Skip links

قصة : لن أهزم امام قدري 1

 5,163 عدد مشاهداات

🥁🥁🥁🔊🔊🔊🔊📣📣📣
💎💎حصريااااااا 💎💎

❌❌ممنوع النشر بدون علمي❌❌
القصة::؛؛
👑👑 لن أنهزم أمام قدري 👑👑

بحبر 🔊🔊🔊
🖋حياة جوري 🖋
لن أهزم أمام قدري … سأصمد سأقاوم .. سأبقى قوية مدى حياتي … لن يهزمني الزمان ولا الصدمات …
لن يضعفني أصدقائي الذين غدروني … ولا أحبائي الذين تركوني …سأظل شامخة …. و لن أسقط لأي سبب كان …. سأواجه سأحارب من أجل البقاء …. فأنا …..
👑 لن أهزم أمام قدري 👑

بداية الفصل الأول ::::
💔 قساوة الماضي … لم ترحم طفولتي💔

البارت1 :::

☀️أصبحنا وأصبح الملك لله ولاإله الاا الله ☀️

المغرب وفي العاصمة الدار البيضاء الإقتصادية الكبرى

…… في الأحياء الراقية بالمعاريف …
تشرق الشمس وتنير الأرض بضوئها … معلنة بداية يوم جديد … يوم يعلوه أمل وطموح كبيير في السير الى الامام و ضمان مستقبل افضل …

إحدى الشقق الفاخرة .. والمجهزة بأحدث الأفرشة … وفي غرفة النوم المتميزة باللون الرمادي .. وعلى الفراش المسطحة فوقه فتاة ببشرة بيضاء مرتدية فستان أسود وشعرها البني الغامق طايح على وجها
رن الهاتف مع الساعة 9 صباحا ….
بعدات الفتاة خصلات الشعر على وجهها ووجهات أصابعها للهاتف قاطعة صوتو المزعج… فتحات عيونهاا الخضراء كتشوف فالسقف بدون أية تعبير …
ناضت خارجة من غرفتها وفإيديها تيلي ديالهاا … صمت كيعم المكان فقط خطواتها بالكلاكيطة لي كيتسمعوو … وصلات لكوزينة وتاجهات لألة القهوة خدامتها حطات بتيبان يسخن وخرجات من كوزينة فإتجاه الدوش غسلات وجهاا وحكات سنانها ووقفات كتشوف فالمراية او بالضبط فعينيهاا الخوضر الغامضين …. ركزاات فيهم وتسللات لعقلهاا لقطاات مفجعة لي خلاوهاا تسد عينيهااا وتشد راسهاا باغا تمحي هاد الصور من تفكيرهاا .. ونجحات فذالك ..حلات عينيها فالمراية كتشوف إنعكاس صورتهاا ونطقات بصوت خافت
:…… أنا مغانسااكمش … مغانسااكمش
هزات الفوطة فإيديها ومسحات وجها وخرجات راجعة لكوزينة حطات قهوتها وبتيبان ديالها وكلسات كتفطر وعينيها في تيلي لي كتقراا فيه
^^ عيد ميلاد سعييد بطولة العمر ان شاء الله^^
^^ joyeux anniversaire hbibty ^^
^^ عيد ميلاد سعيد يالغزالة ديالي .. بطولة العمر وعقبال لمئة عام … الله يخليك لياا أصاحبتي ^^

صباعها فقط نازلين وعينيها كيقراو فالأشخاص القراب والبعاد كيباركو ليها عيد ميلادهاا حدها جوبات بنت وحدة لي كتعتابرها صديقتها …. وسدات تيلي حطاتو جنب وعينيها كيشوفو فنقطة وحدة … وعقلهاا غايب عنهاا كتذكر هاد نهاار قبل سنين …. كتفكر الفاجعة والمأساة لي عاشتهاا فهاد نهار ….

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
البارت 2:::
فلاش باك قبل 16عام 🔙🔙🔙
في المملكة المتحدة 🇬🇧🇬🇧🇬🇧 وبالضبط في لندن
في إحدى شقق تحل الباب على غرفة ذات ألوان أنثوية … تاجه رجل وبجنبو إمرأة الى طفلة مسطحة على سرير وردي …
جلسات المرأة بجنب الطفلة وإيديها كيلامسو شعرهاا البني
( الحوار بالإنجليزية)
…..: مارياا .. مارياا فيقي أبنتي
الطفلة ذات 10سنوات فتحات عينيها الخوضر فالأم ديالها … بتاسمات لما شافت الأب ديالها شاد بواط لي ضاهرة منو دمية
ماريا: ( قفزات كتشوف فباهاا ومهاا وعينيها على الدمية ) دياالي !!!
الأب: ( قرب لعند بنتو وكلس بجنبها ومد ليها البواطة ) ااه أأجمل بنت فدنيا … حيث بحال هاد ليوم تولدات الأميرة ديالي
ماريا: ليوم عيد ميلادي
الأم: (شدات فإيدين ماريا وبتاسمات ) أه ابنتي صغيرة … والحمد لله اني ولدتك يالغزالة ديالي
الأب: ( عنقهاا) كل عاام ونتي بألف خير ابنتي الغالية …
ماريا:شكرا ابابااا بزاااف
الأب( بعدها عليه مبتاسم) على شحال عندي من مارياا أوحدة.. ليوم غادي نخرج بنتي فينما بغات وندير ليها عيد ميلاد واااعر تعرضي على كاع صحباتك
ماريا( عينيها خرجو القلوبة غوتات بجهد) واااااااو بصح ابابااا اتديرو ليااا
الأب:على مولف نضحك عليك … اندير لبنتي لي بغاات .. ليوم ديالك ابنتي تشرطي
ماريا: ياااه( وقفات كتنقز عليهم فوق ناموسية بفرح وكتغمي ) يااه ليوم عيد ميلادي انااا … بابا ايدير ليا لي بغييت يااااس
تلاحت عليه معنقااه باغا طير بفرح
الأم: وانا يالقطيطة مكاينااش
ماريا دارت عند مها كضحك وجراتها من عنقها مقرباها وعنقاتهاا هيا وباباهاا والفرحة فعيونهاا كبييرة
الأب:اوا فين بغيتي تمشي؟؟
ماريا: باارك بغيت نلعب حتى نشبع اباباا
الأم: اواا نوضي لبسك داباا حوايج ديال كراطي حتى ترجعي ونمشيو
مارياا:ننن بغيت نمشيو دابااا
الأب: ( بصرامة) مارياا .. رياضة ديالك متنازليش عليهاا … انا بغيتك تكوني قوية باش حتى وحد ميحكرك .. اتمشي لاصال تدربي وفاش ترجعي انمشيو
ماريا؛ مغادي تمشيو نتوما لحتى بلاصة اتسناوني حتى نرجع
الأب (حرك راسو بإيجاب) ااه ابنتي نيت انعس باقي عيان شوية
حركات راسها بإيجاب فرحانة وناضت تجري لبلاكار ديالها جبدات حوايجها
ماما: نلبس دابا اماما
الأم: ( مدات ليها إيديها ) تعالي بعدا غسلي وجهك وفطري وتلبسي الغزالة ديالي
ماريا شدات فإيدين ماماها ومدات إيديها لباها لي كان كالس كيشوف فيهم .. شد فإيديها وخرجو متاجهين لجلسة فين محطوط الفطور …

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
بارت 3:::
بعدماا فطرو ولبسات الأم ( حنان) لبنتها ماريا حوايجها دخلات ماريا بجرية لبيتها هزات معاها دميتها لي كانت بشعرها البني الطويل وبفستان وردي مرتادياه زادها جمال وخلا ماريا تبقا تشوف فيهاا معجبة بيهاا …نطقات بصوت خفيف وبإيديها صغار كدوزهم على شعر الدمية
ماريا:انسميك …. ريماا ❤❤ … (بتاسمات ببرائة) ريمااتي
باستها وخشاتها فشكراتها وخرجات عند باها ( ستيفن ) لي تاجه بيها لصال لي كان بعيد على البيت ديالهم وصلو و دخلهاا وثم رجع أدراجو لبيت …..
🔚🔚🔚بعد ساعات …. واقفة ماريا حدا لصال كتراقب طريق منين كيجي باهاا باش يديهااا بقات لدقائق وهياا كتشوف بأمل وتنهد بعياء من وقوفهاا فجنب الطريق.. حتى قررات أنو تعتامد على نفسها وتمشي بوحدها لبيت ….
وصلات لشارع ديالهم ولمحات من بعيد عدة أشخاص قرب العمارة فين كتعيش … عاد السيارات لي واقفين تماا والإسعافات .. تمشات بخطوات مسرعة لعين المكان فضوولا أنها تعرف علاش كيعج المكان بالناس شنو سبب !؟؟ …
لاكن سرعان ملمحات بعد وقوفها بجنب إحدى السيارات رجل مسطح فوق السرير المتحرك ووراه نفس سرير عليه إمرأة بدون حرااك … جا رجل من الإسعافات وغطا لكل منهما جسمو وحتى وجهوو … هنا صدمة ضهراات على وجه مارياا …. فقط عينيها متبعينهم للإسعاف حتى غوتات بصوت مرتااافع رقيق وبجرية وحدة تاجهات للإسعااف بجنون
ماريا: مااااامااااااا…… باااابااااااا💔💔

تتمة الجزء 3……
العودة إلى الحاضر 🔛🔛🔛
تلاشات الصورة عن تفكيرها شيء لي خلاها تستفيق من الذكريات …. غمضات عينيهاا كتحاول تهدن وتبعد عليهاا هاد الصور ..ناضت خارجة من الكوزينة متاجهة لبيت نعاس حلات البلاكار وبانت ليها دمية محطوطة بجنب ملابسها …..هزاتها بين يديها كتشوف فيهاا .. شعرها البني لي كان طويل ورطب خفاف وتشعكك .. عاد كسوتها لي كانت ديال الأميرات تكرفسات وتقطعات …
رجعوو بيها الذكريات وكيف تغيراات دميتها ( ريما) تغيرات حتى هياا معاها … كيف تكرفسات دميتها تكرفسات معاهاا ماريا .
تذكرات مارياا الماضي وألاموو ونتقلات بناا لذكريات المحزنة ليهاا ( فلاش باك قبل 16عام) 🔙🔙🔙
كالسة مارياا في سبيطار وعينيها عامرين بالدموع عارفة بلي واليديها طرات ليهم شي حاجة وتقدر كعما تشوفهم مزال وخلاوها بوحدها . هزات عينيها كتشوف فعمها لي واقف كيدوي مع طبيب .. مع دقائق تسالم معاه وجا عندهاا كلس بجنبها
ماكس: ماريا … ( دوز إيديه على راسها) واليديك ماتوو
ماريا( هزات عينيها فيه ونزلوو دموع منهم كيف لؤلؤات)كيفاش ؟؟ باش ماتو ؟؟ انا خليتهم كيتسناوني باش نخرجو … شكون دار ليهم هاكا😭😭😭 وعلاش 😭😭
ماكس: ( طبطب على كتفها) تخنقوو بالغاز ..
ماريا( نزلو دموعها) ماما وبابا صافي مشاو ….(كتنخصص وكتشوف فيه بعينيها الخوضر لي )
منعاودش نشوفهم .. خلاوني بوحدي …
ماكس( جرها عندو معنقها وكيطبطب على ضهرهاا) متخافيش .. نتي بنت خوياا ومغاديش نخليك … انا معاك … والله يرحمهم
ماريا( حسات بحضن دافئ لي محتاجة ليه وعطات العنان لدموعها فتساقط بغزارة )😭😭 صافي بقيت بوحدي 😭😭 …. بابا وماما خلاوني بوحدي .. شكون ايبقا معاياا …😭😭 .. علاش خلاوني علاش …
ماكس( كيطبطب ) انا معاك اماريا … صبري ..
ماريا( كتشهقق ) 😭😭😭 انتوحشهم بزاااف ….
بعد ثواني من بكائهاا وألمها على فراق وليديها
ماكس وقف و مد ليها إيديه
: يلاه نمشيو لدار
ماريا بقات كتشوف فيه وكتذكر كلام باها ومهاا فاش كانو كيدويو عليه قبل يومان ….

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
البارت 4::
فلاش باك وبالضبط تداول الكلام بين ستيفن وحنان 🔙🔙🔙
ستيفن: ( معصب) ماكس غادي وكيخرج على راسووو .. عصبنيي عيت منصبر لييه
حنان: علاش تاني جاي عندك يطلب منك الفلوس
ستيفن: ااه قلت ليه نعطيك خدمة معايا فالمطعم مبغاش حكاا باغيهاا وااجدة وكون اكان يدير بيها شي حاجة يخصرها غير فشراب والقمار مع ديك المرى عندوو عاطينها الخسران وزهوو
حنان: اوا الله يهدي مخلق … اش غادي دير ؟؟
ستيفن: عييت معااه طبخ ليا راسي ديما جاي عندي .. وفاش منبغيش يبقاا يسب فيااا ويدعي علياا … مكيخلي ميجبد
حنان: وراه خوك الوحيد لي عندك من ورا واليديك اصبر معاه
ستيفن: ( بصوت صارم) انا معنديش الخوت كيما تبرى مني .. حتى اناا تبريت منوو عندي غير نتي ومرياا باركة علياا
حنان: امم( قربات عندو معنقااه) تهدن احبيبي متعصبش راسك كثر
ستيفن( شاف فيهاا مغدد) وباش كملهاا .. كيتحلف انوو اينتاقم مني بحالا معرت اش درت ليه … وكيقول لياا هاد المطعم لي نتا مفتاخر بيه اناخدو ليك ( شاف فيها معصب) راه داك المطعم حطيت فيه دم جوفي … صبرت وتقاتلت واخا معنديش حتى درتو وبقيت بشوية بشوية حتى كبرتو وشفتي كلشي على عينيك …..
حنان: عاارفة احبيبي كلشي متحتاجش تعاود لياا .. خوك الله يهديه داير هاكاك مديش على كلاموو
ستيفن: راه ديك المرى لي عندوو خرجاات علييه … تلوات عليه وزادت على لي بيه …
حنان:( دورات عينيها عند مارياا لي كالسة كتشوف فيهم وبتاسمات ليها) ماريااا اجي عند ماما
مارياا( مشات كتجري عندهم وعنقات باباها) صافي باباتي متبقاش مقلق ..
ستيفن( شد إيديها وقبلها وخشاها فحضنوو) اميرتي … حناا لي عندك بوحدناا من غيرناا متيقي فحتى واحد … كلشي كذااب وغداار
مارياا 🙁 بتاسمات) واخاا ابابااا نتوما لي عندي بووحدكم ….

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
بارت 5::
ماريا كتشوف فعمها ولاكن محات من عقلهاا كلمات باها ومها من أذانها ومدات ليه إيديها وشدات فيه
ماريا:: انمشيو لعندك
ماكس( نزل عينيه لعندها وهوا غادين في كولوار السبيطار ) ااه اتمشي معايا لداري ..
بعد خروجهم ركبو في موطور وتاجهو لأزقة الشعبية في لندن او الكارثية … وقف بالموطور بجنب بيت صغير نزل ونزل ماريا معاه تاجه لبيت وحل الباب ودخل لموطور وماريا وراه هازة شكراتها على ضهرها وعينيها كيتفقدو المكان .. تمات داخلة لبيت لي كان صغير وهيا تلمح مرأة كالسة وفإيديها سجارة كتكمي شعرها قصير وكتشوف فيهم بعينيها الحادين
أليزيا: جيتي ؟ ( شافت فمارياا لي تخلعات من شوفاتها) بنت خوك هادي ؟
ماكس(تكا بجنبها وحيد ليها الكارو من فمها وبدا كيكمي) وي .. جبتها معاياا
أليزيا( شافت فالبنت)داباا هو ا باش مات حكاا ؟؟
ماكس: قالينا طبيب بتسرب الغاز …
أليزيا( خدات من عندو الكارو) نيت هناناا …
ماكس( دور عينيه على طابلة) شفت مكاينش العشا
أليزيا( حطات إيديها على فخضو كطبطب عليه) نوض راه جبت واحد قرعة شراب نشدو بيها ستون ليلة
ماكس( عينيه خرجو القلوبة) حلفي احبي جبتيها !!
أليزيا( ساطت الدخاان عليه) وعلى مولفة نكذب
ماكس( شدها من عنقها وجرها عندو باسهاا بوسة فشفايفهاا بجهد خلا مارياا تعيف من المنظر وتنزل عينيها ) كنمووت فييك
أليزيا: يلاه نوض ( شافت فماريا) ونتي سيري لبيت لاخر نعسي
ماريا هزات عينيها فيها بخوف من منضرها لي كيف دري … وكلها وشام خلعاتهاا .. شافت عمهاا ناض حتى شدها من إيديها وإكراه منهاا تم جارهاا بجهد لبيت لي حداهم دخلهاا ودوى بصرامة
ماكس: نعسي هناا … فهمتي ومتخرجيش
ماريا( دورات عينيها فالمكان المظلم وكلو مخربق ومعفن ..)
ماكس( غوت فوجها) سمعيتينيي
ماريا( قفزات كترعد وحركات راسها بإيجاب )اه اه سمعتك
ماكس خرج وسد عليها الباب مخليها تما بوحدها كترعد عاد كرشهاا لي كتغوت بجووع مكلات من صباح تاجهات لجهة بجنب الحيط وبان ليها غطا ومخدة جراتهم لبلاصتها وجبدات دميتها من شكراتهاا تخشات تحت المانطة وعنقات الدمية لي كتشم فيها ريحة واليديها … حتى نزلوو دموع اليتيمة من عيونها الخوضر ..حسات بوحدة كبيرة وأنها بقات بلا أي شخص يحن عليها ويحميهاا … وخاصة انها طفلة صغيرة معارفة فدنياا والوو … كانت كتعرف فقط الواليدين ديالها لاغير … وكلشي كانت كتعتابرو غريب عليهاا …
لاكن الحياة او القدر ديالها أيكون قاسي عليهاا … برغم من أنها طفلة 10سنوات مغاديش يرحم طفولتهاا …..

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
بارت 6::
بعد مرور ساعات
مارياا حسات بملامسة شعرها وكذالك إيديها لي كانو عارين … حلات عينيها لاكن الضلام كان دامس حجب عليها رؤية الشخص لي أمامهاا لاكن عرفاتوو بعيونو الحومر وبريحتوو لي كانت مجهدة وصوتوو الخشن لي خلاها تقفز من بلاصتها كترعد
ماكس: ماارياا الغزالة
كلسات كترعد وكتشوف لجيهتو كانو كيبانو غير عينيه الحمرين وصط الضلام لي بعثوو فقلبها الرجفة والخوف
ماكس: (قرب ليها وجر رجليها حتى طاحت للأرض وتكلم بصوت ثقيل ومتقطع )فين غاادة ااا؟؟؟ …. كلسي ازوينة …( زير على رجليهاا وإيديه كتلامس خصلات شعرها البنية) بنت خوياا الغزااالة .. فين كان مخبيك عليااا ؟؟
مارياا( كترعد وكتشوف فيه كيقرب منها وإيديه كيلامسو جسدهاا الرقيق والطفولي.. نطقات بهلع وقلبها كيضرب بدقات متسارعة وهيا كتحاول تفلت بين إيديه) بعد مني … خليني
ماكس( زاد قرب ليهاا كثر وبإيديه مورك على كتافهاا ملسقها مع الأرض) لااا …. مغاديش نخليك تمشي .. نتي بنت خويا .. وانا انتهلا فيك
ماريا حسات بأنها فخطر كبيير .. برغم من صغر سنهاا لاكن بذكائها شعراات أنها ولات فريسة بين يديه … وخاصها تعتق نفسهاا قبل ميفوت الأواان …. بقات كتشوف فيه بعينيها الخوضر المرتاجفين وهواا كيقرب منهاا خشا وجهوو فعنقهاا الصغير وبدا كيبوس فيه حتى خلاهاا تشمأز وتعيييف … بداات كتقااوم وكتدفع فيه باش يبعد منهاا لاكن بوزنو ثقيل مقدراتش .. لاكن بسرعة وبركبتهاا هزاتهاا بجهد حتى ضرباتو لكرشوو وعاودتهاا لمرة خرى حتى تقصح وهياا تقرب لكتفوو وعضااتوو عضة لي كانت كفيلة تخليه يغوووت ويبعد عليهااا …. جمعات نوضة بزربة كترعد ودمووع فعينيهاا وفإيديها دميتها ..خرجات برزبة من البيت وحلات الباب الزنقة كتجري مخليااه كيغوت شاد فكتفوو وكرشو لي تزواات … وبدختوو والشراب لي كثر منوو خلاه ميقدرش ينوض يتبعهاا .. لأنو كيحس دنيا كدور بيه وذاتو ثقيلة عليه …فقط كيعيط ب إسمها بصوتوو الخشن وثقيل
ماكس: مااا رياااا …. ماااا ريااا

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
بارت 7 ::
رجوع إلى الحاضر 🔚🔚🔚🔚
بعدات مارياا الأفكار من عقلهاا باست دميتهاا ونطقاات بصوت هادئ
ماريا: ( كدوز إيديها على شعرها) ريمااتي … بحال هاد نهار جابك لياا بابا ودخلتي لحياتي …. وبحال هاد نهار خرجو منها ….. توحشتهم بزااف ….
( خشاتهاا فحضنهاا وكترجع كلماتها لداخلهاا بعداتها عليها وشافت فيها) ليوم عيد ميلادي … وفهاد اليوم بدات حياة أخرى لياا … وبحال هاد اليوم تغير مصيري … وتبدل كلياا ….
( سكتات وعيونهاا الخالين من أية تعبير )
ولاكن كيبقى هادا قدري …
بأخر كلمة قالتها حطات دمية فبلاصتها وجبدات كسوة قصيرة لاحتها فوق ناموسية مع ملابس الداخلية وتمات خارجة متاجهة لحمام . عملات دوش خفيف لوات عليها فوطة وخرجات كتمسح فشعرهاا من الماء … وقفات قودام لمراية جبدات سيشوار نشفات بيه شعرها وصيباتو وهزات ديل حصان … دارت كريم لوجهاا ولحمهاا كمرطب وكلسات كتقاد وجها بإتقان …وبأخر لمسة دوزات كلوس على شفايفهاا ووقفات كتشوف فجمالهاا … هزات ملابسها رتاداتهم ولبسات سندالة طالون بالأسود .هزات ساك صغير خشات فيه مستلزماتها رشات بارفان أنثوية خفيفة وخرجات من غرفتها … فإتجاه باب شقتها ..حلات الباب وخرجات حتى وقفات عليهاا إمرأة
السيدة: سلام أمريا لباس عليك
سدات الباب ودارت عندها بهدوء
ماريا: الحمد لله
السيدة( مدات ليها ضرف) هاكي فلوسك ديال شهر
خداتهم من عندها ودارت نضاضر لعينيها
ماريا:شكراا
السيدة: ويلي راه العمارة ديالك … ( قربات منها) واقيلة حنا لولين لي انخلصوك ياك داكشي علاش تعجبتي (قهقهات بصوت مرتافع)
ماريا( نزلات نضاضر وهزات حاجب فيهاا ) راه هادا هوا الوقت لي كتخلصو فيه .. وكل واحد فالعمارة راه عارف وقتوو .. فهمتي .. ( دارت ساك على كتافها) نخليك داباا الله يعاون
زادت كتمشى بلباقة بفورمتها المنحوثة ….

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
بارت 8::
تاجهات لسانسور ركبات فيه ووركات على الطابق السفلي لأنها كانت عايشة فطابق 2 وصلها للأسفل وخرجات من العمارة لي كانت ب6 طبقات ..تاجهات لمحال اسفل العمارة حلاتوو ودخلات وفإيديها تيلي دوزات نمرة ( تربط الخط)
ماريا: الوو … باقي مجيتي ؟؟
السيدة: سمحي ليا تعطلت عليك انا داباا جاية فطريق قربت
ماريا: ماشي موشكيل .. غير زيدي بشوية عليك
السيدة: واخا ..
قطعات ماريا وحلات المحال لي كان عبارة عن صالون كبيرر .. مجهز بأفخم تجهيزات .. دخلات لمكتبها وكلسات كتحسب مدخولهاا للبارح حتى جات المرأة
… السلام عليكم
ماريا: مي مينة على سلامة
مينة: الله يسلمك ابنتي ..( كلسات كتستراح) الله عييت يابنيتي الطريق شحال طويلة
ماريا( كتشوف فإمرأة الكبيرة فالعمر) اوا نتي مبغيتيش تجي فطوبيس كضربيها على رجلك
مينة: اوا دوك فلوس لي انخسر في طوبيس راه يلاه يقدوني نشري بيهم مناكل
ماريا: (نزلات عينيهاا راجعة لحسابها) انا زدتك فالخلصة باش تقدري تجي فطرونسبور اوا نتي مبغيتيش عزيز عليك تمارة
مينة: راه ماشي بيدي راه الولاد شاهميني وعاد بنتي اتزوج وبواحد حتى هوا مزلووط اوا اش غادي ندير خاصني نجمع باش نعاونها
ماريا( هزات عينيها فيها)اتزوج ؟؟
مينة: ايه يلاه تخطبات … انا بغيت ليها شي واحد يهزهاا ماشي يزيد لي بيهاا
ماريا: اوا ومالهاا زربانة على عمرها
مينة( وقفات كتحيد جلابتهاا ) قالت ليك كتبغيه ويبغيها البغو ايوكلهم معندو حتى العشاا ويقولك باغي نتزوج .. وباش كملات عليا كتقولك يانخدو يانحماق
ماريا( بتاسمات بإستهزاء ) الله يهديهاا وصافي كتلوح راسها فنار … الحب مكاينش فدنياا …. بنتك اكتوهم ومغادي تفيق حتى يفوت عليها الحال وتلقى راسها صافي تزوجات بيه ولي عطا الله عطاه
مينة( كتشطب الأرض ) اواا اش غادي ندير عيت منعصي منضرب منغوت مبغاتش خليهاا هيا ختارتو تحمل مسؤوليتهاا
ماريا: هانتي جمعي هناا وفاش تسالي طلعي ليا لدار نقيها لياا( حطات ليها سوارت وفلوس النهار) ها رزقك
مينة:( بتاسمات ليها وخدات الفلوس لي لقاتهم زايدين )
الله يطول فعمرك ابنيتي ويخليك ديماا الفوق
ماريا( هزات ساكها ودارت نضاضر على عينيها) امين ياربي وفاش تسالي وكانو البنات باقي مجاوش سدي معاك المحال
مينة: كيماا العادة .. اسيري كوني هاانية المحال فإيدين امينة وحتى الدار ارتاحي
ماريا: عارفة لي كاين
خرجات من صالون وتاجهات لكراج حلاتوو وبانت ميني رونج كري كتشعشع .. تاجهات ليها حلاتها وركبات ديمارات وتمات خارجة بيهاا …

نزلات راجعة باش تسد الكراج … بيما وقفات عليهاا بنت
..: مرياا
( دارت عندها) : سعاد على سلامة
سعاد: الله يسلمك .. شفت راسي جيت انا لولة
ماريا: اوا محدك لولة .. دوزي عاوني مي مينة فالخدمة وقادي صالون بيما جاو البنات
سعاد: واخاا هيا لولة
ماريا( تاجهات لوطو )الله يعاون وردو البال
سعاد( بتاسمات ليها) كوني هانية
ديمارات لوطوو وزادت غادة فطريق …..

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
بارت 9:::
في أحد المحالات الأطفال خارجة ماريا وفإيديهاا عدة أكياس عاد الرجل لي وراها لي هاز معاهاا تاجهو لوطو وحطو داكشي في الكوفر … ورجع ادراجوو اما ماريا فركبات في لوطو وزادت متاجهة للبحر … بلاصات بقربو ونزلات كلسات في أحد الكراسة كتستنشف الهواء العليل دورات عينيها ولمحات ثلاثة البنات كالسين فالأرض من شوفتهم كيبانو أطفال الشوارع حتى وقفات عليهم مرة مدات ليهم الفلوس وزادت … بقات كتشوف فيهم بعينيها الخوضر ورجعات بيها الذاكرة للوراااء
🔙🔙🔙 قبل16عام وفي لندن 🔙🔙🔙
الطفلة ماريا خسرات سيفتهاا بسبب الأشعة الشمس الحارة … وعاد صداع لي كتسمع فيه قريب ليها … حلات عينيها وشافت 3 البنات دايرين بيها قفزات من بلاصتها وكتدور عينيها فين هياا عاد تذكرات بلي أثناء تجولهاا بليل وهروبهاا من الفتيان والكلاب لجأت لهاذ الشجرة مخبية منهم حتى داتها عيونهاا … وقفات كتشوف فيهم بخوف … حتى بغات تقرب منها وحدة من البنات وهيا ترجع بخطوة مبعدة منهاا
البنت:شكون نتي ؟؟؟ وعلاش نعستي هناا ؟؟
ماريا( كتشوف فيهاا لثواني وهيا تنطق بصوت خفيف) غير ملقيت فين نعس
البنت:على واليديك فين ؟؟
ماريا(حنات راسها بألم) ماتوو
البنت: ( شافت فالبنات لي معاها وقربات من ماريا ) الله يرحمهم .. وبقيتي بوحدك ؟
ماريا:ااه اناا بوحدي
البنت: تبغي تمشي لواحد البلاصة ايعتانيو بيك باش متبقايش هنا بوحدك
ماريا:( كترجاها بعيونها البريئة) بغيت نمشي ليهاا … فين كاينة؟؟؟
البنت( كتفكر) معرفتش بالضبط فين كاينة مي انشوف ليك
جبدات تيلي ديالها وبدات كتقلب حتى لقاتها
البنت:مابعيداش بزاف … تقدري تمشي بوحدك
ماريا( هزات راسها بإيجاب وبفرح) اه اه انمشي غير قولي
البنت( كتنعت ليها فين كاين وتعاود باش تقدر ماريا تعقل حتى حفضاتها مزيان ) داباا عقلتي
ماريا( بتاسمات ببراءة) ااه شكراا بزاف
البنت( نزلات عندها وجبدات ليها من ساكها فلوس ) هاكي تقدري تحتاجيهم
ماريا بقات كتشوف فالفلوس ومترردة تاخد
البنت( شدات إيدين ماريا صغار وحطات ليها للفلوس) خودي
ماريا( شداتهم فإيدها وجمعاتهم وهزات عينيها فالبنت بعينين متلئلئين) شكراا بزاااف … حيت عاونتيني
البنت( شدات حنك مارياا وبتاسمات ليها) ماشي موشيكل اكتكوتة … متستاهليش تكوني هناا على الأقل دار الأيتام ايعتانيو بيك حسن من الزنقة
ماريا( بتاسمات ليهاا بإمتنان) واخاا انمشي ليهاا دابا بزربة
نزلات هزات دميتها وتمات غادة كتجري ودارت عند البنت كتعمل ليها بإيديها الصغار ( باي باي)

وحتى البنت بدلاتها نفس الحركة شيء لي خلا ماريا تبتاسم وترجع كتجري فإتجاه الدار الأيتام ….

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
بارت 10::
تحررات ماريا من أفكارها لما شافتهم ناضو من بلاصتهم وتمو غادين جمعات نوضة بزربة وتاجهات عندهم حتى وقفات حابسة طريقهم وكتشوف فيهم
وحدة من البنات: مالكي ؟؟
ماريا( حلات ساكها وجبدات 200درهم مداتها لبنت) هاكي خودي
البنت( شافت الفلوس وهيا تاخدها وهزات عينيها فمريا) شكراا
ماريا:( تحنات لعندهم) تبغيو تمشيو معايا ؟؟
البنت: فين ؟؟
ماريا: انديكم لبلاصة فين ايتهلاو فيكم ايوكلوكم ويشربوكم وتنعسو بخير وتبعدو من زنقة
البنت:( بدات كضحك هيا والبنات لي معاها ) ههههه
ماريا( تعجبات) مالكي ؟؟
البنت: سمعنا هاد الهدرة حتى شبعناا …وشي مشفنااه …
بنت خرى: كيجيو ويقولو لينا انعاونوكم انديرو ليكم وفاللخر غير كيستغلوناا
البنت( شافت فمريا) حنا ممحتاجينش ليك.. قادين براسناا .. غير براكة من الكذووب
تموو غادين ومخلين مارياا مبلوكية بلاصتهاا كتفكر فكلامهم وفهمات بلي شحال من وحدة لعب بيهم وكذب عليهم … جمعات نوضة وزادت غادة عندهم حتى حبسات طريقهم لمرة خرى
ماريا: انا مكنكذبش عليكم .. انا انديكم لدار الأيتام واناا انكون متكلفة بيكم وأتبقاو تما حتى تكبروو
البنت : وشكون ضمن لينا مكتكذبيش
ماريا( بقات كتشوف فيها) حيت كنت واحد نهار بحالكم … حتى اناا عشت فزنقة ولاكن جات عندي بنت كيما جيت عندكم.داباا وهيا لي عاوناتني .. وداباا فاش لقيتكم فطريقي بغيت نعاونكم
البنت (دارت كتشوف فالبنات لي معاها كدوي معاهم غير بالعينين … دارت عند ماريا لي حاضياها) اتدينا داباا ؟؟؟
ماريا:( حركات راسها بإيجاب) ااه انديكم اتمشيو معايا في طوموبيلتي
زادت مارياا ومخلياهم وراها تابعينهاا وصلات لوطو وحلات ليهم لباب لور وكيشوف فيها مترددين
البنت: الا كنتب كتكذبي علينا أتندمي
ماريا( بهدوء) متخافيش كذوب مكاينش فقاموسي
البنت شيرات لخواتاتها لي كانو فسن صغير و طلعات هيا القودام بجنب ماريا ركبات ماريا في اللوطو وديمارات بإتجاه دار الأيتام ……

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
بارت 11 ::
بعدمااا وصلو لميتم دخلاتهم وكلفات المسؤولة عليه باش يهتمو بيهم ونفذات أمرها لأنها كانت من أكبر المتبرعين لميتم وكتساعدهم
علمات الحراس باش يجيبو الأكياس لي كانو عندها فالغوفر وفعلا داكشي لي دارو عاونوها حتى دخلاتهم لقاعة الكبيرة لي كانت عامرة بالبنات لي غير شافوهاا ناضو كيجريو عندهاا فرحانين بيهاا ويغوتو بإسمهاا لي كان بالنسبة ليهم إسم للفرح
ماريا:( أول إبتسامة في نهارها كانت ليهم) ههه بلاتي بلاتي اناا انعطيكم كلكم
… مارياا جبتي ليا الكسوة الغوز … مارياا دمية لي قلتي ليك … ماريااا جبتي ليناا حوايج …
كان كلهم كيتكلموو .. هزات إيديها بزوح وصفقاات بجهد
ماريا: شووووو…. انا جبت ليكم كاملين
تمات غادة لأحد الأسرة وكلسات شيرات لحارس لي جاب ليها ساشية فيها الحوايج لي كانت عبارة عللى كساوي وبيجامات وصيرفيطات وبدات كتفرقهم على البنات وحدة وحدة …عاد دمى لي كانو مختالفين … والشوكولا …عطاتهم كاملين وكلسو فالأرض كيشكرووها على مجيئها كل شهر ولاكن بحال هاد نهار لي كانت كتهلا فيكم أكثر وكتخليهم يقيدو داكشي لي بغاو فورقة وتجيبها ليهم فهاد نهار فكل عام … كتخليهم هوما لي يفرحو بلاصتهاا ويعتابرو هادا عيد.ميلادهم ماشي عيد ميلادها …. سالات داكشي لي جابت
ماريا 🙁 بصوت مرتافع) شنو بغيتوو لغداا ؟؟؟؟
الجميع: بيتزاااا
ماريا بتاسمات ودارت عند الحراس باش يجيبو عدد كبير من البيتزاا من محالات مختالفة وعاد المشربوبات الغازية مشا ينفد كلاموو وناضت هيا لعند البنات لي كانو فعمر اقل من عامين كتبوس فيهم وتعنق وتبتااسم ليهم بحب ومودة … خرجات من عندهم وتاجهات لمسؤولة عطاتها قدر من المال وسولاتها واش خاص لبنات حاجيات خرى لاكن كيف ديما كانت ممتمة ليهاا على تعاملهاا ورحمتها فهاد الأيتام ….
بعدما سالات هدرتها معاها زادت غادة وعينيها كيشوفو فالغرف وكتذكر فبحال هادو كانت كتعيش ….لاكن مكانتش لاقية لي يهتم بيهاا ويتهلى فيهاا ويرحمهاا ويحس بيهاا …. يخفف عليها ألمها وحزنها على موت واليديها … أحبتها الغالين … لي كانو أهم شخصين فحياتهاا … فارقوها وخلاوهاا بلا رحيم …وخصوصا أنها طفلة 10سنوات ….. شكون ايفهمها ويحس بألمهاا .. أيقولو نتي باقا صغيرة أتكبري وتنساي ولاكن هيا كلما كتكبر جرحها كيصبح
ثقب أسود مغاديش يتسد ولا يتشافاا …..

👑👑لن أنهزم امام قدري👑👑
الفصل الأول :
💔 قساوة الماضي .. لم ترحم طفولتي💔
بقلم 🖋حياة جوري 🖋
البارت 12:
تذكرات لما وصلات لميتم … واخا كانت تحت سقف كتاكل وكتشرب مكانتش مرتاحة … كانت ديماا كيتعداو عليها البنات وحاطين العين على دميتها
ديما كضارب معاهم كبار وصغار عليها علل قبل دميتها( ريما) تبكي وتغوت باش ميخدوهاش ليهاا …. ولات عايشة وحيدة وكتخاف من نسيم الا لامس جسدهاا … عاد أي نضرات تاجهو ليها كتهرب منهم …. البنات لي كانو معاها عيشوهاا فخوف وهلع حتى البسمة على شفايفها ختافاات … تظل تبكي فليل وفصباح يجبدووهاا بأية سبب كان … كانت بلا صحابات عندها فقط العدوات لي مكيحملوهاش ….لاكن سرعان مهيا كتكبر وكتزيد تقصااح … كتزيد تقوى عواض متضعاف … كتزيد تبث شخصيتهاا وتدرك خوفها بقناع التمرد …كان لي كيجبدها من بعد سنين كيلقاهاا واخا تعرف تخرج من النقاش او العراك خاسرة لموهيم متخليش دقتها.. وكان لي يبغي يقيس دميتهاا كتولي مفترسة وكتهجم عليه بدون سابق إنذار … حتى كبرات مارياا ودارت 18عام … وفيوم كالسة فجردة وفحضنها دميتها حتى وقف عليها شخص شيء لي خلاها تهز عينيها تدريجياا فيه ….

تتمة جزء 12 ….
هزات عينيها فيه بشكل تديرجي حتى وصلات لوجهو لي كان بملامح بشوشة مبتاسم ليها بقات كتشوف فيه لثواني كتذكر فين شافتو حتى نطق
الرجل: ماريا ياك ؟؟
مارياهزات راسها بإيجاب وفقط كتشوف فيه
الرجل: معقلتيش عليا ؟؟؟
ماريا ( دققات فيه شوفة كتحاول التذكر) فايت شايفاك …. كنتي كتجي عندنا لدار
الرجل( كلس جنبها مبتاسم) ااه .. كنت كنجي عند الواليدين ديالك الله يرحمهم …
ماريا حنات راسها ساكتة
الرجل: اش وصلك لهناا ؟؟ شحال قلبت عليك
ماريا( دورات عينيها عندو) لاهوما هنا ولا الزنقة
الرجل: مارياا .. راك بخييرك .. عندك فلوسك اش جابك لهناا علاش هربتي من عند عمك ؟؟
ماريا( حنات راسها لثواني ) وعلاش كتسول ؟؟
الرجل: انا راه محامي .. كنت مكلفة بالمراث ديالكم .. وفاش توفاو الوليدين ديالك بعد أيام قلبت عليك وعرفت بلي كنتي عند عمك فاش مشيت عندو قاليا راه صيفطك تسافري وبلي عطيتيه الوكالة انو يتكلف بالمطعم … واناا شفتو انو الأخ ديالو أولا فقبلت … وبعدما دازت سنين مشيت عندو لقيتوو باع كلشي داركم والمطعم وخسرهم كاملين وصرح لياا بلي راك هربتي نهار ماتو واليديك وبقيت كنقلب عليك فكل بلايص حتى لقيتك
ماريا كتشوف فيه مصدومة أنو عمهاا دار فيها هادشي … باع عرق جوف باباهاا وخلاها على الدس كتلاوح … مفكرش فبنت يتيمة أش غادي يطرا ليهاا كان فقط هامو فلوس … وزادها طمع فيها واخاا هيا فقط طفلة 10سنوات وومعقلش عليها …. نطقات بصدمة
ماريا: بااع كلشي ؟؟؟
المحامي: للأسف ..
ماريا( دورات وجها بغضب كابتة حزنهاا الغامر قلبهاا) وشنو بغيتي مني دابا ؟؟
المحامي( جبد ورقة من حقيبتو) انا جايب ليك ورث الأم ديالك
ماريا( دارت عندو بصدمة) شنوو !!!
المحامي: ماماك ورثاث من عند الجدة ديالك أراضي في المغرب ….
ماربا: في المغرب!!؟؟
المحامي: ااه وهادي فرصة باش تخرجي من هناا وأنا انعاونك حيت دينك علياا .. اني تيقت داك الكلب وخليتو باع زرقك … أنا عارفك عمرك مشيتي لمغرب .. ولاكن انعاونك
ماريا:(سكتات شوية ) انا مكنعرف حتى واحد تماا
المحامي: وحتى هنا نفس شيء .. سيري خودي رزقك وعيشي تماا .. اناا انتكلف بجميع إحتياجاتك وماغادي نخليك حتى نتأكد بلي ستقريتي ونضمن حياتك تما
ماريا( بقات ساكتة كتفكر … محدها عايشة لوحدة عايشاها لاهوما تمشي لمغرب وتعيش فرزق ماماهاا مرتاحة أحسن ليها من هاد العيشة .. دارت عندو بجدية) نمشيو غدا ؟؟
المحامي:اييه زيدي ندويو مع المكلفة ونتي ليوم جمعي حوايجيك باش نديك معاياا وغدا ناخدو طيارة لمغرب
مارياا( هزات راسها بإيجاب وخلاتو يسبقها .. عنقات ريما ودوات بهمس معاها)

محدي قوية … وصابرة … كلشي أيتقاد.. وقدري غادي يتغير لأحسن … وأناا مغانهازمش …..
نهاية الفصل الأول :
قساوة الماضي لم ترحم طفولتي
وموعدنا غداا مع الفصل التاني لي بغيتكم تعطيوني توقع عليه وشنو ايكون إسمو 🤔
وأرائكم على هاد الفصل واش عجبكم ولا لا وكيف جاتكم بداية القصة مابغيتش طوب كملي بغيت تعليق بصح 👇👇 يلاه كبيداتي 👏👏

بداية فصل جديد … 👑👑
❤إحياء قلبي بنبض الحب❤
ذكريات الماضي المؤلم .. دفنتها في داخلي …حتى أصبحت ثقبا أسود … يخنقني يؤلمني … ولاكني سأقاوم … لن أسمح لشيء بإضعافي …سأظل شامخة …قوية ….لاتقهرني الوحدة … ولا فراق أحبتي … وحتى قساوة الماضي … الذي لم يرحم طفولتي البريئة…. فقلبي المظلم … أحياه شيء!! ….أصبحت دقاته مسموعة لي عكس صموته وخموده داخلي لسنوات … .. حتى نسيت أن لي قلباا … وأحاسيس …. لاكن مالذي أحياه!!؟؟ ….
👑إحياء قلبي بنبض الحب 👑

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت 13::
العودة للحاضر بعد معرفت الماضي …و معرفت معانات طفلة 10سنوات … من فراق .. من إستغلال …. من ضرب … من قسوة … من ظلم وإستبداد …
الفتاة ذات 18 عام إتجهت للمغرب … من أجل بداية حياة جديدة … تاركة الماضي خلفهاا … ألامها بكائها حزنهاا .طفولتها .. جعلتهم في داخلها .. وأخفته عن نفسها حتى …..
الآن 🔚🔚🔚 الرجوع إلى الحاضر
خرجات مارياا من الميتم تاركة وراها فرحة الأطفال وسعادتهم … تاجهات لوطو ديالها ركبات وديمارات … وفطريقهاا صونا تيلي ديالها دوزات نمرة في سيارتها
ماريا: الوو أسية
أسية؛ فينك ؟؟؟
ماريا: راك عارفة
أسية: في الميتم كيف ديماا … وجي عندنا لقهوة فين موالفين
ماريا: اينا قهوة لي حدا البحر
اسية: واييه
ماريا: اووك هاني قريبة اصلان ..
أسية؛ يلاه بسلامة( قطعات )
مارياا بعد دقائق وصلات لكافي بلاصات لوطو ونزلات داخلة ليها ..حتى لمحات زوج بنات كالسين كيشيرو ليهاا تاجهات ليهم سلمات عليهم بلابيز وكلسات
أسية؛ اوا فين هاد الغبور .. مابقبتيش باغا تشوفينا
ماريا: راك داري كتعرفيها فيما نغبر عليك راني فيها
فاتي: ياختي جوابك على لسانك
ماريا( شافت فيهاا) شقميني … نتي أكتقلبي علياا
أسية( ضحكات بصوت مرتافع) ههههه اويلي امريا اكنضحكوو معاك راه ليوم عيد ميلادك وليوم اتكملي 26عام وخاصك تكوني فرحانة ماشي أهازة شوكتك
ماريا( ربعات إبديها وهزات راسها بتكبر ) انا هاكا دايرة …
فاتي( شيرات لكارسون) صافي ها الحلوة ديالك اتجي ومتبقايش مغوبشة
ماريا( دارت شافت فيها بصرامة) بروفيتي فشي واحد تاني وجاية تخلصي الحلوة … انا عارفاني مناكلش فلوس عباد الله لي كتنصبو عليهم
فاتي( حطات إيدبها على صدرهاا ) اويلي امارياا حشومة تقولي هاكاا .. زعما بغيت نكبر بيك
ماريا: ( دورات وجها) مناقصنيش راني بخيري …وعارفاني كنقول الحقيقة ( شافت فيها بحدة) بغيت انعرف ماعيتيش من هاد القعيدة عاطياها الزهوو مع دراري وخسران الفلوس وتنصبي عليهم بزوج كلمات .. معيتيش
فاتي: واش ديما اتجبدي ليا هادشي .. واختي ولفت ومنقدرش نحبس راه هوما باش عايشة
ماريا: اناا قلت ليك نخدمك عندي خدمتي يامات ورجعتي لعادتك نتي اتبقاي حتى تجيبيها فراسك
فاتي: واختي انا مكنقنعش بالقليل ..وزهوانية عيني مكيرصاوش وإيدياا طواال اش ندير هادي اناا
اسية: واصافي امرياا
ماريا( شافت فأسية) ونتي زايدة ليها فيه
فاتي( عنقات ختها) وصافي هادي عفا عليها الله اتزوج
ماريا(بتعجب) اتزوجي ؟؟؟

اسية: اييه ههه ايخطبني واحد لباس عليه …
ماريا( بتاسمات بإستهزاء) وهادي فيكم سلالة …
اسية:لاا ماشي غير الفلوس وراه حيت بغيتو وبغاني داكشي علاش قبلت
ماريا: ( حطات إيديها على طابل وبنضرات شك) داباا نتي بيغيته شوفي وكان
اسية؛ ومالي انكذب… بغيتو وبغاني وانتزوجوو .. نتي لي والوو متصاحبي متزوجي
ماريا:الحب مكاينش فقاموسي
اسية( جبدات تيلي ديالها وخدامت فوكال) عاودي عاودي …
ماريا( شافتها كتسجل وزادت قربات من تيلي) الحب مكاينش فقاموسي… وحتى لو كانت بيني وبين شي راجل علاقة انكون كندوز بيها غير الوقت لاغير … حيت الحب مكنعرفوش … ومابغاش نعرفوو …
اسية: داباا نتي مغادي تزوجي مغادي تبغي
ماربا: الحب خليتو ليكم انا هانية هاكاا … مبغاا لزواج لحب .. وممحتاجة لصداع راس …رجال غير مشاكل وهموم … وانا لي عندي كافيني .. عاد أنو جنس رجال معنديش معاه كيجيوني كلهم شمايت
اسية: وهاا دليل تجي لياام ونشوفوو مارياا كتحب ونكذبو هدرتها
ماريا: ابدااا في أحلامك فقط ….يتبع

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت14:::
جا الكارسون حط ليهم حلوى كلاسي مكتوبة فيها
عيد ميلاد سعيد ماريا .. مع عواصر ومشاا
ماريا( بقات كتشوف فالحلوة) واش هاد الفلوس باش شريتي هادي .. خديتيهم لشي حد
فاتي( كتاكل فالحلوة) ومتخافيش راه خديت من عندو بالخاطر …هههه حنى اني قلت ليه بغيت نشري لصاحبتي حلوة لعيد ميلادها
ماريا شافت فيهاا واحد شوفة … وهيا دفع طبسيل من حداهاا وشيرات لكارسون لي جا عندها
كارسون: وي اش حب الخاطر
ماريا؛ جيب ليا حلوة كلاسي خرى
كارسون: داباا
ماريا: وي دابااا تكون شوكولا
كارسون؛ واخاا
مشاا وخلا البنات اكيبقلو عينهم فمرياا
فاتي: ( حطات المعلقة) والله حتى حشومة هادشي لي درتي … مالك على حالتك اصاحبتي
ماريا( دورات وجها عندها ودوات بحدة) انا هدرتي مغاديش نبقا نعاودها كل عام .. شكراا على جيست ديالك .. ولاكن عارفاني مناكلش فلوس ناس … الحمد لله عند رزقي وكنقول ليكم خاصة شي حاجة انا لي نشريها متكلفوش راسكم
اسية( كتاكل في الحلوة) ديماا عاطياناا العاصير
ماريا: ( شافت فيها وطلعات حاجب) اناا كنقول صراحة لاغير .. مافياش تزواق الهدرة .. كلامي كنحطو ديريكت
فاتي: ( رجعات كتاكل) اوا صبرر .. عمرك تبدلي
ماريا( دورات عينيها على المكان وهازة راسها لفوق) حيت عاجبني راسي .. منحتاجش نتصنع لأني مرتاحة هاكاا
جاب كارسون الحلوة وبدات ماريا كتاكل بثقالة
ماريا: اوا ايمتا خطبتك ؟؟
اسية:( بتاسمات ليها) غداا
ماريا؛ ( تعجبات ) ويلاه فراسي …
اسية؛ مكنتش متأكدة داكشي علاش مابغيت نقول والوو حتى يقرب الحال ويبين لياا بلي بصح ايجي
ماريا( طبطبات ليها على إيديها ) مبرووك عليك فرحت ليك .. بعدا اش سميتو
اسية( بتاسمات) شكرااا … سميتو عمر … اتكوني معاياا بعدا راه حنا عشرة سنين
ماريا: اكييد راه لي دوزناا ماشي قليل .. والمظهر ديالك على حسابي
اسية؛ حاجة باينة … الأرتست ديالناا
ماريا( رجعات كتاكل) معاش بعدا فليل ؟؟
اسية؛ نن بنهار مع ديك 2
ماريا: بعدا واش خطبة خفيفة ؟؟
اسية؛ ايكونو عائلتو صافي وحنا
فاتي؛ وعندو شي خوه ؟؟؟
اسية؛ لاا معندوش …( شافت فمريا) وياختي دبرت عليه بخبيزتو قاليا انعيشو فتركياا مع خدمتو تماا
فاتي( عينيها خرجو القلوبة) ياااه تركيااا سعدااتك يااختي 😍😍
ماريا: اوا لموهيم ايكون مزيان مبرووك عليك والله يكمل بالخير
أسية؛ امين احبيبتي ❤❤….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت15::
اسية: شفتي مزال الأيتام
ماريا: ااه ..
فاتي: ياختي دوك الفلوس لي كتخسري عليهم عطيهم ليا انا ايدوز فيا الأجر المقربين اولا
ماريا دورات وجها عندهاو بنضرات حادين شافت فيها حتى خلاها غير كتبقلل فيها…
ماريا: ( وركات على كلامها)عارفة راسك اش كتقولي
اسية( بغات تبدل لموضوع) ههه اويلي راه اكضحك مديش عليها امسطية
ماريادورات وجها لجيهة خرى قبل متخرج شي كلمة
اسية: واحتى نتي افاتي راه ماريا بخييرهاا وخميرها …
فاتي؛ وعارفين .. داك الورث نفعك اصاحبتي .. أراضي لي ورثي شريتي عمارة … وعاد عندك شلا محالات … ها الكوافور ها المكياج ها الحوايج ياختي مخليتي والوو
ماريا( شافت فيها بحواجب منقضة) من نيتك !!
فاتي :ومالي كذبت … كيتنا حناا اكارين برطمة … يلاه مكافين
اسية(نغزاتها باش تسكت) واش حماقيتي
ماريا( كتورك على كلامهاا وعينيهاا مطردكين ففاتي مكترتاحش ليها) هادشي لي كتشوفيه موصلت ليه حتى ستحقيتوو …لهذاا عرفي اش كتخرجي من فمك … ولا يكماا معاجبكش الحال ؟؟
اسية ( نغزات فاتي ) اويلي امرياا مالنا غادي نحسدوك الله يزيدك … وعارفة فاتي غير كتخربق مرة مرة متديش عليهاا
ماريا( جمعات نوضة وحطات فلوس بزايد … هزات ساكها ودارت نضاضر على عينيها) نخليكم .. حسن ميتزاد لغى ونوليو فكلام ماهواش …
زادت مخلياهم غير كيبقلو فيهاا …
فاتي: شفتي ليك البنت ماعرت اش يصحاب ليها راسهاا
أسية سكتات متبعاها بعينيها وعقلها مهناش
فاتي: فقسااتني تفوووو … زهر لمن عطاه الله ياااخ غوبشات وجغمات من العاصير كتبرد عصبيتها… شافت فأسية لي ساهية
فاتي: أسية مالك ؟؟
أسية:ااا ( شافت فبها) لا والوو كملي كملي ماكلتك باش نمشيو …..

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت16::
☀️☀️أصبحنا وأصبح الملك لله ولا إله إلا الله ☀️☀️
سمعات ماريا رن الهاتف ديالها هزاتوو وحلات عينيها كتشوف أسية كتاصل بيهاا ربطات الخط وحطاتو على ودنها
ماريا: الوو ..
اسية:ماريااا فايقة ؟؟؟
ماريا: نتي لي فيقتيني دابا
اسية: محتاجااك ضاروري داباااا
ماريا:الله يسمعناا خير
اسية: واخا نقدر ندير الخطبة عندك .. راه صدقت اندير لاكط وايجيو ناس كثار شوية .. ومع عارفة دارنا صغيرة
ماريا( كلسات كتفكر) اممم … واخا ممكن
أسية:حلفييي شكراا منساهاش ليك
ماريا: لاا هانية ماشي موشكيل ..
اسية: ونوضي لبسي ونزلي باش نمشيو نكريو تكاشط ونمشيو لحمام
ماريا: حمام !! انا عارفاني مكنمشيش ليه
اسية؛ يلاه دوش وتركي بقاي على خاطرك
ماريا:صافي سيري نفطر ونلبس ونعيط عليك
اسية؛ صافي شكرااا حبيبتي نخليك داباا
ماريا: بسلامة( قطعات)
حطات تيلي ديالها وناضت لدوش قدات حاجتها غسلات وجهاا حكات سنانها وزادت خارجة كتجمع شعرها سفنجة .. خدمات القهوة وسخنات الخبز حطات فرماج وشوكولا وكلسات كتفطر …. دوزات نمرة وتسنات بتربط الخط
ماريا: الووو
السيدة: الووو .. ماريا لباس
ماريا: الحمد لله .. لموهيم اني انجي عندك انا وصحباتي وجدو ليا شي قفاطن زوينين
السيدة؛ هيا لي متعاودش محالك هادا
ماريا: كيف غادة الخدمة مزيان .. شحال مطليت عليكم
السيدة: راه كلشي مزيان اكوني هانية محالك ورزقك متخافيش عليهم راني حاضية كلشي
ماريا: معولة عليك .. يلاه شي نص ساعة نكون عندك
السيدة: مرحبااا
قطعات ماريا وناضت لبلاكار الحوايج جبدات كسوة طويلة بالنواغ خفيفة لبسات مع سندالة بلا تاجهات لمراية مشطات شعرها وهزاتو ديل حصان رشات بارفان ونضاضر فعينيها .. وهزات ساك كبير فيه حوايجها لحمام ومستلزماتها كاملين وزادت خارجة من الدار …. وتيلي فودنها كتسنى يتربط الخط
ماريا: الوو .. مي مينة
مينة: الو بنتي لباس
ماريا: الحمد لله .. شوفي بغيتك تجي لدار سيقيهاا وقاديها لياا مزياان وغسلي الماعن راه ايجيو عندي شي ضياف
مينة: ( تعجبات) ضياف ضياف ممولفاش ليك
ماريا: وديري لي قلت ليك وصافي… ودابا جي
قطعات وصيفطات ميساج لأسية بلي راه خرجات
جاوباتها في البلاصة انها فصالون ديالها كالسة
نزلات خرجات رونج من كراج وهيا تجي عندها اسية محملة هيا وختها باش يتحمحمو سلمو معاهاا وركبو وديمارات غادة فطريق
اسية: في غادين
ماريا: ياك قلتي باغا تكري قفطان !!
اسية؛ ادينا لديالك ؟؟
ماريا: ااه
فاتي( نقزات من لور) هيا داكشي ايكون فابوور هههه كيما ديما

ماريا شافت فيها من المراية ورجعات عينيها لطريق بعدم المبلات
اسية؛ ااه وعاد خاص نجيب الماكلة من زنقة اففف
ماريا:باقي مدمونديتي ؟؟
اسية: لا دمونديت ولاكن داكشي اعادي راهم لباس عليهم وخاص نحط ليهم داكشي ديال الفريع باش يلاه نبان ولاكن الغالب الله
ماريا(شافت فيها ورجعات عينيها لطريق) صافي انتكلف … زيدي داكشي لي خاص وعلى حسابي
اسية( عينيها خرجو القلوبة ) حلفيبي ياختي
ماريا:مولفة نتمازح معاك
اسية( بتاسمات بفرح) شكراا ياحبيبتي فيما حتاجيناك كنلقاوك … مكتبخليش عليناا
ماريا: عادي ماشي موشكيل
فاتي( مبتاسمة) الحمد لله لي تلاقينا بيك .. كتعتقيناا ديمااا … وديماا خاسرة عليناا .. ماشي بحال دوك شمايت الا معطيتيهمش ميعطيوك
ماريا: اوا نتي مابغبتيش تفهمي راسك ..وبايعة راسك بالرخيص
فاتي:مالي انا كرهت… اه نتي ديما مخرجنا مخلصة عليناا فأحسن البلايص تشري لينا اية حاجة خصاتنا وهانتي بحالا اديري لختي الخطبة وزيد وزيييد ولاكن حتى فلوس رجال بحلاوتهم ههههه
ماريا: اواا دوك زوج فرانك لي كيعطيوك فرحي بيهم … ومزال يتجملوو عليك ويبيغو المقابل اماا اناا … فكندير هادشي بلا حسابات …
اسية( بتاسمات): عارفين لي كاين اختي .. راه هاد المزغوبة مابغات تجمع .. باينة حتى تزوج عاد اتبعد من هاد طريق
فاتي؛ نتزوج مع واحد بوكوو حبة .. نتجمع يلاه ضبري ليا على شي واحد
اسية: وراه باينة اندبر ليك خسارة مكاينش خو راجلي ..
فاتي: اوا فاش تزوجي وتطيري لتما شوفي لختك شي واحد
اسية( دارت عندها) على انا نساك
فاتي: ههههه اوا هاكاك ….
ماريا( بلاصات لوطو) احنا وصلنا يلاه نزلو ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت17::
بعد مختارو قفاطنهم وتاجهو الحمام تركي كسلو عضماتهم وأكيد كلشي على حساب ماريا .. تاجهو لصالون ديالها بعدما خلاو طريطور كيطلعو الماكلة لدار وكيوجدو لي خاص الخطبة .. عاد عائلة اسية كالسين كيلبسوو لأنو العريس قريب يجي …
في صالون البنات قادو شعرهم وضفارهم عاد وجهم اما ماريا فصيبات وجها راسها… كملو تجيهزات المظهر ديالهم وطلعو لفوق باش يلبسو قفاطنهم … ويتجهزو لأن العريس في طريق ..
أسية: افف ماعرت العدول ايمتا ايجي ؟؟
ماريا:وزربة خايبة درتوو
اسية: راه اختي زربان هوا .. مع عندو شي خدمة لهيه وخاصو يمشي داكشي علاش قالك نديرو لاكط باش تكوني مرتي وديك ساعة حتى لعام جاي ونتزوجو
ماريا: اوا العدول ايمتا ايجي ؟؟
اسية؛ قالينا حتى لعشية زعما ورا الغدا احسن ياك يلاه نكلسو شوية
ماريا:اه احسن( سدات ليها المضمة) صافي هانتي ساليتي
اسية شافت راسها فالمراية خلات شعرها مطلوق على راحتو ولبسات جوهرة وطالون بيض هزات بارفان رشاتهاا ودارت كتشوف ففاتي لي كتعاونها ماريا في اللبس حتى كملات معاهاا
اسية : واش نتي مغاديش تلبسي؟؟
ماريا: اخليني انا لخرة حتى يتقاد كلشي.. نيت نشوف التوجاد فين وصل
خرجات وخلاتهم ..
فاتي: ياختي درتي المزية فاش جبتينا هناا .. مع دارها واعرة
اسية: (كتشوف راسها في المراية) اوا شنوو .. نستافدو شوية … على بغيتي يشمتو فينا على ديك الخربة
فاتي: واايييه .. وصراحة ستافدنا مع مرياا خلصات كلشي بحالا تقولي ختها لي اتزوج
اسية( ضحكاات )ههههه …. اوا سخاوة عندها زايدة ( سمعات دقان) ويلي واقيلة جاو
ماريا(دخلات) هاهوما جاو ماماك مشات تحل عليهم
اسية( تنهدات) افف كعما قالها لياا .. صافي البنات كيجيت ناضية ؟؟
ماريا( كلسات كدير لإيديها الكريم) ااه زوينة مشاء الله
…. فجهة خرى ***
تحل الباب ودخل العريس لي لابس كوسطار أسود أشقر وفإيديه بوكي الورد كبيير … دخلات وراه مرأة ورجل لي مشادين وهازين ساشيات … عاد بجنبهم بنت صغيرة شادة فإيد راجل لي هاز حلوى فإيديه ومرة ورجل كبار شوية وراه… دخلو كاملين لصالون بترحيب أب أم اسية بيهم …. تداولوو كلام قليل بيما ناضت أم أسية عندهاا وعلماتها باش تخرج .. وداكشي لي طراا خرجات هيا وختها بزغارت ديال مها وختهاا لعندهم وخلاو ماريا مزال كتلبس … دخلوهل عند العريس وبدات كتسلم عليهم واحد واحد .. كانو واليديه .. وعمو ومرتو وولد عمو وبنت عمو صغيرة كلسات اسية حدا زوجها المستقبلي مبتاسمة وهوا كذالك .. اما فاتي فكلست حدا مها كتبركك فيهم

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت 18::
خرجات ماريا بقفطان غوز جاراه من جناب .. شعرها جمعاتو ديل حصان وعكر بوردو على شفايفها عاد رائحتهاا لي مجهدة وأنثوية … تاجهات لصالون لي كان كالس فيه كلشي وكتسمع تداول الكلام … حتى لمحات طريطور وعلماتو باش يحط أتاي كبداية ليهم مع مستلزماتو … وهيا زادت مكملة طريقها عندهم وحانية راسها ورجليها كل وحدة قودام الأخرى والفتحة لي كانت طالعة مبينة ليها سيكانها مع الطالون الفضي عاد الخلخال لي مزينة بيه رجليها الجذابين … بدون التكلم على جمالها فتقليدي وطولتهاا كيف العارضات وزيادة على كتافها لي كيتحركو معاها بطريقة أنثوية … دخلات عندهم ونطقات بصوت أنثوي مسموع
ماريا : السلام عليكم ….
كلشي هز عينيه فيهاا راد ليها السلام وكيشوفو فيهاا كيف فااتنة بالجمال .. لا لون لي واتاهاا .. ولا شكل وجها وملاميحهاا الجذابة … وعاد رائحتها ولون جسمهاا المثيرر …. خلا كلشي يشوف فيهاا متسائل شكون هياا
ماريا: ( بتاسمات بلاباقة) مرحباا بيكم … أنا مارياا .. صاحبت أسية… مرحبا بيكم عندي
أم عمر: الله يبارك فيك ابنتي … على هادي دارك ؟؟ ماريا: ( حركات راسها بإيجاب) ااه .. مرحبا بيكم
تاجهات كتسلم عليهم واحد بواحد .. كان اول واحد هوا بات العريس ثم موو عاد مرت عموو وعمو .. ثم وصلات لراجل لي كان ولد عموو مدات إيديها لثواني بدون متشوف فيه لاكن مبدلهاش السلام .. دورات عينيها ولقاتو كيشوف فيها بعينيه.. طلعات فيه حاجب انو خلاها بلاكة … يلاه بغا يسلم عليها حتى جمعات إيديها ودازت مخلياه ماد إيدو جمعها بزربة ودار شاف فيها كتسلم على البقية حتى كلسات بجنب دخلة حاطة رجل على رجل وبجنبها البنت الصغيرة …
أم عمر: دارك غزالة ابنتي
ماريا: بارك الله او فيك ….
تحط أتاي مع لوازموو وتفرق على ناس وبداا تداول الكلام
…. فجهة خرى فاتي كتهمس فأذن ختها
فاتي: ويلي فرشااتك .. يصحاب ليههم دارنا
اسية: اسكتي .. تفوو فرشة ساينك ساينك
فاتي؛ ههههه منبغيهاش ليك اودي ياأسية …
اسية( معصبة) سكتيني ولا انوريك ياخ( دارت عند عمر وشدات فإيديو)حبيبي شوية ؟؟
عمر: شوية اراسي باقي دارني وصافي مع سفر
فاتي: اصبر كلشي ايفووت احبيبي ..
بعدماا شربو اتاي جاو جمعوه وبداا تكلم على العرس لي قررو وبعد مدة طويلة انو يكون بعد عام جوغ على قبل خدمة عمر لأنو مكيجي المغرب غير من صيف لصيف داكشي علاش قررو يديرو لاكط ليوم ويخليو حتى يدوز عام فبحال هاد الأيام ويرجعو من اجل العرس لأايتقام في قاعة للأفراح دواو فجميع التفاصيل

التفاصيل وكذالك تعرفو على بعضهم كان أب عمر وعمو مزوجين بنساء من تركياا وهوما مغاربةومستقرين تماا .. كلشي تداول الكلام مع بعض من غير ماريا لي كانت بعيدة عليهم حدها دوات مع البنت الصغيرة لي عجباتهاا ورتاحت ليها
… بعد مدة تحط الغداء الفاخر تجمعو عليه وتغدااو ورجعو لبلايصهم كيتسناو العدول يجي باش يديرو الاكط …

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت19::
بعد دقائق دورات فاتي عينيها عند ولد عم عمر وشافت فيه لثواني … وهمسات فأذن أسية
فاتي: ناري ياختي هاد ولد عم راجلك كيحمقققق
أسية( دورات عينيها عندو) ااه زويين
فاتي: ياختي سعدااتك اتبقاي تشوفي هاد زين
اسية: تي كون تحشمي راني انتزوج واقيلة … واصلان راجلي عاحبني .. وفخبارك راه خدام معاه فنفس شريكة
فاتي: حلفيي دونك حتى هوا بوكو حبة
اسية: وراه حاجة باينة ….شتي مو راه تركية
فاتي: يااختي على تركي .. الله الله
اسية: اوا جمعي راسك شوية .. خلينا متبتين
فاتي: ومتنسايس ختك هالعار ضبري ليا علل شي واحد ولا كان هاداا احسن هههه … باش نطير من هنا ونتهناا
اسية:هاني نتزوج ونضبر لختي اكوني هانية
فاتي( عينيها لمعو) ياخلي لياا إسوو ديالي هههه رجعات انضارها ليه ولقاتو كيشوف فجهة وحدة من قبيلة … تاجهو انضارها فين كيشوف .. وهيا تحل عينيهاا بتعجب .. وقربات لأذن فاتي
فاتي:شوفي شوفي دري كيشوف فمارياا من قبيلة
اسية شافت فيه وكان بصح كيشوف فماريا لي كانت كدوي مع البنت صغيرة … وكتوريها الألعاب لي فالهاتف ديالها
اسية: ولاهيلاا … ( شافت فختها) يااكماااا ؟؟
فاتي( حركات راسها بلا ممتقبلاش الأمر) لاا ميمكنش اتلقايه اساهي وصافي … ولا ايكون كيشوف فختو
اسية؛ ممكن تاني .. صافي سكتي ها العدول جاا
العدول( تم داخل) السلام عليكم
الكل: عليكم السلام
تاجه العدول لداخل الصالون وكلس جاو بجنبو العرسين وتما بدا المراسم ديالو …. وإنتهى بإعلانهم زوج وزوجة
تعالات زغارت أم اسية وختهاا فرحانين بيهاا وصلاة وسلام على النبي .. وتما تفرقات الحلوى كلاسي مع العصير فراحنين بيهم …..
بعد دقائق جات البنت صغيرة لي إسمها( جوليا ) شدات فإيد مارياا
جوليا: ( كتعكل فالعربية) ممكن توريني طواليط
ماريا( شدات فإبدبها كذالك وبتاسمات ) ااه الكتكوتة نديك
تمات جاراهاا للطواليط دخلاتها وخرجات سدات عليها وبقات واقفة حدا الباب وشادة تيلي كتخربق فيه حتى حسات بشي حد وقف جنبها هزات عينيها الخوضر وشافت فيه ورجعات حنات راسها فتيلي
الشخص: واش هادي طواليط ؟؟
ماريا هزات راسها بإيجاب بدون متشوف فيه
تحل الباب وخرجات جوليا كتنزل فالكسوة ديالهاا ومشات بزربة عند خوها
جوليا: فخر الدين ….. واش انمشيو ؟؟
فخر الدين ( هزها بين إيديه) لا مزال
جوليا: مبغيتش نمشي( شافت فمريا مبتاسمة) بغيت نبقى مع ماريا
فخر الدين شاف فمريا لي مبتاسمة لجوليا .. ورجع شاف فجوليا وحطها في الأرض
فخر الدين: سخيتيني بينا ..

جوليالي فعمرها 6سنين شدات فإيد ماريا مبتاسمة جوليا : لاا مسخيتش مي ماريا ولات صحبتي وبغيت نبقا معاها( هزات عينيها فماريا ) نمشيو نكملو لعبة
ماريا: واخا يلاه
رجعو لصالون وكيدويو بصوت منخافض .. وخلاو فخر الدين متبعهم بعينيه حتى غبرو عن أنضارو وزاد دخل لطواليط … يتبع

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت20::
بعد مدة نتهاات الخطبة وعائلة العريس مشاو بحالهم … دخلو لبنات لبيت ماريا كيحيدو الحوايج ويمسحو في الميكاب باش يرتاحوو
اسية: افف طبت بالكلووس
فاتي:واييه ولاكن دازت زوينة خصوصا فاللخر فاش بدينا نشطحو
ماريا( مسحات ميكاب ديالها وتكات فوق ناموسية بيبجامة ) ااف عييت
اسية( كلسات حداها) شكراا ياختي حمرتي ليا وجهي قودامهم .. لمن الماكلة ودار وضيافة كلشي
ماريا( طبطبات على إيديها) مبيناتنااش .. عادي
اسية: دابا خاص نشري داكشي على تيساع
فاتي: هه زربانة سعداتك عطاك فلوس صحيحة على قبل جهاز
اسية :اوا راه لباس عليه ومالي راه انولي مرتوو ( شافت فمريا) تمشي معانا غداا ؟؟
ماريا: اعفيني غداا … باغا نرتاح ونخرج شوية
اسية: اوا صافي لي بان ليك منبززش عليك
فاتي:ناري شفتي امريا داك فخر الدين كيدااير..شتي اسميتو وزايداه في الهيبة
ماريا؛ ( بعدم مبلات) شكوون؟؟
فاتي؛ وولد عم عمر اصاحبتي
ماريا: ااه .. صراحة كعما ديتها فيه
فاتي:اواباز هاداك ميديوهاش فيه نااس على مزينااتو دري
ماريا( غمضات عينيها بعدم الإهتمام) انا انعس…
اسية: تصبحي على خير حبيبتي
بعدما قداو مسائاهم ناضت لبسات جلابتها وهزات مسائلها وخرجات هيا وختهاا لقاو مهم مشات … خرجو وسدو الباب وراهم مخلينها ناعسة ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت21::
☀️☀️أصبح الملك لله ولا إله إلا الله ☀️☀️
صباح جديد
مع 8 صباحا
فغرفة ماريا كالسة فوق ناموسية كتحزم سيورة ديال صبادري ديالها .. سلات ولاحت عليها صيرفيط بعدما جمعات شعرها ديل حصان وزادت خارجة كتدير ليكيت فودنيها .. خرجات سورتات الباب وزادت لسانسور لي نزلها لتحت … تاجهات لكراج خرجات لوطو وديمارت فإتجاه لبحر ..
وصلات ليه بلاصات لوطو ونزلات كتجري …
بعد مرور 3ساعات تاجهات ماريا لكافي بقرب البحر طلبات فطورها وكلسات كترتاح حتى سمعات ميساج واتساب حلاتو ولقاتو من نمرة غريبة عليها
الشخص: سلام
بقات كتحقق في نمرة ويلاه بغات تجاوب حتى تحط الفطور … حطات تيلي ديالها جانبا وبدات فتناول فطورها الشهي …
بعدما كملاتو حطات فلوس وناضت خارجة متاجهة لوطو ديالها ركبات فيها وزادت راجعة أدراجها لدارها
خلال طريقها سمعات إتصاب من واتساب ديالها .. يلاه هزات تيلي شافت نمرة لي كانت مجهولة وبغات تربط الخط حتى تقطع الإتصال … حطات تيلي ديالها بلاصتو ورجعات أنضارها لطريق ….. بعد دقائق وصلات لمسكنها بلاصات لوطو وخرجات هازة تيلي فإيديها .. دخلات لواتساب وجاوبات الشخص المجهول ؟
ماريا:شكون نتا ؟!
يلاه بغات تخشي تيلي فجيبها حتى سمعات رنة على أنو ميساج وصلها .. حلات تيلي ديالها ودخلات لواتساب لقات فيه
الشخص: انا دري ..فايت تلاقيت بيك وعطيتيني نمرة ديالك
ماريا غير شافت داك الميساج طلعات حاجب ونطقات بهمس
ماريا:كذااب ….
فدقيقتها دخلات لنمرتو وبلوكاتها معطلاتوش ورجعات تيلي لجيبها بعدم الإهتمام….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت 22:::
بعدما طلعات لدارهاا ودوشات نعسات لساعة باش ترتاح ستفاقت وصيبات شعرها قدات وجها ولبسات سروال تجين مع قميجة موردة وسندالة بلا جمعات شعرها سفنجة وخشات مستلزماتها فساكها صغير وزادت خارجة لصالون لتحت دخلات ولقات البنات خدامين تاجهات لاكيس وجبدات قدر من المال خشاتو فساكها حتى وقفات عليها إحدى البنات
البنت: ختي مارياا محتاجاك ؟
ماريا( شافت فيها) وي اسماء مرحباا
اسماء: واخا نقدر نمشي .. ماما عيانة شوية ومكاين لي يقابلها
ماريا:( كلسات فوق الكرسي) باش مريضة ؟؟
اسماء: شاداها المعدة والراس داكشي مخلط عليها
ماريا:اممم اوك سيري لبسي وتعالي نوصلك
اسماء: ( بفرح) شكرااا اختي انا داباا نجي
مشات بجرية تجيب ساكها وخلات ماريا كتهز في الفلوس ..وصات لي مكلفة بصالون تعلمها بكل جديد وزادت كتخرج اللوطو من الباركينغ حتى وقفات عليها اسماء ركبات وزادت بيها لمدينة القديمة .. وصلاتها ونزلات هيا وياهاا عند مت اسماء … دخلات ماريا ولقاتها شادة الفراش ووجها صفر . كلسات قريبة ليهاا واسماء كتنوض فيها
اسماء: مامااا .. هاني جيت
مت اسماء( حلات عينبها شوية وشافت بنتها وماريا لي كالسة ) بنتي … شكون هادي ؟؟
اسماء( بناسمات) هادي ماريا . لي خدامة عندها امي . وهيا اديك لطبيب
مت اسماء( شافت فمريا) اديني لطبيب ابنيتي ؟؟
ماريا( قربات عندها وشدات إيديها) اه اخالتي .. غير حاولي تنوضي باش نديك
اسماء بدات تنوض فمهاا ومشات جابت ليها جلابتها لبساتها ليها وعاونوها باش يخرجوهاا لوطوو ..وفعلا داكشي لي طراا داتها ماريا لطبيب خلصات ليها الدوى وكلشي لي خاصها عاد تقدات ليهم تقديت لي اتحتاجها لريجيم ومشات مخلية اسماء عندهاا ومرافقينها دعوات كل من مت اسماء وهياا وشكر ليهاا على مساعدة ديالها ليهم ركبات في لوطو وإبتسامة طفيفة على شفايفها .. فيما كدير الخير كتحس براااحة نفسية داخلهاا … وخاصة الا خففات الم ومعانات الناس … وعوضات بلاصتهم الإبتسامة والفرحة… زادت بي لوطوو لإحدى ريسطورات ..

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت23::
بعدما كملات غداها بالحوت كالسة كتشوف فالبحر حتى لفت إنتباها بنت صغيرة داخلة وفإيديها باسطات وكلينيكس كتفرقهم على الطوابل .. وقفات حدا طابل لي كالسين فيها ربعة دراري حطات ليهم البيمو وطلبات منهم إيشريوه الا بغاو .. شاف فيها أحد دراري بإشمئزاز من لبسها وحالتها ولاح عليها البيمو على وجهاا … وبصوت مرتافع كيغوت عليهاا
الدري: سيري فحالك …كترتوو يالمعفنين مخليتوو حتى بلاصة مدرتو بيهاا … ( شد ليها ديك البواط لي فيها البيموات ولاحهم فالأرض) حتى هادوو يتبااعوو … ديروو فيهاا مساااكن كنس كيدااير
دفعهاا حتى تردخات مع الطابل وشدات فجنبهاا .. شيء لي خلا مارياا تجمع النوضة وتاجه ليهاا … وقفات حداها ونزلات عندهاا كتحسس فجنبهاا وكتشوف الوجع الضاهر فوجها وهيا باقا طفلة
ماريا: شوية ؟؟؟ … توعتي بزااف ؟؟
البنت( مغمضة عينيهاا ) شوية شوية ..
ماريا(دوزات إيديها على شعرهاا) متاخفيش احبيبة هاني معاك …
( نزلات عينيها لبيمو لي مليوح وطلعات عينيهاا فدري لي كلس كعما مسوق … ورجعات عينيها لبنت ) سيري احبيبة لبلاصة فين كلست .. بغيتي تاكلي ؟؟
البنت ( هزات راسها بلهفة) اااه بغيت
ماريا شيرات لكارسون لي كان واقف كيشوف فيها .. جا ووصاتو يجيب البنت متاكل وصيفطاتها تكلس فبلاصتها .. وهيا دور كتشوف فدري لي كالس مع دراري وكيضحك.. زادت بخطوات حتى وصلات لطابل وهيا تردخ إيديها فوق طابلة .. ودورات وجهاا عندوو بنضرات هادئة
الدري: مالك اختي اش كاين ؟؟؟
ماريا: ( بصوت حاد) ماعرفش اش كاين ااا ؟؟؟ …
الدري( دفع الكرسي ووقف) اه مالك واقفة عليناا ؟؟ كتسالينا شي حاجة؟؟
ماريا( وقفات قريبة ليه وكتشوف فيه بنضرات ممفهومينش) لا انا مكنتسالك والوو … ولاكن واقيلة نسيتي اش درتي قبل شوية ؟؟
الدري( شاف فصحابو وضحك) ديك البرهوشة
ماريا( طلعات فيه حاجب) برهوشة!!…. ( نطقات بصوت حاد) ديك البرهوشة كون تزوجتي كنتي تولد قدهاا … ديك البرهوشة لي ضربيتهاا وهنتيها وهيا باقاا صغيرة قودام هاد ناس … كتجري فقط على طرف الخبز …. بغيت انعرف محسيتي بوالوو فاش ضربتي بنت صغيرة بديك طريقة بحالا جاية تسعااك …
الدري( شاف فصحابو لي كيوشوشوو .. ودار شاف فيها مخنزر) شفتك دايرة لياا درس فالأخلاق
ماريا( غوتات حتى خلات كلشي يتلفت عندها)
اااه حيت ناقصك بزاااف ….و خاص يعاودوو يربيييوك .. بهاد الجيست لي درتي …. زعماا راك وااعر كتعيق وتفرعن( دورات عينيها بإشمئزاز لدراري) على هاد الجماعة ديال شمايت …

وتجي ضرب بنت صغييرة مقربات ليك محادااتك …هادي هياا رجلة
الدري( قرب منهاا وشد دراعهاا …مرضاش مركاتوو قودام صحابوو) اش كيصحاب ليك راسك .حتى تجي دوي معاياا بهاد طريقة .. ودايرة لياا فيها راسك وااعرة
ماريا( نترات إيديها بجهد وطردكات عينيها فيه .. وغوتات بجهد) اول حاجة ايديك المسخة جمعهاا عندك ولا مبعجبك حاال … وتانيااا حشم على رااسك ونتاا قد هاكااا وحكرتي على ديك البنت …
الدري( كشاشكوو خرجاات ) وسيريي فحاالك ونتي طنطني لياا فووق رااسي …بعدي مني عطينيي تيسااع ولا أنخلط ختي
ماريا( قهقهات بإستهزااء) شنو شنوو تخلطني .. يلاه حط علياا إيديك ( قربات منوو) يلاه باغي تبين شماتك عليااا .. كيما درتيها لبنت
الدري( شدها من دراعها ودفعهاا مبعدة عليه حتى تعكلات وطاحت في الأرض ) سيري فحاالك قبل منخسر معاك
ماريا بديك طيحة لي طاحت شعلات فيها العافية جمعات نوضة فالبلاصة وهوا دار عند صحابوو .. زادت عندوو بخطوات ثابتة وبحواجب منقضة حطات يديها على ضهروو وطبطبات عليه حتى دار عندها شافت فيه ونطقات بصوت حااد وإيديها رجعاتها لووور ومع بداية كلامها لسقات ليه فحنكوو إيديهاا بتصرفييقة حااارة حتى دورات ليه وجهوو و تسمعات فالقهوة شيء لي خلا كلشي يوقف ويتاجه عندها ماريا:باااش تعلم تحط.إيديك على شي وحدة … وعمرك تنسى هاد تصرفييفة فحياااتك
وزادت مخليااه واقف فبلاصتوو وتاجهات لطابل فين كانت كالسة حتى سمعاتوو كيغوت وجاي قاصدهاا يلاه دورات وجهاا حتى شافت شي دراري موقفينوو وهوا محمر عينيه فييهااا باغي يوصل ليهاا مدات إبديها لبنت لي كملات مكلتهاا وشدات فيها هزات ساكهاا وتمات غادة مخليااه كيتحلف عليهاا ….
وهادشي كامل داز تحت أنضار شخص !!؟؟
ركبات في لوطوو وحتى البنت بعدما عرفاات انو واليديها هوما لي كيصيفطوها تخرج تجيب الفلوس وصلاتها لدارهم بعدما شرات ليها حوايج وعطاتها قدر من المال وتعرفات على عائلتها لي كانو فقراء عطاتهم فلوس باش يعاونو راسهم شوية وزادت مخلياهم كيدعيو معاهاا ويشكروها على لطفها وجودها عليهم ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت24::
بعدما تقدات مارياا لي خاصها لدار وشرات حوايج ليهاا … فليل وبالضبط في المدينة القديمة متاجهة بلوطو لدارها … حتى دخلات بين إحدى الأزقة المظلمة وهيا تشوف فالمراية سيارة وراهاا كتقود بسرعة سبقاتهاا وجات قودامها حابسة عليها طريق …. وقفات ماريا لوطوو وكتشوف بتعجب شكون هادو !! حتى تحلو البيبان وخرج شخص لي غير شافتوو عقلات عليه بتاسم بإستهزاء وزاد متاجه ليها … حتى وقف قودام لوطوو .. ضرب بجهد وغوت
الدري: نزلييي ….
ماريا( حلات الباب خرجات ووقفات كتشوف فيه ) اش بغيتي !!؟
الدري( جا وقف قودامهاا وبصوت تهديدي) صحاب ليك داكشي لي درتي صباح انسااه ليك … وديك تصرفيقة لي عطيتيني نتي لي مغاديش تنساايها ماشي اناا …. ( شدها من شعرهاا وقربهاا ليه ) باش تعلمي تلعبي مع سيااادك .. صحاب ليك ادووز بسااهل .. ساعة معرفاش راسك معامن
ورك على شعرهاا وهيا تشد فإيديه كتحاول تفكو
ماريا: ( شافت فيه بحدة) طلقق …. واقيلة راه نتاا لي مكتعرفنيش مزياان … اناا مكنخااف منك لاامن قراانك
جمعات لعاب في لساانهاا وحطاتها ليه فوجهوو شيء لي خلاه يطلق منهاا ويمسح وجهوو بالغداايد
الدري: ( شير لصحابوو وتاجهو ليها) طولت معاك الهدرة بزااف …..
مارياا شافتهم متاجهين3 ليهاا ورجعات بخطوات لور
ماريا: ( ووجهات كلامها ليه وهوا واقف كيشوق فيهاا بنصر) هاادي هياا رجلتك ….
واحد منهم شدها من درااعهاا وهيا تجمع كروشية وعطاتها ليه لعين … جا لاخر كيقرب منها وهيا تعطيه بركلة لكرشوو زاويااه … وهوا يجي لاخر من لور شدهاا بحكم وهياا كترطااا …. حتى ضرباتوو بمرفقها لصدروو بجهد … حتى طلق منهاا مجات تبعد حتى تشدات من إيديهاا وجاا واحد منهم صرفقهاا حتى دار وجهااا … شدها كل وحد من جهة وتمو متاجهين بيهاا لوطو ديالهم حتى وقف عليهم شخص بالضلام مباينش وجهوو و بصوت رجوولي مرتاافع غوت
الشخص : طلقووهاا …. …
الدري: شكوون نتااا ؟؟؟!!
الشخص بدون سابق إنذار تم غادي ليهم بخطوات سريعة غير وصل ليهم عطا بكروشي لدري حتى طاح .. وداز لخرين كل واحد فين كيضربو حتى كيتعوج … وكيطلق من مارياا … غير طلقوهاا وبرك عليهم بتجندييخ برجلييه .. اما مارياا فمكانتش من العكازين وستغلات الفرصة بدون متعرف شكون لي عتقها تاجهات لدري لي عندها حساب معاه ونزلات عليه بتصرفييق وضرب برجلييهاا وتغوت عليييه
مارياا:الحماار الكلب.. عمرك تنسى هاد القتلة .. باش تعلم تحكر على بنات الناس .. يالمووسخ ( جمعات ريقها ودفلاتها عليه وصرفاتوو)

وهادي عمرك تنسااهاا ياشمااتة … تفووو
دورات عينيها عند شخص لي مزال كيضرب فدراري وزادت متاجهة عندوو حتى وقفات وراه ونطقات بنبرة تساؤل
ماريا: شكوون نتا؟؟؟ ….

👑👑لن أنهزم امام قدري👑👑
الفصل الثاني :
❤ إحياء قلبي …بنبض الحب ❤
بقلم 🖋حياة جوري 🖋
البارت25::
دار كيشوف فيهاا وهياا كتحاول تحقق فملامحوو واخاا الظلام …. حتى نطق بصوتوو الرجوولي وذكرها بنفسوو حتى تحولو نضراتها لدهشة !
الشخص: معقليتش علياا ؟؟ …. أنا فخر الدين
ماريا( كتحقق فيه وسرعان مقربات كثر وهيا تأكد .. نطقات بتعجب) فخر الدين !!
فخر الدين: أااه …
ماريا( بتساؤل) وأش جابك لهناا ؟؟؟
فخر الدين:( بهدوء) كنت دايز من هناا وشفتكم .. مي معرفتش بلي نتي
ماريا( بشك) اممم … غير دايز من هناا ؟؟
فخر الدين( تم غادي مخليهاا ومتاجه لوطو ديالو) ااه … وردي البال لراسك ليل هاداا
ماريا وقفات متبعاه بعينيها وهوا لابس قميجة بيضاا هيا لي كتبان ليهاا … ركب في لوطو ديالو وكلس فيها لثواني …. حتى زادت ركبات في لوطو ديالها مخلياا دراري مستفين فالأرض كيتوجعوو وكاين لي غيب … ديمارات وزادت بيها لقودام وهوا رجع لوطو لور وخلاها دوز وتبعها حتى تفصلات طرقهم وكل واحد تاجه من طريق … بقات غادة فطريق حتى وصلات لعمارة دخلاتها لكراج ..خرجات ساشيات لي جابت ودخلات لعمارة ركبات فسانسور حتى وصلات لشقتها ..حطات تقديتها في ثلاجة وستفاتها .. وملابسها حطاتهم في بلاكار حيدات حوايجها ولبسات سوميج خفيفة بيبنوارها مسحات ميكاب ومشطات شعرها وتكات فوق ناموسية حتى داتهاا عينيهاا …..

يتبع

Leave a comment