Skip links

قصة : عصفورتي من نار 3

 3,018 عدد مشاهداات

🔥عصفورتي من نارSPEED🔥
51-مع 9ديال اليل وصل الباطو لمارينا نزلات أليف وقسور
قسور:شاد ليها فيديها)معمري أنسى هاد نهار فرحتي كبيرة ضروري نعاوده
أليف:ضروري
قسور:جبد تيليفون ومدو ليها)دابا عاد ممكن تشعليه
أليف:هههه يلاه نخليك دابا
قسور:معرفتش علاش مابغيتيش نوصلك؟
أليف:من الأحسن بلاش يلاه انا تعطلت خاصتي نمشي،جبدها لعندو باسها من وجها وطبطب على إيديها
قسور:بيناتنا تيليفون
أليف:كود نايت
قسور:كود نايت،خلاتو وخرجات بزربة من تم وهيا بحال الى كانو سادين عليها فالحبس شيرات لطاكسي وقف عطاتو ركبات وعطاتو العنوان ديال دار هزات تيليفون شعلاتو لقاتو بغا يتبلوكا بالمكلامات من نمرة وحدة
أليف:شكون أيكون ،رجعات صونات حتى كيجاوبها صوت جسور
جسور:بصرامة)فينك انت دابا؟
أليف:أنا جايا فطاكس….(تيت تيت)قطع عليها
أليف:ها علاش مابغيتكش توصلني الله يدوز هاد ليلة على خير غبر حتى غبر نهار جا اينوض لعجاجة،وصلات للفيلا هبطات خلصات مول طاكسي مع دارت تفتحات البوابة دخلات وهيا كتشوف فجنابها لايخرج ليها من شي قنت غادية فالكولوار حتى كيخرج ليها من ورا شجرة جامع إيديه واقف كيشوف فيها عينيه حمرين عرق لي فراصو كيضرب
جسور : برودة )على سلامة الأميرة الحسناء
أليف : الله يسلمك وينجيك
جسور : وقيلة عندك متكولي ياك
أليف :أه أحم دابا هو جا قسور هضر معايا فالول وعرضني نتغداو ياك ومشينا تغدينا فمارينا فالباطو ديالو وبقينا حتى غربات شمس ومن بعدها درنا دويرة فالبحر وحنا جينا
جسور :كبلع ريقو وصابر) هممم مزيان بصحة وراحة يلالة وناس علاش دارو تيليفون أ علاش تيليفونك طافي علاش متسونيش وتعلمي وتكولي انت فين واحداها ضد زعمة ولا كيفاش؟
أليف :راه هو لي خدا ليا تيليفون وكاليا نبقاو بعاد
جسور :بالغوات)واااااش تافقنا أي حاجة ديريها تكون فخباري أه ولالا واش كنا كنهضرو مع الحيط واش صمكة ولا مكتسمعيش غير كولي واش باغية تحمقيني ولا باغياني ندير فيك شيحاجة مكتكالش
أليف :دابا علاش كتغوت ياك مشيت وجيت،قرب ليها عند وجها
جسور :بحزم)شوفي هادشي راه مافيهش ضحك راه يقدرو يقتلوك بما بارد ومعندهمش سوق هادشي راه مافيهش زعامة وتخرجي جبهة راه ماشي صحابك هادو ديري مابغيتي(بدا كيعلي فصوتو) وتخرجي وقتما كالها ليك راسك اتكلسي هنا بقوانيني أنا وتحت عيني أنا وأنا لي نكوليك إيمتا تخرجي وإيمتا دخلي

أليف :نو ويي زدتي فيه زدتي فيه وبزااف يكما والدني وأنا مجايبة خبار(مخرجة عينيها فيه)
جسور :كيشوف بعيد)هممم عرفتي شنو انت مكينفعش معاك لكلام،دغية هزها ودارها على كتافو كتركل
أليف :هبطني هبطني(كتغوت)راه والله حتى نعضك هبطني،مداهاش فيها بقا غادي بيها لورا دار حل واحد الباب ودخلها ليه شعل ضو كان بيت عادي فيه نموسية وسرجم صغير عالي
جسور :كيحدرها)أتبقاي هاد الليلة هنا حتى ديري عقلك وشوف واش اديري عقلك ولالا،جا خرج وهيا تردو
أليف : وغير أجي نكوليك بعدا وسير
جسور :مستحيل تخرجي بلاما تعولي
أليف :شكون كاليك بغيتك تخرجني يحسابليك كنخاف ولا بغيت انكوليك واش هنا كيوصل ليه لويفي ولالا؟ طول فيها شوفة وهو يخرج وسد عليها الباب بساروت
أليف :والله الى دارها بصح ،كتسمع فصوتو من بعيد
جسور :بلاما تحاولي تخرجي من سرجم غير أتهرسي،كلسات على نموسية دايرة إيديها على وجها وكتشوف…. #عند_رائد
دخل عندو واحد من ضباط عطاه تحية
ضابط :سيدي هدا الملف لي فيه ضحية لي هربات من إيد المنضمة جميع المعلومات عليها اتلقاهم فالملف
رائد :شكرا أحمد يمكليك تمشي،خدا رائد الملف فتح صفحة لولة كيقرا المعلومات ديالها كملهم داز لصفحة تانية غوبش ودار إيدو على فمو
رائد :ميمكنش
دانييلا :موسيو رائد شو بك ليش برمت وجك
رائد :البنت لي هربات من المنضمة هيا مجدولين
دانييلا :عم تقربلك شي؟
رائد :شاف بعيد)صاحبت ختي المشكيل الى مشيت لدار كيفاش انكوليهم رجعت وكيفاش انشرح ليها ونكوليها متكول والو لدار
دانييلا :يعني أنت ماخبرت أهلك بشغلك ليش هني مابيعرفو أنك بشرطة ؟
رائد :لا ولكن خاصنا ضروري نزلو لشيكاغو خاصنا ضروري نهضرو مع مجدولين فأقرب وقت…
🔥عصفورتي من نارSPEED🔥
52-فصباح بكري فبيت روقية وفاروق كالسة مقابلة مع سرجم وأشعة شمس لي كتحرق ساهية كتفكر حتى حسات بدين راجلها على كتافها
فاروق :فاش كتفكر مراتي لعزيزة
روقية :تنهدات نهيدة طويلة) خايفة بزاااف أفاروق خايفة من لي جاي خايفة لي فات فالماضي يرجع يبان من جديد كل ليلة كنحط راسي على المخدة كنبقى غير نفكر مكيجينيش النعاس كنا هانيين أفاروق والله كون غير ساعفتيني ونرجعو لمغرب حسن لينا
فاروق :شد فيديها)معندك مناش تخافي مدام انا بجنبك مغايطرا والو الماضي نسايه ولوحيه ورا ظهرك متبقايش تفكري فيه
روقية :وإلى رجع الماضي أفاروق إلى بان أ تخيل معايا يبان أنا ممستعداش نخسر ولادي أفاروق(بدات كتبكي) ولادي هوما روحي أفاروق منقدرش نغامر بنتي مزال دراري راهم رجال ولكن أليف كتبقى بنت فهمتيني منقدرش نتخيل والله
فاروق :ششش ،، صافي سكتي تهدني كتليك حتى واحد مغادي يعرف هذا سر وتدفن ومات مغايبقاش يرجع يبان صافي إن شاء الله مايكون الخير….
فاقت كتشبح ضلوعها مدكدين ضو داخل قليل لبيت حلات عينيها بشوية كتشوف فين هيا حتى عاقت براسها فين عاد وقفات كتمشى بشوية باش تحل الباب الى أيتحل مع دورت البوانيي تحل دخلها العجب هيا جسور رجع وحل عليها ضرب فيها لهوى ديال صباح حوايجها مكمشين دخلات كتسلت لدار ميشوفها حد طلعات لبيتها دخلات لدوش خدات دوش سخون لبسات حوايجها ورجعات تكات على نموسيتها داتها عينها حتى كتحس بيد ديال شيواحد كتململها حلات عين وحدة كيبان ليها وجه ماجدولين
أليف :أشبغيتي؟؟
مجدولين :صباح الخير حتى أنت وبراكة نوضي من نعاس
أليف :والله ياختي مناعسة وعضامي مدكدكين عليا بغيت انرتاح(رجعت غمضت عينيها)
مجدولين : (بترجي وكتململ فيها)يلاه نخرجو شوية عفاك راه قنطت

أليف : براكة من تبوحيط ياك خرك عمر أش بغيتي عندي أنا هالعار سيري تروكدي خليني انحط راسي راني دايرة بحال ديك لكريسونة لي شادة ليل كتقطع لوراق لناس ومنعساش وخليني
مجدولين : مابقيتيش كتبغي تخرجي معايا كي كنتي ولا وليت كنحشم بيك
أليف : اخر مرة تكولي هاد الهضرة صافي عطيني غير ساعة اغير نعس فيها وحق الله حتى نخرجك صافي
مجدولين :تخشات حداها)اوكي،من بعد ساعة فاقو بجوج من بعد ما مجدولين كملت نعاسها معاها هبطو بجوج أليف بسروال دجين وسبرديلة فدهبي مع شوميز هابطة من الإيدين فلون خضيضر كلسو على طبلة ديال الفطور بلا جسور حتى كانو أينوضو عاد تم هو هابط بتيشورت كحل وسروال بيض بلا سلام بلا كلام:
جسور : بستفسار) فين بسلامة؟
مجدولين : قنطت وطلبت من أليف نخرجو شوية
جسور :شاف فاليف) (بحزم)رضوان يديكم
أليف : معجبهاش الحال) وعلاش؟
جسور : بصرامة)كلت لي عندي مابغيتيش هاهو قدام بيسين واسع وعريض، ضربت الأرض برجليها وشافت فباها
أليف :بترجي)بابا هضر كول شيحاجة
فاروق :أبنتي جسور عندو الصح حسن يمشي معاكم شي واحد متمشيوش بوحدكم معرفتي شنو يجيب الوقت
أليف : بنفاد صبر)أووووف،دازت 10دقايق جا رضوان
جسور :بلاما نوصيك عندك ديرها بيك
رضوان :ضحك)لا كون هاني،نباتو من برا
أليف :واس مغانمشيوش،خرج عندهم رضوان فتح ليهم باب طوموبيل طلعو سد الباب وراهم عطا تحية لجسور ركب ديمارا وخرج من البوابة لورانية بقا جسور واقف مقابلهم حتى غابو على الأنظار هز تيليفون ديالو سامسونغ كلاكسي(س)9 خدم البروكرام بانت ليه شاشة زرقا شوية وضاحت صورة عطاتو آشارة بلي لبروكرام خدام تبسم ورجع دخل لدار
#فدار_مجدولين
العساس :أسيدي هادي شي سيمانة هكاك مابقاتش فدار جات صاحبتها أو واحد سيد داوها معاهم وكانت هازة معاها باليزة فيديها
رائد : معرفتيش شكون هاد صاحبتها؟
العساس : هي عندها صاحبة وحدة كتجي عندها ديما الأنسة أليف ولكن سيد لي كان معاها كانشوفو غير فتلفازة عمري شفتو جا عند الأنسة مجدولين
رائد :همم ممكن تكوليا سميت هاد الشخص
العساس :أه أسيدي أسمو جسور حديد بطل سباق السيارات راه كيكولو ليه حتى أكويلا روسا أسيدي
رائد : دار نظاظرو ديال شمس)شكرا بزاااف على المعلومات
العساس :عطاه تحية)العفو أسيدي،رجع لطوموبيل هو ودانييلا
دانييلا:بدي أعرف سو بيعمل بطل السيارات عند ماج والغريب بلأمر هوي تواجد أختك معو؟!
رائد :بستغراب)معرفتش انمشيو عندنا لدار ونفهمو شنو واقع
دانييلا :بس أنت إلتيلي انو أهلك مو عرفين بشغلك كيف راح تعمول؟
رائد : حتى لتم وتعرفي يلاه ركبي،ركبات وكسيرا نيشان لدارهم…
#عند_أليف
أليف : رضوان واخا تخدم لينا شي ديسك ول

#عند_أليف
أليف : رضوان واخا تخدم لينا شي ديسك ولا حتى أنت بحال داك أدومة دجسور
رضوان :كيضحك)هههه شنو الكلمة لي كلتي؟
أليف :ادومة
رضوان :شنو كتعني؟
أليف :نكوليك ومتكولهاش لجسور(قربات ليه بحال الى اتكوليه سر خطير)أدومة هو دوك دوك لي مكيكونوش رجال
رضوان :بستغراب)وااااات أريو كريزي واش عرفتي إلى عرف جسور شنو كتكولي عليه منضمنش ليك شنو أيدير
أليف : ومالي جبت شيحاجة من راسي علاش لي كان خاطب وحدة ليسبيانة شنو أيكون
رضوان :ميت بضحك)اومايكود كيفاش هههههههه نو ويي هههههه منين جبتي هادي تاني.؟؟
🔥عصفورتي من نارSPEED🔥
53-أليف :وياك هيا سميتها هكاك؟
رضوان:واش عندك شي مشكيل فسمع؟
أليف :ماشي بتحديد مشكيل ولكن مرة مرة كتجيني لهضرة بعيدة شوية فصغري كان ولد جيرانا خشا ليا عود فودني ولكن دابا علاش كتسول؟؟!!!!
رضوان : خطيبت جسور سميتها سيفيانا ماشي ليسبيانة فهمتي إذا هو ماشي ءدومة كيف كلتي الى عرف شنو كنتي كتكولي عليه غير ترحمي على راسك اوعر حاجة تقيسي راجل فرجولتو
أليف :إيوا سبحان لي ميغلط معرفتش أنا علاش منوض فيكم هاد رعب كاملو مالو أش كيكون فملك الله
رضوان:بجدية)مكنبغيش لي يهضر عليه بسوء جسور راجل ونعمة رجولة ونعمة صحبة خاطر على قبلي ألف مرة وكان أيوصل فيها الموت غامر براسو ومهموش راسو قد مكيهموه ناس لي دايرين بيه لي كيطرق بابو مكريجعوش ولي طلبت حمايتو يخبيه تحت سنانو ماتت مو وهو صغير وحتى عماد مكانش كيعرف كيفاش يتصرف وكيفاش أيربي ولد بوحدو هنا جدو هو لي تولى تربيتو يعني تربى وسط العصابات وسط القتيلة ودبيحة ولكن فنفس الوقت على الحق ماشي على الباطل انا كنت ولد صغير يلاه تبناني الأب الكبير تما فين تعرفت بجسور أو ولينا صحاب من صغر ومعانا دراغون لي كان دراع ليمن لجد جسور ولكن جدو مخلاهش يمشي على طريقو ربااه أحسن تربية وقراه فأكبر جامعة وهنا شق طريقو ورجع لعند باه وكيف كتشوفي دابا ولا من أهم ناس فالبلاد وخارج البلاد المرا لي أتكون من نصيبو ايكون عندها ظهر كبير خدات راجل بحالو
أليف : هممم) مكلتيش ليا شنو سميت جدو؟
رضوان : سي منصور الله يرحمو جسور خاصك غير تفهميه ومتعطايش معاه نفسو هنا(أشر لنيفو) عندو عزت نفس هيا كولشي مكيبغيش لي يتعاطا معاه وهضرتو مكيبغيش …
أليف :كملات عليه) يعاودها جوج دالمرات
رضوان :ضحك)الله يرضي عليك وءخيرا هاحنا وصلنا لمنتزه،بلاصة طوموبيل وهبط معاهم
مجدولين :أليف عفاكينا نركبو على لحمار؟الله يعطيك ستر لي مايبلى مايخسر
أليف :صغرات عينيها)شتي أنت كنشك فيك كنتي طلبي حدا جامع
مجدولين :وا كولي؟
أليف :شافت فرضوان)واخا تركبنا
رضوان :بحزم) تسناوني هنا وياكم شي وحدة فيكم تحرك من هنا أنا جاي….
#فقهوة_على_جنب_طريق
رائد ساهي فكاس قهوة لي قدامو)
دانييلا :موسيو رائد بشو عم تفكر؟

رائد : مفهمت والو علاش الواليد مكالش ليا بلي مشاو من دار وعندمن عند سي عماد اخر مرة هضرت معاه مجبدش معايا الهضرة على هادشي وزيد عليها سرقة لي وقعات والعساس لي كلاها فجلدو كولشي تخربق مابقيت فاهم والو
دانييلا : ليش متروح لعندن وتألن إنك جيت لهون مشان تاخود بقية لبسك وبنفس الوقت تشوفون وهيك راح تستفسر عاشو حصل
رائد : حتى نشوف…
#المنتزه
مجدولين :عاجبها الحال)عرفتي تفكرت هاد ركبة فاش كنت صغيرة وكنمشيو عند جدا لبلاد ناري شحال طحت من فوق لحمار وكل مرة نوض ونركب فوق منو ويرجع يطيحني وتكول واش بغيت نتوب ههههه
أليف : متبقايش تهضري معايا وانا راكبة راه أول مرة نركب على شي حمار ورضوان اجي صورني وأنت أواقف، صورهم رضوان بجوج بيهم فرحانات وناسيين دنيا حتى عياو خلص رضوان مول لحمير وكملوها بارجل كيدورو
رضوان :كلسو هنا رتاحو انمشي نجيب كارو وشيحاجة تشربوها ونجي (بحزم)يويل وحدة فيكم تحرك مفهوم،مشا رضوان وخلاهم بجوج كيتحتو
مجدولين :أليف أنا خايفة عليك حتى انا مكتجيب المشاكيل وصداع راس شوفي فاش ورطتك
أليف :انت وقيلة مزال مكتعرفينيش هاد الهضرة أزايدة دابا لي عطا الله عطاه الهبيلة راك ختي ماشي جاياني من زنقة وزايدون هادشي داخلة فيها حتى أنا وهاد لمريض لي كيدير بينا هكا وبنات ناس مساكن خاص طاسيلتو يتعفن فلحباسات
مجدولين : أليف مابغيتش نخلعك ياكي ولكن معرفتش واش غير كنتخيل ولا جاب ليا الله
أليف :علاش شنو واقع؟
مجدولين :منين وصلنا وشي رجال كيشوفو فينا
أليف :ضحكات)هادو المعجبين خلعيتيني كلت شنو واقع
مجدولين:مكنضحكش أأليف لي كالس لهيه بعيد شوفي فيه مزيان غير بالفن من صباح وهو حاضينا وجهو مكيبشرش بالخير وسيفتو كتخلع
أليف :غوبشات)فين؟
مجدولين :وراك على بعد كيلومتر،ضرت بلاما نعيق دققت شوفة فعلا هضرت مجدولين بصح قلبي بدا كيضرب حيت شخص لي كان مراقبنا نفس ملامح شخص لي دكر سيد لي مات ودكر دراغون لجسور شنو زعمة يكون هدا كوبرا لا لا نووو ويي رجعت راسي بشوية كنشوف قدامي جردة خاوية شوية من غير شي عيالات مع وليداتهم وشي رجال كالسين نفس كلسة ديالو لا الوقت بدات كتصعاب معرفت كندير حتى رضوان تعطل تكول أيجيب لينا منشربو من ساقية دورت راسي لعند مجدولين
أليف :بإبتسامة وتحت سنانها) أحم هانتي أتوقفي ياك ونديرو راسنا كندورو ونضحكو مع دوك لوليدات صغار لي مع ماماهم تافقنا
مجدولين :بخوف)أش بغيتي ديري خلينا نتسناو رضوان لقرع يجي دينا😨
أليف:هوما مغايتسناوش رضوان حتى يجي بالعكس جاتهم مزيانة نبقاو بوحدنا ديري لي كتليك معندناش بزااف دالوقت راهم كتار صافي يلاه نوضي وتشجعي ولو مرة وحدة فحياتك….
🔥عصفورتي من نارSPEED🔥
54-وقفو البنات جنب واحد سيدة عندها جوج وليدات توام
أليف :شادة فيديهم)ممكن تبوسهم؟
المرة : يسس شور
أليف :تانكيو؛باستهم وكضحك معاهم نغزات مجدولين
أليف :متبقايش تشوفي فجنابك ومنين نحسب 3 بغيتك تجري متوقفيش مفهوم متوقفيش عندك توقفي الى وقفتي أيلحكو بينا وعلم الله أش ايديرو بينا
مجدولين :ووو واخة
أليف :تحت سنانها)يلاه ضحكي ههههه وحااااااد جوووووج تلاثة، بالخف كانت أليف ومجدولين كيجريو ،دغية رجال طلقو لي فيديهم وتبعوهم
أليف: كتغوت)جري ماج جري متوقفيش متشوفيش وراك
مجدولين :مخلوعة)أيشدونا
أليف :متخليش الخوف يسيطر عليك جري سربي،كدور وراها كيبانو ليها تابعينهم دخلات مع زناقي كل زنقة كتخرجك فقنت وقفو لحظة يرجعو أنفاسهم ورجعو طلقو رجليهم لريح…
#فالفيلا
فالمكتب
جسور :لا مابغيت حتى حفلة تقام على شرفي وخا ديرها دير فبالك مجايش ،تسمع فتيليفون سونيت بحال جهاز الإندار هز تيليفون شاف فيه غوبش ورجع لتصال
جسور :من بعد ونتاصل بيك، قطع المكالمة دخل لبروكرام عقد حجبانو وضرب إيدو مع البيرو
جسور :شييييت كنت عارفها،هز سوارت طوموببل ديالو فيراري وخرج من الباب لوراني ركب فطوموبيلتو وكسيرا على جهدو…
** فواحد زنقة خاوية وقفات لجوج كيرجعو انفاسهم
مجدولين :ناري ناري سخفت أش داني أش داني لشي خروج طون اكلست وهنيت الوقت
أليف :ششش شي حس
“”سيدي أيكونو دازو من هنا كون هاني أسيدي معندهم فين يمشيو””” أليف دايرة إيدها على فم مجدولين وحابسة نفس فيها سمعات لحس تقطع طلات براسها مالقات حتى واحد سونا عليها تيليفون نمرة رضوان يلاه اتجاوبز حتى كتسمع
“”سيدي هاهوما”” جرات مجدولين وطلقان رجليها لريح عاوتاني كيجريو حتى كيلقاو راسهم على طريق العام…
#فالقهوة
خلص رائد القهزة والعصير يلاه خارجين من القهوة وقفاتو دانييلا
دانييلا :بدي قنينة ماي هالا بالرجع ، وقف كيتسناها مشات عينو بعيد حتى كيبانو ليه جوج بنات كيجريو على حر جهدهم كيتخطاو طوموبيلات او وراهم 5 ديال الرجال دقق شوفة عقد حجبانو
رائد :أليف!!!!😲 قطع شانطي كيتلكا لطوموبيلات وتبعهم كيجري على حر جهدو ….
#رضوان
تيليفونو كيسوني
رضوان : جسور أ…..
جسور :تبعني على طريق العام دابا تكون تم،قطع عليه ركب رضوان طوموبيلتو كسيرا جيهت طريق العام
#فالفيلا

روقية :مغوبشة)كتبلع فريقها
فاروق :مالك عاوتاني شنو واقع؟
روقية :معرفتش أفاروق والله شيحاجة شداني فقلبي قلبي ممهنينيش شي واحد فولادي واقع ليه شيحاجة
فاروق:أش عندو مايوقع متخافي من والو أليف معاها رضوان دراعو ليمن لجسور او ولادك راه فخدمتهم معندك مناش تخافي نوضي تعودي من شيطان وصلي ليك جوج ركعات وستغفري
روقية :أستغفر الله العظيم عدد خلقه ورضى نفسه وزنة عرشه ومداد كلماته ،لا إله إلا أنت سبحانك إني كنت من الظالمين… ***وقفو عرقانات كينهجو رجليهم فشلو عليهم
مجدولين :كتبلع فريقها)أنا أنا صافي عييت تهديت مابقيتش قادة والله
أليف : كتنهج)كنكوليك بقاي ديري سبور شفتي دعديعة فين وصلاتك دابا ولكن بيني وبينك حتى أنا عييت😥
▪صوت وراهم
“حتى حنا عيينا” دارو بجوج دقة وحدة رجال لي كانو وراهم قدامهم دابا كل واحد فيهم هاز عصى فيدو كيلعب بيها وضحكة على وجهو شافت أليف فمجدولين نباها واحد فيهم
الشخص :لا لا لا منصحكش أزوينة متفكريش حيت مابقا عندك فين تهربي شوفي قدامك وانت تعرفي منصحك ديري معانا ديك لعبة ديال المش مع الفار حيت مصالحاش، شافت قدامها زنقة لي كانو فيها مكان عندها مخرج مسدودة رجعات شافت فيه وهيا ومجدولين كيرجعو بالور
الشخص:كيضحك وكيهضر بستفزاز) هممم صراحة معرفتش واش نبدا بصاحبتك زوينة ولا بيك أنت أم شنو بان ليك ولا نبداو بيكم بجوج أممم واخا هو غراضنا بيك أنت ولكن لواحد الى جاتو نعمة كتيرة مخاصوش يرفضها ولالا؟؟شنو بان ليك أنت أنا كنكول حسن نبداو بيكم بجوح باش وحدة تمتع بتعديب ديال لوخرا أمم؟،أليف غير راجعة بالور وكتشوف فجنابها كتفكر شنو ادير تهجم عليه هاهيا كاع قدرات تهجم على واحد ولكن هادو راه 5 خمسة ديال رجال فايتينها فطول وفالوزن وكل واحد فيهم فيديه عصى طول من إيدو كيفاش اتخرج منها كيفاش اتهرب كيفاش أتقدر تحمي راسها وصاحبتها من هاد الوحوش لي معرفات حتى علاش تابعينها وشنو بغاو منها؟؟…..
🔥عصفورتي من نارSPEED🔥
55-تطلقات جوج رصاصات فالهوى خلات رجال يدورو
الشخص :هيه شكون أنت؟
رائد : حتى واحد مايتحرك البوليس
الشخص :لرجال)شوفو شغلكم،بالخف دارو برائد اما أليف واقف مصدومة مقدراتش تنطق كيفاش خوها سلاح بوليس،ربعة تلاو برائد والخامس تم جاي هاجم على أليف وقف جسور ورضوان فنفس الوقت فنفس لبلاصة خرجو كيجريو بان ليهم رائد كايضارب مع دوك 4 ولاخور حاصر مجدولين وأليف فبلاصة وحدة رضوان بقى مع رائد كيضاربو مع دوك ربعة وجسور مشا الخامس نزل عليه بضرب هلكو عصى خلاه طايح وكلو دمايات كاع داك لغضب ديالو نزلو عليه إبديه ولاو كلهم دمايات رجع عند أليف كيمس فيها
جسور :مغوبش)انت بيخير وقع ليك شيحاجة؟
أليف:لالا ماوقع والو
جسور : يلاه متبقاوش هنا،رضوان ورائد تكلفو بلوخرين وقف عليهم جسور وقال:
-رضوان تكلف بيهم وديهم لمستودع لقديم،شاف فرائد ونطق:
(بحزم)شكرا ولكن شكون انت؟نطقات أليف من وراه
أليف:تحت تأتير صدمة)هدا خويا رائد؟..
#فبلاصة _خرا
شانق على كوبرا وعرقو راسو ايطرطقو
الشخص :تحت سنانو)معامن تشاورتي أ شفتك وليتي كدير غير لي فراسك وقيلة كتقلب على موتك بيديك
كوبرا : سيدي راه هو لي كاليا نخوفها أنا أنا مكنتش ناوي نقيسها راه عو لي عطى لي الأوامر
الشخص : أنت خدام عندو ولا عندي(بالغوات)دوي واش مدام عندو ولا عندي كون تمسات شعرة وحدة منها مسارنك انخرجهم بيدي ونعطيهم لكلاب هدا أخر إنذار ليك تعاود بحالها غير حفر قبرك بيديك أنت عارفني علاش قاد وشنو كنسوى ….
#فالقهوة
أليف :دابا بابا وماما معندهم حتى خبار على هادشي؟
رائد :لا ومخاصش حتى واحد يعرف أ أليف وياك تخرج من فمك وهادشي لي ناوية ديري غير حيديه من دماغك مغاديش نخليك تخاطري براسك واش عارفة شنو كديري؟
أليف :عارفة شنو كندير خويا مابقيتش صغيرة وهادشي دخلت ليه ولي عطى الله عطاه معندك علاش تخاف عليا راك عارفني
رائد :وحيت عارفك داكشي باش كنكوليك هاد المعماعة مكاين مدخلك ليها

أليف : بحزم)رائد هاداك كان صديق ليا وزايدون معندنا حتى دليل عليه ولي اخطفات صاحبتي غادي ندخل راسي سوا بغيتي سوا كرهتي انت عارف راسي قاصح والى مشيت حتى دخلت راسي لشيحاجة مغنحيدهاش
رائد :شاف فجسور) سي جسور مغاتهضرش؟
جسور :هاز حاجبو)أنت كتعرف ختك كثر مني الى مشات حتى دخلات شيحاحة راسها أجا ميحيدها ليها،هنا نطقات مجدولين
مجدولين:علاش مديروش إيد فيد وتعاونو بعضياتكم حسن من هاد شد ليا نقطع ليك،يلاه أينطق رائد حتى وقفات عليهم دانييلا
دانييلا :كتخاصم)والله برافو علايك لازم صقف لاك كثير ياعيب الشوم عليك تركتني لاوحدي معرفت وين لائيك مألت إني بلد غريب وأول عمل لإلي هيك يكون رجال يفلا والله برافو،بقا الكل كيشوف فيها مصدومين جسور حدر راسو جاتو ضحكة
أليف :خويا منين ضبرتي على هاد نانسي عجرم
دانييلا :أنا مني نانسي أنا إسمي دانييلا دانييلا رحمي وأنا ضابطي بشرطة أوكي
رائد :كلسي بعدا زانت واقفة على راسي كتغوتي مكتعيايش كلسي نشرح ليك
دانييلا :ماشي هاي الكرسي وهاي أعدنا قول…..
فمكار شيكاغو نزلت طيارة الخطوط الجوية المغربية دخلات لمطار بأناقة ومشية لبقة وجها الملائكي وإبتسامتها الجدابة خرجات على برا جارا باليزتها تلقى ليها شيفور بإبتسامة حدر راسو فتح ليها الباب وبتحية:
الشيفور : على سلامتك أنسة جميلة…..
🔥عصفورتي من نارSPEED🔥
56- #فالقهوة
دانييلا :موسيو رائد أذا بدك الصراحة هاي خطة كثير منيحة والله سمعني نحنا فعلا بدنا بنت تكون دكيي مشان نزرعها وسط هاي المنظمة التجاريي تعرف أخبارن ومعلومات عنن لازمنا اذلي قويي لنهاجمها بعدونا
رائد :مزال رافض الفكرة)هادشي مزال مدخليش العقل وحاجة خرى علاش قضية الجثة مزال مخبيينها على البوليس اموسيو جسور
جسور :بعدم مبالاة) أنا عارف شغلي راسي منحتاجش لبوليس
رائد : ومخايفش لانبلغ أنا بيك؟
جسور :ضحك)مكيهمنيش
أليف : وأنت مخايفش نكول لماما وبابا بلي ولدهم عميل فلبوليس ومخبي عليهم(حسات بحال الى خوها ولا معفر منينخل لبوليس)
رائد :كتهديني؟
أليف : راجع تصرفاتك قبل متشوف تصرفات ناس(وقفات) ونكولها ليك من هنا انا قادة بشغلي كنتي أتعاون معانا كيف مكالت لي معاك مرحبا وألف مرحبا فينما تحطو ايدين يتحطو عشرة كنتي ادير فيها أخويا بحال دوك لبوليس لعايقين لي مخاص حد يدخل فخدمتهم غير قلب 6/9 حسن ماج يلاه نمشيو، خرجات من القهوة نيسان طلعات فطوموبيل ديال جسور سدات الباب بجهد وبقات مقابلة مع سرجم كتشوف فلي غادي ولي جاي نقزت مجدولين:
مجدولين: أليف بحال الى قصحتي مع خوك الهضرة شوية
أليف :مزيان باش يحس بغلطو شفتي كيدار فاش عاودت ليه على لي طرا بحال الى متسوقش مخاف موالو فالح غير علمو بولبس علمو بوليس الى ولى بوليسي على ناس فراه ماشي عليا صافي عفاك أماج راسي ضرني وعييت هاد نهار بغيت انعس،قاطع هضرتهم جسور لي طلع لطوموبيل وهوما فطريق نطق:
جسور :مكنتش محتاج ليك دافعي عليا قاد براسي ماشي بيبي صغير
أليف :بعصبية)أكوليا أش كيحسابليك راسك واش مالك دنيا بفلوسك عند بالك انت هو محور دنيا ولا شوف نكوليك الى كانو ناس ديال شيكاغو كيحماقو عليك ومكيرفضو ليك طلب فأنا لا ماشي سلعة عندك تامر فيا وتنهي ولي وقع فالقهوة مكانش دفاع عليك حيت انا بغيت نكول هكاك وكنت محتاجة نكول هكاك ونزيدك انت سباب هادشي كولشي من نهار شفتك ماشفت ربح نهائيا ودابا مابغيتش نهضر وصلتي غير لدار عفاك مابقيتش قادة نصبر مزال
جسور : أيجي وقت لحساب ماشي دابا ولكن جاي…. كان هدا هو أخر نقاش بيناتهم وأخر لقاء ليهم منين داز داك نهار وأليف حابسة راسها فالبيت مابغياش تشوف شي واحد حاسة بواحد الإحساس فشكل بوحدها والديها طايعين جسور صاحبتها لقات صدر لحنين لي تسند عليه عمر وهيا هيا شنو بوحدها….
#فيلا_قسور

تفتحات البوابة ودخلات منها ليموزين طويلة كحلة نزل شيفور بالخف فتح بابها نزلات منها صباط عالي سروال كلاص فالكحل مع عباية طويلة وشال مغطي نص فشعرها
الشيفور :مرحبا بيك أنسة جميلة
جميلة : الله يبارك فيك واش كاينين فدار ، مع سؤالها تلقات لجواب ديك ساع
“وعلاش لي أيعرف حبيبو جاي أيقدر يمشي لشي قنت، ضحكات ودارت كتشوف فيه بشوفات كلهم حب
جميلة : القاعدة هيا القاعدة باااااز ليك
قسور : ههههههه انا هكا أحبيبة وعمري نتبدل توحشتك مغاديش تعطي لراجلك بوسة متوحشتيهش،شافت فيه بخجل وحدرت راسها شيفور هز بالزها طلعهم بقات راس فراس معاه
قسور :عنقها) توحشتك توحشتك بزااااف وأخيرا وأخيرا كنت ضايع بلا بيك، خرج سي حكيم على لكرسي ديالو مبسم
حكيم :مرحبا بمرات ولدي على سلامتك
جميلة :الله يسلمك أعمي(تحنات على إيدو باستها)
حكيم :قسور دي اولدي مراتك لبيتها اتبغي ترتاح
قسور :هيا لي متعاود(مع غمزة ليها)….
#فيلا_جسور
كالسة على واحد دواحة عندهم فدار كتمشي بيها وتجي بيها ساهية حسات بتقل ديالها تزاد دورات راسها كان رضوان
أليف :بغيت نبقى بوحدي عفاك
رضوان :شنو واقع عاودي ليا؟
أليف :عيييت بزززاااف تهديت والله مابقيت عارفة مندير واش نشوف مستقبلي لي شحال وانا كنطمح ليه واش نستامر فهاد لعبة لي معرفت في اتديني وكولشي فكفة وداك راس العتلة دجسور فكفة خرا
رضوان :كيضحك)شنو هيا العتلة تاني؟
أليف :الفاس واش انت أي حاجة كتقلب على المعنى ديالها ناس فناس والقرع فمشيط راس
رضوان :أنا قرع وفوجهي؟
أليف :ناري ياربي المعبود هادي غير مثلة وزايدون راك قرع اتنكر؟
رضوان :لا ولكن جرحتي أحاسيسي
أليف :حتى انت عندك أحاسيس؟
رضوان :واشنو تحسابيني أدومة ولا؟
أليف :طرطقات بضحك)مزالك عاقل؟
رضوان :الحمد لله منين ضحكتي يلاه عاوديلي مالو جسور معاك شنو واقع؟
أليف :عييت منو أرضوان والله يأمر ويغوت عليا فينما لقا الفرصة مالي شنو درت ليه يلاه فينما كنا بجوج يلوح ليا كلمة فشكل يسممني بيها مكفاهش خويا لي ولا بوليسي وكأمر وينهي عليا زاد كمل هو عليا لي خاص مالي عليها انا والله حتى وليت حاسة براسي بوحدي ماج لي كلت راها معايا لقات لونيس نكولو حب حياتها بدا كيبان
رضوان :شكون عمر؟
أليف :وشكون من غيرو ولودي حتى هو تلاها مع سطاج لي عندو إيوا وبقيت بوحدي،تبسم ليها رضوان دار إيدو ورا كتفها
رضوان :متكوليش انت بوحدك حنا ديما معاك أنا دراغون ههههه فخبارك عزيتي عليه والله حنا ديما فجنبك وفحمايتك لي تجرأ يمسك انحيوه وندفنوه حي
أليف :عنقاتو) حتى انتوما عزاز عليا….
🔥عصفورتي من نارSPEED🔥
57-قاطعهم صوت خطوات جاي من بعيد علات عينيها بان ليها خوها جاي جيهتهم وقف قدامها داير إيديه فجيابو
رائد :سولت عليك كالو ليا كاينة فجردة بغيت نهضر معاك،وقف رضوان لعب ليها فشعرها بحركة لطيفة مشا وخلاهم حيد رائد إيديه من جيابو وجا كلس حداها بقا شحال ساكت عاد نطق:
رائد :بغيتك تسمحيليا على داك نهار كنت متوتر بزااف منين عاودتي ليا تخلط عليا كولشي سمحيليا شوفي فيا،دور ليها وجها عندو وشد ليها فيديها
رائد :بغيتك تعرفي بلي أخت وحدة لي عندي نغامر بحياتي على قبلها نتأدى أنا ومتأدايش أنت ديري هادي فبالك وهدا لي كيحاول يلعب بعائلتي مغاديش ندوزها ليه ساهلة ديريها فبالك انا تايق فيك وعارفك شنو كتسواي،هبطات دمعة من عينها عنقاتو بجهد كتحاول تخبى فصدرو لحنين لي كان هو المخبأ ديالها فاش كانت صغيرة
أليف :الله يخليك ليا يأحسن أخ فدنيا أجي كول ليا واش سراب خدام نيت نيت ولا حتى هو أيفاجئنا بحالك همم
رائد :ههههه لا الالة غير أنا لي خرجت من جنب
أليف : همم وديك نانسي لي معاك
رائد :مالها؟
أليف :بانت ليا عينها فيك والله أعلم
رائد :ضربها راسها) هاديك خدامة معايا مكاين حتى حاجة من غير هادشي كبرتي حتى انت او ولياي تفهمي باز
أليف :ومالي أنبقى ديما مع البز
رائد :كيهر فيها) انت إيمتا اتصلحي داك الفم إيمتا ،ناضت كتجري ميتة بضحك كدور على بيسين تابعها رائد وعينين جسور مقابلاهم من الفوق.
رضوان :جسور جسور واش كتسمعني؟
جسور :أم شنو كلتي ؟
رضوان :من صباح وانا كنهضر وأنت مكاينش فهاد العالم كتليك جاتك دعوة بريدية من عند قسور داير حفلة فالمزرعة ديالو
جسور :بعدم إهتمام وعينيه مزال على أليف) رفضها
رضوان : من نيتك هادي هيا الفرصة خاصنا نوجدو أليف تكون هيا ملكة الحفلة خاصنا نخليوها فهاد الحفلة تميل ليه قلبو،معرفش علاش تكرز عليه قلبو فاش سمع هاد الهضرة علاش هو لي عمر مشاعر قوية سيطرات عليه مينكرش جمال أليف وجها الملائكي كاتبان بحال شي حمامة ولكن لي قرب منها كيلقى عافية تقدر تحرقو وتحرق لي معاه دكائها عنادها تحريميات ديالها هادشي كولو مكيبغيهش فالبنت كيبغي البنت تكون كتسنط وسكوتية لبقة فالمعاملة ديالها تعامل بحترام.. قاطع تفكيرو هضرت رضوان

رضوان :لالة أنت بيك شيحاجة مافيهاش
جسور :بصرامة)صافي قبل دعوة….
طلعات أليف كتجري من بعد ما نفسيتها رتاحت حسات براسها رجع ليها المرح ديالها وضحكتها كيف كانت غادية لجيهت بيهتها حتى كيوقفها صوت مها المتوتر:
روقية :فاروق مابقيتش مرتاحة هاد سر تقل عليا بزاااف
فاروق :روقية واش عند بالك أنا مرتاح حتى انا ممرتاحش واش عند بالك هادشي لي واقع دابا ساهل أم عند بالك انا كنقدر نعس شكون كال هادشي لي كيطرا بسباب لي وقع هادي أعوام بسبابي أنا أنا اروقية
روقية :متكولش هكاك افاروق أنت حميتي صاحبك او ولادك لي كانو فكرشي دار فاروق كيشوف فسرجم وقال:
– حميتهم بالقتل عرفتي شنو هيا تقتل اروقية انا قتلت روح بيديا هادو،شدات أليف على فمها تجمد دم فعروقها حسات بالبرودة طلعات معاها
روقية :انت حميتينا دافعتي علينا وعلى راسك،دار عندها توسعو عينيه من صدمة نطق:
فاروق :أليف!!😓 دارت روقية بانت ليها بنتها وجها صفر مشات عندها بزربة جراتها ودخلاتها لبيت سدات عليهم….
🔥عصفورتي من نارSPEED🔥
58-أليف :متوترة ومصدومة من لي سمعو ودنيها)ماما واش هادشي لي سمعت بصح ولا غير جابو ليا ودنيا
روقية :بنتي غير كلسي وانا أنشرح ليك كولشي،دارت شافت فباها لي حاني راسو وساكت لقات راسها كلسات وكتسنط لشنو أتكول مها
روقية :قربات لكرسي لقدام بنتها كلسات وعينيها مغرغرين بدموع)نهار جينا أنا وباك لهنا فاش تزوجنا كنا بحال أي ناس مزوجين عادي عايشين باشما قسم الله فرحانين واخا ناكلو الخبز والما وهانية عندنا كان باك ديك ساع كيعرف سي عماد حملت بلولد لول خوك سراب كان مقاداني فرحة حيت وأخيرا ومن بعد شحال هزيت فكرشي شيحاجة من باك لي اتزيد تربطني بيه أما فاروق خلاص(كتهضر بمرارة) كان بحال شي واحد ربح الملاين ومعارف شنو يدير بيهم(تبدلات هضرتها للحزن وقسوة) حتى لداك نهار مزال كنعقل عليه بحال إلى البارح دزت عند باك لكاراج كان عندنا ديك ساعات كاراج صغير على قدنا دزت عندو ديت ليه لغدا وكنت انطرك سوق نتقدا ونرجع لدار داكشي لي كان تقديت رجعت لدار مع الحلة ديال الباب كانحس بيد تحطات على فمي من تم معقلت على والو حتى كضربني لفيقة، أليف عينيها هابطين بدموع كملت روقية كلامها: -كنلقى راسي فواحد البيت كولو مضلم من غير سريجم صغيور مدخل الضو كيدخل واحد معقلتش على وجهو حيت كان داير بحال ماسك لوجهو(لبنات هادشي راه كاين خصوصا فالمكسيك عصابات بحال هكا كيخطفو ناس) شعل ضو خفيف لي عماني فعيني حليت عينيا مزيان وصدمة لكبيرة فاش أنلقى سي عماد مربوط فالكرسي لي فدامي وكولو مضروب انا مع كنت مزال مكنعرفش الانكليزية مزيان من غير شي كلمات شي فرزتو وشي لا ولكن لي فهمت هو خداني رهينة انا وعماد باش يجيب فاروق لعندهم وداكشي لي كان قدرو يجيبو باباك لديك دار المهجورة ستعملونا وسيلة باش يجيبوه لعندهم،هنا قاطعاتها أليف : -ولكن علاش شنو سبب علاش هادشي كامل؟
روقية :باباك فاش تعرف على عماد أو ولاو صحاب كان ديما كيدافع عليه وحماه ماشي مرة ماشي جوج من الموت واحد المرة دارو لعماد الكوكايين فطوموبيل ديالو وهادشي كولشي شافو باك منين بلغو البوليس على عماد وقلبو الكوفر ديال طوموبيل مالقاو والو هنا حطو فاروق فراسهم وحلفو حتى ينتاقمو منو ويقدر هاد الانتقام يوصل حتى لموت
أليف :ومن بعد شنو وقع؟

روقية :خدات نفس عميق وكملت) جا باك كنت كنسمع الرصاص والمضاربة كل مرة كيتهز قلبي من بلاصتو كنكول صافي أيكونو قتلوه انخرج ومنلقاش راجلي سند ديالي فهاد دنيا كنت نقدر نموت الى وقعات ليه شيحاجة كان فيه الاب والاخ والام هو لي عندي لا حنين لارحيم فهاد دنيا من غيرو فاش شافو الوقت تزيرت خرجوني أنا وعماد كل واحد شادينو فيد دارو معاه شونطاج يا يطلق واحد من رجالهم لي كان هاز عليه سلاح ياشاف ديالهم يقتلني ويقتل عماد
أليف :بترقب)كملي!!
روقية : كان الجو متوتر فأي وقت ممكن واحد فينا يموت فلحظة تسمعت رصاصة لي خلات راجل لي فيد باباك يموت وطلقة من الفردي لي فيد باباك خلات شاف لكبير ديالهم يموت
أليف :وأنتوما عارفين شكون هادا وشكون هادو
روقية :لا ديك ساعات مكان هامنا والو من غير سلامة ديالنا خرجنا من تم ومتلفتناش ورانا ، وقفات أليف حسات براسها فحلم دارت عند ماماها وهيا تسولها :
أليف :هاد شاف ديالهم شفتيه أنت فوجهو؟
روقية :كتحرك فراسها) لا كان داير ماسك على وجهو حتى واحد فينا مشافو فديك اللحظة كان هامنا غير راسنا خرجنا دراغون من تم ومن بعد رجع هو ورجالو لبباصة فين كنا فيها ، سكتات أليف شافت فباها لي حادر راسو وساكت مشات لعندو وقفات قدامو كتشوف ليه فوجهو وعينيه لي كيترعدو ….
🔥عصفورتي من نارSPEED🔥
59-هاد الأب لي قاصا بزااف تعدب وتمحن ودار لي ميدار على قبل يحمي عائلتو وصاحبو،مدات إيديها وهزات وجه باها خلاتو مقابل معاها تبسمت ليه ونطقات:
أليف :شنو زعمة حشمان مني تجيمس بوند ومدارهاش فياماتو ولايني مساهلش وانا كنكول لمن طالعة،فلحظة كانت بين إيديه معنقها بجهد ودموعو نازلة شحال فخور بهاد البنت لي معندها تمان
أليف :كتزير عليه) عمر شيحاجة تخليني نحس بالعار من جيهتك أنت أحسن راجل فهاد دنيا كلها عرفتي شحال كنبغيك أنا كد هاد دنيا وهاد الكون كولو الله يخليك ليا يا أحسن أب فدنيا
فاروق :كيمسد على شعرها)وكيحرمنيش منك أبنتي الله يفرشك برضى ويغطيك برضى
أليف :شفتي أنا هدا لي أيتزوج بيا إلما كان بحال والله لاخديتو ديروها فبالكم، حسات روقية براحة منين أليف مخداتش موقف من باها بالعكس تفهماتو
أليف :هاد الهضرة أتبقى هنا ولكن أجي نكوليكم واش جسور فخبارو؟
فاروق :أه فخبارو،شافت فيه روقية يستغراب
فاروق :أنا لي كلتها ليه من شحال هادي وهو عارف وعماد مغايخبي والو على ولدو
أليف :يلاه رتاحو انا أنطلع لبيتي،خرجات من بيتهم نيشان لبيت جسور دخلات بلاما دق الباب لقاتو يلاه كيسد صدايف القميجة،خنزر فيها بشر
جسور : وقيلة داك الباب نحيدوه ونديرو خمية تم لي جا يدخل شنو بان ليك؟
أليف :حل زوين والله وشريها يكون فيها تفاح وبوعويد وليمون بحال دوك ديال لكوزينة أتجي زوينة وتعطي لومبيونص لهاد البيت
جسور :بدا العرق ديال الأعصاب كيضرب)شنو بغيتي؟
أليف :بغيت نهضر معاك
جسور :كمل سدان صدايف) مكاين فاش نهضرو لقيتيني خارج
أليف :جسور بغيت نهضر معاك فموضوع مهم غير سمعني وخرج
جسور :بحزم)وإلى مابغيتش؟
أليف :هاد المرة كنهضر بصح مكنضحكش(خنزرات فيه)
جسور :فايف مينيت(5دقايق)
أليف :دخلت فالموضوع نيشان)فخبارك داكشي لي طرا 28 عام هادي
جسور :كيتصنع الكلاخ)28 عام لا ديك ساعات يلاه عندي 4 سنين يلاه اندخل لروض
أليف :بصرامة)جسوووووور راه فخباري كولشي ابلاما دير ليا فيها راك مكلخ
جسور :عاودو ليك؟
أليف :سمعت غير بصدفة وعودات ليا ماما كولشي
جسور :كمل لباسو )داكشي داز شحال هادشي لاش كتجبدي فيه
أليف :بعصبية) واش ممكن تهضر معايا بحال ناس وتكلس وت صدايف قميجتك وانت معري عليا صدرك لعريض كتبندر بيه(كتلهت)، دور راسو بشوية على حاجبو كيشوف فيها حسات براسها قفراتها حل صدايف القميجة حيدها ولاحها بقا عريان من الفوق كلس على الكرسي كيشوف فيها

جسور :أنا كنسمعك، أليف سرحات مع تفصيل جسد ديالو الممشوق الوشام لي واخد كل بلاصة فصدرو فمها نشف ونسات شنو أتكول علاش كيوقع ليها هادشي علاش فاش كتكون معاه كتشل الحركة ديالها ومكتعرف مدير بحال الى كيلحس ليها مخها، جسور حس بواحد ريشة ديال الفرحة دغدغات الحواس ديالو منين حس بلي كيقد يأثر عليها وهو حداها
أليف :بتوتر) أحم البرد البرد وأن أنت غدا عندك سباق ياك الله يستر تمشي تمرض تصدق خاسر اخر سباق ليك تخسر حشومة حتى لمعاودة،مشات هزات ليزار ديال نموسية لواتو عليه بحال لكماط ديال دراري صغار كلسات اونفاص معاه كتشوف فيه عاد نطقات:
أليف : الموضوع لي بغيت نهضر فيه هو : نهار لي وقع داكشي
واش دراغون رجع لبلاصة لي وقع فيها لي طرا ولالا
جسور :أنا مسولتش لاش بغيتي توصلي هضري خلاص
أليف :لي بغيت نكوليك هو باش عرفتو هداك لي خطف عمي عماد وماما مات داك نهار علاش ميكونش هو لي دار فينا هادشي كولشي
معرفتيشش شكوون هو لي رجع باش ينتاقم ، وقف جسور عطاها بظهر كيشوف فسرجم مشا بعقلو بعيد بصح علاش لا ميكونش هو مول هاد الفعلة هادي قربات ليه أليف حتى ولات ورا ظهرو نيشان
أليف :كطل عليه)ياك بعدا،دار عندها او ولا قربو ليها على بعد جوج إينشات…
🔥عصفورتي من نارSPEED🔥
60-كيشوف ليها فعينيها كيحاول يأتر عليها ولا كيحاول يشوف شنو فعينيها هضرتو لي برودة كتخليها تبقى اتهضر بلا موجب شرع
جسور : شنو مخليك واتقة من هضرتك؟
أليف :علاش لا متعرف خاصنا نحطو جميع الإحتمالات،بعدات من قدامو حيت قربو ليها كيخليها توتر وإيديها كيعرقو هاد الحركة اي دارت خلاتو يتبسم لا إراديا وأخيرا عندو سلاح باش يواجها وعرف نقطة ضعف ديالها
جسور :أه عندك صح مهم هادشي خليه من بعد فاش نجيو من عند قسور،دارت شافت فيه بتساؤول :
أليف :شنو انديرو عند قسور؟
جسور :علاش مافخباركش موصلاتكش كارت دعوة
أليف :لا موصلني والو(بستغراب)
جسور :كيبان ليا العاشق الولهان بدا كيمل منك
أليف :براكة من الهضرة وكول ليا أشمن كارت ياك تافقنا حتى واحد ميخبي شيحاجة على تاني؟
جسور :واش مزوج بيك ومفخباريش
أليف :جسور(بحزم)
جسور : ماشي مجبور نكول ليك
أليف :وعلاش أنا مجبورة؟ قرب منها حتى ولا قدامها
جسور :هز صبعو حطو على راسها)نهار متبقايش ديري لي كاليك راسك وتسنطي لهضرة ديال لي كبر منك ديك ساع يمكن ليا نكوليك يلاه خليني غدا عندي مبدار وممساليش ليك، جا خارج وهيا تشد فيديه وقف ورجع بخطوات تقال عندها وقف كيشوف فيها وفيديها لي شادا فيه
جسور :طوالو إيديك دابا علاش كتقلبي؟
أليف :نطرات إيدها منو)والو والو انا أصلا هبيلة جايا عندك،خرجات كتجري من بيتو بحال الفار لي هارب من غار المش بقا واقف كيشوف فالفراغ لي خلاتو دار إيديه فجيابو وتبسم بحال الإبتسامات لي كيدير فاش كينتاصر فشي سباق..
ضرها راسها لاش أيمشيو عند قسور غادية جايا فبيتها كتعض فضفارها مشات لبالكون بان ليها رضوان داخل بطوموبيلتو هبطات كتجري عندو قبل مايشوفو جسور ومايخليهاش تهضر معاه مع نزل من طوموبيلتو لقاها واقفة قدامو
رضوان :بخوف)ياك لاباس شنو واقع؟
أليف : لا والو مواقع والو أجي نكوليك بصح قسور عارض علينا؟
رضوان :هممم وانا كنكول مالك كلاك لفضول تلقايك مشيتي عند جسور ومبغاش يعطيك راس الخيط بنت ليك أنا هم
أليف :معلقة فدراعو)عفاك عفاك الله يعطيك ستر لي مايبلا مايخسر الله يعطيك شي 100مليون كول ليا
رضوان :صافي سكتي كتقطعي فالقلب علاش عارض علينا معرفتش ولكن على ماسمعت شي حدث مهم غدا مع 8 فالفيرمة ديالو
أليف :كزلشي عندو مع 8 شنو ايكون بغانا زعممة ياكما عاق بينا؟
رضوان :منظنش مزال كيجيوك الميساجات؟
أليف :لا من نهار تلاقيت بيه ماوصلني والو أجي غدا جسور عندو سباق ياك؟

رضوان :أه ماشي هنا عندو فنيويورك ايمشي صباح ويرجع فالعشية صافي الالة كملتي فضولك وخليمي نمشي راه تعطلت عليه،خلاها فجردة وطلع عند جسور كيجري…
#فالمكتب
ورا الكرسي كالس حتى دخل عليه رضوان
رضوان :ياك لباس صوتك فتيليفون معجبنيش
جسور :دراغون فطريق حتى يجي،مكملات جوج دقايق حتى فتح الباب او وقف عليهم
دراغون :بقلق)شاف بغيتيني؟
جسور : نهار واحد فشهر 10 عام 1989 عاقل على هاد تاريخ؟
دراغون :وشكون يقد ينساه
جسور :كيشوف ليه فعينيه وكيورك على كل كلمة كيكولها)بغيتك تفكرررر مزياااااان فاش خرجتي الواليد ومعاه مدام روقية وفاروق فاش رجعتي واش كان لي شادهم تم ولالا واش دفنتيه بيديك مع رجالو ولالا ؟؟؟ دراغون كلس على الكرسي وكيسترجع أحداث داك نهار لحظة باللحظة كيفاش تلقى الخبر من عند سي منصور وكيفاش خرج برجالو كيقلبو على سي عماد وصاحبو ومرتو كيفاش فاش وصل ولقى شحال من واحد طايح من غير البوس لكبير لي كان شاد عماد ومرات فاروق ولكن بدا كيستعقل شوية شوية
جسور :مغوبش) دراغون مابغيتكشش تنسى لقطة وحدة واش كان فاش رجعتي ولالا؟؟
🔥عصفورتي من نارSPEED🔥
61-رضوان وجسور كيشوفو فدراغون ومتسنينو شنو أيكول ليهم
دراغون :داك نهار فاش رجعت ليهم وهزيت رجالو كانت واحد البلاصة فيها دم وبحال إلى شي واحد جر داك دم مع ضغط مافكرتش واش كان تم ولالا، ضرب جسور البيرو بيديه أو وقف
جسور :بعصبية) هيا هضرت أليف بصح
رضوان :بشك) بغيتي تكول…
جسور :حساب قديم هذا منضنش يكون عندو علاقة بقسور ولا بغيرو
دراغون :مخاصناش نحيدو عينينا على قسور معرفتي ضربة منين تجيك
جسور : بغيتك ترجع تقلب تجبد ليا شة ولفادة على داك نهار غدا نغانكونش مسالي ولكن فالعشية بغيتكم تكونو واجدين(شاف فسرجم) سي قسور كيتسنانا….
#فجردة
“لافلوفتي ،دارت أليف بان ليها عمر أو وليد داخلين
أليف :وأخيرا تفكرتو عندكم صاحبتكم
عمر :همم كنشم ريحت شي واحد مقلق هنايا
وليد :انا بعدا لافلوفي مكتقلقش مني توحشتك مالك صفاريتي ناري وتحت عينيك زراك شعرك كيطيح
عمر :بصرامة )وليد بدينا تاني
وليد :بالغوات)ومالي كدبت شوف البنت كيف ولات حالتها كولشي من داك المتوحش ديال داك جسور
أليف :ههههه أجيو كلسو والله حتى توحشتكم شي ناس القاو حبابهم ونساو صحابهم
وليد :المعنى عليك الحادر عينيك شفتي هدا راه داير كيف طبك مسكين واخا تحشي ليه الهضرة مع نيفو والله لا فهم وسمع أولدي
عمر :سمعتها وفهمتها منحتاجش تفهمني أنت المهم جيت اليوم بغيت نخرجو مجموعين بغيت ندير مفاجأة لماج وصارحها بهادشي لي كانحس
أليف :خرجت عينيها) نو ويي أيكانت بليفيت فاينيلي قررتي تكولها
وليد :كون عولتي عليه يضفر شيب ومايكولهاش كونما زعمتو وكنما شاف كريستين لي كانت معانا تزوجات مايكل بغا يحماق كايبكي بدموع لي مصارحاش وهاد البغل لي حدايا عاد دار عقلو
عمر :وليد راه انوض نجمعك بشي نص صلح فمك
وليد :نوض يحسابلك أنخاف منك علاش أنت ماشي بغل لي لبنت كانت معاك حداك كيف الامانة وانت راسك بحال الكسكاس الله يستر هازو متقل بيه
عمر :أليييييف كوليه يسكت
أليف :كضحك )ششش ماج جايا،هبطات عندهم مجدولين سلمات عليهم وكلسات معاهم
ماج :شنو كنتو كتعاودو
وليد :الالة عمر بغ…..،ضربو عمر برجلو تحت طبلة حتى غوت
وليد :شييييت عرفتي شحال هاد سباط ولا 500دولار وانت بجغتيه بسبرديلتك المعفنة
أليف :الالة عمر عارضنا نخرجو شوية
مجدولين :من داك نهار المنحوس تشأمت من الخروج
أليف :لالا معانا جوج رجال تبارك الله معندك مناش تخافي
عمر :يلاه من هنا لساعتين نلقاوكم واجدين اوكي،جر وليد من قميجتو وزيدو قدامو خرجو قبل مايفضحو بقات ماج متبعاهم حتى غبرو ترسمات إبتسامة على فمها وتنهدات..
أليف كتشوف فيها وتبسم ردات ليها البال مجدولين وهيا تسولها:
ماج

ماج :مالك كضحكي؟ عطاتها أليف بضهر وتمت غادية تبعاتها ماج كتجري
مجدولين : ربي مالكي؟
أليف :والو غير بانت ليا واحد قصة ديال الحب بدات كتبنا وكاسيفط طيور ديالها
ماج :شكون أنا وعمر لا أبدا
أليف :هممم وشكون كاليك فكرت فعمر يقدر نمون فمرت فواليد شفتي كريتي بلا عصى أح عليك أشنيولة
ماج :وصافي(وجها حمار بالحشمة وسقلات) دخلو معانقات يختارو مايلبسو لسهرة دالعشية…
جسور مع رضوان فالبيت كيجمع حوايجو
جسور : مشغول كيقاد حوايجو)كلتي ليه يكون واجد؟
رضوان :كيتسناك طيارة واجدة خاصك انت تكون تم
جسور :مزيان)مابغيتش شي واحد يحس بلي مشيت هاد ليلة خصوصا أليف حيت أدير مابغات اوكي؟
🔥عصفورتي من نار SPEED🔥
62-رضوان :كون هاني من ديك ناحية كنت بغيت نكون معاك بحال لمرات لي فاتو
جسور :محتاجينك هنا كتر ممحتاجك أنا انسالي ونكون هنا
رضوان :بغيتك تخرج وراسك مرفوع من اخر سباق ليك
جسور :أكويلا روسا ديما كيخرج براسو مرفوع يلاه منحتاجش نوصيك انت عيني فغيابي
رضوان :ديما،هز ليه شنطة ديالو خرجو من باب لوراني لشقة نيشان لبيسيكليت لي اتخرجو بلا حس لطوموبيلتو وصل لساحة فين كيتسناه طيار الخاص ديالو هز من عندو شنطة خدا بلاصتو تسد الباب مدة 5 دقايق حتى كانت هيليكوبتير طايرة فسما نيسان لنيويورك….
فمطعم صغير سميتو بحالو LOVEمعروف كيجيو ليه غير ليكوبل واجدة طبلة سبيسيال بناب حمر لي بالون فالحمر شميعات فنفس اللون واقف عمر بكامل أناقتو ومعاه وليد لي معنق دبدوب وساهي
عمر :وليد طلق داك دب مغاتجي فين توصل ماج حتى تكوني صرطيه
وليد :فعالم تاني )أاااااه حتى انا بغيت نحب ونتحب إيمتا أنلقى فتاة أحلامي حتى أنا قدري ومكتوبي أااااااخ
عمر :تعطلو بزااااف
وليد :مالك زربان درنا معاهم 7 هادي يلاه 6:30 فيا جوع كون اشديتيلي سوندويتش بينما جاو
عمر :بحزم)اتشرب كاس دالما وتحيد داك دب من إيديك وتسكتني..
#فالفيلا
مجدلين :كيف كنبان؟؟
أليف :فنة ،ماج بحكم قصير كانت لابسة صباك كحل بريون مع كسوة كحلة مكياج كتفات فمسكارا وعكر حمر أما أليف فكان لباسها عادي سروال توب فكاكي وشوميز بيضة فيها وريدات صغار فنفس لون سروال وشعرها شاداه على شكل كعكة
أليف : يلاه راه تعطلنا على دراري، جينا هابطين علمت ماما بلي خارجين مع دراري مع جينا خارجين وقفنا الكارد بيديه
الكارد :أنسة سمحيليا ولكن عندي تعليمات منخليكش تخرجي
أليف :غوبشات)تعليمات منمن؟
كارد : موسيو جسور
أليف : لا تبارك الله عليا ولينا فحبس حنا ماشي فدار، تفتحات لبوابة ودخل رضوان وقفت ليه قدام طوموبيلتو نزل ساخط
رضوان :كيغوت )واش حماقيتي كونما فرانيت وضربتك إيمتا أديري عقلك خلاص
أليف :خليني من عقلي وأجي نكوليك،جراتو لتحت شجرة وباينة عليها معصبة

أليف : بغيت نخرج ولكارد منعوني كاليك حقة ما حقة سيهم جسور عاطيهم تعليمات منخرجش
رضوان :أه فخباري
أليف :بغيت نخرج ضروري أرضوان دايرو مع وليد وعمر ليوم دايرين مفاجأة لماج بليييز(بترجي)
رضوان : مفاجأة ديالاش؟
أليف :عمر أيعتارف بحبو لماج وعرض علينا عفاك إلما خرجت انا راه مغاتخرج ويضيع علينا كولشي عفاااااك
رضوان :أوكي ولكن انا لي أنوصلكم وأنتسناك حتى تسالي ونرضكم
أليف :واخا غير يلاه خلاص،جراتو من إيدو سبقاتو ركبات فطوموبيل جات حداها ماج سولاتها
مجدولين : أمضرا شنو درتي؟
أليف :فنظرك بكل إفتخار قنعتو وهو لي أيدينا ويجيبنا،شير رضوان لكارد باش يفتح لباب من بعد ما شدو طريق لمطعم وصلهم عند الباب خرجو هوما وخلاوه وراهم يبلاصي طوموبيل….
دخلنا لمطعم زوين وبسيط من الداخل كيحسسك بدفىء لي فيه الكل كان كالس جوج جوج معالمينش على لي حداهم هامهم غير مشاعر لي بيناتهم بان لينا عمر وقف شديت لماج فيديها ومشينا عندهم
وليد : اوووه وأخيرا جيتو كنت انموت بجوع
أليف :باااز هامك هم كرشك
عمر : باس لماج إيديها وقرب من ودنها وهمس)جيتي زوينة وبزاااف، حسات ماج بسخونية دالحشمة طلعات معاها ءو وجها ولا حمر، كلسو على طبلة جاب ليهم السرباي عصير بلكلاص تحت طلب عمر كان مخطط لكلشي،كالسين مجموعين خالقين جاو أما عينين عمر منزلوش على مجدولين تحط لعشا وهو ينطق وليد
وليد : شفت داك صلوع جا معاكم
أليف :كتاكول)أه هو لي وصلنا وهو لي ايرجعنا
عمر :علاش مجاش يتشارك معانا؟
أليف :بغا يبقا على راحتو ويخلينا على راحتنا،،كملنا لعشا وأنا على ناري نشوف شنو أيوقع….

🔥عصفورتي من نارSPEED🔥
63- #عند_قسور
كالس فجردة مسرح رجليه وكيشوف فسما ونجوم حس بيدين تسللو لعنقو وعنقوه شد فيديها ودورها لعندو كلسها حداه
جميلة : علاش مافيقتينيش؟
قسور : مكنتش بغيت نفيقك خليتك ترتاحي متعرفيش شحال كنت محتاجك حدايا وتكوني معايا وفجنبي والله
جميلة : حتى أنا كنت كنحاول نسالي خدمتي دغية ونرجع لهنا المدير مبغاش ليا غير بزز باش قبل إستقالة ديالي
قسور :علاه فين أيلقى مهندسة بحالك
جميلة :همم كتكول هكاك غير حيت ءنا مرتك
قسور :مرتي وحبيبتي وحياتي كلها،ضمها لصدرو بجهد كيمسد على إيديها وساهيين فنجوم لي كتضوي بحال لألماس وسط السما…
#فالمطعم
حدر عمر راسو خدا نفس طويل وشاف فماج
عمر :ماج واخا تعطيني إمنتباهك شوية،شافت فيه مجدولين بفضول أليف او وليد مشادين ليدين كيتيناو بفارغ الصبر
عمر :عارفة شحال دامت صحبة ديالنا تشاركنا بزااف ديال الحوايج ضحكنا لعبنا بكينا هادشي كولشي درناه مع بعضياتنا ولكن الحاجة الوحيدة لي معرفاهاش أنت أني كنت كنبغيك ماسي حب صديق لصديقتو لا كنت كنشوفك كتر كنبغي كل تفصيل فيك(كيهضر ويتبسم مع كل كلمة ليها)كيفاش كضحكي وكيفاش كتهضري وفاش كتعايري ولا فاش كتبكي بحال شي بنت صغيرة اليوم بغيت نعبر ليك على باش كنحس إلى تقبلتي حبي ليك تأكدي أنخليك أسعد وحدة فهاد دنيا وإلى ماتق….حطات إيدها على فمو عينيها مدمعين
ماج :أنا قابلة علاش منقبلش كاينة شي بنت فهاد دنيا اتكول لا لواحد بحالك أنكون أحمقة الى كلت لا مستحيل نخليك لشي وحدة،وقفها وخداها فحضنو عنقها وباس ليها راسها، أليف او وليد كيصفقو ويعنقو بعضياتهم
وليد وأليف :وي وي وي هي هي هي وووووو ياس ياس ياس،،مقابلهم رضوان كيشرب من كاسو ديال المشروب وميت عليهم بضحك سونا ليه تيليفون جبدو بانت ليه نمرت جسور
جسور :كولشي مزيان عندك؟
رضوان :كولشي هو هداك معندك علاش تشغل بالك
جسور : وأليف؟
رضوان :معايا
جسور :صوتو تبدل)كيفاش معاك شنو كدير معاك فهاد لوقت هدا؟
رضوان : رولاكس جسور انا خرجتها هيا صاحبتها عند صحابهم عمر بغا يعتارف لماجدولين بحبو ليها وخرجتهم ومابقا والو ونرجعهم لدار هادشي لي كاين،جسور حس براحة علاش وكيفاش الله وأعلم
جسور :اوكي،،قطع مع رضوان لي بقا معجب من ردة فعل جسور فاش دكر ليه بلي أليف معاه تبسم لا إراديا وهو يكول مع راسو:
رضوان :كلام درااغون بصح مية فالمية هاد جوج ايتلاقاو سلوكا ديالهم…
#نيويورك
جسور كيدور فشقة ديالو وقف قدام البالكون كيشوف فسما
جسور :اووووف أشنو هادشي كيوقع ليك أجسور إيمتا كنتي كتخلي مشاعرك شخصية تحكم فيك إيمتا إفتتان جسدي باينة أه هدا هو تفسير لوحيد لي عند هاد الإحساس لي كنحس

دوز إيدو فشعرو رجع لور طفا ضو ودخل لبيتو ينعس هدا في حالة إلى تسلل نعاس لعينيه…
رجع رضوان لبنات لدار ماج دخلات لبيتها معنقة دبدوبها لي جاب ليها عمر طايرة فسابع سما أما أليف حيدات حوايجها دغية نعسات بشورط وتيشورت مع تلاحت على نموسية غيبات….
أصبحنا وأصبح الملك لله
كلشي كان مجموع فصالون لكبير مقابلين مع تلفازة وكيتسناو عماد فاروق روقية رضوان هبطات أليف قلبات عليهم فصالون فين مافين كيتجمعو مالقاتهم مشات كتقلب عليهم حتى لقاتهم مجموعين على تلفازة
أليف :أشنو واقع؟
فاروق :ششش ايبدا سباق دابا
أليف :علاش إيمتا مشى جسور كاعما شفتو؟
رضوان :مشا لبارح فليل بقات 5دقايق لسباق يبدا،كلسات أليف هازة تفاحة فيديها ومبلكة عينيها فتلفازة البرنامج الرياضي لي أيبث السباق عطى صورة على حلبة السباق جمهور كبيير كزلشي هاز راية بيضة مرسوم فيها نسر ومكتوب فيها أكويلا روسا كولشي كيهتف بسميتو ويغوت حتى كيبان داخل بطولتو داير نظاظر كحلين على عينيه لابس البسة لمخصصة فالحمر وهاز فيديه الكاسك ديالو كانو تابعينو شي رجال واحد فيهوم داير كيت فودنيه وكاسكيط غادي بجتب جسور وكيهضر معاه دخل واحد لابس نفس لبسة جسور غير هيا فالبيض ومعاه وحدين ءخرين بنفس لبسة مرة كيبينو الجمهور مرة كيبينو المنافسين كلشي ركب فطوموبيل ديالو المخصص لسباق من بعد رقم 3 نطالق سباق…

كولشي لي فصالو واقفين وكيغوتو مترقبين جسور بفارغ صبر كان سايك بسرعة قوية طاير وكيحاول يسبق كاع لي معاه فالخط الأخير بقا هو وطوموبيل بيضة لي كان كيحاول أنو يضربو ويحيدو من طريقو
المراسل :كنشوفو البطل أكويلا روسا كيف عادتو كيحارب بكل قوة ولكن واش اينجح ويربح هاد السباق بحال سابقاتو ولالا، فواحد اللحظة كتبان طوموبيلت جسور تقلبات قلبة وحدة تهز قلب أليف من بلاصتو وقفات بلا هواها غوتات وشدات على فمها نطق رضوان
رضوان :رولاكس متخافيش هو موالف بهكا..
المراسل فتلفازة : اووووه يسلام عليك يا أكويلا روسا وأخيرا رجع لحلبة وبقوة وهاهو هاهو كيتخطا المنافس لوكاس لوكاس رجع فالمرتب تاني وأكويلا روسا فالمرتب الاول مابقى والو مابقى والو أكويلا روسا أكويلا روسا (بالغوات) أكويلااااا روووووووسا كيفوز بسباق الأخير ليه كنبغيو ندكرو أنو هدا أخير سباق للبطل ديالنا يخسارة للحلبة سباق أنو تحسر بطل بحال أكويلا روسا والميدالية دهبية لبطلنا يسلام عليك….
فرحت والله حتى فرحت فاس ربح محسيت براسي حتى بديت كنقز معاهم رجعت عطيت إنتباهي لتلفازة كيفاش واقف وهاز ميدالية بيدو وكيضحك بنصر سهيت ومشا بالي بعيد حتى فيقاتني صورة شخص مغريباش عليا فوسط الجمهور ميمكنش وانا نطق بدون شعور
أليف :شنو كيدير قسور بين الجمهور..؟؟؟
🔥عصفورتي من نارSPEED🔥
64-عماد :لا أبنتي غير جاب ليك الله شنو أيدير قسور فنيويورك،مدخلاتش ليا هضرت عمي عماد لراسي انا متيقنة شفت قسور بان ليا بين لجمهور مشيت جيهت رضوان شيرت ليه براسي يتبعني لجردة سبقتو جا من ورايا
رضوان :شنو واقع؟
أليف :رضوان وحق الله حتى شفت قسور
رضوان :واش متيقنة راه ميمكنش يخلي لحفلة ديال اليوم باش يمشي لنيويورك يحضر لجسور
أليف : إيوا صافي هيا أنا دابا عورة ولا كيجيب ليا الله ياك واخا حتى هدا نظر انا طلعت لبيتي حتى يوصل وقت هاد الحفلة ونتشاوفو، خلاتو وطلعات لبيتها مرة تلاح على نموسية مرة توقف تفكر مافطرات مداقتو غير كتخمم بلاما تفكر هزات تيليفون ديالها دوزت نمرة جسور شحال وهو كيسوني مجاوبها حد رجعات سونات مرة جوج تلاتة أو والو لاحت تيليفون من إيديها ورجعات حطات راسها على الوسادة شحال وهيا كتفكر شوية بحال إلى تفكرات شيحاجة رجعت هزات تيليفون ودورت نمرة خوها من بعد جوج رنات هز تيليفون :
أليف :بحماس)ألو رائد
دانييلا :لا هاي أنا دانييلا أليف إختو لا رائد مو هيك،أليف تعجبات أش كدير دانييلا مع رائد فهاد الوقت يكما خوها زبلها
أليف :أه ختو فين خويا؟
دانييلا :بالحمام عم يتحمم ستني (نطقات بهمس :هاس أليف إختك)
رائد :وي أليف صباح نور
أليف :صباح نووور أحياني عليك من بعد ونتفاهمو مهم سمعني مزيان قسور عارضنا ليلة لواحد الحفلة فالفيرمة ديالو أنكونو كلنا تما
رائد :مزياااااان سمعيني وتسنطي لي غنكوليك عندنا معلومات بالي أغلب الوثائق كيكون مخبيهم فواحد المجر فالبيرو فالفيرمة ديالهم إلى كانت هاديك عيا لفيرمة لي ايديكم ليها بغيتك بالفن دخلي وتقلبي مزيااان البيرو والمجورة ديالو أي ملف ولا ورقة بانت ليك مهمة ولا كتير شكوك هزيها مفهوم وردي لبال لايكونو كاميرات المراقبة أوووكي أليف ؟
أليف :كون هاني أخويا
رائد :نعول عليك وخلينا على تصال ردي لبال لراسك الله يعاونك أختي
أليف :تنهدات) أمين أخويا أمين… قطعات الاتصال ورجعات تكات هازة رجل على رجل كتلعب بصباعها وتفكر حتى سونا تيليفون كان جسور دغية جاوبات :
أليف :ألو جسور
جسور :دغية توحشتيني معرفتش راسي عندي قيمة كبيرة عندك الكرادة
أليف :مايعجبكش راسك تاصلت غير باش نبارك ليك ونسولك كيبقيتي
جسور :ممم أنا بحال سبع متخافيش عليا
أليف :شكون كاليك انا خايفة عليك يلاه أحم ممم إيمتا جاي؟ضحك من ورا تيليفون ضحكة عريضة ورجع لبرود ديالو
جسور :وانت شغلك
أليف :حسات بنار شعلات فيها)أهاه أسيدي سري لي….. مكملتش هضرتها صوت مرة فالخط ديال جسور قاطعها
جسور :يلاه حتى نتشاوفو بليل..(تيت تيت)
أليف :خبطات تيليفون مع نموسية بجهد
وبدات كتسوط ناضت كتحبو وقفات قدام المرايا كتشوف فراسها وتخربق فشعرها
أليف :فورمتي هيا هاديك وشعري حتى هو زعمة نكون كنلبس بحال دراري لاااا نو وييي انا مبنتة وكنلبس كساوي وكولشي لا صافي صافي أنا يمكن تسطيت أويلي هاد هاد راس طارو دجسور خرج ليا من جنب أصلا انا لاش معدبة راسي هو مايسوا مايصلح واحد بو البنات منو مكاين أه أه بصح داكشي لي كاين نيت أممم…. دوزت العشية كلها هكا كل مرة تخضر مع راسها هبطات لتحت جابت سوندويتشات وطلعت لبيتها تاني حتى بدا الحال كيظلام وصل الوقت لي خاص توجد راسها فيه حلات الماريو ديالها كتقلب طاحت عينها على كسوة هزاتها كتشوف فيها تبسمات بحال حققات إنجاز وهي تنطق :
أليف :جا الوقت لي خاصك تباني فيه….
🔥عصفورتي من نارSPEED🔥
65-رضوان لتحت كيشوف فساعتو تم داخل عمر من الباب وماج هابطة
عمر :بيبي علمتي أليف بلي اتمشي معايا؟
ماج : اه عاد كنت عندها مشينا،شدات فيها وشيرات لرضوان براسها خرج عماد ومعاه فاروق وروقية
عماد :حنا انسبقوك تسنا أليف بينما جات
رضوان :أوكي، ركبو مع عماد خرجو هوما لولين عاد تمات هابطة أليف تسريحة ديال شعر على جنب كيبري فليل مكياج برونزي مع عكر فالحمر وكسوة قصيرة مدهبة لاصقة عليها مع صباط عالي فالكحل
أليف :هاني جيت،شاف فيها رضوان كيصفر ويصفق بإعجاب
رضوان :ناوية دبحيه اليوم
أليف :بتساؤل)شكون؟
رضوان :هنا فين بقات شكون فيهم ايتدبح
أليف :رضوان كبرتي وبديتي كتخرف يلاه قبل منتعطلو أجي فين هو جسور شفتو مزال ماوصل
رضوان : هالي كلنا أحم جسور ايخلط علينا لمزرعة مزال موصلاتش طيارتو
أليف :أااه مزال ماوصلات طيارتو ولا مزال ماشبع من مونيكتو
رضوان :شنو كلتي؟
أليف :أنا والو أكنخرف يلاه مشينا ؛خرجات قدامو ركبات حداه وشدو طريق لمزرعة قسور
#المزرعة
واقف قسور ومعاه جميلة كيستقبلو ضيوف حكيم الأب كان غايب على الحضور أغلبية ديال الناس وصلو وصلات طوموبيلت عماد هيا لولة رحب بيهم قسور أحسن ترحيب من بعد وصلات طوموبيلت رضوان قد قد مع طوموبيلت جسور وحدة وقفات قدام تانية نزل رضوان كيضحك مشا عند جسور لي خرج فكامل أناقتو فتح ليه رضوان إيديه عنقو

رضوان : على سلامتك برو كنشوف خرجتي منها بأقل الأضرار
جسور :كتهضر على هاد ضربة لي فوجهي حسبها غير مشة لي قمشاتني طل براسو ورا ظهر رضوان بانت ليه واقف بحال شي نجمة ساطعة فسما طلعها من رجليها الممشوقة لكسوة لي لابسة حس براسو محملهاش تبين المفاتن ديال فمها لي بحال حبة توت سنانها لي بحال حبات الألماس أما شعرها لي كيتموج بحال موج ديال البحر خلات غريزتو تحرك شيحاجة فيه تبدلات مابقاتش كيف كانت كايقنع راسو لحاجة وكتخرج ليه حاجة خرى تصنع البرودة من جديد ومشى لعندها
جسور : كلت توحشتيني جيت بكري
أليف :مغرور وعاجبك راسك بلاما تفرح متوحشتكش
جسور :اممم العجب عينيك كيكولو غير كلامك
أليف :براكة عليك المونيكة لي كانت معاك، شاف فيها وتبسم شاف فسما ورجع شاف فيها
جسور :مزال مجات وقت الغيرة ولكن قريب يجي وقتها،خلاها كتغلي ودخل سبقهم تبعاتو هيا ورضوان داخلين مع دخلة كيبان ليهم قسور هو وجميلة همسات أليف لرضوان
أليف :شكون هاديك خيتي؟
رضوان :أنا يلاه جيت علمي علمك ،شافهم قسور تبسم ليهم بضحك زيد مرتو لعندهم وقفو سلمو عليه وعلى جميلة
قسور :فرحان حيت جيتو(شاف فمرتو ونطق)حبيبة ديال هادي أليف لي عاودت ليك عليها
جميلة :إبتسامة عريضة)أليف عرفتي شحال عاود ليا عليك انا فرحانة حيت تعرفت عليك،جسور وأليف ورضوان حسو بصدمة دقة وحدة بقاو مبنجين
أليف :عدم تصديق)هادي مراتك؟
قسور :عنق جميلة)أه مراتي وكولشي فحياتي…
🔥عصفورتي من نارSPEED🔥
66-فطبلة فالقنت ديال جردة واقف جسور ورضوان وأليف
أليف :كتلعب بالكاس دالعصير) واش شايفين لي كنشوف واش هو مزوج ومكالهاش ليا وبلا حشمة داك نهار عارضني لغدا وغادي فيا فعمق البحر وسيد كالس يتبسل عليا والميساجات هدا خاص لي يفضحو ويفرج فيه ناس
جسور :شاد كاسو دالمشروب كيجغم مرة مرة وسارح بعينيه بعيد) يقدر يكون عاق بينا
رضوان :مكاين حتى حاجة لي كتستدعي شبوهات عندو شي خطة فراسو
أليف :وباش قتلني معاود لسيدة عليا ناري فيا شي غدايد نشدو نتفو زغبة زغبة
رضوان :جسور أليف شافت قسور فالسباق ديال اليوم
جسور :يسس أي نوو
رضوان :بستغراب)حتى أنت شفتيه؟
جسور :أمم ولكن من بعيد غير خطفت فيه شوفة وصافي
رضوان :كيشوف فجنابو) فين مشات؟
جسور :اووو شيييت كتليك متحيدش عينيك عليها هاهيا غفلاتنا وعلم الله فين مشات، دور راسو بانت ليه غادية فالكولوار وهو يتبعها، أليف ستغلات الفرصة ديالهم كايهضرو ودخلات لدار لداخل تقلب على المكتب ديال قسور على وعسى تلقى شي مستندات لي يعاونوها داخلة كتسلت وتهضر مع راسها
أليف :باينة أيكون المكتب فهاد جيهة ءغلبية ديال ديور كايكون المكتب التحت، مشات فتحات الباب اللول فعلا لقاتو وأخيرا لقاتو دخلات بزربة شعلات ضو وبدات كتقلب أغلبية ديال الملفات على الخدمة جرات كاع المجورة أو والو وقفات كتشوف فالحيط كاتبات ليها شيحاجة معدياش فيه مشات وقفات مقابلة مع الحيط هزات إيدها دوزاتها عليه وهو يتحل مجر صغير كان فيه ملف حلاتو بانت ليها بحال خريطة ولا مخطط هزات طواتو هزات كسوتها ودارتو فسمطة ديال سليب قدات الكسوة يلاه اترجع المجر وهو يتحل الباب….
#شخص ورا بيرو طويل قدامو كوبرا
كوبرا :سيدي داكشي لي كلتي لينا درناه ولكن للاسف نجا من الحادث وهو دابا فالإحتفال عائلة الجندي
الشخص :هممم كايبان ليا جا الوقت لي سي جسور يخلص جا الوقت صبري تقادا…..
#فالمزرعة
قسور :بستغراب)أليف شنو كديري هنا فالبيرو ديال الوليد؟

أليف :والو غير تجليت وصافي
قسور :أااه اوك جميلة مشات تقاد المكياج ديالها باش نلقيو خطاب أنا وياها
أليف :بستفزاز)ءه جميلة تغبر من هنا زكتقلب بيمن تلها من هنا ياك ومدام أنت عندك مراتك ليكتبغيها وتبغيك أ علاش كدور بيا أنا؟
قسور :واااات؟كندور بيك أريو كريزي أليف انا عمري درت بيك
أليف :كضحك) اوووه داير فيها الملاك طاهر وانت شيطان كيتمشى على الأرض همم ولا صافي حصلتي خفتي لا نفضحك
قسور :أليف وحق الله معرفتك علاش كتهضري أنا وانت أصدقاء لا أقل ولا أكثر،دخل عليهم رضوان كيلهت
أليف :رضوان جابك الله سمع اخر نكتة كاليك كيحسبني صديقة وعمرو تحرش بيا ودوك الميساجات ديال زمردة كوكب الإثارة والغموض أ بلاتي ونهار عرضتيني ليخت وتغدينا مجموعين أ؟
قسور :كنقسم ليك بالله معارف والو على هادشي إيمتا عرضت عليك،دخل جسور مغوبش كيشوف فأليف شوفات القتيلة
أليف :واش باغي تسطيني نهار 3 فشهر نسيتيه
قسور :نهار 3 مكنتش أنا أصلا كنت فنيويورك وعندي دليل على هادشي وأنا عنري ماسيفط ليك ميساجات ما تحرشت بيك انا وجميلة مزوجين هادي 4سنين كنبغيها وكتبغيني كيفاش انقد نخونها
أليف :هيا أنا دابا تسطيت هيا داك لي تلاقيت معاه شبح ديالك مثلا،دخلات عليهم جميلة
جميلة :بيبي شنو واقع هضرتكم مجهدة كاين شيحاجة؟
جسور :لا والو غير كنا كنتناقشو فالخدمة،شد أليف من إيديها وزير عليها ،رضوان لي لفتات إنتباهو واحد صورة فالبيرو كان فيها جوج ديال الولاد كيتشابهو بزااااف نقز وسول قسور
رضوان :إيسكيوزمي ميستر قسور واش هدا أنت لي فصورة؟
قسور :بان الأسف والحزن على وجهو) أه هدا أنا وخويا قيس توفى وهو عندو 14 سنة خويا توم ،على رضوان راسو فجسور كيتيادلو نظرات ديال الحيرة والشك…..
🔥عصفورتي من نارSPEED🔥
67- رجعو كاملين لجردة وجسور قابط على إيد أليف بحال إلى اتهرب
أليف :بعصبية) طلق مني واش غادي نهرب
جسور :من تحت سنانو)غادي تسدي فمك ومنسمعش حسك كيدور مزال، وقف قسور مع جميلة وطلب من الحضور يعطيوه الإنتباه ديالهم
قسور :سمحو ليا واحد دقيقة أغلبية عند بالو أنو هادي مجرد حفلة عادية ولكن بالنسبة ليا لا اليوم بغيت نقدم ليكم شريكة حياتي لي وقفات معايا وسانداتني فأول مشوار ليا عطاتني بزاااف من وقتها وفأي محنة كنطيح فيها كنلقاها واقفة معايا ليوم قدامكم كاملين بغيت نشكرها ونكوليها بلي عمري ولا عمري بغيت ولا أنبغي فحياتي شي وحدة كيفما بغيتك وكيف كنبغيك ،عنقها وناس كولشي كيصفق ليه
أليف :لالا أنا خاصني نمشي راسي بدا كيتبخ أويلي ياأنا على غدايدي واش…
جسور :أنت خاص نخرجك من هنا ولا أنحبد ليك لسانك من بلاصتو(شاف فرضوان) رضوان تبعني أنا مشيت،جرها من آيديها غادي بيها حتى لقدام طوموبيلتو ركبها وردخ الباب بجهد ركب حداها ديمارا طوموبيل وكسيرا بزربة غاديين وساكتين أليف أكتفكر لحيرة اتهبال فأخير يماتها ايديوها تعالج وأخيرا وصلو لدار مع بلاصة طوموبيل حلات الصمطة ودخلات لدار كضرب برجليها دغية خلط عليها شدها من إيدها ودرها بجهد حتى تضربات مع صدرو
جسور :معصب)شنو كتحولي ديري أ (بالغوات)شنو باغية تبيني زعمة راكي واعرة وحتى واحد مكيقد عليك شنو كتلييييك ممنوع ديري شيحاجة بلا شواري وانت شنو(جمع إيديه على شكل بونية)كونما جيتيني مرة هادي (ضربها مع الحيط)أنعطيها ليك لوجه كون وقعات ليك شيحاجة كونماشي رضوان جا فالوقت دوي مالك سكتي
أليف :أنا عارفة راسي غلط ولكن عندي سبب رائد سيفطني لمكتب كاليا نجمع أي وثيقة كاينة تما تقدر تنفعنا
جسور :عينيه حمارو او وجهو ولا سخون بالأعصاب) تشاوري كوليها رضوان يمشي ويعرف يتصرف ولكن أنت لا كديري غير لي بغيتي كنكول اديري عقلك ولكن أنت غير مكتزيدي فيه وزدتي كولشي كلتيه ليه فوجهو واش بغيتي تحمقيني طاسيلتي ولا شنو دوي(بالغوات)، كلسات على الكرسي مزاداش هضرة حيت كلامو كولو بصح
خاطرات وبزاااف ،دخل عليهم رضوان كيجري غوات جسور جاي من باب الفيلا
جسور :رضوان ليكالمون ديالي،مشا رضوان كيجري جاب ليه حبت أسبرين وكاس ديال الما شربهم دقة وحدة وكلس كيلعب برجليه بعصبية كيشوف قدامو حتى بانت ليه قدامو هازة ملف وحطات ليه على رجليه ورجعات كلسات شاف فيها وفالملف هزو بعصبية كيشوف فيه كيقلب ورضوان كيتسنى فيه شنو أيكول جسور مغوبش مداير حتى ردة فعل حتى نطق
جسور :قسور معندو حتى دخل فهادشي
رضوان :كيفاش؟
جسور :كون كان عندو إيد مغايبقاش واقف كيشوف فأليف وهيا كتواجه فيه كون كان بصح مجرم كون جبد سلاحو وتيرا فيها ولا فيك واخا يكونو ناس بحال داك نوع عندهم عادي ولكن قسور لا ،هنا هضرات أليف
أليف :ولكن الميساجات ونهار خرجت معاه كاع داكشي نكرو،وقف جسور كيشوف فيهم
جسور :حيت فعلا هو مخرجش معاك!!
أليف :وشكون خرج معايا عفريتو؟أميمتي راسي اجي اروقية بنتك جاها زمايمر فسن مبكر
جسور :بحزم سكتها)توم ديالو
رضوان :ولكن سمحليا قسور بفمو كاليك خوه مات وهو عندو 14سنة
جسور :هنا فين بقات يقدر يكون كيكدب ويقدر يكونو كادبين عليه قسور واخا هكاك من داك نوع لي مكيأديش حد ولكن حكيم غول كبير
رضوان :ولكن حنا معندنا حتى معلومات على حكيم
جسور :مشيتي لنيويورك مكانت أهكاك سيهم حكيم كان قبل من شحال هادي كيدير خدمة مشبوهة وناس لي كيعاونوه أغلبيتهم شفارة وقطاع طرق هوما لي خلاوه يزيد القدام منين دار لاباس مسح الماضي ديالو وبدا بحال أي رجل أعمال صفحة بيضة مافيهاش نقطة كحلة..
رضوان :دابا بغيتي تكول بلي ولد سيهم حكيم ماميتش وبلي هو لي كيلعب هاد اللعب كولو ولكن علاش؟
جسور :علاش وكيفاش هادشي لي خاصنا نعرفوه…..
🔥عصفورتي من نارSPEED🔥
68- الغد ليه فصباح سونا رائد على أليف ودار معاها تجي عندو لمكتب ديالو لبسات كسوة فالرمادي مع سبرديلة وسكادو على كتافها دارت الملف فساك مشطات شعرها ودارتو على شكل ديل حصان وخرجات الجو كان مغيم وحالت شتا يلاه خرجت من الباب لقاتو واقف قدامها لابس تيشورت فالكحل مع سرزال دجين وسمطة فنفس اللون ومونطو على كتفو فالباج
جسور :توقيت هو هداك
أليف : واش غادي لشي بلاصة؟
جسور :لبلاصة لي غادية ليها أنت غادي ليها حتى أنا بلاما تعطلي على خوك
أليف :أنت أنت منين عرفتي انشوف خويا كتجسس عليا ياك؟
جسور :حسبيها كيفما بغيتي مبقاش عندنا بزاااف ديال الوقت انا كنتسناك متعطليش،سبقها لطوموبيل لي كانت هاد المرة موديل فيراري ركب وخرج ايديه كيلعب بصباعو ويصفر وقفات لور كتشوف فيه معصبة كيحاول يستفزها ويخرجها على طورها شافت حتى عيات وركبات حداه مع سدات لباب مع ديمارا فطريق كتشزف على برا وهو ناشط كيصفر ومخدم الموسيقى شافت فيه
أليف :سبحان الله ياك مكتحملش الموسيقى؟
جسور :كزلشي تعرفيه حتى لعقل بنادم متعرفي شنو كيدو فيه مممم(رجع كيصفر)دورات وجها عليه واحد اللحظة غوتات
أليف :وقف وقف وقف،وقف بجهد حيدت الحزام وخرجات كتجري قطعات شانطي يلاه أينزل وهو يوقف بلاصتو كيشوف فيها واقفة مع واحد سلمات عليه وعنقاتو ومعرفتش شنو كتكوليه وميتة بضحك وضرب ليه فكتفو دارت ليه باي باي وتمت راجعة شوية هضرات سما وبدات شتا كتصب رجع لطوموبيل معصب وعاقد غوباشتو دخان كيصوت ليه من نيفو أو ودنيه تعطلت عليه دار كتبان ليه شادة واحد المرة شارفة دايرا نظارات كحلين كيفاش حتى قطعاتها شانطي طاح ليها المظل تبعاتو أليف حتى شداتو وجابتو ليها باستها فحنكها عاد تمت جايا سها فيها كيفاش كتصرف فرحاتو وسلبات عقلو كثر ماعصباتو طلهتت لطوموبيل كتمسح على وجها شافت فيه بان ليها عاقدهم ديما وكسيرا بجهد
أليف :غير بشوية عليك ياك لباس
جسور :شكون داك خينة لي وقفتيني باش تسلمي عليه؟
أليف :بعدم إهتمام)شكون دروك هداك كان كيقرا معانا علاش أجي وشكون أنت لي كتحاسبني أ؟
جسور :عمرك مزال تبقاي توقي ليا معا شي قمقوم ولا أقسم لك يمينا أنجمعك أنت وياه ونقطعو لي قدام عينيك وراكي عارفاني نديرها،بقات كتشوف فيه مصدومة،وقفها قدام المكتب الفيديرالي
جسور :وصلنا أنا عندي ميدار أنجي وراك نوصلك(هبطات ورجع كاليها) أه وديري فبالك لعشية انتعشاو
أليف :فدار راني عارفة
جسور :بقاي خدمي شوية داك دماغ أنتعشاو انا وانت راس فراس برات دار
أليف :وعلاش متكولش أليف انا عارض عليك لعشا واش تقبلي ولالا جاتك تقيلة ولا مرضيتيش وإلى مابغيتش يلاه

جسور : اتعشاي وبزز منك يلاه باي،زاد بكوموبيل وخلاها كتشوف ،علات راسها فالعمارة لي كان فيها المكتب حدرات راسها ودخلات..
#فبلاصة خرى
……. :من هنا لنص ساعة دير لي كلت ليك مابغيت غلطة وحدة مفهوم
الشخص : واخا شاف
#فالمكتب
رائد حاط قدامو داك الملف والخريطة لي فيه واقف عليها كيشوف فيها أما أليف لي كانت كتشوف فخوها وفدانييلا لي حادرة راسها حشمانين منها على لي شافتو من دابا شوية.
#فلاش_باك
أليف :سي رائد فتحي كيتسناني
الضابط :أه المكتب الأخير على إيدك ليمن
أليف : تانكيو ،غادية مدرمة بلاما دق دورات البوانيي دخلات مع علات راسها شهقات من المنظر لي قدامها دانييلا ورائد كيبوسو فبعضياتهم..
#الوقت_الحاضر
رائد :مغوبش)هاد المخطط ديال لاكاب فينايرين البنات لي كايتاجرو بيهم،وقفات أليف مصدومة
أليف :كيفاش واش متيقن؟
رائد :مليون فالمية مكتوب باللغة اللاتينية باش حتى واحد مايفهمو والمهندس لي داير هاد تخطيط مطور عند بالو الى طاح فيد شي حد مغاديش يفهمو أما هاد الوراق لي معاه إتفاقيات مع رجال أعمال كلهم معروفين ولاباس عليهم وميمكنش الحكومة طيح عليهم ولا تشك حتى شوية بلي حتى هوما متورطين فتجارة الرقيق
دانييلا :هيك بيكون عندنا دليل قوي مشان نخلص هاي البنات من هاي الوحوش
رائد :بغيتك تاصلي دابا برئيس سيفطيه ليه هاد تقارير وهاد المخطط خاصنا نتحركو،أشرات ليه دانييلا وخرجات
رائد :أليف انت دابا سيري لدار وحاولي متخرجيش هاد الأيام تقدر حياتك تعرض لخطر،هز خاتك من المجر حلها وركبو ليها فصبعها
رائد :هادا جيبي إس خليه فيدك متحيديهش أوك
أليف :حتى أنت رد البال لراسك أخويا
رائد :متخافيش عليا يلاه سيري ومتبيني لدار والو،عنقها وباس على راسها وخرج من المكتب تمهدات وخرجات حتى هيا هبطات عند بالها أيكون جسور كيتسناها وقفات وشتا كتقطر عليها بجهد كتحاول توقف طاكسي والو وقفات وسط شانطي كتشير بجوج إيدين تعصبت وكضرب الأرض برجليها فواحد اللحظة كتحس بيد عنقاتها من لور وإيد دارت على نيفها بدات كترخى وعينيها كيتقالو نفس ديالها كيتقال حتى تغمضو عينيها ومابقاتش حسات بوالو من بعد…..
🔥عصفورتي من نارSPEED🔥
69- دخل جسور على رضوان ودراغون فالمستودع فين كيتلقاو
جسور :شنو واقع ياك لاباس؟
دراغون : شاف خبار مكتبشرش بالخير
جسور :مغوبش)شنو واقع شنو كاين؟
دراغون : الناس لي خدام معاهم جابو ليا تقارير صحاح أول حاجة قسور الجندي عندو خوه توم
جسور :عرفناها طلقنا
دراغون :هاد خوه لي كولشي عند بالو ميت هو حي نهار لي طرا فيه الاختطاف ديال سي عماد ومرات فاروق البوس هو حكيم ولكن فاش تضرب ورجعت ومالقيتوش قيس ولدو هو لي نقدو
رضوان :لحد دابا ممتيقش كيفاش ولد 14عام يدير هكا
دراغون :من صغرو مدربو باه ومشا على طريقو عكس قسور لي كانت مربياه مو وتربا بعيد على باه حيت كانو مطلقين وهادشي خلاه ميتأترش بالأب ديالو
جسور :ولكن شنو بيني وبينو أنا
دراغون :سي عماد كان ناجح واخا صغير كان باغي يدخل معاه شريك فخدمتو ولكن باك مابغاش هادشي حلق عداوة وحاجة خرى قيس كان باغي يولي متسابق ولكن كلشي رفض يدربو ويكون معاه بسبب سمعة ديال باه لي كانت سابقاه أما علاش فاروق فحيت كان هو سباب حتى ولا حكيم فالكروسة حيت رصاصة خلاتو يولي عاجز قيس كبر أو ولى معروف بسميت #دراكيلا أكبر تاجر رقيق فهاد البلاد كلها ،جسور منطقش بحتى كلمة لي كان كيفكر هو هاد الوحش كان مع أليف وهو لي كيسيفط ليها فالميساجات هز سوارت طوموبيل بالخف شاف فدراغون وفرضوان
جسور : حاوطو الفيلا كلها بغيت فرقة خاصة ديال دعم مفهوم، خرج كيجري طلع فطوموبيلتو وكسيرا فطريق هز تيليفون سونا على دار سول هو لول واش جات علموه بلي مزال سونا على مجدولين
مجدولين :أنا مزال عند عمر علاش؟مجاوبهاش سد تيليفون وصل لمكتب ديال رائد هبط من طوموبيلتو وطلع فدروج كينقز درجة أه ودرجة لا وقف واحد الضابط
جسور :موسيو رائد فتحي؟
الضابط :عندو جتماع مهم ميمكنش يشوف حتى واحد ،شنق جسور على البوليسي كينخض فيه
جسور :عينيه حمرين)كتليك فين هو المكتب
ضابط :أسيدي راه اتحاسب على هادشي
جسور :وريني المكتب وديك ساع حاسب سربي معنديش وقت(كيغوت)
الضابط :طلع مع دروج الغرفة لي على إيدك ليسر ،طلقو حتى طاح وطلع كيجري بلاما يدق فتح الباب ودخل كيلهت وعينيه حمرين كانو بزاااف دالبوليس مجموعين هز رائد راسو مغوبش ورئيس كدلك
رائد :شنو واقع؟
جسور :فين هيا أليف جبتها براسي عندك فين هيا أليف(كيغوت)
رائد :سي جسور الله يخليك هدا مكتب محترم أليف كانت هنا ولكن مشات لدار الله يخليك عندنا إجتماع ،جسور شنق على رائد
جسور :تحت سنانو)اجتماع أهم من ختك ختك لي دابا يقدر يكون واقع ليها شيحاجة أليف مكايناش فدار ومكاينة مع حتى واحد من صحابها
الرئيس :رائد شنو واقع؟
جسور :بالغوات )لي واقع هو
هو واحد المريض نفسانيا مطلوق دابا وفهاد الوقت يقدر يكون خاطف أخت الضابط لي مفضل اجتماع على ختو
رائد :جسور تجاوزتي حدك بزااف أليف جات عندي عطاتني ملف ومخطط…
جسور :قاطعو)مخطط ديال دار فين مخبيين البنات فخبارك بلي هاد الوقت هدا لي كضيع فيه يقدر يكون أكبر تاجر رقيق خاطف ختك
رائد :كيفاش؟
جسور :قيس الجندي ولا دراكيلا أكبر تاجر فرقيق ولد سي حكيم الجندي بلاكا نحوليك عليه والو انتوما بوليس وعارفين الماضي ديالو لي خطف الام ديالك فاش كانت حاملة بيك وكان أيقتلها كونماشي باك لي جا ونقدهم وكون ماكنتيش فهاد دنيا أصلا معامن كنهضر كنضيع فوقتي، خلاه وخرج شاف رائد فليكيب وعطا الاوامر لدوريات دشرطة كلهم يتبعوه هبط كيجري ومعاه دانييلا وقف لجسور قدام طوموبيلتو شوية ويزطم عليه حلو الباب الوراني وطلعو معاه ديك ساع كسيرا هز تيليفون ديالو وسونا لدراغون
جسور : أليف مكاينش ليها الأتر بغيتك تجي انت ورضوان وجيب معاك رجالك أنا فشارع فرانشيسكو اوكي ،قطع عليه غادي بجهد وطوموبيلات البوليس وراه طوموبيل لي جات قدامو كيضوبلها كيمشي حتى كيبغي يقلب شي واحد وكيفلت ليه….
🔥عصفورتي من نارSPEED🔥
70-فالفيلا دخل واحد من ليكارد عند عماد
كارد :سيدي واحد سيد على برا كيكول بلي هو ولد سي فاروق
روقية :شكون؟
عماد :كوليه يدخل ،رجع تفتح الباب وقفات روقية وعينيها فيهم فرحة كبيرة
سراب :ماما بابا
روقية :ولدي توحشتك أولدي(عنقاتو)
فاروق :على سلامتك أولدي ؛سلم على سي عماد وكلس
سراب :شنو واقع مشيت لدار مكاين حد كاليا العساس بلي أنتوما هنا علاش شنو كاين فهموني وحتى رائد مكيجاوبش على تيليفون ديالو كلت أيكون ديبلاصمون فسي بلاصة
فاروق :بستفهام)ديبلاصمون كيفاش أولدي؟
سراب :ايكون بغا يديرها ليكم مفاجأة رائد راه تعين عميل فالمكتب الفيديرالي فلندن
روقية :شنو بوليس؟…..
○●○●○●○●○●○
صوت المواج ريحة ديال البحر كتخليك تحسي بواحد الراحة كبيرة كون تصيبي متنوضيش تبقاي مستمتعة بهاد الإحساس خلي لكانت ريحة البحر ممزوجة بريحة الشتا الله..
شوية بشوية كيبان واحد نور خفيف ضو لا ماشي ضو هادي شميسة لي ضوات بالغروب ديالها بدات صورة كتوضاح سرجم مفتوح رواق ديالو البيض شفاف كيلعب بيه الريح وكيخليه يبين منظر زوين بزااااف هزات إيديها كتحيد خصلات شعر من على وجها بدات كترجع بالور حتى كلسات كتشوف حداها غوبشات حيت هاد البلاصة غريبة عليها فهلا كانت زوينة وراقية بشكل كبير ولكن ماشي لدرجة تستمتع بيها وهيا معارفاهاش نزلات رجليها من على نموسية لي كانت متكية عليها وقفات غادية بخطوات تابتة كتشوف حداها مشات لسرجم زولات الرواق طلات براسها كيبان ليها منظر كيفتن بحال جزر الهاواي ولا جزر الباهاماس تفتح الباب ودارت كانت صدمة صدمة خلاتها تعرف فين هيا حيت كانت فاص أفاص قدام كوبرا الشخص لي شافتو فساحة حدر راسو بحال تحية للأميرة ونطق :
كوبرا :مرحبا بيك الماريو قدامك فيه كاع لي تحتاجي من هنا لساعة أنجي نديك سيدي باغي يتعشا معاك
أليف :مابغياش تبين خوفها ليه)شكون جابني لهنا؟
كوبرا :ممنحقي نكول والو انا غير عبد مأمور كندير لي عليا ممنحقي نهضر ولا نسمع ولا نشوف، حدر راسو وجا بغا يخرج وهيا توقفو
أليف :فين حنا؟
كوبرا :دار شافيها) كولومبيا
أليف :كيفاش كيفاش كولومبيا شنو جابني من شيكاغو لكولومبيا كيفاش؟

كوبرا :أنسة كاينة وسيلة ساهلة أسميتها طيارة خاصة تقدر توصلك فساعة ولا ساعتين ولا حتى تلاتة دساعات
أليف :شحال وأنا ناعسة؟
كوبرا :أه بغيتي تكولي شحال من ساعة وأنت هنا ساعتين ودابا نخليك ترتاحي دازت 10 دقايق بقات ليك 50دقيقة ،خرج وخلاها مشات لجنب نموسية وكلسات كتشوف فالأرض هنا حسات بضعف حسات بالبرودة طالعة معاها شنو أيكونو كيكولو دابا واش لاحضو ختفاءها واش كيقلبو عليها وجسور جسور شنو كيدير دابا زعمة يكون كيفكر فيها كيف كتفكر فيه…..
#شيكاغو
فالمكتب عند رائد مكلسين حكيم لي كان وجهو كلو دمايات…
#فلاش_باك
وصلات طوموبيلت جسور قدام باب فيلة سي حكيم خرج وكعاه رائد جبد جسور سلاح على لي كارد عينيه حمرين كولو فازك بشتا كيفطر عروق إيديه وراسو خارجين
جسور :حلو الباب(بالغوات)، جاو يهزو سلاح حتى كيحسو بسلاح أخور موجه لريوسهم وقفو بزاف ديال طوموبيلات فالكحل كاع لي كان فيهم وجوه البلا كولهم وشام دار جسور بان ليه دراغون أو رضوان لي خلطو عليه هو ورجالهم لي كارد مصابو ميديرو غير يفتحو الباب دخل جسور كيجري أو وراه رائد ودانييلا فرع الباب برجليه هز حكيم راسو مغوبش بان ليه جسور دغية تلاح عليه
جسور :أتكول ليا فين دا ولدك أليف ولا قسما برب الكعبة هاد المرة أنا لي أندفنك بيدي(تحت سنانو)،تبسم حكيم
حكيم :هلامن كتهضر مكنعرف حتى واحد بهاد سمية قسور فالمزرعة ومايحتاجش يشوف فشياطة ديالك،مع اخر كلمة كالها نزل عليه جسور لوجهو كيعطيه ويكول ماعطا رائد كيحاول يفوك ولكن معامن،هزو من فوق لكرسي ويديه ولات كولها دمايات
جسور :لاخر مرة دروكيلا فين مخبي أليف ،شاف فيه حكيم كيلهث
حكيم :معرفتش واخا نعرف مغانكولش ليك….
🔥عصفورتي من نارSPEED🔥
71-نزل عليه جسور باخر ضربة خلاتو يسخف رائد أمر رجالو يهزوه ويديوه لمكتب يستجوبوه ،جسور هنا ولا بحال شي وحش هايج كيغوت ويضرب أي حاجة جات قدامو إيديه كولها كتنزف ومحاسش وقفو غير رائد كيحاول يهضر معاه بالعقل
رائد :جسور ريلاكس اوكي اناقاوها مغانخليش شيحاجة طرا لختي كنواعدك
جسور :كاينة مع مريض(كيهضر بعصبية)يقدر يدير ليها أي حاجة مخاصش نضيعو الوقت
رائد :سها بحال إلى تفكر شيحاجة)بلات بلات أليف قبل متخرج من عندي عطيتها خاتم فيه جيبي إس
جسور :ومزال كتهضر علاش مكلتيهاش
رائد :خاصنا نمشيو لمكتب دابا ولكن قبل(شاف فدانييلا) متخرجيش من هنا حتى تجمعي أي وثيقة بغيت كاع الوثائق تجمعيهم اتبقى معاك الفرقة تحسبا لأي حاجة،خرج هو وجسور وبقات دانييلا فالفيلا ،خرجو وركبو فطوموبيل تبعهم دراغون ورضوان وصلو لمكتب دخل رائد حيد تجاكيط ديالو هز البيسي كيتابي فيه حداه جسور كيشوف فشاشة كيتسنا خرجات خريطة عطاتو نقطة كتسني ولكن الإشارة ضعيفة بزاااف
جسور :شنو ؟
رائد :أليف خارجة على شيكاغو خارجة على أمريكا
جسور :أااااااع لكلب(تعصب) شنو عطاتك الإشارة
رائد :كنحاول نقلب حيت الاشارة ضعيفة بزاااف…. تفتح الباب ودخل واحد الضابط عطا تحية لرائد وحط قدامو ملف
الضابط :المخطوط لي عطيتينا بناية وحدة كاينة بنفس الهندسة لي تخطيط جات فواحد الجزيرة فكولومبيا
رائد :اوكي سير دابا
جسور :خاص تعاود تحقق مع حكيم لكلب أيكون عارف شيحاجة
رائد :داكشي لي ماوي ندير.
#الواقع
رائد :سي حكيم ولا بلا ديك سي حيت متستاهلهاش وراقك كاع تفضحو وعندنا عليك معلومات لي أتديك ورا شمس غير كول لي كان بلاكا تعدب راسك وتعدبنا معاك حيت مابقا عندك حتى حل حتى ريوس لكبار لي معاك ايكونو مشدودين فبلادهم، على فيه حكيم راسو ورجع نزلو
رائد : وحتى ولدك قيس أه بغيت نكول دراكولا عرفناه فين كاين وعرفنا فين كيخبي دوك لبنات لي كيتاجر بيهم كاع لي كمتي مخبيه تفضح انت محكوم محكوم بلقليل يعطيوك مؤبد خلي جرايمك القديمة هادو منهضروش عليهم،على حكيم فيه راسو ورجع هبطو الصمت سيد الموقف شاف رائد حتى عيا عيط على الحارس

رائد :نزل هدا عطيه غرفة نفاردية مايشوفش شمس،خرج رائد من القاعة ديال الاستجواب دخل لبيروه مالقاش جسور وحتى من تيليفون رائد مكاينش ضرب رائد البيرو بيديه عرفو ايمشي يدير شيحاجة
رائد :درتيها أجسور،ركب جسور طوموبيلتو سونا على رضوان
جسور :بغيتك توجد ليا لهيليكوبتير وتجمع رجالك وتخلط عليا أنت ودراغون ورجالو عندنا واحد سخرة قصيرة…
#كولومبيا
هزات الكسوة لي كانت محطوطة وموجدة فالكحل بالخويطات هزاتها كتشوف فيها قررات تساير هاد الوحش حتى تقدر تهرب منو ولا يجي لي يعتقها من إيديه هزات الكسوة حيدات حوايجها ولبسات ديك لكسوة لي جات على قدها سرحات شعرها لبسات صندالة عالية كحلة شافت فساعة بقات 5دقايق وتشوف هاد الوحش لي كتعامل معاه خدات نفس عميق شادة فيديها كتلعب بالخاتم
أليف :بصدمة)الخاتم الخاتم،دارت إيدها على فمها لايسمعها شي حد ولا تكون كاميرات مراقبة:فخاطرها ياربي ياربي تلقاني أخويا ياربي،تدق الباب وتفتح هزات راسها بان ليها كوبرا أومى ليها براسو وعطاها الإذن باش تخرج كتمشى بخطوات تقيلة خرجات من الباب دالبيت تسناتو سبقها وتبعاتو غادية وكتشوف فدار كيدايرة لوكان مكانتش مخطوفة اتعجبها وتكلس تستكشفها ولكن هيا فوضعية ممسموحش ليها.. وقفها كوبرا بيديه فصالون كبير… ونطق
كوبرا :سيدي ايخلط عليك دابا شوية تسنايه…خلاها ومشا غبر وقفات كتشوف ودوز آيديها على لكراسة وقفات مقابلة مع سرجم لي كان محلول الهوى كيلعب بشعرها سرحات وتفكرات جسور بحال هاد الوقت هيا وياه كوراه كيتعشاو تنهدات وحسات بعصة فحلقها…
“زمردة قلبي” صوت كيبورش معرفت دور ولا تبقى جامدة البرودة هزاتها ودخلات لعظامها دورات راسها بشوية عينيها تفتحو وشهقات
أليف :ققققسوووور!!!
……: ههههههه(بصوت تقيل).،، درو راسو علامة النفي وهو ينطق
…..: قيس….
🔥عصفورتي من نارSPEED🔥
72- أليف :فخبارك بلي الخطف جريمة كيعاقب عليها القانون(مخرجة عينيها فيه)
قيس :كيضحك)القانون القانون دايرو فجيبي معندو باش ينفعك القانون
أليف :أنا أصلا مكنعرفكش شكون انت ومنين جيتي؟
قيس :توتوتو حشومة تكولي هكا وحنا جمعتنا ليلة على البحر ولا نسيتي اه كنعدرك تبدلت عليك محيت لون شعر ولحية كانو كحلين دابا رجعو لونهم طبيعي
أليف :أنا كنعرف قسور بوحدو هو لي قريت معاه عامين أما انت مجهول بنسبة ليا
قيس :كيضحك بصوت عالي)اوووه أليف عامين انت غالطة وبزااااف… قسور قريتي معاه عام واحد وعام تاني معايا أنا
أليف :مخرجة عينيها فيه)كككيفاشش؟
قيس :كيف كتسمعي عرفتي شنو مكيجينيش نهضر بزااف وأنا ماوكلش مدقت والو كلت حتى تكون زمردة ديالي معايا
أليف :أنت مريض خاصك طبيب نفساني
قيس :مريض بيك وانت لي أداويني دابا اتكوني تسمعي وخلينا نتعشاو اوكي سويتي…
#من بعد ساعات قليلة تحطات الهيليكوبتير ديال جسور باقي بحوايجو كيما رغنو نشفو عليه خدا شومبر فهوطيل خدا دوش سخون وتسنا بينما وصلو رضوان ودراغون…
#فالفيلا
روقية شابعة بكا اما فاروق كيشوف غير فالفراغ وكيهضر
فاروق :بنتي كتعاقب على مادرت فصغري أنا سباب
عماد :فاروق انت مدرتي والو متخافش أليف مغاديش يطرا ليها والو جسور أيجيبها هداك ولدي وأنا عارفو نطق رائد لي وصل ايهم الخبار
رائد :كيعنق فمو) ماما ختي انرجعها حتى لعندك مديري فبالك والو غير صلي ودعي معانا سمحوليا خاصني نخليكم طيارتنا من هنا لنص ساعة ،وقف وعطاهم بظهر وقفاتو صوت مو
روقية :رجع ختك أولدي الله يرضي عليك بغيتكم ترجعو سالمين غانمين بجوج تهلى فراسك اولدي الله يعاونك ويحميك ياربي(كتبكي)
رائد :آميييين ياربي،خرج رائد ركب فطوموبيل دلخدمة ومشا نيشان لمجار فين ايلحق بالعناصر لي أيشدو طريق لكولومبيا…
#عند_جسور

جسور :اول حاجة انبغي دراغون معايا ونص فرجال أما أنت أرضوان خاصك تعاون رائد أنا عارفو مغاديش يبقى كالس ماشي بعيد يكون شاد طريق دابا جيبي إيس عاطياني بلي لبلاصة لي فيها أليف جات حدا البحر مخاصش نتسرعو لايدير فيها شيحاجة مفهوم
دراغون :وي شاف
جسور :رضوان انت ونص فرجال اتسناو رائد حدا المبنى قلبت عليه فنيت عطاني كاين تما بار كبير اتبقى تم بينما لحق عليك رائد أما انت(موجه كلامو لدراغون)أتجي معايا ،وقف كان لابس سروال دجين كحل من لي خدا من محل لوطيل مع تيشورت بيضة وسبادري فنفس اللون هز سلاحو عمرو رصاص دارو ورا ضهرو هز سوارت طوموبيل ديال رضوان وخرج تبعو دراغون ركب معاه وتبعوه نص فرجال اما البقية بقات مع رضوان…
#عند_أليف
أليف :الى ساليتي من هاد المسرحية بغيت نمشي فحالي(كتشوف فيه بتحدي)..هز راسو كيشوف فيها وهو كياكول
قيس :انت هيا انت مكتبدليش مزال سهرة طويلة فين اتمشي وتخليني حشومة
أليف :فخبارك ايكون بابا وماما تشوشو عليا بسبابك
قيس :معندك مديري بيهم حسن ليك تبعدي منهم مكيستحقوس بنت بحالك
أليف :جمع فمك حسن ليك قبل مندير فيك شرع إيديا أيوا حدك تما يكما اسكت ليك يحسابلك خايفة منك ولا هاد شغل العصابات مديروش عليا أنا
قيس :برود) فخبارك باك قتال؟
أليف :كتستفزو)أه فخباري وعاجبني الحال وحمد الله وشكرو لي داك المجرم دباك بقا عايش ،هز عينو فيها هاد المرة كانو كلهم شر جمع فمو على شكل قبضة ولاح الشوكة من إيدو وبدا كيعيط
قيس :كوبرا كوبرا ،جا كيجري
قيس :دي هادشي وجيب ديسير؛بالخف هز طباسل لي أليف ممساتهمش ومشا بالخف رجع هاز كريم كراميل حط طبسيل قدام أليف أو واحد قدام قيس ومشا كملات أليف هضرتها مخايفاش
أليف :بابا بعدا مكيحطش إيديه على ديال ناس مكيقتلش ومكينصبش ومكيسرقش وماشي بزناز كيبيع ويشري فالبشار بابا الى ضرب حيت كان كيدافع على ولادو…
قيس :غير جيتيني مهمة بنسبة ليا أما…قاطعاتو
أليف :ههه شنو تقتلني ديرها وتفوتها ليه شنو انتوقع من واحد بحالك أ؟؟

🔥عصفورتي من نارSPEED🔥
73- قيس :أنا جبتك لهنا وأتبقاي هنا واتولي حرم قيس الجندي لي هو أنا اتبغيني وتحتارميني وتلبي طلاباتي كيف كتشوفي دابا تبدلت(كرز على سنانو)مابقيتش داك الولد لي كنتي حاكراه بسبب الشكل ديالو مابقيتش داك المسكين لي خليتيه ضحكة فثانوية نهار الإحتفال ولا نسيتي كيبان ليا نفكرك حسن نهار لي طلبتك تكوني رفيقة ديالي فالحفل أ وسيفط ليك مع دونيس وكلتي ليها تكول ليا “بغيتي تشوهني فالحفلة يكولو أليف مرافقة واحد ممعرف صدرو من كرشو” وخليتيها تكولها ليا كدام الثانوية كلها خليتي كولشي يضحك ويستهزء بيا واخا أنا بغيتك حب صادق بغيتك من هضرت قسور عليك إعجابو بيك صورتك لي فبيتو مسكين عند بالو أنا ميت ولكن كنت كل نهار كندخل لبيتو ونقرا فالكتب ديالو ونشوف تصاورو ونسمع هضرتو وهو مجايب لدنيا خبار كيبقى فيا واخا أنا حسن منو فكولشي هو مكلخ حيت رباتو ديك **** غسلات ليه دماغو
أليف :ممتيقاش شنو كتسمع)أنت أنت خاصك داوا دونيس مكنتش كاتحملني ومجاتش عندي وماشفتش وجها نهار الإحتفال كدبات عليك وكاع الى كان بصح تبدل وتولي بحال هكا وانا عند بالي بلي قسور لي كايكون معايا كنتي انت شنو كنتوقع من واحد مكيبغيش خوه ولا مو انت مكابغي حتى راسك خلي تبغي الناس؛ وقف وعقد غوباشتو وبدا كيغوت
قيس :بغيتك بغيتك كتر من روحي مكنتيش كتشوفيني ولا دايرة راسك مكتشوفيش بحالك بحالهم كلهم كانو كيهمهم المظاهر بزززاااف نهار خدمت على شكل ديالي ولاو كيترماو على رجليا وديتهم فين خاصهم يكونو بعتهم حيت داكشي لي كيستحقو يتباعو بحال صاحبتك ديك المكلخة غير بان ليها سيد ملعق بوكوص حلات فمها ولكن كان الزهر معاها وقدرات تهرب وكون بغيت نجيبها كون جبتها ولكن أنا حنين درت بالعشرة لي دوزنا وبصحبة لي بينك وبينها…وقفات أليف مواجهة معاه
أليف :كتشير ليه بصبعها)أنت لي درتي الجثة ديال عرضة الأزياء فطوموبيل دجسور،هنا طرطق بضحك
قيس :هههههه مسكينة بقات فيا ولكن مكانش عندها حتى دور فهاد دنيا قتلتها أما جسور(نطقها تحت سنانو)كنكرهو كره العما وحالف حتى ندمر ليه حياتو
أليف :علاش؟؟
قيس :كولشي عندو حياة زوينة تروة أب مزيان موفر ليه كولشي كولشي كيترما عند رجليه بطل كولشي كيموت عليه باه لي بسبابو الواليد لجأ لطرق غير مشروعة أش فيها كون قبل يدير معاه شراكة أ ولا ماشي من مقامو كولشي كيجي فطريق شي معندي مندير ليهم
أليف :العساس لي ضربتي ورجال لي سيفطي ليا أنا وماج؟حنا دغية تحول من وحش لحمل وديع

قيس :سمحيليا زمردة ديالي ماشي أنا كان هو هو سيهم حكيم ولكن متخافيش أنا أدبتو عمرها ترجع تعاود أميرتي اما حمار منسواش مكانش خاص نخليه كنت انقتلو أه أنقتلو حيت كان ايأديك مؤمكنش نخلي شي واحد يلمس شعرة وحدة منك انت ديالي ديالي بوحدي ياك ياك ،جاي كيقرب لجيهتها كتشوف فجنابها بانت ليه فرشيطة هزاتها وغرزاتاها ليه فعنقو
قيس :غوووت)أاااااااااااح شييت،هزات على كسوتها كتجري معرفات منين تكشي ولا تجي طلعات لبيت لي كانت فيه بجرا دخلات وسدات عليها بساروت متوترة حيدات صندالة وكدور وتمسح على راسها
أليف :شنو درت ياربي فين أنمشي فين؟؟؟…
¥¥¥
ليل نزل ستارو الكالم وغير صوت الماج وصلات طوموبيلت جسور وقفها فواحد شانطي صغير
دراغون :واش متيقن هنا فين عطاتك الإشارة؟
جسور :أه نزل،نزلو بجوج تابعينهم رجال من لور المنطقة كانت خاوية خرجو من داك شارع هز جسور تيليفون رائد كتعطيه الإشارة بلي قدامو على بضع خطوات قلال على راسو كتبان ليه دار عالية وكبيرة دار عند رجال ::
جسور :سمعوني مزيان بغيتكم دورو على دار كلها بغيتكم تكلفو بليكارد ،شاف فدراغون
جسور :دراغون بغيتك تلقى ليا كوبرا هو دراعو ليمن ضروري أيكون معاه
دراغون :وأنت؟
جسور :وقف وشاف فدار)أنا حسابي مع داك الكلب…..
#عند_رضوان
🔥عصفورتي من نارSPEED🔥
74- كالس وسط طوموبيل حتى بانت ليه طوموبيل وفيها رائد حل الباب وخرج عندو شافو رائد وهو يجي عندو
رائد :هاديك ماشي خدمة لي دار جسور وكيعاقب عليها القانون
رضوان :جسور نساه دابا كاين انا وانت حنا تفرقنا على جوج جسور ودراغون ايخرجو أليف وانا وانت خاصنا نخرجو لبنات لي هنا
رائد :أول حاجة مخاصش نشكوهم بلي حنا بوليس اندخلو بحال أي كليان رجال يتشتو يعرفو لينا لمداخيل ولمخاريح بحال والو يكون أكاب فين مخبيين لبنات ودايرين عليهم حراسة عامة المبنى فيه بار وفيه اوطيل كيضربو جوج طيور بعصفور واحد لي قصر يطلع يكمل ليلت فوحدة من لي شومبر
رضوان :اوكي يلاه مخاصش نضيعو الوقت ،عطاو الاوامر لرجال لي معاهم تفرقو بحال أي كليان دخل رضوان ورائد مع الباب كاينين جوج كارد طلبو منهم الهوية مدها ليهم رضوان شافو فيهم وحيدو ليهم من طريق هادشي كان داير بحسابو رائد لي خدا هوية مزورة الداخل عالم تاني ضواو فالكحل والحمر غير رجال لي هوما سياسين وناس لباس عليهم فأوضاع مخلة كل واحد مرمي على وحدة قراعي دشراب موسيقى خدامة لبنات هالي عقلها طاير وهالي العربون باين من عينيها بي مضحك بزز عليها خايفة من لي مسؤول لا يعدبها فليلتها خدا رضوان ورائد طبلة جا سرباي طلبو مشروب رضوان كيدرس البنات وكيشوف شكون يختار حيت ضروري لي جا لهنا خاصو يعز بنت ولا يجريو عليه بانت ليه واحد البنت فطبلة معزولة حاطة قدامها كاس ديال المشروب كتلعب بيه من شوفة عرفها مكتشربش والكاس امظهر باش متعاقبش البراءة كانت على وجها دور وجهو وشاف فواحد الكارد كان واقف شير ليه بصبعو جا عندو
رضوان :البنت لي فطبلة الخامسة لي فالقنت،أشر ليه الكارد براسو ومشا عندها كتبان ليه مابغاتش ولكن شوفات الكارد خلاوها تنوض بزز منها جايا عندو بحال الى جايا ع قباض الرواح وصلات قدامو بقات واقفة
رضوان :كلسي،شافت حتى عيات وكلسات بعد عليهم الكارد وهيا مقابلاه غير غبر وشافت فرضوان
البنت :متحلمش تمسني نموت ومنخاي حد يمسني
رضوان :شنو سميت؟
البنت :وانت شغلك؟
رضوان :الى بغيت نعيط على شاف ديالك دابا
البنت :داك الكوبرا مكاينش اليوم معندك مدير مولكم بحال بحال وحوش تاخدو لي بغيتو وتزيدو مع طريق
رائد : فين كاين كوبرا؟

البنت :شافت فيه)وانت علاش كتسول عليه؟
رضوان :تعاوني معانا نتعاونو معاك شنو سميتك؟بقات كتشوف فيه وهي تنطق
البنت :آنا سميتي آنا
رضوان :قرب بيها)سمعيني مزيان آنا الى بغيتي تخرجي من هاد الغار خاصك تعاوني معانا
آنا :صعيب لبنات يخرجو من هنا لي كدخل مكتخرج
رائد :انت خلي كولشي علينا خاصك غير تعاوني معانا الى كنتي بصح بغيتي تخرجي من هنا شنو كلتي؟…بقات كتشوف فيهم وهيا تقول:
آنا :واخا شنو المطلوب مني؟؟…
#عند_أليف
الباب كيترضخ وصوتو كيزلزل
قيس :بالغواات)حلي حلي الباب حلي،كتشزف حداها شنو تقدر تهز بانت ليها لعلاقة دالحوايج ديال الحديد هزاتها فيديها او وقفات قدام الباب مفرقة رجليها وهازة الحديدة دفعة لولة تانية فرع الباب مع دخل نزلات عليه من لور طيحاتو وخرجات كتجري هربانة معارفاش فين سمعات لغوتة ديالو فالفيلا كولها كيعيط على كوبرا
قيس :كوبرا عندك تهرب ساااااااد البيبااااااان متخليهاش تهرب،وقفات كتشوف من فين اتهرب شافت فصبعها كيبان خاوي
أليف :معصبة ومتوترة)فين الخاتم فين فين دابا أكيد مغايلقاونيش ،شافت حداها بان ليها واحد الكولوار فيها واحد مخيزن صغير حلات بابو وتخشات تخبات فيه كلها عرقانة كترعد كطلب الله يدير ليها تويل دالخير ويعاونها
أليف :بالهمس)ياربي ياربي تكون معايا ياربي ورضات والديا متخلاش عليا ياربي….
#عند_جسور
جسور :ساخط)فقدت الاشارة مابقاش كيعطيني والو شنو أيكون واقع
دراغون :شاف سمعت صوت الغوات جاي من الفيلا ،جسور منطقش ضربها بجرية وحدة كولو كيقطر وقابو كيضرب تزرع فيه واحد الخوف عمرو فحياتو مخاف على شي واحد لهاد درجة ولكن أليف ماشي أي واحد هيا سكناتو وتغلغلات فوسط قلبو….
****وهيا مخبية غير دقات قلبها لي كيتسمعو حسات بخطوات جايا حطات إيديها على فمها قطعات نفس وغمضات عينيها فاللحظة تحل عليها الباب علات عينيها وشهقات…..
🔥عصفورتي من نارSPEED🔥
75- ‏” يحدث أحيآنآ أن نتلقى صفعة مؤلمة مُفاجأه غير متوقعة من أحدهم ،
لكن رغم ألمهآ إلآ أنهآ تعيدنآ لرشدنآ وصوآبنآ !
#فالبار
آنا :تحت البار كاين واحد الممر لي شافو أيكول غير ممر عادي ولكن نهاية ديالو كان باب ديال الخشب تحت داك الباب كاين 40 بنت من كل دولة كل ليلة كيخرجو 10فشكل كولشي غادي بنوبة
رضوان :شحال من كارد كاين؟
آنا :اليوم مكاينش حيت داك لمحروق ديال كوبرا مكاينش اغلبية ديال ليكارد مستغلين الفرصة وخارجين
رائد :يعني القضية ساهلة إلى بغينا نخرجو البنات لي هنا
آنا :ضحكت)انتوما بجوج تسطيتو لا؟
رضوان : ضحك) انت غير كلسي وشوفي ،من بعد 5 ديال دقايق تسمع القرطاس فالبار لي كارد بداو كيتحركو ويجمعو فالبنات
رضوان :رائد انت تكلف بالوطيل وانا خلي ليا البنات(شاف فآنا وكال : أنتي اجي معايا ،وقفت كتشوف شنو واقع هز سلاحو وصوبو على راسها
رضوان :انت سايريني ومتنطقي بوالو،شاف فليكارد لي هزو عليه سلاح
رضوان :أي واحد زاد خطوة انتيري فيها ،رائد طلع مع عناصر ديال البوليس لوطيل كيدخل على بيت بيت كيأمر البوليس يشدو شاري والبنت كيطلب منها تلبس حوايها وتبعو لبنات بحال الى جاهم الفرج ورحمة من عند الله نزلات عليهم…
رجال رضوان كانو كتار قدرو يتيريو فالحراس لي تم نزل رضوان سلاحو من على راس آنا ودورها عندو
رضوان :أجي انت من أي بلاد؟
آنا : انا ميكسيكية وكنت عايشة فلندن
رضوان :ااام مشرفين دابا بغيتك توريني لاكاب فين جا خاصنا نخرجو لبنات لي لتحت ،،،هبطات سابقاه أو هو وراها كاع لي كارد لي كانو حارسين المدخل طايحين واحد ورا تاني رقفات آنا عند واحد الباب ديال بحال بيبان الحبس فيه سرجم صغير فيه شبيك
آنا :هنا فين كاينين البنات..
رضوان :بعدي شوية على الباب ؛حيدات من طريق بعد على الباب هز رجلو وضرب ضربة لولة تانية تفتح الباب البنات مجموعين فقنت وواحد مخلوعات واحد المنظر متبغيهش لعدوك بحال أهل الكهف بنات يقطعو فالقلب
رضوان :معندكم مناش تخافو أووكي اتبعوني وحدة بوحدة انخرجوكم من هنا وكل وحدة اترجع لبلادها ولدارها أوكي،بداو البنات كيبكيو وخارجات وحدة تابعة تانية طلعو من دروج لي جاو منهم لقا رضوان رائد قدامو عيط رائد لدانييلا تدخل دخلات كلفها بالبنات.
رائد :دانييلا اتمشي مع البنات لوطيل وتبقاي معاهم اوكي
دانييلا :حاضر،خرجات دانييلا ومعاها البنات إلا آنا لي بقات واقفة كتشوف فرضوان وهيا ارجع عندو
آنا :شكرا بزاااف(طبعة بوسة على خدو) وتبعات البنات بقى متبعها بالعين ورائد مقابلو
رائد :كيبان ليا أصاحبي قصة حبك اتبدا من هنا
رضوان :أ شنو يو كريزي مان(انت رجل مجنون)

رضوان :دوك كروش لحرام شنو ادير معاهم؟
رائد :نشوفو جسور شنو دار ونشوفو معاهم…
#عند_أليف
واقف ليها على راسها كايضحك سنانو البيضين لي كيبانو فوسط راسو حط إيديه على شعرها وهزها منو كتغوت من الحر وقفها تقابلات معاه حتى كاسمع رصاصة وكيبان ليها طايح غارق فدمياتو كلها كترعد دورات راسها كيبان ليها دراغون واقف أول مرة تبكي من الخوف أول مرة تبكي وتحس يحال دنيا ضحكات ليها مشات كتجري ترمات فالحضن ديالو معلقة فيه بحال نمرة لي معلقة فظهر الفيل كيدوز إيديه على ظهرها ويسكتها
دراغون :ششت ريلاكس إينجل(ملاك) ماوقع والو؛؛بعدات عليه ونطقات :
أليف :هو هنا؟(كتقصد جسور)
دراغون :ضروري يكون هنا ،حسات بدغدغة فقلبها ديال الفرحة
دراغون :يلاه خاص نمشيو أجي معايا دايرها ورا ظهرو وغادي بيها….
قيس لي هابط دم هابط من راسو ومن عنقو عروقو خارجة وكولو كيترعد منزل عينيه وكيعيط بسميتها بحال شي ولد صغير كيعيط على مو وخايف لاتكون ضايعة منو ..

Leave a comment