Skip links

قصة : غموض انتقام السفاحات4

 3,333 عدد مشاهداات

♛غموض إنتقام السفاحات♛
البارت ٭101٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

هزات إيمان عينيها كيبانو ليها گاع لي فزنزانة كانو متكيين ناضو كيشوفو فيهم كل واحد قدو قد سخط من بينهم شخص كان متكي دغيا دورات وجهها باش متعيقش وكل وحدة مشات البلاصتها لي كانو حدا بعضهم …

داز نهار هادئ فقط تبادل النضرات بين الكل صبح صباح جديد ناضو رادين لبال لگاع التحركات لي فزنزانة لاحضو ان گاع سجناء كيخدمو شخص واحد لي كان گالس فطبلة داير رجل على رجل وكيكمي بعد دقائق حل سجان الباب

سجان : ( بصرامة ) تحركو قدامي لقاعة الطعام واحد ورا واحد

خرجو واحد ورا واحد بشكل منضابط إلا واحد الأخيرة لي كانت كتمشا بشوية عليها وخاشية يديها فجيبوها

سجان : ( طلعها ونزلها بتخنزيرة ) اييه نتي تمشاي مزيان وطلقينا سربي

هزات راسها شافت فيه بعينين حاارين وحيدات يديها من جيبها لحقات عليهم

سناء : ( بصوت خفيف ) إيمان تحركي متيريش الإنتباه بلبسك خديتي انتباه الكل

إيمان : افف واه عاطييني داكشي مزير وقاميجة الفوق قصيرة

أماني : ( قربات ليها كدوي حدا ودنها بلا متعيق ) غير نتي لي ولفتي لعرييييييض اما الباس المخصص بنساء راه عريض والقاميجة واصلة لفخاض اما حوايج رجالة لي خديتي كتباني فيهم كيف الخنشة القميجة واصلة ليك ركبة

إيمان : ماشي مشكل حتى هما حوايج

تحركات القدام رادة لبال مع الحراس لي واقفين بستقامة مغطيين وجههم بكاسك كيبانو غير عينيهم لي مسلطين على بلاصة وحدة كيف صنم واحد حدا لاخر …

دخلو المكان عريييض عامر طبالي إنفرادية وحدة ورا تانية … تقدمو خداو كاس دلبلاستيك دارو صف حتى جات نوبتهم خوا ليهم شوية دلحيب فالكاس ونص كوميرة لواحد رجعو لمقاعد ديولهم تحت انضار الكل كولشي شادو الفضول شنو هو ضوسي هاد تلاتة ؟؟.

يتبع ….

♛غموض إنتقام السفاحات♛
البارت ٭102٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

دخلو المكان عريييض عامر طبالي إنفرادية وحدة ورا تانية … تقدمو خداو كاس دلبلاستيك دارو صف حتى جات نوبتهم خوا ليهم شوية دلحيب فالكاس ونص كوميرة لواحد رجعو لمقاعد ديولهم تحت انضار الكل كولشي شادو الفضول شنو هو ضوسي هاد تلاتة ؟؟.

كلاو غا بزز مامولفينش على هاد الفطور ناضو مخرجينهم لساحة كل واحد وشنو كيدير لي كيلعب كورة / باسكيت / لي شاد جماعة فشي قنط …

سناء : الى رديتي لبال فئة قليييلة ديال لبنات

أماني : كنضن فقط 5 اما هادشي كامل جنس دكور

إيمان : إلى رديتو لبال عندو أعداء هنا بزاااف دخل لحبس باش يتحمى من الخطر الخارجي معارفش بلي الجحيم لي غايلقاه هنا كتر من لي هرب منو

تقدمات جيهت كورة دلباسكيط خدات وحدة وبقاات تلعب بيها … رماتها الإيمان ودخلو ب 3 كيلعبو بيناتهم وفنفس الوقت حاضيين نضرات الكل عارفين هاد ساعة مغادوزش على خير خصوصا سموط ديالهم كيحاولو يتعرفو على شخصية كل وحدة فيهم

⁦⚜️⁩ فواحد القنت گالسين رباعة دريات تقريبا 5 كل وحدة فيهم لي واشمة فكمارتها ولي لحمها كلو مشرگ …

…….: لالة غير أمرينا حنا نتكلفو بيها

الزعيمة : تت خدمتي معاها انا … كيفاش يلاه داخلين وغير حاط عينيه عليها وانا لي معاه فنفس سجن كتر من شهر عمرو شاف فيا

……. : لالة نتي حسن منها واخا تخلا عليك وبسبابو دخلتي لهنا وأعوام خلاك بلا ميسول فيك كوني متأكدة واخا هكاك راه كيبغيك

الزعمية : حنان جمعي فمك ولا غانمد عليك يدي شكون گال ليك تخلا عليا !!! ( بعيون مليئة بشوق ) يدير لي يدير بلاصتو فقلبي بوحدها

ناضت ساخطة وتقدمات جيهتها دازت من حداها بشوية دفعاتها بكتفها وگلعات من يديها كرة دلباسكيط

الزعيمة : ( بستهزاء ) إلى مكنتيش قادة على شي حاجة متوصليش ليها

سناء 🙁 ناضت كتسوس حوايجها ونطقات بصوت خفيف ) طلقي ديك الكورة

يتبع..

♛غموض إنتقام السفاحات♛
البارت ٭103٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

سناء 🙁 ناضت كتسوس حوايجها ونطقات بصوت خفيف ) طلقي ديك الكورة

الزعيمة : ( شافت فيها كي مهدنة هنا تبسمات بشر حسات بيها مقادة على والو هنا تزادتها ضلعة ودارت كتشوف فسجناء كولشي حاضي ستاغلات غياب شخص .. ورفعات صوتها مفرعنة ) سمعو

كولشي شاف فيها ولي كان ممسوقش هز راسو كيتسناو شي مدابزة والغريب فالأمر سناء لي مبردة كليا ملامحها جامدين والبنات وراها متكيين علحيط فحال إلى ممسوقينش نهائيا لشنو غايطرا …

الزعيمة : سيدة رفعات صوتها عليا ممم شندير ليها وشنو العقاب ديالها يلاه يلاه سربيو دغيا

كولشي كيغوت بكلمة وحدة : شي ليلة زاهية معاها … ههههه

الزعيمة : اوووووه ( شافت فسناء ) وبما أنني ضريفة غانخليك تختاري 5 من سجناء لي عجبك فيهم ختاريه هو لي ( جبداتها كضحك ) ههههههه

ناض واحد كيضحك : وهمزة هادي تاني غاتكون حلوة كتر منك هههه نتي بساليتي بكترت مادازو عليك كاملين هههه

شافت فيه وشافت بنص عين فشخص لي گاع ممسوقش ليها معجباتهاش الهضرة لي تگالت قدامو

الزعيمة : ( شافت فيه مخنزرة ) حم غاتكون من نصيبك ( بضحكة صفرة ) غاسكت

شاف فيها وضحك : واهانتي دويتي ازين اصلا كولشي عندك بالمقابل هههه

دارت كتشوف فسناء لي كترمقها بنضرات باردة وقربات ليها بنضرات تحدي كتشوف فيها بستهزاء : ايامك كحلة معايا ازين وجدي راسك

فهاد اللحضة تدفعات من قدامها او وقف قدامها شخص لي شحال حلمات يشوف فيها غير نص شوفة وهو دابا قدامها كيدافع على وحدة مكيعرفهاش !!!

الزعيمة : العقرب !!!!

العقرب : كترتي رجعي بلاصتك وسكتينا نهار لي نشوفك قدامها ليلتك ميطلعش عليها الضو ردي لبال مزيان منشوفكش قدامها نهاااائيا

الزعيمة : ( شافت فيه بغيض ولقات آخر نضرات عليها وحيدات من قدامهم )

دار عندها شاف فيها يلاه كان غايرجع بلاصتو او وقفو صوتها

سناء : شكرا

العقرب : ( شاف فعينيها لي سحروه من أول نضرة وبرائتها لي عجبااتو ) مرحبا الى قربات ليك اجي گوليها ليا

سناء 🙁 بتاسمات حتا بانو غمواتها وتغمضو عينيها وبلطافة نطقات ) واخا

يتبع…

♛غموض إنتقام السفاحات♛
البارت ٭104٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

العقرب : ( شاف فعينيها لي سحروه من أول نضرة وبرائتها لي عجبااتو ) مرحبا الى قربات ليك اجي گوليها ليا

سناء 🙁 بتاسمات حتا بانو غمزاتها وتغمضو عينيها وبلطافة نطقات ) واخا

دخلو الحراس ورجعوهم لزنزانات بنضام … كل وحدة گلسات فبلاصتها وسناء تكات سادة عينيها والأفكار كيتضاربو فعقلها

سناء : ( كدوي فنفسها ) غاتكون واخدة نضرة خاطئة عليا غاتكون كتقول مافيدها والو سكوتية وداخلة سوق راسها هههه نسات ان هاد سجن ماشي اي واحد كيدخل ليه من غير الى مكنتيش شيطان فحال ناسو برودة دمي خدعاتها … ليام بيناتنا ممم ( حلات عينيها وشافت جيهتو بنص عين حتى لقاتو كيشوف فيها بتاسمات بزز ودورات وجهها ) ناقصني غير هدا مكرهتش نعصرو بين يدي ولكن وكيف كيقولو كل حاجة بوقتها زوينة ساعتك قريبة غير لعب مزيان وضحك …

ناضت بأنثوية وتمشات جيهت لباب دفعات ترمة ودوات بصوت رقيق : عفاك كاين شي حد هنا

طل عليها سجان وشافيها بنضرات بمعني شنو ؟؟؟

سناء : مم بغيت كاس دلما بليز

خنزر فيها وهي گاع ممسوقة جاب ليها الما مدو ليها من شرجم صغير شربات ورجعاتو ليه … كانت راجعة لسريرها حتى سمعات صوتو .. دارت لقاتو بغا يعيط ليها ومعارفش إسمها … قربات ليه كتشوف فيه بتسائل

العقرب : ممكن تجلسي

جلسات فوق الكرسي وشافت فيه كطلع وتنزل فيه

العقرب : نعرفك على راسي العقرب

مد يدو ليها كيشوف فيها كيتسناها تمد يديها ليه بعد ثواني مدات يديها وتصافحو كرزات على يديه وبتاسمات وداخلها نار شاعلة فيها ولقطات الماضي كيضاربو فعلقها دازو أعوام وأعوام ولكن جرح الماضي عمرو كيتداوا ولا كيتنسا شحال صعيبة تشوفي لي رباك قدامك كيتقتل ونتي طفلة صغيرة مافيدك والو معندك مديري فقط دموع طفلة كيعبرو على الألم لي كتحس بيه …

سناء : مشرفين انا ساندرا

العقرب : ( بتاسم ) مم اسم زوين فحال مولاتو تماما ههه

سناء : ( عرفاتو لاياش كيلمح بتاسمات ونطقات ) ههه شكرا

العقرب : هاد سجن منحتاجش نگول ليك شكون لي فيه وشكون كيجي ليه شنو سبب لي شدوك عليه ؟؟

يتبع..
♛غموض إنتقام السفاحات♛
البارت ٭105٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

العقرب : هاد سجن منحتاجش نگول ليك شكون لي فيه وشكون كيجي ليه شنو سبب لي شدوك عليه ؟؟

سناء : ( شافت فعينيه ) تشديت وانا فمهمة

العقرب : الى معندك حتى مانع واخا تشرحي كتر من طرف من كتخدمي ؟

سناء : انا قناصة مكنخدمش لطرف أي واحد خدمتي بوحدي ومع لبنات لي معايا حنا صحابات من صغر مهم بلا منتعمق كتر شديت فلوس باش نقتل واحد شخص ومنجحتش وفديك اللحضة تشديت وهنا دابا هنا

العقرب : ممم قناصة

سناء : ( شافت فيه بنضرات تساؤل ) ونتا شنو سبب ؟؟

هز راسو فيها كيفكر واش يقول سبب الحقيقي ولا يكدب عليها واش يطيح من راسو قدامها ويقول گاع تقلبو عليا وعندي أعداء كتاار ملقيتش فين نتخبا باش نحمي نفسي كان الملجأ الوحيد ليا هو سجن !!

العقرب : كنت جاي باش نتافهم مع واحد شخص كاين هنا ، سجن نسبة الهروب منو هي 0٪ حيت الحديت دابا حتى واحد مقدر يهرب منو مكنتش عارف غايكون بهاد الخطورة فهاد شهر لي دوزت هنا ملقيتش شي حل وكنضن الحل منعدم

سناء : هي غادي نبقاو هنا ولا شنو ؟؟ شنو عارف بضبط ملفتاتش انتباهك شي حاجة هنا ؟؟

العقرب : ممخليينش فرصة لواحد الحراسة مشددة

سناء : اه اكي يلاه نخليك دابا غارجع نعس

العقرب : رتاحي حتى حد ميقدر يقرب ليك فهاد زنزانة كلهم كيخدمو معايا

سناء : ( دورات راسها فيهم ) ممم اكي

رجعات تكات ولبنات بلاصتهم كانو حاضيين المشهد بلا ميعيقو تطفاو الأضواء وكلشي سقل ناعس بلاصتو فحين وحدة سادة عينيها ونعاس مابغاش يجيها كل مكتسد عينيها كتجي قدام عينيها صورة لشخص توحشاتو سدات عينيها كتفكر گاع لحضات لي كانو بيناتهم وفهاد اللحضة كان جالس شاد كاس ويسكي وحداه أدهم

يتبع…
♛غموض إنتقام السفاحات♛
البارت ٭106٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

رجعات تكات ولبنات بلاصتهم كانو حاضيين المشهد بلا ميعيقو تطفاو الأضواء وكلشي سقل ناعس بلاصتو فحين وحدة سادة عينيها ونعاس مابغاش يجيها كل مكتسد عينيها كتجي قدام عينيها صورة لشخص توحشاتو سدات عينيها كتفكر گاع لحضات لي كانو بيناتهم وفهاد اللحضة كان جالس شاد كاس ويسكي وحداه أدهم

أدلر : فنضرك شمن حالة غايكونو عليها دابا ؟

أدهم : ( گالس وسط فوضى كل حاجة فين مشيرة شادة شيشة فيديه كل مرة كيجر جرة طوييلة ويبخ دخان ) منقدرش نتوقع

أدلر : طحنا فصحابات

أدهم : شكون گال أدلر لي ديما عاقدهم يجي نهار لي يبغي فيه لا ويزعم ههه

أدلر : الواحد كيتبدل ويلا شفتها قدامي مغانضيعش الفرصة يكفي هاد المدة كاملة مغانزيدش نضيع الوقت ونتا خليك ساكت هكا

دخل أوبي وگلس حداهم خدا ليه كاس ڤودكا ممسوقش ليهم ولشنو كيگولو نهائيا عاقد حجبانو وساكت

أدهم : شتك غاساكت حسك مقطوع

أوبي : ( شاف فيه ببرودة وقلب وجهو كيبقشش فتلفون )

أدلر : دوي اصاحبي حنا كنخبيو عليك شي حاجة عشرة دل** حتى عتارفت قدامكم وگلت كولشي مخبيت والو حيت نتوما خوتي ماشي صحابي صافي

أوبي : ( شاف فيه بجمود ) ديك لي دويتي لينا عليها ( قاطعو )

أدلر 🙁 مخنزر ) مالها شكاين

أوبي : تهدن داوي على صاحبتها لي شعرها كحل

شاف فيه أدهم فاهم قصدو وفين بغا يوصل : كتقلب عليها هي وصحباتها حاليا فسجن Alkatraz

تهز من بلاصتو مخرج عينيه وجهو تخطف منو لوون : كيفاش !!!!! واش لقاو القبض عليهم كيفاش شدوهم !!

أدلر : گلس وتهدن هما لي سلمو راسهم غايتهم لي فسجن العقرب هو هدفهم وغاديين على ودو

يتبع …
♛غموض إنتقام السفاحات♛
البارت ٭107٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

تهز من بلاصتو مخرج عينيه وجهو تخطف منو لوون : كيفاش !!!!! واش لقاو القبض عليهم كيفاش شدوهم !!

أدلر : گلس وتهدن هما لي سلمو راسهم غايتهم لي فسجن العقرب هو هدفهم وغاديين على ودو

أوبي : اه العقرب وشنو رابط لي كيربطهم بيه ؟؟

أدلر : هادشي عارفو أدهم هو لي يقدر يفيدك

شاف فأدهم وأدهم هز راسو حنحن وبدا كيعاود ليهم ……

أدهم : فاش كانت باقي عندي فالقصر فواحد ليلة كانت ناعسة وكتحلم وفنفس الوقت كانت كدوي

༺༻ فلاش باك ༺༻

سناء ناعسة فوس سرير شعرها لاصق على وجهها وكتقطر بالعرق حناكها سخااان وكلها كتفتف … فديك لحضة كان داخل أدهم يطل عليها حتى لقاها فديك الحالة دخل تخلع گلس حداها كيمسح ليها فالعرق لي كيتصبب من جبينها وهي فمها كيترعد حس بيها كتحلم

سناء : ( كتفتف وتبكي ) ءه ءه عفاك متقتلوش بابا ءه ءه ءه ءه بابا عفاك لا لا عفاك ندير لي بغيتي إلا بابا عفاك خليه يمشي ( فلحضة غوتات كتبكي ) اهئ اهئ بابا لا اهئ كح كح كح ( كيتهز صدرها ويتحط وبصوت ضعيف نطقات ) العقرب غانقتلك …

فهاد اللحضة ترخات بين يديه جاب فوطة صغيرة وطبسيل عريض داير فيه الماء وثلج حط فيه الفوطة وهزها عصرها وحطها على راسها خلاها كتفتف وسنانها كيقرقبو غطاها ونعس حداها حاضيها ليل كامل

༺༻ نهاية فلاش باك ༺༻

أدهم : فديك ليلة عرفت سبب بضبط وشنو لي خلاهم يدخلو لهاد العالم ويضحيو براسهم على ود الإنتقام لي ساعيين ليه كتر من 10 سنوات صعيبة تشوف لي رباك وكبرك قدام عينيك كيتقتل واخا تكون محاملش فيه شعرة راه مكاينش لي مغايتأثرش ويتأزم مواصلينش حتى لسن القانوني باش يتقبلو صدمة

أدلر : ( وجه كلامو لأوبي ) ودابا فهمتي بضبط شنو واقع ( دور وجهو حتى عقد حجبانو ورجع شاف فيه بتشكيك ) …

يتبع…
♛غموض إنتقام السفاحات♛
البارت ٭108٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

أدار : ( وجه كلامو لأوبي ) ودابا فهمتي بضبط شنو واقع ( دور وجهو حتى عقد حجبانو ورجع شاف فيه بتشكيك ) … اجي نتا لاش هاد الأسئلة كاملين ( بضحكة جانبية ) متگولش ليا حتى نتا طحتي

شاف فيه أدهم بستغراب ورجع وجه نضراتو لأوبي بتساؤل هو الآخر لي كان كيرمقهم ببردة دم وحجبان مگرونين جمع يديه مع بعضياتهم . معندوش مع قوة الهضرة والكدوب على والو

أوبي : ( ببحة رجولية ) ويلا كانت شي حاجة فاش كيخصكم الأمر ؟؟

شافو فيه دراري مخنزرين ونطق أدلر : غابشوية عليك ونتا قريب تفرگع علينا غير بينا نعرفو حنا خوت مكنخبيو على بعضنا والو ( شاف فيه مصغر عينيه ) هادشي الى كتعتابرنا خوتك

أوبي : وهادي فيها شك ؟؟ ( تنهد ) مدام قلتي هي حاليا فسجن الكتراز غاندير كتر من جهدي باش نخرجها ونخرج صحباتها

شافو فيه دراري مخنزرين : هدوك ماشي شغلك فيهم

أوبي : هههه لا لا ونا نگول لاش كدورو عليا منيمتا ؟؟ ايه لسيدي فحالي فحالكم تهنيتو ؟

أدهم : واش زعما من نيتكم كي درتو ليها وصحابات غاتبقاو غالاسقيني ولا شنو ولا غير شفتووني معاها ومشيتو لاصقين فصحباتها

أدلر : ( دفعو بيديه ) محاشاها ليك حد كل واحد وكيفاش طاح على زنافرو

أوبي : ( مبرد ) نهضرو فالمهم سجن Alkatraz ماشي فحال گاع سجون خاصنا شي حل باش نقدرو ندخلو ليه المشكل مكاينينش نهاائيا شي معلومات عليه فيد المافيا

أدهم : وهادشي لي مصعب القضية كتر وكتر مابين أخطر سجون فالعالم ماشي بساهل ندخلو ليه ولي فيه غير لي فحالنا

أدلر : هادشي خاصو تخطيط من بعد ونهضرو فيه … مبانتش ليكم وعد غبرات هاد سيمانة

أدهم : ( عقد حجبانو ) هدا مابقاش شغل شريكة وحتى فليل مكتكونش فبيتها !!

أوبي : معندكمش علاش تخافو وعد بعقلها وعارفة شكادير وليگارد ديما معاها يحميوها متخافو عليها والو

ناض أدلر عاقد حجبانو طلع لبيتها فتحو ولقاها گالسة كترسم منغامسة فرسمة ديالها رجع منين جا بلا مايدير صوت ودارت كتشوف فلباب

وعد : شنو فكرو فيا دابا

ناضت خدات دوش وخرجات دهنات لحمها بكريم ولبسات سروال سبور كحل وشوميز بيضة قصيرة نشفات شعرها وخلات وجهها طبيعي هزات ski mask بالكحل دارتو فجيبها هزات كويرة لبساتها وگاط كحلين خشات فردي فجيبها وحلات لباب طلات مبان ليها حد وتسلتات ستاغلات الأضواء مطفيين وخرجات برا القصر لبسات ليگات كحلين فيديها و ركبات جاگوار كحل وعفطات عفطة وحدة حتى الوجهة لي غادية ليها …

يتبع…
♛غموض إنتقام السفاحات♛
البارت ٭109٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

ستاغلات الأضواء مطفيين وخرجات برا القصر لبسات ليگات كحلين فيديها و ركبات جاگوار كحل وعفطات عفطة وحدة حتى الوجهة لي غادية ليها …

نزلات من الموطور وسط الغابة بلاصة مضلمة بزاف وكيتسمع صوت ديااب من بعييد جاو تابعينها طموبيلات سوداء خرجو منها بزااف ديال ليگارد مسلحين وقفو وراها بنتضام

بعد ثواني شافت طموبيلات كتار داخلين خرجو منها ليگارد وقفو قدامها وبيناتهم مسافة شبه طويلة وفلوطو لخرة خرج شخص كمارتو كلها موشمة لابس لباس رسمي وداير على راسو القرع شابو

وعد : ( بصوت صارم ) لا غابشوية عليك طلقني دغيا ممسالياش

تايگر : ( شاف فيها مخنز ) ماشي حيت عندك بضاعة مزيانة ومكانتها كبيرة فسوق سوداء غادي تخدمي معايا هاد الأسلوب الى كنتي جديدة فهاد المجال انا راه نتفت زغب راسي فيه

وعد : ( ببرودة ) نهضر كيف بغيت الى كنتي قديم ولا جديد يدي واصلة عليك نقدر لعب بيك كي بغيت تفكر هادي مزيان نهار تجي تحل عليا فمك نهرسو ليك وديرها حلقة فودنيك

تايگر : ( محملش راسو فديك لحضة ) معندي معاك خدمة وكل واحد فطريقو والمعلومات لي بغيتي مغانعطيهمش ليك

وعد : متأكد

تايگر : ( بنفخة حاس براسو وكيتحاما بليگارد لي وراه ) شبان ليك

هزات فردي وجهاتو نيشان على جبهتو ميلات راسها كتشوف فيها نضرة فشكل وهو بدا يعراق دار عند ليگارد ديالو وتكلم بعصبية : هزو سلاح عليها يلاااه شكتسناو … بقاو جامدين كيشوفو قدامهم ممسوقينش ليه

وعد : تايگر تايگر تايگر خسارة فيك هاد لقب بزاف عليك لقب الأسد شجاعة وشهامة ( قرباات منو ) ودكااااااء ( ضغطات على هاد الكلمة رامقاه بسخرية ) ليگارد لي وراك رجالي هادو هههه مال مك مكلخ جايين معاك من لڤيلا … شاف فيها ودار شاف فيهم هنا حس بالخطر كيدور بيه لي سمع عليها مكانش غلط دكائها وقوتها رغم انها جديدة فعالمهم متوقعوش نهائيا وبهادشي لي طرا خلاه مصدوم وغير حال فمو … هزات يديها ودخلاتها لجاكيط ديالو خدات الملف وشافت فعينيه لي كانو كلهم تساؤل

وعد 🙁 بملل ) ڤيلا ديالك كلها كاميرات بيانسيغ نعرف فين محطوط الملف

هزات رجليها ضرباتو لركبة حتى طاح قدامها كيغوت من حر دقة حطات سلاح على صدرو وبطلقة وحدة طاح قدامها بدمياتو …

وعد : كون سكتي من لول ومطولتيش لسانك كنتِ غاتعطيني الملف ونعطيك الفلوس علاياش تافقنا ولكن فمك واكلك ( وجهات هضرتها ليگارد ) ديو عليا هدا شوفو فين تلوحوه

يتبع…
♛غموض إنتقام السفاحات♛
البارت ٭110٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

وعد : كون سكتي من لول ومطولتيش لسانك كنتِ غاتعطيني الملف ونعطيك الفلوس علاياش تافقنا ولكن فمك واكلك ( وجهات هضرتها ليگارد ) ديو عليا هدا شوفو فين تلوحوه

فهاد اللحضة كانو 3 دالأشخاص مراقبين المشهد من بدايتو حتى لنهاية مخبيين ورا شجرة ممصدقينش لي كيشوفو قدامهم !! وعد الكيوت دلوعة دخوها !! لي ديما مصغرين بيها ويجيبو ليها العاب !! وهي ديما ساكتة تفكرو نهار لي گالت ليهم : قريب نصدمكم … كانت هادي أكبر من صدمة رجليهم فشلو عليهم يلاه دارو ولقاو وراهم ليگارد موجهين جيهتهم سلاح

نطق واحد من ليگارد : شاف كنضن شي حد كان تابعك

دارت وعد بستغراب وتوجهات جيهت شجرة موجدة سلاح فيديها حتى دارت كتشوف شكون وتصدمات

وعد : ( حنحنات ) نتوما رجعو منين جيتو ومتجيو وديرو أي تحرك حتى نقولها ليكم … هزو راسهم بالموافقة وغادرو المكان فصمت

أدلر : ( شاف فيها وباقي ممتيقش ) وعد ؟؟

شافت فيه حيدات ski mask على وجهها : الهضرة ماشي هنا حتى لقصر

دارت خدات جاگوار وتسناتهم حتى جاو لوطو من بعيد ركبو فيها بتلاتة وكسيرات تابعينها حتى لقدام لقصر … دخلات جلسات فجردة قدام بيسين وتبعوها جالسين حداها ففوتويات

أدلر : نتي هي دئبة ؟؟

وعد : وي هيا انا

أدهم : وكتگوليها عادي زعما مخاصك حتى خير زعما

وعد : ( ببرودة لي جننات أدلر ) مالي شدايرة بسلامة كنميل لهاد العالم ودخلت ليه

أدلر : ( معصب ) لا مابيك والو غير هاد العالم ماشي لعب ماااااشي لعب فأي لحضة تقدري تخسري حياتك انا ممستاعدش لهادشي نتي ختي من لحمي ودمي ميمكنش نخسرك نهائيا انا هو باك ومك وخوك وكلشي

وعد : قادة براسي وراني سبع فحال خويا كنضن بحتي عليا فاش سمعتي بلي واخدة نفس لقبك بحتي حتى عييتي وعرفتيني مزيان

أدلر : وكنت غانقلب على صاحب لقب غير مكنتش مسالي ومشا الأمر من بالي وبغيابات ختي المتكررة تبعناها ليوم حتى كنتصدم فيها

كان شخص گالس كيشوف فيها مهدن وكيشوف فلملف فيديها .. نطق ومابقاش فصمت ديالو : شنو كاين فالملف

وعد : ( لاحت الملف قدامهم ) يقدر يساعدكم هادي خريطة سجن Alkatraz قدييمة دارت فاش تبنا سجن وتسرقات قلبو حتى عياو على شخص لي سرقها وملقاوش ليه الأثر وفيها نسخة وحدة وهي لي كانت عند تايگر

يتبع…♛غموض إنتقام السفاحات♛
البارت ٭111٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

وعد : ( لاحت الملف قدامهم ) يقدر يساعدكم هادي خريطة سجن Alkatraz قدييمة دارت فاش تبنا سجن وتسرقات قلبو حتى عياو على شخص لي سرقها وملقاوش ليه الأثر وفيها نسخة وحدة وهي لي كانت عند تايگر

أدهم : ممم ميكونش بايعها لشخص آخر وعاطي نسخة ليها لشي حد ميمكنش يكون محتافض ليها هاد الأعوام كاملة وهي كتسوى الملايير لمافيات كلشي باغي يعرف مخرج لسجن وراكي عارفة نص مافيات العالم فيه ومقدوش يهربو منو

وعد : يمكن كان مخبيها لراسو مابغاش يعطيها لمافيات عندو أب فسجن ويلا مشا حتى طاحت الخريطة فيديهم غايتقتل داكشي علاش بقا صامت طول المدة

أدلر : وكيفاش عطاها ليك ؟؟

وعد : واعدتو نخرج ليه باه

أوبي : مدام الخريطة فيديه بإمكانو يهربو ولا لا ؟؟؟

وعد : نفق لي كيهرب من سجن صعيب تخرج منو إلى مكنتيش رياضي وعندك سوفل راه غتموت ونتا موصلتيش لنصو وكيف كتعرف هو راجل كبير فسن ميقدرش على ساعة فديك البلاصة

أوبي : يعني غاتخالفي بالوعد ديالك مدام قتلتيه

وعد : شكون گاليك قتلتو هو حاليا كيتعالج او الوعد ديالي باقي فمحلو غانخرج ليه باه

أدلر : ( شد فراسو ) عاد گلتي البلاصة متصلاحش لي فعمرو ويقدر يموت

وعد : الخطة باقي مدرستها

أوبي : وعلاش درتي هادشي كامل شنو الغرض ديالك من هادشي شكون لي فسجن وعندك أهمية بيه

وعد : ( بدات تدور فعينيها ) مم ياك سناء ديك لي كانت معانا فالقصر فسجن دابا درت هكا على ود خويا أدهم ها ولكن كولشي بمقابل نهار نبغي شي حاجة تنفدها

أدهم : بهاكا غانفدوها كاملين حيت صحبات سناء كاينين تماك والإخوان الباقيين طايحين فيهم

وعد : ( دارت راسها متفاجأة ) اووو مااايگوووود هاي هاي هاي هي غاتزوجو وتخليوني بايرة هههه

أدلر : ههه فحال هكاك حتى نقلبو ليك على عريس

أوبي : بهاكا كتسالينا جميع طلب نهار تبغي شي حاجة اجي گوليها لينا

وعد : ممم ، اك يلاه بونوي نطلع نعس عييت هاد نهار ( دورات راسها عند خوها كضحك ) بنسبة لعريس لقيتو متحتاجش

طلعات مخلياهم كيضحكو ضانين انها غاكطنز من بعد ركزو مع الخريطة …

يتبع…
♛غموض إنتقام السفاحات♛
البارت ٭112٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

طلعات مخلياهم كيضحكو ضانين انها غاكطنز من بعد ركزو مع الخريطة …

طلعات لبيتها دوشات حيدات عليها العرق خرجات لبسات دوبياس بالكحل وشورط بالغوز وتيشورت لفوق فنفس لون خلات شعرها فازگ طاحت على ناموسية براحة حتى كتسمع صوت تلفونها .. قفزات هزاتو وهي تلقا ابيل ڤيديو قادات شعرها ورجعات لناموسيتها جلسات وجاوبات لقاتو ناعس مغطي بيزار بيض وصدرو معري حنحنات كدور فعينيها

أيهم : لاباس عليك

وعد : حمد لله ونتا

أيهم : بيخير فاش كتكوني مزيان

وعد : ( حمارو حناكها ) ممم بنسبة الخريطة قاديت الأمور وكيف تافقنا الخطة دازت كيف بغينا راه صورتها بلاتي نصايفتها ليك ( خرجات من لابيل وصايفطاتها ليه ) صافي وصلاتك

أيهم : شكرا بزااف والله كون قدرت نزل لبرازيل كنت غناخدو بنفسي ولكن ممساليش حاليا

وعد : نو هانيا مابيناتناش مرحبا

أيهم : الله يخليك ليا

وعد : بونوي

قطعات ولاحت تلفون ألوان طيف جاو فكمارتها هادشي كامل دارتو على ودو حيت طلب مساعدتها ومرفضاتش هاد جوج لي تبادلو نوامر من آخر مرة طلاقاو وبضبط فالحفلة لي كانو فيها مجموعين داكشي علاش كانو قاطعين الحس فالأواني الأخيرة علاقتهم تطورات ولاو كل نهار ضروري يهضرو …

~~~~~~~

شمس منورة ولبنات گالسين كيفطرو غير كملو ناضو راجعين لزنزانات … بعد دقائق جا سجان حل لباب

سجان : ( دور راسو فزنزانة حتى لمحها وشار ليها بيديه تبعو )

خرجات أماني من زنزانة تابعاه متسائلة علاش عيط عليها ؟؟

سجان : دخلي لهاد الغرفة

مشا وخلاها وراه دخلات كتلقا شخص واقف كتافو عراض وعاطيها بضهر سدات لباب او وقفات وراه حتى دار شاف فيها وقرب ليها بخطوات بطيئة وهي كلها تساؤلات علاش جا وشنو بغا منها ؟؟

يتبع..
♛غموض إنتقام السفاحات♛
البارت ٭113٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

مشا وخلاها وراه دخلات كتلقا شخص واقف كتافو عراض وعاطيها بضهر سدات لباب او وقفات وراه حتى دار شاف فيها وقرب ليها بخطوات بطيئة وهي كلها تساؤلات علاش جا وشنو بغا منها ؟؟

زياد : ( هو لي لقا القبض عليهم إلى عقلتو ) جيت هنا بأمر من رئيس المخابرات الأمريكية هاد الأيام دوزتوها مزيان ومجبتوش صداع ولا شي حاجة داكشي علاش عطاكم فرصة انكم تخرجو من سجن وتخدمو لصالح دولة الأمريكية

شافت فيه أماني بستغراب ونطقات : وشنو سبب هاد تغيير المفاجأ

زياد : ناس فحالكم وبهاد دكاء كيستاحقو يكون خدامين لصالح الدولة ماشي يبقاو منفيين ( دور راسو فالغرفة ) فهاد الوسخ كنتاضرو جوابكم وكنتمنا من قلبي انك تقبلي ( حنحن ) قصدت تقبلو

دار حس براسو عيق قدامها وهي تفهمها طاايرة … دارت بتسامة جانبية على وجهها فاهمة قصدو وستاغلات الفرصة دوراتو عندها كتشوف فيه بعيونها لي خلاه سارح فيهم وهي مقربة ليه خشات يديها فجيبو واخدة الفردي هزات سروالها خشاتو فيه ونزلات القاميجة باش متعيقش دورات راسها فالغرفة مبانوش ليها كاميرات وفجأة تحل لباب دخلات جيسيكا ( تدكير : مساعدة زياد ) وتصدمات من المنضر لي قدامها قراب لبعضياتهم كيفصل بيناتهم بضع سونتمترات … دورات أماني وجهها فيها بان ليها وجها حمر وكتشوف فيها بغيرة هنا شداتها ضحكة وگالت اجي لعب بأعصابها

أماني : ملي تبغي دخلي المرة جاية دقي لباب خايبة دخلي مدرمة كي البگرة

جيسيكا : ( شافت فيها بنضرات كيف القرطاس ) متحلميش تخرجي من هنا

أماني : وايلي ههه نعتابرو تهديد

جيسيكا : ( قربات منها بتحدي ) لي حبات خاطرك

أماني : إوا غانگوليك ازين غانهرس ليك عضامك الى باقي حطيتي رجليك فهاد سجن عطيتك فرصة تخرجي مترجعيش باقي

جيسيكا : تت كمارتي غاتشوفيها كل نهار تعودي على الوضع

أماني : ( همسات فودنيها ) بقيتي فيا حب من طرف واحد ” بسخرية ” غرتي ازين

جيسيكا : ( بعداتها عليها ) رضي بالك مني وحتى صحباتك داخلين فالموضوع غانخليك تندمي على نهار لي تزاديتي فيه

أماني : اووووه خلعتيني راني كنتفتف

خرجات جيسيكا وضربات بلباب معصبة ودارت أماني عند زياد لي كان ساكت كيشوف فيهم

أماني : مموافقاش غانبقاو هنا ( دارت تخرج حتى وقفها كلامو )

زياد : ضنيت بإستفزازها ليك غادي توافقي تخرجي

أماني : تت محركات فيا شعرة لي فراسي كنطبقوو ولي عنيتو باين غير نبهها متعاودش تحط رجليها هنا وفاش تسمع بلي تطوات على ربعة تفكر كلامي خرجات بمرافقة سجان ولحقات عليهم لساحة حيت كانو مخرجينهم فديك الوقت …

يتبع…
♛غموض إنتقام السفاحات♛
البارت ٭114٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

خرجات بمرافقة سجان ولحقات عليهم لساحة حيت كانو مخرجينهم فديك الوقت … دخلات دورات وجهها كتقلب بعينيها على لبنات حتى تعرضات ليها وحدة قدامها شافت فيها مزيان تفكراتها نفس بنت لي كانت مع زعيمة ولي سمعات سميتها ” حنان ”

أماني : شكاين

حنان : اووووه شكون كيهضر ( دارت عند زعيمة ) زعيييمة شبان ليك فهادي هاد نهاار هههه

زعيمة : هههه لا لا هاديك ليك ديري فيها مابغيتي ههه انا ليومة فريستي ديك توتة ( كتشوف فسناء بشراسة )

تجمعو سجناء الوسط كيتفرجو فيهم حنان طلات على الحرس لقاتهم برا

حنان : إوا أجي لعبو ازين ( طرطقات عنقها وهزات يديها حتى لسما باغا تنزل على حنكها شداتها ليها أماني بنضرات باردة دورات عينيها حتى بانو ليها لبناات فواحد جيهة شافت فإيمان وأومئت ليها راسها بالموافقة .. هزات راسها فلي قدامها طلقات من يديها وشدات عنقها طرطقاتو حتى طاحت فلارض جثة هامدة دفعاتها من طريقها وكملات طريقها حتى وصلات عند لبنات وگلسات مخلية سجناء حالين فمهم وزعيمة ناضت كتغووت

زعيمة : الله ينعل ط** يا الق** انا نوري مك ليوم شكنسوا نتي تقتلي وحدة من لبنات لي معايا حتى واحد مقدر يتجرأ عليها ناضت هزات موس من سروال وقربات ليها بقاات أماني گالسة هزات راسها فسناء ودارت ليها إشارة بيديها هي تكلف

جات قدام أماني هزات يديها ضربها بالموس او وقفاات قدامها سناء بملامح مضحكة

سناء : ( كضحك ) تتت جهلتي

الزعيمة : ( شافت فيها بصدمة ماشي هادي نفس شخص لي مهزاتش فيها العين نهائيا وهي كتقاوا عليها قدام كولشي ) رجعي ابنتي لور حسابي مع زعيمتكم

سناء : هنا حتى وحدة مزعيمة على ختها اه سكت ليك المرة لولة حيت انا بغيت ولكن المرة ثانية غاتلقاي خلا دار بوك

تلفاتها بالهضرة حتى جرحات ليها يديها بالموس وبدات تقطر بدم فهاد اللحضة تدخل العقرب لي وقف قدامها وجرها من شعرها ونطحها مع الحيط

العقرب : ( بالغوات ) شكون نتي لي تحطي عليها يديك دوي ؟؟؟

جراتو سناء وقربات ليها دوراتها لعندها ودخلات فيها بروسية حتى جات على وجهها ونيفها كيقطر بدم .. نزلات عندها عاضة على لسانها : انا تقيصيني يالكلبة ااا دوي انا

شدات راسها زدحات مع لارض حتى ترش دم على وجهها نوضاتها وعينيها مقلوبين بدات دور وجهها بجنون حسات براسها داخل الغرفة سوداء وفيديها وتقدر دير فيها مابغات

يتبع…
♛غموض إنتقام السفاحات♛
البارت ٭115٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

شدات راسها زدحات مع لارض حتى ترش دم على وجهها نوضاتها وعينيها مقلوبين بدات دور وجهها بجنون حسات براسها داخل الغرفة سوداء وفيديها وتقدر دير فيها مابغات

رجعات كتقلب فالأرض حتى بان ليها الموس فالأرض لي كانت هازاه عليها هزاتو وقربات منها كضحك فهاد اللحضة ولات ” الشيطان المهرج ” مابقاتش سناء دفعاتها ونطقات : اه عقلت آخر مرة گلتي اااه شحال كنبغيه ( شدات فقلبها ) كون قدرت عيني نعطيهم ليه وقلبي نهديه ليه ههههههه ( بدات تضحك وضرب ففخاضها ودم مرشوش على كمارتها وعلى حوايجها كتبان كتخلع شيء لي صدم العقرب

سناء : اجي نسهل عليك طريق عينيك نلعب بيه البي هههه

شداتها وخشات الموس فعينيها وسدات لها فمها مخلاتش غواتها يوصل لي على برا ترخات بين يديها هنا عرفاتها فرقات الحياة طلقاتها وگلسات فلارض حلات ليها كرشها وخشات يديها كتقلب وكولشي دار مخلوع من بشاعة المنضر اما البنات لي كانو مع زعيمة كل وحدة شادة ركنة كتقيا وكتفتف

سناء : ( هزات راسها وخرجات يديها ) اففف ملقيتوش

العقرب : ( قرر يتدخل فاش شافها وصلات لهاد الحالة وعارف انها ليلتها مغادوزش على خير ) سناء حيدي من يديك داكشي غير مكتصعبي الوضع

سناء : تت بغات تعطيك قلبها ( خشات يديها فمصارنها وسناء كدور فعينيها ومخرجة لسانها بطريقة مضحكة ولي خلات كلشي يتشوكا بلاصتو )

ضحكات وخرجات يديها لاحت جيهتو شي حاجة ونطقات : راهواك قلبها انا ضريفة وكنساعد الغير تمنات تهديه قلبها ونفدت لها طلبها دورات راسها كتشوف فكرشها المبجغة ودورات عينيها : افف مداق دمها خايب اعععع ( دفلات فالأرض على اساس داقتو وهي اساسا مقرباتوش لفمها ) مالكم ساكتين تقطع حسكم ههه مموالفاش ليكم

سناء : ( حكات راسها كتفكر حتى حلات عينيها ببتسامة نهار تفكرات زعيمة فاش قالت لواحد شخص نعطيها ليك كادو ضحكات ودورات عينيها فيهم وفيديها الموس : بس بس بس فينك

رجعات بلور وحيدات سجناء من حداها حتى لقاتو وراهم فواحد ركنة وطالقها فسروالو كيترعد

سناء : هاااااا لقيتك ههههه

دغيا جمعات ضحكة فاش سمعات باب ساحة تحل وكشرات وجهها بطفولية : ممم مغانلعبش معاك ولكن ( شيرات عليه بالموس جاتو وصت جبهتو خلاتو مرمي ) ولكن غانهي لعبة

دخلو الحراس مصدومين وعيطو على مدير سجن
يتبع..
♛غموض إنتقام السفاحات♛
البارت ٭116٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

دخلو الحراس مصدومين وعيطو على مدير سجن وجا وتبعهم زياد وجيسيكا وراه … جا المدير بشوية عليه حتى تصدم فديك الحالة خصوصا منضر زعيمة لي كيقلب الخاطر او حنان لي راسها معوج ومرمية فلارض هز راسو كيبان لي واحد خر طايح فلارض او موس بين عينينه

المدير : شكووووون داااار هكاااا شكون تجرأ يدير هكا ؟؟؟؟؟؟؟

كلشي صاقل إلا لبنات لي كيشوفو فيه ببرودة .. دور راسو فسجناء حتى وقف عليهم ب 3 عارف الفعلة ديالهم حيت ميمكنش شي واحد فسجناء يديرها عارفين العواقب مزيااان كانوو فحال هاد المدابزات لي كيوصلو لموت ولكن أعوام وأعوام ماطرا هادشي وكلشي مهدن مرة فشحال توقع مدابزة

المدير : فعلة ديالكم جداد ومعارفينش قوانين السجن جداد ومعارفينش عواقب هادشي لي درتوو ( غوت معيط الحراس ) ديهم عليا ب 3 مكيهمنيش صاحب الفعلة يترباو ب 3 باش المرة جاية يمدو يديهم

جاو الحراس شادينهم وجات جيسيكا وقفات قدام المدير كتشوف فيه نضرات فشكل

جيسيكا : ( بتحلوين ) واخا نتكلف بوحدة فيهم

المدير : ( شاف فيها كيسرط ريقو وبعد عينو عليها ) اك

خرج خلاها طايرة بالفرحة تبعاتو وتبعوها الحراس معاهم لبنات ب 3 … المدير مشا البيرو ديالو وهما نزلو فدروج لتحت قدام بزااف ديال لبيبان

جيسيكا : ( شافت فيهم ) انا غانتكلف بهادي ( شيرات على أماني ببتسامة شريرة كتفكر الهضرة لي گالت ليها ) جوح دلحراس يتبعوني

مشات الغرفة حلات بابها دخلات وتبعوها جوج معاهم أماني وبنات بقاو برا ختارو حراس وحدة من الغرف لكل وحدة …

جيسيكا : حطوهم فوق الكرسي وعقدو يديها ورجليها ونتوما بقاو لور كتفرجو ( شافت فأماني قدامها بمكر وقربات ليها ونطقات ) جيتي حتى لبين يدي

ناضت كدور فالغرفة لي كانت مضلمة وكرسي وسطها مسلط عليه الضوء وسط ديك العتمة … مشات كدور بين الآلات وقربات منها ساعق الكهربائي بمكر كضحك

جيسيكا : اجيو لعبو واحد شوية هههه

حطاتو على راسها وخدماتو حتى تهزات كلها كترعد وعينيها خرجو … وقفاتو كتشوف فيه هاد الأخيرة لي كانت حاسة بألم رهيب ومتمالكة أعصابها … رجعات صعقاتها حتى تهزات كلها كتفتف كتحس بروحها غاتخرج وضو كيضرب فراسها

يتبع…

♛غموض إنتقام السفاحات♛
البارت ٭117٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

فالغرفة لي حداها كانت گالسة رابطينها بسلاسل فوق الكرسي وصقيييييييييل مخليينها بوحدها فديك الغرفة كتسمع غير صوت نقيطات الما وحدة تابعا تانية … سدات عينيها كتحاول تفكر فحاجة خرا ومتشغلش بالها نهائيا بدوك نقيطات الما لي الى بقات مركزة معاهم غايخرجو ليها عقلها … هادو نوع من انواع تعديب لي كيخلي عقلك يخرج الى كنتي كتسمعي لنفس صوت بسوايع خاصك تحاولي تجاهليه وتفكري فحاجة خرا واخا صعيب حيت صقيل لي فالغرفة مقارنة بصوت قطرات لي كيطيحو بضبط على راسها قطرة ورا ختها كيخليك مركزة غير معاهم … سدات عينيها كتحاول تناسا أول حاجة تفكراتها الشخص لي خدا قلبها ضحكات فاش تفكرات أيامها معاه كانت ضحكة من القلب مكرهاتش ترجع بيها ليام وتعاود تعيشهم .. قلبها بغاه وهي نافراه …

⁦⚜️⁩لطالما كنت أحمل هم الانتقام
وشعرت بتعب و لم ترحمني …⁦⚜️⁩
⁦⚜️⁩فزدت هم العشق علي
وها انا أشتاق إليك رغم نفورك …⁦ ⚜️⁩

سناء : ااااه ( بتاسمات ) باغيين يعدبوني بالحاجة لي حياتي كاملة وانا فيها الما لي كنعتابرو نصفي تاني

فالغرفة لي ملاصقة معاها كانت گالسة فالأرض رابطينها بسلاسل هازين يديها الفوق كتحس بضس باااااارد فحال إلى گالسة فوق ثلج غرفة مضلمة مكيبان ليها والو وهي قربات تجمد وكتحس بفيران مرة مرة ينقزو عليها هنا عرفات الغرفة عامرة بيهم وبالحشرات … تكات على الحيط ممسوقاش نهااائيا همها الأخير هما …

~~~~~~~~
جيسيكا : ( كتشوفو فيها مقاداش تهز عينيها ) باقي مسالينا ازين باقي الحال

دارت مشات هزات السوط وكضرب بيه فالأرض … فهاد اللحضة أماني دارت شاف وراها لقات الحراس رجعو لور بمساحة كافية بتاسمات بشر ساعة وهي كتسنا فهاد اللحضة قربات يديها من لور دسروال كتحاول توصل ليه حتى حطات يديها على الفردي ( لي خدات لزياد ) خلاتها حتى قربات ليها هزات راسها فيها وضحكات

جيسيكا : ( شافت فيها مستغربة هاد كمية دصعقات وحدة بلاصتها توفات وزايداها بضحك !!) اييه نتي سكتي

أماني : الى كان عقلك ينفعك گلت ليك تعاودي تحطي رجليك هنا غانقسمك على ربعة ياك

جيسيكا : اوووه شكون كيهدد هههه طوال ليك لسان كيفاش غاديري لها ونتي مربوطة ( دلات شنايفها بحزن )

تيرات ليها فرجليها ودغيا دورات لفردي وتيرات لكل واحد فراسو خلاتهم منشورين … بقات مدة كتفك فالحبل وكتشوف فجيسيكا كتألم وشادة فرجليها دموع طاحو ليها .. خلاتها كتلوى وناضت خرجات من الغرفة وسداتها دازت الغرفة لي حداها بانت ليها سناء لايحة راسها لور وساكتة تيرات فالسناسل باش مربوطة حتى تفك نوضاتها وخرجو بجوج وأماني كتحك فعينيها كتحاول تصحصح وراسها كيضربو فيه المطارق

يتبع…
♛غموض إنتقام السفاحات♛
البارت ٭118٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

خلاتها كتلوى وناضت خرجات من الغرفة وسداتها دازت الغرفة لي حداها بانت ليها سناء لايحة راسها لور وساكتة تيرات فالسناسل باش مربوطة حتى تفك نوضاتها وخرجو بجوج وأماني كتحك فعينيها كتحاول تصحصح وراسها كيضربو فيه المطارق .. نفس شيء دخلات الغرفة لي متواجدة فيها إيمان لقاتها شادة فار كتلعب ليه فوق راسو فهاد اللحضة شداتها ضحكة

أماني : هههه دخلوك تعدبي ولا تلعبي

إيمان : فكي ليا يدي ضروني

تيرات ليها فسناسل وطاحو … ناضت كتسوس حوايجها وخرجات كتكسل تگولي كانت ناعسة وعاد فاقت مرتاحة مخاصها حتى خير

أماني : گلت نجي نفككم هي لولة ورجع لغرفة منها نيت تفرجو شوية

سناء : كيفاش فاش غانتفرجو واجي كي درتي تفكيتي بعدا وداك الفردي ديالمن

أماني : ( غدا جيهت الغرفة فين خلات جيسيكا وكدوي ) خديتو لزياد فصباح غير بالخف دخلات علينا ديك سيدة ومحملاتش تشوفنا بجوج باينة طايحة فيه من ديك ساع غا مقابلاني …

دخلات الغرفة تبعوها البنات مشاو گلسو بعيد حدا أنواع من الأدوات الحادة الخاصة بالعمليات الجراحية .. أماني هزاتها وحطاتها بلاصتها بلا متربطها

أماني : أجي لعبو شوية نتي كنتي رابطاني وأنا لا غالعبو لعب نسا شبان ليك

جيسيكا : غاتندمي

شافت فيها ببرودة كتقتل الواحد ناضت وعطاتها القرفادة وقربات منها وبصوت كفحيح الأفعى نطقات : باش نبداو ممم ( فلحضة سكتات كتشوف فيها وناضت كضحك ضحكة خلاتها تشوكا فكرات انو صعقات أثرو فيها او خرج ليها العقل .. ولكن لي معارفاش ان تصرفاتها طبيعيين ولحد دابا مشافت منها والو

ناضت وخلاتها حادرة راسها مشات جيهت الآلات الحادة وطفات الضو لي مسلط عليها خلات الغرفة مضلمة مكيبان ليك والوو

جيسيكا 🙁 كترعد ) انن انن شع لي ضو

ناضت دغيا خايفة كتفتف مشا كتجري كتقلب على لباب حتى تعكلات وطاحت فالأرض دارت تشوف شنو عكلها وحطات نيشان يديها على راس واحد من الحراس لي كان راسو متقوب .. طلقاات غوتة زعزعات السجن ولي سوء حضها الغرفة مكيخرجش صوت ديالها على برا .. دورات عينيها صقييل كتسمع غير صوت أنفاسها وصدرها كيطلع وينزل نزلات راسها كترعد حتى سمعات صوت ألة حادة بحال الموس كاتتحك مع الحيط و طالقا واحد الصرير كايضر فالودنين مع دندنات أنثوية

يتبع..
♛غموض إنتقام السفاحات♛
البارت ٭119٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

دورات عينيها صقييل كتسمع غير صوت أنفاسها وصدرها كيطلع وينزل نزلات راسها كترعد حتى سمعات صوت ألة حادة بحال الموس كايتحك مع الحيط و طالقا واحد الصرير كايضر فالودنين مع دندنات أنثوية …

ناضت دغيا گلعات صباط لي داير صوت كتحاول تخبا فشي قنت .. وهي غدا محسات براسها غا تزدحات مع شي حاجة العرق حسات بيه كينقط من على جبينها وهي كتسمع صوتها كيدندن حدا ودنينا حسات بيها كدور عليها تشعل ضوء لقاتها قدام وجهها مبتاسمة جبدات لها لسانها گطعاتو لها وتطفا ضو مخلية جيسيكا كتلوى قدامها رجعات حمرة

أماني : ( جراتها لعندها ) مكنتش غانمد عليك يدي ولكن فمك كياكلك گرصونك كيهرك ابنتي مكتعرفيش تسرطي لسانك نهااائيا

ناضت من حداها شعلات ضو ورجعات ليها شافت فيها جيسيكا بنضرات ضعف وترجي وكتبكي فهاد اللحضة حسات أماني بشعور فتقداتو شحال هادي ولي هو الإنسانية شافت فيها بنضرات شفقة دارت معصبة من راسها ولاحت الموس

أماني : ( شافت فلبنات بنضرات منبغي حتى وحدة تقيصها ) ساليت شغلي نقدورو نخرجو دابا

ناضو لبناات وقبل ميخرجو خداو لي بغاو من الغرفة وخرجو وتبعاتهم جيسيكا كترعد .. طلعو فدروج للأعلى وجيسيكا مشات كتجري هربانة دازو البناات من حدا مكتب المدير لي كان داير رجل فوق رجل حتى شافهم وناض مصدوم والحراس لي هزو عليهم الأسلحة

المدير : ايييه نتوما وقفو

وقفو البنات قدامو كيتسناو ردة فعلو حتى دخل المكتب شغل كاميرات المراقبة كيرجع لقطات لوراء وهو مصدوم رجع ليهم كيفور مكرهش يقتلهم ولكن الأوامير لي عاطيينه رؤساء هما لي مخليينو متحكم فراسو لحديت دابا أمر جوج حراس يرافقوهم حتى لزنزانة دخلوهم وخرجو

طاح ضلام وهما گالسين كياكلو وجبة العشاء رادين لبال مع السجناء لي كيشوفو فيهم بنضرة فشكل

إيمان : مزال مغاريجعش شتهوم باقي مطلقوه

سناء : يمكن غدا عاد غيطلقو صراحو من سجن الإنفرادي

أماني : ناري كنتفكر هضرة يدو ليمنة كتشدني ضحكة سيد طاح فشبكة

إيمان : خاص ردو لبال لأي خطوة مدام يدو ليمنى معانا فنفس زنزانة فحال الى كاين هو

تطفاو الأضواء وكولشي نعس بلاصتو نفس شيء عند لبنات تسرحو بلايصهم كيفكرو شنو غايطرا من هنا لقدام الحراسة مشددة فسجن / نسبة الهروب 0٪ / ملفتاتش انتباههم حتى حاجة طول المدة لي تواجدو فيها فيه … كانو عندهم عدة أفكار للهروب ولكن كلهم تضربو فزيرو حتى حاجة ممساعدة الحائط مضوبل على عشرة على الحائط العادي حتى فكرة يريبوه بوسائل عادية فحال موس .. عارفين الأمر غايتطلب منهم مدة طويلة وحتى صوت غايتسمع ولكن لكل حاجة مضروب لها حساب وهادشي بطبيعة الحال فزنزانة الإنفرادية لي كيدخل ليها كل واحد على حساب الغلط لي داير يقدر يبقى فيها من نهار حتى لشهر

سدات عينيها وحطات يديها على شعرها الأشقر كتحاول ترتب أفكارها حسات بخطر محاوطهم وهما ملاقيينش نهائيا ولو معلومة وحدة

يتبع ..

♛غموض إنتقام السفاحات♛
البارت ٭120٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

سدات عينيها وحطات يديها على شعرها الأشقر كتحاول ترتب أفكارها حسات بخطر محاوطهم وهما ملاقيينش نهائيا ولو معلومة وحدة

إيمان : ( سدات عينها كتحاور مع نفسها ) الحد الآن مكاينش شيء يتير الإنتباه , الحراسة مشددة , كاميرات مراقبة فأي قنت , حتى الى قدرنا نخرجو من سجن ( تفكرات أول نهار جاو فيه وحطو رجليهم تماك نتابهات لأدق تفاصيل ) قناصة من بعيد الى مصابكش واحد يصيبك تاني ( شدات راسها ) هففف خرة

ناضت كدور فراسها كتشوف كولشي ناعس ( دورات عينيها فزنزانة ملقاتش كاميرات .. هزات يديها خشاتها فصدرها وجبدات فردي صغير كضحك

^ فلاش باك ^

أمر المدير يرافقوهم الحراس .. وصلو نص طريق اوو وقفهم كيطلع وينزل فيهم

المدير : فتشوهم عاد دخلوهم لزنزانة

قربو ليهم الحراس كيقلبو فحوايجهم غير يوصلو لشي منطقة يبعدو يديهم ولبنات مطلعين حاجب ومنزلين لاخر … سلاو تفتيش ودخلوهم

^ نهاية فلاش باك ^

إيمان : غانحتاجك او بزاف

تكات على سرير ورجعات الفردي بلاصتو .. دورات وجهها كتسميع تقرقيب حتى بان ليها باب زنزانة كيتفتح دارت راسها ناعسة حتى دخل سجان قرب منها وكلس قدامها كيشوف فيها بضع ثواني وتحنا عند وجهها محس براسو غير مقلوب وجاي مخبوط مع سرير بلا مادير الصوت نطقات : علاياش كتقلب

شاف فيها بنضرات هيام شحال توحشها وتوحش حركتها الغير متوقعة … هز راسو وحيد الكاسكيط خلاها مشرعة فمها من هول الصدمة

إيمان : انن شكادير ننا هنا كي درتي لها وشهاد لحوايح

شاف فيها وهي باقي فوقو راد لبال مع لباب لا يدخلو دراري : المهم هو جيت معدناش وقت كافي

عاقت براسها وتهزات دغيا كتشوف فالأرص بتوتر : أدلر لاش كتخطط

أدلر 🙁 بصوت خفيييف ) فيقي لبنات

دارت عندهم فيقات كل وحدة ناضو مستغربين حتى كيتصدمو وهما كيشوفوه قدامهم لا وصدمة الكبرى فاش دخلو دراري بجوج أدهم او اوبي كيشوفو فيهم

يتبع…♛غموض إنتقام السفاحات♛
البارت ٭121٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

دارت عندهم فيقات كل وحدة ناضو مستغربين حتى كيتصدمو وهما كيشوفوه قدامهم لا وصدمة الكبرى فاش دخلو دراري بجوج أدهم او اوبي كيشوفو فيهم

أدلر : معدناش لوقت تبعونا

خرجو بالحس تابعينهم كيدوزو من حدا اي حارس عادي ميقدرش يدوي حيت لي قدامو 3 دسجانين يقدر يكونوو السجينات معيطين ليهم بليل .. بقاو غاديين حتى الآخر الممر ودخلو الغرفة تنضيف لي كانت خاوية ولي بدون كمرات كل واحد گلس فقنت

أدلر : جينا هنا نعاونوكم عارفين غاتحصلو فشي مواقف

جبد خريطة دسجن بأكمله وحلها قدامهم بقاو مصدومين من مساحتو يستاهل ديك 30 عام دلبناء

ركزو لبنات مع الخريطة وكل وحدة عقلها فين سارح حتى قاطع تأملهم صوت أدهم

أدهم : هروب ديالكم من سجن خاص يكون فهاد ليام بضبط حيت الى زدنا تعطلنا غير مغادي يصعاب الأمر

كيهضر ويشوف فسناء لي كدور فعينيها ممسوقاش ليه وممعيراهش اهتمام نهاائيا صحابليه غاتشوفو طير بالفرحة وتجي تنقز عليه تت نفسها عزيزة عليها واخا تكون مايتة فيه إلا كرامتها كتفكر نهار لي كانت كدوي وتخوي الحجرة على والو كتفقص كتبغي تنتف راسها هي كتبكي على نيتها وهو كيشوف فيها كيف الجماد فحال الى كيگول ليها ونا مالي لاش كتشكي عليا .. فهاد اللحضة ساطت لافتة الإنتباه ليها وبضبط أدهم لي كيطلع وينزل فيها شنو نقص عليها شنو تزاد .. بتاسم وهو كيشوف فملامحها المتقلبين عارف كتفكر لي داز وحاليا مفقوصة داكشي علاش مداتهاش فيه عارف راسها قاصح وكتر منو گاع حنحن وتقاد بلاصتو

أوبي : وبتحديد غدا

أماني : ( دورات راسها بصدمة كانت كتوقع ورا شهر من تخطيط .. ) كيفاااش سجن الكاتراز كاامل وبسهولة غانقدرو نهربو وفنهاار ( ضحكات بستهزاء وهي كتشوف فتعابير وجهو الجامدة )

أوبي : قبل مندوي كولشي مخطط ليه قبل ماشي بين نهار وليلا خططنا لا مدة طويلة وخطوة بخطوة مهم بغيناكم غدا مع 12 بتحديد تكونو واجدين

شاف فيهم أدلر وبدا يگول كل ماعندو والخطة لي خططو ليها بضبط كولشي متقون نسبة نجح العملية 70٪ وهوو كيسرد ويشرح أدق تفاصيل لبنات كيتنصطو ليه مزياان وكل واحد كتفكر فمصيرهم غدا ؟

يتبع…
♛غموض إنتقام السفاحات♛
البارت ٭122٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

شاف فيهم أدلر وبدا يگول كل ماعندو والخطة لي خططو ليها بضبط كولشي متقون نسبة نجح العملية 70٪ وهوو كيسرد ويشرح أدق تفاصيل لبنات كيتنصطو ليه مزياان وكل وحدة كتفكر فمصيرهم غدا ..

من بعد ماشرح ليهم كولشي ناضو خرجو إيمان وأماني معاهم أدلر او أوبي تبعاتهم سناء وحبسها أدهم حدا لباب

أدهم : بغيت ندوي معاك

سناء : ( طلعاتو ونزلاتو تكات حتى هي وخنزرات ) آش كاين ؟؟

أدهم : متشوفيش فيا دوك شوفات

سناء : وكيفاش بيتي نشوف فيك ( بستهزاء ) طلباتك أوامر

أدهم : سناء غاسمعيني ( قاطعاتو )

سناء : ( تهزات كتسوس فيديها ) سمع نگوليك ماشي جاي لينا بخريطة وگايل لينا جوج كلمات صافي ربيتي جناوح او طرتي نن ميصحابكش غالوحو راسنا فحفرة ومنقدوش نخرجو منها سمعني مزيان الى مخرجناش غدا نخرجو بعدو مخرجناش بعدو نخرجو العام الجاي فالآخير غانخرجو مكيهمنيش لوقت عارفة راسي شكاندير او مزيان مغانحتاجش كتف نتكا عليه مغانحتاجش واحد فجنبي كيف هزيت راسي وانا فعمري 8 سنين غانهز راسي ونا فعمري 22 عام ( ببرودة ) صحابك طفرتيه دابا الفرصة لي كنعطيها انا مرة وحدة مكرجعش نعطيها المرة تانية عطيتك فرصة يا إما تربحها ولا ( بنرفزة ) گلب عليا وجهك

أدهم : ( شدها من يديها بجهد وجرها عندو عينيها فعينيه ) الى نسيتي نفكرك الغلط منك فماتجيش تهزي عليا الى فيك نفس انا كتر منك الى جيت نعاونك فقلبي لي جابني ماشي انا ( شافت فعينيه بتوتر ونزلاتهم ) هزي عينيك عارفة راسك غالطة وكدوي مغانجبدش ضواسة القدام داكشي علاش غاتسدي فمك ولي گلتها ليك ديريها

فلحضة جاها تأنيب ضمير حتى سمعات ” غاتسدي فمك ولي گلتها ليك ديريها ” هزات راسها فيه مخنزرة والقردة طالعة السطاح

سناء : شناااهوا نسد فمي مكيسكت غا الميت

شاف فيها وسد ليها فمها مخرجها وهي كتگنگم معصبة غابوحدها وكطرطة

يتبع…

♛غموض إنتقام السفاحات♛
البارت ٭123٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

رجعوهم لزنزانة ومشاو هما يخفيو جثت السجانين لي نتاحلو شخصيتهم بعد مسالاو مشاو جهة غرف وكل واحد خدا سرير نعس فيه ناويين يكملو ليلتهم فسجن

عند لبنات كل وحدة حاطة راسها وفكرة ديها وفكرة تجيبها خصوصا وحدة فيهم كتفكر فأدق التفاصيل سدات عينيها منرفزة اي حل كتلقاه كتلقا طريقو مسدود واخا عارفة الخطة لي راسمينها ولكن ضروري من الإحتياطات حطات يديها على شعرها الأشقر و سدات عينيها

صباح جديد ونفس روتين كيتعاود من بعد مافطرو داوهم نيشان لساحة وهاد المرة وعلى غير العادة الحراسة مشددة فساحة .. وهما جالسين حتى لمحو سجانين مدخلين العقرب وفجهة لخرى دراري ب 3 واقفين رادين لبال ليهم

ناضو لبنات ب 3 حتى لقدام العقرب لي كان كيماصي فيدو غير شاف سناء وبتاسم ليها دغيا عنقاتو ونطقات فودنيه : على سلامتك احبيبي

شاف فيها بحب وفضحكتها لي سحراتوو من أول نضرة وهي كدلك مبادلاه نفس نضرات العشق المزيفة بنسبة ليها كتحس بالعافية شاعلة فيها حاجة وحدة كتصبرها : مابقا قد مافات

رددات هاد العبارة فخاطرها وإيمان حداها كتشوف فيها بإمعان قرات أفكارها حسات بيها هاد الأخيرة لي طول المدة وهي مهدنة مدارت حتى ردة فعل نهائيا عمرها تشاجرات مع شي حد فسجن ولا صدر منها سلوك خايب ولكن⁦⚜️⁩ ماخفي أعضم ⁦⚜️⁩ رادة لبال لصغيرة والكبيرة غا من تحت دف وحاسبة حساب لكل خطوة كتخطيها

إيمان : موسيو ( بتاسمات ) العقرب على سلامتك ياك ماوقع ليك حتى حاجة صحة سلام

العقرب : ( شافيها بتاسم طول المدة شاف جانب ديالها سكوتي عمر شاف شي رد فعل صدر منها شيء لي خلاه يستغرب من هاد كمية البرود ولا نقولو الغموض ؟؟) بيخير مولفين ماشي شي حاجة جديدة عليا

دورات راسها فسجن وبضبط على شخص لي لمحات فيدو خنجر كي دار حتى وصل ليها معرفاتش بقات تابتة فبلاصتها وهو كيقرب شوية بشوية حتى وصل ورا العقرب وهز يدو يخشيه فيه .. دغيا دارت بحكم كانت قريبة منو شدات فالموس وبضبط فالجانب الحاد بين يديها كتشوف فيه بشيطانية وهو مبادلها بنضرات خوف عارف عقابو مزيان

يتبع…
♛غموض إنتقام السفاحات♛
البارت ٭124٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

أول حاجة حيت المهمة لي جا على ودها فشلات وغايموت عاجلا أم آجلا تاني حاجة هدا سجن ألكاتراز عقابو عصيييير ولي زاد على مابيه نضراتها الشيطانية ويدها لي كتقطر بدم وهي گاع محاسة بيها … جبد دغيا الخنجر من يدها وهي قربات ليه زيرات على يديه محيداه ليه وخشاتو فسروالها بلا متعيق ولا تجلب الأنضار ليها .. كانت ساحة عامرة كل واحد ملهي فشغلو إلا العقرب وسناء او أماني لي رادين لبال لمشهد وشخص آخر لي خرج على طوعو كيبان ليه غير الموس لي مغروس فيدها وقطرات كينقطو منهم .. سرع فخطواتو كيشوف فيه بشر هاد الآخر لي كان كيدور فعينيه محاس غير براسو تهز حتى لسما وتخبط مع لارض وأدلر كيعطيه ببونيات القرفادة .. عاد عاقو الحراس وجاو كيجريو وكيدفعو فداك الكم الهائل دسجناء دغيا بعدوه عليه وداو سجين لسجن الإنفرادي على بالهم هجم على سجان وهو حاما على راسو .. من بعد مخداوه دار عندها بخوف كيشوف فيديها وهي مصمرة فبلاصتها قلبها كيضرب أول مرة تشوف فعينيه دوك نضرات الخوف من جبهتها .. واش خاف عليها ؟ شافت فعينيه نضرة مغايرة على نضراتو العادية شد فيديها كيتفحصها بخوف وعينيه مرة مرة كيهزهم فيها هو عارف ان يديها لي مجروحين ولكن لي فيه مهناه طلعها من صبع رجليها صغير حتى زغبة دراسها

أدلر : ( بصوت حنين ) يديك مجروحة يلاه معايا نداويها ليك

شافت فيه وشافت فجنابها كل الأنضار عليهم بجوج حنحنات وسلتات يديها كدير ليه إشارة بعينيها باش يفهم .. خافت لايحس العقرب بشي حاجة مهياش عارفاه دكي ماشي بسهولة وعلى ود جرحة غايتيق فيها ولا نگولو فيهم ( خسرات سيفتها ودوات فخاطرها ) ليام بيناتنا تسنيت أعوام وشهور مابقا قد مافات غاندوقك من نفس الكاس وكتر ( دارت شافت فيه وبتاسمات ) غانحرق ليك قلبك كيف حرقتيه ليا غاتمنا الموت ومغاتلقاهش داكشي لي غايوقع ليك مكيتصوروش العقل

العقرب : ( شاف فيها مصطانع الحنية ) بنتي ياك ماوقعات ليك شي حاجة

إيمان : ( شداتها الفقصة مكرهاتش طير عليه توريه بنتي شافت فيه وعينيها فعينيه وبستهزاء نطقات ) لا أعمي صحة سلام

العقرب : ( طلعها ونزلها ) ممم سمعي الهضرة وسيري مع سجان تداوا يديك

دارت دغيا شافت فأدلر وراها كيرمقها بنضرات غاضبة للحضة توترات عاد كان معاها حنين دغيا تقلب 180 درجة .. حنحنات ومشات قدامو وهو تابعها نيشان الغرفة طبية فسجن خرج طبيب بالفن وحيد القناع من على وجهها

يتبع..
♛غموض إنتقام السفاحات♛
البارت ٭125٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

حيد القناع من على وجهو كيشوف فيها بنضرات عتاب وهي مرة تهز عينيها فيه مرة دورها حسات بتوتر وضغط وقلبها كيضرب كيضرب كل ما كيكون قريب ليها كتحس بنفس شعور ونفس كتبدا تقلال .. قرب ليها وهي ترجع خطوة لور بقاو هكاك حتى لصقات مع لحيط وكلاها معاه قرب فمو لودنيها ونطق ..

أدلر : علاش عرضتي راسك لخطر على ود شماتة

إيمان : ( كتنفس بجهد تکولي كانت كتجري ) عارفة شكاندير بلا متحكر عليا

شاف فيها وركز على شفايفها لي كيترعدو قرب منها بغا يحط شفايفو على ديولها وبعدات مخنزرة جات تخرج وعاود جرها حتى تصاطحات مع صدرو

أدلر : ( بجدية ) إيمان الى گلت ليك تقبلي تزوجي بيا واش تقبلي ؟؟

شافت فيه بصدمة شنو خلاه يگول هاد الهضرة بضبط او فهاد الوقت بالعات ريقها وهي كتشوف نضرات الجدية لي تلفوها وخلاوها كتلعتم فالهضرة : أ ح تى ديك س اع او تعرف ج و ابي

هربات من حداه دغيا وحناكها حمرييين شافها فديك الحالة شداتو ضحكة أول مرة يشوفها حشمانة كتبان كيف البنية صغيرة قدر يبين شخصيتها الأصلية بلا داك القناع لي على وجهها

٭★٭ دخلو لزنزانة وسدو لباب بعد دقائق تحل ودخل سجان مشير الوحدة فيهم تبعو .. ناضت سناء كتحقق فيه شوقة قشعاتو أدهم بدون مبالاة وكأنها مدارت والو مشات قدامو بثقة في نفس داها لنفس الغرفة ديال تنضيف حيت تقريبا الوحيدة لي بدون كاميرات غير دخلات سد لباب وراه محيد الكاسك على وجهو وعينيه حمرين

سناء : ( طلعاتو نزلاتو ) آش كاين ؟؟

أدهم : عمرني مديت عليك يدي

سناء : ( بنفي ) لا

أدهم : موحشة لعصة لي عمرك دقتيها من عندي تاقاي شري تاقايه انا رااه خاايب مابيتش نوريك وجهي لاخر ولكن نتي كتجعريني

سناء : ( مخنزرة ) كيفاش ؟؟ شكاين

أدهم : معنقاه قدامي ياك حداك رقية حاسباني قدامك زا** آاا شكون أنا ؟؟ كتمعشقي ليا مع شارف قد مك يولد كبر منك

سناء : ونتا ماالك شخاااصك آش دخلك

أدهم : شدخلني ياك لحديت دابا ( قرب منها وشد يديها كارز عليهم حسات بيها غاتقسم ) سااكت ومكاالمي متخلينيش نخرج على طوعي كتسمعي متخلينيش نمد عليك يدي

يتبع ..
♛غموض إنتقام السفاحات♛
البارت ٭126٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

شافت فيه قالبة وجهها ومخسرة سيفتها : عرفتي شنو دور تق** حاسباك نزهة مزيانة هادي شتي ننا زاااا** وكبيييرهم وشتي داك لي كدوي فيه ( قاصدة تجعرو واخا مكتحمل فيه شعرة ليوم طلع ليه المعنويات ) سيد رجال اعشيري ورجولة عليك وكيخاف ( غمزاتو ) على حاجتو

بقا سااكت مصنط ليها وفودنيه كيسمع فقط كلمة زا** كتعاود من فمها محس براسو حتى هو يديه حتى لسمة ونزل عليها الحنك .. حتى طاحت فلارض ودم جنب فمها بحكم دايرة فاتم فيدو وجاتها دقة بيه

أدهم : ( هزها وشاف نيشان فعينيها ) انا شكوون ؟؟؟

سناء : ( بتحدي ) زاااااااااااااااا***

نزل عليها بطرشة خرا حتى حسات بمخها تزعزع خلاها منشورة فلارض مقداش تحرك شادة فحنكها بألم .. هو حاضيها محسش نهائيا بتأنيب ضمير حيت بنسبة ليه طغاات بزااف وخاص لي يرجعها لطريق دارت شحال من حاجة وبقا ساكت كيدير عين شافت عين ماشافت لا غادير عقلها .. غاتوعى على راسها .. مشاف والو إلا توصل أنها تهينو فرجولتو وتطيح بيه هادي ميصبرش ليها فيها يشرب من دمها جوج طرشات بنسبة ليه مدار والو ..

أدهم : نوضي تهزي دابا قبل مندير فيك شي حاجة مغاتعجبكش

دورات وجهها وباقا شادة فحنكها مصدومة متخيلاتش نهاائيا يمد يدو عليها شحال شد ليها خاطرها وديما تابعها وهي تنفخ عليه كيف بغات تهضر وقت مابغات وتسكت وقت مابغات مصناتش شي نهار يتفرگع عليها …

ناضت وخرجات ساكتة وحنكها مصورين فيه صباعو رجعها لزنزانة ومشات دغيا تكات باش متلفتش الإنتباه او مدرگا بشعرها

طاح ضلام او وصل الوقت بضبط ناضو ب 3 كيشوفو فبغضياتهم بعزم گلسو فسرير واحد دايرين يديهم وسط بعضياتهم كيبتاسمو

إيمان : مابقا والو

أماني : ياربحة

سناء : يادبحة

يتبع..
♛غموض إنتقام السفاحات♛
البارت ٭127٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

دارو كيشوفو بان ليها كولشي ناعس بعد دقائق تحل الباب خرجو او وراهم دراري بلا ميعيقو نزلو راسهم وتاجهو نيشان الحمامات لي كانو بلا كاميرة دخلو حاطين ساك وسطهم لي كان هازو أدلر

أدلر : دابا غنبداو انا وإيمان غانفرقو القنابل فالأنابيب الهوائية اما أماني او أوبي غادي تعطلو كاميرات السجن بالكامل اما سناء او أدهم غايتكلف بالغاز لي غايتطلق فسجن .. متافقين ؟؟

أماني 🙁 مخنزرة ) علاش بضبط انا غانمشي معاه نقدر نجي مع سناء مثلا

أدلر : حيت حتى هو فحالك نفس الحاجة كتعرفو ديروها او كنضن الى تجمعتو بجوج غاتكون الخدمة متقونة دابا حيدو علينا الأسباب الشخصية كل واحد يعتابر لي معاه صديق نخرجو نتفرگعو حنا گاع

كل واحد دار قناع على نيفو وخرجو كل جوج مشاو فتجاه .. إيمان أو أدلر دازو نيشان المطبخ السجن كان مضلم وبلا ميديرو صوت تاجهو نيشان البلاصة المحددة فسقف خدا موس لي دخلو مع المعداة بصعووووبة … حل المسامر وتحل شاف فيها وهزها .. تعلقات فيه حتى طلعات الفوق وتبعها هو .. رجعو كيف كان بلا ميرجع المسامر او دارو بقاو غاديين كيحباو بحكم البلاصة ديقة بزاف هما كيحباو او راسهم ملاسق مع الفوق

أدلر : حبسي هنا

دورات عينيها مزيان وحطات ودنيها على التحت تفكرات الخريطة وفحاال الى حطاتها قدامها كتحاول تعرف شنو تحتهم

إيمان : دابا تحتنا زنزانات خداو دغيا قنبلة من شانطة بمهل وركباتها إيمان فسقف متبتاها دازو مكملين طريقهم او هما كيزيدو القدام او نسبة البرودة كترتافع حاسة براسها وسط ثلج …

٭ غاديين حتى داز من حداهم حارس غادي جيهت مكتب المدير وجراتو سناء كارزة عليه جراتو دغيا وأدهم وراها كيشوف شكتحاول تصنع .. غير هزات راسها فأدهم وهو كيشوف فيها بنضرة شكتخربقي ؟؟ فديك اللحضة تسمعت طااااق كان صوت عنق الحارس لي طرطقاتو خلاتو منشور حيدات ليه حوايجو لبساتهم وخدات سلاح او القناع لي نفسو دايرين جميع الحراس مغطية بيه شعرها او راسها كامل …دازت من حداه بغرور فأي قنت كيكونو فيه حراس كيديرو راسهم غاديين لشي زنزانة وبلا ميعيقو كيحطو آلة صغيرة بالبيض كتطلق غاز بلا صوت وغير مرئي بقاو هكاك حتى دارو على سجن كامل وقادو القناع مزيان باش ميوصلهمش الغاز كدلك ..توجهو نيشان الحمامات بعد مسالاو خدمتهم يتسناوو لخرين ..

يتبع..
♛غموض إنتقام السفاحات♛
البارت ٭128٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

حطات قنبلة وقاداتها ودازت مكملة تريقها وحاسة براسها غاتسخف كلها كتقفقف بالبرد .. للحضات طاحت مقداتش باقي تكمل شفايفها الغوز رجعو زرقين او وجها بدا يزراگ .. غير شافها أدلر قرب منها دغيا كيقلب فيها

أدلر : إيمان حاولي تنوضي رجعك وانا غانكمل طريقي حتى نسالي السجن كامل

إيمان : ( كح كح وبصوت ضعيف نطقات ) مقاداش

حيد دغيا جاكيط كان لابسها ولبسها ليها جاتها فحال الخنشة غطاتها كاملة قربها منو وهو لابس غير ديباردو ضمها لحضنو مزير عليها وهي بدات تهدا مابقاتش كيف لول .. دازو دقايق وحلات عينيها وسط حضنو

إيمان : ( بعدات عليه ) مزيان دابا مزيان

أدلر : ( كيتفحصها بعينيه ) متأكدة ؟؟

إيمان : اه صافي نقدر نكمل مي نتا ملابس والو وهنا بارد بزاف غاتموت الى بقيتي هكاك

أدلر : متسوقيش ليا الأهم نتي انا غانكمل ونتي رجعي

إيمان : لا لا غارجع انا نكمل

أدلر : إيمان بلا قصوحية راس دابا گلت ليك رجعي

إيمان : ( ببتسامة ) لا يانكملو بجوج يارجعو بجوج

شاف فيها بتاسم وشد فيديها مكملين طريقهم

٭★ شادة طابليت كتخربق دغيا وعينيها مرة مرة تهزهم فالكاميرات وترجع تنزلهم وهو حداها نفس الحاجة كيدير

أماني : نضام صعيب يتختارق

أوبي : خاصنا نختارقوه معدناش وقت غاتكون إيمان أو أدلر حطو القنابل الى مساليناش فالوقت غايتفرگع السجن بالكامل

شافت فيه بتوتر ورجعات غاطسة راسها فطابليط والعرق كينزل من راسها .. عاضة على شفايفها ومركزة مع خدمتها فهاد اللحضة كان هو منغامس مع لي فيديه كيشوف نضام بتدقيق دازو دقائق حتى حط طابليت ودارت شافت فيه بفرحة

أماني : ختارقتيه ختارقتيه

رجعات دغيا وعينيها كيلمعو عطلات الكاميرات دسجن بالكامل او ولات قادة تتحكم فگاع الأجهزة الإلكترونية الموجودة فيه .. ضربات يديها مع يديه بنصر وجراو نيشان الحمامات أي طريق كيدوزو منها كيلقاو الحراس طايحين فلارض

أماني : مهمة سناء او أدهم نجحات

رجعو الحمامات لقاوهم مجموعين تماك كيتسناوهم …

يتبع …
♛غموض إنتقام السفاحات♛
البارت ٭129٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

إيمان 🙁 حيدات القناع على وجهها كتنفس ) عدنا تقريبا 15 دقيقة قبل مايعيقو لي فالخارج فهاد اللحضة غانخرجو العقرب من الزنزانة هو وشخص آخر نفسو أب الشخص لي عطا الوعد الخريطة

سناء : انا غانمشي نجيب العقرب

أدهم : ( شاف فيها مخنزر ) قربي لزنزانة الى مگطعتش ليك رجليك

أماني : ( شافت الجو مشحون او الوقت كيضيع منهم ) انا أو أوبي غانجيبوه اما سناء أو أدهم غايجيبو لاخر

إيمان 🙁 بشيطانية ) وأنا عندي شي خدمة خاص نقضيها فمكتب المدير

أماني : ممم نتلاقاو قدام البوابة الخارجية

كل واحد مشا الوجهة ديالو .. أماني لي دازت نيشان الزنزانة وهي كتسرع فخطواتها حلات دغيا الباب ودخلات بالحس ولا بلا متعيق بحكم الغاز وصل فقط الحراس لي على برا اما داخل زنزانات لا .. قربات من العقرب لي غير حس بالحس وتقلب دغيا وفيديه موس صغيرة .. غير شافها وحطو كيشوف فيها بستغراب هي وسجان لي حداها

أماني : كنتي باغي تهرب وحنا لقينا حل غانخرجو او دابا

العقرب : كيفااش ؟؟ ميمكنش ويلا تشدينا غانتعاقبوو بأقصى العقوبات

أماني : ( دارت ) إلا خايف بقاا ناعس وكمل لي بقا فعمرك هنا جيت نعاونك حيت درتي بلاصة فقلب ختي وانا كنعتابرك فمقام با ( نطقات هاد الكلمة عاصرة على يديها ) بغيتي تمشي معانا الباب قدامك

دارت كتمشا برود حتى وقفها صوتو .. بتاسمات بمكر وهي كتوعد ليه بأقصى العقوبات

تقدم ناحيتها مبتاسم ليها : شكرا ابنتي وخا العملية متنحجش مغانساش خيركم طول حياتي

دازت قدامو مقاداش دوي حاسة شوية وطير عليه تفضيها هنايا مقاداش تصبر ..

★٭ دايزين من حدا زنزانة حتى وقفو قدام زنزانة 411 فتحات الباب ودخلات بتسلات بدات تدور بين السجناء حتى لمحات واحد فيهم وقربات ليه كتحركو بصباعها .. غير حل عينيه وشاف فيها وناض تگعد مخلوع

_____: شنوو شنوو باغيين مني بعدو مني مدرت ليكم والو

سناء : تهدن وصانا ولدك وغانخرجوك من هنا

_____: ( شاف فيها بفرحة ونطق ) وأخيرا

يتبع…

♛غموض إنتقام السفاحات♛
البارت ٭130٭
بقلم :♔Imane Ouss♔

⁦⚔️⁩ أرواحــنا الأربــع موحـــدة لتصفـية روح الإنتقــــام ⁦⚔️⁩

حلات باب المكتب بشووووية كتسمع صوت ارتطام شيء ما فالأرض دخلات هي وأدلر كتشوف فيه نزل يهز شي وراق غير هز راسو تصدم فيها حاطة رجل على رجل وگالسة قدامو بكل أريحية وموراها أدلر حاضيها

المدير : كيفاش قدرتي تخرجي من زنزانة

شاف فأدلر ضنو سجان ونطق : ونتا لاش جايبها فهاد الوقت

ناضت عندو بهدوء محيدة جاكيت أدلر وبقاات بحوايج سجن القاميجة لي كبيرة عليها ويديها البويض لي خاشياهم فجيب تقدمات بخطوات بطاء حتى وصلات قدامو خدات سيگار من جيبو وشعلاتو .. وبخات دخان على وجهو وعينيها لي تحتهم كحل بسهير وقلة نعاس زادو لملامح وجهها الشيطانية شكل مخيف

المدير 🙁 تفافا ) شهاد قلة الآداب

إيمان : عقلتي عليا ؟

المدير : أ لا لا شكون نتي ( كيشوف فيها بنص عين )

دارت كتشوف فأدلر لي مراقب تحركاتها ونبرة صوتها المجنونة عارفها الآن بشخصية خرا قدامو ” لوسيفر ” ماشي إيمان

إيمان : أنا لوووسيفر أعوام كتحلمو بالقبض عليا مم نعتارف ليك بحاجة وكأي ضحية من ضحايا ديالي ( غير سمع كلمة ضحية طلقها فسروالو مشات شهامة والصرامة تضربات فعرض الحائط شكون ميعرفهاش وهي لي مركبة رعب فيهم فاش كتگول ضحية عرف راسك مغاتفلتش من يديها وليلتك مغايطلعش عليها ضو )

المدير : تهدني نقدرو نديرو إتفاق

إيمان : شنو هو

المدير : نخليك تخرجي وتخرجي معاك شخص واحد ونعاونك تهربي وتستاقري فبلاصة بعيدة

إيمان : دخولي لهاد سجن ماشي حيت تلقا القبض عليا تت ( قربات ودوات فودنو لاعبة ليه على الوتر الحساس برودة دمها قتلاتو ) جايا باش نقتل شخص هنا ونفجر سجن ألكاتراز لي غير باش يتبنا ستغرق 30 سنة مم وغانجي انا نفجرو ليك فثانية

حل عينيه على وسعهم كيشوف فملامحها الجدية حس بالخطر فهاد اللحضة ناض باغي يهرب شداتو البكية رجعات دفعاتو حتى طاح على الكرسي وحيدات سيگار من فمها حاطاها على جبهتو مخلياه كيترطا بالحر فديك الحضة شافت الوقت ممسلكهاش خدات ليه فردي من البيرو حيدات ليه صوت وضربات ليه العضو ديالو مخلياه مخرج عينيه ودم كيقطر

خرجات مخلية أدلر وراها مبهور ومشرع فمو فيها مضنش انها باردة حتى لهاد الحد متقدرش تعرف شنو فراسها هادي هي إيمان لي طول الوقت ساكتة باردة نضراتها الحادة كتخليك تفزعي

يتبع…

Leave a comment