Skip links

قصة : زوجة للإيجار 5

 3,312 عدد مشاهداات

❤ زوجة للإيجار ❤
✍كوثر الزهراوي✍
💥الجزء -101-💥
فاروق كان هااني غا سمع غوااتها تخلع تصحاب ليه بلي وقعات ليها شي حاجة …ماحس حتى حل عينيه وفهاد اللقطة دخل ليه شمبواان لعينيه …
مريم مغمضة عينيها وعاطيااه بالظهر وكاتقوول : ديك السااعة طلق المااء ولا دير شي حس باااش نعرف بلي نتااا هنا واااش عزيز عليك تدير ليااا هااكااا …
فااروق (دخل ليه شمبواان لعينو) : ااااع عيني اش هااد المرض … اش بيني وبيينك …
مريم : راااه اناااا اللي خاااصني نغوت ماااشي نتاااا (حلات الباب بغات تخرج حتى سمعااتو كايقول : وااااضبري ليا على الماااء نغسل وجهي راااه هااد الزبل كايحرق ااااعععع …)
مريم : شنووو وااش المااء تقطع …ويلي وااش ماخلصتييش المااء ؟؟؟
فاروق : اشمن خلااص الله يهديك رااني مخلص الضو والماء ديال العاام كااامل مااشي غا الشهر …
مريم ربعات يديها وقالت : وعلاش قطعووه …؟؟
فاروق : وااش دب وقت الفلسفة دياالك سيري ضبري ليا على بااش نغسل وجهي راااه عيني شاعلة فيهم العافية …
مريم : وااخ وااخ صاافي …
فاروق : سيري للطبلة اللي فالغرفة اتلقاي فوق منها قرعة د زاج ديال الماء جيبيها …
مريم : واااخ (مشات مريم كاتجري هزات القرعة وقبل ماتوصلها ليه حلاتها وشربات منها …)
فاروق كايغوت : مريممممم شنووو كاتديري …؟؟؟ فييييييينك ..؟؟
مريم : هااني والله ماكنت كانشرب منها ؟؟
فاروق : صااافي ملي قلتي هاكا رااك شربتي منها …؟؟ واااش بااغااا تصفيهااا ليا بااغا تقتليني …
مريم : لا لا والله …
فاروق : وااافينك اري المااء …
مريم : وااش لابس الشورط بعدا ؟؟؟
فاروق : لا مسفح عريان …
مريم باقا مغمضة عينيها وهازة قرعة د الماء ملي سمعاتو هاكا قالت : ايوا سمح ليا ماغاديش نعطيك المااء ونتا فديك الحالة …
فاروق : وراااني لااابس شوورط اري المااء لهنا …
مريم كاتقرب ليه وتقول : شوووف راااني مغمضة عيني مد يديك بااش تشد القرعة …حل حل عينيك باش تشووفني فيين انااا…
فاروق : وااش انا كانقول لك عيني شااعلة فيهم العاافية ونتي كاتقولي ليااا حل عينيك …واحلي نتي عينيك واري عطيني …
مريم حلات عينيها شوي حتى شاافتو فيين وعاود رجعات سداتهم …
مريم : صاافي شفتك هاك هاك …(مدات ليه القرعة وقالت : هاااك تمت العملية بنجااح …)
فاروق : حتى تشوطو عينيااا يااك …عااد جايبة ليا المااء …تنهد وبدا كايغسل فوجهو وقال : اشنو غادي ندير موصيبة وطاحت هلى رااسي ماتنفع ماتضر …موصيبة عمري …
مريم : يااك دب انا مانفع مانضر ايوا ارااا هاديك القرعة لهنا …
فاروق : صاافي دب تحلو ليك العينين …
مريم : طلق طلق دب نوريك طلق …(هي كاتجر ليه فالقرعة رجع الماء وطلقات الرشاشة عليهم بزوج ومع كاان فاروق داير شمبواان لشعرو كان كايجر ليها فالقرعة وكايحرك فشعرو حتى طاارت الرغوة لعينين مريم …)
مريم : عينييييييياااااااااااا عيييييينيييي ….
فاروق : ياااسيدي ربي …ماقدهم فيل زادوه فيلة …
مريم : لاواه زراافة ماشي فيلة هنننن وااااعينيااا ا ماااماا عينيااا …

❤ زوجة للإيجار ❤
✍كوثر الزهراوي✍
💥الجزء -102-💥
فاروق : زيدي زيدي غسلي هاا الماء …
مريم كاتضرب فيه : وااانتا السبب هننن كايحرق اااي ايي بغيتيها فيها حسيفة ياااك داكشي بااش لحتي الرغوة لعيني هننننن
فاروق : ورااه غااا عين وحدة ماتزيديش فييه ا مريم واااه ….
مريم : سكووت سكوووت كاتشفا …بغيتيني نولي عمياء باش تبدا تشفا فيا …
فاروق جابت ليه ضحك تنهد وبدا شااد معاها الخااطر معاملها كيف شي بنية صغيرة وكايقول : واااخ يله غير حلي عينيك بااش يدخل ليك فيها المااء وماتبقااش تحرقك …
مريم : بصح هنننن ايييي الله على عيني …
💥 لتحت 💥
الأم خديجة : ماعرفت مالهم تعطلو …فاروق قلبت عليك فالجردة ماكاينش …ومريم قالت لي بلي باغا تهبط شفتها تعطلات الفطور غاادي يبرد …
هاجر جالسة وسااكتة مربعة يديها وكاتسمع …
نعيمة : انااا غادي نطلع نعيط ليهم خليك نتي اختي …
ناضت نعيمة تمات طالعة للفوق وكاتدوي غا وحدها وتقول : نمشي نعيط ليهم ونشووف وااش حشمو على الشي اللي دارو لبارح !!! اويلي علاه هاديك هضرة تقاال !!! سيد عاايش الحب والرمانسية مع مرااتو وماداير لينا حسااب …(وصلت للغرفة دقات …)
نعيمة : ويلي ماال هاادو ماكايجاوبوش !!! ياكما بغاونا نجيبو ليهم فطور حتال لفراش ايوا لاوااه …(حلات الباب ودخلات دورات وجهها فالغرفة مابان ليها حد سمعات الحس جيهة الحمام مشاات قربات ليه حتى كاتسمعهم كايدويو ..)
مريم : كايحرق ا فااروق كايحرق ايي هننن
فاروق : وصااافي هااهو غادي يبرد عليك الحريق بحالي …
نعيمة كاتسنط وتقول : اعوووذ بالله من الشيطان الرجييم ويلي ويلي هادوك مادارو بحساب لا ليل ولا نهاار لا لا ماندخلش عليهم هاكا نشووف شي حااجة ماعجباتنيش …اويلي ويلي على قلة الحياء والعفة …(خرجات كاتجري …)
مريم : واا كب الماااء مزيان على العين رااه ملي كاتكب كايبرد عليا شوي …اييي نتااا السباااب نتاااا فهاادشي اش بيني وبينك كاااع … ماكانش عليا نعااونك ولا نقرب حداك نمد لك المااء …
فاروق : شكون جا اللول كايغوت …بسباب غواتك وقع هادشي…
مريم : يله خرج خرج ندوش راااك فزكتيني …
فاروق : وااخ يله هااكي هااد القرعة رديها لبلاصتها هو الأول…
مريم تيقاتو وقالت : وااخ ارا (شدات القرعة ومشااات خرجات من الحمام يله بغات تردها لبلاصتها وهو يسد ورااها الباب …)
فاروق : الله على راحة …
مريم : فااااااروووق ااااععع والله لا بقات فيك …
فاروق : سيري دوشي فبلاصة اخرى ..
مريم : عصبتيني والله …
فاروق : بصح مزيااان ….
مريم : الله يلكيها ليك …
فاروق يله بغا يتحرك وهي تزلق بيه رجليه جاب الله حط يدو جيهة واحد الديكور فالحيط وشد فرااسو وقال : واا دعوتك مقبوولة …
مريم : رااني شريفة ماازاال ماشفتي واالو …(هزات حوايجها ومشات تدوش وتبدل عليها فحمام آخر غير هادا اللي فالغرفة …)

❤ زوجة للإيجار ❤
✍كوثر الزهراوي✍
💥الجزء -103-💥
فاروق دوش وبدل عليه لبس حوايجو عبارة على سروال جينز فاللون الأسود مع تيشورت فالأبيض وهز فيست زادها من الفوق …لبس سبادري ديالو دار ساعتو ومشط شعرو دار بارفاانو وهبط لتحت لقااهم مجموعين على الطبلة …
فاروق : صباح الخير….
الأم خديجة : صباح النور ا ولدي …اجي جلس تفطر …فين مريم ؟؟؟
فاروق : اتبدل عليها وتجي ….(جلس وبدا كايفطر حتى تمات هاابطة مريم لابسة سروال جينز فاللون الابيض مع شوميز فاللون الاصفر طويلة فايتة الخصر …وشعرها جامعاه على شكل ذيل الحصان …)
مريم : صباح الخير….
الأم خديجة: صباح الخير ابنتي …الله على راحة دب عااد غادي يدوز ليا الفطور ملي وليداتي كااملين هنا ههه
بداو كايفطرو ومريم وقتما هزات عينيها كاتلقا نعيمة كاتشووف فيها …(دورات وجهها جيهة فاروق وقربات همسات فوذنو وقالت : اويلي مااال خالتك غاا كاتشووف فيا …دخلات لي الشك فراسي …)
فاروق : وشنو نقول ليها ماتشووفيش !!
مريم : لا غا جاتني غريبة !! كاتشووف فيا بحالا فيا شي حاجة ماشي حتاال تم …
فاروق : واانتي كولك ماشي حتال تم …
مريم : 😒😒😒😒😒
نعيمة كاتشووف فيهم قربات حدا بنتها هاجر وقالت : شووفي قلت لحياء كايوشوشو قداامنا ويتهامسوو …
هاجر : مااسوقيش ا ماما صاافي بعدي عليا …
نعيمة : اايهااي على ماسوقيش واا سبحاان مبدل الاحوال …
الأم خديجة : بنتي هاجر شي حوايج بااغا نقادهم حتاال لعشية وعاونيني فيهم …ولكن بنتي ليا مااشي حتاال لهيه !! وااش مريضة ..؟؟؟
هاجر : لا خالتي انااا …
مريم : خاالتي حتاا نجي انا فالعشية ونعاونك …
الأم خديجة: لا بنتي نتي مشغولة بقرايتك …
مريم : لا هاانية اصلا انا سيمانة الماجية غادي ناخد العطلة …
خديجة : سيمانة الماجية عندك عطلة مزياان مزيان ترتاحي شوي …
فاروق غمض عينيه وشااف فمريم …
مريم مافهماات واالو هزااات كاس د ماء بغات تشرب يله دارت جغمة اللولة عااد سرا معااها شنو قالت ..
مريم : كح كح ..كححح
فاروق كايدوز يديه فوق ضهرها وكايقول : ا حلااال حلاال …
مريم هزات عينيها فيه وهمسات بصوت خفيف سمعوه غير هوما بزوج وقالت : زبلتها ياااك …قلت ليها عندي عطلة ..يعني سيمانة الماجية خاصني نكون 24 ساعة على 24 هنا …
فاروق : فمك ..فمك كاياكلك …
الأم خديجة : شوي ابنتي …
مريم : بيخير بيخير غير وحلات ليا ….
هاجر فخاطرها : الموت نشاءلله …
ناض فاروق وناضت مريم طلعات للفوق باش تجيب ساكادو ديالها ويوصلها معاه لقرايتها …هاجر شاافت ف فاروق وااقف كايلعب فالتيلي وتشجعات ومشات جيهتو …

مشات عندو هاجر وقفات عليه وقالت : سمح ليا اولد خالتي على شنو وقع لبارح…حنا بنات كايوقعو بيناتنا هاد نقاشات ولكن مريم احم كانقصد مراتك …
فاروق بدون مايشوف فيها كايلعب فالتيلي ديالو دوا وقال : دوينا لباارح وسدينا …
هاجر بلعات ريقها عرفاات رااسها مزبلاها …هاادشي كوولو بسباب مريم بسباابها هي ولا كايعاملها هااكا ..ملي الموضوع بخصوص مريم فاروق تبدل بزاااف ولا وااحد آخر قااسي مع اي وااحد يقدر يلحق الأذى بمراتو … فاروق فهاد اللحظة جااه ميساج من عند عمران فيه ( واا كانتسنااك تجي للمطتب بااش تعلمني بعض قواعد الزواج الناجح ..) فهاد اللقطة فاروق ضحك ضحكة جانبية …هاجر شافتو وتبسمات كذلك ..مريم كانت هاابطة من دروج كاتشووف فيهم وااقفين وهاجر كاتبسم….هبطات ودازت من حداهم بسرعة …. فاروق هز عينو فيها لقااها ضربات فيه وزادت …تبعها بدون مايعير اهتمام لهاجر …خرج لقاها وااقفة جنب السيارة مربعة يديها …
فاروق : مالك عاقداهم تاني …
مريم : ماماليش !!!
فاروق تنهد وقال : زعما نتي حال و أحوال …
مريم سكتات طلعو للسيارة وديمارا وانطالقو …وصلو للبلاصة اللي كاتنزل فيها مريم …يله بغات تهبط وهو يدوي فاروق وقال : نجي ليك فالعشية !! راه ضروري خاصنا ندويو …
مريم : على شنو غادي ندويو …؟؟؟
فاروق : على الزبلة اللي زبلتيها ..ديك الساعة قبل ما تقولي للواليدة بلي عندك عطلة فكري مزيااان… دب رااك مجبوورة تبقااي فالفيلا السيمانة الماجية …
مريم : واانسيييت سبحان اللي ماينسا …
فاروق : ايوا فكيها يا لي وحلتيها …
هبطات مريم ونسات تيلي ديالها يله بغا يديماري فاروق شاافو …هزو وهبط تبعها ….
فاروق : مريم …
وقفات مريم ودارت عندو وقالت : مالك ؟؟
فاروق : نسيتي تيليفونك هاكي (مدو ليها يله بغات تشكرو حتى كاتشووف شاب جااي كايجري جيهتها …)
مريم : مهيدو …؟؟؟
مهيدو : الغزاالة مريم …الحبيبة مريم ..لالة مريم توحشناااااك …
فاروق : نعاام نعاام …؟؟؟

❤ زوجة للإيجار ❤
✍كوثر الزهراوي✍
💥الجزء -104-💥
مريم : مم مهدي … شنو كاتدير هنا ؟؟؟
فاروق كايشووف فمهدي ويشووف فمريم …
مهيدو كان مرجع يد ورااه هاز بيها وردة حمراء …جبدها قداام أعين فاروق المتسائلة وعطاها لمريم وقال : قبليها مني حيت المشموم ديال الورد اللي جبت ليك فالخطبة عفطات عليه ماما فاش كنا هربانين …
مريم : ياااك بعدا كنتو هرباانين ايوا هرب دب يله هرب قبل لا نتسيف ….
مهيدو : اتبداي تاني تعيطي لداك مصطفى …
مريم : انعيط لعباس هاد المرة …
مهيدو : لالة مريم انااا راااه باغيييك راه …
هنا فاروق تدخل وقال : اييييه شوااقع هنا راااني وااقيلا باقي وااقف ا لالة مريم (كايعيب مهيدو حيت كايقول ليها لالة مريم …) …كيفاش مصطفى وشكون عباس …شواقع هنا ؟؟؟
مريم : اااه فاروق نتا بااقي هنا صاافي شكرا راه تيلي ديالي شديتو غير سير بلاما نعطلك على خدمتك …
فاروق كان منتاظر منها تجاوبو ولكن ملي قالت ليه هاكا جاوبها وقال : ياااك اييه هاهو غاادي …(مشا رجع لسيارتو كايشووف فيها وااقفة مع مهيدو …عندها الحق هي مامفروضش عليها تجاوبو وتشرح ليه وتبرر …هي مراتو قدام عائلتو ماشي قدام النااس…)
مهيدو: لالة مريم اكيد دب اتكوني تشافيتي …صافي نجيب ماما ونجيو …
مريم : فيين غادي تجيو فيين لعزااكم ..واارااه مابااغااش مابااغااش نتزوج لا بيك ولا بغيرك …
مهيدو : وعلاش انا راه طانحبك في قلبي …
مريم حطات يديها على راسها وقالت : اويلي على طانحبك … شووف والله حتى نتسيف عليك هااد سااعة وماغادي يفرقونا غا البوليس … غبر قبل لا نعيط لماماك تديك عند الفقيه …
مهيدو : لاا العار الا الفقيه وعصا د زيتون هااني مشيت حتى نرجع …
مريم : الى رجعتي نهرس ليك دوك رجلين واااه تابعني حتااال بلاصة القرايا اعععع
هنا وقفات هبة وقالت : هوووف صباح الخير الزين ..واش مهدي هاداك ؟؟؟ شنو جا يدير هنا …
مريم : بعدا نتي فين تعطلتي ؟؟؟ موالفة كانلقاك هنا ديماا علااش تعطلتي !!!
هبة : ماالك معصبة اويلي مريم …
مريم : دااكشي اللي بدا ليا فاروق كمليه ليا نتي …(مشات وخلاتها …)
هبة : اجي مريم اجي عاودي ليا شنو وقع …
💥#عند_فاروق💥
وصل للشركة بلاصا السيارة وتم طاالع دخل للمكتب ومشا جلس كايسووط غا وحدو …عمران كان عاطيهم امر ملي يوصل يعلموه ..خبروه انو جااا مشا عندو دااخل كايضحك غا لقااه هاكاك وهو يقول : الله يحضر السلامة ماالك ..!!!
فاروق : بففف غادي تحمقني ديك السيدة ….
عمران : شكون وااش مريم !! مالها شنو وقع ليها ؟؟
فاروق: لا لا هي ماوقع ليها واالو انااا اللي وقع ليا !!!
عمران : شنو ؟؟ بداا معايا من الزيرو ها العار وماتخبي عليا واالو بااش نفهم …ونعاونك …يله شنو وااقع ؟؟؟
فاروق رجع رااسو للور وتنهد وقاال : شنو وااقع ؟؟؟ انا برااسي رااه ماعارفش شنو واقع !!!

❤ زوجة للإيجار ❤
✍كوثر الزهراوي✍
💥الجزء -105-💥
فاروق : ودب تخاايل معايا نتا السيدة وااقفة كاتدوي مع وااحد وانا مامعبراانيش …دايراني بحالا ماكاينش …
عمران : مريم ..مع دري ؟؟ اييه ونتا ماالك ( كايحاول يجبد منو الهضرة …)
فاروق : كيفاش انا ماالي !!! مامالي واالو غير ماعجباتنيش الطريقة بااش كانت كاتدوي معاه وصافي …
عمران : ماعجباتكش الطريقة باش كاتدوي معاه ولا ماعجبكش الحال حيت دوات معاه قدامك !!! اجي بعدا نتا لاش معصب حتاال هاد درجة ….
فاروق : مامعصب مااوالو …
عمران : فااروق …ياكما تكون غرتي عليها ؟؟؟
فاروق : بلاا حماق حتى نتا ؟؟؟ شوف انا فين ونتا فين …
عمران : انا كانقوول لك شنو لاحضت وصاافي …حالتك ماشي حتاال لهيه …هاد الأيام تغيرتي فيها بزااف ماكنتش بااغي نقول لك هاادشي ولكن دب مابقيتش قدرت نبقا سااكت … مهم وااحد الكليان كايتسنااني دب انا انمشي نشووفو ونتا فكر مزيااان فهضرتي …قلب فداك الراس القاسح عندك وغادي تعرف شنو كااين …
خرج عمران وبقاا فااروق فحيرة …كايفكر فكلامو …علاش تقلق ملي شاافها مع شخص آخر …هو فديك اللحظة تمنا كون وقفات جنبو وقالت ليه انااا ماعانديش علاقة بهاد السيد رااه مابيني وبينو واالو …لا العكس هي بدات كاتدوي مع داك مهدي بطريقة غريبة واعتابرات فااروق وكأنو ماكاينش ..وحتى فااش فكرها بوجودو جاها الأمر عاادي … بقاا سااهي حتاا مشا بيه عقلو للنهار اللول فاش شاافها فالدار عندو …تفكر فااش جرها من يديها وعرفها عليهم على اساس انها مرتو …تفكر كيفاش قبلات تلعب معاه هاد اللعبة …تفكر كل لحظة جمعااتهم وبطبيعة الحال ملي كايتجمعو هوما بزوج كايوقعو غا الكوارث هههه وآخر كارثة كانت فالصباح ديال الوش والماء اللي تقطع والشمبوان …ضحك ملي تفكر هادشي بالفعل مريم ضافت واحد النكهة زوينة على حيااتو … ولفها بزاااف فكل صباح كايحل عينيه كايعرف انو نهارو غادي يشوف فيه مريم وغادي يدوي معااها … تنهد ودغيا جمع الإبتسامة دياالو فاااش تفكر كلامو وهضرتو معااها البارح بالليل … فاش قالت ليه شنو اللي مكرهها فالزواج ماعرفش كيفاش حتى لقا رااسو كايداافع على الزواج والإرتباط قداامها ؟؟؟ واااش هاد التجربة اللي عااش معاها فهاد الأيام القليلة خلاات شي حاجة تغير …نااض وقف فالشرفة كايطل على شواارع المدينة وكايحااول يشتت انتبااهو ومايبقااش تفكيرو كولو معااهاا … دب تقريبا دازت 10 أيام … الوقت معاها دغيا كايدووز …بحالا غير لبارح اتافق معاها باش تكون الزوجة المزيفة ديالو …دب مابقا واالو وهاد اللعبة تسااالي ….
فاروق : وياااك افارووق حبس كولشي هنا …وياااك تعلق بيها وياااك ….(تنهد ودخل حااول يلهي رااسو مع الخدمة ….)
💥#عند_مريم💥
هبة متبهة مع الاستاذ كايشرح…دورات وجهها كاتشووف فمريم كاتلعب بالستيلو وتخربق فالدفتر …
هبة : وااش نتي بيخير ؟؟؟
مريم حركات رااسها بنفي …
هبة : ماالك ؟؟؟
مريم هزات كتوبها وساكها وخرجات من المدرج …هبة بقات غا كاتشووف فيها مافهمات واالو هزات تاهي كتوبها وخرجات خلااو داك البرووف خدااام كايشرح ههه
هبة تاابعاها كاتجري وتقوول : مريم مرياااامة واا وقفي علاااش كاتجري …مريم مريااام ( زاادت فالسرعة ديالها وجرات جيهتها شداتها …)
هبة : اجي لهنا …(شافت فوجهها وتصدمات…)
مريم : بعدي ا هبة …
هبة : مريم كاتبكي ؟؟؟ هاادو دمووعك مريم ماالك….

❤ زوجة للإيجار ❤
✍كوثر الزهراوي✍
💥الجزء -106-💥
هبة تاابعاها كاتجري وتقوول : مريم مرياااامة واا وقفي علاااش كاتجري …مريم مريااام ( زاادت فالسرعة ديالها وجرات جيهتها شداتها …)
هبة : اجي لهنا…(شافت فوجهها وتصدمات…)
مريم : بعدي ا هبة …
هبة : مريم كاتبكي ؟؟؟ هاادو دمووعك مريم ….
مريم : عييت اهبة اهئ اهئ داااكشي مناااش خفت هو فااش طحت …داكشي اللي عمري كوولو وانا مبعدة منو جاات لعبة تاافهة لاحتني فيه اهئ اهئ اهئ اهئ ….
هبة عنقاتها كاتطبطب عليها …
مريم : فراسك كانبقا دييما نفكر فهاااد المووضوع وكانكذب رااسي …الحقيقة قدااامي واناا واالو ماكانشوفهاااش اهئ اهئ …
هبة شدات وجهها بين يديها وشافت فيها وقالت : عاافاالك ا مريم عاافااك ماتديريش فرااسك هااكاا …نتي رااك قوية …
مريم : كنت اهئ اهئ انا كنت قوية ولكن دب صاافي كانحس برالسي فاشلة …فراسك هاااد الايام اللي دازت طوولها كنت غير كانمثل …تخايلي كانضحك ليه فوجهو وماندير تصرفاات غريبة غير باش مانفضحش رااسي … تخاايلي معاايا لباارح رااسو كاان محطووط حدا رااسي …كانشووف فيه كايدوي على كرهو للعلاقات والزواج وكانقول ليه لا ا فاروق خاااص تكون عندك عائلة تدعمك …خااص تكون عندك زوجة …اهئ اهئ ماعرفش ولكن ديما ملي كانكون بالقرب منو كانحس بلي هاادي مااشي لعبة …كانحس بلي هااادي حقيقة اهئ اهئ هاادشي بزاااف عليا بزااااف …
هبة : كنت عاارفة والاه تصرفاتتك تغيروو بزااف …كنت عاارفااك اتكوني مخبية شي حاجة فقلبك وسادة عليها …القضية اذا هي فاروق !!!
مريم : كنت عااادية عااادية كنت متحكمة فالمشاعر ديالي ولكن فلحظة مااعرفتش شنو وقع ليا ماعرفتش اهئ اهئ …كان شعوور غريب (كاتدوي وتبكي) الأستاذ كان كايشرح وانا أي حاجة دوزتها معااه دازت من بين عيني ماحسيت حتى لقيت راااسي خارجة مبعدة وكانبكي ….
هبة : تهدني ا مريم الله يخليك …(هبة هنا تلفات ماعرفااتش كيفااش تصرف حيت هادي اول مرة تشوف مريم فهااد الحالة مدمرة وكاتبكي وفاشلة …كانت دييما هبة هي تبكي ومريم تسكتها حيت كريم قوية قاسحة ناضجة ضاربة دنيا بركلة … ولكن دب تقلبات القفة كيف كانقوولو …كولشي تغير …)
💔#عند_هاجر💔
وااقفة فالغرفة ديالها جنب النافذة كاتطل على الحديقة وسااهية … كاتفكر فاااش كانت صغيرة …كانت ديما كاتشووفو من بعيد …بالنسبة ليها فاروق كان حلم ⁦⁦❤️⁩

❤عمرها دارت شي علاقة مع شي حد كاتقوول انا ديال فاروق وفاروق ديالي … فاش سمعات الأم ديالو كاتقلب ليه على زوجة داارت كل ما فجهدها باااش تكون هي البنت اللي تختار الأم ديالو … وبالفعل داكشي اللي وقع الأم خديجة واافقات وطلباتها لولدها ولكن ماااشي كولشي كايدوز كيف بغينا …فاروق كان عندو رأي آخر …نهار جات عندو بااش تطبق اللي فبالها وتاخدو لقاات مع وحدة أخرى للاسف ….فالاول قالت رااه غادي تدير ليها بلانات وتخليها تمشي فحالها حيت فاروق دياالها …ولكن مريم ماكانتش عااادية … وااخا عياات ماتدير عمرها وصلات لمبتغاها ….طاحت دمعة من عينيها فاش تفكرات ليلة البارح وكيفاش عاملها فاروق تنهدات وقالت : هااد الإهتمام كاان غاادي يكون ليا انااا …ولكن نتي جيتي واستوليتي عليه ولكن مااشي انا اللي نسكت …هانية الا ماخديتش فااروق ألف وااحد يتمناني ولكن نتي غادي ندمك على حياتك …الأسم ديال هااجر غادي يتحفر فالذاكرة ديالك وعمرك غادي تنسااايه ….

❤ زوجة للإيجار ❤
✍كوثر الزهراوي✍
💥الجزء -107-💥
⭐بعد مرور سااعات⭐
هبة : وااش نتي متأكدة باغا تمشي للدار ….
مريم : انا بيخير …ايخصني نمشي بااش يشوفوني شوي من بعد اندوز للفيلا درت وااحد الزبلة قد رااسي …قلت لمامات فاروق انو عندنا عطلة السيمانة الماجية يعني غادي نكون مظطرة انني نبقا سيمانة كاملة تم فالدار …
هبة : ويلي ويلي ايخصك تبقاي 24 ساعة كااملة معاهم فالداار حيت فبالهم بلي نتي عندك عطلة !!! ايوا وكيفاش غادي تديري مع ماماك وخوك !!!
مريم : الله يوقف معايا وصاافي انا حرت والله حتى حرت …بففف مهم الله يعاون ….
هبة : بيناتنا التيليفون باي ….
مشات مريم للدار جلسات مع ماماها وبقاات كاتلعب مع محمد أمين وكاتحااول تنسى موضوع فاروق …جات ليلى وعثمان مع كانو خارجين دواات معاهم كذلك تحت أعين ليلى اللي غير كاتشووف فيها وكاتحس بيها بلي مااشي على بعضها !!!
مريم : انا كليت مهم غاادي نطلع نحفض ونعس بلاما تعيطو لي اذا كنتو غادي تعشااو …
عثمان : علااش ؟؟؟ ماالك هاكا مزيرة على راسك ارتاحي شوي واصلا يااك فبحال هااد الوقت من العام كاتشدو العطلة ؟؟؟
مريم : لا هااد العام ماغاديش تكون عندنا العطلة !!! بروكرام مشارجي وشي لعيبات مهم انقرا حتاا تدوز مدة عاد يعطيونا عطلة …(مشات طلعات لبيتها )
عثمان : لعجب !!!
ليلى : اشمن عجب صاافي البنت قالت لك ماعاندهااش عطلة صاافي خليها اللهم تلاها بقرايتها ولا تبقا جالسة …(مشات تبعاتها)
عثمان شاف فيهم …حس بشي حاجة مااشي حتاال لهيه ولكن حااول ينفض الافكار الخايبة دور وجهو جيهة ولدو وبدا يلعب معااه ….
💫 عند ليلى 💫
دخلات على مريم لقاتها كاتلبس سبادري ديالها …
ليلى : شفتك موجدة راسك !!! لفين فهاد الوقت ؟؟
مريم : غادي نمشي عند فاروق …واعدت ماماه انتي غادي نعاونها فشي حاجة …
ليلى : وااش بااغا تجبدي على راسك شي موصيبة ؟؟؟
مريم : الموصيبة هي اللي انا فيها دب …الموصيبة هي انني وليت كانبغي وااحد غير كانلعب انا وياااك لعبة مبرهشة شفتي المووصيبة كيف داايرة ….
ليلى غير سمعات كلامها سدات الباب بااش مايسمعهومش شي حد !!!!
ليلى بصدمة دوات وقالت : مريم ….شنووو هااادشي درتي ؟؟؟ شنوو كانسمع اويلي ؟؟؟
مريم جلسات فوق سريرها وحطات راسها بين يديها وقالت : شنو كاندير ؟؟؟ انا اصلا ماعرفتش شنو كاندير ؟؟؟ (بدات تبكي)
ليلى مشات عنقااتها كاتسكت فيها وتقول : اصلا اناا عاارفااك …كاتبقااي تبيني للناس انك وااعرة وقلاسحة وماهامك حد ولكن فاللخر كاتاكلي الدق ….
مريم : ليلى عاافاك من الصباح وانا كانبكي باارااكا عليا …دب خليني نمشي نكمل هااد اللعبة باااش نجي فحاالي … ندمت والله ندمت على النهار اللي دويت فيه مع عمران وقبلت انني نمشي نجيب ليه داك الخاتم بففف كون ماوافقتش كون رااني هانية دب …
ليلى : هاداك قدر …القدر بغا يجمعكم فديك الساعة ..
مريم : القدر اااه …القدر جمعنا فديك اللحظة والقدر هو اللي غادي يفرقنا فاللخر ديال الشهر …

💥وصل الليل💥
بعد ماحط السيارة ديالو فالكاراج تم متوجه للباب ديال الفيلا …فطريقو كان هااز تيلي دياالو كايصوني لمريم واالو ماكاتجااوبوش …دخل وتم طاالع ديريكت للفوق داز على الغرفة ديال الأم ديالو سمع الهضرة …ماحس حتى قرب …لقا الباب محلول باانت ليه الواليدة ديالو وجنبها مريم كايقادو شي حوايج … تبسم وهو كايشووف فيهم هااكااك بزوج كايدويو ويضحكو … حول عينو لمريم كيفاش كانت كاتضحك وكاتهز بعض خصلات شعرها تردهم ورا وذنها …كيفاش كاتدوي وكيفاش كاتحرك شفايفها … تنهد ومشا ديريكت للغرفة عندو دخل ودور وجهو فالغرفة ….تبدلاات بزاااف من نهار دخلات ليها …خلات فيها لمسة خااصة بيها …تنهد وحدر رااسو مغمض عينيه كاارز عليهم سكت شحاال وقال : اااه امريم …ااه ا موصيبة عمري وشنو درتي فياا !!!!

❤ زوجة للإيجار ❤
✍كوثر الزهراوي✍
💥الجزء -108-💥
💫 عند مريم 💫
مريم : خالتي صاافي هاهو هاادشي تقااد …انا انهبط نوجد شي حاجة ناكلوها …
الأم خديجة: مريم اجي ابنتي جلسي نوريك وااحد الحااجة …
مريم جلسات كاتشووف فالأم خديجة مشات لجيهة حوايجها وهزات وااحد الصندووق صغير وحلاتو وجبدات بعض الصور وحصاتهم لمريم بين يديها …
الأم خديجة : نتي عشتي مع فاروق الشباب دياالو …هاكي هاادي وااحد النبذة على الطفولة ديالو ههه
مريم دورات وجهها للصور وبدات تشوف …
مريم : ههه وااش هادا فااروق ؟؟؟
الأم خديجة : هااد التصويرة تصورها فالنهار اللول اللي غادي يتسجل فيه فالمدرسة …المرحوم باباه هو اللي صورو ههه و هاادي فعيد ميلادو …هنا كانت عندو 10 سنين شووفي كيف كاان مخنزر ههه ماعجباتوش الحلوة هنا وهاادي فااش ولدت ياسمين ختو الصغيرة اللي دب كاتقرا فالباك ههه شوفي كيف كان شاادها ومعنقها …
مريم : اااه عااود ليا فاروق عليها الله يعاونها دب هي عندها الباك ياربي يوفقها ….
الأم خديجة : يااربي ههه رااه خلينااها مع ختها حليمة تم فالرباط وجينا …
مريم : فراسي فاروق عاود لي عليهم …
الام خديجة بدات توريها فالتصاور الآخرين وتعااود ليها قصة كل صورة ومريم فرحاانة وكاتسنط ليها وخصووصا ملي كاتبقا تعاود ليها على الشقاوة ديال فاروق فصغرو ….
الأم خديجة : الصراحة دوزها فصغرو ههه فرااسك كاان دييما مخنزر …كان ديما بالي معاه كنت كانتمنا نشوفو ضااحك وكايدوي وأهم شيء كنت كانتمنا نشوفو بداارو مع شي بنت النااس اللي تكون معااه …فاش شفتك النهار اللول فرحت بييك بزااف وخصوصا ملي وقف قداامي وقال لي هاهي مرااتي رفيقة دربي و حيااتي …هااد الأيام اللي جلست معاكم هنا شفت الفرحة فعيونوو ..شفت تصرفااتو معااك …شفت قداااش كايبغييك كثر من أي حااجة وكايخااف عليك …كانكونو جالسين وكانشووفو كيفااش سااهي فيك وكايشووف فيك … الله يخليكم لبعضيااتكم ابنتي وتبقااو هااكا حتاال آخر نهار فحيااتكم …الله يرزقكم الذرية الصالحة وتعيشو مجموعين وفرحاانين …كنت ديما كانمرض وكانطيح ونمشي للسبيطار وكانو بناتي كايوقفو معاايا وفكل مرة كنت كانفكر ف فاروق وكانقول الا وقعات ليه شي حااجة شكون غادي يكون معاااه وشكوون غادي يكون بيه… ولكن دب رتااحيت ملي شفتك ❤❤❤❤تهلاي فيه ابنتي وهو اكييد رااه غاادي يتهلا فيك ومايخصك حتى خير معاه …
مريم دمعو عينيها وشاافت ف الأم خديجة وقالت : نشاءلله أخالتي ( عنقاتها وباست رااسها وخرجات من الغرفة هبطات ديريكت للمطبخ …)

❤ زوجة للإيجار ❤
✍كوثر الزهراوي✍
💥الجزء -109-💥
فاروق بدل عليه وتم هاابط لتحت لقا هااجر كاتوجد فالطابلة ديال العشاء وحداها الأم ديالها نعيمة …اتاجه لجيهة المطبخ لقا الواليدة ديالو مع مريم …
مريم : هاكا اخالتي …
الأم خديجة : انشووف صااافي مزيان الله يعطيك الصحة دامشي هو هاداك ( دورات وجهها وقشعات فاروق كايشوف فيهم …) ولدي الحبيب هبطتي ههه هي جااك الجوع …
مريم دارت شاافت فيه وتبسمات ورجعات كاتشووف قدامها …
فاروق : مجموعين هنا كاتوجدو فالشهيوات همم
الأم خديجة : مرااتك هي اللي وجدات هاادشي اناا غا عاونتها وعطيتها بعض النصائح صغيرة وصافي
فاروق قرب جيهة مريم شااف فيها وقال : نتي بيخير …فالدار عندكم كوولشي هو هاداك !!!
مريم : ااممم اه بيخير …مرات خويا غادي تغطي عليا هااد الليلة …
فاروق : ااه مزيان الله يسخر …
مريم هزات طبسيل ديال السلطة عطاتو ليه وقالت : هااك دي معاك هااد الطبسيل حتى نجيو …
فاروق شد من عندها الطبسيل ومشا حطو فوق الطبلة تحت أنظاار هااجر …جلس وهز تيلي ديالو كايخربق فيه بينما جات مريم والواليدة ديالو باش يتعشاو مجموعين …
❤ عند هبة ❤
جالسة فالسرير ديالها وحاطة قدامها تيلي ديالها كاتدوي مع عمران أبيل فيديو ….
عمران : مزياان ملي هااكا الله يسر …
هبة : امم اه ….عمران عافاك نسولك الحبيب ديالي …
عمران : ملي قلتي ديك الحبيب ديالي سؤالك غادي نعتابرو أمر وغادي نجاوبك عليك ههه
هبة : ممم فاروق كيف كايجيك زعما فتصرفاتو مع مريم ؟؟؟؟
عمران : علاش يااكما وقع شي مشكل مع مريم ؟؟ وااش قالت لك شي حااجة !!!
هبة مابغاتش تقول حتى شي حاجة وراء مريم وبدون موافقة ديالها …هي عارفااها كاتبغي فاروق هادا سر قالتو ليها مستحيل تقول لاي وااحد وااخا يكون عمران …
هبة : لا لا ماواقع واالو غا سولتك زعما مع نتا صديق فاروق وخدام معاه ايكون كايقول لك كيفاش كايدووز النهار عندو مع مريم وزعما وااش اللعبة ديال الزوجة المزيفة غادا مزياان …
عمران عاارف الحاالة ديال فاروق ومتأكد انو كايحس بشي حاجة من جيهة مريم …ولكن مابغااش يتسرع ويحاول يسول هبة وااش مريم عاودات ليها شي حاجة تنهد وتصرف عادي وقال : ااه مزياان كايباان لي فاروق طبيعي وعاادي واللعبة غاادية مزيان …
هبة يله بغات تدوي وهي تسمع ماماها كاتعيط ليها دارت عند عمران وقالت : كايعيطو ليا على قبل العشاء بااي بااي
عمران : شنو دب العشاء حسن مني ؟؟؟
هبة : ورااه خااصني ناكل بااش تكون عندي الطاقة بااش ندوي معااك وااه …
عمران : اااه خااصك الطاقة معاايا على قبل داكشي اللي جاي …
هبة ولات حمرة عرفااتو علاش كايلمح …
هبة : الله يمسخك ( قطعات ولبسات فرجليها هبطات كاتجري للتحت …)

❤ زوجة للإيجار ❤
✍كوثر الزهراوي✍
💥الجزء -110-💥
❌ فالفيلا عند فااروق ❌
مجموعين كايتعشااو فصمت …فاروق كايهز عينو فمريم كايلقاها كاتااكل وحاادرة رااسها … أما مريم فملي كاتهز رااسها كاتلقااه كايشوف فيها دغيا كاتبعد النظر ديالها عليه ..وكانها كاتهرب منو …تفكرات هضرة الأم ديالو ملي قالت ليها فاروق رااه كايبقا يشووف فيك بحب وعشق …فاروق كايضحك ملي كايكوون معااك …فاروق كايفرح ملي كايكون معاك …
مريم فخاطرها دوات وقالت : مريم صاافي فيقي من دوك الأحلام ديالك …هو رااه كايتصرف هااكا حيت حنا فلعبة …ملي غادي تسالي هاد اللعبة حتى الشوفة ماغادي يشوفها فيك …
الخالة نعيمة دوات مع مريم وقالت ليها تمد ليها الخبز مع كان جيهتها …مريم كانت سااهية حتى عيطات ليها مرة أخرى عاد قفزات وقالت : اااه هاكي سمحي ليا كنت ساااهية ….
الخالة نعيمة : اممم سهيتي …
هاجر كاتاكل وكاتدور فدوك العينين عندها …
فاروق قرب جيهة مريم وقال : واااش نتي بيخير؟؟
مريم : بيخير والله ايلا بيخير ؟؟؟
فاروق : بنتي ليا بحاالا مشوشة وكاتفكري … واش ظاك سيد اللي كنتي واقفة معااه صباح قالك شي حاجة ماشي حتال لهيه ….
مريم : شكون وااش مهيدو ؟؟ ويلي هاداك آخر وااحد نقدر نفكر فيه ولا نشغل بيه بالي بففف
فاروق فرح من لداخل ديالو ملي دواات بهاد الطريقة …هو عارفها عفوية والحاجة اللي فالداخل ديالها كاتقوولها ضحك ضحكة جانبية وقشعاتو …
مريم : مالك كاتضحك تااني 😒
فاروق : راشقة ليا ههه
مريم : وااضحك ضحك نتا اللي جات معاااك …(دورات وجهها شافت نعيمة كاتشوف جيهتهم قربات جيهتو وقالت : هاهي خالتك بدات المسلسل الدرامي ديالها تااني كاتحلل فيا وتنااقش لاش كاتشووف فيا هااكاك الله وعلم …)
فاروق كايسمع ليها ويضحك … هاجر دورات وجهها لقاتهم هااكاك تنهدات ورجعات كملات ماكلتها وهي كاتنتااظر غير تشوف شي حاجة ضد مريم وتلوي ليها ذراعها بيها ….
سالاو العشاء …وكل واحد مشا لغرفتو …
💛 عند فاروق ومريم 💛
فاروق : شنو باغا تفرشي تاني فالأرض …؟؟
مريم كاتدوي وماكاتشوفش جيهتو : لا … انعس فوق الفوتوي …
فاروق : شوفي بإمكانك تنعسي فوق السرير وانا نعس فوق لفوتوي …
مريم : لا لا هانية …
فاروق : مريم ماالك علاش ماكاتشووفيش ليا فوجهي ملي كاتكوني كاتدوي …
مريم: علاش انشوف لك فوجهك بالسلامة …
فاروق كايشوف فيها كاتدوي وعاطياه بالظهر …جرها من ذراعها وقربها ليه عينيه كايشووفو فعينيها …بيناتهم مسافة قليلة …انفاسهم مخلطة …
فاروق : قولي ليا دب ماالك …وشنو اللي غير حالك …؟؟؟

❤ زوجة للإيجار ❤
✍كوثر الزهراوي✍
💥الجزء -111-💥
مريم : لا انا مابيا واالو …انا انمشي نعس (هزات غطاها ومشات للفوتوي تكات فوق منو ونعسات وااخا معنكشة …)
فاروق : رااسك قسح من الحجر …
مشا فاروق تكا فوق السرير وغمض عينو…كل وااحد فيهم باااغي يقول حااجة ومااقاادرش …كل وااحد فيهم عندو أحاسيس اتجاه الآخر ولكن ماقادرش يخرجها ولا يبوح بيها … مريم بكثرة البكاء اللي بكات اليوم والإرهاق اللي جاها غير حطات رااسها فوق المخدة نعسات عكس فاروق اللي بقا كايتقلب فبلاصتو و واالو ماجاهش نعااس …ناض طل عليها لقاها ناااعسة …تنهد ومشا قرب جيهتها … الغطاء كان طاايح على كتافها هزو بشوي وغطاها وناض بغا يرجع ينعس وهو يغمض عينو وزير على يديه ورجع عندها هزها كيف الريشة بين يدو وخداها لفوق السرير …حطها وغطااها وبقاا شحاال وهو كايشووف فيها وكأنو كايحااول يحفض ملامح وجهها …. ماحس برااسو حتا تكاا حدااها وبقااا مدة هااكاك …
فاروق دوا بصوت منخفض وقال : مااعرفتش نشرح هادشي اللي كانحس بيه دب ولكن ….(تنهد ونااض تكا فالفوتوي …)
بعد مرور سااعات …مريم حسات بوجع فكرشها نااضت كاتشووف رااسها فوق السرير …قلبات عليه لقاتو متكي فوق الفوتوي … نااضت للطواليت دخلات طلات لقات الدورة الشهرية جاتها …
مريم : بفف وانا نفهم دب علاش نهار كولو وانا كانبكي …الهورمونات بنات الحرام مأثرين عليا بففف (مشات جبدات فوطة صحية دارتها غسلات حالتها وبدلات عزلات الحوايج اللي موسخين حتا تاخدهم معاها للدار تغسلهم خرجات طلات غلى فاروق لقاتو نااعس فوق الفوتوي …حلات الباب وهبطات للكوزينة تقاد شي حاجة سخونة تشربها قبل لا يتجهد عليها الوجع …)
فاروق ضرباتو الفيقة … مدوخ بالنعاس شااف فالسرير مالقااهااش …مشا للحمام دق واالو …لبس فرجليه وتم هاابط للتحت سمع الحس فالمطبخ ومشا لقاها هاازة كوب كاتشرب شي حااجة قال : شنو كاتديري فهااد الساعة ؟؟؟
مريم كاتشرب فداكشي اللي قادات وسااكتة …
فاروق قرب حدااها وقال : رااني دوويت واقيلا …ماالك شنو نوضك فنصاصات الليل ؟؟؟
مريم عينيها دمعو شافت فيه وقالت : شووف ماتغوتش عليا الليرحم باااك 😢😢😢
فاروق : مااالك لاش كاتبكي …واك وااك رااه غير سولتك …
مريم : هنننن ماتسولنييش اهئ اهئ بعد حيد حيد …
فاروق حيد ليها من الطريق دازت زربانة …تنهد بقلة حيلة وقال : الله يدوز هاد الليلة على خير وصافي .. ( تبعها للفوق لقاها جاالسة فوق السرير مربعة رجليها )
فاروق : شنو دااكشي اللي كاتشربي ؟؟؟
مريم : شي عشووب مطبووخين …
فاروق : واا صهد والحرارة ونتي كاتشربي فالعشووب ؟؟؟
مريم ماجاوبااتوش خلااتو هاكاك حتى ساالات حطات الكاس حداها وشاافت فيه وقالت : نتا لي هزيتيني لهنا !!!
فاروق : بقيتي فيا كنتي معنكشة هنا فوق الفوتوي … شنو غادي تبدااي تعرعري تااني ؟؟؟

مريم : اجي نعس حدايا اجي …
فاروق : نعام نعام !!!
مريم : غير أجي والله ما نركلك …اجي اجي …
فاروق : لا لا اختي ماقااد على عصا فهاد الليل …يله رتاحو ليا عظاامي …
مريم : ياااك دب وليتي تقول ليا ختي 😢😢😢
فاروق : لااش كاتبكي تاني …وااا وحلة معااك يا هااد البنت …( ناض حداها فاروق جلس جنبها فالسرير وهو مصدووم من هضرتها وتصرفااتها …واه سبحاان مبدل الأحوال …)
تكات مريم وتكا حتى هو على ضهرو والمسافة بطبيعة الحال بيناتهم بعيدة …
سااد الصمت ل لحظات حتى كسراتو مريم وقالت : فاروق….
فاروق : هممم

❤ زوجة للإيجار ❤
✍كوثر الزهراوي✍
💥الجزء -112-💥
سااد الصمت ل لحظات حتى كسراتو مريم وقالت : فاروق….
فاروق : هممم
مريم : حاجي ليا شي حجااية …
فاروق دار شاف فيها وقال : واااش كاتدوي من نيتك ؟؟؟ لا لا بلاتي (هز يدو وحطها على جبهتها وقال : حرارتك مرتاافعة دااكشي بااش …)
مريم : وااشمن حراارة واابغيتك غا تعاود لي شي قصة خفيفة ظريفة بااش يجيني النعااس …
فاروق سكت شحال وقال : انا رااه ماكانعرفش نعاود وماعاندي حتى قصة فدمااغي غير فوتيني هاد الساعة …
مريم : عااود ليا ولا والله لا نعس شي واحد فينا هاد الليلة ….
فاروق : حاجيتك على وااحد السيد كان عايش حيااتو بيخييير …كوولشي مكونسونطري عليه …حتى جاات وااحد الموصيبة طاحت على راسو وقلبات ليه حياتو رأس على عقب…
مريم : ايوا وشنو دار مسكين …؟؟؟
فاروق : شنو دار هههه رااه متكي جنبها كايتسنط لحكم الله …
مريم : مسكيين الله يكون معاه ( عاااد فهمات القضية وهي تعطيه دقة لكتفو : يااااك كاتعااود عليا المسخوط …انا هي الموصيبة يااك …)
فاروق : ههههه
مريم : يعععع على بشااار …يله سير سير …
فاروق : فين غادي نسير ؟؟؟
مريم : رجع للفوتوي ديالك صاافي ماباقيش بغيتك تنعس حداايا …
فاروق : راااه قبل شوي عيطي ليا نعس حدااك واقيلا ياك !!!
مريم : لا نووض من حداايا (بدات تبكي …) وااانوووض …
فاروق : لا حول ولا قوة إلا بالله…. وليتي كيف الموحمة … (نااض من حدااها يله مشا للفوتوي وهو يسمعها …)
مريم : صاافي اجي اجي نعس عاافاك اجي اجي …
فاروق هز يديه وقال : مريم شحال هادو …؟؟
مريم : خمسة…
فاروق نقص جوج صباع وقال : وهادو شحال ؟؟
مريم : ثلاثة …
فاروق : ايوا حمدلله باقي ليك شوي ديال العقل …واااش بااغا تجهليني فهااد الليل …اجي نعس لا نوض ..حاجي ليا …مالك تاني جاتك الحاالة !!!
مريم : واجي نعس صافي صافي عافااك …
فاروق تنهد ونااض تكا بلاصتو وهي تكات فبلاصتها بيناتهم مساافة غمضات عينيها ونعساات …
فاروق طل عليها لقاها نعسااات …
فاروق : جاني العفو الحمدلله هههه

❤ زوجة للإيجار ❤
✍كوثر الزهراوي✍
💥الجزء -113-💥
💛 أصبحنا وأصبح الملك لله 💛
فاقت مريم هي اللولة ….حلات عينيها كاتشوف فاروق نااعس جنبها متكي على كرشو شعرو مخربق وطايح فوق جبهتو … بقاات فبلاصتها ماتحركاتش تفكراات ليلة البارح وهزات يديها ضربات رااسها …
مريم : نااري عليك ا مريم كاتديريها قد رااسك بففف
ناضت تحركات من بلاصتها هزات حوايجها وخرجات من الغرفة….
💥بعد مرور لحظات💥
هابطة الأم خديجة من الدروج كاتدوي فالتيليفون وكاتضحك ….
الأم خديجة : وااخا صاافي حتى نرد عليك الخبار ….
من بعد ما سالات المكالمة ديالها مشات توجهات للمطبخ لقات مريم وااقفة كاتوجد فالفطور ….
الأم خديجة : اليوم سبقتي ا بنتي ههه
مريم : صباح الخير اخالتي….
الأم خديجة : صباح النور….
مريم : انا اليوم فقت بكري ووجدت الفطور …
الأم خديجة: الله يعطيك الصحة هادشي باين من ريحتو كايشهي …
💥 عند فاروق 💥
ناض مالقااهااش ناعسة فبلاصتها عرفها اتكون نااضت … دوش وبدل عليه لبس حوايجو وتم هاابط لتحت … فطريقو تلاقا بهاجر حتى هي هاابطة … ضرب فيها وداز …بعد مدة تجمعو كاملين على مائدة الفطور وهنا دوات الأم خديجة ….
الأم خديجة : ولدي فاروق … كيف غادية الخدمة عندك مزياان ؟؟؟
فاروق : كولشي هو هاداك الواليدة علااش سولتي ؟؟؟
الأم خديجة : ايلا طلبت منك طلب تنفدو ليا ؟؟؟
فاروق : بطبيعة الحال نتي آمري ….
الأم خديجة : وااش يمكن ماتمشيش للشركة شي 4 أيام …؟؟؟
فاروق ناض قرب جيهتها وقال : علاش الواليدة ماالك ؟؟ يااكما كاتحسي برااسك ماشي حتاال تم ؟؟ تبغي ناخدك للطبيب ؟؟؟
مريم تخلعات كاتشووف وساكتة….
الأم خديجة : لا لا أنا بيخير …اليوم فالصباح دويت مع خاالك محمد …غادي يزوج بنتو وعارض عليناا كااملين نمشيو عندو وبما أنو مريم قالت لي عندها عطلة السيمانة الماجية فقلت علاش مانمشيوش نحضرو ونفرحو معاهم ومنها نيت العائلة كااملة تعرف على مريم …
فاروق هز رااسو فمريم لقااها غاا كاتشووف و حالة فمها ….
الأم خديجة : نتا اكيد اولدي ماغاديش تقول لي لا … على هاد الطلب …غادي نمشيو كاملين نحضرو للعرس يااك …
فاروق : يكون خير الواليدة … شوفي صراحة …
الأم خديجة قاطعاتو وقالت : نشاءلله ماكاين غاا الخير …ايوا انا نمشي نرد على خالك الخبار ونقول لو بلي انجيو نحضرو معاهم …(ناضت طلعات للفوق …)
نعيمة جرات بنتها وطلعو للفوق …

فاروق قرب لمريم وقال : شفتي القفوزية ديالك فين وصلاتنا … قلتي ليها السيمانة الجاية عندك عطلة هاهي غادي تدور بينا المغرب كامل ….
مريم مصدوومة وحالة عينيها شافت ف فاروق وقالت : وااش كانحلم ولا هادشي اللي سمعت صحييح …؟؟ وااش نتا حقيقي ( قرساتو فذراعو )
فاروق : اححح لاش كاتقرصي فيا ..واااراااه حقيقة حقيقة وجدي رااسك السيمانة الجاية غادي نسافرو …
مريم : وااش من نيتك كيفااش غادي ندير انا مع عائلتي ؟؟؟ انا بزز باش كاندوز ليلة على برا وكانرجع كانجري دغيا باش مايشكووش … دب 4 ايااام اويلي …
فاروق : اناااا ماقلتش ليك قولي ليها بلي عندك عطلة يله فكيها دب …

❤ زوجة للإيجار ❤
✍كوثر الزهراوي✍
💥الجزء -114-💥
✅ عند هبة ✅
سدات الباب بعد ما خرجات من الدار وبقات غادة كاتمشا حتى كاتحس بشي سيارة تابعااها …كاتوقف هي كاتوقف السيارة… كاتحرك هي كاتحرك حتى السيارة …فالأول تخلعات ولكن ملي شافت الناس غاديين جااين بالقرب منها جمعات القوة ديالها ودارت تشوف شكون هااد الباسل اللي تابعها على الصباح …يله دورات وجهها طاحت عينيها عليه …
هبة : عمراااان …واااش حماقيتي خلعتيني …
عمران هبط الزاج وحيد نظاظرو د شمس وغمزها وقال : الزين ماطلعيش نضربو شي ضويرة …
هبة ربعات يديها وقالت : سمحليا ولكن مانقدرش …
عمران : علاش الزين مخطوب ولا كايتسنا فالمكتوب ؟؟
هبة هزات يديها وراتو الخاتم وقالت : الزين مخطووب …
عمران : هي نضرب الضورة …
هبة : ايلا بغيتي ..
عمران : وسعداتو هادا بيك ….
هبة : عاارفة رااسي بلاما تشركني هههه (مشات كاتجري طلعات جنبو وقالت : صباح الخير …)
عمران : شنو صباح الخير هاكاك حرفية هممم …
هبة قربات لخدو وباستو فيه وقالت : وهاانتا اسيدي …
عمران : شي نهار تسكتي ليا القلب بهاد الحركات ديالك …
هبة : الله يحفظك وينجيك الحبيب ديالي ههه
عمران يله بغا يدوي وهو يصوني تيلي ديال هبة …
هبة : سمح لي واحد دقيقة …الو مريم …
مريم عبر الهاتف : الو هبة عتقييني اختي مشيت فيها …دب دب نتلاقاو فالكافي فين موالفين نجلسو …
هبة : علااش شنو وااقع !!!
عمران دار شاف فيها عرف بلي شي زبلة تاني هاادي …
هبة : وااخ وااخ صافي هاني جايا …
عمران : شنو واقع …
هبة : ديماري ديماري دغيا فالطريق نعاود لك …
✅فالفيلا عند فااروق ✅
الأم خديجة هازة تيلي كاتدوي فيه وتمشي وتجي …
الأم خديجة : ايييه ا خويا محمد اييه غادي نجي اناا وختي نعيمة وبنتها و ولدي فاروق ومراتو …اييه رااه تزوج وداار دارو حمدلله …اييه اييه
الخالة نعيمة كاتجمع فشي حوايج دارت شافت فبنتها هاجر اللي كانت دايرة الكيت فوذنها كاتسمع للموسيقى تنهظات ونغزاتها …
هاجر : الله الله اماما خلعتيني …
نعيمة : نووضي تشوفي شطايطك وااش مقادين ولا لا رااه غاديين مسافرين …
هاجر : واا باقي الحال ا ماما وااش غادي نمشييو دب …
نعيمة : هاادشي اللي خرج عليك ابنت الهم… وقتما ندوي معاك تقولي لي بااقي الحال بااقي الحال …هادشي اللي خلاك هاكا …
هاجر : وصاافي اماما ماتزيديش عليا …
نعيمة : شوفي فهاد العرس غادي نضبر ليك على شي واحد من العائلة تغبري عليا تمشي تديري دارك و ولادك …

هاجر : مااباغااش نتزوج ؟؟؟ ( ناضت كاتضرب برجليها ومشات لبيت آخر …)
الأم خديجة : ماال هاجر انعيمة ؟؟؟
نعيمة : فرحاانة اختي … فرحانة حيت غادي تمشي لعرس ولد خالها …
الأم خديجة : مزياان راني دويت معااهم وغادي يتسناونا ههه
نعيمة : مزيان توحشت نييت خويا محمد …هادي فرصة نشوفو…

❤ زوجة للإيجار ❤
✍كوثر الزهراوي✍
💥الجزء -115-💥
هبة حالة فمها : كيفااش كيفااش !!! اويلي على السفر …
مريم : مشييت فيها اختي مشيت مشيت …السيدة بغات تمشي تحضر لعرس ولد خوها وباغا تدينا معاها …
هبة : ماماك و خوك مستحيل يخليوك تغبري مدة ديال اربع ايام …اويلي حصلة وااشمن حصلة هادي …
مريم : ماعرفتش ولكن عندي احساس انو هااد الشيء اللي كانديرو غاادي يتكشف وبطريقة خاايبة …
هبة : تفائلي ا مريم تفائلي ايكون خير …
مريم : اشمن خير اصاحبتي …انا كنت متافقة مع فاروق فاللول اننا نلعبو هاد اللعبة لمدة شهر دب ماكنضنش انو هادشي غادي يقدو شهر …السيدة بااغا تعرفني على العائلة كاملة …
هبة : واشنو فيها الى عرفاتك على العائلة كاملة …
مريم : وااش نتي كاتفهمي ولا لا ؟؟؟ رااه فاللخر د شهر خاصني نغبر مايبقاش لي الأثر …الى شدات هي بيدي دب وجلسات تعرفني وتقدمني لأي واحد كاتعرفو راااه موشكيلة …تخايلي دب ملي يسالي هاد الشهر نتلاقا بشي واحد منهم ويمشي يقولها لها ؟؟؟
هبة : اتقول لو غا الشبه !!! اتكوني متي ديك الساع …
مريم : ياااك حتى نتي قتلتيني دب ؟؟؟
هبة : وياااك هادي غا لعبة … صافي مابقا والو وتهناي منها ومن مولاها …
مريم تنهدات وقالت : ااه عندك الحق …واخا صراخة انا …
هبة : نتي شنو ؟؟؟
مريم : واالو … شوفي الله يستر عليك فكري ليا فشي حل عافاك … انا انمشي دب للدار نطل وندير راسي بحال ماقريتش ورجعت باش ماتشكش ماما فيا …
هبة : وااخا انا انفكر فشي لعبة اصلا انا السباب فهاد الشيء كاامل …انا اللي فمي كاياكلني ومشيت قلت لعمران على هاد الفكرة ديال زوجة للإيجار…. هاني وحلتك فيها …
مريم تنهدات وشافت ف هبة اللي كانت مقلقة وقالت : ماتقووليش هاكا…هادشي مكتااب …نتي فاش كنتي كاتقولي ل عمران هاد الكلام ماكنتيش ضانة انني انا اللي غادي يتكتب عليا نلعب هاد الدور …
هبة : ولكن كانحس بشعور خايب ملي كانشووفك هاكا …كاتكتذبي على ماماك وخوك وكاتمشي لدار اخرى كاتحاولي تفرحي ناس أخرين … مقطعة راسك هانتي هنا وهنا وزيد دب خرج لك هااد السفر من الجنب …
مريم بغات تخفف عليها …حسات بيها مقلقة وخاايفة عليها حيت كيفما كان الحال كاتبقى صاحبتها ورفيقة عمرها …
مريم : ماتفكريش هاكا … هانتي شوفي الجانب الإيجابي … راني وليت السبب فالفرحة اللي عاشتها مامات فاروق وااخا هادشي غير كذوب وغادي يتقادا ولكن على الأقل ….ااه وزيد على هاادشي بسبب هاد اللعبة تحركو المشاعر ديالي اللي كان كايتسحاب لي بلي ماعانديش ….(حدرات راسها)

هبة : وهااد المووضوع ديال المشاعر وحدو غيير خلي داك الجمل رااكد …
مريم : مهم تهلاي انا نمشي ….
❤ زوجة للإيجار ❤
✍كوثر الزهراوي✍
💥الجزء -116-💥
✅ عند فاروق ✅
جاالس فالمكتب ديالو وكايعااود ل عمران اللي كان قداامو مفرشخ بالضحك ….
فاروق : وااش انا كانعاود لك على مشااكيلي ونتا كاتضحك ….
عمران : هههه لا بزااف ا صاحبي هههه هاد القضية ديال السفر خطيرة …
فاروق : وييه …
عمران : ولكن بالرجولة شفتي هااد مريم فيها شي حااجة مااشي حتاال لهيه….
فاروق قوس حواجبو وقال : كيفاش فيها شي حاجة ماشي حتال لهيه .. ؟؟
عمران : حتى كاتقولو بلي غادي تفارقو وكلشي يسالي كاتجيكم شي حاجة تجمعكم …
فاروق : ورااه هاادشي منااش خاايف …
عمران : خاايف ؟؟؟ من القدر اللي كايجمعكم هممم !!! شوف ا الساط انا انجيك للصراحة ورااك عارفني انا غا من شوفة كانقشع البلان …
فاروق : اييه وشنو قشعتي بالسلامة هاد المرة …
عمران : مريم ونتا ….
فاروق : باراكا عليا من دوك التأويلات ديالك …!!! البنت مادايرة فبالها واالو كاتجي تلعب الدور ديالها وتمشي فحالها …غير انا اللي راسي سخن عليا وبديت نخربق …
عمران : دب كاتعتارف بلي بديتي تخربق ممم مزيان ايوا انا غادي نوض ونقول ليك على سلامتك راتك طحتي وطييحة خاايبة …
فاروق : (الصمت)
عمران : غا من الشوفة قلعتك ا صاحبي حيت تانا دايز من نفس الحالة … المهم الا بغيتيني نمشي نخطب معاك مرحبا …
فاروق : واااش هادا وقت الضحك البلسل ديالك …انا كانقول لك عاوني نلقا شي حل لهاد السفر المفاجئ نتا كاتقول ليا الطيحان والنوضان والحب والخطبة …
عمران : اللهم اني قد بلغت …شووف قد طلعتو قد هبطتو غادي يخصكم تمشيو تسافرو وتحضرو لهاد العراسية … ممم والعقوبة ليكم هههه
فاروق هز وااحد الديكور صغير كان حداه وشير عليه …
فاروق : اللينعل حسك فينما ندوي معاك تجلس تضحك …
عمران : هههه ورااه ماكانقدرش نشوف فوجهك ومانضحكش …راه من نهار دخلات مريم لحياتك وليتي فشي شكل 😂😂😂😂
فاروق : هههه الحيماري الآخر …

❤ زوجة للإيجار ❤
✍كوثر الزهراوي✍
💥الجزء -117-💥
✅ عند مريم ✅
وصلات للدار جبدات المفاتيح حلات ودخلات لقات ليلى كاتفرج هي وماماها …سلمات عليهم وجلسو كايدوي …مريم كاتحاول تظاهر انو كولشي بيخير وحتى حاجة ماواقعة….جالسة كاتدوي حتى قفزات ونااضت بحالا شي وااحد صرفقها …
الأم زهرة : اويلي مالك ؟؟؟
مريم : واالو واالو هاني رااجعة …
الأم زهرة : واا يله جلستي فين غادا …
مريم : وهاني غا فالحومة …
ليلى : خليها اخالتي تلقاايها غا هنا يمكن تفكرات شي حاجة بغات تديرها ….
خرجات مريم يله بغات تخطي خطوة وهو يوقف قدامها …
مريم : وااش كاتقلب على خلا عشتك هممم لااش جااي لهنا ….
مهيدو : مريامة شكون هاداك اللي كان معاك لبارح …؟؟
مريم : وااش نتاا عااد بنت ليك فالبلان وباان ليك داك اللي كان معايا لبارح هممم …
مهيدو : قولي ليا شكون هو ولا ندير فراسي شي حااجة …راني طانحبك وعلى قبلك ندير كولشي …
مريم : مول طاكسي هاداك …
مهيدو : ولكن هو كان راكب فطوموبيل كحلة …هممم علاه خرجو طاكسيات كحلين فمراكش …
مريم : اعععع حيد من قدامي مامسالياش لك ( ضربات فيه وزادت )
هنا تم جاااي وااحد الراجل لعند مهيدو …
راجل : ولدي المهدي ؟؟؟ مالك شواقع ؟؟ اشنو عندك مع خت عثمان ؟؟؟
مهدي : ااه مريم ههه رااه خطيبتي المستقبلية …
راجل : مبرووك مبرووك …ولكن شفتها معصبة ماالها ؟؟؟
مهدي : كانتنااقشو ههه قالت لي بغات دارها وحدها مابغاتش تسكن مع الواليدة … اييه بنات اليوم مفششات هههه ….
راجل : الله يكمل بالخير اولدي وااعرضونا للعرس …
مهدي : وييه انديرووه هنا فالحي وكوولكووم معرووضين ههه
❤ مريم ❤
مشات كاتجري عند ابتسام كاتدق عليها حتى خرجات ….
مريم : ابتسام عتقيني …
إبتسام : اويلي ماالك …دخلي دخلي …
❌ دخلات وسدو الباب ❌

💥 بعد مرور سااعات 💥
داااخل كايزرب خطوااتو تم طاالع للفوق …حل الباب ديال الغرفة الخاصة بيه وهو يتصدم وقال : واااش الحرب العالمية الثالثة كانت هنا… ؟؟؟ اشنو هاد روينة ؟؟؟ (شوي خرجات مريم من وسط الحوايج اللي كانو مليوحين فوق السرير شافت فيه وقالت : اختار معايا باش نحضر للعرس ديال ولد خالك القفطان الأصفر ولا القفطان الوردي …وشووف وياااك تقول لي تاني الأبيض ولا لكحل والله حتى نكحلوها هنا 😒😒😒)

فاروق تكا على الباب عرفها لقات شي حل بااش يسافرو شااف فيها وقال : الغوز …الغوز ا موصيبة عمري….

فنظركم شنو دارت هاد الموصيبة باش تقدر تسافر 😂😂😂
وجدو رااسكم رااه غادي نسافرو مع فاروق ومريم 😂❤❤❤❤
فنظركم شنو ايوقع فهاد السفر وهاد الرحلة الجديدة 😳😳

❤ زوجة للإيجار ❤
✍كوثر الزهراوي✍
💥الجزء -118-💥 فاروق داااخل كايزرب فخطوااتو تم طاالع للفوق …حل الباب ديال الغرفة الخاصة بيه وهو يتصدم وقال : واااش الحرب العالمية الثالثة كانت هنا… ؟؟؟ اشنو هاد روينة ؟؟؟ (شوي خرجات مريم من وسط الحوايج اللي كانو مليوحين فوق السرير شافت فيه وقالت : اختار معايا باش نحضر للعرس ديال ولد خالك القفطان الأصفر ولا القفطان الوردي …وشووف وياااك تقول لي تاني الأبيض ولا لكحل والله حتى نكحلوها هنا 😒😒😒) فاروق تكا على الباب عرفها لقات شي حل بااش يسافرو شااف فيها وقال : الغوز …الغوز ا موصيبة عمري…. مريم : ممم الغوز اووك … فاروق: شنو درتي تاني …كيف درتي حتى خرجتي من هاد المشكيل ؟؟؟ شنو درتي مع عائلتك !!! مريم حطات دااكشي اللي فيديها ومشات وقفات قدامو وقالت : بغيتي تعرف كيف درت ليها ؟؟؟ 💥 فلاش باك 💥 ✅ قبل ساعات …. كاتدق عليها وكاتعيط باسمها … مريم : ابتسااام ابتساام … حلات ابتسام وشافت فيها وقالت : مريم ياااك لابااس ماالك ؟؟؟ مريم دخلات للداخل وابتسام سدات الباب وراها …. مريم : ابتسام بغيتك تعاونيني … عاافاك وقفي معايا فواحد البلان … ابتسام : اناا رااه ايلا قلتي ليا نلوح رااسي فالبحر رااه نلوحو … انا مستحيل نسا وقفتك معاايا فقضية الدار … مريم : لا لا ماتلةحي راسك ما واالو … ابتسام : ايوا مالك شنو واقع ؟؟؟ مريم : بغيتك تعاونيني بااغا نساافر وااحد 4 أيام نقضي واحد الغراض مع صاحبتي … ابتسام : بااغا تساافري ؟؟؟ كيفاش صاحبتك واش هبة اللي كانعرف ؟؟؟ مريم : لا هادي وحدة اخرى … ابتسام بقاات كاتشووف فيها … مريم : ابتسام بلاما تخلعي عليا راااني قادة برااسي … ابتسام : واااخ ملي هاكا انا غادي نمشي عند ماماك وغادي نقنعها … مريم : وكيفاش اتديري تقنعيها !!! ابتسام هزات جلابتها وقالت لمريم : زيدي وغادي تشوفي كولشي على عينيك … خرجو وتوجهو للدار عند مريم …حلات مريم بالسوارت ودخلو … مريم : ماماااا مااما اجي تشووفي شكون ايدوي معاك … تمات جااية الأم زهرة رحبات ب إبتسام وجلسو … الأم زهرة : ايوا ابتسام غبرتي علينا …اش خبار الفنكوشة د سارة …. ابتسام : بييخير كوولشي هو هاداك …هاادشي علاش جيت عندك اليوم !!! بنت عمي عارضااني لواحد العرس وبغيت نمشي نوقف معاها وغادي ناخد معايا سارة ..واذا كان ممكن ا خالتي زهرة خلي مريم تمشي معاانا تفوج شوي وتبدل الجو كانشووفها هنا مضغووطة مع القرايا وغير من المدرسة للدار ومن الدار للمدرسة …قلت تمشي معاايا وتفوج ومنها نيت تبقا تشد ليا سارة الا كنت كانشقا معاهم …. الأم زهرة
…قلت تمشي معاايا وتفوج ومنها نيت تبقا تشد ليا سارة الا كنت كانشقا معاهم …. الأم زهرة يله بغات تدوي وهي تنقز مريم وقالت : اااه ا ماما كون غاا نمشي باااغاا نفوج والله عافاااك خليني نمشي مع ابتساام … الأم زهرة : وياااك كاتقولي لي القرايا وماعاندك وقت ..؟؟؟ مريم : اااه واصلا انا كانبقا كانقرااا بزاااف … خليني نمشي وراك عارفة الحضور للدروس فالجامعة مااشي ضروري ماكاين مشكل الا غيبت شي 4 أيام … انعوض من بعد … الأم زهرة: ايوا شنو نقوول لك …ملي بغيتي تمشي مع ابتسام تفوجي شوي ماغاديش نحبسك وااخا هاادي اول مرة اتساافري فيها وحدك …. ابتسام : ماتقوليش هااكا رااه مريم بحال ختي … بحالا مشاات مع عائلتها … الأم زهرة: وااخ ملي هااكا …انا ندوي مع عثمان ويخليك تمشي …. مريم : ياااي بصح هههه ….

❤ زوجة للإيجار ❤
✍كوثر الزهراوي✍
💥الجزء -119-💥
مريم : شكراا شكرا ا مااماا بزااف ههه الأم زهرة : ايهاااي كااع هاادشي فرحة …. مريم : ااه ههه ابتساام : ايوا انا نووض دب ..رااني خليت سارة وحدها فالدار نااعسة ههه مريم : اناا نمشي نوصلك للباب اختي …. مشاو خرجو جيهة الباب … مريم : ابتسااام ماتخاايلييش الخير اللي درتي فيا شحااال كبير …. وسمحي ليا حيت بسباابي كذبتي على دارنا … ابتسام : مريم اناا رااني عاارفااك عمرك تديري شي حاجة خاايبة …انا عاونتك حيت تاايقة فيك …صراحة ماعرفتش علاش مابغيتيش تقولي ليهم انك باغا تسافري مع صاحبتك ولكن …بفف مهم هااديك حيااتك الخااصة ديري فيها اللي بغيتي يكفي انك تكوني متيقة ومتأكدة من هادشي اللي كاتديري . مريم : شكرا …شكرا بزاااف…. ابتساام : مهم حتى تعطيني الوقت بالضبط امتا اتبغي تساافري بااش نحاااول مانباانش …باش نبين ليهم فالحومة انني مسافرة وتنجح الخطة ديالنا .. مريم : وااخا نشاءلله …شكرا بزااف (عنقااتها وتسالمو …) 💥 نهاية الفلاش باك 💥 ✅ العودة الى الحاضر … مريم : شفتي دب شنو درت … فاروق : كذبتي ؟؟؟ مريم : الكذبة فاش كاتكون لهدف صالح وزوين ماكاتسمااش كذبة … فاروق : ولكن نتي علااش …علاش كاتديري هادشي كوولو على قبلي ؟؟؟ علاش كاتديري هادشي كوولو باش مانوحلش فهاد المشكل ؟؟ كاتكذبي على عائلتك وأهلك وحبابك ؟؟؟ مريم : انا كاندير هادشي بااش لعبة ديالنا ماتخسرش … بااش ماماك تكون فرحاانة وصاافي …فاللول درنا اتفاق انك اذا خديتي ليا ديك الدار انا انعاونك فهااد شهر كاامل … فاروق : ولكن الدار ماخديتيهااش نتي …عطيتيها لإنسانة اخرى … نتي شنو طلع ليك من هاادشي كاامل … مريم يله بغات تدوي وهي تسمع الأم خديجة كاتعيط ل فاروق … فاروق : سمحي لي واحد دقيقة نشوف الواليدة …(خرج وهي تنهدات وقالت …) مريم : انا كاندير هاادشي كوولو باش نبقا جنبك فهاااد الشهر … كاندير هاادشي بااش ملي نتفارقو يكونو عندي ذكريات معااك …مع الشخص اللي حرك مشااعري وخلاني نآمن بالحب …(تنهدات وكملات جميع الحوايج …)

❤ زوجة للإيجار ❤
✍كوثر الزهراوي✍
💥الجزء -120-💥 ✅بعد مرور أيام …✅ ابتسام : شنو صاافي غدا اتسافري ؟؟ مريم : اااه بغيتك تمشي دب معايا باش نأكدو على ماما هاد الخبار ونهز سااكي ديال الحوايج بااش نجي زعما ندوز الليلة عندك على قبل غدا فالصباح انشدو الطريق …. ابتسام : وااخ يله … وبالفعل دااكشي اللي وقع مشات إبتسام مع مريم أكدو على مامات مريم الخبر وخداو حوايجها على أساس أنو مريم غادي تدوز الليلة عند ابتسام باش غدا فالصباح يشدو الطريق … الأم زهرة عطات لبنتها شي فلوس تحطهم تحت منها و وصاااتها مزيااان …مريم كان ضارها خاطرها حيت كااذبة عليهم ولكن ما باليد حيلة كيف كايقولو …خرجو ومشااو للدار عند إبتساام …عااودات مريم شكراتها على وقفتها معاها فهااد النهار …هزات سااكها ديال الحوايج وخرجات من عندها شدات طاكسي ديريكت للفيلا …لقات فااروق فالباب كايتسنااها …خلص مول الطاكسي وشد من عندها الحوايج وقال : دب شنو غادي تاخدي معاك هااد الحوايج اللي جايبة ولا الحوايج اللي لفوق …. مريم : حتى نشووف ( ضربات فيه وزاادت دخلات للداخل …أما هو طلع الصاك ديالها للفوق ومن بعد داار شي اتصالات عااد هبط عندهم للتحت …) 💥 عند هاجر 💥 جالسة فبيتها حتى صونا ليها تيلي ديالها …هزاتو طلات عليه وقالت صونيتي فوقتك … هاجر : احم الو …اهلا حبيبة حليمة كيف دايرة لابااس عليك .. حليمة : انا بيخير …شفتك غبرتي وقلت ندوي ليك .. هاجر : غبرت غاا فالدنيا اختي والله …شكرا حيت سولتي فيا … حليمة : اويلي رااك بنت خاالتي …اكيد غادي نسول فيك … هاجر : اااه … حليمة : مالك جااني صوتك مااشي حتاال لهيه ؟؟ هاجر : لاا واالو … مهم يااك نتي غاادي تجي للعرس ديال ولد خالي … حليمة : اااه غادي نجي … هاجر : ايوا تم غاادي تشووفي كوولشي على عينيك …غادي تشووفي مراات خووك الجديدة وغاادي تفهمي علاش انا هااكا … حليمة: صراحة فااش عاودات لي ماما شنو كااين تقلقت بزاااف …ماكنتش بااغا خويا فااروق يتزوج بديك الطريقة ولكن ….من بعد ماما شكرات لي مريم وقالت لي بلي مربية وزوينة وظريفة …وانا كانتسنااا امتا نتلاقاها ….. هاجر : دااكشي اللي فبالك مامنو واالو اختي …البنت لفعة ..لفعة كاتضرب غا من لتحت …. غير كاتضحك على فاروق وصاافي … حليمة : لا اويلي شنو كاتقولي … هادشي مستحيل …كون كانت هااكا كون ماما انتابهاات ليها …واصلا فااروق مااشي ولد صغير اللي يخلي اي وحدة تضحك عليه …. هاجر : لا رااها كاتضحك علينا كااملين وحتى على خالتي خدييجة …ملي نجيو انعاود ليك كوولشي وديك
هاجر : لا رااها كاتضحك علينا كااملين وحتى على خالتي خدييجة …ملي نجيو انعاود ليك كوولشي وديك الساع حكمي …الهضرة مااشي ديال التيليفون …غدا غادي نجيو عندكم و ندويو ….

❤ زوجة للإيجار ❤
✍كوثر الزهراوي✍
💥الجزء -121-💥 دااز دااك النهار غير فالتوجاد للسفر اللي غادي يكون لمدينة أكادير …البلاصة فين كاين العرس ❤ جاا صباح جديد …الصباح اللي غادي يشدو فيه الطريق … مريم وااقفة جنب السيارة كاتدوي فالتيليفون مع ماماها … مريم : ااه ا ماما رااه وصلنا بيخير …ااه ابتساام رااها مع بنات عمها فالكوزينة انا مع ساارة دب …اه اه فارةق تم خاارج لابس تيشورت أسود مع سروال جينز وداير نضاضر ديال الشمس …. مريم : ااه ا ماما انت مع ساارة عندااااك عندااااك ماتمشيش تم …(فاروق فهاد اللحظة سمعها وقفز خلعااتو …) مريم : ماما ساارة كانت غادي تطيح قطعي قطعي يله انا مشيت …هوووف … فاروق : لاش كاتغوتي ؟؟ مريم : كنت غا كانمثل … فاروق شاف فيها وتبسم …اما هي دغيا قلبات عينيها لجيهة أخرى بااش ماتعيقش … تمات خارجة خديجة ونعيمة وهاجر … فاروق : صاافي نقولو بسم الله ونشدو الطريق … الأم خديجة : نشاءلله اولدي … توجهات مريم للسيارة حلات الباب الخلفي يله بغات تطلع وهي نمشي عندها خديجة .. الأم خديجة: شنو كاتديري ابنتي ؟؟؟ مريم : انطلع اخالتي …نتي طلعي حدا فاروق القدام … الأم خديجة من لداخل ديالها فرحاات بهاد التصرف البسيط من عروستها … كيفاش كبرات بيها وخلاتها تجلس جنب ولدها في المقعد الأمامي… الأم خديجة : لا لا ابنتي جلسي نتي حدا رااجلك وانا غاادي نطلع حدا ختي وبنتها … مريم تبسمات ليها وقالت اللي بان لك اخالتي …شوفي فين ترتاحي …هادشي كولو داز قدام فاروق اللي كان نهار على نهار كايزيد يتعجب ويتعلق بهااد البنت اللي لاقاها بيه القدر صدفة ❤ طلعو وكل واحد ركب فبلاصتو … مريم قادات حزام الأمان ودارت شافت ف فاروق لقاتو كايشوف فيها ويتبسم …شافت فيه وقالت : مالك ؟؟ فاروق : لا والو …احم (ديمارا وانطالق ….) يتبع ….❤ تتمة ❤ غاديين فالطريق حتى صونا التيلي ديال الأم خديجة … الأم خديجة: الو بنتي حليمة …اه اه حنا رااه فالطريق ونتي وصلتي ؟؟؟ حليمة : ااه وصلت اماما …انا اتاصلت بااش نطمانك عليا …الله يوصلكم حتى نتوما على خير … فاروق دار شاف ف مريم وغمزها …هي عرفاااتو معنى ليها على حليمة اللي فالتيليفون …غمضات عينيها وحلاتهم زعما كون هااني … هو ديجا عاود ليها على الأخت ديالو حليمة اللي مزوجة وعندها بنت …وعاود ليها على الأخت الصغيرة ياسمين اللي كاتقرا فالباك … عاودليها كولشي بااش تكون عارفة كل وحدة فيهم وماتكونش كيف الغريبة وسطهم خصوصا وانو دب كوولشي غادي يتجمع فدار وحدة … ❤ عند هبة وعمران ❤ جالسين فقهوة …
❤ عند هبة وعمران ❤ جالسين فقهوة … عمران : واا مريم صدقااات مع فاروق فهااد البلان … هبة : اصلا مريم ماكاينش فحاالها صاحبتي وانا عارفااها …(هزات كاس ديال عصير كاتشرب منو حتى دوا عمران وقال …) عمران : ماجاتكش مريم كاتصرف بغرابة … هبة كان غادي يوحل ليها العصير …بدات كاتكحب … هبة : كح كحح ميفاش كاتصرف بغراابة …لا لا عاادي …نتا اللي صاحبك كايتصرف بغرابة … عمران : هبة ..شوفي هاادشي راااه ضروري لينا ندويو فيه لأننا حنا أق ب النااس ليهم …نتي أكيد اتكوني لاحضتي شي حاجة غريبة ف مريم وانا أكيد انكون لاحضت شي حااجة ف فاارةق … خااصنا ندويو ونوضحو الأمور …نتي ماتخبي عليا واالو وحتى اناا ماغاادي نخبي عليك واالو …حيت الا مادوينااش حنا مستحيل هوما يدويو … هبة : شنو ؟؟ كيفاش ؟؟ واااش نتا كاتقصد بلي بغيتي الخطوة الاولى تجي منا !!! عمران : بحاال هاكاك ….

❤ زوجة للإيجار ❤
✍كوثر الزهراوي✍
💥الجزء -122-💥 غااديين فالطريق حتى وقف فااروق فالجنب وهبطات مريم كاترجع (كاتقيا) …. فاروق : غير خليكم الواليدة هنا انا نشوفها ونرجع … الأم خديجة : وااخا اولدي … خرج فاروق وبقات خديجة ونعيمة وهاجر فالسيارة … نعيمة : ختي يااكما تكون البنت ؟؟؟ خديجة : لا لا قالك هوما دب ماكايفكرووش فالأولاد …اصلا رااه بااقا كاتقرا … هاجر دارت الكيت وغمضات عينيها … نعيمة : ايوا مانعرف … ❤ عند مريم ❤ مريم : الله ياربي الله …هوووف … فاروق مد ليها قرعة ديال الماء وقال : ياااك قلتها ليك …قلت ليك قيسي فالماكلة ونتي عمرتي كرشك وشديتي الطريق … مريم : ورااه كاان فيا الجووع ..واصلا حتى نتا كاتزرب ا فاروق دخت والله … والطريق عوجة كاندورو من هنا وهنا بففف … فاروق كب شوي ديال الماء على يديه وجرها عندو وقال : اجي عندي … ( كايمحي ليها جبهتها وخدودها وهي داايخة … هز القرعة ديال الماء عطاها تشرب …) فاروق : ماتشربيش بزااف …شللي فمك وشربي غا جغمة رااه باقا طريق تابعانا … مريم : وااخ … الأم خديجة كاتطل عليهم من الزااج وكاتبسم …دارت عند ختها وقالت … الأم خديجة : سبحان مبدل الأحوال اختي نعيمة … شوفي شكوون قال ولدي فاروق يلغي شي وحدة ويتزوج بيها ويولي يخااف عليها …شوفي شوفي كيف قريب ليها وكيف كايعطيها تشرب ويحيد الشعر اللي طاايح على وجهها …يااربي يخليهم لبعض يااربي … نعيمة دورات وجهها شاافت فهاجر لقااتها كاعما مسوقة ههه دايرة الكيت ونااعسة رجعات شافت ف ختها وقالت : اميين اختي امين … فاروق : صاافي حسيتي شوي مزياان ؟؟ مريم : اممم صافي يله نرجعو .. رجعو للسيارة دخلو جلسات مريم فبلاصتها وجلس فااروق …عاونها حتى داارت حزام السلامة …بعد الشعر على عنقها بااش تنفس شوي وقال : حاولي تغمضي عينيك وتنعسي شوي … مريم حركات رااسها بالإيجاب وغمضات عينيها من بعد انطالق هو وكملو على طريقهم … يتبع ….❤ تتمة ❤ 💥 بعد مرور مدة 💥 وقفات السيارة ديال فاروق قدام فيرما كبيرة …كانت بنوتة صغيرة كاتلعب تم …شافت السيارة وهي تم دااخلة بالجرا للداخل … بنت صغيرة داخلة كاتجري وتعيط بصوت أعلى : ماااامااا مااامااا مااامااا … ….. : حليمة شووفي بنتك رااه كاتعيط ليك .. حليمة : نعام احبيبة ديالي … بنت صغيرة : جدااتي وخالو فاروق جاااو رااهم على برا 😍😍😍 حليمة : على سلاامتهم (ناضت من بلاصتها تشوفهم فرحاانة بماماها وخوها …) 💥 على برا 💥 مريم : وااش وصلنا صاافي … هاجر شافت فيها وخنزرات …الأم خديجة جاوباتها وقالت : ااا
💥 على برا 💥 مريم : وااش وصلنا صاافي … هاجر شافت فيها وخنزرات …الأم خديجة جاوباتها وقالت : اااه وصلنا ابنتي هاادي هي الفيرما د خويا …هنا انجلسو حتى نحضرو للعرس … نعيمة دورات وجهها وشافت بنت جااية جيهتهم …غمزات ختها خديجة وقالت : ختي خديجة وااش ماشي هادي بنت السي حسن … الأم خديجة : اااه هادي بنت نسيب خويا … الخالة نعيمة : اييه اييه ديك اللي عينيها زاايغة وفيها العياقة هههه الأم خديجة : سكتي لاتسمعنا ههه رااها جايا جيهتنا … مريم سمعاتهم شاافت فيها جاايا كاتعوج وأول واحد قصداتو هو فاروق … وقفات قدامو ومدات ليه يديها وقالت : مرحبا بيكم ا سيدي … فاروق يله بغا يدوي ويمد ليها يديه يبادلها السلام وهي تجي قدامو مريم وجاوباتها نيابة عليه وقالت …. مريم : سيدنا وسيدك هو رسول الله … نعيمة دارت جيهة بنتها هاجر وقالت : شفتي الناس كيفاش كاتحضي رزقها … وااشووفي شووفي على الله تعلمي شوي … فاروق جا لمريم من اللور وقرب جيهة وذنها مع كانت قداامو …همس وقال : صاافي رجعتي المجاج …

❤ زوجة للإيجار ❤
✍كوثر الزهراوي✍
💥الجزء -123-💥 بنت جات جيهة فاروق مدات ليه يديها وقالت : سلام اسيدي … فاروق يله بغا يدوي ويمد ليها يديه يبادلها السلام وهي تجي قدامو مريم وجاوباتها وقالت …. مريم : سيدنا وسيدك هو رسول الله … نعيمة دارت جيهة بنتها هاجر وقالت : شتي الناس كيفاش كاتحضي رزقها … وااشووفي شووفي على الله تعلمي شوي … فاروق جا لمريم من اللور وقرب جيهة وذنها مع كانت قداامو …همس وقال : صاافي رجعتي المجاج … مريم : ايلا ماسكتيش غادي ينوض العجاج … فاروق رجع للور وقال : بنات تفاهمو بيناتكم … تدخلات الأم خديجة وقالت : اهلا اهلا بنتي …نتي هي بنت السي حسن يااك ؟؟؟ بنت : اااه انا حسناء … مريم : ههه حسن وحسناء واااو …(ماحسات حتى جرها فاروق لجيهتو وهز الساك وتمو داخلين للداخل …) فاروق : شووفي مااقاد على صدااع … مريم قاطعاتو وقالت : ماتخاافش ماتخاافش (سدات فمها زعما رااه غاادي نسكت …) تمو دااخلين للداخل ومن وراهم هاجر ونعيمة وخديجة وحسناء حتى هي ههه غااديين داخلين حتى كايقشعو بنت صغيرة جااية جيهتهم … الأم خديجة : الحبيبة د جدااها .. فاروق همس لمريم فوذنها وقال : آية …بنت ختي حليمة … مريم : متشرفين … فاروق شاف فيها وتنهد وقال : رااه ماكانتفلااوش امريم … مريم : وأنا شنو درت ؟؟؟ تمات حليمة جااية كاتجري عندهم عنقات ماماها وباستها …سلمات على خالتها نعيمة وبنت خالتها هاجر … حليمة : على سلامتكم امااماا … الأم خديجة : الله يسلمك ابنتي …نتي بيخير ؟؟ وصلتي لبارح …؟؟ حليمة : اااه جابني أمين انا و آية من بعد رجع للرباط … مريم قربات جيهة وذن فاروق وعمسات بصوت خفيف وقالت : شكون أمين ؟؟ فاروق كان هااني حتى كتيحس بأنفاسها كاتضرب فعنقو وصوتها كايهمس فاذنو …شداتو التبوريشة بهاد الحركة العفوية منها ..داار عندها وقال : أولا ماتبقاايش تديري ليا فحاال هااكا …هاد التوشويش …ثانيا أمين هو راجلها … مريم : وغا سولت ( ربعات يديها …) حليمة دورات وجهها وشافت ف فاروق اللي جنبو مريم … مريم تبسمات ليها وحليمة بااش ماتعيقش تبسمات كذلك وتوجهات لعندهم …

❤ زوجة للإيجار ❤
✍كوثر الزهراوي✍
💥الجزء -124-💥 حليمة مشات جيهتهم وقالت…. حليمة : خوويا الحبيب ( عنقااتو وهو كذلك بادلها العناق …) حليمة : توحشتك ا سبايدر ماان ديالي ههه … فاروق : ههه حمقة ..حتى انا توحشتك … حليمة : عليها كاتجي تطل عليا …(دورات وجهها شافت ف مريم وقالت : ومااشي حشوومة عليك تزوج ماتقولها ليا …) فاروق : حليمة أكيد اتكون الواليدة شرحات لك كوولشي … بلاما نعاودو الموضوع رااك عارفة دااكشي جا على غفلة وكنت نااوي فيها مفاجأة … حليمة دارت شافت ف مريم وقالت : وااا مفاجأة وااشمن مفاجأة هادي !!! حليمة دارت شافت ف مريم وقالت : وااا مفاجأة وااشمن مفاجأة هادي !!! فاروق: احم بالمناسبة ( جر مريم حداها وقال : حليمة هاادي مريم مراتي …مريم هاادي ختي حليمة …) مريم تسالمات معاها بالحناك وقالت : متشرفة بيك احبيبة فاروق عااود لي عليك بزااف … حليمة : تانا متشرفة بيك اختي …بصح عاود لك عليا …واشنو عاود لك …؟؟ شي حاجة زوينة !!! مريم : كااع الشيء اللي قال لي زوين …احم فين هي البنوتة الصغيرة آية … حليمة : هااهي …(آية اجي شوفي خاالك …) آية : خااالو فااروق … فاروق هزها وبااسها وقال : هاا الغزاالة ديالي ههه لاباس عليك …. آية : لااباس … ( شافت فمريم وبدات تبسم …قربات حدا وذن فاروق وقالت : شكون هادي …؟؟؟ ) فاروق : خالتك مريم … آية : شعرها زوين …وحتا هي زوينة … فاروق دار شاف فيها وقال : اااه زوينة كولها … مريم نغزاتو وقالت : واا جمع رااسك … فاروق : وااا غا ثمتيل وااه … مريم : اااه نسيت صاافي صافي … فاروق : لا حول ولا قوة إلا بالله معااك … مريم : ورااه هاادشي بدا كايصعااب …نااري تخلعت … فاروق شد فيديها وقال : ماتخافيش انا معااك … حليمة : ايوا يله دخلو للداخل ترتاحو رااكم كنتو شاادين الطريق …. تمو داخلين وهاجر مشات بالجرا شدات فيد حليمة … هاجر : شنو كاتعاودي ابنت خالتي بيخير … حليمة : حمدلله كنت بيخير حتى قلتي لي ديك الهضرة لبارح فالتيليفون … هاجر : ودب تشوفي كولشي على عينيك … حليمة ماابغااتش تصدم ف هاد البنت حيث بانت ليها ظريفة …تنهدات وقالت : نشوف الخير ا هااجر نشاءلله …

❤ زوجة للإيجار ❤
✍كوثر الزهراوي✍
💥الجزء -125-💥 دخلو للداخل استقبلووهم أهل المكان ورحبو بيهم …الأم خديجة شادة ف مريم واللي دوات معاها تعرفو عليها وعلى أنها عروستها ومرات ولدها الكبير فاروق … حليمة غير كاتشووف ومراقبة تصرفات مريم ولحد الآن زعما ماشافتش فيها شي حاجة ماشي حتال لهيه … جلسو العيالات وحدهم فصالون كايدويو ويتعاودو ويتعارفو بعضهم والرجال كانو فجهة أخرى … حطو المااكلة ومااخلاو ماحطو من شهيواات فرحاانين بجماعة العائلة فهاد المناسبة ❤❤❤ حليمة جالسة كاتاكل ومجلسة آية فوق رجليها كاتوكلها بشوي بشوي … حليمة : هاام يله كولي احبيبة ديالي … الأم خديجة : بنتي مريم مالك تساخرتي للور …كملي ماكلتك … مريم : لاا باارااكا عليا ا خالتي الله يخلف …(دارت شافت ف حليمة مع بنتها وقالت : ختي حليمة عطيني آية نشدها عندي وكولي نتي …) حليمة : لا مايحتاجش شكرا … الأم خديجة : غا عطيها البنت ا حليمة هي راه كملات ماكلتها…عطيها آية ونتي كولي على راحتك … حليمة: وااخ ا ماما … مريم خدات آية لحضنها … دوات سيدة من العائلة جالسة معاهم فالطبلة وقالت : تباركلله ا ختي خديجة عروستك زوينة …. الأم خديجة : يزين ياامك اختي عايشة …. هاجر كانت كاتاكل عادية حتى تسدات ليها الشهية بهااد الكلام ديالهم اللي كولو منقالب ضدها والى بقات الأمور هاكا كوولشي غادي تعجبو مريم وهادشي اللي مابغاتش هي … 💥 نرجعو لمراكش 💥 ❤ عند هبة و عمران ❤ هبة هاازة تيليفون : وااانعاام ا عمراان … عمران : حلي ديك الكاميرا …. هبة : وااخ بلاتي ( طلات على وجهها فالمراايا عااد من بعد حلات الكاميرا …) عمران : شنو قبيل دغيا قلبتي عليا الهضرة … هبة : وماامرتاحااش لهااد الشيء …كيفاش حنا اللي ناخدو الخطوة الاولى …هوما بيناتهم يديرو اللي بغاو ا عمران … عمران : دب ملي الأمر كايخص صاحبي وصاحبتك بااغا تكمشي وتشدي الأرض وليتي تقولي لي خليهم يديرو اللي بغاو ….. شنو زعما فين مشات ديك القفوزية ديالك ودوك الأفكار العجيبة هممم !!! هبة : اشمن أفكار الله يهديك …راك شفتي آخر فكرة عطيتك رااه خرجات على مريم وحطاتها فموقف صعب …( كاتدوي ومقلقة …) عمران : وعلاش حطاتها فموقف صعب …( كايحاول يجبد منها الهضرة …) هبة : كيفاش علاش حطاتها فموقف صعب …واش نتا ماكاتشووفش شنو واقع …مريم ولات تجري من هنا لهنا …و ولات تسافر وتكذب على عائلتها …والمشكل الأكبر أنها ولات تبغي شخص غير كايلعب معاها لعبة تافهة وسخيفة ….( عااد وعات على رااسها شنو قالت …) عمران : صاافي هاادشي اللي بغيت نسمع
عمران : صاافي هاادشي اللي بغيت نسمع هههه هبة : عمرااان العااار لا تقووول لصاحبك واالو عاافااك …مريم ماغااديش تسامح ليا والله …هي ماباغا حتى حد يعرف هاادشي عاافااك الا كنت عزيزة عليك … عمران : عزيزة عليا وكانبغييك وكانتسطا عليك … هبة : ايوا ماتقولش هااد السر لحتى شي حد !! عمران : بما أنك نتي قلتي ليا سرك حتى انا غادي نقول لك السر اللي عندي ههه هبة : شنو وااقع ؟؟ شنو مخبي !!! عمران : فاروق ا لالة …حتى هو طايح فديك صاحبتك اللي منوضة ليا عليها الحيحة …شعور متباادل عند دوك الجوج وحتى وااحد فيهم مابغا يهبط زنافرو للارض ويعتارف للآخر …. هبة : شنوووو ؟؟؟؟ 😳😳😳😳
يتبع …

Leave a comment