Skip links

قصة : لا تخبئ الكلام (الاخير)

 3,175 عدد مشاهداات

🌸 الجزء 151 🌸
⁦✍⁩بقلمي……………………زهرة محمد
*لا تخبئي الكلام*
ما بك يا حبيبتي ؟؟ ما يؤذيكي؟؟ لم الدموع تملؤ تلك العيون الذابله .. تمزقني الما احزانك يا غاليه .. يقتلني الشجن الذي يسيطر على ملامحك ..
ياسر فااق حتى قرب العصر حس براسو ضارو نااض هز حوايجو و مشا يدوش خرج من لبيت حس بدار سااقلة و رانيا مكيناش فيها بتاسم و دخل الحمام خدا حماام داافي مع هاد الصهد خاصو لما بااارد نيت سالا نشف حالتو و لبس حوايجو كان شورط بيض و تيشورط حمر سمع تلفونو كيصوني و خرج هزو بزربة خاف يكون ولدو تزاد عليه الحال قال آلو …
سامية “مزال متكية” ……. ياسر سافا
ياسر “كيمسح ودنيه عمرو ليه بلما” …. ياسر حرفية امم
سامية……… ههههههههه راااشقة ليك سافا قولي غنشوفك ليووم
ياسر ………. غنمشي نشوف طه كيف بقا “هز عينو فلمكانة ” 5 دابا ملي نكون راجع نصوني ليك نتعشاو واخا
سامية “كتحاول تقبل الامر بزز منها ” ….. صافي بلا ما تصدع راسك حتى لنهار آخر اصلا غنخرج مع نور تشري شي حاجة حيت غترجع هاد يومين
ياسر”هضر قاصح معاها ” ……. سامية سيري فين باغا تمشي ملي نصوني عليك نشوفك يله الله يعاونك
قطع و خلاها غتاكل جنابها معرفت واش هي لي
خاصها تقلق و لا هو ناضت كتنتر دوشات حتى هي بما بااارد عالله طفا العااافية لي شاعلة فيها سامية معرفاتش تعامل مع الوضع ….صعيب التعامل مع راجل لي تيكون مشروك و مربوط بولادو معندك كيف ديري تحبسيه و تمنعيه يشوفهم هادي هي ضريبة الحب ضروري من التنازل و تقبل الامر دوشات و خرجات لبسات حوايجها مشات هي و خوها و نور يشريو لي خاص باش تديهم معاهم سوفونير لخوتها خدات كلشي تقليدي لي مكتلقاهمش ف فرنسا خدات فقية لخوها بيضة سااامبل و وحدة زرق ملكي و مطروزة بلبيض فصدر و ختها خدات ليها جلابة طالعة بشربيل فديكرادي ديال لون جلابة و خدات ليهاا حتى هي جلابة و صباط و سامية مكانتش باغا ولكن عجبها لموديل و خدات مبغااتش نور تقل شراات داكشي خفيف ضريف و مشاو القهوة شربو عصير و مجمعين عليه حتى صونا تلفون سامية و ناضت بعدات باش تجاوب
سامية “عرفات شكون ” ….. نعم اشنو !!
ياسر “داير سبيكر ” ……… سامية اش هاد الاسلوب اش كاين ؟؟
سامية …….. مكاين والو نتا لي متاصل اشنو ؟
ياسر” كيكتم غضبو مبغييش يغوت” ….. فيييينك!
سامية …… انا فلقهوة مع خويا و نور
ياسر …… صيفطي لوكاليزاسيون انا جاي
سامية ……… مكاين لاش مزال عيانة و باغا نمشي نعس
ياسر”هضر بحدة” …….. صييييفطي اش قلت ليك معنديش دمااغ لهادشي ملي نوصل و نهضرو

تفافات بهضرتو ملي شافتو معصب صيفطات ليه لوكاليزاسيون و رجعات جلسات معاهم مزال حتى مسخنات بلاصتها وقف عليهم ياسر سلم على نسيبو المستقبلي و سولو على أحوالو و سلم على نور و خلا سامية هي لخرا سلم عليها و بقا واقف استأذن من خوها يدي خطيبتو بغا يهضر معاها وافق بشرط أنهم ميتعطلوش حل طوموبيل ب لكونطاكت و مشا ركب و ركبت حداه دارت صمطة بلا ما تكلم ولا تنطق حتى حرف ديمارا و خلاها على خاطر خاطرها مشاو حدا لبحر و وقف طوموبيل مخرج يديه من شرجم و ساااكت كيسمع صوت لموااج حتى سمعت سؤالو
ياسر …….. ممكن نعرف مالك ؟؟ وبلا ما نسمع ديك والو و نخسر معاك مفاهمين هضري انا كنسمع

تغارين؟
وأنت حبيبتي
وقلبي تملكين ، تتربعين
وعلى أوتاره
تعزفين
له تهمسين
وفي عروقي تتجولين
وتقولين بأنك …
تغارين؟
ياسر بقا يتسنا جوابها لي معرفش علاش تعطل واش لهاد درجة كيحتاج تفكير سامية من زهرها قلبها بغا راجل كان مزوج و بولادو وهدا مَمْشكَلش مشكل بالنسبة ليها و عارفة بحق الأب و عمرها فكرات تبعدو على ولادو ولكن الغيرة كتجي بلا ما تعلم أي بنت كتغير على حبيبها و هي غارت عليه ملي كيمشي و كيشوف مرتو و كتخاف تخسرو مقدراتش تشرح ليه بااش كتحس و صرفتهم بكا هو غير شافها و صاط لهوا من فمو حيت معرفش مالها و اش مغير حالها
ياسر “ربع بديه” …….. واش الموضوع كيستاهل لبكا شرحي لي مالك تبدلتي هاكا؟ ؟؟
سامية عاضة على فمها حابسة لبكية هز كلينيكس مسح دموعها و حط يديه ورا لكرسي لي جالسة عليه
ياسر …..حبيبة واش درت شي تصرف معجبكش
“هي كتحرك راسها بلا و هادشي لي عصبو” و ملي لا مالك على هاد الحالة ؟؟؟
سامية “هزات عينيها فيه عامرين دموع” ……. متقبلتش فاش كتمشي كتشوفها و كل مرة كتاصل بيك لعافية كتشعل فقلبي
ياسر بتاسم و حل لباب و هبط دار عندها حل ليها هبطات و شد فيديها و تاجهو لبحر يتمشاو بقاو شحال و هما غاديين حس بيها تهدنات و وقفها يفهمها و يريح قلبها
ياسر”عينو عليها و كيهضر ” ……… شهور قليلة و غتولي مراتي ماشي فكل مرة غتاصل تقلقي و تمرضي فراسك بغيتك تخوي عقلك من هادشي “باس جبينها” متستاهلش تغيري منها لو مزال عيني فيها منطلقهاش وكون غير كانت هاديك لي جالسة لهيه واخا تغيري ماشي مشكل ههه
سامية ضارت كتشوف فين كيشوف ملقات حتى حد ضرباتو لصدرو و بدا يضحك على براءتها حضنها باش تزيييد ترتاح و شحال زوين تكون فحضن شخص كتبغيه كينقص الحزن و التوتر و كتنسا العالم فديك اللحظة
ياسر ……. عمرك تفكري فشي حاجة مكينااش كنبغيك و كنحماق عليك و بغيتك تيقي في عيني مكتشوف فحتى وحدة من غيرك
سامية ……. قولي كيف بقا طه؟؟
ياسر …… لباس عليه حسن من لبارح خاصو غير دوا و يرتاح
بدا يضلام الحال و جو البحر زوييين مع الغرووب وتحرك برد خفيف بقا كيتمشاو و يهضرو و لفرحة باينة على وجهها خلا شاهيتها تفتح
سامية “بانت ليها ريسطو “……. اش بان ليك نمشيو نتعشاو
ياسر…….. غتعشاي مع المغرب ؟؟!!
سامية “جراتو قاصدين ريسطو”……. ناكل دابا و يحن الله من بعد
حتى هو مكانش من العاكزين طالع و هو معنقها و كيلعب بسوارات طوموبيل وصلو كان خاوي شوية و دخلو كيشوفو فين يجلسو خداها لطابلة عجباتو جلسو يرتاحو على ما جا عندهم النادل جات سيرة رانيا

سامية “جبدات تلفون كتصوني” …… توحشت رانيا داز نهار ناقص بلا ما نهضرو
ياسر ” شد تلفون و قطع لابيل”……. واش رانيا مساليا ليك خليها حتى تاصل بيك “عاد فاق” داز نهارك ناقص ياك انا غير زايد!!!
سامية …….. و متفهمش غلاط كل واحد وبلاصتو رانيا راه صاحبتي
ياسر……….. انا شااد كااع لبلايص الالة “تقلق”
سامية …….. وبلا ما تقلق ارانيا ديالي هههههههه
جات سرباية بنت خدات طلبهم و مشات لحظات و رجعات حطات ليهم لعشا كلاو و سيد مزال كاعي كل مرة تلوح كلمة ضحك فيه حتى ضحك بزز منو كملو و ناض خلص و مشاو و فطريق تاصل بيها خوها

راجــــع و الندم دمـــــــوع
تجري فــــي قلبي و عيوني
غريب تـــــــالف و مخدوع
مكوي مـــــــن للي غروني
خذوني فــــي رحلة سراب
زينو لــــــــي الوهم الكذاب
صدقته ورميت نفســــــــي
في شباك للــــــي صادوني
خــــــلاوني نسيت العشره
وظلمت للي حبونـــــــــــي
بــــــأشواق القلب العطشان
رجعت نـــــــادم ومجروح
بالذنب نعترف ونبــــــــوح
غـــــــايتي رجايا تعذروني
لموني نستحق اللـــــــــــوم
عــــاتبوني راضي بالعتاب
لـــــــــــــــــكن لله يالحباب
بـــــــاسم المحبة سمحوني
صالحة خرجو ولادها و بقاات راسها باغا ترتااح من ليلة العرس دارت كاس دلقهوة كحلة ترجع بيها دماغها من موسيقى ديال لبارح جالسة كتفرج و متبعة مع الفيلم حتى سمعت صونيط الباب ناضت كتعكز تحل كانت كضن شي حد فولادها و لكن خاب ضنها متوقعاتش يكونو هما كان حسن و عائلتو مرتو و ختو و لادو جايبين لكوطي و جايين يصفيو لقلوب قالو سلام
صالحة “بنظرة باااردة” ……. و عليكم السلام
صالحة مفهمتش شنو الغراض من مجيتهم لكن على وجه دوك لولاد حيدات من الباب و خلاتهم دخلو جاين محملين و مجملين مخلاوش شي حاجة مجابوهاش مشاو نيشان لصالون سابقاهم فاطمة حطات تفرقة فيها الفواكه الجافةو كل واحد فيهم اشنو هاز ها طباسل المسمن و البغرير و الحلوى حطو داكشي فوق طابلة و بقاو يشوفو فيه حتى هضرت مرتو تلطف الجو و تكسر الصمت لي ساد و غير صوت تلفازة لي خدام
فاطمة …… سمحي لينا على هاد المجيا حنا جينا و جبنا لي قسم الله نتشركو طعام و مبغيناش نشقيوك خاص نصاوبو غير شي براد اتاي بعقلو
صالحة ……. مرحبا بك الالة فاطمة مجيتك على راسي
زاهية حشمانة و مقداش تهز فيها لعين واخا طلبات منها سماحة آخر مرة شافتها حيت صعييب دير العار فشي حد مأداكش و تجي طلب سماحة كيولي وجهك في الأرض هي و خووها عينيهم في الأرض حتى هضر ولدو بصوت طفولي خاطبها
أمير “جالس فوق سداري و كيلعب برجليه”….. طاطا فين خويا ياسين واش مكينش انا غنبقا نتسناه حتى يجي
صالحة “تخلطو عليها المشاعر معرفت تفرح ولا يبقا فيها الحال لعنات شيطان و جاوباتو” …… قريب يدخل اوليدي غير تسناه مرحبا بك
و زينب من نوع سكوتي الا مهضرتيش معاها متهضرش مع كبيرة و كتفهم عارفة القصة و ما فيها فينما تشوف فيها صالحة ضحك فوجهها تسمع تقرقيب سوارت فلباب و كلشي دور وجهو يشوف شكون كان ياسين عمرو طويل داخل هو و نور كيضحكو غير شافهم و هو يجمعها قال سلام و ردو سلام و نور حداه واقفة مسمقلة معرفاتهمش
ياسين……… نور سيري لبيت جمعي لي خاصو يتجمع

نور مشات بلا ما تستفسر بان ليها الجو متوتر و فضلات تدخل دير داكشي لي قال ليها صالحة بان ليها ولدها عاقدهم و مناويش على لخير ناضت عندو جراتو لكوزينة تهضر معاه
صالحة”شاداه من دراعو ” ……. وليدي خلي الما منين يدوز الله يرضي عليك نعطيوهم صوابهم حتى يمشيو
ياسين”منساااش اش دارو فيه و فمو” ….. لواليدة الا نسيتي اش دارو انا راه مناسيهش راه كتجي عيني فعينو كنتفكر لولد ديال سبع سنين كابر بلا باه كيسحاب ليهم دنيا واقفة عليهم ولا شنو
صالحة “كتبوس فكتفو ” ……. عارفة اوليدي نتا مول العقل و عارف ربي اش قال الله يسامح دير بوجه داك صبي لي ملي دخل و هو يسول عليك عيط لختك شوف فين كاينة على ما عمرت اتاي
خرج من لكوزينة و دخل لبيتو جبد تلوفونو و هضر مع ختو
سامية ….. وي خويا
ياسين ……. ياك قلت لك متعطليش!!؟
سامية ……. ها حنا سالينا لعشا غنجيو دابا
ياسين “كيدور فبيتو ساخط” …… طلقي راسك راه عائلة باك المصون كاينة هنا
سامية غير سمعت سيرت باها و هي تجمع الوقفة قطعت و بدات كتستعجل فياسر ينوض
سامية …… يله يله دغيا ديني لدار
ياسر “شوشاتو” ……. واش واقعة شي حاجة؟ ؟
سامية ……. مواقع واالو بابا كاين فدار
كتهضر و الفرحة باينة فعينيها و ياسر عارف لي كاين خلص بلخف و خرجو كيزربو ركبو فطوموبيل كسيرا مرة يوقف فضو لحمر و مرة يدوز فيه واخا شاعل وقف حدا باب دارهم
ياسر …… لحبيبة ديالي حاولو تهدو نفوس راه الماضي فات بخلافاتو بكلشي نتوما ولاد اليوم المهم حتاجيتي اي حاجة تاصلي واخا
سامية …… الله يخليك لي غير يمشيو نتاصل بيك
قرب باسها ففمها بوسة خفيفة و هبطات تجري

🌸 الجزء 152 🌸
⁦✍⁩بقلمي……………………زهرة محمد
*لا تخبئي الكلام*
العائلة عالمٌ من الدفء والحبّ وحضنٌ واسعٌ يمتلئُ بالصخب والضحكاتِ والابتسامات وبين أفرادها الكلمات والأسرار والدموع فالعائلة هي أغلى ما يملكه الإنسان.
سامية دخلات و تصدمات من ناس لي كاينين معرفتش شكون هما بان ليها غير باها و خوتها بتاسمت فوجههم سلمات من بعيد حسن غير شافهاا فرح حيت حاس بيها هي لي بغاه قلبو رتاح شوية حتى شافت مها جاية و فيديها صينية ديال اتاي هزاتها عليها و دخلات حطاتها قدام عمتها لي معرفاتش اش كتجيها
سامية”داخلة متحمسة بشوفت باها” ……. خالتي مرحبا بك
زاهية تمنات الأرض تشق و ميجيش هاد نهار لي توقف بنت خوها قدامها و متعرفهاش عوض عمتي قالت ليها خالتي جات صالحة جلسات و دورت عندها صينية رجعات اتاي و خواتو و مدات لكل واحد كاسو صالحة واخا خاطرها مكسور بغات تسامح على ود ولادها جا ياسين خرج عينيه حمرين جلس حدا خوه لي كل مرة ينوض يطل يشوفو واش جاي فرحااان وهو حداه
ياسين “داير ليه خاطرو” ….. صاحبي لباس
عمران”كيضحط” …….. لبااس و نتا لباس؟
ياسين …….. لبااس
صالحة …… ياسين عطي لولد ياكل
ناض ياسين جاب ليه طبلة صغيرة قدامو كيهز و يحط ليه بداو ياكلو سامية جابت كرسي و ريحات حدا ختها كتبان ليها حشمانة كل مرة تحط ليها شي حاجة قدامها صالحة غير كتشوف ولادها كيفاش فرحانين بخوتهم و تمنات ليهم هاد جماعة مع عائلتهم و لكن لي مرسوم على جبين لازم تشوفو العين فاطمة لمرا تانية و معرفاتو مزوج حتى تزوجات بيه و دازت مدة حسن يدير دغمة ففمو و يتسنا عليها شحااال عاد تسرط ليه اما زاهية مقدر يدوز ليها والو حتى حد مزعم يتكلم من غير حسن هو معني بالامر
حسن “معرف باش يعيط ليها بدا يحنحن تقول غيعطي الخطبة” ……. صالحة جينا ليوم احم باش نطويو صفحة لقديمة و نبداو صفحة جديدة إن شاء الله و ندوز مع ولادي مبقا من عمري و يعرفو خوتهم و نجمعو شمل
صالحة ” حسات بالكربة طلعات معاها و حلقها تسد كيفاش جاي يقول نطويو صفحة حتى تصدمت بصوت ولدها هضر
ياسين “قرب لطبلة ” …….. سماحة حنا مسامحين اسيادنا و صفحة طوينا هدا شحااال ها حنا كبرنا و كلشي تنسا مع عقل صغر “شاف فعمتو ” حتى لوجوه تنساو علينا على وجه الله حنا مسامحين ليكم و الانسان لي خاصو يسمح ليكم هي الواليدة اما حنا معندنا فين ندخلو بيناتكم
صالحة”كلام ولدها فرحها عرفت تربيتها ممشاتش فلخوا ” ……. إلا علي انا “تنهدت ” الله يسامح بغيت نمشي نزور مقام نبي صافية مصفية

زاهية “ناضت باست ليها راسها” …… الله يكرم أصلك ابنت ناس
رجعات جلسات يديها جامعة يديها كتقول الحمد لله و تبوس فيديها سامية غرغرو عينيها من داكشي لي داز قدام عينيها حسن دموعو مقدرش يحبسهم بطرف يديه مسحهم و هما نازلين فاطمة بنت ناس ماشي مرت الاب الخيبة المعترف عنها في معتقداتنا بغات المياه ترجع لمجاريها كون شي وحدة تحررها فيهم و تكحل بلعما و متشوفش ربابها و المرا لي كان مزوج بيها
فاطمة ……. لالة صالحة الا كبرتي بينا غدا تجيو تعشاو و تشرفونا و نتمنى مترضوهاش فوجهنا

#تتمة
صالحة مقدرتش ترضها فوجهها و عرفت بلي دنيا مدايماش و حتى حد مضامن عمرو ياسين واخا رفض حيت بغا يشد طريق بليل يرجع فحالو ولكن طلبوه يتعشاو بكري و يشد طريق سلامة سامية لبسات جلابة قصيرة صيفية و بليغة و و صالحة بجلابتها قدام لمرايا كتقاد فولارها و نور لابسة كسوة واقفة هي و ياسين كيتسناو فيهم باش يمشيو و بدا يزرب فيهم خاف يتعطل
ياسين……. و الواليدة و سربيو راه تابعاني طريق
صالحة “خارجة هازة صاكها فلكحل جا مع جلابة فلباج” ……. هانا اوليدي ساليت فين ختك
ياسين …….. وهانتي تشوفي تقولي عروسة .. سااااامية
سامية “خارجة تالفة”…… و فين تلفوني معرفتش فين حطيتو
نور “كضحك ” ……. راه فيديك اسامية
ياسين ……. زيدي و نتي واكلة عقلك يكون الله فعون لي غيديك
خرجو شادين طريق لدار باهم غاديين و احساس غريب زارهم غادين و كلشي حاط راسو على زاج و ساكت الا هو صايك و مركز مع طريق حيت أول مرة يمشي لهداك الحي و حتى من نور لي بعيدة على الموضوع ساكتة حيت ياسين معاود ليها واخا الأمر مساهلش ولكن فرحات حيت تسامح مع باه و عطاه فرصة ثانية
وصلو و هبطو و شافو رقم دار و صوناو بقاو يتسناو ثواني قلال و هبطو كاااملين يستقبلوهم و دايرين فوق صواب طلعو لطابق لول كان كلو صالونات و ريحة لبخور زويينة عاطية فدار حطو صبابطهم و دخلو جلسو رتاحو كيهضرو و مجمعين واخا لهضرة قليلة و لكن خالقين جو زوين سولوهم على دراستهم و أحوالهم و فرحو على المراتب لي فيها ولادو واخا إحساس ندم مرة مرة كيزورو …..جات زاهية مزال كتستغفر كانت يله صلاة المغرب سلمات و جلسات حداهم دوزو ليهم لغسيل و حطو لعشا كان نص حولي مشوي بلخضرة صوطي فجناب ولي صلاد و لمونادا تجمعو على طبلة و سماو الله و بداو ياكلو و عمران طاح حبو على خوه كل مرة يقوليه
عمران “حاطين ليه فطبسيل كينقب منو” ….. خويا كول بزربة باش نطلعو نوريك كتاب رسم ديالي ديه معاك
ياسين …… ههههههه واخا غير كول و سالي و نطلعو الا مكليتيش مغنطلعش
داير ليه خاطرو و نور حداه كتبتاسم من حوارهم كلاو و شبعو و حطو حلوى كلاصي باش يحليو ياسين شاف ساعة لقا لوقت وصل
ياسين ……. الواليدة الله يجعل لبركة الا ساليتو نوضو نوصلكم
حسن “حس بالوقت ضغيا داز” ……. مزال الحال اوليدي بقاو شوية
ياسين …….. راكم عارفين مزال شاد طريق يله نشد الباطو في الوقت
عمران طار طلع مشا البيتو جبد الكتاب ديال رسم وراه لخوه تبارك الله عندو الموهبة بقا كيتفرج معاه و يضحك

عمران ……. هدا كملتو و تاني يله رسمت فيه وحدة هدا خودو و تاني حتى نساليه و نعطيه لختي سامية
ناضو بضحكو كاملين شافوه حنين واخا صغير وقفو ودعوهم و وصاوهم ميغبروش مرة مرة يزوروهم سامية داها باها معاه لبيت جبد واحد جوا فيه الفلوس عطاه ليها فلول رفضات و مبغاتش تاخدو و لكن . .
حسن ……. هادو غير كادو د نجاح مترفضيهمش الله يرضي عليك
سامية”حشمات ترضها فوجو و شداتو” …….. واخا ابابا الله يخليك لي
حسن عنقها و لكلمة لي قالت متشرا متباع فرحاتو بيها حس براسو حيا من جديد خرجت لعندهم هابطة فدروج لقاتهم كيتسناو فيها ركبت و ديمارا ياسين نيشان لدار و صالحة تمنات هاد اللحظة طوال و متودعش ولدها وصلهم و طلع معاهم يهز لي Vاليز كان موجدهم و حوايج نور حتى هما
صالحة …… ولدي اجي معايا نهضر معاك مغنعطلكش
ياسين” تبع مو يشوف اش بغات” …… نعم اميمتي
صالحة ……. ينعم عليك الله اوليدي واخا ماشي وقتو ولكن خير البر عاجله بغيت نتكلم على نور ولدي الا عينك فبنت ناس دوي مع دارهم راه باينة فيها درويشة و الله يعمرها دار و ختك سامية غدير عرسها فراس العام جمع نتا وياها كلشي والله يسخر
ياسين “باس يديها و راسها” ….. الله يجيبنا فصواب اميمتي ان شاء الله خير المهم الا كانت شي حاجة نعلمكم فتلفون و وجدو لي خاص
صالحة رتاحت على وليداتها حسات بلي دارت لي عليها و كتر سلمت عليه و عنقاتو و رضات عليه و من دعاوي الخير سبقاتهم ليه ..

🌸 الجزء 153 🌸
⁦✍⁩بقلمي……………………زهرة محمد
*لا تخبئي الكلام*
أتمنى ان اكون ضوءا في اعماقك
و لا اشتهي تبديل تضاريس المصباح
فهل تقبل حبي ؟
و تمنحني تأشيرة دخول الى دورتك الدموية ؟
**
ابق كما انت ..عيدا
ستسعد بك النساء جميعا
بدل من أن تتعس امرأه واحدة !..
سلمى من بعد ما دارت المحضر بالكلب لي بغا يتعدا عليها شدوه و رجعو عيطو ليها باش يكملو الاجراءات فاقت طلات من شرجم لي فبيتها لقات الجو مغيم و فحال الا شتا غتصب مشات فرحانة دوشات و لبسات كلولون كحل و تيشورت نص كم و لبسات كاب خفيف فلخضر صاوبات شدتها المعتادة ديال لفولار و خرجات ركبات طوموبيلتها .. جات بكري على الموعد باش تشوف أسعد لي منساتش وقفتو معاها بجاذبيتو و تفاصيلو خلاو عقلها ميوقفش في تفكير فيه استأذنات الحارس لي على برا و خلاها دخل حلات لباب لقاتو حاني راسو خدام على شي ضوسي سدات لباب و هو ينتابه لوجودها سد الملف و ناض عندها
أسعد …… نهار كبير هدا تفضلي .. جيتي بكري على الموعد
سلمى “محشماتش منو” ……. جيت باش نفطرو بجوج نتمنى غير منكونش برزطتك
أسعد”عجبو الحال كيضرب بطراف صباعو على المكتب” ……… مرحبا اش حب الخاطر نفطرو هنا ولا على برا
سلمى “تكات على لبيرو بيديها بجوج و عينيها فعينيه” …… على برا حسن نخاف هنا ميدوزش لي
أسعد “هز تجاكيطتو و سوارتو” ……….. نوضي يله خدمنا بكري معاك
شد فيديها و مشاو بقات كتشوف يديها لي شاد فيديه لي كيف كيقيصها كتحس بقلبها كيضرب كتحس بيه حاميها مكتحسش بالخوف و هو معاها ركبت معاه و مشاو لأقرب مطعم دخلو ريحو …أسعد كان فاطر و حس براسو شبعان دار ليها خاطرها و عاود ضوموندا فطور ليهم بزوج و عينيها محركتهمش عليه كتشوف أسعد لي كان هادي دقايق في المكتب ماشي هو هدا لي قدامها
سلمى “بغات تخلق حوار و معرفت كيفاش دير”……… واش نتا لي كنتي دابا شوية في المكتب ؟؟
أسعد”تكا على الكرسي وضحك” ……… هههههه لا هداك ديال الخدمة و هدا “قرب و هضر حدا ودنيها” ديالك نتي
سلمى حسات بصهد واخا كاين لبرد قربو طلعات ليها الحرارة بغات غير لما ملقاتوش و أسعد كيضحك على رد فعلها شاف الفطور تعطل و استغل الفرصة يسولها ….
أسعد “بغا يحدد علاقتو معاها” ……. تصرفاتي و طريقة هضرتي كتبين احساسي جيهتك اما نتي مواضحاش واش مجرد صديق ولا شي حاجة اخرى معرفهاش ؟؟!!!
سلمى”جاتو لصراحة بلا ما تلف و دور” …….. فأيام قليلة خليتيني نفكر فيك و ليوم جيت بكري غير باش نشوفك هادشي كلو و مواضحش ؟؟؟

قاطع حوارهم سرباي كيحط ليهم الفطور كلامها خلاه فرحان دار سكر لقهوتو و داقها و حط لكاس فطاس و جاوبها
أسعد “شد يديها” ……. و أنا غنحاول نخليك مرتاحة معايا واخا خدمتي قاصحة شوية نتمنى غير تصبري معايا
سلمى “بتاسمات ” …….. معنديش مشكيل عارفة حبك لخدمتك كيفاش داير و عارفة كيفاش غتلقا الوقت و تجي عندي
هز يديها و باسها خلا قلبها كفرفر كتافت بابتسامة رضى و اعجاب و علاش لا حب بقاو كيهضرو و يزيدو يتقربو من بعض شوية سي ضابط بدا يعاود نكات حتى فمها عواج بضحك و صوت ضحكتها تسمع عند ناس و بداو يشوفو فيهم
أسعد “شاف تلفونو كيصوني” ……. نوضي الا ساليتي راه كيعطو راه تعطلنا هدا راه كيتسمى إستغلال السلطة
سلمى “كملات كاس د لعصير” ….. هههههههه اه صافي ساليت يله و السلطة كيمتلها حبيبي خاصني نستغلها أكبر استغلال
عنقها و مشاو خرجو مع لباب و أسعد عينيه لمحت شخصين حتى هما داخلين القهوة من لباب لاخر بقا متبعهم حتى غابو عن انظارو

🌸 الجزء 154 🌸
⁦✍⁩بقلمي……………………زهرة محمد
*لا تخبئي الكلام*
لن تنتهــي حكايه قلبــي معك
لأنني أدرك جيداً إننــي لن أشفي منك أبداً
ففي كل يوم جديد اعيش عشقك
وكأنـــي أحبك لأول مره
لماذا احبك …لست ادري ..؟
حبك نبض لقلبي … ايام عمري …
فهل تدرك انك قلبي ….يا قلبي ..؟
وانه طال انتظاري …,وصبري .؟
غيث ورانيا مشاو لوطيل بنواحي شفشاون بلاصة هاااادية و مريحة للأعصاب رانيا بزز باش تخلف الخطوة كتحس بتحتها مرة مرة يعطيها الحريق طريق كلها و هي نافخة عليه إلا مهضرش معاها متهضرش وصلو و هو شاد فيها بمعنى أصح مْعَكزة عليه كملو الاجراءات في الاستقبال و طلعو لغرفتهم يرتاحو غيث سد الباب و تلاح على سرير يريح ظهرو من ساعات طريق لي ضرب رانيا دخلات الحمام دير بيبي و شدها الحريق لدرجة لبكا من ليلتها و هي كتحس بالألم و كتقول دابا يفوت شوية يفووت و واالو توضات و خرجت و دموع على خدها لقات غيث كيجبد حوايجو بغا يدوش شافها هكاك لاح كلشي و مشا شد فيديها عاونها تجلس ..
غيث “بعدم فهم و خوف ” …… رانيا مالك ؟؟؟؟ علاش كتبكي؟؟!!
رانيا “مزيرة على قبضة يديها مقدااش تكلم و غير كتبكي ” ممممممممم اهئ اهئ
غيث “معرف ما يدير ” ……. حبيبة هضري عفاك قولي لي باش كتحسي !!!
رانيا”ضااغطة على هضرتها من الحريق” …….. كنحس بالحريييق مقدااش نوقف
غيث فهم الحريق ديالاش حيت طريق كلها معندها خاطر و كتمشا غير بشوية قاليها ترتاح و هبط بزربة يشوف الفرماسيان ياخد ليها مخفف الألم و هي حطات راسها كتحاول مديرش بالها مع داكشي لي كتحس بيه و بدات كتحسب دقايق و كتسناه غير يجي بدا الحريق كيخفاف شوية و غفات بيها عينيها رجع هاز فيديه صاشي فيها دوا دخل لقاها مغمضة عينيها هبط لمستواها كيدوز يديه على شعرها حسات بيه و حلات عينيها …
غيث ……. حبيبتي هاهو دوا نوضي دوشي “جبد ليها قرعة باش توضا” هدا خلطيه مع الما دافي و حتى تنشفي و ديري هاد بوماد داكوغ بب
رانيا ……. واخا صافي شكرا
عاونها حتى وقفت و جبدات حوايجها و دخلات لدوش حيداتهم و خلات الما يهبط على جسمها المتعب غسلات حالتها بشوية عليها توضات و نشفات كل عضو على خاطرها دارت لبوماضة و لبسات بيجامة لقطن صيفية سروال و لفوق ديالو فيه قلب لوسط و خرجات و المشية مزال مبدلة ليها شافها و ناض تاني شد بيدها وصلها لناموسية ..
غيث ……. كتحسي براسك شوية ؟؟!
رانيا”رادا ليه لومة كتقول هو سبابها”……. الحمد لله حسن من قبيلة..

🌸 الجزء 155 🌸
⁦✍⁩بقلمي……………………زهرة محمد
*لا تخبئي الكلام*
دوش حتى هو وخرج لحمو مزال مناشفش لاوي فوطة على نصو بالتلفة نسا حوايجو محطوطين على برا لقاها مخدمة تلفازة و كتفرج لبس تيشورت صفر بااارد خلا لفوطة و لبس لكالصون و شورط كحل بقا حاط فوطة صغيرة على عنقو هز تلفون تاصل بالخدمات يطلعو ليهم لعشا مشا تكا حداها و سولها
غيث “باسها فخدها” ……. حياتي كتحسي براسك مزيان ؟؟؟
رانيا ……… وي مزيان “تنهدات و سكتات”
غيث”دور وجهها لعندو بطراف صباعو” …… مالك ملي شدينا طريق و نتي قالبة علي وجهك مالي اش درت ؟؟
سؤالو كان كافي خلاها تخرج لي فخاطرها و هو مفهموش و خلا اولى لياليهم متوترة بهاد شكل لمرا مخاصها خاصها غير راجل يكون فاهم
رانيا …….. اش درتي ؟؟؟ لاا مدرتي والو كنسمع ناس كيساليو من العرس كينعسو يرتاحو و لكن نتا لا زربان فحال الا انا غنهرب واش لهاد درجة مقدرتيش تصبر
رانيا حسات بيه زرب عليها معطاهاش فرصة تفهم و تستوعب معنى ليلة الدخلة مع نشاط و العرس مفكرااتش بزاف فيها
غيث ” مفهمش لاش مقلقة”……. رانيا واش مقلقة على هادشي راه الامر طبيعي ا حبيبة علاش مكبرة الموضوع
رانيا …… بصح مكبرة لموضوع. . علاش نتا اش طرا ليك ؟؟ والو كنعرف ناس الواعيين كياخدو وقت فهاد المسائل ماشي سلم عليه زرب عليه
غيث “بدا كيتعصب ” ……. دابا لي وقع وقع لاش مصدعة راسك و مصدعاني معاك داك نهار تابعك تابعك هانتي تهنيتي دابا
رانيا “عينيها غرغرو ” ………. سمحلي الا صدعتك
ناضت بشوية عليها خرجات لبالكون كانت فيه طابلة جلسات و بدات تبكي بنت 18 عام كانت باغا تعيش الحب مع راجلها فليلتها لولة معااه حساتو زرب عليها كانت راسمة ليلة فدماغها وضرب ليها كلشي فزيرو معرفتش بلي راجل الا فات حتى بدا صعييب يحبس قلييل لي تيكتفي بالمداعبة جا العشا و خرج عندها وقف ورا لكرسي لي جالسة عليه هبط باس راسها و حط يديه معنقها قرب لودنيها و هضر
غيث …….. غتبقاي مقلقة من راجلك حبيبك مم سمحي لي مقدرتش نحبس راسي حتى انا كنت باغيك حتى ترتاحي و معرفتش اش وقع “وقف” كنواعدك نعوض لحبيبتي ليلتها “باسها فخدها” يله دابا نتعشاو قبل ما يبرد
رانيا ……. خلينا هنا الجو زوين نتعشاو هنا حسن
غيث”دار ليها خاطرها” …….. واخا احبيبة
مشا جاب لعشا و حطو فوق طابلة و جلس حداها كتفها على كتفو بداو بصلاد فيها روز يدير معلقة ف فمو و تانية فمها هو لي وكلها حتى سالاو و ختم لعشا بقبلة فشفايفها ناضو و خلاو داكشي فبلاصتو
غيث ……فيك ما تهبطي ولا باغا ترتاحي

رانيا ………. مكرهتش نهبط ولكن مقاداش خلينا نرتاحو
غيث” هز تيليكوموند كيقلب فتلفازة” ……… اجي نشوفو شي فيلم نتفرجو فيه “شافها غادا تغسل سنانها ” جبدي لي دياولي راه فصاك صغير
مشاو غسلو سنانهم و رجعو لفراشهم باش يرتاحو لقاو فيلم صيني بادي بداو يتفرجو فيه ملاهيين بيه على ما جاهم نعاس غيث مركز حتى قاطعاتو
رانيا “حركاتو”…… غيث
غيث “عينيه فتلفازة” ……. وي حبيبة
رانيا ……. عطيني تلفونك نهضر مع ماما
كان حداه عطاه ليها هضرت مع والديها هما لولين كيسولو على أحوالها واش كلشي مزيان بقات كتهضر مع ماماها كتوصيها على راجلها ترض ليه لبال و الهضرة الروتينية ديال اي أم سالات هضرات مع سامية لي غير سمعت صوتها بدات كضحك عليها و هضرت لبنات فهاد المواقف +18 و غيث غير كيهز فراسو كيسمع ليهم تبرزط مخلاتوش يتفرج على خاطرو طفاها و نعس و هي من الهضرة معيااتش ولا ملات حتى قفزها
غيث …….. غنشدو السهرة لكم ليوم
رانيا “مزال كتهضر فتلفون”…… سمسمتي غدا و نكملو بونوي
غيث”ناض و جلس مقندش” …….. سااعة ونتوما تهضرو و مزال غدا تكملو
رانيا “قربات ليه و حطات راسها على كتفو” …… وراه يومين مهضرناش احبيبي
غيث …….. نعسي نعسي بلا ما تجبديني تاني وأنا على سبة
نعس مسكين و كل مرة يتقلب عرفها مقصحة و عارف مخصوش يفورصي عليها بقا كل مرة يتقلب و يتنهد حتى داه نعاس

🌸 الجزء 156 🌸
⁦✍⁩بقلمي……………………زهرة محمد
*لا تخبئي الكلام*
ياسين و نور وصلو لإسبانيا و وقفو يرتاحو دخل لمحطة الاستراحة و سكت طوموبيل و رجع راسو وظهرو يرتاحو حس بودنيه مبقااش كيسمع بيهم حيد سمطة و دار عند نور لقاها ناااعسة و راسها ممقادش على زاج و بدا يفيق فيها
ياسين”كيجمع ليها شعرها لي مغطي وجهها ” …….. حبيبةديالي فيقي نوور “بدات كتحل عينيها على صوتو” يله احبيبة نهبطو ناكلو شي حاجة و نرتاحو يله فيقي
حلات عينيها واخا مزال فيها نعاس و بدات كتجبد فيديها بدات كتحس بعنقها معنز و مكتقضرش دورو دارت يديها على عنقها كتماصي فيه
ياسين “عينيه مراقبين حركاتها ” …… نور !! واش كيضرك؟؟
قرب و حط يديه كيماصي ليها بشوية خلاها ترتاح شوية بحركات يديه بدات كتصدر صوت كيدل على راحتها ….. غير حيت نعستي عوجة يمكن ؟؟!
نور …….. اه ننعست عوجة و محسييتش براسي متخافش دابا يفوتني الحال احبيبي “حطات راسها على كتفو وتخشات فيه” باقي في نعاااس
ياسين ……. إلا عيانة خليك نجيب ليك داكشي لي بغيتي و كوليه هنا
نور ……… لا غير خليني هاكا شوية و نهبطو ننسرح رجلي
ياسين “باس نيفها ” …….. خوودي راحتك احبيبتي
داز شوية الوقت و هبط هو وياها داخلي لريسطو صغير كاين تما كان ريح محرك شوية كانت 11 دليل مشاو بجوج لجهة الحمام قضاو حاجتهم و خرج هو لول كيتسناها حتى خرجات مقادة رااسها مشطات و زادت لعكر بتاسمات و شدها من خصرها و مشاو جلسو باش ياكلو كانت دنيا معامراش خدااو راحتها جا عندهم دري كيهضر بالاسبانية كان غيجاوبو ياسين بالإنجليزية حتى قاطعاتو نور شدات ليه فيديه و دوات معاه بلغتو عطاتو داكشي لي بغاو و مشا
ياسين “معجب من طلاقتها في اللغة”……… ههههههه كل مرة كتصدميني فيك شنو مزال مخبية
نور “دارت يديها على فمها كضحك” ……. خليك تكتاشفني بلا ما نحيد المفاجآت
ياسين …….. واخا الالة المهم نوصلو ان شاء الله و ترتاحي و ديري لي موعد مع خوك
نور …… و لاش بغيتيه ؟؟؟
ياسين “باس كف يديها” ……… بغيت نطلب منو حبيبتي باش تكون مراتي اش قلتي موافقة بعدا ؟؟؟
نور “قلبها بدا كيضرب ” ……. اه موااافقة هههههه
ياسين زاد قلبو فرح و طمأن حيت غيكمل حياتو مع البنت لي بغاها تحط لعشا و تعشاو في صمت وياسين هز راسو على يدين كيشيرو ليه من طبلة لي قبالتو كانت بنت شهبة و عااامرة كتلعب بشعرها كتغمز فيه و دوز لساانها على قنانفها خلاتو خنزر من تصرفاتها …
ياسين”دور وجهو و شابك يديه مع نور ……. لعمر ديالي نمشيو
نور”كتاكل فلون كراميل” …

نور”كتاكل فلون كراميل” …….. نسالي غير هدا ا حبيبي و نمشيو
لخرا مبغاتش تحشم كدير حركات جنسية مستفزة خلات ياسين ناض لعند نور و خدا بوسة من فمها و مع مداق الكراميل جاه بنين مسخاااش خلا خدودها حمريين واخا غفلها هي فرحانة بلجيست لي دار في الداخل ديالها رجع لبلاصتو مبتاسم خلاها كملات و هزات صاكها و ناضو مشاو

🌸 الجزء 158 🌸
⁦✍⁩بقلمي……………………زهرة محمد
*لا تخبئي الكلام*
مر أسبوع على وصول أبطالنا لفرنسا فهاد المدة تلقاو مرة هي فاش تافق معاها امتا يجي يهضر مع خوها .. ياسين مشا جاب سيزار من عند عصام صاحبو و منها شرب معاه قهوة حيت شحاال مشافو ولا هضر معاع هادي دوز معاه لعشية جالسين على كاس دلقهوة و فاتحو في القرار لي تاخد
ياسين “كمل جغمة لخرا ديال القهوة” ……. المهم وجد لي راسك هاد يومين تمشي تخطب مع خوك
عصام …….. صافي نويتي ههههههعع ؟؟؟
ياسين……… صاااافي الله يجعل لبراكة لواحد يدير ولادو
عصام ……. و امتا ؟؟
ياسين …… بعد غدا نهضرو مع خوها و نتافقو على كلشي باش فراس العام يكون العرس
عصام ……. الله يكمل بخير اصحبي “بدا كيطرطق صباعو ” بغيت نقول ليك شي خبار معرفتش واش وقتها ولا لا
ياسين “قرب فلحافة ديال فوطوي كيسمع ليه باهتمام” …….. اشمن خبار ياك لبااس؟ ؟؟
عصام ……. مشيت هاد الأيام لافاك و كانت سينا كتقلب عليك تما و سولاتني عليك
ياسين”تصدم” ……… كتقلب علي؟ ؟!!! اش بيني وبينها !!!
عصام ……… بررد و معندك لاش تعمر بيها راسك انا هضرت معاك غير حيت خاصك تعرف فكر فخطبتك و صافي
ياسين طاحت على راسو مطرقة مكانش ضااارب ليها حساب برزطاتو خلات راسو مصدع ناض ودع صاحبو و جر كلبو و خرج مشا لدارو دوش و رتاح ولكن منين تجيه راحة وهو عاااارف سينا مجات و الا غتجبد ليه غير المشاكل ساس راسو من أفكار إبليس و ناض ينعس
صبح صبااح لجو مشمس و غزال و على صوت منبه تلفون ناضت نور كتجبد فبلاصتها حطات صبعها على تلفون و رجعات ضارت لجهة أخرى دازت 5 دقايق رجع صونا تلفون من جديد خلاها تنوض هاد المرة كتنتر غير بوحدها مشات تجر فرجليها لحمام غسلت وجهها و قضات حاجتها و رجعات لبيتها خدات تلفون تاصلات بياسين تلفون كيصوني…
نور” كتجبد الحوايج لي غتلبس”…… صباح الخير حبيبي
ياسين “فاق على صوت تلفون” …… صباح نوور حبيبة سافا؟
نور ……. مزال ناعس ؟؟!! المهم قلتي لي نفيقك هانا فيقتك
ياسين ……. شكرا الغزالة ديالي غنوض داابا حيت عندي واحد الغراض
نور …… اوووكي حتى تسالي و تاصل بي واخا
ياسين “جلس كيحك فعينيه و يتفوه” …. المهم نقدر نتعطل نسالي و نتاصل بيك تهلاي فراسك كنبغيك
قطعات معاه و لبسات بزربة باش تخرج هي و غيثة ياخدو لي خاصهم و تشري كسوة جديدة باش تلبسها فاش يجي حبيب القلب يهضر فيها بغات تبان فعينيه زوينة دارت مكياج خفيف و لبسات خرجات من بيتها لقات ختها واجدة و كتسنا فيها……

تقداو لي خاص غيثة بغات ديير عشا عصري داكشي خفيف ضريف دازو محل مختص فكساوي المناسبات شرات كسوة حمرا فوق ركبة جات مع فورمتها كملو لي خاص و ريحو فقهوة

🌸 الجزء 159 🌸
⁦✍⁩بقلمي……………………زهرة محمد
*لا تخبئي الكلام*
ياسين بلا عكز ناض يدوش باش يفيق و يحل عينيه لي مزال مغمضين بنعاس كيحس براسو تقييل مناعسش مزيان و ماشي في المود كيحاول ينشط راسو بزز وقف قدام المرايا قااد لحيتو بالمقص نقص منها دخل حل رشاشة دْوش بما داافي و خرج نشف حالتو و لبس دجين و قميجة بيضة نص كم تريح بالعطر ديالو و مشا عطا لسيزار ماكلتو و حط ليه لما …. هز سوارتو و خرج يفطر و يبدل الجو على برا ركب طوموبيلتو و موضوع سينا بقااا كيضور ليه فراسو خربقو ديال بصح وهو عاارف نور الا مشات حتى ساقت لخبار لشي حاجة فحال هادي غيكبر المشكل و علاقتهم غتهز واخا لي كان بينو و بين سينا سالا …..
شاف راسو بوحدو و فكرة غتبقا تديه و فكرة تجيبو تاصل بصديقو يفطر معاه بقا يصوني حتى جاوب
ياسين “مقوص حواجبو كتر من شيطان” …. فينك اصحبي واخا تكون ميت
عصام ……. كنت كندوش مسمعتوش امالك؟؟؟
ياسين …….. يله طلق راسك لبس وخرج انا كنتسناك برا نفطرو بجوج
دازت نص ساعة عاد خرج لابس تيشورت بلو غوا و سروال دجين داير نضاضر شمس مشا عندو بخطوات تابتين حل لباب و طلع
ياسين “مل من الانتظار”……. واخا تكون كتنكف اصحبي و متعطلش قد هاكا
عصام ” كيضحك حتى بانت ليه ضرسة لعقل” ……. بشوية علينا اش تابعنا !!!
ياسين “عينيه على لي وراه عطاه طريق” ….. تاابعنا باغي نمشي لبنكة نقاد شي وراق و ناخد شي حاجة لنور شي كادو فحال هكا
عصام ……. ونمشيو نفطرو و نقديو شنو خاص يتقدا
عصام صبح على غيثة فميساج و جاوباتو علاقتهم مزال مخداتش منحى معين مرا يقرب منها و مرة لا كيجس نبضها و مزال مواضحاش ليه صورة وخلا الأيام توضحها ليهم بزوج فطرو و قداو غراض البنكة لي خدا ليهم وقت كبيير وصلات ربعة لعشية لقاتهم واقفين عند محل خاص بالمجوهرات خدا لحبيبتو سنسلة زويينة ب براسلي فنفس شكل و لموديل سالاو و مشاو عميين بالجوع وقفو حدا مطعم دخلو سدو جوعهم و خرجو يكملو سهرتهم فدار وصلو و كل واحد حل لباب و هبط سبق ياسين هز فيه بواطة كحلة كلاااس فيها لكادو حل لباب و دخل تابعو عصام لي سمع نباح الكلب و مشا عندو يلعب معاه حتى هو ولفو فاش كان معاه فهاد لوقت سيفط لنور ميساج بلي مع عصام فدار حط تلفون و سولو
ياسين ……. اتاي ولا قهوة
عصام”طلعات ليه القهوة فراس ” …… اتاااي و يكون مشحر
ياسين……. هي لولة مرحبا

عصام مشا جلس كيتسنا فأتاي يوجد و شعل تلفازة يشوف شي ماتش لكورة يدوزو بيه الوقت فلخر شد فيلم الاكشن و بقا يتفرج هز ياسين صينية أتاي و جا حداه عمر ليه كاسو و مدو ليه وهما كيتفرجو صونا لباب
كنعس و نفيق و نكمل ههههههههه لمهم

🌸 الجزء 160 🌸
⁦✍⁩بقلمي……………………زهرة محمد
*لا تخبئي الكلام*
الحياة لا تعطينا كل #مانحب ولكن من #يحبوننا بصدق هم من يعطوننا كل الحياة ..!!​
ياسين حل لباب و بقا كيشوف فلي واقفة معرفش لاش جايا و لا اش بغات ملامحو تبدلو فلحظة معرف يسد الباب فوجهها ولا يخليه هي كتبتااسم فرحانة بشوفتو فاق من الافكار لي كدوور فراسو على صوتها لي منسااهش
سينا …… بونسوااغ
ياسين معرف مايقول واش يجاوبها و لا يسكت بقا كيشوووف حتى شدها من دراعها معصب و خرجها برا و خبط وراه لباب حتى قفز عصام لي ناض تبعو يشوف مالو حل لباب لقاه موقفها و كيغوت
ياسين …….. تي اش كيقول ليك راسك راه نسيتك و خرجتك من بالي وجهك مبقيتش عاقل عليه
سينا “كضور عينيها فناس لي كتشوف فيهم…… عفاك هضر بشوية و خلينا نتفاهمو و لي بغيتيها هي لي غتكون
عصام وقف عليهم كيبان ليه ياسين غيطرطق و لي داز من حداهم كيبقا يشوف ياسين نسا راسو و بدا يغوت حتى هضر معاه صاحبو
عصام “حتى هو مخنزر معاجبو حال” ……. لهضرا ماشي فزنقة ا ياسين ناس كيشوفو
ياسين “خنزر فيها ” …….. سيري غبري قبل ما نخرج على طووعي…. والهضرة معاك سالات هادي شحااال
سينا واخا داز هاد الوقت باقا كتبغيه و كتموت على تراب لي كيمشي عليها و مفقداتش الامل واخا كل مرة كتحااول كيصدها قلبها عمر و مبقا عندها فين تزيد دموووع سخاان هبطو على خدودها كيبينو على العافية لي شاعلة فقلبها صافي فقدات الأمل و تأكدات بلي ياسين خرجها من قلبها و عمرها مزال ترجع ليه …
عصام”قرب عندها بقات فيه و كيحاول يفهمها بالتي هي أحسن ” …….. شوفي ياسين دار حياة جديدة والا بصح كتبغيه نسايه و حتى نتي شوفي حياتك
ياسين بقا بعيد مربع يديه و حواجبو مكرونين كيشوف فيه شاد ليها لخاطر و كيشرح ليها
سينا “كتحس بروحها كتقطع شوية بشوية ” …… واش صااافي نسا ربع سنين دازت بيناتنا كان كيبغيني واش عارف شنو هي ربع سنين نتا معارف وااالو اهئ اهئ ميمكنش ينسا لي كان بيناتنا خليني نهضر معاه عفااك
عصام …… اوا ملي كتعرفيه ملي كيكون معصب راه مغيهضرش معاك غير سيري و من الاحسن مترجعيش
عصام حاول يشرح و يفهم و لكن معاامن كيدوي شجر و لحيوط يفهمو و سينا مدخلاتش هضرتو باش تخرجها نسات ملي الواحد كيتجرح كيبقا عاااقل على مولاها حتى كيجي لي كيداوي ليه جراحو ياسين قلبو كينبض غير لنور و كيشوف فيها حبيبتو و مرتو و ام ولادو
و هو مزال بعيد عليهم حتى حس بيد تحطات على كتفو خلاتو يدور عندها و يلعن حظو لي حطو فهاد المصيبة الكحلة
نور “باستغراب ” …… حبيبي !!!

🌸 الجزء 161 🌸
⁦✍⁩بقلمي……………………زهرة محمد
*لا تخبئي الكلام*
تثق بالحب “لا يوجد حبّ يستحق فرصة أخرى ، الحب الحقيقي يفرض نفسه من الفرصة الأولى”
نور كانت باغا تفاجؤو حيت توحشاتو و قالت تشوفو و تعطيه شي حاجة شراتها ليه و ياسين تفاجئ ديال بصح سلمات عليه و عينيها على عصام و سينا لي بعاد عليها كيهضرو معرفتش شكون هي دورات عينيها كتشوف ياسين كيبان ليها معصب و محاملش راسو سولاتو مالو؟؟ و بلا ما يجاوبها شد فيها و دخل هو وياها لدار سينا شافت لفيلم لي داز قدام عينيها و تبعاتهم و دخلات بلا ما تستأذن ضحكت ضحكة ممفهوماش و تفسيرها الوحيد انها كضحك على راسها شافتو شاد ليها فيديها و تأكدات راه صافي خسرات ياسين عصام واقف بقلة حيلة كيشوف هاد ليلة كيف غتسالي ياسين زاد تعصب و صوتو علا
ياسين ………. هضرة وحدة راني هضرتها خرجيي
سينا “طلعات نور و هبطاتها ” ……. مجاتش نخرج قبل ما ندير الواجب مع الآنسة
نور “واقفة و مفاهماش اش طاري غير كضور عينيها و تشوف” …… ممكن نعرف ااش واقع ؟
سينا” مدات ليها يديها ” ……. سميتي سينا حبيبتو و كنا مخاصمين و معصب مني كنت باغا نصالحو حتى جيتي “شافت فياسين” يااك !!
نور معرفاتش راسها واش في حلم ولا فعلم كمشت عينيها كتسول دماغها واش الهضرة لي سمعت بصح و لا غير تهيأ ليهااا
ياسين”شد فيديها وقربها عندو هضر بينو و بينها ” …… حبيبة هادشي كان شحااال هادي قبل ما نعرفك متديش على هضرتها الله يرضي عليك و نتي بااركة من هضرة البراهش
نور ” بدات كتوضاح ليها صورة” …… ااوا الا نتي حبيبتو انا خطيبتو لو كان بغاك ميكونش معايا و الا عندك شي كرامة لباب محلول خرجي من غير مطرود
سينا هبطات عينيها لأرض و هزاتهم فياسين لي كان كيتسنا غير امتا تعطيه بظهر و تخرج مع لباب كانت نظرتها الاخيرة ليه حيت عمرها غتشوفو مزال تاني درات جوج خطوات حدا نور و بتاسمات
سينا …….. تهلاي فيه كنت نتمنى يكون باقي لي الحق فيه “صاطت الهوا من فمها” ولكن هو من حقك فرصتي معاه ضيعتها
مسحت دموعها و خرجت مشات بلا ما تودعهم بقلب كينزف على حب عمرها نساتو نور جلسات كتحاول تفهم هاد دراما لي واقعة عصام ودعهم و مشا فحالو ياسين سد وراه الباب و جا حداها
ياسين “كيدوز يديه على ظهرها”…….. حياتي شوفي في “شافت فيه و كمل كلامو ” كنبغييك و مبغيت حتى حاجة تأثر على حبنا غدا أول خطوة نبنيوها بجوج باش نكونو مع بعضياتنا متخليش هادشي لي بنيناه يتهز
نور ” تايقة فيه و بلا ما تردد عنقاتو ” ……….. كنبغييييك احبيبي وانا كنتيق فيك و عينيك قالو كلشي بلا ما تتزيد تشرح
خرجها من حضنو لقاها مبتاسمة و عينيها هايمين فيه عض على فمو مقدرش يقاوم نظرااتها لي فشلوه و خلاوه ياخد قبلة من شفايفها تبرد ناار لي فقلبو شاعلة من جيهتها و نور خدودها خداو لون بلعمان من الحشمة
ياسين”حس براسو تولد من جديد في لحظة فكر راه صافي خسر نور ” ……… كنبغيييك ا عمري❤

🌸 الجزء 162 🌸
⁦✍⁩بقلمي……………………زهرة محمد
*لا تخبئي الكلام*
ياسين و نور من بعد ما تقدم ليها و خطبها من خوها تافق هو و ياها تكمل دراستها في فرنسا و فنفس الجامعة لي خدام فيها و دابا مبقاش عندها حق الاعتراض حيت ولات محسوبة عليه سالات أشهر و الصيف و دخل الخريف … الدراسة و الخدمة بداات و الكل مشغول ياسين علاقتو بالخدمة فحال علاقة دري صغير بمو تيكمل الحصص لي عندو و كيمشي لدارو اما الا كانو خارجين فنفس الوقت كيتسناها حتى يوصلها معاه و نهار على نهار المعجبات عاااد مكيتزادو شيء لي خلا نور دووق طعم جديد فعلاقتها مع ياسين طعم الغيرة كان غييير واخا كتحاول تضبط راسها ولكن مقدراتش حتى لواحد نهار دخلات عندو الحصة و جلسااات قدام عينيه حاطة مذكرة قدامها كترسم فيها كيف موالفة دخل ياسين بكاريزمتو المعهودة يله حط محفظتو فوق المكتب و عينيه على طلاب لي عندو كيحاول يحفظ وجوههم و يعرف شكون مواظب على الحضور حتى جاو عينيه فعينيها متوقعش حضورها بالمرة بتاسم و جمعها في الحين نظف صوتو و وعلن على بداية الحصة مع أول كلمة نطقها نور ساافرااات و سهااات فيه كأنها أول مرة تشوفو تفكرات ذكراياتها معاه في المدرج تفكرت شحال بكات و شحال خدمات و حلمها معاه حققات دازت ساعة في الشرح و الطالب لي حدا نور تيكلمها و هي مزال عقلها مبنج مع لي سارق قلبها و ملي شافها مسمعاتوش مد يديه باش تنتابه ليه ضارت و بتاسمت ليه و مفكراتش فلي عينيو قرطاس عليها شافها كتهضر و الغيرة كلاتو حيت مكانش كيهضر معاها فنطاق الدرس وقف الشرح و نادا بإسمها
ياسين “واقف مخنزر فيهم بزووج ” … …. آنسة جمعي أدواتك و رجعي لور مجاايينش نجمعو
نور برد ليها لما فركابي بلا ما تجاوبو جمعت أدواتها و خرجات مغادرة القاعة حسات بالاحراج حيت عاملها بديك الطريقة سالا و خرج يشوف فين وصلوها رجليها لقاها واقفة حدا باب طوموبيل ورك على كونطاكط حل لبيبان و مشا ركب و ركبت حداه مغوبشة دايرا فيها ظلموني ركبات سمطة قالبة عليه وجهها زاد مع طريق مدواش معاها حتى قرب يوصلها لدارها و وقف طموبيلتو و هضر معاها كيعاتب
ياسين “كيشوف قدامو”….. نتمنى هادشي لي شفت ليوم منبغيش نشوفو مرة أخرى … جون بزز باش سرطتو متزيدينيش صداع راس مفاهمين
نور “كلامو جاها قااصح” …….. مممالي ااش ددرت هو لي هضضر معايا “طاح عليها ضيم ” وو ننتا ااش هاديك طريقة تتهضر ممعايا اهئ اهئ

نور مولفة الفشوش على يديه و مرضاااتش يتصرف معاها هكاك حسات بيه نقص منها لهضرة تقالت و حروفها خرجو مبعثرين ياسين شافها هكام و خافها ترجع تتلعثم من جديد قرب و عنقها وهي عاد أطلقت لعنان لدموعها حتى هي عنقاتو و بقات مخشية فيه بقا كيدوز يديه على شعرها باش تزيد ترتاح
ياسين…….. مقصدتش احبيبة كنعتااذر ااااخر مرة واخا محسيييتش كيفاش هضرت
نور …….. وي عاارفة
هزات راسها فيه لقاتو مزال مقلق زعمات و كطريقة جديدة في إعتذاار باستو فخدو و هو مكانش من العاكزين بتاسم و حط يديه على ذقنها تبتها مقابلة مع وجهو ….مقنعاتوش لبوسة لي عطاتو و خداها بطريقتو هبط لشفايفها كيدوق حتى هبط راسو مبقاش هزو خلاها داايبة بين يدييه مغيبة على دنيا..

🌸 الجزء 163 🌸
⁦✍⁩بقلمي……………………زهرة محمد
*لا تخبئي الكلام*
أكثــر أنــواع الحـــب عــــذاب: هــو مــن تحبـــه أنـــت بجنــــون فيكـــون مصيبتـــك العظمـــى حيــن يــدرك حجـــم هـــذا الجنـــون فيتفنـــن فـــي إيذائـــك وكأنـــه ينتقـــم منـــك لأنـــك أحببتـــه
رانيا دوزات شهور دزواج على إيقاع روميو و جوليات و كل مرة دايرة لغيث مشكلة فلون يتعصب و فلخر يقلبها ضحك معاها بداو يولفو على بعضياتهم كل وااحد كيدير لي فجهدو باش يخلي لاخر فرحان غيث واخا كيدوز سيمانة كلها في الخدمة و مشغول كيخلي سبت و لحد ديالها كيخرجو ولا يبقاو فدار على حساب كانتهم ممخليها مخصوصة من حتى حاجة المستوى لي مولفة فدار باها لقات ما كتر منو … سامية و رانيا دارو مدرسة وحدة ديال التسيير و التدبير مجاوش فقسم واحد كل وحدة فقسم مرة مرة يتشاوفو و يهضرو واخا قلالت ماشي كيف كانوو رانيا على ود قرايتها و باش متحملش ملي تزوجات و هي كتشرب لبيلول باش تكون مرتاحة واحد شوية حيت عرفت الا حملات غيصعاب عليها الامر …..كانت أيامهم روتينية حتى جا نهار لي غيث غيقيم دنيا و ميقعدهااش …
صبح صباح كان لويكاند مكينا خدمة عند غيث بقاا جاابد عليه بدات كضربو لفيقا سرح يديه فنموسيا ملقاش حداه مرتو ناض جلس يحك فعينيه حتى حلهم و ناض جار رجليه لحمام غسل وجهو و مشا يشوف رانيا اش كدير لقاها سالات لفطور جات تعيط ليه حتى لقاتو قدامها
رانيا”بابتسامة” …….. صبااح الخيرر
غيث ……. صباااح نور حبيبتي شتك فايقة بكري اش تم؟؟
رانيا ……. بغيت نوجد كلشي و نقاد ليك لغدا و نمشي نشوف ماما كون غير جيتي معايا نتغداو و نجيو
غيث “باس راسها” …… غير سيري احبيبة حتى لعشية و نجي نجيبك
فطرو كيف مولفين و ناض جمع معاها مشات لبسات حوايجها و خرجات مع توصياتو ترض لبال لراسها بقا وراها يخرج من البيت و يمشي لصالون يدور من هنا و هنا كيلاهي صداع لي فراسو و كيحاول مياخدش لكينة ولكن لحريق زااد عليه و مشا لفرماسيان لي في لكولوار يقلب ملقااهش تفكر آخر رانيا خدات منو و مشا يقلب فبيت نعاس ككيقلب فالمجر لقاه و هزو غادي يدوبو فلكاس حتى جات عينو على بواطة ديال دوا مخبية هزها مستغرب كيشوف فيها قراها و عرفها بيلول ديال الحمل كمشو و ناض يتخبط معاجبو حاال حس بلي برجولتو تقاصت متشاورات معاه معلماتو دارت لي قاليها راسها مهامها حد كانت هادي هضرتو بينو و بين راسو كيحااول يسيطر على غضبو باش ميتصرفش تصرف لي يندم عليه ولكن مقدرش لي لقا قدامو زف بيها هرسها محس براسو اش كيدير حتى صونا ليه تلفون

رانيا وصلات لعشية و شافتو متاصلش بيها كيف موالف و تاصلات هي باش تعلمو يجي ليها صونات ليه و كيف سمعت طريقة هضرتو ناضت وقفات
غيث “ضاااغط على سنانو و كيهضر”……. داااابا تشدي طاكسي و تجي دااابا “وقطع”
رانيا بدات تقفقف معرفتش ماالو بابتسامة مزيفة دعات دارهم و مشات تجري خدات طاكسي عفطة وحدة حتى لدارها حلات لباب و لقاتو جالس فصالون كيهز فرجليه من الاعصاب حطات صاكها ومشات لعندو بخوف تقدم رجل و تعطل ختها حتى وقفات قدامو
رانيا …….. غيث مالك ياك لباس “كتشوف فجنابها ” ششكوون هرس هادشي
غيث بقا كيشوف فيها شي شوفات ممفهومينش معرفاتش اش مقلقو و سكوتو زااد خلعها حتى كانت غديرها فسروالها رجعات سولاتو و صوتها كيترعد
رانيا …….. راني سولتك مااالك ا غيث ؟؟؟
غيث شافها و تفكر اش دايرا و كيزير على قبضات يديه خايف لتفلت ليه نااض ساااخط قدامها جرها من يديها مدخلها لبيت نعاس يجاوب على سؤالها..

🌸 الجزء 164 🌸
⁦✍⁩بقلمي……………………زهرة محمد
*لا تخبئي الكلام*
غيث ركب عليه شيطان و عما ليه عينيه خلاه يتصرف بلا عقل بقا شادها من دراعها و مزير عليها وهي ترعد فحوايجها معارفاش مالو عقلها مكفكرش غير كتشوف فيه هز لفنيد و قابلو مع عينيها كيهضر و كشاكشو خارجين
غيث ……… فهمييييييني هدا لخراا اش كيدير عندك لااااااش كتشربيه ؟؟؟
رانيا “حسات بيديه تغرسو فدراعها و من صدمة دموعها منزلوش و معرفت باش تجاوبو” ……. ششوف ميمشيش باالك بعيد ااانا خديتو غير حيت مزال كنقرا و قلت باقي الحال على لولاااد و خفت نحمل و منكملش قرايتي
غيث …….. و انا شنو “زاااد غوت” شنووووو انااا تلت شهور و انا فدار غفلون و انا كنقول بلا ما نبرزطها بموضوع لولاد نهار يكتاب ربي يجيبهم و نتي الالة كتشربي فهاد سم باش تقراي على راحتك “ضحك باستهزاء ” انا غير زايد عندك معندي رأي يااااك
رانيا “الخوف تسلل لقلبها ” ….. عفاااك غير تهدن انا والله مقصدت اغيث ياك حنا تافقنا نكمل قرايتي واخا نتزوجو
غيث “جهلو كلامها وباش ميضربهاش خشا يدو فلمرايا طويلة ديال لبلاكار و من قوة ضربة هبطاات طراف على الارض”……… تااافقنا تكملي قرااايتك حييييت نتتي بغيتتتي و قلت ماااشي مشكيل منحرمهاااش و نتي اش درتي حاارماني من اني نوليي أب معاااامن تشاورتي تااااخديه ..
رانيا بداات كتحس بحجم الغلطة لي بلا ما تقصد طاحت فيها هي مفكراتش بلي الموضوع غياخد هاد المنحى فحياتهم معرفاتش بلي أي حاجة بين زوج مزوجين سواء كبيرة او صغيرة خاص ياخدو رأي بعضياتهم فيها حيت الحياة بيناتهم مشتركة مفيهاش رأي واحد عينيها خرجو ملي شافت دم فيديه كيقطر على الأرض شدات ليه فيديه تفحصها و نترها… الالم لي فيها كيف واالو مع الجرح لي حس بيه فقلبو شافيها شوفات باردين و هضر
غيث”قلبو ضرو حيت هو كان على عكسها هي كيشاورها حتى فشنو يلبس” ……. اوا الالة ملي نتي كتاخدي شوار راسك و مهااامك حد يعني وجودي زايد ناقص عندك
دفعها و مشا هز سوارت طوموبيلتو و خرج خلاها تعرف الغلط لي دارت خبط الباب حتى تزعزعو الحيوط خرج يبرد حيت خاف يخرج شي كلمة لي يندم عليها ولا ميسيطرش على خفة يديه رانيا سمعت خبطة لباب حسات روحها خرجات و رجليها فشلو عليها مقدراتش تبقا واقفة جلسات فوق سرير تستوعب اش وقع وسط ديك روينة وقطرات دم وزاج لي منثور فكل بلاصة حبسات دموعها حتى عيات و لكن مقدراتش وبلا سابق إنذار هبطو عشرة من العين شدات وجهها بين يديها تنخصص و تبكي بقا فيها جرحاتو و الكسرة لي كانت فعينيه قالت شحااال من حاجة بغات تاصل بمها
تعاود ليها و تفتي عليها شي ري ولكن في آخر لحظة تفكرات خاص تفك مشكيلتها راسها بلا ما يدخل حتى حد ناضت و دموع على خدها جابت شطابة و لبالة جمعت داك زاج و نقات لرض من دم مشات خدات تلفونها كتصوني ليه مكيجاوبش زادت تبكي على حالها راجلها خرج و معرفت فين مشا …
غيث ركب طوموبيلتو و بقا يخيط فشوارع المدينة حال شرجم لي حداه و البرد كيضرب فيه محسش بالوقت كيسمع تلفون كيصوني و كيخليه حتى يقطع…

#تتمة
رانيا وصلات عليها 12 دليل و هي مزال حالة عينيها مجاهاش نعاس و هو مزال مدخلش كدور في لبيت و مرة مرة تهز عينيها تشوف ساعة لي معلقة فلحيط و تهضر مع راسها
رانيا …….. وييلي يا ميمتي فين مشا “بغات ترجع تاصل” كووون غير جااوب يااربي
حتى سمعاات لحس في الباب و خرجات تجري حلاتو كان غيث باينة فيه عيان دخل بلا ما يتكلم مشا نيشان لبيت نعاس هز حوايجو و لفوطة و دخل يدوش تبعاتو لقاتو دخل لحمام و جلسات كتسناه يخرج باش تعتااذر منو لحظات دازو عليها ساعات حيت معارفاش ردة فعلو فاش غطلب منو سماحة خرج لابس شورط كحل و لفوق تريكو خفيف فلبيض ديال القطن و عااقد حواجبو شافتو كيشمر بنيفو من الهوا باينة ضاربو لبرد و علامات الخوف واضحين عليها حتى بدا كيعطس …
رانيا …… غيث مالك واش ضربك لبرد ؟؟؟
غيث “بجواب ناقص” …… ماشي مهم ..
رانيا “مشات لعندو و حطات يديها على جبهتو” ….. راه راسك سخون كيفاش ماشي مهم
مشات جابت ليه دوا مدوباه فلكاس ديال رواح و مداتو ليه شدو من عندها و حطو حداه فلكوافوز ودخل في فراشو بغا ينعس و تخشات حداه وهزات يديه و حطات راسها على صدرو …
غيث …….. حيدي ارانيا سيري لبلاصتك راني عيان
رانيا “دارت راسها مسمعاتوش” ……. هادي هي بلاصتي من نهار تزوجنا و نتا كتقول لي بلاصتك هنا”تنهدات و كملت كلامها” سسمح لي احبيبي والله ما قصدت نجرحك مولفة نشاورك غير هادي غفلت عليها “عونات بلبكا باش قلبو يحن” اهئ و نتا عارفني مكنقدرش نقلقك “شافتو متسوقش و بقا فيها الحال و هاد المرة طيحتهم ديال بصح حتى تخنقت ” غ يث ععفاك آ ااخر ممرة وو الله منعاود ااااهئ
غيث “شافها تخنقات و ناض جلس خايف عليها” ….. صاافي حبسي من لبكا دابا تخنقي تاني و مافي لي يجري بيك فسبيطارات
عنقها كيحاول يخليها تهدن و هي زادت عنقاتو و بدفا حضنو حسات و علاش لا و هي بين أحضان راجلها و حبيبها لي كتحاول تراضيه بشتى طرق
رانيا “باقا حاطة راسها على صدرو كتسمع دقات قلبو” …….. ياك كنتي مواعدني عمرك تنعس و نتا مقلق مني “شافت فيه لقاتو مرجع راسو لور و مغمض عينيه ” غيث !!
غيث “حل عينيه” ……. شنو
رانيا ……. باقي مقلق مني؟؟؟
غيث ” تنهد ” ………. سيري تنعسي ارانيا راه فات الحال
رانيا “مبغاتش تخليه ينعس ناضت و قربات منو و هضرت بشووية و كدوز صبعها على صدرو كتشوف فصبعها و كتهضر
رانيا ……… غتنعس و نتا مقلق مني مم
غيث “معرف فين يصد واش لسخانة لي طالعة ليه ولا صهد لي بادية فيه رانيا” ……. ن نعسي ا رانيا
بقات كتلعب بصبعها فداتو حتى حساتو تبورش و زاادت قربات لعندو و بشوفاتها فسميتو نساتو زادت زعمات حطات شفايفها على شفايفو لي حساتهم سخاان شدها من ظهرها و قربها منوو كيفرغ غضبو و حبو لكبير فلقبلة… كل واحد ممخليش من حقو شاف راسو معنكش و ناض دارها تحتو باش يحكمها و قبل ما يكمل داكشي لي بداتو هضر معاها..
غيث …….. الا كان هكا الاعتذار غنبقا مرة مرة نتقلق باش تصالحيني
بتاسمات و هي مدورة يديها على عنقو و كتلعب فشعرو رجع دفن راسو فعنقها عاارف نقطة ضعفها كيخلي صوتها يعلا و تمنى يرحمها و ساافرو فعالم حبهم بلا تذكرة .. .. ❤❤

🌸 الجزء 165 🌸
⁦✍⁩بقلمي……………………زهرة محمد
*لا تخبئي الكلام*
فمطار (………..) واقفة و عينيها كتقلب فكل بلاصة ملقاتوش قالت تسنا شوية دازت ساعة و كاااع لي وصلو معاها مشاو و هي الغادي و جاي جابو ليها دوخة …. إحساس الانتظار تملكها و عرفاااتو شحال ممل بقات كتسنا فيه يجي ولكن أسعد تعطل عليها قاليها غنكون قبل ماتوصل طيارتك بقات كتقلب متمنيا يبان ليها و لكن أمالها خاب ملات وهي واقفة فلخر جرات باليزتها متوجهة لبوابة لخروج معصبة و مشايفاش قدامها تخبّط فرجليها باغا غير تمشي من تما وعينيها على شي طاكسي تركب تمشي فحالها تصرفو عصبها بقات كتعايرو فخاطرها حتى بدات تهضر مع راسها
سلمى “واقفة على الرصيف و قدامها باليزتها ” …….. والله إلا مزياان نستااهل دايرة راسي فبحاالو كون خليت بابا يستناني حسن لي …
الغصة ممصروطاش ليها دقايق وهي على داك الحال وقفات طومبيلتو حدا رجليها مشافتش جيهتو حيت معرفاتوش…. هبط وقف قدامها مبتاسم وضاحت صورتو قدامها ضربت فيه و دازت منخلاه و سي ضابط قفرها خاصو يستسلم امام اي تصرف غديرو تبعها ….
أسعد ” كيحك ذقنو و تكلم” ……… حبيبة غير طلعي و نشرح لك
سلمى “شدات فيديه بغات تحيدها” …… مبغاااش نسمعك و من الأحسن تمشي حيييت معصبة منك
أسعد …… عاارف عارف غير ركبي و غوتي كيفما بغيتي
سلمى”وقفات طاكسي” ….. سير خلللييني نمشي فحاالي
أسعد “هضر مع سيد مخنزر ” …… غير سيير هادي مراتي و انا لي غنوصلها
سلمى …….. من امتا مرتك ؟؟؟؟ تزوجتيني و انا فلحلم ومفخباريش
أسعد ضرااتو كترة الهضرة فراسو نتر منها باليزتها وشد فيديها جااعر و جرها وراه و هي مع طالون ولات تنقز و ساكتة شافتو عكدهم و بدات طلب سلة بلا عنب ركبها و حط لباليزة لور ومشا طلع لبلاصتو مغووبش عصباتو ديمارا وزاد بلا كلمة ولا جوج حاضي مع طريق بقااو غاديين نااسي لي حداه لي دموعها هابطين معجبها حال شادة معصمها لي ولا حمر و ضرها واحد شوية دخلو المدينة و وقف فضو شاف بنص عينيه شاف دموعها و مدار حتى ردة فعل و هو فلداخل ديالو مبرزط….. مااشي لخاطرو تعطل عليها وصلو حدا ريسطو شيك و طلب منها تهبط ..
سلمى “بملامح ظاهر عليها لعيا ” ……. مفيا لي يهبط غير ديني لدارنا
أسعد”بدا كيضرو راسو” …….. راه هاد العناد ديالك كيعصبني و هبطي رتاحي و نوصلك
بقات كتشوف فيه و فلآخر حطات يديها على بوانيي و هبطات عندو شد فيها و قطعو شارع داخلين من باب اوتوماتيكي كان ريسطو دافي شوية كان وقت لغدا وصوت لفراشط و لموس هما لي مسموعي جلسو بهدوء وأسعد معنقها

كنوع من الاعتذار منو شاف يديها لي حمرا من لقبضة ديالو هزها و باسها
أسعد “مقرب منها و ريحة بارفانو ضاربة فنيفها”…….. سمحلي مقصدتش نتعطل خسرات لي طوموبيل و بقيت كنتسنا تصاوب “عاود باس يدها من جديد” نعوضها ليك غير متقلقيش
سلمى “قدرات الموقف” …….. صافي ممقلقاش
أسعد……… و إلا ممقلقاش وريني ضحيكة ديالك
بتاسمات و حطات راسها على كتفو حسات بتعب و فحضنو رتاحت غمضات عينيها و لمساتو كدوز على دراعها
أسعد …… مقلتيش لي كيفاش داز المؤتمر ؟؟!
سلمى ……. داز مزيان ستافدنا منو “تنهدات ” خلينا ناسيين الخدمة و قوليهم يجيو راه في جوع
أسعد نفذ كلامها بلا ما يتعطل عيط للنادل خدا طلباتهم و لحظات رجع و هاز فيديه طلبهم حطو و تمنى ليهم شهية طيبة و مشا أسعد شاد فيها كيف مولف
أسعد ……… واش مبقاوش كيعطيو لماكلة فطيارة؟؟؟
سلمى “صرطات ماكلتها على خاطرها و جاوباتو” …….. والا هاديك بالنسبة ليك ماكلة انا كنعتابرها غير مقبلات
أسعد ……. ااااه “قرب حداها و تكلم” وإلا هاكا غنخاف على راسي تاكليني
سلمى…… هههههه “هضرت بشوية” وإلا كنتي بنيين علاش لا
أسعد “مجمعش فمو بضحك” …… هههههههههه متخافيش لحمي فتي يعجبك “غمزها ”
كملو وكل مرة يضحكو على كلمة قالها واحد فيهم ساالاو و وصلها وهو مساخيش فحال كل مرة كيوصلها هاكا دازت أيامهم و حبهم نهار على نهار كيزيد …

🌸 الجزء 166 🌸
⁦✍⁩بقلمي……………………زهرة محمد
*لا تخبئي الكلام*
سامية حبها لياسر غادي و يزيد معاملتو طيبة معاها خلاها تفكر دير اي حاجة تفرحو… ليوم موصلها المدرسة كيف مولف ملي كيكون مسالي حيت سيد ولا خدام و ممساليش شركة لي كان خدام فيها بدبي حلات فندق في المغرب و بالضبط في الدار البيضاء و هو المسؤول عليها وقف قدام المدرسة و بغا يودعها باش يمشي ولكن سمسمة كان عندها رأي آخر …
سامية”ضارت جنب و تقابلات معاه” …….. حبيبي اش درنا فداكشي لي قلت لك..!!
ياسر …… ماشي دابا اسامية من بعد سيري غيفوت عليك الحال
سامية”هزات حاجبها معرضة كلامو” …….. مغنمشيش الا مقلتيييش لي اه و دااابا
ياسر “استسلم قدام عنادها” ……. واخا واخا غير هبطي راه غتعطلي
باستو فخدو فرحانة حيت وافق على طلبها …سامية كل مرة طلب منو يجيب ليها طه منها يولفها و ما ينفرهاش من بعد و ياسر كان جوابو ماشي وقتو دابا ولا من بعد كان كيرفض بلا سبب هبطات دخلات تقرا وهو مشااا لخدمتو فطريقو تاصل بطليقتو فوقت الغدا تلبسو و توجدو باش يدوز من وراه وصل لخدمتو قاد شي وراق و هاكا دوز سوايع فلخدمة حتى شاف ساعتو لي فيديه لقا هدا هو الوقت ناض كيقاد vيست ديالو قاصد الباب خرج فكل يد سوارت و تلفون ديمارا و مشا يدوز يجيب طه فطريقو تاصل مرة خرا بفرح لي صافي رضات بأمر الواقع و عرفت كيجمعو معاها غير طه و أميرة هضر معاها يشوف واش واجد وصل و لقاه كيتسناه شافو و جرى عندو عنقو ..
طه “معنق باه و كيهضر حدا ودنيه “…….. بابا توحشتك خليني نمشي معاك و نبات راه ماما جمعات لي حوايجي
ياسر “باسو و جاوبو ” ………. حتى انا توحشتك و جيت نديك معايا
فرح “قاطعات هضرتهم ” …….. ي يااسر لباس عيك
ياسر “حط ولدو ورد سلام” …….. و عليكم السلام لباس عليك؟ ؟؟ أميرة لباس عليها
فرح ……. لباس الحمد لله أميرة ناعسة حتى دوز مرة أخرى و خرجها معاك صدعني بغا يبات معاك و جمعت ليه حوايجو
ياسر ……. ماشي مشكيل غير خليه يله الله يعاونك
فرح ……. بسلامة “كتوصي فولدها ” طه لبس جاكيط على لبرد “صيفطات ليه بوسة فلهوا و بقات واقفة حتى مشاو
سامية وصلات 1 سالات حصص هاد نهار و خارجة هازة صكادو على ظهرها و كتاب معنقاه كتهضر و كضحك مع لبنات وقفو على برا كيودعو بعضياتهم حتى سمعات صوت كلاكصون دورات عينيها شافت طوموبيلت ياسر واقفة فجهة لخرا ديال شارع بتاسمات ليه و قطعات كتزرب عندهم و طلعات سلمات عليه بلابيز و ضارت فرحانة عند طه كضحك باستو و بقات مجمعة معاه وياسر مستمتع بحواراتهم حتى وقف قدام

مطعم كبير فيه حتى فضاء للاطفال فين يلعب ولدو هبطات سامية و حلات لباب هابط طه كيتمختر فمشيتو فحال لكبار عاجبو الحال شدو فيه هي و ياسر لي شافهم يقول ولدهم دخلو و تغداو و طه مشا يلعب و جر سامية معاه هو كينقز و هي حاضياه و ياسر مقابلهم من بعيد هاز فيديه قهوة كحلة فرحاان بولدو و حبيبتو لي عينيها على طه محيداتهمش تقول ولدها و من صلبها و عينيها فيهم خوف كبير ليطيح ولتوقع ليه شي حاجة عاشت الامومة فوقت مبكر بقا يلعب حتى سخف و جاي يجري عندها
طه “كيلهت” ………. ط طاطا ب بغيت نشرب
سامية ………. غير بشوية احبيبي زيد بعدا نغسلو يدينا و نعطيك تشرب هزاتو و مشات داتو غسل حالتو و لتاحقو بياسر لي داير رجل على رجل و كيتسنا فيهم شافهم جايين و بتاسم وصلو عندو
طه “هز لقرعة و عطاها لباه” ……. بابا حلها لي من فضلك بغيت نشرب
ياسر حلها و هزو جلسو فوق كرسيه و خلاه يشرب على خاطرو ……. بقاو كيهضرو و طه كيلعب فتلفون سامية حتى عيا و نعس وهو جالس … شافو لبرد تحرك و ناض ياسر هز ولدو و سامية فجنبو و مشاو …

🌸 الجزء 167 🌸
⁦✍⁩بقلمي……………………زهرة محمد
*لا تخبئي الكلام*
دخلات شهور شتا… شهور روومانسية بامتياز و الاستعدادات على قدم و ساق سامية تجري و تجاري هي و ياسر اي حاجة كيديروها ولا يشريوها حتى ياخدو رأي بعضياتهم حبهم لكبير خلاهم يتجاوزو كااع العراقيل و صالحة معوناهم في لكبيررة و صغيييرة واخا عامل سن ذواااقة …. كيتسناو غير نور و ياسين يجيو يديرو لمسات الاخيرة يشوفو اش بغاو يزيدو ولا ينقصو بقا أسبوع على لعرس و في مطار محمد الخامس نزلات طيارة مع 8 ليل هبطو منها ستة الاشخاص شهوة منهم كل واحد معنق حبيبتو الا كوبل مزال علاقتهم داخلة فيها رسميات دافعين شاريو فيه باليزاتهم لقاو ياسر و غيث كيتسناوهم لي عرفو موعد وصولهم من ياسين و باش يمشيو مرتاحين تاصل بيهم بجوج… تسالمو و تعاارفو على بعضياتهم و ركبو متاجهين لدار ياسين لي كراها ليه غيث حيت عرف دار مو مغتكفاهمش وصلهم و خلاهم يرتاحو و ياسين دا معاه عصام لانه ضيف ديالو و صاحبو مجاتش يخليه معاهم وخا عصام مكرهش يبقا غير باش يشوف غيثة فصباح و لعشية غيث مشا عند مرتو و ياسر وصلهم حتى لدار ودعهم و مشا واخا طلبو نسيبو يطلع ولكن رفض …. عاونهم خداو داكشي لي جاب حيت داكشي المهم صيفطو قبل
طلع دق و سامية تقول عاسة على لباب مع لحلة طارت عنقاتو …
سامية …….. سي لعريييس على سلامة “مشافتش سيد لي معاه بقات طالقاها بلا فرانات و عطاتها لغنا و تطبال” مزينو عريس يا لالة ولد دوارنا مزينو عريس يا لالة ولد دوارنا
ياسين “بغا يعلمها راه معاه ضيف ولكن شكووون سمعو دخلااات تكمل غناها لداخل” ….. دخل دخل اصاحبي هادشي لي شفتي غير ولفو
دخل عصام كيضحك و صالحة جات مرحبا بهم يرتاحو على محطات لعشا
صالحة ……… دخلو مرحبا بكم رتاحو راه لعشا وااجد غير نحطو و نجي
سامية عاوناتها و حطات معاها لعشا كلاو و ناضو يرتاحو حيت تابعهم صباح يقادو فيه شحااال ممن حاجة
صالحة حطات جسمها يرتااح و لكن عقلها ما رتاااحش بقا يدي و يجيب سيمانة بقاات على عرس ولادها و لحد ساعة معرضاتش على باهم و خوتو حارت و معرفاتش واش من حقو يحضر لولادو و يحضر معاهم فنهار كبير فحال هدا ولا لا بقا عقلها كيدي و كيجيب بقا شيطان مرة مرة يوسوس ليها و يفكرها فلي فات ويقوليها بناقص صالحة كتحس بقلبها باااقي هاااز من جيهت حسن وعلى لي دار فيها و فولادها داز شريط حياتها فلمح البصر استغفرات مولاها وقالت تنعس و ترتاح يصبح و يفتح ….

لا تدع بقلبك حقداً يمنعك من راحة البال سامح من أساء إليك و أبتعد عن إسائتهم ، أحمل لهم بقلبك كل الخير وأدع لهم فنحن جميعا راحلون
ناضت صالحة بكري كلشي مزاال ناعس وجدات لفطور و خلاتو ليهم حتى يفيقو على خاطرهم و خرجات تقضي لي خاص و قبل من هادشي دارت اتصال عاد خرجات…

🌸 الجزء 168 🌸
⁦✍⁩بقلمي……………………زهرة محمد
*لا تخبئي الكلام*
في قهوة على البحر جالسة صالحة و حسن طليقها حادر عينيه مكيشوفش فيها ممريحش فراحتو كيحس بنفسو ضيقة عليه .. . ملي تاصلات بيه صباح وهو كيفكر فشنو الموضوع لي بغات تهضر معاه فيه ، هي مقابلة معاه و قدامها قرعة لما صغيرة و علامة الوقار واضحة في ملامحها …… صالحة جاية و مصممة تخرج لي فقلبها و متبقاش مخبياه كلام هزاتو سنين طويلةو ملقاتش فرصة تقولو ليه فكل مرة كيجي …
صالحة “كتشوف فيه و كتهضر ” …… عرس ولادي من هنا لسيمانة و أصلي غلبني و جيت حتى لعندك نعرضك كيفك كيف ناس واخا مكتستاهلش وكان بإمكاني نرد ليك صاع صاعين ولكن دزتي فوجههم و بغيت فرحتهم تكمل و متنقصها حتى حاجة سبت جاي جيو مرحبا بكم و حتى ختك لي كانت سبابي فعذابي قولها ليها لبغات تجي داري مفتوحة و ولادي كبرو و كل واحد غيدير دارو و يشوف حياتو و نتا غتحضر غير للحلقة الاخيرة معرفتيش حياتهم كيف دازت خليتهم صغار و رجعتي لقيتيهم كبرو و إحسااسك بالذنب غتموت معاه واخا نسامحك غتبقا تحس بيه
سالات كلامها لي كان كيف القرطاس على مسامعو و ناضت غادادا و كلمتو خلاها ترجع تجلس و تسمع ليه
حسن…….. الاحساس بالذنب انا عشتو ماشي يله غنعيشو و قتلني ملي خرجتي و معرفت اشمن أرض شديتي احساس متبغيهش لكاافر “ضحك ضحكة ألم و كمل” بعدا نتي عشتي معاهم و شفتيهم كبرو قدام عينيك واخا خليتهم بخاطري و غير شيطان لي جْمَّل ليَ الوقت لي من بعدكم كحالت كل ليلة صورتهم مكتفارقنيش و نوض نبكي حيت معرفتش فين كاينين ربي جزاني على ظلم لي ظلمتكم غير سامحيني باش نرتاح
نبرت صوتو تقطع في القلب مخلطة مع لبكا ندم كلاه و مخلا فيه غير روح طلع و تنزل صالحة سكتات و معرفت ما تقول ليه قلبها حن و رأف على حالو بغات تسامح ليه و جاتها تقييلة تخرها من فمها …
حسن ……. بغيت طلب و دخلت عليك بوجه الله مترفضيش
صالحة “مكانتش ناوية تدي و تجيب معاه في الهضرة ولكن الوضع ختالف” ……… الا قدرني عليها الله
حسن ……… بغيت داكشي لي باقي مكملتيش فعرس ولادي نكملو و نخلصو
صالحة “مدة بقات ساكتة قتلاتو و حياتو ” ……. واخا ان شاء الله حتى ندوزو غدا عند مول الحفلات و حاسبو
حسن جوابها كان فحال نقطة لعسل على قلبو خلاه يفرح و يشوف دنيا بلوان بعدما كانت بيض و كحل …
فلووس دنيا متسوااش ضفر واحد فولادو ولكن شي حاجة لي غتحسسو بلي بااقي كيملك الحق فيهم و هادي هي المناسبة لي يوقف معاهم …

🌸 الجزء 169 🌸
⁦✍⁩بقلمي……………………زهرة محمد
*لا تخبئي الكلام*
دازت سيمانة طايرة و صالحة تجري و تقول ما جريت فرحتها بولادها خلاو ركابيها صحاح و متقولش عيييت ليوم العرس و فرحة لي كانت تسناها وصلات …..
ضربات 7 لعشية و مشا أسعد خدا طموبيلت ياسر باش يجيب نور اما سامية غيجيبها غيث مع رانيا لي كانت معاهم فصالون داوها واخا كانت ناوية تماكي غير فدارها ولكن سامية مخلاتهاش رانيا ملي دخلات لصالون و هي باغا غير تنعس بقات ناعسة حتى وصلات نوبتها قادوها غير سالات سمعات لكلاكصون و خرجات هي لولة هازة تكشيطتها حتى بانو صيكانها غيث شاف شوهتو و هبط
غيث “شد فيديها” …….. تي حيديها لاش هازاها
رانيا “خنزرت فيه و مشات طلعات سد وراها لباب و تسنا سامية طلعات و ديمارا أسعد بعد ما ركب ختو غاديين و لكلاكصون خدام حتى وصلو قدام القاعة و نكافات واقفات كيصليو على نبي باش دخلهم ياسر و ياسين واقفين لابسين جلابة مخزنية فلبيض تلقاو لعريساتهم لابسين تكاشط في الخضر ملكي و لماكياج زيِّنهم فعيون حبابهم دخلو و نكافات من وراهم يصليو على خير الخلق وبزغاريت كلشي كيترقبهم بعينيهم و البسمة مرسومة على شفاهم جلسو في لبرزة بجوج كل واحد حايز حدااه مرتو حداه دقة العيساوية كضرب و تنشد المديح على خير الانام و نكافة حداهم كل مرة تقاد ليهم و المصور يصورهم مع حبابهم و صحابهم تكتب كتابهم في اللبسة لبيضا و دموع الفرحة نازلة من عيون صالحة لي كانت واقفة و قلبها كيرجف و هي كتشوف ولادها فرحانين و غيكملو حياتهم بعاد عليها كملو لعرايسات لباسهم حتى وصلو لكسوة البيضة و قطعو الحلوى بجوج و لاحو الورد هاد الطريقة لي ولفات اي عروسة كديرها باش تبعها وحدة في البنات ….
رانيا نص لعرس محضراتوش بقات غير ناعسة على كتف غيث و لي مفهمش كترة هاد نعاس لي ولا فيها مناش نوضها بزز باش يمشيو لدارهم و تنعس مرتاحة القاعة خوات و بقات غير العائلة كيودعو بعضياتهم كانو ناويين يمشيو لجهة البحر ولكن شتا بدلات ليهم لبروجرام خلات كل واحد يجر مرتو و يقصد الوجهة لي محددينها
#عند_ياسين_و_نور
سلمات على خوها و ختها عنقتهم و تمناو ليها سعادة و مبكاتش كيف مولفة كدير اي عروسة وهي كتودع عائلتها شدات فيد ياسين و هي كترعد من لبرد مشاو لسيارتهم حل ليها لباب و طلعات شادين طريق أكادير …
نور “مرجعا راسها لور و مغمضة عينيها” ……… حبيبي واخيرا حنا بجوج و مغنتفرقوش ااااااااه ههههههههه
ياسين “بتاسم و عينيه فطريق”……… و انا هاد نهار شحااال و انا كنستناه المهم رتاحي على ما وصلنا

نور ……… غير خليني شوية معاك
ياسين “شاف فعينيها وهو هايم فيها بتاسم و قال ” ……… لي بان ليك احبيبة ملي تبغي تنعسي قادي ليك لكرسي
شابك يديه مع يديها و بقاا مركز فطريق شمس بدات كتسخن شوية واخا الجو مغيم ياسين وصل لدخلة أكادير و نور حداه ناعسة محساااش براسها فين بدات تحل عينيها على قبلات راجلها فيديها فيقوها توكضات و جلسات تشوف من شرجم مقوسة عينيها كتشوف راسها فين وصللا بداات تكسل و سولاتو
نور “بصوت ناااعس” ……. وواش وصلنا
ياسين …… هاحنا قربنا لاوطيل
لحظات و وقف قدام أوطيل معرووف في المدينة نزل دااايخ و عينيه كيتلسقو بنعاس كانو ريزيرفاو قبل هبط حل لكوفر هبط حوايجهم ودخلو مشاو الاستقبال وراوهم لوراق و خداو كارت و طلعو دخلات نور كضور عينيها في الغرفة عجبها ديكور ياسين مشا نيشان حل باليزتو و دخل دوش باش يرتااح …

🌸 الجزء 170 🌸
⁦✍⁩بقلمي……………………زهرة محمد
*لا تخبئي الكلام*
خرج كانت نور كتسناه باش دخل شافتو لاوي عليه فوطة من لتحت و لفوق لابس قبية خفيفة فلكري شعرو فااازك عليه وقفت قبااالتو و خدات لفوطة لي كان هز فيديه و بدات تنشف ليه شعرو و عينيه حمرين بان غزال زادت تزعطات فيه بقات كتنشف بلا ما تكلم و هو غير كيشوف حتى غفلها و قربها لعندو و نفسو كضرب فيها نور بدات كتحس بدقات قلبها ممنتاضمينش و كتحاول تشوف في اي بلاصة غير متشوفش فعينيه لي دوخوها جهد لي بقا عندها خلاتهم لخطواتها يتاجهو بها لحمام و تلفت منو سدات وراها لباب و تكات عليه كضحك خدات وقتها فدووش كملات و خرجات لابسة بيجامة ديال لقطن بيضة فيها كروات فلكحل لاوية راسها في لفوطة مشات تشوفو اش كيدير حتى كيبان ليها ناااعس و كيشخر بصوت خفيف من لعيا و راحة لي مرتاحش ضحكات عليه و هزات تلفونها خدات ليه شي تصاور و مشات تخشات حداه عنقاتو من ظهرو مستمتعة و فرحالنة دفئ لي حسات بيه خلاها نعسااات……
مع طريق و العرس محسوووش شحال ديال الوقت نعسوو فاق ياسين كيحس بايد معنقاه و محطوطة على كرشو تملسها بحنان و ضار تقابل معاها كتبان ليه نور مزنكة و لفوطة تحيدات على راسها و شعرها مزال فاازك شد يدها و حطها على صدرو و بقا يتأملها ممصدقش بلي تزوج و حبيبتو حداه بقا يعنكش فيها حتى حلات عينيها مغوبشة شافت فيه و رجعات سداتهم باغا ترجع تنعس
ياسين “كيدوز بخلف يديه على حنكها”……… عمري واش مزال فيك نعاااس!؟؟
نور …… مممممم غير واحد شوية احبيبو
كانو عيانين بجوووج و جو شتا زاااد كمل عليهم بقاو ناعسين حتى فاقت نور هاد المرة لقاتو حداها و مغمض عينيه قربات و باستو فخدو و ياسين حس بيها و حل عينيه كيشوف فيها
نور “كتهضر بشوية” ……… فيقتك !!..
ياسين…….. لا غير كنت مغمض عينيا و خليتك ترتاحي و شتك فايقة على شغب
نور “حطات يديها كتلعب فلحيتو “…….. كنشاغب فحبيبي فين المشكل
ياسين……… و و صراحة مكاينش جراام د لمشكل الا شاغبنا بجوج “و غمزها”
كلماتو خلاوها تخبي توترها فضحكة صفرة و بالاخص و هي عارفة اش مزاال كيتسناها بلا سابق إنذار حيد عليها لغطا و بدا كيدوز يدو على كرشها و هي مع كل حركة كيدير كيخليها ترعد وخلا ريقها ينشف …
زاد قرب و خشا راسو فعنقها مقرب لودنيها و كيهضر
ياسين …….. كنبغيييك احبيبتي “طبع بوسة تحت ودنيها و فعنقها” كنمووت عليك
نور “هضرتها كتخرج مقطعة” ح حبيبي ععفاك تتما لا
كتبعد عنقها حيت مقدراتش تقاومو وقبلااتو شلت حركتها … طل عليها لقاها عاضة على فمها و

و مغمضة عينيها حسات بيه حبس و حلات عينيها كتشووف فيه قرب شوية بشوية و خدا بوسة من شفايفها و بلا ما يقطع احساسهم جا فوقها جاتو لوضعية مقادة و و لقا راسو متحكم كتر ريتم غادي و كيطلع شافها عاايشة لحظة و مغيبة بعد فمو عليها وجراتو من تريكو لسقاتو معاها نور ترفعات و مبقااتش مسؤولة على تصرفاتها مشبعوش من لبوسة لي كانت طويلة ياسين حس براسو سخن و حيد القبية بقا عرياان و فنفس الوقت حيد ليها بيجامتها و خلا غير سوتيان شاف جسمها و تنهد و تنهيدة مكفاتوش نزل طبع بوساات مبعثرين على صدرها و نشوتها غادا و كتزيد بقا مضارب مع سوتيان مبغاوش يتحيدو حتى عوناتو تحيدو و لاحهم عليه ثديها لبض مسلمش من لمساتو لي شعلو فيها العافية و ذاتها مرة مرة كتهز و تحط هبط لسرتها و هي مستسلمة على الآآآآخر كانت متغلبة على مخاوفها ولكن غير قرب للمركز و بدات تلوا تحتو… بدا يسمعها كتعيط ليه رجع لعندها يشوف مالها
ياسين “باسها ف فمها”……. نعم اروحي
نور معرفات متقوليه واش تقوليه راه خايفة حبس ولا كمل و لكن غير بشوية تخلطو عليها الاحاسيس و بقات غير كتشوف ياسين فهمها بلا ما تنطق و ملامحها كانو فاضحينها
ياسين …….. متخافيش احبيبتي غير صبري شوية كلشي غيكون مزيان واخا ..
حركات راسها و كمل لي بداه فلحظة سافرو تاني فبحر الحب مع كل قبلة و لمسة تاوهاتها كتزيد بقات عايشة الحب ومحساتش امتى جردها من ملامبسها و هو كذلك شافها مستاعدة و ختم علاقتو مع مرتو و حبيبة قلبو على صوت صرخة مكتومة بقبلة شاف دم عذريتها وحس برجولتو مكتاملة معاها باس على جبينها رجع تكا فبلاصتو و حازها عندو حاط راسها على صدرو ترتاح ….

🌸 الجزء 171 🌸
⁦✍⁩بقلمي……………………زهرة محمد
*لا تخبئي الكلام*
عند #سامية_و_ياسر
ودعات مها و دموعها شاقين طريقهم على خدودها ياسر معجبوش منظرها بلمرة و هي فديك الحالة صالحة واخا مسخياش ب بنتها منساتش توصيها كأي أم تهلا فراسها و فراجلها… رضات عليها و مشات مع راجلها متبوعة بدعوات مها طلعات لطوموبيل و تسناها حتى تقادات و سد لباب و مشا طلع حتى هو لبلاصتو و تاجهو لدارهم لي غيسكنو فيها ظروف سامية مع لقرايا مساعداتهاش تسافر دوز شهر العسل و أجلوها لوقت آخر … مسحات دموعها و لكن تقليقة مازال واضحة على وجهها ياسر خدم الموسيقى باش يلطف الجو مرة مرة يضحك معاها وهي غير كتبتاسم بقاو ساكتين حتى وصلو قدام إقامة “كارمن” إقامة رااقية و فيها ناس نقيين هبط ياسر و شتا بدات كتنقط تاني هبطات سامية كتسرع لخطا باش متفزكش لحق عليها ياسر عنقها و طلعو ف اسنسور حوايج دفوع هما لي بقاو فطوموبيل حيت هي قبل جابت حوايجها و قداتهم فدارها تحل لباب لاسنسور و تقدم ياسر حل باب دار و دفعو وسامية ماجات فين تلوح الخطوة حتى لقات راسها مهزوزة ياسر غفلها و دخلها مشااا بيها نيشان لبيت نعااس و ضحكة مرسوومة على محيااه خلا قلب سامية كيفرفر بلا جنحين بادلاتو الابتسامة حتى بانو سنيناتها تكاها ففوق سرير وهو فوقها يديه تحت عنقها وليد تانية شاد بيها جسمو باش ميطيحش عليها باس جبهتها بقاا ساااكت شحاال و كيشوف فيها حقق فيها لقا عينيها مزال مدمعين و سولها …
ياسر ……. علاش هداك لبكا احبيبة قدام الحاجة مم محشوماش ؟؟
سامية “متوقعاتش سؤالو تنهدات و جاوبات ” …….. مولفا ماما بزاف و دابا غنكون فبلاصة و هي ممعاياش ..
ياسر …….. و كنضن عادي احياتي اي بنت كتكون تحت جناح والديها غيجي نهار لي تكون تحت جناح راجلها “باسها فخدها” منبغيش نشوفك تبكي واخاا ..
سامية “كلامو خلاها ترتاح ” ……. إن شاء الله غدوش نتا لول نوجد ليك حوايجك ؟؟
ياسر…….. واخا احبيبة الله يرضي عليك…
ناض عليها مخلي ليها طريق مشات لبلاكار توجد ليه حوايجو ختارت ليه تريكو خفيف شويا و سروال دنعاس و مشات لبلاصة الملابس الداخلية خداتهم حتى هما و حطاتهم ليه و منساتش ليه لبينوار شكرها و دخل .. سامية فهاد لحظات حيدات عبايتها و بقات لابسة قميص خفيف و وجدات حتى هي حوايجها باش دوش و خدات لاتروس فيه كريماتها و جلسات تسناه كان نعاس قاتلها تحل لباب خرج منو حبيبها و وقفات قدامو و قربات لعندو …
سامية …….. بصحة و راحة
ياسر ……. الله يعطيك الصحة العمر ،،، دخلي و متنسايش توضاي باش نصليو !!!

سامية”حشمات و خباتها مع ضحكة ” ……. واخا
مع دخلات ضرباتها ريحة جيل دوش ديال ياسر بقات مغمضة عينيها و كتشم فريحة لي ستهواتها عاد خدات حتى هي دوش خفيف حسات بعضامها خفافو توضات نشفات لحمها مزيان و دهنات لحمها و لبسات بيجامة سخونة فيها خط خضر و خط بيض و مرسوم فيها ميكي ماوس خرجات كتنشف ودنيها من لما لقات ياسر موجد صلاية و كيتسناها باش يصليو الفجر لي أذن عليهم فطريق مشات بلخف هزات عبايتها و وقفات وراه و صلا بيها وهو كيجود آيات من الذكر الحكيم خلاها تزيد تخشع فصلاتها سلمو و ختمها بالدعاء و هي هازة كفوفها كتقول آمين …. كملو و ناض جمع صلايتو و حتى هي جمعتها كابرات و حيدات عبايتها لعيا نال منهم بزوووج مخلاهم يفكرو فحتى حاجة اخرى من غير يحطو راسهم و ينعسو

🌸 الجزء 172 🌸
⁦✍⁩بقلمي……………………زهرة محمد
*لا تخبئي الكلام*
قوة صوت رعد و شتا لي كانت خيييط من سما خلا سامية ترعد فبلاصتها و هي مغمضة عينيها بقا غالب عليها نعاس و كملات فنعاسها على عكس ياسر لي نعاسو خفيف مع صوت رعد حل عينيه بان ليه لبيت مضلم حس بالبرد و ناض جبد مانطة زادها فوق لكوفرلي و قاد سامية فلغطا و رجع تكا حداها كانت حالة فمها منظرها خلاه يضحك غير بوحدو مد يديه سد ليها فمها غير بعد يدو رجعات حلاتو ولات كتبان فحال لحوتة و هي كتنفس تحت لما سدهم هاد المرة بصباعو و محيدهمش … سامية حسات براسها ماشي هي هاديك و فاقت معنكشة من تصرفو بقات كتشوف و تستوعب اش طاري
سامية”ضارت عطاتو ظهرها يسحاب ليها مزال فدار مها “…….. خليني نعس راه مزال الحال
ياسر …… عاطياني ظهرك واااخا الالة …. انا كنتسناك نفطرو بجوج و نتي منخلاني انا نايض نفطر راسي و نتي بقاي ناعسة امدام
ناض و خلاها ناعسة و مشا لكوزينة لاها راسو فتوجاد الفطور بدا بالحليب هو لول دارو يفيض قاد زيتون و زيت لعود فطبيسلات صغار حط لفرماج ستفهم فطبلة لي كاينة في الكوزينة كيقاد و يغني
يا اميرتي يا جميلتي
يا سيدة كل النساء
لا تتركيني فى وحدتي
فالابتعاد عنكي ابتلاء
صوتو فيق سامية … و نعاس طار عليها ناضت غسلات و مشات عندو لقاتو كيصاوب فلقهوة عنقاتو من ظهرو مغمضة عينيها كان شعور زويين خلاه ضار عندها عنقها حاط راسها على صدرو
ياسر …….. نعاسة ديالي رتاحيتي ؟؟!!
سامية”عااجباها تعنيقة ” …… مممم مكنتش عارفة صوتك زوييين هاكا
ياسر ……… و زيدي تفطري زيدي راه غير ليوم ازوينة حيت عروسة جديدة مفششينك
سامية …….. متخافش عاارفة اش كيتسناني غير مفيها بااس تفششني مرة مرة
ياسر ……. على انا شحال عندي من سامية نفشش حبيبتي و نديرها فعينيا
كلامو فتح ليها الشهية خلاها تاكل و ضحكتها فيين ياسر مبركها و حدااه مرة يوكلها بيديه و مرة يبوسها مدلعها عالآآخر كأي عرسان جداد كلاو حتى شبعو و ناضو جمعو روينتهم و ياسر معاونها حتى غسلات لماعن …بدات كتولف الحياة معاه و
سامية ……. اش نديرو لغدا؟؟
ياسر “جرها من يديها” …….. بلا ما تعدبي راسك مع لغدا وصيت عليه هو و لعشا اجي ترتاحي
سامية …….. هاي هاي فشوووش مجهد هدا هههههههه
ياسر …….. راه قلت لك متولفييش غير ليييوم احبيبتي “تخشاو فسرير و شعل تلفازة وهو مكمل هضرتو” غير تفوت ايام لعسل و وريني حنة يدييك “بقا شاد فيها حتى عصبها”
سامية ……. واش جايبني خدامة ولا شنو !!

ياسر”حبس ضحكة حتى عيا و فلخر طلقها” ……. هههههههه حاشا اعمري نتي تاج فوق راسي الا بغيتي خدامة نجيبها لمرتي
سامية “ربعت يديها مخنزرة” ….. اوا هكاك .!!
ياسر…… اجي عندي اجي
ياسر “عانداتو و مبغاتش تجي جرها من يديها خاشيها تحتو” ….. اشنو دابا “خطف بوسة من شفايفها ” دوي شتك سكتي مم.. رجع باسها و هي كترعد تحتو كتبغي تهضر كيجر شفايفها من جديد بغا يحبس و مقدرش قبلاتو غادا و كتزيد كتخليه دايب فيها و احاسيسو كتهييج سامية بلا ما تشعر تجاوبات معاه و عنقاتو طلعات حرارتهم بجوج و صوت نفسهم هو لي مسموع شافها غتسخف تحتو و بعد شفايشفو مخلي لهوا يدوز ليها لقاها منساجمة معااه مبغاش يفسد اللحظة داز لنقطة ضعف اي بنت و حيد بيجامتها لي عنكشاتو سها فيها كأنوو اول مرة يشوف جسد مرا…مشا لعنقها موزع قبلااتو مخليها مسافرة معاه و عايشة اللحظة نزل لصدرها ككيبوسو برفق بقا نازل بيديه كيستكشف جسمها حتى وصل لسرتها ..
سامية شافتو وصل تما حلات عينيها و حطات يديها على سروالها …. هاد الحركة خلاتو يوقف لي بداه و يهضر معاها
ياسر “تكا حداها” …….. حبيبتي تيقي في و متخافيش “بقات كتشوف فيه بلا ماتجاوب” غير تيقي في كنواعدك نخليها أجمل لحظة لي نتفكروها طول حياتنا …

#تتمة
ياسر إحساسو و هو ناعس معاها كأنو أول مرة يتزوج محاولش للحظة يقارنها مع زواجو لول حبو ليها مختالف من كلشي كيفاش مسايرة معاه في العلاقة خلاتو يعشق تفاصيلها صغيرة قبل الكبيرة..
خبرتو في المعاشرة خلا سامية تستمتع كتر معاه محسسهاش بالخوف بالمرة غادي معاها دقة دقة حتى وصل معاها الذروة و هي المرحلة لي خاصو يصبر معاها و ميخلييش غريزتو تحكم فيه بالمداعبة و كلام الحب و الغزل فض البكارة بلا ما تحس بالألم الكبير المعروف بين لبنات حسات كأنو وخز ابرة و مع النشوة محسااتش حتى بارك ليها
ياسر”باس جبهتها” ……. مبروك عليك احبييتي..
سامية …… كيفاش؟!!! صافي سالينا!!
ياسر ……. هههههههه شنو تبغي نعاودو من لول
سامية … ا ا اه لا زعما “حشمات منو” غير حيت محسيتش بالالم لي كيعاودو عليه
ياسر”جر ليها نيفها ” ……. ماشي ضروري احبيبة على حسب كل بنت وصافي .. نوضي دوشي باش ندوش حتى انا
سامية “حشمات تنوض عريانة قدامو” ….. لا لا غير سير نتا لول ..
ناض ياسر لبس عليه بلخف و هي مغمضة عينيها ضحك على تصرفها و مشا خدا سورفيط و فوطة و دخل دوش و هي رجعت لبسات بيجامتها و و جدات بيجامة اخرى سخونة باش تلبسها ورا دوش مجات فين تجبد ملابسها داخلية و بينوارها حتى بدات كتستنشق ريحة جيل دوش رجالي عرفاتو سالا حنات راسها و بخطوات تقاال مشات لحمام …دخلات كدوش و ضحك غير مع راسها طلقات لما سخون و دوزات على لحمها كامل جيل دوش ديال دوف وبدات كتشلل كملات تدواش وكتحس بنصها لتحتاني مبنج غسلات شعرها خلاتو مطلوق و خرجات لبيتها تنشفو بسيشوار لقاتو بلخف جمع لفراش و حط واحد آخر نقي و جالس تاني رجليه و كيهضر فتلفون جلسات مقابلة مع لمرايا كدهن وجهها بكريم مرطب و برونشات سيشوار و بدات كتنشف شعرها ياسر حط تلفون و ناض حداها خدا من يديها سيشوار و كينشف ليها حتى مبقاش فيه لما
ياسر ……. نمشط ليك ؟؟؟
سامية “طالعها سر و مزيينكة” ……. واخا..
دهناتو بسيروم وعطاتو المشطة كيمشط ليها بشوية و هي كتشوف فيه من لمرايا كيفاش مركز مع لمشيط غير كمل وسمع صونيط لباب مد ليها لمشطة باش تجمعو و مشا يحل كان لغدا لي وصى عليه وصل مزال سخون كانت بسطيلة ديال لحوت كانت مشاهياها سامية شمات ريحة و ناضت تجري عندو
سامية بقات كطير حتى جابتها فراسها سيدة مكملاش ساعة باش ولات مرا و باركة تنقز
ياسر”حط لي فيديه فوق طبلة دزاج حداه وشد وجهها بيديه بزوج” ……… يكما تقصحتي ؟؟!!
سامية “معرفات كيفاش تشرح ليه ” …….. ماشي شي حاجة غير يله نتغداو
ياسر ……… زيدي و متبقاايش تجري راه غتقصحي ،،،

سامية “خبات وجهها فكتفو” ……..و صافي فهمنا!!
مشا قاد لغدا فطبسيل كبير و حط كلشي فبلاطو باش ياكلو مرتاحين حط كانيط ديال كوكا و خرج عندها لقاها متكية شافتو جاي و بغات تنوض
ياسر …….. غييير خليك ناكلو فبلاصتنا بلا ما تنوضي
تغداو و هما عينيهم على تلفازة بقا يوكل فيها حتى قالت براكة كمل هو غداه وو مشا حط لبلاطو فلكوزينة و غطاه و مشا غسل يديه و سنانو و حتى هي تبعاتو غسلات و جاو نعسو من بعد اول ماتش ليهم …

🌸 الجزء 173 🌸
⁦✍⁩بقلمي……………………زهرة محمد
*لا تخبئي الكلام*
دازت أربع سنواات على أبطالنا متغيرش شكلهم بشكل كبيرر ولكن تزاادت فحياتهم بزااااف دلحواايج ولات عندهم أولوياات كتيرة أولهم رانيا و غيث اهتمامهم الكبيير مع بنتهم آلاء لي ولات تجري ما طيح و مشيباهم بجوج و التاني جاي فطريق أعصابها مخرجاهم فغيث رانيا من بعد ما كملات قرايتها جلسات فدار متفرغة لدارها و بنتها و لبيبي لي مزال متزاد شعرها قطعاتو حد كتافها و لحمالة خلا وزنها يزيد شوية ليوم صاحبتها كملات ربعين باش ولدات و صالحة عارضاهم لغدا لبسات هي وبنتها و خدات تلفون تخبية على جنية ديال آلاء و دوزات لابيل و خدمات لسبيكر كتهضر مع سامية
رانيا ……… واش نسيتوني ولا شنو خالتي عارضانا لغدا ماشي لعشا
سامية” كتلبس ولدها أمير ” ……. و عرفت عرفت انا قريب نسالي غير وجدي راسك
رانيا ……. انا واجدة خاصني غير نمشط لآلاء و نكون ساليت سربيو راه كنتفكر رفيسة كنبغي نسخف
سامية ……. و دابا نتي لي شاداني فتلفون تلاحي
قطعت معاها و ناضت بزز تشوف بنتها لي قاطعة لحس اش كدير طلات فبيتها ملقاتهاش زادت جوج خطوات سمعت لحس فبيت نعاسها لقاتها شادة لاتروس ديال لمكياج و كترسم فوجهها خريطة لموزمبيق رانيا شافت ديك الحالة جلسات حداها و عطاتها لبكا
رانيا”مشات حداها و طلقات دموعها” …….. واش محرشك باك دوي واش حتى بغينا نخرجو ودرتي هاد الفضيحة !!
آلاء”غير كتعاود الهضرة بلا ما تفهم” …….. بابا غيزي “غيجي
مكدبوش لي قالو دراري كيحسو بوالديهم دقايق قلال حتى حل غيث لباب و دخل سلا الخدمة بكري و جا طاير عندهم حط سوارت و بدا يعيط لرانيا
غيث …….. راااانيا !!!!رااانيا ،،، حبيييبة فينك ؟؟
مشا لبيتو كيلقاها كتنحط و الاء حداها وجهها مخربق بلماكياج شافها و بدا يضحك مشا هزها يبوس فيها و بهضر معاها
غيث …….. هههههه اش هادشي فوجهك ابنتي
آلاء ……. مكيااز ابااابا مكيااز ههيهيهيههي
غيث ……. اااااه هدا مكيااااج!!!! وونتي زوينة بلا مكيااز “كيقلدها” شوفي كيف بكيتي ماما حشومة ياك كنقولك مديريش لبسالة اجي نصالحو اجي “هاز بنتو فدراعو و تحنا باس راس مرتو” حبيبة غير صبري راه هما هادو دراري صغار واش فينما دير شي كارتة تبكي
رانيا …… واش خلاتنا حتى غنخرجو و دارت هاد الحالة !!
غيث …….. غير نوضي قادي حالتك نتي انا غندوش ليها معايا و نلبسها و يله باش منتعطلوش
غيث مشا دوش هو و بنتو و خرجو دغيا لبسو لقاو رانيا واجدة و كتهضر فتلفون مع سامية تعلمها بلي غيث غيجيبها

نور و سامية ولدو فنفس العام بيناتهم أيام قلال رانيا كملات 40 يوم ديال لولادة و نور باقا ليها سيمانة عاد تكملها …. صالحة من بعد ما كانت غير هي و ولادها ها هي اليوم العائلة كبرات و ربي طول فعمرها حتى شافت حفايدها و ليوم دايرة رفيسة لبنتها بعدما توكضات و عارضة على كلشي واقفة مشمرة و معاها بنت كتعاونها من نهار خوات عليها دار و هي معاها دايراها فمقام بنتها …
صالحة ……. يلاه اكنزة بنتي الله يرضي عليك خوتك قربو يوصلو و حنا مزال معطلين
كنزة …….. غير ريحي و رتاحي و كلشي غيكون واجد في الوقت”مْدَخلة دجاج لفران” نتي عارفاني كترة الهضرة كتلفني امّي
صالحة ……..اييه ابنيتي ايييه مقلتي عيب هانا نمشي نتوضا و نخليك مع روينتك
كنزة جابتها صالحة عندها 15 عام بعد ما هربات من الخيرية شافتها صالحة كيعوموها شي محسنين في الحمام سمعات حديتهم و قالت دير آجر فهاد اليتيمة كتعاملها بما يرضي الله علماتها صوالح دار شافتها كتعجبها لخياطة و و دخلتها تعلم صنعة كنزة سمعات صونيط في الباب و مشات تجري تحل كان ياسر هاز أمير و سامية شادة فيديها طه و أميرة ولاد ياسر فرحانين معاها و فينما تجي عند مها تجيبهم معاها دخلو جلسو كتسناو شلة تجي مشات سامية لبيت مها حيدات جلابتها و بقات بقميص خفيف سمعات ولدها بدا يبكي لقات ياسر جالس كيهز دراعو كيحاول ينعسو
سامية …….. ارا لي حبيبي نمشي نبدل ليه و نرضعو و غينعس
باسو و عطاه ليها تنعسو و فطريقها لبيت سمعات دقان شدات أمير بيد و حلات باليد تانية كانت رانيا و راجلها و بنتهم وصلو غيث هاز آلاء حيت عارفها غتلقا مع الولاد و يديرو التحالف السوفياتي دخلو جلسو بعدما سلمو عليها و باسو لفنكوش و دخلو يسلمو حتى على ياسر وولادو بقاو مجمعين حتى جات الحاجة رحبات بيهم و سلمات..

🌸 الجزء 174 🌸
⁦✍⁩بقلمي……………………زهرة محمد
*لا تخبئي الكلام*
نور و ياسين دابا عام باش جاو المغرب و استقرو فيه خدامين فجامعة وحدة حبهم زاد كبر فاش جات نجلاء تمرة حبهم و نورت حياتهم و بالخصوص ياسين لي اهتمامو غير مع بنتو و نسا شوية نور و هادشي لي مسكتاتش عليه شافت حتى عيات وناضت وجدات راسها و لبسات جلاابة ديال لفريع فلبلو سييل وقادات وجهها خلات شعرها مطلوق جات أنييقة ضارت لقات ياسين مزال مواجدش و جالس حدا بنتو فسرير و شاد صبعها كيلعب معاها ….
نور ……… راه تعطلناا لا !!
ياسين”مشافش فيها” …….. علاش شحال ساعة ؟؟
نور …….. ياسيين نوض لبس رااه معطلين ماشي وقت تسول على ساعة
ياسين ……. و راه بنتي ممخليانيش نوض و حتى انا مساخييش شوف كيف شادة في !!!
نور “بدات كتعصب” ……. ياسين واش مزدتييش فيه؟؟ واش ملي جات بنتنا و انا فحال الا مكيناش !!..
ياسين”ناض عندها وشد فيديها” …….. لا احبيبة غير كنحاول نعطيها لوقت لكافي نتي عارفاني مع الخدمة مكنساليش و مزال مشبعتش منها
نور …….. و انا ؟؟ صافي مهمتي سالات ياك!!
ياسين “قرب منها مستغرب ” …….. اشنو واش كتغيري من بنتنا اممم !!
نور ……… مكنغيرش منها غير نتا لي ناسيني و مبقيتيش عاطيني وقت
ياسين ……… مستحيل نسا روحي و حبيبة قلبي و نتي عارفة وقتي كلو ديالك ممم “كيرجع شعرها ورا ودنيها”
زاد قرب و خدا قبلة من شفايفها نغامس معاها و عضها عضة خفيفة خلاها ترعد بين يديه زاد ميل راسو معاها و مابرد ليه لقلب حتى مسح ليها لعكر ورجع هو معكر بيه”اش بان ليك نعطيك وقيت قبل ما نمشيو و من حد نجلاء ناعسة ” نور فهمت قصدو و دفعاتو يمشي يدوش ضحكت على راسها و عليه ورجعات دير روتوش فوجهها…..
ياسين مشا دوش بلخف و لبس و جا لقاها عاودات قادات عكرها و هزات بنتها و خلات ليه صاكها و صاك بنتو يهزو هبطو باش ميزيدوش يتعطلو كانو هما آخر الواصلين دخلو لقاو كلشي كاين حتى من باه و مرت باه و خوتو كاينين عمتو لي مكانتش تفكرها الله عام من ورا زواجهم توفات الله يرحمها مخرجت روحها حتى سامحاتها صالحة من قلبها …
المجمع كان خاصو غير غيثة لي الحمل مخلاهاش تجي هي و عصام و أسعد لي كيدوز شهر العسل مع الدكتورة سلمى فماليزيا ما تزوجات بيه حتى شيباتو عائلة صالحة كبرات تبارك الله تغداو و سالاو حسن و مرتو و ولادو ناضو مشاو بقاو غير الشباب كل واحد خاشي مرتو حداه … صالحة مشات لبيتها و خلاتهمم على راحتهم مجمعين فرحتها بيهم قداش…. دخلات لبيتها صلاة ركعتين لله شافت ربي عوضها خير فولادها و طول فعمرها

حتى شافت ولادهم ..
قصتي من دار صالحة بدات و فيها سالات …#لا_تخبئي_الكلام قصة درامية عشنا معاها أحدااث متميزة…. في بعض الأحيان شي هضرة كتبقا في داخل ديالنا كتبقا دور و دوور و في الأخير كتخرج حيت مبقاتش قادة تبقا تقدر تندم على شي حاجة تقالت …. ولكن في الاخير خرجات كان سبب خروجها ظرف مكان …… ولا ظرف زمان…
لهذا لاتخبئي الكلام …
فلن يرثه عنكي أحد!
نعم للصمت بوح أيضا…
لكن لايجيد سماعه…
و لايفقه قوله ولغته…
سوى مدرك شاهد لما عشته..
وربما قد لايدرك أيضا…
كما يقال
“وما دليل الفؤاد غير اللسان”
وهذا صحيح ..
فالجزء الأكبر من السعادة في وصفها ..
وكل الحزن في مشاركته…
حتى وإن كنتي ممن لم يختار أن يكون كتوما…بإرادته..
اما عجزا
أو عيبا
أو خلقا
أو ممن تتعثر بنات الشفاه ..عند حافاتها..
فبإرادته يستطيع أن يعبر…
فقط احكي..!
اشكي!
ابكي!
فالنظرة لغة ..
والدمعة لهجة..
والابتسامة لكنة..
والخفقات… حروف وأدوات إشارة…
لا تخبئي الكلام..
قصة مهداة لكل من تخبئ في صدرها شخصا ..ماض ..أو عمر …
افصحي …!!
#النهاااااية ❤

Leave a comment