Skip links

قصة : لا تخبئ الكلام 5

 2,791 عدد مشاهداات

🌸 الجزء 101 🌸
⁦✍⁩بقلمي……………………زهرة محمد
*لا تخبئي الكلام*
صالحة مجموعة وسط ولادها كيف يام زمان دخلو في القصرية مخلاو فيها والو الفرحة حلات ليهم الشهية حتى مبقاوش قادين يتحركو من بلايصهم سامية بزز جمعات طابلة و عمرات اتاي يونسهم فحديثهم ياسين كان هبط لطوموبيل طلع لباليزات لي جايب و تلفازة جديدة وكادوات لمو و ختو
جلسو على براد اتاي يسولو على احوالهم و صالحة مهبطاتش عينيها على ولدها لي لبارح كان صغير و دابا ولا رااجل لي تحط عليه رااس ..
ياسين “بتعب” ……. سامية الله يرضي عليك سخني لي دوش بغيت ندوش و نرتاح
سامية ….. راه مزال سخون اخويا غير نوض وجد حوايجك
ياسين ناض خدا حوايجو و دخل يدوش يحيد عليه لعيا ديال طريق سالا و جمع روينة لي دار مولف يقاد روينتو راسو خرج و فبالو نور خاصو يتاصل بيها لي فرحة اهلو نساتو فيها دخل لبس و هز تلفون كيصوني ليها كيلقاه مشغول حط تلفون وتجبد يسرح ضهرو و داااتو عينو حس براحة من نوع ااااخر لدرجة نور تاصلات بيه واتساب و محسش بتلفون فاق على ريحة اتاي منسم بفليو خلاتو يسترجع ذكريات زمان خرج من بيتو
يطرطق فعنقو و يجر فرجليه لكوزينة لقا مو كتوجد فلكوطي لبطبوط مدهون بزيت لعود و لعسل و سلو باس راسها و وقف حداها
صالحة …….. رتاحيتي اوليدي ؟؟؟
ياسين “كيتفوه ” ……. الحمد لله اميمتي الله يطول لي فعمرك و خلاص غير دخلتي هادي و نلقاك بصحتك عندي بدنيا و ما فيها
صالحة…….. الله يرضي عليك اوليدي يلاه يلاه لصالون و نهضرو هز صينية و تبعني
شربو اتاي و ضحكهم مسموع منين و منين هاكا دوز ياسين نهارو مع عائلتو صغيرة و سامية لي مقاداها فرحة برجوع خوها الوحيد خلاتها مركنة حداه و شادة فيه كيف عادتها صالحة مشات تنعس هما بقاو سهرانين على جماعات و صل نص ليل سامية متكية و حاطة راسها على كتف خوها
سامية …… جاني جوع !!!
شاف ياسين ساعة و جمع الوقفة و كيهضر
ياسين …… سيري تنعسي راه ممزيانش ماكلة ليل غتولي فحال هادوك لي كيلعبو بلكراصن في الحلبة عرفتيهم
سامية”بصدمة”…….. هادوك لي كيلعبو سومو 😲
ياسين ….. هاااادوك
تمنى ليها ليلة سعيدة و دخل لبيتو و سد عليه باقي شاد تلفون صيفط ميساج لنور
ياسين …. فايقة😍؟!! نور كانت كتسنا منو يتاصل حتى وصلها ميساج و جاوبات و هي منفخة منو
نور…… نو ناعسة😡.
تاصل حيت الميساجات مقاديينش فهاد الحالة خصوصا ملي شاف لايموجي بقا كيصوني و هي دافعة كبير حتى قرب يقطع عاد جاوبات.
نور”مخشية فسريرها كانت كتسنا فيه مجاهاش نعاس” …… االو ،،

ياسين …… حبيبتي مقلقة ولا شنو!!
نور …… ععلااش غغنتققلق ؟؟؟
ياسين …… نور راك عارفة خاصني نجلس مع دار نور ….ففههمت غغتتكون مموحش ععائلتك ططمني غغير ععلييك وو سسير
ياسين …… حبيبتي تاصلت لقيتو مشغول و ملي تاصلتي كنت نااعس و محسيتش مع لعيا
نور”تنهيدة خارجة ممن القلب” …. تتووحششتك!
كلمة خلاتو هاد المرة الدم يجري فداتو و الكلمات هربات ليه بقا سااااكت تلتيام مشافهاش خلات فراغ فقلبو و بهااد الكلمة زعزعاتو خلات نفس كطلع مقطعة
ياسين…….. حتى انا توحشتك اعمري و مكرهتش نشوفك
نور …… يياسين ،،،
ياسين …… نعم احياتي ” شعل ضو قلب المكالمة فيديو شافها و فرح كتر كانت كيووت شافها جامعة شعرها و لابسة بيجامة حرير فلغوز باااارد ” اش هاد الجمال الله يصبرني انا على هاد شهر
نور ….. سسسير تترتاح بباين ممناعسسش ممززيان صصباح تتفيق تتاصل اااوك
ياسين …… نتي تآمري الالة لبنات سيري حتى نتي ترتاحي بونوي كنبغييك 😘
تربعتي بداخلي … استعمرتني وكنتي #انت_أجمل_النساء لرموش عينيك…انظر كالسيوف القاطعه لمست يديك وجنتيك #حبيبتي كملمس الياسمين ……احببتك لأنك انتِ.

🌸 الجزء 102 🌸
⁦✍⁩بقلمي……………………زهرة محمد
*لا تخبئي الكلام*
لماذا عدت !
لتجدد آحزآنــي وآوجآعــي
لتنبش بين جروح قلبي وتعآود نزفه من جديد
لتحرق عيني بدموع
وتقتل ابتسامتي بوحشية
لآاريــــــدك
آذهـــــــب
لاتــــعـــــد
الجو فدار رانيا مكهرب مبقات حلات ليها مسكينة حتى حاجة هاديك درية لهبيلة و لي غير كضحك طفات و دبلات و لات غير سادة عليها تخرج وقت الماكلة و ترجع لبيتها اما ناعسة ولا كتفكر فغيث لي مْخَوْرج فعقلو مرة يهددها حتى يخليها تبكي بلخلعة و مرة يقوليها راه كنبغيك و نتي لي عندي ليوم قطع الحس ما تاصل ما صيفط ميساج و سكوتو ميطمنش فتيحة داخت بيها دنيا و لكبدة مهناتهاش من جهة بنتها لي شافتها كضيع منها و معرفت ما دير ليها درية غير ساكتة مابقات تجمع و لا تخرج جالسة فكوزينتها تخمم حتى قفزت على ايد راجلها لي عيا يعيط ليها و هي مسمعتش
فتيحة”حطات يدها على قلبها” …… دير غير الحس خلعتيني
اسماعيل”حط ديسير فوق بوطاجي” ……. نوووضي الله يهديك ملي دخلت و انا نعيط ليك و مسمعتيش معرت فين سارحة ؟!
فتيحة …….اااانا لي نسرح و معرفت فين نحط راس بنتي بنتي كضيع مني “بلا ما تحس دموع القهر نزلو من عينيها” غير سادة عليها من داك نهار معرفت اش ندير هضر معاها الله يسهل عليك اهئ اهئ مبغيتش بنتي ضيع مني ا سماعيل
اسماعيل”عنقها” …… راك غير مكبرة الموضوع الله يهديك غير فترة و دوز و باش ترتاحي انا غنمشي نشوفها و نهضر معاها “غادي لعند بنتو ” و عمري شي براد يكون هو هداك ..
اسماعيل دق فبيت رانيا و دخل لقاها متكية و كتفككر و كتشوف فلا شيء غير حالة عينيها و جالسة بوحدها غير شافتو و ناضت باست يدو
اسماعيل ….. الله يرضي عليك ابنتي رنوش علاش جالسة بوحد مقلقك شي حد؟ ؟؟
رانيا “صوتها بااح و مجروح ” لا للا لا ابابا ممقلقاش غير مكاين مايدار و صافي
اسماعيل …… جلسي ابنتي بغيت نهضر معاك ” جلسو و هي مهبطة راسها كتسمع ليه ” عمر الحياة كتوقف على شي حد هاد سيد لي جا مافيهش خير و تستاهلي سيد سيدو انا مرتاحيتش ليه و انا باك نبغي لبنتي غير الخير هزي راسك شوفي في ” كانو دموعها هابطين شلال ” و زيدون انا ما ساخيش ببنتي تخوي علي دار من داباا باااقي الحال تكملي قرايتك و ديك ساعة فكري فزواج “باس راسها ” سيري غسلي وجهك و يلاه باش ناكلو مجموعين
رجعت باست يدو بلا حتى كلمة مقداتش تقول ليه راه لقلب بغاه و مقادش ينساه سكتت على ما بيها و مشات وهو عفط على قلبو و خرج من بيتها مخبي خوفو عليها حاس بيها هازة حمل كبير و مخبياه
حطات فتيحة اتاي و مزوقة طبلة

باش تفتح نفسهم و ياكلو يلاه جلسو يقولو بسم الله حتى دخل ياسر لي ولا عاطيها لديعان و لقهاوي
ياسر ….. السلاااام عليكم
ردو عليه السلام و مشا جلس فسداري لوسط حدا رانيا يعنكش فيها و موحل فيها جغمة ديال لما سخون
رانيا … و خالي هدا
ياسر …… و الا مهداش اش غديري!!
رانيا” ضارت شافت فيه شوفة لعدو” …… كول اخالي راه مرشقاش لي.. ولا عرفتي شنو راه عندي دواك “غمزاتو ”
غير قالت ليه “دواك” بعد منها و عطاها ميترو ديال تيساع عرفها قصدات ليه سامية ياكل و يضحك و باقين على طابلة ياكلو و يتفرجو ف MBC MAX حتى سمعو صونيط فلباب ناض سماعيل لي كان فطريق مشا حل و لقا مرا كبيرة فستينات لابسة جلابة الحرير و شعرها كاري مشهباه و وراها غيث هاز لورد و لابس كوسطار فلكحل و غير تلقات عينو مع عينيه كحل بلعما و مكحلش بيه … #آرااااااءكم اش غيطرا ورا هاد الجزء بغيت بزاااف الآراء ❤😘

🌸 الجزء 102 🌸
⁦✍⁩بقلمي……………………زهرة محمد
*لا تخبئي الكلام*
غيث من خوفو يضيع رانيا من بين يديه غااامر و جاب جداه تقاد ليه طريق مع والديهاا و بالخصوص باها لي كرهو بسباب طيشو قلة عقلو و تصرفاتو لي خلاتو ياخد عليه نظرة خايبة و شافو راجل غير مناسب لبنتو بقا غيث و جداه واقفين عند الباب حتى نطقات الحاجة نفيسة
نفيسة ……. السلام عليكم ” اسماعيل كانو عينيه على غيث قرطااي لي محاملش يشوف وجهو حتى سمع سلام و نزل عينيه عند السيدة و رد السلام ”
اسماعيل …… و عليكم السلام الالة
نفيسة “ضحكة بشوشة” ….. طالبين ضيف الله الا جات على خاطركم!!
اسماعيل ” حشم يبقا موقفهم في الباب ” ….. مرحبا بضيف الله تفضلو
غيث ” داخل حشمان ” ….. سلام اعمي
اسماعيل مردش عليه سلام من الصواب رحب بجداه و دخلو لصالون و تابعهم غيث حط الورد فوق رخامة و حيد صباطو و دخل رانيا غير بان ليها تخلطو عليها المشاعر ولوون تبدل فيها كتصرط ريقها بزز و دور فعينيها مفهمتش علاش جا
جلس و جداه حداه قايمة بالواجب واخا معندها وجه تشوف فناس حيت غيث عاود ليها اش دار و كيفاش تصرف مخبا عليها وااالو
نفيسة”كتحاول تهدن نفوس حيت بان ليها كلشي متوتر شافت فتيحة مبتاسمة فوجها و هضرت معاها عيالات يتفاهمو …… مرحبا بينا عندكم الالة و غيير سمحو لينا على هاد المجية
فتيحة …….. مرحبا بكم دار داركم “رانيا كتنغز فمها ” تفضلي الالة قولي بسم الله “مدات ليها كاس اتاي و ضارت شافت فبنتها” نوضي ابنتي عطي لخالتك و غيث لحلوى
ناضت رانيا تزيد بخطوة لقدام و جوج لور و مدات ليهم الحلوى و دازت لعند غيث و شافت فعينيه لقات نضرة كتقووول بزاااف الحاجات و اهمها نضرة ندم لي كان واااضحة عليه
نفيسة ……. شكرا ابنتي
فتيحة …….. غيث ولدي بسم الله متحشمش
نفيسة “شافت رانيا و بتاسمت “….. تبارك الله على مرت ولدي ” رانيا بتاسمات و مشات جلسات حدا مها
فتيحة …… الله يبارك فيك الالة مرحبا مرحبا دوزي كاسك
نفيسة حطات لكاس و هضرت مع ام رانيا مزعمتش على باها لي ملي دخلو و هو هاز شوكتو و يخنزر
نفيسة ……. لالة فتيحة ولدي غيث عاود لي عليكم و انا نهار لكبير عندي “شافت فغيث لي جالس حداها ” لي نشوف ولدي مزوج و فدارو مرتاح
فتيحة”شافت فراجلها لقاتو مخنزر” …… اش غنقولك الالة انا ما نعطييك ما نحيد ليك الكلمة لولة و لخرا دييااال باها ووانا متسلوني غير الله يكمل بالخير
نفيسة…… مقلتي عيب الالة و الا لعرسان باغين بعضياتهم من عندي حتى انا غير الله يفرحهم اش بان ليك اسي اسماعيل؟؟

اسماعيل ……. اش غنقول الالة نتي فداري مرحبا بك و لكن راه بنتي مزال صغيرة و باغيها تقرا و نهار جا ولدك يمكن هضرتي معجباتوش !!
غيث” بغا يزين بلاصتو على ود حبيبتو” ……. عاجباني اعمي و هضرتك على راس و لعين و انا كنطلب سماحة و رانيا انا باغيها و منقدرش نشوف حياتي بلا بيها

🌸 الجزء 103 🌸
⁦✍⁩بقلمي……………………زهرة محمد
*لا تخبئي الكلام*
رانيا محروقة بين نارين كتشوف باها مباغيش هاد زواج و غيث لي بصح كتبغيه و ماقدراش تكدب قلبها واخا يدير لي دار كيبقى القلب له حكايات و اراااء اخرى اسماعيل ملي سمعو قال انا باغي بنتك و منشوفش حياتي بلا بيها تلجم ليه فمو و معرف ما يقول ليه
اسماعيل …… الا في المكتاب حتى حاجة متفارقكم انا لي نبغي نقول ليك نهار نشوف بنتي مقلقة راه ميعجبك حال راه معنديش منها 3 و راني مفششها و الحاجة لمخيرة ديالها و حتى حاجة متخصر خاطرها
نفيسة “حسات بيه رطاب شوية و هضرت” …. كوون هااااني انا نهار يفكر يقلقها غيلقاني فوجهو
غيث ” هز عينيه فحبيبتو ” …. منقدرش نقلقها انا على ودهاا جيت باش العرس لمخير يدار و قرايتها في أحسن المدارس تكملها انا بغيتها أميرة فدارها انا بغيتها غير الرضا ترضا و الا سمح لي عمي و خالتي نهضر مع رانيا على برا بوحدنا
فتيحة”شافت فراجلها و غمزاتو” ….. ماشي مشكيل اولدي سيرو هضرو و تافقو على اش بغيتو
وقف غيث كيسد فلكوستيم غادي و كيوجد كلمات الاعتذار لي غيقول و رانيا تابعاه من لور حل لباب و خرج برا يهضرو فطوموبيل حل ليها لباب و تسناها حتى طلعت عاد طلع هو و كيشوف طريقة المناسبة لي يطلب السماحة من اكثر انسانة اداها فلحظة ضعف و بلا ما يقصد حس براسو ماشي راجل ملي هز عليها يدها و ذنبها انها بغاتو و كانت مكدير حتى ردت فعل شاف فيها لقاها حانية راسها و مقداش تشوف فيه قرب ليها و هز راسها و تقابلو عينيهم
غيث بصوت يذوب الحجر”……. حبيبتي سمحي لي عرفت راسي غلطت
الله غفوور رحيم ونتي عارف قلبك كبير غتسمحي لي لحظة غضب ودازت عتبيني باش مبغيتي غير متبعديش عليا
رانيا “حبست دمعتها” …… كنت قلت ليك نهار تعاود ضربني غير نسا رانيا و لي هز ايدو مرة يهزها عشرة و انا منقدرش نعيش مع انسان ايدو خفيفة منقدرش مكتفاهمش
غيث ……. عارف راسي مكحلها معاك ومدرت فيها ميصلاح ولكن لي عطا الله عطاه درت لعيب وانا جااي نعتاذر منك وكون مكنتيش كتهميني منجيييش ” هز يدها باس كفها” كنواااعد و ديني حرام علي عمري نهز يدي عليك احبيبة قلبي
رانيا “سكتت شوية و بتاسمت” …….. مبانش ليك غيث لي شفتو أول مرة الا تلاقيتيه قوليه يجي عندي راه توحشتو
غيث حس براسو حيا من جديد و قلبو يرجع يدق بحب و عشق لرانيا و قرييب تولي شرييكة حياتوو كلمات رانيا كانت واضحة انها سمحت ليه

غيث قرب ليها و نيران الحب شاعلة فقلبو و حاول يطفيها بقبلة كتبين حبو الجاارف لي كيحسو من جيهتها نساو راسهم فلحظاات من الزمن و نساو راه واقفين حدا باب دارهم و حتى هي نساجماات معاه في اول قبلة بيناتهم خلاتها تنسا العالم و تعيش فعالمهم لي خلقوه بجوج
مطلق منها حتى قطع نفس فيها شاف عينيها و خاف يضيع من جديد باس جبهتها و بعد
غيث …… هبطي هبطي لنصدق مصبق الدخلة على العرس و يصفيها لي باك و خالك
رانيا”ضحكها” ……. ههههههههههن “بدات تنش على وجهها لي طلعاتو الحرارة و هبطات سبقاتو لدار كأن شيئا لم يكن و تبعها جلس حدا جداه لقاها مجمعة معاهم و نفوس باينة هدااات
اسماعيل “شافو مهدن و بعقلو عكس المرة لي فاتت و برد أعصابو و حاول يتفاهم معاه بالعقل و بغا يدير لخاطر لبنتو و تفكر حالت بنتو و عارفها كتبغيه ” ……. و قولو لي علاش تافقتو ؟؟؟
غيث …… لي قلتيها اعمي هي لي غتكون
اسماعيل “تنهد” ……. و ملي هكا العرس ان شاء الله لخر الشهر الجاي
غيث ضحك حتى بانت ليه ضرسة العقل و رانيا مزاااال رافعاها لبوسة و كلشي فرحان ملي الامور دازت بسلام و ياسر جالس كيف الامانة كيوصل الجديد لسامية ما حط تلفون حتى بغاو يقراو الفاتحة
الجميع ….. ولا الضااليين آااامين

🌸 الجزء 104 🌸
⁦✍⁩بقلمي……………………زهرة محمد
*لا تخبئي الكلام*
صالحة فرحااات بولدها وهو حداها و ناضت هاد صباح بكري و مشمرة وجدات الفطور و خرجات تقدا باش دير عراضة على شرفو و قالت تعرض على دار رانيا لعشا غير هما لي صحابهم و بغات يشاركوها فرحتها و يدوزو وقت مجموعين سامية سمعات صوت لباب تخبط ووهي تنوض دايخة كتعيط ….ماااما و ماااما بقات تعيط حتى ماجاوبها حد و مشات دخلات لحمام غسلات وجهها تفيق من لGلبة خرجات لقات ياسين كيتسناها باغي يدخل
ياسين “كيتفوه” خرجي خرجي وونتي سكنتي
سامية ……. قول غير صباح الخير اس الاستاذ
ياسين “شافيها شوفات ديال نشدك نفلعصك”
سامية “بقات غادة و مضورة وجهها حتى خرجت فلباب و شدات جبهتها حسات بمخها مشا و جا
ياسين “سمع ضربة ” ………. ههههههههه و بصحة تكبري و تنساي
سامية ……… يعطيك لعما !! “شافت لفطور محطوط و جلسات تاكل و جا ياسين جلس حداها “.. فين مشات لوليدة ؟؟؟
سامية”كتشرب فلقهوة” ….. غتكون مشات غير لسوق
دازت ساعة سامية جمعات لماعن و ياسين فصالة كيتفرج حتى صونا لباب ناض ياسين حل لباب لقا مو كتنهج عند الباب و قدامو قفة عااامرة هزها و دخلات صالحة تجر فرجليها
ياسين …….. امالك الوليدة علا هادشي كلو و ديك ساعة فيقيني نمشي معاك
صالحة …….. الله يرضي عليك اوليدي راه مزال مجبتش شي حويجات حتى تجيبهم لي
ياسين …….وااخا اميمتي
صالحة” كتعيط لسامية”……… فين ختك ؟؟
ياسين ……… راه فلكوزينة مصمكة ودنيها تاني بالموسيقى غتصماك و غتبقا ليك بايرة ههههههههه
بقاو يضحكو حتى جات عندهم
سامية كدندن مع الأغنية ..
سامية…….. ماما جيتي !!!
صالحة ……….. و بنيتي راه يدخلو شفارة و متسيقي ليهم لخبار مصمكة ودنيك من صباح و أنا نعيط عليك بغيت غنشرب
ياسين …….. طولة بلا فايدة ” بدا يعيب فيها و يفقص هههههههه
سامية ……… وماما دوي معااااه
صالحة غير كضحك وسط منهم ولكن هادي هي حلاوة الخوت مرة مضاربين و مرة محابين و من هادشي كلو عمرهم يفوتو بعضياتهم و فوقت شدة تلقاهم …
سامية……… ماما راه غنمشي نشوف رانيا تخطبات و مابركتش ليها
صالحة …….. سيري و متعطليش و منها عرضي عليهم لعشا قولي ليهم كلهم يجيو
سامية “سمعت كلهم و قلبها طار بلفرحة” ….. واش كلهم كلهم يسدو دار و يجيو كاااملين
صالحة …….. اه كلهم يجيو يلاه الله يرضي عليك و خليني نشوف اش ندير راه تابعني شلا حوايج

سامية لبسات دجين و تيشورت قصير بيض نص كم و طلقات شعرها مشات طايرة لدار صاحبتها تبارك ليها و منها تشوف حبيب القلب
سامية دقات لباب و بقات واقفة كتسناهم يحلو يلاه غتعاود دق حتى حل ياسر لباب و فرح فاش شافها مدخلهاش رجع سد لباب و قنتها فعتبة الدار
ياسر ……. شحال زويين هاد صباح و ملي نصبح على هاد زين مممم “قرب باسها فحنكها” صباح الخير
سامية ……. صصباح نور ممكيناش رانيا
ياسر “عينيه مزحزحهمش عليها” …. كاين خال رانيا مبغيتيهش
سامية …….. ههههههه بعد دابا يخرج شي حد
ياسر ……. و يخرجو مكهمنييش واقف مع حبيبتي لي كيتسالني شي حاجة نعطيها ليه
سامية …. . و راه حشومة يشوفونا هاكا عفاك بعد خليني ندخل
ياسر حتى شافها قربات تبكي عاد عطاها طريق دخلات و تبعها سد لباب لقاها كتسلم على رانيا و دخلو لبيت و سدو عليهم
بقاو يتحتو و يضحكو و عرضات عليهم لعشا كيف وصاتها مها يجيو كاملين

🌸 الجزء 105 🌸
⁦✍⁩بقلمي……………………زهرة محمد
*لا تخبئي الكلام*
نور كتمشي لحصص العلاج مرة بوحدها و مرة مع ختها غيثة و لكن بلاصة ياسين معمرها حتى واحد واخا كل نهار كيتاصل بقات بلاصتو خاوية ليوم فاقت كيف عادتها لبسات لي كان و خرجت بلا فطور و حتى الخاطر مكاينش شدات طريقها غادا الحصة التدريبية على النطق السليم و كتحس براسها بووحدها طول طريق و عقلها موقفش لحظة في التفكير فياسين لي توحشاتو و شادة تلفونها كتشوف تصويرتو لي دايرة في شاشة خدات طاكسي وطول طريق كتفكر كيفاش غتصبر هاد المدة وهو فبلاد و هي فبلاد
وصلات المركز و دخلات مع ناس لي عندهم نفس مشكلتها نور حالتها بدااات كتحسن بشكل ملحوووظ و مخارج الحروف بدات كتخرج بشكل عاادي وهادشي راجع على المدامة في العلاج سالات الحصة و خرجت راجعة لدارهم و قالت تمشا شوية عااد تركب فطاكسي يوصلها لدار دازت من حدا محلات الحوايج و دخلات تشوف شنو الجديد و عجبوها كسيوات صيفية و ختارت 2 في الوان مختلفة و شراتهم مشاات لجهة صنادل و عجبتها واحدة بلا في لباج خلصات و هزات ليشاصي و خرجات شوبينغ بدل ليها لمود و لمورال تهز شوية بقات كتمشا حتى سمعت تلفونها كيفيبري شافت سمية و ابتسامتها الجذابة على محياها بانت
نور “بفرحة ” ……. جوووون سافا تتوحشتك ففييين غببرتي
جون ……. حبيبة ديالي توحشاتني سعدااااتي
نوور…….. هههههههههههههه هههههههههههه ووو ففيننك ؟؟؟ ممغتججيش!!
جون ….. فينك نتي دزت لدار و ملقيتكش !؟
نور “شوية و طير بلفرحة” ….. vvraaaiis اانا كاينة فشااررع (…………) غغنتسناااك
بقات دقايق كتسنا فجوون و كل مرة طل على ساعة فيديها حسات بالوقت كيزحف 10 دقايق جاتها طوييييلة بقات ملاهية مع ناس لي غاديين و جايين فشارع حتى وقفت طوموبيل حداها
جون “هبط زاج خرج راسو” ……. هاااديك لمستوهة واش مغطلعيش؟؟
نور “مشافتوش امتا وقف” . ……. ههههههههههههه وو راه مرضييتش للبال هههههههههه بقيت ككنشوف ديك للبنيتة يلاه كتعلم تتمشي و طاحت و بقات كضحك فكراتني فراسي
جون……….. و طلعي طلعي راه حابسين طريق واش غنباتو هنا !!!
نور ” حطات داكشي لي شرات فلكوفر وطلعت”…. توحششتك “عنقاتو”
جون”حتى انا ازين ديالي حيد نضاضر و طول فيها شوفة”……. اش هاد زين ااه شنو سر همم!!!! لا لا بلاااتي “خرج عينيه من صدمة” رورو هضري هضري نسمع ههههههههه هضرتك كتخرج مقاادة ماشي فحال لول باااان لي فاتوني بزاااف “غمزها” اشنو طرا فغياابي
نور “دارت سمطة ” …… ججيتي تاني زيد زيد رراه ففي جوع

جون ” ممتيقش اش كيسمع” ……. هي لولا نتغداو و عاودي لي
ديمارا جون و فرحاان لصديقتو انها خرجات من عزلتها و الفرحة لكبيرة ملي شافها بدات تهضر طبيعي نور فرحانة ملي شافتو بعدا غيعمر شوية لفراغ لي كتحس بيه و ياسين بعييد و هي كتفكر فيه سمعت صوت ميساج هزات تلفون لقات حبييها كاتب ” عمري توحشتك” قراتو و بتاسمات و تاصلات بيه فيديو بغات تشوفو جاوبها كيضحك غير شافها راكبة فطوموبيل و سولها بعينيه كان يسحاب ليه خوها حشم منو…
نور …… سلام بب سافا ؟
ياسين .. … الحمد لله حبيبتي فينك؟ ،؟
نور …….. خارجة مع جون غنمشيو نتغداو
ياسين “وقف حدا سوبر ماركت” …….. اااااه تغداو “قلبها دارجة باش ميفهموش اش كيقول” …. كيييفاش غادييين تغدااو “كرن حواجبو و محسش براسو بدا يغوت” هي انااا غييير زاااايد و شفتك الالة فرحاااانة مزيااان سيييري تغداي كنت نسحاب راسي مقصر مكنسولش و قلت غتكوني توحشتيني ولكن بان لي لعكس راك معمرة وقتك كيف كاين كيف مكاينش برااافو عليك “قطع”
نور كانت غير كتسمع معرفت باش تجاوب كتشوف ضغيا حكم عليها معارفش قداااش توحشاتو و كتسناه غير امتا يجي هاد جوج ضحكات لي ضحكتهم فاش شافت جون هجرهم ليها خلاها غير ضور عينيها
ياسين الغيرة كلاتو متقبلش يشوفها مع جون و هو بعيد مكملش معاها الهضرة و قطع مشا لدار و بالو مع نور لي كانت لفرحة بااينة عليها عكسو هو لي كان كيفكر فيها صباح و ليل و كيحس بليااام كدووز تقيلة و كان متمني غير امتا يسالي لكونجي و يجي يشوفها.

🌸 الجزء 106 🌸
⁦✍⁩بقلمي……………………زهرة محمد
*لا تخبئي الكلام*
ياسر ملي عرف لعراضة غيكونو فيها كاملين و قال ليوم نضرب لحديد ما حدو سخون فاتح ختو فلموضوع و عتارف ليها راه كيبغي سامية و بغاها تهضر ليه مع مها لعشية تعاشات و لبس ياسر احسن ما عندو و قاد لحية و لفرحة مقداااهش و أخيرا غيمشي يخطب سامية و يتجمعو هو و ياها قاد لكرافاط و خرج عند ختو و رانيا يزرب فيهم
ياسر …….. واش غنباتو هنا طلقونا طلقونا راه مبغيناش نتعطلو على ناس
رانيا …….. و راه مزااال الحال و زيدون حنا غير معروضين راه نتا معرت منين خرجتي بهاد الخطبة لي هي براسها مفخبارهاش
فتيحة …….. انا الا جيتي علي سيدة عارضة علينا حيت ولدها جا بسلامة بلا ماا نفاتحوها دابا حتى نجسو نبض و معرفناش واش سامية عالماهم ولا لا
ياسر “حط يديه على جنبو”……. مبغيتش نضيع الفرصة و هي جات حتى لعندي و انا كنت نفكر كيفاش ندير نمشي عندهم
فتيحة”شافتو مُصر” ……. و اش غنقول ليك لي بان ليك اخويا !!
رانيا سمعت تلفون صونا و بعدات عليهم باش تجاوب غيث على راحتها نسات راسها راه مخطوبين رسمي غير كتسمعو صونا كتهرب تخبا
رانيا ….. االوو…
غيث……. حبيبتي لباس عليك
رانيا …….. لباس و نتا بخير
غيث”جاالس فبيتو كيتفرج” …… الا شفت مراتي نولي بخير “تنهد” قرييييب احبيبة قريب
رانيا “طلعت معاها سخونية و زيزنت ” غيث كيسمع غير نفسها فودنو ….. قولي لي معاش غتمشيو
رانيا …… راه كيعيطو غنمشي دابا
غيث …… مزياان حطي تلفون حداك باش إلا صيفطت ميساج جاوبيني
رانيا……… واخا واخا يلاه بسلامة
مشات لحقات عليهم لقاتهم خارجين مع لباب و باها لي كان كيصلي كيتسنا بنتو باش يسد لباب ركبو فطوموبيل وفرحة ياسر معطاها لحد تفكيرو غير يشوف سامية و يرشمها من عند مها و خوها وقفت طوموبيل حدا العمارة و نزل ياسر كيقاد فشعرو فزاج كان جو منعش فديك لعشية و سبحان مبدل الاحوال ضغيا تقلب و ضرب لبرق و رعد و شتا بدات تنقط دخلو العمارة يجريو يتخباو
طلعت رانيا سابقاهم كتشمشم ريحة طياب دقات و حلات ليها صاحبتها تعانقو تقولي عام ماشفتها و هما غير صباح كانو مجمعين جات صالحة رحبت بيهم
صالحة”لابسة قفطان حرير بحزامو” ……… مرحبا مرحبا دخلو تفضلو نهار كبييير هدا تسالمو و جا ياسين بأناقتو يرحب بضياف دخلو لصالون كيسولو على أحوال بعضهم جلسو لعيالات فجهة و رجال فجهة لخرا مقابلين مع تلفازة ياسر عين فتلفازة و عين كتشوف فسامية هازة صينية اتاي و كترعد غير بوحدها قابلات صينية مع مها و جابت طبيسلات فيهم

سلو و طبسيل و حطات لفراقة فيها الفاكية و مشات جلسات حدا صاحبتها لي كضحك عليها
رانيا”كتهضر بشوية” ……. ههههههههه اتبتي اصحبتي و نتي كلك كتغزلي
سامية ……. ومالي لخاطري وهو كلاني بعينيه
رانيا …….. سيد مزعوووط
سامية ……… لقوة ازمر خشي فوجهك و هنينا
رجال كيتفرجو فلكورة و يتناقشو و لعيالات شادين حديث لعيالات و زطيو و نح جالسين و حالين فمهم
صالحة ………. و مبروك على رانيا عقبة لعرس ان شاء الله
فتيحة………. الله يبارك فيك الالة صالحة إن شاء الله نفرحو بسامية حتى هي
صالحة” بتاسمت “………. ان شاء الله
اذن العشا و كل واحد ناض صلا سامية و رانيا ناضو جمعو طابلة و دارو بالغسيل و صالحة و فتيحة فكوزينة كيحطو العشا كان لحم الملج بلمشماش على حقو و طريقو و لي صلاد تجمعو عليه ضحك و نشاط و رانيا ضحك على سامية و خالها لي كان كيتسنا غير امتا يساليو كان طياب زوين كلاو و حطو ديسير كيقرقبو عليه ناب و فتيحة لقات الوقت مناسب باش تفاتحهم فلموضوع ….

🌸 الجزء 107 🌸
⁦✍⁩بقلمي……………………زهرة محمد
*لا تخبئي الكلام*
ربما لا أستطيع الرحيل ولكني لا أستطيع البقاء أيضًا.. أنا أتمزق وكأني أقف في المنتصف المميت بين الرحيل والبقاء و يجذبني كلٌ منهما وأنا أتمزق لأشلاء بينهما، ولكني من الخارج أبدو كإني في سلام.. وأُقسم أن بداخلي حروبًا أموتُ فيها يوميًا.. لم أربح يومًا.”
سامية ورانيا مخشيين فبعضياتهم و عاطيينها لنكت و ضحك و ممسوقييينش خالقينها غير بجوج ما سكتو حتى هضرت فتيحة مع صالحة و خلات كلشي سااكت و كيتصنط
فتيحة …… لالة صالحة حنا مجموعين على الخير الحمد لله و ليوم كبرتي بينا فحال ديما الله يدومها محبة
صالحة ……… الله اودي حنا عائلة لهلا يحشمناا
فتيحة “بزز باش خرجتها” آميين ميخفاش عليك خويا ياسر راه هو لي عندي و إن شاء الله ناوي يعمر دارو شاف بنتك و جا يطلب يديها إلا قبلتو علينا
سامية شداتها لقوة و غير صاحبتها لي سدات ليها فمها لي تحل من داكشي لي سمعت زمن وقف عندها كتسمع غير دقاات قلبها و خصوصا فاش مها سكتت و معطات حتى جواب خلات كل الاعين عليها
صالحة “حسات بقلبها تعقد ” …….. اش غنقول ليك اختي فتيحة نسوبيتكم نتشرف بيها و ربي شاهد غير انا كنعرف ولدي ياسر عندو وليدات الله يخليهم ليه
فتيحة ………. اييه عندوو و لكن هو ممخليهمش متفاهمش مع مرتو لولة و تفارقو بالمعروف
صالحة ………. الله يسهل عليه ان شاء الله و يرزقو الله الزوجة الصالحة سامية مزال بغيتها تقرا و مزال صغيرة على زواج و ولدي ياسر ولد ناس هادشي مفيهش شك و يستاهل كل خير
فتيحة ……. آميييين الالة صالحة لي فيها الخير يجيبها الله
فتيحة شافت فخوها بخيبة أمل هنا ياسر حس بالأمر مساهلش ماشي بالشكل لي تصورو بقا غير كيسمع و كل كلمة كتخرج من فم ام سامية مفهمش سبب الرفض شاف حتى عيا و ناض مشا و الأعين كلها تبعاتو حتى حل لباب خرج و قلبو مقسوم وقف فدروج و شد جهة قلبو ليي بصح ضرو خدا نفس و هبط
سامية حتى هي ناضت كتجري لكوزينة و تبعتها رانيا لقاتها سادة فمها كتحبس البكية باش ما يسمعوهاش
رانيا “عنقاتها” …….. شووت عفاك اختي سكتي كلشي غيكون مزيان ” سامية هبطو دموع سخوون على خدها ”
سامية……….. ياسر ضاااع ارانيا اهئ اهئ و انا عااارفة ماااما الا رفضات مترجعش فكلامها واخة يكون سيف على رقبتها ” كتمسح دموعها ” شوفي عفاااك وصلي لي رسالة لياسر قولي ليه راه حتى انا كنبغيه ولكن غير ينسا فكرة زواج و خليه يعيش حيت حياتو ماشي معايا

مشات الحمام و خلاتها واقفة معرفت ما دير خرجات لعندهم لقات والديها واقفين كيودعو ياسين و صالحة باش يمشيو تسالمو و تاجهو الباب و رانيا حتى هي ودعتهم و خرجت
نهوى الرحيل حين تنتهي كلّ حلول البقاء، نحمل على أكتافنا أوجاعنا برأس منخفض وخطوات ثقيلة. قد يختفي خلف الابتسامة الجميلة جرح كبير.💔

🌸 الجزء 108 🌸
⁦✍⁩بقلمي……………………زهرة محمد
*لا تخبئي الكلام*
ما ذنب هذا القلب ما ذنب روحي
لتذوق كل هذا الألم دفعة واحدة
ما ذنبي أنا أيها الحب
كنت ابنة صادقة لك لم أخن عهدك يوما
لم أقسو بحبي ابدا
لما تجرحني في كل مرة اكثر واكثر
استحلفك بالله أخبرني ما ذنبي انا
تعبت بكاء هذا القلب الذي تركت ورودك فيه
ذبلت الورد و ماتت الوردة غرقا بدموعها
كلما كبر حبي كلما كبر المي لماذا
هل هكذا انت مرتبط بألم عندما تمر بي تتذكر ان تجلب معك الألم
ارحمني وانساه مرة و تعالا وحدك أيها الحب
ما ذنب هذه الروح الرقيقة التي تفني نفسها ليحيا المحبوب
سأتركك أيها الحب لن أقبل ورودك ان شوكها يدمي قلبي
ياسين بقا زي الأطرش في الزفة مفهم والو كيشوف فمو جاالسة و سااااهية معرفش لاش رفضات و هي كانت ديما تقول نهار لكبير عندها تشوف بنتها مزوجة و بدارها و نهار جا هاد نهار رفضات
ياسين “قرب حداها و سولها” …….. الواليدة علاش رفضتي سيد و نتي عارفاه ولد ناس و باينة فيه باغي سامية انا شفتو معقول
صالحة”شافت فيه ” …….. انا عاارفة مصلحة بنتي “تكات سامية على الحيط كتسمع ”
ياسين …….. مقلناااش لا و لكن شنو سباب ،؟؟؟
صالحة”قصحة هضرتها معاه ” ……… مكاين حتى سبب و مغنشرح لحتى حد هاديك بنتي و انا حرة فيها
سامية”بصوت مرتجف” ……… و لكن انا بغيت نعرف شنو سبب !!!
صالحة ” هزات عينيها فيها ” ……. شتك نتي لي وليتي والداني سيد مططلق و عندو لولاد عمرو لكان ليك و سيرو تنعسو مطبخوش لي راسي
ياسين “ناض باس راسها “…….. لي بان ليك اميمتي لمهم هانا مشيت تصبحو على خير..

صالحة ناضت مشات لكوزينة جمعاتها و بالها في القرار لي خدات و غير تبغي تفكر فيه كتبان قدام عينيها صورة ولادها لي عاشو بعاد على باهم و كانت دعوتها فكل ليلة لا سماحة لي كان حيلة و سباب وكتلقا بلي نفس صورة غتعيشها بنتها بشكل عكسي و تكون مرات الأب لي بعدات راجل على ولادو واخا هي متأكدة من تربية بنتها ولكن بناقص من هاد زواج لي غيجبد عليها غير الصداع و المشاكل
سامية دموع نازلين شتا من عينيها غير تمسحهم كيرجعو يجريو …دموعها و خانوها و مقدراتش تسيطر عليهم كتاصل بياسر تطمأن عليه مكجاوبهاش و فلخر طفاه تشغل بالها عليه و خصوصا فاش شافتو خرج فهاديك الحالة و كتشوف زهرها و زهرو فلحب يكونو ضحايا ولفاتو فحياتها دماغها كيدي و يجيب ولقات بلي ترتيبنا فالحياة شيء و المكاتيب شيء آخر بقات كتقلب فبلاصتها من جنب لجنب و نعاس طار من عينيها و نبض قلبها الؤلم فكل نبض كيقول ما ذنبي!!!

ياسر غير وصلهم و كسيرا للمجهول بقاااا غير غادي و عقلو مكااينش خسر حبيبة قلبو خسر سامية بلا سبب لا منو و لا منها و ذنبهم بغاو بعضياتهم شاف اتصالها و قطع و طفاه و لاحو عليه ممستعد يزيد يسمع حتى حاجة قلب راجل لي كيبغي من قلبو و كيتجرح كضلام دنيا فعينيه و هادشي لي حس بيه دنيا ضلامت من القهر بقا مكسيري ب 120 وسط المدينة شوية بان لكاميو كيضرب عليه ضو و ياسر عاد فاق كيشوفو قرب منو بززااف و صوت لفران سيك تسمع عندهم بجوج

🌸 الجزء 109 🌸
⁦✍⁩بقلمي……………………زهرة محمد
*لا تخبئي الكلام*
مني السلام على من لست انساهم ان غابوا عن العين في القلب مأواهم”
صوت لكلاكصون ديال لكاميو و ضو “لفار” خلا ياسر يفيييق و يحس بالخطر لي كان قدامو عرق نزل ليه من ظهرو دغيا دور لفولون لجهة لخرا و جهد باش كان غادي خلا طوموبيل كدوور و فقد سيطرة عليها و خرج فشجرة هي لي وقفاتو ربي شاف من جهتو موقع ليه والو تكا على لكوسان كيرجع نفس و يحيد الخلعة لي شداتو هبط شيفور هاز فيديه بيل كبير كيقفقف كيسحاب ليه مات لقاه مرجع راسو و مغمض عينيه حركو من كتفو باش يطمأن عليه
شيفور”بخوف “……… ولدي كتحس براسك بيخير ؟؟؟
ياسر ……. اه ااه انا ممزيان شكرا
شيفور شاف لكابو “لباب لقدامي ديال طوموبيل” مهزوز و مشا يشوف اش طاري خرج عندو ياسر مزال دايخ سيد شعل بيل و حل لكابو كيشوف لقا طوموبيل ممخبوطاش بزاف غير لباب عواج و مكيتسدش
شيفور”حيد لكاسكيط و بدا يحك فراسو” ……راه مزال ديماري اولدي ولكن الا بغيتي نعيطو لديباناج
ياسر……. ماشي مشكيل غنكمل بيها هاكا حتى لدار الله يحفظك غير توكل على الله
شيفور ……. واش قاد تصوك كتبان لي مزال دايخ !!!
ياسر “ضرب ليه على كتفو” …… قاد قاد غير سير
ركب ياسر و كيقول الحمد لله خرجات سليمة شي صدقة وقفات ليه و ربي حفظو من هاد لكسيدة ديمارا و زاد لدار حل و دخل لقا رانيا جالسة فصالون مزال فايقة كتهضر مع غيث شافتو و ناضت عندو
رانيا …….. خالي سااافا؟؟؟
ياسر “حالتو متعجب لا عدو ولا حبيب” ….. الحمد لله “شافتو غادي لبيت و وقفاتو ”
رانيا ….. خالي بغيت نهضر معاك اجي
دار ليها خاطرها و تبعها بخطوات تقااال و دهشة لكسيدة مزاااال مأثرة عليه كيتمنى هاد الليلة طويلة غير امتا تسالي
ياسر …… رانيا اش بغيتي؟؟؟ راه معنديش راس و مباغي نسمع حتى كلمة
رانيا ……… قولي لي اش غدير ؟؟؟ مسكينة سامية خليت حالتها حالة واش غتستسلم و مدير والو
ياسر …….. رانيا انا ماشي دري صغير و شوفات لي شافت في مها راه كيعنيو عمر سامية تكون لي و متخافيش عليها ايام و غتولف و تنسا
رانيا ……… و نتا غتنسا!!!!!!!! ضحيتي بكلشي باش تنسا؟؟؟؟؟
ياسر ” حكات ليه على ضبرة ” …. غنحاول “تنهد و ناض مشا ” تصبحي على خير
ياسر دخل و جلس و حط راسو على يديه كيفكر و كيحاول يشوف اش يدير بقااااا شحااال فديك الوضعية حتى ضرو عنقو و ناض حيد Vيست و مدد جسمو فسرير يرتااح بقا ليييل كلو و هو يفكر و خدا قرار لي مغيرجعش فيه

انقضى الليل الطوييل و جاء الصباح برائحة الحزن و الوداع ناض ياسر كيحس براسو عياااان وهو نعاس مجاش لجهتو مشا خدا دوش و لبس و دا طوموبيل لاجونص منين كراها عطاهم شيك كتعويض للخسائر و مشا قاد شغلاتو دوز نهار كلو على برا ما رجع لدار حتى فات المغرب

🌸 الجزء 110 🌸
⁦✍⁩بقلمي……………………زهرة محمد
*لا تخبئي الكلام*
قربك و ابتعادك ..
انا اقف بينهم في المنتصف !!
حين اقترب منك اكثر
اريد الابتعاد
وحين ابتعد
اريد العودة للقرب منك
و يظل قلبي متأرجحاً في حيرته
تائهاً في احاسيسه
عاجزاً عن التفكير
وتظل كل القرارات صعبةً مستحيله
… مؤلمة !!
سامية فاقت معطلة وجها داابل تاصلات برانيا تجي عندها و تخمامها كلو مع قرار مها لي خداتو بلا ما تفكر ولا تسولها مفهماتش لاش رفضات بقات كضرو ليها جملة وحدة فراسها ” رااجل مطلللق و عندو لولاااد عمرووو لكان ليك ” الطلاق ماشي عيب ماشي هو لول و لا لخر احلامها تبخرت فلحظة دافعات على حبها لياسر قدام مها و قالت ليها هو لي بغيت قلبها تعصر حيت تحدات مها و بسبتها خلات دموعها ينزلو و تقطع كلامها….
سامية متكية و معنقة تلفونها على امل يتاصل دموع محجرين فعينيها معرفت فين تعطي راس جهة من ياسر لي بغاتو و تمنات حياتها تكمل معاه و من جهةاخرى مها لي قالت لا بلا متفسر ليها….
رانيا حداها كتواسي فيها ما حيلتها لصاحبتها لي غتحماق بلبكا و لا يبقا فيها خالها لي فرحتو مكملاتش حتى كتقرب ليه و ضرب ديميتور
رانيا “حتى هي كتبكي”……. عفاك اختي باركة من لبكا شوفي لو كان خير ربي ميبعدكش عليه و نتي عارفة هادشي
سامية” ……. كنبغييه ارانيا “كتبكي و بصوت متقطع ” كنب بغيه اهئ اهئ وبغغيييت نفهم اش فيها إلا مطلق انا قاااابلة عليه معنديش مشكييل
رانيا ……. واش باغا تاخدي سخط من مك خليها حتى تبرد و حاولي تهضري معاها نوضي تاكلي الله يرضي عليك
سامية حلفات لحطات نعمة فكرشها دايرة ليهم لعزا فدار من ياسر تخلاق روحها تعلقات فيه و فنفس الوقت عارفة الحاجة الا موافقوش عليها الوالدين ربي مكسهلش فيها
سامية”وجهاا صفاار …. كنحس بروووحي كتحرق” شافت فيها بترجي” رانيا عفاااك اختي تاصلي بيه نهضر معاه غير كيشوف نمرتي كيقطع نشوفو غير واش لباس
رانيا “سكتت و قالت فخاطرها غتعرف غتعرف” حبيبتي سمعي لي نتي صاحبتي و كتر من ختي و فرحت لو كتاب و كنتي مرت خالي و لكن يقدر ممكتابش تكونو بزوج صافي حاولي تنساي و بلا ما تاصلي بيه
سامية” كل كلمة كتخرج من فم رانيا كتخليها تموووت …… علاش كتقولي هاكا واش مبقاش بغاني !!!! صارحيني اش كاين !!؟؟؟
رانيا “هبطت راسها بأسف” …..خالي عندو طيارة مع 22 د ليل غيرجع للإمارات شاف ولادو و خلا ليهم كارت كيشي ديالو باش يصرفو و ودعهم حتى هما و قالي نعطيك هاد الرسالة شداتها و يديها كيترعدو كتقرا الكلمات و تبتاسم وسط دمووع
😭😭😭

#الرس______الة
الى حبيبتي الغالية وعمري وحياتي
ها انا ذا اكتب لكي كلمات الاخيرة لاودعك الى الابد حبيبتي
أنت تعرفين أن طيفك ما زال يراود قلبي وعينك أراها عند كل رمشة لعيناي أسرح بفكري دائما أتذكر
أتذكر إبتسامتك الهادئة والتي تشعل نار قلبي كلما تخيلتها
ما أصعب ان يعيش المرء شيئا منتهيا
وما أصعب ان ينسى شخصا شاركه روحه وقلبه ولكن كيف لقلب أحب وعشق أن ينسى كيف له حتى ان يتناسى
– أروع حب عانقته في حياتي كلــــــــــــــــــــها
– أروع لحظــــــــــــــــات قضيتــــــــــها آآآآه ه ه
– كم كان فراقك مر
– كم كان صعبا
رحل حبي بلا وداع رحل من بين يداي وأنا أبكيه
رحل ولأول مرة يرحل بدون أن يقبلني
ماذا عساي أقول
العين تهدر دمعها كلما ترى طيفك
والقلب ينزف ألما من حر بعادك
ما أجمل الحب الصادق
ولكن ليس هناك حب جميل الا ونهايته مؤلمة
ما اقسى الدنيا من بعدك وما أصعب الحياة بلا حبك
لا أفكر بحب غيرك
لا أريد إلا بريق عينيك ودفئ يديك ولهيب شوقك
حبيبي ها أنا آتى إليك أحمل لك الأمانة التي تركتها والتي تتراقص شوقا لرؤياك
حبي أتذكر تلك الكلمات الحانية التي اهديتني اياها في صندوق عشق مملوء بالشوق
قولــــــــــــــــــــــــــــــي حــــــــــــــــبــــــــــــــــــــبــتــــــــــي
الحب جميل والأجمل أن يفي المحبوب لبعضهم البعض سأظل أحبك إلى الأبد
فأحبني كما احببتك
لأني لا أحب أحد سواك
آه ما أروع الحب وما أصعب فراق الحبيب
إلى اللقاء حبي وحياتي وأتمنى لك حياة سعيدة
مع قبلاتي الحارة الى احن واحل حبيبة
أحبك وسأظل أحبك ما حييت
نــــــــــــــــــــــــــهــــــــــــــــــــــــايــــــة حــــــــــــــــــــــبــــــــــــــــــــــــي

🌸 الجزء 111 🌸
⁦✍⁩بقلمي……………………زهرة محمد
*لا تخبئي الكلام*
نور جبدات ادواتها تخدم حيت المدرسة الأمريكية حددات موعد إجراء الامتحانات جالسة فنموسيتها و مضورة بيها الوراق و كتخدم ب pc عندها 20 يوم و غدوز كتخدم باش تكون من الاوائل و تفوز بالمنحة كتراجع و مركزة مع داكشي لي قدامها حتى صونا تلفون و بدات تهز فلوراق و تحط و تقلب فين كاين حتى قرب يسالي عاد لقاتو وسط كتاب شادة بيه صفحة ناضت من سريرها و جاوبات
نور “جلسات قدام مرايتها” ……. ااالو
ياسين …….. سلام لباس عليك؟ ؟؟
نور “حسات فنبرة صوتو بلي مزال مقلق” …. اللحمد لله وو ننتا ؟؟
ياسين ……. الحمد لله مشيتي لحصة ليوم ؟؟
نور ……. خخلينا من الحصة ققولي علاش ممقلق اش درت ؟؟؟
ياسين ……. مكين حتى حاجة انور
نور ……… باايبنة ففيك مقلق و كتقول مكاين والو وواش غرتي ممن جون ؟؟؟
ياسين “تزير” ……. حيت صراحة مفهمتش نوع علاقتكم كضحكو و معنقك وجودي فحال عدمو و ديري فبالك راجل لي مكيغيرش ماشي راجل و انا راااجل و نتي كتخصيني
نور …….. ححبيبي ججون صديقي و عزيز علي شنو نقوليه ممتهضرش ممعايا ؟؟!!
ياسين…….. واخا واخا بقاي معايا متقطعيش
مشا عند مو لقاها شادة تسبيح و مقابلة مع تلفازة باس راسها و صبح عليها و سولها واش خاصاها شي حاجة من برا
صالحة ……. للا اولدي مخاصني والو غير متعطلش على لغدا
ياسين …….. مديروش حساابي عندي شي غراض و غنتعطل
صالحة ……… ايه اوليدي جيب لي معاك هاد دوا راه ناضو علي ركابي تاني “مدات ليه ورقة دوا ”
ياسين ……… واخا كوني هانية فلعشية نجيبو ليك يلاه الله يعاونكم
صالحة” كتمسد فركبتها” ……… الله ينقي طريقك اوليدي بسلامة
خرج ياسين و دعوات مو صابقاه رجع تلفون لودنو لقا نور مزال كتسناه هضر معاها بنفس طريقة حيت جون مكيتهضمش ليه
ياسين …….. مزال هنا !!
نور ……. وي jje suis là
ياسين ……….. لي بغيتك تعرفي الإنسان لي كنبغيه خاصو يكون يحترمني فغيابي انا مقلتش تفرقي معاه ولكن صداقة عندها حدود و لي شافكم ميقولش صحاب “ركب و ديمارا طوموبيل” كنضن هضرتي واضحة و منبغيش نعاودها باش منلقاوش المشاكل من هنا لقدام
نور”كتلعب بشعرها” …… ممزدتيش ففيه !!
ياسين ….. .. نوووور كلامي مفهوووم
نور”زعزعها صوتو” …….. ااه اه مممففههوووم
ياسين …….. يلاه سيري كملي اش كنتي كديري نسالي و نتاصل بيك
نور …… تتسنا ممتقطعش
ياسين “دار لكيت باش يقدر يصوك مرتاح” …… شنو كاين ؟؟؟

نور …….. ممنسيتي واالو !!
ياسين …….. اشنو نسيت انور ؟
نور”تعصبت” …….. ممن صصباح و نتا نور نور نور نور نور
ياسين ” دار نصف ابتسامة” ……. دابا علاش معصبة
نور …… ششوف كيف كتهضر و تأمر و حتى ككلمة ززوينة مقلتيهاش
ياسين “تنهد و حاول يرطب” …….. مال زوينة ديالي معصبة شكون عصبك نتفاهم معاه
نور ……. ننتا من صباح و نتا كتغوت علي و انا مدرت واالو
ياسين ……. ههههههههههه ولايني مكنسواش خاصني لعصا حبيبتي راني صايك نسالي و نتاصل بيك كنبغيك بزاف بزاف

🌸 الجزء 112 🌸
⁦✍⁩بقلمي……………………زهرة محمد
*لا تخبئي الكلام*
دائما تهاب المواجهة
قف لمرة واحدة وأجبني
هل لديك الجرأة أن تعلن للعالم أنى محبوبتك ؟
هل لديك الجرأة أن تثبت لي حبك ؟
هل لديك الجرأة أن تقول سأتحدى كل العالم لأجلك ؟
هل تستطيع أن تقول أمام حشد كبير من الناس أحبك ؟
كل يوم أواجه مطر من التساؤلات
كوابل من الرصاصات
وأنت تهدد هذا وذاك
من أن يقتربوا منى ,,,
وتحيطني بأهازيج بائسة
من الكلمات التي تخلو من أي فعل !
من كلامي لا تنفعل
ولا تدع نيران قلبك تشتعل
لا أريد أن أسمع ما تقول
فمشاهدة الفعل يكون له وقع بالقلب أجمل
ولشدة أسفي ..
مثلك مثل باقي الرجال
تكثرون الكلام دون أفعال !
ولمثل هكذا رجال لا أعلم ماذا يقال ؟!
سامية قراات رسالة و تيقنات بلي عمرها مغتشوف ياسر مزال خدا قرار الوداع بلا ما يهضر معاها و لا يشوفو شي حل دفن حبهم و فضل يهرب و ميواجهش مها و يخليها توافق برضاها شافتو جباان و مقدرش يدافع عليها ناضت وقفت و هي كتمتل القوة بدات تمسح وجهها من دموع اما قلبها مقسووم حتى مابقا فيه ما يتجمع حلات لبلاكار و لبسات سروال دجين و قميجة مخططة بلحمر و لكحل صيفية دارت تلفونها فسروال و هزات سوارت
سامية “تحت عينيها طايب بلبكا” …… يلاه ارانيا
رانيا “شافت فيها مستغربة”……. فين غنمشييو ؟؟؟
سامية” خرجات لقات مها متكية” ….. ماما ” شافت فيها بمعنى كنسمعك” ….. غنمشي مع رانيا باغا تشري شي حاجة و نجيو
صالحة”ناضت جلسات” ……. وقت لغدا دابا اشمن شرا كاين تغداوو و سيرو
سامية مبغاتش تزيد تعكَّس مشات هي رانيا لكوزينة سخنو لغدا بقا نقي من لعراضة ديال لبارح دارتو ففران ضو و تكاات على طبلة تخمم و رانيا واقفة معاها و مفاهمة والو و معارفاش اش كيضور فراس سامية عيات تسول كتقوليها حتى نخرجو حطو لغدا و معاه قرعة لمونادا دارو يديهم اما سامية لما كدوزو بلكشايف بقات غير حاطة يديها و كتشوف فيهم حتى سالاو و ناضت جمعت طابلة و خلات لماعن حتى ترجع ليهم خرجو مع لباب و سامية هابطة كتجري مولفة دروج و رانيا بغات تبعها شوية كانت غتحسب سنانها وصلات عليها كتسول
رانيا …… و هاحنا خرجنا قولي اش باغا ديري ؟؟،
سامية “كتزرب فلمشية ” …….. غنمشيو لداركم خاصني نهضر مع ياسر قبل ما يمشي
رانيا ……. متأكدة من هادشي اسامية ” شداتها من دراعها ووقفتها” واااش متأكدة ؟؟،
سامية” وقفت و شافت فعينيها ” …….. اه متأكدة من أي وقت قبل ما يسافر خاصو يسمع واحد جوج كلمات

كملات طريقها و نار فقلبها شاعلة بان ليها طاكسي شيرات ليه باش توصل دغيا ركبو و هما ساكتين غير رانيا لي قالت لشفور الوجهة اما سامية حطات راسها على زاج وصورة ياسر بين عينيها تفكرات اي حاجة دازت بيناتهم..
10 دقايق وقف طاكسي حدا لباب هبطو و خلصاتو رانيا و مشات حلات لباب و دخلات لقاو فتيحة يلاه سالات تسياق شافت سامية و سلمات عليها
فتيحة ……. اهلا بنتي لباس عليك؟ ؟
سامية ” عنقتها” …….. خالتي سمحي لي عفاك مكنتش متوقعة هادشي غيطرا
فتيحة…….. متقوليش هكا نتي بنتي و غتبقاي عزيزة واخا يوقع لي وقع و زيدون زواج قسمة ونصيب غير نتي متقلقيش راسك
رانيا …….. ماما فين خالي؟؟؟
فتيحة”مشاو لصالون “……… يلاه دخل ابنتي مشا يجمع لي خاصو راكم عارفين بغا يرجع الإمارات ليوم بليل
سامية “حشمت منها” …….. خخالتي عفاك ممكن نشوفو نهضر معاه
فتيحة……. اش غنقولك ابنتي هو كاين فلبيت “يلاه بغات تعيط ليه ”
سامية ……. بلاش اخالتي خليني انا غنمشي عندو
سامية ناضت و الافكار كيضاربو فراسها واش تصرفها صح ولا الغلط لمهم عندها أنها تهضر معاه و ضميرها يرتاح بلي تمسكاات بيه حتى لآخر لحظة

🌸 الجزء 113 🌸
⁦✍⁩بقلمي……………………زهرة محمد
*لا تخبئي الكلام*
سامية حطات يدها على لبوانيي و دخلت كيبان ليها ياسر جالس و حاط راسو على يديه غير سمع لباب تحل و هز راسو شافها ووقف بزربة ممصدقش بلي سامية واقفة قدامو للحظة قال مع راسو يمكن تهيأ لي بقات واااقفة و مربعة يديهاا و كتشوف فيه لكلام تنسا ليه سكت خشا يديه فجيب سروالو و نطق بجوج كلمات
ياسر “بصوت منكسر ” ……. سامية لاش جيتي،؟؟
سامية ………ونتا لاش خليتيني نبغيك ؟،؟
ياسر”طأطأ راسو ” …….. ماشي لخاطري اسامية
سامية”عوجت فمها لجنب” ………. وليت سامية ياك “كضحك و دموعها هابطين” مكنتش عارفاك ضعيف و ضغيا غتسمح في ندمت حيت بغيتك كنت كنحلم غنعيشو انا وياك فحال ناااس و قلت غتعوضني على الأب ديالي لي معشتش معاه و حتى صورتو معارفاهاش “هزت كتفها بقلة حيلة” ولكن نتا دفنتي هادشي كلو فلحظة بلا ما تفكر في و لا بشنو كنحس جيت نقولك ششكرا حيت احساس جديد حسيتو يمكن كون حستيه مغتخلينيش انا دابا فقت من هاد الحلم لوااقع خليتيه مر
ياسر هز فيها عينيه كانو غيطرطقو من لحمورية بسبب كل كلمة خرجات من فمها دبحاتو قرب عندها و عنقها و خشاها فحضنو بقات فيه و بقا فيه راسو متقبلش تكون بعيدة عليه و فضل يهرب شاف راسو حارب و فلخر خرج خاااسر
سامية ” باقا فحضنو ” …….. كنبغيبك!!!
ياسر ” صاط نفس حاارة” …. و انا كنموووت عليك
سامية “شافت فيه” ……. و لاااش غتمشي و تخليني واش مكنهمكش مغاتحاربش على قبلي قلتي لي عمرك تخليني و دابا فأول عثرة غتهرب
ياسر …….شوفي في ملقيتش حل مبغيتش نوقف قدام ماماك و هي رافضاني
سامية……… هضر معاها تقدر توافق حاول
ياسر …….. هانتي قلتيها تقدر ماشي أكيد مبغيتش نعيش على أمل و نتصدم من بعد نتي محاساش بالعافية لي شاعلة في واش كيبان ليك مسافر و انا فرحان انا كنهرب من عذاب فراقك و هو تابعني اسامية
سامية………شوووووت عرفت دابا بلي حبك كان كذبة عيشتيني فيها مخليني فنص طريق معرفتش واش نرجع و لا نكمل فعذابي راسي”نفسها تقطعت بلبكا” ندمت ندمت على نهار لي شفتك فيه و حتى دابا طريق سلامة
ياسر “سد لبيت بساروت و عرف بلي اي كلمة قالتها ماشي من قلبها شد بيدها و جلسها فوق سرير و هو تقابل معاها و جلس فكرسي شاف بلي لهروب ماشي حل عض على شفتو لتحتانية و مع كل شوفة فيها كيزيد يتغرم بيها
ياسر”مسح دموعها” …. انا بين يديك ا اميرتي لي طلبتيها نفذها بلا منفكر
سامية “تنفست الصعداء “….. معرفتش نتا شوف شنو تقدر دير

ياسر” باس يدها ” ….. واخا ا اميرتي منقدرش نقول لا قولي لي نهضر مع خوك هو لول و من بعد نهضر مع ماماك اااخ معرفتش كيف كنت نقدر نعيش و انا بعيد عليك
سامية …….. لمهم راه خاصني نمشي مبغيتش نتعطل
ياسر …….. بقاي شوية ممزال لحال و نيت نوضي خوي لحوايج لي فشانطة و ديريهم فلماريو و وخليني نتاصل نلغي الرحلة
ها انا عدت يا حبيبتي
عدت اليك حاملاً اشواقي
عدت لانثر نبضات قلبي بساطاً لك
عدت لانسج من همساتي عقد يليق بعنقك
حبيبتي
اتيت وكلي اشواق الى همساتك .. انفاسك .. جنونك
اتيت من بعيد اركض اليك حباً وجنوناً وبمعيتي حدائق من ازهار اهديها اليك
اتيت بكل معالم الحب والغرام التي كبلتني في غيابي عنك ولم تغب ملامحك
فكلي شوق .. وحنين .. وجنون بك #يتبع حبيباااتي و بانو ولا نخليها تمشي من هنا و هو يسافر من لهيه ههههههه 🚶🚶🚶🚶

🌸 الجزء 114 🌸
⁦✍⁩بقلمي……………………زهرة محمد
*لا تخبئي الكلام*
كملات ليه حوايجو و قاداتهم تحت نظراتو شافها سالات و وقف سد باب لماريو و بقا حاط يديه بجوج ساد عليها طريق و هي مقابلة معاه كضور فعينيها
ياسر ……. هاهي رحلة تلغات و لكن مغيرجعوش لي فلوس و نتي غتخلصيهم
سامية”بكل براءة ” …….. و شحال هاد لفلوس ؟؟؟
ياسر”كيدوز ايدو على حنكها ” ……. 8000 درهم احبيبتي
سامية “حطات يديها بجوج على فمها و رجعت حيدتهم” ……. مزيانة فيك نتا لي باغي تمشي و تخليني هادوك تمن دموعي و نعاس لي مشفتوش
ياسر”باسها فعينيها” ……. دموعك معندهم تمن و مبغيتش نشوفهم مرة أخرى كينزلو من عينيك مفاهمين و فلوس دنيا تمشي غير نعيش ما بقى من حياتك معاك ولكن دابا بغيت نستغل الوضع و نخرجو غدا ندوزو نهار بجووج و مترفضيش بلييز
سامية “شادا ليه فيديه …….. منواعدكش احبيبي و الوضع فدار مكهرب
ياسر” عجباتو كلمة حبيبي” ……. شكون انا ؟؟؟
سامية “قالتها بشوية” ………. حبيييبي
قرب و باسها فخدها و ساااد صمت بيناتهم و دقاات قلبهم ارتفعت و ياسر عينيه كتحفظ ملامح سامية كتر و كتر حناكها توردو من الخجل ومن قربو ليها …دم بدا كيجري فعروقو هبط راسو لعندها و صبرو تقادا محس براسو حتى نغامس معاها فقبلة حب خلات قلوبهم يتاحدو كتر سامية محساتش حتى شداتو من خصرو حيت رجليها خانوها حس بيها و شدها من ظهرها و قربها لييه بلا ما يقطع هاد الاحساس جديد لي حسو معاها كانت قبلة رومانسية بامتيااز حبساات هي اما هو تمنى لو ان لوقت يوقف
سامية ” كتقيص وجهها لقاتو غيطرطق بسخونية ” ….. عفاك حل لباب راه تعطلت
ياسر باس راسها و شد فيديها حل لباب و خرجو سلمات على صاحبتها لي فرحت ليها بعدما طلباتها تشرب اتاي معاهم خرج معاها ياسر لبرا بغا يوصلها ولكن طوموبيل مكيناش و حتى هي فرحت حيت غرقت فحوايجها من الحشمة ودعها و هي مشات تجري و شعرها كيطير مع برد لعشية خدات طاكسي و مشات لدارهم هبطاات لقات خوها كيبلاصي فسيارتو شافها و عيط ليها مشات عندو بخطوات سريعة و طلعات جلسات حداه
ياسين “سكت طوموبيل “…….. فين كنتي؟ ؟؟
سامية……. ككنت خارجة مع رانيا
ياسين ….. ممممممم اوا صافا
سامية ……. صافا و نتا ؟؟؟؟ ملي جيتي مهضرناش كيف موالفين
ياسين …… وايييه سيمانة ضغيا طارت دااابا نريحو و نجمعو كيف كنا قولي لي اسامية سيد لي جا خطبك باغاه ؟؟
سامية سكتت و متوقعتش سؤالو تلفات و معرفتش اش تقول و توتر باان عليها شافت فيه و جاوباتو بكل صراحة

سامية “حانية راسها و كتهضر ” ….. هو ضريف و كيبغيني و راك شفتي ماما رافضاه معرفتش علاش
ياسين …….. هادشي عارفو ولي معارفش واش حتى نتي باغاه ؟؟
سامية ……. آ ا ه زعما ضريف و صافي
ياسين “سمع جوابها و قال” ……. و ملي هاكا انا مستعد نهضر مع الوليدة واخا غضور في و لكن هاانية لمهم نشوفك فرحانة
سامية…….. بصصصح حلف حلف “نسات راسها و بدات ضحك غير بوحدها” الله يخليك لي
ياسين ……. هبطي هبطي و نتي زعزعتي بينا طوموبيل
سامية عنقاات خوها لي كان و غيبقا دااائما مصدر قوتها فحالة ضعفها هبطو و هز معاه داكشي لي جاب بارزيان و كراصون على الاشكال و الانواع باش يديرو لكوتي
قف قليلا ثم واصل. وبعد الصمت تحدث. وكل ما حصل فهو حاصل. وكل ما حدثَ فهو حادث. وبعد الحزن تشرق الشفاة ببسمة تنير محيانا

🌸 الجزء 115 🌸
⁦✍⁩بقلمي……………………زهرة محمد
*لا تخبئي الكلام*
كما يقال
“وما دليل الفؤاد غير اللسان”
وهذا صحيح ..
فالجزء الأكبر من السعادة في وصفها ..
وكل الحزن في مشاركته…
حتى وإن كنتي ممن لم يختار أن يكون كتوما…بإرادته..
اما عجزا
أو عيبا
أو خلقا
أو ممن تتعثر بنات الشفاه ..عند حافاتها..
فبإرادته يستطيع أن يعبر…
فقط احكي..!
اشكي!
ابكي!
فالنظرة لغة ..
والدمعة لهجة..
والابتسامة لكنة..
والخفقات… حروف وأدوات إشارة…
ياسين حل لباب و دخل هو سامية يضحكو حتى وقفو كيشمو ريحة القهوة سامية مشات تجري بدلات و لغمة لي كانت فقلبها تنفسات و ياسين مشا دخل لكوزينة لقاها غتهز بلاطو فيه جوج طيرموسات واحد فيه الحليب و تاني فيه القهوة هز عليها لبلاطو و هي بقات تقطع و تقاد داكشي لي جاب و باين فيها مقلقة و خاطرها منكسر من نهار العراضة فاش رفضات ياسر ملي تقدم لسامية هي متشبتة برأيها و لكن قلب الام حن على بنتها لي شافتها مبدلة
قادات طبلة و لتاحقات بيهم سامية و جلسات مقابلة مع خوها تاكل و هي ساكتة حتى هضر ياسين مع مو
ياسين ……. ميمتي راه جبت لك دوا لي وصيتيني عليه
صالحة ” كتردد الأذان مع تلفازة ” …..الله يرضى عليك اولدي” لا إله إلا الله ” رضيت بالله ربا وبالإسلام دينا و سيدنا محمد نبيا ورسولا
ياسين …….. نوضي صلي اميمتي و جي حدايا بغيت نهضر معاك
صالحة “دارت عندو ” …… ياك لبااس اولدي
ياسين …….. مكين حتى باس الوليدة غير صلي و جي نهضرو
صالحة ناضت تصلي و لخوت كملو ماكلتهم فضحك و كيف سالاو ناضت سامية جمعت طبلة و جات جلسات لقات مها سالات صلى و جالسة حدا ولدها كتسمع ليه باغا تعرف شنو هاد الموضوع ياسين خدم صرامتو فهاد الموضوع و قصح هضرتو
ياسين “هز وسادة و حطها فوق رجليه” …… لواليدة سيد لي خطب سامية لاش رفضتيه؟؟
صالحة “شافت فبنتها و رجعات تقابلت مع ولدها ” ….. ماشي مناسب ليها و قلت لك مدخلش
ياسين …….. لا راه ختي و من حقها تعرف خاصنا نعرفو شنو سبب من حقها تعرف هي صاحبة الأمر واش مبلي ؟؟ لا.. سكايري ؟؟؟!! لا…. بان لي سيد عادي مزيان داك نهار كنتي معصبة قلت بلا ما نحكرو
صالحة ……. و حتى دابا متحكرش و انا عاارفة اش كندير “جات نايضة تهرب من كترة اسئلتو و نظرة اللوم و العتاب ديال بنتها ”
ياسين “شد فيدها” …… جلسي امّي الله يخليك جلسي مزال مساليناش الموضوع
صالحة ……. اش غنقول ليك سيد مطلق و عندو ولادو معندنا مانديرو بيه الله يسهل عليه فجهة أخرى

ياسين …….. ميمتي الله يهديك راه طلاق ماشي عيب ولا حرام و زيدون بنتك باغاه واش غتوقفي قدام سعادتها
صالحة “وجهات هضرتها لبنتها” . …. مبقاوش فيكم دوك لولاد لي غيكبرو بعيد على باهم غير قولو لي نتي مكرهتيش كون عشتي مع باك لي سمح فيك و كبرتي بعيدة عليه … من شحال ونتي كتسولي عليه و تنقول بلا ما نهضر فلي فات خلي صورتو زوينة عندك و سمعي بنتي اسامية باك بسباب مرا بعد عليكم و طلقت منو حيت مرضيتش يجيب علي ضرة و انا مبغييتكش تعيشي مع سيد و تولدي ولادك و ينسا ولادو لخرين فهمتي علاش رفضتو نتي غتكوني سباب فبعادو عليهم و غيحقدو عليييك واش فهمتو ولا لا دوك لولاد شنو ذنبهم هضرو مالكم سكتو نتوما حاسين لعيشة بعيدة على لبو كيف داير و انا كرهت كرهت راجل لي يسمح فولادو و يتزوج واخا تكون بنتي
صالحة بقات تهضر و تنهج حتى فرغات ما فقلبها و ناضت لبيتها تعرج برجليها بسبب ركابي لي ضارينها
ياسين تنهد و مع كان كبير وعاش مع مو هاد المعانات اما سامية اول مرة سمعت هادشي حلات فمها من صدمة معرفت باش ترد بقات غير ساكتة و كتشوف كانت راسمة لوحة جميلة لباها لي مشافتوش ولكن هاد رسمة تهرسات

🌸 الجزء 116 🌸
⁦✍⁩بقلمي……………………زهرة محمد
*لا تخبئي الكلام*
فباب دار غيث ساعة وهو جالس فطوموبيلتو كيتسنا فحبيبتو باش تخرج من دار موجد ليها مفاجأة حاط راسو على لفولون بقا متكي حتى سمع دقان فزاج هز راسو لقا لبلوة مبتاسمة و كتشوف فيه صيفطات ليه بوسة فلهوا و دارت طلعات حداه و عنقاتو قبل ما يبدا يغوت عليها هادي هي قضية زرب عليه قبل ما يزرب عليك رجعات لبلاصتها تسبل فعينيها كيف لمشة و هو دار يديه على حنكو و بقا كيشووف كيفاش كان معصب و برد فثانية شد يديها بجوجهم و باسهم بكل حب
غيث …….. اش درتي في مممم!!! ساعة و انا كنتسنا و بحركة منك خليتيني نسا اش درتي هادا سلااح نووي قوي لي مخدمة معايا مرة مرة ديريه غينفعك في الأيام جاية
رانيا …….. ههههههههه عرفت راسي تعطلت و باش بلا ما تنكر قلت ندافع على راسي بهاد طريقة 😜
ديمارا و هو غير كيدور فراسو و يمشط لحيتو الخفيفة بصباع يديه مركز مع طريق و سولاتو
رانيا”كتبقشش على لكلي لي فيها الاغاني …… حبيبي فين غنمشيو ؟؟
غيث ………. مفاجأة ابب “مع غمزة”
رانيا …….. مغنطلبكش غير صوG
خدمات لكلي لقات فيها غير أغاني غربية بقات تقلب تقلب و معجبتها حتى حاجة و غيث مراقبها بنص عينيه و يضحك فلخر جبدات تلفونها و برونشاتو و خدمات الأغنية لي عجبتها كانت نانسي كتغني
حبيبي قرب بص بص بص
زعلان ازعل نص نص …..
تغني و تشطح و غيث عاجبو هبالها مع سالات لأغنية وقفو قدام لمول غيث سكت طوموبيل و هز قرعة لما صغيرة كان فيها نص خدا جغمة و مد لي بقا لرانيا كملاتها و هزاتها معاها باش تلوحها هبطو و شابكو يد بعض و تمشاو شوية و غيث سد سيارتو بلكونطاكت زادو بخطوات ثابتة داخل لمول لي كان عامر بناس بقا غادي بيها فممر خاص بالذهب تما غير المحلات لكبار سيكيوريتي واقفين عند بابو دخلو لأول محل مكانش فيه ناس دخلو و كيبانو مخطوبين وهادشي ميخفاش على صاحب المحل لي كيزورو العديييد ديال لي كوبل فنهار …
غيث ……. السلام عليكم
صاحب المحل ……. و عليكم السلام مرحبا مرحبا اش حب الخاطر !!؟
رانيا غير كتشوف و مطاحتش فبالها راه جابها باش تختار خواتم العرس على ذوقها غيث قرب لودنها و هضر
غيث…….. ختاري لخاتم لي عجبك باش توجديه لعرس
رانيا ……… هههههههه واش بصصح !!؟
غيث قال اه بحركة راسو و بقا كيشوف هو و ياها و رانيا شافت كااع لخواتم لي تما و معجبتها حتى حاجة و خرجو من أول محل بعدما تبتوه بلي نضورو نشوفو لموديلات لي كاينين و نرجعو لعندك بقا غيث يدخل لهاد المحل و يخرج حتى سخفاتو مكانش عارف

تقدية نسا صعيبة و ماشي أي حاجة تعجبهم مختارت الخاتم و سنسلتو و كورميطو حتى شحفاتو ولكن كلشي يهوون قدام فرحة حبيبتو لبسات لخاتم و عجبو كانت بغات تحيدو ديرو فبواطتو
غيث …….. متحيديهش خليك لابساه جاك زويين
و حتى هي معارضاتوش بقااات كتشوف فلخاتم لي مزين صبعها حاسب غيث سيد و جمع ليهم سنسلة و لكورميط و تيسرو يضورو مشاو لمحلات كساوي صيفيين خدا ليها منهم لمهم كساها بمعنى الكلمة و هي غطير بلفرحة ممشاو تغداو حتى ماتو بجووع سالاو و هي يصوني تلفونها
رانيا …… ااالو سمسمتي
سامية…… فينك حداك صداع !!
رانيا”دارت فريت ففمها “….. خارجة مع غيث
سامية …… ااااه مزيان سلمي عليه و صافي حتى تسالي و دوزي عندي
رانيا ……. واخا الحب بيزو
غيث “تسناها حتى سالات” ……. نهار كلو و نتي خارجة و مزال باغا دوزي عند صاحبتك !!!
رانيا ….. هههههههه شنو غرتي من صاحبتي كون عرفتيها شكون نتا غتوصلني حتى لعندها

…………زهرة محمد
*لا تخبئي الكلام*
ما أجمل لقاء الأصدقاء والزملاء بعد طول الغياب.
إنها لحظة ترسم أحداثها في لوحة ربيع العمر،
تفرح القلوب، لحظة فيها من الوفاء ما يروي
الأحاسيس. تتناثر فيها أجمل الكلمات، وأرق
التراحيب، واستعادة الذكريات، سواء أيام
المدرسة، أو الجامعة. فلا شك أن هذا اللقاء يبعث
في القلوب ضياءها، ويرسم البسمة على الشفاه
غيث وصل رانيا قدام عمارة سامية و مزاال كيتسنا المفاجأة لي قالت ليه شافيها و كيتسااءل على شنو هي المفاجأة حتى ظن انها غير كتفلا عليه
غيث “هاز حاجب و منزل خوه” ……. والله و نلقا حسك كتكذبي حتى نعلقك
رانيا ……… ههههههههه تسنا تسنا غتشكرني و نتا غير شاعل
رانيا تاصلات بسامية و طلبات منها تهبط و تهبط خوها و قطعت بلا ما تفسر ليها علاش سامية كانت كتحتت مع ياسر فلواتساب و ياسين فصالون كيهضر ابيل مع نور و حداه مو كيهضر بلفرونسي حشمان منها و معرفاتوش حتى معامن كيهضر حتى وقفات عليه سامية
ياسين”كحاز من بلاصتو ” ….. اجي اختي حدايا اجي
سامية …… لا نتا يلاه معايا لتحت نشوف رانيا و قالت لي نهبطك
ياسين “قطع مع نور ” …….. علااش اش بغاتني ؟؟
سامية……. واش انا عرفت يلاه نهبطو و نشوفو
ياسين هبط مع ختو حتى لزنقة بانت ليهم رانيا متكية على طوموبيل و غيث لداخل كيتسنا شنو هي هاد المفاجأة حتى كتبان ليه رانيا كتسلم على رجل غريب هبط مخنزر و نضم ليهم كيستفسر
غيث “ضاغط على سنانو باش ميتصرفش تصرف غلط ” ……. رانيا “شاف فيها بعينيه بمعنى اش كاين؟ ؟؟؟؟
رانيا” خلعها و ضحكها فنفس الوقت خشات يديها فدراعو و هضرت” ….. هادي سامية أبو الفوز و هدا ياسين ابو الفوز “بقات كتشوف تغير ملامحو” واش هاد سمية مفكراتك فوالو ؟؟!
ياسين تفكر غيث بمجرد ما نزل من طوموبيل ملامحو متبدلوووش نهائيا غيث غير سمع الاسم الكامل ترسمت على وجهو ابتاسمة و دمعو عينيه من الفرحة حيت كانو اصدقاء ديال بصح و فارقاتهم لوقت تقدم غيث و عنق صاحبو عناق حاار كيحاول يخلص فيها عناق هادي سنوااات دازت
غيث ” خانوه دموع ” ……. خوويا نهااار كبييير هدا ههههههه وأسعد نهار فحياتي والله
ياسين …….. والله حتى انا فين غبورك اصحبي لا برية لا تلفون والله إلا توحشتك و ديييما مفكرك زيدو طلعو نشربو أتاي منبقاوش واقفين فزنقة
غيث …… لاااا لا مبقاش لحال و خاصني نوصل رانيا سلم على خالتي و غنجي ناكل كسكس انا و لمدام بلغ سلامي لخالتي و غدا ان شاء الله نديرو كافي

ياسين …… ما قلتي عيب اسيدي “رجع عنقو ” … نهااار غلييض والله ههههههههه
توادعو الأصدقاء و خداو نوامر باااش يبقاو على اتصااال غيث مشا فرحاان ركب وصل رانيا لدارهم وقف دوزيام بوزيسيون و بغا يودعها باش يمشي و لكن هي كان عندها رأي آخر
غيث” حاط يديه ورا لكوسان لي جالسة فيه ……. يلاه احبيبة خودي داكشي ديالك من لكوفر و هبطي باش نمشي
رانيا “قربت ليه حتى ما بقا كيفصلهم والو” ….. صافي سخيتي بي انا بعدا شفت نهار ضغيا داز و مزال بغيت نبقا معاك
غيث “شد ذقنها و خطف بوسة” …….. حتى انا مسخييتش بيك احبيبتي نهار كامل وونتي خارجة من دار منبغيش عمي يخاصم عليك
رانيا “كتقاد ليه كول لقميجة و عن غير قصد صبعها قاص عنقو وهو متبع صبعها بعينيه ” ……. متخاافش مغيقول والو و دخل تعشا عاد سير
غيث “باس يدها و تنهد ” …… مرة أخرى احبيبتي عيان والله غناخد شي حاجة فطريق و نمشي نعس
شافتو بصح عيان و مبغااتش تزيد تحكر قرات همو نهار كلو و هو شاد ليها الخاطر باستو فحنكو و ودعاتو و هبطت لدارهم

🌸 الجزء 118 🌸
⁦✍⁩بقلمي……………………زهرة محمد
*لا تخبئي الكلام*
نور ملي قطع معاها ياسين و هبط يشوف غيث و هي كتسناه يرجع يتاصل جالسة مع ختها كيتفرجو و عقلها شاارد و كتفكر كيفاش تقنعو بلي جون غيرافقها غدا لحصة العلاج و كيف دير تقنعو راه مجرد صديق لا أقل ولا أكثر ميمكنش تقطع علاقتها معاه من بعد هاد سنين كلها كان معاها في القرح قبل الفرح و صديق بمعنى الكلمة لي كان ديما يشوف مصلحتها و ينصحها و تلقاه فوقت الشدة غيثة ردات لبال لختها متوترة و ماشي هي هاديك باين فيها كتفكر فشي حاجة مبرزطاها
غيثة “حاطة مشها فوق رجليها ” ….. رورو ” لبنت مرفووعة ” رورو “كتشوف في اتجاه واحد و مومو دعينيها مكيتحركش” نووور
نور “تخلعت ملي سمعتها كتغوت ” … . ششنو مااالكي ققفزتيني!!!
غيثة …….. و ختي راه جيران سمعوني و نتي لا غير لكسدة لي جالسة حدايا و لعقل معرت فين هو ؟؟
نور …….. ممبقا حد يففكر !! “زعفانة”
غيثة …….. وقولي لي فاش؟؟؟ نقدر نعاونك جوج عقول ماشي فحال عقل واحد واش الموضوع متعلق بياسين ؟؟؟
نور ……. ووو شككوون من غيرو قبل مندير خطوة خخاصني نفكر فيها
غيثة”كتفسر ليها ” …… و هادشي طبيعي ا رورو و خصوصا ملي كتربطي حياتك مع انسان كتبغيه و كيبغيك
نور ” شادة تلفون كتلعب بيه” …… ممقلتش لا غير كل واحد عندو حياتو الخاصة مكيبغي حتى حد يدخل فيها
غيثة …….. دابا فهميني باش نعطيك رأيي
نور ……. ياسين ككيغير من جون و بطريقة غير مباشرة ممتقبلوش فحياتي و جون صديقي و جزء من حياتي
غيثة …….. اااه و راه عادي ميتقبلوش و ياسين مغربي طبيعي يغير ولكن مثقف كنضن الا شرحتي ليه غيتفهم خليه يتملك حبك و عطيه الوقت و مع الايام غيتلاشا هاد المشكل و واحد نهار جون غيشوف حتى هو حياتو يعني هادشي مسألة وقت
وهما كيهضرو رجع صونا ياسين ملي تعشا و مشا لبيتو و هي شافتو متاصل ابيل فيديو تمنات لختها ليلة سعيدة و مشات لبيتها باش تهضر على راحتها
ياسين “متكي ودار يديه ورا راسو ” ….. بب سافا؟؟
نور .. …… وي سسافا و نتا ؟؟ فين مشيتي ؟؟
ياسين …… جا عندي صاحبي هو و خطيبتو شحااال مشفتو هادشي لي كاين اش كديري ؟؟
نور ……. كنفكر فيك “و ضحكت ”
ياسين ……. هههههههه سعداااتي و فاش فكرتي ؟؟؟
نور “خدات نفس طويل” صراحة بغيت نهضر معاك و بلا ما تعصب
ياسين …… و علاش غنتعصب ؟؟؟ حبيبتي عرفي بلي كنبغيك و نقاشات لي كتوقع بيناتنا أمر عاادي

نور”توترت” ……. عرفت و سسمع وو ببلا مما تتقلق غدا غيدوز علي جون يمشي معايا لحصة الننطق و ققلت نعلمك “هبطت راسها”
ياسين ……. حبيبتي شوفي في “هزات عينيها فلكاميرا” انا تايق فيك و معنديش مشكيل تمشي معاه غير داك ضحك زايد معاه نقصي منو
نور”بتاسمت بلا ما تحس” ….. كون هاني غنضحكو في حدود كنبغيييك احبيبي هههه
ياسين……… أحسن كلمة سمعتها و عليها غنعس و سيري حتى نتي تنعسي باش تفيقي بكري
عرفت الغيرة فيما نملك ، عندما يقترب منه أحد ،
أو يصيبه بشئ ..
!
أ ويرغبه رغما ،،
أو يستكن لشئ من جوانبه دون رضا مني ،
لكنني عرفت عن بعدك والهجر ،
عن افتقادك والصبر ،
الصبر لي لا لك
فأنت اخترت السفر ،
السفر يمكنه أن يكون مع بقاء بعض المساحة لي ،
لكن كل مساحتي لا تجد لي مكانا ،،
رغم الالم ،، أغير من حركة الصوت نحوك ،
ومن بسمتك التي لم تكن بحضرتي ،
ومن صفاء حديثك وأذني له لم تنصت ،، ولو لوقت لايًقاس ،،
ومن أي صورة تراها ليس فيها انا ،،
أو جزء من أنا ،،
حتى نومك وهو لا يراني في آخر فراق النظر قبله ،،، أغير منه ..
يحزنني موتا صبرك عني
تتشكل أمامي بركاين ألم
كيف لي أن أتحملها ،،

🌸 الجزء 119 🌸
⁦✍⁩بقلمي……………………زهرة محمد
*لا تخبئي الكلام*
#بعد_مرور_أسبوعين قضاها ياسين و عائلتو فشمال دوزو وقت زوييين في أفخم الفنادق فطنجة و ستمتعو بجمال المدن المجاورة ليها رجع واشعة شمس نالت منهم و بدلت لونهم تبرونزاو مزيان و صالحة فرحانة و فنفس الوقت و الاقدار من جديد لقاتها براجلها في أحد المطاعم في تطوان خلاتها ضرب أخماس ف أسداس لعروسة رانيا كتوجد لترتيبات العرس لي مبقا ليه والو عاطياها للماسكات و الماكلة و نعاس و علاقتها بغيث ولات حلى من العسل و ياسر مرة مرة كيمشي يشوف ولادو و بعض الايام كيبات معاه طه و فرح كتحسف حيت ضيعاتو من بين يديها وهو كل نهار مع سامية فتلفون و قرر غير يرجعو يهضر مع مها
أما نور مزال متبعة حصصها في وقتهم المضبوط مرة تمشي بوحدها و مرة يرافقها جون و غير كتجي كتبقا توجد و تحفظ لمباراة أمريكا و كتفصلها تليام و هادشي كلو ياسين معندوش علم بيه مخلياها ليه مفاجأة …. صبح صباح مشمش و الحرارة مرتفعة الجو ديال لبحر لبسات نور كسوة صيفية و مشات لكلية مع ختها باش تاخد الورقة لي كيدوزو بيها الامتحان convocation كتكون مرفقة مع بطاقة التعريف و غير وصلات كانو ناس قلاال محسوبين و الاغلب جايين على نفس الغرض و لحسن صدف كان وجود عصام صديق ياسين تما و استوقفها يسلم عليها ملي شافها
عصام “لابس لكلاص كيف عادتو” …… بونجوغ مدموزيل سافا؟؟ “مد يديه سلم على نور و غيثة
نور …… وي سافا و نتا ؟؟
عصام …… طرونكيل اش جابك لهنا ياك عطلة رتاحي و استمتعي بالعطلة و رتااحي
نور …. ططموح و الاحلام ممكعرفوش راحة راك عارف مبقا واالو لكونكور و جيت نناخد convocation
عصام “مرة مرة يشوف ف غيثة ” …. واش مباراة لماستر لي فأمريكا!!!!
نور …… ووي هي “ضربت على راسها ” اه ننسيت ممعرفتكمش هادي ختي غيثة و هدا الاستاذ عصام
عصام ….. عقلت عليها كانت معاك نهار المناقشة
غيثة بابتسامة سحرت عصام”….. متشرفين
عصام ……. لي شرف يلاه بلا ما نعطلكم كنتمنا ليكم نهار مبروك
عصام ودعهم و مشا على وجه السرعة حيت مخلي سيزار بوحدو كان مريض و خاصو يعطيه دواه في الوقت مشا لقاه مسكين مكمش فبلاصتو عطاه ياكل و حتى دوا ديالو و بدا يهضر معاه
عصام ” كيدوز يديه على راسو” ….. توحشتي صاحبك و صراحة حتى انا توحشتو هههه اش بان ليك نتاصلو بيه ممم
مشا خدا تلفون و دوز نمرتو بقا كيصوووني و مجاوبش استلقا على لفوطوي و حط تلفون كيهضر مع سيزار من جديد مكاينش من غيرو

عصام …… كعما كيجاوب اصحبي بلا ما تقلق في لعشية نعيطو ليه و نهضرو معاه
عصام بقا بالو مشغول بخت نور ماشي من طبعو تير انتباهو أي وحدة و لكن غيثة هادئة و ملامحها كتبين انها رزينة و زوينة و بعقلها هادي هي المواصفات لي خلاتو يبقا بلا زواج لحد الان نفض راسو من صورتها و ناض يشوف ما ياكل..
وصلات لعشية و ياسين عاد فاق من عيا السفر ناض و مزااال كيحس براسو مسخسخ هز تلفونو شاف ساعة حتى بان ليه اتصال ديال عصام تاصل بيه حيت ملي جا هضر معاه جوج مرات طووط طوووط
عصام …… ااالو
ياسين”تكعد شوية باش يهضر مرتاح” …حاط يديك على تلفون اصاحبي
عصام …… و مخليناكش تصوني حتى تقطع هههههه
ياسين ……. كدق علي ههههههه راه كنت ناعس غير صباح جيت من سفر
عصام ……. بصحتك اسيدي كيف العائلة الكريمة؟ ؟؟
ياسين ….. كوولشي بخير نتا كيف الاوضاع عندك؟ ؟
عصام ……. انا و صاحبي سيزار بيخير كان عيان شوية مي دابا مزيااان و ليوم شفت نور و ختها فلافاك
ياسين “باستغراب”…….. اش كيديرو تماا!!!
عصام ……. جات على ود convocation لصحاب ماستر أمريكا
ياسين “عقد حواجبو” ….. مفهمتش اشمن ماستر ؟؟ واش كتقصد ماستر لعلووم الرياضية لي كيدرس في أمريكا !!!
عصام …… تماما “سكت شوية” … اجي واش مفخباركش؟؟؟
ياسين ….. قطع قطع من بعد و نتاصل بيك..

🌸 الجزء 120 🌸
⁦✍⁩بقلمي……………………زهرة محمد
*لا تخبئي الكلام*
ياسين مبقاش فيه الحال حيت بغات تشوف مستقبلها و تقرا لي ضرو فخاطرو هو علاش معلماتوش و عتابرات وجودو زايد ناقص بالنسبة ليها وكون معلموش صاحبو ميصيقش لخبار حتى تقوليه باي باي و هي غادا المطار متاصلش بيها و كيتسنا واش غتجي من عندها وصل ليل و نعاس طار من عينيه بقا غير كيفكر حتى سمع دقان فبيتو
سامية “مدخلة راسها” …… خويا واش ندخل؟؟؟
ياسين”بصوت غليض” ……. دخلي اختي مالكي؟؟
سامية …… ملي جيتي و نتا ناعس و متعشيتيش معانا جيت نشوف مالك
ياسين ……. والو والو غير عياان
سامية “بتشكيك فهضرتو” ……. شوف راه باينة فيك مقلق عاود لي يمكن نعاونك
ياسين”حك عينيه بتعب” …… مكين فاش تعاونيني غير سيري تنعسي
سامية “جلسات وسط سريرو و تربعت” ….. سمع هاد ليلة يا بي ولا بيك ممزحزحاش من هنا حتى تعاود لي
ياسين سلم أمرو قدامها حيت عارفها لصقة و فرصة نيت تعطيه رأيها في المشكل لي فيه
ياسين ….. واخا الالة دابا مثلا ياسر سافر بلا ما يقولها ليك اش غيكون ردة فعلك ؟؟!!
سامية ……. و فصراحة مفهمتش… شرح لي باش نعطيك رأيي
ياسين “تنهيدة خارجة من القلب” ….. سميتها نور طالبة عندي بغيتها و دابا بغات تكمل قرايتها في أمريكا و انا معنديش علم بهادشي من المفروض تعلمني العلاقة مفيهاش غير بوحدها
سامية ……. كلامك كلو صح و حتى دابا هضر معاها و شوف اش غتقول ليك
ياسين …… خلينا من هادشي متبرزطيش راسك قولي لي اش درتي نتي مع ياسر ؟؟؟
سامية …… مزال مدرنا والو قالي هاد الأيام غيجي يشوف ماما و يهضر معاها و يقنعها
ياسين …… متخافيش غيكون خير متزربوش باقي الحال
سامية ….. آمييين “وقفت غادا ” غنخليك تفكر و فنظري تاصل بيها و فهم منها
خرجت سامية مشات تنعس و ياسين هز تلفون تاصل بنور و هي لي غتجاوب على أسئلتو لي ضراتو فراسو
نور”حاطة طبسيل صغير ديال ديسير حداها” …… حببيبي سافا؟ ؟
ياسين”مغوبش و كيهضر” ……. وي سافا و نتي؟؟
نور ….. ssuper
ياسين…….. شنو الجديد مسافرتوش مزال ؟؟
نور …. اا لا ممزال أسعد ممزال ممعندوش كونجي
ياسين “كيسايس فيها” …… هادشي لي كاين؟ ؟؟
نور …… ووي غغير هادشي و ننتا كيف داز السفر ؟!
ياسين “تيكحب”…… كح كح احم نوور فين وصلتي ف لماستر ؟؟
نور ……. مزال كنخدم فيه مبقا والو ؟
ياسين” هي مبردة وهو غيطرطق” …… نوور اش كتخربقي واش عااارفة اش كتقولي ؟؟
نور “من غواتو صرطات طرف د تفاح بلا تمضغو” ممالي ااش درت؟؟

ياسين”كيهضر و يهز فيديه ” ……… كيفاش اش درتي واش غتمشي لأمريكا وانا مصايق خبار واش غير زايد فحياتك
نور …….. للللا ممماشي ههكاك غغير ككنت بااغا ننديرها لك ممفاجأة و قلت غغتفرح لي دابا للاش ممعصب ؟؟
ياسين ……. و راك فااجئتيني الالة و مشفتيش راني غنطير بالفرحة
نور …. للا غغغير ننفه “قطع باش مايزيدش يتعصب عليها ”
نور كتعض صباعها و مفهماتش سبب عصبيتو كانت واخدة الامر ببساطة متصوراتش غيوصل بيها انو يشك فحبها ليه رجعات تاصلات و لا مجيب بقات كتفكر فشنو غلطات الفكرة شافتها موضحاش و كل واحد فيهم شافها من زاوية مختالفة جملة “واش انا غير زايد فحياتك ” خلاتها تفهم سبب لي خلاتو يتصرف هاكا

🌸 الجزء 121 🌸
⁦✍⁩بقلمي……………………زهرة محمد
*لا تخبئي الكلام*
دازت يومين و كلها فين ملهي في أمور حياتو و منهم ياسر لي تقادا صبرو بغا يعرف راسو من رجليه مع هاد بنت ناس وعول يرجع يدق بابهم من جديد معرف يكون فهاد لمشية خير و صالحو يحن قلبها و تقبل بيه راجل بنتها لبس تيشورت بيض نص كم و سروال دجين و سيرديلتو و خرج كيفكر كيف يدير باش يبدا و باش يسالي كيمشي حتى يحفظ و يتنسا ليه كلشي وصل عند دارها و خايف يرجع بخفي حنين طلع و دق كان يلاه فات العصر بشوية دق جوج دقات و حل عليه ياسين من حسن حظو
ياسين ” شافو و رحب بيه “…… أهلا مرحبا بك تفضل دخل
ياسر “بابتسامة ” ……. الله يكبر بيك “دخل و مشاو لصالون حتى جات عندهم صالحة”
ياسر “غير شافها ووقف ”
صالحة “معرفاتوش لاش جاي و قالت دير صواب حتى هي منساتش راه نهار حتاجتو لقاتو غير هو ” .. سلام
ياسر” باس يديها ” و عليكم السلام “حشمان و معرف منين يبدا حتى دخل ياسين و نقد الموقف”
ياسين……….. الواليدة ضايفي ناس و جي و عيطي لسامية معام
صالحة مرضاتهاش فوجه ولدها كيبقى راجل دار مشات صاوبات صينية و حطات لي عندها و كبرات بيه و عاوناتها سامية حطو داكشي فطابلة و غير شافتو حسات بداتها بردات عليها و دقات قلبهم كتحسهم كلشي كيسمع دقاتهم..
ياسين قابل معاه صينية و عطا لكل واحد كاسو اما ياسر غير كيطرطق فصباعو
ياسر …… خالتي غندخل في الموضوع بلا زواق و نتمنى تسمعيني و ديريني فمقام ولدك اه انا سيد مطلق ولكن مضلمتهاش ولا تعديت عليها و ربي شاهد علي هي لي ضلمات راسها و مقدراتش النعمة لي كانت عندها …
ياسر دخل في تفاصيل حكايتو و كلشي ساكت و كيسمع ليه بقا يهضر و يشرح معاناتو و كيف كانت حياتو جحيم معاها و طمنها بلي ولادو غيعيشو معاه و تحت جناحو و ميقدرش يبعد عليهم أسبوع عندها و أسبوع عندو و الحمد لله حالتو المادية ميسورة و بنتها غيهزها على كفوف الراحة و لي طالب منها توافق هنا ياسين شاف فمو وهضر
ياسين …….. الواليدة اش قلتي سيد معديه العيب و رضي عليهم الله يجعل البراكة سيد يبقا غادي جاي سبرديلتو غتقطع
ياسين كمل هضرتو و كلشي ابتاسم و بالخصوص الصالحة كانت ابتسامة رضا خلاتهم يرتاحو و يعرفو أنها مبقاتش رافضة صالحة وافقات و لكن بشروط
ياسر …….. شروطك موافق عليهم و بلا ما نعرف
صالحة …….. لي اولو شرط آخرو نور سامية تكمل قرايتها و سيمانة لي يكونو عندك ولادك تجيو عندي مرحبا بيهم نحسبهم حفايدي و دوزو معيا نهار وبنتي سامية تهلا فيها الله يرضي عليك

ياسر ……. هااادا مكان الا مهزاتهاش لرض نهزها فوق كتافي الحاجة
ياسين ……. ومن عندي انا الله يكمل بخير
صالحة …….. لعقبة ليك اوليدي و يحيني الله حتى نشوف وليداتكم
سامية “باست راسها و تكات على دراعها ” ….. الله يخليك لينا ” عنقتها”
صالحة”زادت فرحتها ملي شافتهم فرحانين و دموع الفرحة بلا شعور نزلو ” …… الله يتاويكم الخير
ياسر ……آمين يارب العالمين و اش بان ليك اخالتي نديرو العرس هاد الأيام خير البر عاجله
ياسين “ياسر شاف ياسين ” …….. اش غنقوليكم نتوما تعرفو
صالحة……. مموجدين والو اولدي صبرو شوية تخطبو هو لول و فراس العام يجي ياسين و ديرو العرس
ياسر …….. حتى هدا كلام “جمع الوقفة ” سمحو لي غنمشي نفرح ملين دار
مشا ياسر و هو محيد حمل ثقيييل على كتافو حس بدنيا ضحكت ليه خدا تلفونو و صيفط ميساج ” حيدي من شرجم قبل ما نجي نلوحك منو ” سامية قراتو و ضحكت حتى بانت ليها ضرسة لعقل دخلات و قلبها حساتو غيسكت بالفرحة

🌸 الجزء 122 🌸
⁦✍⁩بقلمي……………………زهرة محمد
*لا تخبئي الكلام*
الحب مشاركة، مشاركة الحزن قبل الفرح. الحب سبيل، سبيل الأمل من الخيبة. الحب عطر، عطرُ الإنجاز بعد الحلم. الحب معجزة، معجزة النور عبر الظلمة.
نور فحال كل مرة كتْحصَل و كضلام فوجهها كتاصل بجون لي ولفاتو يحل مشاكلها و ينصحها الا غلطات مكاينش من غيرو لي تيكون صريح معاها فكلشي ملي شافت ياسين متاصلش و حتى الا تاصلات هي مكيجاوبهاش داارت بيها دنيا كانت كدوش كتحيد ستريس خرجات نشفاات داتها ولبسات دجين شيبي مقطع من لفخاد و تيشورت كحل فيه كتبة فلGري نشفات شعرها و صيفطات ميساج لجون يتلقاو من هنا نص ساعة في القهوة لي على البحر
خرجات تالفة وصلات حتى لحدا لباب لقات راسها ناسية تلفونها و رجعت ساااخطة دخلات هزاتو و رجعت دارتو فصاكها و جات غادية تلقات خوها أسعد جاي من الخدمة لي كترت عندو هاد الأيام سلمات عليه و هي مستعجلة
أسعد ” باين فيه لعيا و تحت عينيه زرق من كثرة سهير” ……. نور فين غادا زربانة ؟؟
نور …… غنشوف جون و راه تعطلت عليه سسير ترتاح رراه باينة فيك عيان
أسعد …… داكشي لي غندير و متعطليش راه باغي نهضر معاك فاش ترجعي و إلا نعست فيقيني
نور”باستو فحنكو” ……. واخا مغنتعططلش “خرجت و غتسد لباب”
أسعد …… رجعي رجعي خودي جاكيط راه محرك لبرد “زاد و خلاها ”
نور مشات تجري خدات جاكيط ديال كوير و خبطات لباب وراها ركبات فطاكسي حتى لقهوة خلصاتو و هبطات دخلات لقهوة كتقلب حتى صونا تلفون جاوبات
جون” صايك و كيهضر ” … .. وصلتي ؟؟
نور …… اه يلاه ددخلت مزال بعيد؟ ،
جون …… انا دابا دااخل غير نبلاصي و نجي
قطعت و جلسات نور حاطا مرفقها على طبلة و عقلها كيفكر فحبيبها لي يومين مسمعات صوتو ولا عرفات خبارو… خرجاات تلفونها من صاك و كتبات ليه ميساج قراه و مجاوبش خبطاتو على طابلة معاجبها حال … حتى وقف عليها جون كيشوف فيها بنظرات ” ياك لبااس ”
نور ……. ممولفاش ليك تعطل مالك ،؟؟،
جون .. ….. كانت اكسيدون فطريق و تعطلت قولي اش تشربي ؟؟
نور .. … لي كان من غير قهوة ما ننقصاش ااعصاب
طلب ليها عصير ليمون و خدا هو كابوتشينو و هما كيتسناو طلبهم يجي سولها شنو مقلقها ؟؟! و حتى نور ماشي من نوع لي كدير مقدمات دخلات فلموضوع نيشان
نور ……. ياسين ييومين مهضرش ممعايا كيبان لي خااطرو ضيقة من ممشكل بسيط حتى كيكبرو
جون …… و شنو هاد المشكل لبسيط عندك و لي بان ليه هو كبير

نور ……. غدا غندوز كونكور الخاص بالماستر و كنت باغا نخليها مفاجأة لياسين نهار نتقبل و لكن أنا لي تفاجئت و هو معجبوش الحال حيت خبيت عليه و خداها ببحساسية
تحط قدام كل واحد طلبو و نور سكتات على مامشا النادل و خدات رشفة من كاس العصير و استأنفات حديثها و جون منتابه لحديثها
نور ….. أنا مقصدتش أني نخبي عليه و سمعني شي هضرة ممعجبتنيش
جون “شرب من كاسو ” قصدتي ولا مقصدتيش الغلط ديالك هادشي مفيهش مفاجأة العلاقة لي بينكم مكيعطيكش الحق تخبي انور هو حس بلي نتي نقصتي منو و معطياهش قيمة
نور ……. وولكن انا ممفكرتش هكا بالمرة خاصو يعرف بلي انا عمري ننقص منو و معطانيش لفرصة حتى نشرح ليه
“حطات يدها على صدرها و تنهدات معرفت ما دير واش تقكر فغدا لي غيكون يوم مهم و حاسم في مسار مستقبلها و لا تفكر فحبيبها لي مقلق عليها و زاد ربطها لبعد ….

🌸 الجزء 123 🌸
⁦✍⁩بقلمي……………………زهرة محمد
*لا تخبئي الكلام*
نور “علامات لحيرة باينة فيها”. … قتارح ععلي شنو ندير راه كنحس براسي مربوطة و مقدراش نفكر
جون …… نتي لي غتحسمي فههاد الأمر فكري ولي رتاحيتي فيهها ديريها
هكا كان كلام جون لي زاد من حيرتها و عقلها مقدرش يحسم الامر لبسات جاكيطها حيت تحرك لبرد و ناضت هي و ياه يتمشاو و هما ساكتين مخلي ليها المجال تفكر على راحتها و هما غاديين بانو ليها كوبل كيتمشاو حتى هما على جنب البحر كيتمعشقو و شاد فيها و كيضحكو عايشين لحظات زوينة لي هي مفتاقداها ملي مشا ياسين
نور “وقفات جون “…… وصلني راه خاصني نمشي نرتاح غدا فايقة بكري
جون بلا اعتراض مشا وصلها ركبو و طول طريق و هي ساكتة مبقات نطقات بحتى حرف كل مرة طل على تلفون كتشوف واش جاوبها و لكن للأسف …شافتو دخل للحي و حيدات سمطة غييير وقف حلات لباب و ودعاتو و دخلت لدار مبان ليها حتى حد فخوتها جالس فلمراح مشات لبيتها بلا ما تهضر مع حد عقلها مرون بدلات و خرجات تشوف خوتها كل واحد فيهم فين مخشي لقات ختها كتوجد لعشا كان طاجين مغربي بامتياز لي شحال مكلاوه بغات تلاهي راسها بأي حاجة غير متفكرش فيه
نور “جمعات شعرها سفنجة” …… خختي ننعاونك؟؟
غيثة …… نو ساليت سيري فيقي خوك و يلاه تعشاو
مشات نور لبيت أسعد ودقات حتى سمعاتو قاليها “دخلي ” حلات لباب لقاتو مجبد فبلاصتو كيتفرج في لكرة
أسعد “قطع صوت تلفازة “…… امتا جيتي؟؟؟
نور …… غغير شوية دابا اخويا “شدات يدو كتجر فيه” يلاه نتعشاو
خرجو و هو معنقها و الارهااق بااين علييه من كترة ضغط د الخدمة و سهير لي كيسهر فيها و حتى ماكلتو نقصات كيقضي غير بسوندويشات زادو جوج خطوات حتى طاح أسعد على طولتو نور من صدمة و ممتيقاش شنو صاري قدامها تحنات على ركابيها كضرب فوجهو و كتبكي و تعيط لختها تعتقها
نور”كتبكي و تغوت ” …….. غغغييثةةة ااااه اهئ اهئ اهئ ععتقيييني يلااااااااه سرربييييي اهئ اهى خوويا ععفاك فففيق
غيثة جات تجري حتى دعقت من لمنظر لي قدامها مشاات بخطوات تقاال كتحاول تفهم اش واقع كيبان ليها اسعد مليوح في الأرض بلا حراك ما ستوعبات غير على صرخة نور كتقليها “تاااصلي بلومبيلونص ”
غيثة “تلفات تلفون قدامها و كتقلب عليه وقفات و هدأت راسها براسها و رجع مخها خدم هزات تلفون و تاصلات بالاسعاف لي متعطلاتش عليهم هزات نور صاكها لي حطات و مشاو معاه هزوه و دارو ليه الاكسجين نور دايرة حالة بلبكا اما غيثة عينيها مغرغرين و شادة فاايديه وصلو لسبيطار و داوه بزربة لقاعة الفحص نص ساعة

دازت عليهم دهر من الزمن بقاو غاديين جايين فلكلوار حتى بانت ليهم الممرضة خارجة و مشات عندها نور تسولها
نور…….. sss’il tte pplais للمريض لي داخل ككيف ببقا ااش عندو
الممرضة”بتساؤل”……… نتوما عائلتو ؟،،،
غيثة …… وي حنا خواتاتو قولي لينا مالو ؟؟
الممرضة …..غير تسناي طبيب غيخرج و يطمأنك على حالتو “مشات ”
لحظات خرج طبيب كان في مقتبل العمر طويل و شهب مشاو يجريو بجوج كيسولو حتى داخ و معرف شكون يجاوب فيهم حاول يهدأ الوضع باش يقدر يهضر معاهم
الدكتور……… حاولو تهدنو الأمر مكيستاهلش هاد الخوف كامل ….انخفاض الضغط هو لي خلاه يفقد الوعي علقنا ليه سيروم دابا و غنديرو شي تحاليل باش نطمأنو كتر و غدا يقدر يخرج
أتعلمين ما الخطأ الذي نقع فيه دائماً؟! هو أن نعتقد أنّ الحياة ثابتة، وأنّه إذا اتخذنا في طريقنا رصيفاً معيّناً يجب أن نعبره حتّى النهاية، ولكنّ القدر خياله أوسع منا بكثير، ففي اللحظة التي تعتقدين فيها أنّك في وضع لا مخرج منه، وعندما تصلين إلى القمة النهائية لليأس، يتغيّر كل شيء في قبض الريح، وينقلب كل شيء، وبين اللحظة والأخرى تجدين نفسك تعيشين حياةً جديدة.

🌸 الجزء 124 🌸
⁦✍⁩بقلمي……………………زهرة محمد
*لا تخبئي الكلام*
نور و غيثة باتو حدا خوهم فسبيطار مسمعوش كلام طبيب لي رجع عندهم و علمهم يمشيو لدار حتى لصباح و يجيو حسو بالذنب حيت مرضوش ليه لبال كيفو هو لي كان محتويهم من كلشي بقاو يفكرو حتى غفات عينيهم داز ليل بالسكون ديالو و في أول ساعات صباح سبيطار بدات خطوات الممرضين و المرضات كتسمع في الممر فاقت غيثة هي لولة و العيا خدا حقو منهاا فيقات نور لي ما نعسات حتى تاصلات بياسين و مجاوبهاش كيف عادتو و منساتش تعلم جون حتى هو لي كان ناعس ملي صيفطات ليه ….
نور بدات كتحل عينيها على صوت ختها و شعرها مخربق …
غيثة …. نور يلاه فيقي باش نقدرو نمشيو نشوفو أسعد
نور ” فاقت كضور فعنقها لي تشنج من نعسة ” …… اه وااخا وواخا انا غننمشي لحمام نغسل ووجهي بباش ننفيق
وقفت نور كتمسح على وجهها متوجهة لحمام دخلات غسلات و بقات كتغسل كتغسل مكانش غسيل عادي و كأنها كتحاول طفي شي حاجة شاعلة فيها…. نور كتحاول طفي العافية لي شاعلة فقلبها من جهة ياسين كانت محتاجة تسمع صوتو فهاد الظروف حبسات دموعها وسط عينيها قبل ما يهبطو رجعات فين جالسة ختها لقات جون وصل من بعد ما سول في الاستقبال و نعتو ليه و جا يجري شافتو و عنقاتو
جون …… غيكون بخير متخافوش قولو لي شفتوه ولا مزال
نور …… يلاه غنمشيو ~~
غيثة “كان عندها رأي آخر ” …… حبيبة سيري نتي مع جون لدار جيبي ليه ميلبس غيكون مزال ما فاق
جون …….كلامها على حق “شاف فتلفونو” يلاه سبعة دابا غيكون مزال ناعس
مشا جون و نور لدار خدات ليه حوايجو باش يبدل ملي يبغي يخرج و هما فطريق راجعين لسبيطار كانت نور ساهية حتى سولها جون
جون “متردد” …… نوور رراه ليوم الامتحان مع ظروف واش غتمشي ولا غتخلاي على حلم أمريكا ؟؟
نور “شافت فيه” …….. خويا أهم من كلشي؛؛؛ خويا يمرض و يدخل لسبيطار فليلة الامتحان ييمكن هادي علامة بلي مفيهاش خير
جون …… ممكن اوا اش درتي مع ياسين ؟؟؟
نور “زيرات على حوايجها “…….. مزال ممسولش صافي نساني مبقيتش كنهمو
جون …….. ماشي لهاد الدرجة غيتاصل غير صبري
و هما كيهضرو حتى حسات بطوموبيل وقفات حيدات سمطة و خرجت وبقات كتسناه سدها و دخلو السبيطار لي الحركة فيه مكانتش العادية صوت سيارات كاسر دنيا مشاو لغرفة خوها دخلو عندو لقاوه يلاه فاق و كيبان حسن من لبارح مشات عنقاااتو و تبكي
نور ……. خويا خلعتيناا عليك كيف كتحس واش بخير من ليوم غنرد ليك لبال و نوكلك بيدي حتى ترجع كيف كنتي حسن

نور”سدات ليه فمو ” ….. الله يحفظك لينا حنا ببلا بيك والو “رجعت عنقاتو”
أسعد …… الله يخليكم لي
قاطعات حديثهم طبيبة دخلات بضحكة تشفي كل عليل جات باغا تقيص ليه ضغط لابسة حجاب عصري و مدلية على صدرها سماعة الخاصة بدقات القلب و هازة فيدها آلة لقياس الضغط أسعد جات عينو فعينيها و بانو فيهم القلوبة و مكرهش يولي مريض طول حياتو الا كانت هي غداويه هههه
الدكتورة سلمى ……. صباح الخير انا دكتورة سلمى انا لي غنتكلف بحالتك دكتور مارك عطاني دوسيي ديالك ملي سالا سيرفيس ديالو
أسعد غير كيشوف منطق بحتى كلمة جون و لبنات ردو صباح الخير و خرجو يتسناو على ما سالات الفحص ديالها بقا هو وياها طيط ا طيط
#توحشتكم حبيبااااتي بانو بانو هههههههه تشوفو سي أسعد هههههههههههه صح مبقاش مريض ❤❤

🌸 الجزء 125 🌸
⁦✍⁩بقلمي……………………زهرة محمد
*لا تخبئي الكلام*
سوف نلتقي ذات يوم
سنرسم اجمل ابتسامة
ونغني كما كنا نغني
عن احلامنا وعن اجمل ايامنا
سوف نكتب في بقايا ارواحنا
سنلتقي ذات يوم بدون دموع
بدون جراح وبدون تلفت للخلف
سوف تكون قلوبنا امامنا
لن نلتفت اليها لنبحث عنها
فقد سبقتنا نحو اللقاء
سنلتقي بعيداً عن كلمات الوداع
ونعود الى امسياتنا ذات مساء
الربيع قادم والزهور تعود الينا
حاملتاً معها احلامنا منذ سنين
منذ بدأنا نتعلم حب الحنين
وحب التمرد عن عاداتنا
وعن من يراودنا في البقاء بدونك
سوف نلتقي بدون ميعاد
فاق ياسين معندو خاطر قلبو ممطاوعوش لي كل مرة يخليه يهز تلفون باش يتاصل و يسول فنور و حتى يدوز رقم و يرجع يقطع ناض مشا غسل و فطر و رجع لبيتو و هز تلفون و لقا اتصالات من نور و الميساج لي وصلو فوقت معطل و غير قراه خلاه يتاصل في الحين
نور مزال واقفة على برا كتسنا طبيبة تسالي حتى صونا تلفون و فز قلبها ملي شافت شكون بعدات عليهم و جاوبات
نور”بصوت شبه مسموع” …. االو
ياسين …… حبيبتي لباس عليك
كلمة كانت كافية تخلي شعور جميل يزورها من جديد و غير تسمع ليه و حتى هو بدورو عرفها غتكون محتاجة ليه فهاد الظروف
ياسين …… حبيبة ديالي خوك شوية فينكم دابا
نور…….. حنا مزال فسبيطار داخلة عندو طبيبة دابا
ياسين …… إن شاء الله يبرا و يولي بخير
نور……… إن شاء الله “ياسين سكت و هي ملقات متقول من غير شيء واحد كتحس بيه فهاد اللحظة” امتا غتجي توحشتك صافي مبقيتش قادة انا محتاجة ليك عفاك ججي ممتعطلش ..
ياسين …… حتى انا توحشتك ازوينة ديالي مبقاش بزاف حتى انا مكرهتش داابا نكون معاك
نور”بتوتر و خوف مسيطر عليها…….. مزال مقلق مني
ياسين ……. كاين شي حد كيتقلق من حبيبتو همم
نور “بدلال” ……… ااه كاين و تتلت يام ممهضرش معاها و مخليها كتفكر فيه و ككتبقا ببلا نعاس
ياسين ……… تتتتت و ميسوااش هدا لي دار هكا خاصو لعصا
نور …… متقولش عليه هكاك
ياسين ……… و علااش كتعرفيه؟؟؟
نور …….. اه هو حبيبي و توحشتو و كنتسنا غير امتا نشوفو
ياسين …….حتى انا توحشتك وممقلقش منك انور غير كنت كنفكر كيفاش كنت غنقدر نعيش و نتي بعيدة علي
نور”بعد تفكير” ……. حتى انا منقدرش نعيش و نتا بعيد علي ا حبيبي سمحلي
ياسين ……. لااااا انا مبغيتش هاد الاعتدار حتى نجي و عتادري
نور”تزنكت”…… كنبغييك

ياسين هاد الكلمة واخا صغيرة و لكن وقعها كبير فقلبو كتردو عاااشق ولهان…. بدا كيلعن البعد لي حال بينو و بين حبيبتو
ياسين ……. هاد الكلمة خبيها حتى نجي باش نجاوبك بطريقتي سيري دبا طمأني على خوك و ملي تمشي لدار تاصلي بي
قطع ياسين و مشا دوش باش يجيب لي خاص لمو على ود خطوبة سامية حيت ياسر بغا يدير لخطبة غدا و تركاب لخواتم سامية وصلات لعشرة و نص و مزااال مكرشخة مشات ليها صالحة تنوضها حيت شحاااال هادي مسمعت لمواويل
صالحة “هزات ريدو ” …….. معرفتش انا هاد ولد ناس اش دنبو “جرات ليزار” تي نوضي راه غدا غتخطبي نوضي بدلي طلامط و هما كل مرة يجيو يلقاوهم غير هما
سامية “كتنتر” ……. و ماما مزال الحال غييي شوية عفاك عفاك
صالحة …….. تنوضي بالخاطر و لا لا نوضي جيران يسحابوني مع بنت عشر سنين و نتي فتيني فطول
سامية عرفت مها مغتمشي حتى تشوفها ناضت جلسات و عينيها مغممضين بنعاس كحاول تفيق راسها بزز ضرب فيها ضو ديال شمس و مشاات لابسة صندالة مقلوبة لحمام غسلات و نعست شوية عاد خرجات نيشان لكوزينة حدا مها و فطرات

Leave a comment