Skip links

قصة : لا تخبئ الكلام 6

 6,592 عدد مشاهداات

🌸 الجزء 126 🌸
⁦✍⁩بقلمي……………………زهرة محمد
*لا تخبئي الكلام*
لتملئ قلب هذا العنيد .. عشقاً . … حبيبي لا أستطيع التغلب على فقدانك . … آه يا حبيبي لو تدري كم من الشوق يجتاح قلبي في غيابك !!
أسعد بقا شاد طبيبة سلمى بلهضرة يسولها من هنا و يجاوب راسو كيهضر فاش ما كان معاملتها ليه نسااتو في المرض و لعيا لي كان كيحس بيه سلمى بابتسامتها قاصت ليه ضغط و بدات تقيد ليه معلومات صباح و عينيه محيدهمش عليها كيحقق فجمالها و و فعينيها لي سلبوه رجع سولها باش تبقى معاه وقت كتر أسعد مزال مستلقي على السرير واخا هكاك Gنفاتو ريحة سبيطار و غير مكابر
أسعد …… دكتورة معاش يمكن لي نخرج ؟؟؟
الدكتورة”كتقيد و تهضر و عينيها على لورقة” ……… مزااال لحال شوية تفطر بعدا و يكمل هاد الفيتامين لي زدت ليك و شوية يخرجو تحاليل و نشوفوهم و نقررو
أسعد “تفكر الخدمة لي كتسناه”…….. راه مخصنيش نطول غدا عندي الخدمة و هاد لجلسة مجاتش معايا
الدكتورة “حيدات الرسميات و هضرات بجدية” ….. الخدمة غير نساها هاد الفترة مغتقدرش تخدم جهد معندكش
أسعد …… انا كنحس براسي بيخير و عارف اش كندير
الدكتورة …….. كون عارف متجيش هنا “مشات و خلاتو مقندش ناس دلبوليس ممعاهمش لعب
جات الممرضة جايبة ليه الفطور في عربة الدفع ودخلو من وراها نور و غيثة و جون باش يشوفوه بتاسم فوجههم و وجه كلامو الممرضة
أسعد “كيحاول ينوض من سرير” …..واش يمكن لي نمشي ندوش كنحس براسي عرقان ؟؟؟
الممرضة …… اه ممكن تسنا نحيد ليك سيروم و دوش و فطر حتى ترجع عندك طبيبة
نور ناضت من الكرسي لي كاين في الغرفة عاوناتو يوقف و عطاتو حوايجو لي جابت ليه دخل لدوش و خلا لما دافي يهبط على كتافو ينقص عليه لعيا و يخليه يتوكض
لبنات بقاو على جماعة مع جون يتحتو و يضحكو لي شافهم دابا ميشوفش فيهم لبارح غيثة شافت خوها خارج لابس حوايجو و هاز فوطة كيمسح راسو قادات ليه فراشو باش يفطر و يرجع يرتاح فطر و سالا و تكا رتاح و حط يديه على عينيه سمع لباب تحل بانت ليه طبيبة هازة ملف كبير ديال التحاليل لي دار و شافيها مغوبش كيتسناها اش غتقول
الدكتورة” حلات الملف قدامهم و لبسات نظارتها و عينيها كتفحص الورقة و هضرت “……… فقر الدم والارهاق هما لي خلاوك فهاد الحالة و باش متعاودش تأزم حالتك نتابه لماكلتك “هزات عينيها فيه” و خاصك الراااحة التاااامة
غيثة”واقفة عند راسو ” ……… كوني هانية الدكتورة كلشي غيكون بيخير و حنا غنرضو ليه البال

الدكتورة ……… مزيان ملي متفهمين هادشي اما مسيو التاقي ممتقبلش الامر باغي يمشي غدا الخدمة “بتاسمت” ياااك !! لمهم على الاقل خاصك راحة جوج أسابيع
أسعد …….. جوج الأسابيع بزاف إلا كملت تلتيام راه مزيان خدمتي كتسناني و منقدرش نجلس هاد المدة كاملة
نور …….. ممتديش عليه ادكتورة جوج الاسابيع غيكملهم و إلا اقتضى الحال نسدو عليه “و ضحكت”
الدكتورة …….. هههههه هدا هو الحل فحالة الشخص العنيد …ملي يبغي يخرج غنعطيه دوا لي يتبع
غيثة ……. شكرا دكتورة
الدكتورة ……. العفو هدا واجب “سلمى مشات خارجة و وقفها صوتو ”
أسعد ……… ملي تعطيهم ورقة دوا عطيهم شي قنبة يربطوني
الدكتورة” بتاسمت و هي عاطياه بضهر و رجعت شافت فيه و هي جامعاها” …… اه موجودة و بون كاليتي “غمزاتو و خرجت مع لباب”
مشات و خلاتو غير كيضور فراسو حتى خنزر فجون لي كان ميت عليه بضحك كيقوولو رجال كيفهمو بيناتهم

#تتمة
عندما تبتهج الوجوه بلقاء من لهم الوجدان يَسُر، تكفي الابتسامة في التعبير عن ما يذخر القلب من غلا وحب لهم وفي بعض الأوقات تسبق الابتسامات دمعة الفرح لترقص على خد كاد أن يجف ويذبل من طول الفراق، وتصدم الأجساد ببعضها لبعض لتولد حرارة الشوق وتلتمس الكفوف بالأيدي لتنقل أحاسيس الجوف ومشاعر الروح
أسعد واخا كيمتل لقانون ومعروف على صحاب هاد ضومين بالقلب القاصح و الاحساس المنعدم و لكن في الاخير حتى هو إنسان عندو قلب و مشاعر خدا الإذن بالخروج و بقا كيتسنا ورقة دوا تجيبها ليه ضلام الحال و دخلات لقاتهم واجدين و كيتسناو مشات عند غيثة عطاتها لورقة و كتشرح ليها فحال هو دري صغير و معارفش ربع يديه و تسناها حتى سالات و شافت فيه تمنات ليه شفاء و عطاتو موعد ملي تسالي المدة لي عطاتو يرجع عندها يدير لكونطرول و أسعد غييير كيسمع و مخليها تعبر سالات كلامها و طلب من نور و غيثة و نور يخرجو يتسناوه حيت بغا يبقا مع الدكتورة على انفراد يهضر معاها خرجو و ناض وقف مقرب منها وهي واقفة بدون ردة فعل كتسناه اش بغا يقول …
أسعد “دوخوه عينيها ” ….. دكتورة هاد صباح ملي جيتي عندي و انا كنحس بدقات قلبي كتسارع شنو سبب فنظرك !!
الدكتورة “كتجاوب من نيتها حيت ملامحو مكانش فيهم ضحك” …… راه الارهاق داكشي علاش خاصك ترتاح و تاكل مزيان
أسعد “ضحك و رجع خفاها ” …… هاد الدقات لي حسيت بيهم ماشي من اختصاصك خاصك تكوني مدوزة سطاج في مدرسة الحب ادكتورة
سلمى تزنكت حيت ممولفاش هاد الكلام هي فارضة احترامها في مقر عملها و حتى مع أصدقاءها شافت فيه و خنزرت حيت معرفت بااش تجاوبو جات غادا و شدها
أسعد”بقا شاد يديها” ……. عطيني دوا و سيري راه هاد المرض لي كنحس بيه نتي سبابو ادكتور سلمى “شاف سميتها من لبادج لي معلقة”
دكتورة”نترت يديها ” ……. نتا راه فيك مرض لبسالة و هاد نوع الامراض معندهمش دوا
مشات بخطوات سريعة جهة لباب هربانة من نظراتو لي حتى هي دابت فيهم واخا تقصاح حتى تعيا كيبقى قلب الانثى ضعيف ….كان سرع منها و سد الباب برجليه و جاو مقابلين مع بعض
أسعد ……. عطيني دوايا و نخليك تمشي “شد يديها و حطها على قلبو ” شوفي دقاتو ونتي حكمي
دقات قلب أسعد بصح كانو كيضربو فحال الا كان كيجري مع هي طبيبة هكا شبهاتو بإنسان كان كيجري …… دابا شنو المطلوب مني؟…
أسعد ……. نمرة تلفون كافية و الا تزادت الحالة نشوفو شنو نديرو

دكتورة بتاسمت و أول مرة يوقع معاها هادشي خلاها مندهشة و معرفتش تصرف محساتشش حتى عطاتو نمرتها و هي مقداش تقاوم نظراتو و هبتو لي كتكون معروفة على أي ضابط شرطة كيمتازو بكاريزما جذاابة أسعد زعم و قرب منها سرق قبلة من خدها المتورد و حل لباب خلاها خرجات تالفة بيها الوقت معرفت فين تمشي ولا فين تجي و اشمن حالة غتسبق مشات لمكتبها هربانة هو مشا و بقا متبعها بعينيه حتى غبرت عليه مشاو لقاو جون كيتسناهم ركبو و شدو طريق دار وقفو قدام الصيدلية خداو دوا و كملو طريقهم حتى وصلو …
أسعد داخل كطريام طبق المتل زعم تاكل لحم هههههههههههه سلمى مشات فيها

🌸 الجزء 127 🌸
⁦✍⁩بقلمي……………………زهرة محمد
*لا تخبئي الكلام*
أعطيتها الوردة الحمراء
فقالت لي حبيبي …
مسكت يدي ونظرت للسماء
متى ستكون نصيبي, قطفت لها وردة بيضاء
فابتسمت وقبلت جبيني, أنتي هي نبع الصفاء
واللون الأحمر يغطي خدوكِ, لقد خجلت حبيبتي من الحياء
سأعطيك من القبل ألفاً لأنه أعجبني لون خدودكِ
وأسر قلبي البريق الذي اشتعلت به عيونك
ياسر خرج من دوش فرحاان و كيغني حيد تيشورت ولبس قميجة فلGري بارد وتبع ليها سروال كلاص كحل قاد صمطة و بدا يختار كرافاط المناسبة رون دنيا عاد ختار وحدة فلكحل
مشا مقابل مع مرايا لي فلبلاكار كيقاد لكرافاطا لي تعكسات معاه و حلفت ما تقاد فحال الا عمرو صاوبها ولكن لعقل لي تيكون كيفكر و متوتر هاكا حالو الفاتحة لي حافظ من صغر كتنسا عليه بقا يلوي فيديه و يصوط بانت ليه عوجة و نترها لاحها و بقا بلاش خلا صدافي محلولين جات عندو رانيا كتشوفو واش سالا لقات دنيا مرونة و مزال ملبس سباطو و شعرو مخربق و يدور معرت علاش كيقلب
رانيا”بان ليها تالف و كيضور فراسو” ……. خالي علاش كتقلب؟؟
ياسر …….. واحد صباط ولد الحرام كنت حاطو فوق ناموسية معرت فين مشا
رانيا”بانت ليها لبواطة حدا رجليه” ……… هاهي ا خالي حدا رجليك شتك تالف هاعد المرة مالك؟؟
ياسر ……. والله ما عرفت مالي لمهم سيرو وجدو ريوسكم انا نلبس و نجي عندك تنساي بواطة الخواتم راه فصالون
رانيا …….. متخافش ماما هزات كلشي غير سربي راه تعطلنا
ياسر لبس و مشط شعرو بزربة معرف كيف دار ليه خرج كيتخبط و يردخ عطا الورد لي شرا لرانيا و هبطو ركبو فرونج كحلة لي كرا ركب حداه نسيبو لي ديما مقدمو و كيبقا فمقام خوه و ختو و رانيا جالسين لور ديمارا و مشاو لدار سامية لي حتى هي غتموت بلخلعة و حالها حال أي بنت فهاد الوضع دخلو و صالحة هازة مبيخرة و كترحب بيهم و ياسين لابس سروال و قميجة بيضة داخلة فيه وقف عند لباب مبتاسم فوجه ضياف و كيرحب حتى هو…
ريحة لبخور عااطية فدار جلسو و هما كيسولو على بعضهم و ياسر عينيه كيضورو كيقلبو على حبيبتو لي تلفات ليه ري حتى مبانتش ليه و همس ودن رانيا تمشي تشوفها ناضت بعد ما استأذنات من صالحة مشات عند صاحبتها باش تجيبها لعندهم دخلات بعجاجتها
رانيا “دخلات لقاتها مضاربة مع عينيها تجلخات ليها بلكحل”……. هاي على ناس جاو من ورايا و تخطبو “تخبطات على ناموسية ”
سامية …….. بغيت ليك حاالتي و داابا تجي نوبتك و نرضها ليك غير صبري
رانيا ….. مالي اش درت اصاحبتي ؟؟؟

سامية “حطات لقطن و ضارت شافت فيها ” ….. ياك درنا غتجي عندي و تبقاي معايا و عارفاني بوحدي
رانيا……. والله ما ساليت مشينا جبنا لورد و جبت لكوستيم من لمصبنة و طيبت لغدا و هكا سالا نهار حتى شفتيني عندك
سامية …….. وااخا الالة مطرا باس “وقفت و ضربت دورة” كيف جيت
رانيا …… سعدااات خالي والله حتى دا زيين اح و زيدي خرجي راه بغاو يشوفوك
سامية …… ناااري دابا مزاال لحال اختي يله دخلو كيف ندير نخرج قدامهم قلبي غيسكت بالفرحة
رانيا ……. عادي مكين حتى حد غريب زيدي زيدي
شدات فيها حيت لقفطان طويل مخرجاها بصلاة على نبي لي كيف سمعوها هزو كاملين راسهم و الابتسامة مرسومة على وجوههم فرحانين ياسر وقف بشدة إعجابو بيها تصرف بلا عقل غير قلبو لي متحكم فيه مشات بيها رانيا حتى لحداه و جلساتها و مها تزغرت جلسو مجمعين و هي مرة مرة تهز عينيها فيهم و ضحك حتى سمعت ياسر قرب حداها و تكلم
ياسر …….. حبيبة مخلتيش لي لعقل مكرهتش نتزوجو داابا و نديك معايا

🌸 الجزء 128 🌸
⁦✍⁩بقلمي……………………زهرة محمد
*لا تخبئي الكلام*
أحبك يا جميلتي فأنت دنيتي وآخرتي وبدايتي ونهايتي.. أحبك يا آية في الجَمال أحبك يا بديعة خلق الرحمان.. يا أحلى مافي الأكوان ويا أغلا عليّ مِن كل إنسان.. أحبك وسأظل أحبك مادام في قلبي نبض وخفقان.
سامية حسات بسخونية طلعات من صبعها صغير من كلام ياسر غرقها فحوايجها و معرفتش باش تجاوبو و حتى هو كان قاصد كلامو ماشي غير هضرة غادية مع ريح و فنفس لوقت عجبو الحال يدير العرس فراس العام و فشتا داكشي شاعري و رومانسي كتر ..
رانيا غير تسمعهم سكتو و تبدا تصلي على نبي و و تصورهم خلاتهم كاملين ناضو تصورو معاها باش يبقاو صور ذكرى …. فرحتها بصاحبتها كتشوف غيث كيصيفط ميساج و تلوحو لتوش خلاتو يتجنن على عكس ياسين غير تصيفط ليه نور ميساج يجاوبها علمها بخطوبة ختو و لي فرحت ليها واخا عمرها هضرت معاها ولا شافتها يكفي انها اخت حبيبها اب رانيا شاد قنت سداري كيقرا الاخبار فتيلفون خالق جو خاص بيه …
سامية فرحتها مكملاتش وهي فكل مناسبة كتفكر إنسان غايب عليها جزء من حياتها مكينش واخا عمرها ما شافتو و الا متأكدة أنه حي و لابد من الحياة تلاقيهم امتا و فين الله وأعلم تفكراتو و تمنات يكون فهاد النهار و تكمل فرحتها و ياسر و عائلتو يطلبو يدها منو …ياسر شافها ساكتة و ملامح وجهها تبدلو شد يدها لي كانت حطاها فوق فخدها باش تنتابه ليه
ياسر ….. حبيبتي!!
سامية شافت فيه و رسمت ابتسامة مزيفة و قربت لعندو باش يسمعها غير هو …. نعم احبيبي
ياسر” قوس عينيه” ….. مالك مقلقاك شي حاجة
سامية ……. ههههه واش ليوم خطبتنا و نتقلق ؟؟؟
ياسر ……. متأكدة !!!
سامية ……. متأكدة متشطنش بالك
ياسر “شابك يديه مع يديها ” هادشي لي بغيت جيتي غزالة بقاي غير تشوفي في
سامية “هضرت تحت سنانها”……… ههههههه خويا و عمي كيشوفو جمع عينيك
ياسر بزز باش حيد عينيه عليها حتى رغباتو و شافها حشمات …صالحة ناضت هي و فتيحة يحطو لعشا قادو طبلة بلي صلاد و دجاج محمر يخلي لعين تششها قبل ما دوق تسربات لماكلة على ضياف كلاو و كان كلشي فرحان ليهم صالحة كترحب بناس ياكلو و علاش لا و هي خطبة بنتها صغير و العين تانية باش كتشوف من بعد ياسين كلشي حاني راس كياكل و سامية بزز باش كتهبط دغمة ياسر هز لحمة زوينة و عطاها ليها فمها كمل ليها لي خاص خلاها كتبرقق فعينيها و كلشي دار راسو مشاف والو سلاو و تجمعت دنيا و لعرسان مزال فبلايصهم و ياسر كل مرة يلوح ليها كلمة يخليها تزنك و مقداش تهز راس قدامهم اما واحد رانيا لي بميساج من غيث خلاه

شدات لرض شويةداز لوقت فلهضرة حتى جات صالحة و فتيحة هازين لورد حطوه حدا رجليهم و بلاطو صغير مزين بوراق لورد فلحمر و لبيض و فيه كيسان دلحليب و تمر معمر بلوز و لكركاع و بواطات لخواتم … صلاة على نبي مسموعة في العمارة و تصوار بدا من كلشي حتى ياسين مقدرش يفلت هاد اللحظة و الفرحة لي مرسومة على وجوههم كااملين تركبو الخواتم و لعيلات كيصليو على نبي لحظة خلات سامية عينيها يغرغرو بالفرحة ركب ليها ياسر لخاتم و حتى هو عطاها البنصر ركبات فيه الخاتم و قبل راسها و بقا شاد فيها بكل حب ….
جلسو و هما فجو لفرحة و ضحك حتى قتارح اب رانيا يقراو سورة الفاتحة باش ربي يسر ليهم فحياتهم ختمو اللمة بالدعاء ليهم ربي يكمل ليهم بخير …
تعطل لحال و حتى حد ما سخا بلمة الحباب ناضو ودعوهم و ناضت حتى سامية هازة على جلايلها واقفة معاهم عند باب دار كتودع ناسها و خطيبها لي لصق على لباب سلم عليها و غمزها بلا ما يشوفوه هبط وصل عليهم و مشاو و عينيهم كيتسدو بنعاس

🌸 الجزء 129 🌸
⁦✍⁩بقلمي……………………زهرة محمد
*لا تخبئي الكلام*
مضى يومك وحلمك ضمير مستتر. لا أعرف ما تقديره حتى الأن. لتأنيب الضمير سريان يجري في الدم فيحول الجسد إلي مادة هالكة لا تقوي علي أي شيء.
حَسَن من آخر لقاء ليه مع صالحة عذبو ضميرو من جيهتها و كتر من جهة ولادو لي عاشو بعاد عليه معرفهم واش واكلين ولا لا شيطان لعب بدماغو و لاحهم لزمان احساسو بالذنب كيخليه بلا نعاس …
جالس هو ولادو كيقلب فاش يتفرجو و ماطاحت عينيه على ولد كيبكي فبرنامج مضركين ليه وجهو كيعاود معاناتو مع مو لي لاحتو لخيرية ملي طلقها راجلها و مشات تزوجات و ولدات مع راجل آخر بلا ما تفكر فيه مشاات ليام و جات يام و لولد كبر قرا و خدم و نوا يدير الحلال تلاقا بنت مشا يخطبها عرضاتو لدارهم كيعاود الولد لي تبارك الله ولا راجل تختاريه من بين رجال كانو فرحانين بيه عاود ليهم وضعو انو يتيم و كبر غير في الخيرية و غير دكر سميت مو ناس تصدمو من تشابه الاسماء للام و في آخر المطاف صدق ولدها لي رماتو بلا تفكر في العواقب و شاااءت الأقدار تكون هاديك سيدة هي مو ملي سمعت سميتها بالكامل طاحت سخفت ليهم خط رقيق كانو غيوقعو فلحرام
حسن حس بالعرق على جبهتو بلا ما يكمل البرنامج طفا تلفازة و ناض لبيتو و هو ماعارفش اش يدير كيحس براسو واقف فبلاصتو ماقاد يدير حتى حاجة كيشوف فولادو معرفينش خوتهم و خاف معرف ظروف اش تجيب و قرر يتصرف قبل ما يوقع الفاس فراس
أذن الفجر و صلى و طلب الله يغفر ليه بانت ليه المذكرة محطوطة حدا تلفون دار بقا يقلب ورقة بورقة حتى لقا نمرة فيها *الصالحة طيابة* لقب كيف قراه قلبو تعقد تحت نمرة كاين العنوان فرح ملي لقاه تسنا ولادو حتى ناضو و علمهم بلي غيخرجهم وبلا ما يقول ليهم فين غادين خرجو فرحانين معارفينش اش كيتسناهم اما هو ورا ابتسامتو كاين شخص قلبو كيتقطع معارفش شنو ردة فعلهم وصلو الحي و بقا غادي و عينيه كيشوفو رقم العمارات لي كاينين فداك الحي حتى حس بيد بنتو كتجر فيه باغا تسولو
زينب …… بابا فين غاديين ؟؟
حسن …….. كنت عاودت ليك على خوتك لي مكنتش عارفهم فين ساكنين ليوم لقيت العنوان و غنزورهم
زينب ” بفرح” ……. بابا غنشوف ختي سامية و خويا ياسين
عمران واخا صغير غادي و مركز مع كلامهم و فهم فاش كيهضرو و حتى هو جرو من جهة لخرى كيسول فيه ..
عمران ….. باباغنمشيو عند خويا و غنقول ليه يديني المدرسة فحال صحابي
حسن ……. اه خوك غيدك المدرس “جلس باش يوضح ليه ” ولكن هو مقلق مني و يقدر ميبغيش يهضر معايا

عمران ……. غنقوليه يسمح ليه و انا عزيز عليه مغيبقاش مقلق منك
لقاو العمارة و طلعو قاصدين دار غير وصلو وحسن يدو تقالت مقدرش يدق فلباب حتى نقز عمران من وراه و دق و بقاو يتسناو لباب يتحل و من صكعة يامو متحل غير صالحة لي بدورها مصدقتش اش كتشوف ساد الصمت حتى بادرت زينب بسلام واخا صغيرة فسن عارفة صواب و يمكن تدخلات في الوقت المناسب جاوباتها صالحة ببرود
صالحة”شادة لباب” ….. وعليكم سلام ابنتي “سمعت الخطاوي كان ولدها يشوف مالها تعطلات”
ياسين ……. لواليدة شكون فلباب ؟؟؟
حسن “تشجع و نطق عرف سكات معندو فاش يفيدو ” …… طالبين ضيف الله ممكن اولدي ندخلو ؟؟؟
ياسين “شاف ف مو و رجع عينيه لعندهم و قال” ….. دخلو مرحبا بضيف الله
دخلو و صالحة متخوفة من لحظة اللقاء بين الأب و ولادو لي طال زمان او قصر غيعرفهم و يعرفوه

🌸 الجزء 130 🌸
⁦✍⁩بقلمي……………………زهرة محمد
*لا تخبئي الكلام*
دخل حشمان معارف فين يعطي وجهو كيشوف ولدو فاتو فطول ولا راجل كان يعقل عليه باقي يركب فوق ظهرو صالحة جلسات و ربعات يدها كتشوف فيه اش ناوي يصنع حسن بقا ساكت معرف منين يبدا و حداه عمران كيميل راسو باش يتقابل معاه و يبتاسم و ياسين عجبو دري بتاسم ليه ياسين معقلش عليه نهائيا شيب و تكماش غطا الملامح حسن نضف حلقو لي بح من التوتر …
حسن “يدخل و يخرج فلهضرة”……. عارف مع راسك كتسول شكون انا؟؟؟؟
و لاش جاي؟؟ اما حتى لالة صالحة راه عارفاني شكون انا!!
ياسين “ملامحو تبدلو 360 درجة متعرفو واش مقلق ولا فرحان ” …… وضح كلامك حيت صراحة مفهمتكش علاش كتهضر بضبط ؟؟
حسن …….. غير بشوية و كلشي غيوضاح كنتمنى متقاطعنيش حتى نسالي كلامي
ياسين ……. اهاه تفضل كنسمعك
عمران صبر حتى عيا و ناض من حدا باه و جلس حدا ياسين مخشي فيه و فرحان طلع راسو فيه وقاليه …….. نتا هو خويا لكبير يااك ياسين غير بتاسم بلا ما يحكر و قال هدا غير دري صغير بلا ما يدي عليه
حسن”تنهد و صرط ريقو ” …… نتا تبارك الله كبير و بعقلك و نتمنى تعطيني خاطرك و تسمعني انا اولدي غلطت و طلقت مراتي لولة بزوج ولاد فاش رفضات زواجي الثاني انا غير عماني شيطان و طلقتها عمري شفت منها كلمة العيب و ليوم انا ندماان حتى ندم شيب لي فشعري بغيت نرجع شمل ولادي واخا جيت معطل ولكن مبغيتش نزيد نتعطل كتر من هكا لحيا و لموت هادي كنطلب سماحة اولدي حابس دموع فطرف عينو على ود ولادو صغر….. سمح لي اولدي الله يرضي عليك
صالحة بغات تهضر و قاطعها ولدها لي قلبو عااامر من جيهتو
ياسين “تفكر صغرو و بدا يعطيهم ليه صرف” …. دابا من هاد القصة لي عاودتي لينا بغيتي توضح لي بلي نتا هو السيد لي ولدني و بلي غلطتي و بعدتي علينا و مشيتي شفتي حياتك 18 عام هادي و حتىىى قالها ليك راسك و جيتي عندنا والمطلوب منا نساو حنا هاد 18 عام ديال العداب و الحرمان و جوع و كل عام نجح بلا ما نسمع منك كلمة مبروك اولدي اوى إلا كان على ود هكا خاصك تحدد بضبط علاش جاي نسمحو ليك باش نعرف علاش نجاوبك
حسن …… نعيا نعاود و نبرر ميغطيوش سنين دازت عشتوها بعاد علي هانا قدامكم باش ما حكمتو علي قابل
صالحة ” صبرت حتى عيات و لي فقلبها خرجات” ……. مبغينا منك والو الا مشيتي درتي مزيا فينا و فيك
“معندو فين يمشي و الا نتوما مباغينوش فحياتكم انا باغاه فحيااتي باااااركة 18 عام و هو بعيد علي ” ….كان هدا كلام سامية لي فاقت و سمعت اش جرى كلشي تصدم و بقا يشوف بلا

سلام و لا كلام جات تجري و تلاحت على يديه تبوس فيها و تبكي حالتها تقطع في القلب لدرجة هو بدا يبكي معاها
سامية”تبكي و طلب فيه ” ….. عفاك ابابا متسمعش ليهم انا مسامحة ليك أهى اهئ غير بقا ابابا عفاك واخا معشتش معاك و انا صغيرة قابلة نعيش معاك و انا كبيرة نعوضو ليام لي دازت
حسن حال بنتو كانت نقطة لي فيضات الكاس متوقعش رد فعلها يكون هكا خلات دموعو ينزلو عنقها و بداو يبكيو
سامية ” شافت فمها و خوها و دموعها مزال نازلين ” …….. ربي و كيسامح ياك هادشي لي ربيتوني عليه و طبقوه دابا الغلط وقع و مغنرجوعش بزمان لور باش نصلحوه خليونا نبداو صفحة جديدة و نعيشو فحال ناس
ياسين كلام ختو و حالتها ربطوه مبقا عارف ميقول بقا غير كيضور فعينيه مستوعبش هو و مو أن هادي فرصة جاتهم تخليهم يحيدو الحقد و الكره لي كيحسو بيه من جيهتو عمران متفرقش من حضن خوه يمكن بطريقتو شفع لباه ولو شوية ناضت سامية عمرات اتاي و أحسن كيسان عندهم حطات و الحلوى فرحانة بيهم جلسو و مها منطقات بحتى حرف جالسة و ساكتة مبقا عندها ما تقول كتشوف بنتها باغا باها و فرحانة بيه و هاد لمعة لي فعينيها اول مرة تشوفها فبنتها لي ملي بدات تفهم و هي كتسول عليه

🌸 الجزء 131 🌸
⁦✍⁩بقلمي……………………زهرة محمد
*لا تخبئي الكلام*
الاب حتى كلمة متجي معاه ولا تواتيه …..والا دوينا عليه تال صباح قليل فحقو ..هو سند والحماية وهو لي كيكون في وجه المدفع ويهز الدق هو الراحة والاطمئنان ومعاه كتحس بالهنا ومكتعرفش شنو معنا الخوف هو لي كيعطي بلا مقابل وكيخدم عليك بلاما يتسنى جزاء
هو لحبيب لي كيبغي بنتو بلا خيانة وصديق الوفي لولدو لي مكيعرف لغدرو طريق
هادشي كامل ياسين سامية محسوهش بالاخص سامية كلمة بابا بزز باش خرجتها حيت ممولفاهاش إحساس الابوة كان غريب عليها جالسة حداه كتحفظ تفاصيل وجهو تمنات هاد اللحظة طوال و متسالييش و لكن حسن ناض خاصو يمشي و واعدها يرجع مرة أخرى…..
غير خرج و سد لباب صالحة ناضت لبيتها و ياسين خرج يبدل ساعة بختها سامية بقات راسها جالسة كتحاول تستوعب هادشي لي طرا كانت ديما مفتاقداه و محتاجة ليه كتفكر شنو خلاه يتسنا 18 عام سمعت تلفونها كيصوني و ناضت تجاوب ….
ياسر”متكي كيتفرج”……. حبيبة ديالي سافا؟؟؟
سامية ” بصوت ضعييف”……. انا ماشي بخير بغيت نشوفك ممكن؟ ؟؟
ياسر “سمع كلامها و ناض جلس” ….. نوضي لبسي دابا ندوز عندك
سامية قطعت و ناضت لبسات لي لقات و خرجت هابطة و كتلوح فرجليها و دماغها خدام واش هي في حلم ولا في علم بقات واقفة كتسنا حتى سمعت صوت كيعيط سامية لقات ياسر واقف deuxième position مشات ركبات و سلمات عليه مبتاسمة فوجهو ولكن بااينة فيها باكية و مقلقة مسولش مالها خلاها حاطة راسها على زاج وهو تحرك و بعد وقف فواحد درب كالم قريب لاكوط سكت طوموبيل و بقاو جالسين ياسر قرب عندها و هضر معاها باش يفهم منها مالها ؟؟؟
ياسر ……… عمري شنو قلقك حالك معجبنيش ؟؟؟
سامية “بقات كتشوف قدامها”…….. شفت ببابا ليوم جا هو ولادو من بعد 18 عام
ياسر “بقا غير ساكت و كيشوف فعينيها لي عمرو بدموع” ……. واخا عمري عشت معاه سامحت ليه واخا معرفتش علاااش مجاش شافننا هادي سنين سمحت ليه “ضارت شافت فيه و عينيها كيجريو بدموع ” ممكنعرفش نحقد و مقدرتش الحياة عطاتني فرصة و الفرصة كتجي مرة في العمر واخا كيجيني شخص غريب و لكن مع الوقت غنحس بيه بابا ياك .؟؟
ياسر”باس جبينها و مسح دموعها ” …….. حبيبتي الله يرضي عليك سمعي لي انا هكا بغيتك تكوني الحقد كيعذب مولاه و الحمد لله شفتيه حي راه قدر أخف من قدر
سامية ……. الحمد لله و لكن باقا كنحس بنقص معاش معايا و ملعبش معايا و مدانيش المدرسة معنديش ذكريات معاه

ياسر …….. هاهو رجع اسامية المهم جا و إن شاء الله يعوضك على لي فات مسحي دموعك و براكة من لبكا باك حي ماشي ميت
سامية” دموعها كيهبطو بلا هواها” ….. بغيت نشرب معندكش لما
ياسر ……. تسناي نمشي لقهوة نجيب ليك لما و نجي حتى انا بغيت نشرب “غمزها”
بقات متبعة ليه العين و بتاسمات وسط دموع طلع و حل القرعة و عطاها تشرب شربات نصها و مداتها ليه
سامية ……… تشرب ؟؟؟؟؟؟
ياسر………….. اه ولكن مبغيتش لما “دار فيها شوفات خلاها ترعد فبلاصتها ”
سامية…… و شنو بغي…
قبل ما تكملها جاوبها بطريقتو زاد قرب و حط شفايفو على شفايفها خلاها موسعة عينيها بوساتو خلاوها تنسا راسها و تزنيGا بداتها من ودنيها و قلبها غيفرفر بسبابو غمضت عينيها مسافرة معاه حتى عضها عاد حلاتهم كانو كيبريو
ياسر “سرط ريقو و ريقها ” ……. كتخرجيني على شعوري احبيبة
سامية”عنقاتو” ……. كنبغيك بزاااف
ياسر ……. سعداتي بحبيبتي اااح امتا يوصل راس لعام
سامية …….. ضغيا غيدوز الوقت غير فتوجاد و جرى
ياسر ……. فكرتيني فتوجاد شفت 2 برطمات حتى نمشيو نشوفو و نختارو
سامية ….. واخا احبيبي ناخدو شي حاجة رخيصة بلا ما نخسرو لفلوس بزاف
ياسر “خطف بوسة صغيرة من فمها” ….. متخافيش داير حسابي متهزيش الهم لفلوس

🌸 الجزء 132 🌸
⁦✍⁩بقلمي……………………زهرة محمد
*لا تخبئي الكلام*
أسعد دوز سيمانة فدار غير الماكلة و راحة و شوية الرياضة باش ميتعبش راسو و مقابل سلمى فتلفون مرة تجاوبو و مرة تخليه يصوني حتى ليوم غير فطر و خدا دواه و خرج يتسلت لتشوفو غيثة حل لباب ركب طوموبيلتو و مشا نيشان لسبيطار وصل داخل بهيبتو لي شافو ميقولش هدا لي كان هنا سخفان سول عليها في الاستقبال و نعتو ليه المكتب ديالها مشا لخر ديال لكلوار ولقا ممرضة غادة تجري وقفها عاود سول عليها
الممرضة…….. اااه دكتورة سلمى عندها جولة مراقبة هاد صباح يمكن ليك تسناها
شكرها و مشات بان ليه المكتب الخاص بيها و مكتوب عليه سميتها دق و دخل سد لباب بقا كيكتاشف بعينيه كان المكتب مكبيرش بزاف فيه خزانة متوسطة فيها كتب متنوعة و هيكل عضمي للانسان مشا ووقف قدامو بدا يهضر معاه
أسعد”مد يديه و سلم عليه ….. بونجوغ دكتورة سلمى اه اه امالك على هاد رق ادكتورة مكتاكليش نتي خاصك سنة ضوئية باش تربي شوية لحم
جا يكمل دورة حتى لقاها دخلات و وقفات متكية على لباب بتاسم و ربع يديه كيشوف فعينيها بلا حشمة
أسعد ……. راه كتشابهو داكشي لاش هضرت معاه خاصو غير لفولار ههههههههههه
سلمى “مشات بخطواتها و جلسات في الكرسي” ….. لاش جاي قبل الموعد ؟؟ ولا ملقيتي ما يدار و جيتي تصدعني
أسعد “حط يديه بجوج على مكتبها” ……. أولا لمريض وقتما حس بلعيا خاصو يجي يشوف طبيبة ديالو “جلس بلا ما تسمح ليه يجلس ” و داك نهار قلت لك قلبي ضاارني و نتي دواه
سلمى ” شادة راسها بزز كاريزمتو دوخاتها” …… شوف هاد الهضرة الخاوية ماشي وقتها و خرج راه عندي خدمة
أسعد “كيجر قنوفتو لتحتانية بصباعو ” ….. وقتها ملي تسالي خدمتك إذن غنتسناك حدا باب سبيطار مع 4
قبل ما تجاوب ناض و خلاها تستوعب كلامو و تعاودو مع راسها شافتو صايك بلا فرانات وضرها و تلفها على الخدمة لي بغات تخدم بقات حاضية غير ساعة كل مرة تشوف فيها دوزات لعشية بلا خدمة بقات غير كتفكر فتصرفاتو لي ممفهومينش حيدات طابليتها علقاتها و خرجات ساعة قبل متهربة منو و لكن معامن الالة سلمى …
أسعد مشا شرب قهوة و كلا شي حاجة خفيفة و رجع تسناها ناس لبوليس دماغهم ميقد عليه غير لي خلقهم تقول قرا دماغها 3 كان واقف عند الباب غير خرجت بانت ليه و بقا غادي بشوية تابعها شافها غادة لطومبيلتها وبلاصا طومبيلتو و هبط كيزرب عندها شافها طلعات و طلع حداها شافتو و تصدمت
أسعد …….. دكتورة كتهربي مني ولا من الموعد ؟؟

سلمى ……… ممكن تهبط راسي مصدع و معنيدش الوقت لا ليك ولا الموعد
أسعد …….. انا عندي الوقت و مساااااالي باقا لي سيمانة أخرى نجي نشوف طبيبة ديالي غنديك تشربي واحد القهوة غيفوتك راسك اش قلتي!
سلمى “مقدراتش تشوف فيه ” ….. الله يخليك خليها مرة أخرى ا …
أسعد …… سميتي أسعد “مد يدو سلم عليها ”
شافتو معكس و ستسلمات و ديمارت طموبيلتها بعدات من لكارتيي لي خدامة فيه بقاو غاديين و سيد راكب حداها مدايرش صمطة حتى وقفت في ضو لحمر عاد ردات البال
سلمى …….. انا بغيت لبوليس يشودك و يهنيوني منك دير سمطة ولا هبط
أسعد” هو قاصد ميديرهاش” ……. هههههههه كتخافي منهم ؟؟ مبيناااش عليك
شافتو مسمعش حيدات من طريق و هي معصبة وقفات طوموبيل و قربات عندو جرات سمطة بجهالة باش ديرها ليه و ضرباتها لحديدة خلاتها تألم شافها تقصحات بسبابو شد صبعها و باسو حركة خلاتها تنسا الالم و تفز من بلاصتها طالعة معاها الحرارة بقاو عينيه مركزين فيها
أسعد “بصوت شبه مسموع” …… سمحي لي مقصدتش ” رجع باسو ” هبطي انا غنصوك فبلاصتك
هبطات بلا ما تعارض بنجها بتصرفو خلاها حالة فمها فيه سيدة ضارباها زعطة و مراضياش صاك بزربة حتى وصلو القهوة و هبط هو لول و مشا حل عليها الباب
أسعد شد فيديها ” …….. عنداك تولفي نحل ليك لباب راه سبعيام د لمشماش دغيا تسالي

🌸 الجزء 133 🌸
⁦✍⁩بقلمي……………………زهرة محمد
*لا تخبئي الكلام*
سلمى هبطات و كتعجب فهضرتو لي قال خلاها كتسول راسها اش بغا يقصد بهضرتو ملقات جواب دخلو القهوة و هو مزال شاد فيديها جلس و جلسات مقابلة معاه وقبل مايجي سرباي زربات عليه
سلمى “قدات نضاضرها باش توضاح ليها صورتو” ….. ممكن نعرف لاش جايبني هنا؟؟
أسعد “دار راسو مسمعهاش بان ليه سرباي و عيط ليه” واحد نواغ و عصير الليمون للآنسة
سلمى “خرجات عينيها ” …….. واش انا قلت لك باغا شي ليمون و زيدون مخاصكش تشرب القهوة في فترة العلاج “ضارت عند سيرفور ” جوج عصير الليمون “وبتاسمات”
سرباي هرب قبل ما يتناقشو تاني أسعد رجع ضهرو لور و بقا كيشووف فيها حتى شككها فراسها و بدات تشوف فحوايجها واش هما هدوك
سلمى……..ممكن نعرف علاش كتشوف في هاكا !!!!
أسعد ………. عجبتيني و كنشوف يكما شوف حرام ؟؟؟
سلمى …….. مقلتش حرام غير هو عيب نبقاو نشوفو فناس بزاف و نتا ملي جلستي عينيك مرمشتيهاش
أسعد ……… ربي عطانا العينين غير باش نشوفو بيهم اي حاجة زوينة “غمزها”
سلمى ……… دابا لاش جايين هنا باش تقول لي فوائد العينين ولا شنو !!
أسعد …….. بغيت نتعرف على الطبيبة ديالي لي بسبابها قلبي ولا عليل
سلمى “هضرتو بعض المرات كتخليها كتنسى الهضرة و مكتعرف متقول غير سرباي جا نقد الموقف حط العصير و مشا أسعد جغم من العصير و خسر سيفتو جاه حامض بزااف ممولفش يشربو حط لكاس لقاها ميتة بضحك حتى وحلات فيها و بدات تكح شربات لما عاد رتاحت ضحكتها زعزعاتو شافها كتشرب عااادي تقول منقصها حتى خير
أسعد “دفع من حداه الكاس” ……. بغيت نعرف اش عجبك فيه ؟؟؟؟
سلمى”كتشرب بلاباي” ……. ليمون عندو منافع كتيرة كيساعد على الهضم و كيهدأ الاعصاب حسن بألف مرة من القهوة
أسعد “بقا غير ساكت و كيسمع حلف لشرب داك العصير دار بناقص ” …….. شربي الالة بصحة و راحة و راه كيحافظ حتى على نظارة البشرة و انا كنقول مال وجهك زوين قولي سر كاين فليمون هههه
يله بغات تجاوبو حتى صونا تلفونو هزو و جاوب ~~رورو حبيبة سافا؟؟
كلمة خلات سلمى ترجع العصير حتى خرج من فمها وهو شاف منظرها و بدا كيبتاسم قطع مع نور و سلمى روحها غتخرج وحلات ليها و نفس تقطعات فيها و تزننكاات أسعد شاف دموعها و ناض عندها مخلوع سد ليها نيفها
أسعد …… غير بشوية عليك “حيد ليها نضاضر و مسح دموعها” حاولي تنفسي عادي غيفوتك لحال

سلمى مرضاااتش و حسات بالاحراج من الموقف لي طرا ليها شربات لما لي بقا و هزات صاكها غادا طالع ليها دم أسعد خلا الخلاص فوق طبلة و تبعها يجري شدها باش توقف
سلمى …… جايبني باش نسمعك كتهضر مع حبيبتك مفهمتكش واش طونسيو لعب لك على خلايا عقلك ولا شنو
أسعد”باقي شادها وقربها ليه ” …… هاد ساعة نتي لي مخربقاني و معرفتش اشمن حل ندير معاك
سلمى …….. باينة عاجبك راسك و مكافياكش وحدة طلق يدي خليني نمشي
أسعد”قرب لودنيها و هضر ” …….. حكمتي علي و نتي مزال مكتعرفينيش شكون قالك ممكفيانيش وحدة خاصها غير تقول اه عمري نشوف فجهة خرا

🌸 الجزء 134 🌸
⁦✍⁩بقلمي……………………زهرة محمد
*لا تخبئي الكلام*
صديقي الذي لا يضَجَر و لا تسّأم روحه ، لا يشعر بالتخمه من أحزاني الضَئِيلة والعظيمة … لستِ نصفي الآخر بل أنت أنا في مكانٍ آخر # يا_صديقي
ياسين متقبلش رجوع باه بالمرة كيفاش رجع بعد هاد المدة ماهي عام ولا عامين رجع لقا ولدو راجل و بنتو فسن زواج و فنفس الوقت بقات فيه ختو حرقو راسو بقا غير غادي كيفكر معرف فين يمشي ولا فين يجي جات بين عينيه نور حس هي أكثر شخص محتاج ليه فهاد اللحظة مشا البحر و بعععد على الناس و جلس فوق صخر كيفكر و شنو القرار الصحيح لي غياخد شاد تلفونو كيلعب بيه بين صباعو و تاصل بحبيبتو لي معاها كينسا دنيا و همومها
نور “جالسة كتقاد بيتها شافت تلفون كيصوني و طارت جوبات ” ………. yax “اسم دلع ” حبيبي توحشتتتتك
ياسين “ابتسامة مخارجاش من القلب” …… حتى ا روحي توحشتك و مكرهتكش تكوني معايا
نور “من نبرة صوتو باينة فيه مقلق” ….. حبيبي مالك واقعة شي حاجة
ياسين”كيلعب بشوية رملة حدا رجليه” …….. ههههههه مواقع والو غير توحشتك
نور ……. انا كتر منك ومكرهتش نشوفك قنطت فدار
ياسين ……. قرييب مبقاش بزاف و نجي نخرج حبيبتي “شاف ابيل غيث ” حبيبة غنقطع نجاوب صاحبي و نرجع لدار نهضرو
قطع و جاوب غيث لي تاصل بيه باش يشوفو و يحييو ذكريات زمان ناض كيسوس حالتو و وصل عليه القهوة لي قال ليه كانت قريبة ليه بقا معاه فتلفون حتى شافو فين كاين و مشا قاصدو سلم عليه و عنقو جلس حداه
غيث …… افين اصحبي كون متاصلتش متسولش امالك؟؟؟؟
ياسين ” حط سوارتو وتلفونو فوق طبلة ” ……. غير عذرني راه راس عمر مطارق
غيث ……. و ناخدو قهوة و نحلو هاد المطارق لي مبرزطينك اسيدي
غيث “طلب قهوة ليهمم بجوج ” …… اوا اش تم اصاحبي
ياسين …… اودي غير خلي داك جمل جالس مكاين لاش نوقفوه يشتف علينا
غيث ……… و على هاد الهضرة هي مبقيناش صحاب
ياسين …….. لاا لا والله ما هكاك غير مبغيتش نصدعك و صافي
غيث……. مكاين حتى صداع “شاف سيرفور جاي” ها القهوة جات شرب و قولي اش عندك
ياسين”هز طاس القهوة شرب كيستطعم مذاقها” ……. اش غنقوليك نتا راك عارف البير و غطاه “تنهد” شفت الواليد ليوم
غيث…….. اوا
ياسين “كيهضر مغدد” …… يله طفات عليه شمعة و جا يشوفنا اسيدي “كيهضر و يعبر بيدو” و شي نوع البشار كتقتلني قصوحية وجهو والله العظيم
غيث ……… ياسين رجوع لله كيفما كان الحال باك هداك بغيتي ولا كرهتي

ياسين ……… غيث ماشي وقت المواعظ الله يحفظك 18 عام غابر و تقول لي باك
غيث “عارف صاحبو معصب ” …….. و غير برد و خلينا نهضرو باك غلط مقلتش لا و نتا مول القلب الكبير سامح ليه
ياسين ……… مقادرش نسامح منكدبش عليك حتى انا غير بشار هاد العمر لي ضاع شكون غيعوضو لي ممم
غيث …….. غير غادي تبرد و تسمح ليه انا لي عارفك الله يحفظ كون قالو ليك مات و نتا ممسامحوش اش غدير ؟؟؟
ياسين سمع الموت و نغزو قلبو أصعب إحساس يموت الانسان و نتا ممسامحش معاه و ديك ساعة يكون فااااات لفوووت و تحط تحت تراب مستحيييل يرجع
اشعر ب نقصْ في اعماقي لا اعلمُ ما الذي يكملہُ ؛ عودةُ راحِل , اعتذَار مُخطيء ، امْ اهتمام مُهمل , شعورْ مهَما بحثتُ فيہ اعجزُ عَن وصفُہ

………..زهرة محمد
*لا تخبئي الكلام*
حين أشتاق إليك تهرب مني أفكاري إليك، ويشدّني إليك حنين مُؤلم وأنا أستقبل الأشواق بالبكاء.. حين أشتاق إليك أصبح كطفل تائه أبحث عن صدرك لأختبئ بين أحضان قلبك.. أقف أمامك وبعيني دمعة رجاء لتحتويها بحنان بين صدرك وتهمسي لي لا تخافي فأنا بجانبك.. أحبّك حبيبتي بل أعشقك بجنون
نور غير قطعت تلفون و بقا بالها مشغوول مع ياسين بقااات كتفكر فشنو خلا حالتو هكاك عصبيتو و طريقة هضرتو اول مرة تشوفهم فيه بقاو مرسومين بين عينيها ناضت تجري لبسات فرجليها خرجات من بيتها و مشات عند ختها و هي مصممة على القرار لي خدات
نور ……… غيييثة !!
غيثة “يله مدوشة لابسة حوايجها و خارجة كتنشف شعرها” …. امالكي كتغوتي ياك لبااس؟ ؟؟؟
نور ……… غوت غير باش تتسمعيني لمهم شوفي بغيت نمشي المغرب و بغيتك تقنعي أسعد يخليني
غيثة” …….. ههههههههه لااا لا نتي لعقل لي كان عندك داه ياسين
نور …… عفاك ااختي ياسين حالو ماشي هو هداك و بغيت نشوفو عفاك متقوليش لا
غيثة”هي غادا و نور تابعاها …….. لنفرد مقلتش لا راه خوك مغيبغيش تمشي بوحدك
نور …….. الا وافقتي نتي حتى هو غيوافق
غيثة ……. امتا باغا تمشي؟ ؟
نور …….. غدا ..
غيثة …….. و شتك زربانة لمهم الا رفض متجيش عندي تقولي لي طلبيه راك عارفاه مزال مريض
نور ……. متخفيش انا عارفة لكود ديالو
غيثة مفرقتها نور حتى طبخت ليها راسها رجعات تجري لبيتها هزات تلفون تاصلات ب خوها تمهد ليه الخبر قبل ما يجي دوزات نمرتو و كتسناه يجاوب
أسعد…….. رورو حبيبة ديالي سافا
نور ……. سافا ا خويا فينك ؟؟؟ قريب تجي
أسعد ……. اه واحد شوية بيغيتي شي حاجة نجيبها ليك ؟!
نور ……… اااه ب بغيت نهضر معاك ضروري متعطلش
أسعد…… اوك رورو نجي و نهضرو بب
نور قطعات و ناضت جبدات وراقيها و باسبور ديالها و هبطات باليزتها حطات فيها حوايجها بقات ساعات تعزل و تختار حتى عمراتها و بزز باش سداتها تقول سيدة غترحل سمعات تقرقيب سوارت وهزاتها حطاتها ورا لباب و خرجات لقات خوها جا طارت عليه بتعنيقة
نور …… خويا توحشتك نهار كلو و نتا خارج فين مشيتي ؟؟؟
أسعد “دار فيها شوفة لبوليس خلاها تفافا” ……. نور ممولفاش تسوليني قولي اش عندك؟ ؟
نور “شافت فيه كترجاه” ….. خويا بغيت نطلبك طلب و متقولش لا
أسعد ……. اجي جلسي باااين شي طلب نييت هدا “مشات جلست حداه و دار رجل على رجل” نور ….. صاحبتي في المغرب و طلباتني نجي عندها غير سيمانة و نرجع
أ

أسعد ” سكت و قاد جلستو ” ……. قليلة سيمانة بقاي شهر وباغا تمشي بوحدك و نتي بزز كنتي تخرجي
نور ……. انا كبرت و تبدلات في شحال من حاجة متخافش علي و صاحبتي غتسناني في المطار غير وافق و عطيني حتى سوارت دار نمشي نطل عليها
أسعد …….. حتى نقول اه عاد نشوفو قضية سوارت
ناض من حداها خلاها حالة فمها و كتشوووف مَحْياها مقتلها خلا دماغها خدام ضيقت عينيها بشر و تبعاتو حلات لباب لقاتو بغا يبدل شافها و حبس واخا كابرين برا الاحترام واجب جلس فناموسيتو كيتسناها تهضر
نور “مشات طلبو و تغبن عليه” ……. ياك من ديما كتقول علي خاصك تعولي على راسك و تحملي مسؤوليتك حتى حد مدايم ليك “بغا يهضر و كتقاطعو ” غنتااصل بيكم كل نهار و عفاااك اخويا متقولش لا انا وااعدت البنت غدا غنقطع لبيي عفاااك ياك انا ختك حبيبتك
أسعد “شد بيديها و خرجها” …… سيري وجدي لي شي عشا يكون دايزو لكلام باش نفكر نخليك تمشي يله سيري عندك ساعة نلقا لعشا واجد
غيثة حابسة ضحكة كتخرج ليها مقطعة غير سد لباب و هي تفركع بضحك شدها لفوغيغ ديال ضحك بقات كضحك حتى ضروها حناكها
غيثة ………. ههههههههههه و تسفيرة المغرب خرجت عليك بغسيل الفندف ارورو ههههههههه
نور “كتعيب فيها” نينينينين
غيثة …….. هنيتوني من العشا الله على راحة
مشات نور توجد لعشا بلا خاطر تنفخ و تصوط ولكن على قبل ياسين كلشي يهون بقات كتخيل راسها كطيب ليه توجد و تقاد
نور وجدات و قادات طبلة حتى مبقا عندها فين تزيد تحط شي حاجة اخرى دارت يديها على نصها كتبتاسم و فرحانة من الانجاز العظيم لي حققات عيطات ليهم يجيو يتعشاو غير جات عينيهم على طبلة تصدمو من داكشي لي محطوط شافو فبعضياتهم كيتغامزو عليها
غيثة ……. هاي هاي على ناس و الحداكة
أسعد …….. صراحة هادشي زوين و كيشهي معرفت منين نبدا
نور “جالسين و كيهضرو ” راه لااا كلام على طعام
سمعو كلامها و سكتو و غير سمفونية لفراشط و المعالق لي كيتسمعو كملو عشاهم و أسعد هضر بلا مقدمات
أسعد ……. غدا غندوز ليك لفلوس فحسابك و سوارت راه كاينين في الفاز لي فصالة و تلفونك متفرقيهش توصلي تاصلي و الا خارجين تاصلي تمشي تبقاي ف الاوطيل كلامي مفهوم
نور”ناضت باستو فحنكو ” …… الله يخليك لي يااارب

🌸 الجزء 136 🌸
⁦✍⁩بقلمي……………………زهرة محمد
*لا تخبئي الكلام*
صالحة بقات غير تصلي و تشكي على الله لي مكينش من غيرو سبحانو يهون عليها بقات كتصلي حتى حسات براسها ولات شوية ناضت شادة فركبتها جمعت صلايتها لقات سامية و مشات جلسات حداها هضرات معاها
صالحة “هازة تسبيح كتسبح بيه و ذكر الله ” …… سامية نوضي نشوفو اش نديرو لعشا خوك قرب يدخل
سامية “حاسة بمها ماشي هي هاديك “…….. ماما حبيبتي”عنقتها” راه نتي أغلى حاجة عندي و عمر شي حد يجي بلاصتك مبغيتش نشوفك مقلقة
صالحة”تنهدت و حبسات تسبيح” ……. و حتى انا ابنتي منحرمكش من باك بغيتي تشوفيه معنديش مشكيل الحمد لله دابا كبرتو و عارفين اش كديرو وهو منو الله
سامية”باست يديها ……. عاافاك اماما سامحي ليه متقوليش هاد الكلمة ديال منو الله مدعيش عليه “رجعات باست يديها ” عاارفة قلبك كبير
صالحة ……. ربي لي كيسمح ابنتي خاصو يطلبو يسمح ليه
سامية”مبغاتش تكتر الهضرة في الموضوع حيت كيفيق غير الجراح ناضت دارت لحسوة بشوفان و زعتر و قطعت ديسير و حطاتو يبرد على ما دخل خوها لي نسا راسو مع غيث وصلات 11 عاد دخل لقاهم كيتسناو فيه دخل و لاح سلام و مشا عندهم
صالحة …… و عليكم السلام اولدي فين تعطلتي بغينا غير نتعشاو و نتا تعطلتي
ياسين ……. غير سمحي لي اميمتي كنت مع غيث فلقهوة و تعطلنا كون غير تعشيتو انا مقاد على والو
صالحة …… لواه اوليدي تعشا داكشي غير خفيف و سير تنعس
ياسين دار لمو خاطرها و بقا حتى تعشا معاهم و ناض لبيتو بدل و تجبد فوق سريرو مغمض عينيه كيفكر حتى جات صورة باه و حل عينيه كيشوف فسقف داخ و كيحس بشي حاجة تقيييلة محطوطة على صدرو حاول يخلق ليه الأعذار و ملقاهمش ليه بقا غير كيتقلب نعاس مجااهش ولا عرفو فين كاين تفكر نور قاليها يوصل لدار و يتاصل بيها ناض جلس و عيط ليها
نور “لقاها غتنعس”……. ياسين
ياسين …… روح ياسين يكما فيقتك ؟؟
نور “كتهضر بشوية” …… يله كنت غنعس مالك مزال فايق ؟!!
ياسين……… غير مجانيش نعاس احبيبة صافي سيري تنعسي حتى لصباح و نهضرو
نور ……. لا غير خليك مزال فايقة
ياسين …….. كنتسنا هاد 10 يام تسالي باش نجي نشوف حبيبتي
نور”كل كلمة كتخلي قلبها يفرفر” ……. حتى انا توحشتك و بغيت نشوفك طولتي لغيبة
ياسين ……. غير صبري مبقاش بزاف و تكوني معايا ديما و عمري نفرقك
نور”بتعجب” ….. ككيفاش !!
ياسين …….. تكوني مراتي و ام ولادي ؟

نور “مشاعرها تخلطو عليها و معرفت اش تقول ” …. ززعما مزوجين مزوجين ا ا زعما امتا لا ماشي امتا زعما “سيدة كدخل و تخرج فلهضرة”
ياسين ……… ههههههههه غير بشوية و جاوبي واش اه ولا لا
نور ………. ااااه اه مواافقة موافقة “تنهدت” منقدرش نشوف حياتي مع انسان آخر من غيرك
ياسين …… إن شاء الله نجي و نهضر مع خوك
نور”قلبها غيخرج من الفرحة ” ……. ككنبغيك حبيبي
ياسين …… و انا كنموت فحبيبتي
~~~~~~~~~~~~~~~~~~~~
غيث وصل لدارو عيااان بغا غير يحط راسو ينعس جبد تلفون شافو لقا رانيا شحااال من مرة تاصلات بيه و مسمعهاش ضرب على جبهتو حيت عمرو مكانت ليه من نهار لي عرفها … تاصل بيها واخا عيان جاوباتو و هي شاااعلة من خوفها عليه
رانيا …….. لاش متاصل حتى لدابا غير سير كمل السهرة
غيث”مستحمل غواتها حيت الغلط ديالو ” …….. غير تهدني و نشرح لك
رانيا …… مغنتهدنش حيت كون كنت انا غتبقا تغوت و مغتهدنش على الاقل صيفط ميساج نطمأن عليك
غيث “عياان مقادش يهضر” …… حبيبة راه كنت فلقهوة مع ياسين و مرضيتش البال والله ما حسيت بيه
رانيا”بدات كتشدها لبكيا …….. اه حيت مكنهمكش و مجيتش فبالك ياك… واش غنتزوجو و غدير لي فحال هاكا!!!
غيث …….. حبيبتي الله يهديك اش كتقولي راه غير نسيت ماشي ديما كنديرها
رانيا …… معرفتش اش طاري ليك عارفاك غتسالي مع 5 دابا 12 و نتا عااارفني كنتخلع
غيث ……. صافي احبيبة سمحيلي راه مقصدتش حبيبتي كتخاف علي شكون فحالي مبقا والو ويتسد علينا باب واحد و نحيد منك هاد الغوات و غتبقاي تشوفيني حتى نطلع ليك فراسك
رانيا”نسااات لمخاصمة” …….. بقات غير سيمانة مبقا وااالو و خاصني نقاد شحال من حاجة
غيث …… باااقي الوقت كلشي واجد و باش نصحح غلطي و نصالح حبيبتي غدا الالة منخدمش و نمشيو نقادو اش خاصو يتقاد اش قلتي
رانيا “معفرة عليه” ……. حتى نفكر
غيث …….. راه غنبدل رأيي ….
رانيا ……. فين غنتغدااو ؟؟؟
غيث ……… غنخليها ليك مفاجأة يله سيري خليني نعس راه حال عيني غير بزز
رانيا ……. واخا تصبح على خير
غيث …….. و نتي من أهل الخير حبيبتي
يَمضي الوقت في غيابك، أغمض عيناي وأشير للسماء، وأتحسّس روحك بجانبي، وأخاطب ما تبقّى مِنك فأنا دوماً عاشق لجنونك.

🌸 الجزء 137 🌸
⁦✍⁩بقلمي……………………زهرة محمد
*لا تخبئي الكلام*
وستظلين انتى سبب سعادتى وشقائى فكلما احتضنتك كانى امتلك سعادة الدنيا وان بعدتى عن حضنى فيبدا الشقاء فلا تتركى حضنى
نعسو ابطالنا و كل واحد مضمر فخاطرو شحال من أمنية كيتمنى تحقق ليه شرقت شمس صيف ضاربة فبيت نور لي مفاجأتها غتكون كبيرة و متميزة لياسين قبل ما تنعس قطعات لبيي فسيت و طيارة عندها مع 11 فاقت ناشطة و كتفكر غير امتا توصل عندو و تشوفو ناضت خدات دوش خفيف و مشات لبلاكار خلات فيه كسوة كحلة فيها وريدات فلحمر شافت راسها فلمرايا بقات كضور فرحانة براسها نشفات شعرها و خلاتو مطلوق و جلسات دارت ميكاب خفيف بدات كتزرب تأكدات من الوراق وباسور دارتهم فصاك خشات معاهم تلفون بقات واقفة كتفكر و تشوف اش نسات خرجات لقات خوها فايق باش يوصلها لمطار جلسو فطرو بلخف و ناضو نور سلمات على ختها و ودعاتها و أسعد جر لباليزة و خرج يتسناها
غيثة “شادة فيديها و موصلاها لباب” …… ردي لبال لراسك توصلي تاصلي بي متخلينيش مشطونة
نور……. ككوني هانية احبيبة يلاه بااي
ودعاتها و مشات طلعات مع أسعد تسناها دارت سمطة و ديمارا لطريق المطار طول المسافة و هي كتفكر ملي يشوفها كيفاش غيكون رد فعلو و كيفاش غيتصرف بقات كتبتاسم غير بوحدها و غير دخلو المطار و دقات قلبها كيتزادو وصلها أسعد و بقا معاها حتى كملت الإجراءات و دفعات لبكاج ودعها مع توصياتو أكيد و هذا حال اي اخ ..
دخلات طبعات لباسبور و مشات جلسات كتسنا الاعلان الخاص بطيارتها جبدات تلفون و معرفتش واش تعلمو دابا ولا حتى توصل بقات كتفكر و فلخر قررات متعلمو حتى توصل سمعات نداء و ناضت هزات صاكها و تابعة ناس لي غاديين و متبعة تعليمات المضيفات جلسات فبلاصتها و دارت حزام سلامة و المضيفة واقفة في المنتصف كتمنى ليهم رحلة ممتعة قلعات طائرة بكل هدوء حتى شدات توازنها فسما….
ياسين تغدا مع مو و ختو على برا بغا يبدل ليهم الجو المكهرب لي عاشوه هاد يومين ملي جا باهم مخليين ليام تقاد الامور بيناتهم جالسين كيتحتو و يضحكو حتى صونا تلفون عند ياسين بانت ليه نمرة غريبة بقا كيشوف و جاوب
ياسين …… آاالو ..
نور ……. حبيبو سافا “سمع صوتها و ناض بعد باش يهضر على راحتو ”
ياسين ……. زين ديالي بيخير صونيت ليك صباح و مشدش لي ياك نتي بيخير؟؟
نور “خارجة من لبوابة مدعوقة من كترة ناس “……. إلا شفتك غنكون مزيانة
ياسين ……… مكرهتش احبيبتي راه غير كتعدبيني بهاد الهضر نصبرو مبقاش بزاف
نور ……. حبيبي جي المطار انا كنتسناك و ممتعطلش راه توحشتك

ياسين “كيسحاب ليه غير تهيأت ليه الهضرة لي سمع” …….. شنو قلتي انور؟!!
نور …….. قللت ليك جي انا كنتسناك في المطار و متعطلش عفاك جي دغيا
ياسين …… نور واش كتهضري بصح هادشي مفيهش تفلية
نور ……. واش باينة كنتفلا واش غتجي ولا نرجع ؟؟؟
ياسين”تخلطو عليه المشاعر متوقعهاش تجي نهائيا ” …….. متحرككيش من تما و متهضري مع حتى حد
نور ……. واخا غير ممتعطلش حبيبي
قطع معاها و مشا وصل مو و ختو لدار و مشا هو بعد ما علمهم راه شي ناس كيتسناوه في المطار ياسين شد طريق لمطار و يضحك غير بوحدو و حبو لنور زاد كتر و كتر ماشي اي وحدة دير هاكا الا بصح كتبغيك صورتها مفارقاتش بالو دقيقة غادي عاافك ب 140 كلم فلوطوروت و يضوبل فطوموبيلات محاسش براسو اش كيدير ساعة مكاملاش وصل حط طوموبيل و مشا يجري دخل و تلفون فودنيه كيصوني عينيه كتقلب فكل بلاصة ولكن داخل كان كتر من الخارج تلوح البيضة مطيحش لرض جاوباتو و هي كتسمع صداع عرفاتو وصل و قريب منها
نور …… انا في البوابة 7 كنتسنااك فينك
ياسين ……. بقاي متقطعيش انا جاي
مشا ياسين كيقلب و كترة ناس دوخوه واخا تكون قدامو متبانش ليه بقا غادي حتى قرا البوابة 7 ومشا بانت ليه خارجة و شادة باليزتها قدامها كيف شافها عيط باسمها
ياسين “واقف و ممصدقش عينيه ” …. نوووور!

🌸 الجزء 138 🌸
⁦✍⁩بقلمي……………………زهرة محمد
*لا تخبئي الكلام*
نور سمعت صوتو لي تقدر تميزو بين الالاف و ميخفاش عليها ضورت عينيها شافتو كيلوح بيديه بتاسمات من فرحتها بهرولة قرب منها عنقها من كترة اشتياقو ليها و حتى هي فرحانة وسط حضنو حسااات براحة ملي شافتو اما ياسين مزال ممصدقش راه نور قدام عينيه باس يديها و هي عينيها كيتراقصو ملي شافتو
ياسين …….. على سلامتك احبيبتي هادي أجمل مفاجأة درتي لي
نور ……. توحشتك و مقدرتش نتسنا كتر من هكا
ياسين “شد عليها لباليزا و جرها لجنبو”……… اجي نحيدو من زحام راه كلمة نسمعها و لي بقا مشا مع ريح
خرجو من المطار معنقاه و فرحانة حيت معاه مشا لجهة طوموبيل حط باليزتها فلكوفر و هي واقفة كتسناه شافتو طلع و طلعت حتى هي “تنهدت و فرحانة بقات كتشوف فيه كتحاول تشبع منو خرجو من المطار شادين طريق كل مرة يهز يدها يبوسها و يحطها على قلبو
ياسين ” عينيه مع طريق و كيسولها” ……. حبيبة كليتي؟
نور……… ااه كليت فطيارة
ياسين …….. نمشيو ناكلو شي حاجة؟ ؟؟
نور …….. لاا مفياش جوع حبيبي ديني غير لاوطيل نبدل و نحط حوايجي باش نتاصل بختي و نقوليها راه وصلت
ياسين “هز تلفونو عطاه ليها” …… هاكي تاصلي بختك راه كاينة مكالمة انترناسيونال و من بعد نشوفو هاد لاوطيل
نور خدات تلفون هضرت مع ختها طمنتها و بقات مجمعة معاها حتى شافت ياسين وقف و ضار شاف فيها قطعت مع غيثة و عطاتو تلفون
نور “كتشوف و معرفاش فين كاينة” ……. شكرا على المكالمة
ياسين ……….. ماشي مشكيل احبيبة
نور ……… واش هنا كاين لاوطيل ؟؟؟
ياسين ” معطاتوش خاطرو يخليها في لاوطيل” …… حبيبتي لاش غتبقاي في لاوطيل يله معايا كاينة لوليدة و سامية و فرصة تعرفي عليهم و يتعرفو عليك اش قلتي
نور ……… للا لا لا حشومة ماشي وقت مناسب انا جيت نشوفك غير سيمانة و نرجع غير خليني في الاوطيل حسن
ياسين معجبووش الحال كبر بيها و بغا يعرفها على دارهم و تكون قريبة منو و بالو ميتشطنش عليها و هي مصممة تبقا في الاوطيل… ميعرف شنو يقدر يطرا واخا فر ح بمجيتها و لكن ضغيا عقدهم رجع ديمارا و شد طريق رئيسي كمل طريقو غادي و يفكر موقف حتى وقف قدام باب دارو رجولتو مسمحتش ليه يخليها في الاوطيل واخا معرت اش يكون
نور ……. فين الاوطيل ؟؟
ياسين…….. هبطي غطلعي لدار مغنخليكش في الاوطيل و انا معارفش اش يقدر يوقع ليك فدار غتكوني قريبة لي يله هبطي
نور …… حبيبي مغيوقع لي والو غيكون مأمن معندك مناش تخاف

ياسين “هبط و حل لباب من جيهتها” …… يله نهبطو تعرفي على حماتك و خت راجلك زيدي
نور مبغاتش تقلقو واخا كانت باينة فيه هبطات شادة فيه طلعو حل بسوارتو باب دار كيعيط لمو وختو لي غير سمعوه و جاو لقاوه ماشي بوحدو بتاسمو فوجه ضيفة لي معاه و رحبو بيها واخا معرفوهاش . .. نور مزيرة على صاكها و داخلة حشمانة دخلوها و ضحكة مفرقاتهمش و هي تبتاسم و توتر و حشمتها يخفيوها
صالحة “فرحانة بنور تشوفيها و تقول لعيد غدا ” …… مرحبا مرحبا ببنتي نهار كبير هدا
نور “هزات عينيها “.. . .. شكرا اخالتي
ياسين “تلف معرف باشمن صفة يقدمها” ……. هادي نور الواليدة صديقة ديالي
سامية “جرات معاهم لبلان غير من عينيهم …… متشرفيييين “وركت عليها مزيااان”
صالحة…….. مرحبا بك دار دارك “كتبتاسم ليها باغا تجبد منها لهضرة صحة”
نور ” مزيرة و كتخرج لكلمة بزز” …… الله يبارك فيك اخالتي
ياسين صدرهم يوجدو أتاي و يحطو لموجود مشاو الكوزينة و نور بقات راس فراس معاه
نور “شوية و تبكي”……. حشومة عليك كون دديتيني لاوطيل اش هادشي درتي
ياسين……… اح على حبيبة ديالي حشمانة يومين و تولفيهم و متسخاايش تمشي و عقلي على هضرتي كاين بيت سامية مكتنعسش فيه هي مولفة صالون كولي و دخلي رتاحي
نور ” شدات فيه ” ……. علاش ففين غادي واش غتخليني بوحدي !!
ياسين ……. هههههه معندي فين نمشي انا حداك غير تهدني مالك داخلة تحاربي سمعتي لواليدة اش قالت ديري دار داركم
سامية جايبة صينية اتاي بلكيسان جداد حطاتها و مخلاو ما حطو مسمن كيكة الحلوة لعسل زيت زيتون كاع لي يخطر على بالكم حطوه مكبرين بضيفة و هي عجبها المنظر و الجو و بدات كتطلق
تخوا اتاي و ياسين جا يكحلها عماها هز لكاس بغا يمدو ليها تزبق من يديه نور من الخلعة كان سخون رجعت لور ولطف الله محرقهاش تقاست غير شوية
كنعس و نفيق وليت كنحلم مكملتش الجزء غتحمقووني #كنحبكم

🌸 الجزء 139 🌸
⁦✍⁩بقلمي……………………زهرة محمد
*لا تخبئي الكلام*
نور حسات بلحريق ففخدها مقدراتش تألم و حشمات تعري فخدها قدامهم ناضت سامية بقات هازة ليها لكسوة بشوية و داتها معاها لبيت عطاتها بيجامتها تبرد بيها ياسين مسكين بقا يدور فعينيه معرف اش وقع ليه وكيفاش الكاس فلت من بين صباعو مو خرجات فيه عينيها فكراتو بياام زمان ملي كان كيدير شي زبلة قدام ناس
ياسين” بغا يرحب بيها مسكين صدق حارقها” …… و مدرتهاش بلعاااني الوليدة بلاش دوك شوفات
صالحة ……… و كون حرقتي لبنت فين نوليو و هي مزال مسخنت حتى بلاصتها دوز حدايا بعد منها
ياسين ناض بلا هواه حدا مو حتى بانت ليهم نور جاية مع سامية كيبتاسمو جاتها لبيجامة تحت ركبة كتهبل خلات ياسين حاال فيها فمو ..
صالحة ….. جلسي ابنتي يكما كتحرقك عندي بومادا تنفعك
نور ……. لا ماشي شي حاجة بزاف ا خالتي
صالحة مسحت روينة و كل مرة طلب سماحة من نور باش ترتاح وتصرف فحال الا فدارهم دارو لكوطي فجو زوين و فرحانين بيها حتى معرفو فين يحطوها سامية فرحت كتر منهم لقات لي يونسها و تحتت معاها شعلو تلفازة كيتفرجو في فايديهي “لبنات شكون عاقل عليه هههه” و ياسين كل مرة يهز عينو فيها يلقاها حتى هي كتسرق شوفات فيه حشمانة من مو و ختو خاف ليتفضح و ناض هبط جاب ليها باليزتها ودخلها ليها لبيت ياسين “بغا يهضر معاها و معرف اش يدير بقا يتبربص و يترنح تقول غيولد شاف حتى عيا و مشا تكمش و بقا يصيفط ليها فلميساجات و هي مكتجاوبش صالحة سالا لفيلم لي متبعة و ناضت تصلي العصر لي فاتها
ياسين”ندم حتى جابها تيكتب ليها فلواتساب” …….. حبيبة ديالي بغيت نهضر معاك
ياسين كيصيفط ميساج مكيطلعش ليه راه كيوصلوها ناض خدا من عندها تلفونها دخل ليها كود لويفي دار راسو شاف فيه شي حاجة و رجعو ليها غير خداتو من يديه و هجمو عليها الميساجات ديال ياسين لي صيفط فصباح و ديال دابا و ميساجات ختها جاوبات ختها و خلات ميساجات ياسين معلقين ضد فيه خلاتو غيجهل دورات وجهها عند سامية
نور ……. سامية ممكن توريني دوش بغيت ندوش و نرتاح
سامية …… اه اختي مرحبا اجي معايا
ناضت سامية دخلاتها لبيت خلاتها وجدات حوايجها و سامية مشات تسخن ليها دوش و تقادو ليها هزات نور حوايها و صاكها فيه لوازم الحمام دخلات دوش على راحتها و سامية مشات طايرة عند ياسين جلسات حداه كتستنطق فيه
سامية …….. هادي هي حبيبتك ؟؟؟؟
ياسين “مفيه لي يكتر لهضرة معاها شافيها و حدر عينيه
سامية …….. زوييينة اخويا عرفتي تختار

ياسين” عطاها كلمة و عينيه على تلفون” ….. شكراا!
سامية “بغاتو يجمع معاها بزز ” …….. نتا دي و جيب معايا فلهضرة كيفاش شكرا
ياسين “هز فيها حاجبو” ……. سامية علاش كتقلبي ؟؟؟؟
سامية “ميتة عليه بضحك و هو كيتفقص” ……. والله ما بغيت شي حاجة غير عجباتني لبنت غزالة ما شاء الله و نتا ملي جات و نتا هاز شوكتك مالك ههههههه
ياسين …….. سامية مزال محتاجة سنانك ضحكي بيهم ؟،،
سامية ………. ههههههه و شنو؟؟ كيقولو لي ابتسامتك جذابة
ياسين …….. و نوضي من حدايا قبل ما ديري فم ديال لميكا نوضي تكعدي من قدامي
سامية فرقها منو غير تلفون لي صوناا بانت ليها دنيا عمرات مشات لبيتها تهضر مع ياسر على راحتها …
ياسين هز تيليكوموند يتفرج ناسيونال جيوغرافي البرنامج الخاص بالحيوانات حتى بدا يشم ريحة باندوش مخلطة مع شمبوان هز عينيه كتبان ليه حبيبتو لابسة و راجعة تشوف سامية و من زهرها لقات غير خويا سامية لي طلعها و نزلها كتبان ليه مزنكة بدوش و شعرها مزال يقطر بلما خلاتو مطلوق على راحتو مشات بغات تهز تلفونها حتى جرها ياسين من يديها و جلسها حداه
ياسين “عينيه هايمين فيها” ……. بصحة و راحة حبيبتي “رجع ليها شعرها ورا ضهرها” علاش منشفتيش شعرك ؟؟ واش بغيتي يضربك لبرد؟؟؟
نور “كتموت فاهتمامو ” ……. راه كاين صهد و حتى االا ممرضت نتا معايا غتقابلني
ياسين ……. نقابلك ولكن منبغيكش تمرضي نوضي نشفي شعرك الله يرضي عليك
نور …… واخا راه بغيت ناخد من عند سامية سشوار حيت نسيت ديالي
ياسين “باس يدها و نور كضور وجهها خايفة يشوفهم شي حد جرات يديها و ناضت من حداه ” …… سيري راه سامية في لبيت تعطيه ليك
مشات نور لبيت و صالحة صلات و جات تهضر مع ولدها لي لقاتو بوحدو و لقاتها فرصة تسولو شكون هاد لبنت لي جات ضيفة عندهم
صالحة “معرفاتش كيفاش تسولو ” ……. وليدي شكون هاد البنت ؟؟؟
ياسين “مجبد و داير يديه بجوج ورا راسو” ……. غير صديقة و صافي امٌي
صالحة “بتاسمت من كدوب ولدها لي باين فعينيه” ……. صدييقة هههههه والله يجعلني نتيق اوليدي عارفة مناخد منك لا حق ولا باطل و نوض نوجد لعشا يلاه يطيب على خاطرو
مازال ينبض من أجلها مازال يا أمي … إذا صمت و إذا لم أصمت فإنه ما زال … فإنه ما زال ينبض بها و لها و يطالب بها … ليس بيدي أحبها❤

#تتمة
نور دوزات لعشية مع عائلة ياسين لي ضغيا ولفاتهم و دخلو لخاطرها ….و حتى هي ضرافتها و حشمتها خلات صالحة ترتاح ليها و بغات دير عشاء مخصوص على ودها صاوبات طاجين لحم و برقوقة على حقو و طريقو بصلاد مغربية اصييلية و لمونادا هاد طبق كنصاوبوه غير في المناسبات.. نور ريحتو شماتها و هي كتهضر مع سامية لي خلاتها تهضر بزز منها جالسين يضحكو حتى سمعو تعياط على لعشا ناضو كيضحكو خارجين من لبيت متاجهين لطبلة لي كانت واجدة و كتسناهم غير يجلسو يقولو بسم الله
صالحة……… سامية خلي لبنت تجلس تاكل و نتي لهيتيها بلهضرة
ياسين كحاز باش نور تجلس حداه و هي تخطاتو و مشات جلسات حدا مو تعجب منها و بقا غير كيشوف … سما الله و بدا ياكل بسكات مقندش و فخاطرو كيتحلف سامية ضحكة حابساها بزز نور كتاكل و ساكتة هدا طبعها فينما مشات و بالاخص الا كانت الماكلة كتعجبها جاها طاجين بنين صالحة باركة عليها غير “كولي” تقطع لحم و تحط قدامها عاملاتها فحال بنتها و كتر وهي عجبها الحال شافت فيها مها الله يرحمها سالاو و ناضت جمعت معاهم سامية تحلف وهي تحلف بقات واقفة حداها في لكوزينة تغسل لماعن و نور هازة كاس لمونادا كتشرب منو
سامية” كتمسح طباسل” ……. نور مرتاحة مع ياسين؟؟
نور “وحلت فيها” ……. كح كح كح “عطاتها سامية تشرب”
سامية …….. مالكي ههههههه دابا تموتي و يتبعني ليك راه كيعاود لي متخافيش غير رتاحي و عاودي لي راه عادي
نور”كتهضر وحشمانة” …….ياسين ضضريف و حنين و كيبغيني واخا عصبي شوية ولكن انا كنموت عليه
سامية ……. حتى هو راه كيبغيك مضيعيهش من بين يديك هو خويا و بابا و صاحبي و كلشي و يستاهل يكون فرحان
نور ……. ممنقدرش نشوف حياتي و هو مفيهاش معاه شفت حياتي بنظرة اخرى غير كنفكر حياتي ميكونش فيها قلبي كيبغي يسكت
سامية فرحاات حيت خوها لقا انسانة لي كتبغيه و يعيش معاها مرتاح نور حسات بنعاس عيات من حلات عينيها صباح مرتاحتش تمنات لسامية ليلة سعيدة مشات لبيت تنعس غير دخلات حسات بيد سدات ليها فمها و تسد الباب
ياسين……. شووووو بلا غوات
نور …… اش بغيتي؟؟؟ غيشوفنا ششي حد خرج من هنا
ياسين…… الوليدة نعسات معندك مناش تخافي واش منهضرش معاك؟؟
نور ……. حتى للصباح ماشي ددابا “بغات تخرج وحبسها”
ياسين “قرب ليها و هضر فودنيها “……. مالك مخاصمة معايا ممم مكتجوبيش على ميساجاتي مبغيتيش تجلسي حدايا تعشاي اش كاين؟ ؟؟
نور “بتاسمات من هضرتو ” …… نتا مشفتيش خالتي كيفاش كانت حاضية عينيك و زيدون نتا بغيتيني نبقا فداركم يمكن مضربتيش لحساب لهادشي

ياسين …….. ااااح المهم هو تكوني قدام عيني و يكون قلبي مرتاح و فاش نبغي نهضر معاك عارف اش ندير
نور ……. وخليني نعس راه من 7 و انا فايقة عيني حالاهم بزز
ياسين جرها و تكاها على صدرو كيمشط ليها شعرها بيدو و كيهضر معاها باش متنعسش ليه شهر مشافهاش مقدرش يخليها تمشي تنعس و حتى هي مقومااتش العرض رتاحت و هي بين يديه حالهم حال اي عشاق مشتاقين البعض سكون ليل عطاهم الاذن لمشاعرهم بالبوح لكي لا يختبأ الكلام بين شفتي عاشقين متيمين
تعالي الى احضاني وضعي بين يدي جسدكـٍ
سأسدل عليكٍ ستار الليل الموشى بالنجوم..
سأداعبكِ وتارة الثمكِ بقبله تحمل في حرارتها
كل مشاعر أساطير العشق القديمه..
سأذيبكٍ وسط نيران لاتعرف الخمود
سأعانقكِ بلهف المجنون
سأذيب جسدكِ الذي أغراني بمفاتنه

🌸 الجزء 140 🌸
⁦✍⁩بقلمي……………………زهرة محمد
*لا تخبئي الكلام*
لا تخافي يا حبيبتي وأنتِ معي
فأنتِ يا مدللتي بين الضلوع
لا تهابي الشر وأنت معي
فالحب عندي غزير كينبوع
لا تخافي ظلمة الليالي
فروحي لأجلكِ تنير كالشموع
لا تخافي مرارة الندم
فطريق حبي ليس فيه رجوع
لا تخافي اليأس وأنتِ معي
فمن بين شفتيكِ سيهطل المطر
لا تخافي يا حبيبتي وأنتِ معي
فـ لأجل عينيكِ .. أُعادي البشر
أسعد ولا واحد جوج يلقاه قدام باب سبيطار تقول قاطعين ليه فيه لبوط مشا هاد المرة على ود لكونطرول و لكن ليوم كان غيير مشا قاصد مكتبها لي ولا كيدخل ليه بلا ما يستأذن غير هو كيقرب و صوت غواتها مكبوت كيتسمع صوت لبكا خارج من باب مكتبها خلاه يزرب و يحل لباب و تصدم من داكشي لي شاف و ممصدقش محس براسو و هو نازل بضرب على طبيب لي لقاه شاد سلمى بزز منها باغي يبوسها و هي كتبكي حسات بكرامتها لي محافظة عليها تهانت جلسات فواحد القنت و داتها كلها كترجف أسعد خلا دار بوه طبيب نفعوه غير رجليه اما كان غيصفيها ليه ضار كيقلب بعينيه كيقلب بانت ليه وراه لبيرو مشا عندها كيلقا حوايجها مخربقين عليها وحنكها مجرور بسباب المكانة فاش كانت كتقاومو مكانتو جرحتها فحنكها وقفها و عنقاتو كانت محتاجة لحضن تخبي فيه خوفها دفنات راسها فحضنو كتفرغ على قلبها بلبكا لي مبغااش يتحبس آخر حاجة توقعاتها انها شي نهار تعرض الاغتصاب فخدمتها و شكون زميلها لي قرا أعوااام باش يولي طبيب و يتصرف تصرفات واحد شمكار عايش فزنقة و هادوك لي كاينين فزنقة مساكن لي دوزي من حداه ميقربش ليك أسعد بقا معاها حتى تهدنت و دوا معاها
أسعد………. متخافيش موقع والو حاولي تهدني
سلوى ” مزال كترعد” ……. ب بغيت نمشي
أسعد …… تسناي نوصلك شوفي حالتك مغتقدريش تصوكي
سلمى مبقاش عندها جهد باش تهضر مشاو من باب آخر خاص بالطوارئ باش ميشوفهم حتى حد داها نيشان لطموبيلتو طلعها و سد لباب و هو مشا ركب فبلاصتو و ديمارا و هي حداه ساكتة معرف فين يمشي حاطة راسها على زاج و كتفكر تحرك عينو فطريق و مرة عليها كتبان ليه كتبكي بلا صوت مخليها تخرج لي فقلبها وقفت طوموبيل قريب من دارو و هضر معاها
أسعد ….. سلمى شوية ؟؟
سلمى حركات راسها بآه و لكن ملامحها كان عندهم رأي آخر و مكدبوش لي قالو الخاطر الا كان منكسر كيبان فتقاسيم الوجه علاش رغم الألم كنقولو حنا بخير و الحقيقة كتكون العكس تماما ..
أسعد ……. عطيني عنوان داركم باش نوصلك.. إلا مقدرتيش نديك عندي لدار حتى ترتاحي و نوصلك و معندك مناش تخافي ختي غيثة كاينة تحسن حالتك و نديك اش قلتي ؟؟،

سلمى مصدومة و مكتهضرش كلمة تسمعها و عشرة لا شاف حتى عيا و داها معاه لدار يخليها حتى تحسن حالتها و يديها بقات فيه حس براسو مبردش قلبو فداك ولد الكلب و لكن حاالف ميدوزها ليه هبط و ضار لعندها باش يحل ليها لباب حل عليها لقا عينيها مغرغرين مبغااتش تهضم ليها و احساس قااصح تحس بيه اي بنت فوضعها شدها من يدها معاونها تخرج تكاها على كتفو وسد لباب برجلو غادي بيها لدار حل بساروت مدخلها كيلقا ختو خارجة من لبيت جايا تشوفو ملي سمعت حس سوارت هضرت بعينيها بشكون لبنت سد عينيه و حالهم بمعنى من بعد بان ليه بيت نور خاوي و دخلها ليه مخليها ترتاح بقات معاها غيثة تعاونها تحيد طابلية لخدمة و صباطها و غطاتها و هو مشا جاب ليها لما و مهدئ باش تغمض عينيها و متبقاش تفكر عطاها شرباتو و حيت سريع المفعول بغا يخرج باش يخليها ترتاح
سلمى “متكية و دمعة نازلة غير من عين……. ع عفاك متخلينيش بوحدي
أسعد ……. أنا معاك مغادي فين حاولي تنعسي و ترتاحي
سلمى “شدات فيديه” ……. واخا نعس متمشيش

من صدمة و داكشي لي وقع ليها بدات كتقول لي جا على فمها و هو كيقول غير اه و مساعف معاها أسعد باس يدها و بقا بجنبها كيتسناها تنعس
أسعد ……. مغنمشيش غير نعسي رتاحي
لمهدئ بدا كيسرا فيها و عينيها تقااالو و أسعد حداها متبع ملامح وجههاا نعست و هي شادة فيه كيشوف فيها كيف كانت حالتها مع هداك الكلب كيتفقص خوفو عليها كان غييير حس بيها طرف منو تقاص
سأكون معك في جميع حالاتك حزنك – فرحك – ضيقتك لن اتركك مهما حصل لأني حقا احببتك

🌸 الجزء 141 🌸
⁦✍⁩بقلمي……………………زهرة محمد
*لا تخبئي الكلام*
أصابك عشق أم رميت بأسهم – فما هذه إلا سجيّة مغرمِ
ألا فاسقني كاسات خمر وغني لي – بذكري سليمى والكمان ونغمي
فدع عنك ذكر العامرية إنني ـ أغار عليها من فمي المتكلمِ
أغار عليها من أبيها وأمها ـ إذا حدثاها بالكلام المغمغمِ
أغار عليها من ثيابها ـ إذا لبستها فوق جسم منعّم
أسعد بقا كل مرة يحل لباب بشوية كيلقاها مزال ناعسة دازت تلاتة سوايع و رجع يطل هاد المرة لقاها جالسة و باينة فيها مزال مصدومة كتفكر اش طرا فيها و اي دمعة كتنزل كتمسحها فنص طريقها شافها هكاك و دخل عندها جلس حداها
أسعد”بقا سااااكت كيشوف فدموعها و لون وجهها لي مزال مخطوف” …… علاش كتبكي ؟؟ من حسن الحظ حتى حاجة موقعات باش تبكي هكا
سلمى “هزات راسها ” …… و كون مجيتيش اش كان غيوقع؟ ؟؟
أسعد …….. هاد كون كون معندها باش تنفعك لي كاين انك بخير الا كتحسي براسك مزيان نوضي لبسي باش تقدمي شكاية ضدوو حيت ماشي وقت لبكا
سلمى “ناضت قاضات حالتها و هزات طابليتها” ……. انا بخير و مبغيتش نقدم حتى شكاية بغيت نمشي غير لدارنا
أسعد ” نظراتو ليها كانو كافيين قالو كلشي خلاها حتى جات خارجة من لبيت و قطع عليها طريق غير شافتو هكاك و ركبها لخوف من شوفاتو و عينيه لي ضغيا ولاو حمرين معرفاتش كيفاش تهرب من شوفتو لي كان كيدير فيها
سلمى”كتفكر عااد كتخرج الكلمة” …… كلمة شكر قليلة على داكشي لي درتي على قبلي و لكن ضروري منها شكراا بزاف على مساعدتك الا ممكن خليني نمشي
أسعد مجاوبهاش جرها من يديها و خرج هو وياها على برا مفهمش كيفاش بغات تخلا على حقها و تخلي واحد حاول يتعدى عليها بلا عقاب
أسعد ……. مزال لحد ساعة كتشوفيني زوين طلعي نمشيو المركز تقدمي شكايتك و انا بنفسي غنخدم على هادشي والله ديك طابلية لرجع لبسها
سلمى……… صافي راه قلت لك شكرا نقدم شكاية و لا منقدمهاش سوووقي هداك ” هزت صبعها فوجهو” سمعني مزيان داك دور لبوليسي مديروش معايا كتفهم
أسعد مبغاش يتناقش معاها كتر و هي فهاد الحالة ركب طوموبيلتو و خلاها مشا قبل ما يوريها شي وجه لي مغيعجبهاااش بقات متبعاه بعينيها حتى مشا بان ليها طاكسي و وقفاتو مشات لدارها لي عايشة فيها هي و باها سلمى وحيدة وليديها مها ماتت و هي كتولدها مغربية أبا عن جد وصلات لدار و بالها بقا مشغول على أسعد لي مشا وهو فديك الحالة و هي عارفاه مريض

~~~~~~~~~~~~~~~~~~~~~~

غيثة خارجة هي و ميشو غادية تاخد ليه ماكلتو و تقدا حتى لدار دخلات لسوبر ماركت جرات شاريو صغير و يدها تانية فيها سمطة جارة معاها ميشو أي حاجة هزاتها كتقراها كتحاول تاخد داكشي صحي على ود أسعد سالات و مشات لجهة ماكلة لمشاش كتشري ليه داكشي لي كيعجبو ولاو المشاش يتشهاو تحياتي لاميمة و ندى هههههههه
هزات مشها و تاجهات لاكيس لقاات سيد سابقها و بقات كتسنا دورها حطات مشترياتها و مواء ميشو المتواصل خلات سيد يتلفت ليه و غير هز فمولاتو شافها ضحكة وصلات حتى لودنيه
عصام ……. آنسة غيثة
غيثة “بادلاتو الابتسامة” ……. استاذ اا اه “نسات سميتو”
عصام “ضحك على طريقة و هي كتحاول تذكر اسمو….. عصام ا آنسة هههههه
المستخدمة قطعات حوارهم لي يله بدا و عطاتو لورقة فيها داكشي لي خدا خلص و خرج على برا دقايق قلال بانت ليه خارجة و استوقفها من جديد
عصام …….. آنسة ممكن دقيقة !!
غيثة”مستغربة حيت خرجت ولقاتو مزال واقف” ……. وي تفضل استاذ مرحبا
عصام “معرف اش يقول ” ….. ممكن تقبلي عراضتي على قهوة مغناخدش من وقتك بزاف
غيثة “حشمات و مبغاتش ترفض عراضتو و ترضها فوجهو ” …. اهاه علاش لا
حط ليها داكشي لي خدات فلكوسان لور و رجع حليها باب طوموبيل و طلعات و قدامها ميشو مشا بيها لكافي كااالم بغا ينفارد بيها لقاها فرصة للتعارف بينو و بين انسانة لي كيبان ليه كتجمعهم نقط مشتركة كالم و رزينة و مفيهاش الخفة و زوينة هدا الاهم و نظرات الاعجاب كانت واضحة عليه بقاو كيهضرو فأي حاجة و على اي حاجة و عصام عاجبو الحال حيت معاه و قبلات لعراضة و مرفضاتش و هو اعتبرها بداية زوينة لعلاقتهم لي مبدئيا معرفش واش غتقبل بيها ولا لا و معرفش واش كاين شي حد فحايتها ولا لا…

🌸 الجزء 142 🌸
⁦✍⁩بقلمي……………………زهرة محمد
*لا تخبئي الكلام*
قبلاتك تقتلني وتحييني
أعيش على همسك وانفاسك
يافاتنتي ملكتيني بروعة جمالك
أعشقك وأعشق صمتك وهمساتك
ما اسعدني قربك ما اجمل نظراتك
رانيا و غيث دوزو نهارهم كيقادو فبيت نعاس لبيت لي غيتسد عليهم بزوج غيحمل حبهم و اسرارهم وكذلك خلافاتهم عجبها الفراش لي ختارت و عجبها كتر ملي تفرش فبيتها وقفو كيشوفو فديكورات و وكل حاجة محطوطة فبلاصتها باس راسها من حبو ليها و كيتمنى فخاطرو يكون ليها الزوج لي كتحلم بيه و يعيشو حياتو معاها هاني و تعوضو على سنين الوحدانية لي عاشها يرجع معاها دري يلعب معاها يحيي ذكريات مدفونة فلداخل فشي بلاصة فقلبو
غيث ……. ياام قليلة و تولي مرتي كنتمنى تصبري علي و توسعي خاطرك معايا
رانيا “هبطات راسها ” …….. نصبر عليك و تصبر علي وكلشي يكون بيخير و انا تايقة فحبك لي و و غديرني فعينيك
غيث ……. و يله العروسة ديالنا زيدي نتغداو راه تعطلنا
رانيا”عيات من صباح و هي تجري و تجاري” ……. خلينا غير هنا دير دومونض لبيتزا و نتغداو غير فدار مفياش لي يخرج
غيث”باس يديها” ……… مرحبا حبيبة اشنو بغيتي مع لبيتزا
رانيا …… لي كان ماشي مشكيل
غيث خدا تلفون و تاصل بمحل بيتزا ضومونضا جوج مع العصير و رانيا مشات كضور فدار و كتشوف واش كل حاجة فبلاصتها و بلي مناقصة حتى حاجة و غيث داير يديه فجيبو و تابعها من بلاصة لبلاصة مشارك معاها فأي حاجة و هادي هي الحياة الزوجية بين راجل و مرتو كتحل لبلاكارات و تشوف لماعن لي شاري عرفات عندو دوق و تعول عليه عنقها و هي عاطياه بظهر حتى حست بترعيدة فقلبها مزال متطفاتش تنهيدتها حتى حط شفايفو على حدا ودنها خلاها مرفوعة معاه معطاهاش فرصة تستوعب اش طاري دورها عندو وبلهفة دخلو فقبلة كتعبر على مشاعرهم فقط خلقو عالمهم جديد خاااص بيهم غيث هزها حطها فوق لببوطاجي بلا ما يوقف سيطر عليها و متالكها حس بيها كتاخد نفس بزز و خافها تخنق ليه و حبس كيشوف فيها كيفاش بدات كترجع لوعيها هي من كترت مترفعت معاه مبعداتش شافيها عاض على فمو لقا لفمها حممر و و عينيها كيلمعو
غيث “تنهد”……. حبيبة اش هاد لحلاوة؟ ؟؟
رانيا “ملقات فين تهرب من نظراتو و بدلات الموضوع” …… حبيبي تعطل لغدا
غيث …… ههههههه مبقا ليه والو و يوصل “رجع خطف بوسة و هبطها ”
رانيا “هبطات و حطات يدها ورا عنقو” ….. مبقا والو و تبدا تشها علي “غلضات صوتها كتعيبو” مال ليباط مالحين مال اتاي حلو ههههه دير فبالك راك غتعاوني

غيث “ضحك على راسو” …… غادي غير نرونك مكنعرف ندير والو ماكلتي كلها غير من برا ولا من عند جدة
رانيا ……. بقا غير واقف حدايا باااركة علي و انا ندير كلشي
سمعو صونيط فلباب و مشا غيث يحل لباب حيت عارف مكاين لي غيجي من غير دري لي جاب ليهم لغدا خلصو و عطاه بزايد حيت سخرو يجيب ليه لما سد الباب و دخل لكوزينة هاز جوج كرطونات و صاشي فيها كانيط لمونادا و لما لقاها حاطة جو طباسل و شوكة و لموس فجناب نزلو لبيتزات و جلسو ياكلو حتى صونا تلفون رانيا صرطات داكشي لي فمها و جاوبات
رانيا ……. لحب ديالي سافا ؟ “غيث شاف فيها كيتسناها تكمل الهضرة باش يعرف معامن كتهضر”
سامية …….. لعروسة ديالنا فين وصلتي كلشي سانك سانك
رانيا ……. ماما مسكينة قادات كلشي بقا لي غير الحمام راك عارفة غدا لحنا بغيت نقش رجلي و يبقاو يدي حتى القاعة
سامية…….. المهم نتي دوزي عندي ليوم نهضرو و نتحتو باش نعطيك واحد الخلطة باش تقاديها فدار و نديروها فاش نمشيو غدا لحمام
رانيا…….. واخا احبيبتي سلمي على خالتي
سامية…… واخا حتى نتي سلمي على لحيبان ههههه
رانيا قطعات و حطات تلفون حداها و رجعات تاكل يلاه جات تمضغ طرف لي عضات حلات فمها من الحر لي كتحس بيه كانت حداها الموناضا شربت منها و حسااات بلعافية دموعها نازلين و غيث كيموت بضحك
غيث”كيحاول يحبس ضحكة” ….. باش تعلمي تقولي لشي حد لحب انا بوحدي لي عندي الحق فهاد الكلمة
رانيا لسان باش تجاوب مشوط بقات كتكح حتى كانت غتخنق غيث حس براسو هادشي مفيهش ضحك حل قرعة لما و عطاها تشرب و ينش عليها حتى ولات شوية
غيث “بخوف ” ……. حبيبة ديالي سمحي لي كنت غير كنضحك
رانيا”كتهضر بشوية” ……. ماشي ضحك هدا ا غيث واش حماقيتي
غيث “كبوس فجبهتها و حنكها ” ……. والله ما قصدت اعمري هاكي شربي يفوتك لحال
رانيا دارت بناقص من لغدا هي مكتاكلش الحار ولكن غيث معارفش جا يضحك صدق هاجرو ناضو مشاو و طريق كلها هو يطلب و يزاوك تسمح ليه….

🌸 الجزء 143 🌸
⁦✍⁩بقلمي……………………زهرة محمد
*لا تخبئي الكلام*
وصلها عند سامية و فمها مزال حمر باستو باش تهبط و شدها و عينيه كيشوفو ف فمها لي تنفخ شوية تقول دايرا لبوطوكس ولات سيييكسي قرب عندها وبلا ما يحس خطف بوسة و حط راسو على كتفها
غيث ……. غيجيني سكر من هاد لحلاوة
رانيا “مقوسة حجبانها” ……. اش باغي تصنع راه منساش اش درتي في “هبطات لمرايا شافت فمها” ويلي ويلي فمي كيف ولا هادي هي نهار حتاجيتك اوجهي قمشوك لمشاش
غيث ……… ههههههههههه والله حتى جيتي زوينة اعمري لمهم عاجباني انا اش بغيتي؟ قولي لي معاش غتسالي مع سامية؟
رانيا “حيدات سمطة ” …… يله طلع معايا نشوفوهم بزوج
غيث “رجع ديمارا “…… لا عندي شي غراض خاصني نقضيه هبطي و ملي تسالي تاصلي بي باش نجي نوصلك
هبطات ودعاتو و مشات طلعات لعند سامية دقات و حل عليها ياسين لي كان حتى هو خارج سلم عليها و دخلها بعد ما عيط ليها على ختو تجي جات هي و نور لي كانو مخشيين كياكلو فلكوزينة
سامية”عنقتها” …… اهلا لحب سافا ؟؟
رانيا ……. كون تشوفي على هاد الكلمة اش طرا عمرك تنطقيها “قالت سلام لنور بفمها و دخلو مجموعين لصالة ”
سامية……. اااح مبقا والو لعرسك اختي والله حتى شاداني لخلعة فبلاصتك
رانيا ……… هههههههههه متفكرينيش”شافت نور غير ساكتة ” معرفتينيش على لبنت !!
سامية ……… ههههههه هادي نور ضيفة ياسين جات هاد يومين من فرنسا
رانيا ……. متشرفين “مدات ليها يدها انا رانيا ”
نور “حتى هي سلمات عليها ” ….. شكرا شرف لي
رانيا “عجباتها نور”…….. عرسي من هنا ليومين جي مرحبا بك
سامية ……. ضروري تجي متخافيش
بقاو على الهضرة و ضحك و جماعة البنات و نور تقول كلمة و تسكت ساعة حتى رجع ياسين دخل لدار لقاهم حاطين اتاي و طبسيل فيه تقرقيب ناب جات عينو غير على حبيبتو لي ضحكتها خلاتو جاي عندهم ضاحك
ياسين …… جماعة لبنات مكاينش شي فرصة نشارك معاكم “نور شافت فيه ”
سامية …….. معندك فين دخل غير سير خلينا هانيين
ياسين”حط سوارتو فوق رخام”…….. شفت لوالدة تعطلات
سامية ……. راه كدير ساعتين في الحمام داابا تجي و سير خلينا نهضرو
ياسين ……. واخا الالة ها هو غادي “مشا و رجع ” نور اجي واحد دقيقة بغيتك
سامية “شداتها و هما كيضحكو”…..جلسي ونتي غير يقول لك اجي تمشي تابعاه
نور “ناضت” …… حشومة هههههههه انمشي نشوف اش بغا ؟؟

سامية و رانيا كيضحكو عليها ضحك البنات معرووف وحدة شادة فلخرا نور دقات و دخلات عندو لقاتو حيد تيشورط باغي يبدل و باقي غير بسروال سدات لباب و تكات عليه كتشوف فيه قرب عندها و حط يديه بجوج على لباب و نظراتو كلهم عليها كيشوف كيفاش سحراتو و خلاتو بلا عقل
نور ……. لبس غيضربك لبرد
ياسين “دار نصف ابتسامة” ……. فين كاين لبرد همم هاد ساعة كاين غير صهد و شوية غنحيد حتى لتحت
نور …… اش ببغيتني هضر راه لبنات كيتسناوني
ياسين …… صراحة توحشتك و بغيت حتى انا نتزوج عييت و نتي بعيدة علي
نور”حطات يديها على صدرو” …….. مزاال الحال على زواج و زيدون حنا مزال متافقناش
ياسين “بقبلة خفيفة على خدها …….. علاش غنتافقو؟؟ قلبي و خديتيه عقلي كيفكر غير فيك اش بغيتي مزال ؟؟؟
سكتها معرفت متقول لهضرة تنسات عليها مد يديه طفا ضو و بقاو غير فضلام لي عطا جو رومانسي بيناتهم ياسين كل مرة كيحس براسو ضعيف قدامها حط فمو فعنقها خلاها تهز من بلاصتها حاولات تبعدو و مقداتش حسات بعضلات يديها تشنجو الا مقلناش عضلاتها كلهم تبنجو مشاعرو اجتاحت قلبو و خلا ارواحهم تلاقا من جديد فقبلة لي شوية ما تسخف ليه وسطها كون مشدها كون طاحت رغم ذلك مرحمهاش خلاها دايبة فيه كمل بوستو بعضة خلاتها تحل عينيها و تشوف فيه حسات لحمو ولا سخون واخا عريان شافيها و هضر
ياسين ……. خرجي راه عقلي مبقاش خداام

🌸 الجزء 144 🌸
⁦✍⁩بقلمي……………………زهرة محمد
*لا تخبئي الكلام*
فتيحة وجداات و عرضات على صحاب و لحباب و علاش لا و غدا عرس بنتها الوحيدة و ضي عويناتها صبح صباح ورانيا بزز باش نوضاتها سامية جات هي و نور حتى لعندها باش يمشيو مجموعين مشاو معاها الحمام بصلاة و سلام على رسول الله عطاو قوالب سكر فدخلة باروك لعروسة و نور و سامية هازين فيديهم شمع و داخلين مصبقينها قدامهم دخلو لقاوه خاوي جلسو قراب لبعضياتهم كل وحدة و برمتها و نور غير كتشوف عمرها شافت هاد التقاليد دارو الحنة معطرة بالورد و زعفران الحر و صرغينة داروها لحمهم شوية دارو صابون لبلدي مخلط مع لعكر الفاسي حتى جاو لي غيحكو ليهم فركوهم مزيان و كل مرة وحدة فيهم طلق تزغريتة كيتسمع صداها في الحمام سالاو شللو ليهم ووتمناو ليهم كلشي مبارك و مسعود لبنات غسلو شعرهم و داارو صابون و تشللو بضحك و لغنا و نشاط خرجو لبسو جلالبهم ساعتين دوزوها في الحمام غير كضحك خطواو برا الحمام لقاو ياسين على وعدو و مكتوبو كيتسناهم
ياسين “شافهم و بدا يصوط طلعو و بدا ينكر” ……. كون غير زدتو شوية مزال
نور “جالسة حداه و هضرات من نيتها” ……. ممسخيتش زوييين اول مرة نعوم فيه
ياسين ……. نكري ليك فيه بيت و سكني
رانيا و سامية كيضحكو حتى عواجو شافيهم ياسين من لمرايا و سكتهمم
ياسين …… شي يتزوج و شي يتعذب
رانيا “مقدرتش تسكت بضحك” ……. ياك كان غيجيبنا خالي فين مشا
ياسين …… على لي فطريقك مرتاح راه صيفطاتو مك عند طريتور يزيد طوابل حيت نسات شي ناس
ياسين يعاود و مفقوص تقول غيخلص من جيبو طريق كلها مسكتش ولا قال إن الله حق وصلهم و مشا لدار لبنات دخلو بصلا و سلام و صينية لحليب و تمر تلقاو ليهم بيها عند لباب صبقت رانيا و عاد البنات من وراها دخلو كاملين لبيتها حطو ليهم لغدا تغداو وكل وحدة لبسات قميصها حيت نقاشة طركها ياسر و جايين فطريق خرجو سلمو على ناس لي جاو عماتها كل وحدة عندها جوج بنات سلمو عليها و بنت عمها و مها …. جدات غيث جات و جايبة تفصيلة لمرات ولدها فرحانة بيها جاتها حشومة دخل بيديها خاويين سمعو صلاة على رسول الله عرفو نقاشة جات معاها دري عندو شي 13 عام كيعاونها و يخلط ليها لحنة جلسات فبلاصتها حاطة رجليها فوق جوج مخاد و مرة مرة تغامز هي و لبنات بدات تنقش ليها و حاطين حداها جوج قوالب سكر و لبيض
سامية برزطها تلفون ميساجات ياسر كل مرة يقفزوها يقولها خرجي نشوفك حتى طلع ليها دم خلات نور جالسة حدا رانيا و ناضت خرجات شافتو

سامية”كطلع كمام لقميص” ……. مالنا ياك لبااس ميساج ورا ميساج واش منريحوش مع ناس
ياسر “خلاها حتى سالات ” …….. شتك كتهزي فيديك
سامية …… و نتا مسيفط عشرة الميساجات ماشي غير نهز يدي دابا شنو راه مخليا ناس حشومة
ياسر ……. صافي غير سيري الالة سمحي لي انا لي حمار باغي نشوفك
سامية “حسات براسها غلطات و بدات تبرد” …… حاشا راه غير حيت ناس حدايا وصافي بلا ما تقلق
ياسر “مربع يديه و كيشوف فيها مغوبش” …… موقع والو الالة صافي سيري يمكن نسيتي راه حنا مخطوبين ماشي صاحبك انا
بان ليها بيت سامية هو لي خاوي جراتو ليه و هو تابعها سدات الباب و عنقاتو كتمتص لغضب لي بااين فيه و حيت قدامها كيخبيه عنقها حتى هو و باس راسها
ياسر ….. غير توحشتك و بغيت نشوفك تنوضي ديري في هاد الحالة
سامية ……. حتى انا توحشتك و الله سمحي لي
ياسر “شد وجهها بين يديه” …… ماشي مشكيل غير متعوديش مديريش الحنا بزاف غير شوية باش نهار عرسنا تجيك زوينة
سامية …….. ههههههه متخافش احبيبي غندير غير صبع
ياسر “باس راسها” …. هاد حبيبي هي لخرة لي تكايس راه مزال بعيد راس لعام
ياسر خلاها و تاصل بياسين و غيث تلقاو فلقهوة مخلينهم ناشطين و ضاحكين على خاطرهم و شادين فغيث لي عرسو غدا و دارو ليه توديع العزوبية سكيتي بكاس القهوة و دوزو لعشية هكاك حتى وصلات 8 و عيطو عليهم يتعشاو

🌸 الجزء 145 🌸
⁦✍⁩بقلمي……………………زهرة محمد
*لا تخبئي الكلام*
كلشي مجموع فدار رانيا كيتعشاو حاطين دجاج مشوي و بلخضرة فجناب طايب على يدين صالحة و كانت هادي الحاجة لي كتعرف ليها و بغات تفرح بيها رانيا فهاد نهار و قدام ناسها و عائلتها تكبر بيها سالاو من العشا و مسخاوش يمشيو ياسين ناض هو لول دا مو و ختو و نور و مشاو لدار و المجمع بدا يتفرتك بقات غير العائلة كلشي كان عيانين من نهار لي كان طويل و ناضو ينعسو و كاين لي طار عليه رانيا بقات غير كتقلب و نعاس لبغا يجيها غير بزز غمضات
نور نقشات غير ضهر يديها بجوج دارت صبع و محنها دوليو خلاها غير تصوط و تحك كلشي نعس وهي يديها مخلاتهاااش كل مرة تنوض طلق عليها لما وصلات الوحدة و لحريق مزال ممشاتش صبرات حتى عيات و مشاات بعينيها مغرغرين دقات على ياسين شافتو مجاوبها حلات لباب بشوية و دخلات غير حطات يديها على كتفو و ناض قافز
ياسين”كيرمش فعينيه يتحلو” ……. نوور !!
نور “مصبرتش على يديها” …. عفاااك شوف يدي ملي جينا و هي كتحرق في
ياسين ” شد يديها و شعل ضو” …….. انشوف “حقق فيها “مالها حمرا هاكا ؟؟!!
نور ……. ملي درت الحنا و هي كتحرقني و ملي نشفت زادت كتر معرفتش منااش
ياسين……. صبري نشوف ليك بومادا ديال الحريق و نجي
بقات نور كتصوط على يديها و كتنسنا ياسين يرجع بلبومادا دخل هاز فيدو بيافين هي لي بانت ليه فلفرماسي ديال دار جلسها حداه فسرير و عينيه مقوصهم و كيحاول يماصي ليها غير بشوية باش ميزيدش عليها و هي كل مرة تنفض حيت جاتها بااردة
ياسين ……. مفهمتش هاد الحريق ديالاش و هي ممنفوخة ما موالو
نور”كتفشش عليه” ….. معررفتش ملي درت لحنا و هي كتحرقني
ياسين “باسها فحنكها”…….. هاد لبوماد غتريحك سيري تنعسي حتى لصباح و نديك لطبيب فصباح عين و ضرباتك لي هههههه
نور”رجعات ليه لبوسة فحنكو” …….. هههههههه شكرا حبيبي “حطات راسها على كتفو” خليني معاك شوية طاار علي نعاس ددابا
ياسين …….. نوضي نوضي بغيتي صالحة تنعسني فزنقة سيري تنعسي راه غدا فايقين بكري
نور “ناضت معجبهاش الحال” …… اوووك تصبح على خير
ياسين جرها من دراعها باسها و خلاها مشات طفا ضو خرج تنهيدة و نعس هو جرا عليها خاف ميقاومهاش و هو عارف راسو الا مشا حتى غمس كينسااا راسو
مشا ليل و جا فمكانو أحلى صباح عند رانيا لي غتجمع هي وراجلها و حب قلبها و فنفس الوقت مزااال مساخياش بواليديها فاقت ليوم راسها بلا ما يفيقها حتى حد حلات لباب لقات مها فايقة و كتوجد لفطور و دار عااامرة بالعائلة لي دازت من حداه تبتاسم و تقول ليه

صباح الخير ” غسلات و فطرات بالخف و هزات تلفون تسول في الانسان لي بقات غير ساعات ويولي راجلها على سنة الله و رسوله
غيث “مزال ناعس سمع تلفون و مد يديه هزو و جاوب” …… ااالو
رانيا …….. واش مزال ناعس راه ليوم عرسنا ا غيث
غيث “بصوت غاالب عليه نعاس” …… مزال لحاال احبيبة راه منعستش بكري
رانيا ……. غيث فيق راه مبقاش لحال مدوشتي ممشيتي لعند الحلاق الوقت ضغيا كيطير و نوض سير معاك عند لعدوول باش تحدد معاه الوقت
غيث” جلس كيحك ظهرو ” …….. واخا واخا
قطعت معاه و فيديها تلفون جبدات قفطان بلون كاسي بسلهام ديالو و تاصلات بسامية .. كيصوني ….. سامية من الحمام كتعيط لنور تعطيها تلفون حلات لباب بشوية و مداتو ليها
سامية “كتلبس و شادة تلفون بحنكها” ….. وي رانيا
رانيا …….. فينك اصحبتي راه صالون دايرين معايا 11 نكون عندهم
سامية …… هانا ساليت نلبس جلابتي و هانا عندك حتى لفطور مغنفطروش
رانيا …… لا اختي غير فطري تصدقي سخفانة لي متعطليش
قطعت و تلفة شاداها لبسات و خدات صاكها فيه كلشي حيت مغتبقا تشوف حتى حد من صالون حتى القااعة خرجات بدعوات مها و باها و مشات مع خالها باش يدوزو على سامية..

#تتمة
فدار صالحة كلشي كيفطر و كيهضرو و يضحكو و كتستعجل فيهم حيت حتى هي غتمشي عند فتيحة ام رانيا تعاونها فحال هاد المناسبات كتبغي لعوين مرة عندك و مرة عندي ياسين فطر و سالا و نوض معاه نور
ياسين…… نور الا ساليتي يله باش متعطليش حتى نتي نوصلك عليهم
صالحة ” كتستفسر” …… فين غاديين خليها تمشي مع البنات و تشد حتى هي نوبتها
ياسين ……. خاصها تشوف طبيب الوالدة يدها لبارح مخلتهاش تنعس عطيتها غير بيافين
صالحة “شدات ليها يدها شافتها و سولات نور” ….. واش عندك الحساسية ابنتي بانت لي حمرا شوية
نور “بعدم فهم ” …… معرفتش اخالتي ملي درت لحنا و هي كتحرقني غسلتها و بقات ضراني
سامية ….. يكما دوليو لي كان فلحنا إلا عندها الحساسية يدير ليها هكا
صالحة …… و يقدر !!! ديها اولدي و يكون خير متعطلووش
ياسين و نور مشاو لطبيب باالو بقا مشغول عليها و عزات عليه فطابلة الفطور غير يهز عينو يلقاها تصوط … صالحة لبسات جلابتها و هزات حوايجها لي غتلبس و مع لباب خرجات سامية بقات طرفات دار بزربة و على صوت تلفون من رانيا هبطات لقاتهم كيتسناوها جراات و ركبات سلمات عليهم و ياسر ديمارا و مشا
رانيا “ضارت عندها ” …… لي شافك تعطلتي يقول نتي هي العروسة
سامية ……. و نتي الالة فايقة محطيتيش يديك فلما بارد انا راه جمعت و سيقت و دوشت و ختي واخا يكونو عندي يدين راقصة ماليزيا راه نتعطل
على هاد لكلمة و لمناكرة ياسر بقا غير كيضحك و يستغرب فحالتهم مطووول بالو عليهم و مخليهم بيناتهم شاف فسامية من لمرايا و هضر معاها
ياسر “كيمشط لحيتو بيديه” …… حبيبة ديالي عرووسة فعينيا انا هههههه مبقا والو و ديري ليها هادشي لي دارت فيك
سامية ” حشمات من كلامو “……. ههههههه غير خليها هاااهي نوبتها جااية نخليها تجري متلفت انا دابا صااابررة و ساكتة
رانيا …….. نعاون حبيبتي على شحال عندي منك
هكا دازت طريقهم حتى وصلهم لصالون الحلاقة لي كان كبير خاص بالعراائس دخلات رانيا و سامية مشادين رحبو بيهم بابتسامتهم لي فكل مرة تجي عندهم عروسة ستقبلوهم جلسو و عاملوهم معاملة الاميراات بداو برانيا حيت خاصها بزاف الوقت و غتعطل سامية جالسة و كتقلب فلكطالوك على المشطة لي تجي معاها
ياسين و نور خرجو و هي شادة ليه فدراعو من عند طبيب بعدما فحص يديها و عطاها ورقة دوا و لحسن حظها غسلاتها ضغيا ركبات و هي فرحانة مهامهاش اش واقع ليها فرحتها بياسين و قربها منو كانت كبر
ياسين ……. حبيبة بقاي ترضي لبال الحمد لله متنفخاتش
نور …….. متخافش واخا هكاك جات زوينة ههههههه

ياسين ……. غنوصلك لصالون عند لبنات ملي تساليو تاصلي بي باش نجي ليكم
نور …… حبيبي وقف فشي بلاصة ناخدو ليهم لغدا
ياسين هبط خدا ليهم لغدا و رجع كسيرا لصالون وصلها مع توصياتو لي لابد منها ترض لبال لراسها دخلات نور لقاتهم بادين بتاسمو ليها من لمرايا و جلسات تسنا دورها استأذنو من لبنات لي كيصاوبو ليهم و ناضو تغداو بكفتة مشوية وصلاد بروز ساهلة تكال بلا ما يرونو حالتهم… لي خدامين تما دايرين ليهم فوق الخاطر رانيا قربات تسالي بقات ليها غير لمسسات الاخير و حتى نور ضغيا سالاو ليها مبغاتش دير مكياج بزاف كلهم بقاو بحوايجهم حتى القاعة و يلبسو كملو شعرهم
سامية تاصلات بياسر و نور بياسين جاو بزوج خرجو على صوت زغاريت و لكلاكصو نور ركبات مع ياسين و سامية و رانيا مشاو مع ياسر لي كان مخدم ليهم شعبي سابقو ياسين شاعل ضواو و و مصدع دنيا بلكلاكصون و ياسر كتر منو فلهبال صايك و يغني
#العرس يله غيبدا

🌸 الجزء 146 🌸
⁦✍⁩بقلمي……………………زهرة محمد
*لا تخبئي الكلام*
مهمتي الأولى أن أسعدك، مهمتي الثانية أن أدللك، ومهمتي الثالثة أن أسهر على راحتك، ومهمتي الرابعة أن أبدد غيوم حياتك، وأروع مهامي أن أحبك ثمّ أحبك ثمّ أحبك يا حبيبتي.
العزف الاندلسي خدام داخل القاعة و نكافات جالسين كيتسناو العوسة توصل اما فتيحة و راجلها إسماعيل واقفين كيرحبو بضياف و معاهم حتى صالحة بتكشيطة ديال النخوة فلكحل كترحب بناس هازة مريشة و ترش على المعروضين ما زهر بروجيكتور فيه مختلف لواان كيضرب فكل مكان شوية تسمع لكلاكصون كيعلم على وصول العروسة دخلو طومبيلات من الجناح لي كيوصل نيشان لبيت لي غتلبس فيه هبطات بشوية هي سامية مدرقين على نااس دخلات كتنش على وجهها و يديها كيترعدو قفزت على صوت نكافة كتصلي على نبي و فيديها لبسة لخضرا لي بيها غتنقش يديها و تستقبل دفوع ستعجلاتها و لبساتها بلمهل وتاويل باش ميخسرش وجهها و لمشطة حداها سامية و نور مقابلين مع المرايا و كيلبسو
سامية عاقدة غوباشتها و كتقلب فصاشية لي كانت فيها تكشيطة ملقاتش لحزاام نور ردات ليها لبال كتقلب و سولاتها
نور…….. سامية علاش كتقلبي ؟
سامية ……. وييلي غير سكتي نسيت الحزام فدار يخ جبدات تلفون بالاعصاب و تاصلات بخوها
ياسين ” بعد على صداع ودن على تلفون و لخرا سادها ” ويي سامية
سامية …… عفاك جي بغيتك ضروووري
ياسين مبغاش يطول معاها المكالمة مع صداع مشا عندها باش يعرف اش بغات استأذن من ياسر و مشا لعندهم فين كاينين دق و بقا كيتسنا على برا خرجت عندو لابسة تكشيطتها بتيركوا بلا حزام
سامية …… خويا عفاك طير لدار جيب لي لحزام راه نسيتو فبيتي سربي سربي راه دفوع قرب يوصل
ياسين ……. واش داكشي يتنسا اسامية نرجع حتى لدار
سامية “خارجة عندو و شعرها كيطيرو لبرد كترغب فيه” …… عفاك اخويا زربت مع رانيا و نسيتو غتلقاه قدامك فوق ناموسية
ياسين…….. واخا دخلي شوفي نور الا لبسات كلميها لي
دخلات كتجر فجلايلها و مفقوصة لقات نور سالات و مساعدة نكافة كتسد ليها فلحزام و جااات كتهبل هبلاتها هي لي بنت و بقات حالة فيها فمها اما ياسين غينسا علاش مسخر صيفطاتها عندو كتمشا بشوية مع طالون خرجت مهبطة راسها دايرا بالها مع جوج درجات لي كاينين لقات ياسين عاطي بضهرو كيشوف فتلفون سمع صوت طالون دار عندها ملي عيطات عليه سيد بدا يضحك فحال لهبيل بدا يمسح على وجهو ممصدقش واش هادي هي نور ولا لا تقدم عندها و شد فيدها و باسها

ياسين “عاض على شفتو لتحتانية” …… وتاك لبلدي احبيبة فين كان مخبي هاد زين كامل
نور ……. بصح جيت زوينة راه أوول مرة ننلبسها كنحس براسي مرتاااحة فيها
ياسين……. كتحمقي سعداتي و خلاص يلاه معايا نجيبو لسامية لحزام راه نساتو فدار
طلعات و هي شادة تكشيطة قدامها و ركب ياسين راجع بطوموبيل بلور باش يخرج من القاعة شد طريق مكسيييري حتى نبهاتو نور ينقص من السرعة ياسين محسش براسو رخا رجليه على الكسيراتور وصل حدا باب دار و دار دوزيام بوزيسيون خلا نور فيها و هبط طلع لدار مشا نيشان فين قالت ليه ختو لقا الحزام فبوشيطا هزو و هبط حسب دروج رجع بطريق لقاعة و حداه نور بتكشيطتها لحمرة و مخدومة بضوغي كل مرة يتغزل فيها حاط ديسك فضل شاكر و يارا
اخذني معك بالجو الحلو خليني معك اسرح يا حلو جمالك جمال جمالك جمال مش عادي و كلامك كلام كلامك كلام مش
ياسين كيغني معاهم و يديه فيديها وهي كتبغي تحيد يديها و يرجع يزير عليها هي عاجبها الحال و فرحانة برومانسيتو خلاها ساكتة و معارفة متقول عينيه فطريق حتى كيبان ليه دفوع وصل عطا لنور لحزام تديه لسامية و هو مشا يسلم على صاحبو ..

#تتمة
دفوع وصل و موكب السيارات وحدة تابعة لخرا غير الحديد لفرييع غيث هو و جداه و معاهم صحاب اما العائلة محسوبين على رؤوس الاصابع باينين عليهم كيلعبو بالفلوس لعب حيت طوموبيلات لي جايين بيهم وحدة تنسيك فلخرا هبطو من طموبيلاتهم كيتمشاو بلقياس كيصفقو مع دقة المراكشية و غيث وسطهم مرزن لابس جبادور هاز الورد متقدم ناس لي معاه شافو ياسين و مشا عندو كانو في استقبالهم عائلة رانيا لي كانو ناشطيين و كيشطحو فرحانين بالنساب واحد عمة رانيا موقفاتش من شطيح مع دقة واخا مرا كبيرة دايرة حقها دخلو لقاعة و تحطو طيافر قدام العروسة و كلشي محيح جات سامية هي و نور لقاوهم باديين غيث جات عينو فعين حبيبتو و غمزها و هي تحت من طرحة كضحك و كتنهد فرحت ملي شافتهم مشا جلس حداها نكافة و لي معاها واقفين كيصليو على نبي هضرت حدا ودنو يهز ليها طرحة و يبوس جبينها نفد كلامها بالحرف و فرحتهم متوصفش وقفو تصورو و نكافة تقاد ليهم لبوز تهز دفوع و هما مشاو يبدلو و رانيا تلبس لبيضة و عليها غيتكتب عقد زواجهم
نوووضي ياما جيبي زغرتات لعروسة جات يا يما لالة لبنات
على هاد الاغنية دخلات رانية باللبسة لبيضة شاادة فغيث و وراهم نكافات يصليو على نبي و حداها سامية و نور و مها لي مشاو معاها تبدل صالحة جالسة مع عائلة رانيا اما ياسر غابر ليه الاثر و سامية كل مرة كضور عينيها في القاعة باغا تعلمو باش يحضر لبنت ختو و هي كتسني العقد ضورات عينيها مرة أخرى قلبت عليه والو مبانش ليها جلسات لعروسة و لعريس و بجنبها والديها و الجنب ثاني واقفة جدة غيث و بدات اجراءات العقد و العدول جالس وسطهم و يضور عند كل واحد فيهم يسولهم واش قابلين جوابهم مفكروش فيه وافقو بلا تردد وقعو و تصفيقات تعالات في القاعة و زغاريت حتى هما غيث باس يديها بزوج قدام عائلتو و عائلتها و هضر فودنيها
غيث …… نطلب من ربي تكوني معايا فرحانة و نحطك فعيني ازينة لبنات
كلامو ريحها و فنفس الوقت خلا دقات قلبها ممنتاضمينش ركبات في العمارية حالها حال اي بنت كتحلم تركب فيها نهار عرسها و تلوح لورد على البنات بداو كيشطحو بيها صحاب الهزة و كلشي كيصورها و كاين لي كياخد سيلفي معاها و المصور خاشي راسو وسطهم كيصورها سامية باش متبينش كتشطح مع خوها و عينيها كيقلبو على ياسر لي معرفاتش اشمن طريق داتو و حشمات تسول ياسين خلاتو يشطح مع نور و مشات ريحات حدا مها لي ضروها ركابي من كترة لوقوف شافت بنتها حالها مغير و تقليقة باينة عليها و سولاتها تعرف مالها
صالحة ” قربات حداها باش تسمعها ” ……. سامية مالك بنتي لي ماشي هي هاديك ؟؟؟

سامية……… غير كنقلب على ياسر اماما من قبيلة مبانش لي واش مشفتيهش
صالحة “كضور عينيها تقلب عليه حتى هي” …… لا يا بنيتي ملي جيتو من صالون كان معانا و معرفتوش فين مشا بلا ما تشطني بالك داابا يبان “صالحة كتصفق و ضحك مع ولدها و نور ”
سامية بقات كتشوا و هي معارفاه فين مشا و لي زاد وترها تلفونو كيصوني و مكيجاوبش رانيا كملات لباسي كاملين و ناس تعشاو و جايا لابسة لكسوة لبيضة معرية من لكتاف و مبينة فرقة صدر جات مع فورمتها لابسة صباط طالونو رقييق و طويل و شادة فيديه و يديها لخرا هازة بيها بوكي لورد صغير غادين كيتمخترو على أغنية
دقّوا المزاهر يللا يااهل البيت تعالوا
جمّع ووفّق والله وصدقوا اللى قالوا
عين الحسود فيها عود يا حلاوة
عريس قمر .. وعروسته نقاوة
وصلو فين كاينة الحلوى لي غيقطعو مصايبينها على ربعة طبقات و حداهم سرباي باش يعاونهم خداو صور لي غتبقا خااالدة فقلب اي واحد و بالاخص رانيا و غيث وكلو بعضهم الحلوى مع شقاوة رانيا لي كل مرة تهرب عليه لمعلقة و تبدا ضحك و ناس حتى هما حتى شافتو عقدهم عاد دارت عقلها ركبو خواتم زواج بصلاة على نبي و جمعو ذهب لي بقا حيت معندها كيفاش تلبسو غير تصورات بيه و حطاتو جا الوقت لي غتلوح فيه الورد …

🌸 الجزء 147 🌸
⁦✍⁩بقلمي……………………زهرة محمد
*لا تخبئي الكلام*
كاااع العائلة تصورات مع العرسان و ناضو لبنات لي مزال بلا زواج تصافو ورا رانيا باش تلوح ليهم الورد و يشوفو شكون غيتبعها هادي غير عادات و خلاص اما زواج كيبقا قسمة و نصيب نور واقفة حتى هي اما سامية دارت لخاطر لصاحبتها وصافي بالها مشطون على ياسر شيطان لاعب ليها فراسها تيوسوس ليها بلي واقعة ليه شي حاجة رانيا كتحسب و حداها غيث كيضحك واااااحد جووووووج تلااااتة لاحتو ما غيطيح غير بين يدين نور لي شداتو و هي غطير بالفرحة شافت فياسين و غمزها و صيفط ليها بوسة بشوية خدمو ليهم أغنية رومانسية يارا ما بعرف و خلاو العشاق كيشطحو
مابعرف كيف بنظرة بتعمل هيك بتاخدنى ليك وبموت عليك ما بعرف شو اللى عن يسحرنى …
كتشطح رانيا و غيث و كلشي كيغني مع الاغنية و ياسين جر نور و بداو يشطحو
ياسين”كيتمايل هو و ياها” …….. اش بالك نديرو عرس فحال هدا
نور “مزنكة بسبب هضرتو حاطة يديها بجوج على كتافو” …….. داز العرس زوين الا بغينا نديرو فحالو خاصنا نجيو المغرب
ياسين ……… نجيو الالة اش خاسرين حنا قولي بعدا “قرب لودنيها” تقبلي تزوجي بي
نور”تنهدت و نسات كلمة موافقة كيفاش كتنطق” …….. ا ااه بغيت نكون معاك طول حياتي و عمري نتفارق معاك
هادو كيترومانساو و سامية غتقطع تكشيطتها بالاعصاب دايرة تلفون على ودنيها كتصوني تاني لياسر لي و أخيرا جاوب…
ياسر”جالس فطومبيلتو” …… خرجي عندي انا برا
قال ليها هاد الكلمة و قطع حل الكرافطا حس براسو قطعات فيه نفس حيدها لاحها و طرطق صدافي ديال القميجة حتى شاف سامية حلات لباب و طلعات كيف شاف فيها سولات
سامية” كتغوت و محاساش” ……. ممكن نعرف فين كنتي؟؟ و علاش مكتجاوبش في تلفون
ياسر “جهد معندووش ” بلااا ما تغوتي الله يرضي عليك طه كان مريض و مو تاصلات مشيت ديتو لسبيطار و تلفون نسيتو فطوموبيل ..صاافي!!
سامية…….. كيفاش هاد صاافي هدا سري حيت معرفت اش طرا ليك اش كان يوقع الا علمتيني واش مفكرتيش في؟؟!
ياسر ……. حبيبة راه معرفتش كيفاش حتى وصلت عندهم كتقول لي مو راه لولد كيموت مشعرتش مشيت طاير
سامية ……. واخا اسيدي ماشي مشكيل نسيت بلي انا الاختيار تااني فحياتك
حلات لباب غتهبط و ياسر شدها رجع خبطو سامية رغم هاد الظرف حسات بالغيرة انه مشا عند مرتو لولا و هضر معاها هي عارفة راه مشاركين لولاد ولكن قلبها ممتقبلش هادشي .. دموع لي حبست فالعرسة مع خبط لباب طاحو من عينيها كيجريو جابها لعندو و عنقها و بقاو هكاك بلا حتى واحد فيهم مايهضر خلاها

حتى تهدنات و هضر باش تزيد ترتاح
ياسر……… حبيبتي و روحي و عمري هاديك سيدة صفحة فحياتي و قطعتها الحاجة لي عندها ديالي هما ولادي مبغيتكش فكل مرة تكون شي حاجة تقلقي و تبكي واخا
سامية غير كتسمع و ساكتة ريحتو كتغلغل فكيانها خلاتها ترتاح و زادت تخشات فيه و قالت ليه “كنبغيييك و مبغيتكش مرة أخرى متعلمنيش ”
ياسر” قابلها معاه” ……. وانا كنموووووت فيك و كنوااعدك غنديك معايا هاد المرة
كيشوفو فبعضياتهم و نسمات خفيفة دازت و حركت مشاعرهم خلاه قرب منها كتر و سرق قبلة حب و باسها فخدها ” لعقبة لينا مبقا والو وجدي لي راسك ” بتاسم و هبطو دخلو القاعة لقاو نص ناس مشاو بقاو ناس قلال غير العائلة المقربة رانيا و غيث مشاو يبدلو غيباتو فلوطيل يرتاحو و صباح ناويين يسافرو..

🌸 الجزء 148 🌸
⁦✍⁩بقلمي……………………زهرة محمد
*لا تخبئي الكلام*
طبيبتي
أنا مريض و في يديكِ ضاعت علاجاتي
لكني سأعلن لأجل سحركِ على الألمِ سُكاتي
و سأبقى العمر صابرا أروي للخريف رواياتي
حتى ترضى عني يوما و تعشقني عيون مولاتي
أسعد كمل أيام الراحة ودوا لي عطاتو طبيبة و رجع الايام روتينية لي مولف بيها الخدمة دار و بدا كيهتم شوية بصحتو … من نهار وقع المشكل لي وقع لسلمى مبقاش شافها خدات كونجي من الخدمة و طفات تلفونها حتى هو خلاها على خاطرها و مبغاش يضغط عليها فاق صباح بكري ناشط دوش و بدا يغني لبس و تريح و خرج مشا الخدمة بلا فطور كيتفكر ضواسا لي عندو كتسد ليه شهية وصل بكري دخل لبيروه و بقا خدام حتى قرب وقت الغدا و صيفط على الفطور يله غيدير لكرواصون ف فمو و سمع دقان كان الحارس بلغو بلي شي حد بغا يشوفو ضروري يله بغا يقوليه يتسنا و هي دخل سلمى
سلمى ……. الموضوع مهم اسي ضابط ميقدرش يتسنا
أسعد “شافها و وقف كيسوس فيديه ” …… اه تفضلي “آمر الحارس يخرج و يخليهم”
سلمى ” قربات منو و سلمات عليه” ….. سافا ؟؟
أسعد “رجع لبلاصتو ” …… وي سافا ميغيسي “هز تلفون” تشربي شي حاجة؟ ؟
سلمى ” وترها هدوؤو ” ….. غغير عصير الا ممكن!!
أسعد …… مرحبا
علمهم يجيبو ليها لعصير و هي بقات غير ساكتة و ما عارفة شنو تقول مقدراش تقوليه جات غير تشوفو دير محضر بقات كل مرة تهز عينيها تشوف فيه ملقات ما تقول حتى ردات لبال لبلاطو ديال لفطور لي محطوط قدامو و عرفاتو يلاه بدا ياكل و مزال مكملوش
سلمى …… علاش مكترضش البال لماكلتك ” شافت فمكانتها” 12 دابا و يله كتفطر واخا كملتي دواك خاصك تبقا تاكل فالوقت
أسعد ” بقا هاز حاجبو فيها و كيسمع” …… غير تلاهيت مع الخدمة و مرضيتش البال هدا ما كان
سلمى ……. و كوول راه غيرجع يطيح ليك طونسيو
أسعد “دار نصف ابتسامة ” …… الا طاح راه طبيبة ديالي داويني
الحارس استأذن و دخل حط العصير و خرج خلاهم كيشوفو فبعضياتهم سلمى تشجعت و هضرات في الموضوع لي كانت رافضاه قبل و شافت بأن القانون هو لي غيرجع ليها اعتبارها خصوصا ملي عرفات طبيب رجع تحرش بشي ممرضة و بسبابو قدمات الاستقالة ديالها خلاتو كمل فطورو و عجبها طريقة باش كياكل و سهات فيه شافها هكاك حنحن باش تشوف فيه
سلمى ” تزنكات” ……. احم اا بغيت ندير محضر ضد الطبيب لي ” تنهدات من أعماق قلبها” حااول يتعدى علي
أسعد “مبغاش يحكر عليها بالأسئلة ” ….. مرحبا غنصيفطك عند واحد صاحبي هو لي غيدير ليك المحضر واخا “هز تلفون يعيط الحارس باش يوصلها لعندو شدات

ليه يديه”
سلمى …… ممكن تمشي معايا منقدرش نكون معاهم بوحدي
أسعد شاف الخوف فعينيها و ناض بهيبتو لعندها و شد فيديها خرجو مشاو فممر و ضارو على ليسر أول مكتب دق فيه و دخل شافو انسبيكتور و وقف عطاه تحية رد عليه براسو و جلسو و بدا يكتب ليه المحضر بعد ما شرح ليه اش طرا بقا عليها بالاسئلة وهي كتجاوب و أسعد حداها خلاها مطمأنة وقعات المحضر و ناضو مشاو حيت عارف صاحبو غيدير خدمتو و كتر رجعو المكتب و مسخاااتش تمشي بغات تبقا معاه و معرفت كيفاش ديير ناضت بغات تمشي و وقفها صوتو
أسعد ” مهبط راسو كيسني على شي وراق” …. تسناي نسالي هاد الوراق و نمشيو نتغداو
سلمى فرحتها كتر من صحاب لباك ليوم رجعات جلسات و عينيها حاضينو فجمالو و شخصيتو و هو خدااام و سيد شهب ولكن واخا هكاك حرش تفكرت لعصا لي كلا طبيب على يديه و بدات تضحك غير بوحدها هز راسو على غفلة لقاها كضحك بتاسم و هضر
أسعد “جبد بزطامو كيقلب فيه” …… دووماج تصويرة لي كانت عندي خداتها ختي “رجع بزطامو و ناض ” ….. يله تغداي يله “بقا يشوف فهاد طبيبة لحمقة لي طاحت فرزقو ”

🌸 الجزء 149 🌸
⁦✍⁩بقلمي……………………زهرة محمد
*لا تخبئي الكلام*
رانيا فرقات والديها بلبكا و تنخصيص مسخاتش بيهم و حتى هما مسخاااوش هي لي كانت معمرة عليهم و نويورة حياتهم غتمشي و تخوي عليهم ولكن هادي سنة الحياة خلاوها ناس لوالا داار لبنات خالية يجي نهار و يعمرو دار رجالهم توادعو و ركبو فطوموبيل و تاجهو لاوطيل باش يرتاحو ركبات رانيا لابسة قفطان فلباج مخدوم بصقلي بسلهام ديالو و غيث ودعهم حتى هو مع توصيات باها يتهلا فيها طلع ديمارا و مشا و هو حالو حال اي راجل فهاد لحظة خاصو يوسسع خاطرو مع حبيبتو رانيا حست بالخوف خايفة متولفش الحياة الزوجية و خايفة متولفش طباعو حيت كيبقا الحب حاجة و زواج حاجة كاااين فرق شاااااسع بينهم غيث شافها كتمسح دموعها شد يديها و حطها على قلبو
غيث”مركز مع طريق” …… حبيبة علاش كاع لبنات كيبكيو و رجال لا امم “كيطنز”
رانيا” دورات عينيها كتشوف فيه” ……. حيت قلبكم قااصح مكتحسوش
سالات كلامها و ضورات وجهها لشجرم منفخة و غيث مخليها دير لي بغات دازت دقايق وصلو لاوطيل هبطو وهو شاد فيها كان في استقبالهم بالتمر و الحليب عارفينهم عرسان دارو صواب و خداو لاكارت لي كتحل شومبر و سيد لي خدام تما هز ليهم ليvاليز حتى لبيتهم دخلهم و تمنى ليهم ليلة سعيدة و بارك ليهم و مشا رانيا جلسات فوق لفوطوي كتحيد صباطها و كتأوه بتعب كتحس برجليها تنفخو من كترة ما زير عليها صباط غيث نتر لبابيون و لاحها و بدا يحل صدافي لقميجة و عينيه عليها
غيث…….. حبيبة دخلي دوشي باش ترتاحي سبقي نتي لولة و ندوش من وراك
رانيا ……. مقداااش بغيت غير نعس حتى لصباح و ندوش “سرحت ظهرها على لفوطوي كترتاح
غيث “حل ليها باليزتها و جبد ليها بيجامة الحرير فغوز بيبي و محشمش جبد ليها حتى الملابس الداخلية مد ليها يدو” نووضي دوشي غترتاحي كتر
مكساتش معاه شدات ليه فيدو و ناضت تجر فرجليها خدات شمبوان و جيل دوش دخلات و سدات لباب من لداخل حيدات حوايجها و حلات رشاشة و وقفات تحت منها خلات لما هابط و ترد شعرها بيديها بزوج فكات شعرها من كترت لفلايل لي كانو فيه و غسلاتو و ريحة شمبوان غزااالة بقات فيه دارت جيل دوش و لما هااابط عليها حسات براسها رتاحت كتر مسخاااتش تخرج سدات لما و لبسات بينوار بيض فيه طرزت تاج فجنب تحت ركبة و لفوطة ديالو دارتها لشعرها و خرجات لقاتو محيد القاميجة و بقا غير بسروال جالس و مْسَرح رجليه كيتسناها تخرج شافها و ناض معكز بجناب لفوطوي باش ينوض نهااار طويل داز عليهم بجوج قبلها فجبهتها و دخل هاز لوازم دوش وهي بقات دهن فلحمها بليكريم و

مرطب الوجه لبسات و بقات لفوطة فشعرها خلاتو ينشف على خاطرو خرج غيث بعينيه حمرين لابس شورط كينشف فراسو شافتو و بتاسمات
رانيا ……. بصحة حبيبي
غيث ….. الله يعطيك الصحة حبيبتي “شاف ساعة فتلفونو ” ااوووووه فااات الحال
رانيا …… انا بغيت غيير نعس عيني كيتسدو
غيث”كيهبط ريدو باش الا جات شمس يبقا لبيت مضلم …… على حنا تزوجنا باش نعسو
رانيا ” كتغبن عليه” …… واش غنبقا ندير بغييييت نعس
غيث “طلع حداها فناموسية ” …… اجي نوريك اش غنديرو؟!

🌸 الجزء 150 🌸
⁦✍⁩بقلمي……………………زهرة محمد
*لا تخبئي الكلام*
نور وجهك يضيء مسائي شعاع ابتسامتك تنير
قلبي واء انفاسك تريح احساسي وصوتك العذب
يحرك مشاعري هذه حبيبتي تعجز اوصافي هذه
زوجتي ونصفي الثاني
رانيا مع لعيا ولعرس و نشاط نساات اش تابعها مفكراتش راه تابعاها ليلة خاص تكون مستعدة ليها بكل المقاييس غيث بغا يكسر الخوف لي كان واضح عليها قرب حداها و هي كتسرط فريقها حجر معرفات توقفو و لا تخليه يزيد يقرب فلحظة زاد قررب كتر و كتر وبلا إذن حط شفايفو عليها خلاها تقفز من بلاصتها و تخرج عينيها لي ضغيا دبالو بلمساتو قلبها تسارعات دقاتو بقات كترعد تحت منو بطريقتو في تقبيل خلاها ترفع بالشهوة بلا هواها غيث حس بيها كترعد و حبس داكشي لي بداه و حل عينيه كيدوز يدو على كتفها
غيث …….. حبيبة ديالي متخافيش انا مغانطلبكش بشي حاجة مبغاهاش المهم غير رتاحي
رانيا هبطات راسها حشمانة منو معرفت اش تقول رتاحت شوية بلهضرة لي قال ليها خوف رانيا طبيعي خاصها غير راجل متفهم و غيث مقدر هادشي و هو عارف انو هو أول راجل ترتابط بيه
غيث …….. هضري نسمع صوتك امم هههه
رانيا” عنقاااتو ” ……. كنبغيييك
غيث”تنهد” ……. و انا كنموت فيك
رجع شد وجهها بيديه بجوج كيشوف فعينيها و خدودها لي رجعو حمرين بانت بنية صغيرة معاه مقدرش يصبر رجع نغامس فشفايفها مهزش راسو كلاهم خلاها تقلب على نفس تستنشقو ملقاتوش و هي زادت طمعت فقبلاتو و لمساتو كتر لي خلاوها ذوووب معااااه… هو عريان و حس بصهد مددها على سرير و جا فوق منها مكالي بيديه خشا راسو فعنقها كيبوس و ميلات راسها حيت بورشها مقدراتش تكتم شهوتها وتأوهت فودنيه شي لي خلاه يجهل عليها مقدرش يسيطر على راسو صوت أنفاسهم ماالي الغرفة و رانيا كتلوا كان إحساس جديد عليها عمرها حساتو و تعرفات عليه مع حبيبها يديه خدامين كيحلو ليها صدافي ديال بيجاما مقداش تحبسو واخا عيانة عاجبها الحال خاشية راسها فعنقو و مخلياه كيكتاشف جسمها لي غيكون ملكو ليه بوحدو هبط سوتيان بسنانو و دفن راسو فصدرها هز راسو يشوفها لقاها مخبية وجهها فعنقو
غيث ……… شوفي في مالك مخبية ههههه
رانيا”بصوت خااافت و رقيق ” ……. للاا غير خليني هاكا
غيث…….. مبغيتيش تشوفي فحبيبك
رانيا بزز باش قدرات تحيد راسها و جات عينيها فعينيه باسها فجبهتها و وشوش فودنيها ….. حبيبتي حاولي تصبري معايا
طفا ضو باش ياخدو راحتهم و يخليها تولفو دار يديه وراه ظهرها حليها سوتيانات ورجع طفل صغير يببوس خلااها تشوا و بقاخدام و مكايس عليها باش متكرهش الممارسة

معاه كل مرة يلوح ليها كلمة يتغزل فيها
غيث ……… عذبتيني احبيبة شاااد راسي غير بزز
رانيا مرفوووعة كتسمع و تبتاسم محسسها ملكة بين يديه شااد فمها بقبلاتو خلاها نسات سميتهاو يدو كتحيد ليها لي بقا حتى هو وجد سلاحو المدمر لي شافو مستعد باسها فكتفها و فسرتها خلاها تنفضات محاساش بشنو غيطرا مخليها حاسة بنشوة الحب باش متخافش و يتضرب ليه كلشي فزيرو بقا معاها حتى تسمعت صرخة كتمها بقبلة كتعلن على أن فهاد اللحظة رانيا أصبحت ملكو و تربعات على عرش قلبو دمعات نزلو منها بالالم
غيث “كيحاول يهدنها” ……… شوووت موقع وااالو لاش لبكا احبيبة
رانيا ……… اهئ اهئ “مقداش تهضر بغات تسبو و ملقات جهد” نووض علي بعد مني
الحب زوييين بالمر و الحلو ديالو هاكا دازت ليلة عشاقنا رغم العيا نَجحو علاقتهم و خلاوها ذكرى زوينة يتفكروها
#حبيبااااااتي كنحبكم 😍 #يتبع

Leave a comment