Skip links

قصة : عصفورتي من نار 4والاخير

 3,209 عدد مشاهداات

🔥عصفورتي من نارSPEED🔥
76-كينزلو عينيه على سبرديلة كحلة مطلع عينيه لي جاو نيشان فعينين حمرين ناريين نيف كيترعد بالأعصاب مزال مكمل شوفة حتى جات فيه ضربة نيشان لوجه نزل عليه جسور هزو
جسور :بالغواات وصوت عالي)هاددي حيت حطيتي عينك على حاجة ماشي ديالك ،رجع عطاه بروصية لنيفو حتى طوش بدم
جسور :وهادي على لعب لي كنتي كتلعب من ورا ظهري،رجع هز وهز المرفق ديالو حتى لفوق ونزل بيه على راسو
جسور :أما هادي حيت خطفتي شيحاجة مكتخصكش وخليتيها تبكي وتعاني وتسعر ليل،جسور كيتفكر كل دقيقة دازت عليه وكيحولها لضرب مابقاش حاس بشنو كيدير ولا كولو كيقطر
قيس :سخفان وكيضحاااك)ههههههههه جسووورر أكويلا رووسا عمرك طويل بحال لقطوط ماخليت مدرت ومابغيتيش تموت لعبت ليك فطوموبيل وممتيش ههههه كتبقى فيا عرفتي قطعتي علينا أنا وزمردة ديالي ليلة واعرة يلاه أيتاحد الحب ديالنا كون تعطلتي شوية كانت أتسلمني راسها،جسور مع أخر كلمة نزل عليه لكرشو كيضرب ويغوت بحال سبع دالغابة تعماو عينيه كيشوف أضبابة دراغون جا كيجري كيجر فيه والو أليف تجر وتغوت أو والو
أليف :جسور عفاك براكة براااااكة أتقتلو
جسور :بعدو مني اليوم نقتلو مو الكلب بعدو مني،لاح دراغون ورجع ليه تسمع صوت طوموبيلات البوليس وجسور مزال مازل عليه بضرب تيشورتو ولا كولو دم وديه كلهم دم اما قيس ولا جثة هامدة بين إيديه دخل رائد ورضوان كيجريو تحماو رضوان ودراغون على جسور بعدوه بزز منو
رائد :معنق أليف)ختي انت بيخير مطرا ليم والو ما أداكش ياك؟(كيقلب فيها ويمس شعرها
أليف :كدور براسها علامة نفي)لا لا مدار ليا والو (تبسمات وسط دموعها)ختك بميات راجل هههه ،هزو البوليس قيس جارينو ولا شرويطة هزو كوبرا حتى هو كان مزال نبض ديالو حي دارت أليف بسوية جيهت جسور كيبان ليها كلو كيترعد بالأعصاب فربات عندو بشوية ولات قدامو كترمش بعويناتها
أليف :ننن أنت بيخير؟؟على راسو فيها منطقش كيشوف فيها جرها من إيدها ودخلها وسط صدرو عرفتو واحد الإحساس فشكل عمري جربتو إحساس زوين تكون وسط حضن إنسان غامر بحياتو على قبلك إنسان عارف بلي مغايخدلكش واخا دازو مشاكل بينك وبينو ومشادات وشد ليا نقطع ليك ولكن وسط الصح كتلقاه بجنبك مقاداش نفسر إحساسي شنو هو واش حب اعجاب أمان ولا شنو المهم هو بغيت نبقى هنا بين إيديه ومنفكر فوالو…. بعدها عليه شوية هز إيدو كيدوز على وجها

جسور :أنت بيخير ممسكش مقاصك مأداك بوالو ياك؟
أليف :وايلي علاه هو يقدر حنا عسكر ولا زمر،خلاتو يتبسم بزز منو رجع جبدها لعندو معنقها بكل قوتو حتى قاطعهم رضوان
رضوان :سيادنا يكما عجباتكم الكلسة هنا؟دارت عند رضوان ومشات ترمات فالحضن ديالو جاب ليها الله بحال شي بنت صغيرة وحراسها كان عندها جوج خوت ولاو ربعة دراغون واخا عارفاه مع العصابة ولكن عزيز عليها بزاااف حيت مكايأدي حد
جسور :بصرامة)براكة من تعناق وبوس بوس،هز رضوان حجبانو متعجب من جسور جاتو ضحكة واخا ماشي وقتها شوية جات لبالو آنا سهى فوجها شعرها وعينيها وجسم ديالها
جسور :سبحان الله فين سهيتي،حس بيد رائد على كتفو
رائد :ضحك)صاحبك طاح ليه قلبو فالبار
جسور :شيحاجة مشات عليا
رائد :مشا عليك بزاااف وأنت انتفاهمو من بعد على سرقة ديال تيليفون
أليف :بستغراب)أشمن سرقة؟
رائد :نوصلو وتعرفي كولشي…..
^^^^ ‏” ما بين صخرٍ وصخر، ينبت الزهر .. وما بين عسرٍ وعسر، ينبت اليسر “..💙 شحال زوين تفيق صباح وانت مرتاح عارف متابعك والو كلشي سالة تقدر ترجع لحياتك لولة لخرجاتك لضحك ديالك نشاطاتك الراحة مكاينش بحالها وأهم حاجة راحة البال مكتباع مكتشرا….
🔥عصفورتي من نارSPEED🔥
77-هبطات أليف على غير عادة كتنقز فىحانة بكسوتها الموردة شعرها لي ممشوط ومطلوق على راحتو مع وردة فجنب مكياج خفيف نزلات على طبلة ديال الفطور دارت عليهم واحد بواحد بوسة بوسة من غير جسور لي مكانش حاضر كلسات حظا ماماها لي عنقاتها
روقية :بنتي رتاحيتي؟
أليف :الحمد لله 5/5
عماد :لالا راه باين العربون (كيضحك)
فاروق :الحمد لله منين رجعات ليا بنتي على خير هدا هو ربح وفضل من عند الله سبحانه…ريحتو لي سابقاه خطواتو لي معروفين خلاو قلبها يفرفر وقف عند راسهم وعينيه مشاو ليها نيشان كيهضر ويشوف فيها أما عيا عينيها مشاو لصدرو لي كايبان كولو عريان من القميجة الزرقا لي لابس شعرو لي طايح على عينيه شفايفو الحمرين لي مبينين على ضحيكة كتفتن لأول مرة كدقق فملامحو بحال هاد شكل
جسور :برود)كلت صباح الخير مسمعتيهاش؟
أليف : شكووون أنا؟؟
جسور : الى بغيتي!! كلس كب لراسو القهوة كيفطر ويهضر بحال الى حتى حاجة ماوقعات اتار ليلة بقاو ليه فيديه لي كانو زركين من ضرب بي وكل لقيس… سونا الباب مشات الخدامة فلبسة ديالها ضيقة فتحات دخل رائد او وراه رضوان وسراب لي مع دخل ناضت أليف كتجري ترمات فصدرو عنقاتو
أليف :توحشتك أخويا توحشتك بزاااف وحق الله(البنات تفكرت خويا حتى انا توحشتو والله خويا صغير ولكن انا وهو مفاهمين بزاااف راس طارو المشعكك هههه😢😢)
سراب :حتى انا أشنيولة ديالي توحشتك وبززاااف
رائد :صباح الخير
الكل : صباح النور
رائد :جيت غير نعلمكم بالجديد
عماد :خير أولدي
رائد :للأسف حكيم الجندي توفى هاد صباح أزمة قلبية متحملش لي جرا
جسور :برود)حسن ليه
رائد :أما الناس لي كانو كيتعاملو مع قيس فتجارة الرقيق كلهم أيتحاكمو
عماد :الحمد لله تنقى البلاد من لوسخ ديالهم،هنا نطقات أليف
أليف :أوو قيس؟
جسور : تحول على مصحة عقلية تابعة للسجن أتشرف عليه دكتورة غفران العلوي حتى يتم شفاء ديالو وتعطي تصريح يخولو يكمل المدة ديال العقوبة ديالو فالحبس هدا في حالة ما انتاحر حيت الصحة ديالو العقلية مضطاربة بزاااف وبنسبة لبنات لي كانو مشدودات ترحلو كلهم لبلادهم أه نسيت، دخل آيدو فجيبو وجبد ورقة دار عند رضوان مدها ليه

رائد :هادي ديالك أمانة وصلتها ليك(غمزو) أنا خاصني نرجع لندن
روقية :علاش أولدي؟
رائد :خدمتي تم الواليدة خاصني ضروري نرجع ولكن انجي نزوركم وحتى انتوما أجيو تشوفو داري جديدة وسمحوليا حيت حبيت عليكم
فاروق :ماشي مشكيل أولدي لي درتيها حنى معاك فيها ،،،تسمع سونيط دالباب تاني مشات الخدامة تفتح كتحس براسها تدفعات وداخل وليد معاه عمر وماج هاز مشوار فيديه كيبكي وجاي جيهت أليف جرها كيعنق فيها ويصيح :
وليد :وهاهاهاها كانو ايرزيوني فيك وهاهاها على أخر يامك يبغيك هبيل وهاهاها لمن كنتي اتخليني وهاهاهاها وشكون كان أيصبغ ليا شعيراتي ويديري ليا ماسكاتي وهاهاهاها بغيت ليه لقطيع فدوك ليدين بغيت لي دور بغيت ليه شوا لي معندو دوا
عمر :بصرامة)ولييييييد ؛دار عندو كيغوت
وليد :ايييف وليد وليد وليد حيد عليا خلاص اوووف يخليك بالخلى ودرا وجرا بناقص منك ولي بغا يتصاحب معاك كاع،مداهاش فيه عمر عنق أليف وجسور مطرطق عينيه فيهم
عمر :على سلامتك ماي إينجل(ملاكي)
أليف :الله يسلمك عمرتي ،دارت طلات على ماج لقاتها غارقة فالبكا
أليف :أويلي مالكي،ترمات عليها ماج كتعنق فيها وتنخصص
ماج :كون طرات ليك شيحاجة كنت أنموت
أليف :كتسطت فيها)أنا قدامك الحمد لله مافيا والو ريلاكس بب ،شافت رقية فسي عماد ونطقات
روقية :تيكول المثل الله يرحم من زار وخفف حتى حنا خاص نرجعو لدارنا ،دارت أليف شافت فجسور وهو بدورو شاف فيها شوفات غامضة ممفهومش شنو المقصود ديالهم….
🔥عصفورتي من نار SPEED🔥
78- #بعد_مرور_15يوم ،فالكافيتيريا كالسة ماج وعمر أليف أو وليد
ماج :عرفتي متحمسة بزاااف مشوفك على غلاف المجلة واووو(فرحانة)
أليف :هههه حتى أنا مكنتش متخيلة المسابقة رياضية اتخليني نبان على المجلة
عمر :وشنو حكرتي راسك ولا راك لافلوف وأجرك على الله ؛غمزهم عمر وشير جيهت وليد بي ساهي فسما ومعرفت فاش كيحسب
أليف :وااااع(غوتات ليه فودنيه)
وليد : صمكتيني المشعكة اووف منك فيقتيني كنت كنحلم وكنتخيل راسي
عمر :فين فشرق الأوسط(كيطنز عليه)
وليد :لا يالمتخلف دابا لافلوف اتبان فالمجلة واتولي من الأثرياء ونوليو نمشيو معاها لبقاع العالم ونتقداو من شانيل واووو تحمست ادراري والله
أليف :هههه حتى يزيد ونسميوه سعيد ،كانت الأخبار خدامة فتيلي حتى كتسمع سميتو لي خلاتها ترعد وقلبها كيضرب بجهد دورات راسها كيبان ليها مجموعين عليه صحافة واقفة حداه وحدة كتبان من لمهمين بنسبة ليه علاش لا وهي ركبات معاه فطوموبيل وزادو خلاو صحافة وراه تنهدات وتفكرات مهار قررو يرجعو لدارهم كيفاش مكلف راسو حتى يتسيفط معاها ولا يكوليها كلسي ولا يكول أي حاجة شحال حنقة وهبيلة أشنو كانت متوقعة منو صافي غير جا ينقدها راه كيبغيها مكلخة وحمارة وخاصها الودنين…رجعات الإنتباه ديالها لصحابها كضحك معاهم واخا غير من الفوق أما عقلها مشا معاه حسات بظل وقف عليهم كلهم سكتو علات راسها كيبان ليها قسور واقف جرات لكرسي أو وقفات حيد نظاظرو وعينيه باين عليهم شحال متأثر
قسور :أنا أنا عارف بلي أنا أخر واحد باغية تشوفيه هنا ولكن كان ضروري منجي قبل منمشي فحالي من هنا كان خاصني نشوفك ونطلب منك سماحة بسميت عايلتي لي سببو ليك بزااف ديال الحوايح خايبة سمحيليا بزااف أليف تيقيني كنتي أحسن صديقة عندي لدرجة كنت ديما كنعاود لجميلة عليك ولكن عايلتي مخلاوش ليا فين دير راسي ولا خلاو ليا صحاب(ضحك بحرقة)مهم تهلاي فراسك بززاف وكنتمنى تسمحيليا،شدات ليه فيديه وعنقاتو بجهد حتى هو بادلها نفس العناق
أليف :معندك علاش طلب سماحة انت معندك حتى دنب بالعكس اتبقى عزيز وغالي على قلبي وعمري مانساك وأيبقى الإتصال ديما بينا وأنا شرف ليا يكون عندي صديق بحالك،،ضحك وحس بالفرحة باس على راسها ورجع عنقها ومشا…
ماج :إيمتا اتخرج المجلة؟
أليف :بقات 5 دقايق واااع انا خايفة ايسيفطو ليا صورة فايليفون وعاد اتولي صورة فلي بوسطر ديال شارع
عمر :عندك اتشهري وتنساينا
اليف :خرجات ليه لسانها)باسل،دازت 5دقايق بالحساب صونا تيليفون أليف
ماج :حلي حلي(بحماس)
أليف :وااااع خايفة اوكي(متوترة) واحد جوج تلاتة ؛فتحات رسالة وكانت صورتها بشورط لاصق زرق وسوتي

أليف :وااااع خايفة اوكي(متوترة) واحد جوج تلاتة ؛فتحات رسالة وكانت صورتها بشورط لاصق زرق وسوتيانات ديالو سبور وكاسك على عنقها واقفة بطريقة مثيرة بزاااف،بدات ماج كتنقز فرحانة الكل كان فرحان واقفين كينقزو
وليد :خاصنا حفلة
أليف :همم لي ضاربك ضاربك على كرشك باااز ،تفرقو شباب وهوما كيتافقو على خطة يديروها باش يحتافلو واقفة أليف فتيرمينيس ديال طوموبيس كتسنا نمرة 120 باش طلع صونا تيليفون بلي وصلاتها رسالة جبدات تيليفون وفتحات الميساج :
” مبروك عليك الى باقي عقلي ينفعني كنتسالك عشا الليلة مع 8 تكوني واجدة ماباغيش حجج انت عارفاني كيف داير سي يو لكرادة”…
🔥عصفورتي من نارSPEED🔥
79-أليف طلع ليها دم
أليف :شنو كيحساب ليه راسو أ شنو عند بالو مونيكة يلعب بيا كيف بغا كل مرة مع وحدة ودازت 15ليوم ومسول مكال حتى بسلامة وبغاني دابا نمشي بحال دمدومة غير بلاتي اسي جسور الما رديتها ليك منتسماش أليف يحسابليك أنا من دوك صحابلتك كلمة نطيح بين إيديك واخا،هزات تيليفون ورجعات ليه الميساج
“بلاما تجي وتسيفط ليا شي واحد عطيني عنوان المطعم وانا أنجي اوكي” رد عليها فلابلاصة وكان الجواب ديالو الموافقة،تبسمات بشر جا البيس ركبات وهيا كتفكر شنو غادي دير…
وصلات لدار كانت اروقية فدار وراتها أليف المجلة
روقية :مبروك ابنتي الله يحفظك ويسترك
أليف :أمين ياربي ماما العشية عارضيني ماج وعمر وليد يحتافلو بيا على برا
روقية :سيري أبنتي غير متعطليش على برا الله يرضي عليك
أليف :كوني هانية ،مشات أليف لبيتها حلات ماريوها كدوز فالحوايج وتقيس وتختار شنو اتلبس شافت فواحد اللبسة وهيا تضحاك حطاتها ومشات هزات تيليفون ديالها كتقلب فريبيرتوار حتى لقات نمرة دوزاتها كيسوني عاد تهز تيليفون
أليف :هااااي فؤاد
فؤاد :غير شفت نمرة ديالك فرحت بزاااف
أليف :ياك أسيدي ايوا عندي ليك خبار
فؤاد :أما هيا ؟
أليف :أنا قابلة العراضة ديالك لعشا لهاد ليلة
فؤاد :واووو فرحتيني
أليف :أنا ختاريت المطعم انسيفط ليك العنوان فميساج 8:30 نتلاقاو تم
فؤاد :نجي نديك من دار
أليف :لا حسن نتلاقاو تم غير متعطلش اوكي؟
فؤاد :وعلاه أنا نقدر،قطع معاها وهيا كتبسم بشر …
#فلاش_باك
زيدي عفاك شوية القدام هكاك كووود تبسمي شوية مزيااان (إلتقاط صورة) دابا علي راسك لفوق وشوفي بتعالي هكاااااك(التقاط صورة) دابا أخر بوز ديري ايديك على الخصر ديالك وتبسمي هكاك مزيان(إلتقاط صورة) صافي سالينا، حيد الكاميرا من على عنقو خدا كاس دالما وكيشوف فيها بإعجاب ملامحها طفولية ضحكتها سها فيها ومع هو معروفة عليه الجرأة ولحاجة لي كيبغي ضروري مكيوصل ليها مشا عندها نيشان
“سلام كنتي مزيانة بحال الى موالفة بالعدسة ديال الكاميرا

أليف :هههه أول مرة ليا والله حتى انت كيكولو بلي أحسن مصور فشيكاغو كلها
“ههههه نقدم ليك راسي فؤاد
أليف :عربي؟؟
فؤاد :أب ديالي جزائري وأم ديالي مغربية فرنسية
أليف :نوو ويي أنا مغربية
فؤاد :هههه شفتي صدفة زوينة هادي
أليف :والله مكدبتي،من بعد تعارف والأخد ورد فالهضرة..
فؤاد :مهم عطيني نمرة ديالك ونبقاو على إتصال
أليف :أهاه قيد عندك ،،عطاتو نمرة هزات سكادو ديالها وخرجات أما هو فبقى متبعها بشوفات ديالو كيفاش واحد بحال فؤاد لي كولشي لبنات كيتمناو شوفة منو بوسامتو وضحكتو لي كتفتن قدرات تسيطر ليه على عقلو من أول مرة تحطات صورتها قدام عينو،بقاو على إتصال فالواتساب عادي سول فيا نسول فيك ليلة اتخرج المجلة سيفط ليها ميساج:
” بمناسبة صدور المجلة كنتمنى تقبلي عراضتي لعشا ” قرات الميساج ومجاوباتش….
#الواقع
دابا عاد باش ردات على الميساج
أليف :أنشوفو يا أنا يانت اسي جسور تلعب بيا كيف بغيتي او وقتما بغيتي وشحال وانت دور مع العيالات ودابا بغيتي نكوليك واخا إيوا واخا….
🔥عصفورتي من نارSPEED🔥
80- مع 7:30 بدات أليف كتوجد فراسها لبسات كسوة فلون الباج توب ستان بخويطات رقاق وعريانة من جيهت الصدر لاصقة على لحمها شعرها طلعاتو ودارت ليه مشيطة المكياج هاد المرة زايد مع هايلايتر خلى وجها يضوي مع حلقات طوال وصنادلة كعب عالي فلون الكسوة رشات من ريحتها لي كانت برائحة ليلك وزهرت مسك الليل هزات ساكها دارت فيه تيليفون وفلوس وخرجات سلمات على والديها وخرجات أشرات لطاكسي طلعات وعطاتو العنوان المطعم لي ختار جسور كان مطعم متميز بزااف ومعروف 8 كانت تما خلصات مول طاكسي قدات الوقفة وقدات حوايجها وتمشات بخطوات بطيئة تلقى ليها سرباي
سرباي :تفضلي الالة مرحبا
أليف :تانكس ممكن توريني طواليك عفاك
سرباي :أه تفضلي دخلي مع هاد الكونتوار على إيدك ليمنة؛ تشكراتو ودخلات لحمام بقات شحال فيها حتى فاتت ربوع ساعة وهيا تخرج كتمختر دخلات لمطعم من الداخل الجو شاعري وزوين دورات عينيها حتى كيبان ليها فطبلة الاخيرة فالقنت فبلاصة زوينة بزااف على راسو بانت ليه لحظة وحدة نسات أليف شنو مخطة علاش لا وهو جاي جيهتها بكامل أناقتو لي كتفتن سروال لاصق عليه شوية فازرق مع فيست زرقة وشوميز محلولة جيهت صدر فالبيض وقف وتم جاي عندها غير وصل عندها سترجعات رباطة الجأش ديالها وبرودتها لي قرارات دير معاه
جسور :شد إيديها باسها)كنت عارفك أتجي
أليف :اهاه تقة فنفس عالية بزاااف
جسور :أي حاجة فبالي ضروري كنوصل ليها
أليف :مع راسها) واخا دابا نشوفو ،حط إيدو على ظهرها وداها لطبلة جر ليها الكرسي وهيا تكلس رجع لكرسي ديالو كلس وتقابل معاها عينيه فيهم الإعجاب ومباغيش يكولها عزت نفس والكرامة متحكمين فيه
جسور :مبروك عليك اتولي نجمة معروفة
أليف :بقا فيك الحال
جسور :بستغراب)علاش زعمة خطفتي مني الأضواء؟
أليف :هههه بحال هكاك
جسور :ههههه انا عمر شي إنسان مغاديش يخطف مني شيحاجة سوا كنت متسابق ولا دابا والبرهان شفتيه صباح كيف كنظن أو لا من حقك تفرحي براسك غير هو الى بديتي فهاد طريق صعيب تخرجي منو
أليف :هممم شنو نعتابر هاد الهضرة هادي انك من ناس لي ضد نجاح المرة

جسور : أفكورس نوو ولكن قضية الأضواء والمجلات كتدي لانسان نص فحياتو خصوصا المرأة مهم حنى مجيناش نهضرو على هادشي أو لا
أليف :أه عندك الصح،شافت فساعتها كانت 8:30 تماما ضارت جيهت الباب كيبان ليها داخل لابس سروال دجين شوميز وفيست كحلة كشكول على عنقو داه سرباي لطبلة لي ريزيرفة عليها هادشي تحت أنظار جسور
جسور :كتعرفيه؟
أليف :شافت فيه)أه كنعرفو عندي معاه رونديفو نتعشاو هاد ليلة إحتفالا بصدور المجلة،جسور جمع غوباشتو مافهمش عرق الاعصاب بدا كيضرب فراسو
جسور :برودة)كيفاش عارض عليك لعشا مافهمتش وضحي كلامك
أليف :أنت عرضتيني لعشا ومخليتيليش الوقت فين نكول أه ولالا فؤاد عرضني قبل منك وحيت انت عارفني مصوابة درت صواب وجيت مخليتكش تسنى،رجعات كرسي لور أو وقفات
أليف : ودابا خاصني نمشي حشومة نخليه يتسنى
جسور :بصرامة تحت سنانو)أتكلسي فبلاصتك ولا مغاديش يعجبك حال غادي نكلب هاد المطعم سفاه على علاه
أليف :ديرها وتفوتها لهيه أي حاجة عندك كتحل بتهديد من نهار عرفتك شوف سمعني مزيان داك الاستبداد ديالك معندي مندير بيه انا ماشي لعبة بين إيديك دور وتلعب كيف بغيتي ومنين تبغيني تلقاني ممسالياش ليك عندي حوايج أهم ،جرها من إيدها
جسور :أليف داك تبرهيش معندي مندير بيه ميحسابش ليك صافي بنتي فمجلة ديال 4دريال اتولي تحكمي كيف بغيتي راكي غالطة ،نطرات إيدها منو وحسات بحلقها كيضرها من هضرتو
أليف :انتوما رجال هكا دايرين كتبغيو لوحدة تكون تحت صباط مكتبغيوش المرا تكون ناجحة عليكم كنت غالطة بزاااف فيك كان عند بالي(سكتات)عرفتي شنو انت متستاهلش الواحد يشرح ليك،دفعات لكرسي ومشات لحمام حطات ساكها رغنات إيديها ودوزات على وجها حسات براسها مزيان قدات حالاها وخرجات مشات نيشان لطبلة لي فيها فؤاد غير شافها وقف بالخف مخطوف بيها عنقها وباسها من وجها كحز ليها كرسي كلسات وهو ينطق
فؤاد :أنا محظوظ حيت كالسة معايا أجمل وحدة فهاد المطعم كولو أليف جيتي زوينة بزاااف
أليف :برتباك وهيا حاسة بعينين ناريين مكابلاهم)شكرا حتى انت جيتي زوين….
🔥عصفورتي من نارSPEED🔥
81-فؤاد :تشربي شيحاجة هو لول
أليف :أه مكرهتش كوكتيل شيكاغو
فؤاد :بإبتسامة كدوب)على عيني وراسي،وما لسرباي جا لعندهم
فؤاد :نبيد أحمر الله يخليك وكوكتيل شيكاغو،كتب سرباي طلب ديالو ومشا
فؤاد :فاش دخلت بانت ليا وحدة بحالك فطبلة الأخيرة عند بالي أنت
أليف :شكون أنا لا انا عاد دخلت
فؤاد :صراحة كنت كنكول موحال واش اتقبلي عراضتي ولكن فرحت منين درتيها
أليف :ضحكات)علاش لي منقبلش بالعكس،جاب ليهم سرباي طلب ديالهم مجمعين بحال الى كيعرفو بعضياتهم شحال هادي فؤاد كان كيدخل لخاطر بزااف ودغية كتفتح معاه نسات واش جسور كاين وهو مقابلها من بعيد حاط كاس وكيشرب سالة كاسو قاد حوايجو وغادي ليها عينيه حمرين كيف جمر يابيها يابيه هاد ليلة حتى شدات فيه إيد دور عينو وهيا تبان ليه سيفيانا
سيفيانا :جسووغ توحشتك بب مقدرتش نساك أيبروميس مابقيتش ندير شيحاجة لي تقلقك مني بليييز بيبي بليييز،يلاه اينطر إيدو منها رجع شاف فأليف لي واخدة راحتها وعاطياها لضحك تعماو عينيه،دار شاف فسيفيانا ونزل على فمها باسها لقطة لي دازت تحت شوفات أليف لي حسات بموف حافي تغرس فقلبها
فؤاد :نتابه ليها)أليف بيك شيحاجة؟
أليف :أ لا لا والو العصير زوين
فؤاد :ههههه ولكن أنت أجمل وأروع،حسو بظل واقف عليهم علات عينيها جاو عينيها فعينيه نيشان عينيه لي كانو بحال جمر حمريين شوفاتهم ممفعومينش بضحكة إستفزاز نطق
جسور :اوووه أليف أنت هنا ماشفتكش
أليف :بستهزاء كتار)اوووه بصااااح وكيفاش اتشوفني وانت معاك سيفيانا
فؤاد :اووه كتعرفو بعضياتكم
أليف :عوجات فمها)امممم
فؤاد :جسور حديد عندي شرف نتلاقا بيك مرة خرا
أليف :علاش كتعرفو؟
فؤاد :أكيد انعرفو متنسايش خدمتي كتحتم عليا نخدم مع ناس بزاااف
جسور :دامكم هنا علاش لي منتعشاوش مجموعين شنو بان ليكم(شاف فسيفيانا)شنو بان ليك بيبي
سيفيانا :بيبي والى هوما كانو بغاو يبقاو بوحدهم
جسور :لاا ياك معندكم حتى مانع
أليف :تحت سنانها)كلس بغيتك تكلس على شوك إن شاء الله
جسور :شنو كلتي؟
أليف :كتليك الى بغا فؤاد معنديش مشكل
فؤاد :واخا كنا محتافلين بأليف ولكن معندي حتى إشكال،عطا جسور أمر لسرباي باش يزيد جوج كراسا كلسو مجموعين وتوتر هو سيد الموقف العضرة امن تحت دفع وضريب لمعاني مخلا شكون يديه
جسور :إيوا من شوفة فيكم كتبانو مواتيين لبعضياتكم
أليف :طلعات ليها جنية لسطح وكتلعب حابة)مفخباريش وليتي خطابة اسي جسور كون ادرتي شي مشروع ضرب يدك فيه
جسور :ضحك)علاش لا لي كيجري فالخير كيدي الأجر أو لا سي فؤاد
فؤاد :هههه أنا وأليف أصدقاء وعاد لقاتنا ظروف هو صراحة حتى واحد ميكره يكون عندو مرا بحاله

فؤاد :هههه أنا وأليف أصدقاء وعاد لقاتنا ظروف هو صراحة حتى واحد ميكره يكون عندو مرا بحالها(كيهضر ويشوف ليها فعينيها
جسور :برودة)سولني أنا
فؤاد :كيفاش؟
جسور :انا كنعرف أليف مزيان إنيانة مميزة
فؤاد :وعلى هضرتك مخاصنيش نضيعها
جسور :غير بالي
أليف :شداتها عيشة)وليتي تبيع وتشري فريكلام ولا راني كاينة هنا ماشي مونيكة
فؤاد :حاشة حنا غير كنهضرو،بالغدايد هزات كاس فؤاد جغطاتو كامل بلاما تحس
جسور :ضحك)أليف غلطاي فالكاس ممالفش ليك تشربي
أليف :عند بالك عارف عليا كولشي انت لي غالط
فؤاد :كيبان ليا نطلبو لعشا
أليف :أه حسن جاني جوع والما كليت من هنا لشوية أنولي ناكول بنادم😂😂😂
جسور :أليف ضحوكية بزاااف وتوقع منها أي حاجة غير رد البال لراسك افؤاد
فؤاد :كيضحك)هادشي لي كيبان ليا
أليف :مع راسها)إلما نتفتك زغبة زغبة ورديتك بحال ركبة منتسماش أنا كتفرنس بحال لحولي لمشوط،جسور حاس بيها عجباتو لعبة ديال يلعب على أعصابها بغات غير تلعب مطلبات غير المجود يشوف شكون يعيا يا هو يا هي😊
🔥عصفورتي من نارSPEED🔥
82-تحط العشا أليف كتاكل بسكات وحانية راسها مطلعاتهاش على طبسيل كالسة بحال مكلسينها على جمر خصوصا وديك لفعة لكرطيطة أكالسة وتحلون على جسور عصباتها حطات فرشيط من إيديها وشافت فيه
أليف :بإبتسامة باردة)الله يخليك واش ممكن تفهم خطيبتك بلي حنا كالسين فمكان محتارم وعمومي وهادشي لي كدير فيه بيزاغ خليو حتى لدار وديرو لي بغيتو
جسور :علاش عندك شي إشكال؟(كيهضر برود)
أليف :مسألة ديال سمعة ومنظرك قدام ناس كولشي كياكول وهيا معرفت فاش عينها ،نقز فؤاد
فؤاد : أليف الى بغيتي نوضو نمشيو معنديش مانع
أليف :شدات فيد فؤاد)علاش أنمشيو أصلا هوما لي طفلو علينا ماشي حنا
جسور :هادي إهانة لينا ،،نقزت سيفيانا
سيفيانا :بيبي واش هيا غيرانة منا ولا حيتاش معطيتيهاش وقت فاش كانت عندكم فدار
جسور :بشر)سيفيانا(خرج فيها عينيه)
أليف :شافت فؤاد)فؤاد واخا تسد ودنيك شوية عفاك… دار لي كالت ليه وهيا دور عند لوخرا
أليف :شوفي أديك موكا الخشيبة ديال تحضيري عقلتي على داك جناين لي كان ساكني عرفتي ومتسدي داك دلقوش لي داير بحال فم الجاموس وتسرطي داك لسان لي قد ديال لبويا انوض نلويه عليك كيف لكديدة ونعلقك فوق شي سطح تشمشي،حيد فؤاد إيديه حيت سمع كاع لي كالت لسيفيانا جاتو ضحكة ميحسابلوش دايرة بحال هككا وباش يكسر الجو نطق :
فؤاد :عندي ليك خبر زوين بزاااف
أليف :شنو هو
فؤاد : هاد سيمانة عندك مشية لبنان طلبوك باش تمتلي ماركة رياضية عندهم ،نقز جسور وقاطعها
جسور :برودة كيقطع فستيك لي قدامو) أليف معندهاش هتمام بهادشي ديال المجلات والوجوه الاعلامية هيا باغية تكون ميكانيك كبيرة ومعروفة،مع اخر كلمة على عينو شاف فيها
فؤاد :بصح مافخباريش هادشي؟
أليف :جسور كيهضر على أحلامي شحال هادي ولكن محدنا كنكبرو كيولي عندنا جموح أخور
جسور :الميكانيك كان بنسبة ليك لهوى لي كتنفسيه
أليف :كيف كلتي كان دابا عندي أحلام نحققها(شافت ففؤاد)انا فرحانة وغادي نكون واجدة
فؤاد :اتكون رحلة زوينة تشوفي أشجار لأرز اتعجبك لبنان،شافت فجسور لي كان كيكول ممديهاش فيهم ظاهريا أما لداخل ديالو اينوض يريب هاد المطعم على لي فيه،سلى لعشا اخر حاحة ختمو بيها ديسير راقي..

فؤاد :قبل ماتسالي هاد سهرة تسمح ليا فنانتنا جديدة بهاد شطحة ،ضحك جسور بسخرية شافت فيه بنص عين وعطات إهتمامها لفؤاد
أليف :واي نوت(علاش لا)،مدات ليه إيديها وتوسطو حلبة الرقص ،سيفيانا غير كتنفخ حسات براسها اطرطق معندها قيمة
جسور :بلأمر)نوضي نشطحو،جرها من إيدها ودفعها حداهم خداها بين إيديه وغاديين مع نغمات لموسيقى واحد كيشوف فتاني وعينين كل واحد فيهم يتعمر فيها رصاص مع سلات أخر نوطة رجعو لبلايصهم
أليف :خاصني نمشي
فؤاد :صراحة ماسخيتش…
أليف :كانت سعرة زوينة
جسور :كانت اتكون حسن كونما تجفلنا عليكم
فؤاد :بالعكس كنا فرحانين حيت شاركتو معانا سهرة ولكن دابا اتعدرونا خاصني نوصل أليف؛؛ وقفو بجوج مدات إيديها لجسور لي كرز عليها كان ايهرسها
جسور :نتشاوفو من بعد
أليف :مكنضنش
جسور :ههه غير كيبان ليك كود نايت
أليف :كود نايت ،،،خرجو أليف وفؤاد ركبات معاه مشاو من بعدها خرج جسور العافية اتخرج ليه من نيفو تابعاه سيفيانا وكتعيط
سيفيانا :بب بلاتي بشوية عليك، دار شاف فيها شوفات ديال لقتيل شدها من دراعها وكيهضر تحت سنانو
جسور :غادي ت**** ومنبقاش نشوف لحمار ديال بوك كدوري عليا ونهار تباني قدامي انحرك ونغبر ليك الأثر سمعتي ،عينيها عمرو بدموع
سيفيانا :ولكن الداخل…
جسور :شكون بحالك سهرتي وكليتي فبور شنو بغيتي مزال انا فاش كنكول لكلمة مكنرجعش فيها مزال ودابا رولي وحسبي خطواتك وعمري نشوف كمارتك.. دفعها وطلع فطوموبيلتو ديمارا وزاد وخلاها مليوحة كيف لكلبة كتنوح…
🔥عصفورتي من نارSPEED🔥
83-غادي معصب طاير إيد سايك بيها وإيد جامعها على شكل قبضة ودايرها على فمو وكيفكر كان متخيل لعشا أيكون غير كان فأخر لعشا ايفاتح فموضوع علاقتهم وشحال هيا مهمة بنسبة ليه ولكن شنو دارت هيا جرحاتو وطيحات بكرامتو ومعاش لي طيح كرامة جسور لأرض ايرضها ليها ويخليها طلب سلة بلا عنب وتكون ليه بوحدو ليه هو ماشي لغيرو طارت ولا نزلات أتكون ديالو وملكو هز تيليفون دور نمرة رضوان لي كان فعطلة فلندن متكي على نموسية وآنا(بنت لي كانت مخطوفة)متكية حداها طلعات ليه نمرة جسور عرف قضية حامضة عمرو هو ميرتاح ضرب راسو ونزل إيديه على وجهو أشرات ليه آنا بشكون دار أدصبعو على فمو علامة سكتي،فتح الخط:
رضوان :وي شاف
جسور :ساعة باش تجاوب شوف بغيتك تجمع ليا جميع المعلومات على الماركة الرياضية لي أدار فلبنان شكون مولاها والممولين ديالها وفين اتكون وأهم حاجة الوجه لإعلامي جديد للماركة أشمن أوطيل أيكون رضوان ياويلك وتعطل عليا بغيتك دابا تنوض ودير تصالاتك
رضوان :دابا أشاف؟
جسور :أه دابا علاش أش كتصنع نووي
رضوان :كتر من نووي
جسور :داكشي يتسنا مغاديش يعرب بغيت تقرير يوصلني فالإيميل ديالي (بتأكيد)دااااباااااا،قطع عليه تيليفون آنا كتشوف فرضوان
آنا :ماشي مشكيل آنا فلبالكون كانتسنا
رضوان :سوري
آنا :ايتسوكاي هدا جسوور وجسوور ممنوع يتكال ليه لا حفظتها،طبعات بوسة على فمو ومشات لبالكون كلسات فيه كتسناه حتى يسالي..
#عند_أليف
غير وصلها فؤاد لدار باس ليها إيديها تمنى ليها ليلة سعيدة ومشا يلاه اتخشي ساروت فالباب جراتها إيد بقوة حتى تزدحات مع صدرو
أليف :واش انت شوية لباس أشنو كدير هنا
جسور :اوووه وليتي باسلة مع راسك جاي ندير لي مداروش داك نص رويجل لي كان معاك
أليف :بزااف عليك هداك محتارم ولد ناس وظريف ولكن انت مكتفهمش هادشي حيت بعيد عليك ،،جرها بجهد وغرس إيديه فشعرها كيشوف ليها نيشان فعينيها وغينيه حمرين
أليف :سير بعد مني بيل هادا راك شارب
جسور :تحت سنانو وبصرامة)ششششت سمعيني مزيااان وحلي ودنيك معاش ولا كان لي يطيح بكرامة جسور الأرض سمعتي ديريها فودنيك(مع كل كلمة كيزيد يزير على شعرها حتى قصحها) وإلى كان عند بالك اتخلعيني بداك بوكيمون لي جايبة معاك بلاما تكوني غالطة مخلعونا حتى رجال لي هوما رجال وكنزمطو عليهم بصباطنا خلي رعاون قشاوش عيشورة أنا معنديش مع الهضرة بزااف
أليف :مغمضة عينيها من الحر)طلق مني ولا ندير صباعي فودنيا ونجمع عليك ناس

جسور :مزال مكملت هضرتي(قرب فمو عند ودنها نفس ديالو سخون)طرتي ولا نزلتي انت ديال واحد وعمرك مغاتكوني لشي كلب من غيرو هو ويلى سميت شي حمار راسو راجل يحط عينو عليك إلما عاودت ليه طهارة تفاهمنا ودابا أنكوليك كود نايت بيبي،بزربة نقز على فمها باسها بجهد حتى نطر شفايفها بسنانو بقوة وجرحها عاد طلقها ،حاطة إيدها على فمها كتنهج مسا جيهت طوموبيلتو قبل مايفتح الباب شاف فيها
جسور :هاديك(أشر لفمها)باش متنساينيش وديري ديما فبالك أنا بحال ظلك فينما مشيتي عيني وراك ،فتح الباب طلع فطوموبيلتو وخلى غير لغبرة وراه،تبعاتو بعينيه مسات شعرها اشعكك حطت صبعها على فمها لي كان تجرح جرح بسيط معرفت تغوت ولا شنو دير كون مكرهاتش تغوت بأعلى جهد عندها شنو كيحاول يدير بغا يدير عليها راجل أ والله لا كانت ليه ولا كانت
أليف :صدرها كيطلع ويهبط كترعد)يسحابليك أنا رضوان ولا دراغون تحكم فيا كيف بغيتي أنا أليف بنت فاروق فتحي أنا أنا راسي والله لا حدرت راسي ولا دليتيني أنا مديال حتى واحد ديال راسي بوحدي بوحدي (غوتات بصوت ضعيف) أاااااعععععععع….
🔥عصفورتي من نارSPEED🔥
84- دازت 5يام على العشا لي داز أليف من الكافيتيريا لدار محاملاش حتى حاجة راسها ومحاملاه كتجي تسد عليها بيتها وتنعس ماكلة نعاس صافي حتى من والديها لاحظوها عليها…
روقية :بنتي مالك حالك مابقاش عجبني شنو واقع؟؟
أليف :والو أماما مكاين حتى حاجة من غير هادشي ديال تصوار وتخربيق حيت ممالفاش بيه هادشي علاش وزت هاد المشية لبنان خربقاتني والله
روقية :أبشوية عليك ابنتي دابا كلشي يتقاد الله يرضي عليك…غير خرجات روقية من عندها وهي تبدا كضرب فراسها وتعاير فراسها
أليف :اوووف اوووف علاش علاش مابغاش يخرج من بالي علاش…
وصل وقت الرحلة أليف جمعات حوايجها لي أيخصوها خرجات من دار ومها تابعاها عنداك عنداك عنداك وهيا غير :
أليف :واخا أماما وصافي وايااه واخا واخا صافي كوني هانية مغانطفيش تيليفون صافي،كتوصي فيها حتى ركبات فطوموبيل لي أتديها المطار وصلات لمطار خدات قهوة ومجلة دايرة نظرات ديالها وكتسنى فؤاد حتى وقف عليها
فؤاد :أم سوري تعطلت ولكن منكولش ليك اليوم السبت زحام بزاااف
أليف :لالا ماشي مشكيل أصلا متعطلتيش بزااف
فؤاد :يلاه لا وقت طيارة يفوتنا ،جر ليها شانطة ديالها دازو من الإجراءات الضرورية تعلن على الرحلة ديالهم غاديين ومجمعين
فؤاد :يكما عندك فوبيا من طيارات
أليف :لا بالعكس كتعجبني أي حاجة عندها علاقة بسرعة سبيد سبيد سبيد اي لافيت
فؤاد :همم هيا عندنا واحد الحاجة ممتشاركينش فيها(طلعو لطيارة)
أليف :نوو وييي متكولش ليا مكتعجبكش السرعة؟
فؤاد :اه أنا واخا حمق فخدمتي وجريء ولكن حتى لسرعة وسطوب كنمشي فحدود المعقول ولي خاف نجا كيفما راه يكولو
أليف :هاي هاي شفتك قلبتيها جزايرية(كضحك)
فؤاد :ههههه نونو بعد الخطرات وصافي كتزلقلي كلمة هكا ولا هكا كيما راه تشوفي من نهار تلاقينا وهضرتي أكثرية معاك بلينكليزة انا هضرتي عادية نهضر معاك مروكية كيما تحبي نهضر معاك ولكن مرات لي نهضر بالجزايرية خاطر متربيتش في بلادي وحتى لواليد اكثرية يهضر بلينكليزة اما يما تهضر اكثرية مغريبي هكا باش هضرتي معاك مغربية بزايد

أليف :هضرتكم كتعجبني وحق الله انتوما راه بحالكم بحال ناس وجدة
فؤاد :فراسي حيتاش الحدود متنسايش ايوا الالة فيك شي خلعة ستريس
أليف :ههههه شوية وصافي
فؤاد :معندك مناش تخافي انا معاك(تبسم ليها وطبطب على إيديها)….
فمطار خاص بيروت نزلات هيليكوبتير تفتح الباب ديالها نازل بكل عجرفة بأناقة دايرة نظارات كوحل هاز شانطة صغيرة مع تيليفون ديالو جا عندو شيفور هز ليه ليفاليز ديالو داهم لطوموبيل ديالو لي ستأجر هي وشيفور شاف فسما لي كانت مشمس والهوى مباردش بزااف دافي الجو زوين حل ليه شيفور الباب ونطق:
“” أهلا وسهلا موسيو جسور لبنان نورت نحنا كثير فرحانين بوجودك””
جسور :thank you (شكرا لك) ،حنا راسو دخل لطوموبيل غير سد الباب وهو يديماري شيفور للأوطيل لي حجز فيه جسور…
🔥عصفورتي من نارSPEED🔥
85- تمو خارجين أليف وفؤاد تلاقات ليهم طوموبيل لي مسيفطاها شركة دخل شيفور شنط ديالهم ركبو وشدو طريق الأوطيل وصلو خلاو شنط للخدام يتكلف بيهم خداو ليكارط ديال لبيوت ديالهم طلعو فلاسنسور حتى لقدام ليشومبر ديالهم
فؤاد :انا عارض عليك لعشا هاد ليلة شنو كلتي؟
أليف :عرفتي غير خليها لغدا والله حتى عيانة وبغيت غير إيمتا نرتاح
فؤاد :همم واخا يلالة ولكن غدا مكاين حجج حيت تنين عندنا لخدمة غدا بغيتك تخلي ليا راسك انمشيو لراس الجبل وتشوفي أشجار الأرز ونضورك بيروت كلها ونديك حتى لبادية هنا كيكولو ليها ضيعة
أليف :سكتات وهيا تنطق) أجي تديني نشوف الأكاديمية؟
فؤاد :ديالاش؟
أليف :فين كانو كيديرو ستار أكاديمي
فؤاد :معرفتهاش ولكن نسولو(كيضحك)
أليف :اوكي يلاه باس سي يو(نشوفك)
فؤاد :سيو دو ساي(وأنا أيضا)،دخلات لبيتها سدات عليها مشات لبالكون المنظر لي كان مقابل معاه غزال بزاااف طبيعة وشجر لبنان غزالة واخا مزال مشافت غير شوية من داكسي لي شافت فاش كانو فطوموبيل ولكن الجواب باين من عنوانو ،خدات بيجامة ديالها حطاتها على جنب دخلات لحمام خدات دوش دافي خرجات كتنشف فشعرها مقابلة مع المرايا كتبان ليها ورقة بيضة عقدات حجبانها ومشات هزاتها لقات مكتوب فيها: “أنا معاك وحداك ”
أليف :وها لبسالات أنبداو تاني فهاد الألغاز ديال والو شنو زعمة يكون فؤاد لي كتبها ؟؟،حطات الورقة من إيديها لبسات بيجامتها هزات الورقة فيديها وبانطوفة فرجليها وهيا تخرج دقات بابو حل فؤاد طلعها من بانطوفة ديال ميمي كاتي لكسوة ديال ميكي ماوس لشعرها لفازك بقا واقف كيشوف فيها
أليف :فؤاد انت لي حطيتي ليا هادي وا فؤاااااااد أسبحان الله
فؤاد :عاد وعى)أشمن ورقة مداتها ليه ودخلات بلاما تشاور
أليف :دخلت دوشت خرجت لقيت هاد الورقة معلقة فالمرايا
فؤاد :لا انا منين دخلت ماخرجت أتلقاي غير شي واحد كان فشومبر قبل منك ونساها
أليف :صفقات بيديها)أاااه عندك الصح خرجات من بالي انا كاع(هههه)سمحليا صدعتك
فؤاد :صداعك راحة غير هو آخر مرة تخرجي هكا عند شي واحد خصوصا راجل
أليف :بتعجب)وعلاش زعمة؟
فؤاد :أنت بريئة وحلوة بزااف وأي إنسان يتعجب بيك فرضي مثلا أما كتعجبيني وغرني شيطان
أليف :ضحكات )هههه شتيني انا أساهلة نزل عليك بشمال نجيبك طايح وزايدون انا وانت أصدقاء عارفاك مديرهاش،(قرصاتو من حنكو وخرجات خلاتو متبعها بالعين وكيتبسم أبوحدو)…
رجعات أليف لبيتها وحطات ديك الورقة سرحات شعرها من بعد هزات تيليفون سونات لمها باش طمنها أنها وصلات على خير وبيخير من بعد هاد لابيل حطات راسها وطاحت دودة…
** دقان فالباب هو لي فيقها كتحل عين وترجع تسدها يرجع دقان يكمزها تاني فاقت مكلوبة غادية معارفة فين تحط رجليها حلات الباب كطل مكاين والو كيبان ليها البانيو دالحمام ولكلاس ضربات راسها حيت حلات باب الحمام عاد مشات لباب لبيت حلاتو كيبان ليها فؤاد واقف
فؤاد :واخا يتحرك زنزال ويجي اسونامي كاع ناس يعربو حتى ليك انت اتكوليهم اهربو وخليوني نعس
أليف :كتحك فراسها ناري فؤاد حرام عليك أشبغيتي عندي واش مسيفطينك
فؤاد :ياك الالة حيت بغيتك تعشاي من صباح ولخدامة غادية جايا كدق عليك أو والو حتى علموني
أليف :مسمعتهمش
فؤاد :يلاه بدلي عليك وهبطي نتعشاو فالمطعم ديال الأوطيل وانت تنفختي بكترت نعاس
أليف :كتاوب)واخا سبقني أنا جايا.
🔥عصفورتي من نارSPEED🔥
86- فؤاد :أنا هابط وعنداك ترجعي تنعسي هاد المرة انكب عليك سطل ديال الما بارد
أليف :كضحك)لا صافي والله حتى نجي،خرج داير إيديه فجيابو كيصفر ناضت كتشبح غسلات وجها باش توكض بدلات بيجامتها ولبسات حوايجها جمعات شعرها كوتشوفال هزات سوايك على جنب فيه تيليفونها طفات ضو وخرجات هبطات فلاسنسور لي كان ديال زاج كيبين ليك كولشي واقفة ساهية حتى كيلفت إنتباه ديالها غوبشات وحطات جبهتها على زاج ودايرة إديها على جبهتها بحال شكل مظلة وكتكول:
أليف :أويلي اويلي أش كيدير هنا ؟😲 وقف لاسانسور وخرجات منو كتجري لبلاصة فين شافتو كدور فعينيها وتقلب بحال إلى سرطاتو الأرض كدور فكل جوايه والو مكاينش
أليف :يلاه كان هنا جسور كان هنا انا انا شفتو وقيلة اكنتخايل شفتي يا أليف لي كينبقى ناعس حتى كيحماض بولو أش كيوقع ليه،تحطات إيد باردة على كتفها حتى طارت من بلاصتها ودارت
فؤاد :أمالك أبشوية عليك وأنت كتهضري بوحدك لي يشافك ايكول حماقت
أليف :حاطة إيديها على قلبها وسادة عينيها) ااوووف طيرتيها مني خلعة دوز دوز راه جوع هلكني،جراتو من إيدو لمطعم كلسو فطبلة على سرجم القمر مقابل معاهم والبرد خفيف جو زوين بزاااف
أليف :هادو تعطلو وصبري تقادا
فؤاد :ميت عليها بضحك)هاهوما جايين اللالة غير ماتكلينيش،جاو سرباية حطو شحال من طبسيل انواع والأشكال غير حطوهم تمناو ليهم شهية طيبة ومشاو
أليف :دابا أسميت هادشي
فؤاد :الالة هادو فلافل وهادي كبة أما هادو اوراق كرومب معمرين بالكفتة وهادو بحالهم غير هوما أوراق عنب هادا فتوش
أليف :بتعجب)أسمو؟؟
فؤاد :فتووووش
أليف :اكمل لاتصدق كايلها كد راسك وكان
فؤاد :مفهمتش
أليف :عرفتي شنو أخلينا ناكلو بلاما تكمل ليهم سميات لي متقتل متسمم،بدات فالماكلة وكولشي جاها بنين طاحت طول وعرض فالماكلة مطلعاتش راس حتى كملات هزات كاس دالما وشربات
أليف :الحمد لله وشكر لله الماكلة نعمة والله
فؤاد :شاد إيدو وكيشوف فيها)بصحة وراحة ايوا من بعد هاد الماكلة نتمشاو شوية على برا الجو زوين بينما طاب نعاسك
أليف :أياااه واي نوت بلات نغسل إيدي ونجي ،مشات لحمام غزلات فمها وإيديها ونشفاتهم وخرجات كيبان ليها نفس شخص من لور
أليف :جسور(مغوبشة)بلاما تردد مشات ليه نيشان وقفات وراه

أليف :واش انت فينما نمشي نلقاك ورايا أشنو كاليك راسك أسي راه كنهضر معاك، مجاوبهاش
أليف :ضرباتو على ظهرو)هيه راه كنهضر معاك زعمة، دار بشوية وشاف فيها
“” أنسي عم تحكي معي؟ “” بدات كترمش وهيا حشمانة حيت مكانش جسور كان شخص أخور
أليف :راجعة بلور) سوري أيام سو سوري،دورات راسها ومشات بزربة لعند فؤاد
فؤاد :هادا كولو حمام؟
أليف :عرفتي صهد هنا يلاه نخرجو برا،شداتو من دراعو وخرجاتو على برا.
** كالس بعيد ومراقبهم بلا حس وكيضحاك عاجبو الحال وعاجبو تأثيرو الكبير عليها….
غاديين جنب البيسين كيتمشاو مستمتعين بالجو زوين
فؤاد :إيوا عاودي ليا شوية عليك
أليف :هههه بحالاش؟؟؟
فؤاد :هز كتافو)أي حاجة واش كاين شي حب فحياتك ويلا لا علاش او واش فات ويلى أه فين هو
أليف :ههههه لا مكاين علاش الله وعلم ؛فرح فؤاد واخا حس بيها كالت لا ماشي بصراحة سكات ورجع سولها
فؤاد :كنت بغيت نسولك شحال هادي ولكن مابغيتش نحرجك
أليف :علاش لا سول
فؤاد :نهار تعشينا أول مرة وتلاقينا بجسور حديد سولتك زاش كتعرفيه
أليف :أه وكاليك كنعرفو حيت معرفة ديال الواليد
فؤاد :سكت ورجع كمل)ولكن هادي 3يام لقيت بصدفة مجلة “مان” وكانت فيها تصويرتك انت وجسور فواحد الحفلة وكنتو فواحد المشهد حميمي
أليف :تفكرات نهار الحفلة والفضيحة لي وقعات)ههههه هاديك قصة طوييييييلة مشعكة ومعلكة
فؤاد :ليل طويل ومتبعانا حتى حاجة
أليف :أياااه إيوا أسيدي سمعني وحل ودنيك ….
🔥عصفورتي من نارSPEED🔥
87-فؤاد :كيصفر) واووو هادشي عندك بحال شي فيلم والله
أليف :واييه دازت عليا ههههه
فؤاد :زعمة طول ديك المدة وانت معاه فدار وحدة متحركات فيك حتى حاجة زعمة زعمة؟؟كيشوف فيها معلي حاجبو..شافت فيه ودورات راسها شوية وقفات قدامو
أليف :أحم شوف هو أصلا جسور عاجبو راسو مغرور وبو لبنات كل نهار مع وحدة كيبغي يتحكم ويدير فيها سي سيد
فؤاد :ضحك) سمعي أي راجل راه كيكون عاجبو راسو وشخصيتو وأي واحد داظ من تجاريب يكدب عليك لكداب يكوليك راجل مداز من تجربة فهمتيني ولكن واش جسور شفتيه مع شي وحدة من ورا فسخ الخطوبة؟
أليف :هو صراحة ماشفتش ولكن فاش مشا لنيويورك سمعت صوت وحدة فتيليفون
فؤاد :عادي اقدر تكون سرباية او موضفة أو او الله أعلم
أليف :وانت علاش كدافع عليه وكتبين ليا بحال الى راه باغيني؟؟
فؤاد : حيت من كلامك كيفاش دافع عليك ونقدك بديك طريقة وفينما طحتي تلقايه مكيبين ليك والو وبحال والو تكوني انت بلعاني نهار العشا درتيني سكة باش تخليه يغير
أليف :خرجات فيه عينيها)أناااا ناري ظلم بعينيه
فؤاد :بودنيه زيدي طلعي تنعسي وكان راه مشا الحال ،دار إيدو على كتافها وطلعو لطابق فين كاينين لي شومبر ديالهم تمنى ليها ليلة سعيدة ودخلو فنفس الوقت وسدو الباب…مع دورات ساروت تنهدات وهيا اسمع صوت وراها خلاها تنقز وتغوت
“” غير العشا معاه خلاك تنهدي هاد تنهيدة”” شادة على قلبها غمضات عينيها يلاه اتبدا تغوت وهو يتسمع دقان وصوت فؤاد
فؤاد :أليف مالك ياك لباس،حلات الباب بشوية مبسم وجاوباتو وهيا كضحك
أليف :لا والو كنت مخلية البالكون محلول ودخل ليا واحد الطويار مع دخلت مع هربت وقفزني
فؤاد :خلعيتيني يلاه كود نايت نشوفك فدا وصبحي ناعسة تاني
أليف :ههههه لا كون هاني كود نايت، سدات الباب وشافت فجسور خبطات ساكها مع الكورسي وشدات فجنابها مخرجة فيه عينيها
أليف :أشنو كدير هنا وفبيتي؟
جسور :برودة)جيت نرتاح شوية ياكما لبنان بسميتك وانت رئيستو ومفخباريش
أليف :شوف بلاما تبقى ضحك عليا لاش تابعني؟ وقف وكيشوف فيها
جسور :كتليك قبل انولي كي ظلك ومتفكريش تكوني لشي واحد غيري غير ديريها فبالك
أليف :علاش أشنو بيناتنا بسلامة؟

جسور :كيقرب ليها)بيناتنا بزاااف غير انت لي دايرة راسك مكتشوفيش ولي بيناتنا مغاديش يخليك لشي واحد وهاد ماوكلي لي حداك الى مزال حط صبعو عليك ولا(قرب نيفو حدا شعرها)غير شم خصلة وحدة من شعرك (ضحك)بلاما نكوليك وكولي لي بغيتي عصابي ومجنون وكنتصرف بعنف مكيهمنيش يلاه رتاحي شوية،دار من وراها وخرج…صدرها كيطلع ويهبط معرفاتش علاش فمها كيضحك بوحدو… 🔱‏كم مرة شعرت بهذا الشُعور ,عندما جلست بوسط مجموعة من البشَر ,تتحدَّث معهم وفي داخلك تردد هذه المقولة,انا لا انتمي إلى هنا..
لدا نهار أليف وفؤاد صباح بكري فاقت دوشات لبسات صايا طويلة وشوميز ديالها وصندالة بلا باش متعياش قرات هيا وفؤاد يفطرو على برا مرة تشد فيه مرة يشد فيها مرة مدابزين بضحك مخلاو بلاصة ممشاو ليها ولا تصورو فيها
أليف :بحماس)ناري شحال داك جبن ديالهم بنين مكرهتش ندي معايا شي جوج كيلو
فؤاد :هههه إيوا الالة منين نكونو غاديين دي معاك قدما بغيتي يلاه نكملو راه مزال ماشفتي والو…
#عند_جسور
واقف فشومبر ديالو تدق الباب وتفتح دار وتبسم
جسور :وقيلة قطعت عليك لحظة حميمية؟؟

🔥عصفورتي من نارSPEED🔥
88- رضوان : ههههه عارف وقتي ماشي ديالي
جسور :مكاينش لي يدير هادشي قدك وضحت ليك كولشي فتيليفون لبارح بلاما نعاودو معاك؟
رضوان :علم وينفد….
****
أليف كالسة على واحد سور محيدة صندالتها
فؤاد :صافي عييتي؟؟
أليف :جهدي تقادا رجليا كيزدحو
فؤاد :نمشيو نتغداو بينما رتاحيتي ونكملز المسارية
أليف :واش مزال كاعما سالينا؟
فؤاد :من نيتك راه عندك انهار غدا عندنا الخدمة فصباح وبليل خاصنا نرجعو لشيكاغو
أليف :هزني على ظهرك
فؤاد :مخرج عينو فيها)لا كتهضري بصح من نيتك زعمة
أليف :لا من قفايا وراه من نيتي راه عييت والله الما هزيتيني منتحرك أصلا لاش مربي دوك العضلات
فؤاد :ياربي تصبرني ياربي،شاف حتى عيا وهزها على ظهرو وهيا فرحانة وكتلعب برجليها حتى وصلو لواحد المطعم شعبي وحطها دخلو طلبو لي بغاو وكلسو ميتغداو فجو كلو ضحك ولعب حتى فاجأها فؤاد بسؤال ديالو:
فؤاد :كان عندك البارح ياك تبعك؟
أليف كتخشي الخبز فمها وتلدد)شكون هو؟
فؤاد :جسور!!… مع كال سميتو وحلات ليها مد ليها كاس ديال الما حتى شربات وشافت فيه أليف فيها طبيعة مكتقدش تخبي ولا تكدب
فؤاد :سولتك كان لبارح عندك؟
أليف :لا أحم منين جبتي هاد الهضرة
فؤاد :لبارح ريحت رجال كانت عندك فالبيت وبان ليا سباطو غير درت عين ميكة ومشيت انا ماشي دري صغير
أليف :أه كان لبارح كاين هنا
فؤاد :مدام تبعك حتى لهنا إلا وكايحس بشيحاجة من جيهتك متبقايش ديري عين ميكة وتعاماي على بزااف ديال الحوايج معرفتش علاش كنكوليك هكا وانا كنحس بشي حوايج من جيهتك..شافت فيه بتساؤل فعينيها
فؤاد :أه من أول نهار شفتك فيه ترتي إنتباهي كلت هاد البنت أتكون ليا وديالي ولكن كرامتي فوق كولشي اه كنت انحارب تكوني ديالي ولكن كون كنتي انت مكتحسي بوالو من جيهتو ولكن عينيك فاضحينك

أليف :أكيبان ليك جسور باغي غير يتحكم كيشوف المرا لتحت وهو الفوق مكيبغيش المرا تكون ناجحة وهو لا
فؤاد :وعلاش متكوليش هاديك غيرة عليك ماشي غيرة منك انت ديري لي درتي واخا تنجحي شهرتك كتجي والو قدام شهرة ديالو هو يعني مكاين لاش يغير منك هو كيغير عليك رجال بحال جسور عندهم كبرياء وصعيب يكولو باش كيحسو ولكن أفعالهم كتبين كولشي هضرتهم وتحكم ديالهم عند بالهم راه كيبينو لمرا بلي كيبغيوها أنا من جيهتي حسن تكلسي وتهضري معاه انا من جيهتي كراجل ندير هادشي كولشي على قبل بنت ومدوزناش قليل زعمة ونخاطر براسي وبكلشي ونتبعها ونراقبها عندها تفسير واحد أني كنبغيها… بقات كتشوف فيه وساكتة كتفكر فهضرتو متنكرش واتكون هبيلة إلى نكرات المشاعر لي كتحسها من جيهت جسور غير منين كيكون معاها كتحس بالامان مخايفة من والو عارفاه أيحميها ولكن كيفما هو عندو كبرياء حتى عيا هكاك..
فؤاد :نصحك الحب والكبرياء مكيتلقاوش….
دازت باقي العشية فدوران مرجعو للوطيل حتى ليل أفتحات أليف لباب كدور عينيها فالبيت عند بالها اتشوف جسور قدامها ولكن كان إحساسها غلط دخلات لبيت حطات ساكها حيدت حوايجها ودخلات لحمام تاخود دوش سخون وهيا تحت رشاش كلام فؤاد كيدوز كلو فتفكير ديالها سدات لما ولبسات بينوار وخرجات نشافت راسها لبسات كسوة دافية وتخشات تحت الغطا مع العيا دغية ستسلمات لنعاس..
🔥عصفورتي من نارSPEED🔥
89-“لالا ولالا ويابا لالا يابا عينك عين الغزالة ميلي ميلي ياحلوة يابا رفت عين القتالة”
كانت هادي هيا الأغنية لي خدامة فستوديو ديال الشركة لي ادير ليهم أليف الإشهار للماركة ديالهم ورا العدسات ديال التصوير واقفة كتبان عيانة والكرش سابقاها ومقاداش تزيد ولا تحرك شادة تيليكوموند وكتفرج فبرنامج رياضي :
أليف :الحوار بالإنجليزية) اوووف عييت من ريجيم والرياضة بغيت شي حل لي يحيد ليا هاد كترت شحمة لي ولات خانقاني فحياتي… بان إعلان فتلفازة على مشروب قهوة سحري كيخلصك من كاع سموم وشحوم دغية سجلات رقم ديالو… سلا تصوير الجزء الأول بدلو لأليف حوايجها ولبسوها لبلس رياضي لاصق مع مكياج خفيف الكرش مكيناش رجع تصوير وهيا شادة المشروب فيديها وكضحك :
أليف :تهناي من كاع مشاكلك الصحية مع مشروب إيدمارك “””
كلمة كوبي قطعات التصوير كولشي كيصفق وكيشكر فأليف واخا هيا هادشي محمسهاش هادشي عندها اخضرة فوق طعام كتحس براسها مشي فبلاصتها الحقيقية هادشي بحال الى خداتو اضد باش توري لجسور فين ممكن توصل ولكن غير اترجع اتكون هاد الحملة اخر حاجة ديرها جا عندها فؤاد عنقها
فؤاد :كنتي طوب دابا الالة اتلبسي حوايجك تاخدي تاكسي لوطيل تجمعي لي فاليز ديالك بينما ساليت الإجراءات باش شوية تلقانا فالمطار أوكي؟؟
أليف :وغير متعطلش
فؤاد :لالا غير نسالي وانا معاك ، خلاها ومشا يكمل الإجراءات مع المدير هيا غير سلات لبسات حوايجها خدات ساك ديالها شكرات لي تم وخرجات شدات طاكسي للوطيل مع وصلات خلاصات مول طاكسي شدات كارط ديال شومبر من عند الاستقبالات وطلعات لبيتها خلات الباب محلول هزات باليزة ديالها جمعات فيهم حوايجها لي بابيي وباسبور دارتهم فساكها مشات لمرايا كتجمع فشعرها سمعات دقان فالباب :
أليف :فؤاد بلات أنا جايا ،حطات المشطا من إيدها ومشات لجيهت الباب كيبان ليها واحد واقف لابس لبسة ديال شيفور فالكحل طويل وعندو لحية طويلة ونظارات ديال الشوف
أليف :وي!!!

الشخص :أنسة سمحيلي بس موسيو فؤاد بعتني لعندك مشان وديكي عالمطار هوي لساتو متأخير شواي مشان هيك بعثني لأنو مراح يجي لهون راح يروح دغري عالمطار وبدو يلائيكي هنيك
أليف :أاااه واخا انا أنجيب باليزتي ونجي
الشخص :ولاو أنسي أنا بحملها…دخل عز شانطة وخرج تبعاتو من لور سدات الباب هزات ساك على كتفها وهبطات تابعاه سلمات الكارط لاستقبال وشكراتهم على حسن ضيافة خرجات كانت طوموبيل من نوع كاط كاط كحلة كتسناها جا فتح ليها الباب طلعات سد من وراها وركب ديمارا وزاد جبدات تيليفون لقاتو خاوي من شارج
أليف :عفاك عندك شارج فطوموبيل؟؟
الشخص :لا أنسي مافي…شافت حتى عيات خشات تيليفون فساكها وربعات إيديها غادية وساهية فطريق وشجر حتى وقفات طوموبيل..نتابهات وكتشوف فشيفور لي وقف ونزل بغات تحل الباب مابغاش كتعيط عليه
أليف :سمحليا شنو واقع هيهو هيه شنو واقع… كيبان ليها واحد جاي بنفس اللبسة طلع بلاصة الشيفور مافهمات والو جاتها اللقوة دورات راسها لشيفور تاني لي حيد الطربوش ونظاظر ولحية وضحك ودار ليها باي باي بيديه تصدمات وعينيها خرجو رضوان والله حتى رضوان شوية دار شخص لي طلع لي غير شافت رضوان عرفات شنو واقع دار عندها وإبتسامة مكر :
فين باغية تمشي الأميرة ديالنا؟(مع غمزة)…..
🔥عصفورتي من نارSPEED🔥
90- أليف :جسور براكة من ضحك الباسل ورجعني فين كنت..مداهاش فيها مخليها كتهضر بوحدها
أليف :راه هضرت معاك كتليك رجعني هادشي راه كيتسمى خطف مع سبق للاصرار وترصد
جسور :اووه من موديل لقاضية تحول مزيان هذا
أليف :كتحاول تحل الباب والو) اوووف رجعني ايرجع فؤاد مايلقانيش ايتشوش وايعلم البوليس وتولي فدخول والخروج
جسور :ياك خليتي ليه ميساج فبيتو بلي راك مشيتي معايا؟
أليف :أنا ماخل…..(خنزرات فيه عرفاتو مخطك لكلشي)
جسور :دابا مزيان ديري عقلك شوية خاصنا نهضرو وانت مكتسنطيش غير بهاد الطريقة هادي ولفتي لخطيف والأكشن…جمعات إيديها وعطاتو النخال كل مرة يشوف فيها فالمرايا كيلقاها قالبة وجها عليه مكتشوفش فيه بعدو بمسافة طويلة حتى وقفها قدام واحد الساحة كبيرة كانت فيها هيليكوبتير ديالو نزل فتح الباب كيشوف فيها
جسور :الى مغاتهبطيش معندي حتى مشكيل نهزك هانية…غوبشات فيه وهبطات كتشوف فيه
أليف :فين غاديين؟؟
جسور :شوية وتعرفي مالك زربانة
أليف :جسور راك بعقلك زعمة رجعني فحالي
جسور :كان عندي العقل ومن نهار عرفتك باح طاار ودابا يلاه،شد ليها فدراعها بجهد مزير عليها أشر لواحد واقف مشا كيجري هز شنط وتبعهم بيهم لطيارة طلعها وكلسها على لكرسي لي حدا سرجم حيد طربوش والفيست بقا بسروال وشوميز بيضة وكلس مقابل معاها بدات الطيارة كتعلى حتى ولاو فوق السحاب..
أليف :أشنو بغيتي عندي واش انت شوية لباس متقبلتيش الخسارة كدير هاد التصرفات إلى عرفات سيفيانا مغاديش يعجبها الحال
جسور :اووه وليتي كتنطقي سميتها مزيان
أليف :كنتي عارف أشنو كنت كنكول ليها؟
جسور :ليسبيانا وأدومة وزيد وزيد ولا نفكرك؟..أليف تحبس الدم فوجها ماعرفات باش تبلات كان عارف وساكت ناري كون شي واحد فبلاصتو لي قالت ليه هاديك الكلمة كون واهلي يالخبار

أليف : ياكما خاطفني على داكشي راه والله حتى…
جسور :قاطعها)واش متصيبيش تسكتي شوية بغيت نهضر معاك نهضرو بحال ناس لي بعقلهم براكة من شد ليا نقطع ليك وزايدون انا وسيفيانا مابيناتنا والو
أليف : اووه مسكين تيقتك ونهار العشا وداك المسخ لي كنتي كدير انت وهيا ولا نفكرك بلا حشمة بلا حيا
جسور :ضحك)دوقتك من الكاس لي دوقتيني منو كيفاش حسيتي حسيت هنتيني فكرامتي كيجاك تصرف لي درتي كونما تحكمت فراسي كون قلبت داك العشا سفاه على علاه حمدي الله وشكريه لي مدرت والو علاش درتي هكاك شنو سباب؟؟
أليف :سباب هو انت انت كتبغي كولشي يجب حتى لقدامك أي حاجة بغيتيها تحضر انا ماشي وحدة من الخدامين عندك تلعب بيا مرة ضريف مرة بارد تقدر تكوليا ديك 15يوم لي دازت فين كنتي أ؟؟ولا نهار خرجنا من دار حتى بسلامة مكلتيهاش مدرتي حتى مبادرة بالعكس جاتك من الجناتي مابتيش فدار ولا زدتي دقيقة وجاي وراها أ كنتسالك عشا وضروري تحضري حتى اسلوب معندكش وبغيتيني نجي ونكوليك أه بسم الله لا راك غالط وبزااف ديرها فبالك انا ماشي من نوع لي كيكول واخا ويحني راس.
جسور :ساليتي(بحزم)دابا اتفتحي ودنيك وتسمعيني مزيان – الى بعدت غير باش معطيك الوقت الوقت باش تراجعي المشاعر ديالك مابغيتش نضغط عليك من بعد لي وقع بغيتك تاخدي وقت كافي ديال تفكير انا كنبغي لي يكون معايا بخاطرو ماشي مجبور عليه ..شافت فيه وضحكات
أليف :واشنو كتسمي هادشي دابا؟
جسور :بلاما نبقاو نضحكو على بعضياتنا انت باغية هادشي وعاجبك الحال وجايا لهنا ضد فيا وخارجة تخيطي زناقي مع داك خينا ضد فيا كونما عاجبك هادشي اطيري وتنزلي ومتكونيش هنا انا حافضك ما وعارف اش كيدور فداك راس صغير ديالك …أليف معجبهاش الحال حيت فعلا كان عاجبها الحال
جسور :عند بالك انا راجل شرقي متخلف انغير الى مراتي ولات معروفة ومشهورة، دورات راسها شافت فيه مصدومة ماسعات غير ديك مراتي لي خرجات من فمو
جسور :حتى واحد مغايقدر يمحي سميتي واخا نغيب أعوام غير ديري هادي فبالك مغرت من رجال ليهوما رجال وفين وصلو خلي نغير من مرا أريو كريزي أليف ديري عقلك شوية
أليف :أه نكولو هادشي كامل عندك فيه الحق تنكر انك بو لعيلات وكل نهار مع وحدة أممم؟
🔥عصفورتي من نارSPEED🔥
91- جسور :كيضحك)اهاه وفين شتيني مع هاد الوحدات أجي وعلاش كتحاسبيني مدام انت مكتحسي والو من جيهتي؟
أليف :نهار كان عندك سباق وانا كيلهبيلة كنسوني عليك وسيد متمتع مع رساتو ونهار لي سوميتي ليا على قبل العشا فصباح شفتك فالأخبار مع واحد المونيكة لاصقة جنبها لجنبك
جسور : اووووه مفخباريش العصفورة ديالي صغيرة كتغير
أليف :أنا ماشي صغيرة وبلاما تبقى تجلي فالهضرة
جسور :واخا مخاصنيش نشرح ليك حيت على حساب كلامك انا مكنعني ليك والو ولكن نهار لي عيطتي كانت عندي جلسة تدليك على قبل السباق ومكنتش غير أنا كان حتى فاروق أما لي شفتيها فالأخبار هاديك المساعدة ديالي ومزوجة وحاملة عندك شي ستفسار أخور
أليف :لا ومكيهمنيش ودابا بغيت نرتاح ضرني راسي ممكن؟
جسور :خودي راحتك ….لي كيفتلها فاش كيهضر برودة وكيخليها تصرف على هواها وفنفس الوقت متحكم فيها فالداخل ديالها فرحانة ومكرهات تنوض تنعنقو وتبوسو كلمة مراتي لي خرجات من فمو مابغاتش تمحا ليها من بالها نهائيا ولكن مابغاتش تكبرها ليه خليه شوية يتجنن وتبين ليه بلي مزال معفرة ومابغياهش واخا غير واحد ساعتين ولا حتى نهار ويلي على نهار أأليف براكة دازت 15يوم ماشتيه توحشتيه توحشتي تشمي ريحتو وتشوفي ضحكتو وتعنيقتو لي كتخبيك فالحضن ديالو لا أليف متكونيش هاترة دفعي كبير لا يا أليف مديهاش فيها هادي راه بغات تخليك بايرة وديها فيها
أليف :اووووف (بالغوات)سكتو عليا بجوج… علات راسها بان ليها كيشوف فيها مصدوم
أليف :احمم مابقا واحد يهضر مع راسو ولا شنو
جسور :وانا هضرت
أليف :معرفت…دورات راسها جيهت سرجم توسعو عينيها على حر جهدهم كترمش كيف المونيكة لصقات وجها مع زاج نسات جسور لي حداها :
أليف :نووووو وييييي إيجيبت(مصر)
جسور :عجباتك؟

أليف :عرفتي شحال وانا كنحلم نجي لمصر وناكول حمام محشي ممممم…جسور كيضحك عليها حيت همها على كرشها…نزلات طيارة فالمكان لمخصص لنزول كانت أليف هيا سباقة متسناتوش نزلات كتشم فالهوى وتنقز غير هبط مزال عاد ايدير نظاظرو حتات عليه من إيديه
أليف :بحماس)نمشيو ناكلو عفاك ناكلو هو اللول
جسور :سبحان الله عاد كنتي كتشكاي
أليف وصافي دابا جينا جينا يلاه…سمح فكولشي ومشا معاها
أليف :اليوم انشدو طاكسي بحالنا بحال الناس مكاين لاطوموبيلات لا تخربيق
جسور :واخا الالة…شدها من إيديها وخرجو لشارع خداو أول طاكسي وطلبو ياخدهم لمطعم معروف بالحمام والفراخ الهضرة مع مول طاكسي كانت زوينة إحساس زوبن بزااف وصلهم لمطعم خلصوه ودخلو طبلة عمرات بكاع لي تشهات أليف
جسور :واش هادشي اتاكليه بوحدك؟
أليف :ماشي شغلك مابغيتي تاكول بلاش انا اناكول…دخلات فالماكلة طول عرض جسور مرة مرة كينقب شيحاجة ومقابلها هاز تيليفونو وكيصور فيها وهيا غايبة على الوعي حتى حسات بكرشها وقفات مابقاتش قادة تنفس
جسور :شبعتي ولا تزيدك شي حاجة؟
أليف :لا براكة الله يخلف الله على ماكلتهم شحال زينة وبنينة
جسور :أنا جاي ،مشا جسور يخلص ورجع عندها مد ريها إيديه وشداتها بلا متزيد كلمة خرحو برات المطعم شاف فيها ونطق:
جسور :دابا فين بغيتي نمشيو؟
أليف :ندورو فالأحياء شعبية بغيت نشوف كولشي
جسور :واخا يلالة يلاه..داكشي لي كان غاديين بجوج مشادين ليدين باين عليهم برانيين على البلاد مخلات أليف بجسور زنقة وحدة سيزاتو تشري من هنا وتصور من هنا بغات تسطى بالفرحة طابو رجليهم بدوران..
أليف :ناري صافي عييت(كتلهت)
جسور :يلاه شوية هدا مكنتيش هكا ياك كلتي بغيتي دوري القاهرة كلها
أليف :لا يلاه نمشيو براكة
جسور :أهاء مزال ماشفتي واحد الحاجة..شير لطاكسي عطاه ورقة ديما طاكسي وأليف مفاهما والو حتى كانت قدام
صحرا كبيرة جمال شادين صف واحد بسياح الأهرام كانت مقابلة معاهم هادي هيا الوجهة ديالهم واقفين مقابلين مع غروب شمس واحد الجو كيسحر الانفاس كيخليك مغيب حتى واحد مكيهظر فيهم حاطة راسها على كتفو وهو معنقها ساهية فهاد الأجواء وهاد المنظر حتى نطق جسور:
🔥عصفورتي من نارSPEED🔥
92- دورها قدامو وكيشوف ليها فعينيها
جسور :شوفي أنا عارف راسي معنديش مع الرومانسية وانتوما بنات اليوم كيعجبكم شعر وكلمات الغزل أنا هداكشي كولو ممالفش بيه باش تكوني عارفة وعلى بال يمكن أفعالي كتبرهن على أقوالي ولكن انا ضعيف شوية فكتاب الحب ،أليف جاتها ضحكة ومزال ساكتة كتسنى شنو أيكول بفارغ الصبر
جسور :مضحكيش عليا أنا دابا وحاس براسي فشكل هادشي لي كنكول فيه ولي كندير عمري درتو حتى فأيام الجامعة سو واش قابلة بواحد هضرة جوج يضرب وعصبي وانت سبابو حتى ولا كيشرب الفنيد ديال الأعصاب مغاديش نكوليك أيامنا ملها وردية وداك طنز العكري ديري شي تصرف من دوك تصرفات ديالك بلاما نكوليك انخلي دار عشتك، خرجات فيه أليف عينيها
جسور :اوووف اوكي اوكي واش قابلة بواحد بحالي فحياتك تقاسمي معاه حياتك وفراشك وتصبحي عليه كل صباح وتحملي عنادو وكبريائو وتحملي غيرتو وطبع ديالو
أليف :لا!!!
جسور :جاتو لقوة عقد غوباشتو وكيشوف فيها
أليف :مغانقبلش حتى تكولها
جسور :شنو هيا؟
أليف :ديك الكلمة لي كيكولها اي واحد كيبغي شي وحدة
جسور :وانت عارفة شنو كاين منحتاجش نكولها
أليف :وحتى انا مغانقبلش حتى تكولها ولا نمشي بحالي أنا كاع
جسور :صافي صافي(تحت سنانو)أيلافيو
أليف :ناءح كولها بالدارجة
جسور :شفتك ضسرتي(خرج عينيه فيها)
أليف :راه والله حتى نمشي بحالي ومتعرفني فين زدت المغرب راه قريب دابا انمشي لمراكش ونبيع البيبوش وتدي دنوبي
جسور :جاتو ضحكة)ياربي صبر من عندك،شاف ليها فعينيها وسها فيهم عينيه فعيميها وشفايفو نطقو بطلاقة :
كنبغيك كنبغيك وغانبغيك طول حياتي….معطلاتوش دغية تلاحت عليه عنقاتو هازها وكيدور بيها وقفها وشاد راسها بين إيديه عينيه ضاحكين
جسور :أهاه وانت؟
أليف :انا مكنبغيكش
جسور :شوف وكان عينيك كيكولو حاحة خرى
أليف :بحالاش؟
جسور :كيكولو كتبغيني وكتموتي عليا وكدوبي فيا
أليف :هاء عجبك راسك تغريتي
جسور :وعلاش منتغرش وحبيبي كيبغيني أمم
أليف :دارت إيديها ورا ظهرو )كنبغيك وكنموت عليك وكنحماق عليك
جسور :وفؤاد؟
🌷
أليف :فؤاد غير صديق مكاين حتى حاجة من غير هادشي كاين غير أنا وأنت وبس
جسور :مغاديش نخلي شيحاجة تأديك ولا تمسك كنواعد طول ما أنا عايش عمر شي حاجة تأديك…رتابط الحب ديالهم ببعضياتو وفين فمصر فالكيزة وبضبط فالأهرامات لي كانت شاهدة على بداية قصة الحب ديالهم….
🔥عصفورتي من نارSPEED🔥
93 – #بعد_مرور_سنة
رجليها ملاوحين فواحد جيه إيديها على راسو جنب راسها محطوطة صورتها كبيرة بكسوة بيضة مشبكة وظفيرة طويلة وصورة أخرى ليهم بجوج معانقين شمس تسلالات الأشعة ديالها على وجهم بدات كدور وتحك فوجها حلات عين وحدة وتبعاتها تانية دورات راسها لجيهتو كان وجهو بحال شي ولد صغير ضحكات لا إراديا جرات الغطا عليها جات نايضة وإيد رجعاتها لحداه شافت فيه لقاتو كيشوف فيها
جسور :فين غادية؟
أليف :نسيتي اليوم فتتاح الكراج جديد وناس كيكولو صباح الخير بعدا
جسور :أااااخ مسخسخ سخسختينا معاك
أليف :ياك أسيدي شكون لي كيجي كل حد من لاصال مسالي أنا ولا أنت ونوض خلاص عرفتي شحال تابعنا وزيد عليها فيا الخلعة،جرها لعندو عنقها
جسور :الخلعة بحال ديال نهار عرسنا فاش قلبتي الكيك عقلتي
أليف :ناريييي متفكرنيش..
#فلاش_باك
أليف غادية جايا بكسوة ديالها البيضة لي كانت سابل وفنفس الوقت انيقة
مجدولين :أتكلسي ولا انوض نكلسك بيديا جبتي ليا دوخة
أليف :خايفة بزااااف والله متوترة انهرب كيبان ليا انهرب حسن ليا
ماج :انت لاباس لا مابقا والو لزواجك وكتكولي تهربي،تفتح الباب ودخلات روقية
روقية :بنتي يلاه العدول جا ،أليف كترعد قابطاها ماج فيديها ومهبطاها لقات جسور لتحت كيتسناها فرحان والحب باين فعينيه شد ليها فيديها لي كانت باردة بحال الى خرجوها من تلاجة مع اتخرج من الباب عكلها صباط جات وسط القالب ديال الكيك نيشان…
#الواقع
أليف :ناري دازت 6شهور دابا بحال الى غير لبارح ولكن راه هاديك الخلعة مابحالها خلعة
جسور :رولاكس أنا معاك متخافي من والو كولشي أيكون هو هداك أوكي؟ أشرات ليه براسها تبسمات ليه وتخشات فالحضن ديالو…
#8_مساءا
فوسط كراج كبيييير موديرن بالمكتب ديالو موسيقى كلاسيكية إيطالية خدامة البوفي أشكال أنواع الصحافة وضيوف بداو كيوصلو كل واحد مجمع مع مجموعة فشكل كيهضرو على الاقتصاد وسياسة والخدمة اي طبلة دزتي عليها كتلقايهم كيهضرو على حاجة فشكل جسور واقف معنق أليف كيبان بحال نهار عرسو أما هيا فكسوتها المدهبة وتاجها المدهب كتبان بحال الأميرة واقفين بجنب فاروق وروقية وعماد كيستقبلو ضيوف ..
🔥عصفورتي من نارSPEED🔥
94 – مجمعين جسور كيحس بشي واحد كيجر ليه رجليه حدر راسو كتبان ليه بنيتة صغيرة فنة غير شافها تبسم وهزها لعندو نطقات :
“أنكل جسووغ أيميس يو سو ماتش”
جسور :أيميسيو تو لارا،شاف فأليف لي كتشوف فيهم بستغراب
جسور :لارا بنت دراغون احسن بنوتة ممكن تعرفيها
أليف :باستها)هاي لارا
لارا :أنكل هادي هيا أميرة ديالك؟
جسور :هادي اميرتي والعصفورة ديالي
لارا :بحال ديك لي جبتيليا فعيد ميلادي؟
جسور :بحالها..جا عندهم دراغون سلم على جسور وعنق أليف
دراغون :أصرات تجي معايا بغات تشوفك
جسور :وكونما جبتيهاش كنت انتفاهم معاك
دراغون :شوف شكون جاي(كيضحك)دار جسور بان ليه رضوان جاي ومعنق أنا
جسور :كيضحك)ههههه صنارة غمزات
أليف :أنتوما علاياش كتوشوشو ،نباها رضوان
رضوان :معرفتيش علاياش عليا أنا عايق بيهم(كيضحك)عنق جسور ودراغون وعنق أليف وبارك ليها وعرفها بأنا،شوية تمت داخلة مجدولين كتجري جرات أليف
ماج :اخخخ اخر الأخبار(فرحانة)
أليف :شنو واقع سربي خلاص
ماج :عمر عرض عليا زواج واااااع
اليف :كتنقز مع ماج)يس يس يس وأخيرا وأخيرا فين هو نبارك ليه
ماج :فنظرك فين ايكون شوفي فالباب وانت تعرفي…دورات أليف راسها بان ليها عمر او وليد مشادين قدام الباب شكون يدخل لول
وليد :هيه ماشي الحستي ديك الكصة ادير عليا فيها دادة الفهيم انا اندخل لول اناااااا لي خاص نكون مع لافلوفتي الحبيبة ديالي…دفع عنر ومشا كيجري تخبى ورا أليف حتى وصل عليه عمر
أليف :انتوما أهاد جوج ماعييتوش
عمر :هو لي عمرو بغا يدير عقلو
وليد :شتيني كنتف فشعري ولا كنضرب بالحجر وهاتعاويد نصارة
أليف :صافي صافي صافي عموووور مبروك كالت ليا ماج اخر الأخبار(عنقاتو وجسور مقابلها)
عمر :هههه الله يبارك فيك لافلوف
وليد :كيطنز)و أخيرا أدير عقلك ابو كصة
عمر :ولييييد(بصرامة)
وليد :اوووف صافي عاحنا سكتنا…شوية دخل سراب معاه رائد ودانييلا لي كانت شادة فيها ستأدنات أليف من صحابها ومشات كتجري عند خوتها عنقاتهم
أليف :اووف كنت خايفة لامتجيوش
رائد :علاش حنا نقدرو
سراب :ميمكنش نفوتو إفتتاح كراج مدام أليف ههههه
دانييلا :ألف مبروك أليف تتهني إن شاء الله
أليف :ربي يخليك أنانسي(قربات لودن خوها وهمسات ليه)انت مناويش تزوج بالبنت كل مرة مخيط بيها مدينة مكتحشمش
رائد :من بعد شفتك مابقيتيش تحشمي من خوك
أليف : أاااا من إيمتا كنت كنحشم منك أكوليا…دخلو خوتها خلطو على البقية حتى دخل فؤاد شافتو قبل مترجع لعند صحابها جات ستقبلاتو عنقاتو
فؤاد :الالة ألف مبروك
أليف :شكرا بزااف حيت جيتي

فؤاد :هدا واجب…قبل ميكمل كلامو وقف عليهم جسور حاوطها بيديه وسلم على فؤاد
جسور :مرحبا بيك شكرا حيت لبيتي دعوة
فؤاد :مكانش خاصني نرفض أليف صديقة عزيزة وغالية
جسور :تفضل داير مشروب لديد وجديد أكيد أيعجبك(غمزو)
فؤاد :ندوق ونرد عليك الخبار،خلاهم بجوج ودخل
جسور :أنت أجي معايا..جرها ودخلها لبيرو وسد عليهم
أليف :جسور الضياف
جسور :نسايهم راه مستمتعين بالحفلة…شدها من إيديها وخبطها مع صدرو
جسور :ياك كتليك متبقايش تمدي حناكك وتعنقي من ولا ها عمر ها فؤاد علاياش تافقنا؟..دارت إيديها ورا عنقو وتبسمات ليه
أليف :عمر ايتزوج بماج وباركت ليهم أما فؤاد اخر مرة أسيدي متافقين(بصوت كيدوب الحجر)
جسور :ممنحق حتى واحد يحط إيديه على العصفورة ديالي
أليف :عصفورتك من نار ولي قرب ليها يتحرق
جسور :وأنا تحرقت ونارك مبقات كتقدي فيا والو….غرقات هيا وياه فبحر من القبل والعناق لي متازجت فيه الأرواح ديالهم العدبة…
وعلى إيقاع موسيقة داليدا “بارولي بارولي” كل واحد من الموجودين ختمها برقصة من غير جسور وأليف لي ختمو رقصة ديالهم فعالم ديالهم الخاص…. 🔥🔥عندما تحبُك المرأةُ فهي تستطيعُ أن تأتيك من “باريس” لتلبي دعوتك على فنجان شاي في الشام .
وحين تنصرفُ بقلبها عنك، فهي أكثرُ كسلاً من أن تناولك “علبة السُكّر” عن الطاولة، تلك التي تبعدُ عن أصابعها سبعة سنتيمترات .. فقط .😉
هذه كانت حكايتي وروايتي لهذه المرة أتمنى أن تكون خفيفة على قلوبكم كسابقاتها شكرا لكم حبيباتي على حسن التتبع وأضرب لكم موعد فالقريب العاجل مع قصة أخرى محتوى أخر وأبطال أخرين دمتم في رعاية الله أحبكم حبيباتي ❤❤
#النهاية

Leave a comment