Skip links

قصة : لن أهزم امام قدري 2

 4,521 عدد مشاهداات

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت26::
☀️أصبحنا وأصبح الملك لله ولا إله إلا الله ☀️ كالسة ماريا كتدوز كلوس خفيف على شفايفها رشات بارفان ودارت نضاضر فعينيها هزات ساكها وزادت خارجة من الدار نزلات لصالون لي لقات فيه الكليان والبنات خدامين عيطات على اسماء لي جات عندها في البلاصة
ماريا:اسماء كيبقات ماماك شويى ؟؟
اسماء(بإبتسامة) الحمد لله فاتها الحال .. وديما كتفكرك ودعي معاك على الخير لي درتي فيناا
ماريا:ماشي موشكيل وفيما تطرا شي حاجة علميني هاكي (مدات ليها غلاف) خلاصك لشهر
اسماء(شداتو) شكراا نيت واقفة عليه .. الله يخلف ويزيدك
ماريا(حركات راسها بإيجاب) امين ..
عيطات ماريا على كل الخدامة كتعطيهم خلاصهم لشهر …. كملات ولقات نيت عروس لي جاية تصيب تكلفات بيها ماريا بنفسها وقادات ليها وجها حتى رجعات كيف الأميرة … وزادت خلات البنات يصيبو ليها شعرها ولي خاصها مزال وزادت ركبات في لوطوو وتاجهات الكافي لي مولفة تفطر فيها ……

💟تتمة الجزء 💟
وصلات لكافي بجنب البحر بلاصات لوطو ..نزلات ونضاضر على عينيهاا كتمشى فإتجاه طابل فين مولفة كتكلس حتى شافت شخص عاطيها بالظهر كالس فيها … تعجبات وزادت بخطوات بطيئة لعندوو … وقفات قوداموو وتغيروو ملاميحها لدهشة؟!
حيدات نضاضر على عينيها كتأكد
ماريا: نتاا ؟؟!!
الشخص كان كيشرب في القهوة وعيونو الخوضر المجبدين كيشوفوو في البحر .. غير سمع صوتها ميل وجهو وهز عينو كيشوف فعيونها لي بنضرات تعجب كتحقق فيه
الشخص: مالك ؟؟
ماريا( حطات ساكها فوق طابل) هادي بلاصتي .. وهنا مولفة ديما نفطر .. شكون سمح ليك تكلس فيها ؟
الشخص: واقيلة لواحد خاصو يكلس فيما بغاا … وانا عجباتني هاد البلاصة .. ولاكن الا بغيتي تشاركيني الطابل ماشي موشكيل مرحباا
ماريا تنهدات ودورات عينيها كتكالمي راسها … لاكن سرعان مجرات الكرسي وكلسات قبالتوو وشيرات لكارسون باش يجي عندها
كارسون: اش حب الخاطر ؟
ماريا(هزات عبنيها فبه مخنزرة) شكون سمح ليه يكلس هناا ؟؟؟ … ياك اناا كنعلمكم وكنخلصكم بلي هاد الطابل لياا بوحدي فصباح
الكارسون: وي مدام .. حنا مكنسمحو لحتى وحد يكلس فيها ولاكن قالينا بلي عندو لقاء معاك داكشي علاش سمحنا ليه
ماريا( دورات عينيها عندو بصدمة) شنووو !!!
الكارسون:هادشي لي كاين امدام وسمحي ليناا
ماريا( عينيها على الشخص لي أمامهاا وكيشوف فيها بهدوء ) جيب لياا فطوري
الكارسون: هيا لولة
…زاد وخلا مارياا اكتشوف فشخص بعصبية وتعجرف
ماريا: اش هاد الوقاحة لي وصلتي ليهاا ؟؟ … اينا لقاء بيني وبينك ااا؟؟؟ ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت27::
الشخص: واقيلة نسيتي البارح ؟
ماريا: ( طلعات فيه حاجب) مالوو البارح دااز صافي
الشخص( تكا على الكرسي وكيشوف فيها بعيونو الخضراء) لا مداازش كنتسالك شي حاجة ؟؟
ماريا( حطات إيديها على طابل وحواجبها منقضين) مثلاا ؟؟
الشخص:( ببرود وثقالة ) واقيلة راني أنقذت حياتك ؟؟ وحتى كلمة شكر مقلتيهاش لياا
مارياا: ( حققات شوفة فيه) داباا كتسنى مني نشكرك ؟؟
الشخص: ( بتاسم بجنب) نقدر نقولك بلاصة شكر .. باغي حاجة خرى
ماريا(طلعات حاجبها فيه ) حاجة خرى ؟؟ … فكرني فإسمك ؟؟
الشخص: بهاد سهولة تنساي لي نقذ حياتك … ولاكن ماشي موشكيل… ( حط إيديه بزوج على طابل وقرب ليها) سميتي فخر الدين
ماريا: ( حتى هيا قربات ليه وبتعجرف) مسيو فخر الدين .. أنا اصلان مكنتش محتاجاك.. غير كلفتي راسك وصافي
فخر الدين:( بشبه إبتسامة ) قوية مع راسك …. ولاكن على متذكرت وماشفت البارح كنتي فحالة ميؤوس منهاا .. ومكنتيس تقدري تفلتي من إيديهم كون متدخلت
ماريا:( بتكبر) غير جاب ليك الله وصافي ….
فخر الدين(شتت أنضارو بإستهزاء ) اممم … ممكن .. (شاف فيها)ولاكن كنتسمى نقذت حياتك وخاصني مقابل
ماريا: مقابل!! ….
فخر الدين: اكييد .. عندي طلب فمكان شكر حيت عاونتك شوية باش فلتي بين إيديهم .( بنضرات مستهزئة) . واخا كنتي اتفلتي بين إيديهم بدون مساعدتي
ماريا( هزات راسها بإفتخار) حاجة باينة . واخا شنو طلب ديالك ؟؟
فخر الدين قرب ليها اكثر كيشوف فعينيها الخضراء ونطق بصوت رجولي خافت
: بغيت …..

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت28::
فخر الدين: بغيت صداقتك
ماريا( بقات كتشوف فيه لثواني … رجعات وتكات على الكرسي مربعة إيديهاا .) صداقتي!!
فخر الدين:( بهدوء) اااه
ماريا: ( بتاسمات بإستهزاء) فأحلامك
فخر الدين( بتاسم لعنادها) زعما منستحقش صداقتك ؟…
ماريا:( كتورك على كلامها) أبداا … حيت مكنبغي حتى علاقة تجمعني بالجنس الذكوري كيف مكانت .. وخاصة إلا كانت صداقة
فخر الدين: وعلاش ؟؟
ماريا: بكل بساطة مكنتيقش ..
فخر الدين: وزعماا انا نقذتك .. ( تدارك الأمر) بغيت نقول ساعدتك فموقف صعيب ومنستحقش صداقتك ؟
ماريا: ااه متستحقاش ..حيت باش تكون كتجمعني علاقة بشخص خاص اول حاجة نتيق فيه .. وللأسف صعيب أني نتيق فيك ….( بصوت مستهزء) لهذاا فأحلامك نقدر نكون صديقتك
فخر الدين( بقا كيشوف فيها لثوااني وهيا هازة خنافرها لفوق .. نطق بصوت هادئ) أحلامي كنحققهم الا بغيت…لهذاا فواحد نهار اتكوني صديقتي وأكثر
( وقف وحط فلوس فوق طابل ودار نضاضر على عينيه) وهاد نهار قريب متنسايش هدرتي …
قبل ميسمع جوابهاا زاد مخليهاا اكتبقلل وهدرتو كدور فراسها حتى خرج من الكافي وفنفس الوقت جا الكارسون هاز معاه الفطور حطو ليهااو بدات فتناول وجبتها حتى كملاتها ….

💟تتمة الجزء💟
بعدما فطرات خرجات ركبات في لوطو ديالها وزادت فطريق حتى وقفات فسطوب …. وفنفس الوقت وقفات لوطو جنبها كلاكسونات زوج مرات حتى نتبهات ليها . .دورات وجها عندها وهيا تشوف نفس الدري ديال أمس ومعاه رباعة دراري كيشوف فيها بشر ووجهم لي بكدمات واضحين …
الدري 🙁 بصوت مرتاافع ) واخيييرااا لقيتك
ماريا غير سمعاتوو دورات وجهاا لطريق ووركات على الكسيراتور ..زاادت فطريق طااايرة وكتشوف فالمراية كتلقاه وراه تماماا لاسق فيهاا … شيء لي كيخليهاا تزييد في الكسيراتوور باغاا تبعد عليه قدر الإمكان ولاكن حتى هواا كيزيد يقرب منهاا أكثر … حتى ضربهاا لور خلاها تهز خايفة دير الكسيدة بسبابهم … زادو ضربووها مرة خرى حتى غوتات بتوتر وخوف وكتزييد تورك في الكسيراتوور طاايرة فطرييق …
وبغفلة وهيا مركزة فطريق ..جاو جنبهاا وغادين بنفس سرعتهاا
الدري:( كيغوت ) ليييوووماا انصفيهااا لييك … صحااب لييك اندوزهاا ليك بساااهل ….
ماريا( عينيها فطريق وكتغوت) وبعد منييي … واش مرضتيييييي … عطينيي تيساااع
الدري: ممفاااكش معاااك ليووم انتااقم منننك …واندممممممك
ماريا( وركاات على الكسيراتوور حتى فاتوو شوية وزااد تاني جنبهاا…. غوتاات وهيا كترعددد ) ورااه اتقتلنااا راااك مريييض نتااا مرييييييييييض
الدري: اااه انقتلللللك …… رااك قلت ليك مكتعرفينششش مزيااان .. وانا انوريك اش كنسوى
مااريا: ( غوتاات ) وعيطنيي تيسااااااااع …….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت29::
بنفس سرعتهم جاات سياارة طايرة فطرييق حتى وصلات لييهم وبجنب سيارة الشرير ( كلقب) غادة وبصوت مرتاافع غوت الشخص لي فيهاا
الشخص: وووقففف وقفففف
الشرير( دور عينو عندوو) شكوون نتا بعد مناا
ماريا(دورات عينيها شافت فشخص وهيا كترعد) نتاا؟؟
الشخص:( جبد فردي وخرج إيديه من سرجم لجيهة لوطو ديال شرير ) اتوقف ولااا انقتلك …
الشرير: ( غوت) موااقففففش مغانوقفشششش
الشخص: ( غووت وبصوت حاااد) بربي ومتوقف حتى نفركعك
الشرير: (ضرب فلون ) مواااقفش يلااه اش غادي دير
الشخص( وهوا سايك وجه المسدس لباب لوطو ديال شرير .. وطلق الرصاصة ..شيء لي خلا مارياا تغوت والشرير يخااف …. بصوت مرتافع و صااارم ) دااباا اتوقف ولااا اتمووت نتاا وربااعتكك … وقسماا بالله حتى نديرهاا يلاه وقفف دااابااااااا
الشرير( شاف فصحابو لي كيأمروه يوقف ويغوتوو عليييه خايفين على حياتهم.. وكان هوا نفس شيء خاصة لما شاف نضرات الشخص وجديتوو أنوو يقدر يقتلهم . …. شاف فمرياااا وبتهديد دوى) متبقاااش فيييك وعقلي علياا مزيااان ….
بلمحة بصر خفف سرعة والشخص وجه كلامو لمارياا انهاا تزيد فسرعة وداكشي لي دارت وهواا زاد تبعها من لور حتى بعدوو عليهم ….

💟تتمة الجزء💟
بعدما بعدو على الشرير بلاصات ماريا لوطو بجنب الطريق كترعددد حطات راسها على الفلون كتحاول تهدن رااسها قدر الإمكان لأنها فلحظة كانت كتشوف الموت بعينيهاا … محسات غير بي لوطو توقفات جنبها نزل منهاا الشخص وتاجه عندها كيحل في الباب لي كان مقفل
الشخص: حلي الباب ….
ماريا مقادرة حتى تهز راسهاا بقات ساكتة
الشخص: ( قرب ليها مع كان السرجم محلول)مارياا تهدني كلشي فااات
لامجيب ..❌
الشخص: ماارياا .. سمعيني بحال هادوك مغاديش يتهنااو حتى يديرو ليك شي حااجة … وانا ميمكنش نخليك هاكاا فخطر ( سكت لثواني كيشوف فيهاا كترعد ) مارياا اناا غادي نمشي وبغيت نديك معاياا حيت منقدرش نخليك وراياا وهاد الكلاب حاطين عليك العين …. مارياا… اناا بعد غداا غادي نسافر بغيتك تمشي معاياا حتى ينساوك .. زوج مرات كان الحظ حليفك انوو نقذتك.. ولاكن مرة خرى شكون ايعتقك بين إيديهم …..
ماريافقط كتسمع ليه .. بقات لثواني ساكتة وهزات راسها ووجها مزنك … شافت فيه بعيونها الخوضر لحوومر واخا مفيهم حتى دمعة .. بقات كتحقق فملامحوو الزوعر وعيونوو لي كيلمعووو
ماريا: فخر الدين … منقدرش
فخر الدين:( قرب ليها ونطق ببحة رجولية وعيونوو مركزين معاها) متجاوبيش داباا … كنظن مغاديش تخاطري بحياتك لهاد درجة انك تبقاي هناا وخاصة معندك حتى واحد … عنادك خليه جانباا وفكري فحيااتك حيت هادوو عارفهم مكيتناازلوووش
ماريا( بقات كتشوف وكتعاود هدرتو فأذانهاا … حدها دورات وجها ديمارات لوطو بهدوء .. وقبل متحرك قالت) حتى نفكر ….
وزادت غادة فطريق مخلياه متبعها بعينيه الخوضر لبشفران شوهب مزينين ومميزين بنضرات الغموض ….. زاد لوطو ديالوو ركب وديماراا ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت30:
وصلات لعمارتهاا وجهاا صفر بلاصات لوطو ويلاه بغات تطلع حتى عيطات عليها مينة
مينة: ماريااا ماريااا
ماريا دورات وجهاا عندهاا كتشوف فيهاا
مينة: ( جات عندها وسلمات عليها..) مارياا لباس عليك ( حققات فيها) مال وجهك صفر ؟؟
ماريا: لا والو العيا وصافي
مينة:يلاه لقيتيني انطلع نقاد ليك دار
ماريا حركات راسها بإيجاب وزادت سابقها ومينة تابعاها كدوي معاها لاكن ماريا مرفووعة حتى وصلو لشقة دخلات وتاجهات لصالون كلسات ولايحة كل رجل وإيد فجيهة كتحاول ترخى وتمحي من عقلها الأحداث لي طراو … غمضات عينيهاا ولاكن فنفس الوقت كانوو لقطاات كيجيو كصور فذهنها حتى كتحل عينيها بزربة …تنهدات وحطات مرفقها على ركبتها وشدات راسهاا كتماسيه بأناملها حتى كلسات جنبها مينة لي لاحضات حالتها منذ دخلوهاا ووجها الشاحب
مينة( حطات إيديها على كتاف ماريا) بنتي ماريا مالك؟؟ اش كاين ؟
مارياا( نطقات بهدوء) والوو امي مينة
مينة( قربات ليها وإيديها كدوزو على شعر ماريا) كتخبي على ميمتك مينة ؟..راني حاسة بيك شي حاجة ومعجبتبنيش منين دخلتي قولي اش كاين كيما موالفة
ماريا( حنات راسهاا وسكتات لثوااني كتفكر …. وبدا شفايفها كيتحركوو وهيا كتعاود ليهاا على لي طراا من لقاء القهوة مع شرير وفاش تلقاا ليها وعتقهاا فخر الدين حتى لداباا.. شافت فمي مينة لي كلها أذات صاغية ليهاا … ) وداباا معرفتش واش نمشي معاه ولا لاا ؟؟ حرت
مي مينة( شدات بإيديها) بغيتي رأي سيري معاه …حيت هوا لي أيعتقك من دوك البراهش … ( حققات شوفة فيها وبتاسمات) وأخيراا ابنتي لقيتي شي واحد يوقف معاك ويحميك بلا مقابل …شحال من واحد جا يتزوج بيك كااع ورفضتي حيت مكنتيش ثيقي فحتى واحد … ولاكن هاهوا جا واحد بين يديك ربح ثقتك حيت عتقك وحماك منهم … فبلاما تخسريه هوا باغي يحميك قبلي وسيري معاه وبدلي الجو حيت كيما قاال راه هادو مغاديش يتفااكوو حتى يديرو فيك شي حاجة .. ونتي اكبيدتي ساكنة هنا ابوحدك وكتخرجي غير بوحدك وهوا ايمشي شكون ايعااونك … سمعي لكلاموو وسيري معاه راه دار معاك فعايل ديال رجااال .. ورجال الحرين لي كيديروو هاكاا .. ( بتاسمات ليها) حتى انو خاف يخليك وراه … وطلبك تمشي معاه اش باغا كثر ؟؟ …
ماريا بقات كتشوف فمينة وكلامها كيدوور فراسهاا .. حتى خلاها مخربقة معارفة اينا قرار اتختار
مي مينة( طبطبات على إيديها)مارياا هادشي بلاما تزيدي تفكري كثر من هاكاا … حيت حياتك فخطر فكري فراسك اول حاجة وهواا الا مشيتي معاه اتكوني بخير حيت ايحميك

ونيت بيماا نساوك هاد الكلاب لي هناا …. سيري معاه ابنتي الله يرضي عليك …. حيت كوني هانية منخليكش هناا
ماريا دورات وجهاا وشافت قودامهاا وعقلهاا غايب عنهاا ساهية فنقطة وحدة … حتى خلات مي مينة كتشوف فيها …
مينة: ( وقفات كتشوف فمارياا وإبتاسمة بشوشة على وجنتها) جااب ليك الله لي يكون فجنبك .. وثيقي فيه … ويحميك بلا مقابل …. مضيعيهش ابنيتي
… ختاما لكلامها زادت لبسات جلابتهاا بعدما كانت قدات دار وحلات الباب وخرجات مخلية مارياا فدوامة الأفكاار المتضاربة … حتى شدات رااسهاا بألم بصداع لي حساتوو من كلمات وصور المتوالية وصعوبة إتخاد قرار وتفكير فيه … حتى ناضت متاجهة لبيتها جبدات دوى ديال راس شرباتوو وتبعاتو دوى ديال النعاس وتكات فوق ناموسية لدقائق حتى داتها عينيها …

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت31::
ضرباتها الفيقة بعد ساعاات طويلة حلات عينيها الخوضر ووجهاتهم لشرجم لي كان ظاهر عليه الظلام … تما عرفات بلي الشمس غربات وحل الليل .. حيدات عليها الغطا وكلسات كضردك فعنقهاا وكتماسيه باش تزيل عياء نوم … ناضت وحيدات عليها القميجة وسروال وتاجهات لدوش بدوبياس خدمات رشاشة بعدما حلات شعرهاا وتجردات من الملابس وخلات الماء كيتسلل فجسمها البرونزي عاد مفاتنها لي فمكانهاا وبارزة وبطنها المسطحة زادت زيناتها اكثرر … بعدما كملات إستحمامهاا خرجات لاوية عليها بينوار قصير وفوطة جمعات بيها شعرها وتاجهات لكوزينة جبدات ديسير والحليب طحناتوو وشي كيك وحلاوي حطاتهم فطبسيل وكلسات كتاكل حتى سمعات تيلي ديالها كيصوني ناضت هزاتوو ووجوبات
ماريا:الوو
اسية: الووو حبيبة فين هاد الغبور شحال وانا نصوني عليك
ماريا؛ ادار وصافي
اسية: واختي كناا بغيناك تخرجي معانا ساعة والوو مكتجاوبيش
ماريا: كنت ناعسة داكشي علاش …
اسية: زيدي خرجي معانا نبدلو الجو …
ماريا: داباا ؟؟
اسية؛ ااه ..لبسي واحنا انجيو عندك
ماريا: اممم … اوك واخاا فين نمشيو ؟؟
اسية: لبسي شي حاجةزوينة .. نمشيو لشي ريسطوو مشيك
ماريا:اوك واخاا .. بسلامة
ناضت ماريا لبيت نعاس نشفات شعرها وصيباتوو وقدات وجها بميكاب سموكي لبسات ملابسها داخلية ورتادات فستان شبه عاري جمعات شعرها ديل حصان مع سندالة طالون وهزات ساك خشات فيه مستلزماتها حتى سمعات تيلي ديالها كيصوني هزاتوو وجوبات اسية انها اتنزل داباا .. رشات بارفان ديالها وخرجات من دار بعدما سدات الباب بساروت .. نزلات لتحت وشافت رونج كحلا واقف فطريق حتى نزل الزاج فيمي وغوتات اسية بإسمها
اسية:مارياا هاني
ماريا شافت بتعجب فيها وزادت متاجهة عندها ؟؟
اسية( كانت كالسة لور مع ختها ) زيدي زيدي ركبي
ماريا( وقفات حدا لوطو وشافت دري كالس لقودام ومبتاسم ليها.. ورجعات انضارها لاسية) صافي انركب في لوطو ديالي حسن
اسية:( خرجات إيديها من زاج وشدات ماريا) وتي ركبي راه اعشيرناا هادااا زيدي زيدي بلاماا تعطليناا راه خاصنا نمشيو بكري
ماريا( تنهداات وحلات الباب لي لور لقاتو مسدود ) يلاه حلي
اسية( طلعات زاج) وركبي القودام اصاحبتي راه مزال انطركو ناس
ماريا بقات كتشووف مرضياااش … وتنهدات مبغاش تخسر مورالها على البدية زادت حلات الباب لقودام وركبات حدا راجل لي بتاسم ليهاا دار نضاضر لعينيه وديمارا وزاد طير فطريق ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت32::
بقا داخل بين الأزقة حتى وصل لإحدى الملاهي الليلة بالدار البيضاء بلاصا لوطو ونزلات اسية وفاتي
اسية:ماريا تسناي احنا جايين
داخلو وخلاو ماريا غير كتبقلل معجبهاش الحال يلاه بغات تحل الباب لقاتو مسدود …دارت عند راجل لي مبتااسم ليهاا
الشخص: منبقاش زعما انا وياك بزوج اممم …
ماريا طلعات فيه حاجب من وقاحتوو
الشخص( بتاسم وزاد قرب ليها) ولا واقيلة بلاما ندخلو معاهم نمشيو لشي بلاصة كالم غير انا وياك اش بان ليك ؟( حط إيديه على فخاض ماريا) صراحة عجبتيني
ماريا( ضربات ليه إيديه بجهد وهزات عيينيها فيه بحدة )اتبعد مني ولا ميعجبك حااال(بدات كتحل في الباب)حلي هاد الخراا نمشي بحالاااتي حللل
الشخص( شد ليها إيديها بزوج ودورها عندوو مبتاسم وقريب منهاا زيادة ) تهدني متعصبييش انحلوو …. غير بغيت زعما ندويو شوية ونتعارفوو
ماريا( نترات إيديها بجهد ووركات على كلامها) مابااغاا تتعرف لا معاك لا مع غييرك وحل لياا هاد زبل نمشي بحاالاتي ولا يمعجبك حاال كتمسععع
الشخص( بتاسم ليهاا ) قويصحة مع راسك ( جبد فلوس من جيبو ومدهم ليهاا) ولاكن عارف هادوو ايبرطبوك كيف صحاباتك (غمزها وشد ليها إيديها حط فيهم الفلوس )
ماريا( نزلات عينيها لقبطة ديال الفلوس بين إيديهاا وطلعات عيينها فيه بنظرات قاضية .. حتى تاجهوو إبديها لعنقوو بزوج وقجااتوو وهياا كتغوت وتورك على كل كلمة كتقوولها) صحااب ليك اناا تبااعت الفلووس الكلب يصحاب ليك اناا كلبة.. كنتباااع الشمااتة مبغيتيتش تحشممم مبغيتششش كنقولك حل لياا الباااااااب ونتاا زاايد فييه( ورااكات على عنقوو كثر حتى ولاا وجهوو حمرررر وكيحاول يبعدها ولاكن تسيفاات مقدر حتى يحركها من بلاصتهاا خصوصا انها حكمااتوو وعينيها حمااروو ولاو كيشوفو اضبابة) وداباا انصفيبهاا لييك يالحمااار …. باش تعلمممم تعاودها مع بنت ناس خرى … كتسمععععععع
الشخص( كيحرك راسوو بلاا وكيحس بالروح اتزهق ليييه نفس مكطلعش ليه ) طط ..ل .قي .. ط ل.قي
ماريااا( حيدات إيد على عنقو وعطااتو تصرفيقة لوجه بجهد وحمرات عينيها فيه) وهادي متنسهاااش الحماار متنسهاااش
طلقات منوو ودروات ساروت باش تحل ليها الباب وخرجات ضربات بالباب بجهد وتمات غادة مخلياااه كيشهقق باش يرجع نفسووو ندمااتوو علاش يقرب ليها حيت شااف الموت بعينيه وعلمااتو عمروو يحادي شي بنت بحالهاا ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت33::
زادت مارياا فطريق وبطالون كتقرقب حتى لمحات طاكسي شيرات ليها وركبات وزاد بيها لدارهاا … واثناء طريق تيلي ديالها كيصوني
( ربطات الخط)
اسية: الووو ماريا فينك؟؟
ماريا: ( غوتات في تيلي)اااخر مرة انمشي معاك لشي بلاصة هاكاك وخصوصااا مع شي شماتة بحال هاداك
اسية؛ اويلي مالك اش كاين ؟؟
ماريا:نتووماا زدتوو وخليتووني واحلة مع كلب ديال الخلاا .. محشمتووش ؟؟
اسية: لاا راه قبل قاليناا بغيت انتعرف عليها وحنى مشينا باش نخليوكم بزوح براحتكم وتسيناكم لداخل باش تجيو حتى خرجت ملقيتكش فين زدتي ؟؟
ماريا: هاداك الكلب كيصحابني تبااعت الفلوس اما انا شريفة عليه … الحمار لاخر عاطيني فلوس هاكا اجي نخرجو انا وياك بناادم ولا خايب بزااف
اسية: واتنتي كون امشيتي معاه يبرعك بووكو حبة ..
ماريا: ( وركات على كلامها)اسية بغيتيني نبقا معاك مزيانة اتولي تعرفي اش كتقولي .. الا كان هامك نتي الفلوس انا لااا وعارفااني اش كنسوى … فلوسي درتهم بكتافي وممحتاجة لحتى وااحد ..حيت لا أنا من داك نوع وعمري انكووون وهادشي عارفااه مزيااان ااسية دوونك عرفي اش كتخرجي من فمك ومتبقايش تزيدي من رااسك
اسية:اعتذر اعتذر مقصدتش بب والله … صافي عمري نعاودهاا غير بقاي على خاطرك وبلاتي عليه حنى نتحاسب معاه حتى هواا
ماريا( تنهدات) صافي انقطع بسلامة
قطعات عليهاا وحطات راسها على زاج محملااتش الموقق لي تحطات فيه وانهاا تولي بحال فاتي ولا أسية كرهاات لحضة لي جاات معاهم حيت من ديما هيا صاينة راسها عمرها عرفات شي دري ولا عطات لفرصة لشي راجل يتقرب منها .. خطبوهاا رجااال بأنواع واشكاال وكان رفضهاا ديماا ليهم … لأنها باش تزوج شخص خاصهاا ثيق فيه وثقة شيء صعيب تعطيه لشي حد … خاصة الا كانوو رجال لأن ماضيهاا كان ديما معاهاا وغدر عمهاا وطمعوو فيها ونواياه السيئة عمرهم متنسااو ليهاا وخلاتهم ديما بين عينيهاا
وكيما قال ليها باها انو متيق فحتى واحد وطيحات كلمتو وتاقة فعمهاا حيت كان بالنسبة ليها الحبل لي اتمسك بيه ويعتقهاا لاكن بفعلتو خلا بنت صغيرة تعيش معانات كبر من عمرها ..وجعل من ماضيها قاسي.. حتى أنه لم يرحم طفولتهاا …

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت34::
☀️☀️ أصبحنا وأصبح الملك لله ولا إله الا الله ☀️☀️
ماريا كالسة في لوطو ديالها بجنب العمارة وطالقة اغنية هادئة وعقلها كيفكر فقرار لي اتختار حتى سمعات دقان في زاج دورات وجها وشافت مرأة متوسطة فسن ..نزلات زاج
ماريا:(بقات كتشوف فيها ) سلام
المرأة:كيدايرا اماريا لباس
ماريا(هزات راسها بإيجاب) الحمد لله ونتي بخير
المرأة:الحمد لله … بغيت ندوي معلك ابنتي
ماريا: اييه … غير واش نفس الموضوع ؟؟
المرأة: اييه واش مبغاش يهديك الله … وتقبلي بولدي لي شحال وهوا تابعك .. دار اية حاجة باش تقبلي بيه
ماريا: (تنهدات ) انا قلت لي عندي .. انا مكنفكرش في زواج .. وعطا الله لبنات زوجيهم لولدك …راه واخاا يعياا ميتبعني راه اناا مقبلاش وزواج محيداه من راسي
المرأة:راه هوا بغاك نتي .. وقال ليا ليك يخلاق ..فكري ابنتي .. عندي اولد وااحد وراه لمن لماديات راه بخيروو وكيبغيك ووناوي الحلال معاك مغادي تلقاي معاه حتى موشكيل كامل مكمول..
ماريا: عارفة .. وراه حنا جيران سنين … وولدك مفيه ميتعاب ااناا مبغااش داباا غير عفيني
المرأة:راه ولدي ايبقا يتسناك .. راه باغيك ومن صغرو وحاط عليك العين .. حتى انو وجد راسو ومستقبالوو وشرا فيلا ليكم ومخلى مدار باش تقبلي بيه .. الله يرضي عليك لما فكري
ماريا(دارت نضاضر لعينيها) اسمحي ليا هاد ساعة عندي شي غراض …
المرأة: فكري ابنتي .. (مدات ليها نمرة ديالها) وهادي خليها عندك علميني ونتمنى تقبلي
ماريا( شافت فنمرة وخداتها من عندها ) يلاه نخليك طلعات زاج وديمارات لووطو وتحركات في طريق حتى وصلات لكافي فين مولفة تفطر بلاصات لوطو ونزلات داخلة بكسوة لاسقة حد الركبة سامبل مع تجاكيط تجين لاحتها عليها وسبادري بيضا ونضاضر على عينيها حتى شافت فطابل ديالها كالس فيها شخص … تأكدات غير من لون شعروو الأشقر من غير انها كانت متأكدة انوو هنا فين اتلقااه باش يعرف جوابها ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت35::
وصلات لطابل وجرات الكرسي وكلسات مقابلة معاه كان شاد تيلي وداير نضاضر على عينوو وغير حس بوجودها وجلوسها اماموو هز عينيه تدريجياا ورسم إبتسامة طفيفة على شفايفو
فخر الدين:(حيد نضاضر على عينيه) مرحباا … عرفتك اتجي
ماريا:اكيد راه هنا فين كنفطر كل نهار .. ولاكن انا لي كنت عارفاك اتكون هنا
فخر الدين: عارف … (جغم من القهوة) اوا شنو جوابك؟
ماريا:( حيدات نضاضر على عينيها الخوضر .. وشافت فيه بهدوء ) اوك قابلة … نيت كنت باغا نمشي لتركيا
فخر الدين( بتاسم ودوى بتقالة ) وهيا كانت فإنتضارك
ماريا( شافت فيه لوهلة وركزات فعينيه لخضرين لي كيشوفو فيها بنضرات جذبووها … ولاكن سرعان مدورات عينيها لكارسون لي واقف بعيد شيرات ليه وهوا فهمها بلي باغا فطورها المعتاد .. ورجعات تكات على الكرسي مربعة إيديها ) اوا نتا ديما فتركيا ؟؟
فخر الدين : ( كياكل في فطورو) تقريبا … ولاكن في العطل كنجي هناا نبدل الجو
ماريا:ااه كيعجبك المغرب ..
فخر الدين: اكيد هيا بلادناا .. وأصلناا … ( حط إيديه على طابل وكيشوف فيهاا بعيونو المجبدين والمزيزين بلمعانهم بلون الأخضر) نتي كتسكني بوحدك ؟؟
ماريا( تحط قودامها الفطور وجغمات من القهوة ) وي
فخر الدين: ( بتركيز) فين واليديك ؟؟
ماريا كانت خشات في فمها طرف بتيبان … وغير سمعات سؤالو توقف فمها على المدغ .. وزكاات حانية راسها وعينيها كيشوفوو فنقطة وحدة …اما فخر الدين من جهة بقاا مدقق فحركتها وفسكوونها لما سمعات سؤالوو ونطق بصوت خافت
فخر الدين: الله يرحمهم
ماريا سدات عينيها كتبعد ذكرى واليديها .. وحلاتهم بدون متنطق بحتى كلمة وباشرات في الأكل واخاا بزز كيدوزو من حلقهاا .. حاطات فوجها قناع البرود لاكن مشاعرها فاضو عليها حتى بانت لمعةخفيفة فعينيها شيء لي خلاه يفهم بلي الأمر حساس بالنسبة ليهاا وهوا بسؤالوو أيقظ ذكرى مؤلمة عندها ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت36::
حسات براسهاا انها سهات فيه وبخفة بعدات انضارها عليه وشافت فالبحر كتحاول تخبي توترها بسبب سهوتها فيه ونظرها ليه بدون توقف
..حتى سمعات صوتوو
فخر الدين: راني حجزت ليك معايا .. غدا مع 8 صباح انمشيو
ماريا( هزات راسها بإيجاب ) واخاا انشاء الله
فخر الدين: اوا اش كديري فحياتك ؟؟
ماريا( جمعات رجليها عندها وانضارها متاجهين لبحر)
خدامة …
فخر الدين: فاش ؟؟ عندك صالون ياك ؟
ماريا: ااه( شافت فيه) عندي محالات خاصين بالميكاب وتصنيعو عاد محالات ديال الحوايج
فخر الدين: ااه اوا اش بان ليك ديري محال فتركياا ايخدم ليك
ماريا: ( كتفكر) امم ممكن .. محدي غادة غادة
فخر الدين:داكشي لي فكرت فيه. وانا انعاونك
ماريا(دورات وجها عندوو بتعجب … المساعدة ؟؟ اشخاص قلال لي مدو ليها يد المساعدة كانو ديما باغين أحاجتهم منها ويستغلوهاا.. نطقات بصوت منخفض) تعاوني ؟؟
فخر الدين( بتاسم بجنب) ااه انعاونك حتى ترتبي امورك تماا .. ولا يكما مبغيتش ؟؟
ماريا(دورات وجهاا ) نن ماشي موشكيل …
فخر الدين: مزيان ..
بعد دقائق ناضو راجعين ادراجهم .. كان فخر الدين دائما لي كيجبد الهدرة وهيا كان كلامها الحد فالقد .. كتجاوبو على قد سؤالوو شيء لي كيخليه كيبغي مزال يتعرف عليهاا ويعرف شخصيتها وكيفاش كتفكر … واخا ستنتج انها بنت حدودية ..وقليلة الكلام .. …. وشخصيتها غامضة …. وكتاسم بطبعها العنيد …
وصلات لوطو ديالها ركبات بعدما تبادلو نمرة … وعلمها بلي ايجي يديها من الدار .. زادت فطريق وخلاتو كيشوف فيها نطق بصوت خفيف
فخر الدين: أنبقا حتى نفهمك …ونعرف عليك كلشي … ونشوف مارياا لي مخبية داخلك …ومبغاش تبينها ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت37::
☀️☀️صباح جديد ☀️☀️
فغرفة ماريا كالسة كتستف فباليز أخر مستلزاماتها ..تاجهات لبلاكار هزات دميتها صغيرة وخشاتها في الباليز سداتها وحطاتها جانبا …تاجهات لساك هزاتو وجرات الباليز بزوج مخرجاهم حتى سمعات تيلي ديالها كيصوني … وقفات وحلات ساكها صغير وجبدات تيلي ديالها ربطات الخط ….📞📞
ماريا: الووو …
فخر الدين: مارياا هاني التحت .. نتي واجدة ؟؟
ماريا: ااه هاني نازلة ….
فخر الدين: يلاه كنتسناك ( قطع)
زادت ماريا جارة 2باليزات بعدما سدات الباب ديال الدار وسورتاتو ركبات في سانسور لي نزلها حتى لتحت خرجات ولقاتو واقف حدا لوطوو بكوستيم نواغ ونضاضر فعينيه جاا انييق بدرجة كبيرة حتى خلا مارياا اكتشوف فيه بنضرات متغيرين .. محسات اوقف قودامها ومد إيديه
فخر الدين:صباح الخير …
ماريا( ستوعبات …. ومدات ليه إيديها سلمات عليه وهيا كتشوف فيه ) صباح نور
فخر الدين( قرب ليهاا بغفلة قبل خدها برفق وبعد عليهاا خلاهاا اكتشوف … وبإبتسامة أخادة بتاسم ليها) كيف صبحتي ؟؟
ماريا( دورات عينيها يمين وشمال بتوتر … ) الحمد لله
فخر الدين مد إيديه لباليز حتى لامس اصابعها شيء لي خلاها تبعد ايديها من باليز وتخليه يهزهاا لكوفر ديال لوطوو ..تبعاتو وركبات القودام ودارت سمطة بيما جا هوا ركب جنبها ديماراا وتحركو فطريق …
فخر الدين( كيسوك ونضاضر فعينيه ) بغيتي نطلق شي اغنية ؟؟
ماريا:دير لي بغيتي .
فخر الدين( خطف نظرة فيها) اغنية معينة تبغي تسمعيها . نعرفو ادوقك بعداا
بتاسم بلاما يشوف فيها حتى بقات كتشوف فيه … بلاما تحس بنفسهاا وبتركيزها فلحيتو الخفيفة والشهبة .. ولون وجهو البرونز .. عاد شعرو الازعر لي مقاادوو ومرجعو لور .. ورائحتو لي غلبات رائحتها وخلاتها تنتشر في لوطوو وتخلي كل نفس من مريا كتشم ريحتو الرجولية الطاغية … عاد إيديه وهوا شاد الفلون بأناملوو وإيد لخرى حاطها فشرجم ومزينة بساعة سوداء متميزة … محسات بيه غير ودور وجهو عندها ولمح سهوتها فيه ورجع انظارو لطريق
فخر الدين: باقي مجوبيتينش ؟!
ماريا ستافاقات من سهوتها .. ووجهات اصبعها لراديو خدماتو وتسمعات اغنية
( وائل جسار * جرح الماضي*)
زادت فيها صوت وتكات على كرسي بهدوء بعدما تسمعو كلمات حساسين خلاو فخر الدين يزكا يسمع لدوقهاا ويدقق فكل كلمة ….
ياما خبيت بعينيا
دمعي وهمي الساكن فيي
وما اخليك تحس عليي
بداويك وقلبي موجوع
وما اخليك تحس عليي
بداويك وقلبي موجوع
ازا كنت بعزابي راضي
وجاي تترجعني
انا يا حبيبي جرح الماضي
بعدو

بعدو عم يوجعني
انا يا حبيبي جرح الماضي
بعدو عم يوجعني
ازا شايفني مش عم ببكي
ليش انت خليت دموع ؟؟؟
ازا شايفني مش عم بشكي
فكرك يعني مش موجوع؟؟؟
بعدماا سلات الأغنية حس انوو فقلبها جرح … وجع ألم….. لي مخبياها بقناع البرود …فهم بلي مطركاه ومخلياه داخلها بصمت …
حدو دور وجهو عندها شافها زاكية وعينيها على طريق بدون حراك … عرف بلي عقلها وتفكيرها فمكان ااخر او فماضي البعيد ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت38;:
وصلو لمطار بلاصا بعدما عيط على أحد اصدقائو يجي يهز لوطو …زاد جار الباليز ديالوو وديالها مخلي ليها باليز صغيرة ودخلو ..كملو مسائلهم وبعد ساعات تاجهو لطيارة كلسو فبلايصهم وطفاو هواتفهم و بدات طيارة فالإقلاع ديالها ….
فخر الدين( دار شاف فيها وهيا متوترة ) مالك ؟؟
ماريا:شحال مركبت فطيارة
فخر الدين:ايمتا اخر مرة ركبتي فيها … !!
ماريا: مني كنت صغيرة
فخر الدين: اه سافرتي ؟؟ فين ؟؟
ماريا:جيت لهناا …
فخر الدين( بتعجب) على نتي مكنتيش ساكنة هنا ؟؟
ماريا( سكتات لثواني … ونطقات) لاا كنت ساكنة فالإنجليز
فخر الدين: (بنبرة تساؤل) بلاتي بلاتي … واش تزاديتي تماا ؟؟
ماريا( هزات راسها بإيجاب)
فخر الدين: امم …واش نتي ماشي مغربية؟
ماريا دورات عينيها عندو متضايقة من اسئلتوو … شيء لي خلاه يفهم راسوو انو كثر في الهدرة والأسئلة برغم انو عرفها قليلة الكلام ومكتزعمش على ناس ومتبغيش لواحد يدخل فيها لاكن هوا باغي يتقرب منها ويعرف الداخل ديالها وشنو سبب لي خلاهاا هاكاا . لاكن هيا ديما كتحبسو وكتصدوو لسبب ماا؟؟ هواا باغي يعرفوو ..
حرك راسو بإيجاب انو فهم نضراتها ودور وجهوو داير لزيات في ودنيه وكيتفرج في تيفي صغيرى لي قودامو وعقلوو كيفكر فيهاا
باغي يعرف كلشي عليهاا ؟؟ علاش جات هناا؟؟ وايمتا ماتو واليديها؟؟ او واش هيا اصولها مغربية ؟؟ وعلاش ساكنة بوحدها ؟؟….. فين عائلتها ؟؟ وعلاش علاقتها محدودة ؟؟ ومتقدر ثيق فحتى حد ؟؟ وشنو مخبية داخلها ؟؟ وشنو الجرح لي فقلبها وساكتة عليه ؟؟؟
أسئلة كثيرة كيدورو فراسو خربقااتوو وهوا ماشي من العكازين كيحط حاجة فبالو ايبقا حتى يوصل ليهاا وهادي بانت ليه كلغز خاصو يفكو ويعرف اسرار لي داخلوو …

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت39::
بعد 6 ساعات تحطات طائرة فمطار إسطنبول فساعة ( 6 توقيت تركيا) حل فخر الدين عينيه من نومو لي دام 2ساعتين وشاف ماريا حتى هيا ناعسة … نطق بصوت منخافض وهوا قريب منها
فخر الدين: مارياا … فيقي
ماريافسابع نومة
فخر الدين( طبطب على كتفها) مارياا .. راه وصلناا
ماريا(حسات بيه وحلات عين وحدة.. كتشوف فيه دايخة) ااا ؟؟؟
فخر الدين: راه وصلناا .. خاصنا نزلوو
ماريا( وعات براسها وتوكضات كدور راسها يمين وشمال ملقات حتى وحد كلشي نزل ) بقينا ابوحدنا ؟؟
فخر الدين( وقف كيلبس في الفيسط ديالو) ااه نعسناا ونسينا راسناا … يلاه هاني انزل تبعيني
خرج باش يخليها مرتاحة .. هيا جبدات ساكها حلاتو وهزات مشوار فازك مسحات بيه وجهاا .. دوزات كلوس لفمهاا ورشات بارفان وجمعات نوضة تابعاه لقاتو واقف برا كيتسناهاا وكيدوي في تيلي حتى وقفات حداه وهوا يقطع
فخر الدين:مشيناا
ماريا هزات راسها بإيجاب ودخلو … قداو مسائلهم و خرجو باليزاتهم وكلسو فكافيتيرا كيشربو القهوة و كيتسناو لوطو ديال فخر الدين تجي
ماريا:شكون ايجيبها ليك ؟؟
فخر الدين(جغم من القهوة) واحد خدام معايا فشركة ..
ماريا: ااه …
فخر الدين: تبغي تسكني معايا في شقة ديالي ؟؟ محدك معارفة حتى وحد هناا وحتى اللغة ديال هنا مكتعرفيش ليها
ماريا: ( حركات راسها بنفي) لاا نسكن بووحدي احسن
فخر الدين: لي بان ليك . انا اقلت تبقاي معاياا حتى تولفي ونوريك كلشي هنا ونعاونك حتى تلقاي المحال وديك ساعة بغيتي تسكني بوحدك واخا ..
ماريا: لا كنبغي ناخد راحتي او مولفة نسكن بوحدي ..
فخر الدين: لي بان ليك راحتك هيا لولة …
ماريا( بنصف إبتسامة) شكرا …
فخر الدين: ولاكن خاص تكوني قريبة ليا على حساب معارفاش اماكن هناياا … ( تذكر ) نيت كنعرف واحد سيد يقدر يعطينا زوج شقات نسكنو فيهم
ماريا: نتاا اسكن فين موالف وغير شوف ليا شي شقة عادية ماشي موشكيل
فخر الدين: احسن اني نكون جنبك … ( بصوت خفيف وبإبتاسمة طفيفة على شفايفو) وبلاما ترفضي واخاا ..باش انا نكون مرتاح من جيهتك .وحتى نتي
ماريا( شافت فيه حتى عيات ومبغاتش ترفض طلبوو … ) واخاا ماشي موشكيل
فخر الدين جبد تيلي قام بإتصال بشخص لي أيكري ليه شقات بزوج
هاداا مكيجاوبش ..
عاود عيط عليه مرة وزوج حتى جاوبو
💎حوار بتركية 💎
فخر الدين : الوو
الشخص: الوو مسيو فخر الدين
فخر الدين: لباس عليك
الشخص: الحمد لله ..ونتا وفين هاد الغبور ؟
فخر الدين: هاني بلاه جيت… ممكن نكري من عندك زوج شقات بجنب بعض ؟؟

الشخص: حاليا عندي عامرين … الا بغيتي غدا ولا بعدو نخويهم ليك
فخر الدين: متأكد حيت محتاجهم ضاروري
الشخص: كون هاني غدا ولا بعدو يكونو خاوين
فخر الدين: واخا شكراا … انتسنى إتصالك ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت40::
فخر الدين( شاف فمريا) راه لقيتهم عامرين .. غدا ولا بعدو يكونو واجدين .. ومن هنا لتما تبقاي عندي
ماريا: احسن نبقا فأوطيل بيما وجدو
فخر الدين( قرب من طابل كيشوف فيها بتدقيق) ماريا نتي جيتي معاياا … أمانة عندي منقدرش نخليك بوحدك باش نكون واضح معاك … خصوصا انك مكتعرفي هنا والوو لالغة وحتى البلايص معرفاهمش .. دونك اتبقاي حدايا وفحمايتي حتى تولفي.. وديك ساعة نتي حرة فراسك….. واخاا
ماريا بقات كدور كلامو فراسها … حسات بشي حاجة فالداخل ديالها .. والكلمات لي ترددو فأذانها
* نتي أمانة عندي … اتبقاي حدايا وفحمايتي *
خلاوها اكتشوف فييه وفعينيه مركزة حسات صدق في كلاموو عاد عينيه بنضرات هادئة كيشوفو فيها
فخر الدين( بصوت هادئ) متردديش.. حنى اصدقاء وعمري انبغي ليك شي حاجة درك .. بلعكس انا جبتك معايا باش نحميك ونكون فجنبك و قريب ليك.. ونرد ليك البال
ماريا: ( هزات راسها ونطقات بهدوء ) انا قادرة نحمي راسي ….
فخر الدين: ( هز راسو بإيجاب) عارفك قوية ..ولاكن محدك نتي فبلاد غريبة فخاص واحد لي يشد بإيديك ويعاونك .. ( بتاسم) بلا ما تقصحي راسك ويلاه معايا وكوني مرتااحة انا مغاديش ندرك ..
ماريا( حسات بكلامو صادق … شافت فيه حتى عيات ونطقات بهدوء) وااخاا مي من بعد نسكن بوحدي
فخر الدين: غير يوجدو شقات وغادي تسكني وانا انبقا قريب ليك لاتحتاجي شي حاجة واخاا
ماريا( تغيروو نظراتهاا ونطقات بنبرة تساؤل وهيا كدقق فعينيه الخوضر )
علاش كدير معايا هاكاا ؟؟؟
فخر الدين شاف فيهاا بنضرات جذابة … وبداو عيونو كيتجبدوو حتى ضهرات إبتسامة آخادة على شفايفوو شيء لي خلاهاا تجمع حواجبها وتركز فعينيه كتسنى جوابو حتى تسمع صوت مسج من تيلي ديالو هزو ولقا بلي وصلات لوطو وكتنساه في الخارج
فخر الدين( هز عينيه فيها ) يلاه نمشيو …
ماريا بقات اكتبقلل فيه حيت مجاوبهاش … حتى بان ليها وقف وزاد جار الباليزات بعدما حط فلوس فوق طابل ..تعجبات وزادت تابعاه لخارج المطار…

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت41::
خرجو لبرا وشافت مرسيديس نواغ واقفة وبجنبها راجل لي مد لفخر الدين سوارت وزاد ….
تاجه فخر الدين لكوفر حط الباليز وشير ليها باش تركب وداكشي لي دارت ديماراا وتحركو بين شوارع أسطنبول
فخر الدين: هاد المدينة عزيزة عليا .. ولاكن ماشي بحال المغرب
ماريا( كتشوف فناس وفطرق ) بصح كيبقا المغرب بلادناا …
فخر الدين: زعما عزيز عليك المغرب ؟؟
ماريا: ( هزات راسها بإيجاب)ايه واخا متزاديتش فيها ولاكن كنعتبرها بلادي حيت حماتني وعشت فيها بخير اما فالإنجليز ….
( قبل متنطق حبسات راسهاا باش متجبدش الماضي ديالها )
فخر الدين( خطف نظرة منها) مالك ؟؟ كملي
ماريا: لا مكاين والوو … قربنا ؟؟
فخر الدين: شوية …
ماريا: وواليديك كاينين هناا ؟؟
فخر الدين: ااه …غدا نمشيو عندهم الا بغيتي
ماريا: واخا انشاء الله
بعد دقائق وصلو لأحد الأحياء راقية بلاصا لوطو في باركينغ ونزلو جارين باليزاتهم ركبو فسانسور وطلع بيهم لطابق ل20 خرجو منوو وتم غادي فخر الدين لباب ديال شقتو حلها ودخل بعدما شعل ضو .. دار وشاف ماريا باقاا واقفة حدا الباب كتشوف فالأرض
فخر الدين:ماريا دخلي ..
ماريا هزات راسها فيه بدون متنطق
فخر الدين رجع عندها ووقف قودامها كيشوف فعينيها الخوضر لي كيبان فيهم تردد .. مد إيديه لإيديها وشدها بحنان وتم جارها حتى دخلات وسد الباب
فخر الدين( طلق من إيديها بتدريج وهز عينيه فيها كيشوف تردد على وجها) ماريا …. متخافيش عتابري هنا بحالا دارك .. خودي حريتك.. بلاما ديري حدود وتحشمي بالعكس تصرفي عادي وبطبيعتك
ماريا هزات راسها بإيجاب
فخر الدين: زيدي نوريك البيت في تباتي
تم غادي وخلاها اكتشوف قودامها تخربقاات وتلفاات لامن هضرتو ولا تصرفاتوو .. حسات بداخلها تغير عليها ومعرفاش سبب … طلعات إيديها لي شدها وبقات كتشوف فيهاا وكتذكر ….
حتى سمعات صوتو كيعيط عليها
فخر الدين:مارياا
شدات الباليز ديالها وجراتها داخلة وكتشوف فشقة لي كانت رائعة … عجبوها الألوان لي فيهاا والديكور ديالها … حتى وصلات عندو ووقفات في الباب كتشوف فيه كيحل في صدايف القميجة
فخر الدين: ( بتاسم ليها) دخلي ..انا انمشي نجيب شي حاجة نتعشاو بيها بيما رتاحيتي شوية
ماريا؛واخاا
فخر الدين تاجه لبلاكار هز سماطي اسود مع شورط وسورفيط .. دار عندها كيلقاها كلسات على الناموسية وكدور عينيها على البيت
فخر الدين: مارياا .. خودي راحتك البيت حسبيه ديالك …واخاا
ماريا هزات راسها فيه وحركات راسها بإيجاب حتى شافتو خرج وسد الباب وراه

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت42::
خرجات ماريا من دوش بيبنوار وكتمحس فشعرها تاجهات لباليز جبدات سوميج بيضا واصلة لركبة مع ملابس داخلية بيضاء لبساتهم ونشفات شعرها بشيشوار وخلاتو مطلقو على راحتو حتى سمعات دقان في الباب
فخر الدين؛ماريا العشا واجد ..
مريا :واخا هاني جاية
مشاا و هزات جيلي قد السوميج لاحتو عليها ورشات ريحة وكريم لفمها وخرجات حتى لمحاتو كالس فصالون حاط غراطان صغيرة مع عاصير
هز راسو وشاف فيها مبتاسم
فخر الدين: مرحبا .. ( شير ليها قودامو) تفضلي
زادت كلسات قودامو وحط ليها فطبسيل طرف من غراطان وخوا ليها عصير
فخر الدين: وغير قبلي عليا طياب زربة
خشات دغمة في فمها ..هزات عينيها فيه بتعجب
ماريا:نتا لي طيبتي ؟؟
فخر الدين:( سرح إيديه)هاد الإيدين هوا لي طيبو .. كيجاك ؟؟
ماريا( زادت خشات دغمة تانية كتبنن) غزاال درتيه زوين
فخر الدين( بدا كياكل) بصحتك ..
بداو كياكلو فصمت غير صوت تلفازة وترقيب الفراشط
حتى كملوو
ماريا:( تجمعات) الله يعطيك صحة بنينة
فخر الدين:( كان كمل قبل منها) بصحة وراحة نزيدك مزال ؟؟
ماريا: لاا براكة علياا شبعت ….( دورات عينيها على الأثات ) دارك غزالة .. بدوقك فرشيتيها ؟؟
فخر الدين: ااه بدوقي .. عجباتك .. ؟؟
ماريا: غزاالة … وديكورات لي درتي فنين
فخر الدين( بتاسم ليها) شكراا .. وحتى نتي دارك زوينة
ماريا: شوية وكان …
وقفات بغات تجمع طابلة
فخر الدين:لاا متهزي والو نتي ضيفة عندي
ماريا( هزات طباسل وتمات غادة) ياك قلتي دار دارك اوا ووليت دابا ضيفة
فخر الدين بتاسم هز لي بقا وتبعها لكوزينة لقاها كتخشيهم فمكينة الغسيل
ماريا: كوزينتك زوينة ( دارت شافت فيه) واش نتا كتعيش هنا ؟؟
فخر الدين:( تسند على بوطاجي ) مرة عند وليديا مرة هنا .. ولاكن اغلبية كنبقا هناياا باش ناخد راحتي
ماريا: ااه عايش بوحدك ؟؟
فخر الدين( بتاسم)وهانتي كتشوفي ..من غير فاش جيتي نتي
ماريا كتشوف فيه هوا مبتاسم ليهاا حتى توترات ودارت كتستف لي بقا سداتها وزادت خارجة لقاتو متكي على فوطاي كيتفرج ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت43::
كلسات وكتفرج معاه في الفيلم تركي لي مدبلج ..صونا تيلي ديال فخر الدين جبدو من جيبو وربط الخط
فخر الدين: الووو … كيدايرا اماما لباس .. الحمد لله بخير … اه غداا.. معاش ؟؟….راه مجايش بوحدي …صاحبت اسية مرت عمر …. ااه جات معاياا … لا غير بغات تشوف تركيا وتدور فيها شوية …صافي اماما بسلامة سلمي على كلشي .. غدا نكون عندكم
قطع ودار شاف فماريا ..
فخر الدين:ماما سلمات عليك .. وعرضات عليك لغداا تبغي تمشي ؟؟؟
ماريا:واخا معاش ؟؟
فخر الدين: انمشيو نتغداو عندهم ونيت من تما نخرجو نوريك هنا شوية
ماريا:واخاا انشاء الله …
فخر الدين: ( كلس وشاف فيها بتركيز) جا الوقت لي تعاودي ليا على راسك ولا مزال ؟؟
ماريا( طلعات فيه حاجب ) اشنو انعاود ليك ؟؟
فخر الدين:لي بغيتي
ماريا: كيفاش زعما ؟؟
فخر الدين: كتجيني مخبية شحال من حاجة داخلك ..ومقدراش تخرجيها
ماريا( كتشوف فيه) !!!
فخر الدين: حاس بلي عشتي شي احداث مؤلمة فحياتك.. ياك!؟
ماريا بقات مبلوكية نضراتها تغيرو وحواجبها تعقدو نسبيا وهيا كتشوف فيه ولاكن كان عقلها راجع بيها لور وكيجيو لتفكيرها لقطات من طفولتها .. بقات ثواني هاكاك لسانها مقادرش ينطق بحتى كلمة حتى جمعات نوضة وزادت باغا تمشي حتى حسات بإيد شدات إيديها حابساها … شيء لي خلاها تكوانساا ومتقدرش تحرك حتى شعرات بإيديه تحطو على كتافها العارين وبداو كيدوروها بشكل تدريجي حتى تقبلات معاه حانية راسها … وهوا بنضرات متغيرين كيشوف فيها
فخر الدين:ماريا هزي راسك …
بدات كطلع عينيها الخوضر فيه بشكل تدريجي حتى وصلات لعينيه لي بنضرات آخادة وحنينة كيشوف فيها
فخر الدين: ( بصوت رجولي هامس )
ديما راسك لفوق امريا كيما ولفتك …
ماريا حدها كتشوف فيه مركزة ومتوترة فنفس الوقت
فخر الدين:ماريا … نتي عزازيتي علياا .. وبغيت نتشارك معاك ألامك ونخفف عليك.. لأنو معجبنيش الحال تبقاي هاكا بوحدك.. انا معاك وفجنبك ..
حيدي الحدود لي بيناتنا…وخلينا نتشاركو مع بعض كلشي كأصدقاء قراب .. واخاا …

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت44::
ماريا( رجعات بخطوة لور حتى بعدات إيديه على كتافها … ونطقات وهيا كتشوف فعينيه بهدوء)
باقي ليام لقودام…..ويقدر فواحد نهار نعاود ليك حاجة علياا … واخاا صعيب نعطي لشي واحد فرصة يتقرب ويعرف شنو داخلي …
كملات كلامها وهيا كتشوف فعينيه بهدوء ودارت عطاتو بظهر غادة لبيت فين اتبات وخلاتو وراها كيشوف فيها حتى غابت عن انضارو تنهد ورجع تكا فوق الفوطاي كيتفرج حتى داتوو عينو ….
☀️☀️صباح جديد☀️☀️
حل فخر الدين عينيه ودار لجنبو كيلقى الفطور فوق طابلة عاد الغطا لي فوقو … واخا عاقل بلي نعس بلا غطاا بتاسم بخفة و كلس كيشوف فالفطور حتى بانت ليه جاية هازة الخبز
ماريا: صباح الخير …
فخر الدين( بتاسم ليها وعينيه مجبدين بالنعاس)
صباح نور …وجدتي الفطور ومحسيتش بيك…
ماريا: (كلسات ) مع مولفة الفياق بكري وقلت نوجد الفطور
فخر الدين( بتاسم ليها ) وجبتي حتى الخبز.. معليكش
ماريا:( كتخوي فالحليب) اوا خرجت وبقيت ندور ونقلب حتى لقيت … ونتا فسابع نومة
فخر الدين: ( وقف) العياا وصافي …بداي فطورك بيما جيت
حركات ليه راسها بإيجاب وزاد متاجه لطواليط غسل وجهو وقدا حاجتو وخرج لقاها شاعلة تلفازة كتفرج وكتشرب في القهوة كلس قبالتها خوات ليه كاسوو وباشر فأكل فطورو وكيخطف نظرة منها ..
جاتو مختالفة على المعتاد كأنها تزادت فجمالها اكثر …
بدون ميحس براسو وهوا ساهي فيها دارت عندو ولقاتو بنضارت تابثة كيشوف فيهاا …
شيرات ليه بإيديها
ماريا:فخر … !!؟؟
فخر الدين( ستفاق)نعام ؟؟
ماريا: مالك ؟؟
فخر الدين: اكنت كنفكر وصافي …جيتيني متغيرة ليوم ؟؟؟
ماريا( بتعجب)اش تبدل ؟؟
فخر الدين: ( بإبتسامة خفيفة) كأنك زيانيتي اكثر !
ماريا( وسعات عينيها) أأأأ ؟؟!!
فخر الدين: ( بتاسم حتى بانو سنيناتو) فطري فطري باش نمشيو
ماريا شافت فضحكتو لي عجباتها غير حسات بيه ايشوف فيها وهيا تحني راسها بتوتر وبدات كتكمل فطورها واخا كدوزو بزز …

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت45:
بعدما كملو فطورهم جمعو طابلة بزوج ودخلات ماريا لبيت تلبس حوايجها باش يمشيو حيدات كسوة لقصيرة لي كانت لابسة وبقات بدو بياس وكلسات كتقاد وجها حتى سمعات دقان قفزات خايفة لايدخل
فخر الدين:مارياا …
ماريا(تاجهات برزبة لباب) نعام ؟؟
فخر الدين: ممكن ندخل ناخد حوايجي ؟
ماريا:واخا بلاتي ..
مشات بزربة هزات جيلي ديال سوميج كان قصير لبساتو بزربة
ماريا؛ واخا دخل
حل الباب ودخل مع هزت العين لمح لحمها لي كان باين من بينوار وصدرها لي كان بارز حنا راسو بزربة وتاجه بخطوات مسرعة لبلاكار حلو وهز حوايجو ومسائلو وخرج بعدما سد الباب بدون ميشوف فيها ولا ينطق بشي كلمة
وجدات ماريا راسها وقدات حالتها وخرجات كتقرقب بطالون حتى وصلات لعندو لقاتو كالس فصالون شاد تيلي غير حس بوجودها وجه انضراو ليها وبداو ملامحو كيتغيرو لدهشة من جمالها بثوب الأبيض …
ماريا: مشينا ؟؟
فخر الدين( طلعها من رجليها العاريين لي كانو جذابات حتى وصل لوجها بملامحو الفاتنة …ونطق بصوت خافت) الله على جمالك
ماريا( طلعات حاجب) نعام ؟؟
فخر الدين( جمع نوضة ودار نضاضر على عينيه وزاد خارج) يلاه نمشيو ..
ماريا تبعاتو حتى خرجو من الشقة نزلهم فسانسور لباركينغ ركبو فلوطو ديمارا ونطلق في طريق…

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت46:::
وصلو لأحد الفيلات كلاكسونا وتحل الباب وزاد داخل بلوطو ديالو حتى لباركينغ ديال فيلا … وقف لوطو وحل السمطة
فخر الدين : احناا وصلناا
ماريا:( نزلات وسدات الباب) فين ساكنين وليديك بعيد على دارك
فخر الدين: نيت باش يبعدو على صداع شوية … يلاه زيدي ندخلو
ماريا: واخاا
تمو داخلين بعدما حلات ليهم الخدامة الباب وتاجهو لصالون لي كان مسموع منو اصوات خفيفة .. وصلو ولمح ختو صغيرة كالسة شادة طابليت كتلعب وبجنبها الأم ديالو
فخر الدين:( بصوت مرتافع) جووولياا ….
جوليا( ميلات راسها وشافتو ) فخر الدين
حطات طابليت وناضت كتجري وصلات عندو وهزها معنقها وكيبوس فيها
فخر الدين: حبيبت خوهاا .. لباس ؟
جوليا( شافت فيه بعيونها الخوضر) توحشتك ..تعطلتيني عليناا
فخر الدين:اوا باش نجيب معاياا حبوبتك مارياا ( شاف فمريا بإبتسامة) ها صاحبتك
جوليا( دورات عينيها عند ماريا وعينيها خرجو بالقلوبة) ماريااا ….
نزلات من عند فخر وزادت عند ماريا لي كذالك هزاتها وباستهاا بحب وحطاتها
ماريا( بإبتسامة)كيدايراا الفنيونة ؟؟
جوليا( شدات فإيديها وزادت مدخلاها) لباس … ماما شوفي شكون جااا … صاحبتي مارياا
أم فخر: مرحباا بيك ابنتي زيدي
تاجهات ماريا عندها سلمات عليها وكلسات بجنب جوليا لي فرحانة .. اما فخر الدين فكلس مقابل معاهم بجنب الأم ديالو بعدما سلم عليها
فخر الدين:( بإبتسامة)جوليا.. براكة عليك من ماريا توحشتيها غير هياا ..
جوليا( كضحك) هههه وماريا صاحبتي مكنشوفهاش بزاف .. اما نتا اخويا
فخر الدين: ياك هيا توحشتيها وانا لاا واخا اشنيولة
ماريا( بتاسمات ليه) غرتي ..
فخر الدين( وجه أنضارو ليها) وضاروري مانغير … زيدي عندي اجوليا
جوليا( ناضت عندو وكلسات فحضنو) هاني احبييو فخر …
فخر الدين: ( باسها) اوا هاكاك .. سمعي الهدرة ههههه

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت47::
تداولو الكلام حتى جا الأب ديالو وتحط الغداء لي كان متميز بالطابع التركي … بعدما سالاو كلسو في جردة وكيشربو القهوة
فخر الدين: ماريا .. مشينا ؟؟
ماريا كانت جوليا كالسة فحضنها وكيلعبو في تيلي
جوليا:لا بقاو .
فخر الدين؛ جوليا انجيو مزال ….غير كوني هانية
ماريا( حيدات سنسلة من عنقها ) تقبلي نعطيك هادي ؟
جوليا( شافت فسنسلة ) لياا ؟؟
ماريا: ااه الفنيونة باش تبقاي تفكريني …
حركات جوليا راسها بإيجاب وبفرح لبساتها ماريا سنسلة وتعانقوو
جوليا: شكراا بزااف … اتبقا ديما عندي
ماريا: اوا داكشي لي بغيت .. بصحتك
فخر الدين بتاسم ليهم كيشوف فحنان ماريا ولطافتها مع ختو …عاد الإبتاسمة لي رافقتها فكل حديثها مع جوليا .. كانت كتصرف معاها بكل تلقائية وحب ومودة …
ماريا( شافت ففخر) مشينا ؟
فخر الدين ( وقف ) يلاه … نخليوكم على خير
تسالمو مع بعضهم وخرجو ركبو في لوطو وتحركو فطريق…
ماريا: ختك غزاالة …
فخر الدين: ااه …( خطف نظرة منها) واش كيعجبوك بنات صغار .. حيت تعاملك معاها كان متغير
ماريا: ااه كنموت على البنات صغار والا كان هنا شي دار ايتام نمشيو ليها
فخر الدين: انشاء الله انديك ليها ..
صونا تيلي ديالو .. ربط الخط 📞📞
فخر الدين: الوو
الشخص: الوو… فين غبورك ..
فخر الدين: هاني يلاه جيت
الشخص : اوا تعالا لكافي فين موالفين ..شحال ماشفناك
فخر الدين: امم واخا شوية تلقاني عندك …
الشخص: يلاه بسلامة …
تقطع الإتصال …
فخر الدين: انمشيو لواحد الكافي ..كاينين شي اصدقاء كيتسناوني تما تبغي تمشي ؟؟
ماريا:واخاا عادي …
زاد في الكسيراتور في إتجاه إحدى المقاهي الفاخرة …

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت49::
رشاد: مارياا
ماريا(دارت شافت فيه) ؟؟
(حوار بالإنجليزية)
رشاد: كتفهمي الإنجليزية ؟؟
ماريا: وي كنفهماا … وكندوي بيها
رشاد: ااه بعدا نلقاو باش نتواصلوو …
ماريا؛ااه …
رشاد :انا رشاد صاحب فخر الدين من صغر .. ونتي ؟؟
ماريا: انا صديقتو …
رشاد: ااه .. مرحبا بيك فتركياا
ماريا:شكراا ..
رشاد: فين ساكنة ؟؟
ماريا: مع فخر فدارو
رشاد( بتعجب) معاه … مزيا ن(شير لكارسون) شربي شي حاجة…
ماريا خدات عاصير… ودوارت وجها عند فخر الدين ودفنة لي واقفين كيدويو ….
* عند فخر ودفنة *
دفنة: فخر … شكون هاديك …
فخر الدين: وعلاش كتسولي … ؟؟
دفنة: ( وسعات عينيها ) فخر .. واش نسيتي اش بيناتناا …
فخر الدين( خنزر فيها)لي كان بييناتنا سالا ادفنة..
دفنة: فخر .. صافي سمح ليااا عفااك ونسى الماضي
فخر الدين: دوينا شحال من مرة ومغانبقاش ديماا نفكرك
دفنة( شدات فدراعو)متقولش هاكاا … راك كتجرحني بهاد الهدرة
فخر الدين( نتر إيديه) على فعلتك انساها ليك … نتي لي وصلتي راسك لهادشي فتحملي عواقبو ..و منبقاش نلقاك كل مرة كتقربي مني حيت مغانساش داكشي لي درتي
دفنة: ( بحزن) عفااك شحال من مرة طلبت منك سماحة .. راه …
فخر الدين:(حبسها ونطق بحدة) دفنة … دوينا فهادشي ممرة مزوج . صافي علاقتي معاك سالات وبمرة …..
دفنة: وداباا شكون هادي لي جبتي ؟؟ شكوون ؟؟
فخر الدين:ماشي شغلك ..ودابا انمشي حسن لياا …
دفنة : فخر .. فخر متمشيش
بعد عليها وخلاها وراه كتغوت بإسمو وتاجه لطابل عند ماريا لي غير شافتو جاي دورات وجها حتى حسات بإيديه تحطات على كتافها
فخر الدين: ماريا يلاه نمشيو
رشاد: فخر بقا معانا مزال …
فخر الدين: لا صافي انمشي … ماريا يلاه ..
وقفات ماريا هزات ساكها وزادت قودامو وهوا تبعها وخلا عينين مدمعة كتشوف فيه من بعيد ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت50::
بلاصا لوطو بجنب البنك نزل وخلا ماريا فيها … تم غادي كيقلب فجيابو على كارط ملقا والو فالبلاصة رجع عندها ووقف كيدوي معاها من سرجم لي محلول
فخر الدين: ماريا حلي هاداك .. اتلقاي فيه مزطام اري ليا كارط كيشي
ماريا نفدات كلامو وحلات البسطام كتقلب عليها لقاتها مداتها ليه وزاد ..وهيا رجعات انضارها كتشوف في البسطام لي كان فشكلو زوين … حتى جات عينيها فبطاقة دققات فيها شوفة مزيان كتفكر لدقائق …حتى حسات بيه ايحل الباب وهيا تدور عينيها عندو .. ركب وخدا من عندها البسطام رجع لاكارط بلاصتها وخشاه فجيبو وديماراا …..
فخر الدين: فين تبغي نمشيو ؟؟
ماريا: بغيت نشري شي حاجة من لمول إلا كان قريب
فخر الدين: ااه قريب نديك ليه ؟
ماريا: ااه الا كان ممكن
فخر الدين:هيا لولة
ورك على الكسيراتور طاير فطريق حتى بلاصا لوطو بجنب المول
ماريا:( حلات الباب ونزلات) غير تسناني هناا اناخد شي حاجة ونجي
فخر الدين: متبغيش نجي معاك ؟؟ على حساب متعرفيش دوي معاهم ..
ماريا: نن تيلي ينفع ..بيه اندوي معاهم ..
فخر الدين( جبد فلوس من جيبو) هاكي الا خاصاتك شي حاجة
ماريا: لا عندي … صرفت فصباح ..
فخر الدين: انا انتسناك هنا حتى تخرجي .. ولا حتاجيتيني عيطي ليا ..
ماريا:واخاا
زادت داخلة للمول وخلاتو متبعها بعينيه …كانو خطواتها متقونين وعندها واحد الهيبة خاصة كتخليه يبقا كيشوف فيها وميشبع …لامن جمالها ولا شخصيتها ولا جسدها وحتى صوتها وتعابير وجها .. كلشي فيها كيعجبو لأنها ماشي كتاب ساهل يتقرى هيا لغز وصعيب يتفهم … وهادشي لي جذبو فيها بزاف بقوتها وصرامتها وحدوديتها مع كلشي خلاتو يعطيها قيمة فقلبوو بدون ميحس …

Leave a comment