Skip links

قصة : زواج تقليدي كاملة

 7,797 عدد مشاهداات

1: انا ليلى بنت من العروبية عندي حقي فالزين فعمري 17 العام هد العام عندي الباك غتستغربو مني انا فالعروبية وكنقرا ولكن حيت انا الصغيرة فخوتي والواليد كيدير ليا خاطري حيت حنا من حقنا نقراو هدا حقنا ولكن الواليد شرط عليا بلي غير نكمل الباك غنحبس هو شيخ القبيلة وكلشي كيدير بحسابو والواليدة مسكينة حدها الدار مقابلانا ومقابلاني انا والواليد خوتي مليكة وسمية تزوجو حتى خويا كمال مشا لميريكان وكيجي غير مرا فالعام مع مراتو وولادو ليلى :امي فينك امي: انا هنا ابنتي فالكوزينة ليلى: تبارك الله على شميشة ديالنا امي : احيانا ابنتي فين كنبان قدامها يلاه سيري بدلي واجي عاونيني راه الضياف غيجيو دابا ليلى: علاه شكون غيجي امي: الحاج موسى ليلى: اه مزيان انا نمشي نبدل عليا ونجي نعاونك المهم مشيت وعاونت الواليدة وجا الضيف وتغدا ومشا وحنا بقينا واحلين فالماعن ومن بعد شهور وحنا عايشين فرحانين وفالصيف جا خويا كمال ومراتو وولادو ودوزو معانا العطلة ومشاو وانا الحمد لله نجحت ونفدت اوامر الواليد وكلست فالدار واخا مولفتهاش واحد النهار سمعت بابا وماما كيهدرو امي: الحاج هدي منقبلهاش ليك كلشي نقبلو الا هدي البنت باقا صغيرا وباغي تزوجها الحاج: واش غتحكمو فيا نتي وبنتك مزيان تبارك الله انا عطيت الكلمة ومغديش نرجع فيها فهمتو امي: ياك عزيزا عليك وديما كنتي تفضلها على الخرين وقريتيها اوا كمل خيرك وخليها تختار اللي بغات الحاج راه الزواج هادا مشي لعب الحاج: شوفي نتي البنت عطيتها الى كتاب وفضينا الموضوع ونتي هدري معاها امي : منقدرش نكولها ليها حتى تكولها ليها نتا وانا نخرج عندهم حيت هدا مستقبلي وانا حرة فيه ليلى: انا سمعت كلشي امي وابا راه هدي حياتي وانا اللي غنتزوج علاش وافقتي الحاج: مزيان تبارك الله تكادو الكتاف صافي قريناك وندمتينا ليلى: ياك ديما كتكول ليا راني عزيزة عليك علاش بغيتي تضيع حياتي الحاج: كلمة وحدا وكلتها وجدو ريوسكم راه بعد غدا غيجيو اخطبو رسمي وبما ارجع سمير من فرنسا غنوجدو للعرس ليلى:حتى من العريس باقي مجاش طلعت لبيتي وبقيت كنبكي ولكن اشنو غدين اقضيو الدموع وانا حياتي صافي نتاهات قبل متبدا كنت ديما نحلم نتزوج عن حب ولكن اللي بحالي مشي من حقو وجدو لجنازتي مشي لخطبتي وخطبوني ومن بعد شهر جا اليوم المتعوس اللي غنشوف فيه السي السيد…

الجزء التاني: اللي غادي نتزوج بيه المهم لبسوني مزيان وخرجت عندهم وتصدمت مني شفت العريس زوين بزاف وتزعط فيه مكنتش كنظنو غيكون زوين بحال هكا الحاج موسى: الا مكينش عندك شي مانع انا كنقتارح عليك نديرو ضريب الصداق والعرس فنهار واحد حيت ولدي سمير زربان خاصو ارجع الواليد: معلوم نتا اللي مسلكك انا نديرو حنا راه خوت قبل منكونو نساب الحاج موسى : اوا انشاء الله السبت الجاي العرس موافق الواليد: انشاء الله صافي تقرر مصيري هديك الليلة وانا واخا العريس زوين ولكن منطق بحتى كلمة داك النهار بحال الى حتى هو كاعما موافق مسمعتش صوتو داك النهار ولقيت الحل الوحيد نعيط لكمال خويا وعيط ليه وطلبت منو اعاوني ومن بعد عيط هو للواليد وحاول معاه ولكن غوت عليه وكاليه مشي سوقك هدي بنتي وانا حر فيها نعطيها لمن بغيت وزايدون هادا عربس مناسب وغتعيش معاه مخيرا الواليدة مسكين معاجبهاش الوضع اللي انا فيه ومن بعد اسبوع ديال التوجاد وتمارا وصل النهار الموعود وداز العرس وكلشي فرحان الا العريس والعروسة وكانها جنازا بالنسبة لينا المهم مني سالا العرس داوني للبيت وومن بعد ساعة جا العريس وكلس حدايا سمير: واش ممكن نهدر معاك ليلى: معلوم تفضل سمير: شوفي ابنت الناس انا راه منقدرش نعيش معاك بحال اي زوجين انا قلبي مع وحدا اخرى ومنقدرش نخونها وهاد الزواج قبلت بيه غير باش ندير الخاطر للواليد ليلى: راه حتى انا غير مبزوك عليا اما انا مموافقاش من الاول ودابا اشنو غنديرو سمير: انا من بعد عام غنطلقك بحجة الولاد صافي متافقة معايا ليلى: واخا انا موافقة المهم فرح سمير مني تفهمتو وجبد السروال وجرح رجلو ومن بعد لاحو ورا الباب ةرجع نعس وطلع دكي هاد سمير وكاعما ساهل والفصباح فقت على الصلاة والسلام والزغاريت اللي افيقو الميت ولبست مزيانودرت المكياج وكانني عروسة ديال بصح سمير: كنشكرك بزاف مني تفهمتيني ليلى: انا بصح كنت باغا نتزوج ولكن بشي واحد نبغيه ويبغيني مشي هكا سمير: انشاء الله غدا غنرجع وغادي نصيفتليك تلحكي عليا ليلى: انشاء الله كنت ديما كنحلم نمشي لفرانسا سمير: انشاء الله

الجزء التالت: المهم دوزنا داك النهار مزيان مع العائلة ومع خواتاتي اللي كل وحدا فيهم كنشوفها غير من العطلة للعطلة وكمال ظروفو مكتسمحش ايجي ومني تعشينا كل واحد مشا لدارو وانا طلعت لبيتي وجمعت شانطا ديال سمير وهو ادخل سمير: علاش عدبتي راسك انا نجمعهم ليلى: مفيها والو اصلا حوايجك قلال سمير: اه مجبتش بزاف شوفي انشاء الله مغيبقاش هاد الوضع مستامر هكا غنشوف كيندير حتى لورا سلمات عليك وراه شكراتك على التفهم ديالكم مزال تعرفي عليها ليلى: علاه واش هي نصرانية سمير : لا هي لبنانية ليلى: اه كلت حيت المغاربة مكيسميوش هاد السميات سمير: هههههههه وعلاش زعما ليلى: حيت معمرني شفت شي مغريبي مسمي بنتو لورا ولا نانسي ولا هيفا سمير: نتي ظريفة بزاف ليلى: شكرا حتى نتا اوا يلاه ننزلو تكلش معاهم شوية قبل متمشي سمير: اوكي…. نزلنا وتغدينا ومن بعد مشا ونزل باليزتو وسلم علينا ووصاني نتهلا فراسي فالحقيقة عجبني الحال ومشا مسكين وبقيت بوحدي وكالت ليا حماتي حماتي: متخافيش ابنتي كلها ايام وتلحكي عليه ونتي وقتما تبغي تمشي عند داركم كوليهلي نمشي معاك راكي عارفا التقاليد ديالنا ليلى:معلوم اخالتي مالي برانية حماتي: الله ارضي عليك ابنتي اوا يلاه نمشيو نكلسو فالجردة ليلى: ولكن والماعن اخالتي حماتي: الخدامة تجمعهم غير رتاحي اعروستي العزيزة ليلى :الله اكتر خيرك اخالتي حماتي: هدا واجب ابنتي نتي راك وحدا من بناتي ليلى : باراك الله فيك اخالتي المهم دوزت معاهم ايام زوينة ودازت شي شهر تقريبا وسمير ديما كيعيط ليا ومني وجدو الوراق حجزنا فالطيارة لبعد غدا المهم انا فرحانا اولا حيت غنشوف سمير وتاني حاجة حيت غنمشي لفرانسا اللي اي واحد كيحلم امشي ليها مشيت للمطار انا والواليد وعمي وتوادعت معاهم وركبت الطيارة وانا معارفاش اشنو مخبي ليا هاد السفر ومني وصلت تلقالي سمير وداني للدار تبهرت بهديك الدار زوينة بزاف ومرتبة سمير: تفضلي مرحبا بيك ليلى : الله اسلمك سمير: ياكما عييتي فالطريق ليلى: لا شكرا سمير: هاهو بيتك رتاحي حتى نرجع نمشي نجيب مناكلو ليلى: واخا شكرا خرج سمير وانا بقيت كنكتاشف الدار وسمير فهاد الاتناء مشا اشوف حبيبتو لورا سمير : بونسوار لورا: بونسوار حبيبي شو المدام اجت سمير: اه يلاه جبتها من المطار حبيبه متخافيش راه تفقت انا وياها وزايدون هي شعبية وجاهلا ولكن اللي اشوفها اكول قاريا عرفتي متقفة لورا: شو شفت الخانو اسرت فيك من اول يوم سمير: حبيبتي انت حياتي وفين تبان قدامك انا غير عطيتك رايي لورا: اوكي يلا روح شو رح تتاخر عالمدام سمير: كنواعدك غدا نجي نبات معاك لورا: اوكي يلا روح

الجزء الرابع: سمير: لا تقدري تمشي تنعسي ليلى: واخا تصبح على خير سمير : تصبحي على خير غدا انشاء الله غنمشيو نتقداو ليلى: مكاين لاش باغا نرتاح سمير: اوكي نتي تعرفي طلعت لبيتي باش منتناكرش معاه مزال عصبني مالو اصحابليه راسو مزوج ب بكرة اسد عليا فالدار امشي اعيش حياتو مع حبيبتو وانا اسد عليا من قوة الفقصة نعست بحوايجي الغد ليه فالصباح مني فقت لقيت الفطور فوق الطبلة وكتب ورقة فيها سمحي ليا انا مقصدتش نقلقك راني غير خايف عليك غير بما تعلمتي اللغة غتبقاي فالدار انا غنسجلك باش تتعلمي حمق اصحابليه انا جاهلا المهم مني فطرت جمعت الدار وغسلت الماعن وعيطت لمالين الدار ماما وحماتي وفرحو بزاف وسولوني وبطبيعة الحال متلت بلي انا اسعد انسانة فالدنيا واخا فالحقيقة العكس المهم من بعد ما عيط للعائلة اتفرجت واحد الشوية وهو ادخل سمير: السلام ليلى: وعليكم السلام اشنو جابك فهاد الوقت سمير: ياك كلت ليك غنمشيو لسوبر مارشي نتقداو ليلى: اه اوا كنتي تتقدا بوحدك سمير: لا ميمكنش خاصك تسوفي اشنو خاصك ومنها نمشي نسجلك باش تعلمي اللغة ليلى: شوف اولد الناس هادي اللي حاكر راه واخدا الباك وبمستحسن سمير: تبارك الله ولا كان هكا نمشي نوريك الطريق باش متودريش ونتي تبقاي تقداي لراسك اوكي ليلى: اوكي بدلت حوايجي

وخرجنا مشينا تقدينا داكشي اللي خاصنا غير على رجلينا حيت قريب لدار ومن بعد رجعنا وواعدني بلي غيديني نشوف برج ايفل سيمانا الجاية انا عجبني الحال حيت خرجت اصلا انا مكتعجبنيش الدار وحنا راجعين لقينا وحدا كتسنانا حدا باب الدار واحد السليعفانة ولابسا حوايج ديال الدراري الصغار ههههههههه وغير شافتنا جات كتجري خلعاتني ومشات عنقات سمير لورا: حبيبي صارلي ساعا عم دقلك بالموبايل سمير: اه سمحي ليا نسيتو فالدار بللتي بعدا نعرفك هدي ليلى وهدي لورا لورا:اتشرفت بمعرفتك يا ليلى ليلى: انا الاسعد المهم كنت باغا ناكلها بسناني وهي كتعوج قدامي بحال البرويطة ودخلنا لدار ووجدت اتاي وحطيتو ليها مع الكيك لورا: كتير كان بدي دوق الشاي المغربي مفي متلو دايما كنت عم قول لسمير يحضرو بس ما عم يرضى ليلى:{ تاكلي فيه جغديد انشاء الله } صحة وهنا لورا: عقلبك شو عم تحكي لبناني ليلى: البركة بالمسلسلات التركية صرنا عم نحكيا احسن منكم لورا: معك حق شو هي هوايتك ليلى: بحب اقرا المطالعة كتير وانتي لورا: انا بحب كون مع سمير وبس ليلى: { تكوني فجهنم انشاء الله } احسن شي تكون مع يالي بتحبو لورا: معك حق مابعرف كيف بدي اشكرك عتفهمك النا عنجد مفي مرا بالدينيا تعمل يالي عملتيه الله يرزقني صبر معاكم و صافي و ناري ها لعار رد داخل القصة الله يرحم ليكم الوالدين

الجزء الخامس: ليلى: انشاء الله اكون خير سمير : بهاد المناسبة نمشيو نتغداو فباريس اصلا انا اليوم مخدامش لورا: اوكي حبيبي مفي مشكلي بنروح منشان ليلى سمير : اوكي بينا مشينا لباريس ودرنا مزيان وهما شادين فبعضياتهم تكول هي اللي مراتو مشي انا ودرنا مزيان ومن بعد رجعوني للدار ومشاو هما اكملو سهرتهم شحال وانا نتسنا ارجع حتى داني النعاس وانا كالسا مني فقت الصباح ملقيت حد فالدار يعني الراجل بات عندها تفقصت بزاف حيت انا مغنقدرش نتحمل كتر من هكا نضت اوجدت الفطور وهو ادخل سمير: صباح الخير ليلى: صباح الخير سمير: مالك بنتي ليا مقلقة ليلى: لا ممالي والو سمير: انا عارفك تقلقتي حيت مرجعتش بالليل ولكن راه لورا البارح داخت شوية ومقدرتش نخليها بوحدها ليلى: انا ممقلقاش حيت بتي عندها ولكن راه كاين واحد الاختراع سميتو التيليفون تشوشت عليك مني مرجعتيش سمير: صافي سمحي ليا منبقاش نعاود ليلى: واخا مكاين باس سمير: انا غنمشي نبدل حيت تعطلت على الخدمة ليلى : واش غتجي للغدا سمير: على حسب الخدمة نتي تغداي ومتسناينيش ليلى: واخا ولكن انا الى قنطت غنمشي لسوبر مارشي سمير: عندك تودري ليلى: لا متخافش انا عاقلة على الطريق سمير: اوكي راه الفلوس فهاديك الصنيديقا وراه فيها حتى السوارت انا غنمشي يلاه بسلامة ليلى: اوكي الله اعونك…… خرج وانا بقيت كنتفرج حتى مليت وكلت نخرج ومني سديت الباب سمعت واحد المرا كتهدر بالمصرية مع بنتها ساكنا حدايا ليلى: السلام وعليكم مي: وعليكم السلام انتي عربية ليلى: اه انا مغربية مي: متشرفة بمعرفتك انا اسمي مي ليلى: حتى انا متشرفة بمعرفتك انا ليلى مي: احنا انشاء الله حنبقى اصحاب انشاء الله ليلى: انشاء الله مي: انت رايحة فين ليلى : انا كنت باغا نمشي لسوبر مارشي مي: وانا كمان رايحا اهي فرصة نتونس مع بعض ليلى: اوكي مشيت مع مي فالصراحة رتاحيت ليها بزاف والحمد لله لقيت معامن نتوانس ودرنا شوية فالسوبر مارشي وجبت شي تويشيات ومي تقدات داكشي ديال لبيبي وحنا راجعين بقينا كنهدرو مي: انت مرات سمير مش كدا ليلى: اه انا مراتو مي: دا صديق جوزي وبعدين اللي اسماها لورا دي بتستغلو اوعي توسقي فيها

الجزء السادس: ليلى: وانا اشنو فيدي مندير راه كيبغيها والبارح بات معاها كاع مي:يعني ايه بات معاها ليلى: يعني نام عنداها مبارح مي: ونتي طبعا وفقتيه ليلى: وانا اشنو عندي منكوليه راه تافق معايا مي:واللي يساعدك عشان يرجع يحبك انت ليلى: عمرني ننسا خيرك غنبقى هزاه ليك حياتي كاملة مي:بهزر معاكي انتي بقيتي صاحبتي وانا نفسي اسعدك وبعدين سمير دا زي اخويا ليلى: ربي اخليك اشنو غندير مي: اول حاجة تطلبي منو يبقى معاكي بالليل عشان بتخافي لواحدك وبعدين انتي باقا حتبقي تتجملي وتحضري اكل مغربي وتستانيه ليغايت مايوصل وبعدين حوريكي تعملي ايه ليلى: وازا منفعتش مي: طيب اتفائلي بس عيطت ليه كاليا بلي عندو خدمة ضرورية خاصو اديرها ولكن علامن انا مراهنا بلي غيكون مشا عندها انا غير فطرت مشيت عند مي مي: صباح الخير ليلى: صباح النور يا احلى مي مي: الحمد لله نجحت الخطة ليلى: اه مي: تعالي باقا اقولك حتعملي ايه تاني ليلى: طيب يا وش السعد مي: دلواقتي انتي حتمشي على الخطة الاولى وبعدين حتغيري لوك بتاعك وتعتني بنفسك وتغيري طريقة لبسك وتغيري كمان ديكور البيت فهمتي ليلى: ولكن انا معارفاش فين غنمشي باش نقاد راسي مي: دي باقا سيبيها عليا داتني لعند الكوافورا وقطعت شعري ودرت المانكير والبديكير وصبغت شعري انا تبهرت فراسي ورجعت للدار وطيبت العشا وتسنيتو ولكن المفاجأة مني رجع رجع السيد سكران سمير: اهلا اشهاد الجمال كولو ليلى: اشنو هاد لحالة اللي نتا فيها سمير: شتي ندمت علاش جبتك لهنا ليلى: وعلاش سمير: لورا تخاصمات معايا ليلى: وعلاش تخاصمات معاك سمير: حيت البارح كنت عارض عليها للعشا ولكن ملي كلتي نكلس كلست ليلى: متخافش دابا تتصالحو يلاه نعاونك تطلع لبيتك طلعتو لبيتو وتقرب مني وسلمتو راسي واخا عارفاه سكران ولكن انا وليت كنبغيه وفالصباح فقت قبل منو ومشيت لبيتي باش ميظنش بلي انا كنت باغا هكاك اوقع مني فاق عيط عليا وخرجت لعندو سمير: انا بغيت نعرف اشنو وقع البارح ليلى: نتا ستاغليتيني اسمير مظنيتكش بحال هكا سمير :سمحي ليا انا معاقل على والو ليلى: دابا عافاك بغيت نبقى بوحدي سمير: انا نمشي فحالي حسن غير خرج مشيت لعند مي وعاودت ليها كاع داكشي اللي وقع وسمير سيفط ليا مسج وكاليا سمحي ليا ولكن مجاوبتوش ولكن فرحت مني الخطة بدات كتنجح ودازو ايام حتى داز شهر ونص على هديك الواقعة سمير كيتعامل معايا مزيان واحد النهار فقت وانا كنتقيا وداك النهار رجع سمير بكري للدار ليلى: ياك لاباس سمير:شفت لورا خارجا من واحد الدار مع واحد الشارف ليلى: اواه ومسولتيش شكون هداك

الجزء السابع: سمير: مني سولت الكونسييرج كاليا بلي راها عام وهي كتجي لهنا مع هادا تصدمت تما ملقيت راسي غير وجيت لدار ليلى: متستاهلكش اصلا حمد الله مني خرج عيبها قبل منزوجو سمير: سمحي ليا ليلى: نتا بحال خويا واللي دراتك كولها سمير: شكرا ليك بزاف ليلى: انا نمشي موجد ليك كاس الليمون اهدأ اعصابك سمير: واخا شكرا مشيت اوجدت ليه العصير ومني بغيت نجيبو ليه جاتني الدوخة سمير: مالك ياك لاباس ليلى: معرفتش السوم حاسا براسي مشي هيا هديك سمير:يلاه نديك تدوزي ليلى: مكاين لاش سمير : لا دابا زيدي قدامي مشينا لعند الطبيب وكاليا مبروك راني حاملة تصدمنا بجوج مظنيتش نهار واحد نحمل فيه المهم مني خرجنا ليلى: شوف الى مبغيتيش هاد البيبي انا مستاعدا نتحمل مسؤوليتو متكولش ليا نتيحو حيت هدا روح والروح عزيزة عند الله سمير: وشكون كاليك بلي بغيتك تطيحيه انا غير كنخمم فالوضع اللي حنا فيه هاد السبة اللي كنا بغينا نطلقو بيها ليلى: انشاء الله غنلقاو حل اخر ورجعنا للدار وانا مفقوصة من هدرتو الحمق راني كنبغيك وانا فرحانا حيت هازا طرف منك فكرشي من بعد مشيت وفرحت مي واقتارحات عليا باش نخليه اغير ومن بعد شهرين وحنا فالدار بحال الخوت اتافقات مي مع خوها باش ايجي والغد ليه تعطلت عند مي دخل للدار وملقانيش مني دق على مي لقاني كالسا فالصالون مع تامر خو مي سمير: تبارك الله على المرا اشباقا كديري هنا مع هاد خينا ليلى: هدا خو مي بحال خويا سمير : انا اللي لافوت ديالي عطيك الحرية كتر من اللازم مي: انت بتقول ايه ياسمير لا ملكشي حق تقول كدا……. وليت نقرا بالمصرية عوتاني ههههه

الجزء التامن: سمير: شوفي نتي مشي سوقك ونتي مخلياها عندك حتال هاد الوقت يلاه نوضي اليلى جرني من ايدي وقسحني وخرجني من تما وداني للدار ودخلت وانا نبدا نغوت ليلى: شوف نتا مشي من خقك تعاملني هكا سمير: من حقي راني راجلك ليلى: اه عافاك متضحكنيش راجلي مع ايقاف التنفيد انا عييت امليت من هاد العيشة دوزت معاك 4 شهور ديال العداب نسيتي ولا نفكرك اشنو درتي معايا نسيتي مني جيت وعطيتي قيمة لسليعفانة ديال لورا سمير: اوا دابا ولا بحال القبة بحال السطل غتدخلي بيتك ولا ميعجبك حال ليلى: ولا مبغيتش نتا اخر واحد تامرني وهي تجيني واحد التصرفيقة حتى بان ليا الجن كيعجن وخرج وسد عليا الباب والمشكيل هز الساروت ديالي كنعيط ليه ولكن مجاوبنيش انا بقيت مشطونا عليه بغيت نكحلها عميتها عيطات ليا مي وعاودت ليها داكشي اللي طرا وفرحت بزاف وكالت ليا نحاول نتقرب منو مني ارجع ومن بعد طول انتظار رجع وهاز معاه بلاستيكات مفهمت والو ليلى: سمير سمح ليا ولكن راك عصبتيني سمير: بغيتي نسمح ليك هي تبقاي فالدار ممنوع الخروج الا معايا ليلى: ولكن ومي راه هي اللي كتونسني سمير: واخا ولكن بشرط حتى امشي خوها ليلى: ولكن علاش كدير هدشي سمير :من بعد وتعرفي ودابا نوضي تنعسي ليلى: واخا تصبح على خير سمير: تصبحي على خير وسمحي ليا مقصدتش نضربك الغد ليه فقت فالصباح ولقيت سمير وجد الفطور ليلى: صباح الخير سمير: صباح النور كيصبحتي رتاحيتي شوية ليلى: اه شكرا سمير: عرفتي شكون عيط ليا ليلى: شكون سمير: خوك كمال ليلى : بصح توحشتو بزاف سمير: اوا نوضي وجدي ليه الغدا راه غيجي اتغدا معانا هو ومراتو اولادو ليلى: بصح ناري دابا الغدا اكون واجد سمير: غير بشوية عليك متنسايش بلي نتي حاملة ليلى:متخافش سمير: خاصك شي حاجة ليلى: لا شكرا كلشي كاين سمير: يلاه انا نمشي للخدمة راه تعطلت ليلى: واخا الله اوفقك سمير:امين مشا للخدمة وانا طيبت الغدا درت الدجاج محمر وشلاضة وديسير ومني ساليت وهو ادخل سميرمع كمال سمير: ليلى فينك ليلى: هانا هنا كمال: واش مفرحاناش ليلى: الله ياودي اخويا توحشتك بزاف اش هاد الغبور كمال: وينو على الكتكوت غتولي ماما عرفتي الواليدة بغات غير تطير عندك هي اللي وصاتني نجي نطل عليك وكلت ليها اصلا مني محضرتش للعرس غنمشي فاول فرصة نشوفها سمير: مرحبا بيك فاي وقت الدار دارك كمال: باراك الله افيك اخويا ليلى: اشخبارك اكريمة كريمة:بخير الحمد لله ونتي كدرتي مع الحمالة ليلى: هانا كنعكز محد كرشي كتكبر وانا كنتمحن كريمة: ضروري هكاك الى كاع قربتي غتمحني كتر الله افكك بخير ليلى: امين انا نمشي نحط ليكم الغدا

الجزء التاسع: ليلى: امين انا نمشي نحط ليكم الغدا كريمة : انا نجي نعاونك جات كريمة وعوناتني وتغدينا ومن بعد خرجنا ودرنا وبالليل مني بغينا ننعسو نسيت بلي الحوايج ديالي بقاو فبيتي يعني غيحسو بشي حاجة وانا نعيط لسمير سمير: اشنو ليلى: نسيتي بلي الحوايج ديالنا كل واحد فبيت سمير” اه نسيت ليلى: اشنو المعمول سمير: الى سولوك كولي ليهم سمير كيدير واحد البارفان مكتعجبنيش داكشي علاش حول حوايجو للبيت لاخر ليلى : شكرا كون مكنتيش منعرفش اشنو نكول كمال : انا عييت كاين شي بيت فين ننعس سمير:معلوم اسي كمال الدار كلها ديالك كمال:باراك الله افيك انسيبي مشا سمير ووراه بيتو باش انعسو فيه كمال: يلاه تصبحو على خير ليلى: تصبحو على خير مشاو انعسو وحتى حنا ودخلنا لبيتي سمير: سمحي ليا واخا غنبرزطك اليوم فبيتك ليلى: متكولش هكاك انا اللي سمحليا حطيتك فهاد الموقف سمير: مشي مشكيل انا ننعس فالارض ليلى: لا مكاين لاش زعما تقدر تنعس فوق الناموسية راه كبيرة……. سمير: واخا الى مكنتش غنبرزطك ليلى:لا نتا غتنعس فبلاصتك وانا فبلاصتي البياص راه كبير جا ونعس حدايا وتمنيت ديك الليلة متكملش خليتو حتى تاكدت بلي نعس ونا نشد ايدو ليلى: ناري وتعرف شحال كنبغيك وكنتمنى تكون ديالي ولكن رجا فالله سمير: وعلاه انا مشي ديالك دابا لياى: سمير علاه منعستيش سمير: واشبغيتي ننعس حداك وننعس ليلى: هي سمعتيني سمير: مالك مكلتي ليا والو ومن امتا ليلى: من نهار جيتي وخليتيني فالمغرب سمير: هي تحملتي كاع داكشي على قبلي ونتي مخبيا فقلبك ليلى: صافي نسا يلاه خلينا ننعسو سمير : لا مغنعسوش بغيت كاع اللي فقلوبنا نكولوه ليلى: عافاك صافي نعس سمير:ممنوع غنهدرو ليلى: دابا صافي اللي فقلبي عرفتيه اشنو بغيتي تعرف سمير: ومبغيتيش تعرفي اشنو اللي فقلبي ليلى: انا عارفاه لورا ومن غيروها سمير: جواب خطأ متسوريش شحال انا فرحان ليلى:كتشفا فيا سمير:حاشا ولكن لورا مبقاتش كتهمني وكانت غير نزوة ومشات انا كنبغي وحدا اخرى بغيت نسولك ليلى:اشنو سمير: داك النهار سلمتيني راسك بخاطرك ليلى: لا ودابا تصبح على خير سمير: انا كنبغيك ليلى:عافاك باراكا من الشفقة سمير:اقسم بالله الا كنبغيك وبزاف واش مسولتيش راسك علاش درت ليك ديك الحالة داك النهار

الجزء العاشر و الاخير: ليلى :ناري يالبنات سمعتو كيبغيني ياك وليني بلاتي نفقصو شوية ههههه ) راك تيق في راسك واش يحساب ليك انا مونيكة بلا شعور اولا احساس نشوفك كتجاهلني او كتخوني وانا صابرة كيفاش نتيق بيك من بعد . سمير : عانقني وبدا يبكي سامحيني عافاك راك كتعدبيني بهدرتك انا مكنسواش كاع هد لمدة ومقدرتش نعرف هد شي او كنت مضيع وقتي و فلوسي مع ديك خيتي عافاك ا ليلى انا كنبغيك او كنغير عليك بزاف عترافي بحبك ليا و خلينا ننساو هد شي بقت ساكتة او ما دويتوش مي لداخل دياالي غادي نطييييييييير بالفرحة سمير : عافاك دوي معايا خايف تكرهيني بهد التصرفات الصبيانية اللي درت معاااك ليلى: حتى انا قربت ليه و حسيتو بالا مسامحاه حيت بصراحة واخا ديك صفريطة كانت كضحك عليه بها عرفت قداش كنبغيه وانا نقول ليه : لا كيفاش نقدر نكرهك انا حبيتك من اول نظرة او كنت كندير لمستحيل باش نبان ليك زوينة او احمد لله نتا ليا دابا سمير الله الحمد والشكر ليك يا رب الف حمد وشكر ليك نت بنت ناس او جامي نتخلى عليك هديك اول ليلة من حياة الفرح اللي بدات و توالات ايام الفرح والسعادة مني ولجت بنتي زينب او ولدي محمد او دزادت لفرحة مني رجعت مع وليداتي واستقرينا في المغرب ودرنا محل كبير ديال الحفلات والاعراس او مشي لينا مزيان وليوما درنا حفلة كبيرة لبنتي زينب نجحات في الباك وليني واش غادي تكمل اولا تعيش نفس تجريبتي … بغيت نزوجها اونشوف حفادي خلاص زينب ماما بابا نححت بمونسيو جبت لباك بمستحسن سمير مبروك ابنتي مبروك زينب ايوا دابا خصني نقرر اشنو نكمل سمير تكملي ؟ فين شوفي ماكين لا قرايا لاسيدي زكري راك مخطوبة لولد خالك كمال … ههههه التاريخ يعيد نفسه بصراحة مدخلتش حيت بصراحة زواح سترة واخا انا تعدبت معنويا وليني ربي عوضني خير او من هد تحربة صغيرة نكول ليكم بالي الراجل بحال سلوم درجة بدرجة طلع ليه ولتولي لفوق لفوق مي في رمشة عين الا مكانش توازن سلوم راه يطيح او توازن كل علاقة هو الصبر العطاء دون مقابل و اهم شي التقة

Leave a comment