Skip links

قصة : عفراء الزعيم ج6والاخير

 7,938 عدد مشاهداات

♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 126
ناصر : رولا اتمشي معايا حيت ختي .. ونتا علاش اتمشي معاك امم باشمن صفة
براق : ماشي سوقك اتمشي معايا وخلاص
عفراء بيناتهم فالكرسي كتشوفهم شوية ويطيرو على بعضياتهم اما دراري ولخرين حسو بطاقة بيناتهم اتشعل
ناصر : براق انا مايمكنش نخلي ختي تعيش مع ناس خراين من بعد مالقيتها
لميمة : ياك اولدي حنا ولينا غير خراين
ناصر : حاشة اطاطا ولكن فهموني نتوما عمري نسا خيركم لي درتو فختي ولكن واش عادي نخلي ختي تبقا عايشة معاكم بلا حتى صفة رسمية وانا خوها كاين
براق : واش ضاروري تكون شي حاجة .. اوك على هاد لحساب عفراء اتولي مراتي على سنة لله ورسوله
عفراء : شناهوا
كلشي بقا غير حال فمو وتصدمو كتر مابراق اصلا مصدوم من راسو واخة مابغاش يبين راه صدم راسو هههه
براق : احم دبا ممكن تمشي معانا
ناصر : واش مخطين لزواج علاش مقلتوليش
عفراء : انا ومفخباريش بلي مخطين لشي زواج
هارون : ههه انا بالي لي قالها براسو مامخطط لوالو
دينا : واش ولينا فجوج عراس
عمر : تلاتة علاش لا
راضية : شناهوا .. احم لمهم الله يكمل بخير ختي عفراء معامن اتمشي
عفراء : نتوما بلاتي باغين تزربو عليا .. نتا كيفاش مراتك .. واش بستيني بستك صافي مراتك
ناصر : شناهوا كيفاش باسك بستيه
لميمة : ويلي ويلي استغفر لله اش هاد لمنكر
براق حط يدو على وجهو بالفقصة
براق : هارون عيط لطبيب راه بانتلي كانت مضروبة حتى فراس
عفراء : مالي كدبت
ناصر : برااااق واش كتحاول تستاغلها
براق : مالك ابنادم هبط صوتك راه كنعرف نعليه كتر منك .. واشمن ستغلال .. انا كنقول زواج
عفراء : واش بصح اتزوج بيا … ولكن باقي مطلبتيني .. اجي قدامي وحني وطلبني
لميمة : لا لا لا انطلبوك بطريقة مغربية .. سيري مع خوك حتى نجيو نخطبوك
ناصر : اوك رولا يالاه نمشيو
براق : ولكن
عفراء : وينو مساخيش بيا ياك
براق : لا حولا ولا قوة الا بالله … ناصر دي ختك انا سامحلك فيها
ناصر حنا هز ختو ودخلها لسيارة وعفراء كدير لبراق بيدها بسلامة وهو مطلع حاجب ومهبط لاخر تحركات سيارتهم
هارون : هاي هاي سي براق زعيم حتى هو ايتزوج
لميمة : من امتا ونتا حاط عليها لعين اممم
براق : احم واش اتمشيو ولا تبقاو
دينا : زيدو نمشيو طلعوني لطنوبيل اما براق براسو معارفش فوقاش حط لعين وفوقاش نوا زواج ههه .. كايعرف غير يبوس
براق : دينااااا
هارون هز دينا دخلها لسيارة وكلشي ركب .. براق بقا واقف كايغزز فسنانو ويهظر مع راسو
براق : صافي ابراق سالا جهدك وليتي ضحك وتبوس وناوي تزوج من لفوق .. لا اكيد انا لي وقعات ليا شي حاجة فراس بلا منعيق .. يمكن ندخل نشوف طبيب حسن
هارون : براق واش مطلعش اصاحبي نمشيو بحالنا
براق تنهد وطلع لسيارة ونطالقو لڤيلا
♟عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳البارت 127
سيارة تاع ناصر وصحابو وصلات لڤيلا … هبطو وهبط ختو حطها فكرسي
ناصر : مرحبا بيك اختي فدارك
عفراء عينها غرغرو بدموع حسات أخيرا عندها ملجأ متبانش فيه بحال زايدة حيت هادي دار خوها عائلتها يعني اخيرا حتى هي ولات بعائلة اخ وبنت اخ وزوجة اخ فالمستقبل ولاد خراين علاش لا
عفراء : هههه معرفت منقول انا فرحانة بزاااف
ناصر : وانا كتر منك
حنا باسها على راسها ومن بعد تم دافعها بالكرسي متحرك حتى دخلو لڤيلا
فاطمة : ناصر ولدي على سلامتك اولدي قتلتيني بالخلعة عليك
ناصر : انا لباس متخافوش …
فاطمة : الله اولدي كلشي ايفرح ملي يشوفك … ( شافت فعفراء ) ولدي شكون هاد زوينة
ناصر : حتى تجمعو ونقولكم شكون
فاطمة : واخة اولدي دبا نيت .. ( علات صوتها ) امالياااا ناصر ابنتي ناصر … فخبارك اولدي من لبارح وهي صايمة وغير كتبكي …. واماليا جري … ناريمان هبطي معاك نازلي سربيو
اماليا كانت متكية حالتها حالة شعرها وحوايجها وجها مجخمط بدموع .. سمعات ناصر وهي تنوض كتجري بالخفة حلات لباب
اماليا : ناصر فينهوا ناصر
خرجات كتمسح خنونتها بالها ناصر فالواسطة هاز وحدة بين يديه وحطها فوق سرير تكاها وقادلها لمخدة ورجليها ومن بعد باسها فحناكها وهي كتشوف وحالة فمها ومن بعد غوتات على حر جهدها
اماليا : ناصرررررررررررر
ناصر شاف جيهتها بانتلو بحال كانت فحرب وكتشوف فيه وفعفراء عرفها فهمات غلاط وجايا جيهتو بحال شي تور
ناصر : لا لا وقفي بلاتي بلاتي نشرح واش نسيتي اش كنت قلت
وصلات عندو وهزات يدها وطراشتو ..عفراء خرجو عينها وناصر كايقلب حنكو وكايشوف فيها زعما واش فعلا طرشتيني هو مضراتوش ولكن صدماتو ههه
عفراء : بشاااااااخ بشااااااخ هاد شي عندكم واعر
اماليا : سكتي نتي انا نجيلك … ياك الغدار مخليني كنبكي ومشيتي تزوجتي صحابلي غادي تحارب ونتا غادي تحابب ليا … ياك الغذار قلتي كاتبغيني وخليتي كلشي يعرف انني كنبغيك شوهتيني ومشيتي تزوجتي وجايبها فيديك وكتبوسها قدامي بقالك غير تولدو دبا نيت
ناصر : اماليا راك كتغلطي بلاتي نشرح ليك
اماليا غالباها ضحكة حابساها غير بزز
اماليا : وباغا ضحكي .. ضحكي اختي نيت نتي لي جات معاك .. انا لي دازت عليا هنا باش نخلي هادا زعما يبغيني زدق جا ليك
عفراء : احم ناصر عفاك رجلي كتحرقني ممكن تزيدلي مخدا خرى
ناصر بزربة زادها وحدة خرى
اماليا : فاطمة اري لموس ليوم روح طيح
نازلي هبطات هي وناريمان
نازلي : برهوسة سكون ايطيح
اماليا : باباك ازوينة باباك ومن لأحسن تمشي تخباي باش متشوفيش اش اندير
ناريمان : ناصر اش واقع
عفراء بقات كتشوف ف نازلي وعينها دمعو
عفراء : واش هادي هي نازلي
نازلي : سكون نتي
عفراء : ههه انا عمتك
♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لانه في قضايا البحر والحب لا حياد
⏳ البارت 128
أماليا صقلات وكتحاول دور فراسها ديك عمتك
نازلي : عمتي انا … كيفاس زعما
اماليا : ( بحالا باغا تبكي ) يعني هي خت باباك .. هي خت ناصر .. وناري ختو لي قالي غادي يجيب
ناصر : ( كايهضر وكايتغزز عليها ) اييه عقلتي دبا
اماليا : هانتا كيف شفتي انا فهمت غلاط .. احم زعما انا نسيت … عرفتي شنو يمكن انا غرت ياك
ناريمان : بلاتي اشمن غيرة واشمن ختو .. نتا اسي ناصر معندكش لخوت
عفراء : عندو
ناريمان : معندوش .. دبا اسي ناصر بلا متكدب شكون هادي واش شي عاهرة جايبها وحشمتي تقول قدام بنتك هي شكون قلتي ختك
عفراء : شناهوا عاهرة … ناري بغيت نوض نوريها واش انا عاهرة
أماليا : ماكين لاش تنوضي انا نايضة نايضة
اماليا قربات لناريمان وهزات يدها حتى لسما وطرشاتها خلات كلشي حال فمو
أماليا : احم باش تعلمي تهضري على خت حبيبي بديك طريقة العاهرة تاع بصح
ناريمان : كيفاش قدرتي تهزي عليا يدك المسخة
جات اترجع عليها ضربة وهو يشد ناصر يديها
ناصر : وقفو براك … ناريمان اولا معندكش لحق تتدخلي فالأمور لعائلية تاعي .. نتي فرملية هنا ومتنسايش حدودك .. تانيا غير حتراما لسنين لي دوزتيها كتقابلي بنتي غادي ندوزهاليك بجغمة لما اما انا كون قطعتليك لسانك وشويتو قدامك باش تعلمي تنطقي على ختي .. ونتي اماليا مكانش خاصك تهزي يديك عليها .. فهاد دار انا لي كنعاقب
ناريمان : ولكن انا معارفة والو
فاطمة : كيفاش اولدي ختك
ناصر : انا صافي مابقيتش انخبي كتر مدام كلشي بان وكلشي تعاقب … انا ماسميتيش ناصر لعراقي فالأصل … انا بدلت سميتي وخبيت لماضي تاعي لظروف خاصة … سميتي مهدي بيرلين توفاو واليديا ملي كنت شاب صغير … بقات عندي اخت صغيرة ولكن حتى هي كنت فقدتها .. رولا بيرلين لمعروفة ب عفراء .. لقيتها لحمد لله من بعد هاد لمدة كاملة … وهي لي كين هنا قدامكم … بغيتكم تبغيوها كيف كتبغيوني وتحتارموها كيف كتحتارموني وهي ماشي ضيفة هنا لا وانما فدارها وسط عائلتها .. دبا تفاهمنا
فاطمة : الله اولدي الله على راس والعين من ليوم ولات عندي بنت
نازلي : هي عمتي ( فرحات )
مشاو ضارو بيها وهي مبتاسمة ليهم
فاطمة : بنتي مرحبا بيك
نازلي : نتي زوينة
عفراء : هههه شكرا بزاف .. نازلي حبيبة واخة تعنقيني
نازلي حاوطاتها بيديها صغار وعفراء فرحانة وكدوز بيدها على شعرها وكتشوف فخوها لي لا يقل عنها فرحة
عفراء : مشاء الله كتحمقي اكبيدة
ناريمان : احم سمحيلي قبيلة على لي قلت
عفراء : امم اوك ماشي مشكيل
ناريمان : ومرحبا بيك
اماليا باقا كيف لهبيلة وسطهم ومقاداش تشوف جيهة ديال ناصر لي طرشاتو
اماليا : ختي مرحبا بيك وسمحيلي الا قلت شي حاجة ماشي حتى لهيه
عفراء : هههه ماشي مشكيل حبيت غيرتك احبيبت خوية
ناريمان : ههه يمكن فهمتي غلاط .. اماليا غير ضيفة ما حبيبة ديال حد غير هي عزيز عليها تخايل
غفراء : وانا كايعجبني لخيال لي كايولي واقع
ناريمان دارت بتسامة صفراء
اماليا بقات مبتاسمة وكتحاول تسلت .. بقات تشوف فجنابها وتسيلت حتى خرجات من لڤيلا ومشات من موراها تحت واحد شجرة كبيرة وگلسات
اماليا : الله سلت .. هنا نبقا مخبية حتى ينسى ناصر اش درت
♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ،لأنه في قضايا البحر والحب لا حياد
⏳ البارت 129
حانية راسها وكتحاول تهدن دقات قلبها حتى حسات بشي حد وقف عليها .. هزات راسها درجة درجة ومن بعد لوات شفايفها بحال شي بنوتة وحابسة لبكية
اماليا : والله حتى فهمت غلاط … نتا مشرحتيليش مزيان قبل ماتمشي .. وزايدون انا باش انعرفها ختك .. اوى غرت اه غرت .. شتي دبا واخة طرشتك يدي رطبة والله ومع نتا وجهك حرش لمهم زعما فراه مغاديش تحس … واصلا شوف راه يدي لي تقصحات
بقا يشوف فيها ومن بعد حنا لعندها وشد لكف تاع يديها وهي كتشوف فيه وكتساين اش اتكون ردة فعلو … وكانت اجمل ردة فعل .. شد لكف تاع يدها وباسها ليها
ناصر : سمحيلي
اماليا : امم .. احم شنو علاش
ناصر : حيت يدك ضراتك وحيت بسبابي باش طرشتيني وتقصحتي … عندك صح انا مشرحتش مزيان
اماليا : اه بصح خاص طلب سماحة نتا لي غالط
ناصر : ياك ونتي مطلبيهاش .. وزايدون مالك على هاد لحالة مالك كنتي مربوطة
اماليا : لا والو .. غير خرجتي ونتا كتوادع معانا صحابلي متي .. بقيت نبكي ونوح عليك هنا .. كون غبرتي نهار اخر كنتي تلقاني هبيلة وسط زناقي
ناصر : يعني نفهم من كلامك بلي كتبغيني لدرجة تحماقي عليا
اماليا : اه ولدرجة باغا نقتلك دابا بالفقصة لي فيا
ناصر : اوى ولا قتليك انا مكنبغيكش
اماليا : ماشي مشكيل ديك ساعة نهز واحد نص كيلو ديال كرامتي ونغبر وجهي
ناصر : ولا قتليك كنموت عليك
اماليا : ديك ساعة نزيد لكرامة كاملة ونهز قنانفي ونتعفر عليك
ناصر : ( طلقها بضحكة حتى تغمضو عينيه ) هههههه هههههههه
اماليا كتشوف فضحكتو ومبتاسمة
اماليا : ناصر
ناصر : امممم
اماليا : واعدني عمرك تخليني وتحاول تمشي لموت برجليك .. حيت ديك ساعة كدي روحي معاك
ناصر : نواعدك بكلشي ولكن نهار تمس عائلتي شي حاجة فعتابري روحي هدية فسبيلكم كاملين
اماليا عنقاتو وحطات راسها على كتفو
ناصر : كنبغيك اجنية وكنبغيك بزااااااف
اماليا : عارفة
ناصر : تقة فنفس هههه
بقاو هاد جوج كايعتارفو بحبهم فجو زوين وعفراء مع نازلي لداخل وكلهم فرحانين .. نمشيو نشوف لعائلة تانية اش كادير
________________
دخلو لدار لقاو حليمة ولخدمات موجدين طابلة بكل متشهاي ومزوقين دار كترحيب بعودة دينا وسلامتها … كلهم فرحانين وبراق بينه بحال شي مرفوع ملي رجعو وهو حاس بشي حاحة ناقصاه .. داك لإحساس خايب ومقنطو بزااف
هارون علا عينو فيه
هارون : ساط واش نتا معانا ولا شنو شفتك غير ساهي
براق : وي معاكم واش بغيتوني فشي حاجة
دينا : اه انا بغيت
براق : شنو بغات لأميرة تاع خوها
دينا : وابغيت نتخطااااااااب
هارون : كبيدة ياك حنا مخبوطين بغيت نقول مخطوبين
دينا : ( خرجات فيه عينها حتى رجع بالور ) وافين لخاتم فين لخطبة ماشفت والو انا

عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 130
هارون : ( شاف فبراق ) حگا نتا فين لخاتم
براق : مخبيه علاش
هارون : حاس بيك اصاحبي تكلختي هاد ليام واقلة واكل شي دقة مسقنا ليها خبار
راضية : ههههه واكلها وسقنا ليها لخبار .. على كين دقة كتر من لي جاتو فالقلب
براق : راضية تكمشي ابنتي وخليني ساتر دقتك
راضية عينها خرجو فيه وضربات طم
دينا : من هاد شي كامل بغيت خطبتي
لميمة : بنتي واش بغيتي لخاتم ولا نديرو خطبة من جديد
دينا : بجوج … دبا ياك نتوما قررتو تمشيو تخطبو عفراء ياك
براق : عفراء لمن وفوقاش
لميمة : لجن لي ساكنك اولدي لي ساكنك
هارون : ههههه والله هاد سيد مابقا نورمال
براق : شتي نتا اتزيد كلمة غادي تلقا راسك وسط لقادوس
تتمة البارت 130
دينا : هيه نتا بعد من راجلي .. وزايدون واش كتبوهل علينا كيفاش لمن وفوقاش اويلي واقلة بصح نتا مسكون لي كتقولو كتنساه
براق : ( وقف وعقد حجبانو ) احم لا عارف اش كنقول .. وي عفراء قلت انتزوجو ياك … ايه ولكن فوقاش ..
لميمة : برااااق
براق : اه وي باقي ماقررنا .. واش ممكن غذا نخطبوها الواليدة … ونتي خطبتك ليلة باش ماتموتيش على لخاتم … ونتا هارون عيط على ناصر ولا معرف مهدي باش يجيو يحظرو معانا بحكم هما من لعائلة دبا
راضية : اه وحتا دوك جوج دراري لي معاه مساكن تقريبا من عائلتو ادا بحالا من عائلتنا
براق : لا حولا ولا قوة الا بالله .. واش مال طاسيلتكم جاتكم دودة دقة وحدة
دينا : لا حنا سبقناكم نتوما لي مانعرف .. ولكن نتي اراضية مالك
راضية : كحكحكح .. ماما كحكح عمريلي كاس لعاصير جاني جوع .. كولو كولو باش نوجدو لخطبة ديال دينا
براق : اوى لي قدامو شي طبسيل يشوف فيه بقاو حاضيني انا .. بحال اول مرة تشوفو واحد باغي يتزوج
لميمة : لاواه اولدي راه غير جاتهم غريبة نتا تزوج ماشي شي واحد ايتزوج
براق : كيفاش مالي انا حيوان ماشي بشار
هارون : لا كنتي فطور تحول ولكن فشلت لعملية فأخر لحظة
براق : لا نتا ولله حتى زدتي فيه
هارون غير شاف براق حمر فيه وهو ينوض عاطي رجليه لريح
براق : لمهم انا طالع لبيتي وديرو لي قتليكم وجدو من جديد
دينا : والكسوة
راضية اتمشي تشري ليها وليك نتي معندك فين تحركي
براق طلع لبيتو ترما فوق سرير نيشان وبقا يشوف فسقف وفبالو غير عفراء اش اتكون كدير واش زعما تفكراتو ولا تهنات من شوفاتو لي كايخلعو … براق توحشها ولكن مقنعش من شوفاتو ليها .. تفكر لحظة لي باستو وتبسم وغمض عينو
_____________
أماليا وناصر داخلين لداخل ومشادين فاليد شافتهم ناريمان وريقها وحل ليها اما عفراء وفاطمة ونازلي شافوهم وتبسمو … توجهو لجيهة عفراء فصالون وگلس ناصر
اماليا : سمحولي نمشي نجمع حالتي ونجي نگلس معاكم
ناصر : نازلي حبيبتي واش ماتوحشتينيش انا
نازلي: توحستك بزااف ولكن دبا انا فرحانة
ناصر : امم بصاح وعلاش
نازلي : حيت ولات عندي عمتي .. عرفتي ابابا هي ظريفة …
ناصر : اوى مزيان .. عفراء واش حاسة براسك مزيان
عفراء : اكيد مزيان بالفرحة مابقبتش حاسة بالحريق فرجلي
نازلي : اصلا انا حطيت يدي عليها ادا غادة تبرا هههه
ناصر : هههه مشاء الله على دكتورة ديالنا … جاني تصال من عند هارون
عفراء : واش بصاح ياكما واقع شي مشكيل .. دينا لباس .. ياكما براق …
ناصر : لا لاماواقع والو ماتخافيش بالعكس خبار لخير
عفراء : اوى شنو قول خلاص
ناصر : حنا معروضين
عفراء الزعيم ♟
الفصل التاني : بين الحقيقة والمخفي
🎗️ بقلم : أميمة أوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 131
عفراء : معروظين لشنو
ناصر : غادي يعاودو لخطبة من جديد لدينا وهارون
عفراء : ( بتسامة) واش بصاح .. ولكن هي باقا مريضة
ناصر : اه هي لي بغات لخطبة وبراق قرر تكون ليوم نيت
عفراء : اه مزيان .. غادي نمشيو ياك
ناصر : وي انمشيو ولكن لكنتي حاسة براسك عيانة فبلاش
عفراء : ( حاولات تنوض ) لا انا مزيانة ..احح
ناصر : عفراء بشوية على رجليك متنسايش لجرح جديد
عفراء : ولكن بغيت نمشي
ناصر : اوك انمشيو ولكن متجهديش على راسك
اماليا: سمعت شي عراضة .. فين اتمشيو
ناصر : انمشيو كاملين .. هارون اكد على لعائلة كاملة … حتى نتي اتمشي معانا
اماليا : ولكن انا ماشي من ..
عفراء : نتي اتكوني مرات خوية .. يعني من لعائلة
اماليا : شكرا بزاف اختي حبيتك من دبا انا … واش بصاح انمشي .. ولكن شكون هاد ناس
عفراء : اصديقاء واليدينا وحتى هما عائلتي
ناصر : وبراق ولد هاد لعائلة خطيب ختي لمستقبلي
عفراء : كحكحكح .. واش زعما بصح راه يمكن غير كايضحك
ناصر : عمرك شفتي براق كايضحك فهاد شي .. ولكن انا صحابلي حتى نتي كتحسي بشي حاجة من جيهتو لمهم الا مكنتيش باغا فراه واخة تلاقا سما مع لأرض منخليهمش يبزو عليك
عفراء : الا باغا غير خلي كل حاجة فبلاصتها
اماليا : هههه هي نمشي نوجد راسي
ناصر : اماليا هادي خطبة يعني ماشي عراضة عادية
تتمة البارت 131
اماليا : امم ادا خاص نمشي نتقدا
ناصر : اه خودي معاك واحد من دراري ومتعطليش .. وحتى شي كسوة لعفراء تواصلي معاها وخودي لي بغاتها
عفراء : احم دوقي ماصعيبش غير كايخرج عليا وصافي هههه
اماليا : كوني هانية ختاري لي عجبك وديك ساعة تجي تجي ومول شي كنخرجها منو بأقل ثمن هههه
ناصر : ههه اناخد مرة شطايرية … وشوفي شي حاجة لنازلي معاك … الا كان بزاف عليك هاد شي تمشي معاك ناريمان

اماليا : واش باغيني نمشي نتقدا ولا نترايش .. خليها هنا
خرجات اماليا كتنفخ وناصر كايشوف فيها ومبتاسم
عفراء : بسبس خوية
ناصر : وي يا اجمل اخت
عفراء : واخة توريني لبيت لي انگلس فيه حيت بغيت نرتاح ونبدل ونغسل … وصراحة مكرهتش شي وحدة تعاوني باش منقيسش لجرحة
ناصر : ( هزها بالخف بين يدو ) انطلع ختي لبيتها … وشوية وتجي عندك خالتي فاطمة اتعاونك
طلعها لبيت وحطها فوق سرير وطلب من فاطمة طلع ليها شي حوايج من عند اماليا باش تلبسهم بيلا ماتقدا ليها لحوايج … داك شي لي دارت فاطمة وعاوناتها فدوش ولبيس حوايجها ومن بعد عفراء نعسات باش ترتاح لسهير فاليل
وصلات لعشية واماليا كانت رجعات وجابت فيدها لحوايج وساينات تفيق عفراء عاد توريهم ليها
اماليا صبرات وعيات دخلات لبيت هي ونازلي لعند عفراء لي ناعسة وحالة فمها .. مشاو بشوية وحدة جات موراها وحدة قدامها وفيدهم ريشة …اماليا بدات تلعب فودن عفراء ونازلي فنيفها وكايضحكو بشوية
عفراء كتحك نيفها ودنها وكتعصب بلا متحل عينها ولا تفرز اش كتقول
عفراء : اغنمشوخناو لاوصابةىو
نازلي : ( بشوية ) ههه شنو تتقول
اماليا : كتقول لله ينعل لي جابنا ليها ههه .. غير كنضحك معرفتش اش كتقول
بقاو يلعبو والو حلفات لافاقت .. مشاو كايحلو ليها عينها
والو تقول تسكنت على نعاس
نازلي : مبغاتش تفيق واش هي ماتت
اماليا : الا مكتشوفيهاش كاتحرك .. وزايدون هاهي اتنوض شوفي وتعلمي
اماليا قربات حتى لودن عفراء وغوتات على حر جهدها
اماليا : براااااااااق
عفراء حلات عينها على حرهم
عفراء : براق .. فين براق مال براق
نازلي واماليا كايتراشقو ويضحكو
نازلي : ههههه لبرهوسة فيقاتك
اماليا : ياك نتي مدرتي والو واخة عليك
عفراء : ناري حشومة عليكم يصحابلي انا فدار براق وشي حد كايعيطلو

♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 132
اماليا : اوى اختي مابغيتيش تفيقي .. نتي بعدة مسموة ولا ظريفة باش نعرف كيفاش نتعامل معاك
عفراء : ( صغرات عينها ) اممم مسمومة لدرجة نقليكم فسمي ..
نازلي : ههههه كضحك
اماليا : هههه معرفتيش تكوني خايبة اكيد انكون تلاتة صحابات
نازلي : برهوسة ورينا كساوي خلاص
عفراء : واش جبتيهم سمحيلي داني نعاس ومازدتش شفت معاك ولكن وصفتليك كيفاش بغيتها
اماليا : لقيت لي بغيتو بجوج غمضو عينكم
عفراء گلسات وغمضات عينها وحتى نازلي نفس شي
اماليا جبدات كساويهم وكل وحدة حطات ليها كسوتها قدامها ومن بعد طلبات منهم يحلوهم
نازلي شافت كسوتها وبدات تنقز فوق سرير
نازلي : جبتيلي لون لي باغا غوز وااو شكرا البرهوسة عجباتني هههه
عفراء : ( كتقلب كسوتها ) اممم صراحة كيف تخايلتها عجباتني بزاف تحمست نلبسها ههه
اماليا : بصحتكم البنات ودبا شوفو تاعي ..
عفراء : واو شحال زوينة عمري لبست كسوة فالخضر … اتجيك زوينة
اماليا : حتى نتي لگرونة اتجيك فنة
نازلي : واش نلبسو دابا
اماليا : اه نوجدو دبا ههه … عفراء واخة نوجدو راسنا معاك هنا فالبيت
عفراء : اه باش نزيد نتعرف عليكم كتر
لبنات فرحانين ومتحمسين بداو يلبسو وكايعاونو عفراء لي باقا مكتقدرش توقف بوحدها ….
دازت ساعة ونص تقريبا وناصر واجد وكايساينهم لتحت
ناصر : اماليا … نازلي .. امم نسيت رولا متقدرش تنزل بحدها خاص نطلع نزلها
طلع فدروج كايزربي وصل لدرجة لأخرة هز عينو بانتلو نازلي واقفة ودايرة يدها فجنبها
نازلي : بابا كيف جيتك
ناصر : وااااو واش نتي هي لأميرة بنتي
نازلي : هههه اه ابابا واش معرفتينيس
ناصر : على كين شي واحد مكايعرفش اميرتو … جيتي كتحمقي
باسها فحنكها وهي فرحانة
ناصر : فين لخرين واش باقين مسالاو
نازلي : سلاو هاهما ايجيو
بالو لباب تفتح وخرجات منو اماليا … ناصر بقا كايطلعها ويهبطها وعينيه كايبريو وهي هازة راسها زعما راني عارفة راسي زوينة ههه
ناصر : احم احم .. نازلي حبيبة واش جبتو شي وحدة تعاونكم .. شكون هادي
نازلي : ويلي ابابا هادي راها لبرهوسة واس معرفتيهاس
ناصر : واش لبرهوشة لي كانت صبح مشعكة وخنونتها سايلة .. لا لا ابنتي هادي زوينة بزاف لا علاقة بجنية ديال صباح
اماليا : لي زين زين واخة تكون خنونتو واصلة لودنين … قول عجبتك وصافي مالك على هاد لجريدة كاملة
ناصر : ( قرب ليها وكايشوف فعينها ) عجبتيني لدرجة فيما نشوفك كنحس بلي هادي اول مرة طيح عيني فعينك ( هز يدها وباسها ) .. هههه تبارك الله عليا .. ودبا دخل هز ختك راها كتساين
ناصر : هي لولة
دخل عند عفراء لي كانت گالسة ولابسة كسوتها ومصايبة شعرها ومايكاب خفيف جات فنة ..
ناصر : مشاء الله جيتي كتحمقي … صراحة ملي كنتي صغيرة مكانش يصحابلي اتولي زوينة لهاد درجة هههه
عفراء : هههه اه زوينة حيت كنشبه لماما وبابا بزوج بيهم
ناصر : صراحة وخصوصا لبابا كتشبهيلو بزاف .. كانو ايكونو فرحانين وهما كايشوفو فيك دبا
عفراء : ولا مابغيتش نبكي عفاك
ناصر : ( عنقها ) ابدا واش تبكي .. يالاه شدي فيا انهز اميرتي نهبطها لتحت
♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 133
عند دينا لي حتا هي لبسات وجدات راسها وجات غزالة مشاء الله ( صورة ) … حتى راضية لبسات كسوة فالمارو حد ركبة وسماطي وصدرها عريان شوية وجمعات شعرها على شكل ديل وماكياج خفيف فالعينين ولكن عكر گرونة تشوفيه من بعيد هههه
مولاي لعريس حتى هو وجد راسو وحتى براق نفس شي ولعيالات لميمة وحليمة … كلشي واجد وكايساينو غير فضيافهم باش تبدا لخطبة .. هاد لمرة داروها وسط دار .. براق واقف على رجالو يهظر ويعاود خايف من نفس شي يتعاود الله يستر
كان واقف مع رجالو حتى بناتلو جوج سيارات داخلين اكيد دياول ناصر لي سبق وعطا لإدن باش ملي يوصلو يخليوهم يدخلو … بقات عينو كتحاول تشوف عفراء من وسط سيارة قبل ماتوقف …
وقفات سيارة وتم نازل منها ناصر وتانية نبيل وعمر لي هارون اكد باش يجيبهم … وشوية نزلات نازلي وأماليا وقفو كايساينو ناصر لي داز جيهة عفراء مدليها يدو هبطات وحاطة يدها وتقلها على كتفو و براق باقي مقدر يشوفها بحكم ناصر مغطي عليه …
ناصر : اماليا فالكوفر اتلقاي عكاز اريه
جابتو اماليا ومداتو ليه
ناصر : هدا غادي يعاونك باش تقدري توقفي فحالة الا بغيتي تاخدي راحتك بحدك اما انا قادر نبقا هازك فوق كتافي
عفراء : ههه عارفة .. مزيان ملي جبتيه
خداتو من عندو وحاولات تكا عليه وتخطوي ولكن مع دلك ناصر ماطلقش منها بيلا ماعرفات تمشا بيه على لأقل
براق باقي مقدر يقشعها مزيان .. صبر وعيا مشا حتى قرب ليهم وعيط
براق : عفراء
عفراء غير سمعات صوتو دقات قلبها بقاو كايتسابقو مع لهفتها … ضارت بشوية باليها واقف ورابط حجبانو .. وهي تربطهم فوجهو حتى هي
براق : ( قرب ليها ) مالك واش واقعة ليك شي حاجة علاش مغوبشة
عفراء : لا والو
براق : واش معصباك شي حاجة واش مباغاش تشوفيني
عفراء : علاش زعما
براق : معرفتش حيت نتي مغوبشة ورابطة حجبانك
عفراء : اه سمحلي يصحابلي هكا كتعبر على احساسك بالفرحة وشوق لشي حد داك شي علاش ستقبلتك بنفس طريقة
براق : ( قلب حجبانو بيدو ) احم احم مقصدتش
عفراء : ( تبسمات ) عارفة انا غير بغيت نضحك معاك
براق : ( تبسم وأخيرا ) امم بغيت نقولكم مرحبا وبلي جيتي … احم زوينة
ناصر : اه واقلة حنا غير نمشيو وصلنا عفراء صافي
براق : لا لا حاشة مرحبا بيكم كاملين
عفراء : حشومة عليك اخوية هو بزز باش خرج ديك زوينة خليه غير يكمل
براق : صافي كملت
عفراء : ياه على زقرام
براق : ياك انا زقرام
اماليا : ويلي ويلي هدا هو براق
عفراء : اه على مالو
اماليا : صراحة زوين
ناصر : ياك
نازلي : حتى انا عجبني .. هو كايبان قوي بزاف
ناصر : اماليا نازلي واش بدلتوني
اماليا : لا بالنسبة ليا نتا رقم واحد
براق : متشرف بيكم .. اكيد نتي زوينة صغيرة ياك
نازلي : اه انا هي لأميرة صغيرة نازلي
♟ عفراء الزعيم ♟
🕯️الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 134
براق : متشرف بيك اميرتنا … لمهم تفضلو مرحبا راهم كايساينوكم لداخل
ناصر : عفراء رجعي تكاي عليا
براق : انا ندخلها دبا كون هاني
ناصر : ولكن ..
اماليا جراتو : نتا مالك خليهم شوية قراب من بعظهم ونتا اتبقا لاسق فختك ولا شنو
ناصر : امم حبيبتي تصاحبات مع ختي ولات تجي معاها … اوك زيدي الالة
تمو داخلين سابقينهم ونازلي شادة فيد باباها
براق : ( دور يدو على ظهر عفراء وقربها منو ) باش مطيحيش
عفراء : امم باش منطيحش واخة اسيدي
براق عقد حجبانو فيها وهي كضحك وتمو داخلين خطوة خطوة حتى وصلو لصالون لقاوهم رحبو بناصر واماليا ونازلي
لميمة : عفراء بنتي مرحبا بيك
عفراء : ربي يخاليك اخالتي .. صراحة فرحت ملي رجعت لهنا مرة خرى .. وتوحشتكم واخة غير صباح شفتكم ههه
دينا : عفراء جيتي زوينة صراحة بتلاتة بيكم مشاء الله زوينات .. اممم مطلعتيش ساهل اناصر دوقك غزال الله يكمل عليكم
اماليا : امين ازين .. حتى نتي مشاء الله غزال وتشرفت بمعريفتكم كاملين
لميمة : شرف لينا ابنتي .. زيدو دخلو
براق : ( كايدور فعينيه ) هارون مشفتيش راضية
هارون : غير دابا كانت هنا
براق : وعمر
هارون : حتا هو عاد كان دخل معاهم معرفتش فين طار
براق : ولات عندي زريبة ديال لعشاق .. ناري ونشدها نختنهم بجوج
هارون : ( كايلاقي صبعانو ) هههه زعما راضية وعمر … اممم انا نمشي نصيدهم غير هنينا وخلي لفرح يكمل
دخلو كاملين ضارو فصالون ولخدامات فرقو عليهم لعاصير والحلوى وهما فرحانين براق غير واقف ومربع يديه وحاضي عفراء بحالا اتهرب ولا مانعرف
دينا : اوى واش نسيتوني مغاديش نتخطب ولا شنو
اماليا : وايه قالو معروضة لخطبة شفتكم بحال قلبتو لحفلة يمكن
دينا : اويلي لا .. فين هارون … براق فين هارون تاني واش اتحمقوني وااااااع خطبوني خلاص
هارون داخل وشاد عمر وراضية من قرفادتهم
هارون : هانا اكبيدة غير خرجت نصيد شوية وصافي
حليمة : راضية .. هارون مالك هبلتي طلق ختك اويلي
ناصر : عمر شنو واقع
عمر : احم كيف شفتي دبا هو صراحة
اماليا بقات ضحك بجهد وكلشي كايشوف فيها
اماليا : ماتقوليش اعمر بلي راضية هي حبك لممتنع ههههه واش صافي طاحت فشبكة
عمر : بالي انا لي طايح فيها دابا
دينا : وانا نفهم وطلعتي بخبيزتك اراضية
لميمة : واش ممكن شي حد يفهمني
براق : لي كين هو هاد زوج ياغادي يتزوجو ياغادي ندفن شي واحد فيهم
عمر : كيفاش
هارون : بغا يقصد حنا مكنتفلاوش على بنات ونهربو ولي حط عينو على شي بنت كايتزوجها ولا نقولو الله يرحمو
راضية : لا لا اويلي مالي اش درنا كنا غير كنهدرو
عمر : موافق انا كنبغي راضية وباغيها لزواج واش موافقين تعطيوها ليا
براق : موافقين
حليمة : زربتو عليا دبا شكون كايخطب شكون وهادي خطبت شكون
♟ عفراء الزعيم ♟
🕯️ الفصل التاني : بين الخقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 135
هارون : خطبتي … خالتي حليمة واش ممكن نبداو
حليمة : ايه بسم الله … ليوم وفهاد ليلة بغينا نطلبو يد بنتنا دينا لولدنا هارون على سنة الله ورسوله
لميمة : صراحة شرف كبير لينا نتناسبو مع ولدي هارون واخة ندورو لعالم كامل منلقاوش حسن منو لبنتنا .. انا موافقة والباقي على خوها
براق : ( شد فيد ختو ) مغاديش نحتاط نغاود لهظرة لهارون ونوصيه من جديد ولا نقول لختي قيمتها عندي حيت هما عارفين .. انا موافق على هاد لخطبة
دينا : اوى على سلامتي ههههه
هارون شد لخاتم وقف قدام دينا ركبو ليهم وهما كلهم فرحانين ونفس شي دارتو دينا .. عفراء گالسة وهما واقفين بحكم رجليها باقا جرح جديد
هارون : دينا حبيبتي واخة تگلسي ترتاحي دابا راه كترتي على راسك ليوم
دينا : ههه واخة غير فرحانة وصافي عليها تحمست بزاف .. اخيرا تخطبنا ( عنقاتو )
براق : احم صراحة واش ممكن كلشي يكلس ويعطيني نتباهو
داك شي لي دارو گلسو وكايساينو فيه يهظر
براق : صراحة عارفكم اتشوفو فيا بغرابة ولكن احم معرفتش كنحس براسي مخاسش نضيع حتى دقيقة وحدة خرى .. داك شي علاش ليوم وفنفس ليلة انا باغي نخطبو يد عفراء من عند ناصر
عفراء : ( خرجات فيه عينها ) شنو .. واش نتا ضاربك حمار ليل صباح تقولي زواج وفاليل تخطبني
براق : ( خنزر فيها ) شنو واش مباغاش
عفراء : انا لا لا باغا غير خطبني … خالتي شكون ايخطبني دبا
لميمة : يعطيني لعما لا بقيت فاهمة شي حاجة
براق : لواليدة اتخطبي ولا ..
لميمة : وصافي غير سكت … ولدي مهدي حنا طالبين راغبين يد بنتنا عفراء زعما رولا لولدنا براق .. ولامعطيتيهاش راه دري ايهبل حيت راه فنهار واحد وخرج منو لعجب
براق : لميمة
ناصر : ههههه انا موافق الا كانت ختي موافقة
عفراء : اه ولكن بشرط
اماليا : اححح طرح شعل حاسة براسي وسط فيلم ماشي خطبة ههه
عفراء : ههه … احم لمهم شرط هو بغيت براق قدامكم كاملين يعتارف بالحب تاعو … يعني يقولي كنبغيك وقدامكم حيت هاد لحالة كاملة وباقي معتارف بحبو
براق : عفراء بلا لعب دراري صغار
عفراء : اوك على هاد لحساب ماكين خطبة
دينا : ولكن اعفراء راه
عفراء : اه مكايعرفش يعبر على لحب تاعو .. كايعبر عليه بطريقتو لخاصة عارفة واخة طريقة غريبة شوية .. ولكن بحال اي بنت بغيت نسمع كلمة كنبغيك من شخص لي كنبغي واش ماشي من حقي … الا كان فعلا يبغيني فراه ماينقص منو
والو لقالها
براق بقا يحك فراسو ومن بعد مشا قدامها وحنا على ركابيه
براق : شنو بغيتي تعرفي امم .. متلا بلي من اول نهار شفتك وانا كنقاوم نجدابي ليك .. وبلي نهار على نهار تعلقت بيك كتر وكتر .. وبلي صبرت وانا كنخبي ودبا مابقيتش عارف نخبي ولاو شوية .. وبلي مابقيتش قاد نتحمل انك تبعدي عليا ولاو شي شوية حيت كنحس بإحساس خايب ونتي بعيدة … اه باغي نخطبك ليوم قبل غذا وتولي مراتي وديما جنبي وتحت جناحي انا … واش عارفة علاش …. حيت كنبغيك وكنبغيك لدرجة مكنبقاش عارف كيفاش نقولها … ودبا واش تقبلي تزوجي بيا
عفراء بقات غير حالة فمها وكترمش كانت كتساين يخرج غير كلمت كنبغيك زدق خرج لعجب
عفراء حركات راسها اه وبراق بانت على شفايفو بتسامة صغيرة واماليا لهبيلة ناضت تصفق وتصفر
اماليا : وااااااااو وهاد خاينة زدق واعر .. عجبني لكلام لي قلتي … ناصر بغيتك حتا نتا تكتب جريدة بحال هادي وتقولها ومتحاولش تبكيني بحال لمرة لي فاتت
دينا : ههههه خوية زدق مجهد نيت
♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ،معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 136
كلهم بقاو كايضحكو ودوزو ليلة زوينة اخيرا تجمعو والعائلة كبرات وكل واحد مستقبلو بان قدام … ليلة لي وقع فيها تغير بزاف بالخصوص عند عفراء و براق لي حياتهم تغيرات بزاف … براق شوية بشوية بقا يتطلق ويتقبل فكرة انه كايبغي وخاص يعتارف بالحب لنفسو وليها … دازت ديك ليلة وليالي موراها .. عفراء ولات رجليها مزيان ودينا حتى هي ولات مزيان من بعد مرور 15 يوم اكيد … فهاد لفترة حتا ناصر مشا خطب اماليا من عند عائلتها …. وبالنسبة لناريمان فمكانت دايرة لنازلي والو واخة حقدات وعيات ولكن تقبلات انها اتبقا مجرد ممرضة وسالا وقتها يعني مطلعاتش شريرة كيف نوينا كاملين ههه …
براق وصل وقت يطبق وعدو وهو انه ياخد مو لمغرب تشوف حبابها وبلادها … وجد وراق وتكلم مع ناصر باش حتى هو يقاد لوراق لعفراء زدق مقاد ليهم كاملين
لميمة وراضية وهارون و دينا وبراق وعفراء وناصر واماليا ونازلي كاملين ايهبطو لمغرب وتم فين غادي يديرو عرسهم بعاد على لمشكل كاملة
لميمة : فين براق خلانا فالمحطة وهو فين مشا .. ويلي عنداك تمشي علينا طيارة
دينا : ههههه ماما زدتي فيه مكرهتيش كون راك طرتي ومشيتي لمغريب قبل لوقت
لميمة : اححح ابنتي وتشوفي لهفة لي فيا كون عضرتيني .. تخايلي ابنتي نتي تبعدي علينا وعلى فين كبرتي مدة تاع 37 سنة .. باش اتحسي
دينا : وايه صراحة قاصحة
عفراء : راهم جايين اخالتي
ناصر وهارون وبراق جايين كانو كايقادو لأمور لي خاصة بالسفر
لميمة : على سلامتكم .. يالاه جرو لباليزات سربيو خلاص
براق : لميمة بالي واقلة غير اتمشي تم اتنساينا وتنساي علاش غادين
عفراء : متنساش غير عرسي ياك اخالتي
دينا : وانا لقدرات تنسا عرسي غير تنساه وتنسا عندها بنت
لميمة : شنو دابا واش كتهدوني … صافي عارفة بلي غادين نديرو عرس ليكم تم …
هارون : نخاف غير هاد عائلتك تكون شي عصابة ويشدو ضد معانا تاني
ناصر : لا ناس لمغرب ماشي بحال هنا ياك اطاطا
لميمة : عندك صح اولدي .. ناس لمغرب ناس لجود والكرم واخة نص فيهم انلقاهم معارفينيش ومبقاش عاقل عليا ومعروفني حية ولا ميتة .. ولكن ايرحبو بيا .. وناس لمغرب كايحماقو على لعراس والفرح
اماليا : تشوقت نمشي لمغرب .. ياس اول مرة نخرج من امريكا اتكون هي هادي

♟عفراء الزعيم ♟
🕯️ الفيل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 137
كلهم متحمسين وأكتريتهم لميمة … شوق وخوف واحاسيس كتيرة تخلطات عليها ..تفكرات اول نهار خرجات هي وراجلها من بلادهم غير حارگين وتقطعات اتصالاتهم مع عائلتهم بحكم مكان لا تيليفون لا والو عندهم .. ومن بعد مكتابش يرجعو … واخيرا وصلات ساعة لي شحال وهي تحلم بيها .. والحمد لله ولادها فجنبها واخة خصرات راجلها وهاد شي كايخلي فراغ فقلبها … ركبو كاملين فطيارة وحاسين بفرحة .. فيهم لي نعس وفيهم لي باغي يشوف لمنظر من لفوق … وصلات ساعة لي ايحطو رجليهم فوق لأرض لمغربية …
لميمة : وصلنا ياك اوليدي
براق : وصلنا الميمة وصلنا .. عفراء فيقي من امتا ولا فيك نعاس بحال هكا
عفراء كتحاول تحل عينها وتهظر بصوت منغنغ بنعاس
عفراء : وليت هكا من نهار مشاكلي تحلات وليت لاقيا لفرحة .. وزايدون مالك واش حاسدني
براق : لا غير كنشوف راسي وليت براق اخر ها لكلام معسل ها منعرف شنو باش فالخر تولي اغلب لوقت ناعسة وتخليني انا
اماليا : اوووه لحرب اتشبك
ناصر : هههه انا بعدة مع عفراء
اماليا : اممم حتى انا معاها
عفراء : اححح يخاليكم ليا
نازلي : عميتو انا كنبغيك بزاف ياك … ولكن انا انكون مع براق حيت هو قوي بزاف ..
براق : بشااااخ ضربة لقاضية ههه … هكا نبغيك انازلي مزيان ديما كوني مع لي قوي باش حتى نتي تكتاسبي قوة ونفسيتك تكون قوية . اما لكنتي مع ضعاف اتولي بحالهم
ناصر : ياكما حنا كنساعوك لقوة .. اش باليك فشي طرح انا وياك
لميمة : الله يعطيكم طرحة واش محشمتوش .. تگعدو نزلو خلاص نتوما اتسكتولي لقلب قبل ماتوصلوني لعند حبابي

راضية : اه الميمة عندك صح فقصوني هادو ولاو غير غادين ويتناكرو مدخلاتش ليهم لراس انهم مصالحين ..
براق : صافي هبطو وسكتونا دابا
دينا : لمهم انا سبقتكم .. هارون شفتك غير ساكت تبعني
هبطات دينا هي لولة وكلها فرحة وتبعاتها لميمة وكلهم هبطو فالمطار ناس كتار ودنيا مخلطة شي مغاربة وشي سياح كل واحد وكيفاش
براق وناصر وهارون كل واحد حط خاطيبتو جنبو وراضية داروها بيناتهم باش حتى حد مايحط لعين على شي وحدة زعما وخصوصا هما غير لقرطاسات ولباس متيتز
لميمة كتزربي بخطواتها
براق : لميمة واش اتمشي على رجليك حتا نتبعوك حنا
لميمة : اويلي على ماكين طنوبيل
براق : اوى تقلي شوية خليني نصوني ونسول راه سبق وجدت كلشي وقالو طنوبيل غادي تكون هنا كتساينا
براق بعد منهم شوية وتاصل وفعلا سيارة كانت واجدة فالباب ركبو وتوجهو بيها لوجهة تاعهم لجيهة دكالة .. لميمة طلعات دكالية
هارون هو لي شد طريق وبطبيعة لحال مساعداهم لخريطة والميمة لي باقا عارفة دوارهم وجيهتو واخة دنيا تبدلات بزاف ولكن بمجرد مايصولو لقبيلتهم فراها اتعرف
وفعلا هاد شي لي وقع وصلو لدوار وسيارة تمات داخلة وناس ديال دوار كايشوفو والميمة دموعها مجمعين فعينها وهي كتشوف أرضهم جوايه فين جرات ولعبات وفين كبرات اغلب لي حاضين طنوبيل صغار ومقدراتش تعرفهم ولكن كين شي ديور عرفاتهم وخاة تزادو حداهم خراين
لميمة : هارون ولدي حبس هنا
♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 138

اماليا : هارون حبس سيارة واش وصلنا
ناصر : يمكن لمهم حتى انا انوقف
أماليا وناصر ونازلي وراضية فسيارة موراهم بحدهم حيت وحدة متكفاهمش
براق : واش هنا الميمة
لميمة : هنا اولدي هنا
حلات لميمة لباب وتمات نازلة وكتقاد فشالها وجلابتها لي موجداها لنهار بحال هدا … حسات بتوتر وقلبها كايضرب من حطات رجليها فوق لأرض ومقابلة مع باب خيمتهم يعني دار
كانت دار كتبان كبيرة على لي خلاتها صور داير كبير مصبوغ فالحمر وباب ديال لحديد كبير غير مبرم مامسدودش ..دورات راسها فجناب بانوليها عيالات كبار قدها تقريبا كايصيرو زرع …وأكيد عرفاتهم بجوج واخة تبدلو حيت حاولات عمرها تنسا شي حاجة متعلقة بهنا … هما كايشوفو ولكن معرفوهاش معرفوش صاحبتهم دصغر
لميمة لفت نتباها جوج ولاد صغار بنت ودري خارجين من بابا دارها لقديمة كايلعبو واحد مجري على واحد .. ومن بعد وقفو بقاو يشوفو فيها
هبطو دراري والبنات من سيارة وكايشوفو بالخصوص فمهم لي مبقات عارفة تزيد لقدام ولا ترجع لور حتى حط براق يدو عليها
اية 5 سنين بنت صغيرة زوينة ومشعكة شوية بالعب وحفيانة ومعاها ولد تقريبا قدها
اية : شكون نتيا اخالتي … واش جيتي عندنا
حمزة : الا وراها باينة غير اتسولنا … سوليها واش عندها لحلوة
لميمة قربات منهم وحنات عند لبنيتة والوليد كتقيص فشعرهم
لميمة : ومشاء الله تبارك الله … ولادمن نتوما .. شنو سميت مكم
اية : مي سميتها عايشة وهدا مو سميتها بشرى
لميمة معرفاتهمش
حمزة : والا انا ولد با لمختار ..
اية : مالك مكلخ هداك جدنا
لميمة هبطات دمعة من عينها وتبسمات وعرفاتهم حفايد خوها لكبير … لمختار …
لميمة : ههههه اجو تشوفو هادو حفايد خوية حفايد لمختار هههه حفايدو
كلهم تبسمو وراها وفرحانين
لعيالات لي كانو فجيهة لخرى قدام باب ديال دارهم وقفو وتمو جايين ليها
رقية : سمحيلينا اشريفة واش كتسولي على شي واحد
مينة : مديريهاش منا قلت صواب غير شفناك واقفة بحالا تالفة قلنا نسولوك
لميمة : ( مبتاسمة فوجهم ) واش معرفوتنيش ..زعما تبدلت لهاد درجة
بقاو يشوفو فيها وهما مبتاسمين وكايحاولو يتفكروها حتى مينة بقات تشوف ف رقية
رقية : واش عرفتيها .. انا صراحة اشريفة وجهك مخافيش عليا ولكن معرفتوش
مينة : وهو بحالا عرفتك ولكن لا مايمكنش … عرفتي جيتيني كتشبهي لواحد صاحبتنا قديمة كانت كتسكن هنا …
اييه مسيكينة يعلم لاه اش وقعلها واش حية ولا ميتة .. والله حتى فكرتيني فيها دابا
رقية : ااه كتهظري على زبيدة ياك ايييه عاد عرفت لمن شبهات
زبيدة لميمة : لمهم تفكرتوها واخة معرفتونيش هانية لمهم تفكرتوني ( وبقاو دموعها هابطين وهما عاد فهمو
مينة : زبيدة نتي زبيدة ههه ياولله حتى زبيدة
طارو عنقوها وهي نفس شي وبقاو يتباكاو بالفرحة
رقية : واناس دوار والمختار خرج تشوف وزبيدة رجعات اناس دوار وزبيدة رجعاااااات
بنادم بدا يتجمع وراجل كبير عندو تقريبا شي 60 عام خارج من دار طويل ولحيتو مخطلة مابين لكحل وشيب والعيالات وشي ولاد تابعينو ملي سمعو لغوت فباب دار
ناصر وبراق ودينا وعفراء حتى هارون قدرو يفهمو شوية لعيالات بحكم سبق وتخلطو مع لعربية اما اماليا ونازلي مافهمو حتى حرف غير كايشوفو
♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 139
لمختار : ( وقف فباب دارو ) اش واقع اهاد ناس اش كين
رقية : شوف المختار شوف شكون جا شوف
لمختار بقا يشوف فيها وهي كتبكي وتشوف فيه .. قرب ليها وتبسم
لمختار : ههههه زبيدة … ختي زبيدة
زبيدة لميمة : عرفتيني اخوية عرفتيني هههه
عنقها : على كين شي واحد مايعرفش كبدتو اخيتي
بقاو يتبكاوا ومن بعد مراتو حتى هي عنقاتها ولادو لي خلاتهم صغار وشي كان باقي ماتولد كلشي سلم عليها وقدمات ليهم حتى هي دراري والبنات عنقوهم ورحبو بيهم ودخلو لدار وصوناو لخوالها وعمامها وخوتها لخرين سوا لي فدوار سوى لي خارج منو كلشي جا باش يشوف زبيدة ويتيق بنفسو وتجمعو لحمد لله … مجموعين على طابلة ديال لعشا
لمختار : ( كايضرب فكتف براق ) كول اولد ختي كول مرحبا بيك .. مشاء الله راجل ولاو كتافك كبر من كتافي
براق : ( عربية مواضحاش ) شكرا اخالي
طارق : مرحبا بيك ابنت عمتي … سميتك دنيا ياك
هارون : سميتها دينا … دينا بنت عمتك وخاطيبتي انا هارون
طارق : اه مشرفين مشرفين تبارك الله عمتي عندها زين … ونتي شنو سميتك
راضية : واش انا
طارق : نتي حفضتك مشاء الله راضية جاتني زينة وساهلة فحالك .. ولكن مولات لعينين زرقين هاد لوردة والله مابغات سميتها تدخلي راس
ناصر : الله يكمل هاد نهار على خير
براق : صعيبة عليك من لأحسن بلا ماتعرف
اماليا : ( بلإنجليزية ) احمم واش ممكن نعرف اش كتقولو كنحس براسي كنبتاسم بحال لحمقة ودابا خاص نخنزر حيت اغلبكم خنزر ولكن علاش
نازلي : حتى انا بغيت نعرف علاس
ناصر : ( بالإنجليزية ) لا والو غير كايتعرفو علينا وصافي
طارق : واش لبرقوقة مكتعرفش لعربية تبارك الله هاد لغة بحال لعسل خارجة منها
ناصر : واقلة انوض نوريه لقطران لي جايبين معانا
لميمة : ( بالإنجليزية ) داراري بلا ماديرو ليا شي فضيحة هالعار هنيونا مديوش عليه راه باينة زهواني غير ايعرف كلشي مخطوب ايتكمش
دينا : اوى قوليها ليه اماما قبل مانزدقو راجعين فحالنا
لميمة : ولدي طارق فخباركم حنا جينا نديرو عرس هنا
طارق : بصاح لمن اشمن قوقة فيهم
لميمة : دينا وهارون وبراق وعفراء
لمختار : مرحبا اختي نهار كبير لي رجعتي وتديرو فرحكم هنا معانا مجموعين
طارق : اممم يعني لخرين لا .. راضية و هادي سميتها امال ياكو
ناصر : لا حولا ولا قوة الا بالله
براق : طاريق سمع راضية ختي مخطوبة وخاطيبها بقا فأمريكا انرجعو انفرحو بيهم حتى هما .. وهادي اماليا ماشي امال حتى هي انرجعو ايديرو عرس حيت عائلتها حتى هي تم … وخاطيبها هو ناصر … احم ونزيدك كنتمنا متحاولش تبسل على شي وحدة فيهم باش نبقاو خوت ومزيان
سناء : ( بنت خالتهم 20 سنة ) كون هاني اولد خالتي مايوقع حتى مشكيل .. ونتا اصلا مشاء الله طولة والفورمة شكون يقضر يتبسل على خاطيبتك ولخرين غير صوتهم كايزعزع لا لا مايطوفش بيهم شي حد على حسابي
عفراء : ( عربية معكلة بمرة هه ) تاتيا اجوينة ماتوفيش بيهم … متلا الا فهمات اماليا اش كلتي فراها غادية تريشك ويمكن موحال تفيكي تحدري لعورس .. اما دينا فهمات ولكن صابلة بيما فهمتك انا … لمهم حاولي ماتشوفيهمش جوينين
لميمة خبطات على جبهتها كتحس بالحرب اتشعل
زهور : ( مرات لمختار ) ههههه تبارك الله كتحاول تهظر بالعربية .. مفهمتهاش مزيان والكن بالي باغة تصاحب مع سناء
لميمة : اه كلهم بغاو يتصاحبو معاها ومع طارق حيت دخلو ليهم لقلب
زهور : الله يرضي عليهم … اوى فوقاش ناويين لعرس
براق : من هنا 3 يام
المختار : مزروبين اولدي ..
ناصر : ضروف اعمي معاطياناش وقت كتير خاص نرجعو تاني
زهور : توجاد كايبغي وقت
براق : نتوما غير قولو اش كايتحتاج وحنا نحاولو نحظروه فأقرب وقت
لمختار : اوى اش انقولو الله يكمل كلشي بخير ومرحبا والف مرحبا بختي ولادها وحبابها واحسن نهار هو هدا
♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب ، معناه ان تختار الموت واقفا كالأشجار ، لأنه في قضايا البحر والحب لا حياد
⏳ البارت 140
دوز ديك ليل فرحانين ومجمعين بالخصوص لميمة تجمعات مع خوتها وخواتاتها .. دراري غير حاضين من طارق والبنات من سناء وحتى اماليا شرحولها اش كين ولات غير فيما تشوف فيها سناء تخنزر فوجها هههه تقول كايوجدو لحرب كل واحد خايف على رزقو … بحكم حتى سناء زوينة عندها حقها من زين سمرة وعينها كحلين وفم صغيرة مقاد لمهم مسرارة واخة هي مناوية والو فهموها غلاط .. ولكن فهاد تلتيام تفاهمو معاها وعرفو نيتها صافية بحكم انها كتبغي واحد فدوار هبط لمدينة يخدم وايجي يخطبها … حتى طريق خاصم عليه خوه لكبير وهو يتكمش زيد عليها عرف دراري مساهلينش وهو يهبط كواريه وعاونو دراري فتوجاد ويوريهم اش خاص يجيبو خصوصا لفلوس موجودة كان توجاد ساهلة
وعيالات دوار معاونين معاهم فتوجاد … وصلات ليلة ديال نقش والبنات جاو من عند لكوافورة بقفطان عفراء فالبيض مطروز بالخظر وديما بيض مطروز بدهبي وراضية لبسات قفطان حمر واماليا زرق ملاكي … عجبهم راسهم وعجبهم لجو لمغربي فعلا كاين فرق كبير .. هنا لقاو كلشي فرحان معاهم كلشي كايشطح وصغار كايلعبو .. نازلي واخة مكتفهمش اش كايقولو لولادل
لمهم كاتلعب وتجري معاهم وتقريبا هادي اول مرة تلعب مع وليدات قدها شي لي فرحها وفرح حتى ناصر …
نقشو لبنات والميمة حتى هي والعائلة لي تم لبنات صغار وكبار .. رجال كانو على برة فالخزانة باش لعيالات ياخدو راحتهم فالشطيح لمهم ليلة خاصة بالعيالات
رجال نعسو حيت عياو مايساينو يشوفو عريساتهم بالحنا لي عمرهم شافو شي وحدة ناقشة ولكن غلبهم نعاس ولخرين تعطلو .. طلع صباح ورجال براق وناصر وهارون وشي وحدين خراين ناعسين فالخزانة .. دخلو لبنات بشوية كايتسلتو لابسين بيجامة موردين زوينين .. كل وحدة وقفات على خاطيبها وحطات يدها على نيفو اما راضية غير كتصور وتصيفط لعمر لي حمقو شكل لحنا … لمهم رجال حسو بشي حاجة ماشي حتى لهيه فنيفهم …. هارون وسع عينو ملي دخلات معاه ريحة ناض طاير
هارون : نياااااع اش هدا .. واش حمقتي اش هاد ريحة ادينا
دينا : ههههه لحنا شوف جات فنة
اماليا : ناصر شم شم
ناصر : شنوووو
طلعات معاه ريحة وهو يدفعها
ناصر : كحكحكح اش هدا خنقتيني
اماليا : لحنة مغربية شوف شكل لي رسمو غزال وحتى ريحتها زوينة انغير بيها لبنات فأمريكا واش معجباتكش
ناصر : صراحة معرفتش هو شكل جاك غزال فالحقيقة فنة وحتى ريحة مابيهاش
عفراء : لبنات واش براق مات واقلة مابقا يتنفس عليها ماشم والو
هي باقا كتهضر كتحس بيه شد يدها ضارت شافت فيها لقاتو مغمض عينو وشد يدها حطها على نيفو ومن بعد باسها فكف يديها
براق : اجمل ريحة فقت عليها هي هادي
عفراء : هههه عجباتك واش بصح وحل عينك شوفها كيف جات
براق : ( حل نص عين ) جاتك غزالة .. بصحتكم … وحتى لقفطان لمغربي لبارح جاك فن صراحة جا معاكم كاملين غير كانو معاكم لبنات مالقيناش كيفاش نديرو نقولوها
نازلي : سوفوني انا جاتني كيوت
ناصر : اجمل يدين هما يدين هاد لملاك
بقاو كايضحكو حتى فيقو دراري لخرين عاد مشاو بحالهم مع لبنات اوى وصلات لعشيا والبنات مشاو عند لكوافورات فسيارة مع هارون … تبنات قاعة افراح كبيرة وديكورات غزال وتجهيز من داك شي .. ناس دوار غير حالين فمهم فداك شي واشمن ياغيطة ضربات واشمنك يادقايقية نهار كامل .. ناس لي كان فيهم لبخ فدوار تكمشو لقاو راسهم مبقاوش يبانو دبا .. كين لي فرح لزبيدة كيف مشات وكيف ولات وكين لي حسدها وبالخصوص كايشوفو تعامل دراري والبنات معاها بحال شي كاس وخايفينو يطيح …
وصل ليل ودراري لبسو كومبلي براق فالكحل وهارون فالبيض وجاو عرسان مسرارين .. اما ناصر لبس كومبلي فزرق غامق
♟ عفراء الزعيم ♟
🕯️ الفصل التاني : بين الحقيقة والمخفي
🎗️ بقلم : اميمة اوما
ان تبحر بلا مركب معناه ان تختار الموت واقفا كالأشجار ،لأنه في قضايا البحر والحب لا حياد
⏳ البارت 141 { النهاااااااية }
عروساتنا جاو فنين فنين كل وحدة تنسيك فالخرة .. اماليا واخة مكانتش ناوية دير لعرس ولكن بغاو انها تفرح بحالهم وخلاوها دير لعرس واخة ماكين عقد وفعلا صايبات بحال لعرايس .. كل وحدة بقفطانها من اجمل لي كاين … نازلي لبسات قفطان بيض جات بحال شي ملاك جنبهم وصايبو لبنيتات صغار معاها
هزوهم فسيارة ومشا جابهم ولد لمختار وشي دراري من لعائلة …
من بعد شي 45 دقيقة وصلو لعروسات وسيارات بتلاتة وقفو وتطواط ودقة لمراكشية ملاقياهم والميمة هازة بلاطو تاع تمر والحليب والعرسان تفرقو كل واحد وقف قدام سيارة لي فيها عروستو …
تحلات سيارة وحنا طل عليها وتبسم ومد يدو ليها … عطاتهالو وباسها ليها شي لي عجب ناس وكايتفرجو .. ناس دوار ملفين دراري فعرسهم كايتكمشو ههه
براق : جيتي غزالة وبزااف .. امدام سفياتي
عفراء : هههه عارفة اراجل مدام سفياتي هههه
بقاو كايضحكو وخشات يدها فيدو ونفس شي دارو لوخرين وهما كايتمشاو وصلو قدام لميمة وبدات تعطيهم تمر والحليب يشربوه لبعضياتهم
اماليا : الله شحال زوين هاد لحليب ( شربات لكاس كامل )
ناصر : اماليا كان خاصك تشربيني منو باش نشربك منو
اماليا : عجبني نسيت سمحلي .. صافي تمر غير كولو انا مسامحة ليك باش نتعادلو
لميمة : هههه هداك حليب لبگر هنا غزال ابنتي بصحتك
ناس كايضكو واخة مفاهمينهم اش كايقولو
اوى دخلو وگلسو فبلايصهم دايرين تلاتة دالگلسات والعروسات ركبو فالعمارية واماليا كطير شوية وطيح ههه .. رجالهم ركبو الا براق لي مبغاش قالهم غير خليوني …
ناس شطحو وفرحو والعريسات بدلو ونگافة فاطمة غير تابعاهم بصلات وسلام حلفات لا سكتات ( تحية لقارئة فاطمة زهرة )
فاطمة زهرة : ياوصلا وسلام على رسول لله ….
لميمة : اشريفة براك عليك راه حلاقمك شوية ويطيحو
فاطمة زهراء : ولدك الالة برعني هو ودراري وداك شي علاش خاص نضل نزغرت ليل كلو عاد نقول براك … تهلاااو فيا الله يخلف تهلاااو
لميمة بقات كضحك والعرس ليل كامل وهو خدام حتا من لعروسات شبعو شطيح وهارون لي مكايحشم كل شوية يقولهم طلعوني فوق لعمارية ولي كايهز فرحانين حيت فيما يطلع يدور معاهم
اوى احبيبتي هدا هو عرس ابطالنا ضارو حتا عياو تقاتلو حتى عياو وفالخر رجعو لبلادهم يفرحو وسط حبابهم ومندموش حيت لجو داز غزال
من بعد لعرس مشاو لوطيل دوزو ليلتهم لولة من غير ناصر واماليا حيت باقي مدارو لعقد غير دارو عرس هنا وصافي ( ناس لي كانو يساينو ليلة دخلة انا مكنديرهاش ههه )
من بعد سيمانة رجعو لأمريكا على قبل لخدمة لعائلة مسخاتش بيهم وحتى لأصدقاء لي دارو ولكن واخة رجعو مقطعوش معاهم لإتصال
داز لوقت ودازت سنين ومن بعد 3 سنين ابطالنا تزادو فحياتهم حوايج واهمها لوليدات .. براق تزاد عندو ولد وسماه أكرم … وهارون لي تنقل هو ودينا لڤيلا صغيورة جنبهم نيت باش يستاقرو وجابو توام بنت ولد كايحمقو لبنت سماوها دنيا راجعة لدينا ههه ولولد رضا … اما ناصر واماليا تزوجو وجابو بنت من عامهم لول قبل من كلشي وسماوها ليلى حتراما لمرتو لي ماتت حيت كانت عزيز واماليا مكان عندها حتى عتراض شي لي فرح حتى نازلي .. اما عمر وراضية باقي ماولدو ولكن راضية كتحس براسها كتربي عمر ههه …ونبيل تعرف على سكرتيرة تاع براق لي كانت تعرفت عليها عفراء من قبل ولكن يالاه كايعيشو قصة حب باقي ملحقو لزواج
هكا كملو ابطالنا حياتهم وبراق تخلا على منصب زعيم وبعد من داك لعالم خوفا على ولدو باش مايطلعش لهاد لعالم ديالةلمافيا ونفس شي دارو ناصر وبقاو مقابلين غير شركاتهم وعائلتهم … مرة مرة كايهبطو لمغرب
عفراء : براق .. دبا انا واش رولا ولا عفراء
براق : نتي ديالي نتي عفراء الزعيم
______________ نهااااااية _______________

Leave a comment