Skip links

قصة : زوجة للإيجار 3

 3,128 عدد مشاهداات

❤ زوجة للإيجار ❤
✍كوثر الزهراوي✍
💥الجزء -51-💥
عثمان : ليلى …
ليلى قفزات : هاااا نعااام …
عثمان : ماالكي وااقعة شي حاجة ؟؟؟
ليلى : لا ماوااقع واالو …
عثمان : غير بنتي ليا مااشي حتاال لتم هاد النهار …
ليلى : لا لا اناا بيخير ..احم انا نوض نوجد ليك محمد أمين وصلو فطريقك للمدرسة …
عثمان : واااخ …
ناضت ليلى هربات من نظرات رااجلها ومشات عند محمد أمين كاتلبسو وتوجدو للمدرسة …
ليلى : اويلي عليك يا مريم بااغا تسكتي ليا القلب … نتي عاارفاا خوك عثمان غير من شووفة وحدة كايقرا ملامحي وكايعرف شنو بياا ..دب كيفاش غادي ندير نتصرف كيفاااش…
محمد أمين : ماماتي …مالك كاتدوي بوحدك …؟؟
ليلى : كاندوي بوحدي حيت العقل اللي عندي دااتو عمتك الحمقة …
محمد أمين : هههههه
ليلى : كاتضحك هههه وازيد زيد باباك كايتسنااك …
❤عند مريم❤
كاتدور فالغرفة وتشووف كل حاجة فين محطوطة وكدا .. حيت زعما هاادي الغرفة ديالها هي وراجلها ههه
سمعات باب د الحمام تحل ودارت …
مريم : شوف رااه ضروري خاصنا …( شافت فاروق لاوي على نصو فوطة والفوق عرياان …)
مريم : اويلي مااالك مااسخ …(غمضات عينيها …)
فاروق : هاهي دارو ليها البريز عااود تاني … بقاااي بقااي مغمضة عينيك حتى نلبس …
مريم عاطياه بالظهر ومغمضة عينيها وكاتقول : ديك السااعة دخل معااك حوايجك للدااخل لبسهم وخرج كيف النااس ..اويلي رااه خاصك ترااعي ليا راااه معاك بنت محترمة جدا جدا فالغرفة وااه ا خويا …
فاروق صاافي ولف عليها ههه هي كاتدوي وتغوت وهو كايتسنط وسااكت …راضي بقضاء الله ههه …بقا هاكاك حتى لبس ومشا قرب ليها حيد ليها يديها على عويناتها وقال : ايلا ساليتي الخطاب ديالك يله نهبطو …
خرجو من الغرفة وتمو هابطين للتحت …لقاو خديجة ونعيمة وبنتها هاجر جالسين فالطبلة …فاروق غير قرب حداهم وهو يشابك صباعو مع اصابع مريم …
مريم شعور غريب حسات بيه فديك اللحظة حيت اول مرة شي راجل يشد فيديها بديك الطريقة ويشابك صبااعو بصبااعها …واخا غير ثمتيل انما للحظة حسات كأنو حقيقة …فاقت من سهوتها فااش سمعات صوت الأم خديجة….
الأم خديجة: اهلاا اهلا بوليداتي …كيف صبحتو مزياان …
مريم : حمدلله ا خالتي …(شافت فالطبلة وقالت : علاش عذبتي رااسك ..كنت انوض انا نديرو …)
الأم خديجة : لاوااه ابنتي …راكم باقيين بالنسبة ليا عرسان جداد ههه هادا فطوركم الأول معايا …
الخالة نعيمة: ايوا ماكاين بااس ..ايلا ماطيباتش مريم الفطور اتطيب الغداء …(شافت ف هاجر بنتها وغمزاتها …)

❤ زوجة للإيجار ❤
✍كوثر الزهراوي✍
💥الجزء -52-💥
هاجر دارت رجل على رجل ملي سمعات مريم اتدخل تطيب الغداء … يله اتبدا تشرط وتقول فالشهيوات اللي بغات فالغدا وتصعب الموقف على مريم وهو ينطق فاروق وقال : مريم عندها قرايتها ..ماغادي تطيب لا غدا لا واالو …
الخالة نعيمة : اويلي علااه بااقا كاتقرا …(دارت شافت ف بنتها هاجر وخنزرات)
فاروق هاز كاسو ديال القهوة رشف منو رشفة وبدون مايشوف فخالتو جاوب وقال : اااه كاتقرا …
الأم خديجة شافت فمريم وقالت : مافراسيش ا بنتي بلي كاتقراااي …
مريم بغات تدوي وهو ينطق فاروق وقال : اااه راه كاتقرا عندها السنة الثالثة فالجامعة ديال الإقتصاد هاد العام نشاءلله تاخد الإجازة ديالها …ورااها كاتحاول توافق ما بين قرايتها ودارها يااك احياتي …
مريم بلعات ريقها كاتشووف فيه كايدوي عليها وعاارفها فاش كاتقرا واشمن سنة عندها …شافت فيهم وقالت : ااه اااه حمدلله عاطية لقرايتي وقت ول داري وقت …
الأم خديجة : تباركلله عليك ابنتي الله يكمل عليك …هي ايلا ساليتي قرايتك اتخدمي فالشركة مع ولدي عمران ؟؟؟
مريم يله بغات تدوي …وهو يقاطعها فاروق وقال : اكييد بلاصة المرا جنب رااجلها …وانا غادي نكون فرحاان ومهني ملي تكون بجنبي مراتي فخدمتي …
مريم كاتشووف فيه وحالة فمها …تاقن الدور ومندااامج فيه هههه
الخالة نعيمة: ولكن من هنا للقدام اوليدي فاروق رااه ماغاديش تقدر على الخدمة فالدار والخدمة على برا ….الدار والمقابلة ديالها رااه مسؤولية …
فاروق : انا مااشي من النوع اللي كانفرض على المرا انها تجلس 24 ساعة فالدار وتقاابلها …حتى هي عندها حياتها خاصها تعيشها وتمتع بيها … اللي بغااتو مريم تديرو …بغات تقرا وتخدم اولا بغات تجلس فالدار هاداك قرارها ..وهي هاد الساعة كاتقرا …
مريم كاتشووف وساكتة …
الأم خديجة : اييه ماكاين بااس ….
كملو الفطور ديالهم فجو من الضحك والفرح … خديجة فرحات بزاااف ملي شافت مريم متفاعلة معاها وكاتدوي وتجااوب وعفوية مافيهااش الشيكي كيف بعض العرايسات …وكذلك لقات بلي فاروق معاود ليها بزااف عليه وعلى عائلتو وخواتاتو …هنا فهمات انو مفاهم معاها بزاااف وتايق فيها ومعاود ليها على اسرارو …
بعد ما سالاو الفطور نعيمة جرات بنتها ومشاو جيهة الدروج …
نعيمة : ياااك شفتي البنات اللي كايفهمو …هاهي طيراتو … دجاجة بكاامونها تحيدات من يديك ومشات لعند مريم … شوفي كيفاش كايعاملها وعااطيها الحرية ديالها … ايلا بغات تدخل كاتدخل …بغات تخرج كاتخرج … بغات تقرا كاتقرا ….بغات تخدم كاتخدم …شفتي …ياك شفتي كوولشي على عينيك …
هاجر : صااافي ا ماما هااد الحااال رااه ماغاديش يدووم …
نعيمة : ايوا هاد الساعة رااك ماكاتديري واالو من غير انك كاتفرجي فيهم كايتحاابو قداام عينينا …
هاجر ضربات برجليها ومشات طلعات للغرفة اللي جالسة فيها هي ومها …

❤ زوجة للإيجار ❤
✍كوثر الزهراوي✍
💥الجزء -53-💥
فالطبلة ديال الفطور بعد ماناضت نعيمة وبنتها تبعاتهم الواليدة ديال فاروق وبقاات مريم الراس فالراس مع فاروق …
فاروق هز عينو لقاها كاتشووف فيه بطريقة غريبة …
فاروق : مالنا تاني ؟؟
مريم : منين عرفتي هاااد المعلومات كااملين عليا …؟؟ كاتدوي وكأنك كاتعرفني نيييت …وااش مشيتي بحثي عليا ولا شنو …؟؟؟
فاروق كتيدوي ببرود وكايقول : مامساليش بااش نبحث عليك…عمران اللي تكلف ليا بهاد المووضووع …جاب لي معلومات عليك وسول خطيبتو على شنو كاتبغي وشنو ماكاتبغيش ..يعني على الأقل عندي عليك شي معلوومات اللي نقدر نسلك بيهم رااسي …
مريم : وعلااش ماسولتينييش انا …كنتي تسولني ونجاوبك …
فاروق : ماقااد على صدااع الرااس … ايلا جبدتك اجااا ماسكتك …
مريم : ياااك …(عضات على شفاه ديالها بغيض وقالت فخاطرها : وااخا اسي فاروق …ياك عند بالك عارف عليا معلومات اناا انزيد نفاجئك بمعلومات اخرى حتا يولي عندك فائض فالمعلومات …)
فاروق : يله نوضي وجدي راسك انا دايز للشركة ندوزك معايا لقرايتك …ومن بعد شوفي كيف تديري مع عائلتك ورجعي لهنا …
مريم ناااضت وقفات على رجليها يله بغات تخطي خطوة فاروق هز رااسو لقا خالتو هاابطة من دروج وهو يغفل مريم وجرها ضمها لصدرو …
فاروق : الحبيبة دياالي يله يله غادي نتعطلوو …
مريم : واااا بشويا راااه عظامي غا على قد الحااال …
فاروق كايشوف بنص عين فخالتو اللي قلبات الطريق ملي شافتهم هااكاا …عاد طلق مريم …
مريم كاتنهج : الله يا خويا الله سخفت … جمعتيني بيد وحدة كنت شوي ونطرطق ليك بين يديك هوووف …
فاروق : زيدي زيدي شحال فيك … وهاااد خويا شنو ندير ليك باااش تحيديها من داك الفم …ايلا بقيتي هااكا غادي نتفضحو من نهار لول …
مريم : وشنو نقول ليك زوجي قرة عيني …راني ماموالفااش بهادشي اخو..(يله بغات تقولها وهو يخنزر فيها فاروق ههه وهي تقول : احم راجلي راجلي …)
فاروق : ياربي صبر …
سبق طلع للفوق وتبعاتو من اللور حتى هي باش تهز ساكها ويوصلها للجامعة ….

🌼 عند هاجر 🌼
هاجر جاالسة كاتفكر حتى تحل عليها الباب مرة اخرى …
هاجر : مااامااا شنو بغييتي ياك يله خرجتي من عندي …
نعيمة : لا واالو مابغيت وااالو … غااا دوك الحوايج ديالك اللي حطيتي فالبلاكار البارح جيت نقول لك غااا جمعيهم باش ترجعي فحالك معايا للرباط حيت مستحيييل تكون عندك شي حاجة مازال فهاد الفيلا …يله هبطت للتحت وشفت السيد معنق مراااتو مامخليها حتى تنفس …داير ليها كيف شي بيضة خااايف عليها كايدخلها معااه ويخرجها معااه ونتي بقاي حاجبة ليا هنا …
هاجر : ماما …
نعيمة : نعام ابنتي …
هاجر : خرجي عليا و سدي الباب وراك …
نعيمة : ياك ابنت كرشي كاتجري عليا …ايوا واااخ …

❤ زوجة للإيجار ❤
✍كوثر الزهراوي✍
💥الجزء -54-💥
فهاد اللحظة مريم هزات ساكها وخرجات من الغرفة خلات فاروق كايدوي فالتيليفون …قالت تهبط للتحت حتى يلحق عليها باش يوصلها للجامعة …. وهي هابطة بالصدفة دازت من جيهة الغرفة اللي جالسة فيها هاجر ومها و سمعات هاجر فاش جرات على مها وهي تضحك وقالت : ايييه الحنش ماكايولد غا اللي طول منو …هاااكااااك هههه
فاروق تم خارج من غرفتو كايخربق فالتيلي ديالو هز عينو وقشعها كاتسنط عليهم ههه عند باالو هبطاات للتحت كاتسناه وشوف فين لقاها ….مشا قرب جيهتها وجا من وراها وسمعها كاتقول ديك ( الحنش ماكايولد غا اللي طول منو…) هنا جرها من ذراعها وقال : اش كاتديري هنا ؟؟؟ واشمن حنش ولا عقربة …
مريم : لاواه بوسكة …حيد عليا رااه كانشووف غا فهاد خالتك وبنتها …
فاروق ماخلاهااش تكمل كلامها جرها وتم مهبطها مع الدروج …
فاروق : عرفتي ايلا داز هاد الشهر ولقيت عقلي مازال فبلاصتو غاادي ندير الصدقة ونتبرع بحوايجي للناس …
مريم : واتبرع بيهم دب ماحدك بعقلك لااش اتسنا حتى تحمااق …واابشوي طلق من ذراعي رااه انطيح عنداااك ا فاروق … وااش بااغي تقتلني وانا مازال ماشفت ماتشوفت …
فاروق جرها وهبطها ديريكت خرجو من الفيلا توجهو للكاراج حل ليها طلعات وسد الباب وقبل ما يمشي لبلاصتو يديماري قال : طريق السلامة ياا ربي مع هااد الموصيبة …
مريم طلات عليه من النافذة ديال السيارة وقالت : شنو تاني كاتدعي عليا وتقول موصيبة عمري …راه كانسمعك …
فاروق دار جااب الدورة وطلع لبلاصتو وديمارا …
مريم : وطلق لينا شي حاجة…
فاروق : راااه هو قدام طلقي اللي بيتي …
مريم شعلات الراديو وكيف قاستو جات مع أغنية مصيبة ديال Majd Moussally ….بدات الأغنية : مع إنك مصيبة …مجنونة وعنيدة … باقي كاعما كملات طفاااتو ورجعات لبلاصتها …
فاروق كايضحك : شنووو دب تأكدتي بلي موصيبة …
مريم : سكت سكت وانتابه للطريق لا تقلبنا فهااد الخلا …
فاروق : ماكاين اللي قالبنا هاد الساعة قدك هههه
مريم : وااضحك ضحك جات معاااك (قلبات وجهها للنافذة وخلاتو كايضحك ديك الضحيكة ديالو الجداابة والزويونة ههه ….)

❤ زوجة للإيجار ❤
✍كوثر الزهراوي✍
💥الجزء -55-💥
💫تسريع الأحداث💫
🌼بعد مرور 6 أيام🌼
واقفة هبة كيف العادة كاتسنا ف مريم قدام باب الجامعة … طلات على الساعة ديالها وعاود هزات رااسها مراقبة الطريق حتى كاتقشع سيارة ديال فاروق جااية جيهتها … هبة شاافت ف مريم اللي هابطة من السيارة هازة ساك ديالها ودورات وجهها شافت ف فاروق اللي دار ليها اشارة بيديه وتبسم زعما سلام …هبة بادلاتو الإبتسامة وحتى هي هزات يديها ردات ليه التحية لكونو كايبقا صديق وشريك الخطيب ديالها …
مريم : هبة صبااحو …
هبة : صباح الخير احبيبة …سافا عليك …
مريم بااينة عليها ضاحكة وفرحاانة جاوبات وقالت : انااا بيخير … يله ندخلو للدرس …
هبة : الدرس تأجل …
مريم : كيفااش ؟؟ وعلاش ماقلتيهاش لي ..
هبة : بغيتك تجي باش ندوي معاك ..اجي يله نمشيو لشي كاافي قريبة ..زيدي …
مريم : مالك ؟؟؟
مشاو البنات لكافي قريبة جلسو وبداو يدويو …
هبة : كيف غاادية الأمور فالثمتيلية ؟؟؟
مريم : عااادي ههه مهم انا وفاروق تاقنين الدور ههه فالصباح قبل مايفيق حتى حد كانمشي انا لتم …كانوجد الفطور ولا شي حاجة زعما رااني فقت بكري …ايوا وفاروق قال ليهم انني كانقرا ممم وملي كايكون خارج للخدمة كايجيبني فطريقو لهنا كانقرا ومن بعد كاندوز للدار عندنا كانجلس مع ماما باش ماتشكش …ايوا وفالليل راه كاندخل بالتخبية ل بيتي ديما كايطل عليا عثمان كايلقاني ناعسة وحتى هو رااه ماحاس بواالو ..والمهم فهادشي كولو ليلى معاوناني وحتى نتي هههه وبعد المرات كاندير السبة بابتسام …مهم راه مامات فاروق فرحاانة …
هبة تنهدات وشافت فيها وقالت : مريم وااش متأكدة …؟؟؟
مريم : اااه علااش …
هبة شدات فيديها وقالت : حبيبة ديالي…دب رااه سيمانة بااش نتي فهااد اللعبة …سيمانة كااملة وانا كانسمع من فمك كلمة وحدة وهي فااروق فاروق …فاروق دار لي هادي …انا وفاروق مثلنا عليهم هاادي .. مامات فاروق …فاروق وصلني….حيااتك وهضرتك وفعايلك كولشي ولا كايتمحور على فاروق …
مريم : وعلااش شنو فيها انا ماقصدت واالو …
هبة تنهدات وقالت : مريم …انا عاارفة بلي ماقصدتيش تبقاي كاتعاودي ليا عليه وتبقااي تقولي فالإسم ديالو ولكن احبيبة دياالي … انا خاايفاك تعيشي الدور …خايفاك تعلقي بهااد الشخصية الوهمية ديال الزوجة …انا خاايفة قلبك بدون قصد ي….
مريم قاطعاتها وقالت : حبسييي شنوووو كاتقوولي … لا مستحيييل لا لا زعما وااش نتي كاتضني انني نقدر نتعلق بفاروق ونولي كانبغييه بسبب هااد اللعبة السخيفة …بلا حماااق …
هبة : ولااش تعصبتي دب ؟؟
مريم : انا مااامعصبة مااواالو … نتي نسيتي وااقيلا انني من نوع اللي ماكايفكرش فالعلاقات الغرامية والزواج …وراااه قال ليك عمران بأنو فاروق حتى هو ماعاندوووش مع هااادشي … حنا دب غير فثمتيلية …ملي غادي تسالي غادي نتهنا …
هبة : متأكدة غادي تهناااي …
مريم : ااااه غادي نتهنا …وبزااااف (هزات ساااكها وناضت مشات فحالها …)
هبة تنهدات وقالت : اقسم بالله هاد اللعبة غادي تخرج من تحتها شي حااجة …دب سيمانة داازت وها شنو وقع فيها … باقي 3 ديال السيمانات وتسالي هاد الثمثيلية علم الله شنو مااازال مخبية الأيام لهاد الجوج …
يتبع غدا ….

❤ زوجة للإيجار ❤
✍كوثر الزهراوي✍
💥الجزء -56-💥
مريم : انا مااامعصبة مااواالو … نتي نسيتي وااقيلا انني من نوع اللي ماكايفكرش فالعلاقات الغرامية والزواج …وراااه قال ليك عمران بأنو فاروق حتى هو ماعاندوووش مع هااادشي … حنا دب غير فثمتيلية …ملي غادي تسالي غادي نتهنا …
هبة : متأكدة غادي تهناااي …
مريم : ااااه غادي نتهنا …وبزااااف (هزات ساااكها وناضت مشات فحالها …)
هبة تنهدات وقالت : اقسم بالله هاد اللعبة غادي تخرج من تحتها شي حااجة …دب سيمانة داازت وها شنو وقع فيها … باقي 3 ديال السيمانات وتسالي هاد الثمثيلية علم الله شنو مااازال مخبية الأيام لهاد الجوج …هزات صاكها حتى هي بالزربة وتبعات مريم …
هبة تابعاها كاتعيط : مريم …مريم صااافي سمحي ليا ماقصدتش وغااا تسناااي ا صاحبتي …
مريم كاتمشا بالزربة و معصبة …. اصلا هي مااعارفاااش علاش معصبة من كلام هبة وااش حيت كايخص فااروق ولا حيت بصح هي تعلقات بيه ….
هبة : واااا مريااامة …
مريم وقفات ودارت شافت فيها …
هبة : وبلاتي نقول ليك المووضوع المهم اللي كنت ناوية نعاود لك …
مريم : شنو اتدوي لي تاني على فاروق …؟؟؟
هبة : انا ماقلت لا فاروق لا واالو …نتي اللي جبدتيه دب وهاانتي ..
مريم : احم ..شنو مالك …(ربعات يديها)
هبة : ياك عقلتي عمران عرض عليا زواج سيمانة اللي فاتت …احم ايوا ودب راااه غادي يجي لدارنا يخطبني من واليديا بشكل رسمي …
مريم : بصح مبروووك صاافي ولات علاقتكم جدية واتبقااو بزوج طول العمر …فرحت والله حتى فرحت ليكم …
هبة : ممم دب ولا الزواج كايعجبك …وفرحتي مممم
مريم : انا فرحت ليك حيت عمران باينة فيه ولد النااس وكايبغيك صااافي اما انا فكرتي على الزواج عمرها تبدل …
هبة : واااخا صااافي صاافي …مهم اتجي تحضري معاايا وتعاونيني …
مريم : اااه ضروري انجي ونكون مع صديقة عمري فهاد النهار …(سكتات شوي وقالت : ايوا وشكون اللي غادي يجي مع عمران عائلتو ؟؟ شكون …
هبة : احم غادي يجي فاروق …(شافت فمريم حابسة ضحكة …)
مريم : شنووو دب لاش كاتقوولي فاروق وكاتشوووفي فيا هممم
هبة : هههههه وغااا ضاحكة ههه
❤#عند_فاروق❤
وصل للشركة ديالو بلاصة الأوطو وتوجه للمصعد طلع للطابق فين كايتواجد المكتب ديالو ودخل …حيد جاكيط ديالو وعلقها ومشا لبلاصتو جلس وهو يسمع الباب تدق وتفتح …طل لقاه عمراان …
فاروق : شفتك صاابح نااشط …
عمران : وانااا قريب ندخل للقفص الذهبي ضروري نكوون نااشط ومااشط هههه …

❤ زوجة للإيجار ❤
✍كوثر الزهراوي✍
💥الجزء -57-💥
عمران : وانااا قريب ندخل للقفص الذهبي ضروري نكوون نااشط ومااشط هههه …
فاروق : بصحتك ا سيدي …
عمران : الله يعطيك الصحة …ايوا بما أنني مقبل على الزواج قلت نجي نستاشر معاك ونسولك مع تباركلله نتا مزوج وعاايش حيااتك بيييس …
فاروق عقد حجبانو وقال : كاتضحك عليا دب يااااك …
عمران : لااا والله ما كانضحك …كيف غادية الأوضاع …
فاروق : ايوا اسيدي بما أنو كاتسول على الأوضاع انا نقول لك وبكل سرور .. حياتي اللي كنت عايش تقلبات سفاها على علاها … بيتي اعيباد الله البيت ديالي فين كانعس وليت نحط الحاجة فبلاصة نجي نلقا لالة مريم هزاتها لبلاصة اخرى … السرير ديالي كايتبدل ليه الغطاء كل نهار حيت الآنسة مريم كاتاكل فوق منو وقتما نجي نقرب ليه نلقا خبز طايح ولا بيتزا ولا دانون …يعني ضروري نلقااه مطبع بشي حااجة … فالصباح فااش كانوض كانحل عيني كانلقاها وااقفة عليا كيف ملك الموت مع الآنسة كاتبات فدارهم وفالصباح بكري كاتجي كاتدخل من النافذة كيف شي سراقة وكاتطلع عندي للبيت كاتفيقني …وكون غير كاتعيط ليا بسميتي ولا شي حاجة اخرى ديك خويا لاصقة ليها فالفم ااه وعلى ذكر الفم …فمها مستحيييل تسدو واااخا يوقع اللي يوقع …ومااكاتسكتش رااسي كايطبخ ملي كانكون كاندوي معااها …وعااد زيد عليه هي وخالتي وبنت خالتي دايريين كيف المش مع الفااار دييما قربالة ناايضة … وااا البلاكار دياالي ا صاحبي اتافقت نقسمو معااها تحط حوايجها زعما فجيهة وانا فجهة …ماجات فين تدور السيمانة حتى شدات البلاكار كاامل بقاا لي غاا وااحد القنت حاط فيه حواايجي …زيد على هادشي وااحد المرة مشات هزات بارفان ديالي قالت ليك بغات تشمو …لقااتو قاسح وطلع ليها مع مناخرها مجهد نهااار كولو وهي كاتبكي والواليدة كاتخااصم عليا قالت لك شنو درتي لهاد البنت حتى بكيتيها …اه ونزيدك ….
عمران شااااد كرشو بالضحك : ههههههههه وصااافي الساط صااافي هههه بااراكا ماتزيدني واالو هههه هادشي وقع غا فسيمانة هههههه …
فاروق : وهادشي غااا 1% من اللي عاودت ليك … خلاصة القول هاد 3 سيمانات اللي بقات علم الله كيفاش غادي تدوز عندي ….
عمران : ههههه واعتارف اعتارف مريم خرجاتك من داك الروتين اللي كنتي عايش فيه …
فاروق : خرجاتني من روتين ولاحتني ل روتينااات …نوض خرج عليا خليني نقابل خدمتي الله يرحم باااك ….
عمران : هههههههه واااشووف ماتنساااش بعد غدا الخطبة غاادي تجي خالتي وراجلها وغادي تمشي معانا نتا والواليدة ديالك …
فاروق : على عيني وراسي ا خويا …
عمران : يحفضااااك هههه ….
❤#عند_مريم❤
مريم : اممم دب فهمتك عمران ماتو ليه واليديه فاش كان صغير … وفالخطوبة ايجيب معاه خالتو وراجل خالتو وفاروق وماماه خديجة مممم صافي فهمت …
هبة : اااه هاادشي اللي كاين ممم ونتي فطرف من اتكوني العريس ولا العروسة همم ؟؟؟
مريم : كيفاش فطرف من ؟؟؟ وااش من نيتك بطبيعة الحال انكون فطرف العروسة رااك صاحبتي …
هبة ربعات يديها وقالت : اممم انا خفت تبعي راجلك وتمشي جيهتو …ههههههههه
مريم : ايوا الله يمسخك نتي وهاد المزاح الباسل ديالك ههههه قالت لك رااجلك حتى نتي شفتك عشتي الدور وليتي فينما تشوفيني تقولي رااجلك ..راه غااا ضاحكين ههه
هبة : ههههه واخ ا لالة غا ضاحكين ايوا دب نشوفو هاد الضحك فين غادي يوصلكم …

❤ زوجة للإيجار ❤
✍كوثر الزهراوي✍
💥الجزء -58-💥
مريم : ايلا زدت دقيقة معاك ا هبة غادي نحماق ههه موهيم انا غادي نمشي للدار نطل من بعد نمشي للفيلا …
هبة : اوووك بب يله باي باي …
تسالمو البنات وتوادعو ..مشات مريم للدار جلسات مع ماماها وليلى … من بعد دارت سبة ب هبة وخرجات توجهات ديريكت للفيلا …غادية فالطاكسي وكاتفكر فهاادشي اللي كاتدير …هاد الخدمة وهااد تماارة … كاتلعب دور هنا ودور لهيه ..هاادشي كاامل متحملاه على قبل من …؟؟؟ واش بصح على قبل ابتسام والفلوس اللي شدات من عند فاروق و لا هي عجبها هااد الدور و ولفاتو … جاا فباالها كلام هبة… واش بصح تصرفاتها تغيرو وتبدلو …وااش بصح سيمانة داازت بهاااد الزربة ماحساااتش بيها …كيفاش وعلاش وامتا ؟؟؟ فاقت من سهوتها ملي حسات بالطاكسي وقف …خلصاتو وهبطات تماات داااخلة وقشعاتهم جالسين فالجردة بجوج …الأم خديجة و ختها نعيمة …توجهات عندهم وهي تقشع هاجر جاايا كاتمختر ..تخبات مافيها اللي يشوفها ولا يدوي معااها …
جات هاجر لابسة كسيوة طويلة وطايحة من جيهة الكتاف …وطالقة شعرها مقاادااه…نعيمة شافتها وخرجات فيها عينيها مصدومة من شكلها …
هاجر جلسات جنبهم ودارت رجل على رجل وبدات تدوي وتقول : ايوا ا ماما شفتي … بحالا جالسين فشي اوطيل… جالسين وحدنا والعرسان كولا وااحد فين خاارج …ماداروش لينا حتى شي اعتبار وجلسو معاانا او عطاونا وقت …
نعيمة تنهدات وقالت : ايوا المهم هو ختي خديجة تكون بيخير …كانت بغاات تشوف عروسة ولدها وتشووف وليداتو ولكن هاادو بانو ليا ماغادي يديرو لا ولاد لا والو …من صباح وهوما خارجين ماكانشوفوهوم غا من الليل ل الليل …
هاجر : ايوا الإختيار الخايب راااه كايبان من اللول …هانتي كاتشوفي النتيجة …
نعيمة : ايييه فاروق مسكين مزوج غير بالفم اما الفعل واالو شوفي الدار خاااوية … حنا علاش كنا بغينااه يتزوج بااش يدير داارو …داار فيها مرا و وليدات …اما هادي اللي اختار فراه كاتضل خاارجة …ماتلينا عرفنا شكون الراجل فيهم وشكون المرا ….

🔥 مريم كاتسنط وساااكتة 🔥
الأم خديجة : ايوا صااافي يااك هوما عاجبهم الحااال همم ايوا حناا ماالنا …طوال الزمان ولا قصار رااه غادي يديرو وليداتهم …راكم كاتشووفو هوما مازاالين شباب خليوهم يعيشو حياتهم …المهم عندي هو انو ولدي ربط حياتو ببنت مزيانة ومربية غادي توقف معاااه فالحلوة والمرة …داكشي الآخر كايجي من بعد …
ناضت خديجة وخلاتهم …ومريم مشات تبعاتها للداخل …
مريم : خاالتي ..خالتي ….
الأم خديجة : اهلا بنتي جيتي …
مريم : اااه …
💚فالحديقة💚
نعيمة : اويلي حاااي تي اشنو هااد اللباس داايرة كتافك كولهوم عرياانين ؟؟؟ وااش بهاكا باااغا تديري بلاصتك فعينين ولد خالتك …
هاجر : وااابعدي ا ماما انا عااارفة شنووو كاندير …
نعيمة : لااا بااين تباركلله شنو كاتديري …
هاجر : ماااما راااه خالتي من نهار شافت مريم قلبات وجهها عليا سمعتي …يعني خاالتي خديجة اللي كنا كانلعبو بعقلها مشاااات دب مابقاااتش يعني الحل الوحيد اللي بقا هو فاااروق …خاصني ندخل لعيون فاروق بأي طريقة ونفارقو على هااديك قليلة الحياء …. من دييما كانحلم بييه يكون راجلي …من ديما كانحلم نكون انا هي مولات هاد الفيلا … نكون انا هي مامات ولدو ..اه ولدو اللي غادي يورث عليه الشركة والأعماال …سمعتي ..وانا غااادي نوصل لهادشي …عنداك تضني انني ملي شفتو تزوج غاادي نرجع للور ..لا مستحيييل ….

❤ زوجة للإيجار ❤
✍كوثر الزهراوي✍
💥الجزء -59-💥
ناضت هاجر زعفاانة وكاتضرب برجليها …تمات دااخلة للفيلا حتى كاتقشع مريم وااقفة كاتدوي مع خالتها خديجة …مشات قربات جيهتهم وبدات تسنط …
مريم : خالتي سمحي ليااا مع القرايا وليت نخليكم جالسين فالدار وحدكم …اكيد اتكونو مليتو …
الأم خديجة : لا بنتي هااادي حياتك نتي وفاروق نتوما متعودين هاكا تدخلو بزوج وتخرجو بزووج …ايلا جينا حنا هادا ماكتيعنيش انكم تغيرو مخططاتكم على قبلنا …
هاجر كاتسنط وتفقس غا وحدها …
مريم : وااخا هااكاك ..عرفتي شنو يله نخرجو العشية هاادي ندورو فالمدينة ومنها نييت نوريكم مرااكش كيف دااير …
الأم خديجة : لا ابنتي اكيد اتكووني عياانة دوزتي نهاارك فالقرايا …
مريم : لا مااكاين لا عياء لا واالو …هزي ساك ديالك و وجدي راسك ويله …
الأم خديجة : وااخ انا انقولها لهاجر و ختي نعيمة ونمشيو …
مريم : وااااخ …
هاجر سمعات كلامهم ومشات طلعات للفوق …
هاجر : ياااك ا مريم …باغا تديري فيها البنت البريئة الظريفة اللي عزيزة عليها حماتها وبغات تخرجها باش تفوج …انا غاادي نوريك … نتي بااغا تكبري فعينين فاروق وتبيني لو انك مهتمة بالأم ديالو …وااخ ا لالة …دب تشوفي …
مشات هاجر كاتجري للبيت ديال الأم د فاروق …قلبات على الصاك ديالها اللي ديما كاتهزو فاش كاتبغي تخرج وبدات تقلب وسط منو على الدواء ديالها …الأم د فاروق فاش كاتجهد على رااسها بزاااف او كاتعيا كايخصها الدواء ديالها حيت هي مريضة …هاد الدوا كاتهزو معااها فينما مشاات حيت هو اللي كاينفعها …
هاجر : سمحي ليا ا خالتي خديجة … انا مضطرة انني ندخلك معايا فهاد الخطة ….
هزات الدواء وخباتو عندها وخرجات …
💥بعد مرور دقائق💥
واقفة مريم وخديجة ونعيمة لتحت كايتسناو هاجر تهبط …
مريم : ويلي بنتك تعطلات … مالنا غاديين للعرس …
الخالة نعيمة : ايوا ماالها بنتي بصحتها غااا بشوية عليها كاتقااد … البنات اللي عندهم الزين والتبوكيصة كايعجبهم يبقاو يشووفو رااسهم فالمراايا ماكايسخااوش ..
مريم : الزين كايحشم على زينو والخااايب غييير الى هدااه الله …
الأم خديجة : ايواا صاافي هااهي جااات …يله …
هاجر هابطة كاتعوج غا وحدها شافت فيهم وقالت : صاافي مشينا …
مريم تنهدات وقالت : يله …
خرجو وشدو طاكسي ديريكت للمدينة وهوما ماعارفينش شنو غاادي يوقع ليهم فهاد الخرجة ….

❤ زوجة للإيجار ❤
✍كوثر الزهراوي✍
💥الجزء -60-💥
خرجو كااملين هبطو للمدينة كايدورو ويشووفو فهاادي وهادي وبطبيعة الحال مريم هي اللي سايقاهوم لكونها بنت مراكش عارفة منين تدخل ومنين تخرج هههه داتهوم… (مهم هاد البلايص اللي اندوي عليهم دب رااه ايعرفوهوم غا المراكشيات ولا اللي فايتين جاو لمراكش هههه) مهم داتهم لسوق السمارين هااجر عوااجت تما حلات فمها فالحوايج والحاالة … من بعد دازو لجيهة دفة وربع ورااتهم شي لعيبات د الحوايج والتكاشط اللي طالعين واللي خارجين فالموضة ومن بعد زادو على رجليهم كايتمشااو حتى خرجو ديريكت لجيهة جامع الفنا دوراتهم جيهة الحلاقي وشاافو النااس غاادية وجااية … ضربهووم الهواااء وعجبهوم الحاال بزاااف … وهاجر عاطية التيليفون لمها فينما دازو تقول لها صوريني هنا ..صوريني هنا ونعيمة تاابعة بنتها فحمااقها كاتصور فيها تاهي من نيتها هههه … مشاو جيهة القرود وحلفات هاجر حتا تصور مع شي قرد …
هاجر : واجييي صوريني اماما بغيت نحطها فالأنستغراام …
نعيمة : لا لا يا بنيتي نصورك حدا الحيوط اييه …نصورك حدا النااس اييه ولكن القروودة مانقدش نقرب ..والى طار عليا اويلي باااز ليك ماخفتي منو …ماتخلعتيييش ابنتي …؟؟؟
مريم تحت سنانها : علاه بنتك كاتخاف ..رااه هي كاتخلع وتخوف النااس …
الأم خديجة : ربي ابنتي مريم سيري صوريها …
مريم : وااخا ا خاالتي …
خدات مريم من عند نعيمة التيليفون وقربات مشاات صوراتها …القرد فوق كتفها وشوي كايطلع لجيهة راسها وهي كاتضحك هههه
الخالة نعيمة كاتدوي وتشووف ف مريم وتقوول : كيف جااات التصويرة همم كيف جات ؟؟؟
مريم دوات بصوت خفيف وقالت : جووج قرود فالتصويرة …
الخالة نعيمة: شنو قلتي ؟؟؟
مريم : لا واالو هاكي شوفي ولادك ..احم كانقصد هاكي شوفي بنتك كيف جااات …
نعيمة حيدات ليها التيليفوون وبدات تشووف فالتصااور د بنتها وتزري لختها خديجة اللي كانت بدات تعيا بكثرة المشي والدوران …
نعيمة : شووفي تبااركلله على بنتي كااعما خاايفة …شوفي شوفي …تصويرة زويينة …
خديجة : اييه ..ايوا يااك دب تصورات ايوا يله نمشيو للدار نرتاحو …
هاجر : وااااااو ماااما كايعصرو الليمون تم واااااو يله يله نمشيو نشربووه شحفت جاني العطش …
نعيمة : يله اختي خديجة يله نشربو كويس ديال الليمون ….
مريم انتابهات لأم فاروق اللي بدات كاتعيا مشات عندها وقالت : خالتي وااش نتي بيخير بنتي ليا مااشي حتاال تم ؟؟؟
الأم خديجة مابغاتش تبين وتخسر ليهم خرجة ديالهم تبسمات وقالت : انااا بيخير يله نمشيو نتبعوهوم …
مريم :واااخ …

❤ زوجة للإيجار ❤
✍كوثر الزهراوي✍
💥الجزء -61-💥
هاجر هازة كاس ديال عصير الليمون وكاتشرب ….
هاجر : جامع الفنا زويينة عجبااتني …
مريم ماحاملاش هاجر ولا الخرجة معاها ولا تصرفاتها دوات فخاطرها وقالت : جامع الفنا خصيتيها غا نتي …
هاجر : مريم …دب ديتينا للأسواق و وريتينا الحوايج و جبتينا هنا شفنا الحلاقي وتصورنا …فين انمشيو من بعد للمنارة يااك ؟؟؟ و دااك المتحف اللي شفنا فالطريق ماغاديش ندخلو ليه ؟؟؟
مريم : اشمن متحف ولا منارة وااش من نيتك ؟؟ شفتك نتي بااغا تدوري مراكش كااامل فنهاار واااحد وااش جهلتي ؟؟ الوقت رااه مابقااش والمنارة اذا بيتي تمشي ليها خاصك نهاار وحدو خااص بيها ونتي ماكاتشووفيش فخاالتي عياات وبغات تمشي للدار …
هاجر اصلا دااكشي اللي بغات شافت فيهم وقالت : ايوا يله غا حدا ديك الصمعة نشووفو تم ونتصور فيه ونمشيو عاافااك …
خديجة كاتدوي وسخفاانة : ماافيهاا باس يله نمشييو …
مريم خلعاتها : خاالتي رااك خلعتيني حالك ماعاجبنييش … حتال مرة اخرى ونخرج انا وياها وتصور ….
الأم خديجة : لا ماتخاافيش ابنتي انا هازة معاايا دواايا …ايلا حسيت براسي ماشي حتال تم غادي نشربو ونولي بيخير …
هاجر : يله نمشيو حدا الصمعة !!!
مريم : سميتها الكتبية ماااشي صمعة 😒😒😒…
تمو غااديين خارجين من جامع الفنا متوجهين جيهة الكتبية …وصلو جيهة الشانطي ..وقفو حتى شعل الضو الأحمر وقطعو ودخلو لساحة الكتبية …
هاجر : ماما ماما اجي صوريني …(جرات مهااا وبعدو عليهم شوي وهاجر كاتشووف من بعييد …)
فهاااد اللحظة الأم خديجة تزاااد عليها الحال …بدات صااكها كاتقلب على الدواا ديالها مالقااتوووش …
مريم (مخلوعة) : خاالتي مااالك ؟؟؟ شنو واااقع …خالتي …
الأم خديجة كاتدوي سخفااانة وعيااانة : دوااء ديالي ابنتي …دواء دياالي ..مالقيتوووش خاصني دواايا …(كاتنفس بصعووبة)
مريم : ياااك قلتي ليااا هاازااه معاك ..ماتخلعينيش اخالتي عليك عاافااك …
هاجر وااقفة كاتصورها مها وكاتدور عينيها كاتشووف خالتها وااحلة ومريم مخلووعة …
هاجر : زيدي تخلعي شوي ا مريم …الدواء عندي وانااا اللي غادي نقذها …
نعيمة عاطياهوم بالظهر مافخباارهااا وااالو هاازة تيليفون كاتصور فبنتها ….

❤ زوجة للإيجار ❤
✍كوثر الزهراوي✍
💥الجزء -62-💥
#عند_فاروق❤
هااز تيلي دياالو وكايصووني مخلوووع …
عمران دخل عندو للبيرو لقاه فديك الحالة …
عمران : فاروق ياك لاباس؟؟؟
فاروق : كانصووني للواليدة كاكاتجااوبش ..مريم حتى هي ماكاتجاوبش ..خلعووني عليهم …
عمران : ماتخااافش ماغادي يكون واالو نشاءلله …
فاروق : حاااس بلي شي حاجة ماااشي حتاال لهيه اتوقع ….
عمران : يكوون خير نشاءلله …سير للفيلا دب انا انكمل الخدمة هنا عليك عاد نخرج …
فاروق هز سوارت الأوطو ديالو وخرج زرباان …
#قدام_صومعة_الكتبية💫
مريم : خاالتي عاافاك ماتخلعينييش علييك …رااني قلبت على الدوااء فالصاك مالقيتووش …
هاجر : هيييء ماما شوووفي خااالتي مانعرف ماالها …ياكما دارت ليها هاديك شي حاااجة …
نعيمة كانت عاطياهم بالظهر كاتصور فبنتها …ملي سمعات شنو قالت هاجر دارت شااافتهم وغوتااات …
نعيمة : الله على ختي الله بغاات تقتلها الكافرة بالله … مشاو كايجريو لعندهم …
نعيمة : مااالها شنوو وقع لييها ؟؟؟
مريم : اهى اهئ ماعرفتش …انا قلبت على دوااها مالقيتووش …
هاجر : درتي فعلتك وزاايداها بالبكا …شنو درتي ليها فاااش بعدت عليكم انا وماما …
مريم : اناا مادرت ليها واالو والله اهى اهئ ..خالتي خديجة قولي ليهم انا …
نعيمة : صااافي سكتيينا …هاجر قلبي ابنتي على دوا خاالتك نتي موالفة تعطيه ليها …
هاجر : اااه (دارت بحاالا كاتقلب فالصاك د خديجة وجبدات قرعة د دواء من جيبها …)
هاجر : هاااهوا لقييتو ا ماما …
مريم كاتشووف مصدوومة هي قلباات حتى عياات مالقاات واالو وكيفاش دب خرجات هاد القرعة د الدواء …
جبدات هاجر قرعة د الماء صغيرة من ساكها وعطات لخديجة الدواء وبعد شوي ارتااحت وتنفساات وحيدات عليها الدوخة …
هاجر : خالتي نتي بييخير …
الأم خديجة: بيخير بيخير …
هاجر : ايخصك غا تكاي شوي دب …(شافت فمريم وقالت : اشنو ماازاال كاتسنااي ماكاتسمعيهاش بغات تكا ..سيري خودي لينا طاكسي نرجعو للفيلا ..)
مريم مخلووعة ومدهشرة وماعارفة ماتدير …مسحات دموعها ومشات شدات طاكسي طلعو فيه واتاجهو للفيلا باش ترتاح خديجة …

فاروق مشا ديريكت للفيلا دخل مالقاا حد …قلب الفيلا كااملة وعيط واالو …ماكاين حد … من بعد لحظات سمع صوت الباب تحل … عينو مشات ديريكت للأم ديالو خديجة اللي كانت بين هاجر ونعيمة زعما شااادين فيها …حول عينو لمريم اللي كانت تاابعااهم من اللور وملامحها مااشي حتاال لهيه …
فاروق : شنو وااقع ؟؟ فين كنتو ؟؟ (مشا كايجري عند موو باس رااسها …مخلووع كايشووف فيها عياانة …)
هاجر دارت دوات مع مها نعيمة وقالت : ماما طلعي خالتي خديجة للفوق ترتاااح ماااشي سااهل شنو داز عليها اليوم …
الأم خديجة : اناا بيخير ماتكبرووش الموضوع …
فاروق دوا بعصبية وقال : راااني دويييت شنووو واااقع هنا …
الأم خديجة : ماوااقع واالو اولدي تهدن الله يرضي عليك …
هاجر : مااااامااا طلعي خاالتي للفوق انا ندوي مع فاااروق …
نعيمة : زيدي ا ختي زيدي …(جرات نعيمة ختها وطلعو للفوق وبقات هاجر و مريم وفاروق …)
فاروق: شي حد يشرح لي شنووو وقع ؟؟ (كايشووف ف مريم منتاظر منها جوااب حتى سمع صوت هاجر وحول نظر ديالو ليها …)
هاجر : انااا نشرح ليك افاروق …بسبااب هاااد البنت اللي قدااامك كنتي غااادي تخسر ماماك ….
مريم كاتدير براسها لا زعما انا مادرت واالو …
فاروق دار شاااف فمريم وااحد الشوفة خطيرة : شنووو هااادشي كانسمع …؟؟؟
مريم الدمووع هاابطين من عينيها كيف الشتاا كاتدوي وتقول : كانقسم لييك مادرت اناا واالو …
هاجر : كيفااش مادرتي واالو ونتي اللي خرجتيها وااخا عارفااها كاتعيا ومريضة ..وملي شفتيها فديك الحالة حتى دواااها ماقدرتي تعطيه لييها حتى جيت انااا …كون ماكنت انا معاكم وعطيت دوا لخالتي علم الله شنو ايوقع ؟؟؟
فاروق كايسمع ليها وكايحماار ويخضاار كااع الواان طيف داازو عليه …تعصب ولا بحال شي بركاان على واالو وينفجر … مريم كاتشووف فيه وخاايفة ..اول مرة تشووفو هااكا ديما موالفة معااه ضحك ولا العصبية ولكن هااد الشكل عمرها شافتو فيه …
مريم : فاروق انا والله ….
فاروق قاطعها بصوت رجولي خشن وقاال : طلعي للبيت ….
مريم : انا راه …
فاروق غوت وقاال : مريم ماااانشوووفش وجهك هناااا طلعي للبيت 😡😡😡😡😡😡
مريم وهاجر قفزو بزوج من نبرة صوتو القوية والمعصبة … فديك اللحظة مريم طلعات بالجرا مع الدروج واتاجهات للبيت ديالو …

❤ زوجة للإيجار ❤
✍كوثر الزهراوي✍
💥الجزء -63-💥
طلعات مريم كاتجري للفوق دخلات للغرفة ديال فاروق وسدات من وراها الباب ….
هاجر : شوف فااروق ماتديرش فبالك …انا رااه كنت تم بجنب خاالتي وعاونتها وعطيتها دوااها ….
فاروق شاف فيها وطلع للفوق ديريكت للغرفة فين كاينة الأم ديالو …دخل لقاها متكية ناعسة …
نعيمة : خليها راااه تكات دب …اتنعس وترتاح شوي …
فاروق : وااش هي بيخير … نعيط لطبيب يجي يشوفها …؟؟
نعيمة : لا بلااش راه خدات دواء ديالها رااها بيخير …حمدلله ملي كنت انا و بنتي بجنبها وعطيناها دواهااا …اما كون بقات مع ديك مراتك علم الله شنو كان غادي يوقع …
فاروق : ردي ليها لبال ( مشا توجه للغرفة ديالو …)
❤#عند_مريم❤
وااقفة كاتعض فصبااعها كاتوجد فشنو تقول …هي مادارت واالو …شنو ذنبها فهادشي ؟؟؟ وهي وسط أفكارها سمعات الباب تضرب مع الحيط …دورات راسها لقااتو فااروق دااخل معصب …سد الباب بجهالة حتى قفزات …
مريم : فاروق انااا …
فاروق : كيفاااش تجرأتي وقدرتي تديري هاااكاا …كيفااش (كايدوي معصب وعروقو باارزين …) كيفااش خرجتيها وجلستي تضوري بيها وسط المدينة ونتي عاااارفااها مرييضة وكاتعيااا دغياااا …واااش كنتي ناااوية تقتليها ولاا شنووو ؟؟؟
مريم حسات بالذنب وبدات تبكي …الدموع مطلوقين شلال من عويناتها …
فاروق كايقرب ليها وهي خاايفة ورااجعة باللور حتى حبسها الحيط …
فاروق : علاااش انااا جبتك لهنا هممم قوووليي ليااا علاااش … جبتك باااش تكوني مرااتي قدااامها فالدار هنااا وتفرحيها …ماشي جبتك باش تكوووني مرشدة سياحية وتخرجيها تدووري بيها فالزناقي ا مريم … واااخا نقووولووو انك ماكانش عندك علم بلي كاتعيااا …علاااش ملي شفتيييها فديك الحااالة ماعطيتييهاااش دواااهااا علااااش ؟؟؟؟ علاااش بقييتي كاتشووفي فييها هاااكااك وماااادرتييي واااالووو علااااش دوي نطقي يله ….
مريم : اهئ اهئ كانقسم ليك بلي قلبت على دواها فالساك ومالقيتووش ماعرفتش ولكن ….اهئ اهئ كانقسم ليك …
فاروق كان حداه واااحد الفاز هزوو وشير بييه وقاال كيفااااش مالقيييتيهش فالساااك …كيفااش …ايوا وهاااجر منين جاابتو هااا دووييي …
مريم : اهئ اهئ ماااعرفتش انا والله ماقصدت …فهمني انا راااه …
فاروق كايدوي معصب مااعاارف كاااع شنو كايقول …
فاروق : انااا فهمت دب علاااش كاتديري بحااال هاااكا …فهمت …نتي عييتي من هااد اللعبة ديال الزوجة المزيفة…نتي كاتمناااي توقع ليها شي حاجة باااش تمشي فحااالك …نتي عاارفة بلي هااادشي كووولو دايرو على ود الواليدة دياالي …داكشي بااش بغيتي تحيديها من طريقك هااااا دويييي …
مريم كاتشوووف فيه مصدووومة كيفاش قدر يتاهمها بهااادشي …كيفاش قدر يدير ليها هااكا …
فاروق كاينهج وصدرو كايطلع ويهبط …ملي غوت مزيااان وخواا اللي فقلبو عاااد رجع للور كايشوووف فالنتيجة وفشنو دااار … غمض عينو بعصبية وحلهم كايبان ليه الفاز مهرس وأجزائو طايحة فالأرض ومريم وااقفة قدااامو كاترعد كوولها حمرة والدمووع معمرين وجهها ….

❤ زوجة للإيجار ❤
✍كوثر الزهراوي✍
💥الجزء -64-💥
مريم ملي شاافتو هااكااك وشافت معاملتو وسمعاات اتهاماتو ماقدرااتش ماازال تجلس دقيقة معااه فنفس الغرفة …خرجات بالجرا وتمات هاابطة كاتبكي دازت من حدا نعيمة وبنتها هااجر اللي كانو فالصالة لتحت طاالقين وذنيهم كايتسنطو ليهم ولغواتهم …حلات الباب وخرجات فحالها ….
نعيمة : شوووفي خرجااات فحاالها …
هاجر : وااخليها مشية بلا رجعة …
نعيمة : لا لا بلاما تفرحي …بحال هادو الى خرجو دغيا كايرجعو …مالها اتخلي هاااد الخير كااامل وتهرب منو …
هاجر : مااازاال ماشفتي وااالو …هاد الخير انخرجها منو سوا اليوم سوا غدا …وهااني بديت …
نعيمة دارت شافت فيها وقالت : اويلي كيفاااش هاااني بدييت ؟؟؟ ( فهمات البلان ) اويييلي …اويلي ياااكما نتي السبب فهااادشي اللي وقع لختي خديجة ؟؟؟
هاجر توترات : ماما تهدني انا نشرح لك ….
نعيمة جراتها من شعرها : اويلي واااش جهلتي …أخت وحدة اللي عندي باااغاا ترزيني فييها ولا شنو ؟؟؟ وانااا نفهم قول نتي اللي كان مخبي عندك الدواااء ….
هاجر : ايي ماما طلقي شعري ضريتيني ايييي (تنترات منها)
نعيمة : وااا كنتي باااغا تقتلي خاالتك ابنت الهم …
هاجر : واااش انا حمقة نقتل خاالتي الوحيدة … راني كنت تما مرااقبة الوضع وتدخلت فاللحظة المناااسبة …وعمري نعااود والله …
نعيمة : شوووفي اناا مخلياااك على راااحتك ديري اللي بغيتي … ولكن كانقسم بالله ايلا درتي شي حااجة تآذي ختي راااه نسااا واااش نتي بنتي …اااه انا معااك بلي بااغا فاروق يكون ليك …خططي وديري اللي كاان باش تحصلي عليه ولكن ختي خط احمر فووتيها ا هاجر …
هاجر : واااخ ا ماما سمحي ليا …
💛#عند_مريم💛
خرجات كاتجري و كاتبكي …حسات بشعوور خااايب … مابغااتش فاروق يتعااامل معااها هااكااك … مابغااتوش ياخد صورة خاايبة عليها … هي مااداارت واالو هي قلبات على الدواء …هي ماكانتش بغات ماماه توقع ليها شي حاااجة … قشعات طاكسي شيرات ليه وطلعات …
مول الطاكسي شافها كاتبكي دار عندها وقال : ماالكي اختي يااك لاباس ؟؟
مريم : بيخير ا خويا عافاك غير انطلق وتوكل على الله ..
مول الطاكسي : اييه بسم الله …
حطات راااسها على الزااج ديال النافذة وكلاامو مابغاتاش يحيد من باالها …كل كلمة وكل تعبير وكل حركة دااارها تحفرااات فعقلها …
مول الطاكسي : ختي فين بغيتيني نحط …

مريم عطاتو العنوان ديال الدار ديالهم …وصلها خلصااتو وهبطات …جبدات المفاتيح ديال المنزل حلات ودخلات طلعات ديريكت للغرفة ديالها سدات عليها بدون مايشوفها حد ….

❤ زوجة للإيجار ❤
✍كوثر الزهراوي✍
💥الجزء -65-💥
❌فالفيلا❌
دااخل عمرااان وكايشووف ف هاجر والأم ديالها نعيمة جاالسين و ملامح وجههم ماشي حتاال لهيه …
عمران : سلام عليكم …. ياك لاباس …؟؟؟
الخالة نعيمة هزات عينيها فيه وقالت : خير اولدي ..خير …واش جيتي تشوف فاروق …؟؟
عمران : اااه …كانصوني ليه ماكايجاوبش …قبيل فين كنتو غاابرين ..رااه تشوش عليكم بزاااف ؟؟؟
هاجر : كنا خارجين كاندوورو …
عمران : اهااه مزياان !!! ايوا فين مولات الدار ( كايقصد مريم )
هاجر ملي سمعاتو سول على مريم تقرصات وهزات عينيها فيه وقالت : قول فين هي مولات المصائب والمشااكل …
عمران : علااش شنو وقع …؟؟؟
هاجر : خرجاتنا وجلسات تدور بينا من هنا وهنا وهي عاارفة خاالتي مريضة ..وملي طاحت خالتي فالزنقة وعياات حتى دوااها ماعطااتوو لييها …كانت بغاات تقتلها …
عمران : شنو هااادشي كاتقوولوو …(هز عينيه للفوق وقال : فاروق الفوق …)
هاجر : اااه …وايلا بغيتي تسول على ديك مراتو رااه جرا عليها ..
عمران شاف فيها وحرك رااسو بلا حول ولا قوة إلا بالله وتم طاالع للفوق عند فاروق…
💥فالدار عند مريم💥
ليلى جاالسة كاتفرج فمسلسل وحااطة قدامها طبسيل فيه فوااكه مقطعة ….
ليلى : ويلي ويلي رااه عندها الدليل خليك معااها …(هي عاايشة مع المسلسل حتى كاتسمع صوت ولدها محمد أمين كايعيط …)
محمد أمين: ماااما ماااامااا …
ليلى : هاااني كانتفرج فالبيت لتحت اجي ….
تم جااي محمد امين كايجري ويقول : مااماا ماماا عمتي …
ليلى يله حطات قطعة ديال التفاح ففمها سمعاتو قال عمتي وهي تخرج عينيها : اوييلي مااال عمتك ؟؟
محمد أمين : كنت داايز من حدا بيتها حيت حدا بيتي يااك ..ايوا …
ليلى : ايوا شنووو دوي ؟؟؟
محمد أمين: سمعتها كااتبكي بزاااف …بقات فيا وااش ضرباتها جداتي …
ليلى : اويلي على كاتبكي …(ناضت بالجرا بغات تمشي عندها وهي تعاود رجعات عند ولدها وقالت : شووف اولدي ماتقوول لحتى حد سمعتي عمتك كاتبكي وااخا باش مايتقلقووش وااخا …)
محمد أمين : وااخاا صااافي …
ليلى طارت عندها حلات الباب وقالت : اويلي مااالك ؟؟ شنووو دار لك ولد الحرام ؟؟

❤ زوجة للإيجار ❤
✍كوثر الزهراوي✍
💥الجزء -66-💥
مريم شافت الباب تفتح عليها بديك الطريقة …هزات عينيها بغاات تمحي دموعها خافت يكون عثمان ولا ماماها ولكن لقات ليلى …
ليلى : مريم مااالك …شنو وقع لييك ؟؟؟
مريم : اهئ اهئ انا مادرت واالو ماكنتش نااوية …
ليلى مشات عنقاتها كاتطبطب على ظهرها …
ليلى : عاودي ليا اشنو وااقع من اللول ..عاودي ليا بااش ترتااحي …
مريم بدات تعاود ليها كيفاش عرضات عليهم يخرجو للمدينة وشنو وقع للأم د فاروق وكيفاش طاحت داخت وكانت اتموت كون ما هاجر جات عطاتها دوااهاا …
ليلى تنهدات وقالت : ايوا صاافي مافيها بااس …ربي وقف معاها …
مريم : ولكن انا والله ماقصدت …اصلا انااا قلبت على الدواء والله اهئ اهئ قلبت فالساك مالقيتووش …ودب فاروق غوت عليا … ردني انا سبااب وانا مابغييتووش ياخد فكرة خاايبة عليا اهئ اهى اهئ ..
ليلى : بلااتي بلاتي وااش نتي دب طاتبكي ومقهورة حيت السيدة طاحت ليك فالونقة ولا كاتبكي حيت فاروق تعصب عليك وغوت …
مريم : ايكرهني دب اهئ اهئ …
ليلى : مريم راااني داااوية معاااك … مسحي هاااد دمووع ..بحالا عندنا العزااء …مسحي السيدة رااه ولات بيخير …واااش هاادشي كوولو على قبل دااك السيد اللي بقات ليك 3 سيمانات وتفرقي عليه …هممم دوي …شنوو كايدوور ليك فدااك الرااااس شنوووو ؟؟؟ ياااك هادي غير لعبة …ولا مابقااتش …!!!!
💥#عند_عمراان💥
طلع بالجرا عند فاروق اللي كاان جاالس فوق السرير وحاط رااسو بين يدو ….
عمران دور عينيه فالغرفة وشاافها كيف مقربلة …حول النظر ديالو ل فاروق وقال : نتااا شنو درتي ا فااروق …
فاروق هز رااسو وشااف فيه : واااش مريم لتحت …؟؟
عمران : واااش حمااقيتي ؟؟ شنوو هااد الحالة درتي …
فاروق : شنووو درت شنووو …نتا راااك مافاهم واالو ….
عمران : لااا فاااهم …خالتك وبنتها لقيتهم لتحت …عاودو لي كووولشي من طق طق حتال سلام عليكم … وعرفتي شنو فهمت …فهمت بلي ملي شفتي الواليدة ديالك فديك الحاالة جهلتي وتعصبتي ومالقييتي فمن تخرج الغضب ديالك بانت ليك البنت مسكينة ياااك …. ماسمعتيهاش وماحاولتيش تفهمها …
فاروق معصب كايدوي ويقول : ماعاندي علااش نسمعها ولا نفهمها …انا علااش تافقت معااها نهاار لول …تافقنا تجي للدار هنا تبااان ويكون عندها لقب ديال زوجة ديالي فقط بااش ندير الخاطر للواليدة ديالي …ماشي تدير مخططات باااش ….(سكت وتنهد …)
عمران : لا لا غير كمل …واااش من نيتك !!! نتااا كاتضن انو مريم كانت قاصدة انها تلحق الأذى بالواليدة دياالك … لا حتااال هنا وانا هزييت معااك يدي …سيمااانة سيمااانة والبنت تحت عينيك وقريبة ليك وماعرفتيهاش كيفاش كاتفكر….
فاروق كايغوت : سيماانة ولا عاام انا ماسوقيش … انا الحالة اللي شفت فيها الواليدة ديالي خلاتني نفهم كوولشي …ونتا بعدا اللي كاتداافع عليها …شنوو وااش كاتعرفها ….شنو اللي مخليك تأكد انها مادارتش هااكا غير باش تهنا مني ومن هاد الشهر اللي اتكمل معايا هنا … بغاات تهنا من الواليدة ديالي باااش تسالي هاد الثمتيلية وتمشي تعيش بهنااء فالدار اللي شريت لييها …
عمران : مستحييييييل ….
فاروق : علاااااش ؟؟؟؟؟
عمران : حيييت الدااار اللي شريتي ليها ماااخدااتهاااش هي عطااها لواحد السيدة هي وبنتها يعيشو فيهاااا …وهي اصلا قبلات بالعرض دياالك باااش تعاااون واااحد المراة خلاها راااجلها هي وبنتها الصغيرة فالزنقة …

❤ زوجة للإيجار ❤
✍كوثر الزهراوي✍
💥الجزء -67-💥
عمران : حيييت الدااار اللي شريتي ليها ماااخدااتهاااش هي عطااها لواحد السيدة هي وبنتها يعيشو فيهاااا …وهي اصلا قبلات بالعرض دياالك باااش تعاااون واااحد المراة خلاها راااجلها هي وبنتها الصغيرة فالزنقة …
فاروق مصدووم : كيفاش ؟؟؟؟
عمران : بنت بحااال مريم مستحيل تديير شي حااجة بحاال هاادي …مستحيل تفكر انها تلحق الأذى بشي شخص … ايوا سمع دب مزيااااان اسيدي … عقلتي نهااار كنتي كاتقول على مريم انو بنات بحالها همهم الوحيد هو الفلوس …عقلتي نهار كنت بااغي نقول لك علاش مريم طلباتك تشري ديك الدار ومنعتيني مابغييتي تسمع مني واالو .. تفكر تفكر … انااا دب غااادي نقول لك كوولشي ونحط قداامك حقيقة هااد البنت اللي ظالمها معاك فهااد الشي كاامل حيت ايلا بقيت سااكت غااادي تدير شي مووصيبة مرة اخرى وانا عاارفك ا فااروق ….
عمران عااود لفااروق كااع داكشي اللي كايعرف على مريم …
عمران : نهاار دخلات عندك مريم لهاد الدار انا سولت هبة عليها وعااودات لي كوولشي ..البنت محترمة وبنت دارهم وعمرها دارت شي حاجة عيب … ماكانتش غادي تواافق حيت ماعاندها ماتدير بهادشي… انا عرضت هليها فلووس وشحال من حاجة ولكن ماابغااتش …ملي شافت وااحد السيدة فالحي ديالهم مطلقة وماعاندها فين تعيش هي وبنتها طلبات منك تشري ديك الدار ومن بعد هي حولاتها لإسم السيدة … دارت خير فناااس ماكاتربطها بيهم حتى علاقة من غير انهم جيران …. بنت بحاال هاادي حشووومة تلووح عليها دوك الإتهاامات دياالك … ممكن تكوون شافت الواليدة ديالك عيات وملات فالدار وقالت تخرجها شنووو فيها …اييه وهاهي عيات فالزنقة البنت رااه قالت لك قلبات على دواء ومالقااتوش ..وااش فنظرك مريم ايكون عندها دواء وماتعتقش الأم ديالك ؟؟؟
فاروق متكي على الحيط جاوب وقال : والله ماعرفت اخوويا ..كولشي تجمع عليا فلحظة ..
عمران : البنت مع هاادشي كوولو سكتات حيت حسات بالذنب … علم الاه فين هي دب وااش اترجع ولا لا …
فاروق : هي مجبرة ترجع رااني شريت ليها الدار مقابل تلعب معايا هاد اللعبة ..
عمران : الله يهديك افااروق مااازاال زايد فعناادك …(صونا ليه تيليفون وجاوب : الو وي خالتي …اه امم انا جااي …)
عمران : خالتي وراجلها جااو راهم كايتسناوني انا نمشي عندهم …ماتنسااش غدا خطبتي …جات فهاد الأوضاع ولكن ماعاندنا مانديرو … الواليدة ديالك كاترتاح دب حتاال غدا وندوز عندها نشوفها …فكر مزيااان فهاادشي اللي قلت ليك وفكر فحتى شنو درتي ….
فاروق حرك ليه رااسو بالإيجاب تنهد ودور وجهو جيهة النافذة كايطل على الحديقة .. وعمران خرج مشا فحاالو …
❌ لتحت فالفيلا ❌
هاجر كاتمشي وتجي وتفرك فصبااعها ….
نعيمة : جلسي للارض دوختيني …
هاجر : واامااما من قبيل وهو لفوق … سمعنا غوااتو مع مريم وهي خرجات فحالها قلت دب يهبط يدوي معانا جا عمران وطلع عندو جلسو يدويو وهاهو عمراان خرج وهو مااهبطش …
نعيمة : ياكما كاتسنااي يجي يشكرك حيت عتقتي ليه مو اللي اصلا نتي سبابها …
هاجر : مااامااا شووووت سكتي لا تفضحينا …(سمعات خطوات ديال شي حط هابط من دروج …)
هاجر : هااهو …
هبط فاروق كايلبس فجاكيط ديالو ودااز من حدااهم مادوااش مع حتى وحدة فيهم وخرج …
نعيمة : يله شدي على قلبك ا بنتي الحبيبة ….

❤ زوجة للإيجار ❤
✍كوثر الزهراوي✍
💥الجزء -68-💥
💙 عند مريم 💙
بعد ما دوات معاها ليلى وهدناتها خلاتها وحدها فبيتها …جالسة وكااتفكر فهااادشي كاامل اللي وقع ليها من نهار دخلات لديك الفيلا … من نهار شاافتو وجرها لجنبو على اساس انها مرااتو … دب سيمانة دازت سيماانة كل نهار كاتدوزو معااه وبقربو ..سيمانة وهو كايضحك فوجهها …سيمانة وهو كايشد فيديها وكايشابك صباعو مع أصابعها …سيمانة وهو كايوصلها لقرايتها ويضحك معاها فالطريق … هاد السبعة ايااام خلااتها تعلق بيه بزااف … ولفااتو بزااف ولفات حركاتو وهضرتو معاها واحتراامو ليها …دب فاش دوا معاها بهاد الطريقة ماعجبهااش الحال …مابغااتوش يفكر بطريقة خايبة عليها …
مريم : ولكن علااش انا كانفكر فييه بزااف بحاال هاكاا علااش …يااربي ضرني راااسي يااربي …الى بغااا سفكر فيا بطريقة خاايبة غيير يفكر انااا ماالي فيه هلااش عاطيااه اهتماام اهئ اهئ الله ياااربي (شدات فرااسها اللي كان غاادي يطرطق وتكات فوق سريرها ونعسااات …)
✅#عند_فاروق✅
بعد ما خرج مشااا طلع للاوطو ديالو وكسيرا مااوقف حتاا طريق خارج المدينة …السكات تم والدنيا خااوية حل الباب وهبط وشد فرااسو كايفكر فكلاام عمران وكايفكر كيفاش عاامل مريم …صورتها وهي كاتبكي مابغااتش تحيد من باالو …
فاروق كايدوي مع رااسو ويقول : تهدن ا فااروق تهدن …ماتعطيش للأمر أهمية …اه هي صدقات بنت مزيااانة وكاتدير الخير فالنااس ولكن هادشي ماااشي مهم …ماسوقيش فهااادشي …هي فقط شريكة ديالي فالثمتيلية…ملي غاادي يسالي الشهر غااادي تمشي فحاالها وغادي نسا شنو عشنا هااد الشهر …غاادي نساا اه غادي نسااا ….
طاااح الظلام و وصل الليل….جالسين فالكوزينة كايدويو حتى سمعو الحس وراهم …دارو بزوج لقاوها خديجة …
هاجر : خاالتي فقتي …
نعيمة : اهلا ختي …علاش نضتي من فرااشك ؟؟؟
خديجة : اناا مليت الفوق جالسة وحدي متكية عييت …اصلا مابيااا واالو انا كانحس برااسي مزياانة …فين هو فاروق …
هاجر نقزات وقالت : خرج ا خالتي …
خديجة ربعات يديها وقالت : ايوا ومرااتو ؟؟؟ فين مريم …؟؟
هاجر يله بغات تدوي وهي تخنزر فيها نعيمة وقالت : اااه مراتو خرجات حتى هي وماعرفناااش فيين …
خديجة سمعات الباب تحل ومشات جيهتو بغات تبعها هاجر وهي تجرها نعيمة …
نعيمة : لاباقيش ترطاااي وتنقزي … سكتي وشووفي من بعيد ونتي اللي سولك تحلي فمك وتجلسي تجااوبي فيه …واااش انا انبقا داايمة ليك وتاابعااك همم دوي …

هاجر : واااخاا ا ماما وااخ صاافي …طلقي مني نمشي نشووف وااش فاروق اللي جا …
نعيمة طلقاتها ومشااات طايرة …شافا فيها وقالت : ياربي ترزقني الصبر معااها …
💥#عند_فاروق💥
تم داخل حتى كايشووف مو عند الباب … مشا عندها بااس رااسها فرحان ملي شاافها مرة اخرى واقفة على رجليها …
فاروق : الواليدة على سلامتك …كيف بقيتي شوية كنت بااغي نطمان عليك قبل مانخرج ولكن قلت بلاما نفيقك ونخسر نعاسك كنتي كاتباني مرتااحة …
الأم خديجة : لا مرتااحة مرتااحة ( كاتشووف وراه …) ولدي فاروق !!!
فاروق : نعام الواليدة …
الأم خديجة : فين مراتك ؟؟؟

❤ زوجة للإيجار ❤
✍كوثر الزهراوي✍
💥الجزء -69-💥
الأم خديجة : ولدي فاروق فين مراتك ؟؟
فاروق توتر وقال : شكون وااش مريم ؟؟
الأم خديجة : وعلااه عندك شي مرا من غيرها ؟؟؟
فاروق : لا ..غير …احم دب تجي … انا انصووني ليها دب … (جبد التيلي ديالو كايصوني …)
💙#عند_مريم💙
بعد مابكاات وفشاات قلبها طاحت نعساات بكثرة العيا والإرهااق والتعب ماباقيش عقلاات على رااسها ..جات ليلى طلات عليها ولقاتها هاكاك فرحات حيت سكتات من داك البكا والشهيق ..لاحت عليها الغطاء ويله بغات تخرج وهي تسمع تيلي ديالها كايصوني مشااات بالجرا هزاتو طلات لقات فاروق وهي تقطع عليه وطفات تيلي ورداتو لبلاصتو …
ليلى : عطبها التيساع شوي ا سي فاروق … نهار دخلتي لحياتها قلبتيها رأس على عقب…. دب باارااكا …
💥#عند_فاروق_فالفيلا💥
الأم خديجة وااقفة كاتشووف فولدها : شنوو ماكاتجااوبش ؟؟؟
فاروق : رااه عند هبة خطيبة عمران …راها صاحبتها ورااك عارفة الواليدة غدا الخطبة ايكونو مجموعين بيناتهم … راك عارفة البناات ….خليها تدوز الليلة عندها …(تم طالع للفوق وهي تبعو مو خديجة …)
نعيمة : عمري شفت شي بنت مزوجة ومابايتااش فدار رااجلها …عيالات آخر زمان …
هاجر : مشية بلا رجعة …انا بغيتها تبات فالقبر ماشي فدار صاحبتها …
نعيمة : سكتيينا ونتي دااك الفم عندك كايخرج غااا الكواارث ….
فاروق طلع لبيتو ودوز يدو على شعرو بعصبية وقال : يااك ا لالة وليتي طفي تيليفونات فوجهي …(تحل الباب ورااه …دار لقاها مو …)
فاروق :هاادي نتي الواليدة …
الأم خديجة : نتااا تخااصمتي معااها بسباابي يااك ؟؟
فاروق : لا الواليدة ماتديريش فبالك …
الأم خديجة: البنت شاافتنا عيينا وملينا بين ربعة ديال الحيوط قالت تخرجنا شوي تدورنا فالمدينة شنووو فيهااا … اصلا حنا كنا راجعين فحالنا ولكن هاجر عجبها الحال وبقات تصور من هنا وهنا حتى عييت …انا فديك اللحظة انا ماعرفتش شنو وقع ليااا جاتني دوخة وطحت للأرض حاولت نشد فرااسي ولكن ماقدرتش …عادي … مريم ملي شاافتني هااكاك تخلعات بزاااف لدرجة البنت ولات كاتبكي غااا وحدها … قلبااات معاايا على دواايا ومالقااتوش حيت هي مامتعوداااش على بحال هاد الشيء … شنو فييها حادثة عاادية ربي عاونا فيها …. هاادشي مايستااهلش تلومها عليه …هاادشي مكتاااب سمعتي …
فاروق تنهد وقال : وااخ الواليدة …
الأم خديجة: ايوا دب دوي مع مرااتك ورااضيها …هي مااعاندها حتى شي ذنب فهاادشي سمعتي …من نهار تعرفت عليها عمري شفت فيها شي حااجة د العيب …ماتقلقهااش رااضيها ..
فاروق تنهد وقال : واااخا الواليدة كوني هاانية …

❤ زوجة للإيجار ❤
✍كوثر الزهراوي✍
💥الجزء -70-💥
فاروق تنهد وعاود هز تيلي ديالو كايصووني واالو سيدة ماكاتجااوبش …حط تيلي وبقا كايتمشى فالغرفة وكاايفكر كيفاش تعامل معااها…. و تفكر كلام عمران عليها وكلام الأم دياالو … ماقدش يبقا هااكا جاالس ماكايدير واالو …حس بلي خااصو يدير شي حاجة …طااح ليه فباالو عمرااان …وهو يصووني ليه لقااه مشغوول …عااود صونا نفس الشيء مشغوول …ناض بدل عليه لبس سروال جينز مع تيشورت وجاكيط كوير …وعاود صونا وهنا جااوب عمران ….
فاروق : شنو دب نبدا نسب ونلعن فيك فهاااد الليل …فين كنتي غااابر الساااط …
عمران كان متكي غاا سمعو وهو ينوض وقال : اوووهوووو القضية فيها السباان يعني دااكشي شاخد ماشي حتال لهيه…
فاروق : فين كنتي غااطس …؟؟؟
عمران : كنت كاندوي مع المدام المستقبلية…
فاروق : وكاتقوولها وبوجهك حمر …
عمران : عاادي اصلا عارفك معقد من زواج ههه
فاروق : دب من اللخر عطيني العنوان ديال دار مريم …
عمران مصدووم : كك كيفاش ؟؟ وااش كاتقصد …لا لا لا نتا بااغي تعرف واقيلا حمام مريم فين جا يااك …
فاروق : اشمن حمااام ولا مجزرة وااا مريم ا بنااادم مريم …
عمران : مراتك !!!
فاروق : المزيفة …
عمران : وعلااش …
فاروق : ماكاتجاوبنيش بااغي نمشي ندوي معااها ..
عمران مصدوووم : بااغي تمشي تدوي معاها فاص ا فاص …
فاروق : ماالك مصدووم ..غادي ندوي معااها نعتاذر ونصلح الوضع محد هاادشي بااقي فبدايتو …
عمران : ولكن …
فاروق : شوووف كلمة وحدة غادي نقولها لك و غير نقطع غادي يوصلني العنوان فميسااج …الحي انا عاارفو حيت ديجا شريت دار ليها تم …انا بااغي نمرة د دار ولا وصف …سمعتيني نقطع نلقااه وصلني …
عمران قطع وبدا كايضحك ويقول : هههه السي فاروق ولا بااغي يعتااذر ويصلح الأمور ..وااا زوجة عجيبة هادي اللي خلاتو يتبعها لدارهم فنصاصات الليل هههه
✅فالمطبخ✅
هاجر : خاالتي اناا وجدت العشااء … انمشي نعيط على فااروق بااش يااكل معانا …
الأم خديجة : خليتو انا باغي يدوي مع مرااتو ويرااضيها ….
هاجر معصبة : هااا كيفاش يراضيها …احم زعما بغييت نقول مزياان يراضيها…(هزات عينيها شاافتو هاابط من الدروج لاابس ومقاااد….)
الأم خديجة : ولدي فيين غاادي …
فاروق : انمشي نشوف مريم …نتوما غير تعشاو وسيرو تنعسو …ماتسنااونيش …(خرج كايزرب فخطواتو…)
الأم خديجة : هههه اودي على ولاد اليوم هههه ماسخاااش بمرااتو ومشا عندها …
الأم خديجة : هههه اودي على ولاد اليوم هههه ماسخاااش بمرااتو ومشا عندها …
الخالة نعيمة : ايييه ايكون توحشها (كاتدوي وتشوف فبنتها زعما من صباح ونتي تطيري وتنزلي وتطيبي فاللخر هاهو كااعما ذااقو …)

❤ زوجة للإيجار ❤
✍كوثر الزهراوي✍
💥الجزء -71-💥
✅فالدار عند مريم✅
جالس محمد أمين كايتفرج وحداه الأم زهرة وليلى كاتحط فالعشا …تم جااي عثمان جيهتهم …
عثمان : شفتها ناااعسة بااينة فييها عياانة مافيقتهااش…
ليلى : غير خليهااا رااه مع القرايا وصااف …
عثمان : خلييتها رااها نااعسة …
تجمعو كايتعشااو فجو مليء بالضحك وااخا ليلى كاتضحك ولكن باالها كولو مع مريم اللي تبدلات فهااد المدة اللي كانت فيها مع فاروق …
💥#عند_فاروق💥
وصل للعنوان اللي سيفط ليه عمران بلاصة الطوموبيل وهبط كايشووف فالدار … قشع غرفة شااعل فيها الضو بغا يعيط باسمها ولكن السكات فالحي وغادي يسمعووه النااس ..هبط عينيه للأرض كايقلب لقا حجر صغير وهو يهزو …
فاروق دوا مع رااسو وقال : ايييه السي فاروق فآخر يامك وليتي تدير فعايل البرااهش …( هز الحجر وبدا كايضرب فالنافذة د الغرفة وتخبا حيت ماعرفش وااش هي غرفة د مريم ولا لا …)
مريم كانت ناااعسة حتى كاتسمع النافذة كاتضرب …فاقت مفزوووعة نااضت كاتجري حلات النافذة تسحابها دراري صغاار كايلعبو …
مريم : ا دوووك الجنوون ..
فاروق سمع صوتها وهو يخرج قداامها كايشير ليها …
مريم مصدوومة ومخرجة عينيها : فاروق نتااا !!!!!
فاروق : لا خيالي … بطبيعة الحال انا …حلي حلي ولا عرفتي شنو ..هبطي ندوي معااك…
مريم كاتدوي بشوي وتقول : اويلي واااش حماقيتي سير فحااالك قبل لا يشووفك شي حد ….
فاروق : ماعاندي فين نمشي حتا ندوي معااك … دب بلا دااك تبعكيك …يا تهبطي يا ندق عليك …
مريم : اويلي ماتقدرش تديرها …
فاروق : تجربي …
مريم : حبااااس حبااس حدك تم انا هاابطة هاابطة …
لبسات مريم فرجليها وهبطات عندو بالجرا …حلات الباب لقااتو وااقف قداامها …
فاروق : سلام …
مريم جرااتو ورا الباب وقالت : اويلي اشمن سلاام واااش بااغا تفضحني لاااش جاااي لهناا لاااش ؟؟؟
فاروق : بااغي ندوي معااك على صبااح …صراحة انا ..(تسمع صوت عثمان جااي جيهتهم كايعيط باسم ختو ..)
عثمان : مريم …مريم واااش هاادي نتي …
مريم : اويلي ميمتي خووياا جااا … شنو انديير شنو شنو نااري …
فاروق كايشووف فيها توترات مااعرف مايدير حدو قال ليها : مستحيل نخرج حتا ندوي معاااك …
مريم : واااش دب وقت العناد دياالك …طلع طلع مع هاد الدروج البيت الاول على يديك الأيمن دخل تخبا فيه …
طلع فاروق بالخف وهو يجي عثمان شاف فمريم وقال : شنو كاتدير فباب الدار …

مريم : هااا لا كنت هاابطة نشرب الماء وسمعت شي حاجة فالباب ضنيت انو شي حد كايدق وملي حليت مالقيت واالو …
عثمان : اجي تعشااي معانااا …
مريم : لاا مافيااش انا شربت وانكلع نعس فحاالي عيااانة …
عثمان : وااخا تصبحي على خير …
مريم : وانت من أهلو ا خويا …(طلعات بالجرا حلات باب بيتها كاتقلب عليه بعينيها مالقااتوش سدات الباب وهي تلقااه مخبي وراااه …)
فاروق وااقف من وراء الباب متكي على الحيط خاشي يدو فجياب السروال د الجينز شااف فيها وقال : موصيبة عمري ….

❤ زوجة للإيجار ❤
✍كوثر الزهراوي✍
💥الجزء -72-💥
فاروق : مصيبة عمري …
مريم : رااك نتا اللي موصيبة عمري وحيااتي كااملة شنوو جاااي تدير فداارنا فنص د ليل واااش حمااقيتي كوون شاافك شي حد …
فاروق : ولكن ماشافني حتى حد خبيتيني مزياان …
مريم : رااه عندك زهر خويا مااشافكش …
فاروق : دب اللي نطولوه نقصرووه انا جااي بااش ندويو فموضوع د صباح …
مريم تقرصات … تفكرات كيفااش تعامل معاها صبااح تنهدات وقالت وهي ماكاتشووفش فيه : فاروق شووف صاافي انا فهمتك …نتا خفتي على الأم ديالك وانااا سباااب حيت انا اللي خرجتها … نتا قلتيها لي صبااح وانا مانسيتهااش قلتي لي نتي زوجة مزيفة ماشي مرشدة سياحية …انا انبقا نجي نلعب الدور ديالي ونرجع فحالي حتى يدوز هااد شهر ..
فاروق عرفها مقلقة وماعاجبهاااش الحال وكاتدوي بطريقة مختلفة على طريقتها المعتادة …
فاروق : مريم عافاك ماتقوليش هاكا … سمحي ليا على الغوات ديال صباااح .. انا ماتصرفتش معااك بطريقة مزياانة صراحة فااش شفت الواليدة ديالي فديك الحالة ..انا …
مريم قاطعاتو وقالت : فاش شفتي الواليدة ديالك فديك الحالة بنت ليك غير انا اللي تلوح عليا التهمة وتفرغ فيها غضب ديالك ياااك …
فاروق : كانعتااذر منك ولكن رااك نتي اللي خرجتيهم داكشي باش …
مريم : فهم ا فاروق انا مااشي خرجتها باش نآذيها …داك النهار سمعت ماماك وخالتك كايدويو وقالت ليها بلي عيينا فالدار جاالسين بين اربعة ديال الحيوط بحالا جالسين فالأوطيل … انا فااش شفتهم هاكاك قلت نخرج معاهم يدورو شوي فالمدينة وكنت داايرة فبالي بلي ماماك عيانة ولكن قلت رااه دواها معااها… فاش عياات قلباات عليه مالقااتوش وكانقسم ليك بلي حتى انا قلبت عليه …واااش انااا نقدر ندير شي حاجة للأم دياالك …رااه عندي ماما واللي نبغيه ليها نبغيه للأمهات كاملين …
فاروق : انااا عاارف …
مريم : ممم عاارف داكشي علااش جيتي عندي دب … حتى عرفتي بلي فعلتك قد رااسك …
فاروق : وماالو رااسي تاني ؟؟
مريم : واالو واالو سير دب فحاالك يله …الهضرة ماشي دب …
فاروق دوز يدو على شعرو وقال : لا الهضرة دب … شوفي مريم خااصك تفهميني ….انا نهاار لول فااش تافقت معااك على هااد اللعبة شرطت عليك حااجة وحدة هو الواليدة دياالي تكون فرحاانة وبيخير …انا اصلا هاادشي كااامل دايرو على قبلها وفاش شفتها هااكاك راااه رديتك نتي المسؤولة على حالتها …صراحة بلاما نسولك ولا ندوي معاك تعاملت معااك هاكاك …سمحي ليا كانعتااذر منك …
مريم هو كايدوي وهي كاتشووف فيه ساااهية كاتسمع لديك سمحي ليا وكاتشووف فعوينااتو كيفاش كايحركهم وكيفاش ملامح دياالو كايتغيرو مع كل كلمة …فاقت من سهوتها فاااش شاافتو مد يديه ليها …
فاروق : شنو دب تسامحتي معاايا …
مريم شافت فيه وفهمااتو وااخا داااكشي اللي دار مابغااش يتنسا ليها ولكن المسامح كريم ملي اعتااذر وشرح ليها وضعو تنهدات وقالت ليه : وااخا سامحتك ولكن بشرط هااادشي مايتعااودش من هنا لقداام …
فاروق : لا ماتخاافيش اصلا مابقااش بزااف د الوقت غير 3 د سيماناات اتدوز نشاءلله بيخير …
مريم حدرات عينيها وقالت : اااه عندك الحق مابقا واالو وكل وااحد ياخد طريقو ….
❌تسمع دقان فالباب❌
مريم : اويلي 😳😳😳😳

❤ زوجة للإيجار ❤
✍كوثر الزهراوي✍
💥الجزء -73-💥
❌تسمع دقان فالباب❌
مريم : اويلي 😳😳😳😳
ليلى كاتدوي من على برا وتقول : مريم واااش فقتي ؟؟ حلي حلي (كاتدق فالباب…)
مريم : فاروق سير تخبا جيهة البلاكار سير …
فاروق : ولااش كاتدفعي فياا لااش ؟؟
مريم :واااسير يله …(مشا فاروق تخبا …)
ليلى كاتدق وتقول : مريم حليي هاد الباب …!!!!
مريم : وااخ وااخ هااني جاايا ا ليلى (مشاات حلات بالساروت وشافت ف ليلى …)
ليلى : ماالك تعطلتي شنو كنتي كاتديري ؟؟؟
مريم : هااا لا واالو ؟؟ ماكنت كاندير والو …
ليلى : عثمان قال ليا بلي لقاك لتحت حدا الباب ديال الدار وملي سولك قلتي ليه بلي سمعتي الدقان …؟؟؟
مريم : اااه اااه (كاتدوي ومتوترة) اااه انا كنت هاابطة لتحت نشرب وسمعت شي حاجة حدا الباب حليت مالقيت حد ورجعت فحاالي …
ليلى ماتيقاتهااش ربعات يديها وشافت فيها وقالت : شوووفي ا حبيبة دياالي ..الى دق شي حد رااه انا لولة كانسمعو …قولي لي دب علااش هبطتي للتحت وبلااما تقولي لي المااء راااه الماء فين محطوط فوق الطبلة عندك …( مريم دورات وجهها شافت القرعة ديال الماء محطووطة عندها فالغرفة )
مريم متوترة مابغااتش تقول ليها على فاروق اللي مخبي لدااخل خافت يتجبد شي صداع تنهدات وقالت : ليلى شوفي انااا غير …
ليلى شافت المفتاح ديال الغرفة فيديها وهي تحيدو ليها : علااش كنتي سااادة علييك البيت هممم ماموالفااش ليك تسدي بييتك …؟؟؟
مريم: وا ماكاين واالو …
ليلى شهقاات وقالت : ماتقووليش لياا كنتي بااغاا تمشي عندو ؟؟؟ داااكشي علااش لقاك خوك فالباب .. هيييء كون ماكان عثمان كون رااك مشيتي ياااك ؟؟؟
مريم : شكووون ؟؟ كيفااش لا انا ماهبطتش لتحت بااش نمشي عندو راته قلت ليك هبطت غا نشرب وسمعت دقان …
ليلى : هااادشي اللي كاتقوولي ماداخلش لياا لرااسي و شووفي سمحي ليا على هادشي اللي غادي ندير ولكن انا شفتك اليوم كيف كنتي كاتبكي دااكشي بااش غادي تدخلي وغادي تغطااي وتنعسي وترتاااحي ماااعاندك فيين تمشي خليه يتعود على غيابك ( دفعاتها للداخل وسدات الباب بالساروت من علا برا ومشات فحالها …)
مريم : اويلي ليلى حلي حلي هااا العااار حلي رااه ماكنتش غاادية عندو حليي ….لا ماتمشيييش عاافااك … هووووف ….
فاروق خرج من جنب البلاكار وشاف فيها وقال : شنو صاافي مشاات يله حتى انا انمشي …
مريم : فيين غاادي تمشي رااه سدات الباب من على برا …
فاروق : شنوووو ؟؟
مريم : ماعااندااك فين تمشي اتدوز ليلة هنا حتااال صباح ايلا جانا العفو من عند مرت خويا اتقدر تمشي فحالك ….
فاروق : وانا ماالي وماال مرت خوك …غادي نمشي فحالي …
مريم : الباب مسدود منين غادي تخرج مثلا بغيتي تنقز من الشرجم تفضل …نقز بااش مايلقاو مايجمعو فيك …ولا بغيتي تهرس الباب بااش يفيق خويا وماما والجيران وتوقع موصيبة …
فاروق : هااد الساعة ماكاينة حتى موصيبة من غيرك ا موصيبة عمري …

❤ زوجة للإيجار ❤
✍كوثر الزهراوي✍
💥الجزء -74-💥
مريم : موصيبة عمري ؟؟؟ كيفاااش موصيبة عمري… واااش انا اللي قلت ليك اجي لعندي فنصاصات ليل …
فاروق : بغيناا نديرو الخير هااهو تقلب علينااا …
مريم : اااهاااه دب نتا جااي تعتاذر مني هي جااي تدير فيا خير …ايوا الله يمسخك كثر مانتا ممسوخ …
فاروق : يااربي الصبر يااا ربي …
مريم خلاتو ومشات تلاحت فالسرير باش تنعس …
فاروق دار ليها اشارة بيديه وقال : ايييهو …انا راااني هنا زعما …
مريم : رااني شفتك رااه قدك قد السخط …
فاروق : شنوو اندوز ليلة هنا وااقف …
مريم : ايلا بيتي …
فاروق : كيفاش ايلا بغيت …
مريم شافت فيه وشاافت فالارض ويله بغاات تدوي وهو يقاطعها وقال : مستحيييل بلاما تفكري فييها …مستحيل نعس فالدص …
مريم : وفين بغيتي تنعس مثلا هانتا كاتشووف بيتي الغزال فيه سرير وااحد دياالي وفيه مكتب فوق منو كتوبي وكاااين داك كرسي عزيز عليا نجلس فيه وكاين بلاكار فيه حوايجي …هااادشي اللي كاين ايلا مابغيتيش الارض سوقك هاداك نعس ونتا واقف …
فاروق : ياااك ا لالة …واخا …(حيد جاكيط ديالو حطها فوق الكرسي وتحنا حيد سبادري ديالو تحت أنظار مريم اللي كاتشووف فيه مافاهمة وااالو …سالا وتم قاصدها …)
مريم : شنووو كاتديير حيد من فووق سرير دياالي حيد …
فاروق دفعها وتكااا …
مريم : اويلي نتااا شنوو كاتديير …نوض نوووض والله حتى نغوت …
فاروق : غوتي غوتي بااش يتجمعو علينا وملي يسولوني شنو كاندير هنا نقول ليهم نتي اللي دخلتيني اااه ونقول ليهم بلي نتي مرااتي وشااري ليك دااار …
مريم : شنو دب كاتهددني …وكيفاش هاد مراتي ..راني غاا مزيفة …
فاروق : حسبي كلامي كيف بغيتي …
مريم تكات حتااا هي حداااه كاتسووط وتنفخ غاا وحدها وهو حداها جاامع ضحكة …
مريم : كااتضحك يااااك …
فاروق : علاش غادي نضحك بالسلاامة ؟؟
مريم : لا والله حتى كاتضحك سمعتك …والله لا بقاات فييك …
فاروق : بلاما تحلفي ماغادي تقدري تديري ليا وااالو …
مريم : ياااك …(هزات رجليها وركلاتو حتى جااا طايح للارض …)
فاروق : اااععع كاتغفلي يااااك ا مريم …
مريم : ماباقيش تستفزني ….
فاروق : والله لابقاات فيك ا مريم …عقلي على هاد الركلة …اععع وااش انا مع بنت ولا مع حصان …عمري شفت شي وحدة بحالك …
مريم : ياااك !! عمرك شفتي شي وحدة بحالي …
فاروق : اييه مع نتي تباركلله فريدة من نوعك …
مريم : فريدة …لاواه مناار …

❤ زوجة للإيجار ❤
✍كوثر الزهراوي✍
💥الجزء -75-💥
فاروق : وااش عندك شي حاجة فمخك ماشي حتاال لهيه ؟؟
مريم : مااتنعسش حداايا… سرير ديالي وحدي …
فاروق : يااك بغيتي غير ضد …وااخاا (ناااض رجع لبلاصتو …)
مريم : اويلي حيد من حدااايا حيد رااه غادي نعاود نركلك …
فاروق : غادي نشير بيك ايلا عاودتيها مرة اخرى …واانعسي وتكمشي …
مريم حطات رااسها فوق المخدة وسكتاات كاتفقس ودندن غا وحدها وهو رااد معاها البال هههه
💙بعد مرور لحظات💙
مريم : اوووف اوووف وااا بعد شوي راااك خنقتيني واااه ….
فاروق : رصاااي راااه ايلا لحتيني هااد المرة للارض غاادي نتفااهم معااك مزياان …
مريم : وراااه بيتي هادا والسرير ديالي هاادا …
فاروق : وحتى اناا رااه عظاامي هاادو واااه ملي حطيت راسي على المخدة ونتي كاتركلي يااا هااد البنت تكاايسي …
مريم : هوووف هوووف ( سكتات وبقات متكية كاتشووف فالسقف )
فاروق مغمض عينيه ورااد معااها البال …
مريم : فااروق …
فاروق : هممم
مريم : وااش نعستي ولا بااقي …
فاروق : علااه نتي خليتي شي حد ينعس …ملي حطيت رااسي ونتي كاتقلبي فوق هاد الفراش تقولي كاتفكري فهموم الدنيا والآخرة …
مريم : واانووض نووض نوريك واحد جوج قفاطن اختار معايا شنو نلبس غدا فالخطبة د هبة وعمران …
فاروق : مااشي دب حتاال غدا عيان …
مريم : الصمت
فاروق فخاطرو قال : الله على رااحة نعسات …ماهي إلا لحظات حتى غفلاتو ولاحتو من فوق السرير جا طايح للأرض …
فاروق : الجهل نشاءلله ….
مريم : وااانوووض تختاار معاايا مااسوقيش …
فاروق : واااش هادوك عندك يدين ولا بالات ديال السيما ولا شنو …
مريم : بزااف عليك …
فاروق (شاد فجنبو ) : وااا موصيبة هاادي ياا سيدي ربي (هز عينيه فيها وقال : شتي نهاار قلت عليك موصيبة عمري والله ماكذبت اقسم بالله ماكذبت …ماازال نقولها بكل افتخار …
مريم : دب القفطان الأحمر ولا القفطان الأخضر ؟؟؟ ممم
فاروق شاف فيها بسخرية وقال : القفطان الابيض
مريم : الابيض نلبسو عليك نشاءلله …
فاروق : شتي علاش كانقول ليك موصيبة عمري…
مريم هازة فيديها اليمنى القفطان الأخضر واليد اليسرى هازة بيها قفطان احمر كاتشوف فيهم وتشوف ف فاروق : غير اختااار معايا والله ماباقي نركلك …
فاروق ناض تكا فوق السرير وقال : ايلا اختاريت معاك اتخليني نعس نحط عظامي يرتاحو يااك ؟؟
مريم : اااه ااه بطبيعة الحال ايوا شنو دب الأخضر ولا الأحمر …
فاروق : الاحمر …
مريم : وعلاش ختاريتي الأحمر وماختاريتيش الأخضر …
فاروق : يله زيدك هادي حلل ونااقش هوووووف …
يتبع…..

Leave a comment