Skip links

قصة : زوجوني منقبة ج1

 13,358 عدد مشاهداات

🌸زوجوني_منقبة🌸
🌼بقلم:Aicha_mos🌼
🌸البارت 1🌸

فاحد النوادي الليلية فالعاصمة الاقتصادية…اشهرها والي مكيدخل ليها غير الي عندو الحبة د بصح…يعني الناس د الفلوووس💰 والجاه🎓…الموسيقى عالية والضواو بالالوان…ودخان السجائر والشيشة مالي المكان…البنات الكاسيات العاريات كيتمايلو وسط النادي وفساحة الرقص…بنات شكال والوان مكاين غا التيتيز…اللباس لمقزب والميكب الكثير والمثير…وشباب سافلين كيشربو الشراب وعينيهم على لبنات الي تيرقصو…بنظرات شهوة🔥….كان هوا جالس فجلسة ليه بخصيصا…الطابلة الزجاجية الي قدامو فيها جميع انواع المشروبات العالمية والغالية والمكسرات…وشيشة بجميع النكهات…جالس بجلسة رجولية رجل فوق رجل وايد مسرحها فوق الكنابي ولخرى هاز بيها السيكار وكيبخ منو فالهوا…جالسين حداه صحابو بنات وولاد حتا هوما ابناء أغنياء لبلاد…شي كيشرب شي كيكمي شي كيتباوس ولعياد بالله💔…..هوا عينيه على بنت جالسة فالبار مان…البلاصة الي تيقدمو فيها الشراب…لابسة كسوة فالحمر سميطات رقاق لاصقة على لحمها حد الفخاد مبينة صدرها…شعرها مسرحاه ولونو اسود طويل وحريري…مع طالون فالحكل…مكياج صارخ…وجلسة انثوية🔥 تتشوف فالناس الي تيشطحو ووتمايل بشوية فبلاصتها مع الإيقاع وتتشرب فالشراب

ناض من بلاصتو ومشا عندها….لبنات الي فالمكان كاملين عينيهم عليه وعلااش لا وهوا من أغنياء البلاد ولا نقولو أغنى واحد فداك البار😉 وسيم ورجل اعمال ناجح…شاب فاواخر العشرينات من عمرو…طويل وقوي البنية ابيض البشرة…شعر كحل رطب مطلعو لفوق ….لحية مطراسية وزوينة…شفايف غوز ونيف مقاد حجبان عراض ومعقودين…سنان بيضين ومطراسين😍…المهم شاب تيتيز بمعنى الكلمة…لابس كوستار فالكحل مع قميحة فالبيض وصباط كحل…ساعة رولاكس ذهبية غالية😍….وقف حداها شافت فيه وبتاسمات بانثوية وهبطات من كرسيها شدات ليه ايدو وباستو ففمو بوسة صغيرة…وخرجو من البار…ركبو الفيراري الكحلة ديالو ونطالقو للفيلا ديالو…الي تيدي ليها لبنات😉🔞🔥

🌸زوجوني_منقبة🌸
🌼بقلم: Aicha_mos🌼
🌸البارت 2🌸

خارج من الفيلا ديالو…عينيه تيتسدو بالنعاس والشراب الي شرب خلاه يسكر بشكل غير طبيعي😖..كانت 5 دالصباح الليل كامل وهوا زاهي وناشط مع البنت الي جابها….ركب فاللوطو وحاس بالدوخة…عمر الشراب دارليه هكا وعند بالو شوية وتمشي هاد السكرة والدوخة…ضغط على البوطون وخدم الفيراري وكسيرا فاتجاه…فيلا الي ساكن فيها مع واليديه….غادي مكسيري بسرعة كبيرة والصداع الي فراسو عاد مكيزيد يجهاد….وعينيه شوية ويتسدو….مشافت اشارت المرور الحمراء وكمل الطريق حتا دخل فيه واحد الرموك كان هوا بدورو جاي بسرعة كبيرة….الفيراري تقلبات جوج مرات عاد وقفات💔….مقلوبة وسط الطريق مهرسة كاملة سيف كلو دمايات ومعارف حتا اش واقع ليه…كيبانيله الي سايق الرموك هبط منو وجا عندو مخلوع…شافو كيحاول يخرجو من اللوطو…كيجرو من إيديو الي تهرسات كيحس بالالم مي ميقدرش يقوليه حبس حتى فقد وعيو💔….

حل عينو بصعوبة…كيسمع شي حد كيبكي حدا راسو..حاس بالم فجميع أنحاء جسمو…ايدو مقادرش يحركها….جا يدور راسو بشوف شكون كيبكي مقدرش كانو دايرين ليه ديك اللعيبة الي تتكون على عنق…تاوه بصوت مسموع ملي ضرو عنقو…خلا مو تنوض مفزوعة كتشوف فيه وتتبكي…
سامية : ولدي 😭 نتا بخير نعيط على الطبيب
سيف بغا يهضر مقدرش
سامية خرجات تتعيط على الطبيب…دخلات هي والطبيب فحصو وقاليه بلي تعرض لحادثة خايبة وكون ما لطف الله كون مات….عندو حروج متفاوتة الخطورة فجيمع انحاء جسمو كسر فايدو وعنقو مفدوع بشكل خفيف…خرج مخليه مصدوم من هادشي الي سمع هوا معاقل على والو….آخر حاجة عقل عليها هي ملي كان فالفيلا مع ديك البنت….شاف فمو الي باست ليه ايدو بحنان والدموع فعينيها…

سامية :الحمد لله على سلامتك كنت غنموت لوقعات ليك شي حاجة💔😭
سيف كيهضر بصعوووبة : أ..لله يس..لمك
سامية : خلعتيني عليك😭
سيف : ف..ين ب..ابا ؟
سامية : كان هنا فالص**
قاطعها دخول جاسم…
جاسم بالغوات : صافي جبتيها فراسك واااش مغتهناا حتااا تموووت 😤😠
سامية : جاسم تهدن متتشوفش الولد حالتو كيف دايرة
جاسم :مكاااين الي خرج عليه قد الفشوش ديالك…هاد المرة خرجاات سالمة المرة جاية علم آلله مغيلقاو ميجمعو فيه
سامية : الله ينجيه 💔

🌸زوجوني_منقبة🌸
🌼بقلم:Aicha_mos🌼
🌸البارت 3🌸

جاسم لاح على سرير سيف شي صحف : صحيفة الصباح تكتب على انجازاتك وعلى مهاراتك فعالم الأعمال وبانك قدوة للشباب والمساء على فضائحك كل مرة مع بنت فشكل الشراب والبيران وااااااش باااقيي مغديييير عقلك 😠😠😤😤مي ماشي وقت هاد الهضرة حتا توقف على رجليك وعندي معاااك شلاااا كلااام😤(خرج وضرب بالباب معصب )
سامية : شافت فسيف : متقلقش اولدي هوا كان خايف عليك بزاف الليل كامل منعس
سيف ساكت وكلام باه تيتعاود فدماغو….
سامية : بغيتي شي حاجة نجيبها ليك…فيك الجوع ؟ بغيتي تشرب؟
سيف : م..بغيت….وا..لو ش..كرا
سامية : على خاطرك❤

سامية الوازاني….بنت رجل اعمال مشهور فعالم النسيج…فالاربعينات من عمرها..شعرها اشقر مقطعاه كارية بشرتها سميمرة عيونها بنيين…فيها شوية د التجاعيد فوجهها…ممتحجباش وتتلبس الكساوي وداكشي😉…متتصليش وبعيدة على الخالق…متزجاتش بكري وحتا الولادة تعطلات عليها ولدات سيف بوحدو ومبقاتش تقدر تولد مرة خرا داكشي علاش سيف اغلى ماعندها❤ مومو عينيها

جاسم البناني…رجل اعمال معروف عالميا من أغنياء البلاد…فالنهاية الخمسينات من عمرو… الشيب غزا شعرو ولحيتو…والتجاعيد فوجهو وايديه….تجاعيد تتبين اثار الزمان الي داز منو 💔…..رجل تقي وعارف بينو وبين ربو….مي مخلي ولدو يدير مبغا ويغفل على اخرتو😣….مي لهنا وحبس ملي عرف بلي سيف دار حادثة خطيرة كان غيموت من خوفو عليه وقرر انه ميمكنش يخليه يبقا عايش هكاك ويرضو للطريق….

🌸زوجوني_منقبة🌸
🌼بقلم:Aicha_mos🌼
🌸البارت 4🌸
…….بعد مرور أسبوع…….
خرج سيف من الكلينيك ومشى للدار…كيحضى برعاية كااملة بحال شي أمير الي طلبها تحضر…وسامية ديما مقابلاه بغات غير راحتو….أما جاسم فمبقاش هضر مع سيف من ديك المرة….كان راكب اللوطو ديالو راجع للفيلا…حتا كيصوني ليه التيلي…

جاسم : الو ؟
الشخص : السلام عليكم
جاسم : وعليكم السلام
الشخص : انا الصياغ الي طلبتي نصاوب ليك كوليه دياال الذهب
جاسم : وي وي كنت نسيت واش وجد
الشخص : اه
جاسم : صافي شوية ونكون عندك
الشخص : إن شاء الله

قطع معاه ورجع دار متاجه للمحل ديال الذهب…نسا بلي وصى على العقد ديال الذهب باغي يهديه لسامية فعيد ميلادها….وصل للمحل وهبط دخل ولقا راجل فالاربعينات من عمرو…كيبان متدين 🌼 وداخل سوق راسو…شخص كود وحقاني…
جاسم : السلام عليكم سي جلال
جلال : وعليكم السلام ورحمة الله
جاسم :اش خبارك اسي جلال لابأس عليك
جلال بابتسامة : ااحمد لله على كل شيء ونتا أخبارك مالين دار كولشي بيخير
جاسم : الحمد لله عندي واحد الولد مشيبني الله يهديه
جلال : امين (جبد العقد وحطو) هاهية الامانة شوف واش عجباتك
جاسم حلو وشافو : زوين كيف تخيلتو تبارك الله عليك
جلال : بالصحة
قاطع حديثهم دخول…بنت منقبة…لقات السلام ودخلات عند جلال باست ايدو تحت نضرات جاسم
جلال كيشوف فبنتو : الله يرضي عليك
البنت بصوت خفيف : امين…صيفطاتني عندك ماما تعطيني الامانة
جلال : اه وخا (جبد شي فلوس ومدهم ليها)
البنت شداتهم وباست ايدو تاني : الله يطول لينا فعمرك خاصني نمشي السلام عليكم (خرجات)
جلال وجاسم : وعليكم السلام ورحمة الله
جاسم : واش بنتك ؟
جلال بابتسامة : اه
جاسم : تبارك الله ونعم التربية (فنفسو : الناس والدين الي يديهم للجنة وانا والد الخطية😣)
جلال : 😊
جاسم هز الباطة وخلص : يلاه انا غنمشي كنشكرك مرة خرا
جلال : العفو هذا واجبي
جاسم : في أمان الله
جلال : وحفظه☺

خرج جاسم من المحل وفدماغو غير كيفاش تصرفات بنت جلال…مهزاتش فيه العين حتا وباست لباها ايدو…طريقة كلامها المحترمة…فرق كبيييير بينها وبين ولدو سيف….تنهد بحزن ندم على الوقت الضيعو غافل على ولدو الي خرج الطريق💔….وصل للفيلا دخل ولقاهم جالسين فوق لي فوتوي تيتفرجو ويضحكو….لقا عليهم السلام ومجاوبو حد😣….سمع الاذان ديال المغرب وتسناه حتى كمل…

..سمع الاذان ديال المغرب وتسناه حتى كمل وقال الدعاء…وشاف فيهم متحرك حتا وأحد فيهم💔….عاد عرف بلي لااا مرتوو لااا ولدو تيصليو😣💔…..

جاسم : كسمعتوش الاذان
سامية تتفرج : وي المغرب علاش
سيف شاف فيه : ؟؟؟
جاسم : مغتصليوش ؟!
سامية مداتهاش فيه :”لا رد”
سيف جالس كياكل :”لا رد”
جاسم : الله يهديكم
طلع لبيتو بدل عليه ودخل توضى وخرج…صلى صلاتو وبقا تيدعي الله يغفر ليه وليهم ويهديهم على دينهم الي مفرطين فيه💔💔
🌸زوجوني_منقبة🌸
🌼بقلم:Aicha_mos🌼
🌸البارت 5🌸

كمل صلاتو وناض جمع الصلاية…خرج للمكتب الي عندو فالفيلا بقا خدام على شي ملفات بخصوص شي صفقات….وكل مرة تتجي صورة بنت الذهايبي المنقبة بين عينيه…حط الملفات وحيد نضاضر الشوف ديالو…حك لحيتو وبتاسم ابتسامة صغيرة ملي جاتو فكرة…فكرة فنظرو هي الي غتبدل ولدو للافضل وترجعو للطريق المستقيم…تحل عليه الباب وكانت الخدامة…علماتو بلي العشا وجد وخرجات…ناض من كرسيه وهبط فالدروج متاجه للصالامونجي الي كاينة وسط الفيلا…طابلة دائرية كبيرة زجاجية فالابيض مع كراسيها الستة…مزوقة باشهى الماكولات والعصائر…جلس وتقابل مع سيف الي مهرس من ايدو الليسرية وهازها بديك اللعيبة الطبية (معرفتش سميتها😅) وسامية الي تتحط لسيف الماكلة فطبسيلو باش ياكل….جاسم سمى الله وبدا ياكل وعينيه على سيف…حتى نطقات سامية مستغربة.

سامية : جاسم مالك تتشوف فيه ؟!
جاسم حط الفرشيطة : بغيت ندوي معاه فواحد الموضوع
سامية : امم ولكن حتا تاكلو
جاسم : لا دابا
سيف شاف فيه وحط حتا هوا الفرشيطة :كنسمعك ؟
جاسم خدا نفس على هضر : نتا تبارك الله كبرتي ودرتي بلاصتك فالشركة وقاد براسك وهاز مسؤولية الشركة على كتافك وكنظن بلي جا الوقت الي تتزوج فيه ودير وليداتك يالله تجمع راسك على لبنات والبيران والسكرة كل ليلة😤
سيف عقد حواجبو : الواليد انا مباغيش نتزوج على الاقل ماشي دابا !!
جاسم ضحك باستهزاء : داكشي الي تيتزوجو على قبلو الناس راك تديرو وقتما بغيتي فالحرام 😑
سامية شافت فسيف : باك عندو الحق راك كبرتي وخاصك تتزوج بغينا نشوفو حفادنا😍 وانا عندي ليك البنت المناسبة بنت الفصل والآصل🌸 وتتعرف**
جاسم قاطعها : ماشي نتي الي غتختاري البنت الي غتكون عروسة بغيتي تجيبي الي بحالو !! تزيد تخرجو طريق كتر من هكاا 😤
سامية تعصبات : وشكون غيختار نتا بالسلامة 😡
جاسم ببرود : البنت شفتها وعجباتني وكنتمنى توافق عليك 😧
سامية رافعة حاجبها : وعلاه بالسلامة شكون هي باش متقبلش بولدي 😕
جاسم ناض : نتي وهوا أدرى بالسبب…بصحتكم

ناض طلع لبيتو مخليهم كيشوفو فبعضياتهم وكيتسائلو على شكون هاد البنت الي عجبات جاسم والي مغتوافقش على سيف💔…..
سامية : علم الله اينا ماركة غيجيب لينا تاني
سيف ناض : ديرو الي عجبكم 😑
سامية : مكليتي والو 😣
سيف : تسدات ليا الشهية😑
سامية : تانا نيت😐
سيف دار ايدو فجيبو : تصبحي على خير
سامية بتاسمات : ونتا من اهلو

غادي طالع فالدروج وكيفكر فكلام باه وخصوصا ديك اللقطة د” كنتمنى توافق عليك” شكون هادي الي مغتوافقش عليه وهوا كاع لبنات اشكال وانواع كيتسناو غير اشارة منو يديرو الي بغى…حل باب بيتو ودخل…كان بيت كبيير وراقي مصبوغ باللونين الابيض والازرق الغامق…ديكور زوين وغالي…سرير كبير وسط الحجرة وبالكو فيه جليسة زوينة كذلك ….الدريسينغ روم كبيير فيه حوايجو ساعاتو صبابطو وكلشي….وعاد الحمام الي كاين وسط البيت كبير ومجهز بالي حبات خاطرو….تلاح على سريرو ناعس على ضهرو…تيحس بالم خفيف فايدو المهرسة وصداع فراسو…كل مرة تيتفكر الحادث تيضرو قلبو مينكرش بلي لولا حفض الله كان غيكون دابا ميت💔…سد عينيه ونعس….

عند سامية الي طلعات لبيتها بدلات حوايجها لبسات شوميز دونوي طويلة الكحل سميطات رقاق…وبانطوفة فالبيض…جلسات قدام المراية الي قدامها اجود انواع المكياج والروايح العالمية والراقية….مشطات شعرها وجمعاتو ببونضو…وهزات كريم مرطب دارتو لوجهها ولايديها….دخل جاسم ومشى تخشى فسريرهم…دار نظاظرو وجبد رواية متبعها كيقرا فيها…وسامية تتشوف فيه من لمراية….

سامية : مغتقولش ليا شكون هادي
جاسم باقي تيشوف فالرواية : ماشي وقتو حتا يوافقو واليديها وتوافق هي وديك ساعة نمشيو نخطبوها وغتشوفيها
سامية : جاسم دير ليا خاطر وخليني نختار ليه
جاسم سد الرواية وشاف فيها : سامية جاوبيني بصراحة وخا
سامية ضارت شافت فيه : وخا
جاسم : عاجبك حال الولد هكا ؟!
سامية بحزن : لا💔
جاسم : اذن خليني هاد لمرة نتصرف وتيقي فيا
سامية : اوك (ناضت فاتجاه السرير وتخشات تحت الغطى مغنقة جاسم ) جاسم
جاسم حيد النظاظر وسد عينيه : وي
سامية : مغتقولش ليا شكون !
جاسم : ساامية😑
سامية : وخا صافي😅
جاسم : نعسي…تصبحي على خير
سامية : ونتا من اهلو😍

……صبااح جديد🌼…..
واقف قدام لمراية الطويلة الي فالدريسنغ روم…كيسد فصطايف قميجتو…لبس ساعتو الفاخرة ورش ريحتو وخرج من بيتو…هبط التحت فين كان جاسم وسامية جالسين تيفطرو…
سيف جر كرسي وجلس : صباح الخير
جاسم /سامية : صباح النور
سامية : علاش معيطتيش عليا نعاونك تلبس ايدك باقة تتضرك
سيف كب لراسو القهوة : لا عادي
سامية : وعلاش لابس حوايج الخروج فين غادي ؟
سيف : غادي للشركة
سامية : شنوو ولكن نتا باقي مريض خاصك الراحة
سيف تيحرك السكر فكاسو : لا انا بيخير وعاد مليت فالدار

🌸زوجوني_منقبة🌸
🌼بقلم: Aicha_mos🌼
🌸البارت 6🌸

سامية شافت فجاسم الي تيفطر ممسوقش ليهم : جاسم هضر مع ولدك
جاسم حط كاسو : خليه يدير الي يريحو..يلاه انا غادي بغيتي شي حاجة ؟
سامية : لا بسلامة
جاسم باسها فحنكها : بالسلامة❤ (خرج وركب فاللوطو وكسيرا للمجهول)
سيف ناض : تانا غنمشي
سامية : باقي مفطرتي وغادي
سيف : شبعت 😊 بااي
سامية تنهدات بقلة حيلة : بااي😧

خرج سيف لوقا البسفور موجد اللوطو…حل ليه الباب اللوراني ودخل وسدو…وضار الشيفور وجلس وكسيرا للشركة…سيف جالس لور وساد عينيه مرتاح وكيستمتع بالهدوء….حل عينيه ملي حس باللوطو وقفات…شاف من الزاج داللوطو ولقا بلي باقي موصلو للشركة…

سيف : اش واقع !؟
الشيفور بتوتر : كاين الزحام 😓
سيف : همم
قلب وجهو مرة خرا للنافذة ولمحها❤…كانت بنت منقبة قصيرة شوية….واقفة تتسنى الطوبيس…لابسة نقاب اسود مع عباية فالرمادي طويلة…وقفازات فالكحل وشكارة فكتافها…كانت واقفة بعيدة على الناس ومرة مرة تتشوف فساعتها اليدوية وترجع نظراتها للسيارات الي واقفين من جراء زحمة السير….كانت تتبان زربانة متوترة.. .سيف بقا كيشوف فيها معرفش علاش تارت انتباهو…بقا حاضيها حتا شافت فيه بعينيها الي هوما الشىء الوحيد الي تيبان من جسمها….نظرة وحدة خاطفة وحيدات عينيها عليه وحنات راسها….اما سيف فقلبو كان شوية ويوقف💓….عينيها كانو فقمة الجمال نظرات بريئة من عينيها الرمادييتن😍….قدر من بعيد يحدد لونهم بعد عينيه وشاف قدامو…متسائل علاش حس بداك الشعور ملي شافت فيه…وقلبو الي ضرب بجنون ملي تلاقات عينيهم💓

هوا ميكعجبوش هاد النوع د البنات ولا حتا فهم عقليتهم…كيبانو ليه معقدات وملتزمات بلا قياس والحاجة الي تيطمحو ليها هي انهن يكونو ربات بيوت وزوجات لشبان بحالهم….مسح على وجهو باش يهدأ راسو وشاف فساعتو….نطالقات السيارة مجددا بعدما تحل الزحام….كان شعور داخلو كيقوليه شوفيها مرة خرا غير نظرة وحدة…مي لا قاوم هاد الشعور وبقا كيشوف قدامو….وقلبو باقي ماهدء…خربقاتو غير بنظراتها….زفر بصوت مسموع الشىء الي خلا الشيفور يخاف يكون دار شي خطأ وزاد فالسرعة…..ماهي ايلا دقائق حتا كانو قدام الشركة….

كانت بناية كبيرة…زجاجية كلها…قدامها جوج سيكوريتي ببنية عضلية قوية ولابسين كوستارات سوداء…هبط من اللوطو بعدما حليه الشيفور الباب ودخل….دارو ليه السيكوريتي التحية…كيتمشى وفارض هيبتو غادي بشموخ وهاز راسو بثقة فالنفس…داير ايدو فجيبو والي داز يوقف يدير التحية ويمشي….كيخلع الموضفين بصرامتو وجديتو فالخدمة خطأ واحد ويقدر يجري عليك….وخا هوا ابو البنات وسكايري وما ايلا ذلك ولكن فالنهار ووقت الخدمة كتبان شخصيتو الجادة والصارمة😍….طلع فالاسانسور لمكتبو….كان مكتب كبير وانيق كامل بالاسود والابيض….جلس فمكتبو وبدا تيراجع الملفات الي قدامو…وخا مرة مرة تضرو ايدو مي مداهاش فيها حيت بالو ممعاهش😉…بالو مع المنقبة الي خلاتو يخرج عن طوعو وخربقات مشاعرو…بمجرد نظرة صغيرة وسريعة❤

عند موسيو جاسم البناني😌…..وقف سيارتو قدام محل الذهب…كان باقي مسدود..بقا جالس باللوطو تيتسنى جلال يجي باش يهضر معاه فالموضوع الي كيتمنى من صميم قلبو يقبل وخا هوا أكتر واحد عارف صعوبة هادشي الي غيطلب منو…..شوية بانليه جلال جاي حل المحل ودخل…هبط جاسم من اللوطو ودخل لعندو…

جاسم : السلام عليكم
جلال : وعليكم السلام ورحمة الله
جاسم : سمحليا غنصدعك مع هاد الوقت
جلال : لا مرحبا بيك فأي وقت
جاسم : ربي يخليك بغيتك فواحد الموضوع وكنتمنى مترضهاش فوجهي
جلال : خير إن شاء الله ….أجي نجلسو باش ناخدو راحتنا فالهضرة
جاسم : وخا
خرجو قدام المحل…وجاب جلال جوج كراسا وجلسو…كان الوقت بكري وقلال الناس الي برا…
جلال : تفضل
جاسم بتوتر : انا بغيت نهضر معاك فموضوع كيخص بنتك
جلال : همم مالها ؟!
جاسم : واش مزوجة…مخطوبة !
جلال بتاسم : لا ممزوجة ممخطوبة كاع الخطاب الي جاو ليها رفضاتهم…حيت بغات تكمل قرايتها
جاسم فرح : فاش تتقرا ؟
جلال : عندها السنة الآخرة فالجامعة تخصص علوم رياضية
جاسم : تبارك الله..الله يوفقها
جلال : امين…ولكن علاش تتسول ؟
جاسم : انا بغيت نخطب بنتك لولدي لقبلتو علينا😓
جلال شاف فيه : ولكن ولدك 😟
جاسم بانكسار : عارف ولدي سكايري وكل مرة مع بنت وديما السهرات وحتا واحد ميبغي لبنتو راجل بحالو💔
جلال :”لا رد”
جاسم : وانا قلت لزوجتو ببنت بحال بنتك غيرجع ليه عقلو ويشد الطريق المستقيم الي تلف عليه😣
جلال : حاس بيك ولكن منقدر تأكد ولا ننفي نشوف البنت واش موافقة ونرد عليك
جاسم : إن شاء الله…هي الأمل الوحيد الي بقا ليا كنتمنى تفكر فهادشي الي قلت وتديرو بحال ولدك وشوف شنو يصلاح ليه راني خايف عليه من الدنيا 💔
جلال بقا فيه :ميكون غير الخير إن شاء الله
جاسم ناض : إن شاء الله..انا تابعاني الخدمة سمحلي عطلتك على خدمتك وشغلتك
جلال : لا ولو مرحبا فأي وقت

🌸زوجوني_منقبة🌸
🌼بقلم: Aicha_mos🌼
🌸البارت 7🌸

……فالمساااااء🕗…….
حل الباب بالساروت ودخل…كانت دار فحي شعبي من جوج طوابق مع السطح…الطبقة التحتانية فيها الكوزينة وطواليط مع صالون كبير ومراح فيه التلفازة….والطبقة الفوقانية فيه جوج بيوت كبار وصالون آخر وطواليط….دخل التقدية الي جاب للكوزينة ولقا تما مراتو زاينة🌸….مرآة فالثلاتينيات من عمرها شلحة وزوينة…بشرتها بيضة كيف الحليب عيونها كحلين وخدودها وشفايفها حمرين…غليوضة شوية ودايرة الحجاب لابسة بيجامة طويلة فالشيبي فيها وريدات بالالوان…وشربيل فالكحل….

جلال : السلام عليكم
زاينة بابتسامة تتمسح ايديها بالطابلية الي على خسرها : وعليكم السلام ورحمة الله
جلال : شي كاس د الما شحفت
زاينة : على الرأس والعين (كبات ليه ألما فكاس كبير ومداتو ليه) هكا
جلال شد الكاس وجلس فالكرسي الي حداه وشرب على ثلاث دفعات بعدما سمى الله كمل وحطو فوق الطبلة : الحمد لله…فين صفاء
زاينة تتخوي فالتقدية : الفوق تتصلي العشا
جلال : وخا اش موجدة للعشا
زاينة شافت فيه : الطاجين الي تيعجبك😍
جلال بتاسم : الله كنت نيت مشهيه
زاينة : هه ياك بعدا
جلال ناض : ههه ايه…غنطلع نصلي
زاينة :وخا☺

خرج جلال من الكوزينة وطلع لبيتو الفوق بدل حوايجو…ومشى توضى وصلى وهبط للتحت…شاد التلفازة وكيفكر فهضرة جاسم….حتا دخلات عندو بوتو صفاء😍….بنت آآآية فالجماااااال سبحان من صورها في اجمل صورة…بنيتة كيووووت كيووووووووت🌸😳….بشرتها بيضة كيف الثلج عينيها فالرمادي البارد….خدودها شوية ويطرطقو بالحمورية…شفايفها منفوخين بطريقة زوينة وحمرين…حجبانها مقادين من عند الله…نيف صغير وكيوت….قصيرة وغليضة شوية مي الكرش مكايناش…طايتها زوينة❤….لابسة بيجامة طويلة فالغوز بيبي وشال على راسها فالبيض زادها جمال على جماال😍( تتحشم من باها داكشي لاش تدير الحجاب حتا فالدار)….مشات عند جلال باست ليه راسو وشدات ايديه بين اييدها البيضين والغليوضين ومفيهم حتا زغبة…باست ايدو وجلسات حداه…

جلال : الله يرضي عليك ابنتي
صفاء بصوت عذب وحنين : امين😍
جلال : كيف دوزتي نهارك
صفاء : زوين والحمد لله…ونتا😊
جلال : حتا انا الحمد لله
دخلات زاينة حطات الطاجين وجلسات : صفاء نوضي ابنتي جيبي الخبز والما
صفاء ناضت للكوزينة : وخا☺ (جابتهم وجات…تجمعو كياكلو بصمت حتا نطق جلال)
جلال : ليوم جا واحد السيد يخطب صفاء لولدو
زاينة : شي حد تنعرفوه ؟
صفاء حشمانة وساكتة :”لا رد”
جلال : جاسم البناني لولدو سيف البناني
صفاء شافت فباها مصدومة :😲
زاينة : !!؟؟
جلال : اه هوا وقلت ليه حتا نشوف اش غتقولي
صفاء حطات الخبز : ولكن أ بابا 😣
جلال : عارف…سيف ميصلاحش ليك ونتي وياه شخصياتكم بعاد على بعضياتهم
زاينة : علاه مالو ؟
جلال : هوا سكايري ومقابل السهرات والبنات ولعياد بالله💔
زاينة : أعود بالله من الشيطان الرجيم…وراه باين الجواب هوا الرفض انا بنتي منعطيهاش لسكايري😕
جلال شاف فصفاء : بنتي جا عندي باه وطلبك من عندي وقال بلي نتي الامل الوحيد ديالو باش تعتقي ولدو من لهوا فيه وترجعيه للطريق والولد رآه ميعيبو غير تصرفاتو فالليالي اما فالصباح راه رجل اعمال وقاد بشغالو ومعروف بخدمتو..غتاخدي الاجر والثواب لوريتيه الدين والصواب
صفاء : نتا بغيتي نتزوج بيه ؟
جلال : انا مغنقبل مغنرفض الأمر راجع ليك

🌸زوجوني_منقبة🌸
🌼بقلم:Aicha_mos🌼
🌸البارت 8🌸

صفاء :”لا رد”
زاينة : خليونا من هاد الموضوع…والي دارها الله هي الي غتكون
جلال / صفاء : ونعم بالله
زاينة : فخبارك اصفاء بلي بنت عمك حنان غتزوج ؟
صفاء شافت فيها : لا 😐
زاينة : ههه اوا راه حددو العرس غيكون فشهر 8
جلال : يعني بعد 3 شهور
صفاء : الله يكمل عليها بالخير
زاينة : امين🌸 ويسهل عليك بشي ولد الناس😍
صفاء :😳😳😳
جلال : أمين…(لزاينة) هضرتي ليوم مع حسناء ؟
زاينة تتكب الما فالكاس : اه وراه سلمات عليكم هي والفنيكيشة وجدان
صفاء : ههه توحشتهم
جلال : يسلم عليها الخير والرباح
زاينة : قالت غتجي السيمانة الجاية
صفاء : إن شاء الله😊

كملو عشاهم وناضت صفاء تتجمع الطبلة…شافيها باها
جلال : كنتمنى تفكري فالموضوع
صفاء : إن شاء الله
جلال : الله يرضي عليك
صفاء بتاسمات : امين☺
دخلات للكوزينة ….تتغسل الماعن وتتفكر فكلام باها…من نبرة صوتو عرفات بلي هوا موافق وبغاها تتزوج بسيف…سيف الي كانت تتشوفو فالتلفازة مع باها…هي معجبة بالإنجازات الي دار حقق داتو وزاد كبر شركتهم…فعمر صغير قدر يكتب سميتو فلائحة رجال الاعمال الناجحين…تيبقى فيها الحال ملي تتشوف وتتسمع على حياتو فالليل…الملاهي والسهرات السكر والكارو…لبنات والزنى💔….مكرهاتوش يوقف على داكشي الي تيدير ويبقا قدوة للشباب الي معجبين بنجاحو…للوهلة فكرات بلي تقدر تكون هي الي ترشدو للطريق الصحيح وتخليه يرجع للدين ويستعين بيه فحياتو…ولكن واش غيتقبلها كزوجة !! واش غادي يبغيها ويسمع منها ويخليها ترشدو لباب التوبة

مسحات ايديها فالفوطة الصغيرة الي معلقا فالباب الفران…طفات الضو وخرجات من الكوزينة…لقات والديها طلعو لبيتهم وحتا هي طلعات لبيتها….هزات المصحف بين ايديها وجلسات فوق سريرها مربعة رجليها…وبدات تتقرا القرآن وتتجودو بصوتها العذب…صوت ما شاء الله…كانه من الجنة…تتجود بكل احساس وتذبر فايات الرحمان…ديما قبل متنعس تتقرا القران وتتجودو😍🌸…..

صفاء خليل….بنت فالعشرينات من عمرها…السنة الاخيرة فالجامعة تخصص علوم رياضية…دوزات الامتحانات وكتمنى تنجح وتشد الاجازة🎓 وتخرج…وبالموازات مع الجامعة…تتقري فالجامع العيالات وتعلمهم الدين…دارت النقاب عن اقتناع بعدما خدات الباك ديالها…مفرضو عليها حد….واليديها شجعوها عليه وساندوها فقرارها….بنت متدينة وخلوقة معروفة فالحي ديالهم بلي داخلة سوق راسها وحتا حد مكيدوي معاها…النسا تيحماقو عليها تصرفاتها وجمالها رباني سبحان من خلقها….تتعاون الي كان وتتحشم بلا قياس😳….معمرها بغات شي ولد مرأة وحتافظات بقلبها لزوجها ولرفيق دربها…..قلبها طاهر باقي مجرب الحب الي تيكون بين الذكر والانثى….
حافظة القرآن…كان حفظو ليهم باهم هي وختها حسناء الي كبر من صفاء بعامين…تزوجات هادي 3 سنين وعندها بنت “وجدان” عندها عامين….صفاء وحسناء خداو جمالهم من امهم زاينة…والعائلة كاملة معتارفة بالحداكة والجمال ديالهم🌸😍…

سدات القرآن بعدما قرات ما تيسر لها…ناضت رجعاتو لبلاصتو…حيدات الزيف الي مخبي سعرها البني عسلي…شعر حريييير😍….طلقاتو كان فايت مأخرتها…كيعجبها طولو تتنقص منو مرة مرة ولكن غير شوية…ضفراتو وتخشات فسريرها….سمات الله وقرأت أية الكرسي وسدات عينيها….للحظة تفكرات داك الشخص الي شافت الصباح💓….ملئ كانت واقفة تتسنى الطوبيس….الشخص الي تلاقات عينيه بعينيها….مقدراتش تتأكد من ملامحو….ولكن عينيه مبغاوش يمشيو من بالها….كانت نظرات لمدة وجيزة سريعة…خلات قلبها ينبض بسرعة😍….لمجرد متفكراتو مرة خرا قلبها نبض…ستغفرات ربها ونعسات….وهي تتفكر فواش توافق ولا ترفض زواجها من سيف البناني !؟

……..🔥بعد اسبوووع🔥…..

هابطة من الدروج بخفة ورشاقة وعلى محياها ابتسامة صغيرة وزوينة….خدودها كيف ديما حوومر😍…تلاحت على ختها عنقاتها عناق حاار…توحشاتها..
صفاء : وأخيرا جيتي😍
حسناء : ههه خنقتيني…توحشتك الحب
صفاء بعدات : حتا انا بزااف (شافت وجدات واقفة ورا حسناء ومخشية فيها حشمانة…هبطات عندها صفاء ) حبيبة خالتها مغتسلميش😊
وجدان قربات منها باستها فحنكها : شلام (سلام)
صفاء هزاتها : وعليكم السلام الفنيكيشة
حسناء : خلينا غي ندخلو نستاراحو…فين ماما
صفاء : ماما خارجة..دزتي عند بابا للمحل ياك
حسناء جلسات فالصالة وحطات الصيكانها فالارض : وي هوا الي عطاني الساروت 😊
صفاء جلسات وحطات وجدان على رجليها : توحشتكم 😍
حسناء حيدات حجابها : حتاا حناا…اجي مبروك الاجازة العفريتة نجحتي وحققتي الحلم ديالك
صفاء حشمانة : هه الله يبارك فيك🌸
حسناء غمزاتها : اوا مكاين شي عريس شي خطيب 😉
صفاء تزنغات : 😳😳 ….فين خويا عبد الصمد ؟
حسناء : وصلني عند بابا ومشى عندو الخدمة كثيرة هاد الايام….اجي علاش بدلتي الموضوع (ناضت جلسات حداها ) هي كاااين شي حد 😲😍

🌸زوجوني منقبة🌸
🌼بقلم :Aicha_mos🌼
🌸البارت 9🌸

حسناء خليل…الأخت الكبرى لصفاء…تتشبه ليها..غير حسناء طويلة وفورمتها خطااار😍🔥…واتاها الزواج كيف كيقولو😉…بشرتها بيضة وعينيها فالبني الغامق…خدودها وشفايفها حميمرين…شعرها بني حريري مقطعاه كارية…محجبة وتتلبس الطويل عبايات وكساوي….تزوجات قبل 3 سنين…قرات عامين فلافاك وتزوجات…ولدات بنت تتشبه ليها وجدان…عندها عامين…هي نسخة مصغرة من حسناء حتا من الشعر مقطعاه كاري😍….

يلاه جات صفاء تهضر…دخلات زاينة هازة شي تقدية….ناضت عندها حسناء تتعنق وتبوس شهر مشافتهم…وجدان حتا هي ناضت تتجري عند زاينة تتحماق على جداتها….أما صفاء فمشات دخلات التقدية للكوزينة ودارت الما يطيب…وبدات تتقطع الكيكة الي عاد صاوباتها هي والمسمن وبغرير❤….خرجات عندهم للصالة بينما غلى الما وتنوض تعمر اتاي….

زاينة تتهضر مع حسناء : اوا ابنتي اش خبارك اش تتعاودي امورك هانية مع راجلك وعائيلتو
حسناء : الحمد لله كوولشي بخير احبيبتي
زاينة : الحمد لله داكشي الي بغينا😍
حسناء باست ليها ايدها : الله يطول لينا فعمرك
زاينة بتاسمات : امين…عنوض نيحد عليا هاد الجلابة ونجي نكملو حديثنا
حسناء :وخا
وجدان : ميمة ديني معاك😍
زاينة : اجي عندي الكبيدة اجي (هزاتها)
حسناء : غير تتشوفك سبحان الله تتنساني😂
صفاء : ههههه وي عزيزة عليها بزاف
زاينة : هادي راه حبيبة جداها😍 (مشات طلعات للفوق)
حسناء : اوا قولي ليا اش كاين😈
صفاء : ههه حتال من بعد..انا غنوض معمر اتاي طلعي بدلي حوايجك وهبطي ناكلو كسكروط
حسناء هزات صياكانها وشالها : هاهي غادة تاوكان تسالي الالة وديك الساعة مغتفلتيش من ايدي
صفاء : ههه وخاا

طلعات حسناء..لبيت صفاء الي كان بيتها حتا هي…حطات سيكانها وجبدات بيجامتها…فالخضر الملكي زوينة…لبساتها مع سندالة فالكحل…وهزات شالها بين ايديها وهبطات للتحت…فين لقات صفاء حطات المسمن البغرير والكيكة…وفرماج والعسل والزبدة…والصينية ديال اتاي…وقرعة ديال الما بارد شوية وكاس….هبطات حتا زاينة هي ووجدان…وجلسو كياكلو ويهضرو…ويضحكو على هضرة وجدان😍….

…..عند سيف…جالس فمكتبو متكي راسو على كرسي البيرو…عندو صداع يلاه خرج من اجتماع وتبخو ليه راسو وعصبوه …حيت دايرين شلا اخطاء….دخلات عندو السكرتيرة بعدما عطاها الاذن…هازة كاس ديال الما مع فنيدة ديال الراس..كيف طلب منها….كانت لابسة قميجة فالحمر مزيرة على صدرها صاية فالكحل حد ركبة لاصقة حتا هي😣….والطالون وشعرها الي تتضرب بيه…والريحة كاباها عليها…والمكياج بلا مندوي عليه😑….حطات ليه داكشي فوق البيرو وخرجات تتعوج وتتقل فالمشية باش يشوفها…مي هوا ممسوقش ليها راسو غيطرطق بالصداع💔….شرب الفنيدة والما ورجع راسو اللور وسد عينيه….وجات صورة عيونها الرماديين بين عينيه للمرة الالف ليوم😍…كل مرة تيسد عينيه تتبان ليه…معرفش علاش ولا كيفاش…ولكن غير تفكر عينيها بدأ الصداع يمشي ليه…بحال شي مهدء كانو نظراتها بالنسبة ليه….تنهد بتعب وشاف فساعتو اليدوية وناض خرج من مكتبو…هبط بالمصعد وخرج من الشركة ولقا الشيفور وجد اللوطو…حليه الباب وطلع سيف للور كيف ديما…وكسيرا للفيلا…باغي غير يتلاح ينعس…سيمانة الي ممشاش للشركة بسباب الحادث…رجع ولقا الروينة وأخطاء الموظفين بالآلاف…داكشي علاش النهار كامل وهوا من اجتماع لاجتماع….مسافة الطريق حتا كان قدام الفيلا…هبط ودخل للداخل ديريكت لبيتو عاد حجبانو…دخل لبيتو وبدل حوايجو وخا وعتاتو ايدو المهرسة ملي كان كيحيد القميجة…لبس سروال كحل ديال السبور…مع تيشرت فالبيض جاه هوا هداك ومبين عضلاااتو السداسية🔥…تكا فسريرو…وداتو عينو🌼…

🌸زوجوني منقبة🌸
🌼بقلم: Aicha_mos🌼
🌸البارت 10🌸

جالسين كيتفرجو فالتلفازة…بعدما تعشاو…جات صفاء جلسات حدا باها..بعدما غسلات لماعن…متوترة وحشماااانة معرفاتش حتا كيفاش تقولها ليه…
صفاء : بابا😳
جلال شاف فيها : نعام
صفاء حنات راسها : أ…نا موافقة💓😳
جلال بتاسم وطبع قبلة فجبهتها : الله يرضي عليك
حسناء : موافقة على اش ؟!
زاينة : جاوها الخطاب ووافقات😊
حسناء : مبروووك أختي الله يكمل عليك بالخير❤
جلال : امين…انا غنوض نقولها لسي جاسم (ناض خرج من الصالة وجبد التيلي وعيط)

كانو جالسين كيتعشاو فصمت حتا صونا التيلي دجاسم…شاف المتصل وتوتر طلب الله يسمع داكشي الي بغا وجاوب…تحت نظرات سامية وسيف المتسائلة عن هوية المتصل…
جاسم : السلام عليكم سي جلال
جلال : وعليكم السلام كيف الحال امورك هانية
جاسم : الحمد لله ونتا العائلة كولشي بيخير
جلال : بيخير ولله الحمد…تاصل على قبل الموضوع الي دوينا فيه
جاسم متوتر : اه الله يسمعنا خبار الخير
جلال : خير خير إن شاء الله…البنت وافقات والله يكمل عليهم بالخير
جاسم بتاسم براحة : احسن خبر 💓 فرحتيني الله يفرحك❤(شافت فيه سامية)
جلال بابتسامة : امين😊
جاسم : غدا ندوز عندك باش نحددو موعد الخطبة
جلال : إن شاء الله
جاسم :إن شاء الله🌸(قطع)

سامية تتشوف فيه شحال فرحان : خطبة من ؟
جاسم : ولدي سيف البنت وافقات🌸
سامية : بغيت غير نعرف شكون هادي الي خدات عقلك
جاسم : ههه قريب تشوفيها (شاف فسيف) مبروك اولدي😊
سيف شاف فيه : “لا رد”
جاسم : الله شحاال فرحان الله يكمل هاد الزواج على خير
سامية : امين😑

عند صفاء الي طلعات لبيتها…قلبها تيضرب بسرعة معرفاتش واش خدات القرار الصحيح ولا لا…ولكن الي متأكدة منو هوا انها غادي تحاول بكل الطرق…ترجع سيف للطريق المستقيم وتخليه يتوب ويرجع لدين الحق….جودات القرآن كيف كدير ديما…وحطات المصحف وجبدات المشطة…جلسات فسريرها تتمشط شعرها وساهية…حتا دخلات عندها حسناء هازة وجدان الي ناعسة بين ايديها….حطاتها فوق السرير وغطاتها بايزار وباستها…ومشات عند صفاء خدات ليها المشطة وبدات تمشط ليها….
صفاء : معرفتش واش خديت القرار الصحيح
حسناء : كيفاش ؟
صفاء : خطبني اب سيف اليماني أ حسناء
حسناء : سيف البناني😲
صفاء : اه
حسناء جلسات حداها : السمعة ديالو ممزياناش😟
صفاء تنهدات : ااه وهادشي الي شاغل بالي💔
حسناء : وعلاش وافقتي عليه
صفاء : باباه جا عند بابا كيشكي عليه همو وبلي خايف على ولدو من الدنيا الي غواتو وخرجاتو الطريق…وبغاني انا نتزوجو ونكون السبب الي غيوريه طريق الحق
حسناء : بصح غتاخدي أجر وثواب كبييير😍
صفاء : 😣
حسناء : كيبانلي سيف هاد الأيام عفى عليه الله من الحادثة الي وقعاتليه السيمانة الي فاتت الفيراري ديالو ملقاو ميجمعو فيها ولولا لطف الله كان غيكون ميت
صفاء بلا متحس : الله ينجيه
حسناء : هاي هاي خايفة علييه😉
صفاء حشمات : حسناء😳
حسناء : ههه اوا الي غنقوليك هوا توكلي على الله وربي مغيخيبكش وإن شاء الله يهديه وينورو
صفاء : امين
حسناء : اوا نتي الي غتزوجي لاهيلا كيقولو تيتيز والله اعلم😋
صفاء جابت ليها الضحكة : استغفر الله هههه
حسناء : هداك غيولي راجلك ابنيتي 😉
صفاء : 😳😳 وصافي
حسناء عنقاتها : هاني ساكتة…الله يكمل عليكم بالخير
صفاء : آمين🌸

🌸زوجوني منقبة🌸
🌼بقلم: Aicha_mos🌼
🌸البارت 11🌸

نعسو ابطالنا والي شاغل بالهم حاجة وحدة وهي هاد العلاقة والزواج الي جا على غفلة…جا صباح جديد حامل فطياتو أحداث جديدة ومثيرة…ناض جاسم ناشط وفرحان لبس حوايجو وفطر…وخرج متاجه عند جلال…حددو موعد الخطبة الي غتكون بعد 4 ايام….توادعو وكلا علم مالين دارو…وسيف الي حاقد ومعاجبوش هادشي نهائيا…مبغاتش تفهم ليه انه غيتزوج ببنت عمرو شافها ولا عرف عليها شي حاجة….مي مقادرش يتزايد مع باه فالهضرة…حيت عارف لا مشى حتا رفض هادشي غادي يوقعو مشاكل مع باه هوا عن غنى عنهم…..دازو دوك 4 ايام عند العائلتين غير فالتوجاد….جاسم مخلى مجاب وطاير فالفرحة اما سامية بغات غير تعرف شكون هاد البنت الي طاير عقل جاسم عليها😂…..اما عائلة صفاء فكانو تيوجدو اش غيحطو من حلويات ومشروبات ومأكولات…..

جالسة فبيتها لابسة قفطان فالذهبي البارد…قفطان بتوب جوهرة…مخدوم بالراندة❤…مع شال فالبيض وشربيل فنفس اللون…مدايرا والو فوجهها ولو غير شوية د الميكب كانت تتبان فقمة الجمال والانوثة😍…..اصلا متحتاجش المكيب خدودها وشفايفها كيف ديما حومر ولكن ليوم بلا قياس من قوة ماهي حشمانة متوترة وخايفة….تتحك فايديها بتوتر…دخلات عندها حسناء الي لابسة قفطان فالكرونة بلا حزام مع شربيل فالكحل وشال فالكرونة❤…جات تووتة مع الكحل فعينيها يااا سلام😍..

حسناء : راه وصلو 😊
صفاء : انا مخلوعة وفيا الدوخة 😣
حسناء جات وقفاتها : ههه كاع دزنا من هاد اللقطة… جيتي فنيونة الله يحفظك😍
صفاء :😳😳
خرجاتها وداتها للصالون الي فالطابق الي فيه لبيوت…صالون مفرش بفراش تقليدي مغريبي زوين..جالسين فيه لعيالات بوحدهم اما الرجال فالصالون الي لتحت…..جالسة سامية بجلابة راقية الغوز بيبي مطروزة بالطرز الغالي…مع طالون فالبيض…طالقة شعرها ودايرة ميكب خفيف جات زوينة دايرة رجل على رجل….حداها ختها الي صغر منها…لابسة هي الاخرى جلابة فالباج مطروزة بالطرز الغالي…مع شربيل فالقهوي وشال فيه اللونين القهوي والباج…ومكياج خفيف😍….غير شافو صفاء الي مدخلاها حسناء…حلو فمهم من شدة جمالها🔥…سلمات عليهم وهي حادرة عينيها مايتة بالحشمة…اما سامية وختها خولة مقدروش ينزلو عينيهم من عليها….جلسات صفاء حدا مها الي كانت فرحانة حيت عرفاتهم عجباتهم صفاء😍…هازة وجدان فوق رجليها…

🌸التتمة🌸

خولة خت سامية : ما شاء الله 😍 زوينة تبارك الله
سايمة : تبارك الله..شنو سميتك ابنتي
صفاء بصوت خفيف وحنيين : صفاء😳
سامية : اسم على مسمى
بقات تتسولها وصفاء تتجاوب بالخاطر وبصوت حنين وعلى قد السؤال….سامية عجباتها بصوابها وجمالها…حطات ليهم زاينة هي وحسناء لعشا…بسطيلة الحوت..عاد الدجاج المحمر والشلايض والعصائر والديسير بجيمع الانواع….المهم تهلاو فيهم بالمزيان مخلاو ليهم ميقولو….عاد حطو اتاي مرة خرا مع الحلوة وبقاو تيدويو…سامية وخولة عجباتهم زاينة وكلامها…وعاد بناتها الي تيحمقو😍…….شوية عيط جلال لزاينة وقاليها بلي يهبطو للتحت….ناضت سامية وخولة هبطو للتحت وجلسو مع جلال الي لابس جلابة بيضة وطربوش…وجاسم وسيف بكوستاراتهم الانيقة اللووز😍…..
ناضت زاينة نعسات وجدان…وتسنات صفاء تلبس نقابها….لبسات نقاب فالكحل مع الفوقاني ديال واحد العباية طويل وكحل مع ليكاتها الكحلين….لبساتهم فوق حوايجها وخرجات عند زاينة وحسناء الي تيتسناوها باش يهبطو مجموعين……هبطو فالدروج وصفاء شوية ويسكت ليها القلب من قوة مكيضرب💓….دخلات زاينة ولقات السلام موراها حسناء مع صفاء حادرة عينيها والسخونية طالعة معاها…الي صدمات سامية وخولة😂…مكانوش عارفين بلي هي تتلبس النقاب…سامية شافت فجاسم بصدمة وهوا بتاسم ليها😊….جلسات صفاء حدا جلال حادرة عينيها وحشمانة…
سيف الي غير كيشوف…تصدم هوا الاخر…مكانش متوقع باه يخطب ليه منقبة…بقا غير حاضيها..بغاها غير تهز عينيها وتشوف فيه…ملي دخلات وقلبو مهدئ….كانت قريبة ليه ريحتها تغلغلات لاعماقو😍…جالسة فالسداري الي حدا سداريه….قاليها باها تهز النقاب وتخلي سيف يشوفها…مدات ايدها الي تترجف وشدات النقاب وطلعاتو فوق راسها ببطئ…..وسيف مقدرش ينزل عينو بغا يشوف وجهها…مع هزاتو كامل مع حل فمو😂….السيد طاح على زنافرو….تقدر تكون هي اجمل مشافت عينيه….خدودها الحومر…ولا شفايفها الجذابين….ولا بيوضة بشرتها….المهم السيد حمقاااتو بالبيان……حسات بنظراتو ليها وهي تهز عينيها فيه….وتقلاقات عينيهم💓….تصدمو بجوج…كل واحد فيهم تيقول بلي هادو هوما العينين الي شاف ومقدرش يبعد صورتهم من دماغو…..سيف الي مات الله يرحمو😂….عينيها الرماديين كملو الي خاصو…لوحة فنية من صنع الخالق….

🌸زوجوني منقبة🌸
🌼بقلم ؛Aicha_mos🌼
🌸البارت 12🌸

بقاو شوف فيا نشوف فيك اطاجين لحوت حتا حنحن جلال…وهبطات عينيها أما سيف مكاينش هنا ذايب فيها وفجمالها….
جاسم بابتسامة : اوا اسي جلال ليوم جايين طالبين راغبين فايد بنتك المصونة لولدي لقبلتو علينا
جلال فرحان : مرحبا… من عندي انا موافق مي نسولو البنت اش قالت
شافو كاملين فصفاء الي مااااايت بالحشمة ولات حمراااا وسناء تتضحك عليها…حتا نطقات زاينة بالجملة المشهورة…
زاينة : السكون علامة الرضا
جلال : اوا على بركة الله نقراو الفاتحة

هزو يديهم كاملين وبداو يقراو فالفاتحة وسيف عينيه باقين على صفاء الي حاسة بنظراتو وبغات غير ايمتا تنوض من حداهم….كملو قراية الفاتحة وهزات زانية لبلاطو الي فيه الخواتم الي جابو معاهم ومداتو لجلال الي عطا لسيف خاتمو يبلسو لراصو حيت باقي مخاصوش يقيصها…أما صفاء فلبسها باها الخاتم الي كان خاتم زوين من الذهب الابيض…خاتم راقي وباين فيه غالي…اما خاتم سيف كان خاتم نقرة سامبل مي زوين….
جاسم : الله يكمل عليهم بالخير….والعقد نديروه فهاد السيمانة نيت والعرس الشهر جاي
جلال : على بركة الله 🌸
جاسم : والي تقالت عليكم خفافت علينا راه ولينا عائلة وحدة
جلال : الله يكتر خيرك وبالفعل ولينا عائلة وحدة وكيشرفنا هادشي
جاسم : الشرف لينا🌼

ستاذن جاسم وناض يودعهم باش يمشيو حيت الوقت تعطل وهوما خدامين غدا….خرج جاسم مع جلال لقدام لباب وبقا سيف جالس…ناضت سامية وخولة سلمو على زاينة وحسناء وناضت عندهم صفاء حشمانة سلمات عليهم وسيف حاضيها….باركو ليها الخطبة وتطلعات لبيتها تتجري فالدروج شوية وتسخف💓….عاد ناض سيف سلم من بعيد على زاينة وحسناء وخرج لقا باه كيسلم على جلال…سلم عليه كذلك وطلع للوطو….طلعات سامية وختها خولة لور وجاسم سايق وسيف حداه….وكسيرا….كان الصمت سيد المكان حتا نطقات سايمة معصبة…

سامية : جاسم واش حماقيتي باغي تزوج ولدي بوحدة دايرة النقاب😤
خولة : ومالها شهوة منها تبارك الله ما شاء الله البنت فنا فناا😍
جاسم : “لا رد”
سامية : اويلي على غدايدي واش بغيتي تسطيني وكون كانت دايرة الحجاب هانيا مي النقاب لا لا لا
خولة : سامية الله يهديك البنت بسيف دير النقاب وهي ما شاء الله تتحمق بالزين وعاد لمبغيتوهاش نتوما ناخدها لولدي صفوان😍
سيف سمعها طلع ليه الدم : ياك صفوان مزوج😤

🌸زوجوني منقبة🌸
🌼بقلم ؛Aicha_mos🌼
🌸البارت 13🌸

سيف سمعها طلع ليه الدم : ياك صفوان مزوج😤
جاسم حابس الضحكة عارفو غار : اوا الشرع حلل ربعة😌
خولة : وي
سامية : واش باغين تحمقوني😡 وااااع ومبغيتهاش مبغيييتهااش دايرة النقاااب😣 يععع داعشية
جاسم عصباتو مي تهدن : سامية الله يهديك بحالا نتي الي غتزوجيها 😒الي غيتزوجها مقال حتا كلمة وعاد محيدش عينو عليها وباينة عجباتو ياك اسيف😉
سيف كيسمع ليهم وساكت مباغيش يجابوهم حيت هوا براسو معارفش واش باغي بصح يتزوجها ولا لا هي عبجاتو وعمرو شاف جمال بحال جمالها ولكن هي متليقش ليه هوا بعيد عن الدين اما هي…💔
جاسم : سميتها بعدا
خولة بابتسامة : صفاء اسم واتاها وهي صافية بحال البلارة سعداتك بيها اولدي سيف غير نتا الي غتزوج
جاسم : ما شاء الله البنت خلق وخلق
خولة : اه يا خويا جاسم حتا عائلتها تبارك الله كيدخلو للخاطر مخلاو محطو وكبرو بينا
جاسم : الحمد لله ملي غير وافقات
خولة : الله يكمل عليهم بالخير
سامية : مفهمتش انا اش دارت ليكم حتا كتشكرو فيها لهاد الدرجة😒
خولة ضحكات : هههه والي شافت ميقولش هادي الي بقات حالة فمها فالبنت
سامية خنزرات فيها : الحق يتقال البنت زوينة ومصوابة حاجة وحدة غير داك النقاااب😣
جاسم : البنت مقتانعة بيه وعاجبها نتي اش دخلك نتي حتا من الحجاب مدايراهش الله يهدييك على نفسك
خولة بهمس : أمين

سامية زمتها مسكينة بقات غير تتفور بوحدها ومعاجبها حال متقبلاتش ان مرت ولدها لوحيد تكون منقبة….لابسة ديك الخنشة كيف كتسميها هي😂…هي براصها شافت قداش سيف بين اعجابو بيها ولكن صفاء شخصيتها بعيدة كل البعد على سيف…عاد عرفات علاش ختارها جاسم ظننا منو أن صفاء غتخلي ولدو يرجع لدينو ويتوب…..تنهدات بصوت مسموع وتمنات يدوز هادشي دغيا حيت محاملاش هاد التخربيق……

وصلو للفيلا وكلا طلع لبيتو…دخل سيف دوش وبدل حوايجو…وتكا على سريرو تيفكر فصفاء وعينيها الي هبلاتو بجميع تفاصليها…تنهد وسد عينيه ونعس معارفش علاش داق عليه صدرو ملي تفكر بلي هي تتلبس النقاب يعني تتصلي يعني عارفة بينها وبين أ خلقها….أما هوا فغاطس فالذنوب من صبع رجليه حتال لراسو….الذنوب كثيرة وكثيرة من شراب وزنا وبزااف كيصلي غير فالعيد أما باقي الأيام لا حياة لمن ينادي شحال من حاجة غافل عليها على دين الإسلامي…..

🌸زوجوني منقبة🌸
🌼بقلم ؛Aicha_mos🌼
🌸البارت 14🌸

تسائل للحظة علاش قبلات تزوج بيه هوا الي فضائحو مالين الدنيا وكولشي عارفو….واش زعما متتعرفوش !؟ ولا معارفاش بلي هوا الي غيخطبها…تساؤلات كثيرة جات فدماغو وعكرات نفسو…..

عند صفاء الي بدلات قفطانها ولبسات بيجامة خفيفة…وقرات القرآن كيف عادتها🌸….عاد تكات فسريرها تتشوف فوجدان الي ناعسة بحال الملاك…دخلات عندها سناء الي كانت فالحمام دوشات….لابسة بيجامة سخونة وشعرها جامعاه ففوطة…طايح عليها السر تتبان فنة😍….جلسات حدا صفاء تتشوف فيها وتتبتاسم…

صفاء : مالك☺
حسناء : عجبك ياك😉
صفاء :😳 كنت غنموت بالحشمة داكشي فشكل
حسناء : هههه داكشي عادي…هوا بعدا بقا غير حاضيك انا بانلي تقولي ليه غير صلي بصوت حنين يولي يصلي حتا قيام الليل😂
صفاء تفركعات بالضحك…ضحكتها زوينة وكيوت : ههههههههههههههه🙊 سكتي
حسناء : ههههههه شش غتفيقي وجدان😂😂 ومالني كدبت السيد غا حشم انا كون درتو العقد ليوم
صفاء : ههههههه وصافي😳😳
حسناء : ههه الله يكمل عليك بالخير الحبيبة ديالي 😍 فرحت ليك والله
صفاء عنقاتها : امين😍
حسناء : ودابا قولي واش عجبك😉
صفاء : حشومة😳🙈
حسناء : ههههه حمقة …دابا تطير هاد الحشمة😈
صفاء ضرباتها بمخدة : 😳😳 حسناااء
حسناء : ههه هاني ساكتة 😂

🌸زوجوني منقبة🌸
🌼بقلم: Aicha_mos🌼
🌸البارت 15🌸

فصباح اليوم الموالي💓….كانو مجموعين على مائدة الإفطار والصمت سيد المكان…حتا نطقات سامية
سامية : ايمتا العقد؟
جاسم : بعد غدا إن شاء الله
خولة : إن شاء الله
سامية : اش كدير فحياتها 😑
جاسم : يلاه شدات الاجازة
سامية : فالشريعة😕؟
جاسم : فالعلوم الرياضية 😊
خولة : تبارك الله
جاسم : وعاد تتقري لعايالات فواحد الجامع
سامية : همم

خولة شافت فسيف : ايمتا غتحيد داك الكبص ؟
سيف كيشرب فقهوتو جاوبها ببحة رجولية : الشهر جاي
خولة : إن شاء الله
جاسم ناض : انا غنمشي
سامية : بسلامة
جاسم : ختي خولة غتكوني هنا فالعشية ؟
خولة : لا غنمشي سيدي عثمان خليتو راسو
سامية : اويلي عاد جيتي بقاي معايا
خولة : الله يجعل البركة حتال العرس ونجي انا وسيدي عثمان
جاسم : إن شاء الله…سيف غتمشي لشركة ؟
سيف : لا عندي لقاء مع شركة المريني
جاسم : وي وي نسيت المهم نتلاقاو فالشركة خاصنا نهضرو
سيف : اوك

خرج كل من جاسم وسيف وركبو فسياراتهم ونطالقو لوجهتهم….أما سامية فكملات فطورها هي وخولة عاد ناضو للصالة يكملو حديثهم…مخلين الخدامة تجمع الطبلة….

سامية : خولة معاجبانيش قضية النقاب😣
خولة شافت فيها بمعنى من نيتك :😕
سامية : راه داوية بصح البنت زوينة ومافيها ميتعاب من غيرر داك النقاب الي تتلبس
خولة تنهدات : الله يهديك أ سامية البنت مقتانعة بيه ودارتو ومرتاحة فيه تانيا النقاب راه سترة وهي تبارك الله زينها كيفتن🌸
سامية : اوا صافي تزوج سيف وتحيدو وتبقا بالحجاب حتا هوا كيستر
خولة : واش نتي حمقة 😅 واش مكتفهميش بلي البنت ملبساتو حتا بغااات تلبسو يعني مجاتش تقولي ليها تحيدو !!
سامية حطات مخدة على فخادها : اووف ودابا تأ منظرها بيه خايب
خولة : سامية الله يرضي عليك سدي هاد الموضوع والبنت هي الي غتخلي ولدك يرجع للطريق شفتيه لبارح محيدش عينو عليها باين عجباتو…غير هي بشوية بشوية تخليه يقرب من الدين راكم وسمحيلي خرجتو عليه كابر وسطكم وممعلمينو والو على دينو حتا كبر وتبلى بفتن الدنيا💔 والعياذ بالله
سامية حنات راسها عارفة بلي كلام خولة صحيح : همم
خولة : سامية ختي واش تبغي يتعاود الحادث لقدر لله لسيف 😣 ؟

سامية بهلع : الله ينجيه ويحفظو😖
خولة : هي ايلا تقبلتي صفاء ودرتيها بحال بنتك وعانتيها على سيف يرجع للطريق ويبعد من داك الويل سامية : امم😐

🌸زوجوني منقبة🌸
🌼بقلم :Aicha_mos🌼
🌸البارت 16🌸

خولة : 😊 اوا نوض انا نمشي لداري
سامية :جلسي حتا تغداي
خولة وقفات : لا غدايا ناكلو مع سيدي عثمان💓
سامية : ووالدين ربعة وكل واحد تبارك الله مزوج وبولادو وباقين تتدلعو بعضياتكم وسعداتكم ياختي
خولة : هههه هادشي متعرفيش ليه😈
سامية : ههه ياااك😑
خولة : ايه😌

واقفة ببيجامتها الطويلة والخفيفة فالحكل منقطة بالبيض…ودايرة زيف صغير على شعرها الي باين نصو من لقدام وصندالتها الغوز فرجيلاتها البيضين وحميمرين😍….تتغسل لماعن ديال لفطور وتدندن فنفسها واحد النشيد تيعجبها….جات بين عينيها صورتو قلبها بدأ يضرب تاني بسرعة…هي بحالها بحال أي بنت عادية…تتحلم تزوج بالراجل الي يبغيها ويحتارمها واهم حاجة عندها هوا يكون عارف بينو وبين الله…يتقي الله فيها…يكون زوج حبيب وأب واخ ليها وهي تكون ليه زوجة حبيبة وأخت وأم….تعيش حياتها الزوجية بسعادة مع رفيق دربها والي بغات يكون رفيق دربها حتا فالجنة….مكيهمهاش يكون عندو لفلوس ولا يكون تيتيز…المهم يكون كيبغيها ويكون عارف دينو 😍

دخلات عندها زاينة تتكفد كمام بيجامتها….حلات الثلاجة وجبدات الخضرة الي غتخصها باش دير كسكسو…لاحضات سهوة صفاء وسولاتها….

زاينة تتقشر فاللفت : صفاء ؟
صفاء ساااهية : “لا رد”
زاينة زادت فنبرة صوتها شوية : صفاااء 😕
صفاء عاد ردات البال ضارت شافت فمها : نعام
زاينة لاحت اللفلتة فالباينو الصغير الي فيه شوية ألما وهزات لفتة خرا تتنقي فيها : فاش كنتي ساهية ؟
صفاء حشمات تتشلل فالكيسان من الصابون وتتديرهم فالشبكة الي حدا لافافو : 😳 ا..غير كنت تنفكر
زاينة تتشوف فلفتة : فاش تتفكري ؟!
صفاء حطات الكاس الاخير فالشبكة وشافت فمها : فهاد الزواج الي جا على غفلة 😣
زاينة تتقشر فخيزو : ياك نتي الي وافقتي
صفاء : اه ولكن
زاينة بهدوء : ولكن شنو ؟
صفاء بتوتر : خايفة نكون غلطت فموافقتي انا من عالم وهوا من عالم اخر كيفاش غنديرو باش نتفاهمو وهذا راه الزواج والزواج لدوام ماشي ديال ساعة ولا شهر ولا عام
زاينة عجباتها هضرة صفاء هي عارفة بلي بنتها قارية وفاهمة مي معمرها سمعاتها تتهضر هكا زادت كبرات فعينيها…..سكتات شوية عاد هضرات : قولي ليا ابنتي
نتي علاش وافقتي ؟

🌸زوجوني منقبة🌸
🌼بقلم :Aicha_mos🌼
🌸البارت 17🌸

صفاء تتمسح ايديها بالفوطة حشمانة : وافقت باش نشد بيدو ونوريه طريق النور والحق…ونخليه يعرف دينو ويتوب وانا ناخد الأجر والثواب
زاينة : خاصك تكوني مرأة وقادة وتكوني فاهمة ورزينة وتخليه بشوية بشوية يقرب منك يسمع منك وتسمعي منو تخلقي بيناتكم علاقة مبنية على الاحترام والتفاهم
وراك لعرفتي كيفاش وايمتا غتخليه يبغي يكون الشخص الي تتمنايه يكون عليه😊
صفاء النص د الكلام فهماتو والنص والو معرفاتش كيفاش تطبق داكشي الي قالت ليها زاينة مي خدات فكرة وتشجعات وتيقنات من قرارها : وخا🌸
زاينة : الله يرضي عليك ويكمل عليكم بالخير💓
صفاء حشمانة : امين😳

دخلات عندهم حسناء تابعاها وجدان شادة طرف ديال الخبز صغير تتنقب منو….وقفات حسناء حدا زاينة..
حسناء : الله غديري كسكسو😍 توحشتوو
زاينة : ههه علاه من ايمتا مكليتيه بالسلامة
حسناء باست كتف زاينة : كسكسووك من شحاال 😍 احسن كسكسو فالعالم
زاينة : هههه حمقة
حسناء شافت فصفاء : مال عروستنا متتهضرش معانا مالها ؟
صفاء : ههه والو غير كنت تنفكر فكيفاش نتي تزوجتي وولدتي وبالعقل عندك غادي وينقص😂
زاينة تكرشخات بالضحك : هههههههه لاهيلا
وجدان شفتهم كيضحكو ضحكات : هيهيهيي
حسناء :هههه شفتك تتعايري (شافت فوجدان) ونتي معاها محشمتيش
وجدان : هيهيهي😊
صفاء : هههههههههه (حاطة ايدها على فمها حابسة ضحكتها🙊)
حسناء : الله يستر😂
زاينة : هههه اامييين

عند سيف الي هبط من اللوطو بعدما حل ليه الشيفور الباب…داير نظاراتو الشمسية زادتو اناقة ووسامة😍…..عاد رجع من عند شركة المريني اللقاء داز كيفما متوقع…لقاء ناجح وممتاز…دخل للشركة ديالهم طلع فالاسانسور فاتجاه مكتب باه….حل الباب ودخل…كان مكتب كبير ورااقي اثاث انيق وعندو طابع برجوازي…كان جاسم جالس ورا مكتبو خدام على شي وراق حتا سمع الباب تحل…هز عينو ولقاه سيف…ناض من بلاصتو وتاجه للاريكة السوداء الي كاينة قدام النافذة الكبيييرة والي تتطل على المدينة….جلس فيها وأشار لسيف يجي يجلس حداه وبالطبع داكشي الي دار….

🌸زوجوني منقبة🌸
🌼بقلم :Aicha_mos🌼
🌸البارت 18🌸

جاسم بعد صمت : ولدي سيف نتا تبارك الله كبرتي ودرتي بلاصتك فالشركة وقاد بخدمتك
سيف : دخل فالموضوع الوالدي😐
جاسم بتاسم : بغيتك تدير عقلك وتبعد من داكشي الي كنتي تدير الشراب والبيران والبنات راك غتزوج دابا
سيف : “لا رد”
جاسم : البنت تبارك الله رآه ألف واحد يتمناها وبزز باش قنعت باها يوافق عليك حيت عارفك فضائحك ومنكدبش عليك مكاينش الي غيبغي لبنتو راجل سكايري وكل مرة فضيحة…الي غنقوليك تهلا فالبنت وخليها تعاونك ترجع للطريق وباركة من اللعب فالدنيا وفكر شوية فآخرتك ورجع لدينك وتوب
سيف كارز على ايدو معصب هوا عارف بلي الي كيدير فيه غلط وبزاف ولكن علاش باه لهاد الدرجة فاقد فيه الامل وزوجو بيها هي !! زعما كلمة منها غتخليه يرجع يصلي واش هكا كيفكرو شكون هي الي غتخليه دغيا يتبدل..واش تصحاب راسها دارت النقاب ولات فقيهة والي قالتها هي الي تكون…..هادشي كامل فكر فيه سيف وهوا حاقد محملش أن باه مزوجو بديك المنقبة باش تبدلو وتكون فقلبو كره من جيهتها جاوب جاسم بنبرة هادئة وهوا فداخلو شوية وينفاجر : إن شاء الله
جاسم : إن شاء الله😊
سيف وقف : انا عندي شي خدمة خاصني نمشي
جاسم : اكيد تفضل

خرج سيف وهوا حاااقد وبالبيان…دخل لمكتبو كيرخف فكرافاطتو بايديه الي ترتجف بالاعصاب..حل صطافي القاميجة اللولين…حاس براسو غينفاجر….كيمشي ويجي ويتنفس بالجهد…شكون هي هادي وشكون تكون باش تجي وتبدلو😤 والي زاد معبصو وهوا طريقة كلام باه بحالا تيقوليه بلي رآه هوا والو قدامها والي قالتها ليه يديرها…..جلس فكرسي مكتبو تيحاول يهدأ راسو…وهوا كيفكر فهادشي الي تيوقع بلا موافقتو….

…..يوم العقد….واقفة بنقابها الي زادها جمال ووقار…حداها باها جلال كيتسناو جاسم وسيف يجيو باش يدخلو لعند لعدول…متوترة حشمانة وخايفة…باقي فنفسها شوية د الشك تجاه صواب قرارها….تنهدات بصوت شبه مسموع وستغفرات ربها ودعات انه يسر ليها امورها ويرشدها للصحيح…..وقفات حداهم الرونج روفر ديال جاسم وهبط منها بلباسو الانيق كلعادة والابتسامة على شفايفو….سلم مع جلال بالايد وعلى صفاء غير بالكلام. ….عاد هبط سيف من اللوطو عاقد حجبانو محااملش هاد التخربيق كامل….حتا هوا كان انيق ووسيم كالعادة…سلم على جلال بالايد ومشافش جيهة صفاء كاع معبرهاش بتاتا……

🌸زوجوني منقبة🌸
🌼بقلم :Aicha_mos🌼
🌸البارت 19🌸

..دخلو للداخل وجلسو قدام لعدول الي سولهم على موافقتهم وهوما جاوبو بالموافقة وعطاهم يسنيو هوما والشهود وبارك ليهم…..جلال وجاسم فرحانين…اما صفاء مايتة بالحشمة وحاسة بشي حاجة ماشي تلهيه فسيف الي كل شوية ويتنهد بالجهد بحالا معصب….

جاسم : مبروك عليكم🌼
صفاء بصوت خفيف وحنين : الله يبارك فيك اعمي🌸
سيف هز عينو فيها ملي سمع صوتها جاه فشكل…صوتها فيه واحد النغمة زوينة…مع الهزة دالعين فيها غتشوف فيه حتا هي وغيتلاقاو عينيهم تاني …عينيها الرماديتين بعينيه العسليتين💓…والقلوب كيف العادة تتضرب وتعزف سمفونية الحب والهيام فالارجاء…ولكن هاد المرة مطالتش بزاف حيت بعد عينو عليها وناض وقف وخرج….خلاهم غير كيشوفو فيه مستغربين….هوا مبغاش يضعف قدامها مبغاش يذوب فعينيها مرة خرا…ينسى راسو وهوا غاطس فجمال نظراتها وبرائتهم….ملي تفكر كلام باه الي كان جارح ليه 💔……اما صفاء فبقا فيها الحال معجبهاش كيف دار ومعرفات حتا مالو !؟

خرجو من مكتب لعدول وتوادعو وقالهم جاسم بلي عارض عليهم للعشا…وافق جلال على انهم يحضرو ومشا هوا وصفاء راجعين للدار….صفاء الي طول الطريق تتفكر فعلاش دار داك التصرف…واش غلطات فشي حاجة ! ولا هوا مباغيش يتزوج بيها ! ولكن علاش وافق لمكانش باغيها !!…..حاسة برأسها مخنوقة وهوا كيتصرف هكا من لبدية كيفاش غيكونو باقي ايامهم مع بعضياتهم !!…..وصلها جلال للدار وقال لزاينة على لعراضة ومشى للمحل….اما زاينة وحسناء بداو تيصليوو على النبي ويزغرتو ويباركو لصفاء كتب كتابها💓…الي غير شافتهم هكاك بدات تبكي…تجمع عليها الشعور ديال انها غتمشي وتخليهم والاحساس بالخنقة والحزن من تصرف سيف…بداو يعنقو فيها ويسكتو وابحرا مسكتات وبدات حسناء ضحك فيها💕……

اما جاسم الي مشى للشركة هوا وسيف…والطريق كاملة وهوا كيشوف فسيف معصب وحاقد..بغا يسولو علاش دار قبيلة داك التصرف مي قال بلاش …..طلع كل واحد لمكتبو كيكمل خدمتو…..حتال لعشية…غربات الشمس….معلنة على انتهاء النهار وبداية أجواء السكينة والهدوء….الليل💜……..واقفة سامية فالكوزينة بقفطانها الانيق والمطرز بالطرز الرباطي شي حاجة خطيرة وزوينة….مع مجوهراتها الغالية…تتشوف فالاخر التحضيرات بينما وصلو عائلة صفاء💓….

🌸زوجوني منقبة🌸
🌼بقلم:Aicha_mos🌼
🌸البارت 20🌸

هابط جاسم من الدروج لابس جبادور فالكحل والذهبي مع شربيل فالكحل….جاه كيحمق زادو وسامة وهيبة وريحان الرجالية الي ملات المكان….جات عندو سامية تتبتاسم…طبع قبلة فجبينها فرحان وعاجبو الحال…..

جاسم : واش كولشي واجد؟
سامية بابتسامة :اه… (شافت وراه) فين سيف ؟
جاسم : باقي مهبط
سامية : اوكي واش قرابين يوصلو ؟
جاسم شاف فالساعة الي فايدو : وي

مع قالها وقف الشيفور اللوطو قدام الفيلا…هبط جلال بابتسامتو الهادئة كيف ديما…لابس جلابة تقليدية زوينة مع شربيل…وهبطات زاينة وحسناء ووجدان الي تيبانو غزالات بالتقليدي كذلك…عاد هبطات عروستنا بنقابها الي مزينها💕…حشمانة كيف عادتها…لابسة نقاب فالكري جا مواتي مع عويناتها…مع كسوة زوينة فالكرونة فيها الورد بالغوز البارد طويلة وايفازي وحجاب فالغوز بيبي عاد النقاب طبعا….خرج عندهم جاسم مبتاسم وسلم على جلال ورحب بيهم وقالهم يدخلو….دخلو للداخل وتلقات ليهم سامية بصينية من الفضة تتلمع فيها الحليب والتمر ومبتاسمة….سلمو عليها لعيالات اما جلال دوا معاها من بعيد….صفاء ملي دخلات علات نقابها وسلمات مع سامية الي مقدراتش متبينش اعجابها بجمال صفاء😍للمرة التانية…شربات صفاء شوية الحليب و وخدات تمرة وخدودها حمرين متوترة وحشمانة….عاد خدا كل من زاينة وحسناء ووجدان وجلال حقهم ودخلو للصالة….الي مفرشة بفراش تقليدي وراقي…..صالة كبيرة وزوينة فراشها بلونين الشيبي والرمادي…وزربية كبيرة من تركيا والستائر طوال ولونهم خطير ومواتي مع الفراش والتريات معلقين من الكريستال تيلمعو😍….وجوج طوابل كبار دايرين من الخشب الغالي…ريحة العود فالصالة تسر الأبدان…واشكال د الحلوى والعصائر واتاي والمكسرات…فوق الطبلة باجمل الديكورات…

جلسو ….جاسم تيكب فاتاي الي باقي سخون والفوار تيخرج منو….وفنفس الوقت كيهضر مع جلال وكيرحب بيهم كل شوية….وسامية الي جالسة جلسة راقية وبنخوة تتهضر مع زاينة الي باين فيها الفرحة ملي شافت بنتها فين غتعيش…هي بحالا بحال أي أم تتبغي لبنتها احسن مكاين وتكون هانية وعايشة بسعادة….سامية مرة مرة تتهضر مع صفاء الي حيدات النقاب وحطاتو حداها وحشمااانة وديما حادرة عينيها…وتتجاوب سامية بصوتها الحنين وقد السؤال متزيد متنقص….جاسم شاف فسامية تيسولها على سيف غير بنظراتو…ويلاه غتنوض تعيط ليه وهوا يدخل…وريحتو سابقاه…لابس كندورة فالبيض بسفيفة فالكرونة…مطلع شعرو لفوق…وداير الجبيرة لايدو الي مهرسة…وايدو لخرا فيها ساعتو اليدوية الغالية….كيبان تيتيز😍 وجا يحمق بالبلدي….لقا عليهم السلام وردو عليه….دخل سلم على جلال بابتسامة وسلم على زاينة وباس ليها راسها…الصواب زعما أما حسناء غير بالفم عارفها متتسلمش مع الرجال….وسلم على وجدان الي جالسة تتضحك شادة حلوة دشكلاط فايدها…..اوا ووقف قدام صفاء💓…..الي مهبطة عينيها مقادراش تشوف فيه وقلبها حاسة بيه غيوقف….شافت ايدو الي ممدودة جيهتها وصوتو الي بورشها….نطق بصوت رجولي فيه بحة “سلاام”…..هزات ايدها الي تترعد ودارتها فايدو حشمانة وكولشي حاضيهم😂….زير على ايدها الرطيطبة وبييضة😍 عجباتو لمستها….هزات راسها فيه حشمانة…..غير شافها هزات راسها…حيد ايدو ومشى بعد جلس حدا باه وجلال الي تيهضر معاه وهوا تيجاوب باداب وبجدية…..

خلاها مصدومة تاني من تصرفو…زيرات على كسوتها معرفاتش مالو💔….هزات عينيها وشافتو جالس مع كيهضر مع باها وكيبان عادي…بقا فيها الحال زعما رآه خاصو يكون فرحان ويبارك ليها !!….شدات ليها حسناء ايدها تتضحك معاها وهي بتاسمات لختها وبقات تتهضر معاها وغير بتوشويش…وسيف مرة مرة تيشوف فيها بلا ميخلي حد يرد ليه البال…..كب جاسم اتاي فالكيسان ومد ليهم كيسانهم ويرحب بيهم تاني ناضت سامية تتمد طباسل الحلوة حتا خدا كل واحد ورجعات جلسات تتكمل كلامها مع زانية الي جاتها على كانتها وعجباتها بحكمتها ورزانتها💜……

🌸زوجوني منقبة🌸
🌼بقلم :Aicha_mos🌼
🌸البارت 21🌸

أما جلال عجبو سيف كيبان شخص آخر ماشي هذا الي فضايحو مالين دينا…هذا الشاب الواعي والجاد وعارف اش تيقول…الحاجة الوحيدة الي معيباه هوا ابتعادو على دينو وتتبعو لشهواتو…عرف بلي صفاء غتقدر تغيرو ويكون ليها نعم الزوج والسند💕…..

ناضت سامية تشوف لعشا واش واجد…دخلات للكوزينة شادة قفطانها مطلعاه شوية بايدها حيت كيتجرجر فالأرض….لقات كولشي هوا هذاك وقالت ليهم يدخلو الطبلة ويحطو لعشا…وداكشي الي دارو…كانو جوج خدامات فمنتصف العمر…لابسات لباس الخدامات ودايرات الحجاب…هوما خدامات عند سامية من زمان وعزازين عليهم…..كيدخلو للخاطر🌸…..رجعات سامية لعندهم بابتسامة لطيفة…رحبات بعروستها وعجباتها كيفاش حشمانة وهادئة…..دخلو الخدامات وجمعو الطبلة وبغات تنوض حسناء وصفاء تعاونوهم مي رفضات سامية…هوما ضيوف وحشومة ينوضو يخدمو…..حطو الخدامات العشا الي كان زوين ومضخم اش منك يا بسطيلات بالدجاج والحوت واش منك يا لحم بالبرقوق والدجاج محمر واش منك يا ديسير بجميع الأنواع د الفواكه حطوهم والعصائر حتا هوما الوان ونكهات مختالفة….وختموها فالاخير بحلويات باردة

المهم مخلاو محطو وتهلاو فيهم حتا مبقا عندهم فين يزيدو مزال….وسيف كان كيشوف فصفاء غير بنص عين…كيفاش تتاكل…غير بشوية وحشمانة ومتيولة…
رجعو حطو ليهم اتاي والحلاويات والمكسرات باش يشدو لحتيت حيت الليلة باقة مطولة والجلسة مملوها….كانو تيبانو بحالا كيعرفو بعضياتهم من زمان ومنساجمين وهضرة تجبد هضرة بحال أي جلسة مغربية عائلية💜

جاسم بابتسامة : سامية نوضي مع عروستنا وريها الفيلا
سامية وقفات : هي اللولة يلاه حتا نتي الالة زاينة
زاينة وقفات حتا هي : وخا😊
ناضت حسناء حتا هي بغات تشوف الفيلا وخلات وجدان ناعسة على فخد جدها جلال…وقفات صفاء هزات نقابها بغات تديرو مي قالت ليها سامية بلي مكاين حد من غيرهم ورجعات حطاتو فبلاصتها ومشاات معاهم….دايرة ايدها فمرفق حسناء الي تضور عينيها فالفيلا وفرحانة حيت ختها غتسكن هنا….أما زاينة فسابقة هي وسامية تيهضرو…..طلعاتهم للفوق الي فيه البيوتة بحماماتهم وبالبالكوات كذلك….كل بيت وديكورو مختالف على البيت الي بعدو….كاين 5 لبيوت فالفيلا كبار وزوينين واحد لسامية وجاسم وواحد لسيف والثلاثة لخرين للضياف…..دخلو لبيت سيف وضرباتهم ريحتو الرجولية….كان بيت ديكورها زوين وهادئ…عجبات صفاء كيعجبها الديكور الهادئ

سامية تتشوف فصفاء : لمعجباتكش شي حاجة فالبيت قوليها نبدلوها
صفاء تتهضر وحشمانة : أ..لا البيت زوينة…عجباتني😳
سامية ضحكات : ههه مزيان 😊

خرجو من الغرفة وهبطو للطابق التحتاني ووراتهم الصالونات لخرين…والكوزينة وبيت الصابون….وخرجاتهم للجردة الي فيها لابيسين كبيير وفجنبو جليسة زوينة….وعاد واحد المشتل صغير فالجردة فيه الورود كتهتم بيهم سامية💓….ورجعو دخلو للصالة ولقاو الرجال باقين كيهضرو كيف خلاوهم…..جاسم هز راسو بفصفاء ووجه ليها الكلام
جاسم : اوا ابنتي عجباتك الفيلا ؟
صفاء تتهضر بصوت كيرجف مايتة بالحشمة :اه تبارك الله زوينة😳
جاسم : هه الحمد لله ملي عجباتك
صفاء بتاسمات ليه : ربي يخليك 😳☺

شافت فسيف الي سهى فابتسامتها…هبطات عينيها دغيا مبغاتش يتعاود نفس البلان ديال كل مرة…أما سيدي سيف مهواش هنا السيد بقا غير كيشوف كانت تتبان بحال شي ملاك…الي ضحكتها نورات الدنيا والي تتحسسك بلي الأشياء الخايبة مليهاش وجود فهاد العالم…🌼 مفاق من سهوتو غير على صوت جلال كيودعهم باغي يمشي…

جلال : الله يقبل والله يخلف خاصنا نمشيو الوقت هوا هذا
جاسم : لاواه الجلسة عاد حلات وعمرتو علينا الدار باتو وغدا تمشيو
جلال : لا الله يكتر خيركم وسمحو لينا صدعناكم
جاسم : الله يهديك اشمن صداع بالعكس مرحبا بيكم فأي وقت راحنا عائلة دابا
جلال : الله يكبر بيك وهادشي عارفينو ولكن خاصنا نمشيو
جاسم : اوا محدك مصر إذن منبززش عليكم والله يسر ليكم
جلال : على بركة الله

ناض جلال وسلم على سيف وخرج مع جاسم للبرا…حسناء هزات وجدان الي ناعسة وسلمات مع سامية ووقفات تسناهم يسلمو حتا هوما…سلمات زاينة على سامية وعلى سيف وكذلك صفاء الي هازة نقابها فايدها…سلمات على سامية الي عنقاتها وقالت ليها الي بغاتو تقولها ليها باش تجيبولها…بتاسمات ليها صفاء ووقفات قدام سيف مدات ليه ايدها وهي مبغاش تسلم معاه غا حشمات اما تخليه وتزيد…حادرة راسها وبغات غير ايمتا تحيد من حداه….سيف كيشوف فيها وفايدها..شاف فسامية واقفة قدام زاينة وعاطياه بالضهر ومد ايدو لصفاء وجرها وسلم عليها من لحنك لحنك مخليها مصدوووومة😳 متوقعاتش انه يدير هاد الحركة….بعد وجهو وشاف فيها كيفاش حشمانة ومصدومة وبتاسم ابتسامة خفيفة وقال بهمس بصوتو الباح “مبروك علينا💓”…..خرجات فيه عينيها ممصدقاش اش كيقول وعاد ابتسامتو لي جابت ليها الشلل مسكينة…

🌸زوجوني منقبة🌸
🌼بقلم :Aicha _mos 🌼
🌸البارت 22🌸

هبطات راسها وقالت بصوتها الحنين والي كيرجف “الله يبارك فيك😳”…يلاه غتمشي وهوا يزير ليها على ايدها الي باقة ف ايدو حتا شافت فيه بعينيها القتالة والي منهار شافهم وهوا تالف ومغروم بيها بلا ميحس وبلا ميعتارف….عينيها مشاو ديريكت لعينيه وقال بصوتو الهادئ وحنين هاد المرة “بسلامة”…بتاسمات بشوية وردات عليه “في أمان الله”…ضحك على ديك في امان الله جاتو فشكل….طلق ايدها وبقا كيشوف فيها تتلبس نقابها…سالات وتمشات قدامو لحقات على زاينة وحسناء الي طلعو للوطو….وتاهيا طلعات بعدما باست ايد جاسم….الي عجبوو الحال تيعجبو الصواب والآداب الي فصفاء….طلعات حدا زاينة وهي شوية تسخف هادشي جديد عليها…قربو ليها تيخليها متعرف اش تدير…واش هذا هوا الحب !؟

سلم جلال على جاسم و على سامية غير من بعيد كيف ديما وطلع حدا الشيفور وكسيرا فاتجاه دارهم….دخلات سامية معنقة جاسم الي فرحان ومبتاسم ووراهم سيف تيحك عنقو معارفش مالو…هوا فصراع بين الكره والحب…واش كيكرهها؟ ولا كيبغيها….ولكن واش يقدر يبغيها بهاد السرعة !!……طلع لبيتو عيان مباغيش يفكر بزاف…..

أما جميلة الجميلات صفصف ديالنا💕….حاطة رأسها على كتف زاينة تتضحك غير مع رأسها…عجبها تصرفو وخا كانت غتسخف ليه ههه هي أول مرة تجرب هادشي كاع الخوف الي كان فقلبها تجاه هاد الزواج مشى لمجرد أنه تبسم ليها وبارك ليها زواجهم💓…

بعد مرور شهر🌼…..صفاء وعائلتها مشغولين فالتحضيرات للعرس….الدار عامرة بالعائلة شي داخل شي خارج المهم الرواج كاين…صفاء فهاد الشهر مشافتش سيف غير جوج مرات فقط مرة عرضو عليهم تاني للفيلا ومرة هوما…وحتى من التيليفون مكيهضروش فيه ونمرتو معندهاش…سامية الي كانت تتخرج مع زاينة يتقداو لصفاء دهازها وشنو بغات وخا هي مكانت تتطلب والو مي ضروري….تهلات فيها حسناء بالوصفات الي زادو جمالها جمال….اليوم نهار الحنة والعرس الي غيعرضو فيه هوما على عائلتهم عاد الغد ليه غيجي السي لعريس وعائلتو…..العرس داروه فالدار نيت….الخزانة داروها فالسطح الواسع والكبير وعاد عندهم جوج صالونات….
جالسة فبيتها بقفطان فالأخضر الملكي بلا حزام وشال فنفس اللون جاها خطير مع وجهها….وشربيلها المطروز الابيض💕….طايح عليها السر تتبان اجمل عروس…شاداها البكية وهي عارفة بلي قريب تمشي من الدار الي كبرات فيها وتربات…وغتمشي لدار راجلها دار جديدة مع ناس جداد الي غيوليو هوما عائلتها….ملي حسات براسها غتبكي ناضت جابت مصحفها وبدات تقرا آيات الرحمان…الي خلاها ترتاح وتحس بالسكينة🌸…

داخلة عندها ختها بقفطان فالموف توب جوهرة بالسفيفة مع حزام…وشربيل وشال كيف العادة تتبان زوينة…جات عندها وبقات تقرأ عليها المعوذتين ليضربوها بالعين حيت تتبان بصح فاااثنة…مدايراش المكياج مي تتحمق بالزين شفايفها حومر وخدودها كذلك عيونها الرماديين الي مزينهم رموشها الكثاف والي تيبانو بحالا دايرة ليهم ماسكارا…وبشرتها الصافية والبيضة😍….نوضاتها وخرجاتها بالصلاة والسلام دخلاتها للصالون لي حدا لبيوت كانو فيه لعيالات من عائلتها كاع فرحانين ليها وعلاش لا وهادي صفاء الي مكينش الي متيحماقش عليها….ناضو عندها بنات عماتها وخوالاتها ضارو بيها تيصليو على النبي ويزغرتو….جلسوها فالبرزة وقربات منها النقاشة الي كانت كبيرة شوية فالعمر شافت صفاء وبقات تقول غير تبارك الله ما شاء الله…وبدأت تنقش ليها…صفاء بغات نقش سامبل ميكونش عامر بزاف ولبات ليها النقاشة رغبتها….العيالات حداها يطبلو ولبنات يشطحو…كانو غير لعيالات والنشاط والزهو كيف أي عرس مغريبي وخا هي منقبة مي كيعجبها هاد شي وعادي تقدر كاع تنوض تشطح معاهم….وحتا هادشي محرامش الحرام هوا الاختلاط أما لكانو لعيالات ناشطات بوحدهم والرجال بوحدهم راه عادي🌸……نقشات ليها وجلسو لبنات ضايرين بيها كيعبرو على اعجابهم بجمالها وطلتها كعروس 😍….طلات عليها زاينة الي مشغولة تتقاد من هنا وتهز من لهيه وتمشي عند الطباخة وتلبي طلباتها….شافت بنتها كيفاش تتبان فرحانة ومبتاسمة…ترسمات على شفايفها ابتسامة صغيرة خليط من الحزن والفرح…البنت الي كانت تجري وتلعب حداها هاهيا كبرات وغتودعهم وغتكون اسرة حتا هي💔…..شافتها صفاء وضحكات ليها وسيفطاتلها زاينة بوسة فالهوا وقالت ليها غير بشفايفها “الله يحفظك 😍”…..ومشات تكمل شغالها الي فوق راسها العرس كلو فوق كتافها هي وجلال….كيف كيقولو ناس زمان عرس ليلة تدبيرو عاام🎓……

بقاو هكاك غير النشاط الشطيح والرديح…فرحانين بجميلة الجميلات😍….حتا وصلات لعشية فين غيجيو الرجال والعيالات من العائلة وحتا الجيران….كولشي ناض يلبس ويتقاد للعرس….ناضت صفاء مشات لبيتها تتشوف فحنتها الي طلع لونها يحمق مع اديداتها بيضين جاتها الحنة خطيرة😍…..ناضت صلاة المغرب ورجعات جلسات فوق سريرها …

🌸زوجوني منقبة🌸
🌼بقلم: Aicha _mos 🌼
🌸البارت 23🌸

دخلات عندها حسناء مرة خرا وقالت ليها تنوض تلبس قفطانها البيض الي فيه الذهبي خيطاتو ليها زاينة بالعشق…بمضمتو وشرييلو وشالو…عاوناتها حسناء تلبسو بغات دير ليها الميكب عارضات صفاء بغات تبقى طبيعية واصلا عاد مغتزيد تبان زوينة….جلسات معاها شوية تيهضرو ويضحكو حتا بداو ناس يجيو وخرجات من عندها باش تعاون مع مها وترحب بالضياف….الصالونات بجوج عمرو بالناس من العائلة والجيران…كولشي أنيق ومزين شي بجلال راقية وشي بقفاطنهم زاهية…اما الرجال فطلعو للسطح…الي دروجهم حدا الباب يعني مكيبان ليهم والو لداخل ودغيا كيطلعو والعيالات تيدخلو للصالونات…..طلقو الطرب الأندلسي مي ممجهدش وبداو يفرقو اتاي والحلوى…والناس مجمعة كاين الي مشافوش بعضياتهم من زمان وكاين الي عاد كيتعارفو المهم هكاا دايرين لعراسات…..

خلاوهم هكاك مجمعين حتا داز العشا والي بغا يصلي صلا والي عندو عذر رآه بقا جالس…..بداو يحطو ليهم لعشا والدنيا خدامة غادة جاية شي يطلع للفوق عند الرجال وشي تفرق على الصالونات كلى وفين كيسربي….طلعات حسناء عند صفاء هبطاتها هي وبنات عماتها وخالاتها…لعند العيالات فالصالون الي لتحت تتسلم وترحب بيهم….وكاع الي تمى بقاو غير كيشوفو فجمالها وشي ندمان حيت مجاوش خطبوها لولادهم….وعلاش لا وهي بلارة صافية ألف من يتمناها خلق وخلق ما شاء الله…..طلعوها للصالة لي لفوق ودارت نفس الشئ ورجعات لبيتها جابت ليها حسناء عشاها وجلسات تعشات حداها ويهضرو على الناس الي حاضرين شكون جا وشكون لا….والكادوات فالجنب ديال البيت…كادوات احجام والوان🌸…..

داز العرس وبدات اللمة تتفرق واقفة زاينة هي وحسناء كيودعو للعيالات وحدة وحدة…حتا خرج كلشي وبقاو غير ناس قلال منهم عماتها وخالتها وجداتها أما الباقي كولشي مشى…..بداو تاني بالجميع بحال الاول مكملو حتا كولشي تهد والعيا تمكن منهم…مي مكاينة راحة العرس باقي غدا وضروري يتحزمو ويشمرو على يديهم رآه الي جايين هوما عائلة العريس ❤….

.تطفئ الضو فالدار وكانت ديك الساعة 4 دصباح…كولشي طايح ناعس عياان ومدقوق….وناضو ملي وأذن الفجر…ناضو صلاو شي رجع نعس وشي ناض يكمل الخدمة الي بقات لبارح يقاد منهنا ومن لهيه……صفاء صلاة لفجر وبقات فايقة وتقرأ القرآن على خاطرها حتى سالات وناضت خرجات من البيت لابسة قميص خفيف فالغوز بيبي وشالها فالبيض وشربيلها….هبطات عند مها فالكوزينة سلمات عليها وعاوناتها تقاد لفطور وخا مبغاتش زاينة مي اصرات عليها….دخل عندهم جلال ضاحك وفرحان…سلمات عليه صفاء باست ليه راسو وايديه وبقا يهضر معاهم تما حتا ناضو الناس كاملين…وحطو ليهم لفطور وطلعات صفاء للصالة لفوق…حيت الي لتحت غيدخلو ليها ولاد عمامها ورجال عماتها وخالتها…….

بقاو تاني النهار كامل يتجاراو حتا وصلات لوقيتة د البارح وكان كولشي واجد ومتأنق…لابسين ومأنتكين 😍….حتا سمعو صوت الطموبيلات دعائلة العريس وبداو يزغرتو لعيالات وتلقاو ليهم بالحليب والتمر ورحبو بيهم….سامية وخواتاتها ورجالاتهم عاد عمات سيف ورجالاتهم وعمامو وولادهم المهم داكشي كثير وباينين فيهم ناس د الفلوس القفاطن والكوستارات آخر مكاين والدهب والالماس غا مشير….الجيران يطلو ويبرككو شي فرحان لصفاء وشي لا حاسدها حيت تزوجات بشخص غني وغتعيش ففيلا……..دخلو وجلسو لعيالات فالصالة وباينة فيهم محاملينش هادشي أكيد حيت كانو طامعين فسيف يدي وحدة من بناتهم😒…..والرجال فالسطح……جلال غير يدور ويرحب بيهم وفرحان ❤…..فرقو اتاي والحلوى والعصير حتا هوا….بالنسبة للعيالات وللرجال بجوج…..كانو جالسات فالصالة تيوشوشو ويسولو على العروسة فين هي بغاو يشوفو هادي الي خدات عقل كل من شافها….من جاسم وسامية وختها خولة الي مسكتوش من شكرها على اخلاقها وجمالها

حتا دخلات عليهم صفاء بقفطانها الذهبي والمرصع بالجوهر وشالها وشربيلها….خدودها الحومر شوية ويطرطقو حشماااانة……حانية راسها ومقاداش تهز فيهم العين…تتبان بحال شي سلطانة ماشي غير أميرة سلطاانة الي سلبات عقولهم كاملين بجمالها😍….بنات عم سيف وخوالو مرضاوش ومبغاوش يبينو اعجابهم بيها وخا مقدروش حيت عينيهم خانتهم محطوطين غير عليها….مكرهوش يكونو بلاصتها💔……تقدمات عندها سامية طايرة فالفرحة وعلاش لا وهي غتزوج ولدها ببلارة صاافية…سلمات عليها وتمشات معاها حتا جلساتها فالبزرة الي سبق وقادوها ليها…

🌸زوجوني منقبة🌸
🌼بقلم: Aicha _mos 🌼
🌸البارت 24🌸

جلسوها وبداو بالتعشاق والصلاة على النبي والزغاريت تعالات فالصالة…لعيالات واللبنات عينيهم غير على صفاء وختها…جمالهم زايد نغزة تشهى غير تبقا تشوف فيهم….بداو يشطحو ويغنيو وناضو لبنات بشعوراتهم الي تخطف الأنظار كيتباهاو بيه….كيتمايلو غير بشوية على إيقاع الاغاني…بحالا تيشطحو فوق نفسهم….جلسو تاني ونوضو صفاء تشطح بيناتهم وهي تتبتاسم غير بشوية دايرين بيها حسناء وزاينة وسامية وخولة وبنات عماتها يزغرتو وفرحانين ليها وحتا هي فرحانة وعلاش لا وهذا عرسها 😍…..خرجات تاني طلعات لبيتها عيانة…اما هوما بداو يحطو لعشا ويضايفو الناس….عائلة سيف غير كيوشوشو بيناتهم بلا زوينة لا خايبة وحكلها دايرة النقاب لا داعشية متليقش لسيف هي وياه متناقضين كيفاش غيعيشو لا ميستاهلهاش لا هي متستاهلوش المهم كلا ولغاه شي حاسد وشي معجب شي فرحان وشي مكسور القلب💔……كملو لعشا وتجمعو الطوابل وجلسو تيتحتتو تاني وفرقو اتاي والحلوى عاود…..حتا بداو الناس يعياو وبغاو يمشيو…..طلعات سامية عند صفاء الي كانت لابسة غوب فالبيض مستورة د العرائس المحجبات مع شال بيض ونقاب بيض حتا هوا وبالغين مكيعجبهاش الطابون….سامية بقات غير تتشوف كانت تتبان فقمة الرقي والأنوثة وحشمتها عاد مزادت زيناتها….قربات منها وباست ليها رأسها وصفاء تترعد والدموع فعينيها لحظة الوداع شحال صعيبة فجميع المواقف ولكن وداع العروس لأهلها عندو واحد الطابع دالحزن بوحدو….هبطات ليها النقاب وشدات ليها ايدها وهبطات معاها وحسناء موراها تتبكي وتصلي على النبي مع بنات عماتها وحتا سامية….هبطوها لتحت كان تما جلال جاسم وراجل حسناء واكيد لعريس البقية كولشي خرج برا شي ركب ومشا وشي باقي غيمشي معاهم للفيلا…..مهبطينها وزاينة حابسة رأسها غي بززز شوية تبكي الدموع فطرف عينيها….سيف غير كيشوف مبهوط بهاد الجمال بحال شي حمامة نازلة من جنة غتكون ليه وختارتو هوا بوحدو دون جميع الرجال….وقفات قدام باها تتبوس ايدو وتبكي وهوا يعنق فيها ويطبع قبلات فراسها ويرضي عليها والغصة فقلبو مسخاش ببنتو وطرف من كبدتو تمشي ولكن هادي هي سنة الحياة💔

عنقات مها تاهيا وتبكي فحظنها بحال شي بنيتة صغيرة لاصقة فيها ومبغاتش تفرق عليها جابت ليهم البكية كاملين….زاينة مقدراتش تحبس دموعها وبدات تبكي حتا هي وتهمس لصفاء فوذنها وتوصيها….بعدات من مها غير بالكشايف وسلمات على حسناء حتا هي ومحبسوش من لبكا وعلى جداتها وبنات عماتها وعماتها….مشى سيف وراجل حسناء وشي بنات عمتها يعاونوهم فباليزاتها داروهم فالسيارات وبقات صفاء واقفة حدا مها شادا ليها ايدها وتترعد…قرب منها جاسم وبتاسم وشكرها حيت واقفات تزوج بسيف وقداش هوا حزين حيت ولدو خارج الطريق وبلي هي الي غتنقدو من لي هوا فيه وهي ردات بحياء وقالت بلي غتحاول دير الي فجهدها باش تخليه يكون كيف بغاوه وتعاونو على نفسو…وعلى هاد الحوار دخل سيف الي عقد غوباشتو تاني عاد كان فرحان ولكن هاد الكلام الي جرحو والي خلاه يبان قدامهم بحال شي ولد صغير داك الولد الي معارفش اش يدير وخاصو الي يعاونو…معرفش علاش محملهاش تاني علاش كل مرة تيحاول يتقبلها تترجع تقول نفس لكلام لا هي لباه شنو زعما غتقدر تبدلو غير حيت بغاو كيفاش غتخليه يتقرب من دين !؟ لهاد الدرجة متأكدة من قدراتها كرز على ايدو وكرهو ليها تكون من جديد فقلبو واكد لراسو بلي مستحيل يخليها تلعب بيه كيف بغات وخا عارف بلي هي وباه باغين مصلاحتو ولكن علاش يتحكمو فيه هوا معندو شخصية ولا معندو رأي !! ضبط اعصابو بزز وتقدم نحوها….

…مد ليها ايدو وشداتها زير ليها على ايديها مي متنابهاتش بالها غير مع الفراق💔 …. تم غادي بيها مخرجها وهي عينيها ولاو حمرين باالبكا خطوة القدام وجوج للور….مقاداش تمشي ركبها فاللوطو الي مزوق بالورد وداكشي…وسلم على جلال وزاينة وعلى راجل حسناء وتوادع مع مو وبها وركب لور حداها وكسيرا….طول الطريق وهي تبكي فصمت لحال شي مشة صغييورة…سيف بقا مضارب غير مع راسو بغا يواسيها عزو عليه دموعها ولكن كل مرة تتجي فوذنو كلامها تيتراجع ويعقد غوباتشو ويحقد 😤…..وصلو للاوطيل الي كان خمس نجوم كان كادو من جاسم جناح ليهم واحتفالا بزواجهم…..هبط من اللوطو وهبطات حتا هي ودموعها حبساتهم….دخلو للداخل والشيفور تابعهم بباليزتهم…سيف قدامها وهي موراه حادرة راسها….سجل دخولهم وعطاوهم سوارت الجناح وباركو ليهم…طلعو فالمصعد وحتا واحد فيهم مكيشوف فلاخر سيف مباغيش يشوف فيها غيضعاف قدامها للمرة الالف…اما هي حشمانة وتتلعب بايديها بتوتر….وصلو للجناح وحلوه ودخلو….صفاء بقات غير تتشوف جناح كبيير بحال داكشي دالافلام…جناح مخصوص للشخصيات المهمة تتمشى بشوية ووتشوف وتستكشف……حط الشيفور لي فاليز وخرج مخليهم بجوج….سيف مشا بلا ميدوي معاها خرج للبالكو كياخد نفس حاس براسو غينفاجر….

🌸زوجوني منقبة🌸
🌼بقلم: Aicha _mos 🌼
🌸البارت 25🌸

أما هي فهزات فاليزتها ودخلات للداخل فين كاينة بيت النعاس كبيييرة ومزينة بالورود والشمع…وفوق السرير مزين بالورود الحمراء.. حدرات راسها حشمانة😳….حطات فاليزتها فوق الأريكة الي فالقنت وحلاتها وجبدات حوايجها بانو ليها لي شوميز دونوي الي خداتهم ليها سامية وكانت شوية تسخف كيفاش غدير تلبس هادشي….ستغفرات ربها وهزات بيجامة زوينة فالبيض وفيها الورد بالغوز ببينوارها الحريري…وعبايتها وشالها….هزات بيجامتها ودخلات للدوش لقاتو معطر ومزين تاني بالشمع والورود ولي بخودوي الي غيحتاجو….دوشات وتوضات تاني…وخرجات بالبيجامة وشعرها مطلوق ودايرة شال فوق راسها طايح عليها السر وجات تتفتثن😍🔥….عروسة على اصلولها…جلسات فوق السرير وهوا يدخل وناضت قافزة وتترعد غير بوحدها……مشافش فيها ودخل للدوش دوش وخرج لابس سروال كيطمة فالكحل وفوق عريان…كيمسح شعرو الفازك بفوطة وحاس بألم فايدو أ مهرسة…تقدم جيهت الفاليز ديالو وجبد شيتورت فالكحل وبغا يلبسو…هزات صفاء راسها فيه وبزز عاد مايتة بالحشمة ووجهها حمر وسخون😳….شافتو تيحاول مع التيشورت يلبسو وهي تقرب منو بغات تعاونو

وقفات قدامو ومدات ايدها لتيشورت يلاه غتشدو وهوا يغوت عليها بصوتو الخشن قفزها مسكينة
سيف مكيشوفش فيها : متقيسيينيييييش😡
رجعات خطوة لور خايفة ودغيا الدموع تجمعو فعينيها معرفات مالو علاش غوت عليها ؟! لبس تيشورتو وتخطاها مشافت فيها ومشى تكا فوق الأريكة حاط ايدو ورا راسو وسد عينيه….خلاها واقفة مصدومة خوفها وصدمها 💔….بقات تتشوف فيه بعينيها الرماديتين المدمعين ومشات متاجهة لسرير…حيدات داك الورد وتخشات مغطية كاملة تحت الغطا وتتبكي معمر شي حد غوت عليها…وجاتها قاصحة من عندو هوا بالضبط…علاش كل مرة تتبغي تفهمو وتقرب منو يتيقلب بوحدو مرة حنين ومرة عصبي وكيبينلها بلي محاملهاش…بقات تبكي بصمت حتا داتها عينها ودموع على خدودها😭…..أما سيف ملي حس بيها نعسات حل عينيه وشاف جيهتها ولقاها مغطية كاملة ومكمشة…بقا فيه الحال عليها ولكن الي فيه ممهنينه مباغيش يضعاف قدامها ولا يخليها تدير فيه مبغات….سد عينيه هوا الآخر ونعس….

فاقت على آذان الفجر حيدات عليها لغطا وتفكرات اش وقع لبارح وحسات بقلبها ضرها…شافت فيه لقاتو فسابع نومة كيبان هادئ متقولش هذا الي غوت عليها….ناضت تتمشى على صباع رجليها دخلات للحمام توضات وخرجات لبسات عبايتها وتقاشرها وشالها…قادات السجادة وبدأت تصلي…كملات وبقات تتدعي ربها ييسر ليهم فزواجهم ويهديه عليها وعلى دينو….ناضت جمعات السجادة وحطاتها فوق السرير وشافت فيه…محساتش برجليها ايمتا داوها عندو….وقفات عليه وتحنات شوية تتشوف فيه…بتاسمات بخجل ملي تفكرات مباركتو ليها وابتسامتو الي كانت بحال الحلم بالنسبة ليها….مدات ايدها الي تترجف وخدودها حمريييين وشفايفها بياضو من قوة متتعض فيهم….حطات ايدها على حنكو وتحسسات بشرتو ولحيتو الرجولية😍…وبتاسمات برقة وقلبها كيضرب بهدووء حسات براسها بحالا ملكات الدنيا…حسات بالامان حداه….سدات عينيها ودعات معاه من كل قلبها الحنون🌸……

دعات ليه كيف تتدعي لراسها ولواليديها من كل قلبها الطاهر….حلات عينيها وبتاسمات وناضت من حداه رجعات للسرير جبدات مصحفها الصغير وبقات تتقرا فيه بينها وبين راسها مبغاتش تفيقو…..اما هوا حس بيها ملي يلاه فاقت مي بقا ساد عينيه….عرفها ناضت تصلي حل عينيه وبقا كيشوف فيها كيفاش متخشعة ومرتاحة وهي بين يدي الرحمان….تنهد بينو وبين راسو فكر فعلاش ميكونش بحالها ؟ علاش مكيصليش شنو ناقصو !! شنو دار ليه الله حتا بعد عليه ومكيعبدوش كيف خاصو !! ضرو قلبو لدرجة حس بيه غينفاجر…سد عينيه مرة أخرى ملي شافها ناضت عرفها تتقرب منو ملي شم ريحة عطرها وعبيرها….

معرف واش يحل عينيه ولا لا وقلبو تيضرب معارفش علاش هوا الي دوز بنات اشكال وأنواع وقلبو عمرو نبض لشئ وحدة فيهم ؟؟ لكن هادي غير كيحس معاها بمشاعر كيكتاشفها أول مرة….تبورش عليه لحمو ملي حطات ايدها على حنكو ايدها الصغيرة والرطيطبة فيها واحد الدفئ بحال يد الأم…الي ديما دافئين يا فالصيف يافشتا داك الدفئ الي تيبعت فيك الامل وتيحسسك بالراحة والحنان…هكا كانت ايدها….حل عينو ولقاها سادة عينيها وتتمتم بشي كلام….بقا ساهي فيها شنو غتكون تتقول ؟ علاش قربات منو ؟ واش تتبغيه ؟ وخا هوا شخص ميليقش ليها !! سد عينيه مرة أخرى ملي بغات تحل عينيها حس بيها ناضت من حداه…وبقا قلبو يضرب بغا يمد ايدو ويشدها بغاها تبقى جالسة حداه🌸…..

Leave a comment