهار بداو الموضفين كيخرجو ولخرج كتجي عينو عليها حمقة وجها صحيح كتبيع فبلاصة مكاين لعمرو زعم عليها كاين منهم لتشها و جاه جوع زعم و شرا من عندها .
راجل:(كيتبنن)ممم هدشي بنين زيديني جوج
…..:خلاص هذي و نزيدك(كطلعو و تهبطو)نتوما صحاب الكومبيات خطاااار.
ضحك على صراحتها و عفويتها جاتو فاص بنت فبيدايت العشرنيات ختارت تبيع الحلال ماشي الحرام عكس بعض البنات لختارو طريق الفساد بحوجة مكايناا خدمة.
راجل:ههههه واخا شكرا على صراحة شحال عندي
….:ستين اسيدي لا غلا على مسكين
راجل :😓اووه بغريرا بسيتين درهم
…..:😒غااااا ستين رياال شتك صفاريتي
راجل:(جبد الفلوس) لا لا غير تعجبت و صافي هاكي وزيديني جوج .
……:هااا هوما بسم الله بجوج معسلين الله اخلف.
زاد راجل و تبعوه ناس الحركة بدات كتمشاا ضحكة مشركة فمها حيت مكاين غ جوج بغريرات الفوق ….ولكين شكون إخليك بخاطرك العساس كل مرا جاي ليها .

*تتمة.
…..:(تعصبت) والله و محيتي من ساحتي تيهزوك مكروز.
العساس: وسيري بحالك و حيدي من هنا راغنعيط ليهم إهزوك.
….:(بعناد) هناااا بارركااا تنكمل سلعتي كج كج راك صدعتي الكليان.
العساس:(تعصب رضتو دبانة) 😤وااااخاااا غنشوفو…وبعد جابت تليفونو
…..:😒سير بغتليك سريسرة و القوادس مبوشيان (رجعت تكمل مع ناس) 😄سمحوليا سمحوليا صدعكم ياك طلبتيه حافي و نتا بالعسل ….
~~~~~~~~~
راسها متكي على باب للوطو كترد نفس وجها صفر وريقها نشف تمدت ليها قرعة ديال الماا شربت شوية و رشت وجها.
شيفور:الالة نسمة شوية دبا
نسمة:وي وي صفاا غير يالله نتحركو ريحة هنا كتبوع الخاطر
عونها شيفور تركب و تحرك من قدام صناك من صباح و هوا كيدور بيها شيبتو فبروكرامو من المطار الدار صدق من المطار التخياط دروبة مرت سيدو وحمها صعيب ومعليه غير صبر كان مركز على صوكانو حتى قفز بغواتها هذي عاااشرة مرة كديرها.
نسمة: ووووووقف وووقف هذيك هذيك
شيفور:(مخطوف)😵 شكون الالة شكون …من تلفاا نزل مسكين.
نسمة:(شدات راسها و عيونها قلوب) ركب ركب و سير بينا الحداها الهيه😍.
بعينو تبع صبعها شمن تيجاه شاد تنهد بتعب شي زرعو و شي إوحل فيه وركب مديماري الجيهة تانية قبل مينزل سبقتو وقفت عليها فمها محلول .

باعت و بقاو جوج يالله غطتهم باش تزيد كتحس بشيواحد وقف عليها سرطت ريقها وهزت راسها
….:(تنهدت براحة)أوووف خلعتيني أختي نصحابهم غير هوما.
نسمة:(عنيها فطاوة) 🤤سلام لا لا غير انا …..وسهاااات
….:(كتشير بديها)هيهووو و سبحان الله مالك أختي فيييو (دارت إشارة بديها بمعنا طرتي )
نسمة:(شداتها البكية) ب ب بغيت هاذو واااع إهئ إهئ😭
….:😲البكاا و ويلي مالك أختي شووو صافي صاافي مطرتيش غير سكتي .
نسمة:(مسحت موعها)😢شوية غير شوية ندوقو
….:😧هاكي غير سكتي واش نديرليك العسل ولا زيت.
نسمة:😋بجوج بغيتهم بجوج
…..:😕وااخاا…..صوبتهم ليها و عطاتها تكول بغيت نكول كتفتارس متكولش هذي نبت العاقة و العياقة سكانتها من رجليها الراسها حرام تزكل قنت قشعت كرشها المنفوخة تعطيها سبع شهور بتسمت و عذرت دموعها فعايل الفنكوش و لا الفنكوشة .
نسمة:(كتالحس صباعها) ممممم بنين بنين و بزااااف واش مزال باقي .
….: لا احبيبتي بالعمى سلا غدا و جيليه تاني.
نسمة:(مدات ليها الفلوس) وااخا تخلصي فهذو و شكرا بزاااف اجي سماك الله بعداا.
….: لا لا غير جمعي فلوسك عندك سميتي مينة أختي
نسمة: 😞وعلاش مبغيتيش تخلصي.
مينة:عتبريه كاادو تدويقة غدا و خلصيني فاش تعاودي تشري من عندي و الله إكمل عليك بالخير.
نسمة:هههه واخا شكرا بزااااف أختي مينة مشرفين واش ممكين نبوسك.
مينة:😅بوسي بوسي ….. بوسة متبوعة بقجة بغيت نكول تعنيقة مبعدت عليها حتى ضربات كتفها طلقها واخا غير شوية ..
نسمة:(بعدت) 😄سمحليا غير حيت بغاتك خاطري.
مينة:🤗الله ياودي هااانيا كح كح مرحباا .
نسمة:(كان تليفونها كيصوني) يالله نخليك دبا غدا و نتشوفو 😘😘…رماتهم فالهواا وركبت مع شيفور لغير سمعها قبيلة غديماري دموع سلت بالفن ودبا زاد بيها…

ضحكت على عفويتها حكت حنوكها و عنقها لكرزت عليه نسمة تحنات تهز طاوة و سمعت تحنحين من أوراها على مهل دارت وضحكة صفرا ترسمت على شفيفها.
مينة:هيهي سلام و عليكم عمي لابس
مخنزر فيها بجنبو العساس كيتشفاا متهنا حتى دارها المتعوس جاب صحاب الحال.
البوليسي:😠شكاديري هنااا
مينة:(سرطت ريقها) ك ك كنقرا القانون أشاااف
العساس:(طار بكلامو) لا لا أشاااف راها كتبيع محشمت مراعات شم شم إديها تعرف زيت العود .
مينة:(جمعت إديها)😦إشم مالو سلوكي لا عندك أشااف هااا نتاا اعمي .
البولسي :(بالغوات) سكتو بجوج لنخلاط مكم فين عمك و لا جدك حتارمي راسك را البوليس معاك.
مينة:طسيلتي الله إرحمهاا (هزت كفوفها) شي دعيواا ديال الخير غنذكروهم اعميي البوليسي الله اجعلها فميزان حسناتك.
عروقو برزو فجبينو دليل على عصبيتو هذا حالها ديماا زهرو فيها متهز حتى تخرجلو على طوعوو.
البوليسي:(بالغوات)😤موووووسااا هز عليا هذي من هناا.
جا موساا كيجري شدها من دراعها جارها السطافيط
مينة:وااا طلق عندي رجليااا و طلق نطلع بوحدي مالنا شدارنا كااااااع.
موسااا:تحركي كتبيعي فباب المحكمة و زيداها بتخراج العنين ..

🍯مولات البغرير🍯
البارت:2 🍳⁦بقلم أم جود🍳
كان أخير واحد إنزل من طيارة بجنبو زميلو فالعمل شنطات صغار فالدين و لبسة موحدة فالبيض بشرات ترقية على صدر… سلكو باب خاص تفديا الزحام مع المسافرين .
فادي : واخيرا رااااحة و سياااحة شهر بلا أوامير سي مُعتز ياااا سلام .
مُعتز:😏مال جدك لسمعك إكول كنضل نكر عليك ياك كلامنا غير بالاشرات.
فادي:المهم غنتهنا منك و لا بلاتي آش باليك فشي رحلة الجبل ولا صيادة فالغابة.
مُعتر:(زاد اللوطو ديالو) عاااود راسك ممسليش ليك شوف شوف واحدة القوقة يااا سلام .
فادي:(على نيتو دار)😍فين هيا مكاين والو😯
معتز:(ديمارا مخلي العجاجة أوراه طل عليه من شرجم) يالله سير فطوبيس و لا شوفليك فين تعلق.
فادي:(مصدوم من شمتااا) كح كح و حراااام عليك و الله ملعب هذا وصحبي غ رومبااا وغ دااار مجبنا القزدير تفوووو مشااا(بالغوات) وعقل عليها إنعل بوها صحبة معاك يالله فمن لصق مساعد بيلوط ياحسرة تحنسيرة الكلاب …..وجلس مسكين شاد على حناكو تيجي ليحن فيه عينو زيغاا سباب مشاكيلو.

بعد و طلق المزيكة ناشط ومندمان هذي غشوية من بزاف فعايل و حساب قديم ردو ليه خفف سرعة فاش وصل المدينة شعل تيلي و بداو ليزابيل كيطلعو دوز أول راقم ماشي بزاف و جاوب.
…..: اهلا و سهلا شرفتينا بصوتك
معتز:مالنا على ست و ستين أبيل
…..:احم بغااات الكبدة ديال جمل اخويا
معتز: و انا مالي سير جيبها لمرتك
…..: وا غير دير بوجه الميماا لمشاركين و سوفي خوك فهاذي رامبغاتنيش نتحرك من حداها .
معتز: و هاااا فعايل القرودة والله مخدمة هذي ارضوان دار و ستعمرتوها علم الله حالتها .
راضوان:احم هااا الووو الوو مسمعت ….وقطع
معتز:الوو شوفك المرض قطع فين غالقاليها كبدة جمل و دوز نتا الفكونص .
بدا بالاسواق الممتازة والووو و خرج لسوق شعبي و بين الكزارة بالكشايف لقها وزاد الدار ساخط تمرميدة مُعتبرا فسبيل مرت خوه .
~~~~~~~~~
جراااا و الحجر وراه كفظ جلابة و بان سروال تجين زيف شدو بفمو ليطير و أومة محمد أوراه كول حلوف قداش لتشد اليوم إتدفن .
….: (كيشيرو عليه) وقف وقف و عرفناك غ وقف اليوم تموت.
عاد مزاد فجرا من زهرو هشام الكروج فيماتو الخلعة و مدير مفكو غير مجمع ديال العومال محتجين قدام شي أوزين دخل بينتهم ملتم بزيف شد البوق من عند واحد وطلق حلوقو بصوت مبنت.
خالد: هذاااا عيب هذااااا عاااار حقوق العميل في خطار …كولشي كيعودها من اوراه سيد نساجم و تحركو مشاعيرو الانسانية محس بالمجمع لتفرق فاش شافو صحاب الحال بالهراوة موووودة و هوا كيعاود فشيعاار بوحدو فباب لوزين تحطت عليه إدي و فاق دار و تخطف للون من وجهو شهاد نحس…

🍯مولات البغرير🍯
البارت:3🍳بقلم أم جود🍳
البوليسي:👿وبسم الله عليك اش كتصنعي هنااا
خالد:(حمد ربو فنفسو ملي حسبو مراا بصوت مبنت جاوب) ب ب بغاا رزقي .
البوليسي : رزقك (طلعها و هبطهاا) نتي مفمك ميتضرب كولك مسلوتة تحركي لنجمع حناك بنص موساااا .
موساا: نعاام اشااف
البوليسي: هز عليا هذي من هنا
خالد:(نغامس فدور و طبق فعاايل أدومة) إواااا إواا حدك تم انا نطلع راااااسي بعد بعد متقصنيش….وزاد كيميل بخصرو لمكاين ركب و القاا كترت البشري تحلف عليها طوبيس ماشي سطافيط ..دار دورة شاملة جات عينو عليها نشف ريقو وقاد التامو .
موساا:(دفعو) تحرك القنت الهيه يالله….مجاا غير فاص معاها كانت سارحة باينا كضرب الحساب الشيجاحة .
مينة:(قنطت و صهد) واااا سي موووسا مزال موصلنا
موساا: تكمشي و سكتي راك غداا الكوميسارية فسطافيط ماشي كار الحد سوالم.
كولشي بدا كيضحك دنيا مخلطة شباب مقرقب و بنات سكرانة فعز نهار
مينة ضربت طم فاش جات عينها على جلابة مألوفة صغرت عنيها تحقق فين شفتها .
مينة:😦 ياااه جلابتك بحال جلابتي .
خالد:(تكمش كتر خاف تعرفو بصوت انوتي رد) هيهي صنع الخياطو سبعين جلابتا
مينة:ممم و ستيل سروال تجين و سبرديلة ياختي امرك مشكوك .
زرااق و خضااار و بدا كيقرا ليحافظ من القراءن غير تفك ساعتو وفلت منها …ساعة قفز ملي سمعها تندب .
مينة:(كضرب ففخضها) واااااهياااا مي هاااااا و تعالي طلي على خر ياااامي إرجع ولياااا و باااا هاااا تعالى تشوف فين تلات بيااا اليام.
خالد:(باللحس) سكتي سكتي يالموصيبة غتخرجي عليا .
مينة: واااا هااااا شحال كوشت و ربيت و هاااا و سهرت وطلع نتيوااا.
هناا تعصب زات فيه نصل لتام و وقف عليها مهامو حد
خالد: وااااا بنادمة زتي فيه تي مال حسك ياك بيناتنا غير قسمين .
مينة: (وقفت) هاااااا كبرتي يالبرهوش و ليتي تسب و تعاااير مي الله ارحمها كتلي خمسة دقايق بيناتنا انا الكبيرة عليك .
خالد:و تي تكمشي الكبير هو الله مالك دعوة عوجااا فين ممشيت اللقاك
موسااا: طلعتي دري كتالعب بينا اليوم إعلقك شااف.
خالد:(قلب عينو و طااح إتمرمد ) هاااا هاااا وااااع
موساا:(خلعو ولمعاه تكمشوو) م م مالو مالو
مينة:(كفضت جلايلها) مالها مالها راها مرا غ مسكونة مسيكينة صبر نرقيها و نخرج جن بركو بركو و عونوني .
سمعو جن و تفافاو كولشي بعد القنت و سي خالد عاد مزيدها فتمرميد و نهيج على راسو مينة لمنيتها كتقراا عليه .
مينة: صدق الله العظيم تف تف مسكينة مليها من نرويج.
واحد سكايري:(كيشم الميكة)خخخخخ علاه نوجيه بجوادها
مينة:ديها فسوق راسك و شم
بنت١:ختي ختي قري عليا تا انا عندي الحساااد
نبت ٢:و انا بغيت القبول اختي
بنت٤:و انا بغيت نسحر الوحد الحمااار إديرني زمانو
مينة: هاااي هاااي زيدو و تي تكمشي نتي وياها راني غولية كيفي كيفكم ختيصاصي البغرير شبينا و بين شي تيبيخااا.
سكايري:(نشر رجلو قدامها)خخخخخ و بخي تالينا إطير زلط.
مينة:(دفعت رجليه )را غنضرب خويا نجليك جمع رجليك
موسااا:(ضرب الباب بالعصة ) تهزي نتوما نزلو واحد واحد .
نزلوهم مصافين مجرورين الداخل خالد لصق حدا ختو كون تشد على اساس و لد إفكها مي دبا را متنكر و خصو ميتفضح ليصدق غارق .
خالد:(بهمس باش ميسمعوه) ختي ديري مزياا فهذ ليتيم و فكيني لحصلات صعصع للداخل غيعلقني .
مينة: ممم وليتي طلب دبا يااااك خفتي توصل الهضرة الختو راني عارفك مصاحب معاها.
خالد: تي شمن را تفرتكنا هذي شحال هانتي( باس راسها) البزيزيلة ختي غير هذي و لبغيتيها ديالك
مينة : صافي صافي و نتا تقطع فالقلب جاتك الفكة و الموقابل تهز معايا نوبة شقاا و طياااب
خالد: شنهوااااا بنتليك زوبيدة انا
مينة: وخليك تعلق و انا مالي اصلااااااا …ميقت فيه ودورت وجها الجيهة تانية .
خالد:(كيغزز ظفارو )واخا واخا غير حليها عصبيه وبرعيه بمحصولك دراسي فالعربية خونا عدوه لتكلم بيها باش اهبطنا كاملين بلا ستجواب.
مينة:غنحاول و غطي كمارتك طيحتي دل على رجال زيف و اللحية تفرج اش غندير(وقفت) موساااا وا موسااا.
موساا:اش كاين مالنا على صداع.
مينة: (كتصوب زيفها) بغيت ندخل
موساا: وزربااانا على خلا دار عشتك زيدي والله منعطلك ضوسيك مشارجي .
حل الباب و دخلها لحضة خافت مالي شفتو نازل على شي سكايريا بتصرفيق باينا معصب احح هلى ولد درب شحال تيتيز مي مصدقش غير تحولو و توضف مبقاا إرضاا حتى بشوفة نساا بلي كانو جيران معليش نفدوها دبا.
مسح جبينو من العرق و على خدو بسمت ستهزاء دار فيها نص شوفة وجه كلامو الموساا.
رشيد: هبط زمر إتگلاصاا وهذ خيتي اش دارت.
موساا: القيناها كتبيع قدام المحكامة و هذي رابع مرا تشد بنفس تهمة و فنفس سيمانة.
رشيد: واش مكتحشميش .
مينة: ليماذا استاحي من تيجارة الحلال يا آسير قلبي 😍….

🍯مولات البغرير🍯
البارت:4🍳بقلم أم جود🍳
رشيد:😤غتكادي معايا لنصليها مع طسيلتك.
موساا هرب عارف اش غينوض مي شكون الغالب دبا إبان.
مينة:(كتقرب ليه و عينها فعينو) لاكاا خدي و انتا حور عدنبي و سجوني اكتفيتو من فوراقيك ياااا حبيبي.
رشيد:(توتو من قربها ورجع خطوة اللور) خليك بلاصتك موسااا وااا موسااا
مينة:(طلعت فوق البيرو) من هذااا ليماذااا تدخيلو الغريباا بينانا .
رشيد:(كرز على سنانو وعرق جبينو كيزدح)اخير مرا غنعودها تكادي و تهظريش بزمر ازمر .
مينة:(شدات راسها) ااااه اااااه مينك كم جرحتا قلبي اااااه😈 ….وقطعت جلابة كانت لبساا تريكو بالعنق مبان والو .
رشيد: اش اش كديري واش تسطيتي راني مزوج
مينة: اااااه كم اشتقتو لحضيااانيك من شرجم اااااه كم اعشقووو صوت موطوريك لديمارا في صباحي الباكير .
رشيد:(بالغوات ) موسااااا وااا الحمااار فينك
مصمر حدا الباب كيسمع تنهيدات عند بالو سيد خدام معاها لحضة خاب ظنو فشاف قفز و دخل ملي سمع سميتو تصدم سيدا فوق البيرو و جلابة مقطعة و سي شاف لصق مع الحيط.
موسااا:😲ش ش شاااف
رشيد:(سد عينو وجهو حمر بالاعصاااب) خرجها خرجها عليا صباح طلق زمر بحالو اخير مرا تشدها .
مينة:(هبطت)هل تعلمو حوووووبي و اهااااااتي ااااه مينك كم اشتقتو ….حبست
موسااا:😧كملي كملي
رشيد:(زف عليه بالمينوط و بدا كيهرس ليجات قدامو) برااااااا برااااااااا عليا الحبس نتا و هياااا شغتكمل الطسيلتك اشداني لشي بوليس تفووووو ااااااااااع.
موسااا:(سد الباب كينهج) دعيتك الله بغيت ربي اهزك و نتهناو مناك واش فينما نجيبك تمرضيه .
مينة:(سبقتو)هااني سبقت جيب الباقي و دي الشاااف دواا راس .
شد راسو ديماا هذ الخطية من ناصيبو كون عرف كع ميدخلها جر زمر كامل هبطو بلا تحقيق إباتو و غدا على صباح إطلقهم….سورت الباب منبعد معزل الرجال على نسااا.
خالد:(عنقها) والله حتى معلمة شتي نتي نمووووت فيك.
مينة: قطعت جلابتي على ودك بعد وجي عاودلي علاش تشديتي كيف شتي الاخوات لمعانا نعسوو نقرقبو نااب بالخاطر.
خالد:(جلس و مزال اللتام على وجهو)أووودي لباس فاش خرجنا هكاا كون مجلابتك لفكتني علم الله فين غنكون دباا.
مينة:(سندت على كتفو) گر نشوف عارفك موصيبة كحلة.
خالد: احم بعت بول الجمال الصحاب الاصال على اساس مشروب طاقة وكان بينتهم واحد صحراوي هوا لفرشني وخرج فعودي مضيع رزقي.
مينة:هههههههههه سرك نيت واش تصطيتي اش قربك البول جمال.
خالد:بلا ضحك رااا زين المعدة و كيقوي العضلات داكشي لسمعت.
مينة:هههههههه بااااز يا خويااا بااااز خلينا نعسو دبا
خالد:(حط راسها على رجليه)و دباا نعسي انا نحك راسك ….كتفت ببتيسماا و نعسااااات .
خالد:(تنهد) ياربي تسهل علينا و تجيب ليها شي عريس لستهلها وهنيها من تمارة .
مجاه نعاس و بقا حضيها كيتأمل فوجها الملائكي هياا كولشي عندو من بعد موت باه هذي عام اما مو معقلش عليها بزااف كنت عندهم عامين فاش ماتت و خلاتهم تكلف الاب و تقاتل كبر و قراا فاش وصلو سيزيام بجوج حيت توام غير كولها و زينو .
تأزمات حالت باهم و طرو اخرجو من القرايا و يخدمو خالد كان كول مرا و فاش خاشي راسو اما مينة حرفتها تبيع البغرير حيت كتقنو .
تقاتلو و صبرو حتى دا مول امانة امانتو ومشاا صدر الحنين لكان باقي ليهم تحزمو و توسدو بعض مواجهين دنياا بلا عمام بلا خوال مكاين لسول عليهم .

🍯مولات البغرير🍯
البارت:5🍳بقلم أم جود🍳
بجوج قبالتها جالسين على جمر و حبسين نفس باش ميتقياو سيت الحسن و الجمال فوق طبلة ديال جاج لوسط صالة لقات راحتها طالقاا رجيلتها وسط حجرها طبسيل عامر كبدة كيبغاتها الخاطر.
مُعتز:🤢ياخوياا هذي وحش ماشي مراا دكشي خضر
رضوان:😲شوو دبا تسمعك احم حبيبتي اري غير إشم العافية و كوليه راغدي إضرك فكرشك.
نسمة: مممم لا لا هكااا زوين و مطايب غنمشي نكملو الفوق خوياا معتز شكرا بزااااف وعلى سلامتك.
معتز:😊هانيا مرحبا ماشي شيحاجة الله اسلمك.
نسمة:😄خليت ليكم رااحة غنعس…وطلعات
مُعتر:(عااد تنفس) اوووف بناقص من شي زواج لكان هكاا
رضوان:(شد حنوكو تنهد) كيفاش غندير دبا نمحي المشهد من بالي لبغيت نبوسها .
معتز: (بعد من حداه) يااااع ياااع و مزال تقرب الفمها.
رضوان: وماالو فمها اححح شحال بنين (سمع الباب تزدح) ناري مشاا و اجي غير تعشااا بففف فين الخاطر مغتحط المدام هذ البرهوش تاا اموت عمو غ بالفقصة .

ديمارا اللوطو و صونا الفادي إقصرو فشي قنت و نيت اخلي خوه و مرتو على راحتهم فدار حتى هوما يالله جاو المغرب ادوزو العطلة وختارو دار عندو حيت جات فبلاصة زوينة وقريبا البحر .
مسافة طريق و كان قدام ريسطو راقي مولف ياكل فيه القاا صحبو تماا مي ماشي بحدو قلب دورة راجع حتى وقفو .
فادي:(قشعوو) هاااااي مُعتز اجي اجي
مُعتز تعصب و مبغاش احشمو زاد العندهم كارز على سنانو كيحاول إبرد .
معتز:سلاام
فادي:(وقف سلم عليه و همس فودنو) باش تعلم تخليني ههه اهلا اهلا صاحبي البيلووووط جلس جلس هذي حنان و صحبتها كوتر .
البنات:سلاااام 😍😍
كتفاا ببتيسمة و جلس معاهم طلبو الماكلة فادي غير شاد ضحكة من منضر صاحبو لباين مكره وزادوه اسئلات البنات.
كوتر: مشاااء الله نتااا بيلوووط و مزال صغير شحال فعمرك.
معتز:(نااشف و عينو فتيلي) 32
حنان:واا مرتابط اسي مُعتز
فادي: اا…. قبل ميكملها قطعو مُعتز واقف
معتز: وي و مزوج يالله بصحتكم …وزاد مخليهم
كوتر:( شداها البكية) ياك كلتي لينا صاحبك ممرتابط
فادي: هاا اه اه ماشي هذاا واحد اخور مهم بصحتكم عندي منقضي…وهرب تابع صاحبو.
حنان: (كتسكت صحبتها)😧شووو صافي صافي مكتاب و اصلا بيلوط خااايب .
كوتر: 😭حيدي حيدي عارفة راسي زهري عوج نوضي نرجع الحميد الخباز لنبقاا بايرة .
حنان:واخا يالله غير سكتي را ناس كيشوفو فينا

ركب و تبعو بعد متفقو و صفااو الخواطر فطريق خداو بيتزا ومشروبات إكملو صهرا فدار فادي .
نيشان البارك بلاصاو فيه وزادو طالعين فالاسنسور
فادي:(حل الباب) مرحبا بيك فداري المتواضعة شرفتينا لتلقيتي شي حاجة فطريق سترنا خوك زوفري و عايش الرفاهية.
مُعتز:اش هذ الحالة كولشي مرون تعلم تجمع شوية حل شراجم .
فادي:(كيمسح طبلة) اجي نقاصو بعدا و نشوفو قضية زواج لدكرتي وروينا مولف بيها .
مُعتز :(خدا طرف كيكول فيه) و علاش مال زواج عيب انا ناوي نكمل ديني.
فادي:(صغر عينو)تكمل دينك و فين هذ بنت ناس و انا عمري شتك مع شيوحدة حتى من المضيفات عرفينك معقدة.
مُعتز:(تكاا)بنات نااس موجودين خص غير المعقول اما تصحيب و زهو دكشي طلع فراس بنادم هوا ليدير دارو و ولادو .
فادي:(كيصفق) واااه براڤو سوووبير كلام فصميم و صح إوا اسيدي الله اكمل عليك بالخير انا يالله بادي فتلاتين مزال باغي نعيش .
معتز: وانا باغي نستقر دار شريتها بقات بنت ناس كنت و صيت نسمة تشوف .
فادي:زواج و بلا حب ولا متفهمتوش .
معتز:(هز كتافو)عادي تلقينا خوت نتفرقو خوت (وقف) وريني فين نعس راسي بغاا اتشق .
فادي:مم البيت الاول على ليمن را نقي تلاح فيه
معتز:بونوي و شكرا.
فادي:مبينتناش حتى نتا بونوي.
دخال البيت و تلاح فيها بصباطو عيان و باغي غير إنعس .
~~~~~~~~
مسح فمها و إديها حيد طبسيل من حداها وتكاا بجنبها دير ليدارت كتبقا حبيبتو و معيفينتو باس راسهاا و مشاااا ركب ماج ذكرياتو معاها غير كملو لفاك تزوجها و نتاقلو بجوج البرا كملو القراياا ودارو مشروعهم شركة تنضيم الحفلات بعد ربع سنين ديال زواج كتحمل مرتو مقداهم فرحة واخا وحمها صعيب وطويل شكل غريب عجيب خص إشدو معها الخاطر ولبغتها تحضر تفكر خوه صغير لمغرق معاه بتسمة وزاد خشها عندو.

🍯مولات البغرير🍯
البارت:6 🍳بقلم أم جود 🍳
🌄اصبحنا و اصبح الملك لله
زيف حياتي فوق راس و جلابة زرقة لكان لبس خوها البارح لبستها كتجمع فحويجها وتنغزو برجلها إفيق.
مينة:وااااااا سي واااااا فيق من تم
خالد:حرااام عليك والله عاد دخلنا و غير نعس .
مينة: تهز من تماا طلقونا مع سبعة و دبا العشرة راك خمرتي ماشي نعستي نوض جمع دار و طيب غادا الحمام .
خالد:واخا يالله غير سيري و بصحتك …رجع غطاا راسو .
مبقاتش طلات عليه سدات صكها و هزت سطولاتها نازلة مع دروج حلات الباب متلقى غير مع جرتها صفية .
صفية:صبااااح الخير
مينة:صبحنااا على الله اش كاين تاني .
صفية:😀بغريراااا.
مينة:سيري حتى العشية و جي ليه دبا غادا الحمام مطيبتوش .
صفية:واخا سيري و متنسايني …ورجعت الدارها
درب عامر فصباح لدازت ترميليه سلام وردها معروفة من صغر تماا نهار مات باهم بانو عمامها بغاين الورت ولكين مصورو والو حيت المرحم حط وصيت الدار الولادو و صااا عليهم درب لوقت شدا إبانو ماشي كيف خوتو لجبهم طمع .

فباب الحمام وقفت تخلص و تشد اش خاصها
مينة:شدي قطعي بلاصة و مديلي صابون البلدي
كسالة:جمعي فلوسك و سيري مكاينا بلاصة
مينة:وعلااااش
كسالة:الا اختي مدخليش مكدين على صداع المااراا الفايتا هرستي سطولااا سلختي العيلات.
مينة: ويااك خلصتو و مبقيتو تسالوني راكم نتوما لكتجبدوني حيدي خليني ندوز .
الكسالة:(بالغوات) ضااااوية خديجة وااااا زهووور
تجمعو بتلاتة حدا الباب كول وحدة قداش كيبانو بحال موحربين سومو العماليقة رجعت اللور وسرطت ريقها .
زهوور:مالك اختي شكون دواا معاك.
الكسالة:غااا مولات البغرير بغاات تدخل وكتليها لا .
خديجة:(مخرجا عنيها)ولا هيا لا اش مزال كديري هنا .
مينة:(سرطت ريقها و بعدت)هااا انا غداا و عقلوو عليها و اصلا حمامكم خااااانز حسن منو حمام سعااااادة ….رماتها و عطات رجليها الريح .
كسالة: وااااخا واااخا عليك تنشدك .
جريااا وحدة الحمام سعادة لقاتو خاوي ستقبلوها كمليكة خخخ حيت زارتهم لأول مرا و معرفينش ضواسها الخمجين هداها الله و تحمحمت بلاصداع بلا مشاكيل خرجت منو بيضة مقشرة و حنيكتها حمرين .

🍯مولات البغرير🍯
البارت:7🍳بقلم أم جود🍳
سايك و بالو ساارح خصو ادير كولشي مزال مداز شهر ضرب الحساب العرس و سبعيام دالباكور و لكين فين العروس بنت ناس لتفهو و تصبر الهبالو …قطع جبل تخمامو تيلي لكيصوني تحنا اهزو حيت طاح بين رجليه هز راسو مفزووع من الكلاكصوووم المجهد مال باللوطو الجنب هارب من الكاميو لبان على غفلة وشد الفران داخل فشجرة من حر ضربة لفجبينو غاااب .

طلقت سطول و مشات تجري مخلوعة وطل على المزغوب لدخل فشجرة و مكاين لشافو حيت طريق مكيدوزوش منها ناس بزااف.
قربت ليها وعنيها خارجين اللوطو ججها القدامي تهرس و دخان خارج منها حلات الباب من جيهتو كان حط راسو على الڤولون لمزال شد بديه.
مينة:(كتحركو)وسي محمد و خويااا واش لباس ناري مكيجوب ياك ممات .
حولات تحركو وطاح عليها بتقلو نيشان الارض
مينة:😭وااااع زواني زواني وااا مي كرشي واااا عباد الله و عتقو فينكم .
مكاين لجاوب بقات تقريبا شي ربع ساعة و هيا كتوجع طلقها الحال و دفعتو من فوقها بمشقت الانفاس كان مزال كيتحرك و تمتم .
معتز:مممم الماا
مينة:هاا واخا واخا ..بجرا جابت الماا من صكها و شربتو مرا افيق و مرا إرجع إغيب جابت زيف و لواتو على راسو باش إتحبس دم سندتو تحاول تخرجو الشانطي على الله إبان شي محسن اديهم السبيطار .
مينة:اااه توكد شوية ارحم ميمتك راك تقيل سند عليا
معتز:(واقف بزز) دوخة مقدرتش .
مينة: غير حاول را قربنا الشانطي .
زير على خصرها بيدو فاش حس براسو غيطيه سندتو و حنوكها قربو إطرطقو من الحمورية قريب ليها بزاف كتحس بأنفاسو فعنقها واخا زيف وصلتها حرارتهم .
مينة:😳 ط ط طلق من تم …حيدت إدو من خصرها و عاود رضها واخا دايخ المسخوط عجبو الحال سلبتو ريحت صابون و شمبان .
معتز:ممم وصلنا و لا مزال .
مينة: بلاتي بلاتي ها وحد البيكوب إهزنا …بدات كتشير و تعيط بسيف وقف ليهم البيكوب لمشارجي الحوالا ديال العيد🐏🐑 .
مينة:(كتحاول تسند معتز)سلام و عليكم الله ارحم بيها الولدين هزنا معاك حتى السبيطار.
……:لا لا اختي والا متلي فطريق اش ندير .
مينة:وغاا هزنا لمات ندفنوه.
….:هاااا بعدي بعدي
مينة:هههه خفتي راني غمقشبة را غير مضروب فراسو كنا جاين من عند عكوزتي خرج لينا كاملو ودخالنا فشجرة.
….:وعلاش هوا تضرب و نتي لا كتفلاي.
مينة:(قندشت)و نتاا سوقك هزنا و لا الله إعاون مالنا على هدشي كامل.
…: (نزل ) صافي صافي غركبو بلاتي نعاونك .
هزهم نيشان السبيطار حطم خلصتو مينة وحلف ميشدهم شكرتو وزاد مخلها مضاربة مع معتز لمزال خاشي راسو فعنقها .
~~~~~~~~~~
شحال و هيا واقفاا قدام المحكمةو بضبط البلاصة ليكانت فيها مولات البغرير البارح .
نسمة:😖مكايناش ياك.
شيفور: لا والو سولت عليها العساس كلي دوها البوليس.
نسمة:😭زيد بيا الدار
شيفور:😰ياربي غتبكي تاني ….و دكشي ليكان طريق كاملة و هيا كتهرنن و دمع حدا ودنو .

~~~~~~~~~تتمة الجزء سابع
أذن ضهر و سيد مزال منشور و شخيرو مسموع سارح بأحلامو لزادو زيانو حتى كتجيه ختو فالحلم .
مينة:👻واااااااااا فيق
طاافج و قافز كيقلب مجنابو عليها شد راسو داخ من الخلعة .
خالد: ياااخ على دعوة تبعاني حتى فالمنام (كيتجبد) ممممم علم الله شحال ساعة .
مد ادو وتيلي و طل عليها وسع عينو و حل فمو قفرهاا
خالد:😱 اليووووم تقتلني فين الكلمة و فين رجلة ترضني فراجة فدرب ( كيمشي وجي) اش اش غنديه اه اه هااااجر هيا لغتفكني .
دار فاصمة فيدو و لبس تشورت غسل وجهو بزربا ونزل بجرا مع دروج موقف غير حدا بابها دق شحال من مرا عاد جاوبو بشكون و تحل الباب.
خالد: سلام خالتي فاطمة .
فاطمة:وعليكم سلام اولدي مال لونك مخطوف .
خالد:(الله اسمحلي غنكذب) غير ختي و حلات مع شي ناس و غادي ليها عفاك اخالتي ها سروت عطيها الهاجر تجمع دار راك عارفة ليكاين ويدي مضروبة .
فاطمة: إيه اولدي غير اراها هناتك سير شوف ختك غ غتالقاااو كولشي مجموع .
خالد:(مدليها 200 درهم) هانتي اخالتي شي براكة و سمحولينا.
فاطمة: الوااه لواه اولدي مبينتنا حناا جيران سير لتعطل عليها .
وزاد مخنزر طبيعتو فدرب جارة الوحيدة لكيهضر معاها هيا فاطمة مرا كبيرة و أرملة عندها بنت وحدة فعمرها سبعطاش و سميتها هاجر حاط عليها العين.
الوجها المحلاباا فرأس درب فطر على خااااطرو وشدها جماعة من العشران لي لاخدمة لا ردمة …

🍯مولات البغرير 🍯
البارت8🍳 بقلم أم جود 🍳
مزال شاد فيها مغطياه بإزار و قدامهم الصاحبة تنكر و تخاصم على بلانات مينة الخويان .
مينة:بلاتي آ سعيدة را غنطيح كتفي مات عليا
سعيدة: ويلي ويلي غطيه لتفرشينا شتي نتي و الله حتى تخرجي عليا .
مينة: وعفاك غير صبري راك شتيهم فالمستعجلات عاااامرة بزاااف و مكاين لتسوق لينا .
سعيدة : و مجااا فبالك غ قيسم الولادة الولادة امينة .
مينة: وصافي حتى نتي را هوا ليخاوي شوية و مكاين لغيعيق بينا نتي غصبري و حيدي الخلعة .
سعيدة: الله اصبرني معاك حطيه هنا نشوف و غطيه ليعيقو بيه العيلات نجيب باش ندويه.
مينة: واخا اختي سيري الله استر عليك .
جابت كولشي دكشي لغتحتاج من زهرها البيت خاوي دبا حيدت عليه الغطاا و سهااات واخا دم مغطي نص وجهو وسامتو طاغية .
مينة: هاا خمس و خميس جمعي عنيك و دويه.
سعيدة:شدي مسحي وجهو و سكتي غير زوين و صافي هانتي نشفي هنا مزيان .
عقمو جرح و غسلو وجهو و هوا مزال مغيب محاس بوالو يالله فاش كيعقد حجبانو مليتقصح .
مينة:مسكين غبشوية عليه قصحتيه .
سعيدة: جي خدمي بلاصتي نتي حسن .
مينة: هاا لا لا غير كملي .
سعيدة:بانتلي ضربة عندو غارقة شوية خصنا نغرزوه .
مينة:هااا تغراز كع
سعيدة:(كتصوب البرا و الخيط) شدي راسو باش ميتحرك دغيا غ جوج غرزات.
مينة: 😵ميمتي جوج غرزات غديري ليه تغراز الحلاشن ياك اختي باغا تخرجي على كمارت راجل على مزيناتو .
سعيدة:اشمن حلاشن واش كتروني را دغيا دكشي مزروب غير تبتي راسو نسربو را تبعاني الخدمة .

سدات عنيها و دارت دكشي ليكالت ليها غرزتو جوج غرزات عطاتو مهدئات وجمعت دوزانها.
سعيدة:غير حلي عنيك ساليت على سلامتو ماشي شيحاجة صعيبة .
مينة: الحمدلله وقتاش إفيق .
سعيدة: تالغدا غطيتو إبرا باش إنعس و ميتوجع .
مينة: اويلي على غذاا نبيتوه هنا و انا و هوا بوحدو كيدرتي ليها .
سعيدة: مالك تخلعتي نتي غتباتي حداه و انا غنشد نوبت صحبتي اليوم بليل غير حظي معا راسو إكون ديمة مغطي و لسول عليه كوليله مرت خويا مسكينة دايرا الكورطاج.
مينة: هاا واخا نصوني الخالد نعلمو سيري بغيت ربي إرزق دوريا صاليحة .
سعيدة : امييين يارب مبينتناش تي انعل بوها صحبة لمتعونا يالله تكاي حداه نمشي نغرز الحلاشن😂.
مينة: ياااع سيري سيري .

🍯مولات البغرير🍯
البارت:9🍳بقلم أم جود🍳
سيقت دار صبنت و نصبت الغداء صوبت زيفها لتفك و جلست على سداري ترتاح غافلة على نضراتو ليها .
خالد: احم احم
هااجر:(جمعت الوقفاا كيخلعها)هااا خالد جيتي انا نمشي را غداا فوق البوطة.
خالد:(وقف فاص معاها) علاش كتهربي مني .
هاجر:(حابسا دموعها)ك ك كتخلعني و كتغوت عليا .
خالد:(بعد ضاحك)هههههه حمقة غير حيت عزيزة عليا مزال نكون راسي و نجيك نتي غير صبري .
توردو حنوكها من سخانة لطلعتها أول مرا تسمع منو بحال هذ الكلام كان فين ميشوفها إغوت عليها ولا إخنزر فيها حتى من الكلسة مع البنات فباب دار ممنوعة .
خالد:هيهوو سرحتي يالله تحركي نوصلك .
هاجر:هاا واخا ….خرج و تبعتو سبقها مخنزر و هيا وراه راسها فالارض وصلها باب دار وزاد فطريقو صونا تيليفونو.
خالد: من صباح و نتي فالحمام واخا تكوني غتبدلي جلدة.
مينة: خليك من الهبال و سمعني مزيان جيب شي حاجة من حوايجك و ميتكال هنا فسبيطار حسن تاني
خالد:(تخلع) سبيطار مالك واش واقعة ليك شي حاجة.
مينة: شوو انا بخير غير دير لكتليك حتى تجي و نعاودليك فاش توصل علمني .
خالد:واخا دبااا دبااا نكون عندك ونجيب حتى جلابة واخا .
قطع عليها و مشاا طاير الدار هز من حوايجو و دكشي علاش وصاتو هز الغداا وزاد إشد طاكسي .

صونا وجلس كيتسناها فجردة ماشي بزاف وقفت عليه سعيدة دخلاتو حيت فرملية كدخل و تخرج كيبغات .
سعيدة: دخل هاهيا و نقصو صوتكم لتصدعوه.
خالد: واخا اختي شكرا واش نتي لباس اشنو وقع.
منية: اجي را قصة طويلة جبتي ميتكال .
خالد: كولشي هنا غي بداي و نبداا .

حط الكفة و شكوش فسرير و جر طبلة صغيرة كانت فالقنت حطو عليها الغداا و بداو فالماكلة .
مينة:(هزت عينها مخنزرا) تاني اخالد تاني القوالب.
خالد: تي شمن قوالب كولي و سكتي راني معطوب فيدي عليها كلمتها .
مينة: ممم معطوب و باااز منك غااا سير شي نهار نقدلك ضلوع فوت عليك هاجر.
خالد: خلينا مني و هضري اش واقع واش كنديرو هنا .
مينة: دبا انا …………………………………… هادشي ليكاين .
خالد:😲دبا حنا فقسم الولادة و راجل هنا مجبد ياك
مينة: اه هاهوا مزال ناعس .
خالد:واااااع هههههههههههههه وامي كرشي ههههههههههههه واك واك واخا إكون عدوك امينة ههههههههه رجل بشلاغمو درتيلو إجهاد.
مينة:😠براكة سكت واقيلة نسيتي راسك البارح ايه رديتو مرا وداير إجهاد و نتا باااه يالله.
خالد:(جمع ضحكة) شنهوااااا انا واش نتي مريضة و لا مالك اش دخلني انا .
منية: الحاجة لندخليها راك معايا دبا سير و صباح بكري جي باش نخرجو مرتك 😈اخووويا العزيز.
خالد: كتالوي درااع دبا ياك وعقلي على كلامك ( كان غادي ورجع) عاودي نسمع دبا نتي غتباتي هنا و معا هذ سيد .
مينة: اه و شنوفيها
خالد: واش كتسطاي سيد معرفينو غ خير و درناه باغا تباتي حداه منتيق فيه .
مينة: سير سير وخوي راسك سيد مغيب من صباح مفاق و زيدون غتجي سعيدة تكلس معايا نتا غير تهنا .
خالد:الله اهديك امينة الله اهديك ديماا خاشية راسك فالمشاكيل هاني غادي وردي البال راسك بيناتنا تيليفون.
مينة: (جراتو الباب) راها غير ليلة سير تنعس و صباح بكري القاك هنا …باس راسها و زاد واخا مبغاش اخليها تحت عنادها كيستسلم..

🍯مولات البغرير 🍯
البارت:10🍳بقلم أم جود🍳
عنقو عوج و رجليه مطلوقين نعسة معذبة و كتبلوكي العضام معندو ميدير جرات عليه البارح من البيت وداه نعاس فصالون .
رضوان:😴😴😴
على صبيعات رجليها جايا عنيها حمرين من كترت البكاا ونيفها حتى هوا تعصبت فاش شفتو ناعس و ممسوق ليها نيشان الكوزينة جبت منها سطل ديال الماا محنت فيه.
نسمة:👿 1 2 3…….. بشاااااااخ لجيها تانيا طاح وفاق مقلوب ومخلوع.
رضوان:كح كح كح شكون شكون هنا …وقف ورجع طاح سند على الفوطوي وطل براسو عليها كيف ديماا دموووع و البكاا تنهد بقلات حيلة ومشا حداها.
نسمة:خليك تمااا😭نتا مكتبغينيش.
رضوان:حرام عليك احبيباا رحميني شوية ياك عاد البارح سريتك المدينة كاملة ملقيتش البغرير لكيعجبك
نسمة:(كتمسح دموعها)بغيت لوووووسي هوا لكيفهمني نتا خااايب .
رضوان:واخا يالله غير تحركي من تماا نبدلو ونخرجو برا نفطرو .
نسمة:فين لوسي بصح مبات البارح.
رضوان:غاليبا مع صحبو (باللحس)براكة غير انا لمعدب معاك .
نسمة:كلتي شي حاجة 😒.
رضوان:لا لا آحبيبتي بالعمى غالبس و نجي……وزاد لسمع تاني بكاها اليوم جاا الاعفاء الشيفور مقداه فرحة نهار كاامل مغيسمع لا بكاا لا غوات منها نيت إحس رجلها بالخطية ليواخد.
اكيد ضروري من نيقشات و مدابزاا لتخت الباب فوجهو وخلاتو بلاكة ماد شنيفاتو.
رضوان:😯والله الا درتها (كيدق عليها باب البيت ) حياتي حلي والله منعود .
تحل الباب وخرجت ضاربا فيه بدراعها نافخا ريشها تبعها بعينو شحال كيوت بكسيوا حمرة طويلة بلا ادين وشعر جمعاه الفوق عاق براسو وجرا تبعها لتعود تبكي
~~~~~~~~
دار إدو على راسو وبدا كيقوس حجبانو وطلقهم كيستاعد إفيق حل عينو جات نيشان على سقف دور راسو كيشوف فين هوا كتبلو البيت حيطها بيض ومقشر وفيها ست ديال البيصات بيهم عرف راسو فصبيطار بغا إتحرك كيحس بشيحاجة تقيلة على رجلو هبط راسو و مشاااا سارح فجمالها طبيعي و تقسيم أوجها مكاين لمخسر ديكور قد فمها المحلول و ريوگها لخرجين مسكينة ناعسة بالگالس وموسدا رجليه بتسم تفكرها البارح واخا كان دايخ ريحتها مزال فنيفو زعم وبغا إقيسها فخدها يالله هز إدو تحل الباب وتكمش دار مخنزر بزربا تمحات وحل محلها علامات ستيفهام….

🍯مولات البغرير🍯
البارت:11🍳بقلم أم جود🍳
خالد: صباح الخير على سلامتك اخويا شوية دبا .
مُعتز: الحمدلله بخير واش نتا لجبتيني هنا و شكون هذ البنت .
خالد:(حط دكشي لفديه) بلاتي بلاتي نفيقها عاد نكملو
تبعو بعينو شغيصنع قرب الجيهتها وتحنا باس راسها فالاول سي معتز تعصب وراب ليفبالو مبينش .
سي خالد سد فم ختو وسد حتى نيفها حابس نفس ولا وجها حمر فاقت مخنوقة كترد نفس بزز بعد عليها كيضحك .
مينة:😤خاااااالد بغيتلك الحكة وقلة ضفار .
خالد:😂واااااع صباح نور توت (شاف فمعتز لكيضحك)وهااا هيا العشير سولها كيبغيتي.
معتز:😂مسكينة حرام عليك.
مينة:(توردو حنيكتها من الحشمة مسحت جنب فمها وبتسمت فوجهو) صباح الخير كيبقيتي شوية .
معتر: الحمدلله بخير دبا و شكرا بزاف عدبتكم معايا.
خالد: دبا لسليتو رسميات باغي نفطر
مينة:يااخ مالك ممصواب كحهز نعاونك .
حطو شنو جاب فطور متواضع وزين منساش براد اتاي دغيا ندمج معاهم سي معتز لعجبو ديكور و مدا طيبت قلب هذ جوج لعرفهم خوت وتنهد براحة عودات ليه مينة كيفاش القاتو وجابتو ..
خالد:(كيشرب اتاي) واش عندك شي عائلة نتصلو بيها
معتز:ماشي مشكيل بلا منشطنهم غير نفطرو ونزيد .
مينة:ودوخا مشات منك ياك مكيضروك الغرازي ر يد صحبتي حنينة والله .
معتز:الغرازي واش كتر ولا شنو شي ضربة خايبة و باينا .
خالد:غير جوج مخفتي والو (حابس ضحكة ملي تفكر خدمت سعيدة)وهوا شي تغراز خاص بمناطق معينة واش إصدق فجبهتك الله وأعلم.
معتز:بحالش مفهتش.
مينة:(خنزرت فخوها)سكت اللقواا لا عناد متديش عليه را شوية فعقلو كول كول الخبر را زين .
معتز:شكرا و فكريني نشكر صحبتك .
وها هيا بانت عمرها طويل فرعت الباب و جها مخطوف .
سعيدة:(الهضرة بزز باش كطلع) خ خ خ خبي خبي
مينة:اويلي اش غنخبي مالك .
خالد:اشنو واقع هضري .
سعيدة:غطيه غطيه را العيلات غنجيبهم هنا
مينة:(جمعت الوقفا)اويلي على تجيبهم ياك هنا خاوي
سعيدة:القدوس ديال طوليط تفركع فالبيت لحداك و خصنا فين نديرو العيلات ليعاد نفسات هنتي غطيه غير نسالي و نخرجكم (بترجي)ختي مينة الله ارحم بيها الولدين كيف تفقنا راه لحصلتو خدمتي مشااات
مينة:لا لا كوني هانيا ويلي هنا كلعبو خالد جمع دوك الماعن ونتا تغطاا تغطاا.

تتمة**
معتز:اشنو واقع فهموني علاش غنتغطاا.
مينة:منبعد منبعد دبا تغطااا وقطع حسك …غطاتو وجمعو الماعن بزربا رجعت سعيدة معاها فرمليات خرين كيدخلو العيلات ليعاد ولدو عمرت البيت وكتر صداع شي يتوجع وشي إجمع وشي إسلام وبارك المولود جديد.
فرملية:سيدي تفضل برا را ممنوع زيارة
خالد:انا جاي عند مرتي ميمكنش نخليها بوحدها .
مينة: اه اه مسكينة مرتو
فرملية:القانون هوا القانون مع الطناش رجع عندها دبا خرج.
خالد:واخا واخا هاني غذي مينة حضيها مزيان تنجيب ليكم الغداا.
مينة:(كتصيب ليزار)كون هاني اخويا غ سير هنيتك
سيد تقن دور وسي معتز ضرو راسو وبغا إعرف اش واقع وشهاد صداع كامل فينما ابغي اطل كترجع مينة تغطيه .
معتز:وحيدي را تخنقت شنو واقع هنا
مينة: زكاااا راك غتخرج علينا و نتا بين الولادات .
معتز:اشنوووووو واش نتي بعقلك اش كندير هنا .
مينة:بلا فضايح تبت و خلينا نكملو خيرنا را لحصلنا مشينا فيها .
معتز:(بغا انوض)حيدي نمشي من هنا واش صافابا اش كندير بين الولادات دويتيني شكرا بزاف دبا حيدي.
مينة:هنتا ارحم ميمتك دير غبوجه صحبتي لضحات بخدمتها ودخلاتنا هنا مسكينة عفاك .
معتز:بففف واخا واخا الله اصبرني معاك .
مينة:(غطاتو وجلست جنبو حيت شي عيلات كيشوفو فيها)هيهي لباس عليكم .
شارفة:لباس ابنتي مال ديك المرا كولها مغطية نفسي عليها شوية لاتموت .
مينة: هاا لا لا مسكينة متقدرش تشوف العيلات هازين ترابي و هيا لا .
شرفة:علاش مسكينة مالهاا.
مينة:طاح ليها تيلاد مسيكينة فشهرها التالت و تعدبت الله اجعلو فميزان حسنتها.
شارفة:مسكينة خليها الله اعوضها دبا تولد مكتر غ صبر هكي عطيها شوية الريفيساا جبتها البنتي واراها بالمساخن .
مينة:(شدات عليها طاسة مبغات تحشمها)واخا الله ارحم بيها الولدين احم ..
هزت الغطاا بشوية وطلات عليه سرطت ريقا فاش شافت وجهو حمر وحتى عنيه سيد تعصب .
معتز:(شدها من فكها)😤انااا طاحلي تيلاد رديتيني ضحكة ياك .
مينة:(باللحس باش ميسمعوها)اححح وطلق طلق وصبر علينا .
شارفة:بنتي واقعة شي حاجة ياك معجبتها رفيسة .
مينة: هاا لا لا اخالتي زوينة غير كنحزها تاكول الله ارحم ولديك (حيدت ادو)ااي وا المرض راك غتقندشنا تاني خلينا زوينين مالنا ياك لباس.
معتز:(طلقها وحاول إبرد)علاش مديتينيش الكلينيك .
مينة:😒الكلينك لقيناه نتصورو معاه مخص غاندخلك ليه شد شد كولي رفيسة امررررت خويااااا العزيز .
يالله غيبدا تاني خرجت رسها بزربا وخلاتو باغي اطرطق بالاعصاب كون مطلبتو على صحبتها هدشي كامل غيكون مقلوب دباا ..زمطها وكمدها اش عندو ميدير رجع ليها طاسة رافض ياكل وباش متحشم مينة مع المرا كلاتها هيا نيت .
مينة:(كتاكل)لهلا نكولو انا نيت ندير خير غ فمسارني كاليك الكلينيك و بااااز وجهك صحيح (قفزت على قرصة ففخضها)اححح امي
مغتز:باش تعلمي تسدي فمك غير صبري عليا
مينة:(طلت عليه)😤حيد اديك شهذ قلت الاداب واش تسطيتي.
معتز:(مبرد طاح على كودها)😈لا عااااجبني تما يالله فين منسمع حسك نفكرك راني هناا .
ضربت طم كتغلي وشعندها مدير رجعت كتجمع عادي مع العيلات واخا وجها كيحمار و رزاق فاش كيحرك إدو على فخضها اما سي معتز عااااجبو الحال واخا ازيد ليلة هنا ماشي مشكيل سد عينو ورجع إنعس…

🍯مولات البغرير🍯
البارت:12🍳بقلم أم جود🍳
مسند على اللوطو وشاد ستون مع شي فرمليات ميزكل حتى وحدة وهدشي قدام صبيطار ياحصرة را جاي إدي صاحبو ليدار كسيدة البارح فالاول تخلع مي فاش طمنو برد ودار معه اجي إديه بلا ميدخل ليصدق فضحهم…سمع تحنحين و هو إهز راسو كانت قبالتو مينة و خالد وسطهم شي مرا وهازين شواكش.
مينة:وسي حماااد را كنتسناوك زعمة.
فادي:(كيشوف وراه ورجع شف عندها)معياا اختي .
خالد:إيه معاك طلق حلينا هذ الحديدة .
فادي:وفين كنعرفكم شتكم بحلا هجمين لا .
معتز:حل انعل حسك راني تخنقت.
فادي:😲فينو سمعت غير صوتو.
مينة:هنا هنا كينا هنا و طلق اخويا حل را شمس .
حل ليهم بزربا غير دخل معتز وبدا كينصل و سب فخاطرو وفبادو كيتعاود ديكور كيفاش جاا خالد وتعاون مع مينة حتى لبسوه جلابة وزيف واخا تعصب و عرعر سكتتو مينة “لبغيتي تخرج لبس وهنينا”إوا تبع كلامها و هاهوا دبا فطنوبيلت صاحبو ليتاصل بيه من تليفون مينة وشكون إسكت فادي دباا .
معتز:😠وهاااا زمر بداا فاااااادي براكة.
فين فادي فادي كيتمرمد فالارض بضحك ودموع فعينيه ليداز كيتعجب فيه وجنبو خالد لمحني و عاطي خاطر القهقهاتو معاونين و صافي اما وحدة مينة طلق هيهي و تسكت زعمة راني رزيناا .
مينة:(حابساا ضحكة)هك ها بزطامك و سوارتك
معتز:(خداهم)شكرا وهاكي تليفونك وسمحليا بزاف لغوت عليك .
مينة: هاااانياا تا انا راني غرقت سبااان تعادلنا …وسكتت كتشوف فه وهوا فيها نضرات إعجاب إمكن مع بتيسامة ساحرة على خد كول واحد فيهم وكيف ديما كحل راس ضروري منو.
خالد:احم احم مشيناااا
معتز:(فاق)اه شكرا حتى نتا نتلقاو مرا أخرا
مينة:إنشاء الله لكتاب بسلامة.
سلمو على فادي لمسكت غير بزز وزاد بصاحبو الدار اما مينة و خالد شدو طوبيس الدارهم مبغاوش فادي إوصلهم براكة غير فاش دا معتز .

حطهم طوبيس وكملو على رجليهم ضحك و تقشاب و شي مضربات كيف ديمااا غير وصلو ودخلات مينة الكوزينة توجد البغرير متبيع العشية وسي خالد نشر رجليه كيتفرج فالهنود و شطيحهم حتى كيقفاز من بلاصتو على غوتاااا مولاتها جنون ركبينهااا بلا موقديمات و بالحفااا هرب مع دروج سالت بجلدو .
مينة:(كطل عليه من شرجم شيرت عليه بطيفان) اااااااع والله يامك متبقااا فيك هذاا سابع هذ سيمانة.
خالد:(كيحك بين ضلوع و كيجري فنس الوقت)احححح اححح انعل جدها هرست ضلولي …مشا عند صحابو تسلف كلاكيطة وجلس اشد معاهم جماعة دار ميوصلها تتخرج ختو تبيع قالي البيض فطيفن البغزيز دبيحة دايزا فيه ..

🍯مولات البغرير🍯
البارت:13🍳بقلم أم جود🍳
داز الوقت و تعاشات العشية كيف ديما الدموع و البكا كتقلب فبلاكارات الكوزينة اي حاجة من جاج جبدتها و على طبلة حطتها مخلات كيسان مخلات طباسل
نسمة:(كتمسح خناينها)😭اصلا مكاين لكيديها فيا باينا مشاا عند شي وحدة اخراا الغدار و السكاير لا لا مبقاش كيشرب غير بلاتي ..
مسطية وزادها الوحم اش خاصرها سلات وتربعت على صالة مونجي ليجات فاص مع باب سمعت شيواحد داخل من ريحتو عرفتو بتسمت بشر كأس فواحد ليد وليد تانيا شدا بيها الحامضة مرا مرا تشمها .

قدام الدار حطو فادي منبعد مشافو اللوطو لسيفطها تصلح من تما الكلينك طمنوه على جرحة خدا دوش و بدل حالتو باش ميخلع مرت خوه شكر فادي وكركبو وزاد داخل غير حط ساروت فالباب سمع صوت تهراس طل براسو وسع عينو القصف الجوي فدار .
معتز: اااااش واقع هنااا …..باااق بربلاق خلاتو اتخبا ورا الفطوي مرت خوه دايرا حالة جبد تيلي و صونا الخوه لفالبلاصة جاوب.
رضوان:(شاد راسو) الووو
معتز: واااا ينعل طواسلك اش هدشي مال مرتك تاني فينك بعدا .
رضوان: انا حداك المرض بلا غوات راها جهلت اش ندير انا .
معتز: فين حديا واش كتفلا
رضوان:صبر قطع غنجي عندك فاش حبست .
طل بعينيه كيقلب ياك مكاينا مسكين من الخلعة وصدمة تخباا وسط فأز كبير بمشقت الانفاش خرج منو ماشي على قمقوم سباطو زعمة ميديرش الحس غير قرب فين كينا طبلة معرفها منين خرجت .
رضوان:(راجع اللور)هانتي احبيبتي غير نتفاهمو
نسمة:(كتالعب بكأس فديها)😈لااااااااااا ….وتبعها تنياش هرب المسخوط تخشاا فخوه ولا طاااح على خوه.
معتز:(تقصح فراسو دفعو) ااااااو اصحبي قتلتيني .
رضوان:(كينهج)اشداني لشي اولاد اش بغيت شي زواج.
معتز:لا لا نتا ومرتك غتحمقوني مالها تاني .
رضوان:طلع سولها انا تهد حيلي معاها لا نيقاش لا حيوار عييت.
معتز:(بالغوات) نسمة تهدني و نهضرو غير حبسي
نسمة:لااااااا بغيت مينة و بغرير مينااا وااااااع 😭
معتز:(رجع عند خوه) اش بغات
رضوان:البغرير بغات البغرير
معتز:(ضربو الكرشو) ومال مك مجبتيه هرستلي الماعن و انا عاد ناوي نتزوج.
رضوان:اااي واا لجبتو مبغاتو فين غدي ألقا ليها ديال مينة صبر صبر نهدنها …وبدا يتصل فصباطو
معتز:(سد نيفو) ايييفف تفو شحال خنزين اش غدير بيهم مالك معفون.
رضوان: ديها فراسك التقاشر هوما الوحدين لبيضين غنهزهوم ليها إعلان على ستسلام و طلب هودناا.
معتز: واش منيتك كحز الهيه وطلبها بعيد على نيفي قهرتيني .
هز إدو وبدا كيلوح بتقاشر شحال عاد شفتها نسمة
نسمة:اشنوووو اكيد دباا.
رضوان:(مزال مخبي)غير نتافقو وقفي الحرب لبغيتيها ديالك.
نسمة:صافي واخا جمعو دنيا واجيو انا فجردة ….وخرجت الجردة
معتز:(وقف )انا غنتفاهم معاها و نتا جمع هذ روينااا اه وعندك لتجرح راسك 😉
رضوان:😖عاااارف راسي غير سير ….. شطب جاج عاد تبعهم وجلس باغي اتناقش .
رضوان:(دار رجل على رجل) يالله اري نسمع .
نسمة:(وقفت) صافي غدي نمشي نبدل باش نخرجو دكشي علاش تفقنا .
معتز:(وقف) واخا غنتسناك
رضوان:بلاتي نتا و هيا و انا اشنو را زعمة غنشناقشو
معتز: تعطلتي صافي سالينا نوض تالبس .
رضوان:والله مفعايل هذو خدمت ليهود …وناض البس تنهد سي معتز دبا خصو فين مكانت هذ مولات البغرير اجبدها باينا ليلة غتكون طويلة .

🍯مولات البغرير🍯
البارت:14 🍳بقلم أم جود🍳
هبطت جلابتها الخضرة و زيرت زيفها البيج غير حلات الباب تلاقت معاها نيشان يالله غدق .
مينة:واش شميتيني ولا شنو سلامة ياربي اشكاين
صفية:😀بغريرة
مينة:بلاتي نصوبو ليك مدهون ….هزت الغطاا على طاوة صوبت ليها شي بغريرات ومدتهم ليها .
صفية:سير بغيت ربي إبيض سعدك هاكي.
مينة:حيدي من قدامي و لا تبقاي تمديلي الفلوس كول مرا راك عرفاني مغنتخلص من عندك.
صفية: وا غاااا صواب و صافي الله ياسر ليك …ومشات بحالها.
مينة: امييين يارب …..سدات الباب وزادت فطريقها شافتو شد ستون جاا طاير العندها بغا اعونها.
خالد: عطيني نهز عليك.
مينة:شتي داك طيفان هناا واقف(وراتو حلقها) غ بلاتي عليك .
خالد: ههههه وايلي تانتي ماشي أول مرا را كنساا طلقي تغوبيشة يا القطيطة ….قرصها فخدهاا.
مينة: بعد مني لا تبقاش تسبغني تحرك الدار راك عطلتيني .
خالد:(شد منعندها طاوة) زيدي اليوم غنعوناك مكاين تبريكول نقضو بيك نتي نيت .
مينة:نيت تخلصني فطيفاني ليضاع متحلمش بنص انا لمطيبا .
خالد:ها هيا تاني غتبدا وا غااا زيدي الله اخرج جرتنا على خير لملامين غصداع .
مسافة على رجلين حيت الجوى زوين مكاين لاش إخصرو الفلوس على طاكسي و لا طوبيس .
جردة كبيرة كولشي مخلاط فيها سيرك الوسط و الباعا المتجولين فجنب مخصصين ليهم فوسحة خاصة ها صحاب صوصيط ها صحاب الحرشة و المسمن وزيد العصير وهنا حطات مولات البغرير لغير شافوها بداو فتخنزير شوفات ياربي سلامة تكول مشاركين الورت .
خالد:ختي مالهم لا ترحيب لا سلام واش عديان.
مينة:نتا غصبر لمتقلبت صباط هذ العشية متهنا الخواطر حط نبداو البريح .
خالد:هاهوا حط شوفاتك اخلعو فوتي غ البنيقة وانا معاك .
مينة: سكت غنبدا احم احم وهااااااا البغرير و هاااااا البغرير قربو و زيدو غاااااا ستين لا غلا على مسكين
خالد: وقاااااارب قااااااارب البناااا هنااا و الخدمة المتقونة .
مينة: رضااا على الخاااوة يالله زيدو عسيلا و زويتاااا تاكلوه بنين .
نتا جوج ونتا تلاتا ناشف مدهون هكا بدا تعامل مع الكليان ماشي بزااف و تباع كولشي المينة و خوها الله احفضهم من العين بفضل ربي و رضات الولدين .
مينة: (كتالعب بالفلوس )وااااااااا هاااا مولات البغرير سلااااااات من سلعتها تفاكات على عنيكم سمهااا قلات .

🍯مولات البغرير🍯
البارت:15🍳بقلم أم جود🍳
مولات الحرشة:وهياااا تا شتك بحلا كتمعني علينا لا
مينة:(كتجمع الفلوس)حاااشااا اختي مكاين لدواك .
مول صوصيط:لا واقيلة عليا اسمعي اديك اه.
خالد:دبا هوما بينتهم نتا اش حشاا حمارتك مالنا .
مينة:(كتجر خوها)خالد صافي خليه هذوك غيرو حسدينا.
خالد:طلقي حتى حنا نخرجو عنينا ياك لباس .
مول صوصيط:لا والو باس تسني عيطي نتي عليهم
مولات الحرشة:(بالغوات)ضاااااااوية خديجة وزهوووور تعالو تعالو هاهيا جات .

مينة:(سرطت ريقها و جرت خوها)خالد زيد قبل ميجو را مسهلين .
خالد:(ضرب طاوة برجليه)حيدي مالنا منخفوش وجو…شفهم تصمر ورجع أورا ختو .
مينة:😒يالله هضر ولا صافي
خالد:😖م م مكندخلش فشبوقات العيلات
مولات الحرشة: صاافي سكتي و هاانتي نتفرجو فيك دبا .
ضااوية:حناا حمامنا خانز ياك .
مينة:بالعماااااا شكون كدب عليك .
خديجة:ايه و دبا جيتي تليدينا صباح هربتي
مينة:(كترجع اللور شوية طوات كمامهاوبدات بالغوات و تكشكيش) بلاتي بلاتي إوااااا إواااا حدك تم نتي وهيا كتحماااااو تصحابوني سااااهلة ايه حمامكم خاااانز بلاتي و الله حتى….
كولشي كيتسنها شغادي كتبان دازت طياااااارة وراها خوهاا أرا برع العدو ريفي .
زهووور:شدوها شدوها ….و تبعوها الخواتات و شي بياعاا كولشي باغي إسلخها اليوم حيت ديما مكملة سلعتها وشامتا فيهم .
مينة:(هزا جلابة كتجري)سربي سربي لتشدينا نترفسو
خالد:هوووف هوووف الحجر الحجر نشيرو على بابهم.
كيوقفو ونزلو عليهم حجر وزيدو تاني مكملين منضر فشكل مهربو غير بزز باش تخباو وسلكو بجلدهم.
~~~~~~~~~~~~
فمحلبة جالسين إديهم على خدودهم بقلت حيلة نتهدو بجوج كيتصنتو البكاها لمبغاش إسالي.
نسمة:😭وااااع ماما
معتز:دباا مالك كتبكي البغرير را حداك
نسمة:(دفعت طبسيل) لااا ماشي هذاا بغيتو ديال مينة .
رضوان:مينة مينة فين غنجبدوها ليك واش هبلتي.
نسمة: واااااع 😭متغوتش عليا
معتز: شووو صافي صافي ناس كيشوفو فينا نوضي نشوفو فين نالقااو هذ مينة .
رضوان: ناري غنهبل سير سير نخلاص هدشي هاالبغرير بجميع انواعو والوانو حتى حجاا معجبتها .
معتز: سايس را الوحم ندوزو معاكم غير سطاج شرفتونا قبل الوقت.
نسمة:واااا زيدو يالله .
تبعوها خارجين كيصبرو فراسهم بداو إسولو الغادي و الجاي على مولات البغرير سميتها مينة طاح ضلام و مشااا الحال عيااو و لالة نسمة مزال حلفت متحرك هذ ليلة لمكلاتو باركة دوزت يوماين بلا بيه .
نسمة: واااااااالو مغاديش نتحرك غير تجيبولي بغرير مينة لغدي نحكو فو جهي وشوف ديك ساعة اش غديرو .
رضوان: لا لا احبيبتي نجيبو ها من تحت الارض غير صبري .
معتز: وقلب عليها نتا واش تلات ديال صباح هاذي را بوحدنا لمزال فزنقاا .
رضوان: نزيدو مزال انا ممستعد نشوف ولدي مصورا فوجهو بغريرة .
معتز :(طبطب على كتفو)يالله بسبابكم كرهت زواج نمشي نسول مول ساكة هوا ليحال .
وبعد عنااا طويل و تخياط زناقي و دروباا جاااء الفرج وجاب معاه عنوان مينة ديك ساعة ديمراو طايرين ليها …

🍯مولات البغرير🍯
البارت:16 🍳بقلم أم جود🍳
رجل فجيها و ياد فجيها زيدها العنق عوج طالقين الحلوق الشخير بجوج منشورين فالمراح غلب عليهم العياا من كترت جرااا لجراو طاحو كاااو وبلا عشااا وزيدهم دباا دقان العسكر نوضهم طاااافجين كل واحد تكور فقنت من الخلعة.
مينة:(طلعت فوق لڤاڤو لحدا طواليط )بس بسم الله رحمان الرحيم شكون شكون .
خالد:(تكمش فوق تلفازة)شكون نتي نيت سيري سيري حلي ميكونو غ صحاب الحال ديمااا الخرجة معاك ميجي منها غير صداع.
مينة:😤هبط ازمر من فوق تلفازة راك غتهرسها واا شوف شكون .
خالد:(نزل)ها هوا نزل راماشي خايف غير استعداد الهجوم و صافي .
مينة:😒حل حل الباب لهرسوه ياحصرة دافع العسكر حميناا البلاد بكري.
خالد: وهااا لعب دراري بلا سبان هاني غدي و هذ البكوص مزال اعجبك ….هابط مع دروج الخلعة شداه من دقان .
خالد:وااا الخلعة طلقي مني حنااا رجال احم احم (بالغوات) بلاااااتي ابنادم هرسوه شكووون (حل الباب)مااالناا ياك لباس.
رضوان:مينة واش هدي دار مينة
خالد:(شنق عليه) شنهواااااااا واش عارف راسك اش كتكول جاي فزك ليل باغي ختي .
رضوان:(دفعو)وطلق المرض مالنا ياك لباس غير دوينا معاك .
يالله بغا تاني اشنق عليه فكهم معتز و نسمة ليعاد نازلين من طنوبيل .
معتز:(جر خالد) اش هدشي لا سلام لا والو داخلين فبعض .
خالد: وكولها الهذ خاااينا جاي باغي ختي اجي نتا اش كدير هنا .
معتز:وايلي واش دركم هذي حنا جينا كنقلبو على مولات البغرير .
خالد:(كيحك راسو)البغرير و فهد الوقت وشكون هذ ناس.
معتز:خوياا و مرتو كتوحم بغات البغرير سمحولينا صدعنكم .
خالد: زيدو زيدو مرحباا كيبقيتي نتا شوية .
معتز: الحمدلله بخير ..ودخل تابع خالد
رضوان:(شداه نسمة)شفتي بغريرك فين وصلنا نتشنقو مع البراهش.
نسمة:🤤هنا كاين شميت ريحتو مممم انا سبقتك
رضوان :(شد راسو) وشكي عليها نتا بلاتي ….وتبعهم
سمعت الحس فدروج ولبست زيفها كتسنا شكون هذا لمدخل خالد …

🍯مولات البغرير🍯
البارت:17🍳بقلم أم جود🍳
مينة:وخاااالد شكون دق علينا دقت المخزن
خالد:واااا غير مرتي لتغرزت تغراز الحلاشن فجبين
معتز:😤وااسي دكشي ساليناه فصباح صافي سد
خالد:ههههه تعصبتي را غير ضحكين تفضل شرفتينا
دخلو كاملين الصالة ونسمة ريقها غير سايل وتقلب بعوينتها لتخرج شي بغريرة من الحيط .
مينة:سلام وعليكم …دخلات حشمانة تقنت دور الوحدة لجيان فيها الخطااب.
الجميع:وعليكم سلااام
نسمة:(طارت عليها) وااااااو اخيرا لقيتك عرفتي مشيت نهبل .
مينة:(بدلتها العناق)هههه اهلان البكااايا لباس عليك
نسمة:(بعدت عليها)ملاباس والو بغيت البغرير ديالك بنين وزوين .
رضوان: تلات يااام ديال العداب اختي رحمينا را صافي جهد معاها تقادا .
مينة:ههههه واخا دبا نوجدو ليها مسكينة الوحم صعيب (شافت فمعتز لحاضيها وتروها شوفاتو)شوية دباا.
معتز:وي الحمدلله شكرا
مينة :(وقفت)مرحبا بيكم خودو رحتم دار دركم و نتي اجي معايا
رضوان:شكرا ختي و سمحلينا .
مينة :العفو ….ونساحبت جارا معاها نسمة الكوزينة
خالد:(كتفوه)مرحبااااا بيكم
رضوان:علاش شنقتي عليا
خالد: ونتا جاي كتسول على ختي اشنو تسنا مني نعنقك متلا وزيدون باش غنعرفك خو المرتي سمحلي 😂
معتز:😤خااالد سد فمك .
رضوان:ههههه هانيا اجي تحت راسكم شي حاجة اشمن مرا و علاش كتسولوه واش لباس .
معتز: لا ومكاين والو غير كيتفلا.
خالد:ههههه وايلي هيا مفراسك البلان صبر نعودك تموت ضحك.
وبدا كيعود ليه حطلو ضوسي سخوووون مزكل حتى كلمة شبعوو ضحك وسي معتز حاول اتجهل حديتم باش ميتعصب .
رضوان:(حط راسو بلاصت ضربة)😂وااااااع دبا هناا وصلتي بيه حتى الكورطاج.
معتز:(ضرب ايدو) جمع ادك ازمر و براكة (شاف فخالد)صافي سرسبتي كولشي يالله سكتو دباا.
خالد:😂خلي سيد اضحك باين واكل شحط من جيهت المراا.
رضوان:😂والله مكدبتي و بزااااف
مني مناك دغيااا نساجمو وخلقو جااو خاص من ضحك و تقشاب .

خدمت موننيكس كطحن المقادير وفنفس الوقت شادا جماعة مع نسمة لشبعت ضحك سلات و بدات فطياب ليطابت طيرها نسمة مزال سخونة .
مينة:اويلي واش غتبقاي غير تسرطي نوضي عمري اتاي و رجال
نسمة:وهدشي بنين عندك نزيد غير هذي ونحبس تيطيب اتاي .
مينة:حيد إدك بالي خصني نعود نوجد هدشي مكافي

ودكشي ليكان عودت وجدت من جديد و نسمة تكلفت بأتاي الخمسة ديال صباح خرجو من الكوزينة وحدة بطبسيل كبيرة و تانية بصينية ديال اتاي تجمعتهم طبلة وحدة .
رضوان:ممم الله اعطيك صحة هدشي بنين هذ تقلاب كامل ممشاش فالصو.
معتز:واش خدمتك تبيعي
مينة:ايه بيه كنترزق الحمدلله بصحتكم كولو مزال .
نسمة ضربااا طم و عطياها الوكيل و مراقباا الاوجوه مرا عنيها فمعتز ومرا فمينة تفكرت شي حاجة و بتسمت فخطرها من بعد و تناقش لوسها وعلى الله ابغي .
رضوان :(وقف )سيادنا الله اعونكم سمحولينا بزاف و شكرا
مينة:الله ياودي مرحبا بيكم فأي وقت
نسمة:غنكلف شيفور كل مرا اجبلي من عندك طبسيل فصباح.
معتز:(بدون شعور) لااااا
الجميع: كيفاااش
معتز:(كيحك راسو متوتر) احم زعمة مكاين لاش شيفور انا نجيبو ليك (كيشوف فساعتو هارب من نضراتهم)احم تعطلنا يالله.
خالد:(كتفوه)حتى حنا تعطلنا
مينة:(نغزتو)ويلي حشومة يالله ختي نسمة تهلاي فراسك وكول صباح الكوموند غتوصلك.
نسمة:😄واخا زين شكرا
رضوان: بسلامة …..وزادو مع طريق الدار نهار كامل غيدوزوه نعاس حيت صهرو وصهرو معاهم مينة و خالد ..

🍯مولات البغرير🍯
البارت:18 🍳بقلم أم جود🍳
🌄اصبحنا و اصبح الملك لله
على صباح منبعد كومبا فطبلة الفطور جات نوبت زحام على المرياا .
خالد:(كيدفعها بجنبو) وكحازي ازمرا نطلع تشويكة
مينة:(حتى هيا كدفع) واااسع خليني نصوب زيفي انا بعدا عاد نتا .
خالد:(سمع دقان)سيري سيري شوفي شكون .
مينة:متكون غ صفية اجي عندك تنسا عرس كلتوم ضبر ليها على ديدجي.
خالد: واجد العرس مكاين حتى نهار سبت مزال بعيد دبا عندي بريكول غنخدم سرباي فواحد العرس .
مينة: واخا يالله هبط معايا طاوة هاني التحت …حلات الباب نيشان جات معاهم بجوج ماشي غ صفية .
صفية:😀بغريرة
مينة:(شافت فيه)كولها حتى نتا راكم وليتو بحال بحال دبا .
معتز:😕نعم
مينة: والو والو هكي نتي ها بغريرتك و نتا ها طبسيلك سلام ليا على نسمة .
صفية:الله اسهل عليك ….و مشات
معتز:شكرا غدي نعلمها…يالله غدي ازيد وسمع خالد كيعيط عليه.
خالد: صباااحو العشير لباس
معتز:لباس و نتا
خالد:الحمدلله اجي عندك شي حديدة
مينة:اويلي خلي عليك سيد شد طوبيس
معتز: وي عندي نوصلك الشي بلاصة مرحبا
خالد:(طبطب على كتفو) الغززز العشير ها نتا حطني عند قاعة الفردوس .
مشاا معاه وركبو بجوج يالله تحرك بيها و هيا تبالو مينة هاز طاوة كلاكصونا عليها.
معتز:طلعي نوصلوك معانا
مينة: لا لا غير سير بلا منصدعك.
خالد: طالقينا راني من سربايا ماشي ضياف
مينة:😾هبط عاوني ونتا فيك غ الفم .
معتز:(نزل ) انا نعاونك غير زيدي.
مينة:شكرا …وركبت اللور مرا مرا كيشوف فيها معتز كتبالو غير كتحسب بديها و تقوس حجبانها باش تفكر زعمة حط خالد حدا القاعة .
معتز: ونتي هيهووو
مينة:هاا اه اه اشنو انا
معتز: فين نوصلك
مينة: ااااه ديني قدام البرلمان
معتز: (بستغراب) فييين
مينة: البرلماااااااان يالله سربي ليبردلي البغرير
معتز:واخا…مسافة طريق و كانو قدام البرلمان عونها تحط كيبغي غير اسولها زعمة باش إجمعو كتبلوكيه بجواب على قد سوأل شاف حتى عيا و ضرب طم خلاها و زاد اوصل البغرير لمرت خوه لتحماق.
هذ البلاصة مفيهاش العساس زعمت و حطت سلعتها قدام باب البرلمان و بضبط على عتبتو العاليا و بدات بتبراح .
مينة: و هااااااااا مولات البغرير جاااات قربو قربو مرحبااااااا العتبا زينااا و تجيب رزق. وهااااا البغرير

كيف العادة زينت البناات بالسانها الحلو وكلامها رزين باعت وفكت سلعتها قبل ميبانو صحاب الحال و تزور تاني البنيقة من حضها مكاين حد تحركت من تم فرحنا دبا خصها تقداا شي خضرة وتزيد الدار .

🍯مولات البغرير🍯
البارت:19🍳بقلم أم جود🍳
وسط الكوزينة جالس وحداه مقاريج ديال الماا المغلي كالفوه اعمر اتاي العائلة العروس لغتستقبل الدفوع ملين العرس عارضين الغداا .
خالد:اش هذ زمر عمر اتاي بالفم محاطين والو من غير سكر واااا طيابة فين اتاي .
طيابة:(كتقلي دجاج) را الولدي داك البلاكار لفالقنت فيه اتاي وحدة الميكة فيها العلك لهوا عشبة صحراوية وصاتني عليها مت العروس كتليك كدير الرزاا.
خالد:(كيقلب) واخا هاا اتاي القيناه و العشبة والو مكايناش .
طيابة: كاينا لمالقيتي تم شوف المجر تحتاني نمشي نطل على الماعن.
خشا راسو بين المجورا بزز باش القا ميكة كحلة و قديمة شوية بغاا اوريها الطيابة مكاينا توكل على الله و بدا تعمار اتاي و تشحار البرارد وصلات نوبت العشبة حل اليمكة و تعجب.
خالد:وايلي دبا زريعة الكيف هيا العشبة ياك مهبلو هدو و لكين بلاتي مت العروس هيا لوصات نديروها(هز كتافو بدون موبلات)و صافي نديرها .
فرق المزغوب زريعة الكيف على البرارد و بدا كيخلف
خالد:والله الا دار رزاا وزوينة هذي تاني
طيابة: طلق راسك را كيتسناو
خالد :كلمي دراري صافي وجد ….وجااو دراري لكيسربو معاه بداو بتفراق كيسان اتاي و الحلوة وسي خالد على خدو بتيسمة فخر عند بالو دار إنجاز .
مت العروس:(كتشرب من الكأس) ممم شكون عمر اتاي
سرباي: (وراها خالد) هذاك دري .
مت العروس: تبرك الله عليك زوين اتاي اولدي و برازا .
خالد: العفو الالة هذي خدمتي .
مت العروس : سير اولدي عمر حتى العائلة العريس دبا اجيبو الدفوع .
خالد:واخا دبا الالة نوجدو ….و مشااا اوجد تاني .

دفوع جاي فطريق بدقايقة و الهراااج و زغاريت ولكين اشنو واقع فين عائلة العروس لغتستقبلم تعصبت مت العريس و بدات عليهم فين صواب اش هذ الخدمة بزز باش قتنعات تدخل معا خواتتها القاعة غير طلو شهقو من صدمة.
مت العريس: وااااااااع شنو واقع مالهم هكاا .
ختها:ناري ناري هذو شربين امكان شوفي كيكيشطحو.
العريس:(شنق على سرباااي) اشنو وقع هنا مالهم .
سرباي :(كيترعد) كي كي الكيف شربو الكيف فآتاي .
العريس:شكووووووون عمر اتاااااااي دبا جيبوه.
طباخة: 😱خااااااااااااااالد .
خااالد لهرب دم من وجهو فاش طل براسو عائلة العروس كاملة كتشطح على نغمات رااااي يا ناس و تمايل جايبا الكااو و تبويقة حتى من سي الحاج مسكين تحزم وقلب البندير قعدة فاق فاش سمع سميتو بجهد طلق لي فديه و عطاااا رجليه الريح .
العريس:(شافو)شدووووووه شدووووووه ليهرب….

🍯مولات البغرير🍯
البارت:20 🍳بقلم أم جود🍳
سمح فاللوطو وتبعها على رجليه بلا متشوفو على قبلها مشااا طااير حط البغرير المرت خوه و رجع إحضيها اشنو كدير و كيفاش كدوز نهارها معارفش بلي بتصروفاتو رجع اليمات المراهقة مهم غير ميبان قدامها حيت معندو باش إجاوب لسولتو و مبغاش اتحط فموقيف محرج .

بيناا الخضااارة تتنقلو شويطة 😂عبر بطاطة نقص تمان شحال خيزو لا نقص هذو غليتي عليا راحنا صحاب سوق تصوب معانا شوية .. عبارات رافقوها طول عملية التسوق سلات و هزات ميكاتها تخلاص دبا ضوو عاد تمشي الدار .

لصق شي عجب فصبطها تحنات تمسحو حتى كتسمع وراها صداع و شيواحد كيكوليها جري جري وبدات الهبيلة تجري سمحت فالميكات .

مينة جات الوسط على ليمن معتز و ليسر ديالها كاين خالد كيجرو بنفس ريتم .
مينة:(شافت فمعتز) علاش كنجرو اش واقع .
معتز:(كينهج و يجري) سولي خوك كلي جري و جريت
مينة:(شافت فخوها و فنفس الوقت كتجري) آش درتي تاني غ كولي .
مهضرش معاها حدو وراها بيدو تشوف اللور غير ضارت شهقت و زادو فسورعة …عيلات بالقفاطن و تكشايط و رجال بالكوبليات و جلالب مخلطين و الهدف واحد إشدو خالد .

درب درب زنقة زنقة وبست و ستين كشيفة القاااو فاش إتخباو .
مينة:(جمعت جلابتها) طلع سربي قبل ميشوفونا .
معتز: يااااع البركاسة وسط زبل حماقيتي.
مينة:(طلعت) وخليك تم حتى انهشوش.
خالد:حيد حيد نطلع فين مكان غنتخباو ….طلعو بتلاتاا وسط بركاسة كبيرة ديال زبل و باش كملوها سدو الباب وضلام عليهم الحال..
~~~~~~~~~~
كلات أخير بغريرة فطبسيل طاحو فبالها بزاف ديال الافكار دبا غدي طبق وحدة صافي بغاتها تكون حجة و زيارا جمعت الوقفا البيتها تجمع حويجتها و فنفس الوقت كتصوني الرجلها مكيجوب امكن مشغول مع شيحاجة.
نسمة:(سدات ساك )بففف هذا مالو تاني معليش نخليليه رسالة فوق طبلة مكاين لاش نتسناه تخنقت هنا .
ودكشي ليكان كتبت ريسالة وطلبت من شيفور إوصالها البلاصة لحفضت طريقها البارح حطها قدام الباب .
شيفور: واش نتسناك الالة را هذ البلاصة ماشي امنا
نسمة: لا لا بالعكس هنا زوين غير سير نتا دبا .

زاد شيفور واخا بالو مهني عليها معطاتوش خطرو و هيا وسط حي شعبي وكرشها عند فمها خدم عقلو و بلاصا اللوطو فقنت بعيد تما جلس مقابلها بلا متشوفو .
عيات دق و مكاين ليحل جلست على صكها فضليلة تحت شرجم دار على الله تبان .

🍯مولات البغرير🍯
البارت:21🍳بقلم أم جود🍳
تالفو ليهم عياو إقلبو والو تكول تشقت الارض وبلعتهم
العريس:😤ولد الحرام والله تنقتلو خاص غير إبان
عمو: تحرك نشوفو نسابك بان العرس من صباحو مصبحين على كلب كحل .
عمتو: اصلا ديك البنت معجباني راني كتليك سحرليك
العريس: بلا متبداي تاني نفس ديسك منقصو يالله تحركو ….وتحرك المجمع تابعو كينهج من كترت الجرا .

ساقلين حتى من نفس قاطعينو حيت حوار العائلة فوق راسهم تقال غير سمعهوم مشااو و طلقو نفس
مينة: أوووف ياربي مشاااو
معتز:( سد نيفو) خرجونا من هنا را ريحت زبل قهرتني.
مزال حتى مكمل كلامو طاااااار خالد مطير معاها الغطاا كيغوت و وضور بلاصتو شاد نصو .
خالد: وااااااع واااااااع عتقو عتقو
مينة: اويلي مالك وا خالد ….تبعاه من اللور
مغتز:(مبعد اديه لتطلاو بالخرا من كوش صغير ) يااااااع يااااااع خانز خانز .
خالد:(مزال كيجلي) واااااع عضني عضني وااا مينة عتقي .
مينة: (تبعاه من اللور ) نصل و نصل المسخوط نشوفو اش تم .
وهاا المسخوط نصل سروال وبقاا بالبكسور الكحل وهوا كيقفز غير ساس سروال و طاح منو فأر 🐀صغير.
مينة:(من الخلعة ركبت فوق ضهر معتز ليكان محني كيمسح ادو) وااااااع فأر فأر .
مغتز؛(كالا بيدو شوية مطاااح) واااا المرض هبطي قتلتيني .
مينة:(حشمت و نزلت) احم سمحلي خفت ( شافت خوها شداه البكية) ناااااري خويا مسكين فخيضاتو تقمشو.
خالد:شتي شتي كيف دارلي اختي قمشني و عضني .
مينة: بغيتلو المووووت بغيتلوووو شلال خويا حبيبي ارا نشوف فين عضك .
معتز:(دخل قبل ميوريها الحمق نصو) لبس اصحبي واش من نيتك غتوريها راكنا وسط زبل بسيف ميدخل فأر .
خالد: مسخوط انا مسخوط زهر العوج و نحس اشداني الشي اتااااي .
مينة:صافي اخويا صافي غير عوينة و صابتك بغيتليهم العماااا .
معتز:😒هوا صبتو عوينة و انا طليتو خراا…

🍯مولات البغرير🍯
البارت:22🍳بقلم أم جود🍳
مينة:(عطاتو مشوار) هاك مسح مسح
دكشي اجي بعدا اش كدير نتا هنا و معاه واش سربيتو فالعرس بجوج.
معتز: سربيت لا دكشي ليبقاا 😕احم زعمة لا انا كنت غير دايز و تلقيتو كيجري و جريت معاه.
مينة:الله اجعني نتيق(نغزت خوها) ونتا اش درتي شت ملين العرس كاملين تبعينك 😱ياك مهربتي بالعروسة.
خالد:(كيسوط على فخاضو) لواه ريح واش هبلتي اشمن عروسة .
معتز: وعلاش تبعوك وجريتينا معاك .
خالد:دبا طلبو مني نعمر اتاي و عمرتو وصافي .
مينة:😒وصافي ارا أوكان اش تم .
خالد:😖درت فيه زريعت الكيف بوقت زمر كامل .
منية و معتز:😯اشنووووو…..حتى قطعهم صوت من أوراهم ضرو كاملين دبا غتكمل الفراجة .
مينة:صافي نتوما لبقيتو
خالد:(حدر راسو) البنييييقة تونادي .
…..:(كيصفق)👏👏تبارك الله تبارك الله على الفساد وسط نهار اشنو ديرا الانيسة صولد .
مينة: اوااااا حدك تم اسي حتارم راسك .
معتز:(مشاا طاير دخل فيه بروسية) قليل الاداب حتارم راسك .
كع البوليس لفسطفيط هبطو كانو خمسة شدو معتز واحد فيهم سند شاف ليسل دم من نيفو .
شاف: (شاد نيفو) هزهم هزهم عليا دايرين فيها شرفة واحد نصل سروالو وتاني كيوجد هزززز.
خالد: وطلق اسي غير نفهموك و الله حتى فأر .
شاف: الفأر هوا ليفكم حتى قلبتوها فسااد سماعيل دخل زمر السطفيط.
مينة:(شدها واحد من دراعها) و طلق اسي
معتز:(شادينو تلات جعر البوكوص) طلق منها متقسهاش الحمار .
مينة:(صدمها وطلقها البوليسي) يااا حليلي هنتا شوف راني موالفة غا برد زيدو زيدو ….وسبقتهم ركبت وركبو معاها نفس الكمامر قبل ميتسد الباب نطقت.
مينة:(بالغوات) وااا شاف فين واحد موسااا مسكين
شاف:😤…مجوبهاش لتخ الباب و زاد ركب القدام
معتز:(مزال كيغلي وليزاد عليه وحدة البنت حداه كتلمس فدراعو) وا بنادمة شدي اديك .
البنت:(سكرانة) هااا نتاااا زوييييييين و بكوص .
مينة:(جلست بينتهم ) واناا كيجيتك .
البنت: نتي خاااايبة مبغتيش تصوبيلي القبول ديك المرا .
خالد:(مضارب مع وحدة مبوقة هوا إجر و هيا تجر) وطلقي سروال
المبوقة: هااااح لا خليك هكاك جيتي زوين .
خالد:(نترو بجهد) دبا نطلع مع ختي بتسرفيقة تجمعي يااخ حتى سروال ملبسوه على خاطرنا .
نفس سيناريو ديال كول مرا هبطو وشدو صف قدام باب شاف مينة جات عينها على موسااا لغير شافها و لا كيقلي ليها سم مفهمت والو وصلات نوبتهم و دخلوهم وهنا عاد فهمت مينة البلان مكاينش رشيد جابو شيواحد اخرو بلاصتو …

جالس فبيروه مخنزر لبس تيشورت حكل و سروال تجين قرع وعندو لحية يالله خدم جديد و هذا أول نهار ليه فالكوميسارية شاب تكون فعمرو تلاتين عام .
مينة: يااااااه مسيوو بخوبخ داير لحية
خالد: والله حتى هوا ولكين بلاتي فين ضحيكة هذا مغوبش (نغز معتز لمصدوم فيهم) وشوف شوف هذا هوا لكيدير لينا داك ليشهار ديال اتشي و سانيكروا .
فؤاد:(ضرب طبلة)😤 سكااااات نتا و هيا دخلين مشارجيان ياك طلقو لكارط.
مينة و خالد:معاندنااااش اشااف .
دخل معتز إدو الجيبو جبد البزطام وسطو لكارط مدها ليه ورضو بلا كلمة بلا جوج .
فؤاد:(كيقرا المعلومات)مغتز الغازي مرحبا بسي البيلوط …وقف تسلم معاه
معتز: (سلم واخا معرفوش) شكرا مي معرفتكش .
فؤاد: متعقلش عليا كنا درنا خرجة العام الفايت الجبل ياك نتا صاحب فادي .
معتز: ااااااه وي وي بصح عاد تفكرت لباس عليك ديزولي راك عارف عام دبا نسيتك .
فؤاد:تفضل جلس لا هانيا امكن جابوك بالغلاط اشنو كاين .
خالد:(جلس بلاصت معتز)يااابسم الله اححح عيات والله .
فؤاد:😤نوض اك البرهوش معامن تشاورتي
مينة:نوض نوض اخويا ليصدق واكلاك را هوا لخصو اجلس حيت بيلوط و نت غمزلوط.
خالد: واناا را رااااائض فضااء فت سماا الهيه.
فؤاد:(بالغوات) سماعيل آجي دي عليا هاذو
سماعيل: واخا شااف
معتز:(دخل) لا لا خليهم را معايا غير اجلس و نتي هكي جلسي و نقصي حسك .
مينة:(شدت الكرسي)الله اخلاف عليك
فؤاد:(حاول إبرد مبغاش اخسر معتز )صافي سير وانتا غتبقاا واقف اسي معتز .
معتز:(كحز شي ضواساا فوق البيرو )نو انا نجلس هنا ماشي مشكيل .
تطلق سي فؤاد و بدا كيحط ذكريات الخرجة ليداز عليها عام نص الاحدات نساهم معتز جابوو نعاس المينة و خوهاا لسندو و مشاااو مخلين صحاب على خطرهم ..

🍯مولات البغرير🍯
البارت:23 🍳بقلم أم جود🍳
تعاشات العشية وهيا مزال جالسة تحت ضليلة داتها عينها كون ميد لحركتها كانت غتبقا جابدا عليها حتى ليل و مكاين لوصلها .
نسمة: (فاقت مفزوعة شادة على قلبها) حرام عليك خلعتيني .
رضوان: سمحيليا احياتي مقصتش اشنو كديري هنا خليتيني مشطون عليك مالقيتكش فدار كانت غنهبل .
نسمة:😞انا مليت و تخنقت فدار بغيت نجي عند مينة و نفوج معاها ونتا مكتجوبني وجوع هلكني و مكاين لرحمني (شافت فعينه بعيون دامعة) واش انا خايبة.
رضوان:(عنقها) شووو متبكيش تاني را دموعك غالية احياتي بالعكس نتي اجمل وحدة شافتها عيني .
نسمة:(عنقتو)😭وعلاش كيوقع ليا هكاا ناس كيدوزو ربع شهور ديال الوحم و انا هذا سابع ودموع ديمة فعيني والله مبقصدي دكشي بوحدو كيجي .
رضوان:(زاد عنقها) شووو صافي انا فهمك احبيبتي غير صبري مبقاا والو تلات شهور وهاا الفنيكيش معانا غينسيك فكولشي (كيمسح دموعها)واش دقيتي عليها
نسمة: والو مكتيناش ياك متكون هربت مني .
رضوان: ههههه حمقة علاش غتهرب منك را إمكن عندها شي شغل يالله نكلو شي حاجة جنب البحر وقت العشاا و نرضك عندها غتكون جات .
نسمة: 😄بصح غتجيبني .
رضوان:(وقفها) اكيد خليك غير ضاحكة ….عونها تركب و زاد بيها البحر إفوجو ومنها إستغل مزاجها وجرب حظو فالحلوة لهداها الله سيد مسكين طااايب .
~~~~~~~~~~
خرجت كي العجاجة راسها مطبوخ إخليه بالخلا شاف كون غادروه كسالة فالحمام إشد جموع مع العيلات سلامة ياربي مكيتقداش مطلقهم غير بزز .
مينة:(سادا عنيها) واش متأكد هذا بوليسي
معتز:(جبتلو ضحكة)وي علاش مالو كيجاك .
مينة: لا بسلامتو زين و لسانو طول منو دودو دودو اااو واخا إكون كيتشارجاا و بزاااف .
معتز:عادي غير شاف صحبو لي مدة و هوا غاايب وجلسو كيتفكرو لدوزو .
خالد:(هاز إديه)هااا نتا لا غداا لا كأس الماا إخليها صحبة كون غنزلنا لبنيقة نديبانو راسنا .
معتز:حتى دبا مگلتو عيب ها فادي دبا إجي إدينا لشي ريسطو ناكلو عاد نزيدو آش باليكم .
مينة:(جلاست على العتبة) ضلاااااام
معتز:(بستغراب ) شنووو
مينة : اااه اسيدي بالي غضلام و فين هذ صاحبك بغيت نمشي غ الدارنا نجبد عليها عيت😖.

🍯مولات البغرير🍯
البارت:24🍳بقلم أم جود🍳
خالد: هاااا صاحب دعوة جااا على سلامنتا
فادي:(بلاصة حداهم بغا إنزل) را زحام فطريق.
معتز:غير خليك بلاصتك وتحرك بينا را شي ناس عياااو .
مينة:(ركبت حدا خوها اللور) سلام و عليكم دير الكطريام وبرك على الكسيراتون متوقف بيها حتى الباب دار .
معتز:(رجع رسو اللور متكي) دير شنو كالت بلاش من شي ريسطو.
فادي: غير فهموني اشنو واقع (قد المريا وغمز خالد) 😉أشنو كاين .
خالد: نحط الخويا ضوسي سخون غير طلقنا دبااا حنا ياك…………
عشر دقائق كانت كافيا وافيا إعرف فيها سي فادي ليطرا بتفصيل الموميل وبلسان خالد لمكيزل حتى حرف اما مغتز سارح بالو و حتى مينة ماشي حسن منو غير كولها و همو …وبسباب ضحك فادي بدموع كيقفز لمعاه على فرااان مجهد داهم و جابهم .
مينة: (قاجاا معتز)واااااااع متنا ياك صافي قتلتينا .
معتز:(شد إديها) كح كح طلقي ممتيش انا لغتقتلي كح كح …
فادي: (مخرج عنيه شوية مدخلو فمش) س س سمحوليا بان على غفلا مقصتش .
خالد:(ضربو راسو) وافيق معانا اصاحبي مزال حتى مكورنا المستقبل .
معتز:(ضرب خالد بشوية فصدرو) وحتى نتا معاه اشداك تعودليه (شاف فمينة ) ونتي يالفهماا كطريام كسيري فين غادا ياك لباس .
مينة:(تكمشت)اصلا انا غيييير ولية ومكنفهمش فالحديد .
معتز:😒وباااز (رجع تقاد بلاصتو) زيد و بشوية .
فادي:🤐واخاا

مسافة طريق و هاهوا بلاصة قدام الباب شكروه ونزلو عرض عليهم خالد إدخلو من باب صواب مي رفضو وفضلو كلها إرتاح فدارو و بهكا تفرقو.
فادي: أشنو نحطك فدار
معتز:(ساهي فالباب لسدتو مينة)مم لا ديني الشارع****نخد اللوطو ديالي.
فادي:(حابس ضحكة)امتا ناوي تخطب راها بنت الناس .
معتز:(تنهد)بففف معرفتش كتجيني صعيبة و موحال تبغي .
فادي:ههههههههه مقولت جداتي شهيرة ألف وحدة تمناك آصاحب غير زعم.
معتز:ههههه هكا باش كتعجبني ديما طلقها تسرح زيد زيد ورد بالك (قد شعرو) خوك تبعو العرس😎.
فادي:😂إييييتوب ديسير على حسابي الله إكمل بالخير .
قلعو بصوت موسيقى مجهد و ضحك عالي وصلو البلاصة المعلومة خدا معتز اللوطو ديالو وزاد بحالو …

🍯مولات البغرير🍯
البارت: 25🍳بقلم أم جود🍳
🌇خيم ضلام و بانت القمرة مزينا سماا بجنبها نجوم كولها فدارو درب شبه خاوي من اورا صلاة العشاء كيقلل البشري .
هازة طبسيل فديها ومشورة باش ميتخوا معرفت فين كانو عنيها حتى عمرتو بزاف.
مينة:اح اح بعد لنسلقك هدشي سخون ……وحطاتو
خالد:(كيقطع الخبز) الله الله شتي نتي الفنون كنبغيك انا وزيت العود و الكمون مممم البنة .
مينة:(كتكول)نتا غير سكت بسبتك المسخوط خليت تقدية تشيهيت غير طاجين .
خالد: وااايلي تانتي علاه مالها البيصرة راها دواا البرودة كتسخن.
مينة:😏فشتاء ماشي صيف كول و سكت …وبداو فنيقشتهم لمكيساو را ميمكنش يكلو وهوما سكتين شوية كيسمعو دقان فالباب .
خالد:(شد فطبلةوفمو عامرة)وااااا الله لتحركت يالله سيري نتي حلي نوبتك.
مينة:وا غير سير انا غيرجعو عليا الخطاب لقطعت الماكلة وحليت .
خالد : لواااه ريح خلينا من خزعبيلاتك و تحركي .
مينة:(وقفت بتهديد)متسناني نجبدو من مسارنك واااخا هاني جايااا.
مسحت اديها و هبطت مع دروج عند بالها غير شي جارتها تاني غير حلات الباب و ستغربت من جيتها وماشي بوحدها .
نسمة:(كتحك نيفها حيت تروحت من دوش الخفيف مسخوطة😏)😄سلااااااام
مينة:😅وعليكم سلام لباس
نسمة:(عنقتها )الحمدلله واش ممكين ندخل
مينة:(بعدت )الله ياودي مرحبااا…..دخلات نسمة قبل متسد مينة الباب بان قدامها رضوان هز صاك صغير
رضوان:مساء نور
مينة:(حلات الباب) مسااء الخير
رضوان:سمحليا غنصدعك معايا شوية نسمة تخنقات فدار وبغات تجلس معاك واش ممكين
مينة:الله ياودي بالفرحات عليا مرحبااا بيها
رضوان:(مدلها صاك) شكرا بزاف هذا ديالها و تصبحو على خير .
مينة:(شداتو) هانيا مرحبا واش نكلمها ليك كي شتي طلعات .
رضوان: لا غير خليها (مدليها كارط فيزيت) هذا رقم ديالي لحتجيتو شيحاجة علميني فالحين .
مينة:😊واخا كون هاني ….عاود شكرها وزاد الدار سدات بابها و طلعت غير وصلات المراح فين حطين العشاا وسعت عنيها .
مينة:😯فين العشااا
خالد:(مكور فالقنت شاد حنوكو) 😟بااااااح العشااا
نسمة:(كتالحس صباعها) مممم هادشي بنين ( عاد رضات البال الطبسيل )😅 اوبس سوري كانت غير بغيت ندوق.
خالد:(تفكر فاش دفعاتو وطاحت عمية فالبيصارة)😧غير داقت (شاف ختو) باقي شي بيض؟
مينة:بصحتك أزين غير كولي (شافت خوها) كاين دبا نوجدو .
وجدت البيض مع شي مطيشات بقاو فتلاجة حطاتو وعاودات كلات معاهم نسمة فجو من ضحك تزالات الغمة على قلبها كانت بغات غير لفوج عليها و دبا القات جوج ماشي غير واحد تعرفت عليهم كتر وتعلقت بيهم كتر ….
~~~~~~~
داخل فرحان وكيصفر ماشي غير فرحان طاااير فرحة فبالو كدوز لحطاتو مع حبيبتو لهداها الله و دوزو وقيتة زوينة فالاوطيل عاد جابها عند مينة .
معتز:(ناشر رجليه كيتفرج فصالون) بس بس فرحناا معاك فين عمارت الدار .
رضوان: سلام بعدا عمارت دار مشات دوز شي يامات مع مينة.
معتز:(تقاد فالجلسة) وايلي مينة مينة مولات البغرير
رضوان: اياه هاديك بغيت ربي افرحها كيما فرحت ليا المراا اححح بسبابها خوك طاير فرحة.
معتز:(خنزر فيه) اشنو كتقصد بكلامك.
رضوان:(تجبد) مالنا على تخنزيت الخضارة (وقف) عرفتي نجيب منشربو ونشدو سهرة بليل نرجعو اليمات تزوفريت اش باليك نتاصل بفادي.
معتز:(فكر لتجمعو غير غيشدو فيه تاني ) ممم لا انا غنعس و زيدون نتوما غتفسدولي أخلاقي و انا عاد ناوي ندير عقلي…زاد وخلاه كيموت بضحك .
رضوان:😂شتي نتا و برب لطاااايح وطيحتك خايبة والله احنن قلبها عليك .
معتز:( طالع مع دروج) اميين…….

🍯مولات البغرير🍯
البارت:26🍳بقلم أم جود🍳
خميس وتبعو جمعة اليوم سبت يوماين دازت طيارة عند البنات و آعوام عند سي معتز لمعصب غير بوحدو يوماين وهوا كيمشي حتى البلايص فاش كتبيع مكيلقاها حشم إدق عليها اشنو غادي إكول ليها إدير سباا بمرت خوه و خوه براسو قاطعا عليه تيلي و موصيبة هذي كيف ديمة غادي جاي فالبيت تالف مسكين لتخ الفوطة مع الارض و حل الباب بزربا فاش سمع صوت خوه .
معتز:(بحماس حل الباب)رضوان
رضوان:صباح الخير مالك
معتز:(كيحك راسو)زعمة بغيت نسولك على نسمة لباس عليها واش تبغي تمشي تشوفها
رضوان:(صغر عنيه بشك)حالك معجبني مم اشنو تما راني خوك و حاس بيك.
معتز:😏كون حاس بيا كون رحمتيني و نتا جالس كتفلسف هاني سبقتك تبعني …..وزاد
رضوان:😔واللعب نتا دور الاخ بفف …وتبعو
~~~~~~~~~~~
بين شراوط غارقة هذي زوينة هذي قصيرة هذي واسعاا البيت رجع جوطية .
نسمة:(شداها البكية)😢ياك انا غليضة حتى حاجة مجات قدي .
مينة:شوووو منشوف حتى دمعة صبري راني قربت الاقاها .
نسمة:(جلست على سداري ومسحت دموعها) واخا هاني هنا واش زعمة حتا انا ياك .
مينة:(مزال كتقلب) اكيد راك معايا واخصك تحضري منها تفوجي و تعرفي على جراتي .
نسمة: واااو عرس شعبي كيعودو عليه كيدوز زوين
مينة: العرس حتى العشية دبا غير غنشوفو الحنة ديال العروس ونعاون فشي حاجة هوووب على سلامنتا شدي جربيها.
نسمة:😍زوينة يااااي عونيني نهبطها
عونتها مينة تهبط جلابة لونها خضر فاتح ومخدومة برانضة جاتها هيا هذيك واتتها و برزت كريشتها باش تكمل اللوك خلات شعرها مطلوق .
مينة:(كدورها) تبارك الله و صلاة على نبي الله احجبك شتي واتاتك .
نسمة: بصح زوينة (كتشم بنيفها) جابها جابها.
مينة: ههههه زوينة غير شوري عرفناه جابها نالبس و نخرجو من هنا .
لبست جلابة لونها زهري فاتح مع زيف وبلا مكياج البرائة منها جات بنت تدخل الخاطر و ترتاح ليها بلا هواك خرجو عندو المراح بعد مجمعو روينة كان ملهي فشي خيوط و خدام فالبيسي كيدخل الاغاني .
مينة:في دكشي علاش وصيناك.
خالد:(لاح ليها الميكة) شدي و حيدي خليني نركز
مينة: و متنساش ليا العقدة ركز عليها لنركز على خوياا
خالد: 😎اشنو كتعرفي على خوك مم
مينة:😒شلاهبي منو مكان
خالد:(رجع اكمل خدمتو) حسبي دروج
نسمة:(عينيها على الميكة ) احم احم واش نحلها
مينة: ههههه زيدي نحلوها و نكلوها فطريق را دار فزنقة تانية .
هبطو ملامين غديان بشوية عليهم حلو الميكة ليكانت فيها زريعة بيضة كيكلو وجمعو فنفس الوقت
نسمة:واخا نسولك؟
مينة: مرحبا سولي
نسمة:واش عندك شي حد فحياتك زعمة الحب العشق
مينة:ههههههه واااو جيتيها فاص وي عندي الحب و العشق.
نسمة:(كشرت و قفت)بحلاش عندك وفين هوا عمرك هضرتي عليه .
مينة: راك عرفها و شحال من مرا كليتيه عشقي و حوبي فالبغرير😍.
نسمة:(ضربتها الكتف) اوف عليك خلاعتيني انا كندوي على الحب الحب .
مينة: اشمن حب الله اهديك انا معنديش الوقت الدكشي همي نخدم و نجمع فليسات ونكون مستقبلي و مستقل خويا وخلاها با الله ارحمو وصيتو كانت ليبغااا المعقول إقصد باب دار .
نسمة:(كتفكر)ممم اه بصح كولشي على المعقول خصك تبعي وصيت باك .
مينة:(حلات بزطهما) شدي ها ربعمية كمشيها فيد العروسة را حشومة ندخلو عندها بلا والو .
نسمة: لا لا خلي فلوسك عندك را جايبة معايا كرط كيشي.
مينة: (درتها ليها فيدها) رااا واقيلة كتليك تعطيها العروسة ماشي غاديان السوبير مارشي هاكيلي على كارط كيشي تي كمشي ربعمة وسكتي.
نسمة: وصافي راك عارفني عاد بديت نساجم معاكم معرفاش بزاف ديال الحوايج.
مينة:(كدق فالباب) هانتي غتشوفي اليوم تقاليد وتعرفي على العادات .
بهيجة:(مات العروسة حلات الباب) مرحبااا مرحبااا بزين عاد كنت غنصيفط ليك صفية.
مينة:(سلامت عليها) جيت برجلي بلا صفية غتبغي تاني غير بغريرة و انا مطيبتو كاين فاش نعاون.
بهيجة:(كتسلام على نسمة) صبري نبوسو زين تبارك الله دخلي ابنتي.
نسمة:😄 شكرا ربي اخليك .
دخلات بهيجة وراها البنات داتهم الصالة الكبيرة عامرة عيلات لمحميانها بندير و تعارج وسطهم العروس مادا رجيلتها الحنة تسلمو مع كولشي و كمشو ربعمية فيد العروس ..صاوبو بلاصة لنسمة جلست فيها و مينة مشات تشوف فاش تعاون .

🍯مولات البغرير🍯
البارت:27🍳بقلم أم جود🍳
مودة و هوما قدام الباب عيااو ادقو كيسمعو غير صوت الموسيقى .
رضوان:وايلي هذو مزكين وقيلة ممسليانش يالله نتحركو.
معتز: صبر مالك زربان زيد دق ….وزاد دق و دق على سلامت سي خالد لحل الباب وتعجب من جيت الاحباب .
خالد:اهلا اهلا شرفتونا دخلو
رضوان: على سلامتك
معتز: واش بوحدك طولتي باش حليتي
خالد: سمحوليا مسمعتش مع ملهي فشي دياسك دخلو مرحباا .
دخلو من اوراه نيشن المراح فاش حط تخربيقو واحد عينو غير كدور مشوق اشوفها كتر من سيد ليمرتو هنا ولا على بالو .
خالد:(سد البيسي) سمحوليا على هذ روينة راكم مبقيتوش ضياف.
رضوان: شكرا و نتا لسمحلينا قطعناع على خدمتك.
معتز:فين نسمة حسها مقطوع.
خالد: مكاينينش خرجو عند شي ناس هنا دايرين العرس.
رضوان:(شاف ساعتو) العرس مع الصباح ماشي بكري شوية.
خالد: إوا شغنكولك راك عارف شغل العيلات صباح الحنة و ليل العرس .
معتز:واش غيتعطلو احم زعمة بغينا غير نشوفو نسمة.
رضوان:(وقف)ماشي موشكيل من بعد و نرجعو .
خالد:لا لا والله لخرجتو بلا غداا حشومة .
معتز:(فرح و خنزر فخوه)جالس مالك ديمة زربان اشنو تبعك .
رضوان:(رجع كلس) هاني جلاست.
خالد:مزيااااان و دبا اجو عطوني دوقكم راني لمتقنت هذ العجب غدا نصبح معلق .
معتز: هههه ارا نشوف معاك .
وشافو معاه هذي زوينة اش هذ العجب ديري الغربي علاش هذي كتنقز فرعولو مخو الخالد بدل ميعونوه رونوه.
رضوان: زيد زيد الاوكيسترا داڤيد اغانيه رومنسية.
معتز: وي بصح تصلح.
خالد:😒واااا حميدااا وااا عمو را عرس شعبي اراك القعدة و شطيح هذ العجب ليكلتو غير غدي انعسهم (وقف) بلاتي نسخن الغدا ….و مشاا اسخن الغداا.
رضوان: شكون هذ حميدااا و عمو
معتز: امكن شي موغني عجيب راك شتي شنو جبد فالبيسي .
رضوان : ااااه إمكن.
~~~~~~~~
منبعد طرح سخون ديال شطيح كبت مينة الهوايش و جابت المجمر تنشف حنة نسمة ليكانت خفيفة و ضريفة عشقتها و نقاشة مخيبتها .
عونوها العيلات توقف بعد مكرطو رجليها و نقاو صبيعاتها خظات بموعملة خاصة امكن حيت جديد و ضيفة ..رتاحت القلب الكبير و الوجه البشوش باش قبلاتها كول وحدة فيهم ضحكت بدموع و ختمو الجموع حتى ليل و كملو لبداو عاودو تسالمو معاهم وزادو بحالهم .
نسمة:(كتجر فرجليها) وااااااو واااااو هدشي عندكم واااااعر بزااااف و كيحمق شفتي شنو جها فالخطبة .
مينة: ههههه شفت دكشي من العادات احبيبتي و فليل تشوفيها بارزة حدا عريسها (كتشوف فديها) تبارك الله الحنة دغيا صبعت فإديك.
نسمة: حمقاتني و ريحتها فنة كنت بغيت ندوقها و غوتات عليا نقاشة.
مينة: ههههه حيت صابتك حمقة واش الحنة غارقة دوليو و دوقيها فين غادة (ردات البال اللوطو) معرفت شكون ليجاب حديدتو هنا كون دخلها الدار حسن .
نسمة: 😏باركة مولاها لوسط دار بلا حديدتو شميت ريحتو من بعيد .
مينة:(كتحل الباب بساروت) هههههههه زمانك هذا خصك تفرحي متوحشتيهش دخلي دخلي ..
نسمة:هاهيا داخلة ….طلعو القاوهم منشورين و شادين ستون بالكارطة طجين فجية وغلاقتو فجية مهم روينة.
خالد: وضماااااس طلع بالرااي خوك جمع كولشي .
رضوان: سوطة العشير طلق لينا نشوفو .
معتز:بونت ليك و ميسحة ليه جمع طرح و عاود.
مينة ونسمة:😲سلااام و عليكم .
تقادو فالجلسة و ليمسرح رجليه جمعهم باللسان واحد جاوبو”وعليكم سلاااااام”
خالد:جيتو احم تغديتو .
مينة:وي تغدينا (شافت فيهم)كيدايرين لباس .
رضوان :الحمدلله (كيطل على نسمة)احم اجي جلسي.
معتز:بخير الحمدلله ختي نسمة صاڤا.
نسمة:😄الحمدلله بخير (شافت فرضوان مخنزرا)😤ونتا تبعني.
رضوان:😧اشنو تاني …مجوباتوش سبقتو الصالة.
مينة:ههههه سير تبعها و فكو جرتكم (شافت خوها) نوض جيبلي شغلي من المصبنة .
خالد:(وقف) هاهوا غادي (شاف فمعتز)احم صحبي دبا نجي و دار دارك .
معتز:هانياا خود راحتك
خرج خالد و بقات مينة و معتز باش تفادا نضراتو تحنات تجمع الماعن و روينة ليخلاو تهز من بلاصتو وشد معاها طاجين إدو على يدها و عينو فعينها .
مينة:😳….ضربها ضو وتقطع فيها الحس.
معتز:سمحيليا(بعد قبل ميتهور) احم بغيت نكول سمحيلينا روناا دنيا .
مينة:(فاقت) هاا لا عادي هدشي كيديرو خالد دبا نجمعو .
معتز:صبري نعاونك …عونها جعت الماعن و ستفو المخاد عاد جلسو مباعدين على بعض.
حرام واش نزل عينو عليها شوفات نفسروهم بالاعجاب مع بسمة على شفايف عرف إوترها خلاها تفرك صباع اديها .
معتز: براكة طيبتيهم .
مينة:هااا
معتز: لباس عليك مبقيتيش كتبيعي هذ الايام.
مينة:(راسها فالارض)احم الحمدلله خديت كونجي نرتاح.
معتز:ممم مزيان …ورجعو الصمت شوية زعم و بدل البلاصة جالس حداها.
مينة:(شهقت من صدمة وقفت بغاا تبعد)اش كدير .
معتز:(حكمها من دراعها مرجعها تجلس)شوو غير بغيت ندوي معاك مالك كطيري .
مينة:واخا غير طلق مني و خلي بينا مسافة عاد دوي هكا ممرتحاش .
معتز:هههه واخا هاني غنرجع بلاصتي مي هزي عينك فيا ولا نجي تاني حداك😉.
مينة:(تكمشت)😲….

🍯مولات البغرير🍯
البارت:28🍳بقلم أم جود🍳
باس إديها شحال من مرا القلوبة خارجين من عنيه حمقوه صبيعاتها كايبانو كيوت بالحنة .
رضوان:😍بصحتك احبيبتي جاتك زوينة اري نبوسك
نسمة:سطوووب بعد الهيه انا مخاااااصمة معاك
رضوان: وعلاش اشنو درت ياك خليتك فحالك يوماين موصلات ساحتك .
نسمة:😢مجبتيش ليا دفوع و لا الخطبة حتى العرس مدرتيهش ليا كيف بنت بهيجة.
رضوان: 😧شكون هذ بهيجة تاني
نسمة: المرا لغتزوج بنتها اليوم جارت مينة عرفتي الله اعمارها دار تهلاو فيا .
رضوان: (تقاد فالجلسة) عجبك الحال هنا ياك مي علاش معصبة مني احياتي .
نسمة: اه عجبني الحال و بزااااااف معصبة حيت ضحكتي عليا و قولبتيني .
رضوان:انااااا
نسمة: ااااه نتا نتا ضحكتي عليا متزوجناش كيف ناس
رضوان: وياك احبيبتي طلب إداك بطريقة رومنسية فالفاك و قدام كولشي ونتي وفقتي و عنقتيني اشنو مزال.
نسمة: كنت هبيلة و صافي خليتك تخطبني بغلاقة ديال بيبسي كانيطة و انا لمخلصاها 😢.
رضوان:(باس راسها)واخا احياتي غير تولدي و نجيبليك كولشي ليبغيتي واخا (طل عليها)واش نقيسو دبا .
نسمة:(عنقتو)كولشي ديالك ااحياتي ….عطاتو ضوء الاخضر و ندمات عليه مطلقها حتى خلا شنيفها حومر تسلت منو بالفن وخرجت هاربا وتبعها .

كانو على نفس الوضع مزال عنيها فلارض يالله غدي انوض عنها تاني وقفت عليهم نسمة وجها حمر .
مينة:(فرحت وجمعت الاوقفا) اجي البيت ترتاحي راك عيانة (شافت فمعتز)خليت ليكم راحة …تحركت جارا نسمة لضربت فكتف رضوان .
رضوان:(وجهو حمر سيد شعل ) نوض نمشيو
معتز:(خنزر فيه ) مالك اصاحبي مكتعرف تزيد تشدها(ضربو بمخدة) شد شد ستر فضيحتك.
رضوان:(حطها فوق رجليه) اش غنشد ريح يالله غدي احم مهم إجي خالد و نزيدو .

ماشي بزاف و دخل خالد هاز جوج ميكات فيهم قفاطن الابنات لغيلبسو العشية حطهم فوق طبلة.
خالد: هاني جيت وااا مينة آجي هزي شغلك.
رضوان:(وقف) حنا غدي نمشيو سمحولينا .
مينة:(خرجت من البيت اوراها نسمة) جلسو حتى تشربو اتاي حشومة.
رضوان: لا شكرا تغدينا براكة يالله نخلوكم على راحتكم كالي خالد عندكم شي عرس فالعشية.
نسمة: اه زوين زوين بزااااااف عرفتي غنشطو ونشطحو.
معتز:(مخنزر) تشطحو راك حاملة خصك تردي البال راسك .
مينة: راها بين عنيا مخفتو والو …وهربت بعنيها من شوفاتو تسلمو معاهم و زادو خارجين .
رضوان: واقتاش نجي نديك انسمة.
نسمة: عرفتي ادوز العرس اليوم و غدا رتاحو وبعدو اجي ديني .
رضوان: هههههه واخا الله اصبرني عليك .
خالد: هنتا دور من جيهة تانية حيت هذ زنقة غتكون مسدودة دبا تما كاين العرس .
معتز:(دار نضاضرو) واخا بسلامة ….ركب مع خوه وزادو واحد ناشط حيت مرتو ناشطة وليحداه معصب حيت سمع شطيح فالعرس .

تعاشات العشية و برد الحال شوية تفركس سي خالد وقاد شعرو وليحيتو المطراسية بسروال تجين زرق و سوميز بيضة هز البيسي و مسائلو .
خالد: هاني سبقت را دراري كيتسناوني .
مينة: واخا غير سيري شوية و لحقو عليك.
هبط وزاد مع شي دراري غيعونوه حيت هوا لمكلف بديدجي العرس معروفا عليه ديما منوضها روبلة بإبداعاتو اخليك تشطح بزز منك .

منبعد دوش خفيف تلمو فيه بجوجات بدات كل وحدة تالبس نسمة يالله هبطت قفطانها رمادي سامبل حست بوجع خفيف فجنبها .
نسمة:اااه ….وجلست محنية.
مينة:(طلقت لفديها وشداتها مخلوعة) مالك اشنو بيك واش الحريق .
نسمة: ممم والو والو فاتني را غير الفنكوش ضربني هههه زواني …..مبغاتش تزيد تخلعها .
مينة: حالك معجبني هانتي بناقس منشي عرس لكانتي عيانة .
نسمة:(وقفت) لا لا مبيااا والو زيدي نشطو انا محتاجة نشط بلا متخلعي را دكشي عادي .
مينة: واخا لبغيتي غير لحسيتي راسك ماشي نورمال كوليهالي و نرجعو فالحين .
نسمة:واخا غير كملي و طلقينا مبغيتش دفوع إفوتني .
مينة: ههههه واخا راسك قاصح ….وكملات لباسها قفطان خضر ملكي بحزام مطروز فذهبي مع زيف من نفس اللون .
عونات نسمة تجمع شعرها على شكل سفنجة حيت سخنها حطو بجوج مكياج خفيف وختموها برشات من ريحة.
نسمة:😍واااو واتك للون جيتي كتحمقي واش ممكين نصوراك .
مينة:ههههه صبري لبس صباطي وصوري …لبست صباطها العالي شوية وحطت البلغة لنسمة مع الحمل متقدرت على العالي .
صورتها شحال من طوف بلا مترد البال فاش حستها سلات هبطت تيلي .
مينة:خودي لبسي بلغتك و نتصورو بجوج.
نسمة:(لبستها ) اكيد اجي ….وشحال من سيلفي دارو بالاهبال .
مينة:يالله زيدي باش متفلتي حتى حلقة.
نسمة: واخا نتاصل برضوان نتي سبقيني …دارت بكلامها خلاتها مينة على خطرها غير تحركت من قدامها طلقت نسمة الكونكسيو فدقيقة سيفطت تصاور المعتز وخلاتلو ميساج …دخلات تيلي البوشيط نواغ وخرجت عندها ضحكة مزينا وجها …

🍯مولات البغرير🍯
البارت:29 🍳بقلم أم جود🍳
فجردة جالسين كول واحد فاش سارح رضوان كيختار الفراش البيت الفنكوش فكاطلوك ومعتز غير كيسوط بوحدو قبالتهم فادي ليشاد حنوكو قتلو الملال.
فادي: بفف دبا لاش معيطين عليا زتوني غير الكآبة كتحس راسي فحصة الفلسفة .
رضوان: شوفلي انا واحد زوين ….لحلو الكطلوك.
فادي:وي حبيباا هذا زوين (خنزر فيه )واش من نيتك ازمر ياك متخلطليك مع المدام.
رضوان:طلق طلق اش تعرف زعمة بغينا غير نعلموك.
فادي:تعلم غير نتا واحد مزواج واحد موضر (كيحرك معتز) واااا صباح الخير واقيلة تصلتي نخرجو لا
معتز: هاا اه اه نخرجو لبقيت غنحماق .دنبدل و هاني معاك.
فادي:على سلامتنا (وقف شاف فرضوان) واش كاين شي واحدة غتزاد عندو ولد كيختار الغوز مالك مدوخ اصاحبي .
رضوان: 😕علاش مال غوز را كيعجب نسمة.
فادي:(شد راسو) راك غتنعس فيها الفنكوش العزري ليجاي فطريق ماشي مارتك نتا مالك تكلاختي واش زواج كيحمق .
رضوان: وصافي غير تلفت براكة من ملاحضتك تحرك را صاحبك نزل تبعو .
فادي: هاني غادي تهلا …وزاد مخليه
رضوان:(بالغوات باش اسمعو) بلاتي سميت هذاك راجل كنعبوت لكيطير دكشي ديال الروسوم .
فادي: هههههه انا لغنطير دبا سبيدر واااا سبيدرمان .
معتز: ههههه تحرك نطيرو بجوج هذاك را حماق .
رضوان: هذا را الابوة اشنو كتعرفو نتوما اصلا انا لهبيل داير عقلي فيكم سيرو سيرو .
فادي:ههههه تعصب تحرك ليخلاطنا.
معتز:(ركب اللوطو ديالو) زيد معايا غندو وحدة وصلاتني انفي لوحد الحفلة اش باليك فيها .
فادي: حتى انا وصلتني يالله نشوفو غير تيتيز لا رحلة لا قصارة اول ڤكونص ندوزو معاك مسوس .
معتز: مزال اعجبك الحال غير صبر ….
~~~~~~~~~~~
صوت الكلاكصون مجهد مع صوت دقايقية وزغاريت حشد كبير قدام باب القاعة المتنقيلة لصوبو جيران وسط زنقة .
صف القدامي كولو بنات هازين تمر و الحليب وبينهم مينة ليطايح عليها سر كيف العادة فالمناسبات هيا خاطيفات الاضواء ماشي غير من شباب حتى من العيلات الكبار و صغار محبوبة الجماهير .
ستقبو الدفوع و دخلو العريس جنب العروس لبرزة جلسوهم حدا بعض .
اما الالة نسمة ممفلتا حتى حاجة تيلي فيدها و كتفيلمي على خطارها لحقت عليها مينة منبد محطت طبسيل تمر وراتها فين تجلس وجلست جنبها .
نسمة:اشنو غيديرو دبا .
مينة:غدي تركب العمارية و منبعد نتعشاو عاد الشطيح و رديح .
نسمة: واااااو متشوقة شكون هديك وعلاش هديك .
سوال تابع خوه ومينة كتجاوب خو العريس خت العروس زوينة مزوجة مطلقة بختيصار تبركيك و نميمة باش دوزو هزان العروسة فالعمارية وصلات وقت تصاور ومنساو مينة وضيفتها حتى هوما تصورو معاهم .

خدام على نيتو ابدل كول مرا وديسك على حساب اللحضة ليبغاو هز عينو كيقلب عليها بين الحضور لمحها جالسة فطبلة بعيدة جات فالقنت وحداها مها بتاسم وغمزها فاش جات عينها عليه …غمزة خلاتها تخشاا فضلوعها كتر و متهز راسها .
بهيجة: ولدي نقص وحط شي حاجة عادية دبا غنسربو العشاا نوض نتا و صحابك الداخل تعشااو مع دقايقية .
خالد: واخا دبا اخالتي (شاف صحابو) تهزو وقت تحنجير جاا…

تبعتو بعينيها حتى خرج عاد فرحات و تنفسات شوية وطلقت مع البنات ضحك و تفوج قبل ميرجع تاني اعصرها بشوفاتو .

بداو سرباي كيسربو ها ليفرق الخبز ها ليهاز طباسل تحط طبسيل كبير وسطو تلات دجاجة فطبلة فاش جالسة مينة و نسمة .
نسمة: 😍الله هدشي كيبان بنين .
مينة:(وقفت كتشرح العيلات لجالسين معاها كولهم جراتها) هااا نتوما باش نتافقو من دبا وكولها ياكل حقو شكون غتدي لوليداتها البروك تهز إديها .
سبعة ديال العيلات هزو صبعهم و شي لواخر لا حيت ممولفينش ادو معاهم .
مينة: هانتوما دجاج قسموها بينتكم دوها الدراري صغار وعاد نكلو ليبقاا .
تبعو تعليمتها كيف العادة عادلة واخا فالماكلة تبغي تخرج جبهة محيدا الحشمة وكولها واخد راحتو تهز دجاج وتحط اللحم تابعو ديسير خاتم الوليمة شهية .
نسمة: براكة عليا تنفخت
مينة:زيدي غير نص بنانة و حبسي .
نسمة : لا صافي شكرا حبيبتي غير كوليها …
🍯مولات البغرير🍯
البارت:30🍳بقلم أم جود🍳
هز الميكرو وضرب تلات ضربات حنحن اجربو واش خدام.
خالد:🎤 احم احم تست تست مرحباااا بيكم خالتي بهيجة رحبت بيكم كليتو شربتو دبا اجو نشطو وااااش بغيتوو.
الجميع: بغيناااااااااا
خالد: ههههه جاتكم يالله الله ارحم بيها الولدين ليعندها شي تليفون تحيدو باش تشطرو على خاطركم ونرضو الخواطر ودبا اراك المولات القعدة حميد جيب داك الخير الهناا .

جابو جوج جفنات و طلقو شعبي لعندها شي زيف جبداتو و فنصها حزماتو مكاين غير لوي و شتف زيد دردك عااود دردك 🎶🎶.
مينة:(تحنات كتحيد صباطها) متشطحيش بزاف راك حاملة.
نسمة:(بالغوات باش تسمعها) اشنو غديري دباا.
مينة: بلاتي تشوفي ….جمعت جلايلها و طلعت فوق جفنة خواو ليها ساحة ودارو بيها غير الموحتريفات تحلف عليهم شيخات و فقصارة …مينة تركز و ليحداها تقفز ومنهم لتشقلب خالقين جاو بوحدو وخاص .

عجبها تركز وركزت شحال من مرا شطحت و شتفت حتى حست بوجع ماشي خفيف هذ المرا مجهد من حرو تحنات وغوتة من خلقها طلقات خلات كولشي إدور قافز ومخلوع عليها ..
نسمة:ااااااااااه اااااااه
بجيهة: مالك اناااااري مالك و مينة عتقي عتقي
مينة لدم هرب من وجها الخلعة ساست ليها الركابي دكشي على غفلة.
مينة: واش واش نجيب طبيب لا لمبيلونص باش كتحسي باش.
نسمة: اااااه مقدرتش هدشي كتير اااااه .
بجيهة:بلاتي نعسوها هاذي حلتها صعيبة هانتي ابنتي تنفسي مزيان .
مينة: كيفاش صعيبة زعمة تولد و دباا
بهيجة: سقياا طرطقت امينة معندنا حتى حل زهرة جيبي المااااا.
حبس خالد الوسيقى و تحزمو العيلات خرجو دراري من القاعة و لاحو ريدويات باش اغطو عليها الماا ليزار كولشي قبلتها حطوه وحدة كتقطع ولوخرا دمعو عنيها من الخلعة و الفزعة .
مينة: سبع شهور اخالتي عندها .
بجيهة: متخافي والو غير عونيها و صبريها حاااادة جي هنا فينك …
~~~~~~
كشاكشو خارجين وعنيه حامرين جعر الله استر مالو شخاصو.
معتز: طلقني افادي غير غدي نهضر معاها وصافي .
فادي:(شادو) واش نتا حمق باغي دخل بشمن حق غتخرجها من تماا(دفعو) فيق معاايا فيق واش خطبها عااقد عليها دوي ..
معتز : لا ولكين ناوي ناوي مبغيتهاش تشطح قدام لسوا وليميسواش.
فادي: تبت احنيني حتى تخطبها و حبسها واش على خر يامنا نرجعو براهش نرونو العرس الناس وزيدون باش عرفتيها غتشطح.
معتز: (كيحاول ابرد) سمعتها من فم نسمة صباح وزيد عليها معجبونيش حوايجها .
فادي: لا لا نتا زتي فيه و بزااااف و سي العاشيق إصبح الحال وخطبها تزوجها وسد عليها نتا كع فقرعة دبا رااا مسوقكش فيها سمعتي .

حرك راسو بآه وسكت مزاد حتى كلمة فبالو دازت اللقطة فاش جبد تيلي من جيبو شاف المسجات وصلوه من نسمة فالاول ستغرب غير حلو وسهااااا كول طوف تنسيك فختها زومااا و باااس فجملها داب وباش زاد تطلق فاش قرا ميساج مرت خوه”بنت الناس القيتها وجد راسك ليطيرو بيها” ولكين غير تفكر راها غادا العرس و غتشطح خرج طاااير من الحفلة تنكورية ….شافو فادي و تبعو حيت حالتو كاانت كتخلع فاش عرف سبب نعل حظو زفت وهاهوما دبا وقفين بعيد على العرس بخطوات قليلة.
فادي:(حل الباب) ركب و سكت صحبة الكرطون .
معتز:دكشي بيدون شعور غرت عليها مصبرتش.
فادي:لا غير صبر و صبر راك وليتي عصبي بلا قياس غتخلعها منك.
معتز: مكنتعصبش عليها غير أورا ضهرها خصني حل .
فادي: الحل هوا تكمش وصافي و زيدون هاهوما حبسو الموسيقى صافي إمكن سالا العرس .
معتز:صافي غير نشوفها من بعيد ونزيدو بحالنا .
فادي:😒شوفها و انا رازيني فكلارا مشديت حتى نمرة.
معتز:منبعد منبعد غير نرصي راسي و تفك مني ..

وشعندو ميدي كمدها و جلس جبنو …صاحبو هذا كيطلب من قلبو اتزوج وتهنا منو ديمة خارجليه من جنب منهار عرفو كيطيح فقرطاسة كيبان قدامو كطير مخليا ريح فديه..

🍯مولات البغرير🍯
البارت:31 🍳بقلم أم جود🍳
دارو بيها العيلات منبعد مفرشو مانطة تحتها وجبدو ليزار حيدت ليها بهيجة الكلون و سليب من حسن حظهم كاينا سعيدة خبيرة فالاميدان .

نسمة كتبكي و تعصر عاصرا معاها قلب مينة الحنينة لدموعها شلال .
بجيهة: وسعي رجليك ابنتي زيدي زحمي .
سعيدة: يالله تنفسي تنفسي دبا تفكي غير دفعي .
نسمة: اااااااع 😭اااااع مقدرتش واااااع ماما .
مينة:(شدا فديها) هنتي شووو زحمي را مبقاا والو ياك اسعيدة .
سعيدة: اه اه الوالدة محلولة خصها غير تزيد تزحم لخرج راس غتفك.

مرااا تزحم و مراا ترخف سخفة و نفس داق ضغط عليها و كولشي بين عنيها لحظة كتر من صعبة و شحال قدك توصف فيها وجع معرفة بحقو غير المجربة و الله إسمح لينا من الولدين .

زيرت كتر على يدها و سدت عنيها زحمة الاخر ليها كولشي كيشجعها ويبين ليها بلي حال دكشي ساهل و بفضل ربي تفكات فنكوش صغير حطات لبمجرد مطلق الغوة الاول طلقو زغاريت عالمين بيه الفرحة .
سعيدة منبعد مقطعت الحبل سوري لواتو فالازار و بين ادين مينة حطاتو .
سعيدة: بسم الله و على سلامتها
مينة: (شداتو كترعد) بس بس بسم الله شحال زوين شفتي شفتي هذا ولدك .
نسمة: (كتحل عنيها بزز بتسمت ملي شافت وجهو ) كيشبه الباه قربيه نبوسو …..باستو فجبينو وطلقت مغيبة جهد تقادا .
مينة:(كتحركها) نسمة فيقي ماشي وقت نعاس هااااي نسمة ….. لا مُجيب تخلاعت و بكات تاني .
بهيجة: شووو رجوع الله ابنتي راها عيات بسيف متغيب نوضي نجيبو ليهزها .
مينة:(وقفت) اه اه نجيبو لهزها غ غ غنشوف خالد
سعيدة: اجي اري الولد را البرد عليه برا سيري بجرا
مداتو ليها و مشات طايرا تشوف خالد إشوف اقرب كوميسارية باش تجي البيلونص ديال المخزن .

فاللوطو مزال جالسين مستغربين من سي خالد ليظاهر عليه توتر من بعيد و زيديها صداع و صوت الغوات الداخل مي فاش شافو مينة خارجت كتعتر فجلايلها وتهز إديها على خالد طارو بجوج خارجين اشووفو شنو واقع .
مينة: خالد عفاك شوف شوف لينا شي واحد اهزها ياخوفي تموت غيبت اخالد غيبت😭 .
خالد:(شاد وجها بين اديه) شووو متخفيش غير تهدني واخا را علمنا الامبيلونص دبا توصل غير صبر .
معتز:(خلعتو حالتها)اشنو واقع مالكم ياك لباس.
مينة:ن نسمة نسمة غيبت ملي ولدات .
معتز:اشنووووو فين هيا فين و علاش مجبتو الاسعاف …..حاول إدخل منعتو مينة و خالد
خالد:(دفعو) را ميمكنش تدخل
معتز: را مرت خويا و ختي هذيك ضروري ندخل
مينة:(غوتت باش تسكتهم) صاااافي سكتو سكتو براكة سير جيب حويجها و حوايج البيبي علم رجلها .
معتز:واخا واخا دبا غير واش البيبي مزيان.
مينة:اه اه مزيان عفاك متعطلش راها غابت .
معتز:صافي فادي علم الاسعاف إجي دغيا و بقاا معاهم ….زاد طاير
فادي:دبا اوصلو غير صبر .

مكملاش عشر دقائق وقفت عليهم الاسعاف ليجايا من الكلينيك آما ديال دولة متوصل تيموت الواحد هبطو منها المسعيفين دخلاتهم مينة الابلاصة هزو نسمة و حلفت مينة لعطاتهم دري رجلها على رجلهم .
~~~~~~
كسيراتون واحد تالباب كيف العجاجة نيشان بيت خوه لمشبح و ناااعس .
معتز:(كيحركو) هاااي فيق رضوان فيق.
رضوان:😴😴
شاف حتى عياا هذا مبغاش افيق و خصو اسربي جبد غطاا ناموسية من جناب نفظو تنفيظة وحدة بحال لكيسوس الغبرة ساس خوه لجا مزدوه و مخلوع.
رضوان: بس بس بسم الله رحمان الوحيم .
معتز:(وقفو مخنزر) واش نتا مرتك ولدات و مزال ناعس تحرك .
رضوان:😵ولدات (دفعو كيدور تالف) كوليها تزحم لا زعمة تنفس واش تنفس اه اه دكشي لقريت.
معتز:(شدو من كول تيشورت) واااااا بنادم فيق و شوف هنا تبت اوكي كااااالم جمع حوايج مرتك و لبس بزربة .
توكد شوية جمع حوايج مرتو و البيبي فصاك متوسط بدل بزربة و الحق على خوه ليكان كيدوي فتيلي .
معتز:(قطع المكالمة) طلق غالحقو عليهم الكلينك
مزاد حتى كلمة غير ركب خوه جبدة وحدة القدام الكلينيك .

علقو ليها سيروم تفحصو حالتها الحمدلله كولشي عندها مزيان و حتى من البيبي صحتو مزيانة .
ممرضة:(حلات الباب خارجة من شومبر) راها لباس شوية و تفيق
مينة:(بالفرحة عنقتها) هههه بصح بصح لباس عليها .
ممرضة: ههه لباس غير شخص واحدة لغيدخل دبا .
مينة:(بعدت) هههه انا غنشوفها على ميجي رجلها .
خالد: مسحي دموعك لتخلعيها .
مينة: (كتمسح دموعها) ههههه هاني هاني واش دبا مزيان .
خالد:هههه مزيان غير دخلي لتعواجي ….دخلات و خلاتو .
خالد:اه اصحبات هكا إكونو عرفتي اسي فا… (تالفت مالقاا حد) وايلي فين مشاا هذا .

فادي لقنت ممرضة فجنب و جابد تيلي كيقيد نمرة واخا تكون المووووت ميزكل تيتيز .
فادي:(جاي كيضحك ملي خدا اش خصو) كيف بقات فين مينة.
خالد: 😒عنيبة من درجت طيارة .
فادي: نعااام كلتي شي حاجة.
خالد: هاسي معتز و رضوان جاا .
معتز:فين هيا واش خرجوها
خالد:راها فهذ شومبر ….مزال مكمل كلامو دخل رضوان مدرم عندها بغا اتبعو معتز حبسو فادي .
معتز:اشنو طلق ندخل
فادي: طبيب كال واحد لدخل دبا رضوان و مينة الداخل حتى اخرجو ودخل .
معتز:(جلس)اوكي هاني جالس..
خالد:(جلس حداه عينو فادي )هذ خونا زلال خص نحظي معاه ليدوز لخوادرياا ….كلام جال فخاطرو ..

🍯مولات البغرير🍯
البارت:32🍳بقلم أم جود🍳
توردو حنيكتها من المشهد رومنسي ليقبلتها سي رضوان محشم مرمش مخلا فين باس حبيبتو طاااااير فرحة دنيا مسيعاه راه ولا أب بسيف ميفرح .
كحزت الجنب باش تخليه على راحتو فضلات تنساحب وتحشم شوية بلاصتو .
رضوان:(شاد وجها بين اديه عنيه على شفايفها )ودبااا جااا وقت هنا مغديش تحبسيني توحشتك بزاااااف.
نسمة:😮مي مي مي ……..قطع فيها نفس بوسة طويلة و مجبدة مفيقو غير الباب ليتسد بجهد.
رضوان:(بعد) احححح حبيبتي شحال بنينة شكون دخل .
نسمة: بعد بعد واش محشمتيش مينة كانت واقفة هنا اوووف منك عمرك تبدل .
رضوان:(عنقها) ومينة غتعدرنا كيف بقيتي عاوديلي اشنو طرا وفين فنكوشي نشوفو .
نسمة: شوية و جيبوه لينا عرفتي مشينا العرس………..عودات كولشي.

وجها غيطرطق بالحمورياا بدات كتصوط و دير ريح بديها .
مينة:😳ياربي محشم
خالد:اجي كلسي لكليمة خدامة وصهد قاتلك .
مينة:😅اه اه سخون الحال دكشي علاش …كحز ليها وجلست بين معتز وخوها حيت جيهة تانية جالس فيها فادي و سي خالد خايف على ختو معرفش بلي ليطامع فيها حداه .
معتز:(بهمس)باسها ياك
مينة:😲هااا
معتز: ممم خويا و عارفو معليش دبا ندير الحبيبتي كتر فاش تولدي 😉.
مينة:😵خ خ خ خالد ….كتحول تشد فخوها حيت دابت من الحشمة و صدمة جلطة لجاتها غتكون بسباب العاشق الولهان.
خالد:(وقفها) يالله إضرب فيك البرد شتي را الخلعة رجعت عليك بصهد.
معتز: ديها ديها مسكينة وجها حمر .

تحرك خالد شاد مينة ومعتز كيضحك مكره كون شد بلاصة خالد وهوا لتحط راسها على صدرو مي هانيا مبقاا والو ودير فيها مبغاا هادشي كامل تحت نظرات فادي لمصغر عنيه بشك .
معتز:😕 مالنا على دوك شوفات.
فادي:اشنو كلتي ليها تاني راني عرفك .
معتز: ملي عارفني علاش كتسول اححح امينة اححح
فادي:(وقف) غنمشي قبل لتشهاني حالك معجبني …رماا كلامو وهرب فاش شافو وقف مخنزر
معتز: 😤بلاتي على مك ……
~~~~~~~~~~~~
⁦🌬️⁩⁦🌬️⁩بعد مرور سبعت ايام
روينة حدا باب دار كميوات كبار كيحطو المطريال و خدامة داخلين خرجين كيركبو القاعة المتنقيلة واقف على راسهم سي رضوان ومعتز برفقت فادي ومنساوش خالد لخدام من نيتو .
رضوان: بغيت كولشي اكون مقاد تأكدلي من تريتور الماكلة توصل فالوقت .
معتز: كولشي واجد حتى الخروف ليدبحتي تهز اتصاوب نمشي نوجد راسي راك عارف اش عندي قبل من سبوع.
رضوان: ههههه عارف عارف اجي واش تقديتي دكشي علاش وصاتك نسمة .
معتز: كون هاني منسيت والو .
خالد: غنطلع حتى انا نوجد راسي (شاف فمعتز)و نتا متجي لمجبتي والي امرك سمعتي .
فادي: ههههه غنجي معاه انا غير رضي علينا .

سبع يام دوزتها نسمة عند مينة فدار وختارت سبوعها الاول دوزو فالحي فاش تزاد ولدها زكرياء لسماتو مينة … طريقة ختارتها باش تشكر العيلات لوقفو معاها وسندوها مبخلوش عليها ولكين قبل سبوع جايان الخطاب الزينت البنات وكيف كول مرا وسط دار مناقشين .
مينة:(سادا عنيها) خااااااالد كحز الهيه خليني نصوب الكحول فعيني .
خالد: وسيري التيساع نصوب قب جلابتي رانا لغيخطبوك من عندي كيجيتك بعدا وتاني البيض ياك.
مينة:(مزال سادة عنيها وكتقلب باش ضربو) بلاتي غ القاها و نوريك حركتيني حتى عميت عيني .
خالد:(هرب البيت) يااااه على مسعورة عمية ..

**تتمة البارت32
ولدها فحجرها كترضعو وتيلي فوذنها كتوصي و تزيد
نسمة: سمعني مزيان الخواتم عليهم نقش سمياتكم و سكر مهم كيف وصيتك .
معتز: كوني هانيا يالله خليني فحالي نوجد
نسمة: واخا بسلامة تنشوف شغدير …..قطعت عليه مقادها فرحة دازت فبالها شحال من لقطة فاش قتارحات زواج على مينة ورتها العريس شكون.. بعد تفكير قبلت ماشي حيت بغاتو و معشوقة فيه لا حيت ولد ناس طلع راجل و ناوي المعقول دق باب دار وبرشيشة من أسلوب نسمة الخطير فالاقناع ختمتها بمافيها باس دير حتى هيا دارها ووليدتها …رجعت الواقع على صوت الباب ليتحل .
نسمة:دخلي راه نعس دباا
مينة: فنيكيشي اريه نحطو بلاصتو
نسمة:(عطاتو ليها)واش مجاوش العيلات اليوم
مينة:(حطاتو فالكونة) لا را كولهم زاروك دبا حتى العشية وإجو .
نسمة:مزيان ودبا نعمرو اتاي را مبقاا والو وإجو الخطاب.
مينة: بخرت صالة و اتاي طيبتو كولشي وجتو بقاا طبسيل الحلوة لغندخل و صينية ليغتهزي نتي واش تقدري بعدا.
نسمة: علاش منقدر راني ولدة عادي الحمدلله حتى من الغرازي مدرتهم باش تعرفيني مديا سيد رجال 😂
مينة: 😂الله امسخك سكتي لنضحك بدموع مفيا ميعاود الكحول.

فالصالة جلس طالق إديه على المخاد مرا داير رجل فوق رجل مرا محيدها تالف غير بوحدو معرف اخرج صدرو ولا اخنزر خصو ابان راجل و نص سمع الحس ووقف بشموخ وراسو عالي .
خالد:احم مرحبااا مرحباا تفضلو
رضوان:ترحب بيك جنة شكرا …حطو اش جابو وجلسو حداه منبعد سلام و عناق زعمة تقنو دور المحبة زايدة .
فادي:احم تهضرو ولا نهضر .
رضوان :حنا جيت طالبين راغبين فختك المصونة لخويا معتز على سنة الله ورسولو .
خالد: مرحبا مرحبا غير هوا شوار شوار البنت نكلموها و نعرفو جوابها مينة زيدي زيدي ابنتي متحشميش .
فادي:😯بنتي !!!
معتز:😍ويكون حتى جدها نتا مالك .

سبقت نسمة بصينية وراها مينة ليجات كتحمق بقفطان بيض مطروز بذهبي مع زيف بيض نور وجها و كملات بعوينتها المكحلين سي معتز حل فمو .
فادي:😍شحال زوينة
معتز:(تلفت عندو)😤حدر عينك
فادي:😧😑غنسدهم كااع
نسمة:(جلست حدا راجلها) لباس عليك
رضوان: ملاباس والو توحشتك فين ولدي .
نسمة: ولدك ناعس سكت نكملو على خيرنا .
رضوان: ها البنت جات سولها اسي خالد .
خالد: هذ ناس طالبين رغبين فيك اش كالتي همم.
مينة:(عنيها فالارض حشمانة بصوت خافت نطقت) احم لبغيتيها اخويا نتا تعرف مصلاحتي .
خالد:اوا سيادنا منزيدكم غير صلاة على نبي
فادي: هيا نقراو الفاتحة .
معتز:(هز كفوفو زربان) بسم الله الرحمان الرحيم …
خالد:(وقف) حبس اسي حبس سمعو شوروطي و نقراوها ديك ساعة ….

🍯مولات البغرير🍯
البارت:33 🍳بقلم أم جود🍳
رضوان: شمن شوروط هذو لعاد بانو .
معتز: واخا كولهم نسمع اسي خالد .
خالد:احم اول حاااااااجة غنتزوج انا و ختي فنهار واحدة.
مينة:(وقفت مصدومة) اشنووووو
خالد: جالسي و سكتي لكانو كيهضرو رجال نتي تكمشي.
مينة: كيفاش نتكمش واش عارف راسك اش كتكول .
نسمة:(دخلات) مينة خليه اكمل جلسي ….جلستها.
معتز: زيد وفين غالقاوليك العروسة ونتا مزال صغير .
خالد:حتارم راسك اسيدي انا كبير كيفي كيف مينة تزدنا بجوج قرينا بجوج نتزوجو بجوج و صلاة على نبي 22 عام راها راجل و نص.
فادي: اووو فين اودي راك صغير بزاااف باغي الحبس من دبا عيش حياتك.
معتز:خليه على راحتو واخا و شرط تاني شنهوا .
خالد:(رجع كلس) بغيت صداق ختي اكون محلابة
فادي: مخبازة لا !!
خالد: بلاتي واش نتا لغتزوجها
فادي: لا هوا….وراه معتز .
خالد:إوا تكمش و سكتنا(شاف فمعتز) انو كلتي بغيتي مرحباا .
رضوان: شروط معقولة منحقو اضمن مستقبل ختو انا معاك فهذي .
معتز: حتى انا موافق نقراو الفاتحة دبا كولشي باين.

من أورا الفاتحة مكاينش زغاريت حيت نسمة مكتعرف و العروسة مجات تزغرت وصلو التركاب الخواتم بجنب خطيبها جلسوها لحلا لسانها بتمر وشربها الحليب ونفس شي دارتو مينة .
فادي:والعرس وقتاش.
معتز: لبغاوه اليوم نديروه معندي موشكل .
خالد:(وقف مكشر) شنهوااا شنهوا وا بالله العالي لتفكيت جمعتو الخطبة مع سبوع و ناويان تزيدو العرس ماشي لعب هذا.
رضوان:غير برد شنو نديرو يالله.
خالد: اليوم درنا الخطبة وفالعشيااا سبوع غدا غتمشو معايا نخطب هااجر نوجدو وراقنا ونعرسو عراسية واحدة اشباليكم .
رضوان:حتى هدا حل زوين
معتز:إذن العرس نهار جمعة.
خالد:لااااااا حتى السبت جمعة يالله غتجوبني المحكمة لدفعت طلب زواج القاصير نهار الاربعاء.
فادي: واا خافظ سواريك البنت باغيها قاصير.
رضوان:هههه باش اربيها على يدو .
مينة:تربيه أوكان ناقصو عقل و باغي زواج
خالد:😤كتجبديني…
شدو فيه وضحكو عليه فاش سلاو تفرقو كلها مشاا اقدي حاجة حيت الوقت هاذي ناس غتبدا تجي..

غربت شمس و بانت القمرة الكاملة مع نجوم منورين ومزينين سماا .
قدام باب القاعة واقفة بنفس اللبسة ديال صباح وتاتها فكرت بلا متبدلها … البسمة مرسوما على شفايفها تستقبل العيلات بحب و فرحة .
سعيدة:مبرووووووك عليك ازين تستاهلي كول خير .
مينة:(سلمت عليها بالوجه)الله ابارك فيك ربي اخليك دخلي دخلي .
وهكا كملات سلام مع جراتها كاملين حتى من العروسة بنت بهيجة جات عتاذرو منها على داك نهار فكرو اوضوها ورفضت حيت العرس داز و الحمدلله كولشي كان مزيان .

كدور براسها حتى جات عينها عليهم واقفين بعيد كيوشوشو تنهدت و تشجعت مفيها من صداع هزت قفطانها بصبيعات اديها ومشات قصدهم .
مينة:الله ارحم بيها الولدين لجيان دابزو غير رجعو قريب تفكو مني.
كسالة:ااا لا لا حشومة حناا جينا نباركو ليك انا و خواتاتي ونطلبو منك سماحة .
خواتتها:ايه ايه سمحيلينا .
مينة:ههههه مسامحكم بشرط تبرعونا شطيح و رديح راكم لعابات واعرات .
الكسالة: هههه جاتك زيدو ندخلو …..وزادو مخليانها ضاحكة بهكا فكت ضوسيها مع الكسالة و خواتتها كانو كيف المش مع الفأر كولشي كيفوت الله رزق غير صحة و سلامة.

واقف أوراها من قبيلة و هوا حضيها تقدم جيهتها بلا متحس بيه حط بوسة على عنقها من فوق زيف طيرها خلعة.
مينة:ااااع إيخان خلعتيني مالك تسطيتي.
معتز:حبيبتي و جيت نشوفها (خنزر)اشنو ديك الكلمة كلتي عوديها.
مينة:هاا اه اه إيخان كتعني زوين زوين س سول خالد
معتز:واخا من بعد دبا دخلي لننن….احم سيري من قدامي.
مينة:(غادية وكتبركم) اوووف الحمدلله مفهمها اما إطويني سحت ليل صافي 😖.

ليلة كاملة باتو فيها شطيح و رديح وليجا السبوع تعرض العرس الخوت لغيكون فنفس البلاصة .

🍯مولات البغرير🍯
البارت:34 🍳بقلم أم جود🍳
💥💥تسريع الاحدات 💖💖نهار العرس .

زغاريت و زغاريت فاش تكتب كتاب العرسان كولها عقد على محبوبتو ..جات وقت العمارية لسبقو فيها العرايس وحدة تنسيك فتانية زين رباني مشااء الله نفس البسة تكشيطة حمرة مطرزة مع تاج وكسيسوارات يا سلاااام …. لعبوهم فسمااا حتى داخو وكرهو سيرت العمارية عاد تدخلو نكافات و حطوهم فالبرزا حدا العرسان .
مينة:😵دخت انا دخت.
معتز: هههههه شتي واخا تحطي مسارنك منفلتك نتي لبغيتي العمارية .
مينة: 😫ماسخ ماسخ سكت .

كوبل تاني حداهم سيد غير كيشطح تكول فيه الفأرة .
خالد: وهااااديك هاااديك العشير تم تم .
هاجر: 😕والله استر والله استر تبت .
خالد: خليني ملهي نبرد على راسي لنصدق متبتك أورا البرزة😉.
هاجر:😳😵🤐…..وعلاه هبيلة تزيد كلمة .

كتراري بولدها لمبغاش انعاس حميها الغوات مشافت عرس متصورت مع العرسان و هذا حال الامهات😥
نسمة: شوو صافي اماما صافي
رضوان: اري نشدو عليك را مبقاا والو ونتحركو الدار
نسمة: لبسة الاخرا هذي ناس تعشاو اقطعو لطارط وزيدو.
حمرة خضرة زرقة صفرة لباس تقليدي الامازيغ لبسة تنسيك فختها نگافات ومعالمات تقنو خدمتهم كولشي داروه عرس اسطوري شطح فيه صغير و الكبير سيرتو غتصبح على كول للسان.

جااا وقت الوداع لمعاها دمع على الخد داع لحظة لتودع بيها العروس الاهل و الاحباب .
العرسان كومبليات و العرايس ليغوب ساترين كيبانو بحال اميرات ديزني موحجابات .

البكااا و تعناق بزز باش فرقو هااجر على مها ومينة على خوهاا خوها لمصبر ودمعو عيونو ختو حبيبتو اليوم رايحا الدار رجلها معامن غدي إدابز لمن اخصر طيفان البغرير شكون إفكو من البنيقة وزيد وزيد .
خالد:(معنقها) شووو سكتي يالهبيلة دبا تحصري وجهك وتولي تخلعي .
مينة:(كتزيد تخشااا فصدرو)😭غنتوحشك بزاااف
خالد:(بزز باش بعدها حاول اتحكم فراسو) نسيب تهلا فيها راها ضو عينياا .
معتز:(شدها) متحتاج توصي فالحيفظ و صون .
خالد:وااا فين مرتي جيبولي مرتي 😂
فادي:😂بلاتي تسمح خنونتها
نسمة:(شادة هاجر) ها مرتك تحرك من هنا
خالد: اجي عندي اجي بكي هناا…وضمها الصدرو تكمل بكاها.
هاجر:😭واااااع ماما بغيت ماما
خالد:😂انا احبيبتي ماما و بابا شووو غير سكتي بااااح ماما .
معتز:(حط مينة فللوطو ورجع عندهم) فادي وصل خالد انا نمشي الاوطيل .
فادي :واخا كون هاني
نسمة: علاش محزجتوش فنفس البلاصة.
خالد: هههههه الله انجيني كولها ادي خيرو الجايحة الكحلة .
معتز: هههههه تهلاو …..وزاد طاااير بمرتو
خالد:(طبطب على كتف فادي) تحرك حتى انا باغي نتهلا 😂..
فادي: ههههههه ها هوا ربطو حزام الامان .
ركبو بتلاتة وهاجر على نيتها كتقلب دير سمطة
خالد: اشنو كديري .
هاجر:(كتنخصص) بغيت ركب حزام الامان.
خالد:(حل درعانو) انا حزاام الامان إلا حوضني ياااا هاااجورتي و جوهارتي …..عنقها
فادي: احم احم واقيلة انا هنا .
خالد: دير راسك مكاينش و صوك راني عارفك مشارجي ألجوندة كع البنات ليجاو فالعرس ديتي نماريهم .
فادي:😎خوك وااااعر بوقوص انا
خالد: 😒واااعر راني كتليك عنيبة من درجة طيااار
فادي:نعااام مسمعت
خالد: وااااا تحرك بينا ديماري طونوبيل .
~~~~~~~~~
هازها طالع بيها فالاسنسور مقداه فرحة و هيا غاطسة راسها فصدرو حشمت من شوفات ناس ليهم ..وصل سويت حل الباب وحطها على نموسية تبعو الخدام بشوانط حطهم و نساحب بعد مخدا الاكرامية ديالو .
معتز:(سد الباب) غندوش و نجي الحبيبتي نالقاك واجدة 😉….هز الفوطة و دخل .
مينة:😳ناري مي منيتو هذا تبارك الله دكشي ديال الافلام.
سويت كولو ورد حمر وشموع فالالوان جو رومنسي بمتياز جرت شانطة ديالها جبدت منها عباية و شال كبير أول حاجة حيدة لبستها ومسحت مكياجها وجلست كتسناه على نموسية.
خارج كيغني لاوي الفوطة على نصو موجد خاسو غير إبدا
معتز:😕اشنو هدشي لابسة
مينة:(سدات عنيها) ويلي ويلي عريان واش مغنصلوش اويلي مالك ديمة زربان .
معتز:(كيحك راسو)ااا اه اه بصح احم نجدد اللوضو ونصلي معاك .
ضحكت فخاطرها عليه توضاا و صلاو بجوج منبعد قراا الدوعاء هنا قلبها بدا كيضرب بجهد اشنو غدي دير كولشي جديد عليها .
معتز:(حس بيها وقفها) خايفة ياك .
مينة: حركت راسها بأه ودموع على طراف عويناتها.
معتز:😈خصك تخافي من حقك تخافي حيت جمعتليك بزاااااااف واليوم غتخلصي من تغراز الحلاشن لولادت نسمة همم.
مينة:(راجعاا بللور) 😭والله حتى نكولها الخويا نتا حكارة .
معتز:(جبدها عندو كيضحك خاشيها فصدرو) ههههههه هبيلة غير كنضحك معاك انا نهار شتك بغيت حلالي كنموووت عليك واخا عارفك مزال مكتبغيني مي مع الوقت متأكد غتبادليني نفس شعور ياك.
حركت راسها بآه بعدها عليه شوية سرح فعوينتها دامعين مسحهم ودخل معاها فقبلة لخصت مدا شياقو وحوبو الكبير ليها .
عرف إنقلها العالمو الخاص جردها من الحشمة وعاملها بكل اللطف و حنانة ونتيجة اجساد مالتاحمة ضاما بعضها البعض …

🍯مولات البغرير🍯
البارت:34🍳بقلم أم جود🍳
⁦⬅️⁩⁦⬅️⁩⁦⬅️⁩بعد مرور عامين
زكرياء:(كيجرها من الكسوة) جدة جدة بغيت بغليلة .
مينة: وسير عند مك انا ماشي جدااااك انا خالتك واااا نسمة شدي ولدك عليا .
نسمة:هههههه خليه اعاونك را سرباي كيفرق الكوموند .
هاجر:(شدات من عندها طيفان) سير تكلسي واش نتي واحلة فروحك و مزال زايدا كطيبي (شافت فزكرياء)حبيب خالتو شنو بغيتي .
زكرياء:😀بغليلة .
نسمة: هههه هاك احبيبي كولها
مينة:(جلست كتنهج) اه عيات و رجليا تنفخو واحد فردوس فين هياا .
نسمة: را هزها باها ختي مينة شهوتي فالبسطيلة .
مينة:هااااجر سعتيها شنو كالت ياك .
هاجر:هههههه امتا اجي حبيبي حتى انا نحمل و نتشهااا عليكم .
مينة:ههههه سيباق و تسناوني غير نبلزو وديك ساعة هاني معاكم .
نسمة:ههههه نتي مافيك تيقة واحدة أورا تاني متسنيتي فردوس تكبر غير شوية .
هاجر: هههههه بصح انا بعدة مريم كملات عام ونص لزت تاني هانيا .
مينة: وحضوني حضوني راني مكنعقلش و تقولب ماشي بيدي.

حطاتو طاكسي فشاريع الكبير قدام المحل هبط بعد مخلاص عضلات مفتولة زين و شهامة القوة تبودر المسخوط وتبدل بزااف مورا زواج بشهر تقبل فالعسكر ومشاا ليه مخلي مرتو حاملة …جاتو الخدمة فالاحدود متطلق على عامين هاهوا دبا قدام محال ختو محال كبير و باينا مروج مشااء الله معتز أوفا بكلمتو وطبع “مينة مولات البغرير ” على لوحت الاشهار .
تنهد من الفرحة وتقدم جيهت المحال ليهوا قهوة خاصة بالبغرير و المعجنات جات عينو عليه جالس ومدور بيه دراري صغار حار شكون فيهم بنتو تحطت اد على كتفو دار اشوف شكون .
رضوان:الاخ كتقلب على شي حاجة .
خالد: رضوان هذا انا خالد …تلاح عليه عنقو
رضوان: ههههه خالد خالد والله معرفتك كبرتي و تبودرتي زيد زيد افرحو بشوفتك.

وماشي غير فرحو بكاااو من الفرحة مينة و هااجر طبعا سلم على معتز وعرف بنتو مريم سول على حال الاحباب طول الغيبة و شحال من حاجة تبدلت .
خالد: وليتي بحال البرميل فين غادا فين
مينة: جيتي جيتي تاني
معتز:(عنقها) بعد على حبيبتي و برميلي نموت انا فيه
مينة:😭واااااع كلكم بحال بحال …كضربو الصدرو.
معتز:هههههه غير ضاحك والله
خالد:ههههه وااااا فين مرتي نعنقها
هاجر:(حطت طبسيل البغرير) ويلي كون تحشم
نسمة:(عنقت رضوان) انا بعدا نعنقو منحرمش راسي من رزقي .
رضوان: (عنقها) اخليل ليتوحم عليا
خالد:(جبدها جات جالسة فحجرو) اجي المك متخلينيش محروم قصحي جبهة بحالهم منحشمو ميحشمو.
هاجر:😳😳
رضوان: ههههههه تجمعت اللمة فين اتاي ها البغرير
مينة:هههه غيجيبو محمد(سرباي) طلق هنا براد اتاي مشحر.
خالد: فين واحد فادي واش تزوج.
معتز: هههههه نو هذاك كيف مخليتيه عمرو اتبدل واخا نغبرو اعوااام.
خالد: هههه الله اسهل عليه و تشد حتى هوا
الجميع: امييييين
فادي:😤مااا اميييينش اسي نتا و هوا شدو عليا بعالككم …..شدي شاد فرجلو وشي مدخل راسو بين رجليه
نسمة: هههههههه زكرياء خلي عمو عليك
معتز: فردوس حبيبتي اجي عند بابا
خالد:😈حبيبتي مريم عطي العمو عضة فالحنك نتي زوينة .
فادي: كتحماااو دبا واخا غير صبرو نتزوج غندي ربعة فدقة و نجيبي جيشي اهجم عليكم
خالد:(وقف عنقو) ههههههه عمرك تبدل باقي كتعنب
فادي: توحشتك اسااط طولتي الغيبة .
تحط براد اتاي و تلامو الحباب على طبسيل البغرير من إديات مينة الحادكة البنة كيف العادة .

هذ عامين ليدازو تبدلات شحال من حاجة رضوان لنقل مشروعو المغرب و قرر استقر مع مرتو لكتوحم دبا مبغاتش تفرق على مينة وزكرياء طلع شبيه مو غير ادور ويبغي بغريرة وسي معتز ليدار مشروع الحبيبتو لي اخيرا حن قلبها ماشي غير ولات كتبغيه كتموت عليه تزادت عندهم فنكوشة سماوها فيردوس و تاني جاي فطريق إنشاء الله خدمت دراري من حيها القديم فمحلابتها كيف كتسميها هيا منساتش خير جيران ليكل ما سلات طل عليهم واصلا تما سكن خوها ومرتو ونسيبتو واخا تحسن وضعو المادي مفرط فدار فاش كبر و تربا هوا وختو ورت من باه.
معتز و رضوان خداو دار كبيرة ڤيلا وسكنو فيها بجوج مدام العيلات منويانش اتفرقو شافو هداك هو الحل الامتل كيضلو فصباح مجموعين فالمحلبة و بليل دار مهم فاش اتالهاو وحتى من هاجر دخلوها معاهم شريكة اما سي فادي فكيف ديمة الله اهديه .

وهذي قصة مينة مولات البغرير لبعفويتها و تربيتها عرفت تسير حياتها و تحبب ناس فيها ربي جزاها على صبرها و كرمها من عندو بزوج صالح ودورية صاليحة وزيد عليها عائلة كبيرة متالقاش بحالها.
🍳💥النهااااااااااااااااااااااااية💥🍳