Skip links

قصة : زوجة للإيجار 4

 3,389 عدد مشاهداات

❤ زوجة للإيجار ❤
✍كوثر الزهراوي✍
💥الجزء -76-💥
🔥 عند عمران 🔥
متكي فوق السرير ديالو لابس سريفيط فاللون الرمادي وهاز تيلي ديالو كايدوي مع هبة ابيل فيديو …
هبة : عنداك غيير يكون وقع شي مشكل …؟؟
عمران : لاا ماتخاافيش قال لي غادي يمشي يصوني عليها وتهبط يدوي معاها يعتاذر ويرجع فحاالو …
هبة : يااربي مايحس عثمان بواالو …
عمران عقد حواجبو وقال : وشكون بالسلامة هاد عثمان …
هبة : عثمان خو مريم …اويلي ماالك تسيفتي …
عمران : واا شفتك كاتعاودي على السيد بحاال كاتعرفييه نييت …
هبة : وييه رااه كانعرفو ههه راه خو صاحبتي ههه
عمران : وكاتقولي فيها بوجهك حمر …
هبة : لا لا مااشي دااكشي اللي فباالك راااه بحال خوويا والله …
عمران : باغا تدير ليا ديك اللعبة ديال ماكانعرفووش ولكن بحال خويا …
هبة : هههه نتا اللي كاين ومكاين مااحسن الحبيب دياالي
عمران : اهاااه وتطور ملحووظ عندك ا لالة هبة ههه
هبة : وضرووري ههه شنو خالتك وراجلها وصلو بيخير …
عمران : اااه راه كايرتااحو دب على قبل صبااح …
هبة : انا متوترة بزاااف …
عمران : ايدووز كولشي بيخير الا عطاوك ليا تبااركلله ماعطاوكش ليا نقربلوها تم …
هبة : اويلي هههه
💫فالفيلا عند فارووق💫
نعيمة نااعسة ضرباتها الفيقة حلات عينيها وهي تشووف هااجر بنتها وااقفة فالنافذة كاتطل …
نعيمة : اويلي نتي بااقاا وااقفة تم كاتسناااي فيه …
هاجر : مانا نعسي وخليني مااسوقكش فياا …
نعيمة : السيد راااه مع مرااتو مالو يخليها ويجي وحدو …
هاجر سااكتة ماكاتجاوبش …
نعيمة : ياااك عاطياني النخاال ايوا بقااي جاالسة تم كيف موكة …

❤ زوجة للإيجار ❤
✍كوثر الزهراوي✍
💥الجزء -77-💥
فاروق كايشووف فيها وكايحااول يسلك معاها …
مريم : واادوي واا قول ليا علاش ختاريتي الأحمر …
فاروق : هانتي الأحمر مزياان غادي يجي معاك مع نتي لون بشرتك بيضاء و شعرك شهب ..غادي يجيك زويين …( كايدوي معاها بحالا كايدوي مع بنت 5 سنين …)
مريم : اااه ايوا صاافي مزياان ..
فاروق :دب نقدر نعس …
مريم : صااافي غير نعس …
فاروق يله بغا يحط رااسو على المخدة وهي تغوت وقالت : فااروق
فاروق قفز : شنو تااني …
مريم : تصبح على خير …
فاروق : ايييه…حط رااسو وهو يحس بيها كاتدفع فيه وتقول : واا تجمع وخلي ليا بلاصتي وااه وااه …
فاروق : هااادي والتووبة ايلا باقي خطيت خطوة وحدة فداركم ….
مريم : مممم
تكا فاروق ومشاات بيه عينيه ومريم دارت بينهم مخدة عااد نعسات …
💙 أصبحنا وأصبح الملك لله 💙
فاق فاروق هو اللول كاايحس بشي يد مليوحة فوق صدرو … حل عينو مزياان لقاها يد مريم دور وجهو وهو يقشعها ناااعسة حدااه شعرها الأشقر مرمي فوق الوسادة وعويناتها مسدودين …كانت كاتباان بريئة ههه تبسم ملي تفكر شنو داارت ليه ليلة البارح بغا ينووض وشي حاجة فالدااخل دياالو منعااتو …رجع حط رااسو فوق المخدة وعيوونو علييها كايشووف فحجباانها …فعوينااتها المسدودين …فشفاارها …فنيفها …ف شفايفها …وكأنو كايحفض ملامحها …اول مرة يطول فيها الشووفة حتاال هااد الدرجة …من ديما وهو وياها مناكرين وكايغوتو وعلى واالو كاينووضو قرباالة ههه فاروق تعرف عليها على انها الفتاة المرحة النشيطة العنيدة …اللي فرااسها كاتديرو ..متهورة بزاااف كاتدير الحاجة وماكاتفكرش فشنو جااي من بعد … شرات دار وعطاتها لجارتها ولاحت راسها فهاد اللعبة ديال زوجة للإيجار وهي ماعارفااش شنو تاابعها …ههه تبسم فاش تفكر بلان البارح وكيفاش دخلاتو لغرفتها وكيفاش بقااو كايتناكرو على سرير وااحد… ماحس حتى هز يدو وهو يحطها على الخد ديالها كايتحسسو … بعد يديه دغيا ملي حس بيها كاتفييق …
مريم حلات عوينااتها وشاافتو ناااعس حدااها حاال عينيه كايشووف فيها …دوات وقالت : ياااه فاروق …هادا نتا …
فاروق كايشووف فيها وحابس ضحكة عرفها مدوخة بالنعاااس جاوبها وقال : ااه انا …
مريم : ياااه هااد الحلم بحاال الحقيقة …والله ايلا كانقيسك ..(كاتحرك يديها فوق لحية دياالو …)
فاروق انفاجر بالضحك وقال : وراااه حقيقة شنو تصحاابلك …
مريم عاااد سرات معااها خرجات عينيها وقالت : اويلي نووض من حدااايا المااسخ (دفعااتو حتى جا طايح للارض …)

فاروق : كاتغفلي ا مريم كاتغفلي ا موصيبة عمري….
مريم : نتاا رااك مصيبة حياتي …هادشي الى بقاات لي شي حياة من ورااك …
فاروق : يااك فراسك بلي هاادي هي الطيحة الثالثة …جوج فالليل و وحدة على الصباح …قيديهم عندك …
مريم قربات بغات تطل عليه وهي تلوا ليها رجليها مع الغطا جاات طايحة فوق منو …
فاروق ملي شافها جاات طايحة عليه بغا يشدها مالقا كيف يدير حدو حااوط كرشها بيديه بزوج …جات طايحة عليه وشعرها طايح فوق وجهو … مع هاد اللقطة تسمع صوت ساروت كاتحل فالباب …
مريم دورات وجهها شافت شكون لقات …….

❤ زوجة للإيجار ❤
✍كوثر الزهراوي✍
💥الجزء -78-💥
مريم قربات بغات تطل عليه وهي تلوا ليها رجليها مع الغطا جاات طايحة فوق منو …
فاروق ملي شافها جاات طايحة عليه بغا يشدها مالقا كيف يدير حدو حااوط كرشها بيديه بزوج …جات طايحة عليه وشعرها طايح فوق وجهو … مع هاد اللقطة تسمع صوت ساروت كاتحل فالباب …
مريم دورات وجهها وهي تقشعو وااقف كايشووف فيهم …
محمد أمين : ناااري عمتي شنو كاتديري ….
مريم : هيييييء اويلي ولد خوويا ناضت من فوق فاروق دغيا وجلات ولد خوها وسدات ورااه الباب …
محمد أمين : علااش سديتي الباب رااه باب جاي ورايا …
مريم : شنوووو ؟؟؟
فاروق : شنوو تاني نتخبا فالبلاكار …
مريم : نوووض نووض تخبا نووض …مع النوضة اللي ناض فاروق تخبا جيهة البلاكار دخل عثمان …
عثمان : مريم …يله هبطي تفطري …
محمد أمين : بابا بابا عرفتي واحد راجل ..(سدات ليه مريم فمو …)
مريم : هههه دخل ولقاااني كانطل من الشرجم على واحد راااجل مسكين كايشطب الحي …
محمد أمين : مممم مممم
عثمان : وا تفرقي على الولد خنقتيه …رااه بغا يقول شي حاجة …
مريم : لاا ماابغااا يقوول واالو ههه مابغا يقول واالو غير سير نتااا هبط لتحت هاحنا تابعيينك …
محمد أمين : ممممم مممم اااعععع
عثمان : وكيفاش داااير هااد لعب دياالكم بففف مهم انا هبطت للتحت …
مريم : سير ا خويا سير …
خرج عثمان وسدات وراااه الباب …جرات محمد أمين جلساتو فوق السرير …
فاروق ملي سمع خوها خرج شااد فجنبو مقصح مع الطيحة هههه
مريم تحنات عند ولد خووها …
محمد أمين: بابا كاااعما شااف هااد الرااجل …علااش سديتي ليا فمي …
مريم : شووووت نتا ماغادي تقول لحتى حد بلي شفتي هادا هنا …حيت …حيت هادا بووعو …هادا بوعو كايقطع الريوس للدراري صغار …
فاروق : الله يسمح ليك …علاش كاتدوي مع هااد الولد بهاد طريقة غادي تركبي فيه رعب …
مريم شافت فيه وخنزرات وقالت : كاتقلب على شي طيحة اخرى … ولا شي ركلة اخرى يااك …
فاروق شااف فيها وعرفها تديرها ههه حمقة صاافي بعد للور وقال ليها : لا لا ماقاد على شي طيحة اخرى …
مريم : يله شكون نتا ؟؟
فاروق : بوعو …
مريم : حسن جدا …

❤ زوجة للإيجار ❤
✍كوثر الزهراوي✍
💥الجزء -79-💥
مريم رجعات تحناات عند محمد أمين وقالت : دب نتا غادي تعاوني نخرجووه من الداار ياااك …
محمد أمين : ااااه ا عمتي حناا غااادي نخرجو الأشرار من دااارنا ( ناض وهو يضربو لرجليه …)
فاروق : اااااع الله اكبر….
محمد أمين : بووعوو الشرير …
مريم : هاكاك ا الحبيب ديالي عطيييه …عطيه العصير وفكااس كبير …
💥 فالفيلا عند فااروق 💥
مجموعين على طاولة الفطوور …خديجة ونعيمة كاياكلو اما هاجر فغير كاتلعب بالماكلة فالطبسيل دياالها …
الأم خديجة : بنتي هاجر !!! مالك وااش مريضة …
هاجر : لا اخالتي …
الأم خديجة : وااشفتك غاا كاتلعبي بالماكلة …ماحطيتي حتى شي حاجة ففمك …
الخالة نعيمة : غير خليها اختي خليها راه مرة مرة كاتجيها هاد الحالة …(نعيمة فااهمة بنتها وعاارفااها علاش مقلقة …)
هاجر : خاالتي خديجة وااش فاروق ماتاصلش بييك …زعما يطمأن عليك …ولا ملي القضية فيها مراتو مريم نساااك …
نعيمة كاتخرج عينيها فبنتها زعما سكتي وحشمي شنو كاتقوولي …
الأم خديجة : لا لا ماتاصلش ايكووون مع مرااتو دب …انا اصلا قلت ليه بلاما يتشوش عليا …يشوف مرااتو مسكينة راااه بقا فيها الحال البارح ملي شافتني فديك الحالة …وراااه بسبابي غوت عليها حتى مشات عند صاحبتها….اكيد ايكون معاها دب كايراضيها … انشاءلله ايرجعو اليوم مصالحين شاادين فيد بعضياتهم كيف ديما …
الخالة نعيمة تنهدات وشاافت فبنتها وقالت : اييه اختي …انشاءلله انشااءلله …
الأم خديجة ناااضت من الطبلة وبقاات نعيمة وبنتها …
نعيمة : والله كون ماحشمت حتى نهز هااد البراد ديال اتااي ونشير بيه عليك …
هاجر : ومااالي اناا …
نعيمة : كيفاش مااالي انا !!! وااش حمااقيتي بااغاا تخلقي المشاكل بين الأم و ولدها …علاش تقولي ل ختي ( ولدك فاروق ماتاصلش بييك باش يطمأن عليك …ولا ملي القضية فيها مراتو مريم نساااك …) علااش علاش تقولي هاد الهضرة … زعما بااش تخليها تكره مريم وتقول رااه سرقات ليها ولدها من بين يديها …ايوا ا لالة غا تهنااي السيدة كاااعما عندها مشكل وماسوووقهاااش كاااع … نهار سمعات بلي ولدها تزوج هااداك كان هو النهار الكبير عندها ومراات ولدها داارتها فوق رااسها … رااني قلتهاا ليك نهااار لول …شتي ملي ماخديتيهش فااش كان باقي عزري بلاما تدوري جيهتو دب وهو مزوج …
هاجر : كيفاش كيفاش …دب نتي كاتقولي ليا بيعي حمارك وجلسي الارض …
نعيمة : انا ماقلت ليك لا حمار لا بقرة …فاللول تسحاابلي بلي القضية اتكون سااهلة ..ولكن السيد بااينة كايبغي مرتو وداير ليها كيف شي بيضة خاايفها تهرس …كايدخلها معاه ويخرجها معااه وماكايخليها حتى دقيقة وحدهاا ….
هاجر : وراااه هاادشي اللي ضارني انا فرااسي ديما لاصق فيها وبجنبها تقول خااايفها تقول لينا شي حااجة … وقتما كاتبغي تدوي حتى كاتشووف فيه وكاتاخد الموافقة من عندو بحالا هي ماشي مرتو بحالا غا خدامة عندو …
نعيمة : خدامة عندو هههه واااش حنا كانلعبو …نوضي نوضي ابنتي راااه سخانة طلعات لك …
هاجر : انا ماغادي نتهنا حتى ندير اللي فبالي …
نعيمة : وشنو فباالك ؟؟؟
هاجر : ماغاديش نقول لك يله …(ناضت كاتجري طلعات لبيتها …)
نعيمة : ياربي عطيني الصبر مع هادي …

❤ زوجة للإيجار ❤
✍كوثر الزهراوي✍
💥الجزء -80-💥
💛فالدار عند مريم💛
وسط الدار كانت طبلة ديال الفطور مجهزة …جالسة الأم زهرة و حداها ليلى كاتعض فظفارها مخلووعة …فاش فاق عثمان فالصباح هبط يفطر سول على مريم قالت ليه الواليدة ديالو بلي باقي نااعسة… هنا ليلى سمعاتهم وخافت عثمان يطلع للفوق عند مريم ويلقا الغرفة ديالها مسدودة بالساروت من على برا ويشك فشي حاجة حيت هي البارح سدات عليها لأنها ضنات انها اتمشي عند فاروق … خاافت بزااف يبقا عثمان كايسول علاش وكيفاش مسدود عليها البيت كيف السجينة وخافت تزلق ليها شي كلمة من فمها وتصدق معاودة ليه كولشي على فاروق والام ديالو داكشي بااش مشات عند ولدها محمد أمين وعطاتو سوارت د بيت وقالت لو يسبق يحل الباب على عمتو …وبالفعل مشاا محمد أمين فتح الباب وعثمان كان تاابعو من اللور ….
الأم زهرة كاتشووف فيها سااهية وكاتفكر : اويلي يااا ليلى ماالك ؟؟؟
ليلى : هااا واالو ا خاالتي … والله ايلا واالو …
تم جاااي عثمان كايدوي فالتيليفون ( مكالمة ديال الخدمة )
عثمان : كيففاااش …انا بغييت نفهم علاش وقع هاادشي …
ليلى مانتاابهااتش بلي كايدوي فالتيليفون غا سمعات الجملة ديال ” بغيت نفهم علاش وقع هاادشي ” نااضت وقفات وقالت : مااشي انا والله حتى قلت ليها بلااش عليها من هااد اللعبة وهي بغااات تدير فيه خير …
عثمان قطع وكايشووف فيها وقال : مااالك ا ليلى …؟؟
ليلى بلعات ريقها وقالت : هااا ماالي ؟؟؟ ااه مالي ؟؟
الأم زهرة : لا لا ابنيتي ضربووك ليا بالعين …كولشي كايشكر فيك وفزينك و تربيتك و حداكتك …كايقولو عروسة زهرة مابحاالها جوووج …ضربوك ليا بالعين ابنيتي ايخصني نديك عند الفقيه …
عثمان قرب جيهتها وقاس جبهتها وقال : ياكما مريضة الغزالة ديالي …
ليلى من ملامح ديالو فهمات انو كولشي على مايراام تنهدات وقالت : بيخير بيخير …مشيتي عند مريم …
عثمان : اه خليتها كاتلعب مع محمد أمين…
ليلى : اووف ايوا مزيااان …(رتاحت)
عثمان تحنا بااس رااس مو وجر ليلى بااس خدها وقال : اناا مشيت للخدمة عندي شي مشكل تم ايخصني نحلو …
الأم زهرة : الله يسر ليك ..
ليلى : الله يعاونك ا راجلي الحبيب …
عثمان : ايوا هاا مراتي العزيزة رجعات كيف كانت هههه
ليلى : هههه ( دوات فخاطرها وقالت : ايلا حماقيت ختك اللي هي لوستي هي اللي غادي تكون سبابي هوووف …)

❤ زوجة للإيجار ❤
✍كوثر الزهراوي✍
💥الجزء -81-💥
💙فالغرفة عند مريم💙
فوق السرير جالس محمد أمين …مريم كاتطل من النافذة … زفاروق جالس فوق الكرسي مربع يديه كايشزف فين كان وفين ولا ههه
مريم : صاافي خويا خرج …
محمد أمين : بابا مشااا للخدمة …
مريم : ااه الحبيب ديالي باباك مشا للخدمة وانا وياك غادي نبداو الخدمة …
محمد أمين : وشنو هي خدمتنا ؟؟
مريم دارت شاافت ف فاروق وقالت : نخرجو بووعو من هنا …
فاروق : مريم لاباقيش تديري فيا دووك شووفات ديال القتيلة …
محمد أمين : ياااه عمتي بوعو كايعرفك …كايعيط ليك بسميتك …
مريم دارت خنزرات ف فاروق وقالت : سكووت سكووت …احم محمد أمين شوف دب نتا اتهبط يااك وغاادي تمشي للبلاصة فين كايفطرو وغاادي تهز كااسك ديال الحليب وغادي تلوحو للأرض…غادي تقول ليهم زلق ليك صاافي نتا غادي تلاهي ماماك وجداتك وانا نقتل بوعو ونخرجو من داارنا يااك …
محمد أمين : اااه صاافي صاافي …
مريم : يله سير يله …
خرج محمد أمين كايجري ومريم دارت شافت ف فاروق لقااتو كايشوف فيها وكايتنهد …
مريم : مااالك …
فاروق : الخطط عندك جهنمية …
مريم : وشنو غادي ندير …هاد الخطة هي اللي جاتني فبالي …
فاروق : ياودي ياودي على اللي غادي تربي أجيال المستقبل….
مريم : واااش بيتي تخرج من هنا ولا لا …
فاروق : اه اه …
مريم : ايوا سكت وزييد تبعني …
حلات مريم الباب وكاتطل خرجات وداارت ليه اشارة يتبعها …تم خارج فاروق تاهو بشوي وتمو هابطين فالدروج مخبيين …
مريم كاتدوي بشوي : تسنا تسنا تجينا اشارة من عند الشريك ديالي …
فاروق : اشمن اشاارة يا هااد البنت …
مريم : خااصني نسمع صوت الزااج …
فاروق كايشووف فيها مخبية وكاتطل جااه ضحك …حس براااسو بحالا وسط شي مهمة سرية هههه
مشا محمد امين جلس معاهم فالطبلة …وخلاهم حتى حطو ليه كاسو ديال الحليب شاف يمين وشماال وهو يضربوو حنا طااح للأرض وتهرس …
ليلى : اويلي محمد أمين ماتحركش من بلاصتك الزااج …
مريم : العز العز اولد خويا …(دارت شافت ف فاروق وقالت يله زييد يله مشاو دغيا جيهة الباب … حطات يديها مريم بغات تحل حتى كاتشووف فالباب تحل وحدو وتدفع جيهتها وتسمع صوت عثمان …)
عثمان : ليلى ….
مريم : 😳😳😳😳

❤ زوجة للإيجار ❤
✍كوثر الزهراوي✍
💥الجزء -82-💥
مريم دارت شافت ف فاروق وقالت يله زييد….يله مشاو دغيا جيهة الباب … حطات يديها بغات تحل حتى كاتشووف فالباب تحل وحدو وتدفع جيهتها وتسمع صوت عثمان …)
عثمان : ليلى ….
مريم : 😳😳😳😳
فاروق فهاد اللحظة جرها وخشاها فيه وتخبااو ورا الباب …
مريم حااطة يديها على فمها وسادة عينيها كاتطلب وتدعي …
عثمان دااخل كايعيط : ليلى …ليلى نسيت تيليفووني …
ليلى دوات من لداخل وقالت : ااجي هزو هاهو رااني ملاهية مع محمد أمين ….
تم دااخل عثمان شاف ف محمد أمين وقال : شنوو هادشي البطل هممم …
محمد أمين : هاادشي كولو على قبل بووعو …
ليلى : اشمن بووعو الله يهديك ههه
محمد أمين: بوعو اللي فالبيت الفوق …
ليلى : ولدك أثرو عليه الألعاب والرسوم بزاااف ..
عثمان : هههه … انا راه خرجت ونسيت بلي فاش دويت قبيل خليت تيليفون فوق الطبلة …
ليلى : اااه هاهو هزو وعنداك تعطل …
عثمان : عنداك تجرحي يديك …
ليلى : لا جمعت الزاج صاافي ساليت ماتخافش …
عثمان هز تيلي ديالو وتم خااارج وسد من ورااه الباب…
فاروق حاابس النفس وجااار لحضنو مريم …هبط عينيه شااف فيهااا كيفاش كانت مكمشة ومخلووعة وسادة عويناتها …
فاروق ملي شاف عثمان خرج ارتاح وتنهد وهبط عينيه شاف فيها وقال : مريم …
مريم كاتدوي وبااقي مغمضة عينيها : شنو صاافي تفضحنا …
فاروق : ماتفضحنا ما والو ههه راه خوك خرج …ايكون نسا شي حاجة ورجع ليها …
مربم : اوووف (شاافت راسها كيفااش كانت مخشية فحضنو هزات عويناتها فيه وهي تبعد ..)
فاروق: احم سمحي ليا …فاش شفت الباب تحل ماشعرتش حتى جريتك لهنا وراء الباب…
مريم : هاانية عادي …احم…يله اجي حلات الباب وطلات ودارت شافت فيه وقالت : يله زيد خرج …
فاروق تنهد بارتياااح ههه جاه العفو واخيرا ايخرج من هنا ويرجع لدارو هههه ليلة عمرها تمحا ليه من ذاكرتو …يله خطا خطوة وحدة على برا وهي تجرو مريم من جاكيط ديالو …
فاروق : شنو عاود تاني …
مريم : يااك القفطان الأحمر زوين …متأكد…
فاروق : ياا والله حتى زوين غا طلقي طلقي …
مريم يله بغات طلقو وهي وتعاود تزير عليه وجراتو عندها وقالت : فاروق …
فاروق : ونعااااام الموصيبة نعااام شنووو …
مريم : ياك جيتي لبارح باش تعتاذر ….ايوا صاافي سامحتك …
فاروق : رااه مع هادشي اللي وقع رااه خاصك نتي اللي تعتاذري وانا مانساامحكش …
مريم : يااااك …ايوا والله لا بقات فيك …

❤ زوجة للإيجار ❤
✍كوثر الزهراوي✍
💥الجزء -83-💥
💫عند عمران💫
كايتمشى فالغرفة ديالو وهااز تيليفون ديالو …
عمران : بففف علااش ماكاتجااوبش ا فااروق علاااش …( يله بغا يقطع وهو يسمع الو …)
فاروق : الووو …
عمران : وصااحبي علااش ماكاتجااوبش …فينك …
فاروق : يله جاني العفو …
عمران : كيفاش العفو ؟؟؟ علاه مالك كنتي فالحبس ههه
فاروق : بحال هاكاك …
عمران دوا بجدية وقال : فاروق …زبلتيها تااني يااك …
💫 عند هبة 💫
هبة : واااجاوبي جااوبي ا مريم بففف ….
مريم كانت يله طلعات لبيتها …سمعات تيلي ديالها يله مشات تهزو لقااتو قطع … طلات لقاتها هبة وهنا عاودات صونات ليها …
هبة : ياااك امريم هااادو فعاايلك هننننن مخليااااني وحدي فنهااار خطبتي يااااك …شوفي ماتقولي لا كلمة لا جووووج دب تهزي حوايجي وتجي عندي … (قطعات)
مريم : قطعات عليا وانا بااقي ماقلت ليها حتى كلمة …زعما هاد عمران تصيد فهاد هبة ..كانتخايلهم ايلا تخاصمو كيفاش غادي يكونو هههه …
💫 فالفيلا عند فاروق 💫
جالسة هااجر ونعيمة فالصالون … نعيمة كاتفرج فالتلفازة اما هاجر هازة فيديها مجلة ديال لالة فاطمة…زعما رااه كاتقراها اما هي رااه عينيها غا على الباب كاتسناه يدخل … ماهي الا لحظات حتى تحل الباب وتم دااخل ….
هاجر : ماااما ماااما …هاهو جااا …
نعيمة : بسم الله عليك غا بشوي …
هاجر : شووفي ا ماما ماجاتش معاااه ماجاتش معااه 😍😍😍😍 اكيد ماتصالحووش كون تصالحو كون جات معاه …
فاروق داخل كايعيط باسمها : الوااليدة الوالييدة …
تمات جاية خديجة شافتو وقالت : نعاام اولدي …
فاروق : وجدي رااسك الغشية انمشي انا وياك مع عمران …انحضرو معاه للخطبة ديالو …
الأم خديجة: اييه ايوا ومراتك فين هي …
هاجر فرحاانة كاتسنط…
فاروق : مريم عاد كنت معاها دب …راها اتسبقنا لتم عندها شي شغال مع صاحبتها على قبل الخطبة رااك عارفة البنات …
الأم خديجة: هي صاافي تصالحتو ههه
فاروق : كوولشي هو هاداك الواليدة غير تهناي نتي مع راسك …(باس راسها وقال : انا انطلع ندوش ونرتااح على قبل العشية …)
الأم خديجة : وااخا ا ولدي الله يرضي عليك…
نعيمة شافت فبنتها وقالت : يااك سمعتي ايوا طرطقي …

هاجر : تانا باغا نمشي لهاد الخطبة …
نعيمة : شنو شنو هههه تمشي للخطبة …لاواه اتمشي لعزااك …
هاجر : وعلاش ؟؟
نعيمة : كاتعرفي العروسة ؟؟
هاجر : لا …
نعيمة : كاتعرفي العريس …
هاجر : هو صاحب ولد خالتي …كانشوفو ..احم شفتو شي جوج مرات من نهار جينا لهنا …
نعيمة : يعني ماكاتعرفييهش …ايوا ويا بنت كرشي حاشاها ليك شي حد وعرض عليك …؟؟
هاجر : لا …
نعيمة : ايوا جلسي تكمشي حداايا …
هاجر : اعععععع هووووف ….
❤ فالدار عند مريم ❤
هابطة مريم لابسة سروال جينز أسود مع تيشورت … جامعة شعرها على شكل ذيل الحصان وهازة فيديها صاكها …
مريم : صباح الخير مهم انا مشيت …
الأم زهرة : ويلي على صباح الخير انا مشيت … فين غاادية فهاد صباااح … وشنو فدااك الصاك هااكاك منفوخ …؟؟
مريم : هاانتي غا قفطان دياالي …اليوم راه جايبن الخطاب ف هبة وانمشي نكون بجنبها ..
ليلى : ااااه اليوم …ايوا الله يسر ليها …
الأم زهرة: اااه مبرووك عليها حتى نتلاقا ب ماماها ونباارك ليها …ملي هاكا سيري …
مريم : بااي بااي …
محمد أمين شافها وتم جاااي كايجري جيهتها : خاالتي خاالتي قتلتي بووعو …
مريم هزات عينيها فيهم وقالت : اااه ههه بوعو قتلتووو ههه (هزات هينيها فليلى وقالت : ههه دراري صغاار و هربات خرجات ديريكت لعند هبة ههه …)

❤ زوجة للإيجار ❤
✍كوثر الزهراوي✍
💥الجزء -84-💥
💛وصلات العشية💛
هبة وااقفة فغرفتها لابسة قفيطين فسومو ودايرة لشعرة مشيطة زوينة …ميكاب خفيف دارتو بمساعدة مريم حتى هي اللي كانت جنبها لابسة قفطانها الاحمر اللي اختارت بمساعدة فاروق ههه شعرها طالقاه ودايرة حتى هي ميكاب خفيف …
مريم : جيتي فنة ا صاحبتي ههه
هبة : ههه شكرا احبيبتي عويناتك اللي زوينين… عرفتي متوترة بزاااف …
مريم : ماتخاافيش اصلا خطبة فيها غا انا وماماك وباباك وبالنسبة لعمران فراه غادي يجي معاه فاروق وماماه وكاينة خالتو وراجلها …يعني ماكاينينش نااس بزااف داكشي خفيف ظريف ههه
هبة : اااه …ولكن وااخا هاكاك انا مخلووعة …(تسمع الدقان فالباب…)
هبة : سيري سيري اكيد هوما هاادو ايكوونو جاااو سيري شووفي الاوضااع وردي عليا الاخبار …
مريم : اويلي على سيري شوفي الاوضاع ههه
هبة : ايوا سيري شوفي رااجلك وعكوزتك سيري سيري …
مريم : ايوا الله يمسخك قالت لك راجلك …
هبة : سيري سيري …
تمات هاابطة مريم وهي تلقا الام و الأب ديال هبة وااقفين كايرحبو بالناس اللي جاو … دخل عمران هو اللول وتبعااتو خالتو وراجلها عاااد فاروق والام ديالو …
الأم د هبة : اهلا مرحبا تفضلو تفضلو …
الخالة ديال عمران : ترحب بيكم الجنة …
الأب ديال هبة : اهلا شرفتوونا …
دخلو للصالون اللي كان مصاوب ومقاد ومحطوطين طبيلات فيهم صينية د اتااي وحليواات …
عمران جالس جنب فاروق قرب ليه وهمس وقال : نااري يا فاروق تقااداو ليا شداتني الرعدة …
فاروق : يااك قلتها ليك … هاادشي علااش مابغيتش نتزوج …
عمران : احم وراك مزوج واقيلا …
فاروق : بالعما …
💥 الفوق عند هبة 💥
دخلات مريم كاتجري : جااو جااو ياختي …ايهاااي وتشووفي السي عمران طاايح عليه السر …
هبة : بصح ههه ناااري شنو دب …
مريم : دب غادي نهبط انا لعندهم ونتي غادي تهزي ديك الصيزية اللي فيها كيسان د العصير وتدخلي …
هبة مخلوعة : وااخ صافي …
مريم : عنداك تزلقي وتطيحي …
هبة : مريم واااحشوومة عليك ماتقووليش لي هااكا …
مريم : هههه صافي غا ضاحكة …
تمات هابطة مريم للتحت متوجهة للصالون … على الدخلة كاتشووف فاروق والأم ديالو جالسة حدااه …
مريم دخلات وقالت : سلام عليكم …
الأم خديجة : هاهي مرات ولدي جاات ههه اجي ابنتي جلسي حدايا …
الام د هبة نقزات وقالت : كيفاش ؟؟؟ مريم هلاه تزوجتي ابنتي بلا خبارنا …
مريم : 😳😳😳😳 اويلي فضيحة …
فاروق : لا مستحييل خرج لي هاد البلان من باالي …
عمران : انا ماعاند طاسيلتي زهر… حتال نهار خطبتي عاد غادي يديرو ليا هادو قضايا وآراء بشااااخ ….

❤ زوجة للإيجار ❤
✍كوثر الزهراوي✍
💥الجزء -85-💥
تمات هابطة مريم للتحت متوجهة للصالون … على الدخلة كاتشووف فاروق جالس والأم ديالو جالسة بالقرب منو …
مريم دخلات وقالت : سلام عليكم …
الأم خديجة هزات عينيها شافتها وتبسمات وقالت : هاهي مرات ولدي جاات ههه اجي ابنتي جلسي حدايا اجي …
الأم د هبة نقزات وقالت : كيفاش ؟؟؟ مريم هلاه تزوجتي ابنتي بلا خبارنا …
مريم : 😳😳😳😳 اويلي فضيحة …
فاروق غمض عينيه وقال : لا مستحييل خرج لي هاد البلان من باالي …
عمران : انا ماعاند طاسيلتي زهر… حتال نهار خطبتي عاد غادي يديرو ليا هادو قضايا وآراء بشااااخ ….
مريم : هااا ااه لا زعماا اه مزوجة لا لا باقة عزبة احم لا بلاتي …
فاروق شاف فمو وغمزها وقال : اجي الوابيدة نقول لك اجي …(ناض جر مو وخرجو من الصالون وتبعاتهم مريم مخللين الناس وراهم كايشوفو مافاهمين والو …)
الأم خديجة : اويلي اولدي شنو وااقع ..؟؟
فاروق يله بغا يدوي وهي تنقز مريم وقالت : خالتي علاه مافراسكش ؟؟؟
الأم خديجة : شنوو ؟؟
مريم : رااه هاد السيدة مامات العروسة فيها زهايمر كاتنسا مسكينة…مرة مرة كايهرب ليها الريزو …رااه فراسها بلي انا وفاروق مزوجين ولكن مسكينة نسات …
الأم خديجة : مسكينة الله ياربي …داكشي باش ملي شافتني عيطت ليك عروستي استغربات …
مريم : اااه رااه كاتنسا …واحد المرة نساات رااجلها وخرجاتو من داار …
فاروق حاال فمو فيها مستغرب منين كايطيحو عليها هاد الافكار الجهنمية ههه 😂😂😂
الأم خديجة : ايوا الله يعفو وصاافي …انا انمشي للحمام فين كاين ؟؟
مريم : هاهو اخالتي هااهو (وراتها الحمام …ودارت جيهة فاروق جراتو من يديه ديريكت للكوزينة .. )
مريم : تسنااني نتا هنا ماتحركش …
فاروق : فين غاادية ؟؟
مشات مريم كاتجري للصالون عيطات على مامات هبة وجراتها معاها للكوزينة …
الام د هبة : اويلي ا بنتي شنو كاتقول ديك المرة قبيل لدااخل …
مريم : كذووب كذووب ا خالتي…
الام د هبة كاتشوف فيها وتشووف ف فاروق وتقول : كيفاش كذووب ؟؟
مريم : احم شفتي هااد الراجل ( كاتنيش لفاروق اللي مافاهم واالو ههه )
الام د هبة هزات عينيها ف فاروق وقالت : مالو ؟؟؟
مريم : ميتة ليه مراتو مسكين …
الأم د هبة: الله اكبر …
فاروق : 😳😳😳😳😳

❤ زوجة للإيجار ❤
✍كوثر الزهراوي✍
💥الجزء -86-💥
مريم : ميتة ليه مراتو مسكين….
الام د هبة: الله أكبر …
مريم : اييه ماتت ليه …والام ديالو كانت عزيزة عليها المرحوومة مراتو …كانت دايراها وسط عويناتها ايوا ملي ماتت ماتقبلاتش موتها تصدماات تصدمات …
الأم د هبة متيقاها وكاتسنط ليها من نيتها وتقول : مسكينة تصدمات …
مريم : اييه وبديك الصدمة ولات اللي لقاتها تقول ليها عروستي …
الأم د هبة : اييه داكشي بااش ملي شافتك قالت لك عروستي …
مريم : اييه رااه تكون خارجة فالزنقة وتشووف البنات وتقول ها عروستي …هاا عروستي …الله يعفو عليها مسكينة …
الأم د هبة: الله الله …ايوا هادا مكتااب الله … الله يشوف من حال ميمتك اولدي …
فاروق غا كايشوف مافاهم واالو ف فعايل مراتو …مريم كاتنغز فيه وتقول : قول امين قول امين السيدة راه كاتدعي ليك مع مك …
فاروق : ااامين اامين ….
الأم د هبة: دب عااد فهمت القضية هاااكاا …. ممم ايوا نمشي نجلس مع الناس خليتهم فالصالون وحدهم …
مريم : سيري سيري اخالتي …
خرجات الأم د هبة من الكوزينة غادية متوجهة للصالون وفطريقها تلاقات بالأم د فاروق خارجة من الحمام حتى هي متوجهة للصالون …
فاروق ومريم كايطلو من الكوزينة وكايشووفو فيهم …
فاروق : ناااري عليك ا مريم …شفت حتى عييت فالجنيات ماشفت بحالك …
مريم حتى هي كاتطل وتقول : ماتخاافش ماتخافش خطة مدروسة …شوف شوف دب ماماك كاتشوف ف مامات هبة وكاتقول مسكينة فيها الزهايمر …ومامات هبة كاتشوف ف ماماك وكاتقول مسكينة مصدومة من موت عروستها …
فاروق : على آخر ايامي رضيتي ليا الواليدة حمقة … ولكن سير على الله …هادشي كوولو غادي نرضو ليك …غا بلاتي …
مريم : اناا غاا عاونتك …كون ماكنت انا كون راااك وااحل مع مك دب …
فاروق كايشووف فيهاا تنهد وقال : لا حول ولا قوة إلا بالله معاااك ….
تمو راجعين للصالون جلسو وشي كايشوف فشي …
عمران همس ل فاروق فوذنو وقال : كي درتو لهاد البلان حتى فكيتوه شفت كولشي رجع طبيعي …
فاروق كايدوي ويشوف ف مريم ويقول : نسيمة الحر هي اللي فكات لينا هاد الحريرة …
عمران فاش سمع ديك نسيمة الحر شداتو الضحكة ولكن دغيا جمعها مابغااش يعيق ههه عارف مريم داارت شي فعلة وخرجاتهم من هاد الحريرة …
الأم خديجة جالسة حدا مريم قربات ليها وقالت : بنتي مريم مال مامات العروسة كاتشووف فيا هاكا …
مريم : هاا ممم اااه رااه واقيلا تشابهتي ليها مع شي حد …راك عارفة مرض الزهايمر اخالتي صعيب صعيب …
الأم خديجة : الله يعفو عليها …
مريم : اميين …

❤ زوجة للإيجار ❤
✍كوثر الزهراوي✍
💥الجزء -87-💥
بقااو جالسين فداك الوضع هاكاك حتى تمات دااخلة هبة هازة صينية فيها كويسات ديال العصير …حطاتها وجلسات جنب الام ديالها …
الخالة ديال عمران دوات وقالت : تباركلله تباركلله على عروستنا …
مريم كاتبسم وكاتشووف فيها فرحاانة ليها بزاااف …
عمران ملي دخلات ماحيدش عينو عليها … كايشووف فيها كيفاش جاالسة ومتبثة ومرزنة …زادت زياانت وتقادات ومع اللبس التقليدي وااتااها كثر وكثر ❤…
فاروق نغز عمران وقال : وااتبث ا صاحبي نتا ملي دخلات سيدة تزعزعتي …
فاروق كايدوي مع عمران حتى حس بمريم نغزاتو وقالت : خلي السيد يفرح ويدير اللي بغا غا نتا معقد تسحابلك كولشي بحالك …
فاروق : منين طحتي عليا نتي منييين …
مريم ضرباتو بشعرها وعطاتو بالظهر ههه
فاروق : هادا غير زواج مزيف وشوف كيف تبهدلت فيه ..اما كون كان حقيقي كون تشللت ولا جاتني شي عاهة …
ا❤❤❤❤❤❤❤
بقاو جاالسين مجموعين كايدويو فهاادي و هادي …حتى وصل الوقت اللي دوات فيه الخالة ديال عمران وقالت : ايوا اسيادي حنا جينا عندكم على قبل واحد السبب معين …
عمران خالتو بدات الهضرة وهو صاافي توتر …مريم شافتو وبدات تضحك وفاروق كايغمز فيها بااش تسكت وهي واالو ههه …
الخالة د عمران : حنا جينا لدار عندكم طالبين راغبين فبنتكم المصونة هبة …الوليدات تلاقاو وتفاهمو وبغاو بعضهم وحنا جينا نطبقو العادات والتقاليد ونطلبو يد بنتكم لولدنا …
هنا دوا الأب د هبة وقال : مرحبا وألف مرحبا …انا عندي بنت وحدة واللي هي هبة …دايرها فوق راسي واللي بغاتها كانديرها ليها …عمري فرضت عليها شي حاجة …وحتى دب الراي رايها والشوار شوارها الا كانت موافقة انا غادي نزيدها غير مبروك والله يسر …
مريم دارت كاتشوف ف هبة اللي كانت حشماانة وحاادرة رااسها كاتسمع لكلام باباها …
الأم د هبة : ايوا شنو قلتي ابنتي …
مريم كاتشوف فهبة ساكتة وحادرة رااسها عرفاتها متوترة وحشماانة … هنا نقزات مريم وقالت : ايوا السكوت علامة الرضا هي مواافقة مبارك ومسعوود (بدات كاتصفق وكوولشي تبعها ونااضت الأم ديال هبة كاتزغرت وعمران مشا كايتسالم مع الاب د هبة …اما فاروق جر مريم عندو وقال : كيفاش السكوت علامة الرضا …وااش نتي حماقيتي كاتنقزي ماخليتي البنت تجاوب …)
مريم : حيد حيد داكشي ماغاديش تفهمو نتا …السيدة رااه كان قلبها غادي يسكت فهاد اللقطة كون ما انا اللي عتقتها هههه راااه فرحااانة دب شوف شوف …
فاروق كايشوف فيها وكايتنهد …سكت شحال ومشا جلس جنب عمران وقال : ياك شفتيها …
عمران : شكون ؟
فاروق : موصيبة عمري…رااهي …
عمران : وا موصيبة زوينة هاادي جمعاتني بالمرا اللي كانبغي ف ثانية هههه
فاروق : لا حول ولا قوة إلا بالله معاكم وصاافي …

بالمناسبة رااه فاروق فاش كايقول هاد موصيبة عمري ماكايقولهااش وهو فرحان ولا كايضحك… رااه كايقولها وهو معصب من مريم وطااالع ليه الدم 😂😂 رااه لحد الآن معتابر مريم بحال شي بلاء طاح ليه فوق رااسو …موصيبة جات لحيااتو وقلبااتها هههه وهو مفروض عليه انو يتحملها 😂😂😂 ….

❤ زوجة للإيجار ❤
✍كوثر الزهراوي✍
💥الجزء -88-💥
دازو لحظات زوينة خداو تصيورات للذكرى …خطوبة
دازت خفيفة ظريفة ولكن على حقها وطريقها ❤ سالاو وهنا وصل الوقت فين خااص عمران يمشي فحالو هو والناس اللي من جيهتو (خالتو وراجل خالتو وفاروق والواليدة ديالو …)
الأم خديجة : مريم حتى نتي غادي تمشي معانا يااك …نتي وفاروق تصالحتو …
مريم : ااه اخالتي كولشي بيخير .. انا غادي نعاون هبة هنا شوي فجميع هاد الروينة من بعد نجي للدار …
الأم خديجة : وااخ ابنتي …
خرجات مشات هي وخالة عمران سبقو جيهة السيارة …
فاروق : شنو دب غادي تلحقي علينا للفيلا …
مريم : اااه غادي نجي …
فاروق : صافي مزيان … مهم ايلا احتاجيتي شي حاجة صوني ليا …
مريم : يااه كاتبان ظريف …
فاروق : انا اللي داير فيك عقلي وكاندوي معاك باحترام …
مريم : اااممم احتراام …وصافي سير سير ههه
هبة جات فهاد لقطة وشافت فمريم كاتضحك …
هبة : انا يله دازت الخطوبة ديالي ولكن كانشم ريحت شي خطوبة اخرى جاايا فالطريق …
مريم : شش شنو كاتقصدي !!!
هبة : ممم شنو كانقصد …
مريم : باارااكا عليا ا هبة …اجي نتي عااودي ليا علاش دااك الفم عندك اللي ديما محلول وصل حتال اللقطة فاش خاثك تجاوبيهم وسكتي ههه
هبة : هههه ناري عليك رااه تخلعت بالصح ههه ولكن نتي صدقتي رجوولة عاونتيني …
مريم : ورااه جاوبت بااش نتهنا منك هههه
💙 فالفيلا عند فاروق 💙
نعيمة شاعلة تلفازة كاتفرج وهاجر كاتمشي وتجي قدامها …
هاجر: ناااري مالهم تعطلو …شنو يكون وقع زعما …
نعيمة : كيفاش شنو وقع ؟؟؟ وااش نتي حمقة …رااه الناس مشااو يخطبو للولد يعني غاادي يجلسو ويدويو ويتفاهمو …الخطوبة راه تعارف …ضروري يتعطلو وياخدو وقتهم ….
هاجر : كون غا دويتي مع ختك كوون رااه مشييت معاهم …نجلس غا حدا فاروق والله مانتحرك …
نعيمة هزات مخدة وشيرات عليها : واااش نتي باقا ماباغا توبي …لا لا مابقيتيش عاجبااني …
هاجر تمات طاالعة للفوق غضبااانة …دازت جيهة الغرفة د فاروق وسوس ليها الشيطان وهي تشوف يمين وشمال مابان ليها حد ودخلات سدات الباب وراها ومشات للبلاكار حلاتو وهزات واحد تيشورت ديالو وقربااتو لجيهة نيفها وبدات تشم فريحتو اللي كاتدوخها …
هاجر : كيفااش ندير كيفاااش ؟؟؟ انا بااغاااك …انا نقدر نبعيك كثر منها …. علااش اختاريتيها هي علااش ؟؟؟

❤ زوجة للإيجار ❤
✍كوثر الزهراوي✍
💥الجزء -89-💥
مريم بقات مع هبة بعض الوقت ومن بعد هزات حوايجها وخرجات ….فالطريق صونات ل ليلى …
مريم : يا ربي تسمح ليا من هاادشي اللي غادي ندير …
ليلى : الو مريم …
مريم : الو ليلى….احم شووفي انا رااه غاادي نبات اليوم عند هبة …
ليلى : وااش كولشي دااز مزيان !!!
مريم : ااه الخطوبة دازت مزياان …انا راه سيفط ليك شي تصاور فالواتساب شوفيهم و وريهم ل ماما وايلا قالت ليك شي حاجة قولي لها انو هبة شدااتني نبات عندها …
ليلى : مريم …اناا عارفااك ماغادياش تباتي عند هبة ياك …
مريم : بفففف ليلى عاافااك رااه ضروري اليوم ندوزو تم رااه كون تشووفي شنو وقع فالخطوبة كنا غاادي نتكشفو …
ليلى : عاافااك ردي البال لراسك عافاااك …
مريم : ماتخاافيش ….مهم دب نتي عارفة كولشي عاونيني ودبري أمري فالدار …
ليلى تنهدات وقالت : وااخ وااخ يله باي باي …
مريم : باي باي …
قطعات مريم مع ليلى وشدات طاكسي ديريكت للفيلا عند فاروق …وصلات لقاتهم مجموعين جالسين فالصالون …
الأم خديجة : اهلا ب بنتي …
هاجر هزات فيها عينيها بحقد وكره …
مريم : سلام عليكم … (مشات جلسات)
الأم خديجة : ايوا بقيتي مع صاحبتك هبة …جمعتو داكشي اللي جاب عمران ليها …
مريم : اااه اخالتي رااك عارفة حنا البنات كانفرحو بهادشي …
الخالة نعيمة: ايوا بااينة هاد صاحبتك عزيزة عليك بزااف لدرجة نهار كااامل ونتي معاها …سالات الخطوبة والناس رجعو فحالهم ونتي بقيتي معااها …
مريم : اااه صاحبتي وعزيزة عليا بزاااف …وحمدلله رااجلي متفهم وكايتيق فيا ويخليني نمشي فين ما بغيت ( كاتدوي وتشوف ف هاجر زعما مووتي بالسم …)
تم هاابط فاروق من الدروج كايدوي فالتيليفون … شافتو هاجر وبدات تبسم ليه وهو كاعما منتابه ليها ولا معبرها …مريم انتابهات لهاجر كاتضحك وتشوف جيهة الدروج وهي تدور وشافت فاروق …
مريم : احم سمحولي وااحد الدقيقة انمشي عند فاروق …
الأم خديجة : اااه ابنتي سيري شوفي راجلك …
هاجر كاتشووف فيها وتفقس … دارت جيهة الأم ديالها وقالت بصوت منخفض مامسموعش : شفتي ا ماما كيف كاتدير ليااا …
نعيمة : واااسوقها هااادااك تدير اللي بغات رااجلها هااداك …
مريم مشات توجهات عند فاروق باش تقول لو انو اليوم راه غادي تبات هنا …قربات ليه تحت انظارهم وهو كان كايدوي فالتيليفون …
فاروق شافها وبعد التيلي على الأذن ديالو وقال : شنو وااقع ا مريم ؟؟؟
مريم : بغيت ندوي معاك …
فاروق شافهم كايشوفو فيه قرب جيهتها وشابك صباعو مع صبيعاتها وجرها جيهة الحديقة تحت أعين هاجر اللي كاتشووف فيه كيفاش كايتمشى بثبات و رزانة وكايدوي فالتيلي وشاااد فيديها ….
نعيمة قربات جيهة بنتها وقالت : شفتي …السيد وااخا مشغوول وكايدوي فالتيليفون عطااها وقت ومافرطش فيها …. اناا قلتهااا ليك السيد رااه بااينة كايبغي مرتو …

❤ زوجة للإيجار ❤
✍كوثر الزهراوي✍
💥الجزء -90-💥
فاروق دااها حتى الحديقة وطلق من يدها وبعد عليها وقال : قولي شنو بااغا ؟؟
مريم :هاا مم صراحة انا …
فاروق : انا بغيت غا نفهم وااحد الحاجة واااش عندك انفصام فالشخصية ؟؟؟
مريم : شنو شنو …؟؟؟
فاروق : مرة كاتجي تدوي معايا باحترام ولطاافة …كاتباني زوينة وظريفة وهادية …وبعد المرات غا كاتغوتي وتخنزري وتركلي وتديري فالمصايب …منين نشدك انا منين …
مريم : ماتشدني مانشدك …عطيني التيساع …
فاروق : دب من اللخر شنو بااغا علاش اتدوي معايا …
مريم : غادي نبات هنا اليوم …
فاروق : كيفااش ؟؟؟
💥 الداخل 💥
هاجر كاتشووف فيهم من الزااج وااقفين جيهة المسبح وكايدويو …ضرها رااسها بغاات تعرف شنو كايقولو …
هاجر : احم خالتي خديجة جاني الجوووع امتا انتعشااو ؟؟
الأم خديجة : انا نوض نحطو دب …
هاجر : ااه ايوا انا نمشي نعيط لفاروق …احم خويا فاروق ومراتو انمشي نعيط ليهم يتعشاو معانا …
💙 فالحديقة 💙
مريم : كيفما كاتسمع انبات الليلة هنا …منها نيت نفيق بكري وتشوفني ماماك مهم نلعبو وداكشي …
فاروق تفكر ليلة البارح وقال : انا نعس فالسرير ونتي فالارض …
مريم : شناااهواااا ؟؟؟
فاروق : انا غير البارح دوزت معاك ليلة لا يحسد عليها نزيد حتا اليوم ….
فهاد اللقطة تمات جااية هاجر وهي تسمعو كايقول ( البارح دوزنا ليلة لا يحسد عليها…) مافهمات واالو تخبات وبدات تسنط ليهم …
مريم : كيفاش دوزتي ليلة لا يحسد عليها …
فاروق : الليلة ديال البارح عمرني نسااها … عظاامي باقي كايضرووني ا مريم بداك الركيل ….
نعيمة شافت بنتها تعطلات تبعاتها لقاتها مخبية كاتسنط على فاروق ومرااتو …ومشات ليها …
نعيمة : اويلي نتي شنو كاتديري ياهاااد الهبيلة …؟؟؟
هاجر : كانسمع غا شنو كايقولو ….
هنا نعيمة تاهي طلقات وذنيها وبدات تسنط …

❤ زوجة للإيجار ❤
✍كوثر الزهراوي✍
💥الجزء -91-💥
فاروق : اااه ا مريم ليلة البارح عمري نسااها عظاامي مازال كايضروني لحد الآن بداك الضريب ديالك …
مريم : واناا درت هااداكشي بلا شعور …
فاروق شد فجنبو وقال : ورااك تقيلة مع راسك …
مريم : وشكوون قالها لك ؟؟
فاروق : علاه نسيتي فاش جيتي طايحة فوق مني …باقا الدقة فجنبي كانحس بيها ….
مريم : ااه فاش طحنا من السرير للارض …
نعيمة كاتسنط وتقول : هيييء اويلي …
مريم : اصلا نتا السباب فداكشي اللي وقع …قلت ليك ها الارض نتا بغيتي السرير …
فاروق : وانا كانرتااح فالسرير ماكانبغيش الأرض …
نعيمة : اعوذ بالله من الشيطان الرجيم…شنو كاتسنطي لهااادشي زيدي زيدي …ياك سمعتي السيد عااايش الحياة مع مرااتو ومبرعااه ماسمعتيش هاهوما فالسرير هاهوما فالارض ماخلاو حتا بلاصة …واااا السيد فرحااان قال ليها ليلة البارح عمري نساااها ونتي بااقا كاتبني احلام ..شفتي هااد ولد خالتك غاااا نسايه شدااتو هااد مريم بيديها ورجليها …بلاما تحلمي بيه …ويلي ويلي على كانرتاح فالسرير مااشي فالارض ويلي ويلي على آخر يامي نجلس نتسنط على جوج مزوجين شنو كايديرو فالخلوة ديالهم….جرات بنتها ودخلو للداخل وهوما فااهمين الموضوع بالمقلووب 😂😂😂😂😂
مريم : وصااافي دب البارح داز نسيناااه …
فاروق : نتي نسيتيه ولكن عضامي مانسااوهش …
مريم : ياااك نتا هجمتي عليا فغرفتي وخديتي ليا السرير ديالي حتا انا اليوم غادي نهجم عليك فالغرفة ديالك وناخد ليك السرير ديالك …
فاروق : ايوا جربي وشوفي …
مريم : انقول واحد جوج ثلاثة اللي سبق للسرير ينعس فيه هاد الليلة والآخر ينعس فالأرض …
فاروق: وااش من نيتك ؟؟
مريم : واحد جوج ثلاثة …. غفلااتو ومشات كاتجري طالعة للفوق …هو شاافها هاكاك وتبعها بالجرا هههه
مريم كاتجري طالعة فالدروج وفاروق تابعها …
فاروق : مريم وقفي وقفييي …
مريم كاتجري وتضحك : ههههه عول تنعس فالارض …انسبقك للسرير ….
دازو قدام نعيمة وبنتها كايجريو ومشاو دخلو للبيت وسدو الباب ديال الغرفة بالجهد …
نعيمة : قلال الحيا كايجريو ماقدووش يصبرو حتى ينعسو النااس بااغي يديرو داكشي دب ويلي ويلي …
هاجر : هنننن ( مشات طالعة للفةق لبيتها ..)
تمات جاية خديجة شافت فنعيمة وقالت : اشنو واقع اختي سمعت صوت مريم وفاروق ….واش كانو كايجريو ؟؟؟ وفين هاجر ياك فيها الجوع تجي تاكل راه العشا وااجد …
نعيمة : هاداك العشا اناكلو غا انا ويااك اختي … بنتي غضباانة و ولدك خداام مع مرااتو مامساليش …
هاجر طاالعة للفوق لبيتها وكاتسمع فصوت مريم …
مريم : ايي فاروق عنداااك رجلي رجلي …واابشوية عليك افااروق …
هاجر تعصبات : اععععععع (مشااات دخلات لبيتها وسدات عليها وخشات رااسها تحت المخدة …)

❤ زوجة للإيجار ❤
✍كوثر الزهراوي✍
💥الجزء -92-💥
مريم كاتجري وتضحك وتقول : ههههه عول تنعس فالارض …انسبقك للسرير ….
فاروق تابعها كايجري ويقول : وااايني وحلة معااك ياا هااد البنت …
دازو قدام نعيمة وبنتها كايجريو ومشاو دخلو للبيت وسدو الباب ديال الغرفة بالجهد …
نعيمة : قلال الحيا كايجريو ماقدووش يصبرو حتى ينعسو النااس بااغي يديرو داكشي دب ويلي ويلي …
هاجر : هنننن ( مشات طالعة للفوق لبيتها ..)
تمات جاية خديجة شافت فنعيمة وقالت : اشنو واقع اختي سمعت صوت مريم وفاروق ….واش كانو كايجريو ؟؟؟ وفين هاجر ياك فيها الجوع تجي تاكل راه العشا وااجد …
نعيمة : هاداك العشا اناكلو غا انا ويااك اختي … بنتي غضباانة و ولدك خداام مع مرااتو مامساليش …
هاجر طاالعة للفوق لبيتها وكاتسمع فصوت مريم …
مريم : ايي فاروق عنداااك رجلي رجلي …واابشوية عليك …
هاجر : اععععععع (مشااات دخلات لبيتها وخشات رااسها تحت المخدة كاتفقص غا وحدها …)
💙 عند فاروق ومريم 💙
بعد مادخلو للغرفة مشاو تلااحو بجوج فوق السرير …هو كايدفع وهي كاتدفع ….
مريم : ولاااش كاتدفع فيااا راااه غاادي تهرسني ا فاروق ايي رجلي رجلي ….
فاروق : واااطلقي ليا من تيشووورت راااه غادي تقطعييه …
مريم طلقات منو وشافت فيه وقالت : انااا اللي سبقت اناااا ….
فاروق :اشنو هاااد اللعب ديال البراااهش ؟؟
مريم : ماكاين حتى شي برهوش قدك …
فاروق : شوفي عندك الزهر لقيتيني ولد الناس داكشي علاش ماغاديش نخليك تنعسي فالأرض…
مريم : ياااه اتخلي ليا سرير …
فاروق : لااا غادي تنعسي فوق الفوتوي …
مريم : فأحلامك …حيد حيد …
فاروق : شنو دب حتا هااد ليلة غادي ندوزوها فالصداع والركيل بحال البارح ….شوفي رااه باغي نحط عظامي ونرتاااح …
مريم : تانا عيااانة بااغا غاا نعس النهار كولو وانا واقفة مع هبة …بففف
فاروق : يعني خااصنا نلقاو شي حل….
مريم : اممم ااه …
فاروق يله بغا يدوي وهي تنقز مريم وقالت : صاااافي لقييتها …
فاروق عرفها غادي تقول تاني شي زبلة شاف فيها وقال : انااا ماموافقش …
مريم : ولكن باقي كاعما سمعتيني …
فاروق : ماااموافقش حيت عارف دااك الفم عندك كايخرج غا المصائب ..

❤ زوجة للإيجار ❤
✍كوثر الزهراوي✍
💥الجزء -93-💥
مريم : كاتضلمني فرااسك …انا فكرت فواحد الخطة مدرووسة جيدا …
فاروق: اناا عاارف دوك الخطط ديالك …وماموافقش عليهم وماسامعهمش هي عشرة….دب غادي نديرو المخاد بيناتنا يعني غادي نقسمو هاد السرير غادي تدوري نتي لهيه وانا هنا حتى يصبح الصباااح ومريضنا ماعاندو بااس …
مريم : ممم وااخ حتى هادا حل ؟؟؟ ولكن الحل اللي فكرت فيه حسن منو …
فاروق : ياااك ا لالة …شوقتيني نعرف شنو هاد الحل اللي حسن من هادا …؟؟ فاش فكرتي …؟؟
مريم : احم فكرت نعس انا شوي ياك ونتا تبقا فايق …من بعد نوض انا وتنعس نتا شوي …ونبقاو انا وياااك هاكا حتى يطلع الصباح …
فاروق : ياااك ا لالة … نعس انا ساعة ونوض وتنعسي نتي ساعة وتنوضي …الله على أفكارك …وااش نتي سافا ؟؟؟ وااش عقلك بيخير ؟؟ زعما عمرك طحتي على راسك وتلاقاو ليك سلوكة …
مريم : مالي ماكينة باش يتلاقاو ليا السلوكة وااه …
فاروق : حيت هاد الأفكار عندك مااشي حتال تم !!!
مريم : واااسيدي غا خليني حمقة عااجبني حمااقي …
فاروق : بفففف ( نااض وهو يحيد تيشورت )
مريم حطات يديها على عينيها وغوتات حتى قفز فاروق …
مريم : واااااش ماحشمتييييش الماسخ ….اويلي كاتعرا قداامي …؟؟؟
فاروق : راه باغي نبدل عليا باش نعس …
مريم : ديك الساعة قول لها ليا نخوي ليك هاد البيت حتى تبدل …ولا نتا غا وقتما رشقات لك كاتعرا …مامربيش …( سكتاات ملي ماسمعاتش حسو …عيطات باسمو ماجاوبهااش من بعد حلات عينيها لقااتو هز حوايجو ودخل للحمام يبدل تم …)
مريم : والله ايلا خلاني كاندوي وحدي كيف الحمقة …
دوا فاروق من الحمام وقال : وعلى سلامتنا ملي قلتي على راسك حمقة …
مريم : 😒😒😒😒😒
❤ فالدار عند مريم ❤
جالسين كايتعشاو مجموعين حتى نطق عثمان …
عثمان : فين مريم ؟؟؟
ليلى بلعات ريقها وتبتات راسها وقالت : هبة جاوها الخطاب اليوم وضلات عندها النهار كااامل راااك عااارف البنت فبحال هااد النهار كاتبغي صحاباتها يشااركوها فرحتها …وهبة عندها غا صاحبة وحدة وهي مريم داكشي باش بقات معااها ….وشداتها تبات عندها…..
الأم زهرة : هبة وعائلتها كانعرفوهوم الا دوزات عندهم هاد الليلة ماكاين بااس ….
عثمان : اااه ماكاين باس ولكن كايتوجب علينا نتاصلو نطمانو عليها ….
ليلى : الله يهديك ا عثمان غا خلي البنت …
عثمان : غادي غير نتاصل نطمأن وصافي …

❤ تتمة ❤
💫 عند مريم 💫
استغلات الوقت اللي فاروق كان فيه فالحمام ومشات للبلاكار هزات بيجامة ديالها (حيت ديجا جايبة بعض من حوايجها هنا …) هزاتها ولبساتها جمعات شعرها على شكل كعكة مهملة …مشات جيهة النافذة نفتحها بااش يدخل شوي الهواء للغرفة وهي تسمع تيلي ديالها كايصوني …مشات طلات لقات عثمان …
مريم : هوووف مريم تهدني اكيد ماواقع واالو … ليلى اكيد اتكون قالت ليهم بلي انا عند هبة …هو بغا غير يطمان أكيد …( قالت بسم الله وجاوبات …)
مريم : الو خويا …اااه بيخير امم اه انا عند هبة …هاهي معاايا دب امم اه وااخ تصبح على خير …( ملي قطعات تنهدات وجلسات فوق السرير وتكات كاتشوف فالسقف …ساااهية حتى طل عليها …)
مريم قفزات : بسم الله الرحمن الرحيم….
فاروق : اواااه تخلعتي زعما ؟؟
مريم :وعلااه شنو تسحابلك …انا سايرة نفكر وجيتي قفزتيني ؟؟؟
فاروق : كاتفكري ممم واااو …ايوا فاش كاتفكري شي خطة ؟؟؟ ولا شي بلان …
مريم : كانفكر فينا !!!! انا وياك …
فاروق سمع ديك انا وياك وتبلوكا …دار شاف فيها وقال : انا ونتي ؟؟؟؟

❤ زوجة للإيجار ❤
✍كوثر الزهراوي✍
💥الجزء -94-💥
فاروق : شنو كاتقصدي ب أنا ونتي ؟؟؟
مريم تنهدات وقالت : لاا واالو نساا …مشات هزات مخااد حطاتهم وسط السرير ونعسات فالجانب الأيمن …تكات على ظهرها وبقاات كاتشووف فالسقف …فاروق مشا للجانب الخااص بيه تكا بحاالها وقال : راااني سولتك سؤاال ؟؟؟ شنو كنتي كاتقصدي بحنا ؟؟؟
مريم تنهدات وقالت ليه : فاش قلت بلي كانفكر فيا انا ويااك قصدت بلي كانفكر فهاادشي اللي كانديرووه …
فاروق تنهد وقال : لاش كاتلمحي …؟؟؟
مريم : ماماك ا فاروق … وااش غادي تجيك سااهلة تقول ليها فاللخر د الشهر رااه مراتي ماتت …
فاروق نسااا الموضوع ماعرفتش كيفاش مشا من باالو … شاف فيها وقال : مااعرفتش …حتا يوصل دااك النهار ويكون خير …
مريم دورات رااسها لجيهتو وقالت : علااش مابغيتيش تزوج ؟؟ زعما علااش ماعاندكش مع الزواج …
فاروق : الأسباب اللي عندي هوما نفسهم اللي عندك …
مريم : كيفااش ؟؟؟
فاروق دار شااف فيها وضحك وقال : عمراان ديجا عاود ليا عليك وقال لي بلي نتي بحاالي ماكاتحمليش شي حاجة سميتها الزواج…. عزيزة عليك الحرية وكاتبغي تكوني ديال رااسك ومايتدخل فيك حتى حد …
مريم : وعمران منين جاب هادشي ؟؟ ( سكتات شوي وقالت : هبة اكيييد عطاتو ضوسي كااامل …
فاروق : هههه فراسك من ديما عزيز عليا نسافر و نخرج و ندخل و ندير اللي بغيت واي حاجة حلمت بيها نحققها …ماكانبغييش نحس بلي عندي مسؤولية او داار … الزواج كلمة كاتجيني ثقيلة …الزواج مسؤولية …الزواج علاقة ديال عمر …الزواج مااشي لعبة … الزواج هو ملي نكون كانتمشى فطريقي نشووف وراايا حيت ورايا اتكون مراة و ولاد و داار وانا مااكانبغييش شي حاجة بحال هاكا …كانبغي نمشي فطريقي ومركز على نقطة قداامي مااشي مشغوول بحوايج أخرى ورايا … ونجييك للصراحة الزواج فنظري مشرووع فااشل …
مريم كاتشووف فيه وتقول : ولكن كاينين ازواج نااجحين فحياتهم …ماشي جميع العلاقات كاتفشل …
فاروق دار شااف فيها وقال : العلاقات اللي كاتنجح كاتكون قليلة وناادرة ….كاينين ازواج محظوظين حيت لقاو بعضياتهم ولكن مع هااادشي كاامل كايدخلو بينهم المشاااكل…وانا ماعانديش مع هااد صداع الرااس … كانفضل حياتي نسيرها راسي ومايتدخل ليا فيها حتى حد …
مريم : قلتي بلي نتا كاتعتابر رااسك حر كاتبغي تسافر تخرج تدير أي حاااجة بغيتيها …بإمكانك تدير هاادشي مع الزوجة دياالك … يكفي انها تكون كاتفهمك شنو كاتبغي وشنو ماكاتبغييش…

فاروق : حتى حد فهاد الدنيا مايقدر يفهمك من غير راااسك … انا متأكد ماكاينش اللي غادي يفهم شنو بغيت انا من هااد الدنيا …
مريم سكتات شوي وقالت : وعلاش حطيتيهم وراك ؟؟؟
فاروق : كيفاش ؟؟؟
مريم : مراتك و ولادك ودارك ؟؟؟ قلتي لي دب شوي بلي الزواج هو ملي تكون كاتمشى فطريق خااصك ديما تشووف ورااك زعما تبقا مشغوول بدارك ومراتك و ولادك …علاش ماتحطهومش قداامك …اه فديك الطريق اللي نتا غاادي فيها علااش ماتكونش عائلتك قداامك ونتاا كاتمشى فطريقك … الزوجة والأولاد ماشي ديما كايكونو عبىء …راهم سند وقوة ….
فاروق شاف فيها مطول وقال : شنو نقدر نفهم من كلامك دب ؟؟؟ شفتك كاتداافعي على الزوااج وكاتحاولي تبيني ليا بلي زوين …!!!

❤ زوجة للإيجار ❤
✍كوثر الزهراوي✍
💥الجزء -95-💥
فاروق شاف فيها مطول وقال : شنو نقدر نفهم من كلامك دب ؟؟؟ شفتك كاتداافعي على الزوااج وكاتحاولي تبيني ليا بلي زوين …!!!
مريم شاافت فيه …بقاات سااكتة شحال مصدوومة من راسها ومن هااادشي اللي كانت كاتقول قبل شوي …
مريم : هااا لا كيفاش ههه من نيتك راني غير كانحااول نصحح بعض المعلومات خاطئة عندك وصااافي بففف صاافي تصبح على خير … (توترات من نظراتو و ضارت عطاتو بالظهر وغمضات عينيها مزيرة عليهم …ماحساتش بهادشي اللي كانت كاتدير …ماعرفاتش كيفاش قدرات تقول كلام بحال هاااكا … علااش علااش دوات معاه بهاد الطريقة …علاش مابغااتوش يفكر فالزواج بهاد الطريقة الخاطئة …علاش ؟؟؟؟ هي من الأول كارهة فكرة الإرتباط …واللي دوا معاها بخصوص هاد الموضوع كاتعصب …علاش دب ولات هي كاتدوي وتشرح وتبرر …فاروق فهااد اللحظة كان سااهي وكايفكر فكلامها اللي قالت وأجوبتها …. دار شاف فيها لقااها عاطياه بالظهر ومبعدة عليه تنهد ودار حتى هو نعس فحاالو….
❌❌ بعد مرور ساعات ❌❌
حلات عينيها ودارت بشوية شاافتو ناااعس وشعرو طاايح على جبهتو بطريقة مهملة …لايح الغطا على نصو ونااعس … نااضت هزات تيلي ديالها طلات لقات 03:30 ديال صباح …
مريم : فيااا جوووع …شنو دب ندير نفيقو …بفف ايلا فيقتو غادي يبدا يغوت ويقول ليا نتي موصيبة طحتي فوق رااسي نتي موصيبة عمري اللهم بلااش نمشي ناكل بوحدي ونطلع …
ناضت مريم بشوي حلات الباب وخرجات تمات هابطة للكوزينة …
هاجر جالسة فوق السرير ديالها مانعساتش … الليل كولو وهي كاتفكر فيهم …كاتفكر كيفاش كايضحكو …كيفاش كايبقااو جنب بعضياتهم …كيفاش فاروق ديما كايجر مريم لحضنو …كيفاش مفاهمين …
هاجر : هاااد البلاصة اللي فيها نتي امريم كانت غاادي تكون بلااصتي … انا اللي كان خاصني نكون فحضنو …انا اللي خاصني نكون معاه فالغرفة انااا انااا…ولكن نتي …نتي خربتي كولشي ( سمعات صوت أقدام جنب الغرفة وقالت : شكون ايكون فايق فهاد الوقت ؟؟؟ (دارت شافت ماماها لقاتها ناعسة حداها وناضت حلات الباب طلات وهي تقشع مريم هاابطة من دروج …)
هاجر : نايضة ف نصاصات الليل …(لبسات فرجليها وهبطات تبعاتها …)
💫 عند مريم لتحت 💫
يله حلات الثلاجة بغات تشوف شنو تاكل حتى كاتحس بالضوء شعل فالمطبخ …دورات وجهها لقات هاجر واقفة فالباب مربعة يديها وكاتخنزر فيها ….
مريم : اش واقع ؟؟ مالك كاتخنزري فيا….؟؟
هاجر : نسولك نتي ابنت الزنقة …!!
مريم : نعام نعام …
هاجر : كيفما سمعتي ….

مريم : نتي شنو كاتقوولي ؟؟؟ اش هاد قلة الحياء !!!
هاجر : نسولك نتي على هاد قلة الحياء اللي كاتديري …كاتصرفي بحالا نتي وحدك فهاد الدار …اشنو دوك التصرفات وسدان البيبان …كاتعيشو الحب والرمانسية هاكا بالعلالي …
مريم : كيفااش سدان البيبان ولا الزبل ؟؟؟ واصلا نتي ماالك سووقك …ديها فحالتك …
هاجر : ااه هههه نسيت ممم نتي موالفة هاادشي … موالفة هاد التصرفات مع الرجال يمكن دااكشي علاش هزك فاروق من زنقة وتزوج بيك …ياك ماعاندك لا عائلة لا أصل …كنتي غا فزنقة يمكن تكوني صيدتيه ولا سحرتي ليه حيت وحدة ملقطة بحالك مستحيل يشووف فيها فاروق … لا أصل لا فصل لا عائلة لا إحترام لا تربية …
مريم ماحسات حتى هزات يديها وهي تصرفقها حتى عواج حنكها ….

❤ زوجة للإيجار ❤
✍كوثر الزهراوي✍
💥الجزء -96-💥
مريم ماحسات حتى هزات يديها وهي تصرفقها حتى عواج حنكها ….
مريم : جمعي فمك وعمرك تفكري تدوي عليا سمعتي الموسخة …
هاجر : الموسخة هي نتي … اللي مامربياااش …الله ينعل اللي رباك الحمارة …
مريم طارت على راااسها وهي تبدا كاتنتف فيها وتضرب …
مريم : انااا مربية كثر منك الحمااارة …
هاجر : ايييي ماما مااااااماااا ….
💥 عند فاروق 💥
ناعس حتى كايسمع شي صداع لتحت …ماعطاش للأمر أهمية دور وجهو وحط يدو بلاصة مريم لقاها خاوية …
فاروق : مريم (ناض قفز ملي مالقااهاااش تم هاابط طااير لتحت … توجه لمكان الصوت لقاهم هااكاك ..مشا ديريكت طااار على مريم جرها …
مريم : طلق منيي طلق انا نوريها …انا غادي نقتلها دب ونتهناااااا ….
فاروق : مريم رصااااي رصااااي (جرها وبعدها عليها ..)
هاجر : اهئ اهئ اهئ فااروق وااش شفتي شفتي كيفاش كانت هاجمة عليااا …شفتي ا فااروق اهئ شعري كولو نتفااتو …
مريم : كاتديري دب قناااع ديااال البراءة ياااك …يااك
فاروق : صااافي سكتوونا نتومااا شنووو هاد الفعاايل …راكم بعقلكم زعما … ونتي دار شاف فهاجر وقال : طلعي فحالك تنعسي ….
هاجر : ولكن ….
فاروق : صافي سدينااا …
مريم شافتهم هاكاك وخرجات توجهات للحديقة جنب المسبح …وقفات تم وبدات تبكي … فاروق تبعها بااغي يحاسبها ملي شافها فديك الحال تصدم مابقا عارف مايدير …كايشووف فيها كاتبكي وكاتشهق غا وحدها ودمووع فعينيها وفوق خدودها …
فاروق : مريم …تهدني …عاودي لي شنو وقع …كيفاش حتى تدابزتو …!!!
مريم : هاااديك بنت خاالتك موتها غادي يكون على يدي …كنت غادي نصفيها ليها اهئ اهى ماعااندهااش الحق ماعاندهااش الحق تسبزي وتعايرني وتقولي مامربيااش …
فاروق فهم البلان تنهد وقال : مريم واش هي قالت لك بلي راك بنت زنقة !!!
مريم : اااه بطبيعة الحال السيدة ماخلات ماقالت بخصوص هاد الموضوع …
فاروق : وراه عادي …
مريم دارت شاافت فيه بصدمة وقالت : كيفاش عاادي !!!
فاروق : ماتفهمينيش غلط ولكن هوما رااه ماكايعرفووكش شكون نتي ؟؟؟ هوما ماعارفينش بلي هادي غا لعبة ؟؟ هوما ماعارفينش بلي عندك عائلة وحباب وصحااب …
مريم : اااه وااخا هااكاك …ماعاندهااش الحق تحتاقرني بهااديك الطريقة …انا عاارفة بلي هوما معتابريني بنت مقطوعة من شجرة … انا صبرت على كولشي اااه صبرت على كلامها القاسي ولكن فااش قالت لي ديك الجملة ديال ” الله ينعل اللي رباك الحمارة ” هااادي مستحييل نسمح ليها فيها واااخا تكون هادي مجرد لعبة سمعتيي .
سمعتيي ….اهئ اهئ (قالت كلامها وطاحت على ركابيها منهارة كاتبكي …)
فاروق تحنا عندها كايسكت فيها …
مريم : واليديا ربااوني أحسن تربية وانا عمري درت شي حاجة خايبة اللي تخليهم حشمانين …ماشي من حقها انها تدوي عليهم بديك الطريقة وتلعنهم اهئ اهئ ….

❤ زوجة للإيجار ❤
✍كوثر الزهراوي✍
💥الجزء -97-💥
فاروق ماحس براسو حتى خشااها فحضنو وهمس جيهة وذنها وقال : نتي مربية أحسن تربية … نتي من أروع البنات اللي شفتهم فحياتي …
مريم هزات عويناتها المدمعين فيه وقالت : شنو …
فاروق : ماتخليش كلام بحال هاادا يأثر فيك … خلال هاد المدة اللي تعرفت فيها عليك عرفتك وعرفت أصلك او بالمفهووم ديالنا حنا عرفتك شنو كاتسوااي ا مريم … نتي بنت مربية و مأدبة و ظريفة وحنينة وعلى قبل الناس اللي عزاز عليك تي تديري أي حاجة وبحال هاد الصفة ماكاينااش عند بزاف ديال الأشخاص …على قبل سيدة وبنتها دخلتي معايا فهاد اللعبة ونتي ماعارفاتش شنو جااي من هنا للقدام …وافقتي وصاافي بالرغم من أنك ماكنتي كاتعرفي عليا واالو حطيتي يديك فيدي ومشيتي معايا فهااد الطريق …. فراسك كان بإمكاني نلقا بنت تلعب معايا هاد الدور وتعيش معاايا وتكون فرحااانة وتبدا تستفزني بالفلوس وبشحااال من حااجة ولكن القدر حطك قداامي …عاونتيني فبزااف د الحوايج وخرجتيني من بزااف د المشاكل …كنتي سند وااخا فيك الصدااع والمشااكل والنكير هههه
مريم ضحكات وسط دمووعها …
فاروق : نتي بنت مزياانة …سمحي لي وااخا بسببي اضطريتي انك تبداي تكذبي على واليديك وعائلتك …ولكن …
مريم محات دموعها وقالت : هاانية …اصلا فاللول كنت كانقول بلي انلعب هاد اللعبة واتجيني سااهلة ولكن دب …
فاروق : مالك دب …
مريم سهات فيه وقالت : المشااعر ديالي غلبو عليااا …
فاروق : كيفاش !!!
مريم دغيا بدلات الموضوع وقالت : احم المشاعر كانقصد بيهم ماماك …بقات فيااا …فاللخر د الشهر انرجع لحياتي الطبيعية وهي غادي تاخد خبر صااادم غادي يدمرها …كانشووف فيها دب كيفاش فرحاانة ومن بعد كيفاش غادي تكون حالتها …
فاروق : ماعرفاش هاد الموضوع شوي حساس بالنسبة ليا …. راااك عارفااني ماكانبغيش ندوي فهادشي حتا يوصل وقتو …يله نوضي تنعسي …
مريم : كيفاش حتى يوصل وقتو ا فااروق …واش غادي تجيك ساهلة توقف قدامها وتقول ليها مراتي دارت كسيدة مااتت وانا من وراها ماباغي نتعرف على جتى وحدة …هادا هو الحل اللي لقيتي بااش ماماك مابااقيش تقول ليك نوض تزوج نوض تزوج…
فاروق : مريم ….
مريم : نعام …
فاروق : نوضي تنعسي يله …
مريم محات دموعها ونااضت وقالت : ونتا ؟؟
فاروق : انا جااي …

مشات مريم وخلات فااروق فدواامة ديال الأفكار …. تحرك ومشا ديريكت للبيت عند هاجر حل الباب بشوي بانت ليه فوق سريرها …شاف فخالتو اللي كانت ناعسة فنفس الغرفة وعاود حول النظر ديالو ليها …هاجر شافتو غمزها ودار ليها اشارة تجي عندو …فرحااات نااضت كيف البريئة خرجات عندو وسدات الباب ورااها …يله بغات تدوي حتى حسات برايها لاصقة مع الحيط و يديه محاوطة عنقها ….
فاروق : قلبتي عليا يااك ابنت خالتي ….

❤ زوجة للإيجار ❤
✍كوثر الزهراوي✍
💥الجزء -98-💥
هاجر : كح كح فف فااروق …كح رااك خنقتيني …
فاروق : عمرك شفتيني معصب ياااك …من ديما مبين ليك الوجه الزين …ولكن دب رااك ضبرتي علييها …(قرب جيهة وذنها وقال : مرااتي خط أحمر سمعتي … نلقاك مرة اخرى كاتدووري بجيهتها مانضمنش ليك شنو يمكن ندير فيك … هاادي دوزتها ليك على قبل مك اللي هي خاالتي… درت بحسااب العشرة والدم …(طلقها ووقف كايشووف فيها كيفاش كاتلتاقط انفااسها …)
فاروق : ودب غادي تغبري عليا كمارتك وتدخلي وتسدي داك الفم لا نهرسو ليك …وبااقي نسمعك قلتي ليها شي حاجة ماشي حتال لهيه ولا ضرتي بساحتها ديالتك اتكون هي اللخرة معايا ابنت الخالة …
هاجر طارت من حداه…دخلات للبيت سدات عليها كاتنهج وكاترعد …اول مرة فحيااتها تشووفو هاااكا …اول مرة تشووف وجهو الخاايب …كان باين عليه بلي معصب بزااف …ملامحو تغيرات وهضرتو قسااحت …نفسو الحارة اللي كاتضرب فوجهها بااقا كاتحس بيها …حطات يديها جيهة قلبها مخلووعة …لهااد الدرجة كايخااف عليها…لهاد الدرجة عاطيها قيمة …
❤ #عند_فاروق ❤
مشا توجه للغرفة ديالو حل الباب دخل شاف فالسرير مالقااهاااش دور رااسو فالغرفة وااالو …هنا سمع صوت الماء مطلوق فالحمام …عرفها الداخل …مشا جلس فوق السرير حتى خرجات مريم …
فاروق شاف فيها وقال : بيخير …
مريم : حمدلله …
فاروق : يله اجي نعسي …(ناض وقف …)
مريم : ايوا ونتا ؟؟؟
فاروق : غادي نطبقو الخطة ديالك ا لالة …نعسي نتي شوي ومن بعد نعس انا ههه غادي نديرو النوبة على السرير …
مريم : واااش حماقيتي ههه وااش من نيتك ديتي على هضرتي ؟؟ هادا راه البيت ديالك وهادي دارك !! هادا راه سرير ديالك من حقك نتا تنعس فيه …
فاروق : وااقبل شوي ماكنتيش كاتقولي هادشي …كنتي معاندة معاايا وكاتجابهيني …
مريم تنهدات وقالت : نعس نتا فبلاصتك وانا غادي نعس فالأرض …
مريم قدام عينو طلقات الفراش فالارض وتكات كاتشووف فالسقف يله بغات تغمض عينيها حتى كاتحس بيه جااا جنبها للارض …
فاروق : بما أننا شركاء فاللعبة فكانضن خااصنا نكونو شركاء فكولشي …شركاء فأي حاجة غادي نديروها هااد الشهر …
مريم كاتشووف ليه وسط عينيه ماحساات حتى قالت : ماتديرش فيا هاكا ا فاروق عاافااك …
فاروق بقا سااكت كايشووف فيها من بعد نطق وقال : عااودي ليا على راسك …
مريم ضحكات وقالت : انااا !!!
فاروق : ااه بغيت نسمع قصتك …
مريم : ممم واخا مهم سميتي مريم فعمري 21 عام كانقرا ف …..
هنا فاروق قاطع مريم وقال …
فاروق : هااادشي كانعرفو …انا ماقلتش ليك عرفي على راسك …انا قلت بغيت نسمع ليك …بغيت نسمع قصتك …قصتك الحقيقية …بغيت نعرف عليك حوايج ماعارفينهومش الناس الآخرين عليك …
مريم : ولكن علاش انعاود لك ؟؟ بصفتك شكوون ؟؟
فاروق : بصفتي الزوج ديالك المزيف …
مريم : وهانتا قلتيها مزيف …
فاروق : ولكن حنا فلعبة …وكانضن خاصنا نلعبوها مزياان ويكون كوولشي على حقو وطريقو وااخا غير بالضحك …

❤ زوجة للإيجار ❤
✍كوثر الزهراوي✍
💥الجزء -99-💥
فاروق : ولكن حنا فلعبة …وكانضن خاصنا نلعبوها مزياان ويكون كوولشي على حقو وطريقو وااخا غير بالضحك …
مريم : اشمن ضحك الله يهديك …
فاروق : بحال مثلا انا قلت لك علاش مابغيتش نتزوج …ونتي علاش مابااغاش تزوجي …نورمالمون بنت فسنك رااه خاصها تكون كاتطير وكاتقلب على شي راااجل تلصق فيه وتزوج وتدير الولاد ….
مريم : راااني قلت ليك علاش …عزيزة عليا الحرية وعزيز عليا نعيش حيااتي وحدي ومايتحكم ليا فيها حتى حد … باقي مامستعدااش انني نرتبط بشي شخص …
فاروق : مامستعدااش ترتابطي ولا مازاال مالقيتي الشخص المنااسب …
مريم دارت شافت فيه وقالت : فاروق …صحيح انني ماعانديش مع شي حاجة سميتها الزواج حيت أغلب الأمثلة اللي شفت قداامي كرهووني فيه …بحال إبتسام اللي خلات قرايتها ومشات تزوجات و ولدات فاللخر راجلها لاحها ومشا عند وحدة اخرى وخلاها فالزنقة ماسول عليها ولا طمأن على أخبارها …مادارش بحساب العشرة اللي كانت بينهم وزيادة على هادشي كان بااغي ياخد ليها بنتها …وكاينة حتى بنت أخرى كانعرفها تزوجات وخلات قرايتها وأحلامها على قبل الراجل اللي كاتبغي فاللخر ملي عرفها ماكاتولدش لاحها للزنقة ومشا جااب وحدة اخرى ماباقي بان ليه لا زواج لا عشرة …وكاينة بنت جيرانا …بنت 16 عام زوجوها لشخص كبر منها حيت فالعادات ديالهم البنت الى وصلات لهاد السن كايخصها تزوج وتدير داارها وتدق وتادها … واحد السيدة كانعرفووها كاتخدم فالديور على قبل ولادها باش توفر ليهم شنو بغااو وشنو تمناو علاش ؟؟ حيت راجلها طلقها ماباقيش عجبااتو عينيه مشاو لوحدة اخرى …نكر ولادو ونكرها هي اللي مقطوعة من شجرة وماعاندها حد …وزيييد وزيييد تعرفت على بنات عاااناااو بزاااف …قريت فالإنترنت على مشاااكل بزاااف الشيء اللي خلااني نضرب ألف حساب وحسااب …
فاروق : ولكن بحال هاد المشاااكل ماشي السبب ديالهم هو الزواج … يمكن يكون السبب هو واحد من الزوجين …الواحد ايلا بغا يتزوج خااصو يختار شخص يرتاااح معاااه شخص يتقبلو بجميع العيووب ديالو …شخص يكون معااه فالحلوة والمرة ….
مريم بغاات تهضر وتزيد تعمق معااه فالموووضوع ولكن حساات بشي حااجة من لدااخل كاتمنعها …
مريم : كانضن بلي الوقت تعطل تصبح على خير …
فاروق : احم ااه عندك الحق الوقت تعطل تصبحي على خير …
مريم دارت وعطاااتو بالظهر …ماعرفاتش توصف هااد الشعور اللي جاها فهاد اللحظة … ولات غير كاتشووف فيه كاتسهاا وكاتغرق فتفااصيل وجهو …طريقة كلاامو …نبرة صووتو … قبل شوي كانت كاتشرح ليه وكاتبرر ليه بأنو الزواج زوين …كاتبين ليه بلي الشخص مزيااان تكوون عندو زوجة و ولاد يدعمووه ويكون سند ليه فهاد الحياة … شنو هاادشي كاتدير …يااك هي ماعاندهااش مع فكرة الإرتباط والزواج …شنو كانت كاتدير قبل شوي فااش كان كايشرح ليها الموقف دياالو !!!!! شنو ممكن تسمي هاادشي ؟؟؟
أما فااروق فبعد ما وعا على رااسو شنو قاال الدنيا داارت بيه …هي كاتقول ليه بلي شاافت أمثلة لعلاقات فااشلة وهو كايحاااول يبدل الرأي دياالها … علاش وكيفاش وشنو اللي خلاه يدير هاكاك …ماعرفش … كيفااش جااتو الجرأة يقول كلاام بحاال هاااكاك !!!!!
بقاااو بجوج نااعسين فالأرض كل وااحد فجهة …وحتى وااحد ماكايشوف فالآخر حتى طلع الصباح 💛💛💛

❤ زوجة للإيجار ❤
✍كوثر الزهراوي✍
💥الجزء -100-💥
💫 أصبحنا وأصبح الملك لله 💫
فاق فاروق هو اللول …حل عينو مع كااان معنكش فنعااسو … دور وجهو كايقشعها ناااعسة جنبو والمسافة بيناتهم قليلة … شعرها مجمووع والشميسة اللي داااخلة من النافذة ضاربة فوجهها … بقااا كايشوف فيها وماشعر حتى مشات يدو للمقبط بااش جامعة شعرها وحلاتو وهوما يطيحو خصلات شعرها فوق المخدة …بقاا كايلعب بيهم وكايحركهم وهي نااعسة مااجايبة لدنيا خبار …ماعرفش علاش ولا كيفااش ولكن حس انو خاااصو يغتانم الفرصة محدها نااعس ويتأملها وهي هادية وساااكتة ….كانت كاتبااان فشكل …كاتباان بحال شي طفل صغير نعس بعد ما عيا من اللعب …كيووت بزاااف …مريم اللي ناعسة دب مااشي هي مريم اللي كاتجري وتغوت فالنهار ههه
فاروق : سولتيني البارح وقلتي ليا ( كيفااش غادي تقدر تقول للواليدة ديالك بلي انا توفيت ) اناا برااسي مااعاارفش كيفااش غادي نقدر ندير حااجة بحاال هااادي ..حيت انا …انا مازاال باغيك تلعبي معاايا هااد اللعبة …ماازاال بااغيك تلعبي معاايا علاش ماعرفتش …!!!!
ناض من حداها وتمشا لجيهة الحمام …
فهاد اللحظة مريم كاانت نااعسة ماجايبة خبار حتى كاتسمع الدقان فالغرفة …وسط نعااسها كاتقول : وااا ليلى وبلاتي شوي ونفييق …
الأم خديجة كاتدق وتقول : فاااروق …مريم …
مريم حلات عينيها ملي سمعات الصوت …عرفات بلي هي ماشي فدارهم دغيا نااضت جمعات الوقفة كاتشووف رااسها ناعسة فالارض هزات داكشي اللي مفرشين فالارض ومشاات كاتجري للبلاكار خباتو تم عاااد من بعد مشات حلات الباب للأم خديجة …
مريم : صبااح الخير خاالتي …
الأم خديجة : صباح النور ا بنتي …كيف صبحتو مزيان …
مريم : حمدلله بيخير …
الأم خديجة: البارح طلعتو نعستو بلا عشا داكشي بااش جيت نفيقكم ونقول لكم رااه الفطور وااجد …
مريم : اااه وااخا ا خالتي …صراحة انا اللي كنت ناوية نقادو ولكن سبقتيني حتى هاد المرة …
الأم خديجة: بااقي يامات الله طويلة فين تقاادي الفطور ابنتي …دب هبطو تفطرو …فيين فااروق مابانش لي ؟؟
مريم : حتى انا مابانش ليا ؟؟؟ ملي فقت مالقيتووش اكيد ايكون خرج يجري ولا لتحت فالجردة رااك عارفااه كايفيق بكري …
الأم خديجة : وااخ انا نهبط نشووفو …يله هبطي تفطري …
مريم : واااخ اخالتي نبدل عليا ونجي …
دخلات مريم وهي مافبالهااش بلي فااروق لدااخل فلحمام …
💛#عند_فاروق💛
مدابز مع الماء مابغااش يتطلق ليه …كاان وااقف تحت الرشاشة دااير شمبوان لشعرو …كان كايدوش عاادي حتى تقطع المااء …
فاروق مغمض عينيه وعرياان والشومبواان معمر رااسو ههه
فاروق : واا موشكيلة هادي على الصبااح …هادشي عمرو وقع !!!
💛عند مريم💛
مريم كاتدوي مع راسها وتقول : اويلي انا قبل مانعس رااه جمعت شعري ماالو دب محلوول …ياكما نكون نضت فالليل حليتو بففف ماعقلتش (غادية متااجهة للحمام بااش تغسل وجهها وتطرف حالتها …حلات ودخلات غا لقااتو قداامها وهي تطلقها بغووتة …)
مريم : ااااعع اوييلي نتا هنااا ناااري عريان تااني … فاروق المااااسخ ….
يتبع ….

Leave a comment