Skip links

قصة : زوجة للإيجار 7

 3,281 عدد مشاهداات

❤ زوجة للإيجار ❤
✍كوثر الزهراوي✍
💥الجزء -151-💥
مريم : وااكول كول هههه فاروق : غاادي ندويو ونتي عاارفة هاادشي … دب غير هربي عليا دوك العوينات … مريم تنهدات وقالت : وااش بااغي توحلها ليااا …. فاروق : اللي وحل ندوزوه ماكاين مشكل … مريم : ناااري مايتسحاابليش اتولي تدوي فحاال هااكاا …تبدلتي عليا بزاااف … فاروق : ماازاال ماشفتي واالو امرااتي موصيبة عمري …. مريم : اويلي فاااروق سككت …. فاروق عرفها حشمات ضحك ورجع كمل ماكلتو مامسوق كااع لدوك اللي كانو كايشووفو فيهم … هاجر : وشفتي ا مااما …نتي كاتشووفي هاادشي ومابغيتينيش نتفقص … هاديك مريم كاتدير هااكا بلعااني بلعااني والله … نعيمة : قهرتيني ابنتي قهرتيني … وااهي مع رااجلها وحناا ماالنا همم مااالنااا راااه نتي اللي خااصك تفهمي رااسك وتحيدي عينيك على ولد خالتك …. هاجر بدات تمتم غا وحدها هزات رااسها لقاات معاذ كايشوف فيها ويضحك … هاجر : تهجرو نشاءلله 😒😒😒😒 سالاو العشاء وكل وااحد طلع للغرفة ديالو يرتااح بعد هااد اليوم المتعب … طلعات حليمة لحدا بنتها ونعيمة جرات هاجر ومشاو ينعسو …. أما مريم يله وقفات بغات تحرك حتى كاتحس براسها مهزوزة بين ذراع فااروق …. مريم :اويلي شنو كاتدير واااش حمااقيتي حشووومة …. فاروق : رجليك ضارااك ماتضغطيش عليها بااش تبرا دغيا …. مريم : وااخاا وااخاا ولكن هبطني غير حتى ندوزو من حدا خالك و ولادو عاافااك راتاه حشوومة ندووزو قداامهم هااكا فااروق …. فاروق مادااهااش فيها تم داايز حدااهم هاازها بين ذرااعو اما هي خبات وجهها وغمضات عينيها حشمااات … تم مطلعها حتى وصلو الغرفة عااد حطها… مريم : تباركلله عليك زعمااا …عجبك الحاال ياااك … فاروق قرب ليها وقال : يااك كاتقولي ليا سباايدر …خليني ندير فعايل هااد سبايدر …. مريم : ياااسبحاان مبدل الأحواال … بحاالا هزيتي فااروق وحطيتي وااحد آخر …كون تسحاابلي اتولي هااكا كون عتارفت ليك من اللول …. فاروق : اهاااه قول نتي مزعووطة فيا من اللول … مريم : انااا لا بالعما …( بغات تهرب من قدامو وهو يجرها …) فاروق : فيين هرباانة رااه عااد بدينا الغزالة …. مريم : اويلي على الغزااالة ههه يااربي وااش كانحلم ههه فاروق ضربها لراسها ضربة خفيفة … مريم : اييي رااسي …لاش كاتضرب … فاروق : سولتي راسك وااش كاتحلمي وانا ضربتك حسيتي بيها يااك …ايوا رااك ماكاتحلميش ( غمزهاا وتبسم …) مريم : لاا العاار بشوي عليا رااه قلبي الصغير لا يتحمل … فاروق : هههههههه

❤ زوجة للإيجار ❤
✍كوثر الزهراوي✍
💥الجزء -152-💥
فاروق : ههههه اجي رااه خااصك تدهني المرهم لرجليك … مريم : واااو تفكرتي رجليا مسكينة ههه فاروق : وعلاه أنا نقدر نسا هممم …اصلا اي حااجة عندها علاقة بيك رااه تحفراات فالدااخل دياالي … مريم جلسات فطرف السرير وقالت : واا تطور سرييع عندك السي فاروق هممم فاروق سرح رجليها ودهن ليها المرهم وقال : امتا كنتي ناوية تدوي ؟؟؟ مريم : علاه أنا ساكتة ؟؟؟ هااني كاندوي !!! فاروق : بلاما تديري عليا دااك الحماق دياالك ههه رااه دب كوولشي معرووف …. امتا كنتي نااوية تهبطي كواريك للارض وتدوي … مريم ربعات يديها وقالت : حتى تدوي نتا …. فاروق : ياااك ا لالة …دايرة ليا فياا عزة نفس هممم وانا عند باالي ملي كايكون الموضوع عندو علاقة بالحب ماكاتبقا لا عزة نفس لا واالو … مريم : هههه صرااحة رااه شحاال من مرة كنت غادي نتفضح فيها ولكن نتا ماديتي ماجبتي ههه فاروق : شنو دب كاتعايريني همم مريم : ههه لا ولكن عقلتي……….. ( بقاات مريم هي وفاروق حتاال وقت متأخر من الليل وهوما كايدويو ويتعاودو …تفكرو جميع اللحظات اللي جمعااتهم … دواااو على كيفااش وقع كل وااحد فيهم فحب الآخر …وموااضيع أخرى ضحكااتهم وفرحااتهم … نساااو كوولشي …نسااو اللعبة ديال زوجة للايجار نساو الشهر اللي قرب يكمل … نسااو عائلاتهم اللي مافخبارهم واالو عليهم وعلى شنوو كايديرو ….نسااو كوولشي فهااد الليلة وبقاااو كايدويو بحال جوج أشخااص حبو بعضيااتهم وإعتاارفو بهاد الحب … بقااو كأشخااص عااديين مريم و فاروق ❤ ) 💛 أصبحنا وأصبح الملك لله 💛 صبح صباح جديد …وتسللت أشعة الشمس عبر النافذة ونشرات أشعتها دااخل الغرف اللي فالفيرما … نااضو العيالات يوجدو الفطور والرجال كذلك نااضو لشغاالاتهم … العرس بقات ليه 24 ساعة خااصهم يوجدو ويقاادو …اليوم هو اليوم الثالث ل فاروق ومريم هنا … على إثر الحركة على برا والصداع فاق فااروق هو اللول … تحرك وهو يدور عيونو لبلاصتها لقااها نااعسة وشعرها مليووح على الوسادة وبعض الخصلات فوق وجهها … تفوه وبقاا شحاال وهو متكي كايشووف فيها ويضحك …. اااه فااروق اللي عمرو ضن انو يقدر يبغي شي وحدة ويتعلق بيها هااهو بغااا وتبغا ❤ صدقات مريم فاش قالت ليه انو الحب والعائلة مااشي بالضرورة يكون حمل ثقيل على الشخص … يمكن يكون حااجة زوينة نحطوها قداامنا ونبقاو نتطلعو ليها ….. مريم نااعسة حتى قفزاااات …. فاروق : شوووت مريم تهدني ..تهدني … مريم : هووووف …ناااري تفكرت لبااارح …هووف … فاروق : صاافي ليلة وداازت تهدني
صدقات مريم فاش قالت ليه انو الحب والعائلة مااشي بالضرورة يكون حمل ثقيل على الشخص … يمكن يكون حااجة زوينة نحطوها قداامنا ونبقاو نتطلعو ليها ….. مريم نااعسة حتى قفزاااات …. فاروق : شوووت مريم تهدني ..تهدني … مريم : هووووف …ناااري تفكرت لبااارح …هووف … فاروق : صاافي ليلة وداازت تهدني …( بغا يحاول يلطف الجو شااف ليها فعينيها وقال : وشنو تفكرتي فالبارح ؟؟؟ ) مريم على نيتها جاوبااتو وقالت : تفكرت داااك الصوت اللي كايخلع ودااك الظلام …وداك الريح القوي اللي كايحرك الشجر …. فاروق : اهااه ماتفكرتيش شي حااجة اخرى … مريم ( عااد فهمااتو دفعااتو وقاالت : وباااز ليك شووف أما فين ونتا فين هههه !!! ) فاروق ضحك ورجع تكااا بلاصتو …

❤ زوجة للإيجار ❤
✍كوثر الزهراوي✍
💥الجزء -153-💥
مريم : مهم أنا غادي نووض نبدل عليا ونهبط حشوومة …. فاروق : شنو اللي حشومة؟؟ مريم : وكااع النااس فااقو تقريبا واقيلا بقيت غا أنا ويااك …سمع سمع الهضرة على برا …. فاروق : ا لالة حنا ماخارجينش اليوم من هااد البيت …. مريم : اويلي وااش حماقيتي ؟؟؟ عيب عيب … فاروق : خااصنا ندويو … مريم : بخصوص شنو ؟؟؟ فاروق : بخصوص هاد الوضع اللي حنا فيه … مزوجين قدام شي ناس ….وغرباء قدام نااس آخرين ؟؟؟ كانكذبو على هادو ونقولو الحقيقة لهاادو ؟؟؟ مريم تنهدات وقالت : عندك الحق …. شنو المعمول ؟؟؟ فاروق : المعمول هو اللي ايخصنا نفكرو فيه …. غادي تبدلي عليك وغادي نهبطو نفطرو من بعد نخرجو نبدلو الجو وندويو …. مريم تخلعات : كيفاش نخرجو ؟؟؟ مووحال وااش بااقي نخطي خطوة خارج هااد الفيرما …. باااركة عليا غا شنو وقع البارح… فاروق : غاادي نمشيو بالطوموبيل ماتخافيش وغا بلاصة قريبة نبعدو على البشار بااش ندويو على راحتنا … مريم : و ايلا توضرنا ؟؟؟ فاروق ضحك وقال : من نيتك …انا معاك وتوضري هههه مريم : هههه ومانعرف …. 💛 فالدار عند مريم ” مراكش ” 💛 هابط عثمان لابس حوايجو وهاز تيلي ديالو …كايصوني ليها ماكاتجاوبش …. توجه للمائدة ديال الفطور اللي كانت جاالسة فيها الأم زهرة و ليلى ومحمد أمين … عثمان : صباح الخير…. الأم زهرة : صباح الخير أولدي … ليلى : صباح النور … محمد أمين : صباح الخير بابا …. عثمان دار شاف فمراتو وقال : ليلى وااش دويتي لمريم …كانصووني ليها ماكاتجااوبش ؟؟؟ ليلى : اااه راه دويت معاها رااها بيخير …وخالتي كانت معاايا يااك اخالتي…. الأم زهرة : ااه اولدي دوينا معااها … عثمان : وعلاش ماكاتجاوبنيش أنا ؟؟؟ ليلى : وا الله يهديك ا عثمان …الدنيا تم اتكون عامرة ومرونة وهي كاتكون مع إبتسام …أكيد اتكون ماسمعااتوش …. عثمان تنهد وقال : ولكن علاش انا حااس بلي شي حااجة مااشي حتاال لهيه اتوقع ؟؟؟ الأم زهرة : لا تقولش هااكا اوليدي ماحنا على فالك … عثمان : ايوا الله يدير اللي فيها الخير وصاافي … ليلى حدرات رااسها كاتفطر ومتوترة …عثمان بدااا كايشك …ايلا مشاا حتى تفضح سر مريم غادي يقلب عليهم الدار كااملة وأول وحدة ايبدا بيها هي ليلى اللي كانت عاارفة كولشي وخبات عليه وماقالت واالو …الله يحضر السلامة فاللي جااي وصاافي ….

❤ زوجة للإيجار ❤
✍كوثر الزهراوي✍
💥الجزء -154-💥
❌ عند هاجر ❌ هاابطة من الدروج كاتفوه ….مازاال فيها نعااس …لابسة سروال جينز مع شوميز وجامعة شعرها على شكل كعكة مهملة … هاابطة كاتدندن وكاتشووف فالسبادري اللي فرجيلاتها حتى كاتدخل فشي جسم … معاذ : واااهزي رااسك بدااي تشووفي قداامك وااش انا اللي دزت من حدااها تخشا فيا …. هاجر : واا بشوياا عليك ا خويااا وااه …مالي انا قصدت …رااه ماشفتكش …. معاذ : ايوا الا ماكاتشووفيش الاخت ديري نظاظر رااه عطاا الله …. هاجر : واااش انا مسااالية حتى سيفطك سيدي ربي ليا هممم حيدي بالااك من قداامي حيد كنس نااقص يخخخ تفووو …. معاذ حيد ليها من الطريق وبقا كايضحك …تنهد وقال : جاااي نحضر لعرس أختي لقيت عائلة راجلها فيها غاا البنات الحمقين …العفوووو ياا مولانا العفووو ….. هاجر مشاات للكوزينة جلسات معصبة … نعيمة كانت جاالسة كاتفطر شافت وقالت : الصباحاتو لله مالكي ابنت كرشي ؟؟؟ هاجر هزات رااسها فيها وقالت : وااالو ماماليش …( دورات وجهها فالمكان وقالت : فيين هي المنقذة همم فين هي الأميرة اللي عزيزة على كولشي بااقي مافاقت …) نعيمة : فااقت وفطرااات هي وراجلها وخرجو ماعرفنااهم فين زاادو سمعتي يله ايوا فرحي دب هااني قلت لك شنو كاين …. هاجر : كيفااش فاقو وخرجو وعلاش ؟؟ نعيمة : شنو يااكما باغا تخرجي معااهم ههههه لا لا ابنيتي والله حتى خاصني نديك لشي طبيب حالتك مااشي حتاال لهيه …. هاجر ناضت وقفات وقالت : غير وااحد يقول ليا سيري ديري نظاظر ونتي دب قولي ليا طبيب شنوو جاكم عليا ياا هاد الناااس … ( تمات خارجة من الكوزينة ) نعيمة : وأجي تفطري…. هاجر : بناااقص من داك الفطور …. حليمة تمات جااية هازة آية … حليمة : ماال هاجر آخالتي … نعيمة : جاها حالها …. حليمة : هههه وانا وقتما سولتك عليها تقولي لي جااها حالها هههه آية : ماما حليب … حليمة : هااك ابنتي فطري فطري … نعيمة مافيها اللي يدوي على بنتها بدلات الموضوع وبدات تضحك وتلعب مع آية ….

❤ زوجة للإيجار ❤
✍كوثر الزهراوي✍
💥الجزء -155-💥
💫 مكان آخر 💫 ✅ مراكش : دار مهيدو ✅ الأم كاتدوي فالتيليفون : ألووو رقية …اييه احبيبة بييخير …اييه هههه تم دااخل مهيدو سمعها كاتدوي وجلس جنبها … الأم : ايييه رااك عرفتيي علاش تاصلت بييك …اييه اييه انا تاصلت بيك على قبل دوك التصاور اللي سيفطي ليا فالواتسااب اييه رااني شفتهم واختاريت هااديك البنت موولات الشعر الطويل اللي لابسة الأحمر …اييه هااديك اتجي ليا مع وليدي مهيدو ….وااه وااخ صاافي يله حتاا نتلاقااو ههه ( قطعات وشاافت فولدها اللي كان جاالس جنبها مصدووم وغا كايسمع ..) مهيدو : بااغاا تزوجيني ؟؟؟ الأم : اييه ولقيت ليك العرووسة فنة فنة …. مهيدو : وماابغييتهاااش مابغيتهاااش اويلي واااش بااغاني نحمااق ونطج … الأم : سكتني لا نوض نهز الصندالة د الميكة ونعطيك علاش كاتقلب …. مهيدو مشا كايجري للشرجم كايغوت : والله حتى نتااحر ا ماما والله …انااا رااني بااغي مريم لالة مريم … الأم كاتضرب على فخاضها وتقول : ويلي ويلي بااقي كايقول ليها لالة مريم ويلي على فضيحتي … مهيدو : اييه رااه هي اللي بغيت وايلا مازوجتينيش بيها انتاحر … الأم : ايلا انتاحرتي والله حتى نقتلك بالعصا …. مهيدو : وااماما وااش حماقيتي انمووت ونتي كاتقولي ليا عصاااا الأم : رااك خرجتيني على طووعي اويلي ماتليت عرفت مانقوول حيد من تم حيد دوك طيح وسط درب يشبعو عليك غا ضحك … مهيدو : على قبل لالة مريم كولشي يهوون انتاحر … الأم قربات وطلات وهي تشوف فيه وقالت : ولدي الحبيب حنا شحال من طبقة عندنا فالدار همم ؟؟؟ مهيدو : جوج …هادي والفوقانية …. الأم : مزيان ودب أنا وياك فين وااقفين ؟؟ مهيدو : الطبقة الاولى … الأم حيدات صندالة من رجليها وبدات تعطيه : وعلاااه كاااين شي حد كاينتاحر من طبقة الاولى اويلي على غداايدي الولد حمقاااتو لي مريم …. مهيدو : اييي العار العار ا ماماتي …. الأم : زييد زيد قداامي عند رقية … مهيدو : اميمتي ….( هرب ليها وخرج خلا الباب د الدار محلوول …) الأم : قهرني قهرني هاااد الولد …هووووف …..

❤ زوجة للإيجار ❤
✍كوثر الزهراوي✍
💥الجزء -156-💥
💛 عند فاروق ومريم 💛 وصلو واحد البلاصة خاوية حدااها حجيرات ومشاااو تم …مريم معكزة على فااروق باش ماتلووحش تقل على رجلها …عاونها حتى وصلو وجلسات فوق واحد صخرة كاتشم الهوااء النقيء ومسرحة عويناتها فداك الربيع اللي قداامها … مريم : منظر غزاال … فاروق : يااك شفتي الطبيعة شحاال زوينة ونتي كنتي ماناوياش تخرجي … مريم : ورااه لبارح داازت عليا … قلت دوك يخرج لي شي ذئب ولا شي كلب مصعور مايخلي فيا حتى عظم صحيح هههه فاروق : ايوا وشكون خرج ليك فاللخر … مريم : خرج لي وااحد السيد اللي يكثر خيرو عتقني وقال لي بلي كايبغيني … فاروق : ايوا سعداتك بيه … مريم : شووف شووف التكبر ههه فرااسك لبارح قتلت عقرب لأول مرة فحيااتي قتلت شي حشرة …ماعرفتش منين جاتني القوة بااش ندير هاكاك ولكن والله حتى تصدمت فرااسي هههه فاروق : شتي بنات المدينة ملي كايتوضرو فشي خلا ولا غابة شنو كايوقع ليهم هههه مريم : واناا ماالي هههه ومالهم بنات المدينة هانتا درتي حتى عيتي وفاللهر طحتي فمرااكشية ههه فاروق : هههه ( هبطي هبطي من تم …) مريم : ويله جلسنا ههه فاروق : اطي باغي نوريك وااحد حاجة … مريم : وااخ وبلاتي ماتحطش يديك تم كايجيني هر هههه راك كاتهرني هههه فاروق : اواااه هههه مريم : واارصااا هههه (وقفات وقالت : فاروق شنو غاادي نديرو ملي نرجعو لمراكش ؟؟؟ ) فاروق : هاادشي فااش كانفكر … من الافضل نقولو ليهم الحقيقة ونلاقيو العائلات بزووج !!! مريم : ماماك غادي تكرهني … فاروق : لا ماتقووليش هااكا …مستحيل … مريم : مااعرفتش ولكن انا خاايفة من ردة الفعل ديالهم كاملين ماماك … ختك حليمة … خالتك … كيفاش ايبداو يشووفو فيا وانا ويااك كنا مع بعض هااد الأيام كاااملة وكنا كاندخلو ونسدو علينا فبيت وااحد …راااه غاادي يضنو فياا حوايج خاايبة … فاروق قرب ليها وحط يدو على كتافها وقاال : ووت ماتقووليش هااكا … رااني ديجا قلتها ليك وانعااود نقولها … نتي أنقى وأطيب بنت تلاقيها فحيااتي …. مريم تبسمات وقالت : فيين كنتي مخبي هاادشي فيين ههه فاروق : كنت مخبيه للشخص المنااسب …

❤ زوجة للإيجار ❤
✍كوثر الزهراوي✍
💥الجزء -157-💥
مريم : امم الشخص المنااسب… وااخا اسيدي ( ضحكات وحدرات رااسها …) فاروق : ايوا ونتي فين كنتي مخبية هااد ضحيكة وهااد الحشمة وهااد الكيااتة هممم مريم ضربااتو لصدرو وقالت : يااك علاه قبل ماكنتش كيووت وكانحشم !!!! فاروق : قبل كنتي غا كاتخنزري فيا وكاتعااملي معاايا بجدية وبعفوية ههه مريم : عفوية ؟؟ ااه وانا هااكا ديما عفوية مع اي وااحد !!! فاروق : ورااه دااك التعاامل ديالك ودووك الحركات دياالك وديك الهضرة الحلوة دياالك هي اللي خلاتني نطيح فيك دياال بصح … مريم : ايوا الى طحتي نوض على سلامتك هههه فاروق : ياااك ا لالة هههه ( صونا تيلي ديالو طل لقا عمران …) مريم : جاوب جاوب … ( يله بغاات تجلس وهو يصوني تيلي ديالها لقات هبة …) فاروق رد ليها الصرف وقال : جاوبي جاوبي هههه مريم : ههه ألو هبة … هبة جاالسة فسريرها لابسة بيجامتها بااقا يله فاقت من نعاس … هبة : صبااح الخير ( كاتفوه ) مريم : صباح النور ههه ماتقووليش لي بااقا ف فراشك …. هبة : والله ايلا بااقا ففراشي ههه مريم : هنا اختي جو غزاال زويين ونااس تباركلله كاتنووض بكري وكاتمشي لشغالاتها … هبة : جو زوين مممم نسولك ا لالة وااش الجو زوين تم فالفيرما ولا الجو زوين عندك نتي وداااك راجلك المزيف … مريم شاافت ف فاروق ورجعات دوات مع هبة وقالت : مابقا لا مزيف لا واالو …داكشي غادي يولي حقيقة ههه هبة تلفات بغات تدور وهي تجي طاايحة من فوق السرير للارض …. مريم : هههه وااش طحتي بشوي علليييك هههه هبة : نااري يااختي كيف درتو ليها … شطون عتاارف اللول وكيفاش كان رد الآخر قولي قولي نااري شوقتيني … مريم : انعااود لك غا صبري هههه مهم حنا خارجين دب انرجعو ونلقا شي فرصة ونعاود لصحيبتي البلان من اللول هههه هبة : ناااري حمدلله حتى نتي بغيتي و تبغيتي حمدلله ماغاديش تبقااي بايرة حدااياا حمدلله … مريم : ياااك على بايرة ههههه

❤ زوجة للإيجار ❤
✍كوثر الزهراوي✍
💥الجزء -158-💥
⭐عند فاروق ⭐ عمران : امضرا الساط شفتك غبرتي …بارح صونيط ليك واالو …. فاروق : كنت مشغوول مع المدام … عمران : اوااااه لا تقوولهاااش … زعما زعما … فاروق : اييه زعما زعما … عمران : وااعلى سلامتك اصاحبي وعلى سلامتي حتى أنا ههه فاروق : أنا على سلامتي اييه ونتا ماالك ههه عمران : على سلامتي حيت انتفك منك هههه كنت خايف تبقا زوفري حداايا ولكن حن عليك مولانا هههه فاروق : دب رااه وااحلين فهاد الحفرة ديال الكذوب اللي طحنا فيها …كانفكرو ملي نرجعو نجمعو العائلات ونفركعو هااد الرمانة واللي بغا يوقع يوقع … عمران : يااك !!! فاروق : والله حتا تاالف هادا هو الحل الوحيد عندنا ماقادين على كذووب تاني … عمران : كذوب من نيتك !!! ايلا زدتو شي كذبة أخرى غادي تولي حياتكم كيف سباكيتي و الشباكية … غادي يزيد دااكشي يتعقد … فاروق : وييه رااه دااكشي اللي قلت …( دور رااسو بانت ليه مريم كاتدير ليه باي باي …) فاروق : مهم الهضرة فرااسك فكر مع خوك فشي حل انا انقطع دب عندي مايداار … عمران : ممم عندك ماايدار وغااا وجد من اليوم رااه غاادي يولي عندك بزااااف مايدار هههه فاروق : ههههه ✅ فالفيرما ✅ آية جالسة كاتلعب فالصالون ….تمات هااجر دااخلة كاتقلب ورا المخاد على التيلي ديالها …. هاجر : حبيبة آية ماشفتيش تيلي ديالي … آية : لاا ماشفتووش … اجي لعبي معاايا …. هاجر : لا لا مامساليااش لهااد اللعب هوووف …. تم دااخل معاذ شاافها ومشا عند آية هزها وقال : اجي الغزالة نديك تلعبي على برا … ايلا بقيتي هنا غادي تطلعي معقدة وحمقة كيف شي نااس …. هاجر هزاات مخدة وعضااتها بالفقصة …. هاجر : وااش هاادو كاااملين تجمعو عليااااا اعععع 💥 عند معاذ 💥 خرج آية على برا وعطاها كرة وبقا وااقف مراقبها كاتلعب … عزيزة عليه بنووتة زوينة وظريفة كاتبسم لكوولشي وكاتنشر الفرح والسعادة فالاجواء …. ( هز رااسو وهو يقشع السيارة ديال فاروق جااياا …) فاروق : هاادا شنو كايدير مع بنت ختي ؟؟؟ ( حل الباب بغا ينزل وهي تشد فيه مريم وقالت ….)

❤ زوجة للإيجار ❤
✍كوثر الزهراوي✍
💥الجزء -159-💥
مريم : فااروق تهدن رااه غاا كايلعب معااها خلييه … فاروق : ا لالة عطا الله البراهش اللي يلعب معااهم …وايلا خصووه يمشي يتزوج ويولدهم … مريم : وشنو داار لك دب !! فاروق : بففف مااعانديش معااه خليقتوو ماكانحملهااش … لباارح كون ماحبستيني كنت غادي ندير فيه شي علامة باش يبدا يشووف قداامو …. مريم : وصاافي يهديك الله رااه دب ولا كايتحسب من عائلة خاالك … رااه ولد خالك غادي يتناسب مع معاذ … فاروق : وزاايدااها كاتقوولي لي سميتوو …( هبط وعيط لآية …) فاروق : آية … آية هزات رااسها وشاافتو مشااات كاتجري عندو هزها ومااشاافش جيهة معااذ … مشا عند مريم شد فيديها وجرها دخلها قداامو … دخلو بثلاثة وطلعو البيت الفوق …دخل فاروق وعاون مريم حتا جلسات فجنب السرير وحط حدااها هبة …. مريم حابسة ضحكة عرفااتو غاار : فاروق وااش غادي تسد علينا هنا ولا شنو … فاروق قرب ليها وتحنا لمستوااها قاابل عينيه مع عينيها وقال : وانا كرهت …كرهت نحطك هنا ومايشووفك حد غيري ولكن مانقدرش حيت نتي كاترطااي وموحال تجلسي فبلاصة وحدة … مريم : هااادي عندك هههه فاروق بقا سااهي فوجهها وهي كاتغمز فيه وترمش بالزربة زعما رااه بنت حداانا حشوومة … فاروق : ههه كاتولي خطيرة فااش كاتحشمي هههه كايطيح عليك وااحد سر ياا سلام … ( حيد تيشورت وبقا عريان من الفوق …) مريم دورات وجهها وقالت : وااحشوومة عليك كانقوول ليك بداا تحشم … آية : هههههه ياااي خاالو عندك عضلاات هههه فاروق : هههه مريم : نوضي أحبيبة نمشيو عند ماماك ونطلو عليهم لتحت شنو كايديرو … فاروق : جلسي للارض رجليك ضاراك … مريم : اويلي على جلسي للارض غدا الغرس وانا نبقا ساادة عليا كيف العروسة المرهوونة …. فاروق : وعلاه ماالك ماشي عروسة …؟؟ مريم : بااقي ماعرست …حتى نعرس ونطلع فوق العماارية ونجلس فالبرزة ونشطح ونردح عاااد ديك سااعة تسما عليا عرووسة نييت … فاروق : ياااك هاادشي كوولو نااوية تديريه ؟؟؟ مريم : ايييه وشنو تسحااب ليك غا أجي وتزوج … فاروق : ايييه تاهادا نظر … مريم حلات الباب وجرات آية وهبطو للتحت ….

❤ زوجة للإيجار ❤
✍كوثر الزهراوي✍
💥الجزء -160-💥
تمات مريم هاابطة للتحت مشاات توجهات فين كاانو جاالسين أفراد العائلة وجلسات جنب حليمة… حليمة : مريم شويا رجليك …؟؟؟ مريم : حمدلله اختي بيخير …شنو كاتديرو كاين فااش نعاونكم …؟؟؟ الأم خديجة : لا لا كوولشي قايمين بيه العيالات نتي غير ارتاحي وريحي رجليك باش غدا تحضري للعرس وماتعيايش … هاجر وقفات عليهم وشافت ف نعيمة وقالت : ماما ماشفتيش تيليفوني ؟؟؟ نعيمة : راااه الفوق كايتشاارجا …فاش كنتي ناعسة لقيتو طاافي مليوح عند راسك وهزيتو … هاجر : وخليتيني بااغا نحمااق عليه هوووف …( مشات تحت أنظار مريم اللي حابسة ضحكة …) حليمة انتابهات ليها وقالت : ماالك ؟؟؟ مريم : هاد بنت خالتك كاتهربو ليا والله هههه حليمة : اودي غاا سكتي هاجر بووحدها هههه 💥 دااز النهاار عااادي و وصل الليل 💥 فاروق جالس فوق السرير كايشووف شي دواسا دياالو فالبيسي … الخدمة متبعهاا وااخا هو مساافر … هز رااسو وهو يشووفها دااخلة هازة فيديها تفااحة كاتعض فيها …. فاروق : على سلامة … مريم : ههه الله يسلمك … فاروق : شفتك مخليا رااجلك وحدو وخاارجة مجمعة هممم وراني رااخي ليك السمطة لقيتيني ظريف … مريم : شنو كاتوحشني زعما ههه ( مشاات جلسات جنبو كاتشووف فشنو كايدير …) فاروق : كيف بقات الرجيلة شوي ؟؟ مريم : حمدلله ..وريني شنو كاتدير نقدر نعااونك … فاروق : ياااك … ايوا الالة ملي باغا تعاونيني عاونيني غير بدوك الكليمات الحلويين ديالك ودوك الشوفاات … مريم : وصاافي حيد حيد عاارفني كانحشم وكاتبقا تقول لي هااكا … كاتخليني حتى كانبقا انا وياك راس فالراس و كاتغفلني ا فاروق كاتغفل … فاروق بدا كايضحك ديك الضحيكة الجذابة دياالو … مريم : خليني نرتااح ونريح رجلي بااش غدا فالعرس نشطح بيها … فاروق قوس حجبانو وشاف فيها وقال : نعام نعاام تشطحي ا مدام ؟؟؟؟؟

❤ زوجة للإيجار ❤
✍كوثر الزهراوي✍
💥الجزء -161-💥
مريم : خليني نرتااح ونريح رجلي بااش غدا فالعرس نشطح بيها … فاروق قوس حجبانو وشاف فيها وقال : نعام نعاام تشطحي ا مدام ؟؟؟؟؟ مريم : اااه وعلاش جينا حنا لهنا باش نحضرو للعرس ونشطو … فاروق : دب انا جايبك من مراكش لهنا لأكادير باش تشطحي … تباركلله على شيخة تسونامي … مريم : اويلي هههه اشمن تسونامي ولا زلزال … فاروق دوا بجدية وقال : غادي تشدي الارض وتعطي الراحة لديك الرجل وماكاين لا شطيح لا رديح …العرس عاامر بولاد العائلة تنوضي نتي تديري ليهم العرض التشويقي ايوا هادشي اللي بقا …. مريم : وااش حماقيتي !!!! لا لا وااقيلا حماقيتي ؟؟؟ ودب انا بااغا نشط ونفرح ونتا باغي تحبسني … فاروق : شطحي شكون حبسك … يله نوضي نوضي شطحي … مريم : من نيتك !!! فاروق : يااك باغا تشطحي ايوا المقربين اولا … شطحي لراجلك المزيف المستقبلي … مريم : راجلك المزيف والمستقبلي ههههه اش هااد المصطلحات الغريبة هههه فاروق : واانتي رااك بديتي تخرجي مني العجب مااشي غا المصطلحات الغريبة (ضحك وشااف فيها عقدات حواجبها وسكتات …) فاروق : هزيتي تاني شوكتك هممم مريم : علااش عزيز عليك تعصبني اخوياا هممم فاروق : اولا انا ماشي خوك … تانيا مانبغييش حاجتي يكونو كاااع العيون عليها ا لالة …. مريم شاافت فيه بعويناتها العسليين وتبسمات وقالت : وهااد الحاجة اللي كااع العيون عليها رااها كاتشووف فيك غاا نتاا … فاروق : شنو دب بااغا تطيحيني فشباكك … مريم : اووف عليك ا فااروق ( رجعات تكات وقالت : ماغااديش نعاونك فدااكشي اللي كاتخدم …) فاروق ضحك وسكت مدة من بعد ملي حس برااسو عياا دوا معاها وقال …. فاروق : مريم انا عييت باغي نعس ؟؟ ( دور وجهو وهو يلقاها غفاات جنبو …) فاروق : شوف اللي بغات تشطح غير حطات راسها وزاادت …. تبسم على الوضعية ديالها ونااض حيد داك البيسي من قداامو ودووك الوراق فاش كان خدام … قرب جيهتها وقاادها فبلاصتها … سرح رجليها بااش ماتعنكش فنعااسها وتحنا على رجلو حط يدو كايلعب فخصلات شعرها … قرب جيهة وذنها وهمس وقال : أجمل حااجة وقعاات فحيااتي … أجمل موصيبة طااحت على رااسي …( طبع قبلة على الجبهة ديالها وغطاااها ومشاا توجه للمكان ديالو يحط رااسو يرتااح ينعس حتى هو …)

❤ زوجة للإيجار ❤
✍كوثر الزهراوي✍
💥الجزء -162-💥
✅ عند هاجر ✅ متكية فبلاصتها وكاتقلب ماجااهااش نعااس …دارت شافت جيهة ماماها لقاتها نعساات … هاجر : مااماا … مااما نعستي ؟؟؟ نعيمة : مممم شنووو … هاجر : وااماااما …. نعيمة : وااعطيني تيساع خليني نعس رااني من صبااح وانا واااقفة فالكوزينة مع العيالات علاه تسحابلك بحاالك نهار وماطال ونتي مقابلة دااك المشقوف ديالك … هاجر : وااضرني رااسي … نعيمة : من التيليفون … هاجر : ورااه فيا دوخة … نعيمة : من تيليفون … هاجر : وماجانيش نعااس … نعيمة: من تيليفون … هاجر نااضت زعفاانة : مااامااا واااش حمااقيتي وانا اللي قلت ليك تقولي لي تيليفون هووووف …. نعيمة : ايوا نوضي نوضي شربي شي دوا …. هاجر : بناااقص كاااع خشات وجهها تحت مخدة وغمضات عينيها كاتقلب على النعااس … 💥 يوم جديد 💥 💛 أصبحنا وأصبح الملك لله 💛 ناضت مريم هي اللولة …تحركات وهي تلقا فاروق مجبد حدااها …مدات يديها كاتلعب فخصلات شعرو وهبطات يديها حتال لحيتو الخفيفة …وركات على يدبها ونااضت بااستو فخدو وهربات بالجرا هزات حوايجها بدلات عليها وهبطات لتحت خلاتو نااعس ماجايب خبار مع لبارح تعطل فالنعااس …. الأم خديجة : صافي صافي وانا رااه تخلعت ملي شفتها ماجاتش لبارح … حليمة : لا رااه دواات معاايا …وقالت لي بلي خرج ليها شي امتحان من جنب …حتى انا ضنيت انو سالات امتحاناتها ولكن …مهم رااها دب فالطريق … مريم : صباح الخير … حليمة : صباح الخير مريم … الأم خديجة : صباح الخير ابنتي … مريم : ياااك لاابااس … واقعة شي حاجة ؟؟ حليمة : لا كاندويو غير على ياسميناللي كانت ناوية تجي البارح … مريم : اااه كنتي قلتي لي بلي سالات امتحاناتها واتجي لبارح … حليمة : رحلتها تأجلات لليوم مهم رااها دب فالطريق … مريم : ايوا الله يوصلها على خير … الأم خديجة : بنتي مريم نتي بااقي مافطرتي يااك ؟؟؟ وحتى فاروق باقي مافااق … مريم : اااه بااقي نااعس … الأم خديجة : وهااكي طلعي الفطور فطرو بزوج لفوق هنا غادي يكون عاامر وايبداو يدخلو ويخرجو مايخليوكمش تفطرو على خاطركم …. مريم : وااخ اخالتي … 🔥 عند فاروق 🔥 ضربااتو لفيقة مالقااهااش حدااه …ناض عينيه مزاال مسدودين وشعرو مليوح فوق جبهتو … سمع صوت خطوات قريب للغرفة وماهي الا لحظات حتى تفتح الباب ودخلات مريم هازة فيديها الفطور ….

❤ زوجة للإيجار ❤
✍كوثر الزهراوي✍
💥الجزء -163-💥
مريم : صبااح الخير …بلاما تشووف فيا هاكاك مامشيتش نشطح 😒 فاروق : لا غير جربي … مريم : وااش من نيتك دب ماغاديش تخليني نشطح ولو شوي شوي … فاروق : ابدا … مريم : غير نتحرك فبلاصتي…. فاروق : هههه حتاال هاد الدرجة بااغا تحماقي على هاد شطيح … مريم : ونااري عليك افاروق ( حطات الفطور وبدااو كايفطرو بزوج …) مريم : ختك الصغيرة رااه جاايا فالطريق اتمشي تجيبها من المحطة …؟؟ فاروق : غادي نمشييو نجيبوها من المحطة …. مريم بعدم فهم جاوباتو وقالت : شكون نتوما ؟؟؟ فاروق : انا ونتي …. مريم : 😳😳😳😳😳 ✅ لتحت ✅ هاجر هابطة دايرة الكيت كاتسنط للموسيقى …. بان ليها معاذ كايدوي فالتيليفون خنزراات فيه وداازت من حدااه مشات للصالون جلسات تم … معاذ سالا الإتصال ديالو ومشا جيهتها وقال : من أسباب التجاعيد عند النساء هو دااك التغوبيش هاا نصيحة عطيتها ليك فاابور … هاجر يله داارت تجااوبو وتسمعو خل وذنيه لقااتو غبر من حداااها … هاجر : يخخخ على أشكال كايلاقيني بيهم الله …هوووف …. بناقص من الجلسة فهااد الصالون تمات ناايضة رااجعة لبيت لفوق …. ✅ فمراكش ✅ ليلى : مهم شووفي اناا رااني عاارفة كوولشي مريم عاودات لي …نتي بقااي مخبية وماتبانيش بزااف مهم حاولي ماتخرجيش بزااف باش مايشووفكش حتى شي حد ا إبتساام رااه دب دازت 3 أيام مابقا ل مريم واالو وتجي وتقادا هاد الكذبة ….( سمعات صوت خطوات ) مهم انا انقطع دب باي باي … غير هي قطعات دخل عثمان … عثمان : مريم هاديك ؟؟؟ ليلى : اااه هي دوات معاايا سولات فينا كااملين… عثمان : ليلى يااك مامخبية علياا والو ؟؟ ياااك ماكاتلعبووش من وراا ضهري !!! ليلى : لا لا اشمن لعب الله يهديك …مهم انا نمشي نشووف محمد أمين …نتا وجد رااسك باش ماتعطلش على خدمتك ا حياتي ….( خرجات وخلاتو …) عثمان : طوال زمان ولا قصار غاادي نعرف سبب هاد توتر ديالك وسبب تصرفات مريم الغريبة …

❤ زوجة للإيجار ❤
✍كوثر الزهراوي✍
💥الجزء -164-💥
❌ فباب المحطة ❌ مريم و فاروق مراقبين الباب منين كايخرجو المساافرين … مريم : وااش بااقي ماشفتيهااش ؟؟؟ فاروق وااقف مربع يديه داير نظاظرو د شمس جاوب مريم وقال : لا باقي ماشفتهااش … مريم : وراااه ماغاديش تشووفها ونتاا داير دوك نظاااظر حيدهم حيدهم … فاروق : نظاظر راااه ماغاديش يمنعووني انني نشووف ختي ….اجي بعدا ماالكي متوترة بحالا جااية تستقبلي رئيس الوزراء ….؟؟؟ مريم شاافت فيه وتنهدات …خافت يوقع ليها مع هاد ياسمين كيف وقع مع حليمة … شافت ف فاروق وقالت : لا غير ماعرفتش كيفاش غادي تكون ردة فعلها ملي غادي تشووفني لأول مرة… كان فرااسها بلي خووها عازب دب صاافي تزوج …بفف مانعرف والبنت بااقا مراهقة 17 / 18 سنة ماعرفتش كيفااش اتعامل معاايا …. فاروق جرها عندو وقال : مااتخاافيش نتي اللي شاافك كاتدخلي ليه للخاطر …ماغادي يوقع حتى مشكل … مريم : يااك ا سيدي اللي شافني كاندخل ليه للخاطر …هي تانتا اول مرة شفتيني دخلت ليك للخاطر …؟؟ فاروق : نتي رااك دخلتي لهنا ( نيش جيهة قلبو …) مريم ضحكات ضحكة خفيفة حولات نظرها للباب منين كايخرجو المسافرين وشاافت وااحد بنت كاتشوف جيهتهم … هنا ضربات فاروق لصدرو وقالت : ختك ختك ختك …. فاروق : اححح ولاش كاتضربي هههه ( دور وجهو وقال : هي هااديك ههه ياسمين….) البنت غاا شافت فاروق داار جيهتها وهي تخلي الفاليز ديالها وجات كاتجري عندو عنقااتو … ياسمين : فااااااارووووووق خوووووياااااا الحبيب توحشتك توحشك توحشتك بزااااف هههه فاروق بادلها العنااق وضمها ليه وقال : حتى انا ا شنيولة توحشتك بزااف … ياسمين : فين هي ؟؟؟ فاروق : شكون ؟؟؟ ياسمين : هاديك اللي حطمات القوااعد والقوانين وخلاتك تبغيها وتزوج بيها … فاروق : هاهي حدااك … ياسمين دفعااتو ومشات وقفات قداام مريم شافت فيها من فوق لتحت وتبسمات وقالت : سلااام شنو سميتك؟؟ وشحاال فعمرك ؟؟؟ وفين تلاقيتي بخويا وكيفاش بغيتو بعضياتكم ؟؟؟ وعلاش بغيتيه وهو معقد من الزواج ؟؟ و امتا ناويين تولدو وتردوني عمة و وااش لون شعرك هادا ولا صابغااه ؟؟ وعينيك زوينين وااش طبيعيين ولا ليلونتي … ( شداتها من يديها وكملات كلامها وقالت : هاادشي كوولو اتعاوديه ليا فالطريق هههه ) خلاو فاروق وااقف كايشووف وطلعو للسيارة كايدويو ويضحكو ويتعاودو …. فاروق : شنو دب لحتوني للتوش …اييه وااخا …( مشا جر الأمتعة ديال ياسمين حطهم فالكوفر عاد من بعد طلع كيف الشيفور ديالهم ساايق بيهم للفيرما …طريق كوولها وهوما كايدويو ويدويو ويضحكو ويتعاود
فاروق : شنو دب لحتوني للتوش …اييه وااخا …( مشا جر الأمتعة ديال ياسمين حطهم فالكوفر عاد من بعد طلع كيف الشيفور ديالهم ساايق بيهم للفيرما …طريق كوولها وهوما كايدويو ويدويو ويضحكو ويتعاودو حتى ضرووه فرااسو ههه )

❤ زوجة للإيجار ❤
✍كوثر الزهراوي✍
💥الجزء -165-💥
✅بعد مسافة ديال الطريق وصلو للفيرما …✅ هبطات ياسمين ومريم كايضحكو …وفاروق مشا يدخل حوايج ختو … الأم خديجة جات متجهة نحوهم فرحاانة … الأم خديجة : بنتي الغزاالة … على سلااامتك … ياسمين : 😍😍😍😍 ماامااا توحشتك …. مريم مشات جيهة فاروق وقالت : ناااري ختك غزاالة وظريفة …. فاروق : يااك شفتي شنو قلت ليك ونتي ملي عرفتيها اتوصل اليوم تخلعتي ومرضتي ومرضتيني انا فرااسي وعظاامي …. مريم : ومانعرف انا اتكون هااكا هههه فاروق عنقها بيد وحدة وجرها تمو داااخلين للداخل …. ❌ بعد مرور سااعات ❌ حليمة لابسة تكشيطة فاللون الأصفر ودايرة مشيطة ساامبل لشعرها …واقفة وكاتقاد لبنتها الكسوة اللي لابسة …. حليمة : وهانتي احبيبة ديالي ماتجريش بزاااف باش ماطيحيش ويجيك ديدي … آية : وااخا صااافي …. تمات دااخلة هاااجر داايرة كيلو د ماكياج ف سيفتها شافتها نعيمة وهي تكحل بالعما وجراتها لجيهة الدوش …. نعيمة : شوووفي عليا بليمين وبااش كايحلفو العيالات الحرات ايلا مامحيتي عليا هااد اللوحة تشكيلة اللي فكمارتك احتا نرد ليك لحمك فحال وجهك كولو نزوقو …. هاجر : اويلي ا مااما … كيف سمعتي يله دب دب … هاجر : وااخ وااخ يععع تمات جااية ياسمين هاازة قفطانها فيديها مازال مالبسااتو … الأم خديجة : واابنتي ماازال ماوجدتي رااسك ؟؟ ياسمين : يله قاديت شعري و درت شوي د ميكاب دب انلبس بلاتيو نتخشا حدااكم …( سلتات حوايجها وبدات تلبس فقفيطينها باش اتدوز العرس ….) ❤ عند مريم ❤ وااقفة قداام المرايا كاتلبس الحلقات ديالها …كانت لابسة تكشيطة فاللون غوز باارد فيها حجيرات كايلمعو فاللون الفضي …فرجليها لابسة صندالة عاالية بسميطات … وجهها دايرا ليه ميكاب خفييف برز ملامحها الزوينة …أما شعرها فسرحااتو من الفوق وجات حتى لتحت وبوكلاتو ومع قصير جااها غزااال … أمام المرآة كاتوضع اللمسات الأخيرة حتى سمعات الباب تحل …دورات وجهها لقااتو فااروق …واقف متكي على الباب وخااشي يدو فجيااب سروال … لابس طقم فاللون الأسود مع كرافاط وساعتو فيديه شعرو مقاادو مطلعو للفوق كيف العادة وراااش بارفاانو … فاروق طلعها وهبطها صفر وقال : اححح ا قلبي …

❤ زوجة للإيجار ❤
✍كوثر الزهراوي✍
💥الجزء -166-💥
فاروق : احح اقلبي … مريم : ماالك ههه فاروق قرب جيهتها … مريم : علاش كاتشووف فيااا هاكا …؟؟؟ فاروق : كاانشوف وااش لتازمتي بالقواعد اللي عطيتك … مريم : هاانتا تكشيطة طويلة وسندالة ماعاليااش بزااف بلاما تخاف على رجلي …وميكاب ماكترتووش وشعري حتى هو ماهزيتوش بااش مايباانش عنقي كسف قلتي لي هااهو اسيدي …وااخا ماعرفتش علااش هااد شروط ديالك ولكن اللي جات من عند حبيب القلب مرحبا بيها … فاروق : وااعنداك مع الرومانسية هممم مريم : انت معلم واحنا منك نتعلم … جرها لعندو من المضمة وهمس فوذنيها وقال : يااك عاارفة بلي كانبغييك … مريم حشمات وعضات على شفاه ديالها وقالت : ااه عارفة فاروق : وعاارفة بلي كانحمااق عليك… مريم : ممم هههه فاروق : مالك ؟؟ مريم : ورااه كاتهرني افاروق هههه … فاروق : ياااك ا لالة صاافي دب طحت ليك على نقطة ديال ضعف ديالك … مريم : تهرني نركلك ههه فاروق : يااك المرضية … مريم : هههه مهم انا انهبط نشوفهم لتحت … فاروق غمزها وقال : عيني عليك … مريم : هههه خبطات مريم لتحت كاتجر فجلايلها ومشات للبيت فيين مجمووعة العائلة لقاتهم جالسين حتى هوما لابسين موجدين …وآية كاتلعب وتجري مع دراري صغاار … الأم خديجة : عرووستي النواارة جاات ههه مريم تبسمات ودخلات و قالت : خالتي … حليمة : هااي هااي جيتي فنة … مريم : حتى نتي غزااالة … المشيطة ديال شعرك فنة … حليمة : قاديتها غا وحدي شفتها فيوتوب ههه مريم : سعدااتك … حليمة : علاش مالك مادرتي شي مشيطة وهزيتي شعرك للفوق …؟؟ مريم : خوووك ياختي قال لي ماتهزييش شعرك للفوق وتجمعيه وتجي عنقك بااين … حليمة : هههه ياااختي غاار غاار عليك فااروق فيه هااد لفعايل هههه مريم : هههه مع نيت تكشيطة عندي مفتووحة شوي من جيهة الظهر وهنا لقداام بزز بااش قنعتو نلبسها هههه داار لي تحقيق عااد هبطت لعندكم … حليمة : ولكن حتى هااكا جيتي فنة والله …

❤ زوجة للإيجار ❤
✍كوثر الزهراوي✍
💥الجزء -167-💥
هاجر جاايا بعد مانقساات دااكشي اللي فوجهها … داخلة لعندهم وكاتباان ليها مريم مع حليمة كايدويو ويضحكو …خنزرات فيهم ومشاات جيهة نعيمة … هاجر : صاافي تهنيتي … نعيمة : اللهم هااكا ولا بحال قبيل كيف شي مهرجة … هاجر ربعات يديها وحولات نظرها لجيهة ياسمين باانت ليها لبساات قفيطينها ومقاادة شعرها وميكاب ديالها … هاجر : هااي هااي على البرهووشة طاالعة مجهدة … ( حنحنات ومشات جيهتها ) حبيبة ياسمين لاباس عليك … ياسمين : حمدلله كوولشي بيخير … هاجر : ممم كيف دايرة مع قرايتك ودروسك … ياسمين : بيخير كولشي تجت سيطرة …( ياسمين مااشي كيف حليمة … من ديما ماعااندهااش مع هاجر وماكاتحملش طول معاها الكلام …) ياسمين هزات تيلي ديالها ومشات جيهة مريم … ياسمين : مريااامة اجي ندير انا وياك سيلفي نحطو فالأنستغرام باااش نوري لصحاابااتي مرات خوويا فااروق … مريم : علاش باغا توريني ليهم ههه ياسمين : حيت دب صحاباتي كوولهوم كانو مزعوطين ف فااروق هههه دب ملي ايشووفو هااد سيلفي غاادي يتفقسو هههه وانا بغييتها فيهم…. مريم : ياااك يله بلاتي نتقااد يلله صوري … ياسمين : وااو وااعرة اجي نديرو وحدة اخرى…. هابط الخال محمد ومعاه فاروق كايدويو … الخال محمد : يااربي يدووز هاد الفرح بيخير … رااني راافد ليه الهم من شحااال ههه فاروق : وييه الخال رااه كايقوولو عرس ليلة تدبيرو عاام … الخال محمد : دااكشي بااش نتا درتي بناقص ياااك هههه فاروق : بحال هاكاك ( دور وجهو باانت ليه ياسمين و مريم كايتصورو ويضحكو …) طاح الحك وصاب غطاه صاافي تلاقيتو … الخال محمد : شنو قلتي ا ولد ختي …؟؟؟ فاروق : لا واالو …فين عصام بااغي نشووفو ….( مشاو كملو على طريقهم … )

❤ زوجة للإيجار ❤
✍كوثر الزهراوي✍
💥الجزء -168-💥
❤ صلاة وسلام على رسوول الله ❤ هادي هي الجملة اللي عليها دخلات العروسة …. فرحااانة برااسها وبنهاارها كيف كل بنااات … تعاالات الموسيقى وكوولشي فرحاان كايشطح ويتحرك وكاين اللي كايجذب … مريم مولات الراس القاسح مشات تخشات جيهة ياسمين وحليمة وجاسو يشطحو فوااحد القنت ويتصورو حتى بردو غداايدهم مزيااان 💃💃💃💃 حليمة : هههه واسبااط ضرني فرجلي ههه ياسمين : هههه واتي ديري فحال مرات خووك سلتات سنداالة دياالها حتى برداات على قلبها ههه مريم :هههه الحال مايشااور يااختي …( كاتشطح وتحرك فكتافها …وشعرها كايتحرك معاااهاا وكاتضحك فرحاانة …) لحسن الحض انو الرجال تعزلو محيحين فبلاصة والبنات داارو حتى هوما ماابغاااو …. والعزيز على مييمتووو عمروو مايتخص❤💃💃 مريم : هووووف ههه اري ديك سندالة نمشي نشووف خووكم هههه حليمة : نااري يا الصكعة غبرتي عليه ملي بدا العرس ههه مريم : هههههههه لبسات مريم فرجليها ومشااات كاتقلب بعينيها على فااروق … بان ليها وااقف كايدوي مع وااحد رااجل تسناات شوي حتا شاافتو وقف وحدو وهي تمشي عندوو …. مريم تنهدات بعياء … تبسمات وقالت : فااروق … فاروق قربها ليها وحط يدو جيهة قلبها لقااه كايضرب …قرب وجهو لوجهها بحالا غاادي يبوسها وهو يحس بتنفسها المضطرب … فاروق : كنتي كاتشطحي يااك ا لالة … مريم : لاا … انا ماتحركتش من بلاصتي … فاروق : رااه قلت لك مووصيبة عمري … مريم غمضات عويناتها وقالت : شطحت غاا شوي مع حليمة ويااسمين وكناا معزولين والله والله … فاروق : وانا شنو قلت لك … مريم : نتا قلتي لي ماتشطحيش قدام رجاال مااشي ماتشطحيش قدام خواتاتي … فاروق : ممم وانا ؟؟؟ ماتشطحيش ليا ( جر خصلة من شعرها …) مريم : شنو نشطح لك اويلي هههه فاروق : وشنو فيها … مريم : حتاال عرسنا ونشطح انا ويااك … فاروق : عاارفة من هنا للقدام شنو غاادي يوقع … مريم : شنو ؟؟ فاروق : ملي تطيحي فيدي غاادي نشطحك مزياااان … مريم بحركة عفوية حيدات شعرها ولاحتو ورااها وهو يباان عنقها ودوك العضيماات ومع تكشيطة مفتوحة شوي من جيهة صدر كملاات البااهية … فاروق جرها لعندو حتى تخشاات فييه وهو يقيس دوك العظيمات وقال : شتي اللي مابغينااش ا بنت النااس … مريم : صافي صافي هاني رديت شعر ههه ماشافني حتى حد من غيرك … فاروق : وعرفتي هااد شوفة شنو دارت فيا هممم مريم بغات تبعد لقااتو حااكمها كايضحك … فاروق : شنو بااغا تهربي ….؟؟؟ مريم : اويلي حشوومة نااس كاتشووف فينا ههه

❤ زوجة للإيجار ❤
✍كوثر الزهراوي✍
💥الجزء -169-💥
⭐عند الأم خديجة⭐ جالسة جنب بعض أفراد العائلة كايشووفو فالبنات كايشطحو ويركزو وكوولشي فرحااان … عيشة : نعيمة …واا نعيمة … نعيمة : نعام اختي عيشة … عيشة : ونتي امتا نااوية تزوجي لنتك ونفرحو بيها حتى هي … نعيمة دوات فخاطرها وقالت : ماكرهتش تزوج اليوم قبل غدا ونتهنا منها ومن دااك الحماق ديالها ولكن الغالب الله … تنهدات وشافت فعيشة وقالت : ايلا جاهاا رزقها رااه ماغاديش نردووه… عيشة : والله يعطيك شي نسيب مزيان هههه شووفي تباركلله خديجة عطااها سيدي ربي عرووسة كيف سبعة د الفرحاات …. زوينة ومربية الكلام الحلو وغير ضااحكة وأهم شي مقاادة مع حليمة وياسمين … خديجة : ايوا حمدلله الله يحجبها ويحجب بناتي وبنات جميع المسلمين…. تمات جااياا مريم وهي تنوض خديجة جرااتها لجيهة أخرى …. مريم : خاالتي شنوو وااقع ؟؟؟ الأم خديجة : انا جريتك من حداا هاادوك العيالات لايبقااو يشووفو فيك ويضربوك بالعين ههه حمدلله حمدلله لي ولدي لاقااه الله ب بنت فحاالك …حمدلله اللي نتي دخلتي لعائلتنا هااادشي اللي كنت كانتمنا هااهو سيدي ربي حققو ليااا … مريم تبسمات بالرغم من أنها متوترة وخاايفة ملي تكشف هااد الكذبة كيفاش غادي تكون ردة فعل الجميع …. مريم : نشاءلله ماغادي يكون غير الخير ا خالتي …. ولكن اي حااجة غاادي تجي من هنا لقدااام وبالرغم من أي شيء غادي يوقع فالأيام الماجية بغيتك تعرفي حااجة وحدة هو انو انا كانبغيك بزااف وكانحتاارمك …وبلي أنا وفاروق كانبغييو بعضيااتنا … الأم خديجة : اناا عاارفة هاادشي ا بنتي مااكاين لااش تعاودي تذكريني بييه … مريم تبسمات ليها وقالت : ااه عندك الحق … داااز العرس مزيااان وكوولشي كاان على حقو وطريقو … لبسات العروسة لبيساتها وفكل لبسة كاان الكل كايفرح معاااها … مريم زاادت تعرفاات على أفراد عائلة فاروق …فالاول كاانت خاايفة من هاادشي …كانت خاايفة انها تعرف بينهم ولكن من بعد ولات كاتفرح ملي كاتلاقا بيهم وكاتقدم على أساس أنها الزوجة ديال فااروق …. أغلبية البنات فالعائلة كايتصدمو ملي كايتعرفو عليها ومعظمهم كاتجيهم الغيرة منها حيت كاانو كااملين مزعوطات ف فاروق هههه وصلات 04:00 ديال الصبااح كاانو جالسين بنات العائلة فوق شي كرااساا كايدويو ويتحدثو …. العرس انتهى والأغلبية دخل تلاح فالفيرما ينعس شوي …حماااو الطرح الليلة كولها وهوما هااك بالااك …. حليمة : أنا آية رااه نعساات مع 02:00 د ليل … ياسمين كاتفوه : نااري كون كنت بااغا نحفض ولا نبريبااري لشي إمتحان والله مانقد

ياسمين كاتفوه : نااري كون كنت بااغا نحفض ولا نبريبااري لشي إمتحان والله مانقد نسهر حتاال هااد الوقت …ولكن دب شوووفو حالي ههه تصدمت فراسي … بنت معاهم إسمها نادية دوات وقالت : وكااع هااكاك ا صاحبتي … بنت إسمها شيماء : انااا تقلت فالمااكلة ضراتني كرشي البنات … مريم دورات وجهها حتى كاتقشع فاروق جااي كايشووف فيها …..

❤ زوجة للإيجار ❤
✍كوثر الزهراوي✍
💥الجزء -170-💥
مريم جالسة مع البنات دورات وجهها حتى كاتقشع فاروق جااي كايشووف فيها … وقف بعيد هو يشير ليها … مريم : البنات تصبحو على خير انا غاادي نووض … ياسمين كاتشوف فالبنات كيفاش كايشووفو فيها و فاروق …تبسمات بافتخار وقالت : تصبحي على خير أحبيبة … مشات مريم عند فاروق وقفات وقالت : بااقي مانعستي تسحاابلي طلعتي للفوق …. فاروق : وانا نقدر نعس بلاما تكون جنبي موصيبة عمري اللي كاتركلني هممم ( شد فيديها مشابك صبااعو مع صبيعاتها وجرها قداامهم ودخلو يرتااحو بعد هاد الليلة …) نادية : يااختي سعدااتها بهااد فاروق … شيماء :ويييه ا حبيبة … الله يجيب لينا شي وااحد تاحنا يكوون هاكا بشخصيتو وخدمتو ومربي ومخلق وأهم شيء الرجوولة كاتقطر هههه ياسمين : راااه واقيلا كاتدويو على خووياا ههه حليمة : نووضي نووضي حتى نتي تنعسي صبح قرب يطلع هههه نااضو البنات من تم خلااو غاا رجال اللي كايجمعو الكرااسا والطواابل ومهتمين بتنظيم المكان …. 💞 عند مريم وفاروق 💞 طلعو للغرفة لفوق …دخلات مريم مشات ديريكت لبلاصتها فالسرير تكات بتكشيطة ديالها … فاروق كايحيد الفيست ديالو شاف فيها بنص عين وقال : صاافي تقاداو ليك … مريم : واعييت …عيني كايتلسقو بالنعااس … فاروق : نووضي بدلي حيدي دااكشي ونعسي … مريم متكية ومغمضة عينيها جاوباتو وقالت : مااقاادااش والله …. فاروق : نجي نحيدهم لك أنا … مريم ناضت جمعات الوقفة وقالت : لا صاافي مابقاش فيا نعاس انوض نبدل وحدي … فاروق : ههههه بدلات عليها ولبسات بيجامة ديالها غسلات وجهها ونقااتو … جمعات شعرها على شكل كعكة مهملة ومشات تلاحت نعساات … فاروق كذلك بدل عليه وتلاح حتى هو نعس …. ✅ بعد مرور يوم ✅ فاروق كايحط الأمتعة ديالهم فالكوفر … سالا ومشا توجه جلس فالسيارة … الأم خديجة : الله يكمل كولشي بالخير ويرزقهم ربي الذرية الصالحة …. فرحنااا بزااف ملي حضرنا معاااكم لهااد العرس … الخال محمد : حتى انا فرحت اختي ملي جيتي حضرتي للفرح ديال ولدي … وماتغيبووش مرة مرة ضربو عندنا … الأم خديجة : نشاءلله … حليمة : مريم الله يعاونكم اختي …طريق السلامة … مريم : أمين وطريق السلامة ليك حتى نتي …ياك غادي يجي راجلك ياخدك …؟؟ حليمة : اااه راجلي أمين غادي يجي ياخدني أنا وياسمين نرجعو للدار فالرباط … ياسمين رااها معاايا فداري دب … كيف كاتشووفي رااه ماما مشات عندكم لمرااكش هاد المدة دااكشي بااش جبت ياسمين عندي ماتبقااش وحدها … مريم : ااه فراسي قالتها لي خالتي … ياسمين جات هااز

كيف كاتشووفي رااه ماما مشات عندكم لمرااكش هاد المدة دااكشي بااش جبت ياسمين عندي ماتبقااش وحدها … مريم : ااه فراسي قالتها لي خالتي … ياسمين جات هاازة آية : طريق السلامة ليكم …حتاال العطلة ونجيو عندكم نشاءلله لمراكش … مريم : مرحبا بيك على الراس والعين احبيبة ديالي … ياسمين : 😍😍😍😍

❤ زوجة للإيجار ❤
✍كوثر الزهراوي✍
💥الجزء -171-💥
مريم طلعات لقدام جنب فاروق كاتدير حزام السلامة هزات راسها لقات فااروق كايشووف فيها … مريم غمزاتو وقالت : شنو ا سبايدر … ؟؟ فاروق عطاها فنيد ( دواء ) وقال : هااكي شربي هادا قبل مانشدو الطريق …و حاولي تنعسي باش ماتدوخيش … مريم شاافت فيه وتبسمات …فرحاات بزاااف ملي فكر ليها ومشا خدا ليها دواء حيت شاافها فااش كانو جايين كيفاش دااخت وتقيات … مريم : ماالك خفتيني نوقفك وسط طريق نتقيا تاني ههه فاروق : مسارنك كانو غادي يخرجو ديك المرة خلعتيني عليك … كنت غادي ندير بالناقص من شي عرس ونردك للدار … مريم : وزعما تديرها ههه ؟؟؟ فاروق : ونديرها ونفوتها لهيه …( لبس نظاظرو د الشمس وديمارا …طلعات ماماه وخالتو وبنت خالتو اللور ونطاالق …) بعد هاد المناسبة تواادع الجميع وكل وااحد شد الطريق رااجع لمدينتو و لدارو وأشغاالو و لحيااتو الطبيعية …. 💛 فالدار عند إبتسام 💛 ليلى : شوفي اختي ابتسام مريم رااه شاادة الطريق دب لهنا … هااد الموصيبة داازت على خير ربي وقف معاها ومعاانا ولكن مرة اخرى هاادشي مايتعاودش الله يعطيك الستر … إبتسام : ورااه طلبااتني ا ليلى وماقديتش نردها فوجهها … ورااك عاارفة خيرها ساابق عليا … ليلى : عاارفة اللي كاين ولكن …بففف مهم نشاءلله هاادشي ماغاديش يتعاود وماغاديش نتحطو فمواقف بحال هاكا … ابتسام : ايوا هااني مشيت …خليت لك الراحة … ❌❌ بعد مرور ساااعااات ❌❌ 💛 مراكش – Marrakech 💛 مريم هبطات الزاج د النافذة وبدات تستنشق الهوااء …. مريم : واخييرا ههه توحشت مدينتي … الام خديجة دوات من اللور وقالت : وعلى سلامتك ابنتي هاانتي رجعتي لدارك ولمدينتك ههه … هاجر تحت لسانها دوات وقالت : اللي شافها بحاال هاكا يقول بلي عندها أهلها وحبابها وتوحشااتهم … نعيمة : شنو كاتقولي نتي تم … هاجر : وااالو 😒😒😒😒😒

❤ زوجة للإيجار ❤
✍كوثر الزهراوي✍
💥الجزء -172-💥
🖤 عند ليلى 🖤 راجهة للدار بعد ما دوات مع إبتسام … فالطريق سمعات تيلي ديالها كايصوني …طلات لقات مريم … ليلى جاوبات بلهفة وقالت : الو مريم امضرا … مريم : صاافي وصلنا ورااحنا دب فالفيلا … ليلى : صاافي هزي صاك ديالك واحي رااه عثمان دب فالدار … مريم : وااخ … ( قطعات وشافت ف فاروق ) مريم : ايخصني نمشي دب بااش يشوفوني فالدار لهيه …راك عارف أربع أيام وانا غاايبة … ✅ عند هاجر ✅ هاجر : ومااامااا شارجوور ديالي فينو …؟؟؟ نعيمة متكية كاترتاح بعد هاااد السفر … نعيمة : واا جلسي حتا نرتااحو ونوضو نقلبو معااك على هااد شارجور … هاجر : ماما تيليفوني غاادي يطفا رااه طريق كااملة وانا طالقة الموسيقى ف الكيت بااش مانسمعش لديك الهضرة الحامضة ديالكم …. دب ايلا طفا شنو غادي ندير … نعيمة : الى طفا غادي يتهناو دوك العينين عندك شوي … هاجر : وااا بغيت شاارجووري قلبت هنا مالقيتوش …!!! وحتى فالحوايج ماكاينش ؟؟؟ نعيمة : هوووف سيري سيري عند خالتك ولا مريم شدي من عندهم شي شارجور وهنيني … هاجر : غااادي نمشي عند خالتي أما ديك مريم وااخا نعرف نموت مانشد من عندها شارجور ديالها … نعيمة : سيري سيري عطيني غاا الرااحة … تمات غاادية هااجر ودازت جنب الغرفة ديال فاروق ومريم …الغرفة كانت مسدودة …شوي وهي تحلها مريم …هاجر ملي سمعات الباب تحل تخبات ورا واحد ديكور … مريم : صاافي رااه ماكاين حتى حد …. ايكونو كايرتااحو دب من السفر … انا انمشي دب ونحاول نرجع … هاجر كاتساءل فين غادية هادي وهوما يله جاو من سفر … فاروق جر مريم وقال : غادي نتوحشك امراتي … مريم : مراتك المزيفة هههه ماتنساااش … فاروق : هههه ياااك ا زوجة للإيجار…. مريم : زوين هااد العنوان هههه هاجر مصدوومة حطات يديها على فمها وقالت : زوجة للإيجار …. مزيفة …. مريم : فااروق وصاافي سكت دووك يسمعنا شي حد هههه انا انمشي ماما وخويا ايكونو كايتسناو دب فالدار … هاجر : 😱😱😱😱😱 ماماها وخوها …. فاروق : خليهم يتسناو شوي … مريم : مستحيل مرات خويا ليلى قاالت لي نجي دب دب ههه وصاافي رااه بااقاا قداامنا ايام كثيرة اللي نكونو فيها مع بعضياتنا ماتديرش بحال شي بيبي صغير ههه مهم شوف ليك شي كذبة تقولها … فاروق : صاافي رااك علمتيني ا لالة …وليت غاا نوحل حتى انا فشي موصيبة نقول اللي جابو فمي هههه مريم : باي باي … فاروق جرها وباسها فخدها وقال : سيري ورجعي بالزربة …. مريم : توحشني صاافي … فاروق : رااني موحشك من دب ا موصيبة عمري …
وليت غاا نوحل حتى انا فشي موصيبة نقول اللي جابو فمي هههه مريم : باي باي … فاروق جرها وباسها فخدها وقال : سيري ورجعي بالزربة …. مريم : توحشني صاافي … فاروق : رااني موحشك من دب ا موصيبة عمري … هاجر كاتسنط ومصدووومة 😱😱😱😱😱😱😱

❤ زوجة للإيجار ❤
✍كوثر الزهراوي✍
💥الجزء -173-💥
🔥 فالدار عند مريم 🔥 دخلات ليلى ولقات عثمان جالس كايتفرج وحداه محمد أمين كايقاد تمارين ديالو …. ليلى : سلام عليكم … فين خالتي ؟؟؟ عثمان : راها فالكوزينة …. محمد أمين : ماما جبتي لي الفريز …؟؟ عثمان شافها مااهازة واالو فيديها دوا معاها وقال : ليلى يااك قلتي خاارجة تقدااي !!! شفتك رااجعة خااوية … ليلى متوترة جاوبات وقالت : لا لا … حتى خرجت ولقيت رااسي نسيت الفلوس فالدار …العقل ههه مهم انا نمشي ناخدهم ونخرج … عثمان : لاا بلااش انا انخرج نجيب لك شنو خااصك …نتي يله جيتي … ليلى : وااخ شكرا …. مشا عثمان جااب دااكشي اللي خااص ومااهي الا بضع دقائق حتى تفتح الباب ودخلات مريم هاازة سااك ديالها … محمد أمين : عمتييي جاااات 😍😍😍😍 (مشا عندها كايجري عنقها …) مريم : الحبيب دياال عمتو هههه ليلى شاافتها وتنفساات بارتياااح …. عثمان : على السلامة … مريم : الله يسلمك اخويا ( مشات تسالمات معاااه ومعاهم كااملين وجلسو يدويو ويتحدثو …) 🔥 فالفيلا عند فاااروق 🔥 تم هابط فاروق بعد مادوش وبدل عليه …توجه للمطبخ لقا الام ديالو … الأم خديجة : ولدي اجي رااه وجدت لينا شي حااجة خفيفة … فين مريم ..؟؟ هاجر جات من جنب وقالت : خرجات اخالتي …مريم خرجات …. فاروق شااف فيها وهي تبسم وقالت : شفتها قليل خاارجة اتكون مشات تشووف صاحبتها يمكن مع كانت مسافرة … فاروق : ااه هاادشي اللي كاين … الأم خديجة : ايوا صاحبتها اللي عندها فهاد الدنيا خليها تمشي تشووفها … اتكون توحشااتها … هاجر : اااه اتكون توحشااتها وبزاااف … فاروق شااف فيها ومادا ماجااب … جات نعيمة حتى هي وجلسو يااكلو … 💞فالدار عند مريم 💞 الام زهرة : ايوا ابنتي كيف دااز العرس … مريم : داااز غزاال ا ماما والله شطحت وفرحت ههه فوجت والله … ليلى كاتشووف فيها وكاتقول : اييه شطحي اختي جااات معااك … مريم غمزاتها زعما دب نعااود لك غا صبري … ليلى : مريم ايوا نوضي تدوشي وترتاحي فبيتك … مريم : وااخا اختي رااني عياانة مع الطريق نيت ههه … طلعو للفوق …دخلو للغرفة وهي تنطق مريم وقالت : ماغاديش تخايلي شنو وقع تم 😍😍😍😍😍

❤ زوجة للإيجار ❤
✍كوثر الزهراوي✍
💥الجزء -174-💥
طلعو للفوق …دخلو للغرفة وهي تنطق مريم وقالت : ماغاديش تخايلي شنو وقع تم 😍😍😍😍😍 ليلى : شنو غادي يكون وقع كثر من أنك كنتي غاادي تسكتي لي القلب …. مريم : عاارفة احبيبة ديالي سمحي لي بزاااف ولكن رااه هاااد اربع اياام شي حاااجة بزاااف بالنسبة لياا …( مشات شدات فيديها وشافت فعيونها وقالت : فااروق اعتارف لي انوو كايبغييني 😍😍😍😍 عندنا شعوور متبااادل هاادا مااشي حب من طرف واااحد هههه ) ليلى : شنوووو ؟؟؟؟ وااااش بصح ؟؟؟ وانا تسحابلي قلتي هاكاك ل ماماك فالتيليفون غا باااش تسكتيها …تسحابلي غاا كذبة … مريم كاتضحك وفرحاانة : لااا هااادي مااشي كذبة لا لل هههه انا كانبغييي فااروق …وفااروق كايبغييني … ليلى فرحاات ليها من أعماق قلبها ولكن حتى هي تخوفاات من هااد الكذبة اللي كاذبينها على العائلات ديالهم … ليلى : ايوا و هااد الكذبة شنو غاادي تديرو فييها ؟؟؟ مريم تنهدات وقالت : فاروق فكر انو نجمعو العائلات بزووج ونقولو ليهم شنووو كااين ولكن قبل قلت ليه يدوي مع خويا ….صرااحة حنا عاارفين رااسنا مزبلينها ولكن عندنا أمل فاللي جااي …(صونا تيلي ديالها …طلات لقاات فاروق …) مريم : فااروق كايتاصل ا ليلى ههه ليلى : وااباديين مجهدين هههه مريم : هههه 🖤 عند هاجر 🖤 جالسة فالغرفة ديالها وكاتضحك غا وحدها … هاجر : داايريين علينا هااد درااما كاااملة ههههه والحب والغرااام فاللخر صدق كوولشي كذبة هههههه أنا كنت حاااسة بلي شي حااجة مااشي حتاال تم وااقعة ههه فاروق يا فاروق بااش تدير ل ماماك الخاطر جبتي ليها زوجة مزيفة هههه كاتجي تمثل علينا هنا وتمشي تمثل على عائلتها دور الفتاة البريئة هههه دب غااادي نعطيكم وااحد الدقة اللي غادي تدوخكم وغاادي تقلب ليكم كوولشي …. كاااع داااكشي اللي كنتو كاتخططو ليه غادي ندمروو اااه غاادي ندمرووو ….( تنهدات ) فاروق ياا فاروق كنت كانحلم بيك بليل وبنهاار وكانتمنى غير تكون ليا …ولكن ملي جيت لهنا وعااملتيني بهاد التعامل وهاد القسوحية على قبل وحدة ماشي حتى مرااتك غا ملقطها من زنقة وجااي خااشيها معاك فهاد اللعبة حتى نتا غاادي نلوحك وسط هااد الخطة دياالي …. 💞 عند مريم 💞 مريم : وااصاافي قطع ههه فاروق : ماشبعتش من صوتك … مريم سمعات دقان فالباب وقالت : انا غادي نقطع دب شي حد كايدق فالباب د بيتي … مريم : دخل …( دخلات الأم زهرة ..) مريم : مااما دخلي … الام زهرة جاات جلسات جنبها وقالت : خليتك حتى ترتااحي بااش تعاودي لي على دااك اللي سرق هاد القلب وخلااك تفكري تكوني علاقة ..
الام زهرة جاات جلسات جنبها وقالت : خليتك حتى ترتااحي بااش تعاودي لي على دااك اللي سرق هاد القلب وخلااك تفكري تكوني علاقة … مريم : واااماما دااكشي د زواج رااه غا قسمة ونصيب…. كانو فبالي أفكار وسبحان الله ملي تلاقيت بهاد الشخص تبدل كوولشي … الأم زهرة : نااوي معاك المعقول … مريم حركات رااسها بالإيجاب … الأم زهرة : هو ولد مراكش ؟؟؟ مريم : مهم هو راه خدام هنا وساكن هنا ولكن كانضن بلي هو ولد الرباط حيت عائلتو تم … الأم زهرة : شنو سميتو ؟؟؟ مريم : فاروق …. الأم زهرة : ايوا الله يخسر ليك معااه ابنيتي …. مريم : امين اماما …( تلاحت لحضنها معنقااها وهي ماعلاباالهااش بلي جاااي وبشنو كاتخطط هاجر اللي عرفات السر ديالها هي و فاروق….)

❤ زوجة للإيجار ❤
✍كوثر الزهراوي✍
💥الجزء -175-💥
💞 فالفيلا عند فااروق 💞 هاجر : ماما انا انمشي نعس … يله حتى نتي ترتاحي … نعيمة : باقي الحال على نعاس …شنو طراا وجرا حتى بغيتي تنعسي ليوم بكري … هاجر : رااكي عاارفة ليوم عيينا مع السفر … الأم خديجة : حتى انا جاني نعااس …غاادي نوض نحط عظيماتي يرتاحو … فاروق طل عليهم من الفوق شااف كل وحدة مشات تلاحت تنعس ترتاح فديك اللحظة اتاصل ب مريم وخبرها غير تدوز الليلة فدارهم ماكاين لاش تجي لهنا حيت كولهم كلاو ومشاااو ينعسو … ❌عند هاجر …❌ مشات تكات فالسرير ديالها مبتااسمة …دوات مع راسها وقالت : غير فرحي ا لالة مريم …تقدر تكون هااد الليلة آخر ليلة فدااركم حيت الى عرفو فعايلك وشنو كاتديري بلا خبارهم مووحال يخليوك معاهم ههههههه 💛 صباح جديد 💛 أصبحنا وأصبح الملك لله 💞 فاقت مريم … مشات للحمام دارت روتينها الصباحي …غسلات وجهها حكات سنيناتها طرفات حالتها …خرجات بدلات عليها ولبسات حوايجها عبارة على كسيوة طويلة فاللون الخزي مع سبيبيط …مشطات شعرها وسرحاتو وخلاتو مطلوق على طولتو …. بالنسبة لوجهها فاكتفات ب ماسكارا وكلوس خفيف برز شفايفها … هزات ساكادو ديالها وهبطات للتحت لقاتهم كايفطرو …جلسات فطرات معاهم عاادي ومن بعد خرجات على أساس انها غاادية لقرايتها ولكن هي كانت متوجهة لعند حبيب القلب فاروق …. قبل ماتشد طاكسي وتمشي عندو داازت لعند إبتسام وشاافتها وشكراتها على الوقفة ديالها معااها عااد من بعد شدات طاكسي ديريكت للفيلا …دخلات كيف العادة بلاما تدير الحس …طلعات ديريكت للفوق ومشات دخلات للغرفة عند فااروق لقااتو نااعس على كرشو وشعرو مخربق …لايح الغطاا على نصوو وماجايب خبار … مشااات بشوي بشوي حتى قرباات ليه وهي تهمس فأذن ديالو وقالت : فييق المعكاااز ….( بغات ترجع راسها للور وهو يغفلها وجرها من يديها جاات طايحة فوقوو …) مريم : هيييىء حشووومة عليك خلعتييني هههه فاروق : رااني قلت لك تعلمت منك بزااف د حواايج ومن بينهم انني نبدا نغفلك حتى انا هههه مريم : ياااك اسيدي ههه فاروق : ايييه ا لالة هههه مريم : وااطلقني نووض رااه حشوومة ههه فاروق : علااش دب معاانا شي حد ؟؟؟ مريم حشمات وتزنكات خدودها توردو …شافت فيه وقالت : فااروق لا بااقيش تدير لي فحاال هااكاا …رااك عاارفني كانحشم … فاروق : يخليلي اللي كايحشم … مريم : وصاافي يله نووض هههه ( نااضت حطات ساكها فوق الفوتوي وشافت فيه وتبسمات عاد من بعد هبطات للتحت اما فاروق فنااض حيد عليه العكز ودخل يدوش باش يصحصح …) هبطات مريم للتحت
مريم : وصاافي يله نووض هههه ( نااضت حطات ساكها فوق الفوتوي وشافت فيه وتبسمات عاد من بعد هبطات للتحت اما فاروق فنااض حيد عليه العكز ودخل يدوش باش يصحصح …) هبطات مريم للتحت ومشات ديريكت للكوزينة وبدات توجد فالفطور …دغيا قادات قهيوة …وعصير … سخنات خبز و لتيبان …جبدات جبن … عسل …مربى … زبدة … زيت …زيتون …وبدات توجد فالطبلة …. شوي حتا تمات هاابطة هااجر كاتضحك … هاجر : صبااح الخير مريم … مريم هزات فيها عينيها وقالت : صباح الخير … هاجر : كااين فااش نعاونك احبيبة … مريم مستغربة من هااد التصرفات ديالها وهااد الطريقة فالكلام …جاوبات وقالت : لااا ماكاين فااش تعاونيني …عطيني غا تيساع … هاجر : اوووك ( مشات وخلاتها …) مريم : الله يحضر السلامة مع هادي وصافي ….
يتبع ….

Leave a comment