Skip links

قصة : مدللة العصبي ج3

 15,109 عدد مشاهداات

💧 مدللة العصبي💧
🔮 Łuž JĶ🔮
💖 البارت 51💖
من هاد الموقف ، هشام تابع كلامو : المهم اليوما عندنا درس … (بدا كيشرح درش دور راسو شاف فيهم دراري شي متبع شي كيلعب لبنات كاملين حالين فيه فامهم و قليل لي تلقاها متبعا معاه ودور راسو مرة خرا شاف فيها هي لي سلباتو عقلو من شوفة لولة جالسة حدا بنت  ومتبعة معاه وكتكتب غاع مامسوقة ليه ضحك جنب ودور راسو لسبورة كمل الشرح .كانوا فوسط الحصة
عدنان بشوييية: ختي نجلاء
نجلاء : نعام
عدنان : واش نمشيو ليوما نخرجو ندورو ونوريو لسليمة لبلايص لي كنمشيو ليهم
نجلاء : اه علاش لا (شافت فسليمة )اش قلتي الحب
سليمة : (اصلا ماسمعاتوش عقل راه متبع مع استاذها وعقل كيخمم علاش راها هنا اصلا) نعام؟
هشام سمع الوشوشات فالقسم ودور راسو يشوف شكون لقا سارقة قلبو كتدوي مع شي واحد ها ليمبغاااش: سكااااات
سليمة دغيا دورات راسها كتشوف فيه كيفاش عينيه حمارو : احم سمحلي ا أستاذ
هشام (عيا صابر لغيرتو ولكنها وحلاتلو فحلقو) كنظن جيتي هنا باش تقراي ماشي باش تشدي جمايع
سليمة سكتات وهبطات راسها حيت مكتبغيش تجبد صداع مع الاساتذة مي مغديش تدوزهالو بما مسمى ولد العم
هشام شافها هكاك بقات فيه وخنزر فعدنان: ونتا اش كاين من صباح ونتا كتقاقي كيدجاجة ياك لباس
عدنان : سمح ليا ا أستاذ
هشام تنهد اش يدير راهم غا براهش (زعما نتا كبير دبا )
نرجعو لأبطالنا  ونمشيو عند صخر لي فاق بكري مع 5 دصباح خرج يجري فالصالة لي حدا القصر حتر وصللت 7 دخل لقاهم مجموعين على طاولة الافطار و الخادمات كيحطو فأطباق الفطور بكل ماتشتهي النفس
مشا باس راس ميمتو وداز طلع لبيتو دوش ، بدل عليه ونزل يفطر معاهم ، جلس فراس ديال الطبلة وفجنبو على ليمن مو وحداها الحلاقظ بجوج و على ليسر غالس أسد بداو كيفطرو حتى نطق أسد (موجه كلامو لريتاج)ختي واش خرجتي لبارح مع كريم ولا مع اريج
اريج سرطات ريقها ، ريتاج : ااحم لا خرجات معايا اريج ولكن تلاقيت بكريم وهي بقات معايا
صخر كيشوف فيهم كيفاش متوترات: رخفو فيكم نفس راه كلشي كيوصلني غير نشوفكم زدتو فيه نقطع ليكم الحس من الدنيا فهمتوني(كيهضر وعينيه على اريج) : احم اه اخويا، دور راسو شاف فمو لقاها ساهية كتفكر : الوليدة (مسمعاتوش ) الوليدة الليهديك
منال: القفطااان(دورات راسها شافت فيهم كيشوفو فيها باستغراب) اااا نعام عيطولي
صخر: الوليدة مالكي فاش كتفكري
منال: الا والو اولدي غا كنفكر فشمن هدايا غنديو معانا
صخر: متخافيش راه كلشي وجدتو(هز يديها وباسها)خاص غانتي والبنات توجدو راسكم وصاف
منال:الااا والو ضروري ماندي حتى انا شيحاجة راه هاديك عروستي الغالية
صخر بتاسم وهو كيفكر فيها : اييه امي غالية
اسد جنبو ضحك عليه: اتا رجوع الله حنا مزال هنا
صخر شاف فيه شوفة القتيلة : نوض وجد راسك ودوز عندي للمكتب لي فالقصر باش نهضر معاك
ناض صخر مشا طالع لبيتو بدل عليه وعيط لسام
💧 مدللة العصبي💧
🔮 Łuž JĶ🔮
💖 البارت 52💖
جاوبو فالبلاصة: وي موسيو صخر
صخر: فين وصلتي فداكشي
سام: موسيو راه هما بغاو يلعبو معاك ويدخلو لجحرك بحال الفيران
صخر: عااذرهم معارفينش اش كيتسناهم
قطع معاه ومشى كيخدم على شي وراق دقائق وسمع دقان فالباب: دخل
دخل اسد وجا جلس مقابل معاه فالكراسا لي حدا البيرو: نعام اخويا
صخر (شاف فيه لمدة جوج دقايق بلاما يهدر حتى خلا اسد يتوتر) ياك لباس اخويا كاين شي مشكل
صخر( بلا مقدمات): غدي نخرجو من المافيا
اسد(الصدمة واضحة عليه): صدمتني صراحة ، انا كنت باغي نيت نقولك غدي نخرج منها مانقدرش نغامر بحياة البنت لي كنبغي هما غير غدي يعرفوني عندي نقطة الضعف غيقلبو على شنوهيا حتى غدي يلقاوها
صخر(حرك ليه راسو بالايجاب) : سنين وانا حامي الوليدة والبنات منهوم مي منضمنش انهم مايدوزوش لزئبق وخاصة دبا ايكون خبر خطوبتي تذاع في الاعلام
اسد: ولكن اخويا نتا عارف انه صعيييب بل من المستحيلات نخرجو منها سالمين
صخر: المهم عندي انه ندير كل مافجهدي وفووق الجهد باش مايوصلوش لنسا ديالنا
اسد(قلب الموضوع): خويا زعما زئبق(صخر خنزر فيه) قصدت ختي زئبق غتكون كتعرف نهى ديالي اش كتبغي
صخر (شاف فيه ديك شوفة ديال من نيتك) اييييوا نقولو كتعرف زيد عطينا نص الموضوع
اسد: احم محتاج دقيقة من وقتها غير نسولها ونمشي حتى عيني مانطلعهاش
صخر (كيخنزر فيه ) لا تبارك الله ، اجي خطبها فبلاصتي نتا حسن
اسد : لا حاشا اخويا ، عفاك راه غير نسولها
صخر: غبر
اسد (وقف) نحسب هادي موافقة (خرج كيجري قبل مايجاوبو )
💧 مدللة العصبي💧
🔮 Łuž JĶ🔮
💖 البارت 53💖
عند زئبق لي فاقت ليوم بكري ناضت مشات قضات مسائلها كالعادة ودوشات لبسات عليها وهبطات تعاونهم لقات حتا سليمة جات من المدرسة باينة فيها معصبة مبغاتش تسولها مالها وانما جبدات معاها مواضيع كتضحك باش تنسيها صاف داز الوقت تعاونوا كاملين صايبو الحلاوي والغاتويات،  دارو العشا الدجاج محمر ، اللحم بالبرقوق وبسطيلة كان وصلات لعشية وجاو خوتها وباها صاف طفاو على كلشي وكاملين طلعو يبدلو , زئبق لبسات قفطان فالغوز بارد مطرز بالأبيض ومشبك من يديه
ودارت مكياج خفيف  سموكي وسرحات شعرها وجمعاتو على شكل مشيطة
أما سليمة فختارت تلبس كسوة ديال المناسبات فالأبيض مشبكة من جهة الصدر مع حلقات فالأبيض ومكياج  خفيف ركزات فيه على عينيها وطلقات شعرها
أما الأمهات فلبسو فراشات بحال بحال من غير اللون لي مختالف

كريم لبس لباس عملي سروال توب فالكحل مع قميجة كحلة،  وكابا فاللون البيج مع ساعة دالجلد كحلة
أما يوسف فلبس عليه سروال توب فالأبيض 
وقميجة  زرقة مع ساعة جلدية فالأزرق
وبالنسبة لهشام فلبس عليه سروال توب فالكحل مع قميجة صيفية فالكحل فيها نقوش مع ساعة فضية
💧 مدللة العصبي💧
🔮 Łuž JĶ🔮
💖 البارت 54💖

شوية تسمع الدقان فالباب كانت نهى لي جات تحضر لصاحبتها وختها لي ولداتها الدنيا ، كانت لابسة كسوة طويلة دايرة بحال لاغوب ديال المحجبات فلأزرق الملكي  ودايرة مكياج خفيف
دخلات سلمات عليهم وطلعات لبيت زئبق لقات تماك حتى سليمة سلمات عليهم و وقفات على راس زئبق لي كتشوف فالمراية ومتوترة ورجليها كتهزهز
نهى : مالكي اصاحبتي، رخفي فيك النفس
زئبق : اودي مغاديش تحسي بيا حتى تجربي ونهار تجربي غادي نفكرك بهادشي
سليمة: ختي نهى جيتي زوينة ماشاءالله،  الحجاب زادك نور على نور
نهى : شكرا الحب ، عينيك لي زوينين
زئبق : وأنا قولولي كيف جيت هوووف هوووف
نهى : ناضية غا هو تسناي شوية، ( هزات يديها حطاتها على راس زئبق غير بشوية باش متخسرش المشطة وبدات كتقرى عليها المعوذتين وآية الكرسي حيت العين علينا حق) هاا صاف ساليت دبا راك هي هاديك متخافيش كلشي غيدوز مزيان ان شاءالله
سليمة حركات راسها متافقة معاها: اه اختي زئبق متخافيش
شوية سمعو صوت طوموبيلات وناس خرجو كيطلو من سراجم وشي خرج على برا يشوف
نرجعو شوية عند عائلة الهلالي
بعدما وجدو كلشي لي غيديو معاهم ناض كل واحد يلبس عليه
صخر لبس عليه كوستيم انيق فالكحل صابر لحرارة الشمس كلشي يهون على مولات العيون ، مع ساعة جلدية
أما أسد فلبس عليه سروال ثوب فلبلو مارين  وقميجة صيفية مخططة بالقهوي مع ساعة يد سوداء وإسوارة رجالية
ريتاج لبسات غوب زرقاء باردة باليدين ومشدودة عند الخصر مع اكسسوارات كريستالية ودارت مكياج بارد وخفيف(هادشي كامل من توصيات خطيبها )
أما اريج فلبسات كسوة طويلة بلا كمام فزرق بارد مطرزة بالنحاسي ومشدودة عند الخصر ودارت مشيطة خفيفة مع حلقات طوال ومكياج تقيل
ومنال لبسات جلابة بيضة  مطروزة خفيف فالزرق والهوي عاطي رونق زوين ودارت سوار ديال الدهب وجمعات شعرها بفليل وحطات عليها شال خفيف مرخفاه عليها
💧 مدللة العصبي💧
🔮 Łuž JĶ🔮
💖 البارت 55💖

وصل ليل كان أسد و صخر عمرو طوموبيلات بجوج بداكشي لي جابو معاهوم
وصلو لدار وهو فرحان ومتوتر فنفس لحضة حاس بشعور زوين حيت بغاها ليه حلالو وحمد الله انها متعكساتش ليه اما كون تلاقاها وهرسليها راسها على قصوحية الراس لي فيها
دقو الباب وفتحات ليهم عيشة كتسلم وتعاود دخلو لصالون غالسين كيهدرو العائلتين بجوج و واحد الكوبل راهم فعالم بوحدهم جالسة حداه وهو كيتغزل بيها حمقاتو برقتها وكيفاش انها سمعات لطلبو ومتغانناتش معاه على قبل لحوايج بل تقبلاتها برحابة صدر ، وفجيهة تانية كاين الكوبل المشاكس ديالنا
يوسف : اش هادشي لابسة
اريج : وكيجيتك
يوسف (قرب حتال حدى ودنيها) : جيتي كتفتني وانا مبغيتش نخسر خطوبة ختي من غيرتي عليك فعفاك اخر مرة تلبسي هكا واخا
اريج (دوخها) : واخا
شوية حتى نطقات منال موجهة كلامها لعيشة
منال: ايوا اعيشة فين درتو ليا عروستي
عيشة : دبا نعيط ليها
مشات عيشة طلعات لبيت زئبق وحلات الباب : تبارك الله ماشاء الله على الغزالات ديالي جيتو فنات كاملين بيكم ، زئبق بنتي يلاه هبطو ونتي دوزي معايا للكوزينة صاف
ناضو متتابعات،  سليمة و نهى توجهو لصالون فين جالسين كاملين قالو سلام ودخلو يسلمو على النسا اما الرجال فالسلام من بعيد وهادشي لي عاجب ابطالنا نيت
أسد لي ملي دخلات بنت قلبو وهو متبعها بعينيه وكيفاش جات معاها الكسوة كتحمق والحجاب زادها جمال على جمال حتى مشات تجلس جنب منال من جهة لخرا،  أما سليمة فمشافتش فهشام بتاتا بالعكس غير لشافتو شاف فيها كتخنزر فيه وهادشي لاحظو هو وباغي يسولها مالها ومالقا كيف يدير
شوية تمات داخلة عيشة ومن موراها بطلتنا كترعد بالتوتر والإحراج هزا فيديها صينية ديال القهوة حطاتها فوق الطبلة و وقفات  مشات سلمات عليهم كاملين
وجلسات حدا منال لي شدات ليها فيديها : ماشاءالله تبارك الرحمن  جيتي كتفتني ابنتي الله يحجبك،  سعدات ولدي غيدي الزين
زئبق حشمات وسكتات
💧 مدللة العصبي💧
🔮 Łuž JĶ🔮
💖 البارت 56💖

وهي تنطق عاود منال : ايوا اختي عيشة وخويا حمد كيفما كتعرفو حنا هنا اليوم مجمعين على طاعة الله وحنا جينا طالبين راغبين فيد بنتكم زئبق
يوسف : بغيتو غير يديها
كلشي حبس ضحكة
منال كملات : بغينا البنت كاملة ان شاءالله
حمد : ايوا اختي منال اشنو نقولك القرار كيبقى قرار البنت انا من عندي عاطيهالكوم فين نلقا نساب بحالكم
كاملين شافو فزئبق لي زادت دخلت فالأرض بحشمتها مالقات ماتقول وعاد حشمات من باها
عيشة : ايوا اسيادنا السكوت علامة الرضا مبروك علينا (زغرتات تزغريتة تسمعات فالدرب كامل)
أما صخر فناض وقف من كثرة الفرحة تلف ماعرف مايدير حتى جرو أسد(كيهضر معاه بشوية) : جلس اصاحبي فضحتينا
صخر (خنزر فيه ورجع كيضحك): احمم واش ممكن نهضر مع زئبق بوحدنا قبل منركبو الخواتم
زئبق شافت فيه وشافت فباها حشمانة
حمد: اه طبعا نوضو للبالكون تماك كاينة جليسة غلسو عليها وهضرو
ناض صخر وتبعاتو زئبق وقف اونفاص معاها: مبروك علينا
زئبق : تسناااا قبل تسنا علاش مفهمتيش ديك مستحيل
صخر : ودابا واش غنجبدو الماضي ايوا يالاه ضحكي انا عارفاك طايحة فيا حتال لزنافرك
زئبق : اش هاد الثقة والغرور لي عندك
صخر : غير معاك ازين ديالي(منال والدة غا العنابة)
زئبق : (حشمات) احم الله يبارك فيك
صخر : هكاااك الله يرضي عليك ، انا مابقيتش قاد نصبر شوفي اليوما كاينة الخطوبة رسمية ومور سيمانة العرس صاف
زئبق : سيمااانة
صخر : اه
زئبق: لا لا خليها جوج صاف
صخر : اودي على قبل زرقة العينين ديالي نتسنا أعوام
زئبق : زيد زيد ندخلو
نرجعو شوية قبل 15 دقيقة ملي يلاه خرجو العرسان ديالنا كانو غالسين كيهدرو حتى سمعات نهى صوت شي ميساج فتحاتو دغيا طلعات راسها كتشوف فأسد لي دارها بعينيه نوضي نخرجو
أسد : أنا نمشي لطواليط نغسل يدي عفاك فيناهيا
عيشة: نوضي ابنتي سليمة وريه فينها
سليمة يلاه غتنوض حتى سبقها هشام: لا سليمة كندوي معاها على حسب المدرسة نوضي نتي أ نهى
نهى ناضت وتبعها أسد وصلو للحمام وهو يجبدها عندو: اودي راك فتتتتنة ، شوفي دبااا صوني لداك الميخي حدايا باش حتى انا نتهنا
نهى : ويلي على دبا
أسد خنزر : كنظن هدرت
💧 مدللة العصبي💧
🔮 Łuž JĶ🔮
💖 البارت 57💖

نهى تنهدات وصونات لعادل ثواني وجاوب : الو الو نهى حبيبتي انا عرفتك غدي تسولي عليا انا بيخير متخافيش عليا
أسد : واشكون خايف عليك الكلب جمع فمك عندك نجي نعاود لك شي سلخة خرا
عادل : هدا نتا الكلب فين نهى ديالي
أسد : يالقواد،  الزامل لي حطك لاشديتك هاد المرة مانفلتكش
نهى كتسكت فيه : احم عادل شوف أنا مابقيتش باغاك صاف سالينا
عادل : كيفاش ، كيفاش،  شوفي نهى عندك يكون مهددك بشي حاجة غير قوليها ليا متخافيش
أسد خنزر فتيلي ورجع مخنزر فيها ، حتى نهى تعصبات: كنظن هدا قراري اعادل انا مابقيتش باغاك سمحليا وسير كمل حياتك مع شي وحدة حسن مني (سمعات عادل كيبكي فتيلي بقا فيها وهو يحيدوليها اسد من يديها وقطع عليه) : ناري بقا فيا
أسد جن جنونو : ومايبقاش فييك ، اما بوحدي لي نبقا فيك.  وعرفتي بأنه دعوتك معاه مغاديش تتحقق عرفتي علاش
نهى باستغراب : علاش
أسد زاد قرب حتى حط وجهو وسط عنقها فوق الشال وزيرها لعندو ودوا حدا ودنيها: حيت مكايناش شي وحدة حسن منك
نهى ابتاسمات وهي كتحس بالفراشات كيلعبو ليها فبطنها ودغيا بعدات منو وخرجات كتجري وهو مشا عند خوه وزئبق باغي يسولها على نهى وربي كبييير
أما عند يوسف لي باقي كيهدر مع اريج : شوفي كاملين بيهم كيخطبو وحتى انا باغي نمشي نخطب
اريج خنزرات: تخبطك طموبيل ان شاءالله
يوسف : ياااااكي ومايبقاش فيك راجلك
اريج : اش كتقصد
يوسف : كيفاش اش كنقصد كيفما فهمتيها،  كنظن وااضحة اولا ، شوفي ا اريج نجيك نيشان للصراحة حنايا فعائلتنا مكنلعبوش على بنات ناس هكدا تربينا حيت حتا حنى عندنا بنات العائلة وعندنا ختنا كنخافو عليها ، انا اه بصح فاللول كنت باغي غير نلعب معاك حيت كنتي كتشدي معايا ضد ولكن مع الوقت بديت كنغير عليك بل ماشي غير كنغار كنتسطى غير لا شفت شي حد شاف فيك خوتك كنغار منهوم عاداك البراني،  وتماك كتشفت انه بديت كنبغيك حتى وصلنا لهنا وبغيت حتا انا نخطبك مانخرجش على جماعة اولا
اريج كتشوف فيه ولمعة د دموع فعينيها حركات راسها باتفاق وهو فرح ودار عند منال باغي يفرغع الرمانة لقاها اصلا كتشوف فيهم حشم وهو ينطق : خالتي منال ، الوليدة،  الوليد احم راه كيفما كيقولو ماكايخرج من جماعة غير الشيطان ايوا انا مانييييش شيطان بغيت نتبع خوتي ونتزوج
عيشة زغرتات(كتعرف غير تزغرت😅😂 حال اي ام مغربية باغة تفرح بولادها) الله سير اولدي كيفما زدتي فرحتيني الله يفرحك
منال : اييه اولدي،  ايوا وشكون هادي لي بغاها قلبك
يوسف حنحن وقرب جالس على الحافة ديال الكرسي غير كن التوتر : اححم بنتك اخالتي
كريم دار شاف فيه شوفة ديال درتيها اخويا انا مفتاخر بيك : هي غنديو خواتات
منال : تسناااو وشكون قاليكم انا موافقة
كلشي شاف فيها متفاجئين حتا ان يوسف  تقلق وكعا
اريج : ماما اش كتقصدي
منال : اييه و أش كيحسابليك غدي نعطيك غير هاكة راه خاصهوك يجيو عندنا حتال لدار ويطلبوك
كلشي بداو يضحكو ويوسف بحالا رجعتي فيه الروح صاف اخالتي من غدا لابغيتي نجيو
منال : لا ماشي غدا حيت بعد غدا كاينة الخطوبة وضريب الصداق ديال ريتاج وكريم موراها اجيو مرحبا بيكم
كلشي تافق معاها
💧 مدللة العصبي💧
🔮 Łuž JĶ🔮
💖 البارت 58💖

أما واحد جوج دايرين بحال الما مع العافية هو كيشوف فيها وهي غير مخنزرة فيه كتفكر فشنو وقع ليها قبيلة فالقسم كتشدها الشقيقة كتقول مع راسها علاش يعاملها هكاك ، اما هو غير كيفمر اش واقع ليها حتى ضرباتلو طرن فراسو ولعن نفسو الف مرة على غيرتو لي خلاتها ماتشوفش فيه غاع هو عارف انه فهاد الوقت وفالسن ديالها البنات كيبغيو يلعبو ويضحكو ويتصاااحبو وهاد الفكرة ماداخلالوش هو لراسو الى كانت هي كتحسبو غير أخ يعني ممكن تقلب فبلاصة خرا على واحد اخر تحسبو حبيب هاد الفكرة ماباغيش يفكر فيييها اصلا مستبعدها حيت الى مشا حتى فكر غيرتو عليها غدي تعميه وهي غدي تزيد تكرهو،  بقا كيفكر وهي طيح فبالو فكرة قال حتال لغدا ويطبقها
نرجعو عند صخر وزئبق ، يلاه غيدخلو وهو يتصدا ليهم أسد فالباب : اتسناااو
صخر رفع فيه حاجبو عرفو جاي يهدر مع زئبق ، زئبق غير كتشوف فيهم: اش كاين
أسد : احمم ختي زئبق واخا نسولك
زئبق ضحكات كيضحكها ديما وهادشي ملاحضو صخر لفرحان حيت دغيا نساجمات مع خوتو ولكن واخا هكاك غيرتو حاضرة علاش هو عمرها ضحكاتليه هاد الضحكة(واش نتا اخويا كظل تخنزر فالبنت وباغيها تضحك ليك) : اه اخويا سول
اسد شاف فخوه ورجع شاف فزئبق كيترجاها بعينيه،  زئبق فهماتو: احم صخر 
صخر شاف فيها : نعام
زئبق : خليه يسلوني ونتا سير دخل
صخر : شنااهوا(خنزر فيهم)
زئبق : وعفاك سير دبا شوية وهاني معاك(شداتلو فيديه كتترجاه )
صخر تنهد ديما كديرهالو حتى كيترخا هاد البنت شي حاجة كتر من المهدئ : عندك 5 دقاااايق الى فتيها ترحم على راسك والله مانعقل عليك
مشا صخر وزئبق متبعالو لعين ورجعات كتشوف فأسد لي غير كيبلع ريقو،  خوه بوحدو لي كيخاف منو ومحتارمو دايرو فمكانة الأب ديالو حيت رباه من صغرو وخا ماشي كبير عليه بزاف: احمم دبا كيفما كتعرفي اختي زئبق ، انا كنبغي صحبتك ياكي
زئبق : اهاه
أسد : وصراااحة بغيت نديرليها شي مفاجأة باش نطلب منها الزواج
زئبق فرحات لصاحبتها وبدات كتنقز بالفرحة: بصااح
أسد : هداي سكتي دبا يسمعنا صعصع ديالك راه غنمشي فيها كفتة وغدي نخلي مراتي ارملة
زئبق سكتات : امم وشنو المطلوب مني
أسد: بغيتك تقوليلي شنو كيعجب نهى
زئبق : واهو الصراحة نهى ماشي بحال غاع البنات لي كيبغيو المفاجأت،  امم يمكن ليك تلمح ليها قبل وموراها متلا تريزيفي شي مطعم  وتطلب منها الزواج تماك وااه جيبليها ورد بيض حيت كتحماق عليه،  ومن الأفضل تجيب ليها 100 وردة علاااش ، هداك شغلك سير قرا شوية على الورود
مشات وهي كتضحك وهو مشا تابعها لقات صخر كيتسناها مابغاش يدخل بلا بيها
دخلو وهدرو بعدما تافقو على موعد العرس ، ناضو العرسان ديالنا ركبو الخواتم
اما النسا فبداو يصليو على النبي ويزغرتو بقاو هكاك حتى قربات 2 دليل وناضو يمشيو بحالهم عياو فيهم يباتو ولكن مابغاوش
💧 مدللة العصبي💧
🔮 Łuž JĶ🔮
💖 البارت 59💖
أصبحنا وأصبح الملك لله فقصر الهلالي الأشغال كتقام على قدم وساق وعلاش لا وغدا ضريب الصداق ديال ريتاج وكريم ، صخر لي مشا للشركة ديالو وكلشي كايباركوليه وهو فرحان كيجاوبهم كيصدمهم نيت عمرهم شافوه فرحان هكاك اما البنات صطاهوم وحسدو زئبق على زهرها
وصل للبيرو ديالو وشاف ناحية البيرو ديالها لقاه خاوي حيت عطاها اجازة مفتوحة وخا هو قاليها بلي بلاما تخدم وتعيي راسها ولكن هي رفضات وقالتلو انا امرآة مستقلة بذاتي اه طبعا غيجي واحد النهار لي غدي نحبس فيه ولكن ماشي دبا
وحتى هو وافق بالعكس فرحان انه يشوفها معاه فكل بلاصة.
أما عند أسد لي ناض دوش ولبس عليه أحسن ماعندو وعلاش لا وهو عوال اليوما يتبع خوتو دار اتصال هاتفي وحجز ليه مطعم فااخر وطلب منهم الموني يكون مشكل على الطريقة لي تعجب البنات وطلب منهم يزينوه بالبالونات الحمراء  ويوجدوليه لي خاص
صونا ديك ساعة لنهى : الحوووب كيصبحتي مزيانا
نهى : تعناب على الصباح ، بيخير الحمدلله ونتا
أسد: أنا سوووبر صابح على صوتك ومنكونش مزيان
نهى : واش مصوني ليا باش تتعنب
أسد: لا لا اليوما راني عارض عليك
نهى : وااايلي
أسد: ايييه امراتي
نهى : امم وفين؟
أسد : نتي غير تسنانيني مع 2 حدا الباب ديال الدار وغنجي موراك صاف
نهى : اوك
قطعات عليه وناضت تبدل عليها.
أما أريج وريتاج وزئبق لي تلاقاو فالمول باش يشريو لي خاصهم دخلو لبزاااف ديال لي بوتيك وختارو الكساوي لي بغاو ولي شوميز دونوي والمكياج،  أي حاجة ممكن يحتاجوها جابوها معاهم ولي كارد تابعينهم وكيهزو البلاستيكات حتى عياو ومشاو للكافي جلسو كيهدرو وكيشربو العصير وهو يصوني تيلي ديال ريتاج هزاتو لقاتو كريم دارت ليهم بيديها يسكتو وهوما كيقولولهادير مكبر الصوت وجاوبات: احم الو
كريم: تيتيز ديالي لباس عليك
زئبق و اريج شادين ضحكة: احم بيخير ونتا
كريم : انا مزيان هاد الساعة ، اش كديري
ريتاج : خارجة مع البنات
كريم: شكون؟
ريتاج: اريج و زئبق
كريم: حتى ديك جنية معاكوم
نقزات زئبق: جن هو نتا والله ويسمعك الوليد وحتى ماي هازبند يحتى يوريك شناهيا جنية
كريم: واتقااادو لكتاف ابنت مي وبا اش فيديهوم مايديرو ، ودبا خليني نهدر مع مراتي
زئبق : اودي كمل كمل كلامك مع مراتك الله يسترنا
ريتاج حيدات مكبر الصوت وبقات كتهدر معاه حتى سالاو وناضو البنات خلصو وخرجو فحالهوم كل وحدة مشات لدارها.

💧 مدللة العصبي💧
🔮 Łuž JĶ🔮
💖 البارت 60💖
نمشيو عند سليمة لي مشات المدرسة دخلات لقا نجلاء جالسة
سليمة : صباح الخير
نجلاء : اهلا حبي صباح النور
سليمة : اليوما عندنا الرياضة فهاد الصهودات اووف
نجلاء : واييه ياختي هووف
جا عدنان : اهلا البنات سفا عليكم
نجلاء : ديما معطل كيديما
عدنان : خليكم مني انا  .اشنو رأيكم اليوما ملي نخرجو مع الربعة من فيزيك  نمشيو نخرجو
نجلاء : اه اه علاش لا
سليمة : والله مانعرف حتى نسول ماما
نجلاء: واخا سوليها وفالعشية ردي علينا
جات الأستاذة حيت عندهم فلسفة انتابهو معاها صونا الجرس مشاو للرياضة حنى وصلات 12 خرجو عرقانين مشات سليمة للدار دخلات لقات غير مامها وعيشة سلمات عليهم وطلعات دوشات ولبسات عليها (الصورة) وهبطات طلبات ماكها تخرج حتى وافقات وصلت 2 مشات المدرسة عندها حصة ديال الفيزياء , الحصة كاملة وهما ساكتين اما هي مكاتشوفش فيه جاع
صونات الربعة مشاو خرجو بقاو كيضورو المول ومورلها مشاو لبحر بقاو كيلعبو نساو الوقت حتى جا ليل عاد هضرات سليمة : اويلي ليل شحال الساعة دبا
عدنان : 8:30
سليمة :اااالخلعة طلقي مني ماما اليوما غادي تاكلني،  هادشي الى مدابزوش معايا كاملين ، دغيا دغيا شدو طاكسي نرجعو ، بقاو كيتسناو فطاكسي والو طاكسي لي جا كيلقاوه عامر حيت فهاد الساعة كتسمى ” ساعة الذروة ” وصلات 9 عاد لقاوها وصلات سليمة لدار لقات ماماها فالباب كتسناها وهشام معصصصب وهاز تيلي فيديه كيصوني: هاااهي هاهي جات
هشام دار عندها ومشا عندها معصب كيغوت حتى بداو كيطلو الجيران: وااافييين كنتي من الصباااح وأناااا كنصوني لاااش دايرة داك الزبل دتيليفون تفوو
سليمة بدات كتبكي حيت مزير ليها على يديها: اهئ طلق من يدي
مشات عندو زئبق كتفكها حتى رجعاتها موراها : صاف اخويا،  راها بنت صغيرة باقا باغا تلعب وتخرج مع صحاباتها
هشام مسح على راسو وهو باقي مخنزر: اقسم لك بالله ابنت عمي لشفت وجهك قدامي هاد الأيام غدي ندير فيك شرع يدي(خلاهم ومشا طالع لبيتو ) اما هي فبقات كتبكي فحضن زئبق : ششش صاف صااف ماوقع والو غير حاولي تتجنبيه احبيبتي صاف .
💧 مدللة العصبي💧
🔮 Łuž JĶ🔮
💖 البارت 61💖
سليمة حركات راسها وشافت فماماها لقاتها مخنزرة فيها : ما هئ ماماا
حنان : يابنت الهم فيين كنتي واش باغيا تشوفيني ميتة قدامك عاد ترتاحي اش هاد الساعة جايا فيها
سليمة زادت فالبكا نعلات نهار لي خرجات فيه جاع داك ضحك لي ضحكاتو هجروه ليها
مشات طلعا لبيتها وزئبق هدرات مع حنان: صافي اخالتي لبنت باقا صغيرة باقي فبالها تلعب وتضحك بلاما تكرهوها فمراهقتها
حنان: عارفة ابنتي ولكن راه عوينة وحدة لي عندي وخايفة لا توقع ليها شي حاجة ولا يتلقا ليها داك ولد الحرام ديال طليقي وانا عارفاه خارج من الحبس .
زئبق شدات فيديها: تهدني اخالتي مغادي يوقع والو كوني هانيا وعاد شفتي كيفاش هشام خايف عليها راه حاسبها بحالي ختو صغيرة وحنا كاملين حاسبينها ختنا وخايفين عليها مغانخليو حتى حاجة تصيبها
حنان: شكرا ابنتي
دخلو لدار وطلعو كل وحدة لبيتها باش ينعسو بكري حيت غدا يوم حاافل
أصبحنا وأصبح الملك لله
ناضو كاملين فطرو جهزو راسهم واش غدي يديو معاهوم زئبق لبسات (الصورة) وكريم (الصورة) ويوسف كذلك (الصورة) وهشام(الصورة) وسليمة ايضا
اما الأمهات فلبسو جلابات و حمد لبس عليه فوقية
وهزو حطو الحوايج فطوموبيلات وركبو ونطالقو لوجهتهم لقصر الهلالي، لعقد قرااان كريم مع ريتاج الكوبل الهادئ .

💧 مدللة العصبي💧
🔮 Łuž JĶ🔮
💖 البارت 62💖
نمشيو لقصر الهلالي وبالضبط عند أسد لي ناض اليوما فرحان دوش عليه ولبس عليه وهبط لقا مو جالسة : الوااليييدة
منال دارت عندو حاطا يديها على قلبها: اماالك اداك دحش ياك لبااس
أسد: والوليدة بغيت نجيب ليك شي وحدة تونسك
منال : لا اولدي مخاصني بو خدامات جداد انا قادة بشغلي
أسد : والا الوليدة،  احم بغيت نتزوج
منال (كتشوف فيه بتفاجأ ) : وااتجمعتو كااملين مالكم اوليداتي خليوني حتا نفرح لواحد بعدا علاش جمعتولي الفرحة مرة وحدة
أسد: والوليدة دبا واش مابغيتينش نتزوج
منال: بالفرحااات عليا اولدي (قربات ليه وشدات ليه فيديه) الى بغيتيني نختار ليك اولدي ااه كاينة بنت ختي
أسد(كيتفكر شكون وهو يتقزز): الااااا الوليدة الا هديك انا عندي لي بغيت
منال : وشكون
أسد كيتفكر البارح
فلاش باك:
بعدما قطعات عليه نهى تيلي ناضت بدلات ولبسات كسوة فسومو مشدودة عند الخصر ومشبكة من اليدين مع شالها
وصلات 2 وقفات حدا الباب تسنات ثواني حتى كتشوف طموبيل رياضية فالحمر وقفات حدا رجليها تفتح الزاج وبان أسد لداخل داير نظارات شمسية ثواني وهبط عندها كيحيد النظاظر
كان لابس سروال توب بلو مارين مع قميجة بيضة صيفية بلا يدين وفاتح الأزرار الأولى
أسد: تيتيز ديالي اش هاد زين ، اش هاد الجمال لي عطاني الله
نهى : زيد زيد من هنا قبل ماشوفنا شي واحد ونبقا على لسان لغادي والجاي
أسد : واااش شغلهم فيا وفمرااتي هكااوااا على زيد دغيا
نهى : وازيد الحمق زيد
أسد مشا فتح ليها الباب وركب حتى هو نطالقو لوجهتهم وطوول الطريق وأسد كيتعنب عليها
نهى : وادابا حنا فين غادين
أسد: نتغداو فمطعم
نهى : امم اوكي نيت فيا جوع
وصلو للمطعم وشافت الباركينك ديال طوموبيلات خاوي استغربات وشافت فأسد: اسد
أسد: عيونو
نهى : امكن هاد المطعم ساد هاد النهار شفت ماكاينة حتى طوموبيل هنا
أسد: الا زيدي زيدي ونتي شاكة فكلشي
نهى : زيد يلاه
دخلو للمطعم ونهى مستغربة من الهدوء لي فيه حتى فجأة تشعلو الأضواء والشموع لقات طبلة فالوسط بوحدها لي مجهزة بكل ما تشتهي النفس وعليها شموع و ورد احمر فوق الطبلة محطوط كزينة وجميع الطاولات خاويين : واش حجزتي المطعم
أسد : اييه الالة كلو يهون على قبلك
نهى : وعلاش هاد الخسارة كاملة ماشي مشكل ناكلو مع الناس
أسد : الناس لخرين كيقولو واعرة ونتي كتقولي خسارة والله حتى نتي غريبة
نهى خنزرات فيه ، أسد : غريبة وكنموت فيك
نهى بتاسمات حتى توردو حنيكاتها وتمشات وقفات حدا طبلة كتشوف فيها وهو يجر ليها أسد الكرسي حتى كلسات عاد كلس هو : اممم هادشي باينة فيه لذيذ
اسد: يلاه باسم الله كولي
بداو كياكلو حتى دورات نهى عينيها كتشوف سيرفورات جارين واحد العربة حاطين فوق منها طارط على شكل قلب وعليها شميعات : ناري كتحمق( شافت فيه بامتنان ) وهو دار شاف فسيرفور غمزو وهو فهمو ومشا جاب بوكي دالورد فيه 100 وردة بيضاء اللون وهو شدها من عندو وعطاها لنهى لي وقفات من الصدمة تخلطو عليها المشاعر : ورد ابيض ، كيسطيني💝💝
شوية كتشوف أسد نزل على ركبتو أمامها:نتي أجمل وردة فدوك الورود كاملين ونتي لي كتسطيني،  فخبارك بلي تماك 100 وردة كل وردة لها معنى اما 100 وردة كتعني اني :”أنا مخلص حتى الممات أو إلى ما لا نهاية” كنت باغي نجيب 99 لي كتعني اني نحبك حتال اخر يوم في عمري ولكن انا باغي نبقى لاصقك حتال مالانهاية(نهى ضحكات ) نهى حبيبتي وغلاتك عندي راني حااسبك كلشي فحياتي كنواعدك غدي ندير اي شيء على قبلك ونفديك بحياتي اصلا نتي هي حياتي ويلا مكنتيش فيها حياتي معند بابها معنى،  ودبا احم (جبد بواطة فخمة وفتحها امامها جبد منها  خاتم الماسي ) واش تقبلي تكملي حياتك مع هاد الحمق،  واش تقبلي تزوجي بيا
💧 مدللة العصبي💧
🔮 Łuž JĶ🔮
💖 البارت 63💖
نهى (مصدومة حتى بدات كتبكي)
أسد: وجاوبيني راه رجلي بداو كيحرقوني
نهى : مامعاكش الرومانسية نتا (وقفاتو وشدات فيديه) شوف احم أسد نتا أول شخص نحس بلي قلبي عارفو كتر من راسي،  حتا انا باغا نكون ليك زوجة صالحة ونفديك بعمري الى اقتضى الأمر.
أسد(بفرحة) : يعنييي؟
نهى حركات راسها موافقة: طبعا قابلة
هزها فرحان بها وهو يطيح عليهم البالونات الحمر مع بتلات من الورد كانوا معلقين فسطح(ركبلها الخاتم)
أسد : ملي يتسالاو العراسات ديال العائلة غنجي رسميا نخطبك صافي
نهى : اه أحسن
كملو ماكلتهم وخرجو
أند باك:
منال : هييهو اسد تا فين سرحتي
أسد : هاني معام الوليدة
منال: ايوا قولي شكون هاد البنية
أسد: حتال لمورا العرس ونقولك الوليدة صافي
منال: امم واخا كنتمنى تكون شي وحدة مزيانة بحال زئبق
أسد : بحاالها الوليدة ماتقلقيش ليا
ناض وخلاها كتخمم فرحانة ليه حتى هو دبا غيمشو ليها جوج وغيجيو جوج يعوضو عليها
نمشيو عند ريتاج وأريج لي مشاو لسبا تهلاو فالحالة بالزيوت والمساج اما الشعر راهم دايرين ليزر مامحتاجينش يحيدوه
رجعو لدار مشاو يلبسو لقاو كلشي موجود حتى طبلة ديال العدول كاينة
طلعات اريج لبيتها لبسات(الصورة)

ولالة البنات لبسات قفطان بيض خفيف حيت اليوما غير العقد مور شهر عاد كاين العرس
أما أسد فلبس عليه لباس رسمي فالأسود وصخر فالقهوي جاو بحال التوام
ومنال لبسات قفطان فالأخضر بارد جاها زوين مع شهوبيتها

💧 مدللة العصبي💧
🔮 Łuž JĶ🔮
💖 البارت 64💖
وصلات العائلة بالدقايقية والصلاة والسلام لقاو القصر مجهز بالوروود والعدول كان يلاه جا نزلو من الطموبيلات وتلقاو ليهم الخدامات ولي كارد كيهزو فالكادويات والفواكه والوررود
نزلات سليمة هي لولة تبعاتها زئبق كانو راكبين فطموبيل زئبق عاد وصلو لخرين
طموبيل يوسف لي كان هاز معاه القايد حمد (باه) وعيشة والكادويات
وعاد طموبيلت هشام لي هاز معاه نسيبة المستقبلية حنان 😂😂
عاد وصلات طموبيل العريس مزوقة كاملة وكتبري فالشمس ننزل منها كريم كيتمختر وفرحااان ماقااداه فرحة وعلاش لا وهو اليوما غيكتب على حب قلبو وغدي يدخل فالقفص الذهبي
جات منال كتسلم وتعاود وموراها خرج أسد سلم عليهم وريتاج خرجات عندهم سلمات عليهم خلات عيون يوسف متبعها  بعينيه لي خارج منهم القلوبة حتى وصلات حداه سلمات عليه جبدها عندو سلم عليها بالوجه : جيتي واعرة كتحمقي ماشاءالله،  اش هاد الزين عطاني الله(جا أسد جرها لعندو ) هااي هاااي شتك لاصق ليا فالخوادرية ياك شي باس مكاين
يوسف : خويا أسد هانتا انا غدي نقولك ونتا حكم
أسد: اهاه يلاه قول
يوسف : دبا انا طلبت اريج من خالتي منال هي مابغاتش قالتي حتى يتسالاو العراسات عاد اجي وطلبها يعني دبا انا راني راااشمها ليا
أسد: هاكاوا على رااشمها ليا ، لا نتا هاك ديها معاك حسن،  ختي انا باقي باغي نزوجها لشي واحد اخر راه اصلا طلبها ليا واحد الولد صاحبي
يوسف(الغيرة بدات كتلعب ليه فوق راسو) : شناااهوااا
اريج طلقات من خوها ومشات عندو كتسكت فيه: صاف صاف هالعار راه اليوما عقد زواج ختي هالعار ماشي اليوما.
💧 مدللة العصبي💧
🔮 Łuž JĶ🔮
💖 البارت 65💖
يوسف شاف فيها: اولله لكنتي لشي واحد من غيري عرفتي شناهيا نتي ليا بوحدي ايوا فهميها باش نكونو انا وياك مزيانين
اريج: واصاف راني عارفة (شافت فأسد وخنزرات) خويا انا مابغيتش صاحبك انا قابلة على يوسف وكنظن هدا اختياري اولا
زئبق جات وقفات معاهوم: مالكم صوتكم مسموع حتال للباب ياك لباس
اريج: مرات خويا هضري مع لوسك راه قالك باغي يزوجني لصاحبو
زئبق شافت فيه مطلعة حاجب وأسد هبط عينو احتراما ليها: اش هادشي كنسمع ا أسد
أسد: وراه هو لي طلبها مني
يوسف : هااا هو باقي كيقول طلبها مني ، شوف ا أسد راه غدي تخسر معايا
زئبق شافت فيهم بجوجوهي تنطق: هااء صاافي اخويا متقلقش حيت الى وقع شي حاجة من هادشي غدي نخلي واحد صاحبتي تتزوج واحد اخور راه طلبها حتى هو مني وكنت قلتليه تسنى حتى نسولها ونرد عليك
أسد: زئبق ختي ماشي صاحبتك لي فبالي  ياك
زئبق ابتاسمات بشر : وعلاه عندي غيرها
أسد(شاف فيوسف): هاك اخويا انا عاطيهاليك خاص الواحد يتزوج لي كيبغي وأنا ماعليا غير نرفض طلب صاحبي
مشا يوسف عنقو فرحان وأسد بعد عليه وهضر مع زئبق غير بيناتهم: احم ختي زئبق…
زئبق : بلاما تكمل حتى انا غدي نقولو راها ديجا مزوجة صافي
أسد فرح ، وهو يجي هشام كيعيط ليهم حيت كاملين كالسين كياتسناو غير صخر وريتاج يهبطو
صخر لي مشا حتال حدا بيت ريتاج ودق حتى سمع : دخل
دخل لبيتها لقاها جالسة فالكوافوز وكدير اخر لمساتها جات زوينة مشا وقف حدا راسها وباس ليها جبهتها: حبيبتي،  نتي راك بنتي قبلما تكوني ختي ربيتك ونتي باااقا صغيرة هزيتك كميشة هكا صغيرة فيدي عاملتك بحال الألماسة لؤ الى تآذات دغيا كتتهرس واليوما غدي نعطي بنتي لراجل أخر صاحبي وخويا ونسيبي وعارفو اش ساوي كن مكنتش عارفو مانعطيهش جوهرتي الغالية ودبا قوليلي واش نتي مرتاحة معاه وفرحانة
ريتاج(عينيها كيدمعو وكتمسح بكلينيكس بشوية باش ماتحيدش الماكياج) : اه اخويا هو راه مزيااان وفوق المزيان معايا وانا فرحانة معاه وحتى هو كيعاملني بحذر وباهتمام كبيير مكيخسرليش خاطري وحتى انا كنسمع لهدرتو
صخر: الله يرضي عليك،  ونتؤ عارفة بلي الى بغيتي اي حاجة او أي شيء وقع ليك ماتنسايش بلي كاين انا باباك قبل من خوك صافي عندك تنساي (ريتاج حركات راسها ) يلاه نوضي راه كيتسناونا لتحت

💧 مدللة العصبي💧
🔮 Łuž JĶ🔮
💖 البارت 66💖
هبطو وهو شاد ليها فيديها حتى وصلو لحتى حدا كريم وقبل مايمدها ليه : هاهي اصاحبي حافظ عليها وديرها فعينيك كنضن هاد ليام تعرفتي عليها كيف دايرة بنت حساسة بزااف كتبكي من أبسط الأشياء فنوصيك عليها راها بنتي قبل ماتكون ختي
كريم (شد يديها وباسهم) : واش كتوصيني على حياتي ولا على روحي ولا على قلبي اخويا كنظن نتا أكثر واحد فاهمني (دار شاف فزئبق لي كتشوف فيهم مبتاسمة)
صخر بتاسم وشاف فمحبوبت قلبو فرحان وفنفس الوقت غااار من شدة جمالها الفاتن لي كيخلي اي واحد يسهى فيها
مشا حتى وقف عليها وهي حجب عليها الشمس واخا راها لابسة طالون ولكن حداه باقا كتبان كي النملة وهي زادت ابتاسمات
صخر : اخيرا شفتك وتعرفي شحال توحشتك
زئبق حناكها تزنكو : ياك غير ول البارح تلاقينا والبارح هضرنا ابيل فيديو
صخر : كل ثانية كدوز بلا بيك كنحس بيها عام واراه حتى ونتي معايا كنتوحشك
زئبق : احمم حتى انا (دورات وجها دغيا)
صخر : الله شوفي فيا ازرقة العينين،  اش هادشي بعدا لابسة كامل معري
زئبق : واش غنبداو عاود التاني،  اصلا طويل شوف
صخر : الطول طويل ولكن راه معري من الصدر واليدين اش هادشي (حيد الفيست ديالو ودارها ليها على يديها)
زئبق غير كتشوف فيه وكتفكر واش غدي تقدر تتعامل مع غيرتو الهوسية
أما عند كريم لي جر ريتاج معاه عند العدول جلسو على الطبلة وهو يبدا العدول كيهضر : السيد كريم المريني ولد حمد المريني وعيشة غنيم،  قابل بالأنسة ريتاج الهلالي وتعيش معاها فالصحة والشدة،  فالفرح والقرح والحزن قبل الفرح
كريم : قابل
العدول شاف فريتاج وعاود سولها نفس السؤال وجاوبات: قابلة وهو يسول الشهود لي كانو أسد و هشام: ونتوما اسيادنا قابلين
بجوج بهم دقة وحدة: الله اودي قابلين
كلشي ضحك وبداو كيصفقو ، والعدول عطاهم يوقعو وهو يهدر : ودبا كنعلن انكم اصبحتم زوج وزجة امام الله وأمام الملأ.
💧 مدللة العصبي💧
🔮 Łuž JĶ🔮
💖 البارت 67💖
تسمعو التصفيقات والتهاني كلشي فرحان ليهم
كريم شاف فريتاج: حبيبتي مبروك علينا(باس ليها فوق راسها )
ريتاج : الله يبارك فيك
دارليها الخاتم وحتى هي نفس الشيء وناضو يتغداو مع العائلة
نمشيو لواحد الكوبل نسيناه
كان كالس وكيشوف فيها من داك نهار ماهضر معاها معصب منها وفنفس الوقت معصب من راسو علاش يقولها كاع ديك الهدرة دبا هو متأكد انها كتكرهو
اما هي مكتشوفش فيه ولات كتخاف منو ولكن مكتكرهوش حيت باقا كتقول هداك خويا علاش غنتقلق منو او نكرهو،  شافت فيه لقاتو كايشوف فيها مخنزر هبطات راسها وناضت لطواليط تقاد حالتها شافها ناضت تبعها وتسناها حدا الباب حتى سلات غسلات يديها وخرجات لقاتو واقف ليها حدا الباب صدمها ودارت راسها مكاينش دازت من حداه وهو يشد يديها مزيرها عندو : اي طلق يدي راك مقصحني
هشام: شنو قلت ليك اخر مرة
سليمة: قلتيلي ماتبقايش تبانيلي وانا كنحاول ندير بهدرتك ودبا طلق من يدي باش نمشي
هشام زاد زيرها عندو : هادشي لي فهمو داك المخيخ ديالك،  واش مكتفهميش انه كنت خايف عليك لتوقع ليك شي حاجة ونتي اللالة سليمة خارجة تتسركلي ليا مع صاحبتك وداك ميخي باقي غنتفاهم معاك عليه
سليمة : وهما اش داروليك دبا ياك انا لي غلطت
هشام: اه نتي لي غلطي علاش تعطلتي بعدا فين مشيتو
سليمة: واطلق يدي والله حتى نقولك كلشي
طلق يديها وربع يديه كيتسناها تهدر هي تنهدات: دبا كيف كتشوف انا كنت معصبة منك وقلت نمشي نفوج شوية وطلبت ماما خلاتني صاف وخرجت مشينا درنا المول ونزلنا تمشينا على الشط دالبحر وصاف جا ليل وعيينا نقلبو على طاكسي مي مالقيناش وملي لقيناه جيت ولقيتك هكاك معصب
هشام : فخبارك بلي داك نهار كنت عوال نعتذر منك حتى انه كنت باغي نخرجك ونديك لمدينة الألعاب ولكن بغلطك خليتيني نتعصب عليك حتى انه كنت عوال نضربك على صبيانيتك،  وانا لي عمري هزيت يدي على شي مراة عاد نتي بنت عمي صغيرة،  الله لي عالم شحال من سيناريو تخيلتو وأكثرية ملي عاوداتلي مرت عمي على داك شماتة دراجلها خفت لتكون وقعات ليك شي حاجة.
سليمة حسات بالغلط ديالها: صافي سمحليا عفاك اخويا والله مانعاود
هشام ديك كلمة خويا كتزيد تجننو بيها ولكن سكت مابغاش يزيد يكفسها حتى يلقا شي حل معاها: صاف ماشي مشكل
هي فرحات حيت سمحلها وبلاما تشعر نقزات عليه درعاتو بجهد اما هو تصدم ماتوقعش منها هادشي ، هي حسات براسها وبغات تبعد من الإحراج ولكنو هو فطن بيها وهو يزيرها عندو معنقها وكيشم فشعرها لي فيه ريحة شمبوان دالعسل حمقو بقا غير كيشمشم حتى حس بيها بعدات : احم انا انا غنمشي عندهوم مشات كتجري وهو تبعها بعينيه وهو حاط يديه على قلبو حتى هبط راسو للتحت: بففف هادشي لي بقالي غير نشمها ونتا تنوض غير صبر اصاحبي حتى تحيد بعدا ديك الكلمة ديال خويا وهاني معاك
مشا دخل لدوش نزل راسو تحت الرشاش بلاما يفزك حوايجو دوش راسو بلما بارد حتى تهدن عاد خرج
عند أسد لي هز تيلي ديالو وهو داخل للقصر باغي يهدر ابيل حتى كيصونيليه تيلي: الو
جمال (مساعد أسد) : موسيو أسد انتشرو الشائعات حول زواج كل اولاد الهلالي وحتى المافيات وصلو ليهم الأخبار
أسد: اممم مزيان ، اصلا هما ماشي شائعات مهم غير خليهم يهدرو وشوف عندك يغفلك شي واحد جيب خبار اي واحد باغي يتقلب اولا باغي يدير شي حاجة
جمال : امرك

💧 مدللة العصبي💧
🔮 Łuž JĶ🔮
💖 البارت 68💖
قطع عليه وصونا لنهى دقائق حتى جاوباتو: علاش تعطلتي باش جاوبتي
نهى : كنت كندير الماكلة 
أسد : هاي هاي على مراتي الحادكة يخليلي يديداتك
نهى : كيداز العقد
أسد: سووبر ( شوية وهو يتفكر اش قالت ليه زئبق ) اجي بعدا نسولك
نهى : اهاه
أسد : عمر شي واحد وقف عليك ولا طلبك للزواج بلا داك ميخي
نهى كتفكر وهي تفتح عينيها ملي تفكرات واحد كان ديما كيتبعها حتى انه فشي ايامات كان كيخوفها وكون ماكانتش زئبق كون شدها فشي قنت : اااحم لا لا مكاين حد
أسد شاف فيها وهو مصغر عينيه  : متأكدة
نهى حركات راسها وقلبات الموضوع باش تنسيه: واش جا شي واحد من العائلة ديالك
أسد : لا غير حنا حتال نهار العرس وغيجيو
نهى : ااه مزيان ، يلاه سير عندهم من بعد ونهدرو
أسد : صافي سخيتي بيا 😕غير ضاحك الحب يلاه باي باي
قطع معاها وهو بقا كيفكر فردة فعلها وقال امكن غير كيتهيأليه صاف مشا عندهم لقاهم مجموعين على طبلة عائلية كبيرة أسد فالراس وعلى يمينه كاين منال وفيسارو كاينة زئبق وحداها كالسة اريج حداها يوسف لاصق فيها وحداه كاين كريم وريتاج وفالراس لاخر كاين القايد حمد وفجهة التانية حدا منال كاين كرسي خاوي لأسد وحداه هشام حداه سليمة وحداها حنان و عيشة ، شاف فيهم أسد وهو يقول فراسو باقي غير هيا وتكمل العائلة ضحك فخاطرو ومشا عندهوم وكلس كيهدر معاهوم
صخر دار عند زئبق كيهدرو غير بيناتهم : غدا غنخرجو صاف
زئبق : فين
صخر : مفاجأة
زئبق هزات كتفيها وضحكات: اوكي
تسلات الماكلة ناضو خرجو لجردة كيهدرو ويضحكو
وخلاصة خرا كاين واحد الشخص كيفكر كيف يدير ينتاقم من الهلالي
جاك : بوس راه المصادر ديالي كيقولو بلي عائلة الهلالي كاملين تزوجو من واحد العائلة وعلى مابان ليا هما صحاب من شحال هادي
بوس : امم اذن دبا مزيان غدي نخليهم يتعدبو مزيان ماشي بالساهل هما قلبو عليا داك صخر غدي نخليه يندم حيت تبع باه (وضحك ضحكة شريرة)
تسالات الجمعة وكل واحد مشا لدارو هاد المرة ركبات سليمة مع هشام وحنان ، كريم قرر يخرج ريتاج شوية ومنها يشريو لي خاصهم للعرس ، يوسف ماخرج من تماك حتى خلا منال تقبل تعطيه اريج، اما زئبق فقرر صخر يوصلها بطوموبيلتها نيت لي جات بيها وهو امر لكارد يتبعو بطموبيلتو ، وصلو لدار عياو فصخر يدخل قال ليهم والو خصني نمشي عندي ماندير . طلعو وهو شد زئبق باسها فراسها مع بعض كلمات الغزل عاد طلقها
💧 مدللة العصبي💧
🔮 Łuž JĶ🔮
💖 البارت 68💖
وهو مشا بحالو وفطريقو صونا للمحامي
المحامي : وي موسيو صخر
صخر : وجدتيلي داكشي لي طلبت منك البارح
المحامي : اه اموسيو موجود
صخر : امم مزيان دبا شوية غندوز موراه
دقائق وكان حدا باب مكتب المحامي دق ودخل ، سلم عليه كان راجل كبير كاسيه الشيب تسالمو وجلس صخر مقابل معاه : ضوسيي موجود كلشي كاين
المحامي : وي موسيو صخر باقي غير توقيع المدام
صخر : صافي ولا عليك(عطاه ضوسيي وخرج)
هز تيلي ديالو وصونا ثواني اااه الرد
….: صخر صاحبي غبووراات هادي من شحال ماهدرنا
صخر : واييه كيداير نتا لباس بعدا العائلة لباس المدام والوليدات
…: كلشي مزيان يسول فيك الخير ، ياك لباس اخويا محتاجني فشي حاجة
صخر : اه غدا غندوز عندك انا والمدام صاف
….: مبرووك عليك اصاحبي وأخيرا صخر الهلالي جات لي تنزل ليه كواريه
صخر ضحك : بحال هكاك ، يلاه تلاح حتال غدا
وصل ليل كل واحد مجمع فدارو.  عند أسد هبط يجلس معاهم كانت جات ريتاج كانوا كيتفرجوا حتى نطق : احم خويا أسد ، خواتاتي،  والوليدة قبيلة فالصباح قلت ليك لي كاين المهم بما انه سالينا العقد ديال ختي بغيت ندوي ليكم (كلشي شافو فيه) : احمم حتى انا ناوي
صخر فهمو ولكن باغي يستغبى: اش ناوي
أسد حشم : احم ناوي نكمل ديني
صخر : علاه نتا مكمل النص اللول باقي ليك غير التاني
أسد : وااخويا مكملو دبا انا باغي نتزوج وربي كبير
نقزو عليه الحلاقم كيبوسو فيه وكيباركو ليه: هاي هاي على الشوطين شكون هادي ياكما شي وحدة كنعرفوها
أسد حرك راسو : اييه كتعرفوها مزيان
منال: شكون اولدي راه فيا الفضول من الصباح
💧 مدللة العصبي💧
🔮 Łuž JĶ🔮
💖 البارت 70💖
صخر بلاما يشوف فيهم ملاهي فتيلي ديالو كيشوف تصاورو مع زئبق وكيزومي عليها مرككككز مع جميع تفاصيلها: صاحبة مراتي
أسد : واااصااحبي خليني انا نقولها علاش ديما قاطع فيا
صخر طلع فيه راسو وهو رافع حاجبو،  أسد : احمم اه الوليدة صاحبة مرات خويا
اريج  ناضت كتنقز : لاااا متقولهاااش يييييس واااش نهى
أسد فرحان حتى هو ناض كينقز معاها : اه اه هي
ريتاج تبعاتهوم : واااع درتيها الساط برافو عليك هاديك وااخا وناري ناااضية
منال فرحانة بولادها كينقزو حداها كيف دراري صغار وزيد فرحات ملي عرفات اسد شكون باغي: كيدرتي ليها اولدي،  علاما سمعت كانوا داويين فيها
أسد وقف من تنقاز وخنزر ملي تفكر عادل وهو ينطق صخر : علاه مافخباركش الوليدة،  ولدك ضرب السيد
منال (حطات يديها على فمها ) هاااويلييي على الدحش راه انا لي حمقة والدة دحوشة بحالك بحال خوك
صخر : وأنا مالي الوليدة
منال: يسحابليك مقاليش خوك على داك السكريتي مسكين لي ضربتي
صخر حك مؤخرة راسو وشاف فأسد مخنزر : احم هانتا شوف اخويا ماشي بالعاني هي لي جبداتلي فمي
صخر كيطلع كمام القميجة: اهاه اجي نجبدولك حتى انا باش نوريك
أسد شافو هكاك وهو يهرب طالع لبيتو كيضحك وصخر ضحك عليه ورجع كلس
منال : اااووف امتى يعمر هاد القصر بالناس
صخر : وشنو حنا الوليدة
منال: ماكنقصدش الدحوشة بغيت حفادي يبقاو يديورو حدايا ويلعبو

💧 مدللة العصبي💧
🔮 Łuž JĶ🔮
💖 البارت 71💖
الحلاقم حشمو من صخر وناضو لبيتهم اما صخر فبتاسم من الفكرة ، فكرة انه ولادو يهزهم بين يديه وعاد من المرآة لي كيبغيها شي حاجة غدي تحمقو وعاد ملي يشوفهم كيلعبو حداه هاديك دنيا ومافيها: اييه باقي الوليدة تسناي واحد العام وهاهما معاك
هبطو البنات بعدما بدلو لبسو بيجامات النعاس وجا حتى اسد وناضو يتعشاو
أصبحنا وأصبح الملك لله
بداية بصخر لي ناض مع 6 فرحان هبط يجري حتى وصلات 7 دصباح رجع للقصر طلع لبيتو دوش وهبط فطر وناض مشا يديوز لول للشركة يشوف واش كاينة شي خدمة بقات ليه ، انا زئبق فناضت مع 8 اول حاجة دارت فتحات تيلي لقات ميساج من صخر ” زرقاء العينين خاصتي ، يا أجمل وردة رأتها عيناي كيف صبحتي،  مع 10 كوني موجودة غندوز موراك صاف ”
ابتاسمات و ناضت كتكسل دخلات لدوش قضات حاجتها ودوشات خرجات نشفات شعرها وسرحاتو وناضت تقلب على شنو تلبس هزات تريكو صيفي فالأبيض وفيه كتابة بالأرونج ومعاه صاية صيفية فالأزرق  طويلة مع طالون فالأبيض 
هزات راسها فالساعة لي معلقة فالحيط لقاتها 9:50 دقيقة دغيا ناضت دارت شوية دالماكياج عارفاه غيحيح عليها اللهما تتعايش مع الأمر دارت اخر لمساتها وهي تسمع لكلاكسون عرفاتو جا هبطات لتحت لقات ماماها وباباها وحنان  كالسين كيفطرو وسليمة ديجا مشات للمدرسة لا هيا لا هشام و كريم ويوسف مشاو للشركة ، سلمات عليهم وهبطات كتجري فالدروج لقاتو واقف مربع يديه حدا طموبيل مرسديس كبيرة
هو شافها ومشا وقف عليها كيسكانيها بعينيه ويلاه غيهدر زربات عليه باستو فحنكو خلاتو مبنج: بلاما تهضر عافاك الصيف هدا مانقدرش نلبس حوايج بزاف غدي نتخنق
هو حرك راسو بلا حول ولا قوة الا بالله وزاد جبدها عندو باسها من الحنك لول وداز لتاني حتى عضها : ايي (كتهضر بشوية) واا صخر الناس كيشوفو
صخر : واخليهوم يشوفو مراتي وانا حر فيها ندير لي بغيت
زئبق: زيد زيد نمشيو من هنا
💧 مدللة العصبي💧
🔮 Łuž JĶ🔮
💖 البارت 72💖
حل ليها الباب ركبات وركب حتى هو كسيرا دازت ربع ساعة كاملة فكلمات الغزل ديال صخر وخجل زئبق حتى توقفات الطموبيل امام بناية كبيرة
زئبق شافت فيه مطلعة حاجب خافت ليكون باقي باغي ينتقم منها وجاي دبا يغتصبها ويخليها،  صخر بحالا قرا افكارها وهو يتنهد : حياتي الى كنتي باقي ماتايقاش فيا وخايفة ندير شي حاجة لي تضرك فبإمكانك تقرري لي بغيتي فعلاقتنا انا مابغيتش علاقتنا تكون مبينة على الشك وانعدام الثقة بيناتنا
زئبق لعنات نفسها على تفكيرها وهي تشد ليه فيديه : يلاه نزلو
صخر ابتاسم يعني هي كتيق فيه هدا بحد ذاتو انجاز ، نزل فتح ليها الباب وفيدو شي وراق  وهي نزلات كتشوف فديك البناية شدها صخر من يديها جارها معاه ركبو فالأسانسور ضغط على الرقم 4 تحرك بيهم حتى وصلو للطابق الرابع تفتح الباب خرجو وهو باقي شاد ليها فيديها وصلو حدا واحد الباب وهي تقرا فاللافتة لي معلقة حداه “العدول سمير غيث ” شافت فيه بصدمة: متقولهاش
هو شاف فيها بابتسامة جانبية وهو يصوني تفتح الباب اتوماتيكيا ودخلو وهي باقا مصدومة لقاو راجل فعقدو الرابع يعني فايت 40 سنة ولكن كيبان باقي صغير ناض وقف وجا عند صخر كيدرع فيه وهو يشوف فزئبق حرك ليها راسو باحترام وحتى هي نفس الشيء مشاو كلسو على الكراسة مقابلين معاه
سمير : صاحبي مرحبا بيك فالمكتب ديالي واخيرا درتي عقلك وبغيتي تدير حتى نتا دارك وعائلتك
صخر ضحك : ايوا هانتا تشوف
سمير : واخا اسيدي،  الضوسي ديالك (مدو ليه صخر )
زئبق عاد ردات ليهم البال يعني هادشي كان موجدليه من شحال اذن علاش مشاورهاش واش هي ماعندها شخصية حداه هدا قرار كيرجع ليهم بجوج سكتات وقالت غدي تهدر معةه ملي يخرجو
صخر شاف فيها : حياتي هاكي وقعي
زئبق شافت فيه مخنزرة وحيداتو من يديه وقعات وناضت وقفات وهو شافها اش دارت وقف حتى هو وسلم على سمير وقاليه راك معروض للعرس ، شد فيديها وخرجو بقات ساكتة حتى وصلو لطموبيل وهي تحيد يديها بنترة حتى خنزر فيها : اش نسمي هادشي اسي صخر
💧 مدللة العصبي💧
🔮 Łuž JĶ🔮
💖 البارت 73💖
صخر زاد خنزر  : اش كتقصدي
زئبق : لي كانقصدو باين واش انا ماعندي شخصية حداك هدا عقدنا بجوج علاش نتا بوحدك لي قررتي فيه ماسولتنيش حتى واش موافقة نديرو دبا اولا حتال نهار العرس علاش ديما كدير لي فراسك ياك كندير جاع لي كتطلبو مني اذن اش قصرت معاك فيه علاااش مشاورتنيش
صخر : صوتك خفضيه لاش هاد الهراج كامل ياك فالخر كنا غدي نتزوجو بحال اليوما بحال غدا
زئبق : مابقاتش فالنهار ا صخر ، بقات فعلااااش مكاتشاورنيش فشي حاجة متعلقة بينا وزيييد عليها شي حاجة مهمة بحال هادي،  الى كانت هدي مفاجأتك لي قصدتي البارح فشكرا عليها ولكن انا مقابلاهاش
صخر شدها من يديها : اش كتقصدي مقابلاهاش ياكما ماباغاش تتزوجي بيا
زئبق كتفك يديها : صخر طلق يدي ، انا ماشي ماباغاش نتزوج بيك بالعكس كون قلتيهاليا قبل بالفرحات عليا نجي معاك وانا فرحااانة ولكن باش تجيبني وتردني حمقة ماعارفة راسي من رجلي فااا سمحلي اسيدي، عرفتي بغيت شوية دالوقت نتهدن فيه بلاما نبقاو نهدرو من هنا حتال يوم العرس (يلاه دارت خطوة تمشي وهي تحس راسها مجرورة وهو حاط راسو على كتفها ومزير عليها من الخصر) : شوفي قوليلي اي عقاب اخر من غير انه مانهدرش معاك راه غير لماشفتكش نهار واحد النفس كتقطع فيا وحتى ملي مكاتكونيش معايا كنبقى ملاهي غير مع تصاورك
زئبق بقا فيها ولكن قالت الى مابعدتش دبا وحسستو بغلطو عمرو مغادي يشاورها ومغاديش تبقى شخصيتها امامو(تملصات منو وهدرات بلاما تشوف فيه ) :يوم العرس اجي ديني من عند الكوافورة.  مشات شدات تاكسي وركبات بدات كتبكي اما هو بدا كيضرب فالأرض مافهمش علاش دارت هكا ياك كانوا غدي يتزوجو فلاااش اصلا هاد الشكليات ركب فطموبيلتو معصب تبع التاكسي حتى شافها  نزلات حدا دارهوم ودخلات وهو قلب الدورة للقصر يمشي يتريني شوية
نمشيو عند هشام لي فاق بكري ليوما دوش ولبس عليه وخرج فاتجاه بيت سليمة دق وخرجات عندو لابسة (الصورة)  
💧 مدللة العصبي💧
🔮 Łuž JĶ🔮
💖 البارت 74💖
شاف فيها مزيان كيطلع وكيهبط وهو يهدر : واش
بغيتيني نوصلك معايا
سليمة : واش ماشي مشكل
هشام: اه طبعا زيدي
سليمة : ولكن نتا استاذ وأنا غير تلميذة غدي يحسابليهوم بيناتنا شي حاجة(قالتها بشوية حشمانة)
هشام فراسو :اودي خليهم يقولو لي بغاو هما لي كيشوفو كلشي اما نتي واخا نقولهاليك نيشان هكا مغاتدي مغاتجيبي ، احم لا ماتخافيش ابنت العميم مغادي يقولو والو غير زيدي
سليمة حركات راسها وهبطو فالدروج لقاو عيشة فايقة سلمو عليها وفطرو بالزربة وعيشة كتشوف فيهم وكتبتاسم ناضو خرجو بعدما سلمو عليها ركبو فالطموببل وصلو وكل الأنظار توجهت ليهم وهادشي زاد من إحرجها نزلات والبنات كيوشوشو وكينممو فيها وعلاش لا وهي جات مع محبوب المدرسة لا ووصلها جاااع وهو مخلا حتى بنت مقمعها نزل ومد ليها الكارتابل لي كانت علاين تنساه من التلفة والإحراج مشات كتسارع سابقاه وهو بقا كيشوف فيها ودخل من الباب دالأساتذة داز على الحارس العام ومشا لقسمو والوشوشات عليه وصل للقسم بدا كيقري عندو حصة للتلامذ ديال السانكيام وعاد الحصة التانية لي هو مشوق ليها عندو حبيبتو،  ضرب الجرس وخرجو وهو بقا فالقسم شوية سمع دقان يسحابليه صافي تسالات الإستراحة عطى اذن بالدخول حتى كيشوف الكمارة لي مكيحملهاش وشكون من غيرها سمية (عقلتو عليها هي لي كانت كتحماق على هشام) كانت لابسة كسوة مزيرة عليها وقصيرة كتبين المفاتن شاف فيها مقزز : ياك لباس
سمية قربات حتى وقفات على راسو : استاذ سمعت شي حاجة ومانعرف واش بصح
هشام وقف مخنزر فيها وهي قريبة ليه : اي حاجة سمعتيها خليها عندك لاش كتصدعيلي راسي انا
سمية زادت قربات ليه كتر حتى مابقا كيفصل بيناتهم والو: واش هديك البنت لي جات معاك كتجيك شي حاجة
هشام يلاه غيدفعها تفتح الباب.
🚫🚫شكون كظنو جا ؟؟ يلاه بغيت تعليقاااتكم وإشهاراتكم ولي لاااايك
💧 مدللة العصبي💧
🔮 Łuž JĶ🔮
💖 البارت 75💖
وكانت سليمة معاها نجلاء كيضحكو كانت سالات الاستراحة وهما فتحو الباب وهما يتصدمو وأكثر وحدة كانت سليمة خرجات عينيها حتى بداو يعمرو بالدموع وهي كتشوفهم قراب لبعضياتهم ولي كايبان ليها هي انهم كيتباوسو. هشام هز عينيه مع الباب لي تحل وهو يتصدم بسليمة شافها جرات نجلاء وخرجو سدو الباب وهو يدفع سمية: عندك يقولك داك الخرا دمخك تقربي ليها
ومشا خارج موراها كيجري باش يلحق عليها مخلي سمية كتقلى فسمها: والله حتى ندمكوم بجوج غاتسنا ونتا الى مكنتيليش والله لا كنتي لغيري
أما هو مشا كيجري يلحق عليها ملقاهاش عيا يقلب ووالو
سليمة لي جرات نجلاء دغيا دخلو لطواليط: ويلي اسليمة مالكي
سليمة كتحاول ماتبكيش دموعها كيخونوها : الا والو حشومة ندخلو على الأستاذ هكاك
نجلاء : حتى نتي هاديك غير سمية بنت القحبة مقطرة شحال من مرة قمعها هو ولكن هي غير مزايدة فيه
سليمة بدات كتمسح دموعها  : ايوا نربح بيه
نجلاء : مالكي نتي بعدا كتبكي
سليمة معرفات ماتقول هي براسها مفهامتش: احم والو يلاه نخرجو من هنا (خرجو بعدما غسلات وجهها )
يلاه خرجو وهو يضرب الجرس مشاو للقسم لقاوه واقف حدا الباب وحاط يديه على راسو وكيقلب عليها بعينيه حتى شافها جاية كتبان مافيها والو: س سليمة
هي شافت فيه وخنزرات : نعام ا أستاذ
هو شاف فنجلاء : نجلاء دخلي نتي انا نهضر مع سليمة ونخليها تدخل
سليمة كتشوف فيه رافعة حاجبها،  دخلات نجلاء وهو بقا واقف كيشوف فيها مالقا مايقول : اش كاين اخويا
💧 مدللة العصبي💧
🔮 Łuž JĶ🔮
💖 البارت 76💖
هشام غمض عينيه من كلمة خويا: احم شوفي راه قبيلاتي مااا(يلاه غيكمل كلامو حتى قاطعاتو)
سليمة : خويا هاديك حياتك سمحلينا كان خاصنا ندقو لباب قبل،  احم الى على هادشي غتهدر راه ماشي وقتو دبا تعطلنا 10 دقايق على القسم
خلاتو ودخلات وأول وحدة جات عليها عينيها كانت سمية لي حاطة رجل على رجل وفخاضها باينين قرب يبان ليها سليب ودراري نص فيهم كيشوفو فيها: يخخ الزبل ديما جامع عليه الدبان
مشات بلاصتها حدا نجلاء لي كتسولها اش قال ليها الأستاذ وهي كتجاوبها بوالو وهادشي باقي نجلاء مافخبارها بلي هو ولد عمها
نمشيو عند كريم لي ناض لبس عليه كومبلي زوين ومشا هابط باس راس مو وباه وحنان وفطر : ولدي واش خارج
كريم سرط دغمة بشوية عليه وجاوب : اه الحنانة غنمشي للشركة موراها اندوز على مراتي نخرجو شوية واش بغيتي شي حاجة
عيشة: لا ولدي سير انا راضية عليك
كريم : (باس ليها يديها) امين الحنانة يلاه بسلامة ودعهم وناض خارج ركب فطوموبيلتو واتوجه للشركة غير دخل كلشي ناضو وقفو وهو داز سلم عليهم وطلع للبيرو ديالو،  عندو البيرو ديالو هو و يوسف فالإطاج الأخير وبجوج بيهم عندهم سكريتيرات داز على سكريتيرتو ووقف هي طلعات فيه راسها قربو لقلوبة يخرجو من عينيها،  كانت بنت زوينة غير بالبوطوكس والتنفاخ ومركبة شعر والماكياج على جهد ولابسة نص كسوة لباين كتر من المغطي ، كريم مكيدويش معاها على هادشي حيت هو كيقول بنادم يكون خدام من نيتو وكيدير لي عليه هداك هو المهم انا ماشي شغلي فيه وماشي انا لي غنحاسبو (خنزر فيها ):كاين شي وراق نوقع عليهم دبا حيت مع العشرة غنخرج ولغي كاع المواعيد لي عندي
💧 مدللة العصبي💧
🔮 Łuž JĶ🔮
💖 البارت 77💖
سكريتيرة: اه اموسيو كغيم عطاتو ضوسي وقربات يديها باغا تقيس صباعو وقبل ماتوصل ضار غادي فحالو وقال: ساعة تكون عندي قهوتي
عند ريتاج لي فاقت بكري وعلاش لا وهي ليوما غدي تخرج هي وحبيب القلب راجلها،  ناضت دوشات لبسات عليها قميجة بيضة خفيفة باليدين مع صاية دالتوب فالزرق بارد كتتسد بالصدايف،  سرحات شعرها ودارت فوقو  بوندو ، دارت مكياج خفيف وهزات صاكها كانت علاين تسعود: بفف باقي ساعة وزيادة
بقات كالسة كتفكر اش دير حتى طاحت عليها فكرة انها تمشي ليه للشركة
نزلات فالدروج كتنقز لقات أسد و أريج باقين كيفطرو ومنال فالكوزينة مع واحد الخادمة : بايو الحيبان انا خارجة
أسد: نتي ماعليك حكام
ريتاج خرجات ليه لسانها: خارجة مع راااجلي
مشات خارجة ، ركبات مع شيفور طلبات منو يوصلها لشركة راجلها ، وصلات نزلات كانت ديك ساعة 9:20 دقيقة : بفف ماعرفتش شنو غدي يقولي(هزات يديها) ايوا صافي انا غير غنفاجؤا دخلات من الباب وقفوها سيكيريتي : سمحيلينا ا أنسة ممنوع دخلي
ريتاج : احم انا مرات كريم
سيكيريتي: شكون كريم امدام
ريتاج : كريم المريني
سيكريتي : واش كتقصدي الرئيس (حركات راسها) احم وباش غنتيقك امدام
ريتاج رفعات فيه حاجبها : واش باينة فيا شي وحدة كدابة
سيكيريتي : وريني دليل هو لول ونخليك دوزي
ريتاج بقات كتفكر شنو تعطيه كدليل حتى شافت فيه بمكر ودارت راسها كتهضر فالتيلي : الو كريم اهئ اجي عند هادا مخلانيش ندخل
….اه سيكريتي ديالك (هداك غير سمعها بدا كيقفف ) لا احياتي علاش غتخرجو من الخدمة
💧 مدللة العصبي💧
🔮 Łuž JĶ🔮
💖 البارت 78💖
سكريتي صاف فشل مشا عندها كيهضر بشوية: صاف عفاك امدام دخلي غير ماتخليهش يجري عليا راه عندي وليداتي كنخدم عليهم(ريتاج بقا فيها ولكن مالقات مادير ): احم صاف اكريم خليه مسكين راه مدار والو ، اه صاف يلاه باي
دارت راسها قطعات وزادت داخلة مع دخلة تلاقات بيوسف: خويا
يوسف دار عندها : مرات خويا لباس
ريتاج بتاسمات ليه : الحمدلله ونتا
يوسف : بيخير ، اش كديري هنا
ريتاج: جيت ندير مفاجأة لراجلي😂😂
يوسف ضحك وزاد داخل وهي تابعاه: زيدي نوريك مكتبو.
عند  أسد فاق دوش وهبط كيفطر وناض غادي خارج وهو يجبد تيلي كيصوني وكيصوني و والو حتى تقطع وعاود حتى تسمع فودنيه: الو
أسد: عااام باش تجاوبي
نهى: شكون معايا
أسد طلع حاجبو: عزرائيل
نهى: ها ها أشهد أن لا إله إلا الله وحده لاشريك له
أسد جابتليه ضحك وهو يغوت بجهد لي كارد ضارو كيشوفو اش واقع اما نهى ناضت قافزة وشعكوكتها واقفة: هانا هانا اش كاين
أسد : امم مزيان دبا توكدتي معايا 
نهى بعدات تيلي من ودنيها وشافت شكون وهي تخرج عينيها: احم أسد
أسد: عيونو
نهى : واش باغي شيحاجة
أسد : علاه غير ملي كنبغي شيحاجة عاد كنصوني ليك
نهى : لا
أسد : ايوا هكاك،  المهم راه البارح دويت مع الوليدة وخوتي عليك
نهى حشمااات: احم اهاه
أسد : ايوا بقا فيهم لحال
نهى تقلقات: علاش
أسد : الوليدة بغاتني نتزوج ببنت ختها
نهى كعات ديال بصح وعامل الغيرة كيشعل فيها العافية: ايوا سير بخر بيها اسيدي ماتبقاش تهضرني لاش مفيقني على الصباح
أسد شاد الضحكة بزز حتر بدا كيسمع شهقاتها: كيقولوا المراة العاقلة ماكتغارش حيت ديك ساعة بحالا كتعتارف انه كاينة شي وحدة حسن منها
نهى دموعها شلال: وشكون قالك انا عاااقلة، وأصلا شكون قالك انا كنغار
أسد فلتات ليه ضحكة : نتي مجنونة،  وانا مجنون بمجنونتي
نهى : ضحك نتا لي جا معاك ، سكتات شوية وكملات : ودبا واش غنتفارقو
أسد : الموت بوحدها لي غتفارقنا احبي،  متخافيش راه غير كنت ضاحك معاك البارح ملي هضرت ليهم عليك كاملين فرحو حيت نتي هي لبنت لي بغيت
نهى فرحات ودغيا مسحات دموعها: بالصح،  ومالك كتخلع فيا
أسد : غير ضاحك الحب،  يلاه نخليك دبا
قطع معاها ومشا يشوف الشركة اش فيها
💧 مدللة العصبي💧
🔮 Łuž JĶ🔮
💖 البارت 79💖
نرجعو عند كريم كان كالس مكونسونطري معا الوراق وهو يسمع دقان فالباب شاف فالساعة لقاها 9 وهو يقول : دخل
دخلات كتمايل وهازة طاسة فيها القهوة ديالو وهو متبعها اش باغا تصنع هي شافتو كيشوف فيها قالت هنا نبات بقات كتمايل كيشي لفعة وزادت هبطات الكسوة من جهة الصدر وسليبها قرب يبان،  وصلات للبيرو حطات عليه طاسة وبقات كتمشى بشوية جهتو وهو مخنزر فيها ومركز اش باغا دير يلاه هزات يديها حطاتها على كتفو وهو يتفتح الباب
نمشيو عند صخر لي وصل للقصر دخل نيشان للصال بقا كيتريني لوقت طويل وكتجيه هدرة ديال زئبق فودنيه بحال الناقوس وفكرة انه يبعد منها غير نهار كتجننو بقا كيضرب فالكيس الرملي حتى تقطع ليه اما هو يديه رجعو كاملين مدميين حيت مدارش القفازات
عيا وهبط كلس على الارض حاط راسو بين يديه وهو كيفكر كاع اش وقع هاد نهار الفرحة ديال انها تولي مراتو خلاتو غااافل انه زئبق شخصيتها غيييير حتى هي باغا لي يشاور معاها ندمم اشد الندم انه مشاورهاش قبل ولكن كان كيقول يمكن الى درتها مفاجأة ليها يمكن يعجبها الحال كيفما كاع البنات  ولكن لاااا زئبق اصخر ماشي هي اي وحدة ، زئبق هي مراتك هي حياتك
هادشي كامل ضار ليه فراسو: ولكن انا معذور اولا معذووور حيت هادي اول علاقة ليا وبغيتها تكون فالحلال،  وانا من طبعي مكانشاورش لوليدة براسها وقلييييل الى شاورتها فشي حاجة
منال كانت دايزة من تماك سمعاتو كيهدر غير بوحدو كايحسابليها كيهضر فتيلي غير دخلات للصال وهي تشوفو كالس فالأرض يديه مدميين تفزعات مشات عندو كتجري: ولدي ياك لباس ، معامن تضاربتي
صخر شاف فيها وناض واقف باسليها راسها : مكاين والو الوليدة ماديريش فبالك( يلاه غيدوز يمشي حتى شداتلو من يدو)
منال: لا اولدي ماعجبتيني قولي مالك اش مغير من خاطرك احبيبي قول لميمتك
صخر شاف فيها شحال وهو يعنقها باسها فوق راسها : غير شي مشاكل الوليدة
منال: واش مع الخدمة ولا مع مراتك
💧 مدللة العصبي💧
🔮 Łuž JĶ🔮
💖 البارت 80💖
صخر سكت ماهدراتش فهمات انه مع زئبق: شوف اولدي انا عارفة انه شي مشكلة بينك وبين مراتك خصك تحلها معاها وتهدر معاها فيه ، على حسب معرفتي بشخصية زئبق ، هي بنت كتبغي لواحد يهدر معاها فكلشي صوا فماشكلها صوا فشي حاجة تفرحها فكبر عقلك احبيبي وشوف مالها و وسع خاطرك معاها حنا البنات هكا دايرين شخصيتنا متقلبة بحال الريح
صخر : واخا الوليدة يلاه انا طالع ندوش
مشا وخلاها كتفكر شمن مشكل عندو
اما عند زئبق فماي دخلات لدار وهي لفوق فبيتها مخرجاتش بقات كتبكي حتى تفشات وناضت كلسات فوق الفراش كتفكر شنو قالتلو : زئبق كون مادرتي هكا عمرو يفكر فشخصيتك حتى نتي
هزات تيلي تصوني لنهى: نهى (بصوت باكي)
نهى : اويلي مالكي
زئبق : اجي لدار نعاود ليك
نهى : اوك 5 دقايق وهاني معاك
دازت 5 دقايق حتى كيتسمع صونيت فالباب ناضت عيشة حلات : اهلا بنتي نهى لباس عليك كلشي مزيان
نهى : بيخير اخالتي ونتي
عيشة: الحمدلله ابنتي،  واش عارفة مال زئبق هاد نهار مهبطاتش من بيتها
نهى : لا اخالتي لقيتني نيت جايا عندها
عيشة : طلعي عندها ابنتي الله يرضي عليك شوفي مالها
نهى طلعات الفوق لبيت زئبق دخلات بلاما دق: الدحشة مالكي
زئبق شافتها وهي تلاح عليها : مغانشوفووووش
نهى : شكوناهوا،  اويلي زئبق رجوع الله
زئبق حيدات منها : والكلبة رااجلي مغانشوفو حتال نهار العرس
نهى : هاء علاش اش واقع كنتو سمن على عسل
زئبق عودات ليها كلشي
نهى : واااصرااحة راجل عندك مجهد اختي كايدير كلشي من راسو
زئبق : ضحكي الكلبة جات معاك
💧 مدللة العصبي💧
🔮 Łuž JĶ🔮
💖 البارت 81💖

نهى : واصاف حتى نتي غير 2 سيمانات وهانتي معاه
زئبق : جاتك ساهلة بالفم الحمارة 
نهى بقات كتضحك وزئبق مخنزرة فيها وكتمسح دموعها وهي تضرب ليها طننن فراس ضارت عند نهى بالعرض البطيئ : اجي نتي
نهى سكتات من ضحك : نعام
زئبق : كاينة شي حاجة ماشي حتال تم كدور بينك وبين خو راجلي
نهى بقات كدور عينيها: اااااحم منين جبتي هاد الهدرة الحب
زئبق: اولله ياشيخة ومعاودتيلي دبا حتى نوض نشتف على والديك
نهى : صاف صاف ونتي غتاكليني غير بعينيك (بدات كتعاود ليها على أسد )
زئبق: هاي هاااي ومصدقش ساهل ولد لدينا بعدا هو رومانسي على خوه وكيتشاور معاك كييييتي اناااا لي غندي حجرة كتعرف غير تضرب
نهى : واصاف الحب فخبارك شحال من وحدة حاسدك عليه ايوا حمدي الله وسكتي
زئبق: لا غير يقربو ليه لمغززتهوم بسناني منتسماش زئبق
نهى ضحكات وبقاو تماك كيتعاودو
عند ريتاج وصلات هي ويوسف للبيرو دكريم وهو يقولها : هاهو  امرات خويا
ريتاج: شكرا بتاسمات ليه وفتحات الباب وهي تشوف ديك سكريتيرة حاطا يديها على كتفو تصدمات وطاح ليها الصاك  ودغيا تجمعو الدموع فعينيها: ك كريم
كريم سمعها بالزربة دور راسو عندها وناض واقف دافع الكلبة بعيد عليه حتى طاحت بسباب الطالون : ريتاج
ريتاج صاف ماقداتش تصبر دموعها بداو ينزلو هزات صاك من الأرض وخرجات كتجري خلات يوسف كيشوف باستغراب حتى كيستغرب من كريم تابعها كيجري مافهم والو

Leave a comment