Skip links

قصة : طبيب الحومة ج1

 10,469 عدد مشاهداات

💉طبيب الحومة💉
❄الجزء1❄
💐منال برنيش💐
سلمى:سهاااام سهاااام
كتغوت بأعلى صوتها ولكن مع الغوات والصدااع لفلحومة بنادم تجري متسمعش مزيان صوت حلوقها لطالقة تحلات الفدريج وطلاات شفنجة شادة النايل سات مقلزة فوق راسها
سهاام:اشكااين
سلمى:نزلي نزلي منااتفة خخخخ لمسمومة والجعواقة وخوتهم حتى هما مدابزين
قبل متكمل لوخرا هضرتها نقزات من الشرجم لباب البيت لبسات صندالة ومشات تتجري نزلات ضروري تمشي تفرج امبوسيبل تكون شي مدابزة ومتوقفش هي تفرج واخا تكون غادية غير فالطريق لشافت غير شي زوج تنكارو توقف وتجري معاهم حتى يساليو على خاطرهم وتزيد فحالها هي هكاا غير نزلات شدوها جرية حتى لفين كاينة لمدابزة ظراري عريانين من لفوق كاين غزداااو بوت تشري تربح ولبنات كل واحد نازلة على لوخرا مشادات بالشعر شي تيفك هك وشي تيفك هك شافت لقضية حماضت بين لبنات دخل العضاان وهما يتحركو بزوجات يفكو كبقاو بنات الدرب
سهام:زيدي نت فكي الجعواقة وانا نشد المسمومة
سلمى:زيدي
دخلو يفكو مفارقهم هما والعيالات غير بزز كل وحدة خلات الإمارة فلوخرا واكيد السبان والمعياار ميمكنش ميحضرش حتى الدراري فكوهم حتى شاف فيهم واحد سهام ورجع نزل على لاخر وتسب ويعاير بغا يدير فيها كاين قدامها
سلمى:شوفييي يلمسخوطة وقبيح مع راسو مكانش كحسابلي هكاا
سهام زفراات:صبري صبري
سلمى:اويلي اجي فين مدرمة
دارت ليها بيديها بلاتي ومشات دخلات وسطهم وجراتو من دراعو ضار غادي يسب غير شافها وهو يلبدها
سهام:طلق منو اصاحبي تسطيتي

سهام🌺

💉طبيب الحومة💉
❄الجزء2❄
💐منال برنيش💐
دار غيسب شاف شكون حبسو وهو يوقف ضار لداك خينا دفل جيهتو عاود دار شاف فيها ومشى شد طريكوه لبسو وزااد بقات متبعاه جاها فشكل ماشي هدا لديما تابعها لاصقها من الصغر فاش تيضارب تيولي وحش ومعاها فشكل سطاج الوحش فالتعناب
سلمى جات عندها:ياختي ياختي قسما بالله تغارق فيك اويلي الرجال بشلاغمهم مداهاش فيهم نت غحطيتي يدك قلب ستة تسعود
سهام:واخا هكاك تيبقى متدوزش ليا من عند الله
سلمى:زيدي زيدي راه كنت كنغسل لماعن سمعت لغواات وانا نخرج
رجعو لديورهم من بعد متفرتكات الجقلة طلعات لدارهم طلقات ليها مها بصندالة
حليمة باغية تخبطها:ياك كنقول لك ابنت لحراام بعدي من المدابزات دابا تجي فيك شي دقة
دخلات لصالون وطلعات فوق السداري هربانة من مها لغير غطيح فيديها غتاكل قتلة:وراااه كنت بعيدة اماما ويليييي واش قدي قد العصى
حليمة تبعاتها:مالك كبرتي عليها بعدي من المدابزات المصيبة دابا تهزي شي دقة نوليو نتجاراو بك راني كنعرفك تتبقاي تمخشي وسطهم
سهام طلاحت فوق السداري مين شافتها حيدات الصندالة:وصافي
حليمة:نوضي تهزي تحفضي ونت نهار كامل منشورة كلسلوكي نت بانلي هاد لعام مكاين ربح انا منها نقول لها لك قسما بالله منفكك من باك هانا علمتك
زادت لكوزينتها وخلاتها نايضة تتنتر باغية تفرج باغية تكونيكطا اي حاجة إلا لحفاضة واخا عندها لباك كعما مسوقة هي هانيااا لبغا ينجح لعام طويل ههه دخلات لبيتها تقابلات مع المراية وهزات مشطة طويلة وجلسات تغني وتمايل بحال شي مغنية مشهوورة هدا حلمها شحال من مرة بغات تشارك فبرنامج اكتشاف المواهب ولكن زوج حوايج واقفين لها فالطريق باها وخوها والسن ديالها مزال صغيرة 17عام

سلمى💗

💉طبيب الحومة💉
❄الجزء3❄
💐منال برنيش💐
سيفطات ليهم زوج دلمرات فThe voice تخبية على دارهم ولكن كصدروها ومبغاتش تشارك ف The voice kids مبغاتش تخلط مع لبراهش كيف كتقول وتدير لمستحيل وتمشي لبنان الا قبلوها هدا تفكيرها اي حاجة طلعها طلعة وحدة تديرها خاصها تبان للناس صوتها مبغاتش يبقى محبوس عندها هي
سهام:انا مش مبينالو انا نويالو على ايه ساكتى ومستحلفالو ومش قايلالو ناوية ايه🎤
خليه يشوف بعينيه ايه لناوية عليه هخليه يخاف من خيالو🎤
لما غيب يوم عن عينيه كثر خيري اني قابلتو واستحملتو يا قلبي زمان🎤
كانت تتغني وتمايل وعايشة الدور وتشالي بشعرها بحال راها فمسرح حتى دخل عليها باها كلعجاجة شي لخلاها تبلع ريقها وتكمش داخل عليها كشاكشو خارجين وتيعاير وينكر
محمد كغوت:مال يمااك جهلتي ياك كنقول لك تبتي للأرض وصوتك منسمعوش هادشي فاش كطيري غير تعوااج والتسلكيط مع لبرهوشات
سهام عينيها دمعو:شنو درت ابابا شنو فيها الا غنيت راني فالدار مدرت والو
محمد زاد فلغوات:سكتي دابا نطرش يماك قالاك نغني مبقيتيش تتحتارميني الحمارة طتقولي فيها هكااك ضسرتيي
شدها من شعرها وهو كيعاير وهي شادة ليه فيدو تتبكي تتحاول تفك شعرها لضرها من يدو دخلات حليمة دفعاتو وعنقات بنتها:مالك جاي بعجاجتك حماقيتي بعد لي من بنتي واش بغيتي تقتلها
محمد زاد تغوت:نقتلها ومنخليش بنادم يحل علي فمو
حليمة:البنت مزال صغيرة وعارفاها شكدير ونت تاحد ممديها فيك غير تهنا
خنزر فيها وخرج زدح الباب حليمة باست بنتها وخرجات تبعاتو سهام جلسات تتماصي فراسها وتتبكي يلاه كانت فرحانة

💉طبيب الحومة💉
❄الجزء4❄
💐منال برنيش💐
ناضت تتبكي سدات الباب بالساروت وتتغدد وتفقص ونطقات وهي تتحلف:والله جتى غنغني يلاه هئ هئ هئ
جلسات تتمسح دموعها سمعات غواتهم علا وصوت باها هو لكاسر الدنيا و شنو كقول كمرضها ويقطعها
حليمة تتغوت:فنيت معاك شبابي ومراعيتيش اسمحمد نسيتي العشرة نسيتي كلشي
محمد تاهو تيغوت:باغي نتزوج ومن حقييي والا ماعجبك حال راه الحيوط عطاهم الله
حليمة جهلات:ايوا الله ياخد فيك الحق سير يشماتة داير الضحك فراسك غادي مع لخانزات يخويو ليك جياابك ويضحكو فيك
محمد جعراتو:اسكتي ولا نطرش جد بوووك هاديك لتتقولي عليها خانزة راه لالاك وهانا غادي كن كنت تفرحي كن راني مزال حدااك
خرج زدح الباب الجيران تتسنطو ولا هادشي عادي حليمة جايب عليها راجلها الذرة وديما مغاوتين جلسات مسكينة تتبكي وشدات فراسها بقا فيها الشمتة ضحات معاه فاللخر طعنها فضهرها مع شكون مع الشيخة ديال الدرب دارها متخواش من الرجال وضارت ليها برجلها هزات يدها تتدعي فيها كيف شتتات ليها شملها بغات ربي ياخد فيها الحق
يديها على وذنيها مخشية تحت المانطة وتتبكي كتبغي تسطا مين كتسمع مها وباها مدابزين وباها غيطلق مها كتبغي تحماق تتبقا تبكي تتسخف ولاو ديما المدابزات فالدار حتى ولات تتحس بأنها هي تصرفاتها ونفسيتها تقلبو بقات على حالها تتبكي حتى نعسات
نهار جديد
سلمى شدات فيها:كلشي غادي يتقاد دابا يندم
سهام مسحات دموعها:عيت والله اختي كل نهار نفس الموال ماما مرضها وممبيناش خويا راك عارفة حالتو عرفتي راه واحد الحالى منعاودش لك
سلمى عنقاتها:صافي احبيبة صافي كلشي غيتصلح انشاءالله
سهام بعدات شوية:يلاه نمشيو
خرجو من الليسي على برا كانو واحد الجماعة دلبنات شافتهم خنزرات ووحدة منهم كتشوف فيها وتتبتاسم سلمى فهمات الموقف وعارفة شكاين جراتها:اجي نقطعو الشانطي
وقفو تتسناوه يخوا من الطوموبيلات وهي تنقز وحدة منهم نفسها لكانت مبتاسمة

💉طبيب الحومة💉
❄الجزء5❄
💐منال برنيش💐
البنت:شوفي قولي لمك تطلق عليها باك دغيا راه غير هي لواقفة لينا فلعراسية(ضارت عند صحاباتها وهي كضحك بصوت فاتت بيه الشيخات)مرحبااااا بيكم فعرس ماما البنات وجدو التكاشط خاص غير مت هادي تخوي الساحة وارا برع
سلمى:دابا علاش كتقلبي نت
سهام هنا مبقا كبان ليها والو هما لكجبدوها واعدا حاجة هي هادي بنادم يكون سايق ليك لخبار لمشاكيلك وكتشفى كانت بيناتهم غير طوموبيل مبلاصية مضاراتش ليها طلعات فوق الطوموبيل مولاها كان لداخل كهضر فالتيليفون حتى كشوف وحدة قدامو طالعة مفهم والو دغيا خرج
الشخص:امادموزيل راه غادي طيحي
سهام تتغوت مزال طالعة:علاش تتقلبي ها ليوووم نفاريوها نتوما سباب المشاكيل من شحال ونت تتهبشي عليا
قرب لعندها شوية وهي طالعة تتحيح تتحيد فالطابلية وشابكة سبان بينها وبين لبنت:يلاه نزلي وريني شفيدك مديري كاااع
سهام تتخشي طابلية فالصاك وتتزرب باغية غفوقاش تاكلها ضارت بانليها غمول الطوموبيل واقف قدامها مكتسمعوش كاع شكقول لاحت ليه الصاك شدو معرف باش تبلا وهي نقزات من فوق الطوموبيل نيشان للتحت مع النزلة مع هبطاتها نيشان من شعرها وهنا شبكات سلمى راجعة اللور مين لمحاتو دغيا ضارت وهي متوترة حتى دخلات لليسي مسح على شعرو وهو واقف معرف ميدير تلفت بان ليه جاي وهو يشير ليه بيدو حتى جا عندو
المدير كنهج:دكتور أنيس سمحلينا سمحلينا على هاد الدخلة راك عارف الجيل دليوم
دخل المدير والحارس كفكو مفارقوهم غير بالكشايف
سهام:نهار تجبظي ليا مي نقتلك المسخة
البنت شادة فحنكها قمشاتها فيه وتتغوت:وجهيييي وجهيي خسرات ليل وجهي و الله حتى نسيفطك للحبس

💉طبيب الحومة💉
❄الجزء6❄
💐منال برنيش💐
المدير:حبس حبس الداخل وغنتفاهمو دخلي دابا
بنت:واش شفتي شدارت لي شوف وجهي
المدير خنزر:قلت ليك دخلي دابا
خنزرات فسهام لشدات فراسها وجلسات فوق الطروطوار تتبكي
المدير:دكتور سمحلينا راه هدا هو حالنا مع هاد الجيل كل نهار
أنيس عينيه عليها:واشنو غادي دير السلاك وصافي
وقفات وهي تتمسح دموعها وشفايفها لتحتانية فيها الدم جامد جاتها القمشة فيها تقدمات لعندو مد ليها صاكها هزات فيه عويناتها حمرين بالدموع
سهام:شكرا سمحليا بزااف
قبل مايهضر نطقات الحارسة العامة لجات حتى هي:شهادشي اسهام ماشي ديالك هادي زعما نت مولات لعقل عمرنا شفنا عليك بحال هاد المواقف
المدير:داكشي للقيتيني كنشوف وشهادشي اسهام وحنا خدامين على مستقبلكم وجايبين لكم الناس زوينين تستافدو منهم بحال الدكتور أنيس وتحشمونا معاه بهادشي علاش مالك ابنتي؟
كان كشوف فيها كسمع لحديثهم حتى نطقات هي وعويناتها زادو دمعو وشفايفها كرجفو:راه هما لكعايروني راه ماشي انا لجبدتها
الحارسة:شنو قالت ليك حتى توصلو لهاد لمواصل
بقات تتشوف فيهم دموعها نزلو شافت فالحارسة بدات تتهضر وتشهق:بابا وماما ديما مدابزين حيت بابا بغا يتزوج بمامات هادي وهي تاتجي تقولي خويو الدار نت ومك سيرو بحالكم راه ماما بغات تجي لدار راجلها وكبقاو يضحكو عليا هئ هئ وحنا معندنا فين نمشيو مبغيتش ماما وبابا يطلقو هئ هئ هئ هئ هئ
غطات وجها بيديها وهي تتشهق جراتها لحارسة عنقاتها والمدير كتنهد وكواسيها بلي كلشي غيتقاد من بعد مكملات كلامها لصدمو مسح على ذقنو وتنهد وتمتم فخاطرو:لا حول ولا قوة إلا بالله
كيفاش مراهقة قد هكا كتعيش هادشي بصح واخا جيل صعييب وقبيح ولكن راه كتير منهم كعانيو وواخا يبان ليك كطير فراه متعرفوش اشنو مخبي فداخل

💉طبيب الحومة💉
❄الجزء7❄
💐منال برنيش💐
المدير:صافي سيري للدار انا غنتفاهم معاها
سهام حركات راسها بآه خدات صاكها وتمات غادية بوحدها مقدراتش تحبس دموعها غير بعدات هضر مع المدير لوافق دغياا
المدير:غادي دير واحد الأجر خفنا تمشي دير شي حاجة فراسها سهااام
ضارت كقول لها اجي بايديه رجعات عندهم:هاهو الدكتور أنيس غادي يوصلك للدار متمشيش بوحدك
سهام حركات راسها بلا:لا لا مكاين لاش صافي انا نمشي
أنيس مشى لطوموبيل و حل ليها لباب:ماشي مشكل غير آجي
الحارسة العامة شدات فيها وداتها لطوموبيل:سيري ابنتي سيري
ملقات متقول دخلات سد وراها الباب وضار عند المدير:هاني جاي دابا هأستاذ
المدير:صافي ادكتور غطلقانا فقاعة الاجتماعات
ضار وركب حتى هو قبل مايديماري جبد واحد العلبة صغيرة تاع الاسعافات تلفت لها شوية شافت فيه ساهية مرفوعة وجها شاحب بالدموع
أنيس:راه عندك الدم فمك
سهام جبدات مراية دغيا شافتها محساتش بيها ضارت عندو شافت فيظيه فهماته قربات شوية وهي مغمضة عينيها بدأ كعمق ليه ديك لقمشة وهي مغمضة عينيها و قريبة ليه بزااف حاول يبعد دغيا ولصق ليها سبرادرا صغيرة وحلات عينيها:شكراا
أنيس:ماشي مشكل
ديمارا وهي غير ساكتة تتهضر غير فاش تتنعت ليه حتى وصلات قبل ماتخرج ضارت عندو بتاسمات:شكراا بزاااف وسمحلياا
أنيس بتاسم شوية:ماشي مشكل ردي لبال لراسك وانشاءالله راه كلشي غادي يتقااد
حركات راسها شوية باه وبتاسمات وخرجات مشات وهي منزلة راسها حزييينة نكدوها عليها فهاد الصباح بقا متبعها حتى مشات غبرات تنهد وزاد
نهار جديد
مكانتش قارية غير متكية وساهية لبارح متنساش ليها مين باحت بمشاكيلها وشنو كضرها فاش سولوها بقات هازة فقلبها وسادة عليها تنهدات وتقلبات على جنبها حتى سمعات الدقان تحل الباب ضارت شافتها جلسات جات سلمات عليها وجلسات
سلمى:كدايرة غبرتي لبارح مشيت عيطت على المدير شداتني مولات العربية خرجت ملقيتكش
سهام:قاليا المدير غير سيري شنو دارو مع ديك لحمارة
سلمى:ضربها بالتزام سولاتني لحارسة قلت لها كلشي وحتى صفاء كانت معاهم قاليها شكديري مع هاد خيتي غنقولها لباك وهي تعاود ليه كلشي اصلا نت عارفك شتتسواي

💉طبيب الحومة💉
❄الجزء8❄
💐منال برنيش💐
سلمى شدات فيها:مديريش فبالك نت حسن منهم ومساهلش يطيحوك فين سهام لكنعرف فين
سهام حطات يدها على راسها:اختي راني غير بنادم راه هادشي لكنحس بيه متبغيهش لعدوك واش عرفتي شنو هي حتى تكبر وواليظيك ديما مدابزين ديما سبان فبعضياتهم ديمااااا وواقفين على الطلاق عرفتي شناهي تولي على طرف كل لسان غادي فالزنقة وكلشي كنعت فيك فالحومة وديك لحمارة علام الله شنو تتقول فيا
عنقاتها وهي تتطبطب ليها على ضهرها وحتى سهام عنقاتها باغية غير على من تحط الراس بعدات عليها شوية وهي تتمسح ليها على وجها:جيتي بوحدك كنت معولة ندير انا وياك واحد لبلان ساعة مكتابش
سهام كتحك عينيها:لا وصلني داك الطبيب
سلمى فتحات عينيها مزيااان سهام شافت فيها وهي تبدأ تضحك:الشووهة ديما محاشمين مع التيتيز
سلمى مزال مصدومة:واش بصح وصلك؟
سهام حركات راسها ورجعات بيها الذاكرة للبارح وعاودات ليها شنو وقع وهي غير تتسمع وتتبلع ريقها
سهام:شفتك غير ساكتة مالك
سلمى حسات على راسها:لا غير على ود خوك كن شافك مكانش غيعجبو الحال
سهام تكات وهي مبتاسمة شوية:تانت مرة وحدة فلحياة زهري زوين واخا هكاك معمرني ركبت مع شي حد فالطوموبيل نهار ركبت ركبت مع تيتيز وطبيب من لفوق
سلمى:ايوا ياختي الله يجيب لينا بحالك
سهام:سميتو أنيس
سلمى وقفات:ايوا ياختي فين ماتجيك البكية تفكري هاد أنيس وفاجي على الهم
سهام:ايوا اختي الله يجيبنا فالصواب
ضحكات ومشات خرجات وهي تكات تتبتاسم وتفكر دغيا نسات شنو فيه هي وتقلبات وقلباتها ابتسامة وتخيلات تفكرات فاش كان كداوي ليها جرحة فمها بتاسمات وتغطات بالمانطة كضحك حشمانة هزات طيلي بعد كثير من البحث والو ملقات لا فايسو لا انستا ديالو زفرات وحطات طيلي مخنزرة وتلوات فالمانطة ونعسات
بعد يومين
سهام:بابا فين هو؟
حليمة شافت فيها وتنهدات:غيكون غير تدها مع الخدمة فطري ابنتي فطري

💉طبيب الحومة💉
❄الجزء9❄
💐منال برنيش💐
حركات راسها باه وكملات فطورها ومها تتمسح ليها على شعرها باستها وناضت تلبس باش تمشي للمدرسة كانت داخلة مع العشرة حليمة بقات جالسة تتفكر وقلبها محروق من جيهة دارها لغتفرتك ومن جيهة ولادها اكترية بنتها لمراهقة مبغاتهاش فهاد السن تعيش المشاكل والصداع مكتقدر تقوليها والو واخا راه عارفة فاش تتسولها على باها كتقوليها فلخدمة اشنو غتقوليها عند لغتولي الضرة تنهدات تتطلب ربي يدير شي تاويل دلخير شافتو خارج تحنا عليها باس ليها راسها
أيمن:دعي معايا أمي
حليمة:الله يسهل عليك اوليدي الله يدير ليك لفيها لخير
جلس حداها كشرب اتاي تحلات الباب ضارو شافو جيهة الدروج غير شافتهم حليمة عينيها خرجوو وقفات وبدأت تتغوت:اويلي اويلي لفين هاجمين وسمحمد واش حماقيتي مدخلها عليا تالهنا
حسنة تطرطق المسكة على صباح كلها مزرزة دهوبات جلابة دلمانطة لاصقة على خيرها والشعر مجموع بقرااسة:اشوووفي هاااا الأخت هادي داري والا دخلت ليها جات معااايا راك نت لآش كديري هنا
حليمة غوتات فيها:دااارك مييين جااااتك اشوووفي نت غنقوول ليييك زوووج كلماااات
محمد غوت فيها:سكتيييينا نتيييي آخر مرة تهزي عليهااا صوتك
أيمن جاي جيهتو وحليمة وهي تاتجرو وهو الجنون بداو تشطحو فوق راسو:طلقي مني الوليدة طلقييي
محمد:اشنو غادي دير غضربني غضرب لكبرك حتى تقاادو كتاافك
أيمن:ابربي كن مكنتي الوليد حتى
حسنة قاطعاتو:اناري على عائلة باك ومتحتارموش وبسيف متجيه الطجة
حليمة خايفة غير على ولدها يمشي يدير شي مصيبة ولات غتتبرد كان جاي طالع تابعهم وتتمنضر بحال عندو النص فيها وقف حدا ختو لواقفة وتتزند فالعوافي بهضرتها
لعربي:الدار زينة اختي بعدا هاد القنت احدا تلفازة ديالي
حسنة:كلشي ديالك اخوياا غير صبر مبقا والو هههههه
خرجات تشوف شنو واقع مع خرجات شافت خوها طلاح على لعربي بدأ كخشي ليه فلكروشيات حسنة بدأت تتغوت وتهضر مع سمحمد باش يفك وحليمة نازلة على ولدها تتجر فيه معرفات مدير نزلات لزنقة تتبكي غير شافتو مشات عندو تتجري

سمحمد💔

💉طبيب الحومة💉
❄الجزء10❄
💐منال برنيش💐
غادية تتجري عندو ضار قفز مين شافها جاية وتتبكي
أمين:سهام مالك شواقع شكون دوا معاك
سهام تتنهج وتتبكي:عتقني هأمين أيمن شاد خو حسنة كضرب فيه غادي يقتلو عفاك طلع فكوو راه غادي طيح الروح
أمين:صافي صافي غير سكتي متخافيش
مشى طيارة وهي تابعاه طلع لقا الروينة تحنا جرو بالجهد ضار عندو كشاكشو خارجين دفعو:طلق منييي هأمين غادي نخسر معاك
حليمة كتغوت:أيمن هالعار اولدي انا مزاوكة فيك راه حنا مقادين على مشاكيل
حسنة:يلبرهووش ممربيش يييخ على طرييكة
أيمن زاد صعر تما غادي جيهتها وهو يوقف ليه سمحمد:تقرب جيهتها انا ساخط عليك دنيا وآخرة
أيمن:واش نت مريييض واش مدخل علينا هاد لمسخة وبغيتينا نبقاو ساكتين
حسنة من ورا سمحمد تتعلا:بزااف عليك يشمكااار
حليمة تتجر فيه وأمين تاهو واقف ليه قدامو وهو كدفع فيه وكسب ويصلصل سمحمد عينيه خرجو شاف ولدو شداير قدامو مهضرش حسنة جارة خوها وتتعاير فيه وخوها تاهو مكالي بيها وتسب فيه دفع أمين على جهدو ودخل الكوزينة ملقا قدامو غير واخد الطاسة مصلحة عامرة هزها ردخها مع الارض حتى تهرسات وتزلعاات وهو وااحد الطرف قدو قداااش مثلج وقاصح وخرج ليه نيشان نزل عليه بيه غير للراس شد فراسو وطاح للارض:اااه يا ميمتي فركع ليا وجهي باش مطيح التيتيز
وتنشر فالأرض كانت الجوقة قدام الباب صدرات سلمى لمفهمات والو لقاتعا كتبكي وقفاتها مخلاتعاش طلع ولكت غير شافت الغوات تزاد خلاتها ودخلات طابعا وهي تحس بشي حد جرها ضارت شافتها وهي تخنزر:طلقي مني المرض
هبة:اجي ابنت القاف مالك دابا حسابلك سالينا من ديك المرة
سهام تنترات منها:طلقي مني آخر مرة تحطي عليا يديك وكيف كليت ليك الوجه المرة الأولى نعاودها ونفوتها لهيه
هبة قجاتها:ضسرتو البرهوشات نسلخك قدام داركم وقدام مك ومكاينش ليفكك
سهام واخا مقجوجة جمعات معاها بواحد التسرفيقة غير طلقاتها طلعات هبة شدات فحنكها وضارت مخرجة عينيها الجنون دابا طلعو معاها تبعاتها وهي طالعة وهي تجرها بواحد الجهد اللور وخوات الطريق شي لخلا سهام تغوت لربي لخلقها

💟حليمة💟(ديديكاس للاولى😂)

💉طبيب الحومة💉
❄الجزء11❄
💐منال برنيش💐
رقية شادة بنتها:والله ابنت الحرام وتعاودي دخلي حتى نقتلك
سلمى:وطلقي أمي راه سهام كاينة تما اويلي
رقية:سهام فدارهم وضبر محاينها نت اشنو ليك فهادشي
سلمى زفرات:يلاه صافي غير طلقي
طلقات منها وهي مخنزرة فيها وضارت تجمع مع الجارة كانو من المتفرجين حدا الباب
رقية:الله يستر وهي محاكماش دارها كن كانت قادة ميدخلش عليها الضرة
جلسات هي والجارة ينممو ويتشفاو ونساو راه الدنيا دوارة ليوم على الناس وغدا عليك سلمى غتانمات الفرصة وتسللات من حداها ودخلات وسط الناس ودفعات الباب ودخلات تسطحات مع هبة غير شافت سهام ضربات وجها وتصدمات غوتات عليها ولكن معامن زادت ممسوقاش
سلمى:اويلي شدرتي المسخوطة
مشات عندها تتنوضها وتتبكي كان الظن خارج ليها من نيفها مسكينة ومغيبة
سلمى:هئ هئ سهام نوضي نوضي اختي وعتقووو الرووووح وعباد الله خااالتي حليييمة أأيمااااان
دخلو الناس لواقفين حدا الباب وحليمة نزلات تتغوت وتبكي وتابعها أيمن وحسنة من وراهم تتحلف عليه بلي غتجيب ليه البوليس سمحمد لمبرااد عاادي هو اللخر بنتو طايحة للأرض وولدو على شوية كان غيطيح روح هادشي جاه عادي زايدها كقول لهم طلعوها لبيتها البنت نيفها سايل بالدم ومغيبة وهو هانياتون و مدخل الذرة على مرتو الرجم حلال فيه
حليمة تتبكي:وبغاو يقتلو ليا بنتي هئ هئ هئ سير الله ياخد فيك الحق دنيا وآخرة هئ
حسنة غوتات:آآآيوااا جمعي فمك الله يحفضو سيدي ويخليه لي
أيمن غوت عليها:وسكتيييييي
تحنا هز ختو بين يديه وخرج الناس تهضر وتنمم والشوووهة جات لومبيلونص حطها فلبياص ودخلوها يلاه غادي يطلع وهما يوقفو عليه صحااب الحال حسنة دارتها بحرفتها عندها المعارف فرمشة عين وقفاتهم عليه

💉طبيب الحومة💉
❄الجزء12❄
💐منال برنيش💐
ايمن كهضر وكجر فيه لبوليسي:أمين بروجولة منوصيكش مي وختي اخويا الله يسر عليك
أمين تطبطب ليه على ضهرو كطمنو بلي ميخااافش طلعوه تنهد وهو كشوف فيه عاد جاي خو حسنة داير الثلج شاف فيه أمين خنزر جمع يدو يمرمقو وهو يدفل عليه
أمين:كمارة كدايرة تفو على فيكتيم ضور ت***
شاف فيه داك خو حسنة ومشى طلع تبع أمين وتفرتكات الجقلة حليمة لاحت عليها جلابة طان غيمشي معاها امين ولكن مخلاتوش قالتلو يلحق على ايمن عيطات لختها لعندها غادية وتعاود وتبكي لداز يشوف فيها علماتها ختها بلي غتجي عندها قطعات وغادية مسكينة تتبكي محيلتها لولدها لمشدود محيلتها لبنتها لمليوحة فسبيطار
وصلات ودخلات تتسنا حتى خرج الطبيب عندها علمها بحالة بنتها بلي ماشي خطيرة من غير أنها تهرسات فرجليها دخلات عندها جالسة تتمسح ليها على راسها وتبكي وتبوس فيها مين تكب عليها هادشي المشاكيل نزلو فدقة حمدات الله وشكراتو على كل حال دخلات ختها لقاتها ساهية غير شافتها ناضت عندها عنقاتها تتبكي وهي تتصبر فيها
فاطمة:شوفي كلشي غيتقااد انا معاك وداك الشماتة والله متبقى فيه
حليمة تتبكي:فنيت معاه شبابي وطعني وغذرني كن غير كنت خاايبة ولا ممزياناش لبغاها كنديرها ليه عمرني خسرت ليه خاطرو هئ هئ هئ
فاطمة تتمسح ليها على ظهرها:هو لكقلب على الجالوق اما نت حسن منو دابا على وجه وليداتك غتكوني مرة وقادة غادي طلقي منو وتعيشي حيااتك ربي غيجازي كل واحد على افعالو
حليمة تتمسح دموعها:عندك الحق أهم حاجة هما ولادي على قبلهم نصبر وندير أي حاجة
عنقاتها تتواسيها بلي كلشي غيكون مزياان من بعد مشاو للكوميسارية عند أيمن لكانت عامرة غطرطق
حسنة:ضرب ليا خويا ومحتارمنيش وانا داخلة غير لداري
سمحمد:ودابا على وجهي
حسنة تطرطق المسكة:ايوا شغنقول عارفني قليبي حنين ونت منقدرش نقول ليك لا يلاه زيد
لكوميسير:مالكم نتوما
خو حسنة:ضربني بمرقة اشاف
الكوميسير مفهم والو:شنو شتتخور باش ضربتيه نت
أيمن:بمرقة جامدة اشاف

حيانا الله حتى شفنا المرقة جامدة ولات جريمة😂😂😂

💉طبيب الحومة💉
❄الجزء13❄
💐منال برنيش💐
لكوميسير تعصب:دابا واش نتوما تضحكو عليا لاااش جايين
خو حسنة:وحكرني وتعدا عليا
أيمن:ونت لهااجم مالك باغي نسلم عليك لهاجم يموت شرع
لكوميسير ضرب فلبيرو:سكاااات عري نت ديك الجبهة
حيد عليها كلينيكس كانت غير صغيرة حيت كان الدم سخون داكشي باش طوش هنا لكوميسير تعصب وجلس يسب فيهم جاينو على والو ومضيعين ليه وقتو كيف قال
لكوميسير:خرجووو تق… علياا
خو حسنة:وشوف اشاف وجهي كداير راه ملخني وكاين الشهود
لكوميسير غوت:غتخرج تنبك عليا ولا غنضرب دينمك نقلبك تحرك عليا من هنا نت وياه
خرجو بزوج هو حسنة كسيرت ولكن جرو أيمن من قبو لصقو مع الحيط يلاه غينزل عليه بكروشي وهو يجرو باه وحسنة جرات خوها
أيمن:ابلاتي عليك اميخي بربي تنحمرها ليك
سمحمد غوت:وكن تحشم راني قدامك وكن مختو كن راك كتبرد
أيمن هنا مصبرش وتفركع عليه:شكون نت كاااع وشكون هي مكنعرفكمش كااع
سمحمد:باغي تدي السخط يااك
أيمن جمع كاع لعندو وتكرع عليه:نت آخر واحد تدوي على الأخلاق شتي إلا كان انني منبقاش نشوفك غنعيش مرتااح فراه هانيا سخطك معندو قيمة بالنسبة ليا حيت فضلتيها علينا وكرفستي الوليدة فراه تا حنا غنديرو بحالك ونتبعو لغيريحنا إلا درقتينا بخيط حنا غندرقوك بحيط والله يعاون
طلع ونزل فيه وضار غير شاف مو تتشوف جيهتو عينيها مدمعين قرب عندها وضور يدو على كتافها وباس لها راسها ومشاو خلاوه مشوكي غير كشوف بينو ليه أنهم راه ممحتاجينوش نهائيا الا تبع راحتو حتى هما دارو شنو يخليهم مرتاحين هي أنهم يضربو عليه
أيمن:كلشي غيتقاد الوليدة كلشي
فاطمة:هنا فين يبانو الرجال حليمة تعذبات عليكم دابا اولدي جا وقتك باش تكون الكتف لتحط عليه راسها

❤أيمن❤

💉طبيب الحومة💉
❄الجزء15❄
💐 منال برنيش💐
حليمة بلعات ريقها وهي تتشوف فيها سهام تنهدات وضارت تتشوف جيهة لباب وساهية حتى نطقات:اصلا ماشي نهاية العالم راه كان معانا فنفس الوقت مكنتش كنحسو كاين بصح تحاجة مغتبدل
شافو فبعضياتهم كاملين فاطمة تطمن حليمة حيت كانو خايفين من ردة فعلها ولكت تصدمو كيفاش جاوباتهم وشنو جا منها بقا غير شي كشوف شي ولكن حمدالله مبكات مغوتات هادشي لمبغاوش
نهار جديد
سلمى:توحشتك على سلامتك احبيبة
سهام:الله يسلمك كدايرة لباس
سلمى:حمدالله
حليمة:سهام انا غنقولها لها قدامك عنداك ابنتي تمشي تقولي لأيمن راه لخانزة دهبة لطيحاتها يمشي يدير شي مصيبة الله يحفض
سلمى شافت فسهام:صافي اخالتي كوني هانية
حليمة:الله يرضي عليك صافي حنا غنبداو صفحة جديدة خلي لخنز انا ظاعياهم لله ولكن حق بنتي مغيضيعش وربي راه شاهد
وخرجات سلمى جلسات حداها تتهضر معاها وتسولها كيف بقات وهي غير تتجاوب بآه ولا لا حتى جات حليمة علماتها بلي شوية غادي تخرج بقاو شجال كهضرو جالسين بزوجات حتى نطقات سهام
سهام:فراسك غنتبظل من المدرسة
سلمى تصدمات:اويلي وعلاش ميمكنش اصحبتي
حليمة:راه غنتحولو عند ختي ساكنة فلمعاريف وغنقيظها فمدرسة مولاي إدريس قريبة لينا (لبنات لعرفو لبلاصة ديديكاس😂)
ضارت عندها عنقاتها وتمالكات دموعها مبغاتش تزيد عليها صديقات الطفولة كانو ديما كطيحو فنفس القسم ولكن دابا بسبب الظروف والمكتاب مغيكملوش
سهام:ماشي غير المدرسة لجامعانا فأي لحظة غنتشاوفو سلمى:متحتاجيش تقوليها نت راك الحب
حليمة:بداي مرة مرة تجي عندها للدار و مرة نخرجو مجموعين انشاء الله
سلمى:انشاء الله اخالتي
بقات معاها شوية من بعد خرجات هي وحليمة توصلها للباب وتشد معاها طاكسي وترجع هي تجيب سهام ويمشيو لدار ختها كانو زوج فرامليا كقادو لها باش تخرج هزها الفرملي بين يديه ولفرملية شادة الكروسة حطها فيها وخرجو وهي تتنهد كيفاش دابا غتعيش هاد الأيام وهي غير جالسة هكا فوق كروسة ثقيلة شوية تتفكر ولفرملية تتهضر وهي مرفوعة حتى جات عينيها فلي خلاها تفيق من سهوتها بظات تترمش باش تشوف واش نيت داكشي لشافو عينيها اه ولا وبصح صدق داكشي لشافت نيت زادت ترفعات مين شافتو جاي جيهتها ووقف وهو مصدوم وهي تترمش فيه عويناتها وتتشوف فيه تهضر مع الفرملية كسولها وتتقول ليه شنو كاين عاد ضار ليها وجلس لقرفصاء نازل لعندها:سهام صافا شوية دابا

💉طبيب الحومة💉
❄الجزء16❄
💐منال برنيش💐
كتشوف فيه ساهية وهي تتحرك راسها باه عاد سرات مع راسها شنو كدير بتاسمات شوية ونطقات:اه شوية حمد الله
أنيس:حمدالله وبداي تردي البال هاد المرة خرجات طريفة
سهام حركات راسها باه:اه حمدالله
بتاسمات قلبها كضرب وشظاتها الخلعة وقف تهضر مع الفرملية وهي كتشوف فيه وساهية والابتسامة على وجها حتى وقفات حليمة
حليمة:سلام وعليكم
أنيس ضار عندها:وعليكم السلام
سهام:ماما هدا الدكتور أنيس
حليمة مخلتهاش تكمل:متشرفين متشرفين اسي طبيب
وسلمات عليه باليد وهي تتبتاسم وحتى هو مبتاسم ليها:على سلامة سهام حمدالله ماشي شي حاجة خطيرة
حليمة تنهدات وهي مبتاسمة:الله يسلمك اولدي
جبد لكارط فيزيت ديالو من الجيب ومدها ليها:هادي كارط فيزيت ديالي الا حتاجيتو اي حاجة أنا موجود مرحبا
حليمة خداتها:ربي خليك اولظي الله يرضي عليك
بتاسمات ودار عند سهام لتتشةف فيه وتبتاسم بحال شي حمقة مين دار شافيها جمعات راسها
انيس:سهام ميكون باس
سهام:شكرا ادكتور متشةف باس
أنيس:يلاه بسلامة تهلاي فراسك
بتاسم لها كثر ومشى يكمل خدمتو مفيقتها غحليمة كانت حالة فمها
حليمة:البنت فين تتعرفي هاد لغزال
سهام:وغير كان جا عندنا للمدرسة
حليمة:ممم مزيان شدي الناس لتتعرف الصواب
دخلات تتكمكم فخاطرها وتتقارنو بسمحمد كتقول صغر منو وكعرف يهضر ومأدب ماشي بحال راجلها كلمة زوج ينوض يهلل هزات الساك وخرجات دافعة بنتها
كان واقف بعيد شافهم خارجين تبقا حاضيهم حتى غبرو تنهد وضار قلب الطريق من صباح وهو واقف تبع حليمة غير باش يشوفها خارجة من شحال هو كبغيها وعارفة ولكن ظايراه مكاينش وكتعامل معاه هادشي لمخليه معذب مبغاش يدير شي حاجة يندم عليها حيت كتبقى هو صاحبو وعزيز عندو بزاااف فمخلي الأيام هي لتحكم بينو وبينها ومعرف كيف يسالي هادشي

💉طبيب الحومة💉
❄الجزء17❄
💐منال برنيش💐
دازو ايام طايرين كانو جايين حليمة وسهام جايباها من لمدرسة الجديدة لتقيدات فيها سهام وقفو قدام الموبل حليمة مشات تجيب ليها رايبي وكيكة خخخ سخفات بالجوع كانت تتسناها حتى شافت واحد السيدة خارجة من الطوموبيل سخفانة تتقلب فالساك جات حليمة مدات ليها رايبي ولكيكة وهي تنعت ليها اصلا المرأة غير قريبة حد اهم فين بلاصات طوموبيل
سهام:ماما شوفي معرفت مال ديك المرأة
حليمة ضارت شافتها سخفانة وتتشةف ليمن وليسار
حليمة:له معرفت مالها مسكينة نمشي نسولها
مشات لعندها وقفات تتهضر معاها وشوية امات جاية عند سهام بزربة
حليمة:سهام اري ابنتي لكيكة تنشري ليك وحدة أخرى يدو مسكينة هبط ليها السكر اري لاتمشي تسخف
داتهم ليها دغيا دخلات فيهم بسيف مسكينة المرض ومايدير(الله يشافي الجميع ياربي)عاظ صحصحات شوية وشدات فيد حليمة
نجاة:الله يرحم ليك الواليدين عتقتيني
حليمة:مكاين مشكل ميكون باس اشريفة
نجاة:متشوفي باس راني غبتلفة نسيت مهزيت معايا والو
حليمة:وتانت كلشي تالف هاد الساعة
نجاة تنهدات:المشاكل مخلات لعقل الحد
حليمة تنهدات كثر منها:الله يصاوب و صافي
نجاة بتاسمات:هادي بنيتك
تمات غادية هي وياها مقربين لسهام:اه هي لشافتك قاتلي معرفت مال ديك السيدة
نجاة بتاسمات لسهام:الله يرضي عليك ابنتي الله يعطيك النجااح وميكون عندك باس
سهام بتاسمات:أمين ياربي
نجاة حلات بزطامها بغات تعطي لسهام ولكن حليمة حبساتها حتى حلفات نجاة تتعطيها خداتها سهام وهي حشمانة
نجاة:راكم عتقتوني تنتسنا غولدي ينزل تعطل عليا
حليمة:يلاه تشربي كأس ديال آتاي علامن ينزل
نجاة:ربي خليك مرة أخرى انشاءالله هاهو جا
شيرااات ليه بيديها وهو جاي سهام بدات تتفرفر فبلاصتها حبساتها البولة
حليمة:غير بلاتي السيدة تمشي مع ولدها نطمنو عليها وهاحنا غنطلعو
نجاة:تعطلتي عليا تكنت غنموت كن ما السيدة وبنتها كن راك تابع لومبيلونص
أنيس كشوف فيها عينيه غير عليها كعما داها فحليمة ولا سمع شقالت مو تلفتات فاش سمعات سميتها غير شافتو تاني ناضت لقلوب يفرفرو من عينيها وقلبها كضرب بالجهد ونسات لبولة لكانت فيها

💉طبيب الحومة💉
❄الجزء18❄
💐منال برنيش💐
سهام بتاسمات:دكتورر
أنيس قرفص باش يتقابل معاها:كبقيتي شوية
سهام حركات راسها باه:اه شوية حمدالله
أنيس:والمدرسة تتمشي ليها أه فاش تتقراي؟
سهام:اه كنمشي انا فلباك
انيس حرك راسو باه وبدأ كسولها نجاة ضارت عند حليمة لعقلات عليه مبتاسمة:كعرفها
حليمة:اه راه مشى عندهم للمدرسة هي نتوما ساكنين هنا
نجاة:لا حنا ساكنين فشارع لقدس ولدي عندو العيادة هنا وحتى دارو هنا ولكن اكثرية كمشي معايا
حليمة مبتاسمة:أيوا مزيان الله يحفضو ويسهل عليه
نجاة:أمين ياربي حتى نت تشوفي بنتك كيف بغيتي انشاءالله ياربي
حليمة تنهدات:أمين حتى هي مكرفسة معايا مسكينة
نجاة:علاش ياك لباس
حليمة:وقصة طويلة هادي ياختي
دغيا بدأت تعاود ليها تفاهمو فخمسة دقايق خخخ أما سهام قربات طلقها فسروالها وهي محاساش كتسمع ليه وهو كطعيها فالنصائح ويخطب عليها وهي فيناهيا الله وأعلم خخ
أنيس:إلا حتاجيتي اي حاجة فلقراية مفهمتيش شي حاجة فلماط ولا svt مرحبا انا راه كاين غير تما
وتنعت ليها وهي كتشكرو حتى وقف وضار عند مو لتتهضر ممسوقاش وسهام غير حيد من حداها مفعول حبة مشى رجعات البولة تتحرقها:ماما
حليمة مضارتش:بلاتي
كانت تتفيبري فبلاصتها حتى تلفت على غفلة لقاها هكاك:مالك
سهام محساتش:بغيت نمشي لطواليط
خرجات عينيها كطلقاتها كحسات بيها شافت فيها وتزنكااات دغيااا ضار شاف فلعمارة ورجع شافيها:هنا ساكنين؟
حركات راسها وهي تشوفو ضار موراها عرفاتو بغا يديها وهي تعلم حليمة لمجاوباتش تتهضر هي ونجاة لعيالات يبدوا ميتقاداوش بقات تنجاة شبعانة دراما
زفرات فاش شافت لاسانسور عامر شافتو جا قدامها وهي كارزة بين رجليها غطلقها فأي لحظة خرجات عينيها فاش شافتو تحنا عندها ودار يدو من مور ضعرها وتحت سيgانها ووقف وهو هازها بين يديه
أنيس كشوف فيها:الطواليط متتسناش
ضحكات بلا ماتحس وحطات يظها على وجها وحتى هو ضحك وتماو طالعين مخايفاش لاطيح ولا شي حاجة عايشة الثقة الكاملة كتشم ريحتو لخلاتها متكرهش تعنقو وتخشا فيه شي حاجة فشكل معرفاتهاش ومفسراتهاش حتى فيقاتها لمتعلم وخرجات عينيها وقالت فخاطرها:ياربي لهلا تحشمنا ياربييي
محدو كزيد وتتحس بلي هادي النهاية والتيتيز غيدي ميعاود والشوهة شوهة تمتمات فخاطرها:ياربيي منبوولش انا مزاوكة فيك مطليش واخر مرة نحبسك عفاااك

😍أنيس😍

💉طبيب الحومة💉
❄الجزء19❄
💐منال برنيش💐
كان لعساس موراه جايب الكروسة وهي كاع الدعاوي دالترجي لحافظة قالتهم وصلو وحطها وصونا وهي تتفيبري بعدا على الأقل مبقاش هازها إلا طلقاتعا فوق الكروسة هانيا تفتحات الباب كانت فاطمة غير شافتو بتاسمات تتعرفو
فاطمة:دخل ادكتور مرحبااا نهار كبير هدا
أنيس دافعها:شكرا الله يبارك فيك
غير دخلو دارت شرع يديها فالروايض مبقاتش تينا تأمل فيه حتى تولي مشرشراها وتولي ضحكة وتحشم ودخلات سدات عليها وقفات برجيلة وحدة نزلات السروال غير طلقاتها وهي تبتاسم الله على راحة كانت تتسمعهم كهضرو فهمات أنه الحاج راجل خالتها كدوز عندو غير سمعات الباب تسد وهي تجيها البكية ضروري تشوفو قبل ماتمشي
سهام:وسربييي تانت
تتهضر مع البولة السيدة فركلات هزات سروالها وخارجة دافعة لكروسة سدات الباب تمات غاظيو برجيلة وخدة لصالون وطلاحت فوف سدراي تطل من السرجم بانت ليها مها تتوادع مع نجاة وطلعات كتحقق فالطوموبيل يمكن سبقها وخرج ولكن بتاسمات فاش شافتو يلاه خارج متردداتش وهي تعيط ليه
سهاام تتشالي وتشير بيديها:دكتوووور وااادكتوووور انييييس
شوهاااتو الشارع كامل سمعها تلفت وهز راسو شافها بتاسم وهي تتشير ليه مين ضار عندو محساتش حتى سيفطات ليه بوسة فالهوا:شكراااا بزاااف
ضار ليها باي باي بيديه وتضحك فنفسو على عفويتها بحال شي بنيتة صغيرة ركب فالطوموبيل وشيرات ليها حتى نجاة وودعاتها ومشاو وبقات هي شحال كطل وتبتاسم وتشوف فالسما ساهية أحسن نهار بالنسبة لها عمرو يتنسا ليها داكشي الافلام تتفكر فاش هازها عمرها كانت توقعها عمرهاا تتفكر مبتاسمة وساهية وناسية كان لواقع ليها مزال الجيست ديالو أنه هزها وطلعها جاها شي حاجة وعجبها بزااااف عجبها الحال عادي وهي مراهقة عاد أنها فاقدة حنان الأب فعاظي تنجادب هكاا لشي حد عاد أنه ضريف ومأدب ويلاه عرفاتو كيفاش تعامل معاها زاخا يكون هو بالنسبة ليه مناوي والو وشي حاجة عادية فالبنسبة لها هي لااا شي حاجة كثر❤

💉طبيب الحومة💉
❄الجزء20❄
💐منال برنيش💐
دازو ساعات
إيمان:هادشي فمصلاحتي ومصلاحتك هأيمن
أيمن:وغير قولي لي راك خلعتيني فاش عيطتي شنو ياك لباس
إيمان حطات يدها على راسها وتنهدات:أيمن انا تخطبت
أيمن جمع ديك الابتسامة لمن وقف معاها وهي على وجهو كيفاش واش مبقاش كسمع مزيان ولا كيفاش متيقش كذب وذنووو ومتيقش حيت ميمكنش هادشي لكسمع
أيمن عقد حواجبو:وصافي بلاما تبقاي دوخي عليا قولي شنو كاين بلا حموضة
إيمان بدأت تتمتم حيت عرفاتو يقدر ياكلها فهاد اللحظة:راه هأيمن هادشي فمصلاحتي ومصلاحتك حتى نت حتى لامتا راه خمس سنين وحنا مجرجرين مبغات حتى حاجة تقاااد ليناا حتى حاجةة صحاباتي كلهم تزوجو إلا انا طنتهرب منهم فكل مرة كسولوني فوقاش غادي توكلو على الله شنو غنقولهم شنو أيمن مزال ملقا هاد الخدمة ماما ديما داخلة عليا بموضوع الزواج ولكن حتى لامتا غنبقا نتهرب لامتا راه عيت هأيمن
أيمن بقا غير كشوف فيها كيفاش سرسبات ليه كلشي ولكن هو واش كره راه شافتو شحال تقاتل وشحااااال كقاسي لدرجة أنه بديبلومو وقاااري ومخلا فاش خدم مع ذلك مزااال متشبت أن ربي غيفاجيها عليه وكقول راه معاه بنت الناس لصابرة معاه وهو غيعوضها على كلشي ولكن هاهي الدنيا تاني جمعااات معاه بدقة قاااسحة دقة للقلب نيشان نطق بكل بروود
أيمن:دابا نت كهموك الناس كثر مني ياك
إيمان:راااه هادشي طول هأيمن رااه
أيمن غوت فيها:واااش انا كرهت واش شفتيني جاااالس منشورر راه النهار كامل وانا تنتقاتل وربي شااهد عليااا راني حتى انا بحالك عيت ومكرهتش تانا لقا شنو بغييييت ولكن هاد لمكتااب ليااا انا ابنت النااااس
أيمان عينيها دمعو:أيمن غير سمعني دابا
أيمن تنفس الصعداء ومسح على شعروو:الله يسهل عليك ابنت الناس
إيمان نطقات بصوت فيها نبرة البكاء:غير سمعني
أيمن ضور ومصبر راسو:إيمان الله يسهل عليك انا فرحااان حيت تعرفت عليييك ومدوزناش قليل ولكن بصح راك غير مكرفسة معايا الله يسهل عليك والله يكمل كلشي بيخير نتمنى تكونيي فرحانة معاه
عينيها دمعو حيت بصح مدوزاتش معاه قليل ودري ضريف ونقيي ولكن دابا جاتها فرصة وكيف قالت وتقال لها حتى لامتى غتبقا معاه ولكن بصح واحد ملقاها كبغاها شاف فيها وتنهد وضار مشى بحالو محدو كبعد عينيه كغرغرو حيت بصح تقهر بزاااف ملقاش شنو بغا وعيا ميتقاتل ولكن تاحاجة متقادات وكاين غير باك صاحبي ولمعاارف وهاهي دابا جاتو دقة صحيحة من عند لمدوزش معاها قليل هاهي دابا عطاتو بالضهر كيف عطاتو الدنيا من زوج جيهات💔

💉طبيب الحومة💉
❄الجزء21❄
💐منال برنيش💐
سهام:و هاظشي لوقع ناري يسااطا تراه احسن نهار هو ليووم هههه عرفتي متصوريش شحال فرحانة هاااح
سلمى بلعات ريقها:مزيان ابب حتى انا فرحت
سهام تكات وتتضحك:ياختي عرفتي باش حسيت زعما يكون مزوج؟
سلمى:لا ممزوجش
سهام:ونت باش عرفتي
سلمى حسات على راسها:ها لا راه باينة اويلي باقي صغير واصلا مدايرش الخاتم شفتو ظام النهار
سهام:اه بصح
سلمى:ونت لاش تتسولي وصلتي لزواج كااع
سهام:اودي غير داوييين مدوزين الوقت وصافي ههه ايوا نت صافا
بقاو كهضرو شحااال من بعد سالاو حطات تيليفون وهي تتفكر فهضرة صاحبتها وهاظشي لوقع تنهدات سهاام صاحبتها وعزيزة عليها ولكن هادشي لوقع دابا من نهار طلاقاو معااه وحتى مع ماماه حطات يدها على وجها وتنهدات معندها مدير تتشوف شنو لجاي وتشوف شغدير
شافت المساج تنهدات ودخلات سمعاتو كان أمين كسول فيها كيف بقات ردات عليه باوديو ديك ساعة شافو وهي خرجات شافتو سيفط لها ميساج ولكن مدخلاتش ليه كنحس أنها تتجاوبو وهي عادفة غير حيت متتبغيش تقمعو عارفاه كبغيها ولكن هي معتابرااه خوها عمرو بسل عليها صرااحة كان عتارف ليها مرة وحدة وكان باغي يتزوج بيها ماشي يبقا يطوطحو فالزناقي كيف قال ولكن هي مبغاتش متتخايلش رةسها معاه حيت مين حلات عينيها وهي تتشوفو يعني بحال خوها تفكرات النمرة لدخلات وبتاسمات ومشات ليها شافت البروفيل ولاحت عليها المناطة نخشات وبقات تتشوف فيه كان لابس لبست الخدمة مبتاسم فالمكتب ديالو بقات شحال تتشوف فيها وهي مبتاسمة تتمايل وقلبها كنبض عتارفات برأسها أنها طاحت فيه صافيي مبقا ميتخبى بينها وبين راسها محساتش حتى نعسات على صورتو تتحلم
عاود دخل شافها اونلاين ولكن مشافتش ميساج ديالو تنهد ودخل لتصاور نيشان واحد التصويرة ديالها محتافظ بيها بقا شحال كشوف فيها ومحسش حتى بتاسم حس على راسو وخشى طيلي فجيبو كبغيها وبزاااف نهار عتارف لها ومبغاتش قاتلو تنعتابرك خويا ومتفهمها حيت كبرات معاه ولكن الحب من طرف واحد صعيييب صعيب بزاااف حط راسو على لحيط كتمنى فخاطرو لت قلبها يشوف لجيهتو ومستاعظ انه يخليها ظيما فرحانة وتكون مرتاحة معاااه ولكن دائما تتكون شي حاحة واقفة فطريق الحب وهاد المرة لكعشقها هي لمخلية حبو ليهل مكاملاش

💉طبيب الحومة💉
❄الجزء22❄
💐منال برنيش💐
داز أسبوع طاير
سهام ضارت شكرات البنت لكانا دافعاها:صافي احبيبة شكرا
البنت:نتسنا معاك إلا بغيتي
سهام:لا لا ماشي مشكل شوية تجي ماما
البنت:صافي يلاه بسلامة متنسايش غدا فرض فالماط انشاءالله
سهام:اه اختي انشاءالله شكرا
مشات لبنت وهي بقات تتسنا ماماها كان حدا الليسي عامر حتى بقا بشوية بشوية تخواا بقات غير بوحدها وطوموبيلات غادين جايين وقليل فين كدوز شي حد نازل من شي عمارة شارع خاوي غير الليسي لمعمرة الدعوة تما بقات تتسنا شوية جبظات كتاب الرياضيات تتراجع وتشوف لمفهماتش تعاودو فالدار بقات حانية راسها حتى حسات بشي حد حداها هزات راسها غير شافتها وهي تخنزر ولكن مكانتش بوحدها مع واحد خينة مشرمل سيفتو تخلع مضروب فوجهو أما هي ضاربة واحد تعكيرة حمرة ومطراسية لحجبان كحلين وطرطق فالمسكة
هبة:هاحنا طلاقينا فين المعوااقة
سهام جمعات لكتاب وضارت يظيها علة الروايد بظات تتحركهم باش تمشي بيها الكروسة غير زادت وهما يدوروها
هبة:بربي مغتمشي تتدي معاك شي حاجة
الشمكار:زين مالو زرباان اححح مقلتيليش شكون هاد لفريزة
هبة:تكيفاش فريزة جمع kرk
الشمكار تبخ الدخان:نت راك الحب
هبة:ايوا ابيبي يلاه تحطيتي باغية دير فيها كاينة
سهام:دابا نت علاااش كتقلبي
هبة دوزات ليها يدها على وجها:غتدي غشي سيكاتريس باش تبقاي تفكريني بيه متخافيش غنصرعو لك
سهام حسات بشي حاجة ماضية دوزاتها على وجها وهي تلوي سمطة الساك على يديها وهزاتو نزلات عليها بييه
داك خونا جمع مع سهام بتصرفيقة ونزل عند صاحبتو لرعفاتها وجلسات للأرض تتغوت سهام حسات بحر تمرميقة ولكن دار يدها فالرواايد وكسيرات غادية وتضور تشوف واش بعدات عليهم
هبة شافت الدم:وkوظاتها بنت لk9بة ليوم نحر دينمك
هزات راسها لقاتها بعداات وهي تغوت على داك خينة ونيفها سايل دم
هبة:وهرباات بنت لخاانزة
ناض داك خينة تابع سهاام هز رجلو ضربها فاللور ظلكروسة بالجهد حتى كسيراات مدفووعة وتتغوت خرجات لوسط الشااانطي وطااحت من فوق الكروسة ضارت شافت طوموبيل جاية مكسيرية غوتاااات لربي لخلقها هادي اللخرة

💉طبيب الحومة💉
❄الجزء23❄
💐منال برنيش💐
مبقات تتحس بوالو مغمضة عينيها وتتغوت يدها كتنزف حيت فاش كانت طايحة جات عليها الكروسة مكربعة فجيهة تتسنا الطوموبيل تبجغها وتفقد الإحساس وتغيب على هاد الدنيا كيف بغاو هما بغاو يقتلوها وقفات طوموبيل غير شبر لبينها وبين سهام لبلخلعة حطات راسها على الأرض وتتلهت الناس وقفو ولكلاكسون بنادم تتفرج على شوية كانت غتوقع كسيدة خااايبة هزات راسها فمول طوموبيل لخرح ولكن عينيها مضببين مكتشوف والو محسات حتى نزل عندها هزها كفيقها شهقااات فاش رجعاات للواقع حيت تخيلات راسها مينة وعلى شوية كانت بصح غتكون ماتت شافت فيه وبداات تتبكي
سهاام:دفعوني هئ هئ هئ هئ هئ بغا يقتلنيي كنت غنموت
شدات ليه فالقاميجة وغطسات راسها فصدرو معرفاتو مين خرج واش قدر ولا صدفة ولكن راه ربي حفضهاا
أنيس شد ليها وجها بيديه:شنو واقع كيف درتي واش داك شي حد قولي ليا راك خرجتي خرجة خايبة فالشانطي
سهام تتبكي:راه دفعني دفعني هئ هئ هئ وهي كانت باغية تخسر ليا وجهييي هئ هئ
مين شاف حالتها هكااك مبغاش يزيد يحكر بزااف زاد قربها ليه وعنقهااا وكسكتها بلي موقع والو وهو معاها وي تتبكي وترعد وترجف والناس تجوقو عليهم شي تحمد الله بلي موقع والو وشي تطلب من أنيس يزيد راه حابس عليهم الطريق
سهام وجها حمر وعويناتها تدمعو:عفااك ديني من هنا
حرك راسو باه وهزها بين يديها وبنظام تبعد ليه من الطريق حتى تفرتكات الجقلة وحيد من تما مشى وقف حدا المدرسة
أنيس:هاكي شربي وتهدني موقع والو
سهام خدات القرعة وشرباات وهي تترجف مزال فيها الشهقة ديال البكى وخاايفة كان كشوف فيها هادي المرة الثانية وهو كشوفها حالتها حالة مختالفة على كغاش تتكون فرحانة وكضحك ولكن مين تتبكي تتبان مقهورة وضعيفة مسحات دموعها وحطات يدها على راسها تنهد وحط يدو على يديها وشد فيها ضارت شافت فيه عويناتها مدمعين كتشوف فيه كيفاش خرج لها دابا مكانتش متوقعة اصلاا اتشوفو وطلاقاه ولكن كيفاش طلاقاتو دابا عجيييب بزاااف على الصدفة
أنيس:قوليلي شنو وقع واش كنت مدابزة مع شي حد؟

💉طبيب الحومة💉
❄الجزء24❄
💐منال برنيش💐
بدأت تتعاود ليه شنو وقع وهو كشوف فيها مدار حتى شي ردة فعل غير ساكت حتى كملات
سهام:وهي سبابي فاش تهرست وفينما نطلاقاها تبغي تدير لي شي لعبة
أنيس:هداك الا شفتيه تعرفيه؟
سهام باستغراب:اه نعرفو علاش؟
محساتش حتى غوتات فاش شافتهم وهي تتنعت ليه
سهام:راهما راهما
أنيس تلفت فين تتنعت ليه حرك راسو شوية باه وطلع حاجب حل الباب وتما خارج وهي تشدو:دكتور عفاك فين غادي
أنيس:هانا جاي متخافيش
سهام:عفاك مدير والو راه غيتجبد لي الصداع
أنيس:غير صبري انا جاي
مخلالهاش فين تهضر خرج وقطع الشانطي وهي حاضياه وتتشوف فيه حتى وصل عندهم كانو بزوج واقفين بثقة فالنفاس وهانية وهما يلاه كانو ايقتلو رووح بقات حاضياهم غير من بعيد حتى شافتو نزل عليه بكروشيا حطات يدها على فمها بقات مصدومة ناااري تلفتات حلات لباب غتخرج وهي تشوف مها كدق فباب الليسي
سهام تتشير ليها:ماااااماااا
حليمة تلفتات ومشات عندها تتجري عنقاتهت:سمحيلي ابنتي تعطلت سمحيلييي
سهام تتنعت ليها:عتقييي اماما راه الطبيب انيس مدابز مع بنت حسنة وصاحبها
حليمة؛اويلي فييين
سهااام تتظفع فيها:ورااهما سربييي إماما سربيي
حليمة مشات تجري عندو تفك الجرة والناس تجامعو عليه هبة عطات رجليها للريح معقلاتش عليه
أنيس شنق عليه:بربييي وتعاااود تقرب ليها نقتل دينمك وقول لديك الخانزة لمعااك غطيح فيدي غندمها
الشمكار مقجوج:وطلق منيي راه هي لمحرشااني عليها
أنيس عطاه كروشي للكرش:باقي يقرب ليها شي مسخ فيييكم حسابو معايا انا
وجمع معاه بتمرميقة والناس تتفك عاد حليمة جاية تتجر فيه
حليمة:ولظي أنيس نعل شيطان نت ماشي ديال هادشي يلاه معايا
أنيس مخنزر فيه:وشوووف فياا مزيان وعقل عليا
حليمة جراتو:صافي اولدي صافي
دفع بنادم وخرج من الجوقة وحليمة معاه تتهضر هو مكسمعهاش همو الوحيد أنه عطا لداك خينة علاش يضور لبسابو علام الله شكان غيوقع لها دخل لطوموبيل وحليمة تبعاتو واخا مفاهمة والو سهام سكتاات بقات غير كضور فعينيها حتى قربو يوصلو وهو يتنهد ونطق
أنيس:سمحيليا الوليدة ساعتو الله و صافي
حليمة:هانيا اولدي مدرتي ليا والو بلعكس راه كاين شي بنادم مكخلي حد
أنيس تنهد:وايااه

💉طبيب الحومة💉
❄الجزء25❄
💐منال برنيش💐
سهام:شكرا بزااف ادكتور وسمحلي
انيس:مكاين حتى مشكل ردي لبال لراسك والا حتاجيتي اي حاجة عيطي ليا
سهام حركات راسها باه:شكرا
حليمة:بسلامة اولظي الله يردي عليك
ودعهم ومشى وهما دخلو بحالهم حليمة مفهمات والو سولاتها ولكن سهام مهضرات حتى دخلو للدار
سهام:واحد خينا تبسل عليا وهو ضربو
حليمة:متأكدة؟
سهام بلعات ريقها:و صافي إماما راه لكاين قلناه لك
حليمة:عجب ايوا الله يجعلنا نتيقو اختي
سهام:دابا ماما شبغيتي تقولي
حليمة:إياه يستاهل داك ولد لحرام ولكن داك الضرب لعطاه ماشي عادي ديال شب حاجة كبر ياكما قاسك؟
سهام:ماما واش كن قاصني غنسكت لييه واااه
حليمة:صافي صافي ايوا ابنتي حمدالله لقينا بعدا الطبيب مسيفطو لينا ربي كيف الرحمة الله يحفضو نوض نعمر كأس دآتاي شوية خالتك ولحاج غيجيو
ناضت حليمة وهي بقات جالسة تتفكر أ فبالها فاش كان شاد خينة ناري وفاش رجع معصب لشافو عادي يقول هدا كيليميني ولكن طلع حرااااش نيت كيفاش قلب داك خينة مولف يعطي الدق لبنادم تعجبات فيه ولكن واحد آخر فاش تتعامل معاها هي بتاسمات لا شعوريا وهي تتفكر وفاش تطيح فشي مشكل مؤخرا ططلقاه حداها مكتعرفو مين كخرج ليوووم مزال كلمة انا معاك متخافيش فبالها شي لحسات بيه زاد شي حاجة كبيرة فقلبها من جيهتوو وهاظشي نابع من أنها لقااتو فجنبها فلوقت لكتعيش دابا المشاكل والصراعات وعاد مراهقة أبسط حاجة نابعة من شي شخص كخليها تعلق بيه هادشي لفيه هي دابا هزات طيلي ديالها ودخلات لصورتوو وبقات تتشوف وساهية متكرهش يكون ديما معااها ديما طلقاه حداها فاش عنقاتو تتبكي متكرهش مطلقش منووو تتبغيه يبقا معاها واخا ماشي بزاف باش دخل لحياتها ماشي بزاف دلمواقف جمعوها بيه ولكن حيت تطلقاه معاها ولا شي حاجة بزاف بالنسبة ليها
غادي سايك ومكوقغش نسى كاع شنو كان عندو ولوقع خربق ليه كلشي غادي وهي فبالو دموعها ابتسامتها كلشي فبالو عليها مكعرفش كيفاش حتى تتبان ليه ولكن راه دابا بالنسبة ليه إنسان ماشي عادي حيت فوقما كطلاقاها كلقاها فمشكل غير تجي هو تتحل كلشي كحش أنه مرسل ليها باش يعاونها ويساعدها عاد ليوم كثر هو من طبايعو وبشهادة لكعرفوه أنه هادئ وكالم وقليل فاش كنفاعل وماشي عصبي ولكن قبيلة كيف كان شاف راسو واحد آخر خصوصا فاش تتفكر كيفاش جات طايحة قدام الطوموبيل كان غيظهسها وداك خينة سبابها راه بزاااف واخا فرشخو مبردش تنهد ووقف مرجع راسو اللور مسح على ذقنو شاف الزاجة طوموبيل تفكر اول مرة يشوفها كانت نيت مدابزة وطالعة فوق الزاجة منيشة عليه بسااك تبسم شوية من بعد بدا كضحك وتقلب تتفكر ويضحك غير بوحدو

Leave a comment