Skip links

قصة : لسوء الحظ كاملة

 2,883 عدد مشاهداات

ﺑﺎﺭﺕ : 1 ﻟﺴﻮﺀ ﺍﻟﺤﻆ ﻟﺴﺎﻧﻲ ﺩﻳﻤﺎ ﺳﺎﺑﻘﻨﻲ
ﺍﻧﺎ ﻫﻲ ﺃﻛﺒﺮ ﻣﻌﻜﺴﺔ ﻋﻠﻰ ﻭﺟﻪ ﺍﻟﻜﺮﺓ ﺍﻷﺭﺿﻴﺔ .. ﻣﻜﺎﻳﺤﻤﻠﻨﻲ ﺗﺎ ﺣﺪ ﻭﻣﻜﺎﻧﺤﻤﻞ ﺗﺎﺣﺪ ﺃﻧﺎ ﺃﺻﻼ ﻣﻜﺎﻧﺤﻤﻠﺶ ﺗﺎ ﺭﺍﺳﻲ .. ﻣﻠﻲ ﻛﺎﻳﺒﺪﺍ ﻧﻬﺎﺭ ﻭﺍﻧﺎ ﻛﻨﺘﺴﻨﺎﻩ ﻳﺴﺎﻟﻲ .. ﺗﻔﻮ ﻋﻠﻰ ﺣﻴﺎﺓ ﺟﺎﺏ ﺍﻟﻠﻪ .. ﻛﺎﻳﻨﺔ ﺷﻲ ﺣﺎﺟﺔ ﺳﻤﻴﺘﻬﺎ ﺍﻟﻤﻮﺕ ﻭﺟﺎﺏ ﺍﻟﻠﻪ ﻛﻞ ﻭﺍﺣﺪ ﺑﻘﺒﺮﻭ ﻫﺎﺩﺷﻲ ﻟﻲ ﻣﺼﺒﺮﻧﻲ ﻓﻬﺎﺩ ﺩﻧﻴﺎ .. ﻭﻟﻜﻦ ﻟﻴﻮﻡ ﺻﺒﺮﻱ ﺗﻘﺎﺩﺍ ﻣﻠﻲ ﺩﺧﻠﺖ ﻟﺪﺍﺭ ﻣﻦ ﺍﻟﺨﺪﻣﺔ ﻋﻴﺎﻧﺔ … ﻭﻟﻘﻴﺖ ﺩﺍﻙ ﺯﺭﻣﻮﻣﻴﺔ ﺩﻳﺎﻝ ﺑﻨﺖ ﻋﻤﻲ ﻣﺴﺮﺣﺔ ﻟﻴﺎ ﻓﺮﺍﻗﺸﻬﺎ ﻋﻠﻰ ﻭﺍﺣﺪ ﺳﺪﺍﺭﻱ ﻭ ﻓﺮﺣﺎﻧﺔ ﻣﻦ ﻟﻔﻮﻕ
– ﺃﻧﺎ : ﻫﺎﻱ ﻫﺎﺍﺍﻱ ﻋﻠﻰ ﺑﻨﺖ ﻋﻤﻲ ﺍﻟﺤﺒﻴﺒﺔ ﻋﻨﺪﻧﺎ ﻓﺎﻟﺪﺍﺭ .. ﻭﺷﻮﻓﻮ ﻛﻲ ﻛﺎﺿﺤﺎﺍﺍﺍﺍﻙ ﺗﺒﺎﺭﻙ ﺍﻟﻠﻪ … ﺗﻬﺠﺮﻳﻪ ﺍﻥ ﺷﺎﺀ ﺍﻟﻠﻪ ﻧﻮﺿﻲ ﺩﺭﻛﻲ ﺯﻻﻓﺘﻚ ﻭﻻ ﻣﺎﻳﻌﺠﺒﻚ ﺣﺎﻝ .. ﺗﻲ ﻓﻴﻦ ﻣﺎﺗﺤﻔﻰ ﻟﻴﻚ ﺃﺟﻲ ﻋﻨﺪﻧﺎ
– ﻫﻲ : ﺷﺎﻓﻨﻲ ﺭﺑﻲ ﺑﻤﻠﻮﻛﻮ .. ﻣﺎﺟﺎﻳﺎﺵ ﻋﻨﺪﻙ ﻳﺎ ﺻﻔﺮﻳﻄﺔ .. ﺟﺎﻳﺎ ﻋﻨﺪ ﻋﻤﻲ ﺣﺒﻴﺒﻲ ﻭﻟﻲ ﻣﺎﻋﺠﺒﻮ ﺣﺎﻝ ﻳﻨﻄﺢ ﺭﺍﺳﻮ ﻣﻊ ﺍﻟﺤﻴﻂ
– ﺃﻧﺎ : ﺗﻨﻮﺿﻲ ﺑﻠﺨﺎﻃﺮ ﻭﻻﻧﻮﺽ ﻟﻴﻚ ﻟﻴﻮﻡ ﺟﻠﺪﺓ ﻋﻞ ﺍﻟﻌﻈﻢ .. ﺍﺧﺘﺎﺭﻱ ؟؟؟
– ﻣﺎﻣﺎ : ﺗﻔﺮﻗﻲ ﻋﻠﻰ ﺍﻟﺒﻨﺖ ﻭﻻ ﺃﻧﺎ ﻟﻲ ﻧﻮﺽ ﻟﻴﻚ .. ﺩﺍﺧﻠﺔ ﺷﺎﻋﻠﺔ ﺍﻟﻠﻪ ﻳﺤﻈﺮ ﺍﻟﺴﻼﻣﺔ .. ﺳﻴﺮﻱ ﺟﻤﻌﻲ ﺣﻮﺍﻳﺠﻚ ﺩﻏﻴﺎ ﻏﻴﺮ ﺗﻮﺻﻞ ﻟﻌﺸﺎ ﻳﺠﻲ ﺳﻲ ﺣﻤﻴﺪ ﻳﺪﻳﻨﺎ ﻟﺒﻼﺩ
– ﺃﻧﺎ : ﺷﻨﺎ ﻫﻮ ﻭﻋﻼﺵ ﺑﺴﻼﻣﺔ ﻏﺎﺗﻤﺸﻴﻮ ﻟﺒﻼﺩ ؟؟
– ﻣﺎﻣﺎ : ﻏﺎﻧﻤﺸﻴﻮﺍ ﻛﺎﻣﻠﻴﻦ ﻭﺣﺘﻰ ﺍﻧﺖ .. ﺟﺪﺍﺗﻚ ﻛﺎﺗﻤﻮﺕ
– ﺃﻧﺎ : ﺗﻤﻮﺕ ﻭﻻ ﺗﺠﻠﺲ ﺃﻋﺒﺎﺩ ﺍﻟﻠﻪ ﺃﻧﺎ ﻣﺎﻟﻲ ﺃﻧﺎ ﻟﻲ ﻏﺎﻧﻘﺒﻠﻬﺎ .. ﻭﺯﺍﻳﺪﻭﻥ ﻳﺎﻙ ﻫﻲ ﻣﺴﻜﻮﻧﺔ ﻣﻠﻲ ﺗﺨﺮﺝ ﻣﻨﻬﺎ ﺭﻭﺡ ﻳﺨﺮﺟﻮ ﻫﻤﺎ ﻳﺴﻜﻨﻮﻧﻲ ﺃﻧﺎ
ﻣﺎﻛﻤﻠﺖ ﻫﻀﺮﺗﻲ ﺗﺎ ﺟﺎﺗﻨﻲ ﻭﺍﺣﺪ ﺿﺮﺑﺔ ﻟﺮﺍﺳﻲ ﻃﺤﺖ ﻏﻴﺒﺖ ﺁﺧﺮ ﻛﻠﻤﺎﺕ ﺳﻤﻌﺘﻬﻢ ” ﺧﻠﻴﻮﻧﻲ ﻧﻘﺘﻠﻬﺎ ” ” ﺗﻬﺪﻥ ﺃﻟﺤﺎﺝ

ﺍﻟﺒﺎﺭﺕ 2 : ﻟﺴﻮﺀ ﺍﻟﺤﻆ ﺗﺎﺣﺪ ﻣﻜﺎﻳﺘﻘﺒﻞ ﺍﻟﺤﻖ
ﻓﻘﺖ ﻟﻘﻴﺖ ﺭﺍﺳﻲ ﻓﺮﻭﻧﻮ ﺩﻳﺎﻝ ﺳﻲ ﺣﻤﻴﺪ ﻭﻣﺠﻤﻮﻋﻴﻦ ﻋﻠﻴﺎ ﺍﻟﺒﺮﺍﻫﺶ ﻛﺎﻳﻄﻠﻮ ﻟﻴﺎ ﻋﻠﻰ ﻭﺟﻬﻲ ﻭﻛﺎﻳﻐﻮﺗﻮ
– ﻫﺎﻫﻴﺎ ﻫﺎﻳﺎ ﻓﺎﻗﺖ
– ﺃﻧﺎ : ﺣﻴﺪﻭ ﻣﻦ ﻗﺪﺍﻣﻲ ﺍﻟﻠﻪ ﻳﺤﻴﺪ ﻟﻴﻜﻢ ﺿﺮﻭﺱ ﺗﻔﻮ .. ﺃﺵ ﻃﺎﺭﺍ ﻟﻴﺎ ؟؟
– ﺑﻨﺖ ﻋﻤﻲ : ﻋﻠﻰ ﺷﻮﻳﺔ ﻣﺎﻧﺪﻳﺮﻭ ﺟﻮﺝ ﺟﻨﺎﺯﺍﺕ ﻟﻴﻮﻡ ﻫﻪ
– ﺃﻧﺎ : ﺩﺍﺭ ﻟﻴﻚ ﻣﺼﻴﺒﺔ ﺍﻥ ﺷﺎﺀ ﺍﻟﻠﻪ .. ﻛﻠﺸﻲ ﺑﺴﺒﺎﺑﻚ
– ﺑﻨﺖ ﻋﻤﻲ : ﺩﺍﺭﻫﺎ ﻟﻴﻚ ﻟﺴﺎﻧﻚ .. ﻭﺑﺎﻙ ﻣﻠﻲ ﺳﻤﻌﻚ ﻛﺎﺗﻌﺎﻳﺮﻱ ﻓﻤﻮ ﻣﺎﺻﺒﺮﺵ ﻛﺎﻥ ﻏﺎﻳﺼﻴﻔﻂ ﻗﺒﻞ ﻣﻨﻬﺎ ﻛﻦ ﻣﺎﺷﺪﻳﻨﺎﻫﺶ
– ﺃﻧﺎ : ﻳﺸﺪﻭﻙ ﺳﺒﻮﻋﺔ ﻭﻳﺎﻛﻠﻮﻙ ﺿﺒﻮﻋﺔ ﻳﺎﻟﻔﻌﻰ ﻟﻜﺮﻃﻴﻄﺔ
– ﻣﺎﻣﺎ : ﻭﺍﺵ ﻏﺎﺗﺒﻌﺪﻱ ﻋﻠﻰ ﺑﻨﺖ ﻋﻤﻚ ﻭﻻ ﻧﺠﻲ ﻧﻜﻤﻞ ﻋﻠﻴﻚ .. ﻫﺎﻧﺘﻲ ﺗﺸﻮﻓﻲ ﻳﺎ ﺧﺘﻲ ﺳﻌﻴﺪﺓ ‏( ﻣﻊ ﻣﺮﺍﺕ ﻋﻤﻲ ‏) ﺃﻧﺎ ﻣﺎﺷﻲ ﺑﻨﺖ ﻟﻲ ﻭﻟﺪﺕ ﻛﻠﺐ ﻣﺴﻌﻮﺭ ﺃﺳﺘﻐﻔﺮ ﺍﻟﻠﻪ
ﺳﻜﺖ ﻭﺿﻮﺭﺕ ﻭﺟﻬﻲ ﺗﻔﻮ ﻋﻠﻰ ﻧﻬﺎﺭ ﻛﻴﺪﺍﻳﺮ .. ﺃﻳﻲ ﺭﺍﺳﻲ ﺿﺎﺭﻧﻲ .. ﻭﻫﺎﺩﻳﻚ ﺟﺪﺓ ﻣﺎﻟﻘﺎﺕ ﻏﻴﺮ ﻫﺎﺩ ﺍﻟﻮﻗﺖ ﺗﻤﺮﺽ ﻓﻴﻪ .. ﺗﻤﻮﺕ ﺑﻼ ﻣﺎ ﺗﻤﺮﺽ ﻭﺍﺵ ﻣﺎﻳﻤﻜﻨﺶ ﺧﺼﻬﺎ ﺗﻌﺪﺑﻨﺎ ﻓﺤﻴﺎﺗﻬﺎ ﻭﻓﻤﻮﺗﻬﺎ ﺍﻟﻠﻪ ﻳﺴﺘﺮ ﻭﺻﻠﻨﺎ ﻣﻊ 5 ﺩﻳﺎﻝ ﺻﺒﺎﺡ .. ﻭﺩﺍﺭ ﻛﻠﻬﺎ ﻋﺎﻣﺮﺓ ﻋﻤﺎﻣﻲ ﻭﻋﻤﺎﻣﺎﺗﻲ ﻭﻭﻻﺩﻫﻢ .. ﻭﻗﻮﺓ ﺩﺍﺧﻞ ﻭﺍﻟﺨﺎﺭﺝ .. ﻭﺟﻬﻲ ﻃﺎﺏ ﻏﻴﺮ ﺑﺴﻼﻡ
– ﻋﻤﺘﻲ : ﻓﺎﻃﻤﺔ ﺳﻠﻤﻲ ﻋﻠﻰ ﻭﻟﺪ ﻋﻤﺘﻚ
– ﺃﻧﺎ : ﺃﺟﻲ ﻣﺎﻧﺒﻮﺳﻮﺵ ﺃﻧﺎ ﻛﺎﻉ …؟؟ ﻫﺪﺍ ﺭﺍﻩ ﺑﻄﻮﻟﺘﻮ ﻧﻮﻟﺪ ﻣﻨﻮ ﻋﺸﺮﺓ .. ﺗﺒﻘﻲ ﺍﻟﺴﺘﺮ .. ﺷﻔﺘﻜﻢ ﻛﻠﻜﻢ ﻫﻨﺎ … ﺇﻻ ﺍﻟﺴﻴﺪﺓ ﺍﻟﻤﺼﻮﻧﺔ ﺟﺪﺓ ﻓﻴﻨﻬﻴﺎ ﻟﺤﺘﻮ ﻋﻠﻴﻬﺎ ﺗﺮﺍﺏ ﻭﻻ ﻣﺰﺍﻝ ؟؟؟
ﻣﺎﻛﻤﻠﺖ ﻫﻀﺮﺗﻲ ﺗﺎ ﺗﻤﺎﺕ ﺩﺍﺧﻠﺔ ﻛﻲ ﻟﻌﺮﻭﺳﺔ ﺩﻳﺎﻝ ﺷﺘﺎ ﻋﺎﻛﻠﺔ ﻓﺘﻜﺸﻴﻄﺘﻬﺎ ﻭﻭﺟﻬﻬﺎ ﻋﺎﻣﺮ ﺑﺼﻘﻠﻲ .. ﺧﺼﻬﺎ ﻏﺎ ﺷﻌﺮ ﺍﻟﻤﺪﻟﻲ .. ﻧﺎﺽ ﺍﻟﻮﺍﻟﻴﺪ ﻛﺎﻳﺠﺮﻱ ﺑﺎﺱ ﻟﻴﻬﺎ ﻳﺪﻫﺎ
– ﺑﺎﺑﺎ : ﻓﻴﻦ ﻛﻨﺘﻲ ﺃﻋﻤﺎﺭﺓ ﺍﻟﺪﺍﺭ .. ﺣﺮﺍﻡ ﻋﻠﻴﻚ ﺧﻠﻌﺘﻴﻨﺎ ﻋﻠﻴﻚ ؟؟
– ﺟﺪﺓ : ﻳﺘﺨﻠﻊ ﻋﺪﻭﻙ ﺃﻭﻟﻴﺪﻱ ﻛﻨﺖ ﻏﻴﺮ ﻓﻮﺍﺣﺪ ﺍﻟﻌﺮﺱ ﺩﻳﺎﻝ ﺟﻴﺮﺍﻥ ﻟﺼﻘﻮﻧﻲ ﻭﻗﺎﻟﻚ ﻣﺎﻧﺪﻳﺮﻭﻫﺶ ﺍﻟﻰ ﻣﺎﻛﻨﺘﻴﺶ ﺣﺎﺿﺮﺓ .. ﻭﻛﻦ ﻣﺎﻛﺪﺑﺘﺶ ﻋﻠﻴﻜﻢ ﻫﺎﺩ ﺍﻟﻜﺪﻳﺒﺔ ﺍﻟﺒﻴﻀﺔ ﻛﺎﻋﻤﺎ ﺗﺠﻤﻌﻮ
– ﺃﻧﺎ : ﻭﺍﺗﺒﻘﺎﻱ ﺗﻜﺪﺑﻲ ﺑﺎﻟﻤﻮﺕ ﺗﺎ ﺗﺠﻤﻌﻚ ﺷﻲ ﻧﻬﺎﺭ ﺑﻨﺺ .. ﻣﺎﺣﺸﻤﺘﻴﺶ ﻗﺮﺑﺘﻲ ﺗﻮﺩﻋﻲ ﻭﻣﺎﺯﺍﻝ ﺗﺪﻳﺮﻱ ﻓﻌﺎﻳﻞ ﺩﺭﺍﺭﻱ ﺻﻐﺎﺭ .. ﻗﺎﻟﻚ ﺗﺠﻤﻌﻬﻢ .. ﻋﻼﺵ ﻏﺎ ﺗﺠﻤﻌﻴﻬﻢ ﻛﺎﺍﺍﻉ ﻋﻠﻰ ﺍﻷﺭﺍﺿﻲ ﻭﺍﻟﻤﻤﺘﻠﻜﺎﺕ ﻳﺎﻙ ﻏﻴﺮ ﻋﻠﻰ ﺍﻟﻨﻤﻴﻤﺔ ﻭﻗﺎﻟﻲ ﻗﺎﻝ ﻓﻴﻚ
ﻫﺎﺩ ﺍﻟﻤﺮﺓ ﻫﻲ ﻟﻲ ﺟﻤﻌﺎﺕ ﻣﻌﺎﻳﺎ .. ﻫﻤﺎ ﻳﺠﺮﻭ ﻓﻴﻬﺎ ﻭﻫﻲ ﺗﺠﺮ ﻟﻲ ﻓﺸﻌﺮﻱ ﻣﺎﻓﻜﻮﻧﻲ ﻣﻨﻬﺎ ﻏﺎﺑﺰﺯ .. ﻭﺑﺎﺵ ﺳﺎﻟﻴﻨﺎﻫﺎ ﺟﺮﺍﺕ ﻋﻠﻴﺎ ﻣﻦ ﺍﻟﺪﺍﺭ ﻭﺣﻠﻔﺎﺕ ﻻﻋﺎﻭﺕ ﻋﺘﺒﺘﻬﺎ .. ﺗﺎﺣﺪ ﻣﺎﺭﻏﺒﻬﺎ ﺗﺮﺟﻊ ﻓﻘﺮﺍﺭﻫﺎ ﺣﻴﺖ ﻛﻠﺸﻲ ﻛﺎﻥ ﺑﺎﻏﻴﻨﻲ ﻧﻤﺸﻲ ﻭﺗﺎ ﺃﻧﺎ ﻛﻨﺖ ﻛﺎﻧﻘﻠﺐ ﻏﻴﺮﻋﻠﻰ ﺍﻟﺴﺒﺔ .. ﻭﻟﻜﻦ ﺍﻟﻤﺸﻜﻠﺔ ﺍﻟﻜﺒﻴﺮﺓ ﻫﻲ ﻣﺎ ﺑﻐﺎﻭﺵ ﻳﻌﻄﻴﻮﻧﻲ ﺳﺎﺭﻭﺕ ﺩﻳﺎﻝ ﺍﻟﺪﺍﺭ ﻳﻌﻨﻲ ﻏﺎﻧﺒﻘﻰ ﻣﺘﺸﺮﺩﺓ ﺻﻴﻒ ﻛﺎﻣﻞ

ﺍﻟﺒﺎﺭﺕ 3 : ﻟﺴﻮﺀ ﺍﻟﺤﻆ ﺗﻼﻗﻴﻨﺎ
ﻣﺸﻴﺖ ﻟﻤﺤﻄﺔ ﻭﺃﻧﺎ ﺩﺧﺎﻥ ﻛﺎﻳﺨﺮﺝ ﻟﻴﺎ ﻣﻦ ﺭﺍﺳﻲ ﺑﺎﻷﻋﺼﺎﺏ ﻭﺍﻟﻔﻘﺼﺔ .. ﻛﺎﻥ ﻗﺮﺏ ﺍﻟﻔﺠﺮ ﻭﻛﺎﻧﺖ ﻃﺮﻳﻖ ﺧﺎﻭﻳﺔ .. ﻣﻊ ﻭﺻﻠﺖ ﻣﻊ ﺍﻟﻜﺎﺭ ﺯﺍﺩ … ﻋﻠﻰ ﺷﻮﻳﺔ ﻣﺎﻛﻨﺖ ﻧﺮﺟﻊ ﻧﺒﻮﺱ ﻟﻴﺪﻳﻦ ﻭﺭﺟﻠﻴﻦ ﻳﻌﻊ ﻭﺍﺧﺎ ﻧﻌﺮﻑ ﻧﻤﻮﺕ ﻣﺎﻧﺪﻳﺮﻫﺎﺵ .. ﻃﻠﻌﺖ ﻭﻛﺎﻥ ﻟﻜﺎﺭ ﺧﺎﺍﺍﻭﻱ ﻭﺑﻼ ﻣﺎﻧﺤﺲ ﺑﺪﻳﺖ ﻛﺎﻧﻔﻜﺮ ﻋﻨﺪﻣﻦ ﻏﺎﻧﺴﻜﻦ ﻋﻠﻰ ﻣﺎﻳﺴﺎﻟﻲ ﺻﻴﻒ ﻭﻳﺮﺟﻌﻮ ﻭﺍﻟﺪﻳﺎ ﻟﺪﺍﺭﻫﻢ .. ﺍﻟﻰ ﻫﻤﺎ ﻣﺎﻗﺒﻠﻮﺵ ﻋﻠﻴﺎ ﺷﻜﻮﻥ ﻟﻲ ﻏﺎﻳﻘﺒﻞ ﻋﻠﻴﺎ ﻭﺃﻧﺎ ﻃﺒﻌﻲ ﺻﻌﻴﺐ ﻭﻟﺴﺎﻧﻲ ﻣﻀﺎ ﻣﻦ ﺍﻟﺤﺪﻳﺪ .. ﻭﻣﻜﺎﻧﺘﻔﺎﻫﻢ ﻣﻊ ﺣﺪ .. ﺯﻋﻤﺔ ﻧﻜﺮﻱ ﻻ ﻻ ﺧﻠﺼﺘﻲ ﻣﺎﺗﻜﻔﻲ ﺗﺎﻧﻌﻤﺮ ﺑﻮﻃﺔ ﻭ ﺍﺵ ﻏﺎﻧﺪﻳﺮ ﻳﺎﺭﺑﻲ ؟؟ ﻭﺍﻧﺎ ﻣﺰﺍﻝ ﻛﺎﻧﻔﻜﺮ ﺩﺍﺯ ﺍﻟﻮﻗﺖ ﺑﻼ ﻣﺎﻧﺤﺲ ﻭﺻﻠﺖ ﻟﻮﺍﺣﺪ ﺍﻟﺒﻼﺻﺔ ﺧﺼﻨﻲ ﻧﺰﻝ ﻓﻴﻬﺎ ﻭﺧﺼﻨﻲ ﻧﻀﺮﺏ ﻭﺍﺣﺪ ﺍﻟﻤﺴﺎﻓﺔ ﺩﻳﺎﻝ ﻃﺮﻳﻖ ﺑﺎﺵ ﻧﻮﺻﻞ ﻧﺎﺧﺪ ﺍﻟﻜﺎﺭ ﺍﻟﺘﺎﻧﻲ ﺣﻴﺖ ﻣﻜﺎﻳﻨﺶ ﺷﻲ ﻛﺎﺭ ﻛﺎﻳﺪﻱ ﻧﻴﺸﺎﻥ … ﻧﺰﻟﺖ ﻭﺍﻟﺒﺮﺩ ﺩﻳﺎﻝ ﺻﺒﺎﺡ ﻛﺎﻳﺪﺧﻞ ﻓﺎﻟﻌﻈﺎﻡ ﺷﻤﺶ ﻳﺎﻻﻩ ﺑﺪﺍﺕ ﺗﺸﺮﻕ … ﻭﺍﻧﺎ ﺑﻮﺣﺪﻱ ﻏﺎﺩﺓ ﻓﻄﺮﻳﻖ .. ﻧﻜﺪﺏ ﺍﻟﻰ ﻗﻠﺖ ﻟﻴﻜﻢ ﺧﻔﺖ ﺣﻴﺖ ﺍﻟﻐﻀﺐ ﻭﺍﺧﺪ ﻛﻞ ﺃﺣﺎﺳﻴﺴﻲ .. ﻭﺍﻧﺎ ﻏﺎﺩﺓ ﺍﻟﺤﺠﺮﺓ ﻟﻲ ﻟﻘﻴﺘﻬﺎ ﻧﺮﻛﻠﻬﺎ ﻭﺑﻌﺪ ﺍﻟﻤﺮﺍﺕ ﻛﺎﻧﻬﺰﻭ ﻭﻧﺸﻴﺮ ﺑﻴﻪ ﻓﺎﻟﺨﻮﺍ ﻳﺎﻻﻩ ﺑﺎﺵ ﻧﻔﺲ ﻋﻠﻴﺎ ﻣﻦ ﺍﻟﺪﺍﺧﻞ .. ﺃﻣﺎ ﻭﺍﺣﺪ ﻛﺮﺷﻲ ﻣﺎﻧﻌﺎﻭﺩﺵ ﻟﻴﻜﻤﺶ ﻛﺎﺿﺮﺏ ﺍﻟﺒﻨﺪﻳﺮ ﻣﻦ ﺍﻟﺒﺎﺭﺡ ﻣﺎﺩﻗﺘﻮ .. ﻋﻠﻰ ﻓﻬﺎﺩ ﺍﻟﻌﺎﺋﻠﺔ ﺩﻭﻕ ﺍﻟﻨﻌﻤﺔ ؟ ﺍﻟﻠﻪ ﻳﺨﻠﻴﻬﺎ ﺳﻠﻌﺔ ﻣﻘﺎﺑﻠﻴﻦ ﻏﻴﺮ ﺍﻟﻜﺪﻭﺏ ﻭﺍﻟﻨﻔﺎﻕ ﻭﺍﻟﻨﻤﻴﻤﺔ ﻭﺍﻟﻀﺤﻜﺔ ﺍﻟﺼﻔﺮﺍ ﺗﻔﻮ … ﻭﺍﻧﺎ ﻣﺰﺍﻝ ﻏﺎﺩﺓ ﻛﺎﻧﻬﻀﺮ ﻣﻊ ﺭﺍﺳﻲ ﻭﻫﻲ ﺗﺪﻭﺯ ﻣﻦ ﺣﺪﺍﻳﺎ ﻭﺍﺣﺪ ﻃﻨﻮﺑﻴﻞ ﻭﺻﻼﺕ ﻟﻌﻨﺪﻱ ﻭﻭﻗﻔﺎﺕ .. ﻛﺎﻥ ﺳﺎﻳﮕﻬﺎ ﺭﺍﺟﻞ .. ﻛﺎﻋﻤﺎ ﻣﺎﺩﻳﺘﻬﺎ ﻓﻴﻪ ﻭﺯﺩﺕ
– ﻫﻮ : ‏( ﻳﻨﺎﺩﻱ ‏) ﺍﺧﺘﻲ ؟
– ﺃﻧﺎ : ‏( ﺩﺭﺕ ﻋﻨﺪﻭ ﻛﺎﻋﻴﺔ ‏) ﻳﺨﻮﻱ ﻟﻴﻚ ﺿﺮﺍﺱ ﻣﺮﺍﺿﻌﺔ ﻣﻌﺎﻙ ﺃﻧﺎ
– ﺑﻐﻴﺖ ﻏﻴﺮ ﻧﺴﻮﻟﻚ ؟؟؟
– ﺗﺴﻮﻟﻨﻲ ﺃﻧﺎ ﻫﻲ ﺍﻟﺮﻗﻢ ﺍﻷﺧﻀﺮ .. ﺗﺎ ﺳﻴﺮ ﻓﻮﺗﻨﻲ ﻋﻠﻴﻚ ﺻﺒﺎﺣﺎﺗﻮ ﻟﻠﻪ
– ﻣﺎﻟﻜﻲ ﺷﺎﻋﻠﺔ ﻋﻠﻰ ﺍﻟﺼﺒﺎﺡ ﺑﻐﻴﺖ ﻏﻴﺮ ﻧﺴﻮﻟﻚ ﻭﺍﺵ ﻛﺎﻳﻦ ﺷﻲ ﺳﺒﻴﻄﺎﺭ ﻗﺮﻳﺐ ﺭﺍﻩ ﺳﻴﺪﺓ ﻛﺎﺗﻮﺟﻊ
– ﺃﻧﺎ : ﻛﺎﺗﻮﺟﻊ ؟؟ ﻭﺭﺍﺣﻨﺎ ﻛﻠﻨﺎ ﻛﺎﻧﺘﻮﺟﻌﻮ ﻭﺭﺍﺩﻳﻨﻬﺎ ﻟﻘﻠﺒﻨﺎ ﻭﺳﺎﻛﺘﻴﻦ
– ﻭﺍﻣﺎﺍﺍﺭﻛﺔ ﻫﺎﺩﻱ ﻭﺻﺒﺎﺍﺍﺍﺡ ﻫﺪﺍ
ﺯﺩﺕ ﻭﺧﻠﻴﺘﻮ ﻛﺎﻳﺒﺮﻛﻢ ﺷﻮﻳﺔ ﻭﺍﻧﺎ ﻧﺴﻤﻊ ﻏﻮﺍﺕ ﺩﻳﺎﻝ ﺍﻟﻤﺮﺃﺓ ﻣﻦ ﻃﻨﻮﺑﻴﻞ
– ﺃﻧﺎ : ﻭﺍﻗﻮﻝ ﻛﺘﻮﻟﺪ ﺑﻨﺎﺩﻡ ﻣﺎﻳﻌﺮﻑ ﺗﺎ ﻳﺪﻭﻱ .. ﺳﺒﻴﻄﺎﺭ ﻣﺎﺗﻠﻘﺎﻩ ﻫﻨﺎ ﻟﺪﻭﺍ .. ﻭﻟﺪﻙ ﻳﺘﺰﺍﺩ ﻭﻳﺘﺰﻭﺝ ﻭﻣﺎﺗﻮﺻﻠﻮﺵ .. ﻛﺎﻳﻨﺔ ﻭﺍﺣﺪ ﺍﻟﻘﺎﺑﻠﺔ ﻓﺪﻭﺍﺭ ﻟﻲ ﻟﻬﻴﻪ ﺳﻴﺮ ﻟﺘﻤﺎ ﻭﺳﻮﻝ ﻋﻠﻴﻬﺎ ﺭﺍﻩ ﺳﻤﻴﺘﻬﺎ ﺯﺍﻫﻴﺔ
– ﺍﻳﻨﺎ ﻃﺮﻳﻖ ﺩﺍﺑﺎ ﻧﺸﺪ ؟؟؟
– ﺃﻧﺎ : ﻃﺮﻳﻖ ﻣﻠﻮﻳﺔ ﻣﺎﻧﻌﺮﻓﺶ ﻧﻌﺘﻠﻚ ﻧﻴﺸﺎﻥ .. ﻣﻬﻢ ﺳﻴﺮ ﻧﻴﺸﺎﻥ ﻋﻠﻰ ﻳﺪﻙ ﻟﻴﻤﻦ ﻣﻦ ﺑﻌﺪ …
– ﻭﺍﺧﺎ ﺗﻤﺸﻲ ﻣﻌﺎﻧﺎ ؟؟
– ﺃﻧﺎ : ﻧﻤﺸﻲ ﻣﻌﺎﻙ ﺃﻧﺎ ﻫﻲ ..
ﺳﻴﺪﺓ ﻟﺪﺍﺧﻞ ﻛﺎﺗﻘﻄﻊ ﻣﺠﺎﺗﺶ ﻧﺰﻳﺪ ﻧﺘﻌﻜﺲ ﻛﺘﺮ ﻣﻦ ﻫﻜﺎ .. ﺍﻧﺎ ﺑﺼﺢ ﻣﻌﻜﺴﺔ ﻭﻟﻜﻦ ﻗﻠﺒﻲ ﺑﻴﺾ .. ﺷﻮﻳﻴﻴﻴﺔ .. ﺩﺭﺗﻬﺎ ﻓﻴﺪ ﺍﻟﻠﻪ ﻭﻃ

ﺍﻟﺒﺎﺭﺕ 4 : ﻟﺴﻮﺀ ﺍﻟﺤﻆ ﺃﻭ ﻟﺴﻮﺀ ﺗﺼﺮﻓﺎﺗﻲ ﺧﺸﻴﺖ ﺭﺍﺳﻲ ﻓﻤﺎﻻ ﻳﻌﻨﻴﻨﻲ
ﻃﻠﻌﺖ ﻣﻌﻬﻢ ﻭﺍﻧﺎ ﻛﻨﻌﺖ ﻟﻴﻪ ﻭﺳﻴﺪﺓ ﻛﺎﺗﻐﻮﻭﻭﺕ ﺑﺎﻟﺤﺮﻳﻖ
– ﺃﻧﺎ : ﺳﻜﺘﻲ ﻫﺎﻟﻌﺎﺭ ﺧﻠﻴﻨﺎ ﻧﻌﺘﻮ ﻟﻴﻪ … ﺗﺎﻫﻮ ﻏﻴﺮ ﻣﻔﺎﻓﻲ .. ﻣﻠﻲ ﻣﻘﺎﺩﺍﺵ ﻋﻠﻰ ﺣﺮﻳﻖ ﻟﻮﻻﺩ ﻻﺵ ﻣﺰﻭﺟﺔ ﻛﺎﻉ
– ﻫﻲ : ﺍﻧﺎ ﻛﺎﻧﻤﻮﻭﻭﺕ ﺃﻋﺒﺎﺩ ﺍﻟﻠﻪ
– ﺃﻧﺎ : ‏( ﺑﺪﻳﺖ ﻛﻨﺼﺒﺮ ﻓﻴﻬﺎ ﺯﻋﻤﺔ ‏) ﻣﻐﺎﺗﻤﻮﺗﻲ ﻣﺎ ﻭﺍﻟﻮ .. ﻟﻤﻮﺕ ﺭﺍﻩ ﻣﻜﺎﺩﻱ ﻏﻴﺮ ﻧﺎﺱ ﻟﻤﺰﻳﺎﻧﻴﻦ .. ﻫﺎﻧﺘﻲ ﺗﻮﺟﻌﻲ ﻭﺗﻔﻜﺮﻱ ﺑﺎﺵ ﻋﻤﺮﻛﻲ ﺗﻌﺎﻭﺩﻱ
– ﻫﻲ : ﻋﺎﻓﺎﻛﻢ .. ﺍﻟﻰ ﻣﺖ .. ﺗﻬﻼﻭ ﻟﻴﺎ ﻓﻮﻟﺪﻱ .. ﻭﻻ ﺑﻨﺘﻲ
– ﺃﻧﺎ : ﻳﻤﻮﺕ ﻋﺪﻭﻙ .. ﻭﺍﺗﻲ ﺗﺤﺰﻣﻲ ﻣﻌﺎﻧﺎ ﺃﺳﺎﻃﺔ ﺭﺍﻩ ﻭﺍﻟﻠﻪ ﻭﺑﺎﺵ ﻛﺎﻳﺤﻠﻔﻮ ﻟﻌﻴﺎﻻﺕ ﺍﻟﺤﺮﺍﺕ … ﺍﻟﻰ ﺗﺎ ﻣﺸﻴﺘﻲ ﻭﺩﻋﺘﻲ … ﻣﻦ ﻏﺪﺍ ﻳﺠﻴﺐ ﻋﻠﻴﻚ ﻫﺎﺩ ﺍﻟﻜﺎﻓﺮ ﺿﺮﺓ ﻭﺗﻜﺮﻓﺲ ﻟﻴﻚ ﻋﻠﻰ ﻭﻟﺪﻙ ﺃﻟﻤﺴﺨﻮﻃﺔ … ﻭﻫﺎﻧﺎ ﻛﻨﻌﻠﻤﻚ ﻻ ﺗﻘﻮﻟﻲ ﻣﺎﻓﺮﺍﺳﻜﺶ .. ﻫﺎﻧﺘﻲ ﺳﻜﺘﻲ ﻣﻦ ﺍﻟﻬﻀﺮﺓ ﺍﻟﺨﺎﻭﻳﺔ ﻭﺗﻨﻔﺴﻲ ﻣﺰﻳﺎﺍﺍﻥ ﻭﻫﺎﺣﻨﺎ ﻗﺮﺑﻨﺎ ﻧﻮﺻﻠﻮ ﻭﻏﺎﺗﻮﻟﺪﻱ ﺍﻥ ﺷﺎﺀ ﺍﻟﻠﻪ ﻭﺗﺮﺿﻌﻴﻪ ﻭﺗﻜﺒﺮﻳﻪ ﻭﺗﺼﻴﻔﻄﻲ ﻫﺎﺩ ﺑﻮﺭﺍﺹ ﻟﻲ ﻣﻌﺪﺑﻚ ﻟﻠﻤﺪﺭﺳﺔ .. ﻭﺗﻌﺎﻭﺩﻱ ﺗﺤﻤﻠﻲ ﻭﺗﻮﺟﻌﻲ ﺑﺤﺎﻝ ﺩﺍﺑﺎ ﻭﻫﺎﻧﺎ ﻫﺎﻧﺘﻲ ﺍﻟﻰ ﻋﺎﻭﺩﺗﻲ ﺷﻔﺘﻲ ﻛﻤﺎﺭﺗﻲ … ﻭﺍﻧﺖ ﻳﺎ ﻋﺪﻭ ﺍﻟﻠﻪ ‏( ﻣﻊ ﺭﺍﺟﻠﻬﺎ ‏) ﻣﻠﻲ ﻋﺎﺭﻑ ﻣﺮﺍﺗﻚ ﻏﺎﺗﻮﻟﺪ ﻻﺵ ﻣﺪﻭﺯﻫﺎ ﻣﻦ ﻫﺎﺩ ﺍﻟﺨﻼ ﻭﺍﻟﻘﻔﺎﺭ
– ﻫﻮ : ﻣﺎﺷﻲ ﻣﺮﺍﺗﻲ
– ﺃﻧﺎ : ﺃﻭﻳﻠﻲ ﻏﺎﺗﻮﻟﺪﻭ ﺑﻼ ﺯﻭﺍﺍﺍﺝ ؟؟؟
– ﻫﻮ : ﻻﺍﺍﺍ ﺭﺍﻩ ﻣﻜﺎﻧﻌﺮﻓﻬﺎﺵ ﻟﻘﻴﺘﻬﺎ ﻓﻨﺺ ﻃﺮﻳﻖ ﻭﻗﻠﺖ ﻧﺪﻳﺮ ﻓﻴﻬﺎ ﺧﻴﺮ ﻭﻧﺪﻳﻬﺎ ﻟﺴﺒﻴﻄﺎﺭ
– ﺃﻧﺎ : ﺁﺁﻩ .. ﻭﺍﻛﻤﻞ ﻛﻤﻞ ﻋﻠﻰ ﺧﻴﺮﻙ ﻭﻧﺰﻝ ﺭﺍﻫﻴﺎ ﺩﺍﺭ
ﻧﺰﻝ ﻫﻮ ﻣﺸﺎ ﻭﺃﻧﺎ ﻧﺰﻟﺖ ﻗﺮﺑﺖ ﻟﻴﻬﺎ ﺷﺪﻳﺖ ﻓﻴﺪﻳﻬﺎ ﺑﺎﺵ ﻧﻌﺎﻭﻧﻬﺎ .. ﺟﻬﺪ ﻟﻲ ﻛﺎﻥ ﻛﺎﺗﻐﻮﺕ ﺑﻴﻪ ﺗﺴﺎﻻ ﻭﻭﻻﺕ ﺑﺰﺯ ﺑﺎﺵ ﻛﺎﺗﺠﻤﻊ ﺍﻟﻨﻔﺲ
– ﺃﻧﺎ : ﺻﺒﺮﻱ ﻫﺎﻫﻲ ﺍﻟﻘﺎﺑﻠﺔ ﺟﺎﻳﺎ ﻣﺎﺑﻘﺎ ﻭﺍﻟﻮ ﻳﺘﺴﺎﻻ ﺍﻟﻘﺮﺡ ﻭﻳﺒﺪﺍ ﺍﻟﻔﺮﺡ .. ﺗﻮﻟﺪﻱ ﻭﺗﻔﺮﺣﻲ ﺑﻮﻟﺪﻙ ﻭﻻ ﺑﻨﻴﺘﻚ ﻭﺗﺴﻨﻴﻚ ﻣﻦ ﻫﺎﺩ ﺍﻟﻮﺟﻊ ﻛﻠﻮ ﻟﻲ ﺩﺍﺯ ﻋﻠﻴﻚ .. ﻗﺎﻭﻣﻲ
– ﻫﻲ : ﺍﻟﻰ ﻣﺖ ..
– ﺃﻧﺎ : ‏( ﻗﺎﻃﻌﺘﻬﺎ ‏) ﻣﻐﺎﺗﻤﻮﺗﻴﺶ ﻭﻣﻐﺎﻧﻘﺎﺑﻠﻜﺶ ﻭﻟﺪﻙ ﺃﻧﺎ ﻣﻘﺎﺑﻠﺖ ﺗﺎ ﺭﺍﺳﻲ
– ﻫﻲ : ﻋـــــ ﺍ ﻓــــ ﺍ ﻙ
ﺟﺎﺕ ﺍﻟﻘﺎﺑﻠﺔ ﻫﻲ ﻭﻣﻮﻝ ﻃﻨﻮﺑﻴﻞ ﻭﺗﻌﺎﻭﻧﺎ ﺩﺧﻠﻨﺎﻫﺎ ﻟﺪﺍﺭ ﻭ ﺑﻀﺒﻂ ﻓﻮﺍﺣﺪ ﺍﻟﺒﻴﺖ ﺑﻘﻴﻨﺎ ﺃﻧﺎ ﻭﺩﺍﻙ ﺳﻴﺪ ﺑﺮﺍ ﻋﻠﻰ ﺃﻋﺼﺎﺑﻨﺎ ﺑﺤﺎﻻ ﻛﺎﺗﺠﻴﻨﺎ ﻣﻦ ﺍﻟﻌﺎﺋﻠﺔ ﻭﻻ ﻋﻨﺪﻧﺎ ﺑﻬﺎ ﺷﻲ ﻋﻼﻗﺔ ﻗﺪﻳﻤﺔ .. ﻭﻻ ﺃﻧﺎ ﻻ ﻫﻮ ﻣﺎ ﻛﻤﻠﻨﺎ ﺗﺎ ﺳﺎﻋﺔ ﺑﺎﺵ ﺗﻼﻗﻴﻨﺎﻫﺎ … ﻭﻛﻤﻠﻨﺎ ﺳﺎﻋﺔ ﻭﺣﻨﺎ ﻛﺎﻧﺘﺴﺎﻭ ﺑﺮﺍ ﺗﺎ ﺳﻤﻌﻨﺎ ﺍﻟﻐﻮﺍﺕ ﺩﻳﺎﻝ ﺍﻟﺼﺒﻴﺎﻥ ﻟﺪﺍﺧﻞ ﻭﻣﺎ ﻫﻲ ﺍﻟﻰ ﻟﺤﻈﺎﺕ ﺗﺎ ﺧﺮﺟﺎﺕ ﺍﻟﻘﺎﺑﻠﺔ ﻫﺎﺯﺍ ﻭﺍﺣﺪ ﺍﻟﺼﺒﻲ ﻓﻴﺪﻳﻬﺎ
– ﺍﻟﻘﺎﺑﻠﺔ : ﻭﻟﺪﺍﺕ ﺑﻨﻴﺘﺎ ﻣﺎﺷﺎﺀ ﺍﻟﻠﻪ ﻗﻤﺮ ﺑﺤﺎﻝ ﻣﻬﺎ
– ﺑﺠﻮﺝ : ﻭﻣﻬﺎﺍ ؟؟؟
– ﺍﻟﻘﺎﺑﻠﺔ : ﺍﻥ ﻟﻠﻪ ﻭﺍﻥ ﺍﻟﻴﻪ ﺭﺍﺟﻌﻮﻥ ﻋﻈﻢ ﺍﻟﻠﻪ ﺃﺟﺮﻛﻢ .. ﺩﺍﺑﺎ ﺷﻜﻮﻥ ﻟﻲ ﻏﺎﻳﻬﺰ ﻓﻴﻜﻢ ﻫﺎﺩ ﺍﻟﺒﻨﻴﺘﺔ ؟؟؟
‏( ﻓﻨﻔﺲ ﺍﻟﻮﻗﺖ ‏)
– ﺃﻧﺎ : ﻫﻮ – ﻫﻮ : ﻫﻲ

ﺍﻟﺒﺎﺭﺕ 5
ﻣﻦ ﺑﻌﺪ ﻣﺎﻋﻠﻤﻨﺎ ﺍﻟﺴﻠﻄﺎﺕ ﺑﻮﺍﻓﺎﺕ ﺍﻟﺴﻴﺪﺓ ﻭﺗﻢ ﺍﻟﺪﻓﻦ .. ﻭﻧﻈﺮﺍﺍ ﻟﻌﺪﻡ ﺍﻟﺘﻌﺮﻑ ﻋﻠﻰ ﻫﻮﻳﺘﻬﺎ .. ﻓﺎﻟﺒﻨﺖ ﻏﺎﺗﺒﻘﻰ ﻣﻊ ﺍﻟﻤﺘﻬﻤﻴﻦ ‏( ﺍﻟﻤﻨﺎﺣﻴﺲ ﻟﻲ ﻟﻘﺎﻫﻢ ﺭﺑﻲ ‏) ﺃﻧﺎ ﻭﺩﺍﻙ ﺍﻟﻤﻔﺪﻋﺺ ﺗﺎ ﻳﻔﺮﺝ ﺭﺑﻲ ﻭﺗﻠﻘﻰ ﻋﺎﺋﻠﺘﻬﺎ ﺍﻟﺤﻘﻴﻘﻴﺔ
– ﻫﻮ : ﺩﺍﺑﺎ ﺍﻟﺒﻨﺖ ﻣﻊ ﻣﻦ ﻏﺎﺗﺒﻘﻰ ؟
– ﻣﻌﺎﻙ ﻃﺒﻌﺎ
– ﻭﻋﻼﺵ ﻣﺎﺷﻲ ﻣﻌﺎﻙ ﺑﺴﻼﻣﺔ
– ﺩﺍﺑﺎ ﺑﻴﻨﺎﺗﻨﺎ .. ﺃﻧﺎ ﺑﻨﺖ ﺑﺤﺎﻟﻲ ﺯﻭﻳﻨﺔ ﻭﺑﺮﻳﺌﺔ ﻣﺪﺧﻠﺔ ﻣﻌﺎﻫﺎ ﺑﻨﺖ ﻳﺎﻻﻩ ﺗﺰﺍﺩﺕ ﻟﺪﺍﺭﻫﻢ ﺑﻼ ﺃﻱ ﻧﻘﺎﺵ ﻏﺎﻳﺼﻔﻴﻮﻫﺎ ﻟﻴﺎ ﺃﻧﺎ ﻭﻳﺎﻫﺎ .. ﻭﺯﺍﻳﺪﻭﻥ ﻣﺠﺮﻳﻴﻦ ﻋﻠﻴﺎ ﻫﻴﺎ ﻣﻠﻴﻮﻥ
– ﻭﻋﻼﺵ ؟؟؟
– ﺳﻮﻗﻚ .. ﻳﺎﻛﻤﺎ ﺿﺎﺭﺑﺔ ﺑﻴﻚ ﺍﻟﻌﻘﺪ ﻭﺍﻧﺎ ﻣﺎﻓﺮﺍﺳﻴﺶ ﻭ ﺷﻜﻮﻥ ﻗﺎﻟﻴﺎ ﺍﻧﺖ ﻣﺎﺷﻲ ﺑﺎﺕ ﺍﻟﺒﻨﺖ ﻭﺿﺎﺭﺑﻬﺎ ﻟﻴﻬﺎ ﺑﻨﻜﺮﺓ ﺻﺤﻴﺤﺔ
– ﻭﺭﺍﻩ ﻭﺟﻬﻚ ﻟﻲ ﺻﺤﻴﺢ .. ﺩﺍﺑﺎ ﺃﻧﺎ ﺑﺎﻫﺎ ﻭﻧﺪﻝ ﻋﻠﻰ ﺧﺎﻳﺒﺔ ﺑﺤﺎﻟﻚ ﺗﺮﺑﻴﻬﺎ
– ﻟﺨﺎﻳﺒﺔ ﻫﻲ ﺍﻳﺎﻣﻚ ﺍﻥ ﺷﺎﺀ ﺍﻟﻠﻪ .. ﻭﻳﺎﻙ ﻣﻠﻲ ﻣﺎﺕ ﻣﻬﺎ ﺗﺄﺗﺮﺗﻲ ﺑﻼ ﻗﻴﺎﺱ
– ﻭﻋﻠﻰ ﺍﻧﺖ ﻣﺠﻠﺴﺘﻴﺶ ﻛﺪﻣﻌﻲ ﺑﺤﺎﻻ ﻣﻦ ﻃﺎﺳﻴﻠﺘﻚ .. ﺃﻱ ﻭﺍﺣﺪ ﻳﺘﺄﺗﺮ ﻛﻦ ﺗﺤﻂ ﻓﻬﺎﺩ ﺍﻟﻤﻮﻗﻒ
– ﺩﺍﺑﺎ ﺷﻮﻑ ﺑﻼ ﻫﺎﺩ ﺍﻟﻔﻠﺴﻔﺔ ﺍﻟﺨﺎﻭﻳﺔ .. ﻗﺎﺑﻠﻬﺎ ﺍﻧﺖ ﻏﻴﺮ ﺑﻴﺪﻣﺎ ﻳﻠﻘﺎﻭ ﻋﺎﺋﻠﺘﻬﺎ .. ﻭﺍﻧﺖ ﺭﺍﺟﻞ ﻭﻓﻴﺪﻳﻚ ﺑﻨﺖ ﻫﺪﺍ ﻛﺎﻳﺰﻳﺪ ﻣﻦ ﺭﺟﻮﻟﺘﻚ ﻣﺎﺷﻲ ﻛﺎﻳﻨﻘﺺ ﻣﻨﻬﺎ
– ﺍﻧﺎ ﻫﺎﺩﻱ ﻋﺎﻡ ﻣﺎﺷﻔﺘﺶ ﻋﺎﺋﻠﺘﻲ ﻭﻟﻜﻮﻧﺠﻲ ﺍﻟﻮﺣﻴﺪ ﻟﻲ ﻋﻨﺪﻱ ﺿﺎﻉ ﻟﻴﺎ ﻓﻴﻪ ﻧﺺ .. ﻭﻧﻤﺸﻲ ﻋﻨﺪﻫﻢ ﺑﺒﻨﺖ ﺣﻤﺎﻗﻴﺘﻲ ؟؟
– ﺍﻩ ﻣﺎﻟﻬﺎ ﻓﻴﻬﺎ ﺷﻲ ﻣﺸﻜﻞ .. 3 ﺷﻬﻮﺭ ﺩﻳﺎﻝ ﺯﻭﺍﺝ 9 ﺷﻬﻮﺭ ﺩﻳﺎﻝ ﺍﻟﺤﻤﻞ ﻫﻲ ﻫﺎﺩﻳﻚ ﻻﺻﻘﺔ ﻣﺒﺎﺭﻙ ﻭﻣﺴﻌﻮﺩ
– ﺃﺟﻲ ﻧﺪﻳﺮﻭ ﻭﺍﺣﺪ ﺍﻟﺤﻞ .. ﻏﺎﺗﺪﻱ ﺍﻟﺒﻨﺖ ﻏﺎﺗﻘﺎﺑﻠﻴﻬﺎ .. ﺃﻧﺎ ﻏﺎﻧﻤﺸﻲ ﻧﺸﻮﻑ ﻋﺎﺋﻠﺘﻲ ﻭﻣﻠﻲ ﻧﺮﺟﻊ ﻧﻌﺎﻭﺩﻭ ﻧﺘﻔﺎﻫﻤﻮ
– ﻭﺷﻜﻮﻥ ﻗﺎﻟﻴﺎ ﺃﻧﺎ ﻣﻐﺎﺗﺮﺟﻌﺶ ﻛﺎﻉ .. ﻭﺯﺍﻳﺪﻭﻥ ﺃﻧﺎ ﻣﺎﻋﻨﺪﻱ ﺗﺎ ﻓﻴﻦ ﻧﻌﻴﺶ ﺑﻘﺎﻟﻴﺎ ﻏﻴﺮ ﻧﻌﻴﺶ ﺑﻨﺖ ﻣﻌﺎﻳﺎ
– ﺳﺎﻫﻠﺔ .. ﻏﺎﺗﻤﺸﻲ ﻟﺠﻤﻌﻴﺔ ﺍﻷﻣﻬﺎﺕ ﺍﻟﻌﺎﺯﺑﺎﺕ ﻭﻳﺴﻜﻨﻮﻙ ﺍﻧﺖ ﻭﻫﻲ
– ﻫﻬﻪ ﻻ ﻻ ﺳﻴﺪ ﻧﺎﺑﻐﺔ .. ﻫﺎﻫﺎﻫﺎ ﺍﻷﺥ ﺿﺎﻳﻊ ﻓﺎﻟﻤﻐﺮﺏ .. ﻭﺍﺵ ﻣﺮﻳﺾ ﻭﻻ ﻋﻨﺪﻙ ﺷﻲ ﻋﺮﻕ ﻣﺒﻮﺷﻲ ﻓﺪﺍﻙ ﺍﻟﺮﺍﺱ ﺗﺴﻄﻴﺘﻲ ﻻ .. ﻭﺯﺍﻳﺪﻭﻥ ﺃﻧﺎ ﻏﻴﺮ ﺟﻴﺖ ﻧﻌﺖ ﻟﻴﻜﻢ ﺍﻟﻘﺎﺑﻠﺔ ﻣﺎﻓﻴﺪﻱ ﻻ ﺟﻤﻞ ﻻ ﻧﺎﻗﺔ .. ﺃﺟﻲ ﻧﺪﻳﻮﻫﺎ ﻟﺸﻲ ﺧﻴﺮﻳﺔ ﻭﻧﺘﻬﻨﺎﻭ
– ﺭﺍﻩ ﻗﻠﺖ ﻟﻴﻚ ﻋﻨﺪﻱ ﻛﻮﻧﺠﻲ ﻭﺿﺎﻉ ﻓﻴﻪ ﺍﻟﻨﺺ ﻭﺍﻧﺎ ﻣﺎﻣﺴﺘﺎﻋﺪﺵ ﻧﺨﺴﺮﻭ ﻭﺍﻧﺎ ﻣﺠﺮﺟﺮ ﻋﻠﻰ ﺍﻟﺨﻴﺮﻳﺎﺕ .. ﻭﺍﻟﻮﺗﺎﺋﻖ ﻭﻃﻠﻊ ﻭﻫﺒﻂ
– ﺍﻳﻮﺍ ﺍﻟﻤﺸﻜﻞ ﻣﻨﻚ .. ﺩﻱ ﻣﻌﺎﻙ ﺍﻟﺒﻨﺖ ﻟﺪﺍﺭﻛﻢ ﻭﻣﺎﺷﻲ ﺑﻀﺮﻭﺭﺓ ﺗﻘﻮﻟﻴﻬﻢ ﺑﻨﺘﻲ .. ﻋﺎﻭﺩ ﻟﻴﻬﻢ ﺍﻟﺤﻘﻴﻘﺔ ﻣﻦ ﺍﻷﻟﻒ ﺗﺎﻝ ﺍﻟﻴﺎﺀ
– ﻭﻋﻼﺵ ﺍﻧﺖ ﻣﺎﺩﻳﻬﺎﺵ ﻭﺗﻌﺎﻭﺩﻱ ﻟﻴﻬﻢ ﻣﻦ a ﺗﺎﻝ z
– ﺍﻟﻤﺮﺽ ﺑﻘﻴﻨﺎ ﻫﻨﺎ
– ﻧﻜﺮﻱ ﻟﻴﻚ ﺍﻧﺖ ﻭﻳﺎﻫﺎ ﻓﻬﺎﺩ ﺩﻭﺍﺭ ﺗﺎﻧﺮﺟﻊ ؟؟؟
– ﻭﺍﻟﻰ ﻣﺎﺭﺟﺘﻴﺶ
– ﻧﺨﻠﻲ ﻟﻴﻚ ﻻﻛﺎﺭﻁ
– 4000 ﺭﻳﺎﻝ ﺩﻳﺎﻝ ﺍﻟﺨﻄﻴﺔ ﻣﺎ ﺩﺍﺕ ﻣﺠﺎﺑﺖ .. ﻻ
– ﻭﺍﺍﺍﺍﺍﻉ ﺍﻧﺎ ﻏﺎﻧﺤﻤﺎﻕ ﻋﻤﺮﻱ ﺷﻔﺖ ﺷﻲ ﻣﻌﻜﺴﺔ ﺑﺤﺎﻟﻚ

ﺍﻟﺒﺎﺭﺕ 6
ﻭﺃﺧﻴﺮﺍ ﺗﺎﻓﻘﻨﺎ ﺑﻌﺪ ﻧﻘﺎﺵ ﻃﻮﻳﻞ ﻭﻣﺪ ﻭﺟﺰﺭ ﻭﺃﺧﺪ ﻭﺭﺩ ﻋﻠﻰ ﺃﻧﻨﻲ ﻏﺎﻧﻤﺸﻲ ﻣﻌﺎﻩ ﻟﺪﺍﺭﻫﻢ ﺑﺎﺵ ﻻ ﺃﻧﺎ ﻧﻬﺮﺏ ﻻ ﻫﻮ ﻳﻬﺮﺏ .. ﻭﺑﺎﺵ ﻣﻠﻲ ﻳﺴﺎﻟﻲ ﻟﻴﻪ ﺍﻟﻜﻮﻧﺠﻲ ﻳﻀﻤﻦ ﺷﻜﻮﻥ ﻟﻲ ﻏﺎﻳﻘﺎﺑﻞ ﻟﻴﻪ ﺍﻟﺒﻨﺖ ﺣﻴﺖ ﻫﻮ ﻛﺎﻳﺨﺪﻡ .. ﺃﻣﺎ ﺃﻧﺎ ﺑﺎﻏﺎ ﻏﻴﺮ ﻧﺴﻴﻪ ﻭﻣﺎﻳﻌﺮﻓﻨﻲ ﻣﻨﻴﻦ ﺩﺯﺕ ﻏﺎﺑﻼﺗﻲ ﻋﻠﻴﻪ .. ﻋﻄﺎﺗﻨﻲ ﺍﻟﻤﺮﺿﻌﺔ ﺍﻟﺒﻨﺖ ﺣﻴﺖ ﻫﻲ ﻟﻲ ﻛﺎﻧﺖ ﻣﻘﺎﺑﻼﻫﺎ ﻓﻬﺎﺩ ﺍﻟﻔﺘﺮﺓ ﺩﻳﺎﻝ ﺍﻟﺠﻨﺎﺯﺓ ﻭﺍﻟﻔﺘﺮﺓ ﻟﻲ ﻛﻨﺎ ﻛﺎﻧﻘﻠﺒﻮ ﻋﻠﻰ ﺷﻲ ﺣﺪ ﻛﺎﻳﻌﺮﻑ ﻣﻬﺎ ﻓﺪﻭﺍﻭﻳﺮ ﺍﻟﻤﺠﺎﻭﺭﺓ ﻭﺑﻌﺪ ﻣﺎﻟﻘﻴﻨﺎ ﺗﺎ ﺷﻲ ﺃﺗﺮ ﻭﺷﻲ ﺭﺍﺱ ﺍﻟﺨﻴﻂ ﻗﺮﺭﻧﺎ ﻧﻨﻔﺪﻭ ﻣﺎ ﺍﺗﻔﻘﻨﺎ ﻋﻠﻴﻪ ﻭﻫﻮ ﻋﻠﻰ ﺃﻧﻨﻲ ﻧﻤﺸﻲ ﻣﻌﺎﻩ .. ﺭﻛﺒﻨﺎ ﻓﻄﻨﻮﺑﻴﻞ ﺑﻌﺪ ﻣﺎﺗﺼﺎﻓﻄﻨﺎ ﻣﻊ ﻧﺎﺱ ﺩﻭﺍﺭ ﻟﻲ ﻭﻗﻔﻮ ﻣﻌﺎﻧﺎ ﺻﺮﺍﺣﺔ .. ﺃﻭﻝ ﻣﺮﺓ ﻧﺒﻘﻰ ﻣﻊ ﺍﻟﺒﻨﺖ ﻓﺎﺹ ﺃ ﻓﺎﺹ .. ﺃﻧﺎ ﻣﻜﺎﻧﺼﻼﺡ ﻧﻜﻮﻥ ﺗﺎ ﺑﻨﺖ ﺻﺎﻟﺤﺔ ﺑﻘﺎ ﻏﻴﺮ ﺃﻡ ﻣﺜﺎﻟﻴﺔ .. ﻭﺍﻳﺎ ﺳﻴﺪﻱ ﺭﺑﻲ ﻋﻠﻰ ﻭﺣﻠﺔ ﺟﺎﺏ ﺍﻟﻠﻪ ﻛﺎﻧﺖ ﺷﺒﻌﺎﻧﺔ ﻭ ﺩﻏﻴﺎ ﻧﻌﺴﺎﺕ
– ﺃﻧﺎ : ﺃﺟﻲ ﺷﻨﻮ ﻧﺴﻤﻴﻮﻫﺎ ؟؟
– ‏( ﺑﻐﻀﺐ ‏) ﻧﺴﻤﻴﻮﻫﺎ ﺣﺎﺩﺓ ﻭﻧﺪﻳﺮﻭ ﻟﻴﻬﺎ ﺳﺒﻮﻉ ﻭﻧﺠﻴﺒﻮ ﻓﻴﻪ ﻋﺘﻤﺎﻥ ﻣﻮﻟﻴﻦ .. ﻭﻧﻨﺸﺮﻭﻫﺎ ﻓﺎﻟﺠﺮﻳﺪﺓ ﺍﻟﺮﺳﻤﻴﺔ ﺃﺵ ﺑﺎﻥ ﻟﻴﻚ ؟؟
– ‏( ﻛﻨﻔﻘﺼﻮ ‏) ﻣﺰﻳﺎﻥ ﻣﺰﻳﺎﻥ ﻛﻠﺸﻲ ﻣﺰﻳﺎﻥ ﻭﻟﻜﻦ ﺣﺎﺩﺓ ﻣﺎﺑﺎﻧﺘﺶ ﻟﻴﻚ ﺳﻤﻴﺔ ﻗﺪﻳﻤﺔ ﺷﻮﻳﺔ
– ‏( ﺑﻨﻔﺎﺩ ﺍﻟﺼﺒﺮ ‏) ﺍﻷﺧﺖ .. ﺍﺵ ﺳﻤﺎﻙ ﺍﻟﻠﻪ ﺑﻌﺪﺍ ؟؟
– ﻓﺎﻃﻤﺔ ﺷﻠﻞ ﻓﻤﻚ ﺑﺎﻟﺴﻤﻦ ﻭﺍﻟﻌﺴﻞ ﻗﺒﻞ ﻣﺎ ﺗﻘﻮﻟﻬﺎ
– ‏( ﺑﺴﺨﺮﻳﺔ ‏) ﻭﻧِﻌﻢ .. ﻣﺘﺸﺮﻓﻴﻦ ﺃﻧﺎ ﺳﻤﻴﺘﻲ ﺣﺴﻦ
– ‏( ﺑﺸﻮﻳﺔ ‏) ﻭﻣَﺎﻟَﻚَ ﻣِﻦَ ﺍﻟﺤُﺴْﻦِ ﺷَﻴْﺌﺎً
– ﻗﻠﺘﻲ ﺷﻲ ﺣﺎﺟﺔ ؟؟؟
– ﻻ .. ﻭﺩﺍﺑﺎ ﻗﻮﻝ ﻗﻮﻝ ﺷﻨﻮ ﻧﺴﻤﻴﻮﻫﺎ ﻏﻴﺮ ﺑﻴﻨﺎﺗﻨﺎ .. ﺗﺎ ﻳﺠﻴﻮﺍ ﻋﺎﺋﻠﺘﻬﺎ ﻭﻳﺴﻤﻴﻮﻫﺎ ﻭﻳﺪﺑﺤﻮ ﻋﻠﻴﻬﺎ
– ‏( ﺑﻘﺎﺍﺍﺍ ﺳﺎﻛﺖ ﺷﻮﻳﺔ ﻭﻫﻮ ﻳﻨﻄﻖ ‏) ﺳﺎﺭﺓ
– ﺻﺤﻴﺒﺘﻚ ﺍﻟﻘﺪﻳﻤﺔ ﻫﺎﺩﻱ ؟؟
– ‏( ﺿﺮﺏ ﻟﻜﻴﺪﻭﻥ ﺑﺠﻬﺪ ﻣﻦ ﺣﺮ ﺍﻷﻋﺼﺎﺏ ‏) ﻭﺍﻟﻠﻪ ﻣﺎﻧﺮﺩ ﻋﻠﻴﻚ
– ﻻ ﻏﻴﺮ ﺧﻮﺩ ﺭﺍﺣﺘﻚ .. ﻣﻦ ﺍﻷﺣﺴﻦ ﺗﺴﻤﻴﻬﺎ ﺑﺸﻲ ﺳﻤﻴﺔ ﻛﺎﺗﺒﻐﻴﻬﺎ ﺣﻴﺖ ﻏﺎﺗﻮﻟﻲ ﺗﺴﺘﺨﺪﻣﻬﺎ ﺣﻴﺎﺗﻚ ﻛﻠﻬﺎ
– ﺣﻴﺎﺗﻲ ﻛﻠﻬﺎ ﻛﺎﺗﺤﻠﻤﻲ .. ﻏﻴﺮ ﻳﺴﺎﻟﻲ ﻫﺎﺩ ﺍﻟﻜﻮﻧﺠﻲ ﻏﺎﻧﺪﻳﺮﻭ ﺷﻲ ﺣﻞ ﻟﻲ ﻣﺎﻧﻌﺎﻭﺩﺵ ﻧﺸﻮﻑ ﻓﻴﻪ ﻭﺟﻬﻚ ﻧﻬﺎﺋﻴﺎ
– ﻛﻲ ﺷﻔﺘﻴﻨﻲ ﻣﺸﻮﺍﺍﺍﻗﺔ ﻓﻮﺟﻬﻚ ‏( ﺃﺧﻔﻀﺖ ﺻﻮﺗﻲ ‏) ﻟﻲ ﺩﺍﻳﺮ ﻛﻲ ﺍﻟﺤﺒﺲ ﺩﻳﺎﻝ ﻣﺎﻟﻴﺰﻳﺎ
– ﻭﺍﻗﻠﺔ ﺑﺪﻳﺖ ﻧﻔﻬﻢ ﻋﻼﺵ ﺟﺮﺍﻭ ﻋﻠﻴﻚ ﺩﺍﺭﻛﻢ
– ﻳﺠﺮﻱ ﻟﻴﻚ ﺩﻡ ﻓﺎﻟﻤﺴﺎﺭﻥ ﺷﻐﻠﻚ ﺳﻮﻗﻚ ﻫﻤﻚ ﺗﻔﻮ ﻋﻠﻰ ﺑﺸﺎﺭ ﺃﻧﺎ ﻛﺎﻧﺘﺪﺧﻞ ﻟﻴﻚ ﻓﺸﺒﻮﻗﺎﺗﻚ
– ﺯﻳﺪﻱ ﻏﻮﺗﻲ ﻭﻓﻴﻘﻲ ﺍﻟﺒﻨﺖ ﻭﺯﻳﺪﻳﻨﺎ ﻫﻢ ﻋﻠﻰ ﻫﻢ

ﺍﻟﺒﺎﺭﺕ 7
ﻭﺻﻠﻨﺎ ﻟﺪﺍﺭ ﻋﺎﺋﻠﺘﻮ ﻟﻲ ﻛﺎﻧﺖ ﺗﺒﺎﺭﻙ ﺍﻟﻠﻪ ﻭﺻﻠﻰ ﻋﻠﻰ ﺍﻟﻨﺒﻲ ﺍﻟﺒﺮﺍﻫﺶ ﺩﺍﻳﺮﻳﻦ ﻋﻠﻴﻬﺎ ﻛﻲ ﺩﺑﺎﻥ
– ﺷﻜﻮﻥ ﻫﺎﺩﻭ
– ﻭﻻﺩ ﺧﻮﺗﻲ
ﻫﻨﺎ ﺗﺨﻮﺍﻭ ﻟﻴﺎ ﺭﻛﺎﺑﻲ ﺗﻔﻜﻴﺖ ﻣﻦ ﻋﺎﺋﻠﺘﻲ ﻃﺤﺖ ﻓﻌﺎﺋﻠﺔ ﻛﺒﺮ ﻣﻨﻬﺎ .. ﻭﻣﺎﻫﺎﺩﻭ ﻏﻴﺮ ﺩﻧﻮﺏ ﺟﺪﺓ ﻭﺑﺪﺍﻭ ﻳﺨﺮﺟﻮ ﻓﻴﺎ .. ﻣﺎﻛﺮﻫﺘﺶ ﻛﻦ ﻛﺎﻛﻨﺘﺶ ﺷﺎﺩﺓ ﺍﻟﺒﻨﺖ ﻛﻦ ﻋﻠﻘﺖ ﺑﻼ ﻓﺮﺍﻥ … ﻭﻣﺎﻫﻲ ﺍﻻ ﻟﺤﻈﺎﺕ ﺗﺎﺑﺪﺍﻭ ﺩﺍﻙ ﺍﻟﺒﺮﺍﻫﺶ ﻛﺎﻳﻐﻮﺗﻮ ﺑﻠﻲ ﺧﺎﻟﻬﻢ ﺟﺎ ﻫﻮ ﻭﻣﺮﺍﺗﻮ ﻭﺑﻨﺘﻬﻢ .. ﻃﺰﺯﺯ ﻓﻴﻠﻢ ﻓﻴﻴﺮ ﺯﺍﺭﺍ ﻫﺪﺍ .. ﺧﺮﺟﻮ ﻛﺒﺎﺭ ﺍﻟﻌﺎﺋﻠﺔ ﺷﻲ ﻛﺎﻳﺸﻮﻑ ﻓﻴﺎ ﺑﺤﺐ ﻭﺷﻲ ﻛﺎﻳﺸﻮﻑ ﻓﻴﺎ ﺑﺤﻘﺪ
– ﻫﻮ : ﺑﻼﺗﻲ ﺑﻼﺗﻲ ﺭﺍﻩ ﻫﻲ ﻣﺎﺷﻲ ﻣﺮﺍﺗﻲ
ﺟﺎ ﻭﺍﺣﺪ ﺭﺍﺟﻞ ﻛﺒﻴﺮ ﻓﺎﻟﻌﻤﺮ ﺑﺎﻳﻨﺔ ﺑﺎﻩ ﻏﻴﺮ ﻣﻦ ﻧﻈﺮﺍﺕ ﺍﻟﺤﻨﺎﻥ ﻟﻲ ﻛﺎﻳﺸﻮﻑ ﻓﻴﻨﺎ ﺑﻴﻬﻢ
– ﺑﺎﻩ : ﻣﺎﺷﻲ ﻣﺸﻜﻞ ﺃﻭﻟﺪﻱ ﺍﻟﺤﻤﺪ ﻟﻠﻪ ﻏﻴﺮ ﻟﻲ ﺭﺟﻌﺘﻲ ﻟﻴﻨﺎ .. ﻣﺮﺍﺗﻚ ﻭﺑﻨﺘﻚ ﻋﻠﻰ ﺭﺍﺳﻨﺎ ﻭﻋﻴﻨﻴﻨﺎ .. ﺃﺭﻱ ﺃﺑﻨﺘﻲ ﻧﺸﻮﻑ ﺣﻔﻴﺪﺗﻲ ‏( ﺷﺪﺍﺗﻨﻲ ﺿﺤﻜﺔ ﻓﻬﺎﺩ ﺍﻟﻠﺤﻈﺔ ‏)
– ﺍﻧﺎ : ‏( ﻣﺪﻳﺘﻴﻬﺎ ﻟﻴﻪ ‏) ﻫﺎﻙ ﺃﺑﺎ ﺣﺒﻴﺒﻲ
– ﺑﺎﻩ : ﺷﻨﻮ ﺳﻤﻴﺘﻬﺎ ؟
– ﺍﻧﺎ : ﺳﺎﺭﺓ
– ﺑﺎﻩ : ﺍﻟﻠـــــــــــــــﻪ ﺑﺤﺎﻝ ﺳﻤﻴﺖ ﺧﺘﻚ ﺍﻟﻠﻪ ﻳﺮﺣﻤﻬﺎ .. ﺳﻤﻴﺘﻴﻬﺎ ﻋﻠﻴﻬﺎ ﻳﺎﻙ ؟
– ﻫﻮ : ﺍﻩ
ﺍﻧﺎ ﻣﻦ ﻣﺼﻼﺣﺘﻲ ﻳﺴﺤﺎﺑﻬﻢ ﺃﻧﺎ ﻣﺮﺍﺗﻮ .. ﺣﻴﺖ ﺃﻧﺎ ﻫﻲ ﻛﻜﻨﺔ ﺣﺴﻦ ﻣﻦ ﺃﻧﺎ ﻛﻐﺮﻳﺒﺔ ﻣﺎﺑﻴﻨﻬﺎ ﻭﺑﻴﻦ ﻭﻟﺪﻫﻢ ﺗﺎ ﻋﻼﻗﺔ ، ﻭﻏﺎﻳﻈﻨﻮ ﺃﻧﻨﻲ ﻏﻴﺮ ﻻﺻﻘﺔ ﻓﻴﻪ ﺑﺎﻏﺎ ﻧﻠﻮﻱ ﻋﻠﻴﻪ ﻟﺬﻟﻚ ﻭﺗﻔﺎﺩﻳﺎ ﻟﻠﻤﻌﺎﻧﻲ ﻭﺍﻟﻬﻀﺮﺓ ﺗﺤﺖ ﺩﻑ ﻓﺄﻧﺎ ﻣﺮﺍﺗﻮ ﺷﺮﻋﺎ ﻭﻣﺸﺮﻭﻋﺎ .. ﺩﺧﻠﻨﺎ ﻟﺪﺍﺭ ﻣﻮ ﻣﺤﺎﻣﻼﻧﻴﺶ ﺑﺎﻳﻨﺔ ﻛﺎﻧﺖ ﻧﺎﻭﻳﺔ ﺗﻠﺼﻖ ﻟﻴﻪ ﺷﻲ ﺑﻨﺖ ﺧﺎﻟﺘﻮ .. ﺍﻣﺎ ﺧﻮﺍﺗﺎﺗﻮ ﻓﻨﻈﺮﺍﺍ ﻟﻌﺪﺩﻫﻦ ﺍﻟﻜﺘﻴﺮ ﺗﺨﺘﻠﻒ ﺃﺭﺍﺋﻬﻦ .. ﻭﻋﻨﺪﻭ ﺧﻮﺗﻮ ﻛﺎﻋﻤﺎ ﻣﺴﻮﻗﻴﻦ ﻭﻟﻜﻦ ﻋﻴﺎﻻﺗﻬﻢ ﻋﺎﺟﺒﻬﻢ ﺍﻟﺤﺎﻝ ﻳﺘﺸﻔﺎﻭ .. ﻭﻋﻨﺪﻫﻢ ﻛﺒﻴﺮﺓ ﺍﻟﻌﺎﺋﻠﺔ ﺟﺪﺍﺗﻬﻢ ﺍﻟﻠﻪ ﻳﺤﺠﺒﻬﺎ ﺑﺤﺎﻝ ﺟﺪﺍﺗﻲ ﻏﻴﺮ ﺍﻟﻔﺮﻕ ﺟﺪﺍﺗﻲ ﺍﻟﻰ ﺑﻐﺎﺕ ﺍﻟﺤﺎﺟﺔ ﻛﺎﺗﺤﺎﻳﻞ ﺑﺎﻟﻜﺪﻭﺏ ﻭﺍﻟﺒﻬﺘﺎﻥ ﻭﻫﺎﺩﻱ ﻛﺘﻌﻄﻲ ﺃﻣﺮ ﻋﻠﻰ ﺷﻜﻞ ﻗﺎﻧﻮﻥ ﻳﺘﻨﻔﺪ ﻭﻻ ﻣﺎﻳﻌﺠﺒﻚ ﺍﻟﺤﺎﻝ … ﻭﻋﺎﺋﻴﻴﻴﻠﺔ ﻫﺎﺩﻱ ﺑﺎﻳﻨﺔ ﻏﺎﺗﻨﻮﺽ ﺑﻴﻨﻲ ﻭﺑﻴﻨﻬﻢ ﺍﻟﺤﺮﺏ ﺍﻟﻌﺎﻟﻤﻴﺔ ﺍﻟﺜﺎﻟﺜﺔ

ﺍﻟﺒﺎﺭﺕ 8
ﺩﺧﻠﻨﺎ ﻭﺟﻠﺴﻨﺎ ﻓﻮﺍﺣﺪ ﺻﺎﻻ ﻛﺒﻴﺮﺓ .. ﻭﺻﻐﻴﺮ ﻭﺍﻟﻜﺒﻴﺮ ﺩﺍﻳﺮ ﺑﻨﺎ ﻭﻛﺎﻉ ﺍﻟﻌﻴﻨﺒﻦ ﻋﻠﻴﻨﺎ ﺑﺤﺎﻻ ﺍﺭﺗﻜﺒﻨﺎ ﺷﻲ ﺟﺮﻳﻤﺔ
– ‏( ﻫﻀﺮﺕ ﻟﺤﺴﻦ ﻓﻮﺩﻧﻴﻪ ﻭﺿﺤﻜﺔ ﺻﻔﺮﺍ ﻓﻮﺟﻬﻲ ‏) ﺣﺴﻦ ﻫﺎﺩﻱ ﻋﺎﺋﻠﺔ ﻭ ﻻ ﺟﻤﻬﻮﺭﻳﺔ ﻏﻴﻨﻴﺎ ﺍﻹﺳﺘﻮﺍﺋﻴﺔ ؟؟
– ‏( ﺟﺎﻭﺑﻨﻲ ﺑﻨﻔﺲ ﻃﺮﻳﻘﺔ ‏) ﺷﺸﺶ ﺳﻜﺘﻲ ﻏﺎﺗﺸﻮﻫﻴﻨﺎ
– ﻭﻋﻼﺵ ﻗﻠﺘﻲ ﻟﻴﻬﻢ ﺃﻧﺎ ﻣﺮﺍﺗﻚ
– ﺷﺸﺶ
– ﺑﺎﻩ : ﻭﺍﺵ ﺩﺭﺗﻮ ﻟﻬﺎﺩ ﺍﻟﻐﺰﻳﻮﻟﺔ ﺍﻟﺴﺒﻮﻉ
– ﺣﺴﻦ : ﺍﻩ ﺩﺭﻧﺎﻩ
– ﺑﺎﻩ : ﻏﺎﻧﻌﺎﻭﺩﻭﻩ ﻭﻏﺎﻧﻌﺎﻭﺩﻭ ﺗﺎ ﻋﺮﺳﻜﻢ
– ﺑﺠﻮﺝ : ﺃﺷﻨﻮ ؟؟؟
– ﺑﺎﻩ : ﻣﺎﻓﺮﺣﻨﺎﺵ ﺑﻴﻜﻢ ﻣﻠﻲ ﺗﺰﻭﺟﺘﻮ .. ﻫﺎﺩ ﺍﻟﻤﺮﺓ ﻧﻔﺮﺣﻮ ﺑﻴﻜﻢ ﺍﻧﺘﻮﻣﺎ ﻭﺑﻨﺘﻜﻢ
– ﺣﺴﻦ : ﻻ ﺑﻼﺵ ﺃﺻﻼ ﻣﺎ ﻋﻨﺪﻳﺶ ﻟﻜﻮﻧﺠﻲ ﺑﺰﺍﺍﻑ
– ﺑﺎﻩ : ﺣﺴﻦ ﻳﺎﻙ ﺍﻧﺖ ﺧﺪﺍﻡ ﻟﺮﺍﺳﻚ ﻭﺍﻟﻮﻗﺖ ﻛﻠﻮ ﺩﻳﺎﻟﻚ
‏( ﺿﺮﺕ ﻟﺠﻴﻬﺘﻮ ﺑﺪﻳﺖ ﻧﺨﻨﺰﺭ ﻓﻴﻪ ﻧﺎﺱ ﻳﺴﺤﺎﺑﻬﻢ ﻛﺎﻧﻘﻮﻟﻴﻪ ﺩﻳﺮ ﺍﻟﺨﺎﻃﺮ ﻟﺒﺎﻙ .. ﻭﺃﻧﺎ ﻟﻜﺪﺍﺏ ﺑﻠﻜﺪﺍﺏ ﻻﺧﻮﺭ ﻣﺎﻛﺮﻫﺘﺶ ﻧﺸﻨﻘﻮ ﻣﻦ ﺻﺒﺎﺡ ﻭﻫﻮ ﻓﺎﺭﻉ ﻟﻲ ﺭﺍﺳﻲ ﺑﺎﻟﻮﻗﺖ ﻭ ﻟﻜﻮﻧﺠﻲ ﻣﺎﺑﻘﺎﺵ ﻭﻫﻮ ﺧﺪﺍﻡ ﻟﺮﺍﺳﻮ ﻳﺨﺪﻣﻮ ﻋﻠﻴﻪ ﻃﻮﺏ ﻭﺍﻟﻴﺎﺟﻮﺭ ‏)
– ﺟﺪﺍﺗﻮ : ‏( ﺑﺎﻟﻨﻔﺨﺔ ‏) ﺍﻳﻮﺍ ﺻﺎﻓﻲ ﻳﺪﻳﺮﻭ ﻟﻲ ﺑﻐﺎﻭ ,, ﺑﻼ ﻣﺎﺗﺒﻘﺎ ﺗﺮﻏﺐ ﻓﻴﻬﻢ ‏( ﻣﺎﻛﺮﻫﺘﺶ ﻧﺠﺎﻭﺑﻬﺎ ﻭﻟﻜﻦ ﻣﺰﺍﻝ ﻣﺎﺳﺨﻨﺘﺶ ﺑﻼﺻﺘﻲ ‏)
– ﺑﺎﻩ : ﺑﻐﻴﺖ ﻧﻔﺮﺡ ﺑﻮﻟﺪﻱ ﻗﺒﻞ ﻣﺎﻧﻤﻮﺕ ﻓﻴﻬﺎ ﺷﻲ ﻋﻴﺐ
– ﺃﻧﺎ : ‏( ﻛﻨﻘﻠﻲ ﺍﻟﺴﻢ ﻟﺠﺪﺍﻩ ‏) ﻳﻤﻮﺕ ﻋﺪﻭﻙ ﺃﻟﺤﺎﺝ .. ﻣﺎﻳﻜﻮﻥ ﻏﻴﺮ ﺧﺎﻃﺮﻙ .. ﻧﻌﺎﻭﺩﻭ ﻧﺘﺰﻭﺟﻮ ﻭﻧﻌﺎﻭﺩﻭ ﺗﺎ ﺩﺍﻛﺸﻲ ﻟﻲ ﻣﺎ ﻛﺎﻳﺘﻌﺎﻭﺩﺵ
ﻛﻠﺸﻲ ﺑﺪﺍ ﻛﺎﻳﺘﻔﺮﺷﺦ ﺑﺎﻟﻀﺤﻚ .. ﻭﺍﻧﺎ ﻫﺎﺿﺮﺓ ﻋﻠﻰ ﻧﻴﺘﻲ ﻣﺎﻓﺎﻫﻤﺔ ﻭﺍﻟﻮ
– ‏( ﻓﻮﺩﻧﻴﻪ ‏) ﺣﺴﻦ ﻋﻼﺵ ﻛﺎﻳﻀﺤﻜﻮ ؟
– ﺷﻮﻓﻲ ﺍﻧﺖ ﺷﻨﻮ ﻗﻠﺘﻲ
– ﺍﺣﻢ ‏( ﻋﺎﺩ ﻓﻬﻤﺖ ﺑﺪﻳﺖ ﻛﻨﻜﺢ ﺯﻋﻤﺔ ﻛﻨﺴﻲ ‏)
ﻓﻬﺎﺩ ﺍﻟﻠﺤﻈﺔ ﺑﻐﺎﺕ ﺟﺪﺍﺗﻮ ﺗﻬﺰ ﺳﺎﺭﺓ ﻭﻫﻲ ﺗﺒﺪﺍ ﺗﻐﻮﺕ ﻟﻴﻬﺎ ﻭﻣﺎﺭﺿﺎﺗﺶ ﻗﺎﻟﺖ ﻟﻴﻚ ﺣﻘﺎ ﻣﺎ ﺣﻘﺎ ﺳﺒﺎﺏ ﻫﻮ ﻛﺎﻉ ﻣﺎﺭﺿﻌﺘﻬﺎ ﻭﺧﻠﻴﺘﻬﺎ ﺑﺠﻮﻉ
– ﺃﻧﺎ : ﺩﺭﺍﺭﻱ ﺻﻐﺎﺭﺳﺒﺤﺎﻥ ﺍﻟﻠﻪ ﻛﺎﻳﺴﻜﺘﻮ ﻏﻴﺮ ﻋﻨﺪ ﻟﻲ ﻗﻠﺒﻬﻢ ﺑﻴﺾ ‏( ﻗﺼﻒ ‏)
– ﺟﺪﺍﺗﻮ : ﺷﻨﻮ ﻛﺎﺗﻌﻨﻲ ﺃﺩﻳﻚ ‏( ﻣﺎﻛﻤﻼﺗﺶ ‏) ؟؟؟ ‏( ﻭﻟﻜﻦ ﺗﻌﺼﺒﺎﺍﺍﺕ .. ﻧﺎﺭﻱ ﻧﻮﺿﺘﻬﺎ ﻣﻦ ﺍﻟﺠﻠﺴﺔ ﻟﻮﻟﻰ ‏)
– ﺃﻧﺎ : ﻋﻠﻰ ﺍﻧﺎ ﻋﺎﺩ ﻏﺎﻧﻌﻨﻲ ‏( ﺑﺪﻳﺖ ﻛﻨﺘﺒﻮﺣﻂ ﻭﻏﻄﻴﺖ ﻭﺟﻬﻲ ﺑﻴﺪﻱ ﺯﻋﻤﺔ ﺭﺍﻧﻲ ﻛﻨﺘﻤﺨﺼﺺ ‏) ﺑﺴﺒﺎﺏ ﻣﺎﻭﻗﻒ ﻣﻌﺎﻳﺎ ﺣﺪ ﻣﻦ ﻋﺎﺋﻠﺔ ﺭﺍﺟﻠﻲ ﻓﺎﻟﺤﺒﺎﻟﺔ ﻭﻣﺴﺎﻧﺪﻱ ﺣﺪ ﻣﻦ ﻏﻴﺮ ﺣﺴﻦ ﺍﻟﻠﻪ ﻳﺨﻠﻴﻪ ﻟﻴﺎ .. ﺗﻔﻘﺼﺖ ﻭﻣﺮﺿﺖ ﺑﺎﻟﻌﺼﺎﺏ ﻭﻛﻨﺖ ﻏﺎﻧﻤﻮﺕ ﻓﺎﻟﻮﻻﺩﺓ ﻭﻣﻠﻲ ﻭﻟﺪﺕ ﻟﻘﻴﺖ ﺭﺍﺳﻲ ﻣﺎﻓﻴﺎﺵ ﺍﻟﺤﻠﻴﺐ ﻗﺎﻟﻴﺎ ﺍﻟﺪﻛﺘﻮﺭ ﺍﻟﻨﻔﺴﻲ ﺣﻤﻴﺪ ﺍﻟﺘﺮﻛﻲ ﻋﻘﺪﺓ ﻋﺎﺋﻠﺔ ﺭﺍﺟﻠﻚ ﻫﻲ ﺳﺒﺎﺏ
– ﺣﺴﻦ : ‏( ﻓﻮﺩﻧﻲ ‏) ﺷﻜﻮﻥ ﺣﻤﻴﺪ ﺍﻟﺘﺮﻛﻲ
– ﺃﻧﺎ : ‏( ﺭﺩﻳﺖ ﻋﻠﻴﻪ ‏) ﻣﺎﻧﻌﺮﻑ ﺟﺎﻧﻲ ﻏﻴﺮ ﻫﻜﺎﻙ
– ﻳﺴﺮﻯ ‏( ﺍﺧﺖ ﺣﺴﻦ ‏) ﺗﺎﺩﺍﺑﺎ ﻣﻜﺎﻳﻦ ﺑﺎﺱ ﺃﻧﺎ ﺭﺍﻩ ﺑﺎﻗﻲ ﻓﻴﺎ ﺍﻟﺤﻠﻴﺐ ﻛﻨﺮﺿﻊ ﺣﻤﺰﺓ .. ﺍﻟﻰ ﺑﻐﻴﺘﻲ ﻓﻬﺎﺩ ﺍﻟﻔﺘﺮﺓ ﻧﺮﺿﻊ ﻟﻴﻚ ﺳﺎﺭﺓ
– ﺃﻧﺎ : ﻭﺍﻟﻰ ﺣﻤﺰﺓ ﻭﺳﺎﺭﺓ ﺑﻐﺎﻭﻭ ﺑﻌﻀﻴﺎﺗﻬﻢ ؟؟
– ﺣﺴﻦ : ‏( ﻓﻮﺩﻧﻲ ‏)

ﺣﺴﻦ : ‏( ﻓﻮﺩﻧﻲ ‏) ﺗﺒﻐﻴﻚ ﺟﻨﻴﺔ ﺑﻘﺎ ﻟﻴﻨﺎ ﺩﺍﺑﺎ ﻏﺎ ﺍﻟﺒﻐﺎ … ‏( ﻣﻌﺎﻫﻢ ‏) ﺷﻜﺮﺍﺍﺍ ﺃﺧﺘﻲ ﺩﻳﺮﻱ ﻓﻴﻨﺎ ﺧﻴﺮ ﻛﺒﻴﺮ .. ﻛﻨﺎ ﻫﺎﺯﻳﻦ ﻫﺎﺩ ﺍﻟﺤﻤﻞ ﻭﻫﻨﻴﺘﻴﻨﺎ ﻣﻨﻮ
ﻭﺻﻞ ﻟﻴﻞ ﻭﻗﺎﻟﺖ ﻟﻴﺎ ﻳﺴﺮﻯ ﺧﺖ ﺣﺴﻦ ﻧﺨﻠﻲ ﻋﻨﺪﻫﺎ ﺳﺎﺭﺓ ﺗﺒﺎﺕ ﻋﻨﺪﻫﺎ ﺑﺎﺵ ﺗﺮﺿﻌﺎﻫﺎ ﺍﻟﻰ ﻏﻮﺗﺎﺕ ﺑﻠﻴﻞ ﻭﻧﻴﺖ ﻧﻌﺴﻮ ﺣﻨﺎ ﻣﺮﺗﺎﺣﻴﻦ ‏( ﺃﺳﺘﻐﻔﺮ ﺍﻟﻠﻪ ﻣﺎﻫﺪﺍ ﺍﻟﻤﻨﻜﺮ ‏)
– ﻻ ﺣﺒﻴﺒﺔ ﻏﻴﺮ ﺧﻠﻴﻬﺎ ﻋﻨﺪﻱ ﻣﺎﻧﻘﺪﺭﺵ ﻧﻌﺲ ﺑﻼ ﺑﻴﻬﺎ .. ﻭﺯﺍﻳﺪﻭﻥ ﻟﻔﻴﺪﻳﻮﺍﺕ ﻟﻲ ﻛﺎﻳﺘﻨﺸﺮﻭ ﻓﺎﻟﻔﺎﻳﺲ ﻣﻜﺎﻳﻄﻤﻨﻮﺵ
– ﻭﺍﺵ ﻣﻜﺎﺗﻴﻘﻴﺶ ﻓﻴﺎ ؟؟؟
– ﻻ ﻣﺎﺷﻲ ﻫﻜﺎﺍﺍﺍﺍﻙ
– ﻫﻬﻬﻬﻪ ﻋﺎﺩﻱ ﻫﺪﺍ ﻫﻮ ﻗﻠﺐ ﺍﻷﻡ ﺗﺄﻧﺎ ﺍﻡ ﻭﺣﺎﺳﺔ ﺑﺎﺵ ﻛﺘﺤﺴﻲ … ﻋﺎﻭﺩﻱ ﻟﻴﺎ ﻛﻲ ﺩﺭﺗﻲ ﺗﻼﻗﻴﺘﻲ ﻣﻊ ﺣﺴﻦ .. ﺑﺎﻳﻨﺔ ﻛﺎﻳﺒﻐﻴﻚ ﺑﺰﺍﺍﺍﻑ
– ﺑﺎﺵ ﻋﺮﻓﺘﻴﻬﺎ ؟؟
– ﻫﻮ ﺃﺧﺮ ﻧﻬﺎﺭ ﺟﺎ ﻓﻴﻪ ﺩﺍﺭ ﺣﺎﻟﺔ ﻋﻠﻰ ﻭﺩﻙ .. ﻭﻋﺎﻡ ﻣﺎﺟﺎﺵ ﻓﻴﻪ ﻏﻴﺮ ﻋﻠﻰ ﻗﺒﻠﻚ
– ‏( ﺗﻴﻘﺖ ﺭﺍﺳﻴﺰﺯ ‏) ﻳﺎﺣﻠﻴﻠﻲ ﺍﺣﻢ ..
– ﺍﻧﺖ ﻋﺎﺭﻓﺔ ﺷﻨﻮ ﺩﺍﺯ ﻋﻠﻰ ﺣﺴﻦ
– ﻻ ﻣﻌﺎﺭﻓﺎﺵ ؟ ﺯﻋﻤﺔ ﻫﻮ ﻛﺎﻳﻘﻮﻟﻴﺎ ﻭﻟﻜﻦ ﺷﺎﻛﺔ ﺑﻠﻲ ﻣﻜﺎﻳﻘﻮﻟﺶ ﻟﻴﺎ ﻛﻠﺸﻲ ﺑﺎﺵ ﻣﺎﻳﻘﻠﻘﻨﻴﺶ ﺭﺍﻛﻲ ﻋﺎﺭﻓﺔ ﻛﺎﻳﺒﻐﻴﻨﻲ ﻭﻣﺎﻛﻴﺒﻐﻴﺶ ﻳﻨﻜﺪ ﻋﻠﻴﺎ .. ﻭﺍﻧﺎ ﻛﻨﺒﻐﻴﻪ ﻛﺘﺮ ﻣﻜﺎﺗﺼﻮﺭﻱ ﻭﺑﻐﻴﺖ ﻧﻜﻮﻥ ﻟﻴﻪ ﺯﻭﺟﺔ ﺻﺎﻟﺤﺔ .. ﺑﻐﻴﺖ ﻧﺪﺍﻭ ﺟﺮﺍﺣﻮ ﻭﻟﻜﻦ ﺧﺼﻨﻲ ﺑﺎﻟﻀﺒﻂ ﻧﻌﺮﻑ ﺟﺮﺡ ﻓﻴﻦ ﻛﺎﻳﻦ .. ﻓﻬﻤﺘﻲ ؟؟ ‏( ﺍﻟﻠﻪ ﻳﺴﻤﺢ ﻟﻴﺎ ﺷﺤﺎﻝ ﻓﻴﺎ ﺩﻳﺎﻝ ﺍﻟﻜﺪﻭﺏ .. ﻗﺘﻠﻨﻲ ﺍﻟﻔﻀﻮﻝ ‏)
– ﻭﺍﺧﺎ ﺃﻧﺎ ﻧﻌﺎﻭﺩ ﻟﻴﻚ … ﺍﻧﺖ ﺑﺎﻳﻨﺔ ﻻﺣﻈﺘﻲ ﻫﺎﺩ ﺍﻟﻨﻬﺎﺭ ﺑﻠﻲ ﺟﺪﺓ ﻫﻲ ﺍﻵﻣﺮ ﺍﻟﻨﺎﻫﻲ ﻓﻬﺎﺩ ﺍﻟﺪﺍﺭ .. ﻣﻨﻴﻦ ﻛﺎﻥ ﺣﺴﻦ ﺻﻐﻴﺮ ﻛﺎﻥ ﻣﺠﺘﻬﺪ ﻭﺩﻳﻤﺎ ﻛﺎﻳﺠﻲ ﻟﻮﻝ ﻛﺎﻥ ﺑﺎﻏﻲ ﻳﻮﻟﻲ ﻣﺤﺎﻣﻲ .. ﻭﻟﻜﻦ ﺟﺪﺓ ﺑﺎﻟﺠﻬﻞ ﺩﻳﺎﻟﻬﺎ ﻣﺎﺧﻼﺗﻮﺵ ﻳﻜﻤﻞ ﺍﻟﻘﺮﺍﻳﺎ .. ﻭﺧﺮﺟﺎﺗﻮ ﺻﻐﻴﺮ .. ﻛﺎﻥ ﺣﺴﻦ ﺩﻳﻤﺎ ﻗﺮﻳﺐ ﻣﻦ ﺍﺧﺘﻲ ﺳﺎﺭﺓ ﻛﺎﻧﺖ ﻛﺒﻴﺮﺓ ﻋﻠﻴﻪ ﻭﻛﺎﻧﺖ ﻛﺎﺗﻌﻄﻴﻪ ﺍﻟﺤﻨﺎﻥ ﻟﻲ ﻣﻜﺎﺗﻌﻄﻴﻬﺶ ﻟﻴﻪ ﻣﻮ .. ﻭﻣﺮﺿﺎﺕ ﺳﺎﺭﺓ ﻭﺗﺎﻧﻲ ﺟﺪﺓ ﺗﺪﺧﻼﺕ ﻭﻣﺎﺧﻼﺗﻬﻤﺶ ﻳﺪﻳﻮﻫﺎ ﻋﻨﺪ ﻃﺒﻴﺐ .. ﺑﺤﺠﺔ ﺃﻧﻬﺎ ﻏﺎﺗﺒﺮﺍ ﻣﻊ ﺍﻟﻮﻗﺖ ﻭﺩﻭﺍ ﺍﻟﻌﺮﺏ ﻏﺎﻳﺪﺍﻭﻳﻬﺎ .. ﻃﺎﻝ ﺍﻟﻮﻗﺖ ﻭﻃﺎﻝ ﻣﺮﺽ ﺳﺎﺭﺓ ﺗﺎ ﻣﺎﺗﺖ .. ﺣﺴﻦ ﺗﻬﺮﺱ ﻣﻦ ﻟﺪﺍﺧﻞ ﺣﻴﺖ ﻛﺎﻥ ﺑﺤﺎﻝ ﺷﻲ ﻓﺎﺯ ﺩﻳﺎﻝ ﺯﺍﺝ ﻣﻦ ﺑﻌﺪ ﻣﺎﺣﻴﺪﺍﺕ ﻣﻨﻮ ﺟﺪﺓ ﺍﻟﻮﺭﺩ ﻟﻲ ﻛﺎﻳﻜﺒﺮ ﺑﺎﻟﻘﺮﺍﻳﺎ .. ﻭﺳﺎﺭﺓ ﻟﻲ ﻛﺎﻧﺖ ﺩﻳﻤﺎ ﻛﺘﻠﻤﻊ ﺩﺍﻙ ﺍﻟﻔﺎﺯ ﻣﺎﺑﻘﺎﺗﺶ ﻓﺪﻧﻴﺎ .. ﻓﺤﺎﻟﺔ ﺣﺴﻦ ﺗﺪﻣﺮﺍﺕ .. ﻓﻤﺎ ﺑﺎﻟﻚ ﻋﻼﻗﺘﻮ ﻣﻊ ﺟﺪﺓ .. ﻣﻦ ﺑﻌﺪ ﺣﺎﻻﺕ ﺍﻹﻛﺘﺌﺎﺏ ﻟﻲ ﺩﺍﺯ ﻣﻨﻬﺎ ﻗﺮﺭ ﻳﻤﺸﻲ ﻟﻤﺪﻳﻨﺔ ﻳﺒﺪﺍ ﺣﻴﺎﺗﻮ ﻣﻦ ﺟﺪﻳﺪ ﺑﻌﻴﺪ ﻋﻠﻰ ﺍﻟﻘﺮﺍﺭﺍﺕ ﺍﻟﺪﻳﻜﺘﺎﺗﻮﺭﻳﺔ ﺩﻳﺎﻝ ﺟﺪﺓ … 8 ﺳﻨﻴﻦ ﻣﻌﺎﻭﺩﺵ ﺟﺎ ﻟﻬﻨﺎ .. ﻣﻠﻲ ﺟﺎ ﻛﻨﺘﻲ ﺍﻧﺖ ﺳﺒﺎﺏ .. ﻣﻠﻲ ﻗﻠﺘﻲ ﻟﻴﻪ ﺿﺮﻭﺭﻱ ﺗﺎﺧﺪ ﻣﻮﺍﻓﻘﺔ ﻋﺎﺋﻠﺘﻚ ﺑﺎﺵ ﻧﺘﺰﻭﺟﻮ .. ﺗﺎﻧﻲ ﺗﻜﺮﺭ ﻧﻔﺲ ﺍﻟﺴﻴﻨﺎﺭﻳﻮ ﻭﺭﻓﻀﺎﺕ ﺟﺪﺓ ﺑﺴﺒﺎﺏ ﺃﻥ ﺑﻐﺎﺕ ﻟﻴﻪ ﺑﻨﺖ ﺩﻭﺍﺭ ﻣﺎﺷﻲ ﺑﻨﺖ ﺍﻟﻤﺪﻳﻨﺔ ﺑﺎﺵ ﺗﺤﻜﻢ ﻓﻴﻬﺎ ﺗﺎﻫﻴﺎ ﻭﺑﺎﺵ ﺗﺤﻄﻬﺎ ﺣﺪﺍﻫﺎ ﻭﺿﻤﻦ ﺃﻧﻪ ﺩﻳﻤﺎ ﻳﺮﺟﻊ ﻟﻬﺎﺩ ﺍﻟﺪﺍﺭ .. ﻭﺭﺟﻊ ﺣﺴﻦ ﻟﻤﺪﻳﻨﺔ ﻭﺿﺮﺏ ﻗﺮﺍﺭ ﺟﺪ

ﻭﺿﺮﺏ ﻗﺮﺍﺭ ﺟﺪﺓ ﻋﺮﺽ ﺍﻟﺤﺎﺋﻂ
– ‏( ﺗﺤﻤﺴﺖ ‏) ﺇﻳﻮﺍ ﺗﺰﻭﺝ ﺣﺴﻦ ﺑﺪﺍﻙ ﺍﻟﺒﻨﺖ ؟؟؟
– ﺍﻩ .. ﻭﺩﺍﻙ ﺍﻟﺒﻨﺖ ﻫﺎﻫﻴﺎ ﻗﺪﺍﻣﻲ ﻫﻲ ﻭ ﺑﻨﺘﻬﻢ ﻟﻲ ﻛﺎﺗﺤﻤﻖ ﺗﺒﺎﺭﻙ ﺍﻟﻠﻪ .. ﺩﺍﺑﺎ ﻛﻦ ﻣﻜﺎﻧﺶ ﺑﺎﺑﺎ ﻣﺮﻳﺾ ﺑﺎﻟﺴﺮﻃﺎﻥ ﻛﻦ ﻛﺎﻉ ﻣﺎﻧﺸﻮﻓﻮﻛﻢ .. ﻣﺎﺗﺨﻴﻠﻴﺶ ﻣﻌﺰﺗﻚ ﻋﻨﺪﻱ ﻗﺪﺍﺵ .. ﺍﻧﺖ ﻟﻲ ﻧﺴﻴﺘﻲ ﺣﺴﻦ ﺩﺍﻛﺸﻲ ﻟﻲ ﻓﺎﺕ
ﻓﻮﺍﺣﺪ ﻟﻠﺤﻈﺔ ﺗﻤﻨﻴﺖ ﻧﻜﻮﻥ ﺑﺼﺢ ﺍﻧﺎ ﻟﻲ ﻧﺴﻴﺘﻮ ﻓﺎﻟﻤﺎﺿﻲ ﻭﻟﻜﻦ ﺃﻧﺎ ﻏﻴﺮ ﻛﺪﺑﺔ ﻧﺘﺠﺎﺕ ﺑﺴﻮﺀ ﺍﻟﺤﻆ

ﺍﻟﺒﺎﺭﺕ 10
ﻣﻦ ﺑﻌﺪ ﻣﺎﻧﻌﺴﺎﺕ ﺳﺎﺭﺓ ﺑﻴﻦ ﻳﺪﻳﺎ ﺑﺪﻳﺖ ﻛﻨﺘﺄﻣﻞ ﻓﻤﻼﻣﺤﻬﺎ ﺍﻟﺒﺮﻳﺌﺔ .. ﻛﻦ ﻛﺎﻧﺖ ﻣﻬﺎ ﻣﺎﺯﺍﻝ ﺣﻴﺔ .. ﻛﻦ ﻓﻴﺪﻳﻬﺎ ﻛﺎﻧﺖ ﺩﺍﺑﺎ .. ﻏﻠﺒﻮﻧﻲ ﺩﻣﻮﻋﻲ ﻣﻠﻲ ﺗﻔﻜﺮﺗﻬﺎ .. ﺍﻧﺎ ﻟﻲ ﻛﻨﺖ ﻛﺎﻧﺤﻠﻢ ﻧﻤﻮﺕ ﻭﻫﻲ ﻛﺎﻧﺖ ﻛﺎﺗﺤﻠﻢ ﺗﻜﻮﻥ ﺑﻨﺘﻬﺎ ﻓﺤﻀﻨﻬﺎ .. ﻭﻟﻜﻞ ﺍﻟﻘﺪﺭ ﺩﺍﺭ ﺑﻤﻘﻮﻟﺔ ﺃﺣﻼﻣﻨﺎ ﻛﺎﻳﺤﻘﻘﻬﺎ ﻏﻴﺮﻧﺎ … ﺣﻄﻴﺖ ﺳﺎﺭﺓ ﻓﺒﻼﺻﺘﻬﺎ ﻭﻻﺕ ﻫﺎﺩ ﺍﻟﻌﻔﻴﺮﻳﺘﺔ ﺩﺧﻞ ﻟﻴﺎ ﻟﻘﻠﺒﻲ .. ﻛﺎﻥ ﺑﻴﺘﻨﺎ ﻛﺎﻳﻄﻞ ﻋﻠﻰ ﺑﺮﺍ ﻭﺑﺎﻥ ﻟﻴﺎ ﺣﺴﻦ ﺟﺎﻟﺲ ﻓﺠﺮﺩﺓ ﻗﺮﻳﺐ ﻣﻦ ﺍﻟﺒﺎﺏ
– ﺃﻧﺎ ﺑﺤﺒﻚ ﻳﺎ ﺣﺴﻦ ‏( ﺑﺼﻮﺕ ﺣﻨﺎﻥ ﺍﻟﺘﺮﻙ ﻓﻤﺴﻠﺴﻞ ﺳﺎﺭﺓ ‏)
– ﺃﺷﻨﻮ ؟؟؟
– ﻏﻴﺮ ﺷﻔﺘﻚ ﺳﺎﻫﻲ ﻭﺑﻐﻴﺖ ﻧﻘﻔﺰﻙ .. ﺑﺎﻟﻤﻨﺎﺳﺒﺔ ﻓﺎﺵ ﺳﺎﻫﻲ ؟؟
– ﺳﻮﻗﻚ ﺷﻐﻠﻚ .. ﺿﺎﺭﺑﺔ ﺑﻴﺎ ﺍﻟﻜﺎﻏﻂ
– ﻛﺎﺗﺮﺩ ﻟﻴﺎ ﺍﻟﺼﺮﻑ ﺃﺣﺴﻦ .. ﺩﻳﺮﻫﺎ ﻓﻴﻦ ﺗﺠﻴﻚ .. ﻣﻜﺎﻳﻨﺶ ﺷﻲ ﺧﺒﺎﺭ ﻋﻠﻰ ﻋﺎﺋﻠﺔ ﺳﺎﺭﺓ ؟؟
– ﻻ ﻭﺍﻟﻮ .. ﻋﺎﺩ ﻋﻴﻄﺖ ﺳﻮﻟﺖ .. ﻭﺍﻟﻮ
– ﻣﺎﻋﺮﻓﺖ ﻛﻲ ﺩﺍﻳﺮﺓ ﻫﺎﺩ ﺍﻟﻌﺎﺋﻠﺔ ﻟﻲ ﻣﺎﺗﺴﻮﻟﺶ ﻋﻠﻰ ﺑﻨﺘﻬﺎ ﺗﺎ ﻭﺍﺵ ﻣﻴﺘﺔ ﻭﻻ ﺣﻴﺔ ﺍﻟﻠﻪ ﻳﺨﻠﻴﻬﺎ ﺳﻠﻌﺔ
– ﻭﺍﺵ ﻛﺎﺗﻘﺼﺪﻱ ﻋﺎﺋﻠﺔ ﺍﻡ ﺳﺎﺭﺓ ﻭﻻ ﻋﺎﺋﻠﺘﻚ ؟؟
– ﻋﺎﺋﻠﺔ ﺍﻡ ﺳﺎﺭﺓ … ﺃﻣﺎ ﻋﺎﺋﻠﺘﻲ … ﺧﻠﻴﻨﻲ ﺳﺎﻛﺘﺔ … ﻫﻬﻬﻬﻬﻬﻬﻪ
– ﻣﺎﻟﻜﻲ ﻛﺎﺗﻀﺤﻜﻲ ؟؟
– ﻋﻤﺮﻙ ﺳﻤﻌﺘﻲ ﻋﻠﻰ ﻛﺘﺮﺓ ﺍﻟﻬﻢ ﻛﺎﺿﺤﻚ ﻫﻬﻬﻪ … ﺳﺒﺤﺎﻥ ﺍﻟﻠﻪ ﺗﻼﺗﺔ ﺑﻴﻨﺎ ﻻﻗﺎﻧﺎ ﺍﻟﻠﻪ ﻭﺑﺘﻼﺗﺔ ﻋﻨﺪﻧﺎ ﻧﻔﺲ ﺍﻟﻌﻘﺪﺓ ﻫﻪ ﻭﺍﺵ ﻓﺮﺍﺳﻚ ﻋﻼﺵ ﺟﺮﺍﻭ ﻋﻠﻴﺎ ﺩﺍﺭﻧﺎ .. ﺣﻴﺖ ﺩﺍﺑﺰﺕ ﻣﻊ ﺟﺪﺓ
– ﻭﻋﻼﺵ ؟؟؟
– ﺣﻴﺖ ﻗﻠﺖ ﻟﻴﻬﺎ ﺷﻲ ﺣﺎﺟﺔ ﻣﺎﺧﺼﻬﺎﺵ ﺗﻘﺎﻝ
– ﺇﺩﻥ ﺍﻟﻌﻴﺐ ﻣﻨﻚ
– ﺍﻩ .. ﺍﻧﺎ ﻏﻴﺮ ﻣﺮﺓ ﻗﻠﺖ ﺷﻲ ﺣﺎﺟﺔ ﻣﺎﺧﺼﻬﺎﺵ ﺗﻘﺎﻝ .. ﺍﻣﺎ ﻫﻲ ﺩﻳﻤﺎ ﻛﺎﺗﻘﻮﻝ ﺣﻮﺍﻳﺞ ﻣﺎﺧﺼﻬﻤﺶ ﻳﺘﻘﺎﻟﻮ .. ﺑﺼﺢ ﺍﻟﻌﻴﺐ ﻓﻴﺎ ‏( ﺑﺪﻳﺖ ﻛﻨﺸﻮﻑ ﻓﺴﻤﺎ ﺑﺎﺵ ﺩﻣﻮﻋﻲ ﻣﺎﻳﻨﺰﻟﻮﺵ ﻟﻸﺭﺽ ‏) ﻣﻠﻲ ﺗﺰﺍﺩﻳﺖ ﻭ ﺍﻟﻌﻴﺐ ﻓﻴﺎ .. ﺗﺰﺍﺩﻳﺖ ﺑﺘﺸﻮﻩ ﺧﻠﻘﻲ ﻓﺮﺟﻠﻲ ﻫﺎﺩﺷﻲ ﻟﻲ ﺧﻼﻧﻲ ﻧﻜﻮﻥ ﻋﺮﺟﺔ ﻭﺩﻳﻤﺎ ﻏﺎﺩﺓ ﺑﺎﻟﻌﻜﺎﺯ .. ﻛﺎﻧﺖ ﺩﻳﻤﺎ ﻛﺎﺗﻌﺎﻳﺮ ﻣﺎﻣﺎ ﺑﻴﺎ ﻛﺎﺗﻘﻮﻟﻴﻬﺎ ﻋﻼﺵ ﻭﻟﺪﺗﻴﻬﺎ ﺩﻳﻤﺎ ﻣﺤﺸﻤﺔ ﺑﻴﻨﺎ .. ﻧﺎﺱ ﻭﺍﻟﺪﻳﻦ ﻭﻻﺩ ﻣﻘﺎﺩﻳﻦ ﻭﺍﻧﺖ ﻭﺍﻟﺪﺓ ﻟﻴﻨﺎ ﻋﻮﺟﺔ .. ﻭﺯﻳﺪ ﻭﺯﻳﺪ .. ﻣﺎﻋﻤﺮﻧﻲ ﻋﻘﻠﺖ ﻋﻠﻰ ﻭﺍﻟﺪﻳﺎ ﺩﺍﻓﻌﻮ ﻋﻠﻴﺎ ﻗﺪﺍﻣﻬﺎ .. ﻭﻗﺎﻟﻮ ﻟﻴﻬﺎ ﺑﻠﻲ ﻫﻜﺪﺍ ﺑﻐﺎﻫﺎ ﺍﻟﻠﻪ ﻭﺧﻠﻖ ﺍﻟﻠﻪ ﻣﻜﺎﻳﺘﻌﺎﺑﺶ .. ﻛﺎﻧﻮ ﺩﻳﻤﺎ ﻛﺎﻳﺴﻜﺘﻮ ﻭﻛﺎﻳﺄﻛﺪﻭ ﺑﻠﻲ ﻛﻼﻣﻬﺎ ﺻﺤﻴﺢ .. ﺗﺨﻴﻞ ﻋﺎﺋﻠﺘﻲ ﺳﻤﻴﺘﻲ ﻣﻜﺎﻧﻮﺵ ﺣﺎﻓﻈﻴﻨﻬﺎ ﻭﻻﺵ ﻳﻌﺪﺑﻮ ﺭﺍﺳﻬﻢ ﻭﻳﻌﻘﻠﻮ ﻋﻠﻴﻬﺎ .. ﻣﺎ ﻟﻘﺐ ﺍﻟﻌﺮﺟﺔ ﺳﺎﻫﻞ .. ﻣﻠﻲ ﻛﻨﺖ ﺻﻐﻴﺮﺓ ﻛﻨﺖ ﺩﻳﻤﺎ ﻣﻌﺰﻭﻟﺔ ﺩﺭﺍﺭﻱ ﺻﻐﺎﺭ ﻣﻜﺎﻳﺨﻠﻴﻮﻧﻴﺶ ﻧﻠﻌﺐ ﻣﻌﻬﻢ ﺣﻴﺖ ﻣﻜﺎﻧﻌﺮﻓﺶ ﻧﻠﻌﺐ ﻭﻏﻴﺮﻛﺎﻧﻨﻌﻄﻠﻬﻢ .. ﻟﺪﺍﻛﺸﻲ ﺑﻨﻴﺖ ﻋﺎﻟﻢ ﺑﻮﺣﺪﻱ ﻓﻴﻪ ﻏﻴﺮ ﺃﻧﺎ ﻭﺍﻟﻠﻪ ﻭﻋﻜﺎﺯﻱ .. ﺑﻨﻴﺖ ﻟﻴﺎ ﺳﻮﺍﺭ ﻭﻣﻨﻌﺖ ﻛﻞ ﻭﺍﺣﺪ ﻳﻘﺮﺏ ﻣﻨﻲ .. ﺑﺎﺵ ﻣﺎﻳﺰﻳﺪ ﻳﺠﺮﺣﻨﻲ ﺗﺎ ﺣﺪ .. ﻟﺪﺍﻛﺸﻲ ﻣﻜﺎﻧﻌﺮﻓﺶ ﻧﻬﻀﺮ ﺑﻠﺒﺎﻗﺔ .. ﻭﺍﻟﻮﻗﺎﺣﺔ ﻏﺎﻟﺒﺔ ﻋﻠﻰ ﻫﻀﺮﺗﻲ ﺣﻴﺖ ﻣﻜﺎﻧﻌﺮﻓﺶ ﺷﻨﻮ ﻟﻲ ﺧﺼﻮ ﺗﻘﺎﻝ ﻭﺷﻨﻮ ﻟﻲ ﻻ .. ﻣﻦ ﺑﻌﺪ ﺩﺍﺭﻭ ﻟﻴﺎ ﻭﺍﻟﻴﺪﻳﺎ ﻋﻤﻠﻴﺔ ﻋﻠﻰ ﺭﺟﻠﻲ .. ﻣﺎﺷﻲ ﻋﻠﻰ ﻭﺩﻱ ﻋﻠﻰ ﻭﺩﻫﻢ ﺑﺎﺵ ﻣﺎﻧﺒﻘﺎﺵ ﻣﺤﺸﻤﺎﻫﻢ .. ﺭﺟﻠﻲ ﺭﺟﻌﺎﺕ ﻛﻴﻒ ﺧﺼﻬﺎ ﺗﻜﻮﻥ ﻭﻟﻜﻦ ﻗﻠﺒﻲ … ﻛﺎﻳﻘﻮﻟﻮ ﺟﺮﻭﺡ ﺑﺮﺍ ﻣﻊ ﺍﻟﻮﻗﺖ ﻛﺎﺗﺒﺮﺍ .. ﻭﺟﺮﻭﺡ ﺍﻟﺪﺍﺧﻞ ﻣﻊ ﺍﻟﻤﺪﺓ ﻛﺎﺗﺰﻳﺪ ﻧﺘﺬﺍﻣﻞ .. ﺃﻳﻴﻲ ﻭﻟﻴﺖ ﺷﺎﻋﺮﺓ ﻫﻪ
– ﻫﻬﻪ ﻫﺎﺩ ﺍﻟﺠﻤﻠﺔ ﻟﺨﺮﺓ ﻣﺎﺷﻲ ﺩﻳﺎﻝ ﺷﻲ ﻓﻴﻠﻢ ؟؟
– ﺗﻔﻮ .. ﻭﻟﻜﻦ ﺗﺮﺟﻤﺔ ﻭﺩﺑﻠﺠﺔ ﺩﻳﺎﻟﻲ
– ﺍﻫﺎﻩ .. ﻭﺳﻤﺤﺘﻲ ﻟﻌﺎﺋﻠﺘﻚ ؟
– ﻫﻤﺎ ﺃﺻﻼ ﻣﺎﻃﻠﺒﻮﺵ ﺳﻤﺎﺣﺔ … ﺃﺧﺮ ﻣﺮﺓ ﺑﺎ ﺿﺮﺑﻨﻲ ﺣﺘﻰ ﻏﻴﺒﺖ ﻭﺟﺪﺓ ﺭﻳﺸﺎﺗﻨﻲ ﺗﺎ ﺷﻌﺮﻱ ﺧﻠﻴﺘﻮ ﻓﻴﺪﻳﻬﺎ .. ﺑﻨﺴﺒﺔ ﻟﻴﻬﻢ ﺗﺼﺮﻓﺎﺗﻬﻢ ﻫﻲ ﺻﺤﻴﺤﺔ ﻭﻟﻲ ﻗﺎﻝ ﺍﻟﺤﻖ ﻳﺴﺘﺎﻫﻞ ﺍﻟﻌﻘﻮﺑﺔ
– ﻣﻜﺎﻧﺶ ﻋﻠﻴﻨﺎ ﻧﺴﻤﻴﻮﺍ ﻫﺎﺩ ﺍﻟﻘﺼﺔ ﻟﺴﻮﺀ ﺍﻟﺤﻆ ﻛﺎﻥ ﻋﻠﻴﻨﺎ ﻧﺴﻤﻴﻮﻫﺎ ﻋﻘﺪﺓ ﺍﻟﺠﺪﺓ ﻫﻬﻪ
– ﻫﻬﻬﻪ

ﺍﻟﺒﺎﺭﺕ 11
ﻓﻴﻘﺎﺗﻨﻲ ﺳﺎﺭﺓ ﻣﻊ 6 ﺩﻳﺎﻝ ﺻﺒﺎﺡ ﺑﺎﻟﻐﻮﺍﺕ .. ﻓﻘﺖ ﻣﺒﻮﻗﺔ ﻣﺎﻋﺮﻓﺖ ﻳﺪﻱ ﻣﻦ ﺭﺟﻠﻲ .. ﺑﺪﻟﺘﻠﻴﻬﺎ ﺷﺮﺑﺖ ﻟﻴﻬﺎ ﺍﻟﺤﻠﻴﺐ ﻭﻭﺍﻟﻮ ﻭﺍﺵ ﺑﻐﺎﺕ ﺗﺴﻜﺖ .. ﺧﺮﺟﺘﻬﺎ ﺑﺪﻳﺖ ﻧﺪﻭﺭ ﺑﻴﻬﺎ ﻋﻼ ﻭﻋﺴﻰ ﻏﻴﺮ ﺗﺴﻜﺖ ﻭﺗﺮﺟﻊ ﺗﻨﻌﺲ
– ﺳﺎﺭﻳﺘﺎ ﻋﺎﺍﺍﻓﺎﺍﻙ ﺃﺣﺒﻴﺒﺘﻲ ﺍﻟﻠﻪ ﻳﺨﻠﻴﻚ ﺍﻟﻠﻪ ﻳﺤﻦ ﻋﻠﻴﻚ ﺍﻟﻰ ﻣﺎﺳﻜﺘﻲ .. ﺷﻮﻓﻲ ﻛﺎﻧﻄﻠﺒﻚ ﻭﺍﻧﺎ ﻋﻤﺮﻱ ﻃﻠﺒﺖ ﺷﻲ ﺑﻨﺖ ﻓﺤﻴﺎﺗﻲ
– ﺣﺴﻦ : ‏( ﻣﺎﻋﺮﻓﺖ ﻣﻨﻴﻦ ﺧﺮﺝ ‏) ﻭﺃﺧﻴﺮﺍ ﺟﺎ ﺷﻲ ﺣﺪ ﻳﻬﺮﺱ ﻟﻴﻚ ﺭﺍﺳﻚ ﻫﻬﻬﻪ
– ﻏﺎﺗﺴﻜﺖ ﻭﻻ ﻧﺠﻲ ﻧﻬﺮﺳﻮ ﻟﻴﻚ ﺃﻧﺎ ﻧﻴﺖ
– ﺭﺍﻩ ﺩﺭﺍﺭﻱ ﺻﻐﺎﺭ ﻭﺍﻹﻧﺴﺎﻥ ﻛﻤﺎ ﻛﺎﻥ ﻧﻮﻋﻮ ﻣﺎﺧﺼﻮﺵ ﻏﻴﺮ ﻣﺎﻛﻠﺔ ﻭﺗﺒﺪﺍﻝ ﺧﺼﻮ ﺍﻟﻌﻄﻒ ﻭﺍﻟﺤﺐ ﻭﺍﻟﺤﻨﺎﻥ ﻭﺍﻻﻫﺘﻤﺎﻡ
– ﻫﺎﻱ ﻫﺎﻱ ﻋﻠﻰ ﺃﺣﻤﺪ ﺍﻟﺸﻘﻴﺮﻱ ﺷﺨﺼﻴﺎ … ﻭﻫﺎﻙ ﺃﺧﻮﻳﺎ ﻃﺒﻖ ﻟﻴﻨﺎ ﺍﻟﻨﻈﺮﻳﺔ ﺩﻳﺎﻟﻚ
‏( ﻋﻄﻴﺘﻮ ﺳﺎﺭﺓ ﻭﺑﻨﺖ ﺍﻟﺤﺮﺍﻡ ﻣﻦ ﻓﻌﺎﻳﻠﻬﺎ ﺳﻜﺘﺎﺕ ﻋﻨﺪﻭ ﺗﻘﻮﻝ ﺃﻧﺎ ﻛﻨﺖ ﻫﺰﺍﻫﺎ ﺑﺎﻟﺸﻮﻙ .. ﻗﺎﻟﺖ ﻟﻴﺎ ﻫﺎﻣﺎﺗﺴﻮﺍﻱ … ﻣﺎﺭﺿﻴﺘﺶ ﻗﺪﺍﻣﻮ ‏)
– ﺍﻳﻮﺍ ﺷﻔﺘﻲ .. ﺗﻌﻠﻤﻲ ﺗﻌﻠﻤﻲ
– ﺷﻔﺘﻚ ﺗﻴﻘﺘﻲ ﺭﺍﺳﻚ .. ﺃﺟﻲ ﻣﺎﺗﻜﻮﻧﺶ ﺯﻋﻤﺔ ﺑﺎﻫﺎ ﺍﻟﺤﻘﻴﻘﻲ .. ﻭﺩﺍﻳﺮﻳﻦ ﻋﻠﻴﺎ ﻫﺎﺩ ﺗﻤﺘﻴﻠﻴﺔ .. ﻭﺍﻧﺎ ﺑﺤﺎﻻ ﻭﺍﻛﻠﺔ ﺍﻟﻌﺠﻴﻨﺔ ﻏﻴﺮ ﺣﺎﻟﺔ ﻓﻤﻲ
– ﺯﻳﺎﺩﺓ ﻋﻠﻰ ﺃﻧﻚ ﺧﺼﻚ ﺗﻌﻠﻤﻲ ﺗﺒﻴﻨﻲ ﺍﻟﺤﻨﺎﻥ ﻭﺍﻟﻌﻄﻒ ﺧﺼﻚ ﺗﻌﻠﻤﻲ ﺗﻘﺒﻠﻲ ﺍﻟﻬﺰﻳﻤﺔ
– ﺍﻟﻬﺰﻳﻤﺔ ﻻﻋﺒﺔ ﻣﻊ ﺟﻮﻥ ﺳﻴﻨﺎ .. ﺣﻴﺪ ﻋﻠﻴﺎ .. ﺷﺤﺎﻝ ﻓﻴﻚ ﺩﻳﺎﻝ ﺍﻟﺒْﺦ
– ﺷﻨﻮ ﻫﻮ ﺗﺎﻧﻲ ﺍﻟﺒﺦ ؟؟؟
– ﻫﻮ .. ﻫﻮ … ﻫﻮ ﻟﻲ ﻣﺎﻳﻌﺘﻘﻚ .. ﺩﺍﺑﺎ ﻻﺵ ﻛﺎﺗﻔﻘﺼﻨﻲ ﻻﺵ
– ﻫﻪ ﻭﺭﺍﻩ ﺍﻧﺖ ﻟﻲ ﺑﻮﺣﺪﻙ ﻣﻔﻘﻮﺻﺔ ﻛﻲ ﺍﻟﺒﻴﻀﺔ ﺍﻟﻤﺴﻠﻮﻗﺔ .. ﻳﺎﻻﻩ ﻧﺨﺮﺟﻮ ﻧﺸﻤﻮ ﺷﻮﻳﺔ ﺩﻳﺎﻝ ﺍﻟﻬﻮﺍ ﻋﻠﻰ ﻣﺎﻳﻔﻴﻘﻮ .. ﻳﺎﻻﻩ .. ﻧﻴﺖ ﺗﻨﺰﻝ ﻟﻴﻚ ﻋﻴﺸﺔ
– ﺷﻜﻮﻥ ﻋﻴﺸﺔ ؟؟
– ﻗﻨﺪﻳﺸﺔ
– ﺍﻳﻴﻲ ﺷﺤﺎﻝ ﺣﺎﻣﺾ .. ﻏﻄﻲ ﺳﺎﺭﺓ ﻣﺰﻳﺎﻥ ﻣﻦ ﺍﻟﺒﺮﺩ

ﺍﻟﺒﺎﺭﺕ 12
ﺧﺮﺟﻨﺎ ﻭﺑﺪﻳﻨﺎ ﻛﻨﺘﻤﺸﺎﻭ .. ﻛﺎﻥ ﺍﻟﺠﻮ ﺩﺍﻓﻲ ﻣﻊ ﺍﻟﺸﻤﺶ ﻛﺎﻧﺖ ﺷﺮﻗﺎﺕ ﻛﺎﻧﺖ ﺩﻧﻴﺎ ﻛﻠﻬﺎ ﺧﻀﺮﺓ ﺑﺤﺎﻻ ﻣﺰﺍﻝ ﻓﺼﻞ ﺍﻟﺮﺑﻴﻊ .. ﺷﻲﺀ ﻟﻲ ﺧﻼﻧﻲ ﻧﺘﻬﺪﻥ ﻭﻣﺎﻧﺒﻘﺎﺵ ﻧﺘﻌﻨﻜﻚ ﻓﺄﻱ ﻛﻠﻤﺔ ﺗﻘﺎﻟﺖ
– ﻋﺮﻓﺘﻲ ﺩﺍﻙ ﺍﻟﺰﻫﺮﺓ ﺩﻳﺎﻻﺵ ؟؟
– ﺷﺮﺩﻭﻋﺔ ‏( ﺑﻜﻞ ﺗﻘﺔ ‏)
– ﻫﻬﻬﻪ ﻭﺍﻟﻠﻪ ﻣﻜﺎﻳﻦ ﻟﻲ ﺷﺮﺩﻭﻋﺔ ﻗﺪﻙ
– ﻭﻣﺎﻟﻚ ﺷﺮﺩﻭﻋﺔ ﻏﺰﺍﺍﺍﻟﺔ ﻛﺎﻃﻴﺒﻬﺎ ﺑﺤﺎﻝ ﺍﻟﺒﻘﻮﻟﺔ ﻣﺎﺗﺸﺒﻌﺶ ﻣﻨﻬﺎ
– ‏( ﺑﺘﻌﺠﺐ ‏) ﻛﺎﺗﺎﻛﻠﻮﻫﺎ ؟؟
– ﻭﻣﺎﻟﻬﺎ ﺑﻨﻴﻨﺔ ﻭﻛﺎﻧﺎﻛﻠﻮ ﺍﻟﻔﻮﻝ ﺑﻘﺸﻮﺭﻭ ﻛﺎﺩﻳﺮﻭﻩ ﻋﻠﻰ ﺷﻜﻞ ﺯﻋﻠﻮﻙ
– ﺑﺼﺢ ؟؟
– ﻭﻣﺎﺩﻳﺮﺵ ﻟﻴﺎ ﻓﻴﻬﺎ ﺗﺎ ﺍﻧﺖ ﻳﺎﻻﻩ ﺣﻄﺎﺗﻚ ﻃﻴﺎﺭﺓ .. ﺭﺍﻩ ﻗﺎﻟﻮﻟﻴﺎ ﺭﺍﻙ ﺧﺎﺭﺝ ﻏﻴﺮ ﻣﻦ ﺍﻟﺴﺎﺩﺱ
– ﺟﺎﻳﺒﺔ ﻋﻠﻴﺎ ﺗﻘﺮﻳﺮ ﺍﻟﻠﻪ ﻳﻌﻄﻴﻚ ﺍﻟﺼﺤﺔ
– ‏( ﻳﺴﺤﺎﺑﻨﻲ ﺭﺍﻧﻲ ﻛﻨﻔﻜﺮ ﻭﺍﻧﺎ ﻛﻨﻬﻀﺮ ﺑﺠﻬﺪ ‏) ﺑﺎﻗﻲ ﺿﺎﺭﻧﻲ ﺭﺍﺳﻲ ﺷﻜﻮﻥ ﺩﺍﻙ ﺍﻟﺒﻨﺖ
– ﺇﻳﻨﺎ ﺑﻨﺖ ؟؟
– ﺍﺣﻢ ﻣﺎﻗﻠﺘﻴﺶ ﻟﻴﺎ ﺷﻨﻮ ﺳﻤﻴﺖ ﺍﻟﺰﻫﺮﺓ ؟؟؟
– ﺯﻫﺮﺓ ﺍﻷﻻﻡ
– ﻳﺎﺳﻼﻡ ﻋﻨﺪﻫﺎ ﺳﻤﻴﺔ ﻛﻼﺱ
– ﻋﺎﺭﻓﺔ ﺷﻨﻮ ﻛﺎﺗﻘﻮﻝ ﺍﻷﺳﻄﻮﺭﺓ ﻋﻠﻰ ﻫﺎﺩ ﺍﻟﺰﻫﺮﺓ
– ﻻ ﺑﺎﻟﻌﻤﻰ
– ﻫﺎﺩﻱ ﻭﺍﺣﺪ ﺍﻟﺒﻨﺖ ﻛﺎﻥ ﺳﻤﻴﺘﻬﺎ ﺯﻫﺮﺓ ﻛﺎﻧﺖ ﻓﻌﻤﺮ ﺍﻟﺰﻫﻮﺭ ﻛﺎﻧﺖ ﺣﻴﺎﺗﻬﺎ ﻋﺎﺩﻳﺔ ﻭﺑﺴﻴﻄﺔ ﻭ ﺩﻳﻤﺎ ﻛﺎﻃﻠﺐ ﺍﻟﻠﻪ ﻳﺼﻴﻔﻂ ﻟﻴﻬﺎ ﺷﻲ ﺣﺪ ﻳﻐﻴﺮ ﻟﻴﻬﺎ ﺣﻴﺎﺗﻬﺎ .. ﻭﺍﺳﺘﺠﺐ ﻟﻴﻬﺎ ﺍﻟﻠﻪ ﺍﻟﺪﻋﺎﺀ .. ﻭﻻﻗﺎﺗﻬﺎ ﻟﻴﺎﻡ ﺑﻮﺍﺣﺪ ﺍﻟﺮﺍﺟﻞ ﻧﻘﺪﺭﻭ ﻧﻘﻮﻟﻮ ﻣﺜﺎﻟﻲ .. ﺩﺍﻛﺸﻲ ﻟﻲ ﻛﺘﻤﻨﻰ ﺯﻫﺮﺓ ﻓﻴﻪ ﻭﻟﻜﻦ ﻫﺎﺩ ﺭﺍﺟﻞ ﻛﺎﻥ ﺳﺎﺩ ﻋﻠﻰ ﻗﻠﺒﻮ ﺍﻟﺒﺎﺏ .. ﺣﺎﻭﻻﺕ ﺯﻫﺮﺓ ﺗﺤﻞ ﺩﺍﻙ ﺍﻟﺒﺎﺏ ﺩﻗﺎﺕ ﻭﺩﻗﺎﺕ ﻭﻟﻜﻦ ﻻ ﻣﻦ ﻣﺠﻴﺐ
– ﻋﻠﻰ ﻗﻠﺔ ﺭﺟﺎﻝ ﻳﺸﻮﻳﻨﻲ ﻓﻴﻬﺎ
– ﻭﻟﻜﻦ ﻫﺪﺍﻙ ﺳﻴﺪ ﻣﻠﻲ ﻻﻥ ﻗﻠﺒﻮ ﺣﻦ .. ﻭﺣﻞ ﺍﻟﺒﺎﺏ ﻟﻘﺎ ﺯﻫﺮﺓ ﻣﺸﺎﺕ
– ﻭﻫﺪﺍ ﻫﻮ ﻟﻌﺐ ﺩﺭﺍﺭﻱ ﺻﻐﺎﺭ
– ﻣﻦ ﺑﻌﺪ ﻣﺸﺎ ﻛﺎﻳﻘﻠﺐ ﻋﻠﻰ ﺯﻫﺮﺓ ﻟﻘﺎﻫﺎ ﺗﺰﻭﺟﺎﺕ .. ﻭﻫﻨﺎ ﻗﻠﺒﻮ ﺭﺟﻊ ﻗﺴﺢ ﻣﻦ ﻟﻮﻝ
– ﻣﺴﻴﻴﻜﻴﻴﻴﻦ ﻳﺴﺘﺎﻫﻞ ﻟﻲ ﻛﺎﻳﺪﻓﻞ ﻋﻠﻰ ﻧﻌﻤﺔ ﻛﺎﻳﺴﻌﺎﻫﺎ
– ﻭﺍﻟﻠﻪ ﺇﻟﻰ ﺍﻧﺎ ﻟﻲ ﺣﻤﻖ ﻛﺎﻧﻌﺎﻭﺩ ﻟﻮﺣﺪﺓ ﺑﺤﺎﻟﻚ … ﻋﺪﻳﻤﺔ ﺍﻟﻤﺸﺎﻋﺮ

ﻭﺻﺎﻓﻲ ﻛﻤﻞ ﻛﻤﻞ ﻭﺍﻟﻠﻪ ﻣﺎﻧﻌﺎﻭﺩ ﻧﻬﻀﺮ ﺗﺎ ﺗﺴﺎﻟﻲ
– ﺯﻫﺮﺓ ﻭﺍﺧﺎ ﺗﺰﻭﺟﺎﺕ ﻋﻤﺮﻫﺎ ﻗﺪﺭﺍﺕ ﺗﻨﺴﺎ ﺩﺍﻙ ﺳﻴﺪ ﻭﻻ ﻫﻮ ﻗﺪﺭ ﻳﻨﺴﺎﻫﺎ … ﻫﻲ ﻛﺎﻥ ﻳﺴﺤﺎﺑﻬﺎ ﺑﻠﻲ ﻋﻤﺮﻭ ﺑﻐﺎﻫﺎ .. ﻭﻫﻮ ﻛﺎﻥ ﺳﺤﺎﺑﻠﻮ ﻧﺴﺎﺗﻮ .. ﻃﺎﻝ ﺯﻣﺎﻥ ﻭ ﺷﻴﺐ ﻏﻄﺎ ﺍﻟﺮﺍﺱ ﺯﻫﺮﺓ ﺗﻄﻠﻘﺎﺕ ﻭﺩﻧﻴﺎ ﻓﻌﻴﻨﻴﻬﺎ ﻛﺤﺎﻟﺖ ﻛﺎﻧﺖ ﺩﻳﻤﺎ ﻛﺎﺗﻬﺮﺏ ﻣﻦ ﺣﻴﺎﺗﻬﺎ ﻭﻛﺎﺗﻤﺸﻲ ﻟﻮﺍﺣﺪ ﻏﺎﺑﺔ ﻭﺑﻀﺒﻂ ﺗﺤﺖ ﻭﺍﺣﺪ ﺷﺠﺮﺓ ﻭﻇﻞ ﺗﺒﻜﻲ ﺣﺘﻰ ﻛﺎﺗﺴﻘﻲ ﺗﺮﺍﺏ ﺑﺪﻣﻮﻋﻬﺎ ﻭﻓﺪﺍﻙ ﺍﻟﺒﻼﺻﺔ ﻧﺒﺘﺎﺕ ﻭﺍﺣﺪ ﺯﻫﺮﺓﻋﻤﺮﻫﺎ ﻧﺒﺘﺎﺕ ﻓﺸﻲ ﺑﻼﺻﺔ ﻗﺒﻞ … ﻣﻦ ﺑﻌﺪ ﻛﺎﻧﻮ ﺷﻲ ﻋﻠﻤﺎﺀ ﻛﺎﻳﻘﻠﺒﻮ ﻋﻠﻰ ﺯﻫﻮﺭ ﺍﻟﻨﺎﺩﺭﺓ ﻭﻣﻦ ﺑﻴﻨﻬﻢ ﺳﻴﺪ ﻟﻲ ﻛﺎﻥ ﻛﺎﻳﺒﻐﻲ ﺯﻫﺮﺓ
– ﺍﻫﺎﻩ
– ﻟﻘﺎﻭ ﻫﺎﺩﻳﻚ ﺯﻫﺮﺓ ﻭﺑﻘﺎﻭ ﻛﺎﻳﻘﻠﺒﻮ ﻋﻼﺵ ﻛﺘﻨﺒﺖ ﻓﺪﺍﻙ ﺍﻟﺒﻼﺻﺔ ﺑﺎﻟﻀﺒﻂ ﻭﺷﻨﻮ ﻫﻲ ﺍﻟﻘﺼﺔ ﺩﻳﺎﻟﻬﺎ .. ﻗﺎﻟﻮ ﻟﻴﻬﻢ ﺳﻜﺎﻥ ﺍﻟﻤﻨﻄﻘﺔ ﺍﻥ ﺍﻟﻌﺠﻮﺯ ﺯﻫﺮﺓ ﻫﻲ ﻟﻲ ﻛﺎﻧﺖ ﻛﺎﺗﺠﻠﺲ ﻓﺪﺍﻙ ﺍﻟﺒﻼﺻﺔ ﺩﻳﻤﺎ .. ﻣﻠﻲ ﺟﺎﻭ ﻳﻘﻠﺒﻮ ﻋﻠﻰ ﺯﻫﺮﺓ ﻛﺎﻧﺖ ﻣﺎﺗﺖ ﻭﻋﺮﻑ ﺍﻟﺴﻴﺪ ﻟﻲ ﻛﺎﻧﺖ ﻛﺎﺗﺒﻐﻴﻪ ﺯﻫﺮﺓ ﺑﻠﻲ ﻋﻤﺮﻫﺎ ﻧﺴﺎﺗﻮ ﺣﻴﺖ ﺩﺍﻙ ﺷﺠﺮﺓ ﻫﻲ ﺃﻭﻝ ﺑﻼﺻﺔ ﺗﻠﻘﺎﻭ ﻓﻴﻬﺎ .. ﻣﻦ ﺑﻌﺪ ﺳﻤﺎﻭﻫﺎ ﺯﻫﺮﺓ ﺍﻷﻻﻡ ﻭﻭﻟﻰ ﺩﻳﻤﺎ ﻛﺎﻳﺪﻳﻬﻢ ﻟﻘﺒﺮﻫﺎ ﻣﻠﻲ ﻛﺎﻳﺰﻭﺭﻫﺎ
– ﻭﺍﺍﺍﺍﻭ ﺯﻋﻤﺔ ﻫﺎﺩ ﺍﻟﻘﺼﺔ ﺑﻜﻞ ﻣﺎ ﺗﺤﻤﻠﻪ ﻣﻦ ﻣﻌﻨﻰ ﻫﻲ ﺃﺳﻮﺀ ﻗﺼﺔ ﺳﻤﻌﺖ ﻓﺤﻴﺎﺗﻲ .. ﻭﺯﻋﻤﺔ ﻣﻜﺎﺗﻘﺸﺮﺵ ﺃﺧﻮﻳﺎ ﺑﺎﺍﺍﺯ ﺯﻫﺮﺓ ﺍﻷﻻﻡ ﻛﺎﺗﻨﺒﺖ ﻓﺎﻟﻤﻐﺮﺏ ﺃﻃﻨﺎﺯ ؟؟ ﺑﻨﺖ ﻟﻴﻚ ﻳﺎ ﻻﻩ ﺣﺎﻃﻨﻲ ﺍﻟﻜﺎﺭ ﻭﻻ ﻳﺎﻻﻩ ﺣﻠﻴﺖ ﻋﻴﻨﻲ ﻓﺪﻧﻴﺎ .. ﺭﺍﻧﻲ ﻭﺍﺧﺎ ﻫﻤﺠﻴﺔ ﻭﻟﻜﻦ ﻣﺎﺷﻲ ﻣﻜﻠﺨﺔ
– ﻭﻣﻠﻲ ﻋﺎﺭﻓﺎﻫﺎ ﻣﻜﺎﺗﻨﺒﺘﺶ ﻻﺵ ﻣﺨﻠﻴﺎﻧﻲ ﻧﺘﻌﺪﺏ ﻓﺎﻟﻤﻌﺎﻭﺩﺓ ﻭﻧﻌﺼﺮ ﻣﺨﻲ ﻓﻴﻬﺎ
– ﻭﺍﺧﻮﻳﺎ ﻗﻠﻨﺎ ﻧﺘﺒﻌﻮ ﺍﻟﻜﺪﺍﺏ ﺗﺎﻝ ﺑﺎﺏ ﺩﺍﺭ
– ﻭﻫﺎﻫﻲ ﺩﺍﺭﻭ ﻭﺭﺍﻫﻲ ﺟﺪﺍﺗﻮ
‏( ﻛﻨﺎ ﻓﻬﺎﺩ ﻟﺤﻈﺔ ﻭﺻﻠﻨﺎ ﻟﺤﺪﺍ ﺍﻟﺒﺎﺏ ﻭﻛﺎﻧﺖ ﺟﺪﺍﺗﻮ ﻭﺍﻗﻔﺔ ﻭﺩﻳﺎﺭﺓ ﻳﺪﻳﻬﺎ ﻋﻠﻰ ﺧﺼﺮﻫﺎ ﻭﻛﺎﺗﺸﻮﻑ ﻓﻴﻨﺎ ﺷﻲ ﺷﻮﻓﺎﺕ ﻭﺍ ﻟﻠﻘﺮﻃﺎﺱ ﻛﻦ ﻳﺨﺮﺝ ﻣﻨﻬﻢ ﻳﺼﻴﻔﻄﻨﺎ ﺩﻳﺮﻳﻜﺖ ﻟﻌﺎﻟﻢ ﺍﻟﺒﺮﺯﺥ ‏)
– ﺍﻧﺎ : ﺳﻼﻣﺔ ﻳﺎﺧﻮﻳﺎ ﻣﺎﻟﻬﺎ ﻋﻠﻰ ﺩﺍﻙ ﺗﺨﻨﺰﻳﺮﺍﺕ
– ﺟﺪﺍﺗﻮ : ﻓﻴﻦ ﻛﻨﺘﻮ ﻣﺠﻠﻴﻴﻦ ؟؟
– ﺑﺠﻮﺝ : ﻛﻨﺎ ﻏﻴﺮ ﻟﻬﻴﻪ
– ﺟﺪﺍﺗﻮ : ﻭﻣﻌﺎﻣﻦ ﺗﺸﺎﻭﺭﺗﻮ ؟؟
– ﺣﺴﻦ ﺗﺸﺎﻭﺭ ﻣﻌﺎﻳﺎ ﻭﺍﻧﺎ ﺗﺸﺎﻭﺭﺕ ﻣﻊ ﺣﺴﻦ … ﺁﺁﺁﻩ ﻛﺎﻥ ﻋﻠﻴﻨﺎ ﻧﺘﺸﺎﻭﺭﻭ ﻣﻌﺎﻙ ﺳﻤﺤﻲ ﻟﻴﻨﺎ ﺟﺪﺓ ﻭﺍﻟﻠﻪ ﻣﺎ ﺩﻳﺮﻳﻬﺎ ﻣﻨﺎ ﻗﻠﺔ ﺍﻟﺼﻮﺍﺏ ﻭﺍﻟﻠﻪ ﻣﺎﻋﺮﻓﻨﺎ ﻓﻴﻦ ﻧﺮﺩﻭ ﻭﺟﻬﻨﺎ ﻗﺪﺍﻣﻚ .. ﺣﺴﻦ ﺃﺣﺒﻴﺒﻲ ﻭﺍﻟﻠﻪ ﻣﺎﺩﺭﻧﺎ ﻓﻴﻬﺎ ﻣﺎﻳﺼﻼﺡ ﻛﻦ ﻏﻴﺮ ﺩﻳﻨﺎﻫﺎ ﻣﻌﺎﻧﺎ ﺗﻬﺰ ﻟﻴﻨﺎ ﻏﻴﺮ ﺍﻟﺒﻨﺖ ﻋﻠﻰ ﻣﺎﻧﻘﻀﻴﻮﺍ ﺍﻟﻐﺮﺽ .. ﺯﻳﺪ ﺑﻮﺱ ﻳﺪ ﺟﺪﺍﻙ ﻭ ﻃﻠﺐ ﻣﻨﻬﺎ ﺳﻤﺎﺣﺔ .. ﺑﻼﺗﻲ ﻓﻴﻦ ﻏﺎﺩﻱ ﺯﻳﺮ ﺳﻨﻄﺔ ﻫﻲ ﻟﻮﻟﻰ ﻻ ﻧﻮﻟﻴﻮ ﻓﺎﻟﻤﻔﻀﻮﺡ ﻛﺘﺮ ﻣﻦ ﺍﻟﻤﺴﺘﻮﺭ ‏( ﻫﻨﺎ ﺟﺪﺍﺗﻮ ﺣﻤﺎﺍﺍﺭﺕ ﻭﺣﻤﺮﺍﺕ ﻓﻴﻨﺎ ﻋﻴﻨﻴﻬﺎ ﻭﻣﺸﺎﺕ ﻭﺧﻼﺗﻨﺎ ‏)
– ﺣﺴﻦ : ﺍﺵ ﺩﺍﻛﺸﻲ ﻗﻠﺘﻲ ﻟﻴﻬﺎ ﺃﻟﻤﺴﺨﻮﻃﺔ
– ﻗﻠﺖ ﻟﻴﻬﺎ ﺩﺍﻛﺸﻲ ﻟﻲ ﺧﺼﻬﺎ ﺗﺴﻤﻊ ﺑﺎﺵ ﺗﺒﻘﻰ ﺗﺪﺧﻞ ﺳﻮﻕ ﺭﺍﺳﻬﺎ .. ﻭﻣﻦ ﺗﺪﺧﻞ ﻓﻴﻤﺎ ﻻ ﻳﻌﻨﻴﻪ ﺳﻤﻊ ﻣﺎﻻ ﻳﺮﺿﻴﻪ
– ﻭﻣﺎﻟﻘﻴﺘﻲ ﻏﻴﺮ ﻫﺎﺩ ﻃﺮﻳﻘﺔ ﺍﻟﻤﻨﺤﻄﺔ ﺗﺠﺎﻭﺑﻲ ﺑﻴﻬﺎ
– ﺟﻮﺝ ﻣﺠﻮﺟﻴﻦ ﺧﺎﺭﺟﻴﻦ ﻋﻼﺵ ﻣﺘﻼ ﻳﻠﻌﺒﻮ ﺷﺮﻳﻄﺔ ﻭﻻ ﻳﻨﺎﻗﺸﻮ ﺍﻟﻘﻀﻴﺔ ﺍﻟﻔﻠﻴﺴﻄﻴﻨﻴﺔ … ﻭﺍﻧﺎ ﻫﺎﺩﺷﻲ ﻋﻠﻰ ﻣﻦ ﻛﺎﻧﺪﻳﺮﻭ ﺭﺍﻩ ﻋﻠﻰ ﻭﺩﻙ .. ﺑﺎﺵ ﻣﻠﻲ ﺗﺰﻭﺝ ﻭﺗﺠﻴﺐ ﻣﺮﺍﺗﻚ ﻣﺎﺗﻠﻘﺎﺵ ﻣﺸﺎﻛﻴﻞ
– ﺃﺳﺘﺴﻠﻢ ‏( ﻣﺸﺎ ﺩﺧﻞ ﻭﺧﻼﻧﻲ ‏)
– ﻣﺎﻟﻲ ﻫﺎﺯﺓ ﻋﻠﻴﻚ ﻓﺮﺩﻱ ﻣﺎﺩﻳﺮ ﺧﻴﺮ ﻣﺎﻳﻄﺮﺍ ﺑﺎﺱ ﺍﻟﻤﮕﺮﺩ ﻻﺧﻮﺭ
ﻣﻼﺣﻈﺔ : ﻟﺒﻨﺎﺕ ﻋﻤﺮﻱ ﻫﻀﺮﺕ ﻋﻠﻰ ﺗﻔﺎﻋﻞ ﻭﻟﻜﻦ 3 ﻭﻻ 4 ﻭﺍﻟﻠﻪ ﺗﺎﺣﺮﺍﻡ .. ﺑﺎﻥ ﻟﻴﺎ ﻏﺎﻧﺤﺒﺲ ﻟﻘﺼﺔ ﺣﻴﺖ ﻫﺎﺩﺷﻲ ﻛﺎﻳﻔﺸﻞ ﻟﻴﺎ ﻟﻴﺪﻳﻦ ﻭﺭﺟﻠﻴﻦ ﻭﺣﺘﻰ ﺍﻟﻤﺦ ﻫﻪ ﺷﻜﺮﺍ ﻋﻠﻰ ﺍﻟﻤﺘﺎﺑﻌﺔ

ﻛﻨﺖ ﺟﺎﻟﺴﺔ ﻣﻊ ﻳﺴﺮﻯ ﺧﺖ ﺣﺴﻦ ﻛﺎﻧﺖ ﻛﺎﺗﺮﺿﻊ ﺳﺎﺭﺓ ﺣﻴﺖ ﻫﻲ ﻟﻲ ﻛﺎﻧﺤﺲ ﻣﻌﺎﻫﺎ ﺑﺮﺍﺣﺔ ﻓﻬﺎﺩ ﺍﻟﺪﺍﺭ
– ﻫﻲ : ﻗﻮﻟﻲ ﻟﻴﺎ ﻣﺎﻝ ﺟﺪﺓ ﻣﻘﻠﻘﺔ ﻣﻨﻚ
– ﺣﻴﺖ ﻣﺎﺗﺸﺎﻭﺭﺗﺶ ﻣﻌﺎﻫﺎ ﻣﻠﻲ ﺧﺮﺟﻨﺎ ﻧﺪﻭﺭﻭ ﺍﻧﺎ ﻭﺣﺴﻦ ﺍﻟﺼﺒﺎﺡ
– ﻭﺭﺍﻩ ﺧﺼﻚ ﺗﻜﻮﻧﻲ ﺍﻧﺖ ﻟﻲ ﻣﻘﻠﻘﺔ ﻋﻠﻰ ﻫﺪ ﺍﻟﺤﺴﺎﺏ
– ﻻ ﺃﻧﺎ ﻓﺸﻴﺖ ﻗﻠﺒﻲ ﻫﻲ ﻟﻲ ﺑﻘﺎ ﻟﻴﻬﺎ ﻣﺴﻜﻴﻨﺔ ﻋﺎﻣﺮ ﻫﻪ
– ﻋﺎﻭﺩﻱ ﻛﻲ ﺩﺭﺗﻲ ﺗﻼﻗﻴﺘﻲ ﻣﻊ ﺣﺴﻦ ﻟﻌﺎﺍﺍﺭ ؟
– ﻭﻻﺵ ﻏﺎﻧﻌﺎﻭﺩ ﻟﻚ ﻏﺎﻳﻀﺮﻙ ﻏﺎ ﺧﺎﻃﺮﻙ .. ﻛﻲ ﺿﺮﻧﻲ ﺃﻧﺎ ﻧﻴﺖ
– ﻻ ﻻ ﻏﻴﺮ ﻋﺎﻭﺩﻱ
– ﻭﻛﻨﺖ ﻧﻮﺿﺘﻬﺎ ﻣﻊ ﺟﺪﺓ ﻭﺿﺮﺑﺎﺗﻬﺎ ﻟﻴﺎ ﺑﻮﺍﺣﺪ ﺍﻟﻨﺘﻔﺔ ﻭﺟﺮﺍﺕ ﻋﻠﻴﺎ ﻣﻦ ﺩﻭﺍﺭ .. ﻭﺍﻧﺎ ﻏﺎﺩﺓ ﻟﺪﺍﺭﻧﺎ ﻭ ﺗﻼﻗﻴﺖ ﻣﻊ ﺧﻮﻙ ﻭﺷﻌﺮﻱ ﻣﺰﺍﻝ ﻃﺎﻟﻊ ﻟﺴﻤﺎ ﻭﻃﺎﻟﻊ ﻟﻴﺎ ﺍﻟﺪﻡ ﻭﻃﺎﻟﻌﺔ ﻟﻴﺎ ﺍﻟﻘﺮﺩﺓ .. ﺃﻭﺩﻱ ﻭﺍﺣﺪ ﺍﻟﺤﺎﻟﺔ ﻣﺎﺗﺒﻐﻴﻬﺎ ﻟﻌﺪﻭﻙ .. ﻣﻬﻢ ﻛﺎﻥ ﻫﺎﺯ ﻣﻌﺎﻩ ﻭﺍﺣﺪ ﺍﻟﻤﺮﺃﺓ ﻛﺎﻧﺖ ﺣﺎﻣﻠﺔ ﻭﻏﺎﺗﻮﻟﺪ .. ﻭﺭﺍﻙ ﻋﺎﺭﻓﺔ ﺍﻟﻘﻠﺐ ﺍﻟﺒﻴﺾ ﻟﻲ ﻋﻨﺪﻱ ﺣﻠﻔﺖ ﺑﺎﻟﻴﻤﻴﻦ ﺑﻠﻲ ﻣﺎﻧﺨﻠﻴﻬﻢ ﺗﺎ ﻧﻮﺻﻠﻬﻢ ﻟﺴﺒﻴﻄﺎﺭ ﺳﺎﻋﺔ ﺳﺒﻴﻄﺎﺭ ﻛﺎﻥ ﺑﻌﻴﺪ ﻭﺩﻳﺘﻬﻢ ﻏﻴﺮ ﻋﻨﺪ ﺍﻟﻘﺎﺑﻠﺔ … ﺇﻳﻮﺍ ﺳﻴﺪﺓ ﻭﻟﺪﺍﺕ ﻭﺑﺒﻨﺘﻬﺎ ﻓﺮﺣﺎﺕ .. ﻭﻣﺴﻴﻜﻴﻨﺔ ﺷﺤﺎﻝ ﻭﻫﻲ ﺗﺸﻜﺮ ﻓﻴﺎ ﻭﺩﻋﻲ ﻣﻌﺎﻳﺎ ﻭﻗﺎﻟﺖ ﻟﻲ ﻋﻄﻴﻨﻲ ﻧﻤﺮﺗﻚ ﻧﻌﺮﺿﻚ ﻟﺴﺒﻮﻉ .. ﻭﺑﺎﺵ ﺗﺸﻮﻓﻲ ﻟﻘﻠﺔ ﺍﻟﺤﻴﺎ ﺩﻳﺎﻝ ﺧﻮﻙ ﺩﺍ ﻣﻦ ﻋﻨﺪﻫﺎ ﻧﻤﺮﺓ ﻭﺑﺪﺍ ﻳﺒﺮﺯﻁ ﻓﻴﺎ ﺍﻟﻮﺍﺗﺴﺎﺏ ﻧﺒﻠﻮﻛﻴﻪ ﻣﻦ ﻧﻤﺮﺓ ﻳﻄﻠﻊ ﻟﻴﺎ ﺑﻨﻤﺮﺓ ﺟﺪﻳﺪﺓ … ﻭﻭﺍﺣﺪ ﻟﺼﻘﺔ ﻳﺎﺧﺘﻲ ﻣﻦ ﻧﻮﻉ ﺍﻟﻤﻤﺘﺎﺯ .. ﻃﻠﻊ ﻟﻴﺎ ﻃﺮﻧﻮﻧﻮ ﻟﺮﺍﺱ … ﻧﻀﺖ ﺩﻭﺯﺕ ﻟﻴﻪ ﺍﻟﻮﺍﻟﻴﺪ ﺑﺎﺵ ﻳﺼﺒﻨﻮ ﻭﻳﺒﻌﺪ ﻣﻦ ﺳﺎﺣﺘﻲ .. ﺳﺎﻋﺔ ﺩﺧﻞ ﻟﻮﺍﻟﻴﺪ ﻟﻘﻠﺒﻮ ﻭﻗﺎﻟﻴﻪ ﺍﻟﻰ ﺑﻐﻴﺘﻴﻬﺎ ﺟﻲ ﻣﻦ ﺍﻟﺒﺎﺏ ﻣﺎﺗﺠﻴﺶ ﻣﻦ ﺳﺮﺟﻢ .. ﺍﻳﻮﺍ ﺳﻴﺪ ﻟﻘﺎﻩ ﻋﻠﻰ ﺳﺒﺎ ﻣﺪﺍﺭ ﻧﻬﺎﺭ ﺗﺎ ﺟﺎﺏ ﺍﻟﻮﺭﺩ ﻭﺷﻜﻼﻁ ﻭﻧﻌﻨﺎﻉ ﻭﺳﻜﺮ ﻣﻬﻢ ﻣﺎ ﺧﻼ ﻣﺎﺟﺎﺏ ﻭﺟﺎ ﻟﺪﺍﺭ ﻭﻗﺎﻟﻴﻬﻢ ﻣﻨﻬﺎ ﻧﺨﻼﻕ ﺍﻟﻰ ﻣﺎ ﺯﻭﺟﺘﻮﻫﺎﺵ ﻟﻴﺎ ﻟﻴﻮﻡ ﻃﻴﺢ ﺭﻭﺡ .. ﻭﺍﺧﺎ ﻫﻜﺎﻙ ﺧﻮﻙ ﺗﻘﻴﻞ ﻋﻠﻰ ﺍﻟﻘﻠﺐ ﻭﻣﺎﻳﺪﺧﻠﺶ ﻟﺨﺎﻃﺮ ﺭﻓﻀﺖ ﺯﻭﺍﺝ ﻃﺒﻌﺎ .. ﺃﻧﺎ ﻣﺎﺷﻲ ﻟﻲ ﺟﺎ ﻳﺪﻳﻨﻲ
– ﻛﻤﻠﻲ ﺃﺣﺒﻴﺒﺘﻲ ﻛﻤﻠﻲ
– ﻗﺎﻟﻴﺎ ﺍﻟﻮﺍﻟﻴﺪ ﻫﺎ ﺳﺨﻂ ﻫﺎ ﺭﺿﺎ

ﻭﺣﺴﻦ ﻣﻦ ﻛﻔﺔ ﺍﻟﺮﺿﺎ .. ﺍﻳﻮﺍ ﺷﻐﺎﻧﻘﻮﻟﻚ ﺃﺧﺘﻲ ﺩﻭﺯﺕ ﻟﻴﺎﻟﻲ ﻛﻨﺒﻜﻲ ﻭﻧﻨﺪﺏ ﻭﻧﻮﻟﻮﻝ ﻋﻠﻰ ﺯﻫﺮﻱ ﺍﻟﻌﻮﺝ .. ﻋﻴﺖ ﻣﺎﻧﺼﻠﻲ ﻓﺼﻼﺓ ﺍﻻﺳﺘﺨﺎﺭﺓ .. ﻭﻛﻞ ﻣﺮﺓ ﻛﺎﻳﺒﺎﻥ ﻟﻴﺎ ﻓﺎﻟﻤﻨﺎﻡ ﻛﻨﻌﻠﻖ ﺑﻼ ﺭﻭﺍﻳﺾ .. ﺳﻮﻟﺖ ﺍﻟﻔﻘﻬﻰ ﻭﺳﻮﻟﺖ ﻃﺒﺎ ﻣﺎﺧﻠﻴﺖ ﻣﺎﺳﻮﻟﺖ .. ﻛﻠﻬﻢ ﻗﺎﻟﻮﻟﻴﺎ ﻏﺎﺩﻳﻪ .. ﺩﻱ ﻓﻴﻪ ﻏﻼﺟﺮ .. ﺍﻳﻮﺍ ﻭﺩﻳﺘﻮ ﻭﺩﺍﻧﻲ ﻭﻋﻄﺎﻧﻲ 50 ﺃﻟﻒ ﺭﻳﺎﻝ ﺩﻳﺎﻝ ﺻﺪﺍﻕ .. 10 ﺃﻟﻒ ﺭﻳﺎﻝ ﻣﻘﺪﻡ .. ﻋﻄﻴﺘﻮ ﻏﻴﺮ ﻟﻨﻜﺎﻓﺎﺕ ﻭ 40 ﺃﻟﻒ ﺭﻳﺎﻝ ﻣﺆﺧﺮ .. ﺇﻳﻮﺍ ﻫﺪﺍﻙ ﺍﻟﻤﺆﺧﺮ ﺷﻔﺘﻚ ﻣﺎ ﺷﻔﺘﻮ
ﺍﻳﻮﺍ ﺃﺧﺘﻲ ﻳﺴﺮﻯ ﻣﺎﺣﻂ ﺗﺎﺭﻳﺎﻝ ﻓﺎﻟﻌﺮﺱ ﻛﻠﺸﻲ ﻣﻦ ﺟﻴﺐ ﺑﺎ ﺍﻟﻠﻪ ﻳﺨﻠﻒ ﻋﻠﻴﻪ .. ﺩﺍﻧﻲ ﺑﻄﺎﻃﺎ .. ﺃﺻﻼ ﺩﻳﺘﻮ ﻣﺎﻳﻜﺴﺎﺏ ﻣﺎ ﻳﻌﻼﻡ ﻣﺎﺷﻲ ﻋﺎﻡ ﻭﺍﻧﺎ ﺳﺎﻛﻨﺔ ﻣﻌﺎﻙ ﻓﺒﻴﺖ ﻓﺴﻄﺢ ﻭﻛﻦ ﺗﺸﻮﻓﻲ ﺃﺧﺘﻲ ﻋﻼﺵ ﺻﺒﺮﺕ ﻳﻀﺮﻙ ﺧﺎﻃﺮﻙ ﺃﺳﺎﻃﺔ .. ﺭﺍﻩ ﻏﻴﺮ ﺣﻴﺖ ﺍﻧﺖ ﻟﻮﺳﺘﻲ ﻭﺑﻐﻴﺖ ﻧﺨﻮﻱ ﻋﻠﻴﻚ ﻗﻠﺒﻲ .. ﺃﻣﺎ ﺭﺑﻲ ﺷﺎﻫﺪ ﻋﻠﻴﺎ ﻋﻤﺮﻱ ﻗﻠﺖ ﻫﺎﺩﺷﻲ ﻟﺸﻲ ﻭﺍﺣﺪ ﺣﺘﻰ ﻟﻤﻴﻤﺘﻲ ﻟﻲ ﻭﻟﺪﺍﺗﻨﻲ ﻣﻦ ﻛﺮﺷﻬﺎ ‏( ﺑﻼﺗﻲ ﻧﺤﺒﺲ ﺩﻣﻮﻋﻲ ‏) .. ﺃﻣﺎ ﻣﻠﻲ ﻛﺎﻳﺠﻴﻮ ﻋﻨﺪﻱ ﻋﺎﺋﻠﺘﻲ ﻣﻜﺎﻧﺮﺿﺎﺵ ﻧﻘﻄﺔ ﺩﻡ ﻣﻜﺎﺗﺒﻘﺎﺵ ﻟﻴﺎ ﻓﻮﺟﻬﻲ ﻣﻦ ﺍﻟﺨﺠﻞ ﻭﻟﻜﻦ ﺷﻐﺎﻧﺪﻳﺮ ﺍﻟﻤﻜﺘﺎﺏ ﺗﺼﺮﻑ .. ﻛﺎﻧﻮﻟﻲ ﻧﻤﺸﻲ ﻧﺮﻏﺐ ﻧﺎﺱ ﻟﻲ ﺳﺎﻛﻨﻴﻦ ﻓﺴﻔﻠﻲ ﻳﻌﻄﻴﻮﻧﻲ ﺻﺎﻻ ﺩﻳﺎﻟﻬﻢ ﻳﺒﺎﺗﻮ ﻓﻴﻬﺎ ﻋﺎﺋﻠﺘﻲ ﻟﻲ ﻓﻠﺨﺮ ﻛﺎﻉ ﻣﺎﺑﻘﺎﻭ ﻛﺎﻳﺠﻴﻮ ﻋﻨﺪﻱ ﻧﻔﺴﻬﻢ ﺣﺎﺭﺓ
– ﺻﺎﻓﻲ ﻗﻄﻌﺘﻲ ﻟﻴﺎ ﻗﻠﺒﻲ ﺃﺧﺘﻲ
– ﻏﻴﺮ ﻣﺎﺑﻐﻴﺘﺶ ﻧﺨﺴﺮ ﺻﻮﺭﺗﻮ ﻗﺪﺍﻣﻚ ﺍﻣﺎ ﻧﻘﻮﻟﻴﻚ ﻋﻠﻰ ﻓﻌﺎﻳﻠﻮ ﺯﻳﻨﺔ ‏( ﻓﻬﺎﺩ ﺍﻟﻠﺤﻈﺔ ﻣﺎﻋﺮﻓﺖ ﻣﻨﻴﻦ ﺧﺮﺟﺎﺕ ﺟﺪﺍﺗﻮ ‏)
– ﻫﻲ : ﺍﺷﻬﺎﺩﺷﻲ ﻛﺎﻧﺴﻤﻊ ؟؟ ﻭﺍﺍﺵ ﺑﺼﺢ ﻫﺎﺩﺷﻲ ؟؟؟
– ﺃﻧﺎ : ﺍﻩ ﺑﺼﺢ ﻭﺑﺸﻬﺎﺩﺓ ﺍﻟﺨﺒﺮﺍﺀ .. ﺃﻧﺎ ﻧﻘﻮﻝ ﻭﺗﻘﻠﻴﺪ ﻋﻠﻰ ﺣﺴﻦ .. ﺑﺎﺵ ﻣﺎﺗﺒﻘﺎﻳﺶ ﺗﻨﻔﺨﻲ ﻋﻠﻴﻨﺎ ﺑﺤﺎﻻ ﺣﻔﻴﺪﻙ ﻧﺎﺯﻝ ﻣﻦ ﺳﻤﺎ .. ﻛﻦ ﻣﺎﻗﺒﻠﺘﺶ ﻋﻠﻴﻪ ﻭﺍﻟﻠﻪ ﻣﺎﺗﻘﺒﻞ ﻋﻠﻴﻪ ﺷﻲ ﺑﻨﺖ ﺍﻟﻤﺮﺍ
– ﻫﻲ : ﻣﻦ ﻟﻴﻮﻡ ﻏﺎﺗﻮﻟﻴﻮﺍ ﺳﺎﻛﻨﻴﻦ ﻣﻌﺎﻧﺎ ﺍﻧﺖ ﻭﻫﻮ .. ﻫﺎﺩﺷﻲ ﻋﻼﺵ ﻗﺎﻃﻊ ﺯﻧﺎﻓﺮﻭ ﻭﻏﺎﺩﻱ ﺍﻟﻤﺪﻳﻨﺔ ﺑﺎﺵ ﻳﺘﻜﺮﻓﺲ ﻭﻳﻜﺮﻓﺲ ﻣﻌﺎﻩ ﺑﻨﺖ ﺍﻟﻨﺎﺱ
– ﺃﻧﺎ : ﻭﺍﻟﻠﻪ ﻣﺎﻧﺼﻴﺒﻮ ﺍﻟﺤﺎﺟﺔ ﻭﻟﻜﻦ ﺳﺎﺭﺓ ﺧﺼﻬﺎ ﺟﻠﺒﺔ ﻣﺎﺑﻐﻴﺘﺶ ﺑﻨﺘﻲ ﺗﻜﺮﻓﺲ ﻛﻲ ﺗﻜﺮﻓﺴﺖ ﺃﻧﺎ .. ﻭﺍﺧﺎ ﻫﻜﺎﻙ ﺣﺴﻦ ﺩﺭﻳﻮﻳﺸﺔ ﺃﻟﺤﺎﺟﺔ ﻛﺎﻳﺠﻴﺐ ﻟﻴﺎ ﺩﺭﻫﻢ ﺩﻳﺎﻝ ﺯﺭﻳﻌﺔ ﻣﺮﺓ ﻣﺮﺓ ﻭﺍﻟﻰ ﻛﻨﺎ ﻣﺨﺎﺻﻤﻴﻦ ﻛﺎﻳﺠﺒﻬﺎ ﻟﻲ ﻣﺨﻠﻄﺔ ﺑﺎﻟﺤﻤﺺ ﻛﻴﺼﺎﻟﺤﻨﻲ ﺑﻴﻬﺎ .. ‏( ﺟﺎ ﺣﺴﻦ ﻓﻬﺎﺩ ﻟﺤﻈﺔ ﻣﺴﻜﻴﻦ ﻣﻔﺎﻫﻢ ﻭﺍﺍﺍﺍﻟﻮ .. ﻋﺎﻳﺶ ﻓﺪﺍﺭ ﻏﻔﻠﻮﻥ ﻭﻏﻔﻠﻮﻧﺔ ﻭﻭﻻﺩﻫﻢ … ﺟﺪﺍﺗﻮ ﻭﺧﺘﻮ ﻛﺎﻳﺸﻮﻓﻮ ﻓﻴﻪ ﺷﻮﻓﺎﺕ ﻣﺎﻫﻤﺎﺵ .. ﺧﺮﺟﻮ ﻭﺧﻼﻭﻧﺎ ‏)
– ﻣﺎﻟﻬﻢ ﻛﺎﻳﺸﻮﻓﻮ ﻓﻴﺎ ﺑﻬﺎﺩ ﺍﻟﻄﺮﻳﻘﺔ ؟؟
– ﻣﺎﻧﻌﺮﻑ ﻭﺍﻗﻠﺔ ﻏﻴﺮ ﺟﺎﺏ ﻟﻴﻚ ﺍﻟﻠﻪ
– ﻭﻋﻼﺵ ﻛﻨﺘﻮ ﻣﺠﻤﻮﻋﻴﻦ؟؟
– ﺷﺤﺎﻝ ﻣﻦ ﻣﺮﺓ ﻗﻠﺖ ﻟﻴﻚ ﻣﺎﺗﺒﻘﺎﺵ ﺩﺧﻞ ﻓﺴﻮﻕ ﺍﻟﻌﻴﺎﻻﺕ ﺃﺭﺍﺱ ﺍﻟﻄﺎﺭﻭ
– ﺍﻫﺎﻩ ﺩﺍﻳﺮﺓ ﻟﻴﺎ ﻓﻴﻬﺎ ﺳﻮﺣﻠﻴﻔﺔ .. ﺍﻧﺖ ﺭﺍﻙ ﻋﻮﻗﺮﻳﺒﺔ ﻏﻴﺮ ﺍﻟﻠﻪ ﻳﺤﻔﻆ ﻣﻊ ﺍﻟﻠﻪ ﻳﺴﺘﺮ
ﻟﺒﻨﺎﺕ ﻫﺎﺩﺷﻲ ﻟﻲ ﻛﺎﺗﺒﺔ ﻟﺤﺪ ﺳﺎﻋﺔ ﺷﻜﺮﺍ ﻋﻠﻰ ﺗﻌﺎﻟﻴﻘﻜﻢ ﻟﺒﺎﺭﺡ .. ﻭﻗﻮﻟﻮ ﻟﻴﺎ

ﻛﻨﺖ ﺟﺎﻟﺴﺔ ﻣﺎﻋﻠﻴﺎ ﻣﺎﺑﻴﺎ ﻛﺎﻧﻠﻌﺐ ﻣﻊ ﺳﺎﺭﺓ ﻭﻧﻀﺤﻚ ﻣﻌﺎﻫﺎ .. ﺻﺮﺍﺣﺔ ﺑﺪﺍﺕ ﻛﺎﺗﺨﺮﺝ ﺍﻟﺒﻨﺖ ﺍﻟﻄﻔﻠﺔ ﻟﻲ ﻓﻴﺎ ﻭﻟﻲ ﺗﺤﺮﻣﺎﺕ ﻣﻦ ﺷﺤﺎﻝ ﻣﻦ ﺣﺎﺟﺔ ﻓﻄﻔﻮﻟﺘﻬﺎ .. ﺣﺘﻰ ﺟﺎﺕ ﺟﺪﺍﺕ ﺣﺴﻦ ﻗﺎﻟﺖ ﻟﻴﺎ ﻧﻤﺸﻲ ﻣﻌﺎﻫﺎ … ﻭﺍﺍﺍﻉ ﻣﻦ ﺩﻭﻥ ﺍﻟﻨﺎﺱ ﺷﺎﻓﺘﻨﻲ ﻏﻴﺮ ﺃﻧﺎ .. ﺑﺎﻳﻨﺔ ﻧﺎﻭﻳﺔ ﺗﺮﺩﻧﻲ ﺑﻐﻠﺔ ﺗﻬﺰ ﻋﻠﻴﻬﺎ ﺗﻘﻞ .. ﺳﻠﻤﺖ ﺃﻣﺮﻱ ﻟﻠﻪ ﻭﺧﺮﺟﺖ ﻣﻌﺎﻫﺎ .. ﺑﻘﻴﻨﺎ ﻏﺎﺩﻳﻦ ﺗﺎﺭﺟﻠﻴﺎ ﻋﻮﺍﺟﺖ ﻭﻣﻌﺎﺭﻓﺔ ﺗﺎ ﻓﻴﻦ ﺩﺍﻳﺎﻧﻲ .. ﻣﺎﻭﻗﻔﻨﺎ ﺗﺎ ﻭﺻﻠﻨﺎ ﻟﺮﻭﺿﺔ .. ﻧﺎﺭﻱ ﻣﻴﻤﺘﻲ ﻟﻴﻮﻡ ﺗﻮﻗﻒ ﻟﻴﺎ ﻋﻤﺮﻱ ﻭﺩﻓﻨﻲ ﻭ ﻣﺎﻳﺴﻴﻖ ﻟﻴﺎ ﺣﺪ ﺍﻟﺨﺒﺎﺭ .. ﺩﺧﻠﻨﺎ ﻭﺑﺪﻳﻨﺎ ﻛﻨﺘﻤﺸﺎﻭ ﺑﻴﻦ ﻟﻘﺒﻮﺭ ﺗﺎ ﻭﺻﻠﻨﺎ ﻋﻨﺪ ﻭﺍﺣﺪ ﺍﻟﻘﺒﺮ ﺑﺴﻤﻴﺔ ﺳﺎﺭﺓ .. ﺗﻮﻗﻌﺖ ﺃﻧﻬﺎ ﺗﻜﻮﻥ ﺍﺧﺖ ﺣﺴﻦ ﻭﺗﻮﻗﻌﻲ ﻛﺎﻥ ﻓﻤﺤﻠﻮ .. ﻛﺎﻥ ﻓﻮﻕ ﺍﻟﻘﺒﺮ ﺷﻮﻳﺔ ﺩﻳﺎﻝ ﺯﻫﻮﺭ ﻟﻲ ﻛﺎﻥ ﻛﺪﺏ ﻋﻠﻴﺎ ﺣﺴﻦ ﻭﻗﺎﻟﻴﺎ ﻫﻤﺎ ﻣﻦ ﻧﻮﻉ ﺯﻫﺮﺓ ﺍﻷﻻﻡ .. ﺑﺎﻳﻨﺔ ﻳﺎﻻﻩ ﻛﺎﻥ ﻫﻨﺎ
– ﺍﻟﺤﺎﺟﺔ ﻻﺵ ﺟﺒﺘﻴﻨﻲ ﻟﻬﻨﺎ ؟
– ﻫﺪﺍ ﻗﺒﺮ ﺳﺎﺭﺓ ﺍﺧﺖ ﺣﺴﻦ ﺃﻭﻝ ﻣﺮﺃﺓ ﻛﺎﻧﺖ ﻓﻘﻠﺒﻮ .. ﺑﻐﻴﺘﻚ ﺗﻌﺮﻓﻲ ﺑﻠﻲ ﺣﻴﺎﺓ ﺣﺴﻦ ﻣﻜﺎﻧﺘﺶ ﺳﺎﻫﻠﺔ .. ﺗﻌﺪﺏ ﺑﺰﺍﺍﻑ ﻓﺼﻐﺮﻭ .. ﻋﺎﻓﺎﻙ ﻏﻴﺮ ﺻﺒﺮﻱ ﻣﻌﻪ ﺭﺍﻩ ﻗﻠﺒﻮ ﺻﻔﺎ ﻣﻦ ﺍﻟﺤﻠﻴﺐ .. ﻫﺎﻙ ﺧﻮﺩﻱ ‏( ﻣﺪﺍﺕ ﻭﺍﺣﺪ ﺭﺯﻣﺔ ‏) ﻫﺪﺍ ﺷﻲ ﺩﻫﺐ ﺩﻳﺎﻟﻲ ﺑﻴﻌﻴﻪ ﻭﻣﺎﺗﺨﻠﻲ ﺗﺎ ﺣﺎﺟﺔ ﺗﻨﻘﺼﻚ ﻭﻻ ﺗﻨﻘﺺ ﺣﺴﻦ ﻭﺑﻨﺘﻜﻢ .. ﻭﻣﺎﺗﻘﻮﻟﻴﺶ ﻟﻴﻪ ﺑﻠﻲ ﻋﻄﻴﺘﻚ ﺷﻲ ﺣﺎﺟﺔ ﺣﻴﺖ ﺃﻧﺎ ﻋﺎﺭﻓﺔ ﻋﺰﺓﺍﻟﻨﻔﺲ ﻟﻲ ﻓﻴﻪ ﻣﺎﺗﺒﻐﻴﺶ .. ﻭﺍﻟﻰ ﺧﺼﺎﺗﻜﻢ ﺷﻲ ﺣﺠﺔ ﻭﺍﺧﺮﻯ ﻗﻮﻟﻴﻬﺎ ﻟﻴﺎ ﻋﻨﺪﻱ ﻭﺍﺍﺣﺪ ﺍﻟﺒﻼﺩ ﻧﺒﻴﻌﻬﺎ ﻭﻧﻌﻄﻴﻜﻢ ﻓﻠﻮﺳﻬﺎ
– ﻣﻠﻲ ﻛﺎﺗﺒﻐﻲ ﺣﺴﻦ ﻟﻬﺎﺩ ﺩﺭﺟﺔ ﻋﻼﺵ ﻣﻜﺎﺗﺒﻴﻨﻴﺶ ﻟﻴﻪ ﻋﻼﺵ ﻣﺨﺒﻴﺔ ﺍﻟﻌﻄﻒ ﻭﺍﻟﺤﻨﺎﻥ ﺩﻳﺎﻟﻚ ﻗﺪﺍﻡ ﻫﺎﺩ ﺍﻟﻘﺴﻮﺓ ﻟﻲ ﻛﻠﻨﺎ ﻛﺎﻧﺸﻮﻓﻮﻫﺎ ؟؟
– ﺍﻧﺎ ﺑﻨﺘﻲ ﻣﺎﺑﻘﻴﺘﺶ ﺻﻐﻴﺮﺓ .. ﺍﻟﻌﻮﺩ ﻣﻠﻲ ﻛﺎﻳﺒﺲ ﻣﺎﻛﺎﻳﺒﻘﺎﺵ ﻗﺎﺩﺭ ﻳﺘﻠﻮﻯ .. ﺣﻴﺎﺗﻲ ﻛﺎﻣﻠﺔ ﻭﺃﻧﺎ ﻗﺎﺳﺤﺔ ﻓﺎﻟﺘﻌﺎﻣﻞ ﺩﻳﺎﻟﻲ ﻣﻊ ﻛﻠﺸﻲ .. ﻭﺍﻟﻰ ﻣﺎﻗﺴﺤﺘﺶ ﺷﻲ ﻏﺎﻳﻮﻟﻲ ﻳﺸﺮﻕ ﻭﺷﻲ ﻳﻐﺮﺏ .. ﻣﺎﺷﻲ ﺳﺎﻫﻞ ﺗﻬﺰ ﻋﺎﺋﻠﺔ ﻭﺗﺪﻳﺮ ﺍﻟﺨﺎﻃﺮ ﻟﻜﻠﺸﻲ .. ﻣﺎﻧﻜﺮﺵ ﺑﻠﻲ ﺩﺭﺕ ﺃﻏﻼﻁ ﻭﻟﻜﻦ ﺗﺎ ﺃﻧﺎ ﺑﺸﺮ
– ﻭﻟﻜﻦ ﻋﻼﺵ ﻣﺎﺩﺍﻭﻳﺘﻴﺶ ﺳﺎﺭﺓ ﻣﻠﻲ ﻛﺎﻧﺖ ﻣﺮﻳﻀﺔ .. ﺑﺼﺢ ﺍﻟﻌﻤﺮ ﺑﺎﻷﺟﺎﻝ ﻭﻟﻜﻦ ﻛﻨﺘﻲ ﻏﻴﺮ ﺗﺤﺎﻭﻟﻲ .. ﺑﻌﺪ ﺗﺒﺮﺩﻱ ﺣﺮﻗﺔ ﻣﻮﺗﻬﺎ ﺷﻮﻳﺔ
– ﻭﺍﺵ ﻳﺴﺤﺎﺑﻚ ﻣﺎﺟﺮﺑﺘﺶ ﺭﺍﻩ ﻛﺒﺪﺗﻲ ﺍﻟﻤﻌﺎﻭﺩﺓ ﻫﺎﺩﻳﻚ .. ﻋﻴﻴﺖ ﻣﺎﻧﺪﻳﻬﺎ ﻋﻨﺪ ﺍﻟﻄﺒﺎ ﻗﺒﻞ ﻣﺎﻳﻔﻴﻖ ﻛﻠﺸﻲ .. ﻭﻟﻜﻦ ﻛﻠﻬﻢ ﻗﺎﻟﻮ ﻟﻴﺎ ﺑﻠﻲ ﻣﺎﻋﻨﺪﻫﻢ ﻣﺎﻳﺪﻳﺮﻭ ﻟﻴﻬﺎ .. ﺳﺎﺭﺓ ﻣﺎﺑﻐﺎﺕ ﺣﺪ ﻳﻌﺮﻑ ﺑﻠﻲ ﻣﺎﺑﻘﺎ ﻟﻴﻬﺎ ﻭﺍﻟﻮ ﻓﻬﺎﺩ ﺩﻧﻴﺎ ﺑﻐﺎﺕ ﺗﻤﺸﻲ ﻭﻫﻲ ﻛﺎﺗﺸﻮﻑ ﻓﻌﻴﻨﻴﻦ ﻧﺎﺱ ﻟﻲ ﻛﺎﺗﺒﻐﻲ ﺍﻟﻀﺤﻜﺔ ﺍﻟﻨﺎﺑﻌﺔ ﻣﻦ ﺍﻟﻘﻠﺐ ﻣﺎﺷﻲ ﺩﻳﺎﻝ ﺍﻟﺸﻔﻘﺔ .. ﻭﺃﻧﺎ ﺳﻜﺖ ﻭﻣﺎﺑﻐﻴﺘﺶ ﻧﺨﺴﺮ ﻟﻴﻬﺎ ﺧﺎﻃﺮﻫﺎ
– ﻭﻋﻼﺵ ﻣﺎ ﻗﻠﺘﻴﺶ ﻫﺎﺩﺷﻲ ﻟﺤﺴﻦ ﺑﻌﺪ ﻣﺎﻣﺎﺗﺖ ؟
– ﻭﺍﺵ ﺑﻌﺪﻣﺎ ﻓﻘﺪﺗﻲ ﻃﺮﻑ ﻣﻨﻚ ﺗﺒﺪﺍﻱ ﺗﻘﻮﻟﻲ ﻟﻨﺎﺱ ﺃﺵ ﺩﺭﺕ ﻭﺍﺵ ﺩﺭﺕ ,, ﻟﺒﻜﺎ ﻣﻮﺭ ﺍﻟﻤﻴﺖ ﺧﺴﺎﺭﺓ .. ﻫﺎﻙ ﺃﺑﻨﺘﻲ ﺧﻮﺩﻱ ﻭﻋﻮﺿﻲ ﻟﺒﻨﺘﻚ ‏( ﺑﺎﻗﺎ ﻣﺎ ﺩﺍ ﺍﻟﺮﺯﻣﺔ ﻟﻲ ﻓﻴﻬﺎ ﺩﻫﺒﻬﺎ ‏)
– ﻫﺎﺩ ﺍﻟﺪﻫﺐ ﻣﺎﺷﻲ ﺩﻳﺎﻟﻲ ﻭﺳﺎﺭﺓ ﻣﺎﺷﻲ ﺑﻨﺘﻲ ﻭﺣﺴﻦ ﻣﺎﺷﻲ ﺭﺍﺟﻠﻲ ‏( ﻋﺎﻭﺩﺕ ﻟﻴﻬﺎ ﺍﻟﻘﺼﺔ ﻣﻦ ﻟﻮﻝ ﻭﻫﺎﺩ ﺍﻟﻤﺮﺓ ﻣﺎﻗﻠﺖ ﻏﻴﺮ ﺍﻟﺤﻘﻴﻘﺔ ‏)
– ﻭﻋﻼﺵ ﻛﺪﺑﺘﻮ ﻋﻠﻴﻨﺎ ؟؟
– ﺃﺏ ﺣﺴﻦ ﻣﺮﻳﺾ ﻭﺷﻔﻨﺎﻩ ﻓﺮﺣﺎﻥ ﺣﻴﺖ ﺷﺎﻑ ﺣﺴﻦ ﺩﺍﺭ ﻋﺎﺋﻠﺔ ﻣﺎﺑﻐﻴﻨﺎﺵ ﻧﻀﻴﻌﻮ ﻟﻴﻪ ﻓﺮﺣﺘﻮ
– ﺍﺣﺴﻦ ﻣﺎﺩﺭﺗﻮ .. ﺷﺤﺎﺍﺍﻝ ﻫﺎﺩﻱ ﻣﺎﺷﻔﺘﻮ ﻓﺮﺣﺎﻥ ﺑﺤﺎﻝ ﻫﺎﻛﺎ .. ﻭﻹﻣﺘﻰ ﻏﺎﺗﺒﻘﺎﻭ ﻋﻠﻰ ﻫﺎﺩ ﺍﻟﺤﺎﻝ ؟
– ﺗﺎ ﻳﻔﺮﺝ ﺍﻟﻠﻪ ﻭﻧﻠﻘﺎﻭ ﻋﺎﺋﻠﺔ ﺳﺎﺭﺓ ﻭﻛﻞ ﻭﺍﺣﺪ ﻳﻤﺸﻲ ﻓﻄﺮﻳﻖ
– ﺍﻳﻮﺍ ﻳﺎﻻﻩ ﻧﺸﺪﻭ ﻃﺮﻳﻘﻨﺎ
– ﺑﻼﺗﻲ ﻧﺪﻋﻴﻮﺍ ﻣﻊ ﺍﻟﻤﺮﺣﻮﻣﺔ

ﺍﻟﺒﺎﺭﺕ 16
ﻭﺻﻠﻨﺎ ﻟﺪﺍﺭ ﻟﻘﻴﻨﺎ ﺣﺴﻦ ﻛﺎﻳﻘﻠﺐ ﻋﻠﻴﺎ
– ﻓﺎﻃﻤﺔ ﻓﻴﻦ ﻛﻨﺘﻮ ؟؟
– ﻣﺸﻴﻨﺎ ﻋﻨﺪ ﺷﻮﺍﻓﺔ ﻗﻠﻨﺎ ﻟﻴﻬﺎ ﺷﻮﻓﻲ ﻟﻴﻨﺎ ﺣﺴﻦ ﻋﻴﻨﻮ ﺧﻀﺮﺓ ﻭﻻ ﻓﺎ
– ﻓﺎ ؟ ﻓﺎﻃﻤﺔ ﻣﺎﺷﻲ ﻭﻗﺖ ﺿﺤﻚ ﻫﺪﺍ ‏( ﻣﺸﺎﺕ ﺟﺪﺍﺗﻮ ﻭﺧﻼﺗﻨﺎ ﺑﻮﺣﺪﻧﺎ ‏) ﻋﺎﺋﻠﺔ ﺳﺎﺭﺓ ﻟﻘﻴﻨﺎﻫﺎ
– ﺃﺷﻨﻮ ؟؟
– ﺧﺼﻨﺎ ﺩﺍﺑﺎ ﻧﻤﺸﻴﻮ ﺑﺎﺵ ﻧﺘﻼﻗﺎﻭ ﻣﻌﺎﻫﻢ
– ﻣﺎﻧﻤﺸﻮﻳﺶ ﻋﺎﻓﺎﻙ ﺃﺣﺴﻦ
– ﻓﺎﻃﻤﺔ ﺃﺷﻨﻮ ﻃﺮﺍ ﻟﻴﻚ .. ﻳﺎﻙ ﻛﻨﺘﻲ ﺗﻤﻮﺗﻲ ﻭﺗﺴﻄﺎﻱ ﺗﻔﻜﻲ ﻣﻦ ﻫﺎﺩ ﺍﻟﻮﺣﻠﺔ ﻟﻲ ﻏﺮﻗﺘﻲ ﻓﻴﻬﺎ
– ﺩﺍﺑﺎ ﺳﺎﺭﺓ ﻣﻐﺎﻧﺒﻘﺎﻭﺵ ﻧﺸﻮﻓﻮﻫﺎ ؟؟
– ﺗﺸﻮﻓﻴﻬﺎ ﺍﻟﻰ ﻛﺎﻧﻮ ﻋﺎﺋﻠﺘﻬﺎ ﻗﺮﺍﺏ
– ﻭﺍﻟﻰ ﻛﺎﻧﻮ ﻫﺎﺩ ﻋﺎﺋﻠﺘﻬﺎ ﻣﺎﻣﺰﻳﺎﻧﻴﻨﺶ ﻭﻣﺎﻳﺨﻠﻴﻮﻧﺎﺵ ﻧﺸﻮﻓﻮﻫﺎ
– ﻓﺎﻃﻤﺔ ﻭﺍﺵ ﺗﻴﻘﺘﻲ ﺭﺍﺳﻚ .. ﺍﻧﺖ ﻣﺎﺷﻲ ﻣﻬﺎ ﻭﻣﻜﺎﺗﺠﻴﻬﺎ ﻻ ﻣﻦ ﺍﻟﺒﻌﻴﺪ ﻻ ﻣﻦ ﺍﻟﻘﺮﻳﺐ .. ﻭﻋﺎﺋﻠﺘﻬﺎ ﺣﺴﻦ ﻟﻴﻬﺎ ﻣﻨﻲ ﻭﻣﻨﻚ .. ﺧﺼﻨﺎ ﻧﻔﻜﺮﻭ ﻓﺴﺎﺭﺓ ﻭﻣﺼﻼﺣﺘﻬﺎ ﻣﺎﺷﻲ ﻓﺸﻨﻮ ﺑﺎﺵ ﻛﺘﺤﺴﻲ ﻭﺑﺎﺵ ﻛﺎﻧﺤﺲ
– ﻣﺎﻋﺮﻓﺖ ﻋﻼﺵ ﻛﻨﺤﺲ ﺑﻠﻲ ﻋﻤﺮﻱ ﻧﻌﺎﻭﺩ ﻧﺸﻮﻓﻬﺎ ﻭﻟﻔﺘﻬﺎ
– ﻛﻲ ﻭﻟﻔﺘﻴﻬﺎ ﻏﺎﺗﻮﻟﻔﻲ ﺑﻼ ﺑﻴﻬﺎ .. ﻳﻤﻜﻦ ﻏﺎﺗﺤﺴﻲ ﺑﺎﻟﻔﺮﺍﻍ ﺣﻴﺖ ﺣﻴﺎﺗﻚ ﺟﺪﻳﺪﺓ ﺳﺎﺭﺓ ﺟﺰﺀ ﻣﻨﻬﺎ .. ﻭﻟﻜﻦ ﻓﺎﺵ ﻏﺎﺗﺮﺟﻌﻲ ﻟﺤﻴﺎﺗﻚ ﺍﻟﻘﺪﻳﻤﺔ ﺳﺎﺭﺓ ﻣﻜﺎﻳﻨﺎﺵ ﻓﻴﻬﺎ .. ﻳﻌﻨﻲ ﻣﺴﺄﻟﺔ ﻭﻗﺖ ﻭﻭﻟﻒ
– ﻭﺍﻧﺖ ؟
– ﺍﻧﺎ ﻣﺎﻟﻲ .. ﺑﺼﺢ ﺳﺎﺭﺓ ﺣﺴﻴﺖ ﺑﺸﻌﻮﺭ ﺍﻷﺑﻮﺓ ﻭﺍﻟﻤﺴﺆﻭﻟﻴﻪ ﺗﺠﺎﻫﻬﺎ .. ﻭﻣﺎﻧﻜﺮﺵ ﺑﻠﻲ ﺩﺧﻼﺕ ﻟﻴﺎ ﻟﻘﻠﺒﻲ .. ﻭﻟﻜﻦ ﻋﻨﺪﻱ ﻣﺴﺆﻭﻟﻴﺎﺕ ﻭﺃﺧﺮﻯ ﻋﻨﺪﻱ ﺣﻴﺎﺗﻲ ﻋﻨﺪﻱ ﺧﺪﻣﺘﻲ ﻋﻨﺪﻱ ﺧﻄﻴﺒﺘﻲ ﻟﻲ ﻣﻮﺍﻋﺪﻫﺎ ﺑﺰﻭﺍﺝ ﻭﺍﻥ ﺷﺎﺀ ﺍﻟﻠﻪ ﻧﺠﻴﺒﻮ ﺑﺰﺍﻑ ﺩﻳﺎﻝ ﺳﺎﺭﺍﺕ ﻫﻪ .. ﻭﺣﺘﻰ ﺍﻧﺖ ﺩﺍﺑﺎ ﺗﺰﻭﺟﻲ ﻭﺃﺭﺍ ﻣﺎﺗﺼﺮﻓﻲ ﻓﺎﻟﺤﻨﺎﻥ ﻭﺷﻌﻮﺭ ﺍﻷﻣﻮﻣﺔ
– ﻣﺤﺎﻟﺶ ﻭﺍﺵ ﺗﺠﻲ ﺷﻲ ﻭﺣﺪﺓ ﺑﻼﺻﺔ ﺳﺎﺭﺓ .. ﺳﺎﺭﺓ ﺭﺟﻌﺎﺕ ﻟﻴﺎ ﺍﺣﺴﺎﺱ ﻃﻔﻮﻟﺔ ﻟﻲ ﻓﻘﺪﺗﻬﺎ .. ﺑﺼﺢ ﻣﺎﺩﻭﺯﻧﺎﺵ ﺑﺰﺍﻑ .. ﻭﻟﻜﻦ ﺭﺍﻩ ﺑﺤﺎﻝ ﺷﻲ ﺿﻮ ﺟﺎﺕ ﻧﻮﺭﺍﺕ ﻟﻴﺎ ﺣﻴﺎﺗﻲ .. ﺑﺤﺎﻝ ﺷﻲ ﻋﻤﻰ ﻛﺎﺗﺨﻠﻴﻪ ﻳﺸﻮﻑ ﻭﺍﺣﺪ ﺷﻮﻳﺔ ﻭﺗﺮﺟﻌﻮ ﻛﻲ ﻛﺎﻥ .. ﻭﻫﻮ ﻟﻲ ﻛﺎﻥ ﻳﺴﺤﺎﺑﻮ ﻛﺎﻳﺸﻮﻑ ﻛﻠﺸﻲ ﻭﻓﺎﻫﻢ ﻛﻠﺸﻲ ﻛﺎﺗﻘﻮﻟﻴﻪ ﺑﻠﻲ ﺭﺍﻙ ﻏﺎﻟﻂ ﻭﻣﻜﺎﺗﻘﻮﻟﺶ ﻟﻴﻪ ﺷﻨﻮ ﻫﻮ ﺻﺢ
ﺗﺮﻗﺒﻮ ﺍﻷﺟﺰﺍﺀ ﺍﻷﺧﻴﺮﺓ ﻏﺪﺍ ﺍﻥ ﺷﺎﺀ ﺍﻟﻠﻪ ﻭﺷﻜﺮﺍ ﻋﻠﻰ ﺍﻟﻤﺘﺎﺑﻌﺔ

ﻟﺒﻨﺎﺕ ﻗﺒﻞ ﻣﺎﻧﺒﺪﺍﻭ ﺑﻐﻴﺖ ﻧﻘﻮﻟﻴﻜﻢ ﺑﻠﻲ ﻟﻴﻮﻡ ﻣﺎﺷﻲ ﺍﻷﺟﺰﺍﺀ ﺍﻷﺧﻴﺮﺓ .. ﺩﺭﺕ ﺑﺎﻗﺘﺮﺍﺣﻜﻢ ﻏﺎﻧﺰﻳﺪ ﻧﻄﻮﻝ ﺷﻮﻳﺔ ﺷﻲ ﻳﻮﻣﺎﻳﻦ 3 ﺍﻳﺎﻡ ﻭﺍﺧﺮﻯ ﻫﻪ ﻗﺮﺍﺀﺓ ﻣﻤﺘﻌﺔ
ﺍﻟﺒﺎﺭﺕ 17
ﻭﺩﻋﻨﺎ ﻋﺎﺋﻠﺔ ﺣﺴﻦ ﺑﺤﺠﺔ ﺃﻥ ﺣﺴﻦ ﺟﺎﺗﻮ ﺷﻲ ﺧﺪﻣﺔ ﻋﻠﻰ ﻏﻔﻠﺔ .. ﺭﻛﺒﻨﺎ ﻓﻄﻨﻮﺑﻴﻞ ﻭﺳﺎﺭﺓ ﻛﺎﺗﺒﻜﻲ ﻭﺃﻧﺎ ﻛﻨﺒﻜﻲ
– ﻫﺎﻧﺘﺎ ﺷﻮﻑ ﺗﺎ ﺳﺎﺭﺓ ﻗﻠﺒﻬﺎ ﻣﺎﻣﺮﺗﺎﺣﺶ .. ﻣﻠﻲ ﺭﻛﺒﺎﺕ ﻭﻫﻲ ﻛﺎﺗﺒﻜﻲ
– ﻋﺎﺩﻱ ﺩﺭﺍﺭﻱ ﺻﻐﺎﺭ ﻛﻠﻬﻢ ﻛﺎﻳﺒﻜﻴﻮ .. ﻭﺍﺻﻼ ﻳﺎﻙ ﺩﻳﻤﺎ ﻛﺎﺗﺒﻜﻲ ﻋﻨﺪﻙ
– ﻻ ﻟﻤﺮﺍﺕ ﻟﻲ ﻓﺎﺗﻮ ﺑﻼ ﺩﻣﻮﻉ .. ﺍﻣﺎ ﺷﻮﻑ ﺩﺍﺑﺎ ﺩﻣﻮﻋﻬﺎ ﻛﺎﻳﺘﺴﺎﺑﻘﻮ
– ﻓﺎﻃﻤﺔ ﻭﺍﺵ ﻏﺎ ﺩﻳﺮﻱ ﻟﻴﺎ ﻓﻴﻬﺎ ﻣﺴﻠﺴﻞ ﻫﻨﺪﻱ ؟ ﺭﺟﻮﻉ ﻟﻠﻪ .. ﻭﻫﺎﻫﻴﺎ ﺳﻜﺘﺎﺕ ﻭﺍﻫﻨﻴﻨﺎ ﺗﺎ ﺍﻧﺖ .. ﺧﻠﻴﻨﺎ ﻧﺘﺴﻨﻄﻮ ﻟﻌﻈﺎﻣﻨﺎ ﺷﻮﻳﺔ
– ﺑﻐﻴﺘﻬﻢ ﻳﻄﺮﻃﻘﻮ ﻋﻠﻴﻚ .. ﻳﺎﺑﺎﺭﺩ ﺍﻟﻘﻠﺐ ﻣﺎﻋﻤﺮﻱ ﺷﻔﺖ ﺷﻲ ﺟﻨﺲ ﺑﺤﺎﻟﻚ
– ﻭﺍﺧﺎ ﻟﻲ ﻗﻠﺒﻬﺎ ﻃﺎﻳﺐ .. ﻧﺪﻳﺮﻭ ﻣﺎﺩﻳﻨﺎﺵ ﺳﺎﺭﺓ ﻟﻌﺎﺋﻠﺘﻬﺎ .. ﺃﺵ ﻏﺎﻧﺪﻳﺮﻭ ﻣﺘﻼ ؟؟ ﻏﺎﺗﻘﺎﺑﻠﻴﻬﺎ ﺳﻴﻤﺎﻧﺔ ﻭﻧﻘﺎﺑﻠﻬﺎ ﺳﻴﻤﺎﻧﺔ .. ﻭﻻ ﻏﺎﺩﻳﻬﺎ ﺍﻧﺖ ﻣﻌﺎﻙ ﻭﻏﺎﻧﺒﻘﻰ ﻧﺼﺮﻑ ﻋﻠﻴﻜﻢ ﻭﻧﻌﻄﻴﻜﻢ ﺍﻟﻨﻔﻘﺔ .. ﻭﻻ ﻧﺘﺰﻭﺟﻮ ﺣﻨﺎ ﻛﺎﻉ ﻭﻧﻌﻴﺸﻮ ﻓﺪﺍﺭ ﻭﺣﺪﺓ ﻭﺳﺎﺭﺓ ﺗﻜﻮﻥ ﻫﻲ ﺃﻭﻝ ﺑﻨﺖ ﻟﻴﻨﺎ ﺃﺵ ﺑﺎﻥ ﻟﻴﻚ ؟؟ ﻭﺍﻟﻰ ﻋﻨﺪﻙ ﺷﻲ ﺍﻗﺘﺮﺍﺡ ﺃﺧﻮﺭ ﺗﻔﻀﻠﻲ ؟؟
– ﻣﻤﻤﻤﻢ
– ﻫﻀﺮﻱ ؟
– ‏( ﺑﺎﻟﻐﻮﺍﺕ ‏) ﺑﻼﺗﻲ ﺃﻟﻤﺮﺽ ﻧﻔﻜﺮ .. ﻣﻤﻤﻢ ﻻ ﻻ ﻻ ﻻ ﻣﺎﺗﺼﻼﺣﺶ .. ﻣﻤﻤﻤﻢ ﺗﺎﻫﺎﺩﻱ ﻻ .. ﻣﻤﻤﻤﻢ
– ﺍﻳﻮﺍ ﻻﺵ ﻭﺻﻠﺘﻲ ؟؟ ﺃﻃﺮﺑﻴﻨﺎ
– ﺿﺮﺑﻚ ﺟﻨﻴﺔ ﻣﺎﻭﺻﻠﺖ ﻟﻮﺍﻟﻮ .. ﻛﺎﻉ ﺍﻟﺒﻴﺒﺎﻥ ﻣﺴﺪﻭﺩﻳﻦ .. ﺯﻫﺮ ﺍﻟﻤﻌﻜﺲ .. ﻋﻠﻰ ﻟﻲ ﺗﺠﻲ ﻋﻴﻨﻮ ﻓﻴﻚ ﻳﻄﻠﻊ ﻋﻠﻴﻪ ﻧﻬﺎﺭ ﺍﻟﺒﻴﺾ
– ﺍﻳﻮﺍ ﺭﺿﺎﻱ ﺑﺎﻟﻤﻜﺘﺎﺏ ﻭﺳﻜﺘﻴﻨﺎ .. ﺍﻟﻠﻪ ﻳﺎﺭﺑﻲ ﺍﻣﺘﻰ ﻳﺴﺎﻟﻲ ﻫﺎﺩﺷﻲ ﻭﻧﺪﺧﻞ ﻟﺪﺍﺭﻱ ﻧﺮﺗﺎﺡ ﻭﻧﺘﻬﻨﻰ ﻣﻦ ﻫﺎﺩ ﺍﻟﺼﺪﺍﻉ ﺍﻟﺮﺍﺱ
– ﺑﺎﺯ ﻳﺎ ﺧﻮﻳﺎ ﻣﺎﻓﻘﻠﺒﻚ ﻻ ﺭﺣﻤﺔ ﻻ ﺷﻔﻘﺔ ﻣﺎﺩﻭﺯﺵ ﻣﻦ ﻋﻨﺪﻙ ﺭﺣﻤﺔ .. ﺍﻧﺖ ﻫﻮ ﺃﺑﻮ ﻟﻬﺐ ﺯﻣﺎﻧﻮ .. ﻛﻦ ﻛﻨﺘﻲ ﻓﺪﺍﻙ ﺯﻣﺎﻥ ﻛﻦ ﺩﻓﻨﺘﻲ ﺳﺎﺭﺓ ﺑﻼ ﻣﺎﺗﺤﻦ ﻭﻻ ﻳﺮﻑ ﻟﻴﻚ ﺟﻔﻦ .. ﺍﻟﻠﻪ ﻳﺰﺩﺣﻚ ﺟﻦ
– ‏( ﺑﻨﻔﺎﺩ ﺻﺒﺮ ‏) ﺃﺳﻐﻔﺮﺍﻟﻠﻪ ﺍﻟﻌﻠﻲ ﺍﻟﻌﻈﻴﻢ .. ﻳﺎﺭﺑﻲ ﺷﻮﻑ ﻣﻦ ﺣﺎﻟﻲ ﻳﺎﺍﺍﺍﺍﺭﺑﻲ

ﺍﻟﺒﺎﺭﺕ 18
ﻭﺻﻠﻨﺎ ﻟﻠﻤﻜﺎﻥ ﺍﻟﻤﺘﻔﻖ ﻋﻠﻴﻪ ﻣﻊ ﻋﺎﺋﻠﺔ ﺳﺎﺭﺓ .. ﻛﺎﻥ ﺣﺪﺍ ﻭﺍﺣﺪ ﺟﺎﻣﻊ ﻓﻮﺍﺣﺪ ﺩﻭﺍﺭ ﻗﺮﻳﺐ ﻟﺒﻼﺻﺔ ﻓﻴﻦ ﺗﻼﻗﻰ ﺣﺴﻦ ﻣﻊ ﺍﻡ ﺳﺎﺭﺓ .. ﻟﺤﺪ ﺳﺎﻋﺔ ﻣﺎﺟﺎ ﺗﺎﺣﺪ .. ﺷﻲ ﻣﺮﺍﺕ ﻛﻨﺪﻋﻲ ﻣﺎﻳﺠﻲ ﺗﺎ ﺣﺪ ﻭﻟﻜﻦ ﺍﻟﻰ ﻓﻜﺮﺕ ﺑﺎﻟﻤﻨﻄﻖ ﻣﻦ ﺍﻷﺣﺴﻦ ﺗﺴﺘﻤﺮ ﺍﻷﺣﺪﺍﺕ ﻛﻴﻒ ﺧﺼﻬﺎ ﺗﻜﻮﻥ .. ﺳﺎﺭﺓ ﻣﻊ ﻋﺎﺋﻠﺘﻬﺎ ﺍﻟﺤﻘﻴﻘﻴﺔ ﻭﺣﺴﻦ ﻓﺨﺪﻣﺘﻮ ﻭﻣﻊ ﺧﻄﻴﺒﺘﻮ .. ﻭﺃﻧﺎ ﻧﺮﺟﻊ ﻟﺤﻴﺎﺗﻲ ﻟﻘﺪﻳﻤﺔ ﺑﺼﺢ ﻣﻐﺎﻧﺮﺟﻌﺶ ﻛﻲ ﻛﻨﺖ .. ﻛﺎﻳﺴﺤﺎﺑﻨﻲ ﻏﻴﺮ ﺃﻧﺎ ﺑﻮﺣﺪﻱ ﻟﻲ ﻋﻨﺪﻱ ﺻﺢ ﻭﻋﺼﺒﻴﺔ ﻭﻣﻌﻜﺴﺔ ﻭﻛﺎﻧﺪﻳﺮ ﻣﻦ ﺍﻟﺤﺒﺔ ﻗﺒﺔ .. ﻳﻤﻜﻦ ﺍﻟﻠﻪ ﺣﻄﻨﻲ ﻓﻬﺎﺩ ﺍﻟﻤﻮﻗﻒ ﻏﻴﺮ ﺑﺎﺵ ﻧﺘﻌﻠﻢ ﻣﻨﻮ .. ﺑﺼﺢ ﻏﺎﺗﺒﻘﻰ ﻓﻴﺎ ﺳﺎﺭﺓ ﺑﺰﺍﺍﻑ ﺣﻴﺖ ﺑﺼﺢ ﻭﻟﻔﺘﻬﺎ ﻭﻭﻟﻴﺖ ﻛﻨﺒﻐﻴﻬﺎ .. ﻭﻟﻜﻦ ﻣﺼﻠﺤﺘﻬﺎ ﺃﻭﻟﻰ
– ‏( ﺑﺴﺨﺮﻳﺔ ‏) ﻓﺎﺵ ﺳﺎﻫﻴﺔ ﻻﻟﺔ ﻓﺎﻃﻤﺔ ؟؟
– ﺳﺎﻫﻴﺔ ﻑ .. ﺷﻮﻑ ﻫﺎﺩﻱ ﺁﺧﺮ ﺳﺎﻋﺔ ﻏﺎﺗﺠﻤﻌﻨﺎ ﻭﻣﺎ ﻫﻲ ﺇﻻ ﻟﺤﻈﺎﺕ ﻭﻛﻞ ﻭﺍﺣﺪ ﻏﺎﻳﺸﺪ ﻃﺮﻳﻖ ﻓﺨﻠﻴﻨﺎ ﺍﻧﺤﺘﺎﺭﻣﻮ ﺑﻌﻀﻴﺎﺗﻨﺎ .. ﻭﺗﺒﻘﻰ ﺻﻮﺭﺗﻨﺎ ﻧﻘﻴﺔ
– ﻭﻣﺎﻟﻜﻲ ﻋﺎﻗﺪﺍﻫﺎ ﻭ ﻛﺎﻋﻴﺔ ؟
– ‏( ﺑﺎﻟﻐﻮﺍﺕ ‏) ﻣﻜﺎﻋﻴﺎﺵ .. ﻭﺍﺑﻌﺪ ﻣﻨﻲ .. ﻭﺍﻋﻄﻨﻲ ﺗﻴﺴﺎﻉ .. ﻳﺎﻙ ﻗﻠﺘﻲ ﺑﺎﻏﻲ ﺗﺴﻨﻂ ﻟﻌﻈﺎﻣﻚ ﻭﺗﺼﻨﻂ ﻭﻫﻨﻴﻨﺎ
– ﻛﻨﺸﻢ ﺷﻲ ﺭﻳﺤﺔ ﻣﺎﻫﻴﺎﺵ ؟؟
– ﺗﺎ ﺍﻧﺎ .. ﻭﺍﻗﻠﺔ ﺟﺎﻳﺎ ﻣﻦ ﺳﺎﺭﺓ .. ﺑﻼﺗﻲ ﻧﺸﻢ … ﻳﻌﻌﻌﻊ ﻫﻲ ﻟﻜﺎﻓﺮﺓ ﻟﻲ ﺩﺍﺭﺗﻬﺎ ﻫﻬﻬﻪ ﻋﺎﺩ ﺑﺪﻟﺖ ﻟﻴﻬﺎ ﻭﺍﻟﻠﻪ ﺍﻟﻌﻈﻴﻢ
– ﻫﻬﻬﻪ ﺩﺍﺑﺎ ﺷﻨﻮ ﻧﻌﻄﻴﻮﻫﺎ ﻟﻌﺎﺋﻠﺘﻬﺎ ﻓﻬﺎﺩ ﺍﻟﺤﺎﻟﺔ ؟؟
– ﻫﻪ ﻭﻟﻲ ﺑﻐﺎ ﺍﻟﻌﺴﻞ ﻳﺼﺒﺮ ﻟﻘﺮﻳﺺ ﺍﻟﻨﺤﻞ .. ﺑﻼﺗﻲ ﻫﺎﻧﺎ ﻧﺒﺪﻝ ﻟﻴﻬﺎ
– ﺑﻼﺗﻲ ﺑﻼﺗﻲ ﻫﺎﺷﻲ ﻧﺎﺱ ﺟﺎﻳﻴﻦ؟؟
‏( ﻛﺎﻧﺖ ﺍﻣﺮﺃﺓ ﻭﺭﺍﺟﻞ ﻛﺒﺎﺭ ﺷﻮﻳﺔ ﻓﺎﻟﻌﻤﺮ ﻫﻤﺎ ﺟﺎﻳﻴﻦ ﻭﺍﻧﺎﺍ ﻗﻠﺒﻲ ﻛﺎﻳﻀﺮﺏ ﻓﺎﻟﺘﺴﻌﻴﻦ .. ﺗﻘﻮﻝ ﻏﺎﻳﺪﻳﻮﺍ ﻟﻴﺎ ﺑﻨﺘﻲ ‏)
– ﻫﻤﺎ : ﺳﻼﻡ ﻋﻠﻴﻜﻢ
– ﺣﻨﺎ : ﻭﻋﻠﻴﻜﻢ ﺍﻟﺴﻼﻡ
– ﻫﻤﺎ : ﻧﺘﻮﻣﺎ ﻟﻲ ﻛﻨﺘﻮ ﻣﻊ ﺛﺮﻳﺎ ﻗﺒﻞ ﻣﺎﺗﻤﻮﺕ ؟
– ﺃﻧﺎ : ﺷﻜﻮﻥ ﺗﺮﻳﺎ ؟؟ ﻭﺍﺵ ﻛﺎﺗﻘﺼﺪﻱ ﺍﻡ ﺳﺎﺭﺓ ؟
– ﻫﻤﺎ : ﺷﻜﻮﻥ ﺳﺎﺭﺓ ؟؟
– ﺣﺴﻦ : ﺑﻼﺗﻲ ﺃ ﺍﻹﺧﻮﺍﻥ ﻭﺍﺵ ﻋﻨﺪﻛﻢ ﺷﻲ ﺗﺼﻴﻮﺭﺓ ﺩﻳﺎﻝ ﺗﺮﻳﺎ ﻟﻲ ﻛﺎﺗﻘﻠﺒﻮ ﻋﻠﻴﻬﺎ
– ﻫﻲ : ﺍﻩ .. ‏( ﺑﺪﺍﺕ ﻛﺎﺗﻘﻠﺐ ﻓﺼﺎﻛﻬﺎ ‏) ﻫﺎﻫﻴﺎ
ﻣﺪﺍﺗﻬﺎ ﻟﻴﻨﺎ ﻭﺑﺪﻳﻨﺎ ﻛﻨﺸﻮﻓﻮ ﻓﻴﻬﺎ ﺃﻧﺎ ﻭﺣﺴﻦ ﻭﻛﺎﻧﺸﻮﻓﻮ ﻓﺒﻌﻀﻴﺎﺗﻨﺎ
– ﺣﺴﻦ : ﺍﻩ ﻫﻴﺎ .. ﻭﻟﻜﻦ ﻭﺍﺵ ﻣﺎﻓﺮﺍﺳﻜﻤﺶ ﺑﻠﻲ ﻫﺎﺩ ﺗﺮﻳﺎ ﻣﺎﺗﺖ ﻭﻫﻲ ﻛﺎﺗﻮﻟﺪ ؟
– ﻫﻮ : ﺍﺷﻨﻮ ؟؟
– ﻫﻲ : ﺍﻩ ﻛﺎﻥ ﻓﺮﺍﺍﺳﻲ ﺑﻠﻲ ﻫﻲ ﺣﺎﻣﻠﺔ .. ﻭﻟﻜﻦ ﻛﺎﻧﺖ ﻧﺎﻭﻳﺔ ﺗﺨﻠﻲ ﺩﺍﻛﺸﻲ ﻟﻲ ﻛﺎﻧﺖ ﻏﺎﺗﻮﻟﺪ ﻭﺗﺮﺟﻊ
– ﻫﻮ : ‏( ﺑﺎﻟﻐﻮﺍﺕ ‏) ﻭﻋﻼﺵ ﻫﺎﺩﺷﻲ ﺍﻧﺎ ﻣﺎﻓﺮﺍﺳﻴﺶ ؟؟ ﻳﺎﻙ .. ﻃﻠﻌﺘﻮ ﻃﺎﺳﻴﻠﺔ ﻭﺣﺪﺓ ﺍﻟﻠﻪ ﻳﻐﺮﻕ ﻟﻴﻜﻢ ﺷﻘﻒ ﺑﺤﺎﻟﻚ ﺑﺤﺎﻝ ﺑﻨﺖ ﺧﺘﻚ
– ﺣﺴﻦ : ﺃﺷﺮﻳﻒ ﺫﻛﺮﻭ ﻣﻮﺗﺎﻛﻢ ﺑﺎﻟﺨﻴﺮ
– ﺍﻧﺎ : ﺩﺍﺑﺎ ﺃﺳﻴﺪﻱ ﻃﺮﺍ ﻟﻲ ﻃﺮﺍ ﻏﻴﺮ ﺗﻬﺪﻥ .. ﺩﺍﺑﺎ ﺷﻨﻮ ﻛﺎﺗﺠﻴﻮﺍ ﻟﻤﺮﺣﻮﻣﺔ ﻭ ﻓﻴﻦ ﻫﻮ ﺍﺏ ﻟﺒﻨﺖ ؟؟
– ﻫﻲ : ﺍﻧﺎ ﺧﺎﻟﺘﻬﺎ ﻭﻫﻮ ﺭﺍﺟﻠﻲ .. ﻣﻬﺎ ﺷﺤﺎﻝ ﻫﺎﺩﻱ ﻣﺎﺗﺖ ﻭﺑﺎﻫﺎ ﺗﺰﻭﺝ ﻭﺟﺮﺍﺕ ﻋﻠﻴﻬﺎ ﻣﺮﺍﺗﻮ ﻣﻦ ﺩﺍﺭ … ﻛﺎﻧﺖ ﻛﻞ ﻣﺮﺓ ﻓﻴﻦ ﻛﺎﺗﻌﻴﺶ ﺣﻴﺖ ﺗﺎﺣﺪ ﻣﺎﺑﻐﺎﻫﺎ .. ﺣﻤﻼﺕ ﻣﻦ ﻭﺍﺣﺪ ﺭﺍﺟﻞ ﻃﻤﻌﻬﺎ ﺑﺎﻟﺰﻭﺍﺝ ﻧﻜﺮﻫﺎ ﻣﻠﻲ ﻋﺮﻓﻬﺎ ﺣﺎﻣﻠﺔ ﻭﻫﻲ ﻋﺮﻓﺎﺕ ﻣﻦ ﺑﻌﺪ ﺑﻠﻲ ﻫﻮ ﻣﺰﻭﺝ
– ﺃﻧﺎ : ﻋﻠﻰ ﻫﺎﺩ ﺍﻟﺤﺴﺎﺏ ﻣﻮﺗﺘﻬﺎ ﺃﺭﺣﻢ ﻟﻴﻬﺎ .. ﺩﺍﺑﺎ ﺑﻨﺘﻬﺎ ﺷﻜﻮﻥ ﻏﺎﻳﺘﻜﻠﻒ ﺑﻴﻬﺎ
– ﻫﻲ : ﺗﺎﺣﺪ ﻣﺎﻗﺒﻞ ﻋﻠﻴﻬﺎ ﻭﻫﻲ ﺣﻴﺔ ﺑﻘﺎ ﻏﻴﺮ ﻳﻘﺎﺑﻠﻮ ﺑﻨﺘﻬﺎ ﻭﻫﻲ ﻣﻴﺘﺔ
– ﻫﻮ : ‏( ﺑﺎﻟﻐﻮﺍﺕ ‏) ﺍﻧﺎ ﻣﺎﺩﺧﻠﺶ ﻋﻠﻴﺎ ﺷﻲ ﺑﻨﺖ ﺍﻟﺤﺮﺍﻡ ﻟﺪﺍﺭﻱ
– ﺃﻧﺎ : ﺻﺎﻓﻲ ﺳﻜﺘﻨﺎ ﺃﺯﺑﻞ ﻓﻬﻤﻨﺎ ﺗﻔﻮ ﻋﻠﻰ ﺟﻨﺲ ﺍﻟﻠﻪ ﻳﻠﮕﻴﻬﺎ ﻟﻴﻚ ﻓﻬﺎﺩ ﻧﻬﺎﺭ ﺗﻔﻮ
– ﻫﻮ : ﺍﺟﻤﻌﻲ ﻓﻤﻚ ﻭﻻ ﻧﻬﺮﺳﻮ ﻟﻴﻚ ﻛﻠﻜﻢ ﺑﺤﺎﻝ ﺑﺤﺎﻝ
ﻫﺎﺩ ﺍﻟﻤﺮﺓ ﺣﺴﻦ ﻟﻲ ﺟﻤﻌﻮ ﺑﺮﺍﺱ .. ﻧﺎﺽ ﺩﺍﻳﺦ ﻭﻛﺎﻳﺘﺤﻠﻒ ﻋﻠﻴﻨﺎ ﻭﻟﻜﻦ ﻣﺎﻗﺪ ﻳﺪﻳﺮ ﻭﺍﻟﻮ ﻓﻴﻪ ﻏﻴﺮ ﻟﺴﺎﻥ ﺍﻟﻤﺎﺿﻲ ﻭﺩﺭﺍﻉ ﺍﻟﮕﺎﺿﻲ .. ﻣﻦ ﺑﻌﺪ ﻣﺎ ﻗﺎﻟﺖ ﻟﻴﻨﺎ ﺧﺎﻟﺘﻬﺎ ﺩﻳﻮﻫﺎ ﻟﺸﻲ ﺧﻴﺮﻳﺔ ﻭﺧﻠﻴﻮﻫﺎ .. ﻣﺸﺎﻭ ﺑﺤﺎﻟﻬﻢ ﻛﺎﻳﺪﺍﺑﺰﻭ ﻣﻨﻮﺿﻴﻦ ﺍﻟﻌﺠﺎﺝ ﻣﻮﺭﺍﻫﻢ

ﺍﻟﺒﺎﺭﺕ 19
– ﺣﺴﻦ : ﺭﺟﻌﻨﺎ ﺗﺎﻧﻲ ﻟﻨﻘﻄﺔ ﺍﻟﺼﻔﺮ
– ﺃﻧﺎ : ﻻ ﻣﺎﺭﺟﻌﻨﺎﺵ
– ﻛﻴﻔﺎﺵ ؟
– ﺃﻧﺎ ﻏﺎﺩﻱ ﻧﻘﺎﺑﻞ ﺳﺎﺭﺓ .. ﻏﺎﻧﺪﻳﺮ ﻣﺎﻓﺠﻬﺪﻱ ﺑﺎﺵ ﻣﺎ ﻳﺨﺼﻬﺎ ﺗﺎﺣﺎﺟﺔ .. ﻭﻣﺎﺗﻌﻴﺶ ﺩﺍﻛﺸﻲ ﻟﻲ ﻋﺎﺷﺘﻮ ﻣﻬﺎ ﻭﺍﻧﺖ ﻣﺎ ﻋﻠﻴﻚ ﻭﺍﻟﻮ ﺳﻴﺮ ﻛﻤﻞ ﺣﻴﺎﺗﻚ ﻋﺎﺩﻱ .. ﻭﺻﻠﻨﻲ ﻏﻴﺮ ﻟﻤﺪﻳﻨﺔ ﻭﻛﻞ ﻭﺍﺣﺪ ﻳﺸﺪ ﻃﺮﻳﻖ .. ﻳﺎﻙ ﻫﺎﺩﺷﻲ ﻟﻲ ﺑﺎﻏﻲ ؟
– ﻭﺍﺵ ﺗﺼﻄﻴﺘﻲ .. ﻣﻬﺎ ﻭﻛﺎﻧﺖ ﻏﺎﺗﺨﻠﻴﻬﺎ
– ﺍﻣﻬﺎ ﻣﻜﺎﻧﺘﺶ ﻏﺎﺗﺨﻠﻴﻬﺎ .. ﻛﻦ ﻛﺎﻥ ﻋﻨﺪﻫﺎ ﺩﺍﻙ ﺍﻟﻘﻠﺐ ﺍﻟﻘﺎﺳﺢ ﻛﻦ ﻃﻴﺤﺎﺗﻬﺎ ﻣﻠﻲ ﻛﺎﻧﺖ ﻓﻜﺮﺷﻬﺎ .. ﻭﺣﺘﻰ ﻛﻦ ﻛﺎﻧﺖ ﻧﺎﻭﻳﺔ ﺗﺨﻠﻴﻬﺎ ﺃﻧﺎ ﻣﺘﺄﻛﺪﺓ ﻛﺎﻧﺖ ﻣﻠﻲ ﻏﺎﺗﺸﻮﻑ ﻋﻴﻨﻴﻦ ﺑﻨﺘﻬﺎ ﻣﺎﺗﻘﺪﺭﺵ ﺣﺘﻰ ﺗﻔﻜﺮ ﻓﻴﻬﺎ .. ﺍﻟﻰ ﻛﻨﺖ ﺍﻧﺎ ﻟﻲ ﻣﻜﺎﻧﺤﻤﻞ ﺗﺎﺭﺍﺳﻲ ﻣﺎﻗﺪﻳﺶ ﻧﺘﻔﺮﻕ ﻋﻠﻴﻬﺎ ﻓﺘﺨﻴﻞ
– ﻭﺍﻭ ﺗﺴﺘﺎﻫﻠﻲ ﺗﺼﻔﻴﻖ ﻋﻠﻰ ﻫﺎﺩ ﺗﻘﺮﻳﺮ .. ﺭﺍﻩ ﺍﻟﻬﻀﺮﺓ ﻣﺎﺷﻲ ﻫﻲ ﺗﻄﺒﻴﻖ .. ﺑﺎﺵ ﻏﺎﺗﻌﻴﻴْﺸﻲ ﻫﺎﺩ ﺍﻟﺒﻨﺖ ؟
– ﺷﺤﺎﻝ ﻣﻦ ﺍﻣﺮﺃﺓ ﺭﺑﺎﺕ ﻭﻻﺩﻫﺎ ﺑﻠﻰ ﺭﺍﺟﻞ .. ﻭﺣﺘﻰ ﻟﻲ ﻋﻨﺪﻫﺎ ﺍﻟﺮﺍﺟﻞ ﻛﺎﺗﻠﻘﺎﻫﺎ ﻛﺎﺗﺼﺮﻑ ﻋﻠﻴﻪ ﻫﻮ ﻭﻳﺎﻫﻢ .. ﻭﺃﻧﺎ ﻣﺎﺷﻲ ﻟﻮﻟﻰ ﻭﻻ ﻟﺨﺮﺓ
– ﺗﺎﻫﺎﺩﻱ ﺗﺴﺘﺎﻫﻠﻲ ﻋﻠﻴﻬﺎ ﺗﺼﻔﻴﻘﺎﺕ ﺍﻟﺤﺎﺭﺓ .. ﺃﻫﺎﻩ ﻭ ﺍﻟﻰ ﻣﺮﺿﺎﺕ ﻫﺎﺩ ﺍﻟﺒﻨﺖ ﺑﺸﻲ ﻣﺮﺽ ﺻﻌﻴﺐ ﻭﻣﻠﻲ ﻏﺎﺗﻮﺻﻞ ﻫﺎﺩ ﺍﻟﺒﻨﺖ ﻟﺴﻦ ﺍﻟﻘﺎﻧﻮﻧﻴﺔ ﺑﺎﺵ ﺗﻘﺮﻯ .. ﻭﻫﻲ ﻣﺎﻋﻨﺪﻫﺎ ﺗﺎ ﺷﻲ ﻭﺭﻗﺔ ﻗﺎﻧﻮﻧﻴﺔ ﺗﺪﻝ ﻋﻠﻰ ﺃﻧﻬﺎ ﻛﺎﻳﻨﺔ ﻓﻬﺎﺩ ﺍﻟﺪﻧﻴﺎ .. ﻣﺎﻓﻜﺮﺗﻴﺶ ﻓﻴﻬﺎ ؟
– ﺍﻧﺎ ﻏﺎﻧﺼﺎﻭﺏ ﻟﻴﻬﺎ ﻛﻠﺸﻲ ﺍﻥ ﺷﺎﺀ ﺍﻟﻠﻪ ﻭﻣﻐﺎﻧﻘﺼﻬﺎ ﻣﻦ ﻭﺍﻟﻮ .. ﺃﻣﺎ ﺑﺎﻟﻨﺴﺒﺔ ﻟﻸﻗﺪﺍﺭ .. ﻓﺎﻟﻠﻪ ﻟﻲ ﻣﺘﻜﻠﻒ ﺑﻴﻬﺎ .. ﻭﺑﻤﺎ ﺃﻥ ﺍﻟﻠﻪ ﺭﺣﻴﻢ ﺑﻌﺒﺎﺩﻩ .. ﻓﻼ ﻳﻜﻠﻒ ﺍﻟﻠﻪ ﻧﻔﺴﺎ ﺇﻻ ﻭﺳﻌﻬﺎ .. ﻭﺭﺑﻲ ﻛﺎﻳﺪﻳﺮ ﻟﻴﻨﺎ ﻏﻴﺮ ﻟﻲ ﻓﻴﻬﺎ ﺍﻟﺨﻴﺮ .. ﻭﻫﻮ ﻧﻬﺎﺭ ﻻﻗﺎﻧﻲ ﺑﻴﻚ ﻧﻬﺎﺭ ﻟﻮﻝ ﻣﻜﺎﻧﺶ ﻋﺒﺜﺎ ﻭﺍﻧﻤﺎ ﻟﺤﻜﻤﺔ ﻫﻮ ﻋﺎﺭﻓﻬﺎ ﺳﺒﺤﺎﻧﻪ ﻭﺗﻌﺎﻟﻰ .. ﻏﺎﻧﻜﻮﻥ ﻟﻴﻬﺎ ﺧﻴﺮ ﺃﻡ ﺍﻥ ﺷﺎﺀ ﺍﻟﻠﻪ ﻏﻴﺮ ﻫﻨﻲ ﺭﺍﺳﻚ ﻭﻧﻌﺲ ﻋﻠﻰ ﺟﻬﺔ ﻟﻲ ﻛﺎﺗﺮﻳﺤﻚ
– ﺍﻳﻮﺍ ﻭﻋﺎﺋﻠﺘﻚ ﺍﻧﺖ ﺍﺷﻐﺎﺩﻳﺮﻱ ﻣﻠﻲ ﻳﺴﻴﻘﻮ ﻟﻴﻚ ﺍﻟﺨﺒﺎﺭ ؟؟؟
– ﻏﺎﻳﻜﻮﻧﻮ ﻓﺨﻮﺭﻳﻦ ﺣﻴﺖ ﻭﻟﺪﻭ ﺑﻨﺖ ﺣﻨﻴﻨﺔ ﺑﺤﺎﻟﻲ .. ﻭﺯﺍﻳﺪﻭﻥ ﻫﻤﺎ ﺃﺻﻼ ﻛﻨﺖ ﻣﺤﺸﻤﺔ ﺑﻴﻬﻢ ﻣﻦ ﺷﺤﺎﻝ ﻫﺎﺩﻱ ﻣﻠﻲ ﻛﻨﺖ ﻋﺮﺟﺔ .. ﻓﻤﺎﻏﺎﻳﺘﻐﻴﺮﺵ ﺍﻷﻣﺮ ﺑﺰﺍﻑ .. ﻣﺎﺿﺮﺏ ﺣﺴﺎﺏ
– ﻭﺍﻧﺖ ﻣﻐﺎﺗﺒﻨﻴﺶ ﺣﻴﺎﺗﻚ ﻣﻐﺎﺗﺰﻭﺟﻴﺶ ﻭ ﺩﻳﺮﻱ ﻭﻻﺩﻙ
– ﺑﺎﻟﻨﺴﺒﺔ ﻟﻮﻻﺩ ﻫﺎ ﺳﺎﺭﻳﺘﺎ .. ﺃﻣﺎ ﺑﺎﻟﻨﺴﺒﺔ ﻟﺰﻭﺍﺝ ﺇﻟﻰ ﻛﻨﺖ ﻏﺎﻧﺪﻱ ﺑﺤﺎﻝ ﻫﺪﺍﻙ ﺍﻟﺠﻨﺲ ﺩﻳﺎﻝ ﻗﺒﺎﻳﻠﺔ ﻭﻻ ﺑﺎﻫﺎ ﻟﺤﻘﻴﻘﻲ ﻭﻻ ﺑﺤﺎﻟﻚ ﺍﻧﺖ ﻧﻴﺖ ﻏﺎﺍﺍﺍﺍ ﺍﻟﻠﻪ ﻳﺨﻠﻴﻨﻲ ﺑﺎﻳﺮﺓ
– ﺍﻳﻮﺍ ﺍﻟﻠﻪ ﻳﻜﻤﻞ ﺑﺎﻟﺨﻴﺮ ﻣﺎﺧﻠﻴﺘﻲ ﻟﻴﺎ ﻣﺎﻧﻘﻮﻝ .. ﻧﻘﺪﺭ ﻧﻮﺻﻠﻚ ﻟﻤﺪﻳﻨﺔ ﺑﺎﺵ ﺗﺒﺪﺍﻱ ﺗﻄﺒﻴﻖ ﺃﻗﻮﺍﻟﻚ ﻭﻛﻞ ﻭﺍﺣﺪ ﻳﺸﺪ ﻃﺮﻳﻖ
ﺑﺲ : ﻫﺎﺩﻭ ﻫﻤﺎ ﺃﺟﺰﺍﺀ ﺍﻟﻴﻮﻡ .. ﻣﺎﺗﻨﺴﺎﻭﺵ ﺗﻘﻮﻟﻮ ﻟﻴﺎ ﺃﺭﺍﺋﻜﻢ ﻭﺍﻗﺘﺮﺍﺣﺎﺗﻜﻢ ﻭﺷﻜﺮﺍ ﻋﻠﻰ ﺍﻟﻤﺘﺎﺑﻌﺔ

ﺍﻟﺒﺎﺭﺕ 20
ﺭﻛﺒﻨﺎ ﻓﻄﻨﻮﺑﻴﻞ .. ﺣﺴﻦ ﻟﻘﺪﺍﻡ ﻭﺃﻧﺎ ﻭﺳﺎﺭﺓ ﻟﻮﺭ .. ﻛﻞ ﻭﺍﺣﺪ ﻓﻴﻨﺎ ﺳﺎﻛﺖ ﻣﻦ ﺟﻴﻪ .. ﺳﺎﺭﺓ ﺩﺍﺑﺎ ﻭﻻﺕ ﻣﻦ ﻣﺴﺆﻭﻟﻴﺘﻲ ﺑﻮﺣﺪﻱ .. ﻓﺮﺣﺎﻧﺔ ﺣﻴﺖ ﻏﺎﺗﺒﻘﻰ ﻣﻌﺎﻳﺎ ﻭﻓﻨﻔﺲ ﺍﻟﻮﻗﺖ ﺧﺎﻳﻔﺔ .. ﺧﺎﻳﻔﺔ ﻧﻜﻮﻥ ﺑﺎﻏﺎ ﻧﺘﺒﺖ ﺭﺍﺳﻲ ﻋﻠﻰ ﺣﺴﺎﺏ ﻣﺼﻠﺤﺘﻬﺎ .. ﺧﺎﻳﻔﺔ ﻧﻈﻠﻤﻬﺎ ﻣﻌﺎﻳﺎ .. ﺧﺎﻳﻔﺔ ﻣﻦ ﺑﺰﺍﻑ ﺩﻳﺎﻝ ﺍﻟﺤﻮﺍﻳﺞ ﻭﻟﻜﻦ ﺗﻘﺘﻲ ﻓﺎﻟﻠﻪ ﻛﺒﻴﺮﺓ .. ﻏﺎﺩﻱ ﻧﻘﺪﺭ ﺍﻥ ﺷﺎﺀ ﺍﻟﻠﻪ .. ﻧﻘﺪﺭ ﻧﺮﺟﻊ ﻟﺨﺪﻣﺘﻲ ﻭﺍﺧﺎ ﻣﻜﺎﻧﺎﺧﺪﺵ ﻓﻴﻬﺎ ﺑﺰﺍﺍﻑ .. ﻭﺣﺎﻟﻴﺎ ﺟﺎﻣﻌﺔ 5000 ﺩﺭﻫﻢ ﻧﻘﺪﺭ ﻧﻘﻀﻲ ﺑﻴﻬﺎ ﻫﺎﺩ ﺷﻬﺮ .. ﻛﻦ ﻏﻴﺮ ﺧﺪﻳﺖ ﺩﻫﺐ ﺩﻳﺎﻝ ﺟﺪﺓ ﺣﺴﻦ ﻣﺎﻳﺨﺼﻨﻲ ﺗﺎ ﺧﻴﺮ ﻫﻬﻬﻪ .. ﻭﻟﻜﻦ ﻻ ﻣﻨﻘﺪﺭﺵ ﻧﺪﻳﺮﻫﺎ .. ﻣﺎﻧﻘﺪﺭ ﻧﻌﻴﺶ ﻻ ﺃﻧﺎ ﻻ ﺳﺎﺭﺓ ﻓﺎﻟﺤﺮﺍﻡ .. ﺍﻥ ﺷﺎﺀ ﺍﻟﻠﻪ ﺗﻜﻮﻥ ﺣﻴﺎﺗﻨﺎ ﻛﻠﻬﺎ ﺣﻼﻝ ﻓﺤﻼﻝ .. ﺷﺪﺍﺗﻨﻲ ﻓﻬﺎﺩ ﻟﺤﻈﺔ ﺍﻟﻜﺤﺔ ﻭﻣﺎﺑﻐﺎﺗﺶ ﺗﻄﻠﻖ ﻣﻨﻲ .. ﻋﻴﻴﺖ ﻣﺎﻧﺤﺒﺲ ﻓﻴﻬﺎ ﺑﺎﺵ ﻣﺎﻧﻔﻴﻘﺶ ﺳﺎﺭﺓ ﻭﻟﻜﻦ ﻓﻴﻘﺖ ﺣﺴﻦ ﻣﻦ ﺃﻓﻜﺎﺭﻭ
– ﻣﺎﻟﻜﻲ ﺿﺎﺭﺑﻚ ﺍﻟﺒﺮﺩ ؟
– ‏( ﻣﺰﺍﻻ ﻛﻨﻜﺤﺐ ‏) ﻭﺍﻗﻠﺔ .. ﺍﻧﺖ ﺳﺒﺎﺏ
– ﻋﻠﻰ ﻣﺎﻟﻲ ﺃﻧﺎ ﺷﺪﺭﺕ ﺗﺎﻧﻲ ؟
– ﺍﻧﺖ ﻟﻲ ﻣﺨﺮﺟﻨﻲ ﻣﻊ 6 ﺩﻳﺎﻝ ﺻﺒﺎﺡ .. ﻗﺎﻟﻚ ﻛﺎﻳﻮﺭﻳﻨﻲ ﺯﻫﺮﺓ ﺍﻷﻻﻡ .. ﻭﻫﺎﻧﺎ ﻏﺎﻧﺪﻭﻕ ﺍﻷﻻﻡ ﺩﻳﺎﻝ ﺑﺼﺢ .. ﺯﻳﺪ ﻋﻠﻴﻬﺎ ﺗﺎ ﺟﺪﺍﺗﻚ ﻣﻠﻲ ﺩﺍﺗﻨﻲ ﻟﻠﺮﻭﺿﺔ ﻛﻤﻼﺕ ﻟﻴﺎ ﻟﻲ ﺧﺎﺹ
– ﺍﻳﻨﺎ ﺭﻭﺿﺔ ؟؟
– ‏( ﻧﺎﺭﻱ ﻳﺎﺭﺑﻲ ﺃﺵ ﻗﻠﺖ ‏) ﺷﻜﻮﻥ ﺫﻛﺮ ﺷﻲ ﺭﻭﺿﺔ ؟؟ ﻛﺘﻤﻨﻰ ﻟﻴﺎ ﺍﻟﻤﻮﺕ ﺃﺣﺴﻦ .. ؟؟ ﺷﻮﻳﺔ ﺩﻳﺎﻝ ﺍﻟﺒﺮﺩ ﺻﺎﻓﻲ ﺻﻴﻔﻄﺘﻨﻲ .. ﻋﻤﺮﻱ ﻇﻨﻴﺘﻚ ﻫﺎﻛﺎ ﺧﺮﺟﺘﻲ ﻟﻴﺎ ﻣﻦ ﻋﻴﻨﻲ
– ﺃﺷﻮﻓﻲ ﺑﺮﺍﻛﺔ ﻣﻦ ﺩﺍﻙ ﺗﻨﻮﻋﻴﺮ .. ﺟﺪﺓ ﻋﻼﺵ ﺩﺍﺗﻚ ﻟﺮﻭﺿﺔ ؟
– ﻣﺸﺎﺕ ﺗﺰﻭﺭ ﻗﺒﺮ ﺳﺎﺭﺓ ﺍﻟﻠﻪ ﻳﺮﺣﻤﻬﺎ ﻭﺩﺍﺗﻨﻲ ﻣﻌﺎﻫﺎ ﻫﺪﺍ ﻣﺎﻛﺎﻥ
– ‏( ﺑﺴﺨﺮﻳﺔ ‏) ﻣﻤﻢ
– ﺑﻤﺎ ﺃﻧﻨﻲ ﻣﺎﻏﺎﻧﺒﻘﺎﺵ ﻧﺸﻮﻓﻚ ‏( ﺷﺪﺍﺗﻨﻲ ﺍﻟﻜﺤﺔ ﺗﺎﻧﻲ ‏) ﺑﻐﻴﺖ ﻧﻘﻮﻟﻴﻚ ﺑﻠﻲ ﺟﺪﺍﺗﻚ ﺿﺮﻳﻔﺔ ﻭﺍﻟﻠﻪ .. ﻣﺎﺷﻲ ﻛﺎﻉ ﻧﺎﺱ ﻛﺎﻳﻌﺮﻓﻮ ﻳﺒﻴﻨﻮ ﺍﻟﺤﺐ ﺩﻳﺎﻟﻬﻢ .. ﺗﺨﻴﻞ ﻋﻄﺎﺗﻨﻲ ﻟﻴﻮﻡ ﻛﺎﻉ ﺩﻫﺒﻬﺎ ﻭﻗﺎﻟﺖ ﻟﻴﺎ ﺧﻮﺩﻳﻪ ﺗﻤﺘﻌﻲ ﺑﻴﻪ ﺍﻧﺖ ﻭﺣﺴﻦ ﻭ ﻣﺎﺗﻘﻮﻟﻴﻬﺎﺵ ﻟﻴﻪ .. ﺑﻄﺒﻴﻌﺔ ﺍﻟﺤﺎﻝ ﻣﺎﺧﺪﻳﺘﻮﺵ ﻭﻋﺎﻭﺩﺕ ﻟﻴﻬﺎ ﺍﻟﺤﻘﻴﻘﺔ ﺑﻠﻲ ﺃﻧﺎ ﻭﻳﺎﻙ ﻣﺎﺑﻴﻨﺎﺗﻨﺎ ﻭﺍﻟﻮ .. ﺗﻔﻬﻤﺎﺕ ﻣﻘﺎﻟﺘﺶ ﻟﻴﺎ ﻋﻼﺵ ﻛﺪﺑﺘﻮ .. ﺑﻠﻌﻜﺲ ﻓﺮﺣﺎﺕ ﻣﻠﻲ ﻋﺮﻓﺎﺕ ﺣﻔﻴﺪﻫﺎ ﻃﻴﺐ ﻭﻛﺎﻳﺪﻳﺮ ﺍﻟﺨﻴﺮ
– ﺍﻧﺖ ﻣﺎﻋﺎﺭﻓﺔ ﻭﺍﻟﻮ
– ﻋﻼﺵ ﻣﺎ ﺗﻜﻮﻧﺶ ﺍﻧﺖ ﻟﻲ ﻣﺎﻋﺎﺭﻑ ﻭﺍﻟﻮ .. ﻛﻨﺘﻲ ﺻﻐﻴﺮ ﻭﺩﺍﻛﺸﻲ ﻟﻲ ﻛﺎﺗﺸﻮﻑ ﻫﻮ ﻟﻲ ﻛﺎﺗﻴﻘﻮ .. ﺑﺤﺎﻝ ﻣﻠﻲ ﻛﺎﻧﻜﻮﻧﻮ ﻛﺎﻧﺘﻔﺮﺟﻮ ﻓﺘﻠﻔﺎﺯﺓ ﻣﺎﻛﺎﻧﻌﺮﻓﻮﺵ ﺷﻨﻮ ﻟﻲ ﻛﻴﻄﺮﺍ ﻓﺎﻟﻜﻮﺍﻟﻴﺲ ﻓﻘﻂ ﻛﺎﻧﻜﺘﺎﻓﻴﻮ ﺑﺪﺍﻙ ﺍﻟﻨﻈﺮﺓ ﺍﻟﻮﺣﻴﺪﺓ ﻟﻲ ﺷﻔﻨﺎﻫﺎ .. ﺍﻧﺎ ﻣﻐﺎﺩﻳﺶ ﻧﺪّﺧﻞ ﻓﺤﻴﺎﺗﻚ ﻭﻗﺮﺍﺭﺍﺗﻚ .. ﻭﻟﻜﻦ ﺟﺪﺍﺗﻚ ﺧﺼﻚ ﺗﻌﻄﻴﻬﺎ ﻓﺮﺻﺔ ﺑﺎﺵ ﺗﻌﺎﻭﺩ ﻟﻴﻚ ﻋﻠﻰ ﺷﻨﻮ ﻃﺮﺍ .. ﻭﻟﻲ ﻣﺎﻛﻨﺘﻴﺶ ﻗﺎﺩﺭ ﺗﺴﺘﻮﻋﺒﻮ ﺷﺤﺎﻝ ﻫﺎﺩﻱ .. ﻭﺑﺰﺍﻑ ﺩﻳﺎﻝ ﺍﻟﺤﻮﺍﻳﺞ ﻣﻜﺎﻧﻘﻮﻟﻮﻫﻤﺶ ﻟﺪﺭﺍﺭﻱ ﺻﻐﺎﺭ ﻭﺍﻧﺖ ﻛﻨﺘﻲ ﻏﻴﺮ ﺻﻐﻴﺮ ‏( ﺷﺪﺍﺗﻨﻲ ﺗﺎﻧﻲ ﺍﻟﻜﺤﺔ .. ﺳﻜﺘﺎﺗﻨﻲ ﻭﺳﻜﺘﺎﺗﻮ ‏

ﺍﻟﺒﺎﺭﺕ 21
ﻧﻬﺎﺭ ﻃﻮﻳﻞ ﻭﺃﺣﺪﺍﺙ ﻛﺘﺎﺭ .. ﻭﺯﻳﺪ ﻋﻠﻴﻬﺎ ﺍﻟﺴﻔﺮ ﻭ ﺍﻟﺒﺮﺩ ﻟﻲ ﺿﺎﺭﺑﻨﻲ ﻋﻴﻴﺖ ﻭﻣﺎﺣﺴﻴﺖ ﺑﺮﺍﺳﻲ ﺗﺎ ﻧﻌﺴﺖ ﺿﺮﺑﺎﺗﻨﻲ ﺍﻟﻔﻴﻘﺔ ﻣﻠﻲ ﺳﻤﻌﺖ ﺣﺴﻦ ﻛﺎﻳﻌﻴﻂ ﻟﻴﺎ .. ﺣﻠﻴﺖ ﻋﻴﻨﻲ ﻭﻛﺎﻥ ﻇﻼﻡ .. ﻭﺻﻞ ﻟﻴﻞ
– ‏( ﺻﻮﺗﻲ ﻣﺒﺤﺒﺢ ‏) ﻓﻴﻦ ﺣﻨﺎ .. ﻭﺻﻠﻨﺎ ؟؟
– ﺍﻩ ﻭﺻﻠﻨﺎ .. ﻋﻄﻴﻨﻲ ﺳﺎﺭﺓ ﻭﻧﺰﻟﻲ
– ‏( ﻋﻄﻴﺘﻮ ﻭﻧﺰﻟﺖ ‏) ﻓﻴﻦ ﺣﻄﻴﺘﻴﻨﺎ .. ﻛﺎﻥ ﻋﻠﻴﻚ ﺗﺤﻄﻨﺎ ﺣﺪﺍ ﺍﻟﻤﺤﻄﺔ
– ﺩﺍﺑﺎ ﺑﻴﻨﻲ ﻭﺑﻴﻨﻚ .. ﻭﺍﺵ ﺑﺎﻥ ﻟﻴﻚ ﻣﻜﺎﻧﺴﻮﺍﺵ ﺗﺎﻝ ﻫﺎﺩ ﺩﺭﺍﺟﺔ .. ﻧﺨﻠﻴﻚ ﺍﻧﺖ ﻭﺑﻨﺖ ﺻﻐﻴﺮﺓ ﻓﻬﺎﺩ ﻟﻴﻞ .. ﻣﻌﺎﺭﻓﻴﻦ ﻓﻴﻦ ﺗﻤﺸﻴﻮ ﻭﺯﻳﺪ ﻋﻠﻴﻬﺎ ﺍﻧﺖ ﺣﺎﻟﺘﻚ ﺣﺎﻟﺔ ﺑﺎﻟﻤﺮﺽ .. ﺧﻠﻴﻚ ﺑﻌﺪﺍ ﻏﻴﺮ ﺗﺎ ﺗﺒﺮﺍﻱ ﻭﻓﻴﻦ ﻣﺎ ﺑﻐﻴﺘﻲ ﺗﻤﺸﻲ ﺳﻴﺮﻱ
– ‏( ﻫﺎﺯﺍ ﺭﺍﺳﻲ ‏) ﺩﺍﺑﺎ ﺣﻨﺎ ﻓﻴﻦ .. ﻫﺪﺍ ﺍﻭﻃﻴﻞ ؟؟
– ﻻ ﻛﺒﺎﺭﻱ .. ﺭﺍﻩ ﺩﺍﺭﻱ ﻫﺎﺩﻱ
– ﻭﺩﺍﺍﺍﺍﺭ ﻭﺍﺵ ﻣﻦ ﺩﺍﺭ ﺑﺎﻳﻨﺔ ﻋﻠﻴﻬﺎ ﻛﺒﻴـــﺮﺓ ﻏﻲ ﻣﻦ ﺑﺮﺍ .. ﺑﺪﻳﺖ ﻧﺸﻚ
– ﻓﺎﺵ ﺑﺴﻼﻣﺔ ؟؟؟
– ﺧﺎﺭﺝ ﻣﻦ ﺳﺎﺩﺱ ﻭﻋﻨﺪﻙ ﻃﻨﻮﺑﻴﻞ ﻭﺩﺍﺍﺍﺭ ﻣﺎﺷﻲ ﺩﻭﻳﺮﺓ .. ﻭﻛﺎﺗﻠﺒﺲ ﻣﺰﻳﺎﺍﺍﺍﻥ ﻣﻬﻠﻲ ﻓﺮﺍﺳﻚ .. ﻭﺭﻳﺤﺘﻚ ﺩﻳﺎﻝ ﺃﻭﺭﻳﻔﻼﻡ ﻣﺎﺷﻲ ﺩﻳﺎﻝ ﺍﻟﻌﺒﺎﺭ .. ﻭﻣﺎﻛﺎﺗﺤﺎﺳﺒﺶ ﻋﻠﻰ ﺍﻟﻔﻠﻮﺱ .. ﻭﺻﺒﺎﻃﻚ ﻛﻴﻠﻤﻊ ﻧﺸﻮﻑ ﻓﻴﻪ ﻭﺟﻬﻲ .. ﻛﺎﺗﺒﻴﻊ ﺍﻟﻜﻮﻛﺎﻳﻴﻦ ﻭﻻ ﺍﻟﻬﻴﺮﻭﻳﻦ ﺃﺣﺴﻦ ؟ ﻏﻴﺮ ﻋﺘﺎﺭﻑ ﺭﺍﻩ ﺣﻨﺎ ﻣﺸﺎﺭﻛﻴﻦ ﻃﻌﺎﻡ
– ﻭﺍﺍﺍﺑﺎﺍﺍﺍﺍﺯ ﻟﻤﻮﺕ ﻓﻴﻚ ﻭﻟﻲ ﻓﻴﻚ ﻣﺎ ﻣﻬﻨﻴﻚ .. ﻳﺎﻻﻩ ﺩﺧﻠﻲ ﻭﺑﺮﺍﻛﺔ ﻣﻦ ﺗﻌﺎﻟﻴﻖ ﺍﻟﺨﺎﻭﻳﺔ
ﺩﺧﻠﻨﺎ ﻟﺪﺍﺭ .. ﻓﻤﻲ ﺗﺤﻞ ﻏﺰﺍﺍﻟﺔ ﻣﻔﺮﺷﺔ ﻭﻣﻘﺎﺩﺓ ﻋﻠﻰ ﺣﻘﻬﺎ ﻭﻃﺮﻳﻘﻬﺎ .. ﻟﻲ ﻳﻘﻮﻟﻴﺎ ﻫﺎﺩﻱ ﺩﺍﺭﻭ ﻗﺒﻞ ﻣﺎﻧﺸﻮﻑ ﺑﻌﻴﻨﻲ ﻧﻀﺮﺑﻮ ﻧﻘﺘﻠﻮ .. ﺧﺮﺟﺎﺕ ﻋﻨﺪﻧﺎ ﻭﺍﺣﺪ ﺍﻟﻤﺮﺃﺓ ﻫﻜﺎﻙ ﺗﻜﻮﻥ ﺃﺭﺑﻌﻴﻨﻴﺔ .. ﻣﺸﻴﺖ ﻛﻨﺴﻠﻢ ﻋﻠﻴﻬﺎ
– ﻫﺎﺩﻱ ﺧﻄﻴﺒﺘﻚ ﺃﺣﺴﻦ ؟؟
– ﻻ ﺃﻧﺎ ﻏﻴﺮ ﺧﺪﺍﻣﺔ ﻋﻨﺪ ﺳﻲ ﺣﺴﻦ
– ﺧﺪﺍﻣﺔ ﺃﺣﺴﻦ ؟ ﺩﺍﻛﺸﻲ ﻋﻨﺪﻙ ﻣﺠﻬﺪ ﻭﺍﻗﻠﺔ ﻛﺎﺗﺪﻳﺮﻟﻮ ﺗﺼﺪﻳﺮ ﺗﺎ ﻟﺒﺮﺍ ‏( ﻏﻤﺰﺗﻮ .. ﺳﻴﺪﺓ ﻣﺎﻓﻬﻤﺎﺕ ﻭﺍﻟﻮ ‏) ﺍﺟﻲ ﺍﺧﺘﻲ ﻧﻌﺎﻭﺩ ﻋﻠﻴﻚ ﺳﻼﻡ
– ﺣﺴﻦ : ﻣﺎﻛﺎﺗﻘﺸﺮﻳــــﺶ .. ﻧﻤﺸﻲ ﻧﺤﻂ ﺳﺎﺭﺓ ﺗﺮﺗﺎﺡ
ﻣﺸﺎ ﻭﺧﻼﻧﺎ ﻭﺩﺧﻠﻨﺎ ﺃﻧﺎ ﻭﻳﺎﻫﺎ ﻟﻠﻜﻮﺯﻳﻨﺔ ﺑﻐﻴﺖ ﻧﺼﺎﻭﺏ ﻟﺤﻠﻴﺐ ﻟﺴﺎﺭﺓ .. ﺳﺎﻋﺔ ﻣﻊ ﺷﺎﻓﺖ ﻋﻴﻨﻴﺎ ﻛﺎﻳﺪﻣﻌﻮ ﻏﻴﺮ ﺑﻮﺣﺪﻫﻢ ﺑﺎﻟﺮﻭﺍﺡ ﻣﺎﺧﻼﺗﻨﻴﺶ ﻭﺗﻜﻠﻔﺎﺕ ﻫﻲ .. ﻫﻲ ﻛﺎﺗﺼﺎﻭﺏ ﻭﺍﻧﺖ ﻣﻮﺭﺍﻫﺎ ﻛﺎﻧﺪﻳﺮ ﻟﻴﻬﺎ ﺍﺳﺘﻨﻄﺎﻕ
– ﺧﺘﻲ ﺍﻧﺖ ﺧﺪﺍﻣﺔ ﻋﻨﺪﻭ ﻛﺎﻳﺨﻠﺼﻚ ﻣﺰﻳﺎﻥ ﻣﻜﺎﻳﻜﻠﺶ ﻓﻔﻠﻮﺳﻚ ؟؟
– ﻻ ﺑﺎﻟﻌﻜﺲ ﺳﻲ ﺣﺴﻦ ﺍﻟﻠﻪ ﻳﻌﻤﺮﻫﺎ ﺩﺍﺭ
– ﻻ ﺩﺍﺭﻫﻢ ﻋﺎﻣﺮﺓ ﻏﻴﺮ ﺑﻼ ﻣﺎﺗﺰﻳﺪﻱ ﺩﻋﻲ
– ﺍﻧﺖ ﻛﺎﺗﺠﻴﻪ ﻣﻦ ﺍﻟﻌﺎﺋﻠﺔ ؟
– ﻻ .. ﻗﺼﺔ ﻃﻮﻳﻠﺔ ﻣﻠﻲ ﻧﺒﺮﺍ ﻏﺪﺍ ﻧﻌﺎﻭﺩﻫﺎ ﻟﻴﻚ .. ﻭﺍﺣﺪ ﺧﻄﻴﺒﺘﻮ ﻓﻴﻦ ﻫﻲ ؟
– ﺭﺍﻫﻲ ﻓﺪﺍﺭﻫﻢ ﻛﺎﺗﺠﻲ ﻣﺮﺓ ﻣﺮﺓ ﻣﻠﻲ ﻛﺎﻳﻜﻮﻥ ﺳﻲ ﺣﺴﻦ
– ﺳﻲ ؟؟ ﻳﺸﻮﻳﻨﻲ ﻓﻴﻪ .. ﻫﺎﺩ ﺧﻄﻴﺒﺘﻮ ﺯﻭﻳﻨﺔ ؟؟
– ﺍﻩ ﻭﻟﻜﻦ ﺃﺧﻼﻗﻬﺎ ﺑﻼ ﻣﺎﻧﻌﺎﻭﺩ ﻟﻴﻚ ‏( ﺩﺍﺭﺕ ﻋﻨﺪﻱ ﻭﻫﻀﺮﺍﺕ ﻏﻴﺮ ﺑﺸﻮﻳﺔ ‏) ﺑﻴﻨﻲ ﻭﺑﻴﻨﻚ ﻟﻔﻌﻰ ﻛﺮﻃﻴﻄﺔ
– ﻭﻣﺎ ﻫﺎﺩ ﺣﺴﻦ ﺳﺎﻫﻞ ﻟﻴﻬﺎ .. ﻋﻤﺮﻛﻲ ﺷﻔﺘﻲ ﺷﻲ ﺣﻨﺶ ﺑﻮﺳﻜﺔ ﻛﺎﻳﺘﻤﺸﻰ ﻋﻠﻰ ﺟﻮﺝ ﺭﺟﻠﻴﻦ ؟؟
– ﻻﺍﺍ
– ﻭﺭﺍﻩ ﻫﻮ ﺣﺴﻦ
– ‏( ﺑﺴﺨﺮﻳﺔ ‏) ﺍﺗﺒﺎﺭﻙ ﺍﻟﻠﻪ ﻋﻠﻰ ﻻﻟﺔ ﻓﺎﻃﻤﺔ ﺑﺎﻗﻲ ﻣﺎﺳﺨﻨﺘﻲ ﺑﻼﺻﺘﻚ .. ﺑﺪﻳﺘﻲ ﻛﺎﺩﻳﺮﻱ ﺧﺪﻣﺘﻚ ‏( ﻫﺎﺩ ﺻﻮﺕ ﺩﻳﺎﻝ ﺣﺴﻦ ﺟﺎﻧﻲ ﻣﻦ ﻭﺭﺍ ﻇﻬﺮﻱ .. ﻧﺎﺭﻱ ﺣﺼﻠﻨﻲ ﻟﻜﺎﻓﺮ ﻛﻨﻬﻀﺮ ﻓﻴﻪ ‏)
ﻗﻠﺒﺘﻬﺎ ﻛﺤﺔ ﺑﺎﺵ ﻧﺴﻲ ﺍﻟﻤﻮﺿﻮﻉ

ﺍﻟﺒﺎﺭﺕ 22
ﺳﺎﺭﺓ ﺑﺎﺗﺖ ﻣﻊ ﺣﺴﻦ ﺣﻴﺖ ﺑﻘﻴﺖ ﻓﻴﻪ ﺃﻭ ﺑﺎﻷﺣﺮﻯ ﺑﻘﺎﺕ ﻓﻴﻪ ﺳﺎﺭﺓ ﺧﺎﻑ ﻻ ﻧﻌﺎﺩﻳﻬﺎ .. ﺍﻣﺎ ﺍﻧﺎ ﺩﻭﺯﺕ ﻟﻴﻞ ﻛﻠﻮ ﻭﺍﻧﺎ ﻛﻨﻬﺘﺮﺕ ﺑﺎﻟﺴﺨﺎﻧﺔ .. ﻣﻠﻲ ﻓﻘﺖ ﺑﺪﻳﺖ ﻛﺎﻧﺴﻤﻊ ﺷﻲ ﺟﻮﺝ ﻛﺎﻳﻬﻀﺮﻭ ﺑﺠﻬﺪ .. ﺑﺪﻳﺖ ﻛﻨﻄﻞ ﻏﻴﺮ ﺑﺸﻮﻳﺔ ﺷﻔﺖ ﺣﺴﻦ ﻣﻊ ﻭﺍﺣﺪ ﺍﻟﻤﺮﺃﺓ ﺯﻭﻳﻨﺔ ﻭﻛﻼﺱ ﻭﻭﻗﻔﺘﻬﺎ ﻣﻘﺎﺩﺓ ﻭﻟﻜﻦ ﻣﻜﺎﺗﻌﺮﻓﺶ ﺗﻬﻀﺮ ﻭﻗﻠﺒﻬﺎ ﻗﺎﺳﺢ
– ﺣﺴﻦ ﻭﺍﺵ ﺗﺼﻄﻴﺘﻲ .. ﻣﻦ ﺩﻳﻤﺎ ﻛﺎﺗﻔﻜﺮ ﺑﻌﻘﻠﻚ .. ﺃﺵ ﻃﺮﺍ ﻟﻴﻚ ﻫﺎﺩ ﺍﻟﻤﺮﺓ .. ﺩﺧﻞ ﺟﻮﺝ ﻋﻠﻴﻚ ﻟﺪﺍﺭ ﻣﻜﺎﺗﻌﺮﻑ ﺃﺻﻠﻬﻢ ﻣﻦ ﻓﺼﻠﻬﻢ .. ﻭﺣﺪﺓ ﺑﻨﺖ ﺍﻟﺤﺮﺍﻡ ﺗﺨﻼﻭ ﻋﻠﻴﻬﺎ ﻋﺎﺋﻠﺘﻬﺎ .. ﻭﻟﻮﺧﺮﺍ ﻣﺎﻋﺮﻓﺖ ﻋﻼﺵ ﻧﺎﻭﻳﺔ ﺑﺎﻳﻨﺔ ﺗﻜﻮﻥ ﺷﻲ ﻧﺼﺎﺑﺔ ﺑﺎﻏﺎ ﺗﻠﻮﻱ ﻋﻠﻴﻚ ﻭﻋﻠﻰ ﻓﻠﻮﺳﻚ
– ﺳﻤﻌﻲ ﻣﺎﺑﻐﻴﺘﺶ ﻧﻌﺎﻭﺩﻭ ﻧﻬﻀﺮﻭ ﻋﻠﻰ ﻫﺎﺩ ﺍﻟﻤﻮﺿﻮﻉ .. ﻛﻲ ﻣﻜﺎﻧﺨﻠﻲ ﺗﺎ ﺷﻲ ﺣﺪ ﻳﻬﻀﺮ ﻋﻠﻴﻚ ﻭﻳﺘﺪﺧﻞ ﻓﻌﻼﻗﺘﻲ ﻣﻌﻚ .. ﻣﺎﻧﺒﻐﻴﻜﺶ ﺩﺧﻠﻲ ﻓﻘﺮﺍﺭﺍﺗﻲ ﻭﺣﻨﺎ ﺑﺎﻗﻲ ﻣﺎﺗﺰﻭﺟﻨﺎﺵ .. ﻣﻦ ﺣﻘﻚ ﺍﻩ ﺗﻘﻨﺮﺍﺣﻲ ﻭﻟﻜﻦ ﻣﺎﺷﻲ ﺗﻘﺮﺭﻱ ﺑﻼﺻﺘﻲ .. ﺃﻧﺎ ﻋﺎﻭﺩﺕ ﻟﻴﻚ ﻋﻠﻰ ﻛﻠﺸﻲ ﻭﻛﻨﻈﻦ ﺑﻠﻲ ﻗﻠﺖ ﻟﻴﻚ ﻓﺎﻃﻤﺔ ﺃﻧﺎ ﻭﻋﻦ ﻗﻨﺎﻋﺔ ﻟﻲ ﺩﺧﻠﺘﻬﺎ ﻓﻬﺎﺩ ﺍﻟﻘﻀﻴﺔ .. ﺍﻣﺎ ﻫﻲ ﻛﺎﻧﺖ ﻏﻴﺮ ﺩﺍﻳﺰﺓ ﻣﻦ ﻃﺮﻳﻖ .. ﻭﺳﺎﺭﺓ ﻣﺎﻧﺒﻐﻴﻜﺶ ﺗﻌﺎﻭﺩﻱ ﺗﻬﻀﺮﻱ ﻋﻠﻴﻬﺎ ﺑﻬﺎﺩ ﻃﺮﻳﻘﺔ ﺣﻴﺖ ﻫﻲ ﻏﻴﺮ ﺑﻨﺖ ﺻﻐﻴﺮﺓ ﻣﺨﺘﺎﺭﺗﺶ ﻭﺍﻟﻴﺪﻳﻬﺎ .. ﻭﻋﺎﻓﺎﻙ ﺧﻠﻴﻚ ﻓﻌﻴﻨﻲ ﺯﻭﻳﻨﺔ … ﻭﻣﺎﻧﺨﻴﻠﻮﺵ ﻫﺎﺩ ﺍﻟﻤﺸﻜﻞ ﺍﻟﺒﺴﻴﻂ ﻳﺄﺗﺮ ﻋﻠﻰ ﻋﻼﻗﺘﻨﺎ
– ﺣﺴﻦ ﺣﺎﺳﺔ ﺑﻠﻲ ﻫﺎﺩﻭ ﻏﻴﺮ ﻧﺼﺎﺑﺔ ﻭﺩﺍﺭﻭ ﻋﻠﻴﻚ ﻫﺎﺩ ﺗﻤﺘﻴﻠﻴﺔ .. ﻭﻛﺎﻉ ﺍﻟﻰ ﻛﺎﻥ ﻫﺎﺩﺷﻲ ﺣﻘﻴﻘﻲ ﺣﻨﺎ ﻣﺎﻟﻨﺎ ﻭﻣﺎﻟﻬﻢ ﻳﻀﺒﺮﻭ ﺭﺍﺳﻬﻢ ﺣﻨﺎ ﻣﺎﻋﻨﺪﺍﺵ ﺧﻴﺮﻳﺔ ﻧﺠﻤﻌﻮ ﻓﻴﻬﺎ ﻟﻲ ﻳﺴﻮﻯ ﻭﻟﻲ ﻣﺎﻳﺴﻮﺍﺵ .. ﺣﺴﻦ ﺣﻴﺎﺗﻲ ﻋﻔﺎﻙ ﻓﻜﺮ ﺑﻌﻘﻠﻚ .. ﻭﺩﻳﺮ ﻫﺎﺩﺷﻲ ﻟﻲ ﻛﺎﻧﻘﻮﻟﻴﻚ .. ﻭﺍﺵ ﺗﺒﻐﻲ ﺗﻘﻠﻘﻨﻲ
ﻣﺎﺑﻐﻴﺘﺶ ﻧﺰﻳﺪ ﻧﺴﻤﻊ ﺩﺧﻠﺖ ﻟﻮﺍﺣﺪ ﺍﻟﺒﻴﺖ ﻭﺟﻠﺴﺖ ﻓﺎﻷﺭﺽ .. ﻭﺍﺵ ﻋﻤﺮﻫﺎ ﻃﺮﺍﺕ ﻟﻴﻜﻢ ﺳﺪﻳﺘﻮ ﻓﻤﻜﻢ ﺑﺎﺵ ﻣﺎﻳﺴﻤﻌﻮﺵ ﻟﻲ ﻣﻌﻜﻢ ﻓﺪﺍﺭ ﺷﻬﻴﻖ ﺩﻳﺎﻝ ﺑﻜﺎﻛﻢ .. ﺃﻧﺎ ﺩﻳﻤﺎ ﻛﻄﺮﺍ ﻟﻴﺎ .. ﻭﻟﻜﻦ ﻫﺎﺩ ﻧﻬﺎﺭ ﻏﻴـــــﺮ .. ﺣﺴﻴﺖ ﺑﺮﺍﺳﻲ ﺗﺠﺮﺣﺖ ﻭﺗﻄﻌﻨﺖ ﻣﻦ ﻛﻞ ﺟﻬﺔ .. ﻛﺮﺍﻣﺘﻲ .. ﺑﺮﺍﺋﺘﻲ .. ﻣﻦ ﺟﻬﺔ ﺳﺎﺭﺓ ﻭﺣﺘﻰ ﻣﻦ ﺟﻬﺔ ﺣﺴﻦ … ﻭﻟﻲ ﺿﺮﻧﻲ ﻛﺘﺮ ﺃﻧﻨﻲ ﻏﺎﻧﺒﻘﻰ ﻧﺴﻤﻊ ﻫﺎﺩ ﺍﻟﻬﻀﺮﺓ ﺩﻳﻤﺎ .. ﻭﺻﻌﻴﺐ ﻧﻮﺍﺟﻪ ﻛﻞ ﻭﺍﺣﺪ ﻫﻀﺮ .. ﺗﺴﻨﻴﺖ ﺗﺎ ﺧﺮﺝ ﺣﺴﻦ ﻭﺧﻄﻴﺒﺘﻮ .. ﻭﺧﺮﺟﺖ ﺧﻠﻴﺖ ﺳﺎﺭﺓ ﻋﻨﺪ ﻧﺰﻫﺔ ﺍﻟﺨﺪﺍﻣﺔ ﺩﻳﺎﻝ ﺣﺴﻦ .. ﻣﻊ ﻛﻨﺖ ﻣﺮﻳﻀﺔ ﺑﺰﺯ ﺑﺎﺵ ﻛﺎﻧﺰﻳﺪ .. ﻣﺸﻴﺖ ﻟﺪﺍﺭﻧﺎ ﻫﻲ ﻟﻮﻟﻰ ﺑﺎﺵ ﻧﺎﺧﺪ ﺣﻮﺍﻳﺠﻲ ﻭﻓﻠﻮﺳﻲ ﻛﻨﺖ ﻧﺎﻭﻳﺔ ﻧﺪﺧﻠﻴﻬﺎ ﻣﻦ ﺳﻄﺢ ﺩﻳﺎﻝ ﺟﻴﺮﺍﻥ ﺣﻴﺖ ﻣﺎﻋﻨﺪﻳﺶ ﺳﺎﺭﻭﺕ ﻭﻟﻜﻦ ﺑﺎﻧﻮ ﻟﻴﺎ ﺳﺮﺍﺟﻢ ﻣﺤﻠﻮﻟﻴﻦ ﻋﺮﻓﺖ ﺑﻠﻲ ﻭﺍﻟﺪﻳﺎ ﺟﺎﻭ .. ﺩﻗﻴﺖ ﻭﺣﻼﺕ ﻟﻴﺎ ﺑﻨﺖ ﻋﻤﻲ .. ﻣﻊ ﺩﺧﻠﺔ ﻟﻘﻴﺖ ﺍﻟﻮﺍﻟﻴﺪ ﺍﻟﻮﺍﻟﻴﺪﺓ ﻟﻲ ﻏﻴﺮ ﺷﺎﻓﻮﻧﻲ ﻭﻗﻔﻮ

ﺍﻟﺒﺎﺭﺕ 23
– ﻣﺎﻣﺎ : ﻓﻴﻦ ﻛﻨﺘﻲ ﺃﺩﺍﻙ ﺍﻟﻤﺴﺨﻮﻃﺔ ؟؟
– ﺃﻧﺎ : ﻛﻨﺖ ‏( ﻋﻤﺎﺭﻭ ﻟﻴﺎ ﻋﻴﻨﻲ ﺑﺪﻣﻮﻉ ﻭﻣﺎﻗﺪﻳﺘﺶ ﻧﺰﻳﺪ ﻧﻬﻀﺮ ‏)
– ﺑﺎﺑﺎ : ﺭﺟﻌﻲ ﻣﻨﻴﻦ ﺟﻴﺘﻲ ﻣﺎﺑﻐﻴﺘﺶ ﻧﺸﻮﻓﻚ ﻓﻬﺎﺩ ﺍﻟﺪﺍﺭ ﻋﻠﻢ ﺍﻟﻠﻪ ﻓﻴﻦ ﻛﻨﺘﻲ ﺩﺍﻳﻌﺔ
– ﺃﻧﺎ : ﻋﻼﺵ ﺍﻟﺒﻨﺖ ﻟﻲ ﻣﻜﺎﺗﺒﺎﺗﺶ ﻓﺪﺍﺭﻫﻢ ﻛﺎﻳﺴﺤﺎﺑﻜﻢ ﺭﺍﻩ ﻛﺎﻧﺖ ﻣﻊ ﺷﻲ ﻭﺍﺣﺪ ؟ … ﻋﻼﺵ ﻛﺘﻈﻨﻮ ﺩﻳﻤﺎ ﺑﻠﻲ ﺍﻟﺒﻨﺖ ﻣﻜﺎﺗﺠﻴﺐ ﻏﻴﺮ ﺍﻟﻌﺎﺭ ؟ ﻋﻼﺵ ؟؟؟ ﻋﻼﺵ ﻣﺎﺗﺴﻮﻟﻮﺵ ﻓﻴﺎ ﺣﺘﻰ ﻭﺍﺵ ﻟﺒﺎﺱ ﻭﻳﺎﻛﻤﺎ ﻃﺮﺍﺕ ﻟﻴﻚ ﺷﻲ ﺣﺎﺟﺔ ؟؟ ﻓﻴﻦ ﻧﻌﺴﺖ ﺷﻨﻮ ﻛﻠﻴﺖ ﻭﺍﺵ ﺿﺮﻧﻲ ﺍﻟﺒﺮﺩ ؟ ﻭﺍﺵ ﺿﺮﻧﻲ ﺗﻌﺎﻣﻠﻜﻢ ﻟﺨﺮ؟ .. ﺃﻧﺎ ﻣﺎﻣﺸﻴﺘﺶ ﻟﺨﺎﻃﺮﻱ ﺍﻧﺘﻤﺎ ﻟﻲ ﺟﺮﻳﺘﻮ ﻋﻠﻴﺎ ﻭﻻ ﻧﻔﻜﺮﻛﻢ .. ﺃﻩ ﺑﺼﺢ ﻛﻨﺖ ﻣﻊ ﻭﺍﺣﺪ ﺭﺍﺟﻞ ﻭﻟﻜﻦ .. ‏( ﻣﺎﻛﻤﻠﺘﺶ ﻫﻀﺮﺗﻲ ﺗﺎ ﺟﺎﺗﻨﻲ ﻭﺍﺣﺪ ﺗﺼﺮﻓﻴﻘﺔ ﺣﺴﻴﺖ ﺑﺪﻡ ﻛﺎﻳﺴﻴﻞ ﻣﻦ ﻧﻴﻔﻲ ﺍﻣﺎ ﻋﻴﻨﻲ ﻟﻲ ﻓﺠﻬﺔ ﺍﻟﺤﻨﻚ ﻟﻲ ﺗﺼﺮﻓﻖ ﻣﺎﻗﺪﻳﺘﺶ ﻧﺤﻠﻬﺎ ‏) ﻭﺍﻭ ﻣﺎﻃﺤﺘﺶ ﺑﺤﺎﻝ ﻟﻤﺮﺍﺕ ﻟﻲ ﻓﺎﺗﻮ ﺗﻄﻮﺭ ﻣﻠﺤﻮﻅ ﻭﻻﺕ ﻋﻨﺪﻱ ﺍﻟﻤﻨﺎﻋﺔ
– ﺑﺎﺑﺎ : ﺍﻧﺎ ﻏﺎﺩﻱ ﻧﻘﺘﻠﻚ ﻭﺷﻮﻓﻲ ﻭﺍﺵ ﺑﺎﻗﺎ ﻏﺎﺗﻮﻗﻔﻲ ﻋﻠﻰ ﺭﺟﻠﻴﻚ
– ﺃﻧﺎ : ﻋﻼﺵ ﻣﺎ ﻗﺘﻠﺘﻴﻨﻴﺶ ﺷﺤﺎﻝ ﻫﺎﺩﻱ ﻭﺍﺵ ﺧﺎﻳﻒ ﻣﻦ ﺍﻟﺤﺒﺲ … ﻭﻧﺒﺸﺮﻙ ﺍﻧﺖ ﻗﺘﻠﺘﻴﻨﻲ ﺷﺤﺎﻝ ﻣﻦ ﻣﺮﺓ ﻣﺎﺷﻲ ﻏﺎ ﻭﺣﺪﺓ ﺍﻟﻰ ﻛﺎﻥ ﻳﺴﺤﺎﺑﻚ ﺃﻧﺎ ﺑﺎﻗﺔ ﺣﻴﺔ ﺭﺍﻙ ﻏﺎﻟﻂ .. ﻗﺘﻠﺘﻴﻨﻲ ﻓﻜﻞ ﻣﺮﺓ ﻣﺎﺗﻘﺘﻴﺶ ﻓﻴﺎ .. ﻗﺘﻠﺘﻴﻨﻲ ﻓﻜﻞ ﻣﺮﺓ ﻗﻠﺘﻲ ﻓﻴﻬﺎ ﻟﻨﺎﺱ ﺑﻠﻲ ﺃﻧﺎ ﻣﺎﺷﻲ ﺑﻨﺘﻚ .. ﻗﺘﻠﺘﻴﻨﻲ ﻓﻜﻞ ﻣﺮﺓ ﻛﺎﻳﻌﺎﻳﺮﻧﻲ ﺷﻲ ﻭﺍﺣﺪ ﻭﻛﺎﻳﻘﻮﻟﻴﺎ ﺍﻟﻌﺮﺟﺔ ﻭﺍﻧﺖ ﻛﻈﻞ ﺳﺎﻛﺖ
– ﺑﺎﺑﺎ : ﺩﺍﻳﺮﺓ ﻟﻴﺎ ﻓﻴﻬﺎ ﻣﺴﻠﺴﻞ .. ﻏﺎﺗﻘﻮﻟﻲ ﻓﻴﻦ ﻛﻨﺘﻲ ﻭﻻ ﻏﺎﻧﻔﺼﻞ ﻟﻴﻚ ﺭﺍﺱ ﻋﻠﻰ ﺭﻗﺒﺔ
– ﺃﻧﺎ : ﻭﺍﺧﺎ ﻧﻌﺎﻭﺩ ﻟﻴﻚ ‏( ﺑﺪﻳﺖ ﻛﻨﻌﺎﻭﺩ ﻟﻴﻬﻢ ﻣﻦ ﻟﻮﻝ ﺗﺎ ﻟﺨﺮ ‏)
– ﺑﺎﺑﺎ : ﺍﻧﺖ ﻗﺎﺑﻠﺘﻲ ﺗﺎ ﺭﺍﺳﻚ ﺑﻘﺎ ﻟﻴﻚ ﻏﻴﺮ ﺗﻘﺎﺑﻠﻲ ﺑﻨﺖ ﺍﻟﻨﺎﺱ
– ﺃﻧﺎ : ﺷﻜﺮﺍﺍ ﻋﻠﻰ ﺛﻘﺘﻜﻢ ﻓﻴﺎ .. ﻭﺩﺍﺑﺎ ﺧﺼﻨﻲ ﻧﻤﺸﻲ
– ﺑﺎﺑﺎ : ﺳﻤﻌﻴﻨﻲ ﻧﻘﻮﻟﻴﻚ ﺩﺍﻙ ﺩﺭﺍﻣﺎ ﺩﻳﺎﻟﻚ ﻣﺎﻋﻨﺪﻧﺎ ﻣﺎﻧﺪﻳﺮﻭ ﺑﻬﺎ … ﻭﺍﻟﻰ ﺧﺮﺟﺘﻲ ﻣﻦ ﻫﺎﺩ ﺍﻟﺪﺍﺭ ﻋﻤﺮﻙ ﺗﻌﺎﻭﺩﻱ ﺗﺤﻄﻲ ﻓﻴﻬﺎ ﺭﺟﻠﻴﻚ
– ﺃﻧﺎ : ﻟﺤﺎﺟﺔ ﻟﻲ ﻛﺎﺗﺨﺎﻑ ﺗﺨﺴﺮﻫﺎ .. ﺧﺴﺮﻫﺎ ﻭﺗﻬﻨﻰ
ﻫﺰﻳﺖ ﺣﻮﺍﻳﺠﻲ ﻭﻭﺩﻋﺖ ﻣﺎﻣﺎ ﻏﻴﺮ ﺑﺎﻟﻌﻴﻨﻴﻦ .. ﻋﺎﺭﻓﺔ ﻗﻠﺒﻬﺎ ﺣﻨﻴﻦ ﻭﻟﻜﻦ ﻣﺎﺗﻘﺪﺭ ﺩﻳﺮ ﻟﻴﺎ ﻭﺍﻟﻮ .. ﻣﺸﻴﺖ ﻛﻨﻘﻠﺐ ﻋﻠﻰ ﺷﻲ ﺩﺍﺭ ﻟﻠﻜﺮﺍ .. ﻧﻬﺎﺭ ﻛﺎﻣﻠﻮ ﻭﺍﻧﺎ ﻛﻨﻘﻠﺐ ﺣﺘﻰ ﻟﻘﻴﺖ ﻭﺍﺣﺪ ﺍﻟﺒﻴﺖ ﻓﺴﻄﺢ ﺭﺧﻴﺺ ﺷﻮﻳﺔ .. ﺭﺟﻌﺖ ﻟﺪﺍﺭ ﺣﺴﻦ ﺧﺪﻳﺖ ﺳﺎﺭﺓ ﻣﻦ ﻋﻨﺪ ﻧﺰﻫﺔ ﺑﻌﺪ ﻣﺎﺟﻤﻌﺖ ﻟﻴﻬﺎ ﺣﻮﺍﻳﺠﻬﺎ .. ﻭﺍﻧﺎ ﺧﺎﺭﺟﺔ ﻭﺃﻧﺎ ﻧﺘﻼﻗﻰ ﻣﻊ ﺣﺴﻦ
– ﻓﻴﻦ ﻏﺎﺩﺓ … ﻣﺎﻟﻚ ﻭﺟﻬﻚ ﺑﻌﺪﺍ ﻛﻠﻮ ﻣﺰﺭﻕ ؟؟ ﻭﺍﺵ ﺗﻌﺮﺿﻮ ﻟﻴﻚ ﺷﻔﺎﺭﺓ ؟؟
– ﺷﻔﺎﺭﺓ ﻫﻬﻬﻬﻬﻬﻬﻪ ‏( ﺟﺎﺗﻨﻲ ﻫﺴﺘﻴﺮﻳﺔ ﺩﻳﺎﻝ ﺿﺤﻚ ﺗﺨﻠﻄﺎﺕ ﻓﺎﻟﺨﺮ ﻣﻊ ﺍﻟﻬﺴﺘﻴﺮﻳﺔ ﺩﻳﺎﻝ ﺍﻟﺒﻜﺎ ‏)
– ﻓﺎﻃﻤﺔ ؟؟ ﻳﺎﻙ ﻟﺒﺎﺱ ؟؟ ﺗﻬﺪﻧﻲ
– ﻭﺍﻟﻮ ﺑﺎﺱ ‏( ﻣﺤﻴﺖ ﺩﻣﻮﻋﻲ ‏) ﻟﻘﻴﺖ ﻭﺍﺣﺪ ﺍﻟﺒﻴﺖ ﻟﻜﺮﺍ ﻭﻏﺎﻧﻤﺸﻴﻮﺍ ﻟﻴﻪ ﺃﻧﺎ ﻭﺳﺎﺭﺓ
– ﻻ ﻣﻐﺎﻧﺨﻠﻴﻜﻤﺶ ﺗﻤﺸﻴﻮﺍ
– ﻭﺍﻧﺎ ﻣﻐﺎﻧﺨﻠﻴﻜﺶ ﺗﺨﻠﻴﻨﻲ .. ﺣﺴﻦ ﺍﻧﺖ ﻋﻨﺪﻙ ﺣﻴﺎﺗﻚ .. ﺍﻣﺎ ﺃﻧﺎ ﻣﺎﻋﻨﺪﻱ ﻭﺍﻟﻮ .. ﻭﻣﻊ ﺳﺎﺭﺓ ﻧﻘﺪﺭ ﻧﺒﺪﺍ ﻣﻦ ﺟﺪﻳﺪ .. ﻭﺍﺧﺎ ﻧﺒﻘﺎﻭ ﻣﻌﺎﻙ ﻃﺎﻝ ﺯﻣﺎﻥ ﻭﻻ ﻗﺼﺎﺭ ﻏﺎﻧﺒﻘﺎﻭ ﻏﻴﺮ ﺃﻧﺎ ﻭﺳﺎﺭﺓ .. ﺷﻜﺮﺍ ﺑﺰﺍﻑ ﻋﻠﻰ ﻛﻠﺸﻲ
– ﻭﺍﺵ ﻛﺎﺿﺤﻜﻲ ﻋﻠﻴﺎ ﺃﻓﺎﻃﻤﺔ
– ﻭﺍﺵ ﺑﺎﻥ ﻟﻴﻚ ﺑﺎﻗﻲ ﺷﻲ ﺑﻼﺻﺔ ﺩﻳﺎﻝ ﺿﺤﻚ ﻓﺤﻴﺎﺗﻲ .. ﺣﺴﻦ ﺑﺴﻼﻣﺔ
– ﻭﺍﺧﺎ ﺍﻟﻰ ﻛﻨﺘﻲ ﻣﺼﺮﺓ ﻋﻄﻴﻨﻲ ﻧﻤﺮﺗﻚ ﺑﺎﺵ ﻧﻄﻤﻦ ﻋﻠﻴﻜﻢ ﺍﻧﺖ ﻭﺳﺎﺭﺓ .. ﻭﺧﻠﻴﻨﻲ ﻧﻮﺻﻠﻜﻢ
– ﻭﺍﺧﺎ ﺷﻜﺮﺍ

ﺍﻟﺒﺎﺭﺕ 24
ﺩﺍﺯﺕ 4 ﺷﻬﻮﺭ ﻭﺍﻧﺎ ﻭ ﺳﺎﺭﺓ ﺳﺎﻛﻨﻴﻦ ﺑﻮﺣﺪﻧﺎ .. ﺭﺑﻲ ﺳﻬﻞ ﻋﻠﻴﺎ ﻓﺨﺪﻣﺔ ﺣْﺴﻦ ﻣﻠﻲ ﻛﻨﺖ ﻓﻴﻬﺎ .. ﻛﻨﺨﺪﻡ ﺑﻨﻬﺎﺭ ﻭﻛﺎﻧﺨﻠﻲ ﺳﺎﺭﺓ ﻓﺎﻟﺤﻀﺎﻧﺔ ﺣﻴﺖ ﻣﺎﻧﺘﻴﻖ ﻧﺨﻠﻴﻬﺎ ﻋﻨﺪ ﺗﺎ ﻭﺍﺣﺪ ﻭﻟﻴﺖ ﻛﻨﺨﺎﻑ ﻋﻠﻴﻬﺎ ﻛﺘﺮ ﻣﻦ ﺭﺍﺳﻲ .. ﺍﻳﻮﺍ ﻓﻠﻴﻞ ﻛﻨﻜﻮﻧﻮ ﻣﻊ ﺑﻌﻀﻴﺎﺗﻨﺎ ﻛﺎﺗﻨﺴﻴﻨﻲ ﻓﻜﻠﺸﻲ .. ﻛﺎﺗﻨﺴﻴﻨﻲ ﻓﺎﻟﻌﻴﺎ ﻓﻌﺎﺋﻠﺘﻲ ﻓﻜﺎﻉ ﻫﻤﻮﻣﻲ .. ﺩﺍﻳﺮﺓ ﺑﺤﺎﻝ ﺩﺍﻙ ﻧﺴﻴﻢ ﺍﻟﻤﻨﻌﺶ ﻟﻲ ﻛﻴﺠﻲ ﻣﻦ ﺑﻌﺪ ﺿﻴﻖ ﺻﺪﺭ .. ﻋﻤﺮﻱ ﻧﺪﻣﺖ ﻋﻠﻴﻬﺎ ﺑﺎﻟﻌﻜﺲ ﻛﻨﺤﻤﺪ ﺍﻟﻠﻪ ﻟﻴﻞ ﻭﻧﻬﺎﺭ ﺣﻴﺖ ﺟﺎﺑﻬﺎ ﻓﻄﺮﻳﻘﻲ ﺑﺤﺎﻝ ﺷﻲ ﻧﻮﺭ ﺿﻮﺍ ﻟﻴﺎ ﺣﻴﺎﺗﻲ .. ﻣﺎﻣﺎ ﻭﺑﻨﺖ ﻋﻤﻲ ﻣﺮﺓ ﻣﺮﺓ ﻛﺎﻳﺠﻴﻮﺍ ﻋﻨﺪﻱ ﻳﻄﻤﻨﻮ ﻋﻠﻴﺎ ﺍﻣﺎ ﺣﺴﻦ ﻓﻬﻮ ﻛﻞ ﻟﻴﻞ ﻛﺎﻳﻌﻴﻂ ﻳﺴﻮﻝ ﻓﻴﻨﺎ .. ﻋﻤﺮﻭ ﺧﻄﺎ ﺷﻲ ﻧﻬﺎﺭ ﻣﺎﻋﻴﻄﺶ ﻛﻨﻈﻦ .. ﻭﻛﻨﺼﻴﻔﻂ ﻟﻴﻪ ﺩﻳﻤﺎ ﺗﺼﺎﻭﺭ ﺳﺎﺭﺓ ﻓﺎﻟﻔﺎﻳﺲ ﺑﻄﻠﺒﻮ ﻃﺒﻌﺎ .. ﻧﺎﺭﻱ ﻋﻤﺮﻱ ﻧﺴﺎ ﺩﺍﻙ ﻧﻬﺎﺭ ﻟﻲ ﺻﻴﻔﻂ ﻟﻴﻪ ﺃﻧﻔﻴﻄﺎﺳﻴﻮﻥ ﺷﺤﺎﻝ ﻣﺎﺕ ﻋﻠﻴﺎ ﺑﺎﻟﻀﺤﻚ ﻭﺃﻧﺎ ﻛﻨﺤﻠﻒ ﻟﻴﻪ ﻭﻧﻌﺎﻭﺩ ﺑﻠﻲ ﻫﺎﺩﻳﻚ ﺳﻤﻴﺔ ﺩﺍﻳﺮﻫﺎ ﻗﺒﻞ ﻣﺎﻧﺘﻼﻗﻰ ﺑﻴﻪ ﻭﻟﻲ ﻫﻲ ” ﺯﻫﺮﺓ ﺍﻷﻻﻡ ” ﺗﻔﻮ ﺩﻳﻤﺎ ﻛﻨﺤﻂ ﺭﺍﺳﻲ ﻓﻤﻮﺍﻗﻒ ﺑﺎﻳﺨﺔ
– ﺳﺎﺭﺓ ﻋﻤﺮﻫﺎ ﻃﺎﺣﺖ ﻟﻴﺎ ﻋﻠﻰ ﺑﺎﻟﻲ .. ﻋﻘﻠﺘﻲ ﻋﻠﻰ ﻧﻬﺎﺭ ﻛﺪﺑﺖ ﻋﻠﻰ ﻳﺴﺮﻯ ﻭﺟﺪﺍﺕ ﺣﺴﻦ ﻭﻗﻠﺖ ﻟﻴﻬﻢ ﺳﺎﻛﻨﻴﻦ ﻓﺒﻴﺖ ﻓﺎﻟﺴﻄﺢ … ﺳﻤﻊ ﻣﻨﻲ ﺍﻟﻠﻪ .. ﻳﺦ ﻛﻦ ﻏﻴﺮ ﻗﻠﺖ ﻟﻴﻬﻢ ﺳﺎﻛﻨﻴﻦ ﻓﻔﻴﻼ ﻓﻬﻮﺍﻱ ﻛﻦ ﺃﻧﺎ ﻭﻳﺎﻙ ﻛﻨﺘﺒﺮﻋﻮ ﺩﺍﺑﺎ .. ﻫﻬﻪ ﻛﻀﺤﻜﻲ ﺃﻟﻌﻔﻴﺮﻳﺘﺔ ﻳﺨﻠﻴﻚ ﻟﻴﻚ ﻟﻴﻠﻲ ﺃﻟﻘﻄﻴﻄﺔ ﺩﻳﺎﻟﻲ ﻭﻳﻨﻮ ﻭﻳﻨﻮ ‏( ﺳﻤﻌﺖ ﺩﻗﺎﻥ ﻓﺎﻟﺒﺎﺏ ‏) ﻭﻳﻠﻲ ﺷﻜﻮﻥ ﻟﻲ ﻏﺎﻳﺠﻲ ﻋﻨﺪﻧﺎ ﻓﻬﺎﺩ ﻟﻴﻞ
ﺣﻄﻴﺖ ﺳﺎﺭﺓ ﻭﻣﺸﻴﺖ ﺣﻠﻴﺖ ﺍﻟﺒﺎﺏ ﻭﺇﺫﺍ ﺑﻬﺎ ﺍﻟﺼﺪﻣﺔ .. ﻛﺎﻧﺖ ﺟﺪﺍﺗﻲ .. ﺃﻭﻝ ﺣﺎﺟﺔ ﺩﺍﺭﺗﻬﺎ ﻫﻲ ﺷﺪﺍﺗﻨﻲ ﻣﻦ ﺷﻌﺮﻱ ﻓﻌﻮﺽ ﻣﺎﺗﺴﻠﻢ ﻋﻠﻴﺎ ﺑﺤﺎﻝ ﺍﻟﻨﺎﺱ
– ﺃﻱ ﺃﻱ ﺃﻱ ﺃﺟﺪﺓ ﻏﻴﺮ ﺑﺸﻮﻳﺔ ﺭﺍﻩ ﻛﺎﻳﻄﻴﺢ ﻋﻠﻰ ﺳﺒﺔ
– ‏( ﻃﻠﻘﺎﺕ ﻣﻨﻲ ‏) ﻳﻄﻴﺤﻮ ﻟﻴﻚ ﺭﻛﺎﺑﻲ ﻗﻮﻟﻲ ﺁﻣﻴﻦ .. ﻳﺎﻙ ﺃﻟﻘﺮﺩﺓ ﻋﺎﻳﺸﺔ ﻓﻬﺎﺩ ﺍﻟﺒﻮﺍﻃﺔ ﺩﻳﺎﻝ ﺍﻟﻮﻗﻴﺪ ﻭﻋﺎﺟﺒﻚ ﺍﻟﺤﺎﻝ ﻭﺟﺪﺍﻙ ﻋﻨﺪﻫﺎ ﺩﺍﺭ ﺷﺎﺩﺓ ﺩﻭﺍﺭ ﻛﺎﻣﻞ
– ﺍﻳﻮﺍ ﺑﻼ ﻣﺎﺗﺒﻘﺎﻱ ﺗﺰﻳﺪﻱ ﻓﻴﻪ ﺃﺟﺪﺓ ﺩﺍﺭﻙ ﻳﺎﻻﻩ ﻓﻴﻬﺎ 100 ﻣﺘﺮﻭ ﻣﻜﺎﻣﻼﺵ
– ﺷﺪﻭﻧﻲ ﻋﻠﻴﻬﺎ ﺷﺪﻭﻭﻭﻭﻧﻲ ‏( ﻛﺎﻧﺖ ﻏﺎﺗﺰﻳﺪ ﻛﻦ ﻣﺎﺳﻤﻌﺎﺕ ﺳﺎﺭﺓ ﻛﻀﺤﻚ .. ﺧﻼﺗﻨﻲ ﻭﻣﺸﺎﺕ ﻋﻨﺪﻫﺎ ‏) ﺗﺒﺎﺭﻙ ﺍﻟﻠﻪ ﺗﺒﺎﺭﻙ ﺍﻟﻠﻪ ﻣﺎ ﺷﺎﺀ ﺍﻟﻠﻪ .. ﺷﺤﺎﻝ ﺯﻭﻳﻨﺔ
– ﺑﺤﺎﻟﻲ .. ﺍﻟﺒﻨﺖ ﻟﻲ ﻣﺎﺗﺸﺒﻪ ﻟﻤﺎﻣﺎﻫﺎ ﺣﺮﺍﻡ ﺍﺣﻢ ﺍﺣﻢ
– ﺍﻳﻴﻲ ﺗﻴﻘﺘﻲ ﺭﺍﺳﻚ .. ﻗﺎﻟﻚ ﻧﻮﺿﻮ ﺍﻟﺤﻤﻘﺔ ﺗﺸﻄﺢ ﺩﺍﺭﺗﻬﺎ ﺑﺼﺢ .. ﻫﺎﺩ ﺍﻟﺒﻨﺖ ﺭﺍﻩ ﺑﺤﺎﺍﺍﺍﻟﻲ ﺳﺒﺤﺎﻥ ﺍﻟﻠﻪ ﻣﻠﻲ ﻛﻨﺖ ﺻﻐﻴﺮﺓ .. ﻫﺎﻧﺎ ﻧﻮﺭﻳﻚ ﺗﺼﻮﻳﺮﺗﻲ .. ﺍﻩ ﺍﻟﻠﻪ ﻳﺘﺒﺘﻨﺎ ﻋﻠﻰ ﺷﻬﺎﺩﺓ ﻧﺴﻴﺘﻬﺎ ﻓﺪﻭﺍﺭ
– ﻭﻳﺎﻙ ﺃﺟﺪﺓ ﺍﻧﺖ ﻧﻬﺎﺭ ﺗﺰﺍﺩﻳﺘﻲ ﺍﻟﻜﺎﻣﻴﺮﺍ ﻛﺎﻧﺖ ﺑﺎﻗﺎ ﻣﺎﺩﺧﻼﺗﺶ ﺍﻟﻤﻐﺮﺏ
– ﺩﺧﻠﻲ ﻓﺤﻴﻂ ﺍﻥ ﺷﺎﺀ ﺍﻟﻠﻪ … ﺳﻴﺮﻱ ﺟﻤﻌﻲ ﺣﻮﺍﻳﺠﻜﻢ ﻟﻴﻮﻡ ﺗﻤﺸﻮﺍ ﻣﻌﺎﻳﺎ
– ‏( ﺟﻠﺴﺖ ﺣﺪﺍﻫﺎ ‏) ﻻ ﻣﻐﺎﻧﻤﺸﻴﻮﺵ ﻣﻌﺎﻙ .. ﻭﺍﻧﺖ ﻋﺎﺭﻓﺔ ﻋﻼﺵ
– ﻻ ﻣﻌﺎﺭﻓﺎﺵ
– ﺭﺍﻙ ﻋﺎﺭﻓﺔ ﺩﻭﺍﺭ ﻭ ﺍﻟﻌﺎﺋﻠﺔ ﻛﺎﻳﻘﻠﺒﻮ ﻏﻴﺮ ﻋﻠﻰ ﺷﻲ ﺣﺎﺟﺔ ﻳﻘﺮﻗﺒﻮ ﺑﻴﻬﺎ ﺍﻟﻨﺎﺏ .. ﻭﺍﻧﺎ ﻣﺎﺑﻐﻴﺘﺶ ﺳﺎﺭﺓ ﺗﻌﺎﻧﻲ ﻛﻲ ﻋﺎﻧﻴﺖ ﺃﻧﺎ ﻣﻨﻬﻢ ﻣﻠﻲ ﻛﻨﺖ ﺻﻐﻴﺮﺓ
– ﻟﻲ ﻫﻀﺮ ﻋﻠﻴﻜﻢ ﻧﻬﺮﺱ ﻟﻴﻪ ﻓﻤﻮ
– ﺷﺤﺎﻝ ﻗﺪﻙ .. ﻭﻟﻲ ﻣﺎﻫﻀﺮ ﻓﻮﺟﻬﻚ ﻳﻬﻀﺮ ﻓﻈﻬﺮﻙ ﻭﺃﻧﺎ ﻣﺎﺑﻐﻴﺘﺶ ﻧﻐﺎﻣﺮ ﺑﻄﻔﻮﻟﺔ ﺳﺎﺭﺓ .. ﺃﻧﺎ ﻫﻨﺎ ﺍﻟﺤﻤﺪﻟﻠﻪ ﻭﺑﻴﺨﻴﺮ ﺧﺪﺍﻣﺔ ﻭﻛﻠﺸﻲ ﻣﺰﻳﺎﻥ .. ﻣﺎﻧﺎﻗﺼﻨﻲ ﺗﺎ ﺧﻴﺮ .. ﻋﺎﻓﺎﻙ ﺑﻼ ﻣﺎﺗﺤﻜﺮﻱ
– ﺍﻳﻮﺍ ﻟﻲ ﺑﻐﻴﺘﻲ .. ﻳﺎﻻﻩ ﻧﻮﺿﻲ ﺻﺎﻭﺑﻲ ﻟﻴﺎ ﻏﻴﺮ ﺷﻲ ﻛﺎﺱ ﺩﻳﺎﻝ ﺃﺗﺎﻱ ﻧﺤﻴﺪ ﺑﻴﻪ ﺷﺤﻔﺔ
– ﻫﻲ ﻟﻮﻟﻰ
ﻳﺎﻻﻩ ﺑﻐﻴﺖ ﻧﺒﺪﺍ ﻧﻄﻴﺐ ﺃﺗﺎﻱ ﻭﺃﻧﺎ ﻧﺴﻤﻊ ﺷﻲ ﺣﺪ ﻛﺎﻳﺪﻕ ﻓﺎﻟﺒﺎﺏ
– ﺟﺪﺓ ﻛﺎﺗﺴﻨﺎﻱ ﺷﻲ ﺣﺪ ﻳﻠﺤﻖ ﻋﻠﻴﻚ ﻟﻬﻨﺎ
– ﻻ
– ﺍﻳﻮﺍ ﺷﻜﻮﻥ ؟
ﺣﻠﻴﺖ ﺍﻟﺒﺎﺏ ﻭﺃﻧﺎ ﻧﻠﻘﺎﻩ ﺣﺴﻦ

ﺍﻟﺒﺎﺭﺕ 25
– ﺃﻧﺎ : ﺣﺴﻦ ؟؟؟؟
– ﺣﺴﻦ : ﻋﻼﺵ ﻣﻜﺎﺗﺠﺎﻭﺑﻴﺶ ﻓﺘﻴﻠﻴﻔﻮﻥ ﺧﻠﻌﺘﻴﻨﻲ ﻋﻠﻴﻚ ؟؟
– ﺃﻧﺎ : ﺗﻴﻠﻴﻔﻮﻥ ؟؟ ﻣﺎ ﺳﻤﻌﺖ ﻭﺍﻟﻮ ؟؟؟
– ﺟﺪﺓ : ﺷﻜﻮﻥ ﺃﻓﺎﻃﻤﺔ ؟؟
– ﺃﻧﺎ : ﻏﻴﺮ ﺣﺴﻦ ﺃﺟﺪﺓ
– ﺟﺪﺓ : ﺩﺧﻞ ﺃﻭﻟﻴﺪﻱ ﺩﺧﻞ
ﺩﺧﻞ ﺣﺴﻦ ﻭﺍﻧﺎ ﺑﺪﻳﺖ ﻛﻨﻘﻠﺐ ﻋﻠﻰ ﺗﻴﻠﻴﻔﻮﻥ
– ﺃﻧﺎ : ﺟﺪﺓ ﻣﺎﺷﻔﺘﻴﺶ ﺗﻴﻠﻴﻔﻮﻧﻲ ؟؟
– ﺟﺪﺓ : ﻻ .. ﺑﻼﺗﻲ ﺑﻼﺗﻲ ‏( ﻧﺎﺿﺖ ﻭﻗﻔﺎﺕ ‏) ﻣﺎﺷﻲ ﻫﺪﺍ ؟
– ﺃﻧﺎ : ﺗﺒﺎﺭﻙ ﺍﻟﻠﻪ ﻋﻠﻴﻚ ﺃﺟﺪﺓ ﻣﻌﺴﺘﻴﻪ .. ﻋﺪﺑﻨﺎ ﺳﻴﺪ ﻋﻠﻰ ﻭﺍﻟﻮ
– ﺣﺴﻦ : ﻻ ﻣﺎﺷﻲ ﻣﺸﻜﻞ ﻧﻴﺖ ﻧﺸﻮﻑ ﺳﺎﺭﺓ
– ﺟﺪﺓ : ﻧﻴﺖ ﺃﻭﻟﻴﺪﻱ ﺟﺎﺑﻚ ﺍﻟﻠﻪ ﺑﻐﻴﺖ ﻧﻨﺎﻗﺶ ﻣﻊ ﻓﺎﻃﻤﺔ ﻭﺍﺣﺪ ﺍﻟﻤﻮﺿﻮﻉ ﻭﺑﻐﻴﺘﻚ ﺗﻘﻨﻌﻬﺎ ﻣﻌﺎﻳﺎ .. ﺭﺍﻙ ﻋﺎﺭﻓﻬﺎ ﻣﻌﻜﺴﺔ
– ﺃﻧﺎ : ﺍﻟﻠﻪ ﻳﺴﻤﻌﻨﺎ ﺧﻴﺮ
– ﺟﺪﺓ : ﻣﻨﻌﻢ ﻭﻟﺪ ﺍﻟﺤﺎﺝ ﺍﻟﻴﺎﺯﻳﺪ .. ﻃﺎﻟﺐ ﻳﺪﻙ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ .. ﻋﺎﺭﻑ ﻗﺼﺘﻚ ﻭﻗﺎﺍﺍﺍﺑﻞ ﻋﻠﻰ ﺳﺎﺭﺓ ﻗﺎﻟﻚ ﻳﺤﺴﺒﻬﺎ ﺑﺤﺎﻝ ﺑﻨﺘﻮ ﻭﻛﺘﺮ .. ﻏﻴﺮ ﻫﻮ ﻋﻨﺪﻭ ﺷﺮﻳﻴﻂ ﺻﻐﻴﻮﺭ
– ﺃﻧﺎ : ﺃﻣﺎ ﻫﻮ ؟؟
– ﺟﺪﺓ : ﺭﺍﻙ ﻋﺎﺭﻓﺔ ﻣﺮﺍﺗﻮ ﻣﺎﺗﺖ ﻟﻌﺎﻡ ﻟﻲ ﻓﺎﺗﺖ .. ﻭﺧﻼﺕ ﻟﻴﻪ 4 ﺩﻳﺎﻝ ﻟﻴﺘﺎﻣﺎ ﻛﻠﻬﻢ ﺑﺴﻨﺎﻥ ﺩﻳﺎﻝ ﻟﺤﻠﻴﺐ .. ﺗﻘﺎﺑﻠﻴﻬﻢ ﺗﺎ ﻫﻤﺎ ﻭﺗﺤﺴﺒﻴﻬﻢ ﺑﺤﺎﻝ ﻭﻻﺩﻙ .. ﺳﻴﺪ ﻣﺎﺗﻠﻘﺎﻳﺶ ﺑﺤﺎﻟﻮ ﺿﺮﻳﻒ ﻭﻣﻌﻘﻮﻝ ﻭﻗﺎﺍﺍﺍﺭﻱ ﺧﺎﺭﺝ ﻣﻦ ﺳﺎﺩﺱ
– ﺃﻧﺎ : ﻛﺎﻉ ﻟﻲ ﺧﺎﺭﺝ ﻣﻦ ﺳﺎﺩﺱ ﻛﺎﻳﺨﺮﺝ ﻣﻨﻮ ﻟﻌﺠﺐ
– ﺣﺴﻦ : ﺷﻨﻮ ﻛﺎﺗﻘﺼﺪﻱ ﺃﺃﻧﺴﺔ ؟؟؟
– ﺃﻧﺎ : ﻭﺍﻟﻮ .. ﻭﺍﻟﻠﻪ ﻣﺎﻗﺼﺪﺗﻚ … ﻭﺍﻧﺎ ﺟﺪﺓ ﻣﺎﻣﻮﺍﻓﻘﺎﺵ
– ﺟﺪﺓ : ﻭﻋﻼﺵ ﻳﺎﻟﻬﺒﻴﻠﺔ .. ﺭﺍﺍﻩ ﻏﺎﺗﺒﻘﺎﻱ ﺑﺎﻳﺮﺓ ﺣﻴﺎﺗﻚ ﻛﺎﻣﻠﺔ ﺍﻟﻰ ﻓﻠﺘﻲ ﻫﺎﺩ ﺍﻟﻬﻤﺰﺓ .. ﻭﺍﻟﺒﻨﺖ ﺧﺼﻬﺎ ﺑﺎﻫﺎ
– ﺃﻧﺎ : ﺃﻧﺎ ﻟﻲ ﻋﻨﺪﻱ ﺑﺎ ﻃﻔﺮﺗﻮ .. ﺃﻧﺎ ﺑﺎﻫﺎ ﻭﺃﻧﺎ ﻣﻬﺎ
– ﺟﺪﺓ : ﻭﻻﻳﻨﻲ ﻋﻠﻰ ﻣﻌﻜﺴﺔ .. ﻫﻀﺮ ﻣﻌﺎﻫﺎ ﺃﺳﻲ ﺣﺴﻦ ﺍﻟﻠﻪ ﻳﺠﺎﺯﻳﻚ ﺑﻞ ﺍﻟﺨﻴﺮ ﺍﻧﺎ ﻏﺎﺗﻘﺘﻠﻨﻲ ﻗﺒﻞ ﺃﺟﻠﻲ
– ﺣﺴﻦ : ‏( ﻭﺟﻬﻮ ﺗﻠﻮﻥ ﺑﺎﻳﻨﺔ ﻣﺎﻋﺠﺒﻮﺵ ﻟﺤﺎﻝ ‏) ﺃ ﺃ ﺃ ﻫﻲ ﻋﺎﺭﻓﺔ ﻣﺼﻼﺣﺘﻬﺎ ﺍﻟﺤﺎﺟﺔ .. ﻭﺑﻴﻨﻲ ﻭﺑﻴﻨﻚ ﻣﺤﺎﻟﺶ ﻭﺍﺵ ﻳﻘﺒﻞ ﻋﻠﻰ ﻃﺒﺎﻋﻬﺎ ﺍﻟﺤﺎﺩﺓ
– ﺃﻧﺎ : ﻛﻴﻔﺎﺵ ﻣﺎﻳﻘﺒﻠﺶ ﻋﻠﻴﺎ .. ﻛﺎﺗﺤﺪﺍﻧﻲ ﺃﺣﺴﻦ ؟؟
– ﺣﺴﻦ : ﻭﺍﺯﻣﺮ ﺭﺍﻩ ﺑﺎﻏﻲ ﻧﻮﻗﻒ ﻣﻌﺎﻙ ﻣﺎﺷﻲ ﺿﺪﻙ
– ﺃﻧﺎ : ﺁﻩ .. ﻋﻨﺪﻭ ﺻﺢ ﺃﺟﺪﺓ .. ﻧﺨﺎﻑ ﻣﺎﻧﻌﺪﻟﺶ ﺑﻴﻦ ﺑﻨﺘﻲ ﻭﻭﻻﺩﻭ ﻭﻧﺨﺎﻑ ﻫﻮ ﻳﻮﻟﻲ ﻳﻌﺎﻳﺮﻧﻲ ﺑﺴﺎﺭﺓ ﻣﻨﺒﻌﺪ .. ﻭﻧﺨﺎﻑ ﻧﺰﻳﺪﻭ ﻧﻮﻟﺪﻭ ﻭﻣﺎﻋﻨﺪﻧﺎ ﻓﻴﻦ ﻧﺰﻳﺪﻭﻫﻢ
– ﺟﺪﺓ : ﻭﺑﻘﺎﻱ ﺣﻴﺎﺗﻚ ﻛﺎﻣﻠﺔ ﺑﻮﺣﺪﻙ .. ﻭﺩﺍﺑﺎ ﺗﻨﺪﻣﻲ ﻫﺎﻧﺎ ﻓﻴﻦ ﻗﻠﺘﻬﺎ ﻟﻴﻚ .. ﺍﺟﻲ ﺍﻧﺖ ﺃﻭﻟﻴﺪﻱ ﺷﺒﻬﺘﻲ ﻟﻴﺎ ﻟﺸﻲ ﺣﺪ … ﺷﻜﺎﺗﺠﻴﻚ ﺍﻟﺤﺎﺟﺔ ﺣﻠﻴﻤﺔ
– ﺣﺴﻦ : ﺟﺪﺍﺗﻲ
– ﺩﺍﺧﻠﻨﺎ ﻋﻠﻴﻚ ﺑﺎﻟﻠﻪ .. ﻭﺍﻧﺎ ﻛﻨﻘﻮﻝ ﻟﻤﻦ ﻛﺎﺗﺸﺒﻪ .. ﺳﺒﺤﺎﺍﺍﺍﻥ ﺍﻟﻠﻪ ﻏﻴﺮ ﺍﻟﺤﺎﺟﺔ ﻣﺤﻄﻮﻁ ﻣﺒﺰﻭﻕ … ﻛﺎﻧﺖ ﺩﻳﻤﺎ ﻣﺴﻴﻜﻴﻨﺔ ﻛﺎﺗﺠﻲ ﻟﺪﻭﺍﺭﻧﺎ ﻣﻊ ﻧﺒﻮﺭﻱ ﻛﺎﺗﺠﻴﺐ ﻭﺍﺣﺪ ﺍﻟﺒﻨﺖ ﻛﺎﻧﺖ ﻣﺮﻳﻀﺔ ﻣﺴﻜﻴﻨﺔ ﻟﻄﺒﻴﺐ ﺩﻳﺎﻝ ﺩﻭﺍﺭﻧﺎ .. ﻛﻨﺖ ﺃﻧﺎ ﺩﺍﻙ ﺳﺎﻋﺔ ﻛﺎﻧﺪﻱ ﻫﺎﺩ ﺍﻟﻐﻮﻟﺔ ﺗﺎﻫﻲ ﻟﻌﻨﺪﻭ
– ﺃﻧﺎ : ﻭﺍﺑﺎﺍﺍﺯ ﺃﺟﺪﺓ ﻃﻠﻘﺘﻲ ﺳﻠﻮﻛﻴﺔ ﺩﺍﺑﺎ .. ﻓﻴﻦ ﻛﻨﺘﻲ ﻛﺎﺩﻳﻨﻲ ﺃﻧﺎ ﻟﻌﻨﺪ ﺷﻲ ﻃﺒﻴﺐ .. ﻭﻓﻴﻦ ﻛﺎﺗﻌﺮﻓﻲ ﺟﺪﺓ ﺣﺴﻦ
– ﺟﺪﺓ : ﻛﻨﺘﻲ ﻣﺰﺍﻝ ﺻﻐﻴﺮﺓ ﻳﺎ ﻟﺤﺮﺍﻡ ﺍﻟﻜﺤﻞ ﻛﻲ ﺩﻳﺮﻱ ﺗﻌﻘﻠﻲ .. ﻭﻳﺎﻙ ﺃﻭﻟﺪﻱ ﻛﺎﻧﺖ ﻫﺎﺩﻳﻚ ﺍﻟﺒﻨﺖ ﻋﻨﺪﻫﺎ ﺍﻟﺤﻔﺎﺭﻱ ﺩﻳﺎﻝ ﺯﻳﻦ ﻭﻋﻴﻨﻴﻬﺎ ﺯﻭﺭﻕ .. ﻛﺎﻧﻮ ﺿﺎﺭﺑﻴﻨﻬﺎ ﺑﺎﻟﻌﻴﻦ
– ﺣﺴﻦ : ﺍﻩ ﻛﺎﻧﺖ ﺳﺎﺭﺓ
– ﺟﺪﺓ : ﺍﻳﻴﻪ ﻳﻌﻄﻴﻚ ﺍﻟﺴﺘﺮ .. ﻭﻛﺎﻧﺖ ﺩﻳﻤﺎ ﻛﺎﺗﻘﻮﻟﻴﺎ ﺍﻟﺤﺎﺟﺔ ﺑﻠﻲ ﺣﻔﻴﺪﻫﺎ ﺻﻐﻴﺮ ﻣﻠﻲ ﻳﻜﺒﺮ ﺗﺰﻭﺟﻮ ﻟﻬﺎﺩ ﺍﻟﺒﻐﻠﺔ ﻟﻲ ﻗﺪﺍﻣﻲ … ﺑﺎﻳﻨﺔ ﺍﻧﺖ ﻫﻮ ﻳﺎﻙ؟؟
– ﺃﻧﺎ : ﺣﺎﺷﺎﻙ ﺃﺟﺪﺓ .. ﺩﺍﺑﺎ ﺷﻨﻮ ﻛﺎﺗﺒﻴﻌﻴﻪ ﺍﻟﻌﺠﻞ ؟؟
– ﺣﺴﻦ : ﻫﻬﻬﻬﻪ ﺩﺍﺑﺎ ﻋﺎﺩ ﻋﺮﻓﺖ ﻟﻤﻦ ﻃﻠﻌﺘﻲ ﻛﺎﺗﺸﺒﻬﻲ ﺃﻓﺎﻃﻤﺔ ﻫﻬﻬﻬﻪ
– ﺑﺠﻮﺝ : ﺑﺰﺍﻑ ﻋﻠﻴﻚ
– ﺣﺴﻦ : ﻣﺎﻗﻠﺖ ﻭﺍﻟﻮ ﻫﻬﻪ

ﺍﻟﺒﺎﺭﺕ 26 ﻭﺍﻷﺧﻴﺮ
ﻣﺸﺎﺕ ﺟﺪﺓ ﻭﺣﺴﻦ ﻟﻲ ﻭﺻﻠﻬﺎ .. ﺑﻌﺪ ﻣﺎ ﺷﺒﻌﻨﺎ ﺿﺤﻚ ﻭﻫﻀﺮﺓ ﻭﺃﻧﺎ ﺷﺒﻌﺖ ﻣﻌﻴﻮﺭ .. ﻭﺻﻞ ﻭﻗﺖ ﻧﻌﺎﺱ .. ﻧﻌﺴﺖ ﺳﺎﺭﺓ .. ﻭﺍﻧﺎ ﻳﺎﻻﻩ ﺟﻴﺖ ﺑﻐﻴﺖ ﻧﻌﺲ ﻭﻫﻮ ﻳﺼﻮﻧﻲ ﻋﻠﻴﺎ ﺗﻠﻔﻴﻮﻥ ﻛﺎﻥ ﺣﺴﻦ ﻟﻲ ﻋﻠﻰ ﺍﻟﺨﻂ
– ﺃﻟﻮ ﺍﻟﺴﻼﻡ ﻋﻠﻴﻜﻢ .. ﺣﺴﻦ ﻳﺎﻙ ﻟﺒﺎﺱ ؟
– ﻓﺎﻃﻤﺔ ﺗﻘﺒﻠﻲ ﺗﺰﻭﺟﻲ ﺑﻴﺎ ؟؟
– ﺣﺴﻦ ﺭﺟﻮﻉ ﺍﻟﻠﻪ ﺃﺵ ﻫﺎﺩ ﺍﻟﺪﺧﻠﺔ ﺩﻳﺎﻝ ﻃﻮﺑﻴﺲ
– ﻣﺎﺑﻐﻴﺘﺶ ﺳﺎﺭﺓ ﺗﻘﻮﻝ ﻟﺸﻲ ﻭﺍﺣﺪ ﺑﺎﺑﺎ ﻏﻴﺮﻱ
– ﻫﻬﻬﻬﻬﻬﻪ ﺻﺎﻓﻲ ﻫﺎﺩﺍ ﻣﺎﻛﺎﻥ .. ﻭﺭﺍﻩ ﻗﻠﺖ ﻟﻴﻚ ﻣﺎﻏﺎﻧﺘﺰﻭﺟﺶ ﻳﻌﻨﻲ ﺑﻼ ﻣﺎﺗﺨﺎﻑ ﻫﻬﻪ ﻭﺃﺻﻼ ﺍﻧﺖ ﺧﺎﻃﺐ ﺑﻐﻴﺘﻴﻬﺎ ﺗﺠﻲ ﺗﺮﻳﺸﻨﻲ
– ﺗﻔﺎﺭﻗﻨﺎ ﺷﺤﺎﻝ ﻫﺎﺩﻱ
– ﺃﻭﻳﻠﻲ ﻭﻋﻼﺵ ؟
– ﻣﺎﺗﻔﺎﻫﻤﻨﺎﺵ .. ﻟﻘﻴﻨﺎ ﺭﺍﺳﻨﺎ ﺑﻠﻲ ﻣﺎﻧﺼﻼﺣﻮﺵ ﻟﻌﻀﻴﺎﺗﻨﺎ
– ﻳﺎﻛﻤﺎ ﻋﻨﺪﻧﺎ ﺃﻧﺎ ﻭﺳﺎﺭﺓ ﺷﻲ ﺩﺧﻞ ؟
– ﻻ ﺑﺎﻟﻌﻜﺲ .. ﻣﻦ ﺑﻌﺪ ﺩﺍﻛﺸﻲ ﻟﻲ ﻃﺮﺍ ﺗﺤﻠﻮ ﻟﻴﺎ ﻋﻴﻨﻲ ﻋﻠﻰ ﺑﺰﺍﻑ ﺩﻳﺎﻝ ﺍﻟﺤﻮﺍﻳﺞ .. ﻭﻟﻴﺖ ﺩﻳﻤﺎ ﻛﺎﻧﻘﻮﻝ ﻛﻦ ﺗﺤﻄﻴﺖ ﻣﻌﺎﻫﺎ ﻓﻬﺪﺍﻙ ﺍﻟﻤﻮﻗﻒ ﺷﻨﻮ ﻛﺎﻧﺖ ﻏﺎﺩﻳﺮ .. ﻭﺩﻳﻤﺎ ﻛﺎﻧﻠﻘﻰ ﺭﺍﺳﻲ ﻛﺎﻧﻘﺎﺭﻧﻚ ﻣﻌﺎﻫﺎ .. ﺍﻫﺘﻤﺎﻣﺎﺗﻨﺎ ﻭﻣﺒﺎﺩﺋﻨﺎ ﻣﺎﺷﻲ ﺑﺤﺎﻝ ﺑﺤﺎﻝ .. ﻫﺎﺩﺷﻲ ﻣﺎﺷﻲ ﻏﻴﺮ ﺑﻮﺣﺪﻱ ﻟﻲ ﻋﺮﻓﺘﻮ ﺗﺎ ﻫﻲ ﺍﻋﺘﺎﺭﻓﺎﺕ ﺑﻴﻪ
– ﺣﺴﻦ ﺗﺎﺣﺪ ﻣﻜﺎﻣﻞ .. ﻭﺣﺘﻰ ﺍﻧﺎ ﻗﺒﻞ ﻣﺎﻧﺘﻌﺮﻑ ﻋﻠﻰ ﺳﺎﺭﺓ ﻣﺴﺘﺤﻴﻞ ﻛﻨﺖ ﻏﺎﻧﺪﻳﺮ ﻫﺎﺩﺷﻲ ﻟﻲ ﻛﺎﻧﺪﻳﺮ ﺩﺍﺑﺎ ﻭﻻ ﺣﺘﻰ ﻧﻔﻜﺮ ﻓﻴﻪ
– ﻭﻟﻜﻦ ﺍﻧﺎ ﻛﻨﺒﻐﻴﻚ ﺍﻧﺖ
– ﻫﻬﻪ ﺍﺷﻨﻮ ؟؟ ﻫﻪ ﻭﺍﻗﻠﺔ ﺃﺗﺮﺍﺕ ﻋﻠﻴﻚ ﺟﺪﺓ ﻟﻴﻮﻡ ﺑﺎﻳﻨﺔ ﻫﺮﺑﺎﺕ ﻟﻴﻚ ﺷﻲ ﻓﻴﺲ ﻫﻪ
– ﺑﺎﻟﻌﻜﺲ ﻫﻲ ﻟﻲ ﺯﻋﻤﺎﺗﻨﻲ ﺃﻧﻨﻲ ﻧﻌﺘﺎﺭﻑ ﻭﻣﺎ ﻧﺒﻘﺎﺵ ﺧﺎﻳﻒ ﻧﻘﺮﺏ .. ﻭﺍﺵ ﻋﺎﺭﻓﺔ ﺑﻠﻲ ﻣﺎﻧﻘﺪﺭﺵ ﺷﻲ ﻧﻬﺎﺭ ﻣﺎﻧﻬﻀﺮﺵ ﻣﻌﺎﻙ ﻭﻟﻴﻮﻡ ﻣﻠﻲ ﻣﺠﺎﻭﺑﺘﻴﺶ ﻣﺎﺣﺴﻴﺖ ﺑﺮﺍﺳﻲ ﺣﺘﻰ ﻟﻘﻴﺖ ﻳﺪﻱ ﻛﺎﺗﺪﻕ ﻋﻠﻰ ﺑﺎﺑﻚ
– ﻳﻤﻜﻦ ﻛﻨﺘﻲ ﺧﺎﻳﻒ ﻋﻠﻰ ﺳﺎﺭﺓ ﻭﺗﺨﻠﻄﻮ ﻟﻴﻚ ﺍﻷﺣﺎﺳﻴﺲ
– ﻻ .. ﺑﺼﺢ ﻛﻨﺖ ﻛﺎﻧﺒﻐﻲ ﻏﻴﺮ ﺳﺎﺭﺓ ﻭﻣﺎﻋﺮﻓﺘﺶ ﺭﺍﺳﻲ ﺍﻣﺘﻰ ﻭﻟﻴﺖ ﻛﺎﻧﺒﻐﻲ ﺣﺘﻰ ﺯﻫﺮﺓ ﺍﻷﻻﻡ ﻫﻪ .. ﻭﻟﻴﻮﻡ ﺟﻴﺖ ﻋﻠﻰ ﻭﺩﻛﻢ ﺑﺠﻮﺝ .. ﻋﺎﺭﻓﻚ ﻣﻜﺎﺗﺒﺎﺩﻟﻴﻨﻴﺶ ﻧﻔﺲ ﺍﻟﺸﻌﻮﺭ ﻭﻟﻜﻦ ﺍﻟﻰ ﺧﻠﻴﺘﻴﻨﻲ …
– ﻭﺷﻜﻮﻥ ﻗﺎﻟﻬﺎ ﻟﻴﻚ ﺃﺳﻴﺪﻱ ﻫﻪ ؟؟
– ﺃﺷﻨﻮ ﻛﺎﺗﻘﺼﺪﻱ ؟؟؟
– ﺍﻟﻤﻘﺼﻮﺩ ﺍﻟﻠﻪ .. ﻭﺍﻟﻰ ﻛﺎﺗﺒﻐﻴﻨﻲ ﺟﻲ ﻣﻦ ﺍﻟﺒﺎﺏ ﻣﺎﺗﺠﻴﺶ ﻣﻦ ﺍﻟﺴﺮﺟﻢ .. ﻭﻫﺎﺩ ﺗﻌﻨﺎﺏ ﺍﻟﺨﺎﻭﻱ ﺃﻧﺎ ﺭﺍﻩ ﻣﺎﺍﺍﺍﻋﻨﺪﻱ ﺑﻴﻪ
– ﻛﺎﺗﺒﻴﻌﻴﻨﻲ ﺍﻟﻌﺠﻞ ﺃﻓﺎﻃﻤﺔ .. ﺧﻠﻴﻨﻲ ﻏﻴﺮ ﻧﺘﺄﻛﺪ ﻫﻬﻬﻪ
– ﺷﻜﻮﻥ ﻛﺎﺗﻘﺼﺪ ﺑﺎﻟﻌﺠﻞ ﺃﺣﺴﻦ ﻫﻬﻪ .. ﻭﺍﻟﻠﻪ ﺍﻟﻰ ﻋﻨﺪﻙ ﺻﺢ ﻋﺠﻠﺔ ﺑﻜﺮﻭﻧﻬﺎ .. ﺃﻣﺎ ﻧﻘﻮﻟﻚ ﻧﻔﻜﺮ ﻭﻧﺠﺮﺟﺮﻙ ﻭﺍﺣﺪ ﺍﻟﻌﺎﻡ ﻋﺎﻣﻴﻦ ﻫﻜﺎﻙ ﺗﺎﺗﻮﻟﻲ ﻃﻠﺐ ﺍﻟﺸﺮﻉ
– ﺍﻟﻠﻪ ﺑﺮﺍﻛﺔ ﻋﻠﻴﺎ ﺃﻓﺎﻃﻤﺔ ﻏﻴﺮ ﻧﻜﻴﺮﻙ ﻭ ﺩﻋﺎﻭﻳﻚ ﻭﻛﻞ ﻣﺮﺓ ﻧﺠﻲ ﻧﻠﻘﺎﻙ ﻛﺎﺗﻬﻀﺮﻱ ﻣﻊ ﺷﻲ ﻭﺍﺣﺪ ﻋﻠﻴﺎ .. ﻣﻜﺎﺗﺨﻠﻲ ﻓﻴﺎ ﻏﻴﺮ ﻟﻲ ﻧﺴﻴﺘﻲ
– ﻫﻬﻪ ﻻ ﻭﻳﻠﻲ ﻏﻴﺮ ﺍﻟﻤﺤﺒﺔ ﻫﺎﺩﻳﻚ
– ﺍﻳﻮ ﺍﻳﺦ ﻣﻨﻬﺎ ﻣﺤﺒﺔ
– ﺃﺷﻨﻮ ؟؟؟؟؟؟
– ﻗﺼﺪﺕ ﺍﻟﻠﻪ ﻳﺪﻭﻣﻬﺎ ﻣﺤﺒﺔ
– ﻫﻬﻪ ﺍﻳﻮﺍ ﻫﻜﺎﻙ .. ﻟﻮﺍﺣﺪ ﻣﻠﻲ ﻳﺒﻐﻲ ﻳﺒﻐﻲ ﺑﻨﺎﺩﻡ ﻛﺎﻣﻠﻮ ﺑﻌﻴﻮﺑﻮ ﻭﻻ ﺑﻨﺎﻗﺺ ﻛﺎﻉ
– ﺃﻻﻟﺔ ﻛﺎﻧﺒﻐﻴﻚ ﺑﻜﺎﻉ ﺩﻳﻔﻮﺍﺗﻚ ﻫﻬﻪ
ﻣﻦ ﺑﻌﺪ ﺍﻻﻋﺘﺮﺍﻑ ﺩﺭﻧﺎ ﻟﺨﻄﻮﺑﺔ ﻭﻣﻦ ﺑﻌﺪ ﺗﺰﻭﺟﻨﺎ … ﺩﺭﻧﺎ ﺍﻟﻌﺮﺱ ﻧﺼﻮ ﻋﻨﺪ ﺟﺪﺓ ﻭﻧﺼﻮ ﻋﻨﺪ ﺟﺪﺍﻩ .. ﻭﺻﻔﺎﺕ ﺍﻟﺨﻮﺍﻃﺮ .. ﺑﺼﺢ ﻣﺎﺗﺼﺎﻟﺤﺘﺶ ﻣﻊ ﺑﺎﺑﺎ ﺷﻲ ﺻﻠﺢ ﻧﻴﺖ ﻭﻟﻜﻦ … ﻣﻬﻢ ﺩﺍﺑﺎ ﻭﻟﻴﺖ ﻋﻠﻰ ﻣﺴﺆﻭﻟﻴﺔ ﺭﺍﺟﻠﻲ … ﻣﻦ ﺑﻌﺪ ﺩﺧﻠﻨﺎ ﺳﺎﺭﺓ ﻓﺎﻟﺤﺎﻟﺔ ﺍﻟﻤﺪﻧﻴﺔ ﺑﻜﻨﻴﺔ ﺣﺴﻦ .. ﻫﺎﺩ ﺍﻷﺧﻴﺮ ﻟﻲ ﻛﺎﻥ ﻧﻌﻢ ﺍﻷﺏ ﻟﺴﺎﺭﺓ ﻭﺣﺘﻰ ﻟﻴﺎ ﺃﻧﺎ ﺑﻌﺪ ﺍﻟﻤﺮﺍﺕ .. ﻭﺑﻄﺒﻴﻌﺔ ﺍﻟﺤﺎﻝ ﻧﻌﻢ ﺯﻭﺝ ﻋﻮﺿﻨﻲ ﻋﻠﻰ ﺷﺤﺎﻝ ﻣﻦ ﺣﺎﺟﺔ .. ﻭﺑﻼ ﻣﻨﺰﻳﺪ ﻧﻄﻮﻝ ﻋﻠﻴﻜﻢ ﻫﺎﺩﻱ ﻫﻲ ﻗﺼﺘﻲ ﺃﻧﺎ ﻭﺣﺴﻦ ﻟﻲ ﻇﻨﻴﻨﺎ ﺃﻧﻬﺎ ﺑﺪﺍﺕ ﺑﺴﻮﺀ ﺍﻟﺤﻆ ﻭﻟﻜﻦ ﻛﺘﺎﺷﻔﻨﺎ ﻣﻦ ﺑﻌﺪ ﺑﻠﻲ ﻛﺎﻥ ﺣُﺴﻦ ﺣﻆ ﺣﻴﺖ ﺍﻟﻠﻪ ﻣﻜﺎﻳﺪﻳﺮ ﻏﻴﺮ ﻟﻲ ﻓﻴﻬﺎ ﻟﺨﻴﺮ .. ﺑﻐﻴﺖ ﻧﺨﺘﻢ ﺑﻮﺍﺣﺪ ﺍﻟﻤﻘﻮﻟﺔ ﺑﺎﻟﺤﻖ ﻣﺎﻋﺮﻓﺘﻬﺎﺵ ﻫﻪ ﻣﻬﻢ ﻣﻔﺎﺩﻫﺎ ﺃﻥ ﻛﻞ ﻣﺎ ﺍﺷﺘﺪ ﻇﻼﻡ ﻟﻴﻞ ﻋﺮﻓﻮ ﺑﻠﻲ ﻗﺮﺏ ﺍﻟﻔﺠﺮ .. ﻋﻴﺪ ﻣﺒﺎﺭﻙ ﺳﻌﻴﺪ ﻣﺴﺒﻘﺎ ﻭﺍﻟﻠﻪ ﻳﺠﻌﻞ ﺃﻳﺎﻣﻜﻢ ﻛﻠﻬﺎ ﻣﻠﻴﺌﺔ ﺑﺎﻟﺤﻆ ﺍﻟﺠﻴﺪ ﻭﺷﻜﺮﺍ ﻋﻠﻰ ﺍﻟﻤﺘﺎﺑﻌﺔ
ﺗـــــــــــــﻢــــــــــــﺖ ﺑــــــــــﺤـــــــــﻤــــــــﺩ ﺍﻟﻠﻪ
ﺑﺲ : ﻣﺎﺗﻨﺴﺎﻭﺵ ﺗﻌﻄﻴﻮﻧﻲ ﺭﺃﻳﻜﻢ ﻓﺎﻟﻘﺼﺔ ﻛﻜﻞ

Leave a comment