Skip links

قصة : زوجة للإيجار 6

 3,142 عدد مشاهداات

❤ زوجة للإيجار ❤
✍كوثر الزهراوي✍
💥الجزء -126-💥
✅ نرجعو للفيرما فأكادير ✅ وسط صاالون مفرش بأثاث تقليدي 100% طوابل وثريات و خوااني وفرااش داكشي الرفيع …كانو جاالسين الرجال ديال العائلة … الخال محمد : واا مبروك مادرتي ا ولد ختي … فاروق : الله يبارك فيك الخال … الخال محمد : وااخا مافرحنا بيك مادرنا لك عرااسية ولكن ملي قلتي بلي كولشي جاا مزروب ماكاين بااس … فاروق : قدر الله ومااشاء فعل … الخال محمد : الله يسر ليكم ويرزقكم الذرية الصالحة… فاروق : أمين أمين … ⭐عند العيالات⭐ آية : ماما بيت نمشي للطواليط ندير بيبي .. حليمة كاتاكل شافت فيها يله بغات تنوض وهي تحبسها مريم …. مريم : انا نمشي معااها اختي غير خليك … هاجر يله بغات تنقز تدوي تاني وهي تشدها نعيمة من ذراعها ورداتها لبلاصتها … نعيمة : جلسي للأرض ماقادا على صداع وعلى شوهة قدام العائلة … هاجر : واااماما وصاافي بففف نعيمة : جلسي … ناضت مريم مع آية تحت أعين حليمة ومشااات داتها للطواليت … مريم : منين ندوزو انا ماعرفتش الطريق وريني … آية : من هنا ا طاطا … فاروق كان جاالس فالصالون مع الرجال حتى كايقشعها داايزة مع آية … إستأذن وناض هز سبادري ديالو لبسها ومشا تبعها … آية : هاهي طواليط ا طاطا … مريم : يااختي على طاطا شحال زوينة من فمك الكتكوتة … ( غادية كاتدوي معاها وحانية راسها حتى كاتصدم مع شي حاجة قاسحة …) مريم : اييي سمح ليا اخويا … …. : هاانية … ( هز رااسو فيها وقال : وااش نتي من هنا ؟؟؟ معامن جاايا …) مريم توترات شافت فيه وقالت : هو صراحة انااا …. فاروق وقف عليهم وقال : ياك لاباس …( قوس حجبانو وكمل على كلامو ) وقال : كاين مانقضيو الشريف ؟؟؟

❤ زوجة للإيجار ❤
✍كوثر الزهراوي✍
💥الجزء -127-💥
فاروق وقف عليهم وقال : ياك لاباس …( قوس حجبانو وكمل على كلامو ) وقال : كاين مانقضيو الشريف ؟؟؟ مريم : هاا لا واالو … تساحطت مع هاد السيد وصاافي …طلبت منو السمااح … فاروق دور وجهو شااف فيه وقاال : شكون الأخ ؟؟؟ ماعرفتكش ؟؟ ….. : معاذ التلمسي …انا جيت مع الاخت ديالي لهنا بحكم العرس ديالها غاادي يتقام هنا … مريم : ااه نتا خو العروسة … فاروق خنزر فيها زعما غبري ههه يله بغات تدوي وهي تحس ب آية كاتجر ليها فيديها زعما رااه تزيرت بغيت نمشي للحمام … مريم : اجي اجي احبيبة …شافت فيهم وقالت : سمحوليا … (دازت من حداهم ومشات مع آية ..) فاروق يله بغا يدوي وهو يجي خالو … الخال محمد : ولدي فااروق نتا هنا …مزياان مزياان ملي لقيتك مع معاذ … معاذ : ااه وااش هادا هو فاروق اللي كنتي كاتعاود لي عليه الحاج ؟؟؟ فاروق : هو هادا … الخال محمد : ااه هو هادا ولد ختي … معاذ : ليا الشرف … ( مد ليه يدو بااش يتصافح معاه…) فاروق شااف فيه وبعد دقائق بادلو السلام وزير لو على يدو …. تمات خاارجة مريم مع آية من الحمام وشافت فيهم … معاذ شاف فيها وتبسم … الخال محمد شاف فيها وشااف ف فاروق وقال : هادي هي الزوجة ديالك … فاروق جرها قدامهم وعنقها بيد وحدة وقال : مريم مراااتي ( ورك على كلامو مزيييان …) الخال محمد : متشرف بيك ا بنتي … كيف جاوك الأجواء هنا همم مريم : زوينة ( تبسمات ليه …) الخال محمد : نتمنا يعجبكم الحال هنا وتدوزو وقت زوين … ومرة اخرى مبروك مادرتو … مريم : شكرا … فاروق رجع شاف ف معاذ هاد الأخير اللي شاف فيهم وقال : سمحولي غادي نمشي … ( مشا وخلاهم …) مريم : ماالك تصرفتي مع السيد هاكا مسكين …؟؟؟ فاروق مادواش معااها جرها وخرجو على برااا … مريم : واافين غادي بيا …فين جارني ايي بشوي … فاروق وقف ودار شااف فيها وقال : يااك قلت لك ماقاد على مشاكل … مريم : ولكن علاش كاتدوي نتا ؟؟ اشمن مشااكل !!! مادرت واالو …. فاروق : والشيء اللي وقع قبل شوي ؟؟ شنو نسميوه !!! مريم : اااه معاذ …. فاروق غوت حتى قفزات وقال : ومازااال كاتقوولي فسميتو …
❤ زوجة للإيجار ❤
✍كوثر الزهراوي✍
💥الجزء -128-💥
✅ عند هبة و عمران ✅ هبة : صافي بدا نتا اللول … عمران : وااخا هااني كانصووني … هبة : ايوا شنو ؟؟؟ كايصوني ؟؟؟ عمران : كايصوني وماكايجاوب حتى حد …. شوفي جربي نتي اتاصلي بمريم … هبة : وااخ ( كاتصووني و والو …) عمران : حتى هي ماكاتجاوبش ؟؟؟ هبة : نو نو ماكاتجاوبش …هاانتا شفتي ا عمران هااد الفكرة ديالك رااه ماشي حتاال لهيه … بااينة من اللول ديالها …. عمران : غادي نبقااو نحاولو حتى يجاوبو وغادي نحاولو نلمحو ليهم بشي لعيبة … ( هز عينو وشااف فيها وبدا يضحك …) هبة : علاش كاتضحك عليا ؟؟؟ عمران : كاتبااني متوترة ههه مالنا غادي نحاربو !!! هبة : وهاادشي صعييب بزااف انا ماعانديش مع تخلويض … عمران : ههه وهادا مااشي تخلويض هاادا رااه خير غادي نديروه فواحد جوج معقدين ماراضيين يعتارفو لبعضهم بحبهم لبعض ههه هبة : ااه خاصهم يعتارفو لبعضهم بحالنا ( تبسمات ) عمران : ماتفكرينيش فدوك الأيام …نهار شفتك وطحت فيك و وليت نعس ونفيق بسميتك … هبة حشمات وحدرات عينيها وبدات تضحك … عمران : يخليلي اللي كايحشم …يله عاودي جربي عااودي … هبة : ورااه واالو ماكاتجااوبش تلقااهم منوضينها تااني … عمران : هههه ❤عند مريم وفاروق❤ مريم : اشنو درت انااا …واا ضربتو بالغلط واعتاذرت … فاروق دوز يدو على لحيتو الخفيفة بعصبية وقال : دخلتي مع الوااليدة جلسي حدااها حتى نرجعو فحاالناا … مريم : الله يهديك ا فاروق وارااه بنت ختك بغات تمشي للحمام …مشيت معاها وصاافي … فاروق : مريم شووفي من اللخر ماانبغييش نلقاااك وااقفة مع شي رااجل ولا شي عزري هنا سمعتي … نتي مرااتي مانبغييش نشوفك جنب شي حد راااك عاارفااني فاش كاتدور ليا النقشة … مريم : وايلا نتا دارت لك النقشة انا ماالي …واصلا الا دخلت فيه شنو فيها … فاروق : ماتقربي لا ليه لا لغيرو سمعتي … ( كايقرب ليها حتى مابقا كايفصل بينهم واالو…) فاروق : نتي قداام هااد البشاار كاامل رااك مرااتي وحلاالي وهااد نااس كااملين عاارفيني كانبغي حااجتي ليا وحدي سمعتي … مريم كاتشووف فيه وكاتدور فعويناتها … مريم : ودب انا دياالك …؟؟ فاروق : اااه دياالي …احم ااه خااصك تكوني ديالي حيت حنا فلعبة … مريم بلعات ريقها ورجعات للور ماكاتبغيش تطيح فمواقف بحاال هاكا معااه …( بغات تمشي وهو يجرها حتى تصاطح صدرها مع صدرو وقال : مريم رااني دويت معاك … ) مريم : وااخا افاروق صاافي صافي … فاروق طلقها وتبسم وقال : يله سيري لحدا الواليدة … مريم : هااهي غادا …
❤ زوجة للإيجار ❤
✍كوثر الزهراوي✍
💥الجزء -129-💥
تمات دااخلة مريم كاتضرب برجليها …مشات لجيهة العيالات وجلسات تم جنب الأم خديجة… مريم : اييه امريم وليتي تسنطي للسي فاروق وتقولي ااه لأي حاجة قالها لك … بففف شنو كايوقع فيا ملي كانكوون معااه شنو …الله ياسيدي ربي الله … الأم خديجة : بنتي مريم ماالك ؟؟ قلتي شي حاجة !!! مريم : واالو ا خاالتي … ❌ فالغرفة الفوق ❌ حليمة : شووفي اختي هااجر انا من جهة ماابااغاش نضلم البنت …ومن جهة أخرى ماباغاش نجبد مع خويا شي مشااكل حيت شفتو كيف كايدوي معاها ملي جااو …ماعرفتش ولكن كانحس بيه مرتااح معاها … هاجر : اييه مرتاااح معاها ولكن هي رااه غا كاتضحك عليه … البنت رااه مامعروف لا أصلها لا فصلها غا بنت زنقة لصقات فيه كيف شي علكة …وقتما ندور نلقاها كاتدوي فالتيليفون بالتخبية … وكون تشووفي على مستوى عندها وااحد مرة تم فمراكش تلاحت عليا كاتقمش وتسب … حليمة : اويلي بصح ؟؟ هاجر : وفااش جا ولد خالتي فاروق جلسات تبكي عليه ولاحت عليا كولشي …ولكن انا طلعت بنت الناس سكتت وماقلتهااش لخالتي وماما باش مانجبدش المشاكل … حليمة : يااكما وقع شي سوء تفاهم!!! هاجر : لا لا هاادشي مقصود …ونزيدك واحد الحاجة أخرى وااحد المرة رااه خرجاتنا للزنقة و خالتي خديجة طاحت غيبات … حليمة : اويلي على مي غيبات وطاحت فالزنقة … هاجر : اييه ديك مريم جلسات تدور بينا من قنت لآخر حتى عيات خالتي وطاحت وتخايلي ملي شافتها فديك الحالة حتى دواها ماعطااتو ليهااا … حليمة : لااا هااادشي بزاااف بزاااف اويلي هاادشي كوولو ومافرااسي واالو … هاجر : وقعو بزاااف د حواايج غااا خليني سااكتة اختي مااقااادة على مشااكل … حليمة : كاتبان كيف شي بريئة وهي لفعة كاتضرب غااا من لتحت …كولشي نسمح فيه الا ميمتي … ❤ عند مريم ❤ صونا ليها تيليفون وناضت كاتدوي فيه … مريم : ألو ابتسام …ااه احبيبة وصلنا وانا بيخير … ابتسام : ايوا على سلامتك …مهم انا مشيت عند وااحد صاحبتي نطل عليها … غادي نبقا نتغدا معاها وندوز العشية عندها حتاا يقرب يسالي نهار ونمشي فحالي ديريكت للدار مايشوفني حد ههه مريم : شكرا بزااف وسمحي لي ا إبتسام بسبابي وليتي تخباااي بااش مايشوفوكش فالزنقة … إبتسام : هاانية اختي هاانية … مريم دورات وجهها وهي تقشع حليمة هابطة من الدروج وتابعاها هاجر … مريم : انا انقطع دب ا إبتسام تهلاي فراسك وبوسي ليا سارة …. ابتسام : هااهي معاايا خرجت نشري ليها وااحد بيمو صدعاتني عليه … مريم : ههه الحبيبة ديالي يله تهلاي فراسك باي باي ( قطعات وشافت جيهة حليمة وتبسمات بعفوية ) هاجر همسات فأذن حليمة وقالت : هاانتي شفتي اختي كاتكون كاتدوي ملي كاتشووف شي حد كاتسكت … فعايلها كايخليوك تشكي فيها …علم الله شنو مخبية على فاروق مسكين اللي غادي معاها بنية …. 🔥 مراكش 🔥 ❌ عند عثمان و ليلى ❌ عثمان : صاافي مانسيتي واالو ؟؟؟ ليلى : لا كولشي حطيتو فالكوفر …كاااع دااكشي اللي قالت لينا خالتي جبنااه … عثمان : يله طلعي باش نوصلو دغيا رااه جااني جووع … ليلى : ههه ( طلعات ليلى ويله قادات حزام السلامة …هزات عينيها للزاج وهي تحل عينيها على حدهم وقالت : إبتسام 😳😳😳 ) عثمان : إبتسام ؟؟؟؟

❤ زوجة للإيجار ❤
✍كوثر الزهراوي✍
💥الجزء -130-💥
طلعات ليلى ويله قادات حزام السلامة …هزات عينيها للزاج وهي تحل عينيها على حدهم وقالت : إبتسام 😳😳😳 ) عثمان : إبتسام ؟؟؟؟ شكون ابتساام ؟؟؟ ليلى دارت شافت فيه وقالت : هاا لا واالو !!! عثمان : ولكن أنا سمعتك قلتي إبتسام …؟؟ ليلى : لا لا لا …بفف عثمان ديماري ويله نرجعو للدار راني دخت فهاد السوق … عثمان : وااخا ا لالة هااني … ديمارا وزااد وهي حطات رااسها على الزاااج …عرفااتها ماشي مع ابتساام …هادي باينة … اصلا قضية السفر ماكانتش دااخلة ليها لعقلها ودب ها الدليل قداامها …أكيد هادشي كولو على قبل داك فاروق … ليلى حطات يديها على رااسها وقالت : الله يا سيدي ربي الحبيب … عثمان دار شاف فيها وقال : ليلى وااش بييك شي حااجة !!! ماتكذبيش عليا … ليلى : لا راني غا عييت وصافي … ❤ عند مريم ❤ شافت حليمة هاابطة من الدروج تبسمات ليها من باب الإحترام ودازت دخلات حدا الأم خديجة … هاجر : شوفي ا ختي حليمة هااد الكنس القصيف ماايليقش معااه الإحتراام …كون اختي غاا تدوي معاها وتوقفيها عند حدها …. حليمة : غاادي ندوي اكييد اكيد … هاجر تبسمات بانتصار ومشات جلسات حدا مها …. نعيمة : مالك كاتفرنسي غا وحدك …؟؟؟ هاجر : وااجاايا لعرس ولد خالي ومانفرحش وااه …كيف درنا معاك وحلة ا ماما … نعيمة : ايوا الله يجعلني نتيق … جالسة مريم وكاتشووف فنظرات حليمة مااشي حتاال لهيه …وكأنها معصبة منها وكأنها كارهاها … شاافت ف هاجر لقاتها كاتضحك عرفاااتها تااني دارت شي تنوعيرة … ماكاتسوااش فينما مشاات تلاقي الخيووط …خنزراات فيها ودورات وجهها ماحاملاش تشووف كماارتها …. 🔥 عند فااروق 🔥 بعد ما دخلات مريم للداخل … بقا وااقف شوي على براا كايتذكر كيفاش لقااها وااقفة مع دااك خينا وكاتبسم ليه … جن جنونو ملي شافها قريبة لواحد آخر غيرو …حس بالداخل ديالو شااعلة فييه العافية ملي لقاها عاطيا وقت لغيرو وكاتدوي معاه … مريم ولفها ديما معااه ما تعودش يشووفها قريبة لشي حد آخر غيرو … وكيف قاال ليها قبل شوي هو معروف عليه حااجتو مايقرب ليها حتى شي حد… ومريم دب ضمها لممتلكاتو …تنهد وتفكر تيلي دياالو اللي طافيه …جبدو من جيب شعلو ولقاا مكالمات من عند عمران …فديك الساع عاود اتاصل بيه …. فاروق : وي خوياا لاباس ….

❤ زوجة للإيجار ❤
✍كوثر الزهراوي✍
💥الجزء -131-💥
فاروق : وي خوياا لاباس !!! عمران : من الحامدين الشاكرين هاد الساعة …امضرا كيف وصلتو …؟؟ فاروق تنهد وقال : هااحنا بيخير … عمران : مال صوتك ؟؟ وااش وقعات شي حاجة ماشي حتاال تم ؟؟ فاروق : لا لا غير بان ليا غادي تدوز عليا الدكاكة فهاد 4 أيام … عمران : علااش ؟؟ شوااقع …وااش مريم !!! فاروق : وشكون من غيرها اللي قالب ليا حياتي رأس على عقب … تزادت ليا خدمة أخرى دب ايخصني نبقا حااضيها … عمران : وعلاش غادي تحضيها البنت رااه كبيرة وبعقلها … فاروق : لا بعقلها نيييت وهي اللي لقاتو توقف تجمع ليا معاااه … عمران : هاااكاااك قول القضية فيها الغيرة ههه …. فاروق بغا يدوي ويعرعر تاني على عمران ولكن ماقدرش …حس بلي كلام صاحبو بالفعل صحيييح …هو غاار علييها اه غاار … عمران : شفتك سكتي ..هي القضية صحيحة … فاروق تنهد وقال : بحال هاكاك …مابقا عندي مانقول … صدق كلامك صحيح …طحت وطييحة خاايبة ولكن مابيدي ماندير …( تنهد ودوز يديه على شعرو…) عمران حاول يلمح ليه على مريم وقال … عمران : وااممكن ماتكونش غاا وحدك … فاروق : شنو كاتقصد نتاا !! عمران : ماكانقصد واالو ولكن غير نتا رااك قريب لمريم وكاتشووفها وكاتلاحظ تصرفاتها …ماكاتضنش أنها حتى هي كاتبادلك نفس الشعور ؟؟؟ ماعرفتش ولكن داكشي بينكم …مهم احم دب ايخصني نقطع عندي مايدار …انا غير اتاصلت نطمأن عليكم وااش وصلتو بيخير …(قطع) 💫 عند عمران 💫 حط التيلي ديالو وشااف فهبة اللي كانت جالسة قبالتو وقال : دب الدور عليك … راك سمعتي شنو قلت ل فاروق …نفس الشيء غادي تديريه مع مريم بااش نتهنااو من صدااع هاد الجوج ههه هبة : اووك صاافي هههه 🔥 عند فاروق 🔥 رد تيلي لجيبو وكلاام عمراان كايدور فرااسو … مريم فجنبو وبقربو كايبقا حاضيها غير فكلامها وتصرفاتها وحركاتها العفوية اللي كاتحمقو وكاتخليه بلا عقل …ولكن من هاادشي كوولو هو عمرو لااحظ تصرفاتها اتجااهو …تصرفاتها كأنثى وهي بقربو …جاه فبالو البلان اللي وقع قبل شوي ديال ديك البنت اللي اسمها حسنااء …. كيفاش دوات معاها مريم وكيفاش تصرفات …فالأول كان كايضن انو مريم هااديك هي طبيعتها وكاتصرف هااكاك مع من ولا …ولكن دب من خلال تلميحات عمران ممكن يكون هادشي …!!! فاروق : زعما تكون غاارت !!!
❤ زوجة للإيجار ❤
✍كوثر الزهراوي✍
💥الجزء -132-💥
🔥 عند مريم 🔥 وصلها ميساج من عند هبة فيه ” الا كنتي مسالية نصوني ليك ” ناضت مريم هزات تيلي وخرجات تدوي مع صاجبتها تحت أهين هااجر وحليمة … ناضت هاجر قفزات من بلاصتها مشات حدا حليمة … هاجر : وااشفتي اختي تيليفون ورا الآخر …شكون قال تكون دايرة شي صاحب وكاتضحك على خويا فااروق …خااصنا نعتقو خوك اللي هو ولد خالتي قبل لا يتورط مع هاادي فشي موصيبة … حليمة : اناا غاادي نووض نقول ليها بعدا وااحد جوج كلمات عااد نشوفو شكون نعتقوه وشكون نخليوه يغرق … ❤ عند مريم ❤ مريم : الو حبيبة لاباس عليك … هبة : لاباس ونتي ..امضرا وصلتو ..كيف الاوضاع تم !!! مريم : بيخير حمدلله هاني مع الهم ديالي … هبة : شكون وااش فاروق ؟؟ مالك شنو وقع !!! مريم : لا واالو غير ماعرفتش ا هبة ولكن خاايفة تكشف الكذبة ديالي …خايفة فاروق يعيق بلي انا عندي مشاعر اتجاهو … كاندير تصرفاات وانا ماحااسااش …بحال قبيل شفتو مع وااحد بنت ومشيت جيهتو دفعتو واناا اللي دويت مع البنت …غرت منها مابغيتهااش تدوي معااه …سميتها حسناء بنت حسن ولا مانعرف بففف جاب الله هو ماداير فبالو واالو اما كون حصلت …. هبة : شكون قال لك بلي هو ماداير فباالو واالو ؟؟؟ يمكن حتى هو يكون كايحس بي حاجة من جيهتك …زعما هو عمرو بين ليك شي حاجة هممم مريم : الله يهديك اش كاتقوولي … هبة : بحال قرب ليك …ولا شافك مع شي حد وغار عليك …!!! مهم انا غير قلت لك وصاافي انا انقطع دب عمران كايتاصل بياا بااي بب ( قطعات وشافت فعمران …) عمران : Très bien ma belle…. هبة : نااري على شوي وكنت انقول ليها كوولشي فالتيلي ههه عمران : هههه الناس كايتزوجو وكايلقاو فعيالاتهم طاحراميات …انا تزوجتك ومكتاب عليا أنا نعلمك طاحرميات هههه هبة : الله يخلف عليك ههه ❤ عند مريم ❤ يله قطعات مع هبة وبدات تفكر فالشيء اللي قالت ليها حتى وقفات عليها حليمة وفعينيها شوفات مااشي ديال الخير …. حليمة : شنوو ساليتي هاد التوشويش ديالك ؟؟؟

❤ زوجة للإيجار ❤
✍كوثر الزهراوي✍
💥الجزء -133-💥
حليمة : شنوو ساليتي هاد التوشويش ديالك ؟؟؟ مريم : سمحي ليا مافهمتش شنو باغا تقصدي بهاد الكلام … حليمة : كانضن بلي رااك فااهمة كوولشي وداايرة فيها بريئة … مريم دورات وجهها بانت ليها هاجر هازة آية وكاتشوف جيهتهم من بعيد …. مريم : صااافي دب فهمت شنوو بااغا تقصدي بكلامك … بنت خاالتك بااقي كاعما سخنات بلاصتها جلسات تعااود ليك وتسمم ليك عقلك … حليمة : ههه تسمم لي عقلي وااش من نيتك …بنت خاالتي قالت الحق … مريم : اشمن حق رااه كوولشي كذووب فكذووب … حليمة : تعديتي عليها وضربتيها وسط داارك كذووب ياااك … خرجتي ماما وبسبابك طااحت فالزنقة وغابت على الوعي وحتى دوااها ماعطيتيه ليها كذووب هااا … شعلتي العافية بين خويا فاروق وبنت خاالتو حتى ولا يكرهها و الهضرة مايهضر معاها كذووب هممم دوي وهاادشي غير اللي عاودو لي علم الله شنو وقع بلا خبااري فديك مراكش … مريم : ايوا ملي ا لالة نتي جبدتي الهضرة نهضروو ونوضحو كوولشي …هااديك بنت خاالتك اللي كاتحسبيها ختك رااهاا وااحد الكذاابة مامنهااش جووج …اول حاجة قلتي هي تعديت عليها يااك ايوا ا لالة اااه انا ضربتها ونتفتها ومااخليت فيها غا اللي نسيت عرفتي علااش حيت عايرااتني وسبااات لي اللي ربااني وهو تحت التراب سمعتي … وتاني حااجة رداتني بنت الزنقة وقاالت لي بلي سااحرة لخووك باااش نديه سمعتي …الا كنتي فبلاصتي نتي شنو كنتي غاادي تديري همم حطيت حجرة على قلبي نهاار لول وتااني ولكن البنت غير غاادا وزاايدة للقداام بفعاايلها …وعلى ذكر شنو وقع لخالتي فمرااكش فرااه هي سبابها سمعتي …فاش جااو لعندنا ملو بين جوج حيوط خرجتهم يبدلو الجو شوي ولكن بنت خاالتك المحترمة جلسات تدور من قنت لقنت وتصور هنا وهنا …وصحيح انوو خالتي سخفاات وطاحت واناا كنت معااها اه تخلعت وبكيت وقلبت معااها على دوااها ولكن باااح مالقيتووش اااه ونزيدك الصدفة الغريبة اللي بااقي كاتدور فرالسي هو كيفااش ماماك قلبات فصاكها على دوااها ومالقااتوش وانا قلبت ومالقيتووش ولكن فااش جات بنت خالتك المصونة لقااتو واااو …. وبالنسبة للعلاقة بين فاروق وهاجر اللي كاتاهميني انني خسرتها فهي أصلا كاانت خااسرة من اللول …فاروق فااش شااف تصرفاتها معاايا حذرها وبعد منها واصلا هو ديجا مبعد منها وداير بينهم حدود غير هي اللي مابااغااش تفهم هاادشي وتدخلو لدااك الراس عندها … حليمة كاتشووف ليها فعينيها وكاتسنط لكلاامها حرف ب حرف … مريم : ونزيدك وااحد الحاجة هاد بنت خالتك رااه كانت حاطة عينيها على فااروق …كانت
مريم : ونزيدك وااحد الحاجة هاد بنت خالتك رااه كانت حاطة عينيها على فااروق …كانت كاتصبح على سميتو وتمسي على سميتو وفباالها انو غاادي تزوجو ولكن فااش جات وحدة أخرى وشدات بلاصتها فرااك شفتي شنو وقع …يعني توقعي منها أي حااجة … ( مريم حتا بغات تمشي وهي ترجع وشاافت ف حليمة وقالت : شووفي انااا مابغيتكش تبغيني ولا تحابي معاايا …انا بغيتك تعرفي حااجة وحدة هو اي معلومة عطاتها ليك هاجر عليا عرفيهاا غاالطة ….وبالنسبة للام ديالك فرااهاا على رااسي وعينيا حيت حتى انا عندي أم وكيف كانعاملها رااه كانعامل جميع الأمهات … انا ماكنتش بااغا ندوي معااك بهااد الطريقة ولكن …. ) مشات مريم دخلات وخلاتها وااقفة كاتفكر فكلاامها … الطريقة بااش كانت كاتدوي والثقة ديالها كانت كاتبين انها على حق …وطون كانت بالفعل وحدة خاايبة وماتسوااش ماكانتش تعاامل مع الأم ديالها بديك الطريقة … ملي جااو لهنا والأم خديجة كاتعرف جميع أهل العائلة على مريم وكاتشكر فيها … ملي جااو حليمة انتابهات للام ديالها كيفاش فرحاانة وفااروق كيفااش مقرب من مرااتو … حليمة سكتاات شحاال بعد تفكير داام بضع دقائق من لعد تنهدات وقالت : زعما يقدر يكون عند مريم الحق ؟؟؟

❤ زوجة للإيجار ❤
✍كوثر الزهراوي✍
💥الجزء -135-💥
خرجات مريم وتمات هاابطة للتحت …كان السكات والأغلبية مخشي فبيتو … مشات لعلى برا كاان الشجر كايتحرك وكايعطي صوت خفييف زويين …الهوااء كايداعب خصلات شعرها وكايحركهم …ماهي الا لحظات حتى حسات بيد تحطات على كتفها …دارت وهي تلقا حليمة أخت فاروق … مريم شاافت فيها وسكتات مالقاات ماتقوول اصلا ماعرفااتهااش علاش جااية وااش باش تغوت تاني ولا تستفسر ولا تاهمها بشي حااجة ….!!! مريم : شوفي انا اي حااجة عندي رااه قلتها ليك قبيل …ماعرفتش شنو قاالت لك تاني هااديك بنت خاالتك ولكن والله ماقادا على صداع و …(قاطعاتها حليمة وقالت : اناا ماجايااش باش نتخاصم …) مريم شاافت فيها وبلعات ريقها متسائلة شنو بغات أخت فاروق تقول ليها …. حليمة : اناا دورت كلامك مزياان فرااسي … صراحة انا جيت بغيت نعتاذر منك وبغيت نطلبك الشيء اللي داز بيناتنا قبيل ماتقوليهش لفاروق باش مايتقلقش … مريم : لا انا ماقلت ليه واالو و ماغادي نقول لو واالو … حليمة : صراحة فالأول فاش دوات معاايا ماما وقالت لي بلي فاروق تزوج ماعجبنييش الحاال …تعصبت وماكنتش بااغااه يتزوج بلا خباارنا كنت بغيت نشووفك ونعرفك وااش لايقة بخويا ولا لا ولكن ماما كانت ديما كاتشكرك لي … وقتما ندوي معاها كاتقول لي مريم داارت مريم فعلات …صراحة ارتاحيت ملي سمعت عليك كلام زوين وارتاحيت كثر ملي شفت ماما كيفاش فرحاانة وشفت فااروق كيفاش مهتم بيك … ولكن ملي قالت لي هااجر داك الكلام …أنا … مريم : اختي رااني شرحت لك السبب علاش قالت هااكاك … حليمة: فهمتك …حتى انا دزت من نفس الموقف… بنت العم ديال راجلي كانت كاتبغيه ومعجبة بيه بزاااف … وهوما عندهم عادة انو الدري يتزوج بنت عائلتو ولكن راجلي أمين كسر هااد العادة وجاااب بنت خاارج العائلة وتزوج بيها …وهاد البنت هي أنا…. فالاول لقيت مشكيل مع ديك بنت عمو حيت كل نهار كانت تخرج هضرة وكلام عليا حتاال النهار اللي دوا معاها أمين ودخلها سوق رااسها …. فااش عاودتي لي على هااجر تفكر رااسي قبل 5 سنين ههه قبل مانولد آية .. مريم : الله يخليها لك … حليمة : أمين يااربي …مهم كانعتاذر على هضرتي قبيل وعلى تصرفي …وكانتمنا حتى هااجر ماتدييش عليها رااه مااشي لخاطرها كاتدير هااكاا …. مريم : لا هاانية هاانية اختي …فرحتيني فااش قلتي هاادشي وانا ماتقلقتش منك …من حقك تخافي على خووك … حليمة تبسمات ليها وقالت : ايوا نخليك دب انمشي نشووف بنتي …( حتى بغات تمشي وهي ترجع …) حليمة : مريم نسولك ؟؟؟ ماما قالت لي بلي نتي
حليمة تبسمات ليها وقالت : ايوا نخليك دب انمشي نشووف بنتي …( حتى بغات تمشي وهي ترجع …) حليمة : مريم نسولك ؟؟؟ ماما قالت لي بلي نتي ماعاندك حد فهااد الدنيا يااك !!! مريم توترات وقالت : اااه ااه حتى حد … حليمة : ولكن قبيل قلتي لي وااحد الجملة …( قلتي لي أنا مستحيل نعامل ماماك بطريقة خايبة حيت حتى انا عندي أم …) قلتي لي شي حاجة بحاال هااكا ؟؟؟ وااش عندك ماماك ؟؟؟ مريم : كك كيفاش ..همم كيفاش أم …ماما انا ؟؟؟؟؟

❤ زوجة للإيجار ❤
✍كوثر الزهراوي✍
💥الجزء -136-💥
مريم : كك كيفاش ..همم كيفاش أم …ماما انا ؟؟؟؟؟ مريم : اااه صرااحة عااد تفكرت .. دب انا عندي وااحد صاحبتي تعرفت عليها مؤخرا وصدقاات ضريفة وهي عندها ماماها وباباها وكنت كانمشي عندهم وملي الأم ديالها شافتني هااكاك ماعاندي حد قالت لي نبدا نقول ليها ماما و وليت نعيط ليعا ماما ودب كانعتابرها بحال الأم ديالي وكثر … حليمة : اااه ومايبقااش فيك الحال … الا سيدي ربي ماعطاكش عائلة اعتابرينا حنا عائلتك ..اصلا رااه حنا عائلة رااجلك يعني عائلتك ومن اليوم اي حااجة خصاتك انا موجودة …رااني فمقاام ختك … مريم : اااه ربي يخليك شكرا … حليمة : يله تصبحي على خير … مريم : ليلة سعيدة … مشات حليمة لغرفتها ومريم طاارت بالجرا للفوق دخلات وسدات الباب وراها … فاروق دار شاف فيها وقال : ماالك صفرة ؟؟ اش وااقع !!! مريم بااقة واقفة حدا الباب شافت فيه وقالت : انا فااش كانخرج كانزبلها وكانرجع …. فاروق : شنو درتي تااني ؟؟؟ مريم بلعات ريقها وقالت : داكشي اللي درتو بيدي رااني فكيتو بسني ماتخاافش … فاروق : ههه واازيدي زيدي تنعسي … مريم تمشات جيهة السرير وقالت : ااجي نتا لهاد الجهة انا بغيت نكون جهة السرجم … فاروق : وااخا ا لالة هااني …غير هنينا … مريم : ايوا والحدود فين هوما ؟؟؟ فاروق : اينا حدود ؟؟ مريم : المخاااد اللي بيني وبينك … فاروق نااض جاب المخاد على وعدو وسعدو ههه وقسم بيهم السرير … مريم : صافي دب مزياان …( هزات بيجامة ديالها وعاود خرجات …) فاروق متبع ليها العين : وعنداك تجيبي شي موصيبة اخرى معااك … مريم : غادي غير نبدل عليا فهاد البيت اللي هاوي هنا ونجي … فاروق عرفها حشمات تبدل قداامو تبسم وتبع ليها العين حتى خرجات من الغرفة وسدات البيت ورااها … خرجات مريم ومشات للغرفة المجاورة كاانت خااوية فيها شي كراسا و واحد السرير …دخلات سدات عليها وبدلات ملي جات تخرج سمعات شي حس عند الباب …وكأنو شي حد وااقف كايتسنط عليها … مريم : فااروق الباسل اكيد غادي يكون غير هو …. تشجعات ومشات حلات الباب يله هزاات عينيها فداكشي اللي قدامها وهي تغوت … مريم : اععع بسم الله الرحمن الرحيم ….😳😳😳😳😳😳😳😳

❤ زوجة للإيجار ❤
✍كوثر الزهراوي✍
💥الجزء -137-💥
مريم : بسم الله الرحمن الرحيم 😳😳😳😳 شكووون شكووون نتي اختي … ….. : زينة البنات …أنا زينة البنات …الغزاالة …الحبيبة …أنا زينة البنات … مريم تخلعات كاتشوف فيها مشعكة وشعرها طاالع للسماء بحاالا ضاربها الضوء …وداايرة العكر حمر وفعينيها الكحل مامقادش …كاتبان فحال شي هيشة الله يسمح ليا .. مريم : عاافااك .. بيت نمشي فحاالي …حيدي من طريق … واقفة قداامها مابااغاش تحيد … مريم كاتشوف يمين وشمال تخلعات من الطريقة باش كانت البنت كاتشوف فيها …شداتها البكية ومع السكاات والليل والظلاام … دورات وجهها يمين وشماال مالقات منين تدوز …وحلات كاتشووف فيها قداامها ماابغااتش تخليها تخطي ولو خطوة وحدة … مريم : شوفي الله يستر عليك حيدي رااجلي كايتسنااني … ….. : عطيني شعرك …(مدات يديها بغات تقيس شعرها …) مريم رجعات للور وقالت وهي خايفة دوات وقالت : لا لا عاافااك شعري بغيتو بغيتو …اويلي فااش حصلت هنننن فينك ا فاروق عتقني 😢😢 تمات جااية نعيمة مع وااحد السيدة جيهتهم … نعيمة : هااهي زينة زينة … السيدة اللي مع نعيمة دوات وقالت : ياا بنتي يا زينة فيين مشيتي … مريم غير كاتشووف ماافاهمة واالو … نعيمة : مريم شنو كاتديري هناا ب بيجامتك سيري تنعسي !!! مريم : رااه كنت غادية نعس …حتى جات هاد لبنت لطريقي …شكون هي ؟؟ ومالها دايرة هاكا خلعاتني ؟؟ نعيمة : هاادي زاااينة … بنت واحد السيدة من العائلة … هي مسكينة مااشي حتا لهيه كايقولو حمقة ماخلات مها فين داتها باش يرجع ليها العقل واالو …ايوا وهادا هو حالها …راه ماتضرب حد ماتآذي حد …ماتخاافيش منها ماتخافيش … مريم : مسكينة الله يعفو عليها … نعيمة مشات طلعات فحالها ومريم ديريكت بالجرا للغرفة فين كاين فاروق دخلات وسدات الباب ورااها … فاروق كان يله تكا حتى شافها داااخلة كاتجري تاني كيف عادتها …شافها وحرك راسو يمين وشمال وقال : زبلتيها تااني

❤ زوجة للإيجار ❤
✍كوثر الزهراوي✍
💥الجزء -138-💥
مريم مشات عندو وقالت : وااش نتا عندكم بنت مسكينة حمقة فالعائلة وانا ماقلتيهااش لي ؟؟؟ فاروق شاف فيها وتكا على ظهرو فوق السرير وقال : ماكاين هااد الساعة اللي حمق قدك … مريم ضربااتو لكتفو وقالت : ورااني دااوية معاك ا سبايدر … فاروق : واانا بااش عرفتها وااش حمقة ولا تعالجاات … شتي هاادشي كاامل اللي جااي لهاد العرس ماكانعرف فيه حتى حد من غير خاالي وولدو … رااه ماعانديش مع هادشي ديال العائلات ورااك عاارفاني جااي لهنا غا على قبل الواليدة وخلاص …. مريم : ممم تيقتك … فاروق جاوبها بسخرية وقال : ياااه سعداتي تيقاتني موصيبة عمري … مريم شافت فيه وقالت : نعس نعس سبايدر الباسل 😒😒😒😒 فاروق : تصبحي على خير… مريم : الله الله على الصواب …( تغطات ونعسات وكذلك هو …) بعد مرور دقيقتين … مريم طلات عليه وقالت : حتى نتا تصبح على خير… فاروق ضحك وقال : مقبولة منك واخا جات معطلة … مريم : 😒😒😒 شتي غا اللي بغا يدير فيك عقلو وصاافي … فاروق : هههه مريم : هههه 💞 أصبحنا وأصبح الملك لله 💞 ✅ يوم جديد ✅ فاق فاروق هو اللول لبس حوايج الرياضة وهبط خلا مريم نااعسة مااجايبة خباار …خرج ومشا يجري شوي فجوايه الفيرما … ❤ عند مريم ❤ فاقت على صوت التيلي ديالها كايصوني …طلات لقات ليلى … مريم : الو صباح الخير ليلى … ليلى : صبااح النور والخير والخمير ا حبيبة لاباس عليك … مريم : حمدلله بيخير … ليلى : كيداير وااحد فاروق لاباس عليه احبيبة ديالي … مريم : ااه لاباس عليه بيخير …(عااد وعات على رااسها شنو قاالت …ناضت جمعاات الوقفة وقالت : اويلي …) ليلى : الويل راااك فيك …وااش حماااقيتي نتي فييينك …فين مشيتي ياا هااد المسخووطة ؟؟؟ مريم : وااارااه كان ضروري خااصني نجي لأكادير … ليلى : نااري وكاتقوولي فيها بوجهك حمر ميمتي ميمتي بااغاا تنوض فيا الشيب …اويلي على أكادير … مريم : ليلى شووفي … ليلى : فرااسك البارح شفت إبتسام … وكان بإمكان خووك يشووفها …. مريم : شنووووو 😳😳😳😳😳😳
مريم : شنووووو ؟؟؟ ليلى : ايييه كيف كاتسمعي … مشينا البارح لواحد السوق انا وخوك تقدينا شي حوايج خاصين بالدار وتم شفت ابتسام مع سارة بالصدفة … مريم : لا تقوليهاااش !!!! مشيت فيهااا ؟؟؟ ليلى : لا لا هااد الساعة الزهر وااقف معااك …حيت خوك ماشافهاتش او بالاحرى ماخليتوش يشوفها …شنو هاادشي كاتديري فيه ا مريم يهديك الله … مريم : وكاان خاصني ندير هاادشي اختي … ماعرفتش ولكن …. ليلى : مريم راااك كاتفكري بقلبك مااشي بعقلك وهاادشي رااه مانافعكش …نهار عثمان يسيق الخبار لهاادشي رااه غادي يخلطنا مجمووعين … الأم زهرة حلات الباب وشافت فمرات ولدها ليلى وقالت : اشنو هاادشي اللي ايلا ساق ليه عثمان الخبار غادي يخلطكم … ليلى : خاالتي زهرة 😳😳😳؟؟؟؟ مريم : ماااماا !!!!!

❤ زوجة للإيجار ❤
✍كوثر الزهراوي✍
💥الجزء -139-💥
الأم زهرة دخلات وسدات الباب ورااها وقالت : شنوو هادشي اللي اذا ساق ليه عثمان الخبار ايخلطكم بزووج هممم ؟؟؟ ليلى : خاالتي صرااحة … الأم زهرة : ديري مكبر الصوت وخلينا نسمعو لالة مريم اشنو غادي تقول يله … مريم كاتدوي عبر الهاتف : ماما … الأم : رااني كانسمع فييك … مريم : احم اناا رااه … ليلى سااكتة ومغمضة عينيها كاتسنا شنو غاادي يخرج من فم مريم وشنو غاادي تقول وتدير فهااد الموصيبة اللي وحلات فيها … مريم تنهدات وقالت : ماما انا وليت كانبغي وااحد السيد …. ليلى : 😳😳😳😳😳 ❌ عند عمران ❌ لابس حوايجو عبارة على سيرفيط فاللون الأسود وسبادري فاللون الأزرق الغاامق و واقف كايتسناها توصل ليه … عمران : هبة يله السووفل احبيبة السوفل جري … هبة لابسة سيرفيط فاللون الرمادي وجاامعة شعرها للفوق كاتجري حتا وصلااتو وقفاات شاادة فجنبها … هبة : ورااااه سخفت هووووف هووووف نااري غاادي نمووت باارااكة اعمران العااار …. عمران : يله بااقي لينا وااحد 3 ديال الدورات زيدي …. هبة :وااش بنت ليك انا فالبلان ياا هااد الراجل هممم هووووف اش بيني وبين شي رياااضة … تسحابلي غا كاتضحك معاايا ساااع نتا هجرتيه ليااا هووووف …. عمران : زيدي تجري زيدي …. هبة يله بغات تدوي وهو يصوني تيلي ديال عمران طل لقااه فاروق …. هبة : الله يرضي عليك افاروق فينما كنتي عتقتيني ( جلسات للأرض كاتلتاقط أنفااسها … ) عمران : ههه وي الساااط ….اااه وييه … هبة هازة عينيها كاتشووف فيه كايدوي …شوي وهو يقطع … هبة : وحشووومة عليك مواالف كاتبقا مجمع معااه اليوم دويتي دقيقة وقطعتي يا سبحان الله…. عمران نوضها ودفعها قدامو وقال : وتحركي قدااامي …. هبة : اععععععععع عمرااااان …. عمران : زيدي زيدي باش تولفي هاادشي …حيت ملي غادي تحملي غادي تغلاضي وغادي تولدي وتجلسي فالدار اتولي كيف العجينة وغادي تبقاي تشكي فيا وتقولي لي كانخوونك وملي يتخربقو ليك الهرمونات اتبقاي تبكي وتقولي لي اناا خاايبة اناا مامعمراش لك العين الحقير …( عمران كايدوي ويعيبها …) هبة : ههههه ياااك دب انا اندير هاااكا ( ضرباااتو وهربااات وتبعها يكملو الدورة ديالهم … )

❤ زوجة للإيجار ❤
✍كوثر الزهراوي✍
💥الجزء -140-💥
💫 عند ليلى والأم زهرة 💫 ليلى كاتشووف فالام زهرة … الام زهرة : اويلي نتي شنو كاتقولي ؟؟ دب نتي كاتبغي شي وااحد …اويلي واقيلا كانحلم ياااك معقدة … مريم : ااه انا كانبغي واااحد السيد …( مع قالت هاد الكلمة مع دخل فااروق للغرفة …هزات عينيها فيه لقااتو كايشووف فيها مصدوووم من الشيء اللي سمعو … حدرات عينيها ورجعات كملات هضرتها فالتيليفون… ) الأم زهرة : ااهااه ايوا وشكوون هادا وفين تلاقيتي بييه …وكيفااش حتى وقع هاادشي وامتاا نااوي يجي للدار … نطقات ليلى وقالت : خاالتي دب هي مسافرة خلي حتى تجي وندويو …وهاانتي كيف سمعتي هاادشي اللي كنا خاايفين عثمان يسيق ليه الخبار … الام زهرة : ايوا ايلا السيد كاان نااوي المعقول وبااغيها عثمان ماعاندو لاش يتقلق بالعكس ايفرح لختو … مريم : ماما انقطع دب ابتسام كاتعيط لي …. الام زهرة : بلغي ليها السلام …. مريم : مبلغ … الله يعاون ( قطعات وشاافت ف فاروق اللي كان كايهز حوايجو بااش يمشي يدوش …) مريم : مشيتي تدير السبور … فاروق : هممم ( ماباغيش يدوي معاها …) مريم : وعلاش مافيقتينيش ملي كنتي غادي كنت نمشي معااك نشوف المنطقة هنا !!! فاروق : عيان دب انمشي ندوش ونشوف ولد الخال عندي مايتقال معااه … مريم جااها عجب… كايدوي هااكا والهضرة بالقياس …ماشي هو هادا اللي كان كايضحك معاها لبارح … نااضت من الفراش واستغلات انو خرج مشا للدوش اللي فالممر باش يدوش وهنا جبدات حوايجها لبساتهم ومشطات شعرها … جمعات الغرفة ورتبات الفراش ومن بعد هبطات للتحت … لقاتهم مجموعين على طاولة الفطور نعيمة وخديجة وحليمة هاجر آية …مشات صبحات عليهم وجلسات جنبهم ….دورات عينيها وهي تقشع زينة جاالسة فواحد الكريسي وحااطين ليها طبيلة قداامها فيها ماكلتها …. مريم : خالتي علاش عازلين ل زينة ماكلتها وحدها ؟؟؟ الأم خديجة : علاش نتي كاتعرفي زينة …؟؟؟ مريم : ااه شفتها البارح وعاودات لي خالتي نعيمة عليها … قالت لي بلي مسكينة ماشاداش فعقلها …!!! الأم خديجة : اييه عندها الحق …وامسكينة رااه مايقدووش يجلسوها فالطبلة هنا حيت بعد المرات كاتجيها الحالة على غفلة وكاتبقا تشير وتهرس أي حاجة قداامها … مريم : الله يكون معااها …. الأم خديجة : ماماها ماخلات فين داتها واالو … كايبقا دااكشي ديال الله …. فرااسك شحاال من وااحد قال ليها تلوحها فشي مصح عقلي ولكن كبدتها ماتقدش تفرط فيها … تم هابط فاروق قشع مريم جالسة كاتدوي مع الواليدة ديالو …حليمة هزات عينيها شافتو دارت ليه
تم هابط فاروق قشع مريم جالسة كاتدوي مع الواليدة ديالو …حليمة هزات عينيها شافتو دارت ليه باي باي شير ليها بيديه ومشا توجه عند الرجال ….

❤ زوجة للإيجار ❤
✍كوثر الزهراوي✍
💥الجزء -141-💥
نعيمة كاتنغز فبنتها وتقول : واافطري فطري … هاجر : مسدوودة ليا الشهية … نعيمة : ايوا بقااي هاكاك حتا تولي كيف قلم الرصاص …مانعرفو كرشك من رجليك من راسك … هاجر : دب كولهم كايدويو مع هاد مريم شنو عاجبهم فيهاا هممم اللي جا يضحك معااها واللي جا يتعاود معااها …؟؟؟ نعيمة : وانا شنو عرفني هممم شنو عرفني ؟؟؟ نتي غا تجيك الحالة وجي ليا انا لوحي عليا أسئلة ديالك … هاجر : ايهاااي على نعيمة دخلتي سوق رااسك …مشا منك دااك تنوعير … نعيمة : تبت ابنيتي … عرفت بلي ايلا بقيت تاابعاااك وتابعة دوك الخطط ديالها غاادي نموت قبل الوقت غا بالفقصة والحسرة …. هاجر : ايوا الله يجعلني نتييق ( هزات كيكة كاتاكل فيها …) نعيمة حطات يد على يد وقالت : يااك عااد كانت مسدودة لك شهية ؟؟؟ هاجر : دب تحلااااات … نعيمة : الله يعفو عليك ا بنت كرشي قولي أمين …. 💞 عند مريم 💞 كاتفطر وجنبها آية عاطياها تيلي ديالها ملهية فيه …. حليمة : آية خلي طاطاك مريم تفطر وسيري لعبي … ناضت آية والتيلي فيديها مشات كاتجري خرجات من الصالون اللي جالسين العيالات فيه ومشات للكولوار كاتلعب …. شافها الخال محمد كان دايز لابس جلابتو وسلهاامو وهابط يفطر وهو يهزها ودخلها معاه للصالة فين مجموعين الرجال والدراري د العائلة جلسها فحضنو وبدا يلعب معاها …. فاروق كان جالس جنبهم كايشرب قهوة كحلة …شاف آية خداها عندو باسها فخدها وقال : الغزالة د خالهااا … آية هازة تيلي ديال مريم داخلة ليوتوب كاتفرج ف رسوم وتضحك …. فاروق : شكون عطاك هاد التيليفون همم … آية : ديال طاطا مريم …ديك البنت اللي شعرها زوين … فاروق تنهد وقال : طاطاك مريم كولشي فيها زوين ولكن خسارة ماكانتش من نصيبي …

❤ زوجة للإيجار ❤
✍كوثر الزهراوي✍
💥الجزء -142-💥
دااز النهار عاادي مافيه لا جديد لا واالو …مريم كاتبغي تدوي مع فااروق وهو كايصدها ولا كايخلق ليها شي عذر … دب هو فبالو بلي عقلها وقلبها مع شخص آخر غيرو … كايقول فبالو بلي أفضل حاجة دارها فحيااتو هي انو كره الزواج وكره العلاقات حيت فيهم غير المشااكل وصدااع الراااس … من ديما كايفكر بعقلو اااه اي حااجة ماكايستخدمش فيها العاطفة ولكن نهار زغبو الله وفكر بقلبو وأحاسيسو ومشااعرو طااح على رااسو … 💞 عند مريم 💞 هابطة من الدروج تلاقات بحليمة … مريم : عافاك اختي حليمة ماشفتيش فاروق ؟؟ فاروق : يله بان لي هنا !!! ايكون غا مع خالي محمد ولا شي حد من الدراري …. ( صونا ليها التيليفون …وجاوباات قداام مريم وقالت : الو حبيبة يااسمين صاافي يااك غدا نشاءلله انقولها لفاروق يجي يتلقا ليك فالمحطة …) مريم تبسمات وقالت : ياسمين يااك ختكم الصغيرة يااك …. حليمة : اااه كاانو عندها شي امتحانات سالاتهم وغدا غادي تجي … مريم : ااه قاالها لي فاروق …عندها الباك هاد العام … حليمة : اااه … ( دورات وجهها وقشعاات فااروق ) رااهو رااهو فاروق … مريم شافتو مشاات طيارة لعندو … مريم : فاااروق فااروق … فاروق دار عندها وقال : نعام ا مريم شنو خصك …؟؟؟ مريم مستغربة من الطريقة بااش كايدوي معااها تنهدات وقالت : اناا مابغييت واالو غير شفتك غبرتي وقلت نسول فيك … فاروق : ايوا هانتي كاتشوفي بيخير حمدلله …سمحي لي وااحد دقيقة باغي ندير وااحد الإتصال مهم بزااف …( مشا وخلاها وااقفة كاتبرق فعويناتها مافاهمة واالو …هو ماكان عندو لا إتصال مهم لا واالو …غير بااغي يبعد من حدااها لايزييد يغرق رااسو كثر …مريم شافتو هااكاك ومشاات دخلات للداخل …) 💥 وصلات 07:30 ديال العشية 💥 السماء بدا يتبدل لونها والظلام بشوي بشوي بدا يسيطر على الأجواء …خارجة مريم كاتقلب على آية باش تشد من عندها التيليفون ديالها حيت نهاار كولو وهي شادااه ليها كاتلعب بيه …قشعاتها جاالسة فوق واحد الكرسي على براا ماازاال كاتلعب وتفرج فالرسوم فاليوتيوب …. مريم : الغزااالة آية هنا هممم ههه آية : اجي تشووفي ا طاطي باربي زويينة 😍😍 مريم باستها وقالت : ماكاين شي زين قدك …اري نشوف …ويلي ويلي على التيليفون 3% عطيتو ليك مشارجي خويتيه هههه ( هزات عينيها كاتباان ليها زينة خاارجة كاتجري متاجهة جيهة الجنان …) مريم : فيين غاادية هاادي …اويلي فيين مهااا اللي مقابلاها …(بداات تعيط باسمها وتقول زينااااا زينة ….) واالو ماسمعااتهااش عااد ماكاتزيد
(بداات تعيط باسمها وتقول زينااااا زينة ….) واالو ماسمعااتهااش عااد ماكاتزيد فالجرا … هنا مريم ماحسات حتى تبعاتها كاتجري …. آية : اجي ماتمشيش لتم ماما كاتقول لي تم خاايب اجي طااطي … نااري مشاات لتم خاايب 😐😐😐 حليمة خارجة هاازة تيلي ديالها كاتدوي فيه مع راجلها أمين … حليمة : وااخا اسيدي انا غادي ندوز ليك الكتكوتة ديالك تدوي معااها ههه آية آية … آية تمات جااية كاتجري : مااماا مااماا طاطي مشاات لديك البلاصة الخاايبة تاابعة ديك البنت اللي كاتقولي لي مانقربش ليها …. حليمة : اويلي اشمن بلاصة …وكيفاش وااش طاطاك مريم .. ؟؟؟ آية : مشاات كاتجري لهيييه ( كاتنعت ليها …) حليمة : أمين قطع من بعد ندويو …لا لا بيخير بيخير غير قطع … ( قطعاات مع راجلها ومشات لفااروق ديريكت لقااتو مع الأم خديجة …) حليمة : فااروق عتق مرتك مشاات جيهة الجنان اللي فيه البير ( البئر ) …..

❤ زوجة للإيجار ❤
✍كوثر الزهراوي✍
💥الجزء -143-💥
آية كاتجري لعند حليمة وتعيط : مااماا مااماا ….طاطي مشاات لديك البلاصة الخاايبة تاابعة ديك البنت اللي كاتقولي لي مانقربش ليها … حليمة : اويلي اشمن بلاصة …وكيفاش وااش طاطاك مريم .. ؟؟؟ آية : اااه طاطا مريم مشاات كاتجري لهيييه ( كاتنعت ليها …) حليمة : أمين قطع من بعد ندويو …لا لا بيخير بيخير غير قطع … ( قطعاات مع راجلها ومشات لفااروق ديريكت لقااتو مع الأم خديجة …) حليمة : فااروق عتق مرتك مشاات جيهة الجنان اللي فيه البير ( البئر ) ….. فاروق ناض جمع الوقفة عاقد حجبانو …. فاروق : كيفاااش مشاات جيهة الجنان ؟؟؟ شنو كاتدير تم … حليمة كاتدوي متوترة : مااعرفتش دب غاادي يطيح الظلام ويمكن توضر تم ولا توقع ليها شي حااجة … ورااك عاارف الحيوانات البرية و الحشرات والسم تم …اناا ماشفتهاااش غير آية اللي قالت لي بلي شاافتها مشاات كاتجري لتم … فاروق هز تيلي ديالو بغا يصوني ليها وهي تنطق حليمة وقالت : تيليفونها عند آية قرب يطفها …. فاروق تعصب وتخلع عليها بزاااف تنهد وقال : اااه امريم اااه …( خرج كايجري …) الأم خديجة : ولدي فااروق خوود معاااك شي وااحد من ولاد خالك ماتمشيش وحدك لتم ….الله يااربي الله البنت مااشي من هاد المنطقة …عنداك غا توضر ولا توقع ليها شي حااجة …؟؟؟ هاجر جات انضمات ليهم وعرفات شنو وقع … هاجر : مااعندو ماايوقع ليها …واصلا نتوما منااش خايفين بففف حليمة دارت خنزرات فيها وقالت : هااجر يااك نتي عاقلة بلي من صغرنا جدي الله يرحمو كان كايقول لينا ماتقربووش جيهة الجنانات فهاد الوقت ملي كايكون ظلام غادي يطيح …. دوك بلايص مهجوورين وخااويين وفيهم حيوانات برية زيادة على السم حتى هو ( العقارب والأفاعي …) ودب كاتقولي نتوما منااش خاايفين … الله يحفض البنت وصاافي …. هاجر تحت سنانها دوات وقالت : دب ولات عزيزة عليك حتى نتي …وااخ وااخ … حليمة : شنو قلتي ؟؟؟ هاجر : واالو ماقلت واالو … الأم خديجة جرات آية قداامها وقالت : اجي ابنتي قولي لياا اشنو شفتي بالضبط … آية : هااديك البنت اللي كاتقولي مااما مانقربش ليها كانت كاتجري وملي شاافتها طاطا مريم تاهي تبعااتها كاتعيط لييها ومن بعد هوما بزوووج ماوقفووش مشااو كايجريو لديك البلاصة اللي كاتقول لي مامي مانلعبش فيها ولا نقرب ليها حيت فيها ديدي …. جات وااحد البنت كاتجري وتقول : خاالتي خالتي … دارو عندها كاملين …دوات الأم خديجة وقالت : ماالك ابنتي ؟؟ ….. : زينة ماكاينااش !!!! حليمة : آية عندها الحق …زينة هربات وخرجات
دوات الأم خديجة وقالت : ماالك ابنتي ؟؟ ….. : زينة ماكاينااش !!!! حليمة : آية عندها الحق …زينة هربات وخرجات كاتجري جيهة الجنان ومريم يمكن كاانت بااغا تشدها ترجعها دااكشي بااش تبعااتها حيت هي عاارفاها مريضة فعقلها …. نعيمة : الله يسترهم ويرجعو سالمات … هاجر خنزرات فمها وهي تسكت…. نعيمة عرفات بنتها ماعاندهااش مع مريم تنهدات وجلسات حدا ختها تسنا حتى تجيهم شي خبار على مريم وزينة …

❤ زوجة للإيجار ❤
✍كوثر الزهراوي✍
💥الجزء -144-💥
✅ عند مريم ✅ تابعة زينة كاتجري …. مريم : اختي وقفيييي …زااينة زااينة وقفي …هووف رااه سخفت وقفي …. زينة غاادية كاتجري وتقول : زااينة زينة البنات …زاينة زينة البنااات …. مريم تاابعااها كاتجري بقاات فيها بديك الطريقة بااش كاتجري وتغني على رااسها … زينة : زااينة عرووسة مرهوونة …زاينة أميرة الأميرات …( بدات تنتف فرااسها وهي كاتجري …) مريم : اختي هاا العاار وقفي مك ايلا مالقاتكش فالدار رااه غاادي تحمااق …وقفي وقفي …( زادت مريم فالوتيرة ديال الجرا حتى جرااتها وشداتها …) زينة كاتركل : حيدي حيدي حيدي ععععععع زااااينة زيينة مابغااتش الطبيب …( كاتضرب فيها …) مريم : انااا مااشي الطبيب انااا مااشي الطبيب رصااي زاينة دفعات مريم وطيحاتها للارض وناضت كاتجري …مع ديك الطيحة مريم تلوات ليها رجليها وتضربات فالعضم تقسحاات … مريم : اححح اييي رجلييي ….بلااتي وقفي راااك غاادي تآذي راااسك وقفي زييينة اجي اجي نعطيك شعري ..اجي نلعبو اااييي …. مريم كاتدوي وكاتحااول توقفها ولا تجرها لعندها ولكن وااالو زينة مشات كاتجري حفياانة ماالابسة واالو فرجليها حتى غبراات وسط دااك الشجر …مريم عكزات على وااحد الشجرة و وقفات تنهدات وهنا قررات أنها تدور ترجع عندهم للفيرما تقول ليهم انو زينة هربات كاتجري …يله دارت بغات ترجع وهي تصدم …الظلام خيم على المكان وضبااب خفيف بدا كايطيح …ضوء القمرة هو اللي كاااين …ماعرفاات رااسها فين ؟؟؟ ماعرفاات وااش تتاجه لليمين ولا للشمال …. مريم : الله ياربي الله شنو غااادي ندير دب ؟؟؟ منين غاادي نرجع !!! فين الطريق ؟؟؟ من هنا وااقيلا ؟؟؟ اانا دزت من هنا ؟؟ لا لا من هنا…الاه ياربي 😢😢😢😢 ( تخلعات و وقفات كاتبلع فريقها وكاتفكر شنو تدير فهااد الوحلة اللي وحلاتها وسط هاد الغابة …) 🖤 عند فاروق 🖤 تم خاارج فااروق تلقا ليه الخال محمد وخبرو شنوو كااين …. فديك السااع عطااو خبر لجميع رجال اللي فالفيرما بااش ينتااشرو ويقلبو عليهم فالجنان …هزو بعض العصي للإحتياط وهزو مصابيح ( Des Piles ) وجلسو يتجمعو بااش يخرجو يقلبو مجموعين …. الخال محمد : ولدي فااروق فين زرباان ماتمشيش من ديك الطريق وحدك … فاروق : شوف ا خالي …مرتي وانا عاارفها رااها بنت المدينة ملي غاادي تلقا رااسها وحدها تم رااه غادي تخلع وغادي تدهشر …هي رااه مامولفااش هاادشي وانااا مستحييل نتسناا حتا يجيو الرجال ونتجمع نمشي نقلب معااهم غاادي نمشي نقلب على مرتي وماغادي نرجع حتى نردها معاايا
( هنا فااروق شااف فخاالو بنظرة جدية وقوية قااسحة وقال : ياا خووفي ياا خالي تكون وااقعة ليها شي حااجة …يااخوفي شنو غادي سوقع ديك السااع …) الخال محمد : مااغاادي يوقع ليها واالو … مااغي يوقع ليها واالو نشاءلله … اتلقااوها غا هنا … فاروق مشا سبق دخل جيهة الجناان كايجري … فاروق مشا سبق دخل جيهة الجناان كايجري … تم جااي معاذ عند الخال محمد … معاذ : عمي أنا غاادي نمشي مع الرجال نقلبو جيهة البير ( البئر ) الخال محمد : سيرو اولدي وحااولو تقلبو قنت ب قنت حتى تلقااوهم … ماقادين على صدااع فهاد الأيام ديال الفرح …رااه الا مشااات حتى وقعات لديك البنت شي حااجة …ولد ختي وأنا عاارفو …غادي يقلب علينا هاد العرس لعزااء … معاذ : وعلااش بسلامة … مالنا حنا اللي لحنااها لتم ..ياااك مشات برجليها …؟؟؟ الخال محمد : وااخا هااكااك …نتا اولدي مازال ماعارف فاروق … رااه نسخة طبق الأصل على بااه المرحووم ..رااني انا اللي عارفو … وانا فهاد الساعة كانفضل فاروق الظريف اللي كايتصرف مزيان مع الجميع …الا مشاا حتى تقلب رااه ماغادي نشوفو خير وااخا مانكونوش حنا الغالطين … معاذ : وااخ اعمي … انلقاوهم … ( مشا كايجري ) الخال محمد : اييه ا فاروق … طلعتي غير للواليد دياالك … كاتكون زين ومقاد وشااد طريق …غير كايقرب ليك شي حد لحاجتك كاتهز شوكتك وماكايهمكش فمن كاتخشيها …. الله يسترنا وصاافي ….

❤ زوجة للإيجار ❤
✍كوثر الزهراوي✍
💥الجزء -145-💥
💛 عند مريم 💛 كاتمشا وسط دااك الشجر وداك الظلام … بشوي بشوي بدا الخوف كايتسلل لدااخلها … رجليها مقسحة فيها بزاااف وكاتعرج بيها ماكاتقدر حتى تورك عليها ولا تضغط كيف اللول … مريم : الله ياربي الله شنو هااد الوحلة طحت فيها …بغيت ندير الخير وتقلب عليا …( عيات بغات تجلس فوق واحد الحجرة …مشات متااجهة ليها تنهدات وجلساات سرحاات رجليها يله بدات تلتاقط انفاسها حتى كاتحس بشي حااجة عند ظهرها …. جمدات فبلاصتها العرق بظا كايقطر من جبهتها … ناضت بشوي داارت لقاتها عقرب للصقة فوااحد العود ماحساات حتى هزات حجرة وضرباتها حتى ساال السم ديالها …) مريم بداات تبكي : اهئ اهئ كاانت غاادي تعضني الله ياااسيدي ربي شنوو هاد الوحلة اهئ اهئ اهئ … انا اللي عمري قتلت نملة وليت دب كانقتل فالعقارب اهئ اهئ 😢😢😢😢😢 مااامااا اهى اهى صاافي غاادي نموت الله ياسيدي ربي اهئ اهئ 😭😭😭😭😭😭 🖤 عند فاروق 🖤 غادي وشاعل البيل ديال التيلي ديالو وكايقلب …هو عارف الطريق ديال هاد الجنان … ديجا فاش كان صغير كان كايجي لهنا …كايقلب عليها ويعيط باسمها وهي وتقوول وااش ليها أثر …بحالا الارض تشقات وبلعاتها … الخوف بدا كايتسلل لدااخلو … خاايف بزاااف عليها .. ايلا مشات حتا وقعات ليها شي حااجة عمرو غادي يسامح رااسو … ماعمرو ضن انو غادي يجي واحد النهار ويخااف على شي شخص بحاال هاكا …مريم فهااد اللحظة كانت بحال نقطة ديال الضعف دياالو …غيابها عليه وخوفو عليها خلاه فحالة غريبة …. 💔 عند مريم 💔 كاتمشا وديك الرجل كاتعرج بيها وحاالتها حاالة …كولها كاترعد وخااايفة وكاتسمع شي أصواات مخيفة زياادة على صووت الشجر اللي كايحركو الريح القوي …غير غاادية ومااعاارفاااش فين متاجهة … كولها عرقاانة وكاتدعي تخرج من هااد المتااهة فااش وحلات … 💥 بعد مرور وقت 💥 ✅ فالفيرما …. الأم خديجة : الله ياربي ماكاين لا خبار لا واالو … تمات حليمة جاايا جلسات جنب الام ديالها وقالت : مشيت حطيت آية تنعس …امضرا كاين شي خبار ؟؟؟ الأم خديجة : واالو !!!! تسمع صوت ضجيج على برا …. حليمة : هااهووومااا ( تمو خاارجين كايجريو على برا وهوما يلقاو واحد جوج رجاال جاارين زينة …) الخالة نعيمة : مسكينة على زينة …فين لقيتوها … رجل : كانت جيهة البير …شديناها تم …!!! حليمة : و مريم ..فين هي مرات خويا ؟؟؟ رجل : مالقينااهااش للأسف ولكن رااه بااقي رجال كايقلبو جيهة الجنان …عيطو لأم زينة تشد بنتها تغسل ليها راه حالتها حالة … زينة : وااا طلقووني
رجل : مالقينااهااش للأسف ولكن رااه بااقي رجال كايقلبو جيهة الجنان …عيطو لأم زينة تشد بنتها تغسل ليها راه حالتها حالة … زينة : وااا طلقووني مابغييتش طبييب لاا طبيب لاا إبراة لااا ولااا هننن 😭😭😭 زينة زينة البنات …زاااينة يااا زاااينة ….

❤ زوجة للإيجار ❤
✍كوثر الزهراوي✍
💥الجزء -146-💥
✅ عند مريم ✅ كاتمشا وهي على نفس الوضعية حتى كاتحس بشي حااجة متااجهة ليها ….وقفات فبلاصتها جااامدة كاتشووف شنو هاادشي اللي كاايتمشاا بهااد الزربة نحوها … مريم : اهى اهى فاللول عقرب ودب ؟؟؟ دب شنو ايكون هاادشي اللي متااجه ليا …اهى اهئ اهى شي دب ولا ذئب ولا كلب مجعوور اهى اهئ 😭😭😭😭 الله ياربي شنو غادي ندير …( بغات تهرب وتجري ولكن رجل صااافي وقفات ليها مابقااتش قاادة تضغط عليها … الصوت غاادي وكايقرب ليها غمضاات عينيها حتى حساات بشي يد جراتها وهي تغوت بأعلى صوت …) مريم : اهئ اهئ لاااااا عاااافااااااك لاااا اهئ … من وسط داااك ظلام ظهر فااروق …. فاروق : شوووت مريم مريم هاادا أناا اناا …فااروق … مريم هزات عويناتها المدمعين فيه وقالت : اهى اهى فااروق فاروق هادا نتااا اهئ اهئ … فاروق جرها لعندوو حاااط وجهها بين يديه كايهدن فييها ويحاول يحسسها بالأمان وانو هو صاافي معااهاا قريب ليها … مريم كاتبكي وتشهق مخلووتة ومذعوورة من هااد الشي اللي عااشت … فاروق : شوووت مريم بلاا بكااا ( بااس رااسها ) انا معااك …غاادي نخرجك من هنا صاافي … مريم : اهى اهئ لا لا نتا ماغاديش تعتقني اهئ اهئ نتا غادي تخليني نموت هنا اهى اهى غادي تخليني هنا حتى نموت وتمشي عندهم اهئ اهئ اتمشي عندهم تقول ليهم مراتي ماتت يااك اهى اهئ اصلا هاادشي اللي بغيتي نتا يااك اهئ اهئ هنا اللعبة غاادي تولي حقيقة اهئ اهئ 😭😭😭😭😭 فااارووق فااروق انااا اهئ اهى … فاروق عرفها خاايفة ولكن ماضنش حتاال هااد الدرجة … جرها بغا يضمها لعندو واالو هي كانت فحاالة ذعر كبيرة …. مريم : اتخليني نمووت هنا يااك اهئ اهئ … فاروق : لاا ماغاااديش نخلييك مستحييييل نخليييك … مريم : اهئ اهئ وعلاااش علاااش اللي ماتقدرش تخليني هناااا … ياااك نتا تافقتي معاايا فاللول انني فاللخر د شهر ايخصني نغيب وتقول ليهم بلي وقعات لي شي حااجة همم اهئ اهى اهئ هااهي الفرصة جاات حتاال بين يديك …خليني نموت بااش تهنا من هااد زوااج اهئ اهى … فاروق بااقي جاارها لحضنو …. شاف فيها وقال : مستحييل هاادشي هو اللي عمروو يكون … مريم دفعاتو وقالت : وعلاااش … فاروق : حييت كااانبغيييك ا مريم …كانبغيييك …كانحماااق عليك وكانتسطااا عليك … مستحيل نتخيل حيااتي بلا بييك .. ( جرها وقاابل وجهها مع وجهو وعيونو مع عويناتها وقال : كانبغييييك ا مريم كانبغيييك اااه ….)

❤ زوجة للإيجار ❤
✍كوثر الزهراوي✍
💥الجزء -147-💥
تحت ضوء القمر قال كلمة أحبك ❤ فاروق : كانبغييك ا مريم …كانبغييك … مريم كاتشووف ليه فعينيه وكاتمعن فيهم مزياان …كل كلمة قاالها كاان وااثق منها …كل لمسة لمسها فهااد اللحظة حسات بيها …كل نفس خرج من داخلو استنشقااتو وحسات بيه … مسحات دمووعها مصدوومة من هاادشي اللي سمعات …للحظة دازو جميع اللحظات اللي عاشت معااه قداامها …تدهشرات بغات ترجع باللور نساات بلي رجلها ضارااها ضغطات عليها وتألمات ( تقسحات ) جات طاايحة وهو يشدها فااروق من جيهة خصرها وجرها ضمها لصدرو …خااشي وجهو فعنقها كايستنشق ريحتها اللي كاتحمقو وكاتدوخو … للحظة فكر أنو خسرها … ولكن دب فااش لقااها مابغااش يضيع الفرصة …هو صااافي نساا ديك الشخصية القاسية دياالو …نسا الهيبة والجبروث دياالو ..ولا قداامها كيف شي طفل صغير … بقااو هااكاك لمدة تحت ضوء القمر ودااك السكووت ديال الليل … مريم كذلك باادلاتو العنااق …فرحاات بزااف وااخا كانت مصدوومة من الشيء اللي سمعااتو ولكن كيف هي ولفااتو وبغااتو وعشقااتو خلال هااد المدة اللي كانت لاعبة فيها دور الزوجة المزيفة حتى هو طااح فالشبكة ههه حتى هو بغااها كيف ماهي … بغا مريم الحمقة … مريم المتهورة … مريم الطائشة … مريم اللي كاتدير الحاجة بدون ماتخااف ولا تفكر بالنتائج…. فاروق بعد عليها شوي وقال : نتي بيخير يااك … مريم حركات رااسها بالإيجاب وقالت : رجلي تلوات يمكن … ماكانقدرش نضغط عليها … فاروق شدي نتي التيليفون ضوي على الطريق ( تحنا حط يد تحت رجليها ويد تحت ضهرها وهزها لعندو …) فاروق : ضوي لي على هااد الجيهة حيت من هنا الطريق …من هنا غاادي نرجعو … مريم : واااخ …. تمو غااديين مسااافة والصمت بيناتهم …حتى حد مادوا ماتكلم … مريم من الداخل دياالها فرحااانة لاقصى الحدود … ماكرهااتش تشووف فيه وتقول ليه فااروق رااني كانبغييك بزاااف وكثر ماكاتخيل ولكن خاافت ماتقوولهاش بشي طريقة مزياانة …هههه حيت هي فااش كاتوتر كاتولي عير تدخل وتخرج فالهضرة …فاروق هاازة وضاامها ليه رااسها حااطاه على صدرو ويديها دايرين على العنق دياالو … بقااو سااكتين بزووجهم مستمتعين باللحظة …. مساااافة ديال الطريق حتا خرجو جيهة الفيرما … مريم دورات وجهها شافت الفيرما وهي تشوف ف فاروق وقالت : فاروق …انا بغيت نسولك على …. فاروق وقف ودار شااف فيها وهي ماازاال بين يديه تنهد وقال : شووفي مريم نتي ماشي مضطرة أنك تقبلي دااكشي اللي قلت ليك قبل شوي …انا رااه … مريم ماخلاتوش يكمل كلامو …
فاروق وقف ودار شااف فيها وهي ماازاال بين يديه تنهد وقال : شووفي مريم نتي ماشي مضطرة أنك تقبلي دااكشي اللي قلت ليك قبل شوي …انا رااه … مريم ماخلاتوش يكمل كلامو …باستو فخدو وقالت : حتى أنا كانبغييك وكثر ماكاتصور …عندك الزهر حيت شعور متباادل أما ماكنتش نسكت ليك ا سبايدر …

❤ زوجة للإيجار ❤
✍كوثر الزهراوي✍
💥الجزء -148-💥
مريم ماخلاتوش يكمل كلامو …باستو فخدو وقالت : حتى أنا كانبغييك وكثر ماكاتصور …عندك الزهر حيت شعور متباادل أما ماكنتش نسكت ليك ا سبايدر … فاروق تلف ماتلا عرف مايقوول… لساانو تعقد …يله بغاا يدوي ويحااول ينطق بشي حرف حتى كايسمع صووت حليمة والواليدة ديالو جاايين كايجريو جيهتهم … حليمة : خوويا يااك لابااس بعدا …مريم على سلامتكم … الأم خديجة : الله الله على وليداتي … حمدلله رجعتو سالمين … مريم عاد تفكرات زينة شافت غيهم ونطقات : هااديك البنت المريضة زينة رااه … حليمة : ماتخاافيش ماتخاافيش لقااوها وردوها رااها لدااخل … فاروق كايشوف فيهم تجمعو وداارو عليهم الجوقة ههه بغا يدوي بغا يغوت بغا يسولها على هادشي اللي قالت كالقا كيف يدير … تنهد بصوت عياان وشاافتو الأم خديجة وقالت : زيد اولدي دخلها دخلها للداخل ودخل تانتا ترتاح … حليمة : ااه دخلها ترتاح …و مالها بعدا ؟؟؟ فاروق : تلوات ليها رجليها وكلات الدقة فالعظم …ماكاتقدش توقف عليه … حليمة : صافي صاافي غير دخلها كااين واحد المرهم لدااخل اينفعها … دخلو للداخل …هاجر كانت جالسة حدا مها نعيمة …شافت فاروق كيفاش هااز مريم وضاامها ليه …وكيفاش بااينة عليه فرحان برجووعها …. دارت شافت فمها وقالت … هاجر : هاانتي غير نوضتو الحيحة على واالو …هاادي رااه بحال المشاش عندها سبع اروااح … تفوو يخ مجلسينا هنا كانتسنااو فيها تدخل ( نااضت طلعات للبيت لفوق …) حليمة : خوويا ماتحطهااش هنا طلعها للدوش لفوق تدوش وترتاح … انا انوقف معااها … مريم : بلاما نعذبك ا ختي حليمة … حليمة : ماكاين لا عذاب لاواالو … رجليك رااه ضاارااك … الأم خديجة : ااه عندها الحق ابنتي خليها تعاونك وحتى نتا اولدي دوش وبدل عليك بااش ترتاح …راكم جريتو وجاريتو فديك الغابة …ايخصكم ترتاحو دب … من بعد ندويو …. فاروق طلعها للفوق وحطها قداام الدوش … حليمة مشات تجيب ليها شي حوايج ديالها … فاروق : ماازاال غادي ندويو على دااكشي اللي قلتي … مريم تبسمات وحدرات عينيها … هنا جات حليمة وشدات فيها … حليمة : صاافي غير تهنا اخويا انا معااها …. فاروق : وااخ ردي البال اختي وايلا خصات شي حاجة عيطي لي …

❤ زوجة للإيجار ❤
✍كوثر الزهراوي✍
💥الجزء -149-💥
فاروق مشا اتاجه ديريكت للغرفة فين جاالس واللي حاط فيها حوايجو … دخل ومشا توجه للسرير جلس وبدا كايتبسم وكايتفكر شنو وقع قبل شوي …. اااه هي كاتبغييه …هي كاتباادلو نفس الشعور …البقاء ديالها بجنبو طول هاد المدة والمساندة ديالها ليه فهاد اللعبة الكاذبة ….ضحك ملي تفكر كيفاش اعتارف ليها بحبو …كيفاش سكتاات وتبسماات وباانت عليها فرحااانة ههه كون كانت ماكاتبغيهش كانت غادي تصدو ااه …كانت غاادي ترفضو حيت مريم هاادي هي الطبيعة ديالها …اي حااجة حساات بيها كاتقوولها … كون ماكانتش كاتبغييه كون قالتها لو فوجهو ….ولكن ملي مريم جريئة وأي حاجة حسات بيها كاتعتاارف بيها ورااسها مرفووع علااش بقاات سااكتة كل هاد المدة وماقالت لو واالو ؟؟؟ واااش كانت كاتسنا اللحظة المناسبة ولا شنو !!!! ضحك على تفكيرو كيف ولا … ولا يحلل ويناقش غا وحدو هههه شكون قال فاروق يولي هااكا … شكون قال تجي أنثى وبين ليلة وضحاها تغيرو وتخليه مشاعرو تحرك وجميع خطط ديالو تبدل …. ❤ عند مريم ❤ مريم شافت ف حليمة وتبسمات وقالت : سمحي ليا اختي عذبتك معاايا …. حليمة : ماتقووليش هااكا …الله اودي اصلا انا غير عاونتك حتى وقفتي ومديت ليك دااكشي اللي خصك …الدوش رااك دوشتي رااسك … مريم : وااخا هااكاك شكرا ليك … وهوما خارجين من الدوش تمات جايا جيهتهم الأم خديجة …. الأم خديجة : بنتي مريم !!! شويا ؟؟؟ مريم : حمدلله اخالتي …انا دوشت دب وحليمة الله يكثر خيرها عاوناتني حتى لبست وعطاتني هااد المرهم أندهنو لرجلي ونرتااح شوي … الأم خديجة : اااه كيف قلتي خااصك ترتااحي ولكن قبل هبطو تعشاااو رااه كوولشي مجمووع …خااصك تاكلي عااد من بعد هبطي تنعسي …وااخا … مريم : وااخا ا خالتي … الأم خديجة : هاني سبقتكم للتحت … حليمة : مريم انا نعاونك تمشي لبيتك نتي وفاروق ترتاحي … مريم تفكرات فااروق وشنو قاالت ليه والإعترااف اللي اعتارفو لبعضهم قبل شوي … ماعرفااتش شنو وقع ليها واااش حشماات ولا خافت تستفرد بيه ههه سكتات وقالت : هاا لا اختي غير عاونيني نهبط للتحت حتى نتعشااو ونطلع لبيت … حليمة : ايوا و المرهم ؟؟؟ مريم : دب فيا جوع نتعشااو ونطلع ندير المرهم من بعد نعس نرتااح …. حليمة : اللي بان لك … عاوناتها حليمة هبطو للتحت وجلسو …كانو كلهم مجموعين الأم خديجة والخالة نعيمة وهاجر وحليمة وحسناء …. شوي حتى تم الخال محمد داخل هو ومعاذ … الخال محمد : واحد السلام عليكم …
هاجر : وعليكم السلام اخالي … الخال محمد : فين هو هاد العشا بااقي ما وجد ؟؟؟ مريم همسات فوذن حليمة وقالت : وااش انتعشااو معاهم …ياك موالفين العيالات كايتعشااو وحدهم والرجال وحدهم !!! حليمة : اااه موالفين كل واحد كايتعشا وحدو … ولكن راااه كولشي تعشا قبييل ومشاو ينعسو وبقينا غا حنا العائلة…ماتعشينا ما والو مع كنا مشوشين عليك نتي وفاروق تعطلتو …. مريم : ااممم ااه … الخالة نعيمة : ولدي معاذ اجي دخل تجلس هنا … معاذ تم دااخل وهو يعتر فالزربية كان غاادي يطيح وبالصدفة قاس رجل مريم …. مريم : ايييي الله ياخويا الله بشوي عليك احح معاذ : اوبس سمحي لي … فهاد اللقطة تم دااخل فااروق مع الباب ديال الصالون ….

❤ زوجة للإيجار ❤
✍كوثر الزهراوي✍
💥الجزء -150-💥
مريم : ايييي الله ياخويا الله بشوي عليك احح … معاذ : اوبس سمحي لي … فهاد اللقطة تم دااخل فااروق مع الباب ديال الصالون …. معاذ : ماقصدتش ا مريم … مريم : هاانيا ..صاافي ماوقع واالو ا خوويا ( وركاات عليها زعما فهم رااسك ) … هاجر : كون غا قطعها ليها يخخخ … نعيمة نغزااتها وقالت : سكتيينا نتي رااه كاتقلبي على شي موصيبة … فاروق : شنوو واااقع هناا ؟؟؟ مريم : هاا لا واالو واالو … هاجر قفزات وقالت : معاذ ضرب مراتك الحبيبة لرجليها … نعيمة : اويلي وااش جهلتي بااغاا تجبدي مصايب ومشاكل بين فاروق ومعاذ 😳😳😳 … هاجر : اااه خلينا نعيشو شوي د التشويق والإثارة خليهم يتخاصمو ويتدابزو ويكون السبب مريم ( نظرة شريرة ) مريم كاتشووف ففاروق وفقبضة يدو اللي كايجمع فييها وبااينة غادي يعطيها ل معاذ للكمارة … دغيا جرااتو جلس حداها وقالت : رااه غير تعكل ا فاروق … الزربية تعكل فيها ماوقع واالو مااوقع واالو ( شافت فحليمة زعما شهدي على فعايل بنت خالتك …) حليمة : مااوقع واالو يله جلسو جلسو العشاء غادي يتحط رااه كولشي تعشا ومشا ينعس بقينا غاا حنا …. الخال محمد : اااه عندك الحق ابنتي … تمات الأم د زينة جاية ومعاها شي عيالات حطو العشا … الأم د زينة شافت فمريم وقالت : سمحي ليا ابنتي عاافااك مسحيها فيا … مريم : لا هانية اخالتي … الأم د زينة : لا لا ماهانية والو …بنتي هربات من الفيرما وخرجات كاتجري لجيهة الجنان حفياانة وكاتغوت وحتى وااحد مانتابه ليها … جاب الله شفتيها نتي وتبعتيها وسيفطنا الرجال جابوها أما كون دارت شي موصيبة فرااسها … مريم تنهدات وقالت : اخالتي هاادشي اللي غادي نقول ليك يمكن مايعجبكش ولكن رااه هاادشي اللي كاتديري فيه رااه مامزياانش … فاروق دور راسو شااف فيها … مريم : بنتك رااه مرييضة رااه خصها تعالج …والمعالجة مااشي هي تديها عند الطبيب ويعطيها الدواء …راه الحالة ديالها مااشي ديال الطبيب رااه خاصها تدخل لشي مصحة ديال الأمرااض العقلية تم تعاالج …غاادي تقولي لي بلي ماسخيتييش ببنتك وماقااداش تفرقيها عليك ولكن رااه لمصلحتها …مااشي غاادي ياخدووها ليك طوول العمر راااه بإمكانها تعاالج وترجع طبيعية وتخرج عاادي بحالها بحاال جميع النااس ….أما هااكا تبقااي ديما حاابسااها وديما ساادة عليها رااه مااشي حل … رااك كاتضري رااسك وكاتضريها …
حليمة : مريم عندها الحق أخالتي شووفي شنو وقع اليوم …كان غادي توقع ليها شي حاجة لا قدر الله …. الخال محمد : اييه ربي ستر وصاافي … هااد المووضوع ضروري ندويو فيه… الأم د زينة دموعها نزلو محاتهم وقالت : اييه نشاءلله …بالصحة والراحة عشاكم … مريم : ونتوما ماغاديش تاكلو … الأم د زينة : كلينا قبيل ابنتي لهلا يخطيك… مريم تنهدات ودورات وجهها لقاات فااروق كايشووف فيها بنظراات غريبة …نظرات كلها حب وعشق وهياام … مريم : شنو ماالك ؟؟؟ فاروق : شنو زعما كاااع هااد الزين كايبغيني أنا هممم …؟؟ مريم حشمات وخدودها توردو حدرات عينيها وقالت : اويلي نااس رااه معاانا فالطبلة حشووومة … فاروق : اللي كايتسالني شي حااجة يقولها ليا … مريم : وااكول كول ههه فاروق : غاادي ندويو ونتي عاارفة هاادشي … دب غير هربي عليا دوك العوينات … مريم تنهدات وقالت : وااش بااغي توحلها ليااا …. فاروق : اللي وحل ندوزوه … مريم : ناااري مايتسحاابليش اتولي تدوي فحاال هااكاا …تبدلتي عليا بزاااف … فاروق : ماازاال ماشفتي واالو امرااتي موصيبة عمري ….
يتبع …

Leave a comment