Skip links

قصة : عفراء الزعيم ج2

 8,980 عدد مشاهداات

♟ عفراء الزعيم ♟
🕯️ الفصل الاول : اشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البخر والحب لا حياد
⏳ البارت : 26
ناصر معرفها واش حمقة ولا شنو .. عيوض ماتندر كتعتارف فوجهو وبضحك
ناصر : شكون مصيفطك واش هاد زعامة كاملة عندك .. براق لي مصيفطك ياك
أماليا : الا اشمن براق .. سمع صراحة لله هو تحد مصيفطني عندك راه انا لي ختاريت نجي عندك واش فهمتي ولا لا
ناصر كايحس بيها دارتلو شقيقة .. دفعها وشد فراسو
أماليا : مالك واش مريض … ايي مسكين حتى هاد لمعلومة انسجلها .. باش مريض بعدة
ناصر : ( غوت حتى قفزها ) سكتاااااي سكتي سكتي صافي
شاف فرجالو وشارليهم بيدو
ناصر : حبسوها فشي بيت فالڤيلا حتى تعرفو شكون هي وشنو جابها لهنا
أماليا : اويلي راه انا ….
ناصر جمع قبطت يدو قدامها ودارلها بصبعو اشارت صافي منسمع حتى حرف
خلاها واقفة ودخل لڤيلا
لحارس 1 (عمر) : انسة تفضلي معانا
اماليا : خوية واش هادا هو نفسو سي ناصر صاحب اكبر شركة ديال لألعاب .. مالو مسكين بالي بحال ماشي طبيعي
لحارس 2 نبيل : زيدي اختي دخلي قبل ماتشوفي لي ماشي طبيعي ديال بصح
أماليا : واخة ولكن بشرط
عمر : من نيتك ههه … شنو
أماليا : بغيت بيت مريح ويكون كايطل على جردة ومايكونش صغير ومخنوق
نبيل : سبحان لله أنسة .. واش صحابليك راسك فأوطيل .. وراك لمسديتيش فمك اتلقاي راسك بايتة فسما
عمر كايضحك جاتو هبيلة وكتدوي من نيتها .. هو كان حاس ومتأكد بلي معندها علاقة بأعدائهم حيت باينة فيها لبرائة وطريقة باش كتهدر دليل كبير
عمر : واخة الالة غير زيدي خلاص
أماليا : اييي نتا شحال ضريف وزوين حبيتك .. زعما بحال خوية عنداك يمشي بالك بعيد … وحتى نتا مابيكش اخوية … لمهم اخوتي انا اماليا
عمر : انا عمر وهدا نبيل لحراس ديال سي ناصر .. لمهم ندخلو ونحققو معاك
تمات غادة معاهم وشادة لهضرة مع عمر و نبيل غير كايشوف .. دخلو لڤيلا كين واحد لبيت متوسط فطبقة لتحت حدا لكوزينة فتحوه ليها ودخلات ودخلو معاها .. جبدات ليهم بطاقة تعريف ديالها وقاتلهم شنو جات دير ومشاو وخلاوها بيلا متأكدو من لمعلومات
_____________
لميمة : حليمة كلشي واجد غير نقول لدراري يتجمعو
حليمة : كلشي واجد الالة .. غير خليك انا نعيطليهم
لميمة : واخة .. هارون مباليش ليوم نهار كامل واش مفتيهش
حليمة : جاب لفاليزة دالبنت صباح ولكن فالبلاصة غبر
لميمة : احح عليه حتى هو مسكين هم براق من همو .. يشاركو نفس لمشاكيل وحريق راس
حليمة : اوى الالة راهم بحال لخوت .. على ماشي سي سفياتي كان جابو وهو عندو غير 10 سنين .. كبر وسطكم وعتابرتوه ولدكم .. وحتى هو حاسبكم عائلتو لحقيقية… لله يخليكم ليه
لميمة : حتى انا حاسباه ولدي وربي لي شاهد .. حطي حطي نطلع انا نعيطلهم
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 27
لميمة وصلات لبيت ولدها دقات جوج دقات وكتنادي بإسمو
براق شاد لبيسي وكايبقشش وكايقاد امور عندها علاقة بالخدمة وكاس قهوة قدامو ومعري من لفوق
براق : دخلي الميمة دخلي
حلات لبال وجايا لجيهتو
لميمة : ولدي هبط تعشا راه لعشا واجد وصوني لداك شلاهبي راه ماكينش فبيتو واش انا نبقا نلقطكم كيف لفلالس
براق بتاسم على هضرت مو وسد لبيسي وناض عندها باسلها راسها
براق : احح على ميمتي مسكينة شرفات ولات تعيا وتعطيها لنگير
لميمة : بزاف عليك باقا ندوگ وندردگ ومنموتش دبا هناك لله ربي كايبغيني ومايديني حتى نرجع نشوف حبابي وبلادي
براق : ربي كايبغيك وان شاء الله اتمشي
لميمة : قهرتيني بأتمشي اتمشي وحتى مشية مشفت
براق : مزير الميمة والله .. نحل شي مشاكل ونديك بيدي .. منها نشوف هاد لبلاد لي صنعات وحدة بحالك …
لميمة : اححح مصاب فوقاش يوصل داك نهار … لمهم هبط سبقني انا نمشي نشوف لبنت تهبط حتى هي تعشا
براق : واش اتعشا معانا
لميمة : لا اوليدي انهبطها تعشا مع سبوعة لي مربيلي فالباب ( كتقصد لحراس ) … واش كتبوهل عليا ياك قلتي لبنت فأمنتنا اوى خليني ندير ضواب وهبط تعشا .. والاهيلا قالك واش اتعشا معانا
براق : صافي الميمة صافي انا غير قلت ديري لي باليك .. غير رودي لبال وصافي
هز تشاگيطة دالكيطمة ومو خرجات من عندو وتوجهات عند عفراء ..
عفراء شادة تيليفونها وكتشوف فتصاور روز وشي فيديوات مرة ضحك مرة تبكي .. حتى سمعات دقان فالباب
عفراء : دخل
لميمة : ( بإبتسامة ) بنتي هادي غير انا .. كيف وليتي شوية
عفراء : اه حمد لله
لميمة : هبطي ابنتي تعشاي راه انحطو لعشا
عفراء : لا شكرا مافياش جوع
لميمة مشات جنبها وگلسات ومن بعد تردد حطات يدها على شعرها
لميمة : انا عارفة بلي ليوم خصرتي شي حاجة غالية عليك باينة فدموعك لمحبوسين .. ولكن ابنتي لحياة مكتوقفش وناس لي كنخصرو مايفرحوش لشافونا معدبين وراهم .. نوضي ابنتي تاكلي متقتليش راسك ونتي حية يالاه نوضي
عفراء بتاسمات بتسامة خفيفة وقاتلها براسها واخة
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب ، لاحياد
⏳ البارت 28
خرجات لميمة وعفراء ناضت من فوق سرير ومتوترة حيت اتهبط تگلس معاهم .. واخة جاتها لميمة حنينة ولكن باقا خايفة .. هي متخايلاهم عائلة كلها رعب بحال لأفلام لي كتفرج فيهم زعما عائلة مفترسة … وزيد متوترة بحكم هي عمرها گلسات وسط شي ناس او عائلة .. من نهار عقلات على راسها وهي اغلبية كتاكل غير مع كلبها وتهضر مع كلبها وباها اكتارية غابر … تنهدات وحلات لباب وقالت لي ليها ليها
لتحت فصالون فين كاين طابلة طويلة ومجموعين عليه براق گالس فراس طابلة ومقابل معاه هارون حيت هما رجال دار .. وجنبهم كين دينا وجنبها لخدامة راضية قريبة من سن ديال دينا وعفراء شابة بسيطة وزوينة .. والميمة گلسات من جنب لاخر وحليمة لي حطات اخر طبسيل گلسات جنبها ..دينا مدات يدها اتبدا تاكل وهي تخبطها لميمة ليدها
دينا : اووو ماما مالكي .. اح راه بغيت ناكل اش كتساينو
براق عارفها اش كتساين
لميمة : كنساين ضيفة ابنتي حشومة ناكلو قبل متهبط
هارون : ( هز عينو فيها هابطة كتزيد درجة وتولي ترجع ) هههه بالي بقينا بلا عشا
لميمة : علاش مالكم حشمو شوية
هارون شارلهم لجيهتها كيفاش مقاتلا غير مع راسها حتا تم هابطة وتلي ترجع ..براق شاف جيتها وهضر بصوت زعزها
براق : واش غانباتو هنا .. ياهبطي نيشان ياطلعي نيشان امدموزيل عفراء
عفراء وقفات فبلاصتها وعينها خارجين فيه
دينا : براق حشومة عليك … اجي اختي اجي راه كنساينوك مديش على خوية ضحكو باسل بحالو
براق خنزر ف دينا
عفراء هبطات وهي تقادلها دينا كرسي بينها وبين هارون .. عفراء بتاسمات ليها وگلسات
لميمة : يالاه بسم الله كولو
موجدة ليهم لبسطيلة بالحوت قطعات ليهم كل واحد هز طرف قدامو وهارون قطع طرف لعفراء وحطو قدامها
عفراء هزات فرشيطة وبقات كتلعب فوق طبسيل باقا مبدات تاكل على عكسهم هما بداو
هارون : ( بالمغربية حيت حتى هو تعلم للهجة من عند لميمة ) باليا من نوع لي عزيز عليها سباكيتي لماكلة ديال لخير والخمير كتجيها تقيلة
لميمة : اولدي هاد دولة ماسخة معندهم ماكلة زينة .. مسكينة واقلة نوض نوجدلها بيضات
عفراء : ( جاوباتهم باللهجة معكلة ) لا لا شكرا كاتهجبني بشتيلة
هزات طرف وخشاتو كلاتو وكملات لماكلة وهارون والميمة غير كايدورو فعينيهم .. براق بلا مايشوف فيهم جاوبهم وهو كاياكل
براق : كتفهم للهجة لمغربية .. مها كانت مغربية .. تقدرو تاكلو دبا
هارون : اووووه هههه لأنسة عندها عرق مغربي غير انا لي خارج من جماعة وصافي
عفراء : ( بدات كتطلق جاوها فشكل ماشي بحال براق غير عاقدهم ) … نتا كاتهضر بالمغربي بحالنا
هارون : ( حط لفورشيط ناوي يبدا يشرح ) لا كيفشتي دبا انا ….
براق : هارون .. جمع اصاحبي
هارون : ( غمزها ) من بعد ونعاودلك
دينا شوية وتاكل لفورشيطة من شافت لغمزة
عفراء : ( بتاسمات ) وااخة ان شاء الله …
عفراء من نوع لي فيها لهضرة واخة غير مع لكلب وفالبلاصة خاطرها رتاح لهارون
عفراء : نتا ماشي بحالو ( براق شاف فيه بنص عين ) هو سمر وديما مغوبش .. نتا لعكس عينك زرقين زوينين بحال لون عيني تقريبا .. وبيض وضريف وكضحك
دينا وحلات ليها وبقات كتكحب هارون عاق بيها غارت وايهبل بضحك اما براق غير مزاد خنزر فيها
عفراء حسات براسها لسانها تطلق تاني
عفراء : احم سمحولي شبعت يمكن نطلع لبيت
لميمة : لا ابنتي بلاتي حتا تشربي معانا اتاي
براق : انا فجردة الميمة
هارون باقي گالس وحال فمو وهو يهضر معاه براق من تحت سنانو
براق : نتا مناويش تگعد من تم مشبعتيش
دينا : لا اخوية شبع هو اينوض يتهز .. ياك اهارون شبعتي
هارون شاف فيهم عارف راسو خلاها من عندهم بجوج بتسام وتم نايض خارج بخطوات خفاف
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : أميمة أوما
ان تبحر بلا مركب ،معناه ان تختار الموت واقفا كالأشجار ، لأنه في قضايا البحر والحب لا حياد
البارت : 29
ناصر فبيت بنتو كايعاودلها ويلعب بشعرها ويقرالها لقصص كأنها فايقة .. حتى دخلات ناريمان لبيت
ناريمان : سي ناصر جيت نقولك لابغيتي تهبط تعشا لخدامات قالولي لعشا واجد
ناصر : واخة انا جاي .. ناريمان الا كان ممكن ملي تهبطي كلمي معاك عمر ولا نبيل
ناريمان : ( بتاسمات ) ااه واخة اسي ناصر
** ناريمان فرملية ديال نازلي مدة عامين وهي معاهم تقريبا ساكنة معاهم .. هي ولات تموت على ناصر وصابرة على قبلو **
هبطات كتعوج كلمات ليه عمر ومشات هي شدات بلاصة جنب لكرسي تاع ناصر ونبيل جنبها حيت عمر ونبيل حتا هما ديما معاهم ومكايحملوهاش
عمر وصل لبيت دق وهو يقولو دخل
عمر : سي ناصر بغيتيني
ناصر : اه .. واش لقيتو شي معلومات على لبنت لي جات قبيلة
عمر غلباتو ضحكة
ناصر : واش گلت شي حاجة كضحك
عمر : احم سمحلي لا … لبنت سميتها أماليا جاكلين .. اصولها امريكية واليديها فواشنطن وهي هنا ف نيويورك كتقرا فمعهد صحافة .. سولنا معارفنا وتأكدنا هي فعلا عطاوهم مهام ولكن مقالوش ليها تجي عندك واصلا مستغربوش حيت هما عارفين بلي هي عزيز عليها تحدي وكدير شي حاجة صعيبة واالمشكيل حتى حاجة مكتكملها هي هديك … دخلات من صور لوراني تاع جردة والباقي راك عارفو اسي ناصر
ناصر : واش هادي بنت ولا جنية
عمر : بجوج اسي ناصر
ناصر : نزل انا جاي
براق باس بنتو وتم هابط حتى وصل لتحت گلس فبلاصتو
ناصر : ( كايحك لحيتو ) عمر جيب ديك جنية تاكل قبل ماتصبح ميتة
ناريمان : اشمن جنية
عمر : ( شاف فيها وبتحدي كايهضر ) جنية ودايرة كيف لملاك بوگوصة مواح
ناصر : عمااار
عمر : احم هانا غادي
عمر مشا كايزرب فخطواتو لبيت وناريمان غير كتشوف بمجرد عمر حل لباب طارت أماليا من بلاصتها وجات واقفة قدامو
أماليا : شي جديد شميت ريحة لماكلة وفيا جوع
عمر : ههه خرجي راه لماكلة كتسناك
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ،معناه ان تختار النوت واقفا كالأشجار ، لأنه في قضايا البحر والحب لا حياد
⏳ البارت 30
أماليا : وايلي حلف هههه
عمر بتاسم ودارلها بيدو تبعيني تم غادي بيها وهي تابعاها حتى بانت ليها طابلة عامرة مشاء الله بلي تشهيتي .. ومع فيها جوع عينها وساعو وگاع مداتها فشكون گالس .. وصلو لطابلة وناريمان حاضياها ومخصرة وجها محملاتهاش ..
عمر : ( جرلها كرسي فجنبو وفنفس لوقت جنب ناصر ) .. تفضلي گلسي
أماليا : هي لولة .. شكرا اخوية لعزيز زدقتي ولد ناس قلبك كبير وتفكرتيني وقت لماكلة
عمر حس براسو وكاينفض فكتافو
نبيل : ماشي هو لي تفكرك .. سي ناصر لي طلب منو يجيبك تعشاي
أماليا شافت ف جنبها ناصر لي ممسوقش ليهم
أماليا : وايلي هاد زين كولو عرض عليا انا لعشا
ناصر سمع هاد زين كولو شداتو لكحبة وكايقلب على لما بيدو
أماليا : اويلي مالك هاكا لما عنداك تموت وانا باقا مامزوجة مامطلقة
ناريمان : واش نتي حمقة ولا مالكي .. حتارمي راسك ولزمي حدودك .. ومتنسايش راسك جنب من گالسة
أماليا طلعات عينها فيها ونفخات على جوج زغبات هابطين على عينها وضحكات بإستفزاز
أماليا : ههه سمحيلي ازين مشفتكش يمكن نتي خت سي لعراقي لكبيرة … اووه نسيت معندوش ختو إدا خالتو ..( مدات يدها ) تشرفت بيك امدام
دراري بجوج طلقوها بضحكة وناصر بتاسم ومغطي بتسامتو بالكاس
ناريمان : واش نتي حمقة انا راه …
ناصر : صافي سكتو راه وقت لعشا هدا
ناريمان : سي ناصر شكون هادي وعلاش گالسة معانا
ناصر : هادي …..
أماليا : انا أماليا احسن صحفية متدربة ونتي شكون
ناصر : ممكن نتعشاو ولا مناقص ..ونتي واش معلموكش سكات شوية .. جنية ياربي جنية
ناريمان كتشوف بكره فهادي لي معرفاتها منين خرجات ليها .. على عكس أماليا لي ممسوقاش ليها وكتاكل وشادة لهضرة مع عمر ونبيل مرة مرة اما ناصر غير كايسمع ليهم … هو حاجة وحدة لي مركز عليها … هو لجو لي كاين فهاد ليلة فالعشا … جو ضحك والهضرة وكتحس بلي كاينة حياة … على عكس لأيام لعادية كاياكلو فصمت ولا هضرو دراري تيتناگرو مع ناريمان لمهم ماشي جو بحال هكا … أماليا فرمشة عين دراري بغاوها وجمعو معاها
ناصر : لمهم نخليكم خاصني نكمل شي خدمة
أماليا : بصحتك اسي ناصر
ناصر : ( شاف فيها ) شكرا … عمر نبيل متنساوش توجدو راسكم لإجتماع ديال غذا .. بقاو سهرانين ليا هنا
ناريمان : خليتكم حتى انا نطلع لبيت نعس
أماليا : واش نتي مراتو .. ولكن نتا مامزوجش زعما .. احم كلنا عارفين لحادت لي وقع
ناصر شاف فيها وملامحو تبدلو وطلع فحالو وخلاها مفاهمة والو .. وناريمان حتى هي طلعات كتعوج عجبها لحال ملي ضنات انها مراتو
عمر : من لأحسن ليك متبقايش تجبدي لماضي من احسن ليك .. وناريمان فرملية هنا ديال بنتو
أماليا عاد تفكرات بلي عندو بنت داخلة فغيبوبة .. اصلا هو مشهور بأعمالو ديال لألعاب وقصتو تقلب عليها تلقاها ولكن حتى حد معارف لعالم لمخفية لي خاشي راسو فيه ولي هو لمافيا
♟ عفراء الزعيم ♟
🕯️ الفصل الاول : اشتباك خيوط
🎗️بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 31
عند براق لي گالس فجردة وكايكمي گاروه وحاضي هارون لي حداه
هارون : مالك اصاحبي قهرتيني بدوك شوفات .. گول اش باغي تگول وهنينا
براق : واش نتا معايا ولا ضدي بغيت غير نفهم
هارون : من نيتك اكيد معاك
براق : عارف روينة لي وقعات ليوم عارف بلي حتمال كبير ناصر معندو علاقة بلي وقع .. وعارف بلي حتمال واضح انه عندنا شي عدو حنا معارفينوش .. وعارف بلي حنا ممتأكدينش من لبنت لي لداخل واش فعلا بريئة ولا لا … وراك عارف بلي باها معندو اتار
هارون : وي عارف واش هاد شي علاش كتشوف فيا هكا
براق : لا كنشوف فيك هكا حيت واخد راحتك وشاد ليا لحتيت مع لي هي لأساس فهاد روينة كاملة
هارون : بيني وبينك بانتليا لبنت بريئة هي فعلا بحال مخبية شي حاجة .. ولكن فعلا راها مألمة وخاصرا بزااف وهاد شي باين فعينها وزيد عليها لخوف لي فيها واضح .. اما بالنسبة لشكون دار هاد شي راه حنا كنبحتو ودايرين لي فجهدنا
براق : كنتمنا يكون كلامك صحيح قبل منغلط معاها ونزدق داير فيها شي مصيبة
لميمة : اشمن مصيبة
براق شاف موراه وطفا گاروه : والو الواليدة .. اري شي كاس هاد اتاي جا فوقتو
لميمة : هاك ونقصو من هاد لگارو راكم قهرتو ديك لكلوة مسكينة
هارون : ماشي انا الميمة … وغير بصحة اتاي انا عييت انمشي نعس
براق : هارون واش كلشي واجد على قبل غذا
هارون : وي كلشي هو هداك .. تصبحو على خير
براق : لميمة سيري حتى نتي ترتاحي
لميمة : انا غادة .. وختك ولبنت زوينة حتى هما طلعو ينعسو
براق : سميتها عفراء الميمة
لميمة : اييه زوينة بحال سميتها .. لمهم زوينة وبيني وبينك تجي معاك غير قولي الا كانت عاجباك وانا نخطب لوليدي
براق : ( خرج عينو فمو بصدمة ) شنو … رجوع لله الميمة سيري تنعسي سهير ممزيانش ليك
لميمة بقات كضحك ومشات وخلاتو باقي مكمل سهير مع راسو كايحاول يخمم فشي حل وشكون زعما سباب
هارون وصل لبيتو لي حتى هو فطبقة لفوق اصلا لڤيلا من لتحت كاملا صالونات وكوزينة وبيت لخدامات والفوق عامرة غير بيوتة
دخل لبيتو حيد عليه حوايجو بقا غير بوكسر وترما فوق سرير على كرشو عيان خاصو غير ينعس حتى كايتحل عليه لباب وبصوتها صدماتو
دينا : ياك اعينين لقط محشمتي متسحيتي .. گالس تعنب على وحدة قدامي اهارون قدامي
هارون شاف فيها بعين وعين مسدودة
♟ عفراء الزعيم ♟
🕯️ الفصل لاول : اشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت : 32
هارون : لقريدة تاعي واش عارفة راسك فين
دينا : ( هازة صبعاها بتحضير ) شوف بلا متبقا تقلب فالموضوع .. عجباتك ياك هي حسن مني امم هضر ..واصلا علاش جبتوها ياكما كنتي تعرفها نتا شفتها مطلوقة معاك مشاء الله
هارون : ( غالباه ضحكة ) كتغيري عليا
دينا : كنبعر عليك .. جاوبني دبا
هارون : لبنت مقصدات والو وحتا انا مقاصد والو .. ولعلمك هي كتعرف خوك ماشي انا .. انا اول مرة شفتها هي لبارح .. ونزيدك كنحماق عليك وعلى غيرتك … ونزيدك راكي فبيتي ازينت لبنات
دينا بقات كدور راسها فالبيت
دينا : اويلي اويلي على جيت لبيتك .. ناري وشافني براق ليوم يبرق مي
ضارت بغات تخرج وهو ينوض طاير جرها حتى رجعات لعندو وضربات فصدرو لعريان
دينا : ( بتوتر ) نتا ششنو شنو كدير .. احم طلقني نمشي قبل مايشوفنا حد
هارون : ( مصغر عينو زرقين فيها وكايقرب نفسو ليها وكايتلمس شعرها ) .. مكندير والو غير هو جيتي جيتي منخليكش بلاش
دينا : هارون طلقني كون تحشم راك عريان
هارون : علاش فلول مبنتش ليك عريان
دينا : دبا شنو بغيتي
هارون دار بتسامة جانبية كطيح نص فالواحد وتم حاني لوجها وعينو على شفايفها وهي قلبها كايضرب ولبؤبؤ ديال عينها وساعو .. هو حتى قربو شفايفو يتحطو على شافيفها وهو يحس براسو مدفوع
دينا : ( حلات لباب ) هههه ماشي دبا احبي
صيفطات لو بوسة طايرة فسما وخرجات وخلاتو كايعض فشفايفو وترما فوق سرير
دينا : اححح اقلبي اححح
________________
🌞🌞🌞 يوم جديد
فاق براق بكري مشا دار رياضتو كيف لعادة ورجع غسل عليه داغي بدوش خفيف وجبد حوايجو لي عبارة على سروال دجين زرق وتيشورط كحل ومونطو فالكحل مفتوح وكاشكول گري كيف لون صباط لمهم لأناقة اححح نهار رسمي هدا … ومن بعد هبط لكوزينة شرب ليه لقهوة لي عصرها بيدو وحط كاس ليه وكاس لهارون لي باقي كايتفوه
براق : شفت بحالا باقي فيك نعاس واخة مشيتي تنعس بكري
هارون : واخة هكاك كنت عيان بزاف
براق : كمل كاسك وتبعني خلاص .. تفوت 5 دقايقك نحفرلك قبرك شوكة
هارون : لمهم هو يكون مشمش هههه
براق خرج قدام سيارتو ومرة مرة كايهز عينو فالباركو دالبيت لي فيه عفراء .. مبالو حتى حركة عرف بلي اتكون باقا ناعسة … خرج عندو هارون وطلعو لسيارة وتوجهو لفين غادين
—————
نمشيو عند صحفيا تاعنا لي فاقت بكري مرتاحتش فالبيت .. نعسات بحوايجها لي كانت بيهم اصلا .. تكسلات مزيان وناضت جارة رجليها خشاتهم فسبرديلة ولقات مشطا محطوطة دوزاتها على شعرها وهزات طربوشها فيدها وخرجات من لبيت .. مباليها حتى حد كلشي ساقل من غير لخدامات لي فالكوزينة جنبها
أماليا : ( بتسامة ) صباح لخير عليكم
فاطمة : صباح نور ابنتي .. واش نحطليك لفطور
أماليا : لا لا شكرا انا انمشي دبا .. الا كان ممكن فين دوش بغيت نغسل وجهي حيت هداك لي وريتوني لبارح فاليل عامر معرف شكون فيه
فاطمة : ايكون غير شي وحدة من لبنات … لكنتي مزيرة طلعي لفوق دوري على يدك شمال اتلقاي تم واحد اخر
أماليا : واخة شكرا اخالتي
خرجات من لكوزينة وطلعات لفوق مشات فين نعتاتها فاطمة .. دخلات لحمام قدات غراضها وغسلات وجها وخرجات …
أماليا : باينة بيت سي ناصر هنا .. من صواب نقوليه شكرا على لعشا والمباتا عاد نمشي
أماليا دازت كدق فالبيوتة لي تم دقات على جوج اوالو حتى حد مجاوبها .. وصلات لتالت دقات جوج دقات وهي تفتح ناريمان لباب فوجها
ناريمان : نعام كين منقديو اش جابك لهنا
أماليا : بغيت سي ناصر .. معرفتش بيتو فين
ناريمان : ههههه خفيفة مع راسك .. داغي وليتي طامعة فبيتو گاع
أماليا : لواه طامعة فسريرو گاع .. اش اندير بيتو مالي مجداگة فالحيوط .. انا بغيت نهضر مع سي ناصر ونتي مالك .. كتعرفي بيتو قوليها مكتعرفيش سدي فمك وانا قادة بشغلي
ناصر حل باب بيتو لي كان ملاصق مع لبيت تاع نازلي فين كين ناريمان وطل عليهم بكامل اناقتو .. قميجة زرقة ولاڤيست فالبلونكاصي وماشط شعرو كلاص
ناصر : ناريمان .. ممكن تكملي خدمتك .. ونتي تبعيني
تم غادي واماليا نفضات شعرها بالعكس على ناريمان وتبعات ناصر حتى وصلو لواحد لمكتب هو دخل وهي تبعاتو گلس وطلب منها حتى هي تگلس
ناصر : ( شبك يديه ) قولي اش بغيتي ومن لأحسن تزربي حيت مشغول
أماليا : احم صراحة مابغيت والو .. بغيت غير نشكرك على لعشا دالبارح وگلستيني على طابلتك وسط ناسك وكنعتاضر على طريقة باش دخلت لبارح .. صراحة انا حلمي نكون صحفية ناجحة وهاد لحلم صعيب شوية حيت اغلبية لي كايقراو معايا لباس عليهم وداخلين غير بالفلوس وحتى من نقاط بالفلوس … وانا هاد لمتحان هو فرصتي لأخيرة باش نبرهن انني قد هاد لخدمة .. داك شي علاش كنت بغيت نجيب معلومات عليك .. بحكم انك شخصية مشهورة فأكيد الا جبت عليك معلومات جديدة بحال احدات حياتك ليومية فراه انجدب لقرأ وموضوعي اينجح … لمهم سمحلي مرة خرة كترت فالهضرة

بقا كايشوف فيها ويسمعلها حتى سلات
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : أميمة اوما
ان تبحر بلا مركب ، معناه ان تختار الموت واقفا كالأشجار ،لأنه في قضايا البحر والحب لا حياد
⏳ البارت 33
ناصر دارليها بيدو تقدري تنوضي .. هي بتاسمات ليه وتمات غادة خارجة هو بقا گالس موراها شي 4 دقايق ولا ناض .. خرج من مكتبو سدو ودار ساروت فجيبو حيت لا تيقة فعاتيقة ههه .. هبط بخطاوي مزروبين حتى وصل لجردة بانتلو كدير بسلامة لدراري
ناصر : ( بصوت مرتافع ) هييه نتي
أماليا : ( شافت فيه ) واش انا
شار براسو اه
أماليا : سميتي أماليا اسي ناصر اماليااااا
ناصر تمشا لجيهتها وقف قدامها وهي كتشوف فيه ومبتاسمة
ناصر : شحال لمدة ديالكم فهاد لمتحان
أماليا : 15 يوم علاش
ناصر : اوك تقدري تبقاي هنا مدة 15 يوم بشرط تسجلي لمعلومات لي انسمحلك بيهم وشي حاجة ماشي عادية ديري كأنك مشفتيهاش … وفالأخير انعطي توقيعي ونأكد بلي جميع معلوماتك صحيحة وبلي گلستي هنا معايا .. وهكا انا متأكد اتنجحي فالمتحان وتوصلي لفين بغيتي
سالا كلامو وعطاها بضهر متوجه لسيارتو
أماليا : ( عاد ستوعبات اش قال ) هههه واش بصح واش كايدوي بصح
عمر : ههه مدام قالها ناصر فماكين لي يحيدها … لمهم بقاي هنا حتا نجيو ونحطو لقوانين
مشا عمر كايجري باش يمشي يركب حدا خوه لي سايگ
أماليا : ولكن حوايجي
عمر : قلنا لك متخرجيش من هنا
سيارة خرجات وهي بقات تنقز فبلاصتها وتشطح غير قشعات لكلب حاضيها من بعيد وهي تجمع راسها ودخلات بخطاوي مزروبين
———————
فمنطقة جبلية كاين ميساحة مدورين عليها بسياج كهربائي … فالوسط كاين منزل خشبي كبير ولحراس مزلعين فكل قنت وهازين سلاح .. وصلات سيارة ديال براق وبسرعة فتحو ليه لباب .. دخل وقف سيارة امام لمنزل ونزل منها هو وهارون
تمو داخلين حتا وصلو لواحد لغرفة مدورة وسط منها طابلة على شكل متلت وفيها تلاتة لكراسة .. گلس براق فراس لمتلت وهارون واقف على راسو
هارون : كايبالي حنا لولين وصلنا
فهاد لحظة تحل لباب وتم داخل شخص تاني بكل هيبة وفجنبو واحد من رجالو
ناصر : كنظن متعطلتش بزاف
براق كايوشف فيه وحجبانو معقودين احح على تخنزيرة ومعلي حاجب ومهبط لاخور … ناصر گلس على كرسي فطابلة تلاتية ونبيل وقف على راسو وعمر بقا برا فصالون حيت كل واحد عندو حق يدخل معاه شخص لاغير
ناصر : اوى اسي زعيم فين روسي واش انبقاو نساينو هنا
براق : خاصك تقولها لراسك وتعلمو تجيو فالوقت. نتا تعطلتي بجوج دقايق ولاخر 5 دقايق لحد ساعة
تحل لباب بجهد وبصوتو لعالي كايضحك وجنبو صوت
صباط انثوي
روسي : هههههه زعيم وسي ناصر سبقوني ماموالفاش ليكم …
براق : ومن لأحسن متولفهاش .. حنا ماشي جاين لكافي نتقهواو .. ( خبط يدو على طابلة ) هادي بلاصة ديال لبزنيز
روسي جمع ضحكتو وحك نيفو ومشا گلس فكورسيه ولي وقف على راسو هي بنت طويلة وزعرة شعرها شقر ويدها مرسومين لابسة سروال كحل لاسق وفوق لاڤيست دجين وطالون عالي فالكحل .. نظراتها كاملين موجهين لبراق
براق : كيف كتعرفو تطلبات سلعة جديدة هاد لمرة من كوريا شمالية … وكنظن فالملف لي قدامكم شفتو انواع لأسلحة لمطلوبة …
ناصر : نوع تالت صعيب بزاف يتوفر
روسي : ناصر عندو لحق نوع تالت صعيب بزاف يتوفر .. وعلى لأقل خاص مدة شهر باش نقدرو نوفروه
هارون بتاسم بستهزاء
سارة : نتا علاش كضحك .. واش كنلعبو هنا
هارون : راه نتوما لي واش كتلعبو هنا … كنظن كل واحد فيكم كيعرف زعيم مزيان ومتأكد انكم كتعرفو بلي كلمة مستحيل ماكيناش فقاموسو
سارة : اه عارفين متحتاج تقولها .. ولكن حنا قلنا خاص وقت طويل وصافي
براق : سيمانة … نقدر نوجدو فسيمانة … ولي وجدو قبل هاد لوقت فيكم فا مبروك عليه انحسبو ربحني فهاد تحدي
ناصر كايشوف فيه بكل كره على عكس نظرات روسي لي ممفهوماش اش فيها
روسي هو تالت شخص فالمجموعة تلاتية .. راجل خمسيني وعندو بنت اسمها سارة وزوجتو مطلقة … وهو فالمجموعة تلاتية مدة ديال 20 سنة يعني قبل مايبان لا براق ولا ناصر .. ولكن لسؤ حظو لحد ساعة باقي مقدر يحصل على مرتبة الزعيم
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معنات ان تختار الموت واقفا كالأشجار ، لأنه في قضايا البحر والحب لا حياد
⏳البارت : 34
براق : كنظن اجتماعنا سالا .. ناض براق خرج وتبعو هارون وصل لبرا وهو يسمعها كتناديه
سارة : براق براق
براق : ( شاف فيها بكل هيبة ونطق بصوت قوي ) الزعيم … متخلطيش بين لبلايص امادموزيل سارة .. هنا انا زعيم
سارة : اووه سمحلي الزعيم … احم الا كان ممكن بغيت نهضر معاك .. زعما بوحدنا
براق شاف فهارون : حنا اصلا واحد تقدري تهضري ولا مبغيتيش شغلك هداك
سارة : اوك … بغيت نخرجو نقسرو هاد ليلة الا مكان عندك مايدار
براق : سارة يا سارة شحال من مرة هضرت معاك … شوفي خليك جنب باباك وبعدي من حنبي راه مغادي يعجبك لحال .. وماتنسايش هاد لوجه اتشوفيه غير فوقت لخدمة لا غير
ضار ايمشي بحالو وهي تشدو من دراعو وعينها حمرين
سارة : براااق نتا عارفني شحال كنبغيك .. علاش كديرلي هكا
براق : ( بصوت مرتافع حتى لفت انظار لحراس ) … زاعييييم … واخر مرة تمدي يدك ولا قسما بالله ياحتى نسلخك جلدة جلدة
طلقات منو ومشا لسيارتو ونطالقو والعجاج وراهم .. خرج ناصر ونبيل وعمر لي دازو من حداها وعمر شاف فيها بإبتسامة ستهزاء .. حيت كلهم عارفينها كتموت على براق حتى من باها عارف لي كين
كلشي مشا وهي دخلات عند باها جاعرة
سارة : بابااااااا
روسي : مالنا اش كين
سارة : براااق ابابا براق .. ياك قلتيلي اتهضر معاه وتخليه يقبل يتزوج بيا … ولكن نتا مدرتي والو
روسي : قلبي عليا لموضوع .. براق مباغيكش واش ندخلك لقلبو زز
سارة : ( خبطات يدها فطابلة ) اااه زز منك .. ولا يكما بغيتي نقولو شكون قتل باه وزيد عليهم حتى زعيم لقديم ومراتو ولدو
روسي جمع قبطت يدو ومصبر راسو حيت لي قدامو بنتو من لحمو ودمو وهي لي كتهدو من خلال سر لي كتاشفاتو من شيفورو لي مات
سارة : ياكما نسيتي
روسي : لا منسيتش ..
🔙 فلاش
روسي : اش كتخربق نتا
جلال ( رجل اسمر اربعيني ) : سلطان داك لعب ديالك انا حافضو … كتلعب من مور ظهر زاعيم ياك … وطامع فمراتو .. مراتو اروسي
روسي : اش كتخربق .. واش عارف اش كتقول .. زعيم كلاوس تقريبا صاحبي واش كظن نطعنو فظهرو بمرتو ..
جلال : واخة هاحنا نشوفو واش زعيم ايسمع لصاحبو ولا للي غير بحال صاحبو
عطاه بظهر وناوي يمشي لعند زعيم
روسي : (هز سلاحو ) جلال من لأحسن توقف لا زدتي خطوة منظمنش اش ندير

جلال مداهاش فيه ومكمل خطواتو حتى كايحس بقرطاسة ختارقات ظهرو .. ضارو لوجه سلطان ( روسي ) وبتاسم
جلال : شماتة وحياتك كلها اتبقا شماتة لي كايطعن فظهر
سلطان زاد طلق رصاصة خرى جابها ليه فجبهة طيحو كاو .. ومن بعد مسح اي دليل يبين وجودو وهرب
🔙 نهاية فلاش
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، ان تختار الموت واقفا كالأشجار ، لأنه في قضايا البحر والحب لاحياد
⏳ البارت 35
وصل براق لڤيلا هبط منها ودخل لدار توجه لكوزينة لقا لميمة مع حليمة و راضي كتعاون معاهم وعفراء گالسة جنبهم .. باقي مشافوه وهو واقف حاضيهم وحاضي عفراء كيفاش مرة مرة كتبتاسم .. وفإبتسامتها تردد كبير بحال شي وحدة خايفة تعاقب على ضحكة منها .. وفعلا عفراء هاد شي باش حاسة فكل لحظة كتحس بالأمان او بلي هما ناس مزيانين ولا ضحكة كتخرج كتقول لنفسها لا اعفراء هادو خلاوك تخصري عائلتك لا اعفراء متبغيهمش .. مقاتلة مع قلبها وعقلها .. لعقل كايقول داك شي لي قالو باها وقلبها كايقول اش شاف وشنو حس
براق : لميمة انا جيت
عفراء هزات عينها فيه ولات حدراتهم
لميمة : على سلامتك اولدي .. ياك لباس هاني بعدة
براق : بخير الواليدة لحمد لله .. هانا لفوق
لميمة : سير اولدي الله يرضي عليك
هو طلع لبيتو بدل عليه لبس صفيطمة بيضة وشورط فالگري وشد تيليفونو حتى سمع دقان
براق : دخل
تنفسات مزيان وحلات لباب .. بانت ليه وهو يقاد لگلسة گاع منواها تكون هي
عفراء : ( كتحك يدها بتوتر ) سمحلي الا برزطتك بغيت نهظر معاك
براق : ماشي مشكيل تقدري تهضري
عفراء : احم صراحة بغيت نقولك سمحلي على لبارح والهظرة لي قلت … كنت معصبة ومعارفاش اش كنقول
براق : اوك فهمت … ولكن لي قلتو انا راه عنيتو … يعني إلا مكان عندك دخل فلي وقع فراك على أمانتي وعمر شي حد يقربلك .. ولكن لكنتي لاعبة مور ظهري .. فراه لي غادي يوقع ليك صعيب نشرحو
عفراء : ( عينها تغرغرو بدموع ) اه فهمت .. شكرا
خرجات من لبيت وهو تكا وشد فراسو غادي يطرطق ليه … نظراتها حيروه بزاف مقادرش يفهمهم .. مجموع فيهم كلشي خوف وشجاعة وحزن وكره وبرائة
عفراء مشات لبيتها وغادة جايا وكتهضر مع راسها
عفراء : دبا انا شنو اندير .. بابا قالي نخليهم يتيقو فيا .. كيفاش اندير وهادا شوفة منو كنحس بيه كايقراني من لداخل … من ديما تمنيت نشوف عائلة والجو ديالهم ونهار تحقق حلمي تحقق وسط اعدائي
هزات تيليفون وكتصوني لباها
سلطان : الو بنتي اش كين
عفراء : بابا انا خايفة وحايرة
سلطان : عفراء عفراء متحمقينيش .. ياك من شحال هدا وحنا نساينو فهاد نهار باش نخربو ديك لعائلة
عفراء : بابا عائلتو ماشي بحالو … مو مرة طبيعية ومعندها دخل فخدمتو .. ختو بنت طبيعية كتر مني وحتا من صاحبو ظريف … بابا هو بوحدو لي كنظن مسؤل .. مكينش علاش ندخلو عائلتو فالإنتقام

سلطان : براق نقطة ضعف ديالو هي عائلتو … وصاحبو لي باليك ظريف راه معاه من صغر يعني راه وحش بحالو
عفراء : بابا مابقيتش باغا نتاقم .. بغيت نرجع فحالي انا خايفة بزااف
سلطان : مبقا رجوع ابنتي … براق حطك فراسو .. الا مزربتيش عليه ايزرب عليك
♟ عفراء الزعيم ♟
🕯️ الفصل الاول : اشتباك خيوط
🎗️بقلم : اميمة اوما
ان تبحر بلا مركب ،معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت : 36
عفراء قطعات تيليفون وبقات فحيرة ..ولات خايفة من هاد لإنتقام لي باها مهووس بيه .. حاسة براسها اظلم ناس مدارو والو .. والمشكيل معارفاش باها شنو ناوي يطلب منها دير لهاد لعائلة وشنو فجهدها مادير … وهو عارف انه تقتل كلمة مستحيل تطبقها
___________
عند لعراقي لي وصل لڤيلا ودخل لدارو لي ضحك فيها مسموع من لعتبة … جمع حجبانو وزاد تابع صوت ضحك حتى وصل لكوزينة … بانتلو أماليا گالسة فوق لبوطاجي وشادة خيزويا كتعظها وكتعاود لخدامات لي مجموعين عليها
اماليا : هههه اوى عرفتو غير شافني عينيه خرجو رما صاحبتو لي كان معنقها وبغا يهرب عاد تفكر سروالو لمخروط ههههه…. وانا كنصور وهو هارب وانا كنصور … يحمد لله كان لابس شورط من لتحت اما كون وصلت فالمرحلة لي ايهبطو فيها ويلي ويلي كون وضفوني شحال هدا
فاطمة : ههههه مزدقتيش ساهلة ابنتي .. ومخفتيش شي نهار طيحي فشي جلاخة واش جاب مفكك منو
أماليا : الله يستر انا كايعجبني شوية ديال لحماس فالخدمة … ولإتارة وداك شي صداع راس … ماشي صحافة ديال نمشي قدام واحد نمدلو ميكرو
ناصر : ولكن فخبارك شحال من صحافي خرج على عائلات عديدة
أماليا شافت جيهتو ولخدامات تفرقو
اماليا : لا اصلا انا ماشي من نوع لي كنجبد خبار باش نأزم شي حد ولا نقول لإشاعات .. انا كنجبد خبار هادوك لي دايرين فيها واعرين وهما اخبث وحدين …
ناصر : واش كظني انني خبيث عليها جيتي عندي
اماليا : لا لا والله غير حياتك بانتلي غريبة وبغيت نتعرف على شخصيتك .. حيت مشاء الله عندك معجبات واولهم انا …
ناصر متكلمش وهي بقات كدور فعينها وتاكل خيزو حتى قلب هو دورة ومشا كمل طريقو لبيتو
فاطمة : بنتي شتك شجاعة فوق لقياس
أماليا : ايي ياكما قلت شي حاجة ماشي حتى لهيه … سي ناصر ظريف ياك
فاطمة : ااه وبزااف ابنتي ..هو قاصح بعض لمرة ولكن اغلبية معانا ظريف وكلامو قليل وحتى ضحكو قليل
أماليا : باينة ولا هكا ملي ماتت مراتو كان يبغيها يمكن
فاطمة : انا متأكدة ولا هكا بسباب بنتو حيت هي لي كانت ديما موريانا ضحكتو على عكس مرتو
أماليا : وعلاش زعما
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 37
فاطمة : ابنتي اش انقولك هادي قصة طويلة ومن لأحسن بلا منعاود
أماليا : ياكما كان معدي على مراتو .. ولا هي كتخونو ويلي
فاطمة : لا ابنتي مشا بالك بعيدة … سي ناصر من احسن رجال … ولالة ليلى كانت من احسن ناس الله يعمرها دار ويرحمها مسكينة
اماليا : اوى وشنو
فاطمة : اوى نصيحة مني ليك .. ديري خدمتك ولكن بعدي على هاد لموضوع دموت مراتو و غيبوبة بنتو
اماليا : اوك نحاول … لمهم نمشي نشوف عمر لابغاو يخليوني نجيب حوايجي
خرجات كتجري حتى قشعات عمر گالس مع لكلب كايلعب
اماليا : عماااار ..عماار
عمر : اماليا اجي لهنا
اماليا : لا غير اجي بغيت نسولك … گالس حدا حلوف وكتقولي اجي هاد شي علاش خليتوني ..باغين تقتلوني ياك
عمر : هههههه لا باقي عليك لحال غير اجي متخافيش
اماليا : والله لا جيت مناقص حتى نتا ماتجيش
عمر ناض ومشا لعندها
عمر : هانا جيت الالة اش كين
اماليا : بغيت حوايجي واش نقدر نجيبهم
عمر : حتى نسول سي ناصر وفالغالب انمشي معاك … حتى نزيدو نتأكدو من شي حوايج
اماليا : امم اوك لي باليك … اجي نسولك تاني
عمر : اشنو تاني
اماليا : نتا ونبيل واش كتجيو سير ناصر
عمر : لا .. انا ونبيل خوت هو كبر مني … وسي ناصر جمعاتنا معاه لخدمة ولكن من بعد ولا بحال خونا
اماليا : اممم .. شوف نكون بحال ختك نتا ونبيل مرحبا … ولكن انا وناصر لا … لي بيني وبينو بغيت يكون كتر
عمر : بالي ناوية على خزيت هههه
اماليا : احححح قلبي حبو وبغاه … بوگوص صراحة لله
عمر : كون شجعتك ولكن سي ناصر 3 سنين لخرة تبدل بزاااف غير حاولي تبعدي
اماليا : لحاجة لي صعيبة كنحماق عليها
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت : 38
عمر : دبا مالك على هاد صداع .. شوفيلك معايا اناا وهني راسك
اماليا : صراحة لله نتا غزال ولكن اش ندير حبي طاح على حجرة
عمر : وحجرة قاصحة نيييت ههه
اماليا : ونتا زعما مكتبغي حتى وحدة … وخوك حتا هو مشاء الله زوين وكاريزما واعرة واش ماعندكمش شي حب
عمر : ( كايحك قلبو ) اححح … وشكون حس بيك … نبيل على حد علمي معندوش مع لحب وداك شي … اما انا لحب لي معندوش معايا
أماليا : امم وعلاش زعما واش تفارقتي مع شي وحدة
عمر : اصلا متجمعناش باش نتفارقو
أماليا : ( حسات بالحزن فعينيه ) علاش زعما .. عاودلي نقدر نعاونك ونلاقيكم
عمر : ( بتاسم ليها ) كون كنت عارفك تقدري كون قلتها ليك .. واخة هكاك انعاودليك لي كين شي نهار … لمهم نمشي نسول سي ناصر على حوايجك ونرجع
أماليا : عمر … نسولك
عمر : اه هههه اشنو تاني
اماليا : امم واش نتا متأكد بلي عربي
عمر : اه علاش
اماليا : صراحة لعرب عندهم زين ههههه
عمر بقا يضحك وتوجه لعند ناصر

خداو لإدن ومشاو جابو حوايجها وصل ليل وتعشات اماليا مع لخدامات حيت رجال عندهم خدمة فهاد ليل .. وناريمان كلات فبيتها محاملة تشوف اماليا … دازت ليلتنا وطلع نهار جديد … ابطالنا كل واحد فيهم بدا يولف لموقف لي محطوط فيه … ومنهم عفراء لي ناضت هاد نهار ناوية تندامج مع لعائلة وتأكد بنفسها واش فعلا يستاهلو لإنتقام .. واش هاد لعائلة تستاهل تشتت فطريق براق … حسات براسها اتغلط وهي حاطة لإنتقام فبالها ونعاس مابقا يجيها … فاقت صباح بكري غسلات حالتها وقدات غراضها وجبدات ڤاليزتها هزات منها تريكو خيط قصير وسروال كيطمة وجمعات شعرها على شكل شفنجة لفوق وخلات وجها بلا والو ولبسات صندالة سبع لقاتها فالبيت على قياسها وهبطات لتحت … وصلات لصالون باليها براق گالس وكايشرب كاس قهوة فيدو وقدامو لحاسوب .. جامع حجبانو ومركز فالبحت ديالو حتى سمع صوتها
عفراء : صباح لخير
براق دور راسو لجيتها بشوية كأنها كايتأكد واش فعلا هادي هي نفسها مولات صباح لخير … لقاها مبتاسمة وحالتها مقادة يعني نفسيتها ولات مزيان … شارلها براسو كا رد عليها وخلاتو حاير ومشات لكوزينة
عفراء : صباح لخير خالتي
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 39
لميمة : اهلا بنتي زوينة .. صباح نور هدا
حليمة : صباح لخير ابنتي
راضية : صباح لخير ختي ( بنت حليمة عندها 21 سنة زوينة وعينها خضرين وكتقرا فالجامعة )
عفراء : ( بإبتسامة وكتحك يدها بتوتر ) شكرا ليكم … احم واش نعاونكم فشي حاجة
لميمة : لا ابنتي غير رتاحي .. نتي ضيفة حشومة نعدبوك معانا
عفراء : لا اصلا كايعجبني ندخل لكوزينة
لميمة : اوى لي عجبك .. سيري حدا راضية قطعي لكاشير
عفراء مشات لحدا راضية لي مبتاسمة ليها وخدات لكاشير قطعاتو طريفات وحطات فطباسل .. وهما يبادو يهزو كل حاجة كايحطوها فطابلة دالماكلة وحتى هي هزات معاهم وغادة تحط … براق كان فوق طابلة حتى كايتصدم بيها هازة طباسل وجايا حتى هي كتوجد .. مفهم والو .. داغي طلقات ومبقاتش معصبة ولكره فعينها مبقا بانلو … قال مع راسو بلي رجعات كيف شافها اول مرة .. حالتها نفسية تقادات
جا هارون گلس حداه لقاه ساهي
هارون : براق مالك ساهي على صباح تاني
براق : عفراء .. اول مرة تلاقيتها كانت بريئة وخوافة وعاوناتني … تاني مرة شفتها مخلات مقالت فيا … لبارح جات عتاذرات مني .. ليوم صبحات طبيعية وكتعاون لعيالات فالفطور
هارون : قتليك لبنت مدايرة والو غير نتا حاطها فراسك وصافي … لي نقولك هو رخف على لبنت .. ومتنساش بلي اكبر حتمال هو تكون نتا سباب فلي وقع ليهم …وحتمال اخر صغير يكون باها لي غابر هو لمسؤل ولكن زيرو حتمال تكون هي مسؤلة على شي حاجة
براق : معرفتش .. اصلا راه داير معاها فوق مزيان مدخلها لقلب داري
هارون : ادير اكبر خير الا شفتي فيها وحجبانك وشوفاتك طبيعيين
براق بقا يتلمس حجبانو وكايطلقهم بيدو وكايحاول يقادهم وهارون كايضحك عليه
لميمة : صبحتو ناشطين اش كين
هارون : كلشي بالي ليوم صابح مزيان
لبنات تجمعو كلهم فوق طابلة وهاد لمرة هبطات دينا كتجري شدات لكرسي جنب هارون هههه … وعفراء بالها لكرسي لي جنب براق خاوي .. ترددات فالول ومن بعد مشات ليه … براق كايحاول مايشوفش فيها ويخلعها بشوفاتو تاني لي من نهار تلاقاها مشافت شوفة زينة منو
دينا : عفراء .. واش ولفتي شوية
عفراء : كنحاول … احم صراحة لحد ساعة باقا مشكرتكم .. شكرا ليكم بزاف .. ( شافت ف براق ) شكرا لسي براق لي عاوني وجابني لدارو … شكرا ليكم لي ستقبلتوني … وشكرا لهارون لي حسيت بيه صديق قريب … شكرا ليكم بزاف
براق مجاوبهاش بقا كاياكل كأنه مسمع والو وهو غير باش مايهضرش ويزدق قايل شي مصيبة تاني
لميمة : الله ابنتي مرحبا .. حنا اصلا مكايجي عندنا حد .. ونتي تقريبا اول ضيفة ..
دينا : اه عندها صح … لمهم نفطرو ويالاه معايا انا وراضية نخرجوك تبدلي لجو
براق : ( حط لخبز من يدو ) فين اتمشيو .. لوقت ممناسبش من لأحسن متخرجو فين
دينا : مغاديش نبعدو اخوية .. اصلا لبنت ضاروري اتكون خاصاها شي حاجة مولفة تخرج تقداها
عفراء بقات كاتكحب شربات لما ومع بتسامة دابلة هظرات
عفراء : صراحة انا عمري شريت شي حاجة .. لي بغيت نقصد عمري خرجت نتقدا … عمري عرفت لحياة على برا كيفاش دايرة .. حياتي كاملة دوزت وسط دار وجردة … والباقي كنتعرف عليه غير من لأنترنيت
كلشي بقا غير كايشوف فيها مصدومين كيفاش عمرها خرجات
دينا : احم بلا شك غير كضحكي ياك .. مايمكنش تكوني عمرك خرجتي
عفراء : تمنيت كون كنت غير كنضحك ولكن فعلا عمري خرجت
براق هز عينو فيها وشافها كيفاش مبتاسمة ودمعة فعينها محطوطة ولكن محبوسة .. غمض عينو وتكلم
براق : من بعد متساليو فطوركم عندكم نص ساعة توجدو فيها راسكم وغادي نخرجوكم انا وهارون … وديرو بحساب نقدرو نتعطلو
دينا : كيييفاش .. حلف واش بصح اتخرجنا ههههه
عفراء شافت فيه وحسات بلي بقات فيه عليها هو لي ايخرجهم من بعد معتارض فالأول
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 40
كلشي جاتو صدمة من مور صدمة ..اولهم كيفاش عفراء عمرها خرجات .. وزيد عليها براق لي ايخرجهم بيدو وهو الا خرج مع ختو جهدو كايوصلها لمعهد فين كتقرا ونهار تخرج لبلاصة خرا يوصلها هارون ولا شي حد اخر …. لمهم هما كلاو بزربة وناضو كل وحدة مشات لبيتها تبدل … نخليو هادو يوجدو ونمشيو نشوفو جنية كيف صبحات
________________
أماليا فاقت معطلة شوية ولكن داغي وجدات راسها وخرجات من بيتها موجهة لحمام .. وكيف لعادة لقاتو عامر تاني
اماليا : اوووف واش فيهم سريسرة
قلبات دورة وتمات طالعة فدروج كتفوه … دخلات لحمام غسلات عليها وقدات حاجتها وخرجات … ودودة لي فيها مامهنياها بقات كدور على طابق لفوق وكاتشوف .. فيه شي 5 لبيوتة زائد واحد لغرفة كبيرة كاملة ملونة وفيها طابي فالأرض وشباكي عامرين العاب عجباتها … فاتتها وبقات غادة لجيهة بيت ناصر حتى وقفات قدام بيت بابو غير مردود .. نفسو لبيت لي خرجات منو ناريمان اخر مرة
اماليا : اممم هدا هو بيت ديك شاطة .. وملاصق مع بيت ناصر .. والله حتى نشوف دوقها فالبيت كيف داير …
دفعات لباب بشوية وخشات راسها كطل حتى بان ليها سرير فوقو بنت صغيرة ولأجهزة طبية دايرة بيها … جمعات ضحكة ودخلات لبيت وبقات غادة تيجاه سرير حتا وصلا لراس نازلي وقفات كتشوف فيها
أماليا : مشاء الله على ملاك شحال غزالة … اكيد نتي بنت سي ناصر ( حطات يدها كدوزها على شعرها ) … كتشبهي لباباك ولكن ماشي بزاف .. اكيد اتكوني كتشبهي لماماك … عرفتي كون كنتي فايقة كون لعبنا حتى عيينا .. بدا يجيني لملال … ( جرات كرسي وگلسات ) .. فخبارك انا واخة كبيرة كايقولو ليا مبرهشة … ولكن عادي عندهم صح حيت عزيز عليا ضحك والعب … ان شاء الله نهار تفيقي نوريك شحال من سر يخليك ديما ناشطة … ( سهات فيها ومع بتسامة خفيفة فوجها وكدوز بيدها على خدودها ) تمنيت كون عرفت سميتك هادي فلتات ليا فالبحت
ناصر : سميتها نازلي
أماليا دورات وجها بالها واقف فالباب ناضت بزربة
اماليا : سمحلي انا غير .. والله مدرت شي حاجة ولا ناوية نكتب حاجة .. غير لباب كان مفتوح عليها دخلت .. من فوقاش ونتا هنا
ناصر : من لحظة لي عرفات بنتي فيه بلي كايقولو ليك مبرهشة
أماليا بتاسمات وكتحك فشعرها
اماليا : صراحة بنت غزالة .. واخة ناعسة حسيت براسي باغا نهضر معاها .. وكأنه كتسمعلي

ناصر : هادي اول مرة نشوف شي حد كايهظر معاها من غيري … كلشي كايقول بلي هي مغيبة وبلي واخة نهظرو حتى نعياو متسمع والو
اماليا : هدا ماشي سباب يمنعك تهظر .. ماشي مهم كاتسمعك بصح ولا لا … لمهم هو انك نتا مقتانع بيها كتسمعك وبلي حاس براسك باغي تهضر معاها … حتا انا فبلاصتك نجي كل نهار نعاودلها على قصصي والمصايب لي كندير ههه
ناصر : اوك تقدري تجي كل نهار تعوديلها قصة من قصصك .. حيت انا متأكد ايعجبوها مغامراتك حيت هي اصلا عايشة اكبر مغامرة
اماليا : واش كتهضر بصح
ناصر خنزر فيها
اماليا : هههه اكيد كتهظر بصح
ناصر : ودبا الا كان ممكن بغيت نبقا مع بنتي شوية بحدي
اماليا : اه واخة هي لولة
خرجات وسدات لباب موراها وخلات ناصر لداخل لي بقا حاضيها حتا خرجات
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 41
لبنات وجدو راسهم وكل وحدة واش لبسات ..عفراء لبسات كسوة فالخضر بارد مورد وقصيرة فوق ركبة وصدرها مفتوح شوية .. ودينا لبسات سروال كحل مع تيشورك سامبل .. اما راضية سروال تجين زرق وتيشورط نص كم فالگري غامق … تجمعو لتحت وكل وحدة كتشوف فوحدة
دينا : مشاء الله جينا قوقات .. اوى يالاه نخرجو عند لعرسان لي برا هههه
راضية وعفراء بتاسمو ودينا جات وسطهم وخشات يدها فكل وحدة وعفراء غير كتشوف جاها احساس زوين .. داك شي لي كانت كتشوفو غير فتلفازة كتعيشو وتعامل ديال دينا كايحسسها بحالا هي صاحبتها وكتعرفها مزيان
هارون وبراق واقفين برا حدا سيارة وهاد لمرة هارون لي محيدش عينيه على براق
براق : مالك ابنادم شوية وتاكلني بعينيك اش كين
هارون : والو .. غير سي براق الزعيم سفياتي قرر ليوم يخرج لبنات يدورو .. وااو بليل تسلخ وبنهار تولي وزير سياحة
براق : اتسكت ولا غادي نسلخ مك نتا دبا .. راه غير هاد لوقت مشربكة عليها مابغيتش نخليهم بحدهم
هارون : اممم من نيتك كتسايني نتيق
براق : هاروووون
هارون : صافي جمع لبنات خارجين … ( هنا هارون لي عينيه خارجين فحبو لي جايا مزيزة كيف ديما )
اما براق عينو مشات نيشان لعفراء وفالكسوة لي غير حطات رجلها برات لڤيلا ريح بدا يدور بجنابها ومعا هي خفيفة وقصيرة داغي كتبغي طلع … براق معجبوش لحال .. فعلا زوينة ولكن حس بالكسوة قصيرة .. حشم يقول شي حاجة حيت هو اش دخلو اصلا تلبس طويل ولا قصير طير ولا تبقا
طلع لسيارة وتبعو هارون حداه عاد جاو لبنات دخلات دينا وتبعاتها عفراء عاد راضية … تحركات سيارة وعفراء كتحاول تكتاشف لعالم لخارجي من سرجم سيارة ومرة مرة تبتاسم غافلة على لعيون لي حاضياها فالمراية
وصلو لواحد لقيصارية كبيرة فيها ادخم لبوتيكات
وقفات سيارة وهبط هارون هو لول حل على لبنات
هارون : ختي راضية تفضلي ( بتاسماتلو وهبطات ) … ختي عفراء تفضلي حتى نتي ( حتى هي بتاسمات وهبطات وعينها غير كايدورو فين هي ) ..
هارون يالاه ايقول لدينا ختي وهي ديرلو بالإشارة تخرجها ندبحك
هارون : احم احم .. لقريدة ممكن حتى نتي تهبطي
دينا هبطات كضحك وسد لباب .. براق خرج من سيارة ودار سوارتو فجيبو وسلاح دارو موراه تحت قميجتو .. تحركو لبنات قدامهم وهارون جنبهم عزيز عليه ضحك معاهم على عكس براق لي موراهم ومراقبهم
كايشوف كيف عفراء عينيها مهبطاتهمش لأرض ومن خلال طريقة كيفاش كتشوف ومبهورة فأبسط لحوايج شي لي كايأكد انها فعلا عمرها خرجات … شوية تحرك ريح وضرب فالكسوة لي عفراء كتهبطها من لقدام ونسات لور ..براق بسرعة جا وراها وهبطها بيدو قبل مطلع
عفراء حسات بيه وراها وقريب بزاف قلبها بقا كايضرب مائة وتسعين
هو غير حس بريح تراجع وهو يبعد عليها ورجع خطوات لور
♟ عفراء الزعيم ♟
🕯️الفصل الأول : اشتباك خيوط
🎗️بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
🕯️البارت 42
غادين لبنات كايضحكو وحتى هارون مقشب معاهم اما عفراء غير حالة فمها فأي حاجة شافتها وابتسامة مرسومة على شفايفها … اما زعيم براق غير عاقد حجبانو وخاشي يدو فجيبو دسروال وكايدور فعينيه من هنا لهنا ومامرتاحش .. وكل شويةيشوف بنص عين فعفراء وفينما يشوف فيها كايتنيرڤا وكايحس بالحرارة طالعاه
وصلو لواحد لمول كبير فيه على شكل جوج طبقات وفيه لي حبيتي ملابس نسائية ورجالية .. مجوهرات والعاب … دخلو لبنات كايشوفو ودراري كايدورو جنبهم ..
دينا : واو شوفو هاد ساعة شحال غزالة هدا هو اخر مودل كنت شفت فتيليفون
هارون : سبحان الله ديما لي شفتيها قولي اخر مودل
دينا : ( خرجات عينها فيه ) اه سبحان الله الا نتا مودل قديم خاص تبدل
هارون دارلها اشارة ديال دبيحة زعما غير حاولي تبدليني لقدرتي
راضية : شوفي ادينا هاد لبراسلي حتا هو شحال غزال
دينا : فن عجبني عندك دوق
راضية : اه ولكن غالي
براق : لي عجباتكم هزوها ومسوقكمش فغالي ولا لا .. وكنقصدكم كاملين
راضية بتاسمات ليه بشكر .. اما عفراء معايشاش معاهم دخلات لبوتيك ديال لحوايج لي جنبهم كاتشوف
براق تلفت موراه ملقاهاش حس بضو دربو
براق : عفراء
هارون : غير دبا كانت هنا
دينا : ويلي فين مشات والبنت مكتعرف حتى بلاصة قالت
براق طار من حداهم كيف لبرق كايدور ويقلب وحتى لبنات وهارون تفرقو يقلبو .. لالة عفراء ناسياهم وحالة فمها فالحوايج حيت ملفة كايجيبلها غير باباها على دوقو هنا گاع لي شافتو فتيليفون تقريبا لقاتو
شدات كسوة فالگرونة كتبري وكتجي على طاية لاسقة .. كدوز عليها بيدها عجبها لبريو لي فيها وحتى عينيها كيبريو معاها
وهي واقفة كتشوفها قرب ليها شاب من لي دخلات وهو حاضيها .. عجباتو
شخص : زوينة ياك انسة
عفراء : ( بلا متشوف فيه ) ااه بزااف
شخص : وغادة تعجبك كتر الا لبستيها
عفراء : مكرهتش نشوفها كيف اتجيني
شخص : دخلي لهيه وقيصيها
عفراء : ( شافت فيه شاب طويل واشقر وجميل ) امم لا صراحة انا غير كنشوف شكرا معنديش باش نشريها
شخص : ماشي مشكيل لبسيها وديك ساعة نقدرو نتفاهمو على كيفاش تقدري تخلصيها
عفراء : بصاح
شخص دار براسو اه ومبتسام ابتسامة جانبية
♟عفراء الزعيم ♟
🕯️ الفصل لأول : اشتباك خيوط
🎗️ بقلم : اميمة اوما
ان تبحر بلا مركب ،معناه ان تختار الموت واقفا كالأشجار ،لأنه في قضايا البحر والحب لا حياد
⏳ البارت 43
عفراء هزات لكسوة ودخلات لقاعة لي وراها وهي فرحانة .. حيدات عليها لكسوة ولبسات ديك لگرونة وكتقاد فيها وشافت فالمراية .. جاتها لاسقة على طايتها وبيناتها غزاالة ومغرية على جهد وخصوصا لكسوة فوق ركبة حدها لفخاد كيف لي كانت لابسة تاني هههه .. عجبها راسها وبقات تشوف فالمراية حتى سمعات مول لمحل
شخص : انسة واش لبستيها ياكما خاصك شي مساعدة
عفراء : لا شكرا لبستها
شخص : ادا تفضلي نشوف كيف جاتك
عفراء من بعد تردد بسيط خرجات وقفات قدامو وعينها مكايشوفوش فيه
شخص عينيه كايبريو وهو كايشوف فيها حمقاتو وكيفاش بانت مغرية بزااف .. خشا لمسكا فمو كايمضغها
شخص : تقادا ليا لكلام … منويتش اتجيك هكا … نتي احسن وحدة قيصات هاد لكسوة لحد ساعة
عفراء : شكرا .. دبا ندخل نحيدها حيت منقدرش نشريها معنديش باش
شخص : ( شد ليها فدراعها ) غير خليها وعندي ليك عرض وخودي لكسوة فابور
عفراء : مفهمتش
شخص : ( غمزها ) شنو باليك فشي ليلة عندي
عفراء عينها خرجو فهماتو اش قصد يالاها بغات تجاوبو حتا حسات براسها ترجات بسرعة حتى ولات من مور ثور زعيم لي معرفاتو منين خرج
شخص : واش مكتشوفش بلي ..
باقي مكمل كلامو براق جر يدو لي كان شاد بيها عفراء ودورها على حر جهدو حتى تمسع صوت لهرس فيهم وشخص غوت على حر جهدو صوت لي ممكن يكون سمعو كلشي … براق عينيه حمر وحجبانو معقودين وعفراء موراه غير مصدومة وكاتشوف … شخص حاني وشاد يدو . براق هز غير ركبتو وعطاه بيها لوجه حتى تلاح قدامو ودم من فمو سايل
شخص : شش .. شكون .. نتا .. شش
براق مباغي يسمع حتى كلمة منو حنا عليه وبقبطة يدو حكمو من عنقو لور وقفو على رجليه وتم غادي بيه انفاص لحيط وكلشي كايشوف وحتى حد مزعم يتدخل … براق حاكمو مزيان ورجعو لور ولطملو وجهو مع لحيط حتى بقا دم لاسق … لطملو وجهو كتر من خمس دالمرات حتى وجه شخص مابقا فيه مايتشاف كلو دم من نيفو وفمو وجبهتو وعينو تنفخو لمهم حالتو
حتى جا هارون كايجري وحاول يوقفو
هارون : براق براق وقف اش كدير وقف اصاحبي وقف
براق : ( شاف فهارون بعصبية ومن تحت سنانو تكلم ) متحاولش اهارون توقفني
هارون تراجع وخلاه باقي كايخبط فوجه شخص لي ولا كيف شرويطة بين يدو
دينا : ( عل حر جهدها ودموع فعينها ) براااااااق وقف برااااك برااااااااك
براق فالبلاصة وقف وشاف فيها كيفا مخلوعة وراضية مكمشة مور ناس وعفراء كترعد فبلاصتها بلا حتى نص كلمة … حس براسو بحال شي وحش قدامهم … هو عمرو كايتسوق كيفاش كايشوفوه ناس لخرين ولكن عائلتو مكايبغيش يوريهم لوجه لخايب تاعو
♟ عفراء الزعيم ♟
🕯️ الفصل لاول : اشتباك خيوط
🎗️ بقلم : اميمة اوما
ان تبحر بلا مركب ،معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 44
طلق من شخص لي جا مخبوط فالأرض كيف شي جثة … ومشا نيشان لجيهة عفراء لي كتراجع بخطواتها خوفا منو .. وصل ليها وبكل عصبية شد فدراعها وتم جارها لجيهة فين كايغيرو لملابس دفعها لداخل ومشا هز تريكو فالبيض وسروال دجين من لبوتيك ورماهم ليها لداخل وبصوتو لمرعب تكلم
براق : لبسي هادو عندك 5 دقايق
هارون واقف كايهدن فالبنات وحاول يفرق جوقة من بعد متأكد انا شخص باقي حي
عفراء بدلات بسرعة وهي كترعد خرجات عندو وشافت فيه وفعينيه لي حاسة بنار فيهم …
براق حس بشمتة حس بقيمتو تنكلات حس برجلة ديالو تهانت .. واش غيرة واش بداية حب واش واش هاد شي كلو ممكن ولكن لي واضح هو انه براق محملش انه مدام هي على مسؤليتو يجي راجل ويشوف فيها شوفات شهوة ويعطيهت عرض بحال هداك .. ضيفة زعيم لبنت لي ولات حتى هي من مسؤليتو وهو لي عمر شي واحد تجرأ يقرب من بنات سفياتي سوا خدامات سوا خواتات وهادي اول مرة توقع هدا هو سبب رأيسي فرض لفعل ديالو
براق شافها خرجات وهو تم غادي والبنات وهارون تابعينو … وصلو لسيارة كلهم ركبو بلا كلمة بلا جوج غير هما ضيماراو سيارة وشرطة وقفو ..اكيد من بعد مايعرفو شكون مول هاد روينة ايسدو لقضية داغي .. إسم سفياتي معروف وحتا لفتحو لقاضية باين شكون رابح وشكون لي ايحفر على گنازتو
لبنات سقلو ومنهم عفراء .. براق سايق طاير داغي وصلو … براق خرج من سيارة ودخل لڤيلا بسرعة طالع لبيتو كاينقز بتلاتة درجات
دينا : ويلي ويلي اش وقع ..انا بغيت نعرف علاش دار فسيد بحال هكاك
راضية : ناري عمري شفت سي براق فهاد لحالة … واش نتا اهارون سبق شفتيه هكا
هارون : منين مشفتوش جلد كايتقطع حمدو لله
دينا : كيفاش
هارون : والو غير كنهضر .. براق مكيظلم حد وباينة داك شخص هو لي قلب على جزارو
دينا : لا لا خاص نعرف … ( شافت فعفراء لي غير ساهية ) .. عفراء نتي لي كنتي تم وهو كان يقلب عليك ادا عارفة اش وقع ياك
عفراء : ( شافت فيهم وهما كايساينو جوابها ) هارون عندو لحق خوكم مظلم حد
قالت هاد لجملة ودازت من حداهم ومشات دخلات لڤيلا وطلعات حتى هي لبيتها
براق مباشرة باش يبرد اعصابو رما حوايحو ودخل لدوش وخشا راسو تحت لما بارد ..لوسيلة لي شوية كتهدنو هي هادي .. كايحس بنارو كطفا … لما هابط عليه ومغمض عينو وكتجي قدامو لقطة حط يدو عليها وكيفاش طلب منها تقدي ليلة معاه كيفاش كان صوتو فديك لحظة .. حس بقلبو كاياكلو
حس بشمتة كبيرة … ضرب يدو مع لحيط وخرج ملوي عليه فوطة وقف قدام لباركو وشعل گاروه
براق : غادي نعرفك علاش واقفة اعفراء طال زمان ولا قصار غادي نعرف من اشمن طين نتي
♟ عفراء الزعيم ♟
🕯️الفصل الاول : اشتباك خيوط
🎗️ بقلم : اميمة اوما
ان تبحر بلا مركب ،معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 45
گالسة فوق كرسي وشادة تيليفونها فيدها ومرة مرة كتجغم من كاس دالويسكي … حتى كايطلع قدامها عنوان لي خلاها تقاد لگلسة وتخدم لڤيديو ” شاهد قبل لحدف مدير شركة سفياتي يهاجم شاب ” …
خدمات لفيديو فالحظة لي كان كايلطم ليه راسو مع لحيط حتى للقطة فين دخلها ورمالها لحوايج تبدل … هبطات كتشوف لكمونطيرات لي كايقولو بلي هاد شي بدافع لغيرة على حبيبتو …
هزات لكاس لي فيدها حتى لسما وخباطتو مع لحيط
سارة : انا حبيبتو سمعتو انا هي حبيبتو …
ناضت هزات لاڤيست تاعها وسوارت سيارتها وسلاحها كيف لعادة من مور ضهرها وخرجات
_________________
ناريمان هبطات لكوزينة بشوية عليها ومبتسامة
ناريمان : واش سي ناصر خرج
فاطمة : لا راه فالبيت عند بنتو ..علاش مدزتيش هاد صباح تشوفي لبنت
ناريمان : احم احم .. وي دزت يمكن قبل مايدخل عندها سي ناصر … لمهم بغيت فطوري فوق طابلة
امراتهم كأنها مولات شي وخرجات لصالون تكات وحطات رجل فوق رجل ومشعلة تلفازة حتى حسات بشي حد تلاوح حداها حتى قفزها من بلاصتها
ناريمان شافت جنبها كتلقا اماليا ملاوحة حداها على ظهرها وحطات رجليها فوق طابلة
ناريمان : ( كتغمض عينها وتولي تحلها كتأكد ) واش نتي باقا هنا
اماليا : هههه ياه على حامضة … كتشوفيني وكطرحي هاد سؤال
ناريمان : جاوبتك سولي اش كديري هنا
اماليا : اولا ماشي سوقك .. تانيا انا صحفيا .. يعني انا نسول ونتي جاوبي .. ماشي لعكس ابب .. واخة تعطيني تيليكموند مسلسلي تلتيام مشفتو ملي جيت هنا
ناريمان : واش نتي حمقة … عرفتي الا شافك سي ناصر اش غادي يدير ليك … هو مكايحملش لبراني فدار
اماليا : هههه كضحكيني … على مبالي ماشي مكايحملش لبراني وانما غير لبراني عمرو تجرأ يشوف واش مرحب بيه ولا لا … وانا جربت وهانا جنبك الالة لفرملية … نسولك واش نتي جابوك تقابلي لبنت ولا تقابلي تلفازة
ناريمان : متفوتيش حدودك ولا مغادي يعجبك حال .. ومتحاوليش تقارني راسك بيا وتحطي جنبك فجنبي
ناصر : ناريمان واش ممكن تنقصو من صداعكم
ناريمان : سي ناصر مزيان ملي جيتي .. هاد لبنت معرفتش اش كدير هنا
ناصر : اماليا كدير خدمتها هنا … ولي سولاتك عليها جاوبيها وبحترام حيت هادا نوعها من خدمتها … وشكون لي مرحب بيه وشكون لا هداك سوقي انا …
اماليا : وداك شي لي كنت نشرحلها … ولكن هاد لفرملية مكلخة شوية .. معرفتش منين جبتيها …نصيحة مني ليك .. هادي اتكلخ ليك لبنت والله غير بدلها
ناريمان : كيف تجرأتي تكلمي عليا هكا …
ناصر : اماليا متفوتيش حدودك وكل واحد يحتارم راسو والأخر ..والباقي شغلي انا
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ،لأنه في قضايا البحر والحب لا حياد
⏳ البارت 46
عطاهم بظهر وتم غادي ورسم بتسامة على شفايفو … ناريمان ناضت زاعفة طلعات لفوق واماليا تجبدات واخدة راحتها بحال دار ديال باها
نبيل : بسبس فين ساهي
عمر : ( تنهد ) اودي فين انكون ساهي فنظارك
نبيل : ( حنا عندو تحت شجرة وگلس جنبو ) باقي مابغيتي تنقز هاداك لموضوع
عمر : اصاحبي اش انقز … بعض لمرة كنحسدك وكنحسد قلبك لمسدود والله …. تمنيت كون عمري فتحتو
نبيل : نصيحة مني سدو وزير عليه مزيان .. فالمجال ديالنا حنا .. ودراري يتام بحالنا حنا .. وفدولة ماشي دولتنا … فالحب صعيب نلقاوه
عمر : انا لقيتو انبيل لقيتو ولكن زهر بعدو عليا … عمري توقعت راسي منحوس
ناصر وقف وسمع اخر جملة
ناصر : علاش منحوس
عمر : ( وقف بزربة ) سي ناصر احم والو غير كنت نهضر وصافي
ناصر : ( قربلو حتى ولا فاص معاه ) عمر نتوما معايا مدة 6 سنين ياك … وكنظن عارفين معزيزش عليا لي خبي شي حاجة
نبيل : ماكين والو اسي ناصر .. عمر كايبقا غير يهضر وصافي
ناصر : مابغيتكمش تفكرو فأنكم منحوسين وديك لهظرة … نتوما عارفين ديك سي لي كتقولوها عييت معاكم تحيدوها ومابغيتوش .. نتوما عارفين بلي قيمتكم عندي كبيرة ومعتابركم بحال خوتي صغار قبل من انكم تكونو رجالي ويدي ليمن
عمر : عارفين اسي ناصر … وحتى نتا راك عائلتنا كاملة
ناصر : لمهم لكانت شي حاجة مهمة علموني .. انا انمشي نشوف شركة وتقدرو تبقاو هنا لا بغيتو
نبيل : انا نجي معاك وعمر يبقا
عمر : واخة سيرو انا نبقا
________________
عفراء من بعد مطلعات لبيت وبقات شحال وهي غير گالسة وكتحاول تفهم اش وقع … بغات تحلل شي لي دار براق … واش همجية منو واش دفاع عليها واش سلطة ولا شي امر اخر …. فكرات وعيات ولكن لي قلبها كان مأكد منو انه مظلمش داك سيد واخة زاد فيه .. حسات بيه دافع عليها وشوفاتو مخلعوهاش واخة كانو يزعز لجبال بقسوتهم … حارت بتفكير … شخص لي كانت تكرهو وكايجيها مافيهش حس لإنسانية .. فمدة يوماين خلا قلبها وعقلها مدابزين بالعكس … داتها كاملة محاربة فكرة لإنتقام ولكن باها كل شوية يصيفط ميساج ويفكرها هي علاش فدار ..
من بعد افكار طويلة حيدات عليها دوك لحوايج ولبسات تيشورط فزرق مع سروال كيطمة خفيفة وسرحات شعرها وبقات فالبيت متوترة واش تنزل ولا لا … خايفة من ردة فعل براق لي مقال ليها والو
♟ عفراء الزعيم ♟
🕯️ الفصل لاول : اشتباك خيوط
🎗️ بقلم : اميمة اوما
ان تبحر بلا مركب ،معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 47
لميمة : افينكم ادوك لبراهش مافيا لي نقلب عليكم تجمعو … هاروووون اداك لقط فينك … الله ياربي لله معنديش حتى صحة باش ندور نقلب عليهم
فهاد لحظة لي لميمة كتنادي عليهم وهما كلا وفين خاشي راسو .. كانت لعافية شاعلة جايا لعتبة بابهم … وصلات سيارة لباب لڤيلا وبسرعة حلو ليها لباب حيت هي بنت واحد من ريوسة تلات .. دخلات معجعجة وقفات سيارتها وهبطات بطالونها وداخلة وكتغوت
سارة : برااااااااااااق …براااااااق
لميمة : ( تفزعات بالغوات ) الله اربي الله اش واقع ( خرجات من صالون حتى كتبالها واقفة وعينها كلهم شر ) …. سارة اش واقع ابنتي
سارة : فين براق
لميمة : اجي گلسي ابنتي ايكون غير فدوش شوية ويجي اصلا وقت لغذا هدا
سارة : براااااااق نزل عندي دبا
خشات يدها من مور ظهرها وجبدات سلاحها شي لي شافتو لميمة وشدات فقلبها بخوف … سارة علات سلاحها لفوق وطلقات قرطاسة لي زعزعات لڤيلا كاملة
فهاد لحظة كان براق فوق سرير متكي وكايحاول يتهدن وهو باقي معالم اش واقع لتحت حتى سمع صوت رصاصة شي لي خلاه حل عينو على حرهم وناض قافز من بلاصتو وخرج طاير من لبيت وكايتمشا بسرعة وكدلك هارون لي كان فلابيسين كايعوم سمع صوت رصاص وخرج من لما ودخل لڤيلا بماه كايقطر وگاع رجال هزو سلاحهم ودخلو يشوفو اش وقع …
براق وصل لتحت وسلاحو فيدو حتى كتبالو سارة .. هنا نفخ بعصبية وكايحك فراسو
براق : سارة سارة سارااااااا اش كديري هنا
سارة : ( بتسامة ) على سلامة.. ظاروري تسمع صوت سلاح عاد كتستاجب
براق : ( قرب ليها وكايهظر من تحت سنانو وكلشي غير كايشوف ) واش عارفة راسك اش درتي وفقلب داري
سارة : ( بصوت عالي ) ونتا مشفتيش اش كدير وسط قلبي …نتا راك مشعل لعوافي لي شي نهار اتحرقنا كاملين …
براق غمض عينو وتم راجع خطوات لور كايبرد فراسو شاف فجنبو حتى كتبالو مو گالسة وشادة قلبها وباينة كتألم من شدة لخوف .. هنا براق مابقا يبالو والو وغير بركان شعل فيه .. ضار جيهة ديال سارة ورجع قرب ليها وهز يدو حتى لسما وهبط عليها بطرشة لي خلات صوتها مسموع وسط لقصر … مجات فين تستوعب لأمر وتهز وجها حتى هبطات عليها طرشة لحنك لأخر وشنق عليها
براق : فقلب داري … وسط حبابي … فالبلاصة لي عمرهم شافو سلاحي … تجي نتي وتنوضي رعب فقلوبهم …وباقي مخلاق لي يحاول يقرب ليهم واخة غير خطوة
سارة : ( عينها خارجين وجها ولا حمر ) ب .. براق .. طلق
هو والو راسو كايترعد بالأعصاب واغير مكايزيد يزير حتى بقات شوية ويزهق روحها
عفراء هبطات كتجري ملي شافت لبنت قريبة تموت وحتى حد متدخل … مشات وقفات جنبو وحطات يدها على يدو لي فعنق سارة وكتحاول تفكها
عفراء : طلق اتموت طلق ..عفاك طلق عفاك متكونش قتال عفاك
براق باقي مزير يدو ودنيه مقفولين .. عفراء غمظات عينها وقالت لي ليها ليها وهبطات على يدو بعضة حتى سنانها تغرسو وكتحرك راسها باش سنانها يزيدو يتحفرو فالحم .. براق من بعد تواني عاد حس بعضة شي لي خلاه طلق لقبطة وطلع بظهر يدو نيشان لوجه عفراء لي جابها طايحة
سارة بقات كتكحب وكتحاول ترجع نفس … براق شاف فجيهة د عفراء لي طايحة وشادة نيفها لي سايل بدم .. مشا بسرعة لجيهتها وحنا لعندها مرجعلها راسها لور
براق : شي نهار غادة تموتي على يدي
♟ عفراء الزعيم ♟
🕯️الفصل الاول : اشتباك خيوط
🎗️ بقلم : اميمة اوما
ان تبحر بلا مركب ،معناه ان تختار الموت واقفا كالأشجار ،لأنه في قضايا البحر والحب لا حياد
⏳ البارت 48
ناضت لميمة بزربة من بلاصتها فتجاه عفراء
لميمة : لله اولدي لله اش درتي
عفراء : انا لباس متخافوش
براق باقي متكي ليها راسها لور وكايحاول يحبس دم
براق : دينا اجيو ديوها لبيتها ودم لامبغاش يوقف عيطو لطبيب
سارة بقات كضحك وهي طايحة لأرض وصوت ضحكاتها كايعلا بحال شي حمقة .. كلهم شافو فيها بغرابة وبراق عاقد حجبانو ومكرهتش بقرطاسة وسط دماغ يسكت حسها
دينا : ويلي مال هادي كضحك واش حماقت
براق : ( موجه لرجالو ) خرجوها عليا مابغيتش نشوفها
سارة : اووه وقفو بلاتي راني كنحاول نتأكد من شنو كنشوف … هههه دبا هادي ( كتشير بيدها لعفراء ) هادي هي لي درتي عليها حالة وكنتي اتقتل راجل على قبلها هههههه … دبا واش بسباب هادي نتا رافض حبي ليك ابراق ههههههه
عفراء غير كتشوف وبغا تقولها راك فاهمة غلاط ولكن خايفة تجيها شي دقة خرى
سارة : بغيت نقولك عندك دوق ولكن زدقتي والو … وخايف عليها من لفوق ههه …. عرفتي شنو .. تشوقت نشوف ردة لفعل ديالك نهار تلقاها جثة قدامك
عفراء حسات بالخوف وبراق وقف ليها شدها من دراعها وكايدي ويجيب فيها
براق : سمعي مزيان الا كنت باقي مخليك عايشة فراه غير مباغيش نضيع عليك وقتي … ولكن قسما بالله وتحاولي تقربي ل شي حاجة ديالي .. فديك ساعة وقتي كامل انخصصو غير ليك .. وغادي نقي لحمك جلدة بجلدة ولباقي نطحنو بيدي … متحاوليش اسارة تقربي متحاوليش
سالا كلامو ودفعها لعتبة لباب وعطاها بظهر ورجالو مشاو بسرعة هزوها مخرجينها لبرة لڤيلا
لميمة : نوضي ابنتي نوضي نحبسو ليك هاد دم ..لي شافك يقول ناشفة .. تبارك الله زدق دمك مجهد
دينا : اويلي اماما شنو هاد لهظرة
لميمة : مالكي راه غير كتبقا فيا ضعيفة ودم لي كتكساب هبطاتو دبا

براق طرب منهم ومشا لجيهة لخرى شعل گاروه وكايطل من سرجم ينفخ دخان على برة وهارون واقف على راسو
هارون : بنت روسي فاتت حدودها هاد لمرة بزاف
براق : خاصني نوقفها عند حدها ..انا بغيت نفهم واش هاد لبنت كلبة مصعورة غير رشقاتلها وجايا تدير هاد لحالة
هارون : صراحة بالي عرفتها علاش مصعورة
براق : شنو كتقصد
هارون : داك شي لي وقع صبح تسجل وتنشر واغلبية كايقولو بلي احم احم
براق : ( صغر فيه عينو ) كايقولو شنو
هارون : لمهم هما لي كايقولو ماشي انا
براق : هاروون
هارون : كايقولو بلي عفراء حبيبتك ونتا غرتي عليها وهدا هو سبب فالحالة لي درتي لسيد
♟ عفراء الزعيم ♟
🕯️الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 49
براق عينيه وساعو وهارون كايدور فعينيه
هارون : براق واش نتا لباس
براق كايكمي بسرعة وينفخ دخان لفوق ومكايجاوبش
هارون : نمشي نشوف لكان لغذا واجد هاد شي جابلي جوع
تم غادي حتى سمع براق بصوت عالي فزعو
براق : حدك تم … متزيد حتى خطوة لقدام
هارون : براق صاحبي راه قتليك هما لي قالو
براق مشا وقف قدام هارون مخنزر وجرو من دراعو حتى وقفو قدام مراية واقفة كبيرة عندهم حدا لباب
براق : شوف راسك
هارون شاف فالمراية وبتسامتو عراضت وكايتلمس جسمو
هارون : مشاء الله عليا .. فورمة واعرة ياك طيح زرزور من فوق سور
براق عطاه بدقة لقرافادة
براق : ديلمك الحمار واش انا عمرك شفتيني كندور مبودر هنا امم .. نسيتي دار عامرة عيالات
هارون : اصاحبي راه كنت كنعوم غير سمعت لقرطاس وجيت حمد لله لابس شورط هههه
براق هز يدو ايعاودو وهو يهرب هارون
براق : ابلاتي على مك نشدك فشي زنقة متخرجش
هارون : هههههه سير قول لميمة ولدك فيه جوع
________________
فاطمة : سي ناصر على سلامة .. على سلامتك ولدي نبيل جيتو مع لغذا نيشان
ناصر : شكرا خالتي
نبيل : الله يسلمك الحادكة ددار
فاطمة : دخلو اولادي راه لبنات وعمر فطابلة ناقصين غير نتوما
عمر : دراري جاو لحرب اتبدا
ناريمان : شنو بغيتي تقصد
اماليا : اودي اعمر باينة انني رابحة غير بغيت نلهي لوقت بيلا معلنت على نتيجة هههه
ناصر : فاش رابحة
اماليا : من بعد ونقوليك ( غمزاتو حتى توتر ومشا گلس )
ناريمان : هاد شي لي ناقصنا غير لبراهش فوق طابلة
ناصر : شنو بغيتي تقصدي
ناريمان : كنقصد اماليا اسي ناصر ..عندها عقل بنت صغيرة بحالا حنا معندنا مايدار غير نسمعو لتبرهيشها بحالا حنا مجداگين فصداع لبراهش والعقل صغير
ناصر : ( جمع قبطة يدو فوق طابلة ) … اه حنا ناقصنا عقل بنت صغيرة .. حنا كنتحاربو باش تكون بيناتنا عقل بنت صغيرة … وحنا مساليين ومستعدين نخويو حياتنا كاملة على قبل وقت طفلة صغيرة بيناتنا
ناريمان : سي ناصر انا مقصدتش نازلي .. انا
ناصر : مابغيتش نسمع والو تقدرو تاكلو دبا
اماليا بقات ساهية فناصر كيفاش تكلم بحرقة ودبا كايحاول يبرد حرقتو ويتلاها مع طبسيلو .. سهات فيه وتنهدات وبعفوية تكلمات
اماليا : كنواعدك اناصر بلي بنتك اتفيق فأقرب وقت … هدا احساسي واحاسيسي عمرهم خيبوني
ناصر علا عينو فيها وفبتسامتها لي كتحاول بيها تأكد كلامها … رسم ابتسامة حتى هو خرجها ليها كأنه تايق فكلامها واحساسها ..كلشي عجبو كلامها الا ناريمان لي ركزات غير على كلمة ناصر بلا سي
ناريمان : سي ناصر ماشي ناصر ..حنا لي معاه سنين وكنقولو سي ونتي جيتي غير لبارح كتقولي سميتو نيشان واش تقادو لكتاف
ناصر غمض عينو بقلت صبر وخبط يدو مع طابلة حتى قفزهم
ناصر : ناريمان … اخر مرة تم اخر مرة تكلمي على شي حاجة كتخصني … ودبا من لأحسن تنوضي من طابلة .. كنظن وقت غذاك سالا
ناريمان : ولكن انا غير …
ناصر : ناريمااان
ناضت قافزة من بلاصتها وكتشوف بكل كره فأماليا طلعات لفوق وخلاتهم هما مكملين غذاهم فجو كلو صمت
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب ، لاحياد
⏳ البارت 50
عند عفراء لي متكية فبيتها ومرجعا راسها لور ومغمضة عينيها … حلاتهم على صوت دقات خفاف فالباب
عفراء : دخل
من بعد تردد بسيط فتح لباب وتم داخل بكل هيبة وراس مرفوع ونفس لحجبان معقودين … هي شافتو قالت صافي خليتها ليوم يبرد فيها جنون هاد نهار
تم داخل خطوة خطوة حتى قرب ليها لسرير .. ربع يدو وشاف فيها وتكلم
براق : واش دبا لباس
عفراء شارت براسها اه وعينها خارجين فيه
براق : دم حبس ليك
عاود شارت براسها اه … هو زير على لفك ديالو فقصاتو وتكلم
براق : واش لسانك تقاص وقعاتلو شي حاجة
عفراش شارت ب لا
براق : ( بصوت عالي ) اوى تكلمي مالكي كتحركي غير راسك
عفراء : صافي انتكلم انتكلم غير مضربنيش
براق : شنو .. كيفاش انظربك
عفراء : بسباب لي وقع صباح وبسباب قبيلة .. انا متأكدة بلي واحد بحالك محال يدوزلي هاد شي فابور
براق بقا يدوز على وجهو بيدو
براق : كيفاش واحد بحالي
عفراء : قتال مكترحمش وعصبي وديما سلاحك فظهرك … واش مشفتيش شنو درتي لداك دري والبنت
براق : بلاتي بلاتي واش بقا فيك دري
عفراء : لا والله مابقا فيا بالعكس يستاهل … ولكن لبنت
براق بقا غادي جاي فالبيت وهي غير كتشوف وكتساين فأي لحظة يثور عليها .. واحد شوية وقف وتم جاي لجيهتها هنا قلبها بغا يوقف … قرب ليها وگلس فوق سرير
براق : عمري مضطريت نشرح لشي حد وحتى دبا ممضطرش ولكن انشرح … اولا انا اه رجل ماشي عادي راجل مافيا وكنظن هاد شي ستوعبتيه من اول نهار شفتيني … قتال غير لناس لي كايحاولو يقتلوني .. يعني لي نوا يتغدا بيا كنفطر بيه … كنأدي لي يستاهل وعمري ظلمت شي واحد … دري ديال صباح شفتي علاش درتلو هكاك وكان ممكن ندير كتر .. لبنت ديال قبيلة ماشي بريئة هي من لمافيا وتجرأت وجات لقلب داري ونوضات فيهم رعب وهادشي مستحيل نغمض عليه عيني … ولكلام لي قلتو ليها عنيتو .. يعني لحاولات تأدي شي حاجة ديالي فراه منرحمهاش
عفراء : هي قالت انني انموت ماشي عائلتك
براق : نتي فداري وتحت جناحي يعني حتى نتي من لحوايج دياولي بحال بحال دينا والواليدة .. وداك نهار قتليك شدي فيدي وبلي لي حاول يوصل ليك غادي يخصو يتخطاني انا بعدة .. فهمتي
عفراء غير حالة فمها فيه وشارت براسها اه …
وقف من جنبها وتم غادي
عفراء : واش قصحتك
براق : مفهمتش
عفراء : قصدت لعضة
براق : لا هريتيني
عفراء : اه باينة عليها نيفي كان ايتهرس
براق : هاديك غير باش تعرفي ضحكي خايب
عفراء بتاسمات على هاد لجملة وهو والو نفس ملامحو .. طول فيها شوفة وخرج من لبيت
يتبع ..

Leave a comment