Skip links

قصة : لن أهزم امام قدري 5

 4,089 عدد مشاهداات

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
مالم أكن اتوقعه حدث ؟؟ … غير مجرى حياتي وسبب في إنقلاب مصيري حتى اضعت نفسي في ضلمات لاتنتهي …..
بقلم 🖋حياة جوري 🖋
البارت101:::
ماريا واقفة خارج المطار هازة تيلي ديالها وكدوز نمرة فخر كتمسع فقط( هاتف مخاطبكم غير مشغل )
هزات عينيها فالممر لي حاضياه من صبااح ولاكن بدون جدوى واخا عرفات انو طائرة لي لازم يكون فيها نزلات قبل ساعاااات لاكن مفقداتش الأمل ظنا منها انو يقدر يكون جاي فطائرة لي وراها ….
عيااات بالوقوف لساعات طويلة وزادت فإتاجه لوطو ركبات وكلسات حاضية المخرج وكل شوية كتنهد بعيااء وإرهاق شافت فساعة لقاتها 4 العشية كرشهاا بدات كتغوت بالجوع حتى حسات بسخفة ولاكن مقدرااتش تمشي عندها امل انو ايجي ومطرا ليه والوو ….. دازو ساعتين على نفس الحال وماريا عياات بالإنتظاار وقررات انها تمشي لدار تاكل وترتاح … وداكشي لي دارت .. ديمارات لوطو وزادت بسرعة راجعة لدار وراسها كيزدح بكثرة الأفكار لي كيدورو فعقلها
علاش مجاش؟؟ شنو طرا ليه؟؟ وعلاش تيلي ديالو طافي ؟؟ ياكما طرات ليه شي حاجة ؟؟ مجاش فطائرة لولة وحتى تانية ؟؟؟ ولا واقيلة طاح ليه تيلي ؟؟ ولا خرجات لي شي حاجة حبساتو ؟؟
افكار واسئلة كثيييرة فعقلهاا وملقاتش حتى جواب .. وصلات لدار وقبل طركات ماكلة جاهزة وداتها معاها دخلات وكلسات كتاكل غير باش تحيد جوع اما هيا كدوزو بزز سالات وجمعات رجليها عندها شادة راسهاا وكل شوية كتهز تيلي كتصوني عليه ونفس شي تيليفونو طافي مرضات فداخلهااا وقلبهاا تقبط عليهاا ووجها ولا لونو مكشووف …… حاسة بلي شي حاجة طارية ولاكن معارفاش شنو هياا ؟؟؟!!

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت102
حلات ماريا عينيها ودورات راسها فالمكان فين هياا عرفات راسها نعسات فصالون وهيا كتسنى خبار من فخر مدات إيديها لتيلي وملقات حتى إتصال يلاه بغات تنوض حسات بعنقها معنز وضارها خسرات سيفتها بإنزعاج وبدات كتماسي فيه جسمها ثقيل عليها لأنها فنومها مرتاحتش عاد وضعيتها واحلامها لي كانو كوابيس سوداء بالنسبة ليها …وقفات وتكسلات باش تخفاف شوية وتحيد عليها ثقل نعاس وزادت جارة رجليها لدوش غسلات وجهها وقدات حاجتها وتاجهات لكوزينة وجدات القهوة وخواتها فكاس يلاه جغمات منو وهيا تسمع تيلي ديالها كيصوني محسات براسها الا وحطات الكاس وضرباتها بجرية لصالون هزاتو بزربة وربطات الخط
ماريا: الوو فخر فيينك ؟؟
اسية: اتي ماالك ؟؟
ماريا( بعدات تيلي وشافت فنمرة وكانت نيت مكتوبة اسية ولاكن بلهفتها مرداتش لبال .. تنهدات ورجعات تيلي لودنها وتمات غادة لكوزينة) وي ؟
اسية: مالك ؟؟
ماريا: ممالي والوو اش بغيتي ؟
اسية: والو ابغيا نسول فيك لباس؟؟
ماريا: اه حمد لله
اسية: ومال فخر ؟؟
ماريا: اكان ايجي ليوم وصافي ..
اسية: ومجاش ؟؟
ماريا: واقيلة طرات شي حاجة ليه
اسية: ااه … وتنساي حتى تشوفي مالو
ماريا: يلاه نخليك دابا
اسية؛ اوك بسلامة
قطعات عليها وبدات كتشرب فقهوتها وتنهد متنكرش بلي الوسواس تملك عقلهاا ميمكنش فخر يخليها هاكاا وهوا كل شوية يصوني عليها ولا مقدرش كيصيفط غير ميساج على الاقل … تخربقاات ومعرفات مدير لامنين تجيب خبااروو ولا تعرف مالوو .. عيات متخيط وتفصل فعقلها وخرجات بقرار …
👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت103::
جمعات نوضة وزادت متاجهة لبيت نعاس جبدات حوايج وحطاتهم فوق ناموسية بزعفة خرجات باليز وبدات كتخشي فيها الحوايج جبدات سروال تجين مع قميجة وسندالة لبساتهم وجمعات فساك صغير كل ميخصها دارت نضاضر على عينيها وجرات باليزتها الصغيرة وخرجات من الدار وصلات لبرا ووقفات فطريق حتى شدات طاكسي ووجهاتو لمطار وكل شوية كتعيط على فخر وبدون جديد طول طريق عاقدة حواجبها وكتنهد بقلة صبر حتى وصلات خلصات طاكسي ونزلات جرات باليز داخلة لمطار دوات مع الإستقبال وسولات على طائرة لي متاجهة لتركيا فهاد الوقت ..عرفات بلي كاينة وحدة وشخص من الركاب علمهم بلي مغايجيش وطلباتهم تاخد بلاصتو وتخلص عليهاا وداكشي لي طرا ..قامت بكل التجهيزات وكلسات فإنتظار حتى وصل وقت الإقلاع وزادت متاجهة لطائرة ركبات وبعد دقائق نطلقات فسماء فإتجاه تركياا ….
6ساعات وماريا على نفس وضعيتها لاماكلة ولانعاس داقتهم فقط كتخمم وكتفكر فشنو طاري ليه … نزلات طائرة في المطار إسطنبول خرجات ماريا وقدات جميع مسائلها وخرجات جارة باليزتها لبرا لمحات طاكسي وشيرات ليه وبقات عاقلة على مكان سكن فخر وحتى خدمتو بتركية قالتها ليه وزاد فطريق فإتجاه العمارة فين كان ساكن ….
وصلات لعمارة ونزلات داخلة ليها طلعات فسانسور وصلها لطابق لي فيه شقتو … وققات قودامها وطلعات نفس حاار ودقات فالباب وكتنساه يتحل …لاكن بدون جدوى دقات حتى عياات وبدون رد تفكرات كلامو الاخير ليها هنا ( هاد الدار اتبقاا هاكاا مسدودة .. حتى ترجعي ليهاا ) … نطقات فداخلها
ماريا: هاني رجعت افخر … فينك نتا ؟؟
غمضات عينيها وتندهات بإرهاق وزادت خارجة من العمارة رجعات شدات طاكسي فإتجاه لشركة وسخفة والإرهاق شادينها ولاكن مهامهاش راسها كثر ممخلوعة على فخر ومغاتهنى حتى تشوفو على خير …
✴تتمة الجزء✴
وصلات لشركة دخلات وعندها امل انها ممكن تلقاه هنا تاجهات لإستقبال وبتاسمات لبنت لي عرفاتها قبل
ماريا:( بإنجليزية) سلام ..
البنت: عليكم سلام … ( بتاسمات ليها) كيدايرا لباس عليك ؟
ماريا: الحمد لله … كاين فخر هنا ؟؟
البنت: لاا مكاينش
ماريا: مجاش نهار كامل ؟؟
البنت: اااه
ماريا: ( تنهدات) والبارح ؟؟
البنت: كذالك مجاش …
ماريا: ممكن تعطيني عنوان واليديه ؟؟
البنت( شتتات انضارهاا بتوتر) احم .. سمحي ليا منقدرش نعطيك
ماريا:علاش .. راني غير نسيت سميت البلاصة
البنت: ختي دوي مع موسيو فخر فاش يجي انا ميمكنش ليا نعطي معلومات عليه
ماريا:( معجبهاش الحال) علاش بسلامة راك عارفة علاقتي بيه دونك انا ماشي برانية
البنت: ولوو كيبقاو خصوصيااتوو …
ماريا: ( عقدات حواجبها)كتعقدوو الاموور بحالا ماعرت اش غادي تعطيني غير عنوان وصافي…
البنت(حنات راسها) استسمح
ماريا سوطات من مناخرهاا بإنزعاااج وزادت جارة الباليز ديالهاا وكدور فعينيها معرفات لافين تمشي ولا شنو ادير داقت بيهاا دنيااا وتخربقااات اش غادي دير بوحدها هنا وفينو فخررر …. قررات انها احسن تمشي لأوطيل وديك ساعة تفكر على خاطرهاا وداكشي لي دارت وصلات لاوطيل دخلات وتكات فوق ناموسية بإرهااق وراسهاا شادها بالحريق … ناضت ووجها داابل وصفر وداخلها متغير عليهاا عيطات عليهم يجيبو ليها متاكل ودخلات لدوش غسلات وجهها وهزات راسها كتشوف فإنعكاس صورتها طلعات إيديها كتلامس وجهها ليتغير عليها فهاد يوماين بسباب الحزن والقلق على فخر الدين …ولي زاد مرضهاا انها ملقات حتى خباار عليه … خرجات من دوش لما سمعات صونيط تاجهات لباب ودخلو ليها الماكلة وكلسات كتاكل وحاطة إيديها على ذقنها حتى حيدات جوع وناضت لساك جبدات تيلي وصونات على فخر ونفس شي الهاتف مقفل حتى تعصباات …لاحت تيلي على ناموسية بزعفة وغرزات ضفارها فشعرها بالغدايد وبقات غادة جاية فالبيت
ماريا: ياربي متكونش طرات ليك شيحاجة … ( هزات راسها لسقف ) يااربي متمتحنيش بيه … ياربي حفضوو لياا راني كنبغيييه …
👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت103:::
☀️☀️ أصبحنا وأصبح الملك لله☀️☀️
فاقت ماريا وناضت من الفراش متاجهة لدوش حيدات حوايجها وعملات دوش خفيف وخرجات كتنشف شعرها ولاوية عليها فوطة كلسات فوق ناموسية هزات تيلي كتصوني من جديد لاكن بدون فائدة مسحات لحمها ولبسات تيشورط بيض مع سروال تجين وسبادري وجمعات شعرها ديل حصان وقدات وجهها باش تنور وتحيد منها الصفورية هزات ساك خشات فيه تيلفون وفلوس وزادت خارجة من الأوطيل شدات طاكسي لي أمراتو يديها لشركة فخر وصلات ليها ونزلات ونضاضر على عينيها وقفات هازة عينيها فشركة مع ميلات عينيها لمدخلها وهيا تلمح شخص داخل ليها من مشيتو وشعرو ولباسوو حسااتوو بلي هواا وخصوصا فاش ميل راسو وبانت لحيتو الشهبة هنا تأكدات ورسمات إبتساامة صااطعة على وجهها كأن روحهاا رجعات ليهاا بشوفتوو على خير .. محسات براسها الا وغادة فإتجاه الشركة وكتحس بقلبهاا كيضرب بجهد غير دخلات دورات عينيها ملقاتوش وزادت فإتجاه الإستقبال
ماريا:ممكن نشوف فخر الدين
البنت: سمحي ليا موسيو فخر الدين مكاينش
ماريا( وسعات عبنيها) كيفاش مكاينش ؟؟
البنت: راه قلت ليك البارح مكيجيش
ماريا( بإنزعاج) واش كتكذبي علياا راه غير داباا شفتوو بعيني داخل لشركة
البنت( وقفات وبدات كتدور عينيها بتوتر) لا اختي راه مكيجيش .. ولا جا انقولها ليك
ماريا( عقدات حواجبهاا بإنزعاج) كتفلاي عليااا … واش انا مكنشوفش ولا شنوو هواا لي دخل غاا داابااا
البنت: ( بدات تخضار وتزراق) ختي … راه مكنكذبش عليك … مجاش هيا مجاش
ماريا( صافي هناا مرضاات بدات كتغوت ) واش باغاا تصطيني … فينوو فخررر مالك على الكذووب ماالك …
البنت: ( حنات راسها) ختي سيري عفاك ولا غنجيب ليك الأمن راه فخر مكاينش هيا مكاينش …
ماريا: (عقدات حواجبها) اهاا … اعلى فخيلك ركبييه … فخر انشوفووو دابااا ونوريك هاد الكذوووب …
زادت بخطوات مسرعة فإتجاه السانسور والبنت تابعاهاا
البنت: اختي راه مكاينش فخر … واش انكذب علييك اويلي …
وقفات قودام سانسور كتورك عليه باش ينزل عصبها وزادت بخطوات مسرعة لدروج وبدات كتجري طالعة فدروج والبنت وراها كتغوت باش توقف ولاكن ماريا جهد لي ولا فيها قدرات تطلع حتى لطابق 15 بدون توقف حتى البنت لي وراها صافي تهدات ولات كتلهت
البنت: كح كح .. واختي عفااك راه مكاينش … راه غير كتعذبي رااسك
ماريا: شفتوو بعنينياا مغاتجييش تكذبينييي
وصلات لطابق وطلعات نفس حاارة وزادت بخطوات فإتجاه المكتب ديالو لي بقات عاقلة عليه والبنت تابعاها كتجري

البنت: اختي … عفاك متمشيش …
وصلات ماريا لباب المكتب طلعاات نفس حار وحلات الباب بجهد

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت 104:::
مع حلات الباب هز راسوو شاف فيهاا ووقف نضراتوو تغيروو اما هياا فتدهشات وفرحات فاش شافتوو حتى بانت إبتسامة كتوحي على سعادة لي حساتها كأن روحها رجعات …
ماريا: نتاا هنااا ….
زادت بخطوات عندو والبنت لي وراها تبعاتها
البنت: مسيو فخر الدين سمح ليااا …
قبل متكمل كلامها وقفهاا ونطق بهدوء
فخر الدين: صافي برااا …
رجعات البنت بخطوات وسدات الباب وخلات مارياا كتشوف فيه ولمعة فعنيها كتحقق فيه نيت واش هواا وكتشوف فوجهو وجسدوو واش بخير …. يلاه بغات تدوي حنى نطق بكلمة لي غيرات ملامحهاا …
فخر الدين:( كلس فالكرسي وطلع حاجب فيها) اش كديري هناا …
ماريا( بتاسمات بعدم تصديق) كيفاش اش كندير هناا …
فخر الدين: محد السكريتيرة قالت ليك مكاينش فلاش جاية حتى لهناا
ماريا: ( بدااو ملامح الإنزعاج كيتسللو لوجها وهيا كتشوف نضارتو تغيروو وكيدوي بطريقة متغيرة) كيفاش افخر .. راني شفتك بعيني داخل لهنا وهيا قالت لياا مكاينش وتأكدت بنفسي حيت هيا كذبات عليااا
فخر الدين: ( حط إيديه المزينة بساعة فاخرة على طابل وبصوت هادئ) انا لي أمرتها تقولك مكاينش …
مارياا وسعات عينيها بصدمة وحركات راسها بنفي
ماريا: شنوو ؟؟؟ …. وعلاش قلتيها ليهاا
فخر الدين:( بدون ميشوف فعينيها ) حيت مبغيتش نشوفك مزال
…..
👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت105
بتاسمات بعد تصديق …
ماريا: فخر اش كتقول !! .. كيفاش مباغيش تشوفني ونتاا كنتي جاي عندي ومجيتيش وعيطت عليك حتى عييت وتيلي ديال طافي ..وضطريت نجي حيت خفت عليك بزاف
فخر الدين( عيونو خالية من اي تعبير) ياك شفتيني راني بخير .. ( وجه انضارو للبيسي) ودابا ممكن تمشي
ماريا( مصدوومة منوو زادت بخطوات وكلسات فكرسي قبالتو ) فخر اش كتقول ؟؟ … وعلاش كتصرف معاياا هاكاا..
فخر الدين: مكاين والوو … انا ممساليش ليك داباا
ماريا( كتحس بكلماتو كينزلو عليها كيف صاعقة .. ممتيقاش بلي فخر لي كيدوي معاهاا هاكا) .. فخر واش واعي براسك كيفاش كدوي .. واش انا مخليني كنتسناك فالمطاار نهار كامل .. مكلفتي راسك حتى تعيط عليا مخليني انموت بالخلعة عليك وجاية عندك حتى لهنا غبر نعرف مالك وخاسر علياا انك ممساليش … اش هادشي افخر ؟؟؟
فخر الدين: ( هز راسو وشاف فيها) انا لي مباغيش نجاوبك .. حيت مبقات كتجمعي بيك حتى علاقة .
ماريا: (ضحكات ) خههههه … كتضحك عليااا ياك … كيفاش مكتجمعني بيك حتى علاقة( رفعات صوتها وعينيها تعقدو) اش تبدل من البارح ليووووم افخر اش تزااد علييك حتى وليتي تقول هاكااا ….
فخر الدين داك الهدوء لي كان فمحيااه تحول لغضب فلحضتوو عينيه نقضوو وحمااروو وبداو عروق عنقوو كيتنفخو وهوا كيشوف فيهااا بنضرات مكتبشرش بالخير …. وقف ودفع الكرسي حتى طاح وحط إيديه على طابل مقرب ليهااا ونضارتوو لي كانت ديما حنينة وهادئة ولات متوحشة ومشتعلة …..

✴تتمة الجزء✴
فخر الدين: كنت عاطيك قيمة ومكانة كبيرة ساعة ( خسر سيفتوو ) مكتستاهليهاش نهائيااا
ماريا( وسعات عينيها بعدم الإستعاب) شنو ؟؟؟ ….
فخر الدين: (كيورك على كلامو) صحاب ليااا نتي محتاارمة راسك ونقية ولاكن طلعتي بحالهم … كلكم تباعاات الفلوووس وكتبيعو راسكم بالرخييص …. ولاكن اناا لي مكلخ مسمعتش لهدرة دفنة واخا هياا بحاالك وتقت بييك واخاا قالت لياا نتي اطلعي رخييصة ومسمعتش ليها وحاميت عليك ولاكن صدمتيني فييك ( طلعها ونزلها) متوقعتش تكوني هاكااا ….. طحتي من عيني
ماريا( مصدوومة) فخر .. واعي براسك اش كتخرج من فمك …( خنزرات فيه). كيفاش اناا رخييصة؟؟؟ اش هاد الهدرة لي كنسمع فيهااا
فخر الدين( بتاسم بإستهزاء) كديري فيهاا راسك شرييفة ….( غوت فوجها) باركة من الكذوووب برااااكة .. زعماا راك مداايرة والووو …هاد الوجه البريء ديالك باان على حقيقتووو صاافي كلشي تفضح بلامااا طلقييهاا علياااا كثررر
ماريا( وقفات وحمرات عينيها فيه ممتيقاش اش كتمسع) لاا راك حمااقيتييي …. اش كتخربق علياا وكدوي بالألغااز … اش بدلك افخرر شنوووو كااين راك عصبتيني
فخر الدين( ضرب إيديه على طابل) اش كااين معارفااااش … عيشيتيني فكذبة معاااك … فضلتك على كلشي وعطيتك قييمة عندي حتى بنت المرى مخدااتهااا وتجي طعنيني فظهري ولا واقيلة انا اصلان بنت ليك فيكتيم .. شفتي الفلوس والدار وشركة قلتي هادي هيا الهوتة ولا فلاا … وبديتي علياا بدوك تصرفات وانا بنت شريفة وصاينة رااسي ….. ( بشوفات ناقصة) لعبتيها صحييحيية امااريااا ( ضرب على صدروو بجهد) ودمرتينييييييي …..

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت106:::
ماريا( خرجات عينيها فيه) فخررر .. فهمنيي اش طراااا . واش عارف راسك انك كضلمني بهدرتك وكتهيني …. وهادشي لي مكنتقبلوووش نهائياااا
فخر الدين( ميل راسو وضحك بإستهزاء) هههه … واش معيتيش من الكذوب كتشوفي فعيني وتقولي ليا كنهينك ..بغيت انعرف منين درتي هاد الفلووس كاامليين ااا … وانا على معرفت نتي كنتي فدار الأيتام وبسرعة ولاو عندك المحالات والعمارات والفلوس امشتيش اااا …. طلبتيهاا غااالية اماارياا ……
ماريا( وقفااات بغضب من كلاموو لي نغزها فداخلها) لا راك حمااقيتي وااقيلة ..
فخر الدين: بصح راني حمق فاش تقت بيك …
ماريا:( وركات على كلامها) فخر اتقووولياا اش كاااين … حيت الهدرة لي كتقوول كبييرة وبزااف واناا منسمحش لييك تنقص مني وتهيني فشرااافي
فخر الدين: ( بإستهزاء ) شراافك !!…. ( هز تيلي ديالوو وخدمو ولاحو فوق طابل قريب ليها…. وبنضرات مستفزة وعينيه بشرارة كيشوفو فيهاا وبصوت قوي رجولي ) هاا شراافك .. شوفيه بعينيك شحال كيسوى… صافي كلشي تفضح وحقيقتك باانت …. حيت صافي بينتي رااسك شحال كتسواااي …. ألا بغيتي تنكري وتكذبي داكشي
ماريا بقات كتشوف فيه ممتيقااش كلاااموو وهاد الهدرة لي كيقووول مقدراتش تستوعبو نهائياا لأنو تغير 180درجة لامن هدرتو شوفاتو حركاتو وحتى صوتو لي ولا خشن ومرتااافع … صدمهاا بيهم وخلاهاا مفااهمة والووو كأنو كاابووس عايشة فييه بكثرة مكان كيحترمها وطيب معاها مقدراتش تيق كلاموو فحقهاا … ميلات راسهاا لهاتف لما خرج عينيه فيه بمعنى هزيه … وجهات اناملها ليه وهزاتوو كتشوف فيه وبداو ملامحهاا كيتغيرووو لعدم تصديق بدات كدوز فتصاور وكتشوف وعينيها توسعوو وحواجبوو تغبشوو .. حدها بصوت متقطع ومتردد
ماريا: مي مكنش ….

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت107:::
بقات كتشوف فتصاور كانت فيهم هياا ومع راجل فوق الفراش شبه عارين ..وتصاور خرين مع رجال مختالفين فوق ناموسية واغلبهم كيمدو ليها الفلوس حتى وقفات قودام فيديو خدماتو وكتشوف راسهاا نيت كتشطح وتغني والراجل كيلوح عليها الفلوس وكتهزهم بلهفة وتبدا تقرب منوو وكتضحك وتبوسوو …. مستوعبااتش نهائياا هادشي لي كتشوف كيسالي وتعاودوو وترجع تشوف فتصااور لي متيقااتش رااسهاا انها هيااا
ماريا:( كتحرك راسها بنفي … وبملامح مصدومة)
لاا .. ميمكنش …. ماشي انااا
فخر الدين ضحك بالفقصة وزاد عندها خدا تيلي من إيديها كيوريها وكيزومي فتصاور
فخر الدين: هادي ماشي نتي اااا .. ماشي نتي …كتفلاي علياا اماارياا ااا كتكذبي علياا فوجهي
ماريا( هزات عينيها مدمعين فييه ولسانها ثقيل عليها) والله مأنااا افخرر …. ماشي ديااولي
فخر الدين:( رجع بخطوات لوراء ومحمر عينيه فيها) زيدي كذبي زيدي ….نكري تصاور لي بينو حقيقتك
ماريا( حنات راسهااا مقدرااش تفسر هادشي وكيفاش طراا ليهااا …. عقلها تبلووكاا عن التفكييير ممصدقاش انهاا هيا لي فتصااور وكيفاش طرااو ووصلو ليه … هزات راسها وشافت صدرو كيطلع وينزل وعينيه حمريين … شافت فيه بخيبة امل وعينيها مدمعيين ) تيقتي تصاور ….ومتيقتينيش اناا
فخر الدين: ( وجه تيلي لوجهاا كيوريها فيديو ديالها) واش هاداا ايكذب …. نتي هياا هادي …. متجهلينيييش كثر من القياااس حيت صدميتيني فييك وبزااف وثيقة لي درت فيك حطميتييييهااااا
ماريا( وجهات انضارهاا لتيلي معرفات اش غادي تقوول ….. باش اتنكر وهاد تصاور والفيديو كتبان فيهم هياا نيت واخا تدوي حتى لغداا جامي يتيقهاا حيت صافي تكسروو بزاف ديال احاسيس والمشاعر بيناتهم … ثقة والإحترام والتقدير …. كلشي مشاا …. شافت فيه بعيون مدمعة ولأول مرة وبعد سنين من حيااتهاا نزلات دمعة حاارة من عيونها الشهلاء وتسللات مع خدودها الحمراء حرقاتهم …. وبصوت خفيق جريييح نطقاات )
كن غير جيتي سولتيني وطلبتي مني تفسير قبل متحكم عليا وتهيني … كان ممكن نتناقش معاك ولاكن فاش كذبتيني وجيتي عوال انك تلومي وتيقتي هادشي فمغانزيدك حتى كلمة ومغنبرر حتى حاجة علياا وليام تبين ليك اش كنسوى
( شافت فيه بنضرات خدلان… وعينيها مدمعين وبصوت خفيف وحزين) مكنتش كنظن بلي نتا هاكاا …. حيت خسرتي شحال من مشاعر زوينة كانت بيناتنا بحكمك علياا …. ( طلعات نفس حااارة لصدرهاا ونزلات دمعة حارقة من عيونها ….شافت فعينيه ديريكت لي معقودنين وحمرين وهوا عاض على

شفايفووو كيسمع ليهاا وبكل كلمة كتقول قلبوو كيتقطع )
وكسرتي الحاجة لي خلاتني نكون معاك …… للأسف
( .خاب ظني في جوهر هذه العلاقة )
هزات إيديها ومسحات دمعتها وداك تحطم تعوض بثقة وكبرياء هزات راسها لفوق عارفة راسها اش كتسوى ومغاديش تفهمو وتشرح ليه حيت ماشي ماريا لي تنازل وتبرر وتبدا تحلف على قبل حاجة مدارتهاش …. خاصة فحاجة غالية عندها فشرفهاا لي صانتو سنين … وعلى حساب مبادئها لي بغاها كيحبها ويعرفها ايتقها بكلمة وحدة منها … ولي شك فيها وكذبهاا عمرها تناقشوو ولا تشرح ليه وتبرر ليه حيت نقص منها وهانها وضلمها بحاجات جامي دارتهم……..
شافت فيه لنضرات اخيرة ….هزات راسها اكثر بثقة وزادت بخطوات تابثة دايزة من حداه حتى وصلات لباب …دارت شافت فيه وهوا عاطيها بالظهر واقف بدون حراك حققاات فيه بحسرة و بتحطم وطلعات نفس حار وتمات غادة مبعدة على مكتبو فإتجاه سانسور …
👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت 108::
خرجات من عندو دارت نضاضر على عينيها مدركة حمورية عينيها غير خرجات لمحات طاكسي شيرات ليها ووجهاتو لأوطيل ديريكت ….
غير حسات براسها تدركات من عين ناس وبداا صدرها كيطلع وينزل بزربة ودمووع تحجروو فعينيها حاولات متنزل حتى دمعة ولاكن خانونها وبداو كيتساقطو كيف لؤلؤات على يديها لي جامعاها عندها حطات إيديها على فمهاا حابسا شهقات لي كيخليوها كلها كترعد ديك القوة لي كانت على محياهاا ختافاات وتجسد فيها الحزن والألم حرق قلبهاا …وفداخلهاا كلام كتحكيه بينها وبين نفسها شيء لي كيزيد من سقوط دموعهاا ..
( علاش افخر … علاش شكيتي فياا ودمرتي علاقتنااا لي حيااتني من بعد سنين .. دمرتي القلب لي هديتو ليك بإخلاص …حرقتي مشاعري لي كنيتها ليك … حتى ولفتك وختافات الوحدة بقربك.. وعتابرت اغلى معندي وعطيتك قيمة فحياتي وتقت فيك اكثر من اية شخص فحياتي ….لاكن صدمتيني …. ( حركات راسها بلا) منقدرش نعيش مزال بوحدي … ومنقدرش نرجع ليك على لي قلتي علياا وضلم لي ضلميتيني …. ( صدرها تهز) اش غادي نديير وهاد الحرقة لي فقلبي كتاكلني … عمري توقعت انخسرك وخصوصا بهاد طريقة … كيفاش انا هيا هاديك ودوك تصااور وفيديوهات كيفاش طراااو … ( شدات رااسهاا بعصبية مقدرااش تفكر ولاتستوعب داكشي ) … ياربي نكون اكنحلم وهادا غير .كابوس وانفيق منووو
تندهاات لما سمعاتو علمها انو وصلها سرطات ريق وجبدات فلوس من ساكها ومداتو ليه وعلماتو يتسناها غير تجيب باليز ديالها وتجي بالإنجليزية وفهمها وداكشي لي دارت طلعات بزربة وبدون متفكر كانت فقط باغا تخوي هاد المدينة لي عاشت فيهاا احلى ايام حيااتها معاه … ولاكن كلشي تكسر بهاد نهار حتى كرهااتوو وحتى هوااء إسطنبول ولاات كتحس بيه كيحرقهاا ومبقااش مخليها تنفس بخاطرهاا دخلت لشقتها وجمعات حوايجها فباليز وزادت خارجة بزربة وعينيها حمرين بالدمووع ومدركاهم بنضاضر لي محيداتهمش خلصات الأوطيل ورجعات ركبات في طاكسي وعلماتو يوصلها لمطار كانت خدات ديجا تذكرة لرجوعها وخلاتها مفتوحة غير وصلات علموها بلي طائرة بعد ساعة وكلسات فالإنتضار خدات غير قهوة كتشرب فيهاا وكتحبس نفسها عن تفكير فييه لاكن مقدراش صورتو صوتو كانو ديماا فبالهاا مخلاوهاش تكلس مرتااحة كل شوية كتنهد حتى شدات راسهااا وغوتات دااخلهااا باش متبقااش تفكر فييه وفكلاموو وفنضرااتوو وفتصرفااتوو لاكن بدون جدوى متهنات حتى سمعات بلي طائرة على وشك الإقلاع جمعات نوضة وقدات مسائلها وتاجهات لطائرة شدات بلاصتها كالسة باغى غير

تنعس مقدرااتش فيها جوووع ولاكن لسان لي يتحرك وياكل مكاينش تفكرات بلي عندها فساك دوى ديال نعاس جبداتوو وشربات فنيدة وحطات راسها وبعد ثوااني نتاقلات لعالم اخر …
بعد 6ساعات نزلات الطائرة فمطار الدار البيضاء خرجات ماريا من المطار بعدما قدات جميع مسائلها شدات طاكسي والإرهاق والتعب شاادينها اما راسها حديث ااخر صداعو خلاهاا دايخة … بعد مدة وصلات لعمارة غير نزلات خرجات باليزتها وزادت بخطوات بإتجاهها حتى سمعات وراها صوت كيناديها

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت109:
تلفتات وشافت مي مينة لي متاجهة عندها بوجها البشوش كيف العادة …
مي مينة:( سلمات عليها) مارياا غبرتي ابنتي … كيدايراا لباس عليك
ماريا( بصوت مبحوح مختالف عن العادة )
لباس امي مينة
مي مينة( شافت فيها بشك) ماريا مالك ؟؟صوتك متغير واش مريضة ( حطات إيديها على جبهتها كتحسس لقاتها سخوونة ) الله راه طالعة ليك سخانة اماريا
ماريا(رجعات بخطوة مبعدة)
مافيا والو امي مينة .. باغا انرتاح
دارت داخلة لعمارة وتبعاتها مي مينة ممهنيااش
مي مينة: والو مغانخليكش مالك ابنتي معجبتينيش …
ماريا( شافت فيها من تحت النضاضر )
راه اعيانة وصافي
مي مينة: واش نتي كتشعلي بالسخونية وغير عياانة ..
سكتات ماريا معندها متقول ليهاا ولا باش اتبدا ليهاا طلعو فسانسور ووصلو لشقتها حلاتها ماريا بزز واخا فيها سخفة وراسها اينفااجر من صداعو ولاكن مبينااش نهائيااا … غير دخلات طلقات الباليز وساك فطريقها لصالون حاسة بدنيا كدور بيها وتاجهات وهيا جارة فرجليها غير وصلات لسداري تلاحت عليه بعيااء وحيدات نضاضر على عينيها لاحتهم فوق طابلة اما مي مينة فهزات الباليز وساك لبيت نعاس حطاتهم ورجعات عندها وهيا كتحيد فجلابتها غير شافتها هاكاك تصدمات عينيها كانو زرقين ومنفوخين ووجها صفرر متوقعاتكش تكون هاكا حيت كانو نضاضر كبار ومضركين ملامحها .. تاجهات عندها بزربة وكلسات
جنبها كتحسس ليها جبهتها وعنقهاا
مي مينة: بنتي مارياا ..مالك اش طرا ليك حتى وليتي هاكاا؟؟؟
ماريا( حلات عينيها لي حمريين كنقطة دم بزز ونطقات بصوت مبحوح ) بزااف امي مينة
مي مينة: ( دوزات إيديها على شعرها) الله على بنتي… بااينة طرات ليك شي حاجة لي صعيية لي خلاتك هاكاااا …( جمعات نوضة) انا نجيب ليك دوى بعدا كليتي شي حاجة ؟؟
ماريا غمضات عينيها بإرهاق وحركات راسها بنفي
مي مينة: اوا زايداها مواكلاش …
زادت لكوزينة جبدات دانون لي لقات و زيف وخشاتو فبانيو صغير لي خوات عليه ما بارد وجبدات دوى من بيت نعاس ورجعات عندها حطات داكشي فوق طابلة
وحلات ليها دانون
مي مينة: هاك كول شوية باش تشرب دواك
ماريا( حلات عينيها دابلين وحركات راسها بنفي وكدوي بزز) ما فيا لي ياكل ..
مي مينة: راه ادانون عرفتك مغاتكليش غير كول شوية باش نصيب ليك حسوة ( عمرات ليها معلقة) هاك كول ابنتي باش تشفاي
ماريا تجمعات شوية وشادة راسهاا لي ثقيل عليها كلات من عندها جغمات وعطاتها دوى شرباتو ديال سخانة وراس وفزكات ليها توب عصراتو وكلسات حدا راسها ماريا رجعات شوية لور وحطات

راسها على فخاضها وتنهداات … اما مي مينة فبدات كتفزك ليها الشيفون وتحطو على جبهتها وعنقها باش يبرد
مي مينة: الله يشافي ليا بنتي الغالية … ( نزلات قبلات ليها راسها ) الله يشافيك الغزالة ديالي
ماريا تندهات وغمضات عينيها كتقلب على نوم لي اينسيهاا فكلشي …
✴تتمة الجزء✴
بعد ساعات حلات ماريا عينيها إثر لمسات مي مينة فشعرهاا
مي مينة: بنتي نوض تشرب الصوبة لي عملت ليك تقواي شوية
ماريا تجمعات شوية وخدات من عندها جبانية وبدات كتشرب ومي مينة كالسة حداها وكتشوف فيها كيف ولات حالتها وتغيرات مية درجة … ممولفاش ليها تمرض كانت من ديما بصحتها وحتى ولو مرضات كتبقا تبان طبيعية ولاكن هاد مرة تغيرات كلياا حتى وجهها ذبل وملامحها كشفوو …
كملات ماريا وعطاتها ليها ورجعات تكات كتشوف فسقف .. مي مينة جمعات الماعن وداتهم لكوزينة غسلاتهم ورجعات كلسات حداها وكتشوف فيها كيف شي وردة داابلة
مي مينة: مارياا شنو عندك ابنتي قول ليا شنو غيرك ؟؟ وشنو لي مرضك ؟؟
ماريا( وجهات انضارها ليها خالية من أي تعبيير )
فاش تأكدى قلبي … مرضت
مي مينة( شافت فيها بتساؤل) شنو لي ضرك ؟؟
ماريا: بزاااف امي مينة بزااف ….
مي مينة: قولي ليا كنسمع ….
ماريا عودات ليها كلشي من نهار سفرات لخصات ليهاا سفر لي دوزاتو معاه ولا اروع وخبراتها بلي ولات كتبغيه .. حتى كان ايجي عندها وتخبرو بحبها ليه حتى مبقاش بان عيات متعيط او والو وضطرات تمشي وياريت مامشاتش .. شافت وجه اخر لفخر لي صدمهاا واخا مكانش بقصدوو لأنو كان محرووق فدااخلوو … وذكرات ليها تصاور وفيديو ديالهاا لي شافتهم بعينيها واخا عارفة راسها مديرش نهائيا داكشي ….وتماا انتهى لقائهم بدون متفسر وتبرر ليه حتى حاجة
مي مينة: وعلاش مقلتيش ليه بلي ماشي نتيااا ابنتي … خليتيه غاالط فييك
ماريا( تندهات) ماشي اناا لي نبرر راسي لناس … هوا كان كيقول ليا كنتيق فيك نتي غالية نتي مكاينش بحالك .. نتي نقية ويشك فيااا فاش شاف تصاور هاكاك … كن كان بصح كيتيق فياا ميكذبنيش ويتيق
تصاور ويحكم علياا قبل ميسولني
مي مينة: بنتي مارياا … راه اغلبية رجاال هاكاا راه قلتي شااف فيديو شاف تصااور كيفاش ايتيقك الا مكانش عندك دليل قطعي خصوصا فاش شافو بعينيه
ماريا:( تندهات) ولووو … يسولني ميحكمش علياا
مي مينة:( طبطات ليها على إيديها) متقصحش راسك ابنتي … نتي كتبغيه وشوف حالتك كي ولات فاش تفارفت معاه … حتى ولفتيه وبعدتي من الوحدة وبغيتي ترجع ليهاا
ماريا( جمعات غوباشتها) انا عندي كراامتي امي مينة … الا بغا يعرف الحقيقة يقلب عليها ماشي انا انبدا نفهمو ونثبت ليه داكشي غالط منطيحش برااسي كراامتي وكبريائي فوق كلشي … واخا عارفة راسي انتعذب مي الا كان كيهمو الأمر ايقلب والحقيقة طال الزمان ولا قصار اتباان
مي مينة: الله يدير تاويل ديال الخير … ولاكن كيفاش تصورتي وكيفاش طرا داك الفيديو ووصلو هاكاك

ماريا: راه هادشي لي مبغااش يتفهم ليااا … حرت كن مكنتش عارفة راسي اش كنسوى نشك اني اناا لي فتصاور والفيديو .ولاكن ميمكنش يكون فطوشوب داكشي حقيقي وانا نيت لي فتصااور ولاكن معرفتش ايمتاا طراا مبقييت فااهمة والو والله
مي مينة: مارياا فكرر … ياكما مكنتيش واعية راسك ولا شربتي شي حاجة ؟؟
ماريا: لااا مكنضنش امي مينة … ولاكن راني تلفت والله … ( شدات راسها) مبقاش عقلي قاد يفكر ويفسر داااكشي تبلووكيت
مي مينة:( وقفات) صبر احبيبة وكلشي ايتفضح ونتي ابنتي مكاينش بحاالك طيبة وقلبك كبير ونقية وهوا ايعرف راسو ظلمك وايرجع يطلب منك سمااحة غير صبرر
ماريا( تنهدات) انشاء الله …. الحقيقة طوال زمان ولا قصار اتباان ونتمنى ميتعطلش عليها حيت ايخسرني
مي مينة:( كتلبس فجلابتها)الله يدير تاويل الخير يلاه ابنتي راه ضلام الحال ونتي نعس رتاح شوية باش يفوتك الحال( حطات إيديها علة جبهتها) نزلات شوية ولاكن رد البال لراسك غدا فصباح نجي عندك
ماريا: واخاا شكراا امي مينة شديتك هاد نهار
مي مينة: ( بتاسمات ليها) اويلي شحال عندي من مارياا اوحيدة … الا طرات شي حاجة عيط ليا نكون عندك
ماريا: واخا غير سير ..
مي مينة( باستها ) الله يشافيك ابنيتي
ماريا: اميين
👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت109:::
مع 3صباحاا
كيستمع انين خفيف فغرفة النوم …
ماريا دارت على جنبها وضهر وجهها المزنك بفعل الحرارة لي تملكااتهاا حتى ولات كتبان ليها اضبابة وعينيها دابليين حسات بمعدتها تقلباات عليهاا والمرورة طالعة مع حلقهاا محسات براسها اناضت بزز غادة فإتجاه الحمام وحاطة إيديها على فمها حابساها غير وصلات لفابو طلقات حلوقهاا وبدات فالإستفرااغ صوبة لي كلات كترد حتى روحهاا كتحسها اتزهق عليهاا وهيا شادة فلافابوو كتحاول تحكم فراسها واخا رجليها فااشليين … خوات كرشهاا وهزات عينيها شافت وجها كيف صفررررر وعينيها بزز باش حلااهم دارت غادة بخطوات تقاال وشادة فالحيط لاطيح ودنياا كدور بيهاا هزات إيديها لراسها قاستو لقاتو كيفور بالسخونية يلاه خرجات من دوش رجليها خانووهاا ودار مشات وجات بيهاا حتى طاحت لأرض سخفاانة باغا تنوض ولاكن جسمهاا تقييل عليهاا وجهد باش تنوض مبقااش نهائياا … بقات طايحة فالأرض حتى غمضات عينيها مستسلمة مغيبة
☀️أصبح الملك لله ولاإله إلا الله☀️
تحل الباب الشقة ودخلات مي مينة هازة فإيديها ساشية سدات الباب وتاجهات لكوزينة حطات ساشية لي كانت فيها حسوة تسخن وزادت لصالون فين خلات ماريا ملقاتهاش ..خرجات وهيا فإتاجه بيت نعاس لمحات ماريا طايحة فالأرض عينيها خرجو ومشات كتجري عندها غير وصلات نزلات كتقيس فوجهاا لقاتهاا كتشوط بسخونية ووجهاا حمررر
مي مينة:( بخوف) مارياا بنتييي …. ماارياا ماالك فيقييي
كتقيس فوجهاا وجبهتهاا عاافية وشعلاات ضرباتها بجرية لتيلي ديال شقتها عيطات على الكونسياج لي طلع بزرية عندهم هزها من الأرض وخرج لسانسور منزلها لتحت بعدما مي مينة هزات سوارت لوطو ديالها وخرجات تابعاه غير وصلو لتحت هوا خرج لوطو ديال ماريا ركبوها لور وهوا ركب القودام متاجه بيها لكلينيك ….

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت110:::
بعد ساعات حلات ماريا عينيها كتشوف فسقف ابيض لون دورات وجها ولقات مي مينة كالسة جنبها كتقرى فالقرآن .. بغات تدوي لاكن حلقهاا نااشف عليهاا حدها صدرات انين خفيف شيء لي خلا مي مينة تهز عينيها غير شافتها فاقت حطات القرأن وتاجهات عندها مبتاسمة
مي مينة: على سلامتك .. خلعتيني عليك
ماريا دورات وجهاا كتشوف فالما..مي مينة فهماتها وخوات ليها الكاس ونوضاتها شوية شرباتو ليها
مي مينة: الخلعة لي ركبتي فيا اليوم منعاودش ليك عليهاا … الحمد لله دازت طريفة وربي حفضك .. كنتي اتشللي فيهاا
ماريا( وسعات عينيها بصدمة) علا شنو طرا لياا !!
مي مينة( هزات راسها بإيجاب وبملامح حزن)
راه طلعات ليك سخانة بزاف وفاش جيت لقيتك مغيبة وجبناك ودخلوك لبلوك … قالينا الطبيب ادعوات لي حفضووهاا اما كنتي اتشللي ….
ماريا بقات كتشوف فيها مصدومة .. لهاد درجة وصل بيها المرض …
مي مينة:( دوزات إيديها على شعرها)
كديري الخير ابنتي ودعوات ناس وايتام وقفو معاك وربي عمرو يخيبك ابنتي الحنينة مصاب كن كلشي بحالك
ماريا بكثرة الصدمة متكلماتش حدها حركات راسها بإيجاب…. مصحابش ليها اتوصل بيها سخانة لهاد درجة لأنها معقلاتش على راسها نهائياا حتى حلات عينيها هناا … ولاكن راه كانت فحالة خطيرة كان ممكن يتقاس ليها عرق وتشلل … ولاكن ربي حفضها من الأذى لأنها كدير الخير ودعوات لي كتربح فمساعدة ناس المحتاجين واليتامى فادووها فصحتها الغالية …..
دخل الكونسياج شاف فماريا وبتاسم
كونسياج: على سلامتك اختي مارياا
ماريا: الله يسلمك ..شكراا
كونسياج: هاداا واجب اختي …راك عزيزة والله يشافيك
ماريا: امين
مي مينة: هاني احبيبة نجيب ليك متاكلي ونعيط غلى طبيب يشوفك
حركات ماريا راسها بإيجاب وداكشي لي دارت مي مينة عيطات على طبيب لي جا فحصها والفرملية جابت ليها الماكلة
الطبيب: فتيها على خير ..غير دعوات لي وقفو معاك ..
ماريا: ايمتا نخرج ؟
الطبيب: حالتك باقا ممستقراش وتقدر تطلع ليك تاني ..اتبقاي هنا يوماين حتى نضمنو متطلعش ليك مزال حيت الا طلعات تقدر دير ليك شي حاجة
ماريا( تنهدات) واخا شكرا
الطبيب: الله يجيب شيفة
خرج وخلا ماريا اتاكل ومي مينة كالسة حداها
مي مينة: نجيب ليك حوايجات تبدل ؟
ماريا: وااخاا …
مي مينة: يلاه هاني غادة شوية نجي عندك رد البال لراسك ابنتي
ماريا( شدات فإيديها وشافت فيها بإمتنان)
شكراا على وقفتك معايا اميمتي… مخليتينش بوحدي

مي مينة( قربات ليها وشدات وجها بين إيديها وبوجها المبشوش كيف ااعادة) نتي راك بنتي لي مولداتهاش كرشي .. راك مقطرة ليا من العينين منين جيتي لهناا وعرفتك دخلتي ليا لقلبي .. وانا معاك ابنيتي ديماا
ماريا( بتاسمات ليهاا) الله يخليك ليااا
مي مينة باست راسهاا مبتاسمة وخرجات من الكلينيك ….
✴تتمة الجزء✴
تسريع الأحداث🔚🔚🔚
بعد مرور يوماين…. ماريا بقات غير فالكلينك جاو عندها البنات لي خدامين عندها وجيرانها زاروها وتمناو ليها الشيفة ومي مينة كظل معاها نهار كامل حتى ليل وكترجع لدارها …في صباح يوم الثالت اتخرج مارياا … وهيا كالسة كتلبس في سيرفيط ديالها جمعات شعرها سفنجة لبسات سندالة بلا وشافت فمي مينة لي جمعات ليها الحوايج
مي مينة: مشيناا ؟؟
حركات ماريا راسها بإيجاب وخرجو من الغرفة خلصات ماريا لي عليها وخرجو لبرا لقاو الكونسياج كيتسناها بلوطو ديالها ركبات لور هيا ومي مينة وتاجه بيهم لدار وصلو ودخل لوطو لكراج وطلعات مي مينة وماريا لشقتها دخلو وتاجهات ماريا لبيت نعاس تكات فوق ناموسية مسطحة ومي مينة دازت كتوجد فالفطور …. ماريا دورات وجها وشافت تيلي لي مهزاتوش هاد يوماين مدات إيديها وهزاتو حلاتو ولقات بزاف ديال إتصالات اسية وفاتي والبنات لي كتعرف ولاكن تعجبات فاش شافت 10ابيل من فخر الدين …. بقات كتشوف فيها لثواني ورجعات حطات تيلي فمكانو بهدوء وشعلات تلفازة قودامها كتفرج …. بعد دقائق عيطات مي مينة على ماريا تفطر ناضت من الفراش لصالون وكلسو كيفطرو
ماريا: فخر عيط ليا
مي مينة:( وسعات عينيها) بصح !! .. جاوبتيه ؟؟
ماريا: لا لقيت 10 لأبيل
مي مينة:اوا عيط ايه ايكون خاف عليك وتنادم معاه الحال
ماريا( جغمات من الحليب) فات الفوت …
مي مينة: ( بنفي) ماريا اش كتقول .. كيفاش فات الفوت من اول موشكيل صافي سمحتي
ماريا: ( شافت فيها بنضرات خالية من اي تعبير) هوا لي تخلى ماشي انا … وفاش وصلات بيا لدرجة اني كنت انفقد صحتي فلهنا وحبس …
مي مينة: واخا ابنتي …. لإنسان خطاء وعاد زيد داكشي لي شاف راه بزيف ميتعامل هاكاك
ماريا: هممم ….
مي مينة: راه داكشي شافو بعينو … وقلتي ماشي فطوشوب تصاور وفيديو حقيقين … نتي كتباني فيهم ونتي مشكيتيش فالموضوع ؟؟ كيفاش طراو ليك ياكما شي واحد عمل ليك هاكاك؟؟
ماريا: معرفتش والله … ملقيت حتى تفسير
تسمع رن هاتف ناضت مي مينة جابتو ليها ولقات اسية كتصوني وهيا تحبس ليه صوت وحطاتو جانبا
مي مينة: علاش مجاوبتيهاش ؟
ماريا: مافياا لي يشوفهم ولا يدوي معاهم
مي مينة: نيت انا دوك صحابات عندك مكنرتاحش ليهم برهوشات
ماريا: عارفاهم … ولاكن انا براسي معرفتش لاش باقا كندوي معاهم لحد الآن
مي مينة: اطيبة قلبك وصافي … واخا مع هاد نوع طماع وصاحبت حاحتو ميستاهلش طيبتك ابنتي
ماريا: الله يدير تاويل الخير وصافي …..
بعد دقائق من فطورهم كيصوني تيلي ديالها شافت فيه ولقات ( الغالي ) … بقات كتحقق فيهاا ومدات إيديها وبصبع ضغطات

على رفض المكالمة بكل هدوء ورجعات كتشوف في تلفازة …

✴تتمة الجزء✴
تسريع الأحداث 🔚🔚🔚
بعد مرور خمسة أيام … ماريا طول هاد المدة كالسة افدار
مكتخرجش لأول مرة .. يا ناعسة يا كتفرج يا كدوز وقتها فتيلي محاملة لاتخرج ولا تشوف شي حد … عايشة فعالمها الحزين بوحدها .. حتى ليوم سمعات دقان فباب شقتها ناضت من صالون جارة فرجليها حلات الباب وبانت ليها اسية كتضحك ليهاا
اسية( سلمات عليها) ياختي شحاال عيطت سولت والوو نتي متجاوبيييش
ماريا( سوطات … محملاش تشوفهاا ودخلات سابقاها مخلياها اتسد الباب) والو ادار
اسية( تبعاتها وكلسات مقابلة معاها ) قالو ليا كنتي مريضة .. بصح؟؟
ماريا:( كتاكل فديسير) اوا قدر الله وتصرف
اسية( هزات تفاحة وعضاتها وكتدور فعينيها) دارك جاتني مغبوونة ؟؟ … اش طرا وجرا ؟؟
ماريا: والوو اش غايكون
اسية( حققات فوجها) وحتى نتي جيتيني مهيااش وجهك صفر اش كااين ؟؟
ماريا: واقيلة قلت ليك كنت مريضة
اسية: ااه فكرتيني باش كنتي مريضة ؟؟ قالو ليا داوك حتى لصبيطار
ماريا؛ ااه اسخاانة ومدير
اسية: وايه هيا راه صعييبة وبزااف … اش درتي مزال معاه ؟
ماريا: مدرنا والوو … صافي طراو شي مشاكل ومتفاهمناش
اسية: صافي ساليتوو ؟؟
ماريا: هوا حاساه باغي يرجع ولاكن انا باقا حايرة حيت طراو شي حوايج لي صعاب
اسية: دونك عندكم مزال امال ترجعو !!
ماريا:( جغمات من كاس عصير..مبغا تقول ليها والوو على شنو طراا ولا فاش كتفكر .. ..) ماعرت …
اسية( خوات كاس ليها وبقات كدور فعينيها يمني وشمال … سرطات ريق وشافت فماريا ) ماريا وصلاتني شي خبار
ماريا( هزات راسها شافت فيها) الله يمسعنا خير
اسية: احم … فخر

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت 112::
اسية: هممم …فخر ( سكتات لوهلة كتشوف فماريا لي مركزة معاهاا )
ماريا:( حسات بدقات قلبها كيتسارعوو )مالوو ؟؟؟
اسية: ( سرطات ريق .. معارفاش كيفاش اتوصلها ليها ) دابا انا جيت بغيت انسولك واش فخر باقة معاه مي محدك تفارقتي معاه صافي لداعي تعرفي…
ماريا:( حاسة بلي شي حاجة ماهياش … قلبها تزير عليها خايفة لاتكون طرات ليه شي حاجة)
اسية قوولي اش كاين ؟
اسية: انا دابا انقولك باش بلاما تفكري انو باقي عندكم امال ترجعو ولا هوا باغيك مزال …
ماريا( وسعات عينيها ووركات على كلامها )
وقولي خلاااص
اسية( طلعات نفس حارة) فخر …. خطب
( كتشوف فماريا لي ضهرات على وجها ملامح الصدمة … وكتشوف فيهاا بدون حرااك او بدون مترمش ) مارياا .. انا قلت ليك باش ميصحابش ليك راه باغيك … انا قالها ليا اراجلي عمر .. ووصاني منقولهاش ليك حيت داكشي داز برزبة ومبغاو حتى حد يعرف … وحتى البنت معرفتهاش عنداك تقوليها ليه اماريا اتشري ليا صدااع خايب مع راجلي ومعاهم .. انا قلتها ليك حيت نتي صاحبتي ومبغتكش تبقاي فدار غفلوون وتعرفيه اش كيسوى …
اسية كدوي وتعاود وماريا غير كتشوف فيها بدون متحرك مبلوكية فبلاصتها عينيها كيشوفو في شفايفها كيتحركو ولاكن باش تمسع اش كتقول ودنيهاا تسمكوو وكيصفروو بجهد … قلبها كيضرب بدقات متساارعة مصدومة لدرجة كبيرة حتى لسان تسرط ليها مقدرااتش حتى تنطق بكلمة … شيء لي خلا عيونها يتغمرو بالدموع … اسية شافتها هاكاك مصدومة وناضت عندها كتطبطب على كتفها وماريا بقات كتشوف فنفس المكان لي كانت كالسة فيه اسية …
اسية: مارياا .. مديريش فراسك هاكاا .. مارياا سمعيني
ماريا حسات بالدموع ايخونوها وهيا تستفيق من صدمتها غمضات عيوينها الشهلاء كتحبسهم على السقوط
ماريا( نطقات بحروف متقطعة ) خر جي … خر جي
اسية: لا مغانخليكش هاكاا … انبقا معاك عارفة راسي صدمتك ولاكن عفاك متقولهاش ليه اتشري ليا صدااع
ماريا( وركات على كلامهاا ) وا خرجي … برااا ….
اسية(شافت فيها مزيرة ووجها ولا مزنك … ) واخاا انا انمشي ردي البال لراسك
هزات اسية ساكها وتمات خارجة من الشقة … وخلات وراها قلب مجروووح كينزف حلات ماريا عينيها الخضراء لي تغير لونهم وأصبح احمر كنقطة دم … شافت امامهاا وتذكرات كلمة (خطب ) الموازية لكلمة ( تخلى) يعني صااافي نساهاا … نتاهات علاقتهم بمرة ….الفراااق ولاتوجد عودة …. غير فكرات فهاد الكلمة نزلوو دموعهاا الحارقين لخدودهاا… عقلهاا مقدرش يفسر نهائياا كيفاش

تخلى عليها بهاد سهووولة … ومشا عند مرة خرى بدون ميراعي لمشاعرهاا …. زعما لهاد درجة وصلات بيه الوقاحة متعمد يكويهاا فقلبها …
هزات راسها لفوق وبداو شهقات كيرتافعوو كتحس بنفس تقطع ليهاا والمكان ضيااق عليه ..وقفات كتورك على صدرهاا باش تنفس لاكن والووو كطلع نفس بزز وكتشهق ببكائهااا ..تاجهات لسرجم كطل وكتحاول تنفس ووجهاا مزنككك ….. بقات مدة تماا حتى نتاظم ليها نفسهاا لاكن دموع متحبسوووش …. بعدات على السرجم وكلسات فوق سداري شادة راسهاا ….وفخاطرها كتقول
واش مبغانيش باش تخلى علياا هاكاا …. دغيا بغا وحدة غيري وخطبهاا … يلاه دازت على فراقنا سيمانة وسمح فياا ومعطاش قيمة لي دوزناا …. يااريت مبغيتكش يااريت مشفتكش ولا سمحت لقلبي يهوااك …. حرقتي قلبي حرقة جاامي تبراا …ولا تنسى بفعلتك
حطات إيديها على السنسلة لي فعنقها ولي عطاها ليها قبل مترجع لهناا شداتها بإيديها باغاا تحيدها من عنقها بجرة وحدة … لاكن حسات بإيديهاا تقالت عليهاا وقلبها تزير …. يمكن ذكرياتها مخلاوهااش … حتى طلقاات منها وشدات راسها كتنهد بقلة حييلة …ومصدوومة من فعلتو لي عمرها توقعاتهاا ؟؟

✴تتمة الجزء✴
وقفات وتاجهات لبيت نعاس وقفات قودام المراية واخا وجها حمر وعيونها اكثر وضاهر عليها الألم .. لاكن هزات راسها لفوق بثفة وكبريااء ونطقات لنفسهاا ولقلبهاا ..
ماريا: صافي دابا اكد لياا بلي سالات علاقتنا … وبهاد الخطوة لي دار وشاف مستقبالو ومصلاحتو حتى انا اندير نفس شي ومغانعيش ماضيي ومستقبلي بوحدي ..وماشي انا لي نضعاف قودام الحب .. انا الحب نعفس عليه الا قاسني…. ومغانهازم امام اي شخص كان … انشوف حياتي الجديدة وانبدا من جديد مغانخليش الحزن والوحدة يدمروني…
حيت اناا مارياا مغانهازمش امام قدري ….
مسحات عينيهاا الحمرين وطلعات نفس حاار لصدرهاا المليء بالصبر امام اي شيء مشكل فطريقهاا
تاجهات لدوش عملات دوش بحقوو وخرجات لاوية عليها فوطة دخلات لبيت نعاس نشفات شعرها بسيشوار وصيباتو وكلساات كتقاد وجهها على خاطرهاا … ماشي ماريا لي تحزن وتخليه يضلم حياتهاا … مارياا الحزن لي يغمر وجهها تمحييه وتضركو بلمسات الميكاب باش ديماا تبان قوية .. متخليش لنفسهاا فرصة باش تحزن على شي حد ولا تشوف راسها حزينة بلعكس تبغي ديما تشوف وجهها زوين ومضوي والثقة عنوانهاا …تلبس وتخرج وتمتع بحياتهاا وفلوسهاا وتعطي فرص وتبعد من وحدتها لي عاشتها لسنين …. كفاية اسبوع وهيا فالهم والحزن عليه مي فاش عرفات مبقاش امال معاه لادااعي تظلم حياتها بدون سبب….
كملات وجهها ولبسات كسوة مزيرة عليها خلات شعرها براحتو ولبسات سندالة طالون جمعات مسائلها فساكها وخرجات من الدار كأن شيء لم يحدث …. وأسبوع لي دوزاتو فالحزن عتابراتو سحابة او ذكرى سودااء واتنسى ..
نزلات من العمارة ودخلات لصالون سلمات على البنات وشافت الخدمة كيف غادة وخرجات متاجهة لوطو حتى سمعات صوت نداها من الوراء

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت113
دورات وجهها وشافت مرأة مبتاسمة ليها زادت عندها بخطوات وسلمات عليها
المرأة: كيدايرا اماريا لباس عليك
ماريا: ( شافت فيها مطولة) الحمد لله ..
المرأة: غبرتي شحال من مرة سولت عليك ملقيتكش
ماريا: كنت افدار عيانة شوية .
المرأة: ااه …وليتي شوية داباا ؟؟
ماريا:الحمد لله بخير… بغيتني فشي حاجة ..
المرأة: اييه بنتي ماريا … اش قلتي مزال فداك الموضوع ؟؟
ماريا:اينا موضوع ؟؟
المرأة: ( زادت بخطوة حتى قربات ليها) على ولدي
ماريا:( شافت فيها بتساؤل) خالتي ممكن تفكريني بسميتك نسيتها
المرأة: حياة ابنتي سميتي حياة
ماريا: اه خالتي حياة … اشنو باغي ولدك مني ؟؟
حياة: راه كنت دويت معاك شحال هادي وقلت ليك ولدي باغيك لزواج .. ونتي قلتي ليا حتى تفكر وخليتك تفكر على خاطرك .. راه ولدي باغيك لحلال
ماريا: ( سكتات كتشوف فيها وكتفكر)
حياة:( شدات فدراعها وبتاسمات ليها بوجه بشوش) بنتي راه متلقايش بحالوو وهوا باغيك كيقول ليها نخلاق .. ونتي عارفاك بنت واعية وعمر شي حد قالها فيك خايية من نهار جيتي لهنا … رزينة وضريفة وبنت الأصل وغزالة كلشي يتمناااك ومنهم ولدي وليا شرف ابنتي تقبلي بولدي لي معمي بيك … انا عند وليد واحد وباغيك نتي مترفضيهش ابنتي
ماريا( بقات كتسمع كلامها لي كتردد فودنها)
حياة: راك بحال بنتي امارياا من نهار جيتي لهناا كنتي تعجبيني وتمنيتك لولدي داكشي علاش كنجي عندك .. هوا مبغاش يجي عندك حتى يشوف واش اتقبلي ولا لاا … دابا اش قررتي تقبلي تزوجي بيه … وتعطيه فرصة؟؟؟
ماريا زكات كدقق فشايفها لي كيتحركوو هزات عينيها وشافت فعينين حياة وعقلهاا غايب عنهاا كيفكر فبزاف ديال حاجات .وكتفكر فكلامهاا بتدقيق..
حياة: الا بغيتي من غداا نجيو عندك وكلشي ايوجد ولي طلبتيها اتنفد راه ولدي كبر وخاصو مرى لي تعمر عليه وتوقف معاه وتشارك معاه حياتوو .. دابا اش بان ليك ؟؟ … اخر قرار قولو لياا باش الا مبغيتيش صافي منوليش نجي عندك مزال .. واخا انا تمنيتك تقبلي
ماريا طلعات نفس حار وحركات شفايفها لي نطقوو بكلمة …
ماريا: هممم …..

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت114::
ماريا:ايكون خير ..
حياة؛ ( بتاسمات) اذن قاابلة ؟؟
ماريا: صراحة معرفتش … باقي مترددة
حياة: ولاكن كاين اماال.. حيت قبل كنتي كترفضي كلياا ( شدات فإيديها) متردديش ابنتي .. كنشوفك شحال من عام ونتي عايشة بوحدك براكة عليك شوفي حيااتك ومستقبالك وجربي إحساس الأمومة .. راه هادا سن زواجك متبقايش حابسة علة راسك ابنتي الحياة راه كتفوت لاهوما تمتعي فيها
ماريا: ( بقات كتشوف فيها وحركات راسها بإيجاب) يكون خير … نخليك داباا انمشي
حياة( بتاسمات ) الله يعاون ابنتي
زادت ماريا لوطو ديالها ركبات وديمارات فإتجاه المحلات ديالها شافتهم كاملين وفطريقها جاها جوع دخلات لسناك وخدات سندويش وكلاتو تما وخرجات فإتجاه البحر … وصلات وكلسات فأحد الكراسة بانت ليها الشيبس وخداتها كتاكل فيهاا …حتى حسات بشي حد كلس حداهاا دورات وجهها وشافت فيه بتعجب! فايت شايفااه او عرفااتوو نيت
الشخص: السلام عليكم…..
ماريا: عليكم السلاام ..
الشخص: ( كيشوف فيها بعيونو السود ) كيدايرا لباس
ماريا( حركات راسها بإيجاب) الحمد لله ..
الشخص: شنو قررتي مزال …فكرتي ؟؟
ماريا:امم … ( شافت فيه ) باقي …
الشخص سكت وبقا كيشوف فيها بعيونو الغامضين …
بعد دقائق من الصمت حسات ماريا بنغزات فكرشها عضات على شفايفها بالوجع
ااشخص: ( دور وجهو وشافها شادة كرشها) مالك ؟؟
ماريا( يلاه بغات تنوض مقدراتش ورجعات كلسات) اكرشي ماعرت مالهااا …
الشخص( وقف وكيدقق فكرشها) واش كليتي شي حاجة ماهياش؟
ماريا:(كتعظ على شفايفها ومغمضة عينيها كتحس بالوجع غادي وكيتزاد ) وااقيلة ….
الشخص:يلاه خاص نمشيو لإرجونص … تقدري تكوني كليتي شي حاجة مسمومة
ماريا بغات تنوض مقدراتش
الشخص: نهزك ؟؟
ماريا شافت فيه وحنات راسها بلاما دوي وهوا فهم راسوو ونزل خشا إيديه تحت فخاضها ودور إيديه على ضهرها وهزها بين عضلاتو المفتولين وتاجه بيها قودام بنادم لي حاضيهم للوطو ديالو.. حطها للقودام قاد ليها السمطة ورجع لبلاصة سياقة ركب وديمارا وزاد فطريق بسرعة ….. وكل شوية كيشوف فمارياا كتوجع وكتنين من ألم بطنهاا
الشخص: صبري احنا قربناا …..
غير وصلو خرج وهزها بين إيديه ودخل كيمشي بزربة خطواتو كانت ضخمة عيط على الفرمليات وجاو هزوها فالبياص مدخلينها وهوا تابعها كيشوف فيها كتوجع ….
ساعة وهوا كيمشي ويجي وواقف قودام المستعجلات كيشوف فضوء حمر امتا يولي خضر … يشوف هنا ولهيه وكانت فكل قنيتة مجموعين الفرمليات لي حاضينو طول الوقت …
الفرملية: يااختي … منين

منين جا هادا منين ؟؟
الفرملية2: انا ادوك ااعضلات سطااوني ياختي …
الفرملية؛ ماعرت هاديك لي مدخلينها شكون هيا ؟؟ تكون زعما ختو ؟؟
الفرملية3: محاالش وشفتيه هازها وكيترعد بالخوف ووجهو مغوووبش .. وكون كانت ختو اتلقاي باه ومو جاو … اما هوا ابوحدو لي هنا
الفرملية2:يااختي الوقفة ديالوو دوب الحجر .. محالش هادا واش مغربي … تلقاي شي إنجليزي ولا ميريكاني
الفرميلة: وااييه مبيناش فيه غير لي جاني فيه مغربي هيا ديك تخنزيرة وحروفو السود …. اما الفورمة وطولة مديال مغاربة….
تحل الباب وهوا مشا بزربة عند طبيب لي تلاقاه
الشخص: كيف بقاات ؟؟
الطبيب: كلات شي حاجة مسمومة ودرنا ليها غسيل المعدة …
الشخص: ودابا ولات مزيان ..
الطبيب: اه مزيان ولاكن خاص تبدا دير تغيطمون باش نحيدو الميكروب نهائيا حيت الا بقا يقدر يدوز ليها لمصران وتما اتكون صعوبة كثرر ..
الشخص:(مغوبش) شحال من حصة اتدير ؟؟
الطبيب: دابا فاش تفيق اتمشي وترجع عندي غدا باش نشوفو واش قضينا عليه ولا باقي خاص نديرو تاني غسيل لمعدة باش نقضيو عليه كلياا …
الشخص: هممم … واخاا شكراا ..
الطبيب: الله يجيب شيفة .. اه وفاش تبغيو تمشيو انعطيك ورقة ديال الوجباات ل خاص تاكب حيت خاص دير رجييم وتبعد على اي حاجة كتضر المعدة ..
الشخص حرك راسو بإبجاب وميل عينيه فاش شافهم
مخرجينها فوق البياص صفرة … ومغمضة عينيهاا تاجه ليها كيشوف فيها كيف دابلة غمض عينيه بشدة وهما جروها مبعدينها ومتاجهين بيها لغرفة ….

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت115::
☀️☀️اصبح الملك لله ولااله الا الله☀️☀️
كالسة ماريا فالكوزينة كتشرب اخر جغمة من الحليب ختاما لفطورها .. هزات دوى وشرباتو ديال ورا الفطور وجمعات الطابلة غسلات الماعن وخرجات من الكوزينة فاتجاه بيت نعاس بان ليها تيلي ديالها فوق ناموسية هزاتو دخلات لبلاصة الاتصالات ولقات بزاف ديال لي زابيل ديال فخر الدين … لاكن ديماا كانت كتخليه حتى كيعيا ويقطع راسوو …وفنفس الوقت لي كتفكر فيه طلعات ليها ابيل ديالو نيت … بقات كتشوف فيهاا وترسم على وجهها علامات الاحتقار ونطقات بهمس
ماريا: باقي عندك الوجه تعيط علياا ….بااز
ختاما لكلامهاا دخلات لنمرتو وبلوكاتها … تاجهات لمجر كتقلب على كارط صغيرة كتحتوي على نمرة غير لقاتها دوزاتها في تيلي ديالها وحطاتو على ودنها كتسنى يتربط الخط ….📞📞📞
ماريا: الووو ….
الشخص: الوو .. شكون معاياا ؟؟
ماريا: انا ماريا … اخالتي حياة
حياة: ااه مارياا كيدايراا ابنتي لباس عليك كلشي بخير ؟؟
ماريا: الحمد لله بخير ونتي لباس ؟
حياة: لباس الحمد لله … اوا اش خبارك محدك عيطتي علياا هيا فكرتي وقررتي واش تقبلي ولا لا ؟؟
ماريا: داكشي … الا كنتي مسالية نتلقاو حسن
حياة: اييه مسالية .. تبغي دابا نيت ؟؟
ماريا: اييه وحد شوية نتلقاو فكافي ( ….) واخا ؟
حياة: واخاا انا شوية نمشي ليهاا نتلقاو تماا
ماريا: واخا الله يعاون …
حياة: بسلامة ..
قطعات ماريا على حياة وتاجهات لبلاكار جبدات سماطي بيض مع سروال تجين وسبادري بيضا جمعات شعرها ديل حصان وقدات وجها خفيف لبساات نضاضرها وجمعات مساىلها فساكها وخرجات من الدار نزلات لتحت خرجات لوطو وديمارات فاتجاه القهوة طول الطريق وهيا كتفكر وتخيط وتفصل ….. كدور عينيها كتبقا تشوف بنتيتات صغار وولاد صغار مع واليديهم وكتبقاا حاضياهم حتى كتطلق الطريق وترجع انضارها لطريق حتى وصلات لقهوة …
دخلات ملقاتهاش وكلسات فطابل كتسنى … حتى بانت ليها مرة مركبة بنت صغيرة قودامهاا دخلات وكلسات وحيداتها من الحمال وكلساتها فحضنها جبدات رداعة وبدات كتشرب فيها وماريا حاضيااها بعينها الخوضر …
افكاار جاو ومشاو فبالهاا
مفايقاتها غير حياة لي وقفاات عليها
حياة: السلام عليكم ..
ماريا( دورات وجهها عندها وسلمات عليها ورجعات كلسات) عليكم سلام ..
حياة( كلسات ) اوا اش خباارك ؟ .. يلاه عرفت من اياس انك كنتي مريضة مقالهاش ليا كاع كن جيت عندك .. .
ماريا: غير ازمة وفاتت … الحمد لله
حياة: الحمد لله … خديتي شي حاجة ؟؟
ماريا: كنت كنتسنا
حتى تجي
حياة: ااه
شيرات لكارسون لي جا خدا طلباتهم ماريا خدات غير الما على حساب معدتها باقا عيانة و حياة خدات عاصير
حياة: اوا اش قررتي مزاال ؟؟ …
ماريا: ( شافت فيها بهدوء) هممم ….

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت116
سالات مع العروسة تخلصات وخرجات هيا والخدامة معاها ركبو في لوطو وتاجهات لدارها وصلات نزلات البنت دخلات لمحال وماريا يلاه بغات تطلع لعمارة سمعات شي حد عيط عليها دورات وجها وشافت اسية وفاتي جايين كيتعوجو عندهاا .. وصلو ليها وسلمو عليها
اسية : كيدايراا امارياا لباس عليك
ماريا:بخيير .
اسية: وشحاال عيطت عليك ونتي والو مكتجااوبيش
ماريا: اكنت مريضى داكشي علاش
فاتي: ياختب عوينة وضرباتك …
اسية:: ههه اديك المرة مرضتي .. وعادوتي ؟
ماريا: اوا انا كرهت … فيها خير وصافي
اسبى: وتعالي نخرجوو .. جينا عندك باش ندورو شوية شحال مخرجنا
ماريا: لقيتيتي نيت خارجة
اسبة: اوا يلاه نمشيو مجموعين
ماريا: لا خارجة مع واخد راجل
فاتي” شكوون ؟؟؟
ماريا: احم … انشاء الله خطيبي …
اسية وفاتي (خرجوو عينيهم فيها مصدوومين ) شنو؟
ماريا:مالكم ؟؟
اسية : واايلي شكون هاد الخطييب … صدمتيني ياااختي
فاتي: واايه … انا جاتني قااصحة شكون هاداا ؟؟
ماريا: هاداك لي كان باغي يتزوح بيا شحال هادي ومقبلتش .. اوا وكتاب اني نقبل بيه
فاتي: يااختي .. صحاب ليا فخر
اسية( شافت فختها بنضرات متغيرين رجعات انضارها لماريا) زربتي ..فزواج مصحباش لياا يجي نهار لي تزوجي
ماريا( طلعات فيها حاجب) مالي اش ناقصني !!
اسبة: ( ضحكات) لاا ماشي هكاك.. اخيت نتي كتقولؤ منتزوجش داكشي علاش ..
ماريا:اوا شحال قدي نبقا بوحدي … معلينا نخليكم داباا
اسبة: واتعرضي عليناا ياك.. ايمتا بعدا الخطبة ؟؟
ماريا: غير نجي من الانجليز ونديروها … واكيد اتكونو فيها
فاتي: ااه اوا هاكاك ههه
اسبة: مبروك عليك اختي.. الله يكمل بالخير
ماريا:امين .. يلاه بسلامة ..
طلعات في العمارة حتى وصلات لشقتها حلات الباب ودخلات لبيت نعاس حيدات حوايجها ولبسات وحدين خرين طلقات شعرها وقداتو واضافت لمسات لوجهها وهيا كتشوف فالمراية نطقات بكلام داخلها …
باركة عليا من الوحدة .. كفاية شحال عشت رابطة راسي بالماضي …. ودوزت سنين حتى وصلت لهاد السن … وحتى حاجة متزادت طول هاد المدة …خاصني نعيش مستقبلي … شحال قدي نبقى ديما بين الحيوطة حتى نمووت … الدنيا راه فانية خاص نعيش فيهاا كيما بغيت … واحسن نتزوج ونخرج راسي من هاد الضلام وهاد الحزن والوحدة … نبني حياة جديدة مع شخص جديد …. ونفكر فمستقياي ونخلي ماضيي لور … العمر كيدووز بزربة وانا بااغاا
( حطات ايديها على كرشها وتذكرات صرخة لي سمعاتها اثناء نومها ولي هيا ( مااماااا ) … بتاسمات )

حتى انا خاص نعيش احساس الامومة .. من ديماا عزيز عليا دراري صغاار .. مخاصش نحرم راسي من هاد الاحساس كثر من هاكاا … صافي فخر مشاا شاف حيااتوو .. واخاا كان عندي امال انو نرجع انا ويااه يومااا مااا !!! …. ولاكن فاش بنى حيااتوو مع بنت خرى وايتزوح بيهاا …
. حيااتي مرخيصااش علياا باش نربطها بشخص …

تتمة …
ماريا: همم … انا قابلة نتزوج بولدك …
حياة( عينيها وسااعو ) بصححح … ( بتاسماات بفرح) الله على خباار واخييراا قبلتي ( شدات فايديها موركة عليها) ايااس غادي يفرح بزااف من هاد الخبر … شحال وهوا كيتسناه
ماريا( بتاسمات ليها) … المكاتيب …
حياة: اش غير رايك اا ؟؟؟
ماريا: غير مبقيتش باغا نبقا بوحدي .. وفكرت فكلامك وعاد اياس عرفتو شخص مزيان ووقف معاياا فالمحنة ديالي … وهتم بيا ودار لي عليه وكثر … داكشي علاش
حياة: يااه ابنتي فرحتيني … مبرووك عليكم من دابا… اندير لبنتي وولدي احسن عرس
ماريا؛ لا مبغيتش العرس
حياة( وسعات عينيها..) وعلاش ابنتي ؟؟ … راه اوليد لي عندي بغيت نفرح بيكم بزوج ونشوفكم فعرس وااعر
ماريا: هادا شرطي … انا مبغاش العرس …
حياة: اواا ؟؟؟!! وشنو انديرو ؟؟
ماريا: ( بهدوء) انديرو لاكط ومن بعد حفلة صغيرة صافي
حياة: همم … احفلة صغيرة .. لموهيم داكشي بيناتكم امحدك قبلتي هادا نهار لكبير .. راه اياس زرباان وشحال وهوا يتسنى فيك
ماريا: اوا لي غادي نديرو .. انا انسافر نمشي لانجليز ناخد وراقيا لي خاصني للاكط وديك ساعة نوجدو العقد
حياة: احسن حاجة اديري هيا متعطليش الزواج .. مكيكونش مزيان .. ونيت باش دغياا تجمعوو
ماريا: حتى انا صافي مبقيتش باغا نعيش بوحدي … لموهيم غدا انشاء الله انمشي الا كتاب
حياة: اتعطلي تماا ياك ؟
ماريا: على حساب ….
حياة:اوا صافي …. كنفكر افرد فعل اياس … (بتاسمات) الفرحة مغاتقدوو
ماريا: ولدك مزيان داكشي علاش قبلت بيه .. ونتمى مندمش ..
حياة: مغاتندميش هوا مخايخصصك من اية حاجة لي بغيتيها اتلقايهاا …
ماريا( اصلان هيا بخيرهاا مكيهوموهاش المديات ) ايكون خير ..
سمعات تيلي ديالها كيصوني جبداتو ولقات وحدة من الخدامات عندها .. ربطات الخط
ماريا:الوو … وي …. شكون هادي ؟… بغاتني ضاروري انا خدمو ليها نتوما … ااه اوك .. وجدو داكشي لي يخص .. شوية نكون عندكم… يلاه بسلامة
حياة:خبار الخير
ماريا:اجاتني خدمة خاصني نقديها دابا ..
خياة: ااه واخاا الله يعاون …
ماريا(وقفات وسلمات عليها) خليتك على خيير ..
خرجات ماريا من القهوة ركبات فلوطو ديالها وفطريقها شرات تذكرة لانجليز وتاجهات لمحال ديالها وصلات لقات البنت واجدة هزاتها مغاها ومشاو لعرس لي كتسناهم فيه العروسى باش تصيب ليها مارياا …
وصلو لقاعة بعدما هنءات ماريا لعروسة بدات كتقاد ليها وجهها حتى صونا تيلي ديالها هزاتو ولقات ( اياس) ربطات الخط .. 📞📞
ماريا:الووو
اياس:الوو ماريا لباس ؟؟
ماريا:لباس الحمد لله … ونتا ؟
اياس: بخيير كيف بقيتي

شوية ؟
ماريا:الحمد لله …
اياس:(بصوت رجولي خشن) احم .. الا بغيتي نتلقاو ونتغداو بزوج ؟؟
ماريا:(شافت فساعة لقاتها 12) همم .. واخاا مي خدامة داباا ..
اياس:معاش تسالي ؟؟
ماريا(هيا اصلان يلاه بدات ) همم ديك ساعة ونص
اياس: ااه واخا …
ماريا: لموهيم راه نسالي نعيط ليك ..
اياس: اوك واخاا ….
ماريا: يلاه بسلامة …
قطعات ورجعات كتقاد لعروسة وجهها …
👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت117::
☀️☀️أصبحنا وأصبح الملك لله الحي القيوم ☀️☀️
ماريا خارجة من الشقة ديالها جارة باليز وهازة ساك صغير فوق كتافها ونضاضر فعينيها … سدات الباب بساروت وتاجهات لسانسور حتى سمعات تيلي ديالها كيصوني جبداتو من الساك وربطات الخط 📞📞
ماريا: الوو …
اياس: صباح الخير ماريا … كيف صبحتي
ماريا: الحمد لله بخير ونتا لباس ؟
اياس: بخير … انا لتحت كنتسناك
ماريا( بتعجب) علاش ؟؟
اياس: باش نوصلك لمطار ..
ماريا:ااه ..كعما قلتيها لياا
اياس: قلت نفاجئك .. يلاه واش نزلتي ولا مزال ؟؟
ماريا:هاني نازلة فسانسور ..
اياس: يلاه واخا
قطعات عليه لما شافت سانسور وصلها تحل الباب وخرجات الباليز وهيا تشوفو واقف فباب العمارة غير شافها زاد بخطوات عندها طالع فدروج وهيا وقفات كتشوف فيه غير وصل عندها قرب لحنكها وبشفايفو باسها فكل من خدودها بزوج حتى كتمسع وشاف فيها بعيونو المجبدين
اياس: مشيناا ؟
ماريا باقا مدهشرة .. حدها هزات راسها بايجاب وهوا مد ايديه خدا الباليز من عندها وزاد سابقها وهيا وراه تابعاه حط باليز في الكوفر ورجع كلس القودام كانت هيا كلسات … ديمارا لوطو وتحرك فطريق ….
اياس: عندك عائلتك تما اتبقاي عندهم ؟؟
ماريا: لاا معنديش .. انبقا غير فاوطيل
اياس:( خطف نظرة منها) ااه … معرفتيش شحال المدة لي اتبقاي ؟
ماريا : لاا …
كتشوف فطريق وهوا كيسوك طاير فيها ويدخل ويخرج من هناا خالعهاا …. لاكن هوا كالم حاط ايديه على شرجم وبيها كيتحكم بالفلون ولخرة حاطها فوق بواط دوفيطاس ومركز مع الطريق اما ماريا ركب فيها الرعب كتشوف طونوبيلات حتى كيقربو يدخلو فيهم وكيسلت منهم بخفة … حتى للحضة كان ايدوز بجنب وحدة لي كانت قريبة ليه وكانت اضربو وهوا دغيا سلت منهاا وكسيراا وخلا لخرى كتكلاكسوني بجهد …وهوا عادي مكاالمي وفنفس وضعيتوو … اما ماريا فوسعاات عينيها وبدات اكدور فيهم بالخلعة …. شاف فيها ورسم ابتسامة جانبية
اياس: اولفي .. هادا سوكاني ..
ماريا( شافت فيه موسعة عينيها) كتسوك بزربة ..
اياس: مولف .. منقدرش نسوك بشوية …متخافيش راه معاك سوااك … ودابا واباقي متبت( شاف فيها وغمزها) حيت معايا خطيبتي
ماريا شافت فيه بنص عينيها وسرطات ريق ورجعات انضارها لطريق غير متبعاا سوكانوو لي كيجيهاا زااعم وبزاااف
اياس: واش بغيتي حتى تجي ونشريو الخاتم ؟
ماريا: اشريه نتا … ماشي موشكيل حيت فاش انجي اندفعو الوراق ياك
اياس: اه دغيا يوجدو .. وعلاش لي منديروش لاكط فالفيلا عند واليديا ؟

ماريا:( شافت فيه) محد انكونو غير حنا لاداعي
اياس: همم .. شكون ايكون حاضر معاك ؟
ماريا: غير صحاباتي صافي ونتا ؟؟ اتعيط على عائلتك ؟
اياس: . لاا .. غير واليديا عائلة حتى لحفلة حسن .. شحال يقدك فالوقت باش توجدي راسك ؟؟
ماريا: ماعرفتش
اياس: انا باغي غير ايمتا نتجمعو وكولما كان مدة قليلة احسن
ماريا: انا عادي عندي ..
اياس: تقدك سيمانة ؟؟
ماريا: ( وسعات عينيها) لاا 15جوغ واخاا ..
اياس:مقلتي عيب .. نيت فاش ترجعي تشوفي الفيلا وختاري الفراش ليها
ماريا: على نتا باقي مفرشيتيها ؟
اياس: لا مفرشة غير لا بغيتي تبدلي شي حاجة فيها
ماريا: اوك حتى نشوفها … ( شافت فيه ) بعدا اش خدام نسيت ..
اياس: كنبيع طوموبيلات …
ماريا: ااه مزياان …
بعد دقائق وصلو لمطار … بلاصا لوطو ونزل هوا لول حل الكوفر وجبد الباليز وتاجه عندها وهيا واقفة فوق طريطوار ..حط الباليز بجنبها ووقف كانت واصلة ليه لتحت كتفو ومع هوا مكظر وطويل كيبان ضخم قودامها وعضلاتو ايقطعو التريكو … قرب ليها وباسها فجنب فمها بشوية وبعد وابتسامة خفيفة على شفايفو
اياس: .. طريق السلامة .. وفاش توصلي عيطي عليا ..
ماريا( بقات كتشوف فيه ولا كيزرب عليها حتى كيخليها مدهشرة .. هزات راسها بإيجاب ) واخاا
اياس( حط إيديه على كتفهاا كيشوف فيها بعيونو السود ولي ضربات فيهم الشمس وولاو صاطعين بخطوط بنية ) انتوحشك ..
ماريا بقات اكتبقلل مركاات مقدات حتى تشوف فعينيه مزال وحنات راسها راجعة بخطوات لور حدها قالت بسلامة ودارت داخلة لمطار ..

تتمة..
بعد ساعات نزلات طائرة فمطار انجليز .. خرجات ماريا وقدات جميع مسائلها وخرجات شدات طاكسي فإتجاه الاوطيل وعينيها كيحققو فكل البلايص اخر مرة جات لهاد المطار بالضبط كانت فعمر 18عام … وكانت باغا تمشي لمغرب باش تاخد ورثها وتبدا حياة جديدة ودابا نفس شيء جاية باش تاخد وراقيها وتبني حياتها الجديدة ..
وفطريقهاا دازت من شارع كان مألوف ليهاا بزااف … وهيا كلما كتقرب كتبداا تذكر … حتى وسعات عينيها لما جاو انضارها مع عمارة عالية غير قربو ليها وهيا تغوت …
ماريا:وقففففف ….
دار شاف فبهاا بتساؤل ؟
الشيفور:نعام ؟؟
ماريا(حلات الباب ونزلات) تسناني ..
تمات غادو فإتجاه العمارة كتحقق فيها كتدور عينيها فالمكان …
هادي هيا البلاصة اااه هياا …. هنا فين تزاديت ووليت بنت ستيفن وحنان … وهنا فين تيتمة .. ووليت بلا واليدين … ( هزات عينيها فشقة ديريكت فين كانت ساكنة) ااه هياا هادي ….
تندهات لما تذكرات اليوم المشؤووم وهيا جاية كتشوف فالإسعافات حتى تصدمات كتلقى واليديها ميتين … غمضات عينيها بألم وجمعات إيديها قبضة كاتمة الكثيير من الاحاسيس …..
مفيقها من افكارها غير صوت الشيفور
) ختي راه خاص نمشيو … )
بقات كتشوف لثواني فالعمارة ودارت فإتجاه الطاكسي ركبات ووجهاتو لريسطو …. وصلات ليه وهزات الباليز ديالها وخرجات فإتجاه الريسطو لي كتحقق فيه .. دفعات الباب ودخلات وعينيها كيديرو فالمكان كتشوف ناس داخلين خارجين والسرباية غادين جاين كياخدو طلبات ويقدمو الأكل لزبائن … زادت بخطوات كتمسع صوت مرأة كتوبخ فشي حد .. قربات كثر وكثر وشافت سرباي واقف حاني راسو وقودامو مرة من شعرها الأبيض باينة كبيرة فالسن ….كالسة وعاطياها بالظهر … قربات ليها كثر وكثر حتى شافت جنب وجهها ..غير حسات بيها المرأة ودورات وجهها شافت فيها بتساؤل ؟
المرأة:اش حب الخاطر ؟؟
ماريا بقات كتشوف فيهاا لثواني…. وكتحقق فتفاصيل وجهها …
المرأة( شيرات لكارسون باش يمشي ورجعات انضارها لماريا) مدموزيل ؟؟ بغيتي شي حاجة ؟؟
ماريا:( بصوت متقطع) لا .. مبغيت والو ..
المرأة: كيما كتشوفي هادا ريسطو .. بغيتي تاكلي شي حاجة ولا شنو ؟؟
ماريا:( حركات راسها بنفي ..وبدات كدور عينيها فالريسطو) لاا … اكنشوف شنو تزاد فالريسطو …
المرأة: ( بتاسمات) ااه كنتي كليانة هنا ؟؟ معقلتش عليك ؟
ماريا( شافت فمرأة بنضرات هادئة) لاا … مكنتش كليانة … كنت بنت صاحب الريسطو … داكشي علاش كنشوف شنو تغير فيه ..
مرأة ( وسعات عينيها ووقفات بصدمة) نتي …
ماريا( بتاسمات بإستهزاء فاش يلاه شافتها عرفاتها هيااا …. ولاكن بغات

ولاكن بغات تخليها تعرفها بلاما تجيها ديريكت) … غيرتي بزااف فريسطوو أأليزياا ..
أليزياا( وجهاا تخطف) … واش نتي …
ماريا: ( شافت فيها بنضرات هاني كيولييت … وفعلتكم منسيتهاش) اييه انا مارياا بنت ستيفن … جاتك عجب
أليزيا( مدهشرة ونطقات بحروف متقطعة ) .. ن تي ما رياا … ك يفاش … في ن كن تي ؟ ها د سني ن كاملة
ماريا: صحاب ليكم مت ولا شنو …
أليزياا( بغات تقيسها وماريا رجعات بخطوة للوراء مشمئزة منها) مارياا … عمك .. عمك شحال وهوا يقلب عليك …
ماريا: ( ضحكات بإستهزاء) ههه زعما انتيقك ..انا غير جيت نشوف تمارة باا فين وصلات … وبإيدمن هياا
أليزياا: ماريا والله مكنكذب … راه عارفة عمك اش دار ..
ماريا( حبستها قبل متكمل) ماشي عمي هاداك … ولا كنعرفوو
أليزيا: سيري شووفيه راه هاد سنين كااملة وهوا كيتسنااك وكيقلب علييك عارفاك حاقدة علييه .. ولاكن الطايش وميدير
ماريا: ( بإستهزاء) يااه أليزياا ولات كتدوي بلطافة اش جااك…
أليزيا: راه كبرناا وطيش لي كنا فيه حيدنااه … سيري شوفي عمك شحال وهوا يتمنى يشوفك …وكل نهار كيتحسر انو خلاك تمشي .. حيت معرفك ميتة ولا حية ولاكن فاش كبرتي ( طلعاتها ونزلاتها) وباقا بصحتك وكتباني بخيير غادي يفرح بزااف
ماريا: على انا مهتمة يفرح ولا لاا … مكيهمنيييش
زادت بخطوات باغة تمشي حتى تبعاتها اليزيا
اليزيا: ماريا هاكي هاكي … ( وصلات ايها ومدات ليها كارط ) خودي … وسيري شووفيه عفااك … غير شووفيه راه سنين وهوا يتمنى هاد نهار
ماريا نزلات عينيها لكارط وبقات كتشوف فيها وزادت بخطوات متجاهلة الأمر وتبعاتها اليزيا وصلات ليها وحبسات عليها الطريق شدات فإيديها وحطات فيها للكارط
اليزيا: عفااااك
ماريا: واليديا فين قبرهم ؟؟
اليزيا:( عطاتها سميت المقبرة ) صافي اتمشي عندوو ؟؟
ماريا كمشات الورقة فإيديها وزادت غادة مخليااها كتشوف فييهاا حتى شدات طاكسي وركبات …
👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت118
وصلات لاوطيل خدات سوارت ديال غرفتها وطلعات ليها فسانسور .. دخلات وحطات الباليز فوق ناموسية حيدات صباطها وجبدات فوطة ومسائلها ديال الدوش وتاجهات ليه .. تجردات من الملابس ووقفات تحت رشاشة كتخلي الما يلامس جسدها الأبيض باغا ترخي نفسها لاكن عقلها كيفكر فبزاف ديال حوايج وخصوصاا فليلة المشؤومة او نوايا عمها باش يعتدي عليها خربقووهاا وخلاو ديك ذكرى كتعاود فعقلهاا بدون توقف ….. وتساؤل واش تمشي تشوفوو ولا لاا … اش غادي يتزاد ولا ينقص الا شافتو ؟؟ … حاارت وغمضات عينيها كتنسي فراسها وكتهز راسها حتى كيتقابل وجهها مع رشاشة باش يشتت تفكييرهاا … وترجع تحني راسهاا باش يفزك شعرهاا حتى رتاحت نسبياا هزات شامبوان غسلات شعرها ودوزات على لمحها صابون وخرجات لاوية عليها فوطة كلسات فوق ناموسية ونشفاات شعرها بشيشيوار جبدات بيجامة حد الركبة سماطي وتخشات فناموسية جرات عليها الغطاا وغمضات حتى غفات عينيها ….
بعد ساعة فاقت وهزات تيلي عيطات على المسؤولين على الغرف يجيبو ليها متاكل … جبدات تيلي ديالها وخدمات نمرة وعيطات على اياس .. كتنسة يتربط الخط وهيا متكية كتشوف فسقف 📞📞
اياس: الوو …
ماريا: الوو اياس ..
اياس: مارياا .. كيدايرا لباس عليك وصلتي على خير ؟
ماريا: وي بخير .. راه يلاه فقت
اياس: ااه مزيان رتاحيتي شوية ؟
ماريا: وي الحمد لله .. اش خبارك ؟
اياس: لقيتيني عند مول الخواتم كنختار بغيتي نصيفط ليك تشوفي ؟
ماريا: بلاش اختار لي عجبك … راه رقمي هوا ( ) صافي
اياس: واخا … اوا كليتي شي حاجة ودواك كتشربيه
ماريا: يلاه ايجيبو ليا مناكل .. ونشربو
سمعات صونيط وناضت
ماريا: انا اناكل دابا يلاه نخليك
اياس: واخاا بصحة وراحة ..
قطعات عليه ودخلات الماكلة كلسات فوق فوطاي وبدات كتاكل وكتفرج حتى كملات .. ناضت لبسات سروال كحل مع تريكو وسبادري طالعة بيضا جمعات شعرها ديل حصان وقدات وجهها شوية هزات ساكها ودارت نضاضرها وخرجات من اوطيل …
بقات غادة وكتفكر فين اتمشي … حتى بان ليها طاكسي شيرات ليه وبقات كتشوف وتفكر حتى سمعاتو كيسولها فين باغا تمشي … نطقات بتردد للمكان لي فكرات تمشي ليه ….
وطول الطريق وهيا حاطة راسها غلى زاج وكتشوف فطريق وناس لي جاوها متغيرين واخا هنا بلدها ولاكن عتابراتو غريب عليهاا …
موعات براسها حتى وقف طاكسي ودار شاف فيها وعلمها بلي وصلها.جبدات فلوس من ساكها وعطاتهم ليه ونزلات منو كتشوف فالمكان فين هياا … طلعاات شهييق حار وتمات داخلة حتى وصلات لإستقبال

ماريا: سلام ختي ..
السيدة: سلام ..علامن كتسولي
ماريا:على ….

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت118::
ماريا: على ماكس سانتوس
السيدة:واخا وحد دقيقة ..
بدات كتقلب فالحاسوب حتى لقااتو ..
السيدة: راه فطابق 2 الغرفة 12 اتلقايه فسرير 3
ماريا: ااه صافي شكراا …
زادت ماريا طالعة فالدروج وكتفكر .. واش تراجع .. ولا تواجهو بعد هاد سنين كاملة … لاكن ملقات راسها غير واقفة قودام باب الغرفة طلعات شهييق حاارة وهزات راسها لفوق وحلات الباب دخلات ولقات اشخاص متكين وفإيديهم سيروم ومن وجههم كيبان المرض … قربات لسرير الثالت كتشوف فراجل كبير فسن ناعس على جنبو وكيشوف فشرجم … زادت قرباات حتى بدات كتبان ليه فجنب عينيه..ميل عينيه وشاف فيهاا لثواني وهيا واقفة كتشوف فيه وملامحها خالية من اي تعبير … فقط كتشوفو شحال تبدل .. ولا وجهو صفرر وكااشف وتحت عينيه زرقق وفمو كذالك ووجهو كلو مكمش … حيد جهاز تنفس
ويلاه بغا يدوي شداتو الكحبة
ماكس: كح كح كح كح …. ( شد فصدرو ) كح كح كح …. ( شير لماا ) كح كح كح .. ع طي ني ال ماا … كح كح كح كح
ماريا بقات واقفة فبصلاتها كتشوف فيهم كيزرااق ومقدرااتش تحرك مبلوكية فبلاصتهاا وحواجبها معقودين
ماكس: ح كح كح كح .. ع فا ك … ع طين ي ال ماا …
سمعاتو فرملية لي كانت فغرفة وجات كتجري عطاتو يشرب ودارت عند ماريا
الفرملية: علاش معطيتيهش يشرب ..؟؟
ماريا مقدراتش حتى تجاوبهاا …
شرباتو ووقفات كتشوف فماريا
الفرملية: واش جيتي عندو ؟؟
ماريا(شافت فماكس لي كيشوف فيهاا ورجعات انضارها لفرملية ) وي …
الفرملية(تعجبات) شحال مجا عندو شي حد ؟ شنو كتجيه ؟؟
ماريا: مكنجيه والو .. ( خطفاات نضرة منو) شنو المرض ديالو ؟؟
الفرملية: جاه سرطان فالرئة .. ووصل لحالة لخرة ديالو مبقاش عندو امال يتعالج
ماريا وسعات عينيهاا … وشافت فماكس لي غمض عينيه وحاط ايديه على صدرو .. دارت ليه الفرملية جهاز تنفس وخرجات وماريا بقات واقفة كتشوف فيه بعويناتها الخوضر .. معرفات تحزن ولا تشفى .. معرفات تدعي ليه بالشفى ولا تقول راه يستاهل
.. تاجهات ليه ووقفات جنبو غير حس بيها حل عينيه بشوية وشاف فيها بنضرات وبحركة بإيديه .. علاش جاية عندي ؟؟
حققات فيه شوفة ونطقات بصوت خفيف بينها وبينو
ماريا: معقلتيش علياا ؟؟ …. انا ماريا بنت ستيفن ..
بداو كيوساعوو عينيه بشوية بشوية وصدمة ستقرات فملامحوو …. حيد جهاز تنفس على فموو ونطق بصوت متقطع
ماكس: ما .ريا …. ها دي نتي ..
ماريا: للأسف … جيت نشوف فين وليتي … ساااعة ..
ماكس: (عينيه تغرغرو بالدمووع ..) سن ين وانا كنت سناك … سني ن وانا

سني ن وانا كنتمنى نهار. لي نش وفك فيه قبل منموت ..
ماريا بدون جواب فقط كتشوف فيه وهوا كينطق بزز
ماكس: (حط ايديه على صدرو )كح كح كح … ايامي معدو دة … ( شاف فيها بعيونو الحزينة والدابلة والدموع نازلين منها) .. سمحي ..ليا .. عفا ك لما سم حي ليا على لي درت فيك … وخ ليني نم وت وانا مهني … شح ال قلبت عليك غير باش نطلب منك سما حة … على داك نهار … كنت سكران ومواعيش براسي … كح كح كح كح كح…. وتنادم معا يا الحال … ولاكن طمع .. حكم ني … كح كح كح كح … ( رجع الاوكسيجن لفمو باش يقدر يدوي وهوا كيشوف فيها كيف شي جماد ) عفا ك لما سمحي ليل .. ذنبي هاني ..خلصت و فصحتي … عمري ندمت .. على شي حاجة… كح كح كح … قدما ندمت .. على الفعلة .. لي درت فيك … ولاكن … كح كح كح كح … مرتي .. مرتي هيا لي خرجات عليا …. وطمعاتني … حتى خديت .. كح كح كح…. ليك رزقك … وها هيا خداتو لياا …. كح كح كح …. سمحي لياا راه مبقا ليا والو … ونتبع خوياا … ها عاار باك … لي في القبر …. لماا سمحي لهاد الراجل لي كلاه المرض …. وولات رجل عندي فالدنيا ولخرة فلاخرة ….. كح كح كح كح كح …. سمحي لياااا … امارياا … انا ندمااان …على لي درت فيك …. وبقيت ندمان .. طول عمري …. سم حي ليا … كح كح كح كح كح كح كح

👑👑لن أهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت119::
بقات كتشوف فيه لثواني … كلمااتو وماضيهاا ومعاناتها … دازو بين عينيهاا … هزات راسهاا كتحاول تحرر من نضراتو لي كيشوفو فيها بطلب برجااء لمسامحتهاا …..
واش نسمح ليه ؟؟؟ …. نسى كل مدار فياا ؟؟ نسى انو كان ايغتاصبني ؟؟؟ نسى انو كلا ليا رزقي ؟؟ خلاني بلا حنين ولا رحيم ؟؟؟ طمع فيا وستغلني ؟؟ خلاني مليوحة فدار الأيتام ؟؟؟ ……
ومفكرش فبنت 10سنين
ولاكن هاهوا خلص ؟؟ جابها فصحتو ؟؟؟ ربي خلصوو على لي دار فياا ؟؟ فدنيا قبل لاخرة …
شافت فيه ولقاتو شاد فجهاز تنفس لي فمو وكيشوف فيهاا ودموع نازلين فخدودو المكمشين …
طلعاات نفس حااار وتاجهات مقربة عندوو وعينيها فيهم لمعة …
قلبها الحنين شفق عليه …رغم عقلها لي رافض يساامحوو .. ولاكن قلبها صافي كصفاء السماء… وعمرها تشوف واحد محتااجها ومتعاونوش … واخاا طلبهاا غالية … المساامحة على معانات على الألام لي تسبب فيهاا … لاكن قررات تسامحوو … شكون هياا لي متسامحش ومتغفرش الأخطاء لي كيطراو فتهور فطيش بدون وعي … هيا غير انساان وإنسان خاصو يكون متسامح .. حيت ربي … ربي وكيساامح الأخطاء غير خاص يشوفك ندمان وتاايب على فعلتك.. وهادشي لي شافت فوجهو فكلامو فدموعوو …
غير وصلات ليه وشافت فيه بنضرات هادئة وبإيديها طبطبات على كتفوو ونطقات بصوت خفيف
ماريا: الله يسامح ….
ماكس وسع عينيه ممتيقش هدرتهاا حيد جهاز تنفس على فمو ونطق بصوت متقطع
ماكس: سم حتي .ليا ..
ماريا( طبطباات على كتفو وحركات راسها بإيجاب كتأكد ليه بلي سامحاتو) ااه سامحتك … الله يجيب ليك شيفة
رجعات بخطوات وخلاتو حال عينيه فيهاا مصدووم حتى تسمعات فالغرفة صوووت مجهد انو واحد من المرضى حيااتوو فخطر.. دورات وجهها وهيا تشوف فشاشة لي بجنبوو ولقات خط واحد شافت فيه ولقاتو حال عينيه على وسعهم وكيشوف فيهاا والإبتسامة مرووسمة على وجههو … بقات مبلوكية بلاصتهاا محسات غير ضربات بكتف فرميلة وطبيب لي جايين يشوفوه غطاو بلاصتوو وكتسمع غير صعقاات لي كيدارو ليه وهيا واقفة بلاصتهاا غير كتشوف فالستار الأبيض ووجهها خالي من أي تعبير … بعد دقائق حلو الستار وخرجو حانين راسهم … فهمات فالبلاصة انو صافي ماات … فاارق الحيااة ….
محسات غير بإيد الفرملية تحطات على كتفهاا كطبطب عليه
الفرملية: باركة فراسك …
زادت وخلاتهاا مصدوومة بلاصتهاا متنكرش انو بقاا فيهاا… زادت بخطوات وشافتهم مغطين ليه وجههو … مقدراتش تمشي تشوفوو
ومن قساوة المشهد لي شافت دارت وخرجات من الغر

الغرفة وقلبها مزير عليهاا وكتطلع نفس بزز وتنهد حتى خرجاات لبرااا وهزات راسهاا كتستنشق الهواا وشي حاجة واقفة فحلقها حابسااهاا …حتى كلسات فدروج جامعة رجليها عندها دموع مجموعين فعنيها ولاكن مبغات تنزل حتى دمعة … حدها نطقات بصوت داخلي
.
مات الماضي ديالي …. حتى حاجة مغاتبقا تربطني بيه … باش نعيش مستقبلي ….. ( هزات راسها لسماا ) الله يرحمو ويغفر ليه …. انا مساامحاه .. باش متبقا حتى حاجة تفكرني فالماضي وتعدبني ….
إنتهى الماضي … إختفت الذكريات المؤلمة معه … سأعيش حاضري ومستقبلي … كما اريد …
لاكن!!؟؟ واش تقدر تنسى الماضي ديالها خاصة وفات الوليدين … ابدااا …. ابدااا لأنهم ديما ايبقاو فقلبك .. ااه متنكرش سامحاتو على لي دار فيهاا … تقدر تنسى انو بغا يتعدى عليها وكلا ليها زرقها … لاكن جامي تنسى راسها انها يتيمة … وحيدة … بلا واليدين … وهادي لي اتربطها دائما بماضيهاا القاسي ….

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت120:::
بعد مرور اسبوع 🔚🔚🔚 …
ماريا فداك نهار مشات لمقبرة شافت قبر وليديها بزوج .متنكرش انو دموع نزلو من عينيها لأنها عمرها شافت قبرهم … دوات معاهم وخوات قلبها عليهم ومشات بدات كتقاد وراقها لي تمحنات عليهم ونهار لخر دوزاتو دارت شوية ورجعات لمقبرة شافت واليديها وفليل كانت عندها طائرة … رجعات هزات باليزتها وتاجهات لمطار وكان طول المدة على إتصال بإياس وعلمها بلي أيتسناها فالمطار فاش تجي ….
وصل وقت الإقلاع وتاجهات الطائرة للمغرب طول الوقت ماريا اناعسة كترجع نوم لي مرتاحتش فيه هاد ليام .. حتى وصلات لمغرب او بالضبط دار البيضاء … خرجات من المطار وشافت اياس واقف بجنب اللوطو مكروازي رجليه مربع إيديه وعضلاتو مفتولين باينين من قميجتو ونضاضر كحلين على عينيه … غير بانت ليه بتاسم بجنب وزاد متاجه وبميشتو كيتمختر عندها وهيا واقفة فطريطوار كتشوف فيه .. غير وصل عندها عنقها بإيد وحدة لي دارت على كتافهاا ونزل راسو قبل خدها ..
اياس: على سلامتك ..
وبإيد لخرى خدا الباليز من إيديها وداز لجنبها معنقها بإيد لي حاطها على كتفها مقربها ليه وزاد غادي بيها لوطو وهيا مدهشرة من هاد زربة ديالوو . يلاه هزات راسها شافت فيه هوا يميل عينيه السود لي بضوء الشمس بانو مارو … وبتاسم بجنب
اياس: توحشتك
ماريا توترات ورجعات شافت قودامهاا بتاسم على خجلهاا ودور وجهو باش ميحرجهاش …
وصلو لوطو وحل ليها الباب دخلات وسد الباب وزاد متاجه لكوفر حط الباليز وركب بلاصتو
اياس:( خطف نظرة منها وهيا كتشوف فطريق وكيف ديما مخلوعة من سوكانوو لي طاااير وزااعم) اوا لباس عليك …
ماريا(شافت فيه بعيونها الخوضر) الحمد لله .. ونتا لباس عليك ؟
اياس:( بصوتو الحرش) الحمد لله … غير بقات بلاصتك خااوية … ولاكن هانتي رجعتي باش تولي مرتي
ماريا بتاسمات ليه بخفة و حنات راسها كتفرك فإيديها بتوتر باقي مزعمااتش عليه باش تجابو فبحال هادشي واخا خيا مكتبادلوش نفس شعوور نهائياا لاكن هيا فقط باغة تزوج باش تبعد على الوحدة وتنسى همومها وتبدا حياة جديدة ليها وكلشي ايتغير من بعد …
اياس: اري ليا الوراق باش نديهم العدول ..
ماريا:( كانت حاطاهم نيت فساك جبداتهم ومداتهم ليه) هاكا .. ايمتا ايوجد ؟
اياس: ديك يوماين انزيرو باش يزرب عليه ..
ماريا: همم وكيما قلت راه انديروه فداري
اياس: صافي لي بان ليك … غدا تبغي تشوفي فين اتسكني .. ؟
ماريا: هممم يلاه هاد يوماين نوجد راسي
اياس: صافي اي بان ليك … ( حنحن) والصداق شحال بغيتي فيه ؟

ماريا: ( شافت فيه ) هممم … لي بغيتي معنديش موشكيل
اياس: انعطيك 3مليون باش توجدي راسك مزيان .. عاد الجهاز
ماريا( وسعات عينيها) هممم … بزاف لاا ؟؟ !! نتا عارفني مخاصنيش الفلوس
اياس: عارف … ( وقفو فسطوب .. وهو يقرب إيديه وشد فإيديها حتى شابكهم وطلعها لفمو باسها)
مالك رخيصة عندي … الا طلبتي كثررر تستااهلي …
ماريا( تزيرااات وشافتوغيه بنص عين)همم .. صافي لي بان ليك .. معنديش موشكيل
اياس:( رجع باس إيديها وكيحقق فيها خيت اول مرة ايشد فيها واتجيه فرصة يشبع عينيه بشوفة ايديها وضفارها المصبغين بالغوز بارد) .. همم ايديك زوينين …
ماريا شافت فيه وهوا كيبوس فإيديهاا وكيشم فريحتهم كانت دايرة ايهم كريم خلاوه يبوس ويشم ويعاود حتى تطلق ااضوء صحاب ليها ياطلق منهاا ساعة شابك إيديها مع إيديه وبدا كيصوك بإيد وحدة فالفلون وفبواط فيتاس بزوج وإيديه حطها بجنب صدرو …. اما مارياا حشماات ورجعات كتشوف فطريق مقدراتش مزال تشوف فيهةكتحس غير بصدرو لي كيطلع وينزل صافي وبوساتو لإيديها كل شوية حتى وصلها لعمارة .. بلاصا لوطو وشاف فيها وهيا كتحيد السمطة
ماريا: يلاه بسلامة خليتك على خير…
يلاه بغات تحل الباب لقاتو مسدود ودارت شافت فيه زعما حل لياا …
اياس( شاف فيها بنضرات زعما منسيتي والوو )
ماريا( بقات اكتبقلل فيه مفهماتش نضارتو مزيان وطلعات حاجب زعما مالك) .. حل !!؟؟
اياس:( قرب ليها وقبل خدها ببوسة لي كتسمع ) .. داباا اه …
( بعد وورك على الزر وتحل الباب وشاف فيها زعما فهمتي )
ماريا مركاات وحدها قالت بسلامة وحلات الباب نزلات …. باقا مقدراتش تزعم عليه وكتحس براسها فشكل فاش كيقيسها وكيبوسهااا .. واخا هوا خطيبها وبعد يوماين ايولي زوجها باقاا كتوتر فقربوو حيت مكانتش مدة طويلة ديال تعارف باش يتحيد الحواجز بيناتهم او بمعنى باقي قلبها مع شخص اخر …
واخا كتحاول تنسي الأمر لاكن بعد ذكرايات ديما مرافقينهاا ….
تتمة الجزء
بعد مرور يوماين 🔚🔚
ماريا فهاد المدة وجدات راسها جابت مي مينة لي خملات ليها دار كاملة دوات مع طريطور على الماكلة ووجدات قفطانها وعاد تقدات تخربيق لدار .. عيطات على اسية وخبراتها بلي تجي هيا وختها لخطبتها وتصدمو بهاد زربة ديالهاا ….
كالسة فالبيت نعاس كتقاد وجهها ومي مينة حداها لابسة قفطان وكالسة كتشوف فيهاا
مي مينة: واش متأكدة من قرارك امارياا …
ماريا:( كتقاد عينيها) مي مينة .. شحال من مرة سوليتيني هاد سؤال فهاد يوماين ( شافت فيها) ااه متأكدة شحال قدي نبقا عايشة بوحدي .. شفتي اخر مرة غير مرضت وفين وصلات بياا حيت بوحدي … ( رجعات كتصايب وجهها) وزواج ماشي شي حاجة صعيبة … محدو هوا كيبغيني راه حتى انا …( مقدرااتش تقوولهاا وهيا تسكت ) …
مي مينة: هانتي … شتي راك بااقاا كتبغيه امارياا .. متزربييش
ماريا( شافت فيها منزاعجة) .. هو تزوج امي مينة مبقاش عندنا امال نرجعو شاف حياتو لاش انبقا رابطة راسي بذكريات والماضي ديالي معاه … كيما نسااني ومحاولش يدير مجهود باش نسمح ليه فلاش انعذب راسي
مي مينة: واش كتكذب على راسك امارياا وعلا علياا … واش دري شحال هوا يعيط يوصني يصيفط فميساجات ونتياا والوو عطيتيه انخاال …ونتي لي خليتيه يتزوج حيت صافي سديتي الباب .. ورجاال راه عندهم عزة نفسس كبييرة …
ماريا:وحتى اناا عندي عزة نفس كثرر منهم كااملين … وبغيتيني ننسى اش قال علياا هاكاك بسااهل….
مي مينة: ( بصوت حنين)اواا الله يهديك ياهاد البنت … عرفتي شنو .. انا نتمنى غير متندمش ابنتي … ويكون قرارك فمحلوو … حيت زواج زوين وخايب ..وكلشي متعلق براجل لي اتزوج بيه … ومحدك مقتانعة فربي يكمل عليك ونتماو يكون هاد اياس مزيان …
ماريا: مزيان امي مينة مزياان … وانشاء الله انعيش معاه مزيان اباقاا مولفتش عليه بزاف
مي مينة: دابا تولفو وتعرفو مزيان فاش تسكنو بزوج تحت سقف واحد وديك ساعة كلشي يبان
ماريا: داكشي لي كنقول … ( تنهدات) نتمناو الخيير …
ناضت مي مينة تشوف توجاد فين وصل حتى سمعات دقان حلات الباب ودخلات فاتي وأسية تاجهو ديريكت لعند مارياا حلو الباب ودخلة بعجاجتهم
اسية: صلاة والسلااام على عرووستنااا …
ماريا حبسات ماكياجها وشافت فيهم مبتاسمة
ماريا: تعطلتوو
اسية 🙁 سلمات عليها) ياختي راه كنا لتحت كنماكيو يلاه ساليناا …
فاتي ( سلمات عليها) مبروووك عليك اختي …
ماريا: الله يبارك فيك عقبال ليك
فاتي( عينيها لمعو) اميييين …
حلو سيكانهم وجبدو قفاطنهم باش يلبسو
اسية( جبدات كاميرة) ياختي هاد نهار جبت ليك كاميرة لي شريتي ليا ديك اامر

اامرة … راه هاد نهار خاصو يتسجل فالتاريخ ههههههه …
ماريا بتاسمات وهيا كتعكر فمها
فاتي:وااييه بصح شكون قال اتزوجي وبهاد زرية وبواحد مكنتيش تسوقي ليه ومكتعرفيهش مزيان
ماريا: اوا المكااتيييب ماشي كلشي كيتزوج عن حب .
اسية( حطات الكاميرة فوق ناموسية) انبقا نصور فيك نهار كامل هههه …
ماريا: ااه صوري نسيت كعما جبت شي مصوير مي الكاميرة اتنفع .. تصاور زوينين كيبقاو
اسية: وااييه كيتكم نتوما فخبطبتي مصورتوني موالو
ماريا: اوا راه زربتي علياا داكشي علاش …
سمعات دقان
فاتي : واقيلة هوما لي جاو ..
ماريا( كانت كملات وجهها وشعرها) افف … بدات كتركبني الخلعة …
اسية: ( شدات فإيديها) كلشي ايدوز مزياان اكوني هاانية .. الخلعة ضارورية ..
ماريا( شدات فقلبها كتحس بيه كيضرب بجهد) نتمناو الخير ..
زادت البلاكار جبدات قفطانها وبدات كتلبس فيه وكيتعاونو بثلاثة حتى كملو توجادهم تريحو ولبسو إكسسواراتهم …
دخلات مي مينة لعندها وعلماتها بلي تخرج … خرجوها بصلاة وسلام على الرسول متاجهين بيها لصالون لي كالس فيه هوا فقاعو وحداه العدول وبلاصتها لي خاوية وبجنبها مو كالسة وحداه باه وخالتو ..
جات هيا سلمات عليهم بإبتاسمة خفيفة حتى وصلات ليه ومدات إيديها وجرها حتى سلمات عليه بلابيز وكلسات بجنبو
…. العدول بدا فخدمتو خدا لي كارط ديالهم وقيد كل معلوماتوو ..
العدول: بنتي ماريا … واش عطاك صداقك ؟
اياس( جبد غلاف فيه الفلوس ) هاكي ..
ماريا خداتو وحطاتو فوق فخاضها
العدول: إياس قادم … واش قابل بماريا سانتوس زوجة ليك فسراء والضراء
اياس(هز راسو بإيجاب) ااه قاابل …
تسمعوو زغارت من عند مووو ….
العدول: ماريا سانتوس .. واش قابلة بإياس قادم زوج ليك ؟؟
ماريا بقات كتشووف فيه وعقلها كيخمم فبزاف ديال الحوايج …
الزواج … كلك اتولي بملك شخص واحد.. جسدك روحك … اتعيشي معاه تحت سقف واحد … اتاخدي كنيتو وتولي ليه… اتجيبي ولاد منوو … واتوليو مشاركين كلشي … الحياة المشاكل السعادة الحزن …
واش هياا قادرة على هادشي !!!… واش حياتها كلها عاشتها بوحدها … ودابا اتولي مرتابطة بشخص تصبح وتمسي عليه …واش اتقدر ؟؟؟

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت121:::
العدول: مارياا ؟؟ … واش قابلة ؟؟!!
هزات ماريا راسهاا وشافت فإياس لي موسع عينيه كيتسنى جوابهاا
ماريا( حركات راسها بإيجاب ) ااه قابلة ….
تسمعوو زغااارت فالبييت دسال مي مينة والبنات وصلاة وسلام على رسول الله … سيناو بزوج وشد إيديها لي باسها ووقفها .. جات مي مينة هازة صنية فيها الحليب والتمر والخواتم …
هز تمرة ووكلها ليها وهوا كيشوف فعينيها مبتاسم
اياس: مبروووك عليناا ….
ماريا بتاسمات وهيا كتمضغ شربها الحليب وحتى هيا نفس الشيء
هز خاتم الذهب البيض ولبسو ليهاا وباس إيديها وشد وجهها بين يدو باس جبهتها بحنان … اما هيا فحشماانة ومتوترة خدات خاتمو كتلبسو ليه والزغارت طول الوقتو كيتسمعوو …
مع دخلات الخاتم جرها من إيديها وعنقها فحضنو وقبل راسها
اياس:فرحتي مقدهاا فرحة … اخيراا وليتي مرتي ..
ماريا( طبطات على ضهروو وبعدات عليه حانية راسها) … مكتاب علينا نتجمعوو ..
اياس:بصح … ( بتاسم وشاف فمو وقبل رأسها)
حياة: مبرووك عليك اولدي الله يكمل عليكم بالخير
اياس( عنقها ) اميين ياربي …
حياة( سلمات على ماريا) مبروك عليك ابنتي
ماريا: الله يبارك فيك …
تسالمو مع بعضياتهم وطلقو اغاني وناضو يشطحو شوية ماريا مبغاتش فاللول حتى بززو عليها ونوضوها وبقات غير كتحرك مع اياس وأسية كتصور فيها حتى عياو وتحط العشا …
تعشااو فجو من صمت من غير حياة ومي مينة لي كيدويو شوية وطرب الاندلسي مطلوق
حتى كملو ناضو كاملين خرجو حتى بقات غير ماريا واياس لي حدا الباب وخواو ليهم المكان باش يخليوهم بزوج …
اياس: يلاه بسلامة نخليك على خير حتى لغدا ونتشاوفو ..
ماريا:واخاا إنشاء الله …
اياس( قرب ليها ودور إيديه على كتقها ونزل راسو باس عنقها بوسة مسموعة حتى بورشها .. وشم ريحتها وتنهد ) ريحتك غزاالة … احبيبتي ….
ماريا( تبورشات ولاكن متحركاتش حتى بعد عليها )
اياس:( بتاسم ليها غير بعينيه) تصبحي على خير .. من بعد ندويو فتيلي
ماريا: ( بتاسمات ) واخا انشاء الله …
اياس خرج وسدات الباب ودارت متكية على الباي وقلبها كيضرب .. لمساتو ليهاا وترووهاا وخصوصا كيزرب علياا بزااف وكل مرة كتبان حاجة جديدة ..وكيزعم بحاجة لي كيخليها اكتبقلل فيه.. واخا مكتبغيهش يقيسهاا ولاكن حدها قنعات راسها صافي راه ولات مرتو ومن حقوو …. تندهات وزادت داخلة شادة قفطانها بصباعها حتى دخلات عندهم لبيت نعاس لقاتهم كالسين ….
اسية: اوا هانتي وليتي مرة مزوجة .. ياختي صافي اتزوحي قبل مني كاع
ماريا(كلسات بجنبهم )

اواا هادا مكتااابي …
شافت كاميرة بجنبها وهزاتها كتقلب فيهاا وهوما كل وحدة شادو تيلي كتبقشش فيه .. اما ماريا فكتشوف تصاور وكتحقق فراسها ولإياس حتى بانت ليها تصوريها لي خلات عينيها يوسااعووو ووجهها ملامحوو تغيراااات …. للصدمة …

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت122:::
ماريا كدوز فتصاور وكتحقق فيهم … فايت شافتهم … ااه شافتهم وعند فخر … وسعات عينيهاا وعقلها مبلووكي عن التفكييير … اسئلة كثييرة كيدوزو بين عينيهاا لاكن مقداارتش تحرك فقط صبعها كيدوز تصاور وكتشوف وتعاود واش هوماا نيييييت ولا اكتوهم …. حتى وركات على الفيديو لي تطلق صوتو فالغرفة …. وتهزو عيون كل من اسية وفاتي كيشوفو فمارياا لي شادة الكاميرة بين إيديهاا المرتجفين …
اسية وفاتي شافو فبعضياتهم بعدم تصدييق لصوت الفيديو لي مسموع فيه ضحك مارياا وشخص معاها وحديثوو معاهاا … جمعو بزوج النوضة ووقفو كيشوفو فملامح مارياا المصدوومة … غير سالاا الفيديو تسمع صوت اسية لي نداهاا بإسمها
اسية: ( بصوت متقطع) ما رياا ….
على اثر نداء اسية ليهاا … ماريا تحررات من افكاارهاا لي مقدراتش تلقاا ليهم جوااب …. هزات عينيها لي بنضراا غير مفهومة ليهم كتشوف فيهم بزوج وبنضراتها باغا تفسير لصور والفيديو …
ماريا:( بنبرة خفيفة … بعدم تصديق ) شنو هادشي ؟!!!
اسية (شافت ففاتي .. بنضرات عتااب ورجعات انضارها لماريا لي باقا فنفس وضعيتها كتشوف فيهاا وعلامات تساؤل على محياها ) متفهميش غلط اماريا …
ماريا(وقفات و نبرة صوتها تعالات وعينيها بداو كينقضو) كييفاااش منفهمش غلاااط اااا!!؟؟؟ … ( رجعات عينيها كتشوف فالتصاور) شنو هادشي لي عندكم ؟؟ وكيفاش وصل ليكم ؟؟؟!! … ( خرجات عينيها فيهم) شرحوووو ليااااااا
اسية قربات ليها بغات تشد إيديها وماريا رجعات باللور
ماريا: ( خنزراات فيهاا) متقربيييش لياااا…. فهميني هاد تصااور لي وراهم لياا فخر كيفاش وصلو لييكممم …
( بأخر كلمة نطقاتهاا تبلووكاات فبلاصتهاا كتشوف فاسية وفاتي لبنضارت غير مصدوومة كأنهم عارفين شيحاجة … وضربات ليهاا فراسهااا طن …. سرات معااهاا وفهمااات انهم عندهم يد فتصاور … هزات صبعها موجهاه ليهم بزوج .. وبكلمات متقطعة ) ..
نتوو ماا … بزوجكم … ( كتحرك راسها بإيجاب) بزوجكم .. درتو هادشي … ( قوسات حواجبها بصدمة) كيييفااش كيفاش .. مقدرتش نفكر فيهاا … بزوجكم لي درتوو فياا هادشي …. جاااااااوبووووو…. نتوووووماااا لي درتوو هادشي فيااا … ( قربات ليهاا تصويرة ليهاا ) كيفاااش… قدرتي ديري ليااا هاكااا …. ااااا … شرحيييي لياااا دابااااااااااا …الغدااارااااات ….
اسية( كتحرك راسها بلاا) رااك .فاهمة غلاااط امااريااا
ماريا(غوتاات فوجها)كتكذبييييي .. كتكذبيييييي …

اسية: (توتراات وشافت فختها لي واقفة بلاصتها كتشوف فيهم … وبدات كتخربق فالهدرو معارفة اش اتقول ) لا…. اناا … لاا مكنكذبش .. هادوك… ااه هادوك تصااور … ماشي …ماشي ديالك ….
ماريا( قهقهاات بعصبية)خخخخخخ ….( كتحس بشمتة) هاادي ماشي انااا ؟؟ اوا شكووون بسلاااامة اااا ؟؟!! … كتفلااااي عليااا اااسيةةة … فين وصلااات بيكم الحقاااااااارة وجايين عندي بوجه حمررر ونتووماا طااعنينيي فظهرييييي ….
فاتي ( بصوت مرتاافع ومستفزز ) باغاا تعرفيي ااا … اناا انقوولك وسميعينيي مزيااان ….
اسية( شافت فيهاا كتحرك راسها بلااا …) فاااتي ….
فاتي( شافت فختها وهازة راسها لفوق) اشنوو ؟؟ باغاا تعرف خليني نقولييهاا …

تتمة الجزء …
فاتي: ( شافت فمارياا بإستفزاز) نهار لي كانت اضربك طوموبيل …. وغيبتي وفقتي لقيتي راسك فسبيطار مسولتيش راااسك كيفاش وصلتي لتماا ومضربتيش ؟؟ … زعماا الخلعة اتسخفك ؟؟؟!!!…..
اسية( حنات راسها ووركات على كلامها) فاااتي سكتيييي …..
فاتي:( رفعات صوتها) لاا مغانسكتش .. خليهاا تعرف اش درناا فيهاا ….( قربات ليها وكتعوج)
راك احنينيتي فاش سخفتي كنتي مخدرة … بمعنى!! راك شميتي وردة لي كان فيهاا ريحة هياا لي خلاتك تغيبي ..ماشي الخلعة من طوموبيل لي صيفطانهاا باش تبان انها كانت اضربك وتغيبي ويجيبوك عندناا …باش حتى حد تماا ميشك .. او نتي برااسك متشكيييش انو تلعب عليك .. ( طلعات حاجب فيهاا) .. اوا وتماا دوك تصااور كاملين لي بين يديك والفيديو تداروو ونتي كنتي محاسة بوالوو حيت وكلنااك فنيدات لي خلاوك مرفوووعة … ومن تماا ديناك لسبيطار باش متحسي بحتى حاجة … ( طلعات نفس ونزلات بهدوووووء ) وفالوقت المناسب تصيفطو لفخر باش تساالي علاقتك بييه نهائياا …متبقاا تربطوو بيك حتى حاااجة … حيت اصلان نتي معقدةة متستاهليش واحد بحاالووو … وماعرت اش كيصحااب ليك رااسك …..
اسية:( شافت فختها وقربات ليها باغا تسد ليها فمها ) فااتي باركة سكتيييي..
فاتي( تنطراات وبعدات على اسية.. وشافت فمارياا كتغوت) ونقووولك … عرفتي علاش درنا هادشي … حيت انا شخصياا مكنحملكشش … حاسة برااسك وماعرت اش كيصحاب ليك نتي فهاد دنياا … ديماا كتعفري عليناا وهازة راسك الفوق وحلفت بحلوفي منسكت لييك … واتخلصي كلشي … زعما راه عندك دار طوموبيل الفلوس كلشي رااك وااعرة …. وحنا ورينااك بنات شعب اش بيديهم يديرووو …. مجات لااففلووس لا فزين … ( ضربات على عقلها) جاات فهااداا .احنينتي .. لي نتي معندكش … وختى دااك فخر … صاافي ( ضربات على يديها) باااح … مبقات بيناتكم واالووو … وبيه نتاقمناا منك وبتكبر دياالك عليناا …حيت اناا حاااقدة علييييك … من شحاال
يااوييل وإحساس مااريااا من بعد هاد الكلاام … من بعد هاد الكره والكذب والنفاق و الحقد والغدر لي عملووه فيهااا … وهيا كتسمع لكلامها وكتشوف فملامحهاا المستفزة ….. شرااارة شعلات فعيونهاا الشهلاء … وزادت بخطوات عندها مع وصلات ليهاا رجعات إيديها لووور وبدااك الغضب لي فيهاا جمعااتها معاهاا بتصرفيقة بجهدد حتى طاحت على وقفتها فوق ناموسية ملويحة …
ماريا( عينيهاا خاارجيين ووجهاا مزنكك… وركاات على كلامهااا) لعنة الله وعلييييك …حسبي الله ونعم الوكيييل فييكم وفهادشي لي درتوو فيااا …. ( حواجبهاا معقوديين)

مصحااابش ليااا نتوماا حقييراات لهاد درجةةة . .. حتى توصل بحقدكم وبحسدكم ليااا انكم تغدرووني بهاد طرييقة …تطعنوووني فظهري واناا تايقة فييكممم …كتنااافقوووني وكضحكوو لياا فوجهييي ونتووما هازيين فقلبكم الحقد من جيهتيي حتى لعبتوو وراياا لعبة الكلااااب وطلعتووني مكلخة… واخاا اناا درت فيكمم الخيير وتهلييت فيكم وعتابرتكم صحابااتي وطلعتووو كلباااات غدااارااات ….. ولاكن انااا… انااا لي درتهاا بإيدي فاش دخلتكم لحيااتي وتقت فييكمم … انااا لي مكلخةةةة وتعميييت بنيتييي فوحداات بحااالكمممم .. ( وركاات على كلامها وهيا كتشوف ففاتي لي شادة حنكها وكتشوف فيها)
حسبي الله ونعم الوكيييل فيييكم عمري نسمح ليكمم لافدنيااا لا فأخرة على لي درتوو فيااا .

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت123
نزلات عند فاتي وشداتهاا بجهد من درااعها نوضااتهاا بجعرة.. وزادت جارااهاا مخرجااهاا ولخرى كتنتر منهاا
ماريا: يلاه براااا علييااااا عمري نشوووف وجهكك مزاااللللل …. كتفهميييي الغداااارة…
حلات الباب شقة ولاحتها براا وصدرهاا كيطلع وينزل بزربة وودنييهاا كيصفرووو ولااات حمرةةة وكلها كترعد
ماريا: سيري فحااالككككك عمرك تعتبي عندي ولا نشووف كمااارتك مزاال .. وربي اينتااقم لياا منك.. ربي ايحاااسبك على الحرقة لي حرقتينيييي عنداااك تنسااااي … وكيماا حفرتي هاد الحفرة ليااا اتطيحي فيهااا ….. الله ياااخد فييك الحققق لانتي ( دورات وجهها وشافت اسبة باقا فداار شداتها من درااعهت ولاحتها عند ختهاا بعصبية) ولا ختككك … عمري نسمح ليييكمم
سدات الباب بجهد وخلاتهم واققين كيشوفو مدهشرييين
اسية:( خنزرات فختهاا) فمككك كياااكلككك قلت لييك سكتي ونتي واالوو
فاتي: ( هزات كتافها بعدم مبلات ) علاش اش كنتي اتقولي ليها صافي شافت تصاور
اسية: انكذبو عليهاا ونخرجو راسناا …
فاتي: وصافي حتى نتي لاش انكذبو عيينا من الكذووب واصلان مبقاتش كتهمني نيت خرجت لي فقلبي وبيييخيير …معندا علاش ندموو ياك لي خططنا ليه طرااا وهاهيا تزوجاات معندها كيفاش ترجع مع فخر مزال
اسية: وااييه وايييه وباش عرفتيي !!
فاتي: وهياا كيصحاب ليهاا خطب … وهوا عارفها تزوجات … صافي معندهم باش يرجعوو
اسية: الله يخرج طرح بخيير … ودابا زيدي قودامي …
فاتي: افف تهنينا منهاا …. مكنتش كااع كنحملها
اسية: زيدي زيدي هنيني ….
مشاو وخلاو قلب محروووق… كالسات فالأرض شادة راسها لي كتحس بيه اينفااجر بكثرة التفكيييررر …. كترجع ذكريات كترجع كل حدث طراا وهياا بسجادتها ونيتهاا تيقاتهم وهوما كيطعنوو فظهرهاا …. بسابهمم تفرقااات على حب حياتهاا … بسابهم تخلات على عشقهاا …بسباب لعبة الغدر …
جمعاات نوضة وجسدهاا ثقييل عليهاا زادت بخطوات جارة رجليهاا وقفطانهاا لي كتعكل بيه حتى وصلات لبيت نعاس شافت تيلي ديالها وكلسات شاداه بين يديهاا …. كتفكر ؟؟
واش نعيط عليه؟؟؟ نقوليه ها شنو طراا ؟؟ نقول ليه راه تغدرناا وانا مدرت والوو ؟؟ هوما لعبو علياا وصيفطو ليك تصاور الكذوب باش يفارقوونا ؟؟ نقوليه بلي راه كنبغييه !!
عينيها عامرين دمووع يااا شحاال صعييب الفرااق الحبيب بسبب الصديق … لي غدرك … الألم لي كتحس بييه كيحرق قلبكك شمتة كتااكل فيهاا خصوصاا انهاا صافي ولات ملك راجل ااخر وهادشي لي خلاها حطات تيلي جانبا مستسلمة …

صافي راه تزوجات لي عطا الله عطاه .. معندها فين تفكر مزال انها تدوي وترجع مع فخر الدين .. حيت ليوم قبلات وسينات على عقد زواجهاا مع اياس … صافي فات الفووت معندها ماديير مزال خاصها تقبل الأمر خاصها تكبت حبهاا فداخلهاا تخبيه حتى من نفسهاا باش متغدرش رااجلهاا … ياااه 💔شحاال صعييبة … عقلك وقلبك مع شخص ونتي وليتي مع شخص اخر جسدك ومستقبلك معاه …ومعندك فين ترااجعي مزاال .. الناار شاعلة فقلبها ندماات على تسرعهااا ندمات انها عطات فرصة لشخص يدخل حياتهاا كون غير صبراات تسناات.. ولاكن نسااات بلي هادااا قدرهااا 💔💔💔 ….. .
ياا ليتني أعدت الزمن للوراء … ياليتني لم اقتل نفسي بقرار سيحرق قلبي… غدركم لي لن ينسى … لأن حبه وفراقه عني سيبقى في قلبي كجرح لن يشفى بسببكم ! بسبب لعبة اللعينة .. التي لم أكن أتوقعها!؟؟…

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت124::
☀️☀️اصبحنا اصبح الملك لله ولا إله إلا الله☀️☀️
فغرفة ماريا ناعسة بتكشيطتها بعد ليلة المؤلمة …تحسرااات وحزناات على نفسهااا وفين وصلات بيها لياام … وفين وصلات القداارة والكره ديال نااس وخصوصا صحباتهاا … وشنو ادير من بعد هادشي لي عرفات من بعد هاد صدمة لي دمراتها ؟؟! … اش بيديها اصلان ديير صاافي لي عطا الله عطااه … تزوجاات بشخص اخر من غير فخر حبيبها !! …. معندها فين تراجع مزال .. ونطقات ختما لأفكارهاا
( أنا لن أهزم أمام قدري …)
وباش متنزل حتى دمعة هزات دوى ديال نعاس وشرباتو وتكات بلاصتهاا حتى غفات عينيهاا … مفاقت غير بصوت تيلي ديالها كيصوني … حلات عينيها وشافت غير الضبابة رحعات سداتهم ومدات إيديها لتيلي كتقلب عليه ختى لقاتو وحطاتو فوق ودنها بعدما ربطات الخط وهيا حالة نص عينيها ..📞📞
اياس: صبااح الخير حبيبتي .
ماريا( بصوت بااح) صباح الخير ..
اياس: سحال وانا نعيط عليك مالكي مكتجاوبيش ؟؟!
ماريا: ( كتحك فعينيها ) حيت ناعسة
اياس:ناعسة !! .. راه قريبة 2داباا ..
ماريا( تعجبات وبعدات تيلي شافت ساعة لقاتها فعلا قريبة ورجعات تيلي لودنها) اه محسيتش بالوقت ..
اياس: وانا لي قلت نفطرو بزوج عيت منعيط والو قلت نتغدااو .. ووصل وقت الغدا
ماريا( حيدات الغطا عليها وبدات كتماسي فراسها لي دارهاا ) همم .. واحد ساعة نتشاوفو ..
اياس: واخا يلاه فاش تسالي عيطي عليا
ماريا:واخاا
قطعات عليه وناضت باقا بقفطانها ناعسة حيداتوو ولاحتو فوق ناموسية وتمات غادة لدوش بدوبياس دخلات حيداتهم ودوشاات بزربة خرجات لاوية عليها فوطة لشعرها ولحمها حتى وقفات قودام المراية عينيها منفوووخين واخا مبكااتش ووجها صفر .. دوزات إيديها على وجهها محاملاش تشوف راسها هاكا كلسات وبدات كتنشف فشعرها وغير كتنهد باقي تفكيرهاا فالباارح وصدمة لي تلقاات باقي مقدرااتش تستوعبهاا دورات وجهها وشافت الكاميرة باقا عندها هزاتهاا وجبدات الكارط ميموار ديالها وخباتها عندها وكاميرة حطاتها فالبلاكار ورجعات كتقاد فوجهها حتى كملاتو .. جبدات كسوة وواصلة لركبة حمراء محلولة من صدر .لبسات مع سندالة بيضا وهزات ساك بيض وخلات شعرها مطلوق على راحتو مع عكر حمر زينات بيه شفايفها هزات تيلي وصيفطات ميساح لاياس بلي راه واجدة جاوباها فالبلاصة انو كيتسناها التحت … خرجات من الشقة ونزلات فسانسور لقاتو كالس في لوطو كيتسناهاا .. وصلات وحلات الباب وركبات وسداتو غير دارت عندو لقاتو حاط إيديه على ذقنو وكيشوف فيهاا .

او ديريكت ففمهاا لي مزين بعكر احمر … او فصدرها لي كان نصو باين .. بتاسم لزوجتوو وقرب منها كثر وكثر وباسها قريب من فمهاا وبعد غير شوية وقال بصوت شبه هامس
اياس: حبيبتي توحشتك …
بقات مبلوكية وقلبها كيضرب بجهدد حتى بعد علياا ومقدرات حتى تبدي شي ردة فعل ليه …
اياس( مد إيديه وشد فإيديها باسها) .. كيف صبحتي ؟ فخبارك ممتيقش بلي صافي تزوجناا وليتي لياا
ماريا توترات وحدها رسمات إبتسامة خفيفة زعما اتيق !
اياس:( ديمارا لوطو وشاف فيها) باش تبغي تغداي ؟
ماريا( بغات تطلق من إيديه ساعة زاد شابكهم منعهاا .. وهيا تشوف فيه ) بغيت نصيب السمطة
شافت فإيديه بنضرة باش يطلق منها فهمها وحيد إيديه حتى قدات السمطة غير سالات محسات غير رجع شد إيديها وحطها على البواط فيتاس وكل شوية يبوس صبعهت لي فيه الخاتم ويبقا يخطف بوسات داخل ايديها وخارجهاا
اياس: إيديك عجبوني .. ( باس إيديها ) عاد ريحتكم ( شمهاا وتنهد ) احح .. سطااتني ..
ماريا شافت فيه كتبقلل فعنييهاا .. مركاات من هدرتوو … كيزرب علياا حتى كيخليها معارفة متقوول .. وهيا من طبعها تقيلة ورزينة مكتحملش الزربة …. دورات وجهها وقنعات راسها بلي صافي راه ولات مرتوو ومن حقو يدير اية حاجة حيت صافي ولات فذمتو وجسدهاا ولا ليه

تتمة…..
وصلو لمطعم ونزلو بجوج واياس رجع شابك ايديه مع ايديها ودخلو شدو بلاصة بعيدة على ناس خداو طلبهم
اياس: فاش نتغداو نمشيو لفيلا تشوفيها!
ماريا: واخاا…
اياس: اوا بديتي توجدي راسك ؟ باش الا خصك الفلوس نزيدك
ماريا: لا راه كافين.. وغدا انبدا نشري
اياس: تبغي الواليدة تعاونك ؟
ماريا( فكرات انو مكاين لي يوقف معاهاا فدهازها) همم واخاا..
اياس: صافي انقولها ليها تجي عندك…
ماريا حركات راسها بإيجاب وبدات كدور عينيها وحاسا بيه حاضيهاا وعاد صبعانو لي كيتلمسو في إيديها لي مبغاش يطلقها ..وترهاا وخلاهاا اكتبقلل فعينيها وكتهرب من نضراتو باقي مولفاتش الأمر وانها صافي تزوجات وبشخص مكتعرفوش مزيان شيء لي كيبعث فيها تخوف من لي كيتسناهاا….
بعد دقائق تحط الغدا وبدات كتاكل مهزات راسها حتى شبعات مع جاهاا جوع بزاف
اياس: ( بتاسم) طحتي فالغدا عمية
ماريا: ااه جاني جووع…
اياس: بصحتك.. ياكما بغيتي تاكلي حاجة خرى؟؟
ماريا: لاا صافي الحمد لله( جغمات من العاصير) مشيناا ؟؟
اياس” واخاا..
ناض يخلص وهيا سبقاتو خرجات من المطعم ووقفات بجنب اللوطو حتى جا وركبو فإتجاه الفيلا ديالوو..
دخل بين ازقة لي معروفين بالفيلات… وصل لوحدة منهم وكلاكسونا وتحل الباب وزاد مدخل اللوطو لكراج… بلاصا وشاف فماريا لي كتحيد صمطة
اياس: مرحباا بيك فدارك
ماريا بتاسمات ونزلات خرجو من الكراج وشد ايديها كيتمشاو فجردة لي بجنبها بيسين كبير… دخلها ووراها سفلي كامل لي مكون من زوج صالونات وكليسة خرى عصرية وعاد الكوزينة طلعو فالدروج لي كان مكون من بيوت وعاد صالون اخر صغير.. حتى وقفها قودام باب بتاسم ليها وحلوو
اياس: هادا بيتناا
حرك لينا راسو باس تدخل وزادت بخطوات كتفقدو بعينيها كان فيه كليسة وبلازما كبيرة محلولة على بيت نعاس لي باين نصو من تما من غير ناموسية زادت بخطوات داخلة ليه وعلامات الإعجاب على محياها محسات غير بإيديه تحطو على كتفها معنقها
اياس: هادا اهم حاجة في الدار. واش ناقصاه شي حاجة؟؟!
ماريا( سرطات ريق وبصوت منخافض) لا زوين…
غير لمحات واحد دخلة وهيا تسلت بين ايديه وزادت متاجهة ليه لقاتو دريسينغ كبير بدات كتحل فالبلاكارات وكتقلب عجبها حتى هواا وخرجات عندو لقاتو واقف بجنب السرجم
ماريا: صراحة معندي منقول فيلا مناقصها والوو وحتى ديكور هوا هاداك زوين
اياس: ياك بعدا…
وصلات عندو وقربات لسرجم كتطل منوو
ماريا: وحتى المنظر زو…
قبل متكمل كلامها حسات بإيديه تسللات فخصرها وعنقاتهاا…. وبنفس سخوونة كضرب فعنقها

اياس: ( إيديه لخرى كتلامس دراعهاا… قرب لعنقها وقبلها بصوت مسموع) حتى نتي زوينة…. ( طلع شهييق من ريحة عنقهاا… وزفر فييه) رييحتك كتجيب ليا تمااام…
عاود نفس الحركة وغير ساط فعنقهاا وهيا تهربوو ودارت عندوو متوترة ….
اياس:( بتاسم بجنب) مالك ؟؟!!
ماريا ( صدرها كيطلع وينزل بزربة) مالي والوو…؟!
اياس زاد قرب ليها حتى لسقات مع شرجم باغا اتسلت ملقات كيفاش توترات وهوا كيقرب بخطواتو ليها … حط إيديه على عنقها وكيشوف فيها بعيونو السود..
اياس: ( صبعو كيطلع وينزل فعنقها) ترخااي… راك مرتي امارياا …. متبقايش متوترة فكل مرة كنقيسك
بلمستو ليهاا كيزيد يوترهاا عواض ميهدنهاا لاكن غير هزات راسها وشافت فيعينه لي متاجهين لشفايفها.وسعات عينيهاا وخلااص فاش بدا كيقرب ليهاا كثر وكثرر هناا تبلووكاات وذاتهاا كترعد

👑👑لن أنهزم امام قدري👑👑
الفصل الثالث:
➰مالم أكن أتوقعه!!➰
بقلم 🖋حياة جوري 🖋
البارت125:::
غير وعات براسها وحطات إيديها على صدرو
موقفاه من تقرب منها كثرر…
اياس شاف ايديها على صدرو وهز راسو شاف فيها بتساؤل؟؟!
ماريا( طلعلت نفس حارة وحركات راسها بنفي) باقي ممستعداش..
اياس( بقا كيشوف فيهاا… و رجع بخطوة للوراء مخلي ليها منين دوز) بخاطرك…
ماريا( حققات فملامحو لي تغيرو) اياس… ( هز راسو شاف فيها) نتمنى تفهمني…
اياس( حرك راسو بإيجاب) ماشي موشكيل.. غير حاولي تأقلمي انك وليتي مرتي…
ماريا هزات راسها بإيجاب انها عارفة انها ولات مرتو … واخاا باقي مقدراش تستوعبهاا… لأن العائق لي امامها هوا قلبها.. حبهاا مخلاهاش تصبر انو يقيسها ويتقرب منهاا..
لاكن نسات بلي هادا حقوو وهيا لي قبلات بيه زوج ليها فخاصها تحمل اي حاجة اتجيها من بعد قرارهاا فزواج ….. كملو تفقدهم فالدار وفالأخير علماتو بلي باغا ترجع لدار… نزلو وهوا شاد فإيديها وركبو في اللوطو وطول طريق مطلقش منها وكل شوية يبوسها وحتى هيا ولفات الأمر وخلاتو على راحتو… حتى وصلو لعمارة حلات السمطة ودارت شافت فيه لقاتو كيشوف فيها…بحالا فهماتوو كيتسنى قبلة الوداع… وركات على إيديها وقربات ليه كثر وكثر حتى باستو فحنكو بشوية ويلاه بغات ترجع خطف قبلة من جنب فمها وبصوت خفيف نطق
اياس: حبيبتي …
مركات وبعدات عليه ودارت نازلة داخلة لصالون وهوا بقا حاضيها حتى ختافات وديمارا مشاا…. اما هيا دوزات عشيتها في الصالون حتى ليل وطلعات وجدات عشاها كلات ودوشات ونعسات بعدما عيط عليها وعلمها انو حياة اتجي عندها غداا….
تسريع الأحداث 🔚🔚🔚🔚
بعد مرور 15جوغ 🔚🔚🔚
فهاد المدة اياس وماريا مكايتلاقوش بزاف بحكم انو عرسهم قرب… طول المدة ماريا كتقدا لي خاصهاا ياإما مع حياة ولا مي مينة… وفالأسبوع تاني جاتها الغيكل لي دوزاتها عليهاا فاليوم الأول…
ليوم حفلة ماريا وإياس لي اتقام في فيلا ديالهم نيت …. كلاسيكية لهذا ألحات حياة على ماريا تلبس غوب بيضاء…
في غرفة ومع ساعة 5 مساءا كالسة ماريا كتقاد فوجهها ومي مينة كترتب ليها الحوايج فالبلاكار سالات وخرجات عندها لابسة كسوة طويلة بالكمام لأنو هاد الحفلة للناس الراقين من جهة اياس… اصدقائو وعائلتو وماريا لأنها وحيدة عيطات فقط على مي مينة
مي مينة: بنيتي قربتي تكملي…
ماريا: قولي يلاه بديت…
مي مينة: واش نتي اتصايبي شعرك ولا اتجي شي بنت ؟؟
ماريا: اتجي وحدة خدامة عندي…
مي مينة:حسن … راجلك فيناهواا!!
ماريا: وانكذب عليك الله او اعلم…

تحل الباب ودخلات حياة لابسة كسوة نواغ قصيرة ومقادا الحالة.. هيا كبيرة فسن ولاكن بأناقتها الدائمة كتبان صغيرة..
حياة: مارياا… راه كلشي واجد شوية ناس يجيو
ماريا: ااه صافي
حياة: وراه اياس فالبيت لاخر كيقادو ليه شعرو .. يسالي يعيط ليك
ماريا حركات راسها بإيجاب وخرجات حياة وخلات مي مينة كالسة جنبهاا
مي مينة: مارياا… واش نتي مرتاحة! ؟؟
ماريا حبسات عن الحركة وبقات كتشوف فنقطة وحدة…
مي مينة: ممرتاحاش ابنتي.. باينة ليك من عينيك..
ماريا( شافت فيهاا ) مرتاحة امي مينة ولاكن ديما كيكون تخوف من الزواج.. خصوصا من هاد ليلة
مي مينة: بصح ولاكن دغيا كدوز .. متخافيش الا كان هوا كيبغيك راه ايراعي ليك
ماريا: هوا كيعاملني مزيان …وداير ليا الخاطر( شافت فيها بتخوف) ولاكن انا ممرتاحااش ومترددة اني نسلمو راسي
مي مينة: بنتي وياااك وياااك متخليهش …هاداك حقو عطاه ليه سيدي ربي … مغاسكش تعصايه ونتي دابا مرتو … ونتي قررتي تزوجي بيه … نساي الماضي ومتبقايش تفكري فيه … حيت كتاخد ادنوب فكر فراجلك بوحدوو … ومتخليش قلبك يغلبك خدم عقلك وفكر فراجلك راه ميعجبوش الحال الا معطيتيهش حقو وهادوك راه رجال اهم حاجة عندهم فزواج هيا نعاس
ماريا تنهدات وهزات راسها بإيجاب متفهمة كلامها ولقاتو بصح وعلى صواب.. ماشي من حقها متخليهش يقيسها وخصوصا انها عمرها شافت منو شي جيست خايب بالعكس كيعاملها مزيان ومهتم بها برغم انو متسرع شوية وكيزرب عليها ولاكن راه هيا مرتو … وهيا ماشي طائشة باش تدير فعل ولا قول خاطئ تنهدات ورجعات كتكمل فماكياجها وكتفكر فهاد ليلة كيغادي دوز ….

يتبع

Leave a comment