Skip links

قصة : لا تخبئ الكلام 4

 2,997 عدد مشاهداات

🌸 الجزء 76 🌸
⁦✍⁩بقلمي……………………زهرة محمد
*لا تخبئي الكلام*
اكره نفسي حين اصمت فتخرج الكلمات من عيني.صمتي عالمٌ لا يفهمه احد. لست متعباً ولكن في قلبي قصة قتلت رغبتي عن كل شيئ كلماتي جزء مما يحتويه قلبي
سامية عقلها حاير هي كتشاور عقلها كتر من قلبها تصرف ياسر معاها خلاها فرحانة و انو مضحي بكلشي على قبلها و هي اش دارت رفضات الهدية لي جاب ليها و جرحاتو بهضرتها هي كانت باغا تهز بكرامتها و متقبلهاش وهما حتى حاجة رسمية ما بيناتهم
تعاشات لعشية و هي واحد راس مضاربين واحد يقوليها تاصلي صالحيه و واحد لعقل يقوليها بقاي فقرارك و متنازليش و إلا بصح كيبغيك هو غيتاصل بقات غادة جاية فداك صالون حتى وقفت عليها مها مستغربة
صالحة……. سامية!!! “كانت واقفة بلخلعة جلست
سامية……. نننعم اماما بغيتيني؟ ؟ عينيها يضورو وسط راسها
صالحة……. لااا ابنيتي “جلست حداها” …اح اح ياربي ربي فرشي لي صلاية نصلي غير جالسة الله يسمح لي راه أدن المغرب و صاوبي لي شي قهوة بعقلها الله يرضي عليك
فرشات لمها صلاية تصلي و مشات تصاوب القهوة خوات الحليب و دارتو يفيض شدات تلفون و دوزات نمرت ياسر تهضر معاه كيصوني…
صونا ليه تلفون و هو حدا دار كلشي كاين من غير رانيا لي معرت فين مخشية تاني تهضر مع غيث ناض بشوية لبس لي جا قدامو و خرج قدام الباب يهضر
ياسر “كيهضر برسمية معاها ماشي كيف موالفين ضحك و تقشاب ” ….. ااالو سلام
سامية “بقاات ساكتة فلول عاد رضات عليه”….. سلام لباس عليك؟ ؟؟
ياسر….. الحمد لله و نتي لبااس ؟؟؟ الواليدة بخير؟؟
سامية…… لباس عليها الحمد لله ” حساتو كيهضر بلغرام” ….. ياسر مبغيتيش تهضر معايا؟ ؟
ياسر……. كون مبغيتش نهضر مغنجاوبكش
سامية……. ولكن طريقة هضرتك كتبين عكس كلامك شوف كيفاش كتهضر معايا … ياااسر متقلقش مني سمحلي
ياسر مع آخر كلمة قالتها قلبو حن هو تعمد يهضر هكاكا على تصرف ديال قبيلة مقدراتش تضحيات لي دارها على ودها و كان فرحان يهديها ذكرى زوينة تفكرو بيها و أصعب شيء ترض الحاجة فوجه الإنسان
ياسر…… عااارفك مقصدتيش داكشي لاش كنهضر معاك و مصبر راسي بزز مكرهتش نجي نشوفك دااابا
سامية……… اويييلي لا حماقيتي؟ ؟!!
ياسر……. ملي شفتك أول مرة و أنا حمق اااااه و نتي سبابي اسامية
سامية” كطل على مها واش سالات” …. ههههههههههه شوف أنا كنت بغيت نهضر معاك نكملو واتساب ماما سالات صلا
ياسر……… توحشتك تهلاي فراسك
سامية “هرمون الحب زاد نغزة”…….. حتى انا توحشتك “قطعت”

دارت تلفون فسدرها و خرجات هازة صينية لقهوة و و شوية المملحات و خرجات لصالون عند مها تقرقب معاها ناب
سامية “حطات صينية فوق طابلة” هاهي أحسن قهوة لأحسن ماما في لو موند
صالحة…… اشنو هي هاد لومون تاني؟؟؟
سامية.” مدات ليها طاس دلقهوة” …… عهههههه لوموووووند هو العالم اماما
شعلو تلفازة و بقاو على جماعة و الحتيت حتى أدن العشا صلاوه بجوج و ناضت سامية جمعات طابلة و صاوبات لحسوة بلحليب و زعتر جات ياااا سلااام تعشاو خفاف و ناضو ينعسو و يفيقو على واقع اجمل

🌸 الجزء 77 🌸
⁦✍⁩بقلمي……………………زهرة محمد
*لا تخبئي الكلام*
سالا مكالمتو مع سامية و دخل لقاهم كيحطو العشا فرح هازة بنتها عاطياها لبيبغون و عينيها على ياسر لي خرج مغوبش و رجع ضاحك و فرحان تحلات ليه الشهية على الماكلة كلاو و مرة مرة يضحك مع رانيا شوية سول فولدو لي مبانش ليه
ياسر ….. رانيا فين طه يكما شاد لبلاي تاني؟ ؟
جات رانيا تجاوب و هي تنقز فرح…… لا راه كلا ملي كنتي خارج و نعس
ياسر دار راسو مسمعهاش و مجاوبهاش هي بتصرفو رجعات لور و مكملاتش عشاها حسات بيه نقص منها قدام عائلتو ناضت هازة بنتها لي نعسات و مشات دخلات لبيت رانية حطات بنتها بدلات ليها و هي ناعسة و عقلها خدام كتشوف ياسر غيضيع منها و زواجها غتخسرو إلا مدارت والو و خاصها ضروري تهضر معاه تعرف اش تحت راسو و هادشي مصعيبش عليها المهم خاصها دير اي حاجة ولا كلشي غيولي سراب و متلقا ما تجمع فلحظة كلشي غيمشي… خرجات تشوفهم اش كيديرو بالأحرى تشوف راجلها اش كيدير خرجات لابسة بيجاما صيفية زوينة جات معاها كانت رانيا مخشية فبلاصتها و شادة تلفون و خالها فسداري لاخر كيسيفط ميساجات لسامية و يضحك مشات جلسات حداه و هو يجمع الوقفة مشا البيت يهز حوايجو يبدل غير دخل و هي تبعو ربعات ايديها و بقاات كتشوووف فيه..
ياسر……. اش كاين شفتك كليتيني بعينيك !!
فرح……. نتا لي اش عندك ملي جبتيني هنا و حتى جوج جمل مفيدة مقلناهمش
ياسر “قرب و خنزر فيها” ……. الجمل سالاو معاك ابنت ناس مجبتكش تفوجي ولدك توحشك و جبتك عندو لي نسيتي واش عندك و ها نتي جالسة مع عائلتي معززة مكرمة حتى نتفارقو و كل واحد يعيط على صلاح بلادو و نديك لداركم
فرح متصوراتش يوصلو لطلاق كان في اعتقادها مخاصم معاها كأيها ناس و هي عارفة روحو فولادو ميقدرش يفرقهم و كضن باقي كيبغيها كيف لول تقال لسانها ملي سمعت الفراق دارت بيها دنيا و شدات فراسهاا
فرح……. ييااسر أنا حبيبتك مرتك.. ام ولادك صافي متفكرتي حتى حاجة زوينة دوزناها بجوج “محسات بدموعها امتا هبطو” .. ااه أنا غلطت غير شيطان لي لعب بي دوز لي غير هادي و عمري نعاود نعيش معاك بخبز حافي و الما غير سمح لي الله يرحم والديك
ياسر ….. بلااا ما تحاولي حيت لي عضو لحنش كيرض بالو من لحبل راه بهاد السيناريو ضحكتي علي نهار لول و غير و صلنا تما و فرعننتي درتي علي عصابة مع دوك وجوه العذاب و تنقول دااابا تحشم داااابا تعيق و لكن لا و أنا عيييييت منك عفتك

فرح “مسحت دموعها” ….. شكون هادي لي داير عليها هاكا واش لي هضرتي معاها قبيلة فتلفون و تبدا ضحك حتى لودنييك دوي يكما تسحابني مكلخة مكنفهمش على قبلها باغي تسوسني؟؟؟ جاوبني راه معاك كنهضر شكون هاد الخانزة خطافت الرجال “حركاتو من دراعو” شتك سكتي
ياسر جعر و دار شدها من فكها شكووون نتي حتى تحاسبيني دوي يكما نسيتي راسك و هاد المرة صلحي فمك قبل ما نهرسو ليك
ياسر كيحاول ميغوتش حيت ناس ناعسين فرح نسات راسها و عاشت دور الزوجة بدات تسول فين غادي و فين جاي هو ممستحملش نفسها طلع و تهبط فهاد دار بقا ليها غير تهضر و تسول … حيت راجل ينسا اي حاجة إلا وحدة قارناتو براجل آخر و مساتو فرجولتو..فرح”حاسة بيه كاينة وحدة أخرى فحياتو و قلب المرا فهاد الأمور مكيخطأش”……..
اوا هاهي فرح بدات و لهلا يوريكم اش غيطرا
#تتمة
“فرح شافت رد فعلو و تأكدت بلي كاينة لي متلفة ليه ري قندشات و نسات راسها و رجعت سولاتو
فرح …… شكون هادي لي قلباتك علي و خلاتك تكحل بلعما و متشوفش فجهتي واش عند بالك غنخليك ليها بساهل يمكن مزااااال معرفتينيش
ياسر…. لااااا…. عررفتك داكشي علاش براتك غتوصلك و أنا مكنتشاورش معاك و أنا مغتشوفيش وجهي في المحكمة و سيري نتي قوليهم مبغيتش نطلق ؟؟
فرح شافت لعكس مغينفعش معاه فهاد ليل غادا غير تجهلو و يركب راسو كتر هي شاعلة و هو شاعل غيتفركعو فوجه بعضياتهم بما انو عارفة الغلط راكبها من راسها لساسها قررات تبرد و تحاول تجذبو ليها و دير أي حاجة باش تحافظ على راجلها و ماينفعوها غير دموعها و هو سلاح اي مرا فبحال هاد المواقف واخا هو ذو حدين إلا عرفتي تستخدميه في الوقت المناسب
فرح في لحظة تحجرو الدموع في عينيها…… خاصك تعرف عمري بغيت شي حد من غيرك و لمن بغيتي تخليني اهى اهى لمرت خالي ترضني خدامة عندها.. إلا مفكرتيش في فكر فولادنا محتاجين لينا بجوج عفاك فكر فيهم أنا مجربة اليتم و أصعب شيء متعيش مع والديك إلا ميتين اهى اهى تصبر راسك و تقول الله يرحمهم فكر فطه ولدك و ولدي لي مولفنا بجوج عفاك متسرعش و من بعد ندمو ” عنقاتو و تنخصص ” أأنا غلطت وو منبقاش نعاود
هزات راسها و بدات تحلون عليه ….. علاش قلبك قاصح هكا و نتا أحن منك مكاينش قربو منها خلاتو ما عرف ما يدير حدو بقا يشوف فيها و فحال إلا تأثر و حس براسو مربوط و مقدرش يبعد حسات بيه تهدن و زادت حطات جسمها على صدرو و تلقاو شفاهم في لحظة ضعف منو أما هي مبتغاها وصلات ليه لعبت على الوتر الحساس و زادت وقفات على صباع رجليها باش تقرب ليه كتر و نغااامسو فيها كانت قبلة عتاب و اعتذار بقاو على هاد الحال حتى تجردو من ملابسهم و دازت ليلة حمراء بينهم بججوج ليلة لي نسا فيها سامية كتسناه بعد ما قالها نبدل و نكملو الهضرة و مشا كملها مع وحدة أخرى بقات تسنا تسنا حتى داها نعاس
صبح صباح و ياسر كره نفسو ملي شاف راسو فديك الحالة تنفض من بلاصتو لبس عليه و هز حوايج نقين و قصد الحمام يغسل حالتو و يغسل من بالو هاد ليلة لي دازت و يقنع نفسو بلي لحظة ضعف لا أقل ولا اكثر
شوفو بلا حجر راه هو لي نعس معاها ماشي أنا رجموه و لا ضبرو راسكم #يتبع

🌸 الجزء 78 🌸
⁦✍⁩بقلمي……………………زهرة محمد
*لا تخبئي الكلام*
دوش و سالا و ممتيقش اش دار و ندم على شنو وقع حتى ندم زغب لي فشعرو عتابرها اهانة فحق نفسو هي لولة و كرامتو.. و خيانة لسامية كان جالس فكوزية و ناض رجع لبيت شاف فيها لقاها مزال ناعسة شاف فيها باشمئزاز … هز تلفونو من فوق الكوافوز حطو في الجيب و جمع حوايجو في باليزتو و خرج بلا ما يدير لحس ركب فطوموبيلتو ديمارا معرف فين غادي بقا شاد الطريق فينما وصل المهم يبعد كيتفكر اش طرا كيزيد يكسيري و يهضر مع راسو ……
ياسر ” حاط دراعو على شرجم” …….. اش درت لاااش قربت ليها “كيتفكر ليلة و كيعض صبعو حتى بغا يطيرو وحلات ليه غصة فحلقو مرضاهاش فحقو هز تلفون لقاه طافي و شعلو يتاصل بسامية تسناه حتى شعل و دوز نمرتها” ……
سامية ” فسطح كتنشر الحوايج سمعت تلفون يصوني حطات لي فيدها و جبداتو من جيبها جاوبات ” ……… الو
ياسر “سكت شوية” ……… حبيبتي لباس؟؟؟
سامية “كتهضر بنص كلمة” …… باينة حبيبتك مخليني سهرانة نتسنا فيك
ياسر…… حبيبتي مقصدتش والله محسيتش براسي و معرفتش اش طرا لي؟ ؟!! سمسمتي
سامية……. ششنو ،؟؟
ياسر…… سمحي لي و بغيتك تعرفي يكون لي كان راه كنبغيك ديري هادشي فبالك
سامية……. حتى انا كنبغيك؟ ؟
ياسر معرفش واش يستاهل هاد الحب النقي لي وسخو لبارح في لحظة ضعف و بلا ما يقصد و خلا غريزتو تحكم فيه و سامية متستاهلش ولكن عطا وعد لنفسو عمر يحط ايدو على بنت المرا من غير حبيبتو و فلحلال خداااه التفكير ….
سامية…… ياسر كتسمعني؟ ؟؟؟
ياسر…… اه اه كننسمعك… حبيبتي راه صايك نوصل و نتاصل بيك واخا
سامية….. صافي رد البال لراسك
ياسر قطع معاها لقا راسو فلخرجة المحمدية مشا نيسان لاوطيل يدوز فيه شي أيام على ما صفا دماغو و يعرف اش غيدير وصل لاوطيل قاد الاجراءات و خدا سوارت و طلع الغرفة كانت كبيرة شوية كطل على البحر دخل حط باليزتو و تلاح على ظهرو فوق النموسية مغمض عيني كيحاول يمسح ليلة لبارح من حياتو و كأنها عمرها ما كانت..
رانيا فايقة على اتصال من غيث لي شحال و هو يطلب فيها باش يشوفها جاوبات بعينين مغمضين تقول كلمة و تسرط عشرة ما فاقت حتى صمك ودنيها
غيث ” مغووبش هو يهضر معاها و هي تمضغ عليه فلهضرة” …….. غتفيييييقي معاااايا و لا لااا !!
رانيا ” مع الغوتة طاح ليها تلفون و تحنات هزاتو و بدات تغبن ” …. علاش كتغوت مالك؟ ؟؟ اش كاين؟ ؟
غيث……. من هنا لساعتين غتلقايني فلقهوة ديال داك نهار ” وقطع”

رانيا “كتهضر مع راسها”…. اشمن ساعتين ؟ كيفاش قهوة؟ ” سيدة مخها مزال مافاق ” حققات في ساعة تلفو لقات 11 و نص ناضت قاصدة الحمام تغسل تفيق شوية سالات لقات فرح مع مها فلكوزينة كينقيو خضرة كسكس و كيهضرو شافوها وقفت عليهم و صبحو عليها
رانيا” صوت تقيل بنعاس”….. صباح الخير
ام رانيا……. هزي راه صينية محطوطة فوق الفران فطري و غسلي الماعن نلقان فين نتحرك
فرح” كتنقي خيزو”……. غير فطري و سيري أنا غنغسلهم ” السيدة فايقة ناشطة عطيوها لمانط تشتف عليهم ”
رانيا فطرات و سالات و مشات لبيتها لبسات عليها و مشات عند مها علماتها بلي غتخرج خدات الفلوس دارتهم فصاك و تاجهات الباب خرجات تاصلات سولات فصاحبتها و قطعت عيطات بسبع لبرومبا لقاتو كيتسناها فين المكان المعلوم
غيث “قدامو قهوة كحلة”….. فينك ؟؟
رانيا” كتشوف واش جاي شي طاكسي”……. يلاه غناخد طاكسي
غيث ….. اوكي غنتسناك
قطعت و دارت تلفون فصاك و لبساتو جنب حتى وقف عليها طاكسي حمر يسولها فين غادا

رانيا “تحنات عندو”……. بغيتك نمشي لقهوة(……….) لي فشارع ……..
مول طاكسي ……. اه طلعي
طلعات لور و ديمارا و فطريق فينما تهز راسها تلقاه كيشوف فيها من لمرايا لقدامية و يخرج فلسانو فلول متسوقاتش و لكن زاد فيه بدا يحك فسدرو و يغمز فيها هي ترعيدة شداتها و لات جالسة على جمر و طريق طوالت و باش كملها وقفوا فسطوب و ضار عندها
مول طاكسي…….. شي غديوة راس فراس وحداني و بغيت لي تونسني اش قلتي ازين ؟،؟
رانيا ……. جمع راسك الحمار لمسخ دوووور و هبببببطني و لا غنشكي بيك
مول طاكسي…….. طالبة لغلا لي طلبتيها نحضرها
رانيا مجوباتش حطات يدها على صاقطة د لباب حلاتو و عطات رجليها لريح تفانتي فطوموبيلات موقفت حتى لقهوة لي كانت قريبة من الشارع…
شكون وقع ليها فحال هاد البلان تعاود لينا #يتبع حبيباااتي ❤❤
#تتمة
وقفت عند باب القهوة وجهها صفار من الخلعة قلبها غيسكت نفس تقطعات فيها بقات شادة جهة قلبها و تنهج شافتها واحد البنت جالسة على برا هي و صحباتها و ناضت تجري عندها شدات فيها

البنت “شدات فدراعها و تسندت عليها ” ….. ختي مالك اش عند ؟؟؟
جا سيرفور بكرسي و جلسوها و البنت معاها تستفسر تعرف مالها خصوصا ملي بدات تبكي حيت عمرها توقعات طيح فهاد الموقف دغيا تجمعات جوقة و كتسمع غير مالك اختي
غيث لفوق كيتسنا معارف اش واقع لتحت كمل قهوتو و هز تلفون يتاصل بيها بقاا كيصوني حتى كيتقطع عاود تاصل مرة حتى قرب يتقطع و جاوبات
رانيا “جاوبات و هي كلها كترعد” ……… ااااالو اهئ اهئ ااااييييهى
غيث ” كان جالس و وقف” ……. رانيا مالك اش طاري؟ ؟؟؟
رانيا ……. ااننا لتحت ههبط ععفااك
غيث هبط وهو ما عارف اش واقع بانت ليه جوقة و حلقو نشف بانت ليه رانيا جالسة فوق الكرسي و ناس ضايرين بيها وصل عندها شافتو و ناضت عنقاتو و تبكي و هو كيحاول يهدنها باش يعرف مالها
غيث”عاقد حواجبو”……. شووووت سكتي و قولي مالك ” شد فيدها ” ….. زيدي نمشيو من هنا
بان ليه سيرفور خلص على القهوة لي شرب و مشاو بخطوات بطيئة حتى وصلو لطموبيل حل ليها لباب و تسناها حتى ركبت و سد لباب و مشا لبلاصتو و ملامحو ممفسرينش بقا كيشوووف فيها
غيث “شد يدها” ……. رانيا… مااالك؟ ؟؟؟ اش طرا ليك؟ ؟؟ هضري راه مبقاش في صبر
رانيا تفكرت مول طاكسي و شهقت بلبكا كااع تصورات الخايبة طاحو فباالها “حطات راسها على كتفو و بقات تبكي حتى بردت ”
غيث……. حبسي من لبكا راك طيبتي لي قلبي
“دور يدو لكرسي لور كانت قرعة لما حلها و عطاها تشرب ” ……… حاولي تهدني ا اميرتي واخا
“قرب منها باس راسها” …….. رتاحي حتى نوصلو
ديمارا و بقاو غادين و راد بالو مع طريق و معاها بانت ليه غير ساكتة وصلو لقهوة و مطعم فنفس الوقت هبط و مشا حل لباب من جيهتها و هبطها حايزها ليه سد لباب و ورك على لكونطاكت و دخلو و كان مطعم زوين ووناس قلاااال و كلااس
مشاو جلسو فلفوطوي و هي فجنبو
غيث……. حبيبة شوية؟ ؟؟؟ شوفي انا معاك دابا عاودي لي اش طرا؟ ؟!!
رانيا بدات تعادو و هي كتحبس لبكية ملي ركبت حتى ملي حلات باب و هربت كتعاود وهو لعروقا ديال نواضرو تنفخو
غيث”عااض على سنانو” …… وهاد الكلب مشفتيش ماطريكيل ديال طاكسي
رانيا…… لا بلخلعة مرضيتش لبال “شدات وجهو بين ايديها ” ….. عفاك حنا جينا نفوجو و نضحكو خلينا نساو شنو طرا متوحشتينيش؟؟؟؟
غيث……… توحشتك معرفتش اش كنت ندير كون وقعت ليك شي حاجة؟ ؟؟،
رانيا……. هانا معاك مواقع واالو ….حبيبي مفيكش جوع ؟؟؟
غيث…… شوية !! اش ناكلو
رانيا ” خدات لموني كتشووف” …… مممممممم ناخدو مشاوي؟؟
غيث……… ماشي مشكيل شي صلاد و اشمن عصير
رانيا…….. لا ناخد كوكا
طلبو لي بغاو و بداو ياكلو في جو د الحب و ضحك و يهضرو
غيث…….. فلويكاند موجد ليك مفاجأة وجدي راسك ندوزو أنا و ياك نهار كلو إن شاء الله
رانيا “سمعت المفاجأة و حبست الماكلة” …… شنو شنو هي سوربرايز عفااك
غيث ……… هههههههههه نو نو نو المفاجأة إلا تقالت هي والو
رانيا…….. واخا نعواج متقولش غنصبر حتى لويكاند
كملو غداهم و هما ناااشطين و الحب هو ضيفهم في هاد الساعة غيث كيشوف داكشي لي بغا فرانيا و فكرة زواج كتزيد تكبر فراسو و هي كتشوف فيه راجل لي تمنا أي بنت

🌸 الجزء 78 🌸
⁦✍⁩بقلمي……………………زهرة محمد
*لا تخبئي الكلام*
دازت ليلة على ابطالنا و هم في أحضان بعض معنقها بيديه بجوج هي منعساتش و حتى هو بقاو كيهضرو في اي حاجة و على اي حاجة حتى غفاات شوية فوق كتفو و هو بقا سهران حتى بان الحال شافها غمضات و خلاها ترتاح كانت مخدة فجنبو حط راسها عليها و ناض خرج كانت خيوط الشمس تبان و لبرد مزال محرك مشا لخيمتو يغمض شوية حيت تابعهم يوم مليء بالمغامرات
صبح صباح و الجو مشمس و غزاال ينعش الروح ياسين واقف برا الخيمة كيتسنا نور تبدل باش يلتاحقو بيهم يفطرو و يمشيو يعبرو للضفة الأخرى بالعربة و يركبو القوارب المهم نهار مليء بالمغامراات خرجت نور لابسة سورفيت و دايرة زيف على راسها شدة تركية ياسين غير شافها و بدا يضحك حتى دمعو عينيه بدات تشوف فحالتها يكما فيها شي حاجة مهياش مشات قرباات لعندو مع هو طويل عليها وقفات قدامو وقربات ليه باش يغطي عليها شمس شدات بيدها بجوج فتيشورت ديالو و تكلمت
نور ” كتخربق بصبعها” …….. مممممكن نننعرف لللاش كككضحك؟ ؟؟؟ مممججيتش زززوينة!!
ياسين “مبتاسام و كيبعد لGصة على وجهها” ….. بلعكس جيتي زوينة ههههههه غير هاد لفولار لاش؟؟؟
نور …… اااااه هههادا للللا مموض ددديال تتركيا
ياسين” عنقها من كتفها ” ……. و زييييدي امنار تحركي بما أنو ليوم لخر في رحلة بغيت ليوم يكون spécial
نور ” ضورت يدها ورا ضهرو” …… ممملي ددخللتي لللححياتي وووو هي ssppécial
مشاو يفطرو في مطعم متنقل كان عبارة عن خيمة كبييرة فيها طوابل و كراسا د بلاستيك جلسو حدا بعضياتهم كانو عصير الليمون بلاباي 🍹و لي سندويتشات فطرو و ناضو بزربة نور غادة و تجر فيه
ياسين…… وقفي فين جاراني؟ ؟؟
نور …… بببغييت ننشووف ممماريا مممن لللبارح مممششفتها؟
ياسين”جرها لعندو” ……. صافي طلعت ليك فراسك ولا شنو ممم مغنخليكش تمشي الالة شنو رأيك؟ ؟؟
نور……. وووو ععلااااش؟ ؟ غغغنشووفها غغغير ششششوية ووووو ننرجع
ياسين…….. نتي حبيبتي و طلبك مرفوض ” مشا و خلاها
نور ” تبعاتو و وقفت قدامو ” ….. ككككيفاش ممممرفوض!!
ياسين……..اجي نجلسو تحت هاد شجرة باش نفهمك ” مشات معاه تجر فرجليها و هي معاجبها حال جلس هو لول و هي تقابلات معاه” … دابا مثلا لي كيحط طلب عمل كيزوق لهضرة و كيقنع المدير ديالو باش يخدمو و حتى نتي خاصك تزوقي الهضرة باش نقتانع و نخليك تمشي
نور……. وووو كككييفاش نننززوققها ؟؟
ياسين…… تحزريني مثلا!!! تقولي حبيبي واش ممكن نمشي و تختميها ب بوسة متلا راه ماشي أنا لي نعلمك أمور حواء

نور “بخجل معرفت منين نزل عليها” …. وووولككن اااانا مممماشي مممرتك؟ ؟
ياسين…… و أنا بغيتك تكوني مرتي؟ ؟؟؟ اش قلتي؟؟؟
ناضت هربت من كلامو لي كان كيبان جدي ماشي كيتفلا داخت بيها لرض مفهماتش اش كيقصد وقفت بلا ما تجاوب مشات عند ماريا لي كانت واقفة مع واحد لا كليك بنات و ولاد مجمعين و كيضحكو و نضمت ليهم غير الجسد لي حاضر و هضرتهم كاعما كتسمعها فقط دقات قلبها لي كل دقة كدق ليه…

#تتمة
ياسين عرفها حشمت منو و الحياء معروف على حواء امام اي رجل مُحب وقف و مشا عند المشرف يعرف امتا غيركبو العرية الهوائية خبروه بلي بقات فقط 20 دقيقة و غيكونو أفواج

ياسين ….. صافي مزيان ملي تساليو مع طلبة تاصل بي
المشرف……. مرحبا أستاذ ياسين سير رتاح ليك و غير يرجعو طلبة من هاد المغامرة نتاصل بيك
مشا ياسين لعند لاكليك لي واقفة معاهم نور سلم عليهم و استأذن منهم و جر نور معاه بغاها تبقا قدام عينيه متغيبش على عينيه بغا يستاغل كل دقيقة معاها مشا بيها لخيمة و دخلو حيد سبرديلتو و مدد ضهرو كيحس بلعيا حيت منعسش مزيان
نور “جالسة و مغوبشة و منوياش على خير ” ….. مممممككن نننعرف للللاش جججببتييني ههنا
ياسين “مغمض عينيه و كيهضر برود” ….. بغيت نرتاح و جبتك تبقاي معايا حتى نفيق
نور” حطت يديه على راسو” ……. بببان لي سسسخخانة ددوبات لليك للممخ
ياسين “جلس على غفلة” …… سخانة دوبت لي القلب “قرب كتر حط شفافو على شفافهاا ” شنو منستاهلش تبقاي معايا كون كنت أنا منقولش لا
نور “باقا دايخة من ريحتو و بوستو” …. للللا نننبقا غغير بببغيت نننرركب فففللععربة الهووائية
ياسين……. غير رتاحي ملي توصل نوبتنا غيتاصلو بي صافي
نور……..ااااه ووووللكن ااانا اااش غغنببقا ننندير ووو ننتا ببباغي تتنعس خخليني نننبقا ممع للاا كليك
ياسين……. مناعسش غير متكي احبيبة و لا كليك لي كنتي معاها باسلين و مبغيتكش توقفي معاهم
نور…….. فففحال ااالا زززدتي فففيه للللا!!
ياسين…… و من الحب ما قتل!!
نور ……يييععني ؟؟؟
ياسين……. يعني بقاي معايا حتى نمشيو أنا وياك

نور مولفاتش هاد الحكام مفهماتش تصرفو مرة كيبان حنين و مرة قاصح و ياسين هادي هي طبيعتو معندك الالة نور غير تصبري كلاها فمها و نوضاتو حررات فيه الغمضة
نور……. بببغيتيني نننبقا فففيق ووو هههضر ممععايا
ياسين……. فااش نهضرو احبيبتي. ؟؟؟
نور……… ييييلاه نننتمشاو؟ ؟؟ وووواش جججينا نننعسو؟؟؟
ياسين “جلس و شد يدها باسها” …….. و أنا نقدر نقول لساكنة قلبي لا واخا تكون في لموووت
نور”حطات صبعها على فمو” ….. ععععفاك مممتجبدش لمموت “عينيها غرغرو”
ياسين……… منجبدهاش يلاه نوضي نتمشاو
شد فيديها و بقاو يتمشاو و يتعرفو على بعض كتر عاود ليها على مو و ختو و واعدها قريب يعرفها عليهم داز الوقت و هما غاديين حتى وقفاتو
نور ……. وووواش ككككتسسمع اااش كككنسمع
ياسين “بتركيز ” ……. شي حد كيغوت…

🌸 الجزء 79 🌸
⁦✍⁩بقلمي……………………زهرة محمد
*لا تخبئي الكلام*
ياسين و نور سمعو صوت لغوات عرفوه جاي من جهة ثانية من ضفة مشاو يجريو يشوفو اش طاري كانت ماريا وسط فالعربة الهوائية عاطياها لبكا و لغواات حتى قربات توصل للجهة الأخرى فين كيتسناوها صحابها و وحلت لوسط العربة مبقات بغات تحرك و مع المرتفع غير كتهبط عينيها كتجيها دوخة وكتبدا ترعد المسؤول لي تما كيحاول يطمنها بلي راه كلششي مزيان معندها مناش تخاف و شكووون سمعو مريا مسكتتش من الغوات وصلت نور و ياسين كتبان ليهم العربة واحلة الوسط و كلشي خايف عليها طيح ولا توقع شي حاجة الله يحفظ حتى المسمومات خافو عليهها مشات عربة أخرى فيها واحد من المسؤولين على المنطقة و مولف بهاد الحوادث من هاد النوع و كيعرف يتعامل مع فحال هاد المواقف نور شادة فدراع ياسين و لون تخطف منها خافت على صاحبتها و كدعي الله مايوقع والو استغرق الأمر شوية دلوقت و كلشي على اعصااابو و ماريا ماتو ليها الاعصاب فهاد اللحظة قنانفها كيترعدو و كتحس الموت داخلاها مبقاتش قادة تغوت واقفة وسط العربة لا حراك حتى وصل المنقد ربط العربتين ببعضياتهم باش يقدرو يجروهم و رغم ذلك بااقي الخوف مستولي عليها ما رتاحت حتى وصلت و حطات رجلها على الأرض لي فشلو عليها ….
طاحت الأرض و بدات تبكي في لحظة شافت الموت بين عينيها كون طاحت ميلقاو فيها حتى عضم صحيح حاولو يقفوها غادين بها الخيمة ترتاح و نور تابعاهم من لور و الولد لي كتكون معاه خايف عليها حيت عزيزة عليه ووقلبها بيض ملي شافوه معاها كلشي خرج و خلاوه معاها و مشاو
اليكس دري نقي و مأدب شهب و عينيه خضرين كيوووت كتعجبو ماريا ملي شافها فداك الموقف كان كيمووت بلخلعة عليها عطاها تشرب و تكاها على صدرو و هي مزاال خايفة و كتردد كلمة وحدة
مااريا ” فمها كيترعد” …… ككنت غغنموت ….ككنت غغنموت اهى اهى
اليكس…… تهدني كلشي بخير موقع والو حاولي ترتاحي أنا معااك
ماريا ” كتهتهت” …… ببقا معايا متخلينيش ععفااك
أليكس شافها هكاك و زاد خوفو عليها و دموعها كيحس بيهم على حوايجو تقابل معاها باش تشوف فيه و يطمنها كتر
أليكس…….. ماريا نساي هادشي لي طرا اووكي أنا معاك شوفي كلشي مزيان صافي
ماريا “بتاسمت وسط دموعها و جاوبات ب اه براسها فقط ”
رجعت تكات على صدرو و بدفا حضنو مبقاتش كترعد و غفات بعد ما رتاحت شوية اما البقية كملو المغامرة و مخافوش من داكشي لي وقع لماريا مستمتعين بوقتهم إلا نور لعكست لياسين و حلفت ما طلع
ياسين ” تابعها و كيهضر” …… راه غير هاد العربة سكة ديالها كانت مصدية و حيدوها شوفي كلشي ركب إلا حنا
نور……. مممغننرككبش هههي مممغننرككبش
ياسين ” وقفها “……. دوختيني و انا تابعك حبيبة واش غتخافي و أنا معاك
نور…… لللللا …. ولكن …
ياسين ” قاطعها”….. مكاين ما ولكن حنا جينا باش ندوزو اي حاجة زوينة و الخوف مغيخليك ديري والو
فوضات أمرها لله و شدات فيدو و مشات معاه طلعو و هي كلها كتغزل ياسين حداها كيتمنضر و هي غير كتشوف راسها فاعلو كتلصق فيه حاول يلاهيها بالهضرة و طلق راسها
ياسين ” قربها لعندو”…….. مكنتش عارفك خوافة هاكا اممم
نور…….. ررررجااال ممممعررووف عععليهم قققلبهم ققااصح مممماشي فففحال لبببنات
ياسين…….. دابا أنا قلبي قاصح ؟؟ لي قلبو قاصح ديال بصح مكحبش !!
نور “شافت راسها قفرتها “….. ووووو مما شي ههكاك ززززعما وووو راه مممقصدتش بببغيت نننقول بببلي مممكتخافوش و صصصافي
ياسين…….. و شكون خاف عليك ملي مرضتي اا قلبنا مقاصحش و حتى حنا كنخافو غير مكنبينوش
بقات كتشوف فيه و فرحانة حيت معاه و الاهم من هادشي كلو كتبغيه نسات راسها فين و باستو فحنكو و حتى هو استغل الفرصة و طمع فكتر و حط فمو فجنب فمها و عاود باسها فشفايفها و بقاو هكاك حتى حس بيها بعدات راسها شوي و هي حشمانة منو…
عصافير الحب دوزو أغلب الوقت مع بعضهم زارو المنطقة و فلعشية رجعو لوطيل حيت غيباتو و غدا ياخدو طريق العودة

🌸 الجزء 80 🌸
⁦✍⁩بقلمي……………………زهرة محمد
*لا تخبئي الكلام*
عندما تحتار المشاعر
يصعب عليك ترجمة ما تعبره لانها خليط متداخل من المشاعر الغريبة
لا يفهمها القلم ليترجمها الى لغة الكلام
فتكون الاحرف ساخنة في جوف البوح
لتموت
على ارصفة الحيرة والعجز لتترك مكانها عناوين ضائعة ومشاعر متأججة وشوقا
على امل ان يترجم ليفهم
هذه المشاعر التى احتارت ما تقول لكي تترجم الى لغة الكلام او تعبر عن مفومها مش الى الفهم المعقول
ياسر من نهار خرج من دار ما بقا صد ليها مرة أخرى لا برية لا تلفون حتى سامية ملي تاصل بيها و هو فطريق مهضر معاها هو ملي حط رجلو فهاد البلاد السعيدة وهو حاير و زاد قتلاتو الحيرة و نغصات على حياتو الغلطة لي دار بلا ما يقصد واقف قدام لبالكون حاط يديه بجوج على الحديدة كيشوف في البحر لي كان هايج و هو هايج كتر منو معرف ميقدم و لا يوخر إجراءات الطلاق مستمرة بغا امتا يحس براسو حر توحش سامية و الهضرة معاها صورتها مفرقاتش خيالو بقا على داك الحال حتى سمع تلفون كيصوني دخل حيدو من شارج و جلس فكنابي و مسرح رجليه و جاوب
ياسر……. الو
سامية”مجهدة تلفازة ” ……. سلام لباس عليك؟
ياسر…….. الحمد لله و نتي بخير؟ ؟
سامية…… كون تاصلتي غتعرف واش بخير إلا متاصلتش مكنتيش غتسول !!! مالك هاد الايام حالك ماشي هو هداك؟؟؟؟
ياسر……. مكاين والو احبيبتي غير مبرزط و صافي
سامية…….. و إلا مبرزط عاود لي شنو مبرزطك واش غتعاود لشي وحدة أخرى من غيري المهم أنا هنا باش نسمع ليك
ياسر “حس بغصة فحلقو”…… عارف احبيبة ربي يخليك لي غير مبغيتش نبرزطك “تنهد ” …. توحشتك!!
سامية…… حتى انا توحشتك داكشي لاش تاصلت بيك ممولفش تقطع الهضرة معايا
ياسر……. عارف اعمري مبقاش بزاف و نجي نخرجك و نمشيو فين ما بغيتي
سامية….. واخا متبقاش مقلق مكتجيش معاك فين ضحكة ديالك توحشتها
ياسر ” ضحك بلا خاطر باش يدير ليها خاطرها” ” …….. حتى انا توحشتك بزاااف و توحشت اي حاجة فيك غير الله يقدرني و نخليك اسعد وحدة
سامية”فرحانة بكلامو” ……… إن شاء الله حبيبي
ياسر “سمع كلمة نساتو همو لي فيه”……… شششنو قلتي واش الكلمة لي سمعت ببصح و لا غير تهيأ لي
سامية …….. هههههههههههه نو بصح يلاه باي ماما بغاتني و “قطعت”
قطعت وهو مزال مشبعش منها كان بغاها تعاود كلمة “حبيبي ” لي خلات قلبو يفز من مكانو حط تلفون على صدرو و كيدعي الله تيسر امورو مع لي ختار قلبو و مباغي حتى حاجة توقف فطريقو محارب دنيا على ودها و عطا وعد لنفسو يخليها فرحانة و يعيش معاها

القناعة لي معاشهاش مع فرح كان يدمر صباح وليل غير باش يصرف على حوايجها و مكياجها مجا فين يفيق حتى لقا 7 سنين دازت من حياتو معاش لا حب ولا اهتمام كان فقط دورو يجيب الفلوس بزايد إلا بغا مرتو ترضا عليه وتخليه يقيص شي حاجة لي من حقو هادشي لي خلاه يكره العيشة معاها. 🍒🖇️

😢😢😢بان ليا الغلطة اللي دار هي اللي غاتكون العقبة بينو او بين سامية بقات فيا مسكينة موقف ماتمناه حتى وحدة

🌸 الجزء 81 🌸
⁦✍⁩بقلمي……………………زهرة محمد
*لا تخبئي الكلام*
#دازت_يومين و غيث مجلسش غير باش يكمل المفاجأة لي واعد رانيا بيها تكون واجدة في الوقت قاد كلشي و سالا…
في حي راقي نازل غيث من واحد الاقامة و طلع فطموبيلتو هز تلفون شاف ساعة لقاها 4ونص ديال لعشية تاصل برانيا باش تجي تشوف المفاجأة تاصل و جاوبات في الحين وهي تلفون دايراه فحال لبيبي
رانيا…… حبييي سافا؟ ؟؟
غيث…….. شنيولة اش كديري
رانيا…… كنمص دم عباد الله اش هاد شنيولة تاني
غيث …….. ههههههههههههههه متقلقيش ازين ديالي اشكديري؟؟
رانيا ……… جالسة كنتفرج فواحد المسلسل
غيث…… و نوضي لبسي عليك شوية و و نلقاك فين كنحطك
رانيا…….. غير خليها حتى لغدا مفياااش لي يخرج احبيبي
غيث……… كنت باغي نوريك المفاجأة ملي ما فيك لي يخرج صافي
رانيا ” سمعت المفاجأة و وقفت” …… لاااا لا غنوووض دابا يلاه قطع باش منتعطلش
غيث……… غير بشوية عليك أنا غنتسناك
قطع معاها و مشات تجري تلبس تشوف هاد لبسة و متعجبهاش و تلوحها حتى بانت ليها كسوة صيفية تحت ركبة بشوية دارت عكر خفيف و ماسكارا و طلقات شعرها و مشات لقات فرح حداها بنتها ناعسة و مها مجمعين و كيتفرجو فسامحيني
رانيا…….. ماما حبيبة شوفي راه غنخرج مع البنات و مغنتعطلش
فتيحة……… شتك نتي كترتي من لخروج هاد الايام
رانيا……. و راه العطلة اماما غنمشي و منتعطلش عفاك
فتيحة……. حتى لبستي عاد جايا تشاوري و لكن الهضرة ماشي معاك مع باك لي مضسرك
فرح…….. غير خليها اختي نهار كلو و هي فدار تمشي و متعطلش “شافت فرانيا” … يله سيري و متعطليش ” غمزتها”
رانيا ……. يله بسلامة عليكم هانا مشيت
خرجت رانيا و تمشات شوية حتى حست براسها بعداات على دارهم و تاصلات بغيث يجي لعندها كرهت تركب فطاكسي و هي بوحدها
غيث……. حبيبة خرجتي؟ ؟؟
رانيا…….. اه مبغيتش نركب فطاكس واخا تجي عندي حدا مدرسة (*********)
غيث……… “ديمارا ” …….. هانا دااابا عندك.
غيث ديمارا و مخدم اغنية احبيني بلا عقد و كيدندن معاها حتى وصل عندها ووقف حلات لباب و ركبت سلمات عليه بلابييز
غيث “شافها اش لابسة و تقابل معاها” ……. اش هادشي لاابسة؟؟
رانيا ……. ااااآ لا غير حيت صهد و صافي
غيث …….. اش فيها إلا لبستيها طويلة!!! ولا كيعجبك يتبعوك شمكارة معرفتش لاش كترخصو راسكم
رانيا……. ممكنرخصش راسي حتى حد ما عندو الحق يدخل في
غيث ……. لا الالة عندي الحق نهضر و أنا باغي نجي لداركم
رانيا…….. و صافي احبيبي بلا ما تعصب كنت كنضن غتعجبك
غيث……….. تعجبني ملي تكوني لابساها فدارك ماشي فزنقة
رانيا….. صافي آخر مرة غير متقلقش
ديمارا و مشاو بلا حتى كلمة غير كاضم ساهر لي مونس الوقت هي صقلت و مزادتش كلمة مهضر معاها حتى وصل قدام واحد باركينغ حلو بتيليكوموند اوطوماتيك و دخل بشوية فلهبطة و بلاصة فمكانو
غيث…… يله هبطي تشوفي المفاجأة
رانيا ……. فين جبتيني؟ ؟؟؟
غيث……… لدارنا لي غنسكنو فيها إن شاء الله عطيني رأيك
رانيا ” شدات فحزام السلامة ” ……. للللا ممنقدرش نمشي معاك رجعني فحالي
غيث……. مكتيقييش في و لا شنو كون بغيت شي حاجة خايبة كاين فين نلقاها راه ماشي كاع ناس خايبين حيت بغيت لخر د صيف نتزوجو ارانيا و هبطي باش متعطليش “قرب باس راسها ” كنبغيك الحمقة
رانيا حيدات الحزام و هبطات و هبط حتى هو و شد فيها و مشاو لاسانسور دخلو و ورك على رقم 5 و طلع بيهم ووقف و تحل لباب و تاجهو شقة كانت على ليسر حل لباب و دخلو كانت برطمة في غااااية روعة اشمنك ياصالون بلدي و مقبل معاه صالون عصري دخلت و حلاات فمها و هي مزااال مشافت لبيوت و الكوزينة واخا مزال شووووية ريحة صباغا كضور ولكن دار كانت كتهبل مشاو يشوفو ركن بركن الكوزينة فيها ااااخر ما يكون حلو باب بيت نعاس و الاستغراب بان على وجهها و هو حداها مبتسم….

🌸 الجزء 82 🌸
⁦✍⁩بقلمي……………………زهرة محمد
*لا تخبئي الكلام*
غيث……. مقدرتش نفرشو و أنا معرفتش مولات دار كيف بغاتو نعطيك لكطالوG و ختاري على ذوقك و يكون كيف تشاهيتيه و أنا نعاون حبيبتي لبغات
رانيا “عنقااتو” …… دارك زوييينة
غيث……. هادي داارنا احبيبة قولي لي كيف جاتك؟؟
رانيا”بفرحة”…… كتحمق احبيبي زوينة
غيث…… ااجي اجي جلسي نهضرو
رانيا ” جلست فصالونن عصري وهو حداها ” …. واش بصح باغي نتزوجو؟ ؟؟؟
غيث……. علاش نتي مبغااش!!
رانيا…….. لا بغيت ولكن راه مزاال باغا نكمل قرايتي و دارنا أنا لي عندهم بغاو يشوفوني في أحسن بلاصة
غيث……. حتى انا باغي نشوف حبيبتي في أحسن المراتب و ضربي والديك على حسابي
رانيا……. واخا يلاه نمشيو باش منتعطلش
غيث”وقف و هز سوارت دار من فوق كنابي”…….. يلاه زيدي هزي تلفونك غتنسايه
رانيا هزات تلفونها و تبعاتو شدات فدراعو و هي مقداها فرحة ربي عطاها راجل كيبغيها و ناوي الحلال هبطو لباركينغ طلعو لطوموبيل يلاه ديمارا بانت ليه شي طومبيل قدامو باغا تخرج حتى هي ولكن ثقيييلة بدا يكلاكصوني عليها باش طلق راسها
رانيا”حيدات ليه يدو على كلاكصون”…… غيث راه لبنت معلقة بلاكة 90 و نتا كتبرزطها خليها حتى تخرج على خاطرها
غيث……… رانيا دخلي سوق راسك ملي مكتعرفش اش داها لشي صوكان
رانيا……… مااالك كتغوت قلت لك غير صبر على البنت
غيث ” متصوقش و بقااا طيييييط طيييييط ” ….. و اجي الالة وريني كيفاش نصوووك
البنت لي صايكة متصوقاتش ليه و هادشي خلا غيث يزيد يجعر على رانيا و كشاكشو خارجة و هز يدو عليها…
تحركو و كسيرا حتى وصلها منين هزها وقف ودار لعندها شافها شادة فكسوتها و قالبة وجهها عليه يله نطق سميتها حيدات سمطة و هبطات تجري قطعات شارع حتى وصلات لدارهم دخلات نييشااان لحمام تغسل وجهها مشات لبيت جلاس رجعت لبساات بيجامتها و سدات عليها و تكات طفات تلفون و نعسات
سامية مع العطلة عاطياها غير الافلام حتى طاحت فبالها رانيا مهضرت مسولات خدات تلفون كتااصل بيها كتلقا تلفونها ناضت تعيط فتلفون دار تسول تشوف مالها
هزت تلفون و مشات لبلاصتها دوز نمرة بقا كيصوني و سمعت الو..
فرح…. الو
سامية…….. السلام عليكم شكون معايا؟؟؟
فرح…….. راه نتي لي شكون معايا ؟؟؟؟؟
سامية…… لا سمحي لي غير مجانيش صوت خالتي و ماشي صوت رانيا داكشي لاش سولت
فرح………. أنا مرت خالها و رانيا ناعسة ملي تفيق شكون نقوليها؟ ؟؟
سامية “جاها شعور فشكل فحال الغيرة” ….. قولي لها صاحبتها سامية ” و هي كتهضر سمعت ام رانيا كتسول فرح شكون متاصل؟؟؟
فرح……… هاكي اختي شي بنت كتسول على رانيا
فتيحة……… الوو
سامية……… اهلا خالتي لباس عليك
فتيحة……… بنتي سامية لباس عليك؟ ؟؟ سمحي لي فرح معرفتكش راه رانيا ناعسة نفيقها ليك
سامية ……. لا لا اخالتي غير خليها ياك لبااس عليها ؟؟؟؟
فتيحة لباااس ابنتي الله يرضي عليك كيف دايرة ماماك
سامية…….. لباس عليها كتسلم عليك ملي تفيق قولي لها راني سولت فيها
فتيحة……… واخا ابنتي غير تفيق و تاصل بيك
سامية ………. واخا اخالتي بسلامة عليك
فتيحة…….. بسلامة ابنتي
سامية بقات حاطة سماعة التلفون على ودنها و تسناتها حتى قطعت من باب الاحترامم ولكن بقات كتفكر فرانيا لي مولفة تاصل و تسول ساست راسها من هاد الأفكار و قالت يصبح و يفتح و تمشي تشوفها
#صديقتي
احتاجكِ بقربي يا صديقتي لا تتركيني وحيدة فأني بدونكِ أشعر أني تائهه في هذا العالم ان رأيتي أني لست بخير فأعلمي أني حقاً كذلك حتى ولو قلت أني بخير فأنا خائفة بأن أعترف بذلگ لا أعلم شيء عن سبب وجعي ولكني بقربكي اشعر بأني بخير أحبكِ لا تصدقي ما أقوله أمامكِ بأني لا أحبك فأنني لا أستطيع البوح بمشاعري أمام الجميع لأنني أشعر بخوف شديد من الذي سأواجه لا تتركيني لا أستطيع مواجهة هذا الالم لوحدي احتاجكي بقربي لتخففي عني وتهديني الى الصواب لأنني في بعض الأوقات طائشه في قرارتي حياتي بدونگ لا معنى لهاا أنتي لستِ جزء مني كما يقول الجميع بل انتي أنا هذا ما أحس به اتجاهكِ حقاً لا تتركي يدي ان احتجت لكِ انتي تعلمين بمدى حاجتي لوجودكِ حولي أحبكِ فعي ذلك

🌸 الجزء 83 🌸
⁦✍⁩بقلمي……………………زهرة محمد
*لا تخبئي الكلام*
خلافات العشاق تجديد للحب … كيف نفرض عليه الحب إن كان لا يراه يستحق التضحية
رانيا فيقها جوع من عز نعاس ملي دخلت لدار وهي في لبيت كتشوف و تفكر تصرف غيث لي غوت عليها على أمر تافه و قمعها بلا ما يفكر تكات على ضهرها و كترجع سيناريو حياتها عمرها شافت باها غوت على مها ديما محتارمها و مقدرها و عاطيها قيمة عالية … تنهدت و جبدات تلفون من تحت مخدتها و شعلاتو دازت دقيقة و بدات الدقة المراكشية ديال ميساجات و الاتصلات ديال غيث و سامية دخلات لميساجات صاحبتها قراتهم هما لولين عاد قرات ديال غيث لي كانو كلهم اعتذار و طلب المسامحة
غيث….. حبيبة لاش طفيتي تلفون ؟؟؟
عفاك جاوبيني
مقصدتش نغوت عليك
كانو هادو رسائل غيث لحبيبتو لي حست بليلها ناقص وهي مهضرتش معاه كيف متعودة و حتى هو مجاهش نعاس كان شاد تلفون و غير شافها قرات الميساجات و تاصل في الحين شافت تلفون كيصوني و ترددات باش تجاوب محستش حتى لقات راسها مجاوبة على المكالمة و نطقت …
رانيا “بصوت منكسر ” ……. االوو
غيث ……. حبيبتي سمحي لي… معرفتش كيفاش معرفتش علاش هضرت معاك بديك الطريقة انا تعجبت فنفسي أنني نتعامل هكاك غلطت و كنعتارف
رانيا صوت نفسها لي مسموع ساكتة و كتسمع ليه … حبها لغيث خلاها ضعيفة انها ترفض تسامحو كبرياءها غاااائب فهاد الساعة توحشات تسمع صوتو و تسمع اي حاجة زوينة منو … احساسها بالراحة معاه خلا مكالمتو عاادة بالنسبة ليها و متقدرش دوز ليلتها بلا ما تسمع نبرة صوتو
غيث …….. حبيبة ديالي “تنهد” كنبغيك و عمري فكرت نقلقك !! قولي شي حاجة عفاك متبقايش ساكتة
رانيا “حنحنت” ……. لباس عليييك؟ ؟
غيث…… الحمد لله اعمري نتمنى تكوني سمحتي لي
رانيا ……. نتمنى تكون آااخر مرة حيت ممولفاش هاد نوع من المعاملة و إلا غتخسرني بسبابها وخصوصا ملي تجرح قلبي على أمر تافه
غيث …….. مغنجرحكش احبيبتي و مكنفكرش نخسرك لأي سبب
رانيا ……. يلاه سير تنعس راه فات الحال غدا و نهضرو
غيث ……… ملي تفيقي صوني لي خاصنا نهضرو في امورنا واخا!!!
يلاه احبيبتي سيري ترتاحي تصبحي على خير
رانيا …….. و نتا من اهل الخير
سالات المكالمة و رانيا ممخدماش لا العقل و لا المنطق فقط قلبها لقلب لي خدام و حَب غيث بدون قيد أو شرط بدات تبتاسم و راحة تسري فجسمها بسبب كلمة زوينة منو خلاها تنسا شنو دار و هادشي كيدل على نقاء و طهارة روحها ستسلمات للنعاس داز ليل لمتميز بسكونو و يعقبو صباح مليء بالمفاجاءات

فاقت رانيا عابسة وجهها على صوت بكا فدارهم ناضت دايخة وصوت جاي من صالون لقات فرح كتنخصص و شادة ورقة بين ايديها و كترعد و مها جالسة فسداري لي حداهاا و لفطور مزال فوق طابلة مشات حدا فرح و جبل الاسئلة كطرح عليها
رانيا ” مزال دايخة بنعاس و شعرها مشعكك” …. فرح مالك؟ ؟؟ علاش كتبكي ؟؟؟ اش واقع ” فرح بكترة لبكا مقدراتش تجاوب مدات ليها الورقة ” اشنو فهاد الورقة ؟؟؟؟؟
رانيا غير قراتها و تحل فمها بلا شعور من شدة الصدمة كانت ورقة طلاقها من ياسر لي هز حوايجو و معرفوه فين مشا
رانيا…….. صافي ططلقتو!!!!!!!!

🌸 الجزء 84 🌸
⁦✍⁩بقلمي……………………زهرة محمد
*لا تخبئي الكلام*
إياكم أن تنبهرو بسحر البدايات لأي شيء….. لأن الأشياء الحقيقية تكبر و تتضح مع المواقف و الزمن ، و الأشياء المزيفة تتلاشى و تصغر بنفس الطريقة أيضا
فرح بكات بكا ندامة حيت قلة عقلها خلاها توصل لفين وصلات ياسر هانت عليه لعشرة و معطاهاش قيمة…. و هي في لحظة نسات اش دارت و شنو لي خلاه يسمح فيها و مفكرش
*حلال علينا و حرام عليهم* عليها غفور رحيم و عليه شديد العقاب متفكراتش معاملتها معاه و كيفاش طغات و ستغلات حبو اشد استغلال و بسابها طج و جا المغرب.
#فلاش_باك
ياسر خارج مع 4 من الخدمة و غادي فرحان لدارو يشوف مرتو و لدو لي كيستناه فوقاش يوصل و يلعب معاه واخا تيكون عيان ولكن فوجه ولدو و مرتو كلشي يهون دخل لقاها شادة تلفون و صوت ضحكها يتسمع من فين و فين شافها متسوقاتش و مشا لبيتو بدل و جلس حدا ولدو لقاه فايق و يفنكش فلكونة ديالو و ينغنغ هزو ياسر بقا يبوس فيه و يلعب حتى دخلات فرح تعوج فمشيتها و مشات لماريو جبدات كسوة كرونة مفتوحة من صدر لبساتها و ماكات و رشات ريحتها و ودعاتو عادي فحال مكيتسالها حتى حق وجودو مثل عدمو باست ولدها فيدو و هزات ساكها غادا حتى وقفها بسؤالو
ياسر ” حط ولدو فبلاصتو” ……. فين غادا افرح؟؟؟؟
فرح “بلامبالاة” ……. فحال ديما سهرة الخميس كنتجمع مع صحاباتي و راه تعطلت خاصني نمشي
ياسر ” شدها من دراعها حتى غرس صباعو فلحمها” ……….. واش مشفتيش راسك زدتي فيه راه رخييت لك فوق القياس
فرح “صوتها فات صوتو……….. مااالي اش كندير واش ماشي من حقي نخرج و نسا الهم ؟؟؟؟؟ باااش حسن مني هما !!!! و زيدون كنتخنق فدار نهار كلو محبوسة بين 4 لحيوط كنتسناك لخر دشهر باش تكرم علي و تخرجني نتعشاو صحاباتي كل نهار خارجين مع رجالهم في أححسن المطاعم و بلا ما نهضرو على لكادوات لي كيجيبو ليهم “هضرت باستهزاء” و نتا ذهب نهار عرسي هو لي مزال كنلبس
ياسر “بقلة حيلة”………. داير جهدي و كتر احبيبة بقاي نتعشاو أنا وياك فدار و نواعدك ناخد بريم نشري ليك لي خاصك
فرح “سمعاتو غيشري ليها و قربت ليه و ضورات ايديها على عنقو ” …… و هكا نبغيك دابا واعدت صحباتي غدا و نتعشا معاك “باستو فحنكو ” عندك تنسا من هنا لساعة صاوب لطه رضاعة ديالو يلاه باااااي
ياسر فاق من سهوتو و هو كيتفكر اش دارت و حتى هو مندمش على اشنو دار من حقو يشوف حياتو مع لي تستاهلو و تعرف قيمتو
#لاتعاتبني قسوّتك ساقت احاسيسي لـغيرك
🚶🚶🚶

🌸 الجزء 85 🌸
⁦✍⁩بقلمي……………………زهرة محمد
*لا تخبئي الكلام*
ياسين و نور رجعو من الرحلة و كانو مساخيينش ببعضياتهم ولا بيناتهم غير تلفون يسول فيها و تافقو ليوم يشوفها حيت توحشها و عرض عليها لعشا مشات لبسات أحسن ما عندها و قادات وجهها و هزات صاكها خارجة من بيتها شافت غيثة كتفرج سمعت حسها و ضارت شافتها واقفة و هازة فيديها صاكها و كتلعب بيه
غيثة ……… رورو هههههههه خارجة؟؟؟
نور “بخجل” …….. بببلا مما تتبدداي وووخا ععارفة مممغننسللمش مممنك شششوفي غغغغنممشي دددابا ووو ممملي نننجي نننعاود للليك كككلشي
غيثة ……… هي الموضوع كبيييير ارورو باين الموعد مهم سيري احبيبة و ملي تجي ليلة ليلتك “بوسة فلهوا”
خرجات نور و ماقاداها الفرحة لأنها غتشوف ياسين وهدا أول لقاء ليها معاه من بعد الرحلة لقاتو كيتسناها فشارع ركبات و ريحتو عااطيا فطوموبيل جلست و حسات برااااحة و الابتسامة مجملا وجهها و زادتها جمال و خلات ياسين يبقى واااقف و عينيه كيتفحصوها و يحفظو ملامحها
نور” حشمانة من شوفاتو…. سسسلاام لللبباس؟؟؟
ياسين “برزانة” ……. ملي شفتك وليييت بخير و نتي لبااس رتاحيتي شوية، ؟؟
نور…….. ووووي الححمد للله ففففين غغغتتديني؟؟
ياسين “ديمارا و ضرب سينيال”……. كتعجبك شي بلاصة احبيبتي نمشيو ليها
نور …….. للللا مممعررفتش مممن غغير الممطعم الممغغغربي لللي تتتلاااقينا ففيه هههادي ششحال
ياسين……. زوين و لكن مغنمشيوش ليه غنديك لبلاصة أخرى
ياسين غادي و مركز فطريق حتى وصل لمطعم كلااااص سوري مشهور بلمشاوي كااع العرب كيمشيو ليه هبط و بكل جنتيلمان مشا حل لباب على نور و هبطت شادة فيه و قلبها بلفرحةكيفرفر شابكو يديهم و دخلو لريسطو كان المكان مميز بالدفئ ختارو لبلاصة ومشاو جلسو مقابلين مع بعضهم
نور كان باين عليها التوتر و خلاص ملي شد ليها ياسين فيديها
ياسين…….. مالك انور ممرتحاش هنا؟؟
نور …….. للللا الممممطعم زززوين غغغير مممولفاش ووو صصصافي
ياسين ” بتاسم حتى بانو سنانو” …… و غير ولفي احبيبة و نستغلو الوقت بجوج من حدي باقي هنا شي أيام
نور “تبدلو ملامحها” …… عععلاش فففين غغغغادي ؟؟؟
ياسين …… ملي نتعشاو و نساليو غنقوليك و غنهضرو فشحال من موضوع؟ ؟؟!
ياسين مبغاش يقوليها بلي غيهبط المغرب و غيبقا كتر من شهر ونص هو و ماساخيش و هي كيف غتكون!؟؟ … تعشاو فجو هااادئ و المشاوي كانو غزالين و حتى ليصوص لمرافقين ليه…
بجوجهم مكيبغيوش الهضرة وقت الماكلة فقط كيهز عينيه يشوف فيها و يرجع ياكل حتى سالاو
ياسين……. ناخدو شي حاجة اخرى؟ ؟؟
نور ……. للللا لللا صصصافي شششبعت مممقداش ننزيد
ياسين…… بصحة و راحة حبيبتي
نور …….. ننننمششي نننغسل وووو ننجي بباش نننهضرو

🌸 الجزء 86 🌸
⁦✍⁩بقلمي……………………زهرة محمد
*لا تخبئي الكلام*
آحبك كمآ أنت ..
كما الحنين شدني إليك ،،
احب الصمت ف عينيك ..
احبك كما انت ،،
لكنني لآ اهوى الرحيل ، فأخدني معك آين م ذهبت ..!
نور خرجت من الحمام كتسد فصاكها راجعة لبلاصتها لقات سيرفور نضف طبلة و حاط شموع صغار بريحة الورد جلسات و حطات صاكها حداها كتسنا ياسين يقول ليها فين غيمشي
نور …….. ييياسين مممالك سسسساكت؟؟
ياسين…….. كنشوف فحبيبتي منشوفش هههههه معرفتش فين كنت كنشوف ؟؟؟؟
نور …….. هههههههه ووو صصافي بببلا مممتتنسسيني ففي لللموضوع قققول للي فففين غغغادي؟؟؟
ياسين ……. حبيبة من هنا لسيمانة غنهبط لمغرب نشوف مّي و ختي واحد شهر و نص و نرجع
نور حدرت راسها و عرفت بلي ما عندها فين تهضر ملي سمعت الأمر فيه مّو و ختو سكتات و ضحكة تمحات و حاولات متبينش و لكن راه شهر و نص مساهلاش عليها من بعد ما كان قريب منها
نور ……. تتتتوصل ععلى خخير
ياسين ” عرفها تأثرات ملي سمعات سفر”…….. حبيبتي كل نهار غنهضر معاك صافي الا كتبغيني منبغيكش نشوفك مقلقة لمهم ماشي هادشي فاش بغيت نهضر معاك
نور …….. كككاينة ششي ححاجة اااهم مممن ههادشي؟؟
ياسين ……. بغيتك تعرفي بلي كنبغيك و حبي لك ماشي غير هضرة هادشي علاش فكرت نمشيو عند طبيب بخصوص نطق إلا بغيتي حتى حاجة ما بزز
هبطات راسها بحزن و معرفتش معنى هضرتو واش حب ولا شفقة منو عليها واش حتى هو كيشوفها بلي حالة و خاصها علاج الموضوع حساس بالنسبة ليها و مكتبغي حتى حد يقتارح عليها موضوع طبيب ولكن حبها لياسين خلاها تفتح قلبها وتعاود ما جرى ليها وكيفاش ولات هاكا
نور …..أأأنا مممكنتش هههاكا كككنت ككننهضر مقااد حححتى للواحد للليلة ككنت ككنراجع دددروسي ووو سسمعت بببابا كككيغوت عععلى ممماما ووو ضضربها خخخرجت مممن لللبيت مملي سسسمعت غغوووات ممماما ووو ههي كككطلب مممن جججيران يييعيطو لللبوليس لللقيييتو قققاجه
“حاولت تشد دموعها ولكن مقدراتش”
ممشيت كنححيد لليه يييديه مممن عععنقها طططلق مممنها ووو خخخننقني حححتى كككنت غغغنمموت ووو ممملي طططلقني وووليت هههاككا اهئ اهئ حححاولت نننتتكلم عععادي وووو مممقدرتش كككلماتتي كككتخخوني ححروفي تتتقالو اهئ اهئ تتتمممنيت ننننههضر ووو ننناقش وووللككن االلححرف كككيتتعاود 3 لللمررات عععاد يييخرج عععففاك ممممبغغيت ننننمشي عععند طططببيب تتتققببلت نننفسي ههاكا بببليز ييياسين💔

ياسين سمع ليها بلا ما يقاطعها خلاها تخوي قلبها وهو قلبو كيتعصر متوقعش رد فعلها يكون هاكا و متصورش يكون سبب تلعثمها شي حد قريب منها و بالخصوص الأب لي هو السند و الا حتاجيتيه تلقااه
ياسين تحرم منباه و هو صغير و هي كان سبب في أن كلماتها ليست كالكلمات..

🌸 الجزء 87 🌸
⁦✍⁩بقلمي……………………زهرة محمد
*لا تخبئي الكلام*
سأتغير من أجل ان أنتقم لنفسي سأتغير من أجل أن أسعد نفسي سأتغير من أجل أن أفرح نفسي سأتغير من أجل تحقيق الانجاز الاجمل لنفسي فقط شاهدو كيف سأصبح أفضل وأجمل وأصلب مما كنت عليه سابقا
نور واقفة قدام لمرايا في بيتها و كتحس براسها انسان واحد آخر كيشوف الحياة بشكل ثاااني بدوون عقد تعرقل مصير حياتها… و علاش لا و هي صممات على التغيير لنفسها هي لولة عاد ناس لي كيبغيوها و منهم ياسين لي كان ليه الفضل في اقناعها تبدا حصص العلاج عند طبيب متخصص في النطق
غيثة ” كتحط الفطور” ……… رووووورو يلاااه غتعطلي
نور …..اااانا جحايا ” خرجت من بيتها لصالة مونجي كتجاوب على ميساج ياسين”
غيثة ……. حطي تلفون و كولي باش متعطليش
نور……… مممزال لللحاال رررونديفو ببباقي لليه سسساعة
غيثة ” كتكب ليها اتاي” …….. غيمشي معاك ياسين؟؟؟
نور “بابتسامة” ….. اااه هههو للي خخدا ررونديفو
غيثة “فرحانة كتر من ختها” …… فرحانة معاه!!؟،
نور…….. ببزااف اااختي يياسين ووولد نناس و ككيبغيني ووو مممحتاررمني “تنهدت” ووواش زززعما ككنستاهلو؟ ؟
غيثة …….. علااش اش ناقصك اختي كتتتحمقي هو لي سعداتو بيك خاصو يبات فايق ملي وحدة فحالك كتبغيه ههههههه
نور……… هههه ههههههههه “وقفت” ههاننا ممشيت غغغندوز نننهار مممعاه ررراك ععارفة للليوم غغيسافر
غيثة……….. تهلاي فراسك و تهلاي فيه و ملي تسالي الحصة تاصلي بي
نور وووواخا ” خرجت ملي سمعت تلفون كيصوني ”
ياسين جالس فطوموبيلتو قدام باب دار نور كيتسناها تخرج بانت ليه جايا حط تلفون قلبو فز من بلاصتو كان داير نضاضر شمس وحيدهم باش يحقق مزيان جايا لابسة كسوة قصيرة فلباج طلعت و امتازجو عطرهم ريحتو لي كتنسيها سميتها اما ريحتها كتخليه ما عارف راسو واش فجنة ولا فالارض
نور”بلهفة” …….. سسسلااام ححبيبي
ياسين……… تكايسي على هاد القلب راه لوريد و الصمام التاجي دقلبي مقااادش على هادشي كلو اش هاد زين “شد خصلات شعرها ” جااك زوييين
نور “تلفات ليها الهضرة” …….. و و ززيد غغنتتعطلو
ياسين…… آااامري ازوينة ديالي
ياسين مشا مع نور مبغاش يخليها بوحدها في الحصص لولا مع الطبيب المعالج على ما ولفت كدخل بوحدها و هو كيتسناها على برا دازت ساعة المكانة عاد خرجت عندو بان ليها عند الباب شافتو و عنقاتو و حتى هو بدورو فتح ليها دراعو لي مكتلقا الدفء و الحنان غير فيهم…

حبيبي اتدري ماذا تكون بالنسبة لي
انت الكلام بين شفتي واللون في دمي
انت الحب بين الضلوع واللحن في فمي
عينك جسر يسرقني .. يحملني … يطويني
يكويني …ويألمني
كيف حبيبي
؟!
يخيل اليك اني ثانية لست معك
او ان هذا الحب .. والقلب.. لن يسمعك
فحبك لي بين العروق وهل للعروق ان تخدعك؟؟؟

🌸 الجزء 88 🌸
⁦✍⁩بقلمي……………………زهرة محمد
*لا تخبئي الكلام*
خبئني عن الحياة بداخلك حدثني عن أمان #حضنك أقتل مخاوفي أحتويني لملم شتاتي وضياعي وابقى بجنبي ”
ياسين غيشد طريق ليوم بليل و بغا يبقى معاها اطول مدة يشبع منها و تشبع منو و يدوزو وقت زوييين يتذكروه و هما بعاد خرجو من العيادة و ركبو فطوموبيل
ياسين “تحرك بطوموبيل و شد يدها و حطها على قلبو”…… هاد نهار نهارك لي طلبتيها منقولش لحبيبتي لا “باس بدها” فين بغيتي تمشي ؟؟
نور …… نننطللب للي ببغيت ههههههه ااااوول ححاجة نننمشيو لللببحر
ياسين”بكل رزانة” ……… علاش لا احبيبتي هي لولة ولكن بشرط
نور “رجعات شعرها لور” …… ااششمن ششرط؟ ؟؟
ياسين”بصوت حنين”…….. تقولي لي كنبغيك بلا ما تعاودي حتى حرف
نور ……. دددابا ؟؟؟؟ ” توترت حيت مجاش فبالها هاد شرط”
ياسين…….. اه احبيبتي غير حاولي متخسري والو
نور…….. للللا مممغنقدرش ااالا ككان هددا ههو شششرط غغغير خخخللينا نننرجعو
ياسين ” وقف حدا البحر” …… مغنرجعوش غير هبطي و غتقوليها ههههههه بلا ما تحسي
نور دارت ليه خاطرو حيت غيسافر مشات عندو و شدات فيه غاديين لريسطو كطل على البحر يتغداو عااد يهبطو يتمشاو دخلو وهو فجنبها بمشيتو رجولية جلسو حدا النافذة كطل على امواج البحر خداو لغدا عبارة عن طبق من السمك متنوع جلس و جلسها فجنبو بغاها تكون قريبة ليه دفء المكان و دفء المشاعر خلا الجو رومانسي بامتياز بكلمات لغزل تغدات نور و كتحس براسها طايرة والجاذبية تلغى قانونها فهاد اللحظة ياسين بشخصيتو و لكاريزما ديالو خلاها تزيييد دوب فيه كتر ماهي دايية سهات فيه بلا ما تحس
ياسين……. إلا بقيتي كتشوف في بهاد لعوينات غنمووت و تكوني نتي سبابي
ياسين مشاعرو سيطرو عليه بلكامل عينيه على شفايفها و لي لعكر زادهم جمااال كيمشط ليها بصباعو شعرها و هااايم فيها فحال كل مرة و لكن هاد المرة غييير الشوق تملكو و هي مزال قدام عينيه حنا راسو لمستواها و خطف قبلة تروي عطشو لي سبابو الحب بقات قبلات مسروقة و متتالية و نغامسو في التعبير عن حبهم و حتى واحد فيهم مقدر يبعد نساو ناس و نساو فين كاينين استوقفهم فقط نادل لي جاب ليهم الحساب ياسين حاسبو و وقفو هبطو البحر كان شوية عامر بناس كتعوم ونسيم البحر و اشعة الشمس دافية خلات ناس ناعسة على الرملة و يستافدو منها بقاو كيتمشاو و يهضرو و منها يساعدو المعدة على الهضم حتى طرحت نور سؤال غير مجرى حديثهم

نور…….. اااللا بببقا ععندي تتتلععثم عععااادي؟ ؟؟؟ يعععني ميسسبب للليك ححتى اااحراج
ياسين “قابلها معاه” …… حبيبتي و حتى إلا بقيتي هاكا حبك يكفيني و تعبير عن الحب ماشي ضروري كلام
بلا ما تستأذن عنقاتو من جديد كترتاح فحضنو و كتحس بالحب كتر متكيها على صدرو و مشاعر الحب كتبادل بيناتهم
#بغيت_ياسين 😢😢😢😢

🌸 الجزء 89 🌸
⁦✍⁩بقلمي……………………زهرة محمد
*لا تخبئي الكلام*
بقاو يتمشاو و يهضرو حتى لقاو راسهم بعاد شوية على ناس جلسو فوق رملة ناشفة ياسين جالس و جامع رجل و لخرا مسرحها و هي محلات ليها الجلسة غير بين رجليه و تكات على صدرو كتحاول تستمد حبو و حنانو تعيش بيهم هاد شهر ونص فغيابو هكا كانو مرتاحين كيشوفو في البحر و قطراات الندى كضرب فوجههم
أشعة شمس عنكشات نور فعينيها خلاتها تخشات فيه كتر و حطات راسها على صدرو كتستنشق عطرو لي كان سبب في أنها تغرم بيه غمضات عينيها وهو عينيه كيشوفو غير فيها و فحركاتها طفولية حلات عينيها و لقاتو كيشوف فيها
نور …… عععلااش ككتششوف؟ ؟؟ ررراه ششوففة ففي للببحر ييسااعد عععلى ممممد الببصر
ياسين “دار نص ابتسامة و مبعدش عينو عليها ” ….. غنتوحش هاد لعوينات “باسها فنيفها” عينيك بحر و شوفة فيهم كتساعد على مد البصر
نور “بخجل هبطات عينيها ” … حححتى ااانا غغنتتوحشك
ياسين …… ياك حتى نتي من المغرب لاش مدوزيش العطلة تما “كيبعد ليها لقصة على وجهها
نور “تنهدت ” …… خخخمس سسنين مممشيناش وووو ككانت مماما الله يييرححمها كككيعجببها تتتمشي ككنا ككندوزو وووقت زززوين ددابا ككللشي سسسالا ووو خخويا ككيفكر يييمشي و يييحل ددارنا تتما ووو للكن مممزيراه لللخددمة
ياسين “باس جبهتها بكل حب” ….. اش بان ليك تمشي معايا؟؟
نور “خرجت من حضنو و تقابلت معاه” …… ممممككرههتش ووولككن ممنقدرش ننخلي ععائلتي بببوحددها ووو ززايدون خخخاصني نننقاد ششحال مممن ححاجة
ياسين …… وااخا ا لالة “وقف ” اري يدك نمشيو خاصني نمشي ندوش باش نشد طريق بليل
ناضت نور كتسوس فحوايجها و و كتشوف لعشية و صلات و قرب لفراق حسات بقلبها تزير و حتى كلامها لمتعثر بيه ما نطقات ياسين شافها سكتات زير على يدها و دور وجهو شافيها
ياسين…. مالك ساكتة؟ ؟؟؟
نور “بابتسامة باهتة” ….. وووالو وووصل للووقت للي غغتمشي ووو تتخلييني
وصلو حدا طوموبيل ياسين سكت و معرفش باش يجاوبها حليها لباب تسناها حتى طلعات و سد لباب و مشا طلع لبلاصتو ديماارا و تحرك يوصلها لدارهم واخا الفراق صعيييب عليه حتى هو صاG بلا ما ينطق بحتى كلمة وصلو لأول فو غوج “ضو لحمر”
نور …. ييياسسين !!
ياسين …. نعم احبيبة
نور …….. مممتدينيش لللددارنا..
ياسين ” تعجب من هضرتها” …… كيفاش منديكش لدار هههههه و فين باغا تمشي ؟؟
نور ” حشمت و معرفت كيفاش تنطقها ” …. نننتا بباقي مممغغتاخددش ططريق ددابا

ياسين ” شاف فساعتو” …… مزال خاصني نمشي ندوش و نقاد شحال من حاجة و بليل نتحرك
نور بدات دور فعينيها و معرفت كيفاش تخرجها من فمها وتقول ليه بلي باغا تبقا معاه حتى يشد طريق و دوز معاه الوقت كتر فدارو
ياسين …… غير خرجيها بلا ما تحبسيها اش تما ؟؟؟

🌸 الجزء 90 🌸
⁦✍⁩بقلمي……………………زهرة محمد
*لا تخبئي الكلام*
نور …….. مممببغااتش تتتخرج لللي وووخخفتك تتتررفض اااش غغنططلب مممنك!!
ياسين ……. غير قولي مغنرفض لحبيبتي حتى حاجة و بالأخص إلى غتفرحها قولي نسمع
نور …… قققللت زززعما مملي بباقي لللحال ننممشي مممعاك حححتى تتتقاد ااامورك وووصلني ااانا لللدار و نننتا تتتشد طططريق سسسللامة ” حدرت راسها بخجل بسبب طلبها”
ياسين ” هز يدها باسها من كفها خلاها ترعد فبلاصتها ” ….. منقدرش نقول لحبيبتي لا
وصل لرومبوان و رجع شد طريق لدارو مع حبيبتو لي حتى هو مكانش ساخي بيها تمشي واخا عارف هاد لحظة غتوصل توصل و قدما طولت عاد ما كتزيد تصعاب وقف طوموبيل و هبطو منها بزوج و نور مسيطر عليها الخجل من طلبها انها تمشي معاه لدارو فاقت من شرودها غير ياسين كيقوليها دخلي دخلو و سد وراه لباب حط سوارت فوق طبلة و باش تعجبك دارو ديما نقية و مجموعة دخلات و كدور فعينيها عجباتها ضارت شافت فيه و بتاسمت
نور ……. دددارك زززوينة
ياسين …… ماشي شي حاجة كنحاول نخليها نقية هدا هو لمهم عندي كنبغي ندخل نرتاح “كيوريها لكوزينة حل ثلاجة هي لولا ” ههههههه خاوية مخليت فيها والو باش ميخنازش راك عارفة غنسافر و كان ضروري نغسلها
نور …… ههههههههه هههي ححادك
ياسين ” قرب ليها و باس يدها” ….. ماشي بزاف قولي لي اش تشربي ولا تاكلي؟
نور …….. هههههههه لللي ككان!
ياسين”خرج تلفونو من جيبو” ……… بيتزا ولا تشيكن “دجاج”
نور ……… بببيتزا mmmieux “أحسن”
ياسين تاصل بمطعم إيطالي كيصاوب بيتزا زوينة “كيهضر بالهمس” …. كوكا؟؟ جاوبات اه بحركة راسها قطع معاهم و مزال ايدو لخرا شادة فيها
ياسين دخلها معاه لبيتو ” ….. ختاري لي ما نلبس على ما وجدت لحمام “غمزها و مشا”
نور ختارت ليه شي حاجة لي يقدر يصوك بيها و هو مرتاح جبدات ليه تيشورت خزي و سروال دجين خلات ليه تجاكيط ليجيه لبرد ياسين وجد دوش و جا لقاها سالات بقا ليها غير الملابس الداخلية هزهم بنفسو خلاهم محطوطين فوق نموسية و هز لفوطة و مشا ياخد دوش خفيف بقات كتشوف تصاور مو و ختو و تبتاسم حتى سمعات صونيط لباب
ياسين “بصوت عالي باش تسمعو” ….. بب اجي عندي خودي لفلوس خلصيه
مشات عندو خدات الفلوس حيت بزطامو بقا فسروالو شداتهم و هربات حشمانة تخلص الولد لي كيتسانا و مزال يصوني فلباب خلصاتو و خدات منو طلبية و حطاتها فوق رخامة لكوزينة خرج سبع برمبا لاوي لفوطة عليه و يضحك صيفط ليها بوسة فلهوا و دخل لبيتو يلبس كمل لبس وتعطر مع راسو و ريحتو سبقاتو خرج كلا

معاها و سالاو فجو مرح و ناسين بلي هاد اللحظة قريب تسالي ناض ياسين يتأكد من وراقيه و باسبور ديالو و خرج لي Vاليز حدا لباب و جمع داكشي فاش كلاو باش يلوحو معاه فطريق نور تركنت حدا لباب و كتمنا زمان يوقف بقات كتشوف فيه كيدير لمساتو الاخيرة فدارو بقا ليه غير يهبط لمكانة ديال ضو …
ياسين “تنهد”……. نور مبغيتش نشوف دموعك إلا بصح كتبغيني متصعبيهاش علي الله يرضي عليك
هاد الكلمات عطات ضو لخضر لدموعها ينزلو لي كانو على سبة شاف حتى عيا ووعنقها و يطبطب عليها وهو خاص لي يواسيه و يصبرو على فراقها
مسح ليها دموعها و هبط راسو خدا قبلة الوداااع..
أكره مراسم الوداع، الذين نحبهم لا نودعهم، لأننا في الحقيقة لا نفارقهم، لقد خلق الوداع للغرباء وليس للأحبّة نعم سأرحل ولكن دون وداع.. سأرحل دون أن يشعر قلبك برحيلي.. سأرحل ولكن أحاول أستجمع أحاسيس قلبي.. ساعدني أيها القلب كي أرحل

🌸 الجزء 91 🌸
⁦✍⁩بقلمي……………………زهرة محمد
*لا تخبئي الكلام*
سامية و رانيا توحشو بعضهم و تافقو يتشاوفو ليوم فطراات رانيا و سالات و ناضت جمعت دنيا و عاونات مها حيت فرح لي كانت كتعاونهم مرة مرة هزات ولادها و مشات من بعد ما طلقات
لبسات جلابة خفيفة و طلقات شعرها باغا تشارك مع صاحبتها داكشي لي كتحس بيه بلي الفرحة غدق بابهم و غيث دخل لدار من بابها و جاي يشرب القهوة مع باها ليوم بليل خرجت و خدات طاكسي باش توصل عندها بزربة وصلات لباب العمارة من لفرحة طلعات تجري فدروج دقات و حلات عليها سامية بالأحضان
سامية …… دخلي دخلي الكلبة هادي هي صحبة و لعشرة “هضرت بشوية ” جا غيث و حتى تلفون مبقيتي تهزيه
رانيا “ضعقاتها”…… قولي غير سلام بغيت ليك جهل
صالحة” من لكوزينة سمعات صوت رانيا و جات تسلم عليها ” ….. سلاااام بنتي رانيا فين غيوبك ؟؟
رانيا ……. غير دار اخالتي كيف صحيحتك بخير؟
صالحة…… الحمد لله ابنيتي لي صاب صحتو يحمد الله دخلي دخلي متبقايش واقفة نمشي نعمر ليكم أتاي و لا بلاش عصير حسن فهاد الصهد
رانيا …… لي جات من يديك سمن و عسل
صالحة مشات توجد لعصير لبنات و هما دخلو لصالون يتعاودو كان صهد داك صباح رانيا كانت طالقة شعرها جمعاتو حيت زاد عليها جمعاتو كوب شVال و سامية قربات لوجههات و حققات فيه
سامية”مصغرة عينيها و كدوز صبعها على جبهتها …. رنوووش مالكي هنا؟ ؟؟
رانيا ” حطات يدها على لبلاصة كانت ضربة و بدات دخل و تخرج في الهضرة” …… ااه لا ا ااااه داك نهار خرجت فباب الحمام و دار لي هاكا ماشي شي حاجة
سامية”محكراتش فلموضوع” …… غادة و دخلي في لبيبان فحال زومبي هههههههههه
قلبوها ضحك حتى جات صالحة حطات بلاطو فيه العصير و الحلوة و جرات حداهم طبلة
صالحة ….. بنتي مرحبا بك كولي الله يرضي عليك بغيييت نجمع معاكم ولايني والله ما مسالية عندي شي شغال خاصني نقديهم
رانيا …….. مزال ليااام و نجمعو ان شاء الله
صالحة……. إن شاء الله ابنتي على مولانا كولي راه هادي متسناكش
سامية “فمها خدام ” …… بقاي تهضري كملو كملو
رانيا ……. ناااري غتقادي الحلوة نهار عرسي خاصني 2 بلاطوات غير ليك Gنس ناقص
سامية ………. هي نويتي !!!
رانيا ……. غيث لي ناوي و حتى انا كنبغيه غير تنقول باقي الحال على زواج
سامية ……… سكتي سكتي كون غير منعرفكش مكرهتيش تمشي نتي تخطبيه
رانيا ……. هههههههههههه غير سكتي لخلعة شاداني ليوم غيهضر مع بابا
سامية……… كلشي غيدوز مزيان و غير يمشي عاودي لي كلشي بالتفصيل الممل

رانيا…… غير دعي معايا يدوز كلشي على خير
سامية “عنقاتها” …… فرحت لك اختيتو و إن شاء الله ربي يفرحك
رانيا ….. امييين يا رب و نفرح بيك قريييب ان شاء الله و لمهم خليني نمشي يلاه يلاه نوجد راسي و نشوف ماما اش خاصها
رانيا وقفات تسلم على صاحبتها تمشي حتى صونا لسامية تلفونها فوق طابلة عرفاتو ياسر و قلبات تلفون بتوتر خافتها تشوف رقم و تكتر عليها الأسئلة هضرت قبل ما تسولها
سامية ……. هادي راااه غغير نمرة كتبقا تصوني و كيتفلاو راك عارفة هاد البراهش
رانيا …… بلوكيها و تهناي لمهم تهلاي فراسك
سامية “كتخفي توترها بضحكة ” …… وااخا احبيبةة سلمي بزاااف على خالتي و عمي
رانيا …….. يوصل اختي
رانيا سلمات على صالحة و مشات لدارهم و سامية رجعات لتلفونها لي مسكتش من تعيااط جاوبات بلخف و قالت بعصبية اااالو …

🌸 الجزء 92 🌸
⁦✍⁩بقلمي……………………زهرة محمد
*لا تخبئي الكلام*
ياسر مقداه فرحة من لي سالا كابوس فرح حس براسو طير و كان في قفص و ليوم حر طليييق شاد طريق راجع لكازا و من صباح كيتاصل بسامية و حلفات لجوباتو و حتى هو بقا يصوني حتى سمع صوتها قالت الوو تقبت ليه طبل د ودنيه
ياسر ” حيد لكيت و ردهم” ……. امااالك على هاد لغوتة اش طاري !!
سامية ……. نتا اسيدي لي مالك تصوني و تقطع تقول تابعينك شفارة تنقولك ملي منجوبكش عرفني ممسالياش
ياسر ” تنهد” ……. من فرحتي جاي نشوفك و نخرجو داكشي لاش بقيت كنتاصل كنعتاذر الالة
سامية”حشمت ملي عتاذر” …… اا اه صافي ماشي مشكيل لباس عليك ؟؟
ياسر …… بخير نتمنى منكونش صدعتك
سامية ……. ماشي صدعتيني و لكن رانيا كانت عندي و مقدرتش نهضر قدامها و هي معارفة والو
ياسر …….. حنا مكنديرو حتى حاجة عيب و هاد المشكل لي مبرزطك أنا ليوم غنحلو صافي لمهم تكوني مرتاحة و متحشمي من حتى حد
سامية ….. إن شاء الله ولكن ماشي ليوم راك عارف عندها نهار مهم و حنا معارفينش رد فعلهم
ياسر ……. كلامك هو لكبير احبيبتي لبسي باش نشوفك
سامية “بحزن ” …….. ممنقدرش معرفت ما نقول لماما و معرفتهاش واش تبغي ولا لا ؟؟؟
ياسر……. قولي لها أي حاجة ممم قولي ليها غتمشي تشري شي حاجة غير ساعة منفوتهاش توحشتك و كنواعدك هادشي مغيطولش غندير صواب و نجي عند خالتي و تكوني لي في الحلال
سامية “ضحكات خجل” …….. إن شاء الله ا ححبيبي
ياسر ……. الله الله الله على حبيبي كفشلني يلاه لبسي نشوفك و نتغداو باش نرجعك بكري
قطع و هي مشات تجري تقنع مها تخليها تخرج و بعد ساعات الجدال جاها العفو الملكي باستها و مشات طايرة تلبس خدات جلابةو دارت ايكغو على شمس و عكر خفيف جمعات شعرها بمقبط د شعر و خلاتو هابط على كتافها هزات صويك دارت فيه فلوس و تلفون و سوارت و و دعات مها من عند الباب و هبطات خدات طاكسي و مشات القهوة فين كيتسناها شافها جاية و لحشمة غالباها و زايدة لابسة جلابة و السيد بدا يبتاسم غير بوحدو وقف مدات ليه يديه و و سلم عليها و مصبر راسو و مسيطر على مشاعيرو باش ميفوتش الحدود حتى تكون حلالو
ياسر”حط يديه على طابلة ” ……. كتجي معاك جلابة حسن من لعصري
سامية…….. شكرا..
ياسر ……. كتهبلي و نتي حشمانة قولي اش تبغي تشربي؟ ؟؟
سامية …….. غناخد عصير د لفريز 🍓

جا سرباي و خدا طلبهم و مشا و ماهي إلا دقايق حتى رجع و حط لعصير قدام سامية و قهوة كحلة جهة ياسر الاحبة مزاااال حشمانين من بعضياتهم ممتعودينش هي الحشمة غالبة عليها و هو كيفكر في الهضرة و يضورها فدماغو عاااد يخرجها
ياسر ” قرب لكرسي حداها و شد يديها ” ….. حبيبتي مرتاحة معايا؟،،،
سامية ……. كون ممرتاحاش منجيش عندك
ياسر “باس يدها بجوج” …….. الله يخليك لي و إن شاء الله الى مشات الامور كيف بغينا تعرسي نتي و صاحبتك فنهار واحد
سامية ……. منسبقوووش الأحداث حتى تهضر مع ماما و خويا و نشوفو راك عارف نتا يالاه مط…
ياسر” مخلاهاش كملاتها” …… و الا مطلق فين المشكل!!!! طلاق ماشي حرام ؟؟؟؟
سامية …. عارفة ماشي حرام . .
ياسر …… المهم باغيك و باغاني هدا هو المهم و غندير الأصول و إن شاء الله حتى حاجة متخصك
هاكا كملو حديثهم على المستقبل لي ما كيعلم بيه غير الله وحدو طلبو لغدا تغداو و هما فرحانين حتى شبعو و ناض وصلها و خدات طاكسي كملات لدارهم و هو مشا لدار ختو لي تاصلات بيه يحضر يشوف الخطيب لي جاي لرانيا
دعيني أتغلغل في أعماق حياتك، وأعيش على صوتك ودفء نغماتك، وأدرس سحر نظراتك، يا من أذابتني روعة جمالك، فأنا عشقت لحظة صمتك ورقّة حوارك، يا من كان تاريخ ميلادي، يوم لقائك.

🌸 الجزء 93 🌸
⁦✍⁩بقلمي……………………زهرة محمد
*لا تخبئي الكلام*
رانيا من بعد ما هضرات مع والديها و قنعاتهم يشوفو غيث قبل ما يجيب جداه و تكون خطوبة رسمية و زينت صورتو قدام والديها بلي ولد ناس و موجد راسو و مخاصو خير عرضو عليه لعشا و وجدو كاااع لي خاص من طياب مقوم من ديسير و مونادا و مكبرين بضيف و دايرين الخاطر لبنتهم مبغاش يوقفو فسعدها .. تفاهمو يا بسم الله متفاهموش الله يسهل على كل واحد كلشي مبني على التفاهم و الحب
غيث واقف قدام المرايا لابس سروال كحل كلاص و قميجة بيضة و خلا ليها جوج صدفات لولين محلولين باينة فيه عريس مشط شعرو شوية بدا يهضر مع راسو قدام لمرايا
غيث ” واقف و داير يديه على نصو ” ….. و اخيرا غتهنا من الوحدانية و غتجي لي تعمر عليك و هاد المرة كلشي غيكون مزيان “غمز راسو ”
لبس مكانتو و لVيست ديالو تنهد كيحاول يخفي التوتر لي شدو و هو غادي يشوف أهل حبيبتو و معرفش رد فعلهم كيف غيكون ولكن بينو و بين نفسو قال على ودها كلشي يهوون
تاصل برانيا يجس النبض قبل ما يوصل هابط بخطوة تابعة ختها فدروج و تلفون على ودنو كيصوني
رانيا ” صبغت ضفار يديها و كتسناهم ينشفو سمعات تلفون يصوني و هزاتو بطراف صباعها خايفة على صباغة ” …… ااالو حبيبي !!
غيث …… حبيبتي لباس عليك اش كديري؟ ؟
رانيا …… والو المهم هو راني فرحاانة حيت غتعرف على دارنا وو كنحس بلخلعة مخلطة مع شي حاجة معرفتش ههههه
غيث …….. كلشي غيدوز ان شاء الله مزيان متخافيش يلاه قطعي باش نتحرك..
حل باب طوموبيل و طلع و تحرك و داز لباتسري ديال لفريع خدا الحلوة لي كان ضوموندا عليها حطها في لكوسان لور ديال طوموبيل و رجع ركب و ديمارا من جديد متبع JPS لي صيفطات ليه رانيا موقف حتى لباب دارهم نزل من طوموبيلتو خدا لحلوة و سد لباب و ورك على كونطاك غلقها و حطو فجيبو بقا هاز تلفون ف ايد و لحلوة في ليد لخرا صونا في باب دار حتى تحل و رحب بيه اب رانيا سي اسماعيل نطق بسلام حيت شاف يديه عامرين دخلو لقلب دار سد لباب و سبقو غادي بيه لصالون و جلسو
اسماعيل رجل في الخمسينات داير كادومة فيها ميش من شيب و كيلبس نظارات كيبان فيه نوع من الوقار من نوع لي طرونكيل و لكن كلمتو مسموعة فدارو و فأي حاجة تخص بنتو الوحيدة
اسماعيل سلم على غيث من جديد و سول على أحوالو و هضرة جابدة هضرة حتى جات ام رانيا حطات صينية اتاي قدام راجلها و غيث غير شافها وقف يسلم احتراما ليها
فتيحة …….. مرحبا بك اولدي مرحبا دار داركم
غيث …….. الله يبارك فيك اخالتي سمحو لي على هاد الدخلة

فتيحة …….. الله اودي الخير و البركة الله يخلف عليك
هزات الحلوة داتها لكوزينة طلات عليها عاد دخلتها لتلاجة باش مدوبش مشات عند بنتها لبيت لقاتها كتغزل و تهضر غير بوحدها
فتيحة …… رانيا امالك ابنتي ؟؟؟
رانيا …….. ممعرفتش ا ماما شوفي كلي كنترعد راك عارفة بابا معرفتش واش يوافق و للا لا !!
فتيحة ……. الا فيه الخير ربي غيسر الامور زيدي زيدي دي معايا نحط داكشي لي وجدت في طابلة
رانيا ……. اوييييلي ا ماما انا نخرج عندهم ..؟؟؟ لااااا لا غير خليني هنا مرتاحة
فتيحة ……… هههههههههه هبيلة و باغا تزوج تي زيدي و تبتي راه تافقتي مع باك تجلسي معاهم باش اي حاجة تقالت تكوني حاضرة و تعطي رأيك
رانيا …… و عرفت عرفت سيري سبقيني انا جايا “جات مها خارجة من لبيت و وقفتها ” … فين خالي واش مجاش ؟؟؟
فتيحة…… تاصلت بيه ها هو دااابا غيدخل ما تجي فين تخرجي حتى تلقايه قدامك
خرجت فتيحة مشات تاني لكوزينة طل على طيابها فين وصل ووهزات طباسل المملحات مْشَكْلة غادة بيهم لطابلة و الابتسامة على وجهها و تبعتها بنتها هازة طبسيل الحلوة منوع فيه صابلي و غريبة و لفقاص حطاتو و سلمات على باها و سلمات على غيث و كتحس بقلبها غيطيح بين رجليها و هو نسا راسو و بقا يشوفيها كانت لابسة قميص سااامبل جوهرة ف لموV باارد جاها زوين و عجباتو بداك لبس فاق من غيبوبتو غير اسماعيل مد ليهه كااس د اتاي

🌸 الجزء 94 🌸
⁦✍⁩بقلمي……………………زهرة محمد
*لا تخبئي الكلام*
شربو اتاي و قرقبو الناب و دخلو في المعقول و هادشي لي على ودو جاي غيث ناوي يطرق هاد المسمار باش المرة جاية يكون داكشي رسمي و ميتعطلوش في مراسم زواج و ضريب صداق رانيا جالسة و طرطق فصباعها حتى نغزتها مها عاد هنات لوقت مرجعت فيها نفس حتى شافت خالها دخل حيد سبرديلتو و مشا سلم عليهم و تعرف على غيث و جلس داير رجل على رجل حتى نطق غيث شاف راسو طول في الجلسة و مهضرش في المفييد
غيث”متبت راسو و كيهضر” …… عمي يمكن عارف علاش جيت ليوم ولكن انا نعاود نقولها ليك بنفسي “حنحن” انا الا قبلتو علي ناوي الحلال و جيت دقيت لباب بغيت بنتك على سنة الله و رسوله
اسماعيل …….. لي جا لداري و دق بابي نقوليه مرحبا غير هو نشوفو رأيها و رأي مها
غيث ……. معنديش مشكيل اعمي مرحبا ريهم على راسي و عيني
اسماعيل وجه كلامو لبنتو لي معنية بالأمر و بغا يعرف جوابها مبدئيا و اكتفت انها تحرك راسها بالقبول و مها ملقات ما تقول و هي عارفة بنتها لي جايباه و حالها حال أي أم باغا تشوف بنتها مرتاحة و فرحانة و حتى سولاتو باش قلبها يزيد يرتاح
اما ياسر غير كيضور فعينيه و ينقل و يشوف الاجواء كيف غتكون نهار يمشي لعند سامية…
فتيحة ……… اش غنقول ليك اولدي عوينة وحدة لي عندي و نبغي ليها غير الخير و تكون مرتاحة و كلشي يكون بأصولو
غيث ……… إن شاء الله انا الا ناسبكم لخر دشهر 8 تكون دار سالات و كلشي فيها مقاد نديرو العقد و ندي مرتي
رانيا شافت فباها لي نبرة صوتو تغيرت ملي سمعو قال نديرو العقد ووندي مرتي
اسماعيل……… لا سمحي لي اولدي عندي غير هي و ناوي نفرح بيها إن شاء الله و ندير ليها العرس انا فنظري تخطبو هاد العام و العام جاي ديرو العرس و الله يكمل بالخير
غيث تزير و معرف ما يقول هو ضارب حساب و خرج ليه حساب اااااخر كان ناوي يكتب كتابو و يمشي لدارو معرفش بلي من شروط زواج الاشهار و ضروري من الوليمة و حنا المغاربة زايدين نغزة فهاد الامور الا مكانش طوط زطرطوط و القاعة و الحيحة و نعرضو على الحباب و الصحاب شي مدرناه و هادشي لي حاول اب رانيا يفهمو ليه و هو حلف لقتانع
غيث”طلعت معاه سخونية”……… إلا جات على خاطرك يكون العقد هاد العام الله يجعل البركة
اسماعيل……… اولدي الله يرضي عليك وسع خاطرك راه انا موجدش دابا و ضرووووري ندير لبنتي لعرس
غيث ……..شوف اعمي انا و رانيا متافقين مباغينش لعرس غير وافق نتزوجو و ميخصها حتى خير

رانيا لما باارد حسات بيه تخوا عليها حيت عمرها تافقات هي وياه على قضية العرس ناضت بكل هدوء و مشات لبيتها و كل الأعين كانو عليها ياسر شاف طرح بدا يسخن و دخل يهدأ الاجواء شاف فغيث و وجه كلامو
ياسر………. لي في المكتاب و النصيب غتشوفوها هاد الزيارة كانت غير تعارف هاد لي ديطاي خليها لمن بعد و تافقو عليها
ناضت فتيحة بإبتسامة لطفات الجو و حطات لعشا و بزز جابت بنتها تعشا معاهم فتيحة كترحب بضيف و كتشوف راجلها سساكت و كعما حشاها ليه غيث مبغاتش دغمة دوز ليه بان ليه اب رانيا كل مرة يشوف فيه بطرف عينو عرف بلي من الأحسن ينوض يبدل ساعة بخرا مسح يديه و فمو لي كانو في الأصل نقيين و وقف باش يتيسر يمشي فحالو
فتيحة …….. مكليتي والو جلس جلس تعشا مزال ديسير
غيث…….. والله إلا كليت حتى ديسير مكناكلوش بليل مرة أخرى إن شاء الله الله يخلف عليكم
كلشي حبس لماكلة و ودعوه و تمناو ليه ليلة طيبة وصلو ياسر حتى لباب دار و رانيا ناضت غسلت و مشات سدات عليها و كل واحد دار بناقص من لعشا و مشا يتصنط لعضامو
#أنا_أريد_و_أنت_تريد_و_الله_يفعل_مايريد❤
ششششوووت راه ناس ناعسين بلا صداع 🤗#بونوي🍒🖇️

اويلي مال غيث عاود ياك كان كلشي مزيان علاش مابغاش العرس ياك مكاينة شي قضية فالموضوع🤔🤔🤔

الجزء 95 🌸
⁦✍⁩بقلمي……………………زهرة محمد
*لا تخبئي الكلام*
غيث غير وصل لدارو خبط لباب حتى تزعزعو لحيوط بدا يقلب و يشقلب اي حاجة جات قدام عينيه بركاان كيفور مفهمش اش طاري كيبان ليه هو لي على حق و ناس كلهم غالطين متقبلش بات رانيا يقول ليه باغي ندير لبنتي لعرس و لكن لي مكابرش مع والديه لي يفهموه و يفقهوه على امور الحياة هكدا يكون حالو هو كبر غير مع جداه دايرة ليه الخاطر حتى كبر ولكن توقع منو اي حاجة و أي تصرف إلا من رحم ربي وقف قدام لمرايا لي شهدت على اناقتو هادي ساعات قلال شتت بوها بقبضت يديه خشاها فيها خلا زاجها مشتت فلرض ولا كيف لمجنون عروقت عينيه حمرين توور و هايج مبان ليه غير تلفون هزو كيترعد عليه تاصل برانيا لي حالتها مكانتش اقل منو
رانيا مفهمتش لاش مبغاش يدير العرس و لي خلا عقلها يوقف لكدبة لي كدب قدام عينيها و حرجها مع دارهم جالسة فوق سريرها و جامعة رجليها و حاضناهم بيديها سمعت تلفونها كيفيبري دورت وجهها جهة لكوافوز بقات كتشووف فيه عاد مدات يدها هزاتو و جاوبات
رانيا……. لاااش متاصل اش باغي ؟؟؟
غيث”حلاقمو غيخرجو من حلقو” ……… كيفاش لاااش متاصل واش عجبك الحال على شنو طراااا و نتي اااش درتي بقيتي سااااكتة معععنندكش رأأي مخليا بااك يعرق و ينشف في على امر تافه رااه غير ناس جاهلين لي مزال كيديرو لعرس
رانيا …….. أولا متغوتش، تانيا انا باغا نفرح براسي ماشي شايطة نمشي بلا عرس و اجي بعدا امتا اسيدي تافقت انا وياك ؟؟؟ دوي!!!
غيث ……. معنديش مع أجواء العرس كضرني فراسي بغيتي مرحبا مبغيتيش راه هادشي لي كاين
رانيا تصدمت من هضرتو و طريقة كلامو بقات سااكتة و إحساس الخوف تملك كل خلية في جسدها شافت حتى عيات قطعت و طفات تلفون عرفت بهاد طريقة مغتوصل لحتى نتيجة الحل الوحيد هو تنعس تخلي دماغها يرتاح اما غيث بقا غادي جاي و يكدد فضفارو من العصاب لي شدو و طير عليه نعاس كل مرة يصوني يلقاه طافي فلخر مشا جلس فلرض و حالتو حالة ايديه مزال تجري بدم و عمر قميجتو و كيشوف حالة بيتو كيف رجعها زاج مليوح فكل قنت صمت سيد اللحظة كيتسمع فقط صوت نفسو لي تدريجيا بدات كطلع و تنزل بشكل طبيعي غلبو نعاس وهو فلرض لي شافو يعز عليه وهو فداك الحالة …
صبح صباح فدار سي اسماعيل لي جالس يفطر هو و مرتو هاز فيديه كاس لقهوة كحلة يحل بيها عينيه و سااااهي يفكر مرتو كتهضر وهو مسمع حتى كلمة ملي قالت حتى شافتو مجاوبهاش عاد حركاتو

فتيحة …….. اسماعيل واش من صباح و أنا نهضر معاك و نتا ساكت
اسماعيل”مجوبهاش على سؤالها عطاها جوج كلمات وناض لخدمتو” ……. انا مموافقش على داك زوج “دفع الكرسي وناض خرج خلا مرتو متبعاه بعينيه لدرجة دخل فياسر بلا ما يرض البال حتى هو تبعو بعينيه و تعجب عمرو شاف راجل ختو فديك الحالة دخل عند ختو يستفسر منها لقاها حتى هي مفاهمة والو ولكن هو استنتج غيكون الامر متعلق بزيارة غيث

الجزء 96 🌸
⁦✍⁩بقلمي……………………زهرة محمد
*لا تخبئي الكلام*
مهما تعددت الأخطاء فالغفران أنت ** وما كان العشق في غيابك ممكنــا
الدفء والحنان والوصال أنــــت ** وما حزنك الثقيل علي هينـــــــــــا
رحلة الحب تنطلق من كهف البوح الصادق ونبضات القلب الصامت في بحر المشاعر بين مد العشق وجزر الألم.
فاق غيث يحك فعينيه بعدما دوز ليلة ناعس في الأرض وقف و عنقو معنز منو طل على يديه لقا دم كرم عليها مشا خدا علبة الاسعاف ونظفها و دار ليها بلاستيكا طبية باش يقدر يدوش وجد حوايجو و مشا دخل لدوش ينقي حالتو من لعرق طلق لما دافي من رشاشة مخليه ناازل على كتافو و مغمض عينيه و كيحاول ياخد نفس عميييق يطرد بيه ستريس و يرتاح كتر دار صابون لداتو و غسل شعرو سالا مد يدو لعلاقة خدا لفوطة دورها على نصو لتحتاني و خرج جيهة نموسية و راض لبال ليعفط على زاج لي مزال في الا رض لبس حوايحو و تاصل بسيدة لي كدير ليه الميناج كل سيمانة تجمع روينة تسناها حتى جات و علمها على زاج لي مهرس فبيتو خلصها و وصاها تسد الباب ملي تسالي ودعها هز سوارتو و تلفونو و خرج يفطر على برا طلع لطوموبيل ديمارا و مشا لقهوة فين كيفطر وصل و بلاصاها و هز تلفون و هبط قاصد القهوة دخل لداااخل محاملش يشوف لبشار بان ليه بنادم مكينش و مشا تقنت فواحد الكوان و دومندا فطور بلدي شوية وصلو ميساج بلي رانيا شعلات تلفونها ديك دقيقة تاصل بيها
رانيا “كتهضر منفخة ” …. االو
غيث …… رانيا خاصنا نهضرو سسمحي لي الا غلطت انا غدا نجيب جدة و نتخطبو رسمي غير منبغيكش تقلقي مني فلوس العرس نسافرو بيهم منخليو حتى دولة اش قلتي احبيبة عفاك غير جي نهضرو توحشتك
رانيا ….. مبغيتش نشوفك و مرشقاش لي و حتى هاد الخطبة غير نساها حيت بابا مموافقش
غيث ….. كككيفاش نسا لخطبة و كيفاش باك مباغيش ااااش ناقصني و سمعييني مزيااان و بربي لمكنتي لي لكنتي لغييري وراكم غااالطين و دااابا تجي لعندي راه حنا مزيانين ولا نجي ندييير ليكم شوهة فداك درب
رانيا “صفارت و سخفة شداتها” ……. منعست معاك محاملة منك باش تقول شوهة اااششمن ششوووهة باغي دير
غيث “كل مرة فحال”…… حبيبة ديالي راه راه غير تعصبت و معرفتش اش كنخرج مع فممي شوفي شوفي واش نشوه مرتي لا لا مميمكنش راه غير شيطان 10 دقايق نشوفك و قرري من بعد لي بغيتي
معرفت واش يبقا فيها ولا تخاف منو ناضت لبسات عليها لي لقات قدامها خافتو ليصدق جاي شدات طاكسي لعنوان لي صيفط ليها كانت لقهوة لي شافتو فيها اول مرة كيفاش تغيرو مشاعرها بين اول لقاء و هاد المرة تشجعت و دخلت لقات مزال لفطور

قدامو مدات يدها سلمات عليه و جلسات شافت يديه ملوية عليها لفاصمة اول حاجة سولات تعرف مالو
رانيا ….. ممالك فيديك ؟؟
غيث……. ماشي شي حاجة غير جرح بسيط قولي لي اش تشربي
رانيا ….. والله ما قادة يلاه فطرت
غيث …… واخا يلاه فطرتي ضروري تشربي ” عيط لسيرفور يجيب ليها عصر ليمون” …. قولي لي علاش باباك مبغانيش؟؟؟ لمهم لي خاصك تعرفي انا راه كنبغيك و منقدرش نخليك دخليها لدماغك
رانيا ……. و راه بابا مزال مواجدش يدير لي لعرس و راك سمعتيه اش قالك و انا مكنطيحش كلمتو سمحلي
غيث …….. غدا غنجيب جدة و غنتافقو على كلشي وحتى انا راجل ماشي غير باك و هدا هو كلامي
رانيا …….. واش نتا مرييض و لا مالك !!!
غيث “طلعو جنونو و محسش براسو حتى نتفها جاب الله مكينينش ناس ” ااه مريييض و مزااال مشفتي واالو و لعناد انا باه ” طلقها” رانيا بلخلعة دفعت لكرسي حتى طاح و جرات لدروج هبطات هربانة منو بقات كتجري فشارع حتى بان ليها طاكسي شيرات ليه و دموعها عشرة من لعين طلعت و هي مزال فديك لحالة بزز باش قالت ليه فين غادة

🌸 الجزء 97 🌸
⁦✍⁩بقلمي……………………زهرة محمد
*لا تخبئي الكلام*
اكتفيت بك..وخاب ظني فيك…..
الحب لك
و الوجع منك..
العشق فيك
و الشوق اليك
الفقد انت
و البكاء عليك…
الحزن بك. و الموت فيك ومنك ..
كل المشاعر تشبعت بك…كل الأحاسيس سكنتها أنت ..وكل الجراح باتت أنت..
لم يعد بقلبي اتساع لاستيعاب اخر..
فكتفيت منك..وخاب ظني فيك….
صالحة جالسة تفتل سميد فلقصرية و بنتها حداها كتنقي لخضرة يوجدو كسكسو لغدا حديث و مغزل ..
صالحة ……. يلاه يلاه خفي يديك غنمشي نصلي ضحى و نجي باش نعاود ندير تفويرة تانية
سامية …….. راه مزال الحال اماما غير سيري على وقفتك مدي لي معاك لكرعة من تلاجة و سيري
مشات صالحة تصلي ضحى و سامية كملات تنقية و ناضت طرفات لكوزينة و بدات تغسل ماعن لفطور لي مزال يتسناو فيها و دندن اغنية شعبية ههههه ….. خارجة و دايرة يدييا فيديه لحبيب ديالي… خارجة و دايرة يدييا فيديه لحبيب ديالي خااايفة لبنات يطيرو بيه لغزال ديالي خااايفة لبنات يطيرو بيه لغزال ديالي
و هي كتشلل لكاس لخر حتى سمعت دقاان في لباب خلا لكاس يطيح من بين يديها بلخلعة تقول غير دقان لبوليس مشات تجري تحل لباب لقات مها سبقاتها ليه لي حتى هي بلخلعة مكملاتش تسبيحها حلات صالحة لباب مزال مركزاتش شوفة طارت عليها رانيا عنقاتها و تبكي هكاك شعرها منتوف و نفس بزز باش كطلعها سامية معرفت باش تبلات بقات غير كتشوف
صالحة “مزال معنقاها”…….. بسم الله عليك ابنتي اجي اجي دخلي غير بشوية عليك
سامية سدات لباب وطارت لكوزينة جابت ليها كاس لما يرد فيها روح لي غتزهق بلبكا و شهقة صالحة باغا غير تعرف منها اش طاري وااالو غير مخشية فيها و تبكي جات سامية مشات حداهم و جلسات
سامية …… ختي هاكي غير شربي و تهدني و قولي لينا اش واقع ؟؟؟
رانيا غير سمعت مالك و زادت عطاتها لبكا و تقول واش بغات تسكت صالحة هزات ليها راسها
صالحة ……. الله يرضي على بنتي لما خودي شربي وقولي لي اش خلاك فهاد لحالة !!
رانييا”شدات لكاس من يد سامية غادا بلكاس لفمها و يدها كترررعد شربت و بقات شداه بيديها بجوج و دموعها سايلين قطعات قلبهم سامية بدات تبكي ملي شافتها بداك الحالة مكتنطق بحتى كلمة غير كتبكي و صافي بقاو غير كيشوفو فيها و معرفو مايديرو صالحة هزات يدها و حطاتها على راسها و بدات تقرا عليها ما تيسر من القرآن و ختمتها بدعاء باش ترتاح نفسيتها تكاتها على كتفها

صالحة “نوضتها” ……. اجي ابنتي تكاي هنا رتاحي “شافت فبنتها ” نوضي جيبي لختك مانطة خفيفة راه كترعد غطاوها صالحة ناضت خلاتها ترتاح و مشات لكوزينة تكمل لغدا و سامية بقات جالسة عند راسها و كتمسد على راسها
سامية …… حبيبتي حتى حااجة مكتستاهل ديري على ودها هاكا عافاك عاودي لي نعاونك راه قلبي غيسكت و انا معارفة اش طرا ليك

🌸 الجزء 98 🌸
⁦✍⁩بقلمي……………………زهرة محمد
*لا تخبئي الكلام*
مؤلمة تلك الدمعة التي تسقط، وأنت صامت تسقط من شدة القهر، والألم، والإحتياج
رانيا يلاه بغا ترتاح ملي شافت و داز عليها حتى سمعات تلفونها كيصوني و فزت من بلاصتها كترعد شافت شكون قطعت سامية خدات مع عندها بورطابل شافت سيمت غيث عرفت بلي عندو علاقة بالحالة لي فيها صاحبتها
سامية ……… هو سباب فهادشي ياك !!
رانيا ……. قالت اه “براسها و عمرو عينيها بدموع ملي تفكرت اش دار ” …… هو اختي هو اهئ اهئ
سامية…… حاولي تكلماي باش تعاودي لي و نفهم
رانيا”تحسست ضربة لي فجبهتها” ……. ههو لي ضربني مطحتش ..
رانيا عاودات ليها كلشي حسات بقلبها غيطرطق تعاود و ترتاح من لبكا صالحة جات كتسمع بقات فيها تخيلاتها بنتها اما سامية صدمتها كانت ثلاثية الأبعاد حيت متصوراتش هادشي كلو يوقع فهاد المدة القصيرة و كيفاش يتبدل و في الآخير بقات فيها صاحبتها لي فرحتها مكملاتش
صالحة …… متبكيش ابنتي الحمد لله ملي بان على حقيقتو و مزال مدرتو فطاجين ما يتحرق
سامية …… ماما عندها الحق ميبقاش فيك الحال كلشي غيتعوض و ربي لي خلقو خلق غيرو و تستاهلي سيد سيدو
رانيا …….. راه كيهددني يجي لدارنا و يدير لي شوهة و جيت باش تعاونوني
صالحة……. فاش غنعاونوك ابنتي؟؟؟
سامية”كتعاود لمها شكون غيث” …….. ماما راه لي كان غيخطب رانيا راه غيث واش عقلتي على صاحب ياسين لي قرا معاه في الثانوي
صالحة “ممصدقاش”…….. واش متأكدين !!؟ داك لولد كان تحطيه على الجرح يبرا سبحاااان مبدل الاحوال معندك مناش تخافي مكيناش سيبة فلبلاد صافي متفاهمتوش الله يعاون كل واحد فيكم
رانيا ……. خالتي واخا نبات عندكم غير ليوم مبغييتش “مسحت دموعها قبل ما ينزلو” يشوفوني دار هاكا
صالحة …….. نوضي غسلي وجهك باركة من لبكا و دوزي تغداي
ناضو تغداو و رانيا بزز باش كالت ليهم بطليب و رغيب من صالحة لي دايراها فمقام مها مقداتش تخصر ليها كلات علاش قدات و ناضت سالا لغدا و صالحة مشاات لبيتها ترتاح و سامية غسلات لماعن و جات حدا صاحبتها تفوج عليها و يضحكو حسات بيها ترخفات على كيف جات و حتى هي قررات تفركع رمانتها و مبغاتش تزيد تخبي عليها علاقتها مع ياسر
سامية ” مترددة ” ……. رانيا بغيت نهضر معاك فواحد الموضوع و متقلقيش مني ؟؟؟
رانيا …….. فين عمري تقلقت منك الحمقة عاودي عاودي نتي خباراتك هههههه بووووحدهم

سامية…….. ااانا كنبغي وااحد سيد !!
رانيا”كانت متكية و جلسات” ….. و هادي خبار زوينة وحدة فينا تفرح ههههه
سامية”ابتسامة توتر” ……… وولكن مسولتينيش شكون؟،،،
رانيا ……. يكون غير ولد ناس و على هادشي لي طرا لي نصيحتي متزربيش ليطلع حتى هو بسيكوباط
سامية ……. هههه لا لا هدا ممريض ما والو ولكن خاصك تعرفي شكون …. هاد سيد للي ككنبغيه رراه ههو خالك ياسر…

#صدمة 😲👀 كيف غيكون رد فعل رانيا #آراااءكم

🌸 الجزء 99 🌸
⁦✍⁩بقلمي……………………زهرة محمد
*لا تخبئي الكلام*
رانيا سمعت اسم ياسر بقات ساااكتة و مباين عليها حتى رد فعل و سامية خافت من رد فعلها و خافت كتر تخسر صاحبتها بسبب علاقتها بخالها و حبها ليها و لكن رانيا عارفة شنو هو الحب و شافت بلي معندها دخل فهاد الموضوع لا من قريب ولا من بعيد بتاسمت حتى كان شوية كان قلب سامية
رانيا …….. مبرووووووك فرحت لك هههههه امرت خالي
سامية ….. سكتي بغيت لك لحلاقم راه ماما غتسمعنا
رانيا …… ههههههه فرحت لك و صراحة كان باااينة طايح فيك ولكن نتي من امتا الغدارة ؟؟
سامية “حشمانة” ……. معرفتش والله حتى لقيت راسي ككنبغيه
رانيا …… اح اقلبي على كنبغيه خالي ضريف و مغنشكروش ليك لي نوصيك ديريه فعينيك
سامية “عنقتها” ……. شكرا اختي حيت متقلقتيش
رانيا ……. حمقة تستاهلي الله يكمل بخير و متخافيش غنعاونك حتى يدوز كلشي بخير
سامية ……… ياربي “تنهدت ”
رانيا ……. نوضي تاصلي بماما قنعيها راك غنبات عندكم باش متخلعش قولي لها غدا و نجي
سامية مشات خدات تلفون دار و جات دوزات نمرت دار رانيا و جاوبتها مها سامية كتهضر و رانيا حاطة ودنيها على تلفون
سامية ……. كيف دايرة اخالتو لباس عليك. ؟؟
فتيحة ……. الحمد لله ابنتي ماماك على خير
سامية…….. الحمد لله لباس ….خالتي رانيا راه عندي راه غتبات معايا حتى لغدا ان شاء الله و تجي علمتك باش متخلعيش
فتيحة …….. واش هي لباس ابنتي دوزيها لي
سامية عاطتها تلفونن لرانيا …… االو ماما
فتيحة……. بنتي نتي بخير ؟؟؟
رانيا …… راني مزيانة متخافيش قولي لي واش بابا سافا.؟،،
فتيحة…….. لباس لباس راه برد شوية يلاه تهلاو فريوسكم و غدا جي باش تهضري مع باك
رانيا …… صافي إن شاء الله بسلامة
قطعت مع مها و سهاااات لقات راسها كتفكر فغيث بلا ما تحس و طاح عليها ضيم كتشوف كلشي سالا فرمشة عين تخلق حوار بينها و بين راسها تسول و تجاوب راسها حتى فيقتها سامية لي لقات عينيها مغرغرين بدموع
سامية…… رانيا رجوع الله مفيش خير زيدي عمري لي اتاي نديرو لكوطي و متبقايش تفكري فيه
رانيا”مقدرتش تحكم فدموعها ” …… ماشي لخاطري اختي كنبغيه و ولفت نهضر معاه اهئ “كتبكي” بنيت أحلامي معاه شفنا دار فين غنسكنو اختي واش سااهلة نسا ؟؟؟
أرهقني وجهي الشاحب. أرهقتني هذه الكآبة التي تحتل مقدمة رأسي.
كل ليلة، أُفرغ ما في جوفي من أفكار وأسرح. أطير خالياً من كل الذكريات. أطير متحرراً من كل اللحظات #يتبع حبيباااتي يكما مشيتو اجيييو ليوم نشوف ياسين

🌸 الجزء 100 🌸
⁦✍⁩بقلمي……………………زهرة محمد
*لا تخبئي الكلام*
ياسين وصل لطنجة الميناء دنيا عامرة بناس لباطو رسى في الميناء و طوموبيلات خارجين بصف كيدوزو من الديوانة دازو ساعات عليه فداك الصهد طبعو ليه لباسبور و سالا الاجراءات الامنية و شد لوطوروت دايرها مفاجئة لمو لي ما علمهاش بمجيئو علم غير سامية لي فاقت بكري ليوم على غير عادتها و هي تجمع من هنا لهنا و توجد لي خاص بلا ما تعيق بيها صالحة كادبة عليها قالت ليها مشهية رفيسة سلات كيلو و نص ديال لمسمن بمشقة الانفس
صالحة …….. بغيت نعرف لاااش هاد كيلو و نص و حنا غير جوجات
سامية”كتقطع فلمسمن بلمقص” …… ماشي مشكيل حتى إلا بقا نتعشا بيه
صالحة …….. و لي شافك يقول مهاوشة و لا موحمة
سامية ……. بجوج اماما بجوج ههههههههههه
صالحة …….. والله يقلل حياك ابنيتي مبقاش عندك لوجه علاش تحشمي
صالحة نصبات مرقة رفيسة و خلات دجاج يطيب و مشات لدوش سامية دوات مع رانيا و طمأنت عليها و غير قطعت جاها اتصال من نمرة المغرب جاوبات
سامية…… الو السلام عليكم
ياسين”بدل صوتو ” …..و عليكم السلام اختي معاك شركة اتصالات المغرب و نتي فائزة معانا برحلة لشخصين لتركيا ممكن الإسم الكامل و رقم البطاقة الوطنية
سامية ………. ولكن انا عندي انوي ماشي اتصالات
ياسين …….. ولكن انا كنهضر على تلفون دار الالة مااشي نقال واش نتي مهتمة بهاد الرحلة ولا لا حيت نهاية الاسبوع غتمشي اول مجموعة
سامية ……. لا اسيدي راني غير مهتمة ملي تكون جزر المالديف تاصل بي
ياسين “طلقها بضحكة عرفااتو بيها” ……. وجهك وجه المالديف إلا قبلت عليك السعيدية حمدي الله
سامية …….. هدااا نتااا الله يعطيك سم واش مبغيتيش دير عقلك خلاص .. قولي بعدا فين وصلتي ؟؟
ياسين ………. غير تصلي الظهر ان شاء الله و حلي لباب غتلقايني قدامك
سامية ناضت تعثر ضارت ليه ب بيتو عاودت قداتو و خرجات لقات مها سلات تدواش و غادية تصلي
صالحة ……. دخلي توضاي نصليو و نتغداو راه مصارني كيغوتو بجوع
سامية دخلات توضا و كتعععططل باش تجيب الوقت قدقد مع خوها خرجات صلات و صالحة مشات تحمر دجاجة في الفران و دوق الملحة و حاسة بشي فرحة فشكااال دور و تغني بلا هواها ماشي من عوايدها سامية دارت تحية و سلمات و هي تسمع صونيط فلباب ناضت بلفرحة كانت غتعكل بجلابة و تجيب ربحة قلبها شوية و غيسكت من كترة ما كيضرب حطات يدها على بوانيي حلات لباب كان ياسين بابتسامتو الممزوجة بتعب فاتح دراعو باش يعنقها و هي غير شافتو وتعلقت فيه

سامية …… خوووويا حبيبي “عنقاتو” توحشتك توحشتك توحشتك “طلقت منو” زيد زيد دخل
ياسين …… كيف دايرة اشنيولة ؟؟
سامية …… الحمد لله الحمد لله
” مشات بيه لكوزينة لقاو صهودات و صفارة خدامة صالحة مسمعات لا لي صونا لا لي دخل حتى ضارت و معرفت باش تبلات واش هي في حلم ولا في علم
صالحة “كيخرجو كلماتها تقال من الفرحة ” ….. و لددي حبيبي
ياسين ……. ميمتي ” يعنق و يبوس فراسها و يديها و فرحتو يمكن معادلة مع فرحتها حيت فلغرية عرف بقيمة الام …. توحشتك اميمتي
صالحة ” مزال ممصدقاش” ……. و فرحي و سعدي بوليدي انا ليوم عندي لعييد اوليدي زيد زيد حيد من هاد صهد
دخلو لصالون باش يرتاح من تعب طريق و كل واحد و فرحتو معطيها لحد و دنيا مسايعاهمش و اخييييرا ليوم ياسين غينعس بين أحضان مو و ختو
#تتبع💞 كبيداتي كنحبكن ❤🌷😘

Leave a comment