Skip links

قصة : زوجة للإيجار 2

 3,708 عدد مشاهداات

❤ زوجة للإيجار ❤
✍كوثر الزهراوي✍
💥الجزء -26-💥
عمران : احم مريم دب اللي طرا طرااا … كولشي تعرف عليك على اساس نتي زوجة فااروق اذا كان ممكن تكملي معااه فهااد اللعبة الله يخليك …
مريم : لاااا مستحيييل …
عمران : لمدة شهر فقط …شهر وااحد …
مريم : لاا مانقدرش …
عمران : غاادي يعطييك اي حااجة بغييتيها غير فكيه !!!
مريم : لا انا ماامحتااجة حتى شي حاااجة …
عمران : وااش متأكدة ماااخاصك واالو … ماخاصينكش شي فلووس …؟؟؟ ماعاندكش شي غرااض يقضيه ليك …؟؟ هو يقدر يعااونك فأي حااجة عااافاااك فكري …
مريم : لا شكرا ا خوويا … تمااات خاارجة وهو يضوني تيلي ديالها…
مريم : الو وي ليلى خاصا شي حاجة نجيبها معايا ؟؟
ليلى : لا مااخاص واالو غا اجي دعيااا …
مريم : علااش ياااكما وقعات شي حاجة خاايبة …
ليلى : ابتساام حاالتها حااالة جراا عليها مول الدار وجمعات حوايجها وجات لهنا هاازة سارة وكاتبكي قطعاات لي قلبي ياا ختي اجي دغيا دوي معاها وحاولي تهدنيها راااه كاتقوول ايلا خدا ليا بنتي نقتل رااسي …
مريم قطعات وتنهدات دورات وجهها شافت فالفيلا وتمات دااخلة عااود …لقات عمران وااقف مع هبة ..شافت فيهم وقالت : موااافقة … انا انلعب دور مرااتو لمدة شهر …
عمران : بصح …زعما شنو وقع حتى غيرتي رأي ديالك ؟؟
مريم : انااا ( سمعو صدااع جيهة الصالون ..)
عمران : شنو واقع ؟؟؟
مشاااو كايجريو…لقاو الأم د عمران هاازة حوايجها …
الأم خديجة : ماااعاندي مانبقا نديير فهاد الدار …مستحيل نزيد فيها دقيقة وحدة …
فاروق : الواليدة الله يهديك …
الأم خديجة : كان عليك تفكر مزياان قبل ماتمشي تزوج بلا خبااري …رااك مادرتي لياااا قيمة …حسبتيني ميتة واناا ماازاال حية ومادرتي بحساابي ونتا عاارفني بلي النهار الكبير عندي هو نشوفك بداارك ولكن خسااارة …
فاروق :الواليدة آلله يخليك …
هنا مريم تدخلات ومشات شدات فيديها وقاالت : خاالتي عااافاااك حنا غادي نفهموووك كولشي عااافاااك غير تهدني … غادي نشرحو ليك كيفاش تزوجنا وعلاش ماقلناهاش ليك …
فاروق مصدووم كايشوف فيها كيفااش دغيا تبدلات و ولات فصفو ههه سبحان مبدل الأحوال …
هنا قفزات نعيمة وقالت : اويلي ياااكما درتو الحرااام … ياكما حملتيها و عائلتها فرضو عليك تزوجها هيييييء اعوذ بالله …
الأم خديجة : اويييلي البنت حاااملة ..ايجيني حفيد ؟؟
عمران شد فرااسو و شاف فهبة وقال : العروسة ضبرنا عليها …منين انضبرو على هااد الحفيد اش هاد الحماق يا مولانا ؟؟؟

❤ زوجة للإيجار ❤
✍كوثر الزهراوي✍
💥الجزء -27-💥
هنا مريم تدخلات ومشات شدات فيديها وقاالت : خاالتي عااافاااك حنا غادي نفهموووك كولشي عااافاااك غير تهدني … غادي نشرحو ليك كيفاش تزوجنا وعلاش ماقلناهاش ليك …
فاروق مصدووم كايشوف فيها كيفااش دغيا تبدلات و ولات فصفو ههه سبحان مبدل الأحوال …
هنا قفزات نعيمة وقالت : اويلي ياااكما درتو الحرااام … ياكما حملتيها و عائلتها فرضو عليك تزوجها هيييييء اعوذ بالله …
الأم خديجة : اويييلي البنت حاااملة ..ايجيني حفيد ؟؟
عمران شد فرااسو و شاف فهبة وقال : العروسة ضبرنا عليها …منين انضبرو على هااد الحفيد اش هاد الحماق يا مولانا ؟؟؟ ايلا ماتدخلتش غادي توقع موصيبة ..
عمران : احم احم خالتي نعيمة حشووومة هاادشي اللي كاتقوولي … فاروق مستحيل يدير حااجة بحاال هااكا …ماكااين لا حفيد لا والو …
الخالة نعيمة بشك : اممم ايوا علاش هو سااكت ونتا اللي كاتجااوب بلاصتو همم
عمران دوا بشوي وقال : اودي راه ايلا دوا هو غاادي غير يزبلها وانا نوحل فيها …
الخالة نعيمة : شنو قلتي ماسمعتش ؟؟
عمران : واالو هاهو غادي يدوي مع مو ويشرح ليها …
الخالة نعيمة : ايوا وحنا شكون يشرح لينا …؟؟؟
عمران : وااامووصيبة هاادي …
مريم دارت خنزرات فنعيمة وااااحد تخنزيرة عاالمية ههه طلعاات ليها دم كثر مااهو طاالع ليها …
هبة شهقاات ملي شاافتها ههه ….
عمران : مالكي نتي بحالا شفتي جن …؟؟؟
هبة : شفت مريم خنزرات فديك نعيمة …ناري هاد التخنزيرة انا كانعرفها من ورااها كاتجي المدابزة ..ناري دوك تلاح عليها تنتفها …
فاروق : الواليدة جلسي ديري ليا خااطري وخليني نشرح ليك …
مريم : ااه عاافااك اخالتي اجي نشرحو ليك …
الأم خديجة شافت حتا عيااات ومشات جلسات وقالت : هاااني كانسمع واااخا هااادشي اللي غاادي تقولو ماغاديش يغفر فعلتكم ….وخصووصا نتا اللي من لحمي ودمي وهزيتك فكرشي تسع شهووور …
فاروق : احم الواليدة فهميني حنااا رااه تزوجنا بلا عرس بلا حفلة بلا وااالو …مشينا لعند العدول ضربنا الكحل فالأبيض وصافي … انا كنت بااغي نديرها ليك مفاجأة ونفرحك …نتي من ديما كاتقولي لي اختار شي بنت الناس اللي تبغيها وتبغييك وبالفعل انا لقيتها وطلبتها للزواج و وافقااات وكنااا جايين عندك نفرحوك بهاد الخبر ولكن نتي سبقتي وجيتي ولقيتي هادشي قدامك (كايدوي وكايشوف فمريم اللي كاتشووف فيه وكاتدير ليه حركات بعينيها ديال من نيتك ا خوونا فالله ههه)
الأم خديجة : ولكن علااش علاش اولدي ..علاش ما قلتيهااش لي كون جيت عندك ومشينا خطبنااها من واليديها حسب الأصول ودرنا ليكم شي عرس اللي كولشي يدوي عليه … وبعدا واليدين البنت واافقو على هااد الشيء…تزوجتو مابين ليلى وضحاها بلا عرس بلا فرح بلا واالو …داكشي بالسكات بحالا دايريين جريمة ؟؟؟؟

❤ زوجة للإيجار ❤
✍كوثر الزهراوي✍
💥الجزء -28-💥
فاروق : واليديها ؟؟؟ احم لا هي راه …
الأم خديجة : هي شنو ؟؟؟
فاروق : هي مسكينة راه مقطوعة من شجرة ..ماعاندها حد فهاد الدنيا …
مريم قربات جيهة وذنو وهمسات وقالت : الله يقطع ليك الجدر نشاءلله …
فاروق دوا بشوي وقال : سكتينا …
فاروق : احم الواليدة … مراتي مسكينة رااه مقطوعة من شجرة ماعاندها حد …(هو كايدوي ومريم حادرة رااسها عاايشة الدور زعما البريئة ههه)
فاروق : فاش تعرفت عليها ماكان عندها فين تمشي وكانو عندها مشاااكل وانا كنت بغيت نجيبها لعندي للدار ولكن مابغيتش ندخلها لعندي هاكاك حشوومة …قلت ندخلها لداري بالشرع والقاانون وتزوجنا فالمكتب ديال العدول وقلنا نديروها لك مفاجأة … قلت راااه غادي يعجبك الحاال وتفرحي بيا وباشنو درت ولكن نتي تقلقتي وماعجبكش الحاال …احم المهم حتى دب ايلا كان عندك شي مشكل نطلقو …نحط حجرة على قلبي ونسا البنت اللي بغيتها على قبلك …نتي ديما كاتقوولي ليا الزوااج الزواااج الزوااج هاني درت بكلامك ولكن نتي عكستي ليا وانا …احم …
الأم خديجة قاطعاتو وقالت : ايواا لاوااه على الطلاق …اويلي انا يله قلت بلي ولدي دااار عقلو ههه …صراحة فاللول ماعجبنييش الحااال وتقلقت ولحد الآن مازاال مقلقة ولكن ملي شرحتو ليا بلي نتوما كاتبغيو بعضياتهم وبغيتو تجمعو فدار وحدة ماكاين باس … وحتى نتا اوليدي مزياان مادخلتييهااش لدارك وهي بنت عادية …دخلتيها عرووسة وكيف قلتي بالشرع والقاانون هااادي حااجة مزيااانة …ايوا اشنو غاادي نقول ليكم …تمنييت نشووفك عرييس اوليدي ولكن الغالب الله …المهم دب هو درتي يديك فيد بنت ودخليتيها لداارك تكون بيك وتدير ليك وليداات نشاءلله يعمرو عليك ويكونو معااك من هنا للقدام …
فاروق تنهد برااحة وقال : نشاءلله ا الواليدة …
هبة كاتشووف فيهم فرحااانة وكاتضحك غا وحدها …
عمران : مالكي نتي من صباح ونتي كاتفرنسي همم ..
هبة : ههه اول مرة نشوووف مريم ظريفة وحادرة رااسها ياااحليلي كاتبااان بريئة …شوف شحاال كيوت هههه
عمران : ههه حتا انا اول مرة نشووف فاروق كايدوي بثباثة ورزاانة ههه جا معاه الزواج …
هبة : سكت سكت نتا تيقتيهم هههه راه غا ضاحكين ههه
عمران : واا والله كون ما كنت عاارف بلي هادي مجرد لعبة وشفتهم هاكا والله حتى نتيق بلي كايبغيو بعضياتهم ومزوجين …
هااجر غير وااقفة وكاتسمم غير وحدها وتفقس …
الأم خديجة : احم ايوا شنو سمية ديال عروستي الغزاالة …
فاروق : هااا سميتها …(كاينغز فمريم)
مريم ساااهية حتى نغزها فاروق زعما تكلمي

مريم : اااه انا مريم ا خالتي …سميتي مريم …
الأم خديجة : تبااركلله تباركلله ايوا عاودي ليا كيفاش تلاقيتي بهااد الولد عندي ههه وكيفاش خليتيه يبغيك ابنتي وكيفاش قدرتي تغيريه …راه اربع سنين هاادي وانااا كانقوول لو يتزوج ويدير دااارو وهو كايقول لي مابااغيش …
الخالة نعيمة : ايييه عااودي لينا نشووف هااد الحريرة كيفاش بدات …
مريم قربات لجيهة فاروق وقالت : هاد خالتك رااه كاتقلب عليا …دب نوض ليها …
فاروق : واا سكتيينا …

❤ زوجة للإيجار ❤
✍كوثر الزهراوي✍
💥الجزء -29-💥
مريم قربات لجيهة فاروق وقالت : هاد خالتك رااه كاتقلب عليا …دب نوض ليها …
فاروق : واا سكتيينا …احم الواليدة نتوما دب يله جيتو من السفر وعيانين … بلاما نشدكوم بالهضرة دب …سيرو ارتاحو وبدلو عليكم من بعد و ندوييو ياااك الحبيبة ديالي …
مريم تحت لسانها : الله يعطيك الحبوب …قالك حبيبة ديالي …
الأم خديجة : اييه ماقلتي عيب اوليدي …
نعيمة جراات بنتها وتمو طالعين للفوق …
بقا لتحت غير عمران وفاروق وهبة ومريم …ساد الصمت لمدة دقيقة وهي تكسرو مريم …
مريم ناضت وقفات وقالت : هااادشي بزااااف ….
هبة قربات جيهة عمران وقالت : هااا اللي قلت ليك …راك كاتسكت حتا كاتسكت وايلا دوااات راه كاتخلط كوولشي …مشينا فيها …
مريم : هادشي بزااف والله … هوووف (كاتنش على راسها…) هاد اللعبة صعيبة …
فاروق كايشوف جيهتها تنهد ونااض وقف وقال : كانضن بلي عمران شرح ليك علااش تصرفت هااكاك ..
مريم كاتشووف فيه كيفااش كايدوي بتكبر وغروور : اييه شرح لي علااش تصرفتي هااكاك وحتى انا غاادي نشرح ليك علاش تصرفت دب هاكا …انا اسيدي غادي نلعب معاك دور هااد الزوجة المزيفة لمدة شهر ومن بعد انغبر ولكن بشرط …
فاروق شاف فعمران زعما وااش فراسك شي حااجة …عمران حرك رااسو بنفي زعما منك ليها ههه تفاوض معاها …
فاروق : وااخ شحال بغيتي ديال الفلوس ؟؟؟
مريم : غااادي تشري وااحد دار وتكتبها فسميتي …
هبة : اويلي على دار ؟؟ شمن دار هادي ؟؟
فاروق كايشووف فيها كيفاش وااقفة وكيفاش كاتملي عليه الأوامر ديالها تنهد مافيديه مايدير جاوبها وقال : وااخ مواافق … انا انشري ليك دااار ونكتبها ليك فسميتك….
مريم : دب دب …
فاروق : كيفاش دب ؟؟؟
مريم : اليوم قبل غدا …
فاروق كايشوف فيها وكايدوز يدو على شعرو بعصبية …موصيبة تحطااات على رااسو كيفااش غادي يدير يتعاامل معااها ويبقا معاااها شهر كااامل الله وعلم ولكن على قبل الواليدة ديالو كولشي يهووون …

❤ زوجة للإيجار ❤
✍كوثر الزهراوي✍
💥الجزء -30-💥
فاروق تنهد وقال : شنو نمشيو دب ؟؟
مريم : اااه …
فاروق مشا جيهة عمران وقال : غادي نمشي نشووف هاد المصيبة بشحاال غادي تقام علياا …
عمران : ونتا اصاحبي اللي تلاحيتي عليها كيف الباطل وقلتي ليهم ها مرااتي …ديك ساعة استاشر سول …
فاروق : وااش فديك اللحظة كان عندي العقل بااش نسول ونستاشر …راه دوروني ا صاحبي …
عمران : واا حنا راه عندنا الزهر ملي وافقاات تلعب معاك هاد دور …كون عكسات كون وحلنا مع الواليدة ديالك وخالتك …
فاروق : حتى نتا ماتخاافش بحال هاد الأشكال كاعما توحل معاهم همهم هو الفلوس والاملاك …
عمران : ماتقولش هااكا ؟؟ ماتعطيش أحكام مسبقة …
فاروق : شووف هز خطيبتك وسير ..انا غادي نمشي نشووف هاد الدار اللي بغات هادي ونحل الأمر ديالها وندويو …
عمران : ايوا وشنو اتقولو ليهم ..زعما لخالتك والواليدة ديالك …
فاروق : انقولو ليهم مشينا نتقداو شي حوايج خاصين الدار وصافي واصلا ضروري ندوي معاها ونقول ليها كيفاش تصرف وشنو تقول …راه ايلا بقات هاكا متهورة وطايشة غادي تفضحنا فالنهار اللول …
عمران : وااخ الساط يله الله يعاونك …
فاروق : وا قول الله يفكني منها …بففف امتا يساالي هااد الشهر ونتهنا …
عمران : هههه
💫#عند_البنات💫
هبة : اويلي نتي اشمن داار كاتدوي عليها ؟؟؟ ياك عندك دااركوم شنو باغا تستاقلي وتعيشي وحدك ؟؟؟
مريم : حتاال من بعد وندويو ونشرح ليك شنو واقع …
جا فاروق شاف فيها وقال : زيدي مشينا …
مريم هزات صاكادو ديالها وتبعاتو …
❌فمكان آخر❌
جاالس فالغرفة ديالو كايطل من النافذة وكايغني : ومريم مريمتي …تراا تاتا …عيني مريااامة …ترا تاتا والقلب مجروووح بدو مرياامة اااه يا عيني …قلبي بدو مريااامة … ماحس ب بالباب حتى تفرع ودخلات هااازة العصا ديال الجفااافة …
الأم : واااش هبلتي اويلي مااازااال كاتغني عليهااا …
مهيدو : والله يهديك ا ماما رااه ماشي بيدي …
الأم : نسمعك مزاال كاتنطق سمييتها ايلاما نعلق فالسطاح رااني مانسواااش …
مهيدو : ومااماا مريم رااه مااشي كيف شفتيها …واقيلا كان عندها شي مشكل ولا حيث ماخبرتهااش بأنني انجي نخطبها …
الأم : اويلي البنت دااايرة كيف الجنية وكاتبووس الحيط وتدوي مع جنووون وكايقوول لي ماعرفت ماالها … وااش سمعتيها كاتعيط مصطفى دااك نهاار …سيدة رااه واقيلا كاتشووف شي حوايج ماكانشووفوهومش حنا …
مهيدو : ولكن انا راه …
الأم : لا لا هاادشي مااشي حتاال لهيه ..فين جلابتي فين ؟؟
مهيدو : علاش ا ماما شنو بغيتي جلابتك ؟؟
الأم : يله باش نديك عند الفقيه مبارك يعطيك شي بركة تاني …
مهيدو : اييي باقي رجليا كايضروني من العصا ديال ديك النهار …
الأم : وراه اوليدي مابغيتيش توب … مازال تابع ليا ديك مريم الله يتبعها البلا …زيد زيييد عند الفقيه …
مهيدو : اووف الحب صعيب …

❤ زوجة للإيجار ❤
✍كوثر الزهراوي✍
💥الجزء -31-💥
فاروق طبق بالحرف داكشي اللي قالت لو مريم … دوا مع مول الدار ودغيا قنعو بلي بااغي الدار …شراها من عندو بثمن مناسب …اصلا مول الدار كان باغي يتهنا منها … تكاتبو وكل وااحد مشا فحاالو …
خارج كايتمشا وهااز فيدو وراااق …قصد السيارة ديالو طلع لقاها جاالسة كاتسنااه …لاح ليها الوراق ديالها فوق رجليها وعطاها لاكارط ناسيونال ديالها كذلك وشاف فيها وقال : الدار دب ولات فسميتك …
مريم : بصح …شكرا بزاااف …
فاروق ماشافش فيها وديمارا … سكت شوي وقال : علاااش اختاريتي ديك الدار وفدار الحي بالضبط …
مريم : احم كيفااش ؟؟
فاروق : دار كاتباان عاادية وصغيرة … بما أنك باغا تستفزيني وتاخدي من عندي فلوس ديك الساعة شوفي شي حااجة عاطية للعين …
مريم كاتشووف فيه كيفااش كايستفزها ويدوي معااها بديك الطريقة تنهدات وكمداتها فقلبها وقالت : ماااشي سووقك … ياك شريتيها ايوا كمل خيرك وسد فمك …
فاروق كيف العادة كايدوي بتكبر وماعاجبووش الحال : خاااصنا ندويو …
مريم : ودب حنا بالسلامة شنو كانديرو ؟؟ كانشطحو ؟؟
فاروق : بففف وااابناادم خااصنا ندويو على اللعبة اللي لاعبينها …خااصك تعطيني معلومات عليك ونعطيك معلومات عليا زعما باااش نكون كانعرفك كيفاش كاتصرفي وحتا نتي تفهميني باااش مايشكووش فينااا…
مريم : اااه فهمت زعما باش نباانو بحال دوك ليكوبل الزوينين المفاهمين مممم
فاروق : تمااما …
مريم : ايوا انا عافاك حطني جيهة الكتبية …عندي واحد الغرض وانلحق عليك …
فاروق غوت : واااش بااغا تحمقييني نتي … راااه خااصنا نرجعو للفيلا رااه الواليدة كاتسنااا …
مريم : وياااك قلتي ليهم خرجنا نتقداااو …سير لمرجان ولا شي لعيبة تقدا شي حاجة وسير للدار من بعد نتبعك ..
فاروق : وايلا سولوني عليك …
مريم : تعرف تضبر راسك …اصلا انا دغيا نلحق عليك ماتخااافش …
فاروق خنزر فيها ودور وجهو تبع الطريق …
مريم : اااايااي ..كون كانو عينيك قرطاااس كون رااك قتلتيني من شحااال …
فاروق : فمك الله يحضر السلامة لاحسو كلب ..ماكاتسكتيش …
مريم عيباتو وقالت : ماازاال ماشفتي وااالو …
فاروق حطها فين بغات ومشا هو ياخد شي حاجة فيديه عاااد يدوز للفيلا …اما مريم فغير حطها قدام صومعة الكتبية هزات تيلي ديالها وصونات ل ليلى …
مريم : الو ليلى ..قولي ل إبتسام تجي عندي انتسنااها فجامع الفنا حدا مكتبة الغزالي بالضبط اتلقااني تم …خلي ساارة معااك وهي تجي عندي عااافااك دغيا…
ليلى : وااخ انقولها ليك …وااش واقعة شي حاجة ؟؟
مريم : لا مااواقع واالو خير انشاءلله … ااه وقولي ليها تجيب معاها لاكارك ناسيوناال ديالها …
ليلى : اهيااتا شنو كاتديري عااود ؟؟؟
مريم : وااالو يله انا انقطع ….

❤ زوجة للإيجار ❤
✍كوثر الزهراوي✍
💥الجزء -32-💥
💫فالفيلا عند فاروق💫
جالسين فالصاالون …
الخالة نعيمة : اويلي على شووهة …حنا يله جينا من الربااط عيانين وشاادين الطريق لقينا السيد مزوج ايوا قلنا ماكاين بااس ..ولكن باش يخرج هو ومرااتو ويخليونا وحدنا حشووومة …هااادي ماشي تربية اختي خديجة …
الأم خديجة : علااه ماسمعتيش فاروق شنو قال …راااه مشاو يتقدااو شي حواايج خاصيين للكوزينة …
تمات جاايا هاجر هازة صينية ديال أتاي فيديها …
الخالة نعيمة : الله يرضي عليك ابنيتي…بعدا نتي عتقتينا بهاد الكويس د اتاي …
هاجر : لا لا مووحاال مشااو يتقداو شي حاجة اخالتي …الثلاجة عااامرة والكوزينة مااخاصها واالو …
الخالة نعيمة: ايوا شفتي شنو قلت ليك اختي ….
تم دااخل فاروق هاز فيديه سي ساشيات ….
الأم خديجة: هاهو وليدي جااا …(كاتشوف ورااه) فين مراتك ؟؟
فاروق : احم .. احم هي مشاات مشاات تشوف وااحد صاحبتها مريضة مسكينة ..دب تجي …
الخالة نعيمة يله بغات تدوي وهي تجرها بنتها هاجر للجنب …
هاجر : ماماا صاافي سكتي عنداااك تقولي شي كلمة ماشي حتاال لهيه …فاروق كان داير ليك الخااطر وكايتحمل كلامك على قبل خالتي خديجة ولكن دب صااافي اكييد غادي يبدل المعاملة ديالو معانا …المووضوع اللي كنا كانلويو ليه يديه بيه واللي هو الزوااج صاافي مشا من بين يدينا ..
الخالة نعيمة حطات يديها فوق راسها وقالت : صاافي دب غادي تبقاي باايرة حدايا …ويلي ويلي على فضيحتك ا نعيمة …كووون كنتي لالة ومولااتي كون رااك نتي هي الراي والشوار فهاد الفيلا …
هاجر : ماتخااافيش …عندااك تشووفيني سااكتة وتقولي رااه رجعات للور واستسلمات هاديك العروسة مريم انجري عليها فهااد الشهر اللي غادي نجلسو فيه هنا (غمزات مها)
الخالة نعيمة : اويلي تي شكاتقوولي …
هاجر : قلت ليك هاادشي فالطريق فاش كنا جااين لهنا لمرااكش …دب غاادي نطبق الخطط ديالي مع فاروق وااخا مزوج …
ا
❤#عند_مريم❤
جات عندها ابتسام واتاجهو بزوج للمكتب ديال العدول فين غادي تحول مريم الدار اللي بسميتها ل إبتساام …
💥بعد مرور لحظات💥
خارجة مريم وابتسام من عند المكتب ديال العدول …
إبتسام شادة ورااق فيديهااا وكارط ناسيونال وكاتبكي …
مريم : وصااافي اختي الله يستر علييك باارااكة علييك من البكااا …
ابتسام : مااازااال مامتيقاااش اختي والله ماازااال مامتيقة بلي الدار ولات فسميتي اهئ اهئ …
مريم : تيقي ههه هادا مااشي حلم ..دب ولات عندك دااار تخبااي فيها نتي وبنتك من برد الشتا وحرارة الشمس … ولات عندك داار ااه …دب مستحييل يقدر شي حد يحيد لييك بنتك من بين يديك …

❤ زوجة للإيجار ❤
✍كوثر الزهراوي✍
💥الجزء -33-💥
ابتسام : مااازااال مامتيقاااش اختي والله ماازااال مامتيقة بلي الدار ولات فسميتي اهئ اهئ …
مريم : تيقي ههه هادا مااشي حلم ..دب ولات عندك دااار تخبااي فيها نتي وبنتك من برد الشتا وحرارة الشمس … ولات عندك داار ااه …دب مستحييل يقدر شي حد يحيد لييك بنتك من بين يديك …
ابتسام كاتبكي بالفرحة ..
مريم : نتي دب غادي تهنااي من داك اللي كايجي كل شهر ويبقا يطلب ليك فلوس الكرااا …الدار ولات فسميتك … المحكمة دييما كاتعطي الحضانة للأم وملي غادي يشوفوك عندك داار وخدااامة بعرق كتاافك ومهلية فبنتك حتى حد مايقدر يقوول ليك شي حاااجة …
ابتسام عنقااتها وقالت : الله يخلي ليك ميمتك وكل مااعز علييك اهئ اهئ شكرا شكرا بزاااف نتي راااك ختي اللي ماولداتهاااش لي مي ..نتي عطااتك لي الدنيا اهئ اهئ شكرااااا ….
مريم : ايوا يله مانخليوش ساارة كاتسنااك ههه
💥فالدار عند مريم💥
الأم زهرة : اويلي فين غطسااات هااد البنت …نهاار كااامل وهي غاابرة …
ليلى : ورااه بيخير اخالتي بلاما تشوشي عليها …راه دب تجي هي وابتسام …(دورات وجهها شافت ولدها محمد أمين كايلعب مع سارة بنت ابتسام ..)
ليلى : محمد أمين بشوي عليكم عنداااك تطييح …(سمعاات دقان) هاااهوما جاااو …
الأم زهرة : نوضي حلي نوضي ابنتي …
مشات ليلى حلات ولقات ابتسام ومريم …
ليلى : على سلامتكم فيين غطستو همم ..ونتي (كاتدوي مع مريم) ماماك كاتسول فيك شافت اليوم غبرتي مابنتيييش ..
مريم تنهدات تفكرات بلي من هنا للقدااام غاادي تبقا تغبر فحاال هااكا على قبل خاصها تلعب دور الزوجة فالفيلا عند فاروق…
ابتسام : ختي ليلى الداار ولات فسميييتي ههه غاادي نبقا انا وبنتي مجمووعين …
ليلى : كيفاش ؟؟ الدار فسميتك ؟؟
ابتسام : اااه مريم عاونااتني …
ليلى دارت شافت فمريم وعاود شافت فابتسام وقالت : شرحو ليها ماافهمت واالو …
ابتسام : مريم شاافت وااحد الجمعية فالإنترنت كاتعااون الناس اللي عندهم مشااكل فحالي …سيفطات ليهم وعاودات ليهم كيفاش طليقي بغا ياخد لي بنتي وشحاال من حاجة وهوما شرااو الدار وعطاوها لمريم هي كتباتها فسميتي آلله يكثر خيرها …
مريم : احم غير عاافاااك ا ختي ابتسام حتى حد مايعرف انني توسطت ليك وعاونتك ..راك عاارفة …
ليلى كاتشووف وتسمع وهاادشي ماداخلش ليها لراسها …دورات وجهها وشافت ف مريم لقاتها كاتدور فعويناتها عرفات القضية ماشي حتاال لهيه ….

❤ زوجة للإيجار ❤
✍كوثر الزهراوي✍
💥الجزء -34-💥
ليلى كاتشووف وتسمع وهاادشي ماداخلش ليها لراسها …دورات وجهها وشافت ف مريم لقاتها كاتدور فعويناتها عرفات القضية ماشي حتاال لهيه ….
ابتسام : ماتخاافيش سرك فأمان …بما أنك مابغيتي حتى حد يعرف فأنا غادي نسكت ومانقول حتى كلمة لشي حد ..
ليلى : احم حبيبة ابتسااام سيري شووفي بنتك لدااخل ..
ابتسام : وااخ ..
مريم : تانا غادي نمشي نشوف ماما …
بغات تمشي وجراتها ليلى ..
ليلى : اجي نتي لهنا قولي ليا اشمن موصيبة درتي تااني …
مريم : مادرت واالو والله ..ياك سمعتي كوولشي الجمعية هي اللي تكلفات …
ليلى : هااد الكلام تيقاتو ابتسام مسكينة حيت الدنيا لعباات بيها وطليقها تلفها وخلاها كيف الحمقة مع بنتها …ولات اللي شافتو قدامها تقول ااه …غادي تقبل بأي حاجة بااش تكون جنب بنتها دااكشي بااش تيقاات هااد الهضرة اللي قلتي ليها ..اما انا نو نو نو …هاادشي اللي قلتو دب دخل من هااد الوذن وخرج من الأخرى …
مريم : ليلى عاااافاااك …
ليلى : قوولي ليا شنوو درتي ؟؟؟
مريم تنهدات بقلة حيلة وقالت : واااخ انقول لك …ممم ولكن بينااتنا وتعااونيني عاافاااك عاافااك عافاك …
ليلى : طلقينا للفراجة خلااص يله دوي شمن موصيبة درتي تاني …؟؟؟
مريم : واالو ياختي كناا جالسين ..حتى قالو ليا نوضي على سلامتك راك وليتي مرات واحد سميتو فاروق الصفصافي…
ليلى هزات يديها وضربات على فخااضها وقالت : اميمتي على شوووهتي … اويلي على تزوجتي امتااا وكيفاااش وعلااش ؟؟؟ اويلي خووك يدوز عليك من الوذن حتاال الوذن …
مريم :وبلاتي نشرح ليك …
ليلى : اويلي ياااك نتي ماكاتحمليش زواااج واللي جا كاتجري علييه اويلي …
مريم : ورااه غا بلعاني …
ليلى : وااش كانلعبو الغميضة هنا ؟؟ كيفااش بلعااني …

❤ زوجة للإيجار ❤
✍كوثر الزهراوي✍
💥الجزء -35-💥
ليلى : وااش كانلعبو الغميضة هنا ؟؟ كيفااش بلعااني …
مريم : انا نعااود لك ………(عاودات ليها وشرحاات ليها كووولشي …)
ليلى : دب نتي وافقتي انك تكوني مراتو قدام مو لمدة شهر ومن بعد تغبري ويقولو لمو انك متي وهو من ورااك زعما غاادي يتأزم وماغادي يبغي حتى وحدة من غيرك …وهاادشي كوولو باااش ماتبقااش مو كاتنقز فوق راسو وتبزز عليه يتزوج …
مريم : اييه هانتي فهمتي ..وفالمقابل شرا الدار وكتبها باسمي وانا عطيتها ل إبتسام وبنتها …انا فرحااانة بزااف حيت قدرت نعااونهم ..دب بنتها اتبقا فحضنها وماغاديش يقدر طليقها ياخدها ليها …شوفيها قدااش فرحاانة ..دب اتعيش حياتها واتخدم على بنتها …
ليلى : اييه هي غادي تعيش حياتها ايوا ونتي ؟؟؟ نتي مافكرتيش فرااسك همم كيفااش غادي تقدري تعيشي بجوج شخصيات فدقة وحدة ولمدة شهر …؟؟؟ كيفاش غادي تقدري تكوني زوجة وطالبة فنفس الوقت هممم كيفاش غادي تديري مع ماماك وخووك …ملي غادي يبداو يشووفوك كاتعطلي على برا غادي يدخلهم الشك همم …كيفاش غاادي تديري مع هاد مامات فاروق اللي كايخصها تشووف عروستها كل شوي قدامها…وبلاما نمشيو بعيد نتي عارفة خوك الى وصلات 08:00 ديال الليل كايبغي يشووفك فالدار … كيفاش اتديري معاه ودوك الناس اللي لهيه خاصك تكوني معاهم فالفطور والغداء والعشاء …راك مرات ولدهم يااحسرة…خاصهم يشوفوك كل ثانية …فالليل فين غادي تنعسي ..واش فبيتك هنا ولا مع رااجلك لهيه … هاادشي اللي درتي ماااشي حتاال لهيه ا مريم وحلتي رااسك مع هاد فاروق … مووصييبة هاادي …
مريم كاتشووف فيها ..بالفعل وحلات هادشي مشاا من بالها …(شافت تيلي ديالها كايصوني)
ليلى : شكووون ؟؟
مريم : فاروق … احم الو …
فاروق : مريم فيينك الواليدة كاتسول خااصك تجي دب …
تسمع صوت من وسط الدار كانت الأم د مريم كاتعيط …
ليلى : ماماك كاتعيط ليك خااصك تمشي تجلسي حداها دب ….
مريم كاتشوف هنا وهنا تلفات شي كايجرها من اليمين وشي من اليسار …شنو تدير الله وعلم …
مريم تنهدات وقالت : نتي اللي وحلتيها ا مريم نتي اللي خاصك تفكيها ….

❤ زوجة للإيجار ❤
✍كوثر الزهراوي✍
💥الجزء -36-💥
مريم كاتشووف فيها ..بالفعل وحلات هادشي مشاا من بالها …(شافت تيلي ديالها كايصوني)
ليلى : شكووون ؟؟
مريم : فاروق …(جاوباتو وقالت : ألو …)
فاروق : مريم فيينك الواليدة كاتسول خااصك تجي دب …
تسمع صوت من وسط الدار كانت الأم د مريم كاتعيط …
ليلى : ماماك كاتعيط ليك خااصك تمشي تجلسي حداها دب ….
مريم كاتشوف هنا وهنا تلفات شي كايجرها من اليمن وشي من الليسر …شنو تدير الله وعلم …
مريم : نتي اللي وحلتيها ا مريم نتي اللي خاصك تفكيها ….
ليلى : كااان عليك تفكري فهاادشي قبل ماتهوري وتشدي من عند السيد الدار …علم الله بشحال من مليون شرااها .. الله ياربي الله
مريم تنهدات ودخلات لوسط الدار لقات ماماها جالسة وسط الصالون …
الأم زهرة : عااش من شافك ا بنت كرشي …اويلي فيين غبرتي نهاار كاامل ؟؟
مريم : وغا مع القرايا ا ماما …
الأم زهرة : راني عاارفاك كاتقرااي ..ولكن كنتي تجي تغدااي معاانا بعد المرات …تجي بكري …واااه اليوم من الصبااح حتاال العشية ماشفتش وجهك …
مريم هزات راسها بانت ليها ابتسام هازة ساكها وبنتها وجاية جيهتهم …
الأم زهرة : ابتسام ..فين غادا ابنتي ؟؟
ابتسام : انرجع لداري ا خالتي …
الأم زهرة: اويلي اشمن داار يااك يله خرجك منها مولاها وحطك فالزنقة …اويلي ابنتي فين غاادية …ياكما مارتاحيتيش معانا …؟؟؟
ابتسام : لااا عافاك ماتقووليش هااكا ا خالتي …نتوما الدار الكبيرة ماكاينش اللي مايرتاحش عندكم ..غير وااحد الجمعية سمعات بهااادشي اللي انا فيه وبالمشااكل اللي عندي مع داك ولد الحرام ديال طليقي ايوا وعاونااتني وعطاتني هااد الدار …ولات ديالي ا خالتي انعيش فيعا انا وبنتي …
الأم زهرة : بصح ايوا الله يعطيهم الخير …(دارت عند مرات ولدها ليلى وقالت : وهااانتي والله ايلا بااقي الخير فهاد الدنيا …)
ليلى حطات يديها على خصرها وشافت ف مريم وقالت : ايييه اخالتي باااقي الخير ….
مريم كاتغمز فيها باااش تسكت ….
ابتسام : الله يرحم ليكم الواليدين …حليتو ليا بابكم فاااش وحلت ولقيت رااسي وحدي …
مريم : ديييما حنااا معااك اختي …احم اري عطيني ساارة نهزها …يله …
ليلى : فين غاادية ا مريم ؟؟؟ عطي البنت لمها …
مريم كاتغمز فيها وتقول : ليلى خليني نمشي معاهم حتال الدار…
ليلى : ابتساام هزي احبيبة بنتك ومبروووك علييك الداار تعيشي فيها بالهناء والراحة ونتي اجي معايا (جرات مريم وطلعو للفوق)

❤ زوجة للإيجار ❤
✍كوثر الزهراوي✍
💥الجزء -37-💥
ليلى جرات مريم وطلعو للفوق ….
ليلى : نتي شنوو ناوية اديري هممم باغا تحطي إبتسام وينتها فالدلر وتمشي لعندو…
مريم : واااشنو غاادي ندير ا ختي …السيد راااه خليتو واااحل مع مو وخالتو وبنت خاالتو تم ….
ليلى : اهاااه دب القضية مابقااش فيها غير هو ومو …صدقات حتى خالتو وبنت خالتو… تباركلله تجمعاات العائلة السعيدة …
مريم : اووووف وحلت …كون غا خليتيني خرجت وقلت ليهم هاني عند ابتسام …
ليلى : ايوا وملي ماماك تبغيك وتمشي تدق على ابتسام وماتلقااكش …هادي مافكرتييش فيهااا …وملي خوووك يجي ويبغي يشوووفك هاادي مافكرتييش فيها …
مريم شدااات فرااسها …تلفاات حتى جاااها البكا …هزات عينيها ف ليلى وقالت : غاااادي تعااونيني ياااك ا ليلى هننن …نتي من دييما كاتوقفي بجنبي …ماتخلايش عليا فهااادي عااافاااك بليييييز …
ليلى كاتشووف فيها وكاتنهد …
مريم : بلييييز بليييز بلييز …الله يخلي ليك خويا عثمان ويخلي لي محمد أمين ويخليني ليك انا عااافاااك عااافااك …
ليلى ضراتها فراسها زفرات وقالت : اووووف وااخ واااخ صااافي صاافي سكتينا …غادي نعاونك …
مريم : العزززززز بييييك ا سااااطة … يله شنو الخطة …
ليلى : ممم قلتي لي كايصووني ليك مو بغاات تشووفك …
مريم : اااه راهم فالدار …
ليلى : غادي تمشي عندهم دب …وانا الى سولوني عليك غادي نقول ليهم دوشتي ونعستي حيت عيااانة …وفالليل فوقت العشا انقول ليهم بلي طلعت ليك مااكلتك …ولكن غااادي تباااتي هنا فالدار …سيري دب عند هاادوك بااني قدامهم …ملي ينعس كوولشي اجي فحالك للدار بااش خوك وماماك يشوفوك فالصبااح …
مريم : وفالصباح ملي نفيق هنا نمشي عند الأخرين كانجري …صافي وليت عويطة …
ليلى : وااا اللي دارها بيديه يفكها بسنيه …
مريم : صااافي هااني مشيت …
ليلى : اجي لهنا …
مريم : نعاام ؟؟؟؟
ليلى : قلتي ليااا كاينة بنت خاالتو ؟؟؟
مريم : اااه واااحد المسمووومة مامنهاااش جوج …يخ ماحملتها لا هيا لا مو …وحتى هوما مااحملوونيش …
ليلى : امممم ….وعلاش ماحملووكش …
مريم : حيت كاانو ناويين يزوجوه لبنت خاالتو وهو ماابغاااش …اصلا هو مااعاندوش مع زواااج ابداا …هاد نقطة كانتفاهم فيها انا ويااه مزياان …
ليلى : ممم دب هو كانو بغااو يزوجووه لبنت خاالتو ومابغااش وجيتي نتي … صافي فهمت …
مريم : اش فهمتي الساطة انا رااه مافهمت واالو …احم زعما كانقصد بلي انا فااهمة انو بنت خالتو جاتها الغيرة مني وماكاتحملنيش حيت عند بالها انا مراتو ولكن كايباان لي بلي نتي فهمتي شي حوااايج كثر مني …قولي لي قوولي …

❤ زوجة للإيجار ❤
✍كوثر الزهراوي✍
💥الجزء -38-💥
❌فالفيلا عند فااروق❌
كانو جاالسين فالصالون ( الأم د فاروق وخاالتو وهااجر ) ناضت هاجر مشات للمطبخ اللي كان كايطل على الحديقة د الفيلا …طلات وقشعات فاروق وااقف كايدوي فالتيلي …
هاجر : شووف الوقفة والشخصية والجسم والشعر والعوينااات والقسوحية … مانعرف شنو عجبو فهااديك ختنا …(كاتعيبها) انا سميتي مريم اخالتي …تفووو كيف داايرة …
هنا جاتها فكرة وهي ضحك ضحكة شريرة …خرجات من المطبخ ومشات بالجرا طلعات للفوق كاتقلب فالغرف حتى دخلات لغرفة كبيرة و وااسعة …غرفة كايتوسطها سرير وفالجنب كااين بلاكااار كبيير وكاين كوافوز فوق منو موااد رجالية ومرآة كبيرة …دورات وجهها بانو ليا فوتويات صغار دايريين بطبيلة ديال الزاااج محطوط فوق منها فاز (مزهرية) ديال الورود وبعض الكتب …وعاااد ناافذة كبيرة ديال الزااج كاتطل على الحديقة ….
هاجر : وااااو غرفة ديالو زوينة …اصلا اي حااجة ديالو اتكون فحاالو … ( مشات للبلاكار …كلاوها يديها وهي تحلو …)
هاجر : اويييلي هنااا كاينين غير حوااايجو ؟؟؟ يااك هي مراااتو فيين حوايجها ؟؟
بقات كاتقلب مالقاات حتى حااجة ديال مريم …دورات وجهها قشعات الحمام مشات دخلات ليه كاتقلب واالو …
هاجر : حتا هنا كاين غير مستحضرات رجالية ديالو …فين هو مكيااجها زعما ؟؟؟ فين حوايجها ؟؟؟ واااش كاينعسو فغرف مختلفة ؟؟؟ ولا عندااك يكونو مامزوجينش ؟؟؟ هاااااء (حطات يديها على فمها وشهقات )
💥 لتحت فالفيلا 💥
تم دااخل فااروق كايحك فلحيتو …
الأم خديجة: ولدي ياك لاباس؟؟؟ مريم جات ؟؟
فاروق : هاهي قريبة تجي …عاد خداات طاكسي …
الخالة نعيمة: ايوا وكيف بقاات صاحبتها ؟؟؟
فاروق : شكون صااحبتها ؟؟
الخالة نعيمة : يااويلي ياااك قلتي صاحبتها مريضة مشااات تشووفها ؟؟؟؟
فاروق سهاااا ضرب رااسو وقال : اااه ااه ولات بيخير …راه دخت كنت كاندوي فالتيليفون فالجردة وضرباتني شمس …
الأم خديجة: اااه سير اولدي رتااح …الشمس عندكم هنا فمراكش قااسحة …
فاروق تم طاالع للفوق حتى كايتلاقا مع هاجر هاابطة كاتبسم ..مادا ما جاب كيف كانقوولو …اما هي فغير دااز من حدااها وهي توقف ودارت شاافت فيه وبقات متبعة ليه العين حتى طلع للفوق وقالت : حتى تجي لالة مريم ونشووفو كيفااش غادي تشرح لينا بلي هاادي داارها وهي حتى حاجة ديالها ماكاينة هنا … غااادي نفضحك غااا بلااتي ….

❤ زوجة للإيجار ❤
✍كوثر الزهراوي✍
💥الجزء -39-💥
مشات هاجر جلسات معااهم فالصالون ….وماهي الا لحظات جات عندهم مريم انضمت ليهم …
الأم خديجة: جيتي ابنتي …على سلامتك …
مريم : الله يسلمك اخالتي …
الأم خديجة : كيف بقات صاحبتك ؟؟ مزياان ؟؟
مريم مافهمات واالو حدها قالت : ااه بيخير بيخير مزيان …(بدات كاتدور فعويناتها حتى شافتو جااي …)
فاروق هابط لابس سروال سورفيط فالرمادي مع تيشورت نص كم فالأبيض …شافها جالسة حدا الواليدة ديالو عااد ارتاح …
فاروق : حياتي …جيتي..كيف بقات صاحبتك راه قلت ليهم مشيتي تشوفيها حيت مريضة … (كايغمز فيها زعما فهمي البلان…)
مريم : لا لا بيخير حمدلله …
الخالة نعيمة كاتشوووف فبنتها هاجر زعماا شووفي على عينيك الحب والغراام …
هاجر عضات على شفايفها بحقد وشافت فيهم وقالت : احم خالتي خديجة قبيل انااا طلعت للفوق بغيت ندوش والغرفة اللي جالسة فيها انا وماما لقيت الحمام خاسر …احم …داكشي بااش مشيت طلعت للغرفة اللي الفوق استخدمت الحمام اللي فيها …. يمكن الغرفة ديال خويا فاروق ( كاتقوول فهاد خويا فااروق وماحااملااش رااسها حيت عمرو كان خوها ولا ايكون خووها ولكن على قبل الخطة كولشي يهون …)
فاروق : كيفاش الحمام اللي فالغرفة عندكم خااسر ؟؟؟ مايمكنش ..
مريم كاتشووف فيهااا ومامرتااحاااش لكلامها …
الأم خديجة : ايوا صااافي ياك استخدمتي حمام اخر ..
هاجر : اه ولكن الحمام اللي استخدمت ديال خويا فاروق ومراتو مريم … ولكن اللي جاني عجب هو مالقيت حتى حااجة فالغرفة ديال مريم … ماكاينينش حوايجها ..ماكاينينش مستحضرات ديالها… بحال دب قدام المراايا كاينين غير الروايح ديال خويا فاروق والساعات ديالو وحوايجو بوحدو هوما اللي كاينين فالبلاكار … بحالا غير وحدو اللي عايش فهااد الداار …مااكاينااش شي وحدة معاااه …( كاتدوي وكاتشووف فمريم بنظرااات مااشي حتال لهيه… )
الخالة نعيمة : اويلي على ماكاينين لا حوايجها لا واالو … وشنو كاتلبس وباش كاتبدل …؟؟
الأم خديجة : واااش هاادشي بصح ….
مريم بلعات ريقها وقالت : لا اخالتي …يمكن وقع شي غلط ..احم هاادي دااري وانا عايشة فيها مع راجلي واي حاجة فيها تحت التسيير ديالي …
هاجر : ايوا شنو دب كذبتوني …كانقول ليكم حتى حاجة ماكااينة ديال هاااد البنت فهاد الدااار … بحاالا غير كاتكذب …مستحيل هاادا البيت اللي فالفوق يكون ديال كوبل مزوجين ..راه فيه غير اغراااض فاروق ..احم بغيت نقول زعما خويا فاروق …
الأم خديجة: قولي أعوذ بالله ابنتي شنو كاتقوولي …

الخالة نعيمة : صاافي حنا انقطعو الشك …يله نمشييو نشووفو …
هاجر شافت فمريم وقالت : يلله …..
طلعو كاااملين للفوق …ومشاو للغرفة ديال فاروق يله بغات تحل هاجر وهي تحبسها الأم خديجة…
الأم خديجة : خلي مريم هي اللي تحل البيت وتورينا …باش نشووفو هاادشي اللي كاتقوولي واش صحيح ولا غلط …(دارت شافت ف مريم وقالت : زيدي ابنتي سبقي نتي …رااه كايبقا هاادا بيتك وخصوصيتك …)
مريم شافت ف فاروق وبلعات ريقها وحطات يديها على البواني ….

❤ زوجة للإيجار ❤
✍كوثر الزهراوي✍
💥الجزء -40-💥
مريم حلات الباب وهي تدخل وشافت فالأم د فاروق وقالت : دخلي اخالتي …
دخلو واذا بيهم كايشوفو تصاور مريم معلقين فالحيط … ومستحضرات ديالها جنب المرآة (عكر وكريمات وبرودويات …) مشاات مريم حتاال البلاكار وحلاتو قدامهم وقالت : هانتي ا خالتي هااهوما حواايجي …رااه يمكن حيت قلال ماشافتهومش هاجر …انا ماكانبغيش بزااف د شرااوط ..داكشي حدو قدو …ياك ا حبيبي …
فاروق : ااه ااه احياتي …
الخالة نعيمة : ويلي على فضيحتي …(دارت عند بنتها هاااجر وقالت : وااش عوااريتي ولا شنو هااادي هي البيت خااوي بحال ديال زوفري ….وهي موحاال عايشة معاااه …ماكاينة حتى حاجة ديالها ….عجبك الحااال ياااك ؟؟ دب عجبك الحاال ؟؟؟
هاجر : والله اماما ايلا كان خاااوي …والحماام حتى هو …
الخالة نعيمة : اويلي بااغا تدخلينا حتاال الحمام زيدي …زيدي قداامي …(جراتها وخرجو من البيت)
الأم خديجة شافت فمريم وقالت : سمحي ليها ابنتي راااه ناقصة عقل …متهورة شوي …
مريم : هانية اخالتي كاتوقع …هاجر بحال ختي مانقلقش منها …
فاروق كايشوف فيها بنص عين وكايقول مع خاااطرو هاااي هاااي معامن وحلت ههههه
الأم خديجة: ايوا نخليكم هاد ساعة …(خرجات وسدات الباب وراها وهي تدور مريم عند فاروق وقربات ليه وقاالت : شنووو قلت ليك …هممم ياااك رجعتي على كلاامي …)
فاروق : اااه اااه صافي غا سكتينا ماتبدااايش تاني …
مريم بدات كاتضحك حيت دااكشي اللي قالت ليه وقع ….تنهدات بفرح وهي تفكر شنو وقع قبل ساااعة …

❤ زوجة للإيجار ❤
✍كوثر الزهراوي✍
💥الجزء -41-💥
❌قبل سااعة❌
فالدار عند مريم …
ليلى هااازة ساااك و واقفة قدام البلاكار د مريم وكاتهز حوايجها وتلوحهم فالساك …
مريم : ليلى قوولي علاااش كاتجمعي ليااا حوايجي …ماالك …؟؟؟
ليلى : شووفي دب نتي قلتي ليا بلي فالفيلا لهيه كاينة خالتو وبنت خاالتو …
مريم : اييه قلت هادشي ومن بعد ؟؟؟
ليلى : بنت خالتو كاتبغييه ياااك …؟؟
مريم : وباااينة من الطيااارة بلي مزعووطة فيه رااه اصلا كانو بغاااو يزوجوها ليه ولكن جيت انااا وقفت ليها فحلقها كيف الشوكة هههه …
ليلى : ايوا احبيبتي ملي القضية هااكا فأكيد غادي تشد معااك الضد وغادي تحاول تكرهك فعيشتك …سوليني انااا على البنات وفعايلهم …غااادي تندمك حيت فباالها نتي خديتي ليها العريس دياالها اللي هو ولد خالتها….
مريم : صراااحة باااينة انلقاا معاها مشاااكيل …باينة فيها شريرة وحقوودة يعععع على مسموومة …
ليلى : اول حااجة غادي تدير هاد بنت خالتو هي غادي تبدا تقلب عليك وتقلب وراااك والى اقتضى الحال تدخل وتقلب ليك وسط حوااايجك …
مريم : اشمن حوايج انا اصلا كاعما عندي حوايج تم …
ليلى : ايوا احبيبة علاه كاينة شي وحدة مزوجة وبدارها وماعاندها حتى حاجة ديالها فداارها …ايلا قلبااات ليك حوايجك ومالقااات وااالو …غادي تمشي تقول ليهم اجيو تشوووفو هااادي راااه كاعما سااكنة هنا غا كاتضحك علينا …وغادي يتضرب ليكم كووولشي فالزيرو … ردي منها البااال كون كنتي غير نتي وعكوزتك ماكاين مشكل …ولكن دب القضية فيها بنت خاالة …راه اتدير لك كيف الضرة ولكن مانخااافش عليك اتوقفيها عند حدها….
مريم : عندك الحق اختي …اصلا عينيها غير كايدورو كيف شي لفعة …ولكن مااتخاافيش لقيت فاش نتلاها هاد الشهر …
ليلى : يله انا نمشي نلاهي خالتي بالهضرة ونتي خرجي وشدي طااكسي ديريكت …وفالليل رجعي وطلعي ديريكت لبيتك باااش فالصباح يشووفووك صاافي …
مريم : صااافي وااخا كوني هانية …(باستها فخدها وقالت :الله يخليك ليا …)
ليلى : سيري سيري ههه
مشااات مريم بالزربة شدات طاكسي … وصلها للفيلا هبطات وهي تفكر السوارت اللي عطاها عمران باقيين عندها جبداتهم وحلات الباب بشوي كاتسلت …دخلات للفيلا وحتى حد ماجاب ليها خباار طلعات للفوق كاتقلب فيين ايكون البيت ديال فاروق …البيت اللي حلاتو كاتقااه فيه سرير ومكتب وبلاكار صغير …كاتقلب زعما على الغرفة اللي تلقا فيها شي حاااجة ديالو باش تحط حوايجها حدااه ….

وصلات وااحد الغرفة حلات الباب بلاما تدق واذا بيها كاتصدم بفاروق مدوش يله خااارج من الحمام لاوي على نصو فووطة والفوق عريان وشعرو كايقطر بالماء ….
مريم غمضات عينيها وقالت : واااهي سبعة رجال ….
فاروق تنهد : هاااهي جات تاني …..

❤ زوجة للإيجار ❤
✍كوثر الزهراوي✍
💥الجزء -42-💥
مريم : اويلي ماالك عريااان …
فاروق : راااني كنت كاندوش … شنو باااغاااني ندوش بحوايجي مثلا …ونتي بعدا فين تعطلتي كووولشي كاايسول عليك خليتبني وااحل هنا ؟؟؟
مريم : وصااافي هااني جيت …
فاروق انتابه للصاك اللي هازة فيديها وقال : شنو داكشي فيديك ؟؟؟
مريم : حواايجي ؟؟ دير ليهم بلاصة حداا حواايجك …ياك نتا قلتي بلي خااص نمثلو بلي حنا مزوجين يعني خاااص كووولشي يكون على حقو وطريقو …
فاروق : اصلا سوا كانو حوايجك هنا ولا ماكانوش هاانية حتى حد ماكايدخل يقلب فحوايجي …المهم هو تحضري نتي …
مريم كاتعيبو وتقول : مسكيييين …قالك حتى حد ماكايقلب فحواايجي …دب تشوووف …(مشات لجيهة البلاصة فين حاااط مستحضرات ديالو وحطات ديالها وهزات واااحد صورة ديالها وقالت هااك حط هاادي فشي بلاصة تكون باينة ولا علقها …
فاروق : مالي معشوق فكمارتك ؟؟؟
مريم : وااسير علق الصورة واصلا مااشي دب غادي نهضرو …حتى ترجع على هضرتي …لاحت عليه الصاك فيه حوايجها وقالت : حطهم حدا حوايجك انا مشيت هبطت عندهم …
فاروق تنهد وقال : وااموشكييلة هاادي …
#نهاية_الفلاش_باك💥
❤نرجعو الحاضر …❤
مريم : كون ماجيت بالتخبية وعطيتك الحوايج وتصاور ديالي كون راااه عاقت بينا الواليدة ديالك …اصلا ديك بنت خالتك انا مارتاحيتش ليها …
فاروق : فرقيهم عليك ا مريم … ديري فبالك انك غادي تلعبي الدور ديالك وتمشي …ماقاد على صداعات …رااني عطيتك شنو بغيتي …تانتي ديري ليا شنو بغيت …
مريم : اييه وااخ صااافي …
فاروق : دب خااصنا ندويو …غادي نعاود لك عليا وعلى خواتاتي …
مريم مصدومة : ياااه عندك خواتااتك ممم ومالهم ماجاااوش ؟؟؟
فاروق : كوولشي غاادي نشرحو لك باااش تكوني على دراية بالوضع …باش حتى الى كنتي كاتدوي مع الواليدة ولا خالتي تلقاي ماتقولي ويعرفوني تاايق فيك ومعاود لك …
مريم : اااه زعما بااش مانحصلش ايلا كنا كاندوييو …ممم اوووك
فاروق : اااه وحتى نتي عاودي لي عليك …
مريم : ياااك اسيدي انا مقطوووعة من شجرة مااعاندي مانعااود لك …

❤ زوجة للإيجار ❤
✍كوثر الزهراوي✍
💥الجزء -43-💥
فاروق : اااه وحتى نتي عاودي لي عليك …
مريم : ياااك اسيدي انا مقطوووعة من شجرة مااعاندي مانعااود لك …
فاروق : يااربي الصبر …ماالكي داايرة هاااكا ا مريم ماالكي ؟؟
مريم : ومالي كيف جيتك ..على مزينااتي ..ألف وااحد يتمنااني …
فاروق : اهاااه ومن هااد ألف واحد جيتي طحتي على رااسي كيف شي بلاء …
مريم : ايوا صاافي صااافي حتى نتا على سبة …خااص غا اللي يجبدك …
فاروق يله بغا يدوي وهو يصوني تيلي دياالو …ناض كايدوي وهنا مريم جااها جوووع … ومع هي ماكاتحشمش ههه خلاتو كايدوي فالتيليفون وهبطات للتحت مشات للكوزينة كاتقلب على شي حاجة تعتق بيها روحها …
مريم : بففف نهار كاامل وانا كانجري كيف الحمقة …الخبز ماطاحش فكرشي … ممم شنو هادا عصير …(هزات قرعة ديال زاج فيها عصير …. يله بغات تدور وهي تحس بشي حاجة وراها دارت بالجهد ماحساات حتى ضربات داكشي اللي وراها بالقرعة د زاج لرااسو …هبطات عينيها تشوف شكون لقات هاجر …)
مريم : اويلي على بنت خاالة راجلي …
فاروق ملي سالا المكالمة ديالو داار مالقااهاااش جمد ليه الما فالركاابي …الله يحفض دايرة كيف الزواق …كايخليها فبلاصة وغير كايغفل كايلقاها فبلاصة اخرى …هبط بالجرا كايقلب عليها وخايف لا تجبد ليه شي موصيبة … سمع الحس جيهة المطبخ ….طل كاتباان ليه مريم وااقفة وهااجر طاايحة للأرض شادة فرااسها …
فاروق : مريم شنو درتي ؟؟؟ ماالها ؟؟؟
مريم : مادرت ليها وااالو اخويا ..احم زعما رااجلي …انا بريئة …

❤ زوجة للإيجار ❤
✍كوثر الزهراوي✍
💥الجزء -44-💥
فاروق : مريم شنو درتي ؟؟؟ ماالها ؟؟؟
مريم : مادرت ليها وااالو اخويا ..احم زعما رااجلي …انا بريئة …
فاروق كايفيق فيها : هااجر هااجر …
تمات جاية نعيمة كاتجري : اويلي ماالها بنتي … الله على كبيدتي تشويت فييها ماالها …
الأم خديجة : مالها واش زلقات ؟؟
مريم : لا اخالتي انا كنت هازة قرعة ديال الزاج فيها العصير…وهي جات بالخف وراايا ..مادارتش الحس انا تخلعت درت بالزربة وبدون قصد ضربتها لراسها وطاحت …صاافي
الخالة نعيمة : هااادشي كووولو و صااافي …
فاروق خنزر فخالتو وقال : هنيونا … رااه قالت لك ماقصدااتش …وبنتك تاهي ماكانش عليها تجي من وراها كاتسلت كيف الشفارة …
هاجر بدات تفيق بداك تبوحيط ديالها : اييي راااسي …
مريم : نوضي على سلامتك….
فاروق هز عينو ف مريم زعما سكتينا …
مريم ضربات طم …
هاجر : اييي مااما ماما واااش خرج دم ؟؟ خرج دم …
مريم : اويلي على الدم …مالي علاه انا ضربتك بمقدة ولا جنوية …راه غير قريعة ديال العصير …
فاروق كايخرج فيها عينيه زعما سكتي غا كاتزيدي تزبليها …
الأم خديجة : لا ابنيتي ماكاين لا دم لا والو …اتكوني غا مقسحة ..مريم ماقصدااتش تضربك…اجي معانا اجي …(جراتها خديجة ونعيمة وداوها خرجوها من المطبخ …)
فاروق دار شااف ف مريم …
فاروق : وااتخايلي كون قتلتيها فين غادي نصدقو ؟؟؟
مريم : ماتخافش بحال هادوك عندهم سبع روااح…مازاال تعيش …
فاروق : ولاش كاتشيري بيديك ؟؟؟ تبتي معايا شوي ابنت النااس …
مريم : ورااه هي اللي جات وراايا …
فاروق : واايمكن تكون بااغا غااا تماازح معاااك ولا تضحك معااك ..نتي على شوي وكنتي اتصفيها ليها …
مريم : وانا ماعانديش مع داك المزاح الباسل اخوياا وااه ..
فاروق : وهاا عار الله لاباقيش تقولي ليا خويا رااني رااجلك …راجلك زعما …
مريم : وانسيت راني مامولفاش الزواج ..صافي وااخ دب نمشي نعتاذر …
فاروق : لااا بلااش ماتعتااذري ماا والو اتصدقي دايرة شي موصيبة اخرى ..زيدي زيدي معايا …

❤ زوجة للإيجار ❤
✍كوثر الزهراوي✍
💥الجزء -45-💥
💚 فالدار عند مريم 💚
الأم زهرة : ليلى …ليلى فين هي ديك البنت ..اويلي شفتها غبرات تاني …
ليلى : احم خالتي انا عاد طليت عليها ..راه دوشات وراها فبيتها الفوق كاترتاااح …عيات رااك عارفة نع القرايا …
الأم زهرة : اممم ايوا ملي هاكا خليها ترتاح …
ليلى تنهدات ومشات للكوزينة وقالت : ااه ا مريم ااه مشيتي وشووفي شنوو خليتي ورااك … وحلت انا وحلت …
تم دااخل محمد أمين كايجري : ماامااا مااماا بابا جا …
ليلى : يلله سير عندو احبيبي لعب معااه يله يله …يااربي عثمان مايسول عليها يااربي …. بففف…
💫 عند هبة 💫
جالسة فغرفتها يله بدلات حوايجها وهو يصوني تيلي ديالها …مشات كاتجري عرفااتو حبيب القلب ههه
هبة : الو عمراان …
عمران : الغزالة ديالي …شنو رتاحيتي …
هبة : اه … عمران واش دويتي مع فاروق كيف دايرة الأوضاع تم …راني كانصوني على مريم وماكاتجاوبش شوشاتني عليها…
عمران : راها معااه دب …كولشي هااد سااعة بيخير …
هبة : ايوا على الله يدوز هاد الشهر بيخير وبالزربة ..
عمران : ولكن انا مانقدرش نصبر شهر …
هبة : كيفاش ؟؟
عمران : كايخصني نجي نخطبك من دااركم فأقرب وقت ممكن …
هبة : خطوبة …
عمران : وشنو انا دب لاش لبست لك دااك الخاتم همم …اجي بعدا باقا لابسااه …؟؟
هبة : لا خفت بابا يشوفو ..مازاال ماما رااه فخباارها ههه
عمران : ايوا ا لالة الخطوبة غادي تحل لينا هاادشي كااامل …غادي تولي تلبسي دااك الخاتم قداام كوولشي وفأي بلاصة …
هبة : نشاءلله ..حتى تشوف شي وقت مناسب بااش نقولها انا ل ماما تدوي مع بابا بخصوص هاد الموضوع …
عمران : نشاءلله الغزالة ديالي …

❤ زوجة للإيجار ❤
✍كوثر الزهراوي✍
💥الجزء -46-💥
فاروق جالس فوق الفوتوي وقداامو مريم …
فاروق : دب فهمتي شنو قلت ليك …
مريم : اااه فهمت فهمت …
فاروق يله عاودي نشوف …
مريم : ممم سميتك فاروق وكنيتك الصفصافي ..ونتا رجل أعمال عندك شركة خدام فيها مع الشريك ديالك عمران ممم وعندك 29 عام ..ماماك سميتها خديجة وباباك ميت الله يرحمو و عندك جوج خواتات … حليمة كبر منك مزوجة وعندها بنت صغيرة ..وكاينة ياسمين هي الصغيرة وهاد العام عندها الباك …
فاروق : مزيااان صاافي الى حاول شي حد يسولك ولا يحرجك غادي تعرفي تجاوبيه ..
مريم : مم لا ماتخاافش … مهم فالعشية ملي غادي ينعس كولشي انمشي فحالي …
فاروق : شنووووو ؟؟؟ كيفاش اتمشي فحالك ؟؟
مريم : رااه عندي عائلتي ماكاينش كيفااش ندير نبات هنا ..غادي يقتلوني …
فاروق : بففف وايلا حصلووك ماكاينااش هنا …
مريم : مااشي حتاال ديك الدرجة غادي يجيو يطلو علينا مع 02:00 ديال الليل … اصلا فالصباح اتلقااني هنا …غادي نعرف كيفاش نتصرف ماتخاافش …
فاروق كايشوف فييها ..حمقااتو وخرجااتو على طوعو ..ندم كااع علاش تسرع وقال ليهم هاهي مرااتي …
مريم : ايوا هاني هبطت للتحت نمشي نشوف ديك بنت خاالتك ياكما فقدات الذاكرة …
فاروق معصب و واصلة بيه للعظم غير سمع هضرتها وهو يجيه الضحك …شاف فيها وقال : سيري سيري …
❌لتحت❌
هاجر : اكيد اتكون داارتها بلعااني هي كاتكرهني …
الأم خديجة : لا ماتقووليش هااكاا رااه ماقصداتش واصلا نتي غفلتيها …هي دارت ردة فعل طبيعية …
الخالة نعيمة : اييه اختي داافعي على عروستك …من حقك ..بنتي دب ليها الله …
تمات جاية مريم وجلسات جنب خديجة وقالت : حبيبة هاجر كيف بقيتي شوي ؟؟
هاجر شافا فيها شوفاات مااشي حتاال لهيه ..كاتحلف فيها حتى تردها ليها جاوباتها بنفخة وقالت : بيخير …
مريم : كانعاود نكرر اعتذاري رااه ماكنتش قاصدة …
نعيمة يله بغات تدوي وتبدا تعرر وهي تقاطعها خديجة وقالت : هاانية ابنتي مااوقع واالو …
هاجر شاافت ف مها ودارت ليها حركة زعماا شووفي حتك تقلبات علينا ملي شاافت مرات ولدها…
نعيمة كمداتها وسكتات …
مريم : امم أيكون فيكم جوع ياك … شنو تبغيو يكون فالعشااا …
خديجة : تباركلله على عروستي الحادكة 😍😍

❤ زوجة للإيجار ❤
✍كوثر الزهراوي✍
💥الجزء -47-💥
دااز الوقت وناضت مريم للكوزينة توجد العشا … كانو طلبو منها حااجة خفيفة وقررات تدير ليهم ليباط بماطيشة والكفتة مع سالاد وعصير دفواكه …قادات سالاد هي اللولة وحطاتها فالجنب وقادات عصير فواكه وحطاتو فالثلاجة يبرد ..عاد دازت تقاد ليباط ولاصوص ديالهم … وهي خداامة كاتسمع بس بس …
….. : بس بس
مريم دورات وجهها لقات فاروق فالباب ديال الكوزينة …
مريم : شنو بنت ليك مشة كاتعيط ليا بس بس …
فاروق وااخت نجي نقرب ليك وتضربيني بشي موس ولا شي قرعة ديال الزاج مع نتي تباركلله اللي فيديك كاتشيري بيه …
مريم جاب ليها ضحك وهي تضحك وقالت : هههه ماشي حتال ديك الدرجة … راه خاصك تشووفها كيفاش جاات ورايا قبيل ..تسحابلي غا دوك الشفارة اللي كايدخلو للفيلات ههه
فاروق : عقلك كايمشي بعييد …
مريم : يااك ا سيدي ..اجي بعدا نتا جايبني نكون مراتك ماشي خداامتك زيد زيد (جراتو وعطاتو ماطيشة وموس …)
فاروق : شنو هاادشي …
مريم : شنو هاادشي واااو هادي تفاحة …
فاروق : بلا مزاحك الباسل ا مريم ..عرفااها مطيشة شنو بااغاني نعاونك زعما …
مريم : بطبيعة الحاال …قشرها وقطعها مزياان وشوف (هزاات يديها اللي فيها مووس بحالا كاتهددو وقالت : عنداك توسخ هنا رااه والله حتى تجمعو …)
فاروق : وصاافي غا حيدي داكشي من يديك …
مريم : ممم كاتخااف من السلاح الأبيض ههههه
فاروق : يااربي الصبر ههه
خديجة كانت دايزة بغات تطلع للفوق تصلي حتى سمعات صوتهم فالكوزينة …مشات للباب وقفات كاتطل وكاتشووف فيهم كيفااش وااقفين بزوج كايضحكو وكايدويو …فرحاات من أعماق قلبها ملي شافت ولدها مع مرااتو … واخا ماحضراتش ليه وهو كايتزوج الا انو يكفيها تشووفو مع بنت كاتبغييه ويبغييها … بنت كاتقدرو ويقدرها ….مريم سااعات قليلة بااش تعرفات عليها ودغيا دخلات ليها لقلبها وحساات بيها هي القدر ديال ولدها فااروق والإنسان ماعمرو كايهرب من القدر ديالو واخا يوقع اللي وقع ❤❤❤
الأم خديجة : الله يخليكم لبعضياتكم ويحفظكم ويطول فعمري حتى نشوف وليداتكم …

❤تتمة❤
وجد العشاء وحطووه تجمعو عليه …سالاو جمعات مريم الطبلة حطات الماعن فآلة الغسيل الخاصة بيهم …ووقفات فالمطبخ كاتسنا فاروق يجي عندها …
فاروق ناض تبعها لقاها كاتسناه …شاف فيها وقال : رااهم فالصالون كايدويو موحاال وااش يبغيو ينعسو دب ؟؟؟
مريم : حيد حيد تشوف شنو غادي ندير ..
فاروق : شنو ناوية تديري ؟؟؟
مريم : ناوية نفرق ديك الجماعة …
مشات مريم جلسات جنبهم … بدات تفوه …
الأم خديجة : بنتي كاتفوهي …اتكوني عييتي …
مريم : ااه اخالتي ..وحتا نتوما اتكوونو عيانين مع الطريق والسفر ..الغرف ديالكم رااه واجدة طلعو ترتااحو …
الأم خديجة : ااه عندك الحق …ختي نعيمة يله نوضو …
نعيمة شافت ف عاجر اللي لاوية فاصمة على رااسها وقالت : يله ابنتي حطي داك الراس يرتااح شوي …
هاجر نااضت زعفاانة مشااات طلعات هي اللولة وتبعاتها خديجة و نعيمة …
فاروق : شنو دب اتمشي …
مريم : واش حماقيتي … يله نطلعو دب لداك البيت عندك باش يشووفونا …
فاروق : يله زيدي …
تمو طاالعين و وقفو قدام الغرفة ديال فاروق وهي تم تطل عليهم نعيمة …
مريم : تصبحي على خير ا خالتي …
الخالة نعيمة : ممم تصبحو على خير ( تحت لساانها قالت : من نهار شفنا كمارتك ما شفنا شي خير …)
فتح فاروق الباب ودخلو وسد ورااه …
فاروق مشا تلاح فوق سرير وحط يدو على رااسو ..عياان من بعد هااد اليوم الطويل …اما مريم فملي تسد عليها هي ويااه فغرفة وحدة عاااد طلع معاها البلان ..بقات وااقفة ظسمرة عند الباب حشماات … اه كيف كان الحال رااه كاتبقا أنثى …وراها مع رااجل غريب يله تعرفات عليه غير اليوم فالصباح …
فاروق بااقي على نفس الوضعية دوا بصوتو الرجولي الجوهري وقال : مريم طفي الضو …

❤ زوجة للإيجار ❤
✍كوثر الزهراوي✍
💥الجزء -48-💥
فاروق بااقي على نفس الوضعية دوا بصوتو الرجولي الجوهري وقال : مريم طفي الضو …
مريم : اويلي وعلااش …
فاروق هز عينو فيها وقال : طفي الضو باش يضنو اننا نعسنا ونتي تقدري تمشي فحالك …
مريم : اااه وااخ … (طفات مريم الضو و بغات تمشي جيهة الفوتوي فين محطوط الساكادو ديالها تجلس تم وهي تعكل بشي حاجة فالضلام وهي تجي طايحة للارض …)
مريم : واااا مااما …
فاروق سمع داكشي طاح للأرض وهو ينوض ….
فاروق : كنت عاارفك غادي تديري شي زبلة تاني …
مريم : اييي …اجي عاوني اجي …
❌فالغرفة عند هاجر ومها نعيمة❌
هاجر : ماما ماااما وااش سمعتي شي حاجة …سمعت شي صوت …
نعيمة : سكتي سكتي ونعسي حطي داااك الرااس فوق المخدة يرتااح باراكا غا دوك الزبايل اللي درتي فالصباح باغا تزيدينا حتى زبايل الليل …نعسي …
هاجر : اوووف هااهي غادي تنعس …
💫 عند فاروق ومريم 💫
مريم : عندااك يكونو سمعوونا …
فاروق : لا غا نوضي نوضي … (عطاها ساكادو ديالها وتسنااو شوي حتى سمعو حسهم تقطع وهوما يخرجو بزوج …عطاتو النعت فين كاينة دارهم ووصلها …)
مريم : شكرا …
فاروق شافها بغات تهبط وهو يشد فذراعها وقال : اجي هاادا هو الحي فين كاينة الدار اللي شريت ليك …واش هي فاش كاتسكني …
مريم : علاش كاتسول ؟؟ (شافت فيدو اللي شادة فذراعها)
فاروق : احم سمحيلي ماقصدتش … صااافي غير سيري …
مريم بغات تجاوبو ولكن حساات براسها تعطلات …هبطات ومشات بالجرا حلات الدار ودخلات طلعات كاتسلت ودخلات لبيتها بدلات عليها دغيا وهي تلاح فبلاصتها ….
مريم : اوووف وأخيرا … (هزات تيلي ديالها وسيفطاط ميساج ل فاروق …)
فاروق كان يله وصل للفيلا دخل تاهو بشوي بلاما يحس عليه حتى حد وطلع للبيتو وتلاح فوق سرير ديالو …سمع تيلي ديالو رن وهو يطل لقا ميساج من مريم مكتوب فيه ” واش كولشي بيخير ” جاوبها وقال : ” اه غدا ماتعطليش فالصباح ..”
مريم تنهدات وحطات تيلي ديالها وقالت : ناااري اليوم مادوزتو حتى غفر ليا سيدي ربي … باقا 29 يوم .. الله يا مولانا …بففف كيفاش غادي تدوز مع دوك النااس …ومع داك العوج د فاروق ..انا فالشرق وهو فالغرب بففف
فاروق ملي سيفط ليها ميساج طمأنها حط تيلي ولاح عليه الغطا وقال مع راسو : ولينا ندويو بالميساجات كيف المراهقين ..اصلا هادا اختياري العوج وخاصني نتحملو …

❤ زوجة للإيجار ❤
✍كوثر الزهراوي✍
💥الجزء -49-💥
🌼أصبحنا وأصبح الملك لله🌼
فاقت مريم كاتعكز …وكيف العادة دارت روتينها الصباحي …دخلات للحمام قضات حاجتها وطرفات حالتها ..غسلات وجهها وحكات سنيناتها ..لبسات حوايجها عبارها على سروال جينز مع تريكو فاللون الغوز بالكمام و واصل حد الخصر …لبسات سبادري ديالها فنفس اللون د تريكو …مشطات شعرها وسرحاتو وخلاتو مطلوق على رااحتو …اكتافات بكلووس لشفايفها وهزات ساكادو ديالها وخرجات …هبطات للتحت لقات ماماها وليلى فالكوزينة …
مريم : صباااح الخير …
الأم زهرة: كيف صبحتي ابنتي …
مريم هزات عينيها فليلى عرفااتها كذبات البارح …تنهدات وقالت : انا بييخير ا ماما كنت عياانة البارح شوي داكشي باااش …مهم انا مشيت …
الأم زهرة : فين غادية ..باقي الحاال على القرايا …
مريم : انمشي عند هبة بغاتني نقضي معاها واحد الغرض وندوزو للجامعة …
الأم زهرة : وجلسي غير فطري بعدا …
مريم : مافياااش هااني مشيت باي بااي …
خرجات من الكوزينة وتبعاتها ليلى …
ليلى : اجي نتي شنو درتي البارح …؟؟
مريم : كولشي دااز مزياان اختي واااخا عييت بزااف مع ماموالفااش هاادشي …
ليلى : ممم عييتي ..رااك يله بديتي ا الكبيدة … ودب اشنو اتديري فهاد الصباح …؟؟
مريم : عندي سوارت د فيلا انمشي ندخل من باب اللي جيهة الجردة …وندوز ديريكت للكوزينة زعما راه فقت بكري وكانطيب الفطور هههه
ليلى : ههه حمقة يله سيري سيري …
خرجات مريم بالجرا خدات طاكسي وصلها دغيا ومشات كاتجري لجهة الباب الخلفي باش تدخل للكوزينة ديريكت …غير قربات للباب وهي تصدم بلالة خديجة فالكوزينة فاايقة وكاتطيب الفطوور …
مريم : اويلي حصلت شنو اندير …ماماه كاتطيب الفطوور … (مشات كاتدور على الفيلا حتا قشعات نافذة ديال الصالون محلولة …)
مريم طلات بااان ليها الصاالون خااوي والدروج قرااب ليه يعني طريق سااهلة …لاحت ساكادو ديالها هو اللول وقفزات للداخل …هزات ساكادو وتمات طاالعة بالخف بااش مايشووفها حتى حد …وخلال طريقها سمعات خطوات ورااها …جات دايرة تشووف لقاتها خديجة مامات فاروق طاالعة للفوق… زربات وكاتدعي باش ماتخرجش نعيمة ولا بنتها ويحصلوها ….ولكن هادوك كانو كاايشخرو ههه مولفين نعااس … وصلات للغرفة د فاروق حلاتها وسدات وراها الباب وبدات تلتاقط فأنفاسها… (بدات كاتسنط سمعات خطوات خديجة جايين جيهة الغرفة د فاروق)
مريم :اويلي هااادي جااايا لهنا …شنو ناوية تصبح على ولدها ؟؟؟
مريم دورات وجهها بان ليها فااروق ناااعس ولايح على نصو الغطا …لاحت الساكادو ديالها فالجنب ومشااات كاتجري تلاحت جنبو فالسرير ولاحت عليها الغطا…
فاروق نااعس حتا كايحس بشي حاجة طالعة كاتشتف فوق السرير ومن بعد تلاحت حدااه …حل عينو ضرباات فيه الشميسة اللي داخلة من النافذة دور وجهو وشاافها …
مريم سخفاانة كاتدوي من تحت الفراش وتقول : ماتخاافش ماتخاافش غير انا …
فاروق تنهد بقلة حيلة ماعاندو مايدير ليها شاف فيها وقال : رااني عاارفك اتكوني نتي …اصلا شكون يقدر يتجرأ ويدخل بهاد الطريقة لبيتي من غيرك ا موصيبة عمري ….

❤ زوجة للإيجار ❤
✍كوثر الزهراوي✍
💥الجزء -50-💥
مريم سخفاانة كاتدوي من تحت الفراش وتقول : ماتخاافش ماتخاافش غير انا …
فاروق تنهد بقلة حيلة ماعاندو مايدير ليها شاف فيها وقال : رااني عاارفك اتكوني نتي …اصلا شكون يقدر يتجرأ ويدخل بهاد الطريقة لبيتي من غيرك ا موصيبة عمري ….
مريم : ياااك المرضي … دب انا موصيبة عمرك …دب فحيااتك كاااملة عمرك درتي شي موصيبة حتاا تلاقيتي بيا انا ..ايوا وااخا عقل عليها بلاتي حتى تمشي ماماك وندويو …
فاروق : كيفاش …الواليدة فين هي …(سمع دقان فالباب د الغرفة)
مريم : واانوض حل لمك …
فاروق : نوضي حلي ليها نتي باش تشوفك …
مريم : ياااه على تفكير عندك وااعر … مانعرف كيفاش كاتدير تسير ديك الشركة عندك …. اناا نوض نحل ليها ب سروال ديال جينز وسبادري باش تعيق بيا …مالك وااش كاتصبح مبوق ولا شنو …
فاروق لاح من فوقو الغطاء و نااض حل لمو …
فاروق : صبااح الخير الواليدة …
الأم خديجة: صباح الخير اولدي …جيت نشوف وااش فايقين باش نهبطو نفطرو مجمووعين …راااني وجدت كوولشي على حقو وطريقو فرحااانة بيكم …
فاروق بااس راسها وقال : الله يخليك ديما فرحانة الواليدة …احنا تابعينك …
الأم خديجة كاتطل على الفراش وتقول : وااش هاديك مريم بااقي نااعسة …؟؟؟ مالها مغطية هااكااك اتخنق …
فاروق : احم لاا غير كايجيها البرد بزاااف …
الأم خديجة : البرد ؟؟؟ اويلي الجو هنا سخووون … المهم ولا عليه انا انهبط دب … يله هبطو حتى نتوما انمشي نشوف خالتك وهاجر كيف صبحو …
فاروق : وااخ … سد الباب ورجع شاف فمريم اللي غير سمعاتو سد الباب وحسات ب مو مشات وهي تلوح الغطا …
مريم : وااعيباد الله تخنقت …
فاروق شاف فيها وتنهد وتم غاادي جيهة الحمام …
مريم كاتعيب فيه وتقول : سير سير دوش برد على رااسك …يعع كي دااير … ( ناضت كاتجري حلات البلاكاار وشاافت فحوايجها وقالت : الله على حواايجي مساااكن … )
فاروق كايحيد تيشورت ديالو وسط الحمام وكايسمع فيها ..
فاروق : يااا سيدي ربي ترد بيها وتعفو عليا منها …
مريم دوات بالغوات من على برا وقالت : رااااه سمعتك والله لابقاات فيييك …
فاروق : يله زيدك حتى هاادي بففف …

❌فالدار عند مريم❌
مجموعين كااملين على مائدة الفطور …
عثمان : فين مريم ؟؟ وااش صابحة نااعسة ؟؟
الأم زهرة: لا فااقت بكري ومشات عند هبة تقضي معااها شي غرض ..عااد من بعد تدوز لقرايتها …
ليلى غا كاتدور فعينيها وتدعي الله يدوز كوولشي بيخير …
عثمان : ليلى …!!!
ليلى قفزات : هاااا نعااام …
عثمان : ماالكي وااقعة شي حاجة ؟؟؟
يتبع ….

Leave a comment