Skip links

قصة : غموض انتقام السفاحات1

 4,569 عدد مشاهداات

♛غموض إنتقام السفاحات♛
البارت ٭21٭
بقلم :♔Imane Ouss♔

༒ أصبحنا وأصبح الملك لله ༒

حلات عينيها وناضت خدات دوش وبدلات حوايجها دغيا وخرجات ركبات فلوطو وتاجهات الواحد الوجهة كتمشي ليها دائما ،وقفات لوطو ونزلات ضرب فيها ريح وريحة البحر لي كتعشقها جلسات فوق الصخر وكتشوف فالبحر لتحت لي لمسافة بينو وبين صخر عالية شوية كتشوف فالمنضر وكتستنشق الهواء لي كيحسسها بالأمان دورات وجهها كتشوف المكان وكيف العادة خاالي من البشار لسنوات كتجي لهنا عمرها طلاقات مع شي حد فيه ناضت وگلعات شورط وشوميز الفوق وبقات بدوبياس بالبيض حطات حوايجها وطلقات شعرها الأبيض ونقزات ونيشان غطسات وبدات تنزل لأعماقو حتى بانت ليها صخرة مبطحة ومنقوش عليها إسم ” سناء ” بتاسمات ومشات ليها وهاداك هو مكانها هادي سنوات مشات ليها ونعسات فوقها غمضات عينيها وترخات وفهاد الحضة كتفكر فخطوتها جاية وضحيتها جديدة وكيف كل مرة هدا هو المكان الوحيد لي كترتاح فيه وكتفكر فيه بهدوء تام وبخوطتها جاية وكتصفي دهنها دازت 15 دقيقة تحت الما وهدا هو وقتها المحدد ناضت وعامت بحترافية نيشان للأعلى خرجات وتصلقات فصخور الكبار حتى طلعات الفوق وجلسات كتنهج مبتاسمة خدات فوطة فلوطو ونشفات بيها لحمها عاد دارت كتقلب بعينيها محسات بيه حتى تحط فوق كتافها وخشا راسو فعنقها بتاسمات ودارت كتشوف فيه

سناء : توحشتيني

صدر صوت وضحكات وهزاتو من على كتفها ونطقات : مم حتى انا توحشتك غبت عليك يوماين ودازت عندي خايبة ولكن الخدمة ومقدرتش نزلك المغرب فهاد الفترة

صدر صوت وهو كيشوف فيها وهي فهمات نضرتو وليما لا وهو عايش معاها 5 سنين

سناء : لا متخافش غانديك معايا مغانخليكش بوحدك

تخشا فحضنها فحال إلى حس بيها وهي عنقاتو بحنان وركبات فلوطو بفوطتها وطلعات زاج فيلمي وتحركات وفعقلها الف مطرقة

يتبع…

♛غموض إنتقام السفاحات♛
البارت ٭22٭
بقلم :♔Imane Ouss♔

جالسة قدام المراية كتنشف شعرها سالات وناضت دارت مكياج تقيل وركزات على عينيها الكوحل ودارت لي لونتي بالگري وشعرها دارت ليه بيروك بالكحل ناضت جبدات قناع على شكل وجه كتشوف فيه وتشوف فصورة لي فتلفون وضحك لبساتو وتبتاتو مزيان على وجهها حتى ولات وحدة خرة وبضبط لبنت لي عندها صورتها شافت لون وجهها لي ولا سمر ورداتو كيف جلدها لي كان لونو برونزي وزادت سمراتو برشاشة ، هزات سيرڤيت بالكحل وسبرديلة كحلة لبساتهم و دارت القب على راسها وهزات محفاضة ونزلات بسكات حتى خرجات وركبات فسكوتر نيشان ل ” مزاد العاهرات ” وقفات السكوتر بعيد وتخبات ورا شجرة كتحقق شحال من كاميرة كاينة وشحال من گارد لقات الباب الأمامي عليه گارد بزاف عكس الخلفي ولي فيه غير 2 گارد و5 كاميرات قربات بشوية حتى وقفات قدامهم عاضة على شفايفها ونطقات

سناء : جيت من الباب الأمامي وكيف كتعرفو طلب عليا بزاف ممم داكشي علاش عيطو عليا وبغيت نطلع فلاسانسور ولقيتو عامر داكشي علاش ضربت دورة ( وعاضة على شفايفها بإغراء ودافعة صدر لي كايبان منو نص )

ليگارد تلفو كيشوفو فصدرها وحسو بزنطيطهم وقف مشاو الملامح الجادة والوقفة كيف صنم دابا مكرهوش يتكيوها

نطق واحد منهم وهو حاط يدو عليه : اححح عليك

سناء : ممم كيف كتعرفو بسمة مكتعطي الوقت لحتى واحد ( عضات على فمها ودفعات بطرماحتها لور وحاطة صبعها على صدرها ) ممم شبانلكم ليوم فليل مع 5 كنكون ساليت مرحبا بيكم بجوح فجناح ديالي ديرو حو** جماعية ( وبتاسمات بغنج )

هما سخنو ورجع وجههم حمر صافي مقدوش وبداو يكفتو قدامها طريقة باش دوات معاهم خلاتهم يهيجو فيها وفتصرفاتها وكفكرو الى تعرات قدامهم كي غاتكون دفعاتهم كضحك ودخلات وجمعات ضحكة دغيا، ودارت القب على راسها ودخلات كتشوف غرف كتيييرة مشات كتجري لغرفة لي عقلات ليها بحكم قبل ضرسات گاع المبنى وغرفو وناسو عرفات عليه كولشي ،لقات جوج ليگارد قدام الغرفة دخلات عادي ولقات بزاف دلبنات كل وحدة كتقاد وطلع فصدرها ولي كطرطق فالمسكة محسات حتى وقفات قدامها وحدة ،شافت فيها بنص عينيها عرفاتها الباطرونة

الباطرونة : بسمة فين كنتي !!

تخطاتها كتقلب بعينيها على شخص معين حتى بانت ليها خارجة من طواليط زربات دغيا وزدحاتها عودات دخلاتها وسدات الباب

بسمة : ( شهقات ) شكون نتي لي فحالي اويلي تقولي غير انا ( يلاه بغات تغوت ورشات ليها على وجهها مادة شيء لي خلاها تفقد الوعي لبسات ليگات فيديها

يتبع…

♛غموض إنتقام السفاحات♛
البارت ٭23٭
بقلم :♔Imane Ouss♔

بسمة : ( شهقات ) شكون نتي لي فحالي اويلي تقولي غير انا ( يلاه بغات تغوت ورشات ليها على وجهها مادة شيء لي خلاها تفقد الوعي لبسات ليگات فيديها وجراتها خباتها ورا الحيط ولاحت عليها حوايج مسخين باش تأكد حتى واحد مغايشوفها قبل ماتسالي شغلها حيدات ليگات ورداتهم بلاصتهم شافت آثار رجليها فطواليط بحكم كاين شوية دلما تم باش بان معيق حلات محفاضة دغيا ومسحاتو هزات غاز الامونيا.. ودارت شوية منو فزيف و بدات كاتمسح بالغاز كاع البلايص لي حطات فيهم يديها باش تمسح البصمات تأكدات انا كلشي هو هداك وخدات وقربات منها خدات مقص وقطعاتو شوية من شعرها وخباتو بدلات حوايجها بنفس الحوايج لي لابسة وردات الحوايج لخرين لكرطاب وخباتو تماك طلات عليها لقاتها لابسة فحالها نفس كولشي تقولي غير هي ضحكات بشر وخرجات حتى بانو ليها بنات مستفين كيشوفو بيها بحقد لكونها ديما وكل يوم فالأسبوع كتنعس مع واحد من رؤوس الكبار فالمافيا المعروفة فالبرازيل ولي حاسدينها عليه ولوسامتو لي كتخطف قلب أي وحدة فيهم ولكن هو ديما واخدها هي حيت احسن وحدة فالمزاد ولي كتحمل ساديتو وعنفو فالممارسة ،تقدمات بخطوات واثقة وكتقرقب بطالونها حتى وقفات فصف الأول قدامهم وهما غاديين بترتيب دخلو لصالة كبييييييرة وطلعو فوق منصة والأضواء مسلطة عليهم ورجال قدامهم غياكلوهم بعينيهم كل وحدة فالبنات كتشوف ودور فعينيها تقلب على شي تيتيز تغريه باش دوز معاه ليلة حسن ليها من شارف إلا وحدة لي كانت كتقلب على فريستها بعينيها حتى بانت ليها وبتاسمات ليه بغنج وغمزها وشير ليها بصبعو طلع الغرفة حتى يلحق عليها حيدات من حداهم وبخطوات واتقة معليها حتى توتر كتمشى نفس مشية بسمة لي خدات مكانها وتصرف فحالها حتى طلعات لطابق الثالت ولي حافضاه مزيان دخلات وكتحاول ماتحط يديها على حتى حاجة دفعات لباب بطالونها كتشوف فالغرفة وضحك لغرفة لي كانت سوداء وسريرها بالأحمر كلون دم وعليه سناسل دول لحديد فجناب وعند رجلين وفالحيط معلقين سماطي وأدت تعديب كتيرة ضحكات بشيطانية كتخيل هاد سيدة لي كل اسبوع كتاكل قتلة ديال العصا وتصبر الوحشيتوو فالممارسة وعنفو وضربو وهي كتفكر محسات حتى الباب دزدح

يتبع…

♛غموض إنتقام السفاحات♛
البارت ٭24٭
بقلم :♔Imane Ouss♔

وهي كتفكر محسات حتى الباب دزدح ،دارت بالعرض البطيء كتشوف كيقرب ليها وقف وحيد جاكيطتو وحوايجو بقا صولو وزبلو واقف قرب منها وهي ملامحها جامدين قرب وجهو بغا يطيح على فمها وبعدات كضحك راجعة بلور وكتحرك ليه صبعها زعما قرب ،بلا حتى كلمة سخن عليها ورجع حمر قرب ليها ودارت عليه وحشات ليه برا خلاتو يطيح لارض وتلقائيا مابقاش كيتحرك كيحس بعضامو مابقاوش ديالو كيشوف فيها باغي يهضر مقادش باغي ينوض مكيحسش نهااائيا بجسمو فقط عينيه لي كيدورو جبدات ليگات ولبساتهم وخشات يديها فجيبو لقات بريكة وحطاتها حداه هزات لگاط وحلات ليه فمو كتقلع فسنانو وهو كيتألم حتى رجع كيبكي

سناء : ضحايا ديالي كنعاود ليهم شوية عليا هههه قبل ميموتو كيدفنو معاهم نص سر ديالي ( وهي خدامة تحفر ففمو وكدوي ) عرفتي علاش غادي نقتلك ؟ ممم حيت نتا مفيوزي حيت كتقتل بنادم حيت واحد فحالك سبب فاش مات بابا هههه حيت مكتحموش بنادم ( گطعات ليه صبع صغير ) حيت فحالك تسببب فموت بابا وماما

كيشوف فيها وباغي يغوت بحر الألم مقادش يصبر باغي يعيط على شي حد ولسانو تلجم لأول مرة حس براسو ضعيف قدام شي حد كتافا بدموعو لي طاحو دون إرادة

سناء : سالات ساعتك غاتموت على يد Devil Clown “شيطان المهرج ”

شافتو خرج عينيه وضحكات ضحكة جنونية ورجعات دورات راسها بغموض

سناء : اه الشيطان المهرج بنت اه هي انا صحابك بسمة باقي تايق اني بسمة نو ههه ناري الكلاخ

هزات البريكة وشعلاتها وهو عريان قدامها ودمياتو كتشرشر قرباتها لزنطيطو وحطات البريكة عليه وهو خرج عينيه تعصر ورجع عينيه حومر وجهو زراگ اصعب شعور زنطيطو كيتحرگ ويدوب شافت فيه ونطقات آخر كلمة قبل مايودع

سناء : سلم لي على عزرائيل ههههه

يتبع ..

♛غموض إنتقام السفاحات♛
البارت ٭25٭
بقلم :♔Imane Ouss♔

سناء : سلم لي على عزرائيل ههههه

ناضت هزات الموس باش ضرباتو ودورات راسها فالغرفة ،هزات غاز الامونيا.. ودارت شوية منو فزيف و بدات كاتمسح بالغاز كاع البلايص لي حطات فيهم يديها باش تمسح البصمات تأكدات انا كلشي هو هداك وخرجات طلات حدا الغرفة ملقاتش ليگارد وتبسمات بمكر حيت فهاد الوقت كيكون المزاد على لبناات وكيكونو ليگارد داخل الباعة بحكم الغرف خاويين وباقي معمرو تمشات بخطوات بطيئة وعلى خاطرها وعلى شفايفها بتسامة إستهزاء مشات لطواليطات وبضبط عند بسمة حيدات عليها الغطا كتشوف فيها بمكر هزات نفس البرة باش خدرات الضحية وخشاتها ليها فصدرها خباتها تماك وخرجات خلاتها طلعات لوحدة من الغرف ونقزات من البالكون غدا كتجري وخا صباط عكلها لأنو رجالي ولكن طارت حتى وقفات قدام سكوتر دارت الكاسك وكسيرات…

كانت ناعسة حتى ناضت قفزات من فراشها وكلها كتقطر بالعرق شدات فراسها كتشوف فلبيت لي كان نصفو بالون الأسود ونصف بالأبيضة ونفس الحاجة لناموسية نصف بالأبيضة ونصف بالأسود جالسة شادة راسها وكترعد ناضت كانت لابسة شورط قصير وتيشورت نزلات كتجري فدروج لطابق الأرضي وفنفس الوقت دخلات سناء حلات باب بالأسود نزلات فدروج كانو بزاف الأبواب دخلات الواحد كان باب حديدي بالأسود ومنقوش عليه بالخط العريض : الوسيفر

هزات ساروت من عنقها وحلات الباب دفعاتوو ومشات كتجري جلسات على وضعية الجنين وطاحو دموعها كتفكر الحلم شحال هدا مشافتو حسات بحال إلى كيفكروها فالإنتقام حطات راسها على رجليها كتنخصص

★٭ ألماز : ضربي بونية هكا ( ضرباتها حتى تفرشات فلارض ) هكا ناس كيضربو ونتي فحال زبدة

أماني : واش هادو يدين اصاحبتي عندك

ألماز : يديك باقي رطبين خاص يقصاحو ، يلاه دابا مشا الحال مغالقاش معاك مشكيل عقلك خفيف وراك شديتي تقريبا كولشي الأيام جاية تعلمي كتر ( دارت عندها ) او دابا وليتي وحدة منا

أماني : يعني دبا نقدر ندير لي بغيت ونشارك معاكم فداكشي لي كديرو

ألماز : تقريبا

يتبع..
♛غموض إنتقام السفاحات♛
البارت ٭26٭
بقلم :♔Imane Ouss♔

خرجو من صال حتى كيسمعو صوت غوات كرزات ألماز على يديها عارف شكون هاد شخص تقدمو بجوج حتى لباب الحديدي بانت ليهم سناء واقفة وملامحهم جامدين وقفو حداها حتى تقدمات أماني بغاو يجروها البنات ودخلات كتشوف فالغرفة مصدومة كانت كلها بالأسود وحيوطها حديد والأرض فحال زاج كانت خاوية حتى من شراجم مكاينينش وهادي الغرفة لي كترتاح فيه والمخصصة ليها بقات كتحقق وكتحاول تشوف بحكم مكايبان والو وكولشي أسود دفعات الباب شوية حتى دخل نور خفيييف وبانت ليها جالسة وسط الغرفة وبضبط فوق دائرة سوداء وعليها تصاور رجال وعيالات

★٭ هزات راسها كتشوف شكون لي تجرأ دخل وهي لي مكتحملش شي حد يدخل عندها وبضبط لهاد الغرفة

إيمان : خرجي قبل مانقتلك

أماني : إيمان تهدني

دخلات سناء وألماز وقربو ليها عنقوها وهي كتبكي حتى طاحو دموعهم معاها

ألماز 🙁 هزات ليها راسها ومسحات ليها دموعها ) ماشي نتي لي كتبكي لاء فين عمري شفتك كتبكي ؟

سناء : ديما قوية واخا يطرا لي يطرا حنا مكنطيحوش

أماني : ختي تهدني

هزات راسها وخدودها رجعو كوحل بالمسكارة لي تخالطات مع دموع ناضت او وقفات على رجليها وخرحات وتبعوها سدات لباب ورجعات ساروت بلاصتها طلعو نيشان لطبقة لخرة لي غير طلعوو ليها ضرب فيهم ريح

تنفسات عاد كتحس براسها شوية مزيان ودارت عندهم جلسو فلارض كيشوفو فنجوم ونطقات

إيمان : وكيف العادة الحلم رجع تاني هههه عمرو مغايسالي هادشي حتى نتاقمو

أماني : واخا تشرحو ليا إلا كان ممكن

إيمان : كتسائلي علاش حنا هكا وقلبنا حجر كيف كيبان لبنادم ياك ؟ كتسائلي علاش وصلنا لهاد الحالة وحنا كل وحدة بخدمتها انا عندي أكبر شركة فالبرازيل ديال ديزاين وألماز مغنية مشهورة فتركيا اما سناء طبيبة جراحة وكدلك عندها مكانة كبيرة هنايا

أماني : تباركلاه مخاصكم خير ولكن علاش هادشي كلو رجعتو سفاحات والإنتقام الإنتقام كيفاش
يتبع…

♛غموض إنتقام السفاحات♛
البارت ٭27٭
بقلم :♔Imane Ouss♔

أماني : تباركلاه مخاصكم خير ولكن علاش هادشي كلو رجعتو سفاحات والإنتقام الإنتقام كيفاش

إيمان : قبل 12 عام وكيف العادة مجموعين ضاحكين وناشطين وكنلعبو

__________ ☙ فلاش باك ☙__________

كانو 3 ديال لبنات جالسين كيلعبو مع بعضياتهم حتى دخلو واليديهم بجوج ومعاهم راجل عامر دم كلو كيترعد ،شافوه وتخلعو ناضو هربانين من حداه وتخشاو تحت الميدة لي كانت عريضة ومغطية شيء لي كيجعلهم مكايبانوش وكيضحكو بيناتهم حتى تدفع الباب ودخلو منو رجالة ملتمين وجبدو معاهم راجل قتلوه وقدام عينيهم دخل شخص ملتم وهما كيطلو بشوية تحت الميدة وكلهم كيقفقفو بالخلعة بغاو يخرجو وباواتهم كيشيرو ليهم بعينيهم يبقاو مجاو يستوعبو شنو وقع حتى طاحو لي كبروهم ورباوهم جثة هامدة قدام عينيهم بلا حتى ردة فعل توجهات نضراتهم نيشان على لي قتلهم كان عاطيهم بضهر شيء لي شافوه فقط الوشم لي فعنفو وفيديه ومن بعدها خرجو كأن شيء لم يقع

بقاو مصدومات وخرجو كيجريو كيغوتو فنصاصة ليل وبكيو حتى تجمعو عليهم جيران وجاو مواتهم لي كانو على برا معلابالهمش بلي طرا جاو لوبيلانص دواهم والبوليس ولكن فأقل من نص ساعة تسدات القضية .

_________ ☙ نهاية الفلاش باك ☙ __________

إيمان : قتلوهم قدام عينينا هههه بدون رحمة ولا شفقة ههه وفلخر فاش نبغيو حقنا بالعدل تسدات القضية فأقل من نص ساعة واو ههههه

سناء : كنا بنات صغار بحالنا بحال غيرنا همنا غير لعبو ونضحكو مكانوش عدنا فلوس ولكن كنا عايشين بيخير

ألماز : دار مكانتش ديالنا وفاش مشاو لي كيصرفو علينا جراو علينا من ديور بجوج وتشردنا تخايلي بنات عندهم 10 سنين او وحدة لي هي انا بوحدي لي كانت عندي 14 عام تشردنا كنا نباتو فزناقي ههههه

إيمان : حتى لواحد نهار كنت غانتعرض لإغتصاب ولكن فآخر لحضة جات ألماز وضرباتو بالموس حتى طاح ومات

يتبع ..

♛غموض إنتقام السفاحات♛
البارت ٭28٭
بقلم :♔Imane Ouss♔

إيمان : حتى لواحد نهار كنت غانتعرض لإغتصاب ولكن فآخر لحضة جات ألماز وضرباتو بالموس حتى طاح ومات

ألماز : وهنا شافني زعيم مافيا بحكم المنطقة لي كنا فيها مكناش عارفين ديالو وكانت البلاصة الوحيدة لي غانحسو فيها بلأمان ههه عرض عليا نخدم معاهم وافقت ونا مابقيتش ديك لي أي حاطة تيقها من داك نهار تبدلت وداك لي كان بغاني لمصلاحتو باش نهرب ليهم الكوكايين حيت مغايشكوش فيا وانا صغيرة كانت الخطة مدروسة ونجحات وخدمت معاهم 4 سنين حتى تعلمت لشلاااا حوايج او ولات فعمري 18 عام ومن بينهم الفنون القتالية درت بلاصتي او وليت تيقة بيناتهم حتى جا نهار لي تلويت عليه كيف لفعة وخنقتو حتى مات وقتلت لي سبقوه وليت بلاصتو ودرت بلاصتي او ولا لقب ديالي ” الكبرى 🐍”

إيمان : ومن بعدها كبراتنا ورعاتنا حتى كبرنا وختارينا نمشيو فنفس طريق وباش نغطيو على هادشي قررنا كل وحدة تكون عندها خدمة فالمجتمع وهكا غانكونو فحالنا فحالهم ومغانتيروش الإنتباه

أماني 🙁 مصدووومة ) ااهاه والإنتقام ؟

سناء : وهادشي كامل داير على إنتقام وكولشي على قبلو وخا نموتو مكيهمش هههه والمستهدف هو لي على يدو ماتو لي رباونا

أماني : نتوما ب 3 خواتات ؟

سناء : إيمان و ألماز خواتات وأنا لا معنديش خوت ولكن فحال العائلة كنا جيران وكل نهار كنجيو عند بعضياتنا حتى طرا لي طرا

أماني : المشكل هو انكم شفنو غا الوشم ودازو اعوااام موحال تعقلو عليه وحتى الوجه كان ملتم صعيبة تعرفوه شكون

إيمان : عمرنا نساو ولاو حدث بسيط وهاد الحالة لي كنت فيه قبل دقائق بسبب لقطات كيراودوني فأحلامي مرة مرة من الحدث ومنهم الوشم اما هدفنا لقيناه أعوام هادي هههه

أماني : احم واخا آخر سؤاال ؟

ألماز : اك هضري

أماني : مدام هو قدام عينيكم علاش متقتلوه وتهنيو الوق

مجات تكملها حتى تقلبات عليها إيمان ونطقات ببرودة : حيت ببساطة مغاياخدش جزائو ومغتبردش حرقتنا

يتبع…

♛غموض إنتقام السفاحات♛
البارت ٭29٭
بقلم :♔Imane Ouss♔

༆أصبحنا وأصبح الملك لله༆

كيجري فالغابة وعينيه كيف القرطاس وعروقو بارزين ،وقف كيتنفس حتى صونا ليه تلفون وهزو عاقد حجبانو ودوز الخط

الگارد : أ أحم الشاف مقدرناش نشريو الأفعى لي طلبتي عليها من سوق سوداء ( كيدوي وكيترعد خايف من رد فعلو )

قطع عليه كيصوط وعينيه رجعو حمرين وكيتسائل شكون وقف فوجهو وهو معروف الحاجة لي حط عليها العين ديالو ،رجع الوطو دغيا وكسيرا

گالسة كتبسم بإستهزاء وتشوف فالگارد قرب يبول فسروالو دورات وجهها دغيا وخنزرات

ألماز : مغانبقاش نتسنا هنا

الگارد : مزال مكتعرفي شاف قريب يوصل( بستهزاء ) غير ترحمي على روحك

سمعات كلمتو الأخيرة وجبدات والسلاح وتيرات فيه نيشان لوسط فمو خلاتو طاح فلأرض جثة هامدة ودم مغطيه

ناضت بشوية عليها وصوت طالونها كيتسمع وقفات قدامو ونزلات كتشوف فيه بحصرة

ألماز : أنا ضريفة ممم ونتا فتي حدودك ،نتا كتهددني !! وشكون هههه كتهدد ( نطقات بصوت خافت ) الكبرى 🐍؟ ( سدات عينيها ونطقات ) علاش ساكت هههه ؟

دارت كتشوف فشخص لي وراه ولي كانت موجهة ليه هضرتها طلعاتو ونزلاتو كتفكر فين شافتوو حتى تبسمات بستهزاء قدامها التنين الأسود …

أركان : اوووه شكون هنا الكبرى ههههه

ألماز 🙁 بجمود )التنين الأسود ياك

أركان 🙁 ببرود ) منحتاجش نگول ليك شكون أنا راكي عارفة ، متحلميش تاخدي الأفعى مكافياكش ديالك ههه ولا مليتي منها

ألماز : ممم لوسي بلاصتها بوحدها بلا منطولو فالهضرة ” الأفعى الذهبية ” معروفة بلي مكايناش نهائيا فالعالم من غير فبلاصة وحدة ولي هي جزيرة ” إيلا دي كيمادا جراندي ” وفاش لقاها بلا منطول طريق فنضرك مغانستاغلش الفرصة ؟

يتبع…

♛غموض إنتقام السفاحات♛
البارت ٭30٭
بقلم :♔Imane Ouss♔

ألماز : ممم لوسي بلاصتها بوحدها بلا منطولو فالهضرة ” الأفعى الذهبية ” معروفة بلي مكايناش نهائيا فالعالم من غير فبلاصة وحدة ولي هي جزيرة ” إيلا دي كيمادا جراندي ” وفاش لقاها بلا منطول طريق فنضرك مغانستاغلش الفرصة ؟

أركان : ( كيشوف فيها بنضرات غريبة ) شبان ليك نديرو تحدي ؟ لي ربح غاياخد الأفعى

ألماز : ( قربات منو بخطوات ثابتة ونضرات حادة وميلات راسها ) شنو تحدي !!؟

أركان : جزيرة ” إيلا دي كيمادا جراندي ”

قبل مايكمل هضرتو قاطعوه صوت ضحكاتها المتتالية حتى قطعات الحس ونطقاات مقوسة حواحبها

ألماز : ممم وكيف معروف على ديك الجزيرة ( صغرات عينيها ) انها أخطر منطقة طبيعية عالميا ولي كتواجد فيها الأفاعي ( قاطعها )

أركان : وأندر الفصائل ومافيهاش حس بشري

كتشوف فيها بتركيز وبضبط فعينيه بحال الى كتقراوهم تعرف شنو وراه وشنو جاي من هاد تحدي !! هي عارفة ان هاد تحدي بسبابو تقدر تخصر حياتها ومتكملش إنتقامها نهائيا عارفة بلي فآخر المطاف غادي تموت ولكن ماباغاش تموت قبل متنتاقم وتشوف لي بسبابو وصلات لهاد الحالة ورجعات بلا قلب

ألماز : ( تنفسات وبدون تفكير نطقات ) موافقة وقابلة تحدي

أركان غاتلقاي أليكوبتر كتسناك ف *** هي لي غتوصلك ونطلاقاو تماك

ألماز : ( بصوت خافت وتضرات إستهزاء ) كنضن خطئتي فيا شنو معروف علكبرى ؟ ( قرباات ونطقات بصوت كفحيح الأفعى حدا ودنو ) مكنتيقش ثقة منعادمة عندي وبشكل نهااائي

أركان 🙁 دغيا جرها من يدها وقلبها عندو حتى ولا ضهرها على صدرو ودوا فودنيها ) متأكدة وهاد ثقة غاترجع وغير فيا

بحركة خفيفة دغيا نقزات وتلوات عليه كيف الأفعى وحيدات ليها يديه ونقزات فلأرض

ألماز : أنا ماشي أي وحدة داكشي علاش رد لبال مني وبزاف

يتبع…♛غموض إنتقام السفاحات♛
البارت ٭31٭
بقلم :♔Imane Ouss♔

ركبات الحديدة وتأكدات أنها ثابتة وشدات فيها حتى طلعات وتنفسات وأخيرا وصلاات لقمة الجبل جلسات كترتاح وشرباات الما كتشوف العلو وفسماء شحال كانت تحلم تصلق الجبال بحريتها كانت أفضل حاجة عندها فالماضي واخا مكانوش عندهم لفلوس كانت تخبي شوية وتشري كل مرة شي حاجة من معدات تصلق الجبال ومرة فشحال وبتخبية كتمشي الواحد الجبل كتصلقو ولي ولفاتو أعوام وهي فيه حتى حفضات بلاصتها بتاسمات فاش تفكرات الماضي وسرعان ما جمعات ضحكة فاش شافت لوطو كحلة جاية من بعيد دورات وجهها كتشوف فالمكان لي مكانش في حس بنادم تأكدات بلي مكاين حتى خطر حاليا ورجال منتاشرين فالمنتقة غير وصلات لوطو لتحت الجبل دارت القب وماسك على وجهها حتى نزلات اليكوبتر عندها وطلعات فيها دغيا ونزلو لتحت ،نزلات بخطوات بطيئة كتشوف فشخص سادين ليه عينيه ورابطينو دارت إشارة لي گارد ومشاو بعدو عليها دارت ليگات وقربات منو حيدات ليه البانضة من على عينيه وفكاتو حتى ناض كيترعد بالبرد وثلج كيطيح وكتشوف فيه ببتسامة إستهزاء

أماني 🙁 بصوت خفيف ) جاك البرد ؟

كيشوف فيها لابسة غير دوني وجامدة ونضراتها من تحت القناع كيف القرطاس عكسو هو لي لابس مونطو وكيترعد بالبرد

أماني : ( بصوت بارد ) مرحبا بيك أمراد

مراد : شكون نتي ( بعصبية ) مكتعرفيش شكون انا !!!

أماني : شكون نتا ؟

مراد : ولد خالد تازي وراه معروف فالمغرب ( بدهشة ) فين أنا بعدا ؟

أماني : ( بجمود ) جيتي لنهايتك برجليك ( حيداات القناع من على وجهها ولاحتو فلارض ) نتا فلبرازيل حاليا ههه عرفتيني دابا عقلتي على هاد الوجه ؟

شاف فيها بصدمة وعينيه توسعو ،مراد : نتي نتي لي كنتي خدامة عند صاحبي فلاجونس وعايرتيني بولد ماماه ياك ولكن والله ماتبقا فيك فلتي من داك شمكار مغاتفلتيش المرة جاية

شافت فيه بصدمة وممبيناهاش ملامحها جامدين وفداخلها نار شاعلة بسبابو كان غايضيع شرفها بسبابو خرجوها من دار وتلاحت فشوارع فنصاصة ليل هههه وكانت غاتموت طلعات راسها وكرزات على يديها

أماني : خسارة كنتي غاتموت غير بقرطاسة ولكن حسابك كتااار ههه

مراد : كيفاش واش كتفلاي آش هادشي مافهمت والو كنتي فقيرة فحال اي متشردة تبدلتي وشكلك وحتى رجال لي معاك !! بين نهار وليلة رجعتي ملياديرة هههه

يتبع..

♛غموض إنتقام السفاحات♛
البارت ٭32٭
بقلم :♔Imane Ouss♔

⚛ تغيير الإتجاه ⁦ ” مزاد العاهرات” ⚛

دنيا عامرة بوليس دايرين على المبنى لاقيين القبض على رؤساء المزاد

” مسرح الجريمة ” ⚛ الغرفة ⚛

واقف ساد نيفو من ريحة المتواجدة بالغرفة وكيدور عينيه نزل عند ضحية كيشوف فيها بتركيز

جيسيكا : زياد تحاليل تشريح الجثة وصلونا دگو الضحية واحد المادة كتخليه مكيتحركش نهائيا فحال الى كيتشلل ولكن هنا كيحس بكولشي ولقينا فالغرفة شوية دشعر وعرفنا بلي ديال العاهرة ديالو لي كتجي ليه ديما ولكن كتنكر بلي هي لي قتلاتو

زياد : قلبتو واش عندها شي حاجة ؟

جيسيكا : لقينا عندها البرة ونفسها لي تحقن بيها الضحية وبعض من شعرها لقيناه فالغرفة وفيد ضحية فحال الى قبل ماتأثر عليه الحقنة جبدها من شعرها اما الغرفة ماعليها حتى بصمات نهائيا هاد دلائل الوحيدين لي كاينين عليها ولي كيتبتو بأنها هي المشتبه به رقم وحد بقتل الضحية

من بعد ماسمع كلامها خرج من الغرفة بعد مقلبوها كاملها ركب فلوطو دلبوليس وراه القاتلة كيف مسميها هو بقاو غاديين حتى خرجو فطريقة غابة وبعد ساعات وقف لوطو فمبنى كبير خرج هو وجيسيكا وجرو المتهمة معاهم دخلو المبنى لي كان شكلو من برا غير لداخل كيبان ليك كولشي كيتجارا

دخل الغرفة تحقيق لي كانت مضلمة نوعا ما ودخل هو وجيسيكا وسدو لباب ،كانت غرفة فيها جوح كراسا وطبلة والفوق مضوي شوية

زياد : علاش قتلتيه ؟

بسمة 🙁 كتبكي ) اهئ والله مقتلتو اهئ

جيسيكا : دموعك غاينفعوك من بعد حسن ليك دوي آخرتك الحبس

بسمة : والله معرفت والو كنت كنبدل حوايجي ودخلت لطواليط ومعرفت شنو وقع من بعد هادشي لي بقيت عاقلة عليه تيقو بيا اهئ

زياد : كولشي الأدلة موجهة عليك لقينا شعرك فالغرفة وفيد ضحية ونفس البرا باش تحقن لقيناها عندك الكاميرات فيهم غير نتي هههه كتبوهلي علينا هنا غاتسد القضية المتهم باين ولقينا القبض عليه
يتبع…

♛غموض إنتقام السفاحات♛
البارت ٭33٭
بقلم :♔Imane Ouss♔

مراد : كيفاش واش كتفلاي آش هادشي مافهمت والو كنتي فقيرة فحال اي متشردة تبدلتي وشكلك وحتى رجال لي معاك !! بين نهار وليلة رجعتي ملياديرة هههه

دارت وتمشات نيشان لوطو هزات ليصانص وبريكة وقربات ليه كتشوف فنضرات الخوف فعينيه

أماني : مالك مخلوع ؟ ماتخلع ماوالو غير غادي نشويك ندوقو لحمك واش زين

مراد : تسطيتي بعدي مني !!!!!

هزات سوط وبسرعة شيرات عليه ولواتو على عنقو وجراتوو بيه للعندها وهو مرمد فثلج وعنقها دايز منو دم

خواات عليه ليصانص وهزاات سوط بقات تعطيه حتى زوقاتو كاملو وثلج لي كان بيض رجع حمر وهو بكترة الغوات مابقاش كيدوي فهاد الحضة هزات خنشة دلملح وبدات تكبها عليه وهو كينقز ويغوت من الألم وهي كتشوف فيه ببرودة حتى سلات وخلاتو كيتلوى شافتو بدات كيترخى ولاحت عليها البريكة وشعلات فيه العافية وهو كيغوت وينقز مقادرش ينوض ،لقات عليه نضرات الأخيرة وهزات شوية من دمو كباتهم فوق ثلج على شكل علامة إكس

ركبات فلوطو وتحركات ولوطوات لي گارد وراها

★ وقفات سكوتر قدام ڤيلا ونزلو بجوج شافوهم ليگارد ولقاو عليهم تحية ،دخلو كيقلبو عليهم بعينيهم حتى لمحوهم فصالون

إيمان & سناء : هااااحنا جيييينا

غزلان : اللله على بنياتي وشحال توحشتكم

عائشة : متجيوش زعما عدنا إلا إلى معيطناش عليكم ؟

إيمان : ماما راكي عارفة عندي الخدمة فشركة مزيرة وبزاف

غزلان : وشنو العدر ديالك حتى نتي ؟

سناء : أحم وكيف كتعرفي راني أشهر دكتورة فالبرازيل مكنساليش من عملية لخرا ( دوات فخاطرها : الله يسمح ليا گاع العمليات لي عندي عطيتهم لفؤاد يتكلف )

دارت شافت فيها إيمان وغمزاتها سناء عرفاتها قرات أفكارها وعرفات شنو قالت ( كيف دكرت إيمان عندها الحاسة سادسة كتقرى أفكار الناس )

يتبع…

♛غموض إنتقام السفاحات♛
البارت ٭34٭
بقلم :♔Imane Ouss♔

دارت شافت فيها إيمان وغمزاتها سناء عرفاتها قرات أفكارها وعرفات شنو قالت ( كيف دكرت إيمان عندها الحاسة سادسة كتقرى أفكار الناس )

غزلان : ممم تباركلاه على بنيتي الله يرضي عليك ابنتي

سناء : امين أماما

عائشة : إيمان الى الخدمة مزيرة بزاف رتاحي مغاتهربش نتي لي عندي نتي وختك ألماز من بعد المرحوم باك لي مات

غزلان : مكانبغيوش نتفكرو لي وقع ولكن ماعدنا منديرو انا بنتي ثانية لي باقي لحديت دابا كنبكي عليها قتلوها ليا ( طاحو دموعها )

سناء : ماما متبكيش لي فات مات

كتهضر معاها وتقويها وهي الله لي عالم بيها حرقة ختها صغيرة باقي واحلة ليها ( غزلان إم سناء _ عائشة ام إيمان وألماز )

إيمان : يلاه نخليوكم دابا راه كاينين لي گارد لي حتاجيتوها تلقاوها وحنا راجعين بليل نقضيو شغل ونجيو

غزلان & عائشة : رضو لبال لراسكم

إيمان & سناء : كون.و هانيين

عائشة : إيمان قولي لختك يا منلقاها ليوم بليل فدار حتى نشتف عليها صافي غا كبرات خرجات من بين يديا

٭ مشاو لبناات كيضحكو ناويين يوصلوها ليها

⁦〰️⁩ تغيير الإتجاه ⁦〰️⁩
شاد قهوة كيرشف منها مسترخي وحاط راسو على كرسي ،مركز مع الأخبار لي وصلاتو ” خبر موت أحد رؤساء المافيا ”

أدلر : ميمكنش نفس شخص غايكون كيقتل هادو كاملين هههه هادو شحال من واحد ونفس سر وراهم واغلبية كيستهدفو رؤساء المافيا ولا أعضائها … سر كبير وراهم ، رشف من قهوتو وكيربط فالأحداث حتى ضهرات بتسامة خفيفة على شايفو . غايكونو كتر من جوج وجوج منهم غايكونو بنات فضحايا العضو دكري ديما محروق ولا مقطوع ..

ناض هز ورقة وستيلو وكيكتب گاع دوك ضحايا لي ماتو وحتى الأماكن والأوقات بقا كيخطط مايقارب ساعة وهو مركز مع الورقة حتى حط ستيلو وجبهتو كيتصببو منها بعد قطراات العرق

يتبع…

♛غموض إنتقام السفاحات♛
البارت ٭35٭
بقلم :♔Imane Ouss♔

ناض هز ورقة وستيلو وكيكتب گاع دوك ضحايا لي ماتو وحتى الأماكن والأوقات بقا كيخطط مايقارب ساعة وهو مركز مع الورقة حتى حط ستيلو وجبهتو كيتصببو منها بعد قطراات العرق

أدلر : ليوم السفاحة جيون عندها مصارعة ف *** او فلبار غاتكون صفقة بين هاد جوج غلقا شخص لي كنقلب عليه والأمكنة متقاربة

ناض كيسوط ولقا أدهم شاد شيشة وكاس ويسكي حتى شافو ودار كيشوف فيه او فوجهو لي رجع حمر

أدلر : محتاجك اليوم

أدهم : شنو كاين واقعة شي حاجة ؟

عاودليه كولشي وشنو كيدور فراسو وفاش كان كيفكر بتفصيل ،شافيه ونطق : ممم خلي عليا البار

أدلر : كنت عارفك وعارف عقلك فين مشا غادي على ود خدمة ماشي زهو رد البال كنعرفك مزياااان

أدهم : الخدمة خدمة وزهو زهو يلاه تلاح

ناض طلع لبيتو خدا دوش وخرج لاوي على نصو فوطة لبس البوكسور وسروال كحل وقاميجة مخططة بالبيض والحمر هز سبرديلة بيضة و دار ساعتو ، رش بارفانو … وخرج من لبيت حتى طلاقا نيشان مع أدلر لابس سروال كحل وتيشورت كحل ريحتو عاطية وتخنزيرة مامفارقاهش

خرجو كل واحد ركب فلوطو نيشان المكان المحدد

☬ جمعات شعرها الفوق كعكة مهملة وثبتات شعر إصطناعي بلون الأسود وجمعاتو لبسات تيشورت بيض وشورط قصير سبورتيڤ لاصق على لحمها مبين لاطاي ديالها لي متناسقة كولشي فبلاصتو دارت شافت فسناء لي دارت بيروك على شعرها بالأشقر دويل واصل لطرماحة لبسات سيرڤيت وتحركو بجوح خارجين كل وحدة فتجاه

يتبع..

♛غموض إنتقام السفاحات♛
البارت ٭36٭
بقلم :♔Imane Ouss♔

وقف طاكسي قدام بار معرووف فالبرازيل نزلات كدور فعينيها وهبطات راسها دارت ورا البار ودخلات من لباب الخلفي نيشان الغرفة تبديل لي لقاتها عامرة

سعاد ( الباطرونة ) : ايه شكون نتي

سناء : انا ليوم جيت بلاصت خديجة وانا لي غانقدم العرض بلاصتها اليوم

سعاد : كيفاش ولكن هي أحسن راقصة فالبار ميمكنش

سناء 🙁 هزات راسها وغمزاتها ) متخافيش هههه انا غانشعل ليكم البار اليوم هههه

بتاسمات كتفكر فاش طرطگات ليها عنقها ولاحتها لي گارد دارت ابتسامة شيطانية وهي كتنطق ” غانشعل ليكم البار ”

سعاد : يلاه يلاه جلسي جلسي يجي آدام يقادك

سناء : ( ببرود ) غانقاد راسي ميوصلني حد

دازت من قدامها ودخلات الغرفة صغيرة وسدات عليها هزات ساك وخلات نفس الماكياج لي مبدلين ملامحها نهااائيا تأكدات من البيروك واش مقاد دارت عكر أحمر فااااقع وگلعات حوايجها من بعد متأكدات انا الغرفة مافيهاش الكاميرات نهائيا لبسات لبسة رقص بدهبي لعبارة على حمالات صدر ونص صدرها باين وخيوطة من جناب ولتحت مزير عليها مبين لاطاي ديالها وديك طرماحة دارت خلخال فرجليها لي صابغاهم بالحمر هزات ليگات ولصقات دفار بعينايا وتركيز باش ميقيسوهاش وقبل طلقات شعرها الأشقر لي فايت مؤخرتها شافت فالمراية وفشكلها وضحكات بشيطانية

بقات جالسة حتى سمعات حس الموسيقى تقطع وهي تنوض عارفة العرض وقتو هادي خرجات من لبيت وتمشات نيشان فالممر

★ جالس شاد شيشية وكيتشيش كيتسنا راقصة تبان ولي على قبلها شاد صفوف الأمامية وكيف لا وهو ديما كايجي يشوف عرضها

تطفاو الأضواء وكولشي كيصفر حتى كيسمعو صوت خلخال وكانت هي كتمشا بأنثوية تسلط على الضوء ورمات شعرها على وجهها وتطلقات موسيقى شرقية عليها كتهز كاملة وصدرها كيطلع وينزل خصرها كيترعد

يتبع….

♛غموض إنتقام السفاحات♛
البارت ٭37٭
بقلم :♔Imane Ouss♔

الجمهوور : جيووووووووون جيوووون جيوووون ⁦💪🏻⁩ جيوووون جيوووون

سدات ودنيها من صوتهم العالي وقادات القناع على وجهها وتأكدات أن البيروك مقاد

دخلات بخطواات ثابتة وكتهز فيديها والجمهور كيغوتو بإسمها ،دخلات لحلبة المصارعة كتشوف فالخصم ديالها لي كان راجل ضحكات ولوات عنقها وبعد دقائق وقف الحكم وصتهم

الحكم : واجدين ؟

حركو ليه راسهم بالموافقة بجوج

صفر وقرب منها جاعر هز يدو يضربها لراس وخوات ليه عكلاتو ،ناض ساعر متسرطاتش ليه رجع بلور وجا ينقز عليها وكدلك خوات ليه ونقزات تلوات على عنقو وضربات ليه فمو مع الحديد حتى طاحو سنانو ودم فلارض رجعات بلاصتها كتشوف فيه مقادش يتحرك وحاط يدو فمو كيتألم والجمهور دايرين حاااااالة وكيتهاتفو بإسمها مكاين شي خصم مهرساتش ليه سنانو وهي معروفة بهاد الحركة وسرعة

ناض وبحركة خفيف واخا كيبان قدامها ضخم لواات ليه يديه وضرباتو بروسية رجع ليها وهزها عاصرها ومزير على يديها حتى طلعها وصلات ليه فطول ورجليها كيلعبو فالهوا شافت فيه بجمود وركلاتو ونزقزات عليه وبخركة خفيفة طرطگات ليه عنقو وناضت والجمهور كيغوت بسميتها : جيوووون جيووووون جيوووون

فهاد اللحضة كانت جالسة رادة لبال مع أي حركة دارتها وكيفاش كتعامل مع الخصم ناضت من وسط ناس وتقدمات الحلبة هنا كولشي صقل كيشوفو ردة فعل جيون وهي كتشوف فيها بستهزاء ومقابلها إيمان بنضرات غامضة والحكم كيشوف فيها وفعينيها لي كيطلقو شرار كتافات بصمت وفجئة نقزات وتلوات على الحبل حتى وصلات عندها تگولي جسمها مافيهش العضام

بدات جيون فالهجوم كضرب بسرعة وهي كتخوي ليها ليها وهادشي غير مزاد جعرها وزادت فسرعتها حتى وقفات كتنهج وتشوف فيها هنا ستاغلات إيمان الفرصة عرفاتها عياات وعطاتها بروسية دوخاتها جات مفرشة فلارض

يتبع…

♛غموض إنتقام السفاحات♛
البارت ٭38٭
بقلم :♔Imane Ouss♔

تطفاو الأضواء وكولشي كيصفر حتى كيسمعو صوت خلخال وكانت هي كتمشا بأنثوية تسلط على الضوء ورمات شعرها على وجهها وتطلقات موسيقى شرقية عليها كتهز كاملة وصدرها كيطلع وينزل خصرها كيترعد وغدا مع ريتم الموسيقة وجسدها كيتحرك عليه وصوت الخلخال حااضر ااجمهور ريوگهم سالو اما واحد كان كيتفرج لاح شيشة من يديه بدون شهور وحس ب بوعلام هز العلام وكيشالي ، هزات راسها كتشوف من تحت شعرها وتركز بعينيها حتى لقات ضحيتها وهزات شعرها رجعاتو ورا ضهرها وبان وجهها وكولشي حل فمو غدا وكتنزل مبينة فرقة صدرها كتشوف فشارف لي حاط يدو على ديالو عضات على شفايفها الحومر حسات بيه مسيكين قريب يتفرگغ يلاه غاتقلب نضرها حتى لفت إنتباهها شخص حاضيها بتركيز

سناء : ( فخاطرها ) ممم زين تزعط هههه

شافت فيه وقلبات عينيها دارت كتحرك فطرمتها على أنغام الموسيقى الشرقية ولي كانت على طلبها رغم كاينين فلبرازيل ،خصرها كتلوي فيها وصدرها كيتزعزع مع طرماحة وشعرها لي وصل لارض وهي حادرة نقزات وجلسات فلارض وشعرها قدامها بطريقة كتبينها سيكسي ونضرات وشوفاتها المحلونين خلاو الجمهور غير طالقين يديهم المنصة عمرات بالفلوس وهي جالسة وصتهم كتنهم وصدرها كيتهز ويتحط تطفاو الأضواء وناضت راجعة منين جات مبتاسمة ومتأكدة من شنو غايوقع رجعات لغرفتها بدلات حوايجها ولبسات سيرڤيت ورجعات كولشي كيف كان تأكدات أنها مخلات حتى دليل وراها وسمعات الباب كيدق حلاتو ودخلات عندها سعاد

سعاد : هاي هاي هاي ناري يا المسخوطة هادشي بزاف وفين تبااااااني لخديجة صافي من دابا نتي بلاصتها وهي خسرات خدمتها وناري يالعفريتة وصدر عندك ( عضات على شفايفها ) اححح وديك طرمة )

شافت فيها سناء بنضرات كيخلعو خلاتها تجمع عرفاتها ليزبيانة وگضاتها بنضراتها وخلاتها تفكر علاياش جات

سعاد : اليومة گاع لي فالبار تراهنو عليك باغيين يضيو معاك ليلة والأثمنة خيالية آش قلتي أزين

سناء : الثمن المرتفع أنا ليه ليلة

سعاد : ويلا كان على هاد الحساب طلعي الجناح ** تماك غاطلقاي لي دفع كتر

دفعاتها وتوجهات نيشان الفوق قلبات علبيت وحضات الكاميرات رشات عليهم بخاخ خلاتهم يتوقفو على الحركة ويبقاو على صورة هادي ساعة دخلات بالحس حتى كيبان ليها خارج من دوش وكرشو سابقاه

يتبع…

♛غموض إنتقام السفاحات♛
البارت ٭39٭
بقلم :♔Imane Ouss♔

دفعاتها وتوجهات نيشان الفوق قلبات علبيت وحضات الكاميرات رشات عليهم بخاخ خلاتهم يتوقفو على الحركة ويبقاو على صورة هادي ساعة دخلات بالحس حتى كيبان ليها خارج من دوش وكرشو سابقاه

شافها وريوگو سالو عاد كان فدوش مبرد على راسو شافها وسخن تاني قرب ليها كيضحك وهي ملامحها جامدين جا يتلاح عليها يبوسها وبعدات وجلسات فوق الفطوي كتشوف فيه بنضرات إغراء

سناء : ممم بدل عليك واجي

مشا كيجري لبس شورط وجا عندها قرب يديه لوجهها وبعدات مدات يديها لعنقو وكرزات عليه بضفارها وحيدات دغيا يديها شافتو تخنق وجهو زراق وعينيه خرجو شاد فعنقو حتى طاح فلارض وخارج من فمو دم كحل

بقات كتشوف فيها حتى تأكدات بلي مات وشافت فضفارها لي كان فيهم نوع من سم لي كيقتل الواحد ف 5 دقايق وفنفس الوقت مخلية طرياق ديالو فشكارتها لطوارئ قبل ماتخرج دارت علامة إكس فالحيط بدم الضحية و خرجات من لبيت دغيا ونيشان برا البار مشات كتجري فطريق مضلمة محسات غير بشي حد جبدها من يدها حتى تساطحات معاه

سناء 🙁 كتشوف فيه وتحقق وجمعاات حجبانها ) جمع يديك ولا نگرضهم ليك

أدهم : ( كيحقق فيها ودغيا جبد شعر حتى طاح ليها البيروك وبان شعرها الأصلي الأبيض )

شافت فيه بصدمة ودغيا لوات ليه يديه وكرزات بضفارها عليهم ودوات فودنو : هادي باش المرة جاية تعرف معامن كدوي

حس بالألم فيديه وسرعان ماحس بألم فضيع فعنقو وبدا يتخنق مشات كتجري وضحك على راسو عرف بلي سم لي فضفارها غاينتاشر فذاتو

دور وجهو ولمح شكارة لي طاحت ليها ملي جبدها وجرها دغيا وجهو بدا يزراق بانت ليه قرعة كحلة حلها ونقط منها نقطة فلسانو وطاح فلارض كيتنفس وبعد دقائق رجعات حالتو كيف قبل ناض كيتنفس وهز سكادو معاه ورجع منين جا وهو كيتفكر شنو دارت وفجوج دقايق كانت غاتقتلو

يتبع..

♛غموض إنتقام السفاحات♛
البارت ٭40٭
بقلم :♔Imane Ouss♔

༺༻ رجعو عند إيمان ༺༻

بدات جيون فالهجوم كضرب بسرعة وهي كتخوي ليها ليها وهادشي غير مزاد جعرها وزادت فسرعتها حتى وقفات كتنهج وتشوف فيها هنا ستاغلات إيمان الفرصة عرفاتها عياات وعطاتها بروسية دوخاتها جات مفرشة فلارض

ناضت جاعرة وهزاات رجليها ضرباتها لكرش ،تقصحات إيمان ومبيناتش كرزات على يدها وشافت فيها برود خلاتها حتى جايا تجري عندها ولوات ليها رجليها ونقزات عليها هرسات يديها وطرطقات عنقها ناضت دغيا بعد متأكدات بلي مات وخرجاات على برا كتجري وشادة فالبيروك لي قريب يطيح لها ،وقفات فطريق لي كانت خاوية وضارت مبين زناقي لي كانو مضلمين كتمشا بشوية عليها كتحيد فالبصمات المزيفة لي كانت دايراهم حيت ميخفاش عليها الضجة لي غاتكون من بعد وخبر وفاة جيون غايدير بوووم وباينة غايقلبو عليها وميلقاوهاش كيف العادة وغايبغيو استاغلو جثة جيوون باش يشوفو البصمات ويتعرفو على القاتل الخفي بنسبة ليهم ضحكات وهي ضاربة لحساب لأي حاجة ميمكنش توحل فحاجة بسيطة !

غدا فطريق وطالقة ودنيها حتى كتسمع صوت خفيييييف وراها حطات يديها على سيف لي فسروالها وجبداتو كتلعب بيه فيديها دارت مبتاسمة كتشوف فشخص لي قدامها

إيمان : الذئب وأخيرا طلاقينا هههه منحتاجش نجي عندك نتا لي جاي عندي كتقلب على شي حاجة ؟؟؟

أدلر : كنقلب عليك

إيمان : عليا ؟؟؟

أدلر : ههههه حض موفق نتي نفس البنت لي عتقاتني فديك ليلة عقلتي ؟ ونتي نفس شخص لي هرس يد الوحش

إيمان 🙁 ببرود ) داكرة عندك قوية وتايق فراسك كتر من القياص الى عاونتك المرة لولة متعرف تكون ضحيتي المرة ثانية

أدلر : متأكدة ، حيدي القناع من على وجهك والبيروك هههه

إيمان : ( حيدات البيروك وخلات القناع ) كنضن شايف وجهي قبل وخا ديك ليلة كانت مضلمة الرؤيا واضحة عندك

أدلر : نسميه إعتراف ؟ شنو هدفك من هادشي وكتستاهدفي غير المافيات

إيمان : نوبتك جاية على هاد الحساب هههههه

مشات كتجري وهو تابعها حتى تلفات ليه طريق وغبراات فحال الى عمرها كانت

يتبع…

Leave a comment