Skip links

قصة : عصفورتي من نار 2

 3,248 عدد مشاهداات

🔥عصفورتي من نار SPEED🔥
26-الساعة أما الإيد اليسرية كانت عليها خطوط كيشبهو لطريق سير سيارات سباق وعلى ضلعتو ليسرية موشوم نسر بلون الحمر وتحتو مكتوب بخط لاتيني”لاكويلا روسا” جبد مجر كبير كان فيه غير الحوايج داخلية هز بوكسور كحل حيد لفوطة رماها لبسو وفتح دريسينك جبد تيشورت بيض سروال كري وسمطة كحلة لبسهم بالخف رجع بالور ودخل فواحد الكولوار فتح واحد دريسينك كبير فيه من كل سبادري صف انواع وأشكال وألوان هز منو سبادري كحلة كتبري فتح مجر أخور هز منو باليزة نقرية صغيرة رجع لبيتو لبس سبادري ديالو هز ديك منيطة حطها قدام لمرايا فتحها كان فيها نظاظر فالكحل ساعة رياضية فنفس لون بارفان كانت على شكل حمل الاتقال سميتها”DAVIDOFF CHAMPION” رش منها جوج رشات دغية عطات فالبيت هز تويشيات ديال الأيد وسلسلة كحلة ربطها مع سمطة وسروال جات هابطة كمل باقي الإكسيسوارات هز سوارت طوموبيل وتيليفونو فتح باب ديال زاج فبيتو هبط مع دروج نيشان لبرات الفيلا ركب فطوموبيلتو الفيراري لكحلة فتحو ليها لي كراد لباب لي كانو دايرو باش يدخل ويخرج بلا مايشوفو شيحد ساك بزربة حيت عندو موعد مع المشرف ديال سباقات ديالو مع هو تحرك مع تحركات طوموبيل كحلة وراه…
#فالفيلا
تيليفون أليف كيسوني،كتقلب من هنا ولهيه وتحك فراسها وفوجها مدات إيديها لكوافوزة كتقلب على تيليفونها جاوبات بلاما تشوف
أليف:هالو،صوت رجولي عميق وغامض جاوبها
…….:كود مورنينغ سويتي
أليف:حلات عينيها مغوبشة)شكون معايا؟
…….:هاهاهاهاها سؤال زوين قريب اتعرفي شكون معاك أه بغيت غير نكوليك براكة عليك من نعاس الجو زوين مكيستحقش دوزيه على نموسية خرجي يشوفوك ناس ونشوفك حتى أنا أي ميسيو سو ماتش سويتي(تيت تيت تيت)
أليف:ألو ألو ألو،شكون هدا لي بنت ليه فالبلان على صباح أي اراسي ناري وجهي كيضرني،نزلت من على نموسية كنجر فرجيلاتي جيهت المرايا عليت وجهي فيها نقزت
أليف:حاطة إيدها على وجها)نو ويي بغيت ليك شلل فديك ليد لي تحطات عليا خسر ليا سيفتي زينة شنو اندير وكيفاش انخرج وانا هكا دابا؟(مغوبشة ومخسرة سيفتها حتى..،(توروروتو)شافت جيهت تيليفون بان ليها ضو ديال ميساج وصلها هزات تيليفونها قراتو تبدلو تعابير وجها لفرحة كضحك وتنقز من بلاصتها نقزت من فوق ناموسية دخلات لحمام قدات حالتها خرجت هزات كريم خافي للعيوب دارتو لضربة لي على حنكها حمرة لبسات سروال دجين مع شوميز مخطة بالكحل ولبيض تجاكيط طويلة شوية تجين صباط على شكل بوت فالكري ساك فالكحل على جنب جمعات راسها وطلعاتو لفوق شداتو على شكل كعكة كلوس خفيف على شفايفها ساعة فالكحل ونظارات فنفس اللون مع رشة من ر
مع رشة من ريحتها وهاهيا واجدة تخرج هبطات مع دروج فرحانة لقاتهم عند طبلة
أليف:كود مورنينك إيفري بادي
روقية:كود مورنينك سويتي
عماد:كود مورنينك
أليف:ماما فين بابا؟
روقية:باباك مقدش يصبر يلقى كالس ومخلي لكراج راه مشا بكري يحلو
أليف:اوك أنا خارجة متسناونيش لغدا
روقية:أليف كترتي ابنتي لبارح جيتي ماشفناك ايمتا وصلتي وخرجتي مكلتيهاش لينا زعمة عارفة ظروف لي كندوزو منها نقصي شوية من خفت رجل راه كتجيب البلا
أليف:تنهدات وحدرت راسها ورجعت شافت فمها)ماما انا مكنديرش شيحاجة لي هيا خايبة ولخروج مالفيني مكنكلسش بزااف فدار ومن نحية داكشي لي واقع متخافيش عليا مغادي يطرا والو عارفة كيفاش انحمي راسي واخا ماما،خليتهم وخرجت لقيت سكوتر ديالي قدام الباب شكون جابو باين بابا لي مشا جابو ورجع لخدمتو شحال توحشتو،كدوز ايدها عليه وتعنق فيه وتبوس بحال الى ولدها كان فالعسكر ورجع..
🔥عصفورتي من نارSPEED🔥
27-ركبت على سكوتر ديالها بحال الى أول مرة اتركب عليه فتحو ليها الكارد الباب مع هيا خرجات هز واحد فيهم تيليفون ركب نمرت جسور وصونا ليه
الكارد:بوس أنسة أليف هزات سكوتر ديالها وخرجات يس بوس درنا فيه الجهاز لي عطيتينا اوك بوس…
تفتحات بوابة كبيرة لفيلا كبيرة خرج منها رجل على كرسي متحرك الهيبة باينة عليه عينيه غارقين وغامضين وجهو عليه إبتسامة صغيرة الهيئة ديالو كتبين انو كان رياضي يا ملاكم يا مصارع فصغرو فتحو لي كارد الباب البراني تمت داخلة طوموبيل كحلة طويلة وكبيرة(شبيهة لديال عثمان كوزان)وراها تلاتة ديال طوموبيلات من نفس اللون توقفو وحدة ورا تانية بزربة نزل شيفور من طوموبيل لكحلة فتح لباب كملت إبتسامة ديال شخص لي على لكرسي متحرك فتح إيديه
…..:قسور ولدي نورتي دارك ومملكتك،تم غادي عندو بثقة وبإبتسامة كبيرة على وجهو نزل لعند باها عنقو
قسور:وأنا فرحان حيت أخيرا أنا معاكم هنا
الأب:هاد المرة معندك فين تمشي(كيضرب ليه على كتافو
قسور:تبسم وعلى راسو فالفيلا)وأنا هاد المرة منويش نمشي حتى ناخود لي بغيت….
■☆وقفات أليف قدام عمارة فوسط ديال المدينة سلمات على العساس لي كانت كتعرفو مزيان
أليف:هاي جونيور
جونيور:أنسة أليف توحشناك
أليف:حتى انا توحشتك كيدايرة سارة او وليداتك؟
جونيور:كيسلمو عليك
أليف:هاهوما سوارت سكوتر عندك ردليه البال عارف شحال عزيز عليا
جونيور:شد عندها سوارت)فعينيا بجوج(شير لعينيه)،يلاه اندخل وتفكرت كريشتي لي موكلاش من لبارح رجعت لواحد مخبزة قريبة جبت منها كرواصة والخبز طركت لحليب ورجعت طلعت بجري بلا لاسنسور وقفت عند الباب فرحانة كنسوني فسرسار موقفتش سونيت تفتح الباب دورت وجهي والفرحة فعينيا وضحكة لي فوجهي لي دغية تلاشاو الحليب لي طاح من ايدي كولشي طاح بلاما نحس صدمة من لمنظر لي قدامي حطيت ايدي على فمي ودمعة لي هبطات بلاما نحس على وجهي كنبغي نمد ايدي وكنرجعها وانا مزال فبلاصتي بحال الى ضربني ضو
أليف:فمها كيترعد)شكون شكون دار فيك هكا هضري م مجدولين شكون دار ليك هاد الحالة شكون؟؟….
🔥عصفورتي من نارSPEED🔥
28-مجدولين رجعات بالور كلسات على الفوتوي كداوي جروح لي على وجها هزات أليف داك الحليب والمقدية دخلتهم سدات الباب حطاتهم على طبلة حيدت تجاكيط وكلست حدا مجدولين
أليف:مغوبشة)وهضري خلاص شنو وقع
مجدولين:أكفس عطلة دازت عندي فحياتي وحق الله العظيم
أليف:شنو وقع واش درتي كسيدة؟
مجدولين:تي واخا يدوز عليا تران ماتكون حالتي بحال هوكا(كلام مجدولين كان رجولي وقاصح بحكم عيشتها فالمغرب مدة كبيرة يلاه مؤخران لي سنقرت فأمريكا والديها فرنسا وهيا هنا فشيكاغو)
أليف:عاودي بتفصيل
مجدولين:تعرفت بواحد خينا فأنستغرام مدة وحنا كنهضرو مع بعضياتنا فرش ليا طريق ورد كيف كيقولو بين ليا راسو هو راجل المناسب كاليك الالة مهندس وبدارو وطموبيلتو وكولشي ليه انا تقت كي لهبيلة تكبيت فاش مشيت لفرنسا كلتها ليه ايوا الالة كاليك حتى انا انجي عندك ونشوفك جا شفتو مقادتني فرحة زين زين طول طولة كولشي فبلاصتو دازو أيام(عينين مجدولين غرغرو بدموع)كاليا ايعرض عليا لواحد ريسطو كراه على قبلي قبلت تشيكت ولبست احسن ما عندي تعشينا وعرض عليا زواج
أليف:وانت مع امحلولة قبلتي ليه(أليف وقفات شادة راسها وغادية وجايا)
مجدولين:علات راسها فيها)اه قبلت انت عارفة محرومة من الحنان أي وحدة فبلاصتي اتيق بيه وتبني معاه أحلام وردية انا بشر من لحم ودم أوه ممنحقيش نبغي ونتبغا أ(كتغوت وتبكي)
أليف:شش(كتمسح ليها دموعها)من حقك من حقك كملي شنو وقع غتاصبك متكوليهاش ناري لمو ناري وملكانيش
مجدولين:ضحكت بستهزاء)هاء الموضوع كتار من الإغتصاب فاش خرجنا من ريسطو حسيت بشي حد شمني شيحاجة دخت مابقيتش عقلت على راسي فاش فاش(كتهجهج بالبكا)أهيء أهيء فاش فقت لقيت راسي فصالة كبيرة طول بعرض ايديا مربوطين ورجليا مربوطين عريانة من غير سليب وسوتيامات لي مغطييني ولكن لي تفاجئت بيه كثر هو لبنات لي كانو محبوسين معايا كانو يا أليف كتارات من كاع لبلدان ها لبيضة عا سمرا هالخمرية هالبرازيلية من جميع دول مكنتش عارفة والو كيفاش جيت لهنا وفين هو بكر كان كاليا أسمو بكر حتى كيتفتح الباب وكنتلقى تاني صدمة فحياتي بكر هو مول لفعلة هنا عرفت انو سيهم بكر ما مهندس ما والو هو تاجر كيمارس تجارة الرقيق(هاد تجارة راها حقيقية نجارة الرقيق كاينة فأوروبا أكثرية فالمكسيك كيخطفو البنات وكيبقاو يبيعو ويشريو فيهم وممنوع وحدة تهرب فيهم حيت الى مشات حتى هربات كتبيع بيهم يا إما يرضاو بالواقع ولا القتل)..

أليف:انا أنا يمكن كنحلم نو ويي نو ويي
مجدولين:صافي حسيت براسي حياتي كملات وسلات حيت عارفة لي كيدخل لداك حقل الألغام مكيخرجش منو كيديو لبنات باليل يلبسوهم ويقدوهم ويفرقوهوم على لكبريات ولبيران وأي واحد من ناس لهاي طبقة لعليا شاف شي بنت وعجباتو كيدفع ثمن ديالها يدوز معاها ليلة ولا ممكن يخلص جوج ليالي تكمل وقتها ترجع لدار وتنزل للحبس لي هيا فيه لي عصات وتعندات كتجيبها فراسها اما لي رضخات وحنات راس كيعطيوها بيت بوحدها وكتولي مسيرة
أليف:كلست الأرض)كملي
مجدولين:هاه انت عارفاني عيشورية وراسي يابس مرضختش ليهم كنجدب وكنكول امولة نوبة طالبين توبة ولكن كنجيبها فراسي وناكل قتلة كتر من لولة نهار ايحن عليا الله هو نهار تبدلو ليكارد وجاونا وحدين جداد واحد من دوك لي كارد كان كيقرا معايا يمات لكوليج فالمغرب حرك لفرنسا وخدم مع هاد لكنس عرفني بقيت فيه ولا يمكن تحرك فيه العرق تمغرابي خلى حتى ليل وبلا حتى واحد ميحس وهربني متنفست حتى شميت لهوى ودخلت لدار والديا درت ليهم سبا وكلت ليهم درت كسيدة وكنت فسبيطار هزيت هوايجي وركبت أول طيارة جايا لهنا بدلت نمرتي وانستغرام حيدتو اي حاجة عندها معلومات بيا حيدتها الحمد لله لي موريتوش عنوان هنا وكدبت عليه وكتليه أنا فرنسية أما علم الله شنو ايكون وقع
أليف:نو ويي حاسة براسي بحال الى كنتفرج فشي فيلم واش كاين ناس بحال هكا واش مكاينش مخزن
مجدولين:بوليس أمريكا والله ميعقل عليهم ولكن خاص لحجة ودليل فين هوما هدا داير حسابو وكيلعب على تقيللل…
🔥عصفورتي من نار SPEED🔥
29-ناضت أليف جنب مجدولين عنقاتها
أليف:صافي مديريش فبالك الحمد لله غير منين خرجتي من داك الغار وداك الكلبوشي كنحلف ليك بالله ونمشي حتى نشوفو والله وربي لي خلقني وخلقك لا رحمتو أنا نكولها ليك…
#عند_جسور
جسور:مكنهضرش بزااف ومغاديش نعاود نكول نفس الهضرة هدا أخر سباق انشارك فيه
رؤوف(المشرف):معصب)واش بغيتي المسار ديالك كولو يتضرب فزيرو 10سنين 10 سنين ديال نجاح وديال لكؤوس ولميداليات كولهم ايمشيو هكاك
جسور:ممسوقش)هانتا كلتيها 10سنين مغاديش نبقى نلعب طول عمري 32سنة براكة
رؤوف:أكويلا فكر،وقفو جسور بيديه نيفو كيترعد مهبط حاجب ومعلي تاني
جسور:مكاين لاش نطولو لهضرة،دار نظاظر ديالو وركب فطوموبيلتو قبل ميديماري شاف فرؤوف
جسور:مغادي نشوفك حتى يجي وقت تدريب،خلى وراه غير لعجاجة ورؤوف لي ممتيقش شنو كيسمع بودنيه
رؤوف:غادي دمر كولشي بقصوحية راسك بحالك بحال باك تماما،وصل ليل دخلات أليف لدار بكري باش متسمعش نفس الهضرة تاني طلعات لبيتها نيشان
فاروق:مالها شنو واقع معاها
روقية:معرفتش خرجت فرحانة ودابا رجعات حالتها شفتي وجها انطلع نشوف مالها
فاروق:لا غير خليها عارفة بنتك وطبيعتها
روقية:يا عارفة انت مطرا معاك والو فالخدمة
فاروق:ناتينك تاصل رائد كنظن غادي يستقر فلندن
روقية:شنو كيفاش وعلاش وإيمتا مكال ليا والو
فاروق:اووف روقية ولادك كبرو وجا لوقت لي يعتامدو على راسهم وحتى سراب ايستقر فلندن تيكولو لقاو لي بغاو تما سراب لقا خدمة فشركة ديال طيران ميكانيك أما رائد حتى هو نفس شي ولكن ميكانيك فطائرات الحربية حسن ليهم مغايبقاوش عايشين تحت جناوحنا
روقية:غرغرو عينيها بدموع)مكنتش عارفة ايجي هاد الوقت بزربة ولكن انا انا فرحانة حيت لقاو لي بغاو دابا بقات غير أليف كان عند بالي هيا اول وحدة اتخلي دار ممكن تزوج ولا تقرا فشي مدينة أخرا صدق العكس،عنقها فاروق كيضحك

فاروق:متوحشتيش نبقاو بوحدنا راس فراس
روقية:كضحك)ههههه انت هو انت عمرك ماتبدل هاد تشيطين لي فيك مابغاش يحيد أدعلولي
فاروق:اوووف(ضرب جبهتو)مغاديش تحيدي منك هاد لكلمة
روقية:اهاء عمري نبدلها ادعلولي،تنصلات منو وهربات وهو ماشي من لعاكزين تبعها كيجري….
#مكتب_خاص_للمخابرات_لندن
فواحد القاعة كبيرة مظلمة من غير شاشة كبيرة كانت مضوية لبلاصة كانو بزاااف ديال ضباط ورا كراسة كالسين من غير شاف لكبير لي كان واقف لابس قميجة بيضة سروال كحل وسمطة كحلة فيها إشارة ديال البوليس والفردي لي كان هازو فجنب
الرئيس:كلكم عارفين الظاهرة لي كتواجهنا هاد المدة وهيا تجارة الرقيق بنات تخطفو من ديورهم من كلياتهم معندهم حتى دنب من غير انهم زوينات وعاطيات لعين المشكل هنا انو هاد العملية مشارك فيها شحال من واحد ولكن الإيد لكبير ولا لبيك بوس كيف كيكولو مكيبانش ومعارفينوش حتى كيداير فوجهو ومعندنا حتى راس الخيط مؤخران جاتنا معلومة على وحدة من ضحيات لي كانت تم انها هربات ولكن للاسف معندنا حتى معلومات عليها تعطلنا بزااف والأمر بدا كيخرج على سيطرة خاصنا نتحركو داكشي باش ختاريت مجموعة من أحسن العملاء عندي بالإضافة بغيتكم ترحبو بالعنصر جديد ولي أيكون قائد المجموعة لي بين لينا كداش كيبغي هاد المجموعة من خلال تضحيات ديالو لكثيرة…

🔥عصفورتي من نارSPEED🔥
30-العميل رائد فتحي،تفتح الباب ودخل رائد بطولو وقامتو ونظرات ديالو لي كانت كلها تحدي دخل سلم على الرئيس وعطاه التحية
الرئيس:رائد كان من بين التلاميد لي تقدمو لينا الصيف لي فات كان تعرض لإمتحان مكثف باش يبين على القدرات ديالو اليوم هو معانا وكيستاهل المنصب لي تعطى ليه
رائد:تانكيو سور،بدا تيليفون رائد كيسوني
رائد:ايسكيوزمي بليز،هز تيليفون وخرج على برا نمرت ماماه
رائد:ماما كاين شيحاجة
روقية:خدمتي ومكلتيها ليا بحال الى انا مكيناش
رائد:شد راسو)ماشي هكاك غير مجابتهاش ضروف علاش مفرحتيش ليا؟
روقية:كاينة شي أم مكتفرحش لولدها بالعكس الله يعاونك أولدي مغاديش ترجع تاخد حوايجك؟
رائد:لا يلاه بديت الخدمة وميمكنش ناخد عطلة باش نرجع غير تعطاني فرصة انجي اوكي مام الخدمة كيعيطو ليا سلمي على بابا وأليف بوسيها بجهد باي(تيت تيت تيت)تنهد وفتح الباب ودخل،الرائد واخا كانت مهنة ديال باه كتعجبو ولاقي راسو فيها وكان كيحلم يكون ميكانيكي كبير ولكن مؤخران ولا عندو طموح أخور هو يولي عميل فالمخابرات عارف هادشي مغاديش يعجب فاروق وغايخلع روقية داكشي باش دخل بلاما يعرف حتى واحد العطلة لي فاتت خضع لتدريب ودار لعدر بلي ايدوز العطلة فإسبانيا ودابا تختار من بين احسن تلاميد…
رائد:سمحوليا
الرئيس:نكملو العمال ديالنا ايتعاملو مع مخابرات الإيف بي أي الأمريكية دابا كمل الإجتماع المعلومات كلها عندكم بغيت خدمة نقية وبغيت نلاقاو هاد الغول البشري فأقرب وقت وخصوصا الوكر لي كيخبي فيه البنات مفهوم؟
الكل:عطاوه تحية)يس سور….
#شيكاغو
منين دخلت أليف لبيت وبدلت حوايجها وهيا غادية جايا غادية جايا
أليف:أوووف(تران تران)هزيت تيليفوني نفس النمرة
“يا أحلى مرأة بين نساء الكون أحبيني” جملة وحدة من أغنية كاظم ساهر لا صافي هادشي لي بقى ليا خبطت تيليفون مع الكاما(النموسية)ورجعت لمشي ولمجي بحال لي بغا تولد سهيت فالحيط وجاتني واحد الفكرة فبالي علاش منديرهاش ولي ليها ليها،خرجت من البيت ديالي لي جان بين ربعة ديال البيوت
أليف:فين ايكون بيتو ياربي فين فين ندخل لبيوت كاملين ونقلب مخاسرة والو،لبيت لي دخلت ليه كيخيب أملي ماشي بيتو هادا ميمكنش يكون بيت أكويلا روسا ديكور البيوت كاملين ديكور واحد بان ليا عمي عماد خارج من أخر بيت فالكولوار كلت نزعم ونسولو
أليف:شيرت ليه)عمي عماد،شاف فيها عماد تبسم او وقف كيتسناها
عماد:كاين شيحاجة أبنتي؟
أليف:كضحك)لا أعمي عفاك كنت بغيت نهضر مع جسور فشيحاجة ومالقيتش بيتو

عماد:أه بنتي جسور معندوش بيت فهاد الطابق اتاخدي لاسنسور ايديك ﻻأخر طابق فيه بيت واحد هداك بيت جسور
أليف:تانكيو أنكل،درت لي كاليا عمي وركب فالاسنسور حطني فأخر طبق فالفيلا مع خرجت حليت فمي من دهشة
أليف:واو ايكان بليفيت هادي راه شقة على كدها،كلشي كان من زاج ديكور مختالف بزااف مكاينش كيفاش يتوصف حطيت إيدي على واحد الباب زاج ديالو كحل من هادا بيتو كيشبه ليه النموسية إطار ديالها كان ديال زاج الفطويات فالموطارد كولشي كيبهر من ديكورات من كولشي داني لفضول ندخل لواحد الكولوار حسي مسي حليت واحد الباب بيض كبير تحلو عينيا على قدهم شهقت وحطيت ايدي على فمي
أليف:نو ويي هدا هدا سبرديلات ديال العالم كلهم عندو هنا
“معلموكش بلي لي كيبقى يبقشش فحوايج غيرو قلت أداب ويقدر يتعاقب عليها” درت بزربة كيبان ليا واقف داير إيد فجيبو وإيد على الحيط كيشوف فيا شوفات باردين
أليف:كتقاد فشعرها وحوايجها وتصرط ريقها)أحم انا انا زايدون انا مدخلتش بلا إدن كلتها لعمي عماد
جسور:هادي مملكتي لخاصة ماشي دار عمك
أليف:واش واخا مهضرو بحال ناس لمتحضرين حنى من نهار تلاقينا وحنا مدابزين بحال شعبيبة وكبور
جسور:شاف فيها)وات شكون هادو
أليف:كلست على واحد الكرسي)هههه متاخدش على بالك هادا سكيتش كنا كنتفرجو فيه فرمضان
جسور:شفتك كلستي؟
🔥عصفورتي من نارSPEED🔥
31-دارت رجل على رجل وكتشوف فيه)غير خود راحتك وقيلة بغيتي تبدل حوايجك ياك،خنز فيها ولدا كينصل فحوايجو وهيا مكابلاه بكل برود مداهاش فيها حيد حوايجو كاملين بقا غير بالبوكسور على عينو فيها مطلع حجبانو
جسور:جريئة مع راسك
أليف:متاخدش فبالك عادي عادي كنشوف رجال عريانين فالبحر والبيسين(ولكن بحال هاد الفورمة موحال وزادها بالوشام موك ياموك)،خلاها متسوقش دخل لحمام سمعات الما مطلوق وقفات كتكمل تبقشيش ديالها بان ليها واحد الباب منقوش عليه إسم لاكويلا روسا ومنحوت رسم ديال نسر دورات البوانيي وحلاتو دخلات راسها وشعلت ضو كان البيت عامر بالميداليات وكيسان مدهبين ديال المسابقات لي ربح فيهم لفتت إنتباهي واحد صورة كبيرة فيها جسور بالبسة دسباق حمرا وهاز فيدو ليمنية كأس ديال البطولة وإيد ليسرية داير بيها علامة النصر.
“مزال مخرجتيش؟
أليف:دارت شافت فيه)واو هادو كاملهم ربحتيهم؟
جسور:عطاها بظهر وخرج)شنو بان ليك؟
أليف:مالك على هاد بوخ وشويكيات كلهم بغيت نهضر معاك زعمة بالعقل
جسور:خنزر فيها)راه منسيتش ليك لي درتي ومغاديش تاكول معايا ديك نكتة لي عاودتي
أليف:وحتى أنا دقة لي وكلتيني مغاديش نساها
جسور:راك كتقلبي على وحدة بحالها خرجي بغيت نعس
أليف:مخارجاش
جسور:أليف تقاي شري حسن ليك
أليف:مابغيت منك والو بغيت غير طلب بسيط
جسور:ضحك)جيني نيشان
أليف:بغيتك تعاوني
جسور:انا غير قتال متيقيش فيا بزاف
أليف:متبقاش شاد فديك لكلمة كي غناية حشاك ريلاكس
جسور:كيطلع نفس غير بزز)معنديش مع الهضرة بزااف شوفي أديك لكرادة ياك هكا كيكولو ليها فالموغريب
أليف:شنو هيا لكرادة؟
جسور:واحد الحشرة كتكون فالكلاب كتبقى تاكل فيهم وتسبب ليهم فالحكة وكيجيهم صعر بسبابها هادشي لي دايرة ليا دابا يلاه كيراوت(خرجي)
أليف:هزات ايدها فوجهو)دابا أنا أنا كرادة انا حمارة لي جيت عند عند أدومة بحالك

جسور:كيراوت،خنزرات فيه ضربات بزنطرات وخرجات كضرب الأرض برجليها هبطات دوك دروج كامل بلا لاسنسور بلاما تحس بالأعصاب دخلات لبيتها وزدتحت الباب بجهد
أليف:قدام المرايا)أنا أنا كرادة هاد زين كامل وكرادة كالها أدومة لاخور منرضاش انا بعدا نكون خاطب وحدة اسميتها ليسبيانة شوهة اش كينفعو الفلوس ولهيبة ورجلة ظيرو لضس،تفتح عليها الباب ودخل عاكد حجبانو
جسور:شنو كنتي باغية تكولي؟
🔥عصفورتي من نارSPEED🔥
32-خنزرت فيه وكلبت وجها
أليف:والو مابقيتش باغا
جسور:مغانعاودش هضرتي جوج مرات شنو كاين،رجعت شافت فيه
أليف:أحم مشيت اليوم شفت صاحبتي مجدولين
جسور:بعدم صبر)عرفت ومن بعد
أليف:و(خنزرت فيه)كيفاش عرفتي تابعني ياك كنتي تابعني
جسور:متبقاي تسولي ودقي فتفاصيل دخلي فالموضوع
أليف:غوبشت)مهم…..،عاودات ليه من طاق طاق لسلامو عليكم
جسور:الامبالاة)وانا مالي
أليف:كيفاش انت مالك واش هادشي محرك فيك والو زعمة
جسور:هادشي عارفو ومن زمان من أيام جدي ولكن جدي مكانش كيخلي بحال هادشي يوقع ودابا تقلب كولشي
أليف:بغيتك تعاوني مجدولين خايفة يقدر يلقاها بأي طريقة انت واصل وعندك إيد مع المخزن وأهم حاجة جدك كان مع المافيا يعني كيكولو من أين داك شبل من داك الأسد
جسور:تبسم)هاد لكلام مكياكلش معايا ولاش انبغي نعاونك
أليف:عاوني ونعاونك باش نلقاو لي دار فينا هاد الفعلة
جسور:ضحك بجهد ضحكتو زلزلت دار كلها)كرادة بغات تعاوني سيري لعبي بعيد حسن،جا خارج وهيا تنقز قدامو
أليف:والله حتى تحتاجني انا ماشي بحال لي كارد ديالك انا كندخل حسي مسي والله خفيفة وشقية اتحتاجني اتحتاجني أيبروميس مغانديرش ليك ضجيج انا معاك حسي مسي متسمعش صوتي والله حتى تحتاجني واتكول أليف كالت،بقى كيشوف فيها مدة
أليف:مدات ليه إيديها)تافقنا والله مغاتندم كنواعد،هو حدو كيشوف فيها بشك شيحاجة فعينيها كتخليه يقبل ودماغو كيكول ليها لا هادو ماشي فعايلو
جسور:دار إيدو فيدها)ولكن تمشي تصدر منك شيحاجة هك ولا هك منعقلش عليك اوكي
أليف:ضحكت أوكي نبداو من دابا،نطر إيدو من إيداها وحل الباب خارج وكيهضر
جسور:كود نايت كرادة
أليف:كود نايت أدومة😆
🔥عصفورتي من نار SPEED🔥
33- صباح الخير للذين يرسمون في مخيلاتهم حياة لا تطابق حياتهم، للحالمين، المؤمنين لوصولهم الى مايريدون، المبتسمون رغم كبد الحياة.💙
#تيليفون_أليف
(تران تران تران)حلات عين وحدة وتاتية ملصقة بنعاس هزات تيليفون كاقرا فالميساج
“صباح الياسمين على عيونك الحلوين”
أليف:غطات وجها)نو ويي عاوتاني،هاد المرة قررت نجاوب تقاديت فالجلسة وخشيت تيليفون فوجهي وبديت نبرد غدايدي
أليف:”واش انت معندك شغل سير الى عندك معامن تلعب لعب انا راه ماشي قدك وحسن ليك عطيني تيساع انا راه راجل مزوج وبولادي والى مجمعتي راسك اندير ليك قجت لحمامة لي خلات ولادها يتامة” يااخ على صباح صبحت عليه تف،نضت ساخطة للحمام درت لي كيديرو ناس كامل خلصت ضريبة وغسلت وجهي وحكيت سناني خرجت لبست بونتكور لاصق كحل مع سوتيانات ديالو فالحمر درت عليا قبية صفرة ديالي هزيت ليكون ديالي مع البانضات درت سبرديلتي فرجلي وهزيت سكادويا هبطت لحت كولشي مزال ناعس دخلت لكوزينة أول مرة اندخل ليها دقيقة وانا حالة فمي كون غير حولو ليا بيتي لكوزينة نبقى نصبح على ه المنظر مع سراجمها كلهم زاج وجات كطل غير على شجر والورد كتحليك نفسية على لماكلة حطيت سكادو صايبت لراسي عصير ديال مطيشة والخيار درتهم فقرعة ودرتهم فسكادو بانت ليا مكينة ديال لكلاص لحت فيها جوج حامضات عطاني كلاص حامض حليتو بالعسل هزيت الكاس فيدي وخرجت ركبت على سكوتر ديالي ومشيت لاصال نيشان غير دخلت بديت كنترينا معرفتش علاش كنت مغلولة وحاسة براسي هاد جنون لي فيا باغية نخرجهم كاملين فهاد الحيط لي قدامي بديت هادي مني وهادي منك حتى وليت كولي كنقطر بالعرك،ساليت يلاه انلبس قبيتي كنسمع تصفاق ورايا
“اووه برافو برافو برافو”درت كيبان ليا واحد واقف طول بعرض العينين هوما شعر هو هداك طول وتجريدة هيا هاديك ولكن شكون معقلتش
“نسيتيني الخايبة
أليف:صراحة معرفتكش شكون انت “حسي مسي،أليف وساعو عينيها وشدات على فمها
أليف:نوو ويي قسوور!!👀
قسور:مكاينش سلام فعائلتكم،حطات لي فيديها ومشات كتجري عنقاتو
أليف: نو ويي شوف راسك كيف وليتي زيانيتي العفريت
قسور:وانت غير مزدتي زيانيتي وقساحيتي
أليف:فين مشات لكرش ودرعان وشعر لي كان ديما شاد ريزو😁

قسور:شحمة هربات بلونطريما اما شعر كاين ألف طريقة ولكن كيف جيتك؟
أليف:حسن عوان البنات معاك
قسور:انبقاو هنا مغاديش تعرضي عليا لشي فطور من دوقك
أليف:هيا لي متعاود…
#فالكافي
أليف:إيوا مكلتيش ليا فين هاد لغيبة كلها من نهار خديتي شهادة مابقا حد شافك
قسور:هادي هيا رجعتي من ألمانيا هاجرت لتم وكملت قرايتي تم ودخلت فمجال صناعة سيارات
أليف:أووه حاجة زوينة هادي هيا وليتي رجل أعمال
قسور:أياه الالة وانت عاوديليا شنو درتي؟
أليف:دخلت لكلية الهندسة لميكانيكية او وليت خداما معا داد ودابا بغيت ندير كراج خاص ديالي
قسور:ايوا والحياة شخصية مكاينش شي بوي فريند
أليف:أععع لالا مكاين حتى حاجة من داكشي
قسور:وايلي وعلاش انت ماشي بنت عندك أحاسيس خاصة ولا يكما انت دكورية
أليف:الله يحفظ ولكن (عوجت فمها)انا عندي والديا كيبغيوني وصحاب كنموت عليهم ويموتو عليا وخوت شنو بغيت مزال فير لي بغا يصدع راسو وصافي،شافت جيهت الباب كيبان ليها جسور داخل ومعاه خطيبتو شادة فيه كان فكامل أناقتو قميجة بيضة مع سروال كحل ونظارات فالكحل غير دخل حيدهم شير ليه السرباي على الطابلة ليكان مريزيرفي قبل شاف جيهت أليف بانت ليه على حجبانو بتعجب وجا قاصدهم حتى وقف عليهم ولكن وجه كلامو لقسور
جسور:قسور الجندي صدفة زوينة هادي…
🔥عصفورتي من نارSPEED🔥
34-وقف قسور ومد إيدو لجسور
قسور:اوهو صدفة زوينة هادي سينيور أكويلا روسا
أليف:كتعرفو بعضياتكم،دار قسور إيدو ورا ظهر أليف تحت أنظار جسور
قسور:عز المعرفة شكون ميعرفش بطل سباقات أكويلا روسا وزيد عليها من أكبر صناع سيارات
سيفيانا:بب هادي هيا البنت لي..خنزر فيها جسور وهيا تسكت
أليف:ضحكت)البنت المسكونة اه هيا هادي،بدا تيليفون جسور كيسوني جبد تيليفون ديالو بانت ليه نمرت رضوان
جسور:وي رضوان
رضوان:جسور خاصك ضروري تجي وتجيب معاك أليف لكراج فاروق شيحاجة مغاتعجبك،مخلاهش يكمل نطر إيد سيفيانا وشد فيد أليف جارها
جسور:تبسم لقسور)اتسمحليا انقطع عليك لكلسة ولكن انا وأليف عندنا ميدار،جار أليف وهيا مافهمة والو
أليف:ب ب بلاتي بشوية واهيا وراه بنادم أنا والله ماحولية وبشوية وداك ثور الهايج،جسور منطق بحتى كلمة غير جرها فتح باب طوموبيلتو دخلها وسد عليها الباب كان حداها بالخف يلاه اتهضر حتى كتحس براسها طايرة ومع هيا كتعجبها سرعة تسحلاتها
أليف:علاش جريتيني هكاك فين غادي بيا
جسور:الصمت
أليف:هي أدومة كنهضر معاك جاوبني،شيرت ليه بصبعها قدام وجهو مكتحس غير بصبعها وهو معصور حتى ترطق
جسور:هاد المرة منين نكون سايك تعلمي تسكتي
أليف:كتمسد صبعها)شوف ماشي أنت لي كتعرف ضارب(جبدت ليكون من سكادو)شفتيهم ياك شفتيهم وهاودني منك دير هك ولا هك مرة خرا معايا انفلعص خويا،جابت ليه ضحكة واخا معصب معارف شنو واقع واشمن مصيبة واقعة تاني بالخف كانو ام باب الكراج خرجات أليف وتبعها هو لقاو رضوان واقف كيتسناهم وفاروق كالس على واحد الكرسي وشاد على راسو مشات أليف كتجري عند باها
أليف:بابا شنو واقع مالك شنو طاري،جسور شاف فرضوان لي أوما ليه جيهت الكراج مشا بخطوات سريعة وقف عند الباب كيشوف الكراج كولو ولا سفاه على علاه ومكتوب بلكحل”شحال قدك تهرب نجيبك نجيبك”كرز جسور على ايديه وبدا كيضرب فالباب شاف فرضوان
جسور:بالغوات)فين لكارد لي كانو هنا فين؟
رضوان:جسور تهدن
جسور:سولتك فين لكارد لي هنا؟جاو بجوج حادرين ريوسهم كيقفقفو
كارد:سور كك،مجاو فين يكملو هضرتهم حتى تلح عليهم بجوج كيضرب ويكول مضربت يضرب هدا ويعاود لتاني حتى خلاهم كلهم دمايات جاه رضوان من لور بغا يشد فيه
جسور:داير صبعو قدام رضوان)رضوان،حيد رضوان إيديه تراجع بلور وهو هاز ايديه بستسلام رجع جسور شاف فليكارد وعينيه حمرين لعروق فيديه ايطرطقو
جسور:كيهضر من تحت سنانو)شمو كنت كنكول أنا أ؟حتى واحد ميتحرك من بلاصتو كلتها ولالا؟
الكارد:مهلوك)يس بوس سمح لينا عفاك مشينا غير دقيقة لحمام وجينا

جسور:مكيهمنيش واخا تديروها فحوايجكم ومتحركوش مفهوم؟
الكارد:أخر مرة بوس أخر مرة،نطر منهم حتى تلاح الواحد على تاني،أليف خلات باها وبقات واقفة قدام باب الكراج كتشوف تخريب لي كان فيه من الداخل كولشي مدشدش حتا من البلاكة لي كانت محطوطة فيها سميتو كلها مدكوكة ايديها كيترعدو كتحس بسيلة ديال لعرق هابطة مع ظهرها وجها ولا سخون وحمر العرق دراسها كيضرب بجهد هاد العصاب لخصاتو فحاجة وحدة غوتة على قد جهدها زلزلات البلاصة كلها عاد حسات بشيحاجة لداخل رتاحت عندها…
جسور:من وراها)الى ساليتي غواتك خلينا نمشيو،خنزرات فيه كيبان بارد بحال #رجل_الثلج هاد الكلمة ضافت لسميات لي عطاتهم ليه….
🔥عصفورتي من نارSPEED🔥
35-شدات لباها فيديه لي كان فحالة صدمة طلعاتو لطوموبيل كلسات حداه وهيا شادة على إيده ومعنقاه حتى وصلو لدار نزلات معاه شادة على إيديه جسور ورضوان وراهم وقف جسور رضوان وخلاهم يدخلو هوما
جسور:بغيت كاميرات لي برات الفيلا والداخل ديالها يتبدلو بغيتهم صوت وصورة ويكونو كيخدمو تحت الأشعة الحمراء مفهوم وزيد ليكارد يكونو مؤهلين جسديا وفكريا وكراج فاروق يتسد هاد الفترة بعدا
رضوان:فاش كتفكر؟
جسور:داكشي فاش كنفكر موحال واش غايعجبك تسمعو أصاحبي
رضوان:جسور نوو بلييز نوو
جسور:فات الفوت،خلاه جسور ودخل
رضوان:أو شيت..
#الداخل
أليف:ماما دي بابا يرتاح واخا،شدات روقية لراجلها وطلعاتو لبيتو أما أليف ابان ليها جسور وقفات قدامو
أليف:غير كوليا حتى ليمتا انبقاو هكا أ علاش منعلموش لبوليس ميمكنش يكونو شارين الكوميساريات كلهم ضروري نلقاو لي يعاونا،نباها عماد
عماد:بنتي خاصك تعرفي أنو هادا معامن كنتعاملو كومبيوتر عندو فدماغو يعني عارف علاش كنتمشاو فهمتي بحال الى واحد منا داكشي باش مخاصش نغامرو والى قصدنا البوليس مخاصكش تنساي بلي عندهم تصاور فيهم فاروق كيدفن جثة ديال بنت وفيديو لجسور هادشي البوليس مكيعرفوش راه غير مضبر عندهم كولشي بدليل وحتى لدابا معندنا حتى دليل
أليف:كلست الأرض شادة على راسها)وشنو المعمول دابا؟
عماد:نتسناو أبنتي معندنا غير نتسناو،تمات جايا الخدامة وفيديها جوا كبير مدهب مداتو لجسور بلاما تهضر ولا تكلم،شدو من عندها فتحو وقراه
عماد:شنو تما
جسور:بعدم أهمية)هاه سي حكيم الجندي داير حفلة على شرف رجوع الإبن ديالو الضال مسكين وعارضنا لحفلة غدا مع 8 ديال ليل
عماد:علاش قسور رجع؟
جسور:سول أليف هيا عارفة كثر مني،خلاهم وطلع شافت أليف فعماد
أليف:ربي واش هادا ولدك نو ويي كونما شبه انكول غير لقيتيه فالخيرية ولا فطريق واحد فجوج
عماد:كيضحك)فخبارك من نهار دخلتي لهاد دار عاد بديت كنضحك بحال ناس
أليف:معدور أعمي لي عايش مع رجل الثلج فين ايضحك راه ايربي ليك لبرودة فلعروق ديال قلبك انت راه بغاك الله منين طيحني فطريقك
عماد:دار إيدو على كتفها)مكلتيش ليا علاش جسور وحى بلي كتعرفي قسور الجندي

أليف:ضحكت)أهه بامبينو قرا معايا فالإعدادي ولكن غير شد شهادة ورحل لألمانيا كنا مسميين عليه بامبينو حيت كان طبوزي
عماد:كيفاش؟
أليف:ضربت جبهتها)وباز ليكم أنا واخا عايشة عمري كامل هنا ومدرجة وانتوما مهم معليناش طبوزي زعمة غليض دبيبيز
عماد:كيضحاااك)ههههه اوكي أوكي فهمت على هاد الحساب حتى انت معروضة
أليف:واي نوت شحال هادي نيت متعرضنا لشي حفلة نبدلو اهاد الغمة لي حنا فيها…دخلات أليف لبيتها دوشات حيدات عليها لعيا تكات فبلاصتها دايرة رجل على رجل كتلعب بصباعها وتفكر حتى خل عليها جسور بلا كلمة بلا جوج رما ليها صندوق كحل صغير بقا واقف كيشوف فيها
أليف:وغير دق معرفتينا اش كنا كنديرو ولا عريانين كاع
جسور:سربي معنديش وقت لبلابلة ديالك
أليف:كتشوف فصندوق وفيه)شنو داكشي؟
جسور:حليه
أليف:وشكون كاليا خاشي فيه شي حنش بوسكة
جسور:1 2
أليف:هزات صندوق دورت ساروت وحلاتو مع الحلة مع نقزو عينيها)أشاوا هادا واش واش انت بغيتي تسيفطني فكوليا لحبس على خر يامي نتختخ فالحباسات ياك
جسور:هاداك فردي مرخص يبقا معاك فينما خرجتي يكون فجيبك والى مكتعرفيش تيري غدا انعلمك فصباح
أليف:ولكن….معطاهاش وقت خرج وخلاها
أليف:نو ويي رجعت راسها على المخدة إيد ضاربة بيها على وجها ويد شادة بيها صندوق شخص من بعييييد حاضي البيت ديالها حتى طفا فيه ضو عاد طفا ضو ديال بيتو ونعس….
🔥عصفورتي من نارSPEED🔥
36-فاقت أليف على غير عادتها،فقت بكري مشهية بغرير مكنكلوه غير من رمضان لرمضان لاهو لا المسمن غسلت وجهي درت بانطوفتي فرجلي وهيطت لتحت سقيل جمعت شعري سفنجة ودخلت لكوزينة كولشي مطرف مقاد
أليف:كتفكر)هم فين ايكونو مخبيين سميدة ودقيق،بديت نقلب البلاكارات واحد بواحد حتى لقيت بلاصة فين حاطين المونة كلها دقيق أنواع سميد أنواع هزيت جوج زلايف سميد وزلافة معامراش فورص درتهم فواحد لبول كبيرة زدت عليهم قبصة ملح وشوية خميرة ديال دار وخلطتهم مزيان بالما دافي خليتهم يخمرو قلبت على الحليب درتو يفيض وطيبت القهوة لي عطات ريحتها فدار كلها فلبت البغرير لقيتو خمر زدت عليه ساشية ديال خمارة الحلوة او واحد دانون فانيلا كيعجبني نسمو بدانون كيجي بنين من نحية المسمن وبغرير وهادشي كنعرف ليه غير لمحمر ولمشمر لي خاطيني جبدت مقلة ديال طيفال درتها على البوطة تسخن وبديت كنهز بالمغرف ونطيب بغريراتي نسيت راسي وبديت نغني:
أليف: ‏ما أطيب البغريرة
في الصبح والظهيرة
تطيب في الزوال
في مقلة الطيفال
طرية لذيذة
كأنها فنيدة
شهية سخونة
معسولة مدهونة
بمنتهى الغباوة
خبيتها في التلاوة
فذابت الحروف
في عسلها تطوف
فصارت الجرادة
كأنها وسادة
بغريرتي اللذيذة
أحبها جديدة
أصرطها بالخف
بالقسم او بالصف🍯.
هاد الأغنية كنت كنغنيها فالإبتدائي ومزال كنعقل عليها البغرير هو العشق الأبدي..
ضحكة لي تسمع صدى ديالها قفزها من بلاصتها دارت كيبان ليها واقف ميت بضحك أول مرة ايبانو ليها سنيناتو البيضين مستفين بحال شي صف ديال البيض حتى وحدة ماصغر من تانية شعرو مخبل ولحيتو خاسرة بقات واقفة مبهلة فيه عينيها دغية جمع ضحكة
جسور:بصرامة)مكتعرفيش توجدي الفطور بسكات
أليف:هاء انت فتلت الخالي او وصلك صوتي لقا شي كدبة غيرها باز عاد كنتي كتفرنس سبحان مبدل الأحوال
جسور:هاز تفاحة)فخبارك معروضين؟
أليف:وجها فالمقلة)أه فخباري سقور سيفط ليا ميساج قبل منعس ولكن كيكولي واحد الراس بلا منمشي
جسور:أم حتى انا كنكول نفس شي،علات راسها فيه كتخنزر
أليف:علاش زعمة؟😬

جسور:مكنتخيلكش فبحال دوك لحفلات(مبسم بستفزاز)
أليف:علاش ماشي قد المقام مثلا ولا يكما انحشم بيك وميغركش سروال دجين وسبرديلة راه نصدمك،وقفها بيديه
جسور:ششش،عقد غوباشتو كيتسلت كيسمع شي حس بان ليه جوا ديال لبرا تلاح من سرجم معطاش لجوا أهمية دغية حل سرجم كيقلب على شكون لي تجرأ وحط رجلو فدارو كيقلب بعينيه مبان ليه والو بقوة شجر لي كان داير بدار بالخف خرج على برا عيط على الكارد
جسور:مكزز على سنانو)شكون لي كان هنا؟
الكارد:حتى واحد أسيدي حنا كنا هنا 24ساعة على 24 من غير العمال صحاب الكاميرات لي جاو كيف علمتيهم،رجع لدار وهو راسو اينفاجر عليه ولا كيشك فكلشي فليكارد فالخدامة فكلشي خاصو يزيد يزير على عينو كتبان ليه أليف واقفة وشادة جوا فيديها مغوبشة وساهية فيه بزربة كان حداها حيد ليها جوا كانت فيه رسالة وصورة فيه هو وباليريا(ضحية لي ماتت)معانقين أما رسالة كان مكتوب فيها “مسكينة شحال كانت اتكون فرحانة تمشي معاك لبحال هاد الحفلة كان معروف عليها كتموت على الحفلات بحال ديال هاد نهار ولكن خسارة ماتت فعز شبابها هههههه ولكن رولكس أكويلا روسا سيفيانا اتكون فبلاصتها😉 ،البطل ديالنا عيني عليك حضي جنابك” هادشي كان مكتوب بألة كاتبة باللغة الإنجليزية
أليف:شنو كيعني بهاد الهضرة زعمة ممكن يقتل حتى خطيبتك؟
جسور:سيفيانا مخاصهاش تحضر لهاد الحفلة حتى واحد من دار مخاصوش يحضر
أليف:وشكون أيكون؟
جسور:شاف فيها)غير أنا وانت
أليف:هاء ومشتيش الى خلانا حتى مشينا وجا لمالين دار يصفيها ليهم واحد بواحد
جسور:أنا عارف شغالي
أليف:هاء سوبر مان
جسور:خنزر فيها وبدا كيقرب منها شوية بشوية متزعزعاتش من بلاصتها حط جبهتو على جبهتها رجع شوي بلور وعطاها دقة براسو)هاد المرة انهرس ليك داك الفم إلما جمعتيه،لاح ليها داك جوا خلاها واقفة دايرة إيديها بجوج على جبهتها كتوجع وصل عند الدروج وطل عليها
جسور:8تكوني واجدة مكنحملش نتسنا بزاااف،فبلاصة مابعيداش بزاف عليهم كان شخص مقابلهم شاد فيد مكبر كبير ويد تانية كاس لي لثواني رجع مشتت فيديه
……..:غادي تندم على نهار لي حطيتي إيدك عليها أكويلا روسا….
🔥عصفورتي من نارSPEED🔥
37-نزل جسور وهو فكامل أناقتو فيست بلو مارين ديال دان ديال البحرية شوميز بيضة بابيون كحلة شعرو مرجعو لور غير المظهر ديالو وهيبتو كيخلي لي معاه يدير ليه ألف حساب كان كولشي لتحت غير شافو عناد نزل وهو يوقف جا عندو
عماد:معرفتش علاش ميبس راسك ومبغيتي حتى واحد فينا يجي معاكم ودعوة لينا كامل
جسور:مكاين لاش الواليد هضرنا وقيلة؟
عماد:قلبي ممريحنيش لهادشي،جا وقف عليهم فاروق
فاروق:حتى انا من رأي عماد شيحاجة مخبيها علينا علاش ختاريتي بنتي تجي معاك؟
جسور:انا مختاريت حد بنتك حتى هيا جاتها كارت دعوة
فاروق:كيفاش؟نباتو أليف من لور
أليف:هابطة)بابا قسور كان كيقرا معايا وصديق مقرب بحالو بحال عمر أو وليد،على جسور فيها راسو هبطة برشاقة بكسوة فالموف لونو مضوي بشكل كيلفت شعرها لي كانت موجاه وكيبري صباط عالي فنفس اللون مكياج خفيف زادها جمالية ريحتها لي كانت بحال مسك الليل سابقاها فاللحظة محيدش عينيه عليه دارك الموقف شاف فساعتو عقد غوباشتو وشاف فيها:
جسور:تعطلتي ب5دقايق كنتسناك على برا،خرج وخلاها،شافت فباها وعماد لي مزال واقفين حايرين وهيا تبعو كيبان ليها راكب هاد المرة فطوموبيل من نوع RANG فزرق داكن مع ركبت حداه يلاه كدير فسمطة تحرك بيها تفتحات البوابة مع هوما خارجين رضوان داخل بطوموبيلتو عطا تحية لجسور وهو وما ليه براسو تحركو فواحد طريق خاوية غادية على جنب البحر أليف كتلعب بيها وهو سايك بشوية عليه وكيشوف قدامو
أليف:أوففف
جسور:الصمت
أليف:والواحد كيخدم اشوية ديال الموسيقى
جسور:بصرامة)مكنحملش الموسيقى
أليف:مكاينش شي واحد مكتعجبو الموسيقى
جسور:كنبغي نسوك ونتسنط لعظامي
أليف:وراه غاديين لحفلة ماشي كنتزة أقل حاجة انديو ونجيبو فالهضرة علاش منتعرفوش(ضحكت)،خنزر فيها وشاف قدامو
أليف:مداتهاش فيه)مثلا مثلا شحال فعمرك اتكون كبير حيت بانو ليا شي شيبات مطرطقين فراسك
جسور:أيزيدو يطرطقو الما سكتيش
أليف:بحالي دابا أنا عندي 24 وطالعة ف25 والله
جسور:لعجب كتباني شارفة،اسمعت كلمة شارفة جمعت فمها وخنزرات فيها
أليف:أنا شارفة أنا شارفة لعقروشة عيا ديك سحت ليل لي مزوج بيها
جسور:بنفس البرود)مزال ممزوجين
أليف:لعجب مكتهزكش نفس عليها،سكات شوية
أليف:كول….
جسور:شششت
أليف:مالك تاني

جسور:شدي راسك مزيان،مع كال اخر جملة ليه ورك على لفيتيس ولات طوموبيل طايرة فسما
أليف:شنو واقع جسور شنو كاين؟
جسور:شي واحد تابعنا منين خرجنا شوفي طوموبيل الكحلة لي ورانا وانت اتعرفي،شفت فالمرايا بانت ليا طوموبيل كحلة كبيرة ورانا قلبي كيضرب فتسعين شكون ايكون تابعنا وعلاش؟…
🔥عصفورتي من نارSPEED🔥
38-قاعة كبيرة مخصوصة للحفلات روعة من الداخل بيسين كولو بالونات دايرين بيه صواني نحاسية شاعلة فيهم العافية ضياف بداو كيوصلو واحد بوا الموسيقى خدامة واقف جسور بكامل أناقتو بدلة فالكحل واقف حدا باه لي واخا كبر وكان فالكرسي واخد حقو فالاناقة كلشي الحضور من طبقة البرجوازية فرانات طوموبيلت جسور عند الباب
أليف:دخت دخت صافي جابلاه ماكليت والو اما كون رديت ليك طوموبيل بحال جنان العنب الخامج
جسور:هبطي خلاص،عطى ساروت لي مكلف وقف كيتسناها حتى قدات كسوتها وجات لعندو مد ليها دراعو وقفت كتشوف فيه
جسور:مغاديش نبقاو هنا واقفين،عطاتو إيديها ودخلو صحافة أي ضيف كيدخل كتصورو عدسات الكاميرا ماوقفاتش نهائيا غير رمقهم قسور وهو يجي عندهم مبسم
قسور:واخيرا جيتو كنت لحظة كنكول موحال واش اتجيو أليف باينة انت اتكوني نجمة الحفلة لهاد ليلة
أليف:ههههه انت هو انت عمرك تبدل
جسور:حنا كائلة حديد مكنرفضوش دعوة تعطاتنا وهادشي عارفو مزيان اسي قسور
حكيم(ألاب):من وراه)طبعا هادشي معروف من زمان من الجد وتوارتو الأب ودابا الإبن،دار جسور تبسم ومد إيدو لسي حكيم
جسور:الأعوام كيدوزو وانت هو انت مكتبدلش
حكيم:نعتابرو مديح؟😁
جسور:كنكول الحقيقة الأناقة مكتبدلش اسي حكيم،ستغل قسور الفرصة وشد لأليف فيديها
قسور:تسمح ليا أجمل بنت فهاد الحفلة نعطيها كاس
أليف:هههه هاد البنت مكتشربش ولكن ناخود عصير
قسور:همم مزيان الالة على عيني وراسي،مد ليها كاس ديال العصير او وقف مقرب بزااف منها
قسور:مكلتيش ليا شنو كديري مع جسور حديد شفتكم جايين مع بعضياتكم
أليف:أه جسور صديق ديالي وديال العائلة وقررنا نجيو مجموعين
قسور:همم مزيان الالة تعجبت حيت شفتو معاك وماشي مع خطيبتو
أليف:شربت من كاسها)وقيلة عندها عرض داكشي باش(تبسمت ليه)،لحظة تطفى ضو وشعلى ضو فالحمر تسمع الهدوء فصالة بدات موسيقى خفيفة كولشي عطا الانتباه ديالو تسدلات ستائر خفيفة تلاح سلوم من الخشب نازلت منو وحدة خيوط خفاف لي مغطيينها شعرها صفر والعكر حمر بحال مارلين مونرو كولشي لعينين عليها بدات كتغني وأغنيتها كلها كتهضر على لغدر والخداع والقتل كتمشى بين لحضور وكتجي لعند جسور وتلوا عليه كتشوف ليه نيشان فعينيه بحال الى كتبغي تكوليه شيحاجة،سلات الفقرة ديالها تشعل ضو وتسمع تصفاق فالصالة جسور غير حاط عينيه على أليف لي كانت واقفة مع قسور وكيضحكو.
أليف:كضحك وصوتها تقال)عرفتك اديرها العفيريت ههههه مطور مع راسك

قسور:كيضحك)هههه علاياش كتهضري ومالك تقاليتي،جراتها إيد جسور لجنبو شاف فقسور
جسور:وصل الوقت شكرا على سهرة،بدات فقرة ديال الرقص كولشي طلع لصالة كيشطح ليكوبل على انغام كلاسيكية
قسور:ولكن يلاه جيتو،تجرات إيد جسور لقا راسو وسط الصالة دورات أليف إيديها عليه
أليف:رجل الثلج خليك كول وخلينا نشطحو عفاك ها
جسور:بحزم)اشنو هادشي كتحاولي ديري أليف صحافة هنا واش بغيتي شي دقة بحال المرة لي فاتت؟،قربات ليه لوجهو كتشوف ليه فعينيه
أليف:عض
جسور:شنو كتحاولي ديري كيفاش عض
أليف:غمض عينيك وعض يلاه(بدلع)
جسور:أليف متنسايش الحفلة بث مباشر منبغيش هادشي يوصل لسيفيانا
أليف:ميتة بضحك)ناري متفكرنيش جسور بقامتو واخد لاحول ولا قوة إلا بالله
جسور:وات؟
أليف:اوووف ضروري مندير أي حاجة براسي،تلاحت ليه على فمو كتبوس وتعاود كطلق من شفايفو حتى لفوقانية حتى كتعصرها دوز لتانية وتبنن مدورة إيديها على عنقو ولاصقة عليه بجهد صحافة كلها كتصور وهيا مكيناش فهاد العالم نطرها منو بجهد شي لي خلاها تجيها دوخة وهيا بين إيديه حط راسها على كتفو وخرج بيها دغية تحت أنظار ناس كلها خلى قسور غير كيشوف واقف بلا حراك دخلها لطوموبيلتو شد سوارت من عند العساس ركب وديمارا دغية هارب من عدسات الصحافة غادي مكسيري وكيضرب فالفولون
أليف:بدات كتفيق وكتهضر بشوية وصوت تقيل)جسور حشومة فحقك تاخد وحدة كتزيد لبنات واه حشومة حشومة ولكن المشكل حتى انت كتزيد لرجال وشي كيزيد لشي واش دابة انت طول بعرض وأدومة حشومة والله حتى حشومة،خرج جسور عينيه نفس ديالو كيطلع ويهبط وجهو ولا حمر شاف لجيهتها هز إيدو حتى لسما وخبطها خلاها ترجع تفقد الوعي ديالها..
“فبلاصة خرى”
شخص حاط قدامو كاس ديال المشروب داير الفاصمة على إيديه كيشرب ومعصب
…….:كيترعد ومغدد)انا انا عارف ماشي الغلط ديالك الحبيبة ديالي كولشي منو كولشي منو أنا أنا قريب نخليك بجنبي ونمحي أي أثر ديالو جسور حديد نهايتك اتكون على إيدي…..
🔥عصفورتي من نارSPEED🔥
39-وصل لدار كان الكل ناعس هزها بين إيديه واخا شوهة لي دارت ليه وزادت كملات تفكيرها العوج والهضرة لي كانت كتكول وهو مفاهمهاش وصل بيها لبيت ديالها حطها على نموسيتها وخرج بلاما يتلفت وراه مشا لبيتو بدا كيحيد فحوايجو ويلوح فيهم هز قرعة ديال المشروب لي كان فبيتو كوب منها فكاس وكلس كيشرب غير كيغمض عينيه كتجي ليه فبالو لقطة ديال البوسة لي كانت بينو وبينها
جسور:معصب)شيت شيت شيت،سونا ليه تيليفون طلعات عندو نمرت رضوان
جسور:شنو واقع؟
رضوان:بغيتك تشوف واحد الحاجة انسيفطها ليك دابا،ديك ساع وصلو واحد الفيديو فيه واحد الطلاب غادي جاي على طريق الفيلا وكل مرة كيعلي عينو فيها ويطول شوفو ويرجع يطلب،رجع جسور سونا لرضوان
جسور:عطي أمر لي كارد إلى شافوه مرة خرا يجيبوه ليا
رضوان:اوكي بوس.قطع معاه جسور هز كاسو شربو دقة وحدة حط الكاس من إيدو ورجع هز تيليفون دخل لريبيرطوار كيقلب حتى طلعات عندو نمرة مكتوب عليها حرفD دوز نمرة سونات لمرة لولة تهز تيليفون
جسور:بغيت نشوفك……
😉 ‏لا تمنح أحد القدرة على أن يبدل سعادتك إلى حزن ، أو تغيير مزاجك بكلمة ، أعطهم كل ما تحب …إلا نفسك وسعادتك 💙
كانو كلشي مجموعين على طابلة ديال الفطور جسور مغوبش بحال عادتو هاز كاسو دالقهوة حتى تمات هابطة لابسة سلاوبيط بالكمايم فالكحل شعرها مسرح على راحتو ولا نقطة ديال المكياج عاقد غوباشتها وجبهتها فيها طابع حمر كعدات على طبلة
أليف:بهمس)صباح الخير،جاوبوها من غيرو هو لي حادر راسو كيلعب فتيليفونو،تسمع صوت ديال الغوات عند الباب حتى كتم داخلة سيفيانا هازة جورنال فيديها ومغوبشة هز فيها جسور راسو
سيفيانا:اوووه صو سويت كتفطرو بحال عائلة وحدة داكشي علاش طلبتي مني منمشيش معاك الحفلة ها باش يخلى ليك الجو
جسور:شنو واقع علاياش كتهضري؟
سيفيانا:لوك ديس(شوف هادي)،حطات ليه جورنال قدام عينيه غير شافو غوبش مكتوب بالخط العريض”البطل المتسابق أشهر عازب شيكاغو مالك صناع السيارات خل مل من عارضات الأزياء وستبدلهن بي ميكانيكية؟؟؟ مع صورتو هيا وياها كيشطحو وبايساه وخارجين من الحفلة معنقاه،خبط جورنال مع طبلة أو وقف كيخنزر فسيفيانا هزات أليف جورنال شافتو حطات إيديها على فمها،جات الخدامة كتجري عندهم

الخدامة:سيدي كاين شيحاجة فتلفازة خاصكم تشوفوها،شعلو تلفازة نفس الموضوع ولكن مباشر
فاروق:أليف عندك شي عدر على هادشي؟
أليف:والله أبابا وحق الله ولبزيزيلة لي رضعت من ماما ياما عاقلة على شيحاجة راه داك ملحوس لكصة ديال قسور لي دار ليا شيحاجة فالعصير والله أبابا مكنت فوعي وحق الله،بدات سيفيانا كتعاير فأليف
سيفيانا:متبقايش تحلمي بزااف جسور ديالي عارفة نوعية ديالك مزياناك نهار تبعتينا ودرتي العدر بلي راك مسكونة باش تقربي ليه ولكن ماتحلميش بيها بيتش(عاهرة)،هنا أليف تحملات حتى عيات صافي طلعات ليها جنية لسطح كتنفس بصعوبة غمضات عينيها كتحاول تهدن،جر جسور سيفيانا من إيديها وهيا كتركل ليه شوية كتبان ليه طارت لجيهة لوخرا وأليف فوق منها
أليف:أنا بيتش يالخانزة يالطوطة صنانك كيعطعط شحال هادي محسنتي طبكانك أ أنا بزاااف عليك رجليك بحال عواد لابانضة أ كولي أجيكسة انا بيتش وانت معارفينك ناس مرة ولا راجل أ انا اليوم نبدل ليك الحالة اليوم يرجعو يعرفوك مرا ولا ولد(كتعض وتجرها من تحتها وتجبد)لحظة حسات راسها طالعة فسما إيدين جسور هازينها
أليف:حطني كتليك حطني نوري هاد شارشابيلة بيتش أش كتسوا كنتي تربي فيا أنت الخانزة مو سنان مركبين شوية ديال سيليكون ضحكو عليك بيهم وفهموك راك مرا اجي نوريك أجي
جسور:أليف سطوب معنديش زريبة هنا،دارت لعندو حتى تقدات مع وجهو وعطاتو بروسية نيشان لنيف دغية طلقها وقفات على رجليها قدات شعرها ونفضات كتافها وطلعات كتجري لبيتها خلات كولشي واقف كيشوف فيها جسور وصلت بيه لحد كيفاش تجرأ وضربو بانت ليه فسيفيانا هزها من إيديها وهيا حالتها حالة خرجها برة ولاحها كيتهدد عليها
جسور:بعصبية)أخر مرة نشوفك هنا وإلى وريتيني وجهك مرة خرا وديني أقسم بالله حتى أنقتلك،سد عليها الباب وخلاها مرمية كتبكي..
🔥عصفورتي من نارSPEED🔥
40-بقات سادة على راسها مابغية تشوف حتى واحد حتى ماماها مابغاتش تهضر معاها فضلات تبقى بوحدها وترجع تنعس شوية….
●قدام واحد المعمل مهجور وقفات طوموبيل كحلة كبيرة من نوع “الهامر”وفنفس الوقت وقفات طوموبيل موديل قديم فالحمر نزل جسور لابس شوميز بيض وسروال بيض مغطي عينيه بنظاظر فالكحل وهاز فيديه شانطة صغيرة فالكحل سد الباب أو وقف تحل باب طوموبيل تانية نزل من جوج رجال لابسين الكحل دايرين نظاظر كحلين وقفو وجمعو إيديهم تمد راس من الداخل راس كبير صلع حط رجليه على الأرض بحال إلى تحط زلزال نزل بكامل قوتو كيعوج نيفو بحال إلى كيشم شيحاجة كيمضغ المسكة لواها فمو ولاحها كان طويل نيت أما العرض فكان بحال شي بطل المصارعة الحرة عينيه صغار صلعتو كتبري تم غادي بخطوات تقيلة جيهت جسور ظهرو كان عريان وفيه وشم على شكل دراغون فمو سايط منو العافية وقف قدام جسور كيشوف فيه لمدة وكيلعب برجليه علات وجهو إبتسامة مد إيدو لجسور لي بدورو ضحك ومد ليه إيديه خداه فحضنو عنقو وربت على كتافو
جسور:عاش من شافك DRAGON(دراغون هيا التنين لي كانو كيتفرجو فدراغونبول ايعرفوني علامن كنهضر دراغون وحش كبير طيعبر على الغضب ديالو من خلال نفت النار من فمو)
دراغون:أما انت مغبتيش خبارك معمرة صحف والمجلات يلاه الداخل،عنقو وهوما يدخلو لمعمل المهجور…..
#فالفيلا
دخلات الخدامة عند عماد وجها متوتر
الخدامة:سيدي واحد على برا كيكول،تم داخل بصداعو المعهود
وليد:اديك عود شطابة كتليك كلمي ليا لافلوفتي علاش مكتفهميش علاش وحدة مكلخة مكتعرف حتى فصواب كيفاش مخدمين وحدة بحالها نشفتي ليا حلقي يلاه سيري جيبي واحد كاس ديال الما وانت واقفة ليا تما بحال تمثال الحرية
عماد:بستغراب)ايسكيوزمي ولكن شكون أنت؟
وليد:شاف فيه وضحك)أووه أنا أنا مثال الحياة انا مثال الضحكة والفرحة والبهجة أنا الى دخلت لدار كنورها والى دخلت لجردة كنوردها انا كنروي العطشان ونفرح المهموم أنا وليد صاحب أليف انا وياها مكنتفرقوش
عماد:شير براسو)أه مرحبا شوية وأطلع لخدامة تكلمها
وليد:أووه شكرا هكا يكون صواب والأداب،تمات جايا الخدامة جايبة ليه كاس دالما والعصير
وليد:خنزر فيها)واخا زوينة فالوجه كون أكنتي غليضة شوية كون تزوجت بيك ولكن انت دايرة بحال عصى ديال شطابة وانا كنبغي العيالات لي يكونو مهبرات ههههه(جمع ضحكة منين شاف لخدامة مصدومة فيه)
وليد:غوبش)يلاه رجعي لخدمتك وكلمي لالاك أليف يلاه وانت كتشوفي فيا عمرك شفتي الجمال يخخ على ماركة كيدايرة أنا الى تزوجت معرفتش كيفاش انتعامل مع معجباتي ولكن خاص مراتي تقبل هادشي هدا أيكون أول شرط فزواجنا

ا نهار لول يموت لمش(شاف فعماد لي كان كيشوف فيه تبسم ليه ورجع كيطلع ويهبط فدار….
#فالمعمل
صباعو كيضربو على طبلة وعينيه مشاو بعيد
جسور:شنو بان ليك؟
دراغون:فبلاصتك نشك فكولشي أنت عارف عائلتك مستهدفة وبزااف
جسور:جبد كارو لي كان كيكميه مرة فشحال حيت كان ممنوع عليه): بغيتي تكول بلي لي داز شحال هادي عندو إيد فهادشي
دراغون:كلشي ممكن من لي فات وحتى من نجاح ديالك ولكن بغيت نعرف شنو خلاك تلجئ ليا علاش باغي ترجع لطريق جدك؟
جسور:هاز حجبانو خدا نفس من الكارو طلق دخانو بعيد وشاف فيه)علاش وكيفاش جوج كلمات مكنحملش توجه ليا وهادشي انت عارفو عليا مزيان
دراغون:ضحك)كنشوف جدك قدامي
جسور:بجدية)شنو كلنا
دراغون:كيفما وفيت لجدك حتى مات أنا معاك ونفديك بحياتي
جسور:ضحك)هاد ساعة بغيتك غير أنت أما حياتك مزال الحال عليها،لاح الكارو من إيديه هز شانطة وحطها قدامو
دراغون:شنو هادشي؟
جسور:تصفية حساب
دراغون:رجع ليه شانطة)الحساب مدفوع ومن شحال هادي(وقف)عطاه بظهر ورجع شاف فيه
دراغون:متستخفش بأصغر عدو ليك ضربة كتجيك من صغير قبل لكبير،وقف جسور ومشا عندو طبطب ليه على كتفو عطاه بظهر وخرج ركب فطوموبيلتو ومشا،جا واحد من ليكارد عند دراغون
كارد:سيدي علاش قبلتي ترجع لنفس طريق وتخدم معاه،شاف فيه دراغون
دراغون:شاف بعيد)حيت عندي شرف أني نخدم معاه وهادشي ميمكنش ليك تفهموذ،ضرب ليه على حنكو وطلع فطوموبيل اشر لشيفور لي مشا فغير طريق لي مشا فيها جسور…
🔥عصفورتي من نارSPEED🔥
41-تفتحات البوابة دخل منها بكل عجرفة كيبان ليه خيال فالجردة وقف طوموبيل جاه صوت شي واحد كيغني خرج من طوموبيل عاقد حجبانو حيد نظاظر وتم غادي بخطوات تقيلة لجيهت صوت كتبان ليه كتموج بشعرها وتجدب:
أليف:كتغني مع وليد وتشطح)”برات البيت عاملي عنتر وبيتمشا وبيتمختر عاشيي كل مابيجي عال بيت بي إلي دخلك جسمي مكسر
وليد:شوف حالك أيعلايي كبر لا تشبع أزراع كل حقدك فيي فل ومترجع
أليف او وليد:دقة وحدة وحاطين ظهورهم على بعضياتهم(أول عني انانيي أول مش رمنسيي فش كل حقدك فيي انا بعرف أنك مغروم وألبك راح يشفع،تلاحو بجوج على الكراسة ميتين بضحك
أليف:نو ويي قبل متجي كان كيبان ليا كلشي مظلم غير جيتي كلشي تبدل
وليد:هههه أكيد حبيبتي هدا وليد وشلي بيها فمك وعلاش انا هنا لافلوفتي،ناضت باستو تحت أنظار جسور لي تم داخل عليهم
جسور:كيطنز)سمحوليا قاطعت عليكم هاد اللحظة ولكن امدام جولييت ممكن تكولي ليا شكوم هدا؟
أليف:ماشي شغلك
جسور:لحد دابا وانا مزال مبرد وكاع فعايلك لي كديري ومزال مبرد ومزال مابغيش نوريك الوجه ثاني والى مشيت حتى وريتو ليك مغاديش يعجبك واتندمي على نهار لي خليتيه يبان
وليد:وقف)هيه أش كيحسابليك راسك….مكملش هضرتو حتى كانت إيد جسور دفعاتو جابتو كالس على لكرسي
أليف:هيه أش كيحسابليك أنت راسك تغوت علامن بغيتي وضرب فينا بلا موجب شرع ودير معانا تحقيق عاجبك راسك ولا عاجبينك بيدراتك ولا،جرها من إديها رجعها ليها لور ولصقها معاه قرب فمو من ودنيها نفس كيخرج من نيفو سخون
جسور:تحت سنانو ونيفو كيترعد)مدام انا وأنت فمركب وحدة وطريق وحدة من حقي نسول ومدامك فداري وتحت وصايتي من حقي نسول إنذار أخير مني(مع كل كلمة كيزيد يزير عليها)خليك بعيدة على شري ديري عقلك حسن ليك اوكي،تسمع صوت الكارد كيغوتو شاف جيهتهم مغوبش طلثها بالخف حتى كانت أطيح عطات إيدها على عنقها كتكح أما هو مشا كيجري لباب كيبان ليه واحد فالكارد كيجري تابع نفس الطلاب لي سيفط ليه رضوان تبعهم كيجري وكيعيط
جسور:وقااااف كتليك وقااااف،هز سلاحو من سروالو لور طلق جوج طلقات فسما خرجات أليف كتجري حفيانة منين سمعات رصاص كولشي خرج حاوطوه الكارد من جيهة لوخرا مابقا عندو منين يهرب وجه ليه جسور الفردي وهو كيهضر معاه

جسور:معندك فين تهرب كولشي محاصر كنواعدك مغايأديك حتى واحد(كيحاول يسايس معاه حيت باينة عليه غير ماشي فرجلين)تم جاي عندو جسور وهو مزال عاطيه بظهر بدا كيدور عندو شوية بشوية على إيديه لراسو وجهو عرقان ودموع فعينيه وصل عندو جسور وهو مزال موجه ليه سلاحو حيد سلاح رجعو تحت سمطة ديال سروال هز إيدا حتى لسما ونزل عليه كيبوني فيه
الشخص:داير إيدو على وجهو بخوف)والله مدرت والو عفاك متقتلنيش أنا أنا والله حتى امضلوم والله حتى عندي وليدات خاصهم مياكلو وإلى مدرت لي عليا أيقتلوهم،جرو من قميجتو وقفو
جسور:بعصبية)شكون هوما أ كولي شكون لي مسيفطك ولا أخرتك اتكون على إيدي يلاه هضاااار،وقفات أليف عند راسو
أليف:بشوية عليه مكتشوفش فيه كيفاش كيترعد وخايف مسكين،شاف فيها عينيه حمرين وشر خارج منهم
جسور:وهو كارز على فمو)حسن ليك مدخليش،شاف فراجل
جسور:مزال مباغيش تهضر ياك؟
الشخص:أنا والله مدرت والو انا غير عبد مأمور الى مدرت شنو بغاو ايقتلوني أيقتلوني
جسور:كنواعدك الى كلتي لي كاين مغايوقع والو لا ليك لا لعائلتك
الشخص:خايف)عفاك انا أنكوليك كولشي واحد واحد هو لي كاليا نبقى نراقب دارك انا معرفتوش شكون
جسور:وصفو ليا كيداير
الشخص:كيترعد)هو هو طويل طويل وعا عامر أو أو داير حلقة فودنيه ولون بشرتو أأسود ولكنة ديالو إنجليزية
جسور:بدا كيرخف الشدة ديالو عليه)سميتو (بالغوات)نطق سميتوووووو شنووو سميتووو
الشخص:مرعوب)سسمعت واحد من من رجالو كاليه كوب….(طااااق)فلحظة كان طايح وغارق فدمياتو….
🔥عصفورتي من نارSPEED🔥
42-صقيل فصالون كولشي متوتر وعلى أعصابو أليف كتشوف فالخوا وصورة الراجل مسكين غارق فدمياتو قدامها بجنبها وليد معنقها وطايح عليه ضيم جسور كان واقف مقابل مع سرجم داير إديه فجيابو وكيغزز فسنانو،تفتح الباب دخل رضوان ومعاه دراغون وشي رجال دار جسور كيتسنى منهم شنو أيكولو
رضوان:راجل سميتو توماس كان شحال هادي متورط فسرقة دخل لحبس ومنين خرج تاب عندو جوج بنيات حتى واحد مكان قابل يخدمو لتاجئ لتسول ولكن مدة هادي باش مابقاتش بانت لا مرتو لا بنياتو بجوج
جسور:معندوش عائلة؟
دراغون:بصزت غليض)للأسف وحيد وليديه معندو حتى واحد حتى مراتو كانت غير سرباية فالقهوة معندها حد
جسور:جمع إيدو على شكل قبضة وضرب الفاز لي قدامو حتى تشتت)شيت وديني ونلقى لي كيلعب هاد لعب وديني أندفنو حي وبيدي
دراغون:موجه كلامو لوخرين)بغيت نكوليكم واحد الهضرة لي كيدير هادشي يقدر يكون قريب منكم سو لي جاه تصال عريب أو أي حاجة كتير شك يكولها لينا،شافت فيه أليف صغرت عينيها شوية وقفات
أليف:هادي شي تلتيام دابا جاني تصال من واحد نمرة معرفتهاش كيكول شي كلام فشكل،دار عندها جسور
جسور:بتسائل)كيفاش كلام فشكل؟
أليف:صباح الخير نوضي هاد صباح ميحتاج تبقاي ناعسة فالأول كلت شي واحد غالط ولكن من بعد ولاو كيجيوني ميساجات بزااف فيهم شهر وكلام رومانسي
جسور:تعصب كيتنفس بجهد ويشوف فسما)غير كولي ليا علاش مكتفكريش علاش مكلتيهاش(بالغوات)
أليف:متغوتش عليا وزايدون هاديك.حياتي شخصية
جسور:بغا يفوت فيها شي ضربة فبلاصتها ضرب الحيط لي قدامو)واش واش انت باغية تحمقيني
عماد:جسور ريلاكس
جسور:الواليد عفاك بلاما دخل(شاف فيها)شوفي الالة محدك فهاد دار أي حاجة متعلقة بيك كتخصني مفهوم تيليفونك(مد إيديه ليها)
أليف:علاش؟؟
جسور:بالغوات)تيليفووونك بغيتو دابا هنا دابا،هزات تيليفون ديالها ومداتو ليه،فتحو حيت كان بلا كود قلب الميساجات كلامها صحيح مد تيليفون لرضوان
جسور:بصرامة)دابا بغيت جميع المعلومات على هاد نمرة شكون مولاها ومنين وفين ساكن(بالغوات)دابا
رضوان:اوكي(شد منو تيليفون وخرج)
جسور:وجه كلامو لدراغون)تبعني بغيت نهضر معاك،دخل لمكتب تبعو دراغون جاي يسد الباب بانت ليه واقفة ليه عند الباب
جسور:بستفهام)أنت سميتك دراغون؟
أليف:حتى انا بغيت نعرف شنو كتكولو
جسور:فهاد ساعة راسي ومحملوش تقاي شري وسيري عند داك لكلون لي خليتي وراك
أليف:بحزم)وليد ماشي كلون ومن حقي ندخل ومن حقي معرف اش كيطرا ورا ظهري ياك كلتي داكشي لي كندير خاصك تعرفو ومن حقك تعرفو إيوا حتى أنا أسيدي من…..(سد ليها الباب على وجها

أليف:ش ش شوف ليك بوراس واللهيلة سد عليا الباب وفوجهي واخا…
#فمطار لندن
كان واقف كيشرب قهوتو وكيتسنا باقي الفريق يلتاحق بيه
” سوري تأخرت كانت زحمة كثير بطريق مشان هيك تأخرت”دار كيشوف شكون مولات هاد الصوت كانت واقفة قدامو طويلة ممشوقة القد شعرها الحريري شداه على شكل حصان ضحكة معليا وجها عينيها لونها كان بحال لون ربيع أخضر فاتح سنانها بيضين مستفين جمعت ضحكة ومدات ليه إيديها:
…:هاي أنا دانييلا رقم 1 على دفعتي وختروني تكون ضمن فرقتك إن شاء الله ننبسط مع بعض(مع إبتسامة)
رائد:غوبش ومد ليها إيديه)مشرفين غير بغيت نفكرك بلي جايين نخدمو ماشي نلعبو لي بغا يلعب ويستمتع بوقتو يمشي لديسكو أما هنا بلاصة الخدمة
دانييلا:جمعت ضحكة)أوكي سور(بينها وبين راسها)ييي شوبو هاد
رائد:أنت سورية؟
دانييلا:نو سور أما ليبنانيي
رائد:مزيان،(شاف بعيد بان ليه بقية طاقم جاي
رائد:طاقم لتاحق بينا دابا يمكن لينا نمشيو(دار نظاظرو وخلاها تبعاه من لور…
#عند_جسور
جسور:مربع إيديه وغادي جاي فالكتب)شاف فدراغون لي كان واقف حداه خرج عينيه فيه
جسور:كوبرا كوبرا
دراغون:لا ميكنش يكون كوبرا رجع،فلحظة كانت أليف قدامهم طايحة من شرجم
أليف:أي أي أي ظهري تهرس أأي….
🔥عصفورتي من نارSPEED🔥
43-بدات كتحاول توقف حتى وقفات على رجليها شادة فظهرها علات راسها فجسور بان ليها كيخنزر فيها بشوفات ديال غير تشهدي على راسك
أليف:ضحكت)هيهيهي علاش كاليك ميمكنش يكون رجع أيكون رجع كلاك راه شحال من واحد يحسابلهم مات وكيكون حي والله
جسور:تحت سنانو)من إيمتا وانت مدلدلة من سرجم
أليف:دايرة راسها مكلخة)شكون أنا ههه اوهوووو من فاش بديتو هضرتكم ممكن تكول من لول كاع
دراغون:شاف جسور صافي تعصب)جسور صافي غير خليها تهدن،جرات رجليها لكورسي وكلسات
اليف:غير كملو ديروني مكيناش كاع
جسور:بصرامة)ألييييييف
أليف:وحق الله منتحرك من هنا يواخا تهزني وتلوحني من شرجم وتجرني نوو ويييي نخرج من هنا غير تهنا
جسور:أ….،تفتح الباب ودخل رضوان
رضوان:كيلهت)الإرسال جاي من هاد نواحي يعني قريب ولكن نمرة مجهولة ممسجلاش وحتى منين سونينا عليها الخط مقطوع وكيكولو مكاين حتى مشترك فهاد رقم،مع كمل رضوان هضرتو سونا تيليفون أليف لي كان فيد رضوان نطراتو ليه أليف من إيدو ميساج من نمرة خرا بدات كتقرا والقلق بان على وجها
جسور:شنو تم؟،مخلاهاش تجاوب نطر تيليفون من إيديها:
“الوردة ديالي متحتاجيش تقلبي عليا حيت مغاديش تلقايني ولكن أنا ديما معاك زمردتي الخضراء”
جسور:تعصب)لا لا هدا فعلا مريض هادا شي وااااحد مريض،بدا تيليفون كيسوني هز جسور كتبان ليه مكتوبة مجدولين
جسور:مد تيليفون لأليف)صاحبتك،شدات منو تيليفون وبالغلط ضغطت على مكبر الصوت
مجدولين:بخوف)ألو ألو أليف أليف يمكن رجع يمكن رجع
أليف:ريلاكس ماج شكون فهميني غير بشوية
مجدولين:شفتو شفتو أكيد هو أليف أليف جا يقلب عليا ياك هاد المرة أيقتلني هو رجع رجع يصفيها ليا عفاك اجي أليف أجي عفاك….
🔥عصفورتي من نارSPEED🔥
44-خرجات ألبف كتجري بدوني وسروال سورفيت تبعها جسور كيعيط ولكن شكون سمعو هزات سوارت ديال سكوتر ديمارات بزربة وخرجات تبعها جسور فطوموبيلتو معصب
جسور:اووف منك اووف كديري غير لي كاليك راسك،تبعها مواراك كيحاول ما أمكن يخليها توقف مابغاتش حتى حاصرة عبط عندها بزربة جرها من دراعها بجهد
جسور:معصب)شنو كتحاولي ديري كتليك وقفي يعني وقفي،شافت فيه وعينيها كيحرقوها بدموع ومبغياش تبكي
أليف:نطرات إيدها منو وكتهضر تحت سنانها)متحاولش توقف فطريقي صاحبتي محتاجة ليا عرفتي شنو ليا محتاجة ليا واش سمعتي لخوف فصوتها ولكن أنا معامن كنهضر(ضحكت يستهزاء)مع واحد مافقلبو لا رحمة لاشفقة واحد مكيعرفش شنو معنا الحب وشنو معنى صداقة مغاديش تقدر تفهمني واخا تكلس حياتك كاملة مغاتفهمش باش كنحس
جسور:بقى كيشوف فيها عاد نطق)اي واحد فبلاصتي كان ايأدبك على هاد الهضرة ودابا بلا كترت الهضرة اجي أنا انوصلك(شدها من إيدها
أليف:نطرات ايدها منو)عندي باش نوصل ممحتجاش ليك،مخلاهاش تكمل هزها على كتافو دخل بيها طوموبيل وهيا كتركل وتغوت
أليف:كتغوت)حل عليا حل(كتحاول تحل الباب ولكن والو مابغاش يتحل،مداهاش فيها طلع حداها وديمارا
جسور:برودة)عنوان صاحبتك
أليف:معصبة)حطني كتليك
جسور:كتليك عنوان صاحبتك فين،خنزرات فيه عارفاه راسو قاسح
أليف:شارع أوكسفورد،عطاتو غير عنوان شارع،بالخف وصلها متسناتوش يوقف حلات الباب لي تفتح هاد المرة بالخف ونزلات وقف طوموبيل وتبعها حتى طلعات لعمارة كتسوني بجهد فتحات ليها مجدولين لي ترمات بين إيديها كتبكي وتشهق دخلاتها لدار وخلات الباب محلول كلساتها على الفطوي وهو يدخل جسور بقا واقف كيشوف فأليف كيفاش كتصرف مع مجدولين كلس على الكنابي وبقا مقابلهم
أليف:غير تهدني وكولي ليا شنو واقع
مجدولين:كتلهت)هو هو رجع كيشبه ليه كيشبه ليه
أليف:باش عرفتيه هو فين شفتيه فين؟؟
مجدولين:كتمسح دموعها بكف إيديها)صصباح شفت الأخبار لي دارو فاش كنتي فالحفلة
أليف:إيوا؟
مجدولين:كككان تما أنا شفتو ولكن كان مبدل بزااف انا عاقلة على شوفاتو ولكن هدا شوفاتو كانو فشكل فهمتيني،وقف جسور وجا عندها
جسور:غير بشوية عليك شنو كان لابس؟

مجدولين:متوترة)كان لابس بدلة كحلة طويل وعريض
جسور:الحفلة كلها كانو ناس لابسين بدلات كحلين بلات،جبد تيليفون وجبد تسجيل الحفلة عطاه ليها،شداتو بجوج إيدين وعينيها مدمعين بقات كتشوف حتى خرجو عينيها وقفات تسجيل وكتشير بيديها لتيليفون:
مجدولين:هدا هدا،حيد ليها تيليفون من إيدها تصدم وغوبش وقفات حداه أليف كتشوف فيه وتشوف فتيليفون ممتيقاش شنو كتشوف عينيها…
🔥عصفورتي من نارSPEED🔥
45- تلك المعركة التي تخوضيها بداخلك ٱطاحت بك أرضًا,لكنك ستقفين بعدها لتكوني أقوىٰ وأعظم في عين نفسك ,إياكِ أن تستسلمي !
◇بدات أليف كضحك كضحك يشكل هيستيري جاتها ضحكة جسور كيشوف فيها مافهم والو شنو واقع ليها مجدولين كتمسح فخناينها وكتشوف فصاحبتها بستغراب
أليف:كتحاول تنفس)نوو نو وي ايكانت بليفيت ديسيس ايمبوسيبل اوكي(ميمكنش مقاداش نتيق هادشي مستحيل)
جسور:بحزم)شنو لي خلاك متأكدة لهاد درجة
أليف:حيت كنعرفو مزيان قرينا مع بعضياتنا عرفتي شنو قسور كان كيخاف يأدي نملة الى كنا غاديين وبانت ليه كيتخطاها غير باش ميزطمش عليها وإلى مشا حتى واحد فينا ادى حشرة وحدة كيدير كنازة داك نهار مشينا لرحلة لمدريد لكليكة كلها كنا فنفس الاوطيل إنسان مهدب ونقي لالا ميمكنش
جسور:متكونيش نية بزااف الإنسان مكيبقاش كيف كان كولشي كيتبدل مع الوقت نفتارضو مثلا هادشي كلو لي كتكوليه بصح إيوا وصاحبتك كلامها،شافت فيه كتعض فصباعها ورجعات شافت فمجدولين ومشات عندها
أليف:MAG(دلع لإسم مجدولين)هانتي انا أنصايب ليك كاس ديال الحليب ولويزة أيهدن أعصابك وتحاولي تفكري بشوية عليك يقدر تكوني غلطتي اوكي بيبي أنا جايا،دخلت لكوزينة جبدا لحليب درتز يفيض وسرحت بخيالي لهادي 6قبل أول عام ليا فالجامعة كيفاش تعرفت بقسور دري زوي لكتيوت ليكان كيعاون كولشي ومكيأدي حتى واحد كيفاش كان فرحان فاش ضميناه لكليكة ديالنا نخرجو بجوج وندخلو بجوج لا ميمكنش نتيق بلي هو يكون داير منضمة كيتاجر بالبنات لالا راسي ايطرطق عليا ياربي
جسور:من وراها)الحليب ايفيض،فيقها صوتو حيدات لحليب من على البوطة درت فيه لويزة ومعلقة ديال العسل
جسور:فاش كتفكري؟
أليف:شافت فيه)مابغيت نفكر فوالو عقلي مشوش كولشي تخلط عليا داك نهار جثة فطوموبيلتك شفتها بعينيا لي عمري ضنيت نشوف بحال هكاك قدامي شوية ولينا ساكنين عندك شوية العساس كان ايتقتل صباح السيد لي مات قدامي ودابا صاحبتي كتكوليك صديق ديالي ضريف عو لي كان خاطفها الى كان هدا حلم عفاك غير فيقني منو حسن،هزيت لغراف دالحليب وخرجت عند مجدولين لي كانت كالسة ومعنقة راسها
أليف:ماG بب هاكي شربي،شدات عندي الكاس كتشرب وتزكا وترجع تشرب سكت حتى كملات كاسها وحسيت بيها بدات كتهدن شوية بشوية شديت لكاس منها وحطيتو على طبلة رجعة شفت فيها وشديت إيديها بين إيديا
أليف:مجدولين بغيتك تحقي مزيان فصورة قسور معقلتيش فاش كان كيقرا معانا ضروري فاش خطفك كنتي اتعرفي عليه أو لا؟

مجدولين:قسور كان غليض بزاااف عقلتي وكانو لحبوب فوجهو وداير نظارات دشوف كيفاش أنعقل عليه
أليف:اوك واش متيقنة هدا هو لي خطفك عفاك تهدني وفكري بشوية،بقات مجدولين ساهية وساكتة
مجدلين:كتهضر وعينيها فالحيط كتفكر)لي نقدر نكول هو لي خطفني مكانش شعرو كحل ومعندوش لحية كحلة وعينيه مكانوش فالقهوي هو كيشبه لقسور بحال الى هو ولكن لي خطفني كان زعر لحيتو زعرة وشعرو لونو دهبي وعينيه فلون لخضر
أليف:شافت فجسور)شفتي شنو كتليك
جسور:بلامبالاة)ممكن يكون صبغ شعرو والعدسات عطاهم الله
أليف:معاجبها حال)علاش مصر تدين قسور؟
جسور:وانت علاش مصرة تجي فصفو
أليف:أنا مع الحق
جسور:وأنا مع مثال كلشي ممكن فهاد الوقت
أليف:شافت فمجدولين)ماج انت متيقنة انهم كيتشابهو يعني ممكن يكون شبيه ديالو
مجدولين:أشرت براسها بأه،وقفات أليف كتفكر حايرة بين هضرت صاحبتها وهضرت جسور زعمة ممكن الحمل الوديع يتحول لوحش عنداك غير يكون هو مول لفعايل لي كيوقعو مؤخرا غوبشات وشافت فجسور
أليف:عنداك يكون…
جسور:حتمال كبير يكون هو خصوصا متنافسين فسوق
أليف:باش عرفتيني كنت انكولها؟
جسور:ممكن تكولي عندي حاسة سادسة(بستهزاء)،بقات ساكتة شافت فجسور
أليف:عندي طلب صغير
جسور:واش عندي أوطيل أنا انت شوية صاحبتك شوية داك الكلون شوية معرفت شكون اتجيبي لدار أخور
أليف:كتشوف فيه بلئم)الى عندك قلب بصح مترفضش طلبي خايفة عليها بزاااف غير بينما لقيت حل
جسور:بغيتي تكولي لقينا حل اووف شيت اوكي عندك فايف مينيت نلقاك لتحت اوكي ماشي خدام عندك نبقى نتسنى،هبط لتحت وخلاهم طلع لطوموبيلتو خدا كارو وسونا لرضوان لي كان مع دراغون
جسور:شوف بغيتك تجمع ليا كاع لمعلومات على قسور الجندي من نهار هاجر فين كان شنو دار واش عندو سجل فمصحة ديال الأمراض نفسية كلشي يكون عندي هاد العشية أوكي……
#فبلاصة أخرى
كرسي كيدور ويدور حتى وقف تسمعات ضحكة كتسمك الودنين كان واقف واحد الي مميز فيه هو سنانو حيت كانو كيبريو وبيضين طويل وعامر عندو حلق فودنيه شفايفو منفوخين وعينيه فازين وقرع
الشخص.:بفرح)كود دجوب كوبرا تبتي ليا أنك كتستحق ثقة لي عطيتك
كوبرا:سيدي والبنت شنو نديرو فيها نبقاو مراقبينها ولا نقتلوها
الشخص:نونونونو حشومة بغيتي قلب الززمردة ديالي يموت وأنا منقدرش نشوف دمعة وحدة هابطة من عينيها صافي حيدو المراقبة عليها أصلا ديك لمكلخة مابقات هماني فوالو عرفتي شنو لي زوين فهادشي كلو هو زمردة ديالي ولات قريبة مني وبزاااف(كيضحك
🔥عصفورتي من نارSPEED🔥
46-كيضحك بشر)أهاهاهاهاها…..
#فالفيلا
فجردة على برا كالسة أليف مقابلة مع غروب شمس جابت مجدولين معاها عطاتها مهدئ غطاتها ونعسات وليد مشا حتى لغدا ويرجع عندها وأخيرا بقات بوحدها تصفي دهن ديالها
“الغروب زوين خصوصا من هاد البلاصة ياك”دارت لمصدر لكلام لقات دراغون وراها شافت فيه تبسمت ورجعت كتشوف فالغروب
أليف:بابا كان ديما مكيفوتش علينا لغروب كيديرنا فوق ظهرو ويكولينا راه حنا قراب لشمس هههه كنا صغار دغية كنتيقو
دراغون:فاروق مكاينش بحالو راجل بمعنى لكلمة وممكن يضحي على قبل ناس لي كيبغي وبنتو طلعات ليه
أليف:شافت فيه)كتعرف بابا؟
دراغون:شكون فينا مكيعرفش فاروق كلشي لي هنا كيعرفو وأنا كنعرفو أعز المعرفة
أليف:فخبارك كتشبه لواحد الممثل ميريكاني أسميتو والله ماعقلت
دراغون:نوو بلييز ماشي حتى أنت لي كنشوفو كيكولي نفس الهضرة،وقف عليهم جسور
جسور:فين رضوان
أليف:صبحاتو لله عاوتاني
جسور:شنو كلتي مسمعتش
دراغون:بليييز ماشي وقت شد ليا نقطع ليك تاني
جسور:أكويلا روسا مكيأمرو حد هو لي كيأمر
أليف:أنت هو هتلر فياماتو يكما كتحزق العنبر مثلا راه بحالك بحالنا حزقتنا كدوخ حزقتك كدوخ كيف كيف،قرب ليها ولحمورية بدات كطلع ليه مع وجهو تم داخل رضوان كيعيط بسبابو تهدن الجو
جسور:نتفاهو من بعد(موجه كلامو ليها)وقف عليه رضوان وملف فيدو
رضوان:هادي 6سنين باش هاجر لألمانيا كمل قرايتو تماك وفتاتح فرح ديال سيارات تم معندوش نشاطات من لخدمة لدار لاصال علاقات قليلة مع البنات علاقات عابرة بحال اي واحد سجل ديالو المدني نظيف وحتى سجلو صحي نظيف يعني مكاين حتى شيحاجة كدخل شك
أليف:شكون هدا قسور ياك
رضوان:أه
جسور:خليك معايا
أليف:جات وقفات قدامو)كيفاش خليك معايا أسيدي يكما انا بزقولة قدامك خاصني سكاتة إيه هداك لي كتهضر عليه صديق ديالي وعارفة عليه كتر مكتعرف أنت اوكي ولي مضرر منو صاحبتي
جسور:ضربها بصبعو لكتفها)ويقدر الالة يكون هو لي معرض حياتنا لخطر
أليف:داكشي باش فبلاصة مكتبقى تحل فمك وتنغتغ عليا خاصنا نتعاونو جميع اوكي
دراغون:جسور اليف عندها الحق نقدرو نستافدو من المعلومات لي عندها عليه وتقربنا ليه علاش لا هاد المعماعة كلها داخلين فيها بجوج بيكم واي واحد فيكم عندو معلومة تقدر تفيدنا

أليف:وأخيرا واحد هضر بعقل شوف وغانكولها لمرة لألف صاحبتي لي تعرضات لخطف ويقدر هدا لي خطفها تكون عندو علاقة بلي طرا ليك ولي طرا لبابا يعني عائلاتنا بجوج طايحين فنفس الحفرة داط الغرور ديالك ودير فيها انت هو سي سيد غير خليه على جنب حسن
جسور:بصرامة)مكنبغيش لي يهضر معايا بهاد طريقة ولا يصدر الاوامر الى بغيت انا نخليك نخليك والى مابغيت واخا نعرف نسد عليك فبيت مفهوم،تسمع صداع عند الباب كولشي شاف جيهت الباب الغوات وصداع
جسور:هيه شنو كاين تم،جا واحد من الكارد كيجري
كارد:سيدي واحد سيد موصير يدخل يشوف انسة أليف
جسور:شاف فيها)داري ولات زريبة بسبابك
اليف:مداتهاش فيه)خليه يدخل
جسور:كيغوت)رضواااااان دوا ديال الأعصاب دابا الى بقيت هكا اندير شي جريمة فهاد البنت،شاف رضوان فدراغون ودورو وجهم كيضحكو
دراغون:بهمس)عمرك شفتي جسور فهاد الحالة؟
رضوان:كنشوفو معصب ولكن تكون سباب بنت عمري شفتها
دراغون:بحالها بحال باها ولا نسيتي فاروق طول عمرو جريئ،زعزعهم صوت جسور
جسور:بالغوات)رضواااااااان واش كتقلب على خلى دار عشتك،رضوان مزادش كلمة اليف كتغوت على الكارد
أليف:بصرامة)كتليكم خليوه يدخل،تم داخل شخص مبانو ملامحو حتى وصل لضو غير شافتو مشات كتجري عندو ترمات بين إيديه
اليف:عمر عمر وأخيرا جيتي توحشتك عرفتي شنو طرا فغيابك
عمر:شاد فوجها وكيكحز شعرها لور)شششت فين ماج أأليف شنو وقع ليها(بخوف)أليف عضري خلاص متخلعينيش كتر مانا مخلوع واش لهضرة دوليد بصح؟
أليف:أه بصح
عمر:تعصب وكيغوت)شكون هاد الحمار لي تجرأيلمس شعرة وحدة منها الى شفتو مغاديش نرحمو(كيهضر بلا عقل وكولو كيترعد ودموعو هابطين)أنا أنا مكنتش باغي نسافر ونخليها كنا متافقين نمشيو لجوج ولكن بغيت زعمة تحس بغيابي تحس بيا أليف تحس بحبي ليها شحال وأنا كاتم هادشي ومخبيه بقلبي كنبغي نكولها ليها ولكن هيا هيا راسها قاصح كانو كيهموها المظاهر بزااف طوموبيل دار سفريات وعنر ميقدرش يحقق ليها هادشي وبسباب احلامها جابتها فراسها
أليف:كتهدن فيه)ششش أجي كلس ونهضرو واخا،عنقاتو وهادشي كولشي شاهد عليه جسور لي صافي كيسمع صفارات فودنيه بلا حشمة كتستقبل لي بغات فقلب دارو بحال الى دارها..

عصفورتي من نارSPEED🔥
47-داتو يكلس عطاتو كاس ديال يشرب باش يتهدن
أليف:دابا عاود ليا العفريت كيفاش قضيتك عمرك كلتي ليا كتبغي ماج
عمر:ضحك تحت خاطرو)من أول مرة شفتها دخلات لقلبي بعوفيتها وضحكتها وجبهة لي كدفع وهيا لداخل ديالها خوافة كنت كنبغي ديما نصارحها مكنقدرش كل نهار جيانا فالجانعة بحبيب جديد او معجب جديد فاش كتجي تبكي وهيا خسرات حب جديد كنتقطع مليون مرة قريت وخديت اعلى درجات باش نخدم خدمة مهمة لي تخليها توافق عليا ولكن براسي مرفوع كنت جاي فرحان حتى كاليا وليد شنو طرا (بخوف)واش هيا بيخير؟
اليف:بيخير راه ناعسة لفوق سمعني لي ايبغيك ايبغيك كيما انت متحتاجش تبدل على قبلو لا اتبدل على قبلك انت باش تحقق داتك انت وزايدون انت الف وحدة تمناك وماج خاصها تبغيك كيفما انت ومتنساش حتى انت كنتي غامض خاصك تبين ليها فهمتي وانت داير بحال صبورة ديال لخشب(ضحكت)ههههه
عمر:عاوديليا شنو واقع؟
#أميريكا
مقر شرطة إيف بي أي
رئيس:مرحبا بالعميل رائد الرئيس مارك وصا عليك بززاف وكاليا انت أحسن واحد فدفعة ديالك كنتمنى نديرو خدمة مزيانة مع بعضياتنا هدا الفريق لي ايخدم معاك احسن فريق عندنا وهادو الملفات لي غادي تحتاج فيهوم أسماء ديال المنضمات تجارية لي لقينا عليهم القبض عندك الإدن مسموح باش تستجوبهم يقدر واحد فيهم يعاونك مابقى عندهم مايخصرو محكوم عليهم بالمؤبد
رائد:تانكيو سور
رئيس:اولدوبيست(حظ موفق)خرح رائد من المقر معاه دانييلا بجنبو
دانييلا:بترجي)لو سمحت فيني قول شي
رائد:برودة)تفضلي
دانييلا:بليييز ما أكلت من صبح كثير جوعاني مافيي إيتحمل هالأااد والله بموت من جوعي،شاف فيها عينيها كيترجاوه وجها صفار
رائد:واخا كاين واحد المطعم كيدير الوحبات سريعة قريب من هنا انديك تاكلي
دانييلا:فرحانة)شكرا كثير لا إلاك (مع بتسامة)
#فالفيلا
وقف عليهم جسور كيخنزر فيهم
اليف:عمر هدا ….
عمر:جسور حديد بطل سباق السيارات وشكون لي ميعرفو
أليف:عمر صديق ديالي وديال ماج او وليد،جسور كلس دار رجل على رجل مهضرش غير كيشوف فيهم جا رضوان مد ليه حبة ديال فانيد وكاس دالما
عمر:موجه هضرتو لأليف)علاش ممتيقاش بلي قسور هو مول هادشي
اليف:علاش قسور ايدير هكا غير كوليا واش عقلتي كيف كان درويش أصاحبي مايمكنش
عمر:كولشي ممكن حتى بنسبة لميساجات لي كيجيوك ايكون هو مولاهم
أليف:نو ويي قسور مجرد صديق ميمكنش عقلي متقبلهاش
عمر:لوف سمعيني قسور كان كيبغيك ،شافت فيه بصدمة جسور على عينو فيها ومزال كينطق بحتى كلمة غير كيسمع

أليف:بصدمة)واش عارف أشنو كتكول؟
عمر:أه عارف شنو كنكول لوك(شوفي)عقلتي على نهار لكافيتيريا فاش تراهنا أنك تبوسي سرباي
جسور:كسر صمت بضحكة ديالو)هممم حتى سرباي معتقتيهش
اليف:بعدم صبر)كمل
عمر:داك نهار ناض قسور من بيناتنا ودخل الحمام تبعتو سمعتو كيبكي وكيكول مخاصهاش دير هكاك أنا كنبغيها كان كيبغيك وساكت
رضوان:دابا وضاحت صورة قسور رجع ينتاقم منك حيت عمرك شفتي فيه ولكن شنو دخل جسور
دراغون:جاوبو من لور)باش يبعدو من طريقو اي صفقة كيدخل فيها حكيم كيربحها جسور يعني كولشي باين
أليف:واخا هكاك خاصنا دليل ميمكنش نتاهموه باطل ونسيتو حاجة خرى نكولو كاع رجع ينتاقم مني انا ويحيد جسور من طريقو أهاه وتجارة رقيق قسور ميقدش على هادشي
جسور:صبرو نفد)بالغوات)بغيت غير نفهم اي حاجة كلناها يري لينا لعصا فرويضة لا ميمكن لا ميمكن واش كاع هاد ناس مقنعوكش وصاحبتك لمرمية لداخل أ يكما مخبية علينا شيحاجة وحنا معارفينش
أليف:غوبشت)كيفاش بحالاش
جسور:شكون عرف شنو مخبية ولا شنو دايرة من ورانا
أليف:هيهههه انت راه زدتي فيه وبلا قياس واش عاجبك راسك عاجبك طولتك ومكانتك مضسرش عليا ولا مبعجبك حال،قرب منها جسور شد وجها جمعو بين إيديه
جسور:تحت سنانو)كنكوليك تقاي شري مابغيتيش عرفتي راكي طلعتي لي ف**** مابقيتش قاد نتحملك ولاو دقيقة وحدة
رضوان:كيجر فيه من لور)جسور رولاكس صافي عفاك،طلقها جسور حتى جات كالسة على لكورسي
دراغون:فهاد الوقت لي انتوما كي لمش مع الفار كاين لي كيلعب ورا ظهرنا مخاصناش نضيعو الوقت عندي حل
أليف:كولو زربة عفاك حيت الى بقيت دقيقة هنا أنا لي انمشي لحبس،تم جاي ليها جسور شدو غير رضوان
رضوان:بحزم)أليييييف،شافت فيه وسكتت
دراغون:كيف كالت أليف معندناش دليل قوي داكسي باش عندنا حل واحد الى كان فعلا قسور مهووس بأليف خاصنا نعطيوه لي بغا
جسور:شنو كتقصد؟
دراغون:قسور كيبغي أليف حب تملك خاصنا نوهموه بلي حتى أليف كيعجبها
عنر:بغيتي تكول أليف تقرب من قسور ياك؟
دراغون:تماما خاصنا نخليوها قريبة منو يأمن ليها ويتيق فيها يولي كتاب مفتوح قدامها
جسور:أريو كرايزي مموافقش
أليف:شفتك كتقرر فبلاصتي،جا وقف عند راسها
جسور:تعصب)بالغوات كيخرج كل كلمة بوحدها)أنت اتكلسي وتسدي فمك ومنسمعش حسك مزال،شعل ضو فتيليفونها هزاتو كتبان ليها رسالة من رقم غريب فتحات الميساج يلاه كتقراه تخطف من إيديها،شدو جسور كيقراه
“زمردة ديالي قريب اتكوني ديالي وديالي بوحدي”…..
🔥عصفورتي من نارSPEED🔥
48-شاف جسور فأليف بحال الى كيفكر فشيحاجة
جسور:نفس الكلمة كتعاود مكتفكرك فوالو؟
أليف:كيفاش؟
جسور:نسيت عندك الفهم تقيل شوية كلمة زمردة كتكرر فكاع الميساجات لي جاوك واش مكتفكرك فوالو واش عمر شي واحد مكان كيكولها ليك؟سكتات أليف وهيا كتفكر
#فلاش_باك
فالكفيتريا ديال الجامعة كالسة أليف كتقلب فكتاب ديالها على واحد الورقة حتى وقف عليها قسور
قسور:بخجل)هاي
أليف:اووه قسور كلس لاش واقف
قسور:خخفت نبرزطك وصافي
أليف:تبسمات شدات ليه فحناكو)انت هو لي عمرك متبرزطني،تبسم ليها ومزادش هضر غير حاضيها وكيشوف فيها علات عينيها فيه لقاتو حاضيها
أليف:شيرت ليه بحجبانها)مالك شنو واقع يكما فيا شيحاجة فوجحي ولغولة دماج مكالتهاش ليا؟
قسور:برتباك)لا بالعكس أ أنت دايرة بحال حجر زمرد عرفتي أنبقى نكوليك زمردة شنو بان ليك
أليف:أوو أوكي وانا انكوليك دبدوب(علات حجبانها بطريقة كوميديا)شنو بان ليك
قسور:ضحك)أوكي…
#الواقع
أليف:غوبشت وهيا توقف كتمشى بشوية)شخص واحد لي كان كال ليا كلمة زمردة(شافت فيه)هو قسور
جسور:ضحك)هاليكلنا قسور شحال قرا معاكم وهاجر
أليف:العام لول كان مغاديش يكملو ولكن فالعام تاني تفاجئنا بيه رجع طالبك مالقاش شي جامعة احسن من الجامعة لي حنا فيها تما فين توطضات العلاقة ديالنا معاه بززاف غير سالة العام تاني مابقيناش شفناه
جسور:معمر وقع بينكم خصومة ولا شيحاجة بحال هكا
اليف:بالعكس كنا كنضحكو بزااف بيناتنا مابقيتش عاقلة واش وقع بيناتنا شيحاجة..هنا نطق دراغون
دراغون:مكاينش شي حل باش نعرفو واش عو لي ورا هادشي من غير أليف
جسور:بحزم)نشوفو طريقة وحدى خرا أليف مافيديها والو غير اترون كولشي
أليف:هيه أنا هنا خليني احتى نمشي وهضر فظهري باش عرفتيني مقادة على والو أه جربتيني؟
جسور:كولشي باين،اليف مداتهاش فيها فكرة طبعات فدماغها هيا تقرب من قسور وتعرف شنو تحت راسو واي معلومة تقدر تجمعها راه مزيانة
أليف:انا قابلة
جسور:أو مايكود (بعدم صبر)
رضوان :قرب من جسور)جسور عطيها فرصة ممكن يمشي كلشي مزيان،على فيه جسور عينيه ورجع كيشوف فسما
رضوان:أول حاجة خاص قسور ميعيقش يعني تبداي معاه بسياسة ميمكنش صداقة تحول لعلاقة بين ليلة ونهار متبدايش انت خليه هو يبدا وأي حاجة اتعلمينا بيها،شاف فيها جسور مخنزر
جسور:بحزم)عرفتي وديري شيحاجة من راسك قسما بالله هاد المرة انفصل راسك على كنازتك واي حاجة نبغيها تكون فخباري مفهوم؟
اليف:كتشوف فيه بعجرفة)
جسور:بالغوات)واش مفهوم؟
أليف:نقزت من بلاصتها)أه أه صافي
دراغون:انا انمشي دابا غدا ونكون عندكم

رضوان:حتى انا ديني معاك،خرجو بجوج بقا أجسور وعمر وأليف
عمر:أليف تصال بيناتنا أنا غدا انجي نشوف ماج اوكي كود نايت سويتي(عنقها)
أليف:كود نايت،خرج عمر وبقات العافية مع العافية راس فراس
جسور:وأخيرا بقينا بوحدنا
أليف:كتبلع ريقها)كيفاش زعمة هيه راه ماشي غير بقيت بوحدي عند بالك أتحكرني هيه،تم جاي كيقرب ليها حتى وصل عند راسها وقفات تابتة مكتحركش
أليف:مخرجة عينيها فيه)يكما تسحابني انا هيا رضوان لي كيترعد منك شفتي انا راه راه والله زعمة راه،شد وجها بين ايديها حتى رجعو بحال شي كورة صغيرة كحمها مزيان بحال منين كيحكم السبع الفريسة ديالو بالخف خدا فمها وسط فمو قبلة جنونية عنيفة مخلاتهاش تحرك بالعكس تضرات من العضة لي عضها بحال إلى طلق فيها سم ديالو رجع طلقها بجهد حتى حتل توازن ديالها جات طايحة على لكرسي
جسور:مصغر عينيه)هادي غير شوية من بزاااف باش تعلمي عمرك تعطاي معايا. خلاها طايحة ودخل لدار
أليف:قلبها كيطلع ويهبط هزات إيديها لفمها تمسو عكرها)أيي يافمي دار ليك بوتوكس بلا عملية بلا والو شيت شيت شيت ولكن بالحق اوالله لا بقات فيك هابلاتي،وقفات داخلة غادية وكتبغم
أليف:ياخ هداك فم ولا سم….
🔥عصفورتي من نارSPEED🔥
49- ليت لأرواحهم أشباه كثيرة، أولئك الأنقياء الذين يحبونك لأنك أنت..أنت.. لا لشيء آخر، و يصادقونك دون غاية أو منفعة، فقط لأنهم يحبونك…
**صبح نهار جديد نهار علم الله شنو مخبي ليا فيه القدر الخطوة لي خطويت واش عندي فيها صح واش انجح فيها واش واش واش أسئلة كثيرة فدماغي ملقياش ليها جواب تمنيت لوكان سراب ولا رائد معايا دابا كنت فينما تلف نلجأ ليهم ولكن كيجي وقت كل إنسان كيبغي يديرو مستقبل ديالو مكيبقاش مسالي ليك شحال من حاجة مكنكونو ضانينها معالمين عليها حتى كتجي بوحدها كتجي ظروف قوية كتقربك من ناس لعزاز عليك كتولي باغي تحميهم بأي طريقة كتعرف غلاوتهم وشحال ساويين عندك هكاك أنا تحطيت فموقف لي منقدرش نتراجع عليه من نحية صاحبتي لي معندها حد لي يعاونها من غيري ومن جهة والديا لي كنحلف يقيسهم شي حد بأدى نحيه بعينيا مغمضين علاش حيت ضحاو كافو رباو قراو وصلونا لبلايص مكناش كنحلمو نوصلو ليهم وعلى قبلهم ندخل لغار لفعة ومنترددش.
#دازت_يوماين مشافتش أليف وجه جسور مجدولين حالتها تحسنات وحسات براحة جا صباح عمر وخرجها دور شوية وانا كنكتب فيوميات ديالي لي فساكي فينما مشيت جاني ميساج كنت متوقع نمرة لمجهولة حتى طلعات ليا نمرة قسور
“أليف صباح نور اش خبارك تشوشت عليك من نهار لحفلة مابنتيش واش كاين شي إشكال؟”
أليف:جاوباتو تم تم)”لا مكاين حتى مشكيل غير راك عارف الأخبار لي خرجو ودارو فيها ليدين ورجلين مقدرتش نخرج صحافة كانت فكل بلاصة يلاه لي بردات القضية
قسور:”هممم أليف واخا نتغداو انا وأنتي؟
أليف:لقيتيني قنط نيت وانا منقدرش نرفض دعوة خصوصا القضية فيها الماكلة ههههه
قسور:هههه ياك الالة صافي 13:00 نكون عندك مزيانة ليك؟
أليف:مزيانة وبزاااف كاع…
أليف:ياربي تكون معايا ياربي أنا عارفة راسي باسلة وشنيولة وكنطير وكندير شي جوايج ياربي سلامة عفاك سمحليا وكون معايا،ناضت كتجر فرجاليها حلات ماريوها كتشوف شنو اتلبس فالأخير ستقرات على سروال بيض فضفاض من التحت مع شوميزة ديالو عند البوط عريانة من جيهت صدر مع ساك بيض وسندالة بيضودة عالية طلقات شعرها وسرحاتو على جنب كتفات بمكياج خفيف ضريف هبطات لتحت تلقات ليها ماماها
روقية:بنتي فين غادية؟

اليف:انتغدا انا وعمر او وليد وماج
روقية:واخا بنتي ردي لبال راسك
أليف:اوكي مام(باستها)خرجات على برا فتحو ليها لكارد الباب كتبان ليها طوموبيل ديال قسور واقفة رانج بيضة وهو واقف كيتسناها غير شافها جا عندها
قسور:باسها فوجها)هممم أش هاد الجمال؟
أليف:شافت فيه وضحكت) أو واش هاد الأناقة)؟
قسور:من عندكم مولاتي ههههه،فتح ليها الباب طلعات دارت سمطة طلع حداها بدا كيديماري فطوموبيل وهيا تسولو:
أليف:فين أيديني مولاي بعدا؟
قسور:غمزها)نخليوها مفاجأة مولاتي….
#فمبنى
شقة كبيرة كلها معدات رياضية كيتسمع غير صوت ضرب ديالو لابس سروال كيطمة مع ديباردو لي فرمادي لي ولا كلو فازك إيديه كلهم عروق شعرو فزك جاي بين عينيه ليكات كحلين فيديه عينيه لي بحال صقر كيشوف فهدف واحد من صباح وهو كيتمرن محبسش سونا الباب وقف تدريب هز الفوطة كيمسح بيها مشا جيهت الباب فتحو ورجع بلاما يشوف شكون
رؤوف:كنت عارفك اتكون هنا علاش مكتجاوبش على تيليفونك؟
جسور:بغيت
رؤوف:جسور الله يخليك هادشي لي كدير فيه راه مخدامش،حبس جسور تمرين وشاف فيه
جسور:كيخنزر فيه)ماشي انت لي اتكول ليا شنو لي خدام ولي مخدام
رؤوف:بغيت غير نفكرك بلي نهار سبت ايكون نهار دسباق
جسور:عرفنا زبل كاين نهار سبت ومن بعد شنو وقيلة هضرنا داك نهار وانت عارفني مكنبقاش نعاود فالهضرة…

🔥عصفورتي من نارSPEED🔥
50-رؤوف:كيسرط فريقو)شوف أنا بغيت غير نرجع ليك عقلك وصافي
جسور:كيضحك بستهزاء)أنت ترجع ليا عقلي أنا هممم مزيان رؤوف حسن ليك سير فحالك ونزيدك لمليون مرة من ورا هاد سباق مغتشوفش وجهي مزال
رؤوف:تعصب)أتندب بزااف متنساش انا لي علمتك،مجا فين يكمل هضرتو حتى لقا راسو لاصق مع الحيط
جسور:قاجو من عنقو وكيهضر تحت سنانو)كلنا عارفين منين جيتي بلاما نفكرك وكولشي عارف بلي أكويلا روسا لي دارك وربحتي من وراه زبابل دالفلوس وانا ساكت وميك عليك وعارفك خايف تخسر بلاصتك الى غبرت أنا من ساحة وترجع كيف كنتي لزبالة منين جيتي كيفاش كنتي وكيف وليتي وكيفاش أترجع سمعني مزيان تفوت حدك معايا ندفنك ومكاين لي جيب خبارك تاقى شري حسن ليك من هنا حتى لنهار سبت منبغيش نشوف كمارتك مزال وياويلك ياويلك وتحاول دير معايا هاه ولا هاه بلاما نكوليك غير الماضي يفكرك،طلقو وبدا يقاد ليه فقاميجتو
جسور:كيطبطب ليه على كتفو)يلاه لباب قدامك،شاف فيه رؤوف مخلوع حيت عارفو علاش قاد خرج بلاما يشوف وراه سونا تيليفون ديال جسور هزو بلاكا يشوف نمرت شكون
جسور:تكلم اوكي،قطع الخط وهو كارز على ايليفون بجهد
جسور:كديري غير لي فراسك شيت،دخل دوش بالخف بدل حوايجو هز سوارت طوموبيل وتيليفونو ضرب الباب بجهد وخرج.
#مارينا
أليف:ريحة البحر شحال كترد الروح
قسور:كنت عارف البلاصة أتعجبك ولكن بغيت منك طلب بسيط
أليف:شنو هو؟
قسور:تيليفونك،جبدات تيليفون ديالها مداتو ليه مستغربة لشنو بغاه خداه من إيديها وطفاه ودارو فجيبو
أليف:وعلاش؟(توترات)
قسور:كيشوف فعينيها)خايفة مني؟
أليف:نو ويي
قسور:مد ليها إيديه)اوكي عطيني إيديك أندوزو نهار زوين بزاااف بعاد على عينين ناس وصداعهم بغيتك ترتاحي بغيت نعوضك على نهار لحفلة
أليف:كتفات بإبتسامة وهيا الشك بدا كيدخل لراسها، مدات ليه آيدها شدها وبقا غادي بيها حتى ﻻاخير رصيف ديال مارينا كان واقف واحد الباطو مكتوب فيه KUSSOR

أليف:واو هدا ديالك؟
قسور:ضحك شنو بان ليك،طلع ليه وطلعها حداه
كانت محطوطة طبلة فيها أكلات بحرية حوت كلامار كولشي
قسور:تسمح ليا مولاتي،بعد ليها الكرسي حتى كلسات وكلس فالكرسي المقابل ليها
قسور:مرتاحة؟
اليف:نكون مع دبدوبي ومنكونش مرتاحة
قسور:تبسم)فرحتيني…
جسور:سايك بسرعة وكيهضر فتيليفون)معصب وكيغوت)كنكوليك تيليفونها طافي اووووف اوووف كلنا ليها مدير والو من راسها غبرت عليها يوماين بدات كتخطط بوحدها
رضوان:على الخط)تهدن دابا نلقاوها
جسور:كيغوت)متكولش ليا تهدن متكولهاش عيط على دراغون بغيتكم تجبدوها كانت تحت الارض ولا فسما تجبدوها مفهوم،خبط بتيليفون غادي مكيشوفش قدامو هادي 6 ديال العشية ومزال مرجعات مها كالت بلي مشات تغدا مع صحابها ولكن الكارد عطاه مواصفات ديال قسور كدير لي فراسها سنانو كيتغزو بالأعصاب طوموبيل لي جات قدامو كتخوي ليه غادي بحال تران
جسور:كيضرب الفلون بيديه)فين أنلقاك فين؟
#مارينا
أليف:أحم مغانمشيوش
قسور:دغية سخيتي بيا؟
أليف:بالعكس داز نهار زوين ولكن خاصني نرجع
قسور:هممم،عطا إشارة بصبعو أليف كتشوف فجنابها بدا الباطو كيتحرك من بلاصتو وكيبعد على رصيف شوية بشوية
أليف:بدات كتوتر ومبغاتش تبين)فين غاديين؟
قسور:شد ليها فيدها وتبسم)مفاجأة…..

Leave a comment