Skip links

 2,740 عدد مشاهداات

احححح هاني جيت❤❤جديد قصة تحسيسية لكل بنت متيقاش فراسها!!وخوافة..عايشا مع ناس حاقرينها…الخ إنطلاقا من هاد لقصة غانقوليها باركة✋حدك هنا جمعي راسك 👑كوني لنفسك كل شيء👑متسنايش من شي حد شي حاجة😉
بقلم : بثينة .. شروطي البسيطة هي…
جيييم قبل ما تبدى 🚫
جيم لكل جزء قريتوه👍
وأخير حاجة نبغي نقول ليكم غاتكون غي قصة قصيرة ومختالفة😍

👑كوني لنفسك كل شيء👑 #الجزء_الأول: الأم:تهزي تالين غاتبقاي ناعسة… أنا:أنا شوية ونوض.. الأم:دبا يلاه.. مشات ماما ونضت غسلت وجهي وتفطرت وتوجهت لشقا هدا هو حالي كل نهار نفيق على نقير مي وشقا وتمارة وينعتوني غير لبايرة سميتي فاطمة الزهراء 27 عام لاقراية لازواج خرجت من خامس أصلا مكانش راسي فالقراية عندي خويا وختي مزوجين بزوج أنا صغيرة.. الأم:أديك لبايرة ديما غاتبقاي بحال هكا لا شقا مقاد لا زين بقيتي ليهنا.. أنا:لي درتها مكتعجبكش.. الأم:أش فيك ميتعجب أنا خارجة مع باك نجي لقا دار خملتيها.. أنا:وخا.. غير خرجو حطيت غدايا تغديت سيقت دار وصبنت لحوايج ونشرتهوم غسلت لماعن وجمعت لبيوتة مساليت تال ديك 5ديال لعشية وخرجت لحانوت بواحد بيجمة ديال شارفات بانو ليا بنات مجموعين مشيت نسلم عليهم غير صواب وقلسو كيتغامزو عليا.. أنا:سلام. لباس.. البنات:وعليكم سلام.. البنت1:إيوا مزال محن عليك الله.. البنت2:هه شكون هدا لي غيشوف فيها.. أنا:كلشي بالمكتاب.. البنت1:هههه إيوا رانسرين بنت 18عام عرسها قريب.. البنت2:يلاه ندخلو فحالنا.. غير دخلو مشيت لحانوت ودموعي فعينيا هادي هي حالي فينما نبغي ندير صحابات ينخلوني تانحس براسي بوحدي فهاد الدنيا بعد المرات كنتمنى الموت…

👑كوني لنفسك كل شيء👑 #الجزء_الثاني: خديت داكشي لمحتاجة ومشيت لدار عيطات ليا ماما علماتني بالله ختي وخويا غايجيو مشيت لكوزينة مخليت ماوجدت تادخلو بولادهم ومعاهم ماما وبابا أنا مقاداني فرحة شحال هادي مشفتهم ولكن تلقيت صدمة حتا سلام ماسلمو عليا دخلو نيشان لصالة.. ماما:إيوا أبنتي كيف غدا مع زواج.. ختي:الحمد الله أماما.. ماما:تبارك الله ولادك كبرو.. بابا:فينو راجلك.. ختي:هاوا ية ويجي.. مرات خويا:فاطمة الزهراء كبي ليا لما.. لما قدامها ومقداتش تكبو نضت على سعدي وعدي نكبو ليها أصلا منقدرش نقول لا وحتا إيلا قلتها كولشي يجي ضدي مديتو ليه وقلست.. ماما:شتك قلستي حدايا نوضي وجدي لعشا.. نضت لكوزينة كنطيب لعشا وتقول شي حد عبرني ولا غير قاليا واش لباس عليك حتا جات ماما وختي ومرات خويا.. ختي:إيوا مزال مانويا تزوجي. ماما:شكون هدا لي داها فيها. مرات خويا:إيوا رافتها لكار.. ماما:كون لقيت غير لكان يفكني منها.. غير سمعت هدرت ماما مقديتش نصبر حطيت داكشي..

👑كوني لنفسك كل شيء👑 #الجزء_الثالث: حطيت داكشي من يدي وخرجت لبرا غدا ونبكي بحال شي حمقة وصلت لواحد جردة وقلست كانبكي ولي داز من حدايا كيبقا يشوف وأنا كملتها بديك لبيجامة تاكنحس بشي يد تحطات فوق ضهري درت لقيتها واحد لبنت زوينة بزاف باينة مهليارفراسها قلسات حديا.. البنت:مالكي.. أنا:هئهئهئ.. النت:لحاجة لي بقيتي خازناها فخاطرك غاتزيد ضرك.. أنا:هئ هئ معندي لمن نخوي قلبي.. البنت:صاحبتك مثلا.. أنا:هئ معنديش.. مدات ليا يديها.. البنت:أنا نور وخا نوكنو صحابات.. مديت ليها يدي بإبتسامة مخلطة بدموع.. أنا:فاطمة الزهراء.. نورا:دبا تقدري تقولي ليا أش بكاك واش كاتبغي شي واحد.. أنا:هه لا أنا دبا فعمري 27 وبقا بلا زواج.. نورا:وفين كاين المشكيل أنا عندي دبا 30 عام تزوجت على 29وعندي بنية وعايشة بيخير مع راجلي.. أنا:هئ أنا عائلتي لي معدباني ختي وخويا بحالي عدوتهم ماما تنعتني غير بالبايرة وديما كتقلل من قيمتي وخلاص مرت خويا ودبا كاينين فدار وماما قالت ليهم كون غير لقيت لي يفكني منها حسيت براسي تقيلة عليهم هئ هئ… نورا:متبكيش أش كديري فحايتك.. أنا:هئ والو هئ.. البنت:عندك تيليفون.. أنا:لا.. نورا:غدا نتلاقاو هنا فنفس لوقيتة.. أنا:علاش.. نورا:ولينا صحابات خاصنا ضاروري نتلاقاو.. أنا:وخا…
👑كوني لنفسك كل شيء👑 #الجزء_الرابع: رجعت لدار وفرحانة وأخيرا ولات عندي تاأنا صاحبتي نشكي عليها غير دخلت بداو بالهدرة.. ماما:فين كنتي تال هاد الوقت. ختي:شوفي نتي ياكما كتخرجي مع شي واحد.. مرت خويا:وبعدى غير يجي يخطب.. ماما:محالش يديها فيها شي واحد بهاد لهدرة.. أنا بقيت غير كنسمع لديك لهدرة لي كدخل لقلبي بحال سم وجا خويا دفعني ودخل.. خويا:لواليدة خاصنا نمشيو.. ماما:بقاو أولدي شوية.. خويا:راني خدام تهلاي فراسك.. ماما:دوزو مرة مرة متغبروش. خويا:نشاء الله.. خرج خويا ومراتو شوية تبعاتهم ختي وراجلها وجرو ولادهم وطلعت لبيتو وعيني كلها دموع تاحد ممسوق ليا كلشي كيقمعني ديما صغير فدار تايكون مفشش ولكن ماشي ديمة نعست ودموعي فعينيا كيف ديما… فقت صباح وهاد لمرة قبل ماما مافيا لي يسمع نيgرها غسلت وجهي ونزلت وجدت لفطور وقاديتو فطبلة فطرت عاد ناضو.. ماما:أش طرا حتا فقتي بكري. أنا:والو.. قلسات كتفطر وبدات عليا بموال ديال ديما.. ماما:شتي بنت جيران يلاه عندها 19 عام وجابت راجل شهوا منو عرسها شهر جاي ولكن بسيف ناس عندهم لبنات وأنا عندي عقوبة ماتنفعي ماضري… خليتها كتهضر ونضت لكوزينة كانجمع فيها ب وبعد مافاق بابا جمعت لماعن لفطور وغسلتهم وجمعت دار وسيقتها وماما وجدات لغدا وطلعت لبيتي…

👑كوني لنفسك كل شيء👑 #الجزء_الخامس: طلعت لبيتي حتا عيطو عليا تغديت وغسلت لماعن خرجات ماما تاني تسوق خبار جيران وتجي تصدعني فراسي نضت عمرت ليهم أتاي وقاديت مسمن حطيت داكشي فوق طبلة غطيتو ولبست جلابتي من عام لفيل وهي عندي وخرجت لجردة ديال لبارح قلست فنفس لبلاصة كنتسنى فنور حتا جات.. نور:سلام ياكما تعطلت عليك.. أنا:لا أنا نيت يلاه جيت.. نور:يلاهي معايا.. أنا:فين.. نور:نبدلو لبلاصة.. أنا:واخة.. نضت معاها ركبنا فواحد كاط كاط كحلة وهي لباس كي داير أنا صغر منها كانبان حداها بحال مها مشينا واحد قهوة حدا لبحر شدات عاصير وقلسنا.. نور:فاطمة الزهراء عاودي ليا قاع لي فقلبك.. أنا:منين كنت صغيرة كنت عايشة عادي غير وصلت ل20 عام ومتزوجتش لي تلاقيت معاه يلوح ليا لهدرة لبنات مكيرضاوش يتصاحبو معايا خلاص ماما شكون غايقبل عليك وهدرة كثيرة خويا كيشوفش جيهتي وختي حاسة براسها بزاف.. نور:ماماك عندها صح.. أنا:هئ عارفة راسي مكنسوى والو.. نور:واش كتبكي حيث صارحتك تبغي تبدلي وتاواحد ميقد يحل عليك فمو.. أنا:مكرهتش.. نور:أنا نعاونك.. أنا:كتهدري بصح.. نور:بان ليك كنضحك مي عندي واحد شرط.. أنا:أشناهو.. نور:تسنطي لهدرتي ومتقوليش لا ولا منقدؤش…. أنا:كوني هانية.. جبدات ليهت نور تيليفون.. نور:هاكي هدا خليه عندك.. أنا:وخا.. خديت تيليفون وقلسنا قدام لبحر عاودات ليا نور على راسها شوية مزوجة وعندها 29 عام وهي لختارت متزوج تاتحقق أحلامها ودبا هي فرحانة مع راجلها وكيحتارمها بزاف صراحة تستاهل ضريفة بزاف…

👑كوني لنفسك كل شيء👑 #الجزء_السادس: بعد وصلاتني تال باب دار لقيت ماما باقي مجات وبابا كياكل بست ليه يديه ودخلت لبيتي بقيت كنحربق فداك تيلي معرفتش ليه أول مرة نشد شي تيليفون حتا صونا فبلاصة منجاوب قطعت وعاود صونا.. أنا:ألو.. نور:فاطمة الزهراء أنا نور.. أنا:أهلا ختي.. نور:سمعيني غدا غانجي عندك باش نبداو… أنا:مرحبا.. نور:غانجي صباح بكري.. أنا:صباح كيكون عندي شقا.. نور:غير واحد 10 دقايق.. أنا:وخا.. نور:نصوني عليك وخرجي.. أنا:صافي.. قطعت معاها وخزنت داك تيليفون ومشيت نوجد لعشا لقيت ماما جات.. ماما:بنت زهر تبارك الله عليها 17عام الحداgة وزين الله يحفضها.. أنا غير ساكتة ودموعي على طرف عيني حبستهم غي بزز خليت لعشا فوق بوطة وطلعت نعس درت بناقس من شي عشا مضرباتني لفيقة غير على تيليفون كيصوني مع 8صباح هزيتو وجاوبت.. نور:نزلي عندي دبا.. قطعت وأنا وزال مستوعبت تا أش قالت طليت من شرجم لقيتها فراس زنقة مشيت عندها طلعت فطوموبيل.. نور:خاص بزاف لحوايج يتبدلو فيك… أنا:كلشي ماشي بزاف.. نور:امم نتي رافيك كلشي غير معارفاش كيفاش تعاملي معاه.. أنا:مكاينش لي يعلمني.. نور:خاصكي تبداي من راسك هو اللول.. أنا:وكيفاش.. نور:بغي راسك وباش تبغي راسك خاصكي تدري داكشي لي كتبغي.. أنا:مفبالي تاحاجة.. نور:خرجتي من قراية ياك.. أنا:أه.. نور:أول حاجة غاتبداي بيها دخلي لشي تكوين من إختيارك.. أنا:ولكن دار ميبغيوش.. نور:سمعيني مزيان إيلا قدرتي تبيني حضورك بأنك تخليهم يوافقو على قرارك غانكمل معاك مقدرتيش غاتسماي خسرتي أول تحدي بينك وبين نفسك لعشية نصوني عليك نلقا عندك رد.. أنا:(حدرت راسي).. نور:(هزاتو ليا)عمركي تحدري راسك واخا تكوني نتي لخاسرة.. نزلت ومشيت لدار لقيت كولشي ناعس وطلعت لبيتي..#

👑كوني لنفسك كل شيء👑 #الجزء_السابع: بغيت نىجع نعس ولكن مقدرتش كنفكر فهدرة نور هي عندها صح شحال قدي نبقا بحال هكدا خاصني ندير شي حاجة نرد بيها إعتبار لراسي..نزلت لقيتهم كيفطر.. ماما:على سلامة.. أنا:بابا.. بابا:نعام.. أنا:أنا مليت من دار بغيتك دخلني لشي تكوين.. بابا:مكاينينش لفلوس.. ماما:ناس تايقلبو على رجالى ونتي تتشرفتي عاد بغيتي تكوين.. مجاويتهمش طلعت لبيت كنبكي صونيت علو نور.. نور:أش درتي.. أنا:هئ هئ مبغاوش.. نور:شوفي أنا دويت معاك صباح غوتي بكي دري أي حاجة لمهم تخرجي بنتيجة لصالح ديالك إيلا قالو ليك شي حاجة متسكتيش.. أنا:هئ هئ.. نور:غاتبقاي غي تبكي يلاهي سيري دوي معاهم وهاد لمرة فاش تصوني عليا نبغيك تقولي لي خبار زوين… أنا:وخا.. بعد ماهدرت مع نور نزلت لعندهم لقيت ماما كتغسل لماعن وبابا فصالون ومشيت عندو.. أنا:أنا مغنبقاش قالسة فدار.. بابا:أش غندير ليك أنا.. أنا:مسوقيش أنا دخلوني نقرا شي حاجة.. ماما خرجات من لكوزينة.. ماما:نوضي تشقاي.. أنا:والله ومدخلوني نقرا تاندير شي حاجة فراسي.. ماما:نوضي تشقاي باركة من فشوش.. وليت غير كنبكي ونغوت.. أنا:هئ هئ عييييت ومسوقيش أنا هئ غادخلوني نقرا هئ هئ.. بابا:صافي سكتي نوضي لبسي شي حاجة ويلاه نشوفو أش دري… نضت بفرحة وأخيرا قدرت ندير شي حاجة طلعت عيط لنور وعاودت ليها أش وقع.. نور:دبا مزيان ختاري داكشي لي بغيتي نتي ديريه.. أنا:ولكن أنا مكنعرف والو.. نور:شوفي كاين طبخ لخياطة الحلاقة ختاري داكشي لي ترتاحي فيه نتي… أنا:وخا بسلامة.. قطعت معاها مشيت لبست جلابتي ونزلت مشيت مع بابا..

👑كوني لنفسك كل شيء👑 #الجزء_الثامن: وصلنا لمعهد بقيت مشينا عند واحد لبنت سولاتني أش بغيت ندير أنا طلبت منها توريني لإختصاصات لي كاينين شرحات ليا وأخيرا ختاريت الحلاقة بالنسبة ليا هادي حاجة مكنعرف فيها والو هي لي خاصني نتعلم ليها خلصنا ورجعنا لدار وكلي فرحة.. ماما:على سلامة دوزي حطي لغدا.. مشيت حطيت لغدا تغدينا جمعت لماعن غسلتهم طلعت ابيت لقيت نور صونات عليا عاودت صونيت عليها.. نور:أش درتي.. أنا:لحلاقة.. نور:مزيان لعشية معندك والو. أنا:لا.. نور:صافي لعشية غانجي عندك.. قطعت معاها مشيت كنتفرج خرجات ماما وبابا يتقداو بقيت كنتفرج تاجاني مساج كانت نور لبست جلابتي خرجت عندا… نور:فينما نجي عندك لقا عندك هاد جلابة.. أنا:ءء؟.. نور:طلعي بعدا.. طلعت معاها مشينا لنفس قهوة ديال ديك لمرة.. نور:حلي معايا ودنيك.. أنا:وخا.. نور:أول حاجة تعلمي تقولي لا إيلا طلب منك شي واحد شي حاجة نتي ممناسباش ليك أو قاليك عطيني شي حاجة ديالك متقوليش حشوما قولي لا.. أنا:ولكن منقدرش.. نور:تقدري لي قالك كلمة ردي عليه ب10 فكري فحاجة وحدة أش كيدير ليك داك شخص لي تسكتي ليه.. أنا:كنخاف.. نور:معندك مناش تخافي كلمة منو كلمة منك.. أنا:غانحاول.. نور:متقوليش غانحاول عطيني تيليفون.. عطيتو ليها قادات ليا فيس واتساب… نور:عمري بهم وقتك شوية وعرفي راسك معامن كتهدري ومتيقيش.. أنا:شكرا بزاف.. نور:عادي أحبيبة كاينين بزاف غروبات فالفيس دخلي ليهم تعلمي قراي قصص كايكون فيهم فائدة شحال من حاجة مكتكونيش عارفها كتعلميها منهم… أنا:مكنعرفش نخدمو.. نور:رادرتو ليك بالعربية مع الوقت غاتولفي.. أنا:أوك.. نور:سيري لحمام تحمحمي وديري ماسكات لوجهك وشعرك لبسي شي بيجامة جديدة وشري مكياج وفاش تكوني خارجة لبسي سراول وقوامج تهلاي فراسك.. أنا:ولكن شكون غايعطيني فلوس..

👑كوني لنفسك كل شيء👑 #الجزء_التاسع: نور:طلبي من واليديك لاش والدينك لي ميعطيوكش ولفلوس لي جاو فيديك خزنيهم وجمعي باش إيلا عجباتك شي حاجة تلقاي باش تشريها.. بقينا كنهدرو خفات عليا بزاف رجعت لدار لقيتهم جاو.. ماما:فين كنتي.. أنا:غير هنا.. ماما:غسلي هاد لخضرة ديريها فالثلاجة.. أنا:ماما بغيت نمشي لحمام وخاصني حوايج.. ماما:كون ضبرتي على راجل كون كايعطيك فلوس لحمام.. أنا:كيفاش بغيتي هاد راجل يشوف فيا ونتوما مكتهطيونيش فلوس باش تاأنا نتهلا فراسي.. ماما:غبري من قدامي.. طلعت لبيتي وكنبكي ديما كادير ليا هكدا صونيت على نور عاودت ليها أش كاين.. نور:سيري عندها دريها عندك وهدري معاها وفهميها.. أنا:ولكن ماما صعيبة.. نور:كتبقى ماماك وغاتبغي ليك مصلاكتك إيلا دويتي معاها غايكون حسن.. نزلت عند ماما وحاولت.. أنا:ماما.. ماما:أش كاين.. أنا:بغيتيني نتزوج.. ماما:مامطا عليا إيمتا.. أنا:كيفاش بغيتي هاد راجل إيشوف فيا وأنا فهاد لحالة غايخلي بنات منليات فراسهم وشعر ولمكياج ويشوف فيا أنا. ماما:أش غندير ليك أنا.. أنا:عطيني غير باش نشري حوايج.. مجوباتنيش ومشات عند بابا خدات معندو 10لاف وجابتها ليا.. ماما:هاكي وكوني مرة.. عنقتها وطلعت لبست جلابتي وخرجت شريت كسيوة وصباط وبيجمة ومشيت لجوطية شريت منها عرام ديال لحوايج وداكشي لشاط ليا خزنتو مشيت لدار جمعت حوايج لحمام

👑كوني لنفسك كل شيء👑 دخلت لفايس لقيت واحد لبنت لايحة شي مصكات ديال شعر ولوجه جربت هداك ديال شعر ومشيت لحمام عمت ولبست بيجمة لي شريت وجيت لدار.. ماما:بصحة.. أنا:الله يعطيك صحة.. طلعت لبيت ستفت حوايج لي شريت وغاع لي معندي بيها غراض لحتها وخزنت لفلوس لي شاطو عليا دهنت شعري ومشطو درت واحد ماسك لوجهي وغسلتو نزلت تعشيت ودهنت وجهي بزيت لكوكو شريت ديك قرعة ديال 10دراهم نعست بعد ماهدرت مع نور وعاودت ليها أش درت فهاد نهار… فقت صباح ناشطة غسلت وجهي ونزلت وجدت لفطور فطرت وطلعت لبست حوايجي وجمعت شعري كوتشوفال وجهي كتافيت بإكرون على شمس وكلوز ومسكارة ونزلت بقاو حالين فيا فمهم مولفيني بجلاية وشعر مشعكك ولا بيجامة ديال شارفات عطاني بابا فلوس طاكسي ومشي على رجلي وخزنت دوك فلوس دخلت لحصة لولة تصاحبت مع لبنات لي تما تبادلنا نوامر وصلات وقيتة لخروج مع لخرجة كنتلاقا بنور. نور:تبارك الله فين مخبيا هاد زين.. أنا:شكرا.. نور:إيوا دبا وليتي بنت.. أنا:كلشي بفضلك.. نور:أنا غير وريتك طريق ودبا نخليك تكملي بوحدك وماتخلي تاحاجة تفشلك ويبقا راسك ديما مهزوز.. أنا:فين غاتمشي.. نور:مغانمشي لتا بلاصة خاصكي تعلمي تعولي على راسك ونبقاو على تواصل….#يتبع

👑كوني لنفسك كل شيء👑 #الجزء_الحادي_عشر: دازت 4شهور على تغير ديالي شديت ديبلوم خدمت فواحد صالو واخة لخاصة قليلة ولكن الحمد الله عندي فلوسي ماشي بحال الأول دبا وليت ممخصة راسي من والو درت صحابات خدامات معايا ونورة كتجي عندي مرة مرة مبقيناش كنتلاقاو بزاف مشغولة مع ولادها وخدمتها.. ليوم خرجت من خدمة كان صالون عامر وعييت ورجعت لدار باش نرتاح حتا كنلقا لعائلة مجموعة مرة خرا خويا ومرتو ولادهم وختي وراجلها ولادها قلت سلام وطلعت فحالي محاشيتها لحد دوشت ولبست بيجامة (الصورة) حتا كنسمع ماما كتعيط عليا ونزلت وبداو يطلعو وينزلو فيا جيتهم فشكل.. ختي:شتك غي جيتي وطلعتي. أنا:أش بغيتيني ندير مثلا.. مرت خويا:نتي لي خاصنا نلقاوك فالكوزينة ماشي ماماك.. أنا:ممسالياش.. ختي:أش عندك بسلامة.. أنا:ونتي مالك.. خويا:حتارمي لكبر منك.. أنا:إحترم تحترم.. ختي:تحل ليك لفم.. أنا:ماما دوي مع ولادك ولا ميعجبهم حال.. ماما:راهم ضياف عدنا.. أنا:إيلا ضياف يحتارمو راسهم. خويا:باغا تجري علينا من دارنا.. أنا:مجرا عليكم حد غير عطيوني بتيساع.. طلعت فحالي وهزيت تيلي نسيت لهدر لي قالو كولها.. **فالصالة** خويا:مال هادي أش خاصها.. ماما:غير صبر أولدي راها ولات كتعصب بزربة.. مرت خويا:كاين واحد كونسياج فالعيمارة بغا يتزوج.. ماما:شحال فعمرو.. مرت خويا:50عام.. ماما:كبير أبنتي.. ختي:شكون بغا يقبل عليها خاصها غير تحيد ليك من نهنا..

👑كوني لنفسك كل شيء👑 طلعت لبيتي بقيت شادة تيلي كنخريق فيه حتا عيطات ليا نور.. أنا:أهلا.. نور:حبيبة صافا.. أنا:الحمد الله ونتي.. نور:الحمد الله.. أنا:فين غبرتي.. نور:غير مع لوقت وصافي شوفي راني عارضة عليك غدا.. أنا:راك عارفة لخدمة وماخصنيش نتعطل على دار.. نور:ألا لا حتا تسالي خدمتك ونتعشاو ونوصلك تال باب دار. أنا:وخا نشاء الله.. قطعت مه نور ونزلت نشرب حتا كنسمعهم كيهضرو ومشيت عندهم.. أنا(بالغوات):شكون شكا عليكم قاليكم باغية نتزوج.. ختي:مكنتشاوروش معاك.. تلاحيت عليها كنتف وماما كتفك ومرت خويا غير كتفرجت وفرحانة حتا طرشني خويا عاد زقيت.. خويا:أش هاد دسارة.. أنا(كنغوت على حر جهدي):وديوها سوق راسكم بعدو مني وعطيوني تيساع أش بيني وبينكم نتوما خوت نتوما غير كلاب نساوني نساو بالله عندكم أخت صغر منكم… قلت هاد لهدرة وطلعت لبيتي كنبكي خويت قاع داكشي لي فقلبي عاد رتاحيت لبكا ماشي عيب متبكيش قدام بنادم ولكن ماشي معناتها نشد داكشي لي دارني فقلبي نبكي ونخوي داكشي لفقلبي وكنحس بواحد راحة وكتكون فيا شخصية جديدة غسلت وجهي ودرت بوليرو فوق مني ونزلت دربت فيهم وخرجت كنضور علاما يمشيو فحالهم قلست فواحد جردة بقيت حاضية بنادم كل واحد وهمو بقيت هكداك تاطاح ظلام وجيت راجعة لدار بقا تابعني واحد خيني ببورش كحلة مجاوبتوش نزل وشد ليا من إيدي ونترتها ليه.. الولد:بغيت غير ندوي معاك.. أنا:أش بغيتي. الولد:صراحة عجبتيني.. مجاوبتوش زدت وخليتو وبقا تابعني على رجليه تاوصلني لدار وأنا تقول واش بغيت ندور مقداش على شي علاقة خارج إيطار الزواج يلاه قلت كونت راسي ويجي شي كلب ديال لخلا يحطمني صراحة هو زوين وباينة بفلوسو ولكن إيلا بغاني يسول على دارنا ماشي على نمرتي دخلت لدار لقيتهم باقي ممشاو مهندهمش لوجه علاش يحشمو طلعن لبيتي وسديت عليا حتا تقطع حسهم عاد خرجت تعشيت ومشيت نعست…#يتبع

👑كوني لنفسك كل شيء👑 #الجزء_الثالث_عشر: شرقت شميشة 🌞من جديد كتعلن بداية نهار جديد بأحداث جديدة🌹 فقت صباح بكري دخلت لدوش غسلت وجهي ولبست حوايجي(الصورة)درت مكياج خفيف فطرت كليت بزربة وخرجت شديت طاكسي دخلت لصالون… أنا:كوكو بنات.. يسرى:صباح نور.. كوثر:صباحو.. (كوثر ويسرى بنات خدامات معايا).. أنا:باقي ماجا تا واحد.. كوثر:ليوم مكري صالون لواحد لعروسة وعائلتها.. أنا:أوك.. بقينا كنتعاودو شوية حتا جاو غير من طوموبيلات لي جاو فيهم ولباس باينة عليهم لباس عليهم أنا قاديت لشي بنات ولعروسة تكلفات بيها وحدة خرا عندها خيبرة كثر منا قادينا ليهم جاو كيحمقو ماسالينا تاوصلات 6لعشية خرجت شديت طاكسي ومشيت عند نور.. 🌹بعد نصف ساعة🌹 قالسين فالصالون وحاطة أتاي حتا كيدخل رجل نور معاه واحد دري غزال شعرو زعر وبيض ولعينين خضرين أنا بقيت غير حالة فيه فمي.. نور:هدا فيصل هادي فاطمة الزهراء صاحبتي.. أنا:متشرفين.. فيصل:متشرفين(مع إبتسامة).. نور:فيصل فين غبرتي.. فيصل:غير مع لخدمة أختي راكي عارفة.. أدهم(راجل نور):كنعيا معاه يجي عدنا.. فيصل:هاني جيت دبا.. هوما كيهضرو وأنا غير حالا فيه فمي صراحة حطيت عليه لعين…#يتبع
👑كوني لنفسك كل شيء👑 #الجزء14: مشات نور تحط لعشا ومشا راجلها يعاونها.. فيصل:معمري شفتك مع نور.. أنا:أه حيت ماشي بزاف باش تعارفنا.. فيصل:أه بون أش كديري فحياتك.. أنا:خدامة فصالون ديال لحلاقة.. فيصل:مكتفكريش ديري شي واحد خاص بيك.. أنا:هاد ياعة باقي ظروف لمادية ممساعدانيش.. فيصل:الله يعاونك.. أنا:أمين.. فيصل:خلي ليا نيم ديالك نتعارفو كثر… أنا:وخا قيد… فيصل:سميتك فاطمة الزهراء ياك.. أنا:أه.. فيصل:هدرتك قليلة.. أنا:غير باقي مزعمتش عليك.. نور:نوضو نتعشاو.. 🌹مجومين على صال مونجي حاطين بسطيلة وكل واحد قدامو طرف ديالو كياكل منو🌹 أدهم:فاطمة الزهراء مرحبا بيك أختي.. أنا:شكرا 😇.. نور:إيوا أفيصل إيمتا قررتي تدخل لمغرب.. فيصل:هاد ساعة باقي.. أنا:علاش مخدامش هنا.. فيصل:لا ففرانسا.. نور:فيصل عندو مطاعم تما.. ادهم:رجع لبلادك أصاحبي.. فيصل:مكرهتش عندي شي مشاكيل هوما لي حابسيني.. نور:الله يعاونك.. ناضت نور هزات داكشي عاونتها وحطينا لعشا طاجين لبرقوق بقينا كنتعشاو ونضحكو تاسالينا عاونت نور فغسيل لماعن ودارت اتاي وحطاتو وتجمعنا عليه.. فيصل:نور صاحبتك مزوجة… نور:لا باقي..

👑كوني لنفسك كل شيء👑 الجزء15: أدهم:ضبرتي ليها على شي راجل.. فيصل:إيلا كانت هي باغا تتزوج بعدا.. أنا:إيلا كان شي واحد يستاهل علاش لا… نور:متزربيش.. أنا:هه هاد ساعة مكاين والو باش نزرب.. أدهم:باقي يجيب ليك الله لي كاتمناي.. أنا:نشاء الله..لمهم خاصني نمشي دبا… نور:تسناي نوصلك.. فيصل:بلاش أنا غادي ونوصلها معايا.. أنا:أوك تصبحو على خير.. خرجنا ودعونا وبقيت غدا مع فيصل كيدوي ليا على حياتو فرنسا وخدمتو تاوصلنا نزلت من طوموبيل ونزل سلم عليا ومشا جيت بغيت ندخل لدار حتا كتجرني شي يد درت لقيتو خويا… خويا:شكون هداك.. أنا(نطرت يدي):بعد مني.. خويا:دخلي لداخل ونتفاهمو.. أنا:بعد مني وابنادم.. ماما:مالكي ولدي جيتي.. أنا:قولي ليه يعطيني تيساع.. خويا:طلقوك وبغيتي طيري.. أنا:واماشي سوقك وابنادم.. خويا(جمعها معيا بتسرفيقة):هاماشي سوقي.. أنا:هئهئهئ كلب.. طلعت لبيتي وشداتو ماما.. ماما:مالك معاها.. خويا:شكون هداك لموصلها تال باب دار.. ماما:معرفتش أولدي راكانت معشية مع صاحبتها.. خويا:متبقاش تخرج من هاد دار.. ماما:صافي غير تهدن.. خويا:لي عندي أنا قلتو منعاودش لقاها فزنقة.. كنت سادة عليا فبيتي كمدت ديك دقة بدلت ونعست… في صباح🌞… فقت على شميشة صباح درت روتيني صباحي لبست ونزلت لقيت ماما فايقة.. ماما:فين غدا.. أنا:لخدمتي.. ماما:رادوا معاك خوك لبارح.. مجاوبتهاش وخرجت درت بناقس من شي فطور كان صالون شوية خاوي صونا تيلي نيم معرفتهاش.. أنا:ألو.. ***:صباح نور.. أنا:صباح الخير… ***:فاطمة الزهراء هادي لماعية.. أنا:وي هادي هية شكون معايا.. فيصل:أنا فيصل.. أنا:أهلا صافا.. فيصل:الحمد الله فينك نتي دبا.. أنا:فالخدمة.. فيصل:عارض عليك لغدا.. أنا:معرفتش إيلا ساليت لخدمة.. فيصل:منقبل تا إعتدار.. أنا:وخا مع 1.. فيصل:أوك صيفطي ليا لعنوان ديالك نجي عندك.. أنا:أوك.
👑كوني لنفسك كل شيء👑 الجزء16: بعد ما قطعت مع فيصل بقيت خدامة وكنفكر فهاد لولد صراحة ضريف ومافيه ميتعاب عايش مزيان بفلوسو ولكن لمشكل واش غانعيش معاه مزيان ولا لا وخا عاجبني فيه شي حاجة مخلياني نافرة منو أودي قالسة نخطط بوحدي شكون قالي باغيك هو معتابرني صديقة يمكن غانحيدو من بالي مبغيت نتعلق بتاشي واحد ويلى كان باغيني يجي لدارنا قبلت بيه مرحبا رفضتو الله يسهل عليه مع وحدة خرا أصلا أنا مبغاهش.. كان تيلي كيصوني ويلي فيصل نسيت.. أنا:ألو.. فيصل:أنا حدا لباب فينك.. أنا:أوك أنا خارجة… بدلت حوايج لخدمة بزربة وخرجت عندو وركبت فلوطو ومشينا لواحد ريسطو هو لي ختارها ديال ناس لهاي جات فواحد بلاصة بعيدة شوية ومعزولة لي بغا لهدنة يجي لهنا قلسنا على برا حدا شجر كانو طبالي تما.. فيصل:كيف غدا مع لخدمة.. أنا:الحمد الله هاد ساعة.. فيصل:مخططا لشي حاجة فحياتك.. أنا:مكرهتش يكون عندي صالون خاص بيا مي كتابلي هادي حاجة بعيدة… فيصل:تاحاجة مبعيدة.. أنا:هادي غير هدرة.. فيصل:لا مهدرا والو.. أنا:يلاه قولي كيف غاندير ليها. فيصل:داكشي علاش جبتك هنا.. أنا:كيفاش؟؟ فيصل:شتي هاد ريسطو لي قالسين فيه دبا ديال واحد صاحبي.. أنا:وباش غاينفعني أنا هادشي.. فيصل:خليني نكمل.. أنا:كمل.. 41 · J’aime · Réagir · Répondre · Signaler · 5 mai BouTaina El Atifi 👑كوني لنفسك كل شيء👑 الجزء17: فيصل:هاد صاحبي هو لي غادي يعاونك عندو بزاف ديال لريسطو وبغا يدير شي حاجة جديدة يستسمر فيها فلوسو قتارحت عليه يدير شي صالون وعجباتو لفكرة ولكن عندو مشكل أنه مكيفهمش فهادشي وعاودت ليه عليك غاتخدمي عندو نتي لي غادي تقابلي ليه صالون هو مغيجيش عندك ديري لي بغيتي غاتافقو على فلوس وغاتكوني تسيفطي ليه واحد لمبلغ فحسابو ولباقي ديالك.. أنا:معرفتش خاصني نفكر.. فيصل:هو غايجي دبا وتفاهمي معاه.. أنا:أوك.. شوية جاواحد دري كيسلم على فيصل سمر وطويل وشعرو كحل دار يسلم عليا بلاتي بلاتي هادا هو لي بقا تابعني ديك لمرة تاوصلني لدار… الولد:أوو أش هاد مفاجأة.. فيصل:كتعرفها.. الولد:تعفرات عليا واحد لمرة ومخلاتليش لفرصة فين ندوي معاها.. فيصل:امم إذن مكتعرفهاش هادي فاطمة الزهراء هدا أشرف.. أنا:متشرفين.. أشرف:شرف ليا باقي مطلبتو والو.. فيصل:كنا كنتسناوك.. أشرف عيط على سيرفور باش يشد طلبات وكانت صدمتي صدمتين خويا نعم إنه أخي هو سيرفور بقا كيشوف فيا خدا طلبات ومدواش بطبيعة الحال لباطرون ديالو هنا معايا… أنا:أشرف سمحلي نسولك.. أشرف:مرحبا.. أنا:هد دري خدام هنا.. أشرف:وي.. فيصل:كتعرفيه.. أنا:خويا.. أشرف:خوك ومعرفاهش فين كيخدم.. أنا:مكنتش عارفاه تا فاش كيخدم.. فيصل:مدواش معاك.. أنا:أصلا علاقتي معاه ماشي تال لهيه.. جاب طلبات ودراري حادينو كي كايشوف فيا… أشرف:ههههه مكرهش يشدك يقتلك.. فيصل:را ختو غير خايف على خدمتو.. أنا:يلاه بنت ليه ختو.. أشرف:تغداو بعدا.. تغدينا وتبادلنا أنا وأشرف نوامر ورجعني فيصل لخدمة..

👑كوني لنفسك كل شيء👑 الجزء17: فيصل:هاد صاحبي هو لي غادي يعاونك عندو بزاف ديال لريسطو وبغا يدير شي حاجة جديدة يستسمر فيها فلوسو قتارحت عليه يدير شي صالون وعجباتو لفكرة ولكن عندو مشكل أنه مكيفهمش فهادشي وعاودت ليه عليك غاتخدمي عندو نتي لي غادي تقابلي ليه صالون هو مغيجيش عندك ديري لي بغيتي غاتافقو على فلوس وغاتكوني تسيفطي ليه واحد لمبلغ فحسابو ولباقي ديالك.. أنا:معرفتش خاصني نفكر.. فيصل:هو غايجي دبا وتفاهمي معاه.. أنا:أوك.. شوية جاواحد دري كيسلم على فيصل سمر وطويل وشعرو كحل دار يسلم عليا بلاتي بلاتي هادا هو لي بقا تابعني ديك لمرة تاوصلني لدار… الولد:أوو أش هاد مفاجأة.. فيصل:كتعرفها.. الولد:تعفرات عليا واحد لمرة ومخلاتليش لفرصة فين ندوي معاها.. فيصل:امم إذن مكتعرفهاش هادي فاطمة الزهراء هدا أشرف.. أنا:متشرفين.. أشرف:شرف ليا باقي مطلبتو والو.. فيصل:كنا كنتسناوك.. أشرف عيط على سيرفور باش يشد طلبات وكانت صدمتي صدمتين خويا نعم إنه أخي هو سيرفور بقا كيشوف فيا خدا طلبات ومدواش بطبيعة الحال لباطرون ديالو هنا معايا… أنا:أشرف سمحلي نسولك.. أشرف:مرحبا.. أنا:هد دري خدام هنا.. أشرف:وي.. فيصل:كتعرفيه.. أنا:خويا.. أشرف:خوك ومعرفاهش فين كيخدم.. أنا:مكنتش عارفاه تا فاش كيخدم.. فيصل:مدواش معاك.. أنا:أصلا علاقتي معاه ماشي تال لهيه.. جاب طلبات ودراري حادينو كي كايشوف فيا… أشرف:ههههه مكرهش يشدك يقتلك.. فيصل:را ختو غير خايف على خدمتو.. أنا:يلاه بنت ليه ختو.. أشرف:تغداو بعدا.. تغدينا وتبادلنا أنا وأشرف نوامر ورجعني فيصل لخدمة..

👑كوني لنفسك كل شيء👑 الجزء18: دخلت دورونا لبنات بيناتهم.. البنت:هانا على ناس تاني شكون هداك.. البنت2:وتيتيز متشوفيش لختك معاع.. البنت3:وهي أش دير.. أنا:زربتو عليا مابيني وبينو والو.. البنت:وكيفاش قاديتكم.. أنا:غير أصدقاء.. البنت:امم أصدقاء.. أنا:نوضو راتبعاكم لخدمة… بقيت قالسة ويلى جات شي كليان كانقاد ليها داكشي لي بغات تاوصل لوقيتة بدلت وخرجت شديت طاكسي مشيت لدار مع دخلة.. **فمكان أخر** سالا خو فاطمة الزهراء لخدمة وخرج مشا هز مراتو وعيط على ختو عاود ليهم أش وقع ومشاو لدار.. ماما:أش واقع.. خويا:بنتك برب تانقتلها.. بابا:مالها.. ختي:قالسة مع ز**ل.. ماما:أولي سكتي.. مرت خويا:دارت لينا شوهة.. بابا:حتى تجي ونفهمو أش كاين.. دخلت لدار لققيتها مرونة.. خويا:أجي نتي لهنا.. أنا:تجمعتو تاني.. بابا:معامن كنتي.. أنا:وصلتيها.. خويا:دوي ولا نهرس ليك فمك. أنا:هاداك لباطرون ديالك ياك غانولي شريكة معاه.. ختي:ياك نتي كوافورة أش وصلك ليه.. أنا:ونتي مالك بابا فاش غايمشيو هادو عيط ليا نشرح ليك أش واقع.. يلاه نايض ليا خويا وهربت لبيتي سديت عليا وخليتهم كيتقلاو مبغيتهمش يعرفو أش كاين بضبط بقيت سادة عليا وسمعتهم كيتغاوتو عرفتهم كايعمرو ليهم راسهم أودي شكون داهة فيكم خليتهم تاتقطع حسهم كنت بدلت حوايجي ونزلت.. بابا:أجي عاودي ليا أش كاين.. أنا:دري لخدام عندو ولدك لباس عليه وبغا يدير شي صالون وبغاني نتكلف بيه يعني غانكون أنا لمديرة ودوك صالونات ديال ناس لهاي أقل مبلغ نقدر ندخلو فنهار هو مليون… ماما:يويو سعدي ببنتي.. بابا:الله يعاونك.

👑كوني لنفسك كل شيء👑 الجزء19: بقيت مجمعة مع ماما شوية نضت وجدت لعشا بغيت ندير شي حاجة خفيفة قررت ندير كراطان صلقت بطاطا وخيزو فالماء وشوية لملح قليت شوية لبصلة ولخضرة لي لقيت حكيتها درت فرماج مع جوج بيضات خلطهم مزيان وزدت عليهم بطاطا وديك لخضرة لي عندي ودرت شوية لعطرية وعاودت زدت 3بيضات وخلطت داكشي ودهنت طاوا بشوية زبدة ودرت دقيق وكبيت داك لخليط فالطاواة وحطيتو يطيب بقيت مقابلاه وشديت تيلي لقيت ميساج فواتس معند أشرف وفيصل وشي بنات.. Achraf:zin.. Fayçal:fati bghit nchofak ghda bax nsalm 3lik.. Chaima(صاحبتي):fati 3dna wa7d l3rasya ghda.. جاوبتهم واحد بواحد أشرف جاوبتو بصافا وشيماء سولتها على لوقيتة تاع لعرس معاياش وفيصل سولتو فين غادي وحطيت تيلي مشيت صايبت عاصير عصارت غير ليمون ودرت سانيدة جبدت داك كراطان من فران قلبتو فطبسيل ومشيت حطيت طباسل صغار فالطبلة وموس وفراشط وكيسان وحطيت لعاصير وكراطان عاد دخلو واليديا لي كانو برا وتجمعنا على طابلة…
👑كوني لنفسك كل شيء👑 الجزء20: ماما:إيوا أبنتي إيمتا غاتبداي هاد لمشروع.. أنا:مزال متفاهمنا والو يلاه تعارفنا.. بابا:فين عرفتيه.. أنا:صاحبو صاحب راجل صاحبتي.. ماما:والله مفهمت شي حاجة لمهم عندو شي فلوس.. أنا:على ماأضن لباس عليه ريسطو غين خدام خويا ديالو.. بابا:مشيت ليها تبارك الله قداش.. أنا:أجي كاعمة كنت عارفة خويا خدام سيرفور.. ماما:تاحنا كان مخبي علينا ومرتو لي سولها تقوليه خدام فشي شركة.. أنا:وكيفاش عرفتو.. بابا:كانو عيطو عليا واحد نهار لواحد لخدمة فديك ريسطو ولقيتو خدام تما.. أنا:مراضيش بخدمتو هدا خاصو يحمد الله لي لقاها.. ماما:مرتو لي دارتها ليه غرقاتو فالكريديات مخلاتو يربي ريش.. أنا:إيوا هو لي لسق فيها لمهم تصبحو على خير.. نضت غسلت يدي وسنيناتي وجهي تاهو ورطبتو ودرت كريم لي إيدي ورجلي ضفرت شعري ضفيرة خفيفة ممزيراش وتخشيت تحت لمانطة وشديت تيلي ديالي.. Chaima: m3a 2 maghankhdmox fsalon ghanmxiw 3ndha l3ars.. Me:sf wakha.. //////////////////// Fayçal:khasni nrja3 lfrança khlit mrati wladi bou7dhom.. وايلي طلع مزوج وااع صدمني.. Me:ghda m3a 11 mnasb lik.. fayçal:oui ana 3ndi tyara m3a 12 ylh ngalso chwiya.. Me:ok bn8.. ////////////////// Achraf:ghda ana ghnji lik tal dar m3a 10 bax ntfahmo 3la khdma wnchofo fayçal.. Me: wakha wlkn blama tji tal 7da dar.. Achraf:sf fras darb.. Me:ok.. Achraf:❤ سديت تيلي وحطيتو حدا راسي ونعست..

👑كوني لنفسك كل شيء👑 الجزء21: مع 10بضبط كنت لابسة مني فونطر بالغري مع سروال بيض وسبرديلة غري نايك دايرة كاسكيطة وطالقة شعري وجهي درت ليه إيكرون على شمس وكلوز هزيت تيلي ديالي وشي فلوس درتهم فجيب ومع وصلت راس درب وقف أشرف بفراري كحلة وطلعت وكسيرا… أشرف:لوقت هو لوقت.. أنا:إيوا درت معاك لعشرة.. أشرف:معروف على لبنات كيتعطلو.. أنا:هادوك لبنات لي كايكونو دايرين مع صحابهم ماشي أنا. أشرف:واخا ألا لا فين غانمشيو دبا.. أنا:قلتي خاصنا ندويو على خدمة.. أشرف:أه إذن شي كافي.. أنا:وخا… وصلنا لواحد قهوة حدا لبحر كونسومينا قهوة بجوج بينا.. أنا:دبا منين غنبداو. أشرف:أول حاجة خاصنا شيي محل.. أنا:نشوفو شي سمسار.. أشرف:هه خاصنا شي وحد يكون كبير مهم أنا غانحاول نقلب عليه ليوم… أنا:باش نبداو تجهزات.. أشرف:بغيتك توقفي على لخدمة مزيان.. أنا:فاش غاتلقا لمحال غانبدلو ليه ديكور وغانشوف بنات مزيانات يخدمو معانا.. أشرف:صافي هادشي لي كاين.. أنا:يمكن.. أشرف:باقي لحال على فيصل. أنا:عرفتي أشنو عيط ليه يقلس معانا هنا.. أشرف:وخا.. عيط ليه أشرف مكملاش 10 دقايق جاعدنا مفركس وقلس.. فيصل:جيتو مع بعضياتكم.. أشرف:لعقبة لزواج.. أنا:أشمن زواج؟؟!.. فيصل:هه عرسك.. أنا:نلقا لعريس بعدا.. أشرف:لهاد درجة عينك مسدودين.. أنا:لا محلولين الحمد الله أجي نتا كيفاش قديتك مزوج وماقلتي لي والو.. فيصل:قلت غاتكون عاودات ليك نور… أنا:نن ماقالت ليا والو..

👑كوني لنفسك كل شيء👑 الجزء22: فيصل:أنا مزوج بنصراتية ولكن سلمات وعندي معاها ولد واحد.. أنا:وعلاش مديتيهاش بنت بلادك.. أشرف:ونتي سوقك.. أنا:ونتا شكون دواك.. فيصل:هه كل ونصيبو أنا عمري فكرت غانتزوج بشي وحدة من تما مي لمكتاب.. أنا:الله يكمل عليكم.. فيصل:أمين أش درتو نتوما.. أنا:باقي مدرنا والو.. أشرف:خاصنا شي محال.. فيصل:كاين واحد ف***غايعجبكوم… أنا:نمشيو نشوفوه.. أشرف:نوصلو فيصل لمطار أومنبعد نمشيو… نضنا مشينا لمطار ودعنا فيصل وليقنا تما تانور وراجلها كيتسناو فيه صراحة واخة مدة قليلة باش عرفتو ولكن ولا كثر من خويا… نور:فين هاد لغبور.. أنا:عندي ليك واحد لخبر.. نور:أشنو؟؟!.. أنا:غاندير أنا وأشرف صالون.. نور:مبروك.. أدهم:فين غبرتي أ أشرف.. أشرف:غير لخدمة راك عارف. أدهم:الله يعاونكم.. أنا:أمين.. مشات نور وراجلها ومشيت أنا وأشرف لمحال صراحة صدق زوين فيه 3طبقات كدخلي من لباب كتلقاي واحد ميساحة كبيرة وخاوية وحاد لبلاصة فيها دروج كيطلعو لفوق ودروج خرين كينزلو لتحت وكاينين شي بيوتة فكل بلاصة… أشرف:كي جاك.. أنا:مناسب بزاف… أشرف:حتا لبلاصة لي جافيها زوينة.. أنا:خاصو شوية لإصلاحات.. أشرف:غدا خاصنا نبداو.. أنا:صافي خاصني نمشي أنا دبا كاين واحد لعرس.. أشرف:غاتحبسي من ديك لخدمة… أنا:أخير نهار هو ليوم.. وصلتي أشرف لصالون جمعت مع لبنات داكشي لي خاص كان عرس ديال ناس لباس عليهم دخلنا مشينا لبيت لعروسة لقينها هي وصحاباتها وبديت كنقاد ليها أول مرة غانقاد لشي عروسة وكنقاد غي بشوية صايبت ليها شعرها هو لول درت ليها مكياج لبسات قفطان وقاديت ليها واحد مشطة فشعرها وخرجوها بزغاريت خليت لبنات معاها هما لي غايكملو ليها ومشيت لصالون طلعت عند المديرة..

👑كوني لنفسك كل شيء👑 الجزء23: المديرة:أش كاديري هنا عندكم شي عرس.. أنا:خليت لبنات يكملو وأنا جيت نقدم إستقالة.. المديرة:واش كاين شي مشكيل… أنا:لا مكاين والو غير بغيت نستقر.. المديرة:لي بغيتي.. معطلاتنيش بزربة عطاتني حسابي ودعاتني وخرجت مشيت لمرجان قاع لي جات فبالي تقديتها ومشيت لدار ستفت داكشي فثلاجة وطلعت دوشت ونزلت.. ماما:عمرتي ثلاجة وحنا غادين. أنا:فين؟؟. ماما:غانبقاو شي يامات مع ختك.. أنا:إيمتى غاتمشيو.. ماما:ليوم ودبا نيت راكنتسنا غي باك يجي.. أنا:مزيان.. جا بابا ومشاو وطاحت ليا فبالي نعرض على نور وراجلها وأشرف لعشا عيط ليهم مرفضوش ونضت كفط على دراعي درت بسطيلات صغار بالحوت وشلايض وطيبت طاجين باللحم والبرقوق شريت موندا وقاديت ديسير فطبسيل وطلعت عاودت دوشت باش تحيد مني ريحت طياب جمعت دار لبست كسيوة بالبيض فوق الركبة وصباط بالحمر بلا جمعت شعري كوتشوفال درت مكياج خفيف وقلست كنتفرج تاجاو فدقة ستقبلتهم عمرت أتاي وحطيت لحلوة.. نور:كاينة بوحدك.. أنا:ماما وبابا مشاو عند ختي.. أشرف:درتي شي عشا.. أنا:لا سير شريه.. أشرف:ولاش عارضة علينا.. أنا:مع با خلاني بلاش وعيط ليك باش تجيب ليا لعشا.. نور:فاطمة الزهراء را حادكة.. أشرف:فرضان الهدرة.. أدهم:هه خلي عليك لبنت.. أشرف:مغانقتلهاش.. هزيت سينية ديال أتاي وتبعات ليا نور طبسيل ديال لحلوا حطيت دوك بسيطلات.. أشرف:هادشي بنين منين شريتيه.. أنا:صايبتهم قالاك شريتهم… أشرف:أه ه حقلهوم باسلين.. أنا:واباز.. أدهم:دبا نتوما غاتخدمو بجوج. أشرف:أه وكثر من الخدمة.. أنا:حجارك يشدوك.. جمعت طبلة وجبت طاجين ولخبز ومخلاو فيه والو حطيت ليهم ديسير وبقينا مجمعين شوية نضت جمعت طبلة تاني ودرت قهوة باش نبقاو سهرانين شوية وحطيت كوكيز وقلسنا مجمعين…

👑كوني لنفسك كل شيء👑 الجزء24: جاب أشرف كارطة معاه ماعرت منين طاحت عليه هاد لفكرة بقينا مقصريت تال ديك 1:30ديال ليل.. نور:مشا لحال.. أدهم:وي خاصنا نمشيو.. أشرف:وهي لنضتو.. نور:فاتي نخليوك دبا بسلامة.. أشرف:غدا غاندوز عندك شوية بكري.. أنا:وخا.. أدهم:يلاه أختي بسلامة.. سلمت عليهم وبقيت واقفة حدا لباب تاركبو ومشاو ودوك ولاد درب لمشومرين لي معندهم ميدار شادين رداد خنزرت فيهم ودخلت سورت عليا لباب لبست بيجامتي ونعست… ❤صباح النور❤ داخلة شميشة من شرجم فقت سديتو غسلت وجهي ومشيت وجدت لفطور فطرت صونا عليا أشرف… أشرف:أنا كنتسنا فيك حدا لباب.. أنا:زمر لا.. أشرف:غانهرس ليك داك لفم.. أنا:وراياله فطرت.. أشرف:وغا سربي.. قطعت وطلعت لبيست كيطة جمعت شعري درت إيكرون بزربة لوجهي ودرت كاسكيطة ولبست سبرديلة هزيت تيلي وسوارت وخرجت.. أشرف:خاصك 100عام باش توجدي.. أنا:ونتا يلاه علمني.. أشرف:طلعي.. طلعت ومشينا لمحال ديال صبايغ شرينا صباغة بيضة وشي ديكورات كيلسقو فالحيط مشينا لصالون.. أنا:منين غانبداو.. أشرف:والله معرفت.. أنا:نبداو من لداخل.. أشرف:يلاه.. لبسنا واحد طابليات وقلسنا نصبغو وعيط أشرف لشي صباغة حيث هادشي كثير هما تكلفو بالبيوتا لدخلانين وحنا صالون لي على برا…

👑كوني لنفسك كل شيء👑 الجزء25: بقينا هكداك تاوصلات وقيتة لغدا.. أشرف:فاطمة الزهراء حيدي داكشي وأجي.. أنا:وخا… خرجنا مشينا تغدينا مرة مرة كيوكلني بإيدو وناشطين خرجنا ودينا معانا ماكلة لدوك لخداميت تما ومشينا حنا بغينا نكنلو زعما صدقنا مضاربين بالصباغة وكنضحكو ونتسيلفاو.. أشرف:ههه شوفي حالتك.. أنا:نتا طفرتيه هههه… أشرف:تبرهشنى😂.. أنا:هزيت كتافي ودرت ليه واحد لخط صباغة فوجهو وتبعني شدني ندمني… أنا:😂😂 صافي صافي.. أشرف:هه يلاه نوضي… نضنا حيدنا داكشي خلينا لخرين خدامين بعد ماتغداو.. أشرف:غانوصلك لدار دوشي وبدلي حوايجك باش نختارو تيم لي غانديرو فديكور ديال صالون.. أنا:وخا.. دخلت دوشت بالخف نشفت شعري وصايبتو وبوكليتو شوية من لتحت لبست سروال كحل ولبست صوفيطة بالبيض درت من فوقها بوليرو بالكحل طويل ومشبك من جيهت ظهر ولبست صباط طالون كحل ودرت مكياج سموكي وهزيت بوشيطة فيدي ودرت فيها سوارت تيلي كنينيكس وشي فلوس وعكر…

👑كوني لنفسك كل شيء👑 الجزء26: خرجت لقيتو كيتسنا كان لابس سروال دجين تيشورت بيض وداير فوق فيستة زرقة وسبرديلة بيضة.. أشرف:أش هاد زين.. أنا:قول تبارك الله.. أشرف:ليوم نقتل شي حد.. أنا:هه يلاه.. مشينا لعند واحد لمصممة كل واحد فينا عطا أراء ديالو وهي تكلفات بالباقي وحنا مشينا لواحد ريسطو ونزل أشرف شبك يديه مع يدي حسيت براسي طايرة فسما واحد لفرحة لاتوصف داخلنا وكلسنا مطلقش ليا من يدي.. أشرف:أش بغيتي تاكلي.. أنا:شي حاجة فيها تغماس.. أشرف:هه واخا ألالا.. طلب ليا وليه طاجين غير بدجاج ولبصلة وزبيب وبطاطا فريت مهم عرقناها مشيت لحمام غسلت قاديت عكر شوية وخرجت خلص وخرجنا.. أنا:أش غادير دبا.. أشرف:بغيت نوريك واحد لحاجة.. أنا:أشناهي.. أشرف:يلاه معايا وتعرفي.. مشينا لواحد بتي فيلة فيها جريدة صغيرة وكتحمق دخلنا كانت دار خاويا مافيها لا فراش لا والو ولكن زوينة.. أنا:ديالمن هادي.. أشرف:ديالي.. أنا:زوينة ولكن علاش ممفرشاش.. أشرف:داكشي علاش جبتك معايا كيعجبني دوقك غانعطيك سوارت ونخلي ليك كارت بونكير وفرشيها على دوقك.. أنا:أ.أ معرفتش؟؟.. أشرف:عفاك مترفضيش أنا تايق فيك.. أنا:وخا.. أشرف:أجي ندخلو نشوفوها من لداخل.. كنا فمراح كيطل على صالون وكين واحد لبيت جا مخشي لتحل فحال لكاب وحداه طواليط وكاينة كوزينة كطل على جردة ودارة كولها بالبوطاجي إيلا واحد لقنت خاوي ودروج واسعين وكبار كيطلعو لفوق طابق فيه غير لبيوتة ضايرين فحال شكل شي رياض مقابلين مع بعضياتهم شي 6لبيوتة كاينين واحد دروج طالعين من لوسط لواحد لبيت كبير كدخلي كتلقاي واحد لمساحة كبيرة وكتزيدي شوية كتلقاي حمام واحد لباب كدخلي منو لواحد كوزينة صغيرة.. أنا:دارك كتهبل.. أشرف:عجباتك.. أنا:بزاف…

👑كوني لنفسك كل شيء👑 الجزء27: #تسرييع_الأحداث.. بعد مرور شهرين.. فهاد شهرين لي دازت قدرنا نكملو فيها ديكور ديال صالون وحتا دار أشرف فرشتها كاملة على دوقي ويلى حرت فشي حاجة كناخد رأيو وعاد زدت تقربت منو.كثر صدق حمق وهبيل وقليل فين كيتعصب مع لخدمة وكيلقاني حداه ليوم غانديرو حفلة ديال إفتتاح الدعوة عامة.. أشرف:كلشي موجود.. أنا:أه يمكن.. أشرف:سيري وجدي راسك.. أنا:وخا.. خرجت وخليتو تما 5عشية يلاه يكفاني لوقت.. أشرف:وجدتي داكشي لي وصتك عليه.. الشخص:كلشي موجود.. أشرف:مديرو والو تانعلمكم أنا.. الشخص:واخا أسيدي.. مشيت لدار هزيت واحد لكسوة طويلة بالغوز بيبي معندهاش سميطات وفيها سلهام لاسق فيها صايبت شعري ودرت ليه واحد مشيطة جا مجموع كامل ودرت مكياج ولبست كسوة وطالون ونزلت لقيت ماما كتسناني وطلعنا فطاكسي.. ماما:ختك ومرت خوك تاهمة جايين.. أنا:يعطيوني غير تيساع.. بقينا ساكتين تاوصلنا لقيت ناس بداو كيجيو ولموسيقة بانو ليا دوك جات مشات عندهم ماما ومشيت أنا عند أشرف كان لابس قاميجة بالزرق حال ليها صديفات لفوقانين وسروال كحل وصباط.. أشرف:على سلامتك.. أنا:الله يسلمك.. أشرف:شكون ديك لمرا معامن جيتي.. أنا:ماما.. أشرف:كتعرف هادوك معامن واقفة… أنا:ختي ومرت خويا.. أشرف:شتك قاعما سلمتي عليهم ولا توحشتيني؟!”.. أنا:علاقتي معاهم خايبة… أشرف:علاش.. أنا:أنا براسي معرفاش علاش لي عارفة هو مكيحملونيش.. أشرف:متسوقي لحد.. بدات موسيقى هادئة كيشطحو عليها لي كوبل ومحسيت براسي تاجرني أشرف لوسط وأنا غير مسايراه ومع قريب ليا بزاف ومحيدش عينو عليا وثرني بزاف…

👑كوني لنفسك كل شيء👑 الجزء28: ختي:شوفي دسارتك.. ماما:وماتعرفي بغا يتزوجها.. مرت خويا:راغير غاتجيب ليك شي كرش أما راماكين زواج.. ماما:لا لا مديرهاش.. ختي:إيوا تسناي تادير ليك شوهة.. حبسات موسيقة وناس رجعو فحالهم إيلا حنا بقينا على حالنا.. أنا:أشرف يلاه.. مجاوبنيش تاتلاح علينا لورد من لفوق ومحسيت بيه تاجمع ليا فمي ببوسة وطلق مني وتحنا على ركابيه وجبد لخاتم صدمني وناس كبصفقو كنشوف بنادم فرحان إيلا ختي ومرت خويا 2لفعات تلاقاو غايموتو بسم.. أشرف:فاطمة الزهراء بلا تزواق لهدرة غانجيك من لخر تقبلي تكوني مراتي… أنا:أه.. تلاحيت عليه عنقتو وقف هازني كيضور بيا وقف لبسني لخاتم وكلشي كيصفق مشينا لبلاصتنا جات نور وراجلها بارحو لينا وقفو معانا تاجات ماما.. ماما:إيوا أولدي إيمتا غاتجي تخطبها معند باها.. أشرف:غدا نشاء الله.. ماما:إيوا مرحبا.. بقينا مجمعين ضاحكين تابداو ناس كيمشيو حتا بقيت غير أنا وأشرف.. أشرف:مبروك علينا.. أنا:الله يبارك فيك.. كنت قالسة مقابلة معاه وجرني من يدي قلسني فوق حجرو.. أشرف:غدا غانجيب واليديا تعرفي عليه بعد سيمانة لعرس.. أنا:وخا ولكن سيمانة مزربتيش.. أشرف:لا صبري تقادا.. أنا:وخا..

👑كوني لنفسك كل شيء👑 الجزء29: خشا راسو فعنقي بغا يبدا يبوس وأنا نوض.. أنا:يلاه نمشيو.. أشرف:هه(عض شفة لتحتانية ديال فمو وهدر)شحال قدك تهربي.. أنا:وصافي يلاه.. أشرف:ههه وخا ألا لا يلاه.. نضنا وصلني تال حدا دار طلعت بدلت حوايجي ومسحت لمكياج ونعست كنشوف فداك لخاتم… صباحو🌞.. فقت هاد صباح وكلي نشاط ليوم غانعرف عائلة أشرف مقداني فرحة بعد روتيني صباحي لبست واحد كيطمة وخرجت نتقدا قاع داكشي لخاص تا صونى عليا أشرف.. أشرف:صباح الحب.. أنا:صباح نور.. أشرف:أش كدير حبيبتي.. أنا:كنتقدا فشي حاجة.. أشرف:مع 4لعشية غانكونو عندكم نشاء الله.. أنا:مرحبا.. أشرف:يلاه حبيبتي نخليك توجدي راسك.. أنا:باي.. قطعت معاه ورجعت لدار حطيت داكشي تا جا خويا ومرتو.. خويا:مبروك عليك.. أنا:الله يبارك فيك.. مرت خويا:بقيتي ساكتة تاضبرتي عليه هو هداك.. أنا:المزوجين فسما.. خويا:خاصكم شي حاجة.. أنا:لا الحمد الله نهار كان خاصنا قاع ماسولتي.. طلعت فحالي يلاه بنت ليه تاغانتزوج بالباطرون ديالو أودي.. مشيت لبيتي بقيت كنقلب على مالبس لقيت واحد قفطان خفيف بالبيض كنت خيطو حطيتو ونزلت كنوجد مع ماما ومرت خويا محطات يديها فتاحاجة مسالينا تال ديك 3طلعت لبست قفطان درت مكياج خفييف وطلقت شعري ونزلت لكوزينة حتا جاو ورخرجو ستقبلهم.. بابا:مرحبا مرحبا… الحاج(أب أشرف):شكرا.. كنسمعهم دخلو وقلسو فصالون حتا جات عندي ماما خرجت صينية وماما لحلوى. الحاجة:مرت ولدي غزالة.. حشمت وحدرت راسي.. الحاج:بلاما نطولو بزاف دراري متافقين بيناتهم وحنا جينا طالبين راغبين فيد بنتكم فاطمة الزهراء لولدنا أشرف.. بابا:تاحنا ملقاوش حسن من ولدكم أشرف وكيبقى لقرار لفاطمة الزهراء.. الحاج:إيوا أش قلتي أبنتي.. حدرت راسي ودويت.. أنا:موافقة… ماما:يويويويو.. الحاجة:مبروك عليكم.. أشرف:ختي تاالعرس وتعرفو عليها هي وراجلها ولادها.. بابا:نشاء الله.. الحاجة:إيوا خليو دراري يدويو شوية على راحتهم.. ماما:نوضو أبنتي لصالة ودويو. نت و تبعني أشرف وقلسنا.. #يتبع…ضض

👑كوني لنفسك كل شيء👑 الجزء30: اشرف:هاد زين كولو ديالي.. أنا:يمكن.. أشرف:(إبتسامة)غدا نديرو عقد القران وأسبوع نديرو لعرس.. أنا:وخا ولخدمة وصالون لي يلاه تفتح.. أشرف:متخافيش غير نتزوجو ونستقرو فدارنا ديكساع نشوفو لخدمة.. أنا:أووف صراحة خايفة… أشرف(شد ليها فإدها):معندك مناش تخافي.. أنا:😇.. نضنا رجعنا عندهم.. الحاج:إيوا تفاهمتو.. أنا:أه.. أشرف:ندسرو لعقد غدا ولعرس سيمانة من بعد.. مرت خويا:إيوا غي عنداك تندم تحمل مسؤوليتك.. أشرف:أنا ماشي دري صغير وفاش ختاريت عرفت أش نختار.. الحاجة:تبارك الله مرت ولدي مفيها ميتعاب… الحاج:مغاتركبوش لخواتم.. نضنا وقفنا عطاونا صينية فيها حليب وتمر وخواتم ركبناهم لبعضياتنا وغلس حدايا نفس لخاتم لي عطاني فاش طلب مني زواج بقينا مجمعين تاوصلات وقيتة لعشا تعشينا ودعناهم على أساس نتلاقاو غدا… طلعت حيدت عليا داك لقفطان ودوشت لبست بيجامة ونعست.. **صباح** فقت بكري ليوم ناشطة نزلت لقيت بابا وماما كيفطرو.. ماما:فطري وجدي راسك شوية وغايجي خاطيبك باش تكتبو لعقد.. أنا:(ممسالياش كناكل)امم واخا.. بابا:تهلاي فراجلك.. أنا:يتهلا فيا نتهلا فيه… كملت فطوري وغسلت سناني لبست كسيوة طويلة بالسميطات بالبيض وصندالة طالون جمعت شعري من قدام وخليتو مطلوق من لور مدرت والو لوجهي بغيت نبقا طبيعية نزلت شادة تيلي كندير سيلفيات حتا جا أشرف وخرجت عندو كان معاه باه وأدهم ونور فلوطو ديالهم.. طلعت أنا لور ومشينا لمكتب لعدول درنا إجرتءات كتبنا لعقد وخرجنا لواحد كافي وباه مشا فحالو..

👑كوني لنفسك كل شيء👑 الجزء31: نور:مبروك عليك.. أنا:الله يبارك فيك.. أدهم:إيمتا لعرس.. أشرف:بعد سيمانة.. نور:غاتقدكم سيمانة توجدو فيها.. أنا:هو لي زربان.. أشرف:تالين غانبقا نتسنا.. أدهم:أحسن مدرتو.. نور:من إيمتا ونتا حاط عليها لعين.. أشرف شد ليا فإدي ودوا: واحد نهار تبعتها ومبغاتش دوي معايا وبقيت لاسق فيها تاوصلتها لدار كنت معول نقاد شي أمور ونجي نخطبها ونهار عرفني عليها فيصل مقداتني فرحة.. أنا:فكرتيني فيصل خاصنا نعيطو عليه.. أشرف:دويت معاه وبارك لينا وراه غايجي لعرس هو ومرتو. أدهم:ودبا تزوجنا بتلاتة باقي خاصكم غي نتوما تولدو لينا شي ولاد باش نتناسبو.. أشرف:احح والله مكرهت نولدهم من دبا.. أنا:زربان.. أشرف:لهلا يوريك قداش زربان.. أنا:إيوا باز… نور:هه يلاه باي خاصنا نجيبو دراري من مدرسة.. أنا:بسلامة.. أشرف:يلاه نمشيو تاحنا.. أنا:يلاه.. نضت أنا وأشرف ركبنا فلوطو محسيت بيه تاوقفنا قدام دار لي كنت فرشت.. أنا:لاش جينا لهنا.. أشرف:راك مرتي ودارنا هادي يمكن لا.. أنا:أه ولكن غي علاش جينا.. مجاوبنيش قلب طريق وحطني حدا دارنا ونزلت مدوانيش أنا مزال ممستعداش لداكشي ليبغا كنفضل حتا لورا لعرس طلعت لدار تكيت شوية حتا صونا عليا.. أشرف:مراتي.. أنا:تقلقتي قبيلة.. أشرف:صافي نساي تالورا لعرس نبرد فيك لقديم وجديد.. أنا:هه وخا.. أشرف:أش كديري.. أنا:والو.. أشرف:فين بغيتي تمشي ورت لعرس.. أنا:شمال.. أشرف:مرحبا.. أنا:يلاه نخليك بسلامة.. اشرف:بسلامة وتهلاي فراسك..

👑كوني لنفسك كل شيء👑 الجزء32: 🌹وأخيرا وصل نهار فاش كنت كنتسنا ليوم العرس تعدبت بزاف فتوجاد تقريبا كثر من النص ديال داكشي خلصو أشرف كرينا لقاعة بطريطور غايتكلفو بديكور والماكلة وتافقت مع واحد نكافة ولكوافرة غايصابو ليا فالصالون ديالنا… نور:سربي راغانتعطلو.. أنا:يلاهي أنا موجودة.. نور:إيوا هانتي صبرتي ولقيتي لي يصلاح ليك.. أنا:وخا هكداك خايفة.. نور:مناش.. أنا:من بعد مانتزوجو يتبدل معايا ولا يوقع شي مشكل.. نور:معندك مناش تخافي إيلا بغيتي ميوقع تامشكيل متخبي عليه والو ولفيه تاهو مايخبي عليك والو تهلاي فيه خليه يلقى راحتو غير معاك… أنا:نشاء الله.. وصلنا لصالون قادو ليا مكياج ومشيطة سامبل لبست قفطان بالخضر ونور لبسات واحد جابادور خضرة وبالغينة ولبسات لبنتها بحالها وطلقو شعرهم… البنت:هتي راوصل راجلك.. أنا:وخا أحنا جايين.. خرجت أنا ونور أشرف لابس جابادور بيضة وبالغين جا كيحمق ومقادين طوموبيل شد فيدي ومشينا لقاعة وصلنا لقاعة لقينا فالباب نقافة وعبيدات رمى شد ليا أشرف فيدي وناس ورانا وزغاريت قاداتنا فبلاصتنا النكافة وجات كتنقش ليا مع مدرتش ليلة لحنا كملات ليا ومشات.. أشرف(همس ليا فودني):أش هاد زين… أنا:احم.. أشرف:كتحشمي.. أنا:لاا.. أشرف:هه واخا.. بقيت كل مرة كنبدل لبسة تال لخر ولبست غوب بالحمر وأشرف كومبلي بالكحل وبوكي ديال لورد قطعنا لحلوة وركبنا لخواتم وشطحنا شوية داز كلشي زوين شحال من واحد بارك لينا خت أشرف وراجلهارضريفين بزاف ماشي بحالي لا خويا لا ختي ماعبروني ومكلفوش راسهم يباركو ليا وأصلا قاع ماعمرت راسي بيهم…

كوني لنفسك كل شيء👑 الجزء33: هاكدا داز لعرس ودبا وصلات وقيتة الوداع نكدب عليكم إيلا قلت ليكم بكيت بالعكس مشيت كنضحك… أشرف:وأخيرا بقينا بوحدنا.. أنا:ءءء؟.. أشرف:هههههههه.. أنا:مالك؟؟.. أشرف:ماماليش هه غير توحشت مراتي.. أنا:شكون مراتك.. أشرف:نكرتيني.. أنا:لا.. أشرف:أحنا وصلنا.. مشينا لدارنا طلعت لبيتي وقلست تجماعيت عليا لخلعة مع توثر معرفت ماندير تادخل أشرف… أشرف:مالكي.. كنت قالسة فوق ناموسية ونزل على ركابيه وشد فإيدي. أشرف:متخافيش نوضي دوشي ورتاحي شوية أنا نمشي ندوش فبيت لاخر ونجيب شي حاجة ناكلوها ضرني جوع.. أنا:وخا.. خرج أشرف ودخلت لدوش شحال قدي نتهرب دوشت درت لبرودويات لجسم ديالي ولبست شوميز دونوي ودرت فوقها بينوار خرجت طلقت شعري مغسلتوش باش يبقى مصاوب ودرت كلوس صافي ودخل أشرف لابس شورط وتيشورط ديال نعاس هاز فإديه شي ميكات.. أشرف:أححححح😍.. أنا:☺.. عنقني من لور وكيبوس فعنقي.. أنا:مبقاش فيك جوع.. أشرف:امم أنا كاناكل.. أنا:أنا ضرني جوع.. جرني من إيدي وقلسني فوق حجرو جبد سندويش عطاه ليا مع عاصير أنا كاناكل وهو خدام كل مرة وفين يحط يديه ومحيدش فمو على عنقي تاساليت… أنا:نمشي نغسل ونجي.. أشرف:سربي.. نضت غسلت يدي وسناني ورجعت..

كوني لنفسك كل شيء👑 الجزء34: مزال ماوصلتش حداه ماحسيت بيه تاجرني ولاحني وجا من فوقي….. 🌞أصبحنا وأصبح الملك لله🌞 فقت صباح تحتي كيضرني وأشرف ناعس على كرشي ولايح يديه على خصري هزيتها بشوية ونضت دوشت ولبست بيجامة نزلت لكوزينة قاديت لقهوة ةصايبت حريشات صغار بزربة حطيت كرواسا وفرماج وكاشير وكومير ولبيض قاديت داكشي فوق طبلة عاد نزل أشرف شعرو فازك.. أشرف:صباح النور.. أنا(مع إبتسامة):صباح الخير.. أشرف(باسني ففمي):أش هاد لحداكة.. أنا:من ديما حادكة.. أشرف:هه ليوم غانسافرو.. أنا:بصح فين… أشرف:ياك قلتي بغيتي تمشي لشمال.. أنا؛أه.. أشرف:إيوا غي وجدي راسك. *بعد سنة* داز عام حياتي تبدلات عايشة حياتي مع راجلي ولدي عندو 3شهور سماه باباه إبراهيم كيشبه ليه بزاف ماما وختي خويا مرتو بابا عائلتي كلها ولاو كيجيو عندي وعلاقتي مع عائلة أشرف كثر من زوينة صالون كتبو ليا أشرف فسميتي دبا مبقيتش ديك فاطمة الزهراء لي عرفتو فالأول معمر بنادم يبغيك ولايعطيك قيمة إيلا معطيتيهاش نتي لراسك ربي جاب ليا نور فطريقي حلات ليا عيني وراتني طريق صحيح فاش قلست فدار نقابلة شقا وكنتسنا يجي شي راجل يتزوجني مستافدت والو وحتا كون جا كنت نقدر منعيش معاه مزيان أي بنت كتقرا تشبت فقرايتها ولي قالسة فدار دير أي حاجة لراسها تاحاجة مكدوم وفمجتمعنا لي خدام وعندو فلوس كيديروه فوق راس ولي والو كيعسفو عليه ومنعطيش قيمة لأي واحد ونهار فكرت نتزوج شفت لي بعقلو وعندو إيمكانية يعشني مزيان ماشي حيت عندي 27 نتزوج بلي كان…🌹هادي نهاية قصتي فاطمة الزهراء البنت لي كاينين فحالها بزاف فهاد العالم ومقدروش يبرزو وجودهم راكم غاتعيشو غير مرة وحدة ستغلو فرصة وعيشوها بما يرضى الله🌹 👑هادي نهاية أرائكم فالقصة أش عجبكم وأش معجبكمش؟؟😘 و متنساش جييم لمنشور القصة 🚫❤