Skip links

 4,978 عدد مشاهداات

هاد القصة جديدة عليكم ماشي كيف تعودتو على القصص روتينية 🙅🏻‍♀️🙅🏻‍♀️ لا نقدرو نقسموا القصة لاشطار اتشوفو المعنا الحقيقي ديال كل وهموا كل واحد فالابطال وعالموا الخاص وكل منضورو لحياة اختلاف الآراء مع اختلاف الامكان مع اختلاف الاديان إنا عالم ايطغا على لاخر نعرفوا مع أحداث القصة
عنوان القصة مملخصش الموضوع فقط ارتباط باوائل الأجزاء سو معندي مندير بالاحكام المسبقة
✍️بأنامل النورس✍️
🥀#ماذا_بعد_الكتاب
🥀نبذة🥀
🌺هي 🌺نلت من الحياة ما يكفي ليصير كل همي ما بعد الحياة
🥀مصير بعد التمعق في الحياة بعد أن فقد الامل🥀
🔥هو 🔥لا زلت متشبتا بعمق الحياة فلا حياة بعد الممات لا لمنضور الاستعداد بل لعيش من أجل المتعة اللذة النشوة والشهوة
🥀بعد معرفت ما بعد الممات مصير اخر🥀
🌻 هي 🌻ورب العزة لا حياة بلا شرف
🔥لارب لا شرف لا يهم كل يجري ليشبع شهواته وهو الأهم
🥀نبذة على الابطال تانيين🥀
🌺🌺زواج لأجل جنين 🌺🌺
🐾🐾ذنبي🐾🐾
ذنبي غير مصيري
ماذنبي أن يتمت في حياة والداي
ذنبي اكلت ما لم يعد لي
ما ذنبي لو احببتها وتزوجت
ذنبي اني رفضتها في الفرصة الاولى
💮 ذنبنا عدم وعيينا بتلك الليلة 💮
🥀 لا نتشائم لهاذا فتلك الليلة منحت كلانا حياة جديدة لنمضي نحو مستقبل مجهول 🥀
قصة باناملي انا النورس
تحمل من كل فن طرب التزام وفالمقابل كفر سلام وفي المقابل حرب حب وفي المقابل كره فهاد القصة كلما لقيتو حاجة اتلقاو تقيد ديالها وكيف قلتها وكنعاودها لا للأحكام المسبقة
مرتبطة قصة #هل_للحب_فرصة_تانية ماشي نفس القصة نو اتكون مستقلة بدأتها وأفكارها ابطال جداد لي ايكون عليهم تركيز كتر مي ايبانو معانا محمد وحنين نعرفوا مصير زواجهم

🌺واخيرا قراءة ممتعة كبيداتي 🌺

بارت 1
فشرفة المشفى جالسة بكل روح وامل كتشوف الناس فجردة جايين عندهم الأقارب ديالهم تبسمات وهي كتشوف فيهم قاطع أفكارها طرق الباب لي زامن ارتفاع دقات قلبها بعنف كانو كيقولها جري عليه مبقتيش بغيت نسمع ليه كتمات داك المغص لي بقلبها وحاولات تبين عادي قالت “دخل” وستقبلاتو بابتسامة مصطنعة راجل في أواخر الخمسينيات الشيب كاسي رأسو ولابس طابلية بيضاء وداير نضارات طبية هو لي حاس بيها مي تحسر بالأخبار لي جايب ليها قدرات تفهم المضمون من ملامح وجهو وحسات بمغص قوي جدا فجيهت قلبها حاولات تملك نفسها
هو : بنتي…
قاطعاتو : الاعمار بيد الله ادكتور سلمت امري لله طلبي الاخير قول لعائلتي راني تشافيت بغيت نعيش لي بقا ليا وسطهم
دك: بنتي كين امل رآه انعاودو العملية واتنجح هاد المرة انا كنت متاكد انها نجحات مي مفهمتش كيفاش طلعوا النتائج سلبيين عافاك نعاودوهم
هي : حركات رئسها بنفي مبغيتش امل زائف قدر الله رضيت بيه سيفط لي ممرضة تعاوني نجمع حويجي نمشي عند عائلتي
دك : الله يرضي على بنتي لما عطي لحياتك فرصة بنت فلاج ديالك متستاهلش يوقع لي هاكا هادا ابتلاء صبري
هي: مكتابة ليا يمكن كنت مقصرة من جيهت لي خلقني عاقبني هاكا
دك : متقوليش هاكا….
قاطعاتو : كلم لي الممرضة ادكتور مليت من هاد الهضرة من بعد كل عملية عييت وجهدي مبقاش صافي رديت بلي قسم لي الله (ناضت وقفات كتمشي بشوية باتر العملية لي ماشي بزاف باش دارتها هزات مونطوها لبساتو بشوية عليها وهبطات لجردة بخطى بطيئة حاملة تيليفون دوزات لابيل )
: بابا رآه نقدر نخرج من المشفى غير جي ديني ولا انجي فطاكسي بلا منعذبك….. صافي واخا انتسناك… باي
(قطعات الاتصال كانت جالسة فكرسي وسط الجردة حولات عينيها بجنبها بأن ليها كتاب هزاتو مستغربة من عنوانو تهجات اسمو ببطا “كم للحياة من فرصة ” حلات صفحاتو الاولى لقات فيها ورقة من غير صفحات الكتاب مكتوب فيها بخط اليد ” لا اعلم من انت بين يديك الكتاب فقط أردت القول لك انني في يوم جلست في مكانك ووجدت نفس الكتاب وكنت بنفس ضروفك ربما، غير هادا الكتاب مجرى حياتي وعدت بعد كل نجاحاتي اعيده لمكانه ليفيد غيري اتمنى أن تجيد تصفحه وستغلاله ”
فتحات صفحات الكتاب باش تبدأ تصفح فيه
اول صفحة كان بالخطأ العريض مكتوب
“في الحياة ثلاث صفحات ”
كانت مكتوبة بخط عريض وكبير بزاف وتحت منها بخط اصغر من داك الحجم
🌛ولادتك حياتك وفاتك🌜
*لايهم متى ولدت بقدر ما يهم هل ازدت بصورة كاملة بدون عيوب خلقية ولا يهم متى توفيت كما يهم ما صنعت في حياتك ومحور كل هاذا ما فعلت *
كانت هاد الكلمات وانتهات الصفحة بفضول دغيا قلبات الصفحة
*في حياتك تعيش لشيئين فقط انه الاصل والباقي ليس سوى اضافات تعيش لتثبت وجودك في الأرض لا يهم كم سنة تعيش كم يهم استثمارك في الوقت وتعيش لتثبت وجودك في اخرتك *
صفحة تالتة
*لقد لخصت لك الموضوع والان سأسئلك بعض الاسئلة ليس لتجيبني بل لتجيب نفسك اولا اول سؤال *
“كم عمرك وهل انت راض عن وضعك الحالي وماذا فعلت لتصل ما تريد في هذه السنوات التي عشتها”
“هل لك عقل ”
حسنا انا اجيب عندك هاذا بما انك تقرا كلماتي الان وتحاول استيعابها بكل مجهود منك فلك عقل اجبتك لإعادت السؤال
“فيما استتمرته ”
“ايا كان دينك هل انت راض عن وضعيتك مع خالقك هل تستطيع مواجهته بكل هذه الاخطاء ”
(قاطع قرائتها لكتاب باها لي كيعيط ليها
قاطع قرائتها لكتاب باها لي كيعيط ليها هزات راسها بذعر كانها خرجات من قوقعة كبيرة من دائرة افكار غرقاتها )
الاب (لي شاف رد فعلها خلعاتو ):سكينة مالكي
سكينة :(تبسمات ليه باش طمأنو)لا غير سهيت
الاب: يالله ابنتي نمشيو على سلامتك مني اتخرجي من هاد الحبس
سكينة:(ناضت عنقاتو ودموعها طاحو من ذكرياتها فهاد المكان )الحمد لله ابابا
الاب :يالله نمشيو كلشي كيتسنانا فالدار
سكينة : واخا
(ناضت تبعات باها تا وصلو لطونوبيل داسية صغيرة ركبو فيها وانطلقو )
دخلو لدار كان كلشي كيتسناهم بفرحة خبر شفاء سكنية الكاذب الام شافت كبدتها وعينيها دمعوا وبدات كتزغرت
سكينة حدها تبسمات ليهم وعنقات مها وبدات تبكي ومنها تبكي غير الفرق هي كتبكي بقرح لانها عارفة انها ايامها الأخيرة معاهم ومها كيتبكي بفرح على أساس عاد ايبداو الحياة
الام : دخلي ابنتي توحشناك وسطنا والدار و توحشاتك
سكينة :شكرا اماما

الام :معجبتينيش ابنتي مالكي
سكينة:( تبسمات بزز) لا اماما غير بان ليك بالعكس فرحانة بزاااف حيت خرجت من داك الحبس اخيرا
الام : سلامتك ابنتي هادي خاصنا عليها شي زردة نييت انشاء الله وتكملي قرايتك الله ياربي حمدتك وشكرتك رديتي ليا بنتي (ضارت كتعيط ) محمد اجي سلم على ختك الكبيرة
سكينة حنات عينيها كتشوف فيه طفل صغير فعمرو 3سنين عاقلة عليه كعما كيهضر مزيان مكانوش كيجيبوه ليها حيت سبيطار والمرض ممنوع على دراري صغار يدخلو تحنات على ركابيها مستقبلاه فاحضانها هو لي جا بشوية عليه حشمان عاد عنقها بالنسبة ليه هي برانية على دار معرفهاش عنقاتو زيرات عليه كتبكي عرفات احسن قرار خداتو هو هادا تعيش وسط احضان عائلتها تا تموت احسن من انها تموت منبوذة وسط السبيطارات
جالسة كتقرا فداك الكتاب كان نصف الليل لقات راسها قرات تقريبا الكتاب كامل وكان المحتوى ديالو خلاها تبدل تفكيرها من نصائح لي قدم ليها سمعات الفجر كياذن ناضت دخلات الحمام توضأت الوضو الكبير حيت شحال مصلات شافت فالمرايا بقايا شعرها لي كلو تساقط بالعلاج الكيميائي هزات رازوار حيدات دوك الزغيبات لي باقين كتشوف حجبانها شفرانها كلشي مشا قالت ميهمش خرجات بغات عباية ملقاتهاش تلوات فإزار وقامت صلاة كتقرى بخشوع ودموع كيطيحو احح على احساس التوبة من بعد العصيان شحال زوين ونتا بين احضان الله كتروي ليه همك سجدات 10دقيق وهي ساجدة كتطلب الله يهديها ويشوف من حالها ساجدة وكتبكي ونحابها كيزيد ويزيد كتشكي الله حالها تمنات كون تعطاها فرصة توب وتعوض ولو غير شوية من داكشي لي صلات تعطاها فرصة تقدس حياتها كلها لما يرضي الله كملات جوج ركعات لقات نص ساعة وهي فيهم محساتش بالوقت كاع لقات سجادتها عامرة دموعها مي هادشي خلاها تزيد تشبت بداكشي لي بدات صلاة الفجر من مورا الصبح وهزات قرءان كتصلي وتقرا منو تصلي وتقرا محساتش بالوقت ساعة ساعتين تلاتة وهي هاكاك تا بان الضو ديال النهار لقات 9صباح حيدات ليزار لاحتو فالارض وتلاحت فبلاصتها دغيا نعسات ااااه على راحة من بعد مرجعات لربها دغيا نعسات فين الارق وفين وفين تبسمات فوسط نومها من فرط راحة
اشرقت شمس الصباح منورة الكون بنورها مضوية الغرفة فين كينة الاميرة النائمة استيقضات على وقع الشمس على عينيها فتحاتهم ببطء باش تسلل الشمس لعينيها بينات لونهم لي كيف نقطة العسل مسحات على عينيها باش درق ضوء الشمس وناضت وقفات كتمشا بشوية عليها لحمام كانت لابسة شوميز خفيف حد ركبة بين تضاريس جسمها النحيف مع المرض مشات لحمام قدات حاجتها وغسلات وجهها حكات سنانها وخرجت من الحمام مشات لماريو جبدات بيجامة كم وطويلة شوية من لور فايتة ليها مؤخرة ديالها بسروالها خرجات لعند مها لي كانت كتوجد الفطور شافتها وعيطات ليها
الام :سكينة سوكينة اجي ابنتي عندي
سكينة:واخا اماما (مشات عندها باستها فحنكها وتبسمات ليها )صباح النور
الام :صباح الخير ابنتي شوفي ليوم اتجي اية عندنا محدها شدات كونجي قالت ليك والو نزل لمغريب
سكينة : واش جات اماما
الام :باقي صباح بكري شدات طيارة انشاء الله الغدا تغدى معانا
سكينة: الله يجيبها على خير اماما
الام :اميين ابنتي اميين مهم جلسي تفطري خاصك تاكلي مزيان تردي صحتك شوفي ضعافيتي
سكينة :(تبسمات بزز) واخا اماما
الام :جلسيي
جلسات سكينة كيف قالت ليها مها وخوات ليها مها كاس اتاي متختخ بكشكوشتو وحطات ليها مسمن سخوون عاد طيب وجلسات تعلف فيها سكينة تقول باراك ومها غادة معاها بغير هادي باراك غير هادي باراك فطرات وجلسات تعاون مها فشقا تا وصلات 1.30 الغدا واجد مي اية متدخل تال 2 مشات لبيتها توضات ولبسات ايزار قامت الصلاة وبدات تصلي فخشوع فكل سجدة كتطلب ربي يخفف عليها ويشوف من حالها سالات هزات القرءان كتقرا نسات الوقت تا وصلات 2.15 سمعات العياط عليها ناضت سدات المصحف وخرجات غير بانت ليها بنت خالتها تلاحت عليها وبداو يبكيو بجوج
سكينة :توحشتك البكرة علاش مبقيتيش كتجي
اية : سمحي لي ازين والله كنت كنجي نسول فيك كيقولي طبيب مدخليش مناعتها طيحة مشيت بقيت كنسول من تيليفون عارفة عصام وجاد وعاد الخدمة مكيبقاش لي الوقت مي صافي جلست من الخدمة غير عرفت راكي بريتي وخرجتي من سبيطار جيت نقز وخليتهم بجوج ههههههه هانتي نتغداو ونوريك اش جبت ليك
سكينة: جي غير نتي باركا عليا
اية :(جرات ليها حنوكها )يخليك لي لي ازين
حطات ام سكينة الغدا وجلسو يتغداو فجو من المرح والضحك نساو سكينة بلا راها مبراتش بلا عايشة فوهم بالعكس حيات معاهم بكل روح رياضية كتدوي والضحك من قلبها ماهي صاحبتها ديال الطفولة جات اية عمرها كانت بنت خالتها فقط بل دائما كانت صاحبتها ديال الحزة صاحبة ديال القلب ديما معاها تغداو وطلعوا البنات لبيت اروى
اية 🙁 دفعاتها )هانتي البقرة الضاحكة عارفاك كنتي تموتي على شعرك انا جبت لك فيطامينات مزيانين تبعي طريطمون الى مرجعش كيف كان دفلي عليا ونيت تردي سوفل بنتي ليا اتقاداي مي نصحك ضروري الرياضة دب مع قطعتي العلاج ديال الشيمي دغيا تزادي فالوزن حسن باش تزاد فورمتك مقادة
سكينة :وناااري عرفناك طبيبة صافي هنينا جبدي شي موضوع كين شي جديد نتي ملقيتي فاش دوي
اية :(شافت فيها) رؤى كنعرفك سرسبي
سكينة :(ضحكات ) لا لا ويلي من نيتك اش ايكون عندي
اية :امم منعرف شوفي انخرجو انا وياك عشية ضروري تعاودي تحاليل نشوفهم انا باش نرتاح
سكينة : اويلي لا لا من نيتك لاش انعاودهم مبغيتيش
اية : دويت معاك
سكينة : وصافي متقجريش عليا
اية : هضرتك مدخلاتش لراسي مهم باغاك فواحد البلان انخرجو نضورو ونعاود ليك
سكينة: واخا
مشاو شراو كاع لي باغين خصوصا سكينة خدات عرام الكساوي ديال المحجبات لالة اية خلاتها تا ختارت على خاطرها وحلفات عليها متخلص خدات كلشي على حسابها طركو ماكضو بقات سكينة فطونوبيل ديال اية وآية هبطات تاخد مياكلو جات ماطات ليها بيتزا ديالها وخدات هي ديالها بداو كياكلو تا كملو
سكينة :صافي يالله نرجعوا عييت والله
اية :نضربو غير دورة بعدا
سكينة :والو مفياش والله ميزيد خطوة وحدة
اية : منهبطوش من طوموبيل غير زيدي
سكينة : واخا
ديمارات اية طوموبيل وزادت كيضورو تدريجيا سكينة بدات كترخا تا نعسات فوق الكوسان اية دارت عندها قادات ليها الكوسان جبدات مخدة من لور قادات ليها راسها ومسحات ليها على وجهها وزادت موقفات تال سبيطار دخلات دوات مع طبيب خرجوا ليها باياص دخلوها لداخل ومشات عند طبيب شدات ليه فيديه
اية : عافاك ادكتور اغلى صاحبة عندي حاول تأكد من داتها مفيها والو ديرو تحاليل شاملة راه بانو لي مازال فيها اعراض المرض واخا هي نكرات مهم ادكتور نعول عليك (كرزات على ايديه )
دك: متخافي والو ناملو تكون توقعاتك غالطة
اية : داكشي لي بغيت غير انا عارفاها مزيان هي فقدات الامل تصرفاتها معانا بحالة كتودعنا ومبغاتش تعطيني اسم الطبيب ديالها نتأكد ومقدرتش نسول خالتي ولا عمي خفتهم يشكو مهم ادكتور كيف قلنا
مشات جلسات فالباياص وعينيها عامرين دموع مسحاتهم ونطقات كتحاول تطمأمن راسها “هي بيخير هي بيخير غير انا غالطة ”
كل مرة تشوف فساعة يمكن مدازش بزاف مي هي ثانية عندها تقيلة دقيقة كتحسب ليها لحضة بلحضة العمر حساتو وقف وهي كتسنا بزاااف هادشي ناضت وقفات كتطل على طبيب لي كيشوف فسكينة لي ناعسة كيديرو ليها سكانير
اية (هزات كفوفها لسما )ياربي ياااربي ياااربي فرج عليها وعلينا ياربي شافيها بلا ضحكتها معرفتش اش ندير فهاد الحياة ياااربي شوف من حالي دازت ساعة وطبيب لداخل بالنسبة لأية داز عام وكتر وهي برا تبكي وتمسح دموعها تقول لا راه غير كنتوهم شافت طبيب مشات كتجري عندو
دك: تحاليل تا يخرجو منقدر نجاوبك بوالو دب
اية : (حنات راسها باسف ) غير يخرجوا سيفطهم لي فمساج شوف لي لفرمليات ندخل نلبسها معاهم وشوف لي لي يخرجها لطونوبيل بلا متعرف اش درت
دك: اوكي
ساعة ساعتين تلاتة… الوقت كيجري وكيتسابق الى عند اية لي كتسنا نتيجة كانو جالسين كيتعشاو فجو لا يخلو من الضحك والنشاط تسمع صوت مساج فتيليفون اية خلاها تقفز هزات تيليفون وهي كترعد شعلاتو بان ليها صورة من عند طبيب وقفات بتردد واضح
اية :نمشي لحمام
سكينة: مالك
اية : والو غير خليك انا انجي دب
ناضت اية ديريكت لحمام هزات تيليفونها كتقرا التحاليل فرحات بزاف مني كانت نتيجة التحاليل سلبية يعني بصح داتها مبقاش فيها السرطان قرات الحالة ديالها
فرحات بزاااف اخيرا غسلات وجهها بالما بارد ورجعات جلسات ضاحكة على عكس فاش ناضت شافتها ام سكينة
الام : خير ابنتي اش عندك
اية :(تبسمات ونطقات بحماس ) كل خير انشاء الله اخالتي رقية نساليو الماكلة ونقول ليك
رقية : واخا ابنتي كولي بعدا راه مكليتي والو
كملو الاكل عادي عكس سكينة لي مشطونة معاها مني رجعوا من الخروج وهي معاجباهاش ودب تقلب ليها المورال دغيا كيفاش الله اعلم سالات الماكلة وكتسنا على جمر اش غيقولو غير بانت ليها اية رجعات لور وهي تنطق بحماس “اية شنو كنتي باغا تقولي
اية : بغيت ندوي مع خالتي رقية وعمي مصطفى خليهم تا يساليو
سكينة معجبهاش الحال ولاكن سكتات شحال تا كملو على راحتهم وجلسو فصالون
اية : مهم انا بغيت نقول ليكم اندي معايا سكينة (يالله بغاو يتدخلو وهي تقاطعاهم ) خالتي عارفاك اش غتقولي اسكينة نتي مكتفكريش تخرجي برا المغرب وخالتي مهتبغيش تخليك بحجة نتوما عائلة محافظة عارفة كلشي مي عاودو فكرو هي باغا تكمل قرايتها وخاصها دب تعاود الباك عوتاني باش تكمل حيت الباك داز عليه عامين دب باش شداتو على عكس امريكا دغيا تكمل خصوصا النقطة لي جابت يبغيوها تما هي مهتسكنش بوحدها راها معايا فكرو فمستقبلها دب فات وقت التسجال تال العام جاي عاد تقدر تكمل لي هتمشي معايا نراقب وضعها عن قرب باش تبع طريطمون مزيانة وتصح بحال قبل هاد العام نخصصوه ليها هي تعلم اللغة وترجع صحتها وشحال من حاجة عافاكم متزربوش فكرو مزيان انا بغيت ليها غير مصلحتها
🍁فيقها من ذكرياتها طرق كانت جالسة شادة كتاب وديرة نضارات طبية تبسمات ونطقات “نتي باقة تستأذني راه دارك ”
اية حلات الباب داخلة : اييه دار داري والبيت بيتك شوية الخصوصية لابد منها
سكينة : (ردات شعرها ورا ودنها ) تا نتي اش عندي منخبي عليك
اية : معليش مهم مستعدة تبداي عام دراسي جديد
سكينة : وي بب ضروري ههههههه
اية : زين نعول عليك (قربات لها كتمسح ليها على شعرها الاسود لي وصل حد خصرها ) الحمد لله غير مني رجعتي لينا سالمة نقزتيها هانتي شعرك قرب فين كان كلشي بالفيطامينات
سكينة: اشمن اشمن هوما طولوه فوقت قياسي متافقة معاك مي باقي موصلش لفين كان راه كان كيضرب لي تال لور اصحبتي
اية : صافي صافي لبسي حويجك وخرجي تفطري راه عصام كين فدار
سكينة : واخا اختي ………
فاحدى النوادي الليلة جالس بجسمو الضخم فوق الاريكة حاط ايديه إلى كلتا الجونب وحدة على اليمين ووحدة على اليسار كيشوف فحلبة الرقص بعيون مترصدة حرك اصابع ايدو بحركة خفيفة للراقصة تمات جاية عندو كترنح بالخير لي عطاها الله صدر حجمو كبير وكرش مصطحة نوعا ما ومؤخرة كبيرة الحجم كانت صاحبة بشرة بيضاء وشعر انسيابي اشقر حد مؤخرتها وقفات قدامو كتشوف فعينيه الخضرين كيرويو حكاية على الطبيعة مي لونهم غاااامق كيبث الرعب وكان الطبيعة ديال عينيه غاضبة دورات عينيها بإعجاب على تقاسيم وجهو من بشرتو السمراء لشفايفو لي باقي فيهم اثار الخمر لحسات شفايفها بشهوة منها جيهتو كتشوف فيه باعجاب قربات جلسات حداه وحطات ايديها على صدرو كتماسيه ليه نطقات
💦الحوار بالايطالية💦
سيرا :عيطتي ليا
روكو (مجاوبهاش هزها حطها فوق رجليه ونطق):علاش فنضرك
سيرا (عضات شفايفها بإغراء وبدات كتحل ليه سنطة ديال سروال وايدها لاخرة كتلعب فصدرو وعينيها فعينيه ومرة كتهبطهم لشفايفو مرة فعينيه تا حلات سنطة ديال سروال نطقات بتشاؤل ): نبقاو هنا
روكو (ضور ايديه على مؤخرتها زدا فمها مع فمو كيمص فيه وفنفس الوقت وفق وغادي بيها كيفلورطي معاها تا خرج من الكلوب حل طونوبيل بإيد وايد مورك ليها على وجهها خاشيه فوجهو وهي مزيرة رجليها على خصرو مدخل لطونوبيل تا حس بسي شريف ايتفركع غير دخل حطها فالكوسان لي حداه قاد الكوسان ديالو لاحها تكاها عليه وطلع فوقها سد زاج ديال طونوبيل لي اصلا كان فيمي وجبد العضو ديالو دارو ليها فيديها كتلعب بيه وهي منشوية كتر منو حل ليها سوتيام ديال الرقص لي كانت دايراهم ونزل على صدرها كيعض فيه وهي كتوحوح تحت منو صافي مبقاتش قدرات عينيها دمعو وبدات كتفركل تحت منو هو عيش اللحضة منيضش ليها من نعاس هزها من خصرها مقربها منو كتر هي لي ستغلات الفرصة هبطات سترينك لي كانت لابسة وقربات محاولة منها انها تخشي عضوو فاحشاءها بدون جدوى كيف ادير ليه وهو فوقها بدات كتحكو مع ديالها وكتهز وتحط بالنشوة بداك الاحتكاك قدرات تخليه هو الاخر يتفاعل معاها ناض من فوقها شوية شد عضو ديالو بيدو غرسو فاحشائها تا تهزات بالحجم ديالو فالاول ضرها ممولفاش بداك الحجم مي سرعانا ما اعتادت وسيطرات عليها النشوة ولات هي كتهز معاه باغا تزرب تجيب البليزير ديالها
بقاو على دك الحال ما يقارب ساعتين تا حس براسو قادر يحبس وناض عليها وناض لاحها لور طونوبيل وقاد الكوسان وكسيرا باغي يوصل دغيا يكمل لي بدا موقف تال باب قصر ضخم اقل ما يقال عنه روعة قصر اسطوري بامتياز من البسين لي على شكل دوائر داير بدار فالجردة من البني لي كلو زاج كيعكس الطبيعة لي ضايرة بيه ….
خرجها من طونوبيل جارها من ايديها هي العقل باش تشوف مكينش كتشوف فيه تاهي باغا غير امتا تكمل خلاها تا ستحلاتها وحبس عليها خلاها كيف المقطوع الراس بقات كتشوف فضهرو العريض هبطات ايديها لدرعانو لوشام لي فيها قداش هابط مع ايدو على شكل هيكل عضمي مفاقت من سهوتها تا لاحها عاود على السرير واو تي كيفاش وصلو هادو كان لابس غير سروال اما المدام كيف خلقها الله ملطة عاد ستوعبات بلا كانت كضور عريانة صفارت كتر ما هي صفرة قالت شكون عرف شافها هاكاك مجرد ما هزات عينيها فيه هو لي كيهبط فسروالو قالت ميهمش اهم حاجة تعيش اللحضة ناضت كتبومبا لعندو مخلاتو تا يهبطو فخطارو تلاحت عليه عوتاني مبغات تطلق ومعلية على صباع رجليها باش واصلة لطولو قربات دفعاتو على ناموسية هو نيت داكشي لي باغي يتمتع بلا عذاب سايرها وجلس فوق سرير وهي هبطات ليه سروال وشورط لي لابس وجلسات عند رجليه مقردة جبدات العضو ديالو وكتمص فيه منشوية تهبط معاه على طول وترجع طلع تعاود من الاول تا كتحس بتحتها كينغزها نغيز صافي تا قالت هادة جهدي وقفات بزز رجليها كيترعدو باتر النشوة مخلاياه هو منشوي وغير كيتفرج بدون اي مجهود منو مخلياه فوق الشواية جلسات عليه خشاتو فاحشائها تا حسات بخاطرها تقلبات (هاد البوزيسيون واعرة على المرة مي كتخلي النشوة مضاعفة بحكم كيكون القضيب كلو فالرحم كيزيد المتعة ديال الطرفين خصوصا الرجل كتولي مضاعفة بحكم ان كيدخل كامل ) بدات كتهز وتحط عليه وكتغوت هو لي شادها من خصرها ومغمض عينيه راد راسو لور نشوة لا متيل لها….
اشرقت شمس صباح بنورها مضوية ارجاء الكون فاق على أشعة الكون لي تسللات لغرفة لتكشف جسده العاري مسح عينيه دار جنبو لقاها مستلقية عارية شعرها الاشقر حاجب وجهها مقدرش يشوفو ناض دخل ديريكت لدوش فتح الما بارد كيخوي على وجهو وراسو باش يتذكر اش وقع لبارح هادا حالو فنما يسكر تا تفكر وهو يتبسم بخبت رجع لفراش تلاح فوق منها بالزربة هي لي معرفات باش تبلات كانت فاوج احلامها السعيدة تا نكد عليها هجم على فمها بقبلة شرسة تشوكات مي تجاوبات معاه خلاها تا زندات ولات هي باغاه يخشيه وهو ينوضها قالها حلي فمك حلاتو باغا تاجوطا معاه وتبدا مي معامن نتي لقيتيه سكران كيحساب ليك بحال بحال شدو بيدو دفعوا ليها تال قرجوطتها نفسها تقطع تا قالت انموت وخرج منو شوي باش فات قروجتها مجات فين تنفس عاود تا زدحها بيه كتحس بحلاقمها ايطيرو من بلاصتهم برك عليها هادي تنفع هادي تضر تا دموعها دازو وهو مكينش هنا جابو ليها ففمها ولا فمها كلو مجروح هي مقدرتش تدوي ناضت كتجري لطواليط كترد وتقيا دم هو مكينش هنا جالس ببرود بانت ليه تعطلات دخل عليها لطواليط بانت ليه كتشلل ففمها اتبقا معطلاه مشا لدوش هز رشاشة وجرها من شعرها شعل الما بارد حسات بالموت من ديك
السخونية ديال شهوة لما متلج لقاها ليها تا بان ليه مبقاش والو ففمها عود شدها من شعرها وحناها عليه عيات تزوك بقا معاها بنفس العميلة شي 7 المرات تا ولات كتقول واش هادا بنادم ميمكنش صافي هي الموت شداتها تا سخفات مزيان داها لدوش تكاها فالبانيو ودار فلاشاس الما بارد باش تفيق مي بدون جدوى سيدة بحالة داخلاها الموت بقا كيشوف فيها وهو يتبسم بشر مشا خرج من دوش لبس بوكسور هبط لكوزينة ديال الفيلا كانو جوج خدامات كيوجدو الفطور تا وحدة مدوات معاه عارفين حالتو فاش كيسكر بليل من صباح وهوما كيتسناو الجتة لي اتهبط من الفوق بعدو من طريقو مشا لمجورة جبد موص قاصو بيدو جرحو جرحة خفيفة وهو يديه لاحو فسلة ديال زبل مشا لواحد اخر غير قاسو دم طوش وهو يبدا يضحك مشا كيقلب على العطرية مبانتش ليه وهو يغوت بصوت باح كيخلع
بالايطالية
“ميييري فين الملح”
الخدامة بدات كترعد خافت مشات كتجري جبداتو ليه من المسطرة حطاتو وبعدات تكمل شغلها شاف فيها هي ايديها كيترعدو كانت هازة فيديها لي طوسط فبلاطو طيحاتهم الارض شاف فيها وضحك بشر
“مالكي ”
هي : لا والو أسيدي غير زبقات لي سمح لي سمح لي والله ما نعاود
روكو (عض فمو ): امم
هي :(كلها كتفيبري دم هرب من وجهها )والله ما قصدت والله ما قصدت
روكو :شنو شعار ديالي ماشي مهم اش بغيتي دير المهم اش درتي ونتي عندي خدامة هنا وكتخافي نو مليقاش ليا خاصك ترتاحي من هاد الخدمة لي كتخلعك
هي :(تحنات على رجليه كتبوسهم ليه ) عافاك متقتلنيش عندي خوتي صغار انا لي معيشاهم
روكو :متخافيش انا حنين واخا تموتي تبقا توصلهم الفلوس صافي ؟(هز داك الموص دوزو ليها على عنقها تا بدات كتفركل فالارض وهو كيضحاك بهستيرية مكينش هنا ناض بكل برود دوز لابيل فتيليفون )جيو ديو الخدامة لسبيطار الى تعالجت مزيان الى لا سيفطوها لروضة (قطع وتحنا هز الموص ببرود دار عند الخدامة لأخرى لي غير عرفات القدية حامضة جبدات البصلة كتكرد فيها ودموعها هوادة على صحبتها لي مشات شاف فيها كتبان ليه كتبكي )مالكي تا نتي بقات فيك بغيتي نسيفطك معاها
الخدامة : لا أسيدي غير البصلة لي دارت لي هاكا تستاهل راها كانت خوافة (ضحكات بزز )
روكو : اه ههههههه تستاهل اصلا ههههههه (كيضحك بهستيرية) كين شي بصلة على الفطور وجمعي راسك راه تستاهلو ،مهم دازت ( دار هز الملحة والموص وطلع لبيت فين كانت لأخرى كتحتضر هز الموص وبدا كيشرط فلحمها معمقش باش متموتش هو باغيها تعذب ماشي تموت سالا وهو يهز لا شاص حلها ركب فيها الملح ودارها بوضعية كتخوي الما بشوية ودورها على جسمها تا وجهها مسلمش من الجروح تا قفزات كتبكي كتنطق بتقطع (عا فاااك اش در ت لييي ك خل يني نمشي بحالي عمرك تشوفني مازال )
روكو (غوت )سكتي سكتيي
بانت ليه حركات فمها دغيا تحنا على الموص دوزو ليها على يمين ويسار فمها بحركة وحدة سكتها بمرة سرحها فالبانيو مزيان وعمر الما ديال البانيو تا تخنقات بيه ومقاداش تنوض تنفس وخوا فيه الملح وخرج هبط لتحت جلس حطات ليه الخدامة الفطور كياكل بكل برود وقف عليه الكارد
الكارد: سيدي الخدامة ماتت تكلفو الرجال بالدفن ديالها
روكو :ااااه مم مزيان (عض دغمة بفمو كيندغ بشويية وقال ) واحد الاخت الفوق طلعو شوفو واش باقا حية راك فاهم بلا منوصي.
الكارد : واخا أسيدي (طلع الكارد دغيا وصل لبيتو دخل الحمام بانت ليه مخرجة راسها من البانيو وسخفانة عرفها كانت فصراع البقاء دغيا دوز لابيل لسبيطار يوجدو ليها بلاصة كيف عهدو الروكو لي اسم على مسمى مكيعرفش الرحمة فقلبو نهائيا كل مرة بنت جديدة معذبة بشكل جديد بقا كيشوف تا سمع طوموبيل ديال البنت لي مختصة وصلات لتحت هزها فإزار غلفها فيه وخرج ….. يتبع

بارت 2
خرج من الباب اللوراني باش متجيهش عليها الكانة عاود الى يشوفها عاود خرج من الباب لور حطوها والبنت لي معاها طبيبة مختصة قلباتها سعفاتها شوية مي خاص تال المشفى عاد يديرو ليها عملية الى قاومات وعاشت
هادي هي حيات الروكو باختصار اكبر مافيوزي ايطالي مفقلبوش الرحمة الاب ديالو كان سكير بامتياز وكانت الام ديالو عاهرة مي فديك الليلة المشؤومة لي حبلات فيها بالوحش الادمي حاولات تطيحو بشتا الطرق مي بدون جدوى متشبت بالحياة لأقصى حد ومني تزاد كانت كارهاه ومعذباه تا بدا كيعرف وديكلارا بيها تسجنات وهو تكلفت بيه الدولة تا كبر تما تبع تجارة الاعضاء والمخدرات تا وصل لماهو عليه يمكن كيدير فالعاهرات هاكاك لحقاش مو ماتت قبل مينتاقم منها قبرها حرقو ومبردش …..
فمكان اخر وبضبط فامريكا
خرجات اية وخلات سكينة لي ناضت مشات لماريو جبدات بيجامة طويلة وسروالها عريض بالرمادي وجمعات شعرها الاسود الانسايبي دارت حجاب بالاسود قاداتو وخرجات من البيت وسدات الباب تمات هابطة تا كنسمع صوت طفولي كيغوت
…….: طاطا طاطا سوكاينة طاطا
سكينة :(شافتو وتبسمات ليه خلطات من الدرجة الاخرى وطلقات ايديها مستقبلاه فحضنها هو لي جاي كيجري عندها عنقها ) زين ديالي طاطا فين كتغبر
جاد: غيل هنا كمسي ايكول ونزي ثااافي
سكينة : (جرات ليه نيفو ) وقرا مزيان باش نجيب ليك كاضو فاللخر ديال العام قااااد هاكا (حركات ليه ايديها على شكل كبير ) صافي اش قلنا دب ؟
جاد : ثافي انا بغيتو
سكينة : صافي تافقنا
هزاتو وناضت وقفات مشات ديريكت لطابلة فين جالس عصام
سكينة : خويا لاباس عليك
عصام : ( تبسم فوجهها ) لاباس الحمد لله ونتي لاباس عليك(قال بمزاح ) وجدتي لدخول المدرسي بعدا
سكينة : ههههه ضروري مبقا والو را ( قاطعت حوراهم اية لي دخلات ومعاها الخدامة كيحطو فالماكلة وجلسات تاكل اية والخدامة مشات سالة نهارها هادا وقت تمشي لدارهم جلسو فصمت كياكلو فقط صوت الاواني لي كيتسمع )
{بنما هوما كملو اجي نوصف ليكم الشخصيات شوية ههههههه مهم البطلة غنية عن التعريف سكينة شفتو جزء من معاناتها مع المرض هي بنت عشرينية دارهم فرحانين بيها كاي بنت جابت الباك بنقطة زوينة فعمر يناهز 17 كانت رابحة عام كتستعد تبدا الحياة لي بالنسبة ليها عاد اتحلى مني تحقق احلامها تا كتفاجأ بالمرض لي معطاهاش فرصة تحقق ولو شوية من احلامها حاولات وحاولات متفقدش الامل مي تهدات وجهدها سالة وفلوقت لي هي قالت انموت صافي ونسات ان عندها رب رحيم بيها كيقول ادعوني استجب لكم كان كيوجد ليها بزااف المفاجئات لي عمرهم توقعاتهم على رئسهم شفائها وتحولات لامريكا تكمل دراستها فاحسن الجامعات لي عمرها حلمات بيهم هاهي بعد سنة من الشفاء ديالها تقادات ليها الامور بدات حياة جديدة وبنات أحلام جداد واش يا ترى القدر اينصفها ويجي من جيهتها ويكون عادل هاد المرة العلم لله وحده البطلة ديالنا بنت سمراء البشرة بعيون عسلية كبيرة ورموش كثيفة كتاخذ العقل نيف منقاد وفيم كيف الخاتم وحنيكات ديما مزنكيك شعرها الاسود لي واصل حد خصرها وجسد رشيق خصر مثالي وصدر متوسط الحجم ومؤخرتها بارزة بامتياز خلاصة الكلام جذابة بكل المقاييس من بعد المرض ديالها وقراءتها لداك الكتاب لي كان عليه فضل كبيير عليها دارت الحجاب وهاهي اليوم بفضل الله تم بنت خالتها اية والاكل الصحي و الرياضة لي وفرات ليها بنت خالتها رجعات د فيها النفس ووجهها ضوا دازت تلات سنين باش شدات الباك الوقت دغيا كيدوز عامين دوزتها مرض
وعام دوزاتو فامريكا مع بنت خالتها لي عمرها قصرات من جهتها فالمقابل كينة اية بنت زوينة ببشرة بيضاء وعيون سوداء شفايفها منفوخة وخدودها ديما حومر طيبوبة قلبها كتنعكس على ملامحها عمرها 28 عام مزوجة وعندها ولد هي طبيبة مي مني ولدات جلسات فدار تقابل ولدها وراجلها لي كان عمرو 35 سنة هو مدير المستشفى لي كانت خدامة فيه تعرفات عليه فالخدمة وعجباتو وخطبها وهاهوما اليوم عندهم ولد 😂 اش كتسناوني نعاود ليكم تا قصتهم ههههههه انحمض القصة خليوها لوقت مهم اية دائما ما كتعتبر سكينة ختها صغيرة وكتشاركها كلشي ومني عرفات بمرضها تازمات ….. تال من بعد ونكملو باراكا عليكم 😂}
فمكان اخر من الكرة الأرضية وبضبط فايطاليا كان جالس فالبيرو ديالو داير نضارات طبية وكيقرا شي مستندات تا سمع الدقان فالباب نطق بصوت كيزعزع “دخاال” [الحوار بالايطالية]
دخلات سكرتيرة كتطقطق بطالونها على أرضية المكتب *ميسيو ابيل فالبيرو *
روكو : دوزي الخط لعندي
السكرتيرة : واخا
خرجات ودارت اش قال ليها فتح الخط
…….. : السلعة موصلاتش
روكو : سيفطتها تلات ايام دب
……: ميمكنش
روكو :(غوت) كيفاش ميمكنش
……..: سيدي سمح لي مي راه موصلاتش يمكن وقع غلط او شدوها البوليس
روكو : واحد يومين تكون عندك (قطع)
دوز لابيل دغيا جاوب
……..: سيدي
روكو: سلعة ديال مارك موصلاتش
…….. : واخا انتكلف
روكو: دب نزل لامريكا
…….: كين اجتماع مع مافيا **** دب
روكو : ليل نزل السلعة غدا توصل لماليها
…….. : واخا اسيدي
كانت فلافاك على اعصابها متوترة لاقصى حد قدما كانت متحمسة قد ما ولات خيفة دخلات جلسات فطاويلة تانية تا دخل الاستاد بدا كيشرح درس كانت عندها المادة الأولى هي الفيزيك شرح درس واخا جاها صعوبة فالاستيعاب مي فهمات أغلب الدرس فلتو ليها شي عوارض قليلة فقط مي قدرات تواكبهم سالات المحاضرة وبقات جالسة كتكتب الملاحضات ديالها تا وقفات عليها بنت
الحوار بالانجليزية
…… :سلاام لاباس
سكينة :(تبسمات ليها) الحمد لله ونتي
…… : الحمد لله بغيت نسولك واش نتي عربية
سكينة : اه مغريبية علاش
جاوباتها بداريجة
……. : دخلت عليك بالله
سكينة : ههههههه تانتي مغريبية
…….. :انا اسية ونتي ( فخاطر المتفاعلة التانية لي بقا فيها الحال 😂)
سكينة : سكينة
اسية : اووه متشرفين متخايلتش تجيبني الوقت نقرا مع بنت بلادي اححح شحال فرحت
سكينة : هههههه تا انا احبيبتي لقيت الوناسة دب
آسية : وبيني وبينك سعداااتك قادرة ديري الحجاب فهاد البلاد سعيدة انا ممحجباش وكنعاني من التنمر والاستهزاء فقط حيت مسلمة اودي
سكينة : كوني مسلمة أمر كيخليني كلي فخر ففخر وهضرتهم مكتعنينيش لا تسمن ولا تغني من جوع إلى فتانعتي بواحد الحاجة وبغيتي ديريها مغيحبسكش عليها تا واحد مي خاص هادا يبغي( أشارت لعقلها) باش تجي تقولي الله يهدينا وصافي رآه ماشي مبرر إلى متي ونتي غير محجبة اتقولي لربي راك مهديتينيش الله يرد بيكم لطريق وصافي
آسية : عندك الحق والله صاراحة قتانعت بهضرتك مي انا ماشي بنفس قوتك باش نديرو هنا أول فرصة نرجع لمغرب نديرو وعد مني ليك
سكينة : انشاء الله
آسية : فين كتسكني بضبط
سكينة : ف حي ***
آسية : ااه مبعيداش عليا بزاف مهم تشرفت بيك وسمحي ليا خاصني نمشي
سكينة :(تبسمات ليها ) شرف ليا
فمكان اخر وبضبط عند روكو جالس وقدامو دينو اليد اليمنى ديالو ومقابيلن معاهم 3 رجال
الحوار بالايطالية مهم فنما نجبد روكو رآه مكيفهمش العربية وصافي 🙂
نطق واحد فرجال : بغينا حوالي 200 عاهرة من مختلف البلدان بغينا سلعة العرب وامريكا وجنوب آسيا
نديرو واحد تقسيم تقريبي حوالي 50 وحدة من افريقيا و 50 من امريكا و100 لي بقات بين دول الخليج العربي
روكو : رحلة طويلة وتمانها بوحدو
الراجل : مهم هو سلعة شي لاخر متضرب ليه حساب من بعد لينا معاك اعمال متفجرات وأعضاء وغيرها هادي غير البدية ديال تجارتنا سمعنا بروكو وجينا من جنوب آسيا تال عندك نتعاملوا معاك وانا متاكد مغنخيبوش
دينو : عارف راسك على من كتدوي روحك نحطها قدامك إلى دويتي بنفس طريقة مرة أخرى(راجل سرط ريقو بطريقة باش دوا عرفهم ممعاهمش لعب )
روكو:( ضحك بشر) هههههههه خليه خليه دب توريه الوقت لاش محن راسك تشرح لباشار
وتسقط الشمس في مغربها ليحل مكانها القمر فاوج اكتمالو كانت جالسة على شرفة بيتها كتامل فاكتمال القمر سمعات تيليفون كيصوني بلا مبالات حيدات صوت ورجعاتو لبلاصتو باش يصوني لمرة تانية تاففات بملل ونزلات وهزاتو لقات آسية لي كتصوني ليها جاوباتها
سكينة : (لارد) الووو (لارد بدأت كتخلع ) اسيية اسيية مالك
آسية :(بهمس كتستنجد ) عتقيني كان حدايا مقدرتش ندوي
سكينة : فيينك ومعامن
آسية : معرفتش معرفتش اخر حاجة عقلت عليها كنت كناكل معاك صافي ومن بعد كنلقا راسي مع عرام البنات
سكينة : ويلي حي ياك خليتك اتشدي طاكسي غادة لدار
آسية : ( كتبكي ) معرفتش معرفتش عتقيني عافاك
سكينة : ونتي معارفاش تا فين كينة اجي وكيفاش خلاو ليك تيليفون
آسية : كنهز جوج احتياط كنهز جوج اسكينة معرفتش اش باغين يديرو لينا انخبي تيليفون ونخلي لابيل دايزة وخدمي جيبي اس ديها لبوليس يعتقونا
سكينة : واخا واخا حيديه لا يشوفوك انا جاية
ناضت سكينة دغيا كتلبس لاحت عليها دغيا عباية وزيفها بقا شعرها خارج من القدام بديك الزربة وخرجات كتجري لأقرب مخفر دخلات بانو ليها البوليس جالسين مشات عندهم كتجري موقفات تال البيرو دغيا سترسلات الهضرة
سكينة : صحبتي تخطفات هاهو تيليفون تبعوا الاتر
كان لا رد فعل ممسوقينش نطق واحد البوليسي: صحبتك بحالك (طلع ونزل فيها وقال بتقزز ) مسلمة
سكينة : كيفاش!
البوليسي٢ : سيري بحالك المفخر ساد اليوم
سكينة : كنقولك مخطوفة مخطوفة ماشي جاية نرفع شكوى
البوليسي الأول دفعها تال باب وزدح الباب خلاها برا مسمقلة من المعاملة لي عاملوها بقات غير كتشوف جلسات على ديك الدرجة وبدأت كتبكي دنيا دارت بيها معرفات اش دير تعتق صاحبتها سيمانة باش تعارفوا ولاكن عزات عليها بضحكتها ونشاطها بقات تبكي تا شافت بيل ديال تيليفون هزات ايديها تحجب بيها ضوء البيل لي عماها فليل قرب عندها وهبطو الأرض كان شاب فتلاتينيات لابس زي الشرطة غير شافتو نفرات وساست راسها وناضت تمات غادة هو يعيط ليها
الحوار بلونكلي
هو: مس
سكينة دارت شافت فيه
هو : الى كان ممكن تعاودي لي إلى لقيت فاش نعاونك
سكينة : ( ستغربات مي مبغاتش تضيع الوقت ) صحبتي عيطات ليا ها لابيل سمعها باقا مسجلة مي أنطر نقطع ومنعرفوش جيبي اس
هو : بلاتي نشوف (خدا تيليفونها وجبد بيسي كان هازو فشكارة فضهرو دغيا جبد جيبي اس قطع لابيل ورجع سمعها من الاول ) انا هادشي فاش نرقدر نعاونك منقدرش نمشي تما بوحدي ولاخرين مغيدكموكش خصوصا بالحجاب جاية لعندهم وعاد البلاصة مليكة خاصة يعني إلى دخلتي ليها كتغامري تابعة لمافيا من اشهر المافيات تا البوليس ميعاونوكش ضدهم غير نساي صحبتك دب
سكينة : ( كلماتو طاحو عليها بحال ساعقة ولاكن لا ماشي لي تخلي صحبتها فاشد حاجتها ليها نطقات بإسرار ) ديني تال المدخل انا انكمل على رجلي
هو : واخا يالله
مشا وهي تبعاتو وصلو لطونوبيل كانت عادية تعمد هو هاكاك باش ميلفتش الإنتباه ركب وركبات حداه كانت طريق طويلة بعد صمت طويل هي كتفكر فهاد الخطوة وكتذكر الله فخاطرها قرات الاذكار والمعوداتان وصلوا حطها تا نزلات من طونوبيل ورجعات بفضول نطقات
سكينة : علاش مبغاوش يعاونوني ونتا عاونتيني
هو : (تبسم ليها) انا مسلم ولاكن معالنش على الإسلام ديالي منقدرش نعلن عليه ونكمل فخدمتي نوغمال طريت نخبيه
سكينة : ربي يسر ليك وشكرا بزااف بلا بيك معرفتش اش ندير فهاد ليل
هو : لا شكر على واجب
بعدات من طونوبيل خلات ليه المجال لين يرجع لور وينساحب وهي دخلات تعمقات وسط الغابة خايفة ولاكن كل ما كيزيدو دقات قلبها كتقول فخاطرها “باسم الله الذي لا يضر مع اسمه شيء في الارض ولا السماء وهو العلي العظيم ” مجرد ما كتنطقها تا كترتاح توغلات تا بدأ كيبان ليها قصر كبيير فداك ضلام كيبان كحل بانو ليها جوج ديال لي كارد كبار فالباب مستحيل دخل بلا ميشوفوها دارت مع القصر على أمل تلقا شي باب من لور وفعلا بأن ليها باب كبير فتحاتو كان كوزينة خالية من الخدم والو صقييع لي كين دخلات ومنها توغلات فالقصر سمعات شي اصوات جايين من لداخل ما إن قربات تا ختافا الصوت بأن ليها اول باب قدامها فتحاتو ودخلات ليه كان بيت ذكوري بامتياز سهات فديزاين ما إن ستوعبات بغات تخرج تا كتسمع الباب تسد ضورات عينيها بهلع كيبان ليها وحش بملامح مرعبة طيحو منها نص فداك ليل نطق بصوت غليض بالايطالية “جيتي برجليك ”
دم هرب من وجهها كتشوف وجه مضلم فداك ليل وعيون سوداء ومومو ديالهم حمر بجسم ضخم تمات راجعة بلور وكترعد تا وصلات لناموسية تا طاحت فوق منها
هو ضحك بشر وقرب ليها ونطق بلونكلي : هاي هاي زارتنا البركة ومسلمة من الفوق قرب ليها هي تخشات فراسها وكدعي فخاطرها
” اللهم كفينيه بما شئت ” كترردو فخاطرها {هاد دعاء بتجريب اي دعاء قلتو هنا عرفوني جربتو ولاكن لي كيهم هو اليقين مني تدعي ربي قدما كنتي متأكدة بلا ايستجيب ليك كيستجيب ديريها فبالك ودعي ونتي مرتاحة حيت ربي قال انا عند حسن ضن عبدي بي نرجعوا لقصة}كتعاود فيه فخاطرها مرارا قرب ليها مقدرش بقا واقف بعيد منها كيشوف ضل وراها ضخم خلعوا رجع دغيا بلور وخرج من البيت وسدو { هادي وقعات لبنت عاودها شيخ واحد قتال تلقا ليها وبقات كدكر الله جا جوج ملائكة وقفو موراها بصيفة كتخلع ومشا وخلاها هي مشات بحالها ورجع هو لتما دازت بنت اخرى وقتلها مني سمعاتها فالاخبار بقات كتبكي ومشات لبوليس طلباتهم يخليوها تدخل عندو سولاتو قال ليها كيف بغيتي نقرب ليك ونتي معاك جوج كباار كنعاود ولحمي بورش والله ميخطيوكمش الاذكار} تكمشات فراسها تا تقاد نفسها وبدأت كدفع الباب محاولة منها تخرج من تم والو بدون جدوى رجعات تكمشات فالفراش كتبكي تا عيات وداتها عينيها
أما هو خرج داك لي شاف ركب فيه رعب مشا ديريكت جلس كيفكر عرف ديكور لي شاف ماشي طبيعي خصوصا كيف كانت خيفة تا بان موراها لاخر تفكر حجابها وكادا بقا كيشوف قدامو وهز تيليفون دوز لابيل
كان ناعس عندهم فإيطاليا 5 صباح فيقو صوت تيليفون هزو وحطو على ودنو وعينيه مغمضين
دينو : روكو
روكو : دينو اش عندك
دينو : وقع لي واحد الموقف دب باقي بين عيني مفهمت والو
روكو : ( ناض جلس دوا بصوت قاصح) السلعة مشات ؟
دينو : (حرك راسو بنفي بحالة كيشوف فيه ) ماشي داكشي لي فبالك لقيت بنت فبيتي ومني بغيت نقرب ليها تا بان شي حد قدامها خلعني ومقدرتش نقرب ليها
روكو 🙁 رجع تلاح فالفراش ) بايت كتحلم بيا
دينو : لا لا راك عارفني مني كنقول شي حاجة
روكو : يمكن رهقتي راسك بالخدمة بزاف جيب البنات لي جمعتي وجي رتاح انسيفط واحد اخر بلاصتك
فتحات عينيها ببطء لقات راسها فبيت هزات عينيها كيبان ليها سقف ديال بيت بقات كتفكر اش وقع ليها لبارح غير ستوعبات وهي تنوض قافزة بحال الكابوس زارها كيبان ليها شرجم ناضت بغات تطل غير ذ قربات تخلعات عندها رهاب المرتفعات عرفات راسها فطيارة كيبان ليها غير سحاب رجعات بلور تا طاحت فوق الناموسية محاولة تستوعب فين هي وشكون دايها طيارة وداوها ناعسة شكون هادو لي عندهم الجرأة يخطفوا بنت وبطيارة ناضت وقفات دغيا مني ستوعبات رآها غادة لبلاد أخرى فين هيديوها هادو عاود دنيا دارت بيها كتفكر وتفكر مبان ليها والو رجعات تكمشات فبلاصتها ورجعات نعسات (هادي فعيلي 😂😂 مني نعرف مطالعاش مطالعاش نعس 😂)
تا كتسمع شي حد دخل عندها غمضات عينيها دايرة راسها ناعسة دخلو جوج رجال دينو وواحد من رجالو دينو مقدرش يقرب ليها بقا فالباب
الحوار بالايطالية
دينو: هزها من تما وتبعني
كان بودي كارد قد سخط مشا ليها هزها كيشوف فلبسها باستغراب أما لالة سكينة كتولول فخاطرها كتقول الله ينعل جد بوها صحبة 😂 كتحس حطوها فطونوبيل محلات عينيها تا حسات بالباب تسد حاطها فوق الكورسان بقات كضور فعينيها تا ساعة سعتين داخت وطريق طويلة ولات كتحس بردة سدات فمها محاولة تكتم شهقاتها بدون جدوى
كان جالس فديبو تحت القصر كيتسنا فالسلعة توصل سمع صوت طونوبيل وقفات دار رجل على رجل كيتسناهم يدخلو مفاتش بزاف الوقت تا دخلو رجال مسلحين تستفوا قدامو بحال العسكر جغولة قد سخط حادرين رأسهم خضوعا ليه
روكو( بغوات وصوتو كيتردد حيت ديبو تحت الارض ) : فين دينو
نطق واحد من رجال : هاهو ايجي دب جا بطونوبيل معزولة (مجا فين يكمل الهضرة تا دخل دينو كاع رجال تقادو مني حضر ماهوما كيتعاملوا معاه هو بشكل مباشر احتكاكهم بروكو قلييل بحكم أنه كيعطي الأوامر من بعيد لي كيبقاو معاه هوما لي كيعرفوه أما هادوك الرجال تحت سلطة ديال دينو
دينو : (مشا لعندو وقف حداه ) البنات ايبقاو هنا ولا اتسيفطهم لديبو لاخر مبغيناش ندخلوهم هنا ونعاودو نردوهم
روكو : ايمشيو ( حرك صبعوا تجاه واحد من رجال جا لعندو دغيا وقف قداموا) اتكلف نتا دينو ايبقا هنا البنات يمشيو لجبل منغامروش بداك العدد نخليوه فنواحي المدينة
الكارد : اوك
روكو : نتوما ديبلاصاو رتاحو من سفر انسيفط معاه رجال آخرين ( ناض وقف وتم غادي ونطق ) دينو تبعني
دينو معاودش معاه الهضرة تبعوا ديك ساع لآخرين كل مشا بحالو بقا لاخر لي قاليه يتكلف بالبنات بقا كيتسنا رجال لي ايكونو معاه
روكو طلع نيشان لقلب القصر دخل لصالون جلس وجلس حداه دينو
روكو : بنتي لي ماشي على مودك مولف تكلف بما كتر سيمانة ديال الخدمة رهقاتك
دينو : لا لا راني صافا بيخير مي داك ضل لي شفت باقي بين عيني
روكو : كيفاش شفتي شي حد وشكون هادي اصلا لي داوي عليها
دينو : لقيتها فبيتي معرفتش منين جات كانت لابسة واحد اللبس فشكل واحد اللبسة طويلة وشعرها مدرق كيبان فيها غير وجهها وكلشي بالكحل مني بغيت نقرب ليها بدات كتبعد تا طاحت لأرض تخشات فداتها وبان لي خيال وراها مقدرتش نبقا معاها ديك ساع خرجت
روكو : امم مسلمة هادي الوصف لي عطيتي ديال لباسها كيلبسوه المسلمين واش من البنات لي جبتو نيت ولاكن كيفاش جايبينها بدوك الحويج
دينو : (حرك راسو بنفي) مجبناهاش بداك اللبس ويمكن دخلات راسها حيت البنات محسوبين والعدد هو هو متغيرش
روكو : كيف ادخل والحراسة مشددة شكون هادي وشنو الغرض ديالها فينها دب
دينو : عندي فطونوبيل بغيت ندوي معاها خليها ليا انا انتكلف بيها
روكو : (ناض وقف ) لي كيدخل أقصر مكيخرجش منو حي ديرها فبالك عطيتك حرية دب مي مدام دخلات برجليها والى مصيرها تحتم
دينو : اوك
خرج روكو من القصر ودوز لابيل لواحد من رجالو
اما دينو خرج ديريكت لطونوبيل عند سكينة مني خرجوا من طونوبيل تسنات شوية تا تاكدات مبقاش الحس وناضت جلسات شافت زاج فيمي عاد رتاحت كضور راسها يمين شمال فالقصر تحفة فنية من جردة لي قد سخط الباركينك كان على شكل دائرة وسطها خصة كبييرة كيخرج منها الما كان داير بيه جردة كبيييرة تجري فيها الخيل كتهبل بانواع الورد لي فيها دورات عينيها لجيهة لاخرى كان حد بصرها باركينغ بجل انواع سيارات والماطر المنضر خلاها تحل فمها بدهشة ماشي اقل من القصر لي مقاد مع وجهها بديزاين جنوني متدرج لونو بين الرمادي والاسود قدما غامض قدما انيق وكيدل على الهيبة ديال هاد خونا لي ساكن فيه داخت معرفات فين تصد تا بانو ليها رجال مسلحين كيخرجوا مستفين بلباس اسود موحد خلعوها باشكالهم وبنياتهم الضخمة عرفات راسها دخلات لقلب اللعبة وحياتها فخاطار رجال كل خدا موطور ديالو وزادو بقا غير واحد لي دوا معاه روكو من غيرو كل مشا يشوف عائلتو بان ليها نازل واحد اخر باين هو الشاف ديالهم ركزات فعينيه عرفاتو هو لي شافت فداك ليل مني بان ليها قاصد طونوبيل لي هي فيها دغيا تكمشات فبعضها ودارت راسها ناعسة جا دينو حل طونوبيل هزها وطلع لبيت لفوق وحطها وتقابل معاها كيشوف فيها وفلبسها باستغراب بانو ليه عينيها كيتحركو وهو يتبسم بشر وناض تم غادي جيهت الباب حلو وعاود سدو ودار كيشوف فيها بلا حس هي كيحساب ليها خرج ناضت جلسات تا كيبان ليها مقابل معاها وكيضحك دم هرب من وجهها رجع جلس فالكرسي مقابل معاها
الحوار بالانجليزية
دينو : ندوي عادي مباغيش ناديك دب متخلينيش ندير شي حاجة مكنفكرش فيها
سكينة : فاش باغي تدوي معايا
دينو : عندي شي اسئلة جاوبيني عليهم
سكينة : شنو غنستافد الى جاوبتك
دينو : اش بغيتي
سكينة : نخرج من هنا
دينو : ( ضحك بجهد ) لا لا ههههههه كدوي جديا داخلة لقلب دار روكو وباغا تخرجي
سكينة : شكون روكو
دينو : اش سميتك بعدا المسخوطة ونتي غير كدمة فهاد المعمعة
سكينة : انا سكينة
دينو : فين اصلك
سكينة : من المغرب عندك شي سؤال اخر
دينو : مازال الخير القدام مهم فين جات هاد البلاد عمري سمعت بيها
سكينة : غرب افريقيا
دينو : يمكن شي دويلة صغيرة داكشي لاش معرفتهاش
علاش لابسة بحال هاكا
سكينة : بغيت شغلك
دينو: ها حنا غنطيحو فالغلط تاني جاوبي بلا متصعبي الامور وتخلصي بحياتك
سكينة : ( سرطات ريقها مني تفكرات منضر رجال لي شافت برا ) انا مسلمة وديني كيحتم عليا نلبس هاكا
دينو : ( باستغرب ) كاع المسلمين كيلبسو بحالك؟
سكينة : موضوع طويل علاش كتسول هاد الاسئلة كاملة
دينو : فضول شكون كان معاك داك نهار
سكينة : امتا ؟
دينو : نهار شفتك المرة الاولى وهربتي وكان موراك لاخر مخلانيش نقرب ليك
سكينة : كيفااش ؟
دينو : راه قلت ليك واش غنبقا نعاود فيها
سكينة : مكان معايا تا حد وكنت بوحدي فالبيت اصلا
دينو : كتسطاي عليا
سكينة : ( قالتها بداريجة )والله الى معاك بصح
دينو : اش قلتي ؟
سكينة : I swear to God ( اقسمت لك بربي)
دينو : اوووه موضوع شيق هادا لي معاك فيه دب
سكينة : شنو باغين مني
دينو : نتي لي جيتي عندنا شنو باغا منا
سكينة : نتوما خاطفين صحبتي وكتسولني لاش جاية
دينو : ونتي اش جابك حنا خاطفين صحبتك ماشي نتي
سكينة : بغيت نعاونها
دينو 🙁 تشتت بالضحك ) لا لا كدوي جديا باغا تعاوني صحبتك وباش بهاد الصحة عافاك مضحكينيش 😂😂
سكينة : عرفت راسي تورطت دب مهم امتا تخليوني نمشي
دينو : ( هز فيها حاجبو ) وشكون قاليك اتمشي
سكينة : اش اديرو بيا متلا تعلقوني فالحيط
دينو : صاراحة باغي نعرف منك بزااف الحويج وديك ساع نفكر واش عندي ليك شي حل
سكينة : بلا متغريني باش نبقا نجاوب على اسئلتك الغريبة
دينو : ماهو على اساس عندك خيار اخر بزز منك اتجاوبيني
سكينة : اش باغي تعرف
دينو : ( ناض وقف وتم غادي) سالينا حصص ليوم نخلي الاسئلة لحصة جاية
سكينة : وبلاتي غير نسولك ( مجات فين كملات جملتها تا كان خرج وسد الباب )
ناضت كدور فداك البيت عجبها حلات الماريو لقاتو عامر شوميزات وكساوي معريين ( ديال قحاب لي كيجيب دينو حيت بيتو هاداك) كتشوف فداكشي حمقها ولاكن خافت تبدل ويدخل عليها شي حد وتصاب عريانة ختارت داكشي لي عجبها هزاتو ومشات لدوش كترجب فيه وتقيس تا سالات ولاحت عليها عبايتها ورجعات لبلاصتها لقات خدامة تما كتسنا فيها
نطقات الخدامة بالايطالية : حطيت ليك شي حويج لهيه من دينو وها ماكلتك ( قاطعتها )
سكينة : I don’t understand you can you speak English
الخدامة : ياس ( عاودات ليها اش قالت ليها بالاجليزية (مافيا ميعاد انا 😐))
سكينة : ااه شكرا
خدامة : مرحبا الى حتاجيتي شي حاجة صوني لي من لهيه نجي عندك
خرجات الخدامة وخلات سكينة طاحت فداكشي عملية قتلها غير جوع كملات قالت الحمد لله دارت تقلب على هاد الحويج لي غتلبس لقات عبايات كلهم بحال بحال حولات عينيها بملل اتنعس بعباية متلا كون غير جابو ليها بيجامات طوال ناضت لباب سداتو من لداخل ودارت ساقطة ومع دالك ممناتش حولات الكوافوز كامل من بلاصتو وسدات بيه الباب غير كملات وهي ضحك صافي راه قدات الغاراض رجعات كتجري لماريو جبدات كسوة صيفية حد فخاصها لبساتها وطلقات شعرها الاسود وتلاحت فالفراش مستسلمة لنعاس…
دازت سيمانة عند سكينة يمكن ولفات جو تم مي مرهونة بين 4 الحيوط كتناطح بيناتهم واحد يلوحها لواحد ملات وقنطات وتا لاخر من داك نهار ما بقا جا عندها ولا سول فيها انيسها هو راسها وتلفازة لقاتها فداك البيت رجعات متبعة روسوم ديال سبيستون وحفضات ليهم الاوقات كتجي عندها غير الخدامة لي خلاها خدات راحتها فاللبس نهار على نهار كتولف ولاكن شنو مصيرها مورا هادشي هادا لي كان كيضور فبالها هي سمعات دقان فالباب والخدامة ممولفاش دق اصلا عندها ساروت دغيا لاحت عليها العباية و لاحت زيف فوق راسها وناضت حلات لقات دينو واخيرا تفكرها
دينو : نقدر ندخل ؟
سكينة : كتشاور زعما كاع هادا صوب فيك
دينو : على كنس غير لي يسول فيك نتي ديال نقوليه ساليت معاها هاك منك ليها
سكينة : شكون هو
دينو : لي غيشرب دمك لا بقيتي تال ديك الوقت
سكينة : مهم دب اش انبقا ندير انا هنا بوحدي خليوني نمشي …..يتبع

بارت 3
سكينة : مهم دب اش انبقا ندير انا هنا بوحدي خليوني نمشي مبقيت باغا لا صحبتي لا تا لعبة بغيت نفذ بريشي وخلاص ينعل بوها صحبة
دينو : ههههههه تي منين كتجيبي ديك الهضرة مهم انا جيت ندوي معاك فواحد الموضوع والى عاونتيني نقدر نعتقك
سكينة : ولي هو
دينو: صاراحة جاني فضول على دينك خصوصا من لبسك وكادا مهم مشيت قلبت عليه وعرفت عليه بزااف الحويج صاراحة موضوع متير لاهتمام مي مازال عندي تساؤلات وفكرت فيك نتي الاولى نطرحهم عليك
سكينة : ههههههه هي القتال باغي يسلم
دينو : مقلتش انغير دين ديالي انا نصراني ومتشبت بدين ديالي ولاكن دينكم عندي عليه فضول كبييير والى قتانعت بيه نقدر نغير ديني علاش لا عادي ما سمعت عليه غير هو إلاه واحد كنعبدوه بجوج غير كل وتقاليدو يعني بحالنا بحالكم وصافي
سكينة : مهم موضوع صاراحة طويل ولاكن حمسيتيني عمري فكرت يسلم شي حد على ايدي ولاكن دب تحمست اجي جلس
مشات دغيا جلسات والفرحة فعينيها ( احساسها مغيعرفوش اي واحد تخايلي تكوني سبب فان شي حد يسلم واااو انا شخصيا كنتمناها نرجعوا لقصة)
دينو مخالفهاش ومشا جلس ونطق
دينو : اول حاجة بغيت نعرف هو علاش نزلو جوج اديان مختالفة من نفس الاله ومدام حنا الاولين شنو الفائدة من دينكم اصلا
سكينة : بغيتي تهيني ولا باغي تعرف 😐
دينو : وكنسول دب جاوبي
سكينة : بفف متبقاش تستفزني مهم اول حاجة انسولك عندك بيسي ؟
دينو : اه اش جابو لهادشي
سكينة : واش من ماركة
دينو : ***
سكينة : امتا خرج
دينو : ف 2021
سكينة : واش هو اول بيسي خرج
دينو : اكيد لا
سكينة : هاكاك مع دين حنا جينا مع الاسلام وكان هو احدث دين
دينو : ولاكن تا البيسي ديال 2020 راه باقي صالح
سكينة : ولاكن نتا الى عندك بجوج وقادر تستعملهم اش تستعمل
دينو : اكييد الجديد
سكينة : يمكن وضحت ليك صورة دب
دينو: علاش احكامكم مختالفة معانا ما هو هدف واحد من نزول الاديان
سكينة : هادي مسألة اخرى الى اوكي انجاوبك بسؤال كيف الاول شحال عندكم من نسخة من كتابكم المقدس
دينو: معنديش فكرة على العدد علاش
سكينة : عندنا قران كتاب واحد فنما مشيتي فالعالم اتلقا نسخة وحدة منو بدون تغيير حرف
دينو : ميمكنش
سكينة : ( هزات كتافها) قلب
جبد تيليفون ديالو ودخل لكوكل كتب ” كم عدد نسخ قران المسلمين ”
طلع ليه واحد تصدم
دينو : كيف درتو ليها
سكينة : ماشي هو المهم ربي نزل عدة رسل على الارض على كل عصر نزل رسول وكين شي اوقات كيكون كتر من رسول ولاكن الكتب السماوية لي كينزلو لطالما كيتحرفوا حنا عارفين بلا دينكم فعلا كين ولاكن الاحكام ديالو كلها غلط فغلط بسبب تحريف اصحاب السلطة كيحرفوا على حساب مصلحتهم وهاكذا اصبحت جل الاديان فاسدة كل رسول كان كينذر بلا ا يجي خاتم الرسل من بعدو لي هو محمد مني جا وقتو نزل بدين الاسلام واامفروض اصحاب ديانات الاخرى يامنو بيه وبرسالتو ولاكن ملقا منهم غير التعديب لحقاش مكيخدمش مصالحهم وربي كان كيسر ليه ومتمكنوش منو وربي مني نزل اخر كتاب سماوي على ايديه قال “إنا انزلنا الكتاب وإنا له لحافظون” وبهادا كان هادا اخر دين ومفيهش الاخطاء او تحريف بصفة نهائية
دينو : بحت فيه بزاف وشفت شي احكام مفهمتهمش او الاصح مفهمتش الغاية منهم
سكينة : حنا مأمنين بلا ربنا كيدير لينا غير لي فيه الخير
دينو : بحال الاحكام المشروعة عندكم
سكينة : بحال اش متلا
دينو : بحال تحريم الخمور شنو الغاية منو
سكينة : ( تحمسات كتر وكتر لفكرة تقادات فالجلسة باش تزيد تركز) شنو مفعول الخمر عليك ؟
دينو : منشط
سكينة : بعد ما كتاخد هاد المنشط كيغيب الوعي ديالك ممكن دير اي حاجة من قتل وسرقة وتعدي وزنا
دينو : دينكم كيشجع على القتل اصلا علاش يحرم الخمر على قبلو
سكينة : لا مكيشجعش ابدا داكشي لي كتسمع على الاسلام ماهو غير تصور خاطئ
دينو : كين فالاحكام عندكم بزاااف القتل لدرجة الشريعة ديالكم مكتطبقش تا فدول الاسلامية نتوما تابعين ديانات لاخرة فالمحاكم
سكينة 🙁 حنات راسها باسف ) كاع لي فايدو الحكم وكيحكم بغير ما شرع الله خرج على دين ( رسااالة لبنات لي باغين يقراو القانون قادية او محامية حرااام الاولى كتحكمي بقوانين تابعة لدولة وهادا كفر خاص الشريعة وماشي بيديك تبدلي شي لعبة بعدو منها وتانية كدافعي على واحد مجرم وخاصك تبتي برائتو وهو مخاصوش تبت برائتو خاص يتحاكم بالحق بعدو على هاد جوج خدامي ” فذكر لعل الذكرى تنفع المؤمنين”) فدين ديالنا كين العين بالعين والسن بالسن والبادي اضلم الى هجم عليك شي حد قتلو حيت هو لي هاجم ومن حقك دافع على راسك ولي قتل شي حد يتقتل باش متكترتش القتيلة لي سرق تقطع ايدو باش متكترش سرقة ولي نهب اي السرقة بالعنف ( كريساج كيف كنقولو ليه) كتقطع ايد ورجل من خلاف لي غتاصب بنت يتغتاصب بحديدة وهاكا ميقدرش يغتاصب وحدة اخرى ولي زنا العقاب ديالو الجلد والى كان مزوج يعني غير هو مقانعش عندو التصليب اي كيتعلق فعمود على شكل صليب ويرجموه بالحجر تا يموت حيت معندوش ذعر بصفة نهائية لي نقوليك الغاية من هاد تشريعات ماشي هو العقاب لا بل نحلو المشكيل من الاساس ديالو حيت الى نتا بغيتي تقتل اتعرف بلا اتقتل وتخاف على حياتك والى بغيتي تغتاصب شي وحدة اتخاف انك ضيع فرجولتك وهاكا مغديرهاش والى عرفتي بلا اترزا فإيدك عمرك تسرق ولا تنهب والى عرفتي اتهجم على شي حد يا قاتل يا مقتول وفجميع الاحوال اتقتل فمغيكونوش هاد المشاكيل من الاساس ديالهم
دينو : شنو الضرورة فزواج علاش تم تحريم الزنا ؟
سكينة : نتا فين الام والاب ديالك؟
دينو : الاب ديالي مكنعرفوش والام ديالي مني درت 18 عام خرجت من دار من تما مشفتها
سكينة : شحال عندك من عام حاليا
دينو: 35 سنة
سكينة : 17 عام مشفتيش الام ديالك علاش
دينو : شنو لي يخليني نمشي نشوفها مني كنت معاها علاقتنا كانت باردة ومن صغري كاع
سكينة : هادا هو الغرض من زواج هو الولاد ميتهمشوش الولد يكبر فاسس صالحة ماشي يربي راسو راسو الام كل مرة مع واحد مهامها والو وتقدر متعرفش تا معامن ولدات والاب معارفش تا شحال عندو ديال الولاد والشارع والدولة لي كتربيهم الدين بغا امة اسلامية صحيحة بغا البشرية جمعاء توحد وتولي كلمة واحدة لاعلاء الحق بغا اجيال واعية متقفة ماشي كل واحد كيفكر فراسو الغاية من زواج هو انشاء اسرة مستقلة بداتها وتبقا مجموعة ودين ديالنا كيوصينا بالجمع وبنبقاو على تواصل مع الرحم ديالنا لي هوما اقربائنا من قريب او من بعيد وتا بجار كيحت على المودة بين كل المسلمين
دينو : المراة عندكم مهمشة بزااف وابسط حقوقها مهضومة
سكينة : ( تبسمات ونطقات ) ماهي غير افكار شائعة خاطئة تداولتوها مع بعضكم المراة عندنا كتزاد بنت صغيرة من ايدين مها لايدين باها كيربيوها بجوج ويكبروها على مكارم الاخطاء وتكبر فاحسن تربية وبكترت الحفاض عليها وجب انها دير الحجاب فدين ديالنا كيعتابر المراة جوهرة ثمييينة خاص تخبا باش ميطمع فيها حد حرم عليها ربي زنا باش متمرضش والمرأة كضرها الممارسة مع اكتر من شخص فنفس الوقت كيسبب ليها مشاكيل كبيييرة من بعد ما كتكبر وتوصل لواحد الاج كتزوج باش تزوج كين المهر والشروط وتطلب لي بغات كتمشي غاااالية وقدام ناس وشهود ماشي تمشي معاه فنص ليل عين ما شافت قلب ما وجع لا واجب عليه يفتاخر بيها مني يديها واجب عليه يحافض عليها فرسولنا الكريم عليه الصلاه والسلام اخر الخطابات ليه قال ” واستوصو بالنساء خيرا” و قال مرة اخرى ” المؤنسات الغاليات ” المراة عندنا فدين مخاصهاش تخدم وواجب على راجل يخدم عليها ماشي حيت هي مهمشة كيف كتقولو او خدامة فدار تشقا وتطيب وتولد لا نوضحو الامور ونسميو الاشياء بمسمياتها المراة هي لي كتحمل وهي لي كتولد والقسط الكبير من تربية عليها واش فوق هادشي واجب عليها تخدم لا نتوما لي ضريتو المراة مني خرجتوها الخدمة فشريعة الاسلامية نتا تخدم عليها وهي غير مجبرة تا تطيب ليك خير منها لا طيبات ليك هي واجب ديالها تعتاني بيك وبراحتك فدار وتربي ليك الاولاد لي رزقكم الله بيهم لا غير هادشي كلو باش تنجح العلاقات الزوجية ونحصلو على جيل ناجح ماشي بحال هاد المجتمع المراة تخدم وتصرف على راسها ممسوقاش لراجل والراجل خدام ويمشي مع وحدة اخرى ممسوقش لمرة والولاد مربين راسهم راسهم خرج جيل اناني بامتياز كتلقا عوض دري يفكر فقرايتو كيفكر فين ايوقفوا مشاكيل مو وباه
سكينة : من بعد ما المرة كتبدا تكتبر عندنا خاص ولادها يهزوها والى توفى الزوج ديالها واجب على الابن ديالها يكون بار بيها ويهزها هو ( صحاب نسكن بوحدي متافقة معاك اتبغي حريتك وشحال من حاجة مي كين شي ضروف استثنائية الى الام معندهاش البنات وميت ليها الراجل فماشي عيب تسكني معاها هادشي ميخليكش تحني راس بزاف حطي شروط نهار الاول مع خطيبك قبل ميولي زوج ديالك وتقولي يا ويلتاه محدك كتقربي من فكرة زواج محدك كتقيدي شنو الحويج لي ضروريين فالزواج مازال نذكرهم ليكم انشاء الله) ومن بعد ما كتعيا ولادها يقابلوها تا تموت وتدفن وعائلتها حاضرين لجنازتها ماشي كيف عندكم كيوصل الراجل او المرة لواحد لاج كيلقا لا صحة لا ولاد لا حباب لا هم يحزنون فالاسلام كان ليه الفضل علينا بزاف ومع كامل الاسف كيف قلتي الشريعة مكتطبقش فقط لانها مكتخدمض مصالح ذوي السلطة موضوع طويييل وانا جاني جوع
دينو : مساليتش الاسئلة ديالي باش تاكلي نتي
سكينة 🙁 ميقات فيه ) عرفتي دب اش ادير ديني خرجني يضرب فيا البرد والشمس راه غملت هنا نمشيو ونشري شي حوايج خاصيني نتا شاري طون ديال العابايات وناكلو ونكمل ليك
دينو: مباغيش لعب معاك قاش قاش انا انخرجك اديري ها ولا ها اتخلصي بروحك
سكينة : ياااه على بنادم كيدوي غير بالقتيلة اوى قتلني من شحال هادي اش كتسنا متلا تا تقدي غاراضك مبقيتش مجاوباك ومبقيتش خارجة معاك
دينو : ( ناض وقف ) انا انتسناك برا لبسي وخرجي عندي
خرج وخلاها متبعاه تا فات الباب وهي تنوض تنقز باغا غير امتا تخرج حسات براسها فالحبس كانت لابسة عاباية قادات شال مزيان وقدات حويجها وخرجات عندو قالت ليها الخدامة بلا كيتسناها برا خرجات عندو ركبات حداه متحمسة تخرج بغات طير
دينو : بلا منعاود الهضرة ديري ها ولا ها راك عارفة
سكينة : دب فين انهرب بلا وراقي غير بالعقل نتوما جايبيني فنواغ دولة معارفاش تا واش كينة اصلا
دينو : مهم غير باش منتسماش ضلمتك
كلات سكينة تا شبعات كرشها داها لمكازة فيها حويج لمحجبات ختارت لي عجبها راجعة هازة الصيكان عرام تاهي قصحات وجهها ولي شافتها هزاتها وعلاش تحشم اصلا خاطفينها وتقدر تكون هادي اخر ايامها فهاد الحياة ولو يطلق سراحها مغتمتعش مرة اخرى بهاد الكم من ثراء متاحش ليها الفرصة تعيش فقصر تنعس ففراش بحال هاداك تلبس داك اللبس الغالي قررات تستغل فضول دينو لصالحها وتاخد لي بغات متخرجش خاسرة من هاد لعبة فاقت من سهوتها على كلاكصون قوي صدر من طونوبيل لي هوما فيها كان دينو لي طلع لي دم من ازدحام سير دارت شافت فيها وعاودت هزات عينيها فشاريع بان ليها محل فيه الاليكترونيك عينيها لمعوا خاصها تيليفون تدوي مع عائلتها لي اكيد ايكونو مخلوعين عليها بزاف وخصوصا اية لي باتت. مصبحت شافت فدينو بترجي ونطقات
سكينة : عافاك غير تيلفون ولا بيسي نتواصل مع بنت خالتي اتكون مخلوعة عليا بزاف بغيت نتواصل مع عائلتي غير نطمأنهم عليا والله ما ندير حاجة
دينو : ( هز فيها عينيه بالاعصاب يالله ايبدا يغوت شاف ترجي لي فعينيها مقدرش يقولها لا جبد كارط من طونوبيل مدها ليها ) نزلي خودي لي بغيتي متعطليش ها ولا ها بلا مندوي ياك
سكينة : ( عينيها لمعوا خداتها من عندو دغيا) كون هاني ولا عليك
نزلات من طونوبيل كتنقز دغيا لمحال بان ليها بيسي زوين سولات على تامان ديالو حلات فمها بدهشة مي قالت اش خاسرة وخداتو شافت تيليفون عجبها كلو مدهب خداتو حدا ليزي واي حاجة ممكن تحتاجها اليكترونيك مدات الكارط خدا الفلوس وردها ليها هزات داكشي فصاك جمعات فيه كلشي باش ميشوفوش دينو وهو اصلا معصب خرجات مبانتش ليها طونوبيل زادت كتقلب بعينيها تخلعات خافت يكون خلاها تم معنها تا الوراق ومعارفة فين تصد تت سمعات كلاكصون قوي دورات راسها بانت ليها طونوبيل مارزاريتي كحلة فيها واحد ببنية ضخمة فكرها فرجال لي شافت داك نهار هبط من طونوبيل وحل ليها الباب ونطق بالانجليزية
كارد: كلفني دينو بيك نديك هو عندو شي غاراض مشا

سكينة : واخا
ركبات معاه وممرتاحاض ليه مصاب غير امتا توصل
مكملاش نص ساعة لقاتهم قدام القصر عاد طلعات نفس خرجات من طونوبيل هازة كرطونتها وطلعات موقفات تال بيتها جلسات دارت تيليفون فشارج بنما كمل شارج تشعلوا وجبدات بيسي سمعات دقان دخلات موراه الخدامة هازة الحويج لي شرات
الخدامة: نقادهم ليك فالماريو
سكينة : واخا احبيبتي شكرا بزاف
مشات الخدامة كتقاد فيهم وهي جبدت بيسي كتريكل فيه
فمكان اخر وبضبط عند دينو جاو الكروب لي داير معاهم يجمع ليهم البنات داهم ليهم خدا المبلغ لي متافقين عليه
اكيد توحشتو روكو اجي نمشيو عندو فين كتضنو ايكون اخر بلاصة طيح فبالكم ههههههه
روكو فبيتو ناعس جابد عليها سمع تيليفون كيصوني هزو حطو على ودنو
دينو : روكوو
روكو : دينو اش درتي
دينو : الفلوس فالكوفر انا سبقتك لتيناكس
روكو : ساعة وانا معاك
دينو : اوكي
قطع الخط ناض لدوش دوش لبس حويجوا خدا طونوبيل وتوجه لنادي الليلي المعروف تيناكس
بعد منتصف ليل جالسين فنادي من بعد ما شربو تا عياو بجوج احتفالا بالصفقة الناجحة نطق دينو بتقالة من اثر الخمر عليه
دينو : نهار طويل انمشي نعس
روكو : (مترقب حلبة الرقص كيختار فالراقصة مي باقي مختارش ضحية الليلة ) غير سير تابعاني رحلة بحث طويلة
دينو :(ضحك بجهد ) ضحية الليلة المفقودة
روكو : ( شاف فيه) متشاركنيش متعتي
دينو : لا لا بعيد على داكشي انا ( ناض وقف ) سبقتك وخفف عنداك
روكو : غير سير كون هاني
خرج دينو من الملهى الليلي وركب فطونوبيل وراسو تقيل عليه بمفعول الخمر شكون فبالو اه سكينة هي لي باغي يدوي معاها دب يمكن مفعول الخمر موعاهش بالوقت باغي يكمل معاها الحديث لي قاطعوهم فيه ما وقف تال ساحة القصر طلع ديريكت لبيتها دق مجاوباتوش هو يرجع كيقلب على سوارت باش يدخل عندها…
كانت ناعسة فراحة بعد ما قدرات تطمأن مها واية عتاذرت ليها قالت ليها بلا كانت بعثة منضماها الكلية لإيطاليا ونسات مقالتهاش ليها صباح طرات تمشي دغيا مقالت ليها والو ناعسة على ضهرها وشعرها الاسود مطلوق فسرير بشكل كيجذب العين لابسة فقط كسوة صيفية حد ركبتها تا جا نكدها دخل مع الباب شافها فداك المنضر اكيد كانت بالنسبة ليه بحال التحلية من بعد ليلة سكر تامة يمكن مفكرش بزاف ومجرد ما شافها هاكاك نسا علاش جاي اصلا توجه لعندها بخطى ثابتة بايقاع بطيء محركاه اثار الخمور والشهوة لا اكتر
قرب منها مترصدها كتبان ليه بحال الفرسية ديالو تلاح فوق منها وبدا كيبوس فعنقها فاقت كتحس بيه فوق منها مقلوبة بنعاس ما ان استوعبات اش واقع بدات كدفع فيه بدون جدوى بحال الجتة فوق منها تعيا دفع لا حياة لمن تنادي كتغوت كتستنجد لعل يكون شي حد فالقصر يعتقها ولاكن بدون رد قرب ليها وهمس فودنيها بالايطالية “خلينا نعيشو اللحضة”
يمكن جملة فيضات كاسها متعرف شوية الايطالية وفهمت اش قال كلشي تال شرفها مستحيل تخليه ياخدو ولو على جتتها قالت الحيلة لي غتنفعها معاه دب مستحيل تنفذ بريشها هاكا نطقات بالانجليزية
” واخا غير نشرب الما بعدا”
ناضت مشات لطبلة هزات موص من فوق منها وهربات لدوش كانو بقايا الصحون من عشاها محطوطين فوقها سدات عليها الطواليط وكترعد دينو تسناها مكلفش راسو ينوض مني بانت ليه تعطلات ومغتخرجش مشا كيدق عليها
دينو: خرجي
سكينة : لا
دينو: اوكي لي بغيتي
رجع لور ودفع الباب تا تهرس تم داخل عندها مع عتب الباب دخل كيقلب بعينيه فينها معرف دقة منين جاتو هزات الموص على مافيها من جهد وخشاتو ليه فضهرو بغا يشد توازن ديالو ولاكن بدون جدوى كانت ضربة خيبة طيحاتو الارض مغيب بدمو سايل رجعات سكينة لور بصدمة والدم فايديها كتبتي وتغوت من الرعب لي حسات بيه مشات طلقات الما على ايديها الما نازل غسل ليها ايديها ولاكن هي باقا كتشوف غير ايديها عامرين بدم كتبكي رجعات عندو كتخطوي ببطء قاست نبضو لي كان ضعيف بزاف عرفات بلا الى متسعفش دغيا ايخلص بحياتو خرجات كتجري من البيت معاقلاش لا على لبسها لا تا حاجة كتغاوت على الخدامة
” سوووزي ” ” سووووزي فينك”
الخدامة لي كانت ناعسة سمعات غواتها تخلعات ناضت خرجات عندها دغيا
سوزي : اش واقع مالك (شافت ايديها لي كلهم دم تخلعات)
سكينة: ايمووت عتقيه كيموت عيطي لاسعاف
سوزي : شكون لي كيموت اويلي
سكينة : دينوو كيموت عيطي لاسعاف
ماري مبقاتش كتسول بزاف دغيا خرجات برا كتعيط على رجال روكو لي دخلو كيجريو سكينة شافتهم دخلت كتجري لاول بيت قدامها سدات على راسها وماري عرفاتو كين فبيتها حيت هي مكتخرجش من داك البيت طلعات هي والرجال دغيا لي هزوه باش يسعفوه لأقرب سبيطار

سكينة نعاس طار عليها كتبكي مني خرجوا وهي كتبكي مبغاتش تقتلوا كانت املة يسلم على الاقل يموت مسلم ولاكن شرفها ممستعداش تخسرو ولو على حساب حياتها هي ماشي غير حياة شي حد اخر ناضت كتوضا باش تصلي ساعة ساعتين تلاتة يمكن وقت عادي كاي وقت ولاكن عند سكينة كان حاجة أخرى كانت فصراع يمكن عندها الحق دافعات على راسها فالدين كين الهاجم يموت شرع وكاين حديث بلا الى بغا شي حد يتعدا على شي وحدة قتلاتو هو فنار قتلها هي فالجنة وياخد روحها احسن ما تخليه ياخد شرفها كانت كتسكت راسها بهادشي وهو عاد باغي يسلم ومتاكدة ماشي فوعي ديالو ماشي من عوايدو يقرب ليها تمنات لو الحياة تعطيه فرصة أخرى تفكرات راسها اكيد ايكون مصيرها من بعد موتو الهلاك شافت رجال ديك النهار اكيد رجالو الى بقا حي كين امل تبقا حية هو يقدر يسامحها ولاكن لو مات اتخلص بروحها تاهي مما لا شك فيه
سمعات دقان فالبيت كانت سوزي دخلات عندها قربات ليها بتاسف
سوزي : الاوامر قتادات نحبسوك تا يجي روكو ممنوع يدخل عندك شي حد انسد عليك هاد الباب وكنتمنا متوقعش ليك شي حاجة معرفتش اش بينك وبين دينو علاش بغيتي تقتليه مهم سمحي ليا منقدر نعاونك بوالو
قالت هاد الكلمات وخرجات سدات عليها الباب خلات سكينة حالة عينيها بدهشة من هادشي لي سمعات عرفات هادي نهايتها تفكرات الاسم لي قالت الخدامة الروكو اسم سامعاه من دينو شحال من مرة مني كتستفسر اش كيقولها “لي غيشرب من دمك” “لخرة ليك على ايديه” ملامح وجهوا وهو كيقول هاكاك كانت جدية ومباينش فيها بلا كيضحك عنقات داتها برعب من هاد الاسم لي تذكر قدامها مشات هزات بيسي دغيا قالت تجرب تقلب عليه فكوكل واش شخصية معروفة
بالفعل طلعوا ليها تصاورو ملامح وجهوا قدما فاتنة قدما كتوحي برعب عينيه لي بينين فشي تصاور قلال مضلمين سراو فداتها رعب المعلومات لي عليه قليلة ك رجل أعمال ايطالي معرووف كيتاجر بالأسلحة وعندو شركات معروووفة فسوق ديال الموضا ولاكن دوك رجال هي عارفة بلا من المافيا والطريقة باش كيدوي عليه دينو يعني سلطة ديال روكو اكبر من دينو شنو ممكن يكون هاد روكو لي تا دينو داير بحسابو
داز نهار طويييل عند سكينة خصوصا انها بقات بلا ماكلة لباب مسدود فكرات وناضت خشات بيسي تحت ناموسية من باب الاحتياط لا ياخدوه ليها ودوزات لابيل لاية بعد تردد قالت نعلمها تا لوقعات لي شي حاجة ميبقاوش موضرين كيقلبوا عليا تفتح الخط
اية : الو الووو سكينة
سكينة :كيف دايرة ااية لاباس
اية : الحمد لله ونتي بيخير
سكينة : الحمد لله كيف داير عصام جاد كلشي لاباس
اية 🙁 باستغراب من طريقة هضرتها) كلشي لاباس سكينة معجبتينيش واقعة ليك شي حاجة
سكينة : ( سرطات ريقها ونطقات بزز) اية لي وقع وقع ومعندنا منديرو الى وقعات لي شي حاجة سلمي على ماما بزاف وقولها تسمح ليا الى ( قاطعتها)
اية : تي اش درتي الموصيبة اش كتخربقي عليا دب
سكينة: اية ممشيت لا ف رحلة مدرسية لا والو انا تخطفت
اية 🙁 شهقات) اش كتقولي
سكينة: سمعي متقاطعينيش معنديش الوقت بزاف خاص نحيد تيليفون انا تورطت مع مافيا ومعارفاش شنو مصيري درتها بايدي ومشيت عندهم برجلي مقرب لي حد البوليس معندهم باش ينفعوني بلا متحاولي تورطي تا نتي كنت قلت الامور بدات كتقاد وداك زعيم ديالهم كنت هو الوحيد لي كنتلاقاه كيجي عندي لواحد البيت موفر لي كلشي الى الحرية عموما كنت مرتاحة نسبيا وفرحت لبارح بانت لي الامور تقادات بدا كيقتانع بالاسلام وانا ستغاليت داك الحماس ديالو خرجني وشريت داكشي لي باغا وتا تيليفون ولاكن (سرطات ريقها) هو جا سكران بليل وبغا يتعدى عليا وانا ضربتو بموص موحاش يعيش والى مات مغيخليونيش حية موراه والى عاش تاهو معرفتش مصيري مي حياتو حسن من موتو بالنسبة ليا قالت ليا الخدامة جات اوامر باش نتحبس تا يجي الزعيم الكبير ديال المافيا حيت ضيعت ليه واحد من اهم رجالو ( بدات كتبكي) ااا ية معرفتش مصيري ااية الحاجة الوحيدة لي نوصيك عليها تهلاي فماما وقولها تسمح ليا ندمت علاش دخلت لهادشي ولاكن ندم معندو باش ينفعني اختي
فين اية اية الصدمة شللات ليها لسانها كتحس بحالة كتسمع لفيلم رعب
سكينة : اااية كتسمعيني وااا اية
اية : ( ستجمعات قوتها بصعوبة ) وا واش داوية من نيتك
سكينة : اية لي كين قلتو سمعي قدر الله ومشاء فعل خاص نحيد تيليفون بسلامة دب
قطعات الخط وطاحت دمعتها دغيت شدات تيليفون طفاتو ودارتو فصدرها مشات لماريو هزات بيجامة سخونة لبساتها وتخشات ففراشها ترتاح لي ليها ليها تالين اتبقا بلا نعاس
عند روكو كان جالس قدام غرفة دينو كيتسنا خبر دينو مكانش مجرد واحد خدام معاه لا كان صديقو ديال بصح وكتر من 10 سنين وهوما مع بعض كان اعز واحد عندو حقد على هادي لي ضرباتو بلا ميعرفها وكيتوعد ليها باشد العداب ندم لي سمع هضرت دينو وخلاها حية كون قتلها من الاوا ميوصلش لهاد البلاصة كيتسناه واش يخرج حي او ميت قاطع سلسلة الافكار لي فبالو طبيب لي خرج دينو مناضش جالس كيتسناه يجي عندو وبالفعل طبيب جا عندو نيشان
طبيب : سيدي معرفتش كيفاش انقولها ليك
روكو : (بصوت غلليض لي باحاح )باختصار
طبيب: وضربات ليه الكلوة ونزف بزاف كون جا قبل كان ممكن ( قاطعوا)
روكو: اش عندو دب
طبيب : (حنا راسو باسف ) غير قلبو لي خدام عقلو سكت وقلبو خدام بالاجهزة لا اكثر مجرد ما نزعوا الاجهزة ايسكت قلبو
روكو :(تصدم مي تبت راسو) نسبة نجاة
طبيب : لا رد
روكو : ( غوت ) نسبة النجاة
طبيب : شبه منعادمة والى كانت شي حاجة فوق عام عامين احسن نحيدو ليه الاجهزة يرتاح 1٪ لي كيخرج حي من هاد الحالة
روكو : تحيدهم نركبهم ليك بلاصتو
قال هاد الكلمات وخرج من سبيطار يمكن من برا كيبان عادي ولاكن لداخل ديالو مهرس لاشطار واشطار معرفش اش يدير الحاجة الوحيدة لي فكر فيها الأمانة لي باقا عندو فدار هي سباب البلا اصلا رجع ادراجوا لقصر عيط لواحد من رجالو جا عندو
نطق بصوت سام : ديك لي الفوق هبطها لديبو علقوها ترتاح شوية بنما ساليت
لاخر حنا راسو طاعة ليه
طلع روكو لبيتو مبغاش يتلاقاها دب ايقتلها بلا صبر وهو باغي يتفنن فعذابها اكيد غضرات دينو مدام كان مامن ليها لديك الدرجة ستغلات الوضعية وغضراتو الحاجة الوحيدة لي فكر فيها هي يشوف اش وقع بضبط شعل بيسي ودخل لكاميرات رجع ليلة لي قبل بانت ليه خارجة من الحمام لابسة كسوة صيفية حد الفخض وشعرها الطويل مطلوق تال مؤخرة ديالها تفكر فاش دينو قاليه على لبسها اكيد كتحيدو مني كتكون بوحدها بقا متبع معاها اش كدير تخشات تحت الفراش وطفات الضو بانت ليه نعسات دوز تال فين دخل دينو بان ليه غادي ليها تفكر بلا كان سكرااان فاش رجع بان ليه تلاح عليها بغا ينعس معاها كانت الكاميرا مموضحاش بزاف مي باينة كدفع فيه وكتقاوم بدون نتيجة كان حاكمها بانت ليه قالت ليه شي حاجة وناض عليها ناضت لطبلة هزات الما وهزات موص دارتو ورا ضهرها وهربات لدوش وسدات الباب بقا متبع كلشي لقطة بلقطة تال فين ناض تبعها مبقاوش كيبانو فالكاميرا دوز الكميرا ديال الحمام كانت جالسة كتبكي باينة فيها مخلوعة بزاف وهازة الموص غير عرفات الباب ايتفرع تخبات ورا الباب مع دخل خشاتو فيه تا طاح حداها بقا متبع كلشي وقع لقطة بلقطة يمكن فهم جزء ما علاش ضرباتو ولاكن كان واضح بلا مكانش عنيف معاها بالمرة علاش مخلاتوش يقرب ليها فين المشكيل هاد هو سؤال لي كان فبالو جاه فضول كبير على علاقتها مع دينو بدا كيرجع لفيديوات ديالهم بجوج لي بالكاميرا شاف لبسها دينو معاها فالبيت كتلبس العباية ومني تكون بوحدها كتنقصهم فهم بلا دينو عمرو شافها بلا حجاب خدم صوت وجلس كيسمع عمرو عرف شي حاجة على الاسلام بفضول دغيا بدا كيتفرج كتر وكتر ما حس بالوقت تا جاه جوع نيت ناض لكوزينة خدا الماكلة لي باغي ورجع لبيتو طاحت ليه فبالو واش ضربها ليه عندو علاقة بالدين ديالها الى كان هاكاك فغيكون خارج اطار الانتقام دغيا دخل طابا فكوكل الجنس في الاسلام طلع ليه مقالات طويلة دخل لاول مقال بالانجليزية
In Islam, men and women are required to dress modestly. This is said to help them avoid embarrassing one another. It is also seen as a way of discouraging adultery.

Sex is seen as a gift from Allah and sexual relationships should be restricted to marriage between a man and a woman. Meetings between unmarried couples are traditionally chaperoned. In the Qur’an, unmarried Muslims are advised against sex before marriage.

“يُنظر إلى الجنس على أنه هبة من الله ، ويجب أن تقتصر العلاقات الجنسية على الزواج بين الرجل والمرأة. عادة ما تتم مرافقة الاجتماعات بين الأزواج غير المتزوجين. في القرآن ، ينصح المسلمون غير المتزوجين بعدم ممارسة الجنس قبل الزواج”
رجع راسو لور وغمض عينيه عرف علاش دارت هاكاك مي خاصو يتاكد الى كان هاكاك فعلا فواش كتستاهل هي العقاب على داكشي لي دارت

….. يتبع

بارت 4
رجع راسو لور وغمض عينيه عرف علاش دارت هاكاك مس خاصو يتاكد الى كان هاكاك فعلا فواش كتستاهل هي العقاب على داكشي لي دارت ولا ولا تكا على الناموسية كيشوف فسقف وكيفكر اش يدير كيتفكر لحضاتو مع دينو كان اكتر من صديق ناض غادي جيهت القبو وصل لقا واحد من رجالو برا قاليه يطلعها ليه لبيرو وطلع جلس كيتسنا فيها تطلع بالفعل مدازتش 3 دقيق تا كان مدخلها شادها من ايديها لور وشعرها طايح على وجهها حيت حيدو ليها زيف والشدة لي كان شادها راسها محني نطق
الحوار بالانجليزية
جلسي لهيه ونتا خرج خليني ندوي معاها
بالفعل مخالفاتش امرو جلسات فين قاليها محاملاش وضعها ولاكن اش عند الميت ميدير قدام غسالو نطق روكو مقاطع سلسلة افكارها
علاش بغيتي تقتليه
هزات فيه عينيها برهبة ونطقات بتقطع فالحروف
مات ؟
نطق محاول يضبط اعصابو
علاش بغيتي تقتليه
مبغيتش نقتلو هو لي حاول يتعدا عليا
ما شفت تا تعدي فالفيديوعلاش كتكدبي
كيفااش؟
القصر كلو كمرات وتسجل كلشي وقع بلا متحاولي تكدبي لحد ساعة مكالمي راسي معاك لاقصى حد بلا مستفزيني وتصدقي نادمة
لا لا انا ما باغا والو خليوني نمشي بحالي اش بغيتو عندي هو بغا ي سكتات
اش بغا
بغا بغا ينعس معايا وعارف بلا فالدين ديالي حرام اصلا
يعني هادشي عندو دوافع دينية
تا نتا مسيحي بحالو سمعني انا مشفت منو تا حاجة خيبة صاراحة ولاكن شرف ديالي عندي اهم من حياتي وحياتو
شاف فيها بتعجب ونطق
نفهم من هضرتك بلا مستعدة تموتي على شرفك
شافت فيه برهبة من ملامح وجهوواضح كيعني كل كلمة نطقها
انا ماديتكم فوالو لاش حابسيني
روكو رد راسو لور سكت شوية وعاود ركز فعينيها
نرجعوا الاول علاش دخلتي لقصر ديالي فالاول اصلا
سرطات ريقها مني قال القصر ديالي يعني هو مول شي يعني نفود ديالو كتر من دينو هو لي كيدوي عليه دينو والخدامة كتشوف فيه كيف كيحاول يكالمي راسو معاها واضح من شكلو بلا ماشي من نوع لي كيشحف راسو مع ناسولاكن علاش هي بضبط بلا متفكر نطقات
نتا روكو
يعني كتعرفيني ماشي غير مكدمة كيف قالو
حركات راسها بنفي بسرعة
لا لا والله ما كنعرفك دينو كان كيدوي عليك هو وميري داكشي باش
سرطات ريقها برعب من نضراتو لي كتختارقها
نعاود نسولك لتاني مرة علاش دخلتي لقصر ديالي فامريكا
صحبتي عيطات ليا كانت مخطوفة مع شي بنات وتبعت جيبي اس تا وصلت لتم
بدا كيضحك سطاتو بالضحك
لا لا واش كدوي بصح باغا تعتقي صحبتك من نيتك
مكنتش عارفة فاش ورطت راسي
بقا كيشووف فيها روكو جاتو نبرتها صادقة هو عندو مشكيل مع العاهرات باش وحدة تكون مستعدة تموت وتقتل على شارافها جاتو فكرة فشكل يعني ماشي لديك درجة فتحات ليه الباب لبزتاااف التساؤلات على هاد دين نطق بعد صمت طويل
لسبب ما مصيرك هو مصير دينو يا تعيشو بجوج يا تموتو بجوج رجعي لبيت لي كنتي فيه وبلا متحاولي تلعبي معايا مغندوزش ليك بصفة نهائية
سرطات ريقها وناضت دردبات لبيت في كانت رجليها تقالين عليها من الربيط وكمل عليها هو بالخلعة موصلات تا غفر ليها ربي ذنوب
دازشهرلا جديد يذكر حالت دينو هي هي فغيبوبة ممعروفش مصيرو سكينة قنطات بوحدها ولاكن مجرد انها مازالها حية راه دار معاها مزيان وهي عارفة هادشي اما سيدهم روكو هاد الوقت كلو كيبحث فهاد دين لي كيقول المرة تموت ولا تمارس الجنس بلا زواج يمكن بسباب عقدتو من داكشي لي عاش مع مو خلى هاد القضية قريبة من قلبوبزااف لهادا بحث وبحث وعجبو بزااف هاد دين ولاكن فيه احكام شرعية لي مفهمهش يمكن سمع بواااف الاجوبة لي جاوبات سكينة الدينو يعني كان عندو تساؤلات اخرين وكان اعجابو بسكينة جد واضح حيت بحث فقضايا اسلامية مشابهة البنت كترضخ لامر الواقع الى حاول شي حد يتعدا عليها او كتكون اضعف من انها تواجه او الصنف الاخر لي عاجبها الحال وبايعة راسها فابور يعني الامر كيقتاصر على سكينة بداتها قرر يسلم ولاكن كين شي حويج مانعينو وشاف كيف دينو توجه لسكينة ولقا عندها الجواب قرر تاهو يجرب حضو كان عاد كيتغدا غير سالة توجه لبيتها تفكر دينو كان كيدق عاد يدخل دار بحالو جاتو ضحكة من حالو من امتا روكو كيستأذن سكينة كانت جالسة غير سمعات دقان وقفات دغيا الوحيد لي كيدق عليها فهاد دار هو دينو تفاءلت يكون هو دغيا لبسات عبايتها وزيفها ومشات كتجري حلت الباب لقات روكو تخلعات رجعات لور وجلسات فوق الفوطوي كتسنا اش ايدير بالفعل دخل جلس مقابل معاها كيطلع وينزل فلبسها باستغراب ديك المرة مكانتش دايرة زيف فهم بلا هوما لي حيدوه ليها ولاكن هو شاف شعرها اصلا شنو الفائدة من هاد الحجاب دب نطق
الحوار بالانجليزية
علاش دايرة هادا
على زيفها شافت فيه باستغراب وقالت
هادا حجاب ديالي
انا ديجا شفت شعرك
ماشي انك شفتيه غيعطيك حق انك ديما تشوفو ديك المرة حيدوه ليا ماشي باختياري
اوكي انا مجيتش ندوي معاك فهادشي سمعي انا غنعاود ليك شي حويج لي اغلب الناس معارفينهمش ولاكن تخرج الهضرة تخلصي بحياتك اوكي ؟؟
سرطات ريقها ونطقات بصعوبة “اوكي”
انا مسيحي عندي فالعائلة ام مكيشرفنيش نعتارف بيها كانت عاهرة ليلة انا ابن ناتج عن احدى الليالي العابرة يعني كان منبوذ منها وم الناس اتقولي بلا اصلا اغلب النصارة او عدد كبير منهم تزادو بلا زواج غنقوليك فعلا اغلبية تزادو هاكاك حيت ديننا مكيمنعش هاكاك ولاكن باش تعطي راسها مقابل مبلغ مالي لسهرة وكل نهار مع واحد كتسما عاهرة كبت فجو مكيشرفنيش نكبر فيه ابدا وحاقد عليها ماتت مع كامل الاسف قبل ميتسنا ليا نشفي غليلي فيها ولاكن انا باقي منسيت داكشي لي عشت مع عاهرة تبعت تجارة الممنوعات من مخدرات ومافيات وغيرها الى ما أنا عليه اليوم رئيس اكبر مافيا فإطاليا “سرطات ريقها بصعوبة مني سمعات جملتو خلاتو تبسم بخبث وسترسل هضرتو” القصة مكملاتش هنا لا عاد بدات انا حرقت قبرها ولاكن قلبي مبردش كرهت العاهرات كنمشي لكلوب نسهر كنجيب معايا وحدة منهم من بعد ليلة لي كتكون كيف هي تخايلاتها كتصبح على اسوء يوم فحياتها غالبا كيكون الاخير كنقتلهم بابشع الطرق انا ما قتلتش وحدة ولا جوج ولا و10 منقدرش نحسب ليك ضحايا ولاكن يستاهلوا “شاف لون هرب من وجهها تبسم بغا يطمأنها شوية غير باش تجاوبوا على اش باغي ”
المهم فهادشي فاش شفت حالت دينو كيحساب ليا جاسوسة وعرفت الى جيت عندك ديك ساع انقتلك دغيا ومبغيتش نسرع ماشي انا لي نقتل دغيا لا كنتفنن فالعذاب ديال الواحد عاد نقتلو خليت رجالي يلعبوا معاك شوية وبفضول دفين خلاني ندخل لكمرات نشوف اش وقع بالفعل شفت ومفهمتش الصد ديالك عند بالي راكم فعلاقة خصوصا انو مخلانيش نقتلك مني زدت رجعت لكمرات ستغربت من الحوارات لي كدور بيناتكم وسمعت تقريبا كل الكلام لي داز بيناتكم لهادا قلت يمكن دوافع دينية وبالفعل مني بحثت فالدين ديالك كتاشفت بلا فعلا محرم عليكم العلاقات الجنسية خارج اطار زوج قلت ندوي معاك عاد نقرر فمصيرك وستغربت لجرئتك ونتي كتقولي بلا مستعدة تموتي وتقتلي على شرفك هادشي عمري سمعت بيه او شفتو فحياتي والى ربطتيه بعقدتي من العاهرات بنتي لي شي حاجة نادرة قررت منقتلكش وبحثت كتر وكتر بين المسلمين كنكتاشف بلا هادشي لي كتقوليه اغلبية معندهمش وواحد النسبة لي مواصلاش تا واحد ف 100 لي ممكن دير بحالك ولان فدينكم لا كين خاص كلشي يكون هاكاك ستغربت لهاد دين لي معتانقينو مليار من اصل 7 المليار في العالم ومكيطبقش تعاليمو تا مليون من المليار زدت بحثت كتر وكتر من كتب والمصحف الشريف ديالكم جاني دين متكامل خصوصا مني كنربطو بشرحك التوضيحي لي عندي واضح فالفيديوات قررت نسلم ” مقدراتش تكتم صدمتها بكلاموا شهقات كيفاش هي لي بنت عااادية فين جابتها الضروف باش تكون سبب فواحد بحال هادا يسلم بداتك تبكي بهستيرية خلاتو هو كيشوف فيها بتعجب
علاش كتبكي ؟؟
“مسحات دموعها دغيا” والو غير كمل
مهم انا عندي اعمال غير مشروعة واش الى بغيت نسلم خاص نتخلا عليها وعاد عدد الناس لي قتلت سوى العاهرات او اعداء ديالي او او “قاطعاتو”
الاسلام يجب ما قبله
بمعنى؟
الاغلاط لي درتي قبل ما تسلم ممحسوبينش وبالنسبة لاعمال ديالك واش مشاريعك كلها فالمافيا والمخدرات والتجارة بالبنات ؟؟
عندي سلسلة فنادق ومتاجر مجوهرات وشركات للمعلوميات وغيرها بزاااف المشاريع
المصدر ديال فلوسك حرام سو عندك حل واحد اتخلي دار وحدة فين ساكن ومشروع واحد وشي لاخر لازم تبرع بيه لفقراء وتمويل الدول الاسلامية الفقيرة وغيرها وخصوصا المسلمين محتاجين لديك الفلوس اكتر من لاخرين مهم انا كندوي حسب العلم ديالي تقدر تعاود تبحث فمصادر مختصة وحسب التجربة ديالك كنضن واخا ترجع تبدا ا 0 تقدر تحقق داكشي لي باغي
“ناض وقف ” اوكي نفكر فهادشي ونعاود نبحث نعرف اش ندير مهم انردك لامريكا نساي هادشي لي عشتيه فهاد القصر لعلمك نتي اول وحدة اتدخل ليه برجليها وتخرج منو حية طوي الصفحة وديري هادشي غير حلم وعشتيه “خرج من البيت وسد الباب
فاقت كتكسل فبلاصتها على اشعة الشمس لي دخلات لغرفتها ناضت بشوية من الفراش كانت لابسة قاميجة كم تال الفخاض بلا سروال وحالة الصداف الفوقانيين ديالها صدرها باين مترع منها شعرها منساب وراها واصل تال فخاضها كيلعب بيناتهم مني كتحرك دغيا جسمها زادت معاليوما واااضحة نيت بشكل كيفتن لي شافو طلات من زاجة ديال الشرجم دغيا سرات معاها هي ترجع كتجري لدوش نسات حفل التخرج كانت باغا تمشي بكري مي مفاقتش دخلات لدوش دغيا لاحت حويجها فالارض وطلقات الرشاشة عليها الما كينساكب على ثنايا جسدها مخليها فاتنة بكل المقاييس اخيرا تخرجات باقي ليها 3 سنين التخصص ولاكن دب رسميا ولات كتعتبر طبيبة تفكرات كيفاش جات لامريكا كيفاش بدات حياتها هنا كيفاش تعلمات اللغة كيفاش دخلات لاول حصة باش تقرا تخصص اخر ولاكن من بعد ديك المغامرة لي عاشتها ولي بالفعل عتابرتها كيف الحلم بسرعة الاحداث تفكرات دينو فاش طاح قدامها فبالها كينين الاسماء ولاكن الوجوه محاتها الوقت يا تؤى شنو مصير دينو واش تعالج واش مات هاكا قالت قبل متاخد فوطة تلويها عليها خرجات من دوش ديريكت لماريو ديالها هزات كولون وطريكو لبساتهم ولبسات عباية بالاخضر ملكي وحجابها بالاسود قاداتو لبسات صباطها طالون بالاسود خرجات كتسمع سقييل دار خاوية بدات كتعيط “اااية “اياااة” لا رد هزات تيليفونها وخرجات من دار فتحاتو لقات بزاف رسائل ولقات مساج من اية فتحاتو دغيا لقات مكتوب فيه ” حبيبتي سمحي ليا معلمتمكش مي كلشي جا دغيا ومبغيتش نفيقك فليل نخلعك راه عكوزتي ماتت وكان ضروري نزلو المغريب منقدرش نخليه ينزل بوحدو فضرف بحال هادا راه دار دارك منحتاجش نعودها ليك سيري لبيت عندي اتلقاي الكاضو ديال التخرج ديالك كنت بغيت نعطيه ليك بإيدي مي ممكتابش مني تقراي المساج ديالي صوني عليا احبيبتي ” من اية
قرات سكينة المساج وردات تيليفون لجيبها ومشات كتجري باش توصل فالوقت شدات اول طاكسي بان ليها
نمشيو لمكان اخر عارفاكم توحشتو هاد الكوبل بزاف ههههههه
فافرنسا وبالضبط فالعاصمة باريس مدينة الانوار والاحبة
كانت جالسة فطبلة كتعشا سمعات الباب ديال البيت كيتحل بان ليها دخل قال “سلام”
درات عليها ” وعليكم السلام” بشكل بارد
هو لي اصلا مكيتسناش ردها دخل ديريكت لدوش يدوش خرج من دوش لاوي على خصرو فوطة هي تزنكات واخا 4 شهر ديال الزواج لي حشومية حشومية واخا منعرف اش دير ليها شافها كيف ضورات راسها تنهد عيا معاها اصعب حاجة عند راجل هي مراة بحال هادي متناقش معاه متدخل معاه فحوار متعطي رأي لا اه لا لا كيقولها شي حاجة تحني راسها وتسكت يمكن تا بدات شوية كترتافع تيقتها براسها جا الحمل مع الوحم هرس فيها كاع داك البناء مشا لماريو لبس سروال سيغفيط دار عندها بانت ليه غتنوض رجع عندها دغيا هزها وتم غادي بيها لفراش هي خشات راسها فصدرو باش ميشوفش وجهها كيف ولا حطها بشوية فوق ناموسية وضم فمو مع فمها كيقبل فيها
<<<<<<>>>>>>>>>>
بانت له سخفانة نيت مي كالعادة مكتقول والو ناض عليها جر الغطا عليها غطاها وغطا نصو تاهو بقا كيشوف فسقف شحال تنهد قرب منها من لور عنقها وايدو على كرشها ونطق
“حنيين
لا رد
“واش عاجباك هاد العلاقة ؟
دارت عندو كتشوف فيه بتردد نطقات “علاش؟
“نتي مرتاحة نبقاو هاكا
عقلها مشا لحاجة وحدة وهي الفراق قالت بحصرة” مبقيتش عاجباك ولا من الاساس تفرض علينا نتزوجوا مكانش باختيارك
“لا لا حنين بلا ميمشي بالك بعيد تاني سمعي اش غنقوليك دب ونساي التهيؤات لي فبالك بالفعل مكانش باختيارنا نتزوجوا ولاكن هادشي مغيحتمش مصير علاقتنا اولا ؟ (شد ليها وجهها بين ايديه ) والله وكنحلف بيها ما عز عندي لي فكرشك قدك بلا متقولي راك هنتي عليا ولا راكي رخيصة عندي جامي عتابرت بلا نتي تفرضتي عليا ولاكن كنضن كون تزوجنا فضروف احسن كانت اتكون علاقتنا احسن “قاطعاتو”
مختاريتش نحمل وماشي بإيدي داكشي لي وقع ديك ليلة
“حنين الله يهديك مني تزوجنا ونتي ساكتة تال دب مني دويتي زبلتيها سمعي تا نكمل مقصدتش بلا معاجبنيش هاد العلاقة بالعكس او مفرحانش بولدنا لي جاي فطريق لا والله بالعكس هاد راه عندي بالدنيا وما فيها من غير الواليدة وفردوس راه نتوما عائلتي والله واخا مكنتش باغي نقول هاد الهضرة فهاد الجو المشحون ولاكن احسن نقولها باش ترتاحي انا راه كنبغيك قبال متزوجي فالاول فاش جيتي لدارنا كان غير اعجاب من بعد دارت الواليدة ديك الحركة فاش علنات الخطوبة ديالنا وانا مكنعرفكش مزيان ونتي موحاش تا واش كنتي رادة ليا البال واش عيش كاع طلع ليا دم ودرت فيها وتانتوما معطيتونيش وقت غير نعرف اش ندير او يمكن مكنتيش كتعتابريني او تا دب نيت
يمكن مكتعتابرينيش خرجت من المغريب من بعد مدة بقيتي فبالي بالعكس زدتي عششتي فيه نهار على نهار قررت نعيط نسول فالواليدة ونشوف اخباركم بجوج تا كنصوني كنتفاجأ ان داك نهار اتديري لاكط كيفاش وقتاش كلشي بالزربة ما فهمت والو قطعت وبقيت مصدوم والله مبقيتش قدرت نسول عليك مازال كدوز مدة طويلة كنقنع راسي راك مع مزوجة ومكتابيتيش ليا خاصني نسا تقبلت الفكرة شوية هربت لمدة سنة وانا برا البلاد مني كنرجع كنتفاجأ بلا راجلك مات من بعد زواجكم مباشرة عاودت سولت والقرار ديال الواليدة فاش جات وجابتك تسكني معايا كان احسن قرار دارتو والله يمكن تقربنا من بعضنا بزاف او يمكن داكشي كنت كنعيشو غير انا نتي مكيناش فهاد العلام شفتك تحلات ليك نفس ورجعتي عايشة حياتك بحالة عمر شي راجل كان فيها رتاحيت مني شفت هاكاك حسيت بلا تعطاتني فرصة تانية نكون معاك ولاكن قدر علينا الله نتزوجوا بهاد الطريقة (حط ايدو على كرشها) يمكن خلاك نتي تحسي براسك ضعيفة ولاكن انا بالنسبة ليا راه احسن حاجة يمكن وقعات فحياتي حنين انا مغنقولش بغيني ولاكن انا واقع على الاقل تقبليني فحياتك علاش نافراني بحال هاكا
“قاطعاتو” لالا والله ما نافراك بالعكس انا (سكتات)
مركز معاها اش باغا تقول مي ما فهم منها والو ” نتي اش احنين ؟؟ شنو باغا ديري واش باغا علاقتنا تسالي من بعد ما تولدي واش الحاجة الوحيدة لي كتربطك بيا هي هاد الجنين
(عنقاتو بجهد زيرات عليه ووجها تصبغ بالاحمر) مبغيتش نتفرق عليك والله انا مكنعرفش ندوي او نعبر مفاتش عليا عدد من العلاقات غير زواجي الاول وديما ولفت البادرة منو ويمكن مطولناش كاع تا باش نتقاربوا من بعض كان كيحساب ليا كنبغيه (حركات راسها بنفي) يمكن غير حيت هو اول كان عندي معاه احتكاك اول واحد نشوف منو الاهتمام ولاكن مني تزوجنا عرفت بلا عمري بغيتو يمكن الفرق بينك وبينو هو كيدوي ونتا كدير (سكتات شوية وعاودات سترسلات )الاهتمام لي كنشوف فعينيك وخوفك عليا خلاني نتعلق بيك والله (طاحت دمعتها نزلات سخونة مع ضهرو حس بيها ولاكن مبغاش يدوي بغاها تكمل هضرتها) كنقول داك الاهتمام والخوف على ولدك ماشي عليا ولاكن كان كافيني والله يمكن من بعد سنين كتاشفت بلا راني ميتيماش وعندي ام ولاكن عمري حسيت بيها ام بالفعل او ربما مكبرتش معاها باش نبغيها ونحس بيها (بدات كتنخصص كتحاول تكتم شهقاتها هي اصلا حساسة والحمل كمل ليها الباهية )الى نتا عندك فردوس وماما نعمة انا عندي ماما نعمة ونتا الى كان هاد الحمل لي رابطك بيا مستعدة نبقا باقي حياتي حاملة
زير عليها خشاها فحضنو وكرشها بيناتهم بغا يلطف الجو حيت بان ليه صوت شهقاتها غادي وكيتزاد ” حنيين خاصنا نمشيو عند طبيبة كرشك اكبر من حجمها(كتسمعوا بلي جا يكحلها عماها هي ديال محمد دب جا يسكتها عاد ما زادت فالبكا )
حنين “(كتبكي )عندي شي مشكيل
محمد “لا لا مقلتش هاكاك حنين الله يرضي عليك فهميني مقاد شي مرة غير بالعقل 5 شهر وكرشك قد هاكا ونتي اصلا ماشي شي وحدة لي غليضة او كانت عندها الكرش قبل
حنين “هي عندي مشكيل ولا ولدي مريض
محمد “غالبا مكين والو بلا متشطني راسك يمكن تكون من الماكلة الغير صحية كرشك تنفخات او الجنين الوزن ديالو زايد شوية راه ما عندكش شي اعراض ديال شي مرض(مسح ليها دموعها ) حق ربي ما تولدي تا تسطيني ابشوية عليا انموت وتبقاي بلا راجل
حنين “لا لا ما باغا ندير ليك والو صافي انا انسكت
محمد “نوضي ندوشو بعدا ويحن الله
حنين “غير دوش انعس تا نفيق وندوش
محمد “لا محدي اندوش دوش معايا صعيب تدوشي راسك
لا غير”قاطعها مني وقف دغيا هزها”
محمد “باراكا من الهضرة تالين اتبقاي كتحشمي كلشي شفناه
(اش كتسناوها تقول ياه على فين الوجه باش تزيد تنطق الله يهديكم حدها خشات راسها فعنقو وضربات طم )

كانت خارجة من لافاك ومعاها جوج بنات جولي وهافانا الحوار بالانجليزية
جولي ” قررتي تكملي القراية فالمغريب صافي
هافانا” اصحبتي تا ضربتي 5 سنين هنا وعارفة المستوى دراسي ديال هنا ماشي بحالكم
سكينة” انزل نشوف عائلتي وبغيت نرجع نسكن معاهم صاراحة مكينش ما احسن من العيشة وسك عائلتك واخا تعيش فالقصورة
هافانا”هههههه ما على اساس جربتي العيشة فالقصورة سكينة(تفكرات قصر روكو والرجال لي شافت تما ودينو وفاللخر كيفاش خرجات سالمة ومن الفوق خلات راس الخربة كيفكر يسلم يكون سلم دب زعما قالتها فخاطرها وتبسمات ببلاهة )
جولي”شاركينا معاك علاش كضحكي
سكينة” الى عاودت ليك مغتيقيش
جولي” هي ديجا ساكنة فشي قصر هههههه قالتها وبدات كضحك هي وهافانا مستبعدة انه يكون بصح
سكينة “نمشيو لجردة ونعاود ليكم
جولي” قولي دب
سكينة”هاهي قريبة غير صبري
هافانا: اوكي نتسناو بالفعل مفاتتش 5 دقيق تا لقاتهم قدام الجردة جلسو فربيع وحيدات سكينة طالونها حيت ضرها اما لبنات كانو لابسين غير سبرديلات مريحين نطقات
هافانا “عاودي ها حنا جلسنا
سكينة” هانتوما سمعوا وبلا متقاطعوني ولاكن هادشي ميخرجش من هنا بصفة نهائية
هافانا وجولي دقة وحدة “اوكي
سكينة” مني جيت من المغريب المرة الاولى كنت بوحدي معنديش تا صديقة بصفة نهائية ولاكن من بعد تعرفت على واحد البنت مغريبية نيت دغيا دخلات ليا لخاطري(حنات راسها باسف مني تفكراتها وعرفات مصيرها مجهول) مدازش بزاف على تعارفنا كتعيط ليل فنص ليل عتقيني راني مخطوفة مشيت باش نبلغ وحيت انا مسلمة ودايرة الحجاب مبغاوش البوليس يعاونوني بوليسي واحد لي جبد لي الموقع وقالي موقع تابع لمافيا ايطالية معروفة ومعندهم باش ينفعوني البوليس ولو يبغيو وقالي بلا هو براسو ميقدرش يمشي معايا حيو ايغامر بروحو بالفعل مشيت لتم كان قصر وسط الغابة دخلت ليه من لور حيت فالباب كانو رجال مسلحين (تبسمات ببلاهة) معرفتش ديك الجرأة منين جاتني دخلت وجالسة كنقلب فالبيوت من نيتي واحد البيت دخلت ليه كنسمع صوت مورايا قال شي كلمة ممفهوماش مني درت كنشوف وحش كامل الاوصاف بعينيه الحمرين وسط ضلام وبنيتو الضخمة خلعني صاراخة تكمشت فداتي وبقيت كنقرا القران تا كيبان لي بعد ورجع سد لباب عليا ستغربت وما فهمت والو ولاكن بداك الرعب لي عشتو ديك ليلة نعست تم من بعد كنفيق كنلقا رأسي فطونوبيل وشي رجال كيتكلمو بلغة غريبة عليا من بعد عرفتها الايطالية من بعد كنوض كنلقا راسي فباركينغ فيه عدد لا يحصى من طونوبيلات شي ماركات عرفتهم ووحدين معرفتهمش مي نن دزاين باين تمنهم الغالي مجموعة من ماطر لي عددها مقدرتش نحسبو هادشي فجانب القصر لي قدامي مضلم ولاكن كان ديزاين ديالو خطير هبلني من بيسين لي فجناب الجرادي كلشي فيه كيفتن تصدمت بقيت غير كنشوف فداكشي تا كنشوف سرب من رجال نزل عدد جنوني خرجوا من داك القصر لحسن حضي كان زاج ديال طونوبيل فيمي مكيبينش مشافونيش خرجوا كلهم ركبو الماطر ومشاو من بعد جا عندي واحد لطونوبيل درت راسي ناعسة حيت خوفي كان اكبر من انني نواجههم مهم تفرشت مع شاف ديالهم من بعد قالي مغناديك ما والو وسولني علاش دخلت لقصر وبقا كيضحك عليا حيت زعما تايقة فراسي مفهمتش هضرتو مزيان شنو بغا يقصد من بعد عاد فهمتها وبقا ك يسولني على دين ديالي كان عندو فضول كبير وحاولت نستغل فضولو

لصالح ديالي مدام انا محجوزة اصلا اللهم نستافد شي لعبة قلت ليه نجاوبك وتخليني نمشي قالي بلا راني فإيطاليا وميمكنش نرجع وبلا القصر لي دخلت ليه ديال ما فيوزي كبييير هو مدكرش لي مافيوزي ولا كادا مي قالي غير الاسم وانا قلبت عليه فكوكل من بعد وقالي بلا مستحيل نخرج حية من داك القصر مهم انا ستافدت من الفضول ظيالو وبان لي بدا كيقتانع بالاسلام كدين وشحال من حاجة مهم دازت مدة طويلة وانا فداك القصر كناكل ونشرب ويجيب لي الحويج لي خاصيني مي منعتبش برا البيت الخدامة كتجيب لي كلشي طلبتو مرة وحدة يخرجني وبزز باش بغا بالفعل خرجني دوزت نهار ولا في الخيال لي بغيتها شريتها وكليت اي حاجة عجباتني يمكن عمر كانت عندي الامكانيات المادية نشري داكشي كامل مي فرحتي ديك النهار مكملاتش كيجي هو نيت فليل لقصر سكرااان نيت وبغا يتعدا عليا كنت ناعسة ومعرفت باش تبليت حاولات نبعدو مني وحاولت وحاولت بدون اي نتيحة طريت نتحايل عليه بلا خاصني نشرب ونخليه يدير لي بغا وبالفعل يممن الخمر تقل ليه الاشارة لدماغوا وقدرت نديرها هزيت موص وهربت لحمام مني دخل عليا لتم خشيتو فيه من بعد تخلعت بزاف وعيطت لخدامة عيطات لشي رجال جاو داوه مقدرتش نعس كنت عارفة بلا عندو ايد كبيرة فالمافيا مدام قادر يخرجني ويدير لي بغا بلا إذن وقدما كنت مستافدة من انو كيدير ليا خاطري وهو بيدو قدما عرفت رجالو غيلحقوني عليه داز ديك ليلة والغد ليه جات عندي الخدامة قالت بلا جات اوامر من المافيوزي الكبير باش نتحبس تا يجي هو ويفاريها معايا تفكرت مصطلحات لاخر مني كان كيدوي عليه عمرو جبدو بشي حاجة زوينة “ايقتلك” “ايشرب دمك” وكادا ومتال خفت بزااف من بعد كيجي عندي واحد من لي رجال لي تم جرني تال شي بلاصة تحت القصر حسيت بالموت فعليا فديك اللحضة كان عود مقاطع معاه عود من نصف على شكل صليب كبيير ربطني معاه وتا حجابي حيدو ليا ساعات وانا تما تا جا فكني واحد من رجال ووجهني لبيت راس الحربة دويت معاه وحسيتو ضابط اعصابو معايا لاقصى حد سمع ليا ومضلمنيش كيما كنت متوقعة من بعد قالي مصيرك من مصير لاخر يا تعيشو بجوج يا تموتو بجوج عرفت بلا مصيري شبه محتوم رجعوني لداك البيت لي كنحس فيه بلا لحضاتي الاخير كنعيشها ديك ساع دازت مدة طويلة يمكن تا نيست بلا ممكن نخرج من داك القصر تا جا عندي هو نفسو وبدا هو الاخر كيسولني على دين ديالي وبدا كيعاود لي مسيرتو الحافلة بالجرائم من دبح وقتل وتعذيب واغتصابات وقالي واش دين ديالنا يقبل بواحد بحالو ستغربت قلت ليه بلا خاصو ينسا الماضي وميعاودش يدير نفس الاخطاء وربي غيسامحو مني قالي بغيت نسلم تصدمت بزااف ومن بعد جلسة طويلة ديال الاسئلة قالي انردك لحياتك شرط تنساي داكشي لي عشتيه فهاد القصر وديريه غير حلمةوزادت
هافانا” اش سميت هاد الفيلم ؟
جولي ” امممم كنضن *فررت من عدوي *
قالتها وتهزو بالضحك بجوج
سكينة ” لا لا والله تا معاكم بصح
هافانا”عفوا حبيبتي نحن لا نؤمن بإلاهك هاذا حتى تقسمي به جولي ” اكييد هههههه
سكينة “هههههه نساو اصلا يمكن بالفعل كانت حلمة مهم انا خاصني نمشي باش نجمع حويجي ليل انسافر
جولي “اكيد اتبقاي تجي لامريكا
سكينة ” منقدرش نواعدكم بشي حاجة جيو نتوما عندي لمغرب مرحبا بيكم مهم التيليفون بيناتنا البنات ودعاتهم ومشات لدار تجمع حويجها جمعات كلشي وركبات فطاكسي ديريكت لماطار غير وصلات تنهدات مني وصلات بكري دوزات لابيل ل اية ديك ساع
سكينة “اياتي حبيبتي البركة فراسك من جيهت عكوزتك
اية “ما مشا معاك باس احبيبتي نازلة لمغريب ياك ؟
سكينة”اه انا فالمطار دب الفجر انشاء الله نكون تم
اية ” مهم احبيبتي نخليك دب خاص نعس جود غدا انشاء الله نتلاقاو عند خالتي ولنا ميعاد
سكينة “اوكي حبيبتي انشاء الله……يتبع

بارت 5
سكينة “اوكي حبيبتي انشاء الله سلمي ليا على جادو خويا عصام باقي فيق ؟
اية ” معرفتش بلاتي نشوف ليك دخلات لبيت لقاتو مستلقي فوق الفراش ومغمض عينيه عيطات
اية”عصاام واش نعستي عصام
عصام”على اساس كون كنت ناعس مغنفيقش بصوتك
اية “حبيبي كتسول عليك سكينة
عصام “ااه واخا اري لي تيليفون وسيري شوفي دري
اية ” واخا غير شد تيليفون ونطق
عصام “سكينة كيف دايرة اختي
سكينة “لاباس الحمد لله نتا لي كيف داير عارفاك مكوي من جيهت مك البركة فراسك
عصام” ما مشا معاك باس ربي بغاها وداها هادشي لي كين الحمد لله على كل حال
سكينة ” داكشي لي كين سمح لي مصونيتش ليك بكري راني مشطونة مع تخرج راك عارف كنجمع قشي وكلشي باش منسا والو
عصام” باقي مهداكش الله تجلسي معانا اش اديرب فهاد البلاد سعيدة
سكينة ” غير نبقا حدا الوايدة اخويا هي دنيا وما فيها
عصام” لي ترتاحي فيه دار لهيه دارك وقتما بغيتي ترجعي مرحبا منحتاجش نقولها لك
سكينة ” الله يكبر بيك اخويا مهم نخليك وقت رحلة وصل تصبحوا على خير
عصام ” حنى ونتي من اهل الخير….
فاقت على صوت النداء بانتهاء رحلة ووصول الطائرة لمطار محمد الخامس ناضت جمعات حويجها وجرات لي فاليز ونزلات من طيارة شدات طاكسي لدارهم وصلات كان الفجر ديك ساع سمعات الاذان قبل ما تنزل من طاكسي شكراتو وخلصاتو ونزلات دقات فباب دارهم باها لي كان كيتوضا باش يمشي لجامع سمع دقان قال فخاطرو خبار الخير ياربي حل لباب ولقا الخير كلو قدام الباب فرح بزاف وبغا يفيق مها ولاكن هي رفضات بحجة اتخلعها الهم تا يصبح الحال سلمات عليه مشا هو لجامع وصلات هي فدار وتكات فبيتها لي كيف خلاتو كيف باقي وحس الغبار مفيهش تقول بحالة ساكن فيه شي حد حطات لي فاليز تا تساراح وتقادهم فالماريو وتكات ففراشها مغمضة عينيها مستسلمة لنوم من بدأ وجديد
اشرقت شمس مضوية الكون بأرجائها دخل الاب محمل بتقدية وديسير بزايد من صباح مشا لخدمة مرجعش تال وقت لغدا
دخل مع الباب
الاب” فتيييحة
جات عندو كتجري بأن ليها هاد داكشي كامل
فتيحة( الام)”لحاج شكون جاي عندنا لاش جايب هادشي كامل
الحاج” مشفتيش شكون جا
فتيحة”شكون مشفت والو؟
الحاج” طلعي لفوق قلبي البيوت
فتيحة” نهاك الله شكون لي ايجي ويطلع لبيوت بلا خباري
الحاج” وغير طلعي تشوفي هاكي هاد تقدية حطيها فالكوزينة بعدا انا فصالون تا تنزلوا
فتيحة باستغراب ” نشوف بلاتي

طلعات لفوق دخلات لبيت الأول والو مكينش الحس البيت تاني والو عاد خرجت منو كتبان ليها سكينة خارجة من بيتها لابسة بيجامة كم طويلة شوية وجامعة شعرها فوق راسها فتيحة شهقات بصدمة بنتها 5 سنين مشافتها اخيرا جات تزورهم
سكينة فاقت دخلات دوشات متخرجش حالتها عندهم لبسات بيجامة خفيفة ونشفت شعرها على البرد وعاد خارجة باش تنزل تشوف مها بأنت ليها مها كتشوف فيها مصدومة مشات عندها كتجري عنقاتها وبدأت كتبكي
سكينة” ميمتي توحشتك اميمتي حسيت بيك اميمتي وحسيت بالغربة عليك اميمتي (قاطعتها فتيحة )
فتيحة”عليها كتنزلي فالعطل تشوفيني بعدي مني لهيه(دفعتها دايرة فيها مقلقلة) تا دب كوراه جايبة شي كاوري تقولي انتزوج بيه مني نكمل قرايتي ومنرجعش مازال لمغريب
كاع
سكينة تبسمات لمها عارفاها كاعية عليها ” هاني حداك ميفرقني عليك والو مازال صافي انكمل القراية هنا ولا بلاش منها هاد القراية لي تزيد تغربني عليك غير رضي عليا نتي هي دنيا وما فيها عندي
فتيحة شافت فيها ” تي كيفاش تجلسي من القراية نهاك الله شحال من عام ونتي مغربة على والو
سكينة ضحكات ورجعات عنقتها” انرجع نقرأ هنا صافي مبقيت قديت على الغربة
فتيحة “رجعي لهيه نشوف لي مقادة على الغربة با با با قالت ليك مبقيت قادة تي مشيتي زدتي هاد الوزن كامل (ضربات ليها فجنابها) وكتقولي موافقك الجو إلى كان جو المغريب ايوافقك كتر من هاكا غير سيري ابنتي لا تفيضي علينا اجي بعدا طلقي داك شعر لا تكوني قطعتيه نقطع لمك لسانك من جدر
سكينة” نهاك الله الواليدة مالي كيف وليت واصلا شعر القصير زوين طويل خيب
فتيحة( جرأتها من شعرها نزلاتها لعندها وطلقاتو ليها تا شافتو عاد رتاحت) بنت الحرام باغا تسكتي ليا قلبي الله يسكت ليك الحس هانتي تبرك الله رآه طوال
سكينة” وما توحشتيني ما والو مقابلة ليا غير جنابي وشعري باغا تبعيني
فتيحة” هاء ومالك باغا تشرفي عندي شحال لحقتي دب ؟
سكينة دوات باستغراب “25 عام
فتيحة” ها المنكاار فالمغرب مبقاو باغين صحاب 25 خصوصا مازال باقي ليك 3 سنين ديال القراية وكيف والو تقولي تا ندير مستقبلي عاد نتزوج اوى ها حنا ضعنا كنتي غير تجيبي معاك شي كاوري كوميم هوما معندهمش مشكيل ديال العمر
سكينة” الله يهديك اماما شفتك تسيفتي عليا
فتيحة” تبعيني لتحت قالك تسيفتي عليا نسيتي مك يمكن
نحرقوا شوية الاحداث الجانبية
الايام كتجري كيف ريح غير داك لبارح جات لمغريب هاهي ليوم فالمطار كتودع اية وجود وعصام كيلوحو ليها من بعيد دموعها طاحو هاد ناس كتر من عائلتها 6 سنين وهي معاهم كيصرفو عليها ومسكينينها والمعاملة لي عمرها عاشتها تا فدارهم عمرها تنسا ايامها معاهم مسحات دمعتها لي طاحت على هاد السيرة ورجعات لور ركبات فطونوبيل ديال باها لي وصلاتهم بيها لماطار وديمارات غادة فطريق وكتفكر لحضة بلحضة اش دوزات معاهم طونوبيل عطات ضو الحمر بلا سخنات والما سالة فيها حيت محرتكة ماشي شي طونوبيل زوينة وسكينة مرفوعة كتسترجع الذكريات تا وفقات بيها طونوبيل فلوطوروت ودنيا خاوية وحدا الغابة لحمها شوك بالخوف خصوصا ديك الوقت مكين تا واحد ركب فيها رعب نزلات من طونوبيل تشوف واش كين ما تعتق حلات شابو خرج ليها دخان رجعات سداتو دغيا ورجعات جلسات فجنب طروطوار دوز شي طونوبيل تطلب غير العوين كتقرا القران وتدعي ربي يحفضها ساعة ساعتين يمكن الوقت عادي مي ماشي عند سكينة الفجر مع 5 صباح هوما صلاو وخرجوا دب قربات 8 لحمها شوك بالبرد والخوف مكمل الباهية بانت ليها طونوبيل جاية فوسط طريق ناضت دغيا كتشير ليها توقف بالفعل وقفات ليها عاد رتاحت كانت طونوبيل باينة غالية واخا هي مكتعرفش فطونوبيلات بزاف ولاكن الامر كان واضح من شكلها ألفا روميو Alfa Romeo Giulia بالاسود
تفتح لباب ونزل منها شاب فالتلاتينيات قرب منها ونطق بالانجليزية
…….: Do you need help?? واش خاصك شي حاجة
سكينة : وقفات بيا طونوبيل هنا الى قدرتي توصلني غير لبلاصة فين كينين ناس هنا لبلاصة خيبة خفت نبقا فيها
……..: اوكي يالله معايا
كانت مترددة تركب مع واحد غريب مي هادا كاوري المغاربة لي فيهم التزنطيط وباينة فيه لاباس عليه علاش ايطمع فيها اصلا (شكون هو بين شكون زعما لي على بالي وبالكم حبي الابدي 😂)
جالسة فطونوبيل حداه وكتشوف فزاج متجنبة تشوف فيه كتقول فين شايفاه فين شايفاه والو داكرة خانتها داك لون عينيه مألوف بالنسبة ليها بزااف طاح فبالها روكو حركات راسها بصدمة دارت كتشوف فيه واش هو مبقاتش ملامح ديالو واضحة فذاكرتها يمكن يكون هو زعما اويلي لا هاداك اش جابو لمغريب اصلا تا يتلاقاها قاطع افكارها مني دوا
روكو” تفكرتيني
سكينة دارت عندو بصدمة حيت اكد ليها شكوك اي فراسها بكلمتو ولاكن لا لا ميمكنش هاداك اش جابو لهنا تاني نفات افكارها ونطقات كتحاول تبت راسها” لا معرفتكش
روكو ” ماشي حرام فدينكم الكدوب
سكينة سرطات ريقها بجملتو اكد ليها كاع داكشي لي نفاتو دب 10 تواني دب” نتا هو هاداك
روكو ضحكاتو برد فعلها نطق بنفس طريقتها”اه هاداك هو انا
سكينة دارت عندو بدهشة عندها بزاااف الاسئلة فبالها معرفات منين تبدا الحروف تعكلو فلسانها ” ا ه بغ (سكتات)
روكو” ابشوية عليك طريق طويلة قولي لي بغيتي
سكينة دغيا داركات راسها” متصدمتيش مني شفتيني
روكو قرب منها وهمس ليها ” جيت كنقلب عليك (نفسو لي ضربات فوجهها حساستها بدوخة ومخلاتهاش تا تسوتوعب اش قال بعد عليها ونطق مسترسل) ساعا بان لي متعطلتش كنتي كتسنايني فالمطار يمكن
سكينة بزز نطقات ” كتقلب عليا ؟
روكو ” وي بغيت نسولك
سكينة ” جاي من ايطاليا لمغريب باش تسولني
روكو ” علاش فيها شي مشكيل ؟
سكينة ” ستغربت شنو ممكن يكون هاد سؤال لي فكرك فيا من بعد 5 سنين هادي
روكو : اممم سؤال كين ولاكن مغنسولكش دب انا عندي غير سؤال واحد ولاكن نتي عندك بزاااف بان لي احسن تبداي نتي
سكينة مضيعاتش الوقت دغيا بدات الاسئلة ديالها وديالكم معاها😂 ” دينو حي ؟
روكو “معرفتش
سكينة “كيفاش معرفتش ياك كان معاك
روكو ” اه معايا ولاكن معرفتش واش نصنفو من الحيين ولا الميتين ( دار عندها ) كتعرفي تضربي
سكينة سرطات ريقها من هاد سيرة ياكما جا يكمل داكشي لي مدارش ليها شحال هادي
روكو فهمها وسترسل هضرتو ” سلمت متخافيش
سكينة دارت عندو بصدمة ” بصح ؟
روكو “موالف نتمازح معاك
سكينة ” لا غير تصدمت وصافي
روكو ” دب السؤال لي بغيت نسولك عليها نيت دب كنت سولتك على الاملاك ديالي عقلتي
سكينة ” اه
روكو ” عاودت قلبت ولقيت بلا عندك الحق وشرعت ممتلكات ديالي دب ولاكن عندي سؤال اخر
سكينة ” كان ممكن تسول اهل العلم بلا متحتاج تجي تال هنا اصلا مكنعرفش قدهم
روكو ” عرافت ولاكن هاد سؤال بغيتك نتي تجاوبيني عليه
سكينة” لي هو
روكو” دب انا سلمت شي 4 سنين هاكاك من بعد ما عرفت على دينكم بزاااف الحويج وبحثت فيه وتلاقيت مع دعات وفهمت بزااف الحويج ولاكن لقيت واحد المشكيل (سكينة من نيتها كتسناه يكمل ) مكنقدرش نبقا مدة طويلة بلا جنس شنو ندير
سكينة حسات بالما بارد تكب عليها من هاد سؤال ومن سيرة هاد الموضوع كامل معرفات باش تجاوبو فقط كلمة وحدة لي خرجات ليها ” تزوج
روكو ” صعيب تقنعني اي وحدة
سكينة ” وشنو كتسنا مني انا
روكو دار عندها “تزوجي بيا
سكينة الحروف وحلو فحلقها نطقات بزز محاولة تجمع الكلمات “كتدوي جديا
روكو ” والله الى معاك بصح خاصني نتزوج ومكينش ما احسن منك خصوصا نتي لي خرجتيني من القوقعة لي كنت فيها ويمكن تصححي ليا اغلاطي مازال عجباتني طريقتك فالاقناع ولا انكر اني بحث عليك انسانة واعية وقارية وطبيبة من لفوق يعني بالنسبة ليا كيف كتقولو نتوما المغاربة “هوتة” (قالها بالداريجة )
سكينة الحاجة الوحيدة لي ستعوبات من هضرتو هي دوا بداريجة ” كتفهم ضهرتنا
روكو ” شوية مع تعرفت على مغاربة مؤخرا مني عرفت راسي انتناسب معاهم
سكينة بان ليها كيدوي جديا حسات بسخونية طالعة معاها “داوي بصح
روكو ” حلفت ليك كاع واه
سكينة ضربات طم مبقات عرفات ما تقول سكت تاهو يخليها تفكر فهضرتو محساتش بالوقت تا لقات راسها قدام دارهم مني وقف بطونوبيل دارت عندو بصدمة “منين كتعرف دارنا
روكو ” حدس
سكينة ” واخا تكون شواف
روكو ” ههههه راني مراقبك اش كنعاود من صباح مني بارك نقوليك طبيبة ومنعرف اش نزل عليا الوحي متلا راه شي عام وانا مراقبك عاد خديت هاد القرار ماشي متسرع بحالك غير بكات عليك مك شوية نزلتي كتجري لمغريب
سكينة شافت فيه بصدمة” منين عرفتي تا تيليفون مراقبوا
روكو ” نقولو هاكاك مغتنزليش لداركم
سكينة ” انا قلت ليك خرجني غير من طريق باش نشوف لي يهز طونوبيل من تم دب كيف ندير
روكو ” وفين كنتي مني خرجنا من لوطوروت
سكينة زمطها فهادي هي لي ترفعات
روكو نطق مطمأنها ” انتكلف نسيفطها ليك
سكينة ” واخا شكرا
فتيحة لي طلات من شرجم حيت مشطونة مع بنتها لي تعطلات تا كتبات ليها طونوبيل دخلات لدرب باينة ديال شي حد لاباس عليه بقات كتبركك والو واش قشعات زاج كحل تا بانت ليها ست البنات نازلة من طونوبيل
سكينة نزلات من طونوبيل ومها مقلشة فشرجم بان ليها واحد نزل من جيهة لاخرة ديال طونوبيل حلات فمها فيه هي نيت من زينو بان ليها كيدوي مع سكينة وهي حركات راسها بئيماء
مني نزلات سكينة من طونوبيل متناسية موضوع معندهاش فين تواصل معاه نزل تاهو دغيا
روكو” نسيتي شي حاجة
سكينة باستغراب” اش نسيت
روكو ” مخديتش نمرة ديالك باش نسيفط ليك طونوبيل
سكينة ” اااه متديش عليا
روكو جبد تيليفون من جيبو ومدو ليها ” كتبي ليا نمرتك
بالفعل قيدات ليه نمرتها دغيا
رد تيلفون لجيبو “غير ندخل نمرة تخدم لي فالمغريب ونعيط ليك
سكينة ” اوكي واخا
رجع لطونوبيل ركب كيتسناها دخل لدار عاد يديماري بالفعل دقات جبدات سوارتها من جيبها وحلات الباب وتوجهات لداخل هو غير دخلات ديمارا طونوبيل وانطلق
فاتيحة كانت كتسنا فيها لداخل هي غير بانت ليها مها قاصداها وهي تزرب عليها
سكينة ” كان استاد ديالي ولقيتو جاي فاكونص خسرات بيا طونوبيل ووصلني
لاحت ليها سوارت ديال الباب فايديها ومشات ديريكت تكمل نعاسها مها جات فين تستوعب تا لقاتها طارت تبعتها بغات تتحل الباب لقاتو مسدود ستسلمات ومشات تكمل هي الاخرى نعاسها بنما وصلات 10 صباح تنوض توجد الفطور مناعسينش بليل بقاو سهرانين مع ضياف وكملوها فاقو مع 5 تلاحو كاو
اشرقت شمس الصباح بنورها مضوية ارجاء الكون
كان جالس فصالون كيشرب قهوتو صباحية وكيطلع عل جديد البورصة دخلات عندو الخدامة
الخدامة ” سيدي شنو ندير لغدا
روكو”بلاش انتغدا برا
غير سمعات جملتو حنات راسها وانساحبات سدات الباب ونزلات ديريكت لكوزينة كانو جوج بنات كيساينوها تما نطقات ما ان وصلات” ياختي كيدوب
لخدامة 2 ” كيعاودو عليه تيتيز كتر من تصاور
الخدامة 1 ” انا صافي حطيت علي العين خلاص قاليك سلم مؤخرا دجاجة بكامونها اختي
الخدامة 3″ من نيتكم البنات كيقوليك لبس قدك يواتيك فنضركم هاداك ايشوف فيكم اصلا الى قلبتي عليه دار لاباس غير بالمافيا والممنوعات
الخدامة 1″ مهم دب مكيدير والو اختي ديها فراسك اصلا انا حبيتو صوتو دوبني
الخدامة 2 ” طلعتي نتي عندو المرة الاولى خليتك هاد المرة نوبتي
الخدامة 3 ” توما كتافقوا عليه موحاش يطول هنا اصلا كوراه جاي على شي غاراض وغيمشي
الخدامة 1″ ومتعرفي نعجبوا ويديني برا انا مستعدة نبقا خدامة عندو حيتي كاملة ماشي خسارة فيه
الخدامة 3″ تي نوضي على سلامتك على قلت الخدم عندهم كون كيسفر معاه الخدم ديالو كعما تلقاينا هنا كون جاب من لي خدامين عندو لهيه نيت
فمكان اخر كانت كتكسل فاقت على غوات مها هادشي ممنعهاش من انها تنوض بشوية عليها جمعات شعرها ومشات لحمام قضات حاجتها وغسلات وججها وخرجات عند مها لي درات كرون برا
فتيحة ” هاي هاي على العزبة عندي ما فاقت تال 12 وباقا كتكسل بشوية عليها ضيافت نبي 3 ايام وحنا ضايفناك 15 يوم نوضي عري على كتيفاتك ودخلي لكوزينة
سكينة ” والله تا حشومة عليك اماما اتندميني لاش رجعت كاع لدار لهيه الكاااالم
فتيحة ” ياك لمك نوض تكعدي عجني حدايا وندويو صباح زربتي عليا ديك تباتة متنفعش مع معايا
سكينة ” نفطر اماما
فتيحة ” الفطور جمعناه وكون بقيتي شوية مازال تبقاي بجوع تال كاسكروط تهزي تبعني

تاافات سكينة وتبعات مها لكوزينة لقاتها مقلوبة سفاها على علاها عرفات مها تخرج منها الشقا ديال 8 سنين لي مدوزاتهاش فدار حطات تيليفونها فوق صالة مونجي وغسلات ايديها وبدات بالعجينة
خوها صغير كانت عندو 8 سنين جلس كيشوف فيها بالنسبة ليه هي غريبة اه عارفها ختو ولاكن معندوش معاها تا ذكريات بصفة نهائية بان ليه تيليفون شاعل حداه هزو بدا كيخربق فيه ما فهم فيه والو حطو وخرج من الكوزينة اما سكينة منغامسة فالشقا تا تسلطات عليها مها
فتيحة ” شكون جابك صباح
سكينة “قلت ليك
فتيحة ” تي مركي شوية راني عقت بيك كتكدبي
سكينة ” العار شحال فضولية اش باغا تعرفي
فاتيحة ” المسخوطة راني مك وبز منك تقولي
سكينة” وراه نتي خاصك تفهمي راه هاد البنت كبرات وخاصها شوية الخصوصية
فتبحة ” شوفي مشغليش فيك ولاكن تكوني ولفتي داكشي ديال الكور ولا منعرف راه معندناش البنات لي يوصلوهم طونوبيلات ويجيبو لينا العار
سكينة ” اماما الله يهديك
سكينة ” اماما الله يهديك وزني اش كتقولي هاداك سيد كنت تلاقيت معاه قبل مكنعرفوش بزاف غير معرفة سطحية ليوم وقفات بيا طونوبيل فداك الخلا وتلاقينا وجابني وصافي
فتيحة صغرات فيها عينيها ” وعلاش عطيتيه نمرة
سكينة ” حيت طونوبيل ديال سيادتكم وقفات بي فالخلا وملقيتش كيف ندير ليها خليتها تما هو قالي انا نتكلف بيها
فتيحة ” غير هادشي لي كين زعما هو عزيز عليه الاجر لهاد درجة غير بغا يدير فيك خير
سكينة بتردد “بغا يتزوج بيا
فتيحة ” ها لي قلنا وفين كتعرفيه تا بغا يتزوج بيك
سكينة ” كان ضرب واحد صحبتي بطونوبيل وااااما كترو فيك الاسئلة
فتيحة ” اوى مني قال ليك نتزوج بيك تحليني وقلت ليه نهار كبير هادا ياك اخلا كرشي
سكينة” يهديك الله يا هاد المراة مجاوبتش وقالي تا تفكري وجاوبيني
فتيحة ” هادا واش مغريبي
سكينة “لا كاوري
تيحة ” هي يهودي
سكينة فخاطرها ( انا لي يهودية عندي ام فحالك )” مسلم اماما سلم
فتيحة ‘ بان لي لاباس عليه
سكينة” ايه عندو الفلوس
فتيحة” وباش غتجاوبيه
سكينة ” والله ما عرفت اماما
فتيحة ” تي كيفاش هاد والله ما عرفت تاني سيد كامل مكمول اش ناقصو تا متزوجيش بيه
سكينة دارت عند مها بدهشة ” هانتي مني يجي لوحيني ليه فالباب قوليه غير ديها معندنا بيها غاراض
فتيحة ” لا حشومة ندخلو تا يشرب اتاي والحلوة ولا بغا يديك يديك ديك ساع
روكو لي دوز لابيل يدوي مع سكينة تفتح الخط ولاكن كيسمع هضرة قليلة بعيدة مفهمهاش دار تسجيل المكالمة وحط تيليفون
ودخل دوش لبس سيغفيت وخرج يضرب دورة يشوف هاد البلاد السعيدة كيف دايرة فكر تا عيا قال خاصو مرشد سياحي دخل قلب فالفيس طلع ليه واحد عيط ليه دار معاه فين يتلاقاو وخرج مشا عندو غير بجيبي اس (ناس لي ستغربات كيفاش قدر يعرف دار سكينة واخا عمرو جا لمغريب كين جيبي اس وعاد رجالو ديجا شايفين المنطقة وعاطينو العنوان من قبل )
وصل لقا شاب عشريني عندو حقو فزين هو الاخر كيتسنا فيه وقف طونوبيل لاخر مزعمش يقرب ليه خاف يكون غالط متوقعش هادا لي طالبوا يكون لاباس عليه تصدم مني وقفات ديك طونوبيل كيشوفو واقف وكيتسنا بعد تررد زعم وقرب من طونوبيل دق فزاج حل ليه روكو الشرجم
بالانجليزية
شاب ” نتا لي طلبتي مشرد سياحي ؟؟
روكو ” اه طلع
بالفعل دار دغيا حل الباب تاني لقدام وركب بحماسعمرو تخايل يركب فشي طونوبيل بحال هاكا فحياتو غير كيضور فعينيه
روكو ” جبتك تساريني ولا نساريك ؟
شاب معرف ميقول ”
روكو ” معندكش طونوبيل على اساس انا لي نتبعك ولا لا
شاب ” معنديش طونوبيل
روكو شاف تعيا تافف ودوز لابيل لواحد من رجالو دوا معاه بالايطالية لاخر غير كيضور فعينيه معرف اش كيقولو هو حدو الانجليزية طول العام كدير لدراري سويع وفصيف قال نجرب مرشد سياحي ندخل مصيريف ساعة بان ليه فشل من اول تجريبة بقا ساكت تا بان ليها وقف على طونوبيل فيدور قدو قد الخلا مطا لروكو سوارت ديال طونوبيل قال ليه شي حاجة وحنا راسو وزاد مني تبعو بعينيه بان ليه مشا لطونوبيل مرسيديس كحلة باين فيها ديجا شي حد سايقها لاخر ركب غير حداه وزادو بقا متبعوا بعينو تا لاح ليه روكو سوارت ديال طونوبيل
روكو ” طونوبيل لور سبقني

لاخر عرفو ماشي من نوع لي كيدوي بزاف خدا سوارت ونزل من طونوبيل رجع مورا طونوبيل بانت ليه مارزاريتي بالاسود حل فمو فيها ممتيقش واش ايركب فيها لا ويصوكها ورك على سوارت وهي تحل تحل فموم عاها يالله باغي يسرح فيها تاني تفر لاخر لي كيتسنا فيه من صباح ركب دغيا وديمارا معندوش الوقت فين يسها ركب دغيا اول بلاصة طاحت فبالو هي المدينة القديمة عرف بحال هادا مليقش ليه داكشي ديال الاوطيلات وكادا جاي ينخالط وسط شعب طريق مزاحمة وروكو بكل صبر تابعوا عمرو شاف بحال هاد زحام فبلاصة اخرى موقف لاخر تا غفر ليه ربي ذنوب نزل شاب ونزل روكو من وراه واخا لاخر خاف يخلي طونوبيل فبلاصة بحال هادي ولاكن معندو ميدير دخل لسوق فيه ناس كيبيعوا بزااف الحويج من البسة تقليدية ومن مؤكولات ومن اثات وغيرها
روكو ” اسمك بعدا ؟؟
” مروان
روكو ” روكو
مروان ” تشرفت بيك جاي سياحة ياك
روكو ” امم بحال هاكاك
مروان ” كنت كنضن بلا امريكي مي شفتك دويتي مع هاداك لي جا بلغة اخرى
روكو” واش كاع المغاربة فضولين؟؟
مروان مرضاش ضرب طم
روكو ” عادي غير حيت كتسول بزاف بغيت نعرف المغاربة كيف دايرين داكشي لاش طلبت مرشد سياحي فيا منجي بوحدي ولاكن مغنقدرش نتحاك مع ناس ولا نعرفهم كيفاش كيفكرو وعاد سمعت قالو ليا شي مغاربة كنت كنعرفهم كابرين برا بلا عامت الشعب كيدويو غير بالعربية ولا كاع فرنسية قليل
مروان” اه اغلبية ميفهموكش ناس فهاد البليص
روكو ” انا ايطالي
مروان باستغراب ” نادرا ما كيجي شي اطالي مغريب ‘ سكت مني دارك بلا دخل فيه بزاف’ سمح لي تطفلت بزاف
روكو تبسم ليه ” ماشي مشكيل باغي نتزوج بوحدة من هنا يمكن مفيهاش الهضرة بحالك واش المغاربة اغلبهم هاكا يمكن هي غير حيت سنين وهي فامريكا داكشي علاش ممكتاسباش من طباعكم بزاف
مروان” اغلبيهم الناس هنا فيهم الفضول’ باحراج’ بحالي ولاكن كين ناس لي سكوتية منعممش
روكو ” اش سميت هاد البلاصة لي جينا ليها
مروان ” المدينة القديمة بغيت نديك عند واحد كناكلو عندو واحد الاكلة زويينة اتعجبك
روكو ” اوكي
مروان ” قلتي بلا اتزوج مغريبية هي سلمتي
روكو ” اه
مروان ” وسميتك مبدلتيهاش
روكو باستغراب ” علاش انبدلها
مروان ” كين اسماء ديال المسلمين تقدر متديروش فالبطاقة الوطنية ديالك ولاكن هو لي يولي الاسم لي يعرفوك بيه ناس
روكو ” عمري سمعت بهاد القدية
مروان ” شحال باش سلمتي ااا ها حنا وصلنا
دار روكو يشوف علاش كيدوي لقى راجل بكروسة كيطيب شي حاجة ومن موراه كراسا وطبالي قلال وصغار
روكو ‘ اناكلوا هنا ؟؟
مروان ” علاش معجبكش هنا
روكو ” يمكن الماكلة منقياش شو كي كيطيب

مروان “غير ممولفش اجي ناخدو من عندو مناكلوش هنا
روكو ” اوكي
مروان دوا مع سيد يصيب ليهم قاليه يصيب ليهم جوج خبزات بصوصي طيقادو زوين حيت لاخر اجنبي وايعطيه الفلوس بزايد بالفعل قاد ليه اش بغا مني سالة عطاه مد روكو لمروان كارط كيشي
مروان” لا راه مكيتعاملوش بكارط
روكو معنديش العملة ديالكم
مروان “معليش انخلص انا ماشي شي حاجة
حرك روكو راسو بئيماء موافق على هضرتو جبد مروان من جيبو 100 درهم مدها للاخر قاليه ياخد صرف وزادو يكملو جولتهم مشاو لبحر حدا جامع الحسن تاني جلسو تما ياكلو تفكر روكو لابيل لي دازت قبيلة جبد تيلفون وخدمها لمروان لي تشتت بضحك وهو كيسمع جدال سكينة ومها عرفهم على هاد الاخ لي حداه
روكو” اش كيقولو ؟؟
مروان بزز حبس ضحكة ” هي هادي البنت لي غتزوج بيها
روكو ” اه علاش
مروان ” وصلتيها صباح لدارهم ؟
روكو ” باش عرفتي؟؟
مروان” راه مناقشة مع مها كتسولها قالت ليها شكون وصلك هنا راه ماشي بحالكم عائلات محافضة بزاف مها معجبهاش انه يوصلها شي حد فديك الوقت
روكو ” قالت ليها شي حاجة مازال ؟؟
مروان ” البنت جاوبات مها وقالت ليها باغي يتزوج بياد اكشي علاش وصلني
روكو” اش قالت مها
مروان تشتت بالضحك تاني ” قالت ليها غير يجي ويديك معاه من دب
روكو ” كيفاش
مروان ” وا مها باغا هي مازال مترددة مي مها ممسوقاش ليها وحنا عندنا الام هي كلشي وهي لي كلمتها كتمشي علينا
روكو ” يعني ؟
مروان ” كتضن شي بنت اترفضك منضنش انا اي وحدة خطبتي فيها من بنات البلاد تزوج بيك كاوري ومن لفوق لاباس عليك غير رتا حنتا لي بغيتيها ديالك
روكو ” شنو العادات عندكم فزواج
مروان كتمشي تطلب زواج بيها من عائلتها ضروري يوافقوا من بعد خطبة رسمية والعقد وعاد لعرس ولاكن ماشي كلشي كيدير هادشي كامل غير نتا ومعامن تصادفتي هادشي تقدر تحددو معاك البنت ماشي انا
سالات سكينة شغلها هزات تيليفون لقات لابيل مع شي نمرة وشحال هو الخط مفتوح مفهمات والو معرفات لا شكون عيط لا شكون جاوب باستغراب دوزات لابيل كتسنا رد تا تفتح الخط
عند روكو لي كان خرج هو ولاخر من بعد جولة فالمول متوجهين لطنوبيل سمع تيليفون كيصوني دار ليه اشارة يسبقوا وقف تم وفتح الخط
سكينة ” سلام
بالانجليزية
روكو ” اش قلتي
سكينة ” ااه معرفتكش نتا قبيلة كنت حاطة تيليفون معرفت شكون جاوبك
روكو ” معليش جي عندي نعطيك طونوبيل الى باغاها راه تصيبات
سكينة باستغراب” دغيا
روكو يالله ايجوبها داز واحد من حداه بالموطور خطف ليه تيليفون مروان تصدم كيشوف روكو واقف فبلاصتو بدون اي حركة تقدم روكو لطونوبيل ديالو ركب مروان متوقعش هاد رد الفعل ديالو البارد
اما سكينة مفهمات والو بقات كتعيط تا تقطع الخط كتعاود تصوني تيليفون طافي
مروان بغا ينزل من طونوبيل يمشي عندو يدوي معاه ولاكن مزعمش قال ايكون معصب دب ويصدق خارج فيه شي بلان سقل مراقب الوضع تا كيبان لي موطور كبير جاي عكس طريق لي مشا فيها شفارة……. يتبعبارت 6
وقف على روكو مد ليه تيليفون دوا معاه حرك راسو بئيماء ورجع مع طريق لي جابتو مروان ما فهم والو تا بان ليه روكو نزل من طونوبيل ووسع كول القاميجة باختناق ودوز لابيل لسكينة تاني
سكينة غير سمعات تيليفون كيصوني مشات كتجري لقاتو هو فتحات الخط دغيا ” الو
روكو”نجيبها ليك ؟؟
سكينة ” علاش طفيتي تليفون اش واقع
روكو ” غير طاح لي مهم واش تجي عندي تديها ولا نجيبها ليك
سكينة ” معرفتش مغتبغيش ماما تخليني نخرج ..
روكو قاطعها ” انا جاي(قطع الخط بلا ميتسناها تجاوب)
رجع لعند مروان لي كيضور عينيه خيف بحالة هو لي شفرو دب شوية قاليه ” هاد الحوادث كتكرر هنا ؟؟
مروان ” كازا معروفة بالكريساج من ديما
روكو” تقدر تمشي عندي شي غاراض طونوبيل اتبقا عندك نصرف الفلوس ونسيفط ليك تسبيق
مروان ” معليش تا تسالي
روكو” اوكي
رجع لطونوبيل ديالو ودوز لابيل لواحد من رجالو يوصل طونوبيل لاخرة لقدام بابهم وديمارا هو مسافة طريق لقاتو فدرب عارفين الاحياء الشعبية الناس كطل وتبركك خصوصا طونوبيل ديال برا عيط لسكينة باش تنزل عندو وصل ديك ساع داك لي وصاه يجيب طونوبيل بلاصاها وسدها وجاب ليه سوارت فتح روكو شرجم خدا من عندو سوارت وقاليه بلا يقدر يمشي تا نزلات سكينة لاحت عليها عباية وخرجات دغيا بانت ليها طونوبيل ديالو توجهات لعندو فتح ليها زاج ديال طونوبيل
روكو “طلعي ندوي معاك
سكينة هزات راسها فجيران كلشي كيطل عرفات الى طلعات اتصدق فشي حاجة مهياش ضوؤاتها فراسها وقالت ” اوكي
حل ليها الباب لي حداه ركبات وسدات الباب
روكو ” طونوبيل راها راه تصيبات دب بدلو ليها شي بياس متعاودش توقف بحال هاكاك
سكينة ” شكرا لاش عدبتي راسك
روكو ” معليش ماشي شي حاجة ( حك راسو باحراج ) سمعت الهضرة لي بينك وبين مك قبيلة
سكينة وجهها تصبغ بالاحمر من فكرة يكون فهم هضرتهم نطقات دغيا ” كتفهم داريجة
روكو ” لا
سكينة رتاحت نسبيا تا كمل مسترسل
روكو ” ولاكن كنت مع مرشد سياحي شرح ليا
سكينة اللون هرب من وجهها كتشوفو هو لي كيدوي عادي معلابالوش
روكو ” مهم على حساب ما شرح ليا بلا راه عائلتك موافقين
سكينة ” غير هادشي لي قاليك ؟؟
روكو “علاش قلت وشي حاجة اخرى
سكينة حركات راسها بنفي دغيا ” لا لا غير هادشي لي كين
روكو ” مهم بغيت نسولك على عاداتكم حيت لاخر شرح لي شي حويج جاني زواج عندكم معقد بزاف شنوا تديري نتي
سكينة حسات بيه زرب عليها باقي هي معلناتش موافقتها اصلا ولاكن مها دوات مع لابيل نيشان نعلات الحظ لي حطها قدام امر الواقع بحال هاكا قالت ” يالله شرب شي قهوة عندنا فدار بعدا ومن بعد نتفاهموا على تفاصيل
روكو حك راسو ” ممعولش ندخل وممعاياش المرشد يترجم لي هضرتهم ويمكن موحاش كيدويو بلونكلي كيفاش انتواصل معاهم
سكينة دغيا نطقات حيت عارفة الى مطلعش معاها ايكثر لغا ومها ادير ليها شوهة اللهم تسد الفام مني يدخل لدارهم ” انا انا نتكلف غير يالله
روكو مخلاتش ليه الوقت تا فين يرفض نزلات من طونوبيل وكتسنا فيه هو ينزل فتح الباب ديالو ونزل منو البنات ما إن شافو شكون نزل دابو ولاكن كان واضح جدا بلا ديجا مع سكينة نطقات وحدة
بنت 1 ” شديني انسخف اش هاد زين ياربي
بنت 2 ” بنت الحاج طلعت مساهلاش جايبها صحيبها تال قدام دارهم وقدام جيران
بنت 1 ” باش عرفتيه صاحبها
بنت 2 ” راه بينة شوفي كيف كيهبل بزين وبينة لاباس عليه من قبيلة وانا قانة على طونوبيل ومني دخلت ليها قلت مغيكونش شي حد ديك المراجلة معمرنا شفناها مع شي حد يحمر الوجه اصلا شحال من عام وهي غابرة سمعت بلا كانت فالخليج
البنت 1 ” ربي ربي انا قالو ليا مريضة فسبيطار كنت سولت مها عليها شحال هادي قالت ليا مريضة
البنت 2″ انا لي مريضة شوفي كيف زيانت وتقادت اختي الى مديتش ليها منكونش سميتي فاطمة
البنت 1 ” تي ورقي دخل معاها لدارهم ونتي عاد كتحلمي هنا
اجات عندهم بنت اخرى جلسات حداهم ” على من هاد المررة افتيات القوة
البنت 1 ” ما شفتي والو اصكعة عرفتي بنت فتيحة جا ندها واحد تيتيز من هنا لشوية دخل معاها لدارهم
البنت ” يكون من عائلتها زعما ؟؟
البنت 2 ” من نيتك من العائلة وركبات معاه فطونوبيل شحال ونزلات هي وياه ومشا معاها لدارهم
البنت ” متقوليش لي ديك الحديدة لي لهيه ديالو
البنت 1 ” وعليه داوين واحد زين ياختي كيهبل مشكيت عليك ضرني قلبي
البنت ” اوى لا كان ايتزوج بيها راه تستاهل تاهي تعدبات مسكينة مدازش عليها قليل
البنت 2 ” فمك لاحسو كلب اختي ما لقيتي ما تقولي غير يتزوج بيها
فداخل ديال دار كان جو اخر تماما نرجعا شوية لور فاش دخلات سكينة ومعاها روكو دخلاتو لصالون وقالت ليه تسنا تكلم ليه مها مشات لكوزينة كانت فتيحة كتوجد كسكروط دخلات عندها سكينة عارفة مدارت فيها ميصلاح مني دخلاتو بلا خبار مها ولاكن مكانش عندها حل احسن نطقات
سكينة ” ماما
فتيحة دارت عندها “خبار الخير من ديك ماما مرتاحيتش ليك
سكينة ” داك سيد لي شفتي معايا صباح راه بغا يتعرف عليكم
فتيحة ” هي قلتي ليه موافقة دغيا
سكينة ” معرفتش كيفاش دازت لابيل قبيلة سمع هضرتنا ومني دا لشي حد يشرح ليه قاليه بلا نتوما موافقين
فتيحة ” اها
سكينة ” مهم انا تحطيت امام الامر الواقع مقدرتش نقوليه لا راه مموافقاش اصلا هو ( سكتات باحراج )
فتيحة ” لا لا غير قوليها ابنيتي عاجبك ومقدرتي تقولي ليه لا
سكينة ” سمعي دب هاد الهضرة معندها باش تنفعنا هانتي غير ذكرتي زواج جابو ربي تحرمي عليا هادا بقيتي عاود شحال من عام اخر تال فين ترشق لي تاني على شي حد
فتيحة ” لا هدديني ابنتي هدديني نتي لي جات معاك
سكينة ” وا ماما سيد راه فصالون باغي يدوي معاك
فتيحة ” اويييلي تي امتا دخلتيه معندنا لا حلوة لا والو باش نضايفو سيد
سكينة ” راه صيب ديك الخرشاشة وجابها مقدرتش نسيفطو هاكاك وعاد ناس شافوني معاه برا ايكتر لغا وبابا ما فراسو مستعاود ونوليو فالمشاكيل اللهم هاكا
فتيحة ” حيدي من قدامي اوجه البلان ساعة ونتي تمتي كون قلتيها من الاول سيد جالس كيتبرد فداك صالون بوحدو
سكينة ” ابلاتي اماما راه ميفهمكش انقاد هاد المسمن لي صيبتي ونجيب شي حلوة كانت عندي جبتها معايا فطباسل قادي نتي اتاي والكيسان بنما جيت باش نشرح ليك هضرتو
فتيحة ” جنس ناقص علم الله من امتا نتي كتعرفيه مقدرتيش تا تعلميه العربية
سكينة ” اماما الله يهديك راه شحااال ما شفتو تال صباح كلشي جا بزربة اش بغيتيني ندير انا
فتيحة ” سيري اخلا كرش سيري
سكينة طلعات تجيب الحلوة وخلات مها كتمتم موراها قادوك لشي فطبالي وتوجهوا لصالون كان كيدوي فتيليفون مع واحد من رجالو بالايطالية
روكو ” صافي تكلف بيه نقدي واحد الغاراض ونجي نتفاهم معاه
سكينة سمعات جملتو تفكرات اش كان عاود ليها عليه سرطات ريقها حسات بلا تسرعات مني وافقت
فتيحة ” مرحبا بيك اولدي
دازت سلمات عليه بالحنك هو مفهمهاش اش قالت تسبسم ليها نطقات سكينة
سكينة كترجم ليه وتعمدات تدوي بالايطالية باش يعرفها فهماتو ” كترحب بيك
روكو فهم تلميحها ونطق بالايطالية نيت ” قصة طويلة
سكينة دارت عند مها وتبسمات ليها وقالت ” قاليك شكرا راه ميعرفش هضرتنا داكشي لاش معرف ميقولك
فتيحة ” اه نهار كبير هادا كبي ليه اتاي ابنتي
قادات سكينة الكيسان فالصينية وخوات ليه كاس بكشكوشتو ومداتو ليه وجلسات حدا مها
روكو كيشوف فيها حس براسوا معارف ميقول مموجدش اش يقول وحل تا دوات فتيحة قاطعات داك الصمت
فتيحة ” منين نتا اوليدي
سكينة شافتو كيشوف فيها كيتسناها تشرح ليه ” سولاتك على اصلك
روكو ” اه انا ايطالي
سكينة ” ايطالي اماما راه قلتها ليك قبيلة غير بغيتي تعاوديها
فتيحة ” فاش خدام
سكينة تبسمات هاد السؤال ماشي غير ديال مها تاهي باغا تعرفوا اش كيخدم دب ” قالت ليك فاش خدام
روكو ” خليت حاليا تجارة الممنوعات خليت شركة الالكترونيات ووسعت ليها فروعها فالعالم ودب شي شهرين شريت منجم فافريقيا باقي التنقيب ملقيت والو
سكينة تصدمات سكتات تا نغزاتها مها تشرح ليها معرفات متقول ” عندو شركات ديالو اماما راه لاباس عليه
فتيحة ” تباارك الله واش معندوش لا عائلة لا والو يجيو معاه زعما
سكينة عاقلة اش كان عاود ليها على طفلتو مبغاتش تفكرو فالماضي قالت ” شكون هادا لي باغي تحاسب معاه من هنا لشوية
روكو ” انا خليت داكشي ديال المافيات والحرام فدينكم معندك ما تعرفي دب
سكينة ” مبغيتيش تقول فراحتك
روكو حك عنقو بديق ايبداوها بالمشاكيل تاني اللهم يشرح ليها” فاش كنت كندوي معاك وتقطع لخط سرق لي واحد تيليفون وهرب
سكينة ” وايلي فنهارك معطلوكش
روكو ” ماشي مهم تيليفون رجع ولاخر ايخلص
سكينة “اش ناوي دير معاه
روكو تبسم بخبث “اممم كيف والو شنو كين فالشرع
سكينة ” سرقة يحيدو ليه ايديه والى كريساج ايد ورجل من خلاف
روكو ” انطبق الحكم بإيدي باش نقدر نساه
سكينة ” باقي عزيز عليك دم
روكو “ماماك راه كتشوف فينا شوفي كيف تقلبي معاها الموضوع
سكينة دارت عند مها ونطقات دغيا “ماما راه يتيتم مكيعرفش باه عندو غير مو ماتت شحال من عام هادا معندو لا عائلة لا والو
فتيحة ” مسكيين الله ياربي الله
روكو نطق ” مشرحتيش لي عاداتكم فالزواج
سكينة ” انا مباغا لا عرس لا والو معنديش مع صداع ولاكن العائلة ضروري من مناسبة واخا غير خفيفة من الاحسن خطبة كبيرة وباش تكون حاضر خاص نديرو العقد قبل
روكو ” مفهمتش هادشي ديالكم مهم نتي شوفي اش كين الى خاصة شي حاجة قوليها ليا انا عندي هاد شهر وخاص نزل لفرانسا واحد المشروع جديد انفتحو تما انا وواحد سيد
سكينة ” تا ترجع ونديرو هادشي لي قلت
روكو هز فيها حاجبو” اتمشي معايا
سكينة ” كيف انديرو ليها زربتي عليا باقي تا مكنعرفك مزيان
روكو ” خاصني تا المرافق وقلت احسن ندي مرتي ما نمشي مع البراني والماضي راكي عارفة الملخص ديالو ومن بعدو سلمت مؤخرا مكين تا جديد بقيت غاطس فالخدمة تا بديت كنفكر فزواج وتالي راك عارفاه تاهو اش باغا تعرفي مازال
سكينة سكتات اصلا هي مكانتش كتفكر تزوج عن حب حيت العلاقات هي محيداهم من بالها يمكن عندو الحق خير البر عاجله دارت عند مها بتردد ” ماما عند وشي خدمة ضروري ففرانسا من بعد شهر وقاليك باغي يديني معاه
فتيحة ” كيف انديروليها فين الخطبة وفين العقد وفين وفين (سمعوا الدقان فالباب ) ها باك جا ونوضي شرحي ليه مدخلين الخطاب بلا خبارو
سكينة ” وبازليك اماما واش كتقاداي هادا غير تعارف اصلا اشمن خطاب واش نجري على سيد ياك باغا تهناي مني مبقا قد ما فات فرحي وسعدي (ناضت وقفات ساست حويجها وتوجهات لباب حلات لباها عارفة اتوحل غير مع مها دخل باست ليه راسو وإيديه )
الاب ” الله يرضي عليك ابنتي الله يرضي عليك
سكينة ” بابا صباح وقفات بيا طونوبيل مني وصلت اية وراجلها لماطار
الاب ” ياكما وقعات ليك شي حاجة
سكينة تبسمات ليه ” هاني واقفة قدامك صحة سلام مهم راه تلاقيت مع واحد سيد كنت كنعرفوا وجابني صباح ودب جاب لي طونوبيل راه ضايفتو راه فصالون جالس مع ماما
الاب ” مرحبا مرحبا بضيف الله
سكينة ” راه بغا تا يتعرف عليكم باغيني لزواج الى كتب الله
الاب ” نشوفو سيد بعدا والى تفاهمتو يدير ربي خير
سكينة باست ليه راسو ” الله يحفضك ليا ابابا
دخلات سكينة هي وباها لصالون شادة ايدو تا جلس حدا مها وجلسات هي من جيهة لاخرة

الاب ” مرحبا مرحبا
وقالت لروكو ” الاب ديالي كيرحب بيك
روكو ” اه تشرفت بيه راه قلت ليك معارف منقول غير زربتي عليا بهاد الدخلة
سكينة ” معليش ( دارت عند باها ) كيرحب بيك ابابا راه ماشي مغريبي داكشي لاش مكيفهمش العربية
الاب ” نتي باغا واحد ماشي مسلم
فتيحة ” الا الحاج راه مسلم غير ماشي عربي تباك الله بخيرو وجا طالب غير المعقول وماشاء الله دري شهوة منو متلقاش ما احسن منو يخطب فبنتك
الاب هز فيها حاجبوا ” ياك الالة فتيحة هي بنتي انا مساوية والو مالها كيف جاتك
سكينة ” بابا سيد كيسمعكم حشومة غير يمشي وتناقشوا انا موافقة عليه راه ما فيه ميتعاب
الاب ” فاش خدام
فتيحة ” راه عندو شركات ديالو سمع المهم الحاج سيد مزروب قاليك باغي يديها فهاد شهر
الاب ” وعلاش هاد زربة كاملة
سكينة ” بابا عندو بروجي جديد خاصو يفتحو ففرانسا وقاليك باغيني نكون معاه ضروري
الاب ” وكف انديرو لعرس فهاد الوقت القصير
فتيحة ” داكشي فاش لقيتيني كنفكر
سكينة ” انا مباغاش ندير لا عرس لا والو نديرو عقد وخطبة كبيرة الله يجعل شي باراكة
فتيحة ” لا لا ضروري من العرس واخا تا يسالي خدمتوا وديروه
سكينة ” واماما واش نمشي معاه شحال وعاد نرجع ندير العرس هترتي
فتيحة ” معجبكش الحال تبتي تا يرجع اش فيها واخا تسناو تا عام اخر كاع
سكينة باستسلام دارت عند روكو ” قاليك ضروري العرس تا تسالي خدمتك ونديروه
روكو ” مهم تمشي معايا لفرانسا وصافي وقتما ساليت نرجعوا
سكينة حسات براسها جات الوسط ” يكون خير كول دب
مدات ليه الحلوة دارو كسكروط وكل كيفكر فجيه كان الصمت سيد الموقف تا نطق باها
الاب ” شكون ايجي من عائلتو معاه
فتيحة ” سيد مقطوع من شجرة معندوش عائلة
الاب “اه اوى ما كاين باس
وقف روكو ونطق ” سمحو ليا على هاد دخلة حصل ليا شرف نتعرف عليكم خاص نمشي عندي شي غاراض مرة اخرى انشاء الله
سكينة ” قاليكم شكرا على ضيافة وتشرف بيكم وعند وشي خدمة خاصو يمشي ضروري
فتيحة ” شديه يتعشا معانا
سكينة سكينة قلبات عينيها بملل وتبسمات تاني فوجهوا ” تاهوما تشرفو بيك نسيت سوارت ديال الطنوبيل عندك
روكو ” يالله نعطيهم ليك
سكينة دارت عند عائلتها” قاليه مزروب اماما انا انزل بقاو سوارت ديال طونوبيل ديالنا عندو فطونوبيل اناخدهم ونجي
الاب ” واخا سيري ابنتي
نزلات سكينة هي وروكو خدات سوارت ورجعات لدارهم هو زاد خلفة مع طريق
متكية ففراشها كتشوف فسقف نهار واحد تقلبات حياتها رأسا على عقب هي عارفة زواجها مغيكونش ناتج على علاقة عاجلا ام اجلا والى فعلا روكو بدل دينو ومعتقداتو فمغتلقاش ما احسن منو قاطع افكارها رنين هاتفها لي عند رجليها مبغاتش تجاوب ماشي وقت الهضرة قطع تيلفون وعاود صونا تاففات من هادا لي تسلط عليها فهاد الوقت لقاتو صاحب دعوتها ستغربات لي كيصوني ليها فهاد الوقت فتحات الخط وحطاتو على ودنها
روكو ” بغيت ندوي معاك
سكينة ” نسيتي مقلتيش شي حاجة قبيلة ؟
روكو ” فخبارك غير مقمر معاك فهاد تزويجة
سكينة باستغراب ” علاش
روكو ” مفيكش ذرة الانوثة
سكينة قالت ليه مكتعرف والو ” وشكون قالها ليك
روكو ” كلشي واضح
سكينة” شنو لي واضح مشفتي والو اصلا
روكو ” باقي شي حاجة مشفتهاش
سكينة ” وشنو شفتي اصلا
روكو ” اممم تقريبا كلشي
سكينة ” وما خفي كان اعظم
روكو ” شنو زعما كتزعميني ندير ليك كمرات قبل زواج
سكينة ” معندك كيف دير
روكو ” نفهم من هضرتك بلا كتحدايني واصلا يمكن شفت كلشي فاش كنتي عندي الفصر راه كلشي كميرات
سكينة وجهها ولا حمر مني فكرات شافها كتلبس وكدوش وكلشي ” داير كميرات تا فدوش
روكو ” هي عمري فكرت فيها مي فكرة زوينة صاراحة
سكينة ” باقي عاقل على التفاصيل من بعد هاد الوقت كامل
روكو ” شعرك الكحل كان حد خصرك
سكينة ” وشكون قاليك مقطعتوش ولا داك لون كان غير صباغة ودب حيدتها
روكو ” خلينا من شعرك نزيد نتعمق معاك عندك عادي
سكينة ضربات طم ايوصل معاها لشي هضرة وتولي ماركة تشوف فيه اللهم تسكت
روكو ” تقاداو ليك دب
سكينة ” علاش قلتي ليا مفيكش الانوثة
روكو ” علاش ضرك خاطرك
سكينة ” لا ماشي هاكاك ولاكن بغيت نعرف فكرتك
روكو ” غير هضرتك باردة عمري شفت شي وحدة كدوي هاكا
سكينة ” ولفت وصافي بغيت نسولك
روكو ” فاش ؟
سكينة ” قدرتي مازال تخطى العقدة النفسية لي عندك مع (سكتات)
روكو ” مغنقولش ليك وليت كنبغيهم ولاكن تقبلت وجودهم فالحياة واصلا مقدرتش نستغني عليهم فجميع الاحوال خاصني فين نفرغ شهوتي
سكينة تحرجات بغات تبدل الموضوع” علاش عيطتي اكيد ماشي باش تقولي مفيكش الانوثة
روكو ” ااه على الاسم قالي واحد علاش لي متبلش اسمك لاسم اسلامي وحبيت الفكرة

سكينة ” اه فكرة مزيانة ختارتي شي اسم محدد
روكو” هادشي لاش صونيت معنديش فكرة على الاسماء ديالكم ومنقدرش نختار راسي
سكينة ” نختارو ليك انا ؟
روكو ” الى فبالك شي اسم وصافي
سكينة سكتات لبرهة مني تفكرات نطقات بحماس ” بلال”
روكو ” قلتيها بواحد الطريقة حسيت بيه شي بوي فراند ديالك قديم
سكينة ” لا لا اصلا عمري كان عندي شي بوي فراند
روكو ” على هاد الموضوع بغيت نسولك نيت
سكينة ” فاش ؟؟
روكو ” نتي دب معمرك جربتي الجنس
سكينة تحرجات ومفهماتش علاش تطرح هاد سؤال مي عرفاتو يقدر يسولها فاي حاجة مكيعرف لا حشومة لا عيب ” اه عمري
روكو ” عندي فضول كيفاش كتقاومي شهوتك انا عيت نحاول ولاكن مكنقدرش
سكينة معرفات متقول ليه سكتات شحال ونطقات “التركيبة ديال جسم المراة بماشي بحال الراجل مغنفيش انه عندها شهوة ولاكن شهوتها مكتارش دغيا غير الى كان شي احتكاك مباشر ولا تفرجات فشي حاجة اباحية على عكس راجل لي يقدر يشوف غير شي وحدة لابسة داكشي معري تير شهوتو يعني حنا بإيدينا نتحكمو فشهوتنا ولاكن نتوما فإيد لبس البنات
روكو ” يمكن عندك الحق ولاكن دب عندك 25 عام عمر شهوتك تحركات كاع ولا شفتي شي حاجة مهياش ميمكنش
سكينة ” مغنفيش بعد المرات كتساطح مع شي حاجة بلا متنوي وشي حويج اخرى كيدخلك غير الفضول
روكو ” وباش كغمديها
سكينة ضحكات ” هههههه كين فالبيت دوش كبير وفيه الما بارد قادي الغاراض
روكو ” وعادي بالنسبة ليك
سكينة ” متقدرش تقارني بيك حيت لا علاقة اصلا تراه شباب ديالنا ومكيبقاوش بلا فساد بقا غير نتا لي عايش فدول غير اسلامية يعني العروض لي كيديوزو عليك بالالوان
روكو ” وهادشي شنو الحل ديالو
سكينة ” تقليدكم فعنق البنات هوما لي كيخرجوكم لفساد الله يهدي بنات الوقت مفهمتش اش اتخسر الى لبسات شي حاجة مستورة هوما كيعجبهم هادا يغمزها وهادا ينغزها وفاللخر تقوليك واخا منعرف اش تلبسي راه يتبسلو عليك شي نماذج كيجيني النقاش معاهم عقيم مكنصدعش راسي امتا اختي جربتي لبستي طويل باش تحكمي فعلا كيتحرشو بالمستورات ولاكن قل بزااااف والى كان كلشي مستور اينقص الفساد بواحد المعدل كبيير “عاد سرات معاها بلا نفاعلات ” ااا سمح لي نفاعلت هاد الموضوع كيعصبني
روكو تبسم ” معليش قولي علاش ختاريتي هاد الاسم بلال ياك
سكينة ” اه هو كنت قريت واحد الكتاب شحال هادي بعنوان ” شيفرة بلال ”
قاطعها ” يعني خديتي الاسم من كتاب
سكينة ” مخليتينيش نكمل مهم نلخص ليك الفكرة مذكور فالقصة كيفاش بلال الحبشي ايغير مصير ديال بزاف ناس فالعصر الواقع م
روكو ” شكون بلال الحبشي
سكينة ” المؤذن ديال الرسول مهم قصتو بسيطة ولاكن رسالتها عميقة هو كان عبد وغيسلم والسيد ديالو مني ايعرفوا اسلم ايقوليه يرجع يرتد وهو مبغاش كان كيصارع بفمو كلمة وحدة ” احد” “احد” كيتعذب وفلسانو غير احد احد ومن بعد ايجي واحد من اصحاب الرسول ايحررو الفكرة ديال الكتاب هو بلال تحرر من عبودية ديالو قبل ميتحرر مني هو صارع وقال كلمة فوق كلمة سيدو مني هو صارع القدر ديالو هو تحرر وفالنهاية كيقوليك كل واحد فينا عندو قضية معبود فيها ويقدر يصارعها وينجح فحياتو ولو متوليش دنيا اسطورية وكيفما تشهيناها خاص نتبتو وجودنا وسط الصراع هاكا نكونو حققنا النجاح انا ربطتك بهاد الاسم حيت صراعك الاول كان مع الوضعية لي تلاحيتي فيها لزنقة من بعد 18 عام كنتي عاودتي وكيفاش قدرتي تبت وجودك رغم ضروفك لا اؤيد الطريقة لي درتي ولاكن قدرتي تصارع معبودة الفقر من بعد ما تعرفتي عليا صارعتي معبودة الكفر ودخلتي فدين بعييد عليك كان فيه صراع يمكن اصعب صراع دوزتي فحياتك معاودتيش ليا ولاكن عارفة مناش دزتي كنحييك صارعتي العقدة النفسية ديالك مع العاهرات وعاودتي رجعتي تروتك للحد الادنى ديالها وهادا كان صراع الافضل لي صارعتي على قبل الدين موقفتيش هنا لا رجعتي التروة ديالك ويمكن كتر من كيف كان قبل وبقات المشكيل لي كيبان ليك فهاد دين الجديد هو الزنا وهانتا قررتي تزوج غير باش تحرر منو لا اخفي عليك اعجابي بكل ما حققتيه من انجازات
روكو تبسم لهضرتها عجباتو بزاف ” يمكن مكنتيش قل مني تا نتي صارعتي المرض وصارعتي باش بقيتي حية وحققتي سابقة خرجتي حية من القصر لي عمر ش حد قبل منك خرج منو ودافعتي على مبادئك رغم الموقف لي تحطيتي فيه لا وقدرتي تقنعيني انا ودينو بالاسلام يمكن كان باغي يسلم غير مساعفوش الوقت تا انا مجيتش وختاريتك نتي بالنسبة ليا احسن وحدة عرفتها فحياتي يحصل ليا شرف انني نكمل حياتي مع انسانة بحالك انتاخد الاجراءات الازمة باش نبدل اسمي لبلال
وجهها تصبغ باللون الاحمر معرفات ما تقول من غيرتسكت تاهو محاولش يقول شي حاجة كان صمت سيد الموقف كل واحد كيتأمل سقف بيتو وكيفكر كيف ممكن تكون حياتو مع لاخر وكيفر فهاد الخطوة لي تاخدوها وهوما كيسمعوا تنفس الطرف الاخر وتنهيداتو لي خارجة من الاعماق ديالو…….يتبع

بارت 7
وجهها تصبغ باللون الاحمر معرفات ما تقول من غيرتسكت تاهو محاولش يقول شي حاجة كان صمت سيد الموقف كل واحد كيتأمل سقف بيتو وكيفكر كيف ممكن تكون حياتو مع لاخر وكيفر فهاد الخطوة لي تاخدوها وهوما كيسمعوا تنفس الطرف الاخر وتنهيداتو لي خارجة من الاعماق ديالو
اصبحنا واصبح الملك لله وحده فاقت سكينة على غوات مها كالعادة ميحات وجهها وجمعات شعرها شعلات تيليفونها لقاتها 7 صباح تفقصت
سكينة ” الجهل اماما واش لاباس شوية ملقيتي مديري ولا كيفاش عطيني سبب واحد يخليني نوض دب
فتيحة شيرات عليها بصندالة كون ما تفاداتها كون جاتها فوجهها ” واش كين شي عروسة كتصبح ناعسة نوضي تهزي من تم
سكينة ” وااا ماما المناسبة تال بعد غدا
فتيحة ” وتي نوضي تهزي من تم ابنت الهم مدام اتمشي بلا عرس تا يحن الله (هزات صندالتها لاخرة ) اتنوضي على رجليك مبغيناش نزوقو ليك شي قنت ونتي غادة عروسة
سكينة تاففات ” هاهي نيضة ياه تا نعاس تابعيني فيه كون كيحساب لي هاد زواج ايفيقني مع 7 كون درت بلاش كاع
فتيحة ” تهزي قدي حاجة وباراكا من تهمهيم
سكينة ” دب هاني نضت اش اندير
فتيحة ” واخا غير نوضي تهزي من تم لكوزينة
سكينة ” ياك الحلوة وصينا عليها السيدة اش اتديري فالكوزينة
فتيحة نوجدو المسمن وداكشي ديال الفطور ازوينة علاش الى خليتك مشيتي شكون يصيبو معايا انا راه غير بنت وحدة لي كنكساب تهزي الله يرضي عليك عاوني مك
سكينة ” هاني جاية اماما هاني جاية سبقيني اندخل لطواليط ونجي عندك
فتيحة ” تعطلي ندير لمك شوهة فالحومة انا مشيت
خرجات وخلات سكينة كتخبط فرجليها بغيض اش جاب مها لشي مغريب اصلا تا ترجع لهاد العيشة مع مها غلبات العاطفة هاهي كتخلص كون ما خرجات ليها هاد تزويجة كتفكر بلا كانت اتعيش مع مها 3 سنين ويقدر كتر هي تا شهر مقدرات تصبر حسات بربي عتقها دخلات لطواليط قضات حاجتها وغسلات وجهها مزيان باش تصحصح لشقا لي كيتسنا فيها وجمعات شعرها خرجات لبسات بيجامة قديمة لشقا ودارت زيف حاياتي باش شعرها ميطيحش فالعجينة وتا ميتوسخش فسوسان ونزلات عند مها بداو بالمسمن البغرير كيكات على الاشكال معرفاتش علاش مها هادشي مبغاتش ضمونضي عليه ويتهناو كملات شقا الكوزينة لقات وصلات 1 النهار وباقي مداقتش النعمة ومها غير سالاو داكشي دارت ليه سولوفان وداتو لفريكو لي فبيتها زعما بلا متفكري تاخدي منو قتلها جوع والسخفة ديبانات ليها بيض ومطيشة كلاتهم ودخلات تاني لصالون كانت دار كبيرة من جوج طوابق طابق التحتاني فيه غير صالون وطواليط وكوزينة والفوق فيه 4 البيوت كبار كل واحد بحمام ديالو دار لتحتانية كان فيها صالون كبييير بحساب ضياف نزلات تسوسو حيت فيه اتكون المناسبة طلعات كلشي لسطح وبركات تسيق وتحك تا نشفات دنيا ورجعات كلشي خلات غير زرابي كملات وطلعات ليهم صبناتهم مها جمعات الكوزينة والماعن لي كانو متراكمين وطلعات كتقاد البيوت ديال الضياف وديال ولادها بجوج حيت ضروري ميباتو عندهم العائلة وايجلسو فبيت سكينة نيت والبيت ديال خوها الى قتاضىا الحال سكينة ما كملات تا تهدات هزات تيليفونها لقات وصلات 7 العشية 12 ساعة وهي من هادي لهادي من سطح لدروج كلشي فيناتو هي ومها مخلاو والو حيت الغد ايبداو يتكبو عليهم ناس ومغيلقاوش فين يشقاو دخلات لبيتها مهدودة ولاكن مازال تابعها تخرج تشري داكشي لي خاصها ناضت دوشات دوش خفيف خرجات بالفوطة تكات فناومسية كتفكر كيفاش اتخرج دب تنهدات بتعب بقات على حالها شي 15 دقيقة تا حسات براسها تنفسات شوية وناضت تلبس لا يضربها البرد لبسات بيجامة ولاحت عليها جلابة من لفوق وشالها فرشات صلايتها وصلات الصلاة لي تجمعات عليها ديال النهار كامل غير سالات لبسات سباطها وخرجات مشات لصناك حداهم كلات هو الاول وعاد لسوق دخلات لمحلات ديال الحويج شرات بيجامات وشوميزات ملابس داخلية ماكياج لي تقدر تحتاجو اي حاجة فكرات انها ممكن تحتاجها شراتها ورجعات لقات وصلات 10 ليل ولاكن الجهد باش تهز راسها مكينش صلات العشا و طاحت ففراشها كاو

فاقت لالة العروسة على التزغريد ديال لالة فتيحة كيف ولفات هههههه ناضت لبسات جلابتها وهزات سطولتها هي ومها ومشاو لحمام ومعاهم شي بنات لحومة لي لاسقين فيها كيف العلكة تحمحمات وغسلات سالفها خلات البنات حالين فمهم فيه من لونو وشكلو وطولتو لي حدث ولا حرج ومن جسدها المتناسق كعما خلات مها دوش فرحتها غير مقابلاها وهي تفرك ومها تعاود من وراها وففمها غير قل اعوذ برب الفلق كملو الحمام ديالهم ورجعوا تغداو ودخلات لبيتها ترتاح سمعات دقان تأففات وناضت حلات لباب لقات مها دخلات فتيحة دغيا وسدات لباب موراها
فتيحة ” شوفي هاد امة البشر لي جاية قبل الوقت كون غير سبقنا العقد كيف انديرو دب منقدرش نخرج انا
سكينة هزات كتافها ” بحالي بحالك اصلا شي كمامر لتحت مكنعرفهم مكيعرفوني وكين لي مشفتو مني كنت صغيرة
فتيحة ” تريكت باك هارب ليهم شفتي لاخرة لي غير سمعاتك واخدة كاوري بدات كضور فعينيها باينة مسمومة الله يستر
سكينة بدات كضحك ” هههههه شكون هادي
فتيحة ” بنت عمتك ساميحة سمعي دب عيطي لراجلك قوليه اتمشي نتي وياه وباك ديرو العقد يرجع باك ديك ساع وسيري ضوري نتي وياه غبري مترجعي تال ليل تدخلي نعطيك عشاك ولا تعشاي برا كاع نتي وتهناي دخلي نيشان لفراشك متحاكيش مع المسمومات
سكينة ” مغتمشيش معايا اماما ؟؟
فتيحة ” وانا كرهت فيه بالحق دب ندير لمهم الحار فالعشا بهاد الفقصة سمعي دب سيري قدي غاراضك راه باك ايصور لي كلشي بغينا كون درناه قبل ولاكن يالله يالله مع الوراق وتا نتوما زربانين معليش لبسي جلابتك الغوز وشربيل ونزلي من الاحسن يجي ليك هو يديك
سكينة ” واخا اماما انا اندوي معاه العاصر انشاء الله يكون هنا
فتيحة ” واخا الله يرضي عليك ابنتي الله ينقي ليك طريقك من شوك الكبدة صعيبة واخا قصحت معاك لمصلاحتك ( عنقاتها ) متلقاي لي يبغيك قدي مازال ديري ولادك وتحسي بهضرتي وربي يجعل ليك فهاد سيد الخير الله يتاويكم لخير ياربي
سكينة ” سمحي لي اماما لا قلقتك ولا قللت عليك الاداب شي نهار
فتحية ” يالله يالله اتعطلي ديري شي حاجة فوجهك راكي عروسة وطلقي لبشرة متخلي لمساميم فين يدويو يالله انا انزل
سكينة ” واخا اماما
خرجات فتيحة من عندها بقات كتشوف فالباب شحال الوقت كيف داير مصدقات رجعات لعائلتها هاهي دب اتمشي وتخليهم وهاد المرة لديما تولي تجي غير ضيفة تاني ساست افكارها دغيا مني تفكرات مبقاش بزاف الوقت هزات تيليفونها ودوزات لابيل لبلال ( احساسي فشكل وانا كنكتب بلال ههههه مشات روكو من دب وخلاص ) دغيا جاوبها كانه كان كيتسنا فلابيل ديالها
سكينة ” بلال عندنا شي ناس ماما متقدرش تمشي معايا
بلال باستغراب ” علاش واش ضروري تمشي ياك غير عقد
سكينة ” صعيب نشرح ليك تقاليدنا مهم معليش واحد نص ساعة هاكاك جي عندي ايمشي معايا بابا وواحد سيد
بلال ” واخا
سكينة ” واخا انتسناك متعطل عليا ( قطعات )
ناضت كتجري جبدات جلابتها لي عاد مخيطاها براندة ديال العريسات لبساتها ودارت معاها زيف ديالها دارت كحل برزات بيه لون عينيها وماسكارا حفيفة فوق شفارها وكلوز خفيف وفاغاجو زنكات بيه حناكها شافت شحال ساعة لقات باقي الوقت سمعات تيليفونها كيصوني طلات من شرجم بان ليها حدرات راسها لبسات شربيلها وخرجات دغيا وسدات بيتها كيف وصاتها مها ونزلات غير شافوها العيالات بداو بزغاريد هي تبسمات ليهم كمجاملة باست راس مها وحدرات راسها وزادت مع الباب مكتهمهاش هاد العائلة لي شحال وهي فسبيطار مسولاتش عليها لي من بعد سنين الغربة تا حد مجا عندها يسول فيها مكيهموهاش اصلا خرجات مع الباب لقاتو واقف قدام طونوبيل تبسمات ليه كان لابس سيغفيط اصلا هو معارف لا تقاليد لا والو وهي محكراتش ومقالت ليه والو وقفات حداه
سكينة ” جيتي بكري
بلال ” نرجع بلاتي
سكينة ” ههههه لا لا مقصدتش هاكاك بالعكس
بلال ” فين باباك
سكينة ” راه داكشي لاش قلت ليك جيتي بكري هوما تا يصليو العاصر عاد يجيو انبقاو نتسناو هاكا وبنادم كيتفرج
بلال ” شكون كيتفرج
سكينة ” هز راسك
بلال هز راسو باستغراب كيبان ليها كل شرجم كيطلو منو شي جوج اما دار سكينة خلاص حدث ولا حرج” علاش كيشوفو
سكينة باستهزاء ” عجبتيهم
بلال باستغراب ” كلهم

سكينة ” نتحركو من هنا تا يجي بابا يالله
بلال ” اوكي ياك عندهم طونوبيل ايلحقوا علينا
حل ليها طونوبيل توجهات لباب دخلات ليه هو دخل من جيهة لاخرة وكسيرا خلا غير العجاج وراه اما البنات لفوق ايعواجوا
……1″ اربي شفتي اش شفت ميمكنش كاع هادا زهر عندها
…….2″ زيييين اختي شهوة منو انا كون بلاصتها نخبيه ميخرجش نخاف عليه من العين
……3″ كعما تفرحوا باينة فيه زهواني شفتو فاش هز راسو كيف بقا كيشوف فيا
……1″ الرجوع اله احنينتي قاليك شاف فيا راه هز عينيه شاف فكلشي
…….2″ تانتي منمشيو تا نضبرو على نمرتو مالها اش جاها داك زين كامل بوحدها وكيف قالت فاتي باينة فيه زهواني دغيا نصيدوه
……1″ ضبروا راسكم انا مغنحطش ايدي فهادشي عزيزة عليا خالتي فتيحة والى تفرقات مع راجلها وعرفوا شي حاجة جاية من تحتي تا انا متبقاش ختي تدوي معايا اصلا انا كيعجبني خو عصام باركة عليا
البنت 2 عيبات فيها ” خو عيصام قاليك” ” تي نوضي على سلامتك فين تلقاي بحال هاد زين
عند سكينة وبلال كانو مجمعين فطونوبيل حدا العدول بنما جا باها وسيد اغلب هضرتهم على ميدانها الدراسي والتخصصات لي كينين والبرونش لي باغا تبع
بلال ” قررتي تبعي جراحة الدماغ ضومين لاصحاب القلوب الميتة
سكينة ” عادي ماشي شي حاجة من صغري كيعجبني نحل اي حاجة ونكتاشفها
بلال بدا كيضحك ” بعدا روكو ماشي غير هو لي كيعجبو يشرح الجتت تا الزوجة ديالو كيعجبها هاكاك لا لا عرفت نختار سكينة هزات فيه عينيها ” روكو نساه دب انا مباغاش روكو بغيت بلال هو لي انبدا معاه حياتي انا حاولت نبعد على اي حاجة لي حرام او ممكن نأدي بيها شي حد الى كنتي كيعجبك داكشي ومقادش تخلا عليه فعلاش متقراش معايا التخصص ديالي
بلال ” عمري فكرت فيها مي فكرة زوينة حاليا فتحت شحال من مشروع جديد منقدرش نتفرغ لدراسة ابخي نفكر فالموضوع بجدية باراكا عليا مرتي جراحة(بغا يقرب منها بعدات وجهها دغيا وتداركات الموقف)
سكينة ” بابا تعطل
فهم حركتها ومبغاش يحكر ” عيطي ليه فتيليفون
سكينة ” معنديش صولد
جبد بلال تيليفون من جيبو ومدو ليها خداتو كيبان ليها تيليفون فشكل وباينة غالي شداتو دغيا ساست افكارها وكتبات نمرة ديال باها وصونات
مفاتش دقيقة تفتح الخط
سكينة ” بابا فينكم
الاب ” ها حنا ابنتي سيد تعطل عليا شوية احنا فطريق
سكينة ” واخا ابابا تنتسناو (قطعات ومدات ليه تيليفون) هاهو فطريق
بلال ” اوكي
سرحات عينيها قدام الزاجة كتشوف ساهية الزواج هو خطوة كبيرة فحياة الواحد الى معرفاتش تختار ضيعات فحياتها بزااف الحويج هي معندهاش مشكيل هي كتقرا حاليا لاق ملاقش راها اتخدم فميدانها وعاد مزيانة ليها جنسية ايطالية تستقر تما عرفات عائلتها ما ديال العشرة هي ممركزاش على الفراق عارفة بلال كيف داير وكتضن بلا يقدرو يكملو حياتهم مع بعض ييمكن قلبو قاصح فشي حويج ومكيرحمش ولاكن فنفس الوقت مكيضلمش يعني معاه مديرش متخافش قاطع سلسة افكارها باها لي كلاكصونا موراهم قفزات مع كانت ساهية دارت لور سافت طونوبيل ديال باها لور دارت عند بلال
سكينة ” راهم جاو يالله “قالت كلمتها وحلات سمطة ديال طونوبيل وحلات الباب ونزلات
هو الاخر نزل من طونوبيل سلم على باها وعلى سيد لي معاه كيسولوه على احوالو كيكتفي بالابتسامة تا كترجم ليه سكينة حس بواحد الاحراج مع عائلته عمرو جربوا فحياتو خلا عندو فكرة وحدة هي يتعلم اللغة العربية وماشي غير العربية باغي يتعلم لغة ديال كاع البلدان لي كيزورهم عندو 6 اللغات ” ايطالية وفرنسية,وانجليزية,واسبانية,والصينية,ويابانية ” دب باغي يضيف لغات اخرين ابرزهم العربية حيت وحل فيها مع نسابو من بعد السلام وكادا توجهوا لداخل كان كيتسناوهم حيت كلشي بالموعد اكيد ومع عطاو الفلوس بزايد ومازال عاد اياخدوا خلاصهم كينة عناية خاصة المغرب ومن لا يعرفه دخلهم واحد خدام تما تال قلب البيرو فين كيتسناهم العدول عندو الوراق وكلشي غير دخلو عطاهم فين يسنيو وسنا باها كشاهد هو وسيد مها لي كانت دايرة معاهم ابيل شافت كلشي دمعات عينيها على وحيدتها لي مبقاتش معاها وولات محسوبة على راجل براني
الاب لي كان حاس بفارق كبير ماهي بنتو حبيبتو ضو عينيه تزوجات لا وبعيد يعني يولي يشوفها مرة فشحاال مبقاتش تحت اسموا لات تحت اسم راجل اخر قلبو تعصر عليها ولاكن هادي هي سنة الحياة وسوى اليوم او غدا البنت اتزوج واللهم تزوج بواحد ختاراتو هي على الاقل يكون مطمأن عليها
بلسان سكينة ” سنيت على عقد حياتي معرفتش هاد العقد لي ايكون سبب سعادتي او سبب تعاستي على اي زواج تقليدي بغيتو وعجبني معقلتش قلبي بشي برهوش يشطحني ختاريت لي عجبني قلبا وقالبا هو انسان فشكل وانا فشكل بيناتنا فرق كبير ولاكن كيقوليك الحب مكيجمعش المتاشبهين هزيت عيني فبابا شفت عينيه عامرين بدموع تفكرت دارنا لي مصدقت رجعت معاهم باغا نهرب من ماما معرفت واش انلقا اعوذ بالله من الشيطان الرجيم نتفألو ولاكن عينين بابا كيقولو بزااف شكون نشوف فعينيه هاد الحب طاحت دمعتي مني عرفت منرجع نشوفهم على مدة طويلة تاني وهاد المراة ماشي لعام ولا 5 سنين بنما كملت قرايتي هاد المرة
كان الجو مشحون بالمشاعر العاطفية منها هي وباهاعكس بلال لي الامر مكيعنيش ليه اكتر من زواج عادي الكور معندهمش داك الارتباط ببعضهم وبالنسبة ليهم تا الزواج ماشي شي حاجة غير حيت سلم فكر فيه وبانت ليه سكينة اكتر وحدة ممكن يتفاهم معاها مكانش عايش معاهم داك الجو وكون عرفهم باش كيحسوا كان غيجيه الامر مبالغ فيه يمكن الحب الوحيد لي جرب فحياتو هي صداقة ديالو مع دينو ومكانش عندو صداقة اخرى ولو من بعد ما عاش معاه سكينة عذرها لداكشي لي دارت وقدرها حيت حافضات على راسها بالنسبة ليه ممنهاش جوج بلا ميفكر فمستواها التقافي والمعرفي خلى اعجابو بيها كبير اكتر واكتر
من بعض ما خرجات من تم عنقات باها حاولات تكتم دموعها باها طبطب عليها فراسها هزات راسها وتبسمات ليه وطاحت دمعتها لي عيات تحاول تحبسها ولاكن خانتها فاللخر
الاب ” انا راضي عليك ابنتي بل مفتاخر اني عندي بنت بحالك صانت راسها تا لقات الانسان لي يساتهلها فرحان ليك ابنتي الله يفرحك ويسر ليك طريق الخير مع راجلك
سكينة توالت دموع على خدها حاولات تخبيهم فصدر باها ولاكن هضرتو كان تأثيرها اقوى من انها تكتمها بهاد السهولة شدات ليه فحويجوا وزادت تعالات شهقاتها تا نطق باها ” يهديك الله اهاد البنت راكي غديري دارك وتستقري فحياتك وهاديك هي سنة الحياة سوى اليوم سوى من بعد(بانت ليه مغتسكتش هز ليها راسها وبدا كيمسح ليها دموعها بصبعوا الكبير وخاطبها بمزاح محاول يضحكها فعز بكاها ) وهانتي اتهنا من فتيحة وكتبكي وشوفي لي شي بيت عندكم نهرب منها تا انا شي ايامات

تبسمات ليه ” كتشاور ابابا نتا راه على راس والعين انعرض عليك انا
الاب ” يالله الله يرضي على بنتي مسحي دموعك وسيري مع راجلك راه ما فهم فيك والوههههه معندهمش هادشي فبلادهم سيري شوفي كيف تشرحي ليه علاش كنتي كتبكي وكيف وصاتك مك ليل عاد جي عين بنادم خيبة
سكينة مسحات دموعها وحركات راسها بإيماء
الاب ” مسحي وجهك راه الكحل داع ليك وليتي كتباني بحال شي غولة هههه انا انمشي مع سيد تا ترجعي فليل وأرا متبكي دب سيري ضوري دب بدلي الجو
سكينة ” واخا ابابا واخا عرفتكم اتهناو مني ولاكن هانية والله تا هانية
الاب ” اسيري سيري دب تا ترجعي لدار وللحديث بقية
سكينة ” هاهي غادة” دارت لباها باي بإيديها ومشات لطونوبيل ديال بلال ديريكت ركبات حيت الباب كان محلول هو اكيد ما فهم والو فهضرتهم ولاكن قدر يستوعب بلا مساخياش بعائلتها وصافي مني شافها طلقات باها ومشات لطونوبيل تبعها جلس فبلاصتو وديمارا هي كانت شادة كلينيكش وكتمسح فحالتها لي ولات كتخلع بالكحل والماسكارا قادات راسها وحاولات ترسم على وجهها ابتسامة عند باها لحق نهارها هادا بلا متردو كنازة بلال شافها ولات صافا
بلال ” علاش هاد العاطفة كاملة فيكم نتما العرب
سكينة تبسمات ونطقات ” يمكن حيت تكبر فعائلة اسلامية كتهتم بابسط تفاصيلك وكيهمها امرك مكتعيشوهش فعائلات النصارة واليهود او باقي الديانات الاسلام لي دار فينا هاد روح وربطنا ببعضنا
بلال ” معرفتش جاني هادشي ديالكم فشكل ولاكن كيف قلتي انا معشتش فيه وعمري شفتو يمكن كون عشت فيه نقدر نكون عاطفي بحالكم
سكينة حاولات تلطف الجو “دب انحاولو خلقوها انا وياك ولا لا
بلال ” كلشي ممكن علاش لا
سكينة تبسمات ليه ” فين انمشيو

بلال ” نتي لي خاصك تضايفيني راني براني على البلاد ومني جيت وانا لي كنضايفك نوبتك
سكينة ” اممم نديك لشي بلاصة عزيزة عليا
بلال ” بحال اش
سكينة ” خليني نصوك انا منقولش ليك
بلال تبسم بخبث ” اجي صوكي
سكينة ” وقف طونوبيل نتبادلو البليص
بلال ” علاش نتبادلوهم اجي قدامي
سكينة ولات حمرة ” صافي بلاش غير صوك نتا
بلال ” علاش عادي ياك غير زواج تزوجناه مالها حرام
سكينة عارفة عندو الحق ولاكن معندهاش الجراة وخلاص ناس كتفرج شكون لي اينواها زينة ويقول راهم مزوجين ” منقدرش ناس كتشوف
بلال طلع زاج كامل سدو بحالة كان عارفها اش اتقول حيت زاج فيمي مكيبينش كاع
سكينة سرطات ريقها ” كون غير خليتيها تال مرة اخرى منقدرش نصوك هاكاك
بلال ” غير اجي انا شدي غير الكيدون انا انتكلف
سكينة حسات بالقضية غادة وكتحماض هادشي مكانش على بالها كاع ولاكن معندها متقول دب معندها تا عذر منطقي ولاكن باش هي تنوض وتجلس بحال هاكاك مكانتش على بالها نسات بلا مزوجة كاوري يقدر يقول ليها اي حاجة عندو عادي جدا
بلال كيشوف فيها بانت ليه معندهاش الجرأة لي هي تجي عندو وقف طونوبيل فجنب طريق مجات فين تستوعب لاش وقفها تا دار هزها من خصرها حطها فوق رجلو ولاكن بشكل معكوس على كيف تصوك وحط جبهتو على جبهتها ونطق ” مالنا ……. يتبع

بارت 8
سكينة حسات بالفراشات كتلعب فكرشها من قربهم حدرات عينيها بتوتر ونطقات ” غير ممولفاش وصافي
بلال ” اوى هي هادي فرصتك فين تولفي الى ضيعتيها مهتولفيش مازال مبغاش يزيد يحرجها قادها قدامو وديمارا طونوبيل هي غير جلسات ونسات علاش جابها تما اصلا ضربات طم وسقلات
بلال ” فين اتدينا شفتك سكتي
سكينة ” معرفتش
بلال ” وعطيني نصوك عطيني نصوك دب تلفات ليك الهضرة
سكينة بتلعثم ” كنت باغا نمشي لباب مراكش
بلال ” فين جا بضبط
سكينة حاولات تأقلم مغتستافد والو ” انا انصوك
حيد ايدو من الكيدون كيشوف فيها اش ادير شداتو بإيديها تا وصلات لرومبوان ودارت معاها ركزات مع طريق ونساتو هو لي موراها تا رجعات لور حسات بقشو عند طرمتها لون هرب من وجهها معرفاتش مديرمبغاتش تبين ليه والو تداركات نفسها هو مكان داير تا رد فعل غير كيشوف فيها شوية تفكر شعرها جاتو فرصة لا تعوض دب نيت باش يشوفو واش قطعاتو ولا لا قرب منها كتر وشد ليها زيف بغا يفكو تا دقاتها البرة فعنقها وغوتات
سكينة ” اويلي جهل اش ادير
بلال ” اش قلتي
سكينة ” اش باغي دير دقاتني البرة فعنقي
بلال ” بغيت نشوف شعرك كيف داير
سكينة ” قولها ليا وعتيني
بلال ” اوكي حليه معرفتش كيف كديري ليه ”
حلات الشوكة حطاتها وزولاتو عليها نزلاتو لعنقها ” شفتيه صافي نقدر ردو
بلال ” لاء مازال ما شفتو خليه لاش اترضيه اصلا
سكينة ” راه زنقة
بلال ” طونوبيل مكتبينش خودي راحتك
سكينة همهمات(قول ناخد راحتي )
بلال “مسمعتكش
سكينة ” مقلت والو
بلال ” بغيت نشوف طولو حليه بوحدك بلا منوعتك تاني “كان مخليها شادة غير الكيدون مني بانت ليه رتاحت رخا خلاها لي محكمة وكل تركيزو مع شعرها
سكينة تاففات وحلاتو كانت جامعاه بمقبط باقي فازك” اتفزك كلك راه عاد مغسول هاهو ضبر راسك
كعما مركز مع هضرتها كل همو شعرها تالين واصل كيحمقو شعر طويل خافها لا تكون قطعاتو مي باين طويل ولاكن جالسة مغيبانش طولو مزيان جرو مع إيدو بان ليه قد ايدو شدو باعجاب ” شحال مقطعتيه
سكينة ” يمكن شي 6 سنين غير كنقص منو شوية ولا نقادو صافي
بلال ” احسن
سكينة ” جمعوا راه قربنا نوصلو
بلال ” دغيا
سكينة شافت شحال ساعة ” راه ساعة وحنا فطريق غير محسيتيش بالوقت
بلال سكت ولاكن مسخاش يطلق شعرها بقا كيلعب فيه تا وقفات فباركينغ عاد طلق شعرها
سكينة ” نقدر نوض
بلال ” نوضي
سكينة عارفة راسها اتحرك اتولي فحويج اخرين ” كيف اندير
بلال هزها من خصرها ردها لبلاصتها عطاها مقبطها وبدات كتجمع شعرها مبغاش يبقا يشوف فيها طونوبيل وزنقة وهي مغتبغيش دير معاه شي لعبة هنا واخا يبغي اللهم يهز لهم لراسو راسو

سكينة جمعات شعرها وقادات زيفها صيباتو ونطقات ” نزلو دب ؟
بلال ” اوكي
نزلات هي وتبعها هو سد طونوبيل وتم غادي موراها كيتقل فالمشية باش ميسبقهاش هي طويلة فيها 1,70 ولاكن هو فاتها بأشواط فيه 1,88
هز راسو بان لي باب كبير معالموا تاريخية ” باب مراكش ” هز عينيه فيه باعجاب عجبو الشكل ديالو بزاف ……
وقفات طونوبيل قدام لباب كانت 10 ديال ليل
بلال ” دب غدا عاد اتحتافلي مع عائلتك بالزواج عاد نقدرو نسافرو من بعد
سكينة ” اصلا مازال ليك سيمانة فالمغريب
بلال ” تقريبا مهم معليش غدا ضروري نكون تا انا
سكينة ” غير اتدخل معايا فالاول وصافي ونقدر الى قنطت نسلت
بلال ” اوكي
سكينة ” مهم تصبح على خير انا انطلع
بلال تبسم ليها ” نهار كان زوين
سكينة ضحكات فوجهو ” مازال نعاودوها انشاء الله يالله خاص نمشي بسلامة
نزلات من طونوبيل وسدات الباب موقفات تال باب دارهم دخلات ديريكت توجهات لبيتها سدات عليها لباب
اصبحنا واصبح الملك لله وحده استيقضات سكينة على ريفاي ديال تيليفونها هاد المرة ماشي على غوات مها حيت وصاتها بلا شوهة هههههه ناضت لحمام قضات حاجتها وغسلات وجهها سمعات تيليفونها كيصوني مشات ليه هزاتو فتحات الخط
سكينة ” الو
بلال ” لبسي ونزلي عندي
سكينة ” لفين
بلال ” انديك لصالون
سكينة ” شكون قالها ليك
بلال ” مغتمشيش ليه بحساب الحفل لي مع داركم اش سميتو اه الخطبة
سكينة ” انمشي ولاكن شكون قاليك ديني نتا
بلال ” قالوها وصافي دب اتنزلي ولا ندير بلاش
سكينة ” واخا انلبس ونزل
قطعات عليه وهزات كتافها باستغراب لبسات دغيا عبايتها وزيفها ومشات لعند مها نيشان لكوزينة بلا ميهجم لباشار
سكينة ” ماماا
فتيحة دارت عندها شافتها لابسة ” ابنتي مازال مفطرتي بلاتي فطري وشوية نشوف شي بنات يمشيو معاك
سكينة حركات راسها بنفي دغيا ” لا بلال ايديني هو لشي صالون قالي راه كيتسناني برا انا غير علمتك وصافي
فتيحة ” دي معاك بنت خالتك
سكينة باستغراب ” إنا وحدة فيهم
فتيحة ” امينة راه ختها ضايفاتك عندها شحال من عام حشومة مجلستيش معاها كاع
سكينة ” راها جالسة مع دوك المجاحيم مكرهت ليها رباعة ناقصة المسمومة على ختها عيطي ليها لهنا قولها تصخر ولا شي لعبة ونجرها معايا
فتيحة ” واخا سيري خرجي نتي انا انلحقها عليك 5 دقيق تكون عندك متخليش راجلك يتسنا برا
سكينة ” واخا واخا متعطليش
فتيحة ” غير سيري
سكينة ” هاهي فادة
حدرات راسها وخرجات من الكوزينة مدازتش جيهت صالون كاع ديريكت لباب خرجات وسدات لباب لقاتو جالس قدام طونوبيل وكيدوي مكمش حجبانو قربات ليه لقاتو كيدوي باللونكلي مع شي حد

بلال ” نفكر ونرد عليك نشوف واش نقدر نجي فهاد يومين مهم باش ما كان نرد عليك” قطع الخط بانت ليه سكينة كتشوف فيه باستغراب
سكينة ” معامن كدوي
بلال ” شريكي فالبروجي جديد
سكينة ” امتا اتمشي دب
بلال ” غدا خاص نكونو ففرانسا
سكينة ” ودارنا ممعولينش
بلال ” عرفينا انسافرو ومنقدرش ناجل السفر كين طارئ وكون عليا نبقاو تا تقنعي ولاكن راه كون قدرت نمشيو من دب احسن نخدمو البروجي فراحتنا
سكينة ” وشنو دب
بلال ” قوليها ليهم غدا عشية انمشيو
سكينة ” وطيارة ممقطعينش فهاد الوقت
بلال ” انكري طيارة خاصة منها نيت نمشيو مرتاحين
سكينة” ماشي مبالغة
بلال ” راه من اليوم من الاحسن متخرجيش بلا كارد معرفتش واش نتاشر خبار زواجنا ولا باقي انا مازال مصرحت بوالو ولاكن داكشي كيتسرب سمعي دب انحاولو منبانو لعلن تا لحفل لي فيه الصفقة يعني من بعد جوج سيمانات تقريبا
سكينة ” علاش شنو ممكن يوقع
بلال ” يالله نتحركو من هنا بعدا وندويو
سكينة ” اتمشي معايا بنت خالتي غير دوي دغيا قبل ما تنزل
بلال ” واش غير جي وخرج من المافيا راه مخلاو باش عرضو عليا باش نرجع ووقعوا بزاف ديال الحويج ولاكن لي كان من حضي انهم مباغينش يأذيوني يعني الى عرفوني تزوجت يقدرو يخطفوك ولا شي يلعبة هاكاك باش نرجع معاهم مهم نتي انوفر ليك الحماية بنما تنسات القضية فالاول ديال الزواج اكيد ايحاولو خصوصا من بعد ما نصرح انتجنبو تخرجي بوحدك واحد المدة ومن بعد ما ترجع لمياه المجاريها خودي راحتك
سكينة بصدمة ” دب انا تورطت مع عدد من المافيات وانا مدايرة بإيدي لا برجلي ” يالله باغا تقول ليه غير سير اولد ناس وقفات عليهم بنت خالتها مدات ايديها لبلال لي شاف فإيديها باستغراب عهدو ان المسلمين مكيسلموش مصافحهاش
سكينة نطقات بإحراج بالايطالية باش متفهمهاش البنت ” اويلي قمعتيها تا غير سلم
بلال ” ياك فدينكم حرام مالها هي ماشي مسلمة
سكينة ” اربي غير سلم تال من بعد
بلال ” صافي نزلات إيديها
سكينة ضربات راسها بالفقصة ودارت عند امينة ” طلعي احبيبتي لطونوبيل انمشيو دب
امينة باحراج ” واخا
سكينة ” يالله ينترحكو
طلعات هي لبلاصتها وركب هو وديمارا نطقات سكينة
سكينة ” حبيبتي راه مازال ممولفش العادات وداكشي راه تا ماما يمكن عمرو سلم عليها متديش عليه
امينة تبسمات ليها ” ماشي مشكيل احبيبتي
سكينة ” كيف دايرة لاباس عليك بعدا لبارح جالسة وسط دوك البنات معنديش معاهم مقدرتش نجي عندك
امينة ” لاباس الحمد لله
سكينة ” خالتي فامريكا مكرهتش كون حضرات هي واية
امينة ” مكتابش نتوما كنتو مزروبين مازال تجي انشاء الله فالعرس
سكينة ” انشاء الله احبيبتي فاش هاد العام
امينة ” دوزيام اني فلافاك شعبة العلوم الرياضية
سكينة ” اه زوينة كيف جاتك بعدا
امينة ” ولفت الماشتر انشاء الله نكملو فامريكا
سكينة ” ههههه تا جيت انا ولا كنت حاجزة ليك ختك
بلال قاطعهم ” اش كتقولو
سكينة ” تا تعلم العربية وتفهمنا
امينة حدرات راسها بإحراج حيت دواو بالانجليزية فهماتهم
بلال ” اوكي من بعد غير سيري تا نجمعهم ليك
سكينة ” باااااقي الوقت
بلال ” مبقا قد ما فات
سكينة ” دب نشوفو
بلال” باقي شي اجراء مازال متلا
سكينة ضحكات بجهد ” هههههه بحال داكشي
بلال ” زعما
سكينة ” خليها مفاجأة
بلال ” اوكي نتسنا المفاجأة ديالك نشوفوا
امينة عقلها مشا بعيد ساست افكارها وقالت بيناتهم وحنات راسها على زاجة ديال طونوبيل
ما وقف تال صالون موناليزا اكبر صالون تجميل فالدار البيضاء
ما وقف تال صالون موناليزا اكبر صالون تجميل فالدار البيضاء حلات فمها فديزاين ماشي كتر من امينة سكينة ” واش داير موعد ولا لا
بلال ” نزلي بعدا
سكينة ” واخا
نزلات سكينة ومن موراها امينة ونزل هو سبقهم دخل
دخلات سكينة تابعاه وعاد امينة موراهم غير حانية راسها عكس سكينة لي لي دازت من حداها تحل فمها فيها باعجاب صالون متكامل شكلا كبير بزاف وبين بلا فيه تا صونا وكلشي
كانو البنات خدامين تما الشافة ديالهم غير شافت بلال وقفات ونطقات ” لورد توفايل
البنات غير سمعوا الاسم دارو برهبة عارفين اسم صاحب صالون ولاكن عمرهم شافوه فاص افاص
بلال تبسم ونطق ” سيلفيا
سلفيا حدرات راسها وجاوباتو بالايطالية ” متوقعتش نشوفك فالمغريب
بلال ” ولفتي الخدمة هنا ؟
سيلفيا “اكيد شكرا ليك بزاف
بلال دار عند سكينة ونطق ” هادي بنت دينو
سكينة حلات عينيها بصدمة كتشوف فيها وتحاول تستجمع صورت دينو فعقلها عمر دينو ذكر ليها عندو بنت ” دينو عندو بنت ؟
بلال ” بالتبني مني دخل فغيبوبة كانت سيلفيا كتقرا داخلي من بعد عام جات وتصدمات بالخبر دخلات فازمة نفسية حادة ومن بعد عامين قررت نسيفطها لشي بلاد بعيدة تبني حياة جديدة وكيبان لي نجحات ” دار عند سيلفيا لي كانو دموع محجرين فعينيها سكينة بقات فيها ولاكن معندها مديرليها مكاتيب وهي مكانتش ناوية طيح فداكشي كامل دوات معاها بالايطالية ” حبيبتي لاباس عليك انا كنت صديقة ديال دينو ” اكيد مغتقولش ليها الحقيقة
سيلفيا تبسمات ليها ومدات ايديها باش تصافحها ” سيلفيا
سكينة عنقاتها وطبطبات عليها وقالت ” سكينة
بلال دار عند سيلفيا باش يعرفها بسكينة ”
Lei è mia mogile «انها زوجتي »
سيلفيا ” واااو روكو تزوج مبروووك عليك ” دارت عند سكينة ” مبروك عليكم حبيبتي
سكينة ” شكرا حبيبتي
بلال ” سمعي دب كين حفل ديال الزواج تكلفي بيها نتي ولبسي تا نتي انجي نديكم بجوج
سيلفيا ” لا منقدرش نجي ممولفاش بهاد المناسبات
بلال ” سيلفيا دويت معاك ياك لبستي او لا انجي اتمشي معانا
سكينة ” غير سير انا انتكلف بيها
بلال ” نوغمال هي لي تكلف بيك
سكينة ضحكها ” هههههه غير سير سير
جرج بلال من تم وخلاهم نطقات سيلفيا بالانجليزية باشش يفهموها البنات حيت جل حوارهم كان بالايطالي والبنات لي تم مغريبيات كيسولوهم واش شادين الانجليزية قبل ميدخلو مي اللغات لاخرين لا “البنات مدام توفايل عندهم حفل عقد القران تكلفو بيها هي والبنت لي معاها
لبنات حدرو راسهم بطاعة جات عندها وحدة قربات ليها ونطقات بالانجليزية “اتديري حمام وصوان كلشي شامل ياك ا مدام
سكينة شافت رسميات بزاف عرفات مورا زواجها هاد الموقف ايولي شائع مجرد ما تخرج من المغرب ويمكن تا فيه كاع” بحساب الوقت بغيت 3 نكون واجدة
البنت ” اوكي تقدر ديري كلشي نستثنيو الحمام يمكن ديجا مشيتي ليه هادشي لي بان لي نيت باش يبقا الوقت لميكاب نقادوه زوين
سكينة ” اوكي
البنت “تفضلي معايا مدام
مشات معاها البنت تا دخلات لبلاصة فين كيديرو المساج وامينة موراها مبغاتش ديرو وهي تقول ليها سكينة ” امينة تمتعي اصحبتي شوف امتا تجيك فرصة تجي لشي صالون بحال هادا
البنت باستغراب نطقات ” نتي مغربية ياك
سكينة جاتها ضحكة” باينة عليا كاورية
البنت باحراج ” لا غير حيت راجلك ” سكتات
سكينة ” ايطالي
امينة ” واش راجلك ايطالي اسكينة
سكينة ” مفخباركش
امينة ” قالوكاوري مشا بالي مع فرانسا وقلت يقدر يكون امريكي حيت كنتي فامريكا مي مطاحتش فبالي ايطال كاع قبيلة فاش جيت كنتو داوين بالايطالية
سكينة ” اه
البنت تبسمات ليها ” الله يكمل عليكم بالخير اختي
سكينة ” ربي يخليك احبيبة
البنت ” حيدو الحويج لداخل اتلقاو فوطات تا سوتيام حيدوهم بحساب المساج
سكينة ” واخا امينة يالله نوضي بلا عكز” جراتها من ايديها تا دخلاتها لبيت تبدال وسدات عليها دخلات هي لبيت لاخر حيدات حويجها بقات غير بسترينك بالاسود بين ليها تضاريس جسمها بشكل جذاب شافت فراسها فالمراية تم باعجاب ولبسات فوطة وجمعات شعرها لفوق على شكل شفنجة وخرجات كانت امينة متكية ديجا بدات ليها البنت مشات لباياص حداها وستلقات وخلات الفوطة تحتها قربات منها وحدة فالبنات كتشوف ففرومتها باعجاب جابت زيوت وبدات الخدمة معاها
داز الوقت بين سوان ومساج ولاصيغ ومكياج لي طلبات منهم سكينة يكون خفيف ولبسات قميص خفيف ودارت حجابها فوق شدة ديال زيف لي ختارتها هي الاخرى تكون سامبل بزاف سمعات تيليفون كيصوني جاوباتو دغيا
سكينة ” وصلتي ؟؟
بلال ” انا لتحت نزلي عندي نتي والبنات
سكينة ” واخ
سبقات البنات قدامها دازو ديريكت ركبو لور فطونوبيل هي وقفات قدام بلال كتشوفو لابس جبادور جاه فن مع كتافو المفتولين تاهو حل فمو فيها
بلال ” جاك الميكاب زوين بصحتك
سكينة ضحكات فوجهوا ” عينيك لي زوينين
بلال ” كيعجبوك عيني ” مفهمش التشبيه هههههه
سكينة ركزات فلونه كيهبل صاراحة متقدرش تنكر جادبيتهم بعدات عينيها عليهم دغيا بتوتر مني عرفات راسها عيقات ” مقصدتش هاكاك مي مهم راهم زوينين يالله انتعطلو
بلال عرفها كتهرب ولاكن قال فخاطرو شحال قدها اتحصل اتحصل ” يالله طلعي
ركبات حداه وصاك هو موقفوا تال قدام دار نزلات هي دغيا دخلات لدار وتبعاتها امينة هو بقا مع سيليا حيت بحالة كتحسب مع عائلت العريس خاصها دخل معاه غير جات غير بوحدها مجات يدخلو مفرقين دخلات سكينة ديريكت لبيتها جات عندها مها
فتيحة ” فين راجلك اصفريطة
سكينة ” راه فطونوبيل مقدرتش ندخلو حيت معاه ختو
فتيحة “ياك قلتي سيد مقطوع من شجرة اوجه العذاب
سكينة ” ماشي ختو ختو اماما راه معرفتش كيفاش نشرح ليك مهم ديريها ختو وصافي خلاها ليه صاحبو امانة قبل ميموت
فتيحة ” مسكين انخرج عندهم انا اندخل لبنت ونسيفطو عندك هنا باش يدخل معاك عند ناس
سكينة “واخا اماما
خرجات فتيحة دغيا لبرا عاد سرات معاها راه مغتعرفش تدوي معاهم ضربات راسها بغباء جبدات تيليفونها وعيطات لسكينة
لي شافت مها كتعيط مفهمات والو هادي اد نزلات جاوباتها
سكينة ” وي ماما
فتيحة ” ادعاوي البلا راه مغيفهمنيش
سكينة ” اه نسيت انا انعيط ليه نشرح ليه
فتيحة ” هي دب
سكينة قطعات مع مها ودوزات ليه لابيل ” بلال راه ماما جي معاها نتا وسيليا سيليا اتدخل تجلس مع البنات شرح ليها ياك ونتا اتجي لبيتي راه اتوريه ليك ماما تا ندخل انا وياك
بلال ” واخا
قطعات ونزل من طونوبيل هو وسيليا لي كانت لابسة كسوة حد ركبة بالاسود ناحتة تفاصيل جيمها وطالقة شعرها الازعر لي كاري ودايرة ميكاب خفيف بارز ليه حروفها ولون عينيها الاخضر تقدمات عند فتيحة وسلمات عليها بلابيز ودوات مع بلال
سيليا ” راه من تقاليدهم تسلم ضروري على مها حشومة
بلال “عمر سكينة قالتها ليا
فتيحة كانت زي الاطرش فالزفة نعلات فخاطرها سكينة لي خلات كاع العرب وتزوجات بكاوري تا دوات معاها سيليا بدريجة
سيليا ” خالتي لاباس عليك
فتيحة مني دوات معاها بدريجة عاد طلعات النفس الحمد لله كتهضري بداريجة بعدا
سيليا ضحكاتها برد فعلها ” انا عامين وانا فالمغريب
فتيحة “دخلو ابنتي مرحا مرحبا
سيليا ” شكرا
دخلات سيليا هي وبلال نعتات ليها فتيحة صالون وهو طلعاتو مع دروج غير تابعها مكيشركش معاها الحوار حيت غير ايتحرجوا بجوج احسن يسكتو وصل لبيت سكينة دخلاتو ودوات مع سكينة ” سكينة5 دقيق ونزلو بلا منشوهوا مع ناس راه منقدرش نطلع نعول عليك قادي حويجك نتي وراجلك ونزلو اتجلسو تال وقت نحطو الماكلة وطلعوا
سكينة ” واخا
خرجات فتيحة وخلاتهم بجوج كانت سكينة زولات الزيف والعباية لي كانت فوق القميس بلال شافها خرجات ودار عندها اخيرا تخلوا هو وياها فشي قنت قرب ليها كانت كتقاد شعرها فالمراية عنقها من خصرها سكينة حسات بالقضية حامضة وهي تنطق دغيا ” مازالهم لتحت ” حيدات ايديه من خصرها ودرات عندو شافت فيه ونعتات لوجهها ” شفتي هاد لوحة تشكيلية الى مشيتي تا حاولتي تبوسني اتولي لوحة نيت
بلال جابت ليه ضحكة ” وفين المشكيل ياك زواج وتزوجناه الطونوبيل قلتي زنقة وناس اوى امتا ن….
قاطعاتو دغيا ” وتا غير صبر على خبزتك طيب مازال جاي الخير
بلال جلس فالكرسي تم وقال ” علاش باقين اعذار اخرين مخبياهم متلا
سكينة هزات تيليفونها شافت شحال ساعة وغمزاتو ” خاص نزلو دب ليل ونشرح ليك
بلال ” اوكي نيت تا انا داكشي لي باغي
حل ليل وسكينة كتحاول تشبع من مها تا بغات تمشي وتعزلات هي ومها فالبيت مني هبطو لي فاليز ديالها وشي حويج تال الغد ويجيبوهم ليها مع الفطور
سكينة ” ماما ضروري خاصني نسافر غدا الخدمة عندهم مزيرة ميقدرش يبقا كتر من هاكا ايدوز الفطور فصباح العشية انمشيو لفرانسا
فتيحة عنقاتها” انتوحشك البرهوشة راكس عزييزة عندي تهلاي فراسك والله يسر ليكم فلي عندكم فيه الخير ياربي
سكينة باست ليها ايديها ” ربي يحفضك ليا اماما
من بعد ما توادعات مع مها وتفرقوا من بعد توصيات امها اكيد وصلات اللحضة لي كتسناوها كاملين ههههههه
دخلات سكينة لبيت دخلات لحمام زولات حويجها لبسات بيجامة صيفية حد ركبة والفوقاني ديالها نص كم حالفة تا تخرجها منو مسحات الميكاب دارت واحد خفيف بزاف وطلقات شعرها وخرجات كان هو كيدوش فالبيت لاخر خرج لاوي على خصرو فوطة شافها اش لابسة تبسم واخيرا اللحضة الحاسمة تمعن فتضاريس جسمها قرب منها وجرها لعندو من خصرها ونطق
بلال” اش من عذر عندك دب
سكينة تبسمات بخبث ” متقدرش تقرب ليا تا تختن
بلال رد ليها نفس الابتسامة ” وشكون قاليك متختنش
نهـــــــــــــــــــــــــــاية الفصل الاول
هاكا حبيت تكون نهاية الفصل وكان بارت طوييل اجي اجي ازوينة القصة مكملاتش غير الفصل الاول لي كمل القصة اتوقف مؤقتا خلية ارائكم كلكم مالكم اش خاسرين إلى فرحتوني بالعكس ايكون الفصل تاني أفضل بزااااف بحماسكم بينو ليا هههههه نتلاقاو من بعد ما نتحمس بتفاعلكم هههههه كونطي الرسمي باسم الساحرة النورس
اهداف الفصل تاني ⬇️⬇️
“اول نقطة ايتزداو شخصيات البطولة يعني بلال ومحمد حنين وسكينة
” اتبان شخصية جديدة اتبدا تقدم نصائح زوجية لبنات يعني اي وحدة مزوجة تعرف بزاف القوالب وكيفاش تصرف فبزاف المواقف
” الختان والجنس مواضيع لي غناقشهم ماشي بطريقة سوقية وكتعتامد على تجربة لا غندوي بمنطق البحوث العلمية وبحث فيهم هاد سيمانة بزاف وغنزيد مواضيع اخرين تا نزيد نبحث
” الالحاد والمعتقدات الالحادية انتطرق لهاد الموضوع ايضا ……. وكين نقاط آخرين استودعكم الله إلى الفصل التاني