Skip links

قصة : مدللة العصبي ج2

 16,540 عدد مشاهداات

💧مدللة العصبي💧
🔮łuž JĶ🔮
💝البارت 1 💝
فواحد الحي شعبي كيتسمع صوت الاطفال كيلعبوا ، النسا كيبرككوا وينمموا في الناس ، الرجال في القهوة شي كيضرب الشيشة شي كيشاتي شي كيتفرج في الكرة . كيما كيقولو كل واحد وهمو . وفواحد دار لي كتعتبر اكبر دار في هاد الحي ولي هي دار القايد حمد والي معروفة عليها دار الكرم والجود .كانت كالسة كتمشط شعرها ،بنت اية في الجمال”زئبق”🤩 بشرة بيضاء كي الحليب صافية عينين بلون البحر🙈 وفم غوز على شكل الفريز 💋 و واحد نويف صغير بحال وديناتها 🙉.وجه بيضاوي وغمازة على خدها الايمن . اما السالف قهوي مائل لزعورية وطويل فايت المؤخرة 😳رطب وقوي و واحد الجسم عندها يا سلام حوتة كولشي فبلاصتو “العود الفرنسي”
  كل شي فيها هو هداك حتى من اخلاقها كلشي في بلاصتو ولكن عيبها الوحيد انها متهورة ومفششة بزاف بحكم ان هي البنت الوحيدة بين 3 دخوتها رجال وهي الصغيرة فعمرها 20 سنة عندها العام 3 فلافاك بالاضافة ان القايد ما مخصصها من تاحاجة لي بغاتها تحضر فالبلاصة وهدشي خلا بزاف من صحاباتها يغاروا منها وفالاخير لقات فجنبها صاحبتها الوحيدة لي كتيق فيها وهي بئر اسرارها كتعرف عليها الشادة والفادة ولكن كيما كيقولوا بنادم عامر اسرار . صاحبتها نهى تلاقات بيها في نهار لول ليها فالجامعة
.
فلاش باك:
نزلات من طاكسي كتشوف الحجم ديال هاد الجامعة وكدور راسها هنا ولهيه تلفات معرفات فين تمشي شوية وهي تساطح مع بنت وطاحولها الكتب لي فيدها
زئبق : الزبل شوفي قدامك يخ تفو على تريكة فهاد الصباح صبحنا على وجهك 😡
نهى: سمحيليا ماشفتكش مي راه نتي لي منك لافوت 🙄
زئبق :(عاد فكرات) ااه سمحيليا ماقصتش غير تلفت حيت اليوما نهار لول ليا هنا 😕
نهى: نو هانية كتوقع، حتى انا هدا هو نهاري اللول هنا .امم سميتي نهى (مدات ليها يديها).
زئبق : انا زئبق متشرفين ا نهى .
نهى : وااو اسمك زوين شكون سماك
زئبق : جدة الله يرحمها😢
نهى : تبغي نكونو فريند
زئبق : اه طبعا
ومن داك نهار وهما مع بعضياتهوم وبالصدفة جاو مع بعضياتهم في نفس القسم وقراو مع بعضياتهم
💧مدللة العصبي💧
🔮 łuž Jķ🔮
💝البارت 2 💝
باااك :
حطات المشطة وهزات التيلي باش تصوني لنهى
زئبق: الوووو شيخة سفا
نهى : حمدلله الكلبة ونتي
زئبق: حسن منك الحمارة، كنت غادي نقولك اليوما شنو رأيك نخرجو ندورو شوية مليت فالدار
نهى : امم بلاتي نسول ماما ونرود عليك
زئبق: اكي.
قطعات عليها وناضت تبدل لبسات كسوة بيضا فيها الوريدات فالصفر ومفرفرة صماطي مع طالون فالابيض وطلقات شعرها دارت مكياج خفيف مناسب للسن ديالها وهزات تيلي ديالها لقات ميساج من نهى كتقول انها 5 دقايق وتكون عندها.
نمشيو لبلاصة خرى فواحد الغابة خارج مدينة الرباط كيتواجد واحد القصر كبير
كيبين على مدى غنى الاشخاص لي كيسكنو فيه مع الباب الكبيرة منقوشة الهلالي بالذهب وفلجناب كاين جوج تماثيل دسبوعة وغير كتفتح ديك الباب كتلقا حديقة كبيرة وطريق طويلة بعيدة على القصر ب 2 كلم ، حديقة خضرا عامرة بشجار من جميع الانواع والورود من جميع الالوان حتى زهرة الاركيد السوداء لي دايرينها فواحد القبة من الجاج وبتراب مخصص ليها  ومن بعد كتلقى واحد النافورة كبيرة على شكل دوائر مزخرفة
ومن شوفة الولة للقصر كيبان  مساحة ديالو كبيرة على اليمين ديالو كاين البيسين مستطيل طويل وعريض
وعلى اليسار ديالو كنلقاو اسطبل ديال الخيول ومن لور ديال القصر كنلقاو حديقة بجليسة عصرية فوتوي فكرونة وطابل دزاج ومن جهة خرى طابلة خشبية مع كراسي من خشب و حداها واحد المرجوحة
💧مدللة العصبي💧
🔮 łuž JĶ🔮

💝 البارت 3 💝
ومن الداخل دالقصر كنلقاو 3 دصالونات 2 صالونات تقليديين واحد فلون البيج و واحد فالازرق ملكي مع زرابي فنفس اللون اما التالت فهو صالون عصري صغر من جوج لي قبل بفوتوي فلكري مع مخاد فالموتارد عاطين جمالية زوينة .ومن بعد كتلقا طبلة طويلة ب 12 كرسي من الخشب منقوشة عليهم الهلالي
و كوزينة كبيرة يجري فيها الخيل كلشي فبلاصتو فاللون الاحمر والابيض وعندها تيراس وملي كتخرج من الكوزينة كتلقا دروج من الرخام كبار
والفوق كيتكون من طابقين الطابق الاول فيه غرف لكل فرد من العائلة وفالطابق التاني كيتواجد فيه سويت ملكي كبير للابن البكر للعائلة ولي ممنوع من اي واحد يقرب لتماك من غير خادمتو الشخصية
.هو شخص عصبي مستبد قاسي لا يعرف الرحمة زير نساء كل ليلة مع وحدة عمرو حب شي وحدة حيت ببساطة مكيأمنش بيه وكيشوفو غير خرافات وترهات كيقضي ليلة مع هادي وغدا مع هاديك كايشوف النسا كأنهم فقط لاشباع غرائزو ولي بغاها كتكون ليه معندوش كلمة لا فالقاموس ديالو لي دار الخطأ كيصفيهاليه فالحين معندوش مع التخلويض ولكن كل هدا كتشفعالو الوسامة الطاغية ديالو لحية كحلة مطراسية خفيفة عينين كحلين كي الصقر حجبان كثاف شعر رطب كحل بشرة قمحية نيف طويل وفك حاد عضلات ثمانية جسم منحوت  “صخر الهلالي”
فخامة الاسم تكفي من اصغر رجال الاعمال 32سنة ومن اغناهم عندو شركات خارج وداخل المغرب ولكن هادشي غير لي بغا يوري للناس اما هو فالحقيقة رئيس المافيا كلشي فعالم المافيا ضاربين ليه الف حساب وياويلو لي قرب ليه لحاجتو ولعائلتو ينحرو . صخر رغم قساوتو ولكن حنين على افراد عائلتو . قليل فين تشوف ابتسامتو اما ضحكتو ماتت شحال هادا من نهار مات ليه الاب ديالو لي كان مقرب ليه بزاف ومن بعد موتو ختار طريق المافيا وفاعوام قليلة ولى رئيس عليهم ذلك كيرجع لذكائو الخارق وسرعة البديهة ديالو . صخر قليل فين كيجي للمغرب اغلب اوقاتو كيكون فامريكا ولكن ملي كيجي كيبقا شهور عاد يمشي .
💧مدللة العصبي💧
🔮 łuž JĶ🔮
💝 البارت 4💝
كان كالس مع الام ديالو امرأة فعقدها الخامس ولكن مزال شادة فراسها زوينة ملامح شهبين
امرأة طيبة وحنينة ومتواضعة ولادها هوما عينيها عندها 4 دالاولاد صخر و اسد 27 سنة اريج وريتاج تويمات فعمرهوم 23 سنة .
صخر: (بصوت رجولي) الوليدة لباس
الام(منال):غدي نكون مزيانة اولدي الى درتي دارك و وليداتك اولدي راك كبرتي وما خاصك حتى خير اولدي تبارك الله الف وحدة تمناك ههههه.
صخر (بضجر) لوليدة رجعنا لنفس الموال عاود . سمعيني انا مكانفكرش نتزوج دبا ومباغيش نسمع هادشي دبا ملي نبغي نجي نقولهاليك واخا.
منال: صافي دبر راسك انا ماشي شغلي فيك دبا .
صخر:والواليدة سمعيني انا باقي مالقيت هادي لي تفهمني 🙄
يلاه كانت غتهضر منال وهوما يدخلو ريتاج واريج كيتسابقو شكون يوصل لول
منال : جيتو اهاد جوج حليقمات
اريج
نقزات على صخر من لور وتعلقات فعنقو وبستو فخدو
اريج: خويا الحبيب😘 مواااح توحشتك غبرتي علينا
صخر بتاسم ليها :حبيبت خوها هانا جيت دبا( باسا فجبينها)
ريتاج جات باستو حتى هيا وكل وحدة منين معلقة فيى دايرين كي القرود 😂😂 ملامح شهبين بحال ماماهم كيتشابهو فكلشي ملامح وحتى تصرفات .
ريتاج : حبيبو🥺
صخر (عارفها باغا طلب شي حاجة): امم اش كاين
ريتاج : عفاك خرجنا اليوما المدينة نمشيو ب 3 عفاااك🥺🥺
صخر: لا انا مشغول
اريج : عفاك اخويا غير هاد نهار 🥺
صخر: وخا ولكن دغيا نرجعو
اريج وريتاج دارو هاي فايف مع بعضياتهوم : يااااس😁😁
مشاو لبسو بحال بحال
وصخر لبس عليه الكاجوال كلشي فالكحل.
خرجو ركبو فلامبركني كحلا ومشاو خلاو العجاج موراهم دخلو للمدينة وكيتسمع صوت المحرك مجهد لي داز من حداه كيشوف فيه وقفو فسطوب.
🤔كيفاش كتوقعو غيكون لقاء بين ابطالنا
توقعاتكم اجوهراتي وعفاك داخل الرد باش ماتبلوكاش القصة وديرو اشهاراتكم للقصة 😘 حتى لغدا ان شاء الله
💧مدللة العصبي💧
🔮 łuž JĶ🔮
💝 البارت 5 💝
نرجعو عند بطلتنا من بعد ما خرجو مشاو لوسط لمدينة على رجليهم حيت قريبة فطريق كيتناكرو كل وحدة واش كتقول
زئبق : لا قلتليك غادي نشريوهم فالغوز
نهى:لا غادي نشريوهم فالموف
زئبق :سمعيني ااكلبة الغوز يعني الغوز
نهى : ولااا الموف
زئبق شبراتها من شعرها لي راه تحت شال ،كتدي وتجيب فيها دازو من ممر الراجلين ولي داز كيضحك عليهم . صخر بقا كيشوف فهاد جوج لي قدامو ضاربين الدنيا بركلة كتر من الحلاقم لي حداه
شافهم شوية قلبوها ضحك بقا كيشوف فيهم حتى لمح وجه زئبق ثار انتباهو ودار ضحكة جانبية وتحرك من تماك حتى تحكو روايض . دارت زئبق كتشوف
زئبق: اوى الله ينعل بات موت جدك اتفو الله اخليها قاعدة فيكم لي عندو شي خرشاشة يجي يبان علينا بيها تفو على كمامر .
نهى :اتي مالك شاعلة
زئبق : والو زيدي قدامي
مشاو لواحد المحل دالصبابط شراو بحال بحال
وبقاو كيتمشاو حتى دخلو لاكبر محل للحوايج كاين تماك وهي زئبق شافت لي كانت بغا يلاه حطات عليها يديها حساتها كتجر من الطرف التاني
زئبق: انا لي سبقتك ليها😤
…:لا انا 😠
زئبق: انااااااا
…:قلتلك انااااا
…..ريتاج اش كاين
ريتاج: خويا شوف هادي مابغاتش تعطيني هادي 🥺
💧مدللة العصبي💧
🔮 łuž Jķ🔮
💘البارت 6💘
زئبق بقا حالا فمها فالحلاوة لي قدامها
صخر: عطيهالا نخلصليك دوبل دتمانها 😏
زئبق غير شافت نظرة التكبر فعينيه جمعات راسها: لا انا بغيت هادي ومستحيل نتنازل عليها
صخر :  (تصدم) ريتاج ختاري شي حاجة خرى
ريتاج: لااا🥺😢 بغيت هادي
جات المسؤولة عندهوم : سمحولي كاين فاش نساعدكم
صخر : واش كاينين منهوم هادو
المسؤولة داخت: ااااا احم لا هدي طبعة محدودة اسيدي وبقات منها وحدة
زئبق : انا غادي نديها
ريتاج: لا قلتيك انا
جات نهى عند زئبق : صافي اصاحبتي خلي ليها الزمر مالك
زئبق : والله لا كانت ماشي شغلي انا غادي نشريها هي غادي نشريها.
صخر: كيشوف فيها مصرة وكيشوف فختو لي قريبة تبكي كان قريب يصفيهاليها : كيهدر مع المسؤولة : جمعي ليا النص دحوايج لي هنا عطيوهم لهاد الانسة وعطيلنا هادي .
زئبق : اسييي تا شفتك تيقتي راسك معنا .خيرك خاليه عندك انا باغا هادي ومنها نخلاق .جمعيهاليا عفاك ( كتشوف فيه بتحدي)
صخر جر ريتاج واريج لي كانت كتشوف فيهم وداهم ياكلو لكلاص اما زئبق ونهى بقاو كيدرو حتا عياو ومشاو ياكلو شي حاجة طلبو الماكلة وهي تنقز نهى
نهى: اوووووه شوفي تماك هداك من صباح كيشوف فيك 🤣🤣🤣عجبتيه الشيخة ولكن صراحة توتوز غير باينة فيه الخفة.
زئبق: ( شافت فين كتشوف لقات واحد كيغمز فيها ) امم ما بيهش ندوزو بيه هاد ساعة😉.
هداك شافها بتاسمات له بحالا عطاتو الضو الخضر ناض عندها بالخف .
….: سلام انا فهد ( مد ليها يديه بعدما سلم على نهى )
💧مدللة العصبي💧
🔮łuž JĶ🔮
💝 البارت 7💝
زئبق: معاك اا( مابغاتش تقول ليه سميتها الحقيقية) سلمى
فهد: اووه اسم زوين بحال مولاتو متشرفين ا أنسة سلمى 🤤
زئبق: امم شرف ليا 😏
فهد: امم ممكن تعطيني نمرتك 🤳
زئبق: امم اوكي قيد 06********( رقم غالط طبعا)
فهد : شكرا ازين 🤤 احمم صراحة ماكرهتش نزيد نهدر معاك ولكن صحابي كيتسناوني مي ماشي كشكل تتعوض ياك😻
زئبق: امم” بقى تحلم “😆
مشا فهد وهي دور زئبق لنهى لقاتها شابرة ضحكة غير بزز
زئبق: غا طلقيها عنداك طرطقي ليا هنا 😑
نهى: ههههههععع وااع ازبل كيكان كيشوف فيك🤣🤣🤣 فحال ضبع ااا🤤🤤 زييييين😂😂مكانش خاصهوم  يكدبو عليه مسكين ملي سماوه علاش سماوه فهد كون غير سماوه ضبع جات معاه كتر😅🤣🤣
زئبق : ( حتى هيا بدات تضحك) واللهيلا قالك اسم زوين زين يحشم على زينو 🙃😂😂يلاه نوضي نمشيو ولا ليوم تجري عليا عويشة من
💧مدللة العصبي💧
🔮 łuž Jķ🔮
💝 البارت 27💝
شوية تم داخل كريم وباه لي كانو مشاو يصليو فجامع وملي رجعو لقاوهم تماك
ريتاج كانت عاطياه بالظهر ملي سمعات صوتو وهي كتقول فين سمعتو هاد الصوت.
كريم و القايد حمد: السلام و عليكم
زئبق ناضت كتجري وصخر كيشوف فيها ، هي مشات باست لباها راسو وهادشي خلاه يتبسم على هاد المرضية لي لاقاه بيها الله ولكن عاود خنزر ملي شافها كتشعبط وتبوس فكريم
زئبق: حبيبي جيتي😇
كريم : اه مي بانلي عندنا الضياف
مشا عند صخر كيسلم عليه وصخر باقي على تخنزيرتو ودار باش يسلم على لخرين وهو يتصدم ملي شافها بغيت نقول شافهم😂😂😂بقا كيقول فراسو واش شي وحدة فهادو هو لي تلاقا بيها مب شكون
اريج سلمات عليه عادي وهادشي بينلو انه لي باقي ماسلماتش هي لي بغاها قلبو من اول نظرة
ريتاج سلمات عليه وهي مهبطة راسها حيت حشمانة ملي عرفاتو بلي هو وبغات تحيد يدها ولكن بقا شادها عندو حتى طلعات راسها فيه وهنا تلاقات العيون مرة ثانية وبحالا ضرب البرق فقلوب هاد العاشقين : اااا احم انا ريتاج وهادي ختي اريج
كريم : ( كيحك عنقو من اللور ) احم انا كريم وكنضن تعرفتو على عائلتي بقيت غير انا والوليد😃
عيشة كتغمز منال : ولدي كريم فخبارك كنا كنهضروا على زواج ودكشي ، ايوا احم دبا نقدرو نقولو كنتسناو غا الموافقة ديال واحد جوج ، ولكن لي بانلي هو انني نسبقك نتا قبل اولا شنو بانليك
كريم : اشمن زواج وديالمن وعلاش تسبقوني انا( دار شاف فيهم وموراها رجع راسو لعند ريتاج لقاها بحالا مقلقة ) ااا انا غدي نتزوج لبنت لي ختارها قلبي. هنايا ناضت ريتاج ومشات للدوش حيت ماتقدرش تصبر كتر من هاكا وعاد هي بنت حساسة بزاف ومن اقل حاجة تبكي عاداك الراجل لي من لحظة لولى لشافتو وهي كتبغيه ودبا كتسمعهم كيزوجو فيه . هو غير خرجات ريتاج قال ليهم انا طالع نبدل وغانجي دبا ، مشا تابعها وتسناها حدا لباب دطواليت غير خرجت شهقت ملي شافتو حداها اما هو شافها قلبو تهرس وهو كيشوف عينيها حمرين و تنفخو شوية يلاه دازت من حداه وهو يجرها عندو خشاها فحضنو كيزير عليها بحالا كيقوليها راه نتي لي باغيك ، هي بقات هاكاك حتى هدات ويلاه بغات تمشي وهو يزير عليها وجرها موراه دخلها ليتو وسد عليهم لباب : شنو كادير
💧مدللة العصبي💧
🔮 łuž Jķ🔮
💝 البارت 28💝
كريم: مالكي علاش كنتي كتبكي
ريتاج: ماشي شغلك😢
كريم: ريتاج جوبيني قبل مانتعصب راه نتي مكاتعرفينيش ملي كنتعصب
ريتاج: راه قلت ليك والو واصلا علاش ملاهي معايا دبا سير عند هاديك لي باغيها قلبك 😿
كريم : تبسم وقال الحمقة راه،هوما كانو باغيين  انهم يزوجوني وانا نقول ليهم هكاك
ريتاج تبسمات بارتياح : يعني مكتبغي حتى وحدة
كريم : الا كنبغي وحدة زويينة عنيها عسليين بحال جرة دالعسل و وجها صافي بحال شمس فمها بحال حبة الخوخ  وعقلها كبير وقلبها بيض بحال دراري صغار ولكن حساسة ودغيا كتبكي وانا دموعها غاليين على قلبي ، فخبارك بلي بغيتها من اول نهار شفتها.
ريتاج تقرصت وحست بحال الى قطع من قلبها كيتهرسو وعينيها بداو كيتغرغرو بدموع وهي كتحاول ماتبكيش ولكن شكون خلاك دموعها تساقطو على الارض بحال حبات البلور واللؤلؤ
كريم دغيا مشا حاضنها وهي كتدفع فيه بكل جهدها
كريم : زكاي وقفي ، مالكي دبا
ريتاج : واسير عندها علاش ملصق فيا انا هااء
كريم : اودي يا ودي وانا لي باغيها مرة بالف راجل  ، طلعت اكبر بكاية فالتاريخ
ريتاج: كيفاش
كريم : من صباح كنهدر عليك ونتي كأنك مكايناش فهاد العالم راه من لول قلت:
عشقتك يا صاحبة العيون العسلية
وقلبي يحترق لرؤية دموعك المنهمرة ،
على خدودك الوردية
وصولا لفمك الخوخي ،
احببتك من النظرة الاولى
ولم ولن تحلى لي اي انثى غيرك
حتى وان فقدت ذاكرتي كلها
لن افتح قلبي لاخرى الى ان تأت انت
يا ملكتي التي تربعت على عرش قلبي😍( احم شعر من ابداعي ههه)
شافت فيه وهي كتبكي ودرعاتو وهو هبط حتى لفمها واخيرا غادي يدوق فمها الخوخي لي حمقو وحتى هي مامنعاتوش بالعكس زادت طلعت راسها بحكم انها قصيرة علية كتبان قزمة قدامو . نزل على فمها وبدا كيبوس فيها وقسم فقرارة نفسو اهو عمرو داق ولا غيدوق اشهى من هاد الفم الخوخي لي كياكل فيه وحتى هي الشويطينة كانت دايرة كلوز ديال الخوخ.
💧 مدللة العصبي💧
🔮 łuž Jķ🔮
💝 البارت 29💝
شوية سمع دقان فالباب لي فيقهم من سباتهم
زئبق : خويا قالتلك ماما هبط تتغدا وااه طلق منك البنت راك غتقتلها😂😂قالتلو هاد الهضرة ونزلت كتجري فالدروج عنداك يلحق عيها حتى كانت غاطيح وشدوها شي يدين كبار مقارنة بخصرها الصغير  دارت وهي تلقاه هو.
صخر: بشوية عليك
زئبق: اا شكرا ليك
مشاو لعندهم شوي تم هابط كريم وريتاج مشادين كلشي ضار يشوف فيهم و واحد المغيار ناض باغي يدير شي موصيبة حتى شداتو زئبق من يديه دار شاف شكون طلع راسو فيها لقاها كدير ليه لا زعما تهدن وبحال شي مخدر نزلت عليه السكينة ورجع كلس حتى يشوف اش كاين
كريم : الوايدة ، الوليد ، خالتي ، خوتي كاملين بغيت نقولكم واحد الخبر أنا قررت نتزوج و ب بنت خالتي منال ، “ريتاج”
ريتاج: (شافت فيهم حشمانة) احم اه اماما
منال و عيشة ضربوها بواحد تزغريتة تسمعات من راس درب
صخر : وكيفاش حتى تافقتو دغيا وبغيتو بعضياتكم دغيا
كريم : وصاف اصاحبي نتا عارفني معقول وختك كنبغيها غنديرها فعينيا
صخر ناض عندو هاز يديه على شكل بونية كلشي شد على فمو😟 وهو يفاجئهم ملي درعو: وفين غانلقا نسيب بحالك اساط واتهلا فيها راها ضو دعينيا هادي
صخر حتى هو درعو: متخافش راها عينيا واش كاين شي واحد يبغي المضرة لعينيه
ريتاج حشمات وهي تجي عندها اريج: هاااي هههااي ناس غدي يتزوجو ويخليو ليا حوايجهم كبرتي اشيطانة وبغبتي تزوجي وتخلي تويمتك وتمشي عند توأم روحك
ريتاج مشات عنقاتها وبداو كيتباكاو دايرين جنازة غابوحدهوم وهو يجي نصر عنقهوم
يوسف : ايوا مبروك عيك اخويا االه يجيبلنا حتى حنا شي وحدة نبغيوها 😂😂 ( شاف فأريج)
زئبق مشات كدرع فيه : هااي هااي حتى نتا باغي دير شرع يديك ايوا ولمن غتخليني هنا
صخر غاكيخنزر فيهم : نتوما متأكدين خوت
زئبق : ونتا مالك هدا راه حبيبي
صخر مابغاش يزيد يهضر ضربلها واحد مولاتي تخنزيرة ركبات فيها رعدة وناض خارج
منال: ولدي فين غادي
صخر: انا خارج الوليدة ندير واحد الاتصال مهم ونجي
💧مدللة العصبي💧
🔮 łuž JĶ🔮
💝 البارت 30💝
زئبق : ( اتصال مهم زعما معامن🤨🧐 )
خرج صخر وصونا لسامي يسولو على الجديد : امم صاف وخا( من بعد وتعرفو اش قالوا)
رجع دخل لقاهم مجموعين على طبلة ومشا يكلس معاهم لقا كرسي خاوي غا حداها هي
زئبق: هضرت معاه غا بشوية كتبرغم (مشا يهدر معا لخرية ديالو تفو وانا مالي على هادشي علاش كيبقى فيا الحال)
صخر: شنو كتقولي🤔
زئبق: ونتا شغلك مالك غاكتهدر معايا انا سير تلاهالك معا تيليفونك
صخر حتى هو ماشي من العجزين عطاها خو جوابها: اه عندك الخق لي بحالك مخصنيش نهضر معاهم حيت راه عندي لي حسن فتيلي😉
هاظشي كامل دار غير بيناتهم حتى واحد مسمعهوم
نصر دار كياكل وكيشوف فختو وكريم كيفاش كيتصرفو باين الحب فعينيهم وفرح ليهم وتمنى حتى ختو اريج تلقا شي راجل بحال ريتاج
( لهلا يوريك اصخر معامن غيطيحا ربي)
صاف سلاو الغدا وكلسو كيهدرو على الخطبة قررو يديروها مور سيمانة والعرس مور شهر ان شاء الله
نصر : الوليدة انا خارج كنتسناكم على برا باش نمشيو
عيشة: هااء دغيا سخيتو بينا
منال: ايوا صاف اختي اش هاد الهدرة راه غادي نبقاو نتلقاو بزااف دبا اولا( ومشات حدا ودنيها وهمساتليها ) باقي غظي نزيد واحد جوج من عندك😉
عيشة : اييه مرحبا ان شاء الله حتى نتلاقاو
صاف هوما مشاو رجعو لقصرهم وكل واحد شد بيتو
💧 مدللة العصبي💧
🔮 łuž JĶ🔮
💝 البارت 31💝
💎اصبحنا واصبح الملك لله💎
نمشيو شي شوية عند اسد لي من نهار شافها وهو كيحاول يجمع المعلومات عليها
المساعد ديالو: سيدي راه غاع المعلومات كاينين فالملف بدا كيقراهوم : نهى العلاوي 20 عام عندها لفاك العام الثالث مخطوووووبة😡 كيفاش هاد مخطوبة زبل لاواه والله لاكانت ليه
عندها صاحبتها وحدة سميتها زئبق المريني 🤔بلاتي بلاتي هادي ماشي نفسها سكرتيرة دخويا لي دوزت ليها سطاج
امم مزيان دبا غدي يحلا لعب
مشا للمكتب ديال خوه وهو يلقاها تماك فالبيرو
اسد: احححم
زئبق : اا بونجوغ موسيو اسد
اسد: بونجوغ سفا
زئبق مبتاسمة ليه كيجيها ظريف كيشبه لخوها مراد : الحمدلله ونتا
اسد: احم الحمدلله ( بقا ساكت شحال)
زئبق: واش بغيتيني فشي حاجة😂
اسد: ماعرفت منين نبداهاليك
زئبق: غاهضر انا كنسمع
اسد: ( عاودليها كلشي من نهار تلاقا بنهى حتى للمعلومات لي لقا)
زئبق: بدات كضحك
فديك لحضة كان واحد شخص كيفور لداخل كيشوف فيهم مكاسمعش اش كيقولو مي غير من ضحكتها باينة فيها عاجبها الحال
زئبق: قولي هاكاك😂 اسيدي نهى هدا كانت،معجبة به من تحضيري ولكن غا اعجاب ماشي حب وهو جا عندها وقال ليها راني معجب بك واش قابلة تزوجي بيا وهي قبلت وملي سولتها انا واش كتبغيه قالت ليا راني غا معجبة به وممكن نبغيه مع الوقت
اسد(كاعي) امم واخا وانا غنشوف شكون غادي تبغي فالخر نتي متقوليلهاش بلي هضرنا وبلي كتعرفيني صاف
زئبق: صاف مشات😁
[v]
💧 مدللة العصبي💧
🔮łuž JĶ🔮
💝البارت 32💝
مشا اسد وهو يصونيلها تيلي: وي موسيو
صخر (معصب لاقصى درجة) ثانية وحدة نلقاك حدايا
مشات دغيا كتجري ودقات قاليها دخلي
زئبق : وي موسيو واش محتاج شي حاجة
صخر: اش كان باغي اسد
زئبق : ااا ونت منين عرفتيها بدات كدور راسها وهي تشوف الزاج لي كيبين كلشي وعظات على لسانها
صخر: راني هضرت مانعاودش الهضرة اولا خافي شري ابنت خالتي عيشة
زئبق : احم والو كان كيهدر هضرة عادية ونتا اصلا اشمن دخلة عندك هاء
صخر ناض واقف ومشا حتى قرب عندها وهو يشدها من يديها مزير عليها
صخر: هضرت ولا
زئبق مقصحها مي كتغانن: ونتا ماالك شكون تكون بالنسبة ليا بابا ، خويا ، رااجلي
صخر: بغيتي تعرفي شكون انا ياك ايوا يالاللة سمعي ، انااا كلشي انا باك المرضية، انااا خوك لي كضلي تشعبقي فيه ، وانااا هو راجلك   ان شاء الله ومغيكون حتى واحد قبل مني ولا مورايا. فهمتييي😡😠😤 ودباا قوليلي شنو كنتو كتقولو
زئبق : مستحييل عرفتي شنو هي مستحييل ، مستحيل نتزوج بيك وهو كان كيهضر على صاحبتي حيت كيبغيها ودبا طلق مني
صخر : رخف منها: ايوا نشوفو اللالة زئبق شكون لي غدي تتزوجي بيه ودبا يلاه خرجي وسمعيني نلقاك واقفة معا شي واحد والله حنى نصفيهاليه ونتي عارفاني نديرها😉
خرجات من تماك كتخبط فرجليها : ااوف اش كيحسابلو راسو هدا والله لاكانت ليه
نمشيو لبلاصة خرا من بعدما خرج من شركة مشا رجع لنفس الحي كيدور تماك على الله يشوفها بقا كيدور وكيدور وفالخر نزل من طوموبيل ومشا سول واحد الولد صغير كان كيلعب الكرة مع خوه
أسد: اجي اجي نسولك
الولد : نعام اعمي
أسد : كتعرف الدار د نهى فين جات
الولد: وعلاش خاصك تعرف
أسد: حتى البراهش ولاو كيهدرو دبا تقادو الكتاف
الولد : انا ماشي برهوش أنا دبا راجل وعارف حتى دارها ولكن مغاديش نقولك فين جات إلا الى جبدتي العاقة
أسد( جبد من جيبو 50 درهم وعطاهاليه) واخا الراجل ها الفلوس يله قولي فين دارها
الولد: امم دار خالتو نهى راه جات مع الدورة فاللون البيض والغوز
أسد مشا ركب فطوموبيل حتى وصل فين قاليه الولد وهو يصطاصيوني حدا الباب ديال الظار ومن زهرو شافها خارجة عرفها غادة تتسخر ومشا هابط عندها
💧 مدللة العصبي💧
🔮łuž Jķ🔮
💝 البارت 33💝
أسد غادي من موراها : بست بست زين مانشوفوكش وا غارحمينا وشوفي فينا
نهى(كتسمع مابغاتش دور عندو ) نتا ماتشوف فيك لا موحمة ولا شادة فحبل سير اخويا بعد راه غايشوفنا شي واحد ايحسابلو شي حاجة
أسد: شكون غاع غادي يشوفنا ياكما خطيبك
نهى وقفات صدمها وهي دور عندو وهنا كانت الصدمة : نتااااا
أسد: وشنو سحابليك شكون هدا لي يتجرأ يتغزل بيك من غيري😠
نهى: اححم شكون قالك على خطيبي وكفاش حتى لقيتيني
أسد: أولا ازين ديالي راه لي عندو فمو مايتلف يقدر يعرف كولشي اما عن خطيبك ازوينة والله لا كنتي ليه فهمتي الى ماكنتبش لأسد الهلالي والله لكنتي لغيري
نهى: واش نتا حمق فين كتعرفني اخويا علاش تابعني
أسد: كانعرف عليك كلشي شادة والفادة غير نتي متخفيش مع الوقت غدي تتعرفي عليا مزياان ان شاء الله وأاااه قولي لداك ميخي  ديال خطيبك يجي يواجهني نوريه رجلة😏
مشا ركب فطوموبيلتو وتحرك من تماك كيشوف فيها وقبل مايمشي خرج راسو من شرجم دطوموبيل وصيفتليها بوسة فالهوا : باي باي الحب
نهى غير مشا وهي تتنفس صعداء : ااش هاد زهر وشكون هاد بنادم لي سلطو عليا الله
نمشيو لواحد البلاصة بعييدة على مدينة كازا ، نمشيو لعاصمة المغرب فواحد الفيلا كان كالس البوس وجاك فصالون حداهم فوق الطابلة جوج كيسان ديال القهوة
جاك: بوص راه لقيت شي معلومات على عائلة صخر الهلالي
البوص : شنو لقيتي ( بالمناسبة الخوار راه بالصينية)
جاك: العائلة ديالو كتكون من الأم ديالو مرت صمد وبناتو تويمات جوج أريج وريتاج وخوه أسد وراه عندو شركة هنايا مسيرها باش يخبي انه مع المافيا وعلى ماسمعت اسيدي راه رجع رئيس دالمافيا نظرا لدهاء ديالو
البوص : مالك كترجف ، انا بحالو كيجيوني بحال الحشرات لي كناكلو ، انا عندي واحد الخطة أول حاجة غظي ديرها هي أنك تتعلم دريجة وتبدل سميتك لاسم عربي وفنفس الوقت غظي تدرس …..( من بعد تعرفو الخطة كاملة)
🚫 تتمة🚫
نرجعو لمدينة الابطال ، ونمشيو لواحد دار فواحد الحي شعبي دار من القزدير كاملة مهدمة والباب مهرسة من لظاخل كتسمع صوت بنت كتبكي وهي مدعا ماماها وكتشوف فواحد شخص هاز الصمتة عليهم كيضربهوم
….: بعد منا علاش كدير لينا هاكا ، انا حسبتك بابا ولكن نتا متستاهلش الشماتة، اش دارت ليك ماما😢
الشخص غير سمعها قالت شماتة بحالة شعلات فيه العافية
..: اجي نوريك واش شماتة ولا لا ( شبرها من شعرها وكيجر فيها)
الام: طلق من بنتي هي مدارت والو طلق منها
…: ماما انا بيخير متخافيش من هاد الشيطان مسحي دموعك ومتبكيش انا معاك ، طلق منبدي الحيوااان عاونونااااااا عونووونا عفاكم
شوية تمو داخلين جيران لي سمعوهوم رجعو مولفين عليهم يشوفوهوم هكاك كاين لي كاتبقا فيهم الام وبنتها وكاين لي باغيها فيهم
💧 مدللة العصبي💧
🔮 łuž Jķ🔮
💝 البارت34💝
هادي عائلة متكونة من الام حنان ومن راجلها واخيرا من البطلة الاخيرة معانا سليمة هي بنت جميلة خلقا وأخلاقا كلشي فيها هو هداك عندها 17 عام عندها العام الاخير فالثانوية  ولكن قررات انها تبدل مدرستها هاد العام حيت فالاولى باك كان وقعليها واحد المشكل معا واحد الاستاذة كانت كتحسدها حيت سليمة زوينة وكان واحد الاستاذ طايح فيها مي هي مكتديها فحتى واحد داخلة سوق راسها مكتجبد حد ولكن لي كيقلب عليها كيلقاها هي اه نية ودغيا كتسامح ولكن كيما كيقولو بنادم كل ما عطا فرص بزااف كلما نخفضت قيمة شخص ، لدلك هي كتبقا حتى كتوصل لمرحلة مكتبقا عاقلة فيها على حتى واحد ، المسكينة ماماها تزوجات ب راجل سادي فمعاملتو ليها كيضربها وكيعنفها حتى انها فكرت تهرب هي وبنتها ولكن حصلهم وكلاو مساكن العصا حتى جاو جيران كيفكو فيهم ومن داك نهار وهما هكاك كياكلو فالعصة ولحم البطلة ديالنا رجعات عامرة بطبايع زرقين من قوة دق لي كلات  ، البطلة ديالنا عينيها كحلين كسواد الليل ، بشرة حنطية وشعر مسبسب اللون شكلاطي ، فورمة هي هاديك على قد سن ديالها
هي كتخدم فواحد الكافي باش كتجيب لقمة العيش ليها ولمها اما الى عولت على راجل ماماها بقاو تماك عمرهوم ياكلو ، هو داك الفلوس لي كيربحهوم كيمشي يخسرهم فالقمار والمخدرات ، ليوما كلاو العصا حيت ساق الخبار ان سليمة عيطات للبوليس وشكات بيه  وهو باش يهدا ناض ضربهم شبعهم عصا
ايوا من بعد مادخلو جيران كيفكو شوية سمعو صوت البوليس ناض هو كيجري باش يهرب ساعة شدوه البوليس وبداو جارين فيه وهو يدور عندهم : غادي نقتلكوم ، باقي غاظي يجي نهار نقتلكوم
سليمة شدات ماماها مزيرة عليها: بعد منا سير فحالك
صاف سلا كلشي مشا فحالو وهي ظور سليمة عند ماماها : ماما شوفي غدا غادي نبدلو هاد دار صافي
الام : علاه فين غدي نمشيو ابنتي  وحنا ماعندنا حد
سليمة: ماتنسايش بلي بابا الله يرحمو كانت عندو هنايا عائلة وعلى ماسمعت عائلة كبيرة
الام: اه ولكن ابنتي حنا مابقيناش كنهضرو معاهم حيت كان وقع شي مشكل بين باك وعمك
سليمة: حنا اماما غادي نمشيو نطلبو سماحة اذا اقتضى الأمر لمهم منبقاش ساكنة هنايا وداك الحيوان يقدر يرجع يتعدا عليا الله يحفظ وموراها يقتلنا
الام خافت على بنتها: صاف ابنتي غدا نمشيو عندهوم ، فخبارك بلي كنتي عزيزة على عمك وعلى ولادو
💧مدللة العصبي💧
🔮łuž Jķ🔮
💝 البارت 35💝
: علاه هما شافوني ، وعلاش انا ماعاقلة على والو
الام: ماغاديش تعقلي طبعا حيت كنتي يلاه تزاديتي ، كنت كنعقل كانت كتجي عندك واحد البنيتة صغيرة كان فعمرها 3 سنين وكتلعب معاك ، وكان واحد الولد حتى هو فعمرو 5 سنين وهو لي سماك😂😂😂 من نهار حملت وهو كيجي يصدعني بخالتو انا انسميها انا انسميها
سليمة: وهو كان فعمرو 5 سنين منين عرف السمية
الام: قالك كانت كتقرا معاه وحدة زوينة سميتها حتى هي سليمة وكانت كتعجبو عليها سماك بسميتها
سليمة:😂😂 ظريف هاظ الولد
الام: اه على ماعاقلة هو الوحيد لي كان ظريف فخوتو ، حيت واحد اخور ديما معصب وتاني كيغير بزاف
سليمة: ااوه كاين 3 د دراري و واحد البنت ، ماما فوقاش مابقيناش ساكنين معاهم
الام: ملي كان فعمرك 1 عام
نخليو الام وبنتها يهضرو ونمشيو لبلاصة خرا كانت العشية ، كان هو فالقسم ديالو كيقري تلامذ دبانة ماتزنزن فقسم كلشي ساكت ومنتابه ، لبنات كل وحدة كتحنزز فيه كلشي باغين غانضرة منو ولكن هو والو وتقول جوج دلبانت فحياتو امو وختو من غير هادو ماكيحن على حد
…: موسيو هشام واش ممكن تفهمني هاد الحاجة
هشام مشا حتى لعندها ووقف : وي شمن حاجة
…: هادي شوف ( كتوريه فيديها لي كاتبة فيها انا بغاك بليز)
هشام شاف فيها بديك😒🤨: اه نوريهاليك اجي خرجي معايا على برا اسمية
سمية ناضت كتجري خرجات وهو يتبعها وسد الباب لي فالقسم كلشي كيهدر يسحابليهم صافي طيحاتو ( اودي لي غادي طيحو غتصدمكوم)
على برا
سمية: وي استاد
هشام : غادي دخلي تجمعي قلاوعك ( ادوات) وتقودي فحالك ومترجعي حتى تجيبي ولي امرك ووريه يديك كيفما وريتيني صاف، يلاااه مالكي كتبلقي فيا عينيك تحركيييي😤
سمية: لا ا استاذ عفاك والله مانعاود كلشي الا بابا عافاك ا استاد
هشام: ااه دبا عاداك خفتي ، قبايلاتي ماخفتيش ، راني هظرت واقيلة سيري جمعي حوايجك وتقلعي فحالك مانشوفكش كدوري هنايا
مشات دخلات للقسم كتجري وكتنخصص جمعات ادواتها وكلشي كيضحك عليها بشوية خوفا من الاستاذ وهي مرضااتش حلفات لخلاتو لشي وحدة
💧مدللة العصبي💧
🔮łuž JĶ🔮
💝البارت 36💝
سلا النهار وهو رجع لدار : الوليييدة واللواليدة
عيشة: هانا اوليدي لغزال حنين قلبي ، ياكما فيك جوع
هشام: والوليدة راني كبرت زعما اش هاد دلع ( مشا باس ليها راسها ويديها)
عيشة: الله يرضي عليك اولدي ، واخا تكبر اكبيدتي راني كنشوفك باقي ولد 5 سنين
هشام: الله يهديك اميمتي ، المهم انا طالع ندوش ملي يوجد الغدا عيطيلي
عيشة: واخا اولدي سير
نمشيو شوية عند صخر لي صوناليه سامي وكيهضرو على العقارب فين وصلو معاهم : ااه سيدي راه واحد شخص فهاد الايام غدي يجي لشركتك راه منهوم دير راسك ماعارف والو
صخر: اوكي ( قطع عليه) امم دبا نشوفو شكون دكي فينا
صخر شاف فزئبق لقاها من صباح فداك البيرو ودبا 4  مابقا والو ل 6 باش يخرجو وهي باقة حتى ماكلات ناض خرج لعندها ، هي كانت منزلة راسها على شي دواصا
صخر: زئبق (اول مرة يعيط ليها بسميتها)
زئبق: سمعات سميتها وهي طلع راسها ، وي موسيو
صخر: يلاه نمشيو نتغداو
زئبق : وعلاش
صخر : واش مافيكش جوع
زئبق: ونتا من امتى كاتحن فيا؟؟؟
صخر كان غادي : صافي ماقلت والو بغيت ندير فيك خير ساعة نتي متستاهليش
زئبق مشات دغيا شداتو من يديه هو بحالا ضربو ضو : تسنا انا غادة معاك شكون هدا ولا هادي لي غدي يرفض دعوة الرئيس شخصيا وعاد فابور😂😂
صخر تمشا قدامها حتى وصلو للاسانسور طلع هو اللول وعد هي هو بقا كيشوف فيها من اللور كيطلع فيها وينزل وكيفكر شنو يدير فيها ملي تكون بين يديه
هبطو مشاو ل لاكاف ركبو فرانج ومشاو لواحد المطعم كيطل على البحر ، مشاو ختارو طبلة بعيدة على الأظواء وكلسو فيها بقاو ساكتين حتى جا النادل طلبو اش بغاو ومشا
زئبق : احم غادي نبقاو ساكتين بزاف
صخر: ايوا هضري نتي ،
زئبق : عاودلي على راسك شي شوية
صخر: كاين شي واحد كيطلب من مديرو هادشي🤨 مي نجاوبك حيت نتي خت صاحبي
انا كيفما كتعرفي عندي 3 دلخوت جوج تويمات و أسد  فعمري 32 عام
زئبق : يااه على شارف فخبارك بلي نتا كبير عليا ب 12 عام كيفاش ماعقلتيش عليا
💧مدللة العصبي💧
🔮łuž Jķ🔮
💝البارت 37💝
صخر : شاف فيها وقال امكن بعد موت الاب ديالي الله يرحمو تأثرت داكرة ديالي ،يلاه غاظي يكمل الهضرة وهي توقف عليهم وحدة
…: زئبق اهلاا كيدايرة لباس بيخير غبورات هادي ماشفتك من الباك اختي كيدايرة
زئبق : ( طلعات فيها راسها وقلبات عينيها هادي واحد المنافقة مامنها جوج) اهلا بخير ونتي مزيانة اضحى
ضحى : الحمدلله اختي ايوا هدا راجلك ولا كتعرفي تختاري اشيطانة
زئبق : ضربات فيها واحد تخنزيرة كون ماشافتش ناس هنا كون نقزات عليها : لاء ماشي راجلي
ضحى: واايلي هي عندي شي فرصة بعدا
يلاه غادي تلاح عليها وهو يهضر صخر: لاء ماشي راجلها ولكن خطيبها وقريب تولي مراتي ان شاء الله
ضحى: امم اه ايوا نخليكم
زئبق : رجعات لبلاصتها وكلسات
صخر : شكون هادي
زئبق : هادي واحد المنافقة ومحسادة مامنها جوج قالتليك عندي فرصة
صخر كيشوف فيها بنص عين  : ونتي مالكي خليها تشوف واش عندها شي فرصة
زئبق (شافت فيه مخنزرة ) ياك ايوا سير اسيدي عندها شكون قالك تكدب عليها وتقول ليها انا خطيبتك
صخر : ياكما غرتي
زئبق : علامن غنغير ، عليك😒 لااا ماغرتش واصلا منمن واش من هاد عود الند ماعندها ختى تفصيلة دايرة بحال ستيلو بيك خضر ماشي تازرق هوف،
صخر : اابشوية عليك هاكي شربي الما تنفسي تنفسي ( عطاها الما وشرباتو) اودي غيرتك باينة مالكي كتخبيها ولكن عندك الحق مافيها ميتشاف ماشي بحالك كلشي فيك هو هظاك حقي انا بوحدو ولي شاف فيه نحرو 😠
زئبق: ماغرتش هادي اولا ، وثانيا شمن حق راه قولتلك مستحيل
يلاه غيهضر جا النادل حط ليهوم الماكلة وصاف سكتو كياكلو بصمت حتى ناض هو يخلص وخرجو من تماك كانت 6 وصلات وصلها لدار وهو رجع بحالو لدارو بغيت نقول لقصرو
💧مدللة العصبي💧
🔮 łuž JĶ🔮
💝 البارت 38💝
نمشيو لواحد الكوبل نسيناه
كانت فالبيت ديالها كتقيس حوايجها حتى سمعات تيلي كيصوني وهزاتو ملي شافت شكون
ريتاج : حبيبي اهلا بيخير
كريم: الله على حبيبي كيخارجة من فمك بحال لعسل ، الحمدلله احياتي ونتي
ريتاج( حشماانة) : الحمدلله كيدايرة خالتي عيشة وزئبق لباس عليهم
كريم : كلشي مزيان ، صونيتلك باش نعرضك على العشا واش غتجي
ريتاج : اا تسنا نسول خويا راه هنا فدار خليك معايا اوكي
مشات كتجري للبيت ديال خوها دقات قاليها دخلي
صخر كان كيلبس عليه تيشرت حيت يلاه وصل : وي ريتاج محتاجة شي حاجة
ريتاج : اااه خويا احم دبا كيف كتشوف كريم طلب ممي نتعشاو فواحد ريسطو وغدي يردني لدار واش ممكن
صخر : كون ماكان صحبي وبحال خويا وعارفو اش كيسوا كون نحرتك نتي وياه مي دبا ممكن تمشيو وسلميلي عليه قوليليه غدا يدوز لشركة باش نهظر معاه فواحد الموضوع
ريتاج : صاف واخة اخويا ( مشات باستو وشكراتو وخرجات) الو كريم  واش سمعتيه اش قال
كريم : اه سمعتو ايوا الله يسمعنا خبار الخير
ريتاج : يلاه احبيبي انا نخليك نمشي نبدل عليا راه 7 هادي
كريم : صاف انا معا 8:45 غاندوز موراك صاف
ريتاج :اوكي
مشات دوشات دوش خفيف ولبسات واحد الكسوة كحلة مشبكة معا طالون فالحمر ودارت ميكاب ليلي زوين ركزات فيه على عينيها جات فنة

💧 مدللة العصبي💧
🔮łuž JĶ🔮
💝البارت 39💝
شوية سمعات لكلاكسون وهبطات فالدروج بحال الاميرة غير تفتحات الباب ديال برا وهو يشوفها داخ
هي شافتو ساكت يسحابليها جات خايبة ولا ماعجباتوش
كريم: الاميرة ديالي ( مد ليها يديها وهؤ هبطات فالدروج بكل اناقة ) اش هاد الجمال ، اش هاد الاناقة (باس ليها راسها ) انا لي مزوج
ريتاج( حشمات وحنيكاتها تزنكو كتر من داك لفراجو لي دايرة) وصافي اكريم راك كتحشمني
كريم: ( رجع عناب من درجة قائد) هاي هاي على زين ديالي لي كيحشم صافي صافي يلاه زيدي ( فتح ليها طوموبيل وركبات) وهادشي كامل داز تحت انظار صخر لي بتاسم على تعامولو معا ختو ، عارف   مزيان ان ختو بنت حساسة ماشي بحال اريج هاظي هي الحاجة لي كيختالفو فيها ، هي كتبغي لي يدلعها ومايبكيهاش هي حساسة لواحد درجة كبيرة بحال ديك زاجة لي كتحافظ عليها ويلا غير قستيها تهرسات هكاك دايرة هيا
صاف داز داك نهار وعاشت فيه لالة ريتاج بحال الاميرة كيعاملها كريم بحال بنتو شااابر ليها الخاطر وشنو يدير سيد ولا مهووس بشي حاجة سميتها ريتاج
💫 اصبحنا واصبح الملك لله💫
ناضت كتكسل ومشات لبسات
وهبطات عندهم لتحت لقاتهم كيفطرو وشي ناس ضحكة عندهوم من الودن حتى لودن : هااي هااي شفت سي لعريس راشقة ليه
كريم: زئبق مابقاش لحتيرام ولا شنو تقادو الكتاف
يوسف : وصافي حتى نتي خليلي ختيتو الحبيبة نتا راشقة ليك على صباح وهي توحلهاليها اوو
زئبق: ( كتمسكن) شفتي اخويا يوسف اش كيدير لي😢
حمد: خلي عليك ختك اداك دحش
كريم : والوليد مدرتليها والو
عيشة : اودي ياودي قدكوم قد البغال وعقلكوم غا ديال الدراري صغار
كريم( ناض واقف حيت سلا الفطور) يلاه نخليكم انا غادي ، ( شاف فيوسف) ونتا اتمشي دبا ولا باقي
يوسف حتى هو ناض : لا حتى انا غادي معاك
💧مدللة العصبي💧
🔮łuž Jķ🔮
💝 البارت 40 💝
مشاو معا بعضياتهم لشركة وخرجات حتر زئبق لقات طوموبيل ديالها كان شراها ليها كريم كادو فعيد ميلادها 18 قلييل فين كتركبها ، المهم ركبات وتاجهات لشركة سطاصيونات ومشات داخلة وهو يتلقا ليها الكارد بحال دائما
الكارد : زيين كل النهار كيحلا عطينا من وقتك ولو شوية
زئبق: اودي اسي دريس غا سير قلب الدورة انا ماشي ديال داكشي
الكارد : وشوفيني والله حتى نعجبك وتولي تبغيني( زئبق كانت كتشوف موراها فواحد البركان) مالكي…( دار وهو يطيحلو الما فركابي)
الكارد: سسسسيدي احم
صخر( غادي عندو بالمهل) اشنو قلتي ليها تعجبها
زئبق: صخر صاف راه ماقال والو زيد ندخلو
الكارد: سييدي سمحليا
صخر: نسمحليك 🤨😏 واش عارف معامن كنتي كتهدر ولا لا 😡رااه مراتي اشريف
زئبق كتجر فيه وهضرت غا بشوية : مامرات حد انا زيد يلاه ندخلو
صخر شاف فيها بتخنزيرة وهي تضرب طم ، هضر معا واحد من ليكارد: ديو عليا هادا لديبو حتى نجي عندو
الكارد: لا اسيدي عفاك ( نزل على ركابيه باغي يبوسليه رجليه ) عفاك اسيدي الله يخليلك ماعزيز عليك
زئبق بقا فيها : صخر عفاك لكنت عزيزة عندك ولو شوية حن فيه عفاااك ( كتشوف فيه بحال القطة)
صخر (كيشوف فيها وفلحظة نزل يديه علامة على غير خليوه يمشي) انت مطرود
الكارد نزل على يديه باغي يبوسهاليه وهو كيحيدها: شكرا اسيدي شكرا امرات سيدي وسمحيليا
مشا الكارد وهو يدور صخر عندها : تعاودي شي نهار توقفيني ماغايعجبك حال
زئبق شافت فيه بامتنان كبر ليها فعينيها حيت سمع منها: شكرا🤗
شاف فيها وطلع سابقها وهي موراه: اليوما غدي دوزي ليزونتخوتان لناس لي غدي يجيو على قبل لبوست ديال لانجنيور
زئبق : ولكن اموسيو هدي ماشي الخدمة ديالي على ما أظن
وقف  وتساطحات مع ظهرو حيت كانت كتجري وملي وقف هو وقف على غفلة ودار شاف فيها : انا لي كنقرر وبما انك وحدة من ناس لي خدامين فالشركة فواجب علييك انك تبعي كلامي مفهووم
زئبق : امم واخا ، ومشات قدامو معفرة عليه
صخر: الله يصبرني معا هاد البنت
💧 مدللة العصبي 💧
🔮łuž Jķ🔮
💝البارت 41💝
جاو بزاف دالناس ل لونتخوتيان ومن بين ناس كان جاك لي ولات سميتو بدر وتعلم شي شوية الداريجة
جات النوبة ديالو يدخل ، مشا وجلس على الكرسي المقابل للجنة لي فيها زئبق ، أسد و سكينة ( من بعد الأسئلة المعتادة ، زئبق لاحظات انه ماكايتقنش داريجة) : علاش ماكاتعرفش لداريجة مزيان
بدر( بان عليه ستريس) : ااحم راه كنت عايش على برا من شحال هادي عليها
زئبق: امم واخا دبا يمكن ليك تتفضل حتى نعيطولك
صاف سلاو كلشي مشات زئبق لعند صخر وهي هازة الملفات لي فيهم CV ودقات: دخل
زئبق: موسيو راه سلينا ، هادو هما الملفات لي كاينين
صخر: اوكي ( كان ملاهي ف PC)
يلاه كانت غادة وهي توقف بحالا تفكرت شي حاجة: اا موسيو ( شاف فيها) راه كان تماك واحد راجل هضرتو مخلطة بلغة بحال صينية هكاك
صخر : اام اوكي شنو سميتو
زئبق : ماعاقلاش على الاسم ولكن صورة ممكن نعرفو ( مشات حتى لدوك CV  وبقات كتقلب فيهم حتى لقات تصويرتو ) هاهو
صخر شاف فيه : امم واخا يمكن ليك تتفضلي
مشات زئبق وهو رجع كيشششششوف فديك تصويرة: مابقاش بزاف
نرجعو عند كريم ويوسف من بعد ماخرجو من شركة : شوف اصاحبي انا غادي عند ريتاج نشوفها بغيتي تمشي يلاه راه غادي نتلقاو فواحد الكافي وراها جابا معاها ختها منها نيت تخليلي شوية ديال الراحة
يوسف تفكر اريج وضحك ضحكة شيطانية: امم واخا اصاحبي زيد مانخسرلكش
نرجعو لدار عند للالة عيشة لي كانت فالكوزينة كتوجد الغدا والقايد حمد فالبيت كيصلي شوية سمعو صونيت : اشكووون
…: قريب
عيشة سمعات صوت مرا ومشات حلات الباب ومعا الحلة تحلو عينيها بالصدمة : ح حناااان
القايد سمع الغوات كمل صلاتو وهبط لقا عاشة عاطياه بظهر و واقفة فالباب : اش كاين اديك المرا ( يلاه قرب وهو يشوفهم) مرت خويااا😧
حنان نزلات على رجليها: عفااك عاونونا انا وبنتي عفاك😭
سليمة كتنوض ماماها من الارض : ماما نوضي عفاك 😢
مشات دغيا عيشة نيضاتها من الارض وعنقاتها وكذلك القايد قرب منهم كيتأكد :16 فييين كنتو حتى لدبا عاد جايين ، عيينا نقلبو عليكم فين كنتو فييين
عيشة شافت الناس كيطللو من البيبان وسراجم هدا حال اامغاربة باغين غافشكون يقرقبو ناب : يلاه ندخلو لدار زيد
دخلاتهوم لداخل والقايد سد الباب ودخل عندهوم لصالون وغلس : فين كنتو
حنان بدات كتبكي وكتعاود ليه: هئ هئ كيما كتعرف اخويا من بعد المشكل لي وقع بيناتكم نت وخوك ولي لحد الآن انا معرفتوش هزنا من دار ومشينا لواحد القرية بعيييدة على المدينة عشنا تماك حتى وصلات بنتي سليمة ( شافت فسليمة ورجعات شافت فيهم) وصلات ل 8 سنين وتماك حا نهار لي غادي توقع فيه الكارثة كنت كالسة حتى سمعت تيليفون كيصوني نضت نشوف شكون ملي هزيتو
💧 مدللة العصبي💧
🔮 łuž JĶ🔮
💝 البارت 42💝
فلاش باك:
…: مدام المريني هادي؟
حنان: وي شكون معايا
…: معاك دكتور احمد من مستشفى الهلال ، اليوم جانا راجلك في حالة خطرة وتم نقلو للمستعجلات ، دار كسيدة على حسب ماتوصلنا بيه . لالة لالة كتسمعيني
حنان فديك لحظة طاحت سخفانة حتى جات سليمة عندها كتفيق فيها وكتبكي : ماما مالكي عفاك فيقي
حنان فتحات عينيها و أول حاجة دارتها هي تفكرات المكالمة وبدات كتبكي وكتندب وحداها سليمة مافاهمة والو وكتبكي حيت ماماها كتبكي . ناضت دغيا واقفة ومشات هزات شال وشبرات فيد بنتها ومشات دغيت شدات طاكسي وكطلب منو يزرب طريق كاملة وهي كتبكي غير وصلات نزلات دغيا بعدما خلصات مول طاكسي ومشات داخلة مدرمة شافتها واحد الممرضة وجات عندها : لالة لالة مالكيي
شافت فيها: راجلي فين فين راجليي😭😭
الممرضة : تهدني اللالة قوليلي شنو سميت راجلك
حنان : س هئ هئ سميتو جمال المريني
قلبات عليه الممرضة فالأرشيف وقالتليها: ااه هو الحالة لي جات اليوم راه الالة فالغرفة 109 يمكن ليك تمشي فالاسنسور للطابق 2 اتلقايها على يديك اليمين
مشات دارت كيفما قالت ليها وصلات تماك وكلسات بنتها على الكرسي مقابل للغرفة: كلسي هنا ومتحركيش
مشات هي كتشوف من واحد شرجم دزاج راجل كبير ولكن باقي شاد فراسو مدورين بيه الأجهزة و واحد الخيط مخشي ففمو باش يدخل ليه الهواء بقات كتبكي وسليمة كانت كالسة على الكرسي حتى غفات داز الوقت شوية شافت الأطباء كيتجاراو حاولات توقف واحد الممرضة: عفاك اختي شنو واقع هئ هئ😭 مالكوم ياكما واقعة شي حاجة
الممرضة : اللالة راه خصني ضروري ندخل دبا ، راه حالتو كتزيد تسوء هادشي لي نقدر نقولك حاليا
مشات الممرضة دخلات وبقات حنان كالسة على الكرسي كتبكي دازت ساعتين وتم خارج الطبيب كيحيد الكمامة على وجهو وباين فوجهو ملامح الأسى ، ناضت عندو حنان شادة فيد سليمة : هااه صمني ادكتور كيف بقا دبا ياك مزيان ياك
الطبيب هبط راسو بقات فيه: كنتأسف امدام درت كل مافجهدي باش نقدو ولكن تائ البقاء لله ، الله بغاه وخداه 
مابقاتش قادرة تسمع كتر ، كتسمع غير البقاء لله كتعاود ليها فودنيها حتى طاحت على طولتها ، جات عندها سليمة كتجري: ماما ماما مالكي فيقي عفاك
طبيب عيط للمرضات جاو هزوها داروها فواحد الغرفة ، دازت ساعات و ملي فاقت تفكرت اش وقع وبدات كتغوت وكتبكي وكتقمش راسها حتى سمعوها الممرضات وجاو عندها كيجريو💧 مدللة العصبي💧
🔮łuž JĶ🔮
💝البارت 39💝
شوية سمعات لكلاكسون وهبطات فالدروج بحال الاميرة غير تفتحات الباب ديال برا وهو يشوفها داخ
هي شافتو ساكت يسحابليها جات خايبة ولا ماعجباتوش
كريم: الاميرة ديالي ( مد ليها يديها وهؤ هبطات فالدروج بكل اناقة ) اش هاد الجمال ، اش هاد الاناقة (باس ليها راسها ) انا لي مزوج
ريتاج( حشمات وحنيكاتها تزنكو كتر من داك لفراجو لي دايرة) وصافي اكريم راك كتحشمني
كريم: ( رجع عناب من درجة قائد) هاي هاي على زين ديالي لي كيحشم صافي صافي يلاه زيدي ( فتح ليها طوموبيل وركبات) وهادشي كامل داز تحت انظار صخر لي بتاسم على تعامولو معا ختو ، عارف   مزيان ان ختو بنت حساسة ماشي بحال اريج هاظي هي الحاجة لي كيختالفو فيها ، هي كتبغي لي يدلعها ومايبكيهاش هي حساسة لواحد درجة كبيرة بحال ديك زاجة لي كتحافظ عليها ويلا غير قستيها تهرسات هكاك دايرة هيا
صاف داز داك نهار وعاشت فيه لالة ريتاج بحال الاميرة كيعاملها كريم بحال بنتو شااابر ليها الخاطر وشنو يدير سيد ولا مهووس بشي حاجة سميتها ريتاج
💫 اصبحنا واصبح الملك لله💫
ناضت كتكسل ومشات لبسات
وهبطات عندهم لتحت لقاتهم كيفطرو وشي ناس ضحكة عندهوم من الودن حتى لودن : هااي هااي شفت سي لعريس راشقة ليه
كريم: زئبق مابقاش لحتيرام ولا شنو تقادو الكتاف
يوسف : وصافي حتى نتي خليلي ختيتو الحبيبة نتا راشقة ليك على صباح وهي توحلهاليها اوو
زئبق: ( كتمسكن) شفتي اخويا يوسف اش كيدير لي😢
حمد: خلي عليك ختك اداك دحش
كريم : والوليد مدرتليها والو
عيشة : اودي ياودي قدكوم قد البغال وعقلكوم غا ديال الدراري صغار
كريم( ناض واقف حيت سلا الفطور) يلاه نخليكم انا غادي ، ( شاف فيوسف) ونتا اتمشي دبا ولا باقي
يوسف حتى هو ناض : لا حتى انا غادي معاك
💧مدللة العصبي💧
🔮łuž Jķ🔮
💝 البارت 40 💝
مشاو معا بعضياتهم لشركة وخرجات حتر زئبق لقات طوموبيل ديالها كان شراها ليها كريم كادو فعيد ميلادها 18 قلييل فين كتركبها ، المهم ركبات وتاجهات لشركة سطاصيونات ومشات داخلة وهو يتلقا ليها الكارد بحال دائما
الكارد : زيين كل النهار كيحلا عطينا من وقتك ولو شوية
زئبق: اودي اسي دريس غا سير قلب الدورة انا ماشي ديال داكشي
الكارد : وشوفيني والله حتى نعجبك وتولي تبغيني( زئبق كانت كتشوف موراها فواحد البركان) مالكي…( دار وهو يطيحلو الما فركابي)
الكارد: سسسسيدي احم
صخر( غادي عندو بالمهل) اشنو قلتي ليها تعجبها
زئبق: صخر صاف راه ماقال والو زيد ندخلو
الكارد: سييدي سمحليا
صخر: نسمحليك 🤨😏 واش عارف معامن كنتي كتهدر ولا لا 😡رااه مراتي اشريف
زئبق كتجر فيه وهضرت غا بشوية : مامرات حد انا زيد يلاه ندخلو
صخر شاف فيها بتخنزيرة وهي تضرب طم ، هضر معا واحد من ليكارد: ديو عليا هادا لديبو حتى نجي عندو
الكارد: لا اسيدي عفاك ( نزل على ركابيه باغي يبوسليه رجليه ) عفاك اسيدي الله يخليلك ماعزيز عليك
زئبق بقا فيها : صخر عفاك لكنت عزيزة عندك ولو شوية حن فيه عفاااك ( كتشوف فيه بحال القطة)
صخر (كيشوف فيها وفلحظة نزل يديه علامة على غير خليوه يمشي) انت مطرود
الكارد نزل على يديه باغي يبوسهاليه وهو كيحيدها: شكرا اسيدي شكرا امرات سيدي وسمحيليا
مشا الكارد وهو يدور صخر عندها : تعاودي شي نهار توقفيني ماغايعجبك حال
زئبق شافت فيه بامتنان كبر ليها فعينيها حيت سمع منها: شكرا🤗
شاف فيها وطلع سابقها وهي موراه: اليوما غدي دوزي ليزونتخوتان لناس لي غدي يجيو على قبل لبوست ديال لانجنيور
زئبق : ولكن اموسيو هدي ماشي الخدمة ديالي على ما أظن
وقف  وتساطحات مع ظهرو حيت كانت كتجري وملي وقف هو وقف على غفلة ودار شاف فيها : انا لي كنقرر وبما انك وحدة من ناس لي خدامين فالشركة فواجب علييك انك تبعي كلامي مفهووم
زئبق : امم واخا ، ومشات قدامو معفرة عليه
صخر: الله يصبرني معا هاد البنت
💧 مدللة العصبي 💧
🔮łuž Jķ🔮
💝البارت 41💝
جاو بزاف دالناس ل لونتخوتيان ومن بين ناس كان جاك لي ولات سميتو بدر وتعلم شي شوية الداريجة
جات النوبة ديالو يدخل ، مشا وجلس على الكرسي المقابل للجنة لي فيها زئبق ، أسد و سكينة ( من بعد الأسئلة المعتادة ، زئبق لاحظات انه ماكايتقنش داريجة) : علاش ماكاتعرفش لداريجة مزيان
بدر( بان عليه ستريس) : ااحم راه كنت عايش على برا من شحال هادي عليها
زئبق: امم واخا دبا يمكن ليك تتفضل حتى نعيطولك
صاف سلاو كلشي مشات زئبق لعند صخر وهي هازة الملفات لي فيهم CV ودقات: دخل
زئبق: موسيو راه سلينا ، هادو هما الملفات لي كاينين
صخر: اوكي ( كان ملاهي ف PC)
يلاه كانت غادة وهي توقف بحالا تفكرت شي حاجة: اا موسيو ( شاف فيها) راه كان تماك واحد راجل هضرتو مخلطة بلغة بحال صينية هكاك
صخر : اام اوكي شنو سميتو
زئبق : ماعاقلاش على الاسم ولكن صورة ممكن نعرفو ( مشات حتى لدوك CV  وبقات كتقلب فيهم حتى لقات تصويرتو ) هاهو
صخر شاف فيه : امم واخا يمكن ليك تتفضلي
مشات زئبق وهو رجع كيشششششوف فديك تصويرة: مابقاش بزاف
نرجعو عند كريم ويوسف من بعد ماخرجو من شركة : شوف اصاحبي انا غادي عند ريتاج نشوفها بغيتي تمشي يلاه راه غادي نتلقاو فواحد الكافي وراها جابا معاها ختها منها نيت تخليلي شوية ديال الراحة
يوسف تفكر اريج وضحك ضحكة شيطانية: امم واخا اصاحبي زيد مانخسرلكش
نرجعو لدار عند للالة عيشة لي كانت فالكوزينة كتوجد الغدا والقايد حمد فالبيت كيصلي شوية سمعو صونيت : اشكووون
…: قريب
عيشة سمعات صوت مرا ومشات حلات الباب ومعا الحلة تحلو عينيها بالصدمة : ح حناااان
القايد سمع الغوات كمل صلاتو وهبط لقا عاشة عاطياه بظهر و واقفة فالباب : اش كاين اديك المرا ( يلاه قرب وهو يشوفهم) مرت خويااا😧
حنان نزلات على رجليها: عفااك عاونونا انا وبنتي عفاك😭
سليمة كتنوض ماماها من الارض : ماما نوضي عفاك 😢
مشات دغيا عيشة نيضاتها من الارض وعنقاتها وكذلك القايد قرب منهم كيتأكد :16 فييين كنتو حتى لدبا عاد جايين ، عيينا نقلبو عليكم فين كنتو فييين
عيشة شافت الناس كيطللو من البيبان وسراجم هدا حال اامغاربة باغين غافشكون يقرقبو ناب : يلاه ندخلو لدار زيد
دخلاتهوم لداخل والقايد سد الباب ودخل عندهوم لصالون وغلس : فين كنتو
حنان بدات كتبكي وكتعاود ليه: هئ هئ كيما كتعرف اخويا من بعد المشكل لي وقع بيناتكم نت وخوك ولي لحد الآن انا معرفتوش هزنا من دار ومشينا لواحد القرية بعيييدة على المدينة عشنا تماك حتى وصلات بنتي سليمة ( شافت فسليمة ورجعات شافت فيهم) وصلات ل 8 سنين وتماك حا نهار لي غادي توقع فيه الكارثة كنت كالسة حتى سمعت تيليفون كيصوني نضت نشوف شكون ملي هزيتو
💧 مدللة العصبي💧
🔮 łuž JĶ🔮
💝 البارت 42💝
فلاش باك:
…: مدام المريني هادي؟
حنان: وي شكون معايا
…: معاك دكتور احمد من مستشفى الهلال ، اليوم جانا راجلك في حالة خطرة وتم نقلو للمستعجلات ، دار كسيدة على حسب ماتوصلنا بيه . لالة لالة كتسمعيني
حنان فديك لحظة طاحت سخفانة حتى جات سليمة عندها كتفيق فيها وكتبكي : ماما مالكي عفاك فيقي
حنان فتحات عينيها و أول حاجة دارتها هي تفكرات المكالمة وبدات كتبكي وكتندب وحداها سليمة مافاهمة والو وكتبكي حيت ماماها كتبكي . ناضت دغيا واقفة ومشات هزات شال وشبرات فيد بنتها ومشات دغيت شدات طاكسي وكطلب منو يزرب طريق كاملة وهي كتبكي غير وصلات نزلات دغيا بعدما خلصات مول طاكسي ومشات داخلة مدرمة شافتها واحد الممرضة وجات عندها : لالة لالة مالكيي
شافت فيها: راجلي فين فين راجليي😭😭
الممرضة : تهدني اللالة قوليلي شنو سميت راجلك
حنان : س هئ هئ سميتو جمال المريني
قلبات عليه الممرضة فالأرشيف وقالتليها: ااه هو الحالة لي جات اليوم راه الالة فالغرفة 109 يمكن ليك تمشي فالاسنسور للطابق 2 اتلقايها على يديك اليمين
مشات دارت كيفما قالت ليها وصلات تماك وكلسات بنتها على الكرسي مقابل للغرفة: كلسي هنا ومتحركيش
مشات هي كتشوف من واحد شرجم دزاج راجل كبير ولكن باقي شاد فراسو مدورين بيه الأجهزة و واحد الخيط مخشي ففمو باش يدخل ليه الهواء بقات كتبكي وسليمة كانت كالسة على الكرسي حتى غفات داز الوقت شوية شافت الأطباء كيتجاراو حاولات توقف واحد الممرضة: عفاك اختي شنو واقع هئ هئ😭 مالكوم ياكما واقعة شي حاجة
الممرضة : اللالة راه خصني ضروري ندخل دبا ، راه حالتو كتزيد تسوء هادشي لي نقدر نقولك حاليا
مشات الممرضة دخلات وبقات حنان كالسة على الكرسي كتبكي دازت ساعتين وتم خارج الطبيب كيحيد الكمامة على وجهو وباين فوجهو ملامح الأسى ، ناضت عندو حنان شادة فيد سليمة : هااه صمني ادكتور كيف بقا دبا ياك مزيان ياك
الطبيب هبط راسو بقات فيه: كنتأسف امدام درت كل مافجهدي باش نقدو ولكن تائ البقاء لله ، الله بغاه وخداه 
مابقاتش قادرة تسمع كتر ، كتسمع غير البقاء لله كتعاود ليها فودنيها حتى طاحت على طولتها ، جات عندها سليمة كتجري: ماما ماما مالكي فيقي عفاك
طبيب عيط للمرضات جاو هزوها داروها فواحد الغرفة ، دازت ساعات و ملي فاقت تفكرت اش وقع وبدات كتغوت وكتبكي وكتقمش راسها حتى سمعوها الممرضات وجاو عندها كيجريو

💧مدللة العصبي💧
🔮łuž JĶ🔮
💖 البارت 43💖

جاو الممرضات دارو ليها الابرة باش تتهدن
حنان: (كترطا)وطلقو مني بغيت راجليييي طلقووووو هئ هئ طلقوو طلق(نعسات)
جات سليمة كتجري شدات ليها فيديها: مالها ماما علاش ناعسة هكا وفيناهو بابا(كتبكي)
بقات فيهم كاملين بنت صغيرة تيتمات وهي باقي حتى مكملات عقدها الاول وأم ارملة ماعندهم لا حنين لا رحيم
دازت ديك الفترة كلها نواح وبكا ، تمت الجنازة بفضل الجيران لي وقفو معاهم حيت كان عزيز عليهم المرحوم
داز عام تكرفسات فيه حنان باش توكل وتربي وتقري بنتها سليمة حتال واحد النهار رجعات للدار كتفكر شافت فيها سليمة:ماما مالكي فاش كتفكري
ماما ، ماااما ،مااااما
حنان: ها ها(شافت فيها)نعام امامي
سليمة:قلت ليك فاش كتفكري
حنان:طلب مني الزواج
سليمة: شكون وكفاش واش غيكون عندي بابا جديد
حنان: واش بغيتي يكون عندك باباك
سليمة حركات راسها ب اه، تنهدات حنان كتزيد تفكر فأش وقع بينها وبين هاد عريس الغفلة ملي طلب منها الزواج حيت قاليها باغيك من النهار اللول قالتلو راني عندي بنت قاليها انا قاابل ، المهم تم الزواج يلاه دازت ديك سبعيام ديال الباكور وهو يبدا كل نهار كيوكلهم الدق والعصا حتى كبرات سليمة وبدات كتفهم اش كيدور بيها ، ايوا وليوم وقع…
اند باك
حنان:هئ هئ هالدشي لي وقع اليوم
عيشة: تاء لا حول ولا قوة الا بالله ، هدا راه وحش تفو
حمد: (بقا كيففففكر وعينيه كيدمعو )مرات خويا الله يرحمو ، قلبي تقطع على هاد الاخبار لي قلتي ولكن بما انك ارملة خويا وبحال ختي ، داري هي دارك بقاي هنا نتي وبنتك راكم منا ولي صابتكم صابتنا.
حنان :(شافت فيه بامتنان) شكرا اخويا شكرا(ناض هو خارج  )
عيشة : بلاتي نعيط لولدي يجي يهز ليفاليز ديالكم
حنان : واخا ، طلعي معاه حتى نتي السليمة باش تعقلي على البيت فين جا
حركات ليها سليمة راسها كتسنى هاد ولد العم لي غيهبط.
عيشة: هشااام واا هشااام
هشام: من الفوق : نعام الوليدة
عيشة :   هبط اولدي عفاك واحد دقيقة
هبط فدروج وتم داخل للصالون مسفح شاف اللول فحنان هي شافت ضحكات : هشام هادا نتا كبرتي اولدي
هشام(بتاسم ليها) شكرا ولكن معرفتكش
عيشة: هادي مرت عمك الله يرحمو وهادي بنتو سليمة
هو نسا راسو بلي هابط زبط غا شورت لي لابسو ومن الفوق ليزابدو ياختي
دور وجهو وهو يتصدم  من جمالها الطبيعي ، مد يديه : مرحبا ببنت عمي
سليمة: سلمات عليه وهي كنبتاسم بحشمة: شكرا
طلع هو وهاز معاه ليفاليز: سليمة ياك
هي كانت تبعاه من اللور: اه
هشام: شحال فعمرك
سليمة: عندي 17 عام
هشام: بقا صغيرة ، كتقراي؟؟
سليمة : اه عندي الباك هاد العام
هشام: امم، عطيني وراقك نسجلك فالمدرسة اوكي
سلمية حركات ليه راسها فرحانة
💧مدللة العصبي💧
🔮łuž JĶ🔮
💖 البارت 44💖
نخليو هاد جوج ونمشيو عند الابطال ديالنا
خرج من الشركة متوجه لدار تلاقا بالام ديالو كالسة: ولدي لباس عليك
صخر: الحمدلله الوليدة ونتي كيبقيتي لباس
منال: لباس لباس( كتشوف فيه من لتحت )
صخر: الوليدة مالكي (هبط راسو لقاها كتبكي تخلع عليها) شكون بكاك الوليدة قوليلي
منال: هئ هئ ولدي هئ دبا ريتاج غتزوج و هئ تخوي عليا الدار شوية غدي تبعها اريج هئ وغنبقا بوحدي هئ هئ هئ
صخر : عنقها كيطبطب عليها : الله يهديك الوليدة ، وراه هدي هي سنة الحياة ماعندنا مانديرو واصلا اريج باقا معاك وانا معاك
منال: حتى اريج مابقا والو وتتزوج ونتا راك راجل ماشي بنت باش تجلس معايا وتكلمني راك بخدمتك وكدا
صخر: دبا الوليدة اشنو الحل باش تسكتي
منال(مسحات دموعها بحالا عطاها ضو الخضر ) تزوج
صخر( تصدم) الوليدة رجعنا عاود لنفس الموضوع
منال(شدات ليه فيديه) ولدي راك كامل مكمول والكمال لله .الف وحدة تتمناك غا قولي لي حبها خاطرك نمشي نخطبهاليك
صخر( تفكر زئبق) الوليدة لي بغاها خاطري مابغاتنيش
منال: كيفاش مابغاتكش، شكون هادي
صخر: بنت خالتي عيشة
منال ( كتفكر شكون حتى ضربات ليها طننن فراسها وهي ترسم ابتسامة واسعة) اممم ايوا اولدي هادي ماعندي مانديرلك خاصك تتسناها حتى تبغي ومن هنا حتى تبغي غيكونو جاو فيها الخطاب و.. (يلاه جات تكمل ناض هو واقف وجهو حمر عينيه جمرة )
صخر:(غا كيفكر انها تكون لغيرو كتشعل فيه نار مايخمدها غا هي) مستحيل عرفتي شناهيا مستحيل ، (شاف فمو) الوليدة غدا وجدي راسك نتي وبناتك غادين نخطبو
منال: شافت فيه نقزات كتبوس ليه راسو :يرضي عليك اولدي الله ختارتي زينة البنات انا نيت كنت باغياها ليك
صخر(بتاسم ليها) انا طالع ندوش ونتي قوليها لخالتي عيشة
منال : هي اللول
هو مشا طالع وهي هزات تيلي كتصوني لعيشة
عيشة: الوو
منال: الو ختي عيشة لباس عليك الامور مزيانة
عيشة: الحمدلله اختي منال ونتي لباس لولاد كلشي بخير كيدايرة عروستي
منال(ضحكات) هي بخير وفرحانة ومرتاحة مع ولدك الحمدلله ،
عيشة: الحمدلله
منال: ااعيشة بغيت ندوي معاك فواحد الموضوع
عيشة: الله يسمعنا خبار الخير ، اسنو كاين اختي
منال: خير خير، سمعيني انا بغيت نعاود نتناسبو
عيشة: كفاش مافهمتش
منال: وااصاحبتي وغدا وجدي راسك راه جايين نخطبو بنتك لولدي
عيشة :(طلقاتها بزغريتة تسمعات فغاع الحي حتى بداو جيران كيطلو من شراجم والبيبان )خبار زييينة هادي، اييه ايييه مرحبا بيكم والف مرحبا
منال: يلاه نخليك نمشي نوجد
عيشة: بسلامة اختي بسلامة
سلات المكالمة وهدرات معا حنان لي كانت كالسة حداها
عيشة: وجدي راسك غدا جايين الخطاب فزئبق
حنان(ضرباتها بتزغريتة حتى هي) شي عراسية فاعلة
تاركة
عيشة : ان شاء الله
ديك ساعة سمعو صونيت دلباب مشات عيشة تفتح لقاتها زئبق نيت: بنتي لباس عليك
زئبق(باستها من خدها) ماماتي بخير ونتي
عيشة: الحمدلله، تعطلتي؟
زئبق: اه ملي خرجت من الخدمة دزت عند نهى كلست معاها شوية وجيت
عيشة : اه وخا اجي نوريك شي ناس جاو لعندنا
دخلات لصالون لقات مرا قد ماماها و بنت مراهقة كالسين كيشوفو فيها قلبها دغيا رتاح ليهم بحالا كتعرفهوم من زمان: السلام وعليكم
ردو عليها: وعليك السلام
عيشة:هادي مرات عمك الله يرحمو وهادي بنتو سليمة
مشات كتسلم عليهم وهي مبتسمة
زئبق(بتاسمات ليهم ) مرحبا بيكم عندنا ، دار داركم
عيشة: زئبق: هما راه غيبقاو ساكنين معانا
زئبق: (بتاسمات وشافت فيهم) مرحبا نيت تونسيني شوية اسليمة
سليمة(رتااحت ليها) اه واخا اختي
زئبق(بتاسمات وطلعات تبدل حوايجها شوية سمعات الدقان فالباب) دخل
عيشة: زئبق بنتي بغيت نهدر معاك ،
زئبق : نعام اماماتي
💧مدللة العصبي💧
🔮łuž JĶ🔮
💖 البارت 45💖
نمشيو لكوبل الرباعي ديالنا
وصلو كريم ويوسف للكافي دازت 10 دقايق تمو داخلين التوأم وغاع الانظار توجهو ليهم خاصة اريج لي كانت لابسة واحد الكسوة قصيرة على عكس ريتاج لي لابسة كسوة طويلة نظرا لتوصيااات الزوج المستقبلي😅😂
يوسف شاف اريج هكاك عقد حجبانو ودور راسو كيشوف ناس كلشي كتشوف فيها  ناري بحالا حتيطي قلبو على مجمر
ناض واقف حيد لافيست لي كان لابس ومشا قاصدها
هي شافتو جاي جيهتها وقفات وتكمشات بلاصتها خصوصا وهو باينة فيه ناوي على خزيت
يوسف: تبارك الله  تبارك الله  ، لحمك ساخي عليك ياك الالا اريج
اريج(وخا خايفة ولكن صنطيحة) ونتا مااالك با خويا اشنو كتجيني
يوسف: (دارليها لافيست بزز وهي كتحيدها) تحيديها نقطع لمك ليدين،  وبالنسبة لشكون انا نتي ماشي شغلك ودبا زيدي قدامي
اريج: فييين( يلاه غتكمل جبدها من يديها وزيدها قدامو)
اما عند الكوبل المتفاهم
ريتاج(خافت على ختها) فين غادي بختي
كريم: متخافيش يوسف غيحطها فعينيه،  ودبا تلاهاي معايا
شافت فيه وتوردو خدودها: احم هانا
كريم: يخليلي ماطشتي لي كتسمع الهدرة
ريتاج شافت فيه بابتسامة: صاف راك كتحشمني
كريم(مابغاش يزيد يحشمها )
شنو تشربي
ريتاج: امم عصير الخوخ
كريم(تفكر البوسة) اييه هي لي متعاودش
عيط لسيرفور: واحد قهوة قاصحة، و واحد العصير دالخوخ للمدام
مشا سيرفو هو دور راسو شاف فيها لقاها مزنكة
كريم: ريتاج مالكي
ريتاج(كتفكر فديك الكلمة لي قال”المدام” ) احم لا والو
نخليو هادو يعيشو رومانسيتهم ونرجعو عند بطلتنا لي كتفكر
زئبق: بفف شنو ندير
فلاش باك:
زئبق: هدري اماما مالكي مترددة
عيشة( حسمات امرها) بنتي انا عارفاك نتي ضد موضوع الزواج ولكن دبا جا الوقت اولا
زئبق: ماما شنو باغا تقولي من لخر
عيشة(تنهدات)خالتك منال طلباتك لولدها
زئبق(تصدمات): واش صخر
عيشة: مانعرف واش لكبير ولا صغير
زئبق: وكفاش معارفاش اماما
عيشة: كنظن لكبير ابنتي
زئبق: مهم اماما خليني نفكر
عيشة: فكري وردي عليا ليوما بليل حيت هوما غدا جايين
زئبق(زادت صدمة على صدمة ): كفاش غدا
عيشة: كيفما سمعتي مهم ردي عليا وكنتمنا متحشمينيش معا خالتك
زئبق: وخا اماما ان شاء الله ليوم بليل نجاوب
اند باك
زئبق: اااووف شنو ندير شنو
دورات راسها لقات تيلي ديالها كيشعل وكيطفا مشات هزاتو لقاتو هو نيت صاحب دعوتها
ترددات فالول عاد جاوبات: الو
صخر: مالكي ماجاوبتنيش دغيا
زئبق: كنت ديرالو سيلونس
صخر : امم، شنو قلتي فالموضوع
زئبق: راه زربتي عليا ، انا قلت ليك مستحيل، علاش مكتسمعش الهدرة
صخر(مهدأ): دبا شنو قلتي بلاما تزيدي الهدرة
زئبق: بقا كنفكر
صخر: كنتمنى بالليل تجاوبيني
زئبق: ان شاء الله
نرجع عند واحد الشخص نسيناه
..: سيدي راه مدام نهى خرجات عاد دبا
أسد: امم اوكي
مشا خارج ركب طموبيلتو لامبورجيني وصل حدا حومتها بقا كيدخل بين زنايق كيقلب عليها حتى وقف حدا واحد جردة وبقا كيسكاني حتى كتبانليه كالسة ومعاها شي واحد عاطيه بظهر عرفو بلي خطيبها طلع ليه دم ولا كيغلي تنفس ومشا عندهوم.
💧مدللة  العصبي💧
🔮łuž JĶ🔮
💖 البارت 46 💖
عند نهى لي من بعد ماكانت فالدار صوناليها تيلي وهي تلقاه خطيبها المزعوم
عادل: نهى سفا لباس عليك
نهى: الحمدالله ونتا
عادل: بخير،  بغيت ندوي معاك فواحد الموضوع
نهى: دبا؟؟
عادل: اه الى قدرتي تجي لجاردة لي فالحومة انكون كنتسناك
نهى: اوكي
قطعات عليه ولبسات حوايجها وخرجات لقاتو كيتسناها
سلمات عليه غا باليد وكلسو
نهى: نعام اعادل كاينة شي حاجة
عادل: احم دبا انا وياك مخطوبين ياك
نهى : نن باقي ماجيتيش عندنا لدار
عادل: اه بصح ، المهم شوفي انا نعطيك جوج حلول اوكي حيت بنتيلي بحالا مامهتماش بهاد العلاقة
نهى شافت فيه جابليها الردة غير بكلامو وكتفكر كيفاش تعجبت ب بحال هاد الانسان
عادل: المهم الشرط اللول هو انه نجي نخطبك ونتزوجك  فنهار واحد ديك الساعة وتمشي معايا
نهى دارت فيه ديك شوفة دمن نيتك
عادل: والشرط الثاني هو نساليو هادشي ماحدنا مادرنا فطجين مايتحرق
نعطيك مهلة نهار وجاوبيني يلاه غينود يمشي وهو يحس بشي ظل فوق راسو طلع فيه عادل حجبانو
عادل: ياك لباس اخويا مالك واقف ليا فوق راسي وانا معا المدام
اسد: شنو قلتي
عادل: واش مكتسمعش
اسد(كيطوي كمام القميجة لي لابس) عاودلي لكلمة لخرانية بحالا سمعتك قلتي المدام
عادل: اييه ونتا مالك
اسد مزادهاش معاه ديك ساعة عطاه براس لنيفو حتى رعف وبدا عليه بلكروشيات مهبطو لرض وهو كايحاول يدافع على راسو مي والو بحالا طلقتي عليه شي اسد نيت خاصو غا يفترس الفريسة ديالو
مشات نهى كتفك فيه: عفاك لما طلق منو غتقتلو
دار شاف فيها عينيه جمرة: كتخافي علييه🤬متخافيش غدي نهنيك منو
نهى : وطلق غيموتلك فيدك ، وراني خايفة عليك دبا يجيو البولي….س(باقي حتى مكملاتها سمعات صوت صطافيت) ناري ناري ونوض عليه نوض الله يرحم من رباك نوض عفاك
ماناض عليه حتى ردو شرويطة جفاف نيت لبوليس كانو وصلو عليهم
الشاف: هزو عليا هدا ديوه لسبيطار ونتا زيد قدامي
اسد: شاف فيه باستهزاء :اش قلتي
الشاف: كيفما سمعتي
اسد: اييه مرحبا زيد زيد هدا هو نهار لخر ليك تماك نيت نكمل بيك نهار
الشاف(واحد الشارف خواف منو مكاين) مغاديش تخلعني غازيد
اسد سكت مرجع راسو لور خلاه كيدوي بوحدو حيت هو معندوش مع الكلام كيدوز لتطبيق نيشان
يلاه غتمشي سطافيط حتى وقفاتهوم نهى
نهى: حتى انا نمشي معاكم
دار شاف فيها مخنزر: ماعندك فين تمشي سيري لدار يلاه
نهى: الااا غدي نمشي(ركبات حداه) وبدات كتحرك صطافيت
اسد: راسك قاسح
نهى: مايكونش قدك واش انا كنقول ليك طلق منو ونتا زايد فيها بغيتي تقتلو
اسد: يحمد ربي ماقتلتوش والله وما اعبد ياحتى نحرو ونحرك حتى نتي هاد المرة الى شفتك معاه
نهى : وااشكون نتا هاء مقابلني فحياتي كانت حياتي نورمال غادة عادي علاش جيتي نتا علاش دبا حتى  اختل توازني
اسد: (قرب لعندها حتى مابقا كيفصل بيناتهم والو ودوك صحاب الحال غا كيشوفو فيهم وهما غاع ماجايبين ليهم خبار) الى اختل توازنك نتي ، انا راه مابقاش عندي كاع هاد التوازن من نهار دخلتك هنا(شير لعقلو) وخبيتك هنا(شير لقلبو) من داك نهار مشاليا هاد المسمى ” التوازن ”
نهى(خدودها حمارو وسكتات كترد نفس من قربو شديد
وصلو لكميسارية ودخلوهوم عند العميد
دقو فالباب: دخل
الشاف: سيدي راه جبنا هاد خينا كان غيقتل شي واحد
العميد: دخلوه نشوف
شاف: علم ، مشا عندو : زيد قدامي
أسد: زاد خلفة وتبعاتو نهى
وصلو حدا المكتب ودق الباب: دخلو
تمو داخلين العميد طلع عينو وهو يبانليه اسد: ولدي أسد مرحبا مرحبا زارتنا البراكة هاد النهار ناض عندو كيعنق فيه وداك الشاف حال فمو مفاهم والو ، مغايكونش كتر من لالة لبنات راها في دار غفلون
اسد: اش خبارك اعمي مصطفى لباس عليك
مصطفى: الحمدلله  اولدي هاحنا كنعديو ، كيداير واحد صخر والوليدة ولبنات لباس عليهم
اسد: يسول فيك الخير اعمي بخير لباس عليهم كاملين
العميد : غلس غلس بغيتي تشرب شي حاجة
اسد : مانردهاش فوجهك ، بغيت واحد العصير دليمون .
العميد: سير جيب ليه لي بغا
الشاف(تصدم) علم مون شاف
العميد: ايوا اش طاري حتى جابوك لهنا نتا مامولفش بهاد البلايص
اسد: امم واحد كان كيتعدى على مراتي وانا ضربتو هادشي لي كاين (شاف اسد ف نهى وغمزها)
اما هي بقا مصدومة وزادها كملها بكلمة مرتي لي حركات ليها الفراشات فلمعدة وعاد الغمزة غتسخف ليه تماك مافيهاش
💧مدللة العصبي💧
🔮łuž JĶ🔮
💖 البارت 47 💖
تسمع دقان ودخل الشاف جابليه عصير الليمون خداه أسد من عندو وناض عطاه ليها شافت فيه : شكرا
شرباتو كامل نيت كانت عطشانة من بعد غاع الغوات لي غوتات
اسد:(ضحك عليها) صاف نقدرو نمشيو اعمي
العميد: وقع على هاد لوراق وسيرو ونتا(موجه كلامو لشاف)
الشاف: كيقفقف : نعام امون شاف
العميد: حط الشارة ديالك وسلاحك وسير حيد عليك البذلة ديال البوليس ، عندك اجازة مفتوحة حتى نحتاجك ونعيط ليك
الشارف الهارف بدا كيبكي: عفاك اشاف مدرت والو
العميد كيشوف فيه مخنزر حتى كان غيبول فسروالو بدا كيحيد الشارة والسلاح يلاه غيبدا يحيد البذلة
اسد: سير حيدها فشي قنت وديرها تصبن عاد جيبها
وزاد شد فيدين نهى لي كتشوف فيه مخنزرة دار شاف فيها لقاها هكاك: مال الزين مكشر ماكون انا زعلتو🥺😕
نهى طلقات من يديه وجات وقفات قبالتو وربعات يديها: وماحشوماش عليك خديتي خدمة لسيد ماتعرفو عندو عائلة كيصرف عليها ولا عندو مو مريضة مال قلبك قاصح
اسد : (عجباتو بداك المنظر) امم القطيطية ديالي صغيرة كتقبش
نهى: انا ماشي قطة😑
اسد: زاد جارها معاه وحاوط دراعو على الكتفين ديالها : نتي مكتعرفيش دنيا مزيان فيها غا دياب خاص يكون قلبك حجرة باش تعيشي فهاد العالم
نهى: وسيد اش دارليك
اسد: هداك اصلا ماشي بوليسي نيشان راه كيهرب الحشيش(حطات يديها على فمها من الصدمة)
نهى : ونتا منين عرفتها
اسد: صاف خلينا نبدلو لموضوع  ، سمعيني غدا غدي تمشي عن داك ميخي تقوليليه ساليتو
نهى: والى مابغيتش
اسد دار فيها شوفت القتيلة: الى مابغيتيش تماك غدي نلعب مع القطيطة ديالي😚
💧مدللة العصبي💧
🔮łuž JĶ🔮
💖 البارت 48 💖
نرجعو لهشام لي مشا سجل سليمة فالمدرسة لي كيقري فيها هو .
رجع لدار لقاها جالسة فالصالة كتفرج فالرسوم ضحك على هاد البنت الصغيرة لي عجباتو تصرفاتها الصبيانية: احم سليمة
سليمة: اا نعام اخويا
هشام(عقد حجبانو من كلمة خويا) : بغيت نقولك بلي سجلتك فمدرسة…
سليمة: شكرا بزاااف اخويا
هشام(زاد كلمات مابيه) انا ماخو حد
مشا طالع لبيتو وهي بقا فيها الحال حيت يسحابليها ماقبلهاش تعيش معاهم
نرجعو عند الكوبل ديالنا المشاكس
يوسف جار اريج من يديها بزز دخلها لطوموبيل وهي كترطا
يوسف سد عليها الباب ودخل لطوموبيل دور راسو وشاف فيها: مالكي افرطوطو
اريج: بزاف عليك
يوسف: دبا نتفاهمو على هاد سيقان ليمعرياهم
اريج: واااشكون نتا هااء
يوسف: صوتك ابنت ناس يهبط ملي تكوني كدوي معايا باش مانديرلكش شي تصرف مايعجبكش
اريج: الى وصلتي لودنيك عضها
يوسف: راك كتقلبي عليا
اريج: راك حدايا علاش غدي نقلب عليك
يوسف: كتطنزي عليا؟؟ اوكي الالة
اريج: رجعني لعند ختي
يوسف: لا حشومة نرجعك هاكا وانا باقي معاقبتك
اريج: اش كتقصص…(مزال مكملات هدرتها انقض على شفايفها كيلتاهم فيهم وهي كتبعدو حتى عضها فشفتها التحتانية وبعد) حيوااان
يوسف: ايوا دبا الالة غدي تمشي لدار ياكي وغادي تبدلي عليا هاد الحالة باش نرجعك لعند ختك مفهوم
اريج قلبت وجهها
يوسف غوت بجهد: واااااش مفهوووووووم
اريج: اه
وصلها يوسف لدار هي دخلات كتندب تبدل حوايجها وهو بقا فطوموبيل كيتسناها
جا ليل وصل كريم ريتاج لدار مع بعض كلمات الغزل لي مكتخطاش يومهم ونفس شي دار يوسف مع اريج مع مناوشات توم وجيري😂
اما عند لالة نهى فخرجات مع اسد كيتمشاو حدى البحر والجو هادئ .
نمشيو عند سليمة لي نهار كامل وهي مقلقة من هشام
مشات مترددة طلعات لبيتو ودقات شوية سمعات دخلي الوليدة
سليمة فتحات الباب وهو طلع راسو وتصدم: ااحم نعام
سليمة : وقفات حداه: اممم هشام
هشام( اااه من سميتي كيخارجة من فمك) نعام
سليمة: واش مقلق مني
هشام: هااء لا علاش هاد الهدرة
سليمة : واش مباغينيش نسكن معاكم
هشام: من نيتك ، علاش مانبغيش
سليمة: احم حيت قلتي ليا قبيلة انا ماخو حد
هشام عاااد طفات عليه شمعة: ااه احم انا قصدت نتيا بنت عمي يعني ماشي ختي
سليمة: بحال بحال اولا
هشام: لا لا ، ختي هي زئبق ونتي بنت عمي الله يرحمو
سليمة: ولكن…( جبدها من يديها لعندو)
هشام: مكاين ماولكن (شافها توترات) احم غدا غتبداي القراية عارفة؟
سليمة: بصااح احسن حاجة مليت من الجلوس
هشام: ااه وهادا استعمال الزمن ديالك لي غتحتاجي
سليمة: شدات من عندو وشافت فيه بامتنان: شكرا الله يكثر خيرك
هشام: هانية
مشات سليمة خارجة وهو حط يدو على قلبو لي كيدق بسرعة خيالية
هشام: تهدن اصاحبي تهدن ، اااه من هاد الحب العذري لي كيعذب
💧مدللة العصبي💧
🔮łuž JĶ🔮
💖 البارت 49💖
فواحد الغابة عامرة بشجر طوال وقدام كيتسمع صوت الحيوانات المفترسة وصوت الطيور من فصيلة الغراب شوية طارو دوك الطيور الفوق نظرا لسماعهم لصوت اطلاق ناري
البوص: هدا حال الخائنين  لي يخون البوص مصيرو الموت
جاك: بوص ، راه صخر ماشك فوالو
البوص: امم قربات نهايتك اسي صخر 走痰鄔或
عند صخر توصل بأخر الاخبار من طرف المساعد ديالو : اممم باقي ماعارفينش معامن لاعبين امكن
سمع دقان فالباب: دخل
اسد: خويا توحشتك فين غادي
صخر: هانا ياك شي باس مكاين
اسد: لا لا ، اجي بصح داكشي لي سمعت
صخر : اشنو سمعتي
اسد: ناري اصحابي عوال تتزوج شكون هادي لي طيحاتك على زنافرك ماشي من عوايدك اوليدي
صخر: تقعد انم، هيوا اش فيها الى تزوجت يحسابليك نتا مكتوصلنيش خبارك
اسد(توتر) احم اشمن خبار
صخر: كنتي غتقتل سيد لبارح ومشيتي لكميسارية عاد نزيد ولا نسكت
اسد: وااصاحبي كن نلقاه دبا قدامي نقتلو ومانحنش
صخر: تهدن اصحابي
اسد: ونتا الى شفتي مراتك كيتغزل بيها شيواحد حداك اشنو دير
صخر:(غير كيتفكر انه شيواحد كيتعزل بزئبق عقلو كيبغي يخرج) عرفتي ويديرها شي واحد غدي نحوي مو بلا دفال. نقتلو فالبلاصة
اسد: ايوا شفتي اسي صخر متنصحنيش انا نصح راسك . لمهم مبروك اخويا نتا ومراتك وخا راني شاك فشكون ممكن تكون
صخر: فشكون شاك
اسد : احم سكريتيرتك الى خفت نكدب
صخر: وباش عرفتها
اسد: اذن هي ، احم شفتك داك نهار فاش ضربتي داك السيكيوريتي
صخر: وغادي نديرليك بحالو الى ماقودتيش عليا
اسد: هاهو غادي
خرج اسد وخلا صخر كيفكر : الى بغيت نتزوج بيها خاصني نخرج من المافيا مستحيل نبقا فيها و الا حياتها غتكون فخطر شوية سمع تيلي ديالو كيصوني هزو وهو يلقا سميتها الزينة مكتوبة على الشاشة جاوب فالبلاصة : وي زئبق
زئبق: صخر لباس
صخر: الحمدلله ونتي
زئبق : احم بخير،  امم بغيت نقولك
صخر(قلبو كيضرب) نعام
زئبق: انااا اقابلة
صخر: (بالفرحة ناض واقف) بصاح ، واخيرا
زئبق(رجعات حمررررة) اه ، يلاه بسلامة
💧 مدللة العصبي💧
🔮 łuž JĶ🔮
💖 البارت  50💖
قطعات عليه وهو مشا يعلم منال توجد راسها  هي والبنات وقالها لأسد يمشي حتى هو .
داز النهار فصباح بكري فأقول دار كاملة كولشي فخبارهم زئبق غدي يجيو فيها الخطاب ماهوما سمعو زغاريت من راس درب وشكون من غير بنت القايد حمد لي دايرين ليها هاد الهيلالة كاملة ولي صوت القرآن كيتسمع منها من بعييد وكل جيران فرحانين ليها وعلاش لا وهي محبوبة عند كولشي صغير والكبير ، فالدار كولشي واقف على قدم وساق شي كيخمل شي كيسيق شي كيدير الماكلة ومعاهم حتى جارتهم حورية( لي جابت داك الملصق دالخدمة لزئبق ) كل و أش كيدير من غير سليمة و زئبق ودراري لي كل واحد فين ، سليمة فهاد صباح فاقت مع سبعة ناضت ضرباتها بتدويشة ولبسات عليها سروال كحل دجين وتريكو بيض مخطط بلكحل وجاكيت فوقو سرحات شعرها ودارت ماسكارا وكريم دشمس و غلوص صاف هزات الكارتابل ديالها وخرجات مشات المدرسة دخلات عند الحارس العام لي داها لقسم ديالها غلسات فواحد طاولة مع واحد البنت
…: سلاام لباس
شافت فيها سليمة بشوية: احم الحمدلله ونتي
…: سوببر مالكي خففي على راسك ههه انا سميتي  نجلاء ونتي
سليمة : سميتي سليمة متشرفين
نجلاء : واش هدا اول نهار ليك هنا
سليمة : اه راه ولد عمي  هو لي سجلني
نجلاء : اه عليها ماشفتكش قبل ، احم الى ماكاين عندك حتى مانع واش تبغي نوليو صحابات
سليمة (بفرحة) بكل تأكيد هادي اول مرة تكون عندي فيها صاحبتي
نجلاء بفرحة : بصصح باينة فيك بنت نقية ونية ولكن ماتخافيش دبا انا معاك وااه انعرفك على صديق ديالي (دورات راسها كتعيط ليه ) عدنان عدناان
سليمة دورات راسها بانليها ولد قدهوم فالسن وجهو زوين مقبول وكيضحك
عدنان : اهلا
نجلاء : تعطلتي اليوم ماشي من عوايدك
عدنان : فقت معطل واصلا باقا 5 دقايق باش يجي الاستاذ (شاف فسليمة لي كتشوف فيه ورجع شاف فنجلاء كايشير لسليمة بعينيه زعما شكون هادي)
نجلاء ضربات جبهتها حيت نسااتها: هاااء على حمارة انا ، ههه نسيت معرفتكم عدنان هادي صاحبتي جديدة سميتها سليمة
عدنان مد يديه لسليمة : اهلا اهلا بالجديد هي دبا عندي جوج صديقات زوينات ههه
سليمة (بتاسمات ليه )اهلا
سمعو صوت الجرس دليل على انه دبا غيدخل الاستاذ كلشي جبد ادواتو وسكتو وسليمة دارت بحالهم مي هي زايد عندها الفضول كي داير هاد الاستاذ لي غيقريهوم مادة الفيزياء وهي مادة مهمة ليها حيت دايرة علوم شوية وتم داخل بهيبتو ساحر غاع البنات بجمالو الاااا بطلتنا لي الصدمة خرساتها اه هو ولد عمها لي سجلها فمدرستو لي كيقري فيها نيت هي اصلا ماكانتش عارفاه بلي استاذ
دخل شاف فيهم واحد واحد حتى جاو عينيه فعينيها المتفاجئين وهو يبتاسم ومشى كلس بلاصتو : اليوما ثالث حصة معايا وبانليا معانا الجديد فالقسم
كلشي دوروا راسهم شافوا فيها هي لي وجهها ولا حمر
💧 مدللة العصبي💧
🔮 Łuž JĶ🔮
💖 البارت 51💖
من هاد الموقف ، هشام تابع كلامو : المهم اليوما عندنا درس … (بدا كيشرح درس دور راسو شاف فيهم دراري شي متبع شي كيلعب لبنات كاملين حالين فيه فامهم و قليل لي تلقاها متبعا معاه ودور راسو مرة خرا شاف فيها هي لي سلباتو عقلو من شوفة لولة جالسة حدا بنت  ومتبعة معاه وكتكتب غاع مامسوقة ليه ضحك جنب ودور راسو لسبورة كمل الشرح .كانوا فوسط الحصة
عدنان بشوييية: ختي نجلاء
نجلاء : نعام
عدنان : واش نمشيو ليوما نخرجو ندورو ونوريو لسليمة لبلايص لي كنمشيو ليهم
نجلاء : اه علاش لا (شافت فسليمة )اش قلتي الحب
سليمة : (اصلا ماسمعاتوش عقل راه متبع مع استاذها وعقل كيخمم علاش راها هنا اصلا) نعام؟
هشام سمع الوشوشات فالقسم ودور راسو يشوف شكون لقا سارقة قلبو كتدوي مع شي واحد ها ليمبغاااش: سكااااات
سليمة دغيا دورات راسها كتشوف فيه كيفاش عينيه حمارو : احم سمحلي ا أستاذ
هشام (عيا صابر لغيرتو ولكنها وحلاتلو فحلقو) كنظن جيتي هنا باش تقراي ماشي باش تشدي جمايع
سليمة سكتات وهبطات راسها حيت مكتبغيش تجبد صداع مع الاساتذة مي مغديش تدوزهالو بما مسمى ولد العم
هشام شافها هكاك بقات فيه وخنزر فعدنان: ونتا اش كاين من صباح ونتا كتقاقي كيدجاجة ياك لباس
عدنان : سمح ليا ا أستاذ
هشام تنهد اش يدير راهم غا براهش (زعما نتا كبير دبا )
نرجعو لأبطالنا  ونمشيو عند صخر لي ف�

Leave a comment