Skip links

قصة : زوجوني منقبة ج2 والاخير

 10,881 عدد مشاهداات

🌸زوجوني منقبة🌸
🌼بقلم: Aicha _mos 🌼
🌸البارت 26🌸

بقاو على داك الحال هوا فايق مي ساد عينيه وهي تتقرا القرآن وتتغدي روحها❤….وصلات ديك 8 وناض سيف من بلاصتو ودخل للدوش بلا ميشوف جيهتها…دخل دار روتينو وخرج لقاها خرجات من البيت بدل حوايجو ولبس كوستار بالأزرق الغامق مع قميجة فالكحل وصباط فالقهوي الغامق…حال صطافي القميجة الاولين ودار ساعتو الروليكس الأنيقة ومشط شعرو ودار الجبيرة الطبية لايدو المهرسة…..سمع الدقان فالباب دالجناح….وخرج لقاها واقفة حدا البالكو وتتطل مور الستار…تسناها حتا دخلات للبيت ومشى هوا حل الباب…كانو الموظفين د الفندق جايبين الفطور…دخلو وحطوه وخرجو…..بقا جالس تيشوف فالتيلي ديالو كانو حاطين تصويرتو مع صفاء بكسوة عرسها ونقابها

….وخبر زواجو بمنقبة….خبر دار ضجة واغلب التعاليق وتغريدات على شنو الي خلاها تقبل بييه هوا الي لا علاقة ليه بالدين وفضايحو سابقينو💔…..طفى التيلي ولاحو فوق الفوتوي معصب….هز ايدو تيماصي جبهتو وساد عينيه وكيفكر فمصير هاد العلاقة !؟…….خرجات من لبيت لابسة كسيوة طويلة فالابيض فيها وريدات بالشيبي…مع شاال فالشيبي وبالغينة فالبيض واكيد نقابها الابيض شاداه فايديها هوا وقفازاتها…..تتمشى وحشمانة مشافت فيه مقلقة من تصرفو لبارح….

جلسات قدامو وسماة الله وبدات تتفطر غير بشوية…حل عينيه شافيها وتنهد بصوت شبه مسموع وكب لراسو القهوة كيرتاشف منها وعينيه عليها…وهي مكايناش هنا ساهية وتتفطر وممسوقاش ليه….كملات فطورها وناض هوا صونا على سامية وقالها بلي غيجيو للفيلا وبلي تسيفط الشيفور….قطع معاها وخرج للبالكو باغي يكمي كارو مي مهازوش معاه…..أما هي دخلات جمعات البيت وخا عارفة ماشي خدمتها مي مبغاتش تخليها مرونة….لبسات نقابها وجمعات فاليزتها وخرجاتها وحتا فاليزة سيف وجلسات فوق الفوتوي تتسنى….شافت فيه لقاتو عاطيها بالظهر وواقف فالبالكو…..تشجعات وناضت عندو وهي حشمانة….وقفات حداه وعينيها فالأرض….شاف فيها وعاود رجع شاف قدامو….

صفاء تتهضر بصوت خفيف : ممكن نسولك؟
سيف مشافش فيها ونطق بصوت هادئ : وي
صفاء تتلعب بقفازاتها بتوتر : علاش وافقتي على هاد الزواج ؟
سيف سد عينيه وعاود حلهم :ونتي علاش وافقتي !!
صفاء شافت فيه وعاودات حدرات راسها : أمم حيت بغيت نعاونك (سكتات)

سيف زير على ايدو وبلا ميشوف فيها جاوبها بتسائل : فاش !؟
صفاء مخلوعة من ردة فعلو مي بغات تصارحو ويقدر كاع يبغي يعاونها على نفسو تشجعات وكملات كلامها : فأنك ترجع للطريق وتبعد على شهوات الدنيا وتوب
سيف شاف فيها بعينيه الي كيخرج منهم الشرار زادت عصباتو بصراحتها قرب منها وزير ليها على مرفقها حتا شافت فيه وتلاقات عينيهم…كيهضر من تحت سنانو : وششكووون قاااللك بليي بااغي مننك مساااعدة ااه نسيييت بااغة تتباااني نتتيي ملااك قداامهم وااناا الليي خاايب وخااصوو الي يششدد بيديه 😡
….

🌸زوجوني منقبة🌸
🌼بقلم: Aicha _mos 🌼
🌸البارت 27🌸

صفاء دمعو عينيها من شدة ماهوا مزير على مرفقها وخلعها بنظراتو تتهضر وتترعد : و..لكن ن..تا غاد..ي فال..حرام😢 خ…خليني نعا..ونك
سيف زاد زير عليها : وانااا شكيييت علييييك ياااك اناا اليي غنتحاااسب ماااشيي نتيي دخليي سوووق جواااك😤ووو فففرررقييني علييييييك(طلقها وتم داخل معصب وكيسوط غاا راسو)

صفاء شدات مرفقها الي تيضرها مي أكتر حاجة مقسحاها هي هضرتو 💔….علاش مبغاش علاش رفض يدها الي تمدات ليه….ياك عارف بلي الي تيدير فيه غلاط وكبير عاد علاش ميخليهاش تعاونو !!….مسحات دموعها الي طاحو على خدودها من تحت النقاب بايدها الي تترعد….خلعها بصوتو ونظراتو معرفات باش غتجاوب وشنو غتقوليه💔….

صونا ليه التيلي وشاف شكون لقاه الشيفور…عيط على موظفين الفندق هبطو لي فاليز وخرجو حتا هوما ركبو فالمصعد….وهوا غير كيسوط شاف فيها بنص عين لقاها شادة مرفقها…معرفش علاش تزير عليه قلبو لهاد الدرجة زير عليها واش وعتها !؟…..زفر بعصبية حتى قفزها وبعدات منو وهوا شاف حركتها وكتم غيضو ….تحل المصعد وخرجو لقاو الشيفور واقف بابتسامة كيتسناهم بلباسو الرسمي حل ليهم الباب وطلع وشي مكيشوف فشي….صفاء قالبة وجهها لشرجم وباقة شادة مرفقها….اما سيف فسد عينيه وتكا راسو….طلع الشيفور بعدما حط ليفاليز فالكوفر وكسيرا فاتجاه الفيلا……

كانو واقفين كيتسناوهم بقفاطنهم…وبصينية الحليب والتمر وفرحانين…..سامية لابسة قفطانها الي فالبلو سيال وطالقة شعرها مكيب خفيييف وعطرها الجذاب وطالون فالبيض جات تتحمق….حداها جاسم بجلابة متقونة وراقية فالكحل والسفيفة بالباج وشربيلو…مع خولة والخدامات…..وقفات اللوطو وهبطو منها…سلم معاهم سيف وطلق غوباشتو…جات عندهم صفاء حشمانة مبغاتش تبين ليهم بلي مقلقة….سلمو عليهم وشربوهم لحليب ووكلوهم التمر وصلاو على النبي ودخلو للداخل…..اصلا تعجبو حيت جاو بكري !!

جلسو فالصالة تيهضرو…والطلبة مزينة بالفطور🌸….عتاذر سيف وطلع لبيتو باغي غير يحط راسو تنادم معاه لحال على تصرفو معاها هي الي صارحاتو وبغات تعاونو بصدق….تنهد بحزن وبدل حوايجو وتلاح نعس كيحس براسو غيطرطق عليه من قوة مكيفكر…..طلعات صفاء حتا هي تحت اصرار سامية اما هي مبغات كاع تمشي عندو😂…. …مقلقة وكيخلعها اصلا مي باقي قلبها كيقوليها بلي غيتبدل وهوا ماشي هكا هوا الشخص الي بتاسم ليها هوا الشخص الي نبض قلبها ليه 💖…..طلعات لفوق وحلات لباب غير بشوية…لقاتو ناعس دخلات بالخف وسدات الباب لقات الخدامات قادو حوايجها فبلاصتهم….خدات منهم فراشة فالبيض والذهبي وشال وشربيل بالصم البلدي ونقابها اكيد حيت ولاو عماتو كاينين لتحت….بدلات حوايجها فالحمام وخرجات….جلسات فوق الاريكة تتستغفر مولاها وتسبح بينما وصلو عائلتها جايبين لفطور للالة لعروسة❤💃…….

🌸زوجوني منقبة🌸
🌼بقلم: Aicha _mos 🌼
🌸البارت 28🌸

. ..بقات هكاك حتا طلعات عندها خولة وهبطاتها معاها دخلاتها للصالة الي لداخل حيت الي فبرا داخلين ليها الرجال……لقات مها وحسناء وجداها وعمتها ببناتها بجوج…سلمات عليهم وهي حشمانة😳😍….وجلسات حدا مها تتهضر معاها حتا دخلو عائلة سيف حتا هوما وجلسو تيهضرو وعينيهم على جميلة الجميلات….تغداو عندهم وكلا مشا لدارو…. طلعات سامية بدلات داك القفطان وهبطات تاني للصالة وجلسات مع صفاء تتهضر معاها……تعاود ليها على حياتها قبل الزواج وبعدو وكيفاش كان سيف ملي كان صغير وعلى عائلتهم وتفكرها بالاشخاص الي جاو المهم بقات شادة معاها لحتيت…عجباتها حيت تتسمع ليها بكل هدوء وتركيز ومرة مرة تضحك ولا تهضر حتى هي…حتا هبط سيف شعرو مخربق وباين فيه كان ناعس….دخل للكوزينة شرب الما ودخل جلس معاهم فالصالة…تكا على السداري ودار ايدو تحت راسو وكيشوف فالتلفازة …مشافش فيهم كاع….

سامية تتشوف فيه : فين غتدوزو شهر العسل !؟
سيف شاف فيها وعاود رجع نظراتو لتلفازة وجاوبها بصوتو الرجولي والباح : مكاينش شهر العسل….الخدمة كثيرة فالشركة ومنقدرش نسافر
سامية هزات حاجبها : اوا لاواه راك عريس زعما سيرو سافرو وعيشو حياتكم
سيف عقد حواجبو : انا ممسافرش وممساليش لدوران ….لبغات هي تمشي 😒
سامية : نعل شيطان كالاه تسافر بوحدها ونتا اش تكون !؟ راك راجلها زعما وباقين عرسان وخاصكم تمشيو فشهر العسل باش تزيدو تعرفو على بعضياتكم
سيف ناض جلس عصباتو : وانا قلت هاد شهر العسل هوا الي مغاديش ليه وسالينا الخدمة فوق راسي
سامية تنهدات : الله يهدييييك اولد كرشي اش نقولك 😑

صفاء طول الحوار هي حانية راسها وتتلعب بطراف شالها…..حشمانة مبغاتش تدخل بيناتهم تاهيا نيت مبغاتش شهر العسل كيبان ليها غير ضياع الوقت والفلوس…….دخل عندهم جاسم وجلس حدا سامية وبقا يهضر معاها ومرة مرة يوجه لكلام لصفاء باش تولف. .أما سيف كاع ممسوق لكلامهم ولا وجودهم كيخربق فتيليفونو..مبغاش يهز راسو يشوفها عارف غادي يضعاف تاني قدامها…اصلا هي الي تتحدهم ليه غير بنظراتها……..حطولهم لعشا وتعشاو وتجمعات الطبلة وبقاو جالسين تاني مجمعين وهاد المرة حتا صفاء تتشاركهم الحوار…..

جاسم : بنتي صفاء لبغيتي تصلي راه كاين مسجد صغير هنا فالفيلا…تنصلي فيه مرة مرة
صفاء بتاسمات : وخا إن شاء الله☺
جاسم : إن شاء الله (شاف فساعتو) يالله انا غادي ننعس تصبحو على خير
سامية / سيف : وأنت من اهلو
صفاء : تصبح على خير😊

ناض جاسم وتبعاتو سامية وطلعو ينعسو بقات صفاء مع سيف تما…وهي مضاربة مع افكارها تنوض تسبقو ولا تخليه حتا ينوض هوا😂…..تشجعات وناضت شاف فيها بنص عين ورجع نظراتو لتيلي….دازت من قدامو ومشات تشوف هاد المسجد الي قالها جاسم….مولفة تتصلي فييتها هي وسيف مي هنا حسن🌸….كان بيت بلا باب فالباج والابيض…وفيه ايات قرآنية معلقة فالحيط وجوج سجادات مفرشين فاتجاه القلبة وعاد ركن مخصص للقرآن الكريم…..بتاسمات حتا بانت ضرسة عقلها….عجبها وكيبعث فالروح واحد الطمأنينة والسكون زوينة بزاف…..

دخلات حيدات شربيلها وجلسات تتقرا القرآن بتجويد وخشوع…بصوتها الانثوي الحنين والعذب….صوتها ملئ الفيلا ونشر السلام والراحة….صوتها وصل لسيف الي حط التيلي وسد عينيه كيسمع ليها صوتها نزل عليه بحال الرحمة….بغا غير يبقى يسمع صوتها….كيسمع وكيتمعن فالآيات القرآنية….شعور جديد نبت فقلبو…بحالا الله كيخاطبو من خلال آيات كتابو الحكيم🌸…..غصة فقلبو ورغبة فالبكاء داخلو……حل عينيه الي كيلمعو بسبب الدموع الي فطرفهم 💔…..كانت كملات التجويد….بقا جالس بلا حراك وصوتها تيتعاود على مسامعو…..بعد مدة طلع لبيتو وحاس بالخنقة وبتأنيب الضمير على حياتو الي فناها فالمعاصي وفتتبع شهواتو….

دخل للبيت لقاها تخشات فبلاصتها ونعسات تتبان بحال شي ملاك….قرب لناموسية وجلس قرفصاء قدامها…وبقا كيشوف فيها شحال كيوت وزوينة….شد خصلة من شعرها العسلي والحريري وشمها….ساد عينيه وكيستنشق عبيرها…دوز ايدو على خدها الوردي والرطب وبتاسم بلا هواه😍……تنهد بحزن هوا ميلقيش ليها وهي متلقيش ليه !!…..باغي يتبدل وباغي يليق ليها ويكون الشخص الي تتمنى يكون معاها فحياتها…ولكن شي حاجة تتمنعو واش كلامها مع باه…ولكن هوما بغاو مصلاحتو…وعلاش ميصارحوهش بلي باغينو يكون عليه….اوا هي رآه صارحاتو وشنو دار ؟ غوت عليها وجرحها !!….يعني هوا الي مباغيش التغيير😣…..بقا مضارب غير مع راسو…الملاك يقوليه تبدل وشيطانو تيقول لا ويمنعو……ناض من حداها ومشى للأريكة وتكى فيها وبقى كيفكر حتى داتو عينو 😴……

🌸زوجوني منقبة🌸
🌼بقلم: Aicha _mos 🌼
🌸البارت 29🌸

داز أسبوع على هاد الحال !!…هوا ديما معطل فالخدمة وفالصباح مكيهضرش معاها ولا هي تتهضر معاه…تتبغي مي خايفة منو…تتدعي ليه بالهداية فكل صلاة…حتى أنها ولات تتدير قيام الليل وتدعي لربها معاه…معمرها فقدات تقتها فالله بالعكس هي متيقنة بلي الفرج جاي من عندو واكيد مغيخيبهاش 😍….علاقتها مع سامية زادت قوات وحتى انها ولات تتهضر معاها فالدين وتتعلمها شحال من حاجة…تتصلي مع جاسم فالمسجد الصغير حتى حسات سامية بتأنيب الضمير وولات تصلي معاهم ديما وولات مواضبة على الصلاة شي لي عجب جاسم وزاد اعجابو لصفاء الي قدرات تغير سامية وكيتمنى انها تقدر تغير حتى سيف…. سامية باقي مقتانعات بالحجاب…..

فاقت ليوم كيف عادتها لبسات بيجامة طويلة فالكرونة فيها وريدات فالكحل والبيض مع سندالتها البيضة وشالها الأبيض…كانت ديك الساعة 7 دالصباح هبطات لقاتهم وجدو لفطور مرة مرة تتعاونهم فالطياب وخا متتخليهاش سامية مي تتصر عليها حتى تتوافق….حطات معاهم لفطور وهبطات سامية بجلابتها الانيقة فالشيبي مطروزة طرز فاسي خفيف بالأزرق الغامق من جيهة كتف الليمن مع طالون عالي فالبيض زوين وصاك صغير وكيوت فالابيض….ميكاب خفيف وريحتها الراقية….موراها جاسم وسيف بلباسهم الرسمي المعتاد والي كيزيدهم وسامة هيبة وأناقة😍…

جلسو تيفطرو ومكيهضر حد..السكاااات…صفاء مرة مرة تطلع عينها فسيف غير بالتخبية😂…بحالا تتشفر بغاتو يدوي معاها شحال مبقات سمعات صوتو…قريب ليها مي تتحس بيه بعيد توحشاتو وخا ديما قدام عينيها💔….يمكن تتبغيه ويمكن غير إعجاب معارفاش…..سالاو فطورهم وخرج جاسم وسامية غيوصلها لعند الطبيب…تدير فحوصاتها الشهرية كيف ديما عاد يمشي للشركة…اما سيف فطلع لبيتو يجيب التيلي ديالو نساه…..صفاء جمعات مع الخدامات الطبلة وطلعات عندو بغات تهضر معاه وتاخد اذنو فواحد الموضوع💕…..

حلات الباب ولقاتو كيشوف فالتيلي وعاطيها بالضهر….تتلعب بايديها بتوتر تشجعات وهضرات بخجل وبصوت خفيف…
صفاء : امم بغيت نهضر معاك😳
سيف ضار عندها مكيشوفش فيها وجاوبها بصوت هادئ : وي
صفاء شوية تبكي لهاد الدرجة توحشات صوتو!؟💔 : بغيت نمشي للجامع فين تنعطي الدروس للنساء
سيف هز عينيه وشاف فيها مستغرب علاش سولاتو تقدر تمشي شكون حبسها : علاش تتاخدي الإذن سيري !!
صفاء مقاداش تهز عينيها فيه : امم ولكن ايلا خرجت بلا منقولها ليك وتوافق غيبقاو ينعلو فيا الملائكة حتا نرجع 😟
سيف : شنوو !؟😮
صفاء حادرة راسها وتتهضر : هادشي قالو الرسول صلى الله عليه وسلم
سيف : عليه الصلاة والسلام
صفاء : فحديث ابن عباس أن مرأة أتت النبي صلى الله عليه وسلم وسئلته : يا رسول الله ما حق الزوج على الزوجة ؟ فقال : حق الزوج ألا تخرج من بيتها إلا بإذنه فإن فعلت لعنتها ملائكة السماء وملائكة الرحمة وملائكة العذاب حتى ترجع (شافت فيه)
سيف كيسمع ليها ويتعجب مكانش عارف هادشي وعاد سامية تتخرج وقتما بغات وبلا متقولها لجاسم تنهد بشوية وجاوبها : امم سيري
صفاء بتاسمات : وخا..شكرا☺
سيف عبجاتو ابتسامتها وخدودها الي حمرين والمنفوخين مد ايدو لخدها وقرصها منو بطلف وبتاسم ابتسامة صغيرة ونطق بحنان : العفو😊 (تخطاها وخرج كيبتاسم)
صفاء بقات مصدووومة😂 تاني حطات ايدها على حنكها خجلانة وضحكات ضحكة صغيرة وقلبهاا تيضرب بسرعة💓 :😳😳

🌸زوجوني منقبة🌸
🌼بقلم: Aicha _mos 🌼
🌸البارت 30🌸

هابط فالدروج والابتسامة مفارقاتش شفايفو…الأسبوع كامل وهوا تيتعطل بلعاني فالخدمة مباغيش يتلاقا بيها وخا كيشوفها فالصباح مي مكيعرف اش يقول ليها ولا عارف مالو معاها اصلا….كل ليلة ملي تيجي تيلقاها فالبيت تتقرى القرآن وتجودو ويوقف برا الباب وكيسمع ليها وولا عندو بحال الروتين ديما تيجي ويسمع صوتها وهي تتنطق بكلمات من القرآن…تيحس بالراحة والطمأنينة…

تيبقى واقف حتا كيحس بيها نعسات عاد يدخل يبقى يتأملها وكيبقى يسول راسو علاش ميكونش الشخص الي يستحقها !! علاش ميعتارفش ليها بلي تيبغيها ؟…مدة قصيرة فاش عرفها مي بغاها والحب معندو لا وقت لا مكان المهم تتطيح فالحب 💓…..بدأت تتبدلو بلا ميحس من نهار خطبها وهوا عمرو مشى لشي بار ولا حط ففمو كارو ولا شراب…معرفش علاش مي مكيقدرش !!……خرج ولقا الشيفور كيتسناه حل ليه اللوطو وطلع كسيرا للشركة…..

أما صفصف فبقات فالبيت وكتضحك بحال شي حمقة😂 لمس منو خلاتها تطير فالسما…تتبغيه أكيد عمرها عرفات شنو وكيفاش كيكون الحب مي كتسمع بيه وتتقرا عليه فالروايات….هي متأكدة بلي تتبغيه…ولكن واش حتا هوا تيبغيها !!….بعد مدة هبطات للكوزينة عاوناتهم فالغدا وجلسات تتهضر معاهم ….حتا وصلات وقيتة لغدا وتغدات وطلعات لبيتها بدلات حوايجها ولبسات نقابها وهزات صاكها وهبطات لقات سامية داخلة….

سامية : السلام عليكم💕
صفاء هزات نقابها : وعليكم السلام🌸
سامية : خارجة ؟
صفاء : اه غادة للجامع فين تنعطي الدروس
سامية بتاسمات : اه وخا غتمشي بوحدك فين سيف ؟
صفاء : اه غنمشي فطاكسي
سامية : تسنايني هنا غنطلع نجيب شي حاجة ونوصلك فطريقي عند صاحبتي
صفاء حشمات : بلا منعدبك 😳
سامية : ههه دويت معاك 😌
صفاء : واخا☺

طلعات سامية جابت شنو بغات وجابت معاها ساروت السيارة ديالها وهبطات…وخرجو بجوجات ركبو فاللوطو من نوع كاط كاط فالابيض😍….كسيرات وعطاتها صفاء العنوان وبقاو كيهضرو ويضحكو حتا وصلاتها سلمات عليها ومشات….أما صفاء فدخلات لجامع ولقات لعيالات مجموعين تتحفضهم مرأة منقبة حتى هي القرآن….لقات عليهم السلام وطلعات نقابها وسلمات عليهم وجلسات حداهم…تجمعو عليها وبقاو كيسولو على احوالها وكيف عاملة مع الزواج وشحال توحشوها…وهي تتجاوبهم بأدب وصواب وخجل…..كملات معاهم المرأة الأخرى فتعليمهم وصفاء بدات تتوجد فدرسها الي غتعطيهم ليوم…..حتا سالات الأخرى من تعليمهن وناضت صفاء جلسات بلاصتها وبدات فدرسها الي كان على الحجاب وحكمو
وهوما كيتصنتو ليها بكل تركيز🌸…..

راجعة للفيلا بعدما مشات عند صاحبتها مي ملقاتهاش…تفكرات بلي صفاء باقة بالجامع وقالت تدوز عندها باش يرجعو بجوجات….وصلات لقدام الجامع وهزات زيف فالبيض كان عندها فاللوطو هبطات لمراية وقاداتو جاها كيووت😍…زادها جمال ووقار…هبطات وسدات اللوطو بالساروت وتمشات جيهة مسجد النساء حيدات طالونها وحطاتو جنب ودخلات….لقات صفاء جالسة قدام لعيالات وتتهضر معاهم مشات قربات حداهم وجلسات بينما سالات صفاء…

وبلا متحس لقات راسها تتسمع لصفاء وكلامها حول الحجاب بالدلائل القرآنية….عرفات خطئها وبلي خاصها تلبس الحجاب وهوا فرض على كل مسلمة…ناضت من حداهم وخرجات تتحس بالندم علاش ملبساتوش من شحال ؟ اش عاجبها فطليق الشعر واش حيت تتبان بيه زوينة وصغيرة !؟…ركبات سيارتها وكسيرات للفيلا…طوال الطريق وهي تتفكر فكلام صفاء حول الحجاب💔….
” الحجاب حياء فالدنيا وجزاء فالاخرة ”

🌸زوجوني منقبة🌸
🌼بقلم: Aicha _mos 🌼
🌸البارت 31🌸

سالى الدرس وخرجو لعيالات وبقات صفاء مع المرأة الي كانت كبيرة عليها…تتهضر معاها وتستاشرها فعدة أمور من بينها حالة سيف مي بلا متقولها علاقتها بيه ولا حتى الاسم….حتى قالت ليها شنو بغات تسمع وتسافدات عاد ودعاتها وخرجات…..لبسات صباطها وهزات صاكها وردات النقاب على وجهها عاد خرجات…تتمشى حانية راسها كان ديك الساعة قريب يؤذن العصر وكان حدا الجامع فيه الرجال…تمشات بخطوات شبه مسرعة وراسها للأرض مكتشوف فحد وحتا الرجال عاطينها احترامها ومكاينش الي هز فيها الرأس….

بعدات شوية من الجامع وهزات راسها لقات سيف متكي على اللوطو ومكروازي رجليه وكيشوف فيها قالت ليه سامية يدوز عند صفاء يجيبها معاه….بتاسمات بدون شعور ومشات عندو لقات عليه السلام ورد عليها بابتسامة وحل ليها الباب وركبات وركب هوا الآخر……ديمارا الشيفور السيارة وتاجه للفيلا….الصمت داخل اللوطو مكيهدر حد مي نظراتهم تتقول كل الكلام💓🌸…..نظرات خجولة محبة😳 ونظرات عاشق مغروم😍…..

وصلو للفيلا وهبطو بجوج…دخلو للداخل ولقاو سامية جالسة فالصالة تتقلب فالتيلي ديالها…سلمو عليها وطلع سيف للفوق وصفاء بقات جالسة مع سامية شوية عاد طلعات لفوق لقاتو فالحمام كيدوش…بدلات حوايجها ولبسات كيف ديما ملابس محتشمة احتراما لجاسم وهبطات للتحت….لقات لخدامة حطات كسكروط بالصالة….جلسات وهي تتشوف فسامية ساهية فالتيلي ومهمومة….

صفاء : خالتي واش نتي بيخير !؟
سامية شافت فيها وبتاسمات بحزن : درت ذنوب كثيرة اصفاء
صفاء : والله غفور رحيم😊
سامية حطات التيلي : أمم قررت ندير الحجاب
صفاء بفرح : بصح 😍😲
سامية : اه كنت غالطة وبزاف الحجاب سترة والعمر كيجري وجا لوقت لتوبة
صفاء : الحمد لله والله يتقبل توبتك ☺
سامية بتاسمات : اميين

دخل سيف لابس حوايج الدار وشعرو هابط على وجهو😍….جلس وبداو كياكلو وسامية تتسول صفاء على شي حوايج فالدين مكانتش عارفاهم وهي تتجاوب بكل سعادة…سيف هوا الآخر تيسمع وخا داير راسو ممسوقش ليهم وعينيه فالتلفازة…..كيعحبو غير يبقا يسمع صوتها الحنين🌸…..وعاد كيستافذ شحال من حاجة مكانش عارفها على دين وبلا ميحس كيبغي يسمع مزال……..كملو وجمعات صفاء الطبلة مع الخدامات ومشات هي وسامية يصليو العصر فالمسجد الي فالفيلا…

مخلين سيف بوحدو وفداخلو صوت تيقوليه علاش نتا جالس واش مسمعتيش الله تيناديك !؟ نوض صلي نوض 💓…..طلع لبيتو ودخل توضى وخرج قاد السجادة لموضع القلبة كيف كيشوف صفاء فين تتديرها ملي تتنوض تدير قيام الليل…..أقام الصلاة وبدأ فصلاتو…كيقرا غير السور الصغيرة…وبشوية بشوية كيحس براسو فسكينة ورااااحة عجيبة وهوا بين يدي الرحمان….سجد ووخا ايدو مهرسة كاع محس بالالم…طول فالسجود وطلب الله أنه يهديه ويغلبو على نفسو…..كمل صلاتو وبقا جالس فوق السجادة ساد عينيه وهوا كيحس بلي مبقا عندو ولا هم ولا حزن جميع الطاقة السلبية الي فذاتو مشات وختافات 💓…..واش هكا تيكون شعور الناس الي تيصليو ؟!
علاش مانع راسو من شي حاجة بحال هادي !؟

🌸زوجوني منقبة🌸
🌼بقلم: Aicha _mos 🌼
🌸البارت 32🌸

بقا فالبيت جالس شاد واحد الكتاب دصفاء..تتاخد منو الدروس الي تدير فالمسجد…بقا كيقرا فيه ومع كل صفحة كيزيد يتعمق فالكتاب وفمحتواه…كيقرا بدون ملل وبتركيز…أذن المغرب وصلاه وأذن لعشا وصلاه….ورجع يكمل قراية لكتاب…قرأ كتب كثيرة وروايات عالمية ولكن علاش مقراش فحال هاد الكتب شنو مانعو ؟! وعلاش مكانش عندو حماس ليهم !؟…..صفاء وباها وعائلتها وحتا جاسم….كيبان فوجوههم واحد النور فشكل واش السبب هوا التزامهم بتعاليم الدين….

واش مواظبتهم على الصلاة سبب سعادتهم وفرحهم !! علاش حارم راسو من هاد النعمة
وي كان عايش حياتو ويدير الي بغا عندو لفلوس وكولشي الي يتمناه أي واحد….ولكن ملي تيحط راسو على لمخدة فالليل علاش تيحس بتأنيب الضمير وبلي هوا مفرحانش !!….واش حيت غافل على الصلاة وقاطعها…حيت مكيغديش روحو…الروح هي الأخرى تتحتاج الغداء….وغداء الروح هوا القرآن والصلاة💓….ولنسيتيها وغفلتي عليها فالسعادة حتى هي غتنساك وراحة البال مغتكونش 😉

عيطو ليه للعشا وهبط تعشا فصمت وطلع كل واحد ينعس😴……..قرابة منتصف الليل….كان ناعس كيف عادتو فوق الاريكة…كيحلم بلي هوا قدام مسجد وكيشع منو واحد النور وصوت الأذان فكل مكان…صوت دري صغير هوا الي تيأذن صوت طفولي ولكن زوين وعاطي واحد الغنة للآذان….واقف ميكدير حتا حركة والرجال والدراري صغار وكبار كيدوزو من حداه وكيدخلو للجامع….كيلبيو النداء…نداء الصلاة💓….باغي يدخل ولكن شنو كيتسنى !!…شنو مانعو ؟…..

وفوسط داك النور الأبيض الجميل ايد صغيرة تمدات ليه…يلاه غيشدها فاق من الحلمة قافز…..كيتنفس بالجهد بحالا كان كيجري وقلبو كينبض بسرعة شعل الضوء ديال التيلي ولقا ديك 3 دالصباح…شاف جيهتو الليمنة لقا صفاء تتصلي كيف عادتها…قيام الليل🌸…..كملات صلاة جوج ركعات وناضت لعندو سمعاتو وسط صلاتها ملي فاق قافز….شعلات الضوء فالغرفة وتمشات عندو بملامح قلقة….

صفاء : واش نتا بيخير !؟
سيف كيشوف فيها : امم
صفاء : واش شفتي شي حلمة خايبة !؟
سيف تنفسو شوية بشوية كيرجع ل الطبيعي : شفت حلمة مي مخايباش
صفاء باتسغراب : وعلاش فقتي مخلوع😟
سيف دوز ايدو على وجهو : كان خاصني نشد ايد تمدات ليا مي مقدرتش
صفاء مفهماتش : مم.. نجيب ليك تشرب ؟
سيف عاجبو اهتمامها : لا….شكرا
صفاء : وخا…رجع تنعس وقرا المعودتين وآية الكرسي
سيف رجع تكا وسد عينيه : همم😴

بقات حداه تتقرا عليه القرآن حتا حساتو نعس عاد ناضت كملات صلاتها….حتا أذن الفجر وصلاتو ورجعات نعسات….فاقت كيف عادتها ناشطة وفرحانة🌸…..دارت روتينها اليومي وهبطات للتحت بعدما ملقاتش سيف فبلاصتو….دخلات للكوزينة ولقاتهم كيف العادة موجدين لفطور على اصولو وطلبات منهم يخرجوه للجليسة الي فالجردة الخلفية….خرجات من الكوزينة وهي تلمحو واقف حدا الدروج تيهضر فالتيلي وباين فيه معصب….بقات غير حاضياه وتتحقق فتفاصيلو وقفتو حركاتو صوتو وحتى تعابيرو….سهات فيه والابتسامة على شفايفها “تنبغيه” هادي كلمة قالها قلبها 😍…..حتا فيقاتها سامية الي شافت الفيلم كامل😂….

سامية :صباحو🌸 زين تيتمعشق من بعيد
صفاء شوية تسخف بالحشمة : أ..م..ن ص..باح ل..خير😳😳😳
سامية عنقاتها جنب : هههه حشمانة زعما عادي راجلك وخضري بيه عويناتك لغزالين😉😍
صفاء تفافات مسكينة : أ..نا…🙈😳

🌸زوجوني منقبة🌸
🌼بقلم: Aicha _mos 🌼
🌸البارت 33🌸

جا عندهم سيف بعدما قطع الاتصال..وقف حداهم وباس لمو راسها خلاها غير تتعجب : صباح الخير
سامية فرحانة : صباح الورد اولدي
سيف شاف فصفاء الي حمرة بلا قياس…قرب حداها وحط ايدو على جبهتها : واش مريضة !؟😦
صفاء تترعد هادشي بزاف عليها اش هاد الاهتمام المفاجئ…مقدراتش تجاوبو بقات تدخل وتخرج فالهضرة : أ..نا ل..ا م..😳
سامية تتضحك من منظر صفاء : ههههه ممريضاش غير حشمانة 😂
سيف حيد ايدو وشاف فمو باستغراب : ؟؟؟
سامية : هههه أجي يلاه نفطرو
سيف : وخا😕

مشا سيف وسامية للجردة…وبقات صفاء واقفة حاطة ايدها على جبهتها💓….فين حط ايدو الدافية والكبيرة😍….بتاسمات بخجل ومشات هزات مع الخدم الفطور وداوه للجردة….جلسات حدا سامية جات قدام سيف الي تيفطر فهدوء….جاسم مرة مرة يهز فيه راسو كيتعجب…كيبانليه سيف غير ساكت قليل فين تيشاركهم بشئ كلمة….مي مرتاح وفرحان حيت ولدو مبقاش كيمشي للبيران ولا شرب ولا حط ففمو شي كارو…وهادشي بعد زواجو بصفاء الي بدلاتهم بلا حتا متدير مجهود……شحال فرح ملي قالت ليه سامية أنها غادي تلبس الحجاب😍….اختيارو ليها كزوجة لولدو كان افضل اختيار دارو فحياتو…اختيار كيبقى للأبد….اختيار بدل من حولو للأفضل 🌸…..بتاسم وهوا كيشرب فقهوتو وهادشي تار انتباه سامية…

سامية : شنو سبب الابتسامة😊
جاسم شاف فيها وحط كاسو : فرحان حيت كنشوفو حبابي قدامي الحمد لله😍
سامية بتاسمات : الحمد لله🌸❤
سيف : امم…انا غنسافر
سامية : فين !؟
جاسم : لكان بخصوص الصفقة الي فبريطانيا غير جلس غنسيفط النائب ديالي
سيف : لا ضروري نحظر منها نيت نطل على الخدمة فالفرع الي تما
جاسم : دير الي يريحك
سامية : شحال غتبقى ؟
سيف : اسبوع
صفاء شافت فيه…مقلقة حيت غيمشي وسيمانة عاد وهوا قدامها وموحشاه شنو غيوقع ليها لغاب على عينيها :😓😞😟😔
سامية : دي معاك صفاء 😐
سيف شاف فصفاء وعاود شاف فمو : الواليدة غادي سيمانة للخدمة مغيكونش عندي وقت لدوران😅
سامية بقلة حيلة : وخا الله يرضي عليك
سيف : أمين..(وقف) غنوض نجمع حوايجي عندي رحلة بعد ساعة
سامية شافت فصفاء : نوضي ابنتي جمعي ليه حوايجو
صفاء بخجل : وو..خا😳

دخل للداخل وطلع لبيتو وهي موراه شوية تبكي مبغاتوش يمشي💔….حل الباب دالبيت وخلاها حتا دخلات عاد سد الباب….مشات لدريسينج جبدات فاليزتو وحلاتها تما نيت…وبدات تجبد ليه حوايجو…وهوا واقف حداها كيشوف فيها حتا بانت ليه عمرات الفاليز بالتريكوات….
سيف : غير حيدي هادوك مكنلبسهمش
صفاء مشافت فيه باقة تتحط : كاين البرد تما غتمرض لما لبستيش مزيان😔
سيف صدماتو مسكين :”الصمت”
عمرات ليه الفاليز بالحوايج السخان مبغات كاع تسد حتا ضغطات عليها عاد تسدات😂….هوا غير حاضيها باين فيها مقلقة عارفها مبغاتوش يسافر…وهوا كتر منها كيفاش غيدير ميشوفهاش سيمانة على قدها….ميشوفش خدودها الحمرين وملامحها مي تتكون حشمانة ولا ابتسامتها…صوتها وحركاتها❤💓….كيفاش غيقدر على فراقها !؟

هبط هاز الفاليز بايد وحدة وهي تابعاه شوية وتبكي الدموع فطرف عينيها….مزنكة وكتبان بحال شي بنيتة صغيورة😍…..خدات الخدامة من عندو الفاليز وخرجاتها لشيفور….مشا عند سامية وجاسم الي تيتسناوه باش يودعوه….باس ليهم ايديهم وعطاوه رضاهم بجوج…وخا معجبين من تصرفو…كيبان مختالف ودعوه ووصاوه يرد لبال لراسو وداكشي….خرج جاسم لبرا غادي لخدمتو اما سامية فطلعات لفوق بغات تخليهم بوحدهم💓….قربات منو صفاء وشاف فيها وقال بصوت هادئ وزوين “بسلامة” جاوباتو وهي حانية راسها غتشوف فيه غتبكي💔 “في أمان الله”….هاد الجملة بالضبط تتحمق سيف بحالا ليه بوحدو قرب منها وعلى شفايفو ابتسامة تتحمق….دور ايدو على خصرها وزاد قربها ليه وعنقها😍….هي بكترة ماهي مصدومة بقات غير تتشوف ممصدقاش ديما تيدير شي حركة تتخليها خارجة على طوعها….بلا متحس دورات ايديها على ظهرو لعريض معنقاه هي الأخرى تتستنشق ريحتو الي غتوحشها ونفس شي ليه هوا💓🌸……عناق عشاق دافئ وكيعطي لكل واحد فيهم واحد الكم هائل من الحب الحنان الأمل والسعادة…بعد شوية وطبع قبلة على جبينها ونطق بحنان وهوا كيشوف فعينيها “استودعك الله “….

🌸زوجوني منقبة🌸
🌼بقلم :Aicha_mos🌼
🌸البارت 34🌸

بقات غير تتبحلق فيه…واش هذا سيف !؟ كيبان هادئ وعلى غير العادة…مشى خرج مخليها وراه مصدومة…لبقا غير شوية مكانش غيسافر مقادرش على فراقها💔….ركب اللوطو وكسيرا بيه الشيفور للمطار….سد عينيه وتكا راسو وهوا كيخمم فحياتو قبل معاصي كثيرة وذنوب دارهم..واش غيتقبل الله توبتو ؟ واش غيقدر يقتل شيطانو الي تيوسوس ليه !!….واش غيقدر يكون الشخص الي تتمناه حبيبة قلبو الي بلا متقول ولا تدير حتى فعل خلاتو يتبدل…يصلي ويبعد على المعاصي….تنهد بحزن مقرر أنه غيداوم على صلاتو ويزيد من معلوماتو على الدين ويحفض كتاب الله😍…هادشي على قبل نفسو وعلى قبلها💓….الزهرة الي دخلات لحياتو ونشرات عبيرها🌸…..

صفاء طلعات لبيتها والدموع رسمو خط على خدودها وصوتو كيتعاود على مسامعها…مقدرات تجاوبو بحتى كلمة…سدات الباب بعدما دخلات وجلسات على سريرها تتذكر عناقها معاه..مجرد متفكرات ترسمات ابتسامة على شفايفها….كان حضنو دافئ وزوين…شعور عمرها جرباتو…..كل دقيقة تدوز تتزيد تبغيه وتغرق فحبو بجنون….لقالت لشي حد بلي تتغبي راجلها غيضحكو عليها😂…حيت عادي تبغي راجلك وسندك فالدنيا بعد الله…مي بحسب ظروفها وعلاقتهم الغير عادية فكونهاا تتبغيه فشي حاااجة💓……بقات جالسة مرة تضحك مرة تبكي بحال شي بنيتة صغيرة
توحشاتو ويلاه كان حداها❤….ناضت صلاة جوج ركعات تتدعي ربها يحميه ويبعد عليه كل الشرور وكيف ديما تتدعي ليه بالهداية والتواب…..

كانت لعشية ديك الساعة…جالسة مع سامية وخولة ومرت ولدها عصام الي جات عندهم تيهضرو ويضحكو مرة مرة على كلام خولة…من طبعها المرح🌼…..فرحات هي الاخرى ملي قالت ليها سامية بقضية الحجاب…وزادت شجعاتها عليه…
صفاء منساجمة فالحوار مع حورية مرت ولد خولة…دغيا ولاو صحابات…حتا هي متحجبة وقارية وواعية شخصيتها زوينة ودغيا تدخل الخاطر…داكشي علاش دغيا حباتها صفاء……بقاو هكاك لعشية كاملة عاد مشاو…وناضت صفاء تدير لعشا بغات غير تلاها وتنسا أنه مكاينش معاها فالدار…..جا جاسم وحطات لعشا وتعشاو فوسط حديث عن الدين والصحابة❤ المهم الجلسة جات زوينة ومسخاوش منها…..

طلع كلا لبيتو بعدما صلاو لعشا جماعة…دخلات لبيتها وقرأت ما تيسر لها من القرآن عاد نعسات وهي معنقة وسادة سيف😍…..أما عند سيف الي كان فالاوطيل كيقرا القرآن هو الآخر وفوذنيه صوتها وهي تتجود القرآن….غير ساعات قليلة باش ودعها ولكن حس بيها بحال أعوام…لهاذ الدرجة كيبغيها….عمرو جرب الحب هكا…كانت عندو علاقات كثيرة وكثيرة مع الجنس اللطيف🌸 ولكن عمرو حس مع شي وحدة بهاد الأحاسيس الي تيحس بيهم مع صفاء المنقبة الي خدات قلبو روحو وعقلو❤…..ولو يرجع بالزمن لبعض السنين مكانش غيتوقع أنه يتزوج وحدة “منقبة” وكان غيضحك لمجرد التفكير فالأمر….القدر و المكتاب ليهم كلام آخر….تتربطنا بأشخاص كانو آخر من نتوقع…..الحب الحلال…كيقولوه للحب الي كيجي مور الزواج…الحب الي تيكون ضمن تعاليم الدين….والي تتحفظي قلبك وتخليه عذري فقط للشخص الي غتختاريه ولا غيختارو ليك القدر….والشخص الي هوا راجلك🌸
ماشي حب ضمن علاقات خارج نطاق الدين….تتسلمي قلبك الطاهر لشخص يقدر يكون غير كيكدب عليك ويدنس قلبك ويتخلى على حبك ليه💔 …..هكا علاش وصانا الله نحفظو قلوبنا لازواجنا….ذكور أو إناث بجوج….حيت بجوج كيتحطمو قلوبهم فعلاقات زائفة💔….

كمل قراءة القرآن الكريم…سدو وردو بلاصتو…كيحس براسو فقمة الراحة والسعادة والأمل….مليئ بالطاقة الإيجابية…علاش كان حارم راسو من هاد النعم !!
سخافتو واتباعو لشهوات الدنيا غافل على يوم الحساب
عايش دنياه ومموجد والو لاخرتو 💔……استغفر ربو وناض خرج من الغرفة الي فالفندق وهبط للتحت فين لقا الشيفور الي مسيفطاه الشركة باش يوصلو ويكون تحت اشارتو طول مدة اقامتو فبريطانيا….

🌸زوجوني منقبة🌸
🌼بقلم :Aicha_mos🌼
🌸البارت 35🌸

صباح جديد🌞….الشمس مشرقة ولامعة تتبت الحياة والأمل…بخيوطها الذهبية دخلات لغرفة صفاء الي كانت جالسة تتمشط شعرها قدام لمراية….شعرها العسلي والحريري❤….ساهية وتتفكر فيه…غيكون ناعس دابا ؟ ولا غيكون خارج ؟ ولا باقي فالخدمة !؟….تتسول فدماغها شنو غيكون كيدير…بغات تعيط ليه مي تتحشم تخاف تفيقو لكان ناعس…ولا يكون فشي إجتماع وتصدعو….جمعات شعرها تاني بعدما مشطاتو وهي راسمة ملامح حزينة….بغات تشوفو وتسمع صوتو…..واش هكا كيكون الحب ولا يمكن هي فاتت مراحل الحب بدرجات….هزات تليفونها ودخلات للواتس قلبات على نمرتو.. حتا لقاتها….عمرهم دواو😅
بقات مضاربة غير مع راسها واش تصيفط ليه ولا لا
واش غتقوليه كاع ؟……تتكتب وتعاود تمسح حتى تفقصات وحطاتو وهبطات للتحت فطرات وجلسات تاني تتهضر مع سامية…ولا تتفرج فالتلفازة وهي تتفكر فداك التيلي😂…..

طلعات تاني للبيت وهبطات معاها تليفونها وهي تتلعب بيه بايديها…تفكرات آخر كلمة قالها “استودعك الله” ضحكات بخجل…مكانتش متوقعة منو هاد الكلمة بالضبط…دخلات لقوقل وجبدات موضوع على الصلاة احكامها وكل ما كيخصها ونسخاتها وسيفطاتها ليه فالواتس وهي تترعد غا راسها….معرفاتش كيفاش غتكون ردة فعلو…واش غيتقلق ؟ واش غتيعصب بحال ديك المرة ملي قالت ليه بلي بغات تعاونو !!…..ستغفرات الله وحطات التلي فوق السداري وناضت تصلي هي وسامية الظهر🌼

بعدما سالاو صلاتهم جلسو تيتغداو فصمت حتا نطقات سامية…
سامية : حبيبة عيط عليك سيف واش وصل بخير
صفاء بحزن : لا معيطش💔
سامية : غيكون غير نسا انا رآه ملي تيسافر متيعيط حتى نصوني انا
صفاء : يمكن😟
سامية : اوا دابا يعيط متقلقيش
صفاء : إن شاء الله😊
سامية تتكب ألما فالكاس : اش خبار ماماك شحال هادي مشفتها توحشتها
صفاء بتاسمات : عيطاتلي ول لبارح…لاباس عليها يسول فيك الخير هي نيت قالتلي نمشيو عندها انا وياك
سامية شربات ألما وحطات الكأس : الحمد لله..وخا وقتما بغيتي نمشيو
صفاء : إن شاء الله🌸

كملو غداهم فجو ديال الهضرة الي ممتقاداش موضوع يجبد موضوع….جمعو الطبلة وطلعات سامية لبيتها أما صفاء رجعات للصالة….شعلات التلفازة وبقات تتفرج فبرنامج ديني تيعجبها حتى سمعات تيليفونها…رنة ديال الميساجات….توترات حمارت وخضارت غي بوحدها😂….هزات التيلي ولقات ميساج فالواتس دخلات ليه ولقاتو من سيف….سدات عينيها وحشمانة وخايفة….حلات عينيها غير بشوية ولقاتو باعتلها “شكرا” مع ايموجي “😊”…….بقات غير تتشوف وقلبها تينبض بجنون جاوباتو باديها الي تترجف “العفو” يلاه غتسولو على كيف داير وداكشي طلع ليها بلي أونلاين وهي تخرج من الواتس وطفات الويفي😂 بالخلعة والحشمة….جالسة ومرة مرة تضحك بوحدها شكرها يعني متقلقش يعني عجبو داكشي الي سيفطات يعني عطاها إشارة بلي أ حاجة منها مسموحة أي موضوع💓……

داز الأسبوع هكاك تتسيفط ليه مواضيع على الدين وكيشكرها…ومرة مرة تيهضرو مي غير كيسولو بعضياتهم على أحوال كل واحد منهم لا غير….الشوق والحنين متملك القلبين..مشتاقين لبعضياتهم مي مقادينش يقولو والو……هبط من الطائرة وهوا شخص آخر….شخص مختلف على الي طلع فالطائرة المرة الفايتة….هذا شخص تائب متقي ومتغير….تاب لله عز وجل على اخطائو ومعاصيه….والله غفور رحيم وباب التوبة دائما مفتوح…والله هداه لطريقو المستقيم….طريق الحق 🌸 شخص متفائل هادئ وغير الشوفة فيه تقولك هوا شحال مرتاح….والنور الي فوجهو دارليه هيبة فشكل خاص والي داز منحداه يبقا يشوف فيه….

كيحني عينيه ملي تدوز من حداه شي أنثى…..سيمانة تبدل فيها كليا صلاتو عمرو قطعها ولو منعرف اش يكون عندو….تقافتو الدينية زادت وساعت وخا باقي متعلم كولشي ولكن أحسن من قبل….كلشي بفضل الله وبفضلها🌸…حبيبة قلبو الي نوراة حياتو قلبو وروحو ودلاتو على الطريق الصحيح😍………..لقا الشيفور كيتسناه بتاسم ليه وطلع القدام حدا الشيفور….كان حيد الكبص من ايدو ملي كان مسافر….

وصلو الشيفور للفيلا…هبط وهز ليفاليز ديالو ودخل…ملقا حد فالصالة اصلا مكانش عالمهم بلي غيجي….طلع لبيتو ملقاهاش وشحال كان باغي يشوفها شوقو ليها قد المحيطات الي فالدنيا💓….حط لي فاليز وهبط تاني عينيه تيقلبو غير عليها…..ملقاهمش وعيط على مو فالتيليفون…قالت ليه بلي هي وجاسم عند عمو وصفاء عند واليديها….قطع معاها ومشى خرج….ركب فاللوطو وكسيرا لدار جلال….نسى بلي قالت ليه غتمشي عند واليديها…..ماهي الا ثواني حتا كان قدام الدار…هبط من اللوطو وقف قدام الباب…خدا نفس عاد دق فالباب✊…..

🌸زوجوني منقبة🌸
🌼بقلم :Aicha_mos🌼
🌸البارت 36🌸

دق جوج مرات وتحل الباب كان جلال…بتاسم وسلم عليه ودخلو للداخل…جلسو فالصالة كيسولو جلال على احوالو…وسيف ممعاهش كيقلب عليها بعينيه بغا غير ايمتا يشوفها ولكن مبانتش ليه….لاحظ جلال نظرات سيف وبتاسم..
جلال : مكايناش هنا مشاو لعرس بنت عمتها غتكون قالتها ليك ؟
سيف حشم مسكين لهاد الدرجة نظراتو فاضحينو…حنحن بشوية : امم نسيت😅 ممكن تعطيني العنوان ؟
جلال ضحك : ههه ولو مرحبا

عطاه عنوان الدار وخرج وخا قاليه يجلس يشرب اتاي عاد يمشي مي الحب ميشاور😂….ركب فاللوطو وكسيرا للعنوان…كان قريب…حط اللوطو فراس الدرب وهبط وكاع الاعين ولات عليه…شي من شراجم شي من السطوحة شي كيدوز عليهم فالطريق…المهم الحضية خدامة😂…..سول على الدار واشرولو عليها….مشا فاتجاهها ووقف قدام الباب بلباسو الانيق والفخم😍….كانت دار من جوج طوابق وسط حي شعبي…دق جوج دقات كيف العادة…ووقف يتسنى يحلو الباب…متوتر وكيفكر فاش غيدير ملي يشوفها ولا شنو غتكون ردة فعلها💓…..سمع شي حد هابط من الدروج وكيجري تحل الباب وطلات بنت صغيرة تكون عندها ديك 12 عام…بقات غير تتشوف فسيف هاد النوع تتشوفو غي فالافلام والمسلسلات😂….

البنت : نعام !؟
سيف : ممكن تعيطي على صفاء ؟
البنت تتشوف فيه بتسائل : واش صفاء الي تدير النقاب ولا صفاء الي تتطلق الشعر 😕
سيف بابتسامة : الي تدير النقاب
البنت بتاسمات حتا هي : وشكون نقوليها ؟
سيف : راجلها😊
البنت ضحكات : ههه وخا تسنى شوية
سيف : وخا

ردات الباب غير شوية مسداتوش وطلعات تاني بالجرى فالدروج…وبقا سيف واقف كيتسنى جبد تيليفونو كيخربق فيه بينما جات…….دخلات البنت على لعيالات الصالون الكبير فين جالسة حنان بنت عم صفاء لعروسة تتحني….الصالون كبير وتقليدي….وبزاف دالعيالات جالسات شي تيهضر شي تيشطح….وقفات بالبنت تتنهج قدام الصالون….
البنت بغوات : خااااااالتي صفااااااااء الي تدير النقااااااب
سكت كولشي كيشوف فيها وكيضحك على حماقها
صفاء جالسة حدا حنان لابسة قفطان فالكرونة مطروز بالطرز الغالي وفيه أحجار كريمة تتلمع مع شال فالكرونة كذلك وشربيل فالبيض…دايرة ماكياج بعدما اصرات عليها حنان تديرو بما ان مكاينينش الرجال….جاها تيحمق وزادها جمال على جمال😍 : نعام 😊
البنت : رااااجلك لتحت😈 عرفتي كيشبه لدوك الي تيبانو فالتلفازة😍
صفاء صدامتها ناضت وقفات : واش كاين لتحت !؟😳
حنان تتنقش ليها النقاشة : ههههه سمعتي بلي جا وتفافيتي😂 هذا كلو حب
حسناء جالسة حداهم : هههه فرعات ليا راسي بيه سيري احنينتي شوفي حبيب القلب
حنان : غيشوفك بالميكب غيتلف😂😈
حسناء : ههههه ويااااه
صفاء حشمانة وتترعد : سكتو😳😳
حنان /حسناء : 😂😂

خرجات من الصالة والعيالات تيضحكو معاها…اصلا كاملين غير من العائلة…مشات للبيت وهزات نقابها الاسود والفوقاني ديال واحد العباية فالحكل محلول وفيه وريدات فالجانب بالدونتيل حيت لفوق كاينين رجال عمامها وولاد عمامها…لبساتو فوق القفطان ويديها مزكاوش من الارتجاف معرفاتش كيفاش غتلاقا بيه توحشاتو بلا قياس 💓…..لبسات نقابها وخرجات…هابطة فالدروج وتتوجد اش تقول وشنو دير….حلات الباب بشوية وطلات عليه..قلبها بغا يوقف زاد زيان وتبوكص…يمكن من النور الي ولا على وجهو…حطات ايدها على قلبها تتحاول تهدئو…وحلات الباب مزيان….شافها سيف وجا عندها كيتفحصها بعينيه ….ملامحو هادئة عكس شنو حاس بيه…دخلاتو للداخل غير حدا الدروج وسدات الباب باش ميبقاوش واقفين برا…..بقا يشوف فيها وهي تشوف فيه بعينيها المكحلاهم ودايرا ليهم ماسكرا…كيبانو قتاااالة😍

قرب منها وهز داك النقاب وبقا مصدوم…ايه الجمااااااال ده كلووووو🔥…هاد الزين كامل ديالو بوحدو يقدر يشوفو بوحدو….خدودها الحومر الي قراب ينفاجرو من قوة ماهي حشمانة 😳 ولا شفايفها الي كيبانو مغريين بداك العكر الي زاد جملهم كثر وكثر ولا عينيها الي خلاوه خارج على طوعو….

سيف بصوت هادئ وفيه بحة زوينة : السلام عليكم
صفاء صوتها تيرجف وخفيف : وعليكم السلام
سيف كيشوف فعينيها : لاباس عليك
صفاء شوية تسخف قريب ليها بزاف :الحمد لله ونتا…ايمتا حيدتي الكبص ؟
سيف : الحمد لله ول لبارح
صفاء شافت فيه : واش مبقاتش تضرك
سيف بتاسم : الحمد لله لا ….ولكن كضرني بلاصة خرا
صفاء بقلق : فين😟
سيف اشر لقلبو : هنا💓
صفاء تزنغااااات وبعدات عينيها عليه : امم بغيتي تطلع كاينين عمامي لفوق
سيف عرفها بغات تبدل الموضوع : ههه لا غنمشي نرتاح كنت بغيت غير نشوفك❤
صفاء :😳😳

🌸زوجوني منقبة🌸
🌼بقلم :Aicha_mos🌼
🌸البارت 37🌸

سيف تنهد بحب : ايمتا غيسالي لعرس؟
صفاء تتهضر وعينيها فالارض : ل..ليوم غيجيو يديوها 😳
سيف بتاسم : وخا فليل نجي نديك وخا ؟
صفاء عينيها باقين فالارض مقاداش تشوف فيه : و..خا💓
سيف : دابا مغاديش تخليني نشوف عينيك😍
صفاء هزات راسها فيه : ل..أ أ..ه😳
سيف قرب منها وشد ليها وجهها بين ايديه الكبار والدافئين وهي تترعد تحنى عند وجهها وطبع قلبة دافئة صغيرة قبلة حب فخدها الوردي😍 : توحشتك🌸
صفاء غير تتشوف فيه حشمااااااانة ومقاداش تهضر جاوباتو بصوتها الحنين والمرتجف : ح..تا أ..نا😳
سيف باسها فجبهتها بوسة طويييلة باغي يطفي غير شوية من نار شوقو ليها🔥 بعد عليها شوية : يلاه طلعي وفليل ندوز عندك
صفاء يطلقها تسخف😂 تتحس براسها طايرة فالسما😍😳 : وخا

خلاتو واقف وطلعات ورجليها راشين ههههه مقادينش يهزوها….طالعة فالدروج وحسات بشي حد هابط هزات عينيها بشوية وتلاقات عينيها بعينين ولد عمها …ودغيا هبطات عينيها وكملات خطاويها…اما داك خونا فبقا حاضيها حتا غبرات عاد هبط…غافل على العينين الي شافو اللقطة كاملة….شاف جيهت الباب ولقا سيف واقف وكيخنزر فيه توتر ووصل عندو يلاه غيقوليه السلام وهوا يزدحو سيف مع الحيط حتا تسمع صوت الزدحة فالدروج…..

سيف تيهضر من تحت سنانو معصب : معلموكش أنك متهزش عينيك فعيالات الرجال
الشاب خايف : أ..نا مم..معرفتش بلي مزوجة 😣
سيف عاود زدحو : تكون مزوجة ممزوجاش متهزش فيها عينيك😤 سمعتي😡
الشاب توعت : وخاا😖
سيف طلقو وزفر بعصبية : استغفر الله😤
الشاب قفز خاف لتجيه شي دقة من حيت لا ديري😂 خرج من الباب كيجري….مخلي سيف موراه كيحاول يتهدن…كيفاش تجرأ يشوف فيها !! هي ديالو هوا بوحدو وخا دايرة النقاب مي عينيها باقين كيفتنو🔥…تفكر واحد المقطع من موضوع كانت سيفطاتو ليه على النقاب وتدكر فيه ” السدل ” توب شفاف كيغطي العينين…دارت ليه طن فراسو وخرج مشا لركب اللوطو وكسيرا للفيلا وتفكيرو فيها وفجمالها😍 بالميكب….بغا غير ايمتا تكون بين ايديه🔥……..

أما صفصف دخلات للصالة بعدما حيدات العباية والنقاب…داخلة مزنغة بلا قياس كولشي كيشوف فيها ويبتاسم…عارفينها حشمانة….جلسات فبلاصتها حدا لعروسة وحسناء….
حسناء غمزات حنان : صفاء مالك اختي هكا حمرة ؟😕
حنان حابسة الضحكة : اه ازين مالك ؟؟
صفاء شافت فيهم وهربات عينيها : و…والو😳
حسناء : ههههه هايهاي على لعفريتة حتا هي ولات مرت راجل
حنان : هههههه غيكون حشمها بشي كلمة دالحب والغزل
حسناء : ههه باااينة😂 وهي غتكون بقات غي واقفة وحشمانة ختي عارفاها😂😂
حنان تتزعزع بالضحك : واااع😂😂😂
النقاشة : زكاي اختي غتخسري النقش
حنان باقة تضحك : ههههه وخا سمحيلي
حسناء : هههههه سكتي يا لحمقة
حنان : وراه تضحكيني😂😂
صفاء جابو ليها الضحكة : هههههه🙊
حسناء : هاهيا ضحكات على سلامتنا😂
حنان : هههه كانت شوية وتسخف بالحشمة
صفاء : هههه وصافي خليوني عليكم😒
حسناء : هاحنا مخلينك😂
حنان : اوف شبعت ضحك ههههههه كرشي تضرني
حسناء : ههههه وتانا
صفاء : هههههه الله يخرج هاد الضحك على خير
حسناء /حنان : اميييييين😂

🌸زوجوني منقبة🌸
🌼بقلم :Aicha_mos🌼
🌸البارت 38🌸

وصل ليل…كان واقف فراس الدرب باللوطو ديالو كيشوف فيهم مخرجين لعروسة وزغاريت والصلاة على النبي تعالات فالمكان…عينيه عليها هي الي تتبان ليه وخا تما عامر بنادم مي عينو غير عليها…وردة وسط منهم بنقابها😍….توادعو مع لعروسة وكلا لدارو….خرج من اللوطو ملي شافها جاية فاتجاهو…وقفات قدامو وتتشوف فيه بعينيها المدمعين باين فيها كانت تتبكي…حل ليها لباب دلوطو وطلعات…ومشا طلع هوا الاخر كيشوف فيها….
سيف : خالتي مغاداش ؟!
صفاء صوتها منغنغ بالبكا : لا غتبات
سيف : اوك (ديمارا اللوطو وكسيرا كيشوف فيها بنص عين) علاش تتبكي ؟
صفاء تتلعب بقفازاتها : غادي نتوحشها
سيف بتاسم بلطف : هادي سنة الحياة…ووقتما بغيتي تمشي عندها نديك
صفاء شافت فيه : ش..كرا😳
سيف : هه عفوا
صفاء :☺

سيف : عينيك
صفاء : مالهم
سيف مركز فالسياقة : كيفتنو🔥
صفاء عينيها تيرمشو بزربة حشمها :😳🙈
سيف :خاصك ديري السدل 😌
صفاء تتشوف فيه مستغربة مي عاجباها غيرتو : علاش 😳
سيف كيهضر بهدوء : قلت ليك عينيك كيفتنو وعاد مبغيت حد يشوف فعينيك من غيري😒
صفاء :و خا😳
سيف بتاسم : الله يرضي عليك😍
صفاء : أ…مين🌸

وصلو للفيلا وهبطو بجوج….لقاو جاسم وسامية نعسو…طلعو لبيتهم ودخل كل واحد كيبدل حوايجو….خرجات من الحمام لابسة بيجامة سروال فالكحل مع الفوقاني ديالو فالكحل وفيه نجمة ضاحكة بالابيض….جاتها كيوت مع شعرها الي مطلوق 🔥 لووووزة وخلاص…..جلسات فوق الاريكة متوترة غا راسها😂….جلس حداها سيف الي خرج من الدريسينغ …كيشوف فيها وفشعرها الطويل والي معمرو شافو😍 تلف مسكين وكيسول راسو…واش هاد الزين كامل ديالو ؟….شناهيا الحاجة الي دار فحياتو مزيانة حتا جازاه ربي ببنت بحال صفاء…الدين والخلق والجمال😍بنت ولا فالخيال….

سيف حنحن شوية عاد نطق وعينيه عليها : صفاء
صفاء قلبها غيسكت أول مرة ينطق بسميتها هزات عينيها شافت فيه : نن..عام😳
سيف شد ليها ايديها الصغيورين ورطيطبين : بغيت نشكرك على كلشي…قبلتي تزوجي بشخص بحال وخليتيني بلا منحس نبغي نتقرب من الله (حنى راسو) كنت شخص سكايري وتابع لبنات والبيران وبعيد على الله وعايش حياتي فالمعاصي…ولكن انا تبدلت بفضل الله وبفضلك قدرت نغلب شيطاني ونرجع لطريق …عارف راسي كنت قاسح معاك وجرحتك وبغيتك تسامحيني وتبداي معايا صفحة جديدة
صفاء تتسمع ليه وطايرة بالفرحة عاد مزادت غرقات فحبو كتر وكتر وشنو غتطلب من الله كتر ؟ الشخص الي تتبغيه والي دعات ليه بالهداية ليل ونهار هاهوا قدامها تائب مؤمن ونادم على مفات…زيرات ليه على ايدو حتا شاف فيها لقاها مبتاسمة ابتسامتها الملائكية الطاهرة : موافقة😍

🌸زوجوني منقبة🌸
🌼بقلم :Aicha_mos🌼
🌸البارت الاخيييير🌸

سيف لمعو عينيه بطريقة زوينة وهز ايدو عندو وباسها : واش تقبلي بيا كزوج ليك فالجنة؟
صفاء فرحتها لاتوصف شوية وتبكي دموع الفرح تيسمعها شي حاجة عمرها توقعات تسمعها نطقات بصوتها العذب والحنين : اه😍
سيف بتاسم ابتسامة زوييينة💓: كنبغيك
صفاء قلبها غيسكت ممولفاش بهاد الكم الهائل من الرومنسية حنات راسها حتى طاح شعرها على وجهها مغطيه ومغطي خدودها المحمرة : حتا انا😳

سيف قلبو كذلك مسكتش من النبض كينبض بسرعة كبيرة بحالا تيجري وعلاش لا وحبيبتو كتعتارف قدامو بحبها ليه😍 مد ايدو ورد ليها شعرها مور ودنها حتا بانو خدودها الي شوية ويطرطقو بالحشمة…هز ليها راسها بصباعو ذايب فيها وفملامحها صوتها حركاتها جمالها خجلها كولشي فيها كيسطيه ومكيخلي ليه لا عقل لا قلب …طبع قبلة على جبينها قبلة رضى وحب وعشق…نزل لعينيها وباسهم بجوج ولخدودها كل خد بوسة دافئة 😍 تتخلي صفاء ترجف بين ايديه….وأخيرا وليس آخرا طبع قبلة صغيرة على شفايفها الكرزية🌸….وبعد وهوا مساخيش متعطش للمزيد😳…..أما صفصف راها ذايبة فتصرفاتو ومقداش تنطق ولا تحرك…أول قبلة ليه…لزوجها حبيبها وسلطان قلبها😍….
سيف : نوضو نصليو باش يوفقنا الله فحياتنا الزوجية😊
صفاء حشماااانة : وخا😳

ناض هوا دخل توضى وخرج لقاها لبسات عبايتها شالها وتقاشرها….فرشات السجاديتين وجالسة متوترة تتسناه….مشى لدريسينغ لبس فوقية فالبيض جا فيها تيحمق😍…..وقف فوق سجادتو وهي موراه أقام الصلاة وبداو يصليو اول صلاة مع بعضياتهم….احساس زوين أنك تصلي ورا شخص تتبغيه ومعتابرو سندك فالحياة وبلي هوا الي تخلق باش يكون ليك💓…..كمل صلاة ودار عندها شافها شحال حشمانة ومتوترة بتاسم بلطف كيحاول يهدأها…حط ايدو على جبهتها وتلى الدعاء…وهي سادة عينيها تتسمع لصوتو 😍….كمل دعائو وتقابل معاها شاد ليها ايديها هزهم لعندو وباسهم بجوج وقال بصوت كيشبه للهمس
سيف : شنو درت فحياتي حتا تجازيت بيك همم
صفاء حشمانة مقاداش تهضر :😳
سيف وقف ووقفها معاه : دابا مغتمنيش عليها بشوفة من دوك لعيون😍
صفاء جابليها الضحكة…هزات فيه عينيها وضحكات بشوية : هه😳
سيف : قلبي الصغير لايتحمل…دابا هاد الزين كااامل ديالي بوحدي
صفاء غرقات فحوايجها : 😳😳😳 سيف
سيف قرب منها بشوية : عيون سيف روح سيف😍💓
صفاء : 🙈😳

حيد ليها الشال وطلق شعرها العسلي الحريري وتاحدات الاجساد والارواح….ليلة سلم كل واحد فيهم قلبو وجسدو للآخر😍….

#بعد_3_سنوات🌼🌸

سايق اللوطو وهي جالسة حداه بنقابها وسدلها😂….وبنيتتهم الصغيورة جالسة لور فكرسيها المخصص تتلعب بواحد نونوس فالغوز صغيور على قدها وتتضحك…تتشبه لصفاء غير عينيها خارجين لعينين سيف القهويين……فطريقهم للاوطيل توقفو فاحد المساجد الكبيرة الي فماليزيا….مسجد كبيييير وتصميمو جميل وخرافي…هبطو من اللوطو يصليو فيه العصر عاد يمشيو للاوطيل….هبطات صفاء بنقابها الاسود الجميل والمحتشم والي عاطيها فخامة واناقة فشكل😍…هبطات بنتها ” هداية ” دات السنتين من عمرها…صغييورة شدات ليها فايديها وتمو داخلين وسيف حداهم كيشوف فهداية الي شادة فايد صفاء وتتلعب فزليج الي فالارضية لساحة المسجد….والناس رجال شباب وولاد صغار داخلين يلبيو نداء الرحمان❤…….للحظة توقف ملي سمع الأذان….كان آذان بصوت طفل صغير فيه غنة زوينة….والبويضية دالمسجد ضاربة فعينيه واقف مكيتحركش…حتا شاف ايد صغيرة تمدات ليه…مد ايدو وشد الايد وكانت ايد بنتو هداية الي واقفة تتشوف فيه وتبتاسم وصفاء حداها😍…..هادي نفس الحلمة الي حلم قبل 3 سنين الحلمة الي مقدرش يشد فيها اليد الي تمدات ليه…ولكن تحققات وقدر يتمسك بيد الهداية😍

#النهااااااااااااااااااااااااااااااااااااااااااااااااية🌸

Leave a comment