Skip links

قصة : مدللة العصبي ج4

 14,161 عدد مشاهداات

💧 مدللة العصبي💧
🔮 Łuž JĶ🔮
💖 البارت 82💖
وهو يدخل للبيرو ديال كريم لقا لقحبة يلاه كتنوض من بلاصتها : اش درتي
سكريتيرة بتحلوين: كنا كالسين انا وموسيو كغيم حتى دخلات علينا وحدا وهو مشا موراها
يوسف تقزز: خرجي تقودي من الشركة عندااااك يقولك كرك ترجعي لهنا الى مصفيتهاش ليك انا فغيديرها هو ليوما يقتلك بسبابك مراتو بكات
شدها من يديها ورماها حدا الباب : قودييييي
خافت ناضت دغيا من بلاصتها جمعات حوايجها وخرجات فحالها
ريتاج لي كتجري ودموع كيطيحوليها مكتشوفش قدامها بسباب الضبابة ددموع حتى كتحس براسها تشدات من يديها وتساطحات مع شي صدر عرفاتو غير هو من ريحتو بقات كتدفع فيه وهو غير كيزير عليها: وااطلقني بعد مني سير عندها
كريم(كيدوز عليها ) : شششش صاف تهدني
ريتاج: ومامهدناش بععد مني
كريم : ريتاج صاف احياتي هداي نشرحليك
ريتاج: اش غتشرحلي اش
كريم: راه هي لي جات داخلة هكاك انا كنت كنتسناها غير تقرب ليا نلصق مها فالحيط ولكن نتي جيتي فداك الوقت
ريتاج: يعني كون ماجيتيش كون خليتها تقرب متر ياااك   ، واطلااااق الغدار طلق
كاع لي فالشركة كيشوفو فيهم
كريم شافهم : قووووودووووااا لشغالاتكم
كاملين هربوا: حياتي والله مانقرب ليها ، راه قبل حتى مانعرفك ماكنتش كنقرب لهاد النوع كنعيف منهم تيقيني عفاك
ريتاج بقات غير كتبكي هي متيقاه ولكن غير كتفكر ان وحدة خرا حطات عليه يديها كتجنن كتحس بيه توسخ
بعدات شوية من حضنو وتعلات كتمسحلو على كتافو فين حطات الكلبة يديها: ملي تمشي لدار سير دوش ورمي هاد الحوايج صاف راك توسختي
كريم بتاسم وهزها عندو : ندير لي قالتلي خوختي 😘😘🤎
💧 مدللة العصبي💧
🔮 Łuž JĶ🔮
💖 البارت 83💖
فمكان اخر كانت كالسة هي ومها وخوتها : هادشي لي سمعت كاملين اختي تزوجو
…: من نيتك مكنضنش بلي كاملين امكن غير البنات وأسد اما صخر هداك خالتي قالتلي انا نديه
الأم : ونوووضي تنعسي ابنيتي راه هداك هو اول واحد غيتزوج باقيلو جوج سيمانات وتديه مراتو
…: واللللله لا كان ليها حياتي كاملة وانا قانية عليه تجي كلبة ديال الخلا تديه ليا
…: الله يهديك اختي راه السيد دبا قرب يتزوج اش غتديري ليه
…: نتي سكتي،  ماشي حيت صاف اسد مدارش ليك اعتبار وبغا يتزوج بوحدة خرا نخلي حتى انا حبيبي صخر تديه وحدة غيري والله لا كانت ليهم وخا نعرف ندير فوق جهدي
الأم وبنتها بقاو غير كيشوفو فيها نضرة شفقة على حالها من صغرها وهي مهووسة بشي حاجة سميتها صخر،  تصاورو معمرين بيتها كامل بغاتو ليها وملي صاقت خبار زواجو متيقاتش ولكن بكثرة مكاتعاودها مها صاف قالت ديال بصح وفبالها غير الشر باغاهم يتفارقو وربي كبير
## بعد مرور جوج سيمانات
تصالحو فيها كريم وريتاج بعدما جراو على ديك الكلبة وهي قالتلو انا نخدم سيكريتيرتك فاللول مابغاش ولكن قنعاتو وخلاتو يدير البيرو ديالها وسط البيرو ديالو باش يشبع فيها غاشوفان،  اما يوسف فعالاقتو غادة مزيان مع اريج ومرة مرة كينوضوها صباط وخاصة مع غيرة يوسف كتخليه يفقد السيطرة على راسو ولكن دغيا كيتصالحو وكيفما كيقول هو راه هاد المشاكسات والمشادات لي بيناتها هما لي مميزين علاقتنا وزايدينها التشويق والإثارة
💧 مدللة العصبي💧
🔮 Łuž JĶ🔮
💖 البارت 84💖
هشام وسليمة لي رجعات علاقتهم باردة من نهار شافت سمية دارتلو هكاك رجعات كتبعد منو وعاطياه نخال وهو هادشي معصبو مزيان ولاعب ليه على الفيزيبلات ديال مخو حتى انه بعض المرات كيتعصب على تلامذ بدون سبب وكينوضها معاهم فالقسم،  ومن داك نهار فوقما شاف سمية قدامو كيخنزر محاملهاش وزيد دبا ملي خلات حبيبتو بعيدة عليه كيتسنى اول فرصة توقع ويشد عليها شي خطأ يديرليها طرد نيشان
سليمة من داك نهار وهي قارمة على راسها وحزينة وخا مكتبينيش ولكن هي ربي لي عالم بيها وملي شافت راسها عيقات عرفات انه رجعات كتحس بمشاعر ماشي ديال الأخ لختو كرهات راسها وكتقول دبا هو دايرني ختو وانا بنت الكلبة طامعة فما كتر  ، وزادت كعات حتى لاحضاتها زئبق شداتها عندها مطلقات منها حتى عاوداتليها  : سمعيني نقولك اسليمة ونجيك نيشان،  خوتي انا كنعرفهم ميمكنش يدير شي حاجة فالحرام ويخليها مستورة راه الى كان باغيها نيشان يجي لدار والى مابغاهاش فمكيدورش جهتها وعلما عاودتيلي باينة هدي شي بنت القاف مقطرة باغا تاخدو وصاف بحال هاد الماركة دازو عليا بزااف
سليمة: ودبا شنو ندير
زئبق : ماديري والو خليك معاه عادية ماتبقايش منخلاه راه حتى انا بان ليا طالع ليه الدم من هادشي لي واقع
ومن داك نهار رجعات كتصرف عادي ولكن عمرها زعمات تهدر معاه كتسناه هو يجي يهدر معاها
صخر يا صخر ، صخر لي مسكين تعدب مزياااااان فهاد جوج سيمانات،  الشوق قاتلو ومحنو ماسمعش هدرت مراتو دبا 14 يوم حاس براسو ماشي فبلاصتو وهوسو بيها غير مكايزيد يكبر وديما كيدوز من حدا باب دارهم وكيوقف نهار كامل بلا ملل ولا كلل و والو مكتخرجش،  حتى من نعاس مابقاش كينعس بزاف الى نعس 1 ساعة فنهار ويفيق،  شركتو هملها كون ما أسد لي واقف على كلشي كون دار فاييت حيت أعداؤو كتار ويقدرو يلعبوها عليه ولكن هو واخا هاكاك حاضي صواريه،
💧 مدللة العصبي💧
🔮 Łuž JĶ🔮
💖 البارت 85💖
جاب تصويرة زئبق ومشا خرجها كبيييرة قد الحيط ودارها فبيتو فينما يدوز من حداها كيبوسها: ضاع عمري مرتين، مرة قبل أن ألقاك، والثانية عندما لم أعد ألقاك.
شنو يدير هاد العاشق المهووس لراسو مابقا قادر يدير والو حتى شافت منال حالتو وبقا فيها قررات تهضر معاه: ولدي واش باقي متصالحتو
صخر : مابغاتش الوليدة
منال: عندي ليك الحل يلاه نديرو شي دويرة عندهم ويشوفها تماك وهدر معاها
صخر فؤح وناض وجد راسو مشا هو وميمتو دخلو بعد سلام والهدرة بين نسا والقايد حمد كيهدر مع صخر ولكن هو ماهناياش كيقلب عليها بعينيه حتى بانتليه سليمة وهو يعيطليها جات عندو وهشام كيشوف فيهم: زئبق فينها
سليمة لي عاودات ليها زئبق اش وقع بينها وبين صخر حيت تفاهمو وتعاودو مع بعضهم،  ولكن حال صخر معجبهاش باينة فيه ضعاف من وجهو مابقاش كاياكل مزيان وتحت عينيه كحل بسباب السهير والتفكير ولكن رغم ذلك وسامتو باقا طاغية فاقت من سهوتها على تحنحينة هشام لي مخنزر فيها: احم خويا راه زئبق مشات عند نهى مكايناش هنا
مشات وخلاتو كاعي ضرب تخنزيرة فكلشي وناض واقف هضر مع مو : الوليدة انا مشيت فالليل اندوز موراك سلم عليهم وخرج ومن تماك كيحاول يشوفها مي والو مكاتبانش ليه
اما زئبق فمن داك نهار ماخرجاتش من دار واستغلات الأمر ناضت تعلمت طياب وبقات على الماسكات والوصفات والرياضة حتى رجعات بومبة نيت خلات راسها ترتاح من المشاكل باش تبان فأبهى حلة نهار زواجها،  زادت بياضت وبشرتها زادت رطوبية حتال نهار لي سمعات بلي صخر جاي عندهوم مابغاتوش يشوفها دبا حتى تصدمو ومشات لنهى باش تهرب منو
💧 مدللة العصبي💧
🔮 Łuž JĶ🔮
💖 البارت 86💖

اما الحيبان ديالنا اسد ونهى لي علاقتهم فوق السلك مكاين غير قولها وضحك عليها مع أسد مفروح مخليها عايشة معاه السعادة لأبعد حد،  ديما المفاجئات ماخلا فين خرجها ومقابل معاها فالصغيرة والكبيرة وكيشري ليها لي بغات وفنفس الوقت حاضي شركتو وشركة خوه لي بانلو فهاد الأونة مهواش حتى عاوداتليه نهى اش وقع مابغاش يدخل قال خليها بينو وبين مراتو
## يوم الحنة هو اليوم لي كيتجمعو فيه البنات مع العروسة وكيديرو ليها الحنة وكيتباكاو حتى كيشبعو
هاد النهار صبحات الدار كاملة فايقة بكري وعلاش لا وليوم حنة زئبق لي ناضت بكري وجاو عندها نهى وأريج وريتاج وحتى سليمة معاهم مشاو للحمام تقليدي مغربي بصلاة والسلام على رسول الله مخلين جيران كيطلو من السراجم دخلوها للحمام حكوها مزيان خرجات كتشعل وكتبري وكلشي لاحض تغيرها فهاد جوج سيمانات خرجو من تماك ضاحكين ماشطين هازين معاهم سطولاتهم ولي دازت من حداهم زئبق كيبارك ليها ماهي عزيزة على كلشي
رجعو لدار وحطو لي معاهم ودخلو كاملين لبيت زئبق يوجدو للحنة قررو حتال غدا عاد غيمشيو لكوافورة تصايبليهم
وصلات لعشية والناس بداو كيجيو وكان كلشي واجد على حقو وطريقو ، جات منال لي وصلها صخر ومشا يوقف مع الدراري لي كانوا كيدخلو الرجال لبلاصة بعيدة على النسا
سالاو البنات اللباس كاملين جاو كيفتنو وجا معاهوم البلدي مواتيهم
اريج وريتاج لي لبسو قفاطن كيتشابهو من غير الالوان لي مبدلين اريج فالموف بارد مع مكياج هادئ وريتاج فالأزرق بارد مع مكياج سماوي،  نهى لي لبسات عليها تكشيطة  فالبيج منبتة بعقيق فالغرونة والأخضر ملكي مع شال فالبيج مكياج هادئ جات زوينة
سليمة لي حتى هي لبسات قفطان فالغرونة مع مكياج خفيف وعكار كرونة مزادها غير فتنة
اما عروستنا فلبسات قفطان فالأخضر منبت بالذهبي ومشيطة معاها تاج دهبي وفيديها خاتمها الألماسي كيبري مع مكياج سموكي وكحول زادت كبرات بيهم عينيها جات فنة.
💧 مدللة العصبي💧
🔮 Łuž JĶ🔮
💖 البارت 87💖
طلعات عندهم  عيشة ودخلات: بسم الله  ماشاء الله  على بنياتي وعريساتي جيتو كتحمقو الله يحجبكم من العين ، (بدات كتقرا عليهم) يلاه هبطو العروسة لتحت راه الصالون عامر بالنسا
خرجات وناضو كاملين بداو هابين فالدروج بالصلاة والسلام والدراري على برا كيسمعوهم وحامية فيهم البيضة باغين يشوفو حبيباتهم كيف وأكثر واحد باغي يدخل هو عريسنا
دخلو البنات وزئبق فالمقدمة دايرة عليها سلهام ماكاتبانش بيه مغطي ليها راسها ولكن هي كتشوف دورات عينيها على النسا كاملين لاحظات وجوه جديدة عمرها شافتها عرفاتهم من عائلة راجلها،  وصلات للبرزة كلسوها البنات وهوما باقين كيصليو على النبي جات النقاشة وبداو الأغاني ديال الحنة لي خلاوها هي وكاع الحضور تقريبا يبكيو معاها
عيشة مابغاتش تبان ليها حيت غطيحليهم تما عوينة وحدة لي عندها وهاهي مشات هي لولة كيفما قالوا ناس زمان سبق زواج  البنت على الولد
الرجال على برا كيسمعو نواح حتى نطق أسد لي حابس الضحكة: اصاحبي هاد النسا عالام كيبكيو على أبسط حاجة،  انا بقات فيا غا حبيبتي مابغيتهاش تبكي
قرفدو يوسف : علاه غانتا لي عندك حبيبتك راه كاملين اساط ولكن ماعندك مادير ضروري يعيشو هاد الأجواء حيت صعييب عليهم يخرجو من دار باهم لي عاشو فيها حياتها كاملة وخاصة زئبق كانت ختنا الوحيدة،  الوليدة غتكون مقهورة غير مابغاتش تبين،  أما الوليد مابغاش يبان اصلا حيت عندو زئبق هي عينيه باش كيشوف غير حنا ملي كنغوتو عليها كينوض لينا وخا غير بالضحك وهاهي دبا جا لي يديها وكون ماكناش تايقين فخويا صخر انا براسي ماغانخليهاش تتزوج
صخر لي كان كيسمعهم: اصلا كنت غنقتل اي واحد غيييير يفكر فالزواج بيها،  نحرو ندير جمل(عينيه ظلامو)
الدراري كان كايحساب ليهم من غيرتو كيهضر وصاف من غير أسد لي سرط ريقو عارف خوه كيقتل بدم بارد بلاما يرمش ليه جفن وأكثرية ملي كتكون الحاجة متعلقة بشخص خاص بيه عندو القتل بحال شريب الما
💧 مدللة العصبي💧
🔮 Łuž JĶ🔮
💖 البارت 88💖
نرجعو عند البنات
زئبق لي بدات كتبكي بجهد والنقاشة كتنقش ليها حتى كتشوفها كتحرك بجهد طلعات فيها عينيها لقاتها كتنفس بجهد والتنفس مقطوع فيها دغيا عيطات للبنات وقالتها ليهم ناضو جابوليها الما وجات نهى وقفات عليها كتقرى عليها القران حتى بدات كتهدن وهي باقا كتبكي سالات ليها النقاشة دغيا حيت أصلا زئبق طلبات الحنة غير خفيفة بقات كالسة تماك وجات حداها سليمة كيهضرو وجاو البنات عندها حتى سولات ريتاج: ريتاج شكون هادوك
ريتاج دارت تشوف وهي تلقا خالتها: اه هاديك خالتي فاطمة ولي حداها بنتها فاطمة الزهراء ولي حداها هاديك ختها رحمة بففف اش غنقولك غير كدبو ليها فالسمية كانو خاصهم يسميوها لفعة
قرصاتها اريج : سكتي الحمارة راك كتهضري بجهد عندك يسمعونا
زئبق : ايوا صاف اش غانديرو بيها خلينا منها وهادوك( بدات اريج كتوريها كل واحد وشكون حتى كيصوني ليها تيلي هزاتو لقاتو حبيب القلب) : احم الو
كريم: الحب صافا
اريج : بيخير ونتا( كدور تشوف فالبنات لي كيضحكو عليها)
كريم : مامزيانش هاد الساعة
اريج: مالك واش مريض
كريم: اه
اريج : باش مريض ياك يالاه كنتي صحة سلام
كريم : اجي عندي وتعرفي
اريج بصح خافت يسحابليها غير ضرباتو شمس حيت من صباح وهو فيها نهار كامل: واخا واخا فينك
كريم : اجي للباب لورانية
اريج قطعات معاه وهضرات مع البنات: لبنات هاني غنجي دبا شوية
نهى : اودي غا سيري سيري عارفين ديك شوية ديالك
ناضت اريج خارجة مع الوقت لي كيتحط فيه العشا للرجال وكان معاهم حتى الفقيه لي كان كيقرا معاهم القرآن،  عليها مابقا حتى راجل يدور تماك من غير أبطالنا

💧 مدللة العصبي💧
🔮 Łuž JĶ🔮
💖 البارت 89💖
عند كريم بعدما سالا مع اريج دار شاف فيهم: الدراري من بعد ونجي
أسد: وااايلي قبلات تجي اذن سلاو الحنة  ، سير سير الله يرضي عليك انصوني لحبيبتي حتى انا
مشا كريم وهو يبدا أسد كيصوني لنهى ضار وشاف حتى يوسف دار بحالو من غير صخر لي مخنزر باغي حتى هو يصوني ولكن عارفها مغاتجاوبش،  اما هشام هاداك غاسل يديه من تيلي عارفها واخا يصوني اتجاوبو بجواب عادي اولا بارد وهادشي غير ماغايزيد يشعلو
أسد: نهى حبي
نهى حتى هي بدات كتطلق معاه: نعام الحب
أسد: احح وكيخارجة من فمك بحال العسل خرجي خرجي عندي الكبدبد راني موحشك وباغي نشوف كيجاك البلدي مع الحنينة
نهى ضحكات: الحنة باقي مادرناها حتى نتعشاو
أسد: واخا هانية مهم خرجي عندي
نهى : اوكي
# يوسف و اريج
يوسف: جيري لباس
اريج: اش كنقولك اسي يوسف على هاد جيري
يوسف : صاف صاف ينعل لي يقلق ليا الحبيبة ديالي
اريج: جيني من الخر اش باغي
يوسف : طلعي لسطح دبا
اريج: اويلي وغنخلي زئبق هنا
يوسف : ومالها زئبق غيسرقوها
صخر كان واقف حداه قرفدو: غير عاود هضر عليها لما وريتكش اش كنسوى ختى من ديك ختي والله لابقيتي حلمتي بيها
يوسف : سموحات الساط،  احم ختي زئبق الزوينة ديال خوها(صخر عاود ضربو للراس ) احم بغيت نقصد زوينة ديال راجلها ماغادي يوقع ليها والو كاينين النسا معاها ايوا طلعي الله يرضي عليه
اريج: غا هو لي كيعرف ليك،  صاف احنيني بقيتي فيا هاني طالعة
💧 مدللة العصبي💧
🔮 Łuž JĶ🔮
💖 البارت 90💖
قطع معاها وشاف بجنب عينيه بانليه صخر ملاهي كيشوف من سرجم على أمل تبانليه زئبق،  وهو يسلت قبل مايشوفو
هشام تنهد وهو يدور عندو صخر غمزو : اش تم
هشام: اش غنقولك اخويا البنات كيفهمو غا لي عجبهم
صخر: واش واقعة ليك شي حاجة مع شي وحدة
هشام : اه البنت لي كنبغي حاسباني خوها وكتعيطلي غير خويا وداك نهار جات عندي واحد بنت الطيط للقسم وبغات تقرب ليا وهي تفتح الباب فهماتنا غلاط وخرجات من تماك كتصرف معايا عادي و ببرودة وملي هضرت معاها قالتلي هادي حياتك ونتا تعرف فيها اخويا
صخر حط يدو على كتفو كيطبطب عليه : على حسب معرفتي كنضن جاتها الغيرة من ديك البنت وصاف
هشام: ولكن شحال من مرة حاولت ندوي معاها ولكن مابغاتش
صخر: وتانتا اصاحبي كتتساهل مع بنادم ملي تتلاقاها مرة خرا جرها من يديها وديها لشي بلاصة بوحدكم وهدرو كنضن غاتفهمك ، بعدا واش هادي شي وحدة قاصر 🤨
هشام : كتقرا عندي
صخر جابليه ضحك : واهاد البنات كيديرو فينا حالة
هشام: نيت راه ختي دايرة فيك حالة هاد اليام بنتيلي ضعافيتي من وجهك شي شوية وخا تكلضيمة باقا كاينة
صخر : غير مع ستريس الخدمة والعرس ، ماديرش فبالك
نرجعو عند البنات ، زئبق شافتهم كاملين ناضو من حداها بقات غير هي وسليمة: حبيبتي سيري عند ماما قولي ليها واش ممكن نطلعو للبيت وخلي نسا ياكلو حتى تيبس ليا الحنة ونحيدها ونهبط
سليمة ناضت تلبي طلبها : عمتي
عيشة: نعام ابنتي
سليمة : زئبق قالتلك بغات تطلع حتى تيبس ليها الحنة ونرجعو نهبطو
💧 مدللة العصبي💧
🔮 Łuž JĶ🔮
💖 البارت 91💖
عيشة: اه وخا طلعي معاها ابنتي ماتخليهاس بوحدها
سليمة: ماتخفيش اعمتي
مشات سليمة عند زئبق علماتها وناضت واقفة والمصورة تابعاها من لور وسليمة كتصلي على النبي حتى طلعات للبيت
صخر و هشام سمعوهم وهما يشوفو فبعضهم بتاسم وبتاسم جنب وطلعو مع بعضهم : هشام نتا فين غادي
هشام: عند حبيبتي
صخر كيحسابليه داوي على زئبق عطاه ركلة لضهرو بخفة: واراها حبيبتي انا قول نتا غير ختي باراكا عليك حتى ديك ختي بزاف ( كيقولها وهو مخنزر)
هشام ضحك عليه: الاا اساط راه قصدت لبنت لي كنبغي ( حم مؤخرة راسو بإحراج) : احم هي بنت عمي ، سليمة
صخر بتاسم : امم يلاه زيد وخرجها معاك خليني مع مراتي بوحدنا
وصلو لبيت زئبق دقو وسمعو دخل وهو يسبق هشام شافتو زئبق بتاسمات وهو عينيه غير على حبيبتو وكيف جا معاها الجرونة قتااال،  هبط عينيه لختو لي جالسة على الكرسي مشا وقف عليها وباسليها راسها: الحبيبة ديال خوها صاف قربتي تخوي دار
زئبق هبطوليها الدموع لا اراديا مسحهوم ليها هشام: صاف صاف هاني خارج غير ماتزيديش تبكي ، سليمة اجي معايا
سليمة شافت فيه بتفاجأ وشافت فزئبق لي حركات ليها راسها تنهدات وزادت قدامو وهو عاود باس راس زئبق وزاد خارج للباب فتح الباب بانتليه سليمة كتشوف فالحيط دار لقا صخر متكي حدا الباب ربت ليه على كتفو وشد يد سليمة جارها موراه
صخر لي وقف حدا بابها تنفس مزيان وشحال توحشها جوج سيمانات ماسمع صوتها كونما الاوديوات لي بيناتهم وتصاورها كون تسطى ، خدا نفس عميق وقلبو كيسمعو كيزدح هز يديه وهو يدق فالباب تسمع دخل فتح الباب و………
💧 مدللة العصبي💧
🔮 Łuž JĶ🔮
💖 البارت 92💖
نمشيو عند كريم كان وصل للباب لورانية واقف تماك حتى كيشوفها جاية بقفطانها الأزرق وكيف جا معاها الأزرق كيحمق مع بيوضيتها،  بقا كيشوف فيها شحااال حتى وصلات حداه لقاتو ساهي فيها وهي تحشم : مازادك الحياء إلا جمالا
ابتسمات على كلماتو لي كدخل ليها مع الأعماق وكتخاي الفراشات يتحركو فكرشها: احم واش باقي مريض
كريم غير كيشوف فيها : تؤ ملي شفتك بريت
ريتاج: احم جيتي وسيم ( كان لابس جبادور فالأزرق) كأننا اتفقنا على الألوان هههه
كريم: ونتي جيتي فااااتنة وجا معاك البلدي اقلبي بغيت ندخلك داااااخل القلب ديالي ونخبيك ونسد عليك بشي ساروت نبقا نشوفك غير انا
ريتاج ضحكات على كلامو : ودبا صاف شفتيني خليني نمشي عند البنات حشومة نخلي زئبق تماك بوحدها
كريم حرك ليها راسو وهو ؤجبدها عندو باسها من راسها وهبط باس عينيها وداز لحناكها يلاه غيبوسها من فمها هربات منو : هههه من بعد
كريم: وخا فيك
مشات كتجري دخلات للدار
هو ضحك عليها وزاد غادي لجهة الدراري ملقاهومش تماك وهو يمشي يدخل عند الرجال كانو سالاو الماكلة كلس معاهم وهما كيباركو ليه على زواجو
أما عند يوسف طلع للسطح لقاها عاطياه بالظهر وكتشوف على برا وهو بقا موراها كيشوف فيها جاها البلدي ناااضي نيت: احم
دارت عندو شافتو ابتاسمات جات عندو وقفات حداه هبط ديك ساعة باسها عاطي للكل شفاه حقها حتى تخنقات وبدات تدفع فيه: اووو واقصحتيني
يوسف : باقي مادرت علاش نقصحك
اريج: هانا شفتيني وخليني نمشي دبا
يوسف : وجااا معاك البلدي ابنت خالتي منال
اريج بدات كدور عليه تماك: طبعا انا كلشي كيجي معايا
يوسف : ياربي ثقة لمن عاطيها
اريج ضرباتو لصدرو : ياك مالي مانستاهلهاش
يوسف ابتاسم وجرها من خصرها عندو: لا تستاهلي الحب تستاهلي
اريج ابتاسمات : يلاه غدي نهبط عندك يطلع خويا يجي يلصقني هنا معاك 😅😂😂
يوسف طلق منها : اولله غير يدوزو هاد العراسات غنجي نخطبك رسمي ونضربو صداق فنفس النهار
اريج: شنو لا لا ماشي فنفس نهار
يوسف : علاش ، خلينا نديروه فنفس نهار والعرس مور جوج سيمانات شنو قلتي
اريج : امم صاف واخا
يوسف فرح وزاد باسها مطلقها حتى تخنقات وزادت هاربة منو وهو هبط عند الرجال لقا غا كريم لي تماك
أسد لي خرجات عندو نهى : هاي هاي هاي على البوكوص ديالي وكيفجا كيحمق بالجبيبيدر
أسد : وكون تشوفي نتي احبي جيتي فاتنة دخلي دخلي لداخل عندك يشوفك شي واحد
نهى : هههه صاف واخا يلاه حتال ليل ونهضرو ونوريك الحنة ديالي
أسد: وماتعمريش صاف
نهى: اوووك
عند هشام لي جر سليمة من يديها وداها دخل لبيتو وسد الباب: مالك ا هشام ياك لباس
هشام : سليمة مالك معايا
سليمة : مالي اش درت
هشام: هدا هو المشكل مادرتي والو علاش كتصرفي معايا ببرودة ، تشنو درتليك انا
سليمة : نو كنتصرف عادي كيفاش بغيتيني نتصرف متلا
هشام: شوفي سليمة واش على داك نهار ملي شفتي ديك الكلبة معايا انا..
سليمة : انا ماشغليش فحياتك نتا حر فيها
يلاه غتمشي حتى شدها من يديها مزير عليها : ولكن انا شغلييي حيت حياتي هي نتي

💧 مدللة العصبي💧
🔮 Łuž JĶ🔮
💖 البارت 93💖
سليمة كتشوف فيه بصدمة: كيفاش
هشام : كيفما سمعتي
سليمة : هشام خويا شوف..
هشام (بعصبية) : وماااتقولللليييييش خوياااا ماتقوليش خويا واش كاين شي اخ كيبغي ختو واش من نيتك
سليمة: امكن غير ولفتيني وصاف و
هشام: سليمة واش كتبوهلي عليا ، حضري معايا عقلك ، انا كنقولك بصريح العبارة باغيك الالة وباغيك للحلال ماشي للتفلية
سليمة : و و سمية
هشام: هاديك راها هي لي كترمي راسها عليا،  انا من أول نهار شفتك فيه بغيتك و كانت هادي اول مرة نبغي شي وحدة فحياتي او بالأحرى نتعجب بشي وحدة , تقدري تقولي انا باقي فيرجن ، احم شنو قلتي نتي
سليمة غير كتشوف فيه الصدمة باقا مأثرة عليها: فاش
هشام شافها مدوخة بدا كيدي ويجيب فيها حتى زعزع ليها المخ : وااااسليييمة حضري راسك معايا ، كتقولك كنبغيك ونتي
سليمة : احم اناااا فففف عطيني وقت نفكر صاف
هشام طلق من يديها : واخا من هنا حتال غدا نلقا جوابك صاف
سليمة حركات ليه راسها وخرجات كتجري وهي كتسوط على وجهها رجعات حمررررة بجهد ماتوقعاتش بتاتا انه يعتارف ليها وهي لي كانت كتقول امكن هي كتفهم اهتمامو غلط هو كيهتم بيها بحال ختو حتى انها كرهات راسها ولكن دبا رجعات فيها الحيوية فكرة انه كيبغيها حمقاتها
# صخر و زئبق
دق فالباب وسمع دخل فتح الباب بشوية كيشوفها عاطياه بالظهر ولابسة القفطان مع مشيطة وتاج جات كتحمق قلبو بدا كيضرب بجهد حتى انه شك وصلها صوتو حنحن ديك ساعة دارت عندو شافت فيه وتوقف الزمن بيناتهم ، بقاو كيشوفو فيعضياتهم لمدة دقائق حتى عاقت براسها وحنحنات فاق من سهوتو وبدا كيقرب ليها وهو كيسكانيها بعينيه حمقاتو دوخاتو نيت حتى سمعاتو كيهدر : حبيبتي أشتاق ويقتلنى حنيني اليكي أشتاق للحظات حب وجنون معك اشتاق للحظه سكون وهدوء بين احضانك لاسمع نبضات قلبك اشتاق ان لا يتكلم معك سوى صمتى وتكون نظراتى هى لغتى وعزف الحانك تكون دقات قلبى يامن ملكتي كل نبضى وتوجتك ملكه على عرش مملكتي احبك .
💧 مدللة العصبي💧
🔮 Łuž JĶ🔮
💖 البارت 94💖
زئبق حشمات وهي كتشوف فيه كيقرب انفاسها بدات كتعلى وقلبها كيضرب بجهد وقف حداها ودور يديه على خصرها مقربها بشوية بشوية عندو حتى فجأة عنقها عندو بجهد كيشم فريحتها لا ولات ادمان بالنسبة ليه بحال شي مخدر كيذهب العقل هكاك هي بالنسبة ليه زاد زيرها عندو حتى حسات بعضامها تلاصقو وحتى هي حاوطات خصرو مزيرة عليه كانت هاد 15 يوم حقا كافيه تخلي هاد العاشقين يعرفو حر الشوق وكيتمناو انها تكون اخر مرة ، بعدات عليه شوية وهوات يديها حطاتها على لحيته ، اصابعها الرقيقة كتخلل داخل شعيرات لحيته وهو كيشوف فعينيها ببريق خاااص ليها غا بوحدها : مالك ضعافيتي هكا همم
صخر : دمعة تسيل وشمعة تنطفي والعمر دونك يختفي ومن دونك قلبي ينتهي.
زئبق عينيها عمرو بدموع : متقولش هكا ، انا ماباغاش قلبك ينتهي انا باغا نحييه،  و بغيتك تحس بقيمتي فهاد جوج سيمانات
صخر : علمتني الشوق وعرفتني بالحب.. وكرهتني ثلاثة: غيابك.. وبعدك.. وفراقك .
فهاد جوج سيمانات خليتيني نعرف انه حياتي بلا بيك ماعندها حتى معنى احياتي ، سمحيلي على اخر مرة انا كان كيحسابلي بلي غتعجبك المفاجأة نسيت انه لي حدايا حياتي لي خاسني نشاورها فكلشي
زئبق شدات راسو بيديها بجوج وهبطاتو عندها باستليه راسو ودازت باستليه حناكو بجوج وبعدات : أريد أن أخبرك بهذا الوقت إني أفكر بك.. أنتظرك.. أشتاق لك.. والأهم من ذلك أني أحبك جداً
صخر بفرحة اخيرا اعترفت ليه : الله يرضي عليك ، احم صاف صفات الخواطر
زئبق: من شحاال 🙄🤭😂
بعد صخر عليها وشدها من يديها كيدورها : هاي هاي هاي جات معاك هاد جوج سيمانات
زئبق: طبعا احم احم ، راه رتاحت نيييت
صخر : ياك بعدا همم
زئبق: غير ضاحكة معاك احبيبي
صخر : هممم زيدي تهبطي يلاه
زئبق: (كتوريه يديها) كيجاتك بعدا الحنة
صخر كيشوف فيديها لي مغسولين وفيهم حنة خفيفة جات مع يديها البيضة كتحمق: اي حاجة كديرها زئبقي كتجي معاها(شد يديها بجوج باسهم من برا وداخل )
زئبق كتبتاسم بخجل : تزداد المرأة جمالاً عندما تزداد وجنتيها احمراراً .
💧 مدللة العصبي💧
🔮 Łuž JĶ🔮
💖 البارت 95💖
زئبق زادت خجلا : احم مالك اليوما هلى هاد الأشعار
صخر : باقي ماشفتي والو احبيبتي ، يلاه زيدي نهبطو
زئبق حركات ليه راسها : عيط بعدا للبنات باش يهبطوني
صخر مشا وقف حدا الباب لقا سليمة واقفة تماك حمرة حتى هيا عرف ان هشام قاليها شي حاجة عيط ليها : نعام اخويا صخر
صخر : عيطي للبنات يجيو عند زئبق بغاتهم يهبطوها
سليمة : وخا
هبطات سليمة لقات نهى : فيناهما الحلاقم
كانوا موراها سمعوها: هااي هاااي على البرهوشة حتى نتيييي كتعيطي لينا الحلاقم
سليمة : دبا خليكم مني زيدو نطلعو قبل مايجي نسيب يجمعنا بربعة بينا هنا
ريتاج: اويلي خويا علاه مالو
سليمة: قالك زئبق بغات تهبط وبغاتنا نهبطوها
طلعو عندها كيجريو لقاوه واقف فالباب عاقدهم : لا غير زيدو واحد نص ساعة خرا
ريتاج: سمحلينا اخويا
فتح ليهم الباب وزاد سابقهم عندها باس فوق راسها والبنات موراه كيشوفو فيه بصدمة واش هدا نيت صخر هبط ليها داك سلهام على راسها وشد يديها وشاف فيهم،  هوما فهموه وبداو صلاة وسلام على رسول الله هبطوها فالدروج ودخلو بيها للصالون الكبيير ، والبنات كيوشوشو وعلاش لا وهما كيشوفو صخر وخا عائلتو ولكن شحااال مشافوه (حيت صخر كيفما قلت فاللول كان اغلب اوقاتو كيقضيها فأمريكا) دخلو كلسو فالبرزة وهو شاد يديها عندو بتملك ، حتى كيشوف خوتو داخلين وموراهم واحد الفرقة ديال البنات عرفهم غا شيخات شاف فخوتو باش يأكدوليه كلامو حتى كاملين بداو كيشيرو لأسد وهو كيضحك ضحكة صفرة زعما ماشي أنا
ايوا بداو ليك الشيخات سخنو القضية مكاين غاشطيح
زئبق كتشوف بنص عين فصخر عندك يشوف فيهم
💧 مدللة العصبي💧
🔮 Łuž JĶ🔮
💖 البارت 96💖
وهو اصلا كان كيشوف فيديهم بجوج كاع ماداها فلي داير بيه بتاسمات ودورات راسها كتشوف فالبنات كل وحدة مع حبيبها وراجلها زادت بتاسمات حتى دورات راسها على نسا وبالصدفة شافت فبنت خالت راجلها ” رحمة” لقاتها كتخنزر فيها وكتشوف فصخر بزاااف
زئبق فهمات نظراتها وعلاش لا وهي بنت بحالها نظراتها لراجلها مفروووشششيين كتطلع وتهبط فيه وعينيها قربو يخرجو منهم القلوبة،  زئبق زيرت على يديها لي شادها صخر حتى شاف فيها : مالكي
زئبق : والو
صخر: بدينا من دبا بأنك تخبي عليا هممم
زئبق: واخا نقولك ولكن ماضحكش عليا صاف راني غير حمقة بعض المرات غير كنخرف
صخر : اغييير قولي فين عمري انا ضحكت على حياتي
زئبق بتاسمات ليه ودارت شافت فرحمة: ديك بنت خالتك رحمة ولا مانعرف اش سماها الله مالها كتطلع وتنزل فيك ياك شي باس مكاين
صخر شافها فين كتشوف وهو يخنزر كيشوف فرحمة كتشوف فزئبق وكتخنزر : بلاما تدي عليها
زئبق : هي كاينة شي حاجة
صخر : خلي مور العرس ونعاودلك صاف
زئبق حركات ليه راسها وسكتات كتشوف فيها مخنزرة حتى هيا حتى خلات رحمة تهبط عينيها
فاطمة الزهراء: رحمة حيدي عينيك من السيد هاهو تزوج بعدي عليه حسن ليك باينة مراتو ماشي شي وحدة ساهلة
رحمة: اولللله لا كانت ليهم ، مغنخليهمش يعيشو مرتاحين ، غدي نخليهم يتفارقو مور شهر بالحساب وهانتي غتشوفي
فاطمة الزهراء كتشوف فختها الشر كيخرج ليها من العينين  تنهدات ودعات معاها  فخاطرها بالهداية ودورات عينيها كتشوف فأسد واقف مع نهى كيضحكو الحب خارج ليه من عينيه وباينة فيه فرحان بتاسمات وهبطات دمعة من عينيها على حبها ليه من سنين ولكن مكتابش وهي مآمنة بالله وعارفة انه مكتوب ليها شي واحد اخر مامتانعاتش ابدا على قدر الله،  هبطات دمعة من عينيها ومسحاتها بالزربة وبتاسمات كتصفق مع الموسيقى
💧 مدللة العصبي💧
🔮 Łuž JĶ🔮
💖 البارت 97💖
داز الوقت مشاو الشيخات فحالاتهم وهما يشعلو موسيقى هادئة جاو البنات والدراري نوضو صخر وزئبق للوسط وهو ابتاسم شد يديها بين يديه ويد دارها على خصرها زاد قربها عندو وهي حاوطاتو بيديها وبدباو كيرقصو بهدوء غير بيناتهم والضوء طافي عليهم تسلط الضوء عليهم بجوج وهو كيدور بيها بحرية فالمكان حتى بشوية لحقو عليه خوتو كل واحد شد وحدة بين يديه ضحكات زئبق عليهم وزادت تخشات فحضن صخر ، الحضن لي توحشاااتو بزاااف اما هو كتر منها غير كيشم فريحتها وكيتمنى انه تبقا دييييماااا هكا لاصقة فيه اولا يديها لشي بلاصة غا هو وهي ويسد عليهم مايشوفوش حس البشر باش نيت مايشوف فيها حد : زئبق
زئبق طلعات راسها فيه : نعام
صخر زيرها عندو : نتي ديالي ياك
زئبق ضحكات : زئبق لصخر وصخر لزئبق
صخر : مزياااان دبا نتي عاطياتي الضو الخضر
زئبق استغربات : لآش
صخر ابتاسم ليها : والو ماديريش فبالك،  يلاه نكلسو
شد يديها ومشاو كلسو بلاصتهم حتى تسالات الأغنية ورجعو لي كوبل الأربعة لطبلة وحدة
تسالا نهار الحنة وبداو النسا كيمشيو بقات غير العائلة او نقولو غير الأسرة
البنات كانو دايرين على زئبق كيهضرو معاها : مرات خويا عفااااا لما قولي ليه يخلينا نباتو هنا
زئبق : ريتاج اقدر يخليها ولكن نتي ا اريج مانعرف واش غيبغي
اريج: وهاااا العار لما شوفي كيديري ليه راه كيسمعليك نتي
زئبق تنهدات و وقفات مشات حتال حداه كان هو مع الدراري كيهضرو : صخر
دار شاف فيها و وقف مبتاسم : زئبقي
زئبق : واخا نهضر معاك
صخر شد يديها وخرجو كن الصالون : شنو
زئبق : انطلبك طليبة
صخر شد يديها باسها : نتي غير امري وانا نفذ
زئبق : عفاااك خلي البنات ينعسو معايا هاد النهار هاا شنو قلتي واش واخا
#يتبع
💧 مدللة العصبي💧
🔮 Łuž JĶ🔮
💖 البارت 98💖
  صخر كيشوف فيها كيفاش كتسبل عينيها كي شي مشة تنهد : كون طلبوهالي هوما مكنتش غنبغي ولكن على قبل زئبقي نفذ أي طلب وإلى بغات عيني نعطيهومليها
زئبق ضحكات وطلعات باستو من حنكو : ههه لا دبا عينيك خليهم عندك باقا محتاجة فيهم يشوفوني واش جيت زوينة ولا لا
صخر : كيف ما كنتي غتكوني زوينة فعيني فقط ، انا باغي هاد البشر كاملين يشوفوك خايبة باش مانقتل حد
زئبق شداتو من يديه كتلعب بيها: احم صخر واقولي على ديك رحمة
صخر : ياكمااااااا
زئبق: ياكما اش
صخر : ياكما جاتك الغيرة منها
زئبق : شناااهوااا ها ها ها ، من نيتك علاش غتجيني الغيرة من ديك عود سفود،  غير هو انا حاجتي عزيزة مكانبغيش يفكر فيها ولا يشوف فيها ولا يلمسها شي واحد من غيري  والى فكر يديرها نقدر نقتل وعادي😉
صخر ضحك : قطتي الشرسة،  نتي ماعليك غير تشيريلي لشكون هدا ولا هادي لي كتشوف فحاجتك و انا (شد يديها بين يديه) نقتلو بلا ماتوسخي يديك نتي
زئبق: ودبا عاودلي
صخر جرها جلسها على واحد الفوطوي: دبا هادي 3 سنين كانت جات خالتي معاها بناتها بجوج فاطمة الزهراء و رحمة،  انا كنت فأمريكا داك الوقت ايوا بقاو معانا فالدار شهرين ، كان بقالي شهر ونرجع ملي جاو هوما  ، ايوا داز شهر وجيت لدار حتى كنلقاهوم تماك جاو سلمو عليا خالتي وبنتها صغيرة سلمو عادي ولكن هيا باستني من حنكي مزيرة عليا و ( زئبق هزات كاغيط كان محطوط على الطبلة وبدات تمسح ليه حنكو بجهالة) ارسااي
زئبق: الكلبة والله ونشدها مايفكها مني فكاك
صخر :غيرة الراجل تجي وتروح وغيرة المراة تقتل الروح
زئبق نفخات : كمللل
صخر : ايوا ديك ساعة عرفت انها ناوية على الغدر ، دازو شي ليالي،  واحد الليلة كنسمع الدقان فالباب ديال بيتي،  انا كيحسابلي الوليدة حيت حتى واحد مايتجرأ يقرب لبيتي،  فتحت الباب ولقيتها *فلاش باك:
تسمع الدقان فالباب ناض يفتح الباب وفتح معاه عينيه من الصدمة كانت بنت خالتو لابسة شوميز دونوي كلشي كيبان منها حتى من ريوس بزازلها باينين،  خنزر فيها : اش بغيتي
تقدمات ليه وحطات يديها على صدرو: بغيتك نتا
صخر باستهزاء : مكانش كايحسابلي بلي معانا القحاب فالدار
💧 مدللة العصبي💧
🔮 Łuž JĶ🔮
💖 البارت 99💖

رحمة : صخر انا كنبغيك و
صخر : انا كنبغي غير راسي و واخا يجي شي يوم نبغي شي وحدة مغاديش تكون قحبة بحالك ودبا قودي من حدايا
رحمة كتشد فيديه: صاف ديرني عاهرتك مهم تبقى معايا
صخر: حتى هادي لا ولادي  عزاز عليا مبغيتش نخسرهم فقحبة دالخلا
رماها برا وسد الباب وهكاك بقات كل ليلة حتى رجع لأمريكا مابغا يقول والو لمنال حيت غتحشم من ختها  ، ولكن أسد كان جاب الخبار ومن تماك فوق ما سمعو حسهم مذكور فالدار كيتقززو من الموقف
*اند باك *
زئبق : نااارييي ونشدها ناااري شدني عليها راه غنمشي ليها حتال لدار نقتلها ونتهنى
صخر شد وجها بين يديه: زئبقي انا عاودتليك هادشي باش مايبقاش بيناتنا حتى سر،  وحتى نتي  الى كان عندك شي سر ماتخبيش و قوليهلي
زئبق : انا اممم ماعندي حتىىىى( تفكرت انها قبل مايبان فحياتها كانت زهواينة نيت ولي جا كتعطيه النمرة ولكن غالطة باش مايصدعوهاش ) احم حتى سر
صخر : متأكدددةةة
زئبق حركات راسها و وقفات: انا انا انمشي عند البنات
مشات وخلاتو كيشوف فيها من لور داك الخير كيتهز وكيتحط معاها تنهد وبدا كيفكر عنداك تكون مخبية عليه شي حاجة
زئبق مشات عند البنات وجهها حمر حابسة البكية: البنااات
تجمعو عليها كل وحدة من جيهة خلاو الدراري مستغربين ومشاو عند صخر
💧 مدللة العصبي💧
🔮 Łuž JĶ🔮
💖 البارت 100💖

ريتاج : اش اش قالك ، امدرا بغا بغا
زئبق : بغا بغا
ريتاج وأريج نقزو عنقوها وكيبوسو فيها : احسن مرات اخ فالعالم
زئبق بعداتهم عليها : ودباااا خليكم مني ، راه مشيت فيها غيقتلني مافيهاش
نهى : اش درتي اصكعة ليام
زئبق : نهى عاقلة على حياتنا قبل مانتلاقاو بصخر
نهى: كيفاش
زئبق: والخرية،  تزهواانييت
نهى ضربت ليها طننن فالراس: اويلي اويلي على الحمارة ياكما قلتيهالو
زئبق: مقلتهالوش نتي باغا يقتلني
سليمة وريتاج وأريج غير كيشوفو: اش كاين فهمونا
نهى: احم دبا بيناتنا البنات حنى كاملين كندوزو من هاد المرحلة ديال الزهو ايوا  حنى كنا زهوانيات من الطراز الرفيع ولالة زئبق كان لي جا يطلب نمرتها كتعطيه نمرة غالطة واسم غالط و(قبل ماتكملها سمعات صوت بحال شي أسد زأر)
زئبببببببببببببببق
زئبق دارت بالعرض البطيئ كتبلع ريقها وهي كتشوف فيه وحش بعينين حمرييين وجهو رجع احمر بكترة ماتحقن فيه الدم العروقة دجهبتو طراساو: البنات مشيت فيها
اريج كتبلع ريقها: الله يرحمك
ريتاج ناضت واقفة قربات تبول: كنتي انسانة مزيانة
نهى وسليمة هربوا اصلا : حنا ماتسالينا غير نحضرو فجنازتك
زئبق : وخا فيكم الكلبات(يلاه ناضت باش تهرب حتى لقات قباض الرواح فوق راسها ابتاسمات ببلاهة): صخري
نرجعو لدقائق ملي مشاو الدراري عند صخر
صخر شاف أسد مشا شنق عليه: اش داك لشي شيخات نتا
أسد: وبغينا نزهاو اخويا عرسك ومنزهاوش فيه
يوسف : وباز ليك اخويا ، انا اريج كانت غتاكلني بعينيها عندك نشوف فشي وحدة
كريم: انا مراتي كتيق فيا كاع مشافت فيا اصلا
صخر : راه البنات غيبقاو هنا اليوم ينعسو مع زئبق
يوسف نقز من الفرحة: واايلي
صخر خنزر فيه: نسمع انك درتي من ديك جيهة نعلقك من رجليك
يوسف حنحن : لا لا اخويا ماتخافش
صخر صغر فيه عينيه: اجي فيناهما بعدا
اسد: خلينا ختي زئبق تعاود ليهم شي حاجة
صخر: يلاه نشوفوهوم
دخلو مع الهدرة ديال نهى نيشان
اااند
💧 مدللة العصبي💧
🔮 Łuž JĶ🔮
💖 البارت 101💖
زئبق: شوف حبيبي خليني غير نشرحليك
صخر شدها من يديها مزير عليها عينيه ظلامو مكايشوفش داها لطوموبيل بغاو يلحقو عليها خوتها وقفهم بصوتو: لي قرب خطوة وحدة مغانعقلش عليه
أسد بلع ريقو وشدهم: تهندو راه مغايدير ليها والو راه يقطع يديه قبل مايأديها
خنزرو فيه بتلاتة ودخلو كل واحد كيخنزر فوحدة وأولهم أسد : اذن اللالة نهى حتى نتي كتزللي ليا بالزوامل مع راسك هااا
نهى: أسد شوف أنا انا
أسد : قدامي
نهى : ها
أسد بصراخ: واااقدااااااميييييي
طلعات كتجري فالدروج ولحق عليها مخلي البنات ب3 مع الدراري ، البنات كيرجفو
ريتاج: كريم سمعني انا والله ما هكا و
كريم وقف حداها وهي غطات على وجهها حيد ليها يديها من وجهها وباسها فراسها : انا عارف احبيبتي
ريتاج طاحو دموعها : يعني متيقني
كريم : والى ماتقتش بمراتي بمن بغيتيني نتيق
ريتاج عنقاتو بجهد وهو هزها طالع بيها لبيتو
أما عند توم وجيري
اريج كتقفقف ورغم ذلك الجبهة ديما حاضرة: يوسف نتا عارف انا ماشي هكا
يوسف معصب : وشنو ضامن ليا هادشي
اريج: شوف يوسف عندك تتهور ، انا والله ماديال هادشي،  اه انا كنعتارف كنت ديما كنلبس قصير ولكن كانت هاديك فقط حاجة ليا ماشي كنديرها باش يشوفو فيا الرجال،  وزيد عليها نتا كنتي اول راجل نبغيه فحياتي
يوسف خفت عصبيتو: ودبا بقاي تحلمي تبقاي تلبسي بحال دوك الحوايج،  يلاه طلعي لبيت زئبق مانلقاكش كدوري هنا
اريج: ولكن
يوسف : بلا ولكن طلعي هي طلعي
اريج ضربات رجليها فالأرض وطلعات كتندب حظها حتى سمعات صوت أسد كيغوت ونهى كتبكي بقات فيها: ناري بقات فيا ، ومانعرف ديك صكعة ليام اش دارت مع الوحش باااز ليها صابرة ليه
💧 مدللة العصبي💧
🔮 Łuž JĶ🔮
💖 البارت  102💝
عند سليمة و هشام
هشام: انا بلاما نحتاج نهضر ياكي
سليمة كتقفقف: لا بلاش انا باقا صغيرة مانديرش هادشي
هشام: لا غير ديريها لماوريتكش وجهي التاني ، يلاه بيتك
سليمة: انا غننعس مع البنات
هربات كتجري طلعات فالدروج لبيت زئبق لقات اريج كالسة كتحيد الماكياج وحتى هي بدات كتبدل عليها
عند صخر ملي ركبو وهو طااير وكيزبل غير من سمطة لتحت : يعني دبا كون ماجيتش انا كنتي غتبقاي تتزللي ليا بالزوامل هااا
زئبق كتبكي بالحس : صخر انا
صخر : شششش مانسمعكش،  ياك عاد دبا باش سولتك زئبق واش مخبية عليا شي حاجة،  علاش ماقلتليش داكشي لي عاودتيه للبنات واش انا مانستاهلش الثقة الكافية باش تعاوديلي
زئبق : ماشي مسألة ثقة اصخر ، انا والله حتى تايقة فيك غير خفت من انك تتعصب ولي خفت منو طحت فيه
صخر (وقف لوطو جنب طريق وطريييق خااوية مظلمة ) : اشنو كنتي كتتوقعي مني مثلا نجي نصفق ليك ونقولك برافو خير مادرتي
زئبق: صخر والله حتى هادشي قديم وقبل حتى مانتعرف عليك
صخر بدا كيضرب راسو مع الطموبيل: واش باغا تحمقينييييي،  واش انا كنقول ليك بلي راه نقتل اي واحد شاف فيك ونتي زايدة عاطياهم نمرة
زئبق : غالطة
صخر شاف فيها باستهزاء : هييوا زعما درتي فيها مايصلاح،  وااخا غالطة مهم هو عطيتيهم وقت وجاوبتيهم لا وبقيتي كتشوفي فيهم واش زوينين ولا خايبيين اااااااااع (شد راسو بين يديه، الفكرة بحد ذاتها حمقاتو)وااااا نتي ديااالييي وديااليييي فهميها واافهميها راه نقتلك ومانحنش ، القتل اهون ليا من انو نشوفك مع غيري
💧 مدللة العصبي💧
🔮 Łuž JĶ🔮
💖 البارت  103💝
زئبق كتمسح دموعها حيدات سمطة وناضت دارت رجل من جهة ورجل من جهة خرا كلسات ليه على رجليه وشدات ليه راسو بين يديها وحطات جبهتها على جبهتو كتنفس بصعوبة وكتبكي: حبيبي والله حتى نتا هو الشخص الوحيد لي دق ليه هاد القلب،  كنت كنقول انه عمرني نقدر نبغي شي واحد حتى جيتي نتا وبدلتي ليا كلشي ، وأصلا هادشي ماضي وانا كاع مادبزت معاك على ماضيك اولا
صخر غمض عينيه مافيه لي يتناقش
زئبق باستو من عينيه: وانا باغيا صخر فالحاضر والمستقبل اما الماضي مكايهمنيش
صخر فتح عينيه الكحلين وكيشوف فعينيها الزرقين قدام عينيه :من تحداني في غلاك؟ أقبل تحديه و من يشاركني حبك من الأرض أمحيه.
زئبق ضحكات وسط دموعها وزيرات عليه : والله لَأنك الوحيد في قلبي يا شريان قلبي
صخر شدها من ذقنها مزير عليها وبدا يبوس فيها  بجهد دليل على غيرتو الطاغية حتى خنقها عاد بعد ورجع كلسها بلاصتها قبل مايدير ما اكثر : ماتعاوديش ازئبقي تخبي عليا شي حاجة مهمة كيفما كانت صاف
زئبق طلعات راسها بالزربة : اه اه
صخر جبدها عندو باسها من راسها : مزيان يلاه دبا نرجعو غدا يوم حاافل
أما أسد ونهى ملي طلعو للبيت وهوما كيدابزو: علاش كتزللي بدراري،  واش انا مقصر معاك فشي حاجة
نهى كتبكي : واا أسد وراه عقل الصغر
أسد : وماااشغلييييش ماتعجبييييييش بيهم انا باغي عينيك ليا بووحدي
نهى : وراه دبا هوما ليك بوحدك احبيبي
💧 مدللة العصبي💧
🔮 Łuž JĶ🔮
💖 البارت  104💝
أسد تخنق وبدا يحيد القميجة ، نهى شافتو كيحيد حوايجو ومشا بالها بعيد: اسد أسد شوف غير نتفاهمو ماديرش شي حاجة تندم عليها
أسد: علاياش غنندم مافهمتش
نهى : أسد شوف والله حتى من نهار شفتك ماشفت غيرك
أسد : امم صبغيني صبغيني
نهى : والله احبي حتى داوية معاك بصح
اسد قرب ليها دغيا محاوطها بيديه ودار وجهو فعنقها فوق الشال: هممم الله على ريحة،  (قرصها من خصرها)
نهى : ايي وااا أسد حرام عليك
أسد(وجهو باقي فعنقها) حرام عليا ونتي ماحرامش عليك خليتي واحد العافية شاعلة فيا لداااخل
نهى : وصاف ا أسودي
أسد : حماري لا،  تي قولي أسد ولا حبي شمن أسودي
نهى بعداتو عليها : يصلح غير لي يقولك الخرا نيت
أسد جمع ليها فمها بيدو وهبط عليه بعضة حتى دمعو عينيها: مرة خرا جمعي فمك
نهى ضرباتو لصدرو وخرجات من البيت فاتجاه بيت زئبق
#يتبع
💧 مدللة العصبي💧
🔮 Łuž JĶ🔮
💖 البارت  105💝
عند كريم لي طلع معاه  ريتاج لبيتو دخل وسد موراه الباب حيد عليه جاكيت : حبيبتي مابغيتش نسمع بحال هادشي لي وقع عاد دبا صاف
ريتاج قربات ليه وقفات حداه ماتوصل بيناتهم غير بضع سنتمترات: انا ماشي هاكة ، انا من صغري وانا كنخاف من جنس الرجال رغم انه كان معايا خويا صخر وأسد ولكن كنت مفتقدة لحنان الأب(بدات كتبكي) هئ انا من صغري مالقيت لمن نشكي ونعاود كنقول امكن كون بقا بابا عايش مكونتش غنتفارق معاه ديما غتلقاني لاصقا فيه وهو غادي يعاملني بحال الأميرة ، وحتى ان شخصيتي كانت ممكن تكون شخصية قوية على هادي ديال دبا و
كريم بدا كيمسح ليها دموعها : شششش صاف احبيبتي من هاد النهار انا غدي نولي كلشي فحياتك صاف انا الأب لي تحرمتي منو ممكن تعاوديلي لي بغيتي وتحسبيني صاحبتك مغاديش نتعصب عليك الى قلتي شي كلام تافه ولللكككن كزوجك مبغيتش نسمع بحال هاد الهدرة ديال اليوم ، راه زئبق كون مكانتش مزوجة كون عاقبتها
ريتاج: متفكرنيش فيها مسكينة بقات فيا مانعرف اش غايدير ليها خويا راه ملي كيتعصب كيرجع بحال شي وحش يقدر يحرق الأخضر واليابس وعندو هانية
كريم شد على راسو ومشا وقف فالبالكون كيشوف لتحت على أمل تبان ليه طوموبيل ديال صخر : بففف كون مامنعنيش اسد قبيلة كون وقفتو ولكن عاود من حقو خليها تتعاقب ، اي راجل يسمع ديك الهضرة مغايعجبوش الحال (دار عندها) يلاه زيدي نعسو
ريتاج بتوتر راجعة للباب باللور : هيهيه😅😅انا غدي ننعس هاد ليلة مع البنات
كريم (باستغراب) : نعسي هنا فالبيت وانا ننعس فوق الفوتوي متخافيش
ريتاج شافت فيه بعيون كيبريو وعلاش لا وهو كيحتارمها بزاااف وكيفهمها بلاما تهدر وكيحقق جميع امانيها وكيبغيها بدون شروط (شدات فيدو وباستها ليه) لا احبيبي ماشي على شيحاجة غير اليوما انا والبنات غدي نسهرو شي شوية نتا عارف تجمع البنات وراني مواعداهم
كريم شد يديها باسهم وباس راسها: وخا احبيبتي يلاه سيري عندهم ولكن ماتعطلوش ودغيا نعسو
ريتاج حركات ليه راسها وخرجات من عندو فاتجاه بيت زئبق دخلات عليهم لقاتهم جالسين فوق الناموسية كيهدرو وكياكلو فسقاطة،  دازت نص ساعة وهما
💧 مدللة العصبي💧
🔮 Łuž JĶ🔮
💖 البارت  106💝
يشوفو الباب تحلات كانت زئبق لي وصلها صخر وهو رجع بحالو لقصرو،  هي دخلات ولقات السكون فالدار كلشي ناعس طلعات لبيتها لقات ضو مشعول بتاسمات وفتحات الباب لقاتهم مجمعين هوما غير شافوها ناضو عندها كاملين كيقلبو فيها فوجهها وفيديها
اريج كتفليها بعينيها: فيينها فيينها
زئبق كتشوف فيها باستغراب : اشنو هيااا
اريج : اويلي الحمارة ضربة فين عطاهاليك واش للمخ واش فقدك داكرة
زئبق بتعالي مصطنع: علاه اش كتعرفو عليا،  شكون هدا لي يقدر ينزل عليا يدو
ريتاج: كريم 🙂
زئبق دارت خنزرات فيها : ششش ماتفضحينيش ، الكلبات حضرتو لجنازتي يااكو خليتوني بوحدي وهربتو
سليمة : سموحات الحب ولكن راه غير من شوفات النسيب حسيت بعزرائيل جاي يسلم عليا،  انا لدابا كنفكر كي درتي حتى طيحتيه فحبك
زئبق كليات على الفراش ودارت بيها وحدة كلها و أش هازة فيديها شي موناضة شي شيبس شي حلوة مهم السقاطة مخلطة : امم هديك سر المهنة ، اجي بعدا نتي شفتك قبيلة كنتي حمرة مالكي ياك لاباس
سليمة بتوتر : لا لا والو باس
البنات شافو فبعضهم ونطقو دقة وحدة : هممممممم
سليمة تحرجات: وصاف انعاودليكم المهم (….) هادشي لي وقع
نهى ناضت كتنقز: وااي واااي واخيرا شفت هشام مول القلب الكبير كيبغي شي وحدة،  عرفتي شكون فينا عندها الزهر فالرجال غانتي ياللالة وريتاج ، رجالاتكم حنان قليييل فين كيتعصبو ماشي بحالنا واحد يهرس واحد يضرب
اريج : ودبا خلينا منهم (دارت عند سليمة) قوليلي بعدا اش غتجاوببه
سليمة : مانعرف صراحة
زئبق بتاسمات وشدات فيد سليمة: حبيبتي عقلتي على اخر هضرة قلناها فهاد الموضوع ، انا ديجا قلت ليك بلي خويا غيجيك نيشان وهاهو دبا عتارف ليك وبغاك للحلال،  انا مغاديش نبزز عليك تقبلي ولكن بغيتك تفكري مزيااان بقلبك هاد المرة وخلي عقلك بعيد حيت ممكن الى تاخذتي شي قرار خطأ ممكن انك تندمي عليه حياتك كاملة فهمتيني
سليمة حركات راسها ونقزت معنقاها : شكرا يا أحسن أخت فالدنيا
زئبق ضحكات وبداو كيهدرو معاها البنات هكاك دوزو ليل كامل مانعسو حتى شرقات الشمس .

💧 مدللة العصبي💧
🔮 Łuž JĶ🔮
💖 البارت  107💝
☕  اصبحنا وأصبح الملك لله ☕
فقاعة لي غيتقام فيها العرس العمال واقفين على يد وساق وعلاش لا وهما كيوجدو لعرس رجل أعمال مشهور فمجالو وغني عن التعريف
فمنزل العروس كانت باقا خامرة لا هي لا البنات حتى حسو بعيشة جات كتفيق فيهم: وانوضو نوضو عولنا عليكم بكرييي
سليمة فاقت هي لولة: ناري ناري تعطلت،  عمتي شحال ساعة دبا
عيشة: اويلي مالكي
سليمة : راني قارية اليوما فالعشية مع 2
عيشة: دبا راها الوحدة ، نوضي دغيا قبل مايفوتك الوقت
ناضت طايرة مخلية عيشة كتفيق فيهم: واا والله ومافقتو حتى نمشي نعيط لرجالاتكم يجيو ليكم
البنات غير سمعو الرجال كاملين ناضو واقفين شعر طالع شاد الريزو فالسما ، البيجامة مخربقة طبعا من غير زئبق لي باقا خامرة ماهي شبعات بكا وسهير البارح
ناضو لبنات كيتسابقو على الدوش بقات غير زئبق ناعسة عيات فيها عيشة و والو حتى ناضت جابت كاس ديال الما بارد وبدات كتخوي عليها شوية بشوية: واااااا عيييشة ولاااا وبغيت ننعس
عيشة: وااا الله ينعل حسك واش هادي حالت عروسة غادة لدار راجلها اليوم بفف
زئبق : ومابقيتش باغا نتزوج انا جااع
صخر كان جاي جيب ليها واحد الكادو من دوقو باش تلبسو مغايدخل غير مع هاد الهدرة : ماسمعتش مزيان اش قلتي عاودي عاودي
زئبق كايحسابليها كتحلم: وناري صوتو تابعني حتى فالحلمة
صخر غمز عيشة هي ضحكات وخرجات سدات الباب موراها خلات زئبق بلاصتها وعزرائيل واقف عليها : نوضي تهزي
زئبق كتسمع صوتو بعييد : صخري شوف بعد من هاد الحلمة،  خليني ننعس غير ساعة وهاني نايضة
صخر شدها من يديها مجلسها حتى بدات كتفتح عينيها ومجات غير فعينيه المخنزرين : هيهي صخر اش كدير هنا
صخر كيخنزر فيها باغي يخلعها: ياك اللالة زئبق مابقتيش باغا تتزوجي واخا (دار راسو نايض من بلاصتو حتى شدات فيديه مزيرة)
زئبق : اجللللس جلللس منين سمعتي هاد الهدرة
صخر جلس كيضحك عليها : منك
زئبق : واغانكون غير كنت كنهدر فلحلمة ماتبقاش تدي عليا هممم،  علاش جيتي بعدا
💧 مدللة العصبي💧
🔮 Łuž JĶ🔮
💖 البارت  108💝
صخر شاف حالتها كاملة فازكة بالما وشعر لاصق ليها على وجهها بدا كيحيد شعرها على وجهها وباسها فجبهتها : جبتليك واحد الحاجة لبسيها اليوما مع لاغوب
زئبق هزاتها فتحاتها لقات تاج مرصع بالجواهر فخمممم شافت فيه بامتنان بعيون كيبريو نقزات عليه مطيحاه على الفراش وهي معنقاه شدها من خصرها وجلس هو وجلسها عليه فوق رجليه وبدا كيبوس فيها “قبلة صباحية” مارخف منها حتى حس براسو تزير
صخر : يلاه نوضي لبسي عليك وهبطي تفطري مع البنات حيت غنديكم لسبا ياك
زئبق : اه
خرج صخر وهي ناضت دخلات لطواليط قضات حاجتها وبدلات عليها مشطات شعرها،  دورات راسها على بيتها  لقات الفاليزات ديالها مجموعين وفاليز صغيرة فيها مستلزماتها دورات عينيها على بيتها مزيان وهبطات لتحت لقات البنات لابسين وجالسين كيفطرو سولات على صخر قالوليها راه فطموبيل كيتسناهوم ناضو خرجو ب ربعة بيهم حيت سليمة كامت مشات للمدرسة  ، ركبت زئبق القدام والبنات اللور بتلاتة بيهم
وصلهم صخر لسبا ونزلو بقات زئبق معاه فطومبيل يلاه غتنزل شدها من يديها ومد ليها كارطة ذهبية اللون شافت فيه باستغراب : صخر لاياش هادي انا ممحتاجاهاش
صخر حطها ليها فيديها: هادي ديالك فيها حساب لا محدود،  انا دبا راجلك فخلي فلوسك عندك وصرفي هادو لاياش صالحين ، المهم ملي تقربو تساليو صونيلي باش نجيبك
زئبق ضحكها: وخا احبيبي (باستو فحنكو ) وخرجات
💧 مدللة العصبي💧
🔮 Łuž JĶ🔮
💖 البارت  109💝
عند سليمة لي مشات للمدرسة كانت عندها حصة الفلسفة ساعتين وموراها ساعة ديال الفيزياء يعني عند هشام
دخلات للقسم لقات نجلاء كالسة وكتهدر مع صديقهم بجهد فرحانة: اش كاين
نجلاء ضارت عندها ونقزات عليها بفرحة : واااع واخيرا غنتزوج
سليمة باستغراب : اه اصاحبتي غنتزوج
سليمة كلسات بلاصتها : شكون هدا
نجلاء: يا لالة هدا سميتو عبد الرحمن هادي 3 سنين وحنا مع بعضياتنا والبارح جا لدارنا وخطبني
سليمة : هاي هاي ايوا مبروك عليك الالة ، هي شي عراسية مطرطقة نيت
نجلاء : ان شاء الله  من هنا لشي 5 شهور ونعرسو
جات استاذة دالفلسفة دوزو الحصة ضرب الجرس خرجو لاستراحة وموراها دخلو للقسم كان جا هشام لي شافها وبتاسم ليها وهي حدرات راسها حشمانة
سلات ساعة كات الخمسة بداو تلامذ كيخرجو وهو يعيط ليها: سليمة بقاي نتي
دورات راسها لقات نص فتلامذ خرجو والنص كيشوفو فيها مستغربين ووحدة كتشوف فيهم بشر (شكون من غيرها سمية ) خرجو التلاميذ كاملين وهي قربات وحطات الكارطابل ديالها فوق الطاولة لولة وكلسات عليها وهو ناض وقف حتى وقف عليها وتحنى عليها حاط يديه فوق الطبلة وحنا براسو حدا وجهها ، التوتر غلب عليها بغات تبعد راسها ولكن هو حاصرها بيديه باش ماتتزاعزعش : مالكي
سليمة : احم والو
هشام مصغر فيها عينيه: اش قلتي فموضوعنا
سليمة توترات: احم ف.. فاش
هشام: اممم بغيتي تديري راسك نسيتي ، واخا ماشي مشكل نفكرك فيه ( هز خصلة من شعرها كيشم فيها) اممم قلت ليك راني باغيك ونتي شنو رأيك
سليمة سكتات شحال حتى بدات الحمرة كتكتاسح معالم وجهها: انا ، احم ، حتى انا
هشام حيد راسو من شعرها وناض واقف بصدمة لثواني حتى بدا كيضحك نوضها دغيا من ديك طاولة وهزها بدا كيدور بيها : اححح وشحال وانا كنتسناها منك
سليمة : وصاف نزلني ( حطها فالأرض باقا حداه ) ولكن انا دابا كنقرا
💧 مدللة العصبي💧
🔮 Łuž JĶ🔮
💖 البارت  110💝
هشام: انا عارف ماشي مشكل نتسنا تسالي هاد الباك ونخطبك من عند مرات عمي ، ودبا يلاه نديك لسونطر بيوتي عند البنات
سليمة ضربات جبهتها كانت ناسية : اه اه يلاه دغيا راه حتى حوايجي تماك
ركبو فطوموبيل متوجهين لوجهتهم وصلها ونزلات قبل ماتنزل وصلها تعيط ليه باش يجي موراها
دخلات لعند البنات لقاتهم سالاو سبا وبداو فالميكاب،  كل وحدة مهتمة بيها وحدة من لي ميكاب ارتيست ، كل وحدة فيهم دارت مكياج سموكي متقووون وركزو فيه على عينيهم وناضو يلبسو عليهم
اريج لبسات قفطان فالغوز باارد عامر مع مضمة رقيقة ومكياج زوين جا معاه مع مجوهرات الماسية
ريتاج لبسات قفطان فلبلو مارين كلو مطروز معاه مضمة ذهبية ومكياج ليلي ومجوهراتها وخاتم زواجها فيديها
نهر لي لبسات قفطان ذهبي اللون مع طالون ذهبي ومكياج بارد مع شالها
وسليمة لي لبسات تكشيطة فالموف ساحرة معاها مضمة ديالها مع مكياج بارد باش تكسر بيه اللون الغامق وطلقات شعرها لي بوكلاتو ودارتو على واحد جنب
أما عروستنا فهي ختارت تلبس الغوب الابيض مابغاتش كثرة القفاطن مافيها لي تبدل لبسات غوب بيضاء طويييلة كتبان بحال شي أميرة فيها مع مكياج هادئ مناسب للحلة والتاج لي هداه ليها صخر كمل اللوحة جات أية فالجمال وحتى لي ميكاب ارتيست مخلاوش من حقهم وخداو حقهم وزيادة
زئبق صونات لصخر والبنات كل وحدة صونات لراجلها دازو دقائق وتسمع الكلاكسون على برا خلا كاع المارة يشوفو فيهم وهوما تصافو بطموبيلاتهم قدام السونطر كايتسناو فسيدات الحسن والجمال يتكرمو ويشرفوهوم وهوما على اعصابهم حيت من صباااح وهوما هنا ويلاه باش سلاو عكسهم هوما لي دبا كتر من 3 دساعات وهوما مساليين وكل واحد لابس كومبلي تقريبي للون مراتو وحبيبتو أما صخر فحتى هو ختار يلبس كومبلي فاللون الأبيض والأسود جاه كيحمق مع تحسينة جديدة
💧 مدللة العصبي💧
🔮 Łuž JĶ🔮
💖 البارت  111💝
تسناو لثواني حتى كيشوفو الباب الأتوماتيكي تحل وخرجات أول وحدة بنت قلب هشام مبتاسمة ومن بعدها البنات بثلاثة خلاو الشباب بربعة يبقاو غير ساهيين فيهم وكل واحد متجه لعند وحدة كأن مغنطيش كيجدبهوم ليهم
صخر بوحدو لي باقي كيتسنى على أحر من الجمر حتى عيا من الإنتظار وهو يسول ختو ريتاج لي كانت شادة فكريم: فينها زئبق
يلاه غتجاوبو حتى سمع صوتها مع دورة مع تكوانسا كيشوفها جاية بلباس الأبيض تزفات ليه عروسة كتبان أميرة منورة ومضوية البلاصة كلها  هازة فيديها الورد الأبيض و الفستان مجرور من وراها كلشي كيشوف فيها بهراتهم ، صخر بلا مقدمات  تقدم عندها بالخف وقف حداها جبدها لعندو بشوية وباسها فراسها : عيناكي تجعلاني ارتبك ، انسى هويتي وعنواني ،سبحان الذي سوى جمالا كجمالك يضاهي الشمس في ضيائه والقمر في تميزه
زئبق بتاسماتليه بخجل:اعشق رجلا انا طفلته المدلله وصديقته المقربه و حبيبته ونصفه الاخر الذي لا يعيش إلا به رجل يرسم فيني الأمل و يمحي الالم هو حبيبي وملاكي.
صخر بتاسم وزاد قرب ليها متناسي العالم حوله : أخبريني كيف أبعد ناظري عنك وأنت كل ثانية تزدادين جمالا.
تسمع تحنحين من الدراري حتى نقز أسد: وااخويا حشمتي لينا المدام والبنات خلي هاد الهدرة بيناتكم حتى لبيتكوم
صخر غمض عينيه قطع عليه لحظات مهمة ودار خنزر فيه يلاه غينطق حتى شداتليه زئبق يديه مبتاسمة وخجلانة: يلاه نمشيو غيكونو ناس كيتسناونا
ركبو كل واحد فطموبيلتو معاهم حبيباتهم وسبقهم صخر وهوما موراه منوضين الطريق وصلو لوجهتهم ونزل صخر مشا فتح الباب على زئبق
💧 مدللة العصبي💧
🔮 Łuž JĶ🔮
💖 البارت  112💝
شد من يديها معاونها تخرج خرجات وقفات كتنفس حيت لاغوب تقيلة شد صخر يديها وباسها وزير عليها بين يديه حتى لحقو عليه خوتو وبداو كيدخلو زوج زوج من الباب والحظور كلشي كيشوف فيهم وصلو للبرزة وكلسو أما الدراري مشاو يكلسو فوق الطابلة طويلة ديال عائلة العريس والعروسة لقاو تماك حتى عيشة والقايد حمد وحنان ومنال كالسين وكلسو معاهم فرحانين لخوهم وختهم
بدا كيتقدم ليهم الغداء للناس من غير العرسان لي ماراهومش هنا غير كيهضرو ويضحكو بيناتهم وصخر مامخليش من كلمات الغزل ، فواحد الطبلة كاتتواجد أعين متربصة بيهم وهي كتتسنى الفرصة المناسبة باش دير شي حاجة تسالا لعشا وناضو البنات يشطحو وناضو الرجال شي لي خلا الدراري حابسين على البنات ينوضو من بلاصتهم
رحمة شافت هكا وهاكا وناضت قبل مايردو ليها البال خرجات مع الباب لقات واحد التطبيل ديال الماكلة باينة للعرسان مافكراتش جوج دلمرات وجبدات من جيبها واحد السائل بدات كتكبو على الطبسيل حتى تخلط مع الماكلة ودغيا هربات من تماك راجعة لبلاصتها كأن شيأ لم يكن
عند صخر وزئبق لي كيشوفو فالناس كيشطحو حتى نطقات زئبق : حبيبي
صخر شاف فيها : نعام ازئبقي
زئبق بدلال: زئبقك جيعانة
صخر : يخليلي زئبقي ، تسناي هنا واحد الدقيقة وهاني معاك
ناض صخر خارج لقا داك الطبسيل تماك عيط على واحد السيرفورة تهزو وهو جاه اتصال قاليها تعلم زئبق بأنه دغيا غيجي وانها تبدا تاكل
داكشي لي كان ديك سيرفورة خبرات زئبق بداكشي لي قال ليها وزئبق ناضت كلسات على طابلة هزات دغمة لولة بدات كتاكل وكتبنن جاها المذاق فشكل ماتسوقاتش حيت كان فيها جوع بزاف زادت الثانية حتى بدات كتحس بألم مجهد مقداتش تصبر حتر غوتات بجهد شي لي خلا كاع لي فالقاعة ينتابهو ليها ويطفيو صوت الموسيقى ، ناضو عندها العائلة كلها مخلوعة وهي غير مكتزيد تتألم وتبكي وتغوت بجهد وشادة فكرشها: اااااااه
مع الغوتة الأخيرة دخل صخر كيشوف كلشي مجموع بلع ريقو من الفكرة لي طاحت فبالو ويلاه غيدور يشوف زئبق واش كالسة بلاصتها حتى سمع صوت صراخها عاود مشى كيجري عندها بعدهم كاملين عليها وفوجهو باينة علامات الخوف: اش اش كاين
زئبق بزز كتهدر ونفسها مقطوع : ص … صخر انااا
صخر : ششش صاف صاف (ضار عندهم كيغوت مكشش ) وجدولي الطومبيل دغيا
يلاه غيهزها حتى بانليه دم فالأرض طاح فيه النص،  هزها دغيا معافر مع ديك لاغوب خرج بيها دغيا حطها فالطموبيل لور لقات عليه عيشة لي غير كتبكي على بنتها معارفاها اش فيها كلسات لور معاها وهي كتمسح على راسها وزئبق غير كتبكي من الألم ، صخر كسيرا مخلي غير لعجاج وراه ولحقو عليه خوتو لأقرب مستشفى أما ناس فكولشي تفرق كل واحد رجع لدارو
💧 مدللة العصبي💧
🔮 Łuž JĶ🔮
💖 البارت  113💝
وصلو للمستشفى نزل صخر دغيا فتح عليها الباب كانت مغيبة وراسها على رجلين عيشة هزها بالخف وبقا كيجري وكيفوت عليهم حتى شافهم كيجريو جايبن الباياص وممرضات وطبيبات مكاينش حس رجال عرف ان أسد غيكون علمهم قبل حيت غينوضها تماك،  حطها على الباياص وبقا شاد فيديها وهو كل وحدة فاش ملهية وحدة كدير الأكسجين وحدة كتشوف دقات القلب: دكتورة المريضة دقاتها منخافضين بزااف
الدكتورة : وجدو غرفة العمليات بسرعة
صخر سمع هضتهم طاح منو النص عمرو حس بخوف بحال هادا لي حس بيه دبا حبيبتو مراتو هوسو عشقو كتصارع الموت حداه وهو ماقادر يدير والو،  كانو وصلو للبلوك تسد عليه الباب مانعين عليه الدخول لا هو لا عيشة والعائلة لي عاد واصلة هو مشا وقف بعيد عليهم وهما بقا فيهم كيفاش فنهار عرسو يوقع ليه هادشي ، أما هو غير كيفكر وكيخطط شكون ممكن يدير هادشي وشنو وقع وكيفاش ؟؟ بزاف ديال الأسئلة فراسو لي عارف هو انه ميمكنش يكون هادشي صدفة ،  بعدهم دغيا على عقلو باغي يركز معاها دبا . دازو 3 ديال الساعات ووالو حتى واحد ماخرج عندهم وهما على اعصابهم غيحماقو بالتفكير والبنات بكاو حتى نشفو دموعهم،  تسمع صوت الباب كيتفتح والممرضة كتجري حتى تشدات من يديها كان صخر لي شدها : اش اش تمممم؟؟
الممرضة كتحاول تفلت يديها من قبضة يديه وهو مزير عليها عينيه جغمة ديال دم: سيدي عفاك طلقني راه المريضة فات بزاااف ديال الدم وحنى دبا باغين نعوضوها باسرع وقت
طلقها دغيا مشات كتجري باش تزيد من أكياس الدم وهو رجع للخلف رجليه فشلو عليه كلس فالأرض ودار راسو بين يديه
منال كتشوف فولدها لي خارت قواه حتى انه رجلو مهازينوش الجبل لي حماهوم كتر من 15  سنة هاهو دبا منهار قدامها تنهدات كتتأسف على حالة ولدها وعلى حالة بنتها اه بنتها من نهار ولات على ذمة ولدها ولات حتى هي بنتها
دازو أزيد من 3 ساعات أخرى وهما يشمعو الباب تفتحات وخرجو الممرضات هما اللولين  وموراها خرجات الطبيبة كلشي ناض دغيا ضار  عليها حتى من صخر كيتسناها غير تنطق بكلام يريحو  ويهني قلبو،  الدكتورة تنهدات وهي كتشوف فيهم واحد واحد : المريضة وقف ليها القلب وسط العملية
كلشي شهق والبنات بداو كيبكيو عاود ، صخر كانت حالتو خاااصة ملي قالت ليه راه وقف ليها القلب نفسو تقطع حس براسو تجيف مابقاش حتى هو كيتنفس
الدكتورة كملات كلامها : ولكن…..
#يتبع
💧 مدللة العصبي💧
🔮 Łuž JĶ🔮
💖 البارت  114💝
فداك الكلوار بقفاطنهم وكوستيماتهم واقفين كيشوفو فالدكتورة كيتسناوها تكمل وهما على أعصابهم : ولكن..
صخر تعصب وهو حاس براسو ماقدرش يتنفس ، رخف عليه الكرافاط وهدر بغضب : وااهدري مالكي كتقطعي فالهدرة بحالا كتخلصي عليها ( كيهدر معصب وكينهج )
الدكتورة خافت وشدات راسها تكمل : احم ولكن حنا عتقناها وهي كانت متشبثة بالحياة  ، وربي حفظ كنا علاين نديروليها  استئصال الرحم،  وكان من الممكن تفقد البكرة ديالها نظرا لفقدانها بزاف ديال الدم
كلشي مصدوم ، صخر خواو بيه رجليه خادشي كامل دازت منو حبيبتو بدا كيضرب راسو مع الحيط كيقوا كون مخلاهاش مايوقعش هادشي
كلشي بقا فيهم و كريم سول الطبيبة : و و السبب مالها
الدكتورة تنهدات وشافت فيهم : شكون الوصي عليها
القايد حمد كان غايهضر ولكن غمض عينيه بنتو دبا فذمة راجل أخر ، نطق صخر كيتمالك نفسو : أنا
الدكتورة شافت فيه بخوف : احم اجي معايا اسيدي لمكتب ديالي
عيشة: و وبنتي امتى غتفيق
الدكتورة تنهدات : هادشي طبعا كان عندو عواقب ولكن مايمكنش نعرفو،  غدي نتسناو هاد ليلة حتال الصباح ونشوفو واش تفيق
هشام بلع ريقو: والى مفاقتش
صخر خنزر فيه: غتفيييييق
الدكتورة زاد خوفها وهي كتشوف وحش حي قدامها بعينين حمرين وصدر زاد تنفخ: م ممكن متفيقش غدا اسيدي ، الى وقع هاد الإحتمال غدي تكون دخلات فغيبوبة وحنا معارفينش امتى غتفيق ممكن مور ساعة ، مور نهار ، مور يومين ، مور سيمانة ، مور عام (زادت تنهدات ) او أعوام ، على حسب قوة تشبثها بالحياة
💧 مدللة العصبي💧
🔮 Łuž JĶ🔮
💖 البارت  115💝
مشات وخلاتهم فصدمة أكبر من لي قبل،  دقائق وصخر كيحاول يستوعب هدرتها لي حسها بحال شي ماء بارد كيتكب على جسمو،  ياك يلاه نهار باش تصالح معاها علاش دبا باغا تحرمو من صوتها وضحكتها ونظراتها عاود شنو دارليها . دقائق وهو على حالو أما العائلة كلهم بداو يبكيو حتى من الرجال عينيهم دمعو على بنتهم وختهم
صخر رغم ذلك شاد فراسو هو عندو يقين بلي غتفيق وهو غيتسناها حتى تفيق واخا يعرف يتسناها حياتو كاملة ماعندوش إشكال
تفكر كلام الدكتورة وناض تابعها للبيرو مخليهم كيشوفو فيه
وصل وفتح الباب بلا احم ولا دستور ، كانت الدكتورة كتشرب الما وساهية حتى تفزعات بالباب لي تفرعات عليها حتى رشقات وبدات كتكحب رجعات حمرة وصخر غير كيسوط وكيخنزر: هاني قولي اش كاين باش نقود بحالي
الدكتورة زاد صدمها وزاد الخوف كيلعبليها فقلبها : موسيو صخر ، العملية كانت جد صعبة،  المدام ديالك كانت فتاة قوية قدرات تخرج منها بصعوبة
صخر أصلا محاملش الكلسة باغيها تسالي حيت فوقما هدرات على هادشي هو كيزيد يتخنق ويلعن راسو انه محافضش على حياتو وهوسو : جيني للمفيد
الدكتورة بلعات ريقها : الصراحة اموسيو،  المدام ديالك خدات واحد الدواء ممنوع يتباع فالصيدليات الا باستشارة طبيب الحوامل
صخر قرن حجبانو كتر : كملي
الدكتورة : احم ، الدواء لي خداتو كان دواء سام معد للنساء لي مكايبغيوش يولدو وكيتم استئصال الرحم ديالهم ولكن باستشارة طبية ماشي كيف دارت المدام ديالك كلاتو بلا استشارة
صخر كيغلي راسو غير كيفكر هو متأكد مل التأكيد زئبق مغاتحيدش رحمها كيفما كان الحال،  إذن شكون هدا ولا هادي لي بغا يلعبها معاه غمض عينيه وحلهم بحالا فهم شي حاجة  مخنزر : واش هاد الدواء الى شربو شي راجل كيوقعو ليه مضاعفات حتى هو ولا غير بالنسبة للمرآة
💧 مدللة العصبي💧
🔮 Łuž JĶ🔮
💖 البارت  116💝
الدكتورة : نو بالعكس الراجل كيعمل معاه كمقوي للرغبة الجنسية
صخر خنزر فيها وناض واقف وخرج صافع الباب موراه
الدكتورة حطات يديها على قلبها لي كان غيسكت بالخلعة فحضورو: ناري شحال كيخلع ولكن اااه وسامتو كتشفع ليه
صخر خرج داو من الكلوار حتى وقف حدا بابها لقاهم مزالين تماك: سيرو للقصر،  هي مغاداش تفيق اليوما غدا غتفيق سيرو ترتاحو
منال قربات ليه بقا فيها ولدها وكتمنى من الله ان بنتها تفيق وتفرحو(وقفات حداه وحطات يديها على وجهو هو هبط راسو عندها ): حبيبي يلاه حتى نتا ترتاح وتنعس ليك شوية 
صخر حيد يديها من وجهو وباسهم: الوليدة كيفاش باغاني نرتاح وانا راحتي مكايناش معايا ، كيفاش باغاني  ننعس ونخليها هنا فهاد الليل بوحدها
منال تنهدات ودارت كتشوف فعيون العائلة الشفقة على صخر ، والحزينة على زئبق: يلاه سيرو نتوما للدار وانا غنبقا هنا مع صخر
كريم حا عندها وباس راسها : خالتي سيري مع أسد أنا غنبقا هنا صاف
دار شاف فأسد وغمزو : وصلوهم للدار صاف
البنات تهدو بالبكا،  سليمة نعسات من كثرة البكا والعيا هزها هشام كيف ريشة بين يديه وخرج تبعوه كاملين بقا فداك الكولوار غير صخر وكريم
صخر كلس على الكرسي المقابل لغرفتها،  كلس حداه كريم وحط يديه على كتفو: صاحبي شد راسك ، زئبق محتاجا ليك
صخر شاف فيه مخنزر وفنفس الوقت بانكسار: اناااا محافضتش عليها اخويا،  انا وصيتك على ختي باش تحافظ عليها ولكن انا درت بعكس كلامي ماوفيتش بوعدي ليك
كريم تنهد: صخر راها كانت مكتابة
صخر غمض عينيه وحرك راسو بشوية نافي هاد الفكرة: ايه مامت مكتابة ولكنها فنفس الوقت كانت مقصودة
كريم باستغراب: شنو كتقصد
💧 مدللة العصبي💧
🔮 Łuž JĶ🔮
💖 البارت  117💝
صخر مابقاش قادر يهدر رجع راسو لور وغمض عينيه كيبان بحاليلا ناعس،  خلا كريم غارق فتفكيرو حتى هو اجتاحتو نفس الفكرة
نمشيو عند العائلة لي وصلو للقصر وكلسو فالصالوم كاملين من غير هشام لي طلع سليمة لبيت من بيوت الضياف تنعس حيد ليها الطالون وكلسها كيحاول مايفيقهاش وبدا كيحيد ليها القفطان حتى حيدو ب66 كشيفة عيط للخادمة من واحد الزر كاين فوق الناموسية دقائق وكانت حداه دقات فالباب وهو فتح ليها: نعام اموسيو
هشام: جيبي ليها بيجامة د نعاس  (الخادمة استغربات كيفاش حتى صبح الصباح عاد باغا البنت تنعس )
هبطات بلا كلمة بلا جوج سخرات واحد البودي كارد نص ساعة  مكاملاش وكان جايب ليها لي خصها ومعاها حوايج خرين ديال الخروج وشي حوايج ديال البنات
طلعات بالصيكان للطابق المخصص بالضيوف دقات وفتح ليها هشام خلاها دوز : لبسيها بشوية عنداك تفيق
مشا هو خارج خلاها كتلبس ليها هبط لتحت لقاهم باقين  كالسين والصمت سيد الموقف
جلس حدا خوه يوسف لقا عينيه مدمعين كلشي عارف أن زئبق كانت الأقرب ليوسف حاسبها صديقتو ختو بنتو وكلشي رغم انهم ديما كانوا بحال القط مع الفار . تنهد حط يديه على ظهر خوه كيصرو ويصبر راسو
شاف فأريج لقاها كتبكي وملي كتشوف فيوسف كيبقى فيها وكتزيد فوثيرة الدموع شاف فيها وغمزها باش تمسح دموعها قدام يوسف
حركات ليه راسها وناضت فاتجاهو وقفات عليه هو حس بشي ظل طلع راسو شاف فيها كيتسناها شنو بغات مدات ليه يديها شاف فيديها لممدودة ليه لمدة دقيقة حتى كانت علاين تفقد الأمل أنه يشدها وهو يشبرها مزير عليها  ، جراتو من يديه حتى وقفاتو والعائلة شافو فيهم ورجعو هبطو  راسهوم،  غادي معاها وعقلو ساهي وهي جاراه موراها حتى وصلو لغرفتها،  فتحات الباب كانت غرفة فاللون الأزرق السماوي غرفة كتفتح  النفس وكتريح النظر سدات الباب موراها وهو وقف بلاصتو كيتسناها شنو بغات تدير هي خلاتو واقف ومشات دخلات لدوش ثواني ورجعات عندو فيدها زيت اللافندر للاسترخاء وقفات حداه وشداتو من يدو جراتو جلساتو على فراشها الناعم على شكل دائري وهي كلسات حداه: حط راسك على رجلي
امتثل لأمرها بلا نقاش هي دارت شوية دزيت فصبعانها وبدات كدلك ليه جبهتو وفروة راسو لمدة نصف ساعة حتى حس براسو ترخا وعينيه بداو كيتسدو : روحي(هز يديها باسهم ) شكرا
اريج عينيها مغرغرين: صاف احبيبي ماديرش فبالك ، انا عندي يقين انه زئبق غتفيق وقريب ان شاءالله
يوسف: أمنا بالله ، انا ماقديتش نحمي ختي ا اريج (شاف فيها وفلامحو ظهرو علامات الفزع وناض دغيا كلس مقابل معاها وشد يديها مزير عليهم) نتي نتي مغاديش تخليني ياك ، انا قادر نحميك مانعيدش نفس الغلطة نتي كتبغيني ياك
اريج بقا فيها(حطات يديها على وجهو كدوز عليه) : حياتي واش كاين شي واحد كيبغي يموت راه الى خليتك هي تخليت على حياتي حتى انا (باستو فعينيه المدمعين) الى بغيتي تبكي انا مستعدة
يوسف (بغضب مصطنع): الرجال مكايبكيوش
اريج ابتاسمات فعز دموعها: ولكن انا بغيت راجلي يبكي
يوسف امتثل لأمرها بسرعة بحاليلا عطاتو الضو الخضر بدا كيبكي بصمت  كأنو طفل خايف لماماه ضربو حيت كيبكي وهي تعنقو كتحس بعنقها فازك وحتى هيا كتبكي معاه
💧 مدللة العصبي💧
🔮 Łuž JĶ🔮
💖 البارت  118💝
عند العائلة لتحت كانوا كالسين على أعصابهم حتى نطق أسد كاسر الصمت : جاكم هادشي عادي ، علاش الطبيبة عيطات لخويا صخر بوحدو للمكتب شنو بغات تقوليه
نهى كتمسح دموعها : انا جاتني شي حاجة ماهياش تماك ، كيفاش حتى زئبق وقعليها هكاك وهي كانت صحة سلام
منال تنهدات كتفكر فحالة ولدها : اش هاد الزهر ياربي ، الله يعدلها من عندو
كاملين قالو أمين
هشام: يلاه نوضو لبلايصكم رتاحو شوية جلوسنا هنايا منافعنا فوالو
امتاثلوا لأمرو كل واحد ناض لبلاصتو ، أسد جر معاه نهى لبيتو : أسد بلاش خليني ننعس مع البنات
أسد : البنات غينعسو مع رجالهم،  واش خايفة مني
نهى شدات فيديه مجاوباتوش وصلو للجناح: انا خاصني نبدل
أسد حرك ليها راسو وعيط للخدامة تجيب ليها الحوايج
هو خرج دازت نص ساعة دخل لقاها لابسة بيجامة مستورة وشال خفيف مرخفاه فوق راسها: نعسي فالفراش انا غننعس فوق الفوتوي
نهى : لا لا نعس نتا فراشك حشومة
أسد : شد يديها وباسهم : حشومة هي نخلي حياتي تتعدب
ابتاسمات ومشات تكات بلاصتها وأسد دخل دوش عليه ، ولبس شورط والفوق عريان ومشا تكا بلاصتو كيفكر
نهى مقدراتش تنعس كتفكر فصاحبتها و أش وصلها لهادشي تنهدات وبدات كتبكي بالحس كيحسابليها أسد ناعس أما هو كان فايق وكيسمع ليها قلبو كيتقطع دار عندها وناض مشا جلس حداها فالفراش : حياتي هي غدي تكون بيخير ماتشطنيش راسك صاف
نهى اكتفت انها درعو وهو كيدوز يديه على ظهرها حتى حس بيها ترخات بعدها عليه وعدلها فبلاصتها وناض هو لبلاصتو باغي يريح راسو
نرجعو عند صخر وكريم كانوا كالسين تماك نهار كامل وصلات العشية ناض كريم من بلاصتو واقف: الساط نجيبلك شي قهوة
صخر شاف فيه وسكت ماشي وقت شريب شي حاجة دبا
كريم فهمو ومشا هو هبط للكافي صونا فطريقو لريتاج لي خبراتو انهم يلاه باش فاقو من نعاس وبغاو يجيو ولكن هو حذرهم انهم يبقاو فالقصر حتال غدا ويجيو

Leave a comment