Skip links

قصة : عفراء الزعيم ج1

 13,959 عدد مشاهداات

♟️⁩ عفراء الزعيم ⁦ ♟️⁩
⁦⁦🕯️⁩ الفصل الاول : اشتباك خيوط
⁦⁦⁦🎗️⁩ بقلم : أميمة أوما
⁩⁦⁦ان تبحر بلا مركب ، معناه ان تختار لموت واقفا كالأشجار ، لأنه في قضايا البحر والحب لا حياد
⁦⏳ البارت 1
لوس انجلس …. نبعدو شوية على لمدينة ورواج لي فيها ونتعمقو داخل الغابة لي بالقرب من لمدينة لكن فالأعماق من حيت اتنطالق قصتنا …. وسط لأشجار لكثيفة والمخيفة بعض شيء كين منزل خشبي متكون من طبقين .. منزل جميل برغم لمكان لمخيف لي فيه والمقطوع من اي طريق بشرية واضحة …. خارجة شابة من لمنزل جميلة وكتغوت بعصبية على كلب وتابعاه وحاملة فيديها عصة ومنضرها واضح انها كانت كتخمل لبيت من خلال شعرها لي هازاه لفوق ومضورة عليه بانضة .. ولابسة كسوة قصيرة منزلية منقطة بصفر ولأبيض وسندالة صبع فرجليها وطابلية قصيرة فالغوز على نصها
عفراء : وقف اجي لهنا .. ليوم نوريك علاش حتا كنقاد لحوايج عاد كتجرهم بسنانك …. روز وقف
روز الكلب مسمعش لنداء ديالها وبقا غادي كايجري ومبعد على لبيت وغادي وسط شجر وكأنه عارف فين غادي … عفراء بدا يدخلها لخوف حيت روز بعد
عفراء : روز رجع براك .. روز صافي وقف … الله ياربي فين غادي … روز وقف راك بعدتي
عفراء : زعمات وبقات تابعاه كتجري وبخوف حتا كايباليها لكلب وقف بعيد وكاينبح ويشوف فيها وفقدامو
عفراء : اوى على سلامة ملي وقفتي واش ضاروري نجي انا عاد ترجع …
بقات غادة تيجاهو وكتنگر بعصبية حتا وصلات ليه وشافت فين كايشوف هنا شهقات وعينيها خرجو بصدمة ورجعات بخطوات لور
عفراء : ( بصوت منخافض ) … روز رجع لهنا .. روز
روز بقا فبلاصتو وكاينبح ويزيد يعلي فصوتو هي دقات قلبها تزادو وبالخوف حسات بدوخة
عفراء : ( غمضات عينيها وشدات فرسها ) تهدني عفراء تهدني هدا غير راجل اووف خاص نقرب نشوف مالو … ( فتحات عينيها وتنفسات وقربات لشخص لي طايح مغمة عليه فوق لأرض .. واخة شداها رعادة الا انه قربات ليه وحنات لعندو وشدات عود وكتحاول تحركو ولكن لا مجيب .. حيدات لعود وبدات تحركو بيدها حتى دوراتو على وجهو لي كان فيه دم وباليها نازيف قوي فكرشو )
عفراء : لا لا هاد شي بزاف شنو اندير .. ( لكلب روز كاينبح ويشوف فيها ) .. اوف لا اروز منقدروش ندخلوه … صافي غير سكت انا نجرو لدار
عفراء صديقها لوحيد هو روز عليها كتبقا تكلم معاه بحال شي حمقة ولكلب كأنه كايفهم كل كلمة منها … مشات روز شدات شخص من يديه وكتحاول تجرو ولكن كان تقيل بزاف بقات كتجر وترتاح ولكلب كايعاونها حتا وصلوه لباب دار .. شافت فجنابها بخوف وزادت جراتو حتى لداخل وسدات لباب ودارت ساقطات كاملين عاد تنفسات
براحة
عفراء : ( حيدات لباندة من فوق راسها حيت قنطاتها وعاود زيرات شعرها من جديد وبدات كتحاول تحط شخص فوق لفوطوي لي وسط دار
⁦♟️⁩ عفراء الزعيم ⁩⁦♟️⁩
⁦🕯️⁩ الفصل الاول : اشتباك خيوط
⁦🎗️⁩ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⁦⏳ البارت 2
مشات بزربة جبدات حقيبة لإسعافات لأولية لي عندها ورجعات حتى لعندو والكلب كايلحس وجهو باش يفيق زعما
عفراء : لا اروز مايفيقش هكا رسا شوية .. ( بدات تحيد ليه تيشورط بشوية ويديها كايترعدو خصوصا ملي تحيد وشافت لجرحة لي مفتوحة فكرشو ودم كايسيل منها وباينة لجرحة باقا جديدة .. تنفسات مزيان وبدات تمسح دم و حاطة فوطة على لجرح ومخلية روز بارك بيديه عليها وهي كتنضف
عفراء : دبا شنو خاص ندير .. لا انا دخت .. ( بقات تفكر شوية ) لقيتها
ناضت كتجري جابت تيليفونها دخلات كتقلب فگوگل لقات طريقة تعقيم وخياطة لجرح وبدات كتبع كيف كايقولو واخة هادي ماشي اول مرة داوي شي جرح ولكن دبا حاسة براسها تالفة حيت لجرحة غارقة … عقمات لإبرة بلانكول وحاولات تنشف دم وبدات كتخيط وكتبكي من هول لمنظر ولمشكل انها مقاداش تراجع .. بقات هكاك حتى كملات ورجعات لور كتنفس بجهد ولعرق هابط منها وكأنها كانت فحرب وعاد خرجات منها … ناضت غسلات يديها من دم ورجعات بشيفونات نقين وماء نقي وحنات على ركابيها وبدات تمسح ليه وجهو وهنا بانو ملامحو كتر … سهات فيه او بالأحرى فالقسوة لي كتبان عليه واخة مغيب .. فاقت من سهوتها وكملات لمسيح وبانو ليها شي جرحات فالوجه عقماتهم ليه حتى هو ومن بعد غطاتو ومشات كتجمع ديك لحالة ومرة مرة تجي طل عليه وفينما تحس بسخانة كطلع كدير ليه فوطة على راسو … داز نص نهار وصلات لعشية مع 7 تقريبا
مغمض عينيه وحاس بالحريق فكرشو وداتو سخونة عليها وفلحظة تفكر اش وقع وهو يحل عينو بزربة وشاد فجيهة لجرحة وبحركة قوية حاول يوقف ولكن تقصح ورجع تكا وعاود غمض عينيه وكايتنفس بجهد كأنه بركان خارج منو .. بقا هكا شي 5 دقايق وعاود فتحهم وكايشوف فسقف ولا دور راسو بسرعة لجيهة ليمن تاعو حتى كتبالو گالسة مكمشة ومعنقة لكلب والعرق هابط منها ودموع فعينيها وكتشوف فيه هي والكلب … بقا هو كايشوف فيهم بتسائل ديال شكون نتوما وفين انا وشنو واقع
براق : فين انا
عفراء : ( بصوت ضعيف غالب عليه لخوف ) نتا هنا
⁦♟️ عفراء الزعيم ⁩⁦♟️⁩
⁦🕯️⁩ الفصل الأول : اشتباك خيوط
⁦🎗️⁩ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⁦ ⏳ البارت 3
براق زاد عقد حجبانو : فين هنا فين كين هاد دار وشكون نتي اصلا
عفراء : لغابة اه حنا فالغابة ونتا متي .. قصدت كنتي اتموت لهيه على برى وروز لقاك اه هو والله ( وكتقفقف وتبكي )
براق : ( عرف راسو خلعها ) اوك تهدني متبكيش شرحيلي شكون روز وشكون عارفني انا هنا
عفراء : هاهو روز ( لكلب ) هو لي خرج من دار حتى وصل ليك وجبناك لدار انا وياه وكنتي مجروح بزاف خصوصا فكرشك وكان دم بكترة … وحتى حد معارفك هنا من غير انا وروز حيت حتى حد مكايوصل لهاد لبلاصة فالغابة ونتا اول واحد
براق هي كتشرح وهو كايحاول يقراها ويقرا ملامحها واش فيهم لكدوب .. ساعة لقا راسو ساهي فجمالها ولون عينيها وجماليتهم وشفايفها وكيفاش كتهز لخصلة دشعرها بتوتر حتى سالات كلامها عاد فاق من سهوتو عليها
براق : اه شكرا ليك ( طل على جيهة لجرح لقا لفاصمة ضايرة عليها ) واش نتي لي داويتيها
عفراء : اه خيطت لجرح وكان غارق بزاف
براق 🙁 بنضرة تعجب ) واش نتي لي خيطتيها
عفراء : اه انا ومتخافش راه عقمتو ليك مزيان تبعت خطوات طبيب فگوگل
براق جاتو فشكل خوافة وفنفس لوقت شجاعة ولكن عرفها بريئة ومكتعرفش تكدب ولي كين كتقولو ليه … بقا يشوف فدار جاتو كبيرة على انها تكون فيها بحدها
براق : واش ساكنة بحدك هنا
عفراء : ( بدات كتطلق ) لا انا وروز وبابا
براق سمع بابا وهو يجمع حجبانو تاني : شكون باباك وفينو واش عارفني انا هنا
عفراء : لا هو معارفكش هنا باقي مجا ويقدر مايجيش ليوم كل نهار وكيفاش
براق : فاش خدام باباك وفين ماماك وخوتك

عفراء : ( بحزن حنات عينيها ودمعة فيهم مجموعة ) .. ماما ماتت هي وخوية كان كبر مني وكان كايهزني فوق كتافو .. وبابا خدام خدمة سرية هاد شي لي عارفة
براق : سمحيلي فكرتك فيهم ..
: ماشي مشكيل ولفت .. اصلا ماتو ملي كان عندي 5 سنين
براق : ( حس بقلبو تزير عليه حيت لعائلة بالنسبة ليه من اقدس لحاجات فدنية ) .. صافي نساي لموضوع وشكرا على كلشي دبا خاص نمشي
بغا ينوض وهو يتقصح حتى غوت بصوت منخافض .. وقفات اماليا بخوف وتوجهات ليه وشدات فيدو عاود تكاتو على لبلاصة
عفراء : گلس عفاك شوف راه دم خرج من لفاصمة يمكن حيت تحركتي بجهد .. وانا خياطتي على قد لحالة راني ماشي طبيبة
براق : علاش معيطتيش لإسعاف
عفراء : حيت ممنوع .. لمهم خليني نقلب ليك لجرح
⁦♟️ ⁩⁦ عفراء الزعيم ♟️⁩
⁦🕯️⁩ الفصل الأول : اشتباك خيوط
⁦🎗️⁩ بقلم : أميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⁦⏳ البارت : 4
عفراء بدات كتحل لفاصمة ومخيبة وجها من منظر دم اما كلاوس ممرتاحش
عفراء : متحركش عفاك انمسح هاد دم وندير دوا من لفوق
براق حرك راسو ب اه وبقا حاضيها كيفاش كتنقي لجرح ومخيبة وجهها حتى سلات
عفراء : اخيرا .. لمهم انا ساليت عنداك تحرك وتولي تفتح لجرح تاني راه لمرة جايا انا لي انسخف .. ( مرام هزات عينها فيه لقاتو عاقد حجبانو وهي توتر تاني )
براق : لمهم شكرا … ولكن خاص نمشي باش منجبدش ليك صداع
عفراء : لا ماكين صداع … زعما تقدر تبقا لابغيتي
براق : واش مخايفاش مني
عفراء : ( كتهضر تحت سنانها مع ابتسامة ) … بقالي شوية ونموت ونتا كتسولني واش مخايفاش
براق : متخافيش انا مغاديش نخليك حتى تنعسي ونوض نقتلك نتي والكلب
عفراء : ( كتحرك يديها يمين شمال ) .. لا لا مبقيتش انخاف من بعد معرفت طريقة موتي .. ( وبدات تبكي )
براق : تهدني اهاد لبنت .. مدام نتي خايفة لهاد درجة علاش كديري فيها شجاعة .. كون مدخلتينيش ومداويتينيش وكون خليتيني نمشي فحالي دبا
عفراء : ماشي لخاطري حيت منقدرش نخليك تموت واخة نعرف راسي انا ممكن نموت بسباب هاد لخير
براق : اوك … امم واش ملقيتيش عندي شي تيليفون
عفراء : لا اصلا مقلبتكش
براق : معنديش فجيب يمكن طاح .. ممكن شي تيليفون بغيت نطمأن عائلتي عليا
عفراء : اه واخة ( مشات جابتلو تيليفونها وعطاتو ليه … هو بقا يشوف فيها وهي فهمات بلي بغا يبقا بوحدو حكات راسها وعيطات لروز ومشات من صالون لكوزينة )
براق دوز لخط
هارون : ( بصوت خشن ) الو شكون معايا
عفراء : هارون هدا انا
هارون : ( فتح عينيه على حرهم ) براق فينك نتا من صباح وحنا نقلبو عليك وصلاتنا شي معلومات عليك
براق : انا فأمان متخافش .. شنو وصلكم عليا
هارون : بلا متسول خليها على لله وصافي .. وصلنا بلي تقتلتي
براق : قلهم باقي ماوصل وقتي .. احح
هارون : براق مالك
براق : داك شماتة فعلا زدق منهم وحاول يقتلني ولكن منجحش
هارون : كيفاش واش كتهضر على جاك
براق : بغيتك تقلب عليه فينما كان سوا فلارض طلعو ولا فسما هبطو .. ومتقربوش ليه بغيت جلدو نقي ملي نسلخو بيدي
هارون : كون هاني منرتاح حتى نلقاه .. ونتا فوقاش اترجع راه من صباح ونتا غابر لميمة بدات تسول عليك بزاف خصوصا تيليفونك طافي
براق : گولها مشا يصيد ومكينش ريزو .. وانا راه غذا انجي … لمهم خاص نقطع
هارون هو صديق وتقريبا اخ واليد ليمنى ل براق وانزيدو نتعرفو على قصتو مع لأحدات ____
اااح اول اجزاء تحطو خليو تعاليقكم كبداية اش باليكم فهاد شي البنات ومتنخلونييييييش
⁦♟️⁩⁦ عفراء الزعيم ♟️⁩
⁦🕯️⁩ الفصل لأول : اشتباك خيوط
⁦🎗️⁩ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 5
هارون : اوك كون هاني .. لمهم متغبرش بشكل نهائي نتا عارف شنو كاين
براق : من بعد ونهضرو
قطع تليفون وحاول يوقف وهاد لمرة غير بشوية وعاقد حجبانو وكل ماحس بالألم زاد حقد وهاد شي ماكيدل على خير … من بعد ماوقف بصعوبة حتى لعرق نزل من جبينو بدا كايتمشا وأنفاسو عالية قرب من شرجم ديال دار وبقا كايشوف قدامو فجريدة صغيرة وزوينة وسط غابة كتخلع .. سمع صوت من موراه
عفراء : علاش وقفتي راه يقدر ينزف لجرح تاني
براق : ( بلا مايتلفت ليها وبصوتو لخشن ) واش نتي لي زرعتي هاد جردة
عفراء : اه انا كنوصي بابا يجيبلي مزروعات لي اغلبهم ورود وانا كنزرعهم ونقابلهم … كايعجبني لألوان عليها كنت باغا نوع من غير لون لخضر لي لغابة عامرة بيه
براق : واش مكتخافيش هنا
عفراء : فدار لا وحتى فجردة لا .. ولكن بعيد على دار معرفتش يمكن نخاف
براق : من إمتا ونتي هنا
عفراء : من 16 عام يعني ملي كان عندي 5 سنين
براق تلفت ليها ولقاها مبتاسمة لإبتسامة لي تلاشات فلحظة لي شافت تخنزيرتو … تجاوزها وتمشا بخطاوي تقال گلس فبلاصتو وهو شاد لقنت لي مجروح
عفراء : شوف راه حطيت ليك من حوايج بابا فالبيت لفوق تقدر تبدل لابغيتي
براق حرك راسو وناض فين وجهاتو واخة حاس بالحريق وطلعة فدروج ماشي ساهلة ولكن مع دلك مقاوم … وصل لباب لبيت لي محلول كيف قاتلو ودخل ليه .. بقا كايكتاشف فالبيت من بعد مسد لباب .. من خلال تصاورها لمعلقين عرفو بيتها .. لبس تيشورط وسروال كيطمة لي حطات ليه وقبل مايخرج هز تصويرة ليها من البوم كان فوق لكوافوزة ودارها فجيبو وهو لي عارف علاش … هبط لتحت لقاها كتوجد فطابلة والكلب تابعها من هنا لهنا
عفراء : بصحة جاوك زوينين
براق مجاوبهاش مشا لبلاصتو وشبك يديه وبقا ساهي فالمجهول وكايفكر
عفراء مشات لكوزينة وكتهضر مع راسها بعصبية
عفراء : شنو يصحاب ليه راسو واش خدامة عندو .. واش حيت عاونتو كايعاملني هكا وكاينخلني .. بابا عندو صح لإنسان على برة خايب واغلبيتهم وحوش متنكرة وهدا تخنزيرتو تقول راسمها شوية و يتعقدو ليه حجبانو
هزات لبلاطو وضارت اتخرج وهي تلقاه واقف على راسها وعاقدهم تاني هي بالخلعة غوتات وطلقات لبلاطو من يدها
عفراء : ااااااع ( بقات هازة يدها لفوق وهو متحركات فيه حتى زغبة )
براق : ( برود ) فين لقهوى
___ هدا هو براق سفياتي الشاب تلاتيني الأسمر شكلاطي متعرفو واش عندو
شخصية باردة ولا لعكس حيت اصلا هو شخصيتو متقلبة وبزاف مرة ضاحك مرة لا وبعد لمرة لبرود لي فيه كايبغي يقتلك وبالنسبة ليه هداك من اقوى لأسلحة .. براق من أقوى ريوسة لي كاينين فمجال بيع لأسلحة لغير قانونية وتهريبها .. اصلو مغربي ولكن زايد فأمريكا .. مكيخافش ومكيحنيش راس من غير للي خلقو ومو .. إلا حطك فراسو مغاينساكش .. لعائلة من بين اقدس لحاجات عندو وكايحاول يخلي وجهو لخايب بعيد عليهم وهما عاود كايحاولو ما أمكن مايقلبوش على لوجه لمخبي عليهم … نخليو حتى نتعرفو عليه كتر مع لأجزاء لقادمة
♟ عفراء الزعيم ♟
⁦🕯️⁩الفصل الاول : اشتباك خيوط
⁦🎗️⁩ بقلم : اميمة اوما
ان تبحر بلا مركب ، معناه ان تختار الموت واقفا كالاجشار ، لأنه في قضايا البحر ولا الحب لا حياد
⏳ البارت 6
باقا هازة يدها وشيراتلو بصبعها لبلاكار .. مشا بشوية عليه وحاط يدو على لجرح فتح لبلاكار وبانتلو قرعة لكافي جبدها بانتلو ماكينة لقهوى ريگل راسو ومشا گلس فوق لكرسي وهي كتجمع فداك شي لي طيحات ومرة مرة تشوف فيه بنص عين كتلقاه حاضيها ويعلم لله فاش كايفكر .. لخوف دخلها وبقات تقول اش داني
براق : شنو سميتك
عفراء : امم انا .. احم عفراء سميتي عفراء
براق : ممكن تجي تگلسي بغيت نهضر معاك
عفراء حطات داك شي من يدها وجمعات لوقفة مشات انفاص ليه وگلصات وهازة راسها مباغاش تبين خوفها لي غلب عليها بزاف .. هو نحنح بصوتو لغليظ وشبك يدو فوق طابلة وبدا يتكلم
براق : انا عارفك خايفة بلامتحاولي تبيني لعكس ومن حقك تخافي .. سمعي انا فعلا كنشكرك بزاف على لمساعدة ديالك .. ليوم نتي نقدتي روحي وبهاد طريقة ايبقا دينك ديما على رقبتي
عفراء : لالا عادي لمهم غير نبقا انا حية دبا
براق : باقي مكملت .. بغيت نقولك انا ماشي شخص عادي وكان غادي يكون حسن كون مدخلتينيش لداركم .. لمهم شكرا بزاف وحاولي تنتابهي لراسك مزيان ملي نمشي من هنا ومن لأحسن تسمعي كلام باباك ومتيقيش فأي واحد
عفراء : لقهوة
براق : شنو
عفراء : لقهوة لي حطيتي وجدات
براق : ااه ( ناض بسرعة لقهوى هزها وعمر كاس ليه وكاس ليها حطو قدامها ومشا لصالون فين كان فالول )
هي بتاسمات هزات كاس لقهوى شربات منو وعجبتها باينة ماشي اول مرة يصايب قهوة .. حسات براسها رتاحت وكلامو رتحها ومبقاتش حاسة بالخوف منو … مشات كتكمل طابلة بتوجاد وهو كيف لعادة غير ساهي .. بالنسبة ليها ساهي ولكن هو فسهوتو كايطرق الف مسمار ويرسم الف خطة .. كملات لعشا بتوجاد وجات قدامو وگلسات وكتحك يدها مع بعظهم بتوتر .. كتساين فوقاش يفيق منسهوتو وتقولو لعشا وجد .. ولكن هو والو مسامرو فراس مخلاوهش اصلا يهتم واش هي كين قدامو ولا لا .. صبرات وعيات وقفات على راسو
عفراء : هيه نتا ..
والو كأنه مسمعهاش … هزات صبعها وغادة بيه لتجاه عظلات دراعو لأسمر وغمضات عين وحلات لخرى وقلبها كايضرب ونغزاتو
براق هز عينو فيها وهو رابط حجبانو وكايشوف فيها وفكيفاش باقا هازة صبعها لي خنزر فيه وهي تجمعو لعندها وكتمتم فالهضرة
عفراء : احم اا انا كحكح .. والو لا بغيت نقول زعما .. لعشا اه لعشا واجد .. حاولت نعيط لك ولكن نتا احم .. نتا كنتي ساهي
براق : براق سميتي براق
♟ عفراء الزعيم ♟
⁦🕯️⁩ الفصل الاول : اشتباك خيوط
⁦🎗️⁩ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لانه في قضايا البحر والحب لا حياد
⏳ البارت 7
عفراء : متشرفين .. بغيت نقولك لعشا محطوط فوق طابلة لابغيتي تعشا معايا
براق : واخة شكرا
وقف بشوية وتوجه لطابلة لي دايرة صغيرة فيها 2 كراسة گلسات هي وهو تقابل معاها وگلس شاف فيها بنظرة تعجب
براق : نتي مغربية
عفراء : انا باش عرفتي ..
براق : طجين مغربي
عفراء : ماما كانت مغربية اما بابا أمريكي .. واخة ماتت وانا صغيرة بابا علمني بزاف لحوايج لي كانت كديرهم ماما وقربني حتى من اصلها يعني لهجتها باش منساش للهجة لي علمتني ماما عليهل كان يشد معايا افلام مغربية واخة مملة ههه
براق : مزيان
بداو لعشا وهي كتبنن وهو مداير حتى شي تعبير فوجهو … سلاو ناضت جمعات طابلة وهو تكا فوق لفوطوي وحاس بالحريق غمض عينو هي شافتو يصحابلها نعس .. مشات جابت مانطة خفيفة وحطاتها عليه هو حس بيها ولكن مبغاش يحل عينو ويحرجها … من بعد مشات لبيتها ودوزات عليها ساقطات عاد نعسات
____________________
گالس فوق كرسي بيروه وعاطيه بظهر
__ : يعني لي بغيتيني نفهم من كلامك انه ماماتش
جاك : ( كايعرق وينشف وكايتفتف بهضرتو) .. انا ضربتو متأكد غفلتو وضربتو فالكرش ديالو
___ : ومن بعد هربتي بحال شماتة .. مكانتش عندك لجرئة حتى تتأكد من موتو
جاك : عفاك خبيني الا ماماتش راه انا لي انموت
___ : ختار ياتموت مسلوخ على يدو ولا تموت مقطع على يدي
جاك بقا راجع بخطاويه لور وهو يبدا هارب
___ : غير خليوه بالي ختار طريق موتو
خرج كايجري وعروقو سابقين والخوف غالب عليه .. هو هارب ولكن متأكد انه غادي يحصل ولكن رغبة ديال اي إنسان فأنه يزيد يعيش هي لي مخلياه داير هاد لمحاولة فالهروب … خلاوه يهرب حيت عارفين ساعتو وصلات وهو ختارها فين تكون
♟ عفراء الزعيم ♟
⁦🕯️⁩ الفصل الاول : اشتباك خيوط
⁦🎗️⁩ بقلم : أميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 8
نهار لأول وأول اشتباك فات .. طلع نهار وجميلتنا فاقت تكسلات و ناضت من فوق سرير وجمعات شعرها لفوق .. لبسات بالطوفتها وخرجات من لبيت دازت لحمام لي حداها لفوق قدات حاجتها وخرجات .. تمات هابطة لسفلي بشوية خايفة يكون باقي ناعس وتفيقو ومع هو مريض فأكيد راحتو مهمة لمهم هاد شي بالنسبة ليها ماشي بالنسبة لزعيم لي وصلات لبلاصتو لقات غير لمانطة وريح .. حكات راسها بتسائل وبقات كدور فدار تقلب عليه ولكن والو
عفراء : براق هييه براق .. فين مشا ( مشات اتحل لباب وهي تلقا ورقة معلقة فيه هزاتها لقات مكتوبة فيها شكرا على كل شي بسلامة .. )
_________________
فوسط لغابة سيارة كحلة واقف قدامها شاب طويل و لحيتو خفيفة وعينيه زرقين كيف لون سما وجميل لابس لباس رسمي وفوقو مونطو فالگري مفتوح
هارون : براق على سلامتك واش نتا لباس
براق : ( جاي بخطاوي تابتين واخة حاس بالألم وعرقو على جبينو نازل ) لباس لحمد لله .. لمهم خلينا نمشيو راني واقف غير بزز
هارون : واش نتا بتي فهاد لغابة .. كون خليتيني لبارح جيت ديتك
براق : ( بعصبية ) هارون واش ممكن نمشيو بلا كون كون
هارون توجه لسيارة وتبعو براق وهما ينطلقو
براق : واش لقيتوه
هارون : شدوه رجال فاليل مع 3 كان ناوي يخرج من لبلاد … ومتخافش لحمو باقي نقي ( بتاسم بتسامة خفيفة )
براق : مزيان ديني لمستودع هو لأول
داك شي لي دار هارون توجه لمستودع لي تقريبا اسمو مستودع لموتى حيت لي كايدخل ليه حي كايخرج جثة .. حبسات سيارة قدام لمكان ورجال لي تم قادو لوقفة .. هبط هارون هو و براق وتمشاو كتف لكتف حلو ليهم لباب وباليهم جاك معلق بسنسلة من يدو وجسمو مدلول لتحت ولحمو معري
براق بقا غادي بصوت سباطو لمسموع حتى وقف قدامو .. جاك هز راسو فيه وهبطو دموعو بترجي
جاك : عفاك سمحلي والله الزعيم مكنت ناوي نأديك .. هداك اكبر غلط درتو فحياتي راه هو هو لي قالي نقتلك طلقني ونقولك شكون
براق توجه لطابلة فيها محفضة صغيرة فتحها وجبد منها موس تشريح ورجع وقف قدام جاك ..
براق : راسي كايحرقني مابغيتش نسمع صوتو
بسرعة مشا واحد من رجال دارليه سكوتش على فمو وخلا غير عينيه كايخرجو و كايطلبو فيه .. ولكن براق متسوقش ليه هز لموس وعقد حجبانو وبارك على سنانو وعينو حمر بالأعصاب .. حطو على عنقو وبدا بجراحة لحم هبط حتى لكرشو وهو كايحاول يفصل جلدة على لحم وجاك
كايتركل وعينو قربو يسيلو بدم … هارون مربع يديه وحاضيه حتى نطق
هارون : راه مات
براق طلق لموس من يدو وخدا فوطة مسح بيهاالدم وتوجه لبرا وتبعو هارون لي عطا إشارة بيدو لرجال زعما تكلفو بالجثة ..
♟ عفراء الزعيم ♟
⁦🕯️⁩ الفصل الاول : اشتباك خيوط
⁦🎗️⁩ بقلم : أميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 9
___ عائلة سفياتي __
وصلو لڤيلا كاينة فمنطقة راقية ولڤيلات فيها قلال ومباعدين موتي وحياي وشكون ساق ليك لخبار … نزلو من نفس سيارة ( براق وهارون ) …
براق : مالك وقفتي مغاديش دخل
هارون : لا اخوية انا من لبارح وانا نسمع فكلام لميمة منك ليها دبا
براق حك راسو بيديه بجوج وتنفس مزيان وتم داخل يالاه دخل جوج خطوات وهو يسمعها
لميمة : برااااااااق
براق غمض عينو وشاف فجيهتها .. مرة متوسطة لعمر لابسة گنظورة وشال خفيف على راسها لي بانو شيباتو قبل لوقت بحكم لي سبق وعاناتو .. جايا لجيهتو وحاطة يدها فجنابها ورابطة غوباشتها ( وارثها منها ديك تخنزيرة )
براق : لميمة توحشتك بزااااف
لميمة : يتوحشك لعفريت لي يشدك مايطلقك .. انا بغيتلك سريسيرة فباب طواليط تبات .. بغيتلك ياولدي هرسة خفيفة تخليك غير غادي وتراري
براق : والميمة وشحال كنقولك متبقايش تدعي فيا بالمغربية راه ممكن يتقبلو حيت كنحس بيهم كايبورشوني
لميمة : اوى شكون قالك انا مباغاهمش يتقبلو
براق : حيت انا عينيك ورجليك وروحك الميمة ( عنقها وباسها من خدودها وهي باقا هازة راسها لسما )
لميمة : فين كنتي من لبارح امم مخفتيش عليا .. نتا اتبقا تغبر حتى شي نهار تجي تلقاني ميتة وتندم هانا فين قلتها ليك
براق : الله يستر الميمة بغيتي نحماق ونشعل لعافية فالبعيد والقريب .. غير كان عندي شي شغل اخر مرة نعاود
لميمة : طلع دوش وهبط نحطلك متاكل ونتا وليتي صفر تقول داخلاك لموت
براق : دخلات وخرجات الميمة
لميمة : كيفاش
براق : والو انا طالع .. ( كايقلب بعينيه ) فين دينا
لميمة : معرفتش راها كيف لقطة اتكون مخشية فشي قنت
………
هارون متكي على سيارة وكايكمي گاروه حتى كايسمع تبسبيس لمرة لولة ولمرة تانية
هارون : شكون هنا
دينا : بسبس
هارون : مباغيش تبان اوك ( خشا يدو من مور ظهرو جبد سلاحو )
دينا : غير انا الحب خشي داك لعجب
هارون : دينا يا دينا فينك تاني
دينا : هز راسك وشوف زين
هارون هز راسو لفوق شجرة لي قدامو كايلقاها گالسة كاتلعب برجليها
هارون : واش تسطيتي هبطي
دينا : هي لولة ( تلاحت عليه حتى جابتو كاو وهي فوق منو )
بوخليو تعاليقكم باش نكملو وحنا فرحانين
♟ عفراء الزعيم ♟
⁦🕯️⁩ الفصل الاول : اشتباك خيوط
⁦🎗️⁩ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
البارت : 10
هارون مفهم والو حتى لقاها تلاحت عليه جابتو كاو بحالا فرشاتو تحتها وناضت كتكسل وهو شاد راسو كايغوت
هارون : واش نتي مريضة ولا مالكي .. قتلك هبطي ماشي تلاحي عليا
دينا : هههه غير ضحكت معاك …
هارون : واش معندك قرايا معندك مايدار
دينا : أحم صراحة بغيت نطلبك شي حاجة
هارون : لا طلباتك معندي مندير بيهم
دينا : وعفاك شوف صحباتي كاملين ايمشيو لواحد ديسكو ومجاتش انا نخرج من جماعة ( صغرات عويناتها ورخات فمها )
هارون : ديسكو كتقصدي ديسكو ديسكو … اتغبري كمارتك من قدامي ولا غادي نخمجها ليك
دينا : انا معرفتش علاش اصلا كنتشاور معاك
هارون : حيت كون علمتي براق كنا ليلا نقراو عليك لقرأن
دينا خنزرات فيه وعطاتو بضهر وبقات غادة وكتنگر وهو عاود جبد گارو اخر وشعلو بعصبية

________________
گالسة وشادة تصويرة فيديها ودموعها كطيح وحدة وحدة فوق منها .. دموع لحرقة دموع شوق ومعاهم دموع لحقد والكره
عفراء : مبقاش بزااف وغادي نتاقم ليكم مبقاش بزاااف … كنبغيكم
دخل لدار بكل هيبة وجا جنبها وگلس حاوطها بيديه وهي حطات عليه راس وعنقات صورة لي جامعاها بينها هي ومها وخوها
سلطان : غادي نتاقمو بجوج مغاديش نخليو دمهم يمشي فابور … ولكن باش هاد شي يكمل خاصك تبقاي قوية مضعافيش
عفراء : واش كين شي قوة كتر من هادي .. ( مدات يدها قدامو ) بهاد ليدين داويتو بهاد ليدين وجدتلو ماياكل … بهاد ليدين غطيتو … واش كين شي قوة كتر من انني نبتاسم فوجه لي حرمني من ماما وخوية وانا باقا حتى معرفت بقيمتهم … دخلتو بيدي حتى لقلب دار … اه شوفاتو كانو كلهم رعب ليا حيت كنت نشوف فيهم غير لموت ولكن واخة هكاك بقيت قوية .. قدر يشوف خوفي منو ولكن مقدرش يشوف كرهي ليه
سلطان : عفراء بنتي صافي انا عارفك قوية عليها معول عليك بزاف .. سمعيني دبا مزيان حيت غدا انطبقو لخطوة تانية
عفراء : وهداك لي ضربو واش هرب
سلطان : فالغالب ايكون مات على يديه
عفراء : يعني شدو وغادي يقولو عليك
سلطان : لا الزعيم براق سفياتي لي كنعرف كايبغي يكتاشف معلوماتو بطريقة ماصعب .. فالغالب ايكون شك فجيهة لغلاط بلا مايسول
عفراء : شنو لخطوة تانية
سلطان : هو حط رجال قراب من دار هنا فالغابة كايراقبوك باش الا شي واحد من اعداؤ تبعو لهنا يكون هو فخبارو .. غذا انطلق صوت رصاص ورجالو ايوصلو ليه بلي حنا تعرضن
تعرضنا لهجوم ومن بعد انا انتكلف برجالو .. وهو ملي ايجي ايلقاك غير نتي وشي حاجة ديال دم لمهم عايفهم بلي حنا تقتلنا ونتي تخبيتي والباقي عليك
♟ عفراء الزعيم ♟
🕯️ الفصل الاول : إشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت : 12
خطط ترسمات وعلامها هزات .. نهار جديد ومهم وأحدات غادي توصلنا لكتير … لعاقدهم فاق كنقصد براق لابس كيطمة فالكحل وداير لقب وسبرديلة بيضة وراجع لڤيلا بخطاوي خفاف من بعد مدار رياضة صباح كيف لعادة .. دخل لكوزينة نيشان جبد قرعة لما من تلاجة شرب وتوجه لجيهة لقهوة يوجدها بيدو .. وهو واقف كايسيانها توجد والعرق باقي هابط منو وقفات عليه مو لمرة لكبيرة لحنينة ..
لميمة داخلة لكوزينة كتفوه وكتعقد فولارها فوق راسها .. واخة لمغرب مشافتوش مدة 30 عام من نهار حرگات لأمريكا هي وراجلها من بعد شلا طرق .. ولكن باقا محافظة على لعادات وقليل فين تهضر بلغة من غير لعربية .. باقا تلبس كيف عايلات لمغريب لكبار وفيها نگير بحالهم ههه ولكن قلبها كبير وحنينة على كل واحد وكلشي عزيزة عليه وكايغوتولها لميمة
لميمة : اداك لخانز واش ناوي تشرب لقهوة وريحتك كتعطعط .. سير غسل عرقك ولا ناوي تحلي بيه كاسك
براق شاف فيها وبتاسم مشا جيهتها يعنقها وهي توقفو مخيبة وجها
لميمة : نياااع وقف تم سير تغسل .. يالاطيف معرفتك لمن شبهتي بخنزك ..
براق : ( بصوت مبحوح وحرش ومربع يديه قدام مو ) شبهت لواليد الميمة
لميمة : لالا لا باك الله يرحمو كنت نتمنا نظل غير جنبو ونشم فريحتو زينة .. نتا اولدي شبهتيلو غير فلون وشوية زين واخة هو كان زايد عليك .. اما شي حاجة خرى والو
براق : هههه صافي الميمة صافي .. انا طالع ندوش اصلا لقهوة وجدات قولي لحتى وحدة متقيصها كيف ديما انا ندوش ونهبط ليها راسي
لميمة : واخة سير الله يرضي عليك
طلع براق كايتكسل بيديه حتى عظلات يدو كايبرزو كتر وكتر .. وصل لبيتو لاح عليه لفوقي دالكيطمة وبقا غير بسروال ولحمو سمر كايبري مع لعرق .. احح داك شي ناضي .. دخل لدوش حيد لي بقا وتخشا تحت رشاش وهاز وجهو تحت لما ومغمض عينيه وحجبانو معقودين .. بقا على داك لحال حتى حس بالخف تشلل وخرج ملوي لفوطة … مشا جبد ليه قميجة كحلة وسروال تجين لبسهم ولبس ساعتو فالكحل ورش ريحة خفيفة ولبس صبادو فالكحل وهبط لتحت .. ملقاش مو كين غير لخدمات جوج .. هز قهوتو وخرج لصالون گلس يشربها
________________
عفراء لي ضرباتها لفيقة بكري بحكم نعاسها لمتقلب وأفكارها لمشوشة .. ناضت وغسلات وهبطات كتوجد فالفطور .. روز كايدور بيها وينبح
عفراء : ( حنات عندو كتحكلو ضهرو وجهو ) مالك فايق محيح هاد نهار .. كايبالي حتى
نتا ممرتاحش ومتوتر من لي ايوقع ليوم .. ولكن متخافش فيما مشيت اتكون معايا حيت منقدرش ندوز نهار بلا بيك .. ( بتاسمات وباستو وناضت تكمل فطورها حتى دخل لأب وهو مستعد مزيان وبقا يشوف فيها زعما صافي وصل لوقت .. هي دقات قلبها تزادو ولكن تنفسات مزيان وعطات اشارة براسها لباها بلي حتى هي مستاعدة
أخيرا وصل نهار لي كانت ضاربالو الف حساب .. نهار لي قراها عليه باها مزيان … فكل ساعة كانت عائلة سفياتي كتجبد قدامها باش عمرها تنسا كرهها ليهم وشنو سبو ليها من عداب وحرمانها من مها وخوها … معرفات تفرح ولا تخاف .. احاسيسها مخربقة ومشوشة بزااف … واش حيت اول مرة اتواجه لعالم لخارجي وبضبط مع اعدائها ..واش حيت خايفة تفشل فإنتقامها … واش واش واش .. بزاف لحوايج طاحو فبالها .. شابة لي عمرها خرجات من دار لي وسط لغابة من نهار كان سنها 5 سنين هاد لمرة اتخرج .. وكأنها سلاح نووي كان مخزون وصل وقت إنطلاقو
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت : 13
داخل هارون لڤيلا وهو كايقاد قاميجتو لبيضة بكل هيبة وصوت صبادو لمسموع .. وصل قدام براق وگلس
هارون : براق كيف صبحتي واش شوية فالجرحة
براق : ( حرك راسو بإيجاب ) واش كين شي جديد
هارون : اصاحبي معرفت باش نبدا .. لقاضية ترونات وشحال من كلب ولا باغي يكون سبع
براق : على هاد لحساب نباحهم مسموع وساهل يتوجه سلاح على مكانهم
هارون : كون هاني من هاد ناحية .. غير كنحاولو نعزلو شكون أكترهم نباح باش بلا منضيعو لقرطاس على والو … قبل منسا بالنسبة لصورة لي عطيتيني هي لبنت سميتها عفراء والأب تاعها سلطان الأم متوفية هي والأخ ديالها فحادثة سير .. معندها حتى سجل فشي مدرسة او شي معهد .. لعنوان دالبيت ديالهم هو نفسو لعنوان لي نقداتك فيه وديك دار هما فيها مدة 16 عام
براق : ( عاقد حجبانو وكايجغم من كاس لقهوة ) ادا مكدباتش
هارون : لا … ( كايتكسل ) ااااه عنقي وضهري حاس بيهم ايتقسمو عليا .. ليل كامل وانا ساهر على لملفات … لمهم انصيفطهم ليك مع شي حد توقعهم متنساش بلي ديك شركة هي لواجهة … وباش تغطي مزيان خاصها تبقا قوية
براق : ليوم
هارون : ( حتى وقف وعاود گلس ) شنو ليوم
براق : ( شاف فيه وعينيه عامرين حقد ولفك ديال وجهو مزير وهو كاينطق بحروف كتخرج نار من بين سنانو ) ليوم وقت لحساب مع ناصر لعراقي
هارون : ( صغر عينيه ودار ابتسامة جانبية ) اااه اخيرا انوقفو هداك لعراقي على حدو .. ونوريوه واش لمغرب ولا لعراق لي قوي
براق هز صبادو من رجلو وشير عليه : نوض ت**ود عليا واش حنا كنحرو صحرى اولد لعبد
هارون : بحال داك شي هههه
باش مدوخوش متنساوش بلي براق خدمتو فالمافيا وبضبط فتجارة فالأسلحة هو لي كايبيعها .. كتواجد عندو اندر انواع لأسلحة ولي قليلة وصعيب تواجد فأي مكان وعند اي واحد وفنفس لوقت عندو شركة ديال صناعة لأتواب كواجهة وصافي .. معروف عند ريوسة لكبار ولي حتاج شي حاجة كايتقدا من عندو .. وهنا مكنهدروش على سلاح واحد لا ممكن الأطنان جملة وحدة .. فهاد لمجال كين لأعداء اكتر من لحلفاء ام صحاب مستحيل يكونو … لمعنى ديال إتفقا العرب الا يتفقو هي لي واقعة بين براق سفياتي لمعروف وسط خدمتو بالزعيم وبين ناصر العراقي لي اصلو من لعراق على حد علمهم .. عداوتهم بدات فهاد لمجال بحكم كل واحد باغي يكون هو رقم واحد ولكن لقضية كبرات وفاتت مجال لخدمة وهاد شي انتعرفو عليه مع لأحدات جاية
___________________
فبيت جدرانو بيضاء ومرسومة بأنواع مختالفة من لورود والوان جميلة كتخليك تحس بالحياة .. فوسط لغرفة كين سرير وهي كيف لملاك ناعسة فوق منو على ظهرها مغمظة عينها صغيورين وشعرها لمارو لمايل لسواد فوق لمخدة حرير .. لابسة كسوة حد ركبة فالوردي وغطا خفيف محطوط عليها .. تشها غير تبقا تشوف فيها وهي كلها برائة … وقف عليها شخص تلاتيني مصغر عينو فيها بكل حب .. دار إبتسامة خفيفة وحنا باسها على جبينها وجر كرسي وگلس جنبها وكايدوز على شعرها دهبي لحرير …. ونطق ببحة انغامعا كلها حزن
ناصر : حياتي نور عيني .. ملاكي توحشتك بزاف .. فوقاش اتفيقي خلاص … واش نتي متوحشتينيش أمم … متوحشتيش باباك ( نزلات دمعة حارة على خدو صعيب تطفا )
نازلي لفتاة لملاك صغيرة عمرها 5 سنين ناعسة فوق سرير مدة عامين .. داخلة فغيبوبة وسريرها وبيتها عامرين بالألات طبية … هي لبنت لوحيدة لناصر العراقي .. رجل لقوي شجاع لي حتى هو من بين اقوى ريوسة فالمافيا ومجالو بحال مجال براق … حتى حاجة مكتخلعو من غير انه يفقد بنتو بشكل نهائي . وامنية وحدة عندو هي يولي يشوف عيون بنتو مفتوحة
♟ عفراء الزعيم ♟
🕯️ الفصل الأول : إشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 14
هارون خارج فحالو من لڤيلا يالا بغا يطلع لسيارة وهو يجيه تصال من عند رجالهم .. جاوب وهنا لون عينيه تبدل وجهو تزير
براق كان سالا كاسو دالقهوة وكايستاعد باش يمشي ينفد لي فبالو حتى دخل عليه هارون .. براق هز عينو فيه وعرف بلي واقعة شي حاجة .. حرك راسو بزعمة اش واقع
هارون : لي توقعتيه كان صحيح .. هجمو على رجال لي حطيتي فالغابة
براق طاحت فبالو نيشان عفراء والوقت باش يسولو عليها واش وقعاتلها شي حاجة مبغاش يضيعو … خرج طاير لسيارتو ومشا هارون تبعو فسيارة وحدة خرى
براق لعروق لي فجبهتو تزيرو وفمو كايترعد عليه وهو كايفكر شكون حتى لهاد درجة فعلا تجرأ ودار هاد لهجوم .. غادي بسرعة ولي جا قدامو كايضوبلو .. لغابة بعيدة ومع دلك ستغرق 20 دقيقة وصل حبس سيارة بسرعة حتى خلا لعجاج وراه هبط منها وتوجه لدار بخطاوي سراع وبارك على سنانو وعاقد حجبانو وموجد سلاحو فيدو .. كيف وصل لعتبة لقا جتة واحد من رجلو ممدودة .. زاد خطوات لداخل وسط دار وبضبط فين داوتو عفراء لقا لاخر ميت وهادا هو عدد رجال لي خلا … بالعصب هز رجلو حتى لسما وهبط على طبلة لي قدامو دجاج حتى تشتات وهنا كان وصل هارون وبقا غير كايشوف فدار كاملة دم
براق كايدخل من بيت لبيت وهو كايفور بالفقصة وشمتة لي حس بيها وكل ما ملقاش ليها لأتار كايزيد يتور .. والو حسها مقطوع … واقف فالوسط وغوت بإسمها على لله تكون فشي قنت وتسمعو
براق : عفرااااااااء … عفراااااااااء
هارون : براق كايبالي وصلنا معطلين وحتى حد مكين
براق : فين هي ملي مقتلوهاش إدا فين هي اهارون فين هي
هارون حنا راسو وگلس فوق لفوطوي .. براق مشا وقف فسرجم لي مقابل مع جردتها وكايحس بتأنيب ضمير وبلي هو سبب ولكن كايقول فراسو .. فين هي حتى كايسمع دقان من شي بلاصة جاي .. تلفت لجيهة هارون لي بضورو سمع صوت
براق : واش كتسمع هاد صوت
هارون شار براسو اه وكل واحد فيهم هز سلاحو بإستعداد وكايقلبو على صوت
براق فالكوزينة وكايسمع صوت دقان تزاد وقدر يفرز حتى صوتها لي خلا عينيه يوساعو
براق : عفراء ( حنا على ركابيه وحط ودنو لأرض )
عفراء لي حطها باها فمخبأ تحت دار قبل ماينفد لخطة تاعو كانت گالسة وهي كتسمع فصوت لقرطاس وسادة ودنها ومعندها كيف دير تخرج حيت باها سد عليها من لفوق وقالها حتى تحس براق هو لي جا عاد تطلق صوتها … هي مقالهاش باها بلي ايقتل رجالزولكن على مفهمات هاد شي لي وقع
ولا يمكن باها بصح هو لي يكون مات مبقات عارفة اش واقع فوق منها حتى سمعات براق وهو كايغوت بسميتها ومع دلك ومن بعدد تردد قوي عاد طلقات صوتها
♟ عفراء الزعيم ♟
🕯️ الفصل الاول : إشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 15
عفراء : ( كدق فالباب لي فوق راسها ) انا هنا واش كتسمعني انا هنا عتقوني عفاكم
براق هز راسو وبسرعة بدا كايدفع فتلاجة لي خلات عظلات يبرزو … من بعد مدفعها بالو لباب لي تحت منها ومسدود بالقفل .. بقا يقلب فالكوزينة على شي حاجة باش يهرسو .. لقا تحت لبوطجي شي دوزان هز منهم حديد ورجع كايضرب فالقفل لي بدقة وحدة تحل .. هارون سمع ضرب جا كايجري لجيهتو وقبل مايحل براق لباب هارون وجه سلاحو لباب كاحتياط لشنو يطلع
براق هز لباب وتقابلات عينو سوداء مع بحر عينيها لي غارقين فدموعها وكتسرط ريقها وكتشوف فيه
عفراء : ( كتبكي وكترعد ) عفاك عاوني عفاك .. هما بغاو يقتلونا عفاك
براق : ( مدلها يدو ) طلعي متخافيش مكينش لي غادي يقتلك
عفراء : لا لا انا متأكدة هما برا غايقتلوني لا
براق : ( بصوت غليظ ومبحوح ) لاشديتي فيدي مستحيل يقرب لك شي واحد فهمتي .. مستحيل
عفراء سرطات ريقها ومدات يدها وشدات فيه ودموعها شلال تجمع عليها كلشي .. لخوف من صوت لقرطاس لي سمعات وخوفها من لخطة لي بدات وزيد عليها لي باغا تنتاقم منو ماد يدو ليها
جرها حتا طلعات لفوق عاد رخات من يدو وبقات معنقة راسها وكترعد
براق : ( موجه كلامو لهارون ) واش قلبتي واش باقي شي حد هنا
هارون : ماكين حتى حد ومخلاو حتى اتار كايبين شكون هما
براق : كنقسم بالله ومايبان شكون مول هاد لفعلة حتى نفركت لحزاق كامل ..
هارون : انا متأكد بلي لي حاول يقتلك هو لي تبعك لهنا و دار هاد لحالة
براق : ناصر ناصر غندمو كتفهم غندمو
عفراء خلاتهم كايهضرو وخرجات بخطوات مترددة من لكوزينة حتى كتبان ليها جتة واحد مرمية فصالون لوسط حسات بتأنيب ضمير كأنها هي لي قتلاتو .. ضورات وجها لجيهة ضروج ومغمظة عينها .. مع حلاتهم مع وساعو على حرهم
عفراء : لا لا مايمكنش لا مايمكنش .. لا ماشي هو انا غير باقا كنحلم لا مايمكنش
براق سمعها مشا بسرعة حداها لقاها كتقفز وكتدير بيدها وراسها لا وشافها فين كتشوف هو وهارون
هارون : كلب
براق تفكر لكلب وتفكر علاقتو كيف كانت بعفراء باينة كانو متقاربين لأقصى درجة
عفراء كطرش راسها : فيقي اعفراء فيقي راك باقا كتحلمي فيقي حيت مايمكنش لا ماشي روز لا .. بغيت نفيق لا
براق حكملها يدها بجوج وخلا وجهو فاص مع وجها وقريب ليها
براق : نتي مكتحلميش نتي فايقة .. وهدا روز ياك هو مات .. تقبلي شنو شفتي ومديريش فراسك هكا
_ عفراء بهستيرية جرات يدها من عندو وهزتها حتى لسما وطرشاتو شي لي خلا براق يشوف فيها كيف تور ومربوط .. هارون تصدم ومقدر يدير والو بحكم انها بنت وزيد عليها لحالة لي فيها كافياها
عفراء : نتا سباب سمعتي نتا سبااااااب .. بسبابك وقع هاد شي بسبابك مات بسبابك
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما

ان تبحر بلا مركب ، معناه ان تختار الوم واقفا كالأشجار ، لأنه في قضايا البحر والحي لا حياد
⏳ البارت 16
براق برك على قبطة يدو وغمض عينيه وعروقو برزو كايحاول يبرد راسو .. هادي اول مرة يطيح في بحال هاد لموقف .. تمنا كون كانت راجل وكون فصلها فصالة ديال لحوالة
عفراء هبطو دموعها مقادرة تحكم فيهم .. كانت ناوية تمتل حتى زدقات فدموع حقيقة وجرح كبير واكبر ألم فقدان .. مها وخوها ومحساتش عليهم هكا حيت كانت صغيرة وداكرتها معاقلاش مزيان .. اما روز تقريبا كبر معاها كن صديق واخ وحامي وكلشي بالنسبة ليها .. مكانش داخل فهاد لخطة ومنواتش انها تفقدو ..ولكن دبا شنو .. كايبالها قدامها طايح مغمض عينو ودمو تحت منو .. بقات غادة فتجاهو ورجليها تقال عليها .. وصلات حداه وطاحت على ركابيها
عفراء : روز .. روز واش كتسمعني حل عينيك عفاك ..
هزات يدها كترعد عليها وكدوزها على ضهرو شوية حطات عليه راس وخلات دموعها كايشرحو
هارون قرب من براق لي ساهي فالمجهول وعاقد حجبانو
هارون : عيطت لرجال باش يتكلفو بهادو .. وحنا من لأحسن نمشيو من هنا .. ( شاف ف عفراء ) .. شنو ايوقع ليها هي .. شنو انديرو ليها دبا .. حتى باها معندو اتار غابر معرفتش واش اصلا كان هنا ولا
براق بلا مايهضر خرج بخطوات سراع لبرا حتى وقف قدام شجرة كبيرة طول فيها شوفة وجهو كايتزير كأنه كايشوف شخص قدامو .. جمع قبطة يدو وبدا يضربها فشجرة ضربة مور ضربة حتى حس براسو برد عاد رجع لدار ويدو كتسيل بدم .. شاف فهارون وجاوب
براق : غادة تمشي معانا حتى يبان باها .. ( موجه كلامو ليها ) واش سمعتي … نوضي يالاه معانا
هي لا موجيب ..
براق : هارون نوضها قبل مندير شي موصيبة
هارون مشا حداها وحنا عليها حاول يهضرها والو مد يدو حركها والو
هارون : مكتجاوبش
براق مشا لجيهتها حنا عندها ضور وجها ليه لقاه مغمظة عينها عرفها سخفات … داغي هزها بين يديه وتمشا بيها لجيهة سيارة
براق : بحث دار مزيان واي حاجة تنفع جيبها
هارون : كون هاني
براق خرج لسيارة حطها هي لور ودموعها باقين على خدودها .. تنهد وسد لباب ومشا لقدام طلع وديمارة سيارتو ونطالق لجهة لڤيلا
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت : 17
دازت نص ساعة و صل لڤيلا وهي باقا موراه مغيبة .. حبس سيارة ونزل منها حل لباب لوراني وهزها بين يديه وتم داخل بيها لڤيلا … مو كانت فالكوزينة مع لخدمات لي حاسباهم صحاباتها ماشي خدامتها
لميمة : هدا ايكون غير براق لي جا .. نمشي نشوفو ونجي غير خليو ليا هاد طجين لي نكملو
خرجات من لكوزينة كتهبط فكمامها هزات عينها فيه بالها طالع فدروج كاينقز بجوج درجات وبالها هاز فيدو شي وحدة .. عينها خرجو وقلبها تزادو ضرباتو يصحابلها بنتها واقعة لها شي حاجة
لميمة : ديناااا بنتي .. براق مال دينا مالها
هو مجاوبهاش وصل لطبقة تانية ولميمة تابعاه كتزرب وتخبط فخادها
لميمة : لله على بنتي لله .. لله على كبيدتي لله .. وادينااااا بنتي
لميمة وصلات لطبقة لفوق باقا كتولول حتى كتوقف عليها
دينا : وااااانعام اش واقع
لميمة شافتها نقزات من بلاصتها بالخلعة وبقات تشوف فبنتها خارجة من لبيت مشعكة وهي طير عليها بتعنيقة
لميمة : لحمد لله لحمد لله نتي بخير خلعتيني عليك
دينا : ( مستغربة ) ماما مالكي اويلي حلمتي بيا ولا شنو
لميمة : ( طلقات من بنتها ) اويلي براق شكون كان هاز … براااق برااااق
مشاا لبيتو لقاتو حط لبنت فوق سرير ويالاه كيف قطع شي مكالمة .. دينا والميمة بقاو كايشوفو ف عفراء لي ناعسة فوق سرير ويدها وحوايجها لي فيهم دم وهما حسو بالخوف
لميمة : براق شكون هادي اش درتي تاني
براق شاف فيهم وتنهد : ماواقع والو … لواليدة انا عيطت لطبيب 10 دقايق ويكون هنا
دينا : دم ابراق دم
براق : دم ماشي ديالها … لمهم شي وحدة فالبنات تجي تنقيها وتبدل ليها وشي وحدة توجد ليها بيت ضياف … حيت اتبقا معانا
لميمة : ولكن ..
براق : صافي عفاكم مابقيت باغي نسمع حتى سؤال .. ديرو لي قتليكم
قال كلامو وخرج ساخط لبرا لڤيلا … هز سلاحو وطلع فسيارتو وهو لي عارف فين غادي
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركيب ، معناه ان تخنار الموت ااقفا كالأشجار ، لأنه في قضايا البحر والحب لا حياد
⏳ البارت 18
لميمة طلبات من لخدمات يوجدو بيت ضياف وبقات هي تكلف بعفراء وطلبات من وحدة تعاونها اما دينا كتصوني لهارون باش تفهم اش واقع ساعة مكايجاوبهاش … بسرعة حايدولها لحوايج لي فيهم دم ولبسوها كسوة طويلة سماطي فالكحل من حوايج دينا … وصل طبيب وطلعوه لخدامات لبيت .. دوز ليها وقيد شي دوا فالورقة وناض واقف
طبيب : مدام سفياتي لأنسة لباس عليها .. سخفات حيت نزل ليها ضغط .. لمهم قيدت ليها هاد دواء جيبوه ليها دبا ومن لأحسن تبعد على شي حاجة تعصبها ولا تصدمها … ومايكون عندها باس
لميمة : ايه واخة اولدي الله يرضي عليك
طبيب : بسلامة عليكم وصلو سلامي لسي براق
لميمة : ان شاء الله .. حليمة وصلي معاك طبيب لباب
حليمة ( لخدامة عندها 44 سنة ) : واخة الالة
مشا طبيب والميمة شافت ف عفراء وتنهدات ومن بعد سدات باب لبيت ومشات تكمل شغالها حيت عارفة معندها مادير من غير طبق كلام ولدها فهاد لحظة
______________
براق بسرعة وصل لوجهة تاعو وقف سيارة حتى خلا روايض محكوكة وخرج منها ساخط وسلاحو فيدو .. راجل لي فالباب جبد سلاحو كإستعداد لشي مواجهة
براق هز سلاح لسما وطلق جوج قرطاسات شي لي خلا لحراس لي داخل يخرجو ويوجهو سلاحهم فوجهو
براق : ناصرررررر … ناصررررر خرج لعندي … خرج الاكنتي راجل واجهني كيف رجال ماشي مور ظهري اشماتة خرج
براق زاد طلق رصاص فالسما وعروقو مزيرة وكايفور بالأعصاب .. وبحكم لڤيلا مطربة صعيب لبوليس توصلها لخبار
واحد من رجال قرب لبراق وقف قدامو
راجل : من لأحسن تراجع السي زعيم
براق بلا مايشوف فيه هز يدو وبظهر لكف عطاه لوجه حتى طيحو
براق : انا زعيم واش سمعتو … انا زعيم براق سفياتي وكنتراجع فالوقت لي بغيت .. ودبا من لأحسن ليكم نتوما يبان عندي سيدكم ولا قسما بالله حتى ندخل لقلب دارو ونفركتلو زمر كامل وإبتدأ بيكم .. ( حمر فيهم عينو ) وراكم عارفيني نديرها
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لاحياد
⏳ البارت 19
فهاد لحظة كان ناصر داخل فالبيت عند بنتو .. سمع صوت رصاص وسمع صوتو عرفو شكون .. طبع قبلات على جبينها وغطاها وسد سراجم وسد عليها لباب بساروت
ناصر : نتوما متحركوش من قدام لبيت ولاوصل لهنا فراكم عارفين اش ديرو
حناوليه راس وهو توجه لبيت فتح مجر كبير هز سلاحو عمرو وتمشا خارج بخطوات سراع وكايطرطق فعنقو .. وصل لباب وهما يحلوها ليه لقاه واقف وهاز سلاحو ويمكن هادي اول مرة يشوفو معصب بهاد طريقة
ناصر : اوووه شكون شرف وجا لعندي حتى لباب داري مرحبا مرحبا .. شي عصير ولا اتاي مغربي ولا اش حب لخاطر .. ( جمع ضحكة ) ولا يكما بغيتي نقدملك روحك
براق : ( هز سلاحو فوجهو ) لا كنفضل نقدم لراسي روح لي بغيت
ناصر حتى هو هز سلاحو وحطو فوجه براق وهنا ولاو بجوجهم هازين سلاح على بعظهم ورجال معرفو مايديرو
ناصر : نيت انا تعطلت بزاف .. ومزيان ملي جيتي تفكرني بلي كنسالك شي حاجة ولي هي روحك
براق : كون كانت عندك لقدرة لكافية باش تاخد روحي كان خاصك تجي وتواجهني بحال هكا .. ماشي تصيفط لي يقتلني بالغدر .. وماشي تهجم على رجالي فقلب دار ناس مدارو ليك والو باش تنتاقم على حاجة فبلاصة غلاط … مليون الف مرة قتلك مرتك مقتلتهاش وبنتك مقربتلهاش حيت على لأقل انا ماشي شماتة بحالك كنظرب فظهر .. حيت الا بغيتك انجيلك فاص
ناصر كيحس بدم كايغلي ليه خصوصا ملي كايشوفو كاينكر وهو متأكد انه هو لي قتل
🔙 فلاش
وقف وحاط سلاحو على راس لي حاني قدامو
شخص : سمحلي اسي ناصر انا درت غير لي أمرني بيه .. مقدرتش نقول لا وحياة عائلتي كانت فخطار
ناصر : ( عينه مغرغرين ) وديك لي حطيتي ليها قرطاسة فراس شنو دنبها … وهاديك لمحطوط فالإنعاش اش دارت فهاد شي كامل اممم اش دارت
شخص : سمحلي عفاك .. انا ندمت بزاف عليها جيت وسلمت راسي ليك عفاك راه زز مني درت داك شي
ناصر : ( حنا عندو وغرس يديه فعنقو وكايخرج لهضرة من تحت سنانو ) .. شكون أمرك تقتل مراتي وتحاول تقتل بنتي شكووووون
شخص : ( وجهو حمر وعينيه خارجين بزز باش خرج دوك لحروف ) .. ب .. براق
ناصر طلق منو بصدمة وبقا راجع لور وشاد فراسو وحس بالأرض كدور بيه .. هو بينو بين براق تحدي وعداوة صغيرة حدها لخدمة وكل واحد فيهم باغي يكون هو لأقوى .. من ديما كان كايحس بلي هو و براق جامعاهم مواجهة وتحدي ديال رجال وكلشي فاص افاص ماشي لعب مور ظهر والأكبر عمرو توقع براق يزدق وحش وشماتة حتى
لهاد درجة … بالأعصاب لي شدوه دار عند شخص وشدو من كول عنقو وتم جارو حتى وصلو لواحد لماكينة بحال دنجارة وراجل كايغوت بلي خلقو وناصر متسوقش كايتفكر غير مرتو لي ماتت قدام بابو وبنتو لي مغيبة .. حطلو راسو فالمكينة وخلاه كايتسحق حتى زهقات روحو
🔙 نهاية لفلاش
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب معناه ان تختار الموت واقفا كالأشجار ، لأنه في قضايا البحر والحب لاحياد
⏳ البارت 20
ناصر دازت 3 سنين على هاد لواقعة .. وفكل مرة كايبغي ينتاقم من براق مكتكملش بحكم براق ولا هو زعيم ديال طاولة ثلاتية اي راس لحربة وكين ريوسة مكبر منهم كاملين وهما لي كايكون كايحميو زعيم فحالت ما تقتل كاينتاقمو ليه .. ناصر ماهموش نفسو كون قتلو ومسوقوش او على لأقل كون حاول حيت ماشي بساهل تقتل زعيم .. ولكن هو مبغاش توقع لبنتو شي حاجة من وراه كايحس بالمسؤلية وعلى قبلها باقي صابر وكايحاول مأمكن دبا غير ينزل براق من مقام زعيم باش متبقاش تابعين ليه ريوسة لكبار
ناصر : ههههه هههههه كضحكني … زعيم وخايف من اعتراف لي انا اصلا عارفو … كنقسم ليك حتى ناخد نتقامي بيدي ولا مخديتو ليوم ناخدو من بعد ونزيدك واخة نتعطل فنتقامي فمستحيل نتاقم وانا مخبي .. حيت انا راجل وغادي نوقف قدامك كيف دبا ونقتلك ونتا كتشوف فيا .. ماشي كيف كتقول .. ودوك لهجومات لي وقعو ليك سير قلب شكون مولاهم … وانا كنت عارف اش وقع ليك وفين كنتي هاد ليومين لخرين ولكن باقي ماوصل وقت انتقامي .. او على لأقل مستحيل نأدي أبريأ كيف درتي نتا
براق هبط سلاحو وطار شنق عليه وعاقد فيه حجبانو وطلق ليه كلامو لي كلو نار
براق : نهار نتأكد مغاديش تكمل دقيقة ونتا حي
طلق منو ومشا وقف حدا سيارتو وقبل مايركب زادو كلام اخر
ناصر : 3 سنين ونتا موجه سلاحك فلمكان لغلاط وكتجبد لي مخاصكش تجبدو … صبر الزعيم علاين يتقادا اناصر علاين
ركب سيارتو وقلب لوجهة بسرعة وخلا ناصر ايطرطق حيت مقادر يدير والو …
_______________
دينا كانت فجردة غادة جايا وكتاكل فظفارها حتى باليها داخل وقف سيارة مشات عندو كتجري وقفات كتساينو يهبط
هارون وقف سيارة فتح لباب وخرج لقاها واقفة على راسو
هارون : دينا ماشي وقتك راسي اينفاجر قلبي عليا دبا
دينا : عيقتو مالكم ليوم .. اجي واش فخبارك براق جاب واحد لبنت .. حگا نتا كلشي كايكون فراسك .. شكون هاديك ودم ديالمن كان فيها
هارون تخطاها ومشا فتح لكوفر جبد فاليزة فالكحل تم جارها وداخل لڤيلا وهي تابعاه
دينا : هارون حشومة عليك جاوب .. وديالمن هاد لڤاليزة
هارون : دينا طلعي هاد لڤاليزة لبيت لي فيه لبنت هادو حوايجها ومن لأحسن ماتعرفي والو
خلا لڤاليزة وخرج كايشعل فگاروه
دينا : خالتي حليمة .. هاد لباليزة طلعيها عفاك لبيت لي اتكون فيه لبنت انا جايا
خرجات تابعة هارون لي مشا لظهر لڤيلا وقف كايكمي
كايحاول يبرد على راسو حتى وقفات قدامو
دينا : هارون مالك عاودلي شنو وقع ليوم واش وليتي تخبي عليا
هارون رما گاروه طفاه بصباطو وشاف فيها هز يدو وحطهم على خدودها كايتلمسهم بحنان
هارون : دينا .. حياتي انا مكنخبي عليك والو ولكن مباغيش نخشيلك راسك فصداع عالمنا انا وخوك … نخافك تعرفي بزاف وتزدق واقعة لك شي حاجة بسباب هاد شي … ونتي عارفة بلي حياتك هي حياتي ولي أداك أداني
دينا شدات يدو وباست كفها وهضرات بصوت حنين
دينا : ولا وقعات ليك شي حاجة انا مستحيل نقدر نزيد نعيش .. من نهار حليت عيني ونتا فجنبي .. متقبلاناش كلمة انك بحال خوية وانا بحال ختك .. رسمنا خط حبنا وحنا صغار وغادي نكملو فيه حتى نموتو وحنا كبار على فراش واحد … كنبغيك
هارون : وانا كتر القريدة تاعي هههه
دينا : ( كظرب صدرو ) انا ماشي قردة ههه
عنقها وبقاو يضحكو كايحس بيها هي دواه وهي لي كتخفف عليه
♟ عفراء الزعيم ♟
🕯️ الفصل الاول : اشتباك خيوط
🎗️ بقلم : اميمة اوما
ان تبحر بلا مركب ،معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 21
براق وصل معجعج لڤيلا مبقا فاهم والو .. حيت هو عارف ناصر ملي كايدير شي فعلة كايقولها مكاينكرهاش ولكن الا مكانش ناصر فشكون غادي يكون … داخل لڤيلا وراسو ممعاهش ساهي وعاقد حجبانو حتى دخل لداخل لقاتو مو فالباب حتى كان ايفوتها وهي توقفو
لميمة : براق وقف براك متهرب .. انا مك ومن حقي نعرف اش واقع فدار … على برا مكندخلش فيك ولكن وسط ولادي وفقلب داري فمن حقي نعرف اش كين
براق وقف وتنهد دوز بيدو بجوج على وجهو وشاف فيها وعينيه دابلين باين فيهم لعيا ديال تفكير وكترة لمشاكل لي طاحو عليه
براق : ميمتي ماكين والو مواقع والو .. لبنت سبق وعاوناتني ياك وليوم هي طاحت فمشكيل ومحتاجا نعاونها تاني … والمشكيل لي هي طايحة فهي بسبابي .. بلا متسولي كتر صافي عفاك
عطاها بظهر وطلع فدروج نيشان دخل لبيتو لقاها باقا ناعسة ومبدلين ليها كتبان كيف شي ملاك ناعسة وبريئة … ملي رجع من عند ناصر وهو راسو ماشي معاه .. ولا شاك فكلشي .. حاس بلي هاد لهجوم ولغبور ديال باها فيه شي حاجة ماشي حتى لهيه … قرب ليها وحنا عندها زول عليها ليزار وهزها بين يدو كيف شي ريشة و هو كلو عظلات وهي ضعيفة ولكن فورمة زوينة … بقا غادي بيها وشعرها مدلدل على دراعو وصل لبيت لي قريب ليه دفع لباب برجلو ودخلها حطها فوق سرير حتا كان خارج ولا رجع حط عليها لغطا عاد خرج ومشا لبيتو … حيد عليه حوايجو بقا غير بالبوكسر جبد گاروه شعلو وقف فالباركو كايكمي حتى سلاه عاد دخل لدوش طلق عليه لما وبقا واقف تحت منو مدة 15 دقيقة … عاد حيد من تحت لما لوا عليه فوطة فنصو لتحت وخرج مشا جبد علبة لأدوية وعاود جدد لفاصمة دالجرحة وترما على ظهرو فوق سرير ومغمض عينو
————
ناعسة فوق سرير وعقلها بدا يفيق واول صورة جات فبالها هو روز مغطي بدمو .. حلات عينها مع صرخة على حر جهدها حتا ناضت گالسة ودموعها هابطين
كان متكي فوقو سريرو ومغمظ عينو حتى كايسمع صرختها ناض طاير كيف لبرق لبيت فين حطها … حل لباب بلا مايدق لقاها گالسة وحاطة يدها على راسها وكتراري … قرب وقف ليها على راسها
براق : واش نتي لباس
عفراء سمعات صوتو هزات راسها فيه وعينها وساعو وهي كتشوف فيه واقف قدامها مبودر وملوي عليه فوطة وبقات ساهية فيه شي دقيقة وهو مخنزر وكايساينها تهظر
عفراء : نتا اش كدير هنا .. وفين روز فينو
طلعات لميمة بزربة مسكينة من سمعات صرختها وقفات فالباب كتنهج
لميمة : ولدي اش واقع مال لبنت
عفراء شافت فيها وفهمات انها فدارو
عفراء : فين جبتيني
براق : نتي فداري .. هادي لأم تاعي اتعتاني بيك بلا محلينا لأمر
عفراء : ( بقات تغوت ) اش اتحل اش امم شنو وهو صافي مات مات
لميمة حطات يدها على فمها بصدمة شاف فيها براق
براق : لميمة خرجي عفاك بغيت نتكلم معاها بحدي
لميمة : ولكن اولدي راك ….
براق تم غادي بيها حتى وصلات لباب ممخليهاش تكمل كلامها ….
لميمة : ابلاتي بغيت غير نقولك واش مناويش تلبس حوايجك
براق عاد عاق براسو عريان وساتراه غير لفوطة .. غمظ عينو وبرك على لفوطة بيدو
♟ عفراء الزعيم ♟
🕯️الفصل الاول : اشتباك خيوط
🎗️ بقلم : أميمة أوما
ان تبحر بلا مركب ،معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 22
براق تخطا مو ومشا بخطاوي مزروبين لبيتو وشوية وياكل شفايفو بالعظان مكرهش يشد راسو ويسوطو مزيان على هاد دوخة .. ولكن بسيف وهو سمع صرختها معقل حتى على اش لابس .. يحمد لله لفوطة بقات شادة ليه اما كون خرج كيف خلقاتو مو وعفراء شافت داك لخير كون غيبات سيمانة متهز راس
دخل جبد سروال كيطمة گري وتيشورط بيضة
لبسهم عليه وعاود رجع عندها لقا مو مشات ..حل لباب و هي علات عينيه فيها حمرين وعامرين دموع .. سد لباب ومشا وقف قدامها وخشا يدو فجيبو دسروال وعقد حجبانو فيه وبصوت جدي سولها
براق : فين باباك
عفراء سرطات ريقها بزز عاد جاوبات
عفراء : هو .. معرفتش انا معرفتش
براق : اوك .. عاوديلي كيفاش وقع لهجوم وفين كنتي وشكون كان فدار
عفراء : ( بصوت مبحوح وغالب عليه لبكا ) هو كنا كنفطرو .. انا وبابا و ( سكتات شوية وكملات بدمعة حارة نازلة مع كلامها ) و روز … ومن بعد تسمع صوت لقرطاس على برة …حنا مفهمنا والو انا خفت وبقيت نغوت .. روز خرج برا كاينبح وبابا مخلانيش نخرج خاف عليا وخباني فين لقيتيني .. والباقي معرفتوش حتى جيتي نتا … ولكن لي عارفة انا هو ( كتشوف فيه بكل حقد باين فيها ) .. نتا سباب فهاد شي لي وقع ليوم ياك
براق متأترش او مبغاش يبين تأترو حنا اعندها وحط يدو بجو على سرير وقرب وجهو منها وعاود سولها وكأنه كايحقق معاها
براق : باباك فين مشا
عفراء : معرفتش
براق : يمكن مات .. يمكن هرب .. وممكن اي حاجة تكون وقعات ..لي بغيت نفهم .. هو علاش لحد ساعة مسولتيش عليه حتى سولتك انا .. وكأنك مأكدة انه مواقعلو والو
عفراء : ( حسات بالخوف والعرق هابط معاها ) انا احم .. انا حيت مباليش فدار .. فالول صحابلي نقدتوه كيف نقدتوني
براق : واخة ماشي مشكيل .. من حدو مبان اتبقاي تحت امانتي ولكن فنفس لوقت انعرف شنو باقي عليا مخبي .. ( عقد حجبانو فيها ) وياويلك وياويلك لقاكم لاعبين مور ظهري
قالها هاد لكلام وناض عاطيها بظهر .. هي شوية وتبول على حوايجها بالخلعة ولكن زعمات وبغاتو هو لي يخاف ويحس بتأنيب ضمير
عفراء : كون بغيت نلعب مور ظهرك مكنتش انحط روح روز وسط هاد لعب واخة نعرف روحي لي تحط بلاصتو
مرجعش شاف فيها خلاها كملات كلامها وخرج زادح لباب
♟ عفراء الزعيم ♟
🕯️ الفصل الاول : اشتباك خيوط
🎗️ بقلم أميمة أوما
ان تبحر بلا مركب ،معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 23
خرج وخلاها كتبكي على هاد لوحلة .. هادي اول خطوة وخسرات فيها اعز مكتملك .. وزيد باها لي غبر ومعرفاتش كيفاش اتواصل معاه دبا … حسات كأنها ندمات وعلاش بدات هاد لإنتقام حيت خصرات روز .. باش تنتاقم لناس ميتين خصرات لي كان باقي جنبها وحي. . واخة غير كلب مجرد حيوان .. إلا انه بلاصتو كانت كتر من شحال من انسان …
مسحات دموعها وقفات تكتاشف فين وصلات .. هزات عينها كدورهم فالبيت لي كان متوسط فالبيض وفراشو فالمارو وديكورات خفافين .. فيه باركو ناضت حلاتو وكطل .. كانت جردة كبيرة قدامها وفيها بزاف دالورد كيف كاتبغيه .. وشي رجال واقفين بعاد باين حراس … سدات لباركو ورجعات كتشوف لبيت حتى كتبالها ڤاليزة فحال ديالتها فالگري .. مشات ليها حطاتها فوق سرير فتحاتها وهي تلقا لبعض من حوايجها … وتصويرة ليها مع روز ( مسكين هارون شاف تصويرة عرفها اتعنيلها بزاف ) عنقاتها وزادت بكات .. شوية قشعات حتى تيليفونها تم .. حطات تصويرة وهزات بفرحة شعلاتو .. ومشات نيشان جيهة لإتصالات شدات لباها وهي كترعد وتاكل فظفارها … صونات لمرة لولة وتانية عاد لخط تفتح
عفراء : الو بابا هادي انا.. فينك كون تعرف اش وقع
سلطان : ( برود ) ششش .. بشوية دبا يسمعك شي حد .. نتي فدارو ياك لخطة نجحات
عفراء : ( بصوت باكي ) بابا روز مات .. مات ابابا
سلطان : ماشي مهم .. لمهم واش تاق بيك ياك
عفراء تصدمات متوقعاتوش يحسب موت كلبها كأنه والو
عفراء : ككيفاش .. انا قتلك روز ابابا مات
سلطان : احمحم سمحيلي ابنتي غير مع توتر مركزتش اش قلتي .. صدمتيني بقا فيا بزاف .. يمكن جات فيه شي قرطاسة من درجال براق ملي حاولت نقتلهم .. ان شاء الله نتاقمو ليه حتى هو ياك ابنتي ..دبا نتي فين
عفراء : انا عندو ابابا عند عائلة سفياتي .. حطوني فواحد لبيت وقالي انبقا معاهم حتى يعرف اش وقع ويعرف فينك نتا … بابا نتا فين انا خايفة بزاف .. كيبان صعيب تدار بيه .. وكأنه عايق بكلشي ابابا
سلطان : معاق بوالو … كون عاق بيك كون راك من عدد لموتى .. لمهم متهضري معايا حتى تأكدي مقريبلك حد .. وانا أبنتي فأمان گاع متخافي وهو عمرو ايوصلي ..أخرتها ايظنوني مت ولا ينساو أمري
عفراء : دبا انا شنو اندير وبحدي
سلطان : كسبي تيقتهم ابنتي .. باش نهار توقع شي حاجة مايشكوش فيك
عفراء : اوك انحاول
سلطان : يالاه بسلامة … ( قطع عليها قبل ماتزيد حتى حرف )
♟ عفراء الزعيم ♟
🕯️ الفصل الأول : إشتباك خيوط
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 24
گالس فبيروه فالڤيلا ومشعل گاروه كايكمي ويقول ماكميت واحد مور واحد حتى تحل عليه لباب ودخلات كتزربي فخطواتها تجاهو وصوت صباطها لمسموع خلاه يعرفها شكون … بنت طويلة وفرمتها عامرة ولونها سمر زوين وشعرها كحل وجها كامل مكياج ولفم حمر يبان من راس شانطي ..
ناريمان : ( حطات يدها على كتافو ) ناصر واش نتا لباس .. انا عاد جيت وعاودولي لخدامات اش واقع .. ياك موقع ليك والو بعدة .. اوف كنت انموت بالخلعة عليك
ناصر : ( حمر عينيه فيها حتى جمعات يدها عندها ) .. نتي شنو دور ديالك فهاد لڤيلا
ناريمان : احم انا .. نازلي .. زعما فرملية مراقبة حالة نازلي
ناصر : إدا الالة ناريمان ملي سمعتي شنو وقع اول حاجة كان خاص طيح فبالك وخوفك وهتمامك خاص يكون نازلي ماشي انا فهمتي .. انا قاد براسي وممحتاج حد يخاف عليا
ناريمان : انا غير …
ناصر : تقدري تمشي ديري خدمتك .. والمرة جايا قبل مدخلي عندي دقي فالباب انا معنديش زريبة هنا
ناريمان : ( حنات راس وعينها مغرغرين ) اوك سمحلي سي ناصر
خرجات من عندو وسدات لباب ومسحات دمعتها وكتشوف فالبعيد
ناريمان : غير بلاتي اسي ناصر ونتا تولي تقلب على خوفي عليك وتولي تابعني فيما مشيت
______________
على برة كين وحدة من مور صور ديال ڤيلا لعراقي كتسلت كيف شي شفارة .. جامعا شعرها لمارو لفوق ودايرة طربوش وقميجة مخشية فسروال وسبرديلة وهازة كاميرة فعنقها … حطات كرسي جايباه معاها طلعات فوق منو وكتحاول توصل وطل شكون مور صور .. فعلا وصلات ومبالها حد بتاسمات وعينها كايدور كيف لبومة .. بقات كتجابد حتا طلعات فوق صور وكتنهج … شوية بغات تهبط منو لجيهة لداخل .. قرات لقرأن وكطلب ربي مايوقعلها والو وتلاوحات .. جات طيحة
أماليا : ااااااح قزيبتي احححح
حكاتها وناضت وحاسة بالفرحة حيت أخيرا هي وسط جردة ڤيلا لعراقي .. زادت جوج خطوات وهي تبدا تسمع صوت ماشي غريب عليها … حيت ديما خارجين ليها من جنب هاد لأصوات
أماليا : ( بحالا اتبكي ) لاااااااا ماشي هنا تاني
ضارت موراها بشوية كايبالها كلب فالكحل وريوگو هابطة وگالس كايجعر عليها … عرفات راسها خلاتها بغات ترجع جيهة صور عرفات راسها مايمكنش حيت لكرسي بقا من جيهة لخرى … بتاسمات فوجهو وبدات ترجع بخطوات لور ولكلب كايزيد خطوات لقدام .. هنا غمظات عينها وعطات رجلها ريح وسط جردة وهو تابعها
أماليا : واااااااااااع وعتقونييييييي وامامااااااااااا
♟ عفراء الزعيم ♟
🕯️الفصل الاول : اشتباك خيوط
🎗️بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 25
رجال سمعو غواتها وصوت لكلب لي محيح دنيا وجدو سلاحهم وتابعين صوت … هي نسات راسها فين وبلي مخاصش يحسو بيها وبقات عاطياها غير لغوات … رجال بانتليهم كتجري مفهمو والو وشكون هادي وكيفاش دخلات … هزو سلاحهم فوجها باش توقف
هي جايا وكتغوت بان ليها وقفو جوج فتجاها وهازين سلاح عليها حسات براسها فديك لقولة ديال لعدو ورائك والبحر أمامك .. قالت اللهم لبحر ولا لعدو ..
أماليا : واااااااااع
غمضات عينها وبقات غادة فتجاهم رجال عياو مايقولو وقفي وهي والو لي ليها ليها دازت من وسطهم وفاتتهم وغادة كتغوت والكلب تابعها
لحارس 1 : علاش مطلقتيش عليها
لحارس 2 : راها بنت واباينة خايفة وعلاش مطلقتيش نتا
لحارس 1 : ( بقا يحك فراسو ) .. ويلي المسخوط جري نتبعوها قبل مايشوفها سي ناصر
بقاو تابعينها وهي هاربة ولكلب وراها منظر لا حولا ولا قوة الا بالله هههه
براق كان گالس فبيروه وصدعو صوت لكلب لي مبغاش يوقف … ناض ساخط خبط لكرسي برجليه ومشا حل لباركو يشوف اش كين حتا كايبالو لبنت هاربة وموراها لكلب ومن موراهم رجالو … كايدور بحال لهبال
ناصر : ( دوخوه غوت على حر جهدو ) وقفوووووووووووووو
رجالو وقفو وشافو فيه متحركوش وحتى من لكلب وقف كايسمع كلام سيدو … اما لهبيلة كأنه مسمعات والو … باقة عاطية رجليها لريح وتجري وتغوت … ناصر حس بصوتها كيف صفارة فودنو دخان علاين يخرج … خرج من بيتو وتم هابط لجردة ساخط …
وصل لتحت وهي جايا كتجري طايرة دايزة من قدامو وقبل متفوتو حكمها من دراعها وجرها قدامو حتى ضرب صدرها فصدرو ومخرج عينيه فيها وهي غير شافتو وهي تصقل … بقات كدور فعينيها شافت موارها باليها لكلب ولحراس واقفين بعاد عليها …
أماليا : ( بتاسمات ) ههه لحمد لله وقف كنت خايفة يشدني
ناصر : ( زير على دراعها ) شكون نتي وشنو كديري هنا
أماليا عاد سرات معاها بلي هي حصلات وفالغالب لي شادها هو ناصر .. بقات كتشووف فوجهو جاها زوين حتا صغرات عينها فيه وبصوت حنين نطقات
أماليا : وااااو نتا هو ناصر لعراقي ياك
ناصر غمض عينو كايصبر راسو
ناصر : ( بصوت قوي حتى زعزعها ) قتليك نتي اش كديري هنا
أماليا : اا انا انا والو والله مدرت حاجة .. هو كنت ناوية ولكن مدرتش فهمتي ولي نوا بحالا دار يعني صافي غير نمشي بحالي خدمتي سلات .. انا مشيت
دارت اتمشي بحالها زادت خطوة لقات راسها باقا محكومة من دراعها .. بقات كتمتم فنفسها وضارت لوجهو
أماليا : سيدي واخة طلقني خاص نمشي فحالي .. ليل قرب وهنا شبه مستحيل نلقا طاكسي
ناصر : واش صحابلك دخول لحمام بحال خروجو .. واش لي صيفطوك مقراوكش مزيان
أماليا : صراحة لله قراوني مزيان .. وقالولي نبدا بالمهام صغيرة ومن بعد نكبرها .. ولكن انا مكنسمعش قلبت على حفرة بيديا
ناصر : يعني نتي خدامة مع شي حد
أماليا : ( ابتسامة بهلا ) ااه ان شاء الله الا كتاب
** اماليا عندها 22 سنة طالبة فمعهد صحافة … عزيز عليها كتشاف لأسرار والبحت وتاخد مغامرات .. فالمعهد طلبو منهم تحرير شي خبار على شي حاجة قضية غير كتدريب .. ناضت لأنسة بانتلها فعائلة لعراقي بغات تبحت عليها بحكم هي عائلة غامظة بزاف برغم من إسمهم لمشهور ***

Leave a comment