Skip links

قصة : لا تخبئ الكلام 1

 5,494 عدد مشاهداات

🌸 الجزء 1 🌸
⁦✍⁩بقلمي……………………زهرة محمد
*لا تخبئي الكلام*
ذكر في الأثر أنه عندما تموت الأم ينادي منادي من السماء أن يا إبن ادم ماتت التي كنا من أجلها نكرمك فأتي بعمل صالح نكرمك من أجله……فرضى الله من رضى الوالدين و أكبر هبة من الله للمرأة وضع الجنة تحت اقدااام الامهااات
كون تعرف قيمة الأم فهاد الدنيا تطلب رضاها كل نهار يكفي أنها هزاتك فكرشها 9 شهور و ركباتك فضهرها عامين و رضعااتك من حليبها حولين …شكون من غيرها يخاف عليك من الهوا الطاير و إلا مرضتي تبات عند راسك وعقلها حاير .. وحالها حال أي ام
اللهم احفظ امهاتنا يا رب
فاقت مع الفجر توضات و صلات فريضتها و منساتش في كل ركعة و سجدة دعي مع وليداتها ربي يحميهم و يوفقهم و بالأخص مع بنتها سامية لي محتاجة لدعواتها في هاد الفترة من الامتحانات هي و جميع وليدات المسلمين جمعات صلايتها و قصدات صالون لي حتلاتو بنتها غير بالكتب و الوراق و بدات تفيق سامية لي خاصها ساعة باش تفيق هههه
فوق سداري مْسَرح واحد الكائن عجييب تقول لايحها البحر معندهااش علاقة بالانوثة ههههههه شعر مشعكك تخلع بنهار أما إلا خرجت عليك بليل غير هرب و مضووورش
صالحة…”كتحل شرجم و كتنادي على بنتها”…. ساااامية و سامية نوضي ابنتي الله يرضي عليك نوضي راه قرب الوقت واش جيتي لنهار لخر و باغا تمشي معطلة نوضي توضاي و صلي و لبسي طلقي رااسك وهانا مشيت نوجد الفطور و نرجع و نلقاك منضتيش سطل دلما فوق راسك ابنيتي…
“سامية غير سمعت حس تعطال ضربتها توكيضة و عرفات راسها مزال ليها نهار لخر في امتحانات الباااك جمعت الوقفة و مشات تلاوح لحمام لي سكنت فيه تقول عروسة و غتروح ناس فناس و القرع فمشيط راس و اخييييراا خرجات لالة البنات بعد ما توضات و قصدات صالون فرشات صلاية و صلاة و دعات ربي يوفقها…. سالات و توجهات لبيت مها تشوف ما تلبس ختارت سروال دجينز و تيشورت بيض…لبسات بلخف و قصدات لباب حيت عندهاا طرييق باش توصل لثانوية لي كدوز فيها الإمتحان…
الصالحة.. و هي كتوجد صنية الفطور شافت بنتها قاصدة الباب… دوزي تفطري و لا ناااوية تمشي بلاا فطوور ~~
ساامية راجعة عندها لكوزينة…. والله ما قادا معندي شهية كنحس بمعدتي مسدودة اميمتي غير خليني نمشي خاصني نكون قبل الإمتحان بنص ساعة راك عارفة
صالحة.. وخودي غير هاد لكرويصة باقا سخونة ابنتي ديها معاك الله يرضي عليك و هاكي باش تمشي وتاخدي ما تكلي راك مغتجي حتى العشية ثاني خدات بزطامها من فوق ثلاجة و مدات ليها فلوس و خرجااات سامية مع دعوات مها متمنية ربي يسهل عليها ما صعاب

سامية رجعت باست لمها راسها ~~دعي معايا اميمتي ليوم لخر في امتحان لبارح كاان صعيب و طلبي الله يكون ساااهل قتلتني الخلعة مع هاد الباك ..
صالحة .. متخافيش ربي معاك الله ينجحك و ينجح جميع المسلمين
سامية باست ليها ايديها و مشات تجري لباب صالحة بصوت مرتفع و عنداااك تنسااي دُعا
سامية خرجات شادة طريق الثانوية لي غدوز فيها الإمتحان عندها صباح مادة léconomie ولعشية lorganisation
(دعواااتنا خالصة لأصحاب الباك بالنجاااح)
جلساات مي صاالحة تفطر بووحدها و تفكيرها مع ولادها سامية لي عندها الباك و تدعي من قلبها ربي يسهل عليها و مع ولدها ياسين لي في فرنسا هادي 9 سنين مشا يكمل قرايتو بعدما عطااوه المنحة و سالات مدة الدراسة و خدم في نفس الجامعة لي قرا فيها أستاذ جامعي… و كتشوف كيف دار زمان و لقات ولادها ضغيا كبرو و سخنو كتافها بعدما كانو باردين ملي طلقت من راجلها و مشا تزوج وحدة خرا…
فيقها من سهوتها غير تلفوون لي صونا … الصالحة خرجت لبيت و هزات تلفون دار السلام عليكم…
ياسين… و عليكم السلام الحبيبة لبااس عليييك توحشتك العمر
الصااالحة.. ولدي حبيبي الحمد لله حتى انا توحشششتك و نتا أمورك مزيانة كيف دايرة خدمتك و نااس لي معاك
ياااسيين.. هههههههههه لباس عليهم اميمتي كيف دايرة سامية كيف دوزات امتحاناتها
الصالحة.. كتقول شوية.. و أنا معارفة والوو اوليدي دعا راه كندعي معاها صباح و ليل هي و كاااع الوليدات الله ينجحهم 🤲🏾
ياسيين ..اميين يارب اوا اش كديري الحبيبة كيف بقات ركبتك شوية ؟؟
الصالحة.. الحمد لله شوية مع دوا مزيان هاد ساعة
ياسين … و الحمد لله شررفتي اصالحة مبقا عندك جهد باش باغا طوفي الكعبة يا لحبيبة هههه
صالحة (امنيتها فهاد الدنيا تزور بيت الله و مقام النبي )… الااا اوليدي نقد بجهد الله غير الله يجعلها في المكتاب
ياسين… إن شاء الله اميمتي الله يقدرني و نمشي أنا وياك
صالحة… امييييين اوليدي و امتا غتجي والله إلا توحشتك
و دار خاوية بلا بيك
ياسين… مزااال غير دعي معايا الوليدة دوز الأمور بخير .. و لكن مغنطولش ان شاء الله غير نسالي معاهم امتحاناتهم و هاني عندك ..و المهم نخليك اميمتي تهلاي فراسك و متنسايش دواك و سلمي لي على سامية
الصالحة مسخاتش تقطع من كترة متوحشات كبدتها واخا يسلم عليك الخير اوليدي و مطولش الغيبة الله يرضي عليك
ياسين… إن شاء الله الحبيبة بسلامة
#يتبع

🌸 الجزء 2 🌸
⁦✍⁩بقلمي……………………زهرة محمد
*لا تخبئي الكلام*
مي صالحة كيف قطعات تلفون مع ولدها ناضت قاضات💕 دارها و ردات الغدا يطيب و راديو خدام حداها كتسمع لأسر و حلول مع دكتورة و كان موضوع الحلقة كيف تقدر المرأة تحافظ على بيتها و داك الدفئ الأسري لي لابد منو باش يكون الإستقرار وسط العائلة و مي صالحة مركزة مع كلام دكتورة و كتسمع نصائحها حول مسؤوليات الزوجة مع ابناءها و زوجها بالخصوص …. حتى سرح بيها خيالها و تفكيرها في أيامها لي بدات زوينة مع راجلها واخا مكانوش كيتعارفو كان فقط زواج تقليدي و خلاص ولكن كان مبني على الإحترام و التفاهم و صبر علي نصبر عليك باش المركب يمشي غير هو صبر لي صبرااتو ما صبرو حتى حد تفيق مع الفجرر و تنعس حتى لنص ليل عليها شغل كامل .. من عجينة و غدا و غسيل لماعن و صابون و منساوش ديك الوقت كانت غير الفرراكة و حني عليها ظهرك ما تخرج ما ضرج نهار الكبير تخرج لجردة و ترجع ..هاكا كان مفهوم زوااج عندهم مفهووم رجعي ما مطبّق فيه لا دين و لا إنسانية المرا تقول غير اه ا واخا و كلمة لا ممنوع… رغم هادشي كانت مسكينة فرحانة بعائلتها راجلها ا ولدها و بنتها لي مزال لحمة بين ايديها و كافية خيرها شرها..
حتى جا نهار لي تغير فيه الموازين …
في بيت جالسة صالحة كترضع بنتها و تهضر معاها وولدها حداها كيلعب بكرة لبلاستيك شوية دخل راجلها من الخدمة سلم عليها و جلس حداها و هز ايد بنتو باسهاا و يلعب معاه و حتى هي كتبتااسم ليه و فرحااانة حتى نقز عليه ياسين فوق ضهرو و كيبوس فيه
ياسين… باباا فين هي طوموبيلتي لي قلتي لي راه جيت أنا لول فلمدرسة
حسن …بصح بصح اااااه تبارك الله على ولدي البطل ملي هاكا غدا ان شاء الله تكون عند ولدي
ياسين… كلمة رجال ياكا
حسن… ايه اولدي كلمة رجال و نوض دابا طيح على ختك
مشا ياسين يكمل لعبو و صالحة سلات رضاعة لبنتها و هزتها بعد ما تكرعاات و عطاتها لباها يريحها شوية خداها من عندها
يلعب معاها و يبوس فيها وهي كضحك من قلبها حتى كتقطع فيها النفس مخلية الفرحة و البهجة دخل لقلوب و صالحة فرحانة بلمتها مع راجلها وولادها …
صالحة …. غنوض نعمر ليك اتاي و راه نيت هدا لوقت اللي كتجي فيه ختك و ناكلو مجموعين
حسن … مبقااا ليها والو ودخل سيري عمري اتاي و خليني مع بنيتي
صالحة يلاه جات خارجة من لبيت حتى تصاطحت مع لوستها لي ضربت فيها و دازت داخلة بلا سلام و لا كلام تقول واخدة ليها الورث …
دخلت زاهية سلمت غير على خوها كأنو صالحة ضمير مستر
ممعتابرهاش مرت خوها دايرة ليها معاملة الخدامات لي فهاد الوقت

فهاد الوقت ولاو عندهم حقوق
مشات صالحة لكوزينة حانية راس مباغا صداع معاها و هي عارفااها خاصها غير معامن تلابق
عمرات اتاي و حطات ما قسم الله و تقااد ….
و راجلها بقا كيقرقب ناب مع ختو حتى جبدات معاه موضووع لي كل مرة تزن و تحكر عليه يدير تعدد و صراحة مكدبوش لي قالو لوسة سوسة
زاهية..اش قلتي فموضوعنا فكرتي
شوف اخُيِّي غير ساعفنيي و مضرب حسبة لحتى حاجة نتا غير وااافق
حسن.. الله يهديك اختي أنا مرتاح مع مرتي و ولادي اش عندي ما ندير بثانية
زاهية.. (باستهزااء و حاطة رجل على رجل و هازة حاجب و مهبطة خوه)
مرررتك و حتى هاديك مرا لا لبااس مقاد لا هضرة زينة و زيدون ما هي حرام ما عيب ربي لكريم حلل ليكم 4 دير شرع … و الحمد لله راك ممخصوصش
هانتا الخير موجوود دار من لفوق لتحت و اش بغيتيي عيييش لي شباب و لي علي أنا ندير ليك واااحد مولاي العرس على حسابي و الاااا سعفتيني اخويا حبيبي حتى لعروسة ااانا نجيبها ليك مي الله يرحمها و لهلا يطيحها ليها فودن راه معندها دووق لي زوجاتك ب صااالحة
أنا راه جايبة ليك زين سبحان لي صورها..
حسن راجل دار سكت ما جاوب لا ب اه لا ب لا و فحال الا قتاانع بكلام ختو لي لحسات ليه دماغو بالهضرة و هاد الهضرة كاملة كسرت خاطر إنسانة لا حول لها و لا قوة و خلات دمعتها تنزل …
#يتبع

🌸 الجزء 3 🌸
⁦✍⁩بقلمي……………………زهرة محمد
*لا تخبئي الكلام*
في عاصمة الأنوار التي سطعت في القرن 18 في جامعة نانسي و بالضبط ف amphi كبييير هاز كتر من 300 طالب و كلشي منتبه و مركز مع كل كلمة كيقولها … و كلشي ساكت و دبانة إلا دازت تعرف طريقها هههه واقف شاب بكل هبة ووسامة كيشرح بالميكرو و مرة مرة يشرح بداطاشو و ضو لي عكس في نظاراتو و عطا جمالية خاااصة في عينيه و لي خلا نص البنات ساهي فجمااالو 😍 يسمعو كلمة و يزكلو عشرة نص موااظبين على حصصو غير حيت زوين و جنتيلمان و نص لاخر عاجباه طريقتو سلسة في الشرح و واخدينو كقدوة في المثابرة و الجدية في العمل من الأساتذة لي يحبك في المادة رغم صغر سنو ربي عطاه هبة لي متقدرش تهز فيه عينك حتى بزربة…
إلا واحد لبنت جالسة و مكتشوفش فيه كتنوطي معاه النقط المهمة …
بعد اعلانو على نهاية الحصة بتمرين منزلي و ذكرهم بحصة يوم غد على الساعة العاشرة بتصحيح التمارين و كذلك بالإمتحان النهائي لي غيكون الاسبوع جاي …
جمعت نور أدواتها فصاكها و هابطة دروج قااصدة الباب و مضاربة هي و دماغها حيت مفهماتش واحد الجزء فدرس واش تمشي تسولو و لا دير بناقص مع العلم أن نور عندها مشكل تلعثم في الكلام مكتنطقش الهضرة بزربة و داير ليها مشكل في التواصل و مْشكَلْ ليها عائق في تكوين صداقات …
نور غادا و قاصدة المكتب و دايرة ستيلو فمها و قررت تسولو و ليها ليها…
نور.. سسللام ااستاذ عععندي ووااحد سسؤاااال بخصوص الددرس الأأخخير
ياسين.. “علامة استغراب باينة عليه من طريقة هضرتها” .. إلا كان بخصوص الدرس طرحيه وسط الحصة و يمكن عارفة هادشي
نور.. (مرضااتش) عععرررفت ووولكن خخخاصني ننفهم بباش نجاوب على تتتمريين ووو الااا مشغول كككنعتتاااذر…
(مخلاتش ليه الفرصة فين يجاااوبها و لا تسمع ليه تاني )
دارت كتغزز فسنانها و حسبت خطواتها خارجة جهة الباب تسب و تلعن فيه سااخطة ماخلات فيه لجد لطسيلة … بما انو كانت آخر حصة هاد نهار مشات نيشان لدارها و موسم المشاوشة فوق راسها كتعصب و لي زاد طينة بلة أن الكلمات كيخونوها مكخرججوش بطلاقة…
خدات نور الميترو و تفكيرها مع التمرين و قررات تمشي غدا المكتبة الجامعة و تبحث راسها و تفهم
وصلات نور لداار حلات ليها
ختها غيثة دخلات بلا سلام وولا كلام هاازة شوكتها سدات غيثة لباب و تبعاتها لبيت لقاتها بغات غتبدل حوايجها
غيثة.. رورو مالكي؟ ؟،، دخلتي بلا سلام اش كاين تاني واش تخاصمتي مع شي حد
نور… مممممتخاصمت ممع حد غغغغير عييياانة ووو بغغغييت نرررتاح (بغات غيثة تهضر و قاطعاتها) عععفاااك اخختي

اخختي بلاا كككثرة لللهضرة راسي ضضضاارني بببعغغيت نببببدل و نننعس
غيثة.. واخا احبيبة رتاحي حتى تبغي تهضري و هضري و اجي بعدا تغداي و عاد نعسي
نور للللا ممممعنديش شششهية بببعغغيت غغغير نعس
غيثة حاافضة ختها ملي كتكون مقلقة مكتبغيش تقجر عليها خلااتها على خاطرها
غيثة.. واخا انا غنخلي ليك حتى تبغيه و كولي حاولي تهدني واخا احبيبة
نوور… واااخخا ااالا خخرججتي سسدي ممعاك للبااب
#يتبع

🌸 الجزء 4 🌸
⁦✍⁩بقلمي……………………زهرة محمد
*لا تخبئي الكلام*
سالات سامية امتحاناتها و جات خارجة هي و صاحبتها من ليسي مزنكييين كيضحكو وفرحانين بمواد هاد النهار لي كانو ساهلين و دنيا عامرة حدا لباب كلها يلغي بلغاه ها لي جاوب صحيح هالي لي خرج يبكي مقدوش لوقت يكمل الإمتحان.. أجواء ما يعلم بيها إلا ربنا ههههه سلمات سامية و رانيا على صحابهم متمنيين لبعضهم النجاح و شدو طريقهم و كيتحتتو.. (رانيا شادة فدراع سامية )
رانيا.. و اخييرااا اصاحبتي سالا هاد الكابوس ديال البااااك الحمد لله غنمشي و غنعس يومين متاااابعين
سامية … باااقي ماسالاش الكابوس عندي حتى نشوف راسي نجحت و نفرح ميمتي لي تعدباات على قبلنا أنا و خويا غير كنتفكر نهار يعلقو طابلو كتشدني رععدة من صبعي صغير
رانيا… إن شاء الله تفرحيها متخافيش و عندي احسااس ضربي مونسيو العفريتة
سامية.. من فمك لباب سما انا و ياك يااارب
رانيا امييين ؛؛؛ اه فكرتيني كيف داير تيتيز ديال خوووك تعطل واش مناويش يورينا وجهو البشوش و غبر غبرة الحق يكما ضبر على شي كاورية اخرى هههههه
ساامية… الله ينجييه اختي من نهار تفاارق مع سينا مبقااش بغاها كاورية عرف بلي ما غتناسبو غير بنت بلادو
رانيا… هههههه كتقصديني انا صاحبتك حبيبتك ياكي و شوفي لي معاااه راني مزعووووطة لحد النخاع ااااااااه على عويناتو اختي يطيحو زرزووور من فوق سوور انا خليوني نبقاا غيير نشوف فعينيه مبغيت لا بااك لاا وااالو😍
سامية بقات كتعجب فصاحبتها و ضحك …نوضي و نتي تشتتي و دبتي توكضي معايا و خفي رجليك راه غنتعطلو و نتي غير تجبدي سميتو عينيك يتزااكلو غير بوحدهم
رانيا… اااااه هداااك راه خوك ساكن في كاشوشي ههههههههههه و عاودي لي اش وقع ليه مع صحبتو و العجب كان كيموووت عليها و تمووت عليه و ليوم شديتك حية اصحيبتي غاتعاودي اش طرا راه صبرت و ضرني راسي كنت ملاهيا غير مع الامتحانات عاودي لي نشدو بيهم طريق ديما كتغمقي و تنسيني
سامية.. غير يرجع عقلي لبلاصتو و نشدو عليهم واحد براد اتااي و نعاود ليك من طق طق حتى السلام عليكم و اش بغيتي
رانيا ..واااااخا الالة سامية حتى هدا كلام …. بالحتيت و الضحك محسوش بطريق حتى وصلات كل وحدة لدارهم توادعو على أمل اللقاء قرييبااا
و فهاااد اللقاء غيبدا تشنشيط

🌸 الجزء 5 🌸
⁦✍⁩بقلمي……………………زهرة محمد
*لا تخبئي الكلام*
الصبر عند المُصيبة، يسمى إيماناً. الصبر عند الاكل يسمى قناعة. الصبر عند حفظ السِّر يُسمى كِتماناً. الصبر من أجل الصداقة، يُسمى وفاء. اصبر فبعد الصبر تيسير، وكل أمر له وقت وتدبير. إذا كان الصبر مُراً فعاقِبته حلوة
أم ابطااالنا صبرت على هادشي و كتر و رغم هادشي كامل كانت الأم و الأب لولادهاا مخصصتههم من حتى حاجة و لي قدرها عليه جهدها عطاتها ليهم و الحمد لله رب المنة و العطاء من بعد طلاقها وقف فطريقها و لاد الحلال لي عاونوها على زمااان حتى كبرو ولادها و عوضوها على لي فاات
دخلات سامية رمات سلام بصوت مرتفع… السلاام عليكم
صالحة من صالون وعليكم السلام ابنتي تعطلتي ياك لبااس
ساامية.. ( باست لمها على راسها )..والو باااس امي غير جينا أنا و رانيا على رجلينا و محسيناش بالوقت سخفففت بجوووع قولي لي كاين ميتكااال
صالحة…و مالك ابنيتي متغديتيش .؟؟؟
سامية… و راه تهضم فطرييق و ماكلة زنقة حتى هي ماكلة امي و طااايرة منها البركة و نصها مشااا مع الإمتحان ديال لعشية و هانتي لي بقا ضيعتيه لي بلهضرة
صااالحة… مصااب غير نعرف هاد الماكلة فين كتمشي ساكنك شي جن كياكل معاك ابنيتي هههههه
بقاو يتمازحو بيناتهم و تعاود لمها على نهار كيف دااز و دعات معاها بالنجاح ليها و الجميع مشات سامية تغسل و توضا تصلي صلاتها و مي صالحة مشات تعمر اتاي و توجد لبنتها ما تاكل كانت ساعة 6 لعشية
وصلات سامية للتشهد الأخير مها حطات صينية و لبيض بلخليع و لانشوون و زيتون و الفرماج و كتسنا فبنتها تسلم و تسالي(سالات و كطوي فصلاية)
صالحة … الله يقبل ابنيتي و يصلحك و زيدي راه صاوبت البيض لي كيعجبك
سامية …آمين يارب العالمين و و و و و البيض بالخليع ا ماما كنت مشاهياااه هههه
صالحة.. بصحتك .. جلسي و قولي بسم الله
سامية …. بنييين عرفتي لي مكلاش من ايديك مات جيعان هههههه
صالحة… بصحة و راحة ااااه الله يفكرني على شهادة راه تاصل خوك صباح و سول فيك
سامية.. يسول فيه الخير توحشتو مقاللش امتا جاي ؟ تعطل
صالحة.. مقالش امتا بضبط قال قريب و صافي مزاال مسالاش خدمتو
سامية… باااقي ميساليش دابا كاينة فترة الامتحانات غير ناكل و نهضر معاه فييديو..
غير كملات جمعت طابلة و غسلات لماعن واخا عيانة مبغاتش تخليهم لمها و مشات لبيت تاصل بخوها خدات طابليت و تأنسطالات فوق سداري دوزات لابيل و كتسناه يجاوب
ياسين.. (كان فلكوزينة هاز كاس دلما حتى سمع تلفون كيصوني فجيبو هزو و جاوب )فين الفنون اتي كيدايرة جا معاك لباك ههههه

سامية فين العود غبرتي امالك
ياسين… بغيت العود يركلك ميخلي فيك حتى عضم صحيح ياك تنقولك حتارميني راني كبر منك اش كتقراو فديك المدرسة
سامية… هههههههه كنقراو قرد بقرة برتقال هههههه راه غير كنضحك الحب معامن نضحك الا مضحكتش معاك
ياسين.. واااخا الالة كيف دازو الامتحانات سبع ولا ضبع؟ ؟
سامية… و نكدب إلا قلت شي حاجة نتسناو نتيجة و نشوفو و قول لي امتا غتجي راك تعطلتي متوحشتيناش
ياسين …. و الله حتى توحشتكم غير الخدمة لي مزال مسلاتش المهم متحسي حتى تلقايني فوق راسك
سامية ….. سلم لي على الخخدمة واش تيتيزة هههههههههه
ياسين …. الله ينعل ترابيك متحشمي مترمشي عندك زهر بعيد سيري غبري خليني نعس راه غدا خدام
سامية… هههههههه باااي الحب و سلم على الخدمة قوليها سلمات عليك ختي و قطعت عليه ووهي كتموت بضحك
#يتبع🤗

#تتمة
⁦✍⁩بقلمي……………………زهرة محمد
*لا تخبئي الكلام*
ياسين كيف قطعات ختو و لبلوة لي عطاه الله جابت ليه ضحك بدا يبتاسم غير بوحدو وناض حط تلفون و مشا الحمام يغسل سنانو باش ينعس سالا طفا ضواو غير تخشا فبلاصتو يلاه غيحط راسو وهو يصوني ليه تلفون ناض جلس و هز تلفون و جاوب
ياسين…. ألو
سينا … الو ياسين لباس عليك (بقات ساكتة شحاااال) توحشتك..
ياسين… “قاد لجلسة مكانش كيضن غتعاود تتاصل بيه من بعد آخر لقاء كان بيناتهم” (كيحاول يضبط اعصابو وميغوتش ) هاد الهضرة معندنا ما نديرو بيها لي كان بيناتنا سالا سمعيني هاد المرة هضرت بأدب المرة الجاية مغيعجبكش الحال هذا آخر إنذار نساي هاد نمرة و عمرك تفكري تاصلي و قطع 😐
ياسين عام باش تفارق مع سينا بعد ما دوزو 4سنين في العلاقة كانو تفاهمو فكلشي ووقعو شي حوايج لي خلاتو يصرف النظر و يتفارق معاها و عمرو ضار شاف فيها رغم الحب الكبير لي كان بيناتهم
حط تلفون و حاول ينعس من بعد هاد الاتصال لي طير عليه النعاس بقا يتقلب و يفكر حتى طاحت فبالو لقطة اليوم مع الطالبة لي أثارت انتباهو طريقة هضرتها معرفش واش عندها مشكل في النطق وولا غير خوفها منو خلاها تهضر هكاك..
;معطاش الموضوع أهمية كبيرة بقا يستغفر حتى داه النعاس
#يتبع

🌸 الجزء 6 🌸
⁦✍⁩بقلمي……………………زهرة محمد
*لا تخبئي الكلام*
الاخ نعمة من الله عز وجل، فهو قطعة من القلب والروح، هو الكتف الذي نتكئ عليه إذا ما اشتدت الدنيا، وهو الذي يحمي ظهورنا ويحمل عنا عبء الحياة وقسوتها، الأخ هو السند والذخر والصديق الأول، فلولاه لكان طعم الحياة مراً
سامية كيف قطعات تلفون مع ياسين تفكرات رانيا قالت تسول فيها حتى هي ناضت لتلفون دار و جلسات فوق لفوطوي و دوزات نمرتها كيصوني…
رانية.. الووو السلام عليكم ههههه
سامية…. و عليكم السلام ههههههه امنين طاح عليك هاد صواب ؟
رانيا… و غير كنخاف تجاوبني خالتي خههههههههههههههههه
سامية… لحب كيف وصلتي بخير
رانيا… الحمد لله و نتي ؟؟؟؟
سامية… بخير كنتسنا غير نصلي لعشا و نجبد عليه في نعاااس تقولي ياختي تقولي عام منعست
رانيا… ااااح سعداتك حسدتك فهاد اللحظة حنا غيجي خالي هاد يومين مكاين غير شقا
سامية… هاداك لي في الإمارات غيجيب المدام و دراري؟ ؟
رانيا…. لاا جاي غير هو و ولدو و البنت بقات مع مها غير سكتي مبقاوش مفاهمين و فحال غيفرتكو لمجمع
سامية … يقدر يكون غير شي مشكل بسيط و إلا مفكروش فراسهم يفكرو غير فدوك لوليدات مساكن
رانيا المهم دار كيعيطو دوزي عندي و نتحتو شوية و نشرح لك اش واقع
سامية… غير نفيق غدا ان شاء الله و نقاد دار و هانا عندك تلاحي
رانيا… بااي
سامية مع قطعات تلفون بدات تشمشم و مشات قاصدة لكوزينة باش تأكد واش هي و لا غير الحواس تخربقو مع الباك غير وصلات كانت دهشة ممزوجة بالفرحة لقات مها كدير لمستها الأخيرة على أكلة أنا براااسي كنموووت عليها لي طيبتها تعرض علي 😅😅 بااااااااايلاااااا
سامية.( بلهفة تقول عمرها شافت نعمة).. ماما اندووق الله يرحم بااك عارفاني كنعواج
صالحة… ضارت عندها هازة مغرف والله لا دقتيه سيري تركني حتى يطيب 8
سامية… وااا مي ندوق ليك غير مليحة واش هي هاديك
صالحة… (كتغسل ايديها فلافابو و كتهضر ).. راه حلفت سيري خرجي شوفي ماتقدي خليني نمشي نصلي
(سامية تابعة مها و تنكر و تعبر بايديها )
سامية… كديريها بلعاني امي بغيتيها في قالك لموحمة و العزبة لي شافوها ديالهم و نتي زعمة دقة قديمة و عارفة هادشي واش بغيتي تهاوشيني تي عطيني ندوق اوو
صاالحة… (كتلبس حوايج صلا ) وااااقيلة توحشتي تقرااص
سامية… متوحشتوووش و الله ما توحشتو لطراس ديال ايديك مازال فبين فخادي ووغير صلي و طلبي الله يغفر لك على الحالة لي كنتي دايرة في

صالحة فرشات صلاية موجهة للقِبلة وبتكبيرة الإحرام بدات صلاتها و خلات لهبيلة دبنتها كدوي غير راسها معروف على رانيا هبيلة و متهزش فخاطرها مبسطة الحياة لأبعد الحدود طمووحة و عندها حلم باغا توصل ليه
كيف سالات صالحة حطات لعشا كلاو و كل وحدة دارت روتينها ليلي و مشاو نعسو…
#يتبع 😍😍

#تتمة
نور لعشية كلها دوزاتها نعاس هاكا طبعها ملي كتقلق مكتحمل تهضر مع حد كيف ناضت كتجبد خرجات تشوف اش كاين خرجات لابسة بيجامة بيضة فيها كاروات بلغوز مشات لكوزينة تقلب على ما تاكل حلات تلاجة لقات الكبدة مشرملة و شلاضة روز و طبسيل فيه لفريت واخا بردات كلاتها و دخلات فلكبدة و شلاضة حصاد و دراس و هبطات داكشي بكاس د العصير و خرجات من لكوزينة لبيت جلوس كتقلب على شكون كاين لقات غيثة كتفرج في فضيلة و بناتها و شادا ميشو بين يديها كدوز ايديها فوق ظهرو… مشات جلسات حداها و حشمانة من ختها من طريقة هضرتها معاها قبيلة…
نور… خختي غيتتة سمممحيلي عللى ققبيلة مقصدددتش نقلل ادابي عليك
غيثة … (ضارت عندها بكل حب)علاش غنسمح ليك ا رورو عااادي الإنسان كيتقلق أنا غير بغيتك تعاودي لي باش نعاونك
نور… غغير ضضغط الققراية رااك عاررفة الععام لخر ووو المششكل دنططق ممعرررفتش ككييف ندوز سووتتنونس و الممشررف لي ععنديي صعععيب
غيثة… (شدات ليها فايديها ) متخافيش أنا معاك و خوك حتى هو قالك شحال من مرة نحطو ليك دوسي ميديكال و رفضتي حتى دابا مزال الحال نحطوه و هما غيقدرو الموقف عرفتي اش ديري خوي راسك من هادشي و اجي تفرجي معايا
نور… معنندي ككانة لتففراج ععندي وواحد تممرين غننوض نضضارب مععاه ارري لي مميشو ننديه مععايا يووننسني
غيثة … غادي غير يبرزطك و ميخليكش تخدمي على راحتك راه ولا قبييح
“بضحكة تهز القلب و اخيرا بانو سنانها غزالين”.. غير ارررريه و إلا برزططني نجججري عععليه
غيثة … هاكيه هنيتوني نتفرج على خاطري
نور..
تصصبحي ععلى خخير
غيثة .. و نتي من أهل الخير رورو
#تتبع💞

🌸 الجزء 7 🌸
⁦✍⁩بقلمي……………………زهرة محمد
*لا تخبئي الكلام*
يرتدي الصباح لون النقاء بعد عتمة الليل.. فيبث أنفاسه ب نسمات تنفث في الروح أملاً بأن القادم أجمل بإذن الله
كيف صبح الصباح و بان الحال الصالحة صاوبات الفطور و خرجات لسوق تقدات و جات و سامية مزال تشخر وصلات 11 و حلفات لا ناضت ولفات تسمع المواال الغرناطي من مها بعد ما حطات صالحة تقدية فلكوزينة متسناتش حتى تحيد جلابتها دخلات عندها تنهج
صالحة… (كتجر فلغطا ) ويلي ويلي ويلي ناس والدين البناات و انا ربي عطاني خطية حلي شرجم تهوى دنيا و نتي شركتي صبح مع ظهر اويلي على شوهتي هادشي كلو نعااس ..
(سامية كتحاول تعرف راسها فين هي و اشمن قدرة طاحت عليها كااع مجربين شحال خاايب هاد الفياق متعرفي راسك واش فدنيا و لا في الآخرة و تيكون العقل مخدامش هههه بعد مدة قليلة عاد سامية استوعبات اش طاري)
سامية… (فحال ضاربها حمار ليل )مي اش واقع
صالحة… نوضي ابنيتي ضوري بدار شوية و عونيني و نتي شديتي العطلة و تركنتي
سامية… صافي هادشي لاش دايرة هاد جدبة و محيحة علي راه فيقتيني من أحسن حلمة امي راه حلمت براسي فوق العمارية حرام عليك باااينة امّي قريب نتزوج و نتهنا من هاد الفياق فحال خدامين التجنيد
صالحة (كتحيد في جلابتها و كتجاوب فبنتها ) …. و هداك هو نهار الكبير ابنيتي نهار يجي هاد صكع ليام أنا نعطيه صداق
سامية (بصدمة )تبيعيني امي
صالحة (كتجبد فطلامط صالون و تقاد فلمخاد و فمها خدام) و على لي تجبد لي حتى 11 و شادا لي سداري اش بغيتها لا شقا لا نقا نهار تزوجي فصباحك ندير العيد
سامية (بصدمة عينيها خرجو)… ياك امّي
صالحة… نوضي نوضي غسلي و صلي و جمعي دار و سيقي لبغيتي تكوني بنتي و نكبر بيك
سامية …. هانا غنجمع ليك دار و نخليها تشعل و الا ساليت نمشي نشوف رانيا
صالحة…. و طلقي راسك و يكون خير
هههههه #يتبع حبيباااتي 😇🤗

#تتمة
سامية فطرات و صلات و ضارت بدار خلاتها تشعل و بينات على حداكتها و خلات مها غير تشوف خرجات مها من الكوزينة طلات على لبيوت و الحمام لقاتهم ناضيين
صالحة ..و هانتي على الغشاشة على ود رانيا على شوي و تهبطي تسيقي زنقة
سامية (بافتخار) و راه غير حاكراني و كضلميني المهم غنبدل و نمشي نشوف رانيا باش منتعطلش (غادا لبيت ) و متسناينيش لغدا
صالحة…(تبعتها لبيت) سيري و متعطليش و ملي نتاصل جاوبي
سامية… (بتذمر)واخا واخا راني حفضتو امي و ملي تاصلي بي ندوز ليك ام رانيا باش قلبك يرتاح
صالحة ….وا هاكا نبغيك الله يرضي عليك
سامية ودعت مها و مشات عند صاحبتها ناويين ينمنمو في الأحياء و الأموات ههههه أستغفر الله دقائق قليلة وصلات لباب دقات ثلاث دقات ثواني ووتحل الباب من طرف دري صغير تقول عندو 5 سنوات هبطات عندو لمستواه و هضرت معاه
سامية… كاينة رانيا
أمير (دري مطور) … و شكون نقول ليها
سامية( بابتسامة ) قوليها صاحبتك سامية
يلاه جا يدخل حتى لقا شاب فمقتبل العمر كيسولو شكون لي جا خرج يشوف بقا يشوف فيها و لبؤبؤ متحركش بقا متسمر فمكانو سامية نظراتو خجلوها وخلا حناكها حمرين معرفتش معنى هاد النظرة هي هبطات عينيها و هو نسا راسو و خلا البنت في الباب حتى جات رانيا نقدت الموقف
رانيا (جات و كتمسح ايديها فجنابها ) اويييلي اخالي مخلي لي صاحبتي في الباب
ياسر …”وعى على راسو وحس بلي تزمط كحز من الباب و بدا يلبد في عينيه و يحك في راسو ” … احم اسف ا آنسة دخلي صاحبتك ا رانيا و حيدو من الباب انا مشيت …” خلا سامية واقفة و حاطة يديها على خدها وتشوف اما هو رجل تخبط في ختها تا غبر عليهم
#يتبع

🌸 الجزء 8 🌸
⁦✍⁩بقلمي……………………زهرة محمد
*لا تخبئي الكلام*
يـلـومــونِــي دآئــمــاً عَــلــى صَــمـتــي الــدآئــم ~
أخــبــرونِــي مَــآ فـــآئــدة الــبــوحْ ! ؟
نور دوزات ليل كلو مضاربة مع تمرين لي عطاهم الأستاذ و خداتها تحدي واخا مشرحش ليها حلفات تحلو حلات جوج أسئلة و بقا ليها سؤال و قررات تمشي تقلب على الحل في مكتبة لي تابعة للجامعة ناضت غسلات وجهها عالله توكض شوية لبسات عليها و علامات التعب باين فوجهها جمعت كتوبتها فصاكادو و خرجت بشوية عليها باش متفيقش ختها
توجهات نور للجامعة و قصدات لمكتبة كيف دخلاات لقات سكات و كلشي خدام بما انو فترة الامتحانات كلشي خدام مشات نيشان الجناح الخاص بكتب شعبة الرياضيات و تشوف بين رفوف الكتاب لي خاصها حتى لقات داكشي لي غتحتاج و مشات جلسات تبحت و هي كتقلب بين الصفحات حتى لقات تمرين لي عطاهم الأستاذ هو هو بدات تضحك غير بوحدها فهمات كيفاش الحل و عودات خدماتو و خرجات من المكتبة في اتجاه المدرج لقات زملاءها بداو يدخلو دخلات و جلسات فبلاصتها و شوشرة و كلشي مجمع بمجرد صاحب دعوتهم دخل في ثواني معدودة كلشي نضابط حط محفظتو و بدا يبرونشي لبيسي مع دطاشو..
ياسين… (ركب الميكرو و كيطيسطي فيه ) Bonjour tt le monde
“غنكمل مغربية ههههه متسخفوش” غنبداو بتصحيح أول تمرين و لي عندو شي تساؤل يطرحو وسط الحصة ماشي حتى نساليو و تجيو تسولو
نور هزات فيه راسها بصدمة و حسات فحال الا الهضرة عليها و عوجات فمها بلا مبالات و بقات ترسم
مرت الحصة في تصحيح و الشرح في نفس الوقت بما انو آخر حصة قبل اجتياز الامتحانات
ياسين كيمشي و يجي كيتسناهم يكملو التصحيح باش يمشيو لسؤال الأخير لكان صعيب بالنسبة لجميع ماشي غير لنور
ياسين…. بالنسبة هاد السؤال شكون يقدر يحلو يتفضل يشرحو
و لا نختار أنا امم ” خدا لا ليست و ختار الإسم بشكل عشوائي
الكل بقا يشوف فبعضياتهم و طاح الاختيار على نور…
#يتبع
اش غيطرا مع نوور🤔

#تتمة
هزات راسها كأنها أول مرة كتسمع سميتها ….كدور فعينيها وكتساائل تقول فنفسهاا يمكن تهيأ لي ولا جااتني السمية فوذنية …. دقائق قليلة وتعاود تكرر اسمها من جديد ، جسمها تشلل لثواني ..خانوها رجليها على الوقوف و الكلمات هربو فخطرة… ياسين عاود كرر اسمها للمرة الثالثة على التوالي و زملاءها كينتظرو يشوفو شكون هي “نور التاقي”
اكتفت برفع يدها أمام الحضور كتعلم بوجودهاا ….
ميل بطلناا راسو كيحقق فيها النظر وكياكد رؤيتو ليها واش هي نفس الطالبة لي جات عندو بالأمس و لا لا …معارش الموضووع اهتمام اشار ليها بايديه ونطق بصوت شجي ومسمووع
– آنسة ممكن تفضلي تصحي السؤال الاخير ؟؟
بهات اللون فوجهها و الأفكار ضاربو في عقلها بين رفض والقبول واش تقول معارفاش وتخرج من باب واسع متفادية الاحراج و لا تنوض تصحح بما انو عارفة الإجابة
ياسين (مد ليها لفوتر وميل راسو جهةة الصبورة ) آنسة غنتسناوك بزااف ، تفضلي جوبي على السؤال
كرزات على حوايجها وتاجهات لعندو خدات الفوتر ومشات لجهة الصبورة بتوتر و خوف خرجات سؤالها فرمشة عين وبلا حتى كلمة و جات راجعة لبلاصتها يلاه غتهبط الدرج وقفهاا …ضارت شافت فيه بقلة حيلة و شدتها البكية حيت عرفات من ورا هاد تعييطة غيكون حوار لي كتهرب منو
ياسين… (مد ليها الميكروفون وتكا على لبيرو و ربع يديه )ممكن تشرحي لزملاءك و لي حتى انا الطريقة لي اعتمدتيها لحل هاد سؤال
نور…….”بقات كضور فعينيها و عرفت بلي لا مفر خداات نفس عميق و حاولات تشجع و تنطق بأول كلمة ” bbbonnjour mmes cooollègue
“تسمعات ضحكات متعالية في المدرجات بسبب الكلمات لي قالتها كانت كفيلة بزيادة التوتر و ايديها بداو يعرقو
ياسين بنظرة خلا الجميع يلتزم ادبو و سمح لنور بالرجوع لمكانها و تأكد بلي طالبة ديالو عندها مشكل في النطق ،حطات الميكرو بعد متشكلات غشاشة من دموع على عينيها حجبات عليها الرؤية بالكاد قدرات تمشي لمكانها باش تجمع مستلزماتها و وتغادر القاعةدموعها على خدهاومكسورة الخاطر
#بون_نوي_فينيداتي
#توقعاتكن ⚘⚘⚘⚘

🌸 الجزء 9 🌸
⁦✍⁩بقلمي……………………زهرة محمد
*لا تخبئي الكلام*
نحتاج دائما لصديق نكون معه كما نحن بدون أقنعة أو تكلف.. أحيانا نتعرى من أغطيتنا لا شعوريا لإحدهم من الوهلة الأولى والبعض الأخر سنين طويلة لا يعلم عنا شيء.
#الصديق
أهل رانية خصصو ترحيب خاص ب ساميا لمكانتها الكبيرة عند بنتهم كان وقت الغدا تجمعو على طابلة وحدة و ياسر ختار المكان الاستراتيجي و تقابل معاها و رانيا حداها بداو ياكلو و كل ما تهز عينيها تلقاه حاضيها و معقلت على الغدا منين داز و الإحراج لي حست بيه خلاها مجلساش على راحتها كتحسها فحال إلا جالسة على شوك كملو غداهم في الضحك و الجو عائلي بامتياز ناضت رانيا و ساميا و مشاو البيت آخر يهضرو فيه على راحتتهم …
رانيا (بفرحة) … هنا نتحتو على خاطرنا تسناي نسد الباب ليدخل عندنا هداك البرهوش
ساميا … (جالسة فوق سداري )و غير خليه حتى نتي اش دار ليك ؟
رانيا… هداك واحد جن أنا لي كنعرفو أصلا خارج مع باه لماكدو 🍔🍟 راك شفتيه متغداش
ساميا (باستغراب) و لي شاف خالك ميقولش مزوج و عندو لولاد كيبان صغير ياا ختي
رانيا… حتى نتي مهااالي فراسو رياضة و ممسوقش العالم المهم راه وصيت ماما تصاوب لي اتاي عارفاك مدمنة عليه و عاودي لي بلان خوك هههه لي هو حبيبي
ساامية.. (تقادات فلجلسة ) منين نبدا ليك منين نبدا ليك من تعارفو فلافاك؟
رانيا) باهتمام) سيري عالله
سامية… يالالة تلقاو فلافاك كانو أصدقاء العام لول و كانو مقربين من بعضياتهم و بحكم هي ألمانيا حتى هي جات لفرنسا غير على ود القرايا دوزو هاداك العام بخير ي لالة تلقاو العام تاني بدات كتقرب منو و حتى هي كانت كتعجبو طورات العلاقة مخلاو حتى بلاصة ممشاوش ليها و هي دارهم لباس عليهم
رانيا (بعدم فهم) و ختااصري و نتي عاودتي لي قصة حياتهم و بغيت نعرف شنو سبب لفراق
سامية (هزت السبابة فوجه رانيا) شوفي يا خليني نعاود ليك يا سيري فحالك
رانيا… صافي صافي و نتي خاصاك غير سبة
سامية … ههههههه المهم اوا هي هاديك مشات ليام و جات خرا حتى لواحد نهار ياسين تاصل بماما و عاود ليها على سينا و قال لينا بلي ناوي معاها المعقول ماما مبغاتش حيت ماشي مسلمة و قنع ماما بلي داكشي كيجي مع الوقتو ياسين كان غيبقا معاها حتى تسلم و كلشي كان مزيان حتى نهار مشا يتعرف على دارهم في ألمانيا العام لي فات…
#يتبع

#تتمة
رانيااا… مسكييين يعلم الله اش دارو ليه هادوك الكفرة
ساميا… مدارو ليه تي سمعي ههههههه واحد الويكاند مشاو ل ألمانيا و ديك ساعة كان أول عام ليه فلخدمة خدا الكدوات لوالديها و ختها صغيرة و مخلا ما دا ما و كانو فرحانين و متافقين على كلشي من A حتى لZ
صراحة كانت عزيزة علي ضريفة و المهم مشاو وصلو فرحو بيه و كبرو بيه و أول المشاكيل بدات على طابلة لعشا كانو كياكلو و دارهم كيشربو بغاو يكبو ليه الويسكي رفض و مكلاش حيت عرف بلي لحم لي فطبسيل لحم الخنزير و من هنا بانت علامات عدم الرضا من طرف والدين سينا صافي باتو لغد ليه فطرو و تغداو برا باش يهضرو و ياخدو راحتهم وصلات لعشية دخلو لدار
#فلاش_باك
في جردة حدا البيسين جالس باها و مها كيشربو قهوتهم حتى دخلو عليهم مشادين و فرحانين جلسو حداهم مجمعين و كيهضرو حتى تكلم باها
اب سينا… قالت لي بنتي راه كتبغيو بعضياتكم و تافقتو على زواج
ياسين (جالس و داير رجل على رجل و لايح ايدو ورا حبيبتو ) اه اعمي إلا وافقتي بطبيعة الحال يكون هاد الصيف
الأب… أنا معنديش مشكيل المهم عندي نشوف بنتي فرحانة و مرتاحة
ياسين (دار شاف في سينا )… أنا كنبغيها و كنواعدك نخليها مرتاحة
الأب… ولكن معندكش مشكل حيت هي ماشي مسلمة و فكرتو فلولاد ملي يجيو اشمن ديانة غيتبعو أنا غنبغي حفادي يتبعو الديانة المسيحية النصرانية و يصليو في الكنيسة 🕇
هنا ياسين حس بحلقو نشف و ظهرو عرق حيت كان متافق مع سينا أن لولاد يتبعو ديانة باهم يعني مسلمين حيت ياسين ماشي غبي يغفل على أمر فحال هدا و هنا عرف بلي سينا مهضراتش مع واليديها بخصوص هاد نقطة و لا يمكن خبراتهم و رفضو و قالو نحطوه أمام الأمر الوااقع ..
حتى هو محسسهم بحتى حاجة تعامل عادي و صلات 9 ليل ناض جمع حوايجو و ودعهم على أمل اللقاء قريبا…
وصلاتو سينا لميترو و طريق كلها و هما ضاحكين حيت هي مغتمشيش معاه غتبقا مع دارهم اسبوع وصلات 10 و نص جا الميترو
ياسين (حيد الخاتم من صبعو) شوفي اسينا أنا وياك منصلاحوش لبعضياتنا و من ليوم نتي من طريق و أنا من طريق
بقات هاكاك مصدومة و ودنيها صماكو ولات كتسمع غير تصفار لدرجة دموع مهبطوش و طلع و خلاها

🌸 الجزء 10 🌸
⁦✍⁩بقلمي……………………زهرة محمد
*لا تخبئي الكلام*
عندما يكون لك صوت لايسمع بين هؤلاء البشر
عندما تتحدث يقاطعون حديثك..
وعندما تبدي رأيك لايبدون اي تفاعل معك
وكأنك قطعه جليد امامهم
وتظل تنصهر في نفسك مكسورة الخاطر !!!
نور غير خرجات و عطاتها لبكا على الإعاقة لي واقفة حاجز فوجه مستقبلها و واقفة ليها حتى أنها تكوّن علاقات مع ناس نور غادا فشارع و لي شافها تبقى فيه جبدات تلفونها من صاكها كتبات رسالة نصية لصديقها جون فرنسي الأصل و هو الوحيد ملي كتكون معاه كتعامل و كتصرف على طبيعتها كتبت ليه فينك 😢📳
جون غير قرا الميساج تاصل بيها في الحين
جون (بخوف ) نور مالك
نور (لبكة و شهقة غالبة عليها) ففينك بببغيت نششوففك ضضضروري
جون… واش نجي عندك
نور (كتنخصص) غغير ققوولي ننتا ففين
جون… أنا في لكافي ديال ديما أنا غنتسناك اوك
نوور … اوك
نور خدات طاكسي لمكان فين كيتسناها جون و كيف وصلات كدور عينيها كتقلب عليه هو شافها ووقف كيشير باديه رمقاتو و مشات تجري عنقااتو و بدات تبكي
جون (بحزن ) … نورو اش وقع متخلعينيش(هي مخشية فيه و كتبكي) غير قولي لي شكون قلقك راك مكتولي فهاد الحالة إلا و قلقك شي حد و مجاوبتيهش (كيدوز ايدو على ظهرها باش تهدن ) جلسي شربي و عودي لي اش وقع ليك
نور( كتحاول تجمع لبكية و ديك لبكية لبغات تجمع) … ممغننندووزش الإممتحاننات و مغغغنددوزش سووتننونس وو صصصافي
جون (كيدير ليها الخاطر غير باش تهدن) لي بغيتيها هي لي غتكون هاككي شربي و عاودي لي اش طرا
نور عاودات ليه من مشات عند الأستاذ باش يشرح ليها حتى فاش ضحكو عليها و هي كتهضر و كتبكي و بقات فيه و بقا كيسمع ليها بكل اهتمام رغم كلماتها المتقطعة
جون عيط لنادل و خدا ليها عصير الليمون(الحامض) باش تهدن اعصابها
نور (قنطات من المكان حيت كان عامر ) يييلااه ننمششيو
جون … فين باغا تمشي
نوور… ااي ببلااصصة
ناضو خرجو بعدما خلص و تاجه لسيارة كان حاطها فشارع لي مقابل مع لقهوة قطعو شانطي ركبو ديمارا و عفطة وحدة حتى وصلو الغابة كاينة خارج لمدينة بساعة المGانة عارفها كترتاح فيها و كطرد اي طاقة سلبية و بقاو يتمشاو و يهضرو حتى عيات و جلسو فكرسي من الخشب باش يهضر معاها و يحاول يرجع ليها الثقة بالنفس
جون (بحزم و صرامة فلهضرة)…

#تتمة
جون(بصوت حازم و صارم) … سمعي انور و ركزي فهضرتي و بلا ما تقاطعيني تلعثم و مشكل في النطق لي عندك ماشي تزاديتي بيه راه غير حالة نفسية جاتك بعدما قجك باك و نتي صغيرة تخلعتي يعني الأمر نقدرو نحلوه إلا دوزتي بعض الحصص عند طبيب نفسي و غتكملي حياتك طبييعي
نور (عينيها محبسوش من دموع) … ططببييب للااا ننددير أااي ححاجة عععففااك
جون…خاصك تحيدي أفكار الماضي لي مسيطرة عليك خاصك غير تشجعي و تيقي فراسك و متخلي حتى حد لفرصة يلعب على هاد النقطة لي ولات نقطة ضعف خلاتك سادة على راسك و منحصرة فختك و خوك و أنا فين هي هاد نور لي باغا تبني مستقبلها و تخدم مهندسة دولة واش بهاد شخصية هادي متأكدة و نتي أول مشكل وقع ستسلمتي . شوفي غتخدمي الامتحانات و من هناا الاسبوع غتبداي بغيت نشوف ميزة جيد كيف كل مرة و هضرتي منبغيش نعاودها و يلاه تهزي راه برد الحال
نور(خرجت تنهييدة و الخلعة شاداها )و سووتتنونس ؟
جون… حتى هو غدوزيه علاش كاين شي مشكيل
نوور… (وقفاتو فنص طريق) ررراه الللاممر ممسسهلش ااا جون ننااسس يدييرو فيه سساعة وو أنا بباش نخخرج ككلمة خخاصصني سساعة🤐
جون.. (مكملين طريقهم وصلو باب طوموبيل )بقاي حتى نص نهار معندناش مشكل المهم تنجحي بامتياز و ركبي دابا ختك تشطن عليك
ركبو و طريق كلها كتفكر فكلام جون حيت كتبان ليها الهضرة سااهلة على واحد محاسش بيك و معايشش الوضع لي عايشاه و لكن لقات كلامو على صواب اش غيطرا والو المهم الحلم خاصو يتحقق
وصلات 8 جون وصل نور حتى لباب و هبطات و بقا فطموبيل حتى شافها دخلات عاد مشا

🌸 الجزء 11 🌸
⁦✍⁩بقلمي……………………زهرة محمد
*لا تخبئي الكلام*
وقد ينكسر في النفس شيء لا يجبره ألف اعتذار.
فعلاً جرح المشاعر وإدماء القلوب التي لا تُشفى بسهولة هو أعظم ألم يمكننا الإحساس به.
ياسين كيف خرجت نور أعلن على نهاية الحصة بعد خصم نقطة من الامتحان النهائي لجميع الطلاااب بسبب التصرف اللا اخلاقي جمع ادواتو و غادر القاعة و مشا الادارة و بالو مشغول بطالبة لي عندها مشكل في النطق و لي كان سبب في احراجها بلا ما يقصد دخل الإدارة و طلب معلومات عليها بغا يشوف واش حاطة دوسيي ميديكال و لكن للأسف ملقاهش وصلات 4 توجه لدارو مع دخل تلقا ليه الكلب ديالو سيزار حط سوارتو فوق رخامة داعبو و لعب معاه و كيتشعبط فيه
ياسين(كيهضر مع سيزار) صاحبي لباس عليك ممم
( سيزار غير كينبح عليه) عاارفك مخاصم معايا و شحال ما خرجنا و تسناني غير ندوش و نبدل و نضربو دورة أنا و ياك و نشري ليك لي خاصك صافي
ياسين مشا دوش و بدل حواييجو و جلس يرتاح و كلبو بين ايديه شاعل تلفازة كيتفرج معرفناش واش كيتفرج فيها و لا هي لي كتفرج فيه هو عقلو غير مع نور و لي صورتها مفارقاتوش و قلبو تزير ملي شافها فديك الحالة شوية حط الكلب مشا جاب سمطة ركبها ليه و خرجو
ياسين … يلاه اصاحبي هاد لعشية ديالك فين نمشيو و الكلب فرحان حتى هو غيخرج مع عشيرو (كينبح و ولا حركي باغي غير امتا يخطوي عتبة الباب)
ياسين … نمشيو لبحر؟؟ عارفو كيعجبك ..
(و سيزار نباحو متعاالي في العمارة لي ساكن فيها ياسين)
مشاو يتمشاو جيهة لبحر شوية فداك الوقت قرب الغروب شوية حيد ليه سمطة و بدا يجري هو وياه مسابقين هههه حتى سخففو دازو لسوبر ماركت تقداو اش خاصهم و رجعو لدار
ياسين… (بأمر ) بقا هنا pas bougé حتى ندوش ليك راه عمرنا رملة و من بعد نعاود ندوش حتى انا
و فعلا دوش ليه هو لول و و خرجو نشف لييه عاد رجع غسل روينة و دوش و خرج بفوطة مغطية نصو لتحتاني وهاز وحدة صغيرة كينشف فشعرو هز جاكيط خدا تلفونو و صونا على مو (كيصووني)..

#تتمة
سامية دوزات العشية عند صاحبتها بقاو على الحتيت و ضحك شوية شافت ساعة فتلفونها حتى لقات 7:3
سامية(جمعت لوقفة) … يلاه ازين خليت لك راحة حتى دوزي ان شاء الله
رانيا …. كون غير بتي معايا مزال مكملنا الهضرة و مزال تعاوديها اصاحبتي
سامية(كتلبس صابطها ) سيري فحالك نخليك توحشيني العام كلو و وجهي فوجهك
رانيا…. هههههههههه وجهي فوجهي العمر ربي صيفطني ليك عقوبة
(سامية و رانيا متاجهين لباب ) سامية…. يلاه بسلامة عليك سلمي على خالتي و عمي
رانيا( حلت الباب كان خالها و ولدو )… وصلوو
ياسر…. السلام عليكم
سامية و رانيا (و عليكم السلام )
سامية… يلاه بسلامة عليكم راه تعطلت بيناتنا لواتساب
ياسر(عينو محيدهاش ملي وصل) شنو طبقتي المثل اذا حضرت الشياطين ذهبت الملائكة
سامية(بصدمة) لااااا حاشا و لكن و الله حتى تعطلت
رانيا واقفة حفيانة و ثانية رجليها و معكزة على لباب و كضحك) اَلْخويَلْ فرق عليك صاحبتي و لا عرفتي شنو دخل حضي دار راه بابا و ماما خارجين خليني نوصلها
ياسر…. إلا بغات نوصلها ماشي مشكيل
رانيا…. اهاه سير وصلها وبقا حتى تشوفها دخلات سيري معاه و ملي توصلي تاصل بي
رانيا مخلاتش لسامية الفرصة فين ترفض و لا تقبل ضغيا دخلات طه ولد خالها وودعاتها و دخلات
ياسر( بلفرحة مكرهش جوانح يطير ) نتحركو على رجلينا و لا نوصلك بطموبيل إلا معطلة
سامية(بخجل) ….فحال فحال
ياسر(عرفها معطلة مبغاش يعطلها كتر واخا فنفسو يتمشى معاها يربح الوقت كتر باش يتعرف عليها و لكن قال مزال أيام الله جاية) يلاه بطموبيل حسن ضغيا توصلي
سامية…. شكرا بزااف و سمح لي برزطتك
ياسر …. مرحبا مكاين حتى تبرزيط
(حل طموبيل و طلعو و ديمارا و هي كتنعت ليه طريق دارهم 10 دقايق حتى لقات راسها وصلات لراس لدرب )
سامية(كتحيد سمطة)… باركة عليك غير هنا
ياسر…. راك سمعتي صاحبتك قالت لي منجي حتى نشوفك دخلتي واش بغيتيها ضربني قبيلة مخليك عند الباب و دابا منوصلكش لا مجاتش
سامية(جاب ليها ضحك ) واخا سير العمارة لي فشوكة
ياسر(بقا ساهي فضحكتها ) مرحبا
ياسر وصل سامية حتى لباب العمارة و مشا

🌸 الجزء 12 🌸
⁦✍⁩بقلمي……………………زهرة محمد
*لا تخبئي الكلام*
كل ما أحتاجه الآن هو ذلك الحضن الذي به أعشر بأنني لازلت طفلة ذلك الحضن ماأجمله يعيد لي نكهة الحياة وينسيني ما يضايقني نعم انه حضنك..
نور ملي هضرات مع جون حسات براحة شوية و عطاها واحد الدفعة باش تكمل هاد الأسبوع حلات باب دار وكيف دخلات لقات ختها فلكوزينة كتصاوب ليباط سلمات عليها و بقات حداها كيهضرو و تسول على أحوالها
غيثة(كتصاوب لاصوص و كدوق واش طاب) رورو كيف داز النهار
سامية (جالسة على صالة مونجي و حاطة ايدها على حنكها) … مممزيياان سساليت لللااففاك ووو شففت ججون و خخررجنا
غيثة(بتعجب) بصصااااح فين غابر لباس عليه
سامية… للبباس عللليه وو سسلللم عععليك
غيثة… يسلم عليه الخير
نور (وقفت )…غغنوووض نددووش عععلى مماا ططاب اللعشاا
غيثة… غير جلسي تسناي راه دوش عامر
نور(باستغراب) كككيفاش ععاامر تتاني ررااه ككااينة غغير اانا ووو نتتي
غيثة (شادة فيها ) حنا 3 في الحالة المدنية احبيبتي هههههه
نور… 😲 اااسعد هههنااا خخخويا ججحا (خرجات تجري باش تشوفو حتا تصاطحات معاه )
أسعد(بفرحة ) رووورو كيعنكشها فشعرها لباس عليك
نور(بعينين مغرغرين ) تتتوحششتك اخخوويا لاااشش تتعطللتي
أسعد.. اجي اجي البكاية لي شافك يقول عندك 10 سنين
(مشاو جلسو فلمراح باش يهضر معاها على راحتهم )
أسعد…. هانا الالة جيت و غنبقا حتى نطلع ليك فراسك
نور(عنقاتو) اللله ييخخخليك للي
(جات عندهم غيثة و وقفت عليهم) غيثة …. راه غنبدا نغير شنو متعنقونيش حتى انا (تعانقو ب 3 و فرحانات برجوع خوهم لي كان ديبلاصمون مع لبوليس فواحد المهمة
غيثة … رورو لعشا قرب يطيب نودي دوشي ضغيا باش نتعشاو
نور … ووواخخا ععششرة دققايق
أسعد… سيري بصحة إلا تعطلتي بقيتي بلا عشا هههههه
مشات نور دوش و غيثة و أسعد كيوجدو طبلة لعشا كل مرة يدخل واحد لكوزينة يجيب حاجة غيثة كتسنا نور باش تخرج لباط من الفران كيف شافتها سالات حطات العصير و ليباط و جلسو يتعشاو
أسعد… كيف غادا مع الامتحانات ا رورو
نور(كتاكل و تهضر )مممزاال ممبدييننا ححتى سسيمماانة جحااية
أسعد… مزيان باقي شوية الوقت كولي و رتاحي و غدا إن شاء الله و نهضرو شرب كاسو د لعصير و استأذن منهم يمشي ينعس حيت عيان تمناو ليه ليلة طيبة و حتى هما كملو عشاهم و مشاو ينعسو من بعد نهار طويل خصوصا بالنسبة لنور…

#تتمة
جات سامية و لقات مها كتهضر مع ياسين و داخلة بعجاجتها ثاني مشات حداها و كطل من جيهة الكاميرا و كدير ليه باي باي…
ياسين (هز حاجبو و مقصح الهضرة ) فين كنتي الالة حتى لهاد الوقت شفت رجليك خرجو لشواري
سامية(كتصرط فريقها ) كنت غير عند صاحبتي و داتنا الهضرة
ياسين…. صاحبتك مقلناش لا و لكن تبقاي حتى لهاد الوقت لاا
سامية.. . راه يلاه 8 باقي الحال اخويا و راه علمت ماما غندوز معها نهار
ياسين(زادت حدة صوتو) شتك كترضي علي الهضرة نوضي تهزي غبري
صالحة (دخلات باش يتهدنو ) … راه ممولفاش تعطل اوليدي برد و نتا شتك معصصب اش كاين عندك
(سامية ناضت مقلقة من خوها حيت ممولفش يغوت عليها ديما مفششها و كان بانسبة ليها الأب و الاخ و الصديق و كلشي )
ياسين (كيحك فجبهتو) ….. والو امّي غير مبرزط دوزيها لي راه مقصدتش نغوت عليها
صالحة… مشات لبيتها تسنا نعيط ليها راه بغيت نمشي نصلي إلا تبعتكم بقيت بلا صلا
صالحة … سامية واا سامية هاكي هضري مع خوك
سامية(كتجاوبها من لبيت ) قطعي حتى نبدل و نهضر مععااه
صالحة… غير تبدل و تعيط ليك اوليدي راه كتبدل
ياسين…. صافي واخا تصبحي على خير اميمتي و شربي دواك و رتاحي
صالحة…. راحتي إلا شفتكم مرتاحين اوليدي يلاه سير تبات فراحة الله (قطعت)
سامية بدلات و صلات لعشا و سمعات طابليت كتصوني ناضت لصالون هزاتها من فوق طابلة و دخلات لبيت و سدات عليها جاوبات
ياسين (تنادم معاه الحال حيت عمرو دارها و هو براسو معرفش علاش هضر معاها بديك طريقة)
ياسين(شاف وجها نبدل)… مال زين مقلق مم
سامية(منفخة) ممقلقاش
ياسين…. و شوفي في نتأكد واش ممقلقاش
سامية…. اه مقلقة معرفتش مالك عمرك هضرتي معايا هاكا (كتبكي) قول لي اش كاين واقع شي مشكيل
ياسين (ضررو خاطرو ملي شافها كتبكي ) “بكا وحدة فصباح و ختم نهار بختو”
… مواقع والو اختي سمحلي مقصدتش سمسم بلا ما تبكي الله يرضي عليك اجي نتصالحو اجي
سامية…. موقع والو مديرش فبالك و منقدرش نتقلق منك
ياسين… كنعتاادر chérie
سامية…. ماشي مشكيل الحب سير ترتاح باينة فيك عياااان
ياسين(كيتفوه) والله الا حال عيني غير بزز سيري تصبحي على خير حتى نتسامعو
سامية…. و نتا من أهل الخير حبيبي ❤

🌸 الجزء 13 🌸
⁦✍⁩بقلمي……………………زهرة محمد
*لا تخبئي الكلام*
ضعي في اعتبارك أن رسالتي هذه لا تشمل كل من تزوج عليها زوجها فقط ، وإنما تختص بمن تزوج عليها زوجها وهو يحبها وهي لا تريد أن تفارقه ، فلا يدخل فيها من أراد الزواج هروباً من زوجته أو كرهاً لها أو تخلصاً منها ، أو من عافته نفسها فلا تريد معه بقاء .ما تشعرين به من مشاعر سلبية كلها حق ، ويحق لك ، فليس من السهل أن تعيشي مع شخص قد تكونين وهبت له كل حياتك ، وأخلصتِ له في العطاء “فيكافئك” بضرة “تضرك” في سعادتك وتقاسمك أيام زوجك وأمواله واهتماماته .. لك كل الحق في مشاعرك ، ولكن نصيحة مني ، لا تتمادي في هذه المشاعر .. أعط نفسك حقها في الغضب والاستياء والحزن دون أن تتلفظي بما يغضب الرب، لشهرين أو ثلاثة ثم حاولي أن تتوازني من جديد .. إذا أردتِ أن لا تعيشي في نكد ، فلابد أن ينبع ذلك من أعماقك وتكونين أنت طبيبة نفسك ، فتنتشلينها من أحزانها في الوقت المناسب وتضعينها على المسار الصحيح ..
مي صالحة كل ليلة تناجي ربها و طلب منو يخفف عليها الحمل لي كل نهار يزيد يتقال ملقات والدين يوقفو فوجه من كسر كبرياءها كامرأة ولا لمن تفضفض و تخوي قلبها فضلت تسكت على ما بيها و لكن معرفااتش ان الكتمان له حكايات أخرى ….على سريرها شبه مستلقية و بين أصابعها تسبيحها لي مكيفارقهاش كل ليلة بيه تذكر الله و تسبح فكيبقى ملجأها الوحيد فألا بذكر الله تطمئن القلوب و كل ما تفكر لي فات تخرج من صدرها تنهيدااات كتبين مدى عمق الألم و خيبة الأمل لي جا من أقرب الناس
#فلاش_باك
صالحة…دمووع معمرين عينيها و إحساس الحكرة هو سيد الموقف بغيت نعرف مال ختك معايا من نهار جيت معرفت راسي واش مزوجة بيك ولا بيها واش هادشي كلو سم حيت متزوجاتش ولكن هي مكيعجبهاش تشوف ناس مرتاحين و هانيين و لكن إلا تبعتي ريها أنا وياك مبقات بينتنا عشرة
حسن… كيحاول يقنعها بالتعدد يا هااد المرا راه ما حرام ما عيب شرع الله حلل لينا 4 واش باغا تعارضي حكم الله استغفري الله و رضاي علي راك عارفة من غدا نجيبها ولكن مبغيتش نشوفك مقلقة و نقراو حسنة فهاد البنت حتى هي يتيمة و ساكنة غير مع خوها و الحمد لله الخير مجود راه كل وحدة تكون فدارها و متنسايش نتي لولة و معزتك بوحدها
صالحة…هزات واحد صاك كتجمع حوايجها و كتهضر شوف ا حسن من نهار تزوجتك و أنا هضرتك على راسي و عيني و لكن فهادي منقدرش غير لبغيتي تقتلني فالحياة من صغري مكنقسمش حاجتي مع شي حد و الدين لي كتخباو من وراه راه حلل تعدد بشروط و أنا الحمد لله ما عااقرة ما معاقة هاديك غير زيغة و سم ختك

ختك لي فلخر غتموت بيه غير هي
حسن متوقعش رد فعل صالحة يكون هاكا ضنها درويشة و تقول اه كيف ديما كنت اظن كنت اظن و خاب ظني فكر يلوي دراعها بولادها هو الحل الوحيد اللي بقا ليه
إلا خرجتي من هاد الباب خلي لي ولادي ماتحلميش تديهم معاك 😲😲
صالحة … ولادي من جنابي لتفرقو و المحكمة بيناتنا اولد ناس

🌸 الجزء 14 🌸
⁦✍⁩بقلمي……………………زهرة محمد
*لا تخبئي الكلام*
#الحب علاج مؤكد للخوف وآلية سليمة لإعادة الأمان لأن طاقته الكبيرة تجبر الخوف على الرحيل لكن العلة الوحيدة أن الحب يفقد خاصيته العلاجية برحيل مصدر الحب فيعود الخوف من جديد
#بعد_مرور_اربعة ايام
فاقت نور فطرات هي و ختها و خوها كيحاول يقنعها باش يحط ليها دوسيي ميدكال و نور رااافضة الفكرة من الأساس
أسعد… رورو خاصنا نمشيو لطبيب باش تحطي دوسي قبل عرض البحث
نور(هزات عينيها كتشوف فيه )… ممماشي ضضررورري مممعرررفتتش عععلاش ككللكم رضيتوني ححالة ووو ككتشوفو فففيها مممن الففوق
أسعد(حط اديه على طابلة و شابك صباعو.)…. علاش راسك قاصح لاااش واش قادرة ديري العرض و تشرحي عاادي كيف ناس علاش ممتقبلاش الأمر انور
غيثة( غمزة أسعد باش يبرد )…. خليها على راحتها راه مبقاتش صغيرة و عارفة مصلاحتها
نور .. أأنا إنننسساانة ططببييعية عععلاااش ككتحسسسوني ببببلي أنا معاقة ووو لالا ممريضضة و ممحتااجة لددوسيي أننا ممعنندي واااللو فهعموها (ناضت) أأنا غغنمششي للاففاك منتسنناوننيش لغغدا
دفعات الكرسي و مشات و خلاتهم يشوفو فبعضياتهم
أسعد (مشا يجيب سورت طوموبيل )… تسناي نوصلك فطريقي
نور… (راسمة قوس فحجبانها) ووو سسرربي رراه مععطلة
جا أسعد سلمو على ختهم و خرجو من بعد ما حطها فلافاك ووصاها ملي تسالي تاصل بيه باش يجيبها. دخلات لافاك لقاتها خاوية مفيهاش ناس بزاف مشات نيشان المكتبة تقلب على آخر جزء في البحث ديالها بما انو مبقا والو لسوتنونص الأستاذ طلب منهم يجيو باش يشوف فين وصلو فيه واش تبعو التعليمات لي كيكتب ليهم في الإيميل و لا لا
#قالو_صدفة_خير_من_الف_ميعاد
المكتبة عامرة بناس و لكن الحس مقطوع كلها مديها فخدمتو نور مشات تقلب على المعلومات لي محتاجاهم شي نص ساعة و هي كتقلب عاد لقات الكتاب لي بغات يلاه جات تحط عليه ايديها و كتعلى باش تاخدو حتى لقات ايد أخرى تمدات ليه بقات واقفة ثواني كتستمتع بشم رائحة العطر المميزة النابعة من شخص لي كتفصل بينهم سنتميترات قليلة
ياسين (بصوت شبه مسموع و يدوب الحجر ) شي مساعدة
نور(ضارت تشوف صاحب الصوت شكون ركزت فيه شوفة و خرجت عينيها و علامات الخجل باننو على وجهها متوقعاتش يكون هو نفسو استاذها والمشرف على البحث ديالها و لي تسبب في احراجها هادي أيام جاوباتو بالنفي بحركة الرأس و خدات من اديه الكتاب و مشات جلسات )
ياسين(جاتو الفرصة باش يعتاذر على الخطأ الغير مقصود تبعها بخطوات تابتة لمكان فين جلسات جر الكرسي بهدوء و تقابل معاها

#تتمة
ياسين……. ( بصوت خافت احتراما للناس اللي كيخدمو في المكتبة ) آنسة نور !!
نور……(شادة بين ايديها الكتاب هزات عينيها ببرائة كتسناه اش بغا يقول للحظة سهات فعينيه )
ياسين… كنعتاادر على الموقف لي حطيتك فيه بغير قصد
نور…..(حركات راسها بشجااعة كأنو الكلام و لموقف لي وقع ليها عادي ومخلاش بصمتو الجارحة ) ppas de prroobbblem monsieur
ياسين……طبطب على كتافها بخفة ….. نتمنى تقبلي اعتذاري
نور … ppas ddde sssoucis
ياسين….رسم شبه ابتسامة …. شكرا على تفهمك نشوفك في القاعة لمناقشة البحث ….
جمع وقفتو خرج وخلاها تابعاه بعينيها حاضية كل خطوة كيخطيها خارج القااعة ، خداات نفس عمييق كتشم ريحتو لي ستحوذات على المكان ، الكل كان خدام و السيدة سافرت لعالم الأحلام كانت فينما دوز من شي مجمع تلقا لبنات جابدين سيرتو وهاهي دااباا بحالهم لدرجة كتكمل حواارهم الناقص بنفسها، نفضات راسها وتكلمات
– افيقي ابنتي مداها حتى فلي لسانهم مْسَرحْ بقيت غير أنا لي لساني مكرووض خدمي مينفعك !!
رجعات حلات الكتاب تقرا و تكتب آخر بارت في البحث ديالها و الخطاطة النهائية كشرح مفصَّل جمعات شعرها لفوق صهدها و شافت لمكانة لقات وصل الموعد المحدد لتافق معاهم الأستاذ باش يدير نظرة أخيرة للعرض قبل مناقشتو
جمعت أدواتها و غادرت المكتبة بكل هدوء
دخلات القاعة فين متواجدين الطلاب و كانت آخر الملتحقين كانو أربع شباب و هي تكملة ثلاث بنات بدا كيشوف مع كل طالب على حدة كيشوف معاه اش ناقص و كيعطي ملاحظتو مبدئيا بمحتوى الموضوع حتى جا دور الطالبة نور التاقي بدا بأول صفحة كيشوف présentation ( التقديم )
و مشا يشوف معاها بعض المفاهيم و العلاقات الحسابية لقاها مطبقة كلامو بالحرف ختم نهاية الموعد باعطاءهم مواعيد مشتركة إلا نور بقات كتشوف مفهماتش علاش زملاءها غيدوزو مجموعين و هي الوحيدة لي حدد ليها تاريخ مخصص الطلبة ودعو استاذهم و استأذنو بالخروج
نور و هي خارجة سمعت اسمها من ياسين ياخد من وقتها دقيقة
ياسين(كيلعب بستيلو بين صباعو)…….. عرفت بلي عقلك طرح مجموعة من الأسئلة بخصوص موعد مناقشة البحث
نور(هزت كتافها بطريقة صبيانية)…… مممعرررفتش ععلااشش خخرجت مممن الممجممووعة زززملائي غغيدوز ممعع بععضهم ففي ييوم واحححد وو أأنا للااا
ياسين(تنهد و عرف بلي واقفة قدامو انساانة لا يستهان بذكائها)…. مبغيتش المشكل لي وقع آخر حصة يتكرر و تناقشي بحثك بأريحية تامة و إلا بغيتي يحضرو عائلتك كطاقة إيجابية ليك

نور تزيرات و حسات بكلشي معتبرها حالة خاصة و بلي ماشي بنت طبيعية بدات سخونية طلع معاها خلا عينيها عمرو بدمووع و معجبهاش الحال و ملي كتوتر كتقال ليها الهضرة كتر
نور……. أااانا مطططلبتش ممممممساعددددتك ووو عععلى كككل حاال كنننشكككرك

🌸 الجزء 15 🌸
⁦✍⁩بقلمي……………………زهرة محمد
*لا تخبئي الكلام*
سامية ملي مشات عند رانيا آخر مرة و هي غير دار و شقا و الواتساب كتهضر فيه مع رانيا و صحابها حتى ليوم غتخرج مع صاحبتها يتكساو سامية خدات الفلوس من عند مها مع توصيات أكيد كأي أم شدات سامية طريق عند صاحبتها شوية صونا ليها تلفون هزاتو شافت شكون و جاوبات
سامية ( مكملة طريق) …..الوو مالكي
رانيا( واقفة حدا باب دارهم كتسنا فيها ) و فينك اصحبتي راك تعطلتي هادي هي جوج ملي يغوت عليك خوك قولي تاني أنا سباب
سامية….. و صافي بلا كثرة هاني وصلت حدااك
رانيا(كضور فعينيها حتى شافتها جايا و قطعت )
سامية وصلات عندها تسالمو و شداتها جراها لجيهة طوموبيل
سامية(كتهضر فودن رانيا )…… واش خالك غادي معانا
رانيا…. وييه الالة قالك والو يمشي معانا و ربي كبير
سامية…. و علاش مقلتيهاش لي
رانيا ….. و أنا براسي مكنتش عارفة حتى لآخر لحظة و زيدي زيدي يهنينا من تسخسيخة طاكسيات
ركبات بنت ختو حداه و سامية لور
ياسر(جاه الملل وهو كيتسناهم ) ….على سلااامتي ملي ركبتو خاصني نخرج صدقة و هيا ربي و نموووت و نكز و نعرف علاش البنات رحيلهم تقيل
رانيا(كضححك)….. كنتعطلو باش نخليو رجال يتسناو ياك اسامية
(سامية اكتفت بابتسامة خجولة)
ياسر( كيشوف فسامية من لمرايا ) فين بغيتو تمشيو
نقزت رانيا . .. بغينا نمشيو لموول كاين صولد في كساوي طوال ديال صيف يلاه خارجين 😍
ياسر غير عرف الوجهة و رجليه ماتت على لكسيراتور رانيا كتمزك و ممسوقاش اما لالة سامية قلبها غيوقف من سرعة باش غادي
سامية(بغات تقوليه نقص السرعة و حشمات اشوية حتى تسمع فراان سيك حبس على واحد مول موطور حاارك ضو
رانيا مع دايرة سمطة غير تنفضات من بلاصتها و سامية جالسة لور تضرب ليها نيفها مع الكوسان لي قدامها
ياسر من لي سمع غوتتها وقف طوموبيل على جنب و ضار عندها و رانيا ملفتا عندها كتسول فيها واش مقصحة بزاف
يااسر(بخوف) …… حيدي يدك نشوف
سامية…… مكاين والو غير ضربة خفيفة (شوية حيدات ايديها و كتقيس نيفها واش كيضرها
رانيا…. واش كيضرك بزااف
ياسر…. سمحي لي راه هاد لكيدار تاع بوه معرت منين خرج
سامية… حتى نتا الله يهديك غادي طاير غير بشوية حتى نوصلو راه طريق مفيها امان
ياسر شاف حتى عيا و لقا كلامها صح رجع دار و ديمارا و كمل طريقو بشوية و سامية مرة مرة تقيس نيفها حتى كضغط عليه عاد كتحس بالألم
رانيا (كطمأن عليها) …… زين شوية
سامية…… متخافيش راني بخير

ياسر(كيهضر و عينو فمرايا الأمامية ) إلا بغيتي نمشيو لطبيب باش نطمأنو كتر
سامية….. لا لا راني بخير

هانتي ياختي على ياسر دغيا تزعط فسامية هدا هو حب للسرعة🤔🤔🤔 بقات فيا نور صعيبة تشوفي الناس اللي معاك كايشوفو فيك انسانة ناقصة خاصها تعالج عاد تولي طبيعية 😢😢 او كنضن ياسين غايولي كيبغيها

🌸 الجزء 16 🌸
⁦✍⁩بقلمي……………………زهرة محمد
*لا تخبئي الكلام*
الحب ❤️
يدخل القلب دون استئذان
يجعلك تشعر بانك انسان
تحتفل بالامل في كل زمان
تتأمل رؤية الحبيب في كل مكان
يدان ترتعشان شوقاً
مشاعر من الادمان والإبحار غرقاً
تكتبُ بأجمل الحروف لوعةٍ واحتراقاً
يتلون القلم بالحبر الاحمر فتتزين القصائد
يأتي صوت المحبوب مغرداً ك العصفور
كأنك تعرفه منذ عصور
تشاركه اجمل المشاعر بقلباً صبور
تشعر ان قلبك دوما معه مسرور
فتتنفس هواءه بأرق العطور….
لبنات دوزو لعشية كلها فلموول يخرجو من مَحال و يدخلو
لاخر خداو اش بغاو و هزو شاصيات فيهم كسيوات و صباط
و صاك دازو من كاااع المحلات واخا ميشريوش يسقيو
عويناتهم قالك لي مشرا يتنزه ماسالاو حتى ضروهم رجليهم
بضوران عاد مشاو عند ياسر لي كيتسناهم فلقهوة وصلو عندو سخفانين
رانيا(بتعب) …… و أخيرا و الله مبقا فين نزيد خطوة
سامية……. (ضارت شافت فيها ) و ختي ما خرجتي غير بزز
ياسر…..(كيضحك) شفت رجليكم عياو و لسانكم معياش
سامية و رانيا كيضحكو و ياسر بقا ساهي فضحكتها و جمالها داير ايدو على خدو و سااااااهي و نضرات الإعجاب واضحين فيه
سامية حانية راسها على تلفونها كتهضر مع خوها و كيتحتو
رانيا( كتهضر مع خاالهاا و هو مرفوع فصاحبتها حتى شافتو فين كيشوف عاد نغزاتو و كتهضر تحت سنانها ) سبحان الله اخالو فين سافرتي
ياسر(حس براسو) ……..ا ا ا مالك مالك
رانيا(كطنز) ……….ماااااليييي نتا لي مالك راك كليتيها بعينيك
ياسر(بغا يضمس الموضوع ) ……راه غير كنت ساهي و صافي
شوية جاب ليهم النادل الطلبات لي ضمونداو عليها قبل جاب جوج كيسان دالعصير و حطو امامهم شربو منو شوية و خلاو نصو و ناضو حيت شافو بلي ضلام الحال
ناض ياسر تاجه “لا كيس” باش يخلص و حتى لبنات وقفو خرجو من القهوة و كيتسناوه برا مشاو ركبو فطوموبيل و مخدم ليهم أغنية ~~
بهوايا انتي قاعدة معايا
عنيكي ليا مرايه ياجمال مراية العين
خليكي لو هتمشي هناديكي
انتي ليا انا ليكي احنا الاتنين قاطعين
تسيبيني اكرة حياتي وسنيني
هتوه ومش هلاقيني واشرب خمور وحشيش
وتجيني تلاقيني لسه بخيري
مش هتبقي لغيري ايوة انا غيري مفيش….
رانيا و خالها كيشطحو و خالقيينها شوية شاف سامية من المرايا حاطا راسها على زاج نقص الموسيقى و هضر معاها
ياسر( عينو فطريق و كيخطف فيها شوفة ) …….سامية مالكي ساكتة
سامية(بابتسامة باهتة و صوت عيان ) والو غير عيت
رانيا……(ضايرة عندها ) يكما نيفك ضارك

سامية……. غير شوية ماشي بزاف بغيت غير نوصل نصلي و نعس
كانو وصلو لدار سامية ياسر عقل على طريق من اخر نهار وصلها
ياسر….. هانتي وصلتي الالة واخا مسخيناش بيك
سامية…… ههههههه حتى انا مسخيتش مرة أخرى إن شاء الله يلاه بسلامة عليكم باست صاحبتها و سلمات عليه بإيدها و بقا شادها حتى جراتها و مشات طلعات لدارهم

🌸 الجزء 17 🌸
⁦✍⁩بقلمي……………………زهرة محمد
*لا تخبئي الكلام*
شعور مؤسف أن تفقف عاجز عن مساعده من تحب 
ياسين كانت نيتو حسنة وبغا يساعد نور باش يدوز العرض فأحسن حال واخا محطاش دوسي ميديكال قرر يساعدها و تكون المناقشة في قاعة مغلقة بدون طلاب حيت كاين لي كيبغي يحضر باش يستافد هو قال يحضرو عائلتها باش تكون مرتاحة نفسيا و للأسف هي اعتبرات موقفو شفقة عليها هز سوارتو وومشا خرج توجه القهوة حدا البحر يبدل الجو حيت فترة الامتحانات كيولي ضغط على طالب و كذلك الأستاذ و لي شغلو كثر هي نور صاحبة الكلام المتقطع و رغم تقطع كلامها عندها نبرة صوت متقطعة خاصة تميزها بحة رنانة و لازالت تزور مساامعه جالس فواحد زاوية من المقهى هادئة و مقابل مع البحر
هز تلفون دوز نمرة تاصل ب صاحبو prof نفس الشعبة و غيكون معاه نهار المناقشة هو كبر منو و عندو خبرة و بغا يستاشر معاه في حالة نور( تلفون كيصوني)
عصام….(صايك و داير كيت بلوثوت ) الو أستاذ ياسين بخير
ياسين …..سلام افين اصاحبي لباس عليك
عصام …….و لله الحمد
ياسين( كيرشف من قهوتو ) إلا مسالي دوز عندي انا فلقهوة(………..) لي حدا البحر
عصام……….. اهاه هي لقهوة و لعشا على حسابك
ياسين( كيضحك حتى تسدو عينيه ) مرحبا مرحبا غير اجي
عصام ضور لفولون لعند ياسين بعد 10 دقايق حتى وقف ليه عند راسو تسالمو سلام د رجال
ياسين …… فين غبرتي اصاحبي
عصام (جلس و حيد نضاضر شمس حطهم فوق طابلة ) و راك عارف غير الخدمة وصااافي، جامعة وحدة جامعانا و واحد ميشوف لاخر
ياسين…….. وييييه قولي اش تشرب ؟؟؟؟؟
عصام ………واحد كلاسيكو
عصام و ياسين صحاب سابقو ب 3 سنين في الخدمة و ملي كيحتاج اي حاجة كيتشاور معاه بحكم الخبرة المتواضعة
شوية جا serveur حط طلب و مشا
عصام(تكا على الكرسي ) اوا اش كاينل بنتي لي ماشي هو هداك كاين شي مشكيل؟ ؟؟؟
ياسين……. لا مكين حتى مشكل غير واحد الامر بغيت نتشاور معاك و ناخد رأيك
عصام…… مرحبا في اي وقت اش تما
ياسين(حاير منين يبدا و يلاه جا يعاود ليه جات صورة نور بين عينيه )……… عندي واحد طالبة عندها مشكل في النطق و من هناا الاسبوع الجاي عندها سوتنونص و أنا المشرف و ملي عرفت مشكلتها اقتارحت أنها تناقش البحث في قاعة مغلقة و يحضرو عائلتها باش متوترش مع العلم محطاش ملف طبي و ملي عرفت بقات كتغوت و معجبهاش الحال ….
عصام(كيسمع ليه بكل اهتمام ) ولكن شنو لي خلاك تساعدها ممولفاش ليك

ياسين (تنهد) …….بصراحة ما كاين حتى سبب من باب الإنسانية فقط و أنها بنت لبلاد) بابتسامة )
عصام …….. المهم رأيي الشخصي مكانش عليك دخل في الموضوع حيت حساس و مغتقبلش مساعدتك غتعتابرها شفقة منك و نقصتي منها هو بالنسبة ليها الامر نفسي كتر ما هو عضوي هي كتشوف نفسها إنسانة طبيعية المهم بالمختصر المفيد مدخلش فلموضوع خليها تحمل مسؤوليتها
ياسين……. دخت و الله ما عرفت ماندير ؟؟؟؟؟ (بقلة حيلة ) و شنو الحل فنظرك!!!
#يتبع شنو الحل لي غيعطي #عصام في نظركن 😍😍
#تتمة
لعشية نور كتمشا فجنب البحر كانت كتحاول تطرد الأفكار السلبية و تحاول متفكرش فشنو وقع ليوم و تركز كتر في مستقبلها حيت هي قدما كانت مرتاحة و فمود زوين كتنقص حدة التلعثم عندها و مع ريحة لبحر فديك العشية و ندى ديالو كيضرب فوجهها حست كأنها فراشة بين زهور الياسمين …
(شوية حسات بلفبرور ديال تلفونها مع شافت سمية و هي تجاوب في الحين )
نور…… ااالو يياا أااححسن ااخ في الععالم
أسعد(بضحكة جذابة ) ……. أهلا رورو ديالي اش سر هاد الفرحة فرحيني معاك
نور…….. ممماشي ضضروري ييكون سسبب أأنا بغغيت نكون فررححانة ووو صصصااافي
أسعد….. وااااخا الالة.. فيينك ياك خرجتي من لافاك
نور ….( لقات واحد الكرسي و جلسات تكمل هضرتها ) …… أأانا ححدا لبححررر حددا ررريسططو (……….) ججي عععندي وو ننتممشااو ووو ننرججععو ععفاك
أسعد(واقف فضو الاحمر و داير سبيكر فطوموبيل ) و أنا منقدرش نقول لاميرتي لا يلاه سيفطي لي نتي فين باش منبقاش نقلب
نور……وواخا 😍
أسعد سيفطات ليه ختو localisation فلواتساب و عرف فين هي احتى جرها جرة خفيفة من شعرها
نور شافت خوها و زادت فرحت كتر و عرفت بلي اقتراح استاذها كان فمحلو غير مفهماتوش
نور (شدات فدراعو و جراتو لبحر يتمشاو على رملة) …… شششحال مما خخرجنا أأنا ووياك ككون غغير تتاصلتتي بغغيثة تتجي نددورو ووو ننتعششاو ببرا
أسعد…. تاصلت ليها لقيتها معروضة عند صاحبتها الينا غتخطب ليوم
نوور…. ااااو ككانت ققالتها لي وو نسسيت ههي غغنتععشاو أأنا ووياك رراس فف رراس
أسعد(كيتمازح معاها ) ……. و إلا قبلتي علي نمشييو نتعشاو فأحسن بلاصة تختاريها اااش قلتي ؟؟
نور …… ههههه مممواففقة
و هما راجعين لا كورنيش يتمشاو تصادفو مع عصام ياسين خارجين من القهوة 😲😲 هي شادة فخوها هما شافو فبعضياتهم لمهم كسيدة فلوطوروت هانا مشيت متقلبوش علي

🌸 الجزء 18 🌸
⁦✍⁩بقلمي……………………زهرة محمد
*لا تخبئي الكلام*
سامية غير دخلت لدار و بدا يضرها راسها من ضربة لي كلات فنيفها توضات و صلات و جلسات تهضر مع مها
صالحة (دايرة نضاضر لقرب كتنقي فزنجلان )……. قولي لي ابنتي امتا يعلقو ليكم؟ ؟؟؟
سامية (بصوت عيان ) حتى السيمانة جايا اماما غير سكتي فكرتيني خاصني نسول رانيا امتا بضبط
صالحة …. و الله يفرحكم ابنيتي ان شاء الله خير صبري غير نحيد هاد الزنجلان من ايدي و نتعشاو
سامية(كتفوه)…….. لا امي مقدااش غنمشي نعس
صالحة………… مالكي ياكما قريبة ليك هاديك هي لي كتخليك بلا شهية
سامية ……. اه قريبة و حتى راسي ضرني غنمشي نعس تصبحي على خير
صالحة……. سيري خودي دوليبران يفوتك راسك و نعسي تباتي فراحة الله
سامية خدات دوليبران و مشات لصالون متكية و شادة تلفون طالعة هابطة فلفيسبوك حتى جاها جوج ميساجات متابعين من لواتساب
_كيف بقا نيفك
_شوية ؟؟!!
سامية(اويلي هادي ماشي نمرة رانيا كتكتب)
_واش رانيا؟؟
ياسر………. هذا خال رانيا
_بقا بالي مشغول كيف بقيتي
سامية( كاع الأحاسيس دخلو فبعضهم ) الحمد لله شكرا اخويا
ياسر(متكي على ضهرو و كيشاطي معاها)…….. خويا!!!! لا اسامية حنا ماشي خوت أنا خال صاحبتك و أنا مكنشوفكش ختي
سامية……. أنا قلت لك خويا من باب الاحترام
ياسر……….. الإحترام ماشي ضروري تقولي لي خويا المهم أنا بغيت غير نطمأن عليك تهلاي فراسك
سامية …….. شكرا
سامية طفات لويفي باش تحاول تنعس حيت تزير عليها راسها ولكن طار إحساس غريب دق كيانها معرفتش سبب سؤال ياسر عليها واش غير حيت خال صاحبتها و سؤالو عادي و لا كاينة شي حاجة أخرى …
دائما اتسأل عن سبب السهر الذي يرافقني رغم النعاس و التعب مع أني أعرف السبب جيدا ، ترا لماذا ؟؟

🌸 الجزء 19 🌸
⁦✍⁩بقلمي……………………زهرة محمد
*لا تخبئي الكلام*
سوء #الظن مرض يقتل كل شيء جميل …. فاحذروه
#نصيحه
أسعد و نور غادين و كيضحكو و تصادف مرورهم بخروج عصام و ياسين من القهوة شافها و تبعها بعينو شاف كيف ضحكتها ترد الروح و شعرها طاير بلبرد و خلا قلبو وقف لبرهة و رجع دق لي أفسد اللحظة شخص لي شادة فيه معرفش شكون هو
عصام(كيطرطق صباعو قدام عينو ) ……. ايييييه فين سافرتي اصاحبي مخليني كنهضر مع راسي
ياسين(استفاق من شرودو ) …….. نعم لا معاك اش قلتي غير سهيت و صافي
عصام(هز حاجبو بتفسير ) و فاش كنتي ساهي عتارف عتارف
ياسين…….. ههههههه لا مكاين والو زيد نمشيو راه هوا البحر جاب لي جوع
عصام……….. غنتيقك اسيدي و نميك بخاطري قولي فين غنتعشاو
ياسين (كيحك خلف راسو و كيتمشا بكل هبة ) واحد ريسطو قريب من هنا زيد نتمشاو
عصام…….. ماكلتهم زوينة تصدق مخليني بلا عشا هههه
ياسين………. مطعم مغربي متخافش و ماكلتهم زوينة داكشي مصروع
عصام ……. والله إلا توحشت طياب بلادي 🍲
ياسين(ذكرو فموضوعهم كيهضر و كيشرح بايديه) …. قولي اش نظرك فلهضرة لي قلت ليك و دير فبالك راني عطيتهم تاريخ المناقشة مجاتش نبدلو دابا واش نخلي المناقشة مفتوحة في باب الجميع و لا مغلقة غير حنا و عائلتها فقط
عصام(بتفكير)…… اش غنقوليك الأمر كيحير صراحة التلعثم مساهلش و عوض يتناقش البحث ف 3 سوايع غنطلعو ف 5 ولا 6 سوايع و توتر داك نهار مجربينو ملي هي مبغاتش مساعدة خليها على راحتها خلي الدعوة مفتوحة للجميع و غتكون مستعد لأي حاجة باش دخل و خاص التعامل بين استاد و طالبة يكون في حدود و زعما نتا مولف هاكا كتعامل اش وقع هاد المرة
ياسين (هو براسو معارفش اش واقع ) شوف بلا ما تبدا تاني زيد راه ماواقع والو واش الواحد ميديرش الخير
دخلو المطعم كانت موسيقى هادئة من اغاني سيلين ديون
لقاو مكان فواحد زاوية و مشاو جلسو يرتاحو عاد يشوفو اش ياخدو المكان معامرش بزاف و لكاااالم تاكل و تعرفها فين غادا شموع صغيرة الحجم محطوطة على طوابل و الجو شاعري بامتياااز جا النادل و واقف كيتسناهم ياخد اش بغاو
ياسين (حيد لافيست و بقا بشوميز بيضة هز موني كيشوف) …….. اش باغي تاكل؟ ؟
عصام(حتى هو هاز لموني) …….. و الله ما عرفت كلشي زوين ولكن تشهيت طاجين لحم و البرقوق و عصير ليمون و تشهيت صلاد مغربية 😍
ياسين…….. أنا غناخد بسطيلة الحوت و حتى لخر و جيب لي ديسير على دوقك
النادل قيد الطلبات و مشا على وجه السرعة باش ميتعطلش

عصام…… قولي فين كنتي كتشوف قبيلة ملي خرجنا من القهوة
ياسين…….. سكت سكت نسمع(مركز مع صوت كتر و طريقة مخافياش عليه ) ميل راسو شاف حتى تقابل معاها….
أحيانًا تعرف شخص بالصُدفه ويقنعك إن الصدفه ممّكن تجي وراها حياه . فعلاً الصدفه خير من الف ميعاد

🌸 الجزء 20 🌸
⁦✍⁩بقلمي……………………زهرة محمد
*لا تخبئي الكلام*
الأخ السند و العضيد لا تحلو الحياة إلا به من نعم الدنيا وهدية الله أول من يفرح لك وأول من يقف معك وأول من يفتقدك الأخت أسم آخر للحب وقطعة من الأب والأم الأخت حب طاهر وشغب جميل أسألوا من فقدها وأسألوا من لم يُرزق بها
#للقدر_حكايات_أخرى
نور و أسعد جالسين فنفس المطعم كيهضرو و يضحكو و هي كتحس براحة فاش كتكون مع خوها لي ديما واقف فجنبها و كيبغي ديما تكون فرحانة و مرتاحة
نور(حاطة كفها على خدها و شعرها مطلوق على كتافها و الفرحة باينة فعينيها) ……. و الله إإإلا تتوحششتك ووو ننتا ممع الخدددمة ممبقيتيش تخخخرجني ككيف ممموللف
أسعد(حاط ايديه بجوج على طابلة)…… عاارف ا رورو تشغلت عليك مؤخرا و لكن السفر كل مرة مبقاش غنخدم غير هنا و غنبقا نشوفك ديما و نخرجو كل نهار
نور(بضحكة طفولية ) ……مممزياان تتححضضر مععايا ننهار مممناقشة اللبببحث
أسعد….. بطبيعة الحال نكون و إلا محضرتش شكون يحضر و نشوفك لابسة لبسة التخرج إن شاء الله
نور…… ووو ززعما غغيددوز دداككشي مزيان.؟؟؟؟! خخاايفة
أسعد…….. ملي أنا معاك معندك مناش تخافي ركزي غير على البحث و أنا تايق فيك
هاد الحوار داز على مسامع ياسين و صاحبو مفهمش علاش كل مرة يميل راسو يشوف عصام مبغاش يضور باش ميعيقش
عصام…… غير قول لي اش كتشوف مخليتيناش ناكلو هاد جوج دغمات فخاطرنا
ياسين(بضحكة مزيفة ) مكاين والو كول كول
عصام( صبرو تقادة و ضار يشوف شكون لي خلاه ميعقلش على عشاه ) ممممممم هادي لي خلاتك تاكل بلا عقل واش كتعرفها؟ ؟؟
ياسين(جاوب بهدوء ) هادي هي الطالبة لي عادوت ليك عليها
عصام……. اواااااه هي هادي(رجع ضار ) زوينة ما شاء الله
ياسين(بصوت حاد) عصاام😠
عصام……. ابرررد اصاحبي غير ضحكنا هههههه و لكن شكون لي معاها
ياسين…… معرفتش إلا ساليتي عشاك عيط لدري يجيب لينا ديسير باش نوضو نمشيو
عصام…….. مزال الحال ا ياسين خليك و لا شفت هاد البنت خلاتك بلا خاطر
ياسين (كل مرة يخطف فيها شوفة و معرفش شكون شخص لي جالس معاها و كتهضر و هي مرتاحة )
مع شوفة لخرة نور عاد انتابهات للشخص لي جالس أمامها و شافتو بكل أناقة و جمال و نضرة جذابة هي غير شافتو و هربات عينيها ضغيا
أسعد…… رورو فين كتشوفي
نور(بصوت خافت ) ……. اااستتادددي وووراك
أسعد……. اااه صدفة زوينة نتعرفو عليه

#تتمة
نور(بتذمر) ……… ووو للا ببببلا مما تتتمششي عععندو
أسعد….. نوضي نوضي نشوفو هاد الأستاذ لي خالعك ياك قلتي هو المشرف على البحث
نور (كترغبو) …….. اااسعد عععفاك بببلاش ييله ننمشيو رراه تتععطلنا
أسعد بالنسبة ليه الأمر عادي يسلم عليه و يتعرف بما انو الأستاذ ناض بكل أدب و شد فيد ختو و توجهو لطبلة لي فيها ياسين
أسعد…. bonsoir bon a pitié (مد ايديه سلم على عصام و ياسين و نور لاصقة فيه) أسعد التاقي أخ نور التاقي الطالبة لي كتقرا عندك كنبغي نشكرك على مجهودك معاها
ياسين(سلم عليه بابتسامة )……… مرحبا هذا واجب(توجه عند نور و سلم عليها ) …… لباس عليك
نور …. لللبباسس اللحممد لله شششكرا
أسعد نخليكم تعشاو شكرا و شهية طيبة مرة أخرى سمحو لينا على الازعاج
ياسين…. العفو مرحبا
مشات نور و أسعد غادرو المطعم و بقا عصام و ياسين
عصام…… سبحاااان مبدل الاحوال و لي شافك قبل نص ساعة ميقولش نتا لي قدامي
ياسين (محاسش براسو كيفاش تبدل ملي عرف أسعد خو نور ) ………. مفهمتش اش كتقصد
عصام ……. مفهمتييش !!! من هنا لشهر غتفهم (غمزو)
ياسين( متسوقش ليه شاف ساعة ) نوض نمشيو راه هدا الوقت
عصام و صاحبو خرجو بعد ما خلاو لخلاص فوق طابلة و تمشاو فين مخليين سيارتهم و كل واحد توجه لدارو
في ضو لحمر واقفة سيارة أسعد و نور تسوط و تنفخ غير بوحدها حسات بالاحراج رغم أن الأمر عااادي كاع كنلقاو اساتذتنا و كنمشيو نسلمو عليهم
أسعد(كيتسنا ضو لخضر يشعل ) …….. دبا مالكي ملي طلعتي و نتي تصوطي اش كاين
نور…….. ععععلاش مممشيتتي ههضضرتي ممعاه
أسعد…… بان لي ضريف و متفهم غير نتي مكبرا لموضوع ارورو (شعل ضو لخضر و زاد ) راه كنت غنسولو واش كتقرا مزيان غير نسيت هههههههههه
نور…….. ااااااسسععد ششححال وووليتي بباسل ااااخخر مممرة ننخرج مممعاك
أسعد……. ياااااك هادي هي توحشتك اخويا أنا غنرجع نسافر و قلبي معامن تخرجي(دار راسو تقلق )
نور(شداتها لبكية) دددابا لاش كككديير ههاكا خخخرججتتيني لللليوم نننندمتيني(كتبكي من نيتها)
أسعد كان وصل ووقف طوموبيل و دار يسكت ختو و خاشيها فصدرو و هي كتنخصص
اسعد…… دابا لاش كتبكي
نور………… وووو ننننتاا بببغيتي تتتتمممشي و تتتخللليني تتتتاني بببوحددددي
أسعد(باس راسها) ……. غي كنضحك ارورو و معندي فين نخليكم راه نتي و غيثة عيني باش كنشوف(كيمسح دموعها ) يلاه هبطي تشوفك غيثة هاكا تخاصم علي تقولي بكيتيها شو نيفك ولا حمر فحال لكلون
نور هزات ساكها و حلات باب طوموبيل و خرجات و تبعها عنقها داخلين لدار

🌸 الجزء 21 🌸
⁦✍⁩بقلمي……………………زهرة محمد
*لا تخبئي الكلام*
وكم من صديقٍ لم يكن ذا قرابةٍ، ولكنهُ في القلبِ دوماً مِن الأهلِ. #الصديق
سامية من كترة التفكير غفات بيها عينيها مع 00h00 د ليل و غير وصلات 5 حسات بلوجع فكرشها بقات تقلب و هو عاد مغادي و كيتجهد ناضت ووجها صفر ناضت تجر فرجليها و تشد فلحيط حتى وصلات لحمام دخلات لقات خالتها جات قبل الوقت لبسات الفوطة صحية و رجعات بزز تخشات فبلاصتها و بدات تحس بكرشها تقطع
(إحساس متبغيهش لعدوووك ) فهاد الاثناء ناضت صالحة توضا باش تصلي حتى سمعتها كتنين مشات عندها مخلوعة…
صالحة(بخوف )…… سامية بنيتي مالك اش ضارك
سامية(كتألم) ……ممااما مصارني كيتقطعو
صالحة ( عرفات صاحبت دعوتها ) أنا غنوض نطبخ ليك شي عشوب ان شاء الله يفوتك لحال
ناضت صالحة تعتر حتى لكوزينة شعلات ضو و كتقلب فلبلاكات على القرعة لي فيها العشوب
صالحة ( كتهضر مع راسها ) الله ياربي الله فين مشات هاد القرعة و نهار تبغي الحاجة عاد كتوضر
بقات تقلب عاد لقاتها جبدات لبريق و دارت لعشوب يطبخو مع لما فوق لبوطة تسناتو طلع شوية صفاتو في كاس و داتو ليها باش يفوتها الحال
صالحة……. هاكي ابنتي شربي هاد دوا من حدو سخون
سامية(كتهضر غير بزز) …… مقداش اماما غادا غير نرضو
صالحة…… و غير شربيه و رضيه(بقات شادة معاها لخاطر حتى شرباتو ) بشفا ابنيتي
سامية كتحاول تنعس ا والو جاتها لبكية من كترة لوجع صالحة مشات توضات و بدات كتصلي…
سامية حسات بخاطرها تروعات عليها و ناضت تعكز لحمام ترض و تقفقيفة شاداها شلات فمها و خرجات يلاه غتخطوي حسات بدنيا ضارت بيها محسات براسها حتى جات طايحة على طولتها
صالحة( السلام عليكم و رحمة الله السلام عليكم و رحمة الله) غير سمعت شي حاجة تخبطات و ناضت كتجري و قلبها غيسكت بانت ليها بنتها طايحة حدا الحمام
صالحة…….. يااربي ياربي على بنتي سامية سامية جاوبي
صالحة تلفت معرفت ما تقدم ولا توخر تنوض و تجلس و تمشي و حتى لدها لي غيوقف معاها بناتهم لبحر و جارتها لي قريبة ليها مسافرة حاولت حتى هزت سامية من الأرض حطاتها بين رجليها و مجات فبالها غير رانيا هزات تلفون دار لي كان قريب ليها و ايديها كيترعدو و دموعها هابطين ووتلفون فودنها كيصوني مدارت بحساب بلي راه 7 صباح يقدرو يكونو ناعسين و لا والو همها غير بنتها تعرف مالها
ام رانيا(حتى هي فايقة تصلي و سمعت تلفون كيصوني و تخلعت ملي شافت نمرة دار سامية ) الو السلام عليكم
صالحة….و عليكم السلام سمحلي عيطت بهاد الوقت

ام رانيا……. لا ماشي مشكيل مالكي اختي
صالحة(بصوت باكي ) عتقيني اختي بنتي سخفت و مفاقتش بغيت لي يديها لي لسبيطار و ملقيتش كيف ندير
ام رانيا…… الله ياربي ها حنا جايين دابا متخافيش
فتيحة أم رانيا فيقات بنتها تمشي تشوف صاحبتها و نوضات خوها ياسر هو لي عندو طوموبيل
فتيحة……. رانيا و رانيا تي نوضي راه صاحبتك مريضة و سخفانة نوضي سيري مع خالك نوضي طلقي راسك غنمشي نفيقو
رانيا(دايخة بنعاس ) اويلي شكون صاحبتي
فتيحة مشات ضغيا لصالون تفيق ياسر حيت فهاد المواقف يبانو صحاب
فتيحة (عارفة خوها نعاسو تقيل )…. ياسر ياسر واا ياسر نوض الله يرضي عليك واحد صاحبت رانيا مريضة ديها لسبيطار راه مريضة و مكاينش لي يوقف معاهم
ياسر (كيحك فعينيه) واخا واخا ها هو نايض
فتيحة…… يلاه لبس عليك و سربي

#تتمة
رانيا غير عرفت سامية هي لي مريضة طريق كلها و هي تبكي هي صديقتها الوحيدة و كتر من ختها ياسر صايك و ساكت و مع حافظ طريق دار عفطة وحدة حتى وصل غير حط طوموبيل طلعو يجريو يدقو رانيا كدق دقات متااابعين حتى ناضات صالحة حلات دخلات رانيا و ياسر بقا على برا مدخلش احتراما لأهل البيت
رانيا….. خالتي مال سامية
صالحة…… يمكن طاح ليها طونسيو راه جاتها دم و قتلها لوجع ابنيتي عطيتها شي عشوب و مدارو ليها والو و باقا تنين (أنين صوت المريض)
رانيا مشات عندها لقاتها شبه مغيبة حالة عينها و لكن لوجع دار فيها ما بغا قاصتها لقاتها سخوونة و حداها ريحة و لبصلة مقصومة على جوج دارتهم ليها مها باش فيقتها
رانيا….. حبيبة حاولي تنوضي ها خالي برا تمشي لسبيطار(كتحاول تنوضها و صالحة لبسات جلابتها و دارت زيفها و جابت كاب باش تحطو على كتاف سامية من لفوق و شدات فيها من دراعها تحاول توقفها
صالحة…. حاولي توقفي الله يرضي عليك نديك لطبيب
رانيا….. خالتي ها خالي برا يهزها و دغيا نهبطو راه غير كنضيعو لوقت
صالحة…… لي بان ليك ابنيتي( مبقات فكرت فوالو من غير أن تشوف بنتها بخير)
رانيا… خالي خاااالي
ياسرغير سمع رانيا كتعيط و دفع لباب و دخل شاف سامية سخفانة فوق سداري شافتو رانيا دخل و طلبت منو يهزها
رانيا …… خالي هز سامية راه مقداش توقف زيد ضغيا راه سخونة
ياسر هزها و مشا نيشان لباب و هم تابعينو خدات من عندو سوارت و حلات لباب ددخلها حطها لور و دخلت مها حداها هو مشا طلع لبلاصتو هو و رانيا نيشان لكلينيك هبط باش يهزها تاني و رانيا رادا ليها البال و صالحة من وراهم
رانيا…… عنداك راسها غضربو ليها مع لباب
ياسر(مجوبهاش ضرب فيها وزاد حدو خنزر فيها تحيد من قدامو مشا دخلها نيشان لقاعة الفحص جا طبيب باش يفحصها بعد ما طلب منهم يخرجو يتسناو برا و حالتهم عالم بيها غير الله
واحد نص ساعة عاد خرج عندهم طبيب طمنهم و الممرضة باقا معاها لداخل دخلو كاملين و هي ناعسة على سرير معلقين ليها سيروم حيت متعشاتش لبارح و من لغدا موكلاش و الوجع كمل لي بقا علقوه ليها باش توكض شوية و دكو ليها برا(سباسفون) على ود الوجع
صالحة(واقفة عند راسها ) بنتي شوية؟ ؟؟؟
سامية غير حركت راسها باه و رانيا جالسة حدا رجليها و ياسر بقا واقف حدا لباب مربع ايديه و كيشوف فيها و رتاح ملي شافها بخير

🌸 الجزء 22 🌸
⁦✍⁩بقلمي……………………زهرة محمد
*لا تخبئي الكلام*
إن أجمل شيئ في حياتك قبل النوم هو #التفكير بمن تحب ليهبك لذة في #النوم لا تنساها و لتتجدد لحظات عمرك لتبقى سعيدا على الدوام
نور غير دخلت هي و أسعد لقاو غيثة يلاه دخلت من عراضة صاحبتها سلمو عليها و جلسو مجمعين
غيثة… تعشيتو بلا بي و داز ليكم ؟؟؟
أسعد…… صراحة داز لينا و من حسن صدف لقينا أستاذ نور تما
غيثة(شافت فنور ) …… بصح واش المشرف على البحث شخصيا
نور(تفكرت احراج قبيلة ) ووو ممششفتيش ننااض بببلا عععكز ععليه سللم ( كتعوج فيه ) نننتععرف ععلى استااذك
غيثة و أسعد(كيضحكو )… هههههههههههههه
نور…….. غغيييثة ووواش حتى نننتي ممعاه
غيثة(كتحاول تهدنها) ………. شوفي راه الأمر عادي مالكي مكبرة الموضوع
نور(كتحك فراسها هي معارفاش علاش مكبرا لموضوع ) ….. ممميمشيش ووو صافي غغنوض نندددوش وو ننعس bbbone nnuit
مشات نور دوشات و دخلات لبيتها بقات غيثة و خوها مكملين جماعة واخة كل واحد فيهم عيان واخا مسخيينش ينوضو ينعسو
أسعد…. استاذها بان لي ضريف و بعقلو يعني غيتفهم حالتها غيثة ……خاصها غير متوترش باش متعكلش ليها كتر هي عارفة هادشي منخفاش عليها
أسعد …. حنا عارفين و طلبة راه فأي كلمة غيبقاو معتابرينها مختلفة عليهم و زائد الوقت المهم نتمنى دوز الأمور على ما يرام
غيثة…….. ان شاء الله
أسعد(وقف) ……. أنا غنمشي نعس تصبحي على خير
غيثة ……. و نتا من أهل الخير
أسعد و غيثة مشاو ينعسو اما لالة نور متكية فبيتها و كتفكر تكتب لاستاذها بلي موافقة على الموعد لي حدد ليها للمناقشة و تكون غير عائلتها و ناس لقراب
نور(كتكتب و الحاسوب فوق رجليها ) bnjr Mr Yassin أنا معنديش مشكيل بنسبة للموعد و كنقدم اعتذاري على التصرف لي صدر مني بغير قصد شكرا
ياسين فبيتو دايرر نضاضرو كيتفرج في فيلم اكشن حتى طلع ليه نوتيفيكاسيون ديال ميساج في جمايل حلو كيقرا و ابتسامة مرسومة على وجهو فرح ملي شاف لميساج من عندها يقرا و يعاود يقرا جاوبها و كتب
ياسين(كيكتب) …… bsr nour موقع حتى حاجة لي تعتادري عليها إذن ملقانا يوم البحث

🌸 الجزء 23 🌸
⁦✍⁩بقلمي……………………زهرة محمد
*لا تخبئي الكلام*
حبك وضوح ……..
بدايته خفقان قلبي له من اول نظره
وليس له نهايه لأنك مازلت في داخل هذا القلب
حبك مســـــــافه……..
طريق وردي يزهو به العمر وان طال السفر
حبك ســــــــــهر………
ليله قصير معك وطويل ممل في البعد عنك..
حبــــــك نهـــر……
اسير بمحاذاته لكي لا أتوه
واشرب منه دوما فلا اعطش ابدا ابدا
ياسر ملي شاف سامية فديك الحالة معرفش علاش نغزو قلبو من جيهتها و هو ماشي مدة طويلة باش عرفها لكن استحوذاات على مشاعرو و نبضات قلبو بقا واقف كيشوف فيها من بعيد حشمان من مها و مقربش لجيهتها اكتفى بنظرات من بعيييد
صالحة……. بنتي كيف كتحسي فاتك الوجع؟ ؟
سامية(حشمانة من ياسر ليكون كيسمع حوارهم ) …… الحمد لله اماما سولو طبيب امتا نخرج نمشي لدار نعس ممرتاحاش هنا
صالحة…….. واش نقاد ليك لمخدة سامية(كتفشش)…… لا اماما بغيت نعس فبلاصتي
صالحة ……أنا غنمشي نسولو ونجي رتاحي احبيبتي
خرجات صالحة و بقات رانيا و خالها جالس فواحد لفوطوي مراقبها غير شاف صالحة خرجات لقا الفرصة فاش يقرب منها و يطمأن عليها بنفسو
ياسر(مشى عندها وجلس قفازي) ……. كتكوتة اش هادشي واحد جوج تسخفي و تخلعينا
سامية(ضحكتها ديك كتكوتة ) ههههههه و محسيتش براسي يمكن طونسيو
ياسر(عايق بشنو بيها ) مممممم طونسيو
رانيا…….. راه حتى لماكلة لي مكليتيش دارت ليك هاكا
ياسر……. خاصك ترضي لبال لماكلتك كتر باش متمرضيش و تفيقيني مع نبوري
رانيا………. والله إلا اسامية عندك زهر ملي فاق ههههههههههه
مولف كينعس و خا تفيقيه مينوضش
سامية……. شكرا ليكم سمحو لي عدبتكم معايا والله
رانيا….. عذابك راحة المهم تكوني بخير
ياسر ناض شاف سيروم قرب يسالي
ياسر…… يمكن إلا سالا سيروم تخرجي الا مزال عيانة تبقاي حتى تحسي براسك مزيان

#تتمة
دخل طبيب عند سامية و من وراه صالحة طمأن عليها و خبرها بمجرد يسالي سيروم يمكن ليها تمشي كتب ليها فيتامينات ووصاها ترض لبال التغذية ديالها حيت كانت من الأسباب لي خلاها تسخف
ياسر خرج يجاوب فتلفون و صالحة مشات مع طبيب باش يعطيها ورقة الخروج
رانيا(كتجمع ليها شعرها ) ……تبغيني نمشي نونسك و لكن لعشية خاصني نمشي لدارنا
سامية(فرحات) …… اه اختي بقاي معايا ونسيني باتي معايا متمشيش الله ينجحك
رانيا(شدات فيها تقاد ليها حوايجها ) ….. منضمنش ليك نبات حتى نعيط لماما و نشوف اش تقول
سامية………. غير عطيني نهضر معاها و متخسرش لي
ياسر(هضر فتلفون و رجع مبدل ) …….. واجدين؟ ؟؟
رانيا….. اه اخالو نتسناو غير خالتي ترجع من عند طبيب و نمشيو
ياسرمشا جلس كيزعزع رجليه مع لرض من التوتر و مقوس حجبانو و باينة فيه مقلق
سامية غير جالسة و حاسة بالجو مكهرب و كضور فعينيها و ساكتة
رانيا (قربات حداه باش طمأن عليه حيت حالو مكانش يعجب) …….. مالك ياك لبااس ملي هضرتي فتلفون حالك تبدل
ياسر…….ماشي شي حاجة غير شي مشكل فلخدمة و خاصني نرجع للامارات ضروري
رانيا….. ( بتشكيك فكلامو ) فين عمر الخدمة دارت فيك هاد الحالة!!! يكما مرتك ؟؟؟؟
ياسر (هز فيها عينيه شاف فيها ) ……وي هي
رانيا(بتعجب!!)………… لعجب اش بغات
ياسر( مبغاش يهضر فلموضوع حيت معصبو بلا قياس )……. رانيا ما فيا لي يهضر بدلي الموضوع
رانيا…… ياك كتقول لي حنا صحاب عاود لي نقدر نعاونك
ياسر(تنهد بقلة صبر ) …….. كتعتاذر بغاتني نرجع
وتوما هدا فين غيمشي و يخلي سامية واااع متشدونيش 😲😲😢🚶🚶🚶

🌸 الجزء 24 🌸
⁦✍⁩بقلمي……………………زهرة محمد
*لا تخبئي الكلام*
أجمل ما في الأيام الماضية أنّها مضت، وأجمل ما في الأيام الحاضرة أنّها ستمضي، وأجمل ما في الأيام التي ستأتي أنّها لم تأتِ، وأجمل ما في الحياة أنّ هناك أمل يتجدّد ولا ينتهي.
نور دوزت أيام الإمتحانات بسلام و جا اليوم الموعوود يوم مناقشة البحث كلشي كيتسنا أمام القاعة المخصصة للمناقشة و نور فواحد زاوية واقف حداها أسعد و غيثة و صديقها جون كيحاول يطمنوها بلي كلشي غيدوز مزيان دقايق حتى داز أستاذ ياسين و أستاذ عصام و استاذة وفاء ذات أصل فرنسي غير دخلو دخلت نور وراهم باش تقاد البحث في الحاسوب و ركبت دطاشو و قابلاتو مع اللوحة البيضاء لي غتبين بوضوح مراحل البحث بعدما سالات و رتبات امورها سمحو العائلة و صديقها بالدخول و جلسو في مكانهم ماهي الا دقايق حتى أعلنت اللجنة على بدء المناقشة تحت رئاسة ياسين
ياسين(بابتسامة تبعث الراحة في النفس ) …… اليوم و تحت إشراف الأساتذة ستكون مناقشة الطالبة نور التاقي
نور شافت فعائلتها و بتاسمت ليهم تستمد منهم طاقة ايجابية و شافت في لجنة و بدات في المناقشة بكلامها المتعثر لي خلا علامة الاستفهام يبان على الاستاذة لي دورت وجهها جهة الاستاذ ياسين بتساؤل واش الطالبة عندها مشكل في النطق و ياسين أكد ليها الأمر بحركة الرأس باش ميشوش على نور و الاستاذة رجعت نظرها صوب نور و تشوف فيها بنظرات غريبة سببات توتر لنور لي زاد من تعلثمها و هربت عينيها مباشرة لياسين و لقاتو مبسم ليها هكا دازات ساعات المناقشة و الأمر لي معجبش الأستاذة شافت بلي خدات الوقت كتر من اللازم و المسموح به

#تتمة
ياسين بقا مركز مع نور فكل كلمة كتقولها رغم تقلها على
مسامع البعض حاول يبقى مبتاسم ليها معظم الوقت باش ينقص منها توتر و ينقص معاه حدة صعوبة مخارج بعض الحروف نور وصلت لفقرة تشرح بعض النقط فدطاشو و ناضت بكل ما تبقى منها من ثقة لجهة اللوحة البيضاء و هي في أبهى حلة لابسة انسوبل فيه تيشورت كحل و فيست بيضة و سروال لارج من لتحت بيض و سبااط مني طالو في الاسود واقفة بدات كتشرح بعض المفاهيم الرياضية و نظرات الأستاذة نساتها على شنو حفظات و خلات تلعثمها يزديد و العرق بدا يبان فجبينها دارت شافت فجون مباشرة لي بتاسم ليها و طمنها بعينيه و كيدير ليها شهيق زفير من بعيد و تحاول تسترجع المعلومات ياسين كيشووف فيها حتى هضرت معاه الاستاذة ميل راسو باش يسمعها
الاستاذة(قربت فمها عند ودنو ) …… استاذ ياسين كنظن طالبة مضابطاش معلوماتها في نظري تحبس حد هنا و إضافة إلا ذلك راه محتارماتش الوقت
ياسين مجوبهاش دفع الكرسي لور بشويية و ناض عندها مقدرش يبقا يشوف فيها و هي بديك الحالة…… وقف حداها و قاليها تبعيني… تبعاتو لقاعة المجاورة تسناها دخلات و سد القاعة
ياسين…… نور حاولي تهدني معندك لاش تخافي فحال هاد الأمور كتوقع
نور(عينيها مغرغرين ) ….. ووو الله حححتى حححافظة مممعرفتش ااش ططررا لي
ياسين…… أنا عارفك حافظة غير تهدني باش تكملي هاد الفقرة الاخيرة و معندك لاش توتري ناض عطاها قرعة لما صغيرة شربي و خودي نفس عميق و رجعي باش تكملي
نور شربات لقرعة صغيرة و رجعات استأنفات المناقشة و مشافتش تاني فديك عينين موكة لي تشوفي فيهم تنساي سميتك كملات المناقشة بمشقة الأنفس قامو بطرح بعض الاسئلة و جاوبات عليهم وولقات للكلمة الاخيرة و وقفو لأساتذة لي كل واحد فيهم عندو نسخة من الاطروحة و توجهو لقاعة للمداولة…..

🌸 الجزء 25 🌸
⁦✍⁩بقلمي……………………زهرة محمد
*لا تخبئي الكلام*
لا شَـيءَ أقسى على النَفسِ من رائحةِ الأحلام وهي تَـتَـبخر.. سالم عطير. كنت آمل.. كنت أحلم.. لكن الامل لم يتحقق وظل في البال مجرد حلم من الاحلام.
دازت نصف ساعة على المداولة و كانت مشاحنات مع الأستاذة المسؤولة على الإجازة على عدم احترام نور للوقت و نسيانها لبعض المفاهيم اما عصام حاول نوعا ما يكون محايد حيت عااارف ظروفها و صاحبو مهد ليه الموضوع من قبل على عكس ياسين لي متأكد من نور ووالجهد لي عطات في البحث و ميمكنش يضيعها في النقطة لي تقدر تهز المعدل و لا تهبطو و نور مبغاش المعدل يهبط حيت حلمها تكمل دراستها في الولايات المتحدة الأمريكية..
نور و غيثة و اسعد و جون جالسين كيهضرو و نور وجهها مخلط فيه لوان و دقات قلبها متسارعين شافتهم تعطلو في قاعة المداولة
نور(كتهضر معاهم ) ……. ششفتهم تتعععطلو 😢
أسعد(كيحاول يهدنها)…… راه مكاملة حتى 10 دقايق باش دخلو (شد فايديها ) حاولي تهدني راه دوزتي الصعيب
غيثة…… أنا متفاءلة بيك رورو
جون …… هي أمريكا تنادي ازين و صراااحة أنا بغيتك تفرحي و لكن إلا كانت هاد النقطة غتبعدك بلاش ههههههههه
نور(حسات بنفسها تقطعات للحظة حلمها مغيتحققش و هضرت معاه بعصبية ) جججوون ااانا مملي حححطيت رررجلي ففي بججامعة ووووو أنا ككنحللم ب uuusa ووو ننتا اككتر وواحد ععارف هااادددشي
جون……. تمشي و تخليناا إلا مشيتي رجلينا على رجلك ياك ا أسعد
أسعد(كان ناسي موضوع امريكا ) ……. أنا نسيييييت الموضوع أنا على قبلكم ستاقريت في فرنسا باش نكون قريب منكم و نتي غتمشي و غنتفرقو تاني
نور…… غغغير نننكممل ققرراييتي ووو ننرججع مغغننستتقررش
غيثة…… حتى فرنسا من بين الدول لي كدرس العلوم الرياضية و محتلة المرتبة الثانية
نور….. اااه ووو للكن ااامرييككا هي المرررتبة 1
أسعد….(شاف ساعة فتلفون و هضر بجدية) …… هاد الموضوع مزال عليه الحال حتى نهضرو فيه من بعد
و في خضم الحوارات الجارية معالمينش على الحرب العالمية لي نايضة في قاعة المداولة و شد لي نقطع ليك و ياسين خرج في الأستاذة و حتى هي على قرارها تشبتات و على النقطة لي حطات متنازلات
معرفتش واش ياسين حكمات فيه العاطفة و لا الأستاذة طبقات القانون…

#تتمة
يقول الله تعالى *عسى أن تكرهوا شيئا وهو خير لكم *
الاستاذة وفاء….. أنا نعطيها ميزة مستحسن كتر من هاكا لا (رجعات بلكرسي لور ووبقات كضور بيه )
ياسين(من صباح و هو كيضرب بستيلو على المكتب ) …… أنا عارف البحث مساهلش و ماشي أي واحد يخدمو هي الوحيدة لي تجرأت و فلخر نظلموها حيت توترت (بدا يتعصب) راااه جميع المواد عندها جيد ا استاذة وفاء باغا تحطي مستحسن و هي كتستاهل كتر أنا غنحط ليها ميزة حسن جدا و أنا كنتحمل مسؤولية قراري
عصام(بدا يهدن الأمور ) ….. أستاذة وفاء طالبة نور كتجي من الأوائل و الأستاذ ياسين عارفها عن قرب و من خلال الحصص يعني القرار الأول و الأخير كيبقى ليه
وفاء (هبطات كواريها ) ……. اوكي لي بان ليكم بالنسبة لموضوع لي بين ايدي معندي ما نقول على العموم نتا استاذ ذو كفاءة و تايقة فقرارك
ياسين(باقي مقندش و مغوبش) …… شكرا على تفهمك
ناض ياسين من بعد ما استأذن منهم و خرج عند نور و عائلتها خرج لقاها مجمعة مع جون و هي باين فيها توتر طلب منها دخل جلسات فمكانها و نضم ليهم عصام بعدما غادرت الأستاذة القاعة حيت عندها اجتماع
ياسين(جلس فمكانو)….. البحث validé و بخصوص النقطة غتوصلك في الإيميل
نور(بترجي و بخجل)……عععفاك أااستاذ قققولي دددابا مغنننقدررش نصصصبر ححتى تتصيفططها لللي
ياسين…… ميزة حسن جدا
نور(بصدمة) ….. صصصااففي
ياسين…… حسن جدا و لا مستحسن
نور (بعدم فهم) كككيفاش
ياسين….. نحط ليك حسن جدا و لا مستحسن
نور(قالت فخاطرها اللهم لعمش ولا لعما )….. لللا حححسن ججدا
ياسين(بابتسامة خافتة ) ….. مبروك عليك
نور……شششككرا اااسستتاذ ععللى ممججهودك مممععايا
خرجت نور عند لي بقاو برا كيتسناوها تخرج غير بانت ليهم و جاو عندها كيسرعو الخطوات لعندها حيت شافوها علامات عدم رضا فمحياها
غيثة….. حبيبة امضرا نقطة زوينة؟ ؟؟؟
نور….. ميزة حسن جدا
أسعد….. ومالك كتقوليها و معاجبك حال
جون(كيطنز عليها)…. باغاهم يحطو ليك ممتاز
نور……. شششتكتتم كلللكم ضضررتو للي رراه لللعذذاب للللي تعععدددبت عععععليه ييححطو لللي مممممتاز ممممالي ممنننسستااهللش
مع قالت لكلمة لخرة داز من حداهم ياسين و عصام… عصاام كيضحك على انتقادها على النقطة و ياسين بقا غير يضور فراسو و يضحك فخاطرو مخلي هبة الأستاذ حاضرة
#يتبع حبيباتي

Leave a comment